Text
ff. 1a–352a · 703 folio sides
- 1a
*/ (/mtshan brjod 'grel ba 'jam dpal shen gyis mdzad pa/ mtshan brjod 'grel ba mtshan gsang sngags kyis don rnam par lta ba rgya gar gyi mkhan po sgeg pa'i rdo rje nyi ma can gyi rin po che gling na bzhugs pa dpal ldan byang chub mchog gi skal ldan mtshan dpal sna tshogs gzugs can gyis mdzad pa/ mtshan brjod 'grel pa 'jam dpal grags bas mdzad pa bzhugs so//)
- 1b
rgya gar skad du/ nA ma saM gI ti brit+ti/ bod skad du/ mtshan yang dag par brjod pa'i 'grel pa/ bcom ldan 'das ngag gi dbang phyug la phyag 'tshal lo/ /yod med rtog pa'i dra ba las/ /des grol dri ma med zhi ba/ /phyag na ral gri po tis mtshan/ /'jam pa'i mgon la bdag phyag 'tshal/ /de nas zhes bya ba la sogs pa la/ de nas zhes bya ba'i sgra ni gang gi phyir bkra shis pa la sogs don mang po la 'jug mod kyi/ 'on kyang de ma thag pa'i tshig tu blta'o/ /bsod nams
- 2a
dang ye shes kyi mtshan nyid can gyi dpal gang la yod pa de ni dpal ldan no/ /rdo rje 'chang zhes bya ba ni mtshan no/ / dka' bas 'dul ba'i phyir gdul dka' ba ste/ dbang phyug chen po la sogs pa'o/ /de rnams 'dul bar mdzad pas na gdul dka' 'dul ba'o/ /de lta mod kyi gdul dka' ba ni sred med kyi bu la sogs pa gzhan dag kyang yod do zhe na/ de'i phyir mchog ces bya ba gsungs te/ gang gi phyir sred med kyi bu la sogs pa rnams kyang gdul dka' 'dul ba yin te/ de lta mod kyi de rnams kyi
- 2b
'dul ba ni lha ma yin mkhar ba la sogs pa sems can ma rungs ba rnams 'joms pas na gsod par byed par 'dod pa yin la/ bcom ldan 'das phyag na rdo rjes gdug pa rnams 'dul ba ni dul bar mdzad par bzhed pas na de'i phyir 'di ni mchog ste dam pa'o/ /'jigs pa thams cad bral bas na dpa' ba' o// rnam pa thams cad dang bral bas na dpa' bo'o/ /rnam pa thams cad du 'jig rten gsum las rnam par rgyal bar gyur pas na 'jig rten gsum las rgyal lo/ /rdo rje rigs kyi bdag por gyur pas na rdo rje dbang phyug ste/ mi bskyod pa'i rigs kyi gtso bo zhes bya ba'i don to/ /gsad ba'i rgyal po yin pas na gsang ba'i rgyal po ste/ de yang de rnams kyi gsang sngags kyis bkug nas bka' nyan pa nyid du 'jog pa'i phyir ro/ /pad+ma rgyas pa dang 'dra ba'i yid 'phrog pa'i spyan
- 3a
gang la yod pa de ni pad+ma rgyas pa'i spyan mnga' ba'o/ /pad+ma yang yin la rgyas pa yang de nyid yin pas na pad+ma rgyas pa ste/ de dang 'dra ba'i zhal gang la yod pa de ni pad+ma rgyas 'dra'i zhal mnga' ba'o/ /sems can 'dul ba rnams la gzigs nas khro ba dang bces bar gyur pas na rang gi lag ste/ de nyid kyi phyag gis rdo rje mchog yang dang yang du gsor zhing bskor bar mdzad pas na rang gi lag gis zhes bya ba la sogs pa gsungs so/ /de ltar rdo rje 'chang gi khyad par gsungs nas/ khro gnyer rim par zhes bya ba la sogs pas ni de'i 'khor gsungs pa yin te/ khro gnyer rim par ldan zhes bya ba de'i rigs su gtogs pa'i lag na rdo rje la la zhig dang/ de la sogs pa bgrang ba las 'das pas mdza' yas pa de rnams dang lhan cig tu phyag byas zhes bya ba dang sbyar ro/ /
- 3b
ji lta bu zhig ce na/ dpa' bo zhes bya ba la sogs pa gsungs te/ rdo rje 'chang ba dang 'dra bar 'jigs pa kun dang bral bas na dpal rdo rje 'dul dka' 'dul ba'o/ /'jigs su rung dang dpa' byad can zhes bya ba'i nyams dang ldan pas 'jigs su rung dang dpa' byad can te/ de rnams rdo rje rtse mo rab 'phro ba/ /rang gi lag gis gsor byed pa'o/ /sems can rnams la dmigs pa'i snying rje chen po dang/ shes rab dang thabs kyi bya bas sangs rgyas kyi 'phro ba byas te/ 'gro ba'i don mdzad pas na 'gro don byed pa'o/ /de nyid kyis 'bras bu 'byung bas na mchog go /dga' mgu rangs ba'i bsam bcan zhes bya ba 'dir yang 'gro ba'i don byed pa zhes bya bar sbyar te/ bsam pa zhes bya ba'i sgra ni sems la byal/ de bas na dga' ba dang mgu ba dang rangs pa'i sems kyis 'gro ba'i don byed pa'o/ /de la gdul dka' ba'i sems can rnams kyi mos pa mthong bas na sems dga' ba'o/ /ji skad du bstan pa'i chos rnams bstan pa na lhan cig gis 'dzin pas na sems mgu ba'o/ /de'i don rtogs pas na rangs pa'o/ /gang gi phyir phyir ro 'dra'i 'gro ba'i don byed pa rnams ni sems kyi bsam pa'i dbye ba lus sems cha 'dra ba de lta bu dang 'dra ba'i sems skye bar 'gyur gyi bcom ldan 'das de'i thugs gcig pa de lta ma yin te/ sems can gdug pa rnams gzigs nas khro bo'i gzugs
- 4a
kyis lus dang ldan par mdzad kyi rang bzhin khro bas ni ma yin gyi/ thugs rje chen po dang ldan pa'i ngo bo nyid yin pa'i phyir ro/ /'tshang rgya ba'i phyir byed pa ni sangs rgyas kyi 'phrin las te/ pha rol tu phyin pa la sogs pa yongs su rdzogs pa'o/ /de byed pas na sangs rgyas 'phrin las byed pa'o/ /sangs rgyas 'phrin las byed pas ye shes kyi dbang phyug dang ldan pas na mgon po'o/ /lus btud pa ni lus btud pa dang ldan pa ste/ de rnams dang lhan cig tu bcom ldan 'das la phyag byas ces bya bar sbyar ro/ /bcom ldan 'das ji lta bu zhig ce na/ de bzhin gshegs pa zhes bya ba la sogs pa gsungs te/ ji tsam du rtogs par bya ba khong du chud pas de bzhin gshegs pa'o/ /dngos po thams cad la kun nas mngon par rdzogs pa'i sangs rgyas te/ de la rab tu 'dud pas phyag 'tshal nas thal mo legs par sbyar bar byas nas ni/ spyan sngar mdun du 'dug ste 'di skad ces gsol cing smra bar gyur to/ /khyab bdag ces bya ba ni bod pa'o/ /bdag la sman pa zhes bya ba la bdag la phan pas na bdag la sman pa ste/ 'tshang rgya ba de nyid thob pa'i don du bdag la phan pa'i phyir mtshan yang dag par rjod pa bshad du gsol zhes 'og nas bshad pa'i tshig thams cad la sbyar bar
- 4b
bya'o/ /bdag gi don ni bdag nyid kyi don te/ 'gro ba'i don bya ba de'i don tu'o/ /bdag la thugs brtse ba ni bdag la rjes su brtse ba ste de'i phyir ro/ /sgyu 'phrul dra bas mngon rdzogs pa'i/ /byang chub ci nas bdag thob mdzod ces bya ba 'dis ni nyan thos kyi byang chub la sogs pa las dga' bar ston te/ sgyu 'phrul dra ba'i rgyud chen po'i sngags dang phyag rgya'i rim pas gang mngon par byang chub pa de ci nas bdag gis thob par mdzad pa dang/ de bzhin du sems can rnams la phan pa'i phyir mtshan yang dag par brjod pa bshad du gsol zhes pa'o/ /ji lta bu'i sems can rnams kyi phyir zhe na/ nyon mongs pas ni sems dkrugs shing/ /mi shes 'dam du byid pa yi zhes bya ba gsungs te/ nyon mongs pa ni 'dod chags la sogs pa ste/ de rnams kyis sems dkrugs pa dang mi shes pa'i ma rig pa'o/ /de nyid 'dam ste der byid pa'o/ /de lta bu'i sems can rnams la sman pa'i nyon mongs pa dang mi shes pa las bzlog pa'i phyir te/ nyon mongs pa dang mi shes pa log par gyur na bla na med pa'i 'bras bu thob par 'gyur ro/ /de bas na de thob par bya ba'i phyir te/ bla na med pa'i 'bras bu sangs rgyas pa nyid thob pa'i phyir ro/ /rdzogs pa'i sangs rgyas ni snga ma bzhin no/ /skal pa phun sum tshogs pa dang ldan pas na bcom ldan 'das so/ 'gro ba rnams la dam tshig ston pas na 'gro ba'i bla ma'o/ /sems can rnams la theg pa gsum rjes su ston pas na ston pa po'o/ /dam tshig chen po zhes bya ba'i sgra ni sa ma ya zhes bya ba'i sgra ni dus la zer te/ de'i phyir bcom ldan 'das ni dus mkhyen pa'o// de yang 'di'i tshe ni sems can blo yongs su smon pa rnams la chos ston par mdzad do/ /'di'i tshe na mi mdzad do zhes bya ba mkhyen te/ de yang la lar bzhugs kyang mi gsung ngo zhes gsungs pa'i phyir ro/ /dbang po zhes bya ba la dbang po'i sgras ni mig la sogs
- 5a
pa gzung ste/ de yang sems can gyi tha ma dad 'brid dang mchog mkhyen pas na dbang po mkhyen pa ste/ de yang nyan thos kyi theg pa 'di dbang po tha ma'i dbang du mdzad pa'o/ /theg pa chen po ni dbang po 'bring gi dbang du mdzad pa'o/ /gsang sngags kyi tshul ni dbang po rab kyi dbang du mdzad pa'o/ /de yang dbang po rnon po'i dbang du gyur pas gsang sngags kyi bstan bcos khyad par 'phags zhes gsungs zhes bya'o/ /de bzhin du bsam pa'i sgra ni sems la bya bar shes par bya ste/ des kyang dbang du bzhin du mdzad pa'o/ /gsang sngags kyi tshul ni dbang po rab kyi dbang du mdzad pa ste/ des kyang dbang po bzhin du sems can rnams kyi sems mkhyen pas na mkhyen pa'o/ /de nyid kyis na mchog ste gzhan gyi bsam pa rdzogs pa'o zhes bya ba'i don to/ /bcom ldan 'das kyi zhes bya ba ni bod pa'o/ /ye shes kyi rang bzhin gyi sku yin pas na ye shes kyi sku'o/ /de'i gtsug tor yang yin la chen po yang yin pas na gtsug tor chen po ste de'i ngo bo nyid kyi sangs rgyas kyi spyi gtsug tu bzhugs pa'i phyir ro/ /tshig gi bdag ces bya ba ni tshig gi bdag por gyur pa'o/ /gzugs kyi sku med pas na ye shes kyi sku'o/ /bstan mi dgos par bdag nyid kyi dngos po thams cad yongs su mkhyen pas na rang byung ba'o/ /'jam pa'i dbyangs dang ldan pas na 'jam dpal lo/ /ye shes sems dpa' zhes bya ba 'di ni ye shes kyi rang bzhin can gyi sems dpa' yin pas na ye shes sems dpa' ste/ de'i sems dpa' i sgra ni sems yin par shes par bya ste/ des na ye shes sems dpa' ste/ de yang kye ma'o shin tu rab tu dad pa'i/ sems dpa' 'di ni yongs dag pa zhes bshad pa'o/ /ye shes kyi sku dang ye shes sems dpa' i gnyis kyi bye brag ni lus dang sems kyi rnam pa'i khyad par ro/ /ye shes
- 5b
sems dpa' de'i mtshan yang dag par brjod pa yang ji lta bu zhe na/ ming no zhes bya ba la sogs pa gsungs te/ don zab ces bya ba la sogs pa la nyan thos la sogs pa'i spyod yul ma yin pas mngon zab pa'o/ /chos rnams kyi dngos po med pa ston pas na don ni rgya che ba'o/ /gsang sngags kyi tshul gyi don dang ldan pas na don che ba'o/ /phyi rol gyi dpe dang bral bas na mtshungs pa med pa'o/ /sems can rnams kyis nges par legs pa'i lam thob par mdzad pas na rab tu zhi ba'o/ /thos pa dang/ bsam pa dang/ sgom pa'i gnas skabs na thog ma dang bar ma dang tha mar dge zhing thob par byed pas na thog ma bar dang mdza' mar dge ba'o/ /gzhan yang gang 'das pa'i sangs rgyas bcom ldan 'das rnams kyis gsungs pa dang/ ma 'ongs pa'i rnams kyang gsung par 'gyur pa dang/ da ltar byung ba'i rdzogs pa'i sangs rgyas rnams kyis kyang gdul bya'i sems can rnams tshogs pa dang ma tshogs pa la bltos nas yang dang yang du gsungs te/ rje btsun 'jam dpal gyi mtshan yang dag par brjod pa ni thog ma med pa'i sems dpa' ste/ de dang 'brel ba'i mtshan yang dag par brjod pa 'di yang thog ma med pa'i gzhung lugs nyid do/ /de lta mod kyi bcom ldan 'das phyag na rdo rjes gdul bya rnams rjes gzung ba dang/ bdag nyid yang dang yang dran par bya ba'i phyir bcom ldan 'das shAkya thub pa la zhus nas yang bshad pa yin gyi/ gzhan du ni 'das pa'i sangs rgyas rnams kyis gsungs zhes bya ba ji ltar rung ste/ ma byung ba dag gsung pa ni mi rigs so/ /de ba na rgyud chen zhes bya ba la sogs pa gsungs te/ rgyud chen po sgyu 'phrul dra ba 'di las rdo rje 'chang chen po gsang sngags kyi lus 'dzin pa dpag tu med cing grang ba las 'das pa rnams kyang sems shin tu dga' bzhin pas glur blangs shing bstod pa gang lags pa de bshad
- 6a
cing bstan par gsol te/ /bdag yang dag par rdzogs pa'i sangs rgyas kun gyi gsang ba mtshan yang dag par brjod pa de gzung bas sangs rgyas thams cad kyi gsang ba 'dzin par ci nas kyang bdag 'gyur ba'i phyir bshad par gsol te/ sangs rgyas thams cad kyi gsang ba 'dzin par gyur nas bdag gis kyang nges par 'byung ba ste/ mya ngan las 'das pa'i bar du mtshan yang dag par brjod pa 'di'i bdag nyid bsam pa brtan po brjed pa med pa'i sems su gyur pas gzung bar bgyi/ de bzhin du sems can thams cad la yang dag par bstan par bgyi ste/ ci'i phyir zhe na/ nyon mongs zhes bya ba la sogs pa gsungs te/ bag chags dang bcas pa'i nyon mongs ma lus par bsal zhing spang pa'i phyir dang/ de bzhin du mi shes pa ste/ ma rig pa spang zhing dor ba'i phyir sems can rnams kyi bsam pa tha ma dang 'bring dang mchog gi khyad par ji lta ba bzhin du shes par bgyis nas mtshan yang dag par brjod par bshad par 'tshal zhing bstan par 'tshal zhes pa'o/ /gsang dbang zhes bya ba la sogs pa la de ltar gsang ba'i bdag po phyag na rdo rjes de bzhin gshegs pa la gsol ba byas nas thal mo sbyar ba byas te/ lus btung cing phab nas spyan sngar mdun du 'dug pa'o/ /de nas zhes bya ba ni de ma thag pa ste/ bcom ldan 'das shAkya thub pas gsang ba'i bdag po la slar gsungs pa zhes bya bar sbyar ro/ /de yang dbang phyug la sogs pa dang ldan pas na bcom ldan 'das so/ /shAkya'i rigs su 'khrungs par ston pas na shAkya'o/ /sku gsung thugs thub pas na thub pa'o/ / byin ci ma log pa'i don thugs su chud pas na rdzogs pa'i sangs rgyas so/ /lha dang mi'i mchog tu gyur pas na rkang gnyis mchog go /ci zhig mdzad nas slar gsungs she na/ nyid kyi zhal nas zhes bya ba la sogs pa gsungs te/ nyid kyi zhal nas
- 6b
nyid kyi ljags bsod nams kyi tshogs las byung bas na bzang ba dang/ chur ring zhing rgyas par yangs pa brkyang zhing phyud nas 'dzum pa ston par mdzad pa'o/ /ji lta bu'i 'dzum pa zhe na/ 'jig rten zhes bya ba la sogs pa gsungs te/ sa 'og sa stengs bla ni 'jig rten gsum te/ de 'dzum pa las byung ba'i 'od kyis snang bar byed cing gsal bar byed pa'o/ /de bzhin du bdud bzhi'i dgra rnams 'dul bar byed pa zhes bya ba ste/ bdud bzhi ni lha'i bu'i bdud la sogs pa'o/ /de nyid dgra ste/ 'phags pa'i lam gyi dbang po'i srog mdza' byed pa'i phyir ro/ /de rnams 'dul bar byed pa ni rang gi yul yas spos te byang chub kyi lam la sbyor ba'o/ /gzhan yang 'dzum po de ji lta bu zhe na/ sems can zhes bya ba la sogs pa gsungs te/ dmyal ba dang yi dwags dang dud 'gror skyes par gyur pa'i ngan song gsum sbyong bar byed pa'o/ /'di skad ston par 'gyur ste/ sems can dmyal ba la sogs pa 'dzum pa'i 'od kyis reg pas dmyal ba la sogs pa'i 'gro ba spangs nas lha la sogs par skyes so/ /ci'i phyir ljags ring zhing yang po ston par mdzad ce na/ bcom ldan 'das kyis mi'i skye ba bzhes par ston pa gang yin pa nga la ma yin no zhes 'jig rten pa dag som nyir gyur pa de bzlog pa'i phyir rdzu 'phrul dang cho 'phrul ston pa yin no/ /ji ltar gsung gis gsang ba'i bdag po la slar gsungs she na/ tshangs pa'i zhes bya ba la sogs pa gsungs te/ tshangs pa'i gsung ni tshangs pa'i sgra sgrogs pa la 'jug pas na 'jig rten gsum po 'gengs te/ ring po na gnas pa la'ang gam na gnas pa ji lta ba bzhin no/ /de lta bu'i gsung shin tu snyan pas gsang ba'i bdag po la slar gsungs pa'o/ /lag na rdo rje yang ji lta bu zhe na/ lag na rdo rje stobs po che zhes bya ba la sogs pa gsungs te/ stobs po che zhes bya ba ni khams gsum las rnam par rgyal bas so/ /gang gi don du zhe na/ 'grol zhes bya ba la sogs pa gsungs
- 7a
te/ sems can rnams la rjes su brtse ba dang ldan pa'i snying rje chen po dang ldan pas 'gro ba la phan pa'i phyir ro/ /gang gi mtshan yang dag par brjod pa yin zhe na/ ye shes lus can 'jam dpal gyis zhes gsungs pa dang sbyar ro/ /ji lta bu'i mtshan yang dag par brjod par bya zhe na/ ming brjod pas ni don che ba zhes bya ba la sogs pa sangs rgyas nyid thob pa'i rgyur gyur pas na don che ba'o/ /bklag pa tsam gyis rgyud gtsang bar byed pas na dag par byed pa'o/ /sdig pa rnams 'jig par byed pas na sdig pa sel ba ste/ de lta bu'i don che bas mtshan yang dag par brjod pa snying rje chen po dang ldan par gyur bsang las nyan par brtson zhing thos par bya bar des par gnas pa ni legs so zhes so/ /dpal ldan rdo rje 'chang zhes pa ni bod pa'o/ /lag na rdo rje khyod legs so zhes bya ba ni 'dri ba la mkhas pa'i che ba'i bdag nyid bstan pa'i phyir legs so zhes bya ba byin pa'o/ /gsang ba'i bdag po zhes bya ba ni bod pa'o/ /de ltar bdag gis khyed la legs so zhes bya ba byin nas mtshan yang dag par brjod pa bstan par bya ba yis khyod kyis gzhan du ma yengs shing rtse gcig pa'i yid kyis nyon cig ces pa'o/ /de ni legs zhes gsol zhes bya ba ni bcom ldan 'das kyis rtse gcig pa'i yid kyis nyon cig ces bka' stsal pa de ni legs so legs par 'di mnyan par bgyi'o/ /zhes pa'i bar du'o de nas zhes bya ba la sogs pa la/ de nas zhes bya ba ni de ma thag pa'o/ /shAkya'i rigs pas byung bas na shAkya'o/ /sku gsung thugs thub pas na thub pa'o/ /gsang sngags rigs chen ni sgyu 'phrul chen po la sogs pa'i rgyud kyi rigs te / bya ba dang/ spyod pa dang/ rtog pa thams cad bskyed pa'i gnas su gyur pa'i phyir/ /thams cad ni ma lus pa'o/ /gsang sngags rig sngags 'chad pa'i rigs zhes bya ba ni rigs de la gcig tu gzhol ba'i rigs so/ /rigs gsum ni de bzhin
- 7b
gshegs pa dang/ rdo rje dang/ pad+ma'i rigs so/ /'jig rten pa'i rigs ni tha mal pa'i dge bsnyen la sogs pa'i sems can gyi rigs so/ /'jig rten las 'das pa'i rigs ni nyan thos dang rang sangs rgyas dang byang chub sems dpa' i rigs so/ /de nyid kyis ni 'jig rten rnams kyi ye shes kyi sna dang byed pa'i phyir ro/ /de dang mchog tu gyur pas na chen po'o/ /phyag rgya chen po'i rigs ni lha ma'i rigs te/ de nyid kyis na gtso bor gyur pas na mchog go /rigs chen gtsug tor gyi rigs ni gtsug tor yi ge gcig pa la sogs pa'i rigs te/ rigs de dag skal ba dang ldan pa dang/ skal pa med pa dang snod du gyur pa dang/ snod du ma gyur pa ste/ de dag gi ngo bo nyid brtags pas gzigs nas tshig gi bdag po dang 'brel ba'i tshigs su bcad pa 'di dag gsungs so zhes sbyar ro/ /gsang sngags rgyal po drug ldan zhing zhes bya ba ni oM badzra tISh+Thu zhes bya ba la sogs pa'i gsang sngags kyi rgyal po drug po de dang ldan pa'o/ /gnyis su med par 'byung ba dang/ zhes bya ba ni gzung ba dang/ 'dzin pa gnyis su med par ston pa'o/ /mi skye ba'i chos can zhes bya ba ni gang mi skye ba'i chos ston pa de ni 'dir mi skye ba'i chos can te nges gsungs pa'o/ /gang zhe na/ a A zhes bya ba la sogs pa gsungs te/ da ni dus gsum du bzhugs pa'i sangs rgyas bcom ldan 'das de dag nyid kyi ye shes kyi sku ste/ chos kyi dbyings kyi ngo bo nyid kyi thugs la gnas pas na bdag nyid sangs rgyas yin no zhes pa'o/ /oM badzra tIk+Sh+Na zhes bya ba la sogs pa ni ming gi gtso bo rnams kyis bstod nas mtshan bshad par bya'o/ /zhes gsungs pa'o/ /'di ltar zhes bya ba ni gnas skabs bstan pa'o/ /blo mchog tu gyur pas na sangs rgyas so/ /bdud bzhi bcom pas na sangs rgyas bcom ldan 'das so/ /chos thams cad mngon par rdzogs par sangs rgyas pas na rdzogs pa'i sangs rgyas so/ /a ba sogs pa'i yi ge
- 8a
rnams 'byung bas na a las byung ba'o/ /yi ge dpag tu med pa yod kyang ci'i phyir a nyid las byung zhe na/ a ni zhes bya ba la sogs pa gsungs te/ a ni yig 'bru kun gyi mchog tu gyur pas de nyid las byung ba'o/ / don chen po sangs rgyas la sogs pa'i yin pas don chen/ /mchog tu gyur pas na yi gi dam pa'o/ /nam mkha' dang rlung las 'byung bas na khong nas 'byung pa'o/ /a ni chos thams cad bzod ma nas skyed med pa'i sko yin pas na skye ba med pa'o// skye ba med pa'i ngo bo nyid kyis na tshig tu brjod pa spangs pa'o/ /brjod pa thams cad kyi rgyur gyur cing sgra'i rgyu'i gtso bo yin pas na brjod pa kun gyi rgyu'i mchog go /tshig thams cad kyi rab tu 'jug pa'i rgyur gyur bas tshig kun no/ /sngags kyi bdag nyid kyi 'od shin tu bzang pa dang ldan pas na rab tu gsal bar byed pa'o/ /mchod pa chen po zhes bya ba la sogs pa la/ mchod pa chen po dang ldan pa gang yin pa de ni mchod pa chen po ste/ mchod pa chen po zhes pa'i sgra thams cad la yang don 'di bzhin du shes par bya'o/ /thugs rje chen po dang ldan pas sems can rnams la dam pa'i chos nyan pa la sogs pa'i dga' ba bskyed pa'i rgyur gyur pas 'dod chags chen po'o/ /nyon mongs pa can gyi dgra chen po thams cad la sdang ba'i dgrar gyur pas na zhe sdang chen po'o/ / mi shes pa'i mun nag gis khebs pa'i blo gang yin pa de ni gti mug blo ste/ sems can gyi rgyud la gnas pa'i gti mug rtsad nas 'byin pa'i rgyur gyur pas na gti mug chen po ste/ /ji ltar rims sel ba'i sngags la rims kyi sngags zhes bya ba bzhin no/ / bdud la sogs pa khro bo chen po skyes pa rnams la bzod pa'i mtshon chas de rnam par 'jig par rgyur gyur pas na khro bo chen po'o/ /de nyid kyis na khro ba'i dgrar gyur pas khro ba chen po'i dgra chen po'o/ /bdag dang bdag gir mngon par zhen pa las byung ba'i chags
- 8b
pa thams cad sel ba'i rgyur gyur pas na chags pa chen po'o/ /sems can rnams sangs rgyas nyid kyi che ba la rab tu 'jog par bzheng ba'i 'dod pa gang la yod pa de ni 'dod pa chen po'o/ /sems can rnams la thar pa'i bde ba stsol bas na bde ba chen po'o/ / zab mo'i chos ston pa'i sgo nas sems can rnams kyi dga' ba chen po'o/ /cho 'phrul rnams bstan pas gdul bya rnams kyi yid mgu ba bskyed pas na mgu ba chen po'o/ /khong khro ba med pa'i tshul gyis 'gro ba ma lus pa tshim par byed pas na gzugs chen po'o/ /mi'i lus las 'das par gyur pas na lus che ba'o/ /sna tshogs pa'i gzugs dang kha dog ston pas na kha dog chen po'o/ /gzim dangs dang ldan pas na lus bong che'o/ /mchog tu gyur pa'i mtshan mda' bas na ming yang che'o/ /chos dang zang zing dang mi 'jigs pa rab tu stsol bas rgya che ba'o/ /lha dang lha mo rnams kyi 'khor gyis bskor ba'i dkyil 'khor yangs pa mnga' bas na dkyil 'khor chen po yangs pa'o/ /mu stegs can rnams kyi shes rab gcod pa'i don gyis na shes rab mtshon chen 'chang ba'o/ nyon mongs pa'i glang po 'dul bas na nyon mongs lcags kyu che ba'o/ /mchog ni gtso bo ste/ gang gi phyir nyon mongs pa'i glang po che bzlog dka' ba 'dren pas so/ /grags pa khams gsum du sgrogs pas na grags chen no/ /sems can gyi bya ba la spyod pa na bdag gi thams cad gtong pas na snyan grags chen po'o/ /nang gi ye shes kyi snang ba'i ngo bo nyid pas na snang ba che'o/ /phyi rol du 'byung ba'i 'od zer gyis yongs su bskor bas na gsal ba che'o/ /sgyu 'phrul chen po'i ngo bo rten cing 'brel par 'byung ba'i don gzugs brtan bzhin du sems la 'chad pas na sgyu 'phrul chen po 'chang ba'o/ /'di nyid kyi don gyi snod du gyur pas na mkhas pa'o/ /sgyu 'phrul chen po'i don sems can rnams la sgrub cing gsal bar mdzad pas na sgyu 'phrul chen po'i don
- 9a
grub pa'o/ /gang sgyu 'phrul chen po'i don gyi ngo bo nyid du grub pa la dga' ba la dga' ba de rnams kyis 'dzin pa de bzlog pa la dgyes pas na sgyu 'phrul chen po dga' bas dga' o/ /so so'i skye bo gang zhig sgyu 'phrul chen po'i don bshad pa yang dag par rtogs par mi 'gyur ba de rnams la mig 'phrul ltar sprul pa rnams sprul te bstan pas dngos por 'dzin pa las bzlog pas na sgyu 'phrul chen po mig 'phrul can no/ /'khor gsum yongs su dag pa'i sbyin pa la sogs pa mdzad pas na sbyin bdag chen po ste/ de nyid kyis na gtso bo ste mchog go /srog gcod pa la sogs pa spong ba'i mtshan nyid kyi tshul khrims mnga' bas na tshul khrims chen po 'chang ba'o/ /tshul khrims 'dzin pa thams cad kyi mchog yin pas na mchog go /sems can thams cad kyi gnod pa dang khro ba bzod pa dang ldan pas na bzod chen 'chang ba brtan pa po'o/ /bdud kyi zil gyis mi non pas na brtson 'grus chen po brtul ba yin zhes bya ste/ pha rol gnon pa byas pa'o/ /'khor lo drug bsgom pa'i bsam gtan chen po ting 'dzin pas na bsam gtan chen po'i ting 'dzin gnas so/ /shes rab chen po'i lus gnyis su med pa'i ye shes 'dzin pas na shes rab chen po'i lus 'chang ba'o/ /bdud rnams zil gyis gnon pas na stobs po che'o/ / sbyin pa chen pos sems can rnams 'dul bas na thabs che ba'o/ /bdag gis sems can thams cad lhag ma med pa'i mya ngan las 'das pa'i dbyings su mya ngan las bzla bar bya'o zhes bya ba'i sngon gyi smon lam rdzogs par mdzad pas na smon lam mo/ / dngos po thams cad kyi don bsags pa'i ye shes bskyed pa dang/ rnam par mi rtog pa'i ye shes rin po che'i 'byung gnas su gyur pas na ye shes rgya mtsho'o/ /de ltar pha rol tu phyin pa bcu'i ngo bo nyid kyis khyad par du 'phags pa bstan nas/ tshangs pa'i gnas
- 9b
bzhis khyad par du 'phags pa bstan par bya ba'i phyir/ byams chen zhes bya ba la sogs pa gsungs te /zhe sdang gi gnyen por gyur pa ni byams pa chen po'o/ /de'i rang bzhin yin pas na byams pa chen po'i rang bzhin no/ /tshad med pas na dpag tu med pa'o/ /thugs rje chen po'i rgyud dang ldan pas na snying rje chen po'o/ /mchog tu gyur pa'i shes rab mnga' bas na blo'i mchog go /dga' ba'i ngo bo nyid kyi shes rab chen pos sems can thams cad la chos thams cad khong du chud pa'i dga' ba bskyed pas na shes rab chen po'o/ /blo gros chen po dang ldan pas na blo chen ldan no/ /btang snyoms kyi ngo bo nyid ni mkhas pa chen po thabs che ba ces gsungs pa yin te/ sems can chen po'i don mdzad pa rdzogs par mdzad pas na mkhas pa chen po'o/ /nyon mongs pa chen po la btang snyoms kyi mtshan nyid can gyi thabs mnga' bas na thabs che ba'o/ /rdzu 'phrul chen po'i stobs kyi ting 'dzin las bdud rnams kyis g.yo bar mi nus pas na rdzu 'phrul chen po'i stobs chen ldan no/ /ma g.yos kyang thams cad du bdag nyid kyi dngos po ston pas na shugs chen po'o/ /yid kyis 'gro ba'i shugs dang ldan pas na mgyogs pa chen po'o/ /rdzu 'phrul gyi cho 'phrul chen pos thams cad kyi gtso bor gyur pas na cher grags pa'o/ /rdzu 'phrul chen po dang ldan pas gzhan gyi don du 'jig rten gyi khams dpag tu med pa gnon pas na stobs chen pha rol gnon pa po'o/ /skye ba chen po'i srid pa'i ri bo yang dag par 'joms pas na srid pa'i ri bo chen po 'joms pa'o/ /glags skabs tshol ba'i bdud rnams kyis glags mi rnyed pa'i phyir mkhregs pa'o/ /de nyid kyis na dbang po la sogs pa zil gyis gnon pas na rdo rje chen po 'chang ba'o/ /sems can drag po rnams la de'i gzugs kyis 'dul bar mdzad pas na drag po chen po'o/ /sems can ma rungs pa rnams gdul ba'i phyir drag shul can gyi
- 10a
gzugs 'dzin pas na drag shul chen po'o/ /'jigs pa chen po ni seng ge la sogs pa ste/ de rnams 'jigs par mdzad pas na 'jigs chen 'jigs par byed pa'o/ /ye shes kyi dbang phyug dang ldan pas na mgon po'o/ /rma bya chen mo la sogs pa'i rig sngags kyi mchog tu gyur pas na rigs mchog chen po'o/ /dam pa'i chos nye bar ston pas na bla ma'o/ /gsang sngags chen po ni yig 'bru la sogs pa'o/ /de rnams kyi dam par gyur pas na gsang sngags chen po'i mchog ste/ yi ge a'i bdag nyid yin pa'i phyir ro/ /theg pa chen po'i tshul ni pha rol tu phyin pa'i lugs te/ de la gnas pas na theg pa chen po'i tshul la gnas pa'o/ /ci'i phyir de la gnas zhe na/ ji ltar nyan thos dang rang sangs rgyas kyi theg pa las chen po'i tshul mchog tu gyur pas na de la gnas pa'i phyir theg pa chen po'i tshul gyi mchog go /chos thams cad thugs su chud pas na sangs rgyas so/ /'khor gyi dbus na shas cher mdzes pas na rnam par snang mdzad de snang bas na zhes pa'i bar du'o/ /sku gsung thugs thub pas na thub pa chen po'o/ /lha dang drang srong gi mchog tu gyur pas na thub chen ldan no/ /stong pa nyid sngon du 'gro bas sa bon dang phyag mtshan gyi rim gyis lha'i skur bskyed pas na gsang sngags tshul chen las byung pa'o/ /de'i bdag nyid kyis de'i tshul gyi bdag nyid can yin pas na gsang sngags tshul chen bdag nyid can no/ /pha rol tu phyin pa bcu ni 'di lta ste/ sbyin pa dang tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes kyi ngo bo nyid de/ pha rol tu phyin pa de rnams brnyes pas na pha rol tu phyin pa bcu thob pa ste/ de la gnas pa'i byang chub sems dpa' gzhan rnams
- 10b
kyi pha rol tu phyin pa rnams rdzogs par mdzad pas na pha rol tu phyin pa bcu la gnas pa'o/ /pha rol tu phyin pa bcu bstan pas sems can rnams kyi sems dga' ba bskyed pas pha rol phyin bcu dag pa ste'o/ /pha rol phyin pa bcu'i tshul ni tshul chen po ste/ de la gnas pa'i sems can rnams tshul de la rab tu 'jog pas na pha rol phyin pa bcu'i tshul lo/ /yon tan gyi dbang phyug dang ldan pas na mgon po'o/ /sa bcu ni 'di lta ste/ rab tu dga' ba dang/ dri ma med pa dang/ 'od byed pa dang/ 'od 'bro ba dang/ shin tu sbyang dka' ba dang/ mngon du gyur pa dang/ ring du song ba dang/ mi g.yo ba dang/ legs pa'i blo gros dang/ chos kyi sbyin te/ sa de rnams kyi gtso bor gyur pa dang ldan pas na sa bcu'i dbang phyug go /sa bcu rnams la sems 'jog par mdzad pas na sa bcu la ni gnas pa po'o/ /shes pa bcu ni 'di lta ste/ sdug bsngal shes pa dang/ kun 'byung shes pa dang/ 'gog pa shes pa dang/ lam shes pa dang/ zad pa shes pa dang/ mi skye ba shes pa dang/ chos shes pa dang/ rjes su rtogs pa'i shes pa dang/ kun rdzob shes pa dang/ 'dris pa shes pa dang/ sgra ji bzhin pa shes pa'o/ /shes pa bcu po de rnams kyi rnam par dag pa'i bdag nyid kyi ngo bo gang yin pa de ni shes bcu rnam dag bdag nyid can no/ /shes pa bcu rnam par dag pa'i sems dri ma med pa'i tshul gyis rtag tu 'dzin pas na shes bcu rnam dag 'chang pa po'o/ /rnam pa bcu ni bden pa bcu ste/ 'di lta ste/ kun rdzob kyi bden pa dang/ don dam pa'i bden pa dang/ mtshan nyid kyi bden pa dang/ rnam par phye ba'i bden pa dang/ nges par phye ste rtogs pa'i bden pa dang/ dngos po'i bden pa dang/ rab tu byung ba'i bden pa dang/ zad pa dang mi skye ba shes pa'i bden pa dang/ lam la 'jug pa'i shes pa'i bden pa dang/ de bzhin gshegs pa'i ye shes yang dag par 'byung ba'i
- 11a
bden pa'o/ /de la tshad ma dang 'brel bas yul dang dus yongs su bcad cing gzhan gyi rkyen gyi dbang las skyes pa ni kun rdzob kyi bden pa'o/ /stong pa nyid zab mo dang so sor ldan pa'i don dam pa'i bden pa'o// nyon mongs pa'i mtshan nyid kyis na sdug bsngal lo/ /rab tu byung ba'i mtshan nyid kyis na kun 'byung ba'o /zhi ba'i mtshan nyid kyis na 'gog pa'o/ /nges par 'byung ba'i mtshan nyid kyis na lam mo zhes brjod pa ni mtshan nyid kyi bden pa'o/ / stong pa nyid kyi ngo bo nyid du mtshan nyid gcig pa las de rnams kyi skye ba med pa dang 'gag pa med pa la sogs pa'i tshul gyis rnam par phye ste bstan pa ni rnam par phye ba'i bden pa'o/ /nges pa'i don la nges par 'dzin cing mngon par rtogs pa'i shes pa ste/ shes pa dang shes bya de ni bslu? bar mi 'gyur bas na nges par phye ste rtogs pa'i bden pa zhes brjod do/ /dngos po ni phung po dang khams dang skye mched la sogs pa ste/ de rnams ni rten cing 'brel bar 'byung ba'o/ /zhes gang gi tshe shes pa na de dag ni dngos po med pa'o zhes rtogs pa ni dngos po'i bden pa'o/ /gang dang gang la nan tan du byas pas nyon mongs pa spong bar nus pa rab tu 'byung ba de ni rab tu 'byung ba'i bden pa'o/ /'dus byas thams cad ni zad par mthong ba zad ba la ni zad pa med do/ /gang zad pa med pa de ni mi skye ba ste/ de ni zad pa dang mi skye ba shes pa'i bden pa'o/ /ye shes kyi lam gang gis bsod dang ye shes bsags nas chos thams cad skye ba med pa dang 'gag pa med par shes pa la 'jug par byed pa de ni lam la 'jug pa'i shes pa'i bden pa zhes brjod do/ /chos kyi sprin gyis la de bzhin gshegs pa'i ye shes dngos po thams cad kyi yul kun tu 'byung ba'i de bzhin gshegs pa'i ye shes yang dag
- 11b
par 'byung ba'i bden pa ste/ bden pa bcu po de'i tshig dang don gang yin pa de ston pa'i dgos pa'i don yod pas na don bcu'i don no/ /nyan thos dang rang sangs rgyas kyi dbang por gyur pas na thub dbang ngo/ /de bzhin gshegs pa'i stobs bcu ni 'di lta ste/ gnas dang gnas ma yin pa mkhyen pa'i stobs dang/ las dang rnam par smin pa mkhyen pa'i stobs dang/ khams sna tshogs mkhyen pa'i stobs dang/ mos pa sna tshogs mkhyen pa'i stobs dang/ dbang po mchog dang mchog ma yin pa mkhyen pa'i stobs dang/ kun tu 'gro ba'i lam yang dag pa ji lta ba bzhin du rab tu mkhyen pa'i stobs dang/ bsam gtan dang rnam par thar pa dang/ ting nge 'dzin dang snyoms par 'jug pa mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho dang skye ba mkhyen pa'i stobs dang/ zag pa zad pa mkhyen pa'i stobs te/ stobs de rnams dang ldan pas na stobs bcu'o/ /thams cad du khyab pas na khyab pa'i bdag go /mos pa sna tshogs pas dbye bas rab tu phye pa'i sems can ma lus pa kun gyi thar pa thob pa'i mtshan nyid can gyi don skal pa ji lta ba bzhin mdzad pas na kun gyi don ni ma lus byed do/ /dbang rnam pa bcu ni tshe la dbang ba dang/ sems la dbang ba dang/ yo byad la dbang ba dang/ las la dbang ba dang/ skye ba la dbang ba dang/ rdzu 'phrul la dbang ba dang/ mos pa la dbang ba dang/ smon lam la dbang ba dang/ ye shes la dbang ba dang/ chos la dbang ba ste/ dbang bcu po de rnams dang ldan pas na rnam pa bcu'i dbang ldan che ba po'o/ /thog ma nyid med pas na thog ma med pa ste/ gal te thog ma yod par gyur na ni rgyu med par 'gyur bas na rtag tu yod pa dang med par 'gyur ro/ /byi dang nang gi spros pas ma bsgribs pa'i bdag nyid can gang yin pa de ni spros pa med pa'i bdag go /dus thams cad du de bzhin du gnas pas na de bzhin nyid
- 12a
bdag go /de nyid kyis na dag pa'i bdag go /bden pa mi bslu zhing ma log pa'i chos kyi de kho na nyid do/ /de gsung ba'i ngang tshul mnga' bas na bden par smra'o/ /gzhan bslu ba'i tshig mi gsung bas na tshig mi 'gyur ba'o// dam bcas pa'i don rdzogs par mdzad pas na ji skad smras pa'o/ /'gro ba la phan pa'i phyir sangs rgyas su grub par gyur cig ces daM bcas pa bzhin du rdzogs par mdzad pas na de bzhin byed do/ /gzung ba dang 'dzin pa 'am shes pa dang shes par bya ba gnyis ni gzugs la sogs pa gzung bar bya ba dang mig la sogs pa 'dzin par byed pa nas ji srid du yid nas chos kyi bar ni gnyis te/ gnyis po de dag med pas na gnyis su med pa dang ngo/ /de ston pa ni yang dag pa'i kun rdzob tu de bzhin nyid dang/ yang dag pa'i mdza' dang/ stong pa nyid dang/ gnyis su med pa dang/ mya ngan las 'das pa dang/ chos kyi sku dang/ chos nyid do zhes 'chad de de ltar ji srid du gnas pa rnam par dag pa gnyis su med pa'i de bzhin nyid kyi ngo bo bcom ldan 'das kyang gnyis su med pa ste/ yang dag pa'i de kho na nyid do/ /de'i mdza' ni mthar thug pa ste/ de las gzhan pa'i de kho na nyid yod pa ma yin pas yang dag pa'i mdza' ste/ der ni de'i bdag nyid kyis thams cad mi g.yo ba chos kyi dbyings kyi tshul gyis der gnas pas na yang dag mthar la rnam par gnas pa'o/ /bdag dang bdag gir mngon par zhen pa la zhugs pa'i sems can rnams kyi dregs pa sel ba'i ngo bo nyid du bstan pa'i phyir/ bdag med seng ge'i sgra dang ldan/ /mu stegs ri dwags ngan 'jigs byed ces gsungs te/ bdag dang bral bas na bdag med pa ste/ bdag med pa'i ngo bo nyid yin pas na bdag med pa dang ldan la/ seng ge ltar 'jigs pa dang bral ba'i sgra sgrogs pa gang yin pa de ni seng ge'i sgra dang ldan pa ste/ chos thams cad bdag
- 12b
med pa'o zhes bya ba'i seng ge'i sgra'o/ /ngan pa'i mu la brten pa gang yin pa de ni mu stegs ngan pa'o/ /mu stegs ngan pa ri dwags dang 'dra bas na ri dwags so/ /de rnams 'jigs par byed pas na mu stegs ri dwags ngan 'jigs byed ces bya ste/ chad bar smra ba la sogs pa dang bdag yod par khas len pa la sogs pa rnams la bdag med pa dang ldan pa'i chos ston pas na skrag par mdzad ces pa'i don to/ /chos kyi dbyings kyi ngo bo nyid yin pas na kun tu 'gro ba ste/ gang gis phyir chos kyi dbyings las ma gtogs pa'i chos 'ga' yang med pas so/ /sems can rnams gdul bar bya ba'i phyir thams cad du don yod cing thogs pa med pa'i bgrod pa gang la yod pa de ni don yod stobs so/ /sngon gyi sangs rgyas rnams ji ltar gshegs pa de bzhin du gshegs pas na de bzhin gshegs pa'o/ /yid bzhin du mgyogs pas yid ltar mgyogs pa ste/ yid kyi shugs kyis dam pa'i chos kyi tshigs su bcad pa gtong ba'o/ /sdig pa'i chos rnams las rgyal pas na rgyal ba'o/ /smra ba rnams kyi nang na khyad par du rgyal ba mnga' bas na rnam par rgyal ba'o/ /phyi rol gyi bdud la sogs pa'i dgra las rnam par rgyal bas na dgra las rgyal ba'o/ /yi ge gcig pa'i 'khor los sgyur ba brnyes pas na 'khor los sgyur ba'o/ /bdud rnams kyis zil gyis mi non pas na stobs po che'o/ /nyan thos kyi tshogs kyi bslab pa'i chos ston pas na tshogs kyi slob dpon no/ /byang chub sems dpa' i tshogs kyi gtso bor gyur pas na tshogs kyi mchog go /dkyil 'khor la gnas pa'i lha la sogs pa'i tshogs kyi mnga' bdag du gyur pas na tshogs rje'o/ /phyi rol gyi lha dang lha ma yin gyi bdag por gyur pas na tshogs bdag go /bdag por gyur pa'i dbang thob pas na dbang dang ldan pa'o/ /sems can thams cad kyi steng du mthu chen po mnga' bas na mthu chen no/ /sangs rgyas dang byang
- 13a
chub sems dpa' thams cad kyi gces pa dang ldan pas na gces par 'dzin pa'o/ /theg pa chen po'i tshul gyi bdag nyid can yin pas na tshul chen no/ /gzhan rnams kyi bkri mi dgos bas na gzhan gyi dring la mi 'jog pa ste/ gzhan gyis ma bcol bar rang nyid kyis sems can gyi don mdzad ces bya ba'i don to/ /don so sor yang dag par rig pa'i ngo bo nyid kyi tshig gi dbang phyug tu gyur pas na tshig rje'o/ /chos so sor yang dag par rig pas chos kyi rjes su rab tu 'jug pas chos ston par mdzad pas na tshig bdag go /lha dang gnod sbyin dang dri za la sogs pa'i tshig gi lam ji snyed pa'i nges pa'i tshig dang tha snyad de dag thams cad rab tu mkhyen pas de dang de'i sgra dang/ de dang de'i nges pa'i tshig gis de rnams la dam pa'i chos ston pas na smra mkhas pa'o/ /bud med dang skyes ba dang ma ning la sogs pa'i dbye bas chos rnams rab tu ston pas na tshig la dbang ba'o/ /mi rtsub pa dang/ cal col ma yin pa dang/ snyan pa dang/ rnam par dag pa'i tshig gi dbye bas 'dul ba'i thabs dpag tu med pa'i gsung gang la yod pa de ni tshig mdza' yas pa ste /de dag gis ni spobs pa so so yang dag par rig pa bstan pa yin no/ /mi bslu ba'i tshig dang ldan pas na tshig bden no/ /bden pa ni de bzhin nyid kyi dbyings so/ /bden par smra ba'i ngang tshul mnga' pas na bden par smra ba'o/ /bden pa ni bzhi ste/ sdug bsngal ba dang/ kun 'byung ba dang/ 'gog pa dang/ lam ste/ bden pa bzhi po de dag ston pas na bden pa bzhi ni ston pa po'o/ /sa brgyad pa la bla na med pa'i byang chub las phyir mi ldog pa'o/ /'khor bar mi 'ong pas na phyir mi 'ong ba'o/ /rang sangs rgyas kyi lam gyi gtso bor gyur pas na 'dren pa rang rgyal bse ru'i tshul lo/ /'dis sems can rnams nges par 'byung bas na nges par 'byung ba ste lam mo/ /des na nyan thos dang rang sangs rgyas kyi lam dang
- 13b
'bras bu'i tshul gyis der bdag nyid lam dang 'bras bu'i tshul gyis gzugs su rab tu ston pas na nges 'byung sna tshogs las byung ba'o/ /'byung ba chen po ni rdzu 'phrul can no/ /de sangs rgyas nyid 'thob pa'i rgyu gcig pu ni bcom ldan 'das nyid yin pas na 'byung ba chen po rgyu gcig pu'o/ /nyon mongs pa dang bral bas na dge slong ngo/ /nyon mongs pa'i dgra bcom pas na dgra bcom mo/ /nang gi nyon mongs pa'i gang zag bzang pa gang yin pa de ni zag pa zad pa'o/ /'dod pa'i 'dod chags dang/ gzugs kyi 'dod chags dang/ gzugs med pa'i 'dod chags gang gis spangs shing bor ba de ni 'dod chags dang bral ba'o/ /dbang po thul bas yul la 'jug pa gang yin pa de dbang po thul ba'o/ /nye bar dmigs pa'i nye bar len pa'i nyon mongs pa'i gnas ngan len thams cad dang bral bas na bde ba rnyed pa'o/ /chos thams cad mnyam pa nyid thob pas na 'jigs med thob pa'o/ /sems can thams cad kyi nyon mongs pa'i gdung bsel bas na bsil bar gyur pa'o/ /rnyog pa ni dri ma dang bcas pa'o/ /dri ma med pas na rnyog pa med de nyon mongs pa dang bral ba'o/ /des na gang gi phyir rnyog pa thams cad dang bral ba de'i phyir rnyog pa med do/ /mi slob pa'i rig pa gsum dang/ mi slob pa'i lus dang/ ngag sdom pa'i 'tsho ba la sogs pa'i rkang pa dang ldan pas na rig pa dang ni kang bar ldan no/ /phyir mi ldog par gshegs pas na bde bar gshegs pa ste /rims nad la legs par byang ba bzhin no/ /'gro ba dang/ skye gnas dang/ rigs kyi dbye bas phye ba'i sems can gyi 'jig rten ji lta ba bzhin mkhyen pas na 'jig rten rig pa'o// thams cad kyis dam par gyur pas na mchog go /'di ni bdag gi'o zhes bdag gi ba med pas na bdag gir mi 'dzin pa'o/ /bdag tu 'dzin pa'i rkyen gyi bdag gi ngo bo med pas na ngar mi 'dzin pa'o/ /kun rdzob dang don dam pa'i bden pa gnyis po de nyid
- 14a
tshul te gzhung lugs so/ /der gnas par mdzad pas na bden pa gnyis kyi tshul la gnas pa'o/ /'khor ba ni dmyal ba dang/ yi dags dang/ dud 'gro dang/ mi dang/ lha'i srid par yang dang yang du 'khor bas 'khor pa'o/ /de'i pha rol tu son pas na 'khor ba'i pha rol tu son pa'o/ /de'i mdza' ni mthar thug pa ste/ der gnas pas na 'khor ba'i pha rol mthar son pa'o/ /'di skad ston par 'gyur te/ 'khor pa'i ngo bo nyid yongs su skye ba med par mkhyen la de med na mya ngan las 'das pa yang med pas mi gnas pa la bzhugs zhes bya ba'i don to/ /sems can ma lus pa'i don mdzad pas na bya ba byas pa'o/ /bsod nams dang ye shes kyi chags dang pha rol tu phyin pa'i thabs thams cad las mthong ba'i gnas su bzhugs pas na skam sar gnas pa'o/ /gangs can la sogs pas yongs su brtags pa'i 'ba' zhig pa'i rgyu bdag la sogs pa las byung ba dgag pa'i phyir shes pa 'ba' zhig des bsal pa'o/ /shes rab nyid mtshon cha ste shes rab mtshon cha gang yin pa de ni shes rab mtshon cha'o/ /des sems can rnams kyi log pa'i blo gros 'jig pas na rnams 'joms pa'o/ /dam pa'i chos ston pas na dam chos so/ /chos kyi rgyal por dbang bskur bas dbang bskur ba'i phyir chos rgyal lo/ /sems can rnams kyi rgyu la gnas pa'i ma rig pa'i mun pa rnam par bsel bas na gsal bar ldan no/ /ye shes kyi 'od zer rnam par 'phro ba shin tu rgyas pas sems can rnams kyi snang ba mdzad pas na 'jig rten snar bar byed pa'o/ /dam pa yin pas na mchog /chos thams cad la dbang bskur zhing chos thams cad la rab tu 'jug pa de la dag las pas na chos kyi dbang phyug go /'khor gyi dbus na chos kyis mdzes pas na chos kyi rgyal
- 14b
pa'o/ /mya ngan las 'das pa dang rjes su mthun pa'i 'phags pa'i lam nye bar ston pas na legs pa'i lam ni ston pa po'o/ /don ni sa dang pha rol tu phyin pa'i mtshan nyid can gyi dgos pa'o/ /grub pa ni yongs su rdzogs pa gang yin pa de ni don grub bo/ /sngon byang chub sems dpa' i gnas skabs na sangs rgyas nyid 'thob par bya'o/ /zhes yang dag par rtog pa'i bsam pa grub pas na bsam pa grub pa'o/ /chos kyi dbyings rnam par dag pa'i gnas skabs na ma rig pa las byung ba'i rtog pa spangs pas kun tu rtog pa thams cad spangs par/ /gang gi phyir kun tu rtog pa thams cad spangs pa de nyid kyis na rnam par mi rtog dbyings mi zad de chos kyi dbyings/ /mchog tu phul du byung bas dam pa'o/ /nam yang dngos po gzhan du mi 'gyur bas na zad mi shes pa'o/ /gang la bsod nams yod pa de ni bsod nams dang ldan pa'o/ /de la mchod pa byed pa'i sems can rnams kyi bsod nams kyi tshogs bskyed pas na bsod nams tshogs so/ /rtag tu gnyis su med pa'i ye shes kyi ngo bo nyid yin pas na ye shes so/ /thams cad mkhyen pa'i ye shes kyi gnas su gyur pas na ye shes kyi 'byung gnas so/ /thams cad du mchod pa yin pas che ba'o/ /thams cad mkhyen pa'i yongs su mkhyen pa mnga' bas na ye shes ldan pa'o/ /dngos po rnams kyi yod pa dang med pa nyid kyis 'byung ba dang 'jig pa ston pa'i ye shes mnga' bas na yang med shes so/ /bsod nams dang ye shes kyi tshogs yang dag par rdzogs pas na tshogs gnyis tshogs na bsags pa po'o/ /thams cad du rab tu 'brel pa'i gzugs kyis gnas pa na rtag pa'o/ /rnam pa sna tshogs pa'i 'gro ba kun tu mdzes pas na kun rgyal lo/ / bla na med pa'i/ shes rab dang/ thabs dang/ ye shes dang ldan pas na rnal 'byor can no/ /bsam gtan dang bsam par bya ba dang bral bas rnam par mi rtog pa'i bsam gtan dang ldan pas na bsam gtan no/ /'tshang rgya ba nyid don du gter bas rtag tu bsam
- 15a
par bya ba yin pas na bsam bya'o/ /sems can thams cad kyi shes rab kyi gtso bor gyur pas na blo ldan mchog go /so so rang rig pa'i bdag nyid yin pas na so so rang rig go/ /tshul 'di nyid kyis dus thams cad du mi 'gyur bas na mi g.yo ba'o/ /mchog kyang yin la dang po yang yin pas na mchog gi dang po ste yi ge a'o de'i ngo bo nyid yin pas na mchog gi dang po'o/ /chos dang longs spyod rdzogs pa dang/ sprul pa'i sku mnga' bas na sku gsum 'chang ba'o / chos rnams byin ma log par thugs su chud pas na sangs rgyas so/ /ngo bo nyid dang longs spyod rdzogs pa dang/ sprul pa dang/ chos dang ye shes te/ sku lnga po de rnams kyi bdag nyid du gyur pas na sku lnga'i bdag nyid can no/ /chos kyi dbyings kyi tshul gyis kun tu khyab pas na khyab bdag po/ /me long lta bu dang/ mnyam pa nyid dang/ so sor rtog pa dang/ bya ba grub pa dang/ chos kyi dbyings rnam par dag pa ste/ ye shes lnga'i bdag nyid can yin pas na ye shes lnga'i bdag nyid can no/ /sangs rgyas lnga'i bdag nyid can gyi de bzhin gshegs pa'i cod pan dang ldan pas na sangs rgyas lnga bdag cod pan can no/ /sha dang/ lha dang chos dang/ shes rab dang/ sangs rgyas spyan te lnga pa gang la yod pa de ni spyan lnga'o/ /chags pa ni 'khor ba dang mya ngan las 'das pa la mngon par zhen pa'o/ /de mi mnga' bas na chags pa med pa 'chang ste/ 'chang ba ni gnyis su med par 'dzin pa'o/ /dkyil 'khor gyi dbus su shes rab dang thabs kyi tshul gyis sangs rgyas thams cad kyi yum du gyur pas na sangs rgyas thams cad bskyed pa po'o/ /byang chub sems dpa' i tshul gyis bzhugs pas na sangs rgyas sras pa'o/ /phul du byung bas na dam pa'o/ /rab tu byung bas na mchog go /shes rab nyid srid pa yin pas na shes rab srid pa'o/ /de las byung ba'i byang chub sems dpa'
- 15b
yin pas na shes rab srid 'byung ngo/ /skye gnas ni rgyu ste/ 'khor par skye ba'i rgyu mi mnga' bas na skye gnas med pa'o/ /gal te skye ba'i rgyu dang bral na byang chub sems dpar ji ltar 'gyur zhe na/ chos las 'byung ba ces bya ba gsungs te/ thabs dang shes rab gnyis su med pa'i chos kyi skye gnas las 'byung bas na chos las byung ba'o/ /gang gi phyir chos kyi skye gnas las byung bas na srid pa sel ba ste/ 'khor bar skye ba'i rgyu med pa'o/ /srid nyid kyis gnyis su med pa'i mkhregs pa gang yin pa de mi gcig pu sra mkhregs te khong sdong gi rnam pa'i gnyis med pa'o/ /de nyid kyis na bcom ldan 'das mi phyed pa'i bdag nyid can yin pas na rdo rje'i bdag nyid do/ /skyes ma thag pa ni yi ge hUM ste de las byung zhing 'gro bas na skyes ma thag pa'o/ /'gro ba rnams dka' bzhin byed pa'i bdag po yin pas na 'gro ba'i bdag po /chos rnams nam mkha' dang 'dra bar bstan pa las byung ba gang yin pa de ni nam mkha' las byung pa'o/ /gdul bya'i dbang du de dang de'i gzugs su bdag nyid gyur pas na rang byung ba'o/ /shes rab dang ye shes ni chos thams cad dngos po med par thugs su chud pa'o/ /de nyid nye bar dmigs pa'i nyon mongs pa'i bud shing thal bar byed bas na shes rab ye shes me ba che'o/ /thams cad du chos nyid kyis snang bar byed pas na 'od chen no/ /khyad par du snang zhing gsal bar mdzad pas na rnam par snang byed do// ye shes kyi snang bas sems can rnams kyi ma rig pa'i mun pa rnam par sel bas ye shes snang ba'o/ /ye shes kyi snang ba de sna tshogs snang bas na lam me'o/ /dam pa'i chos kyi 'od zer gyis 'gro ba la snang bar mdzad bas na 'gro ba'i mar me'o/ /ye shes kyi sgron mas ma rig pa'i rab rib kyis khebs pa'i sems can rab tu gsol bar mdzad pas na ye shes sgron ma'o/ /gzi brjid chen po dang ldan pas na gzi brjid chen po'o/ /rab tu snang ba'i ngang tshul can yin pas na
- 16a
'od gsal ba'o/ /gsang sngags kyi gtso bor gyur pas na sngags mchog mnga' bdag go/ /gnod mdzes rgyal po'i ngo bo nyid du gyur pas na rig sngags rgyal po'o/ /yi ge bruM gi bdag nyid can yin pas na gsang sngags rgyal pa'o/ /sems can rnams kyi don mdzad pas na don chen byed pa'o/ /'khor los sgyur ba'i yi ge gcig pa'i ngo bo nyid yin pas na gtsug tor chen po'o/ /'khor los sgyur ba nyon mongs pa gdul ba'i ngo bo nyid du gyur pa na rmad byung gtsug tor ro/ /nam mkha' na gnas pa'i zla ba la sogs pa'i bdag por gyur pas nam mkha' i bdag po'o/ /gzi brjid phung po'i ngo bo nyid du gyur pas na sna tshogs ston pa'o/ /yang na sna tshogs pa la mnyam par lta bas na mthong ba'i ngang tshul gang la mnga' ba de la de skad ces bya'o/ /sangs rgyas thams cad kyi sku'i bdag nyid ni rnam par snang mdzad la sogs pa'o/ /de rnams kyi mchog ni gtso ba ste/ rnam par snang mdzad chen po'i ngo bo nyid yin pas na sangs rgyas kun bdag dngos po'i mchog go /mnyam par lta bas 'gro ba kun la gzigs pas dga' bar byed pa'i spyan gang la yod pa de ni 'gro ba kun dga' ba'i mig dang ldan no/ /sna tshogs pa'i skus sems can rnams 'dul bar mdzad pas na sna tshogs gzugs can no/ /dge ba dang mi dge ba'i las yongs su mkhyen pas na bskyed pa po'o/ /tshangs ba la sogs pas mchod pas na mchod pa'o/ /mchod yon dang zhal zas la sogs pas brjod par 'os pa yin pas na brjed pa'o/ /'jig rten pa'i drang srong dang nyan thos kyi drang srong rnams kyi mchog tu gyur pas na drang srong chen po'o/ /de bzhin gshegs pa dang/ rdo rje dang/ pad+ma'i rigs gsum gyi ngo bo nyid kyi bdag nyid 'dzin pas na rigs gsum 'chang ba'o/ /rigs
- 16b
gsum gyi nang du gtogs pa'i rigs dang gsang sngags tham cad 'dzin pas na gsang sngags 'chang ngo/ /dam tshig chen po'i sgras ni spyan la sogs pa ston la/ de rnams kyi gsang sngags 'chang bas na dam tshig chen po gsang sngags 'dzin no/ /mchog tu gyur pas na gtso bo'o/ /bstan pa 'jig pa bsrung ba'i phyir dkon mchog gsum gyi yon tan ston pa sngon du 'gro ba ston pas sangs rgyas dang chos dang dge 'dun rnams 'gro ba 'dzin du 'jug pas na dkon mchog gsum 'dzin pa'o/ /nyan thos kyi theg pa dang/ rang sangs rgyas kyi theg pa dang/ theg pa chen po ni theg pa gsum mo/ /de rnams ni phyi rol gyi tshul las dam pa yin pas na mchog ste/ de rnams bsam pa dag dang 'bring dang tha ma'i sems can rnams la ston par mdzad pa na theg pa mchog gsum ston pa po'o/ /don yod cing 'bras bu dang bcas pa'i thugs rje chen po'i zhags pas sems can rnams bcings nas lam bzang po la bkod pas na don yod zhags pa'o/ /bdud dang mu stegs rnam las rnam par rgyal ba mda' bas na rnam par rgyal pa'o/ /phyi rol gyi don la mngon par zhen pa'i 'dzin pa chen po nges par bzlog pas na 'dzin pa chen po'o/ /rdo rjes mtshan pa'i zhags pa bsnams pas na rdo rje zhags pa'o rdo rjes mtshan ba'i lcags kyu snams pas na rdo lcags kyu'o/ /zhugs pa chen pos sems can gdug pa can rnams bcings nas yang dag pa'i lam la 'god pas na zhags pa chen po'o/ /rdo rje 'jigs byed ni? gshin rje gshed do/ /de'i gzugs la gnas nas sems can ma rungs pa rnams la 'jigs pa bskyed par mdzad pas na rdo rje 'jigs byed 'jigs par byed do/ /khro bo'i gtso bor gyur pas na khro bo'i rgyal po'o/ /gdong drug gang la yod pa de ni gdong drug go /skrag bar byed pas na 'jigs pa'o/ /mig ? gang la yod
- 17a
pa de ni mig drug go /rjes su bran pa drug gi ngo bo nyid kyi phyag drug gang yin pa de ni lag drug ces bya'o/ /sred med kyi bu'i stobs dang ldan pas na stobs dang ldan no/ /keng rus rnams kyis brgyan pas keng rus so/ /rno zhing 'jigs pa'i mche ba gtsigs pas na mche ba gtsigs pa'o/ /ha la ha la'i dug dang ldan pa'i sprul brgya snyed kyis yan lag thams cad brgyan pas na ha la ha la gdong brgya ba'o/ /gshin rje mthar byas nas lam bzang po la 'jog pas na gshin rje gshed do/ /bgegs thams cad kyi mda' bdag pas na bgegs kyi rgyal lo/ /thog pa med pa'i 'gro ba dang ldan pas na rdo rje shugs can no/ /gdug pa can rnams skrag par mdzad pas na 'jigs par mdzad pa'o/ /mi byed pas na rdo rje'o/ /shin tu 'jigs pa'i ngo bor 'jig rten gsum du grags pas na grags pa'o/ /snying ga'i phyogs su rdo rje 'dzin pas na rdo rje snying do/ /sgyu 'phrul sna tshogs pa ston pas na sgyu 'phrul rdo rje'o/ /gsus pa chen po mnga' bas na gsus po tshal mi phyed pa'i chos kyi skye gnas las byung bas na rdo rje las skyes pa'o/ /rdo rje rigs kyi bdag por gyur pas na rdo rje'i bdag go /rdo rje'i snying po'i sku mnga' bas na rdo rje snying po'o/ /sems can thams cad la go skabs 'byed pas nam mkha' 'dra'o/ / rang gi shes rab las mi bskyod pas na mi g.yo ba'o/ /rgya che ba'i ral pa'i tshogs mnga' bas na ral pa gcig gi bsgyengs pa'o/ /glang po che'i pags pa gos su mdzad pas na glang chen ko? rlon gos su gyon no/ /'jigs pa'i gzugs ston pas na drags chen no/ /hA hA zhes bya ba'i sngags 'don pas na hA hA zhes sgrogs pa'o/ /hi hi zhes pas 'jigs pa bskyed pas na hi hi zhes sgrogs 'jigs par byed pa'o/ /'jig rten gyi khams gsum ma lus pa khyab pas na gad mo chen po'o/ /
- 17b
rdo rje hA hA zhes bzhed pa sgrogs pas na gang rgyangs can no/ /gzhan rnams kyis mi byed pas ye shes kyi bdag nyid can gyi sgra chen po mnga' bas na cher sgrogs ba'o/ /rdo rje dang 'dra bar mi phyed pa'i thugs mnga' bas na rdo rje sems dpa' o sems can rnams kyi don mdzad pas na sems dpa' chen po'o/ /rdo rje'i rigs kyi gtso bor gyur pas na rdo rgyal po'o/ /shin tu phul du byung zhing lhun gis grub pa'i bde ba la 'bab pa'i ngo bo yin pas na bde ba chen po'o/ /shin tu drag pas sems can rnams 'dul bas na rdo rje drag po'o/ /rab tu dga' ba'i bdag nyid can yin pas dga' ba chen po'o/ /rdo rje hUM mdzad ni khams gsum rnam par rgyal ba'o/ /de'i gzugs kyis gnas nas sems can ma rungs pa rnams skrag par byed pa'i phyir hUM zhes sgrags pa'i phyir na rdo rje hUM ste hUM zhes sgrogs pa'o/ /rdo rjes mtshan pa'i mnga' bsnams pas na mtshon du rdo rje'i mda' thogs pa'o/ /nye bar dmigs pa'i mi shes pa ma lus par gcod pos na rdo rje ral gri'o/ /shes rab 'chal pa gcod pas nam lus par gcod pa'o/ sna tshogs rdo rje bsnams pas na rdo rje kun 'chang ngo/ /rdo rje can zhes bya ba ni mtshan no/ /mi phyed pa'i mtshan nyid can gyi rdo rje gcig pu nyid gang la yod pa de ni rdo rje gcig pu'o/ /bdud kyi g.yul las rgyal bas na g.yul sal ba'o/ /rdo rje 'bar/ bas 'joms shing dmar ser can gyi mig shin tu mi bzad pa gang yin pa de ni rdo rje 'bar ba mig mi bzad ces bya'o/ /rdo rje 'bar ba rnams kyi sreg par byed pa'i ngo bo nyid kyi skra gang la yod pa de ni skya yang rdo rje 'bar ba ste'o/ /rdo rjes sems can gdug pa can rnams 'bebs pas na rdo rje 'bebs pa'o/ /dbang phyug chen po la sogs pa 'bebs pas na 'bebs pa che'o/ /dngos po'i chos ji lta ba bzhin gnas pa'i don gzigs pa'i sbyar brgya snyed kyis gnas pa gang yin pa de ni mig
- 18a
brgya pa'o/ /de rnams kyang rdo rje 'bar ba dang ldan pas na rdo rje mig go /rdo rje'i gzugs can gyi ba spu shin tu rno ba myu gu lta bu gang la yod pa ste/ des ni 'di ni lus rdo rje'i ba spu can no/ /tha mal pa'i ba spu mi mda' bas na rdo rje'i spu gnyis su med pa'i lus gang yin pa de ni rdo rje'i spu ni gcig pu lus so/ /shin tu brtan zhing sra ba'i lus rdo rje'i rtse mo rnams las bsgrubs shing skyes pa'i sen mo gang la yod pa de ni sen mo skyes pa rdo rje'i rtse'o/ /rdo rje ltar snying po mkhregs shing sra ba'i pags pa gang la yod pa de ni rdo rje snying po pags pa mkhregs so/ /rdo rje'i phreng ba bsnams pas rdo rje phreng thogs so/ /ye shes kyi dbang phyug dang ldan pas na dpal ldan no/ /rdo rjes mtshan pa'i rgyan rnams kyis brgyan pa yin pas na rdo rje rgyan gyis brgyan pa'o/ /gad brgyangs hA hA zhes pa'i bzhad pa sgrogs par mdzad pas na gad brgyangs hA hA'o/ /chos nyid nges par sgrogs pas na nges par sgrogs so/ /yi ge drug pa'i gsang sngags kyi bdag nyid can yin pas na yi ge drug pa'o/ /rdo rje ther pa'i sgra yin pas na rdo rje sgra'o/ /'jam zhing gnyen pa'i gsung gang la yod pa de ni 'jam dbyangs so/ /bdag med pa'i sgra sgrogs pas na sgra che ba'o/ /'jig rten gsum na sgra gcig gis gnyis su med pa chen po nyid ston pa'i sgra sgrogs pas 'jig rten gsum na sgra gcig pa'o/ /nam mkha' i khams kyi mthar thug par sgra sgrogs pa dang ldan pas na nam mkha' i mdza' klas sgra sgrogs pa'o/ /sgra dang ldan pa rnams kyi nang na dam pa yin pas na sgra dang ldan pa rnams kyi mchog ste dam pa'o/ /yang dag pa pa'o// bdag med pa dang/ de bzhin nyid dang/ yang dag pa'i mdza' zhes bya ba'i rnam grangs kyis de kho na nyid ston pas na yang dag bdag med de bzhin nyid/ yang dag mdza' ste zhes bya'o/ /yi ge thams cad kyi brjod du med pas na yi ge med pa'o/ /stong pa
- 18b
nyid gsung ba'i ngang tshul mnga' bas na stong pa nyid smra ba'o/ /smra ba po thams cad kyi nang na gtso bor gyur pas na smra ba'i khyu mchog go /stong pa nyid rab tu ston pa'i zab cing rgya che ba sgrogs pa gang yin pa de ni zab cing rgya che sgra sgrogs pa'o/ /chos kyi dung 'bud pas na chos kyi dung ngo/ /bsod nams chen po'i sgra sgrogs pas na sgra chen no/ /chos kyi gaN+Dis bdud kyi yul rnam par skrag par mdzad pas na chos kyi gaN+Di sgra bo che'o/ /gnas pa ni ston pa ste/ 'khor ba dang mya ngan las 'das pa la mi gnas pas na mi gnas mya ngan 'das pa pa'o/ /phyogs bcur chos kyi rnga bo che brdung bas na chos kyi rnga bo che'o/ /chos kyi dbyings kyi ngo bo nyid pas na gzugs med pa'o/ /mtshan thams cad yang dag par rdzogs pa'i sku'i bdag nyid can pas gzugs bzang dam pa ste'o/ /sprul pa'i skus gdul bya sna tshogs pa dang rjes su mthun pas yang dag par bsten pas na sna tshogs gzugs can no/ /phyi rol gyi don gyis stong zhing yid tsam pa nyid pas na yid las skyes pa'o/ /gzugs can thams cad snang ba'i dbang phyug dang ldan pas gzugs rnams thams cad snang ba'i dpal? lo/ /'jig rten gyi khams ma lus pa gdul bar bya ba'i phyir nyan thos dang rang sangs rgyas dang byang chub sems dpa' la sogs pa'i gzugs su gcig par ston pa'i gzugs brnyan 'chang bas na gzugs brnyan ma lus 'chang ba po'o/ /thams cad du thogs pa med pa'i nus pas mi g.yo ba dang ldan pas na tshugs pa med cing ngo/ /khams gsum thams cad kyi bdag por gyur pas na cher grags pa'o/ /khams gsum du ye shes kyi dbang phyug dang ldan pas na khams gsum dbang phyug chen po ste'o/ /'phags pa'i lam mtho zhing 'phags pa la zhugs pas na 'phags lam shin tu mtho la gnas pa'o/ /gang zhe na dar ba chen po chos kyi tog ste/ dar ba chen po'i
- 19a
rgyur gyur pas na der ba chen po'o/ /chos kyi tog ni chos kyi rgyal mtshan no/ /'jig rten gsum po dag na gzhon nu'i lus kyi sku 'chad pa gcig pu nyid gang yin pa de ni 'jig rten gsum na gzhon lus gcig pa'o/ / byang chub sems dpa' dge 'dun gyi gnas brtan du gyur pas na thams cad kyis mchod par 'os pas na gnas brtan no/ /thams cad mkhyen pas bgres pas na rgan pa'o/ /skye dgu ma lus pa skyong bas na skye dgu'i bdag po'o/ /phyag dang zhabs kyi mthil 'khor los mtshan pa la sogs pa skyes bu chen po'i mtshan sum cu rtsa gnyis mda' bas na sum cu rtsa gnyis mtshan 'chad ba'o/ /'od dang ldan pas na sdu gu'o/ /yan lag gi cha shas legs par rdzogs pas na 'jig rten gsum na mdzes pa'o/ /'jig rten pa'i shes pa dang/ yon tan gyi pha rol tu son pas na 'jig rten shes legs slob dpon te'o/ /'jig rten pa'i tha snyad rnams la shin tu khams pas 'jig rten slob dpon no/ /rgol ba thams cad zil gyis gnon pas na 'jigs pa med pa ste mkhas pa'o/ /'gro ba dang ldog pa thams cad kyi mgon du gyur pas na mgon po'o/ /sems can ngan 'gro'i 'jigs pa rnams las skyob pas na skyob pa'o/ /'jig rten gsum la bslu ba med pas na 'jig rten yid bcugs pa'o/ /nyon mongs pa'i dgra thams cad kyi 'jigs pas skrag pa rnams kyi skyabs su gyur pas na skyabs dang ngo/ /sems can thams cad kyi rgyud skyob pas na skyob pa'o/ /'di'i gong na med pas na bla na med do/ / nam mkha' dang 'dra bar longs spyod kyis khyab pa'i chos dang zang zing dang mi 'jigs pa'i mtshan nyid can gyis yang dag pa'i longs spyod la spyod pas na nam mkha' i mdza' la longs spyod pa'o/ /thams cad mkhyen pa'i ye shes kyi rin po che dang 'dra
- 19b
bas na thams cad mkhyen pa'i ye shes mtsho'o/ /ma rig pa'i sgo nga nyid ni de kho na nyid rab tu 'gebs pas na sbubs so/ /de yang dag par 'byed cing rnam par 'joms pas na ma rig sgo nga'i spubs 'byed pa'o/ /srid pa nyid dra ba yin la/ shes rab kyi ral gris rnam par 'joms pas na srid pa'i dra ba 'joms pa po'o/ /nyon mongs ma lus pa dang bral ba gang yin pa de ni nyon mongs ma lus zhi byed pa'o/ /gang gi phyir kun nas nyon mongs pa dang bral ba de nyid kyis na 'khor ba'i rgya mtsho pha rol phyin pa nyid/ nyes pa dang bral bas 'khor ba mi srid pa'i phyir ro/ /thams cad mkhyen pa'i ye shes kyi dbang bskur ba'i cod pan gyis dbang bskur bas na ye shes dbang bskur cod pan can no/ /yang dag par rdzogs pa'i sangs rgyas rgyan du thogs pa ni bcom ldan 'das rje btsun 'jam dpal lo/ /sdug bsngal gyi sdug bsngal dang/ 'gyur ba'i sdug bsngal dang/ 'du byed kyi sdug bsngal ni sdug bsngal gsum ste/ de lta bu'i sems can rnams kyi sdug bsngal gsum zhi bar mdzad pas na sdug bsngal gsum gyi sdug bsngal zhi'o/ /bdag nyid kyi sdug bsngal gsum mthar phyin par mdzad pas na gsum sel lo/ /sems can dpag tu med pa'i don mdzad pas na mdza' yas so/ /nyan thos dang rang sangs rgyas dang yang dag par rdzogs pa'i sangs rgyas kyis phye ba'i rnam par grol ba gsum 'dul ba'i skye bo rnams kyi ngor gshegs pas na grol gsum thob pa'o/ /nyon mongs pa'i sgrib pa dang/ shes bya'i sgrib pa dang las kyi sgrib pa dang bral bas na sgrib pa gsum las nges par grol ba'o/ /sgrib pa rnam par dag pas nam mkha' ltar mnyam pa'i chos kyi dbyings kyi ngo bo nyid la gnas pas nam mkha' ltar mnyam pa nyid la gnas pa'o/ /nyon mongs pa'i dri ma thams cad las 'das pas na nyon mongs dri ma kun las 'das pa'o/
- 20a
'das pa dang ma 'ongs pa dang/ da ltar byung ba ste dus gsum las 'das pas na dus gsum dus med rtogs pa po'o/ /dam pa'i chos kyi bdud rtsi'i chang gyis sems can gyi rgyud tshim par mdzad pa'i phyir sems can kun gyi klu chen po'o/ /yon tan nyid thod dam rtse mo yin la/ yon tan gyi thod de thod du byas pas na yon tan thod can rnams kyi thod de mchog tu gyur pa'o/ /glo bur ba'i nyon mongs pa rnams las nges par grol bas na nyon mongs kun las rnam par grol ba'o/ /de nyid kyis na nam mkha' i lam ni rnam par mi rtog pa'i chos kyi dbyings te/ de'i bdag nyid kyis mi g.yo ba'i ngo bo nyid du rab tu gnas pas na nam mkha' i lam la rab gnas pa'o/ /yid bzhin gyi nor bu rin po che'i gzugs 'dzin pas na yid bzhin nor bu chen po 'chang ngo/ /khyab pas na khyab bdag go /sems can thams cad kyi ltar 'dod pa'i don yongs su rdzogs par mdzad pa nyid kyis na rin chen kun gyi mchog go /sems can thams cad mngon par 'dod pa'i dngos po rdzogs par mdzad pas na dpag bsam shing chen no/ /thams cad du khyab pa'i grib ma dang ldan pas na rgyas pa ste'o/ /sems can thams cad la bde ba stsol bas na bum pa bzang po che ba'i mchog go /sngon gyi smon lam gyi dbang gis sems can thams cad kyi don mdzad pas na byed pa sems can kun don byed do/ /rnam pa thams cad du gzhan la phan pa rdzogs par mdzad pas na phan 'dogs mdzad do/ /sems can thams cad la bu gcig pa ces pa ltar mnyes gshin pas na sems can mnyes gshin pa'o/ /dge ba dang mi dge ba'i 'bras bu mtho ris dang dmyal ba yongs su mkhyen pas na bzang ngan shes pa'o/ /bya ba dang dus kyi rnam par 'byed pa mngon du yongs su mkhyen pas na dus shes pa'o/ /thams cad du khyab
- 20b
pa'i chos kyi dbyings kyi ngo bo nyid pas na khyab bdag go /kun nas nyon mongs pa yongs su mkhyen pas na dam tshig shes pa'o/ /grub pa'i mdza' thams cad kyi dngos grub dang dam tshig yongs su mkhyen pas na dam tshig ldan no/ /sems can rnams yongs su smin pa'i dus las mi 'da' bar 'dul bar mdzad pas na dus shes pa'o/ /sems can rnams kyi dad pa la sogs pa'i dbang po mkhyen pas na sems can dbang don shes so/ /nyan thos dang rang sangs rgyas dang yang dag par rdzogs pa'i sangs rgyas kyi rnam par grol ba nyon mongs pa dang rnam par bral ba'i bdag nyid can yongs su mkhyen pas na rnam pa gsum la mkhas pa po'o/ /stobs dang mi 'jigs pa ni yon tan te/ de rnams 'di la mnga' bas na yon tan ldan no/ /gzhan gyi rgyud la yod pa'i yon tan rnams kyang mkhyen pas na yon tan shes pa'o/ /chos rnams sgyu ma dang 'dra ba'i tshul gyis ji lta ba bzhin du mkhyen pas na chos shes pa'o/ /bsod nams kyi rang bzhin bas na bkra shis so/ /bkra shis thams cad kyang 'di las byung bas na bkra shis 'byung ngo/ /bkra shis thams cad kyi bdag nyid can yin pas na bkra shis kun gyi bkra shis pa'o/ /grags pa'i rgyur gyur pas na'am bsod nams kyi ngo bo nyid kyis kun gyis bsgrags pas na grags pa'o/ /dpal gyi gnas su gyur pas na bkra shis pa'o/ /yon tan thams cad dri ma med pa'i snyan pa grags pas na snyan grags so/ /bsod nams dang ye shes kyi rang bzhin gyis dge ba'i ngo bo nyid pas na dge ba'o/ /thams cad kyi dbugs 'byin pa'i gnas su gyur pas na dbugs 'byin chen po'o/ /sbyin pa la sogs pa yang dag par ston pa'i dga' ston chen po mnga' bas na dga' ston chen po'o/ /sems can rnams kyi dga' ba'i mchog tu gyur pas na dga' chen no/ /'tshang rgya ba che bas thob pa'i rol mo gang yin pa de ni rol mo che'o/ /mchod
- 21a
pa la sogs pa'i bkur sti thams cad dang ldan pa gang yin pa de ni bkur bsti'o/ /mdzes par byed pa'i bya bas sems can rnams kyi don rdzogs par byed pa gang yin pa de ni rim gro'o/ /bsod nams dang ye shes kyi 'byor ba dang ldan pas na phun sum tshogs pa'o/ /rtag tu bde ba dang yin bde ba'i bdag nyid can yin pas na mchog tu dga' ba'o/ /rnam pa thams cad du yongs su dag pa'i yon tan gyi grags pa'i bdag por gyur pas na grags bdag go /chos kyi rgyal po'i dpal dang ldan pas na dpral lo/ /sangs rgyas nyid kyi mchog dang ldan pas na mchog ldan no/ /mchog stsol bar 'os pas na mchog sbyin no/ /thams cad kyi mchog tu gyur pas na gtso bo'o/ /skyabs rnams kyi nang na mchog tu gyur pas na skyabs kyi dam pa'o/ /'khor bas 'jigs shing spag? pa'i skyabs 'os pas na skyabs su 'os pa'o/ /seng ge la sogs pa 'jigs pa chen po'i dgra'i gzugs can du gyur pas na 'jigs chen dgra'o/ /bdag med pa gnyis thugs su chud pas na rab kyi mchog go / 'khor ba'i 'jigs pa ma lus par sel bar mdzad pas na 'jigs pa ma lus sel ba po'o /gtsug pud tsam 'jog pas na gtsug pud do/ /rma bya ba bcibs pas na gtsug pud can no/ /lcang lo 'dzin pas na lcang lo can no/ /ral pa bsgyings pa dang ldan pas na ral pa can no/ /gdul bya'i phyir rab tu byung ba'i rtags 'dzin pas na mun dza'o/ /nor bu thams cad kyi rgyan gyis brgyan pa'i cod pan 'chang bas na cod pan thogs pa'o/ /zhal lnga dang ldan pas na gdong lnga'o/ /gzhon nu'i gzugs kyi gtsug pud mnga' bas na gtsug pud lnga dang ldan pa'o/ /zur phud lnga dang ldan pa'i me tog gi thod dang ldan pa'i cod pan mnga' ba gang yin pa de ni zur pud lnga pa me tog thod do/ /mgo bregs shing ska rags 'chang bas na mgo zlum mo/ /brtul zhugs chen
- 21b
po'i sngags spyod pa 'dzin pas na brtul zhugs chen po'o/ /ye shes kyi tshangs pa dang spyod pas na tshangs par spyod pa'o/ /gsang sngags kyi tshul gyi brtul zhugs mchog go /dka' thub kyi mthar phyin pa brnyes pas na dka' thub mthar phyin no/ /sku gsung thugs chen po bsgom pa'i dka' thub dang ldan pas na dka' thub chen po'o/ /dkyil 'khor chen po'i dbang bskur bas bkrus pas na gtsang gnas so/ /thams cad kyi gtso bor gyur pas na dam pa'o/ /gau ta ma la sogs pa'i drang srong rnams 'dul bas na go ta ma'o/ / srog gcod pa la sogs pa'i sdig pa thams cad dang bral bas na bram ze'o/ /chos kyi dbyings kyi tshangs pa mkhyen pas na tshangs pa'o/ /gnyis su med pa'i tshangs pa shes pa'o/ /mi gnas pa'i mya ngan las 'das pa ni mya ngan las 'das pa'i tshangs pa'o/ / de brnyes pas na mya ngan las 'das pa'i tshangs pa thob pa'o/ /skye ba dang las dang sdug bsngal la sogs pa las ldog pas na grol ba'o/ /rmongs pa'i bdag nyid can gyi 'khor ba'i 'ching pa las thar pas na thar pa'o/ /yang dag pa'i lta ba'i rnam par grol ba'i yan lag dang ldan pas na rnam grol lus so/ /nyon mongs pa sna tshogs ma skyes pas na rnam grol lo/ /nyon mongs pa'i gnod pa dang rnam par 'tshe ba dang bral bas na zhi ba'o/ /sems can rnams kyi legs pa'i lam thob par mdzad pas na zhi ba nyid do/ /mi gnas pa'i mya ngan las 'das pa brnyes pas na mya ngan las 'das pa'o/ /rdzas su yod pa'i mya ngan las zlog pas na mya ngan las 'das pa'o/ /mar me dang 'dra bar thams cad nye bar zhi ba'i ngo bo nyid pas na zhi ba'o/ /sems can rnams kyi dge ba thob par byed pas na legs pa'o/ /gsang sngags kyi tshul gyi lam gyi nges par 'byung byas na mya ngan las 'da' ba' o/ /las zad par byed pas na mthar thug pa'o/ /mi gnas pa'i ting nge 'dzin brnyas pas na bde sdug sel ba'o/ /mthar thug pa thob pas thams cad kyi rtse mo thob pas na mthar gyur pa'o//
- 22a
lus zad pa'i chags pa dang bral ba brnyes pas na chags bral lus las 'das pa po'o/ /bdud la sogs pa rnams kyis rgal bar mi nus pas na thub pa med pa'o/ /gnyis pa med pas na dbye med pa'o/ /mngon par gsal ba'i sku med pas na mi mngon pa'o/ /rnam pa thams cad dang bral bas na mi snang ba'o/ /rnam pa gang gis kyang rtogs par mi nus pas na gsal byed min no/ /dus thams cad las 'das pas na mi 'gyur pa'o/ /lus med pa'i tshul gyis thams cad du shes pas na kun tu 'gro ba'o/ /rtags ni khyab pa po'o/ /rnal 'byor pa rnams kyis kyang rtogs par mi nus pas na phra ba'o/ /zag pa dang bcas pa'i nyon mongs pa las ?grol bas na zag med do/ /byang chub kyi sa bon yin zhing de nyid nyes pa'i skyon dang bral bas na sa bon bral lo/ / 'dod chags kyi rdul dang bral bas na rdul med pa'o/ /rdul thams cad kyis ma gos pas na rdul bral lo/ /bsam pa dang bag la nyal ba dang bcas pa'i dri ma dang bral bas na dri ma med pa'o/ /gnas ngan len la sogs pa'i nyes pa dang bral bas na nyes pa spangs pa'o// nad thams cad dang bral bas na skyon med pa'o/ /chos thams cad thugs su chud pas na shin tu sad pa'o/ /nyes pa gsum gyi dri ma dang bral bas nas dpa' i bdag go /nyan thos la sogs pa'i ye shes dang ldan pas na kun shes so/ /chos kyi dbyings kyi tshul gyis dngos po thams cad yang dag par rig pas na kun rig go/ de nyid mchog tu gyur pas na dam pa'o/ /gzung ba dang 'dzin pa'i dngos po dang bral bas na rnam par shes pa'i chos nyid 'das so/ /chos thams cad gnyis su med pa'i ye shes mnga' bas na ye shes so/ /gnyis su med pa'i ngo bo 'dzin pas na gnyis med tshul 'chang pa'o/ /rnam par rtog pa thams cad las 'das pas rnam par rtog med do/ /phyi rol gyi don la mi dpyod pas na lhun gyis grub pa'o/ /dus gsum gyi sangs rgyas bzhin du sems can gyi bya ba mdzad pas na dus gsum
- 22b
sangs rgyas las byed pa'o/ /chos thams cad thugs su chud pas na sangs rgyas so/ /thog ma dang tha ma ni thog ma dang tha ma ste/ /gang la thog ma dang tha ma med pa de ni thog ma dang tha ma med pa ste chos sku'i ngo bo nyid do/ /dang po nyid nas chos nyid kyi bdag nyid can yin pas na dang po'i sangs rgyas so/ /gang las kyang skye ba med pas na rgyu med pa'o/ /ye shes kyi rang bzhin gyi spyan gcig pos thams cad gzigs pas na ye shes mig gcig go /'dod chags la sogs pa'i dri ma dang bral bas na dri ma med pa'o/ /ye shes kyi rang bzhin gyi sku gang la yod pa de ni ye shes lus can no/ /ji ltar sngon gyi de bzhin gshegs pa slar mi ldog par gshegs pa de bzhin du de bzhin gshegs pas na de bzhin gshegs pa'o/ /tshig gi dbang phyug yin pas na tshig gi dbang phyug go /rgol ba rnams kyis zil gyis mi non pas na smra ba che ba'o/ /smra ba thams cad kyi gtso bor gyur pas na smra ba'i skye mchog go /tshangs pa dang dbang po la sogs pa'i smra ba po thams cad kyi nang na mdzes par smra bas na smra ba'i rgyal po'o/ /tshangs pa la sogs pa smra ba po rnams kyi mchog tu gyur bas na smra pa'i dam pa'o/ /mchog tu phul du byung bas gtso bor gyur pas na mchog gi gnas so/ /mu stegs ngan pa'i ri dwags skrag par mdzad pas na smra pa'i seng ge'o/ /de nyid kyis na gzhan gyis mi thub pas na tshugs pa med pa'o/ /chos rnams kyi de kho na nyid thugs su chud pas na kun tu blta ba'o/ /rab tu dga' bas sku'i bde ba chen po 'phags pas na mchog tu dga' ba'o/ /'od zer 'phro ba'i phreng bas brgyan pa'i sku mnga' bas na gzi brjid phreng ba'o/ /gzi brjid kyi phreng bas bskor yang zhi ba'i ngo bo nyid kyi sku dang ldan pas na legs par snang ba'i phyir blta na sdug pa'o/ /mi shes pa'i mun nag sel bar byed pa'i ye shes dam pa'i 'ong mnga' bas na 'od bzang ngo/ /ye shes kyi gzugs kyis shes bya rnams la khyab cing gsal bas mdzad pas na 'bar ba'o/ /dpal gyi be'u yi gzugs kyi gnas pas na dpal gyi
- 23a
pe'u'o/ /lag na 'od 'bar bas na 'od 'bar ba ste/ lag pa 'od 'bar bas gsal bar byed pas na lag na 'od 'bar do/ /ye shes kyi tshul gyis snang bar byed pas na snang ba po'o/ /dam pa'i chos kyi sman gyis nyon mongs pa'i nad gso bar mdzad pas na sman pa che mchog go /de nyid kyis na gtso bo ste'o/ /thog ma med pa'i skye ba'i zug rngu? rtsa ba dang bcas pa 'byin pas na zug rngu 'byin pa bla na med pa'o/ /sman me lus pa ngo bo nyid sangs rgyas dang chos kyis bsgrubs shing bskyed pa'i shing yin pas na sman rnams ma lus ljon pa'i shing ngo/ /nyon mongs pa'i nad rtsa ba nas 'byin pas na nad do cog gi dgra che ba ste/ gnyen por gyur zhes bya ba'i don to/ /thams cad kyi 'dod par bya ba yin pas na sdug gu'o/ /'jig rten gsum gyi dbral bar gyur pas na 'jig rten gsum gyi mchog go /gang la ye shes kyi mtshan nyid can gyi dpal yod pa de ni dpal ldan no/ /ji ltar skar ma'i dkyil 'khor gyi dbus na zla ba mdzes pa de bzhin du 'khor gyi dkyil 'khor na mdzes pas na rgyu skar dkyil 'khor can no/ /phyogs bcu nam mkha' i mdza' gtugs pa rnams su chos kyi rgyal mtshan shin tu mthon po bsgreng bar mdzad pas na/ phyogs bcu nam mkha' i mdza' gtugs par/ chos kyi rgyal mtshan legs par 'dzugs zhes bya'o/ /char dang tsha ba'i gdung ba nye bar zlog pa'i phyir dang/ 'gro ba rnams la khyab pa'i gdugs gcig pu'i ? nyid can pas na 'gro na gdugs gcig yangs pa ste'o/ /byams pa dang snying rje dag gis yongs su bskor ba'i tshul gyis 'gebs pas na byams dang snying rje'i dkyil 'khor can no/ /ye shes kyi dbang phyug dang ldan pas na dpal ldan no/ /pad+ma gar gyi dbang phyug gi gzugs 'dzin pas na pad+ma gar gyi bdag go /thams cad du khyab pas na khyab bdag chen po'o/ /rin po ches nye bar mdzes pa'i gdugs gang la yod pa de ni rin chen gdugs so/ /sangs rgyas thams cad kyi dbus na mdzes pas na sangs rgyas kun gyi gzi brjid che'o/ /
- 23b
sangs rgyas thams cad kyi sku'i bdag nyid kyi ngo bo 'chang bar mdzad pas na sangs rgyas kun gyi sku 'chang ba'o/ /sangs rgyas thams cad kyi rnal 'byor chen po dang ldan pas na sangs rgyas kun gyi rnal 'byor che'o/ /de'i bka' bzhin byed pas sangs rgyas thams cad kyi bstan pa/ gcig pa'i tshul gang yin pa de ni sangs rgyas kun gyi bstan pa gcig go /rdo rjes mtshan pa'i rin po che ni rdo rje rin chen no/ /des dbang bskur bas khams gsum gyi bdag po'i mtshan nyid can gyi dpal gang la yod pa de ni rdo rje rin chen dbang bskur dpal lo/ /rin chen 'byung ldan gyi rigs la brten pa'i bdag po'i dbang phyug yin pas rin chen kun bdag dbang phyug ste'o/ /'jig rten gyi dbang phyug thams cad kyi bdag por gyur pas na 'jig rten dbang phyug kun gyi bdag go /rdo rje 'chang ba thams cad kyi bdag por gyur pas na rdo rje 'chang kun gyi rje'o/ /rin chen 'byung ldan dang/ 'od dpag tu med pa dang/ me bskyod pa'i ngo bo nyid kyis sangs rgyas thams cad dang gnyis su med pa'i thugs nyid du gyur pas na sangs rgyas kun gyi thugs che ba'o/ /sangs rgyas thams cad kyi thugs la bzhugs pa gang yin pa de ni sangs rgyas kun gyi thugs la gnas pa'o/ /sangs rgyas thams cad kyi sku mnga' ba de ni sangs rgyas kun gyi sku che ba'o/ /gang gi gsung sangs rgyas thams cad dang 'dra ba de ni sangs rgyas kyi gsung yang yin no/ /nyi ma dang 'dra bar byed pas mi shes pa'i mun nag sel bar mdzad pas na rdo rje nyi ma snang ba che'o/ /nyon mongs pa'i gdung ba sel bar byed pa dang dri ma med pa'i 'od zer dang ldan pas na rdo rje zla ba dri med 'od do/ /'dod chags dang bral ba sngon du 'gro ba la sogs pa spong ba dang ldan pas na chags bral la sogs so/ /thugs rje chen po'i chags pa dang ldan pas na chags pa che'o/ /sna tshogs pa'i gzugs su yang dag par ston pas na kha dog sna tshogs 'bar ba'i 'od do/ /yang dag par rdzogs pa'i sangs rgyas kyi rdo rje'i skyil krung 'chang bas rdo rje skyil krung rdzogs sangs rgyas so/ /sangs rgyas rnams kyi 'gro ba ni yang
- 24a
dag par 'dus nas chos kyi bgro ba mdzad pa'o/ /sangs rgyas thams cad de 'dzin pas na sangs rgyas bgro ba'i chos 'dzin pa'o/ /gang la dpal yod pa de ni dpal ldan no/ /sangs rgyas kyi pad+mas bskyed pa gang yin pa de ni sangs rgyas pad+ma skyes so/ /thams cad mkhyen pa'i ye shes ni mdzad do/ /de 'dzin pas na kun mkhyen ye shes mdzod 'dzin pa'o/ /sangs rgyas thams cad kyi bdag por gyur pas na rgyal po'o/ /med pa'i ngo bo sna tshogs yod pa'i ngo bor ston pas na sgyu 'phrul te/ de thugs la 'jog par mdzad pas na sgyu 'phrul sna tshogs 'chang ba'o/ /mchod par 'os pas na che ba'o/ /sangs rgyas rnams kyi rig sngags ni shes rab bo/ /de 'dzin par mdzad pas na sangs rgyas rig sngags 'chang ngo/ /chos thams cad bdag med par so sor thugs su chud pas na rdo rje rnon po'o/ /nyon mongs pa'i ljon shing gcod pas na ral gri che'o/ /yi ge mchog ni a yis brjod pa de 'dzin pas na yi ge mchog go /mi bden pa'i dri ma'i rnam par rtog pa med pas na rnam par dag pa'o/ /theg pa chen po'i lam gyis 'khor ba'i sdug bsngal gcod pas na theg pa chen po sdug bsngal gcod do/ /rdo rje'i chos ni gnyis su med pa'i ye shes te/ rdo rje chos kyi mtshon cha chen po de gzung ba dang 'dzin pa'i rnam par rtog pa gcod pas na mtshon cha chen po rdo rje chos so/ /mi phyed cing zab pa ston pa'i theg pa chen pos nyan thos dang rang sangs rgyas kyi rgyal ba las rgyal ba gang yin pa de ni rdo rje zab mo dzi ni dzag go /bdud rnams kyis mi phyed pa'i blo dang ldan pas na rdo rje blo gros so/ /mi rtag pa la sogs pa'i tshul gyis dngos po thams cad kyi don mkhyen pas na don bzhin rig go /pha rol tu phyin pa bcu yongs su rdzogs pa mnga' bas na pha rol phyin pa kun rdzogs pa'o/ /sa bcu'i rgyan dang ldan pa gang yin pa de ni sa rnams kun gyi rgyan dang ldan pa'o/ /rnam par dag pa'i chos bdag med pa'i ye shes thugs su chud pas na rnam par dag pa bdag med chos so/ /yang dag pa'i ye
- 24b
shes nyid zla ba ste/ de'i 'od kyis log pa'i shes pa'i mun nag gis khebs pa'i sems dri ma med par mdzes pas na yang dag ye shes zla 'od bzang ngo/ /sgyu 'phrul dra ba'i rgyud kyi don ston pa'i brtson 'grus chen po dang ldan pa gang yin pa de ni brtson chen sgyu 'phrul dra ba ste'o/ /ci'i phyir zhe na/ rgyud thams cad kyi bdag por gyur pa des na rgyud kun gyi bdag po'o/ /de nyid kyis na dam par gyur pas na mchog go /ma lus pa'i rnam pa las rgyal ba'i phyir rdo rje skyil mo krung bcas pa gang yin pa de ni rdo rje gdan ni ma lus ldan no/ /bya ba byas pas phung po'i bdag nyid can longs spyod rdzogs pa dang sprul ba'i sku mnga' bas na ye shes sku rnams ma lus 'chang ngo/ /thams cad du bzang bas na kun tu bzang po'o/ /blo gros shin tu bzang po dang ldan pas na blo gros bzang ngo/ /byang chub sems dpa' sa'i snying po'i gzugs 'dzin pas na sa'i snying po'o/ / 'gro ba rnams kyi dbugs 'byin pa'i gnas su gyur pas 'gro ba 'dzin pa'o/ /sangs rgyas thams cad bskyed pa'i rgyur gyur pas na sangs rgyas kun gyi snying po che'o/ /sprul pa'i 'khor lo sna tshogs ni dkyil 'khor gyi 'khor lo'o/ /de 'dzin par mdzad pas na sprul pa'i 'khor lo sna tshogs 'cha'o/ /dngos po thams cad kyi ngo bo nyid na ngo bo nyid med pa'o/ /de nyid kyis na rang bzhin gyi mchog tu gyur pa'o/ /de nyid kyis na dngos po kun gyi rang bzhin 'dzin no/ /skye ba med pa'i chos gang yin pa de ni skye med chos te/ skye ba med pa'i chos gang yin pa de ni/ skye ba med pa'i don ston pas na chos kyi don no/ /chos thams cad kyi ngo bo nyid ni stong pa nyid kyi rang bzhin no/ /de 'dzin pas na chos kun ngo bo nyid 'chang ba'o/ /shes rab chen pos skad cig ma la chos thams cad thugs su chud pas na shes rab chen po skad cig la'o/ /chos thams cad mi rtag pa la sogs pa'i tshul gyis thugs su chud pa thugs la 'dzin pas na chos kun khong du chud pa 'chang ngo/ /chos thams cad ni 'dus byas la sogs pa ste/ de mngon par rtogs shing thugs su chud pa gang yin pa de ni chos kun mngon par rtogs pa ste'o/ /shes rab
- 25a
mchog tu gyur pas na thub pa blo mchog go /'byung po de ni bden pa'i don no/ /de'i mdza' ni mthar thug pa nyid de/ de thugs su chud pas na 'byung po'i mdza' o/ /gnas ngan len gyi rnam par rtog pa thams cad dang bral bas mi 'gyur pas na mi g.yo ba'o/ /ma rig pa la dang 'dod chags la sogs pa'i rnyog pa dang bral bas na rab tu dang ba'i bdag nyid do/ /rdzogs pa'i sangs rgyas kyi byang chub ni zad pa dang mi skye ba shes pa'o/ /de 'dzin par mdzad pas na rdzogs pa'i sangs rgyas byang chub 'chang ngo/ /chos kyi dbyings kyi ngo bo nyid kyis sangs rgyas thams cad kyi thugs su chud pas na sangs rgyas kun gyi mngon sum pa'o/ /ye shes kyi me lce gang yin pa de ni ye shes kyi me lce'o/ /shin tu bzang po'i 'od dang ldan pas na 'od 'bar gsal lo/ /'dod pa ni dgos pa ste sangs rgyas nyid do/ /de'i don grub pas na 'dod pa'i don grub pa'o/ /'jig rten las 'das pa nyid pas na dam pa ste'o/ /ngan 'gro ngan song thams cad nye bar zhi bar mdzad pas na ngan song thams cad rnam spyod pa'o/ /ye shes kyi dbang phyug dang ldan pas na mgon po'o/ /nyon mongs pa'i 'ching ba thams cad dang bral bas na sems can kun gyi mchog go /thabs la mkhas pa thams cad kyi stobs kyis sems can thams cad rab tu grol bar mdzad pas na sems can thams cad rab grol byed do/ /nyon mongs pa ni 'dod chags la sogs pa'o/ /de dang lhan cig g.yul sprod pas na nyon mongs g.yul lo/ /der ni gcig pu dpa' bo yin gyi gzhan ma yin pas na gcig dpa' ba' o/ /mi shes pa'i dga' i dregs pa ni phyi rol gyi don la mngon par zhen pa'o/ /de spangs pas na mi shes dgra'i dregs pa 'joms pa'o/ /ye shes kyi dbang phyug dang ldan pas na dpal ldan no// 'jig rten las 'das pa'i rab ni blo ste/ de dang ldan pa'i steg cing sgeg pa dang ldan pa'o/ /brtan po'i nyams dang ldan pa la brten cing bdud la sogs pa'i dgra zlog pas na brtan po'i gzugs 'chang ba'o/ /shin tu mi bzang ba'i gzugs 'dzin pas na mi sdug
- 25b
gzugs 'chang ba'o/ /mtshon cha sna tshogs thogs pa'i lag pa'i mchog brgya po bskyod cing sna tshogs su 'jog pa'i rkang pa brgya snyed kyis bskyod pa'i gar mdzad pas na lag pa brgya po kun bskyod cing/ gom pa'i stabs kyi gar byed pa zhes bya'o/ /dpal dang ldan pa'i lag pa brgyas khyab pas nam mkha' i khams kyi mthar thug par gar mdzad pas na dpal ldan lag pa brgyas gang la/ nam mkha' khyab par gar byed pa zhes bya'o/ /sa'i dkyil 'khor bzhi ni sa'i cha'i steng ste/ de'i khyon de la rkang pa ya gcig gi mthil gyis mnan nas bzhugs pas na sa'i dkyil 'khor bzhi'i khyon rkang pa ya gcig mthil gyi gnon zhes bya'o/ /gang gis rkang pa'i mthe bong gi sen mo'i khyon gyis tshangs pa'i yul sa'i steng gi cha gnon pa ste/ rkang mtheb kyi sen mos tshangs pa'i yul sa dang bcas pa'i rtse mo mnan nas der bzhugs pa gang yin pa de ni rkang mtheb sen mo'i khyon gyis kyang/ tshangs pa'i yul sa rtse nas mnon zhes bya'o/ /don gcig pa nyid ni 'di lta ste/ gnyis su med pa'i don nyid do/ /gzung ba dang/ 'dzin pa dang bral ba gnyis su med pa ni gnyis su med pa'i chos kyi don dam pa yin no/ /de ni nam yang gzhan du 'gyur pa med pas 'jig pa med pa'o/ /phyi rol gyi gzugs la sogs pa'i don so sor snang ba yod pas rnam pa sna tshogs pa'i rnam par rig pa skye bar 'gyur bas rnam rig sna tshogs gzugs don can no/ /sems nyid rnam par shes pa ste/ de'i rgyud rgyun mi 'chad pas sems dang rnam shes rgyud dang ldan no/ dngos po'i don ma lus pa rnams la sems pa'i rang bzhin gyi shes rab kyi rnam par dpyad nas dga' ba bskyed pas na dngos don ma lus rnams la dga' o/ /stong pa nyid kyi don la shin tu dga' ba skyes pas na stong pa nyid dga' o/ /de nyid kyis na shes rab kyi mchog yin pas na blo'i mchog go /srid pa la chags pas na srid pa'i 'dod chags so/ /srid pa'i 'dod chags la sogs pa las 'das pas na srid pa'i 'dod chags sogs spangs pa'o/ /sogs pa'i sgras ni 'dod pa'i 'dod chags las 'das pa'o/ /gzhan sems can gyi don dbang gis srid pa gsum la dga' ba gang la yod pa de ni srid gsum
- 26a
dga' ba chen po pa'o/ /sprin dkar po ltar dkar bas na sprin dkar dag pa bzhin du dkar ro/ /kha dog thams cad med bas na dag pa'o/ /de nyid kyis 'od bzang ston ka'i zla ba'i 'od de/ 'od shin tu bzang po dang ldan pas 'od bzang ngo/ /'char ma thag pa'i nyi ma'i dkyil 'khor gyi 'od ltar dmar bas na nyi ma 'char ka'i dkyil ltar mdzes so/ /sen mo'i 'od shin tu dmar ba dang ldan pas na sen mo'i 'od ni shas cher dmar ro/ /cod pan nor bu mthon ka'i rtse mo ltar mdzes pa yod pa gang yin pa de ni cod pan bzang po mthon ka'i rtse'o/ /skra'i rtse mo mthon ka chen po dang 'dra ba mnga' bas na skra mchog mthon ka chen po can no/ /nor bu chen po'i 'od dang ldan pa'i dpal gang la yod pa de ni nor bu chen po 'od chags dpal lo/ /shes rab kyi pha rol tu phyin pa bzhin du sangs rgyas kyi sprul pas brgyan pas na sangs rgyas sprul pa'i rgyan dang ldan no/ / rdzu 'phrul chen po'i goms pa'i stabs che ba 'dor pas 'jig rten gyi khams brgya g.yo bar mdzad pas na 'jig rten khams brgya kun bskyod pa'o/ /rdzu 'phrul rkang pa'i stobs chen ldan zhes bya ba la/ rdzu 'phrul nyid kyi rkang pa'i stobs chen po dang ldan pa gang yin pa de ni rdzu 'phrul rkang pa'i stobs chen no/ /de kho na nyid la gnas pas na de nyid do/ /sngon nyams su myong ba brjed par mi 'gyur bas na dran pa chen po 'chang ngo/ /sangs rgyas dang chos dang/ dge 'dun dang/ gtong ba rjes su dran pa ste/ rjes su dran pa bzhi po de nyid ting nge 'dzin no/ /de rnams kyi bdag por gyur pas na dran pa bzhi po ting nge 'dzin rgyal lo/ /byang chub kyi yan lag gi me tog gi dri dang ldan pa'i gzugs can yin pas na byang chub yan lag me tog spos so/ /de bzhin gshegs pa thams cad kyi yon tan rin po che'i gzhir gyur pas de bzhin gshegs pa'i yon tan mtsho'o/ /lam gyi yan lag brgyad nyan thos rang sangs rgyas la sogs pa dang/ thun mong gi tshul gyis yongs su mkhyen pas na lam gyi yan lag brgyad tshul rig go /de nyid kyis na yang dag sangs rgyas lam rig pa'o/ /thugs rje chen po'i dbang gis sems can thams cad la shas cher chags pas na sems can kun
- 26b
la shas cher chags pa'o/ /shes rab kyis de kho na nyid la brten pas na nam mkha' lta bur cha gsang med pa'o/ /sems can thams cad kyi yid la 'jug cing shes pas na sems can kun gyi yid la 'jug pa'o/ /de nyid kyis na yid mgyogs pas sems can kun gyi yid la 'jug go /de nyid kyi na yid mgyogs pas sems can thams cad la chos kyi tshigs su bcad pa gtong bas na sems can kun gyi yid ltar mgyogs so/ /tha ma dang 'bring dang mchog gi sems can thams cad kyi dbang po'i don yongs su mkhyen pas na sems can kun gyi dbang don shes so/ /shin tu yid du 'ong zhing dga' bas sems can thams cad kyi yid 'phrog pas na sems can kun gyi yid 'phrog pa'o/ /gzugs ni dbu ba lta bu ste/ /tshor ba chu yi chu bur 'dra/ /'du shes smig rgyu 'dra ba ste/ /'du byed rnams ni chu shing 'dra/ /rnam shes sgyu ma lta bu'o zhes phung po bstan pa'i tshul gyis ston pa 'dis phung po lnga don gyi kho na nyid mkhyen pas na phung po lnga don de nyid shes so/ /tshul khrims dang/ ting nge 'dzin dang/ rnam par grol ba dang/ rnam par grol ba'i ye shes mthong ba ste/ phung po lnga po rnam par dag pa'i ngo bo nyid 'dzin pas na rnam dag phung po lnga 'chang ba'o/ /nyan thos la sogs pa'i nges par 'byung ba'i mthar thug pa la zhugs pas na nges 'byung kun gyi mdza' la gnas so/ /nges par 'byung ba thams cad kyi rang gi ngo bo thugs su chud pas na nges par 'byung ba kun la mkhas pa'o/ /nges par 'byung ba thams cad la zhugs pas na sems can rnams lam de la 'jog pas na nges 'byung kun gyi lam la gnas so/ /sems can rnams la nges par 'byung ba thams cad ston pas na nges par 'byung ba kun ston pa'o/ /rten cing 'brel bar 'byung ba yan lag bcu gnyis can gyi srid par 'jug pa rtsa ba dang bcas pa yang bton pas na yan lag bcu gnyis srid rtsa bton pa'o/ / de nyid kyis na rten cing 'brel bar 'byung ba yan lag rnam pa bcu gnyis can med pa rnam par dag pa'i mya ngan las 'das pa thob pas na dag pa rnam pa bcu gnyis 'chang ba'o/ /sdug bsngal dang/ kun 'byung ba dang/ 'gog pa dang/ lam gyi mtshan nyid can bden pa bzhi'i tshul gyi rnam pa ston pas na
- 27a
bden bzhi'i tshul gyi rnam pa can no/ /sdug bsngal la chos shes pa la sogs pa'i shes pa brgyad ni shes pa brgyad po ste/ shes pa de rnams thugs su chud cing de rnams nyid thugs la 'jog pas na shes pa brgyad po rtogs pa 'chad do/ /skye mched bcu gnyis kyi rnam pa'i mtshan nyid can kun rdzob kyi bden pa'i don rnam pa bcu gnyis bcu gnyis ldan no/ /de kho na nyid rnam pa bcu drug ni nang stong pa nyid nas brtsams te/ dngos po med pa'i ngo bo nyid stong pa nyid kyi bar gyi stong pa nyid bcu drug go /de rnams ji lta ba bzhin mkhyen pas na de nyid rnam pa bcu drug rig go /de kho na nyid kyi ye shes bcu drug gi rnam pa la gzhan yang me long lta bu dang/ mnyam pa nyid dang/ so sor rtog pa dang/ bya ba grub pa ste/ rnam pa bzhi bsnan pa ni rnam pa nyi shu ste/ de lta bu'i tshul gyis byang chub pa'o/ /sna tshogs pa'i rnam pas byang chub pas na rnam pa sangs rgyas so/ /rnam pa thams cad mkhyen pa'i ye shes dang ldan pas na kun rig go /thams cad kyi dam pa yin pas na mchog go /sangs rgyas kyi sku dpag tu med pa'i sangs rgyas kyi sprul pa rnams kyis 'jig rten gyi khams mdza' yas par sems can gyi don la cig car 'jug pas na sangs rgyas kun gyi sprul pa'i sku/ bye ba dpag med 'gyed pa po'o/ /skad cig thams cad mngon par rtogs pa ni dus kyi mtshan nyid yongs su shes pa ste/ de mkhyen pas na skad cig thams cad mngon par rtogs pa'o/ /sems can thams cad dang 'bral ba'i sems kyi mtshan nyid ni yang dag pa dang log pa'i mtshan nyid can no/ /de mkhyen pas sems kyi skad cig don kun rig go /theg pa sna tshogs pa ni nyan thos kyi theg pa la sogs pa'o/ /de nyid thabs te/ theg pa sna tshogs pa'i thabs des 'gro pa rnams kyi don la rnam par rtog cing rdzogs par mdzad pas na theg pa sna tshogs thabs tshul gyis/ 'gro ba'i don la rtog pa po'o/ /theg pa gsum ni nyan thos la sogs pa'i theg pa ste/ de rnams las 'byung bas na theg pa gsum gyi nges 'byung ba'o/ /don dam par ni theg pa la dbye ba yod pa ma yin te/ sangs rgyas nyid du 'bras
- 27b
bu gcig pas theg pa gcig gi 'bras bur gnas zhes bya'o/ /nyon mongs pa rnams kyi khams ni mig la sogs pa'i rigs te/ pha rol gyi don med pas rgyu dang 'bras bu'i ngo bor med pas na rnam par dag pa'i bdag nyid gang yin pa de ni nyon mongs khams rnams dag pa'i bdag go /dge ba dang mi dge ba'i las kyi kun nas bslang ba'i sems ni las kyi khams so/ /de yang mi skye ba'i chos can nyid du byas pas na las kyi khams rnams zad byed pa'o/ /chu bo ni bzhi ste/ 'dod pa'i chu bo dang/ srid pa'i chu bo dang/ lta ba'i chu bo dang/ ma rig pa'i chu ba'o/ /de nyid rgal dka' bas na rgya mtsho'o/ /de rnams las brgal bas na chu bo brgya mtsho kun las brgal ba'o/ /sbyor ba ni bzhi ste/ srid pa la sogs pa'o/ /sbyor ba nyid 'jig par byed pas dgon pa'o/ /de rnams las nges par 'byung bas na sbyor ba'i dgon pa las byung ba'o/ /nyon mongs pa ni 'dod chags la sogs pa'o/ /nye ba'i nyon mongs pa ni khro ba la sogs pa'o/ /de rnams kun nas bsags pas na kun nas nyon mongs pa'i phyir kun nas nyon mongs pa'o/ /de rnams bag chags bcas par shin tu spangs pa gang yin pa de ni bag chags bcas pa gtan spangs pa'o/ /thugs rje chen po dang shes rab dang thabs rnams kyis 'bras bu dang bcas shing don yod par 'gro ba'i don mdzad pas na snying rje chen po shes bar thabs/ don yod 'gro ba'i don byed pa'o/ /mtshan mar 'dzin pa'i bdag nyid can ni 'du shes so/ /'du shes kyang phyi'i yul med pas mtshan mar 'dzin pa yang med pa nyid ni 'du shes thams cad kyi don spangs pa'i don gyi dgos pa gang yin pa de ni 'du shes kun gyi don spongs shing ngo/ /rnam par shes pa'i don ni rnam shes pa'i yul du brtags pa nyid ces? 'gog par byed pa'i rnam pa 'gag par ston pas na rnam shes don ni 'gag par byed do/ /sems can thams cad kyi yid kyi yul la dmigs pas na sems can kun yid yul dang ldan no/ /'gro ba gzhan med pas sems can thams cad kyi yid kyi 'gro ba mkhyen pas
- 28a
na sems can kun gyi yid rig pa'o/ /gzhan yang gcig pur ma zad kyi de'i yid kyi bar la gnas pas na sems can kun gyi yid la gnas so/ /de rnams kyi sems ni de dag sems te/ de la dmigs pas de dang mnyam pa nyid thob pas de dag sems dang mthun par 'jug /sems can thams cad la yid du 'ong ba'i gzugs kyis tshim par byed pas na sems can kun yid tshim par byed do/ /sems can thams cad la don dam pas yid dga' ba bskyed pas na sems can gyi yid dga' ba'o/ /gang grub cing yongs su rdzogs pa'i mthar thug pa de ni grub pa'i mthar phyin no/ /phyi'i don gyi 'khrul pa med pas na log par lta ba'i mtshan nyid can nor pa mi mnga' bas na nor pa thams cad rnam par spangs pa'o/ /de nyid kyis na the tshom med pa'i blo'o/ /blang ba dang spang ba dang btang snyoms su bya ba'i don gsum po ston pas na don gsum the tshom med pa'i blo'o/ /longs spyod dang mthar pa'i mtshan nyid can gyi don thams cad la rang dbang yod pa gang yin pa de ni kun don no/ /stong pa nyid dang mtshan ma med pa dang/ smon pa med pa ni yon tan gsum ste/ rnam par thar pa'i sgo de gsum yod pa'i bdag nyid can gang yin pa de ni yon tan gsum gyi bdag go /phung po lnga ni gzugs la sogs pa'o/ /dus gsum ni 'das pa dang/ ma 'ongs pa dang/ da ltar byung ba'i dus so/ /dus de rnams kyi dus gcig pa gang yin pa de ni gsum ste/ dus de rnams kyi phra ba'i gnas skabs sngon dang phyi mar 'byung ba ni skad cig thams cad de/ de rnams kyi bye brag phyed pas na phung po lnga don dus gsum du/ skad cig thams cad bye brag phyed ces bya'o/ /shin tu phul du byung ba ye shes kyi dbang phyug dang ldan pas na skad cig gcig gis rdzogs sangs rgyas so/ /chos kyi sku'i ngo bo nyid du mi phyed pas na sangs rgyas kun gyi rang bzhin 'chang ngo/ /chos kyi sku dang ldan pas na 'byung ba las gyur pa'i lus med pa'o/ /longs spyod rdzogs pa'i sku kun dang ldan pas na lus te'o/ /sprul ba'i sku dang ldan pas na lus kyi mchog gi? lus
- 28b
kyi mdza' rtogs pa dang ldan pas na lus kyi mthar ni rtogs pa'o/ /lus kyi mdza' rtogs pa'i tshul gyis na gzugs rnams thams cad kun tu ston pa'o/ /bsam pa thams cad yongs su rdzogs par mdzad pas na yid bzhin gyi nor bu'i ngo bo gyur bas na nor bu chen po'o/ /rin po ches mtshan pa'i rgyal mtshan ni rin chen tog go /chos kyi sku'i ngo bo nyid yang dag par rdzogs pa'i sangs rgyas thams cad kyis rtogs par bya ba yin pas na sangs rgyas kun gyis rtogs bya ba'o/ /bla na med pa yang dag par rdzogs pa'i byang chub de'i rang bzhin yin pas na sangs rgyas byang chub bo/ /'di'i gong ma gzhan med pas bla na med pa'o/ /gsang sngags kyi rgyud las byung bas na gsang sngags las byung ngo/ /gnyis su med pa'i ye shes kyi ngo bo nyid yin pas na yi ge med pa'o/ /de bzhin gshegs pa dang/ pad+ma dang/ rdo rje'i rigs ni gsang sngags chen po'i rigs gsum yin te/ /de'i rang bzhin yin pas na gsang sngags chen po'i rigs gsum pa'o/ /gsang sngags thams cad kyi don bskyed pa'i rgyur gyur pas na gsang sngags don kun bskyed pa po'o/ /rig pa'i ngang tshul can ni thig le chen po ste/ sems dpa' zhes bya ba'i don to/ /yi ge dang sgra skad dang brda thams cad dang bral bas yi ge med pa'o/ /stong pa nyid chen po'i ngo bo nyid yin pas na stong pa chen po'o/ /a ra pa tsa na ste yi ge lnga'i bdag nyid can yin pas na yi ge lnga'o/ /thig le stong pa nyid kyi gsang sngags dam pa'i yi ge brgya yin pas na thig le stong pa yi ge brgya'o/ /sna tshogs pa'i rnam pa dang ldan pas na rnam pa kun ldan no/ /chos kyi sku'i bdag nyid yin pas na rnam pa med pa'o/ /bcu drug phyed phyed bzhi cha'i lhag par gyur pa'i zla ba'i thig le ral pa'i cod pan la thogs pas na bcu drug phyed phyed thig le can no/ /yan lag med pa gang yin pa de ni yan lag med pa ste cha shas med pa zhes bya ba'i don to/ /brtsi ba dang grangs kyis bcad pa las 'das pas na/ rtsis las 'das pa'o/ /bsam gtan gsum pa'i rtse mo rnam par mi rtog pa'i bsam gtan bzhi pa 'dzin pas na bsam gtan bzhi pa'i rtse mo ni mdza' o/ /de 'dzin pas na rtse mo can no/ /de nyid mkhyen
- 29a
pas na bsam gtan yan lag kun shes shing ngo/ /ting nge 'dzin dpa' bar 'gro ba la sogs pa'o/ /de'i rigs dang rgyud ni shes rab kyi pha rol tu phyin pa'o/ /de mkhyen pas na ting 'dzin rigs dang rgyud rigs pa'o/ /ting 'dzin lus can ni chos kyi sku'o/ / de nyid sku gnyis pas mchog tu gyur pas na lus kyi mchog go /longs spyod rdzogs pa'i sku thams cad du mdzes pas na longs spyod rdzogs sku kun gyi rgyal lo/ /gang gi phyir mchog tu gyur cing sangs rgyas kyi sprul pa'i rgyud 'chad ba de nyid kyis na sprul pa'i sku ste sku'i mchog /sangs rgyas pa'i sprul pa'i rgyud 'chad do/ /phyogs bcur sprul pa sna tshogs 'gyed/ /ji bzhin 'gro ba'i don byed pa zhes bya ba ni phyogs bcur rnam pa sna tshogs shing du ma'i sprul pa 'gyed pa la brten nas ji lta ba bzhin 'gro ba'i don mdzad pa gang yin pa de la de skad ces bya'o/ /la lar ni lha'i dbang por ston ba'o/ /la lar ni lha'i lha'o/ /lha'i bdag po ni dga' ldan gyi lha'i bdag po'o/ /lha min bdag po na thag bzad ris la sogs pa'o/ /la lar ni 'chi med dbang po ste/ 'thab bral la sogs pa'i lha rnams kyi rgyal po'o/ /lha'i bla ni gza' phur bu'o/ /'jigs byed ni dag po'i tshogs so/ /'joms byed dbang phyug ni drag po'o/ /de la sogs sogs pa'i sprul pa rnams kyis 'go ba'i don mdzed ces bya ba'i don to/ /'khor ba'i bag chags kyi nyes pa med pas na srid pa'i dgon pa las brgal ba'o/ /'gro ba la rjes su ston pas bston pa'o/ /gnyis pa med pas na gcig pu'o/ /'gro ba'i bla mar gyur pas na 'gro ba'i bla ma'o/ /chos kyi sbyin bdag chen por phyogs bcu'i 'jig rten gyi khams su shas cher grags pas na 'jig rten phyogs bcur rab grags pa/ /chos kyi sbyin bdag che ba po'o/ /ci zhig mdzad nas bdud 'joms she na/ byams pa'i go chas sku la gyon pas chas bya ba shing de bzhin nyid du snying rje'i ya lang bgo ba byas nas shes rab kyi ral gri mnga' gzhu thogs te g.yul las rgyal bar mdzad do zhes sbyar ro/ /nyon mongs pa dang mi shes pa'i g.yul ngo las rgyal bar mdzad pas na nyon mongs mi shes g.yul ngo sel to/ /'jigs pa med pas
- 29b
na dpa' bo/ /bdud kyi dgra yin pas na bdud 'gra'o/ /bdud las rgyal bas na bdud thul ba'o/ /phung po dang/ nyon mongs pa dang/ 'chi bdag dang/ lha'i bu'i bdud ces grags pa ni bdud bzhi'o/ /de rnams kyi 'jigs pa rnams sel cing mthar thug par mdzad pas na/ bdud bzhi'i 'jigs pa sel bar byed/ /bdud kyi dgra gcig pur ma zad do/ bcom ldan 'das ni bdud kyi dpung gi bar rnams kyang pham par mdzad pas na bdud kyi dpung rnams pham byed pa'o/ /de nyid kyis na rdzogs pa'i sangs rgyas 'jig rten gyi 'dren par gyur pa'o/ /mchog tu bla mar gyur pa yin pas na phyag byar 'os pa yin la/ de nyid kyis na mchod 'os bstod 'os phyag gi gnas/ /rtag tu ri mor bya ba'i 'os/ /bkur 'os brjed par bya ba'i mchog /phyag byar 'os pa bla ma'i rab ces bya'o/ /khams gsum thams cad du gom pa gcig gis bgrod par mdzad pa gang yin pa des ni 'jig rten gsum pa gom gcig bgrod pa'o/ /de ltar mkha' ltar mdza' yas te de'i mthar thug pa'i gom pa mnga' bas na mkha' ltar mthar med rnam par gnon zhes bya'o/ /byang chub sems dpa' i rig pa gsum ni 'di lta ste/ lha'i mig dang/ sngon gyi gnas res su dran pa dang/ zas? bzang pa'o/ / rig pa zhes bya ba'i sgra ni ye shes la zer bas des na ye shes rnam pa gsum dang ldan pas gsum rig go /bdag dang bdag gir yongs su shes pa'i bag chags thams cad dang bral bas na gtsang ba'i phyir gtsang ma'o/ /nyes pa thams cad dang bral ba'i phyir dag pa'o/ /lha'i mig la sogs pa mngon par shes pa drug gang la yod pa de ni mngon shes ldan no/ /sangs rgyas rjes su dran pa dang/ chos rjes su dran pa dang/ dge 'dun rjes su dran pa dang/ tshul khrims rjes su dran pa dang/ gtong ba rjes su dran pa dang/ lha rjes su dran pa rnams te/ de rnams dang ldan pas na rjes dran drug go /byang chub la sems pa'i sems gang la yod pa de ni byang chub sems dpa' o/ /gzhan gyi don la gcig tu mdzad pas na sems dpa' chen po'o/ /rnam pa thams cad kyi yul la dang pa'i rdzu 'phrul ldan pas na rdzu 'phrul chen po'o/ /'jig rten las 'das pa'i ye shes thugs su chud
- 30a
pas na 'jig rten las 'das pa'o/ /shes rab pha rol phyin pa'i sbyor bas chos kyi sku thugs su chud pa'i mthar thug pas na shes rab kyi pha rol tu phyin pa'i mdza' o/ /rnam pa thams cad du de'i ngo bo nyid du gyur bas na shes rab kyis ni de nyid thob pa'o/ / so so rang rig pa'i chos kyi tshul gyis bdag rig pas na bdag rig go /sgyu ma la sogs pa'i tshul gyis gzhan rig pas gzhan rig go /bya ba thams cad rdzogs par mdzad pas na thams cad pa'o/ /sems can thams cad la phan par dgongs pas na kun la phan pa'o/ /mang pos bkur bas gang zag gi gtso bor gyur pas na gang zag mchog go /thams cad du dpe thams cad las 'das pas na dper bya kun las 'das pa ste'o/ /nges par legs par 'dod pa rnams la mtho ris dang thar ba'i rgyur gyur pas na de nyid shes par bya ba ste/ shes par bya ba de las gzhan med ces bya ba'i don to/ /de kho na nyid kyi ye shes ma lus pa skye ba'i rgyur gyur pa shes pa thams cad mkhyen pa nyid bdag po'o/ /dam pa yin pas na mchog go /sbyin pa thams cad kyi gtso bor gyur pa ni chos kyi sbyin pa yin la/ de bas na chos kyi sbyin bdag gi gtso bor gyur pas gtso bor chos kyi sbyin bdag ste'o/ /phyag rgya chen po dang/ chos kyi phyag rgya dang/ las kyi phyag rgya dang/ dam tshig gi phyag rgya dang bzhi'o/ /de rnams kyi don ni phyag rgya bzhi'i don te/ de la phyag rgya chen po ni lha'i sku ste/ longs spyod rdzogs pa'i sku'o/ /dam tshig gi phyag rgya ni chos kyi sku'o/ /chos kyi phyag rgya ni dag tu brjod pa'o/ /las kyi phyag rgya ni bya ba grub pa sprul pa'i sku'o/ /de bzhin du 'gro ba'i bsnyen bkur gyi gnas kyi mchog tu gyur pa dang/ nyan thos la sogs pa nges par 'byung ba gsum gyi bskor par bzhud pa ni bcom ldan 'das 'jam dpal lo/ /de bas na don gyi dam pa rnam dag dpal lo/ /de bas na don gyi dam pa rnam dag dpal te gzhan ma yin no/ /ji ltar shes she na/ don gyi dam pa rnam dag dpal zhes bya ba las shes so/ /'di dag las kyang shes te/ 'jig rten gsum na
- 30b
skal pa bzang po nyid kyis mngon par 'dod pa'i don thams cad rdzogs par mdzad cing dpal dang ldan pa thams cad kyi mchog tu gyur pas na 'jig rten gsum na skal bzang che/ /dpal ldan 'byor pa kun byed pa/ 'jam dpal dpal dang ldan pa'i mchog /de nas da ni phyag 'tshal gsungs pa yin te/ mchog sbyin rdo rje mchog khyod 'dud ces bya ba la mchog ni sangs rgyas nyid do/ /de stsol bas na mchog sbyin no/ /rdo rje rigs kyi gtso bor gyur pas rdo rje mchog go /de la bod pa ni mchog sbyin rdo rje mchog khyod 'dud ces bya'o/ /yang dag mthar gyur pa ni de bzhin nyid do/ /de'i ngo bor gyur pas na yang dag mthar gyur ro/ /stong pa nyid kyi skye gnas las gang byung ba de ni stong pa nyid las byung ba'o/ /sangs rgyas kyi byang chub ni bla na med pa yang dag par rdzogs pa'i byang chub ste/ de'i ngo bo nyid pas na sangs rgyas byang chub po/ /sangs rgyas kun gyi yul la chags pa gang yin pa de ni sangs rgyas chags pa'o/ /sangs rgyas rnams kyi 'dod pa'i 'gro ba rnams 'don pa'o/ /de'i ngo bo nyid pas na sangs rgyas 'dod pa'o/ /sems can rnams kyi don mthar phyin pas sangs rgyas rnams kyi dgyes pa skyed pas na sangs rgyas dgyes pa'o/ /sems can rnams theg pa chen po la rab tu 'jog pas dga' bas skyes pas na sangs rgyas rol pa'o/ /byang chub sems dpa' rnams lus ston pa'i rgyur 'dzum pa mdzad pas sangs rgyas 'dzum pa'o/ /khro bo'i gzugs la gnas nas gdug pa rnams skrag par bya ba'i phyir/ /ha ha zhes bzhad par mdzad pas na sangs rgyas bzhad pa'o/ /sangs rgyas kyi gsung ni chos ston pa'i rnam pa'o/ /'di yang de bzhin du gyur pas na sangs rgyas gsung ngo/ /sangs rgyas kyi thugs ni sangs rgyas kyi de bzhin nyid de/ de la phyag 'tshal zhing 'dud pa'o/ /'di? la dngos po med pas na dngos po med pa'o/ /de ltar na yang sems can gyi don du 'gor par 'byung bar ston pas na med pa las byung ngo/ /'di las sangs rgyas 'byung bas na sangs rgyas 'byung ba'o/ /nam mkha' dang mnyam pa'i chos kyi de kho na nyid las
- 31a
nges par 'byung bas na nam mkha' las byung ba'o/ /gnyis su med pa'i de bzhin nyid kyi ye shes las byung bas na ye shes las byung ba'o/ /sgyu 'phrul dra ba'i spros pa ston pas na sgyu 'phrul dra ba'o/ /kun rdzob tu sangs rgyas kyi rol pas na sangs rgyas rol ston no/ /de bshad pa'i rnam pa thams cad pa'i yon tan gyi rang bzhin rnams la 'dud cing phyag 'tshal lo zhes pa'o/ /de dag thams cad kyang ye shes kyi sku'i mthu las de ltar so sor snang ste/ de lta bas na ye shes sku nyid khyod la 'dud ces bya ba gsungs pa yin no/ /mtshan yang dag par brjod pa'i 'grel pa slob dpon chen po 'jam dpal bshes gnyen gyi zhal snga nas kyi mdzad pa rdzogs so// //rgya gar gyi mkhan po sh+rad+db+ha ka ra warma dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa// (//mtshan brjod kyi 'grel pa mtshan gsang sngags kyi don du rnam par lta ba zhes bya ba bzhugs so//) //rgya gar skad du/ Arya nA ma saM gI ti nI kA nA ma man+t+ra rthA ba lo ki ni nA ma/ bod skad du/ 'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba ces bya ba/ rje btsun sgrol ma la phyag 'tshal lo/ /dus gsum skyob pa'i ye shes zla/ /'phags pa 'jam dpal phyag 'tshal te/ /zab cing rgya cher chos ldan pa/ / de bzhin yang dag mtshan brjod 'di'o/ /rnal 'byor spyod dang bya ba'i rgyud/ /de bzhin pha rol phyin pa'i tshul/ /mdo sde chos mngon sde snod dang/ /rnam 'grel gzhan yang bltas pa dang/ /de ltar 'das dang skyer bas te/ /bstod byed gzhung dang de bzhin du/ /sems tsam smra ba thams cad dang/ /de bzhin dbu ma'i gang yin dang/ /'jig rten gtsug lag de bzhin te/ /bla ma brgyud pa'i rim 'ongs pa'i/ /man ngag kyang ni legs dran te/ /gsol ba 'debs pas bdag gis te/ /sems can blo zhan rnams la ni/ /snying rjes brlan pa'i sems
- 31b
kyis su/ /shin tu zab cing rgya che ba/ /de yi rnam par bshad par bya/ /de nas nga ni mtshan yang dag par brjod pa 'di'i lus rnam par bzhag pa mngon par brjod par bya'o/ /'di lta ste zhus pa dang/ slar gsungs pa dang/ rigs drug la gzigs pa dang/ sgyu 'phru 'dra ba'i mngon bar rdzogs par byang chub pa'i rim pa dang/ byang chub kyi sems rdo rje dpal rdo rje sems dpa' i sgo nas dang/ rang bzhin gyis shin tu rnam par dag pa'i chos kyi dbyings kyi ye shes rnam par snang mdzad chen po'i sgo nas dang/ me long lta bu'i ye shes mi bskyed pa'i sgo nas dang so sor kun tu rtog pa'i ye shes snang ba mdza' yas kyi sgo nas dang/ mnyam pa nyid kyi ye shes rin chen 'byung ldan gyi sgo nas dang bya ba nan tan gyi ye shes don yod grub pa'i sgo nas dang/ de bzhin gshegs pa lnga'i sgo nas ye shes lnga la bstod pa dang/ yon tan dang/ sngags dgod pa dang/ nye bar bsdu ba rnams te/ lus kyi don bcu bzhi'o// //de la dang po ni de nas dpal ldan rdo rje 'chang zhes pa dang po nas brtsams te/ lus btud nas ni spyan sngar 'dug ces pa'i bar gyi tshigs bcu drug ni zhus pa'o/ /de nas bcom ldan shAkya thub ces pa dang po nas brtsams te/ bcom ldan de ni legs zhes gsol zhes pa'i bar gyi tshigs bcad drug gis ni slar gsungs pa'o/ /de nas bcom ldan shAkya thub/ /gsang sngags rigs chen thams cad dang zhes pa dang po nas brtsams te/ rigs chen gtsug tor tshar gzigs nas zhes pa'i bar gyi tshigs bcad gnyis kyis ni rigs drug la gzigs pa'o/ /tshig gi bdag po tshigs su bcad ces pa dang po nas brtsams te/ a ra pa tsa na ya te na ma(rgyud 'grel): zhes pa'i bar gyi tshigs bcad gsum gyis sgyu 'phrul dra ba'i mngon par rdzogs par byang chub pa'i rim pa gsungs so/ /'di ltar zhes pa dang po nas brtsams te/ theg pa chen po'i tshul gyi mchog ces pa'i bar gyi tshigs bcad bcu bzhis rdo rje dbyings kyi dkyil 'khor chen po'i sgo nas
- 32a
byang chub kyi sems rdo rje mngon par brjod pa'o/ /sangs rgyas rnam par snang mdzad che zhes pa dang po nas brtsoms te/ rdo rje lcags kyu zhags pa che zhes bya ba'i bar gyi tshig rkang gcig ma tshad pa'i tshigs bcad nyi shu rtsa lngas shin tu rnam par dag pa'i chos kyi dbyings kyi ye shes kyi sgo nas bstod pa'o/ /rdo rje 'jigs byed 'jigs par byed ces dang po nas brtsams te/ sgra dang ldan pa rnams kyi mchog ces pa'i bar gyi tshig rkang gcig dang tshigs bcad bcus me long lta bu'i ye shes kyi sgo nas bstod pa'o/ /yang dag bdag med de bzhin nyid ces pa dang po nas brtsams te/ ye shes me lce 'od 'bar gsal zhes pa'i bar gyi tshigs bcad bzhi bcu rtsa gnyis kyis so sor kun tu rtog pa'i ye shes kyi sgo nas bstod pa'o/ /'dod pa'i don grub dam pa ste zhes pa dang po nas brtsams te/ nor bu chen po rin chen tog ces pa'i bar gyi tshigs bcad nyi shu rtsa bzhis mnyam pa nyid kyi ye shes kyi sgo nas bstod pa'o/ /sangs rgyas kun gyis rtogs bya ba zhes pa dang po nas brtsams te/ 'jam dpal dpal dang ldan pa'i mchog ces pa'i bar gyi tshigs bcad bco lngas bya ba nan tan gyi ye shes kyi sgo nas bstod pa'o/ /mchog sbyin rdo rje mchog khyod 'dud ces pa dang po nas brtsams te/ ye shes sku nyid khyod la 'dud ces pa'i bar gyi tshigs bcad lngas de bzhin gshegs pa lnga'i sgo nas ye shes lnga la bstod pa'o/ /lag na rdo rje rdo rje 'chang 'di ni zhes pa dang po nas brtsams te/ chos kyi rgyal po thob po zhes pa'i bar gyis ni yon tan gyi sgo nas bstod pa'o/ /oM sarba d+harmA zhes pa dang po nas brtsams te/ d+harmA b+hA? tu dz+nya na garb+ha a(rgyud 'grel): zhes bya ba'i bar gyi tshigs bcad gsum dang tshig rkang gnyis dang/ yi ge bzhis ni sngags kyi sgo nas bstod pa'o/ /de nas dpal ldan rdo rje 'chang zhes pa dang po nas brtsams te/ rdzogs pa'i sangs rgyas kun gyis
- 32b
bshad ces pa'i bar gyi tshigs bcad lngas ni nye bar bsdus pa'i sgo nas bstod pa'o/ /de ltar de dag gcig tu bsdus nas tshigs bcad brgya drug cu rtsa gnyis rnams dang/ yon tan brgya lnga bcu'i gzhung gis bcom ldan 'das de bzhin gshegs pa thams cad kyi ye shes kyi sku 'jam dpal ye shes sems dpa' i mtshan yang dag par brjod pa'i don bsdus pa'o/ /'dir tshig gi don la the tshom gyis thams cad la 'brel ba dang/ brjod bya dang dgos pa dang/ dgos pa'i yang dgos pa'i dbang gis rtog pa sngon du gtod pa rnams 'jug pas na mtshan yang dag par brjod pa 'brel pa la sogs pa yang brjod par bya'o/ /de ltar yang 'di'i 'brel ba dang/ brjod bya ci ste ma bstan na de'i tshe smyon pa'i tshig bzhin du ma 'brel ba dang/ don med par yang dogs pa'i rtog pa sngon du gtong ba rnams nyan par mi 'gyur te/ de'i phyir na 'di'i 'brel ba dang/ brjod bya gdon mi za bar brjod dgos so/ /dad pa dang ldan pa rnams ni bcom ldan 'das kyis bka' tshad mar byas te 'jug pa nyid yin pas de la brjod bya la sogs pa smos ci dgos te/ ci'i phyir smos mi dgos zhe na/ de rnams ni dad pa tsam gyis rab tu 'jug pa'i phyir ro// de la 'dir brjod bya ni gnyis su med pa'i ye shes so/ /yon tan las kyang de skad gsungs te/ ji skad gsungs pa/ chos gnyis su med pa gzung ba'i don du mtshan bzung bstan to zhes so/ /rjod bya ni mtshan yang dag par brjod pa'o/ /klag pa ni brjod pa ste/ yang dag par brjod pa'i mtshan rnams na yang dag par brjod pa ste/ mtshan yang dag par brjod pa'o/ /mtshan ni rnal 'byor dang/ bya ba'i rgyud dang spyod pa'i rgyud dang/ gsung rab mdo sde mdza' dag dang/ chos mngon pa dang/ 'dul ba dang/ 'jig rten dang 'jig rten las 'das pa dang/ g.yo ba dang mi g.yo ba thams cad ste/ de rnams kyi mtshan yang dag par brjod pa ni gtso bo ma yin pas gnas pa ste don dam par ma yin no/ /kun rdzob ni/ kun nas srid rtses? yongs bcad pa/ /'di dag thams cad ming tsam mo zhes pa'i rigs pas so/ /'di dag ni rjod byed dang brjod bya'i mtshan nyid dam/
- 33a
thabs dang thabs las byung ba'i mtshan nyid kyi 'brel ba'o/ /dgos pa yang gsang sngags kyi sgo nas spyod pa'i byang chub sems dpa' rnams kyi mos pa dang/ de kho na nyid yid la byed pa gnyis kyis chos thams cad so sor rtog pa lhur len rtog pa med pa'i shes rab kyis 'byed pa dang/ dad pas mngon du byed pas gnyis su med pa'i chos ye shes thob par byed pa'o/ /de nas yang sgom pa mchog tu mthar phyin pa de bzhin gshegs pa'i go 'phang brnyes pa dgos pa'i dgos pa zhes sbyar bar bya'o/ /de ni tshig gi don yang bshad par bya ste/ de nas zhes bya ba ni rdo rje 'dzin pa'i dbang du byas nas gsungs pa ste/ de ni gsol ba 'debs pa nyid kyi skabs su bab pa'i phyir ro/ /'phags pa sgyu 'phrul dra ba khri drug stong pa rnal 'byor chen po'i rgyud kyi nang nas ting nge 'dzin drang pa'i le'u las bcom ldan 'das shAkya thub pas gsungs na bcom ldan 'das 'jam dpal ye shes sems dpa' i don dam pa'i mtshan yang dag par brjod pa gang yin pa de bcom ldan 'das rdo rje 'chang gis gsol ba 'debs pa yin no/ /dbang po rtul po'i sems can rjes su gzung ba'i don du'o/ /yang na de nas zhes gsungs pa'i/ de nas zhes bya ba'i sgra ni de ma thag pa'o/ /de nas rdo rje 'chang khro gnyer rim par ldan la sogs pa dang lhan cig tu/ mgon po sangs rgyas bcom ldan 'das/ /de bzhin gshegs la phyag 'tshal te/ /thal mo sbyor ba byas nas kyang/ /spyan sngar 'dug ste 'di skad gsol zhes 'brel to/ /rdo rje 'dzin pa'i phyir na rdo rje 'chang ba'o/ /tshig 'dis ni phyogs bshad pa'o/ /dpal ni lha mo'o/ /de gang la yod pa ni de dpal ldan no/ /'dis ni rgya che ba gsungs pa'o/ /'dis ci zhig ston par 'gyur zhe na/ thabs dang shes rab kyi bdag nyid bcom ldan 'das rdo rje 'dzin pa zhes bstan pa yin no/ /'di nyid dpal bde mchog gi rgyud las gsungs pa ste/ nam mkha' kun gyi skabs na dpal/ /rdo rje sems dpa' de bzhin gshegs zhes so/ /sdug bsngal gyis 'dul ba ni gdul dka' ba ste/ /dbang phyug la sogs pa'o/ /de dag rnams kyi 'dul ba ni ston pa ste/ rdo rje 'dzin nyid kyis 'dul ba'i
- 33b
phyir ro/ /dbang phyug la sogs pa de dag rnams kyi nang na dam pa nyid pas rdo rje 'dzin pa ni mchog go /'jig rten gsum ni sa 'og gi 'jig rten dang/ sa bla'i 'jig rten dang/ sa steng gi 'jig rten no/ /de rnams las rgyal ba'i ngang tshul 'di la mnga' bas na 'jig rten gsum las rgyal lo/ / yang na rgyal bar byed pa dang/ sbrang rtsir byed pa dang/ don thams cad grub bar byed pa gsum ni 'jig rten gsum mo/ /de rnams las rgyal ba'i ngan tshul 'di la nga'i bas na 'jig rten gsum las rgyal ba'o/ /de nyid kyi phyir na bcom ldan 'das rdo rje 'dzin pa de ni dpa' bo ste/ gzhan gyi zil gyis mnan par bya ba ma yin pa'i phyir ro/ /rdo rje dbang phyug ces pa ni/ rdo rje ni rtse lnga pa'i rdo rje'o/ /de'i dbang phyug ni gtso bo ste/ rdo rje dbang phyug ni bcom ldan 'das rdo rje 'dzin pa'o/ /dpal de nyid 'dus pa las gsang ba lnga brjod de/ ji lta ji ltar 'dul 'gyur ba/ /sems can rnams kyi rang bzhin las/ /de lta de ltar sems can don/ /'dod chags la sogs gtsang bas bya/ /sems can kun la phan don du/ /sangs rgyas bstan pa'i rgyu yi phyir/ /sems can thams cad bsad na yang/ /de ni sdig gis mi dgos so/ /sems can kun la phan don du/ /sangs rgyas sku dang sbyor ba las bzhan gyi nor rnams 'phrog na yang/ /de ni sdig gi mi gos so/ /'dod chags lta bu'i bde ba med/ /de ni rgyal ba rnams la 'bul/ /sems can don du gzhan bud med/ /bsten pas bsod nams thob par 'gyur/ /sems can kun la phan don du/ /sangs rgyas bstan pa rgyu yin phyir/ /las rnams thams cad byas pa yis/ /bsod nams rnam pa mang po brnyes zhes so/ /gsang ba lnga po de dag rnams kyi rgyal po yin pas gsang ba'i rgyal po'o/ /yang na gsang ba pa las rgyal ba'i phyir gsang ba'i rgyal po'o/ /thal mo sbyar ba byas nas ni/ /spyan sngar 'dug ste 'di skad gsol ces ba 'og nas 'byung ba'i 'brel tshig kun la sbyar bar bya'o/ /pad+ma dkar po zhes pa ni dkar po'i pad+ma'o/ /rgyas pa ni kha bye ba'o/ /spyan ni mig go /'di'i tshig sbyar ba ni pad+ma dkar po yang de yin la rgyas pa yang de yin pas pad+ma dkar po rgyas pa'o/ /de 'dra pa'i spyan dang ldan pa gang yin pa de
- 34a
la ni de skad ces gsungs so/ /pad+ma rab tu rgyas pa'i zhal zhes pa ni /pad+ma ni pad+ma nyid do/ /legs par kha bye ba ni rab tu rgyas so/ /zhal ni bzhin no/ /pad+ma rab tu rgyas pa dang 'dra ba'i zhal dang ldan pa gang yin pa de la de skad ces gsungs so/ /rdo rje'i dbus nas lag pas gzung nas yang dang yang du rdo rje gyen du bsgyur nas gzung ba ni/ rang gi lag gi rdo rje mchog /yang dang yang du gsor byed pa'o/ /'di skad gsol te zhes pa dang 'brel to/ /dpal phyag na rdo rje dbang bskur ba'i rgyud las/ /dpal rdo rje 'chang gi rjes su spyod ba khro gnyer rim pa ldan pa la sogs pa khro bo'i tshogs lnga brgya brjod do/ /de rnams dang lhan cig tu bcom ldan 'das rdo rje 'dzin pas phyag 'tshal nas 'di skad gsol zhes pa dang 'brel to/ /khro bo'i tshogs de rnams kyang don mdza' yas pas de'i phyir gsungs pa/ lag na rdo rje mdza' yas pa zhes ba'o/ /rdo rje 'dzin pa bzhin du de rnams kyang gdul dka' bas 'du bas de'i phyir gsungs pa/ gdul dka' 'dul ba po zhes gsungs so/ /de nyid kyi phyir dpa' bo te/ /de de rnams kyi zil gyis mnan par mi nus pa'i phyir ro/ /de'i phyir gsungs pa dpa' bo zhes so/ /nyams ci zhig ce na/ dpa' bo'i tshul lo/ /gzugs ci 'dra zhe na/ gzigs su rung ba'i gzugs so/ /de nyid kyi phyir gsungs pa/ 'jigs su rung ba'i dpa' byad can zhes so/ /rdo rje rtse mo rab 'phro ba zhes bya ba ni rab tu 'phro ba'i rdo rje'i rtse mo ste/ thog ma'i cha dang sang ldan ba de rdo rje'i rtse mo rab 'phro ba zhes so/ /gsor byed bzhes bya ba ni gyen du sgyur ba'o/ /gang gis zhe na/ rang gi lag gis so/ /de rnams kyi bdag nyid gang zhe na/ snying rje che dang shes rab dang/ thabs kyis 'gro ba rnams kyi don byed pa'i bdag nyid dang ldan pa yin pa de rnams ni/ snying rje dang shes rab dang thabs kyis 'gro don byed pa ste/ de la snying rje dang ldan pas snying rje'o/ /bde ba 'gog par byed bas snying rje ste/ snying rje can gyi sdug bsngal gyi sdug bsngal bas bdag gis bde ba 'gog pa ni snying rje'o/ /bdag gi bde ba mi 'phel bas na snying rje yang
- 34b
de ?? po/ ? bde yin pas snying rje chen po ste/ mi dmigs pa'i bdag nyid kyi phyir ro/ /chos thams cad rab tu 'byed pa ni shes rab bo/ thabs ni 'jig rten las 'das pa ma lus pa'i ting nge 'dzin ston pa'i sgo nas skal pa ji lta bu dang ldan pa'i sems can rnams kyi don byed pa'o/ /'gro bas 'gro ba ste khams gsum pa rnams so/ /de rnams kyang don ni dgos pa'o/ /de'i phyir gsungs pa/ snying rje che dang shes rab dang/ thabs kyis 'gro don byed pa'i mchog ces so/ /de nyid kyi phyir na khro bo de rnams dam pa yin pas mchog ste/ de'i phyir gsungs pa/ mchog ces so/ /rang bzhin gang zhe na/ dga' ? ? pa'i bsam pa'i rang bzhin no/ /de'i dga' ba ni sems kyi bsam pa'i sgo nas so/ /mgu ba ni lus kyi sgo nas so/ /bsam pa ni mon bsam mo/ /de'i don ni 'di lta ste/ dga' ba dang mgu ba'i bsam pa dang ldan pa gang yin pa de rnams ni dga' mgu'i bsam pa can zhes bya'o/ /de nyid kyi phyir na rangs pa ni spro ba ste/ sems can gyi don byed pa'i phyir ro/ /de nyid gsungs pa/ rangs pa zhes so/ /lus kyi gzugs ni khro bo'i gzugs so/ /khro bo'i lus kyi gzugs ci 'dra zhe na/ 'jigs byed chen po dang/ drag tu bzhad pa dang/ dbu dang phyag dang zhabs du ma dang/ spyan mi sdug cing skra khams pa gyen du 'greng ba dang/ rdzi ma ser ba dang/ khro gnyer dang thod pa'i phreng bas rgyan bar byad pa dang/ sbrul gyi rgyan dang/ stag lpags kyis smad g.yogs la sogs pa de rnams gang la yod pa de ni khro bo'i lus kyis gzugs ldan pa ste/ de'i phyir gsungs pa khro bo'i lus kyi gzugs ldan pa zhes so/ /sangs rgyas rnams kyi bya ba ni sangs rgyas kyi 'phrin las so/ /byed pa ni mdzad pa ste/ gsungs pa sangs rgyas 'phrin las byed pa zhes so/ /da nyid kyi phyir na mgon po ste/ ston pa sangs rgyas kyi 'phrin las byed pas na de bas na mgon zhes so/ / gang rnams kyi lus btud pa ni/ lus btud pa de rnams dang lhan cig tu bcom ldan 'das rdo rje 'dzin pas 'di ltar 'og nas 'byung ba'i gsol zhes pa dang 'brel lo/ /ci byas nas/ she na/ phyag byas nas/ gang la ?/ mgon po la'o/ /mgon med pa'i 'jig rten pa rnams la rjes su
- 35a
ston pa'i phyir na gtso bo ni mgon po'o/ /mgon po yang ci 'dra ba'i mgon po yin zhe na/ gsungs pa/ de bzhin gshegs pa zhes so/ /de la de bzhin ni de bzhin nyid de/ /do mkhyen pas de bzhin gshegs pa'o/ /yang na de bzhin gshegs pa rnams ji ltar byon cing gshegs pa de bzhin du gshegs pas na de bzhin gshegs pa'o/ /ji lta bu zhe na/ bcom ldan 'das zhes pa ni skal pa phun sum tshogs pas na bcom ldan 'das sam/ bdud bzhi 'joms pas so/ /de skad du yang gsungs /nyon mongs las dang de bzhin skye/ /de bzhin nyon mongs shes bya'i sgrib/ /mi mthun phyogs chos gang yin pa/ /'joms pas de 'dir bcom ldan 'dod/ /de ltar nges tshig gi rim pas nyon mongs pa la sogs pa 'joms pas na bcom ldan 'das so/ /yang na dbang phyug la sogs pa'i yon tan dang ldan pa'i phyir te/ de skad yang gsungs pa/ dbang phyug dang ni gzugs bzang dang/ /grags dang dpal dang rab mchog dang/ /de nas ye shes brtson 'grus dang/ /drug po rnams la ldan par bshad/ /gzhan yang mgon po ji lta bu zhe na/ rdzogs pa'i sangs rgyas zhes pa ni yang dag par rdzogs par sangs rgyas pa ste/ nyan thos dang rang sangs rgyas ma yin pa'i phyir ro/ /phyag btsal nas zhes pa ni gong ma dang 'brel to/ /thal mo sbyar ba byas nas ni/ /spyan sngar 'dug pa ni bcom ldan 'das rdo rje 'dzin pas bdag la phan pa la sogs pa'i don du 'di skad gsol to/ /bdag la sman pa zhes pa ni bdag la phyi ma la phan pa ni bdag la phan pa ste/ ma 'ongs pa'i dus na bdag la sman pa nyid kyi phyir ro/ /bdag don ni bdag la dgos pa'i phyir ro/ /bdag la ni bdag gi ste/ kye khyab bdag bdag la thugs brtse'i phyir te/ phan gdags pa'i phyir rim pa ji lta ba 'dis bdag gis thob par mdzod cig pa'o/ /gang gis thob par bya zhe na/ gsungs pa/ sgyu 'phrul dra bas mngon rdzogs pa'i/ /byang chub ci nas bdag thob pa ni sgyu 'phrul dra ba'i mngon par rdzogs par
- 35b
byang chub pa zhes bya ba'i rim pa de ni ci nas kyang bdag gis thob par 'gyur ba de ltar kyi bcom ldan 'das bshad du gsol zhes byis 'byung ba'i byed pa'i tshig dang 'brel to/ /sems can de rnams ji lta bu zhe na/ nyon mongs pas ni sems dkrugs shing zhes pa ni nyon mongs pa drug go /de skad mngon pa'i chos las gsungs te/ nga rgyal lta ba the tsom dang/ /'dod chags zhe sdang gti mug go zhes gsungs so/ /nyon mongs pa de rnams kyis sems rnam par dkrugs pa'i sems can gang yin pa de rnams ni nyon mongs pas ni sems dkrugs shing ste/ de'i phyir na de rnams bla na med pa'i 'bras bu thob pa'i don du bcom ldan 'das kyis bshad du gsol zhes pa dang 'brel to/ /gzhan yang khyad par ci 'dra ba'i sems can zhe na/ mi shes 'dam du bying ba yi/ /sems can kun la sman pa dang zhes pa ste/ de la mi shes pa ni ma rig pa ste/ de nyid thogs pa'i gnas nyid kyi phyir ram/ thar dka' bas na 'dam dang 'dra bas 'dam mo/ /der bying ba'i sems can gang yin pa rnams la phan pa'i phyir bshad du gsol zhes pa'i tshig dang 'brel to/ /bla med 'bras bu thob bya'i phyir zhes pa ni bla na med pa'i 'bras bu ni sangs rgyas nyid do/ /de thob pa ni rab tu rnyed pa'o/ /de'i don ni de thob par bya'i zhes bya'o/ /bcom ldan 'das kyis bshad du gsol zhes bya ba la sogs pa dang/ rdzogs pa'i sangs rgyas zhes pa ni 'gro ba rnams kyi bla ma pas 'gro ba'i bla ma ste/ rin chen 'byung ldan gyi sgo nas so/ /ston pa zhes pa ni 'gro ba la rjes su ston pa ste/ ming skyod pa'i sgo nas so/ /dam tshig gi bcom ldan 'das rdo rje sems dpa' ste/ chen po yang de yin la dam tshig kyang de yin pas dam tshig chen po'o/ /de'i de nyid ni dam tshig chen po de nyid do/ /de shes bas na/ dam tshig chen po de nyid mkhyen zhes ba ste/ sna dang mdza' yas kyi sgo nas so/ /dbang po zhes pa ni rtul po dang 'bring po dang rnon po rnams te/ de rnams kyi bsam pa ni mno bsam mno/ /de shes pas na/ dbang po bsam pa mkhyen zhes pa ste/ don yod grub pa'i sgo nas so/ /de ltar de bzhin gshegs pa lnga'i bdag nyid las bcom ldan 'das ni dam pa yin
- 36a
bas mchog ste/ bshad du gsol zhes pa dang 'brel lo/ /de nas bcom ldan 'das kyi ye shes sku zhes bya ba la sogs pas ni /kye bcom ldan 'das 'jam dpal ye shes sems dpa' dang 'brel pa'i mtshan yang dag par brjod pa gang yin pa de dag gis gzung ngo zhes phyi nas 'byung ba'i tshig dang 'brel to/ /khyad par ci 'dra ba zhig ye shes sku zhe na/ ye shes kyi sku yin pas ye shes sku ste/ ye shes sku de'o/ /de ni me long lta bu'i ye shes kyi sgo nas so/ /gtsug tor che po zhes pa ni chen po'i gtsug ni gtsug tor chen po ste/ /gtsug tor chen po de'o/ /da ni mnyam pa nyid kyi ye shes kyi sgo nas so/ /de bzhin gshegs pa thams cad kyi dbang bskur ba'i bdag nyid kyi phyir gtsug tor chen po'o/ /tshig gi bdag ces pa ni tshig gi sgra'o/ /bdag po ni mnga' bdag ste/ tshig gi bdag po de'o/ /tshig gi bdag po ni so sor kun tu rtog pa'i ye shes kyi sgo nas so/ /ye shes sku zhes pa ni ye shes nyid sku yin pas na ye shes sku'o/ /bya ba nan tan gyi ye shes kyi sgo nas so/ /rang byung zhes bya ba ni rang byung ba rang byung ste/ bsgom pa'i stobs las byung zhes pa'i tha tshig go /de skad du yang dpal mchog dang po'i rgyud las gsungs pa/ kun tu bzang po ye shes kyi bdag nyid mngon par byang chub po ces so/ /de'i phyir na de nyid rang 'byung zhes pa ste/ shin tu rnam par dag pa chos kyi dbyings kyi ye shes kyi sgo nas so/ /des ci gsungs pa 'byung bar 'gyur zhe na/ 'jam dpal ye shes sems dpa' ye shes lnga dang ldan pa bstan to/ /'jam dpal ye shes sems dpa' yi zhes pa ni/ 'jam pa ni mnyen pa dang/ dpal dang ldan pa gang yin pa de ni 'jam dpal lo/ /ye shes sems dpa' zhes pa ni de bzhin gshegs pa thams cad kyi thugs ka na gnas pa'i phyir ro/ /'jam dpal yang de yin la ye shes sems dpa' yang de nyid yin pas 'jam dpal ye shes sems dpa' ste/ des bcu'i dbang phyug gi byang chub sems dpa' ni ma yin no/ /de lta na de su zhig yin zhe na/ gnyis su med pa'i ye shes shes rab kyi pha rol
- 36b
tu phyin pa de nyid 'jam dpal ye shes sems dpa' ste/ de nyid kyi phyir na phyogs kyi glang po'i zhal snga nas kyis gsungs pa/ shes rab pha rol phyin gnyis med/ /ye shes de ni de bzhin gshegs zhes so/ /ye shes lnga'i bdag nyid 'jam dpal ye shes sems dpa' de dang 'brel pa'i mtshan yang dag bar brjod pa de bdag gis bzung ngo zhes ba dang 'brel lo/ /khyad par ci 'dra ba zhig ce na/ gsungs pa/ mtshan ni yang dag brjod pa'i mchog ces bya ba la sogs pa ste/ de'i don ni bshad zin to/ /don zab ces pa ni zab mo yang de yin pa la don yang de nyid yin pas na don zab ste/ stong pa nyid kyi don to/ /de la don dang zab pa yod pa de'i phyir bdag gis gzung zhes pa'o/ /don ni rgya che zhing zhes pa ni rab tu rgyas pa'i don to/ /de gang la yod pa de ni don ni rgya ched zhing zhes so/ /don chen zhes pa ni che ba'i don gang yin pa de ni don chen po nyid de/ sems can gyi khams ma lus pa'i bsam pa thams cad yongs su rdzogs pa'i phyir ro/ /mtshungs med ces pa ni mnyam pa med pa gang yin pa de ni mtshungs med do/ /gang gi phyir mtshungs pa med pa yin zhe na/ chos kyi dbyings kyi rnag bzhin nyid kyi phyir ro/ /rab zhi zhes pa ni spros pa thams cad nye bar zhi ba nyid kyi phyir ro/ /thog ma bar dang mdza' dge ba zhes pa ni thos pa dang bsam pa dang/ sgom pa dus rnams la spro ba dang dga' ba dang shin tu sbyangs pa thob pa'i phyir te/ dge ba gsum po de bdag gis gzung ngo zhes pa dang 'brel to/ /khyad par gzhan yang ci 'dra zhe na/ gsungs pa/ 'das pa'i sangs rgyas rnams kyis gsungs zhes pa la sogs pa ste/ 'das pa'i sangs rgyas rnams kyi gang gsungs pa dang/ ma 'ongs pa'i yang dag par rdzogs pa'i sangs rgyas rnams kyis gsung bar 'gyur ba gang yin pa dang/ yang da ltar byung ba'i sangs rgyas bcom ldan 'das rnams yang dang yang du gsung ba gang yin pa zhes bya'o/ /des 'di skad gsung par 'gyur te/ dus gsum gyi de bzhin gshegs pa rnams kyis mtshan yang dag par brjod pa gsungs pa de'i phyir chos kyi rnam grangs 'di ni nam mkha' dang 'dra bar bstan pa yin te/ de skad du yang
- 37a
gsungs pa/ de bzhin gshegs pa rnams byung yang rung ma byung yang rung chos nyid ni kun tu gnas pa'o/ /zhes bstan par 'gyur ro zhes so/ /yang ci 'dra ba zhe na/ rgyud chen sgyu 'phrul dra ba las zhes pa la sogs pa ni sgyu 'phrul dra ba'i rgyud chen po 'di la dpag tu med pa'i rdo rje 'dzin pa chen pos gsang sngags chen po 'dzin pa rnams dga' nas yang dag par glu blangs pa gang yin pa de bdag gis bzung zhes pa dang 'brel lo/ /mgon po rdzogs sangs rgyas kun gyi zhes pa la sogs pa ni/ kye mgon po ji lta ba bzhin du rdzogs pa'i sangs rgyas kun gyi gsang ba 'dzin par bdag 'gyur ba de bzhin du bshad par gsol zhes gong ma dang 'grel to/ /'dzin zhes bya ba 'di ni chos kyi skad do/ /nges par 'byung ba'i bar du 'di/ /bdag gis bsam pa brtan pos bzung zhes pa ni bdag gis mtshan yang dag par brjod pa 'di'i nges par 'byung ba ma thob kyi bar du gzung ngo/ /nges par 'byung zhes pa ni mya ngan las 'das pa'o/ /ci 'dra bar gzung zhe na bsam pa brtan pos so/ /bsam pa ni mno bsam mo/ /brtan po mi g.yo ba'o/ /de dang ldan pa gang yin pa de ni bsam pa brtan pa'o/ /ji lta ba bzhin du bdag gis de rtogs nas sems can thams cad kyi bsam pa'i khyad par ji lta ba bzhin du bshad par 'tshal lo zhes 'og ma dang 'brel lo/ /gang gi don du zhe na/ gsungs pa/ nyon mongs ma lus gsal dang/ /mi shes pa lus spang pa'i phyir zhes pa ste/ de la nyon mongs pa ma lus pa ni nyon mongs pa dang nye ba'i nyon mongs pa gzung ngo/ /de rnams zad pa'i don ni nyon mongs ma lus bsal ba'o/ /ma lus pa'i dngos po mi shes pa ni mi shes ma lus te/ de gzhom par bya ba ni mi shes ma lus spang ba'i phyir te/ de'i don du bshad par 'tshal zhes bya ba dang 'brel to/ /bsam pa'i khyad par ji bzhin du/ /sems can rnams la bshad par 'tshal zhes pa ni ji lta ba bzhin du bdag gis rtogs nas sems can thams cad kyi bsam
- 37b
pa'i khyad par ci lta ba bzhin du bdag gis rab tu bshad par 'tshal lo zhes pa'i mdza' tshig go /gsang dbang lag na rdo rje yis zhes pa ni/ de la gsang ba ni lcang lo can gyi pho brang zhes bya ba la gnas pa'i gnod sbyin rnams so/ /de rnams kyi rgyal po'i phyir na gsang dbang zhes gsungs so/ / de bzhin gshegs pa de skad du zhes pa ni de skad de rnam pa 'di lta bus bcom ldan 'das gsang ba'i bdag po lag na rdo rjes de bzhin gshegs pa la gsol to/ /gsol nas ji ltar byas shes na/ thal mo sbyar ba byas nas ni/ /lus btud nas ni spyan sngar 'dug ces pa ni lus btud nas spyan sngar gnas zhes so/ /bkur ba sngon du byas nas don du gnyer ba ni gsol ba 'debs pa ste/ bkur ba ni phyag 'tshal ba la sogs pa'o/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba las zhus pa'i rim par bye ba dang po ste/ tshigs bcad bcu drug go/ //de nas zhus pa'i de ma thag tu gsungs pa/ de nas bcom ldan shAkya thub ces la sogs pa ste/ de la de nas ni zhus pa'i de ma thag tu slar gsungs pa'o/ /bcom ldan 'das ni bshad zin to/ /shAkya'i rigs rnams kyi thub pa'o/ /sku gsung thugs thub pas na yang thub pa'o/ /rdzogs pa'i sangs rgyas rkang gnyis mchog ces pa ni rdzogs pa'i sangs rgyas ni bshad zin to/ /rkang gnyis ni lha dang mi'o/ /de rnams kyi mchog ni rab ces pa'i don to/ / nyid kyi zhal nas ces pa ni shAkya thub pa nyid kyi zhal nas so/ /ljags bzang ba ni g.yas su 'khyil pa'i dung dang 'dra zhing chos thams cad kyi gnas yin pa'i phyir ro/ /ring zhing yangs par brkyang mdzad de zhes pa ni rang gi zhal nas ring zhing yangs pa'i rang gi lce sprul pa mdzad nas bsdus pa'i phyir ro/ /ci zhig mdzad ce na/ 'jig rten gsum po snang byed cing zhes pa la sogs pa ste/ sa 'og dang sa steng dang sa bla'i 'jig rten gsum la snang zhing gsal bar byed pa'i 'dzum pa bstan nas phyag na rdo rje la slar gsungs so zhes par 'grel to/ /yang 'dzum pa'i khyad par ci
- 38a
'bra zhe na/ gsungs pa/ bdud bzhi'i dgra rnams 'dul byed pa zhes pa ni bdud bzhi ni phung po dang/ nyon mongs pa dang/ lha'i bu'i bdud dang/ 'chi bdag gi bdud rnams so /de rnams nyid dgra rnams te/ de rnams 'dul ba ni rjes su mthun par 'dul zhing tshar gcod pa'i 'dzum pa bstan nas phyag na rdo rje la slar gsungs so zhes pa dang 'brel to/ /sems can rnams kyi ngan song gsum/ /sbyong bar byed pa'i 'dzum bstan nas zhes pa ni 'jig rten pa'i sems can ngan song gsum gyi dmyal ba dang yi dags dang dud 'gro'o/ /de dag par sbyor bar byed pa'i 'dzum bstan te phyag na rdo rje la slar gsungs zhes pa dang 'brel to/ /de bzhin gshegs pa rnams kyis chos bstan pa'i dus na rtags gsum ste/ 'di lta ste/ 'dzum pa dang/ gzigs pa dang/ 'od zer gyis bskul ba'o/ /kha cig tu gcig gam/ kha cig tu gnyis sam/ kha cig tu gsum du 'gyur to/ 'di lta ste/ dpal sgyu 'phrul dra ba'i rgyud las gnyis gsungs te/ 'dzum pa dang gzigs pa'o/ /kha cig las gsum la 'di lta ste/ shes rab kyi pha rol tu phyin pa stong phrag nyi shu lnga pa las/ byams pa la gzigs pa dang/ 'dzum pa'i zhal dang/ 'od zer spros pa'o/ /kha cig las gcig ni 'di lta ste/ mtshan yang dag bar brjod pa nyid las so/ /'dzum pa bstan nas zhes pa ni/ 'dzum pa de ni rnam pa bzhi ste/ yan lag dang nying lag las 'phro ba dang/ ba spu las 'phro ba dang/ rang bzhin gyis 'od 'phro ba dang/ ljags kyi dbang po las 'od 'phro ba ste/ 'dir ni ljags kyi dbang po'i rdzu 'phrul bstan pa sngon du 'gro ba'i rtags so/ /tshig ci 'dra ba zhe na/ tshangs pa'i gsung zhes pa ste/ tshangs pa'i sgra dang ldan pa'i phyir tshangs pa'i gsung ngo/ /tshangs pa'i sgra ni che ba dang/ yon tan che ba'i tshig bla dags te/ ji skad du/ tshangs ldan bsod nams rab skye ba'o zhes bshad pa lta bu'o/ /stong phrag du ma rnams las te/ stong phrag gi sgra ni stong gsum gyi stong chen po'i 'jig rten gyi khams la shes par bya ste/ stong phrag du ma'i rang bzhin gyi dkyil 'khor zhes ston no/ /ji skad gsungs pa/ stong gsum gyi stong chen po'i 'jig rten gyi khams sgras gang bar byed do
- 38b
zhes so/ /ji lta ba nang na thos pa de bzhin du phyi rol na yang shes te/ de la nang gang yin pa de ni stong gsum gyi stong chen po 'di la gnas pa rnams so/ /phyi rol ni 'jig rten gyi khams gzhan gang yin pa rnams te/ de bas na che ba'i phyir tshangs pa'i gsung ngo/ /yang na tshangs pa ni bcom ldan 'das shAkya thub pa'o/ /tshangs pa de'i tshig 'di nyid tshangs pa'i gsung ngo/ /snyan pa yis shes pa ni mnyan na bde pa nyid kyi phyir ro/ /'jig rten gsum po kun bkang nas zhes pa ni de'i las tshangs pa'i gsung gcig kho nas 'jig rten gsum rnam par khyab pa'i gsung gis phyag na rdo rje la slar gsungs pa dang 'brel to/ /de skad du gsungs pa/ srid pa 'joms pa'i gsung ni gcig po yang/ /theg pa sna tshogs rab bstan phye ba yis/ /ji lta ji ltar skye bo thams cad kyis/ /rtogs ba'i rgyur gyur sgyon med rnam par gsal zhes so/ /snying rje che dang ldan gyur par zhes pa la sogs pa ni/ lag na rdo rje khyod legs so/ /de dpal ldan rdo rje bkang? gang dang gang gi phyir khyod 'jam dpal ye shes sems dpa' i sku dang 'brel ba'i mtshan yang dag par brjod pa gang yin pa deng las nyan par brtson pa de dang de'i phyir gsang ba'i bdag po la legs par bstan par bya zhes pa dang 'brel to/ /khyod kyis ci'i don du ? dris pa yin zhe na/ 'gro la phan pa'i don du ni zhes pa ste/ 'gro ba la nye bar phan gdags pa'i phyir snying rje chen po dang ldan par gyur pas so/ /khyad par ji lta bu'i mtshan yang dag par brjod pa nyan par brtson pa zhe na/ dag par byed cing sdig sel ba zhes pa ste/ de la dag par byed cing zhes pa ni bkra shis pa'o/ /sdig pa sel ba zhes pa ni mi dge ba 'joms pa'o/ /khyod ni rtse gcig yid kyis nyon zhes pa ni de yis 'di skad gsungs par 'gyur te/ bum pa kha bub pa dang/ bum pa zhabs rdol ba dang/ bum pa mi gtsang ba bzhin du mi rung ngo/ /zhes pa'i tha tshig go/ 'on ji ltar zhe na/ legs par nyon cig ces pa'o/ /bcom ldan 'das nyid kyis gsungs ma thag tu rdo rje 'dzin pas gsol pa/ bcom ldan de ni legs zhes gsol zhes pa ni bcom ldan 'das ni shAkya thub pa'o/ /de ni de ltar mnyan par bgyi'o zhes ba'i don to/ /legs zhes
- 39a
pa ni ji ltar gsungs pa nyid kyi rim pas bdag gis mnyan to zhes pa'i tha tshig go /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par blta ba zhes bya ba las slar gsungs pa'i rim par bye ba ste / gnyis pa/ tshigs bcad drug pa'o// //da ni slar gsungs pa'i de ma thag tu rigs drug la gzigs pa'i rim par phye ba gsungs pa de nas bcom ldan shAkya thub ces pa la sogs pa ste/ de la gsang sngags rigs chen thams cad dang zhes pa ni/ sdud par byed pa'i tshig 'di ni spyir bstan pa'o/ /'dir de dang de la rnam par gzigs te/ tshig gi bdag po 'jam dpal ye shes sems dpa' dang 'brel pa'i skye ba med pa'i chos can tshigs su bcad pa 'di gsungs so zhes phyis 'byung ba'i tshig dang lhan cig tu 'drel to/ / gsang sngags rig sngags 'chang ba'i rigs zhes pa ni rig sngags 'dzin pas na rig sngags 'chang ba'o/ /gsang sngags kyi bdag nyid kyang de yin la rig sngags 'chang ba yang de nyid yin pas na gsang sngags rig sngags 'chang ba ni 'dzin pa'i bdag nyid do/ /de'i rigs ni gsang sngags rig sngags 'chang ba'i rigs te/ las kyi rigs shes pa'i don to/ /rigs gsum la ni rnam par gzigs zhes ba ni sku dang gsung dang thugs kyi rang bzhin nyid pas rnam par snang mdzad kyi rigs zhes pa'i don to/ /'jig rten 'jig rten 'das pa'i rigs zhes pa ni 'jig rten la lta bas na 'jig rten no/ /de'i rigs ni 'jig rten ma 'jig rten 'das pa'i rigs te/ pad+ma'i rigs so zhes bya ba'i tha tshig go /'jig rten snang byed rigs chen dang zhes pa ni 'jig rten rnams la gsal bar byed pa ni 'jig rten snang byed de me long lta bu'i ye shes kyi bdag nyid pas mi bskyod pa'o/ /de'i rigs ni 'jig rten snang byed rin chen dang zhes pa ste/ rdo rje'i rigs so/ /phyag rgya chen po'i rigs mchog dang zhes pa ni byang sems rdo rje'i rigs so /de nyid kyi phyir na mchog ste/ rnam par snang mdzad la sogs pa'i byang chub kyi
- 39b
sems gyi rang bzhin nyid kyi phyir ro/ /de'i rigs ni phyag rgya chen po'i rigs mchog go /rigs chen gtsug tor cher gzigs nas zhes pa ni/ da bzhin gshegs pa thams cad kyis khams gsum gyi chos kyi rgyal por dbang bskur bas na gtsug tor chen po ste de'i rigs ni rigs chen gtsug tor che ste/ rin po che'i rigs zhes bya ba'i don to/ /cher gzigs pa'i don ni gong du bshad zin to/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba las rigs bdag la gzigs pa'i rim par phye ba ste/ gsum pa tshigs bcad gnyis pa'o// //da ni dpal sgyu 'phrul dra ba'i mngon par rdzogs par byang chub pa'i rim pa bla ma gcig nas gcig tu brgyud pa bshad de/ de yang dpal sgyu 'phrul dra ba'i le'u khri drug stong gi nang nas byung ba yin no/ /de la dang por re zhig sngags kyi sgor zhugs nas spyad pa spyod pas/ bcom ldan 'das 'jam dpal ye shes sems dpa' de bzhin gshegs pa thams cad kyi ye shes kyi spyi gtsug gnyis su med pa don dam pa'i mtshan yang dag par brjod pa zhes pa gtug gi nor bu 'di mngon du byed 'dod pa'i byang chub sems dpa' ma lus shing lus ba med pa'i sems can gyi khams thams cad yongs su sgrol ba'i bsam pa dang/ byang chub chen por smon pa'i sems dang/ thabs dang shes rab kyi bdag nyid dang ldan pas bsdu ba'i dngos po bzhis sems can rnams bsdus te/ bla na med pa yang dag par rdzogs pa'i byang chub tu sems bskyed par bya'o/ /'di skad kyang brjod de/ sangs rgyas dang byang chub sems dpa' thams cad kyis bdag la dgongs su gsol/ bdag che ge mo zhes bya ba dus 'di nas bzung nas ji tsam byang chub kyi snying po la gnas kyi bar du bla na med pa'i byang chub mchog gi sems bskyed par bgyi'o/ /ji ltar dus gsum mgon po rnams/ /byang chub nyid du ngas byas pa'i/ /byang chub sems ni bla med pa/ /dam pa bdag gis bskyed par bgyi/ /tshul khrims kyi ni bslab pa dang/ /dge ba'i chos ni sdud pa dang/ /sems can don
- 40a
byed tshul khrims rnams/ /brtan por bdag gis so sor gzung/ /sangs rgyas chos dang dge 'dun dang/ /bla med mchog gi dkon mchog gsum/ /de nas brtsams te gzung bar bgyi/ /nam du yang ni mi btang ngo/ /sdom pa sangs rgyas skyong bskyed pa/ /de nas brtan por gzung bar bgyi/ /rdo rje rigs mchog chen po yi/ /rdo rje dril bu'i phyag rgya dag /de nyid kho nas so sor gzung/ /slob dpon yang ni gzung bar bgyi /drug tu byas te nyin re la/ /sbyin pa rnam bzhir rab tu sbyin/ /rin chen rigs mchog chen po yis/ /yid dga' ba yi dam tshig go /phyi dang gsang ba'i theg pa gsum/ /dam pa'i chos kyang gzung bar bgyi/ /pad+ma'i rigs mchog dag pa yi/ /byan chub chen po las byung pa'o/ /las kyi rigs mchog chen po la/ /sdom pa thams cad rab ldan pa/ /so sor yang dag gsung bar bgyi/ /mchod pa'i las kyang ci nus bgyi/ /las kyi rigs mchog chen po la'o/ /bla na med pa'i byang chub sems/ /bskyed par byas te bdag gis ni/ /sems can kun gyi don du ni/ /sdom pa ma lus gzung bar bgyi/ /ma rgal ba rnams bsgral bar bgyi/ /ma grol pa rnams bdag gis dgrol/ /dbugs ma byung ba dbugs dbyung ste/ /mya ngan 'das la sems can dgod/ /sdom pa gzung ba sngon du 'gro bas byang chub tu sems bskyed par bya ste/ mngon par byang chub pa lnga'i rim pa 'dis bsgom par bya'o/ /dang por re zhig me long lta bu'i ye shes kyi gzugs brnyan gyi sbyor bas bsgom par bya ste/ ji ltar yongs su dag pa'i me long gi dkyil 'khor la de'i dung gi yul dang dus kyi dngos po'i rig pa rnams so sor snang ba de ltar shin tu rnam par dag pa chos kyi dbyings kyi rgyu mthun pa byang chub kyi sems chen po la 'gro ba dang yul dang skye gnas kyi dbye bas phyi ba'i sems can gyi khams snang ste/ de rnams shin tu dri ma med par me long lta bu'i ye shes de la yang bltas te de'i phyi na sems can la dmigs pa'i snying rje bskyed par bya ste/ e ma'o sems can 'di rnams mgon
- 40b
med pa skyabs med pa/ dpung gnyen med pa sdug bsngal ba rnams 'khor ba'i rgya mtshor bying ba de rnams kyi don du ji ltar bag nyid ltar thams cad kyi thams cad du sdug bsngal las bsgral bar bya ste/ ji ltar drug rdu can gyi sems can thams cad me long lta bu'i ye shes la sems can rnams kun rdzob tu snang bar bya'o/ /de nas mnyam pa nyid kyi ye shes la mos par byas te/ chos thams cad bdag med pa'i mnyam pa nyid du sbyor bas/ ji ltar chos rnams stong pa dang bdag med pa de ltar bdag kyang stong pa dang bdag med pa zhes bsgoms te/ chos thams cad bdag med pa la gzung par bya'o/ /de skad kyang gsungs pa/ bdag ci 'dra ba de 'dra ba sems can thams cad shes/ /sems can thams cad ci 'dra de 'drar chos kun shes zhes pa la sogs pa'o/ /de nas chos thams cad bdag med pa'i rang bzhin du rtogs bas chos la dmigs pa'i snying rje mnyam pa nyid kyi ye shes kyis bskyed par bya'o/ /de nas a kA ro mu khaM sarba d+harmA NAM/ A dya nutpan+na twAd cas sngags brjod nas/ ma lus par ni mdor bsdus te/ /sngags pa sngags don bsgoms nas su/ /dmigs pa med dang lhan cig tu/ chos bdag med pa rnam par bsgom/ /de ltar so sor kun tu rtog pa'i ye shes de lta bu'i de ma thag pa nyid du dmigs pa med pa'i snying rje chen po'i rjes su song ba/ gzung 'dzin kun las rnam par grol ba/ rang bzhin gyis 'od gsal ga cha shes kyi rang pbzin las 'das pa shin tu ram par dag pa'i chos kyi dbyings stong p nyid kyi ye shes bsgom par bya'o/ /de nas yang sems can thams cad kyi don byed pa dang bral bas na rnal 'byor pas sngon gyi smon lam gyis bsgoms pa'i sems kyi rgyun gyi dbang gis langs te/ mi dmigs pa'i snying rje chen pos bya ba nan tan gyi ye shs mngon du bya'o/ /rnam par mi rtog pa'i ye shes kyi rjes la thob ba dag pa 'jig rten ba'i ye shes nyid kyi phyir de'i rdorje nyid kyis sems can gyi don thams cad yons su rdzogs par byed do/ /de'ang 'jug pa'i mtshan+nyid kyi byan chub kyi sems kun
- 41a
rdzob dang don dam pa'i rang bzhin gyi rnam par byang ba'i byang chub kyi sems zhes bya bar rig par bya'o/ /de nas rnal 'byor pas sems nyid sgyu ma'i rnam pa nam mkha' i phyogs su gnas pa rang bzhin gyis 'od gsal ba skar ma'i rnam pa 'dra ba'i a bsams te/ de las byung ba khro bo 'bar ba'i phreng bas 'khrigs pa sngon po mdog du ma'i 'od zer brgya stong gis yongs su bskor ba ming gzhan kun tu bzang po mchog tu dga' ba'i bdag nyid yi ge hUM chen po bsgom bar bya'o/ /yi ge hUM de las rnam pa du ma'i 'od rnams phyung ste / 'od kyi rtse mo de las de bzhin gshegs pa thams cad sprul nas/ de bzhin gshegs pa de dag thams cad kyis sangs rgyas kyi zhing thams cad du gshegs te/ ma lus zhing lus pa med pa'i 'jig rten gyi khams thams cad du sems can gyi khams thams cad yang dag bar spyangs te/ byang chub kyi sems bskyed pa la sogs pa yang byas nas ji srid sangs rgyas thams cad kyi rnam par 'phrul pa'i bar yang bstan te/ yang slar log nas yi ge hUM de la zhugs par bsam bar bya'o/ /de las gyur pa'i sngon po la sogs pa'i kha dog drug po mngon du dga' ba la sogs pa sangs rgyas kyi zhing drug rgya khyab pas 'bad pa'i gzi brjid kyis bdud thams cad kyi dgras thub par dka' ba sgo drug la rtse lnga ba'i ye shes kyi rdo rje bsgom par bya'o/ /de bum pa'i nang na gnas pa'i yi ge bruM dkar po bsam ste/ de las gyur ba'i rin po che sna bzhi'i rang bzhin stong gsum gyi stong chen po'i 'jig rten gyi tshad kyi mchod rten bsgoms la/ de'i nang du yi ge hI(rgyud 'grel): las chos kyi 'byung gnas de'i steng du yi ge a las sna tshogs rdo rje/ /des kyang rdo rje'i dngos po mdog dkar po'i sa gzhir byin gyis brlab par bya'o/ /de nas yi ge bruM gyis rtse mo rdo rje dang nor bu rin po che'i khang pa brtsegs pa'i gzhal yas khang rnam par bsgom mo/ /de'ang ci 'dra zhe na/ gru bzhi pa la sgo bzhi pa/ /twa ra na bzhis brgyan pa'o/ /dril bu dar dang phan la sogs/ /me tog phreng dang rnga yab
- 41b
klu bas/ /grwa mtshams dag ni thams cad dang/ /sgo khyams kyi ni mtshams su yang/ /rdo rje rin chen rnams dang ni/ /zla kham rnams kyis yang dag mnan/ /dra ba dra phyed bkod pa la/ /sna tshogs gzugs kyis klubs pa'o/ /rdul tshon kha dog lnga yis kyang/ /phyi yi dkyil 'khor bri bar bya/ /dkyil 'khor de ni gnas skabs su/ /chung nas nang gi gzhal yas khang/ /rdo rje dbyings zhes brjod pa ni/ /de nas gnyis pa dgod par bya/ /rdo rje phreng bas yongs bskor ba/ /ka ba brgyad kyis rnam brgyan pa/ /rdul tshon lnga po nyid kyis ni/ /dra ba dra phyed la sogs klubs/ dkyil 'khor gyi ni phyi rol yang/ /ji skad gsungs pa'i mtshan nyid du ni/ /khyad par du ni mdor bsdus nas/ /de yis nang du thams cad bya/ /sgo yi mtshams dang dwa ra na/ /gcig nyid du ni mi bya'o/ /de phyir de yi sgo rnams ni/ /twa ra na rnams brtag mi bya/ /go rims bzhin du lha rnams kyi/ /gdan ni phyi nas dgod par bya/ /lha rnams ji bzhin rim pas so/ /de nas dbus su bkod pa nyid/ /gtso bo yi ni gdan yin no/ /shar la sogs pa'i phyogs kun la/ /mi bskyod la sogs rnams kyi gdan/ /rang gi sa bon las grub pa/ /sbyor pa'i rim pas brtag par bya/ /de la gdan rnams brtag pa ni dbus su seng ge'i gdan dang/ shar du glang po che'i gdan dang/ lho ru rta'i gdan dang/ nub tu rma bya'i gdan dang/ byang du nam mkha' lding gi gdan zhes so/ /rdo rje sems dpa' nas brtsams te/ rdo rje 'bebs pa'i mthar thug pa'i bar gyi yi ge a las bskyed pa'i zla ba'i dkyil 'khor rnams rnam par bsgom mo/ /de nas yang gtso bo'i gdan la yi ge a las yongs su bskyed pa'i rnam par snang mdzad chen po'o/ /gang gi phyir sems gang yin pa kho na gzung ba la sogs pa dang bral bas chos kyi dbyings kyi rang bzhin no/ de nyid zhal bzhi pa ste/ stong pa nyid la sogs pa'i rnam par thar pa bzhi'o/ /chos kyi dbyings la dmigs pa nyid gyis ting nge 'dzin thams cad rab tu skye ba'i rgyu yin pa'i phyir sku mdog dkar po'o/ /chos kyi dbyings kyi rang bzhin nyid kyi phyir ral pa'i dbu rgyan
- 42a
dang ldan pa'o/ /zhi ba'i sems nyid kyi phyir sku la rgyan mi mnga' ba'o/ /thabs dang shes rab kyi bdag nyid kyi phyir byang chub mchog gi phyag rgya dang ldan pa'o/ /de lta bu'i dngos po rnam par snang mdzad chen por bdag nyid mos par bya ste/ sangs rgyas bzhi'i gdan gyi sbyor bas so/ /de'i thugs kar zla ba'i dkyil 'khor gyi steng na yi ge ? las yongs su bskyed pa'i bcom ldan 'das dang po'i sangs rgyas zhal lnga po gtsug pud lnga dang ldan pa de nyid kyi phyir/ gdong lnga gtsug pud lnga dang ldan zhes gsungs so/ /mdog lnga dang ldan te de nyid dang 'brel ba'i gtsug pud lnga'i zur phud can no/ /shar sngon po/ lho ser po/ nub dmar po/ byang ljang khu/ dbu'i steng na rta mchog gi zhal bzhin du gnas pa'i zhal dkar po zhi ba byis ba'i rgyan gyis brgyan pa/ sgeg ba dang ldan pa/ sna tshogs gyi na bza' bsnabs pa/ phyag brgyad la shes rab kyi pha rol tu phyin pa stong phrag brgya pa kha bzhir bgos nas phyag bzhis thugs kar yang dag par 'dzin pa/ phyag gzhan bzhis ni shes rab kyi ral gri 'debs pa'i tshul gyis 'dzin pa/ sangs rgyas bzhi'i gdan gyi sbyor bas bzhugs ba bsgom mo/ /'dir de bzhin gshegs pa'i sa bcu gnyis nye bar mtshon pa/ tshig gi cha bdag po'i tshigs su bcad ces pa dang 'brel to/ /ji lta bur gyur ba zhe na/ gsang sngags rgyal po drug ldan zhing zhes pa ni phyis 'byung ba'i sngags drug dang ldan pa la bya'o/ /bdag nyid ci zhe na gnyis su med par 'byung ba dang zhes pa la/ gnyis ni gzung 'dzin no/ /de med pa gang yin pa de ni gnyis su med pa'o/ /de las 'byung ba ni skye ba'o/ /gnyis su med par 'byung ba ni gnyis su med par 'byung ba'o/ /tshigs bcad gang la yod ba da ni gnyis su med par 'byung ba dang ldan pa'i tshigs bcad do/ /gzhan yang khyad par ci 'dra zhe na/ /mi skye chos can 'di gsungs pa zhes pa ni chos kyi dbyings kyi rang bzhin dang stong pa nyid kyi rang bzhin zhes pa'i don to/ /'di gsungs pa zhes pa ni bshad
- 42b
pa'i don to/ /dpal rdo rje snying po rgyan gyi rgyud las de bzhin gshegs pa'i sa bcu gnyis su gsungs te/ kun tu 'od kyi sa chen po'o/ /de ni nyi ma'i dkyil 'khor 'dra/ /bdud rtsi 'od ni gnyis ba ste/ /shin tu 'od gsal zla ba 'dra/ /nam mkha' i 'od ni gsum pa ste/ /nam mkha' i gzhi bzhin rab tu gnas/ /rdo rje 'od ni bzhi ba ste/ /sa de 'od ni dga' ba'o/ /lhag pa'i bsam pa brtan sbyor bas/ /rdo rje zhes ni yongs su brtags/ /lnga ba rin chen 'od ces bya/ /dbang bskur ba la rab tu gnas/ /pad+ma'i 'od ces drug ba ste/ /pad+ma bzhin du rab tu skye// rang bzhin dag pa chos nyid phyir/ /dri ma med cing yongs 'dzin med/ /bdun pa las kyi 'od ces pa/ /sangs rgyas 'phrin las byed par 'dod/ /brgyad ba dpe med zhes bya ba/ /de la dpe ni yod ma yin/ /dpe ldan zhes pa dgu pa ste/ /thams cad dpe ni so sor rtogs/ / bcu pa shes rab 'od ces pa/ /sangs rgyas sa ni bla na med/ /bcu gcig thams cad mkhyen pa nyid/ /sa chen rab tu 'od gsal ba/ /bcu gnyis so sor rig pa ba/ /rnal 'byor ye shes rab tu rdzogs shes so/ /de rnams ni de bzhin gshegs pa'i sa bcu gnyis a la sogs pa'i sgra'i yi ge bcu gnyis su yongs su rdzogs pa nyid du rig par bya'o/ /dus gsum bzhugs pa'i sangs rgyas kyi zhes pa ni 'das pa dang ma 'ongs pa dang da ltar gyi dus gsum gyi sangs rgyas rnams kyi'o/ /thugs la gnas lnga ni zhes pa ni de bzhin gshegs pa thams cad kyi thugs kar gnas pa'i phyir ro/ /ye shes kyi sku zhes pa'i ye shes kyi sku'i rang bzhin nyid kyi phyir ro/ /sangs rgyas zhes pa ni ji ltar gnas ba'i dngos po'i don rtogs pa'i phyir ro/ /da ni dang po'i sangs rgyas de'i thugs kar shes rab kyi 'khor lo bsgom bar bya ste/ ci 'dra ba zhig gsungs she na/ rten cing 'brel bar 'byung ba'i don ston par byed pa'o/ /de bzhin yang bshad pa/ rtsibs kyi lte ba yang dag 'dzin/ /rtsibs rnams lte ba la yang brten/ /rten cing 'brel par 'byung sbyor bar/ /'khor lo 'di ni rab tu bskor zhes so/ /yi ge a sa bskyed pa'i kha dog
- 43a
drug dang ldan pa rtsibs drug ba/ mu khyud bzhi dang ldan pa shin tu bkod pa'i lte ba de'i dkyil na yi ge a bsams te/ bcom ldan 'das ye shes sems dpa' i rtsa ba'i sngags la sogs pa sngags rnams mu khyud bzhi la mdog dkar po kho na bsgom par bya'o/ /de la dang po'i mu khyud la/ oM sarba d+harmA/ b+hA ba/ swa b+hA ba/ shud+d+ha badzra a A aM a(rgyud 'grel): de'i phyi rol du mu khyud gnyis pa la de bzhin gshegs pa'i sa bcu gnyis brjod pa'i sgra'i yi ge bcu gnyis bsgom par bya'o/ /de nas dang po'i lce nas brtsams nas ji brtsam du sngags drug po bkod pa'i rigs kyi mdog rim par bya'o/ /'di lta ste dang po la/ oM badzra tIk+Shu? ya te na ma(rgyud 'grel): gnyis pa la oM du(rgyud 'grel): khats+tshe da ya ta na ma(rgyud 'grel): gsum pa la oM pradz+nyA dz+nyA na mUrt+ti ya te na ma(rgyud 'grel): bzhi pa la oM dz+nye na kA ya ya te na ya(rgyud 'grel): lnga ba la oM bA gi shwa ra ya te na ma(rgyud 'grel): drug pa la oM a ra pa tsa nA ya te na ma(rgyud 'grel): 'khor lo'i phyi rol mu khyud la bcom ldan 'das de bzhin gshegs pa thams cad kyi ye shes kyi sku'i phreng ba'i sngags bkod de/ a A(rgyud 'grel): oM sarba ta thA ga ta h+ri da ya/ ta ra ta ra/ oM hUM h+rI(rgyud 'grel): b+ha ga bI/ dz+nyA na murt+ti/ bA gI shwa ra/ ma hA pA tsa/ sarba d+harma/ ga ga nA ma la su ba ri shud+d+ha d+harma d+hA tu dz+nyA na garb+ha A(rgyud 'grel): phyi rol gyi mu khyud gnyis pa la ka la sogs pa ha'i mthar thug pa'i yi ge dgod bar bya'o/ /de ni 'khor lo'i sngags dgod ba'i rim pa'o/ /'khor lo de'i dbus na gnas pa'i yi ge a las bskyed pa'i bcom ldan 'das ye shes sems dpa' zhal drug pa/ ston ka'i zla ba'i mdog can/ in+d+ra nI la mchog gi gtsug pud nyi ma 'char ka'i dkyil ltar 'od kyi dkyil 'khor gyis bskor ba/ de bzhin gshegs pa thams cad kyi rang bzhin gyi rgyan gyi ting nge 'dzin la snyoms par zhugs pa rnam pa sna tshogs pad+ma'i gdan la bzhugs pa/ phyag gnyis kyis utpa la sngon po gnyis la brten pas gnas pa/ shes rab kyi pha rol tu phyin pa'i glegs bam gnyis 'dzin pa/ zhi pa'i tshul dang ldan pa'i bdag nyid bsam te/ de'i thugs kar zla ba'i dkyil 'khor bsgoms nas/
- 43b
de'i steng du shes rab kyi pha rol tu phyin pa'i rang bzhin thams cad mkhyen pa'i ye shes 'byung ba'i byed rgyu/ nyan thos dang rang sangs rgyas thams cad bskyed par gyur pa/ byang chub sems dpa' chen po thams cad kyi bsod nams dang ye shes kyi tshogs su gyur pa/ don dam pa'i ye shes thams cad kyi byed rgyur gyur pa'i yi ge a bkod de/ de nas 'khor la gnas pa'i sngags yi ge gang yin pa rnams ji ltar gsungs pa'i kha dog dang ldan pa shin tu rnam par bkod pa mi shes pa'i ngo bo 'joms par nus pa'i 'od dang ldan par bsgoms te/ 'od de rnams kyis rang gi dus la snang bar byed pa bsgom mo/ /'od kyis snang bar byas ma thag tu zhal bzhi las byung ste/ mi mdzad 'jig rten gyi khams snang bar byas nas/ de nas rdo rje'i sgo drug nas 'od zer kha dog drug phyung ste/ nam mkha' i khams thams cad du khyab pas sangs rgyas kyi zhing sna tshogs pa rnams su song nas ma lus shing lus pa med pa'i sems can gyi khams kyi don byas nas/ de bzhin gshegs pa thams cad dang/ byang chub sems dpa' dang/ nyan thos dang/ rang sangs rgyas kyi dkyil 'khor yang snang bar byas te/ de rnams kyi zhal nas zhugs pas de dag gi thugs kar rdo rje la bskor ba byas te/ de dag gi shes rab kyi ye shes de drangs nas chos bdag med pa mnyam pa nyid kyis rang gi kha nas zhugs te/ rang gi snying ga la gnas pa'i zla ba la sngags kyi yi ge dang gcig tu gyur nas gnas par bsgom par bya'o/ /de ltar rgyun du zhugs pa bsgom pa la gnas sngags kyi sgo nas spyad pa spyod pa'i byang chub sems dpas bcom ldan 'das 'jam dpal ye shes sems dpa' i gzugs ye shes kyi sku'i sgo nas dmigs so zhes pa dang/ zla ba'i dkyil 'khor gyi dbyibs kyi sgo nas de'i gzugs rjes su bsam mo zhes pa dang yi ge a'i gzugs kyi sgo nas de'i gzugs rjes su bsgom mo zhes so/ /de ltar rnam pa gsum gyi tshul gyis bsgoms pas de nyid kyi sprul pa'i gzugs kyi sku dus ring po ma yin pa kho nas 'dul ba'i dbang nye bar gzung ste/ mthong bar 'gyur ba dang/ nam mkha' gzhi la gnas pa'i sangs
- 44a
rgyas dang byang chub sems dpa' thams cad kyi sprul ba'i gzugs kyi sku dang ldan par gyur pa rnams mthong bar 'gyur ro zhes bya ba ste/ de yang bsgom pa'i dbang de las tshe 'di kho na la sangs rgyas pa nyid dang rdo rje sems dpa' nyid 'thob bo zhes pa'i don to/ /de ltar rim pa 'dis sgyu 'phrul dra bas mngon par rdzogs par byang chub kyi rim par gsungs pa yin no/ /da ni 'di'i rigs kyi dbye bas shes rab kyi 'khor lo gzhan drug rnams kyang bshad de/ de la re zhig dang po'i rnal 'byor thams cad mngon du byas la/ bcom ldan 'das rnam par snang mdzad chen po'i dkyil 'khor gyi dbus na gnas pa bsdus te/ de'i gnas su yi ge h+rI(rgyud 'grel): las bskyed pa'i snang ba mdza' yas sku mdog dmar po ting nge 'dzin gyi phyag rgya dang ldan pa'i ting nge 'dzin gyis gnas par bsams la/ de'i thugs kar dang po'i sangs rgyas de bzhin du bsgoms nas/ de'i thugs kar yang rtsibs brgyad pa'i 'khor lo mu khyud bzhi dang ldan pa rtsa ba'i sngags la sogs pas yongs su bskor ba bsgom par bya'o/ /de nas yang rtsibs brgyad la sa bon rnams ni oM badzra tik+Sh+Na ya te na ma(rgyud 'grel): zhes bkod de/ 'khor lo'i yang lte ba'i dbus na yi ge h+rI(rgyud 'grel): las gyur pa'i sku rdo rje rnon po zhes bya ba sku mdog dmar po byis pa'i rgyan dang ldan pa/ gtsug phud lngas dbu brgyan pa/ dar sna tshogs kyi na bza' mnabs pa/ phyag g.yon pas pad+ma 'dzin pa/ g.yas kyi shes rab kyi ral gri 'dzin pa bsgoms te de'i thugs kar sngon bzhin du zla ba'i dkyil 'khor gyi steng du h+rI(rgyud 'grel): bsgoms te/ spro ba dang bsdu ba gong ma bzhin du rim par byas nas bsgom par bya'o/ /de kho na nyid bzhin du yang dkyil 'khor gyi dbus su yi ge hUM las bskyod pa'i mi bskyod pa sku mdog sngon pos gnon gyi phyag rgya dang ldan pa bsgoms nas/ dI thugs kar yang dang po'i sangs rgyas dang de bzhin du 'khor lo rtsibs brgyad pa bsgoms te/ sngon bzhin du sngags dged par bya'o/ /oM du(rgyud 'grel): khats+tshe da ya he na ma(rgyud 'grel): zhes pa'i sa bon brgyad rtsibs rnams la bkod nas/ lte ba la yi ge hUM
- 44b
las bskyed pa'i bcom ldan 'das 'jam dpal sdug bsngal gcod pa sku mdog sngon po gzhon nu'i gzugs can byis pa'i rgyan thams cad kyis brgyan pa/ zur phud lnga pa/ rgya nag gi dar mnabs pa/ g.yon gyi rdo rje/ g.yas kyis ral gri 'dzin pa bsgoms nas/ de'i thugs kar zla ba'i dkyil 'khor gyi steng du yi ge hUM bsgoms te/ de bzhin du spro ba la sogs pa bya'o/ /yang de kho na bzhin du dkyil 'khor gyi dbus su yi ge a las bskyed pa'i rnam par snang mdzad sku mdog dkar po byang chub mchog gi phyag rgya dang ldan pa bsgoms te/ de'i thugs kar dang po'i sangs rgyas/ de kho na bzhin du 'khor lo rtsibs bcu pa la oM pradz+nyA dz+nyA na mUrta ye na ma(rgyud 'grel): zhes pa'i sa bon gyi yi ge rnams rtsibs bcu la bkod nas/ 'khor lo'i lte ba la yi ge a las byung ba'i bcom ldan 'das shes rab ye shes sku mdog dkar po/ zur phud lnga pa/ byas pa'i rgyan dang ldan pa/ sna tshogs kyi gos kyis brgyan pa/ g.yon gyis 'khor lo/ /g.yas kyis shes rab kyi ral gri 'dzin pa bsgoms nas/ de'i thugs kar zla ba'i steng na yi ge a bsgoms te/ de kho na bzhin du spro ba la sogs pa bya'o/ /de kho na bzhin du dkyil 'khor gyi dbus na yi ge sa bon a las byung ba'i don yod grub pa sku mdog ljang khu mi 'jigs pa'i phyag rgya dang ldan pa bsgoms te/ de'i thugs kar dang po'i sangs rgyas/ de'i thugs kar 'khor lo rtsibs brgyad pa/ sngon 'dzin du rtsa ba'i sngags la sogs pa rnam par dgod par bya ba bsgoms nas/ de nas yang rtsibs brgyad pa la oM dz+nyA na kA ya ya te na ma(rgyud 'grel): zhes sa bon brgyad bkod de/ 'khor lo'i lte ba la yi ge a las gyur pa'i bcom ldan 'das ye shes kyi sku mdog ljang gu/ gzhon nu'i rgyan can/ gtsug pud lngas dbu brgyan pa/ g.yon gyis sna tshogs rdo rje/ g.yas kyis shes rab kyi ral gri 'dzin pa bsgoms te/ de'i thugs kar zla ba'i steng na yi ge a bsgoms nas/ de kho na bzhin du spro ba dang bsdu ba byas nas bsgom par bya'o/ /yang de kho na bzhin du dkyil 'khor gyi dbus su yi ge oM las byung ba'i rin chen 'byung ldan
- 45a
sku mdog ser po mchog sbyin gyi phyag rgya dang ldan par bsgoms nas/ de'i thugs kar dang po'i sangs rgyas de kho na bzhin du 'khor lo rtsibs brgyad la rtsa ba'i sngags la sogs pa dang ldan par bsgoms te/ de'i rtsibs brgyad la oM bA gi shapda ya te na ma(rgyud 'grel): zhes pa'i sa bon bkod nas/ 'khor lo lte ba la sa bon bkod nas/ 'khor lo lte ba la sa bon yi ge oM las bskyed pa'i bcom ldan 'das dag gi dbang phyug sku mdog ser po/ rgyan thams cad dang ldan pa/ zur phud lnga pa/ sna tshogs kyi na bza' mnabs pa/ g.yon gyi rin po che/ g.yas kyis shes rab kyi ral gri 'dzin pa bsgoms te/ de'i thugs kar zla ba'i dkyil 'khor gyi steng du yi ge oM bsgoms nas/ de bzhin du spro ba dang bsdu ba la sogs pa bya'o/ /de kho na bzhin du dkyil 'khor gyi dbus na yi ge a las gyur pa'i byang chub kyi sems rdo rje sku mdog dkar po/ 'jog sgeg gi tshul dang ldan pa rigs lnga'i dbu rgyan can/ rdo rje snyems pas bzhugs pa/ rgyan thams cad kyis klubs pa/ /rdo rje dang dril bu 'dzin pa bsgoms nas/ de'i thugs kar bcom ldan 'das dang po'i sangs rgyas bsgoms te/ de'i thugs kar 'khor lo rtsibs dgu pa rtsa ba'i sngags la sogs pa bkod pa'i rtsibs la oM a ra pa tsa nA ya te na ma(rgyud 'grel): zhes pa'i sa bon gyi yi ge dgu rnams bkod nas/ 'khor lo'i lte ba la yi ge a las bskyed pa bcom ldan 'das a ra pa tsa zhes bya ba ye shes sems dpa' sku mdog dkar po/ byis pa'i rgyan gyis brgyan pa/ zur phud lnga pa can/ sna tshogs kyi na bza' mnabs pa/ phyag na po ti dang ral gri 'dzin pa bsgoms te/ de'i thugs kar zla ba'i steng na yi ge a bsgoms nas gong ma bzhin du spro ba dang bsdu ba dang zhugs pa dang gnas pa brtan par gyur pa la sogs pa byas nas bsgom par bya'o zhes kun la sbyar bar bya'o/ /'dir yang rigs kyi dbye bas dpal sgyu 'phrul dra bas mngon par rdzogs par byang chub pa'i rim pa drug tu rig par bya'o/ /de nyid kyi phyir na 'phags pa mtshan yang dag par brjod pa la 'khor lo bdun rigs bdun du
- 45b
'gyur te/ de rnams kyang bla ma'i man ngag las shes par bya'o/ /de rnams dang ldan pa ni sgyu 'phrul dra bas mngon par rdzogs par byang chub pa'i rim pa'o// //'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba las sgyu 'phrul dra bas mngon par rdzogs par byang chub pa'i rim pa'i dbang du byas pa ste bzhi pa tshigs su bcad pa gsum pa'o/ /de nas da ni rdo rje dbyings kyi dkyil 'khor chen po'i sgo nas byang chub kyi sems rdo rje spro ba la sogs pa la gsungs pa ni/ 'di ltar sangs rgyas bcom ldan 'das shes pa la sogs pa'o/ /de la sangs rgyas bcom ldan 'das kyi don bshad zin to/ /rdzogs pa'i sangs rgyas a las byung zhes pa ni/ de la rdzogs pa'i sangs rgyas kyi don bshad zin to/ /a las byung ba ni yi ge a las bskyed pa ste/ bcom ldan 'das ye shes sems dpa' yongs su dag pa de bzhin gshegs pa'i ye shes kyi sku'i rang bzhin yin pa'i phyir ro/ /da ni de'i thugs ka'i zla ba'i dkyil 'khor gyi steng gi gang yin pa yi ge a de'i khyad par gsungs pa/ a ni yig 'bru kun gyi mchog ces pa ste/ rab tu gyur pa ni mchog ste/ mchog gi dngos po nyid ni mchog nyid do/ /yi ge kun ni yi ge thams cad do/ /de'i mchog ni rab ste/ de rnams kyi sgo nyid kyi phyir ro/ /don chen zhes pa la/ don yang yin la chen po yang de nyid yin pas don chen te/ 'gro ba kun la phan par byed pa'i rgyu nyid kyi phyir ro/ /yi ge dam pa yin zhes pa ni/ rnam grangs gzhan dang gzhan gyis mi 'gyur ba'i phyir na ste/ yang dag pa'i mdza' i ngo bo nyid kyis mi g.yo ba nyid kyi phyir ro/ /yi ge yang de yin la dam pa yang de nyid yin pas yi ge dam pa yin zhes so/ /rim pa 'dis kyang ye shes sems dpa' la sogs pa'i yi ge dag gi rang bzhin brjod pa gsungs pa ste/ de dag nyid re re yang rnal 'byor pa rang gi sems las byung ba'i dkyil 'khor gyi lha thams cad kyi rang bzhin mi mthun pa'i phyogs ma lus pa las bzlog pa'i ngo bo nyid du so sor brtag par bya ba ni/ de ltar rang gi ting nge 'dzin rnams dang de'i phyin ci log mi
- 46a
dmigs par ston pa nyid kyi phyir dmigs pa mi mthun pa'i phyogs kyi mnyen po stong pa nyid kyi rnam par thar ba'i sgo'i mtshan nyid do/ /de ltar mtshan ma dang/ log pa'i smon pa dang/ phyin ci log gi 'du byed dang/ ldan pa rnams kyi gnyen po'i phyogs kyi ngo bos rim pa bzhin du mtshan ma med pa dang/ smon pa med pa dang/ mngon par 'du byed pa med pa'i rnam par thar pa'i sgo'i bdag nyid rnams bya ste/ de la yang go rim bzhin du rdo rje sems ma la sogs pa'i rim gyi yum gyi rang bzhin gyi dbang du byas nas gsungs pa/ khong nas 'byung ba skye ba med ces bya ba ni sems ma rdo rje ma'i rang bzhin no/ /de la yang khong nas 'byung ba ni yi ge pa'o/ /de yang skye ba med pa'i rang bzhin te/ /de ni chos kyi dbyings kyi ngo bo nyid kyi phyir dang me long lta bu'i ye shes kyi rgyu nyid kyi phyir ro/ /tshig tu brjod pa spangs pa ste/ /zhes pa ni rin chen rdo rje ma'i sgo nas te/ tshig rnams brjod pa ni tshig tu brjod pa ste/ de med pa ni spangs pa ste/ mnyam pa nyid kyi ye shes la tshig gi rtsol ba med pa'i phyir ro/ /brjod pa kun gyi rgyu yi mchog ces pa ni chos kyi rdo rje ma'i sgo nas so/ /mngon par brjod pa ni brjod pa ste/ phung po la sogs pa'i rang bzhin chos thams cad kyi mngon par brjod pa ni brjod pa kun te/ de'i rgyun ni byed rgyu ste/ so sor kun tu rtog pa'i ye shes so/ /de nyid kyi phyir mchog ste/ gtso bo zhes pa'i don to/ /tshig kun rab tu gsal bar byed ces pa ni las kyi rdo rje ma'i rang bzhin gyis te/ tshig kyang de yin la don kun yang de yin pas tshig kun te/ 'di lta ste/ lha'i skad dang klu'i skad dang gnod sbyin gyi skad ces pa la sogs pa lta bu'o/ /de nyid kyi phyir rab tu gsal bar byed pa zhes bya ba ste/ ji ltar skal pa dang ldan pa'i sems can thams cad kyi rgyud la so sor snang ba 'byung bas so/ /sgo tha dad pa'i chos bstan pa yang bya ba nan tan gyi ye shes kyi rang bzhin nyid kyi phyir ro/ /de'i phyir na rdo rje sems ma la sogs pa pha rol phyin pa bzhi po 'di rnams ni/ a A oM a(rgyud 'grel): zhes pa'i yi ge bzhi las bskyed par
- 46b
bya'o/ /de nas yang sems gang kho na chos kyi dbyings kyi rang bzhin tha mal pa'i gzung ba la sogs pa'i rnam pa dang bral bas de nyid kho na glo bur gyi dri ma med cing 'od gsal ba nyid kyi phyir dang/ ye shes gzhan 'byung ba'i mtshan ma nyid kyi phyir na me long lta bu'i ye shes kyi bdag nyid do/ /chos la dmigs pa'i snying rje la sogs pa'i bdag nyid kyi rgyud gzhan du byed pa la mchog tu mi 'dzin pa'i phyir na mnyam pa nyid kyi ye shes so/ /shes bya thams cad la phyin ci ma log pas so sor kun tu rtog pa'i ye shes so/ /'jig rten kun la phan pa'i rgyu nyid kyi phyir bya ba nan tan gyi ye shes kyi bdag nyid do/ /'di dag kyang go rim bzhin du rtag pa la sogs pa gtso bo'o/ /rang bzhin no/ /de nyid gsungs pa/ mchod pa chen po 'dod chags che zhes pa la sogs pa'o/ /de la yang dang por snang ba mdza' yas kyis nye bar gzung ba ni 'dod chags gtso bor gyur pas gzung ba'i don te/ de nyid gsungs pa/ 'dod chags zhe sdang gti mug dang zhes pa'o/ /de bzhin gshegs pa thams cad kyi nam mkha' kun la khyab pa'i mchod pa brtan pa'i dus la ni mchod pa chen po zhes gsungs so/ /ma hA'i sgra ni mchod pa la brjod pa yin no/ /chen po'i bdag nyid kyi 'dod chags dang 'dod chags chen po'o/ /mchod pa yang de yin la 'dod chags chen po yang de yin pas mchod pa chen po 'dod chags che zhes pa'o/ /de la 'dod chags che ni sems can smin cing grol ba'i mtshan nyid do/ /de yang bcom ldan 'das dpal rdo rje sems dpa' i mtshan nyid yin te/ 'dod chags chen po bcom ldan 'das/ /rdo rje sems dpa' de bzhin gshegs zhes 'byung ba'i phyir ro/ /sems can thams cad dga' bar byed ces pa ni 'dod chags la spyod pa'i sems can dga' zhing mgu la bde ba chen po'i bdag nyid byed pas na/ sems can thams cad dga' bar byed pa ste/ snang ba mdza' yas kyi rang bzhin no/ /zhe sdang la spyod pa'i dbang du byas nas gsungs pa/ mchod pa chen po zhe
- 47a
sdang che/ /nyon mongs kun gyi dgra che ba zhes pa ste/ mchod pa chen po zhes pa'i don ni bshad zin to/ /zhe sdang che ni mi bskyod pa'o/ /de yang nyon mongs kun gyi dgra che ba yin te/ nyon mongs pa dang nye ba'i nyon mongs pa rnams kyi dgra chen po zhes pa'i don to/ /gti mug la spyod pa'i dbang du byas nas gsungs pa/ mchod pa chen po gti mug che/ /gti mug blo ste gti mug sel zhes pa ste/ mchod pa chen po ni gong ma bzhin no/ /gti mug chen po ni rnam par snang mdzad do/ /blo la gti mug pa ni gti mug gi blo ste/ /gti mug kyang de yin pa blo yang de nyid yin pas gti mug blo'o/ /de sel bar byed pa ni 'joms par byed pa'o/ /khro ba la spyod pa'i dbang du byas nas gsungs pa/ mchod pa chen po khro ba che/ /khro ba chen po dgra che ba zhes pa ste/ mchod pa chen po ni song ma bzhin no/ /khro ba chen po ni don yod grub pa'o/ /khro ba chen po dgra che ba/ /sems can dang sems can ma yin pa'i yul gyi phyir khro ba chen po ste/ de nyid kyi dgra chen po zhes so/ /chags par byed pa'i dbang du byas nas gsungs pa/ mchod pa chen po chags pa che/ /chags pa thams cad sel bar byed ces pa ste/ mchod pa chen po'i don ni gong ma bzhin du bshad do/ /chags pa chen po ni rin chen 'byung ldan no/ /chags pa thams cad sel bar byed pa ni 'jig rten dang 'jig rten las 'das pa thams cad kyi phun sum tshogs pa yongs su dag par byed pa'i don nyid kyi phyir ro/ /stong pa nyid la sogs pa'i rnam par thar ba'i sgo bzhi rnams dang/ chos dbyings kyi skye mched kyi sgo nas ting nge 'dzin thams cad kyi rgyu nyid kyi phyir na de nyid kyang yang nang du phyin ci log dang mi mthun pa'i gnyen po nang stong pa nyid kyi rnam pa dang/ phyi rol du dmigs pa dang bral bas na phyi stong pa nyid kyi rang bzhin dang/ de dag gi rten dang lus mi dmigs pa'i rang bzhin nyid kyis phyi nang stong pa nyid kyi bdag nyid dang/ snod kyi 'jig rten la lhag par chags pa dang bral ba nyid kyis chen po stong pa nyid kyi mtshan
- 47b
nyid de/ de dag po na me long lta bu'i ye shes la brten pa rdo rje sems dpa' la sogs pa'i ting nge 'dzin bzhi'i bdag nyid ces pa 'di gsungs pa/ 'dod pa chen po bde ba che/ /dga' ba chen po mgu ba che zhes pa ni/ /de la 'dod pa chen po ni rdo rje sems dpa' o/ /'dod par byed pa ni 'dod pa ste/ 'dun pa zhes pa'i don te/ /bde ba chen po ni rdo rje rgyal po'o/ /dga' ba chen po ni rdo rje chags pa'o/ /mgu ba chen po ni rdo rje legs pa'o/ /de nyid kyis mig dang gzugs la sogs pa'i bag chags gnas gyur pa'i rang bzhin me long lta bu'i ye shes las grub? pa ste/ nang gi bdag nyid mi dmigs pa la sogs pa'i byin gyis brlabs pa nyid kyi phyir ro/ /ji ltar rang rang gi phyin ci log gi ni mi mthun pa'i phyogs bzlog pa nyid kyang de dag gis byang chub kyi sems 'byung ba dang/ dgug pa dang/ rjes su chags pa dang/ legs pa'i dngos po'i rgyud kyi phyir na yang da rnams kyi go rims so/ /de ltar stong pa nyid kyi ye shes de nyid la yang mtshan ma med pa'i phyir na stong pa nyid stong pa nyid dang/ don dam pa'i mtshan ma la yang mchog tu mi 'dzin pa'i phyir na don dam pa stong pa nyid dang/ 'dus byas pa'i bsod nams kyi chogs kyi mtshan ma yongs su mi 'dzin pa'i phyir na 'dus bya stong pa nyid dang/ 'dus ma byas pa'i byang chub kyi tshogs la yang mtshan mar yang mchog tu mi 'dzin pa'i phyir na 'dus ma byas stong pa nyid rnams te/ de nyid kyi phyir na gsungs pa/ gzugs che lus kyang che ba ste/ /kha dog che zhing lus por che/ /ming yang che zhing rgya che ba/ /dkyil 'khor chen po yangs pa yin zhes pa'o/ /de la gzugs che lus kyang che ba ni rdo rje rin chen no/ /gzugs su rung bas na gzugs te/ mi rtag ces pa'i don to/ /gzugs chen po dang ldan pa gang yin pa de ni gzugs chen po ste/ che ba nyid ni yid bzhin gyi nor bu'i gzugs nyid kyis de bzhin gshegs pa thams cad kyi khams gsum pa chos kyi rgyal por dbang bskur ba'i bdag nyid yin pa'i phyir ro/ /de nyid kyi phyir na lus che zhes pa ste/ gzhal du med pa'i sangs rgyas kyi zhing
- 48a
na snang bar byed pa nyid kyi phyir ro/ /kha dog che zhing lus bod che zhes pa ni rdo rje nyi ma ste/ kha dog kyang de yin la che ba yang de nyid yin pas kha dog che ba ste/ gdong drug dang ldan pa'i phyir ro/ /lus bod chen po dang ldan pa gang yin pa de ni lus bod che ste/ shin tu rnam par dag pa thob pa dang bsam pa dang bsgom pa rnams kyi dngos po ye shes kyi 'od kyi dkyil 'khor nyid kyi phyir ro/ /ming yang che zhing rgya che ba ni rdo rje tog go /ming yang che ba dang gang ldan pa de ni ming yang che zhing ste/ grags pa chen po zhes bya ba'i don to// gang las she na/ sbyin pa'i pha rol tu phyin pa mchog tu mthar phyin pa'i phyir na'o/ /de'i phyir na yang rgya che ba ni rgya yang de yin la chen po yang de yin pas rgya chen po ste/ thams cad sbyin pa'i phyir ro/ /dkyil 'khor chen po yangs pa ni rdo rje bzhad pa'o/ /dkyil ni rgyan dang chas par byed pas na dkyil lo/ /dkyil de len par byed pas na 'khor te/ dkyil 'khor ro/ /yangs pa ni rgyas pa ste/ 'jig rten gyi khams kun la khyab par byed pa'i phyir ro/ /gang gi bshad pa'i yangs pa chen po'i dkyil 'khor gyi snying po de ni dkyil 'khor chen po yangs pa yin te/ khams gsum snang bar byed pa nyid kyi phyir ro/ /de dag kyang mnyam pa nyid kyi ye shes kyi 'khor lo rdo rje rin chen la sogs pa bzhi'i bdag nyid de/ nyon mongs pa can gyi yid gnas gyur pa'i bdag nyid mnyam nyid ye shes la gzung 'dzin dag pa la sogs pa'i sgo nas ji ltar gsungs pa'i mtshan ma med pa'i phyir dang/ ji ltar rang gi mi mthun pa'i phyogs spangs pa'i sgo nas kyang dbang bskur ba dang/ 'od 'phel ba dang/ sbyin pa'i pha rol tu phyin pa la sbyor ba dang/ rab tu dga' ba bsgrub pa'i phyir na rdo rje rin chen la sogs pa bzhi po de dag gi go rims so/ /de nyid mdza' dang ldan pa'i sems can gyi don smon lam la mngon par zhen pa med pa'i phyir na mdza' las pa stong pa nyid dang/ bdag gi thog ma dang tha ma med pa'i 'khor ba dor ba mi bya'o zhes pa'i smon lam kun tu mi 'dzin pas na thog ma dang/ tha
- 48b
ma med pa stong pa nyid dang/ bdag gis lhag ma med pa'i mya ngan las 'das pa'i dbyings la dge ba ched du dor bar mi bya zhes pa la mngon par ma zhen pa'i phyir na dor ba med pa stong pa nyid dang/ rang bzhin gyi mtshan nyid dam rigs bdag gis dag par bya'o zhes pa don du gnyer ba dang bral ba'i phyir na rang bzhin gyis stong pa nyid rnams so/ /de nyid kyi phyir na gsungs pa/ shes rab mtshon chen 'chang ba ste nyon mongs lcags kyu che ba'i mchog /grags chen snyan grags chen po ste/ /snang ba chen po gsal ba che zhes so/ /de la shes rab mtshon chen 'chang ba ni rdo rje chos so/ de la shes rab ni so sor kun tu rtog pa'i ye shes te/ de nyid mtshon te mtshon cha'o/ /de 'dzin pas na shes rab mtshon chen 'chang ba ste/ de nyid ye shes kyi rang bzhin nyid kyi phyir ro/ /shes rab mtshon chen 'chang ba yang de yin la chen po yang de nyid yin pas shes rab mtshon chen 'chang ba'o/ /nyon mongs lcags kyu che ba'i mchog ni rdo rje rmod po'o/ /nyon mongs pa ni 'dod chags la sogs pa'o/ /de rnams kyi lcags kyur gyur pa nyid kyi phyir na nyon mongs lcags kyu'o/ /lcags kyu dang 'dra bas lcags kyu ste/ nyon mongs pa la dbang thob pa nyid kyi phyir ro// //nyon mongs pa'i lcags kyu yang de nyid yin la chen po yang de nyid yin pas nyon mongs lcags kyu che'o/ /de nyid kyi phyir na yang mchog ste/ rab ces bya ba'i don to/ /grags chen snyan grags chen po ni rdo rje rgyu ste/ sems can yongs su smin par byed pa'i thabs su gyur pa'i dkyil 'khor thams cad rgyud las bstan pa de la 'khor los sgyur ba'i rang bzhin nyid kyi phyir grags pa chen po dang gang ldan pa de ni grags chen no/ de nyid kyi phyir na ma lus zhing lus pa med pa'i 'jig rten gyi khams la khyab par snyan grags dang gang ldan pa de ni snyan grags chen po zhes so/ snang ba chen po gsal ba che ni rdo rje smra ba'o/ /khams gsum khyab par snang ba'i 'od zer chen po dang gang ldan pa de ni snang ba chen po'o/ /de nas yang tshig gnyis pa
- 49a
rgyur ba dang thog ma dang par ma rnams yongs su spangs te mi smra ba'i rang bzhin gyis bzlas pa'i dus na sems can thams cad kyi rgyud la rgya cher snang ba nyid kyi phyir na gsal ba che'o/ /de rnams kyang rnam par rtog pa'i yid gnas gyur pa'i mtshan nyid so sor kun tu rtog pa'i ye shes la brtan pa'i rdo rje chos la sogs pa'i rang bzhin to/ so sor kun tu rtog pa'i ye shes la ji ltar gsungs pa'i phyin ci log bya bas chos thams cad kyi de kho na nyid so sor kun tu rtog pa'i phyir de'i sgo nas rang bzhin dag pa'i chos nyid dang/ shes rab ye shes dang/ phyir mi ldog pa dang/ dgongs pa'i don ma lus pa yongs su shes pa rnams kyi rgyud kyi phyir na 'di nyid rdo rje chos la sogs pa de rnams kyi go rims so/ /de nyid mtshan dang dpe byad kyi bdag nyid kyi gzugs kyi sku la 'du mi byed pa'i phyir rang gi mtshan nyid stong ba nyid dang/ stobs dang mi 'jigs pa la sogs pa'i rang bzhin gyi chos kyi sku la 'du mi byed pa'i phyir na chos thams cad stong pa nyid dang/ gang zag dang chos la sgro 'dogs par 'du mi byed pa'i phyir na dngos po med pa stong pa nyid dang/ ji skad gsungs pa'i stong pa nyid kyi mtshan nyid la skur pa 'debs pa dang mngon par 'du mi byed pa'i phyir na dngos po med pa'i ngo bo nyid stong pa nyid rnams so/ /de nyid gsungs pa/ mkhas pa sgyu 'phrul chen po 'chad/ /sgyu 'phrul chen po'i don grub pa/ /sgyu 'phrul chen po dga' bas dga' / /sgyu 'phrul chen po'i mig 'phrul? can zhes pa ste/ de la mkhas pa sgyu 'phrul chen po 'chad ni rdo rje las so/ /de la sgyu 'phrul ni de bzhin gshegs pa thams cad kyi sna tshogs shing rgyas pa'i mchod pa mang po'i sprul pa'o/ /de 'dzin pa'i phyir na sgyu 'phrul 'chad pa ste/ chen po yang de yin la sgyu 'phrul yang de nyid yin pas sgyu 'phrul chen po 'chad pa'o/ /de nyid kyi phyir na mkhas pa paN+Di ta ste/ mchod pa'i las des bsod nams kyi tshogs bsags pa'i phyir ro/ /sgyu 'phrul chen po'i don grub pa ni rdo rje bsrung ba'o/ /de la sgyu 'phrul gyi don ni sprul pa'i don to/ /de yis sems
- 49b
can le le can rnams rab tu spro ba sgrub par byed pas na sgyu 'phrul don grub ste/ chen po yang de yin la sgyu 'phrul don grub kyang de nyid yin pas sgyu 'phrul chen po'i don grub pa'o/ /sgyu 'phrul chen po dga' bas dga' ni rdo rje gnod sbyin no/ /sgyu 'phrul la dga' ba ni sgyu 'phrul la dga' pa ste/ de bzhin gshegs pa'i mchod pa'i sprul pa la dga' ba zhes pa'i don to/ /sgyu 'phrul dga' ba la chags pa ni dga' ba ste/ sgyu 'phrul dga' bas dga' o/ /chen po yang de sen la sgyu 'phrul dga' bas dga' yang de nyid yin pas sgyu 'phrul chen po dga' bas dga' o// sgyu 'phrul chen po mig 'phrul can ni rdo rje khu tshur ro/ /mig 'phrul can ni sprul ba'i tshogs te/ sku gsung thugs rdo rje rnams gcig tu gyur pa'o/ /de mkhyen pa ni mig 'phrul can no/ /sgyu 'phrul chen po yang de nyid yin la mig 'phrul can yang de nyid yin pas sgyu 'phrul chen po mig 'phrul can no/ /'di la ni dam pa'i chos kyi tshig yin pa'i phyir na ring po med par rig par bya'o/ /de rnams kyang bya ba nan tan gyi ye shes pa brten pa dang/ rdo rje la sogs pa bzhi'i bdag nyid de/ mig la sogs pa'i shes pa gnas gyur pa'i bdag cing bya ba nan tan gyi ye shes su gnas pa ste/ ji skad gsungs pa'i phyin ci log spangs pa'i sgo nas bde bar gshegs pa kun mchod pa dang/ mngon par srung bar byed pa dang/ bgegs nye par zhi bar byed pa dang/ sku la sogs pa stong pa nyid dang/ ye shes byed pa nyid kyi phyir dang/ de nyid kyi phyir rdo rje la sogs pa de rnams kyi las kyi go rim zhes bya'o/ /de bzhin du ser sna dang/ tshul khrims 'chal pa dang/ mi bzod pa dang/ le lo rnams kyi gnyen po'i phyogs nyid kyis de nyid sbyin pa dang/ tshul khrims dang/ bzod pa dang/ brtson 'grus kyi pha rol tu phyin pa'i bdag nyid de/ de'i phyir gsungs pa/ sbyin bdag chen po gtso bo ste/ /tshul khrims chen po 'chad pa'i mchog /bzod chen 'chad pa brtan pa po/ /brtson 'grus chen po brtul ba yin zhes so/ /de la sbyin bdag chen po gtso bo ste zhes pa/ rdo rje sgeg mo'o//
- 50a
mchod pa dang rjes su 'dzin pa'i 'dod pa'i sbyin pas na sbyin pa'o/ /sbyin pa de'i bdag po ni sbyin bdag ste/ sbyin bdag de yin pa chen po yang de yin pas sbyin bdag chen po ste/ zang zing dang/ skyabs dang/ chos dang/ dbang bskur ba'i bdag nyid sbyin pa zhig gtong bar byed pa'i phyir ro/ /de'i phyir gtso bo ste/ 'jig rten thams cad kyi rab kyi phyir ro/ /tshul khrims chen po 'chang ba'i mchog ni rdo rje phreng ba ma'o/ /lus ngag yid gsum mnyam par bzhag pas na tshul khrims ni mnyam par bzhag pa'o zhes pa'i skad kyi dbyings zhes pa'i don to/ /mi dge ba bcu spangs pa'i mtshan nyid dang/ so sor thar pa'i rang bzhin te/ de dag 'dzin pas na tshul khrims 'chad ba'o/ /chen po yang de yin la tshul khrims 'chad ba yang de nyid yin pas tshul khrims chen po 'chad ba'o/ /de nyid kyi phyir mchog ste mngon du 'gro ba'i phyir ro/ /bzod chen 'chang ba brtan pa po ni rdo rje dbyangs len ma'o/ /sran tshugs par byas pas na bzod pa ste/ de 'dzin pas na bzod pa 'chad ba'o/ /chen po yang de nyid yin la bzod pa yang de nyid yin pas na bzod chen 'chad ba'o/ /de nyid kyang brtan po ste/ sdug bsngal chen po la brten par sran thub pa'i phyir ro/ /brtson 'grus chen po brtul ba yin ni rdo rje gang ma'o/ /brtson 'grus che ba ni dge ba la spro ba ste/ sdig pa la sogs pa la spro ba ni dam pa'i phyed na le lo nyid de brtson 'grus ma yin no/ /de'i brtul ba ni 'jig rten dang 'jig rten las 'das pa thams cad kyi dge ba'i rtsa ba las yongs su rdzogs par byed pa'o/ /de'i phyir gsang ba'i mchod pa bzhi'i bdag nyid go rim bzhin du me long lta bu'i ye shes la sogs pa las grub pa rang rang gi rnam par thar pa'i sgo rnam par dag pa'i stobs kyis lhun gyis grub pa mngon par dga' ba'i khyad par du gyur par byed pa'i phyir ro/ /de nyid shes rab 'chal ba dang/ rnam par g.yeng ba dang/ yang dag pa'i smon lam med pa dang/ nyam chung ba rnams dang/ mi mthun pa'i phyogs zil gyis gnon pa la
- 50b
dga' ba nyid kyis gsungs pa/ bsam gtan chen po ting 'dzin gnas/ /shes rab chen po lus 'chang ba/ /stobs po che la thabs che ba/ /smon lam ye shes rgya mtsho che zhes pa'o/ /de la tshigs bcad 'di la ni bsam gtan dang shes rab gnyis bsnor bar shes par bya'o/ /de'i phyir na don yi ge? ste/ shes rab chen po lus 'chang ba ni rdo rje bdug pa ma'o/ /shes rab chen po ni shes rab chen po ste/ de nyid kyi lus de 'dzin pas na shes rab chen po lus 'chang ba'o/ /bsam gtan chen po ting gnas ni rdo rje me tog pa'o/ /ting nge 'dzin ni sems rtse gcig pa'i ma'i? ? nyid do/ /de la brten pas na ting 'dzin gnas te/ che ba yang de yin la ting 'dzin bsam gtan yang de nyid yin pas bsam gtan chen po'o/ /chen po ni bsam gtan bzhi'i bdag nyid kyi phyir te/ bsam gtan bzhi po de rnams kyi ting nge 'dzin las? nas pa'o/ /smon lam ni rdo rje mar me ma'o/ /smon par byed pas na smon lam ste/ byang chub sems dpa' rnams ni smon lam gyi dbang gis skye ba'o/ /thabs che ba ni rdo rje dri chab ma'o/ /chen po yang de yin la thabs kyang de yin pas thabs che ba ste/ thabs nyid dbang gis ma lus shing mi lus pa'i 'jig rten gyi khams kyi re ba dang bsam pa ji lta ba yongs su rdzogs par byed pa'i phyir ro/ /de nyid ni shes rab dang/ bsam gtan dang/ smon lam dang/ thabs kyi pha rol tu phyin pa rnams kyi mtshan nyid kyis phyi'i mchod pa'i bdag nyid dbang rnams so/ /longs spyod dang bcas pa'i lam la dga' ba'i rgyu'i dngos pos stobs dang/ ye shes gnyis kyi chos kyi dbyings la 'jug pa'i rang bzhin gyi phyir/ stobs dang ye shes de dag rab tu rnam par dbye ba ste/ de la stobs ni dad pa la sogs pa lnga'o/ /ye shes ni mthong ba'i lam dang bsgom pa'i lam ste/ de la mthong ba'i lam ni byang chub kyi yan lag bdun no/ /bsgom pa'i lam ni 'phags pa'i lam yan lag brgyad do/ /de dag kyang dang ba dang/ brtson 'grus dang/ dran pa dang/ ting nge 'dzin gyi ngo bo nyid sgo srung bzhi'i bdag nyid do/ theg pa chen
- 51a
po la mngon par yid ches pa dang/ 'jug pa dang/ de rgyun mi 'chad pa dang/ yang dag par mgu bar byed pa nyid kyi phyir ro/ /de nyid shes rab yongs su dag pa tsa ma la bltos pa'i stong pa nyid kyi rab tu dbye ba ji skad bstan pa'i sgo nas byams pa la sogs pa bcu drug gi ting nge 'dzin gyi bdag nyid do/ /de'i phyir gsungs pa/ byams chen rang bzhin dpag tu med/ /snying rje chen po blo yi mchog /shes rab chen po blo chen ldan/ /mkhas pa chen po thabs che ba zhes pa'o/ /de la byams chen rang bzhin dpag tu med ni byams pa ste/ 'di la mdza' ba yod pa ni mdza' ba can te/ mjug ni de'i rkyen dang ldan pa'o/ /de ni sems can thams cad la mdza' ba dang ldan pa'i rang bzhin te/ che ba yang de yin la byams pa'i rang bzhin yang de nyid yin pas byams chen rang bzhin no/ /de nyid kyi phyir na dpag tu med pa ste/ 'jig rten gyi khams kun la bu gcig pa bzhin du byams pa nyid kyi phyir ro/ /snying rje chen po blo yi mchog ni 'jam dpal lo/ /snying rje chen po ni mi dmigs pa'i bdag nyid do/ /de gang la yod pa de ni snying rje chen po can no/ /blo'i mchog ni shin tu rnam par dag pa'i chos kyi dbyings kyi ye shes yin no/ /des ni 'di skad gsungs par 'gyur te/ zab cing rgya che ba'i bdag nyid de bcom ldan 'das yin no zhes so/ /shes rab chen po blo chen ldan ni spos kyi glang po ste/ shes rab chen po ste chos rnam par 'byed pa'i bdag nyid do/ /'di dang gang ldan pa de ni shes rab can te/ chen po yang de yin la shes rab kyang de yin pas shes rab chen po nyid blo chen no/ /mkhas pa chen po thabs che ba ni ye shes tog go /gang zhig thabs che ba yin pa de ni thabs che ba'o/ /de la mkhas pa chen po ni blo rdzogs pa chen po'o sems can thams cad kyi bsam pa dang bag la nyal ba shes pas dam pa'i chos ston par byed pa nyid kyi phyir ro/ /rdzu 'phrul chen po stobs dang ldan/ /shugs chen mgyogs pa chen po ste/ /rdzu 'phrul chen po cher grags pa/ /stobs chen pha rol gnon pa po zhes de la
- 51b
rdzu 'phrul chen po stobs dang ldan ni bzang spyod do/ /rdzu 'phrul gyi stobs ni rdzu 'phrul stobs te/ de dang ldan pa ni rdzu 'phrul gyi stobs dang ldan pa'o/ /chen po yang de yin la rdzu 'phrul gyi stobs dang ldan pa yang de nyid yin pas rdzu 'phrul chen po'i stobs dang ldan pa'o/ / shugs chen mgyogs pa chen po ste ni blo gros rgya mtsho'o/ /shugs chen pos 'gro ba gang yin pa de ni shugs chen te/ de bzhin gshegs pa thams cad la mchod pa dang srid zhu'i don du du ma'i 'jig rten du bskyod pa'i phyir ro/ /de nyid kyi phyir na mgyogs pa chen po zhes gsungs so/ /rdzu 'phrul chen po cher grags pa ni blo gros mi zad pa ste/ 'jig rten dang nyan thos dang/ rang sangs rgyas kyi bsod nams dang ye shes kyi tshogs dang ldan pa'i phyir na rdzu 'phrul chen po'o/ /de bzhin gshegs pa thams cad kyi bsod nams dang ye shes kyi tshogs yongs su rdzogs pa'i phyir na tshar grags so/ /stobs chen pha rol gnon pa po ni stobs pa brtsegs pa'o/ /chen po yang de yin la stobs kyang de nyid yin pas de bzhin gshegs pa'i stobs bcu gnas dang gnas ma yin pa mkhyen pa la sogs pa phyis 'byung ba rnams gzung ngo/ /de rnams kyi pha rol gnon pa ni de'i brtson 'grus brtsams pa dang gang ldan pa de stobs chen pha rol gnon pa po'o/ /srid pa'i ri bo chen po 'joms/ /mkhregs chen rdo rje chen po 'chang/ /drag po chen po drag shul che/ /'jigs chen 'jigs par byed pa po zhes pa ni/ de la srid pa'i ri bo 'joms pa ni mthu chen po thob pa'o/ /srid pa ni nye bar len pa'i phung po lnga'o/ /de nyid ri bo ste/ mi shes pa'i brag nyid kyi phyir ro/ /de dag yang dag par phyin ci ma log pa'i ye shes thob pas 'joms pa'i tshul dang gang ldan pa de ni 'joms pa'o/ /chen po yang de yin la srid pa'i ri bo 'joms pa yang de nyid yin pas srid pa'i ri bo chen po 'joms shes so/ /mkhregs chen rdo rje chen po 'chang ba ni dan song kun 'dren no/ /rdo rje chen po ni kun tu bzang po'i ye shes te/ de 'dzin pas na rdo rje
- 52a
ni chen po 'chad do/ /sra ba'i phyir dang lus dang ldan pa'i phyir na mkhregs pa'o/ /drag po chen po drag shul che ba ni mya ngan gyi mun pa kun 'joms pa'i blo gros so/ /chen po yang yin la drag po yang de nyid yin pas na drag po chen po ste/ gdul dga' ba'i sems can rnams la khro bo chen po'i gzugs ston pa'i phyir ro/ /drag shul che ni bcom ldan 'das 'jam dpal de zhi ba yin yang sems can gdul ba'i phyir drag shul can du yang ston zhes pa'i don to/ /'jigs chen 'jigs par byed pa po ni dra ba can gyi 'od? do/ /'jigs chen ni 'jigs byed chen por gzugs 'dzin pas na 'jigs chen no/ /de yang 'jigs par byed pas na 'jigs chen 'jigs par byed pa'o/ /mgon po rigs mchog chen po ste/ /bla na gsang sngags che ba'i mchog /theg pa chen po'i tshul la gnas/ theg pa chen po'i tshul gyi mchog ces pa ni/ de la mgon po rigs mchog chen po ni zla 'od gzhon nu'o/ /chen po yang de yin la rigs kyang de nyid yin pas rigs mchog chen po ste/ gzungs bzhi'o/ /de yang tshig dang/ don dang sngags dang/ phyag rgya'i bdag nyid rnams so/ /de nyid ni mgon po ste/ sems can thams cad kyi lus ngag yid la kun tu spyod pa'i sdig pa ma lus par yang dag par sbyong ba'i phyir ro/ /bla ma gsang sngags che ba'i mchog ni 'od dpag tu med pa'o/ /chen po yang de yin la gsang sngags kyang de nyid yin pas gsang sngags che ba ste/ phyag rgya chen po'i bdag nyid do/ /de'i mchog ni gtso bo zhes pa'i don to/ /de nyid bla ma ste/ sems can thams cad kyi bsam pa dang bag la nyal ji lta ba bzhin du shes nas mngon par rtogs pa nya bar ston pa'i phyir ro/ /theg pa chen po'i tshul la gnas ni nam mkha' i mdzod do/ /theg pa chen po ni 'og nas gsungs pa ste/ de'i tshul ni lam mo/ /de zhon pa ni gnas pa'i don to/ /theg pa chen po'i tshul gyi mchog ni sgrib pa rnam par sel ba'o/ /'khor ba dang mya ngan las 'das pa gnyis brjod du med pa'i
- 52b
chos nyid du khong du tshud pa'i rtog pa med pa'i ye shes ni theg pa chen po zhes so/ /yang na 'khor ba'i gnas thabs dang spyod yul dang rten gyi rang bzhin te/ bla na med pa rnam pa gsum gyis theg pa chen po bsdus pa yin zhes so/ /gal te de ltar yin na ni de'i chen po ji ltar yin zhe na/ gang dag 'jig rten thams cad la phan par byed pa sangs rgyas bcom ldan 'das des de che ba nyid do/ de rnams kyi theg pa 'di ni bskyed pa'i don dam nges par 'byung ba'i don du sgrub pa'o/ /de'i phyir na de dang lhan cig pa'i chen po'i theg pa yin pas theg pa chen po 'am/ chen po nyid kyi theg pa bas theg pa chen po'o/ /yang na chen po rnam pa bdun gyi phyir te/ dmigs pa dang/ sgrub pa dang/ ye shes dang/ brtson 'grus dang/ thabs dang/ yang dag par grub pa dang/ las che ba nyid kyi phyir theg pa chen po'o/ / chen po yang de yin la theg pa yang de nyid yin pas theg pa chen po ste/ theg pa gzhan pa de rnams med pa'i phyir ro/ /de bas nad mdor bsdus nas theg pa chen po ni rnam pa gsum ste/ rgyu dang yul dang/ rten gyi rang bzhin rnams yongs su snang ba'i don du rig par bya'o/ /de nyid thabs tsam la bltos pas sam/ ma lus pa'i 'jig rten dang 'jig rten las 'das pa'i rang bzhin gyi phyir bcom ldan 'das 'jam dpal ye shes sems dpa' de bzhin gshegs pa pa'i ye shes kyi sku'o/ /'di ltar sangs rgyas bcom ldan 'das/ /rdzogs pa'i sangs rgyas a las byung zhes pa nyid la sogs pa mtshon gyi gsang sngags kyi yi ge tshigs bcad gzhung tshig gi bye brag gi khyad par can 'brel tshig med pa rnams kyis khyad par du byas pa'i ye shes sems dpa' de bzhin gshegs pa thams cad kyi thugs la gnas pa 'jam dpal ye shes sems dpa' 'jam dpa' ? dpal dang ldan pa'i mchog ces bya bar blta'o/ /dkyil 'khor gyi lha sems ma rdo rje ma la sogs pa de rnams kyang phyag rgya chen por sbyor bas rang rang gi sku mdog dang phyag mtshan du ldan
- 53a
pa byung ste/ phyung nas kyang 'jig rten gyi khams kun gyi sems can rnams la sangs rgyas kyi mdzad pa byas te/ yang phyir log nas mtshan gyi sngags kyi yi ge rnams kyi rang rang gi rigs kyi mdog dang ldan par bsgyur te/ ji ltar don gyi rim pas rdo rje dbyings kyi dkyil 'khor chen po lngar bkod pa'i zla ba'i dkyil 'khor rnams la bzhugs par bsgoms nas/ 'khor lo de'i lte ba la gnas pa de bzhin gshegs pa thams cad kyi ye shes kyi sku 'jam dpal ye shes sems dpa' i gzugs gong nas gsungs pa bzhin du bdag nyid mos te/ bcom ldan 'das ye shes kyi sku de nyid kyi gnyis su med pa'i yang dag pa'i don dam pa'i mtshan yang dag par brjod pa mtshan gyi gtsug gi nor bu 'di rigs kyi buAm rigs kyi bu mo gang yang rung ba sngags kyi sgo nas spyad pa spyod pa'i byang chub sems dpa' dus gsum du kha ton du byed pa 'am/ glegs bam du byas pa la klog cing 'don pa dang/ gtsang ba dang mi gtsang bar gyur pas te/ ci yang mi sgra? bar ji lta ba bzhin du sus kyang mi thos par mtshan kyi gsang sngags kyi yi ge tshigs bcad de ltar klog pa ni mi thogs pa kho nar yon tan las brjod pa'i yon tan gyi tshogs dang/ gzhan yang 'grub par 'gyur ro/ /don dam pa'i mtshan yang dag par brjod pa yang dag par 'dzin pa'i skyes bu gang zag de ni bsod nams dang ye shes kyi tshogs shin tu bsags te/ shin tu myur bar sangs rgyas thams cad kyi yon tan rnams la yang dag par gyur na bla na med pa yang dag par rdzogs pa'i byang chub mngon par rdzogs par 'tshang rgya zhing/ bskal pa mang por yongs su mya ngan las mi 'da' ba' i chos su 'gyur la/ sems can thams cad la bla na med pa'i chos ston par byed la/ phyogs bcur dam pa'i chos kyi rda sgra sgrogs pa'i chos kyi rgyal por 'gyur ro/ /rdo rje dbyings kyi dkyil 'khor chen po de'i mtshan gyi sngags yi ge'i tshigs rnams gcig tu bsdu ba byas
- 53b
nas mtshan brgyad cu drug rnams yin te/ de rnams kyang dkyil 'khor pa'i lha rnams la rnam par phye nas sbyar bar bya'o/ /de la gzhi ni ye shes sems dpa' dang zla ba'i dkyil 'khor gyi'o/ /yi ge a ni gsum mo/ /rdo rje sems ma la sogs pa dang/ rtag pa la sogs pa rnams kyi bcu gcig go /dang po rdo rje sems dpa' nas brtsams te/ ji tsam sgrib pa thams cad rnam par sel ba'i mthar thug gi bar du ma lus ba'i mtshan gyi sngags yi ge'i tshig gi khyad par dang khyad par can gyi ngo bos go rim bzhin du sbyar bar bya'o/ /tshigs bcad ni bcu bzhi ste/ mtshan gyi sngags kyi yi ge'i tshig rnams brgyad cu rtsa drug ste/ de ni man ngag yin no/ /'phags pa mtshan yang dag bar brjod pa'i rgya cher 'grel pa mtshan gsang sngags kyi don tu rnam par blta ba zhes ba las byang chub kyi sems rdo rje rdo rje dbyings kyi dkyil 'khor chen po'i rim pa'i dbang du byas pa ste lnga pa'o// //da ni gnyis pa rnam par snang mdzad kyi 'khor lo bshad de/ de yang 'jam dpal ye shes sems dpa' de bzhin gshegs pa thams cad kyi ye shes kyi sku rdo rje dbyings kyi dkyil 'khor chen po'i lha rnams bkod pa'i rin pas che ba'i bdag nyid bstan nas/ da ni shin tu rnam par dag pa chos kyi dbyings kyi ye shes rnam par snang mdzad chen po'i sgo nas dngos po thams cad kyi rang bzhin khyad par bstan par 'dod pas rang gi rnam par thar pa'i sgo nas gti mug la spyod pa'i sems can rnams gsum ba'i don du rang gi 'khor lo dgod ba gsungs so/ /de la yang rnam par snang mdzad dang rnam par snang mdzad chen po'i khyad par du bya ba ji lta bu zhe na/ de mi shes pas de gsungs pa/ rang bzhin can gzugs kyi sku'i rgyu mthun pa'i gnas su gyur pa'i mtshan nyid 'og min lha'i rgyal po'i gnas dang/ lha'i rigs su bskyed pa'i byang chub sems dpa' rnams kyis chos kyi longs spyod rdzogs pa so so nyams su myong bar byed pa'i don du mngon par rdzogs par byang chub ba'i ting nge 'dzin gyi rim pas rnam par smin pa'i skur gyur pa yongs su dag pa'i
- 54a
ye shes kyi so sor snang pa'i mtshan nyid rgyu mthun pa'i sku ste/ gnas de nyid na byang chub sems dpa' sems dpa' chen po'i tshogs kyis bskor ba'i ston pa gang yin pa de ni bcom ldan 'das rnam par snang mdzad do/ /de lta bzla gsang thig le'i rgyud las gsungs pa/ gnas gtsang ma rnams spangs pa'o/ /'og min gnas ni nyams dga' bar/ /rdzogs pa'i sangs rgyas de sangs rgyas/ /sprul pa bo ni 'dir sangs rgyas/ /zhes tshigs su bcad do/ /rnam par snang mdzad chen po ni ye shes kyi rang bzhin gyi sku nyon mongs pa dang shes bya'i sgrib pa gnyis las shin tu rnam par grol ba dngos po thams cad kyi rang bzhin snang zhing ston par nus pa'o/ /bcom ldan 'das de kho na nyid kyi rang bzhin de nyid las dngos po thams cad ston par nus par ji ltar 'gyur zhe na/ de ltar dpal rnam par snang mdzad mngon par byang chub pa'i rgyud las gsungs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyis thams cad mkhyen pa'i ye shes brnyas nas thams cad mkhyen pa'i ye shes de sems can thams cad la rnam par phye ste/ tshul sna tshogs dang/ bsam pa sna tshogs dang/ thabs sna tshogs dag gis chos ston to/ /kha cig la ni nyan thos kyi theg pa'i tshul/ kha cig la ni rang sangs rgyas kyi theg pa'i tshul/ kha cig la ni theg pa chen po'i tshul kha cig la ni mngon par shes pa lnga'i tshul lo/ /kha cig la ni lhar skye bar bya ba dang/ kha cig la ni mir skye bar bya ba dang/ ji srid du lto 'phye chen po dang/ klu dang/ gnod sbyin dang/ srin po dang/ dri za dang/ lha ma yin dang/ nam mkha' lding dang/ mi 'am cer? skye bar bya ba'i bar du chos ston to/ /de la sems can la la sangs rgyas kyis gdul bar bya ba rnams la sangs rgyas kyi gzugs su mthong/ la las ni nyan thos kyi gzugs su/ la las ni rang sangs rgyas kyi gzugs su/ la las ni byang chub sems dpa' i
- 54b
gzugs su/ la las ni dbang phyug chen po'i gzugs su/ la las ni tshangs pa'i gzugs su/ la las ni sred med kyi bu'i gzugs su/ la las ni rnam thos gyi bu'i gzugs su/ la las ni lto 'phye chen po dang mi dang mi ma yin pa'i bar du mthod ste/ rang rang gi cho ga brjod pa'i tshul dang/ spyod lam la rnam par gnas pa ste/ thams cad mkhyen pa'i ye shes de'ang 'di ltar de bzhin gshegs pa'i rnam par grol ba'i ror ro gcig pa'o zhes gsungs so/ /de'i phyir gsungs pa/ sangs rgyas rnam par snang mdzad ces ba ni/ de la sangs rgyas ni ji ltar gnas pa'i dngos po kun mkhyen pa'o/ /rnam par snang mdzad che ni rnam par gsal bas na rnam par snang mdzad de/ rnam par snang pa kho nar byed pas na rnam par snang mdzad de/ rang gi ngan la 'bel bar byed pa'i phyir ro/ /chen po yang de yin la rnam par snang mdzad kyang de nyid yin pas rnam par snang mdzad che zhes pa'o/ /thub ba chen po ni sku gsung thugs thub ba dang ldan pa ste/ chen po yang de yin la thub pa yang de nyid yin pas thub pa chen po'o/ /thub pa chen po zhes bya ba ji ltar zhe na/ rtag tu mnyam par bzhag pa nyid kyi phyir ro/ /de ltar yang gsungs pa/ sangs rgyas bcom ldan 'das rnams ni rtag tu mnyam par bzhag pa'o/ /zhes pa'i tshig gi phyir ro/ /lus la sogs par son pa'i gnas ngan len med pa'i phyir ro/ /de gang la yod pa de ni mthu chen ldan no/ /chen po yang de yin la thub pa yang de nyid yin pas thub chen te/ gnas 'dzeg dang/ ri byed dang/ grog mkhar la sogs pa drang srong rnams yin no/ /des 'dul ba rnams la de lta bu'i gzugs su so sor snang ba'i phyir na thub pa chen po zhes gsungs so/ /gsang sngags tshul chen las byung ba zhes pa la/ gsang sngags tshul chen ni theg pa chen po ste/ gsang sngags tshul de las byung pas na gsang sngags tshul chen las byung ba'o/ /chen po yang de yin la gsang sngags las byung ba yang de nyid yin bas gsang sngags tshul chen las byung ba zhes pa ste/ de nyid las grub ba'o/ /de nyid kyi phyir na/
- 55a
gsang sngags tshul chen bdag nyid can zhes pa ste/ rdo rje theg pa chen po'i rang bzhin zhes pa'i don to/ /de yang rnam par snang mdzad che zhes pa la sogs pas kyang bcom ldan 'das 'jam dpal dpal dang ldan pa'i mchog ces pa'i bar la brjod par bya'o/ /pha rol phyin bcu thob pa ste/ /pha rol phyin pa bcu la gnas/ /pha rol phyin bcu dag pa ste/ /pha rol phyin pa bcu yi tshul zhes pa ni/ de la pha rol tu phyin pa rnams thob pa'i bsam pa rnam par dag pa'i lam rnams kyi sgo nas bstan pa gsungs pa/ pha rol phyin bcu thob pa ste/ /zhes pa de la yang pha rol phyin pa rnams ston pa ni 'di ltar dbus dang mdza' rnam par 'byed pa las gsungs pa/ sbyin dang tshul khrims bzod brtson 'grus/ bsam gtan dang ni shes rab thabs/ /smon lam stobs dang ye shes dang/ /'di dag pha rol phyin bcur 'dod ces so/ /de la sbyin pa rnam pa gsum ste/ zang zing gi sbyin pa dang/ skyabs kyi sbyin pa dang/ chos kyi sbyin pa'o/ /tshul khrims la rnam pa gsum ste/ sdom pa'i tshul khrims dang/ dge ba'i chos sdud pa'i tshul khrims dang/ sems can gyi don byed pa'i tshul khrims so/ /bzod pa la rnam pa gsum ste/ sdug bsngal dang du len pa'i bzod pa dang/ gzhan gyi gnod pa byed pa la ji mi snyam pa'i bzod pa dang/ chos la ngos par sems pa'i bzod pa'o/ /brtson 'grus la rnam pa gsum ste/ go cha'i brtson 'grus dang/ sbyor ba'i brtson 'grus dang/ yongs su mthar phyin pa'i brtson 'grus so/ /bsam gtan la rnam pa gsum ste/ nyes pa spong ba dang/ rnam par gnas pa can dang/ dbang sbyor ba can no/ /shes rab rnam pa gsum ste/ thos pa las byung ba dang/ bsam pa las byung ba dang/ bsgoms pa las byung ba'o/ /thabs rnam pa gsum ste/ rang gi skyon spang pa dang/ sems can 'jug par byed pa dang/ myur du mngon par rdzogs par byang chub ba'o/ /smon lam rnam pa gsum ste/ rang gi tshogs dang 'bral ba can dang/ sems can gyi don dang
- 55b
rjes su 'brel ba dang/ sangs rgyas kyi zhing yongs su sbyong ba'o/ /stobs rnam pa gsum ste/ las ldog par byed pa dang/ nyon mongs pa spong bar byed pa dang/ bdud dang pha rol rgol ba ldog par byed pa'o/ /ye shes rnam pa gsum ste/ rnam par mi rtog pa dang/ rnam par rtogs mnyam pa nyid du khong du chud pa dang/ thabs thams cad las lkog tu ma gyur pa'o/ /sbyin pa la sogs pa de dag rdzogs pa'i byang chub kyi sems yongs su rdzogs par byed pa dang/ sems can thams cad la byams pa'i bsam pa yongs su bsgoms pas na pha rol tu phyin pa'i yid thog bo/ /de rnams kyang 'jig rten dang 'jig rten las 'das pa ste/ de la bdag la sogs pa dmigs pa ma spangs pa ni 'jig rten pa'i pha rol pa'o/ /'jig rten las 'das pa yang phung po la sogs pa la bdag med pa la sogs par mos pas 'jug pa dang/ de kho na nyid rtogs pas 'jug pa ste/ de nyid dbu ma la 'jug pa las zla ba'i grags pas gsungs pa/ sbyin dang len po sbyin pa pos stong pa/ /sbyin pa 'jig rten las 'das pha rol phyin/ /de la gang zhig zhen pa skyes gyur pa/ /'jig rten pa yi pha rol phyin par bstan zhes so/ /thos pa dang/ bsams pa dang/ bsgoms pa'i dngos po las ye shes 'byung ba'i rim pas rnam pa thams cad mkhyen pa'i rtogs pa rab kyi mthar phyin pa ni pha rol gyi don yin la phyin pa'i don ni de'i ngo bo ste/ dngos po'i rkyen yin no// de bzhin du sbyin pa nyid la pha rol tu phyin pa'o/ /de ltar tshul khrims la sogs pa la yang sbyar bar bya'o/ /de'i phyir yang sa la gnas pa'i byang chub sems dpa' rnams kyi 'khor gsum yongs su dag pa'i mtshan nyid kyi sbyin pa gang yin pa'i sbyin pa de ni sbyin pa'i pha rol tu phyin pa'o/ /gang so so'i skye bo rnams kyi sbyin pa ni sbyin pa kho na'o/ /pha rol tu phyin pa ni ma yin te/ 'khor gsum yongs su dag pa'i shes rab dang bral ba'i phyir ro/ /de'i phyir na yang shes rab kyi pha rol tu phyin pa ni sbyin pa la sogs pa'i pha rol tu
- 56a
phyin pa rnams kyi mig kho nar shes par bya'o/ /de nyid kyi phyir na dbu ma la 'jug pa las zla ba'i grags pas gsungs pa/ mig ldan skyes bu gcig gis ji ltar 'dod pa'i sar/ /long ba'i tshogs rnams thams cad bde bar khrid par 'gyur/ /de bzhin du ni de la dmigs bu med pa rnams/ /blo yis bzung na yon tan rgyal ba nyid du 'gro zhes so/ /de lta bur gyur pa'i pha rol tu phyin pa bcu thob pa ste/ de ltar rtogs par gyur pa'i bcom ldan 'das de la 'di skad ces bshad do/ /pha rol phyin pa bcu la gnas zhes pa ni/ de la gnas ni rten yin te/ pha rol tu phyin pa bcu po de dag nyid rten gyi ngo bo nyid kyi phyir ro/ /de dag brten pa yin pa'i yang phyir te/ des ni 'di skad gsungs par 'gyur te/ rten dang brten pa phan tshun 'brel pa yin pa'i phyir rten cing 'brel par 'byung ba'i don du bstan par 'gyur ro// pha rol phyin bcu dag pa ste zhes pa ni 'khor gsum yongs su dag pa'i phyir te/ sbyin pa'i rdzas dang/ sbyin pa'i bdag po dang/ len pa po mi dmigs pas pha rol tu phyin pa bcu dag pa zhes bya'o/ /pha rol phyin pa bcu'i tshul zhes pa ni pha rol tu phyin pa bcu kho na'i tshul dang/ lam dang thabs gang gi yin pa de la de skad gsungs so/ /de rnams kyang sa la sbyar ba 'di lta ste/ sa rab tu dga' ba la sbyin pa'i pha rol tu phyin pa shas che bar 'gyur ba dang/ dri ma med pa la tshul khrims kyi pha rol tu phyin pa dang/ 'od byed pa la bzod pa'i pha rol tu phyin pa dang/ 'od 'phro ba can la brtson 'grus kyi pha rol tu phyin pa dang/ sbyang dka' ba la bsam gtan gyi pha rol tu phyin pa dang/ mngon du gyur pa la shes rab kyi pha rol tu phyin pa dang/ ring du song ba la thabs kyi pha rol tu phyin pa dang/ mi g.yo ba la smon lam gyi pha rol tu phyin pa dang/ legs pa'i blo gros la stobs kyi pha rol tu phyin pa dang/ chos kyi sbyin la ye shes kyi pha rol tu phyin pa dang zhes so/ /de ltar sa 'di rnams la chos la bdag med pa dang/ byams pa'i rtogs pa khang par can med kyang sbyin pa la sogs pa'i pha rol tu phyin pa rnam par dag pas
- 56b
lhag par byin gyis brlabs pas khyad par so sor thob bo/ /nyan thos la sogs pa thams cad che ba ni smon lam gyi stobs kyis de rnams las mdza' yas pa thun mong ma yin par gyur pa yin no/ /de la sa zhes pa ni ye shes kyi gnas skabs te spyod yul zhes pa'i bar du'o// de la rtogs shing khong du chud pa'i khyad par las gong ma gong ma'i ye shes la rab tu gnas pa'i sbyor bas ye shes de dang yon tan gyi rten gyi sbyor bas kyang sa zhes gsungs so/ /thams cad du sems can gyi khams kyi spyi'i mtshan nyid kyi phyir te/ gang gi phyir/ chos kyi dbyings las ma gtogs pa/ /'di ltar chos yod ma yin te zhes so/ /de bas bdag nyid dang mnyam pa nyid du 'thob ste/ bdag med pa la khyad par med pa'i phyir ro/ /'di'i gnas skabs kyi khyad par gyis ye shes gcig la'ang bcu zhes gsungs so/ /de nyid gsungs pa/ mgon po sa bcu'i dbang phyug ste/ /sa bcu la ni gnas pa po zhes pa ni rab tu dga' ba la sogs pa'i sa bcu'i dbang phyug ste/ bdag po zhes pa'i don to/ /de nyid sa gang dang gang du sbyin pa la sogs pa'i pha rol tu phyin pa la dbang thob pa'i phyir na mgon po zhes gsungs so/ /sa bcu de dag nyid la so sor gnas pa'i phyir nas bcu la ni gnas pa po zhes gsungs so/ /shes bcu rnam dag ces pa ni shes pa bcu'i rnam grangs ni chos shes pa dang/ rjes su rtogs pa'i shes pa dang/ pha rol gyi sems shes pa dang/ kun rdzob shes pa dang/ sdug bsngal shes pa dang/ kun 'byung ba shes pa dang/ 'gog pa shes pa dang/ lam shes pa dang/ zad pa shes pa dang/ mi skye ba shes pa'o/ /de la chos shes pa gang zhe na/ 'dod pa'i khams dang mtshungs par ldan pa'i 'du byed rnams la gang zag pa med pa'i ye shes gang yin pa dang/ 'dod pa'i khams dang mtshungs par ldan pa'i 'du byed kyi rgyu la gang zag pa med pa'i shes pa dang/ 'dod pa'i khams dang mtshungs par ldan pa'i 'du byed rnams kyi 'gog pa la gang zag pa med pa'i shes pa dang/ 'dod
- 57a
pa'i khams dang mtshungs bar ldan pa'i 'du byed rnams la 'joms pa'i don du lam la gang zag ba med pa'i shes pa rnams so/ /yang chos kyi shes pa dang/ chos kyi shes pa'i sa la gang zag pa med pa'i shes pa de nyid chos shes pa zhes brjod do/ /rjes su shes pa'i rtogs pa gang zhe na/ gzugs dang gzugs med pa'i khams dang mtshungs par ldan pa'i 'du byed rnams la gang zag pa med pa'i shes pa dang/ gzugs dang gzugs med pa'i khams dang mtshungs bar ldan pa'i 'du byed rnams kyi rgyu la gang zag ba med pa'i shes pa dang/ gzugs dang gzugs med pa'i khams dang mtshungs par ldan pa'i 'du byed rnams kyi 'gog pa la zag pa med pa'i shes pa rnams dang/ gzugs dang gzugs med pa'i khams dang mtshungs par ldan pa'i 'du byed rnams 'joms pa'i don du lam la gang zag pa med pa'i shes pa rnams dang/ yang rjes su rtogs pa'i shes pa dang/ rjes su rtogs pa'i shes pa'i sa la zag pa med pa'i shes pa zhes gsungs pa de nyid rjes su rtogs pa shes pa'o/ /pha rol gyi sems shes pa gang zhe na/ sgom pa'i rang bzhin gyi shes pa gang yin pa'i bsdom pa'i 'bras bu bsgoms pas 'grod bar bya ba so sor thob cing bral ba'i shes pa gang yin 'dod pa na spyod pa dang/ gzugs na spyod pa rnams kyi mnyam par bzhag pa mngon du gyur pa ste/ pha rol rnams kyi sems dang sems las byung ba'i chos rnams shes pa sde tshan gcig tu byas te/ zag pa med pa'i chos 'di ni pha rol gyi sems shes pa'o/ /kun rdzob shes pa gang zhe na/ zag pa dang bcas pa shes pa'o/ /sdug bsngal shes pa gang zhe na/ nye bar len pa'i phung po lnga la ni rtag pa nyid dang/ sdug bsngal ba nyid dang/ stong pa nyid dang bdag med par yid la byed pa'i gang zag med pa'i yid la byed pa 'di ni sdug bsngal shes pa'o/ /kun 'byung ba shes pa gang zhe na/ zag pa dang bcas pa'i rgyu la
- 57b
rgyu dang/ kun 'byung ba dang/ rab tu skye ba dang/ rkyen rnams su yid la byed pas gang zag pa med pa'i shes pa gang yin pa de ni kun 'byung shes pa'o/ /'gog pa shes pa gang zhe na/ 'gog pa la 'gog pa dang/ zhi ba dang/ gya nom pa dang/ nges par 'byung ba rnams yid la byed pa gang zag pa med pa'i shes pa zhes gsungs pa de ni 'gog pa shes pa'o/ /lam shes pa gang zhe na/ lam la lam dang/ rigs pa dang/ sgrub ba dang/ nges par 'byin pa rnams su yid la byed pas gang zag pa med pa'i shes pa zhes par gsungs pa de ni lam shes pa'o/ /zad pa shes pa gang zhe na/ bdag gis sdug bsngal yongs su shes so zhes pa dang/ bdag gis kun 'byung spangs so/ /bdag gis 'gog pa mngon du byas so/ /bdag gis lam bsgoms zin pas slar bsgom du med do zhes shes pa de nyid nye bar bzung ba'i shes pa dang/ mthong ba dang/ rig pa dang/ rtogs pa dang/ shes rab kyi snang ba dang/ mngon par rtogs pa de gsungs pa ni zad pa shes pa'o/ /mi skye ba shes pa gang zhe na/ bdag gis sdug bsngal yongs su shes so/ /yang yongs su shes par byar med do zhes ba dang/ kun 'byung rab tu spangs so/ /yang spang du med pa dang/ 'gog pa mngon du byas so/ /yang mngon du byar med ba dang/ lam bsgoms so/ /yang bsgom par byar med do zhes shes pa de nye bar gzung ste/ shes pa dang/ mthong ba dang/ rig pa dang/ rtogs pa dang/ shes rab kyi snang ba dang/ mngon bar rtogs pa 'di ni mi skye ba'i shes pa'o/ /de nyid gsungs pa/ shes bcu rnam dag bdag nyid can/ /shes bcu rnam dag 'chang ba bo zhes so/ /de bas na shes pa bcu po de dag gis rnam par dag pa'i bdag nyid kyi rang bzhin dang gang ldan pa'i bcom ldan 'das de ni/ shes bcu rnam dag bdag nyid can zhes so/ /shes pa bcu po de rnams kyi rnam par dag pa rang bzhin gyi 'od gsal ba'i ye shes 'dzin pas na/ shes bcu rnam dag 'chang ba po zhes pa ste/ mtshan ma thams cad dang bral
- 58a
ba'i phyir/ /rnam bcu zhes pa na 'di ltar dbus dang mdza' rnam par 'byed pa las gsungs pa/ gcig dang rgyu dang za dang/ byed pa dang ni dbang bsgyur dang/ bdag po don dang rtag pa dang/ /nyon mongs pa dang dag pa'i gnas/ /rnal 'byor can dang mgrol grol/ /'di dag la ni bdag tu lta zhes so/ /rnam pa bcu po ni 'di rnams sa dag tu 'dzin pas phung po la sogs pa la rdab tu 'jug pa 'di lta ste/ gcig pur 'dzin pa dang/ rgyur 'dzin pa dang/ za bar 'dzin pa dang/ byed par 'dzin pa dang/ rang dbang du 'dzin pa dang/ bdag por 'dzin pa dang/ rtag par 'dzin pa dang/ kun nas nyon mongs pa dang/ rnam par byang bar 'dzin pa dang/ rnal 'byor can du 'dzin pa dang/ ma grol ba grol bar 'dzin pa'o/ /de'i phyir gsungs pa/ rnam pa bcu po zhes gsungs so/ /de rnams ting nge 'dzin gyi sems phung po la sogs pa la kun tu rnam par g.yang bar byed pa ni rnam pa bdag tu 'dzin pa bcu'o/ /de nyid kyi phyir na don bsdus pa las phyogs kyi glang po yin bas kyis gsungs pa/ rnam par g.yeng ba'i sems bcu yis/ /sems g.yeng rnams kyis gzhan yin na/ /gnyis med ye shes bsgrub pa la/ /byis pa rnams ni skal mi ldan zhes so/ /de'i phyir bdag tu 'dzin pa rnam pa bcu po de gang yin pa'i bcom ldan 'das te/ de ltar gsungs so/ /ci'i phyir zhe na/ mi mthun pa'i phyogs kyi rnam pa thams cad kyis so sor snang ba'i phyir ro/ /don bcu zhes pa ni/ de'i gnyen po'i don bcu yang de nyid la brjod de rtsa ba'i mtshan nyid de kho na/ /phyin ci ma log mtshan nyid dang/ /'bras bu rgyu yi de kho na/ /phra ba dang ni rags pa dang/ /grags dang rnam par dag yul dang/ bsdu dang dbye ba'i mtshan nyid dang/ /mkhas de kho na rnam bcu ste/ /bdag tu lta ba'i gnyen bo'o/ /zhes bya ba 'di dag go /de kho na rnam pa bcu ste 'di lta ste/ rtsa ba'i de kho na nyid dang/ mtshan nyid kyi de kho na nyid dang/ phyin ci
- 58b
ma ldog pa'i de kho na nyid dang/ rags pa dang/ phra ba'i de kho na nyid dang/ grags pa'i de kho na dang/ rnam par dag pa'i spyod yul gyi de kho na dang/ bsdu ba'i de kho na dang/ dbye ba'i de kho na dang/ mkhas pa'i de kho na dang/ rnam pa bcu po yis bdag tu 'dzin pa rnam pa bcu'i gnyen por rig par bya'o/ /de'i phyir gsungs pa /don bcu'i don zhes so/ /de la mkhas pa'i don bcu po 'di rnams de'i gnyen po'i phyogs 'byung bar 'gyur pa'i don gyi de kho na ste/ don du gnyer bar bya bas na don de don dam pa'i rang bzhin gyi phyir ro/ /de'i phyir bcu po de dag gi don bcu po ni mkhas pa'i de kho na nyid de/ bdag tu lta ba'i gnyen por rig par bya'o/ /rgyas par de nyid du gsungs so/ /'dir gzhung mangs su dogs nas ma bris so/ /rnam pa bcu po don bcu'i don zhes pa des ji skad gsungs par 'gyur zhe na/ mi mthun pa'i phyogs dang gnyen po'i phyogs thams cad kyi rang bzhin du bcom ldan 'das de nyid rig par bya'o zhes pa'i don to/ /thub dbang zhes pa ni/ de la phyin ci ma log par rten cing 'brel par 'byung ba'i don nye bar ston cing/ bsod nams dang ye shes kyi tshogs ma lus par bsags pa'i dbang phyug yang dag par len pa bla na med pa'i ston ba/ nyan thos dang sangs rgyas kyi thub pa rnams kyi bdag po ni thub pa'i dbang po de nyid de/ rnyed dka' ba'i phyir ro/ /de'i phyir gsungs pa thub dbang zhes so/ de nyid kyi phyir na 'phags pa klu sgrub snying po'i zhal snga nas kyis gsungs pa/ gang gis skye dang 'jig pa dag /'di yi chul gyis rab spangs pa/ /rten cing 'brel 'byung gsungs pa yi/ /thub dbang de la phyag 'tshal te zhes so/ /stobs bcu zhes pa ni/ de la de bzhin gshegs pa'i stobs bcu rnams 'di lta ste/ gnas dang gnas ma yin pa mkhyen pa'i stobs dang/ dbang po mchog dang mchog ma yin pa mkhyen pa'i stobs dang/ khams sna tshogs mkhyen pa'i stobs dang/ ting nge 'dzin dang snyoms par 'jug pa sna
- 59a
tshogs mkhyen pa'i stobs dang/ kun nas nyon mongs pa dang rnam par byang ba mkhyen pa'i stobs dang/ las kyi rnam par smin pa mkhyen pa'i stobs dang/ thams cad du 'gro ba'i lam mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho ba dang skye ba mkhyen pa'i stobs dang/ zag pa zad pa mkhyen pa'i stobs te/ de ni ye shes kyi stobs rnam pa bcu po 'di yang bcom ldan 'das kyi mthu stobs kyi khyad par rab tu bsgoms pa'i phyir dang/ rtog pa med pa mnyam pa nyid kyis gnas la sogs pa'i spros pa thugs su chud pa'i phyir ro/ /de'i phyir gsungs pa/ stobs bcu zhes pa ste /de bzhin gshegs pa'i stobs bcu po de dag thams cad dang gang ldan pa de ni de skad ces gsungs so/ /de nyid kyi phyir na khyab bdag ni bdag nyid chen po ste/ g.yo ba dang mi g.yo ba thams cad kyi dngos po'i rang bzhin nyid kyi phyir ro/ /kun gyi don ni ma lus byed ces pa ni ma lus shing lus pa med pa'i 'gro ba'i don byed pa ni/ kun gyi don ni ma lus byed ces so/ /de byed pa'i tshul dang gang ldan pa de ni/ kun gyi don ni ma lus byed ces pa ste/ bcom ldan 'das so/ /rnam bcu dbang ldan che ba po zhes pa ni/ de la rnam bcu ni dbang bcu'o/ /'di lta ste/ tshe la dbang ba dang/ las la dbang ba dang/ yo byad la dbang ba dang/ mos pa la dbang ba dang/ smon lam la dbang ba dang/ rdzu 'phrul la dbang ba dang/ skye ba la dbang ba dang/ chos la dbang ba dang/ sems la dbang ba dang/ ye shes la dbang ba zhes so/ /dbang ba rnam pa bcu po de dag gi mtshan nyid chos rnams la dbang du gyur ba'i tshul dang gang ldan pa de ni rnam bcu dbang ldan te/ de'i phyir yang thams cad la dbang ba'i chos brnyes pa'i phyir che ba po zhes gsungs so/ /thog ma med pa zhes pa ni thog ma ste skye ba med pa gang yin pa de ni thag ma med pa'o/ /skye ba med pa'i phyir na 'jig pa'ang med par don gyi shugs las shes par bya'o/ /?? pa'i
- 59b
mya ngan las 'das pa'i ye shes thob pa'i phyir thog ma dang tha ma bcom pa zhes pa'i don to/ /spros pa med bdag ces pa ni spros pa ni phung po dang khams dang/ skye mched dang/ gzung 'dzin gyi mtshan nyid kyi chos de rnams kyi bdag nyid de rang gi ngo bo dang bral ba ni/ gang gi phyir 'di spros pa med pa'i bdag nyid yin pa de nyid kyi phyir na/ de bzhin nyid bdag ces pa ni de la de bzhin nyid ni gzhan du mi 'gyur bas na de bzhin nyid kyi don to/ /rtag pa dang de bzhin nyid ces bya bar byas pas na de bzhin nyid kyi bdag nyid de rang bzhin gang yin pa de ni de bzhin nyid bdag ste/ stong pa nyid kyi rang bzhin zhes pa'i don to/ /de nyid kyi phyir na dag pa'i bdag ces pa ste/ glo bur gyi dri ma med pa'i phyir te/ de'i rang bzhin ni gzhan du mi 'gyur pa'i phyir ro/ /bden par smra zhing zhes pa ni/ de la bden pa ni 'phags pa'i bden pa bzhi'o/ /de rnams sma bar byed pa'i tshul dang gang ldan pa de la de skad ces bya'o/ /yang na rten cing 'bral bar 'byung ba zab mo'i don ni bden pa'i don to/ /de smra bar byed pa ni gong ma dang 'dra'o/ /de nyid 'phags pa klu sgrub snying po'i zhabs kyis gsungs pa/ 'di las bsal ba ci yang med/ /bzhag par bya ba ci yang med/ /yang dag nyid la yang dag lta/ /yang dag mthong na rnam par grol zhes so/ /tshig mi 'gyur zhes pa ni sems can thams cad la rigs pa ji lta ba bzhin du phyin ci ma log pa'i chos kyi 'khor lo bskor ba'i phyir ro/ /ji skad smras pa de bzhin byed ces pa ni/ ji ltar chos thams cad stong pa dang/ bdag med pa dang/ sgyu ma dang/ rmi lam dang/ smig rgyu dang/ dri za'i grong khyer dang/ chu zla lta bu zhes ston cing de bzhin du yid la'ang byed pa'i phyir na// ji skad smras pa de bzhin byed ces gsungs so/ /de nyid kyi phyir tshig mi 'gyur ba zhes te/ bden pa'i tshig gis sems can thams cad la rigs ji lta ba bzhin du phyin ci ma log pa'i chos kyi 'khor lo bskor ba nyid kyi phyir ro/ /gnyis med ces pa ni gzung 'dzin
- 60a
gnyis med pa ste/ de'i med pa'i dngos po ni gnyis med ces gsungs te/ de ni bcom ldan 'das de nyid do/ /don dam par gnyis med na yang kun rdzob tu gnyis su ston pas shes so/ /yang dag mdza' la rnam par gnas zhes pa ni phyin ci ma log pa'i don gyis yang dag mdza' ste/ phyin ci log gi gzhi med pa'i phyir ro/ /yang dag pa'i mdza' de la rnam par gnas pa de ni de'i rang bzhin dang dbyer med pa'i phyir ro/ /bdag med seng ge'i sgra dang ldan zhes pa ni/ de la bdag med pa ni rnam pa gsum ste/ mtshan nyid med pas bdag med pa dang/ mi mthun pa'i mtshan nyid kyis bdag med pa dang/ rang gi mtshan nyid kyis bdag med pa'o/ /bdag med pa gsum po de nyid seng ge bas na bdag med seng ge'i ste/ kun la nyam ming ba nyid kyi phyir seng ge dang 'dra bas seng ge ste/ bdag med pa'i seng ge'i sgra ni bdag med seng ge'i sgra'o/ /de dang gang ldan pa de bdag med seng ge'i sgra dang ldan zhes gsungs so/ /mu stegs ri dwags ngan 'jigs byed ces pa ni mya ngan las 'das pa'i rgya mtsho 'jug pa'i don gyis lam ni mu dang stegs ste/ des na mu yang yin la mu stegs kyang yin pas mu stegs ngan pa'o/ /de nyid kyi phyir na ri dwags te/ bdag med pa'i seng ge'i sgras 'jigs pa'i phyir ro/ /'jigs par byed pa'i tshul gang yin pa de ni 'jigs par byed pa ste/ mu stegs ri dwags ngan pa rnams 'jigs par byed pa ci mu stegs te ri dwags ngan pa 'jigs byed do/ /de ltar gsungs pa/ stong pa nyid kyi yi ge sgras/ /rgol ba thams cad skrag par 'gyur/ /gang dang gang la 'jug na yang/ /de dang de la stong pa nyid ces so/ kun tu 'gro bzhes pa ni byin brlabs las byung ba'i shes pa bzhin du kun tu 'gro bas na sprul pa'i sku ste /bltar bdag brtags pa'i phyir ro/ /yang na kun tu 'gro ba ni lnga kun 'gro ba ste/ de la 'di rnams ni sa chen po zhes bya ste/ sa chen po'i ris thams cad kyis sems las byung bar gyur pa ste/ de la yang re zhig reg pa dang/ yid la byed pa dang/ tshor ba dang/ 'du
- 60b
shes dang/ sems pa'i bdag nyid kyi chos rnams so/ /de rnams dang gang ldan pa de ni kun tu 'gro ba zhes so/ /don yod stobs zhes pa ni don yod ni bcings pa med pa'o/ /stabs ni 'gro ba ste/ de dang gang ldan pa de ni don yod stabs so/ /de bzhin gshegs pa'i yid ltar mgyogs zhes pa ni skad cig ma gcig kho nas gzhal du med pa'i 'jig rten gyi khams kun tu 'gro ba'i phyir ro/ /rgyal ba zhes pa ni mi dge ba'i chos rnams las 'dis rgyal ba'i phyir na rgyal ba zhes gsungs so/ /rnam rgyal zhes pa ni rnam par rgyal pa dang ldan pa yin pas na rnam rgyal lo/ /dgra las rgyal ba zhes pa ni dgra ni nyon mongs rnams so/ /'dis de las rgyal ba'i phyir na dgra las rgyal lo/ /'khor los sgyur ba zhes pa ni chos mngon pa las 'khor los sgyur ba bzhi zhes brjod do/ /de rnams kyi yang 'byung ba'i dus ni gang 'khor lo ni ji lta bu dang ldan/ cig car 'byung ngam ji lta bu'i 'gro ba yin zhe na/ de'i phyir dbyig gnyen zhabs kyis gsungs pa /'khor los sgyur ba 'byung ba ni/ /stong phrag brgyad cu las mi 'phyi/ /gser dngul zangs lcags 'khor lo can/ /de dag gling gcig gling gnyis dang/ /gsum dang bzhi lam rim pa bzhin/ /phas bsu rang 'gro g.yul bshams dang/ /mtshon brtsams pas rgyal gnod pa med/ /lhan cig gnyis min sangs rgyas bzhin zhes so/ /de'i tshul gyis so sor snang ba'i 'khor los sgyur ba'o/ /yang na dpal bde mchog gi rgyud las gsungs pa/ 'khor los sgyur ba'i gzugs nyid kyi phyir na 'khor los sgyur ba'o/ /de nyid kyi phyir stobs po che zhes pa ste/ chen po yang de yin la stobs kyang de yin pas stobs chen ni dpung gi tshogs yan lag bzhi'o/ /de dang gang ldan pa de stobs po che zhes gsungs so/ /tshogs kyi slob dpon tshogs kyi mchog /tshogs rje cho gas bdag dbang dang ldan zhes pa ni/ de la tshogs ni nyan thos kyi tshogs so/ /de rnams kyi mchog ni tshogs kyi mchog ste gtso bo zhes pa'i
- 61a
don to/ /tshogs kyi slob dpon ni tshogs ni rang rgyal gyi tshogs so/ /de rnams kyi phyin ci ma log pa'i man ngag ston pa'i phyir na slob dpon te 'jam dpal nyid do/ /tshogs rje zhes pa la tshogs ni byang chub sems dpa' i tshogs te/ de rnams kyi rje bo ni tshogs rje'o/ /tshogs bdag ces pa ni/ tshogs ni de bzhin gshegs pa'i tshogs so/ /de rnams kyi bdag po ni rje bo ste/ byang chub kyi sems kyi rang bzhin nyid kyi phyir ro/ /de nyid kyi phyir na dbang ldan te/ de dang de'i rang bzhin yang dag par bstan pa nyid kyis thams cad kyi rang bzhin bstan pa'i phyir ro/ /mthu chen ces pa 'dzin pa ste/ /tshul chen gzhan gyi dring mi 'jog ces pa ni/ de la mthu chen ces pa ni che ba'i bdag nyid do/ /che ba yang de yin la mthu yang de nyid yin pas mthu chen no/ /gces pa 'dzin zhes pa ni gces pa ni legs pa'i chos 'dzin pa'o/ /tshul chen ni chen po yang de yin la tshul yang de nyid yin pas tshul chen te/ thabs chen zhes pa'i don to/ /gzhan gyi dring mi 'jog pa ni gzhan gyi dring mi 'jog pa ste/ chos zab mo la mos pa nyid kyi phyir ro/ /de ltar yang mos pa gtso bo yin pa'i phyir rang gi thub? pa'i mdza' las rgol ba gzhan rnams kyis dprog par ci nus pas de ni gzhan gyi dring mi 'jog pa'o/ /tshig rje tshig bdag smra mkhas pa/ /tshig la dbang ba tshig mdza' yas zhes pa ni/ de la tshig rje ni tshig rnams kyi rje bo ni tshig rje ste/ don so so yang dag rig pa thob pa'i phyir ro/ /tshig bdag ni tshig kun gyi gtso bo zhes pa'i don to/ /nges pa'i tshig so so yang dag par rig pa thob pa'i phyir ro/ /smra mkhas pa ni chos so so yang dag par rig pa thob pa'i phyir ro/ /tshig la dbang ba ni spobs pa so so yang dag par rig pa thob pa'i phyir ro// sa legs pa'i blo gros la so so yang dag par rig pa bzhi thob pas na chos brjod par mkhas pa zhes bya'o zhes gsungs so/ /de nyid kyi phyir tshig mdza' yas zhes gsungs so/ /mdza' yas pa'i tshig gi ngag dang ldan pa de ni tshig mdza' yas te/ skad cig thams cad kyis
- 61b
sems can thams cad ji ltar skal ba dang ldan pa nyid du chos kyi 'khor lo bskor ba nyid kyi phyir ro/ /tshig bden bden par smra ba ste/ /bden pa bzhi ni ston pa po zhes pa ni/ de la tshig bden pa ni bden pa gnyis te/ 'di ltar kun rdzob kyi bden pa dang/ don dam pa'i bden pa'o/ /de la kun rdzob la rnam pa gsum ste/ brtags pa'i kun rdzob dang/ shes pa'i kun rdzob dang/ brjod pa'i kun rdzob ste/ de rnams kyi bden pa'o/ /don dam pa'i bden pa ni gcig pu yongs su grub pa las rig par bya'o/ /de yang don dam pa rnam pa gsum ste/ don dam pa dang/ thob pa'i don dam pa dang/ sgrub pa don dam pa'o/ /de la don dam pa ni de bzhin nyid de/ dam pa'i ye shes kyi don zhes bya bas so/ /thob pa don dam pa ni mya ngan las 'das pa ste/ dam pa'i don zhes bya bas so/ /sgrub pa don dam pa ni lam ste/ 'di don dam pa zhes bya bas so/ /bden pa de gnyis la brten nas 'jug pa'i tshig de ni bden pa'i tshig ces gsungs so/ /de ltar yang dbu ma'i rtsa ba las 'phags pa klu sgrub kyi zhabs kyis gsungs pa/ sangs rgyas rnams kyi chos bstan pa/ /bden pa gnyis la yang dag brten/ /'jig rten kun rdzob bden pa dang/ dam pa'i don gyi bden pa'o/ /gang dag bden pa de gnyis kyi/ /rnam dbye rnam par mi shes pa/ /de yis sangs rgyas bstan pa yi/ /zab mo'i de nyid rnam mi shes zhes so/ /de yang bden par smra ba ste zhes pa ni bden pa ni yang dag pa stong pa nyid kyi rang bzhin no/ /de ltar smra ba'i tshul dang gang ldan pa de ni bden par smra ba ste zhes pa'o/ /bden pa bzhi ni ston pa po zhes pa ni/ de la bden pa ni shes bya kun mdor bsdus pa'i mtshan nyid rnams te bden pa bzhi'o/ /sdug bsngal gyi bden pa ni phung po la sogs pa la phyin ci log pa'i mtshan nyid de/ 'phags pa dang mi mthun pa'i phyir ro/ /kun 'byung ba'i bden pa ni mdor bsdu na ji skad gsungs pa'i sdug bsngal nyid ma rig pa'i rkyen gyis 'du byed la sogs pa'i rkyen
- 62a
nyid kyis bden pa ste/ sdug bsngal gyi rgyu nyid kyi phyir ro/ /'gog pa'i bden pa ji lta ji ltar brtags pa'i chos thams cad ji ltar skye ba med pa'i mtshan nyid kyi phyir bcom ldan 'das so/ /gti mug gi mi mthun pa'i phyogs kyi gnyen por gyur pa de rtogs pa yang lam gyi bden pa ste/ rdzogs pa'i byang chub yongs su rdzogs par byed pa byams pa'i mthus gtong ba la sogs pa ste/ de rnams ston pa ni bden pa bzhi ston pa'o/ /phyir mi ldog pa phyir mi 'ong/ /'dren pa rang rgyal bse ru'i tshul zhes pa ni/ de la phyir mi ldog pa ni bla na med pa yang dag par rdzogs pa'i byang chub las phyir mi ldog pa gang yin pa de ni phyir mi ldog pa zhes gsungs so/ /ji ltar nyan thos kyi rigs ltar phyir mi ldog cing de la gsal bar byed pas na phyir mi ldog pa ste/ sa brgyad pa mi g.yo ba la lung bstan pa thob pa'i phyir ro/ /phyir mi 'ong pa ni dad pa dang mthong bas thob pa de las gang zhig 'dod pa ni spyod pa'i nyon mongs pa rnam pa dgu byang ba ni phyir mi 'ong ba zhes gsungs so/ /de ltar yang gsungs pa/ 'dod pa'i rnam pa brgyad dang ni/ /dgu pa yang ni zad pa yis// lan cig phyir mi 'ong ba dang/ /gang zag phyir mi 'ong ba skye zhes so/ /rang sangs rgyas ni rnam pa gnyis te/ /bse ru lta bur spyod pa dang/ tshogs na spyod pa'o/ /de la bse ru lta bu'i dbang du byas nas gsungs pa/ bse ru zhes pa ni bse ru dang 'dra bas bse ru ste/ bse zhes pa ni sems can bse nyid do/ /de ni mgo la rwa gcig kho nar 'gyur ro/ /de 'dra ba'i phyir na sangs rgyas gcig pur ston pa ni bse ru'i tshul zhes gsungs so/ /'dren pa rang rgyal ni tshogs na spyod pa'o/ /so so re rer gtso bo yin pas 'dren pa ste/ tshogs na spyod pa nyid kyi phyir ro/ /nges 'byung sna tshogs las 'byung ba/ /'byung ba chen po rgyu gcig po zhes pa ni/ de la nges 'byung sna tshogs las byung ba zhes pa la nges 'byung sna tshogs ni nyan thos la sogs pa'i mya ngan las 'das pa'o/ /de rnams kyis nges par 'byung
- 62b
bas na nges 'byung ste/ gang zhig gdul bya'i sems can rnams kyi sems kyi rgyud la de'i gzugs su 'byung ba so sor snang ba nyid kyi phyir ro/ /'byung ba chen po rgyu gcig po zhes pa ni/ de la 'byung ba ni sa la sogs pa bzhi'o/ /nam mkha' yang 'byung ba chen po nyid kyi phyir na 'byung ba chen po lnga yin pa las bzhi zhes gsungs pa ci'i phyir zhe na/ de rnams ni chen po yang yin la 'byung ba yang yin pas 'byung ba chen po ste/ nam mkha' i yul dang phyogs la rgyas par mnan nas gnas pa'i phyir na sa'i khams la sogs pa chen po nyid do/ /yang sa'i khams la sogs pa bzhi po de rnams ni thun mong ma yin pa'i las kyi khyad par las 'byung ba nyid kyi phyir na 'byung ba nyid do/ /de bas na nam mkha' ni chen po nyid du yod de/ gzugs thams cad skye ba'i go 'byed pa nyid kyi phyir ro/ /'byung ba nyid ni ma yin te/ 'dus ma byas pa nyid kyi phyir dang/ gang gi phyir 'byung ba'i don ni dngos po'i don yin pas na/ de'i phyir nam mkha' ni 'byung ba chen po ma yin no/ /de'i phyir na 'byung ba chen po bzhi kho na'o/ /'byung ba chen po bzhi po de dag ni rgyu ste byed rgyu gcig pa gnyis su med pa gang yin pa de ni de la de ltar gsungs/ dge slong dgra bcom zag pa zad 'dod chags bral bas dbang po thul zhes pa ni/ de la dge slong ni chos mngon pa las dge slong bzhi brjod de/ 'di lta ste ming gi dge slong dang/ slong ba'i dge slong dang/ bcas pa'i dge slong dang/ don dam pa'i dge slong ngo/ /bzhi po de rnams las 'di ni don dam pa'i dge slong ste/ nyon mongs pa dang bral ba nyid kyi phyir dang/ bdud thams cad kyis mi phyed pa'i phyir ro/ /dgra bcom pa zhes pa ni dgra ni nyon mongs pa ste/ de rnams bcom pa dang ldan pas na dgra bcom pa'o/ /'khor bar slar nyams par mi 'gyur ba'i chos nyid kyis sam/ don ma lus par yongs su rdzogs pa'i phyir gzhan rnams la rjes su ston par byed pa 'os par nus pa zhes pas sam/ sangs rgyas dang chos dang dge 'dun dkon mchog tu 'os pa zhes pas sam khams gsum gyi gtso bo rnams kyis rnam pa du mas mchod pas
- 63a
bya bar 'os pa zhes pas sam/ bla na med pa de bzhin gshegs pa rnams la sgrub pa'i mchod pas mchod par 'os pa'i phyir na dgra bcom pa zhes bshad de/ bcom ldan 'das so/ /zag pa zad pa zhes pa ni/ de la mi dge ba'i chos kyi rtsa ba bzhi ni zag cing skye bar byed ba'i phyir ram/ nyon mongs pa'i rnag zag pa zhes bya ste/ srid pa'i rtse bo nas gzung nas ji tsam mnar med pa'i bar du skye mched drug gi rma nas sems can rnams nyon mongs par byed/ gnod par byed pas nyon mongs pa'i zag pa rnams so/ / gzugs la sogs pa'i yul lnga dang/ ma rig pa dang lhan cig skyes pa dang kun tu brtags pa las byung ba'i rang bzhin gyis yongs su rtags pa nyid dang/ lta ba drug cu rtsa gnyis rnams ni ma rig pa zhes bya ba'o/ /'dod pa'i zag pa dang/ srid pa'i zag pa dang/ ma rig pa'i zag pa dang/ lta ba'i zag pa rnams zhes gsungs so/ /mi slob pa'i tshul khrims dang/ ting nge 'dzin gyi phung pos ni 'dod pa'i zag pa zad do/ /mi slob pa'i shes rab kyi phung pos ni lta ba'i zag pa zad do/ /mi slob pa'i rnam par grol ba'i phung pos de srid pa'i zag pa zad do/ /mi slob pa'i rnam par grol ba'i ye shes kyi phung pos ni ma rig pa'i zag pa zad do/ /tshul khrims yongs su rdzogs pa'i sa la 'am/ mthong ba'i sa la yang dag par lta bas ni lta ba'i zag pa zad do/ /ting nge 'dzin yongs su rdzogs pa'i sa la 'am/ phyir mi ldog pa'i lam la yang dag pa'i ting nge 'dzin gyis 'dod pa'i zag pa zad do/ /shes rab yongs su rdzogs pa'i sa la 'am/ dgra bcom pa'i lam la yang dag pa'i rnam par grol bas ni ma rig pa'i zag pa zad do/ /rnam par grol ba yongs su rdzogs pa'i sa la'am/ zad pa dang mi skye ba'i ye shes gnyis kyis srid pa'i zag pa zad do/ /dgra bcom pa'i lam la 'am/ 'dod pa'i nyon mongs pa yongs su shes pa'i phyir na 'dod pa'i zag pa zad do/ /'du byed kyi phung po yongs su shes pa'i phyir na ma
- 63b
rig pa'i zag pa zad do/ /ma rig pa'i rkyen gyis 'du byed pa'i phyir ro/ /nyon mongs pa'i phung po yongs su shes pa'i phyir na lta ba'i zag pa zad do/ /phung po'i rdzas yongs su shes pa'i phyir na srid pa'i zag pa zad do/ /sdug bsngal gyi bden pa yongs su shes pa'i phyir na lta ba'i zag pa zad do/ /lta ba thams cad nyer ba len pa'i phung po lnga la dmigs pa yin no/ /sdug bsngal gyi bden pa dang/ kun 'byung gi bden pa thams cad spangs pa'i phyir na 'dod pa'i zag pa zad do/ /'gog pa'i bden pa mngon du byas pa'i phyir na srid pa'i zag pa zad do/ /lam gyi bden pa bsgoms pa nyid kyis ma rig pa'i zag pa zad do/ /'dod pa'i zag pa spangs pa'i phyir na lha'i bu'i bdud bcom par gyur to/ /srid pa'i zag pa zad pa'i phyir na 'chi bdag gi bdud bcom par gyur to/ /ma rig pa spangs pa'i phyir na nyon mongs pa'i bdud bcom par gyur to/ /lta ba'i zag pa zad pa'i phyir na phung po'i bdud bcom par gyur to/ /bdud bzhi las mchog tu rgyal bas bcom ldan 'das 'jam dpal ni zag pa zad do zhes so/ /de'i phyir zag pa 'di dag zad pa gang yin pa de skad ces bya'o/ /'dod chags bral ba zhes pa 'dis ni khams gsum kun tu gnas pa'i nyon mongs pa rnams 'phags pa'i bden pa bzhi rnam pa bcu drug gi dbye bas nyon mongs pa rnams dgu bcu rtsa brgyad mthong ba dang bsgom pa'i lam gnyis kyis spangs pa'i phyir/ 'dod chags dang bral ba zhes gsungs so/ /de nyid kyi phyir na dbang po thul zhes pa ste/ spyod yul thams cad kyis zil gyis mi non pa nyid kyi phyir ro/ /bde ba rnyed pas 'jigs med thob/ /bsil bar gyur pas rnyog pa med ces pa ni/ de la bde ba rnyed pa ni bde ba ni lus kyi las te/ de rnyed pa gang yin pa de ni bde ba rnyed pa'o/ /'jigs pa ni skrag pa ste/ gang la med pa ni 'jigs pa med pa'o/ /'jigs pa med pa dag gi las te/ ngag gi las kyi tshig thams cad skyo ba'i phyir ro/ /ngag gi las thob pa
- 64a
ni 'jigs med thob po/ /bsil bar gyur pa ni 'dis bsil ba ste/ /zhi ba nyid kyis bdag nyid sems g.yo ba las thams cad med par gzigs te/ dang po 'dod chags la sogs pas zil gyis gnon par gyur la phyis de spangs pa'i phyir na bsil bar gyur pa'o/ /de nyid kyis lus ngag yid skyo ba med pa'i phyir na rnyog pa med ces gsungs so/ /rig pa dang ni rkang par ldan/ /bde gshegs 'jig rten rig pa'i mchog ces pa la/ de la rig pa dang rkang par ldan ni/ /des ni ye shes sems dpa' de ston pa phun sum tshogs pa thob pa'i rgyu ston par byed de/ rig pa dang rkang pa ni 'phags pa'i lam yan lag brgyad las yang dag pa'i lta ba ni rig pa ste/ yan lag gzhan ni rkang pa'o/ /ma mthong zhing rkang pa med na 'gro bar mi nus zhes bya bas so bslab pa gsum ni rig pa dang/ rkang pa ste/ lhag pa shes rab kyi bslab pa dang/ lhag pa tshul khrims kyi bslab pa dang/ lhag pa sems kyi bslab pa'o/ /de la shes rab ni rig pa'o/ /gnyis ni rkang pa'o/ /shes rab kyis sngon du byas nas bskyod pa ni rkang pa zhes bya'o/ /rig pa sngon du gzung ngo/ /de yongs su dag pa'i tshul khrims dang/ ting nge 'dzin yongs su dag pa ste/ 'di ltar shes rab kyi spyan nyid kyis bltas nas tshul khrims dang ting nge 'dzin rkang pa dang 'dra bas 'di dag gis 'gro zhing bgrod par bya bas mthun par bslabs bas na rigs pa dang rkang pa'i sgras bslab pa gsum nges par bstan pa yin no/ /de'i phyir rig pa la sogs pa dang ldan pas rig pa dang rkang par ldan zhes gsungs so/ /bde gshegs zhes bya ba des kyang ji ltar bgrod par bya ba dang/ 'gro ba la ston te/ shin tu legs par 'gro bas bder gshegs te/ phyir mi ldog pa'i don gyis na ste/ dper na tsha ba'i nad shin tu byang ba bzhin no/ /yang na lus pa med pas na bder gshegs te/ shes bya ma lus par shes pa'i don gyin ste/ dper na bum pa
- 64b
legs par gang ba bzhin no/ /don de gnyis ni phyi rol ba dang nyan thos la sogs pa las khyad par du gyur pa'o zhes pa'i don to/ /ci'i phyir zhe na/ phyi rol pa ni mthar thug par gshegs pa ma yin te/ phyir ldog pa'i phyir ro/ /nyan thos la sogs pa rnams ni so so'i skye bo'i skal ba dang mi ldan pa'i phyir mthar thug par song ba yin kyang ma lus par song ba ma yin te/ shes bya thams cad la ye shes thogs pa'i phyir ro/ /de ltar rig pa dang rkang par ldan pa dang/ legs par dang/ ma lus par gshegs pa ston pa phun sum tshogs pa bcom ldan 'das ye shes sems dpa' yin zhes ston pa'o/ /ston pa de'i phrin las ni/ 'jig rten rig pa'i mchog ces pa'i tshig gnyis kyis ston to/ /de yang ston pa'i las rnam pa gnyis te/ skal pa dang ldan pa dang skal ba dang mi ldan pa'i 'jig rten la gzigs pa dang/ skal pa dang ldan pa 'dul ba'o/ /de la 'jig rten rig pa zhes pa des ni skal ba dang ldan pa dang skal pa dang mi ldan pa'i 'jig rten la ston pa gzigs pa ston to/ /'jig rten rtogs pa ni 'jig rten rig pas te/ skal pa dang ldan pa dang skal pa dang mi ldan pa'i 'jig rten yongs su shes pa'i phyir na de ni 'jig rten rig pa zhes bya'o/ /'di lha ste/ bcom ldan 'das 'jam dpal gyis nyin lan gsum mtshan lan gsum du shes rab kyi spyan gyis gzigs te/ su ni rgud/ su ni 'byor/ su ni ngan song la gzhol/ gang zhig ngan song las bton te mtho ris dang thar pa 'di la bzhag /gang gis dge ba'i rtsa ba ma bskrun pa de bskrun par bya ba dang/ gang dge ba'i rtsa ba bskrun pa rnams su yongs su rdzogs par bya ba dang/ gang yongs su ma smin pa rnams yongs su smin par bya'o zhes pa'o/ /de nyid kyi phyir na mchog ste/ dam pa ni bcom ldan 'di'o/ /bdag gir mi 'dzin bar mi 'dzin/ /bden pa gnyis kyi tshul la gnas zhes pa ni/ de la bdag gir mi 'dzin pa zhes pa'i tshig des ni gzung ba'i phyogs bkag pa'o/ /ngar mi 'dzin zhes bya
- 65a
ba des kyang 'dzin pa'i phyogs bkag pa ste/ de gnyis kyang log par so sor snang ba'i phyir ro/ /de ltar 'phags pa klu sgrub snying po'i zhabs kyis rin po che'i phreng ba las gsungs pa/ bdag dang bdag gi gnyis ka yang/ /don dam par ni 'di dag log /yang dag ji bzhin yongs shes pas/ /gang phyir gnyi ga med pas so zhes so/ /bden pa gnyis kyi tshul la gnas zhes pa'i don bshad zin to/ /'khor ba'i pha rol mthar son pa/ /bya ba byas pa skam sar gnas zhes pa ni/ de la 'khor ba'i pha rol mthar son pa zhes nges 'di ltar ston te/ 'khor ba ni dngos po'i rang bzhin te/ nye bar len pa'i phung po lnga nyid yin pa'i phyir nye bar len pa'i phung po lnga ni nyon mongs pa dang/ las kyis 'brel zhing 'gro zhing song la/ /'gro bar byed pas na 'khor ba pa zhes gsungs so/ /'khor ba ni tshu rol/ de'i pha rol ni mya ngan las 'das pa ste/ de'ang dngos po med pa'i ngo bo'o/ /'khor pa dang pha rol ni 'khor ba dang pha rol gnyis te/ de gnyis kyi mdza' ni 'khor ba dang pha rol gyi mdza' o/ /de la gnas pas na 'khor ba'i pha rol mthar son pa'o/ /des 'di gsungs par 'gyur te/ dngos po rang dngos po med pa'i rang bzhin gnyis la bcom ldan 'das 'jam dpal de ni kun rdzob tu gnas pa ste/ don dam par ni ma yin no/ /ci'i phyir zhe na/ de gnyis kyi chos phra ba nyid kyang mi dmigs pa'i phyir ro/ / de ltar gsungs pa/ mya ngan las 'das mdza' ma gang/ /'khor ba'i mdza' ma de nyid de/ /de gnyis bye brag 'ga' zhig kyang/ /shin tu phra ba gzhan med do zhes so/ /bya ba byas zhes pa ni gdon mi za bar bya ba ni byas zhes gsungs so/ /de la tshul khrims dang/ ting nge 'dzin dang/ shes rab yongs su bsags pas sdug bsngal thams cad las rnam par grol ba ni las kyi gtso bo ste/ de yongs su rdzogs pas na bya ba byas zhes gsungs so/ /'dod pa chung bas 'jug pa dang/ yan lag bsdams pas 'jug pa dang/ yang dag par chags
- 65b
par bya ba bsdams pa zhes bya ba la sogs pa bsdams pa'i khyad par rnams rdzogs par bya ba ni byas pa ste/ 'dis ni de ni bya ba byas par bstan no/ /skam sar gnas zhes pa ni skam sa ni mya ngan las 'das pa ste/ bde ba'i gnas nyid kyi phyir ro/ /de la gnas pa ni thams cad chos kyi sku'i rang bzhin nyid kyi phyir dang/ gnyis su med pa chos nyid la cher gnas pa'i phyir ro/ /ye shes 'ba' zhig las byung ba zhes pa ni/ de la 'ba' zhig ni dag pa ste/ de 'byung ba 'ba' zhig pa'o/ /de la skyes pa'i ye shes/ /'ba' zhig kyang de yin la ye shes kyang de yin pas ye shes 'ba' zhig kyang de'o/ /de las skyes pa ni de las byung ba ste/ de de ltar gsungs so/ /shes rab mtshon chas rnam 'joms pa zhes pa ni/ de la shes rab ni chos rab tu rnam par 'byed pa'i mtshan nyid kyi bdag nyid do/ /de nyid mtshon cha ste nyon mongs pa thams cad gcod pa'i phyir ro/ /shes rab kyi mtshon des chos thams cad la spang ba dang blang ba'i rnam par 'byed shes pas na de la de ltar gsungs so/ /dam chos chos rgyal gsal bar ldan/ /'jig rten snang bar byed pa'i mchog ces pa ste/ de la dam pa'i chos ni gnyis te/ gtso bo ma yin pa dang gtso bo'o/ /de la dam pa rnam pa gnyis kyi chos ni dam pa'i chos te/ dam pa ni sangs rgyas dang byang chub sems dpa' rnams so/ /de rnams kyi chos ni gsung rab yan lag bcu gnyis so/ /de la yan lag bcu gnyis ni 'di lta ste/ mdo'i sde dang/ dbyangs kyis bsnyad pa'i sde dang/ tshigs su bcad pa'i sde dang/ lung du bstan pa'i sde dang/ ched du brjod pa'i sde dang/ rtogs pa brjod pa'i sde dang/ skyes pa rabs kyi sde dang/ chos rmad du byung ba'i sde dang/ shin tu rgyas pa'i sde dang/ gtan la phab pa'i sde dang/ da ltar dang 'das pa'i sde zhes bya ba yan lag de rnams yi ge rab tu gsal bas glegs bam la gnas pa ni gtso bo ma yin pa'i chos so zhes gsungs so/ /gtso bo'i chos ni chos rgyal zhes pa ste/ chos kyi dbyings kyi rang bzhin ni brjod par bya ba dang/ rjod par byed pa
- 66a
dang bral ba nyid kyi phyir ro/ /de ni shes par byar med de/ 'di ltar shes rab sum brgya pa nas gsungs pa/ sangs rgyas rnams ni chos nyid lta/ /'dren pa rnams ni chos kyi sku/ /chos nyid yang ni shes bya min/ /de ni shes par mi nus so zhes so// de'i phyir na yang gsungs pa/ gsal bar ldan zhes pa ste/ chos de gnyis ka yang ma rig pa'i phyi nang gi mun pa sel bar byed pa'i phyir ro/ /'jig rten snang bar byed pa'i zhes pa ni 'jig rten pa'i mi shes pa'i mun pas bsgribs pa rnams la ji ltar kun tu gnas pa'i chos rab tu bstan pa'i phyir na 'jig rten snang bar byed pa'o/ /de yang mchog ste gtso bo ni bcom ldan 'das de nyid do/ /chos kyi dbang phyug chos kyi rgyal/ /legs pa'i lam na ston pa po zhes pa ni/ de la chos kyi dbang phyug ni dge ba bcu'i las kyi lam gyis chos rnams la dbang byed pas na chos kyi dbang phyug go /de ltar yang gsungs pa/ mi dge bcu la mi 'jug dang/ /rtag tu dge la rab tu 'jug /sems kyi las dang lus ngag gi'o/ /chos 'di rnam pa gsum du 'dod ces so/ /chos kyi rgyal ni phyi nang gsang ba'i theg pa rnam pa gsum du dbye bas phye ba'i chos kyi rgyal po pas chos kyi rgyal po'o/ /legs pa'i lam ni stong pa po ni legs pa nyid kyi lam ni legs pa'i lam ste/ de so sor sgrub par byed pa'i chos ni legs pa'i lam du gsung so/ /ston par byed pa ni legs pa'i lam ni ston pa po ste/ bcom ldan 'das so/ /de ltar yang rin po che'i phreng ba las gsungs pa/ nges par legs pa'i chos kyang ni/ /phra dang zab mo ston byed pa/ /byis pa thos dang mi ldan rnams/ /rgyal bas gsungs la skrag par byed ces so/ /don grub bsam pa grub pa ste/ /kun tu rtog pa thams cad sdangs zhes pa ni/ de la don du gnyer bas na don te gzugs la sogs pa'i yul lo/ /de yang gzung ba dang 'dzin pa'i dngos pos 'dzin pa'i dngos pos 'jig rten pa la shin tu grags te/ don yang de yin la grub pa yang de yin pas don grub po/ /'di ni phyi'i don
- 66b
nyid du rnam par rtog pa goms pa rnams kyi gzugs la sogs pa dang/ bdag dang spyi dang/ yon tan dang/ bya ba la sogs pa'am/ mtshan nyid rnams la de kho na nyid du mngon par zhen pa ni kun tu rtogs pa'i ngo bo nyid do/ /de ltar slob dpon dbyig gnyen zhabs kyis gsungs pa/ rnam par rtog pa gang gang gis/ /dngos po gang gang rnam brtags pa/ /de nyid kun tu brtags pa yi/ /ngo bo nyid de de med do zhes so/ /bsam pa grub pa nyid pas bsam pa'o/ /bsam pa yang de yin la grub pa yang de nyid yin pas bsam pa grub ste/ gzhan dbang gi ngo bo nyid do/ /rgyu dang rkyen dag la rag las pas na gzhan dbang ngo/ /de ltar yang dge ba dang mi dge ba dang mi g.yo ba dang 'du byed la sogs pa bag chags rnam pa mang po rjes su 'brang ba rang gi byed rgyu'i tshogs las skad cig so so la skye par 'gyur ba'i de kho na nyid la rmongs nas gnyis su snang ba'i sems dang sems las gyur ba'i rtog pa'i mtshan nyid kyi gzhan gyis dbang gang yin pa mi rtag pa nyid dang rgyu nyid de yul nyid du rnam par rtog pa de ni gzhan dbang ngo/ /'di ltar gsungs pa/ gzhan gyi dbang gi ngo bo nyid/ /rnam rtog yin te rkyen las byung zhes so/ /kun tu rtog pa thams cad spangs zhes pa ni yongs su grub pa'i ngo bo nyid do/ /'di lta ste/ gzhan dbang de kho na la 'di rang bzhin gyis lam rnam par dag pa 'am/ sgrib pa'i dri ma thams cad gsal ba gnyis su med pa stong pa yongs su grub pa'i ngo bo nyid do/ /de ltar yang gsungs pa/ grub ni de la snga ma'o/ /rtag tu med par 'gyur de yin zhes so/ /de'i phyir na ngo bo nyid rnam pa gsum ste/ bcom ldan 'das de bzhin gshegs pa thams cad kyi ye shes sems dpa' o/ /rnam par mi rtog dbyings mi zad/ /chos dbyings dam pa zad mi shes zhes pa ni/ de la rnam par mi rtog pa ni yongs su grub pa'i ye shes pa rnam par rtog pa med pa'i phyir ro/ /de ltar yang gsungs pa/ rnam par rtog las ma gtogs
- 67a
pa/ /'khor ba zhes bya yod ma yin/ /de phyir rtog dang mi ldan pa/ /rtag tu byed ni mya ngan 'das zhes so/ /dbyings zhes pa ni skye ba dang ldang ba'i 'du byed thams cad kyi rgyu'i dngos po nyid kyi phyir ro/ /'dir ni dbyings kyi don ni rgyu'i don no/ /mi zad ces pa ni stong pa nyid de/ nam mkha' dang mnyam pa nyid phyir ro/ /chos dbyings ni 'phags pa'i chos rnams de la dmigs na skye ba nyid kyi phyir ro/ /dam pa zhes pa ni phyi dang nyan thos la sogs pa las khyad par nyid kyi phyir ro/ /zad mi shes ni 'dus ma byas ba nyid kyi phyir ro/ /bsod nams ldan pas bsod nams tshogs/ /ye shes ye shes khyad par che zhes pa ni/ de la gso zhing gnas pa na bsod nams te/ de de la yod pas bsod nams ldan pa'o/ /bsod nams tshogs ni yang dag par bsags pa de ni tshogs te/ bsod nams kyi tshogs ni bsod nams kyi tshogs so/ /de'i phyir na 'dir tshig gnyis kyis 'di ltar gsungs par 'gyur la/ 'jig rten dang 'jig rten las 'das pa'i bsod nams kyi chogs mi ldan pa ma yin no/ /zhes pa'i don to/ /ye shes zhes pa ni phyi rol pa dang nyan thos la sogs pa'i ye shes so/ /ye shes khyad par zhes pa phyi rol pa dang/ nyan thos la sogs pa'i ye shes de las gzhan pa'i ye shes ni ye shes khyad par te/ shin tu rnam par dag pa'i chos kyi dbyings kyi ye shes so/ /ye shes der ma gtogs pa ni sems yin te/ phyi'i don ni tshad ma dang 'gal ba'i phyir dang/ tshad ma dang 'gal ba la rgyas par sgrub pa'i phyir ro/ /kye rgyal ba'i sras khams gsum po 'di ni sems tsam mo zhes lung las 'byung ba'i phyir dang/ dngos po thams cad mthong ba yang tshad ma thams cad dang 'gal ba'i phyir ye shes khyad par can te/ de nyid kyi phyir na che ba zhes pa ste ma lus shing lus pa med pa'i sems can gyi khams gsum yongs su bskyab pa'i bsam pa can gyi phyir ro/ /ye shes ldan pa yod mi shes/ /tshogs gnyis tshogs ni bsags pa po zhes pa ni/ de la ye shes ldan pa ni de 'dra ba'i dngos po'i ye shes dang gang ldan pa de ni
- 67b
ye shes ldang ba'o/ /yod med shes pa ni yod pa dang med pa ni yod med do/ /de gnyis shes pa ni yod med shes pa'o/ /de de la yod pas na yod med shes te/ de ltar slob dpon 'phags pa lha'i zhabs kyis gsungs pa/ yod med yod med ces pa ni/ /phyogs gnyis la yang yod min la/ /nye bar dmigs pa ring nas kyang/ /de ni brjod par nus pa min zhes so/ /tshogs gnyis tshogs ni bsags pa po ni gong du gsungs pa'i tshogs gnyis bsags pa ste/ yongs su rdzogs pa zhes pa'i don to/ /rtag pa kun rgyal rnal 'byor can/ /bsam gtan bsam bya blo ldan mchog ces pa ni/ de la rtag pa ni rgyun gyi rtag pa 'khar ba ji srid kyi bar du gnas pa'i phyir te/ chos dbyings kyi rang bzhin gyis mi 'da' ba' o zhes pa'i don to/ /kun rgyal zhes pa ni/ kun ni 'gro ba sna tshogs te/ rgyal ba ni snang ba'i don to/ /kun gyi rgyal po ni kun te g.yo ba dang mi g.yo ba'i dngos po thams cad kyi rang bzhin gyi phyir ro/ /rnal 'byor can ni/ ye shes tsam la snyoms bzhugs pa/ /rnal 'byor zhes ni bshad pa yin zhes pa'i tshig gi phyir na/ rnal 'byor ni gnyis su med pa'i ye shes so/ /de de la yod pas na rnal 'byor can no/ /bsam gtan ni bsam gtan bzhi'i bdag nyid kyi phyir ro/ /bsam bya ni bsam par bya ba'i yul nyid kyi phyir ro/ /blo ldan mchog ni blo gros so/ /blo rnams kyi mchog na gtso bo ste/ de bzhin gshegs pa thams cad kyi ye shes kyi sku'i rang bzhin nyid kyi phyir ro/ /so so rang rig mi g.yo ba/ /mchog gi dang po sku gsum 'chang zhes pa ni so so rang gis rig par bya bas na so so rang rig ste/ chos kyi dbyings kyi ye shes kyis rang rig pa nyid kyi phyir ro/ /dper na bu mo shin tu dga' ba'i bde ba bzhin du gzhan rnams la bstan par mi 'byor ba'i phyir ro/ /de ltar yang gsungs pa/ gcig min du ma ma yin bdag dang gzhan la phan pa phun tshogs chen po'i gzhir gyur pa/ /dngos dang dngos med ma yin nam mkha' bzhin du ro mnyam rtogs dka' i rang bzhin can/ /gos pa med cing mi 'gyur gzhi la mi mnyam mnyam
- 68a
la khyab pa po ste spros med pa/ /so so rang rig dpe med rgyal ba rnams kyi chos sku de la bdag ni phyag 'tshal lo zhes so/ /de nyid kyi phyir na mi g.yo ba zhes pa ni gang gi phyir zhes pa'i don to/ /de nyid kyi phyir na yang bcom ldan 'das 'jam dpal de nyid mi g.yo ba ste/ rtog pa kun gyi yul ma yin pa nyid kyi phyir ro/ /mchog gi dang po ni dang po'i dngos po ni dang po ste/ mchog kyang de yin la dang po yang de yin pas mchog gi dang po'o/ /de ni bcom ldan 'das dpal rdo rje sems dpa' o/ sku gsum 'chang ni/ sku gsum ni chos dang longs spyod rdzogs pa dang sprul pa'i mtshan nyid can gyi sku gsum rnams so/ /de dag 'dzin pas na sku gsum 'chang ngo/ /sangs rgyas sku lnga'i bdag nyid can/ /khyab bdag ye shes lnga yi bdag /sangs rgyas lnga bdag cod pan can/ /spyan lnga chags pa med pa 'chang zhes pa ni/ de la sangs rgyas ni bshad zin to/ /sku lnga'i bdag nyid ces pa ni ngo bo nyid dang/ longs spyod rdzogs pa dang/ rnam par smin pa dang/ sprul pa dang/ chos kyi sku'i bdag nyid rnams te sku lnga'o/ /de'i bdag nyid kyi rang bzhin gang dang ldan pa de ni sku lnga'i bdag nyid can no/ /khyab bdag ni bshad zin to/ /ye shes lnga'i bdag ni me long lta bu dang/ mnyam pa nyid dang/ so sor kun tu rtog pa dang/ bya ba grub pa dang/ shin tu rnam par dag pa'i chos kyi dbyings kyi ye shes de dag ni ye shes lnga'o/ /de rnams kyi bdag nyid kyi rang bzhin dang gang ldan pa de ni ye shes lnga'i bdag go /sangs rgyas lnga bdag cod pan can ni mi bskyod pa dang rin chen 'byung ldan dang/ snang ba mdza' yas dang/ don yod grub pa dang/ rnam par snang mdzad rnams ni sangs rgyas lnga'o/ de nyid kyi bdag nyid dang de'i rang bzhin gyis dbu rgyan dang gang ldan pa de ni sangs rgyas lnga bdag dbu rgyan can no/ /spyan lnga ni sha dang/ lha dang/ shes rab dang/ chos dang/ sangs rgyas kyi spyan rnams gang la mnga' ba de ni spyan lnga'o/ /de nyid kyi phyir na chags
- 68b
pa med pa 'chad ste/ shes bya thams cad la chags pa med pa dang/ thogs pa med pa 'khrul pa med par gzigs pa gang yin pa de ni chags pa med pa gzigs pa'o/ /de ltar chos mngon par las gsungs pa/ dgra bcom bse ru ston rnams kyis/ /stong gnyis gnyis dang grangs med mthong zhes so/ /sangs rgyas thams cad skyed pa po/ /sangs rgyas sras po dam pa'i mchog ces pa ni/ /de la sangs rgyas thams cad skyed pa po ni 'byung pa po ste/ sangs rgyas thams cad kyi byang chub kyi sems kyi rang bzhin gyi phyir ro/ / de ltar yang de nyid 'dus pa las gsungs pa/ byung dang 'byung 'gyur ldan pa yi/ /de bzhin gshegs pa rnams khyed la brten zhes so/ /sangs rgyas sras po ni sgrib pa'i bag chags thams cad las rnam par grol ba rnam pa thams cad du chos thams cad mkhyen pa dang/ sems can thams cad kyi rten du gyur pa'i dngos po rnam par rtog pa med pa'i ye shes kyi khyad par ni sangs rgyas te/ de'i sras po ni sangs rgyas sras po ste/ sras ni bdag las skyes pas so/ /de'ang bdag nyid ni don dam par de bzhin nyid las rab tu byung ba 'am/ rtog pa med pa'i ye shes so sor rtogs pa las byung bas na sangs rgyas su bshad de/ don des byang chub sems dpa' ni sangs rgyas sras zhes gsungs so/ /dam pa ni rab nyid kyi phyir ro/ /mchog ni mngon par 'gro bar bya ba rnams kyi nang na ma nor ba mchog nyid do/ /shes rab srid 'byung skye gnas nyid/ /chos kyi 'byung gnas srid pa sel zhes pa ni/ de la shes rab ni chos rab tu rnam par 'byed pa ste/ de yang 'jig rten las 'das pa'i chos dang gang zag gnyis kyis rnam par dben pa'o/ /shes rab srid pa ni dag pa'i phung po lnga ste/ tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba rnams so/ /de rnams las 'byung ba ni shes rab srid 'byung zhes bcom ldan 'das la gsungs so/ /skye gnas ni byed
- 69a
rgyu ste/ skye ba dang ldan zhing bsgrub bya dang ldan pa'i chos rnams la skyed byed de/ chos rnams 'byung ba zhes pa la/ /chos rnams kyi skye gnas ni chos kyi 'byung gnas te/ chos ni zag pa med pa'i dge ba'i las kyi lam rnams so/ /de rnams kyi 'byung ba'i gnas ni rgyu zhes pa'i don to/ /srid pa se la ni srid pa ni 'khor ba ste/ de mthar byed pa ni srid mthar byed do/ /gcig pu sra mkhregs rdo rje'i bdag /skyes ma thag tu 'gro ba'i bdag ces pa ni/ de la gcig pu sra mkhregs ni gcig pu sra ba yang de yin la mkhregs ba yang de yin pas gcig pu sra mkhregs so/ /sra ba ni brtan pa ste bar chad med pa de nyid kyi phyir ro/ /mkhregs pa ni nyon mongs pa'i dri ma med pa'i phyir ro/ /de nyid kyi phyir na rdo rje'i bdag ces pa ste/ rdo rje lta bu'i ye shes mi phyed pa nyid kyi phyir/ /de'i bdag nyid kyi rang bzhin gang dang ldan pa de rdo rje'i bdag ste/ de bzhin gshegs pa thams cad kyi ye shes kyi sku nyid kyi phyir ro/ /skyes ma thag ni gang dang gang du sems can gyi don mthong ba de dang der skad cig nyid la skye ba yongs su bzhes pa'i phyir na skyes ma thag ces gsungs te/ skye ba la dbang thob pa'i phyir ro/ /'gro ba'i bdag ni 'gro ba rnams kyi bdag po ni 'gro ba'i bdag ste/ 'gro ba'i rje bo zhes pa'i don te/ de rnams kyi phun sum tshogs pa thams cad kyi rten yin pa'i phyir na/ nam mkha' las byung rang byung ba/ /shes rab ye shes me bo che zhes pa ni/ /de la nam mkha' las byung ba ni nam mkha' ni stong pa nyid kyi ye shes te/ de las byung bas na nam mkha' las byung ba'o/ /rang byung ni rang byung bas na rang byung ste/ byang chub sems rdo rje'i bdag nyid yin pa'i phyir ro/ /shes rab ye shes me po che zhes pa ni/ shes rab ni gnyis su med pa'i ye shes kyi mtshan nyid ni shes rab ye shes te/ rtog pa med pa'i bdag nyid kyi ye shes so/ /de nyid me ste bag chags dang bcas pa'i nyon mongs pa'i bud shing sreg par nus pa nyid kyi phyir ro/ /che zhes pa ni sa dang/ chu dang/ me dang/ rlung dang/ ?
- 69b
sbyin bya ba dang/ nam mkha' dang/ nyi ma dang/ zla ba zhes pa brgyad spyi gzugs nyid las chen po'o/ /yang na ye shes dang/ brtson 'grus dang/ stobs dang/ gzi brjid dang/ nus pa dang/ dbang phyug rnams te/ yon tan drug dang ldan pas so/ /'od chen rnam par snang bar byed/ /ye shes skar ma lam me ba zhes pa ni/ de la 'od chen ni cher gsal bar byed pas na 'od chen te/ shin tu rnam par dag pa'i ye shes kyi sgo nas te/ 'od ni shes bya gsal bar byed pas chos mthun pa'o/ /rnam par snang bar byed pa'i don ni bshad zin to/ /ye shes skar ma ni gzung 'dzin med pa'i phyir na gnyis su med pa'i ye shes de'i skar ma ni ye shes skar ma zhes bya ste/ me long lta bu'i ye shes kyi rang bzhin nyid kyi phyir ro/ /lam me ba ni gsal zhing lam me ba ste/ longs spyod rdzogs pa'i skus 'gro ba kun gyi don byed pa'i phyir ro/ /'gro ba'i mar me ye shes sgron/ /gzi brjid chen po 'od gsal ba zhes pa ni/ de la 'gro ba'i mar me ni 'gro ba rnams kyi mar me dang 'dra bas 'gro ba'i mar me ste/ so sor kun tu rtog pa'i ye shes kyi ngo bo nyid ngo bo nyid kyi phyir ro/ /ye shes sgron mi zhes pa ni ye shes kyi sgron ma'i 'od dang ldan pa de ni ye shes sgron te/ mnyam pa nyid kyi ye shes kyi rang bzhin no/ /gzi brjid chen po ni gzi brjid chen po'i 'od dang gang ldan pa de gzi brjid chen po ste/ bya ba nan tan gyi ye shes kyi sgo nas so/ /'od gsal ba ni phul du byung bas gsal ba ni rab tu gsal ba ste/ ye shes lnga'i bdag nyid kyi phyir ro/ /kun nas snang ba'i tshul dang ldan pa bcom ldan 'das 'jam dpal yin no/ /sngags mchog mnga' bdag rig sngags rgyal/ /gsang sngags rgyal po don chen byed ces pa ni/ de la sngags mchog mnga' bdag ni sngags kyang de yin la mchog kyang de yin pas na sngags mchog ste/ de'i bdag ni gtso bo ste/ 'di sngags mchog mnga' bdag ni yi ge hUM las shes par bya'o/ /de'i phyag rgya chen po'i bdag nyid kyi
- 70a
phyir ro/ /rig sngags rgyal ni rig sngags rnams kyi rgyal po ni rig sngags rgyal te/ thams cad du rig sngags te gzungs kyi dkyil 'khor du gyur pa rnams kyis bskyed pa po yin pa'i phyir ro/ /gsang sngags rgyal po ni chos kyi dkyil 'khor las gsungs pa'i gsang sngags rnams kyi rgyal po ni gsang sngags rgyal po'o/ /don chen byed ni don yang de yin la chen po yang de yin pas don chen no/ /de byed pas na don chen byed de las kyi dkyil 'khor las gsungs pa'i 'jig rten dang 'jig rten las 'das pa'i mchod pa ma lus pa phyi dang gsang ba dang sems las byung ba gsum gyis de bzhin gshegs pa thams cad mchod par byed pa nyid kyis gzhal du med pa'i bsod nams kyi tshogs nye bar sogs par byed pas na sems can thams cad kyi don byed pa'i phyir ro/ /gtsug tor chen po rmad byung gtsug /nam mkha' i bdag po sna tshogs ston zhes pa ni/ de la gtsug tor chen po ni gtsug tor yang de yin la chen po yang de nyid yin pas na gtsug tor chen po ste/ de bzhin gshegs pa thams cad ni gtsug tor gyi rnam pas phung por gyur cing 'phungs par gyur bar rnam par gnas pa'i phyir ro/ /de bzhin gshegs pa thams cad kyi spyi gtsug yin pas de'i phyir yang gtsug tor chen po zhes gsungs so/ /rmad byung gtsug ni gzi brjid spangs pa'i sgo nas gang bcom ldan 'das de bzhin gshegs pa thams cad dang ye shes sems dpa' gang yin pa 'di gzi brjid kyi phung po'i sgo nas de bzhin gshegs pa thams cad kyi gtsug tor las spros pa'i rdo rje'i tshul du spyi bor gnas pa gang yin pa de ni rmad byung gtsug ces gsungs so/ /nam mkha' i bdag po ni nam mkha' ni nam mkha' ste/ nam mkha' de'i bdag po ste stong pa nyid kyi bdag po zhes bya ba'i don to/ /de ltar yang gsungs pa/ dmigs pa dang ni bral ba'i sems/ /nam mkha' i mtshan nyid la gnas te//
- 70b
nam mkha' sgom bar byed pa 'di/ /stong pa nyid ni bsgom par 'dod ces so/ /sna tshogs ston ni 'jig rten dang 'jig rten las 'das pa thams cad kyi ting nge 'dzin gyi rang bzhin gyi sna tshogs te/ rnam pa tha dad pa'i ting nge 'dzin dang rnam par thar ba'i sgo ston par byed pa'i tshul gang dang ldan pa de sna tshogs ston zhes pa'o/ /sangs rgyas kun bdag ngo bo mchog /'gro kun dga' ba'i mig dang ldan zhes pa ni/ de la sangs rgyas kun bdag ngo bo mchog ni sangs rgyas kyang de yin la kun kyang de yin pas sangs rgyas kun te/ rtag pa la sogs pa de rnams kyi bdag nyid ni sangs rgyas kun bdag go /sangs rgyas kun bdag de'i ngo bo ni rang bzhin no/ /sangs rgyas kun gyi bdag nyid kyi ngo bo yod pa ni chos kyi dbyings te/ mchog gi dngos po ni mchog nyid do/ /sangs rgyas kun bdag ngo bos de'i de bzhin nyid du ro gcig pa nyid kyis bcom ldan 'das 'jam dpal te/ bcom ldan 'das de bzhin gshegs pa thams cad kyi ye shes kyi sku nyid kyi phyir ro/ /'gro kun dga' ba'i mig dang ldan zhes pa ni 'gro ba thams cad dga' ba ni 'gro ba dga' ba ste/ de'i mig dang ldan pa ni bcom ldan 'das 'jam dpal te/ gang gis blang ba dang/ spong ba rab tu rnam par 'byed pa'i snang bas na shes rab kyi spyan no/ /sna tshogs gzugs can yid las byung/ /mchod 'os brjed 'os drang srong che zhes pa ni/ de la sna tshogs gzugs can ni g.yo ba dang/ mi g.yo ba'i dngos po thams cad kyi rang bzhin nyid kyis na gzugs sna tshogs pa stong pa nyid kyi phyir ro/ /skyed pa po ni sems can thams cad ji ltar skal ba dang ldan pa'i gzugs nyid kyi sngags dang phyag rgya dang dam tshig dang dkyil 'khor thams cad bskyed pa'i phyir ro/ /drang srong che ni drang srong yang de yin la che ba yang de nyid yin pas drang srong che ste/ sangs rgyas bcom ldan 'das ni drang srong che zhes so/ /mchod 'os zhes pa ni 'jig rten dang 'jig rten las 'das pa
- 71a
kun gyis mchod par 'os pa nyid kyis mchod 'os te mchod par bya'o/ /de nyid kyi phyir brjod 'os te sems can thams cad kyis bstod pa'o/ /rigs gsum 'chang ba gsang sngags 'chang/ /dam tshig chen po gsang sngags 'dzin zhes pa ni/ de la rigs gsum 'chang ba ni sku gsung thugs kyi dbye bas de 'dzin pa ni rigs gsum 'chang pa'o/ /gsang sngags 'chang ba ni 'jig rten dang 'jig rten las 'das pa'i gsang sngags te/ de rnams dang gang ldan pa de ni gsang sngags can te/ de nyid bcom ldan 'das ye shes sems dpa' ste/ gsang sngags kyi sku thams cad 'chang ba nyid kyi phyir ro/ /dam tshig chen po gsang sngags 'dzin ni dam tshig kyang de yin la chen po yang de yin pas dam tshig chen po ste/ de ni bcom ldan 'das byang chub kyi sems rdo rje'i ngo bo'o/ /de'i sngags ni shes shing skyob pas gsang sngags te/ ye shes dang snying rje'i bdag nyid kyi phyir ro/ /de 'dzin pas na dam tshig chen po gsang sngags 'dzin ni bcom ldan 'das de bzhin gshegs pa thams cad kyi ye shes kyi sku'o/ /gtso bo dkon mchog gsum 'dzin pa/ /theg pa mchog su ma ston pa po zhes pa ni/ de la gtso bo ni mngon par 'gro ba thams cad kyi nang na gang dang por shin tu mngon par 'gro bar 'os pa ni de gtso bor gsungs te/ de yang bcom ldan 'das 'jam dpal lo/ /dkon mchog gsum ni dkon mchog rnams ni gsum ste/ thob dka' ba'i phyir dang/ rin thang che ba'i phyir dang/ rab tu gsal bar byed pa nyid kyi phyir ro/ /rin po che dang 'dra bas dkon mchog go/ gsum ni sangs rgyas dang/ chos dang dge 'dun rnams so/ /de bcom ldan 'das de rnams 'dzin pas na dkon mchog gsum 'dzin pa zhes bya'o/ /theg pa mchog gsum ston pa po ni nyan thos dang/ rang sangs rgyas dang/ theg pa chen po gsum
- 71b
rab tu ston pa ste/ sems can gyi rigs thams cad la dbang po dang/ bsam pa dang/ bag la nyal ba mkhyen pa'i sgo nas ston pa'i phyir ro/ /don yod zhags pa rnam par rgyal/ /'dzin pa chen po rdo rje zhags/ /rdo rje lcags kyu zhags pa che zhes pa ni / de la don yod zhags pa ni don yod pa ni 'bras bu yod pa'o/ /zhags pa dang 'dra bas na zhags pa ste/ de gang dang ldan pa de ni don yod zhags pa ste/ byang chub kyi sems rdo rjes 'dul ba'i sems can rnams la de bzhin du so sor snang ba'i phyir ro/ /rnam par rgyal ba ni 'jig rten gsum las rnam par rgyal ba'i ting nge 'dzin gyi sgo nas so/ /'dzin pa chen po zhes pa ni 'dzin par byed pas na 'dzin pa ste/ 'dzin pa yang de yin la chen po yang de nyid yin pas 'dzin pa chen po ni rdo rje lcags sgrog go /de yang snang ba mdza' yas kyi rang bzhin gyi sgo nas so/ /rdo rje zhags pa ni rin chen 'byung ldan gyi sgo nas so/ /rdo rje lcags kyu ni mi bskyod pa'i ngo bo nyid kyi sgo nas so/ /zhags pa che zhes pa ni zhags pa dang sdom zhes pa 'bebs pa'i rnam grangs te/ zhags pa yang de yin la chen po yang de nyid yin pas zhags pa che ni rdo rje 'bebs pa'o/ /de yang don yod grub pa'i ngo bos so/ /de nas bcom ldan 'das 'dir sangs rgyas rnam par snang mdzad che zhes pa la sogs pa mngon par rjod par byed pa'i sgra'i tshogs rnams kyis sngags kyi yig 'bru'i rnam par dbye ba dang po'i mdza' can gyi bstan pa brjod par bya bar shes par bya'o/ /des nas 'dir yang sngon bzhin du rnam par snang mdzad chen po la sogs pa sku mdog dkar po dang/ 'khor lo dang ral gri phyag na 'dzin par gyur pa rnams phyung ste/ phyung mas kyang sangs rgyas kyi zhing thams cad du song ste/ sems can thams cad rang gi rnam par thar pa'i sgo nas dag par byas te/ yang phyir log nas mtshan gyi gsang sngags kyi yig 'brur gyur nas rang gi 'khor lo la 'khor lo can du gyur te gnas
- 72a
par blta bar bya'o/ /de nas gor ma bzhin du sngags kyi sgo nas spyad pa spyod pa'i byang chub sems dpas mtshan yang dag par brjod pa bklag te/ de yon tan gyi tshogs pa bkod pa de rnams nyid thob par 'gyur ro/ /rnam par snang mdzad chen po'i 'khor lo gnyis pa la mtshan gyi sngags kyi yi ge'i gzhi rnams ni rtog pa la sogs pa rigs kyi dbye bas sum cu rtsa drug tu rnam par phye ste/ gong ma bzhin du thams cad sngags su bsgrub po zhes pa ni man ngag go /tshigs bcad ni tshig rkang gcig ma tshang ba dang nyi shu rtsa lnga ste/ mtshan gyi sngags kyi yi ge rnams ni brgya brgyad cu rtsa gcig brtsis pa yin no// //'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba las shin tu rnam par dag pa chos kyi dbyings kyi ye shes la bstod pa'i rim pa'i dbang du byas pa ste drug pa'o// //da ni gsum pa khro bo'i dkyil 'khor me long lta bu'i ye shes kyi rang bzhin khams gsum rnam par rgyal ba'i gzugs kyis bcom ldan 'das de bzhin gshegs pa thams cad kyi sku la bstod pa gsungs te/ rdo rje 'jigs byed 'jigs par byed ces pa ni zlas dbye ba bstan te/ de'i phyir don ni 'di ltar 'gyur te/ rdo rje 'jigs byed dang 'jigs par byed pa ni rdo rje 'jigs byed 'jigs par byed de/ dpal rdo rje 'jigs byed kyi rgyud las 'di gnyis su yongs su brjod pa'i phyir ro/ /'di lta ste/ rdo rje 'jigs byed dang 'jigs par byed pa de ni gnyis nyid kyi rang bzhin dang gang ldan pa de 'jigs byed 'jigs par byed de bcom ldan 'das 'jam dpal lo/ /de ci'i phyir zhe na/ gsungs pa zhe sdang gis 'dul ba rnams zhi ba'i rjes su mi 'tsham pa ste/ de ltar yang dpal bde mchog gi rgyud las gsungs pa/ shin tu khro zhing gtum pa la/ /
- 72b
zhi bas phan par mi 'gyur te/ shes rab thabs kyi ngo bo las/ khro bor de bzhin gshegs kun mdzad ces so/ /khro bo'i rgyal po gdong drug 'jigs/ /mig drug lag drug stobs dang ldan zhes pa ni/ de la khro bo'i rgyal po ni dpal khro bo rnam par rgyal ba'i rgyud las gsungs so/ /khro bo'i rgyal po ni khro po'i rgyal po ste/ de ltar yang gsungs pa/ de nas 'jam pa'i dbyangs 'di ni/ /khro bo'i ming ni gshin rje gshed/ /drag la mthu rtsal ldan pa po/ /de mthong nas ni khro bo gzhan/ /thams cad kyi ni lag cha 'char zhes pa de nyid kyi phyir na khro bo'i rgyal po/ /gdong drug ni dpal sgyu 'phrul dra ba'i rgyud las gsungs te/ gdong pa drug dang gang ldan pa de ni gdong drug ste/ zhabs dang phyag gnyis kyang don gyis drug nyid du rig par bya'o/ /de yang bcom ldan 'das so/ /'jigs zhes pa ni phyag na rdo rje dbang bskur ba'i rgyud las te/ 'jigs pa ni 'jigs su rung ba'o/ /de ltar yang yan lag thams cad dang ba spu'i bu ga thams cad las rdo rje'i gzi brjid la sogs pa'i dkyil 'khor 'thon zhing de rnams kyi khro bo'i bya ba'o// rnam pa sna tshogs kyi gzugs dang sna tshogs pa'i mtshon cha dang ldan pa smin mtshams kyi khro gnyer gyi rlabs bskyod pa'i dpral ba dang sma ra gzed pa/ mche ba gtsigs pa dang/ mig bgrad pa'i zhal dang ldan pa rnam par spros te/ 'jigs pa nye bar ston pa'i phyir ma 'jigs pa zhes gsungs so/ /mig drug ni de nyid las te/ mig drug dang gang ldan pa de mig drug ste/ de la phyogs gcig gis bstod pa ste/ yan lag spyi nye bar brtags pa ste/ dper na 'jigs pa'i sde la 'jigs pa dang bden pa snang zhes pa lta bu'o/ /lag drug ni dpal rdo rje'i snying po'i rgyan gyi rgyud las te/ phyag drug dang ldan pa ni yan lag drug go /stobs dang ldan ni stobs ni lus las byung ba'i nus pa ste/ de dang gang ldan pa ni stobs dang ldan pa ste/ dpal rig pa mchog gi rgyud chen po las stobs po che zhes
- 73a
rab tu grags so/ /keng rus mche ba gtsigs pa po/ /ha la ha la gdong brgya pa zhes pa ni/ de la keng rus ni dpal bde mchog 'khor lo'i rgyud las so/ /mche ba gtsigs pa ni dpal rdo rje stug po bsdus pa las te / mche ba gtsigs shing ma rungs pa 'jigs par byed pa dang gang ldan pa de mche ba gtsigs pa'o/ /ha la ha la gdong brgya pa zhes pa ni/ de yang gong ma bzhin du zlas dbye bas bstan te/ ha la ha la ni don yod zhags pa'i rgyud las so/ / gdong brgya pa ni dpal rdo rje rtse mo'i rgyud las te/ gdong ste zhal brgya dang gang ldan pa ngo gdong brgya'o/ /gshin rje gshed po bgegs kyi rgyal/ /rdo rje shugs can 'jigs par byed pa zhes pa ni/ de la gshin rje gshed po ni dang la gsang ba 'dus pa las te/ gshin rje gshed po ste/ phung bar byed pa ni gshin rje gshed do/ /bgegs kyi rgyal po ni rgyal po yin pas rgyal po ste/ tshogs bdag la sogs pa'i bgegs rnams kyi rgyal po bas bgegs kyi rgyal po ste/ bdud rtsi 'khyil pa'o/ /de rnam par snang mdzad sgyu 'phrul dra ba la sogs pa'i rgyud las grags so/ /rdo rje shugs 'chang ni dpal dam tshig chen po'i rgyud las te/ rdo rje shugs ni rdo rje shugs so/ /de 'dra ba'i shugs dang gang ldan pa rdo rje shugs 'chang ngo// 'jigs par byed pa ni dpal zla gsang thig le'i rgyud las gsungs te/ sdang ba thams cad 'jigs par byed cing skrag par byed pa'i phyir ro/ /rdo rje grags pa rdo rje'i snying/ /sgyu 'phrul rdo rje bsus po che zhes pa ni/ rdo rje grags pa gnyis su med par mnyam pa nyid rnam par sbyor ba'i rgyud las so/ /khyad par du grags pa rdo rje grags pa ste/ sgra chen zhes pa'i don do/ /de nyid rdo rje ste mi shigs pa'i phyir te/ de gang dang ldan pa de rdo rje grags pa'o/ /rdo rje snying ni dpal zla gsang thig le nyid las te/
- 73b
gang rdo rje'i snying yin pa de rdo rje'i snying ngo/ /sgyu 'phrul rdo rje ni khri drug stong pa nyid las gsungs te/ sgyu 'phrul ni sprul pa'o/ /de nyid ni rdo rje ste mi phyed pa'i gzugs nyid kyi phyir ro/ /de gang dang ldan pa de ni sgyu 'phrul rdo rje'o/ /gsus po che zhes pa ni de kho na las te/ gsus pa chen po dang gang ldan pa de ni gsus pa che'o/ /rdo rje skye gnas rdo rje'i bdag /rdo rje snying po kha 'dra ba zhes pa ni/ de la rdo rje'i skye gnas ni dpal 'byung po 'dul byed kyi rgyud las te/ rdo rje skye gnas te rgyu gang yin pa de rdo rje'i skye gnas so// rdo rje'i bdag ni rdo rje ni de'i bdag po gtso bo zhes pa'i don to/ /de yang dpal rdo rje sa 'og gi rgyud las so/ /rdo rje snying po ni dpal rdo rje snying po rgyan gyi rgyud las so/ /rdo rje snying po ni rdo rje snying po ste snying khu zhes pa'i don to/ /mkha' dang 'dra ba ni dpal gsang ba mdzod kyi rgyud las so/ /mi 'gyur bas nam mkha' ste skye ba dang ldan pa'i go skabs ster ba'i phyir ro/ /rang nyid kyang 'dus ma byas pa nyid kyi phyir na 'byung ba med do zhes pa'i don to/ /de yang stong pa nyid kyi ngo bo ste/ de'i dpe dang gang ldan pa de de ltar gsungs te stong pa nyid kyi dpe zhes pa'i don to/ /mi g.yo ral ba gcig gis bsgyings/ /glang chen ko rlon gos su gyon zhes pa ni/ de la mi g.yo ral pa gcig gis bsgyings zhes pa ni zlas dbye ba bstan to/ /de'i phyir 'di'i don ni mi g.yo ba dang ral pa gcig gis bsgyings pa ste/ mi g.yo ral pa gcig gis bsgyings so/ /de la mi g.yo ba ni dpal sgyu 'phrul dra ba la sogs pa las te/ bdud thams cad kyis mi g.yo zhing mi dngang bas na mi g.yo ba'o/ /ral pa gcig gis bsgyings zhes pa ni dpal rdo rje cod pan gyi rgyud las so/ / ral pa yang de yin la gcig kyang de nyid yin pas ral pa gcig go /de bsgyings pa ni bsgyings pa ste/ ral pa gcig gis bsgyings pa'o/ /glang chen ko rlon gos su gon zhes pa ni dpal 'khor lo bde mchog gi rgyud las te/ glang po che'i ko ba ni glang chen ko
- 74a
pa ste/ glang chen kong yang de yin la rlon pa yang de nyid yin pas glang chen ko rlon no/ /glang po che'i ko rlon nyid gyon pa yin pas glang chen ko rlon gos su pa ste/ de 'dzin pas na glang chen ko rlon gos su gyon zhes pa'o/ /drag chen ha ha zhes sgrogs pa/ hi hi zhes sgrogs 'jigs par byed ces pa ni/ de la drag chen ni dpal khro bo rnam par rgyal ba'i rgyud las te/ drag po yang de yin la chen po yang de nyid yin pas drag chen no/ /ha ha zhes sgrogs zhes pa ni rgyud de nyid kyi ha har gyur pa zhes bya ba'i dkyil 'khor de la ha ha byas pas gnas pas ha ha zhes sgrogs zhes gsungs so/ /hi hi zhes sgrogs ni dpal khro bo zla ba'i thig le'i rgyud las gsungs te/ de rjes su byed pas langs pa'i phyir ro/ /'jigs par byed pa ni dpal rgyud las btus pa las gsungs so// gad mo chen po gad rgyangs can/ /rdo rje gad mo cher sgrogs pa zhes pa ni/ de la gad mo chen po ni rgyun chad pa med pa'i don to/ /de la dpal thun mong ma yin pa'i gsang ba'i rgyan bkod pa'i rgyud las te/ gad brgyangs can ni gad mo ni rgod pa'o/ /gad brgyangs te gsang thon pos bzhad pa ni gad brgyangs so/ /rdo rje gad mo ni ye shes kyi bshad pa ste/ de yang yid kyi'o/ /cher sgrogs pa ni 'jig rten gsum gang bar byed pa ste/ chen po yang de yin la sgrogs pa yang de nyid yin pas cher sgrogs pa'o/ bzhi po 'di yang rgyud de nyid las bstan to/ /rdo rje sems dpa' sems dpa' che/ /rdo rje rgyal po bde ba che zhes pa ni/ de la rdo rje sems dpa' ni dpal mchog dang po'i rgyud las so/ /sems dpa' che ni rdo rje 'dzin pa chen po ste/ dpal gsang ba 'dus pa las gsungs so/ /rdo rje rgyal po ni dpal gsang ba mdzod kyi rgyud las so/ /bde ba chen po ni dpal bde mchog gi rgyud las so/ /de la bde ba chen po zhes pa ni/ de bzhin gshegs pa'i zag pa med pa'i bde ba gang yin pa de ni bde ba chen po zhes gsungs so//
- 74b
de nyid la gsungs pa'ang bde ba ni sam zhes pa la sogs pa'o/ /rdo rje drag po dga' ba che/ /rdo rje hUM ste hUM zhes sgrogs zhes pa ni/ de la rdo rje drag po ni dpal rdo rje gsang ba'i rgyan gyi rgyud las gsungs so/ /rdo rje drag po ni rdo rje drag po ste/ drag po ni shugs chen zhes gsungs te/ mthu myur bar 'gro ba nyid kyi phyir ro/ /dga' ba chen po ni dpal nor bu gsang ba'i thig le'i rgyud las so/ /dga' ba yang de yin la chen po yang de nyid yin pas dga' ba che zhes pa'o/ /rdo rje hUM ste hUM zhes sgrogs zhes pa ni dpal de nyid 'dus pa'i rgyud las te/ rdo rje hUM ste hUM zhes sgrogs pa ni hUM bzhi sgrogs pa ste/ de rnams dang gang ldan pa de ni/ rdo rje hUM ste hUM zhes sgrogs pa'o/ /mtshon du rdo rje mnga' thogs pa/ /rdo rje ral gris ma lus gcod ces ba ni/ de la mtshon du rdo rje mda' thogs pa ni dpal dam tshig chen po'i rgyud las te/ rdo rjes mtshan pa'i mda' dang gzhu de dag nyid mtshon cha ste/ de 'dzin pas na mtshon du rdo rje'i mnga' thogs pa'o/ /rdo rje ral gri ni dpal sgyu 'phrul dra ba'i rgyud las te/ rdo rje dang ral gri ni rdo rje ral gri'o/ /mtshon cha de gnyis dang gang ldan pa de rdo rje ral gri'o/ /ma lus gcod pa'ang de nyid la bya'o/ /rdo rje kun 'chang rdo rje can/ /rdo rje gcig pu g.yul sel ba zhes pa ni/ de la sna tshogs rdo rje 'chang ni dpal rnam par snang mdzad mngon par byang chub pa'i rgyud las te/ sna tshogs rdo rje ni rdo rje rgya gram ste/ de 'dzin pas na sna tshogs rdo rje 'chang ngo/ /rdo rje can ni rgyud de nyid las so/ /de nyid rdo rje dang 'dra bas rdo rje ni ye shes te/ /mi phyed pa nyid kyi phyir ro/ /rdo rje gcig pu ni dpal gnyis su med pa mnyam pa nyid rnam par rgyal ba'i rgyud las so/ /rdo rje yang de yin la gcig pu yang de nyid yin pas rdo rje gcig pu ste/ gnyis su med pa'i ye shes kyi ngo bo nyid yin pa'i phyir ro/ /g.yul sel ba ni dpal khams gsum rnam par rgyal ba'i rgyud las te/ g.yul ni 'thab pa ste/ nyon mongs pa rnams dang lhan
- 75a
cig 'thab pa'o/ /de 'joms pas na g.yul sel ba'o/ /rdo rje 'bar ba mig mi bzang/ /skra yang rdo rje 'bar ba ste zhes pa ni dpal rdo rje 'jigs byed kyi rgyud las te/ de la rdo rje 'bar ba ni rdo rje 'bar ba'o/ /de dang 'dra ba'i mi bzang/ pa'i mig dang gang ldan pa de rdo rje 'bar ba mig mi bzang ces pa'o/ /skra yang rdo rje 'bar ba ste/ zhes pa ni mgo las skyes pas na mgo skyes te skra'o/ /rdo rje 'bar ba dang 'dra ba'i skra gang dang ldan pa de skra yang rdo rje 'bar ba ste zhes so/ /rdo rje 'bebs pa 'bebs pa che/ /mig brgya pa ni rdo rje'i mig ces pa ni dpal phyag na rdo rje dbang bskur ba'i rgyud las khro bo 'di bzhir brjod do/ /de la rdo rje 'bebs pa ni rdo rje 'bebs pa ste/ ye shes kyi byin rlabs zhes pa'i don to/ /de dang gang ldan pa de ni rdo rje 'bebs pa'o// 'bebs pa che ba ni dngos po thams cad kyi rang bzhin gyi phyir ro/ /mig brgya pa ni mig brgya dang gang ldan pa de ni mig brgya'o/ /rdo rje'i mig ni rdo rje dang 'dra ba'i spyan dang gang ldan pa de ni rdo rje mig go /rdo rje'i ba spu myu gu'i lus/ /rdo rje'i spu ni gcig pu lus zhes pa ni/ de gnyis ni dpal rdo rje snying po rgyan gyi rgyud las gsungs te/ de la rdo rje'i ba spu myu gu'i lus ni rdo rje dngos po'i ba spu ste/ de rnams kyi myu gur gyur cing bung ngur gyur pa'i lus dang gang ldan pa de ni rdo rje ba spu myu gu'i lus so/ /rdo rje spu ni gcig pu lus ni gcig pu yang de yin la lus kyang de nyid yin pas gcig bu lus so/ /rdo rje spu ni gcig pu ye shes kyi spu'o/ /des mtshan pa'i lus gcig pu dang gang ldan pa de rdo rje ba spu ni gcig pu lus so/ /sen mo brtsams pa rdo rje'i rtse/ /rdo rje'i snying po pags pa mkhregs zhes pa ni dpal rdo rje rtse mo'i rgyud las de gnyis gsungs te/ de la sen me brtsams pa rdo rje rtse zhes pa la/ rdo rje rtse mo ste rtse mo ni thog med cha yin no/ /de 'dra ba'i sen mo ni rdo rje rtse mo'i sen mo can no/ /de rnams brtsams pa
- 75b
skyes pa de dang gang ldan pa sen mo brtsams pa rdo rje'i rtse mo'o/ /rdo rje snying po pags pa mkhregs ni rdo rje snying po dang 'dra ba sra zhing mkhregs pa'i pags pa dang gang ldan pa de rdo rje snying po pags pa mkhregs so/ /rdo rje phreng thogs dpal dang ldan/ /rdo rje rgyan gyis brgyan pa ste zhes pa ni dpal khro bo rnam par rgyal ba'i rgyud las/ te la'i 'khor lo las 'di gnyis gsungs te/ 'di lta ste/ rdo rje phreng thogs dpal dang ldan/ /rdo rje rgyan gyis brgyan pa ste zhes pa'o/ /rdo rje phreng ba 'dzin pas na rdo rje phreng thogs so/ / dpal ldan ni de nyid kyi khyad par te/ skal ba phun sum tshogs pa'i phyir ro/ /rdo rje'i rgyan gyis brgyan pa ste ni rdo rje nyid rgyan yin pas na rdo rje'i rgyan no/ /des brgyan cing klubs pas na rdo rje'i rgyan gyis brgyan pa ste zhes gsungs so/ /gad brgyangs ha ha sgra bral sgrogs/ /yi ge drug pa rdo rje'i sgra zhes pa ni/ de la gad brgyangs ha ha zhes pa ni dpal dpung bzang gi rgyud las te/ gad brgyangs ni skad gsang mthon por bzhad pa ste/ ha ha zhes byas nas bzhad pa ni gad brgyangs ha ha'o/ /sgra bral ba ni dpal legs par grub par byed pa'i rgyud las so/ /sgra dang bral ba ni sgra dang bral ba ste/ nang du phyogs pa kho na sgra zhes pa'i don to/ /yi drug pa ni dpal ye shes drug dang dam tshig yi ge bde mchog gi rgyud las te/ yi ge drug pa dang ldan pa de yi ge drug go / rdo rje'i sgra ni dpal stong phrag brgya pa de nyid 'dus pa'i rgyud las so/ /rdo rje thog gi sgra lta bu'i sgra dang gang ldan pa de rdo rje'i sgra'o/ /'jam dbyangs chen po sgra che ba/ /'jig rten gsum na sgra gcig pa zhes pa ni/ de la 'jam dbyangs ni 'phags pa 'jam dpal gyi rgyud las te/ 'jam zhing mnyen pa'i dbyangs dang gang ldan pa de 'jam dbyangs so/ /de nyid kyi phyir na chen po zhes gsungs so/ /sgra che ba zhes pa ni dpal mngon par rtogs pa'i rgyan las sgra yang de yin la che ba yang de nyid yin pas sgra
- 76a
che'o/ /'jig rten gsum na sgra gcig pa ni khams gsum rnam par rgyal ba'i rgyud nyid las so/ /'jig rten gsum ni sa 'og dang sa bla dang sa steng ngo/ /de la gcig pu gnyis su med pa'i sgra grags pa dang gang ldan pa de ni 'jig rten gsum na sgra gcig pa'o/ /nam mkha' i mdza' klas sgra sgrogs pa zhes pa ni 'phags pa 'jam dpal gyi rgyud de nyid las te/ gang gi tshe bcom ldan 'das shAkya thub pas gshin rje gshed la bka' stsal te/ sems can thams cad kyi don du stong gsum gyi stong chen po'i steng du sngags kyi tshul 'jam dpal gyis bstan pa de'i tshe bcom ldan 'das gshin rje gshed des ri rab ri'i rtse mo de nyid la gnas te/ sgra chen po gcig kho na bsgrags par gyur te/ sgra gang gis nam mkha' i mdza' klas pa thos pa'i sgras yang dag par go bar byas te/ de nas gsungs pa/ nam mkha' i mdza' klas sgra sgrogs pa zhes so/ /de nyid kyi phyir bcom ldan 'das de sgra dang ldan pa rnams kyi mchog ces pa ste/ sgra de gang la yod pa gang yin pa de ni sgra dang ldan pa rnams te/ sgra dang gang ldan pa de rnams kyi nang na dam pa dang phul du byung ba zhes pa'i don to/ /de nas da ni 'khor lo gsum pa'i spro ba'i cho ga bstan te/ de bzhin gshegs pa thams cad kyi ye shes sems dpa' i thugs ka'i yi ge las/ bcom ldan 'das 'jam dpal de nyid ni zhe sdang spyod pa'i sems can de nyid rjes su gzung ba'i don du rnal 'byor dang/ spyod pa dang/ bya ba'i rgyud rnams las gsungs pa'i khro bo'i gzugs su dmigs nas 'jig rten gsum 'dul ba'i don du de dag kyang rang gi lus las rnam par 'thon pa ni kun tu 'bar ba'i snying po can/ smin mtshams kyi khro gnyer gyi rlabs bskyod cing bsnyer ba'i dpral
- 76b
ba dang/ 'jigs pa'i mche ba gtsigs pa'i zhal dang ldan pa rnams rdo rje dang lcags kyu dang zhags pa la sogs pa rdo rje 'bar ba'i phyag mtshan gyis phyag rgya mtshan pa rnam pa du ma'i mdog dang rgyan can cha byad rnam pa sna tshogs pa 'chang ba'i khro bo'i sku rnam par phyung nas 'jig rten gyi khams thams cad du gdug pa thams cad gdul bar byas te/ yang slar log nas rdo rje dbyings kyi dkyil 'khor gyi phyi rol tu dkyil 'khor gnyis pa la mtshan gyi sngags kyi yi ge bdun cu rtsa gcig rnams rang gi rigs kyi kha dog dang gzugs rnams su gyur te ji lta ba'i rim pas yang dag par gnas par bsam par bya'o/ /de rnams rnam pa lngar dgos te/ sangs rgyas hUM mdzad la sogs pa re re'i rigs la bcu bzhi'i mtshan gyi sngags kyi yi ge'i tshig rnams byas te/ spro ba dang bsdu ba la sogs mthun par mdzad nas/ gong du gsungs pa'i rim pas mtshan gyi sngags kyi yi ge'i tshig tu bdag nyid mos pas mtshan yang dag par brjod pa bklags ste/ yon tan gyi tshogs mdza' yas pa'i rnam pa 'thob bo zhes man ngag go /tshigs bcad 'di ni tshig rkang gcig gis lhag pa'i bcu tham pa'o/ /mtshan gyi sngags kyi yi ge ni bdun cu rtsa gcig gi mtshan yin no/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes pa las me long lta bu'i ye shes kyi rang bzhin gyis bstod pa'i rim pa'i dbang du byas pa ste bdun pa'o// //de ni so sor kun tu rtog pa'i ye shes kyi sgo nas bcom ldan 'das ye shes kyi sku 'jam dpal ye shes sems dpa' i bstod pa gsungs pa/ yang dag bdag med de bzhin nyid/ /yang dag mdza' ste yi ge med ces pa ni/ de la de bzhin nyid ni rang bzhin gyis gzung ba la sogs pa'i rnam pa dang bral ba ste/
- 77a
shes pa dang shes pa ma yin pa'i gnas skabs gnyis la mnyam pa'i ngo bo nyid kyi phyir ro/ /de nyid ni yang dag pa'i mdza' mchog ste/ tshad ma thams cad kyis mi bslu ba'i phyir dang/ bdag la sogs par rtog pa yang rtogs par gnod pa nyid kyi phyir ro/ /'di ltar gal te bdag la sogs pa'i dngos po med na chos rnams kyi rang bzhin ci yin/ 'bras bu ni gang yin zhes the tshom za bar bya ba ma yin te/ ci'i phyir zhe na/ 'di kho na chos dang gang zag la sogs pa nyid kyis rnam par dben pa'i mtshan nyid gcig pa dang/ rnam par rtog pa can gyi bdag gis so sor snang ba'i chos thams cad kyi khams su gyur pa don dam pa can gyi g.yo ba'i rang bzhin no/ / 'bras bu'i chos stobs la sogs pa'i mtshan nyid rnams kyi 'ang rgyu de nyid yin pa'i phyir ro/ /de'i lam gyi chos rnams kyang rgyu dang khams te/ de'i phyir na bdag med pa ni chos kyi dbyings zhes gsungs so/ /gang gi phyir de bzhin nyid la sogs pa 'di dag rnams ni me long lta bu'i ye shes chos rnams kyi sgo ste/ gang gi phyir de bzhin nyid kyi byed pa'i sgo nas chos thams cad kyi ngo bo nyid la 'jug cing/ de yang stobs rnams rab tu byung bas me long lta bu'i ye shes ni yang dag mdza' ste zhes gsungs te/ de rtogs pa'i phul du byung ba'i phyir ro/ /de nyid kyi phyir na de rnams bzhi ni me long lta bu'i ye shes dang/ mnyam pa nyid dang/ so sor kun tu rtog pa dang/ bya ba nan tan gyi ye shes kyi mtshan nyid bzhi po 'di rnams gang dang ldan pa'i bcom ldan 'das 'jam dpal de ni/ yang dag bdag med de bzhin nyid/ /yang dag mdza' ste zhes gsungs so/ /yi ge med ni rnam grangs gzhan gyis 'gyur ba med pas na mi 'gyur ba ste/ chos kyi dbyings
- 77b
kyi ngo bo nyid kyi phyir ro/ /stong nyid smra ba'i khyu mchog ste/ /zab cing rgya che'i sgra sgrogs pa zhes pa ni/ de la stong pa nyid smra ba'i khyu mchog ni stong pa nyid rnam pa gsum ste/ dngos po med pa stong pa nyid dang/ de'i dngos po ma yin pa'i ngo bo nyid dang/ rang bzhin stong pa nyid do/ /de la dngos po med pa stong pa nyid ni kun brtags kyi mtshan nyid do/ /rnam pa gang zhig gis kyang yod pa ma yin pas na dngos po med pa stong pa nyid do/ /de'i dngos po med pa'i phyir stong pa nyid ni gzhan dbang gi mtshan nyid de/ ji ltar brtags pa bzhin du de ltar med de/ de thams cad du yang med pa ma yin pas na de'i dngos po ma yin pa stong pa nyid do/ /rang bzhin stong pa nyid yongs su grub pa'i mtshan nyid de/ stong pa nyid kyi rang bzhin yin pas na de'i rang bzhin stong pa nyid do/ /de'i phyir na stong pa nyid rnam pa gsum smra ba'i tshul gang dang ldan pa de stong pa nyid smra ba'o/ /khyu mchog ni gtso bo zhes pa'i don to/ /thams cad kyis gces par 'dzin pa nyid kyi phyir ro/ /stong pa nyid smra ba'ang de yin la khyu mchog kyang de nyid yin pas stong pa nyid smra ba'i khyu mchog go /zab cing rgya che ba'i sgra sgrogs pa ni zab cing ni gzung 'dzin la sogs pa'i rnam par rtog pa dang bral ba shes rab kyi rang bzhin no/ /rgya che ba ni sprul pa sna tshogs pa'i rjes su 'brang bas 'od kun tu spro ba ste/ kun tu bzang po'i ngo bo nyid sangs rgyas kyi skus sems can gyi don gyi bya ba byed pa'o/ /gang gi phyir rgya che ba'i thabs kyang rang gi sems su mtshan nyid gcig mod kyi/ ldog pa'i bye ba brag gis tha dad par rnam par bzhag ste/ de'i phyir na zab cing rgya che ba gnyis kyi sgra sgrogs pas mu stegs pa sogs pa thams cad kyi lta ba zil gyis gnon par byed pa dang gang ldan pa de ni de ltar gsungs so/ /chos kyi dung ste sgra chen ldan/ /chos
- 78a
kyi gaN+Di sgra bo che zhes pa ni/ de ltar chos kyi dung gi gang gi tshe lha'i rigs dga' ldan nas dzam bu'i gling du 'bab par 'dod pa de'i tshe bcom ldan 'das de bzhin gshegs pa thams cad kyi ye shes sems dpa' chos kyi dung bus nas babs pa yin no/ /de ci'i phyir bcom ldan 'das 'di ni chos kyi dung zhes so/ /gzhan yang khyad par ci 'dra zhe na/ gsungs pa/ sgra chen ldan zhes pa ste/ stong gsum gyi stong chen po'i 'jig rten gyi khams kun dang khams gsum kun tu thos pa'i phyir ro/ /chos kyi gaN+Di ni bdud bzhi las mchog tu rgyal bar byas nas nad pa dang mi skye ba'i ye shes mngon du byas te/ chos nyid de yang shes dka' bar rigs nas bcom ldan 'das kyis gsungs pa/ rig par dka' ba bdag gi chos rig pa'i sems can thams cad la mi bstan te/ rig par dka' ba de nyid kyi phyir na thugs khral chung bar gnas par gyur ro/ /de'i tshe tshangs pa chen po 'ongs nas bskul pa/ bcom ldan 'das sems can rnams dbang po rno ba dge ba'i rtsa ba nye bar bsags pa mgo smos pas go ba dang dad pa dang ldan pa rnams kyang yod do/ /de'i phyir bcom ldan 'das kyis bshad du gsol/ de'i tshe bcom ldan 'das chos kyi 'khor lor nye bar zhugs nas chos bsgrags pa'i don du gaN+Di sgra bsgrags par gyur pa de'i phyir gsungs pa/ chos kyi gaN+Di zhes so/ /de nyid kyi phyir yang khyad par gsungs pa/ sgra bo che zhes te/ chen po yang de yin la sgra yang de nyid yin pas sgra bo che'o/ /des ni yang 'di skad gsungs par 'gyur te/ chos kyi dung la sogs pa'i rang bzhin de nyid bcom ldan 'das su shes par bya'o/ /mi gnas mya ngan 'das pa po/ /phyogs bcur chos kyi rnga bo che zhes pa ni/ de la mi gnas mya ngan 'das pa po ni
- 78b
srid pa'i 'khor ba dang/ rnam pa thams cad du rgyun chad pa'i mya ngan las 'das pa ltar de dag la mi gnas pas gnyis la gnas pa yang ma yin pa'i phyir ro/ /srid pa la mi gnas te srid pa'i skyon gyis ma gos pa'i phyir ro/ /mya ngan las 'das pa yang ma yin te/ snying rjes gzhan dbang nyid kyis 'khor ba ji srid bar du cher gnas pa'i phyir ro/ /de ltar yang gsungs pa/ nyes pa mthong ba srid la min/ /snying rjes mya ngan 'das la min/ /gzhan gyi don 'byung mthong bas na/ /srid par zhugs shing mi bzhugs pa'o zhes so/ /des na mi gnas pa'i mya ngan las 'das par gsungs so/ /dris pa dang mya ngan las 'das pa de dag tu dbye bar rtog pa med pa'i phyir stong pa nyid du ro gcig pa gnyi gar yang dbyer med pa'i dmigs pa ste/ de ltar yang gsungs pa/ 'khor ba mya ngan las 'das pa'i/ /gang tshe yang dag ye shes skyes/ /'khor nyid mya ngan 'das pa ni/ /de tshe 'di yi 'dir 'gyur ro zhes so/ /de 'dra ba'i bcom ldan 'das 'jam dpal 'di ni mi gnas pa'i mya ngan las 'das pa zhes gsungs so/ /phyogs bcur chos kyi rnga bo che ni chos kyi rnga bo che ste/ phyogs bcur chos kyi rnga bo che bsgrags pa dang ldan pa de ni 'di ltar ro/ /gzugs med gzugs ldan dam pa ste/ /sna tshogs gzugs can yid las skyes zhes pa ste/ de la gzugs med ni chos kyi sku'i rang bzhin nyid yin pa'i phyir ro/ /gzugs ldan ni longs spyod rdzogs pa'i sku'i rang bzhin nyid yin pa'i phyir ro/ /dam pa ste chos kyi rgyu mthun pa nyid kyi phyir ro/ /sna tshogs gzugs can ni sprul pa'i sku'i ngo bo nyid kyi phyir ro/ /yid las skyes pa ni de dag gi ye shes kyi bdag nyid kyi phyir ro/ /de nyid kyis na gzugs kyi lus la sogs pa de rnams kyi chos 'di dag ni bcom ldan 'das de bzhin
- 79a
gshegs pa thams cad kyi ye shes kyi skur shes par bya ste/ de'i rang bzhin nyid kyi phyir na bcom ldan 'das 'jam dpal lo/ /gzugs rnams thams cad snang ba'i dpal/ /gzugs brnyan ma lus 'chang ba po zhes pas ni/ de la gzugs rnams thams cad snang ba'i dpal ni 'gro ba 'dul ba'i rang bzhin gyis so/ /gzugs rnam pa sna tshogs thams cad snang ba'i dpal ni gzugs rnams thams cad du snang ba ste/ gzugs rnams thams cad snang ba'i dpal de dang gang ldan pa de ni da ltar ro/ /gzugs brnyan ma lus 'chang ba po ni ma lus pa rnams kyi gzugs brnyan ni gzugs brnyan ma lus pa'o/ /de 'dzin pas na gzugs brnyan ma lus 'dzin pa'o/ /tshugs pa med cing cher grags pa/ /khams gsum dbang phyug chen po ste zhes pa ni/ de la tshugs pa med pa ni gzhan rnams kyis zil gyis mi non pa nyid kyi phyir ro/ /cher grags pa ni bsod nams kyi tshogs mi zad pa'i tshogs bsags pa'i phyir ro/ /khams gsum dbang phyug chen po ni 'dod pa dang gzugs dang gzugs med pa ni khams gsum ste/ khams gsum po nyid ni khams gsum pa ste khams gsum der dbang phyug chen po ni chen po yang de yin la dbang phyug kyang de yin pas dbang phyug chen po'o/ /'phags lam shin tu mtho la gnas/ /ngar ba chen po chos kyi tog ces pa ni/ de la 'phags lam shin tu mtho la gnas pa ni/ yang dag par mtho zhing bstod par gyur pa'i 'phags pa'i lam yan lag brgyad po gang yin pa de ni 'phags lam shin tu mtho ba ste/ de la gnas pa ni 'phags lam shin tu mtho la gnas so/ /dar ba chen po ni de las 'byung bas na dar ba ste/ chen po yang de yin la dar ba yang de nyid yin pas dar ba
- 79b
chen po ste/ cher 'phel ba zhes pa'i don to/ /chos kyi rtog ni chos rnams kyi rtog ste/ chos kyi rgyal mtshan zhes pa'i don to/ /'jig rten gsum na gzhon lus gcig /gnas brtan rgan po skye dgu'i bdag ces pa ni/ de la 'jig rten gsum na gzhon lus gcig ni gong nas gsungs pa'i mtshan nyid ni 'jig rten gsum mo/ /de la gcig pu gnyis su med pa kho nar gzhon nu'i lus dang 'dra ba'i sku dang gang ldan pa ni 'jig rten gsum na gzhon lus gcig go /gnas brtan ni nyan thos la sogs pa de rnams la de'i chos nye bar bstan pa'i phyir ro/ /rgan po ni rang sangs rgyas rnams kyi mchog nyid kyi phyir dang/ de'i chos ston pa nyid kyi phyir ro/ /skye dgu'i bdag po ni so so sor skye bas na skye dgu ni byang chub sems dpa' rnams so/ / de rnams kyi bdag po ni skye dgu'i bdag ste/ rje po ni 'jam dpal nyid do/ /sum bcu rtsa gnyis mtshan 'chang ba/ /sdug gu 'jig rten gsum na mdzes zhes pa ni/ de la sum cu rtsa gnyis mtshan 'chang ba ni phyag dang zhabs 'khor lo'i mtshan dang ldan pa nyid dang/ zhabs shin tu gnas pa nyid dang/ phyag dang zhabs kyi sor mor dra bar 'brel ba nyid dang/ phyag dang zhabs 'jam zhing gzhon sha chags pa nyid dang/ mdun mtho ba nyid dang/ sor mo ring ba nyid dang/ rting pa yangs pa nyid dang/ sku che zhing drang ba nyid dang/ zhabs long du mi mngon pa nyid dang/ sku'i spu gyen du phyogs pa nyid dang/ byin pa ri dags e Ne ya lta bu nyid dang/ phyag ring zhing mdzes pa nyid dang/ 'doms kyi spa ba spubs su nub pa nyid dang/ mdog gser dang 'dra ba nyid dang/ pags pa srab pa nyid dang/ spu re re nas g.yas su 'khyil pa nyid dang/ zhal mdzod spus brgyan pa nyid dang/ ro stong seng ge'i 'dra ba nyid dang/ dpung mgo shin tu zlum pa nyid dang/ thal gong rgyas pa nyid dang/ ro bro ba'i mchog mkhyen pa nyid dang/
- 80a
shing n+ya gro d+ha ltar chu zheng gab pa nyid dang/ dbu gtsug tor dang ldan pa nyid dang/ ljag ring ba nyid dang/ tshangs pa'i dbyangs dang ldan pa nyid dang/ 'gram pa seng ge'i 'dra ba nyid dang/ tshems dkar ba nyid dang/ tshems mnyam pa nyid dang/ tshems thags bzang ba nyid dang/ tshems bzhi bcu mnga' ba nyid dang/ spyan mthon mthing dang/ rdzi ma ba'i lta bu nyid do/ /skyes bu chen po'i mtshan sum cu rtsa gnyis de rnams 'khor los sgyur ba'i rgyal po dang/ nyan thos la sogs pa dang mi mnyam pa thams cad mkhyen pa'i sa bon las byung ba'i skyes bu chen po'i mtshan rnams ni 'od 'bar ba dang/ rdzogs pa dang/ gsal la gnas par gyur pa yin no/ /de ltar yang chos mngon pa las gsungs pa/ gsal la gnas pa 'phags 'bar ba/ /rdzogs pa'i mtshan ni thub chen gyi ces so/ /spu gu ni sdug pa ste/ 'dod par bya ba ste/ sems can thams cad kyis 'dun pa skye ba'i phyir ro/ /'jig rten gsum na mdzes pa ni/ 'jig rten gsum ni gong ma bzhin no/ /de la mdzes pa ni blta na sdug pa ste/ blta bas mi ngoms pa'i gzugs can gyi phyir ro/ /de la blta bas mi ngoms pa ni rten gyi khyad par nyid las blta bas mi bra bar shes par bya ste/ bcom ldan 'das kyis yan lag dang nying lag de ni dus ring du lta na yang sngon ma mthong ba bzhin du mthong la/ dga' bas blta bas mi ngoms pa'o/ /blta bas mi ngoms pa'i gzugs so zhes gsungs so/ /'jig rten shes legs slob dpon te/ 'jig rten slob dpon 'jigs pa med ces pa ni/ de la 'jig rten shes legs slob dpon ni shes pa dang/ legs pa rnams ni shes legs so/ /'jig rten rnams kyi shes legs ni 'jig rten shes legs te/ de rnams kyi slob dpon ni bcom ldan
- 80b
'das shes so/ /'jig rten slob dpon ni lha dang mi la sogs pa rnams la skal ba ji lta ba bzhin du dam pa'i lam nye bar ston pas na 'jig rten slob dpon zhes gsungs so/ /'jigs pa med ni sprul pa sna tshogs kyi gzugs bstan pa'i sgo nas 'gro ba'i don ma lus par byed pa'i phyir na 'jigs pa med pa ste/ bag che ba med pa'i don to/ /mgon skyob 'jig rten yid gcugs pa/ /skyabs dang skyob pa bla na med ces pa ni/ de la mgon ni mgon med pa'i sems can 'khor ba'i rgya mtshor bying ba rnams kyi mgon du gyur pa'i phyir ro/ /skyob pa ni srung ba dang skyabs 'dod pa rnams skyob pa'i rang bzhin nyid kyi phyir ro/ /'jig rten gsum gyi yid gcugs pa ni/ 'jig rten yid gcugs pa ste/ rnam pa thams cad du stong pa nyid chen po rab tu bstan pa nyid kyis lta ba ngan pa'i thibs po'i 'gro ba ma lus pa 'joms pa nyid kyi phyir ro/ /skyabs ni skyabs 'dod pa'i sems can rnams kyi skyabs nyid kyi phyir ro/ /skyobs pa ni de bzhin gshegs pa'i gdung rgyun mi 'chad pa nyid kyi phyir ro/ /bla na med ni de bzhin gshegs pa thams cad kyi bla na med pa'i ye shes thob pa nyid kyi phyir ro/ /nam mkha' i longs spyod yang dag spyod/ /thams cad mkhyen pa'i ye shes mtsho zhes pa ni/ de la nam mkha' i longs spyod ni nam mkha' dang mnyam pa nyid kyi ye shes kyi rjes su longs spyod pa ni legs par gnas pa'i ye shes kyi mthu'o/ /yang dag par longs spyod pa ni yang dag par longs spyod de/ nam mkha' i longs spyod yang dag spyod do/ /nam mkha' i longs spyod yang dag spyod ni khams gsum gyi chos kyi rgyal srid la dbang sgyur ba'i gtso bo'i phyir ro/ /thams cad mkhyen pa'i ye shes mtsho ni thams cad mkhyen pas na thams cad mkhyen pa ste/ de'i ye shes ni thams cad mkhyen pa'i ye shes te/ zad pa dang
- 81a
mi skye bshes pa'i ye shes so/ de nyid mtsho ste shin tu rgya che ba nyid kyi phyir ro/ /ma rig sgo nga'i spubs 'byed pa/ /srid pa'i dra ba 'joms pa po zhes pa ni/ de la ma rig pa ni las dang 'bras bu bden pa dang dkon mchog rnams mi shes pa'i bdag nyid kyi gti mug ste de nyid rten cing 'brel par 'byung ba'i ngo bo nyid kyi phyir dang/ 'gro ba 'byung ba'i rgyud nyid kyi phyir na ma rig sgo nga'i spu? zhes gsungs so/ /de 'byed pa ni 'joms pa'i tshul dang gang ldan pa ste/ 'dral ba'i ngo bo nyid kyi phyir ro/ /de nyid kyi phyir na srid pa'i dra ba 'joms pa po zhes pa ste/ srid pa ni nya bar len pa'i phung po lnga'o/ /de nyid dra ba ste mthan pa'i gnas nyid kyi phyir ro/ /de 'joms pa ni yang dag pa'i don bsgoms pas mchog tu yongs su mthar phyin pa nyid kyi phyir ro/ /nyon mongs ma lus zhi byed pa/ /'khor ba'i rgya mtsho'i pha rol phyin zhes pa ni/ de la nyon mongs pa ma lus pa ni rnam pa gsum ste/ nyon mongs pa'i kun nas nyon mongs pa dang/ las kyi kun nas nyon mongs pa dang/ skye ba'i kun nas nyon mongs pa'o/ /de la nyon mongs pa'i kun nas nyon mongs pa ni ma rig pa dang/ srid pa dang/ len pa'o/ /las kyi kun nas nyon mongs pa ni 'du byed dang/ srid pa'o/ /skye ba'i kun nas nyon mongs pa ni yan lag lhag ma rnams so/ /yang na nyon mongs pa ni rnam pa gnyis te/ rgyu'i kun nas nyon mongs pa dang/ 'bras bu'i kun nas nyon mongs pa'o/ /de la rgyu'i kun nas nyon mongs pa ni nyon mongs pa dang/ las kyi rang bzhin gyi yan lag rnams so/ /'bras bu'i kun nas nyon mongs pa ni yan lag lhag ma rnams so/ /yang na nyon mongs pa rnam bdun ni rgyu rnam pa bdun te/ phyin ni log pa'i rgyu ni ma rig pa'o/ /zag pa med pa'i rgyu ni 'du byed do/ /nye bar sbyor ba'i rgyu ni rnam par shes pa'o/ /yongs su 'dzin pa'i rgyu
- 81b
ni ming dang gzugs dang skye mched drug go /nye bar spyod pa'i rgyu ni reg pa dang tshor ba'o/ /'dren pa'i rgyu ni sred pa dang/ len pa dang/ /srid pa'o/ /yid 'byung ba'i rgyu ni skye ba dang/ rga shi ste/ nyon mongs pa de dag ni yang dag pa ma yin pa'i kun tu rtog las byung ba'o/ /ma lus zhi byed ni ma lus mi lus pa'i nyon mongs pa thams cad nye bar zhi ba dang gang ldan pa de ni de ltar ro/ /gang gi phyir de lta yin pa de'i phyir ro/ 'khor ba'i rgya mtsho'i pha rol phyin zhes gsungs so/ /ye shes dbang bskur dbu rgyan can/ /yang dag rdzogs pa'i sangs rgyas rgyan zhes pa ni de la ye shes dbang bskur dbu rgyan can ni dbang bskur ba'i don gyi dbu rgyan ni dbang bskur dbu rgyan can no/ /kun tu bzang po'i ye shes kyi dbang bskur ba'i cod pan de dang gang ldan pa de ni ye shes dbang bskur dbu rgyan can no/ /de yang dbu rgyan ni yang dag par rdzogs pa'i sangs rgyas rgyan zhes pa ste/ de rnams kyis brgyan pa nyid kyi phyir ro/ /sdug bsngal gsum gyis sdug bsngal zhi/ /gsum sel mdza' yas grol gsum 'gro zhes ba ni/ de la sdug bsngal gsum gyi sdug bsngal zhi ni gnyis bstan te/ sdug bsngal gsum ni sdug bsngal gyi sdug bsngal dang/ nye bar len pa'i sdug bsngal dang/ mtshan gyi sdug bsngal lo/ /sdug bsngal gyi bden pa'i tshor ba rgyu dang bcas pa'i don de/ gang cung zad myong ba de ni 'dir ni sdug bsngal zhes bya ba'i phyir ro/ /yang tshor ba'i rgyu ni tshor ba'i gnas su 'os pa'i chos rnams rig par bya'o/ /de ltar gsungs pa/ sdug bsngal ni 'khor ba'i phung po rnams so zhes so/ /sdug bsngal ni de'i rgyu grub pa kun 'byung gi bden pa ste/ sdug bsngal gyi bden pa'i rgyu ni grub byed ba de yin pa'o/ /zhi ba ni de gnyis ni zhi ba'i don gyis na 'gag pa'i bden pa'o/ /de'i phyir gsungs pa/ sdug bsngal gsum gyi sdug bsngal zhi zhes gsungs pa ni/
- 82a
bcom ldan 'das 'jam dpal zhes so/ /gsum mdza' ni bden gsum gyi mdza' ma yin pas na gsum mdza' zhes bya ste/ lam gyi bden pa'o/ /de yang chos kyi phung po brgyad khri bzhi stong lam gyi bden pa zhes bya ba'i tshig gi phyir na'o/ /de la sems can rnams kyi sems kyi spyod pa brgyad khri bzhi stong gi gnyen por gyur pas chos kyi phung po brgyad khri bzhi stong nye bar bstan pa ste/ de'i phyir gsungs pa/ mdza' yas shes so/ /grol gsum 'gro ni grol gsum ni nyan thos la sogs pas phye ba'i grol bar 'gro bas na grol gsum 'gro ste/ bcom ldan 'das 'jam dpal lo/ /sgrib pa kun las nges par grol/ /mkha' ltar mnyam pa nyid la gnas zhes pa ni/ de la sgrib pa kun las nges par grol ni kun yang de yin la sgrib pa yang de yin pas sgrib pa kun te/ nyon mongs pa dang las dang rnam par smin pa dang shes bya dang nyon mongs par 'jug pa'i sgrib pa rnams phye nas lnga pa rnams ni sgrib pa kun zhes gsungs so/ /de rnams las rnam par grol ba ni bcom ldan 'das de bzhin gshegs pa thams cad kyi ye shes kyi sku'o/ /de nyid kyi phyir na gsungs pa/ mkha' ltar mnyam pa nyid la gnas zhes pa ste/ sgrib pa thams cad las nges par grol ba nyid kyi phyir ro/ /nyon mongs dri ma kun las 'das/ /dus gsum dus med rtogs pa po zhes pa ni/ de la nyon mongs dri ma kun las 'das ni nyon mongs kun ni gong du bshad pa'i mtshan nyid rnams te/ de rnams nyid dri ma rnams so/ /de dag las 'das pa ni thal ba ste/ nyon mongs pa dang/ nye ba'i nyon mongs pa'i dri ma thams cad dang bral ba'i phyir ro/ /dus gsum ni 'das pa dang/ ma 'ongs pa dang/ da ltar gyi rang bzhin gyi phyir na ste/ gsum gyi dus kyis so/ /dus med rtogs pa po ni dus med pas na dus med pa
- 82b
ste/ de'i phyir na'ang 'das pa ni 'das pa nyid kyi phyir dang/ ma 'ongs pa ni ma thob pa nyid kyi phyir dang/ da ltar ni gnyi ga med pa'i phyir gnas pa med do/ /de'i phyir na dus gsum mi 'grub ste/ dus de dag med par rtogs pa ste dus med rtogs pa po'o/ / dus gsum de dag dus med rtogs pa po'o/ /sems can kun gyi klu chen po/ /yon tan thod can rnams kyis thod ces pa ni/ de la sems can kun gyi klu chen ni rtogs pa khyad par can gyi chos de rnyed pa'i phyir na klu chen po'o/ /chen po ni sems can kun gyi klu ste/ dpon zhes pa'i don to/ /de nyid kyi phyir na yon tan thod can rnams kyi thod ces so/ /'jig rten dang 'jig rten las 'das pa kun gyi mngon par 'gro bar bya ba la sogs pa yon tan rnams kyi thod de/ gtsug gi nor bu ni yon tan thod can rnams kyi thod ces gsungs so/ /dper na me tog rnams spyi bor bzhag nas 'jig rten na thos ces grags pa de bzhin du de ltar yon tan gyi tshogs thams cad kyi steng na gnas pa'i phyir na yon tan thod can rnams kyi thod ces so/ /lus kun las ni rnam grol zhing/ /nam mkha' lam la rab gnas pa zhes pa ni/ de la lus kun las ni rnam grol ba ni lus ni bzhi ste/ chos dang/ nor dang/ 'dod pa dang/ 'jig pa'i mtshan nyid rnams/ /chos de bzhi rnams las kyang grol ba nyid kyi phyir na lus kun las ni rnam grol ba'o/ /chos thams cad kyi mi 'jigs pa nyid kyi phyir dang/ mi 'gyur ba nyid kyi phyir ro/ /nam mkha' i lam la rab gnas pa ni nam mkha' i lam shes rab kyi pha rol tu phyin pa la shin tu gnas pa'i phyir ro/ de ltar yang 'phags pa shes rab kyi pha rol tu phyin pa brgyad stong pa las gsungs pa/ rab 'byor 'di lta ste/ nam mkha' bsgom pa rnam par bsgom pa ni shes rab kyi pha rol tu phyin pa bsgom pa rnam par bsgom pa'o zhes so/ /yid bzhin nor bu chen po
- 83a
'chang/ /khyab bdag rin chen kun gyi mchog ces pa ni/ de la yid bzhin nor bu chen po 'chang ni yid bzhin nor bu yang de yin la chen po yang de nyid yin pas yid bzhin nor bu chen po ste/ 'di ltar 'dod pa'i don yang dag par grub par byed pa'i phyir ro/ /de 'dzin pas na yid bzhin nor bu chen po 'chang ngo/ /de nyid kyi phyir/ rin chen kun gyi mchog ces pa ste/ rin po che thams cad kyi nang na mchog tu gyur pa'i phyir ro/ /khyab bdag gi don bshad zin to/ /dpag bsam shing chen rgyas pa ste/ /bum pa bzang po che ba'i mchog ces pa ni/ de la dpag bsam shing chen rgyas pa ni dpag bsam gyi shing yang de yin la chen po yang de nyid yin pas dpag bsam shing chen te/ mngon par 'dod pa'i don gyi dngos grub rab tu sbyin pa nyid kyi phyir ro/ /de nyid kyi phyir na rgyas pa ste/ thams cad yang dag par 'phel ba nyid kyi phyir ro/ /bum pa bzang po che ba'i mchog ni bum pa bzang po che ba yang de yin pas bum pa bzang po che ba'i mchog go /byed pa sems can kun don byed/ /phan 'dogs sems can mnyes gshin pa zhes pa ni/ de la sems can kun don byed pa ni yid bzhin gyi nor bu la sogs pa de rnams kyis sems can thams cad kyi don byed pa'i phyir na sems can kun don byed de 'jam dpal lo/ /de nyid kyi phyir na dge bsnyen tsan+d+ra go mi'i zhabs kyis dzam+b+ha la'i bstod pa gsungs pa/ bum pa bzang po dang ni dpag bsam shing/ /yid bzhin nor rnams sems dang mi ldan yang/ /des kyang sems can rnams ni bde 'gyur na/ /snying rje dbang med bcom ldan smos ci dgos zhes pa ste/ sems can 'dul ba'i dbang gis mi g.yo ba rnams kyi gzugs kyis kyang so sor snang ba nyid kyi phyir ro/ /byed pa skal pa ji lta ba dang bsam pa'i dbang nyid kyis chos nye bar stong pa nyid kyi phyir ro//
- 83b
phan 'dogs pa ni phyi mar phan pa nyid kyi phyir ro/ /de ston pa'i tshul dang gang ldan pa de phan 'dogs so/ /sems can mnyes gshin pa ni 'gro ba la bu gcig pa bzhin du byams pa nyid kyi phyir ro/ /bzang ngan shes shing dus shes la/ /khyab bdag dam shes dam tshig ldan zhes pa ni/ de la bzang ngan shes shing ni bzang po dang ngan pa ni bzang ngan te/ dge ba dang mi dge ba'i don te/ de mkhyen pas na bzang ngan shes pa bcom ldan 'das 'jam dpal lo/ /kha cig tu ni dge ba yang shes te/ sems can gyi don gyi dbang gi phyir ro/ /de ltar yang gsungs pa/ snying brtser byas na nyes pa med ces so/ /dus shes pa ni dus mkhyen pas na dus shes pa'o/ /de ni 'jug pa'i dus so/ /'di ni chos bstan pa'i dus so/ /'di ni sems can gyi don bya ba'i dus so/ /'di ni btang snyoms kyi dus su/ /'di ni mya ngan las 'das pa'i dus so/ /zhes de lta bu'i cha dang mthun pa'o/ /khyab bdag gi don ni bshad zin to/ /dam shes ni snying po dang/ phyag rgya dang/ sngags dang/ rig pa rnams kyi ngo bo nyid shes shing rtogs pas na dam shes so/ /de nyid kyi phyir na dam tshig ldan zhes so/ /dus shes sems can dbang don shes/ /rnam grol gsum la mkhas pa po zhes pa ni/ de la dus shes ni dus nams shes pas dus shes te/ slong ba'i sems can rnams kyi bsam pa shes nas dus su sbyin pa la sogs pa'i sbyin pa ni mi zad pa'i phyir ro/ /sems can dbang don shes ni sems can rnams kyi dbang po ste sems can thams cad dang 'bral ba'i dbang po rtul po la sogs pa de rnams mkhyen pas na sems can dbang po shes so/ /rnam grol gsum la mkhas pa po ni nyan thos la sogs pa rnam par grol ba gsum gyi char brtag pa'i mtshan nyid la zhib tu mkhyen pa nyid kyi phyir na mkhas pa po zhes gsungs so/ /yon tan ldan zhing yon tan shes/ /chos shes bkra shis bkra shis 'byung zhes pa
- 84a
ni de la yon tan ldan zhing ni rang gi'o/ /yon tan shes ni phyi rol pa dang/ nyan thos pa rnams kyi yon tan mkhyen pas na yon tan shes so/ /chos shes ni 'jig rten dang 'jig ten las 'das pa'i chos rnams mkhyen bas na chos shes so/ /bkra shis ni thun mong ma yin pa'i skyes bu chen po la sogs pa'i mtshan dang ldan pa'i phyir ro/ /bkra shis 'byung ni 'di las 'byung ba ste/ 'jig rten la sogs pa'i bkra shis rnams de las byung bas na bkra shis 'byung ste/ bcom ldan 'das 'jam dpal lo bkra shis kun gyi bkra shis pa/ /grags pa'i bkra shis snyan grags dge zhes pa ni/ de la bkra shis kun gyi bkra shis pa ni bkra shis kyi nang nas legs pa bkra shis so/ /bkra shis kun te shin tu dga' bar byed pa'i nang nas bkra shis pa'i phyir ro/ /grags pa ni rgyal bu thams cad sgrol dang/ ri bong gi lus kyis rmad du byung ba du mas sems can gyi don byed pa'i phyir na de sang yang mi nyams par grags pa zhes pa ni bcom ldan 'das de'i ste/ de'i mi zad pa'i lus yin pa'i phyir ro/ /bkra shis ni sems rtse gcig tu bsgom pa la brtson pa'i rigs kyi bu la sogs pa rnams kyi phun sum tshogs pa thams cad kyi rten du gyur pa nyid kyi phyir na bkra shis te/ bcom ldan 'das 'jam dpal lo/ / snyan grags ni sbyin pa la sogs pa mchog tu yongs su mthar phyin pa'i phyir dang/ dri ma'i skyon thams cad med pa'i phyir dang/ dri ma med pa'i grags pa'i phung po nyid kyi phyir na yang snyan grags zhes gsungs so/ /dge zhes pa ni bde ba bcu'i las kyi lam gyi bdag nyid kyi phyir ro/ /dbugs 'byin chen po dga' ston che/ /dga' chen rol mo chen po ste zhes pa ni/ de la dbugs 'byin chen po dbugs 'byin pas na dbugs 'byin pa ste/ dbugs 'byin pa yang de yin la chen po yang de nyid yin pas dbugs 'byin chen po ste/
- 84b
dpal rdo rje sems dpa' la sogs pa'i ting nge 'dzin gyis 'dod chags la sogs pa la mos pa'i sems can rnams la yang dag par dbugs 'byin pa'i phyir de skad ces bya'o/ /dga' ston che ni dga' ba yang de yin la chen po yang de yin pas dga' ston che ste mchod sbyin mchog tu gsungs so/ /lo re rjes mthun dang pa yis/ /gang zhig cho ga ji bzhin byed/ /rtag tu mchod sbyin la 'jug pa/ /de ni mchod sbyin mchog tu bshad/ /gzhan du thad pa'i lam du gshegs/ /rtag tu mchod sbyin mchog rig pa'o// zhes te/ rnam pa gnyis ka ltar yang bcom ldan 'das 'jam dpal nyid mchog tu 'gro ba ste/ rtag tu sbyin pa la 'jug pa'i phyir dang/ rtag tu mya ngan las 'das pa'i lam nyid du gshegs pa'i phyir dang/ dge ba'i phyogs la gzhol bas na dga' ston che ba'i phyir ro/ /dga' chen ni dga' ba yang de yin la chen po yang de nyid yin pas dga' chen te/ 'jig rten thams cad kyi skal pa ji lta ba bzhin gyi gzugs nyid kyis bla na med pa'i chos ston par byed pas dga' ba skye ba nyid kyi phyir ro/ / rol mo chen po ste ni rol mo chen po'i dga' ba zag med pa'i mtshan nyid gang dang ldan pa de rol mo chen po ste bcom ldan 'das de'o/ /bkur sti rim gro phun sum tshogs/ /mchog tu dga' ba grags bdag dpal zhes pa ni/ de la bkur sti ni khams gsum du dam pa'i bkur sti dang mchod par 'os pa'i phyir ro/ /byed pa ni rim gro ste/ rim gro mcho ni nyan thos la sogs pa gang yin pa de rnams kyi mchod pa ji ltar 'os pa grub pas na dam pa ste/ de ltar yang gsungs pa/ rim gro mchog gi lung ? ba dang/ ji bzhin yan lag bcas par ring/ /sngags don yang ni rnam par dpyad/ /rim gro mchog tu de brjod do/ /zhes so/ /bcom ldan 'das 'jam dpal yang mchog byed pa ste/ don dam pa'i rig pa dang/ gsung rab yan lag bcu gnyis kyi lung
- 85a
'bogs pa dang/ sngags thams cad kyi don rnam par dpyod pa'i phyir na yang mchog ces gsungs so/ /phun sum tshogs pa'i phun sum tshogs pa thams cad kyi rten gyi ngo bo nyid kyi phyir ro/ /mchog tu dga' ba na rab tu dga' ba thams cad kyi rang bzhin nyid kyi phyir ro/ /grags bdag dpal zhes pa la/ dpal ni lha mo ste/ de'i grags pa ni bde ba dang yid bde ba rnams so/ /de rnams kyi bdag po ste/ gtso bo ni bcom ldan 'das so/ /mchog ldan mchog sbyin gtso bo ste/ skyabs kyi dam pa skyabs su 'os zhes pa ni/ de mchog ldan ni mngon par 'gro bar bya ba rnams kyi nang na mchog nyid kyi phyir ro/ /mchog sbyin ni mchog sbyin pas na mchog sbyin te/ bsam pa ji lta ba bzhin du yongs su rdzogs par byed pa'i phyir ro/ / gtso bo ste ni phyi rol pa dang nyan thos la sogs pa thams cad kyi nang na mchog tu gyur pa'i phyir ro/ /skyabs su 'os pa ni dman zhing sdug bsngal ba dang skyabs med pa rnams kyi skyabs su 'os pa nyid kyi phyir ro/ /de nyid kyi phyir na skyabs kyi dam pa'o/ / 'jigs chen dgra ste rab kyi mchog /'jigs pa ma lus sel ba po zhes pa ni/ de la 'jigs chen dgra ni gnas kyis bskos pa la sogs pas 'jigs pa chen po brgyad de/ nad dang/ 'chi ba dang/ mu ge dang/ me dang/ chu dang/ srin po dang/ cha ga pa dang/ byi ba rnams so/ /de rnams kyi dgra ste/ nad la sogs pa nges par 'joms pa nyid kyis yams dang nye bar 'tshe ba rnams zad par byed pa nyid kyi phyir ro/ /de nyid kyi phyir na rab kyi mchog ces gsungs/ /'jigs pa ma lus sel ba po ni lus pa med pa'i 'jigs pa chen po brgyad de/ de dag ni seng ge dang/ glang po che dang/ me dang/ sprul dang/ rkun ma dang/ rgyal po'i chad pa dang/ mtshon dang/ lce 'bab pa rnams la sogs pa'o/ /'jigs pa de rnams ma lus
- 85b
bar sel bar byed pa nyid kyi phyir na/ 'jigs pa ma lus sel ba po ste/ bcom ldan 'das 'jam dpal te/ de rjes su dran pa tsam gyis 'jigs pa ma lus pa zad par byed pa'i phyir ro/ /da ni sems can thams cad la 'gro ba 'dul ba'i rang bzhin gyis gang la gus pa rnams la de'i gzugs kyis kyang snang bar byed par bstan pa'i phyir ro/ /gtsug phud phung pu lcang lo can/ ral pa mun Di cod pan thogs zhes pa ste/ de la gtsug phud ni 'di la gtsug phud yod pas na gtsug phud can to/ kha cig tu byis pa'i gzugs su snang ba'o/ /phung pu ni lha gzhon nu'i gzugs so/ /lcang lo ni lcang lo dang gang ldan pa de lcang lo can te/ ral pa can gyi gzugs kyis so/ /ral pa ni thor tshugs gcig pa'i gzugs kyis so/ /mun Di ni mgo bo 'chang ba'i gzugs kyis so/ /cod pan thogs ni cod pan ni dbu rgyan no/ /de dang gang ldan pa de ni cod pan thogs te nyi ma la sogs pa'i gzugs kyis so/ /gang dang gang gis 'dul ba'i gzugs can rnams la de dang de'i gzugs kyis de rnams kyis sems kyi rgyu la so sor snang bar byed pa'i phyir na de ltar gsungs so/ /gdong lnga gtsug phud lnga dang ldan/ /zur phud lnga pa me tog thod ces pa ni tshig bdun pa'i tshigs su bcad pa phyed pos ni bla ma'i man ngag gis dang po sangs rgyas kyi sbyor ba dang po'i? bsgom khog de kho na las shes par bya zhing de yang bshad zin pa nyid kyi phyir na yang 'dir yang ma bshad de/ /brtul zhugs che 'chang mun dza can/ /tshangs par spyod pa brtul zhugs mchog ces pa ni/ nga la mun dza zhes pa ni rtswa mun dza'i ska rags can gyi brtul zhugs 'dzin pa'i gzugs kyis brtul zhugs chen po pa ni la las phyag rgya lnga'i rgyan dang ldan par so sor snang ba'i phyir ro/ /tshangs par spyod pa ni bskal pa mdza' yas par tshangs par spyod pa la cher spyod pa'i phyir
- 86a
rnam par 'gyur ba'i rgyu gang yin pa 'di mi 'gyur ba de nyid kyis na bcom ldan 'das 'jam dpal tshangs par spyod pa'i gzugs kyis kha cig tu so sor snang ngo/ /brtul zhugs mchog ni de yongs su 'os pa ste/ so sor shes pa'i lo bcu gnyis su tshangs par spyod pa la spyad pas so sor nyams su myong ba yongs su mthar thug pas mchog gis khyim du ngal bso ba ma byas pa nyid du slongs mo byed pa nyid dam/ nags khrod na gnas pa'i dngos po nyid kyis gang zhig skye ba ma lus drangs pa dang ldan zhing bsnyung bas chog pa de ni tshangs par spyod par bshad de/ brtul zhugs mchog ni de nyid kyi phyir na brtul zhugs thams cad kyi nang na mchog tu gyur pa nyid kyi phyir na 'jam dpal kho na la rigs te/ bskal pa grangs med par ye shes kyi spyod pa la spyod pa'i phyir ro/ /dka' thub mthar phyin dka' thub che/ gtsang gnas dam pa gau ta ma zhes pa ni/ de la dka' thub mthar phyin ni 'jig rten thams cad kyi dka' thub ni gang dbang po nye bar zhi bar byed pa'i mtshan nyid de ni dka' thub bo/ /de mthar phyin pa rdzogs pa dang gang ldan pa de ni dka' thub mthar phyin te/ de yang 'jam dpal lo/ /dka' thub chen po ni dka' thub chen po dang gang ldan pa de ni dka' thub chen po ste/ lo drug til phyed phyed gsol nas dka' thub kyi spyod pa la spyi char gnas pa'i phyir te/ de rab tu bstan pa'ang des 'dul ba rnams gzung ba'i phyir ro/ /de'i phyir yang bcom ldan 'das 'jam dpal de dka' thub che zhes gsungs so/ /gtsang gnas ni rig byed 'don pa dang/ brtul zhugs gsum rdzogs pa ni gtsang gnas te/ brtul zhugs thams cad dang/ rigs byed thams cad yongs su mthar phyin pa'i phyir na 'phags pa 'jam dpal nyid gtsang gnas zhes gsungs so/ /gau ta ma ni rigs kyi mtshan des bcom ldan 'das btags
- 86b
pa'o/ /de nyid kyi phyir na dam pa zhes pa ste/ thams cad mkhyen pa'i ye shes thob pa'i phyir dang/ rang gi rigs la gong na med pa'i phyir ro/ /bram ze tshangs pa changs pa shes/ /mya ngan 'das pa tshangs pa thob ces pa ni/ de la bram ze ni dka' thub thos dang skye gnas te/ 'di dag bram ze byed pa'o zhes so/ /gang gi phyir bcom ldan 'das nyid dus mdza' yas pa dka' thub dang ldan pa dang/ yongs su mthar thub pa med pa'i thos pa dang ldan pa'i phyir dang zag pa med pa'i lam las skyes pa'i skye gnas kyi phyir te/ yon tan gsum dang ldan pas na gzhan du ni bram ze ni bcom ldan 'das yin no/ /yang na sngags dang bram ze rnams dbye bas na gnyis su dbye ba rnam pa gnyis te/ de la gang bram ze'i bdag nyid rig pa ste 'di ni bcom ldan 'das 'jam dpal te/ de dag gi bsgrub par bya ba'i 'bras bu ni bcom ldan 'das kho na bsgrub par bya ba nyid yin pa nyid kyi phyir ro/ /kha cig tu de dag gi gzugs kyis kyang snang bar byed pa'i phyir ro/ /tshangs pa ni gzugs khams kyi bsam gtan dang po grub pa tshangs pa gzung ste de'i gzugs kyis kyang snang bar byed pa'i phyir ro/ /tshangs pa shes pa ni tshangs pa'i sgra ni rig byed du bshad de/ de mkhyen pas na tshangs pa shes pa'o/ /tshangs pa la sogs pa'i rjes su brjod pa la bshad par grags te/ rjes su brjod pa rnams ni 'di ltar dran par bya'o/ /khyab 'jug dang/ dbang phyug chen po de dag gis mchog tu dang po rig byed na mkha' la gnas pa rjes su rtogs te bshad par gyur pa 'di ni skye dgu'i bdag po la'o/ /skye dgu'i bdag pos ni dbang po la'o/ /dbang pos ni drang srong gnas 'jog la'o/ /drang srong gnas 'jog gis rtsibs logs skyes la'o/ /rtsibs logs skyes kyis kreng sna rde ba ya na la'o/ /kreng sna rde ba ya nas ni rgyal dpog pa la'o/ /zhes pa la sogs pa ste/ de lta bu'i mtshan nyid ni bcom ldan 'das
- 87a
'jam dpal kho na ste/ rjes su brjod par rigs so/ /gang gi phyir bcom ldan 'das kyis theg pa gsum du 'dus pa'i gsung rab ma lus par rjes su rtogs shing 'dul ba rnams la brjod pas na/ de'i phyir na 'jam dpal de tshangs pa shes pa'i gzugs kyang de la gus pa rnams so sor snang zhes so/ /mya ngan 'das pa tshangs pa thob pa ni tshangs pa'i mya ngan las 'das pa ni tshangs pa mya ngan las 'das pa'o/ /tshangs pa'i mya ngan las 'das pa yang dga' ba'o/ /de ltar yang gsungs pa/ dga' ba tshangs pa'i ngo bo ste/ 'di min 'di min zhes gsungs so zhes so/ /de'i gzugs kyis kyang bcom ldan 'das nyid do/ /gcugs ldan ni mi bslu bas na gcugs ldan te/ de ltar yang gsungs pa/ pha dang grogs la sogs gcugs ni/ /dga' ba dga' yang byed mod kyi/ /thams cad mkhyen pa'i dbang don la/ /'phro ba'o zhes na bcom ma min zhes so/ /'jam dpal yang thun mong ma yin pa'i ye shes kyi rjes su 'dzin pa dang ldan pas na mchog tu yid gcugs pa ste/ de gang la yod pa de gcugs pa dang ldan zhes bya'o/ /grol ba thar pa rnam grol lus/ /rnam grol zhi bzhi ba nyid ces pa ni de la grol ba ni stong pa mthong ba'o/ /de ltar yang chos kyi grags pas gsungs pa/ stong nyid mthong ba grol pa yin/ /bsgom pa ma lus de yi don zhes so/ /de yang bcom ldan 'das kho na grol ba ste/ stong pa nyid rnam par dbye ba las 'jug pa'i phyir ro/ /thar pa ni chags pa dang bral ba nyid la zhugs pa'i rnal 'byor pa de'i don so so yang dag par rig pa dang/ chos so so yang dag par rig pa skye ba na rab tu mgu ba dang/ rab tu dga' ba dang tshim pa 'byung zhing yid dga' ba'i lus shin tu sbyangs par 'gyur ro/ /lus shin tu sbyangs pas bde ba tshor ro/ /bde bar gyur ba'i sems mnyam
- 87b
par 'jog go /mnyam par bzhag pa'i sems kyis yang dag pa ji lta ba bzhin du shes shing yang dag pa ji lta ba bzhin du mthong nas yid 'byung ngo/ /yid byung bas chags pa dang bral lo/ /chags pa dang bral nas rnam par grol pa yang dag pa ji lta bzhin du mthong ba ni bcom ldan 'das kyis rnam par grol pa'i sems nyid cher bzhag ste/ de yang dag par mthong ba'i phyir ro/ /de ltar gsungs pa/ bying ba med pa'i lus kyis ni/ /tshor ba sta gon gnas par bya/ / mar me 'dra bar mya ngan 'das/ /de yi sems ni rnam par thar .zhes so/ /slob dpon ka ma la tsaryas kyang gsungs pa/ 'dod chags la sogs bskor sems ni/ /'khor ba'o de la chags bral ba/ /sgrib med sems ni thar ba ste/ /mdor bsdus nas ni rgyal bas bshad ces so/ /de lta bu'i tshul gyis nyan thos la sogs pa'i theg pa la bcom ldan 'das rnam par bzhag ste/ de yang bcom ldan 'das 'jam dpal nyid du rig par bya ste/ de bzhin gshegs pa thams cad de'i yin pa'i phyir ro/ /grol yan lag ni rnam par thar pa'i yan lag rnams ni grol yan lag ste/ rnam par thar pa ni byang chub bo/ /de'i yan lag ni byang chub kyi yan lag bdun rnams dang/ 'phags pa'i lam yan lag brgyad rnams so/ /ji ltar gsungs pa/ dran pa yang dag byang chub kyi yan lag dang/ chos rnam par 'byad pa yang dag byang chub kyi yan lag dang/ brtson 'grus yang dag byang chub kyi yan lag dang/ dga' ba yang dag byang chub kyi yan lag dang/ shin tu sbyangs pa yang dag byang chub kyi yan lag dang/ ting nge 'dzin yang dag byang chub kyi yan lag dang/ btang snyoms yang dag byang chub kyi yan lag ste/ 'di dag ni yang dag pa byang chub kyi yan lag dang cha shas su gyur pa ste/ byang chub kyi yan lag rnams so/ /
- 88a
nyon mongs pa'i sgrib pa'i gnyen po'i dngos po de rnams las gzhan shes bya'i sgrib pa 'joms pa'i don du bsgom pa'i lam rab tu goms pa'i 'phags pa'i lam yan lag brgyad po rnams so/ /'di lta ste/ yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin rnams te/ 'di ltar de dag ni mthong ba'i lam dang/ bsgom pa'i lam la rnam par thar pa byang chub kyi yan lag rnams te/ kha cig tu bcom ldan 'das 'jam dpal de grol yan lag ces gsungs so/ /de gnyis su de'i rang bzhin nyid kyi phyir ro/ /rnam grol ni 'dod chags la sogs pa'i bcings pa las so/ /'di lta ste/ bcings pa ni gsum ste/ 'dod chags kyis 'ching ba dang/ zhe sdang gis 'ching ba dang/ gti mug gis 'ching ba'o/ /de rnams kyis bcings pas khams gsum las ni 'da' ba' i phyir na 'ching ba rnams te/ rnam par grol bar byed pas na rnam grol zhes gsungs so/ /de ltar yang 'dir yon tan las phyi nas gsungs pa/ 'ching ba thams cad las rnam par grol ba'o zhes gsungs so/ /zhi ba ni 'gog pa la sogs pa rtsod pa'i gnas brgyad po rnams las rnam par grol ba gang rten cing 'brel par 'byung ba spros pa thams cad nye bar zhi ba'i mtshan nyid zhi ba'o/ /de yang bcom ldan 'das de bzhin gshegs pa thams cad kyi ye shes sems dpa' stong pa nyid kyi ye shes kyi rang bzhin nyid kyi phyir na zhi ba zhes gsungs so/ /de ltar yang slob dpon klu sgrub zhabs kyis gsungs pa/ gang gis rten cing 'brel par 'byung/ /'gag pa med pa skye med pa/ /rtag pa med pa chad med pa/ /tha dad don med don gcig min/ /'ong ba med pas 'gro med pa/ /spros
- 88b
pa nyi nyi? zhing spyod pa/ /rdzogs pa'i sangs rgyas smra rnams kyi/ /dam pa de la phyag 'tshal lo zhes so/ /zhi ba nyid ni sems kyi nye bar g.yo ba gzung 'dzin la sogs pa'i rnam par rtog pa thams cad nye bar zhi ba nyid kyi phyir na zhi ba nyid ces gsungs so/ / mya ngan 'das pa mya ngan zhi/ /legs par nges 'byung mthar 'gro ba/ /bde sdug mthar byed mthar thug pa/ /chags bral lus ni zad pa po zhes pa ni de la mya ngan las 'das pa ni mdor bstan pa ste/ lhag pa'i tshig bcad rnams ni rigs kyi dbye bas de'i rnam par bshad do/ /rin po che'i phreng ba las mya ngan las 'das pa'i mtshan nyid gsungs pa/ yod pa'ang mya ngan las 'das min/ /med pa nyid lta ga la yin/ /dngos po dngos med mchog 'dzin pa'i/ /zad pa mya ngan med par gsungs/ / mya ngan ni mya ngan las 'das pa ste/ /de'ang phyi rol pa rnams kyis te/ de rnams kyis de tsam la dmigs pa'i phyir ro/ /zhi ba ni zhi ba nyid pas zhi ba ste/ de ni nyan thos pa rnams kyi'o/ /legs par nges par 'byung ni legs par nges par 'byung ba ste/ sangs rgyas rnams kyi'o/ /mthar 'gro ba ni mdza' ste/ rnam par 'jig par 'gro zhing 'gyur bas na mthar 'gro ba ni mi bskyod pa ste/ zhe sdang la spyod pa rnams rang gi rnam par thar pa'i sgo nas yang dag par spyod pa nyid kyi phyir ro/ /bde sdug mthar byed ni rin chen 'byung ldan te/ ser sna la spyod pa'i sems can rnams sbyin pa rnam par dag pa rab tu sbyin pa'i rang bzhin gyis de rnams kyi bde ba dang sdug bsngal mthar byed pa'i phyir ro/ /mthar thug pa ni snang ba mdza' yas te/ 'dod chags la spyod pa'i sems can rnams 'dod chags rnam par dag pa'i chos nyid rab tu bstan pa'i bsgo nas so sor kun tu rtog pa'i ye shes mthar thug par son pa'i phyir ro/ /chags bral ni don yod grub pa ste/ le lo spyod pa'i sems can rnams rang gi rnam
- 89a
par thar pa'i gzugs kyis de rnams la chags pa dang bral ba bskyed nas dge ba'i phyogs la sems nges par sbyor ba ste/ mya ngan las 'das pa'i lam rab tu ston par byed pa'i phyir ro/ /lus ni zad pa po ni rnam par snang mdzad de/ lus ni bag chags so/ /de'i zad pa ni rnam par 'jigs par byed pa ste/ gti mug la sogs pa spyod pa'i sems can rnams yang dag pa lta ba'i chos bstan pa'i sgo nas shin tu rnam par dag pa'i chos kyi dbyings kyi ye shes gsal bar byed pa'i phyir ro/ /de yang thar pa rnam pa gnyis te/ phung po lhag ma dang bcas pa dang/ phung po lhag ma med pa'o/ /de la 'chi ba la sogs pa rnams kyis lhag ma dang bcas pa'o/ /yang dag par rdzogs pa'i sangs rgyas kyi ni lhag ma med pa'o/ /de nyid kyi phyir na gsungs pa/ bag chags bcas pa'i skyon rnams ni/ /skyob pa khyod ni skyon rnams ni/ /bag chags bcas par gcig mi mnga' / /de'i phyir mya ngan 'das gnyis dang/ /rang bzhin gyis ni de nyid do zhes gsungs so/ /de gnyis ka'i rang bzhin gyis kyang/ /bcom ldan 'das 'jam dpal nyid la shes par bya'o/ /de'i phyir na gsungs te mya ngan las 'das pa la sogs pa'o/ /tshugs pa med pa dpe med pa/ /mi mngon mi snang gsal byed min// zhes pa ni de tshugs pa med pa ni gzhan rnams kyis dbang bya bar mi nus pas na tshugs pa med pa'o/ /dpe med pa ni dpe thams cad med pa'i phyir ro/ /mi mngon pa ni bud med la sogs pa'i gzugs med pa'i phyir ro/ /mi snang ba mi snang ba dang bral ba'i phyir ro/ /gsal byed min ni gos pa med pa'i phyir ro/ /gang gi phyir bcom ldan 'das de nyid don dam pa'i rang bzhin gyi phyir na khyad par gyi tshig lngas bzung ba'o/ /mi 'gyur kun 'gro khyab pa po/ /phra zhing zag med sa bon bral zhes pa ni de la mi
- 89b
'gyur ba ni 'gyur ba dang bral ba'i phyir ro/ /kun 'gro ni thams cad du song ba'i phyir ro/ /khyab pa ni g.yo ba dang mi g.yo ba'i don gyi rang bzhin gyi phyir ro/ /rdul phran ni phra ba'i phyir na phra zhing/ /zag med ni lam gyi bden pa'i rang bzhin gyi phyir ro/ /yang na 'dus ma byas pa bzhi'i rang bzhin gyi phyir ro/ /de rnams bzhi ni nam mkha' dang/ so sor brtags pa'i 'gog pa dang/ so sor brtags pa ma yin pa'i 'gog pa dang/ de bzhin nyid do/ /sa bon ni chos dang chos ma yin pa dang mi g.yo ba'i sa bon bsags pa kun gzhi rnam par shes pa'o/ /de nyid bcom ldan 'das de'i rang bzhin yin pa'i phyir ro/ /rdul med rdul bral dri ma med/ /nyes pa spangs pa skyon med pa/ /zhes pa ni des rdul med ni 'dod chags la sogs pa'i rdul dang bral ba nyid kyi phyir ro/ /rdul bral ni de bzhin nyid rnam par dag pa las gzhan du gyur pa med pa'i phyir ro/ /dri ma med pa'i chos thams cad stong pa nyid la dri ma ni glo bur ba'i phyir na/ bcom ldan 'das de nyid dri ma dang bral ba zhes gsungs so/ /nyes pa spangs pa ni 'dod chags la sogs pa'i nyes pa gang gis bor ba de ni nyes pa spangs pa ste/ de nyid kyi phyir na skyon med pa zhes pa ste/ skyon nad las 'das pa gang yin pa de ni skyon med pa'o/ /de 'dra ba'i yon tan gyi don khyad par can yang bcom ldan 'das de nyid do/ /shin tu sang ba rnam sad bdag /kun shes kun rig dam pa'o zhes pa ni de la kun shes pa ni shin tu legs shing phul du byung bas shin tu sad pa ste/ ji bzhin du gnas pa'i dngos po phyin ci ma log par mkhyen pa'i phyir ro/ /rnam sad bdag ni nyan thos la sogs pa las khyad par du sang pa ni sang ba ste/ de'i bdag nyid ni stong pa nyid kyi rang bzhin no/ /de nyid gang dang gang ldan pa de rnams sad pa'i bdag go /kun shes ni kun te ma lus pa'i shes bya mkhyen pa nyid kyi phyir na kun shes so//
- 90a
kun rig ni sems can thams cad kyi sems kyi spyod pa bsam pa dang bag la nyal rig pas na kun rig ste/ de nyid kyi phyir na dam pa po ni rab ste bcom ldan 'das de nyid do/ /rnam par shes pa chos dbyings 'das/ / ye shes gnyis med tshul 'chang ba zhes pa ni de la rnam par shes pa chos nyid 'das ni rnam par shes pa ni mig la sogs pa ma gtogs pa kun gzhi rnam par shes pa yod de/ de nyid kyang sa bon thams cad pa yin gyi/ mig la sogs pa'i rnam par shes pa ni ma yin no/ /de ji ltar shes par bya zhe na/ lung dang rigs pas so/ /de la rigs pa ni sgo du mas rgyas pa dang bcas pa bsgrubs pas 'dir ma bris so/ /lung la ni rtsod pa'i gzhi dang bral ba'i phyir dang/ tshig nyung ba nyid kyi phyir yang brjod do/ /de'i phyir gsungs pa/ de yang chos mngon pa'i mdo las/ thog ma med pa dus kyi dbyings/ /chos rnams kun gyi gnas yin te/ /de yod pas na 'gro kun dang/ /mya ngan 'das pa'ang thob pa yin zhes so/ /de'i chos nyid ni rnam par shes pa'i chos nyid de/ stong pa nyid do/ /de yis 'das pa ni 'das pa ste/ de yang mi dmigs pa'i phyir ro/ /ye shes na thams cad du yang bdag por bsgoms pa'i phyir shin tu rnam par dag pa chos nyid las te/ de nyid kyi phyir na gnyis med tshul 'chang ba zhes pa ste/ zab cing rgya che bdag nyid kyi phyir ro/ /rnam par rtog med lhun gyis grub/ /dus gsum sangs rgyas don byed pa/ /zhes pa ni/ de la rnam par rtog med ni don dam par rnam par rtog pa la yang mi rtog pa nyid kyi phyir ro/ /de ltar yang gsungs pa/ don dam pa'i rnam rtog la'ang/ /mkhas pas rtag tu phyir mi byed/ /dge ba yang mi dge ba'i rnam par rtog pa dbyer yod ces so/ /de'i phyir na bcom ldan 'das de nyid rnam par rtog med do/ /lhun gyis grub ni mngon par 'du byed pa med ces bya ba'i
- 90b
don to/ /rtsol ba dang bral bas na lhun gyis grub pa ste/ de yang don 'dir 'gyur te/ sngon gyi dus na mngon par 'du byed pa dang bcas pa'i 'jug pa'i shes rab kyis rab tu spyod pas smon lam gang yin pa yid bzhin gyi nor bu bzhin du rtog pa med pa na yang mnyam par skal ba ji lta ba bzhin du sems can don phyis byed par gyur cig ces gang sngon gyi smon lam 'debs pa des mngon par 'dod pas 'phags pa rtag tu 'jug pa lhun gyis grub nan tan med pas gzhan gyi don bya ba dang gang ldan pa de de bzhin gshegs pa thams cad kyi ye shes kyi sku thams cad lhun gyis grub pa gsungs so/ /tshig de nyid kyis thabs dang shes rab kyi bdag nyid bcom ldan 'das zhes gsungs par 'gyur ro/ /de ltar yang gsungs pa/ sngon gyi smon lam gyis 'phangs rtag tu ni/ /lhun gyis grub pas gzhan gyi don rnams 'byung zhes so/ /dus gsum sangs rgyas don byed pa ni dus gsum gyi rdzogs sangs rgyas rnams ni dus gsum sangs rgyas te/ bcom ldan 'das de nyid do/ /sangs rgyas thog ma tha ma med/ /dang po'i sangs rgyas rgyu med pa zhes pa ni de la sangs rgyas zhes bya ba la 'on te/ sangs rgyas zhes bya ba 'di ji ltar na sangs rgyas la 'jug par 'gyur zhe na/ ci ste mi 'gyur te/ sangs rgyas ni ye shes kyi don nyid kyi phyir ro/ / de yang gcig nyid kyis dngos po dang las gnyis su sbyor ba mthong ngo/ /lhas byin sangs rgyas la rag las par gyur to/ /lhas byin gyis sangs rgyas bstan zhing bcos so/ /las su yang sangs rgyas kyi dgrar 'dod de/ 'di ni sangs rgyas dang ldan no/ / las thams cad ces bya bas na sangs rgyas te/ sangs rgyas 'di ni dngos po thams cad shes pa'i blo dang gang ldan pa de'o/ /yi ge a ni ldan pa'i don dang/ phul du byung ba'i don to/ /yang na sangs rgyas ni thugs su chud pa'i don yin la phul du byung
- 91a
ba yang rtogs pa ste/ rtogs pa'i don du yang gsungs so/ /dngos po dang las byed par 'gyur ba las byed pa gang yin pa yang las thams cad de/ rang gi mtshan nyid dang spyi'i mtshan nyid shes pa dang ldan pa ni sangs rgyas te/ bcom ldan 'das so/ /thog ma dang tha ma med pa ni thog ma dang tha ma gnyis so/ /thog ma dang tha ma med pa gang dang ldan pa de thog ma dang tha ma med pa ste/ bcom ldan 'das de skye ba dang 'gag pa dang bral ba'i phyir ro/ /dang po sangs rgyas ni dang po kho na'i sangs rgyas te/ de yang ye shes lnga'i bdag nyid do/ /gal te ji lta zhe na/ de'i phyir gsungs pa/ stobs kyis rab tu bsgoms pa ni/ /me long lta bu'i ye shes so/ /de la stobs ni lta ste/ dang pa dang/ dran pa dang/ brtson 'grus dang/ ting nge 'dzin dang/ shes rab kyis nye bar mtshon pa rnams te/ de rnams kyi rab tu bsgoms pa nyid kyi phyir na yang dag pa'i mdza' thugs su chud pa'i phul du byung ba'o/ /mi 'jigs pa'i mtshan nyid ni mnyam pa nyid kyi ye shes so// de la mi 'jigs pa rnams ni ye shes la mi 'jigs pa rnams dang/ zag pa zad pa la mi 'jigs dang/ nyon mongs pa'i rgyu nye bar bstan pa la mi 'jigs pa dang/ rnam par byang ba'i rgyu bstan pa la mi 'jigs pa ste/ de bas na mi 'jigs pa bzhis mnyam pa nyid kyi ye shes thob bo/ /kun tu mtshan ma med pas shin tu phra ba'i rtog pa rnam par dag pa de'i phyir so so yang dag par rig pa'i rang bzhin ni so sor kun tu rtog pa'i ye shes so/ /de la so so yang dag par rig pa bzhi ni don dang/ chos dang/ des pa'i tshig dang/ spobs pa rnams kyi tshul gyis so/ /de rnams kyi so sor kun tu rtog pa'i ye shes thob pa'i phyir ro/ /chos kyi dbyings kyi chos thams cad kyi snying po nyid lhag par mos pa'i bsam pa yang ste/ de'i
- 91b
phyir snying rje chen po dang byams pa'i tshul ni bya ba nan tan gyi ye shes so/ /bdag po thams cad shes pa ni shin tu rnam par dag pa'i chos kyi dbyings kyi ye shes te/ de ltar ye shes lnga'i bdag nyid ni bcom ldan 'das 'di ste/ chos thams cad mnyam pa nyid kyi sgo nas dmigs pa gcig pa nyid du blta bar bya'o/ /de'ang 'jam dpal kho na ste/ 'di ni rgyud med pa zhes bya ba'o/ /rgyud ni rim pa ste/ rgyud dang rim pa gang la med pa de ni rgyud med pa ste/ skye ba dang 'gag pa med pa'i phyir ro// ye shes mig gcig dri ma med/ /ye shes can de bzhin gshegs shes pa ni de la ye shes mig gcig ye shes nyid gcig pu'i mig dang gang ldan pa de ni ye shes mig gcig go /de nyid kyi phyir na dri ma med ces pa ste/ 'dod chags la sogs pa'i dri ma med pa'i phyir ro/ /ye shes lus can zhes pa ni ye shes nyid lus te/ gzugs la sogs pa med pa gang yin pa de ye shes lus can no/ /de nyid de bzhin gshegs pa ste/ de'i don ni bshad zin to/ /tshig gi dbang phyug smra ba che/ /smra ba'i skye mchog smra ba'i rgyal/ /smra ba'i dam pa mchog gi gnas/ /smra ba'i seng ge tshugs pa med/ /ces pa ni de la tshig gi dbang phyug la sogs pa'i tshig brgyad po rnams kyis rgyu dang rgyu las byung ba can gyi dngos pos 'bras bu mchog tu yod pa la sogs pa bshad de/ de yang gsungs pa tshig gi dbang phyug ni tshig rnams kyi dbang phyug go /de nyid kyi phyir na smra ba che ste/ smra ba yang de chen po yang de nyid yin pas smra ba che'o/ /de nyid kyi phyir na smra ba'i skye mchog yin no/ /de nyid kyi phyir na/ smra ba'i rgal zhes pa la mdzes pas na rgyal po ste/ smra ba rnams kyi rgyal po ni smra ba'i rgyal po'o/ /de nyid kyi phyir na smra ba'i dam pa ste/ gtso bo zhes gsungs te/ smra ba rnams kyi dam pa ni smra ba'i dam pa'o//
- 92a
de nyid kyi phyir na mchog gi gnas so/ /de nyid kyi phyir na smra ba'i seng ge zhes so/ /de nyid kyi phyir na tshugs pa med pa ste/ gzhan rnams kyis mi tshugs pas na tshugs pa med do/ /de nyid kyi yon tan gyi khyad par yang bcom ldan 'das 'jam dpal lo/ /kun tu lta ba mchog tu dga' / /gzi brjid phung po blta na sdug ces pa ni/ de la kun tu lta ba ni kun nas lta ba'i tshul dang gang ldan pa de kun tu lta ba ste/ kun tu bzang po'i ye shes brnyes pa'i phyir ro// de nyid kyi phyir na bcom ldan 'das kun tu spro ba mkhyen pa'o/ /mchog tu dga' ni don dang chos so sor yang dag par rig pa'i phyir ro/ /gzi brjid phung po ni gzi brjid ni 'od do/ /phung po ni phreng ba'o/ /gzi brjid phung po gang ldan pa de gzi brjid phung po'o/ /blta na sdug ni ye shes mdzes pa dang gang ldan pa de blta na sdug ste/ sdug gu ma zhes pa ni rig pa dang gang ldan pa de nyid kyi phyir ro/ /'od bzang 'bar ba dpal gyi be'u/ /lag pa 'od 'bar snang ba po zhes pa ni/ de la 'od bzang ni 'od bzang pos dkyil 'khor byas nas rnam par gnas pa'i phyir ro/ /'bar ba ni ma lus shing lus pa med pa'i 'jig rten la cher snang ba'i phyir ro/ /dpal gyi be'u ni de bzhin gshegs pa thams cad kyi thugs ka na dpal be'u'i gzugs can nyan thos la sogs pa thams cad par thun mong ma yin pa thams cad mkhyen pa nyid kyi sa bon las byung ba'i dngos po 'gro ba thams cad skyed par byed pa de bzhin gshegs pa'i mtshan yod do/ /de yang thun mong ma yin pa'i phyir na bcom ldan 'das de bzhin gshegs pa thams cad kyi ye shes sems dpa' kho na ste/ de rnams kyi thugs kar gnas pa'i phyir/ /lag pa 'od 'bar snang ba po ni 'od kyi sgra ni gzi brjid kyi rnam grangs te/ mdza' yang a yod pa'o/ /lag pa yang 'od kyang de nyid yin
- 92b
pas lag pa'i 'od rnams ni khro bo 'bar ba'i 'od kyi lag pa 'bar ba ni lag pa'i 'od 'bar ba ste/ de rnams kyi snang ba ni lag pa'i 'od 'bar snang ba po'o/ /de yang khro bos 'dul ba'i sems can rnams la de'i gzugs 'od zer 'phro ba'i sgo nas 'dul bar byed pa'i don de/ 'di lta bu'i bcom ldan 'das lag pa'i 'od 'bar snang ba po zhes gsungs so/ /sman pa che mchog gtso bo ste/ /zug rngu 'byin pa bla na med ces pa ni de la sman pa che ni sman pa yang de yin la chen po yang de nyid yin pas sman pa che ni sman pa'i rgyal po che zhes pa'i don to/ /'dod chags la sogs pa'i nang thams cad 'joms pa nyid kyi phyir ro/ /mchog ni mi shes pa'i nad rab tu zhi bar byed pa'i don du phyin ci ma log pa'i man ngag gi sman gtong bar byed pa'i phyir na/ mchog des? gsungs so/ /de nyid kyi phyir na gtso bo zhes pa ste/ 'gro ba thams cad mngon par 'don pa'i phyir ro/ /zug rngu 'byin pa ni zug rngu 'byin mkhan no/ /zug rngu 'byin pa'i tshul dang gang ldan pa ste/ sems can thams cad kyi 'dod chags la sogs pa'i snying gi zug rngu 'byin par byed pa'i phyir yang dag par ji lta ba bzhin du de'i gnyen po chos nyid rab tu bstan pa'i phyir ro/ /de nyid kyi phyir na med ces te/ bcom ldan 'das 'jam dpal lo/ /sman rnams ma lus ljon pa'i shing/ /nad do cog gi dgra che ba/ /zhes pa ni de la sman rnams ma lus ljon pa'i shing ni ma lus shing lus pa med pa'i sman rnams ni sman rnams so/ /de rnams kyi ljon shing ni sman rnams ma lus ljon pa'i shing ngo/ /gang gi phyir bcom ldan 'das des 'gro ba kun rjes su gzung ba'i don du sman rnams kyi rgyal po chen por gyur par so sor snang ngo/ /de ltar yang gsungs pa/ de dag dgon chen ljon pa'i shing du gyur zhes so/ /nang ngo cog gi dgra che ba ni 'dod chags la sogs pa nyon mongs pa de nang yin pas nang ngo cog go /de rnams kyi dgra chen te/
- 93a
de'i gnyen po chos nyid rab tu bstan pa'i phyir ro/ /sdug gu 'jig rten gsum na mdzes/ /dpal ldan rgyu skar dkyil 'khor can/ /zhes pa ni de la sdug gu'i don ni bshad zin to/ /'jig rten gsum na mdzes ni 'gro ba thams cad dang mi mnyam pas 'jig rten gsum gyi spyi gtsug dbu rgyan thub pa nyid kyi phyir na de de ltar gsungs so/ /dpal ldan ni de bzhin no/ /rgyu skar dkyil 'khor can ni/ /rgyu skar rnams kyi dkyil 'khor ni rgyu skar dkyil 'khor ro/ /de 'dra ba'i gzugs dang gang ldan pa bcom ldan 'das de ni rgyu skar dkyil 'khor can te de'i rang bzhin yin pa'i phyir ro/ /phyogs bcu nam mkha' i mdza' gtugs pa/ /chos kyi rgyal mtshan legs par 'dzugs zhes pa ni de la phyogs bcu rnams kyi nam mkha' ni phyogs bcu'i nam mkha' ste/ de yongs su mthar thug pa ni phyogs bcu nam mkha' i mthas gtugs pa'o/ /chos kyi rgyal mtshan yin pas na chos kyi rgyal mtshan te/ chen po yang de yin la 'dzugs pa yang de yin pas chen po 'dzugs so/ / de'i don ni 'di lta ste/ phyogs bcu nam mkha' i mthar thug pa rnams su chos kyi rgyal mtshan chen po bsgreng ba dang gang ldan pa de ni de ltar gsungs te/ 'jig rten thams cad bsod nams dang ye shes kyi tshogs rnam par 'phel ba'i mtshon btsugs pa nyid kyi phyir ro/ /'gro ba'i gdugs gcig yangs pa ste/ byams dang snying rje'i dkyil 'khor can/ /zhes pa ni de la 'gro ba'i gdugs gcig yangs pa ste ni 'gro ba rnams la gdugs ni 'gro ba'i gdugs te/ gcig pu ni gnyis su med pa'o/ /yangs pa ste rgya che ba gang yin pa ste/ bcom ldan 'das 'gro ba'i gdugs gcig yangs pa ste/ nyon mongs pa'i gdung ba thams cad 'joms pa'i phyir ro/ /byams dang snying rje'i dkyil 'khor can ni byams dang snying
- 93b
rje ste/ de rnams kyi dkyil 'khor ni de'i snying po len pa'i phyir ro/ /dpal ldan pad+ma gar gyi bdag/ /khyab bdag chen po rin chen gdugs zhes pa de la dpal ldan gyi don ni bshad zin te/ /pad+ma gar gyi bdag ni ting nge 'dzin rtogs pa ste/ de yang bcom ldan 'das so/ /khyab bdag chen po ni khyab bdag kyang de yin la chen po yang de nyid yin pas khyab bdag chen po ste/ dngos po thams cad kyi rang bzhin nyid kyi phyir ro/ /rin chen gdugs ni rin chen thams cad kyi dam tshig nyid kyi phyir ro/ /sangs rgyas kun gyi rgyal po che/ /sangs rgyas kun bdag ngo bo 'chang zhes pa ni de la sangs rgyas kun gyi rgyal po che ni rgyal po yang de yin la chen po yang de nyid yin pas rgyal po che'o/ /dus gsum gyi sangs rgyas thams cad kyi rgyal po chen po ni sangs rgyas kun gyi rgyal po che ste/ byang chub kyi sems rdo rje'i rang bzhin nyid kyi phyir ro/ /sangs rgyas kun bdag ngo bo 'chang ni sangs rgyas thams cad kyi bdag nyid ni sangs rgyas kun bdag ste/ chos thams cad stong pa nyid kyi phyir ro// de'i ngo bo ni yod pa'o/ /de 'dzin pas na sangs rgyas kun bdag ngo bo 'chang ngo sangs rgyas kun gyi rnal 'byor che/ /sangs rgyas kun gyi bstan pa gcig ces pa ni de la sangs rgyas kun gyi rnal 'byor chen rnal 'byor yang de yin la chen po yang de yin pas rnal 'byor che'o/ /sangs rgyas thams cad kyi rnal 'byor chen po ni sangs rgyas kun gyi rnal 'byor che ste/ de bzhin gshegs pa thams cad kyi thugs kar gnas pa nyid kyi phyir ro/ /'di lta ste/ yang gsungs pa/ rnal 'byor chen po bcom ldan 'das/ /rdo rje sems dpa' de bzhin gshegs zhes so/ /de de ltar gsungs so/ /sangs rgyas kun gyi bstan pa gcig ni dus gsum gyi sangs rgyas thams cad kyi bstan pa gcig ste/ theg pa chen po gang yin pa de ni
- 94a
sangs rgyas kun gyi bstan pa gcig po/ /de ltar theg pa ni gcig kho na ste/ 'di ltar theg pa chen po zhes gsungs pa'i phyir ro/ /rdo rje rin chen dbang bskur dpal/ /rin chen kun bdag dbang phyug ste/ /'jig rten kun gyi dbang phyug rje/ /rdo rje 'chang ba kun gyi rje/ /sangs rgyas kun gyi thugs che ba zhes pa ni de la rdo rje rin chen ni mi bskyod pa'o/ /de bzhin du dbang bskur dpal ni rdo rje sems ma'o/ /rin chen kun bdag dbang phyug ste ni rin chen kun ni rin chen 'byung ldan no/ /de'i bdag po dang dbang phyug ni rin chen rdo rje ma'o/ /'jig rten kun gyi dbang phyug ni snang ba mdza' yas so/ /de'i rje bo ni chos kyi rdo rje ma'o/ /rdo rje 'chang ba kun gyi bdag ni rdo rje 'chang ba kun ni don yod grub pa'o/ /de'i bdag ni las kyi rdo rje ma'o// sangs rgyas kun gyi thugs che ba ni sangs rgyas kun ni rnam par snang mdzad do/ /de'i thugs che ba ni rdo rje dbyings kyi dbang phyug ma'o/ /de yang don 'di ltar 'gyur te/ rdo rje rin chen la sogs pa de bzhin gshegs pa lnga dang gang 'brel pa de rnams kyi rigs kyi yum lnga gang yin pa de'i rang bzhin bcom ldan 'das 'jam dpal te/ rdo rje dang/ rin po che dang/ pad+ma dang/ sna tshogs rdo rje dang/ 'khor lo rnams thob pa'i phyir ro/ /sangs rgyas kun gyi thugs la gnas/ /sangs rgyas kun gyi thugs che ba/ /sangs rgyas kun gyi gsung yang yin zhes pa ni de la sangs rgyas kun gyi thugs la gnas ni thugs kyi rang bzhin nyid kyi phyir ro/ /sangs rgyas kun gyi sku che ba ni sku'i rang bzhin nyid kyi phyir ro/ /sangs rgyas kun gyi gsung yang yin ni gsung gi rang bzhin nyid kyi phyir ro/ /de nyid kyi phyir na dpal gsang ba 'dus pa'i rgyud las gsungs pa/ de bzhin gshegs pa thams cad kyi sku dang gsung dang thugs rdo rje zhes so/ /de yang bcom ldan 'das de bzhin gshegs pa
- 94b
thams cad kyi ye shes sems dpa' o/ /rdo rje nyi ma snang ba che/ /rdo rje zla ba dri med 'od ces pa ni de la rdo rje nyi ma snang ba che ni rdo rje nyi ma ni ye shes kyi snang ba chen pos khams gsum pa thams cad cher snang bar byed pa nyid kyi phyir de la de skad ces gsungs so/ /rdo rje zla ba dri med 'od ces pa ni rdo rje zla ba ni ye shes zla ba ste/ de ni dri ma med pa ni nyon mongs pa thams cad kyi bag chags kyi skyon thams cad dang bral ba nyid kyi phyir ro/ /'di ni gsal ba ste grangs med pa'i 'jig rten snang bar byed pa dang gang ldan pa de la de ltar gsungs so/ /tshig de gnyis ni 'di ltar bstan par 'gyur te/ sngags kyi sgo nas spyad pa spyod pa'i rigs kyi bu la sogs pa rang gi snying kar nyi ma'i dkyil 'khor ram zla ba'i dkyil 'khor bstan par byas te/ de'i steng du yi ge a bsams nas ming gi don gzhan dang gzhan so so gang yang rung ba don mngon du byas te 'phags pa mtshan yang dag par brjod pa bklag par bya'o zhes man ngag tu'o/ /chags bral la sogs chags pa che/ / kha dog sna tshogs 'bar ba'i 'od ces pa la/ /de la chags bral la sogs chags pa che zhes pa ni/ des ni rnal 'byor pa rnams kyi rang bzhin phye ba gsungs te/ 'dod chags dang 'dod chags dang bral ba la zhugs pa ni pha rol tu phyin pa la spyod pa dang/ sngags kyi sgo nas spyad pa spyod pa rnams kyi de'i rang bzhin med pa de kho na la bcom ldan 'das so/ /kha dog sna tshogs 'bar ba'i 'od ces pa la kha dog sna tshogs ni kha dog sna tshogs pa ste/ de'i 'bar ba'i 'od ni mun pa thams cad rnam par 'joms shing gsal ba gang la yod pa de la de skad ces bya'o/ /de ltar yang 'dir bcom ldan 'das 'jam dpal de nyid kyis 'od sna tshogs pa'i sgo rnams kyis sna tshogs pa'i 'jig rten gyi khams na gnas pa'i gdul bya
- 95a
sna tshogs pa'i rigs pa dang bsam pa dang/ spyod pa dang/ mos pa dang/ dbang po rnams skad cig gis dus gcig kho nar mi rtag pa dang/ sdug bsngal ba dang/ mi skye ba dang/ mi 'gog pa la sogs bzhi pa dang rang bzhin gyis mya ngan las 'das pa la sogs pa'i dbye ba dang/ phung po dang/ khams dang/ skye mched dang/ rten cing 'brel bar 'byung ba dang/ 'phags pa'i bden pa la sogs par phye ba dang/ dran pa nye bar bzhag pa nas yang dag par spong ba dang/ rdzu 'phrul gyi rkang pa dang/ dbang po la sogs pa'i dbye bas dang/ stobs bcu dang mi 'jigs pa la sogs pa'i sangs rgyas kyi chos rnams kyi dbye bas dang/ skad sna tshogs dang sgo sna tshogs dang/ mngon par brjod pa sna tshogs pa dang/ cho 'phrul sna tshogs dang/ 'jug pa sna tshogs dang/ theg pa sna tshogs dang/ 'bras bu rtogs pa sna tshos rnams kyis skad cig ma de nyid ko na la bstan pa'i mkhyen pas chos rab tu bstan par mdzad pas na kha dog sna tshogs 'bar ba'i 'od ces bya ba 'di gsungs so/ /mtshan gyi sngags kyi rig 'di yang bla ma yis bstan pa'i man ngag gang las bcom ldan 'das de bzhin gshegs pa thams cad kyi ye shes sems dpa' la sbyar bar bya'o zhes so/ /rdo rje dkyil 'khor rdzogs sangs rgyas/ /sangs rgyas 'gro ba'i chos 'dzin pa zhes pa ni de la rdo rje skyil krung rdzogs sangs rgyas ni bcom ldan 'das rdzogs pa'i sangs rgyas shAkya thub pa'i rdo rje skyil krung rdzogs sangs rgyas rgyas zhes so/ /bcom ldan 'das gang yin pa 'dis bdud bzhi las mchog tu rgyal bas na zad pa dang mi skye ba mkhyen pa de mngon du byed pa dang ldan pa'i phyir de yang bcom ldan 'das de nyid do/ /sangs rgyas 'go ba'i chos 'dzin pa ni 'gro bar
- 95b
mdzad pas na 'gro ba ste/ sangs rgyas rnams kyi 'gro ba ni sangs rgyas rnams kyi 'gro ba'o/ /de ltar yang 'gro bar bya zhing bdag gis brtsad bar mi bya'o zhes gsungs pa'i phyir ro/ /de nyid chos te de 'dzin pas na sangs rgyas 'gro ba'i chos 'dzin te de yang bcom ldan 'das de nyid do/ /dpal ldan sangs rgyas pad+ma skyes/ /kun mkhyen ye shes mdzod 'dzin pa zhes pa ni de la dpal ldan ni bshad zin to/ /sangs rgyas pad+ma skyes ni sangs rgyas nyid pad+ma pas sangs rgyas pad+ma rnams te/ nyon mongs pa'i bag chags kyi dri ma rnams kyis nye bar ma gos pa'i phyir ro/ /de las byung bas na sangs rgyas pad+ma skyes so/ /de nyid bcom ldan 'das so/ /kun mkhyen ye shes mdzad 'dzin pa ni thams cad mkhyen pa'i ye shes ni kun mkhyen ye shes so/ /de nyid mdzod dang snod khyim ste/ de 'char bsan kun mkhyen ye shes mdzod 'dzin no/ /rgyal po sgyu 'phrul sna tshogs 'char/ /che ba sangs rgyas rigs sngags 'chang zhes pa ni de la rgyal po ni dge ba bcu'i las kyi lam bstan cing legs par bshad pa dag gi 'jig rten la bsgo bar byed pas na rgyal po ste/ de nyid bcom ldan 'das so/ /sgyu 'phrul sna tshogs 'chang ni sgyu 'phrul sna tshogs pa ste/ sprul pa rnam pa sna tshogs pa'o/ /de 'dzin pas na sgyu 'phrul sna tshogs 'chang ngo/ /che ba sangs rgyas rig sngags 'chang zhes pa la sangs rgyas rnams kyi rig sngags ni sangs rgyas rigs sngags te/ sangs rgyas rig sngags ni gzungs bzhi ste/ chos dang don dang sngags dang bzod pa'i mtshan nyid rnams so/ /de rnams 'dzin pas na 'di sangs rgyas rig sngags 'chang ngo/ /de nyid che ba zhes pa ste/ kun tu 'gro ba nyid kyi phyir ro/ /rdo rje rnon po ral gri che/ /yi ge mchog ste rnam par dag /ces pa ni de la rdo rje rnon po ni phyag rgya chen
- 96a
po'i ngo bos so/ /ral gri che ni las kyi phyag rgya'i rang bzhin no/ /rnam par dag pa ni shes rab kyi pha rol tu phyin pa'i glegs bam ste/ de yang dam tshig gi phyag rgya'i sgo nas so/ /yi ge mchog ni chos kyi phyag rgya'i sgo nas so/ /de yang bcom ldan 'das dang po'i sangs rgyas de kho na phyag rgya bzhis rgyas btab pas rdo rje rnon po zhes gsungs so/ /theg pa chen po sdug bsngal gcod/ /mtshon cha chen po rdo rje chos zhes pa ni de la sdug bsngal ni nye bar len pa'i phung po rnams te/ de rnams gcod pas na sdug bsngal gcod pa'o/ /de nyid theg pa chen po ste/ lam gyi bden pa nyid kyi phyir ro/ /de'i rdo rje chos ni ye shes kyi chos te/ chos de mi mthun pa'i phyogs gcod pa'i phyir mtshon cha chen po'o/ /de dang gang ldan pa de ni theg pa chen po sdug bsngal gcod/ /mtshon cha chen po rdo rje chos te/ bcom ldan 'das so/ /rdo rje zab mo dzi na dzi ka /rdo rje blo gros don bzhin rig ces pa ni de la rdo rje zab mo rdo rje ste/ ye shes kyi zab mo 'di rdo rje zab mo'o/ /yang na zab mo ni gzung 'dzin la sogs pa'i rnam par rtog pa dang bral ba shes rab kyi rang bzhin dang gang ldan pa de la de ltar gsungs so/ /dze na ni de bzhin gshegs pa mi bskyod pa la sogs pa rnams so/ /de rnams las rgyal ba dang zil gyis gnon pa la bdag po yin pas na dzi na dzig ste/ bcom ldan 'das rnam par mdzad de/ de yang bcom ldan 'das 'jam dpal nyid do/ /rdo rje blo gros ni rdo rje 'dra ba'i mi phyed pa'i blo gros dang gang ldan pa de rdo rje blo gros te/ gzung 'dzin la sogs pa'i rnam par rtog pas bsdus pa thams cad kyis mi phyed pa nyid kyi phyir ro/ /don bzhin rig ni ji ltar gnas pa'i don rnam par rig pas don bzhin rig go /pha rol phyin pa kun rdzogs pa/ /sa rnams kun gyi rgyan dang ldan zhes pa la pha rol tu phyin pa kun rdzogs
- 96b
pa ni pha rol phyin pa kun ni sbyin pa la sogs pa rnams so/ /de rnams rdzogs pa'i tshul dang/ gang ldan pa de la de ltar gsungs so/ /sa rnams kun gyi rgyan dang ldan ni sa rnams kun ni rab tu dga' ba la sogs pa rnams so/ /de nyid kyi rgyan te dkyil 'khor gang yin pa de la de ltar gsungs so/ /rnam par dag pa chos bdag med/ /yang dag ye shes zla 'od bzang zhes pa ni/ de la rnam par dag pa'i chos ni rnam par dag pa so sor rtog pa'i mtshan nyid grub pa ste/ bdag med pa ni snang ba med par byed pa'o/ /yang dag pa'i ye shes de nyid zla ba ste/ /kun tu bzang po'i sems bskyed pa ste/ de bzhin gshegs pa thams cad kyi ye shes kyi sku nyid kyi phyir te/ de nyid bcom ldan 'das so/ /'od bzang ba ni zla ba'i dkyil 'khor gyi gzugs rang bzhin gyi 'od gsal ba'i ye shes te de dang gang ldan pa de la de lta'o/ /brtson chen sgyu 'phrul dra ba ste/ /rgyud kun gyi ni bdag po mchog ces pa ni de la brtson chen sgyu 'phrul dra ba ste zhes pa ni/ sgyu 'phrul dra ba ni sprul pa'i tshogs te/ brtson chen dang gang ldan pa de la de ltar ro/ /rgyud kun gyi ni bdag po ni rgyud kun ni rnal 'byor gyi rgyud la sogs pa'i bdag po ni gtso bo ste/ de'i rang bzhin nyid kyi phyir ro/ /mchog ni bshad zin to/ /rdo rje gdan ni ma lus ldan/ /rdo rje'i sku rnams ma lus 'chang zhes pa ni ma lus shing lus pa med pa'i ting nge 'dzin gi rang bzhin gyi skyil mo krung dang gang ldan pa de ni rdo rje gdan ni ma lus ldan no/ /de nyid kyi phyir/ ye shes sku rnams ma lus 'chang zhes pa ste/ ye shes lnga pho ma lus pa'i sku la rnams ma lus 'chang ngo/ /kun tu bzang po blo gros bzang/ /sa yi mngal te 'gro ba 'dzin zhes pa ni de la kun tu bzang po ni kun las bzang zhing dge ba gang yin pa de ni kun tu bzang ba ste/ byang chub kyi sems rdo rje'i bdag nyid kyi phyir ro/ /blo gros
- 97a
bzang ni legs pa'i blo gros ni blo gros bzang po ste/ rtog pa'i dra ba thams cad med pa'i phyir ro/ /sa'i mngal zhes pa ni/ de la sa'i khams te snod kyi 'jig rten no/ /de'i mngal ni skyed par byed pa gang yin pa de'i sa'i mngal lo/ /'gro ba 'dzin ni 'gro ba ni sems can gyi 'jig rten no/ /de 'dzin pa ni 'dzin par byed pas na 'gro ba 'dzin te 'gro ba kun gyi rten zhes pa'i don to/ /tshig de gnyis kyis g.yo ba dang mi g.yo ba'i dngos po thams cad kyi rang bzhin de yin pa'i phyir ro/ /sangs rgyas kun gyi snying po che/ /sprul pa'i 'khor lo sna tshogs 'chang zhes pa ni de la sangs rgyas kun gyi snying po che ni dus gsum gyi de bzhin gshegs pa thams cad kyi bskyed pa'i rgyu nyid kyi phyir te/ gang gi phyir bcom ldan 'das de byang chub kyi sems rdo rje'i bdag nyid yin pa de'i phyir/ sangs rgyas kun gyi snying po che zhes gsungs so/ /de nyid kyi phyir na sprul pa'i 'khor lo sna tshogs 'chang ces pa/ sna tshogs ni rnam pa sna tshogs pa'o/ /'jig rten dang 'jig rten las 'das pa'i lha rnams yang dag par ston pa'i bdag nyid kyi sprul pa ni sna tshogs sprul pa'o/ /de'i 'khor lo ni sprul pa'i 'khor lo ste dkyil 'khor ro/ /de 'dzin pas na sprul pa'i 'khor lo sna tshogs 'chang ngo/ /dngos po kun gyi rang bzhin mchog /dngos po kun gyi rang bzhin 'dzin zhes pa ni de ni de la dngos po kun gyi rang bzhin mchog ni dngos po yang de yin la kun yang de yin pas dngos po kun ni g.yo ba dang mi g.yo ba la sogs pa rnams so/ /de rnams kyi rang bzhin ni dngos po kun gyi rang bzhin te/ dngos po kun gyi rang bzhin yang de yin la mchog kyang de nyid yin pas dngos po kun gyi rang bzhin mchog go /de ji ltar zhe na/ bcom ldan 'das de'i yang dag pa'i mdza' i de bzhin nyid kyi yongs su dag pa'i de
- 97b
bzhin nyid kyi ye shes kyi sku'i rang bzhin nyid kyi phyir ro/ /dngos po kun gyi rang bzhin 'dzin ni ji nyid kyi phyir na dngos po kun gyi rang bzhin te/ chos thams cad bdag med par 'jug pa 'dzin pas na dngos po kun gyi rang bzhin 'dzin te/ rnam pa thams cad du chen po stong pa nyid kyi phyir/ /skye med chos te sna tshogs don/ /chos kun ngo bo nyid 'chang ba zhes pa ni de pa skye med chos ni skye ba med cing rang bzhin med pa'i chos dang gang ldan pa de skye med chos te/ rten cing 'brel par 'byung ba nyid ni don dam par skye ba med pa'i phyir ro/ /sna tshogs don ni kun rdzob tu 'gro ba thams cad rjes su 'dzin pa'i don byed pa nyid kyi phyir ro/ /chos kun ngo bo nyid 'chang ba ni de la chos kun gang zhe na/ 'di lta ste/ phung po dang/ khams dang/ skye mchod dang/ rten cing 'brel par 'byung ba dang/ pha rol tu phyin pa dang/ sa dang stong pa dang/ byang chub kyi phyogs dang/ bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mngon par shes pa dang/ ting nge 'dzin dang/ gzungs kyi sgo dang/ stobs dang/ mi 'jigs pa dang/ so sor yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa dang/ dge sbyong gi 'bras bu dang/ rnam pa thams cad mkhyen pa dang/ de bzhin nyid dang/ yang dag pa'i mdza' dang/ mtshan ma med pa dang/ don dam pa dang/ chos dbyings zhes bya ba chos de rnams kyi rang bzhin ni chos kun rang bzhin te/ de yang ji lta ba bzhin du yongs su shes nas de 'dzin pas na chos kun ngo bo nyid 'chang ngo/ /de ltar yang ye shes zhabs kyis gsungs pa/ yang dag byang chub sems bskyed nas/ byams pa chen por rab sbyar te/ /chos rnams thams cad bdag med pa/ /de ltar shes na rnam par grol zhes so/ /shes rab chen
- 98a
po skad ces la/ /chos kun mngon par rtogs pa 'chang zhes pa ni de la shes rab kyang de yin la chen po yang de nyid yin pas shes rab chen po ste/ chos thams cad rnam par 'byed pa'i bdag nyid do/ /skad cig kyang de yin la gcig kyang de nyid yin pas skad cig go /de bas na de'i don ni 'di ltar 'gyur te/ dus kyi skad cig ma nyid la shes rab chen po nyid kyis ji ltar gsungs pa'i chos thams cad du shes pa'i phyir na/ shes rab chen po'i skad cig la/ /chos kun khong du chud pa'o/ /de 'dzin pas na shes rab chen po'i skad cig la/ chos kun mngon par rtogs pa 'chang ngo/ /chos kun mngon par rtogs pa ste/ /yang dag mthar thug mchog gi blo zhes pa ni/ de la chos kun mngon par rtogs pa zhes pa la/ /chos thams cad kyi rang bzhin mngon par rtogs pa ni chos kun mngon par rtogs pa ste/ yang dag par thugs su chud pa dang gang ldan pa de ni chos kun mngon par rtogs pa'o/ /yang dag mthar thug ces pa la yang dag pa ni bden pa ste/ de bzhin nyid ces pa'i bar du'o/ /de'i mdza' ni yang dag mdza' o/ /mthar thug pa yang de yin la yang dag mdza' yang de nyid yin pas yang dag mthar thug go /de nyid kyi phyir na mchog gi bla ni rnal 'byor can gyi ye shes te/ yang dag pa'i don bsgoms pas mthar phyin pa yin pa'i phyir ro/ /mi g.yo rab tu dang ba'i bdag /yang dag rdzogs pa'i byang chub 'chang/ /zhes pa ni de la mi g.yo ba ni ting nge 'dzin gyi mi mthun pa'i phyogs su song ba'i bying ba dang rgod pa med pa'i phyir ro/ /de nyid kyi phyir na rab tu dang ba'i bdag ces pa ste/ ting nge 'dzin gyi bar chad gnyis med pa'i phyir ro/ yang dag rdzogs pa'i byang chub 'chang ni bla na med pa yang dag par rdzogs pa'i byang chub 'dzin pa'i phyir na bcom ldan 'das de yang dag par rdzogs pa'i byang chub 'chang zhes gsungs so/ /sangs rgyas kun gyi mngon sum pa/ /ye shes me lce 'od rab gsal
- 98b
zhes pa la/ de la sangs rgyas kun gyi mngon sum pa zhes pa ni dus gsum gyi sangs rgyas thams cad kyi mngon sum pa ni yang dag par rang gis rig pa nyid kyi phyir ro/ /ye shes me lce ni shes rab kyi mar me'o/ /'od rab gsal ni brjod kyis mi lang pa'i yang brjod kyis mi yang ba'i sangs rgyas kyi zhing kun tu snang bar byed pa'i phyir ro/ /de nyid kyi phyir na bcom ldan 'das de bzhin gshegs pa thams cad kyi ye shes kyi sku 'gro ba thams cad la phan pa'i rang bzhin gyis dbang po 'ang rab 'bring tha chung gi sems can gdul bya la phan 'dogs pas na 'jig rten dang 'jig rten las 'das pa thams cad kyi ting nge 'dzin bstan pa'i sgo nas bsod nams dang ye shes kyi tshogs dang/ sa dang pha rol tu phyin pa rnams kyi 'bras bu rab tu rdzogs pa'i don du gzugs sna tshogs ston par byed pa yin no/ /de la dbang po rtul po'i sems can 'gal zhig 'dul ba la tshangs pa'i gzugs kyis dang/ dbang po 'bring po nyan thos dang rang sangs rgyas kyi rigs rnams kha cig la phan 'dogs pa'i don du de'i gzugs kyis kyang snang ngo/ /dbang po rnon po byang chub sems dpa' i rigs rnams la 'ga' zhig tu byang chub sems dpa' dang/ tshogs dang sa dang/ pha rol tu phyin pa'i rim pas bdag gis dngos po bstan pas dang/ 'ga' zhig tu bla na med pa yang dag par rdzogs pa'i sangs rgyas kyi ngo bo dang/ 'ga' zhig tu 'jig rten dang 'jig rten las 'das pa'i ye shes kyi bdag nyid rnams dang/ sems can bkres pa rnams kha cig la phan 'dogs pa'i don du bum pa bzang po la sogs pa'i gzugs kyis dang/ nad chen pos gzir ba'i sems can kha cig la sman chen po la sogs pa'i gzugs kyis dang/ de la sogs pa rnams kyis g.yo ba dang mi g.yo ba la sogs pa'i dngos po thams cad kyis 'gro ba la phan 'dogs pa'i don du rjes su sgrub par byed pa'i sngags kyi yi ge tshig nyis brgya bdun cu rtsa lngar rnam par
- 99a
spros te/ de rnams kyi rigs kyang rigs kyi dbye bas rnam pa lngar phye la/ /rigs re re la yang mtshan gyi sngags kyi yi ge'i tshig lnga bcu rtsa lngar spar? nas mtshan gyi sngags kyi yi ge de rnams kyis kyang phyogs bcu mdza' yas pa'i sangs rgyas kyi zhing rnams su song ste/ de bzhin gshegs pa thams cad kyi mdzad pa mthun par bsgrubs nas de bzhin gshegs pa thams cad kyi 'khor dang/ byang chub sems dpa' thams cad kyi 'khor yang snang bar byas nas 'dod chags la spyod pa'i sems can rnams rang gi rnam par thar pa'i sgo nas dag par bya ste/ rang gi rigs kyi kha dog gis nye bar bsgos pa rnams yang phyir log nas rdo rje dbyings kyi dkyil 'khor chen po'i phyi rol 'khor lo gsum pa la ji lta ba'i rim pas rnam par gnas par blta'o/ /de bas na sngags kyi sgo nas spyad pa spyod pa'i rigs kyi buAm rigs kyi bu mos sngar stan pa'i gzugs rnam pa gsum du dmigs te/ 'phags pa mtshan yang dag par brjod pa bklag go /yon tan gyi tshogs thob po zhes pa ni man ngag go /tshigs bcad ni bzhi bcu rtsa gnyis te/ mtshan gyi sngags kyi yi ge'i tshig ni nyis brgya bdun cu rtsa lnga ste grangs so/ 'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par blta ba las so sor kun tu rtog pa'i ye shes kyi sgo nas bstod pa'i rim par phye ba ste brgyad pa'o// //da ni mnyam pa nyid kyi ye shes kyi sgo nas bcom ldan 'das de bzhin gshegs pa thams cad kyi ye shes sems dpal 'jam dpal ye shes kyi sku de'i bstod pa'i dbang du byas nas gsungs pa/ 'dod pa'i don grub dam pa ste/ ngan song thams cad rnams sbyor ba/ /mgon po sems can kun gyi mchog /sems can thams cad rab grol byed ces pa la sogs pa
- 99b
ste/ de la 'dod pa'i don grub ni don tu gnyer bya bas don te/ 'dod pa yang de yin la don yang de nyid yin pas 'dod pa'i don te/ de sgrub par byed cing skyed par byed pa ni rin chen 'byung ldan te/ ser snas sdug bsngal ba'i sems can rnams la rnam par dag pa'i sbyin pa'i sgo nas yang dag par sbyor bar byed pa nyid kyi phyir na de yang bcom ldan 'das nyid do/ /de nyid kyi phyir na yang dag pa ste/ 'khor gsum yongs su dag pa'i sbyin pa rab tu 'jug pa'i phyir ro/ /ngan song thams cad rnam sbyod pa ces pa la/ /ngan song thams cad ni dmyal ba dang/ yi dwags dang/ byol song rnams so/ /de rnams rnam par sbyong ba ni der 'jug pa'i las yang dag par spyod pas de dag ngan song las 'don par bsgrub pa'i phyir ro/ /de nyid kyi phyir na sems can thams cad kyi mchog ste/ gzhan don bya ba la mngon par brtson pa nyid kyi phyir ro/ /de nyid phyir yang mgon med pa'i sems can gyi mgon zhes gsungs so/ /sems can thams cad rab grol byed ni gdul bya'i rigs dang/ spyod pa dang/ bag la nyal dang/ mes pa dang/ dbang po rnams kyis 'dul ba rnams la nyan thos la sogs pa'i byang chub kyi lam gyi man ngag rab tu sbyin pa'i sgo nas rab tu grol bar byed pa nyid kyi phyir ro/ /nyon mongs g.yul du gcig dpa' ba/ /mi shes dgra yi dregs pa 'joms/ /dpal ldan d+hi ste sgeg? 'chang zhing dpa' bo mi sdug gzugs 'chang ba ces pa ni de la nyon mongs pa'i g.yul du gcig dpa' ba ni nyon mongs pa ni 'dod chags la sogs pa de rnams dang lhan cig 'thab pa gang yin pa de nyon mongs g.yul der dpa' bo gcig pu kho na gnyis su med pa ni nyon mongs pa'i g.yul du gcig dpa' ba ste/ nyon mongs pa dang nye ba'i nyon mongs pa thams cad ro mnyam par yongs su sbyong ba rtsom zhing chos rdzogs par byed pa'i phyir ro/ /mi shes dgra'i dregs pa 'joms ni mi shes pa ni gti mug ste/ bden pa la sogs pa la
- 100a
blo phyin ci log gang yin pa'o/ /de nyid dgra ste dge ba'i phyogs so sor 'ching ba nyid kyi phyir ro/ /de'i nga rgyal ni dregs pa'o/ /de 'joms pas na mi shes dgra'i dregs pa 'joms so/ /dpal ldan ni bshad zin to/ /d+hi zhes bya ba ni dang po sangs rgyas bskyed pa'i sa bon ste/ de nyid sgeg par ldan te sdig pa ni shu pa'i?/ /kun nas bskyed pa dang 'byin pas na sgeg 'chang ste/ de yang dbang po la khyad par byed pa nyid kyi phyir de 'dzin pas na de la de skad ces bya'o/ /dpa' bo mi sdug gzugs 'chang ba ni dpa' bo'i nyams dang ldan pa dang/ mi sdug pa'i nyams dang ldan pa'i khro bo'i khyad par gang yin pa de rnams kyi gzugs ni dpa' bo mi sdug gzugs ste/ de 'dzin pas na dpa' bo mi sdug gzugs 'chang ba'o/ /lag pa brgyad po kun bskyod cing/ /goms pa'i stobs kyis gar byed pa/ /dpal ldan lag pa brgyas rtsol ba/ /nam mkha' khyab par gang byed pa zhes pa ni/ de la lag pa brgya po kun bskyod cing/ /goms pa'i stabs kyis gar byed pa ni lag pa brgya po rnams kun bskyod cing zhes pa ni/ lag pa brgya po rnams kun tu bskyod pas phyi rol tu bskor zhing sems pa'i gnas la g.yas brkyang pa la sogs pa'o/ /de'i stabs kyis mtho lnga la sogs par bskyod pa ste/ lag pa brgya po kun bskyod pa dang gom pa'i stobs de gnyis kyis gar byed pa dang gang ldan pa de de ltar ro/ / sa la spyod pa'i gar bstan nas gzhan yang nam mkha' la spyod pa'i gar bstan par 'dod pas gsungs pa/ dpal ldan lag pa brgyas rtsol pa/ /nam mkha' khyab par gang byed pa/ dpal ldan ni pad+ma gar gyi dbang phyug go /de'i lag pa brgya ni dpal ldan lag pa brgya pa'o/ /de rnams kyis rtsol ba ni mdzes par gnas pa ste/ dpal ldan lag pa brgyas rtsol ba'o/ /des nam mkha' i ste nam mkha' la kun tu rtsol zhing yongs su bskor ba'i phyag rgya dang gang ldan pa de la de ltar gsungs so/ /sa'i dkyil 'khor gzhi gnon
- 100b
pa/ /rkang pa ya gcig mthil gyis gnon/ rkang mtheb sen mo'i khyon gyis kyang/ /tshangs pa'i yul sa rtse nas gnon zhes pa de la sa'i dkyil 'khor bzhi gnon pa/ rkang pa ya gcig mthil gyis gnon zhes pa la/ sa'i dkyil 'khor gzhi ni sa'i dkyil 'khor ngos te/ 'khor gyi sgra mi snang bar byas nas 'dir stan pa'am/ /dam pa'i chos kyi tshig gi yang phyir ro/ /rkang pa'ang de yin la ya gcig kyang de nyid yin pas rkang pa ya gcig ste/ de'i mthil ni rkang pa ya gcig gi mthil lo/ /rkang pa ya gcig mthil gyis sa'i dkyil 'khor gzhi gnas pa gnon pa ni sa'i dkyil 'khor ngos gnas pa/ rkang pa ya gcig mthil gyis gnon pa ste/ sa'i dkyil 'khor ngos gnon pa dang gang ldan pa de sa'i dkyil 'khor ngos gnon pa'o/ /rtsom pa'i las gsungs pa/ rkang mtheb sen mo'i khyon gyis kyang/ /tshangs pa'i yul sa rtse nas gnon ni rkang pa'i mtheb mo ni rkang pa'i mtheb bo ste/ de'i sen mo ni rkang mtheb sen mo'o/ /tshangs pa'i yul gyi sa'i rtse mo ni tshangs pa'i yul sa'i rtse mo'o/ /des gnon pas rkang mtheb sen mos gnon pa dang gang ldan pa de rkang mtheb sen mo khyon gyis kyang/ tshangs pa'i yul sa rtsa nas gnon to/ /tshig de gnyis kyis ni des 'dul ba'i skye bo la phan gdags pa'i don du bcom ldan 'das de'i rdzu 'phrul rab tu bstan pa yin no/ /don gcig gnyis med chos kyi don/ /dam pa'i don de 'jigs pa med/ /rnam rig sna tshogs gzugs don can/ /sems dang rnam par shes pa'i rgyud ces pa ni de la don gcig ni yang dag pa'i don dam pa'i rang bzhin gyi phyir ro/ /de nyid kyi phyir na gnyis med chos kyi don zhes te/ gzung 'dzin gnyis mi 'thad pa'i phyir ro/ / dam pa'i don ni don dang/ thob pa dang/ sgrub pa dag las thob pa don dam pa nyid do/ /'jigs pa med ni nam mkha' dang 'dra ba nyid kyi phyir ro/ /rnam dag sna tshogs gzugs don can ni 'jug pa'i rnam par shes pa drug go /sems ni kun gzhi rnam par shes
- 101a
pa'o/ /rnam par shes pa ni nyon mongs pa can gyi yid do/ /de yang rim pa 'di yin te/ sems can gzhi rnam par shes pa'i mtshan nyid las nyon mongs pa can gyi yid do/ /de las kyang 'jug pa'i rnam par shes pa drug rnams te/ yul la rnam par g.yo ba'i mtshan nyid rnams so/ /yang de'i bag chags kun gzhi rnam par shes pa la bsgos pa kun gzhi rnam par shes pa las kyang nyon mongs pa can gyi yid de/ de las kyang yang 'jug pa'i rnam par shes pa drug go / de ltar rten cing 'brel par 'byung ba'i 'khor lo phra mo yongs su 'khor ro/ /de ltar yang gsungs pa/ rnam par smin dang rang? sems dang/ /yul la rnam par rig pa'o zhes so/ /des ci gsungs par 'gyur zhe na/ gang yul rig pa'i mtshan nyid rnams la/ ngar sems dang gang nyon mongs pa can gyi yid de/ de rnams ni bcom ldan 'das de nyid do/ /dngos don ma lus rnams la dga' / /stong pa nyid dga' mchog gi blo/ srid pa'i 'dod chags sogs las 'das/ /srid gsum dga' ba chen po pa/ /zhes pa ni de la dngos don ma lus rnams la dga' ni ma lus shing lus pa med pa'i dngos po'i don rnams te gnas pa la sogs pa de rnams la dga' ba ni spro ba ste/ 'jig rten gyi tha snyad kyi dbang gi phyir ro/ /de ltar yang klu sgrub zhabs kyis gsungs pa/ gnas dang skye dang 'jig rten yod med dang/ /dman dang mnyam dang khyab par gang yang rung/ /'jig rten tha snyad dbang gis sangs rgyas rnams/ /gsungs gi yang dag dbang las ma yin no zhes so/ /stong pa nyid dga' ni stong pa nyid la dga' zhing spro ba ste/ stong pa nyid dga' ba ste/ chos thams cad kyi chos nyid de bzhin nyid kyi phyir ro/ /don dam par ni de yang nye bar mi dmigs pa'i phyir ro/ /de nyid kyi phyir na mchog gi blo zhes so/ /srid pa'i 'dod chags sogs las 'das ni/ de 'dod pa'i
- 101b
srid pa dang/ gzugs kyi srid pa dang/ gzugs med pa'i srid pa gsum las 'dod pa'i 'dod chags so/ /gzugs dang gzugs med pa'i srid pa ni srid pa'i 'dod chags kho na ste/ 'dod pa'i 'dod chags ni ma yin no/ /de ltar yang chos mngon pa las gsungs pa/ khams gnyis las skyes srid 'dod chags shes so/ /de de ltar 'dod pa'i 'dod chags la sogs pa las 'das shing brgal bas na srid pa'i 'dod chags sogs las 'das zhes gsungs te/ de nyid bcom ldan 'das 'jam dpal lo srid gsum dga' ba chen po pa ni 'dod pa'i khams la sogs pa'i srid pa gsum po yang snga ma de bzhin te/ sa de las skyes pa'i lha'i bu rnams la phan gdags pa'i don tu de dang de ru skye ba bstan pa'i phyir na srid gsum dga' ba chen po pa zhes so/ / sprin dkar dag pa bzhin du dkar/ /'od bzang ston ka'i zla ba'i 'od/ /nyi ma 'chang ka'i dkyil ltar mdzes/ /sen mo'i 'ong ni shas cher dmar/ /cod pan bzang po ma thon ka'i rtse/ /sgra mchog mthong ka chen po 'chang/ /nor bu chen po 'od chags dpal/ / sangs rgyas sprul pa'i rgyan dang ldan zhes pa ni de la dag pa ni ma rig pa'i dri ma spangs pa'i phyir ro/ /lha ma tshigs bcad rnams ni shes rab kyi 'khor lo'i nang du gtogs pa de bzhin gshegs pa thams cad kyi ye shes kyi sku'i rnal 'byor dang po las bshad pa'i tshig khyad par can gzhan rnams yin pa de bas na 'di dam bkrol lo/ /'jig rten khams brgya kun bskyod pa/ /rdzu 'phrul rkang pa'i stobs dang ldan/ /de nyid dran pa chen po 'chang/ /dran pa bzhi po ting nge 'dzin rgyal zhes pa ni de la 'jig rten khams brgya kun bskyod pa ni 'jig rten khams brgya rnams ni 'jig rten khams brgya'o/ /de kun bskyod pa'i tshul dang gang ldan pa de 'jig rten gyi khams brgya kun bskyod pa'o/ /des ni sa rab tu dga' ba la rnam par gnas pa'i byang chub sems dpa' i
- 102a
rdzu 'phrul gyi che ba'i bdag nyid bstan pa yin no/ /de ltar yang zla ba grags pa'i zhabs kyis gsungs pa/ 'di ni de bzhin gshegs pa'i rigs su skye 'gyur zhing/ de yi kun sbyor gsum yang thams cad zad par byas/ 'jig rten khams brgya g.yo ba bskyed par nus pa ste/ gzhan yang dga' ba rnams 'chang de ni byang chub sems dpa' o zhes so/ /rdzu 'phrul rkang pa'i stobs chen ldan ni lus dang sems rnam par dben pa la brten te mi mthun pa'i phyogs la 'dod chags dang bral ba dang/ 'gog pa la yang dag par brten nas mngon par 'du bya ba med par 'jug pa yongs su mthar phyin par byed pa rnams ni rdzu 'phrul gyi rkang pa bzhi rnams so/ /rdzu 'phrul gyi rkang pa de rnams kyi stobs chen po dang gang ldan pa pha rol gnon pa gang yin pa de rdzu 'phrul rkang pa'i stobs chen ldan no/ /de nyid kun brtags dang/ gzhan dbang dang/ yongs su grub pa nyid kyi phyir ro/ /ngo bo nyid gsum po 'di la de nyid du ci ltar 'dod ce na/ ngo bo nyid gsum rtag med dang/ /yod dang kho na ma yin dang/ /yod dang med de kho na ste/ /ngo bo nyid ni gsum du 'dod ces so/ /kun brtags kyi mtshan nyid ni rtag tu med pa'o/ /de ni kun brtags pa'i mtshan nyid la kho na zhes bya ste/ phyin ci log pa'i phyir ro/ /gzhan gyi dbang gi mtshan nyid ni yod kyang yang dag pa ma yin te 'khrul pa'i phyir ro/ /de bas na 'di ni gzhan gyi dbang gi ngo bo nyid kyi de kho na zhes bya'o/ /yongs su grub pa'i mtshan nyid ni yod pa dang med pa kho na ste/ de bas 'di ni yongs su grub pa'i mtshan nyid kyi de kho na nyid la de kho na nyid de/ de kho na gsum sbyor bas bcom ldan 'das de nyid la de nyid ces gsungs so/ /dran pa chen po 'chang ni shin tu che ba'i dran pa ni dran pa chen po ste/ de yang 'dris pa'i dngos po ma brjed pa'i mtshan nyid de/ /de 'dzin pas na de la de skad gsungs/ /dran pa bzhi po ting nge
- 102b
'dzin rgyal ni dran pa nye bar gzhag pa bzhi'o/ /'di lta ste/ lus nye bar bzhag pa ni yan lag sna tshogs pa la zhen pa tsam gyi dngos po ni ma lus te/ gzung ba la sogs pa rnams dben pa nyid kyi na tshan nyid do zhes lus dran pa nye bar gzhag pa'o/ /de ltar tshor ba dran pa nye bar gzhag pa dang/ sems dran pa nye bar gzhag pa dang/ chos dran pa nye bar gzhag pa'o/ /rnam pa bzhi chang la yang brtson 'grus dang/ ting nge 'dzin dang/ dran pa dang/ shes bzhin du sbyor ba'i phyir ro/ /ting nge 'dzin ni sems rtse gcig pa'o/ /de rgyal bas rgyal ba'o/ /dran pa nye bar gzhag pa bzhi po rnams kyi ting nge 'dzin rgyal ba ni dran pa bzhi po ting nge 'dzin rgyal te/ bcom ldan 'das de nyid do/ /byang chub yan lag me tog dga' / /de bzhin gshegs pa'i yon tan mtsho/ /lam gyi yan lag brgyad tshul rig /yang dag sangs rgyas lam rig pa zhes pa ni de la byang chub yan lag me tog dga' ni mngon par 'dus ma byas par 'jug cing mchog tu gyur pa'i dad pa la sogs pa rnams mthong ba'i lam yongs su tshub pa chos kyi dbyings kyi spyod yul byang chub kyi yan lag bdun po gsungs pa'i mtshan nyid de rnams nyid ni me tog ste/ bsgom pa'i lam 'bras bu'i rgyu'i dngos po nyid kyi phyir na byang chub kyi yan lag ni me tog rnams zhes gsungs so/ /de rnams kyi dga' ba ni thos pa'i rang bzhin gyi ye shes kyi rig pa'i ngo bo nyid kyi 'gro ba rnams rmi lam dang/ smig rgyu dang/ dri za'i grong khyer rnams kyi tshul du so sor snang ba'i mtshan nyid kyi mthong ba'i lam de mngon du byed pa nyid kyi phyir sems rab tu dga' bar gyur pas na byang chub yan lag me tog dka' zhes gsungs so/ /de bzhin gshegs pa'i yon tan mtsho ni de bzhin gshegs pa'i yon tan rnams ni de bzhin gshegs pa'i yon tan rnams te/ ma 'dres pa bco brgyad la sogs pa sangs rgyas kyi chos rnams so/ /de rnams nyid mtsho ste rgya che
- 103a
pa'i phyir dang/ gzhan yon tan rin po che rnams kyi yang 'byung gnas yin pa'i phyir na de bzhin gshegs pa'i yon tan mtsho ni bcom ldan 'das so/ /lam gyi yan lag brgyad tshul rig ni bsgom pa'i lam du rab tu bsgoms pa'i 'phags pa'i lam yan lag brgyad sngon du bshad pa rnams so/ /de rnams kyi tshul ni lam ste/ thabs shes pa'i bar du ste/ de rig cing shes pa ni lam gyi yan lag brgyad tshul rig go /yang dag sangs rgyas lam rig pa ni yang dag sangs rgyas ni gzhan gyis man ngag nye bar ma bstan par rang nyid kyis de kho na thugs su chud pa'i phyir dang/ dam pa'i lam kun tu rtogs pa'i phyir ro/ /yang dag par rdzogs pa'i sangs rgyas de'i lam ni chos kyi dbyings so/ /de shes pas na yang dag sangs rgyas lam rig ste/ de nyid bcom ldan 'das so/ /sems can kun la shas cher chags/ /nam mkha' lta bur chags pa med/ sems can kun gyi yid ltar skyes/ /sems can kun gyi yid ltar mgyogs shes pa ni de la sems can kun la shas cher chags ni chen po yang de yin la chags pa yang de yin pas na shas cher chags pa ste/ sems can kun la shas cher chags pa ni sems can kun la shas cher chags so/ /de la bsdu ba'i dngos po ni bzhi ste/ sbyin pa dang/ snyan par smra ba dang/ don mthun pa dang/ don bzhin spyod pa rnams las sbyin pa ni rdzas shes pa'o/ /snyan par smra ba ni dus shes pa'o/ /don mthun pa ni 'khor shes pa'o/ /don spyod pa ni chos shes pa'o/ /sems can mchog dang mchog ma yin par shes pas bsgrub par bsdu ba'i dngos po de rnams kyis sems can thams cad la bdag nyid mngon du byed pas na sems can kun la shas cher chags zhes gsungs so/ bcom ldan 'das de nyid kun rdzob tu'o/ /don dam par ni bcom ldan 'das de nyid chags pa med pa zhes pa ste/ stong pa nyid kyi ngo bo nyid kyi phyir ro/ /de nyid kyi phyir na
- 103b
bcom ldan 'das nam mkha' lta bu zhes te/ shes rab kyi pha rol tu phyin pa'i bdag nyid kyi phyir ro/ /sems can kun gyi yid las skyes pa ni sems can gyi yid las skyes so/ /de ltar yang gsungs pa/ sems can thams cad ni de bzhin gshegs pa'i snying po can zhes so/ /sems can kun gyi yid ltar mgyogs ni de bzhin gshegs pa'i shugs zhes gsungs pa ste/ sems can thams cad kyi yid ltar mgyogs pa ni sems can thams cad kyi yid ltar mgyogs pa ste/ sems can thams cad kyi sems kyi spyod pa la 'jug pas so/ /sems can kun gyi dbang don shes/ sems can kun gyi yid 'phrog pa/ /phung po lnga don de nyid shes/ /rnam dag phung po lnga 'chad ba zhes pa ni de la sems can kun gyi dbang don shes ni sems can thams cad kyi dbang po rtul po dang/ 'bring po dang/ rnon po de rnams kyi don ni sems can gyi dbang don te/ de mkhyen pas na sems can gyi dbang don shes te/ de nyid bcom ldan 'das so/ /sems can kun gyi yid 'phrog pa ni sems can thams cad kyi yid kyi cha ste/ sems can rnams kyi skal pa ji lta ba bzhin du chos bstan pa'i sngo nas 'phrog pas bde la de skad ces bya'o/ /phung po lnga don de nyid shes ni/ /de la phung po lnga ni gzugs dang/ tshor ba dang/ 'du shes dang/ 'du byed dang/ rnam par shes pa rnams kyi mtshan nyid do/ /de la gzugs kyi phung po ni mig dang/ rna ba dang/ sna dang/ lce dang/ lus dang/ gzugs dang/ sgra dang dri dang/ ro dang/ reg bya rnams dang/ rnam par rig byed ma yin pa rnams kyi mtshan nyid do/ /tshor ba'i phung po ni bde ba dang/ sdug bsngal dang/ gnyis ka ma yin pa'i rang bzhin no/ /'du shes kyi phung po ni yul la mtshan mar 'dzin pa'i mtshan nyid de/ /'du byed kyi phung po ni sems dang mtshungs par ldan pa ma yin pa nyid do/ /rnam par shes pa'i phung po ni rnam par shes pa tshogs brgyad rnams so/ /de rnams kyi don ni phung po
- 104a
lnga'i don te/ de yang spungs pa'i don to/ /de'i de nyid ni rnam par dben pa'i don du khong du chud par bya ste/ phung po lnga don de nyid de/ de yang gcig la sogs pa'i mtshan nyid de log pa ni bdag med pa ste/ de las ni lhag ma med pa'i mya ngan las 'das pa thob par 'gyur ro/ /de de ltar gyur pa'i phung po lnga'i don mkhyen pas na phung po lnga'i don de nyid shes te/ de nyid bcom ldan 'das so/ /de ltar yang slob dpon dbyig gnyen zhabs kyis gsungs pa/ chos rnams rab tu rnam 'byed med par nyon mongs rnams/ /gang phyir nye bar zhi bar bya ba'i thabs med pa/ /nyon mongs las kyang 'jig rten srid mtsho 'dir 'khyams te/ /de bas de'i phyir 'di ni ston pas gsungs so lo zhes pa la sogs pa'o/ /rnam dag phung po lnga 'chad ni rnam par dag pa yang de yin la phung po yang de nyid yin pas rnam dag phung po lnga ste/ tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba'i mtshan nyid rnams so/ /de rnams 'dzin pas na rnam dag phung po lnga 'chad ba ste/ de nyid bcom ldan 'das so/ /des 'byung kun gyi mdza' la gnas/ /nges par 'byung ba kun la mkhas/ /nges 'byung kun gyi lam la gnas/ nges par 'byung ba kun ston pa zhes pa ni de la nges 'byung kun gyi mdza' la gnas ni 'jig rten gyi mya ngan las 'das pa gang cung zad de rnams kyi mthar thug par gyur pa'o/ /de la gnas pas na nges 'byung kun gyi mdza' la gnas so/ /nges par 'byung ba kun la mkhas ni nyan thos rnams kyi mya ngan las 'das pa la mkhas shing byang bas na nges par 'byung ba kun la mkhas so/ /nges 'byung kun gyi lam la gnas ni rang sangs rgyas rnams kyi mya ngan las 'das pa'i lam la gnas pa ste/ nges 'byung kun gyi lam la gnas so/ /nges par 'byung ba kun ston pa ni yang dag par rdzogs pa'i sangs rgyas rnams kyi mya ngan
- 104b
las 'das pa ni nges par 'byung ba kun no/ /de ston pa ni rab tu ston pa ste/ de nyid bcom ldan 'das so/ /yan lag bcu gnyis srid rtsa bton/ /dag pa rnam pa bcu gnyis 'chang/ bden bzhi tshul gyi rnam pa can/ /shes pa brgyad po rtogs pa 'chang zhes pa la de la yan lag bcu gnyis srid rtsa bton ni/ /yan lag bcu gnyis rnams ni 'di lta ste/ ma rig pa dang/ 'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi rnams so/ /de la de kho na nyid la sgrib pa'i phyir na ma rig pa ni ji ltar mngon par 'dod pa'i don mthong ba la gags byed pa nyid kyi phyir de kho na nyid la sgrib pa'o/ /'debs pa'i phyir na 'du byed de/ /nges rnam par shes pa la las kyi bag chags so sor 'jog pa'i phyir ro/ /khrid pa'i phyir na rnam par shes pa ste/ skye ba'i sar phyin par byed pa'i phyir ro/ /kun 'dzin par byed pa'i phyir na ming dang gzugs so/ /bdag gi dngos po rdzogs par byed pa'i phyir na skye mched drug go /gsum 'dus nas yongs su gcod pa'i phyir na reg pa'o/ /nye bar spyod pa'i phyir na tshor ba'o/ /sdud pa'i phyir na sred pa'o/ /las kyis 'phangs pa'i srid pas phyi ma dang sbyor ba'i phyir na len pa'o/ /rnam par shes pa skye ba dang mthun pa'i 'dod chags la sogs pa mngon du byed pa'i phyir na srid pa ste/ las byas pa'i srid pa phyi ma la rnam par smin pa 'byung zhing mngon du byed pa'i phyir ro/ /sdug bsngal gyi phyir na skye ba dang rga shi rnams so/ /de bas na yan lag bcu gnyis te/ de rnams kyis 'khor ba'i srid rtsa ni nye bar len pa'i phyir phung po lnga'i bdag nyid do/ /de dag gis rtsa nas phyung zhing bton pa de yan lag bcu gnyis srid rtsa bton zhes gsungs so/ /de ltar yang dbus dang mdza' rnam par 'byed pa las gsungs pa/ sgrib pa'i phyir dang 'debs pa dang/ /khrid
- 105a
pa'i phyir dang 'dzin pa'i phyir/ /rdzogs byed phyir dang gsum gcod phyir/ /nye bar spyod cing sdud pa'i phyir/ /sbyor ba'i phyir dang mngon du'i phyir/ /sdug bsngal phyir na 'gro nyon mongs zhes so/ /dag pa rnam pa bcu gnyis 'chad ni/ /rnam pa bcu gnyis ni skye mched bcu gnyis rnam par dag pa ste/ gzung 'dzin gyi rnam par rtog pa gnyis dben pa'i phyir ro/ /de rnams 'dzin pas na dag pa rnam pa bcu gnyis 'chang ngo/ /bden bzhi'i tshul gyi rnam pa can ni sdug bsngal dang/ kun 'byung dang/ 'gog pa dang/ lam rnams ni 'phags pa'i bden pa rnams so/ /bden pa bzhi po de rnams kyi tshul ni lam mo/ /de nyid kyi rnam pa'i tshul dang gang ldan pa de bden bzhi tshul gyi rnam pa can te/ de nyid bcom ldan 'das so/ / shes pa brgyad po rtogs pa 'chang ni/ /de la shes pa brgyad ni ji skad gsungs pa'i chos shes pa dang/ rjes su shes pa dang/ sdug bsngal shes pa dang/ kun 'byung shes pa dang/ 'gog pa shes pa dang/ lam shes pa dang/ zad pa shes pa dang/ mi skye ba shes pa rnams so/ /de rnams rtogs pa ni mngon du byed pa'o/ /de 'dzin pas na shes pa brgyad po rtogs pa 'chang ste/ de nyid bcom ldan 'das so/ /bden don rnam pa bcu gnyis ldan/ /de nyid rnam pa bcu drug rig /rnam pa nyi shus byang chub pa/ /rnam pa sangs rgyas kun rig mchog ces pa ni de la bden don rnam pa bcu gnyis lan ni bden pa rnams kyi don ni bden pa'i don te/ de dag pa rnam pa bcu gnyis kyis rab tu rnam par 'byed pas chos kyi 'khor lo rnam par bcu gnyis lan gsum du bskor pa ni 'di lta ste/ sdug bsngal gyi bden pa la mi rtag pa dang/ sdug bsngal dang/ stong pa'o/ /kun 'byung gi bden pa la kun 'byung ba dang/ rgyu dang rab tu bskyed pa'o/ /'gog pa'i bden pa la 'gog pa dang/ zhi ba dang/ gya
- 105b
nom pa'o/ /lam gyi bden pa lam dang/ rigs pa dang/ sgrub pa'o/ /de de ltar gyur pa skal pa ji lta ba bzhin du bden pa rnam pa bcu gnyis kyis chos kyi 'khor lo bskor ba'i phyir na bcom ldan 'das 'di ni bden don rnam pa bcu gnyis ldan zhes gsungs so/ de nyid rnam pa bcu drug rig ni/ de la 'dod pa ni spyod pa'i sdug bsngal bden pa la mi rtag pa dang/ sdug bsngal ba dang/ stong pa dang/ bdag med pa rnams yid la byed pas sdug bsngal la chos shes pa'i 'thod pa dang/ sdug bsngal la chos shes pa 'byung ngo/ /de gnyis kyis kyang 'dod pa na spyod pa'i nyon mongs pa bcu po de rnams rab tu spong ngo/ /gzugs dang gzugs med pa na spyod pa'i sdug bsngal gyi bden pa la de bzhin du yid la byed pas sdug bsngal la rjes su chos shes pa'i bzod pa dang/ sdug bsngal la rjes su shes pa 'byung ngo/ /de gnyis kyis kyang de rnams nyid las khong khro ma gtogs pa gzugs na sbyor ba dgu dang/ gzugs med pa na spyod pa dgu ste/ de ltar bco brgyad yod par 'gyur ro/ /de ltar khams gsum gyi sdug bsngal gyi bden pa mngon par rtogs pas na chos dang/ rjes su dang/ bzod pa dang/ shes pa'i mtshan nyid bzhi rnams kyis phra rgyas nyi shu rtsa brgyad ni sdug bsngal gyi bden pa mthong ba las spong bar 'gyur ro/ /phra rgyas bcu po 'di rnams nyid las 'jig tshogs kyi lta ba dang/ mthar 'dzin pa'i lta ba dang/ /tshul khrims dang brtul shugs mchog tu 'dzin pa rnams ma gtogs bar 'dod pa'i khams kyi gzhan phra rgyas bdun ni 'dod pa na spyod pa'i kun 'byung gi bden pa la rgyu dang kun 'byung ba dang rab tu bskyed pa dang rkyen nyid du yid la byed pas de nyid kun 'byung ba chos shes pa'i bzod pa dang/ chos shes pa de gnyis kyis spong bar 'gyur ro/ /de rnams nyid khong khro ma gtogs pa khams gnyis la phra rgyas bcu gnyis kun 'byung gi bden pa mthong bas te kun 'byung ba rjes su shes pa'i
- 106a
bzod pa dang/ shes pa gnyis kyis spong bar 'gyur bas na de de ltar phra rgyas dgu bcu kun 'byung gi bden pa mthong bas spangs par 'gyur ro/ /de bzhin du 'dod pa na spyod pa'i sdug bsngal 'gog pa'i bden pa la 'gog pa dang/ zhi ba dang/ gya nom pa dang/ nges par 'byung ba bzhi yid la byas pas kun 'byung la gsungs pa'i phra rgyas bdun po de kho na 'gog pa la chos shes pa'i bzod pa dang/ chos shes pa gnyis kyis yongs su spong bar 'gyur ro/ /de ltar rjes su bzod pa dang/ rjes su shes pa gnyis kyis gzugs dang gzugs med pa na spyod pa'i phra rgyas bcu gnyis spong bar byed pas na khams gsum gyi phra rgyas bcu dgu sdug bsngal 'gog pa'i bden pa mthong ba las spang bar 'gyur/ de bzhin du 'dod pa na spyod pa'i sdug bsngal 'gog par 'gro ba'i lam gyi bden pa lam dang/ rigs pa dang/ nges par 'byin pa dang/ sgrub pa dang/ rnam pa bzhir yid la byas pas lam la chos shes pa'i bzod pa dang/ chos shes pa de gnyis kyis gong du gsungs pa'i bdun kho na la tshul khrims dang/ brtul zhugs mchog tu 'dzin pa bsnan pas brgyad ni lam gyi bden pa mthong bas spong bar 'gyur ro/ /lam la rjes su bzod pa dang/ shes pa gnyis kyi gzugs dang gzugs med pa na spyod pa bcu bzhi ni lam mthong ba las srong bar 'gyur bas na de ltar na phra rgyas nyi shu rtsa gnyis lam gyi bden pa mthong bas spangs par 'gyur ro/ /de lta bas na rnam pa bcu drug gis 'phags pa'i bden pa bzhi mngon du byed pas khams gsum pa'i nyon mongs pa med cing phyin ci ma log pa'i dngos po rtogs pa'i de kho na skye ba ste/ de rig cing mkhyen pas na/ de nyid rnam pa bcu drug rig ste/ de nyid bcom ldan 'das/ /rnam pa nyi shus byang chub pa ni phung po lnga rnams la rnam pa nyi shur so sor kun tu rtag pa'i rnam pas yang dag par rdzogs pas/ byang chub mngon du mdzad pa ni
- 106b
'di lta ste/ gzugs nyid bdag yin/ gzugs la bdag gnas/ gzugs bdag gi yin/ bdag gzugs dang ldan/ tshor ba bdag yin/ tshor ba la bdag gnas tshor ba bdag gi yin bdag tshor ba dang ldan/ /'du shes bdag yin/ 'du shes la bdag gnas/ 'du shes bdag yid bdag 'du shes dang ldan/ 'du byed bdag yin 'du byed la bdag gnas/ 'du byed bdag gi yin/ bdag 'du byed dang ldan/ rnam par shes pa bdag yin/ rnam par shes pa la bdag gnas/ rnam par shes pa bdag gi yin/ bdag rnam par shes pa dang ldan pa'o/ /de ltar phye ba'i rnam pa nyi shu rnams kyis gang gis rdzogs pa'i byang chub rtog pa med pa'i ye shes la lhag par rtogs pa ste/ de rnam pa nyi shus byang chub pa zhes gsungs so/ /de ltar klu sgrub zhabs kyis gsungs pa/ rig pa yis ni rnam dpyad na// phung po las ni gzhan kun na/ /mu stegs rnams kyis gang brtags pa'i/ /bdag ni 'ga' yang yod ma yin/ /phung po yin na de mi rtag /de yang bdag gi tshul ma yin/ /rtag pa dang mi rtag med pa'i phyir/ /rten dang brten pa'ang nam yang med ces so/ /rnam par sangs rgyas kun rig mchog gi tshig gsum gyi don ni bshad zin to/ /sangs rgyas kun gyi sprul pa'i sku/ /dpag med mdza' las 'gyed pa po'o/ /skad cig thams cad mngon par rtogs/ /sems kyi skad cig don kun rig ces pa ni de la dpag tu med pa'i sangs rgyas kyi sprul pa'i sku rnams ni dpag med sangs rgyas sprul pa ste/ de rnams kyi sku ni 'dus pa ste /dpag med sangs rgyas sprul pa'i sku'o/ /ji lta ji ltar 'dul ba'i sems can rnams yongs su smin pa'i dbang gi phyir na dpag tu med pa'i sangs rgyas kyi sprul pa'i mdza' 'gyed par byed pa ste/ 'phro ba gang yin pa de nyid bcom ldan 'das kho na yin pas na/ sangs rgyas rnams kyi sprul pa'i sku/ /dpag med mdza' yas 'gyed pa po zhes gsungs so/ /skad cig thams cad mngon par rtogs pa ni skad cig kyang de yin la/ thams
- 107a
cad kyang de yin pas skad cig thams cad de/ skad cig bcu drug gi bdag nyid rnams so/ /de rnams shes pa ni rgyun du zhugs pa'i mngon par rtogs pa ste/ de nyid bcom ldan 'das so/ /de ltar yang chos mngon pa las gsungs pa/ go rim bzhin du cher 'jug pa/ /skad cig bcu drug mthong lam gyis/ /de yi 'bras bu spangs pa'o zhes so/ /sems kyi skad cig don kun rig ni sems can thams cad kyi sems kyi skad cig kun no/ /de'i don mkhyen pas ni sems kyi skad cig don kun rig ste/ de nyid bcom ldan 'das so/ /theg pa sna tshogs thabs tshul gyis/ /'gro ba'i don las phro par byed/ /theg pa gsum gyi nges 'byung la/ /theg pa gcig gis 'bras bur gnas zhes pa ste/ de la theg pa sna tshogs zhes pa la sogs pa ni sna tshogs par gyur pa'i theg pa ni theg pa sna tshogs te/ nyan thos la sogs pa rnams kyi'o/ /de rnams kyi tshul ni lam mo/ /de'i thabs ni theg pa sna tshogs thabs kyi tshul lo/ /de'i phyir theg pa sna tshogs thabs kyi tshul des 'gro ba rnams kyi don byed pa ni 'gro don te/ de la rnam par rtogs shing 'phro bas na/ /theg pa sna tshogs thabs tshul gyis/ /'gro ba'i don la 'phro bar byed do/ /theg pa gsum gyi nges 'byung ba ni 'dul ba'i dbang gis theg ba gsum gyis nges par 'byung bas na theg pa gsum gyi nges par 'byung ba la'o/ /don dam par ni theg pa gcig gis 'bras bur gnas zhes pa ste /gcig kho na'i theg pa ni theg pa gcig go /de'i 'bras bu ni bla na med pa yang dag par rdzogs pa'i byang chub kyi mtshan nyid do/ /de la gnas pa na thag pa gcig gis 'bras bur gnas te/ de ltar yang ba ni gcig kho na ste/ 'di lta ste/ theg pa chen po'o zhes so/ /de ltar yang kam pa la'i zhal snga nas gsungs pa/ 'thab pa'i glang chen mgon po bor nas mgon med bon bu'i theg pas su zhig 'gro /rigs ldan phyug po'i bud med khyad par snang nas
- 107b
smad 'tshong 'dod pa bzhin zhes so/ /nyon mongs khams rnams dag pa'i bdag /las kyi khams rnams zad byed pa/ /chu bo rgya mtsho kun las brgal/ /sbyor ba'i dgon pa las byung ba/ /zhes pa ni de la nyon mongs khams rnams dag pa'i bdag ni nyon mongs pa'i bdag nyid kyi khams rnams ni nyon mongs khams rnams te/ khams bco brgyad do/ /de'i phyir na de rnams las rnam par dag pa'i bdag nyid gang yin pa de ni nyon mongs khams rnams dag pa'i bdag go /las kyi khams rnams zad byed pa ni dge ba la sogs pa'i las kyi khams rnams ni las kyi khams rnams te 'dod pa dang gzugs dang gzugs med pa'i khams zhes bya/ de rnams zad par byed pas na zad par byed pa ste/ 'joms par byed pas shes pa'i don te/ de rnams 'jig par 'gyur ba'i las byed pa'i phyir ro/ /chu bo rgya mtsho kun las brgal chu bo ni bzhi ste/ 'dod pa'i chu bo dang/ srid pa'i chu bo dang/ lta ba'i chu bo dang/ ma rig pa'i chu bo'o/ /de la lta ba dang ma rig pa las gzhan pa 'dod pa'i zag pa nyid 'dod pa'i chu bo rnams te/ rdzas nyi shu rtsa dgu rnams so/ /srid pa'i zag pa nyid srid pa'i chu bo ste/ rdzas nyi shu rtsa brgyad rnams so/ /khams gsum gyi lta ba rnams ni lta ba'i chu bo ste rdzas sum cu rtsa drug rnams so/ /ma rig pa'i zag pa nyid ma rig pa'i chu bo rnams te/ rdzas bco lnga rnams so/ /de nyid rgya mtsho ste/ mang ba nyid kyi phyir ro/ /chu bo rgya mtsho de rnams las gang gis yang dag par brgal ba de de ltar gsungs te/ nyon mongs pa dang/ nye pa'i nyon mongs pa thams cad kyi pha rol tu phyin pa nyid kyi phyir ro/ /sbyor ba'i dgon pa las byung ba/ /ye shes tsam la snyoms par 'jug pa/ /rnal 'byor zhes ni mngon par bshad ces pa ni de nyid dgon pa ste/ shes dka' ba'i phyir dang/ brgal dka' ba'i phyir ro/ /de las nges par 'byung ba ni brgal pa ste/ 'jig rten dang 'jig rten las 'das
- 108a
pa'i sbyor ba rnams kyi yongs su mthar byin pa ni nyid kyi phyir na sbyor ba'i dgon pa las byung ba ste/ de nyid bcom ldan 'das so/ /nyon mongs nye ba'i kun nyon mongs/ /bag chags bcas par gtan spangs pa/ /snying rje chen po shes rab thabs/ /don yod 'gro ba'i don byed pa zhes pa ni de la nyon mongs nye ba'i kun nyon mongs la sogs pa ni/ nyon mongs pa ni 'dod chags la sogs pa drug go /nye ba'i nyon mongs pa ni khro ba la sogs pa nyi shu rtsa bzhi'o/ /kun nyon mongs ni sdug bsngal bdun no/ /nyon mongs pa dang nye ba'i nyon mongs pa dang kun nas nyon mongs pa'i chos de rnams nyid bag chags dang bcas par gtan du spangs ba dang gang ldan pa de ni/ nyon mongs nye ba'i kun nyon mongs/ /bag chags bcas bar gtan spangs pa zhes gsungs so/ /yang na nyon mongs pa ni ma rig pa dang/ sred pa dang/ len pa rnams so/ /nye pa'i nyon mongs pa ni 'du byed dang/ srid pa'o/ /gzhan rnams ni gong ma bzhin no/ /snying rje che dang shes rab thabs zhes pa ni shes rab dang thabs ni shes rab dang thabs te/ snying rje yang de yin la shes rab chen po yang de nyid yin pas snying rje chen po'o/ /shes rab dang thabs dang snying rje chen po gang yin pa de ni/ snying rje dang shes rab thabs te/ de ni bcom ldan 'das so/ /don yod 'gro ba'i don byed pa ni don yod pa ni 'bras bu yod pa'o/ /don yod kyang de yin la 'gro ba'i don yang de nyid yin pas don yod 'gro ba'i don byed pa'o/ /de byed bas na don yod 'gro ba'i don byed pa ste/ de nyid bcom ldan 'das so/ /'du shes kun gyi don spangs shing/ /rnam shes don ni 'gog par 'dzin/ /sems can kun yid yul dang ldan/ /sangs rgyas kun gyi thugs rig pa zhes pa ni/ /de la 'du shes kun gyi don spangs ni 'du shes med pa'i snyoms par 'jug pa dang/ 'du shes med pa dang/ 'gog pa'i snyoms par
- 108b
'jug pa rnams te/ gzugs kyi khams su'o/ /gzugs med pa'i khams su yang nye bar skye ba'i gnas dang po ni nam mkha' mdza' yas skye mched de/ de rnams gsum ni 'du shes kyi sgrar gsungs so/ /'du shes gsum po de rnams kyis spangs pa'i sems dang sems las byung ba'i don gang yin pa de 'du shes don spangs shing ste/ de nyid bcom ldan 'das so/ /rnam shes don ni rnam par shes pa'i don yin pas rnam shes te/ gzugs med pa'i khams nyid do/ /skye ba'i gnas gnyis po ni rnam shes mdza' yas skye mched de/ de rnam par shes pa kho na la dmigs par byed pa nyid kyi phyir ro/ /de nyid kyi don dang gar ldan pa de rnam shes te de nyid bcom ldan 'das so/ /'gog pa 'dzin de nyid kyis skye ba'i gnas bzhi pa dang/ 'gog pa'i snyoms par 'jug pa ni zhes gsungs te/ de 'dzin pas na 'gog pa 'dzin te/ de nyid bcom ldan 'das so/ /sems can kun yid yul dang ldan ni sems can thams cad kyi yid kyi nyon mongs pa can gyi yid de/ sems can kun gyi yid do/ / de nyid yul dang gang ldan pa de sems can kun yid yul dang ldan te/ de nyid bcom ldan 'das so/ /sangs rgyas kun gyi thugs rig pa ni dus gsum na gnas pa'i sangs rgyas thams cad kyi thugs ni shin tu rnam par dag pa'i chos kyi dbyings kyi ye shes so/ /de rig bas na sangs rgyas kun gyi thugs rig pa'o/ /de ltar yang gsungs pa/ kun nas nyon mongs rnam par dag /de ni drir bcas dri ma med/ /chu khams gser dang nam mkha' rnams/ /dag pa bzhin du dag par 'dod ces so/ / sems can kun gyi yid la gnas/ /de dag sems ni mnyam nyid son/ /sems can kun yid tshim par byed/ /sems can kun gyi yid dga' ba zhes pa ni de sems can kun gyi yid la gnas ni sems can thams cad kyi yid ni sems so/ /
- 109a
de'i dkyil du gnas pas na sems can kun gyi yid la gnas te/ de nyid bcom ldan 'das so/ /de nyid kyi phyir na de dag sems ni mnyam nyid son te/ sems can de dag gi sems ni mnyam pa nyid de dag sems dang mnyam nyid de/ de bzhin nyid stong pa nyid kyi bar du'o/ /de ltar yang shes rab brgyad stong pa las gsungs pa/ gang so so'i skye bo'i de bzhin nyid dang/ gang nyan thos kyi de bzhin nyid dang/ gang rang sangs rgyas kyi de bzhin nyid dang/ gang byang chub sems dpa' i de bzhin nyid dang/ gang yang dag par rdzogs pa'i sangs rgyas kyi de bzhin nyid rnams ni de bzhin nyid gcig kho na'o zhes gsungs pa de ltar byas nas sems can kun gyi sems kyi de bzhin nyid dang de dag mnyam pa nyid du son par thob pa de ni de bzhin nyid do/ /de'i phyir na sems can kun yid tshim par byed ces/ sems can de dag nyid phyin ci log las 'das pas bde ba chen po'i ye shes bskyed pa nyid kyis sems can kun gyi yid tshim par byed ces gsungs so/ /de nyid kyi phyir na sems can gyi yid dga' pa zhes gsungs te/ sems can thams cad kyi yid dga' ba ni thams cad de bzhin gshegs pa'i zag pa med pa'i bde ba'o/ /ngo bo la lhag bar chags pas bskyod pas g.yo ba dang mi g.yo ba'i dngos po thams cad bdag nyid kho na'o zhes yid kyi 'du byed kyi dbye bas lhag par chags pa kho nas rab tu 'jug ba'o/ /grub pa'i mdza' la 'khrul pa med/ /nor pa thams cad rnam par spangs/ /don gsum the tshom med pa'i blo/ /kun don yon tan gsum gyi bdag ces pa ni de la grub pa'i mdza' la 'khrul pa med ni grub pa'i mdza' ste/ brtsams pa'i mdza' de la 'khrul pa med cing ma nges pa'i blo gros de bral ba gang yin pa de ni grub pa'i mdza' la 'khrul ba med pa de nyid do/ de nyid kyi phyir na nor ba thams cad rnam
- 109b
par spangs zhes pa ste/ don gyi rang bzhin ji ltar gnas pa yongs su shes pa'i phyir ro/ /yang don gsum the tshom med pa'i blo zhes pa la the tshom med pa'i blo dang gang ldan pa de ni the tshom med pa'i blo ste/ 'jig rten dang 'jig rten las 'das pa'i grub pa'i mdza' yongs su shes pa'i phyir ro/ /don gsum ni 'das pa dang ma 'ongs pa dang/ da ltar gyi don te/ de'i rang bzhin yang 'jam dpal lo/ /kun don ni g.yo ba dang mi g.yo ba'i dngos po'i rang bzhin pa'i phyir ro/ /yon tan gsum gyi bdag nyid ni snying stobs dang rdul dang/ mun pa la 'jug pa'i phyir ro/ /de ltar yang gsungs pa/ snying stobs rdul dang mun pa yang/ /gang phyir sems can don du gyur/ /de phyir kun tu bzang po'i bdag /byang chub spyod pa ji bzhin 'gro zhes so/ /phung po lnga don dus gsum du/ /skad cig thams cad bye brag phyir/ /skad cig gcig gis rdzogs byang chub/ /sangs rgyas kun gyi rang bzhin 'chang zhes pa ni de la phung po lnga don dus gsum du ni phung po lnga rnams kyi don ni dus gsum gyi rnam grangs kyi bdag nyid kyi phyir na phung po lnga don dus gsum nyid ces so/ /de ltar yang chos mngon pa las gsungs pa /'dus byas chos rnams de dag kyang/ /gzugs la sogs pa'i phung po lnga/ /de dag nyid dus gtam bzhi dang/ /nges par 'byung bcas bzhi dang bcas/ /gang dag zag bcas nyer len pa'i/ /phung po'ang de dag 'dab? bcas dang/ /sdug bsngal kun 'byung 'jig rten dang/ /lta bcas srid pa'ang de dag yin zhes so/ /skad cig thams cad bye brag phyed ni rgyu'i gnas skabs na sbyin pa'i pha rol tu phyin pa la sogs pa'i dge ba'i rtsa ba bsags shing thos pa dang bsams pa dang bsgoms pa las byung ba'i thabs dang shes rab kyi chos thams cad rig pas na skad cig thams cad bye brag phyed ces gsungs so/ /'bras bu'i gnas skabs su ni/ /skad cig gcig mngon rdzogs byang chub sde/ skad cig kyang de yin la
- 110a
gcig kyang de yin pas skad cig gcig gi /gang gis skad cig ma gcig kho na la zad pa'i ye shes dang mi skye ba'i ye shes kun tu bzang po zhes bya ba mngon du byed pa de ni skad cig gcig gis rdzogs sangs rgyas so/ /sangs rgyas kun gyi rang bzhin 'chad ni dus gsum du gnas pa'i sangs rgyas thams cad kyi rang bzhin 'di kho na ste/ 'di ltar skad cig gcig mngon rdzogs byang chub ces bya ba'o/ /de 'dzin pas sangs rgyas kun gyi rang bzhin 'chang ngo/ /de ltar yang gsungs pa/ sangs rgyas thams cad tshogs dang ni/ /chos sku 'gro ba'i don spyod pas/ /mnyam pa nyid du sku tshe dang/ /rigs dang/ sku bong tshad dag min zhes so/ /lus med lus te lus kyi mchog /lus ni bye ba 'phro bar byed/ /gzugs rnams ma lus ston pa po/ nor bu chen po rin chen tog /ces pa ni de la lus med lus te ni lus yod pa ma yin pa ni lus med de/ med pa'i lus dang gang ldan pa de lus med lus te/ chos kyi dbyings kyi rang bzhin nyid kyi phyir ro/ /de nyid kyi phyir na lus kyi mchog ste/ longs spyod rdzogs pa la sogs pa'i sku'i nang na mchog ste/ rab ces pa'i don to/ /lus rnams te sku bye ba ni lus bye ba grangs med pa'o/ /de rnams 'phro bar byed pa ste/ 'phro bar byed pas na lus ni bye ba 'phro bar byed pa'o/ /de nyid kyi phyir na gzugs rnams ma lus ston pa po zhes te/ ma lus shing lus pa med pa'i gzugs kyis 'dul ba rnams la yang dag par ston pa'i tshul dang gang ldan pa de gzugs rnams ma lus ston pa po ste/ de nyid bcom ldan 'das so/ /rin chen tog ni 'gro ba thams cad chags par byed pa'i don gyis rin chen no/ /rin chen des mtshan pa'i tog go /de nyid phyag rgya ste/ de 'byin pa yang bcom ldan 'das te/ sbyin pa'i pha rol tu phyin pa nyid kyis bsam pa thams cad yongs su rdzogs pa'i phyir dang/ de bzhin gshegs pa thams cad sbyin pa'i pha rol tu phyin pa la nges par sbyor ba nyid kyi phyir na
- 110b
rin chen tog ni 'jam dpal zhes so/ /da ni rin chen 'byung ldan gyi rang bzhin du yang bcom ldan 'das de bstan pa nye bar bsdu ba gsungs pa/ nor bu chen po zhes te/ de bzhin gshegs pa thams cad mdza' yas pa nyid kyis 'di ltar gsungs par 'gyur te?/ de bzhin gshegs pa mdza' yas pa nor bu chen po las byung ba'i phyir na mnyam pa nyid kyi ye shes te/ des kyang de bzhin gshegs pa thams cad mngon par rdzogs par sangs rgyas pa rnams rang gi phyag rgyas khams gsum pa'i chos kyi rgyal po chen por dbang bskur ba sbyin par byed pas na de'i phyir na nor bu chen po zhes gsungs te/ bcom ldan 'das 'jam dpal nyid do/ /de nas da ni nam mkha' i snying po'i ting nge 'dzin la gnas pa'i bcom ldan 'das 'jam dpal phyogs bcu mdza' yas 'jam klas pa'i sangs rgyas kyi zhing du gshegs nas sems can gyi khams kyi ser sna bcom ste/ rang gi rnam par thar pa'i sgo nas dag par byas nas gang mtshan gyi sngags kyi yi ge'i tshig brgya rtsa bzhi de rnams rtag pa la sogs pa'i rigs kyi dbye bas rnam pa lngar bgos te/ rigs re re la nyi shu rtsa re rer mtshan pa rnams rjes su sbyang te/ de rnams kyis kyang sangs rgyas kyi mdzad pa byas te/ /yang slar log nas rdo rje dbyings kyi dkyil 'khor chen po'i phyi rol 'khor lo bzhi pa la rang rang gi kha dog bsgyur ba'i yi ge rnams su 'gyur te/ ji ltar go rim bzhin du rnam par bzhag go /de ltar yang gong du gsungs pa'i gzugs rnam par gsum du bdag nyid dmigs te/ sngags kyi sgo nas spyod pa'i rigs kyi buAm rigs kyi bu mo 'phags pa mtshan yang dag par brjod pa klog pas ni 'og nas gsungs pa'i yon tan cher thob ces man ngag go /tshigs su bcad pa nyi shu rtsa bzhi'o/ /mtshan gyi sngags kyi yi ge grangs ni brgya rtsa bzhi'o// //'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam
- 111a
par blta ba zhes pa las mnyam pa nyid kyi ye shes kyi rang bzhin gyi bstod pa'i rim pa'i dbang du byas pa ste dgu pa'o// //da ni bya pa nan tan gyi ye shes kyi sgo nas bcom ldan 'das de bzhin gshegs pa thams cad kyi ye shes kyi sku'i bstod pa 'di brjod pa'i dbang du byas nas gsungs pa/ sangs rgyas kun gyi rtogs bya ba/ sangs rgyas byang chub bla na med/ /gsang sngags las byung yi ge med/ /gsang sngags chen po rigs gsum pa zhes pa ni/ de la sangs rgyas kun gyi rtogs bya ba ni dus gsum du bzhugs pa'i sangs rgyas thams cad kyis rtogs par bya zhing shes par bya ba mngon du bya ba ni bcom ldan 'das de nyid yin pa sangs rgyas kun gyi rtogs bya ba'o/ /de ltar yang dpal de nyid 'dus pa las gsungs pa mngon par byang chub khyed la brten/ /khyed ni kun gzigs yab yin te/ /byung dang 'byung bar 'gyur ba yi/ /de bzhin gshegs rnams khyed la brten zhes so/ /sangs rgyas byang chub ni nyan thos la sogs pa gsum po'i byang chub ni sangs rgyas byang chub po/ /'di lta ste/ byang chub rnam pa gsum ni ji skad gsungs pa'i nyan thos kyi byang chub dang/ /rang sangs rgyas kyi byang chub dang/ /yang dag par rdzogs pa'i byang chub rnams so/ /rnam pa gsum yin yang de nyid bla na med pa zhes bya ba ste/ 'di las bla na med pas na bla na med pa'o/ /gsang sngags las byung ba ni 'jig rten dang 'jig rten las 'das pa'i gsang sngags rnams kyi skye ba'i gnas nyid kyi phyir na gsang sngags 'byung ba ste/ byed rgyu zhes pa'i don to/ /yi ge med pa ni gang la brjod par bya ba dang/ brjod pa'i mtshan nyid kyi yi ge rnams med pa de ni yi ge rnams med pa ste/ chos kyi dbyings kyi rang bzhin gyi phyir ro/ /gsang sngags chen po rigs gsum pa ni gsang sngags kyang de yin la chen po yang de nyid yin pas gsang sngags chen po ste/ rtag pa dang/ mi bskyod pa dang/ snang
- 111b
ba mdza' yas te rigs gsum po rnams ni rigs gsum mo/ /gsang sngags chen po'i bdag nyid rigs gsum dang gang ldan pa de ni gsang sngags chen po rigs gsum pa ste/ sku gsung thugs nam mkha' dang mnyam pa nyid kyi phyir ro/ /de yang dpal gsang ba 'dus pa las gsungs pa/ de nas byang chub sems dpa' sems dpa' chen po de dag gis de bzhin gshegs pa thams cad kyi sku dang gsung dang thugs rdo rje nam mkha' i tshul du nges par sbyor zhing ched du brjod pa 'di ched du brjod do zhes so/ /gsang sngags don kun skyed pa po/ /thig le chen po yi ge med/ /stong ba chen po yi ge lnga/ /thig le stong pa yi ge drug ces pa ni de la gsang sngags don kun skyed pa po ni 'jig rten dang 'jig rten las 'das pa'i gsang sngags thams cad kyi don te/ de bskyed pa ni 'byin par byed pa ste/ de nyid bcom ldan 'das so/ /thig le chen po ni dang po'i ni yi ge a nas hal thug pa'i bar du dbyangs dang gsal byed rnams ni thig le chen po zhes gsungs te/ de yang bcom ldan 'das nyid do/ /yi ge med ni don dam pa'i ngo bo nyid kyi phyir ro/ / stong pa chen po ni stong pa nyid rnam pa bcu drug gi rang bzhin nyid kyi phyir ro/ /yi ge lnga ni rtag pa la sogs pa'i yi ge 'bru a(rgyud 'grel): oM(rgyud 'grel): hUM(rgyud 'grel): h+ri(rgyud 'grel): a(rgyud 'grel): zhes pa'i bdag nyid kyi phyir na yi ge a zhes gsungs so/ /thig le stong pa zhes pa la thig le ni sa bon gyi yi gi'o/ /de la don dam par mi dmigs pa'i rang bzhin gyi phyir ro/ /yi ge drug ni oM bA gI shwa ra muM zhes te yi ge drug pa'i bdag nyid kyi phyir ro/ /rnam pa kun gyi rnam pa med/ /bcu drug phyed phyed thig le can/ /yan lag med pa'i rtsis las 'das/ /bsam gtan bzhi yi rtse mo can zhes pa ni de la rnam pa kun gyi rnam pa med ni rnam pa kun ni skyes bu chen po'i mtshan sum cu rtsa gnyis la sogs pa'i chos de rnams kun gang yin pa las 'das shing med pa'i rnam pa'i yan lag dang gang ldan pa de la de ltar gsungs so/ /de ltar
- 112a
yang 'phags pa shes rab kyi pha rol tu phyin pa sum brgya pa las gsungs pa/ rab 'byor de ji snyam du sems /mtshan phun sum tshogs pas de bzhin gshegs par blta 'am/ rab 'byor gyis gsol pa/ bcom ldan 'das mtshan phun sum tshogs pas de bzhin gshegs par blta bar bya ba 'di ni ma lags so/ /de ci'i phyir zhe na/ gang mtshan phun sum tshogs pa de bzhin gshegs pas gsungs pa de nyid mtshan phun sum tshogs pa lags pa'i slad du'o/ /bcom ldan 'das kyis tshe dang ldan pa rab 'byor la bka' stsal pa/ rab 'byor ji srid du mtshan phun sum tshogs pa de srid du brdzun no/ /ji srid du mtshan phun sum tshogs pa med pa de srid du rdzun pa ma lags so/ /de ci'i phyir zhe na/ de bzhin gshegs pa'i mtshan ma yin par blta bar bya'o/ / zhes te/ de kun rdzob dang don dam pa'i rang bzhin yin pa'i phyir ro/ /bcu drug phyed phyed thig le can/ /yan lag med pa'i rtsis las 'das/ /bsam gtan bzhi yi rtse mo can ni de bdag gi bla ma'i lung yin pa'i phyir na tshig rkang gsum gyi don bdag gi ma bshad do/ /de'i phyir na bdag cag gi bla mas ji lta ba bzhin du bdag la gsungs pa/ sngags kyi sgo nas spyad pa spyod pa las thams cad so sor rtogs pa dad pa dang yang dag par ldan pa'i slob ma rnams dus ring por mnyes par byed pa'i bsam pa'i khyad par las sgyu 'phrul dra ba'i mngon par byang chub ba'i bla ma'i man ngag snyan khung nas snyan khung du brgyud pa rab tu bstan par bya'o/ /de'i phyir de'i sbyor ba 'tsham pa bgos pas 'jigs pas TI ka las 'di rnam par ma spros so/ /bsam gtan yan lag kun shes shing/ /ting 'dzin rig dang rgyud 'chang ba/ /ting 'dzin lus can lus kyi mchog /longs spyod rdzogs sku kun gyi rgyal zhes pa ni de la bsam gtan yan lag kun shes shing ni bsam gtan kun ni bzhi rnams te/ rtog pa dang/ dpyod pa dang/ dga' ba dang/ bde ba zhes pa
- 112b
rnams las so/ /de la rtog pa dang bcas/ /dpyod pa dang bcas/ dben pa las skyes pa'i dga' ba dang bde ba can ni bsam gtan dang po'o/ /rtog pa dang dpyod pa spangs pa ni bsam gtan gnyis pa'o/ /dga' ba yang med cing btang snyoms dang dran pa yang dag par ldan pa ni bsam gtan gsum pa'o/ /sdug bsngal yang ma yin bde ba yang ma yin pa'i btang snyoms dang dran pa yongs su dag pa ni bsam gtan bzhi pa'o/ /bsam gtan bzhi po de dag gi yan lag ste cha shas 'di rnams so/ /de shes na ni mkhas pa ste/ bsam gtan de rab tu 'byed pa la yang sbyor ba'i phyir te/ de la mos pa'i sems can kun tu bzang po'i don yin no/ /de ltar yang gsungs pa/ byang chub sems dpa' rnams kyis bsam gtan dang po la sogs pa mngon du byed de/ sems can gyi don gyis gnas pas na de'i dbang gis skye ba ni ma yin no/ /de bzhin du 'og nas bshad pa las kyang lha tshe ring por mi skye par shes pa/ de rnams su skye ba la dbang thob pa'i phyir ro/ /ting 'dzin rig dang rgyud 'chang ba ni ting nge 'dzin rnams ni de yang mchog tu dge ba la rtse gcig pa'i rnam par bsgom pa nyid kyi phyir na bsam gtan dang po la sogs pa'i mtshan nyid do/ /go rim bzhin du rang gi ming dang don gyi rjes su dran pa'i rab tu dbye ba dpag tu med de/ de bas na de rnams kyi rigs dang rgyud ni gdon mi za bar nyan thos la sogs pa ste/ de 'dzin pas na ting 'dzin rig dang rgyud 'chang ba'o/ /ting 'dzin lus can lus kyi mchog ni ting nge 'dzin gyi lus ni lus kyi sku'o/ /de nyid kyi phyir sprul pa la sogs pa'i lus thams cad las mchog dang rab tu na bas ting 'dzin lus can lus kyi mchog ste/ de nyid bcom ldan 'das so/ /longs spyod rdzogs sku kun gyi rgyal ni longs spyod rdzogs pa'i sku thams cad du gyur pa bcom ldan 'das 'jam dpal 'khor thams cad kyi nang na che ba'i bdag nyid phun sum tshogs pa bden pa'i don
- 113a
'bras bu dang bcas pa sna tshogs pa bsam du med pa'i 'jig rten las 'das pa'i byang chub sems dpa' thams cad dga' pa'i rgyu rab tu ston par byed pa'i phyir na bstan to/ /de'ang de nyid bstan pa'i sgo nas mdzes shing mthar bas na longs spyod rdzogs sku kun gyi rgyal lo/ /de ltar yang gsungs pa/ bdag gi sbyor ba 'jig rten lam 'das bsam gyis mi khyab legs mdzad legs pa'i 'bru/ /blo chen rnams kyi dga' pa'i rgyu ni 'khor ba'i nang du sna tshogs rab ston cing/ / dam pa'i chos kyi sgra chen rtag tu 'jig rten khams rnams kun tu rab 'phro ba/ /sangs rgyas chos kyi rgyal srid che la bzhugs pa de la 'dir ni phyag 'tshal lo/ /zhes so/ /sprul pa'i sku ste sku yi mchog /sangs rgyas sprul pa'i rgyud 'chang ba/ /phyogs bcur sprul pa sna tshogs 'gyed/ /ji bzhin 'gro ba'i don byed pa zhes pa ni de la sprul pa'i sku ste sku'i mchog ni sprul pa'i bdag nyid kyi sku ni sprul pa'i sku'o de'ang gzhan 'jig rten pa'i sprul pa rnams kyi nang na rab kyi phyir na sku'i mchog ces gsungs so/ / ji ltar gsungs pa/ sems can rnams kyi smin pa'i rgyu phyir la lar 'bar ba'i me bzhin gang snang zhing/ /la lar yang ni rdzogs byang chub dang chos kyi 'khor lo rab bzhir gang snang ba/ rnam pa du mar 'jug cing srid pa gsum rab 'dzin sna tshogs thabs kyis 'joms mdzad pa/ /thub pa rnams kyi don chen phyogs bcur rjes sngon sprul sku de la phyag 'tshal lo zhes so/ /sangs rgyas sprul pa'i rgyud 'chang ba ni dus gsum na bzhugs pa'i sangs rgyas rnams kyi sprul pa de rnams kyi rgyud ni rim pa ste sangs rgyas sprul pa'i rgyud do/ /de 'dzin pas na sangs rgyas sprul pa'i rgyud 'chang ba ste/ de bzhin gshegs pa thams cad kyi gdung rgyun mi gcod pa nyid kyi phyir ro/ /phyogs bcur sprul pa sna tshogs pa ni phyogs bcu po rnams su rnam pa sna tshogs tha dad pa'i sprul
- 113b
ba'i cho 'phrul dang gang ldan pa de phyogs bcur sprul pa sna tshogs 'gyed pa'o/ /de nyid kyi phyir na ji bzhin 'gro ba'i don byed pa ste/ ji bzhin phyin ci ma log par don bstan pa'i sgo nas 'gro don byed pas na ji bzhin 'gro ba'i don byed pa'o/ /lha yi dbang po lha yi bla/ /lha min dbang po lha min bdag /'chi med dbang po lha yi bla/ /'joms byed 'joms byed dbang phyug po/ /zhes pa ni de la lha'i dbang po ni khyab 'jug gi rang bzhin nyid kyi phyir ro/ /lha'i lha ni tshangs pa'i bdag nyid kyi phyir ro/ /lha min dbang po ni rnam par snang byed 'be le'i gzugs kyis so/ /lha min bdag ni gza' ra hu la'i rang bzhin nyid kyi phyir ro/ /'chi med dbang po ni grong khyer 'jig gi gzugs nyid kyi phyir ro/ /lha'i bla ni gza' phur bu'i gzugs nyid kyi phyir ro/ /'joms byed ni tshogs bdag gi rang bzhin nyid kyi phyir ro/ /'joms byed dbang phyug ni ma hA de ba'i rang bzhin nyid kyi phyir ro/ /lha'i dbang po la sogs pa rnams kyis bcom ldan 'das de nyid la mngon par brjod par bya'o/ /srid pa'i dgon pa las brgal ba/ /ston pa gcig po 'gro ba'i bla/ /'jig rten phyogs bcur rab grags pa/ /chos kyi sbyin bdag che ba po zhes pa ni de la srid pa'i dgon las brgal ni srid pa ni 'khor ba'o/ /de nyid kyi dgon pa ste brgal ba dka' ba nyid kyi phyir na srid pa'i dgon pa'o/ /gang gis srid pa'i dgon pa las brgal ba de ni srid pa'i dpon pa las brgal ba'o/ /gcig pu ni gnyis su med pa ste/ de dang 'dra ba med pa'i phyir ro/ /de nyid kyi phyir na ston pa zhes pa ste/ ston pa ni gang sems can thams cad kyi bya ba ston pa byed pas ston pa yin no/ /de la sems can thams cad kyi ston pa ni khyad par med pa bcom ldan 'das 'jam dpal de nyid de/ sems can thams cad kyi bya ba ston par byed pa nyid kyis byed pa'o/ 'di lta ste/ ngan song du skyes pa rnams la yang de bzhin
- 114a
gshegs pa'i sku'i 'od zer las de bzhin gshegs pa'i sku bstan pas rab tu dang bar byas te mtho ris la so sor 'jog byed do/ /mtho ris su skyes pa rnams la yang skal ba dang mi ldan pa kha cig rnams la gong du gsungs pa'i cho gas bsam pa yongs su dag par byas nas 'khor ba'i bde ba'i las sbyin pa la sogs pa la so sor 'jog par byed de/ skal ba dang ldan pa'i rigs rnams la yang bsam pa rnam pa gnyis kyis nye bar ston pa rnams kyis te/ dge ba'i rtsa ba ma bsags pa rnams kyi dge ba'i rtsa ba bskrun par bya ba dang/ dge ba'i rtsa ba yongs su bskrun pa rnams ni dge ba'i rtsa ba yongs su smin par byed do/ /dge ba'i rtsa ba yongs su smin pa rnams ni yongs su grol bar byas te/ rigs ji lta ba bzhin du nyan thos la sogs pa la so sor 'jog go /da ltar ngan song dang mtho ris su skyes pa rnams kyi skal pa dang ldan pa dang mi ldan pa'i rigs rnams la bya ba mthun par bsgrub pa'i phyir na de nyid sems can thams cad kyi ston pa zhes gsungs so/ /de nyid kyi phyir na 'gro ba'i bla ma ste/ 'gro ba rnams kyi bla ma yin pas 'gro ba'i bla ma'o/ /'jig rten phyogs bcur rab grags pa/ /chos sbyin bdag ni phyogs bcu rnams kyi 'jig rten ni phyogs bcu'i 'jig rten no/ /phyogs bcu'i 'jig rten kyang de yin la rab grags kyang de nyid yin pas 'jig rten phyogs bcur rab grags pa ste/ 'jig rten na phyogs bcur grags te/ de rnams la chos kyi sbyin bdag gang yin pa de/ 'jig rten phyogs bcur rab grags pa/ /chos kyi sbyin bdag go /de nyid che ba po zhes te/ /g.yo ba dang mi g.yo ba'i dngos po rnams la khyab pa'i phyir ro/ /de ltar yang dpal bde mchog gi rgyud las gsungs pa/ kun tu kun nas thams cad du/ /bdag nyid rtag tu rnam pa kun/ /sangs rgyas la sogs brtan g.yo kun/ /kun gyi dngos por bdag gyur to/ /zhes so/ /byams pa
- 114b
pa'i go cha chas pa ste/ /snying rje yi ni ya lang bgos/ /shes rab ral gri mnga' gzhu thogs/ /nyon mongs mi shes g.yul ngo sel zhes pa ni de la byams pa'i go cha chas ste ni/ byams pa ni sems can thams cad la bshes dang grogs dang bu gcig pa bzhin du byams pa rnams so/ /byams pa des go cha ni byams pa'i go cha gang gis chas pa ste/ byams pa'i go cha chas pa'o/ /snying rje yi ni ya lad bgos snying rje ni ji snyed gsungs pa'i mtshan nyid do/ /de nyid ya lad de snying rje'i ya lad do/ /snying rje'i ya lad des bgos pas bsrungs pa gang yin pa de snying rje'i ya lad bgos so/ /shes rab ral gri mnga' gzhu thogs ni/ shes rab ni shes rab kyi pha rol tu phyin pa'i po to'o/ /ral gri ni ye shes kyi ral gri'o/ /mnga' ni sems phra mo yongs su 'bigs pa'i bdag nyid do/ /gzhu ni rdo rje'i gzhu'o/ /des kyang ci gsungs par 'gyur zhe na/ byams pa'i go cha chas shing snying rje'i ya lad kyis bsrungs pa'i shes rab la sogs pa'i phyag rgya dang ldan pa nyon mongs pa'i mi shes ni 'dod chags pa'i gti mug go / de nyid g.yul te 'thab mo'o/ /de sel cing spong bas na bcom ldan 'das dngos po de nyon mongs mi shes g.yul ngo sel ba yin no/ /man ngag ni 'di'o/ /mdog dmar ba dang phyag bzhi par shes par bya'o/ /dpa' bo bdud dgra bdud 'dul ba/ / bdud bzhi'i 'jigs pa sel bar byed/ /bdud kyi dpung rnams pham par byed/ /rdzogs pa'i sangs rgyas 'jig rten 'dren zhes pa ni de la bdud dgra ni bdud rnams te bgegs kyi dgra ste bdud dgra'o/ /de nyid bdud 'dul zhes pa ste/ rdo rje gdan la bzhugs nas bdud mi mthun pa'i phyogs rnams 'joms pas na bdud 'dul ba'o/ /de nyid kyi phyir na dpa' bo ste/ mi mthun pa'i phyogs gzhan rnams kyis zil mi non pa nyid kyi phyir ro/ /bdud bzhi'i 'jigs pa sel bar byed na bdud rnams ni bdud bzhi'o/ /
- 115a
de rnams 'jigs pa ni bdud bzhi 'jigs so/ /de sal bar byed cing med par byed pas na bdud bzhi'i 'jigs pa sel bar byed do/ /bdud kyi dpung rnams pham byed pa ni bdud thams cad kyi dpung ci 'dud kyi dpung ste de'o/ /de pham par byed pa'i tshul dang gang ldan pa de ni bdud kyi dpung rnams pham byed pa'o/ /rdzogs pa'i sangs rgyas ni mtshan rnams nye bar sdu ba gsungs pa yin no/ /'di ltar sangs rgyas bcom ldan 'das/ /rdzogs pa'i sangs rgyas zhes pa dang po nas? ji tsam 'di'i mthar thug pa'i bar du ni 'jam dpal gyi mtshan yang dag par brjod pa phal cher la gsungs pa'o/ /'jig rten 'dren ni 'jig rten rnams kyi 'dren pa po 'jig rten 'dren te/ 'gro ba kun mngon par 'dod pa'i phyir ro/ /mchod 'os bstod 'os phyag gi gnas/ /rtag tu ri mor bya ba 'os/ /bkur 'os rjed par bya ba'i 'os/ /phyag byar 'os pa bla ma'i rab ces pa ni de la mchod 'os ni thos pa dang dran pa rnams yongs su mthar phyin pa ni mchod 'os zhes brjod la/ bcom ldan 'das 'jam dpal yang grub pa'i mdza' thams cad kyi pha rol tu son pa'i phyir na mchod 'os zhes gsungs so/ /bstod 'os ni bstod par 'os pa nyid kyi phyir ro/ /phyag gi gnas ni lha rnams dang bcas pa'i 'jig rten rnams kyi phyag bya bar 'os pa nyid kyi phyir ro/ /rtag tu ri mor bya ba'i 'os ni nyan thos la sogs pa thams cad kyis ri mor bya bar 'os pa nyid kyi phyir ro/ /bkur 'os ni yon tan thams cad yongs su rdzogs pa nyid kyi phyir na 'jam dpal nyid byang chub sems dpa' thams cad kyis so/ /rjed par bya ba'i mchog ni de bzhin gshegs pa thams cad kyis rjed par bya ba nyid kyi phyir ro/ /phyag byar 'os pa ni sngags kyi sgo spyad pa spyod pa rnams kyis phyag byar 'os pa nyid kyi phyir ro/ /bla ma ni sems can 'di dag thams cad la rjes su ston pa'i phyir dang/ de bzhin gshegs pa thams cad kyi thugs kar gnas pa nyid kyi phyir ro/ /de nyid
- 115b
kyi phyir na rab ni mchog gi phyir te/ de nyid bcom ldan 'das so/ /'jig rten gsum nyid gom gcig bgrod/ /mkha' ltar mdza' med rnam par gnon/ /gsum rig gtsang ma dag pa ste/ /mngon shes drug ldan rjes dran drug zhes pa ni de la 'jig rten gsum nyid gom gcig bgrod ni 'jig rten gsum po rnams mnyam por bsdus pa ni 'jig rten gsum ste/ 'jig rten gsum nyid ni 'jig rten gsum mo/ /'jig rten gsum po de la gom pa gcig kho nas bgrod pa'i zhabs dang gang ldan pa de 'jig rten gsum nyid gom gcig bgrod do/ /des ni bcom ldan 'das de'i rdzu 'phrul chen po'i bdag nyid yang dag par bstan pa yin no/ /mkha' ltar mdza' med rnam par gnon ni mkha' na mkha' o/ /de yongs su mdza' yas pa ni mkha' ltar mdza' med pa'o// de rnam par gnon pa ni pha rol gnon pa gang yin pa de ni mkha' ltar mdza' med rnam par gnon no/ /tshig des kyang bcom ldan 'das de'i sems can gyi don du gnon pa nges par ston pa yin no/ /gsum rig ni rig byed rig par bstan pa gsum ste/ des brjod dang/ mchod sbyin dang/ snyan ngag gi mtshan nyid rnams ni rig byed gsum po gsum ldan dang/ rjes su lta ba dang/ gtam gyi mtshan nyid kyang rung ba bsgrubs pa 'am rig pas na gsum rig go /de'i rang bzhin yang bcom ldan 'das so/ / yang na theg pa gsum po nyid kyis bsdus pa ste sde snod gsum gyi rang bzhin rig pa ni gsum po sgrub pas sam rig pas na'o/ /yang rdzu 'phrul dang/ pha rol gyi sems shes pa dang/ zag pa zad pa'i mngon par shes pa'i rang bzhin rig na gsum rig pa'o/ /de nyid kyi phyir na gtsang ma zhes pa ste/ rig byed rig pa'i rang bzhin lta ba yin la/ 'dun pas 'dod phyir na gtsang ma zhes gsungs so/ /bcom ldan 'das 'jam dpal yang grangs med pa'i theg pa la 'dun pas 'dod pa'i phyir na
- 116a
gtsang ma zhes gsungs so/ /dag pa ni des dag par byed pas na dag pa ste/ dag pa'i rgyu yin pa'i phyir ro/ /de ltar yang bshad pa chen po las gsungs so/ /sa la chu yis yongs su dag /chu la'ang sngags rnams mchog tu dag /de yang dus tshod tshogs pas dag /drang srong chen pos lung bstan gsungs zhes gsungs so/ /de ltar yang bcom ldan 'das dag pa nyid kyi phyir na dag pa zhes gsungs so/ /mngon shes drug ldan ni lha'i rna ba dang pha rol gyi sems shes pa dang/ mngon gyi gnas rjes su dran pa dang/ rdzu 'phrul dang/ zag pa zad pa'i mngon par shes pa rnams so/ /mngon par shes pa de rnams drug dang gang ldan pa de mngon shes drug ldan no/ /rjes dran drug ni ji skad gsungs pa'i sangs rgyas rjes su dran pa dang/ chos rjes su dran pa dang/ dge 'dun rjes su dran pa dang/ rigs rjes su dran pa dang/ khro bo rjes su dran pa dang/ dam tshig rjes su dran pa rnams so/ /de'i phyir rjes su dran pa dang/ gang ldan de la de skad gsungs so/ /byang chub sems dpa' sems dpa' che/ /rdzu 'phrul chen po 'jig rten 'das/ /shes rab pha rol phyin pa'i mdza' / /shes rab de nyid de nyid de thob ces pa ni de la byang chub sems dpa' ni chos thams cad la chags pa med pas byang chub ste/ rang gi don phun sum tshogs pa la sems dpa' i blo dang gang ldan pa de byang chub sems dpa' o/ /de ltar yin na nyan thos la thal bar 'gyur ro/ /de'i phyir gsungs pa/ sems dpa' che zhes pa ste/ gzhan gyi don phun sum tshogs pa chen po la sems pa'i blo dang gang ldan pa de sems dpa' che'o/ /chen po yang gzhan du 'gyur te/ mu stegs kyi skye bo bzang po lta bu'o zhe na/ de'i phyir byang chub sems dpa' zhes gsungs so/ /de bas na tshig de gnyis kyis nye bar mtshon pa ni bcom ldan 'das de nyid yin no/ /de yang 'jig
- 116b
rten 'das shes pa ste/ 'khor ba'i chu bo chen po'i rgyun las kun tu brgal ba'i phyir ro/ /rdzu 'phrul chen po ni bsod nams dang ye shes kyi tshogs yongs su rdzogs pa'i phyir ro/ /shes rab kyi pha rol tu phyin pa'i mdza' ni chos rab tu rnam par 'byed pa'i mtshan nyid shes rab kyi pha rol tu phyin pa ni shes rab kyi pha rol tu phyin pa'o/ /de'i mdza' ni mthar phyin cing 'jug brtul bar son pa gang yin pa de shes rab kyi pha rol tu phyin pa'i mdza' o/ /shes rab de nyid ni shes rab de kho na ste/ shes rab gnyis su med pa'i ye shes te/ bcom ldan 'das de nyid do/ /de nyid thob pa ni gnyis su med pa'i ye shes don? ste/ de thob cing mngon du gyur pa gang yin de la de skad ces gsungs so/ /bdag rig gzhan rig thams cad la/ /kun la phan pa'i gang zag mchog /dper bya kun la 'das pa ste/ /shes dang shes bya'i bdag po mchog ces pa ni de la bdag rig ni bdag nyid rig pas na bdag rig go /gzhan rig ni gzhan rnams rig pas na bzhad rig go /thams cad ni ma lus pa'i dngos po bstan pa'i phyir ro/ /kun la phan pa ni thams cad la phan pa byed pas na kun la phan pa ste/ 'gro ba kun la bu gcig pa bzhin du byams pa'i phyir ro/ /rgyu de'i phyir na gang zag mchog ste/ bcom ldan 'das so/ /dper bya kun las 'das pa ste ni dngos po 'di thams cad kyi dper bya kun no/ /dper bya de kun las 'das pa shin tu 'das pa gang yin pa de ni dper bya kun las 'das so/ /shes bya ni gzung ba'i ngo bo nyid kyi phyir ro/ /shes pa'i bdag po ni 'dzin pa po'i rang bzhin gyi phyir ro/ /mchog ni rab nyid kyi phyir ro/ /chos kyi sbyin bdag gtso bo ste/ /phyag rgya bzhi po'i don ston pa/ /'gro ba'i bsnyen bkur gnas kyi mchog /des 'byung gsum po bgrod pa po zhes pa ni/ de la chos kyi sbyin bdag ni skal ba ji lta bzhin du phyin ci ma log par chos kyi sbyin pa sbyin pa'i phyir ro/
- 117a
de nyid kyi phyir na gtso bo zhes bya ba ste/ mngon par 'gro bar bya ba rnams kyi nang na mchog ste/ bcom ldan 'das de nyid do/ /phyag rgya bzhi po'i don ston pa ni phyag rgya chen po la sogs pa bzhi rnams kyi don ni phyag rgya bzhi'i don te/ de'i ston pa po ni rab tu ston pa pa'o/ /de bzhin gshegs pa thams cad kyi ye shes kyi sku'i rang bzhin nyid kyi phyir 'gro ba'i bsnyen bkur gnas kyi mchog ces bya'o/ /nges 'byung gsum po ni nyan thos la sogs pa'i nges par 'byung ba ste/ nges bgrod pa'i tshul dang gang ldan pa de ni nges 'byung gsum gyi bgrod pa'o/ /de bas na nges 'byung gsum gyis bgrod pa'i 'gro ba thams cad kyi bsnyen bkur gyi gnas ni bcom ldan 'das de nyid de/ thar pa thams cad kyi rang bzhin nyid kyi phyir ro/ / don gyi dam pa rnam dag dang la/ /'jig rten gsum bskal bzang che/ /dpal ldan 'byor pa kun byed pa/ /'jam dpal dpal dang ldan pa'i mchog ces pa ni de la don dam chos kyi dbyings kyi rnam par dag pa'i dpal dang gang ldan pa de ni don gyi dam pa rnam dag dpal te/ thabs dang shes rab kyi bdag nyid kyi phyir ro/ /de nyid kyi phyir na 'jig rten gsum na skal pa 'jig rten gsum po kho na la skal pa bzang po ste sems can kun gyi don byed pa'i phyir ro/ /de ltar yang dpal bde mchog gi rgyud las gsungs pa/ sems can kun don byed phyir na/ /skal bzang bcom ldan rdo rje can/ /gtan du mya ngan 'das phyir na/ /nyan thos thams cad skal ngan yin zhes gsungs so/ /che ni kun la khyab pa nyid kyi phyir ro/ /dpal ldan ni skal pa phun sum tshogs pa dang ldan pa nyid kyi phyir ro/ /'byor ba kun byed pa ni phun sum tshogs pa thams cad kyi rten gyi dngos po nyid kyi phyir ro/ /'jam dpal ni mtshan brjod pa yin no/ /dpal dang ldan pa'i mchog na de dang ldan pa'i nang na rab ces pa'i don to/ /de ltar de nas da ni bya ba nan
- 117b
tan gyi ye shes kyi rang bzhin gyis bcom ldan 'das de nyid de bzhin gshegs pa thams cad kyi ye shes sems dpa' / de bzhin gshegs pa thams cad kyi phyag rgya kun yang dag par rig pa'i bya ba sna tshogs mdzad pa'i phyir ma lus mi lus pa'i sems can gyi khams thams cad la bsam pa kun yongs su rdzogs par byed pa de nyid phyogs bcu mdza' yas mu med pa'i 'jig rten gyi khams thams cad yongs su khyab par son pas/ mtshan gyi sngags kyi yi ge tshig dgu bcu rtsa lnga rnams rigs kyi dbye bas rnams lngar bgos te/ rnam pa re re zhing yang mtshan gyi yi ger gyur pa rnam pa bcu dgu bcu dgur byas te/ de rnams kyis sems can thams cad kyi le lo med par byas nas dge ba'i phyogs la gnas par byas te/ rang gi rnam par thar pa'i sgo nas de'i 'od gyis yang de bzhin gshegs pa'i 'khor gyi dkyil 'khor thams cad gsal bar byas nas yang de rnams slar log nas gong du gsungs pa'i mtshan nyid rnams kyi sngags kyi yi ge'i tshig rnams su gyur te/ rdo rje dbyings kyi dkyil 'khor chen po'i phyi rol 'khor lo lnga pa la ji lta ba'i rim pas rnam par gnas so/ /yang ji ltar gsungs pa'i gzugs su bdag nyid dmigs te/ sngags kyi sgo nas spyad pa spyod pa'i rigs kyi bu 'am rigs kyi bu mo 'phags pa mtshan yang dag par brjod pa klog pas 'og nas 'byung ba'i yon tan thob bo zhes pa ni man ngag go /'di la tshigs bcad ni bco lnga'o/ /mtshan gyi sngags kyi tshig rnams ni dgu bcu rtsa lnga ste grangs so/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par blta ba las bya ba nan tan gyi ye shes kyi sgo nas bstod pa'i rim pa'i dbang du byas pa ste bcu pa'o// /da ni rnam par snang mdzad chen po la sogs pa de bzhin gshegs pa lnga'i ye shes bdag nyid kyi tshigs bcad rnams kyis bcom ldan
- 118a
'das kyi ye shes kyi sku rdo rje dbyings kyi dkyil 'khor chen po'i dbus na bzhugs pa la bstod pa 'di lta ste/ mchog sbyin la sogs pas ni me long lta bu'i ye shes kyi sgo nas so/ /sangs rgyas chags pa la sogs pas ni chos kyi dbyings kyi rang bzhin gyi sgo nas so/ /sangs rgyas 'dzum pa la sogs pas ni so sor kun tu rtog pa'i ye shes kyi sgo nas so/ /med pa las byung la sogs pas ni mnyam pa nyid kyi ye shes kyi sgo nas so/ /sgyu 'phrul dra ba la sogs pas ni bya ba nan tan gyi ye shes kyi sgo nas so/ /tshigs bcad lnga'o/ /'phags pa mtshan yang dag par brjod pa'i rgya cher 'grel ba mtshan gsang sngags kyi don du rnam par blta ba las nye bar bsdu ba'i sgo nas bstod pa'i rim pa'i dbang du byas pa ste bcu gcig pa ste yongs su rdzogs so// //de nas da ni yon tan gyi sgo nas bstod pa la/ de la re zhig rdo rje dbyings kyi dkyil 'khor dang po'i sgo nas yon tan gsungs pa/ phyag na rdo rje rdo rje 'chang zhes pa la sogs pa ste/ bcom ldan 'das shAkya thub pas rdo rje 'dzin pa pos pa ni de kho nas gsol ba btab pa'i phyir ro/ /de kho na la bos pa mdzad de/ mtshan yang dag par brjod pa yon tan dang bcas pa gsungs pa ste/ dad pa dang ldan pa rab tu 'jug pa'i phyir na gsungs pa ste/ phyag na rdo rje rdo rje 'chang 'di dang 'di ni zhes pa ni/ 'di dang 'di ni mtshan yang dag par brjod pa'o/ /kye phyag na rdo rje zhes pa ni dbang bskur ba'i sgo nas so/ /rdo rje 'chang ni ye shes kyi sgo nas so/ /yon tan de gnyis dang ldan pas sdud par byed pa nyid kyi dbang du byas pa'i phyir ro/ /bcom ldan 'das ye shes kyi sku/ /de bzhin gshegs pa thams cad kyi sku 'jam dpal ye shes sems dpa' dang 'brel pa'i mtshan yang dag par brjod pa yin te/ ci 'dra ba zhig ce na/ thun mong ma
- 118b
yin pa'i yongs su dag pa zhes pa ni/ de la thun mong ni nyon mongs pa dang 'dres pa'o/ /nyon mongs pa rnams dang lhan cig ma 'dres pa ni thun mongs ma yin pa ste/ dag pa'i rang bzhin ni/ srid pa dang ma 'dres pa yongs su dag pa'i mtshan yang dag par brjod pa de dag gis zhes bstan to zhes phyis 'byung ba'i tshig dang 'brel ba/ ci'i don du zhe na/ gsungs pa/ khyod kyis dga' ba dang dang ba dang mgu ba chen po bla na med pa bskyed pa'i don dang zhes pa ni/ de la dga' ba ni spro ba'o/ /dang ba ni dad pa ste/ de yang las dang/ 'bras bu dang/ bden pa dang/ dkon mchog rnams la yid ches pa'o/ /mgu ba chen po ni brtson 'grus so/ /de yang dge ba'i chos la mngon par spro ba'o/ /phyag na rdo rje khyod kyis de rnams bskyed pa ni 'byung bar bya ba'i don du'o/ /lus dang ngag dang yid kyis gsang ba yongs su dag par bya ba'i don dang zhes pa la/ lus ngag yid rnams kyi gsang ba ni byang chub sems rdo rje'i rang bzhin te/ de yongs su dag par bya ba'i don du'o/ /yongs su ma rdzogs pa'i dang/ yongs su ma dag pa'i sa dang/ pha rol tu phyin pa dang/ bsod nams dang ye shes kyi tshogs de yongs su rdzogs pa dang yongs su dag par bya ba dang zhes pa/ yongs su ma rdzogs pa'i sa rnams dang yongs su dag pa ni pha rol tu phyin pa rtogs rnams te/ yongs su ma rdzogs pa rnams dang/ yongs su ma dag pa'i sa dang/ pha rol tu phyin pa rnams so/ /de rnams kyi bsod nams dang ye shes kyi tshogs de yongs su rdzogs pa dang yongs su dag par byed pa'i don tu'o/ /bla na med pa'i don ma rtogs pa rtogs par bya ba dang zhes pa ni bla na med pa'i don yang de yin la ma rtogs pa yang de nyid yin pas bla na med pa'i don ma rtogs pa ste/ de rtogs par bya ba'i don tu'o/ /ma thob pa thob par bya ba dang zhes pa ni ma thob pa'i sangs rgyas kyi chos la sogs pa thob par bya ba'i don du'o/ /ji srid de bzhin gshegs pa thams
- 119a
cad kyi chos kyi tshul yang dag par gzung ba'i phyir zhes pa ni ji srid kyi sgra'i rim pa la ltos pa'o/ /de bzhin gshegs pa thams cad kyi dam pa'i chos kyi tshul ni shes rab kyi pha rol tu phyin pa ste/ de gnyis su med pa'i ye shes kyi rang bzhin gyis yang dag par gzung bar bya ba'i don du ngas bshad cing zhes pa ni byang chub sems rdo rje'i rang bzhin gyi sgo nas so/ /bstan te zhes pa ni shin tu rnam par dag pa'i chos kyi dbyings kyi ye shes kyi sgo nas so/ /bkrol zhing zhes pa ni me long lta bu'i ye shes kyi sgo nas so/ /rnam par phye la zhes pa ni mnyam pa nyid kyi ye shes kyi sgo nas so/ /byin gyis brlabs par bya'o zhes pa ni bya ba nan tan gyi ye shes kyi sgo nas so/ /kye lag na rdo rje zhes pa ni bod pa'i don to/ /'di ni zhes pa ni mtshan yang dag par brjod pa'i zhes pa'i don don to/ /ngas zhes pa ni shAkya thub pa ngas zhes pa'i don to/ /khyod kyi rgyud la zhes pa ni khyod kyi sems kyi rgyud la'o zhes pa'i don to/ /gsang sngags thams cad kyi chos nyid kyi byin gyis brlabs kyis rlob po zhes pa ni gsang sngags thams cad kyi chos nyid ni gsang sngags thams cad kyi chos nyid de/ stong pa nyid do/ /de byin gyis brlabs pa ni brtan par byed pa'o/ /'khor lo dang po'i yon tan te/ /tshigs bcad bcu gcig ste grangs so/ /de ni 'khor lo gnyis pa'i phan yon gyi dbang du byas te gsungs pa/ lag na rdo rje rdo rje 'chang gzhan yang mtshan yang dag par brjod pa 'di ni de bzhin gshegs pa thams cad kyi shin tu dag cing yongs su byang ba'i thams cad mkhyen pa'i ye shes dang/ sku dang gsung dang thugs gsang bar gyur pa'o zhes pa la/ kun nas yongs su byang ba ni shin tu yongs su dag cing yongs su byang ba yang de yin la thams cad mkhyen pa'i ye shes kyang de nyid yin pas shin tu dag cing yongs su byang ba'i thams cad mkhyen pa'i
- 119b
ye shes so/ /de'i sku gsung thugs kyi cha de rnams gsang bar gyur pa ni snang ba ma yin pa'i ngo bo nyid kyi phyir ro/ /sangs rgyas kyi byang chub bo zhes pa ni sangs rgyas rnams kyi byang chub ni/ sangs rgyas kyi byang chub te/ nyan thos kyi byang chub ma yin zhes pa'i don to/ /yang dag par rdzogs pa'i sangs rgyas rnams kyis mngon par rtogs pa'o shes pa ni mngon par rtogs pa ni ye shes te/ thams cad mkhyen pa'i ye shes so/ /de bzhin gshegs pa thams cad kyi bla na med pa'o zhes pa ni de'i gong na med pa'i phyir bla na med pa'o/ /bde bar gshegs pa rnams kyi chos kyi dbyings thugs su chud pa'o/ /zhes pa ni stong pa nyid kyi ngo bo nyid kyi phyir ro/ /rgyal ba rnams kyis bdud kyi stobs thams cad pham par mdzad pa'o zhes pa ni/ bdud bzhi'i stobs kyis mi thub pa'i phyir ro/ /stobs bcu dang ldan pa thams cad kyi stobs bcu nyid do/ /zhes pa ni stobs bcu ni gong du gsungs pa'i mtshan nyid do/ /de rnams dang gang mtshan yang dag par brjod pa dang ldan par stobs bcu'o/ /de'i dngos po ni stobs bcu nyid do/ /thams cad mkhyen pa'i ye shes rnams ni thams cad mkhyen pa nyid do zhes pa ni thams cad shes pas na thams cad mkhyen pa'o/ /de'i ngo bo ni thams cad mkhyen pa nyid do/ /sangs rgyas kyi chos thams cad kyi lung ngo zhes bya ba ni gzhan las 'ongs pa'i phyir lung ngo/ /de yang rnam pa gnyis te/ lung gi mtshan nyid dang/ rtogs pa'i mtshan nyid do/ /sangs rgyas thams cad kyi yang dag par grub pa'o/ /zhes pa ni nyan thos la sogs par sangs rgyas rnams kyis te/ nyan thos la sogs pa'i sangs rgyas kyi rang gi ngo bos mngon tu byed pa'i phyir ro/ /byang chub sems dpa' chen po thams cad kyi bsod nams dang ye shes kyi tshogs yongs su rdzogs pa'i dri ma med cing shin tu rnam par dag pa'o zhes pa ni/ shin tu rnam par dag pa yang de yin la dri ma med pa yang de nyid yin pas na dri ma med cing
- 120a
shin tu rnam par dag pa ste/ de nyid bsod nams dang ye shes kyi tshogs de yin la dri ma med cing shin tu rnam par dag pa yang de nyid pas na dri ma med cing shin tu rnam par dag pa'i bsod nams dang ye shes kyi tshogs yongs su rdzogs pa'i dri ma med cing shin tu rnam par dag pa'o/ /de yongs su rdzogs pa gang yin pa de ni mtshan yang dag par brjod pa ste/ de dang gang ldan pa de la de skad ces gsungs so/ /nyan thos dang rang sangs rgyas thams cad kyi skye gnas so zhes pa ni skye gnas ni de rnams kyi 'byung ba'i gnas nyid kyi phyir ro/ /lha dang mi thams cad kyi phun sum tshogs pa thams cad kyi zhing ngo zhes pa ni/ de la zhing ni phun sum tshogs pa thams cad kyi 'byung gnas kyi phyir ro/ /theg pa chen po'i gzhi po zhes pa ni/ sngar mtshan nyid gsungs pa'i theg pa chen po'i gnas pa'i ngo bo nyid kyi phyir ro/ /byang chub sems dpa' i spyod pa rnams kyi 'byung khungs so zhes pa ni/ de la 'byung khungs ni skye ba'i gnas nyid kyi phyir ro/ /'phags pa'i lam thams cad kyi mdza' o zhes pa ni/ de la mdza' ni mjug bsdu ba'o/ /rnam par grol ba rnams kyi brtag pa'o zhes pa ni de la brtag pa ni yongs su brtag pa'i gnas te/ ji ltar gser la sreg pa dang bcad pa dang bdar ba'i gnas lta bu'o/ /nges par 'byung ba'i lam skye ba'i gnas so zhes pa ni/ mya ngan las 'das pa'i thabs kyi rgyur gyur pa yin pa'i phyir ro/ /de bzhin gshegs pa thams cad kyi gdung mi 'chad do zhes pa ni/ des gdud mi 'chad pa ni rgyun rnam par mi 'chad pa ste/ de bzhin gshegs pa'i bya ba byed pa'i phyir ro/ /byang chub sems dpa' sems dpa' chen po'o/ /rigs dang rgyud rab tu 'phel ba'o zhes pa ni de kho nar phul du byung bas mchog tu dga' ba 'phel par 'gyur ro/ /pha rol rgol ba thams cad tshar gcod pa'o zhes pa ni gang gis tshang gcod par byed pa ni gcod
- 120b
pa'o/ /de ltar yang dpal bde mchog gi rgyud las gsungs pa/ kha cig pha rol mu stegs rnams/ /ches dang mthun par tshar gcod do zhes so/ /mu stegs thams cad rnam par 'joms pa'o zhes pa ni/ de la 'joms pa ni rang gi che ba'i bdag nyid rab tu bstan pa'i sgo nas spa bkong bar byed pa ste/ dper na lha las babs pa'i cho lta bu'o/ /bdud bzhi'i stobs kyi dpung dang sde pham par byed pa'o zhes pa ni/ de la stobs ni yan lag bzhi'i stobs so/ /dbung ni rnam par bkod pa'o/ /de ni bsdus pa'o/ /de'i phyir na don 'di ltar 'gyur ro/ /bdud bzhi rnams kyi stobs dang dpung dang sde pham par byed pa'i mtshan yang dag par brjod pa de'o/ /sems can thams cad yang dag par bsdud pa'o zhes pa ni de la sbyin pa dang/ snyan par smra ba dang/ don spyod pa dang/ don mthun pa'i mtshan nyid de de nyid des bsdus pa ni bsdus pa'o/ /nges par 'byung ba bgrod pa thams cad kyi 'phags pa'i lam yongs su smin pa'o zhes ba dang/ de la 'phags pa'i lam yongs su smin pa ni 'phags pa'i lam yan lag brgyad pa yongs su smin pa nyid do/ /tshangs pa'i gnas pa bzhi la gnas pa rnams kyi ting nge 'dzin to zhes pa ni zhed la ting nge 'dzin ni nye bar brtags pa'i gzhi la sems rtse gcig pa'o/ /de yang byams pa dang/ snying rje dang dga' pa dang/ btang snyoms rnams kyi'o/ /sems rtse gcig pa rnams kyi bsam gtan no zhes pa ni/ de la bsam gtan ni rtog dpyod dang dga' ba de zhes bya ba'o/ /lus dang ngag dang yid 'dul bal brtson pa rnams kyi rnal 'byor ro zhes pa ni/ de la rnal 'byor ni sems tsam la snyoms par 'jug pa'o/ /kun tu sbyor ba thams cad dang bral ba'o zhes pa ni/ de la kun tu sbyor ba dgu? dang bral ba ste/ kun tu sbyor ba dgu ni rjes su chags pa'i kun tu sbyor ba dang/ khong khro ba'i kun tu sbyor ba dang/ nga rgyal gyi kun tu sbyor ba dang/ ma rig pa kun tu sbyor ba dang/ lta ba'i kun tu sbyor ba dang/ mchog tu 'dzin pa'i kun tu sbyor ba dang/
- 121a
the tshom gyi kun tu sbyor ba dang/ phrag dog gi kun tu sbyor ba dang/ ser sna'i kun tu sbyor ba rnams so/ /nyon mongs pa dang/ nye ba'i nyon mongs pa thams cad spong ba'o zhes pa ni 'dod chags la sogs pa dang khong khro ba la sogs pa rnams spong ba'o/ /sgrib pa thams cad nye bar zhi ba'o zhes pa ni shes bya dang nyon mongs pa dang las dang rnam par smin pa'i sgrib pa rnams gtan du med pa'o/ /'ching ba thams cad las rnam par grol ba'o zhes pa ni 'dod chags dang zhe sdang dang gti mug gi 'ching ba rnams las grol ba'i rgyu nyid kyi phyir ro/ /phung po thams cad las thar pa'o zhes pa ni lhag ma dang bcas pa dang lhag ma med pa'i mtshan nyid de/ de dag gi rang bzhin nyid kyi phyir ro/ /sems kyi g.yeng ba thams cad zhi ba'o zhes pa ni zhi bar byed pas zhi ba ste zhi bar gnas pa nyid kyi phyir ro/ /'byor ba thams cad kyi 'byung gnas so zhes pa ni 'jig rten dang 'jig rten las 'das pa thams cad kyi 'byor ba'i 'byung gnas nyid kyi phyir ro/ /rgud pa thams cad sel ba'o zhes pa ni skyan thams cad spong ba'i ngo bo nyid kyi phyir ro/ /ngan song gi sgo thams cad gcod pa'o zhes pa ni dmyal ba dang/ yi dwags dang/ byol song gi bdag nyid kyi ngan song gi sgo rnams gcod pa'i phyir ro/ /rnam par grol ba'i grong khyer gyi lam bzang po'o zhes pa ni lam rnams kyang de yin la bzang po yang de nyid yin pas lam bzang po'o/ /'khor ba'i 'khor los mi 'jug pa'o zhes pa ni rab tu 'jug pa ni 'jug pa'o/ /'jug pa med pa ni mi 'jug pa'o/ /chos kyi 'khor lo bskor ba'o zhes pa ni skal pa ji ltar bzhin du chos kyi 'khor lo bskor ba'i phyir ro/ /de bzhin gshegs pa'i bstan pa'i gdugs dang rgyal mtshan dang ba dan bsgreng ba'o zhes pa ni/ phyi rol ba dang nyan thos la sogs pa rnams kyi bsod nams zil gyis gnon pa'i gdugs dang
- 121b
rgyal mtshan dang/ ba dan bsgreng ba ni mtshan yang dag par brjod pa nyid kyi phyir ro/ /chos thams cad bstan pa'i gnas so zhes pa ni gnas ni brtan par byed pa'o/ /byang chub sems dpa' gsang sngags kyi sgo'i spyad pa spyod pa rnams kyi myur du 'grub par zhes pa la/ de la myur du 'grub pa ni yang spyod pa la mi bltos pa nyid kyis myur du 'grub pa'o/ /byang chub sems dpa' shes rab kyi pha rol tu phyin pa la mngon par brtson pa rnams kyi sgom pa rtogs pa po'o zhes pa la/ bsgom pa ni yang dang yang du goms pa'o/ /rtogs pa ni mngon du byed pa'o/ /gnyis su med par so sor rtog pa bsgom pa la mngon par brtson pa rnams kyi stong pa nyid so sor rtogs pa ni yang dang yang du 'bigs pa'o/ /stong pa nyid la so sor rtogs pa ni stong pa nyid la so sor rtogs pa'o/ /pha rol tu phyin pa dang tshogs thams cad nges par 'grub pa'o zhes pa la nges par grub pa ni phun sum tshogs pa rdzogs pa'o/ /sa thams cad yongs su rdzogs pa'i yongs su dag pa'o zhes pa ni/ kun tu yongs su dag pa ni kun tu yongs su dag pa'o/ /'phags pa'i bden pa bzhi po yang dag pa'o zhes pa ni grub pa ni rtogs pa'o/ /chos thams cad kyi dran pa nye bar gzhag pa bzhi po rnams kyi chos thams cad sems rtse gcig gis rtogs pa'o zhes pa ni/ de la chos thams cad ni nye bar len pa'i phung po lnga'o/ /de rnams la sems rtse gcig gis dmigs pa nyid kyis de rtogs pa'o/ /de'i don ni bshad zin to/ /mtshan yang dag par brjod pa 'di ni sangs rgyas kyi yon tan thams cad kyi bar du yongs su rdzogs par byed pa'o zhes pa'i bar du'o/ /rnam par snang mdzad chen po'i 'khor lo gnyis pa'i yon tan te tshig rkang lnga bcu rtsa gnyis so/ /de nas de ni 'khor lo gsum pa'i yon tan gyi dbang du byas nas gsungs pa/ lag na rdo rje rdo rje 'chang gzhan yang mtshan yang dag par brjod pa 'di ni sems can thams
- 122a
cad kyi lus dang ngag dang yid la kun tu spyod pa'i sdig pa ma lus par rab tu zhi bar byed par ro zhes pa ni ma lus mi lus pa'i lus ngag yid gsum gyi spyod pa ste/ lus dang ngag dang yid kyi las kyi sdig pa gang yin pa zhi bar byed pa'o/ /sems can thams cad kyi dran song thams cad rnam par sbyor ba'o/ /ngan 'gro thams cad bzlog pa'o/ /zhes pa ni ngan 'gro thams cad las te gsum las bzlog pa ni ngan 'gro thams cad las bzlog pa'o/ /las kyi sgrib pa thams cad yang dag par gcod pa'o zhes pa ni las kyi sgrib pa thams cad yang dag par gcod pa'i phyir ro/ /mi khom pa brgyad po thams cad kyi skye ba'i rgyun mi skye bar byed pa'o zhes pa ni/ de la mi khom pa thams cad ni/ khom pa dang go skabs yod pa dang long yod pa zhes pa ni don nges kyi grangs te/ mngon par rtogs pa'i sgrub pa'i go skabs med pa'i phyir na mi khom pa zhes gsungs so/ /de yang brgyad de/ 'di lta ste/ dmyal bar skye ba dang/ byol song du skye ba dang/ yi dwags su skye ba dang/ mdza' 'khob du skye ba dang gzugs med pa dang 'du shes med pa'i sred par skye ba dang/ long ba dang 'on pa dang glen ba la sogs par skye bar 'gyur ba dang/ lta ba log pa nyid dang/ sangs rgyas med pa'i bskal pa la skyes pa rnams so/ /'jigs pa chen po brgyad rnam par zhi bar byed pa'o/ /rmi lam ngan pa thams cad sel bar byed pa'o/ /lta ba ngan pa thams cad sel bar byed pa'o/ /brda ngas dang dgra bgegs thams cad zhi bar byed pa'o/ /bdud kyi dgra'i las thams cad ring du spong bar byed pa'o/ /dge ba'i rtsa ba dang bsod nams thams cad 'phel bar byed pa'o zhes pa rnams kyi don go bar zad do/ /tshul bzhin ma yin pa yid la byed pa thams cad mi skye bar byed pa'o zhes pa ni tshul bzhin ma yin pa yid la byed pa ni ting nge 'dzin gyi mi
- 122b
mthun pa'i phyogs su gyur pa rnams med par byed pa'i phyir ro/ /rgyags pa dang/ dregs pa dang/ nga rgyal dang/ nga yid 'dzin pa thams cad ma lus par 'joms par byed pa'o zhes pa ni/ de la rgyags pa ni rang gi phun sum tshogs pa la chags pa dang dga' ba'i sems kyi zhen pa'o/ /dregs pa ni bdag tu 'dzin pa'o/ /nga rgyal ni khengs pa'o/ /nga yir 'dzin pa ni bdag gir 'dzin pa'o/ /de rnams ma lus par 'joms par byed pa de la de ltar gsungs so/ /sdug bsngal pa dang yid mi bde ba thams cad mi skye bar byed pa'o zhes pa ni/ de la lus dang yid las skyes pa'i sdug bsngal ba dang yid mi bde ba thams cad mi skye bar byed pa'i phyir ro/ /de bzhin gshegs pa thams cad kyi snying por gyur pa'o zhes pa ni 'di las skyes pa'i phyir ro/ /byang chub sems dpa' thams cad kyi gsang bar gyur pa ni spa bar bya ba nyid kyi phyir ro/ /nyan thos dang rang sangs rgyas thams cad kyi gsang chen du gyur pa ni rab tu ma bstan pa'i phyir ro/ /phyag rgya dang gsang sngags thams cad do/ /zhes pa ni phyag rgya thams cad ni phyag rgya bzhi'o/ / gsang sngags thams cad ni snying po la sogs pa rnams te/ de'i bdag nyid yin pa'i phyir ro/ /chos thams cad brjod du med pa'i smra ba rnams kyi dran pa dang shes bzhin yang dag par bskyed pa'o zhes pa ni/ chos thams cad ni phung po la sogs pa rnams so/ de rnams kyi brjod du med pa ni brjod par bya ba ma yin pa nyid do/ /de smra ba'i tshul dang gang ldan pa de de ltar gsungs so/ /de bas na de rnams kyi dran pa ni 'dris pa'i dngos po la sems kyis mi brjed par sems kyi mngon par brjod pa nyid do/ /shes bzhin ni lus ngag gi rang dbang du gnas pa ste/ de gnyis yang dag par bskyed par bya ba'i don to/ /bla na med pa'i shes rab bskyed pa dang yid gzhungs par byed pa'o zhes pa ni shes rab dang yid gzhungs par byed pa gnyis ni shes rab dang yid gzhungs
- 123a
pa'o/ /bla na med pa'i shes rab dang yid gzhungs par byed pa'i tshul dang gang ldan pa de la de ltar ro/ /nad med pa dang/ stobs dang/ dbang phyug phun sum tshogs par byed pa'o zhes pa ni/ de la nad med par byed pa ni nad med pa nyid do stobs ni lus kyi nus pa'o/ /dbang phyug ni glang po che dang rta la sogs pa'o/ /phun sum tshogs pa ni nor dang 'bru la sogs pa'o/ /de kun bya ba'i tshul dang gang ldan pa de la de ltar gsungs so/ /dpal dang/ dga' ba dang/ zhi ba dang/ legs pa rab tu 'phel bar byed pa'o zhes ni/ de la dpal ni g.yang ngo/ /dge ba ni bzang ba'o/ /zhi ba ni bde legs so/ /legs pa ni bkra shis te de rnams rab tu 'phel bar byed pa'i phyir ro/ /grags pa dang/ snyan pa dang/ tshigs su bcad pa dang/ bstod pa grags par byed pa'o zhes pa ni/ de la snyan pa ni chos kyi sbyin pa'i sgo nas so/ /grags pa ni zang zing gi sbyin pa'i sgo nas so/ /tshigs su bcad pa ni mi 'jigs pa'i sbyin pas so/ /bstod pa ni dbang bskur ba'i sbyin pas so/ / de yang de rnams kyi sbyin pa bzhi po 'di rnams rab tu ston par byed pa'i phyir ro/ /nad dang 'jigs pa chen po thams cad rab tu zhi bar byed pa'o zhes pa ni nad thams cad kho na 'jigs pa chen po rnams yin pas nad nyid 'jigs pa chen po'o/ /de rnams rab tu zhi bar byed pa'o/ /shin tu rnam par dag pa rnams kyi yang shin tu rnam par dag pa'o/ /shin tu dag par byed pa rnams kyi yang shin tu dag par byed pa'o zhes pa ni/ ha ra ni rkyen gyi sgo nas so/ /rab tu byang ba rnams kyi yang rab tu byang ba'o/ /rab tu bkra shis pa thams cad kyi yang rab tu bkra shis pa'o zhes pa ni ta ma'i rkyen gyi rang bzhin bstan pa yin no/ /skyabs 'dod pa rnams kyi yang skyabs so zhes pa ni skyabs nyid do/ /gnas med pa rnams kyi gnas so zhes pa ni cher gnas
- 123b
pa nyid do/ /skyob pa 'dod pa rnams kyi yang skyob pa'o zhes pa ni srung ba nyid do/ /dpung gnyen 'dod pa rnams kyi yang dpung gnyen no zhes pa ni gzhan don nyid do/ /gling 'dod pa rnams kyi gling po zhes pa ni /de las chus bskor ba ni gling ngo/ ?? rnams la de ltar gyur pa nyid do/ /'khra sa 'dod pa rnams kyi 'khra sa/ bla na med pa'o zhes pa ni bla na med pa'i 'khra sa nyid kyi phyir ro/ /srid pa'i rgya mtsho'i pha rol tu 'gro ba rnams kyi gru'o zhes pa ni chos kyi pha rol tu 'gro ba'i ngo bo nyid kyi phyir ro/ /nad thams cad sel ba'i sman gyi rgyal po'o zhes pa ni don go bar zad do/ /blang ba dang/ dor ba'i dngos po bye brag byed pa'i rgyu nyid kyi phyir ro zhes pa ni blang ba dang dor ba ni go bar byed pa rnams kyi rgyu nyid kyi phyir ro/ /lta ba ngan pa'i mun nag thams cad sel ba'i ye shes kyi snang ba'o zhes pa ni/ de'i phyir na de de ltar gsungs so/ /sems can thams cad kyi sems kyi bsam pa ji lta ba bzhin du yongs su rdzogs par byed pa'i yid bzhin gyi nor bu'o zhes pa ni sems can thams cad kyi yid la 'dod pa yongs su rdzogs pa nyid kyi phyir ro/ /'jam dpal ye shes kyi sku thob par bya ba thams cad mkhyen pa'i ye shes so zhes pa ni ye shes dang mtshungs par ldan pa nyid kyi phyir ro/ /spyan lnga thob par bya ba'i phyir ye shes mthong ba yongs su thob pa'o zhes pa ni/ spyan de las mtshungs par ldan pa'i bdag nyid kyi phyir ro/ /zang zing dang mi 'jigs pa dang chos kyi sbyin pa gtong ba'i phyir pha rol tu phyin pa drug yongs su rdzogs pa'o zhes pa ni/ sbyin pa'i pha rol tu phyin pa la sogs pa rnams mthar son pa'i phyir ro/ /bsod nams dang ye shes kyi tshogs dang ting nge 'dzin yongs su rdzogs pa'i phyir sa bcu thob pa'o zhes pa ni bsod nams la sogs pa rnams yongs su mthar phyin pa'i phyir ro/ /chos gnyis dang bral ba'i phyir gnyis su med pa'i chos nyid do zhes pa ni gzung 'dzin gnyis su med pa'i phyir ro/ /sgro btags
- 124a
pa med pa'i phyir de bzhin nyid kyi rang bzhin dang gzhan ma yin pa'i chos nyid do zhes pa ni sgro 'dogs pa dang skur pa 'debs pa'i mdza' las 'das pa'i phyir ro/ /de bzhin gshegs pa'i ye shes yongs su dag pa'i ngo bo nyid yin pa'i phyir yang dag pa'i mdza' i rang bzhin nyid do zhes pa ni chos kyi dbyings kyi rang bzhin nyid kyi phyir ro/ /lta ba ngan pa'i tshad tshid brgya stong du ma ma lus par sel ba'i phyir rnam pa thar mkhyen pa stong pa nyid kyi rang bzhin no zhes pa ni de ji ltar ro/ /mtshan yang dag par brjod pa 'di ni 'di lta ste gnyis su med pa'i chos nyid kyi don gyi mtshan yang dag par 'dzin pa ston pa'i phyir chos thams cad brjod du med pa'i rang bzhin nyid do zhes pa ni/ de la chos gnyis su med pa ni stong pa nyid do/ /de la 'jug pa'i don du mtshan rnam par 'dzin pa de'i ston pa te rgyud gyur ba nyid do/ /de ni 'khor lo gsum pa'i yon tan te/ de'i tshig rnams ni lnga bcu rtsa gnyis grangs so/ /'khor lo bzhi ba'i yon tan gyi dbang du byas nas gsungs pa/ lag na rdo rje rdo rje 'chang gzhan yang zhes pa la sogs pa ste/ de la smad pa la sogs pa dang 'brel ba'i skye ba las bzlog pa de rigs te/ rgyal rigs la sogs pa de rgyal bar byed cing brtan par byed pa dang/ 'khor ba las brgal ba'i don gyis bu ste/ rigs kyi bu dang rigs kyi bu mo'o/ /rigs kyi bu 'am rigs kyi bu mo gsang sngags kyi sgo nas spyad pa spyod pa gang la las bcom ldan 'das 'jam dpal ye shes sems dpa' i de bzhin gshegs pa thams cad kyi thams cad mkhyen pa'i ye shes kyi sku gnyis su pa'i ye shes pa'i mtshan nyid dag par brjod pa mtshan gyi gtsug gi nor bu 'di ni thams cad yongs su rdzogs pa dang/ ma nyams shing lhag chad med pas tshigs su bcad pa'i tshig dang yig 'bru 'di nyid kyis shes pa ni/ de la 'di ni gong du gsungs pa rnams kyis so/ /nyin
- 124b
gcig bzhin du ni nyi ma re re zhing ngo/ /dus gsum du 'chang ba dang zhes pa ni gzhung dang don gyis so/ /klog pa dang zhes pa ni glegs bam klag pa'o/ /kun chub par byed pa dang zhes pa ni bsam pa'o/ /tshul bzhin yid la byed pa dang gzhan la yang zhes pa ni 'dul ba rnams pa'o/ /dam tshig ji lta ba bzhin du bstan pa dang/ zhes pa ni dus ji lta ba bzhin du byin ci ma log par bstan to zhes pa'i don to/ /mtshan gyi don gang yang rung ba re re nas kyang zhes pa ni/ mtshan rnams kyi don ni mtshan gyi don to/ /'jam dpal ye shes sems dpa' i sku la dmigs te sems rtse gcig tu bsgom pa zhes pa ni/ de la sems rtse gcig ni mnyam par bzhag pa'i yid do/ /kun nas sgo'i gnas pas gnas pa dang zhes pa la sogs pa ni/ de la mos pa ni de bzhin du 'dzin pa'o/ /de kho na nyid ni phyin ci ma log pa'o/ /de bas na mos pa dang de kho na nyid gnyis yid la byed bas kun nas sgo'i gnas pas gnas pa zhes pa'o/ /chos thams cad rtog pa ni zhes pa ni/ de la chos thams cad ni phung po la sogs pa'o/ /de rnams rtogs pa'i bdag nyid kyis dad pas so/ /des ci 'dra ba zhe na/ mchog ni rab po/ /rnyog pa med pa ni skyon med pa'o/ /shes rab rjes su 'bigs pa'i dad pa dang zhes pa ni/ de ltar yang gsungs pa/ dad pa nyid kyi chos ston to/ /shes rab kyis ni de nyid rig /de gnyis la'ang shes rab gtso/ /de'i yang sngon du dad pa 'gro zhes so/ /ldan bzhin ni gsang sngags kyi sgo nas spyad pa spyod pa can gyi'o/ /de la dus gsum gyi dus med pa ni dus gsum ni dus rnam pa gsum mo/ /de la dus med pa'o/ /ldan pa ni yongs su 'brel par byed pa dang ldan pa'o/ /sangs rgyas dang byang chub sems dpa' thams cad 'dus te gshegs nas ni zhes pa ni 'dus nas 'gro ba'i don to/ /chos kyi sgo thams cad ni stong pa nyid dang/ mtshan ma med pa dang/ smon pa med pa'i rnam par thar
- 125a
pa'i sgo'o/ /rtogs bar mdzad de sku yang ston to zhes so/ /ma rungs ba 'dul ba khro bo'i rgyal po chen po rnams dang/ rdo rje 'chang chen po la sogs pa 'gro ba yongs su skyob pa rnams kyang sprul pa'i lus kyi gzugs sna tshogs dang mdangs dang stobs shes pa ni she mo'o/ /gzi brjid zil gyis mi non pa dang zhes pa ni gzi brjid zil gyis mi non zhing mi phrogs pa'o/ /gsang sngags dang phyag rgya rnams kyi mngon par rtogs pa'i dkyil 'khor rnams zhes pa ni rdo rje dbyings la sogs pa rnams so/ /de rnams sgrub par byed pa'o zhes pa'o/ /gsang sngags dang rig sngags kyi rgyal mo ma lus dang/ bgegs dang/ log 'dren dang/ bdud kyi dgra dang/ phyir log pa dang/ gzhan gyis mi tshugs pa chen po thams cad kyang nyin mtshan chad par skad cig re re la zhes pa ni/ de la ma lus pa ni lus pa med pa'o/ /mtshan mo dang lhan cig tu gyur pas na nyin mtshan phyed do/ /skad cig ma re re ni skad cig dang skad cig nyid pas skad cig re re'o/ /spyod lam thams cad ni bzhi la'o/ /srung ba dang skyob pa dang sbed pa byed do zhes pa ni srung ba yang de skyob pa yang de rnams nyid do/ /de rnams kyi sged pa de byed pa zhes so/ /sangs rgyas dang byang chub sems dpa' thams cad kyi byin gyis rlob par mdzad do/ /sku gsung thugs thams cad kyis de'i rgyud la yang dag par byin gyis rlob po/ /sangs rgyas dang byang chub sems dpa' thams cad kyis phan gdags pas kyang phan gdags par mdzad de/ chos thams cad la mi 'jigs pa'i spobs pa yang grub par mdzad do zhes pa ni/ de la chos thams cad kyi mi 'jigs pa de'i spobs pa ni chos thams cad la mi 'jigs pa'i spobs pa'o/ /de sgrub par mdzad pas dbul bar mdzad ces pa'i don to/ /dgra bcom pa dang/ nyan thos dang/ rang sangs
- 125b
rgyas thams cad kyang 'phags pa'i chos la sdug par 'dzin pa'i bsam pas lus ston par byed do zhes pa ni 'phags pa rnams kyi chos ni 'phags pa'i chos so/ /de la sdug pa ni byams pa'i bsam pa'i blo nyid kyis rang gi lus kyi ngo bo nyid de yang nye bar bstan to/ /changs pa dang/ dbang po dang/ nye dbang po dang/ drag po dang/ chan po che dang/ kun 'gyed gzhon nu dang/ dbang phyug chen po dang/ smin drug gi bu dang/ nag po chen po dang/ dga' byed dbang phyug dang/ gshin rje dang/ chu lha dang/ ku be ra dang/ 'phrog ma dang/ phyogs bcu'i 'jig rten skyod ba gang yin pa de dag kyang rtag tu rgyun mi 'chad par ni dus thams cad du'o/ /nyin mtshan phyed par 'gro yang rung/ /'greng yang rung/ 'dug kyang rung/ nyal yang rung/ gnyid log kyang rung/ ma log kyang rung ba na srung ba dang/ skyob pa dang/ sbed pa byed par 'gyur ro/ /mnyam par bzhag kyang rung/ ma bzhag kyang rung/ gcig pur 'dug kyang rung/ skye bo mang po'i nang du 'dug kyang rung ste/ grong ni grong khyer gyi phyi rol gyi mdza' ma'o/ /grong khyer dang grong rdal ni yul lo/ /rgyal po'i pho brang dang/ yul 'khor dang/ brgya byin gyis pho brang dang/ sra dang/ sra chung dang/ grong khyer gyi sgo dang/ khri lam ni rgyal po 'gro ba'i lam mo/ /srad dang bzhi mdo ni lam kha brag go /sum mdo ni lam gsum mdo'o/ /grong bar dang tshor khang ni 'tshong bar byed pa'i rdzas 'tshong ba'o/ /de'i mdzod ni tshong khang ngo/ /de la 'dug pa ni 'dug pa'o/ /khad stong dang/ ri dang/ chu klung dang/ nags chol dang/ nags tshad tshad nags kyi tshad tshid do/ /'dug kyang rung/ gtsang spra ma byas pa dang/ ra ro ni chang gis gzhan du 'gyur ba'o/ /bag med pa ni dbang phyug gis gzhan du gyur pa'i phyir ro/ /rtag tu rnam pa thams cad du ci'i sgo nas kyang mchog tu srung ba dang/ skyob pa dang/ sbed par byed do/ /nyin mtshan du yang mchog tu bde legs su 'gyur bar byed do/ /lha dang/ klu dang/ gnod sbyin dang/
- 126a
dri za dang/ lha ma yin dang/ nam mkha' i ldang dang/ mi 'am ci dang/ lto 'phye chen po dang/ zhes pa dang/ de la lto 'phye chen po ni klu'i rigs brgyad do/ /mi dang mi ma yin pa ni yi dags la sogs pa'o/ /gzhan dags kyang gza' dang/ rgyu skar dang/ ma mo rnams dang/ tshogs kyi bdag po gzhan dag dang/ ma mo bdun po gang yin pa rnams dang/ gnod sbyin mo dang/ srin mo dang/ sha za mo gang yin pa de dag kyang 'du zhing zhes pa ni tshogs pa'o/ /gcig tu mthun pa yongs su rdzogs pa'i dpung dang bcas pa ni yan lag gi stobs bzhi'o/ /'khor dang bcas pa ni rjes su 'brang ba dang bcas pa'o /srung ba dang skyob pa dang sbed pa thams cad byed par 'gyur ro/ /mdangs dang stobs dang gzi brjid mchog kyang de'i lus la 'jug par byed do/ /nad med pa dang stobs dang tshe nur ba yang 'grub par byed do zhes pa ni rjes su 'dogs par bya ba'i don to/ /'khor lo bzhi pa'i yon tan te de'i tshig rnams ni gangs bcu dgu'o/ /de nas da ni 'khor lo lnga ba'i yon tan gyi dbang du byas nas gsungs pa/ lag na rdo rje rdo rje 'chang zhes pa la sogs pa ste/ gzhan yang mtshan gyi gtsug gi nor bu gang gis nyin gcig bzhin du zhes pa ni nyi ma re re'o/ /dus gsum du ma nyams par yi dam du lan gsum du ni sum 'gyur du byas pa'o/ /kha ton du 'don nam glegs bam du byas pa klog cing brjod pa ni klog pa'o/ /bcom ldan 'das 'jam dpal ye shes sems dpa' i gzugs yid la dmigs shing/ gzugs dang mthun par sems te/ de'i gzugs dang mthun par bsam gtan byed pa ni zhes pa ni gong du gsungs pa'i rim pas gzugs rnam pa gsum du rjes su bsams nas bklag bar bya'o/ /'dul ba'i dbang gi phyir ring po mi thogs pa de nyid sprul pa'i gzugs kyi lus mthong bar 'gyur ro
- 126b
zhes pa ni sems kyi bsam pa'i dbang gis mthong ngo/ /sangs rgyas dang byang chub sems dpa' thams cad kyi gzugs kyi sku rnam pa sna tshogs dang ldan pa nam mkha' i dkyil na bzhugs pa dag kyang mthong bar 'gyur ro/ /sems can chen po de ni nam yang ji ltar gyur kyang ngan 'gro ngan song du ltung bar mi 'gyur ro/ /rigs ngan du skye bar mi 'gyur ro/ /zhes pa ni gdol pa la sogs pa'o/ /yul mdza' 'khob du skye bar mi 'gyur ro zhes pa ni grong gi mdza' gang na sangs rgyas kyi sgra mi shes pa der skye bar mi 'gyur ro/ /dbang po ma tshang bar skye bar mi 'gyur ro/ /mi long ba dang/ 'on pa dang/ glen pa la sogs pa'i ngo bor mi 'gyur ro/ /lag par lta ba dang/ lta ba ngan pa'i rigs su skye bar mi 'gyur ro ni lta ba log pa ni med par lta ba ste/ lta ba thams cad rtsad nas 'byin pa'o/ /de'i rigs ni lta ba log pa'i rigs so/ /de de la mi skye bar 'gyur ro/ /sangs rgyas mi bzhugs pa'i sangs rgyas kyi zhing du skye bar mi 'gyur ro/ /sangs rgyas bzhugs na yang des bstan pa'i chos spong ba dang skol bar mi 'gyur ro/ / sangs rgyas 'byung ba dang mi mjal ba dang de yis bstan pa'i chos dang ma phrad par mi 'gyur ro/ /lha tshe ring po rnams kyi nang du skye bar mi 'gyur ro/ /mu ge dang nad dang mtshon gyi bskal pa'i nang du skye bar mi 'gyur ro/ /de ltar yang chos mngon pa mdzod las gsungs pa/ bskal pa mtshon dang nad dang ni/ /mu ges nges par mthar 'byin no/ /zhag rnams dang ni zla ba dang/ /lo bdun dag tu go rim bzhin zhes so/ /de rnams la yang skye bar mi 'gyur ba'o/ /snyigs ma lnga'i dus su yang skye bar mi 'gyur ro ni snyigs ma lnga ni sems can dang/ tshe? dang lta ba dang/ bskal pa dang/ nyon mongs pa la sogs pa nyid do/ /snyigs ma'i dbyings ni snyigs ma'i phyir dang/ gzir ba'i phyir ni snyigs ma zhes gsungs so/ /de'i dus la yang skye bar mi 'gyur ro/ /rgyal po
- 127a
dang dgra dang chon rkun gyi 'jigs pa yang 'byung bar mi 'gyur ro/ /ci nas kyang dman pa dang dbul ba'i 'jigs pa yang 'byung bar mi 'gyur ro/ /gsal sogs pa'i yo byad thams cad dang dral ba'i dbul ba'i 'jigs pa de yang 'byung ba mi 'gyur ro/ /dri ngas dang/ skur ba dang/ smad pa dang/ mi snyan pa dang/ gtam ngan gyi 'jigs pa 'byung bar mi 'gyur ro/ /dri ngas la sogs pa ni bshad zin to/ /de yang bskal pa stong gi bar du yang de'i 'jigs pa 'byung bar mi 'gyur ro/ /rgyud dang rus dang/ rigs bzang po dang yang ldan par 'gyur ro/ /kun nas mdzes pa dang gzugs dang kha dog dang ldan par 'gyur ro ni kun ni thams cad do/ /de rnams kyis ldan par 'gyur ro/ /'jig rten rnams la sdug pa ni tshig 'jam pa'o/ /yid du 'ong ba ni sems can thams cad kyi yid la khyab pa'o/ /'gogs na bde ba na sdug bsngal med pa'i phyir ro/ /mthong ba dga' bar 'gyur ro na mdzes pa'i gzugs nyid kyi phyir ro/ /sems can gyi 'jig rten rnams la'o/ /skal pa dang ldan pa dang/ tshig btsan par yang 'gyur ro ni gang dge ba'i skal pa dang ldan pa dang tshig btson pa de da ltar sbyar ro/ gang dang gang du skye ba de dang der yang tshe rabs dran par 'gyur ro/ /longs spyod kyi gzhi chen po ni nor bar 'bru la sogs pa rnams kyis so/ /'khor mang ba ni bran g.yog dang skye bo mang po phun sum tshogs pa'o/ /longs spyod kyi gzhi mi zad pa dang 'khor mi zad par 'gyur ro ni ji tsam 'tsho'i bar du rgyun mi chad pa'i phyir ro/ / sems can thams cad kyi mchog tu ni mdun du 'gro ba'o/ /yon tan gyi mchog dang ldan par 'gyur ro ni 'byor ba nyid do/ /rang bzhin gyis kyang pha rol phyin pa drug gi yon tan dang ldan par 'gyur ro/ /tshangs pa'i gnas gzhi la yang
- 127b
gnas par 'gyur ro/ /dran pa dang shes bzhin dang thabs dang stobs dang smon lam dang ye shes dang ldan par 'gyur ro ni/ de dag gi don go bar zad do/ /bstan bcos thams cad la 'jigs pa med pa ni mi skrag pa'o/ /smra mkhas par yang ??/ mi blun pa ni shes rab dang ldan par 'gyur ba'o/ /tshig gsal ba ni gsal por smra ba'o/ /sgrin por yang 'gyur ro ni spobs pa dang ldan pa'o/ /shes nyan can ni byas pa kun la mos pa dang ldan pa'o/ /le lo med pa na dge ba'i phyogs la brtson pa'o/ chog shes pa ni 'dod pa chud pa nyid kyi phyir ro/ /don che ba ni sems can thams cad kyi don byed pa nyid kyi phyir ro/ /sred pa med par yang 'gyur ro ni/ yul thams cad la mi lta ba'o/ /sems can thams cad kyi mchog tu yid brtan par bya ba ni gang? mtho? bar bya ba'o/ /slob dpon dang bla ma bkur bar yang 'gyur ro ni bkur 'dod ba'o/ /des sngon ma thos pa'i bzo dang/ sgyu rtsal dang/ mngon par shes pa dang/ bstan bcos thams cad kyang don dang yi ge'i sgo nas shes par 'gyur ro/ /de dag na don gi? bar zad do/ /tshul khrims dang/ 'tsho ba dang/ kun tu spyod pa dang shin tu yongs su dag par spyod pa dang/ legs par rab tu byung ba dang/ legs par bsnyen par rdzogs par 'gyur ro zhes pa la/ legs par yongs su dag pa ni shin tu yongs su dag pa'i tshul khrims dang ldan pa des 'tsho bar gnas pa de nyid kyis yang dag par sbyor ba'i tha snyad des sbyor ba'i tshul dang gang ldan pa de de ltar te/ log par 'tsho ba med pa'i phyir ro/ /legs par rab tu byung ba ni tshul khrims ma nyams pa'i phyir ro/ /legs par bsnyen par rdzogs par byung ba ni tshul khrims la ral pa med pa'o/ /thams cad mkhyen pa nyid kyi byang chub kyi sems kyang mi brjed par 'gyur ro zhes pa la/ mi brjed pa ni thams cad mkhyen pa'i byang chub kyi sems dang gang ldan pa de de ltar ro/ /nyan thos dang/
- 128a
dgra bcom pa dang/ rang sangs rgyas kyi des pa la nam yang 'jug par mi 'gyur ro/ /nyan thos dang dgra bcom pa dang rang sangs rgyas kyi nges pa de'i byang chub myur ba rnams kyang mi 'gyur ro/ /lag na rdo rje rdo rje 'chang zhes pa ni bsdus pa'i sgo nas yon tan rnams kyi mthar gsungs pa'o/ /de ltar yang yon tan dpag tu med pa dang ldan par 'gyur ro/ /gsang sngags kyi sgo nas spyad pa spyod pa de ltar yang thob par 'gyur ro/ /gzhan yang rnam pa de lta bu'i yon tan gyi tshogs dpag tu med pa ni de dang rigs mthun pa'o/ /gzhan dang yang ldan par 'gyur ro/ /lag na rdo rje rdo rje 'chang don dam pa'i mtshan yang dag par brjod pa 'di yang dag par 'dzin pa'i skyes bu gang zag de ni gtso bo zhes pa'i don to/ /de nyid kyi phyir na/ bsod nams dang ye shes kyi tshogs yang dag par bsags shing sangs rgyas kyi yon tan rnams shin tu myur du na thogs pa med pa'o/ /bsgrubs pa'i bzung ba'o/ /ring por ma thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /bskal pa mang por yongs su mya ngan las 'da' pa'i chos su mi 'gyur bar sems can thams cad la bla na med pa'i chos ston pa dang/ phyogs bcur dam pa'i chos kyi rnga sgra chen po rgyun mi 'chad par sgrogs pa'i chos kyi rgyal po chen por 'gyur ro zhes so/ /'khor lo lnga pa'i yon tan te/ de'i tshigs bcad kyi grangs lnga bcu rtsa gcig go /de nas lag na rdo rje zhes pa nas brtsams te/ ji tsam chos kyi rgyal po zhes pa'i bar du yon tan rnam pa gcig tu byas te/ 'phags pa mtshan yang dag par brjod pa'i rgya cher 'grel pa mtshan gsang sngags kyi don du rnan par lta ba las yon tan gyi tshim par phye ba ste bcu gnyis pa'o// //de nas da ni drug pa byang chub kyi sems rdo rje shes
- 128b
rab kyi 'khor lo'i dang po sangs rgyas kyi thugs kar bsgoms pa gang yin pa de la bkod pa'i sngags kyi dbang du byas nas gsungs pa/ /oM sarba d+harma/ b+hA ba/ swa b+hA ba/ bi shud+d+ha badzra a A/ oM a(rgyud 'grel): zhes pa de mtshan yang dag par brjod pa de'i rtsa ba'i sngags so/ /pra kri ti pa ri shud+d+ha(rgyud 'grel): sarba d+harmA zhes pa ni lhun gyis grub pa rang bzhin gyis yongs su dag pa ni/ pra kri ti pa ri shud+d+hA(rgyud 'grel): de gang zhe na/ sarba d+harmA ste/ phung po la sogs pa'i chos thams cad do/ /oM? pu ta sarba ta thA ga ta dz+nyI na kA ya many+dzu sh+rI pa ri shud+d+hi tA ni yongs su dag pa'i chos kyi dbyings kyi rang bzhin gang yin pa de/ mu pA rA ya ti ni bas? blang ngo/ /gzung par bya'o zhes pa'o/ /a A(rgyud 'grel): oM sarba ta thA ga h+ri da ya/ ha ra ha ra/ oM hUM h+ri(rgyud 'grel): b+ha ga bAM/ dz+nyA na nU rti/ bA gI shwa ra/ ma hA pA tse/ sarba d+harma/ ga ga nA Ta maM ? ? su pa ri shud+d+ha/ d+harma d+hA tu dz+nyA na garg+ha a(rgyud 'grel): zhes pa ni 'phags pa mtshan yang dag par brjod pa'i sngags kyi phreng ba'o/ /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba las shes rab kyi 'khor lo la bkod pa'i sngags kyi rin par phye ba ste bcu gsum pa'o// //de nas da ni bsdus pa'i sgo nas bcom ldan 'das rdo rje 'dzin pas lag na rdo rje mang po dang lhan cig gis mgon po zhes pa ni me long lta bu'i ye shes kyi bdag nyid do/ /bcom ldan 'das shes pa ni so sor kun tu rtog pa'i ye shes kyi rang bzhin no/ /de bzhin gshegs pa zhes pa ni bya ba nan tan gyi ye shes kyi ngo bo nyid do/ /rdzogs pa'i sangs rgyas zhes pa ni mnyam pa nyid kyi ye shes kyi gzungs so/ /de ltar ye shes bzhi'i bdag nyid shAkya thub pa la phyag 'tshal nas gsang bstod nas ni tshig 'di gsol zhes pa dang 'brel to/ /de'i phyir gsungs pa/ de nas dpal ldan rdo rje 'ching/ /dga' zhing mgu nas thal mo sbyar/ /mgon po bcom ldan
- 129a
de bzhin gshegs/ /rdzogs sangs rgyas la phyag 'tshal nas/ /de ni mgon po gsang ba'i bdag /lag na rdo rje khro bo'i rgyal/ /sna tshogs gzhan dang lhan cig dang/ /gsang bstod nas ni tshig 'di gsol/ /mgon po bdag cag yid rang ngo/ /legs so legs so legs par gsungs/ /bdag cag yang dag rdzogs pa yi/ /byang chub thob pa'i don chen mdzad ces pa ni de la/ /kye mgon po bdag cag yi rang ngo/ /legs so legs so legs par gsungs so/ / shin tu gsungs pa ni legs par gsungs so/ /bdag cag gi don chen byas so/ /don ci 'dra ba zhe na gsungs pa/ yang dag rdzogs pa'i byang chub 'thob pa ni sangs rgyas thob par byed pa'o/ /rnam grol 'bras bu 'tshal ba yi/ /'gro ba mgon med rnams kyi yang/ /sgyu 'phrul dra ba'i tshul ston pa/ /'di ni rnam dag legs pa'i lam/ /zhes pa ni de la bdag cag nyi tshe'i ma yin te/ mgon po sgyu 'phrul dra ba'i tshul 'di ni/ rnam grol 'bras bu 'dod pa yi/ /'gro ba mgon med rnams kyi yang don chen yin no/ /de ci 'dra zhe na/ rnam dag ces te/ chos kyi dbyings kyi rang bzhin nyid kyi phyir ro/ /legs pa'i lam ni mya ngan las 'das pa'i rgyu nyid kyi phyir ro/ /zab cing yang sa la rgya che ste/ /don chen 'gro ba'i don byed pa/ /sangs rgyas rnams kyi yul 'di ni/ /rdzogs pa'i sangs rgyas kun gyis bshad ces pa ni de la don ci'i phyir na zab cing yangs pa'i don che ba yin pa de'i phyir sangs rgyas rnams kyi spyod yul yin te/ nyan thos la sogs pa gzhan rnams kyi ni ma yin na/ de ci 'dra zhe na/ 'gro ba'i don byed pa zhes pa ste/ snying rje chen pos yongs su bzung ba nyid kyi phyir ro/ /rdzogs pa'i sangs rgyas kun gyis bshad ces pa ni dus gsum la gnas pa'i rdzogs pa'i sangs rgyas rnams kyis 'di bshad pa yin no// //'phags pa mtshan yang
- 129b
dag par brjod pa'i rgya cher 'grel pa mtshan gsang sngags kyi don du rnam par lta ba las bsdus pa'i rim par phye ba ste bcu bzhi pa'o// //bdag gi blo gros 'dra ba'i nus pas mtshan yang dag par brjod pa'i tshul la ni/ /blo gros zhan pas gzung bar dka' ba'i rim pas rnam par 'grel pa byas pa yin/ /de yi dge bas dri ma med pa grangs med thob pas sems can sdug bsngal ba'i/ /srid pa'i 'dod chags zhi bar byas nas mchog gi byang chub dam pa thob gyur cig /'phags pa mtshan yang dag par brjod pa'i rgya cher 'grel pa mtshan gsang sngags kyi don du rnam par lta ba zhes bya ba/ rgya gar gyi mkhan po sgeg pa'i rdo rje nyi ma can gyi rin po che gling na bzhugs pa dpal ldan byang chub mchog gi skal ba dang ldan pa gang gi mtshan dpal sna tshogs gzugs can du grags pa des mdzad pa rdzogs so// //rgya gar gyi mkhan po smri ti dz+nyA na kIr tis bsgyur te/ bshad pas gtan la phab pa'o// //phyis rgya gar gyi mkhan po phyag na rdo rje dang/ klog kya shes rab brtsegs kyis bcos nas gtan la phab pa'o// //'di la gzhung tshad shlo ka nyis stong lnga brgya'o// //phyis gnyan gyis bcos pa'o// //*/ /mtshan brjod kyi rgya cher bshad pa slob dpon 'jam dpal grags pas mdzad pa bzhugs so// //*/ /rgya gar skad du/ Arya many+dzu sh+rI mA ma saM gI ti TI ka /bod skad du/ 'phags pa 'jam dpal gyi mtshan yang dag par brjod pa'i rgya cher bshad pa/ gsung gi mnga' bdag 'jam dpal ye shes sems dpa' la phyag 'tshal lo/ /mchog tu dri ma blo yis rnam pa kun mkhyen gzod nas zhi ba'i ngo bo nyid/ /sna tshogs sems can don rnams 'byor pas che ba gsal 'gyur mtshan rnams yang dag brjod/ /rang bzhin zhi brnyes rdzogs
- 130a
sangs rgyas dang byang chub sems dpa' yon tan mnyam med pa/ /gzod nas grangs 'das kyis gsungs de yi mtshan rnams dbye ba 'dir ni bdag gis bri bar bya/ /ngag gi spyod yul kun las 'das/ /mtshan rnams kun gyi yon tan ldan/ /tshig rje dang bas rab btud de/ /de'i mtshon don ni rnam par dbye/ /bla ma'i man ngag las brgyud cing/ /sna tshogs rgyud don mthong ba dang/ /pha rol phyin pa kun ldan pa'i/ /mdo sde'i don rnams mthong ba las/ /nus pa kun dang rnam bral yang/ /bdag nyid dran par bya ba'i phyir/ /rnam par 'byed la 'gal med de/ /gzhan gyi don duAng dgag pa med/ /rigs kyi buAm rigs kyi bu mo 'am gang la la zhig gis gang+gA'i klung gi bye ma snyed kyi de bzhin gshegs pa rnams kyi mtshan mchog tu dad pas bskal pa'am bskal pa las lhag par brjod na bsod nams kyi phung po ji tsam rab tu skye bar 'gyur zhe na/ de la ni grangs med ring tshad med pa rab tu skye bar 'gyur ro/ /yang rigs kyi bu 'am rigs kyi bu mo gang la la zhig gis 'jam dpal gzhon nur gyur pa la phyag 'tshal lo/ /zhes mtshan bzung na snga ma las 'di nyid bsod nams kyi phung po shin tu mang por rab tu skye bar 'gyur ro/ /de ci'i phyir zhe na/ de bzhin gshegs pa mdza' yas pa'i dge ba'i bshes gnyen du gyur pa'i phyir ro/ /de yang 'jam dpal gzhon nur gyur pas gang+gA'i klung gi bye ma snyed kyi sangs rgyas bcom ldan 'das dang por byang chub tu thugs bskyed pa la sogs pa nas/ sbyin pa la sogs pa pha rol tu phyin pa rnams kyi rim gyis sangs rgyas nyid la rab tu gzhag pas bcom ldan 'das shAkya thub pas rigs pas yang dag par bsngags pa gsungs ? la la dag ci 'di dag don ji lta ba nyid yin nam/ yang na gus pa bskyed par bya ba'i phyir bstod
- 130b
par mdzad pa yin zhes rnam par rtog pa skye ste/ rnam par rtog pa de bsal zhing bzlog pa'i phyir de nas zhes bya ba la sogs pa gsungs so/ /yang na dam tshig dang sngags dang phyag rgya dang ting nge 'dzin la 'jug pa'i le'u la sogs pa thams cad du bcom ldan 'das kyis 'jam dpal gzhon nur gyur pa'i bsngags pa gsungs te/ sangs rgyas thams cad kyi yon tan gyi bdag nyid kyi sngags dang phyag rgya dang dkyil 'khor gyi lha thams cad kyi ngo bo nyid chos dang longs spyod rdzogs pa dang sprul pa'i sku sangs rgyas thams cad kyi bdag nyid dang gnyis su med pa'i ngo bo nyid ni 'jam dpal gzhon nur gyur pa'o zhes gsungs kyi rang bzhin ni ma bstan te zhes som nyi dang bcas pa rnams kyi sems la sems kyis yongs su rtog pa phyag na rdo rjes mkhyen nas de bstan par bya ba'i phyir/ de nas zhes bya ba la sogs pa gsungs so/ /yang bcom ldan 'das bdag nyid kyis ma 'ongs pa'i sems can dpag tu med pa'i don gyi bya ba don yod par mkhyen nas gsol ba 'debs par bya ba'i phyir phyag na rdo rje la gzigs par gyur te/ des na de'i 'og tu phyag na rdo rjes zhus pa'i phyir de nas zhes bya ba la sogs pa gsungs so/ /yang na ting nge 'dzin gyi dra ba'i le'ur dkyil 'khor ba'i lha rnams kyi ting nge 'dzin gyi khyad par gsungs nas/ de'i 'og tu skabs rnyed pa dang ting nge 'dzin thams cad kyi ngo bo 'jam dpal gzhon nur gyur pa'i mtshan nye bar bstan par bshad par bya ba'i phyir/ de nas zhes bya ba las sogs pa gsungs so/ /de bas na de nas zhes bya ba'i smra 'di ni de ma thag par rab tu sbyar gyi bkra shis pa la sogs pa lta bar mi bya'o/ /de nas zhes bya ba la sogs ni nyan pa po'i skye bo rnams 'jug par bya ba'i phyir 'brel pa dang/ brjod pa dang/ brjod par bya ba dang/ dgos pa dang dgos pa'i dgos pa yang brjod par bya ste/ de la sangs rgyas thams cad kyi yon tan gyi bdag nyid mtshan yang dag par brjod
- 131a
ba'i ngo bo nyid chos kyi dbyings rnam par dag pa'i rang bzhin rje btsun gsung gi dbang phyug ni brjod par bya ba yin la de ston pa'i gzhung gi tshogs ni mtshan yang dag par brjod pa ste/ de dag kyang brjod par bya ba dang brjod pa'i mtshan nyid dam pa bstan par bya ba dang ston par byed pa'i mtshan nyid dam thabs dang thabs las byung ba'i mtshan nyid dam rgyu dang 'bras bu'i mtshan nyid ni 'brel pa ste gdul bya'i khyad par gyi tshig go /dgos pa ni mtshan gyi don gang yang rung ba bsgoms pa rab kyi mthar thug pa rje btsun 'jam dpal gyi ngo bo nyid rdzogs par byas pa'o/ /dgos pa'i dgos pa ni mi gnas pa'i mya ngan las 'das pa thob nas 'gro ba ma lus pa'i don byed pa ste dgos pa'i mthar thug pa'o/ /de nas dpal ldan rdo rje 'chang/ /spyan sngar 'dug ste 'di skad gsol zhes bya bar sbyar te/ de la dpal ni bsod nams kyi tshogs dang ye shes kyi tshogs te bsod nams dang ye shes kyi tshogs de dag yongs su rdzogs pa dang ldan pas dpal ldan no/ /rdo rje ni me long lta bu dang/ mnyam pa nyid dang/ so so rtog pa dang/ bya ba sgrub pa dang/ chos kyi dbyings shin tu rnam par dag pa'i ye shes kyi ngo bo nyid kyi rtse lnga pa gnyis su med pa'i de bzhin nyid kyi ngo bo nyid 'chang zhing lag mthil du bzhag pa bzhin du de'i bdag nyid kyi mngon sum du mdzad pa'i phyir 'dzin par mdzad pas na rdo rje 'chang ngo/ /dka' ba 'dul ba'i phyir gdul dka' ba ste/ dbang phyug chen po la sogs pa'o/ /gdul dka' ba rnams 'dul bas na gdul dka' 'dul ba po'o/ /gzhan sred med kyi bu la sogs pas kyang lha ma yin gdug pa rnams 'dul ba'i phyir gdul dka' 'dul ba po yin no zhes rtog pa la mchog /dpa' bo 'jig rten gsum las rgyal zhes bya ba smos te/ mchog ni phul du byung ba'o/ /dpa' bo ni gnyis pa med pa dang/ 'jigs
- 131b
pa thams cad dang bral ba'i phyir ro/ /'jig rten gsum las rgyal zhes bya ba la 'jig rten gsum gyi sgras ni de na gnas pa'i lha dang/ lha ma yin dang/ mi la sogs pa ste/ de rnams btul te byang chub tu sems bskyed pa dang dkyil 'khor du bcug pa la sogs pa sangs rgyas kyi byang chub la smon lam 'debs su bcug nas rang gi 'khor nyid du 'jog cing 'jig rten gsum gyi bdag por gyur pa nyid du gnas par mdzed pas na 'jig rten gsum las rgyal ba ste/ 'jig rten rnams las rgyal ba'i ngang tshul 'di la mnga' bas na 'jig rten gsum las rgyal ba'o/ /yang na thabs sna tshogs kyis 'jig rten gsum du rnam pa thams cad du rgyal ba 'di la mnga' bas na 'jig rten gsum las rgyal ba'o/ /rdo rjes nye bar mtshon pa'i rigs ni rdo rje'i rigs kyi sgrar brjod de/ de bas na rdo rje'i rigs kyi bdag po ni rdo rje'i dbang phyug go /gsang ba ba ni gnod sbyin rnams te/ de gdul bar bya ba'i phyir de'i rigs su skye ba yongs su 'dzin pa nye bar bstan nas de rnams kyi dbus na rgyal por gyur pas mdzes shing snang bar gyur ba'i phyir na gsang ba'i rgyal lo/ /pad+ma dkar po rgyas pa dang 'dra bar yid 'phrog pa'i spyan gang la yod pa de ni pad+ma dkar po rgyas pa'i spyan zhes bya'o/ /pad+ma rgyas 'dra'i zhal mnga' ba zhes bya ba ni zhal mdza' dag kyang mdzes bar gsungs pa yin no/ /rang gi lag gis zhes pa ni rang gi lag pas so/ /rdo rje mchog ni ye shes lnga'i bdag nyid can no/ /yang dang yang du ni yang nas yang du'o/ /gsor byed pa ni shin tu gsor bar byed pa ste/ 'di dag gis ni khro bo sgeg pa'i gzugs nyid du gsungs pa yin no/ / de ltar rdo rje 'chang ba'i bye brag rnams bstan nas de'i 'khor gyi tshul gyis gnas pa rnams kyi yang khyad par thams cad dang ldan pa de bstan par bya ba'i phyir/ /khro gnyer rim par ldan zhes bya ba la sogs gsungs te/ khro gnyer rim par
- 132a
ldan pa dang/ 'dod pa'i rgyal po dang/ dbyug sngon can dang/ stobs po che dang/ mi g.yo ba dang/ gnod mdzes dang/ sa 'og dang/ rdo rje 'od 'phro dang/ g+hu lu g+hu lu dang/ rdo rje kum b+hi dang/ rdo rje rtse mo dang/ rdo rje 'jigs byed dang/ gzhan gyis mi thub pa la sogs pa ni la sogs pa zhes bya ba ste/ de rnams kyis yongs su bskor bas nas mdza' yas pa nyid do/ /de bas na khro gnyer rim par ldan la sogs pa lag na rdo rje mdza' yas pa dang lhan cig tu phyag 'tshal nas zhes bya bar sbyar te/ ji skad du bshad pa'i lag na rdo rje gang yin pa de rnams la de skad ces bya ba de rnams la de skad ces bya ba ste/ de rnams kyis zhes thams cad la sbyar bar bya'o/ /'jigs pa med pas na dpa' bo'o/ /ji skad du bshad pa'i gdug pa rnams 'dul bas na gdul dka' 'dul ba po'o/ /'jigs su rung pa la sogs pa'i nyams dang ldan pas 'jigs su rung dang dpa' byad can no/ /rdo rje rtse mo rab 'phro ba/ /rang gi lag gis gsor byed pa zhes bya bas ni lag pa'i mthil na gnas pa'i rdo rje dpag tu med pa 'phro bar ston pa'o/ /snying rje chen po dang zhes bya ba la sogs pas ni 'gro ba'i don byed pa'i thabs rnams ston pa yin te/ snying rje chen po dang thabs dang shes rab kyis 'gro ba'i don byed pa zhes bya bar sbyar ro/ /de yang snying rje chen po ni 'gro ba'i don la rab tu 'jug pa'o/ /shes rab ni chos thams cad dngos po med par rtogs pa'i tshul lo/ /thabs ni rnam pa dpag tu med pas sems can rnams kyi don byed pa'o/ /yang na shes rab dang thabs gnyis ni sems can rnams kyi don phyin ci ma log par rtogs pa'o/ /snying rje chen po ni 'khor ba ji srid par sems can ma lus pa'i don byed pa'i ngo bo ste/ sems can la dmigs pa dang/ chos la dmigs pa'i bdag nyid can no/ /de bas na snying rje chen po dang shes rab dang thabs
- 132b
la sogs pa 'am/ snying rje chen po dang shes rab dang thabs kyis 'gro ba rnams kyi kun nas don byed pa'o/ /de nyid kyis na mchog go /rgyu'i khyad par mthong bas na dga' ba'o/ /'bras bu'i khyad par mthong bas na mgu ba'o/ /de gnyi ga rdzogs par mthong bas na rangs ba'i bsam pa can no/ /khro bo'i lus kyi gzugs ldan pa zhes bya ba ni khro bo'i gzugs can yin gyi/ khros pa ni ma yin te/ thugs rje chen po'i rang bzhin can yin pa'i phyir ro/ /de nyid kyis na sangs rgyas 'phrin las byed pa'i mgon te/ mgon med pa rnams kyi mgon du gyur ba ste/ de rnams dang lhan cig pa ni de dag dang bcas pa'o/ /khyad par ji lta bu zhe na/ lus btud rnams dang zhes bya ba'o/ /de bzhin gshegs pa bcom ldan 'das/ /rdzogs sangs rgyas la phyag 'tshal nas zhes bya ba ni 'og nas rgya cher bshad par bya'o/ /thal mo sbyar ba byas nas ni zhes bya ba 'di ni 'og nas bshad pa'i gsol ba 'debs pa'i tshul smos pa yin no/ /spyan sngar 'dug ste zhes bya ba ni rjes ma yin pa spang bar bya ba'i phyir rgyab dang logs su ni mi 'dug go /zhes bya ba'i don no/ /khyab bdag bdag la sman pa dang zhes bya ba 'jig rten phyi ma'i 'bras bu rdzogs pa'i don du gsungs pa ni bdag la sman pa'o/ /tshe 'di'i 'bras bu yongs su rdzogs par bya ba'i phyir gsungs pa ni bdag gi don to/ /thugs brtse ba'i phyir ni gnyi ga rdzogs par bya ba'i phyir ro/ /sgyu 'phrul dra bas mngon rdzogs pa'i/ /byang chub ci nas bdag thob mdzod ces bya ba la/ sna tshogs par sprul ba ni sgyu 'phrul lo/ /'chid pa'i bdag nyid can yin pas dra ba'o/ /de ltar na sprul pa sna tshogs pas 'khor ba'i rgya mtshor nub pa'i sems can rnams dra ba nyid kyis bton nas mya ngan las 'das pa'i thang gi sgam sar bzhag pa'i phyir/ rnam pa thams cad du chos thams cad las phyin ci ma log par mngon par byang chub pa ni sgyu 'phrul dra bas mngon par byang chub pa'o/ /de bas na de lta bu'i byang
- 133a
chub ji ltar bdag gis thob par 'gyur ba de ltar yang dag par rdzogs pa'i sangs rgyas kyi mtshan yang dag par bshad du gsol/ zhes bya bar sbyar ro/ /de ltar bdag la phan pa dang gzhan yang nyon mongs pas ni sems dkrugs shing zhes bya ba ste/ nyon mongs pa rnams kyis sems dkrugs pa gang yin pa de la de skad ces bya ste/ de rnams la phan pa dang/ mi shes pa nyid 'dam yin pas na mi shes 'dam du zhes bya ste/ mi shes pa'i 'dam du bying ba rnams la phan pa'i phyir ro/ /phan pa nyid bstan pa'i phyir/ sems can kun/ bla med 'bras bu thob bya'i phyir zhes bya ba smos te/ bla na med pa'i 'bras bu sangs rgyas thob par bya ba'i phyir/ rdzogs pa'i sangs rgyas bcom ldan 'das/ /'gro ba'i bla mas bshad du gsol zhes bya bar sbyar ro/ /dam tshig chen po de nyid mkhyen zhes bya ba la/ dam tshig ces bya ba'i sgra ni brda la dang/ grub pa'i mdza' dang/ sdom pa dang/ dkyil 'khor dang/ sngags dang phyag rgya dang lha rnams la rab tu sbyar la/ brda la sogs pa'i yul thams cad kyi de kho na mkhyen pas na dam tshig chen po de nyid mkhyen ces bya'o/ /dbang po bsam pa mkhyen mchog gis zhes bya ba la/ dad pa dang/ brtson 'grus dang dran pa dang ting nge 'dzin dang/ shes rab kyi dbang po ste lnga po ni dbang po'o/ /dbang po de rnams bsam pa sna tshogs pas chung du dang/ 'brid dang chen po'i dbye bas dbang po rnam pa dgung dbye ba mkhyen pa'o/ /'dod chags dang/ zhe sdang dang/ gti mug dang/ 'jig rten pa'i lha rnams dang/ mtho ris dang thar ba sna tshogs dang/ nyan thos dang/ rang sangs rgyas dang/ yang dag par rdzogs pa'i sangs rgyas kyi yul gyis dpag tu med par phye ba ni bsam pa ste/ dbang po rnams dang bsam pa rnams mkhyen pas na dbang po bsam pa mkhyen pa'i mchog gis zhes pa ste/ phul du byung bas bcom ldan 'das kyi ye shes
- 133b
kyi sku'i mtshan yang dag par brjod pa bshad du gsol zhes sbyar ro/ /bcom ldan 'das kyi ye shes kyi sku yin pas na bcom ldan 'das kyi ye shes kyi sku zhes bya ste/ de bzhin gshegs pa thams cad kyi sku'i ye shes kyi ngo bo nyid yin pa'i phyir ro/ /de skad du dpal rdo rje snying po'i rgyan las/ bde gshegs dri med shes rab ni/ /rdo rje rnon por de bshad do zhes gsungs so/ /de bas na de bzhin gshegs pa thams cad kyi dri ma med pa'i ye shes kyi bdag nyid kyi sku ni ye shes kyi sku ste de'i gtsug tor chen po'i ngo bo nyid kyi tshig gi bdag po ste gsung thams cad la rab tu 'jug par byed pa'o/ /ye shes sku ste rang byung ba zhes bya ba ni ye shes nyid kyi sku yin te/ phyi'i don gyi gzugs kyi sku zla ba la sogs pa ni med de/ kun rdzob tu rnam par bzhag pa yin pa'i phyir ro/ /phyi rol gyi dmigs pa las ma skyes pa'i phyir dang/ rang nyid rnam par dag pa'i gnyis su med pa'i ye shes kyi rgyun las 'khrungs pa yin pa'i phyir rang byung ba'o/ /'jam dpal ye shes sems dpa' yi zhes bya ba la/ ye shes kyi sku dang ye shes sems dpa' la khyad par ci zhig yod ce na/ phyag rgya chen po ni ye shes kyi sku'o/ /dam tshig gi phyag rgya thugs ka'i zla ba'i dkyil 'khor dang rdo rje'i gzugs su gyur pas na ye shes sems dpa' ste khyad par ni de yin no/ /ming ni yang dag brjod pa'i mchog ces bya ba la/ mtshan rnams kyi 'brel pa brjod pa ni mtshan yang dag par brjod pa'o/ /thams cad las phul du byung bas na mchog go /don zab don ni rgya che zhing/ /don chen mtshungs med rab zhi ba zhes bya ba la/ stong pa nyid ston pas na don zab pa'o/ /de las gzhan pa'i sangs rgyas rnams kyi yon tan yang ston pas na don rgya che ba'o/ /zab cing rgya che ba'i don gnyis kyi sangs rgyas nyid rab tu ston pas na don chen po'o mnyam pa med pas na mtshungs pa med pa'o/ /mya ngan las 'das pa rab tu ston pas na zhi ba ste/ de bas na de
- 134a
bshad du gsol zhes sbyar ro/ /thog ma bar dang mthar dge ba zhes bya ba ni nyan thos kyi theg pa ston pas na thog mar dge ba'o/ /rang sangs rgyas kyi theg pa thob par byed pas na bar du dge ba'o/ /yang dag par rdzogs pa'i byang chub la sbyor bas na tha mar dge pa'o/ /yang na bya ba dang/ spyod pa dang/ rnal 'byor gyi dbye bas de skad bya ba 'am/ yang na thos pa dang bsam pa dang bsgoms pa'i dbye bas so/ /dge ba zhes bya ba ni yang dag par rdzogs pa'i byang chub 'thob pas so/ /de bas na yon tan thams cad dang ldan pa de bshad du gsol zhes sbyar ro/ /'das pa'i sangs rgyas zhes bya ba la sogs pas ni de bzhin gshegs pa thams cad kyis kyang mtshungs par gsungs shing/ /bsngags pa yin par bstan pa'i phyir/ /'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba rdzogs sangs rgyas/ /yang dang yang du gsungs pa gang zhes bya ba gsungs so/ /rgyud chen sgyu 'phrul dra ba las/ /rdo rje 'chang chen gsang sngags 'chang/ /dpag med rnams kyi bka' bzhin du/ /glur blangs gang lags bshad du gsol zhes bya ba ni de bzhin gshegs pa 'ba' zhig gis gsungs pa yin gyi/ rdo rje 'chang chen po rnams kyis kyang sgyu 'phrul dra ba stong phrag bcu drug pa 'di nyid gzhan dag tu yang glur blangs shing gsungs te/ dpag tu med pa'i gsang sngags 'dzin pa rnams kyis gsang sngags dang don bzung ba'o/ /mgon po rdzogs sangs rgyas kun gyi/ /gsang 'dzin ci nas bdag 'gyur gyi zhes pa ni de bzhin gshegs pa thams cad kyi sku'i gsang ba dang/ gsung gi gsang ba dang/ thugs kyi gsang ba 'dzin par byed pas na gsang ba 'dzin par grogs par bdag bgyid do zhes pa'o/ /nges par 'byung gi bar du 'di zhes bya ba ni mya ngan las 'das kyi bar du'o/ /bdag gi bsam pa brtan pos bzung
- 134b
zhes bya ba ni mi g.yo ba'i bsam pas so/ /de ni mtshan yang dag par brjod pa bzung bas phyin ci ma log par gsang ba pa ji lta ba bzhin du gzung bar bgyi zhing de bzhin du bstan par bgyi'o/ /zhes sbyar ro/ /bdag gi don phun sum tshogs pa rdzogs na gzhan gyi don byed par nus so/ /zhes bstan par bya ba'i phyir/ nyon mongs ma lus bsal ba dang/ /mi shes ma lus spang ba'i phyir/ /bsam pa'i khyad par ji bzhin du/ /sems can rnams la bshad par 'tshal zhes bya ba smos te/ ci'i phyir ston par byed ces rtog pa la nyon mongs ma lus bsal ba dang/ mi shes ma lus spangs pa'i phyir zhes bya ba gsungs te/ nyon mongs pa ni nyon mongs pa'i kun nas nyon mongs pa dang/ /las kyi kun nas nyon mongs pa dang/ skye ba'i kun nas nyon mongs pa ste/ 'di dag thams cad ni byang chub la sgrib par gyur pa yin pas spang bar bya ba yin no/ /mi shes pa ni ma rig pa'o/ /de kun tu 'gro bas 'dod chags la sogs pa 'ang 'khor ba'i rgyur gyur cing phyin ci log la zhugs pa yin pas spang bar bya ba'o/ /de bas na bag chags dang bcas pa'i nyon mongs pa las dang mi shes pa bsal zhing spang bar bya ba'i phyir te/ de'i don du sems can thams cad la mtshan yang dag par brjod pa bstan par bgyi'o zhes pa'o/ /bsam pa'i khyad par ji bzhin du/ sems can rnams la bshad par 'tshal zhes bya ba ni gang gi bsam pa chung ngu dang/ 'bring dang/ chen po la sogs pa'i dbye bas bye brag tu phye ba gang yin pa de'i khyad par shes par bgyes la bstan par bgyi'o/ /thun mong gi tshul gyis ni ma yin no zhes bya ba'i don to// gsang dbang lag na rdo rje yis/ /de bzhin gshegs la de skad du/ /gsol nas thal mo sbyar byas te/ /lus bdud nas ni sbyin sngar 'dug /de nas bcom ldan shAkya thub/ /gsang dbang la ni slar gsungs pa zhes bya bar sbyar te/ de nas zhes bya ba ni phyag na
- 135a
rdo rjes zhus pa'i 'og tu'o/ /dbang phyug la sogs pa dang ldan pas na bcom ldan 'das so/ /phyin ci ma log pa'i don thugs su chud pas na rdzogs pa'i sangs rgyas so/ /lha dang mi rnams kyi dam par gyur pas na rkang gnyis mchog go / ci zhig mdzad nas slar gsungs she na/ nyid kyi zhal nas ljags bzang ba/ /ring zhing yangs pa brgyad mdzad de zhes bya ba smos te/ de bzhin gshegs pa'i byin gyis brlabs kyis sems can gzhan gyi kha dang lce lta bus kyang chos ston par mdzad pa yang srid do/ /zhes pa de dgag par bya ba'i phyir nyid kyi zhal zhes bya ba smos so/ /rang gi zhal yin yang gdul bya'i dbang gis rdzu 'phrul gyis gzhan dag tu ston pa yang srid do zhes rtog pa bzlog pa'i phyir nyid kyi zhal nas ljags zhes khyad par du gsungs so/ / bzang pa zhes bya ba ni bsod nams kyi tshogs las nges par byung ba dang/ gzhan gyi rgyud la bsod nams dang ye shes kyi tshogs bskyed par mdzad pa zhes bya ba'i don to/ /ring ba ni mchu ring pa'o/ /yangs pa ni dpral ba'i mthar thug gi bar du zhal gyi dkyil 'khor rab tu khebs pa ste/ srab cing che la zangs kyi mdog lta bu la sogs pa'i mtshan nyid dang ldan pa'o/ /brkyang par mdzad pa ni phyung bar mdzad pa ste/ ci'i phyir yang de lta bu'i ljags bzang zhing yangs pa ston par mdzad ce na/ bskal pa du mar bden pa gsung pa la goms par nye bar bstan pa'i phyir te/ de nyid kyang sems can thams cad la bslu ba med pa'i chos ston par mdzad pa nyid du bstan par bya ba'i phyir ro/ /yang na ljags brkyang par mdzad cing 'dzum pa'ang yang dag par bstan par mdzad nas/ gsang dbang la ni slar gsungs pa zhes bya ba sbyar ro/ /'dzum pa'i khyad par bstan pa'i phyir/ 'jig rten gsum po snang byed cing/ /bdud bzhi dgra rnams 'dul byed pa/ /sems can rnams kyi ngan song gsum/ /skyong bar byed pa'i 'dzum bstan
- 135b
nas zhes bya ba smos te/ 'jig rten gsum po snang bar byed pa ni khams gsum po snang zhing gsal bar mdzad pa'o/ /bdud bzhi ni phung po dang/ nyon mongs pa dang/ 'chi bdag dang/ lha'i bu'i bdud ces grags pa rnams te/ de dag nyid ni dgra rnams so/ / de rnams 'dul bar byed pa ni rang gi yul las spos dang byang chub kyi lam la nges par sbyar ba'o/ /de 'ba' zhig tu ma zad kyi gzhan yang/ sems can rnams kyi ngan song gsum/ /sbyong bar byed pa'i 'dzum bstan nas zhes bya ba smos te/ ngan song gsum ni dmyal ba dang/ yi dwags dang/ dud 'gro'i skye gnas te/ gang gi tshe sangs rgyas bcom ldan 'das 'dzum pa mdzad pa de'i tshe zhal las 'od zer kha dog sna tshogs byung nas sems can dmyal ba dang/ yi dwags dang/ dud 'gro'i skye gnas su gtogs pa'i sems can rnams snang bar mdzad la/ de rnams 'od zer des yang dag par reg pa dang sems can dmyal ba la sogs pa'i lus dang ngag dang yid kyi sdug bsngal nye bar zhi zhing rgyun chad nas sangs rgyas mthong ngo/ /de mthong bas dran pa rnyed par gyur to/ /de nas sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /zhes dkon mchog gsum dran ma thag tu/ de nas shi 'bos te lha dang mi rnams dang skal ba mnyam par skyes te/ dang po byang chub kyi sems yongs su bzung nas sbyin pa la sogs pa'i pha rol tu phyin pa la goms par byas pa'i rim gyis sangs rgyas bcom ldan 'das su gyur te/ de lta bas na ngan song gsum sbyong ba'o/ /yang na ngan song gsum gyi rgyu 'dod chags dang/ zhe sdang dang/ gti mug rnams rnam par sbyangs pas na sbyong ba'o/ /yang na ngan song gsum gyi rgyur gyur pa bdag dang/ rdzas dang/ yon tan dang/ las dang/ spyi dang/ bye brag dang/ 'du ba dang/ dbang phyug la sogs pa yod pa nyid du ston par byed pa la/ snying stobs dang/ rdul dang/ mun pa'i gzugs can drag po
- 136a
dang/ sred med kyi bu dang/ tshangs pa ste de dag rnam par sbyangs pas na ngan song gsum sbyong bar byed pa zhes bya ste/ de lta bu'i 'dzum pa sems can rnams la yang dag par ston par mdzad pa 'am/ sems can rnams dang 'brel pa'i ngan song gsum sbyong bar mdzad pa'o zhes bya bar sbyar ro/ /tshangs pa'i gsung ni snyan pa yis/ /'jig rten gsum po kun bkang nas/ /lag na rdo rje stobs po che/ /gsang dbang la ni slar gsungs pa zhes bya la/ tshangs pa'i gsung ni ji ltar yul nye bar gnas pa dag gis thos pa de bzhin du phyi rol gyi yul thag ring pa 'jig rten gyi khams rnams kyis kyang thos te/ gang na gnas pa rnams la sgrib pa med par thos pa gcig pur ma zad kyi/ /thag ring ba na gnas pa 'am/ dman zhing rna ba mi gsal ba rnams kyis kyang snyan cing yid du 'ong la rnam par gsal ba'i don ston pa'i tshul te/ des snying rje che dang ldan gyur pa zhes bya ba la sogs pa slar gsungs pa yin no/ /snying rje che dang ldan gyur pa/ /'gro la phan pa'i don du khyod/ /ye shes lus can 'jam dpal gyi/ /ming brjod pa ni don che ba/ /dag par byed cing sdig sel ba/ /nga las nyan par brtson pa ni/ /legs so dpal ldan rdo rje 'chang/ /lag na rdo rje khyod legs so zhes bya ba la/ /'gro la phan pa'i snying rje chen po dang ldan par 'gyur pas don chen po dang ldan pa'i mtshan yang dag par brjod pa nyan pa la khyod brtson par byed de/ de bas na legs so legs so zhes rab tu dgyes pas na lan gnyis su gsungs pa yin no/ /sangs rgyas nyid 'thob pa'i rgyur gyur pas na don che ba'o/ / nyes pa spyod pa'i gnyen por gyur pas na dag par byed pa'o/ /sdig pa thams cad rnam par 'gog par byed pas na sdig sel ba'o/ /de lta bu'i yon tan gyis phul du byung ba dang ldan pa'i mtshan yang dag par brjod pa gang gi yin zhen/ ye shes
- 136b
lus can 'jam dpal gyi zhes bya ba gsungs so/ /gsang ba'i bdag po de phyir ngas/ /khyod la legs par bstan par bya/ /khyod ni rtse gcig yid kyis nyon/ /bcom ldan de ni legs zhes gsol zhes bya ba la gang ci? phyir gang zhig khyod nyan pa la 'jug pa de'i phyir legs par bstan par bya'o zhes bshad par bya ba'i khyad par yin te/ ngas khyod la phyin ci ma log par mtshan yang dag par brjod pa bshad cing bstan par bya yis/ /kye gsang ba'i bdag po khyod rtse gcig pa'i yid kyis nyon cig ces pa ste/ sems rnam par g.yengs pas mi ji skad du bshad pa'i don khong du chud par mi nus te/ de bas na bshad pa 'bras bu med par 'gyur ro zhes ma 'ongs pa'i 'gro ba rnams la bslab par bya ba'i phyir 'di skad du gsungs pa yin gyi/ gzhan du na rdo rje 'dzin pa chen po ni ma bstan pa nyid du rtag tu sems mi g.yengs pa kho na yin pa'i phyir ro/ /bcom ldan de ni legs zhes gsol zhes bya ba ni gang bcom ldan 'das kyis bka' stsal pa rtse gcig pa'i yid kyis nyon cig ces gsungs pa de legs shing mdzes pas de bzhin du mnyan par bgyi'o zhes pa'o/ /de nas bcom ldan shAkya thub/ /tshig gis bdag pos tshigs su bcad pa 'di gsungs pa zhes bya bar sbyar te/ de nas zhes bya ba ni mnyan par ngas ma thag tu'o/ /bdud la sogs pa bcom pas bcom ldan 'das so/ /shAkya'i rigs las byung bas na shAkya'o/ /sku dang gsung dang thugs thub pa ldan pa na thub pa'o/ /gsang sngags rigs chen thams cad dang zhes bya ba ni bya ba dang/ spyod pa dang/ rnal 'byor gyi rgyud dang/ rtog pa la sogs pa bskyed pa'i gnas skabs su gyur pas ni sngags kyi rigs so/ /yul dang dus la sogs pa khyab pas chen po'o/ /de la gzigs nas tshigs su bcad pa 'di gsungs pa zhes 'og nas bshad pa rnams la yang sbyar bar bya'o/ /gsang sngags rig sngags
- 137a
'chang ba'i rigs ni de'i rgyud la gzigs pa'o/ /rigs gsum ni de bzhin gshegs pa dang/ rdo rje dang pad+ma'i rigs kyi ngo bo ste/ rigs thams cad bsdus pa'o/ /rnam par gzigs pa ni nges par rtog par mdzad pa ste/ 'tsham pa dang mi 'tsham pa dang skal pa dang ldan nam mi ldan zhes rang gi ngo bo la nges par rtog par mdzad pa ni gzigs pa thams cad la dgongs pa yin par blta'o/ /'jig rten 'jig rten 'das pa'i rigs/ /'jig rten snang byed rigs chen dang zhes bya ba la/ 'jig rten pa'i sngags kyi rigs ni 'jig rten pa'i rigs so/ /'jig rten las 'das pa'i rigs ni 'jig rten las 'das pa'i rigs so/ /de gnyi ga ni 'jig rten snang bar byed pa'i rigs so/ /yang na 'jig rten gyi snang bar byed pa'i rigs ?ni 'jig rten snang bar byed pa'i rigs te/ 'jig rten las 'das pa ni khro bo chen po'i rigs so/ /phyag rgya chen po'i rigs mchog dang/ rigs chen gtsug tor cher gzigs nas zhes bya ba la/ phyag rgya chen po ni spyan la sogs pa rig pa'i rgyal mo rnams so/ /de'i rigs ni de las byung ba'i gsang sngags dang phyag rgya las skyes pa'i rgyud dang 'brel pa'o/ /rigs chen gtsug tor yi ge gcig pa la sogs pa sngags kyi stobs las byung ba'i lha'i bye brag go /'di dag ni gsang sngags kyi rigs chen thams cad dang zhes bsdus pa'i rab tu dbye ba'i ngo bo yin pa'i phyir thams cad du yang sngags sngon du byas nas rigs bzhag par bya'o/ /tshigs gi bdag pos tshigs su bcad/ /gsang sngags rgyal po drug ldan zhing/ /gnyis su med par 'byung ba dang/ /mi skye chos can 'di gsungs pa zhes smos pa la/ tshig gi bdag po ni rje btsun gsung gi dbang phyug ste/ de dang 'brel ba'i tshigs su bcad pa gsungs pa'o/ gsang sngags rgyal po drug ldan zhing zhes bya ba ni oM badzra tIk+ShtA zhes bya ba la
- 137b
sogs pa'i gsang sngags drug dang ldan pa'o/ /'dir la la dag ni gsang sngags rgyal po rjes drug ldan zhes 'don par yang byed de/ tshig de ni glegs bam mang po mthong ba las ma mthong bas mi rigs so/ /gzhan yang rgyal po'i sgra dang mnyam par rgyal po dang rjes su bya ba'i sgra yong ngo/ /des na mtshams sbyar ba las mi snang ba yin no zhes la la zer ro/ /kha cig gzhan du yang 'chad mod kyi bcom ldan 'das kyis rton pa bzhi gsungs te/ gang zhe na/ 'di lta ste/ don la rton gyi tshig 'bru la mi rton pa dang/ ye shes la rton gyi rnam par shes pa la mi rton pa dang/ nges pa'i don gyi mdo sde la rton gyi drang ba'i don gyi mdo sde la mi rton pa dang/ chos nyid la rton gyi gang zag la mi rton pa'o/ /de la don gang tshig 'bru ni gang zhe na/ tshig 'bru zhes bya ba ni gang 'jig rten pa'i chos dang/ bya ba la 'jug pa bstan pa'o/ /don zhes bya ba ni gang 'jig rten las 'das pa'i chos rtogs pa'o/ /tshig 'bru zhes bya ba ni/ gang sbyin pa dang/ dul ba dang/ legs par sgom pa dang/ nges pa bstan pa'o/ /don zhes bya ba ni gang sbyin pa dang/ dul ba dang legs par sdom pa dang/ nges pa'i mnyam pa nyid shes pa'o/ /tshig 'bru zhes bya ba ni gang 'khor ba'i skyon bsgrags shing brjod pa'o/ /don zhes bya ba ni gang 'khor ba la mi dmigs par rtogs pa'o/ /tshig 'bru zhes bya ba ni gang mya ngan las 'das pa'i yon tan dang phan yon brjod pa'o/ /don zhes bya ba ni gang rang bzhin gyis mya ngan las 'das pa'i chos thams cad la rnam par mi rtog pa'o/ /tshig 'bru zhes bya ba ni gang theg pa ji ltar rnam par bzhag pa bzhin du ston pa'o/ /don ces bya ba ni gang chos kyi dbyings dbyer med cing tshul gcig pa shes pa'o/ /tshig 'bru zhes bya ba ni gang bdog pa thams cad yongs su gtong ba bstan pa'o/ /don
- 138a
ces bya ba ni gang 'khor gsum yongs su dag bar shes pa'o/ /tshig 'bru zhes bya ba ni lus dang/ ngag dang yid kyi sdom pa dang/ tshul khrims dang/ bslab pa dang/ sbyangs pa'i yon tan dang yo byad bsnyungs pa thams cad yang dag par blang ba bstan pa'o/ /don ces bya ba ni gang lus dang/ ngag dang/ yid mi dmigs pa dang/ sdom pa dang/ tshul khrims dang/ bslab pa dang/ sbyangs pa'i yon tan dang/ yo byad bsnyungs pa yang dag par blang ba bstan pa yongs su dag par shes pa'o/ /tshig 'bru zhes bya ba ni gnod sems dang/ tha ba dang/ skyon dang/ khro ba dang/ khon du 'dzin pa dang/ nga rgyal dang/ rgyags pa dang/ dregs pa thams cad yang dag par 'joms shing bzod pa'i stobs dang nges pa bstan pa'o/ /don ces bya ba ni gang mi skye ba'i chos la bzod pa thob pa'o/ /tshig 'bru zhes bya ba ni gang dge ba'i rtsa ba thams cad yang dag bar bsgrub pa la brtson 'grus brtsams bar bstan pa'o/ /don ces bya ba ni gang blang ba dang dor ba la mi gnas pa'i brtson 'grus so/ /tshig 'bru zhes bya ba ni gang bsam gtan dang/ rnam par thar pa dang/ ting nge 'dzin dang/ snyoms par 'jug pa bstan pa'o/ /don ces bya ba ni gang 'gog pa'i snyoms par 'jug pa shes pa'o/ / tshig 'bru zhes pa ni gang thos pa thams cad 'dzin pa shes rab kyi rtsa ba'o/ /don ces bya ba ni gang brjod du med pa'i don shes pa'o/ /tshig 'bru zhes bya ba ni gang byang chub kyi phyogs kyi chos sum cu rtsa bdun yang dag par bstan pa'o/ /don ces bya ba ni gang byang chub kyi phyogs kyi chos sgrub pa'i 'bras bu mngon sum du byed pa'o/ /tshig 'bru zhes bya ba ni gang sdug bsngal ba dang/ kun 'byung ba dang/ lam gyi bden pa yang dag par bstan pa'o/ /don ces bya ba ni gang 'gog pa mngon sum
- 138b
du byed pa'o/ /tshig 'bru zhes bya ba ni gang ma rig pa la sogs pa rga shi'i bar du yang dag par bstan pa'o/ /don ces bya ba ni gang ma rig pa 'gog pa nas rga shi 'gog pa'i bar du'o/ /tshig 'bru zhes bya ba ni gang zhig gnas dang lhag mthong gi tshigs bstan pa'o/ /don ces bya ba ni gang rig pa dang rnam par grol ba'i ye shes so/ /tshig 'bru zhes bya ba ni gang 'dod chags dang/ zhe sdang dang/ gti mug dang/ cha mnyam par spyod pa'i sems can rnams la bstan pa'o/ /don ces bya ba ni gang sems rnam par grol ba mi 'khrugs pa'i ye shes so/ /tshig 'bru zhes bya ba ni gang sgrib pa dang/ sgrib par 'gyur pa'i chos yang dag par bstan pa'o/ /don ces bya ba ni gang sgrib pa med pa'i ye shes dang rnam par thar pa'o/ /tshig 'bru zhes bya ba ni gang dkon mchog gsum gyi yon tan dang bsngags pa mdza' yas pa bstan pa'o/ /don ces bya ba ni gang sangs rgyas kyi chos kyi sku mthong ba dang/ 'dod chags dang bral zhing 'gog pa'i chos nyid dang/ 'dus ma byas kyi sangs rgyas dang chos dang dge 'dun gyi yon tan sgrub pa'i ye shes so/ /tshig 'bru zhes bya ba ni gang sems dang po bskyed pa nas bzung ste/ byang chub snying po la 'dug gi bar gyi byang chub sems dpa' i yon tan gyi tshogs bstan pa'o/ /don ces bya ba ni gang sems kyi skad cig gcig dang ldan pa'i shes rab kyis thams cad mkhyen pa'i ye shes mngon par rdzogs par 'chang rgya ba ste/ mdor na gang chos kyi phung po brgyad khri bzhi stong bstan pa 'di ni tshig 'bru zhes bya'o/ /gang sems can thams cad kyi skad dang/ yi ge dang/ tshig 'bru brjod du med pa'i don te/ 'di ni don la rton gyi tshig 'bru la mi rton pa zhes bya'o/ /de ltar khong du chud par byas la don gyi rjes su 'brang bar bya'o/ /yi ge'i rjes su 'brang ba ni mi bya bas gsang sngags rgyal po drug ldan zhing zhes bya ba'i sgra la
- 139a
ni bsam par mi bya'o/ /gnas skabs kyis na rton pa lhag ma gsum gyi rang bzhin yang rnam par bzhag par bya ba'i phyir dri bar bya ste/ de la rnam par shes pa ni gang/ ye shes ni gang zhe na/ rnam par shes pa zhes bya ba ni rnam par shes pa gnas pa bzhi ste/ bzhi gang zhe na/ 'di lta ste/ rnam par shes pa gnas pa na gzugs la nye bar 'gro zhing gnas pa dang/ rnam par shes pa gnas pa na tshor ba la nye bar 'gro ba dang/ 'du shes la nye bar 'gro ba dang/ 'du byed la nye bar 'gro zhing gnas pa ste/ 'di ni rnam par shes pa zhes bya'o/ /de la ye shes gang zhe na/ gang phung po bzhi la gnas pa'i rnam par shes pa'i phung po yongs su shes pa ste/ 'di ni ye shes zhes bya'o/ /gzhan yang rnam par shes pa ni sa'i khams rnam par shes pa dang/ chu'i khams dang/ me'i khams dang/ rlung gi khams rnam par shes pa ste/ 'di ni rnam par shes pa zhes bya'o/ /gang khams rnam pa bzhi po 'di dag la gnas pa'i rnam par shes pa la chos kyi dbyings dbyer med pa shes pa 'di ye shes zhes bya'o/ /gzhan yang rnam par shes pa ni gang mig gis shes par bya ba'i gzugs rnams la rnam par rig pa dang/ de bzhin du rna bas shes par bya ba'i sgra rnams dang/ snas shes par bya ba'i dri rnams dang/ lces shes par bya ba'i ro rnams dang/ lus kyis shes par bya ba'i reg bya rnams dang/ yid kyis shes par bya ba'i chos rnams la rnam par rig pa ste/ 'di ni rnam par shes pa zhes bya'o/ /gang yang nang nye bar zhi zhing phyi rol tu rgyu? ba med pa dang/ la shes la rton pas chos gang la yang mi rtog rnam par mi rtog pa 'di ni ye shes zhes bya'o/ /gzhan na yang dmigs pa las rnam par shes pa skye ba dang/ yid la byed pa las rnam par shes pa skye ba dang/ yongs su rtogs pa las rnam par shes
- 139b
ba skye ba 'di ni rnam par shes pa zhes bya'o/ /gang yang 'dzin pa med pa dang/ mchog tu 'dzin pa med pa dang/ dmigs pa med pa dang/ rnam par rig pa dang/ rtog pa med pa 'di ni ye shes zhes bya'o/ /gzhan yang 'dus byas rgyu ba'i chos rnams la rnam par shes pa skye ste/ 'dus ma byas la ni rnam par shes pa rgyu ba med do/ /gang 'dus ma byas su shes pa de ni ye shes so/ /gzhan yang skye ba dang/ 'jig pa la gnas pa ni rnam par shes pa'o/ /mi skye ba dang mi 'gag pa gnas pa ni ye shes te/ 'di ni ye shes la rton gyi rnam par shes pa la mi rton pa zhes bya'o/ /de la nges pa'i don gyi mdo snga ni gang/ gang drang ba'i don gyi mdo snga ni gang zhe na/ mdo sde gang dag lam la 'jug par bstan pa de dag ni drang ba'i don ces bya ba'o/ /mdo snga gang dag 'bras bu la 'jug pa'i phyir bstan pa de dag ni nges pa'i don ces bya'o/ /mdo sde gang dag kun rdzob sgrub par bstan pa de dag ni drang ba'i don ces bya'o/ /mdo sde gang dag don dam pa bstan pa de dag ni nges pa'i don ces bya'o/ /mdo sde gang dag las dang bya ba la 'jug par bstan pa de dag ni drang ba'i don ces bya'o/ /mdo sde gang dag las dang nyon mongs pa zad par bya ba'i phyir bstan pa de dag ni nges pa'i don ces bya'o/ /mdo sde gang dag kun nas nyon mongs pa bshad par bya ba'i phyir bstan pa de dag ni drang ba'i don ces bya ba'o/ /mdo sde gang dag rnam par byang ba yongs su dag par bya ba'i phyir bstan pa de dag ni nges pa'i don ces bya'o/ /mdo sde gang dag 'khor ba la yid 'byung bar bya bar bstan pa de dag ni drang ba'i don ces bya'o/ / mdo sde gang dag 'khor ba dang mya ngan las 'das pa gnyis su med pa la 'jug par bstan pa de dag ni nges pa'i don ces bya'o/ /mdo sde gang dag tshig dang yi ge sna tshogs su bstan pa de dag ni drang pa'i don ces bya'o/ /mdo sde gang dag zab mo
- 140a
mthong bar dka' ba khong du chud par dka' ba bstan pa de dag ni nges pa'i don ces bya'o/ /mdo sde gang dag tshig dang yi ge mang zhing sems can gyi sems dga' bar bya ba bstan pa de dag ni drang ba'i don ces bya'o/ /mdo sde gang tshig dang yi ge nyung la sems nges par sems par byed par bstan pa de dag ni nges pa'i don ces bya'o/ /mdo sde gang dag bdag dang/ sems can dang/ srog dang/ gso ba dang/ skyes bu dang/ gang zag dang/ shed las skyes dang/ sheng bu dang/ byed pa po dang/ tshor ba po dang/ sgra rnam pa sna tshogs su bshad pa dang/ bdag po med pa la bdag po dang/ bcas par bstan pa de dag ni drang ba'i don ces bya'o/ /mdo sde gang dag stong pa nyid dang/ mtshan ma med pa dang/ smon pa med pa dang/ mngon par 'du mi byed pa dang/ ma skyes pa dang/ ma byung ba dang/ dngos po med pa dang/ bdag med pa dang/ sems can med pa dang/ srog med pa dang/ gang zag med pa dang/ bdag po med pa dang/ rnam par thar pa'i sgo yi bar du bstan pa de dag ni nges pa'i don ces bya ste/ 'di ni nges pa'i don gyi mdo sde la rten gyi drang ba'i don gyi mdo sde la mi rton pa zhes bya'o/ /de pa chos nyid ni gang/ gang zag ni gang zhe na/ gang gang zag tu lta ba la gnas te/ gang chos kha cig la rtsom pa 'di ni gang zag ces bya'o/ /gang zag tu lta ba de'i rtsom pa yongs su shes pa 'di ni chos nyid ces bya'o/ /gzhan yang so so'i skye bo'i gang zag dang/ so so'i skye bo'i dge ba'i gang zag dang dad pas rjes su 'brang ba'i gang zag dang/ chos kyi rjes su 'brang pa'i gang zag dang/ brgyad pa'i gang zag dang/ rgyun tu zhugs pa'i gang zag dang/ lan cig phyir 'ong ba'i gang zag dang/ phyir mi 'ong ba'i gang zag dang/ dgra bcom pa'i gang zag dang/ rang sangs rgyas kyi gang zag dang byang chub sems dpa' ba' i gang zag dang/ gang zag gcig 'jig rten du
- 140b
byung na skye bo mang po la phan pa dang/ 'jig rten la snying brtse ba dang/ lha dang mi'i skye bo phal po che'i don gyi phyir/ phan pa'i phyir/ bde ba'i phyir lha dang mi rnams kyi ston pa sangs rgyas bcom ldan 'das gang zag gcig po 'jig rten du byung ste/ de ni gang zag ces bya'o/ /gang zag gi sgra de dag thams cad ni de bzhin gshegs pas kun rdzob kyi tshig gis gnas kyi sems can rnams drang ba'i phyir bstan pa ste/ de la gang zag mngon par zhen pa de dag ni rton pa ma yin pa zhes bya ste/ de dag rton pa la gzung ba'i phyir bcom ldan 'das kyis kyang chos nyid la rton cig gang zag la ni ma yin no zhes gsungs so/ /de la chos nyid gang zhe na/ 'di lta ste/ 'gyur ba med pa dang/ sgro btags pa med pa dang/ bya ba med pa dang/ rnam par bya ba med pa dang/ mi gnas pa dang/ rab tu mi gnas pa dang/ rtsa ba med pa dang/ thams cad du mnyam pa med pa dang/ mnyam pa dag la mnyam pa dang/ mi mnyam pa dag la mnyam pa dang/ mnyam pa dang mi mnyam pa dag la mnyam pa dang/ rtog pa med pa dang/ rtsom pa med pa dang/ chos thams cad la skyon med pa rnyed pa dang/ shin tu nam mkha' i rang bzhin gyi mtshan nyid 'di ni chos nyid ces bya'o/ /de la gang dag chos nyid la rton pa dag ni khams gang la yang mi rton no/ /de bas na chos kyi sgo'i tshul la 'jug pa 'dis chos thams cad la rten pa'i phyir chos thams cad chos nyid kho nar 'gyur ba 'di ni chos nyid la rton gyi gang zag la mi rton pa zhes bya'o/ gnyis su med par 'byung ba dang/ zhes bya ba la/ sngags kyi tshul gyis ni shes rab dang thabs ni gnyis so/ /de gcig tu gyur pa ni gnyis su med pa ste/ shes rab dang thabs gnyis su med pa bde ba chen po'i ngo bo nyid ni gnyis su med pa yin par 'dod de de las byung ba'o/ /pha rol tu phyin pa'i tshul gyis ni gzung ba dang 'dzin pa'am/ bdag dang bdag gi'am/ shes pa dang shes bya
- 141a
ste ji srid du yid rnam par g.yo ba de srid du ni thams cad gnyis so/ /g.yo ba thams cad dang bral zhing spros pa med pa chos thams cad bdag med pa ni gnyis su med pa'i ngo bo nyid chos nyid kyi bdag nyid can gyi sku 'byung ste/ de bas na gnyis su med par 'byung ba'o/ /gnyis su med par 'byung ba yang mi skye ba'i rnam pas khyad par du dbye ba'i phyir/ mi skye chos can zhes bya ba smos te/ skye ba med pa'i chos gang la yod pa de ni 'dir mi skye ba'i chos can no 'dir yang kun brtags pa'i ngo bo nyid kyis skye ba med pa ste/ kun brtags pa yang gzung ba dang 'dzin pa'i rnam pa yin la/ gzhan gyi dbang gi tshul gyis ni don dam par skye ba yod do zhes bye brag tu smra ba rnams dang/ mdo sde pa dang/ sems tsam pa rnams 'dod de/ don 'di la gtan tshigs ni/ kun brtags pa'i ngo bo yis/ /chos rnams thams cad skye ba med/ /gzhan gyi dbang la gnas na ni/ /mi rnams rnam rtog skye bar 'gyur zhes zer ro/ /de ni mi rigs te/ gzhan gyi dbang las skye ba med par bshad pa mdo sde dag las snang ba'i phyir ro/ /de yang 'phags pa dgongs pa nges par 'grel pa'i mdo las/ /mtshan nyid ngo bo nyid med pa nyid dang/ skye ba ngo bo nyid med pa nyid dang/ don dam pa ngo bo nyid med pa nyid la dgongs nas ngas chos thams cad dngos po med pa/ skye ba med pa/ dgag pa med pa/ gzod ma nas zhi ba/ chos thams cad rang bzhin gyis yongs su mya ngan las 'das pa'o zhes gsungs so/ /chos thams cad kyi mtshan nyid ngo bo nyid med pa gang zhe na/ kun brtags pa'i mtshan nyid gang yin pa'o/ /de ci'i phyir zhe na/ 'di ltar de ni ming dang brdar rnam par bzhag pa'i mtshan nyid yin gyi/ rang gi mtshan nyid kyis phung po dang khams la sogs pa 'dus byas 'dus ma byas rnams
- 141b
kyi rang gi mtshan nyid dang spyi'i mtshan nyid rnam par gnas pa ni ma yin te/ de'i phyir de ni mtshan nyid ngo bo nyid med pa nyid ces bya'o/ /chos rnams kyi skye ba ngo bo nyid med pa gang zhe na/ chos rnams kyi gzhan gyi dbang gi mtshan nyid gang yin pa'o/ /de ci'i phyir zhe na/ 'di lta ba de ni rkyen gzhan gyi stobs kyis 'byung ba yin gyi/ bdag nyid kyis ni ma yin te/ gang yang rang nyid med pa de ni skye ba med de/ skye ba med pa la ni ngo bo nyid med pas de'i phyir de ni skye ba ngo bo nyid med pa ces bya'o/ /chos rnams kyi don dam pa ngo bo nyid med pa gang zhe na/ chos rnams kyi yongs su grub pa'i mtshan nyid de/ de yang don dam pa ngo bo nyid med pa nyid ces bya'o/ /de ci'i phyir zhe na/ chos rnams kyi chos bdag med pa gang yin pa de ni de dag gi ngo bo nyid med pa nyid ces bya ste / de'i don dam pa ni chos rnams kyi ngo bo nyid med pa nyid kyis rab tu phye ba yin pas de'i phyir don dam pa'i ngo bo nyid med pa nyid ces bya'o/ /'di lta ste dper na nam mkha' i me tog ji lta ba de lta bur ni mtshan nyid ngo bo nyid med pa nyid blta par bya'o/ /'di lta ste dper na sgyu ma byas pa ji lta ba de lta bur ni skye ba ngo bo nyid med pa nyid kyang blta bar bya'o/ /'di lta ste dper na nam mkha' i gzugs kyi ngo bo nyid med pa nyid tsam gyis rab tu phye ba dang thams cad du song ba ji lta ba de lta bur ni don dam ngo bo nyid med pa de las chos bdag med pas rab tu phye ba dang/ thams cad du song ba gcig par blta bar bya ste/ ngo bo nyid med pa yang ngo bo nyid med pa rnam gsum po de dag la dgongs nas chos thams cad ngo bo nyid med pa'o zhes ngas bstan to zhes gsungs pa yin no/ /lung 'ba' zhig tu yang ma zad kyi rigs pas kyang ji ltar skye ba med pa de ltar bstan par bya ste/ dngos po rnams skye bar gyur pa na rang gi ngo bo nyid du gyur pa'i rgyu las sam/ gzhan par gyur pa'i rgyu las sam/ tha dad pa'am tha dad ma yin pa las sam/ rgyu dang
- 142a
bya ba la bltos pa med pa las skye bar 'gyur/ rgyu yod pa 'am rgyu med par brtag pa dang du ma zhig gis bya ba'i dngos po gcig bskyed par 'gyur ba 'am/ yang na dngos po du ma bskyed par 'gyur ba 'am/ yang na gcig pu nyid kyi rang bzhin gcig bskyed par 'gyur ba 'am/ yang na rang bzhin du ma bskyed par 'gyur ba 'am/ rgyu zhig pa las 'bras bu skye bar 'gyur ba 'am/ ma zhig pa las skye bar 'gyur zhes bya ste/ de lta bu'i rnam par rtog pa du ma 'byung bar 'gyur la/ phyogs de dag thams cad kyang rang gi phyogs la mngon par zhen pa la mchog tu brtson pas bsgrubs pa'i brtags pa tsam la snying po nyid du sems par zad do/ /de yang rgyu'i rang bzhin du gyur pa'i 'bras bu ni rgyu dang 'dra bar byung ba nyid do/ /de bas na de las skye bar mi 'gyur te/ rgyu'i rang bzhin dang 'dra bar 'byung ba'i phyir skye ba mi gtsang bar 'dod pa'i 'bras bu bdag tu gyur pa ni gtso bo'i ming can gyi rgyu zhes bya ba de skye ba med pa'i phyir ri bong gi rwa la sogs pa ltar rgyu nyid dang mi ldan no/ /de yang rang 'dra de ni gzhan min phyir/ /rgyu ni rgyu ma yin par 'gyur/ /ma skyes phyir yang gang gang gi /rgyu min pa ni rgyu ru 'gyur zhes bshad pa yin no/ /gzhan zhes bya ba yang dngos po gnyis la bltos nas bshad pa yin la/ dngos po gnyis pa ni 'di na 'bras bu ste/ de yang rgyu yod pa'i dus na ni yod pa ma yin de/ de yod pa'i dus su yang rgyu yod pa ma yin no/ /de gang la bltos nas de dag la gzhan nyid du don dam par khas len to/ /ba lang gi rwa la bltos pa 'am/ mi'i rwa la bltos nas rta'i rwa'i gzhan ba nyid du yang dag par yod pa ma yin no/ /mngon par 'dod pa'i rgyus kyang mngon par 'dod pa'i 'bras bu mi bskyed de/ gzhan du gyur pas mngon par 'dod pa'i don bzhin no/ /'bras bu 'dod pa yang gzhan
- 142b
du gyur bas 'dod pa ma yin te/ de ni gzhan bzhin no/ /de yang rang gi ngo bo ma byung bar/ /gang zhig gang las gzhan du 'dod/ /ba lang rwa 'am mi rwa las/ /rta yi rwa gzhan 'dod ma yin zhes bshad pa yin no/ /rkyen gzhan gyis kyang don dam par mig la sogs pas mig gi rnam par shes pa bskyed pa ma yin te/ gzhan du gyur pas bi bar na la sogs pa bzhin no/ /mig la sogs pa'i rgyur rnam par grags pa rnams kyang mig la sogs rgyur mi 'dod de/ gzhan du gyur pa'i phyir ram/ snga nas med pa'i phyir bum pa dang snam bu bzhin no/ /gnyis ka las skye ba mi rigs te/ tha dad ba dang tha dad ma yin pa'i ngo bo dag ni phan tshun 'gal bar gnas pa'i mtshan nyid dag gcig tu 'dres nas gnas par gyur pa mi srid do/ /de bas na 'di ltar brjod du med pa'i phyogs kyang mi rigs te/ ma brtags pa'i ngo bo nyid dang/ tha dad pa dang tha dad ma yin rtog pa las 'das pa ste/ gang de nyid ni 'di ma yin no zhes bya ba ni de'i gzugs dor ba ste/ de nyid ni tha dad pa'o/ /de dgag pa ni tha dad pa ma yin pa ste/ dngos po rnams rnam pa gzhan gang zhig las 'byung bar 'gyur/ /rgyu med pa las kyang skye ba mi rigs te/ rtag tu yod pa dang med par thal bar 'gyur ba'i phyir ro/ /de bas na bdag las ma yin gzhan las min/ /gnyi ga las min rgyu med min/ /dngos po gang dag gang na yang// skye ba nam yang yod ma yin zhes bshad pa yin zhes bshad pa yin no/ /de la bdag las zhes bya ba ni grangs can no/ /gzhan las zhes bya ba ni sangs rgyas pa kha cig dang bye brag pa la sogs pa'o/ /gnyi ga las zhes bya ba ni dpyod pa ba dang gcer bu pa'o/ /rgyu med par smra ba ni 'jig rten rgyang phan pa dang rang bzhin rgyur smra ba'o/ /da ni rgyu'i rang bzhin brtag par bya ste/ yod pa las kyang mi skye ste/ ngo bo nyid yongs su grub zin pa ma 'ongs pa'i dus bzhin du skye ba'i don du mi rigs so/ /gzhan du gal
- 143a
te yod par skye bar gyur na ni skyes zin pa yang skye bar 'gyur ro/ /med pa las kyang mi skye ste/ shin tu gzugs med pa ri bong gi rwa la sogs pa dang 'dra zhing/ skye bar 'jug pa dang mi ldan pa'i phyir ro/ /gzhan du 'di dag thams cad med par 'gyur zhing gang gi phyir dngos po'i phyogs gang yang rung ba 'ga' zhig las kyang dngos po thams cad rtag tu skye bar 'gyur pas rgyu dang 'bras bu nges pa med par 'gyur ro/ /gal te so so'i nus pa nges pa med par 'gyur yang dngos po 'di rnams kyi nus pa so sor nges par 'gyur ba ni/ dngos po de rnams las cung zad cig skye bar 'gyur bas khyad par med kyang thams cad med pa ma yin no zhe na/ de ni mi rigs te/ gal te 'bras bu rnams dang 'dres pa'i gzugs rnams rkyen du gyur na ni de'i tshe de rnams kyi so sor nges pa'i 'bras bu dang 'brel par 'gyur bas 'bras bu gang zhig las nus pa nges pa yin te/ de ltar na nus pa nges pa med pa nyid du gnas par 'gyur ro/ /de bas na thams cad las thams cad du skye bar thar bar 'gyur ba bzlog dka' bar 'gyur ba dang/ yod pa dang med pa'i phyogs su smra ba'i nyes pa dang 'dres par 'gyur ro/ /tshul gnyi ga las kyang skye ba 'byung bar mi 'gyur te/ gcig la ngo bo nyid gnyis su 'gyur ba med de/ gcig pa nyid dang gnyis nyid ni phan tshun 'gal ba'i phyir ro/ /de yang yod dam med pa'i don la yang/ /rkyen ni rung ba ma yin te/ /yod na rkyen gyis ci zhig bya/ /med na gang gi rkyen du 'gyur/ /gang tshe chos ni yod pa dang/ /med dang yod med mi sgrub pa// ji ltar sgrub byed rgyu yin zhes/ /de lta yin na mi rigs so/ /rkyen rnams so so 'dus pa las/ /'bras bu de ni med pa nyid/ /rkyen rnams la ni gang med pa/ /de ni rkyen gyis ji ltar bskyed/ /ci ste de ni med par yang/ /rkyen de dag las skye
- 143b
bar 'gyur na/ /rkyen min las kyang 'bras bu ni/ /ci yi phyir na skye mi 'gyur zhes bshad pa yin no/ /rgyu rnams kyang gal te mang pos 'bras bu'i rang bzhin gcig bskyed par 'gyur ram/ /de lta yin gyi lhan cig byed pa'i grogs tha dad pa'i rang bzhin rnams las 'bras bu gcig bskyed pa'i rgyur 'gyur te/ bye brag rnams bye brag med par 'gyur ro/ /de la bye brag med pa rnams kyang bye brag med par mi 'gyur te/ rgyu'i dbye ba yang bye brag med pa'i phyir ro/ /gal te bye brag can las bye brag can nyid du 'gyur na ni/ bye brag med pa las kyang bye brag med pa nyid du rigs te/ rnam par brtags pa'i nges pa la sogs pa yang rgyu nyid ma yin te/ rgyu med pa can dang/ sna tshogs pa'i bye brag can dang bye brag med par 'gyur te/ de las ma gtogs pa'i dngos po 'ga' yang mi srid de/ dngos po thams cad kyang gzhan gyis dbang las mi skye ba nyid du thal par 'gyur ro/ /rgyu'i rang bzhin tha dad pa las 'bras bu'i rang bzhin tha dad pa kun tu skye bar 'dod na ni rgyu dang bya bas rnam par bsgrubs pa rnams 'tshol bar 'gyur bas rgyu'i rang bzhin gyi khyad par rnams ji ltar yul dang dbang po dang yid la byed pa'i stobs las byung pa'i rnam par shes pa yang yul las de mi 'byung zhing/ dbang po las kyang ma yin la/ yid la byed pa las kyang ma yin te/ dbang po las yul la 'dzin pa so sor nges par 'gyur gyi gzhan las ni ma yin no/ /de bzhin du yid la byed pa de nyid las khong du chud par 'gyur gyi/ tshul gzhan las ni ma yin no/ /rgyu dang bya ba dang yul sna tshogs nyid kyang 'bras bu'i rang bzhin gyi dbye ba'i rnam par dbye ba med pa'i tshul nyid las dmigs par mi 'gyur ro/ /de ni 'dir thub rgyal gyi gzhung la brten pa dang 'dra bar khas len pa ste/ ji ltar dngos po 'ga' zhig gi 'bras bu'i khyad par dag kyang de dang tha mi dad pa nyid sna tshogs par mi 'gyur te/
- 144a
sna tshogs pa dang gcig pa nyid ni phan tshun 'gal ba nyid yin no/ /yul rnams su snang ba la sogs pa yang rnam par shes pa dang tha mi dad pa can du yul ji lta ba rnams kyis byed do/ /de bzhin du de dang tha mi dad pa'i khong du chud pa'i tshul la sogs pa dang/ yid la byed pa la sogs pa rnams kyis kyang sna tshogs pa nyid las ldog par 'gyur la/ de bas na nyes pa 'dir mi 'gyur par khyad par gyi 'bras bu las tha dad pa nyid du 'dod do/ /de lta na yang rgyu dang bya ba las de rnams nyid dang nye bar ldan pas na 'bras bu de rgyu med par snang bar 'gyur ro/ /bya ba tha dad nyid min yang/ /bye brag dag ni gnyis su 'dod/ /dbye ba gzhan yin de yi phyir/ /khyod kyi dbang phyug gis sbrul gang/ /shes pa'i tshul las gzhan min pas/ /de yi gzugs las byung ma yin/ /de dang 'dra ba gzhan min pas/ /gzugs kyang 'dir ni byung ba min/ /gang gis 'byung dang mi 'byung ba/ /de bzhin skye bo skyed ba min/ /gcig tu gyur pa 'gal med pa/ /cig car du ni de nyid smos/ /gal te 'di dag gzhan ma yin/ /rnam par dbye ba gang gis byas/ /smras pa'i nyes par thal 'gyur bas/ /glang po'i khrus dang 'dra bar 'gyur/ /gal te rgyu'i dngos po gcig 'bras bu gcig bskyed par 'dod na/ de lta na ni 'on pa dang long ba la sogs par thal bar 'gyur te/ /mig la sogs pa dang lhan cig 'byung ba'i skad cig phyi mas bskyed pa'i rnam par shes pa mi 'byung ngo/ /rnam par shes pa bskyed pa nyid yin na ni rang gi cha skad cog ma phyi ma dang ma phrad pas skad cig ma gnyis pa la mig la sogs pa med pa'i phyir long ba la sogs pa de nyid du thal ba ni bzlog par dka' o/ /de bas na bya ba dang byed pa po dang dbang phyug la sogs pa du ma 'am rgyu gcig pur smra ba'i tshad ma thams cad kyang bcom pa
- 144b
yin no/ /tshogs pa las ni 'bras bu rnams rim gyis 'byung par ston pas 'bras bu yang gal te/ rgyu 'jig pa las byung na ni de ni 'dir rgyu med pa nyid du thal bar 'gyur te/ nam mkha' i pad+mar rtog pa rgyu nyid du 'gyur ba mi srid pa'i phyir ro/ /gzhan du na ma zhig pa las skye bar 'gyur ro zhe na/ de lta na yang rgyu dang 'bras bu dus gcig pa nyid du 'gyur te/ de yang ba lang gi rwa g.yas g.yon rgyu dang 'bras bur 'dod pa ni mi rigs te/ snga na med pa'i nus pa dang nus pa med pa'i 'bras bu 'byung pa dang/ rgyu dang 'bras bu lhan cig 'byung ba ni 'gal bar gsal ba yin pa'i phyir ro/ /yang na skyes pa'i 'og tu 'bras bu dang dus mnyam pa nyid du 'dod do zhe na/ lhan cig pa nyid du 'gal bar brjod do/ /de lta na yang skye ba'i 'og tu tshogs par 'gyur ba dang 'gal bar 'gyur te/ shin tu 'bras bu bskyed par byung ba mi rigs so/ /yang na rgyu 'jig pa'i dus su 'bras bu 'byung ba 'di la nyes pa med do zhe na/ ting nge 'dzin du brtags pa tsam du gnas par zad do/ /de lta na yang brjod par bya ste/ 'di rgyu gang zhig 'jig par 'gyur/ ci rgyu'i rang bzhin nyid dam/ yang na dngos po rnams skad cig mar gnas pa'i chos can rnam par 'jig gam/ yang na rgyu 'gags nas sam/ yang gal te rgyu'i rang bzhin nyid yin na ni de nyid rgyu dang 'bras bu lhan cig par thal bar 'gyur ro/ /yang na rgyu zhig na de yang gang las 'bras bu dang dus mnyam par 'gyur/ dngos po med pa ni nam yang 'ga' zhig tu skye bar 'gyur ba med de/ nam yang 'ba' zhig tu 'byung na ni rgyu dang bcas pa nyid de/ rnam par shes pa dngos por 'gyur ba bzhin no/ /yang smras pa/ rgyu zhig pa las kyang 'bras bu 'byung bar mi rigs la/ ma zhig pa las kyang mi rigs te/ dngos po skye ba rnams ni rmi lam dang 'dra bar 'dod do/ /ma zhig pa las 'bras bu skye na ni de'i tshe 'bras bu ci
- 145a
yang med do/ /yang na zhig pas 'bras bu skye na ni de'i tshe 'bras bu gang zhig las 'byung/ de bas na dngos po skyes pa rnams la ji lta ji ltar rnam par brtags pa de lta de ltar rigs pas brtag mi bzod do/ /de bas na tshad ma dang 'gal bar ma gyur par bya'o/ /de lta mod kyi nges pa'i thabs gang zhig yod de/ gang gi phyir mngon sum dang rjes su dpag pas bsgrubs nas rgyu dang 'bras bu'i dngos por brjod par bya'o zhe na/ mngon sum dang rjes su dpag pa yang rnam pa dang bcas pa dang/ rnam pa med pa dag bsdus pa nyid du 'dzin par byed pa ni mi rigs te/ yul du byas pa'i snang ba dang bral na don du 'dzin pa'i dngos po med pas 'dis 'di shes so zhes bzhag pa mi rigs so/ /rnam pa'i don ni med pa las yang rmi lam la sogs pa'i rkyen rnams la dngos por gyur pas khyab pa med de/ nam mkha' la bris pa'i ri mo dang gcig pa nyid du gyur pa ste/ rnam par shes pa med par mtshungs pa nyid pas mi rigs so/ /yang smras pa/ rnam pa med pa yang mi rigs te/ shes pa'i yul 'dzin pa ni rnam pa'i tshad med pas cig shos kyang rigs pa ma yin no/ /de ltar na shes pas mngon sum dang rjes su dpag pa nyid du rgyu dang 'bras bu nyid du grub par thabs gzhan rnam par dpyad pa yang de lta ma yin no/ /des na thams cad mkhyen pas rgyu dang 'bras bu gsal bar gsungs shing gzhan gyi dbang gis skad cig ma ma gtogs par cung zad kyang shes par mi nus so/ /de ltar shin tu mkhas pa'i tshad mar smra bas skye ba rnams skye ba med pa nyid du byas shing rnyog pa'i nyes pa thams cad dang bral ba nyid ni de bzhin gshegs pa yin no/ /de ci'i phyir 'di skad du/ de bzhin gshegs pa brtag tu skye med chos/ /chos rnams thams cad bde bar
- 145b
gshegs dang 'dra/ /byis pa'i blo can mtshan mar 'dzin pa rnams/ /'jig rten dag na med pa'i chos la spyod ces gsungs pa yin no/ /de ltar mi skye ba'i chos can gyi tshigs su bcad pa thugs la nye bar bzhag pa 'di gsungs so/ /zhes bya bar sbyar ro/ /shes rab kyi 'khor lo bsgoms pa la goms pa las shes rab phul du byung bar 'gyur ba so so'i skye bo rnams la'ang skye bar 'gyur zhing/ de bzhin du sangs rgyas kyi chos rnams mngon par rtogs shing dri ma med pa'i shes bya'i dkyil 'khor ma lus par khong du chud pa las thams cad mkhyen pa ye shes mngon sum du byed par skye bar 'gyur ba'i shes rab kyi 'khor lo bsgom pa'i rim pa nye bar bstan par bya ba'i phyir/ a A zhes bya ba la sogs pa'i tshigs su bcad pa gnyis gsungs pa yin no/ /dris pa tshigs su bcad pa dag gsungs so/ zhes bya bar rigs na/ tshigs su bcad pa zhes tshig gcig par ci'i phyir smos zhe na/ smras pa/ sngags nye bar mtshon pa ni gtso bor 'gyur ba yin la/ dbyangs kyi yi ge nye bar mtshon pa yang de nyid yan lag tu 'gyur pa yin te/ gtso bor bzung ba nyid kyis yon tan du gyur pa bzung ba par du chod pa ma yin pas tshig gcig par gsungs pa la 'gal ba med do/ /gzhan yang ci'i phyir dbyangs kyi yi ge bcu gnyis kho na gsungs she na/ sa dang pha rol tu phyin pa'i ngos par bstan pa'i phyir te/ sngags kyi tshul chen po las bcu gnyis dang pha rol tu phyin pa bcu gnyis su nges par gsungs te/ yi ge a ni skye ba med pa'i don dam pa byang chub kyi sems kyi ngo bo nyid de mos pa spyod pa'i sa rab tu ston par byed la/ byang chub kyi sems rnam par dag pa rab tu ston pas rin chen pad+ma'i pha rol tu phyin pa ston pa yang yin no/ /yi ge a ni rab tu dga' ba'i sa ston pa dang/ sbyin pa'i pha rol tu phyin pa ston pa yin te/ byang chub spyod dang sangs
- 146a
rgyas nyid/ /mya ngan 'das dang 'das ma yin zhes gsungs pas rang dgar brtags pa ni ma yin pas a ni byang chub kyi sems so/ A ni spyin pa la sogs pa pha rol tu phyin pa'i spyod pa rnams so/ /byang chub sems dpa' i sa dri ma med pa la ni tshul khrims kyi pha rol tu phyin pa la lhag par spyod pa yin pas na i ste/ rtog pa dad pa dang bral ba'i phyir ro/ /'od byed pa'i sa la bzod pa'i pha rol tu phyin pa la lhag par spyod pa yin te/ sdug bsngal gyis gnas gyi gnod pa byas pa las byung la chos la dmigs pa'i bzod pa dang ldan par 'gyur bas a'i ste/ 'di ni yan lag rang nyid lag bcad par gyur kyang 'khrug pa med par bstan pa'i phyir ro/ /'od 'phro ba la ni brtson 'grus kyi pha rol tu phyin pa la lhag par spyad pa yin te/ lus dang ngag dang yid kyi brtson 'grus dang ldan pas u ste/ dge ba'i las rnams la kun tu spro ba'i brtson 'grus dang ldan par bstan pa'i phyir ro/ /spyad dka' ba la ni bsam gtan gyi pha rol tu phyin pa la lhag par spyod pa yin pas a'u ste/ ma tshang ba dang lhag chad med pas a'u ste/ shin tu lhag par gyur par bstan pa'i phyir ro/ /mngon du gyur pa la ni shes rab kyi pha rol tu phyin pa la lhag par spyod pa yin pas e ste/ 'di lta bu'i ngo bo nyid de gzod ma nas zhi ba'o/ zhes rtogs par 'gyur bar bstan pa'i phyir ro/ /ring du song ba la ni thabs kyi pha rol tu phyin pa la spyang pa yin pas i ste/ rtsol pa rnams las gcig tu rtsol ba med par rnam par mi rtog pa la 'jug par 'gyur bar bstan pa'i phyir ro/ /mi g.yo ba la ni smon lam gyi pha rol tu phyin pa la lhag par spyod pa yin pas o ste/ rnam par rtog pa'i chu bo las brgal ba nyid du gyur par bstan pa'i phyir ro/ /legs pa'i blo gros la ni stobs kyi pha rol tu phyin pa la lhag par spyod pa yin pas aau ste/ ngang las
- 146b
shin tu 'das pa'i chos chen po mdzod 'dzin par gyur pa nyid bstan pa'i phyir ro/ /chos kyi sprin la ni ye shes kyi pha rol tu phyin pa la lhag par spyod pa yin pas aM ste/ byang chub sems dpa' i sa'i mthar gyur pa nyid kyis mngon par byang chub par 'gyur ba bstan pa'i phyir ro/ /sangs rgyas kyis kun tu 'od la ni rnam pa thams cad mkhyen pa'i ye shes kyi snang ba mi g.yo zhing mi 'jigs pa rdo rje'i las kyi pha rol tu phyin pa dang/ gnyis su med pa'i de bzhin nyid kyi bdag nyid can de bzhin gshegs pa'i ngo bo nyid du bstan pa'i phyir yi ge a(rgyud 'grel): 'o/ /de ltar sa bcu gnyis dang pha rol tu phyin pa bcu gnyis ston pa'i yi ge bcu gnyis ni 'khor lo'i phyi'i mu khyud la blta bar bya'o/ /badzra tISh+ThA zhes bya ba la sogs pa'i sngags drug ni shar phyogs la sogs pa'i rtsibs drug la dgod par bya'o/ /mu khyud kyi nang gi lte ba la ni oM mu oM zhes bya ba'o/ /thams cad kyi phyi rol tu ka la sogs pa nas kA'i bar du bri bar bya ste/ thams cad kyang kha dog dkar po snying ga'i zla ba'i dkyil 'khor gyi steng du lus thams cad snang bar byed par bsam par bya ste/ de lta bu ni re zhig rtsibs drug pa'i 'khor lo'i rtsibs bcu gnyis pa'i dbus su ni yi ge oM/ mdun du yi ge hUM/ rgyab tu yi ge h+rI/ g.yas su oM g.yon du ma/ shar gyi rtsibs la/ oM badzra tIk+Sh+ThA ya nA mo/ /bskor phyogs su bya ste/ a du(rgyud 'grel): khats+tshe dA ya nA ma(rgyud 'grel): gnyis pa la pradz+nyA dz+nyA nA ya nA ma/ gsum pa la oM dz+nyA na kA ya nA ma/ bzhi pa la oM lwA gI shA rA ya nA ma/ lnga pa la oM a ra pa tsa nA ya nA ma/ drug pa la oM pa ra da badzra ag kA ya nA ma/ bdun pa la oM sh+Nu na garbU ya nA ma/ brgyad pa la oM ga ga no ta b+ha bA ya nA ma/ dgu pa la oM dz+nyA na swa pA ya nA ma/ bcu pa la oM bud d+ha saM pA ya nA ma/ bcu gcig pa la oM d+harmA d+hA tu pA bI shwa rA ya nA ma/ phyi rol gyi mu khyud la ni dbyangs kyi yi ge bcu gnyis so/ /de las kyang phyi rol du ni ka nas k+Sha'i mthar thug
- 147a
pa ste/ de bzhin gshegs pa lnga'i snying po can sa bcu gnyis dang/ pha rol tu phyin pa bcu gnyis dang/ rten cing 'brel par 'byung pa yan lag bcu gnyis te/ sangs rgyas thams cad kyi yon tan bsags pa rnam pa thams cad mkhyen pa'i ye shes kyi ngo bo nyid kyi dkyil 'khor snying ga'i zla ba'i dkyil 'khor gyi steng du rnam par bsams la/ de yi steng du dgod pa'i yi ge'i tshogs rnams las 'od zer sngon po dang dmar po la sogs pa 'byung bas rang gi lus snang bar byas te/ phyi rol du byung bas mdza' yas pa'i nam mkha' i khongs na gnas pa'i rgyu ba dang mi rgyu pa'i dngos po ma lus pa rnams rab tu snang bar byas la bltas la/ shes bya'i dkyil 'khor ma lus pa me long lta bur shin tu 'od gsal bar bdag nyid bsgoms na myur ba nyid du thams cad mkhyen pa nyid thob par 'gyur ro/ /de ltar snying gar gnas pa'i ye shes kyi gzugs ni bdag nyid sangs rgyas te/ dus gsum du bzhugs pa'i sangs rgyas rnams kyi ye shes kyi snang pa'i ngo bo nyid kyis chos thams cad khong du chud par rang gi snying gar gnas so/ /bya ba'i don do/ /'khor lo rtsibs brgyud pa'i dbus su yi ge oM/ shar la sogs pa'i phyogs rnams su ni badzra tISh+ThA/ me la sogs pa'i mtshams rnams su ni pA gI shA ra/ phyi'i mu khyud la yi ge dgod pa ni thams cad du 'dra ba yin no/ /'khor lo gnyis pa'i dbus su yi ge khaM/ shar la sogs pa'i phyogs rnams su ni du(rgyud 'grel): khats+tshe da/ me la sogs pa'i mtshams rnams su me? tA bA tsa/ 'khor lo gsum pa'i dbus su ni d+hI/ shar la sogs pa'i phyogs rnams su pradz+nyA dz+nyA na/ me la sogs pa'i mtshams rnams su a nan ta gI'o/ /bzhi pa'i dbus su oM/ /shar la sogs pa'i phyogs rnams su dz+nyA na kA ya/ mtshams rnams su ma hA gAd+hI/ lnga pa'i dbus su a(rgyud 'grel): phyogs rnams su dA gI shwa ra'o//
- 147b
mtshams rnams su ma d+hI sid ha'o/ /drug pa'i dbus su ni yi ge a/ phyogs rnams su ra btsan/ mtshams rnams su badzra pA Ni ste/ 'khor lo drug pa de dag du yi ge'i khyad par gang dag yod pa de dag thams cad du ni kha dog dkar po ste/ shes rab lhag par bskyed par khong du chud par bya'o/ /gzhan yang man ngag las brgyud pa'i 'khor lo mang du yod mod kyi/ de dag ni gzhung mangs su dogs pas ma bris so// //nga ni mtshan gyis ngo bo bshad par bya ba'i phyir gleng slong bar mdzad de gsungs pa ni 'di ltar zhes bya ba ste/ 'di ltar zhes bya ba'i sgra ni bsdus pa nyid kyis dpe rab tu bstan pa'i phyir te/ don 'di ni 'di yin no zhes pa'o/ /yang sngar smras ba'i gsol ba btab pas mtshon pa de ji ltar gnas pa bzhin du bshad do zhes pa'i khyad par ro// sangs rgyas zhes bya ba ni phul du byung ba'i thugs kyis sangs rgyas pa mnga' ba'i phyi sangs rgyas so yang sangs rgyas ni nyan thos dang/ rang sangs rgyas dang/ byang chub sems dpa' dang/ tshangs pa dang/ khyab 'jug dang/ dbang phyug chen po dang/ lha dang/ klu la sogs pa thams cad mkhyen pa nyid pa thams cad dang bral ba yon tan thams cad kyi 'byung gnas so/ /zhes khong du chud cing shes pas na las kyi mthar thug pa ste/ de lta na yang nyes pa med do/ /sangs rgyas de yang rnam pa bcu ste/ gang zhe na/ rgyu mthun pa'i sangs rgyas dang rnam par smin pa las byung ba'i sangs rgyas dang/ ting nge 'dzin gyi sangs rgyas dang/ smon lam gyi sangs rgyas dang/ sems kyis sangs rgyas dang/ ngo bo nyid kyi sangs rgyas dang/ longs spyod rdzogs pa'i sangs rgyas dang/ sprul pa'i sangs rgyas dang/ btags pa'i sangs rgyas dang/ mdun du bzhag pa'i sangs rgyas so/ /de la rgyu mthun pa'i sangs rgyas gang zhe na/ gang pha rol tu phyin pa rnams kyi rgyu mthun pa dang/ pha rol tu phyin pa'i chos sgrub par byed pa yin te/ de gnyis gang
- 148a
grub pa de ni bsgrubs pa'i sangs rgyas te/ de'i phyir rgyu mthun pa'i sangs rgyas zhes bya'o/ /de la rnam par smin pa las byung ba'i sangs rgyas gang zhe na/ rgyu mthun pa gang pha rol tu phyin pa rnams kyi rnam par smin pa yin te/ rnam par smin la de las gang rnam par smin pa'i sangs rgyas kyi gzugs su 'byung ba'o/ /de yang sangs rgyas kyi byin gyi brlabs dang/ chos kyi byin gyi brlabs kyi phyir 'byung ste/ 'di ni rnam par smin pa las byung pa'i sangs rgyas zhes bya'o/ /de la ting nge 'dzin kyi sangs rgyas gang zhe na/ de bzhin gshegs pa'i ting nge 'dzin gang la snyoms par 'jug cing/ ting nge 'dzin gang snyoms par zhugs nas lhun gyis grub cing rtsol ba mi mnga' bar sangs rgyas brgya stong 'byung ste/ ting nge 'dzin gyi byin gyis brlabs des ting nge 'dzin las byung bas na ting nge 'dzin gyi sangs rgyas zhes bya ste/ 'di ni ting nge 'dzin gyi sangs rgyas zhes bya'o/ /de la smon lam gyi sangs rgyas gang zhe na/ byang chub sems dpa' sems can gang dang gang gzugs dang kha dog dang spyod lam ji lta ji lta bur gang dang gang gis 'dul bar 'gyur ba de dang de la de lta bu'i gzugs dang kha dog dang spyod lam gyis 'dul bar gyur cig ces smon lam btab na de sangs rgyas kyi 'dul ba rnams ni sangs rgyas kyi gzugs kyis 'dul te/ smon lam de las byung bas smon lam gyi sangs rgyas zhes bya ste/ 'di ni smon lam gyi sangs rgyas zhes bya'o/ /de la sems kyi sangs rgyas gang zhe na/ gang byang chub sems dpa' sems la dbang rab tu thob nas de sems la dbang ba des gang dang gang bsams pa de bzhin du 'gyur te/ de sangs rgyas kyis 'dul ba'i sems can rnams mthong nas/ bdag sangs rgyas kyi gzugs su gyur cig ces smos par byed de/ sems las byung bas na sems kyi sangs rgyas yin te/ 'dul ba de dag kyang
- 148b
rang gi sems yongs su dag pas sangs rgyas mthong zhing shes te/ 'di ni sems kyi sangs rgyas zhes bya'o/ /de la ngo bo nyid kyi sangs rgyas gang zhe na/ ngo bo nyid kyi sangs rgyas ni gnas ngan len gyi gnas gyur pa bsam gyis mi khyab pa dri ma med pa gzugs sna tshogs can chos kyi dbyings rnam pa tha dad pa dang/ gzugs dang/ bya ba dang/ dbyibs sna tshogs pa skyes bu chen po'i mtshan sum cu rtsa gnyis dang ldan pa'i sangs rgyas gzugs su snang ba 'di ni ngo bo nyid kyi sangs rgyas zhes bya'o/ /de la longs spyod rdzogs pa'i sangs rgyas gang zhe na/ gang byang chub sems dpa' rnams dang/ longs spyod dang kun spyod pa mtshungs pa dang/ rnam pa dang/ zas dang smra ba dang/ cho ga dang/ spyod pa mtshungs pa 'di ni longs spyod rdzogs pa'i sangs rgyas zhes bya'o/ /de la sprul pa'i sangs rgyas gang zhe na/ 'di la sangs rgyas dang byang chub sems dpa' gzugs thams cad ston pa'i ting nge 'dzin thob pa de dag ting nge 'dzin de la snyoms par zhugs te/ dbang thob cing snying rje chen pos bskul nas sangs rgyas kyi gzugs su sprul nas sems can rnams 'dul ba 'di ni sprul pa'i sangs rgyas zhes bya'o/ /de la btags pa'i sangs rgyas gang zhe na/ 'di la la la zhig slob dpon nam mkhan po la sangs rgyas bzhin blta/ sangs rgyas bzhin du bsnyen bkur byed de/ de la slob dpon dang mkhan po la sangs rgyas bzhin du blta zhing sangs rgyas bzhin du bsnyen bkur byas pas de sangs rgyas kyi chos rnams rab tu 'dzin la yongs su rdzogs par byed de/ yongs su sgrub pa 'di ni btags pa'i sangs rgyas zhes bya'o/ /de la mdun du bzhag pa'i sangs rgyas gang zhe na/ 'di la gang la la zhig sangs rgyas kyi gzugs byas sam byed du bcug ste/ mchod cing rim gro bya ba thams cad kyis bsti steng du byed/ bla mar byed/ ri mor byed cing de sangs rgyas kyi chos rnams rab tu 'dzin la
- 149a
yongs su rdzogs par byed de/ yongs su sgrub pa 'di ni mdun du bzhag pa'i sangs rgyas zhes bya ste/ de ltar na byang chub sems dpa' chos kyi tshul la 'jug pa bcu po de dag gis sangs rgyas khong du chud par bya'o zhes chos yang dag par sdud pa'i mdo las gsungs te/ de dag kyang blo dman pa rnams kyis legs par rtogs par bya ba'i phyir bris pa yin no/ /bcom ldan 'das ni/ dbang phyug dang ni gzugs bzang dang/ /dpal dang grags dang ye shes dang/ / brtson 'grus phun sum tshogs pa ste/ /drug po de la ldan zhes bya/ /de dag ma lus la 'jug pa/ /ji ltar rgyal ba ston mdzad pa/ /de 'dra gzhan la yod min pas/ /des na bcom ldan 'das zhes bya/ /yang na bdud bzhi bcom pas na nges pa'i tshig gi tshul gyis yi ge bAn gyis na bcom ldan 'das zhes zer ro/ /chos thams cad las phyin ci ma log par byang chub pas na rdzogs pa'i sangs rgyas so/ /a las byung ba ni a ni gzod mnas ma skyes pa'i phyir chos thams cad skye ba med pa'i sgo ste/ de ltar na chos thams cad skye ba med par bsgoms pa las byung bas so/ /yang na byang chub kyi sems kyi ngo bo nyid a yongs su gyur ba las zla ba'i rnam par sems so sor rtogs pa la sogs pa'i rim pa las grub pas na a las byung ba zhes bshad do/ /'o na yi ge dpag tu med pa yod pa las ci'i phyir a nyid las byung ba zhes pa'i rtog pa bzlog pa'i phyir/ /a ni yi ge 'bru kun gyi mchog /don chen yi ge dam pa yin zhes bya ba gsungs so/ /de yang mi 'gyur ba'i phyir yi ge ste chos kyi sku'o/ /de yi ngo bo nyid ni a ste yi ge'o/ /de nyid kyi phyir don chen te/ gang la don chen po yod pa de la de skad ces bya ste/ de bas na yi ge thams cad kyi mchog ni yi ge a yin no/ /yang na yi ge a ni yi ge thams cad kyi dang por gnas pas
- 149b
na kun gyi mchog go /rnam pa gzhan du na a ni mi bskyod pa dang/ 'od dpag tu med pa'i ngo bo nyid du gyur ba'i phyir ro/ /don yod par grub pa'i ngo bo nyid du gyur pas na kun gyi mchog ste/ rigs thams cad kyi mchog tu gyur pas na sna tshogs pa'i gzugs can yin pa'i phyir ro/ /don 'byung ba'i ngo bo nyid rin chen 'byung ldan gyi ngo bo nyid yin pas na don chen no/ /rnam par snang mdzad kyi bdag nyid can yin pas na yi ge dam pa'o/ /ci de ltar yi ge rnams sbyar ba byas pa la don med pa yin nam 'on te dgos pa yod pa yin zhe na/ don med pa ma yin te/ ci'i phyir zhe na/ mtshan nyid don gyi re re nas bsgom par bya'o/ /zhes gsungs pa'i phyir te/ mtshan rnams yang dag par bsdus pa ni mtshan yang dag par brjod pa yin la/ de yang mtshan rnams don dang bcas pas sangs rgyas nyid thob par 'gyur ba yin te/ sangs rgyas rnams kyi yon tan la dmigs pa'i phyir yi ge rnams nges par sbyar ba yang don dang ldan par byas pa yin no/ /khong nas 'byung ba skye ba med/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal bar byed ces bya ba la 'bad pa chen pos brjod pa na khong nas byung? ba ste yi ge a'o/ /chos thams cad gzod ma nas ma skyes pa'o zhes ston pas na skye ba med pa'o/ /rang nyid skye ba med pa'i ngo bo nyid du gyur pas na tshig tu brjod pa spangs pa'o/ /'o na ji ltar na de bsgoms pa'i stobs kyis gsung gi 'khor lo rdzogs par 'gyur zhes rtog pa la/ brjod pa kun gyi rgyu yi mchog /tshig kun rab tu gsal bar byed ces gsungs te/ 'dis don rnams brjod par 'gyur bas na brjod pa ste sgra rnams so/ /brjod pa yang yin la kun yin pas na brjod pa kun te/ de rnams rgyu 'gyur pa gang yin pa de ni brjod pa kun gyi rgyu ste/ de rnams kyi mchog dang gtso bo 'jam dpal gyi ye shes skyed par byed de/ de bas na dag thams cad la 'jug par byed pa yin no/ /dag thams
- 150a
cad kyi don ma lus par ston pas na rab tu gsal bar byed pa'o/ /des na 'di skad ston par 'gyur te/ yi ge a ni ma skyes pa'i rnam pas sangs rgyas thams cad kyi yon tan rnams kyis gnas byang chub kyi sems sngon du 'gro ba rnam par mi rtog pa'i ye shes kyi ngo bo nyid 'jam dpal gyi rang bzhin bskyed pas na chos kyi 'khor lo bskor bar byed cing/ tshig thams cad rab tu gsal bar byed pa'i gsung gi 'khor lo'i rgyur gyur pa'i phyir brjod pa thams cad kyi rgyu'i mchog yin no/ /rnam pa gzhan du na gnyis su med pa'i ngo bo nyid longs spyod rdzogs pa'i sku'i tshul gyis gnyis su rnam par rtog pa'i nye bar dmigs pa'i thog ma med pa'i stobs 'jig par mdzad pas na khong nas 'byung ba'o/ /chos kyi sku'i bdag nyid can gyi de bzhin gshegs pa rnams kyi ngo bo nyid yin pas na skye ba med pa'o/ /so sor rang gi rig pa'i mchog tu dga' ba gnyis su med pa'i bde ba chen po'i ngo bo nyid yin pas na tshig tu brjod pa spangs pa'o/ /de ltar rang gi don phun sum tshogs pa lhun gyis grub nas chos ston pa'i sgra sna tshogs pas gdul bya'i sems can rnams gdul bar bya ba'i phyir dam pa'i chos rnams ston par mdzad pas na brjod pa kun gyi rgyu'i mchog go /yid bzhin gyi nor bu ltar sems can ma lus pa'i mngon par 'dod pa'i tshig rnams bskyed pa'i rgyur 'gyur bas na tshig kun no/ /sprul pa'i 'od zer gyis sems can ma lus pa'i rgyud la yod pa'i ma rig pa'i mun nag sil bar mdzad pas na rab tu gsal bar byed ces bya'o/ /'dod chags la sogs pa'i tshul gyis phul du byung ba nyid du bstan par bya ba'i phyir/ mchod pa chen po 'dod chags che/ /sems can thams cad dga' bar byed/ /mchod pa chen po zhe sdang che/ /nyon mongs kun gyi dgra che ba/ /mchod
- 150b
pa chen po gti mug che/ /gti mug blo ste gti mug sel/ /mchod pa chen po khro ba che/ /khro ba chen po dgra che ba/ /mchod pa chen po chags pa che/ /chags pa thams cad sel bar byed ces bya ba gsungs te/ de yang 'dod chags che ba ni lta chen po yin te/ des lha'i lo stong gi bar du 'khrig pa chen po spyad kyang cung zad tsam doms par ma byas te/ u ma gcig bu yang tshim par ma gyur to/ /de ci'i phyir zhe na/ rgyun mi chad cing phul du byung ba'i dga' ba bskyed pa'i de kho na nyid ma shes pa'i phyir ro/ /rje btsun 'jam dpal gyis ni sems can thams cad skye bo med pa'i dga' bas tshim par mdzad de/ che bas kyang ches che ba'i phyir/ /mchod pa chen po 'dod chags che/ /sems can thams cad dga' bar byed ces bya'o/ /yang na ma hA ni mchod pa ste mchod pa chen po gang la yod pa de la ni mchod pa chen po ste/ mchod pa chen po yang yin la 'dod chags chen po yang yin pas na mchod pa chen pa 'dod chags che zhes bya'o/ /'dis ni 'di skad ston par 'gyur te/ cig car 'jig rten gyi khams mdza' yas shing dpag tu med pa na gnas pa'i dkyil 'khor gyi 'khor lo'i nang du gtogs pa'i mchod pa chen po'i bkod pa rgyun gyi ngo bo nyid spyan la sogs pa'i pad+ma rdo rje rnam par zhugs pa'i yang dag par rig pa las byung ba rgyun mi 'chad cing phul du byung ba'i mchog tu? dga' ba'i bde ba chen po'i rgyur gyur pas mchod pa chen po 'dod chags che/ /sems can thams cad dga' bar byed ces gsungs te/ bcom ldan 'das rje btsun 'jam dpal de 'dir sems can thams cad dbang du byed pa zhes bya ba'i ting nge 'dzin ston to/ /stong pa nyid bsgom pa ston du 'gro bas zla ba'i dkyil 'khor gyi steng du yi ge ho las byung ba bdag nyid 'dod chags chen po'i gzugs dmar ser sgeg pa'i nyams dang ldan pha rol stabs kyis gnas pas gnas pa na zhal bzhi pa/ phyag brgyad pa/ zhal dad pa dmar ser
- 151a
g.yas pa gur kum ltar dmar ba/ rgyab pad+ma ltar dmar ba/ g.yon dmar ser/ phyag gnyis na mda' dang gzhu bsnams pa/ yang gnyis kyis zhags pa dang lcags kyu bsnams pa/ yang de las gzhan pa gnyis kyis shes rab kyi pha rol tu phyin pa'i glegs bam dang ral gri bsnams pa/ yang gnyis kyis rdo rje dang dril bu bsnams pa rnam par bsams la/ cod pan gyi rtse bran las 'od zer rnams byung pas steng du song ste snang bar byas pas 'dod chags chen pos chags shing lus rab tu 'dud par blta zhing/ de bzhin du shar dang/ lho dang nub dang byang dang/ 'og gi phyogs na gnas pa la zhal dang po dang/ gnyis pa dang gsum dang/ bzhi pa dang/ zhabs kyi 'od zer rnams kyis kun tu gang zhing rjes su dga' bar byas nas rang gi dbang du gyur pa la bzhag par yid kyis bsams la/ oM ma hA rA ga badzra rA ga ya sa sa rA sa twa na ho/ zhes bya ba'i gsang sngags par bar du bzlas brjod bya ste/ de nas nges par sems can thams cad dbang du 'gyur ro zhes nges pa'i blos de ltar rje btsun 'jam dpal gyi 'dod chags chen po'i sku bsgom par bya'o/ /de bzhin du mchod pa chen po zhe sdang che zhes bya ba la sogs pa sbyar bar bya ste/ khyad par dag kyang brjod par bya'o/ /zhe sdang che ni khyab 'jug ste/ /zhe sdang gi dbang du gyur pas lha ma yin thams cad la sogs pa gsod kyang rang gi sems can gnas pa'i nyon mongs pa'i dgra ni bzlog par mi nus so/ /yang bcom ldan 'das ni bdag dang gzhan gyi rgyud du gtogs pa'i nyon mongs pa can gyi dgra bo'i stobs 'joms par mdzad pas nyon mongs kun gyi dgra che ba zhes bya ba la/ de bas na mchod pa chen po zhe sdang che zhes gsungs te/ zhe sdang rdo rje ni mi bskyod pa'o/ /de yang stong pa nyid sngon du 'gro ba'i nyi ma'i dkyil 'khor gyi steng du hUM las nges par
- 151b
byung ba'i rdo rje las byung ba utpa la sngon po'i 'dab ma'i mdog can zhal bzhi pa phyag brgyad pa/ zhal dang po khro ba sgeg pa/ g.yas pa drag po ste/ zhal gdangs pa/ g.yon pa 'jigs su rung ba ste/ ma mchu'i sgros gnon pa/ rgyab kyi zhal dpa' bo ste/ gdug pa thams cad skrag par byed/ phyag g.yas pa rnams na ral gri dang/ mnga' dang/ rdo rje dang/ lcags kyu bsnams pa/ g.yon pa rnams na sdigs mdzub bsgreng ba dang/ dril bu dang/ rnga yab dang/ zhags pa bsnams pa/ g.yon brkyang ba'i gnas pas bzhugs pa/ ba spu'i bu ga thams cad nas 'byung ba'i rdo rje me ltar 'bar ba'i rtse mo rnams kun tu 'bar bas khams gsum thal bar byas te/ rnam par sbyangs nas sangs rgyas kyi byang chub la nges par bkod par bsgom pa ni/ mchod pa chen po zhe sdang che nyon mongs kun gyi dgra che ba zhes bya ste/ rje btsun rdo rje rnon po'o/ /gti mug che ba ni tshangs pa ste/ gti mug las byung ba'i srog chags la 'tshe ba dang nye bar ldan pa'i mchod sbyin ston pas rang gi rgyud du gtogs pa'i gti mug gis kun tu rmongs pa'i phyir ro/ / yang na 'jam pa'i dbyangs ni mchod pa chen po gti mug che/ gti mug blo ste gti mug sel zhes bya ba ste/ mi shes shing log pa'i shes pa'i bdag nyid can rmongs pa'i gti mug gang yin pa de'i blo ste gti mug blo ste/ phyin ci log la mngon par zhen pa ste/ ji lta ba bzhin du gnas pa'i chos bdag med pa khong du chud pa la chos bdag med pa thugs su chud nas bdag dang gzhan rtogs par bya ba'i phyir bdag dang gzhan gyi rgyud du gtogs pa'i gti mug gi rtsa ba dang bcas pa drungs nas phyung bas/ gti mug blo ste gti mug sel zhes bya'o/ /de nyid kyis na/ mchod pa chen po gti mug che zhes bya ba ste/ ji ltar rims sel ba'i sngags la rims kyi sngags zhes bya ba dang/ stong pa nyid ston pa'i sgra la stong pa nyid kyi sgra zhes bya ba dang mtshungs so/ /'dir yang rnam par snang mdzad
- 152a
chen po stong pa nyid sngon du 'gro ba zla ba'i dkyil 'khor gyi steng du oM gyi 'khor lo las byung ba gti mug chen po'i ngo bo nyid gser gyi mdog can zhal bzhi pa/ phyag brgyad pa/ zhal dang po ser po/ g.yas nag po/ g.yon dkar po/ rgyab dmar po/ phyag gnyis byang chub mchog gi phyag rgya can/ g.yas kyi phyag na rdo rje dang/ mnga' dang/ ral gri bsnams pa/ g.yon dril bu dang gzhu dang/ zhags pa bsnams pa/ rdo rje skyil mo krung gis bzhugs pa/ ba spu'i bu ga thams cad nas de bzhin gshegs pa'i sprin byung bas sems can ma lus pa'i rgyud du gtogs pa'i ma rig pa'i mun pa bsal nas sangs rgyas nyid la rab tu 'jog par bsam par bya'o/ /khro bo chen po ni nyi ma la sogs pa gza' gdug pa rnams dang/ /klu la sogs pa ste/ sems can rnams la 'khu ba'i bsam pas gnas pa'i phyir khro ba chen po'o/ /khro bos khro ba thams cad drungs nas 'byin pas na mchod pa chen po khro ba che ste/ rdo rje blo'o/ /khro ba thams cad bgrang gyur pas khro ba chen po 'gra che ba'o/ /'dir yang mchod pa chen po khro ba che ba ni don yod par grub pa ste/ sku mdog ljang khu zhal bzhi pa phyag brgyad pa/ zhal dang po mche ba gtsigs pa/ mdog ljang khu/ g.yas ser po/ g.yon dkar po/ rgyab dmar po/ phyag g.yas pa rnams na ral gri dang/ rdo rje dang/ mnga' dang/ lcags kyu bsnams pa/ g.yon gyis gdug pa rnams la sdigs mdzub mdzad pa/ dril bu dang/ gzhu dang/ zhags pa bsnams pa/ g.yon brkyang pa'i gnas pas bzhugs pa/ ba spu'i bu ga thams cad nas khro bo 'bang ba rnams byung bas sems can thams cad kyi rgyud du gtogs pa'i nyon mongs pa khro ba bag chags dang bcas pa thams cad bsregs nas nyon mongs pa rnam par bsal ba de rnams sangs rgyas kyi byang chub la rab tu bzhag
- 152b
par bsam mo/ /chags pa chen po ni/ ma rig pa dang/ nga rgyal dang/ bdag dang/ bdag gir gang shin tu chags pa dang/ nga dang nga yi zhes bya ba dang/ bdag dang bdag gir mngon par zhen pa bsal bas na/ chags pa thams cad sel bar byed ces bya ste/ de nyid kyis na mchod pa chen po chags pa che zhes bya ba'o/ /'dir yang mchod pa chen po chags pa che ba ni/ bcom ldan 'das rin chen 'byung ldan te/ gser gyi mdog can zhal bzhi pa phyag brgyad pa/ zhal gyi rnam par dbye ba/ ser po dang/ nag po dang/ dkar po dang/ dmar po'o/ /phyag g.yas dang g.yon rnams na rdo rje dang/ ral gri dang/ mnga' dang/ lcags kyu dang/ yid bzhin gyi nor bu'i rgyal mtshan dang/ dril bu dang/ gzhu dang/ zhags pa bsnams pa/ rgyal po'i skyil mo krung gis bzhugs pa/ ba spu'i bu ga thams cad las rin chen 'byung ldan gyi sprin byung bas sems can thams cad ji ltar mngon par 'dod pa bzhin du bsam pa thams cad yongs su rdzogs par mdzad cing rin po che la sogs pa'i char phab pa chags pa'i rdul zhi bar mdzad cing sems can rnams kyi sems chags pa dang bral bar mdzad de/ chags pa dang bral bar byas pa rnams sangs rgyas nyid la sbyar bar bsam par bya'o/ /ci'i phyir de ltar sbyor ba byas she na/ rgyud gzhan dag las/ sangs rgyas thams cad chags pas 'khrungs/ /de bzhin rmongs dang ldang las 'khrungs zhes bya ba la sogs pa gsungs te/ de yang 'di ltar bshad pa rigs pa nyid du bstan par bya ba'i phyir ro/ /gzhan du 'dod chags dang/ zhe sdang dang/ gti mug dang/ khro ba dang/ chags pa rnams ni 'khor ba'i rgyu ma tshang ba med pa yin zhing rnam par rtog pa'i ngo bo nyid yin na/ ji ltar 'tshang rgya ba nyid kyi rgyur gyur/ gal te thabs dang bcas pa las 'gyur ro zhe na/ thabs kyis yongs su zin pa na/ snga ma'i
- 153a
rang bzhin las 'phos sam 'on te ma yin/ gal te rang bzhin snga ma las 'phos na de lta na ni de khyad par can nyid kyis rdzas gzhan skyes nas sangs rgyas nyid thob par phyed pa ni nges kyang 'dod pa nyid yin no/ /'on te phyogs gnyis pa ltar na ni rgyu ma tshang ba med pa las phyin ci log gi 'bras bu 'byung ba ni 'gal ba nyid do/ /yang na dug gi nus pa med par byas pa bzhin du 'khor ba'i rgyur gyur pa'i nus pa nyid bsal nas 'dod chags la sogs pa yang rang gi ngo bo nyid kyis ston no zhe na/ rang gi ngo bo nyid las tha dad pa'i nus pas ni bde bar gshegs pa rnams kyis bstan pa la med de/ nus pa dang bral ba nyid rang gi ngo bo dang bral ba yin pas rdzas gzhan pa 'byung ba'i phyogs nyid yin la/ rang bzhin mi 'gyur ba'i dngos po ni 'ga' yang med de/ thams cad kyang skad cig ma nyid du bstan pa'i phyir ro/ /de bas na de bzhin gshegs pa lnga'i ngo bo nyid 'dod chags dang zhe sdang dang/ gti mug dang/ khro ba dang/ chags pa rnams ni chos kyi dbyings shin tu rnam par dag pa'i rang bzhin gyi ngo bo nyid du rtogs na 'tshang rgya ba nyid kyi rgyur gyur bas de bzhin gshegs pa la sogs pa'i nga rgyal gyis 'dod chags la sogs pa la brten pa ni sngags kyi tshul las 'gal ba med pa 'am/ ngo bo nyid med cing sgyu ma lta bur lhag par mos pas ni thams cad legs par gnas pa yin no/ /'dod pa chen po bde ba che/ /dga' ba chen po mgu ba che/ /zhes bya ba ni yid kyi chos nyid kyi khyad par bstan pa ste/ sems can ma lus pa sangs rgyas nyid la rab tu 'god par 'dod pa'i bzhed pa gang la yod pa 'am/ chen po rnams kyi de 'dod par bya ba yin pas 'dod pa chen po ste/ de ni bcom ldan 'das dag gi dbang phyug go /thar ba'i bde ba bskyed par byed par 'gyur bas na bde ba chen po'o/ /gong nas gong du rab
- 153b
tu dga' ba'i rgyur gyur bas dga' ba chen po'o/ /yang na bde ba chen po ni dkyil 'khor chen po'i tshul gyis lha mo thams cad la rol bar mdzad pas de rnams kyi 'dod par bya ba yin pas de ni 'dod pa chen po ste/ de nyid kyis 'di ltar bde ba chen po 'byung ba'i gnas skabs kyi kun du dga' ba'i byang chub kyi sems kyi bdag nyid du gyur pas bde ba chen po'o/ /de rnams dang bdag nyid rgyun mi chad pa yangs shing rgya che ba'i rab tu dga' ba 'phel bar gyur pas na dga' ba chen po'o/ /de nyid du tshad med cing rgyun mi 'chad pa'i dga' ba dang bde ba rab tu 'phel ba'i mthar thug pa ni mgu ba chen po'o/ /de dag thams cad kyang sgyu ma dang 'dra ba gnyis su med pa'i chos nyid so sor rig pas lhun gyis grub par sems can thams cad kyi don mdzad pa la mkhas pa'i blo yis bstan pa yin pas log par sgrub pa ni mi bya'o/ /yang dag par sgrub pa rnal 'byor rgyud kyi rjes su 'brang ba las rang nyid kyis rtogs par bya yi/ rang dag log par brtag par ni mi bya'o/ /da ni bcom ldan 'das kyi sku'i sgo nas khyad par du byas pa ni/ gzugs che lus kyang che ba ste/ /kha dog che zhing bus bong che zhes bya ba gsungs pa yin te/ de la gzugs che ba ni skye bo rnams gdul bar bya ba'i phyir sna tshogs gzugs can gyis 'gro ba 'dul ba'i dbang gis gzugs sna tshogs pa'i tshul dang ldan par bdag nyid kyi dngos po sprul zhing 'gro ba thams cad khyab cing che ba'i gzugs mnga' bas na gzugs che ba'o/ /ji ltar tshad phra rab dang che ba la sogs pa'i gzugs can gyi gdul bya'i sems can rnams gdul bar bya ba'i phyir lha la sogs pa bas lhag par che ba'i sku ston pas na lus kyang che ba ste/ lus kyang yin la chen po yang yin pas lus che ba'o/ /ser po dang/ nag po dang/ dmar po dang/ dkar po dang/ ljang gu dang/ 'dren pa'i kha dog gis shin tu 'bar bas na kha dog chen po ste/ 'di la kha dog chen po mnga'
- 154a
bas na kha dog che ba'o/ /de la kha dog gang gis 'dul ba'i sems can rnams gdul bar bya ba'i phyir ro/ /lus kyi sku yi mdangs 'od 'bang pa ste/ rang gi 'od kyis lha la sogs pa'i mdangs zil gyis gnon pas na lus bong chen po mnga' ba ste/ de yang lus bong chen pa'i gdul bya dag 'dul ba'i phyir ro/ /'od la sogs pa khyad par du 'gyur ba bstan pa'i phyir/ ming yang che zhing rgya che ba/ /dkyil 'khor chen po yangs pa yin zhes bya ba gsungs te/ gang la ming chen po yod pa de la 'di skad ces bya ste/ 'jig rten thams cad kyi skad dang rjes su mthun pa'i ming dang brda dang tha snyad du btags pas rab tu grags pa'i phyir ming yang che ba'o/ /sbyin pa la sogs pa'i bsod nams kyi tshogs mang zhing rgya che ba mnga' bas na rgya che ba'o/ /'od zer gyi tshogs kyis zlum por bskor bas na dkyil 'khor chen po'o/ /'jig rten gyi khams thams cad khyab pas yangs pa'i 'od kyi dkyil 'khor mnga' bas na dkyil 'khor chen po yangs pa yin zhes bya'o/ /mtshon chas khyad par du 'gyur ba bstan pa'i phyir/ shes rab mtshon chen 'chad ba ste/ nyon mongs chen po lcags kyu mchog ces bya ba gsungs te/ chos thams cad rnam pa thams cad du mngon par rtogs pa'i tshul gyis nges par 'byed pa'i shes rab chen po ni shes rab ste/ thos pa la sogs pa'i ngo bo nyid ni ma yin no/ /de nyid ni mtshon cha ste/ nye bar dmigs pa la sogs pa'i nyon mongs pa sel bar byed pas na mtshon chen no/ /de bsnams pa ni 'chang ba'o/ /yang na shes rab dang mtshon cha dag ni shes rab mtshon cha ste/ shes rab kyi pha rol tu phyin pa'i glegs bam dang ral gri phyag g.yon dang g.yas na bsnams pa'i rdo rje rnon po'i ting nge 'dzin nyid yin pas na shes rab mtshon chen 'chang ba'o/ /glang po che myos pa dang 'dra bar bzlog par dka' zhing che ba'i 'dod chags la sogs pa'i nyon mongs pa
- 154b
bzlog nas rang dbang du mdzad pas lcags kyu dang 'dra ba'i phyir lcags kyu'o/ /mchog ni gtso bo'o/ /'dir yang lcags kyu smos pa ni nye bar mtshon pa'i don tsam du zad de/ des na zhags pa yang bzung bar bya ste/ de ltar na shes rab kyi pha rol tu phyin pa'i glegs bam dang/ ral gri dang/ zhags pa dang/ lcags kyu bsnams pa'i rje btsun rdo rje rnon po nyid 'dod chen po zhes bya ba la sogs pa'i khyad par gyis phul du byung bar blta bar bya'o/ /phyi dang nang gi grags pa dang ye shes kyi bye brag gis khyad par du gyur pa rab tu bstan pa'i phyir/ grags chen snyan grags chen po ste/ /snang ba chen po gsal ba ste/ /zhes bya ba gsungs te/ gang la grags pa chen po yod pa de ni grags pa chen po'o/ /shes rab blo dang rtogs pa dang ye shes kyis shin tu phul du byung bas khyad par du 'phags pa'i phyir grags pa chen po mnga' bas na grags chen/ cho 'phrul shin tu rmad du byung ba sna tshogs pas phyi rol gyis grags pa'i gnas su nye bar mtshan par gyur pas snyan grags chen po'o/ /gang gi sems kyi snang ba dang ldan pa'i tshul can pas snang ba chen po'o/ /gsal ba chen po dang ldan pa ste/ phyi rol du byung ba'i 'od zer gyis kun nas bskor ba'i rang bzhin mnga' ba sta gsal ba che ba'o/ /sprul pa'i sgo yi khyad par du gyur pa bstan pa'i phyir/ mkhas pa sgyu 'phrul chen po 'chang/ sgyu 'phrul chen po'i don grub pa/ /sgyu 'phrul chen po'i dka' bas dga' / /sgyu 'phrul chen po'i mig 'phrul can zhes bya ba gsungs te/ skye bo rnams la ji ltar sdug pa de lta bu'i rang bzhin can gyi sku ston par mdzad pas na mkhas pa'o/ /gdul bya'i sems can ji ltar 'dul ba dang/ rjes su mthun pa'i gzugs su sprul pa ste/ de lta bu'i sgyu 'phrul mnga' bas na/ sgyu 'phrul chen po 'chad do/ /sems can dang ngan song rnams ni dngos po med pa nyid de de lta na yang sgyu 'phrul chen po'i don sgrub pa ste/ gdul bya'i sems can
- 155a
sangs rgyas nyid la rab tu 'jog pa de sgrub par mdzad pas na sgyu 'phrul chen po'i don grub pa'o/ /rnam pa thams cad du sems can gyi don mdzad pa la mngon par dgyes pas sgyu 'phrul chen po'i dga' ba la dgyes pas na sgyu 'phrul chen po'i ba dga' bas dga' o/ /de nyid kyi phyir/ sgyu 'phrul chen po'i mig 'phrul can zhes bya'o// //da ni sa bcu la bzhugs shing sbyin pa la sogs pa pha rol tu phyin pa bcu'i yon tan gyi rang bzhin gyi ngo bos shin tu byung ba'i bdag nyid chen pos khyad par du 'phags par bstan pa'i phyir/ sbyin bdag chen po gtso bo ste/ /tshul khrims chen po 'chang ba'i mchog /bzod chen 'chang ba brtan pa po/ /brtson 'grus chen po brtul pa yin/ /bsam gtan chen po ting 'dzin gnas/ /shes rab chen po lus 'chang ba/ /stobs po che la thabs che ba/ /smon lam ye shes rgya mtsho ste zhes bya ba gsungs te/ de la byang chub sems dpa' i sa rab tu dga' ba ni sbyin pa'i pha rol tu phyin pa la lhag pa spyad pas na de la bzhugs te/ sbyin pa'i las tshad med pa mdzad pas na sbyin bdag ste/ de yang blo gros mi zad pas bstan pa'i mdo las/ btsun pa shwa radwA ti'i bu byang chub sems dpa' rnams kyi sbyin pa yongs su spyang ba tshad med pa ste/ 'di ltar tshe dang/ spobs pa dang/ bde ba dang/ stobs dang/ kha dog nye bar bstan pa'i phyir zas 'dod pa rnams la ni zas sbyin pa'o/ /nyon mongs pa dang/ sred pa thams cad bsal ba'i phyir btud pa 'dod pa rnams la btud ba sbyin pa'o/ /bde ba dang 'byor ba'i dngos po thams cad bsdu ba'i phyir bzhon pa 'dod rnams la bzhon pa sbyin pa'o/ /ngo tsha shes pa dang khrel yod pa dang gser gyi kha dog lta bu'i mdog yongs su sbyang ba'i phyir gos 'dod pa rnams la gos sbyin pa'o/ /de bzhin gshegs pa'i lha'i spyan
- 155b
yongs su gzigs par bya ba'i phyir mar me 'dod pa rnams la mar me sbyin pa'o/ /de bzhin gshegs pa'i lha'i snyan yongs su dag par bya ba'i phyir rol mo'i sgra 'dod pa rnams la rol mo'i sgra sbyin pa'o/ /tshul khrims dang thos pa dang ting nge 'dzin gyi spos kyis byug pa'i phyir spos dang byug pa sbyin pa'o/ /gzungs dang byang chub kyi yan lag gi me tog thob par bya ba'i phyir me tog phreng ba 'dod pa rnams la me tog phreng ba sbyin pa'o/ /lus kyi dri yid du 'ong ba thob par bya ba'i phyir phye ma 'dod pa rnams la phye ma sbyin pa'o/ /skyes bu chen po'i mtshan ro bro ba'i mchog yongs su rdzogs par bya ba'i phyir ro thams cad 'dod pa rnams la ro thams cad sbyin pa'o/ /sems can thams cad kyi gnas dang skyabs dang mgon dang dpung gnyen bya pa'i phyir gnas 'dod pa rnams la gnas sbyin pa'o/ /sgrib pa thams cad rab tu spang pa dang/ lha dang/ tshangs pa'i gnas dang/ de bzhin gshegs pa'i gzims cha thob par bya ba'i phyir mal cha 'dod pa rnams la mal cha sbyin pa'o/ /stong gsum gyi stong chen po'i sa thams cad kyi byang chub kyi snying po'i rdo rje gdan thob par bya ba'i phyir ston 'dod pa rnams la stan sbyin pa'o/ /byang chub kyi yo byad thams cad yongs su bskang ba'i phyir yo byad 'dod pa rnams la yo byad sbyin pa'o/ /mi rga mi 'chi ba'i bdud rtsi'i bde bas yongs su bskang ba'i phyir na ba dang sman 'dod pa thams cad la sman sbyin pa'o/ /rang dbang dang rang nyams dang/ rang byung gi ye shes bskang ba'i phyir byang chub sems dpa' rnams kyi bran pho dang bran mo yongs su gtong ba'i sbyin pa'o/ /skyes bu chen po'i mtshan dam pa sum cu rtsa gnyis yongs su bskang ba'i phyir byang chub sems dpa' rnams kyi gser dang/ dngul dang/ nor bu dang/ mu tig dang/ bai DUrya dang/ dung dang/ man shel dang/ byu ru dang/ rin po che thams
- 156a
cad yongs su gtong ba'i sbyin pa'o/ /dpe byad bzang po brgyad cu yongs su rdzogs par bya ba'i phyir byang chub sems dpa' rnams kyi rgyan sna tshogs sbyin pa'o/ /gtsug tor bltar mi mthong ba thob par bya ba'i byang chub sems dpa' rnams kyi gtsug gi nor bu dang cod pan sbyin pa'o/ /theg pa chen po yongs su rdzogs par bya ba'i phyir byang chub sems dpa' rnams kyi rta dang/ ba lang dang/ shing rta dang/ dpung bu chung dang/ bzhon pa sbyin pa'o/ /bsam gtan gyi yan lag dang yan lag gi tshogs yongs su rdzogs par bya ba'i phyir byang chub sems dpa' rnams kyi skyed mos tshal dang/ gzhal med khang dang/ dka' thub kyi nags tshal dang/ gtsug lag khang yongs su gtor ba'i sbyin pa'o/ /bla na med pa yang dag par rdzogs pa'i byang chub dga' ba mngon par rdzogs par 'tshang rgya bar bya ba'i phyir/ byang chub sems dpa' rnams kyi bu tho dang/ bu mo dang/ chung ma dang/ sdug pa yongs su gtong ba'i sbyin pa'o/ /dam pa'i chos kyi mdzod dang/ bang ba dag yongs su dgang ba'i phyir byang chub sems dpa' rnams kyi nor dang/ 'bru dang/ mdzod dang/ bang ba yongs su gtong ba'i sbyin pa'o/ /rnam pa thams cad kyi mchog dang ldan pa dam pa'i chos kyi rgyal po byang chub kyi snying por 'gro bar bya ba'i phyir byang chub sems dpa' rnams kyi grong dang/ grong khyer dang/ grong rdal dang/ yul 'khor dang/ rgyal po'i pho brang 'khor dang/ dzam+bu'i gling dang/ gling bzhi pa'i rgyal srid kyi dbang phyug thams cad yongs su gtong ba'i sbyin pa'o/ /chos la dga' zhing mos pa thob par bya ba'i phyir byang chub sems dpa' rnams kyi bde ba dang/ dga' ba dang/ rtsed mo thams cad gtong ba'i sbyin pa'o/ /dam pa'i chos kyi rkang pas byang chub kyi chos kyi snying por 'gro bar bya ba'i phyir byang chub sems dpa' rnams kyi rkang pa sbyin pa'o/ /sems can thams cad la dam pa'i chos kyi lag pa
- 156b
sbyin pa'i phyir byang chub sems dpa' rnams kyi lag mthil sbyin pa'o/ /dbang po ma nyams pa yongs su rdzogs par bya ba'i phyir byang chub sems dpa' rnams kyi rna ba dang sna sbyin pa'o/ /sems can thams cad kyis sgrib pa med pa'i sangs rgyas kyi spyan dang chos kyi spyan thob par bya ba'i phyir byang chub sems dpa' rnams kyi mig sbyin pa'o/ /khams gsum thams cad las khyad par du 'phags pa'i mchog thams cad mkhyen pa'i ye shes thob par bya ba'i phyir byang chub sems dpa' rnams kyi yan lag gi dam pa mgo sbyin pa'o/ /snying po med pa'i lus las snying po blang zhing nye bar 'tsho bar bya ba'i phyir byang chub sems dpa' rnams kyi sha dang khrag yongs su gtong ba'i sbyin pa'o/ /'jam pa dang snum pa dang gser gyi kha dog /lta bu'i mdog yongs su dag par bya ba'i phyir byang chub sems dpa' rnams kyi pags pa yongs su gtong ba'i sbyin pa'o/ sangs rgyas kyi sku rdo rje ltar mi shigs shing sra ba sred med kyi bu ltar mkhregs pa thob par bya ba'i phyir byang chub sems dpa' rnams kyi rus pa dang/ rkang sbyin pa'o/ /btsun pa sha ratwA ta'i bu gzhan yang byang chub sems dpa' rnams la mi mthun pa'i longs spyod yongs su tshol ba'i sbyin pa med do/ /sems can thams cad la gnod pa'i sbyin pa med do/ /nga brgyal bskyed cing sbyin pa med do/ /'jigs pa dang sdug pa dang 'dzem pa'i sbyin pa med do/ /mgron du gnyer du yongs su mi gtong ba'i sbyin pa med do/ /ji skad smras pa las chung ba'i sbyin pa med do/ /bzang po yod la bzang po ma yin pa'i sbyin pa med do/ /lhag pa'i bsam pa ma yin pas sbyin pa med do/ g.yo dang sgyus sbyin pa med do// bcom pa'i sbyin pa med do/ /las kyi rnam par smin pa dang rgod pas sbyin pa med do/ /log pa'i bsam pas sbyin pa med do/ /gti mug gi bsam pas sbyin pa med do/ /'tshol ba'i bsam pas sbyin pa med do/ /phyin ci log gis bsam pas sbyin pa med do/ /ma dang
- 157a
par sbyin pa med do/ /mi dga' bar sbyin pa med do/ /nye bar gnas pa'i sbyin pa med do/ /der bltas te sbyin pa med do/ /sems can tha dad pa'i sbyin pa med do/ /sbyin pa'i gnas 'dam zhing sbyin pa med do/ /sems can thams cad la sbyin pa'i gnas ma yin par brnyas shing sbyin pa med do/ /tshul khrims dang ldan pa dang tshul khrims 'chal ba la bstod pa dang smad pa'i sbyin pa med do/ /lan la re ba'i sbyin pa med do/ /grags pa dang sgra can tshigs su bcad pa'i phyir sbyin pa med do/ /bdag la bstod pa dang/ gzhan la smod pa'i sbyin pa med do/ /yongs su gdung bar byed pa'i sbyin pa med do/ /yid la gcags pa'i sbyin pa med do/ /'gyed pa'i sbyin pa med do/ /gnod par sbyin pa med do/ /gzhan gyi re ba la bab pa'i sbyin pa med do/ /smad par sbyin par med do/ /las kyi rnam par smin pa la re ba'i sbyin pa med do/ /dpag ste sbyin pa med do/ /khro ba dang/ zhe sdang dang/ gti mug dang/ gnod sems bskyed pa'i sbyin pa med do/ /slong ba rnams la gnod pa'i sbyin pa med do/ /'phya ba dang ci 'dra ba'i sbyin pa med do/ /phyin phyogs su sbyin pa med do/ /bsgyur te sbyin pa med do/ /bsti stang du ma byas pa'i sbyin pa med do/ /bdag gi lag ma bdar ba'i sbyin pa med do/ /mi rtag pa'i sbyin pa med do/ /shin tu ma sbyangs pa'i sbyin pa med do/ /gzhan la brnyogs pa'i sbyin pa med do/ /yongs chad par byas te sbyin pa med do/ /ji ltar bltas pa las chung ba'i sbyin pa med do/ /spro ba las mi spro bar 'gyur ba'i sbyin pa med do/ /sems can zhing ma yin zhes sbyin pa med do/ /chung ngu la brnyas shing sbyin pa med do/ /sbyin pa rgya chen po la brnyengs shing sbyin pa med do/ /log par sgrub pa'i sbyin pa med do/ /skye ba 'dod pa'i sbyin pa med do/ /gzugs dang longs spyod dang dbang phyug la mngon par dga' bas sbyin pa med do/ /brgya byin dang changs pa dang 'jig
- 157b
rten skyong ba dang lha thams cad du skye bar smon cing sbyin pa med do/ /nyan thos dang rang sangs rgyas kyi theg bar bsngo zhing sbyin pa med do/ /gzhon nu dang rgyal srid kyi dbang phyug 'dod pas sbyin pa med do/ /tshe gcig tu zad pa'i sbyin pa med do/ /phyin chad chog cing mi dgos pa'i sbyin pa med do/ /thams cad mkhyen pa nyid kyi sems su ma bsngos pa'i sbyin pa med do/ /rung ba ma yin pa'i sbyin pa med do/ /dus la ma bab par sbyin pa med do/ /dug dang mtshon sbyin pa med do/ /sems can la mtho 'tsham zhing sbyin pa med do/ / byang chub sems dpa' rnams kyi sbyin pa ni mkhas pas smad pa med do/ /sbyin pa de ni stong pa nyid kyi rnam pas bsgrubs pa ste/ de'i phyir de mi zad pa'o/ /sbyin pa de ni mtshan ma med pas yongs su bsgoms pa ste/ de'i phyir de mi zad pa'o/ /sbyin pa de ni smon pa med pa la rab tu gnas pa ste de'i phyir de mi zad pa'o/ /sbyin pa de ni mngon par 'dus ma byas par yongs su bsngos pa ste de'i phyir de mi zad pa'o/ /sbyin pa de ni yang dag par zin pa ste/ de'i phyir de mi zad pa'o/ /sbyin pa de ni khams gsum pa dang ma 'dres pa ste/ de'i phyir de mi zad pa'o/ /sbyin pa de ni 'bras bu rgyu mthun pa rnam par grol ba ste/ de'i phyir de mi zad pa'o/ /sbyin pa ni bdud thams cad shin tu tshar gcod pa ste/ de'i phyir de mi zad pa'o/ /sbyin pa de ni nyon mongs pa thams cad dang ma 'des pa ste/ de'i phyir de mi zad pa'o/ /sbyin pa de ni khyad par du 'gro ba ste/ de'i phyir mi zad pa'o/ /sbyin pa de ni legs par byas pa nges pa ste/ de'i phyir de mi zad pa'o/ /sbyin pa de ni byang chub kyi sems gyi tshogs bsags pa ste/ de'i phyir de mi zad pa'o/ /sbyin pa de yang dag par bsngos pa ste/ de'i phyir de mi zad pa'o/ /sbyin pa de ni byang chub kyi snying por rgyan bkod pa rnam par grol ba rgyu mthun pa'i 'bras bu ste de'i phyir mi zad pa'o/ /sbyin pa de ni sems can thams cad kyi gtso bo ste/ de'i phyir de mi zad pa'o/ /sbyin pa de ni mu med pa
- 158a
ste/ de'i phyir de mi zad pa'o/ /sbyin pa de ni yongs su mi 'bri ba ste/ de'i phyir de mi zad pa'o/ /sbyin pa de ni kun tu mi gtogs pa ste/ de'i phyir de mi zad pa'o/ /sbyin pa de ni yongs su ma zad pa ste/ de'i phyir de mi zad pa'o/ /sbyin pa de ni mi yangs pa ste/ de'i phyir nga mi zad pa'o/ /sbyin pa de ni mi gnas pa ste/ de'i phyir nga mi zad pa'o/ /sbyin pa de ni thug pa med pa ste/ de'i phyir de mi zad pa'o/ /sbyin pa de ni kha na ma tho ba med pa ste de'i phyir mi zad pa'o/ /sbyin pa de ni ma bskur ba ste/ de'i phyir de mi zad pa'o/ /sbyin pa de ni mi thul ba ste/ de'i phyir de la zad pa'o/ /sbyin pa de ni zil gyis ma non pa ste/ de'i phyir de mi zad pa'o/ /sbyin pa de ni thams cad mkhyen pa'i ye shes la btang ba ste/ de'i phyir de mi zad pa'o zhes ji skad gsungs pa lta bu'i sbyin pa de'i bdag por gyur bas na sbyin bdag chen po ste/ de nyid kyi phyir na gtso bo'o// //byang chub sems dpa' i sa dri ma med pa la ni tshul khrims kyi pha rol tu phyin pa la lhag par spyod pa yin te/ de bas na de khyad par du bya ba'i phyir tshul khrims chen po 'chang ba mchog ces bya ste/ de le lo can dang blo dman pa rnams kyis khong du chud par bya ba'i phyir sbyin pa dang tshul khrims la sogs pa mdo sde dag gi nang nas gsungs pa 'dir bstan par bya ste/ de yang blo gros mi zad pas smras pa/ btsun pa shA radwA ti'i bu rnam pa drug cu rtsa lngas byang chub sems dpa' rnams kyi tshul khrims kyi phung po yongs su dag pa mi zad pa yin no/ /drug cu rtsa lnga gang zhe na/ 'di lta ste/ sems can thams cad yi ma gnod pa dang/ gzhan gyi longs spyod dag la mi rtsub dang/ gzhan gyi chung ma dag la ma chags pa dang/ sems can thams cad la mi bsku ba dang/ bdag gis 'khor gyis chog par 'dzin pas phra ma med pa dang/ tshig drag pos bzod pas mi brlang ba dang/ tshig shin tu skrod bas
- 158b
tshig ? mi smra ba dang/ gzhan bde ba la dkar bas brnab sems med pa dang/ ngan du brjod pa dang/ ngan du smra ba'i chog gi lam bzod pas gnod sems med pa dang/ ston pa gzhan gyis bstan pa med pas yang dag par rta ba dang/ sems la rtog pa med pas sangs rgyas la dad pa dang/ chos nyid kyis chos dam pa'i phyir chos la dad pa dang/ 'phags pa'i tshogs thams cad la dga' bas dge 'dun la dad pa dang/ blas la gus pas srid zhu che ba dang/ sangs rgyas dang chos dang dge 'dun la yan lag lngas phyag 'tshal bas rab tu 'dud pa dang/ kha na ma tho ba chung rab la yang 'jigs par lta bas tshul khrims mi ltod pa dang/ theg pa gzhan la mi brten bas tshul khrims ma ral ba dang/ nyam nga bar skye ba spong bas tshul khrims ma nyams pa dang/ skye bo mi sdun pa dang/ nyon mongs pa dang ma 'dres pas tshul khrims ma 'dres pa dang/ dka' po'i chos phyogs gcig tu 'phel bas tshul khrims ma 'cho pa ba dang/ ji ltar 'dod pa bzhin du 'gro bas 'byongs pa'i tshul khrims dang/ mkhas pas rab tu bsngags pa'i tshul khrims dang/ dran pa dang shes bzhin rab tu nye bar gnas pas rnam pa mchog gi tshul khrims dang/ thams cad du kha na ma tho ba med pas ma smad pa'i tshul khrims dang/ dbang po srungs pas shin tu sbas pa'i tshul khrims dang/ sangs rgyas kyi chos thams cad la sems pas rnam par grags pa'i tshul khrims dang/ rung ba la tshod shes pas 'dod dung chung ba'i tshul khrims dang/ chags pa smod bas chog shes pa'i tshul khrims dang/ lus dang sems dben pas rang bzhin gyis dben pa'i tshul khrims dang/ 'du 'dzi rnam par spang bas dgon pa la gnas pa'i tshul khrims dang/ gzhan gyi ngo bor mi lta bas 'phags pa'i rigs chog shes pa'i tshul khrims dang/ dag pa'i rtsa bdag gi kha na las pas sbyangs pa'i yon tan dang yo byad bsnyungs pa'i tshul khrims dang/ lha dang mi
- 159a
mgu bar byed pas ji ltar smras pa de ltar spyod pa'i tshul khrims dang/ sems can thams cad kyi dpung gnyen du gyur bas byams a'i tshul khrims dang/ sdug bsngal thams cad bzod pas snying rje'i tshul khrims dang/ sems ma zhums pas dga' ba'i tshul khrims dang/ rjes su chags pa dang khong khro pa spangs pas btang snyoms kyi tshul khrims dang/ bdag gi sems la nges par sems pas bdag gi 'khrul pa rtog pa'i tshul khrims dang/ gzhan gyis sems srung bas gzhan gyis 'khrul pa la nyes bar mi lta ba'i tshul khrims dang/ sems can yongs su smin par byed pas sbyin pa'i tshul khrims dang/ tshul khrims rab tu bsrungs bas shin tu bzung ba'i tshul khrims dang/ sems can thams cad la zhe 'gras pa'i sems med pas bzod pa'i tshul khrims dang/ phyir mi ldog pas brtson 'grus kyi tshul khrims dang/ bsam gtan gyi yan lag gi tshogs 'phel bar byed pas bsam gtan gyi tshul khrims dang/ thos pa'i dge ba'i rtsa bas mi ngoms pa'i phyir shes rab kyi tshul khrims dang/ thos pa snying po len pa'i phyir thos pa tshol ba'i tshul khrims dang/ byang chub kyi yan lag gi tshogs spel ba'i phyir dge ba'i bshes gnyen la bsten pa'i tshul khrims dang/ lag nyam nga ba 'dor ba'i phyir sdig pa'i grogs po yongs su spong ba'i tshul khrims dang/ mi rtag pa'i 'du shes la rtog pas lus la mi sna ba'i tshul khrims dang/ dge ba'i rtsa ba brtsun te byed pas srog la yang mi rton pa'i tshul khrims dang/ bsam pa dag pa'i phyir yid la gcags pa med pa'i tshul khrims dang/ sbyor ba dag pa'i phyir bcos ma ma yin pa'i tshul khrims dang/ ltag pa'i bsam pa dag pa'i phyir yongs su gdung ba med pa'i tshul khrims dang/ las legs par byas pa'i phyir mi dga' ba med pa'i tshul khrims dang/ khengs pa med pa'i phyir nga rgyal med pa'i tshul khrims dang/ 'dod
- 159b
chags dang bral ba'i phyir mi rgod ba'i tshul khrims dang/ drang ba'i phyir mi g.yang ba'i tshul khrims dang/ cang shes pa'i phyir mu cor mi smra ba'i tshul khrims dang/ mi 'khrug pa'i phyir dul ba'i tshul khrims dang/ nye bar zhi ba'i phyir zhi ba'i tshul khrims dang/ ji skad smras pa bzhin byed pas bka' bo bde zhing mthun par 'dzin pa'i tshul khrims dang/ ba spu ba'i dngos po mi 'dor bas sems can yongs su smin par byed pa'i tshul khrims dang/ bdag ni nor chung mi gzon pa'i phyir dam pa'i ches yongs su bsrung ba'i tshul khrims dang/ gzod ma nas shin tu bsam pa thams cad yongs su skor ba'i tshul khrims dang/ de'i tshul khrims yongs su bsngos pas de bzhin gshegs pa'i tshul khrims la yang dag par gzhol ba'i tshul khrims dang/ sems can thams cad la sems snyoms pas sangs rgyas kyi ting nge 'dzin dang snyoms par 'jug pa'i tshul khrims te/ btsun pa shA ? ti'i bu rnam pa drug cu rtsa lnga po de dag gis byang chub sems dpa' rnams kyi tshul khrims kyi phung po yongs su mi zad pa yin no/ /btsun pa shA rad ti'i bu gzhan yang gang la bdag tu sgro btags pa med pa dang/ sems can du ma yin/ srog du ma yin/ gas bar ma yin/ skyes bur ma yin/ gang zag tu ma yin/ shed las skyes bur su ma yin zhing shed bur sgro btags pa med pa de ni tshul khrims so/ /gang la gzugs sna sgro btags pa med pa dang/ tshor bar ma yin/ 'du shes su ma yin/ 'du byed du ma yin zhing rnam par shes par sgro btags pa med pa de ni tshul khrims so/ /gang la sa'i khams su sgro btags pa med pa dang chu'i khams su ma yin/ me'i khams su ma yin zhing rlung gi khams su sgro btags pa med pa de ni tshul khrims so/ /gang la mig gi mtshan mar sgro btags pa med pa dang/ gzugs kyi mtshan mar sgro btags pa med pa dang/ de bzhin du rna bar ma yin/ sgrar ma yin/ snar ma yin/ drar ma yin/ ? ma yin/
- 160a
ror ma yin/ lus su ma yin/ reg byar ma yin zhing yid kyi mtshan mar sgro btags pa med pa dang/ chos su sgo btags pa med pa de ni tshul khrims so/ /gang la lus dang nga dang sems su sgro btags pa med pa de ni tshul khrims so/ /gang tshe gcig pa'i phyir zhi gnas kyis mtshan nyid de ni tshul khrims so/ /chos rab tu 'byed pa la mkhas pas lhag mthong gi mtshan nyid de ni tshul khrims so/ /gang stong pa nyid rig pa dang/ mtshan ma med pa mdza' dang/ smin pa med cing khams gsum pa dang ma 'dres pa de ni tshul khrims so/ /gang mngon par 'dus ma byes pa skyes pas rab tu bya ba mi skye ba la bzod pa de ni tshul khrims so/ /gang la ma byas shing bya ba med pa de ni tshul khrims so/ /gang sngon gyi mthar ma byung ba dang/ phyi ma'i mdza' ma 'phos pa dang/ bar du mi gnas pa ni tshul khrims so/ /gang sems dri ma med pa dang/ rnam par shes pa la mi gnas pa dang/ yid la byed p dang ma 'dres pa de ni tshul khrims so/ /gang 'dod pa'i khams la mi brten pa dang/ gzugs kyi khams la mi gnas pa dang/ gzungs med pa'i khams la mi 'dug pa de ni tshul khrims so/ /gang 'dod chags kyi rdul med pa dang/ gnod sems dang tha ba dang skyon dang khong khro ba bsal ba dang/ gti mug gi mun pa dang ma rig pa med pa de ni tshul khrims so/ /gang rtag pa med pa dang/ chad pa med pa dang/ brten nas byung ba dang 'gal ba med pa ni tshul khrims so/ /gang dar 'dzin pa med pa dang/ nga yir 'dzin pa bor ba dang/ 'jig tshogs la lta ba la mi gnas pa de ni tshul khrims so/ /gang ming dang brdal mngon par ma zhen pa dang/ gzugs kyi mtshan nyid la gnas pa dang/ ming dang gzugs dang ma 'dres pa ni tshul khrims so/ /gang rgyu'i bag la nyal med pa dang/ lta ba dang kun nas ldang ba kun nas ma langs pa dang/ sgrib pa dad 'gyod pa la mi gnas pa de ni tshul khrims so/ /
- 160b
gang la chags pa mi dge ba'i rtsa ba'i gnas pa dang/ zhe sdang mi dge ba'i rta ba'i gnas med pa dang/ gti mug mi dge ba'i rtsa ba'i gnas med pa de ni tshul khrims so/ /gang mi dge ba med pa dang yongs su gdung pa med pa dang shin tu sbyangs pa'i mtshan nyid de ni tshul khrims so/ /gang chos kyi skus sangs rgyas kyi rigs mi gcod pa dang/ chos kyi dbyings dbyer med pa'i phyir chos kyi rigs mi gcod pa dang/ 'dus ma byas kyi rab tu phye ba'i phyir dge 'dun gyi rigs mi gcod pa de ni tshul khrims so/ /btsun pa shA ratwA ti'i bu tshul khrims mi zad pa ni rgyun mi zad pa'i phyir blta'o/ /de ci'i phyir zhe na/ so so'i skye bo rnams kyi tshul khrims ni skye ba'i gnas rnams kyis zad par 'gyur ro/ /phyi rol ba'i lnga mngon par shes pa rnams kyi tshul khrims ni mngon par shes pa nyams pa zad pas 'phyug mi rnams kyi tshul khrims ni dge hba'i bcu'i las kyi lam zad pas zad par 'gyur ro/ /'dod pa'i khams kyi lha'i bu rnams kyi tshul khrims ni bsod nams zad pas zad par 'gyur ro/ /gzugs kyi khams kyi lha'i bu rnams kyi tshul khrims ni tshar med pa dang/ bsam gtan zad pas zad par 'gyur ro/ /gzugs med pa'i khams kyi lta bu'i rnams kyi tshul khrims ni ji lta bur snyoms pa zhugs pas skyes pa zad pas zad par 'gyur ro/ /slob pa dang/ mi slob pa dang nyan thos thams cad kyi tshul khrims ni mya ngan las 'das pa'i mthar zad par 'gyur ro/ /rang sangs rgyas rnams kyi tshul khrims ni snying rje chen po dang bral bar zad par 'gyur ro/ /btsun p shA rad ti'i bu byang chub sems dpa' rnams kyi tshul khrims ni mi zad pa ste/ de'i phyir zhe na/ 'di ltar tshul khrims de las tshul khrims thams cad 'byung ba'i phyir te/ btsun pa shA radwA ti'i bu dper na sa bon mi zad pa thob p mi zad pa'o/ /btsun pa shA radwA bu de bzhin du byang chub kyi sems kyi sa bon ni
- 161a
zad pas na de bzhin gshegs pa'i tshul khrims mi zad par rig par bya ste/ de'i phyir na skyes bu dam pa de dag ni tshul khrims mi zad pa zhes bya'o/ /de lta bu'i tshul khrims chen po 'chad ba'i phyir tshul khrims 'chang ba thams cad kyi gtso bor gyur pas na mchog go /byang chub sems dpa' i sa 'od byed pa la ni bzod pa'i pha rol tu phyin pa la lhag par spyod pa yin te/ de bas na bzod che na 'chang ba brtan pa po zhes bya ste/ de yang rnam pa sum cu rtsa gnyis kyis byang chub sems dpa' rnams kyis bzod par blta'o/ /sum cu rtsa gnyis gang zhe na/ dag la nyal spangs pas bzod par blta'o/ /mi gnod pas bzod par blta'o/ /yongs su mi gdung bas bzod par blta'o/ /gnod sems med pas bzod par blta'o/ /khon du 'dzin pa med pas bzod par blta'o/ /mi khro bas bzod par blta'o/ /'thab mo med pas bzod par blta'o/ /rtsod pa med pas bzod par blta'o/ /yul gyi rma mo byin pas bzod par blta'o/ /bdag dang gzhan bsrung bas bzod par blta'o/ /byang chub kyi sems dang mthun pas bzod par blta'o/ /tshul bzhin rab tu rtogs pas bzod par blta'o/ /yid grub zhing 'dod chags dang bral bas bzod par blta'o/ /las kyi rnam par smin pa la rten pas bzod par blta'o/ /lus kyi rgyun gyis bzod par blta'o/ /ngag dang sems yongs su dag pas bzod par blta'o/ /bsam pa brtan pas bzod par blta'o/ /yi ge la ma brla yin pas bzod par blta'o/ /yongs su rtog pa med pas bzod par blta'o/ /rang gi sems la nges par sems pas bzod par blta'o/ /gzhan gyi sems bsrung bas bzod par blta'o/ /tshangs pa'i 'jig rten gyi lam du 'gro bas bzod par blta'o/ /lha dang mi'i phun sum tshogs pa myong ba'i phyir bzod par blta'o/ /mtshan dang dpe byad bzang po yongs su rdzogs par byed pas bzod par blta'o/ /tshangs
- 161b
pa'i sgra skad 'byin pa'i dbyangs thob pas bzod par blta'o/ /nyes pa thams cad bcom pas bzod par blta'o/ /gnod sems dang skyon dang tha ba thams cad bcom pas bzod par blta'o/ /khong khro ba thams cad spangs pas bzod par blta'o/ /mi dag pa'i rtsa ba thams cad spangs pas bzod par blta'o/ /phyir rgol ba thams cad rab tu bcom pas bzod par blta'o/ /gzhan gyi gnod par bya ba thams cad las shin tu 'das pas bzod par blta'o/ /sangs rgyas kyi chos thams cad thob pas bzod pa blta ste/ btsun pa shA radwA ti'i bu rnam pa sum cu rtsa gnyis po de dag gis byang chub sems dpa' rnams kyi bzod par blta'o/ /de la bzod pa gang zhe na/ ngag brag ca'i sgra dang mtshungs pa shin tu rtogs pa'i phyir spyo ba la slar mi spyo ba dang/ lus gzugs brnyan ngar mtshungs par rab tu rtogs pa'i phyir brdeg pa la mi brdeg pa dang/ sems sgyu ma dang mtshungs par rab tu rtogs pa'i phyir gshe ba la phyir mi gshe ba dang/ lhag pa'i bsam bzhi pa'i phyir khros pa la phyir mi khro ba dang/ rang gi yon tan yongs su rdzogs pa'i phyir bsngags pa ma yin pas khong khro bar mi 'gyur pa dang/ ma thos par mi sems dpa' i phyir bsngags pas rjes su chags par mi 'gyur ba dang/ shin tu dul ba'i phyir rnyed pas dga' ba med pa dang/ rab tu zhi ba'i phyir ma rnyed pas khong khro ba med pa dang/ shes pas rab tu btags pa'i phyir snyan pa la ngo mtshar du mi 'dzin pa dang/ blo yangs pa'i phyir mi snyan pas zhum par mi 'gyur ba dang/ legs par gnas pa'i phyir smad pas dams par mi sems pa dang/ mi g.yo ba'i phyir bstod pas mtho bar mi sems pa dang/ sems can la blta ba'i phyir sdug bsngal gyis yongs su mi skyo ba dang/ 'dus byas kyi bde ba mi rtag pa'i phyir bde bas dga' bar mi 'gyur ba dang/ mi gnas pa'i phyir 'jig rten gyi chos kyis mi gos pa dang/ gzhan la mi gnod pa'i phyir bdag la gnod pa bzod pa dang
- 162a
byang chub kyi yan lag gi tshogs yongs su rdzogs par bya ba'i phyir yan lag dang nying lag gcod pa 'ang nyams su len pa dang/ sangs rgyas kyi sku 'dod pa'i phyir bdag gi lus gcod pa 'ang bzod pa dang/ legs par byas pa'i las kyi stobs bskyed pa'i phyir don du byas pa thams cad bzod pa dang/ mu stegs thams cad 'joms pas dpa' ba' i phyir gdung ba dang yongs su gdung ba la mi mdzad pa dang/ brgya byin dang tshangs pa dang 'jig rten skyong ba rnams zil gyis gnon pa'i phyir brtul zhugs pa thams cad la rnam pa'o/ /btsun pa shA radwA ti'i bu gzhan yang bzod pa zhes bya ba ni gang 'di shin tu rma mi phyin pa ste/ de ci'i phyir zhe na/ mi dmigs pa'i phyir ro/ /gshe'o zhes brjod pa de ni gnyi ga la dmigs pa'i bzod pa ste/ de ni shin tu bzod pa ma yin no/ /'di la su zhig gshe zhes bzod pa de ni chos la 'grang zhing rtog pa'i bzod pa ste/ de ni shin tu bzod pa ma yin no/ /ci bdag gi mig la mig gshe'am zhes bzod pa 'am/ de bzhin du ci bdag gi rna ba dang/ sna dang/ lce dang/ lus dang/ yid la yid gshe 'am zhes bzod pa de ni skye mched la rtog pa'i bzod pa ste/ de ni shin tu bzod pa ma yin pa'o/ /'di la gang su yang gshe ba med do zhes bzod pa de ni bdag med pa la rtog pa'i bzod pa ste/ 'di ni shin tu bzang pos? yin no/ /'di dag ni yi ge'i sgra 'byung ba'o/ /zhes bzod pa de ni brag ca'i sgral bzod pa ste/ de ni shin tu bzod pa ma yin no/ /'di 'ang mi rtag pa'o/ /bdag kyang mi rtag pa'o zhes bzod pa de ni mi rtag pa la 'jug pa'i bzod pa ste/ de ni shin tu bzod pa nas yin no/ /'di ni phyin ci log yin gyi bdag ni phyin ci log ma yin no zhes bzod pa de ni mtho dman gyi bzod pa ste/ de ni shin tu bzod pa ma yin no/ /bdag ni rigs kyi 'di ni mi rigs pa'o zhes bzod pa de ni rigs pa dang mi rigs pa'i bzod pa ste/
- 162b
de ni shin tu bzod pa ma yin no/ /bdag ni lam bzang po la gnas kyi 'di ni lam ngan pa la gnas so zhes bzod pa de ni lam dang lam ma yin pa'i bzod pa ste/ de ni shin tu bzod pa ma yin no/ /bdag ni mi rtag pa la bzod kyi rtag pa la bdag mi bzod do zhes bzod pa de ni gnyen pos spangs pa'i bzod pa ste/ de ni shin tu bzod pa ma yin no/ /bdag ni sdug bsngal bzod kyi bde ba la bdag mi bzod do/ /bdag ni bdag med pa la bzod kyi bdag la mi bzod do/ /bdag ni mi sdug pa la bzod kyi sdug pa la bdag mi bzod do zhes bya ba ni gnyen pos spong ba'i brjod pa ste/ de ni shin tu bzod pa ma yin no/ /bdag ni stong pa nyid la bzod kyi lta ba'i rnam pa la bdag mi bzod do/ /bdag ni mtshan ma med pa la bzod kyi mtshan mar rnam par rtog pa la bdag mi bzod do// bdag ni smon pa med pa la bzod kyi smon pa la bdag mi bzod do/ /bdag ni mngon par 'du mi byed pa la bzod kyi mngon par 'du byed pa la bdag mi bzod do/ /bdag ni nyon mongs pa spang ba la bzod kyi nyon mongs pa la bdag mi bzod do/ /bdag ni dag ba la bzod kyi mi dge ba la bdag mi bzod do/ /bdag ni 'jig rten las 'das pa la bzod kyi 'jig rten la bdag mi bzod do/ /bdag ni kha na ma tho ba med pa la bzod kyi/ /ba da ma tho ba dang bcas pa la bdag mi bzod do/ /bdag ni zag pa med pa la bzod kyi zhag pa dang bcas pa la bdag mi bzod do/ /bdag ni rnam par byed pa la bzod kyi kun nas nyon mongs pa la bdag mi bzod do/ /bdag ni mya ngan las 'das pa la bzod kyi 'khor ba la bdag mi bzod do zhes bya ba de ni gnyen ngos spong ba'i bzod pa ste/ de ni shin tu bzod pa ma yin no/ /de la shin tu bzod pa gang zhe na/ stong pa nyid rtogs pa de la lta bar gyur pa yang bsal ba med/ stong pa nyid du sgro 'degs pa yang med de/ lta bar gyur pa nyid stong pa'o/ /zhes gang 'di la bzod pa de
- 163a
ni shin tu bzod pa'o/ /gang mtshan ma med par rtogs pa de la mtshan ma'i rnam par rtog pa yang bsal ba med/ /mtshan ma med par sgro 'dogs pa yang med do/ /mtshan ma'i rnam par rtogs pa nyid stong pa ste/ /? 'di la bzod pa de ni shin tu bzod pa'o/ /gang smon pa med pa rtogs pa de la smon pa bsal ba yang med/ /smon pa med par sgro 'dogs pa yang med/ /smon pa nyid stong pa ste/ gang 'di la bzod pa de ni shin tu bzod pa'o/ /gang mngon par 'du mi byed par rtogs pa de la mngon par 'du byed pa bsal ba yang med/ mngon par 'du mi byed pas sgro 'dogs pa yang med de/ mngon par 'du byed pa nyid stong pa ste/ gar 'di la bzod pa de ni shin tu bzod pa'o/ /gang? nyon mongs pa zad pas rtogs pa de la nyon mongs pa bsal ba yang med/ nyon mongs pa zad par sgro 'dogs pa yang med de/ nyon mongs pa nyid stong pa ste/ gang 'di la bzod pa de ni shin tu bzod pa'o/ /gang dag par rtogs pa de la mi dag ba bsal ba yang med/ dge bar sgro 'dogs pa yang med de/ mi dge ba nyid stong pa ste/ gang 'di la brjod pa de ni shin tu bzod pa'o/ /gang 'jig rten las 'das par rtogs pa de la 'jig rten pa bsal ba yang med/ 'jig rten las 'das par sgro 'dogs pa yang med de/ 'jig rten pa nyid stong pa ste/ gang 'di la bzod pa don shin tu bzod pa'o/ /gang kha na ma tho ba med par rtogs pa de la kha na ma tho ba dang gnas pa bsal ba yang med/ kha na ma tho ba med par sgrol 'dogs pa yang med de/ kha na ma tho ba dang bcas pa nyid stong ba ste/ gang 'di la bzod pa de nyid shin tu bzod pa'o/ /gang zag pa med par rtogs pa de la zag pa bsal? ba yang med/ zag pa med par sgro 'dogs pa yang med de/ zag pa nyid stong pa ste/ gang de la bzod pa de ni shin tu bzod pa'i/ /
- 163b
gang rnam par byang ba rtogs pa de la kun nas nyon mongs pa bsal ba yang med/ rnam par byad bar sgro 'dogs pa yang med de/ kun nas nyon mongs pa nyid stong pa ste/ gang de la bzod pa de ni shin tu bzod pa'o/ /gang mya ngan las 'das par rtogs pa de la 'khor ba bsol ba yang med/ mya ngan las 'das par sgro 'dogs pa yang med do/ /'khor ba nyid stong pa ste/ gang 'di la bzod pa de ni shin tu bzod pa'o/ /gang ma skyes pa ma bskyed pa ma byung ba ma byung ba de la 'chags pa gang yang med pa 'jigs pa med pas na zad pa med de/ gang 'di la bzod pa de ni shin tu bzod pa'o/ /gang ma byas pa mngon par 'dus ma byas pa/ sgro 'dogs pa med pa rnam par ma brtags pa/ ma bsgrubs pa/ ma bsten pa/ nye bar ma gtugs pa de la skye ba gang yang med de / gang skye ba med pa de ni mi skye ba'o/ /gang mi skye ba de ni shin tu bzod pa'o/ /gang de ltar bzod pa de ni mi skye ba la bzod pa'o/ /gang mi skye ba la bzod pa de ni skye ba med par bzod pa'o/ /gang skye ba med par bzod pa de ni shin tu bzod pa ste/ de lta bu'i bzod pa de gyur cing de'i bdag nyid 'chang bas bzod chen bzang pa'o/ /rab tu mi g.yogs brtan pa'o// //byang chub sems dpa' i sa 'od 'phro ba la ni brtson 'grus kyi pha rol tu phyin pa la lhag par spyod pa yin te/ de bas na brtson 'grus chen po/ brtul ba yin zhes bya ba'o/ /de yang brtson 'grus yang dag par blang ba ni brgyad da/ brgyad po gang zhe na/ 'di lta ste/ go cha mi zad pa dang/ brtul ba mi zad pa dang/ yang dag par 'grus pa mi zad pa dang/ sems can yongs su smin par byed pa mi zad pa dang/ bsod nams kyi tshogs mi zad pa dang/ ye shes kyi tshogs mi zad pa dang/ shes rab kyi tshogs mi zad pa dang/ sangs rgyas kyi chos thams cad yang dag par skur pa'i tshogs mi zad pa'o/ /btsun pa shA radwA ti'i bu de la byang chub sems dpa' i
- 164a
go cha mi zad pa gang zhe na/ gang 'khor ba na yongs su mi skyo ba ste/ de bskal ba 'di snyed cig tu go cha bgo /bskal pa 'di snyed cig tu go cha mi bgo'o zhes bskal pa bgrangs pas byang chub mi tshol gyi/ go cha bsam gyis mi khyab pa nyid gon par byed de/ gal te 'khor ba'i sngon gyi mdza' ji snyed pa de snyed kyis nyin zhag gcig tu gyur la/ de lta bu'i nyin zhag gis zhag bco lnga zhing zla ba phyed zhag sum cus zla ba ste/ zla ba bcu gnyis shing lor gyur la/ lo'i bgrang ba 'di lta bus stong phrag brgyal byang chub kyi sems gcig bskyed cing de bzhin gshegs pa dgra bcom pa yang dag par rdzogs pa'i sangs rgyas gcig mthong la/ 'jug pa de lta bu dang bgrang ba de 'dra bas gang+gA'i klung gi bye ma snyed kyi byang chub kyi sems bskyed pa dang/ de bzhin gshegs pa mthong bas sems can gcig gi sems kyi spyod pa shes te/ 'jug pa de lta bu dang bgrang ba de 'dra bas sems can thams cad la yang de snyed de snyed kyi byang chub tu sems bskyed pa dang/ de bzhin gshegs pa mthong bas so sor re rer sems can thams cad kyi sems kyi spyod pa shes kyang mi 'god pa'i go cha'o/ /sbyin pa'i pha rol tu phyin pa yongs su rdzogs par bya ba'i phyir 'jug pa 'di nyid dang bgrang ba 'di nyid kyis de bzhin gshegs pa gang+gA'i klung gi phye ma snyed la rim gro byed pa dang/ tshul khrims kyi pha rol tu phyin pa yongs su rdzogs par bya ba'i phyir 'jug pa 'di nyid dang bgrang pa nyid kyis de bzhin gshegs pa gang+gA'i klung gi bye ma snyed la rim 'gro byed pa dang/ de bzhin du bzod pa dang/ brtson 'grus dang/ bsam gtan dang/ shes rab kyi pha rol tu phyin pa yongs su rdzogs par bya ba'i phyir de bzhin gshegs pa gang+gA'i klung gi bye ma snyed la rim 'gro byed pa dang/ de bzhin du byang chub kyi phyogs kyi chos thams cad yongs su rdzogs par bya
- 164b
ba dang/ mtshan dang dpe byad bzang po thams cad yongs su rdzogs par bya ba dang/ de bzhin gshegs pa'i stobs dang/ mi 'jigs pa dang/ sangs rgyas kyi chos ma 'dres pa thams cad yongs su rdzogs par bya ba'i phyir de bzhin gshegs pa gang+gA'i klung gi phye ma snyed la rim 'gro byed pa dang/ 'jug pa 'di nyid dang/ bgrang ba 'di nyid kyis de bzhin gshegs pa gang+gA'i klung gi bye ma snyed mthong ba dang/ byang chub tu sems bskyed pa dag gis skyes pa chen po'i mtshan gcig mngon par sgrub cing rnam grangs 'dis mtshan dang dpe byad thams cad yongs su 'grub pa mngon par bsdub par byed kyang mi 'gong ba'i go cha gang yin pa de ni byang chub sems dpa' i go cha mi zad pa zhes bya'o/ /de la byang chub sems dpa' i brtul ba mi zad pa ni gang zhe na/ byang chub sems dpa' i brtul ba mi bzad pa ni gang stong gsum gyi stong chen po'i 'jig rten gyi khams mes yongs su gang ba las kyang 'bogs te/ de bzhin gshegs pa blta bar spro ba'o/ /byang chub sems dpa' i brtul pa ni chos nyan pa'i phyir spro ba'o/ /byang chub sems dpa' i brtul pa ni sems can yongs su smin par bya ba'i phyir sgro ba'o/ /byang chub sems dpa' i brtul pa ni dge ba'i chos thams cad kyi phyir spro ba'o/ /byang chub sems dpa' i brtul pa ni thams cad mkhyen pa'i ye shes kyi phyir spro ba'o/ /byang chub sems dpa' i brtul ba ni pha rol gyi don gyi phyir 'jug pas na de'i phyir brtul ba ma zad pa zhes bya'o/ /pha rol zhi pa'i phyir/ pha rol la gdul ba'i phyir/ pha rol yongs su mya ngan las bzla ba'i phyir/ 'jug pas na de'i phyir brtul pa zhes bya'o/ /mi lhod pa dang/ ma zhum pa dang/ brtan pa dang/ mi zlog pa dang/ dge ba'i bsam pa dang/ snying rje chen po la gnas shin rtag tu sems can gyi don la brtson par 'jug pas na de'i phyir brtul ba zhes bya'o/ /goms pa 'dor pa dang/ gom pa 'jog cing 'gro ba thams cad du byang chub kyi sems
- 165a
mngon du byed do/ /sems can lta bar yang blta zhing nyon mongs pa'i phyogs su yang mi ltung ste/ 'di ni byang chub sems dpa' i brtul ba ni zad pa zhes bya'o/ /de la byang chub sems dpa' i yang dag par 'grub pa mi zad pa gang zhe na/ gang ji ltar dge ba'i sems skyes shing byung ba byang chub kyi phyir yongs su bsngo bar byed pa 'di ni byang chub sems dpa' i yang dag par 'grub pa mi zad pa'o/ /de ci'i phyir zhe na/ byang chub tu yongs su bsngos pa'i phyir te/ byang chub tu yongs su bsngos pa'i dge ba'i rtsa ba ni byang chub kyi snying po la ma 'dug gi bar du bar ma dor yongs su zad pa 'am gtugs par 'gyur ba gang yang med do/ /btsun pa shA ra dwA ti'i bu 'di lta ste/ dper na chu'i thags pa rgya mtsho chen por lhung ba ni bskal bas ma bsregs kyi bar du bar ma dor yongs su zad pa 'am gtugs par mi 'gyur ro/ /de bzhin du byang chub tu yongs su bsngos pa'i dge ba'i rtsa ba yang byang chub kyi snying po la ma 'dug gi bar du bar ma dor yongs su zad pa'am gtugs par 'gyur pa gang yang med do/ /yang dag par 'grub pa zhes bya ba ni gang 'di yang dag pa'i sgrub pa ste/ yang dag par zhugs pa de ni dge ba'i rtsa ba gang dag yang dag par sgrub pa sems can thams cad bskyab pa dang/ sems can thams cad yongs su smin par bya ba dang/ sems can thams cad dge ba'i rtsa ba la gzung ba'i phyir dge ba'i rtsa ba de dag yongs su bsngo bar byed de/ thams cad mkhyen pa'i ye shes mngon pa bsgrub pa'i phyir dge ba'i rtsa ba de dag yongs su bsngo'o/ /sems can thams cad nye bar 'tsho ba'i phyir dge ba'i rtsa ba de dag yongs su bsngo'o/ sems can thams cad nye bar 'tsho ba'i phyir dge ba'i rtsa ba de dag yongs su bsngo'o/ /sems can thams cad yongs su mya ngan las bzla ba dang/ thams cad mkhyen pa'i ye shes la rab tu dgod pa'i phyir dge ba'i
- 165b
rtsa ba de dag yongs su bsngo ste/ de ni byang chub sems dpa' i yang dag par 'grub pa mi zad pa zhes bya'o/ /de la byang chub sems dpa' i sems can yongs su smin par byed pa mi zad pa gang zhe na/ sems can gyi khams ni tshad med de/ de la byang chub sems dpas bgrod pa 'di lta bus 'jug par bya'o/ /gal te bdag gis nyid gcig la stong gsum gyi stong chen po'i 'jig rten gyi khams su gtogs pa'i sems can thams cad yongs su smin par bya ste/ tshul 'dis bskal pa dpag tu med grangs med bsam gyis mi khyab par sems can gyi khams yongs su smin par bya zhing/ sems can gyi khams de snyed du dpag tu med pa/ de snyed du grangs med pa/ de snyed du bsam gyis mi khyab pa yongs su smin par bya ste/ de lta bur byas kyang sems can rnams kyi rgya'i cha gcig kyang smin par ma byas/ stong gi cha dang/ brgya stong gi cha dang/ bye ba'i cha dang/ bye ba brgya'i cha dang/ bye ba stong gi cha dang/ bye ba brgya stong gi cha dang/ grangs dang cha dang/ bgrang ba dang/ dpe dang rgyur yang yongs su smin par ma byas so/ /zhes gal te rab tu brjod pa 'di ces nas byang chub sems dpa' mi skrag mi dngang zhing dngang bar mi 'gyur ba de ni brtson 'grus brtsams pa'i byang chub sems dpa' rig par bya ste/ 'di ni byang chub sems dpa' i sems can yongs su smin par byed pa mi zad pa'o/ /de la byang chub sems dpa' i bsod nams kyi tshogs mi zad pa gang zhe na/ byang chub sems dpa' i bsod nams ni tshad med de/ de la byang chub sems dpas bgrang ba 'di 'dra bas 'jug par bya'o/ /sems can thams cad dang/ 'das pa dang/ da ltar byung ba dang/ ma 'ongs pa'i slob pa dang/ mi slob pa thams cad dang/ nyan thos dang/ rang sangs rgyas thams cad kyi bsod nams ji snyed pa bsod nams de snyed ba rgyar bsgyur pas de bzhin gshegs pa'i sku la spu'i khung bu gcig 'grub bo/ /de bzhin du spu'i
- 166a
khung bu thams cad re re nas yongs su 'grub bo/ /spu'i khung bu thams cad du gtor ba'i bsod nams kyi phung po ji snyed pa brgyar bsgyur te gtan pa med pa'i bsod nams kyi phung po gcig yang dag par bsgrubs pa de bzhin / gshegs pa'i sku la dpe byad bzang po gcig 'grub ste/ de bzhin du dpe byad bzang po thams cad re re nas yongs su 'grub bo/ /dpe byad bzang po thams cad du gtogs pa'i bsod nams kyi phung po ji snyed pa stong du bsgyur te gtan pa med pa'i bsod nams kyi phung po gcig bsgrubs pa/ des de bzhin gshegs pa'i sku le skyes bu chen po'i mtshan mngon par 'grub ste/ de bzhin du sku la skyes bu chen po'i mtshan sum cu re re nas mngon par 'grub bo/ /skyes bu chen po'i mtshan sum cur gtogs pa'i bsod nams kyi phung po ji snyed pa stong phrag bcur bsgyur te gtan pa med pa'i bsod nams kyi phung po gcig yang dag par bsgrubs pa des de bzhin gshegs pa'i sku la smin mtshams kyi mdzod spu skyes bu chen po'i mtshan mngon par 'grub bo/ /mdzod spur gtogs pa'i bsod nams kyi phung po ji snyed ba de las stong phrag brgyar bsgyur ba'i bsod nams kyi phung po yang dag par bsgrubs pas de bzhin gshegs pa'i sku la dbu'i gtsug tor spyi gtsug ltar mi mthong ba skyes bu chen po'i mtshan mngon par 'grub bo/ / gtsug tor du gtogs pa'i bsod nams kyi phung po de las bye ba phrag stong du bsgyur ba de bas kyang lhag pa'i bsod nams kyi phung po yang dag par bsgrubs pas de bzhin gshegs pa'i chos kyi dung yongs su 'grub par 'gyur te/ chos kyi dung des de bzhin / gshegs pa bzhed na 'jig rten gyi khams mdza' yas mu med pa ngag dbyangs kyi go bar mdzad cing chos kyis 'dul bar bsam pa dang/ dad pa ji lta ba bzhin du sems can thams cad kyi dbang po rnams tshim par mdzad do/ /byang chub sems dpa' bsod
- 166b
nams kyi tshogs la 'jug pa 'di thos nas mi skrag mi dngang zhing dngang bar mi 'gyur ba 'di ni byang chub sems dpa' i bsod nams kyi tshogs mi zad pa zhes bya'o/ /de la byang chub sems dpa' ye shes kyi tshigs mi zad pa gang zhe na/ byang chub sems dpa' i ye shes kyi tshogs ni tshad med de/ de la byang chub sems dpa' bgrang pa 'di 'dra bas 'jug par bya'o/ /stong gsum gyi stong chen po'i 'jig rten gyi khams na sems can gang dag 'khod pa de dag thams cad dad pas rjes su 'brang ba'i ye shes dang ldan par gyur kyang/ de dag gi chos kyi rjes su 'brang ba'i ye shes dang ldan pa'i brgya'i char yang nye bar mi 'gro /stong gi cha dang/ brgya stong gi cha dang/ bye ba'i cha dang/ bye ba brgya'i cha dang/ bye ba stong gi cha dang/ bye ba brgya stong gi cha dang/ grangs dang/ bgrang ba dang/ dpe dang/ rgyur yang nye bar mi 'gro'o/ /de bzhin du chos kyi rjes su 'brang ba'i ye shes dang ldan pa rnams ni brgyad pa'i ye shes dang ldan pa la'o/ /brgyad pa'i ye shes dang ldan pa rnams ni rgyun tu zhugs pa'i ye shes dang ldan pa rnams pa'o/ /rgyun tu gtugs pa'i ye shes dang ldan pa rnams ni lan cig phyir 'od pa'i ye shes dang ldan pa rnams la'o/ /lan cig phyir 'ong ba'i ye shes dang ldan pa rnams ni phyir mi 'ong ba'i ye shes dang ldan pa rnams la'o/ /phyir mi 'ong ba'i ye shes dang ldan pa rnams ni dgra bcom pa'i ye shes dang ldan pa la'o/ /dgra bcom pa'i ye shes dang ldan pa rnams ni rang sangs rgyas kyi ye shes dang ldan pa la'o/ /rang sangs rgyas kyi ye shes dang ldan pa rnams ni bskal pa brgyas nges par 'byung ba'i byang chub sems dpa' i ye shes dang ldan pa'i brgya'i char yang nye bar mi 'gro ba nas dpe dang rgyu'i bar du yang nye bar mi 'gro'o/ /bskal pa rgyas nges par 'byung ba'i byang chub sems dpa' i ye shes dang ldan pa rnams ni bzod pa thob pa'i byang chub sems dpa' i ye shes ldan pa la'o/ /bzod pa thob pa'i byang chub sems dpa' i
- 167a
ye shes dang ldan pa rnams ni phyir mi ldog pa'i ye shes dang ldan pa la'o/ /phyir mi ldog pa'i byang chub sems dpa' i ye shes dang ldan pa rnams ni skye ba gcig gis thogs pa'i byang chub sems dpa' i ye shes dang ldan pa'i brgya'i char yang nye bar mi 'gro ba nas dpe dang rgyu'i bar du yang nye bar mi 'gro'o/ /stong gsum gyi stong chen po'i 'jig rten gyi khams na sems can gang dag 'khod pa de dag thams cad skye ba gcig gis thogs pa'i byang chub sems dpa' i ye shes dang ldan par gyur kyang byang chub kyi snying po la 'dug pa'i byang chub sems dpa' i ye shes dang ldan pa'i brgya'i char yang nye bar mi 'gro ba nas dpe dang rgyu'i bar du yang nye bar mi 'gro'o/ /'jig rten gyi khams mdza' yas mu med pa dag na sems can gang 'khod ba dag thams cad byang chub kyi snying po la 'jug pa'i byang chub sems dpa' i ye shes dang ldan par 'gyur kyang/ de dag gis de bzhin gshegs pa'i gnas dang gnas ma yin pa mkhyen pa'i ye shes kyi stobs kyi brgya'i char yang nye bar mi 'gro bas rgyu dang dpe'i bar du yang nye bar mi 'gro'o/ /de bzhin gshegs pa'i stobs dang mi 'jigs pa dang/ sangs rgyas kyi chos ma 'dres pa bco brgyad thams cad yongs su 'grub pa'i rim pa yang de bzhin te/ byang chub sems dpa' i gang ye shes kyi tshogs la 'jug pa 'di thos nas mi skrag mi dngang zhing dngang bar mi 'gyur ba 'di ni byang chub sems dpa' i ye shes kyi tshogs mi zad pa zhes bya'o/ /de la byang chub sems dpa' i shes rab kyi tshogs mi zad pa gang zhe na/ gang sems can thams cad kyi sems kyi spyod pa la 'jug pa shes pa de ni shes rab kyi tshogs mi zad pa'o/ /sems can thams cad kyi 'das pa dang ma 'ongs pa dang da ltar byung ba'i sems ji snyed pa de dag sems can gcig gis sems kyi 'jug pa gcig la yod par gyur la/ tshul 'dis sems
- 167b
can thams cad de snyed du tshad med pa'i sems kyis gang bar gyur te/ 'das pa dang ma 'ongs pa dang da ltar byung ba'i sems can de dag thams cad kyi 'dod chags dang/ zhe sdang dang/ gti mug gang dag yin pa de dag thams cad sems can gcig gi sems gcig la yod par gyur la/ rnam grangs 'dis sems can thams cad de snyed du tshad med pa'i nyon mongs pas gang ba'i sems su gyur na yang/ de la byang chub sems dpa' gang shes rab kyi tshogs gcig bsgrub pas sems can de dag gi sems su gtogs pa'i sems bskyed pa ji snyed pa'i sems bskyed pa de dag thams cad so so'i dmigs pas byung ste/ zhig cing zhu ba rnams shes par 'gyur ba de lta bu'i shes rab kyi tshogs bskyed par bya'o/ /shes rab des kyang sems can de dag gi sems su snang ba dang nyon mongs par snang ba dus gsum dang ldan pa gang yang mi shes pa med do/ /btsun pa shA ra dwA ti'i bu 'di lta ste/ dper na nam mkha' 'dis ma khyab pa gang yang med do/ /de bzhin du byang chub sems dpa' i shes rab 'dis kyang sems can de dag gi sems snang ba 'am nyon mongs par snang ba dus gsum dang ldan pa de dag gsal bar ma gyur pa 'am yongs su mi shes pa med de/ 'di ni byang chub sems dpa' i shes rab kyi tshogs mi zad pa zhes bya'o/ /de la byang chub sems dpa' i sangs rgyas kyi chos thams cad yang dag par sgrub pa'i tshogs mi zad pa gang zhe na/ dge ba'i rtsa ba'i tshogs thams cad bsags pa dang/ pha rol tu phyin pa thams cad kyi tshogs bsags pa dang/ byang chub kyi phyogs kyi chos thams cad bsags pa gang yin pa de ni sangs rgyas kyi chos thams cad yang dag par bsgrubs pa'i tshogs mi zad pa'o/ /dang po sems bskyed pa nas bzung ste byang chub kyi snying po la 'dug gi bar du byang chub tu sems bskyed pa'i dmigs pa dang/ sbyor ba bsags pa gang dag yin pa dge ba'i
- 168a
sems bskyed pa'i tshogs gang dag gis sangs rgyas kyi chos thams cad yang dag par bsgrubs pa 'di ni byang chub sems dpa' i sangs rgyas kyi chos thams cad yang dag par bsgrubs pa'i tshogs mi zad pa zhes bya ste/ btsun pa shA radwA ti'i bu brgyad po de dag ni byang chub sems dpa' rnams kyi brtson 'grus yang dag par blang ba'o/ /btsun pa shA radwA ti'i bu gzhan yang byang chub sems dpa' rnams kyi brtson 'grus mi zad pa ni gang lus kyi dge ba'i las kyi rten dang/ ngag gi dge ba'i las kyi rten dang/ yid kyi dge ba'i las kyi rten to/ /de ci'i phyir zhe na/ /brtson 'grus gang ji snyed pa de dag thams cad lus dang ngag dang sems dang ldan pa'i phyir te/ lus dang ngag gi brtson 'grus pas sems kyi brtson 'grus nyid mchog ces bshad do/ /de la sems kyi brtson 'grus gang zhe na/ sems kyi 'jug pa dang/ sems gnas pa ste/ de la sems kyi 'jug pa gang zhe na/ gang byang chub kyi sems kyi rtsom pa'o/ /de la sems gnas pa gang zhe na/ byang chub kyi sems nye bar ma zhi'o/ /de la sems 'jug pa gang zhe na/ gang sems can la snying rje ba'o/ /sems gnas pa gang zhe na/ gang bdag med pa la bzod pa'o/ /de la 'jug pa gang zhe na/ gang sems can thams cad sdud pa'o/ /gnas pa gang zhe na/ gang chos thams cad mi 'dzin pa'o/ /de la 'jug pa gang zhe na/ gang 'khor ba ni mi skyo ba'o/ /gnas pa gang zhe na/ khams gsum pa mi dmigs pa'o/ /de la 'jug pa gang zhe na/ bdog pa thams cad yongs su gtong ba'o/ / gnas pa gang zhe na/ gang sbyin pas rlom sems su mi byed pa'o/ /de la 'jug pa gang zhe na/ gang bslab pa yang dag par len pa'o/ /gnas pa gang zhe na/ gang bslab pas rlom sems su mi byed pa'o/ /de la 'jug pa gang zhe na/ gang bzod
- 168b
cing mi mdzad pa'o/ /gnas pa gang zhe na/ gang sems pa rma mi phyin pa'o/ /de la 'jug pa gang zhe na/ gang dge ba'i rtsa ba thams cad rtsom pa'o/ /gnas pa gang zhe na/ gang sems dben pa'o/ /de la 'jug pa gang zhe na/ gang bsam gtan yang dag par sgrub pa'o/ /gnas pa gang zhe na/ gang sems la nges par sems pa'o/ /de la 'jug pa gang zhe na/ gang thos pa la chog mi shes pa'o/ /gnas pa gang zhe na/ gang tshul bzhin sbyor ba'o/ /de la 'jug pa gang zhe na/ gang ci skad thos pa bzhin du chos ston pa'o/ /gnas pa gang zhe na/ gang brjod du med pa'i chos nyid do/ /de la 'jug pa gang zhe na/ gang shes rab kyi tshogs yongs su tshol ba'o/ /gnas pa gang zhe na/ gang spros pa shin tu chad pa'o/ /de la 'jug pa gang zhe na/ gang tshangs pa'i gnas pa rnams la sogs pa'o/ /gnas pa gang zhe na/ gang yang dag pa'i shes pas btang snyoms pa'o/ /de la 'jug pa gang zhe na/ gang mngon par shes pa lnga yongs su rdzogs par byed pa'o/ /gnas pa gang zhe na/ gang zag pa med pa la 'dris par byed pa'o// de la 'jug pa gang zhe na/ gang dran pa nye bar bzhag pa bskyed pa'o/ /gnas pa gang zhe na/ gang 'dra ba yid la byed pa med pa'o/ /de la 'jug pa gang zhe na/ gang yang dag par spong ba la sbyor ba'o/ /gnas pa gang zhe na/ gang dge ba dang mi dge ba'i sems dang bral ba'o/ /de la 'jug pa gang zhe na/ gang rdzu 'phrul gyi rkang pa mngon par bsgrub pa'o/ /gnas pa gang zhe na/ gang lhun gyis grub par bya ba la 'jug pa'o/ /de la 'jug pa gang zhe na/ gang dbang po la mkhas pa'o/ /gnas pa gang zhe na/ gang dbang po med pa'i chos la rtog pa'o/ /de la 'jug pa gang zhe na/ gang stobs yang dag par bsgrub pa'o/ /gnas pa gang zhe na/ gang mi brdzi ba'i ye shes so/ /de la 'jug pa gang zhe na/ gang byang chub kyi yan lag yang dag par 'byung ba'o/ /gnas pa gang zhe
- 169a
na/ gang chos rab tu rnam par 'byed pa la mkhas pa'i ye shes so/ /de la 'jug pa gang zhe na/ gang lam gyi tshogs tshol ba'o/ /gnas pa gang zhe na/ gang gar yang ni 'gro ba'o/ /de la 'jug pa gang zhe na/ gang zhig? gnas tshol ba'o/ /gnas pa gang zhe na/ gang zhig gnas kyi sems zhi ba'o/ /de la 'jug pa gang zhe na/ gang lhag mthong spyod pa'o/ gnas pa gang zhe na/ gang chos nyid shes pa'o/ /de la 'jug pa gang zhe na/ gang rgyu rtogs pa'o/ /gang? gnas ba gang zhe na/ gang rgyu kun shes pa'o/ /de la 'jug pa gang zhe na/ gang gzhan gyi sgra thos pa'o/ /gnas pa gang zhe na/ gang chos la nan tan byed pa'o/ /de la 'jug pa gang zhe na/ gang lus kyi rgyan no/ /gnas pa gang zhe na/ gang dag gi chos nyid do/ /de la 'jug pa gang zhe na/ gang dag gi rgyan to/ /gnas pa gang zhe na/ gang 'phags pa'i mi smra ba'o/ /de la 'jug pa gang zhe na/ gang rnam par thar pa gsum la mos pa'o/ /gnas pa gang zhe na/ gang byed pa med pa'o/ /de la 'jug pa gang zhe na gang la? rgyu bzhi yongs su spong ba'o/ /gnas pa gang zhe na/ gang bag chags dang nyon mongs pa'i mtshams sbyir ba thams cad bsal ba'o/ /de la 'jug pa gang zhe na/ gang thabs su blta ba'o/ /gnas pa gang zhe na/ gang shes rab tu blta ba'o/ /de la 'jug pa gang zhe na/ gang rtsom par blta ba'o/ /de la gnas pa gang zhe na/ gang nyams su len par byed par blta ba'o/ /de la 'jug pa gang zhe na/ gang brdar blta ba'o/ /gnas pa gang zhe na/ gang don dam par blta ba ste/ 'di ni sems kyi brtson 'grus zhes bya'o de la sems kyi brtson 'grus mi zad pa de yongs su rdzogs par bya ba'i phyir gang 'jug pa thams cad dang gnas pa thams cad dang mtshan ma thams cad dang bral ba dang/ de'i mtshan ma'i las thams cad du yang 'jug la/ ye shes kyi las la yang gnas pa ste/
- 169b
rigs? thams cad kyang ye shes kyi bya ba byed do/ /de la byang chub sems dpa' i ye shes kyi las gang zhe na/ gang dge ba'i rtsa ba'i rgyu dang sems can thams cad la snying rje chen po'i rgyur 'dus byas su yang mi gtong zhing/ sangs rgyas kyi ye shes kyi rgyur 'dus ma lus? su mi ltung ste/ 'di ni byang chub sems dpa' rnams kyi brtson 'grus kyi pha rol tu phyin pa mi zad pa zhes bya'o/ /de ltar ji skad du gsungs pa'i brtson 'grus yongs su rdzogs pas na brtson 'grus chen po brtul ba yin zhes bya'o/ /byang chub sems dpa' i sa sbyang dga' ba la ni bsam gtan gyi pha rol tu phyin pa la lhag par spyod pa yin te/ de bas na bsam gtan chen po ting 'dzin gnas zhes bya'o/ /de yang bsam gtan ni bzhi ste/ nyan thos dang/ rang sangs rgyas dang/ sangs rgyas dang/ byang chub sems dpa' thams cad kyi thun mong yin pa las byang chub sems dpa' rnams ni bsam pa'i rnam pa che bas chen por gyur pa yin no/ /de yang gang zhe na/ 'di la byang chub sems dpa' ni 'dod ba dag las dben pa/ sdig pa mi dge ba'i chos las dben pa/ rtog pa dang bcas pa/ /dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po rdzogs par byas te gnas so/ /des 'dod pa rnams ni bsam gtan dang po'i mi mthun pa'i phyogs yin te/ gang sred pa de dag la dben pa'o/ de la sdig pa mi dge ba'i chos rnams ni chags pa dang/ zhe sdang dang/ gti mug ste/ gzhi de las srog gcod pa dang/ ma byin par len pa dang/ 'dod pa la log par g.yem pa dang/ rdzun du smra ba dang/ phra ma dang/ ngag rtsub po dang/ tshig dkyil pa dang/ brnag sems dang/ gnod sems dang/ log par lta ba'o/ /'di ni sdig pa mi dag pa'i chos rnams zhes bya ste/ de dag las dben pa ni bsam gtan dang po'o/ /rtog pa dang lhan cig pa ni rtog pa dang bcas pa ste/ rtog pa de dag gang zhe na/ gang dag bsam
- 170a
gtan dang po dang mthun pa'i rtog pa ste/ de la cho ga bzhin du rtog cad de dag kun kyang 'dul bas na de dag ni rtog pa zhes bya ste/ shes pa dang khong du chud pa dang dpyod pa dang rab tu rtog pa dang ting nge 'dzin du byed pa ni rtog pa'o/ / de la dpyod pa gang zhe na/ bsam gtan dang po dang mthun pa'i rtog pa de dag nyid la dpyod pa dang rnam par dpyod pa dang kun tu longs spyod pa dang ting nge 'dzin du byed pa dang/ sems rjes su 'gro ba ni dpyod pa zhes bya ste/ de dag dang lhan cig pa ni rtog pa dang bcas pa dang/ dpyod pa dang bcas pa bsam gtan dang po'o/ /dga' ba dang bde ba dben pa las skyes pas de'i phyir dben pa las skyes pa'i dga' ba dang bde ba zhes bya'o/ /rdzogs par byas te gnas zhes bya ba la/ rdzogs par byas zhes bya ba ni sdom pa dang sdom par byed pa dang/ sbed pa dang sbed bar byed pa dang/ ro myang ba dang/ mngon par dga' ba ste/ bsam gtan dang po de la gnas pa'i byang chub sems dpa' ni mi skye ba'i chos la bzod pa khong du chud par bya ba'i 'dun pa dang 'dod pa thob ste/ de mi skye ba'i chos la bzod pa'i 'dun pa dang 'dod pa des bsam gtan dang po la snying por 'du shes pa ma yin no/ /de bsam gtan gnyis pa rtsom ste/ de bsam gtan dang po'i rtog pa dang dpyod pa de dag zhi bar byed nye bar zhi bar byed/ de dag las sems rab tu zhi bar byed cing bsam gtan gnyis pa'i yongs su 'grub pa'i rgyu tshos te/ de rtog pa dang dpyod pa dang bral bas nad yongs su dang ste/ sems kyi rgyud gcig tu gyur bas rtog pa med pa dang/ dpyod pa med pa dga' ba dang ldan pa bsam gtan gnyis pa rdzogs par byas te gnas so/ /de la nad yongs su dang ba ni de'i bsam gtan gnyis pa'i mi mthun pa'i phyogs kyi chos gang yin pa de dag nye bar zhi ba dang dad pa yin te/ de'i phyir nad yongs su dad ba zhes bya'o/ /rgyud gcig tu gyur ces bya ba ni bsam
- 170b
gtan dang po'i rtog pa dang dpyod pa de dag thams cad rab tu zhi bas rgya mtsho'i chu ltar ro gcig tu 'gyur ba thob pa'o/ /'di lta ste dper na rgya mtsho chen por chu 'bab pa rnams lan tshwa'i ror ro gcig par gyur pa de bzhin du byang chub sems dpa' bsam gtan gnyis pa la snyoms par zhugs pa bsam gtan dang po'i rtog pa dang dpyod pa de dag thams cad zhi nas ro gcig tu 'gyur te/ de ting 'dzin ces bya'o/ /ting nge 'dzin de las de sangs rgyas dang chos dang dge 'dun la dga' ba skyes te/ dkon mchog gsum la dga' bas dge ba'i chos rnams rdzogs par 'gyur ro/ /de las mi skye ba'i chos la bzod pa thob pa'i 'dun pa shin tu 'bad pa dang/ shin tu 'od gsal ba dang/ shin tu yid du 'ong ba 'thob bo/ /de mi skye ba'i chos la bzod pa la 'dun pa des bsam gtan gnyis pa de la ma chags te/ bsam gtan gsum pa kun tu tshol lo/ /de 'di snyam du sems te/ dga' ba ni bsam gtan gsum pa'i sgrib pa yin no/ /snyam nas de dga' ba de la 'dod chags dang bral nas btang snyoms can dran pa yongs su dag pa 'phags pa rnams kyis gang de dga' ba med pa bde ba la gnas pa zhes brjod pa bsam gtan gsum pa rdzogs par byas te gnas so/ /ting nge 'dzin las skyes pa'i dga' ba la 'dod chags dang bral ba 'thob pa de gang de dga' ba med pa'i bde ba de ni gtan du bde ba ma yin gyi zad pa'i chos can te/ de mi rtag cing mi brtan la ther zug ma yin zhing de yid brtan du mi rung ngo snyam pa'i sems de lta bu 'thob bo/ /de de ltar shes nas mi skye ba'i chos la bzod pa rab tu thob pa'i 'dun pa drag po chen po 'thob bo/ /de mi skye ba'i chos kyi 'dun pa drag po des bde ba dang sdug bsngal la mngon par chags pa mi skye'o/ /de bde ba yang spangs te snga nas sdug bsngal yang spangs shing yid mi bde ba nub pas bde ba yang ma yin sdug bsngal ba yang na yin pa btang
- 171a
snyoms dang dran pa yongs su dag pa bsam gtan bzhi pa yongs su rdzogs par byas te gnas so/ /de bsam gtan bzhi pa la snyoms par zhugs pas sems mnyen pa dang/ sems 'dod par bya ba dang/ sems las su rung ba dang/ sems 'od gsal ba dang/ sems drang ba dang/ sems bde ba de sems can thams cad kyis mngon par dga' ba dang/ sems can thams cad la phan pa dang bde bar mngon par phyogs par 'gyur bas mi skye ba'i chos la bzod pa thob pa'i snang ba skye bar 'gyur te/ de'i gong du de la lhun gyis grub par lam la 'jug cing/ gnas par 'gyur ro/ /rnam pa gzhan yang btsun pa sha radwA ti'i bu byang chub sems dpa' rnams kyi bsam gtan gyi pha rol tu phyin pa mi zad pa ni rnams pa bcu drug ste/ de ni nyan thos dang rang sangs rgyas thams cad la med do/ /de la rnam pa bcu drug po dag gang zhe na/ 'di lta ste/ de bzhin gshegs pa'i bsam gtan yongs su rdzogs par bya ba'i phyir byang chub sems dpa' rnams kyi bsam gtan ni de la ma chags pa'o/ /bdag bde ba la chags pa'i byang chub sems dpa' rnams kyi bsam gtan ni ro myang ba med pa'o/ /sems can thams cad kyi nyon mongs pa spang ba'i phyir byang chub sems dpa' rnams kyi bsam gtan ni snying rje chen po la dmigs pa'o/ /'dod pa'i khams su dmigs pa'i phyir byang chub sems dpa' rnams kyi bsam gtan ni ting nge 'dzin ldog pa'o/ /sems can thams cad kyi sems kyi spyod pa kun shes pa'i phyir byang chub sems dpa' rnams kyi bsam gtan ni mngon par shes pa yongs su sbyang ba byas pa'o/ /sems kyi dbang phyug shes pa'i phyir byang chub sems dpa' rnams kyi bsam gtan ni sems las su rung ba'o/ /gzugs dang gzugs med pa'i khams
- 171b
zil gyis gnon pa'i phyir byang chub sems dpa' rnams kyi bsam gtan ni bsam gtan dang/ rnam par thar pa dang/ ting nge 'dzin dang snyoms par 'jug pa dang/ ldang ba thams cad shes pa'o/ /nyan thos dang rang sangs rgyas thams cad kyi snyoms par 'jug pa zil gyis gnon pa'i phyir byang chub sems dpa' rnams kyi bsam gtan ni zhi ba dang rab tu zhi ba'o/ /shin tu mthar thug pa'i phyir byang chub sems dpa' rnams kyi bsam gtan ni ma 'khrugs pa'o/ /nyon mongs pa dang bag chags kyi mtshams sbyor ba thams cad legs par 'joms pa'i phyir byang chub sems dpa' rnams kyi bsam gtan ni log pa'i gnyen po'o/ /'jig rten thams cad las bsgral ba'i phyir byang chub sems dpa' rnams kyi bsam gtan ni shes rab la 'jug pa'o/ /sems can thams cad bsgral ba'i phyir byang chub sems dpa' rnams kyi bsam gtan ni sems can thams cad kyi bsam pa sngon du 'gro ba'o/ /de bzhin gshegs pa'i bsam gtan mi zad pa yongs su rdzogs par bya ba'i phyir byang chub sems dpa' i rnams kyi bsam gtan ni dkon mchog gsum gyi rigs mi gcod pa'o/ /rtag tu mnyam par bzhag pa'i phyir byang chub sems dpa' rnams kyi bsam gtan ni ma nyams pa'o/ /sangs rgyas kyi chos thams cad yongs su rdzogs par bya ba'i phyir byang chub sems dpa' rnams kyi bsam gtan ni chos thams cad la dbang byed pa'i ye shes so/ /ye shes kyi bdag nyid che ba'i phyir byang chub sems dpa' rnams kyi bsam gtan ni nam mkha' khyab ste/ btsun pa sha radwA ti'i 'di ni byang chub sems dpa' rnams kyi bsam gtan gyi pha rol tu phyin pa rnam pa bcu drug ste/ gang nyan thos dang rang sangs rgyas dag la med pa'o/ /de la bsam gtan yongs su sbyangs pa gang zhe na/ gang mngon par shes pa dang/ ye shes yongs su rdzogs pa'o/ /de la mngon par shes pa ni gang
- 172a
ye shes ni gang zhe na/ gang gi gzugs su snang ba thams cad mthong ba 'di ni mngon par shes pa zhes bya'o/ /gang gis gzugs thams cad kyi chos nyid mi zad par shes kyang mi zad pa'i chos mngon sum du mi byed pa 'di ni ye shes zhes bya'o/ /gang gi sgrar grags pa thams cad shes pa de ni mngon par shes pa zhes bya'o/ /gang sgra thams cad sngon gyi mdza' dang phyi ma'i mthar brjod du med par shes pa 'di ni ye shes zhes bya'o/ /gang gis sems can thams cad kyi sems kyi spyod pa rnams shes pa 'di ni mngon par shes pa zhes bya'o/ /gang sems 'gog par shes la sems 'gog pa mngon sum du mi byed pa 'di ni ye shes zhes bya'o/ /gang sngon gyi mdza' dang/ phyi ma'i mdza' rjes su dran pa 'di ni mngon par shes pa zhes bya'o/ /gang dus gsum la ma chags par shes pa 'di ni ye shes zhes bya'o/ /gang sangs rgyas thams cad kyi zhing du 'gro ba 'di ni mngon par shes pa zhes bya'o/ /gang gis zhing nam mkha' dang mtshungs par shes pa 'di ni ye shes zhes bya'o/ /gang dbyer med pa'i chos 'dod ba 'di ni mngon par shes pa zhes bya'o/ /gang chos thams cad mnyam par mthong ba'i shes pa 'di ni ye shes zhes bya'o/ /gang 'jig rten thams cad dbyer med pa'i mtshan nyid 'di ni mngon par shes pa zhes bya'o/ /gang 'jig rten gyi chos thams cad dang ma 'dres par shes pa 'di ni ye shes zhes bya'o/ /gang brgya byin dang tshangs pa dang 'jig rten skyong ba rnams zil gyis gnon pa 'di ni mngon par shes pa zhes bya'o/ /gang nyan thos dang rang sangs rgyas thams cad kyi spyi bor shes pa 'di ni ye shes zhes bya ste/ btsun pa sha radwA ti'i bu de dag ni byang chub sems dpa' rnams kyis bsam gtan yongs su sbyang ba zhes bya'o/ /yang sems can thams cad kyi nyon mongs pa dang sems g.yeng
- 172b
pa ji snyed par byang chub sems dpa' rnams kyi bsam gtan gyi tshogs dang sems bzhag pa'ang de snyed de/ sems can thams cad kyi nyon mongs pa dang sems g.yeng ba ji snyed pa de snyed du byang chub sems dpas kyang bsam gtan gyi tshogs yang dag par bsgrub par bya'o/ /mnyam pa de nyid de las gnas pas na de'i phyir mnyam par bzhag pa zhes bya'o/ /sems can mnyam pa nyid dang/ sems mnyam pa nyid dang/ bsam pa mnyam pa nyid dang/ lhag pa'i bsam pa mnyam pa nyid dang/ sbyong ba mnyam pa nyid dang/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab mnyam pa nyid dang/ sangs rgyas kyi chos thams cad mnyam pa nyid la gnas pas na de'i phyir snyoms par zhugs pa zhes bya'o// ting nge 'dzin gang dang mnyam pa byang chub kyang de dang mnyam mo/ /byang chub gang dang mnyam pa sems can thams cad kyang de dang mnyam mo/ /sems can thams cad kyang de dang mnyam pa chos thams cad kyang de dang mnyam ste/ mnyam pa nyid de la snyoms par zhugs las na de'i phyir snyoms par zhugs pa zhes bya'o/ /byang chub gang dang mnyam pa stong pa nyid gang de dang mnyam mo/ /stong pa nyid gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na de'i phyir snyoms par zhugs pa zhes bya'o/ /stong pa nyid gang dang mnyam pa mtshan ma med pa yang de dang mnyam mo/ /mtshan ma med pa gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na de'i phyir snyoms par zhugs pa zhes bya'o/ /mtshan ma med pa gang dag mnyam
- 173a
pa smon pa med pa'ang de dang mnyam mo/ /smon pa med pa gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam mo/ /mnyam pa nyid de la snyoms par zhugs pas na de'i phyir snyoms pa zhes bya'o/ /smon pa med pa gang dang mnyam pa mngon par 'du mi byed pa'ang de dang mnyam mo/ /mngon par 'du mi byed pa gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na de'i phyir snyoms par zhugs pa zhes bya'o/ /mngon par 'du mi byed pa gang dang mnyam pa mi skye ba yang de dang mnyam mo/ mi skye ba gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na de'i phyir snyoms par zhugs pa zhes bya'o/ /mi skye ba gang dang mnyam pa mi 'byung ba yang de dang mnyam mo/ /mi 'byung ba gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na de'i phyir snyoms par zhugs pa zhes bya'o/ /mi 'byung ba gang dang mnyam pa dngos po med pa yang de dang mnyam mo/ /dngos po med pa gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na de'i phyir snyoms par zhugs pa zhes bya'o/ /dngos po med pa gang dang mnyam pa rnam par dag pa yang de dang mnyam mo/ /
- 173b
rnam par dag pa gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na de'i phyir snyoms par zhugs pa zhes bya'o/ / rang gi sems mnyam pas sems can thams cad kyi sems mnyam pa nyid de/ de la zhugs pas na de'i phyir snyoms par zhugs pa zhes bya'o/ /de lta bu la snyoms par zhugs pas na/ bsam gtan chen po ting 'dzin gnas zhes bya'o/ /byang chub sems dpa' i sa mngon du gyur pa la ni shes rab kyi pha rol tu phyin pa la lhag par spyod pa yin la/ de'i bdag nyid can yin pas na/ shes rab chen po lus 'chad pa zhes bya ste/ shes rab nyid lus yin la de'i bdag nyid kyis 'dzin par mdzad pas na shes rab chen po lus 'chang ba'o/ /de yang shes rab de'i rnam pa ni ji lta bu/ 'jug pa ni ci zhe na/ thos pa ni rnam pa'o/ /tshul bzhin yid la byed pa ni 'jug pa'o/ /thos pa yang rnam pa ni ji lta bu/ 'jug pa ni ci zhe na/ byang chub sems dpa' rnams kyi thos pa'i rnam pa ni brgyad cu rtsa bzhi ste/ 'di lta ste/ 'dun pa'i rnam pa dang/ bsam pa'i rnam pa dang/ lhag pa'i bsam pa'i rnam pa dang/ sbyor ba'i rnam pa dang/ dge ba'i bshes gnyen gyi rnam pa dang/ nga rgyal med pa'i rnam pa dang/ bag yod pa'i rnam pa dang/ gus par byed pa'i rnam pa dang/ mthun par 'dzin pa'i rnam pa dang/ dka' blo bde ba'i rnam pa dang/ bsnyen bkur byed pa'i rnam pa dang/ rna ba brags te nyan pa'i rnam pa dang/ yid la byed pa'i rnam pa dang/ rnam par mi g.yeng ba'i rnam pa dang/ gnas kyi rnam pa dang/ chos la rin po cher 'du shes pa'i rnam pa dang/ sman du 'du shes pa'i rnam pa dang/ nyon mongs pa'i nad thams cad zhi bar byed pa'i rnam pa dang/ dran pa'i snod kyi rnam pa dang/ rtags pa shes pa'i rnam pa dang/ blo gros 'dod pa'i rnam
- 174a
pa dang/ blo la 'jug pa'i rnam pa dang/ sangs rgyas kyi chos la mi ngoms par nyan pa'i rnam pa dang/ gtong ba spel ba'i rnam pa dang/ dul zhing cang shes pa'i rnam pa dang/ mang du thos pa la brten pa'i rnam pa dang/ bsti stang du byas te dga' ba myong bar byed pa'i rnam pa dang/ lus bde ba'i rnam pa dang/ sems rab tu dga' ba'i rnam pa dang/ mi skyo bar nyan pa'i rnam pa dang/ don nyan pa'i rnam pa dang/ tshes nyan pa'i rnam pa dang/ nan tan nyan pa'i rnam pa dang/ gzhan gyi bstan pa nyan pa'i rnam pa dang/ chos ma zos pa nyan pa'i rnam pa dang/ mngon par shes pa nyan pa'i rnam pa dang/ theg pa gzhan la 'dod pa med pa'i rnam pa dang/ pha rol tu phyin pa nyan pa'i rnam pa dang/ byang chub sems dpa' i sde snod nyan pa'i rnam pa dang/ bsdu ba'i dngos po nyan pa'i rnam pa dang/ thabs mkhas pa nyan pa'i rnam pa dang/ tshangs pa'i gnas pa nyan pa'i rnam pa dang/ dran pa dang/ shes bzhin nyan pa'i rnam pa dang/ skye ba la mkhas pa'i rnam pa dang/ mi skye ba la mkhas pa'i rnam pa dang/ mi sdug pa'i rnam pa dang/ byams pa'i rnam pa dang/ rten cing 'brel bar 'byung ba'i rnam pa dang/ mi rtag pa'i rnam pa dang/ sdug bsngal pa'i rnam pa dang/ bdag med pa'i rnam pa dang/ zhi ba'i rnam pa dang/ stong pa nyid kyi rnam pa dang/ mtshan ma med pa'i rnam pa dang/ smon pa med pa'i rnam pa dang/ mngon par 'du mi byed pa'i rnam pa dang/ dge ba mngon par 'du byed pa'i rnam pa dang/ bden pa'i byin gyis brlabs pa'i rnam pa dang/ chung mi gzon pa'i rnam pa dang/ rang gi kha na las pa'i rnam pa dang/ rang gi sems bsrung ba'i rnam pa dang/ brtson 'grus mi gtongs pa'i rnam pa dang/ chos la nges par sems pa'i rnam pa dang/ nyon mongs pa'i gnyen po'i rnam pa dang/ rang gi phyogs bsrung ba'i rnam pa dang/ pha rol gyi phyogs dang/ nyon mongs pa
- 174b
tshang gcod pa'i rnam pa yang/ nor bdun yang dag par 'du ba'i rnam pa dang/ dbul ba thams cad gcod pa'i rnam pa dang/ 'dzangs pas bsngags pa'i rnam pa dang/ mkhas pa mngon par dga' ba'i rnam pa dang/ /? ? kun shes pa'i rnam pa dang/ 'phags pa ma yin pa dad par byed pa'i rnam pa dang/ bden pa mthong ba'i rnam pa dang/ phung po'i skyon rnam par spangs pa'i rnam pa dang/ 'dus byas kyi skyon la yongs su 'jal ba'i rnam pa dang/ don la rton pa'i rnam pa dang/ chos la rton pa'i rnam pa dang/ ye shes la rton pa'i rnam pa dang/ nges pa'i don gyi mdo sde la rton pa'i rnam pa dang/ sdig pa thams cad mi bya ba'i rnam pa dang/ bdag dang gzhan la phan pa'i rnam pa dang/ legs par bya ba'i las kyi rnam pa dang/ mi 'gyod pa'i rnam pa dang/ khyad par du 'gro ba'i rnam pa dang/ sangs rgyas kyi chos thams cad 'thob pa'i rnam pa ste/ de dag ni byang chub sems dpa' rnams kyi thos pa brgyad cu rtsa bzhi zhes bya'o/ /btsun pa sha ra dwA ti'i bu de la byang chub sems dpa' rnams tshul bzhin yid la byed pa la 'jug pa ni sum cu rtsa gnyis te/ sum cu rtsa gnyis gang zhe na/ 'di lta ste/ zhi gnas kyi gnas la 'jug pa dang/ lhag mthong rnam par dpyad pa'i 'jug pa dang/ sems las su rung ba la 'jug pa dang/ lus dben pa la 'jug pa dang/ sems dben pa la 'jug pa dang/ rten cing 'brel bar 'byung ba la 'jug pa dang/ bden pa'i rjes su mthun pa la 'jug pa dang/ chad pa med pa la 'jug pa dang/ rtag pa med pa la 'jug pa dang/ rgyu dang rkyen la 'jug pa dang/ bdag med pa dang sems can med pa dang srog med pa dang gang zag med la 'jug pa dang/ 'od pa dang 'gro ba dang gnas pa med pa la 'jug pa dang/ mi 'pho zhing rgyu dang 'bras bu chud mi za ba la 'jug pa dang/ stong pa nyid dang mtshan ma med pa dang smon pa med pa 'dris par byed pa la 'jug pa dang/ stong pa nyid dang mtshan ma
- 175a
med pa dang smon pa med pa mngon sum du mi byed pa la 'jug pa dang/ bsam gtan dang ting nge 'dzin dang snyoms par 'jug pa bskyed pa'i tshul la 'jug pa dang/ bsam gtan dang ting nge 'dzin dang snyoms par 'jug pa'i dbang gis mi skye ba la 'jug pa dang/ mngon par shes pa'i ye shes bskyed pa la 'jug pa dang/ zag pa zad pa mngon sum du byed pa ma yin pa la 'jug pa dang/ nang du rtog pa la 'jug pa dang/ nges par gyur par mi 'jug pa 'jug pa dang/ 'dus byas kyi skyon yongs su 'jal ba la 'jug pa dang/ 'dus ma byas kyi chos mngon sum du mi byed par 'jug pa dang/ sems can thams cad la bdag med par so sor rtog pa la 'jug pa dang/ snying rje chen po mi gtong ba la 'jug pa dang/ skye ba thams cad la 'jigs par blta ba la 'jug pa dang/ rtag tu bsams bzhin du shes pas srid pa thams cad yongs su 'dzin par 'jug pa dang/ yid 'byung zhing 'dod chags dang bral ba'i chos kyi mngon sum du mi byed pa la 'jug pa dang/ 'dod pa'i dga' ba'i yon tan yal bar 'dor ba la 'jug pa dang/ chos kyi dga' ba mi gtong ba la 'jug pa dang/ spros pa dang/ rnam par rtog pa thams cad spong ba la 'jug pa dang/ thabs mkhas pa'i spros pa dang/ rnam par rtog pa mi spong par 'jug ste/ btsun pa sha radwA ti'i bu de dag ni byang chub sems dpa' rnams kyi tshul bzhin yid la byed pa la 'jug pa sum cu rtsa gnyis zhes bya'o/ /btsun pa sha radwA ti'i bu gzhan yang tshul bzhin zhes bya ba de ni rigs pa'i tshig go /de ni tshul gyi tshig go /de ni sgo'i tshig go /de ni kha'i tshig go / de ni rgyu'i tshig go /de ni rkyen gyi tshig go /de ni mi 'gog pa'i tshig go /de ni mi 'gal ba'i tshig go zhes bya ba nas de bzhin du ji srid du chos thams cad rigs pas ji ltar gnas pa bzhin mthong na de ltar mthong ba ni tshul bzhin mthong ba'o/ /'khor ba'i
- 175b
khams kyi tshul bzhin gang yin pa mya ngan las 'das pa'i dbyings kyi tshul yang de yin no/ /zhes gang gis de ltar mtshungs shing bye brag med par mthong ba de ni tshul bzhin rab tu sbyor ba zhes bya ba la sogs pa gsungs te/ gang de ltar chos kyi rnam pa dang/ thos pa'i rnam pa dang/ tshul bzhin la 'jug pa'i sbyong ba'i rgyu mthun pa de ni shes rab ces bya'o/ /de ltar de lta bu'i rnam pa'i shes rab gang yin pa de nges par 'byed pa'i shes rab ste/ de gnyi ga'i ngo bo nyid 'dzin par mdzad pas na/ shes rab chen po/ lus 'chang ba zhes bya ste/ dpal ldan rdo rje snying po'i rgyan las kyang/ bde gshegs dri med shes rab ni/ /rdo rje rnon por de bshad do zhes gsungs pa'i phyir ro/ /byang chub sems dpa' i sa ring du song ba la ni thabs kyi pha rol tu phyin pa la lhag par spyad pas na thabs chen te/ thabs kyi sgra 'dis ni thabs kyi pha rol tu phyin pa bstan te/ de yang byang chub sems dpa' i thabs sgrub pa gang zhe na/ gang byang chub sems dpa' ni bdag kyang mi dmigs la rtag tu bdag nyid kyis sped pa yang spyod do/ /sems can yang mi dmigs la/ rtag tu sems can yongs su smin par byed pa'i brtson pa yang spyod do/ /nyon mongs pa yang mi dmigs la/ rtag tu dbang po rnams sped pa la yang spyod do/ /de la gang sangs rgyas kyi gzugs ma yin pa'i gzugs ma yin pa'i gzugs can zad kyang snang bar mi 'gyur la/ rtag tu sangs rgyas mthong bar 'dod pa yang yin/ de la gang chos kyi sgra ma yin pa'i sgra gang yang grags par mi 'gyur la/ rtag tu chos nyan pas ngoms mi myong ba yang yin no/ /'khor ba yang mi dmigs pa rtag tu 'khor bas 'jigs pa'i yid dang ldan pa yang yin no/ /mya ngan las 'das pa yang dag par rjes su mi mthong la/ /mya ngan las 'das pa khong du chud par bya ba'i khyer bdog pa thams cad yongs su gtod par yang byed do/ /sangs
- 176a
rgyas dang byang chub kyang mi dmigs la/ sangs rgyas kyi byang chub khong du chud par bya ba'i phyir smon lam brgya stong mang po yang mngon par sgrub ste/ 'di ni byang chub sems dpa' i ? sgrub pa zhes bya'o/ /gzhan gyi don la 'jug pa thams cad ni thabs kyi nang du 'dus pa'o/ /de lta bu'i thabs chen po dang ldan pa ni 'jam pa'i dbyangs so// //byang chub sems dpa' i sa mi g.yo ba la ni smon lam gyi pha rol tu phyin pa la rnam par smin pa'i tshul du lhag par spyod cing smon lam chen po mnga' pas smon lam chen po ste/ chen po'i sgra ni thabs bzhin du 'di la yang sbyar bar bya'o/ /de la smon lam yang 'jam dpal gyi zhing gi bkod pa las sngon bcom ldan 'das 'jam pa'i dbyangs 'khor los sgyur ba'i rgyal po nam mkha' zhes bya bar gyur pa na bcom ldan 'das de bzhin gshegs pa 'brug sgra dbyangs kyi rgyal po'i sbyin sngar smon lam tshad med pa btab pa lta bu ste/ de yang de nas rgyal po nam mkha' srog chags bye ba khrag khrig brgya stong phrag brgyad cus yongs su bskor cing mdun du bdar te/ bcom ldan 'das de bzhin gshegs pa 'bru sgra dbyangs kyi rgyal po gal ba der dong ste/ lhags nas bcom ldan 'das kyi zhabs gnyis la spyi bos phyag 'tshal te/ bcom ldan 'das de la lan bdun bskor ba byas nas phyogs gcig tu 'khod de/ /rigs kyi bu de nas rgyal po nam mkha' zhes bya ba des bcom ldan 'das de bzhin gshegs pa 'brug sgra dbyangs kyi rgyal po gal ba de logs su thal mo sbyar ba btud nas bcom ldan 'das la tshigs su bcad de gsol ba/ khyod kyi zhal sngar chos dam zhu/ /skyes bu'i dam pa mchog skye bar/ /rnam pa gang gi 'gyur ba de/ /rnam par 'dren pas bdag la gsungs/ /rnam 'dren khyod la mngon sum du/ /mchod pa yangs pa bgyid bgyid kyang/ /ma ngas sems kyis bgyid
- 176b
'gyur gyis/ /gang yang yongs su bsdom bgyis/ /bdag ni gcig tu dben gnas tshe/ /'di 'dra'i sems zhig skyes par 'gyur/ /bdag gis bsod nams che bsags na/ /ji ltar yongs su de bsngo snyam/ /tshangs par bsngo 'am brgya byin rnam /gling bzhi dbang phyug thob pa 'am/ /'on te nyan thos dngos por 'am/ /rang rgyal thob pa'i phyir bsngo snyam/ /de ltar sems bskyed de ma thag /lha rnams sgra 'byin brjod pa ni/ /dam pa'i sems kyi bsod nams 'di/ /rnam par chud gson ma byed cig /sems can kun la phan pa'i phyir/ /smon lam rlabs chen gdab par gyis/ /byang chub sems rab bskyed byas shing/ /'jig rten rnams kyi don yang gyis/ /de bas chos kyi dbang phyug gtso/ /rdzogs sangs rgyas la bdag zhu ste/ thub pa ji ltar sems bskyed na/ /rdzogs pa'i byang chub skye bar 'gyur/ /ye shes de ni gang gis 'thob/ /de don bdag la bstan du gsol/ /byang chub sems ni bskyed bgyis shing/ /thub pa khyod 'drar bdag kyang smon/ /de yi tshig de gsan gyur nas/ /de bzhin gshegs pas bka' stsal ba/ /rgyal po chen pos shes par gyis/ /rim gyis khyod la bstan par bya/ /chos rnams thams cad rkyen bzhin te/ /'dun pa'i rtse la rab tu gnas/ /gang gis smon lam ci btab pa/ /de yi 'bras bu thob par 'gyur/ /rgyal po ngas kyang sngon chad ni/ /rdzogs pa'i byang chub sems bskyed gyur/ /sems can kun la phan don du/ /ngas ni smon lam dam pa btab/ /smon lam ji ltar btab tshul du/ /das ni 'bras bu thob par gyur/ /byang chub dam pa nges thob pas/ /nga mi bsam pa rdzogs par gyur/ /rgyal po chen po brtan gyis la/ /mi 'gyur sems ni bskyed par gyis/ /gal te skyong pa spang byas na/ /khyod kyang yang dag sangs rgyas gyur/ /thub pa'i gsung ni zhes gyur nas/ /rgyal po de ni
- 177a
dga' bar gyur/ /'jig rten kun gyis mngon sum du/ /seng ge'i nga rod chig 'di brjod/ /'khor ba'i tha ma med pa yi/ /sngon gyi mdza' ni ji srid pa/ /de srid sems can phan don du/ /spyod pa dpag yas spyad par bya/ /'jig rten mgon po'i spyan snga der/ /byang chub mchog tu sems bskyed do/ /'gro ba thams cad mgron gnyer te/ /dbul zhing phongs mas dgrol bar bya/ /de ring phan chad gal te yang/ /bdag gis 'dod chags sems bskyed na/ /phyogs bcu dag na gang bzhugs ba'i/ /sangs rgyas thams cad bslus par gyur/ /byang chub nam zhig thob par du/ /tha ba'i sems dang 'dod sems dang/ /phra dog dang ni ser sna yang/ /de ring phan chad mi bya'o/ /tshangs pa'i spyod pa bdag gis spyad/ /sdig pa'i spyod pa yongs su btang/ / tshul khrims sdom dang nges pa la/ /sangs rgyas rjes su bslab par bya/ /bdag ni byang chub ring tshul du/ /'tshang rgyar mos shing spro ba med/ /phyi mthar thug gi bar du yang/ /sems can gcig phyir spyad par bya/ /tshad med bsam gyis mi khyab pa'i/ / sangs rgyas zhing ni sbyang bar bya/ /phyogs rnams bcu po thams cad du/ /bdag gi med na thos par bya/ /bdag gis bdag la lung bstan te/ /sangs rgyas 'gyur bar dogs pa med/ /bdag gi lhag bsam rnam par dag /bdag dbang 'di na 'dren pa rnams/ /lus dang ngag gis las rnams kyang rnam pa kun tu bdag gis spyang/ /yid kyi las kyang skyang bar bya/ /mi dge las ni spyad mi bya/ /ma 'ongs dus na sangs rgyas te/ /'jig rten mgon du 'gyur zhe na/ /bden pa des ni sa 'di yang/ /rnam pa drug du g.yos gyur cig /bdag gis bden tshig gang brjod pa/ /ma nor yang dag smras zhe na/ /bden pa des ni mkha' dbyings las/ /sil snyan dag gi sgra grag shog /bdag la gal te g.yo med cing/ /de bzhin tha ba med ce na/ /manda ra yi me tog ?
- 177b
bden pa des ni char du phab/ /yang dag don du nges pa yi/ /tshig bden de skad brjod pa dang/ /phyogs bcu mdza' yas thams cad kyi/ /bye ba'i zhing rnams rab tu g.yos/ /de yi mod la mkha' dbyings nas/ /sil snyan bye ba'i sgra yang byung/ /me tog manda ra ba dag /mi 'grang bdun srid bab par gyur/ /rgyal po de yi rjes bslabs te/ /srog chags bye ba nyi shu yis/ /'dren par bdag cag gyur smon zhes/ /yid du 'ong ba'i sgra yang bsgrags zhes bya ba dang/ gzhan yang de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das bskal pa bye ba khrag khrig brgya stong grangs ma mchis pa nas nye bar bzung ste/ bdag gis smon lam btab pa ni/ /nam bdag gis phyogs bcu mdza' yas mu med pa'i 'jig rten gyi khams su sangs rgyas kyi spyan sgrib pa med pas bltas na/ sangs rgyas bcom ldan 'das gang ji snyed pa de dag thams cad bdag gis byang chub la yang dag par btsud pa dang/ bdag gis byang chub kyi sems la bkod pa dang/ bdag gi sbyin pa la yang dag par btsud pa dang/ de bzhin du bdag gis tshul khrims dang/ bzod pa dang/ brtson 'grus dang/ bsam gtan dang/ shes rab la yang dag par btsud pa dang/ bdag gis bskul ba dang/ bdag gis rjes su bstan par gyur par ma mthong ba de srid du bdag bla na med pa yang dag par rdzogs pa'i byang chub mngon par rdzogs par 'tshang rgya bar mi bya'o// //nam bdag gis sangs rgyas kyi spyan sgrib pa med pas phyogs bcur rnam par bltas kyang bdag gis sangs rgyas nyid ma? bkod pa'i de bzhin gshegs pa de lta bu gang yang ma mthong bar gyur pa de'i tshe bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar mi bya'o zhes bgyi bar smon lam btab bo/ /bcom ldan 'das
- 178a
gzhan yang bdag gis smon lam 'di skad ces btab ste/ bdag gis ni bdag gis sangs rgyas kyi zhing gcig la gang+gA'i klung du ma'i bye ma snyed kyi sangs rgyas zhing rtsam gyi tha grur yangs par yongs su grub cing sangs rgyas kyi zhing de'i phyi rin po che 'bum phrag du ma las grub pa dang/ rin po che brgya stong du mas spras pa srid pa'i rtse mo'i tshad du ma gyur gyi bar du bla na med pa yang dag pa de rdzogs pa'i byang chub tu mngon par rdzogs par 'tshang rgya bar mi bgyi bar smon lam btab bo/ /bcom ldan 'das gzhan yang bdag gi sangs rgyas kyi zhing der steng gsum gyi stong chen po'i 'jig rten gyi khams bcu'i tshad tsam gyis byang chub kyi shing skyes te/ byang chub kyi shing de'i 'od kyis sangs rgyas kyi zhing de thams cad rgyas shing khyab par gyur cig ces bgyi bar smon lam de skad btab bo/ /bcom ldan 'das gzhan yang bdag gis byang chub kyi shing de'i drung du bdag 'dug pa'i tshe bla na med pa yang dag par rdzogs pa'i byang chub tu mngon par rdzogs par sangs rgyas pa nas yongs su mya ngan las 'das pa'i bar du byang chub kyi shing drung de nas ma langs kyang bdag gi sprul pa phyogs bcu'i phyogs re re zhing sangs rgyas kyi zhing bye ba khrag khrig brgya stong grangs med pa dag tu ngang zhing sems can rnams la chos ston bar gyur cig ces bgyi bar smon lam de skad btab bo/ /bcom ldan 'das gzhan yang bdag gis bdag gi sangs rgyas kyi zhing de nyan thos dang rang sangs rgyas kyi ming tsam yang ye med par gyur te/ byang chub sems dpa' zhe sdang dang tha ba dang ? pa med pa dang/ tshangs par spyod pa yongs su dag par spyod pa sha stag gis sangs rgyas kyi zhing gang la/ sangs rgyas kyi zhing de na bud med kyi ming yang mi grag cing mngal du skye ba med pa dang/ byang chub sems dpa' de dag thams cad kyang gos
- 178b
dur smig gyon cing skyil mo krung bcas par brdzus te 'byung ba dang sangs rgyas kyi zhing de shin tu rnam par dag par gyur te/ de bzhin gshegs pa'i sprul pa phyogs bcu'i 'jig rten gyi khams bya ba khrag khrig brgya phrag grangs med par gshegs sems can rnams la chos ston pa de dag theg pa gsum las brtsams te mos pa'i tshul bzhin du sems can la chos ston pa ma gtogs par sangs rgyas kyi zhing de na nyan thos dang/ rang sangs rgyas med cing byang chub sems dpa' yongs su gang bar gyur cig ces bgyi bar smon lam de skad btab bo/ /de nas yang bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das bdag gi smon lam ni de bzhin gshegs pa 'od dpag med kyis dga' ba'i zag dang ldan par 'gyur pas smon lam mdzad blta bu 'ang ma lags te/ bcom ldan 'das bdag gis ni bdag gi sangs rgyas kyi zhing der byang chub sems dpa' gang dag skyes par gyur pa de dag kha zas kyi 'du shes shig skyes par gyur na de ma thag tu skad cig de la de dag gis lag pa g.yas par ngo bra ba brgya phrag du ma dang ldan pa'i kha zas kyis gang ba'i snang mngon du 'byung bar gyur la/ snod de dag byung ma thag tu de dag 'di snyam du 'di ltar bdag cag gis phyogs bcu'i sangs rgyas bcom ldan 'das rnams ma phul zhing/ sems can dbul zhing ngo pham pas sdug bsngal ba dang/ mgon med par gyur pa ngag dang yi dags kyi 'jig rten du skyes pa gang dag lo stong phrag du mar yang mchil ma'i thal ba 'ga' yang mi rnyed pa de lta bu dag yongs su tshim pa ma byas par bdag nyid kyis 'gyur ba ni tshul dang mi 'dra'o zhes bgyi bar dran pa thob par gyur cig de'i mod la de dag mngon par shes pa lnga yongs su grub par gyur te/ rdzu 'phrul dang ldan cing nam mkha' las 'phyo ba dang/ rlung ltar thogs pa ma mchis pa'i shugs kyis phyogs bcu ni
- 179a
'jig rten gyi khams grangs dang tshad ma mchis pa dag tu byin nas kha zas de las de bzhin gshegs pa nyan thos kyi dge 'dun dang bcas pa la yang phul/ /sems can phongs shing ltogs pa dang/ mgon ma mchis pa rnams dang/ yi dwags kyi 'jig rten du skyes pa rnams kyang yongs su tshim par bgyis nas de dag la chos ston te/ skad cig gcig gis sangs rgyas kyi zhing der slar mchi bdag gyur cig ces bgyi bar smon lam de skad btab bo/ /bcom ldan 'das gzhan yang bdag gis ni bdag byang chub thob pa'i tshe bdag gi sangs rgyas kyi zhing der byang chub sems dpa' gang ji snyed cig skyes pa dag gos rin po che rnam pa sna tshogs kyi longs spyod dang ldan par gyur te/ bsams pa tsam gyis ci la dga' ba'i gos rin po che dge sbyong gyi tshul dang mthun pa rung ba dag 'byung bar gyur la/ gos rin po che de dag byung ma thag tu 'di snyam du 'di ltar bdag cag gis gos 'di lta bu phyogs bcu'i sangs rgyas bcom ldan 'das rnams la ma phul bar bdag cag nyid kyis yongs su spyod pa na tshul dang mi 'dra'o snyam pa'i dra pa thob par gyur nas/ de dag gis sems de ltar skyes ma thag tu 'jig rten gyi khams tshad ma mchis grangs ma mchis pa dag tu mchis shing gos de dag sangs rgyas bcom ldan 'das rnams la mngon par bkab ste/ slar sangs rgyas kyi zhing der mchis nas ci dga' ba'i gos rin po che la spyod par gyur cig ces bgyi bar smon lam de skad btab bo/ /bcom ldan 'das de bzhin du sangs rgyas kyi zhing de na byang chub sems dpa' sems dpa' chen po de dag gi logs spyod dang/ /yongs su spyod pa gang ji snyed cig mchis pa de dag thams cad kyang sangs rgyas bcom ldan 'das nyan thos kyi dge 'dun dang bcas pa dag la phul nas slad kyis bdag cag yongs su spyod par 'gyur ba dang/ sangs
- 179b
rgyas bgyi zhing don mi khom pa brgyad ma mchis pa dang/ sangs rgyas kyi zhing de na mi dge ba'i sgra ma mchis pa dang/ sangs rgyas kyi zhing de na sdug bsngal gyi sgra ma mchis pa dang/ sangs rgyas kyi zhing de na skyon du 'gyur ba'i sgra ma mchis pa dang/ sangs rgyas kyi zhing ? gzugs dang sgra dang dri dang ro dang reg pa yid du mi 'ong ba ma mchis par gyur cig ces bgyi bar smon lam btab bo/ /bcom ldan 'das la 'jam dpal gzon nur gyur pas gzhan yang 'di skad ces gsol to/ /bcom ldan 'das bdag gis smon lam 'di ? btab ste/ bdag gi sangs rgyas kyi zhing de rin po che phye ba khrag khrig phrag 'bum du mas gang zhing nor bu rin po che du mas spras pas nor bu rin po che kun tu bstan pa 'dra la/ rin po che de dag kyang phyogs bcu'i 'jig rten na dkon la sngon chad ma mthong zhing mi srid pa sha stag ste/ de dag gi ming brjod na yang lo bye ba brgya stong thogs par 'gyur ba de lta bu'i nor bu rin po che de dag gis sangs rgyas kyi zhing de yongs su gang bar gyur te/ sangs rgyas kyi zhing de la byang chub sems dpa' la la zhig sangs rgyas kyi zhing 'di gser las grub par mthong ba dga' bo snyam na yang des gser las grub par mthong ba dang/ dngul las grub par mthong bar dga' o snyam na yang dngul las grub par mthong la/ /gzhan gyis gser las grub par mthong ba ma mchis par mi 'gyur ba dang/ de bzhin du ? las grub pa dang/ shel las grub pa dang/ mu tig dmar po las grub pa dang/ rdo rje'i snying po las grub pa dang/ spug las grub pa dang/ de bzhin du rin po che sna tshogs kyi rgyu las grub pa 'am/ tsan dan las grub pa 'am/ a ka ru las grub pa 'am/ ta ga ru las grub pa 'am/ ta ma la'i lo ma las grub pa 'am/ tsan dan sprul gyi snying po las grub pa 'am/ tsan dan dmar po las grub pa 'am/ su rnam pa ji ltar grub par 'dod pa de dag gis de bzhin du
- 180a
mthong ste/ phan tshun nas sangs rgyas kyi zhing tha dad par mthong ba yang ma mchis par 'gyur ba dang/ sangs rgyas kyi zhing de na byang chub kyi shing de las 'od byung ba dang/ byang chub sems dpa' rang rang las 'od byung pas snang zhing gsal ba ma gtogs par nyi ma dang bla ba'i khod kyang mi mngon/ skar ma dang/ rin po che dang/ zhugs dang/ glog gam sems can gzhan dge gis 'od kyang mi mngon pa dang/ gang dag ji tsam du 'di kyis khyad par dga' ba tha na sangs rgyas kyi zhing bye ba khrag khrig brgya stong de nyad du de dag gi 'od kyis gsal bar gyur te/ sangs rgyas kyi zhing de na byang chub sems dpa' rnams ni bsam pa'i khyad par gyis me tog kha phye ba dang/ kha zum par 'gyur ba dang/ gang dus dang chos rnam pa ji lta bur yongs su spyad par 'tshal ba de bzhin du de'i grub pa ma gtogs par nyin mtshan gyi ming yang ma mchis pa dang/ sangs rgyas kyi zhing de na grang ba dang tsha ba ma mchis/ rga bar ngan pa dang 'chi ba yang ma mchis te/ byang chub sems dpa' gang byang chub mngon par rdzogs par 'tshang rgya bar 'chal ba de 'jig rten gyi khams gzhan du mchis shing dga' ldan gyi gnas su tshe bas par gyis nas byang chub mngon par 'tshang rgya bar 'gyur ba dang/ sangs rgyas kyi zhing de'i steng gi bar snang las sil snyan ltar mi gda' ba bye ba khrag khrig brgya stong rtag tu rgyun mi 'chad par sgra'i byin pa dang/ sil snyan de dag las kyang 'dod pa dang ldan pa'i sgra mi 'byung gi gzhan du na pha rol tu phyin pa'i sgra dang/ sangs rgyas kyi sgra dang/ chos kyi sgra dang/ dge 'dun gyi sgra dang/ byang chub sems dpa' i sde snod kyi chos kyi rnam grangs kyi sgra 'byin par 'gyur te/ byang chub sems dpa' de dag ji lta bur mos pa'i sgra de lta bu mos par 'gyur ba dang/ byang
- 180b
chub sems dpa' de dag de bzhin gshegs pa de la blta 'tshal na 'chag gam 'gro'am/ spod dam/ mchis kyang rung ste gang dag der sangs rgyas blta ba'i yid la bgyi ba skyes ma thag tu de dag gis de bzhin gshegs pa dgra bcom pa yang dag par rdzogs pa'i sangs rgyas kun tu gzigs pa byang chub kyi shing drung na bzhugs pa de dag nyid na bzhugs par mthong bar gyur cing/ mthong nas kyang bcom ldan 'das de mthong ma thag gi the tshom mam/ ne ma nur dam/ yid gnyis sam/ chos kyi som nyi gang mchis pa yongs su 'chad par 'gyur te/ bstan mi 'tshal bar chos kyi tshig de'i don yongs su 'tshal bar gyur cig ces bgyi bar smon lam btab bo/ /bcom ldan 'das gzhan yang bdag gis ni 'di ltar phyogs bcu'i 'jig rten gyi khams bye ba khrag khrig brgya stong tshad med grangs med pa dag ni bcom ldan 'das bzhugs pa rnams kyi sangs rgyas kyi zhing gi yon tan bkod pa'i rgyan dang/ smon lam gyi rgyan dang/ mtshan nyid dang/ tshad ma dang/ spyod pa dang/ gnas kyi rnam pa'i rgyan gang ji snyed cig mthong ba las nyan thos kyi bkod pa dang/ snyings ma lnga'i sangs rgyas rnams ma gtogs pa de dag thams cad bdag gi sangs rgyas kyi zhing gcig gi nang du 'dus pa dang khongs su chud par bya'o zhes bgyi bar smon lam btab ste/ bcom ldan 'das bdag 'tshal nas bskal pa gang+gA'i klung gi bye ma snyed du bdag gi sangs rgyas kyi zhing gi yon tan bkod pa las brtsams te rnam pa gzhan dang gzhan du thogs pa ma mchis pa'i tshul gyis sug las gzhan ma mchis par bshad dam/ de bas kyang ring du bshad kyang sangs rgyas kyi zhing gi yon tan bkod pa de dag mdza' thug par mi 'gyur ro/ /de la sogs pa smon lam mdza' yas par btab pa de dag yongs su rdzogs shing lhun gyis grub par 'jug pa dang/ phyin ci ma log par tshan par gyur pa ni
- 181a
smon lam chen po'o/ /de dag kyang rje btsun 'jam dpal la dad pa rnams kyis smon lam ji skad gsungs pa de lta bu'i smon lam gdab par bya'o/ /zhes bstan par bya ba'i phyir cung zad tsam zhig rnam par spros nas bshad pa yin no/ /byang chub sems dpa' i sa legs pa'i blo gros la stobs kyi pha rol tu phyin pa la lhag par spyod pa yin no/ /stobs po che la zhes bya ste/ stobs chen po de gang la yod pa de ni stobs po che'o/ /de la byang chub sems dpa' i sa la ni byang chub sems dpa' i stobs bcu dang ldan la/ de bzhin gshegs pa'i sa la ni de bzhin gshegs pa'i stobs bcu'o/ /de yang byang chub sems dpa' i stobs bcu ni chos yang dag par sdud pa'i mdo las gsungs te/ de dag kyang gang zhe na/ 'di lta ste/ mos pa'i stobs dang/ so sor rtog pa'i stobs dang/ bsgom pa'i stobs dang/ bzod pa'i stobs dang/ ye shes kyi stobs dang/ spong ba'i stobs dang/ thos pa'i stobs dang/ spobs pa'i stobs dang/ bsod nams kyi stobs dang/ sgrub pa'i stobs so/ /de la mos pa'i stobs gang zhe na/ 'di lta byang chub sems dpa' ni gang dang gang mos pa de'i de de bzhin du brgyud do/ /de mos pa'i stobs de ni lha dang bcas pa'i 'jig rten gyis zil gyis gnon mi nus te/ 'di la byang chub sems dpa' i mos pa'i stobs zhes bya'o/ /de la byang chub sems dpa' i so sor rtog pa'i stobs gang zhe na/ 'di ltar byang chub sems dpa' 'dod chags skyes pa mi sdug pa bsgoms pas zhi bar byed do/ /zhe sdang skyes la byams pa bsgoms pas zhi bar byed do/ /gti mug skyes pa rten cing 'brel par 'byung ba bsgoms pas zhi bar byed do/ /gshe ba dang mi snyan par zer ba rnams ni brag ca dang mtshungs par shes pas yongs su zhi bar byed do/ /gsod pa dang/ 'ching
- 181b
ba dang/ go rar 'jug pa rnams ni las bdag gir bya ba shes pas zhi bar byed do/ /lus la bsdigs pa dang/ lus la gnod pa dang/ lus nyam nga ba rnams ni gzugs brnyan dang mtshungs par shes pas zhi bar byed do/ /de ltar kun nas nyon mongs pa'i sgo ji snyed par byang chub sems dpa' i rnam par dag pa'i sgo yang de snyed du mthong ste/ 'di ni byang chub sems dpa' i so sor rtog pa'i stobs zhes bya'o/ /de la byang chub sems dpa' i sgom pa'i stobs gang zhe na/ gang mos pas spyad pa'i sa dang/ mthong ba'i sa la bar ma chod par byed pa'i chos de dag gis byang chub sems dpa' de la bar chad byed mi nus so/ /des mthong ba de dang lam de las lhar bcas pa'i 'jig rten gyis dbral bar mi nus te/ 'di ni byang chub sems dpa' i bsgom pa'i stobs zhes bya'o/ / de la byang chub sems dpa' i bzod pa'i stobs gang zhe na/ gang gis phyir byang chub sems dpa' ni spyod pa brag ca'i sgra dang emtshungs pa'i shes pa'i stobs kyis slar spyo bar mi bya'o/ /bsdigs shing brdegs kyang gzugs brnyan dang mtshungs par 'du shes pas slar mi bsdigs mi brdeg go /gshe yang sems sgyu ma dang mtshungs pa nyid du 'du shes pa'i stobs kyi slar mi gshe'o/ /khros kyang nad rnam par dag par shes pa'i stobs kyis slar mi khro bo/ /'jig rten gyi chos rnam par dag pa'i stobs kyis 'jig rten gyi chos rnams kyis mi 'phrogs so/ /rten cing 'brel bar 'byung ba rnam par dag pa shes pa'i stobs kyis nyon mongs pa thams cad kyis mi brdzi'o/ /de ltar byang chub sems dpa' ni 'khrug pa'i sgo ji snyed mthong bar rab tu zhi ba'i sgo yang de snyed du mthong ste/ 'di ni bzod pa'i stobs zhes bya'o/ /de la byang chub sems dpa' i ye shes kyi stobs gang zhe na/ byang chub sems dpa' gang phung po dang/ khams dang/ skye mched shes pa de dag ni stong pa/ /ma skyes pa ma 'gags pa'o/ /ye shes gang gis sangs
- 182a
rgyas kyi byang chub yang dag par bsgrub pa de las mu stegs can dang dmigs pa can thams cad dang/ bdud thams cad sangs rgyas kyi gzugs su gnas pas kyang ye shes de la the tshom za bar byed mi nus pa 'di ni byang chub sems dpa' i ye shes kyi stobs zhes bya'o/ /de la byang chub sems dpa' i spong ba'i stobs gang zhe na/ gal te byang chub sems dpa' gnas gcig na gnas pa'i gan du sems can thams cad lhags te/ kha ngan zer/ mi snyan pa brjod/ tshig brlang ba dang/ tshig dU ba po smra/ sangs rgyas dang/ chos dang/ dge 'dun gyi mi bsngags pa brjod kyang/ de sems can de dag la mi 'khrug cing/ yid mi bde bar mi 'gyur ro/ /'gyod par mi 'gyur ro/ /bag la nyal bar mi byed do// ?? la gtubs kyang de bzhin du bag la nyal mi bskyed do/ /sems can de dag kyang dkon mchog gsum la rab tu dgod de/ 'di ni byang chub sems dpa' i spong ba'i stobs zhes bya'o/ /de la byang chub sems dpa' thos pa'i stobs gang zhe na/ 'di la byang chub sems dpa' ni mang du thos pa 'dzin pa/ thos pa rgya mtsho thos pa bsags pa yin te/ byang chub sems dpa' ni thos pa'i stobs de lta bu dang ldan no/ /gal te stong gsum gyi stong chen po'i 'jig rten gyi khams su gtogs pa'i sems can thams cad the tshom bzung ste/ byang chub sems dpa' i gan du lhags nas gang sems can gcig gi 'dri ba de gzhan mi 'dri bar thams cad kyis the tshom tha dad par lan gcig tu dris kyang byang chub sems dpa' thags thogs med par lan gcig tu 'debs so/ /bskal pa brgya stong du dris kyang de bzhin du lung ston to/ /'di ni byang chub sems dpa' i thos pa'i stobs zhes bya'o/ /de la byang chub sems dpa' i spobs pa'i stobs gang zhe na/ gal te byang chub sems dpa'
- 182b
'khor bye ba khrag khrig brgya stong du ma'i nang du chos ston na/ de mi sems mi rtogs par sems can gang dang gang gi 'dod pa ji lta ba bzhin du chos ston cing thos par byed kyang byang chub sems dpa' i chos ston pa de don nyams par mi 'gyur/ tshig 'bru nyams par mi 'gyur/ tshig zlos par mi 'gyur/ thogs par mi 'gyur/ gcod par mi 'gyur ba 'di ni byang chub sems dpa' i spobs pa'i stobs zhes bya'o/ /de la byang chub sems dpa' i bsod nams kyi stobs gang zhe na/ gal te byang chub sems dpa' shing drung na gnas pa dang/ gtsug lag khang na gnas kyang rung/ khyim stong pa na gnas kyang rung/ bdud thams cad 'khor dang bcas te lhags nas bgegs bya ba/ brtse ba'i phyir nan tan byed na de la bdud de dag bdag nyid 'jigs skrag myos shing gyes te/ bdag mgon med par shes nas 'bros par 'gyur ro/ /gang bdud de dag gi ral gri dang/ 'tshon rtse gnyis pa dang/ mdung rtse gsum pa dang/ rdo ba dang/ sta re 'bab pa de dag byang chub sems dpa' i bsod nams kyi byin gyis 'gyur ba'i me tog dang/ tsam pa ka dang/ snga ma'i me tog dang/ utpa la dang/ pad+mar gyur nas 'bab bo/ /gang bdud de dag gi tshig rtsub po dang/ tshig brlang po de dag ni byang chub sems dpa' la bstod par grag go /byang chub sems dpa' la ni nam yang yid du mi 'ong ba'i yul drug snang bar mi 'gyur ro/ /bsams dang tsam gyis de'i phun sum tshogs pa thams cad nam mkha' las 'byung ngo/ /de yang de'i rang gi bsod nams kyi dbang gis nam mkha' i mdzod dang/ lag na rin po che las phun sum tshogs pa thams cad 'byung ste/ sems can thams cad 'tsho bar 'gyur ro/ /de yi rang gi bsod nams kyi dbang gis lag na rin po che de ni tshe'i tshad bskal par gnas te/ brjod kyang byang chub sems dpa' i bsod nams kyi stobs kyis mdza' rtogs par sla ba
- 183a
ma yin te/ 'di ni byang chub sems dpa' i bsod nams kyi stobs zhes bya'o/ /de la byang chub sems dpa' i sgrub pa'i stobs gang zhe na/ byang chub sems dpa' i sgrub pa'i stobs ni rnam pa bcu ste/ bcu gang zhe na/ 'di lta ste/ sbyin pa bsgrub pa dang/ tshul khrims bsgrub pa dang/ bzod pa bsgrub pa dang/ brtson 'grus bsgrub pa dang/ bsam gtan bsgrub pa dang/ shes rab bsgrub pa dang/ thabs bsgrub pa dang/ smon lam bsgrub pa dang/ stobs bsgrub pa dang/ ye shes bsgrub pa ste/ 'di ni byang chub sems dpa' i sgrub pa rnam pa bcu zhes bya'o/ /byang chub sems dpa' rnams kyi pha rol tu phyin pa dang ldan pa'i sgrub pa gang ji snyed pa de dag thams cad ni sgrub pa bcu po 'di'i nang du 'dus par blta'o/ / de la byang chub sems dpa' i sbyin pa bsgrub pa gang zhe na/ byang chub sems dpa' ni sbyin pa'i chos gang gis sems can rnams la gnod par 'gyur ba ma gtogs par sems can rnams la mi sbyin pa gang yang med do/ /byang chub sems dpa' i sems gang gis sbyin pa byin pa'i sems de la ni de bzhin gshegs pa dang/ byang chub sems dpa' bzod pa thob pa ma gtogs par sems can gzhan rnams kyis dad par sla ba ma yin no/ shes par 'gyur pa lta ci smos te/ 'di ni byang chub sems dpa' i sbyin pa bsgrub pa zhes bya'o/ /de la byang chub sems dpa' tshul khrims bsgrub pa gang zhe na/ byang chub sems dpa' rnams kyi tshul khrims bsgrub pa ni rnam pa bcu'o/ /rnam pa bcu gang zhe na/ 'di lta ste/ nyan thos kyi sdom pa'i tshul khrims bsgrub pa dang/ rang sangs rgyas kyi sdom pa'i tshul khrims bsgrub pa dang/ byang chub sems dpa' sdom pa'i tshul khrims bsgrub pa dang/ dge ba'i chos thams cad sdud ba'i tshul khrims kyi sdom pa bsgrub pa dang/
- 183b
dge ba'i bshes gnyen kun tu tshol ba mi gtong ba'i tshul khrims bsgrub pa dang/ /dam? pa'i chos yongs su 'dzin pa'i sdom pa'i tshul khrims bsgrub pa dang/ rtag tu gzhan gyi don bsgrub pa'i sdom pa'i tshul khrims bsgrub pa dang/ /byang chub tu yongs su bsngo ba'i sdom pa'i tshul khrims bsgrub pa dang/ rtag tu mnyam par bzhag pa'i sdom pa'i tshul khrims bsgrub pa dang/ /bag chags kyi mtshams sbyor ba'i yang dag par 'joms pa la bzod pa'i sdom pa'i tshul khrims bsgrub pa'o/ /byang chub sems dpa' rnams kyi rnam par mi rtog pa'i tshul khrims can yin te/ /de dag gi tshul khrims bsgrub pa ni thams cad mkhyen pa ma yin pa rnams kyis shes par sla ba ma yin te/ 'di ni byang chub sems dpa' i tshul khrims bsgrub pa zhes bya'o/ /de la byang chub sems dpa' i bzod pa bsgrub pa gang zhe na/ byang chub sems dpa' i rnams kyi ? bsgrub pa ni rnam pa gsum mo/ /rnam pa gsum gang zhe na/ 'di lta ste/ sdug bsngal dang du len pa'i bzod pa dang/ /gzhan gyis gnod par byas pa la mi mdzed pa'i bzod pa dang/ /chos la nges par sems pa'i bzod pa'o/ /sdug bsngal dang du len pa'i bzod pa ni las bdag gir bya ba la shes pa la 'jug pa'o/ /gzhan gyis gnod pa byas pa la mi mdzed pa'i bzod pa ni sems can thams cad la bu gcig pa bzhin du ? pa la 'jug pa'o/ /chos la nges par sems dpa' i bzod pa ni chos thams cad skye ba med par shes pa la 'jug pa ste/ 'di ni byang chub sems dpa' i bzod pa rnam pa gsum zhes bya'o/ /gang bzod pa 'di dag bsgrub pa 'di ni byang chub sems dpa' bzod pa bsgrub pa zhes bya'o/ /de la byang chub sems dpa' i brtson 'grus bsgrub pa gang zhe na/ /'di la byang chub sems dpa' ni gang dang gang du ji lta ji ltar dge ba'i chos rnams yongs su 'grub par bya ba'i sbyor ba de dang de 'du shes 'di ltar
- 184a
sbyor te/ bdag gis sems can thams cad kyi dge ba'i chos 'di yongs su bsgrub par bya'o snyam pa 'di ni byang chub sems dpa' i brtson 'grus pa zhes bya'o/ /de la byang chub sems dpa' bsam gtan bsgrub pa gang zhe na/ byang chub sems dpa' ni mnyam par ma bzhag pa'i chos gang yang yang dag par rjes su mi mthong ste/ de chos thams cad ni rang bzhin gyis snyoms par zhugs pa/ zhi ba sems dang yid dag yid kyi rnam par shes pa dang bral ba ma skyes ma 'gags shing ma g.yo ba thob par mthong ngo/ /de bdag ni mnyam par bzhag la gzhan ni rnam par g.yengs pa'i snyam du mi sems so/ /bdag dang gzhan las rnam par grol ba'i ting nge 'dzin gzhan yang dag par rjes su mi mthong la/ byang chub yang dag par bsgrub pa'i brtson 'grus kyang mi nyams pa 'di ni byang chub sems dpa' i bsam gtan bsgrub pa'o/ /de la byang chub sems dpa' i shes rab bsgrub pa gang zhe na/ 'di la byang chub sems dpa' ni gang rten cing 'brel bar 'byung ba las rnam par grol ba dang/ gang stong pa nyid las rnam par grol ba dang/ gang mtshan ma med pa las rnam par grol ba dang/ /gang smon pa med pa las rnam par grol ba dang/ gang nam mkha' las rnam par grol ba'i chos de yang yang dag par rjes su mi mthong la/ byang chub kyi lam dang/ sems can yongs su smin par bya ba'i brtson 'grus kyang mi nyams pa 'di ni byang chub sems dpa' i shes rab bsgrub pa'o/ /de la byang chub sems dpa' i thabs bsgrub pa gang zhe na/ gang byang chub sems dpa' ni bdag kyang mi dmigs la/ rtag tu bdag nyid kyis sbed pa yang spyod do/ /sems can yang mi dmigs la/ rtag tu sems can yongs su smin par byed pa'i brtson pa yang spyod do/ /nyon mongs pa yang mi dmigs la rtag tu dbang po rnams sbed pa yang spyod do/
- 184b
de la gang sangs rgyas kyi gzugs ma yin pa'i gzugs cung zad kyang snang bar mi 'gyur la/ rtag tu sangs rgyas mthong ba 'dod pa yang yin no/ /de la gang chos kyi sgra ma yin pa'i sgra gang yang grag par mi 'gyur la/ rtag tu chos nyan pas ngoms mi myong ba yang yin no/ /'khor ba yang mi dmigs la/ rtag tu 'khor bas 'jigs pa'i yid dang ldan pa yang yin no/ /mya ngan las 'das pa yang yang dag par rjes su mi mthong la/ mya ngan las 'das pa khong du chud par bya ba'i phyir bdog pa thams cad yongs su gtong bar yang byed do/ /sangs rgyas dang byang chub kyang mi dmigs la/ sangs rgyas kyi byang chub khong du chud par bya ba'i phyir smon lam brgya stong mang po yang mngon par bsgrub ste/ 'di ni byang chub sems dpa' i thabs bsgrub pa zhes bya'o// de la byang chub sems dpa' i smon lam bsgrub pa gang zhe na/ 'di la byang chub sems dpa' ni chos gang yang 'bri ba 'am 'phel bar yang dag par rjes su mi mthong la/ sems can thams cad kyi dge ba'i rtsa ba rnams la yang rjes su yi rang nas bla na med pa yang dag par rdzogs pa'i byang chub tu bsngo bar byed do/ /rang gi dge ba'i rtsa ba rnams sems can thams cad dang thun mong du byas nas 'dis bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /bdag gi sangs rgyas kyi zhing 'di 'dra bar gyur cig /'khor phun sum tshogs pa 'di 'dra bar gyur cig /ces bla na med pa yang dag bar rdzogs pa'i byang chub tu yongs su bsngo bar byed do/ /de'i smon lam de yang yang dag par 'grub pa ste/ mi 'grub par mi 'gyur ro/ /de'i tshul khrims ma zhig pa/ ma nyams pa/ 'dren ma ma yin pa/ ma gyur pa/ mkhas pas bsngags pa bsrung ngo/ /de tshul khrims de la rab tu gnas pas sems smon pa 'grub par 'gyur te/ 'di ni byang chub sems dpa' i smon lam
- 185a
grub pa zhes bya'o/ /de la byang chub sems dpa' i stobs bsgrub pa gang zhe na/ gal te la la zhig sangs rgyas kyi gzugs su bsgyur nas byang chub sems dpa' i gan du 'ongs te/ sangs rgyas kyi byang chub las zlog par byed/ 'dun bzlog par byed/ dbral bar byed kyang byang chub sems dpa' de 'dun ba zlog par mi 'gyur ro/ /byang chub nyid rjes su dran no/ /byang chub kyi snying po rjes su dran no/ /bdud 'dul ba dang/ chos kyi 'khor lo rab tu bskor ba dang/ snying rje chen po mngon du byed do/ /sems can gang byang chub sems dpa' de'i 'dun pa zlog par byed/ dbral bar byed/ rnam par zlog par byed pa'i sems can de la yang byang chub sems dpa' i khong khro bar mi 'gyur gyi/ sems can de la byams pa chen po dang snying rje chen po bskyed de/ dad pa dang/ brtson 'grus dang/ dran pa dang/ ting nge 'dzin dang/ shes rab kyi stobs las kyang mi nyams te/ de'i phyir mi ldog pa'i stobs des sems can dpag tu med grangs med pa dag sangs rgyas kyi byang chub la rab tu 'god/ rab tu 'dzud de/ 'di ni byang chub sems dpa' i stobs bsgrub pa zhes bya'o/ /de la byang chub sems dpa' i ye shes bsgrub pa gang zhe na/ 'di ni byang chub sems dpa' ni 'di la skye ba 'am 'chi ba 'am rga ba yang med do/ /'di dag ni chos tsam du zad de/ bdag dang bdag gi dang bral ba'o/ /zhes chos thams cad yang dag pa ji lta ba bzhin du rab tu shes te/ de ye shes kyi stobs de nyid kyis sems can dpag tu med par? med pa dag ye shes kyi stobs de rab tu 'god do/ /sems can thams cad kyis chos nyid de las rnam par bzlog nas 'jig rten gyi chos rnams las rab tu 'jog mi nus te/ 'di ni byang chub sems dpa' i ye shes bsgrub pa'o/ /'di
- 185b
ni sgrub pa rnam pa bcu ste/ 'di dag ni byang chub sems dpa' i stobs bcu zhes bya ste/ stobs mdza' yas pa gzhan dang gzhan dag kyang rnam par smin pa'i tshul gyis byang chub sems dpa' i sa legs pa'i blo gos la mngon par 'gyur bas stobs pa che la zhes bya'o// //byang chub sems dpa' i sa chos kyi sprin la ni ye shes kyi pha rol tu phyin pa la lhag par spyod pas na ye shes rgya mtsho'o/ /de yang rgya mtsho dang 'dra bas rgya mtsho ste/ rgya mtsho ni 'jug par dka' ba nyid dang/ ro gcig pa 'di dang/ rin po che thams cad kyi gnas su gyur ba dang/ sems can dpag tu med pa'i gnas su gyur par chos mthun pa can no/ /de bzhin du ye shes rgya mtsho dang 'dra ste/ nyan thos dang/ rang rgyal dang/ tshangs pa dang khyab 'jug dang/ dbang phyug chen po la sogs pa thams cad kyis 'jug mi nus pa dang/ stong pa nyid du ro gcig pa dang/ sangs rgyas kyi chos thams cad kyi rin po che'i 'byung gnas su gyur pa dang/ skye gnas dang 'gro ba dang/ rigs kyi dbye bas phye ba'i sems can rnams nyon mongs pa las ldog cing bde ba 'thob ste/ mchog tu dbugs 'byin pa'i 'tshang rgya ba nyid kyi gnas su gyur pas sems can dpag tu med pa'i gnas su gyur pa'i ye shes kyi rgya mtsho de lta bu dang tha mi dad pa'i ye shes ni 'jam pa'i dbyangs yin pas ye shes rgya mtsho zhes bya ste/ de las byang chub sems dpa' rnams kyi ye shes kyi tshogs mi zad pa gang zhe na/ rgyu gang dang rkyen gang dag gi ye shes rtogs par 'gyur ba'i rgyu de dag dang rkyen de dag byang chub sems dpa' yang dag par bsgrub ste/ de dag la ni rgyu ni gang/ rkyen ni gang zhe na/ gang 'di ye shes yongs su tshol ba la rab tu 'dun pa/ ye shes rtogs pa'i dge ba'i bshes gnyen rnams la rtag tu bsten pa dang/ 'grogs pa dang/ bsten bkur byed pa dang/ gang yang sangs rgyas kyi ye shes
- 186a
la rton cing nyan thos dang rang sangs rgyas kyi ye shes la mi rton pa dang/ dge ba'i bshes gnyen de dag la nga rgyal med cing bla ma bzhin du phangs par 'dzin pa dang/ ston pa bzhin du phangs par 'dzin pa ste/ dge ba'i bshes gnyen de dag gis kyang 'di bsam pa phun sum tshogs par rig nas 'brel ba'i gtam dang ye shes kyi gtam sgrub par byed do/ /snod du rig nas rgyun mi 'chad par phyi rol ma yin pa'i chos ston to/ /des chos de dag thos nas chos kyi tshogs la sbyor bar byed de/ gang chos kyi tshogs la sbyor ba de ni de ye shes kyi tshogs yin no/ /de la chos kyi tshogs la sbyor ba gang zhe na/ gang 'di don nyung ba dang/ bya ba nyung ba dang/ smra ba nyung ba dang/ yo byad nyung ba dang/ nam gyi cha stong dang nam gyi cha smad la mi nyal zhing rnal 'byor la brtson pa dang/ thos pa'i don la rtog pa dang/ yang dang yang tshol ba dang/ sems la rnyog pa med pa dang/ sgrib pa rnams rnam par sel ba dang/ lhung ba rnams las byung ba shes pa dang/ 'gyod pa med pa dang/ kun nas ltung ba med pa dang/ sgrub pa la snying por byed pa dang/ /chos la gzhol ba dang/ chos la 'bab pa dang/ rtul ba dang ldan pa dang/ ye shes tshol ba la mgo dang gos la me 'bar ba lta bu dang/ de la ma chags par gnas pa dang/ tshul khrims la mi lhod pa dang/ /brtson pa mi gtong ba dang/ khyad par du 'gro ba dang/ 'du 'dzi la mi dga' ba dang/ gcig pur dga' ba dang/ dgon pa la mngon du phyogs shing yid la byed pa dang/ 'phags pa'i rigs chog shes pa dang/ sbyangs pa'i yon tan dag las mi g.yo ba dang/ chos kyi kun dga' la dga' zhing mos pa dang/ 'jig rten pa'i sngags dran par 'dzin pa dang/ 'jig rten las 'das pa'i chos tshol
- 186b
ba dang/ brjed pa med pa dang/ don rtogs pa'i rjes su 'gro ba dang/ blo gros kyi lam dang mthun pa dang/ brtan pas sdom pa dang/ rkyen rnams kyi ye shes kyi rjes su 'gro ba dang/ de tsha shes pa dang khrel yod pas brgyan pa dang/ ye shes kyi rjes su 'gro ba lhur len pa dang/ mi shes pa sel ba dang/ ma rig pa dang/ gti mug gi mun pa dang/ rab rib kyi ling tog gis tshed pa bsal ba dang/ shes rab kyi mig rnam par dag pa dang/ blo shin tu rnam par dag pa dang/ blo rgya che ba dang/ blo ma zhum pa dang/ blo ma gyes pa dang/ mngon sum du shes pa dang/ yon tan gzhan la rag ma lus pa dang/ bdag gi yon tan mi bsnyems pa dang/ gzhan gyi yon tan yongs su brjod pa dang/ legs par bya ba'i las byed pa dang/ las kyi rnam par smin pa dang/ 'gal bar mi byed pa dang/ las yongs su dag pa'i ye shes te/ btsun pa shA radwA ti'i bu 'di ni byang chub sems dpa' rnams kyi ye shes kyi tshogs mi zad pa zhes bya'o/ /gzhan yang ye shes kyi tshogs rnam pa bzhi ste/ rnam pa bzhi gang zhe na/ sbyin pa bzhi po 'di dag ni ye shes tshogs rab tu bsags par 'gyur te/ bzhi po gang zhe na/ 'di lta ste/ chos smra ba rnams la grog dang/ smyug gu dang/ snag tsha dang glegs bam sbyin pa dang/ chos smra ba rnams la chos kyi snyan sna tshogs sbyin pa dang/ chos smra ba rnams la rnyed pa dang bku bsti dang tshigs su bcad pa thams cad sbyin pa dang/ chos smra ba rnams la chos bsdu ba'i phyir g.yo med par legs so zhes bya ba sbyin pa ste/ sbyin pa bzhi po de/ dag ni ye shes kyi tshogs rdzogs par 'gyur ro/ /srung ba bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na/ 'di lta ste/ chos smra ba rnams rdze bo bzhin du bsrung ba dang/ dge ba'i rtsa ba bsrung
- 187a
ba dang/ yul dang ljongs kyi phyogs bsrung ba dang/ phan pa'i dngos po bsrung ba ste/ srung ba bzhi po de dag ni byang chub sems dpa' rnams kyi ye shes kyi tshogs rdzogs par 'gyur ro/ /nye bar ston pa bzhi po 'di dag ni byang chub sems dpa' rnams kyi tshogs rdzogs par 'gyur te/ bzhi gang zhe na 'di lta ste/ chos smra ba rnams la zang zing gis nye bar ston pa dang/ chos kyis nye bar ston pa dang/ shes rab kyis nye bar ston pa dang/ ye shes kyis nye bar ston pa ste bzhi po de dag ni byang chub sems dpa' rnams kyi ye shes kyi tshogs rdzogs par 'gyur ro/ /stobs lnga po 'di dag ni byang chub sems dpa' rnams kyi tshogs rdzogs par 'gyur te/ lnga gang zhe na/ 'di lta ste/ mos pa'i phyir dad pa'i stobs dang/ thos ba tshol ba'i phyir brtson 'grus kyi stobs dang/ byang chub kyi sems dpa' mi brjed pa'i phyir dran pa'i stobs dang/ mnyam pa nyid la sems nges par sems pa'i phyir ting nge 'dzin gyi stobs dang/ thos pa'i stobs kyi phyir shes rab kyi stobs te/ stobs lnga po de dag ni byang chub sems dpa' rnams kyi ye shes kyi tshogs rdzogs par 'gyur ro/ /tshul khrims bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na/ 'di lta ste/ chos la rab tu dga' ba'i tshul khrims dang/ chos yongs su tshol ba'i tshul khrims dang/ chos la nges par sems pa'i tshul khrims dang/ byang chub tu yongs su bsngo ba'i tshul khrims te tshul khrims bzhi po de dag ni byang chub sems dpa' rnams kyi ye shes kyi tshogs rdzogs par 'gyur ro/ /bzod bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na/ 'di lta ste/ chos
- 187b
tshol ba la brtson pas ngan du brjod pa dang/ ngan du smra ba'i tshig lam bzod pa dang/ chos? tshol ba la brtson pas rlung dang/ nyi ma dang/ grang ba dang/ tsha ba dang/ bkres pa dang/ skom pa bzod pa dang/ chos tshol ba la brtson pas mkhan po dang/ slob dpon dang/ mthun par 'jug pa'i bzod pa dang/ chos tshol ba la brtson pas stong pa nyid dang/ mtshan ma med pa dang/ smon pa med pa'i chos la bzod pa ste/ bzod pa bzhi po de dag ni byang chub sems dpa' i rnams kyi ye shes kyi tshogs rdzogs par 'gyur ro// brtson 'grus bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na/ 'di lta ste/ nyan pa'i brtson 'grus dang/ 'dzin pa'i brtson 'grus dang/ brtan pa'i brtson 'grus dang/ nan tan gyi brtson 'grus te/ /brtson 'grus bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur ro/ /bsam gtan gyi yan lag bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na/ 'di lta ste/ dben pa dang rtse gcig pa'i bsam gtan dang/ mngon par shes pa tshol dang/ sangs rgyas kyi ye shes la rton pa ste/ bsam gtan gyi yan lag bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur ro/ /shes rab kyi snang ba bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na/ 'di lta ste/ chad pa la mi gnas pa dang/ rtag pa la mi 'jug pa dang/ rten cing 'brel par 'byung ba dang/ mi 'gal ba dang/ bdag med pa la bzod pa ste/ shes rab kyi snang ba bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur ro/ /thabs bzhi po
- 188a
'di dag ni byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na 'di lta ste/ 'jig rten gyi rjes su 'jug pa dang/ sems can gyi rjes su 'jug pa dang/ chos kyi rjes su 'jug pa dang/ ye shes kyi rjes su 'jug pa ste/ thabs bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur ro/ /lam bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na/ 'di lta ste/ pha rol tu phyin pa'i lam dang/ sa'i lam dang/ byang chub kyi phyogs kyi lam dang/ thams cad mkhyen pa'i ye shes kyi lam ste/ lam bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur ro/ /mi ngoms pa bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur te/ bzhi gang zhe na/ 'di lta ste/ thos pas mi ngoms pa dang/ bstan pas mi ngoms pa dang/ dpyod pas mi ngoms pa dang/ shes pas mi ngoms pa ste/ mi ngoms pa bzhi po 'di dag ni byang chub sems dpa' rnams kyi ye shes kyi tshogs rdzogs par 'gyur ro/ /gzhan yang ye shes kyi tshogs ni gang sems can thams cad kyi rjes su 'gro ba dang/ chos thams cad kyi rjes su 'gro ba'o/ /sbyin pa las kyang ye shes kyi tshogs rdzogs su blta'o/ /de bzhin du tshul khrims dang/ bzod pa dang/ brtson 'grus dang/ bsam gtan dang/ shes rab las kyang ye shes kyi tshogs rdzogs su blta'o/ /byams pa dang/ snying rje dang/ dga' ba dang/ btang snyoms las kyang ye shes kyi tshogs su blta ste/ de ci'i phyir zhe na/ byang chub sems dpa' i rtsom pa ji snyed pa de dag thams cad ye shes kyi grub pa/
- 188b
ye shes sngon du 'gro ba ye shes la rton pa/ thams cad mkhyen pa'i ye shes la gnas pa'i phyir te/ ye shes dang ldan pa thams cad la rton pa yin no/ /bdud thams cad kyis kyang de la glags mi rnyed do/ /de la sangs rgyas chos kyi snod thams cad kyang nye bar gnas pa yin te/ sangs rgyas kyi byin gyis brlags kyang 'thob po/ /thams cad mkhyen pa'i ye shes kyang 'thob par byed de/ 'di ni ye shes kyi tshogs mi zad pa zhes bya ste/ sbyor ba de dag gnas skabs la 'di ni sbyor ba na yang rnam par sprin pa'i sa la rnam pa thams cad du yongs su rdzogs pa dang/ mtshan ma med pa dang/ lhun gyis grub pa dang/ rnam par mi rtog pa dang/ sgrib pa med pa'i thams cad mkhyen pa'i ye shes su gyur pas ye shes kyi tshogs yongs su rdzogs pa dang/ ye shes kyi tshogs nyid yin pas bcom ldan 'das ni ye shes kyi tshigs te/ tshigs su bcad pa dang mi mthun par tshig gzhan du bstan pa ni sa'i rim pas bshad pas na nyes pa med do// //da ni tshangs pa'i gnas pa bzhi'i ngo bo nyid du bstan par bya ba'i phyir/ byams chen rang bzhin dpag tu med/ /snying rje chen po blo yi mchog /shes rab chen po blo chen ldan/ /mkhas pa chen po thabs che ba/ /zhes bya ba gsungs te/ byams pa dang/ snying rje dang/ dga' ba dang/ btang snyoms bzhi ni tshangs pa'i gnas pa bzhi ste/ tshangs pa ni mya ngan las 'das pa'o/ /de'i don du gnas pas na tshangs pa'i gnas pa bzhi'o/ /de la byams pa ni gsum ste/ sems can la dmigs pa'i byams pa dang/ chos la dmigs pa dang/ dmigs pa med pa'o/ /de yang dmigs pa med pa'i byams pa'i bdag nyid du gyur pas na byams chen rang bzhin te/ de nyid kyis na dpag tu med pa'o/ /de yang blo gros mi zad pas bstan pa'i mdo las gsungs te/ btsun
- 189a
pa sha ratwA ti'i bu byang chub sems dpa' rnams kyi byams pa yang mi zad pa ste/ de ci'i phyir zhe na/ thug pa med pa'i phyir ro/ /byang chub sems dpa' rnams kyi byams pa ni thug pa med par byas te/ de dag gi byams pa nye bar sgrub pa yongs su chad pa med do/ /'di ltar sems can gyi khams ji tsam pa de tsam du byang chub sems dpa' de'i byams pa'i sems bskyed pas khyab par byed do/ /btsun pa sha ratwA ti'i bu 'di lta ste/ dper na nam mkha' i khams 'di sgar yang ma khyab pa med do/ /btsun pa shA ratwA ti'i bu de bzhin du byang chub sems dpa' i byams pa 'dis gang ma khyab pa'i sems can de gang yang med do/ /'di lta ste dper na/ sems can gyi khams ni tshad med de/ de la zad pa med do/ /de bzhin du byang chub sems dpa' i byams pa bsgom pa yang tshad med de/ de la zad pa med de 'di ltar nam mkha' la mi zad pas na sems can mi zad do/ /sems can mi zad pas na byams pa'i mi zad de/ de'i phyir skyes bu dam pa de dag byams pa mi zad pa zhes bya'o/ /de skad ces smras pa dang/ gnas brtan sha ratwA ti'i bus byang chub sems dpa' blo gros mi zad pa la 'di skad ces smras so/ /rigs kyi bu sems can gyi khams 'di ji tsam/ blo gros mi zad pa la smras pa/ btsun pa sha ratwA ti'i bu sa'i khams dang/ chu'i khams dang/ me'i khams dang/ rlung gi khams ji snyed pa de bas kyang sems can gyi khams ches mang ngo/ /smras pa/ rigs kyi bu dpe bya bar mi nus sam/ blo gros mi zad pas smras ba/ btsun pa sha ratwA ti'i bu nus mod kyi/ rgyu chung dus ni ma yin no/ /btsun pa sha ratwA ri'i bu 'di lta ste/ dper na/ shar phyogs su 'jig rten gyi khams gang+gA'i klung gi bye ma snyed dang/ de bzhin du lho phyogs dang
- 189b
de bzhin du nub phyogs dang/ de bzhin du byang phyogs dang/ de bzhin du phyogs bcu kun tu phyogs re re yang 'jig rten gyi khams gang+gA'i klung gi bye ma snyed de dag thams cad rgya mtsho chen po chus yongs su gang ba gcig tu gyur la/ sems can gang+gA'i klung gi bye ma snyed 'dus te/ skra'i rtse mo brgyar gshegs pa'i chas de la chu'i thigs pa gcig blangs la/ de bzhin du gzhan yang sems can gang+gA'i klung gi bye ma snyed dag 'dus te bskal pa gang+gA'i klung gi bye ma snyed na skra'i rtse mo brgyar gshegs pa'i chas chu'i thigs pa gnyis blangs la mtshan ma bzhag pa 'di dang/ bgrang ba 'di lta bus bskal pa gang+gA'i klung gi bye ma snyed cing sems can gang+gA'i klung gi bye ma snyed dag gis skra'i rtse mo brgyar gshegs pa'i chas chu'i thigs pa re re blangs pas chu'i phung po de tsam zad par gyur kyang sems can gyi khams de ni zad pa 'am mdza' thug pa gang yang med do/ /btsun pa shA ratwA ti'i bus ji ltar sems can gyi khams tshang med de/ de dag la byang chub sems dpa' i byams pas khyab par byed do / btsun pa shA ratwA ti'i bu 'di ji snyam du sems/ gang gi byams pa de lta bu bsgom pa'i dge ba'i rtsa ba tshad med pa de zad par nus sam/ smras ba/ rigs kyi bu de ni ma yin te/ byams pa bsgom pa'i dge ba'i rtsa ba de 'dra ba zad par su 'dod pa de ni nam mkha' zad par 'dod do/ /byang chub sems dpa' gang gis byams pa mi zad pa 'di thos nas skrag par mi 'gyur na de dag kyang byams pa mi zad par 'phags par 'gyur ro/ /blo gros mi zad pas smras pa/ btsun pa shA ratwA ti'i bu byams pa ni bdag bsrung zhing gzhan la phan par gnas pa ste/ mchog tu rtsod pa med pa dang/ gnod sems kyi tha ba'i skyon dang/ khro ba dang khon du 'dzin pa thams cad rab tu 'joms pa'o/ /bag la nyal dang kun nas ldang ba dang/ bral ba ste/ dad pa skyed cing
- 190a
sems can thams cad kyi 'khrul pa la nyes par mi blta ba'o/ /yongs su gdung ba med cing lus dang sems bde ba bskyed pa ste/ gzhan gyis gnod par bya ba las shin tu 'das pa'o/ /nyes pa thams cad kyi 'jigs pa dang bral ba ste/ 'phags pa'i lam dang/ mthun zhing gshe ba dang/ sdang ba'i sems dang ldan pa'i sems can rnams dad par byed pa/ yul thams cad las sgrol ba ste/ dbyug pa dang mtshon cha 'chad pa ma yin no/ /sems can thams cad rab tu thar par bya ba la dga' ba/ khong khro ba thams cad dang bral ba/ tshul 'chos pa dang/ kha gsag dang/ thob kyis 'jal ba thams cad dang bral ba/ rnyed pa dang/ bkur sti dang/ tshigs su bcad pa thams cad 'byung bar byed pa brgya byin dang/ tshangs pa dang/ 'jig rten skyong ba thams cad kyi phyag byas pa/ rang gi gzi brjid kyi rgyan gyi brgyan pa/ mkhas pas rab tu bsngags pa/ byis pa thams cad srung ba/ tshangs pa'i lam dang mthun pa/ 'dod pa'i khams dang ma 'dres pa/ sems can thams cad kyi thar pa'i lam gyi mchog theg pa thams cad yang dag par bsdus pa/ zang zing med pa'i bsod nams kyi bzung ba/ bsod nams kyi tshogs thams cad bsags pa/ rdzas las byung ba'i bsod nams bya ba'i dngos po thams cad kyis zil gyi mi non pa/ skyes bu chen po'i mtshan sum cu rtsa gnyis dang/ dpe byad bzang po brgyad cus brgyan pa/ dbang po nyams pa dang ma tshang ba thams cad spangs pa/ bde 'gro thams cad dang mya ngan las 'das pa'i lam dang mthun pa/ ngan song thams cad dang mi khom pa brgyad las 'das pa/ chos kyi kun dga' la dga' zhing mos pa/ 'dod pa dang longs spyod kyi dbang phyug la mngon par dga' pa med pa sems
- 190b
can thams cad la sems snyoms pa dang/ sbyin pa'i sbyor ba tha dad pa dang bral ba/ tshul khrims dang bslab pa thams cad kyi sgo dang/ tshul khrims 'chal pa thams cad yongs su skyab pa/ bzod pa'i stobs ston pa/ nga rgyal dang/ rgyags pa dang/ dregs pa thams cad dang bral ba 'phags pa rnams 'jug pa'i bsam gtan dang/ ting nge 'dzin dang/ snyoms par 'jug pa'i rtsa ba mi 'khrug pa'i brtson 'grus brtsams shing yang dag par sbyor ba bya ba thams cad las yang dag par sgrol ba/ bsam gtan dang/ rnam par thar pa dang/ ting nge 'dzin dang/ snyoms par 'jug pas nyon mongs pa thams cad las nges par 'byung ba/ gsang sngags dang thos pa 'dzin pas nges par sems pa'i shes rab kyi rgyu bskyed pa/ rang gi phyogs dang gzhan gyi phyogs la nges pa/ bdud kyi phyogs dang nyon mongs pa rnams bsal ba/ 'grogs na bde ba/ bsnyen bkur dang 'jug pa'i rgyu mthun pa la sems pa/ spyod lam srung bar byed pa/ rgod pa thams cad las 'das pa/ nga rgyal gyi las sel ba/ ngo tsha shes pa dang khrel yod pas byug shing dri zhim pa ste/ bag chags dang mtshams sbyor pa dang nyon mongs pa'i dri nga ba sbyong ba'o/ /btsun pa shA ratwA ti'i bu byams pa ni dri zhim pa dang/ sems can thams cad yongs su skyob pa ste byams pa chen po ni bdag gi bde ba gtong zhing sems can rnams la bde ba sbyin pa'o/ /nyan thos kyi byams pa ni bdag skyob pa'o/ /byang chub sems dpa' rnams kyi byams pa chen po ni sems can thams cad yongs su skyob pa'o/ /btsun pa shA ratwa'i ti'i bu byams pa ni chu bo las sgrol pa'o/ /btsun pa shA ratwA ti'i bu byams pa ni gsum po 'di dag ste/ gsum gang zhe na 'di lta ste/ sems can la dmigs pa'i byams pa dang/ chos la dmigs pa'i byams pa dang/ dmigs pa med pa'i byams pa'o/ /sems can la
- 191a
dmigs pa'i byams pa ni sems dang po bskyed pa'i byang chub sems dpa' rnams kyi'o/ /chos la dmigs pa'i byams pa ni spyod pa la zhugs pa'i byang chub sems dpa' rnams kyi'o/ /dmigs pa med pa'i byams pa ni mi skye pa'i chos la bzod pa'i byang chub sems dpa' rnams kyi ste/ btsun pa shA ratwA ti'i bu 'di ni byang chub sems dpa' rnams kyi byams pa mi zad pa zhes bya ste/ de bas na byang chub sems dpa' byams pa mi zad pa ji skad gsungs pa de lta bu'i byams pa'i ngo bo nyid du 'gyur pas/ byams chen rang bzhin dpag tu med ces bya'o/ /thugs rje chen po'i ngo bo nyid du bstan par bya ba'i phyir/ snying rje chen po blo yi mchog ces bya ba gsungs te/ thugs rje chen pos brlan pa'i ngo bo nyid yin pas snying rje chen po'o/ /'jam pa'i dbyangs ni shes rab kyi mchog yin pas blo yi mchog go /'di yang byams pa bzhin du sems can dpag tu med pa la dmigs par brjod par bya'o/ /de bas na snying rje chen po sngon du 'gro ba'i byang chub sems dpa' thams cad kyi gzhan gyi don phyir tshogs thams cad nye bar sogs par 'gyur ba ste/ de yang btsun pa shA ratwA ti'i bu gzhan yang byang chub sems dpa' rnams kyi snying rje chen po yang mi zad pa ste/ de ci'i phyir zhe na sngon du 'gro ba'i phyir ro/ /btsun pa shA ratwA ti'i bu 'di lta ste/ dper na dbugs 'gyur ba dang rdub pa ni skyes bu'i srog gi dbang po'i sngon du 'gro ba'o/ /de bzhin du theg pa chen po yang dag par sgrub pa'i phyir byang chub sems dpa' i snying rje chen po ni sngon du 'gro ba'o/ /'di lta ste/ dper na 'khor los sgyur ba'i rgyal po'i 'khor lo rin po che ni rin po che sna bdun gyi sngon du 'gro ba'o/ /de bzhin du byang chub sems dpa' rnams thams cad mkhyen pa'i ye shes yang dag par sgrub pa la
- 191b
snying rje chen po ni sngon du 'gro ba'o/ /'di lta ste/ dper na tshong dpon na ma khyim bdag gcig pu gcig bu la snying thag pa nas sdug par 'dzin pa de bzhin du snying rje chen po la rab tu gnas pa'i byang chub sems dpa' yang sems can thams cad snying thag pa nas sdug par 'dzin pa yin no/ /btsun pa shA ratwA ti'i bu snying rje chen po zhes bya ba ni 'di bdag nyid kyis byas pa na de'i phyir snying rje chen po zhes bya'o/ /rang gis byas pas na snying rje chen po'o/ /gzhan gyi skabs mi rnyed pas na snying rje chen po'o zhes bya ba la sogs pa ste/ gang gi phyir de lta bu ni snying rje chen po'i ngo bo nyid yin la/ bcom ldan 'das kyang de'i rang bzhin yin te/ nges par 'byung ba thams cad kyi rgyu yin par shes par bya ste/ de bas na blo yi mchog ces bya'o// // shes rab chen po blo chen ldan zhes bya ba ni dga' ba chen po'i ngo bo nyid bstan pa yin te/ de la dga' ba chen po gang zhe na/ gang sangs rgyas kyi chos rnams dran pa dang/ rjes su dran pa dang dga' ba dang mos pa dang/ mchog tu dga' ba de la ni dga' ba zhes bya ste/ chos thams cad khor du chud pas dga' bar 'gyur ba de ni shes rab med na mi 'byung bas shes rab nyid rgyu yin te/ des bas na shes rab chen po zhes bya ste/ gang la shes rab chen po yod pa de ni shes rab chen po'o/ /rab tu dga' pa'i shes rab brnyes nas kyang sems can thams cad kyi don mdzad pa la thugs gzhol bas na blo chen ldan zhes bya ste/ dri ma med pa'i blo gros ni blo'o/ /yul thams cad pa ni che ba ste/ de lta bu'i shes rab gang la mnga' ba de ni blo chen ldan zhes bya'o/ /de la dga' ba dang de'i ngo bo nyid brjod par bya ste/ de yang sems mi 'gong zhing mi brdzi ba dang/ srid pa med pa dang/ 'dod pa'i dga' ba thams cad gtong ba dang/ chos kyi dga' ba thams cad kyi rten dang/ sems
- 192a
ma mchog tu dga' pa dang/ lus rab tu sim pa dang/ sangs rgyas la dga' zhing yi rang ba dang/ de bzhin gshegs pa'i sku la dga' zhing mos pas mtshan dang dpe byad bzang po'i rgyan tshol la mkhas pa dang/ dga' ba'i chos nyan bas mi skyo ba dang/ de kho na'i chos la rton pa'i nan tan dang/ dga' ba dang/ dad pa dang/ mchog tu dga' ba dang/ rab tu dga' bas chos la mos pa dang/ rtag tu rgyun mi 'chad par sems can rnams la khong khro ba med pa'i blo dang sangs rgyas kyi chos tshol ba la shin tu 'dun pa dang/ chos la 'dun pa yang mi 'dor ba dang/ sangs rgyas kyi chos rgya chen po dag la mod shing rnam par grol ba dang/ nyi tshe ba'i thag pa bsal te sems bskyed pa dang/ ser sna med pas ma zhum par sems bskyed pa dang/ slong ba la sbyin pa byin nas 'khor gsum yongs su dag par sbyangs pa dang/ sbyin pa la mchog tu dga' ba dang tshul khrims dang ldan pa rnams la dad pa dang/ tshul khrims 'chal pa rnams la rjes su 'dzin cing byams pa dang/ rang gi tshul khrims yongs su dag pas ngan 'gro'i 'jigs pa thams cad las shin tu 'da' bar dbugs 'byin pa dang/ de bzhin gshegs pa'i tshul khrims la yongs su bsngo ba dang/ bstan zhing mi byed pa dang/ pha rol ngan du brjod pa dang/ ngan du smra ba tshig gi lam la khong khro med pa'i sems kyis bzod cing nges pa dang/ nga rgyal med pa dang/ bla ma la 'dud cing ri mor byed pa dang/ rtag tu 'dzum pa'i bzhin dang/ khro gnyer med pa dang/ gsong por smra ba dang/ tshul 'chos pa med pa dang/ kha gsag med pa dang/ thob kyi 'jal ba med pa dang/ bsam pa dag pa dang/ sems la brlang ba med pa dang/ gya gyu med pa dang/ thams cad la
- 192b
phan yon du blta ba dang/ skyon med par blta ba dang/ ltung ba mi gleng ba dang/ yang dag par dga' bar 'gyur ba'i chos kyi rjes su 'jug pa dang/ byang chub sems dpa' rnams la ston pa ltar phangs su 'dzin pa dang/ chos rnams la bdag bzhin du phangs su 'dzin pa dang/ de bzhin gshegs pa rnams la srog bzhin du phangs su 'dzin pa dang/ bla ma rnams la pham bzhin du phangs su 'dzin pa dang/ sems can rnams la bu bzhin du phangs su 'dzin pa dang/ mkhan po dang slob dpon rnams la sangs rgyas bzhin du phangs su 'dzin pa dang/ nan tan rnams la yan lag gi dam pa mgo bzhin du phangs su 'dzin pa dang/ pha rol tu phyin pa rnams la rkang lag bzhin du 'phangs su 'dzin pa dang/ chos smra ba rnams la rin po che thams cad bzhin du phangs su 'dzin pa dang/ sangs rgyas kyi chos rnams thams cad la yid bzhin gyi nor bu bzhin du phangs su 'dzin pa dang/ rjes su bstan pa rnams la dga' ba'i rtsed mo bzhin du phangs su 'dzin pa dang/ chog shes pa rnams la nad med pa bzhin du phangs su 'dzin pa dang/ chos 'tshal ba rnams la sman bzhin du phangs su 'dzin pa dang/ bskul zhing ngan par byed pa rnams la sman pa bzhin du sangs rgyas su 'dzin pa ste/ btsun pa shA ratwA ti'i bu de ltar gang dbang po thams cad la dbang po ma 'god pa 'di ni dga' ba chen po zhes bya'o/ /dga' ba chen po zhes bya ba ni rtog pa'i ye shes kyi phyir zhi ba'i rnam pa'o/ /mi rgod pa'i phyir rab tu zhi ba'i rnam pa'o/ /khongs pa ma yin pa'i phyir shin tu sbyangs pa'i rnam pa'o/ /rnam par mi g.yang ba'i phyir dbang po dga' ba'i rnam pa'o/ /mi nyams pa'i brtul zhugs kyi rnam pa'o/ /'dod pa'i phyir nges pa'i rnam pa'o/ /dka' blo bde ba'i phyir thos pa'i rnam pa'o/ /sems las su rung ba'i phyir nye bar zhi ba'i rnam pa'o/ /las legs par byas pa'i phyir
- 193a
dga' ba'i rnam pa'o/ /kha na ma tho ba med pa'i phyir mi 'gyod pa'i rnam pa'o/ /ma g.yos pa'i phyir shin tu gnas pa'i rnam pa'o/ /mi gnas pa'i phyir ma g.yos pa'i rnam pa'o/ /thul bar dka' ba'i phyir snyen dka' ba'i rnam pa'o/ /chung mi za ba'i phyir don gyi rnam pa'o/ /ma nor ba de bzhin nyid kyi bden pa'i rnam pa'o/ /de byed pa'i phyir de kho na'i rnam pa'o/ /stobs kyi phyir spro ba'i rnam pa'o/ /mi rdzi ba'i phyir stobs kyi rnam pa'o/ /sangs rgyas kyi chos thams cad yang dag pa ji lta ba bzhin du tshol? bas mi skyo ba'i phyir sangs rgyas kyi chos yongs su rdzogs par byed pa'i rnam pa ste/ de lta bu'i dga' ba'i ngo bo ni bcom ldan 'das yin zhes ston par 'gyur ro/ /mkhas pa chen po thabs che ba zhes bya ba ni btang snyoms chen po'i ngo bo nyid du bstan par bya ba'i phyir gsungs pa yin te/ de yang thabs chen po gang la mnga' ba de ni thabs chen po zhes bya'o/ /gnas skabs 'dir btang snyoms chen po ni thabs chen po ste/ bsam pa sna tshogs pa dang ldan pa'i gdul bya'i sems can rnams 'dul ba'i phyir ro/ /de yang byang chub sems dpa' rnams kyi btang snyoms rnam pa gsum ste/ gsum gang zhe na/ 'di lta ste/ nyon mongs pa la btang snyoms pa dang/ bdag dang gzhan bsrung ba'i btang snyoms dang/ dus dang dus ma yin pa la btang snyoms pa'o/ /de la nyon mongs pa la btang snyoms pa ni bsti stang du byas pas mthos par mi sems pa dang/ bsti stang du ma byas pas ngams par mi sems pa dang/ rnyed pa dag la rlom sems med pa dang/ ma rnyed pa dag la yi chad pa med pa dang/ snyen pa dag la mngon par dga' ba med pa dang/ mi snyan pa la zhum pa med pa dang/ smad pas sro shi bar mi 'gyur ba dang/ bsngags pa la chos nyid rab tu gnas pa dang/ sdug bsngal dag la so sor rtog pa'i
- 193b
stobs dang/ bde ba dag la mi rtag pa dang/ sdug bsngal bar rtog pa'i stobs dang/ rjes su chags pa 'dor ba dang/ khong khro ba spong bas mdza' ba dang/ /mi mdza' ba dag la sems mnyam pa dang tshul khrims dang ldan pa dang/ tshul khrims 'chal pa rnams la blo mnyam pa dang/ legs par byas pa dag dang nyes par byas pa rnams la yang gnyis su mi byed pa dang/ sdug pa dang mi sdug par mi blta ba dang/ legs par thos pa dang nyes par thos pa la mi 'byed pa dang/ legs par smras pa dang nyes par smra pa la bag la nyal med pa dang/ ro myong ba'i nyes dmigs rnams la mtshungs par yongs su 'jal ba dang/ sems can thams cad la bsam pa mnyam pa dang/ lus dang srog la mi blta ba dang/ rab dang 'bring dang tha ma rnams la 'od zer mnyam pa dang/ bsngags pa dang bsngags pa ma yin pa rnams la sems mnyam pa dang/ bde ba dang mi bde ba rnams la rang gi sems yongs su dag pa ste/ btsun pa shA radwA ti'i bu de ltar gang bsti stang du byed pa dang/ gnod par byed pa la mtho dman du mi sems shing de la byang chub sems dpa' btang snyoms pa yin te/ btsun pa shA radwA ti'i bu 'di ni byang chub sems dpa' rnams kyi nyon mongs pa la btang snyoms pa zhes bya'o/ /de la byang chub sems dpa' rnams kyi bdag dang gzhan bsrung ba'i btang snyoms gang zhe na/ 'di la byang chub sems dpa' lus dang yan lag dang nying lag rnams bcad kyang khong khro bar mi byed cing mi tshol te/ btang snyoms pa yin no/ /lus kyi rnam par 'gyur ba las sam/ ngag gi rnam par 'gyur ba las kyang rung ste/ gnyis ka las bzod pas na de'i phyir btang snyoms zhes bya'o/ /mig gi rnam pas kyang rma mi phyin/ gzugs kyi rnam pa las kyang rma mi phyin te/ gnyis kas kyang rma mi phyin to/ /de bzhin du rna bas ma yin/ sgras ma yin/ snas ma yin/ dris ma yin/ lces ma yin/ ros ma yin/ lus kyis
- 194a
ma yin/ reg byas ma yin/ yid kyi rnam pas kyang rma mi phyin/ chos kyi rnam pas kyang rma mi phyin te/ de'i phyir btang snyoms zhes bya'o/ /rma mi phyin cing nyams pa med pas de'i phyir btang snyoms shes bya'o/ /rma phyung ba la rma mi phyin pas de'i phyir btang snyoms zhes bya'o/ /bdag dang gzhan gnyi ga bsrung bas de'i phyir btang snyoms zhes bya'o/ /phan par byed pa dang gnod par byed pa la mnyam par sbyor bas de'i phyir btang snyoms zhes bya'o/ /btang snyoms ni mchog tu rtsod pa med pa'o/ /btang snyoms ni rang gi sems la nges par sems pa'o/ /btang snyoms ni gzhan gyi sems bsrung ba'o/ /btang snyoms ni bdag la rtog pa'o/ /btang snyoms ni sems can gzhan la gnod pa med pa'o/ /btang snyoms ni byang chub sems dpa' i mnyam par bzhag pa'i gnas skabs yin te/ 'di ni byang chub sems dpa' i bdag dang gzhan bsrung ba'i btang snyoms zhes bya'o/ /de la byang chub sems dpa' i dus dang dus ma yin pa la btang snyoms gang zhe na/ sangs rgyas bcom ldan 'das rnams ni byang chub sems dpa' thams cad du btang snyoms bya ba bka' stsal to/ /de ci'i phyir zhe na/ byang chub sems dpa' rtag tu bdag dang gzhan gyi dge ba'i chos btsal ba la brtson zhing 'bad par bya ba'i phyir te/ des dus dang dus ma yin par btang snyoms par bya'o/ /de la dus dang dus ma yin pa'i btang snyoms gang zhe na/ snod du gyur pa ma yin pa dang/ nyan par mi 'dod pa'i sems can rnams la btang snyoms pa dang/ ma rnyed pa dang/ smad pa dang mi snyan pa dang sdug bsngal ba la btang snyoms pa dang/ sems can nyan thos kyi theg pa can skyon med pa la zhugs pa rnams la btang snyoms dang/ sbyin pa'i dus na tshul khrims brtul ba'i btang snyoms dang/ tshul khrims kyi dus na sbyin pa brtul ba'i btang snyoms dang/ bzod
- 194b
pa'i dus na brtson 'grus brtul ba'i btang snyoms dang/ brtson 'grus kyi dus na bsam gtan brtul ba'i btang snyoms dang/ bsam gtan gyi dus na sbyin pa la chags pa brtul ba'i btang snyoms dang/ shes rab kyi dus na pha rol tu phyin pa lnga la dmigs pa la brtul ba'i btang snyoms te/ 'di ni dus dang dus ma yin pa la btang snyoms pa zhes bya'o/ /de ltar btang snyoms rnam pa gsum ni thabs chen por yongs su bzung bar bya ste/ sems can sna tshogs pa'i don gyi bya ba'i thabs kyi rgyur gyur pa'i phyir thabs chen po zhes bya ba'i sgrar gsungs te/ de bas na bcom ldan 'das ni thabs che ba zhes bya'o/ /de nyid kyis na mkhas pa chen po ste/ thabs kyi bya ba la mkhas shing byas par mdzad pas so/ /de la 'dir rim pa ni 'di yin te/ byams pa chen pos ni sems can thams cad phan pa la nges par sbyor bar mdzad do/ /thugs rje chen pos ni de dag nyid bag yod pa la khong du chud pa'i bde ba la rab tu bkod par mdzad do/ /dga' ba chen pos ni dga' ba chen po la 'jog go /btang snyoms chen pos ni rjes su chags pa dang khong khro ba dang bral ba'i chos kyi sku'i mnyam pa nyid la 'jog par mdzad pa yin no/ /de ltar 'dir yi ge dang 'gal bar bshad do zhes bya ba'i som nyi mi bya'o/ /yang na gsang sngags kyi tshul gyi rim pas ni sbyin bdag chen po zhes bya ba la sogs pa gzhan du yang bshad de/ de la sbyin bdag chen po zhes bya ba ni mchog tu bde ba 'byung ba'i byang chub kyi sems kyi chu'i rgyun 'bab pa'i ngo bor gyur pa gang la yod pa de ni sbyin bdag chen po yin la/ de yi bdag po bas sbyin bdag chen po gtso bo yin te/ de yang 'phags pa 'jam dpal gyi 'jam zhing yid du 'ong ba'i skus thams cad kyi mngon par 'dod pa yongs su rdzogs par mdzad pas 'jig rten gyi khams thams cad du gtogs pa'i dkyil 'khor thams cad
- 195a
kyi 'khor lo'i nang du chud pa'i lha mo sgeg mo'i gzugs kyis bdag por gyur pa'i phyir te/ gang phyi rol pa'i bdag nyid pas/ sgeg mo sbyin pa'i pha rol phyin zhes gsungs pa'i phyir ro/ /de bzhin byang chub yan lag 'bras ster bas/ phreng ba tshul khrims pha rol phyin zhes gsungs pas/ byang chub kyi yan lag can gyi me tog gi 'phreng bas brgyan pas bsil bar 'gyur ba'i tshul khrims kyi pha rol tu phyin pa'i yan lag tu 'dus pa'i sku dang ldan pas na tshul khrims chen po 'chang ba'i mchog ces bya ste/ thams cad du 'gro ba'i tshul khrims chen po gang la yod pa de ni tshul khrims chen po ste/ de 'chang bas na tshul khrims chen po 'chang ba'o/ /thams cad kyi gtso bo'i gzugs su gnas pas na mchog go bzod pa chen po ni lha mo rdo rje dbyangs ma'i ngo bo ste/ zhi ba'i chos la rjes mos pas/ /glu ma bzod pa'i pha rol phyin ces gsungs pas so/ /de 'dzin par mdzad pas na bzod chen 'char ba'o/ /mi g.yo ba'i ngo bo nyid yin pas na brtan pa'o/ /brtson 'grus chen po gang la yod pa de ni brtson 'grus chen po ste/ lha mo rdo rje gar gyi gzugs can no/ /de ni mchog tu brtul ba dang ldan pas na brtson 'grus chen po brtul ba yin zhes bya ba ste/ sangs rgyas mchod la skyon med pas gar ma brtson 'grus pha rol phyin ces gsungs pa'i phyir te/ ji ltar de bzhin gshegs pas gsungs pa de ltar sbyar ba yin gyi rang dgar byas pas btags pa ni ma yin no/ /bsam gtan chen po gang la yod pa de ni bsam gtan chen po ste/ de rnams dang lhan cig bsam gtan chen po'i ting nge 'dzin de la snyoms par zhugs pas na bsam gtan chen po'i ting nge 'dzin gnas zhes bya ste/ sangs rgyas nyid 'bras rgyu yin pas/ /me tog bsam gtan pha rol phyin zhes gsungs
- 195b
pa'i phyir ro/ /rdo rje me tog ma'i bdag po nyid du bstan to/ /shes rab chen po gang la yod pa de ni shes rab chen po ste/ lha mo rdo rje bdug pa mo'i ngo bo'o/ /de'i lus ni chos 'byung ba'i tshul can te/ de'i dga' ba bsgrub par 'gyur ba'i tshul gyis 'dzin par mdzad pas na/ shes rab chen po lus 'chang ba ste/ thar par 'jug pa'i dga' bsgrub pas/ bdug ma shes rab pha rol phyin zhes gsungs pas so/ /mi shes mun nag 'jig byed pas/ /rdo rje mar me thabs chen po zhes gsungs pa'i phyir ro/ /snang ba thams cad kyi bdag por gyur pas na rje btsun 'jam pa'i dbyangs ni thabs che ba zhes bya'o/ /nyon mongs dri nga 'jig pas na/ /smon lam rdo rje byug pa ma zhes gsungs pa'i phyir nyon mongs pa'i dri nga ba thams cad sel bar byed pa smon lam ngo bo rdo rje byug pa mo dang ldan pas na smon lam mo// //gzungs kyi dkyil 'khor du grags pa'i/ /sgo rnams srung bar byed pa bzhi/ /so so yang dag rig ngo bo/ /de rnams stobs chen pha rol gnon/ /de dang yan lag kun sbyor ba/ /bde ba chen po'i stobs dang ldan/ /bdud dgra'i stobs ni rab 'joms pas/ /yid 'ong dpal ni stobs chen no/ /gzugs dang sgra dang dri chen po/ /ro dang reg bya'i khams rnams te/ mchod pa'i lha mo rdzu 'phrul che/ /de rnams ye shes che'i rang bzhin zhes gsungs pa'i phyir ro/ /de rnams dang gcig tu 'dres par gyur pa bsten par mdzad pas na ye shes chen po'i rgya mtsho'o/ /byams pa chen po'i rang bzhin ni spyan gyi sbyor bas sems can dpag tu med pa'i gnod pa zhi bar mdzad pa'i phyir te/ zhi ba'i las mchog sgrub byed pas/ /sangs rgyas spyan ni byams chen po zhes gsungs so/ /snying rje chen po ni mA ma kI ste/ sdug bsngal rnams las sgrol bas na/ /mA ma kI ni snying rje che zhes gsungs pa'i phyir ro/ /de dang lhan cig snyoms par zhugs pa'i sbyor ba ni blo yi mchog
- 196a
yin te/ de bas ni snying rje chen po blo yi mchog ces bya ste/ rje btsun 'jam dpal dbyangs so/ /rdo rje pad+mar rab sbyor bas/ /gos dkar mo ni dga' bar grags/ /shes rab chen po rab sbyor bas/ /'jig rten na ni rab dga' skyes/ /shes rab chen po blo che ba/ /de dang ldan pas 'jam pa'i dbyangs/ /btang snyoms che dang thabs che ba/ /lha mo sgrol mar rab tu brjod/ /mkhas pa chen po thabs che ba/ /de ldan 'jam dbyangs shes par bya zhes 'byung ste/ 'di ni dkyil 'khor thams cad du mchod pa'i bdag por gyur pa nyid ma tshang pa med par ston par shes par bya ste/ rnal 'byor gyi rgyud shes pa rnams kyi chos kyi rjes su 'brangs pas nges par dpyad par bya'o// //rnam grangs gzhan yang sbyin pa thams cad stsol byang chub kyi sems kyi bdag nyid chen po rdo rje rigs kyi bdag por gyur pas na/ sbyin bdag chen po gtso bo zhes bya'o/ /dbul zhing nyon mongs pa'i gdung ba thams cad sel zhing bsil ba'i ngang tshul can rin po che'i rigs kyi bdag po rin chen 'byung ldan gyi sku 'dzin pas na/ tshul khrims chen po 'chang ba'i mchog go /chos la nges par sems pa'i bzod pa'i ngo bo pad+ma'i rigs kyi bdag po 'od dpag med kyi sku 'dzin pas na/ bzod chen 'chang ba brtan pa po'o/ /brtson 'grus kyi pha rol tu phyin pa'i bdag nyid sna tshogs pa'i rigs kyi bdag po bya ba grub pa don yod grub pa'i sku'i ngo bor gyur pas na brtson 'grus chen po brtul ba yin zhes bya'o/ /chos kyi dkyil 'khor gyi ting nge 'dzin la snyoms par zhugs pa'i lha'i bdag nyid du gyur pas na/ bsam gtan chen po ting nge 'dzin gnas so/ /gzungs kyi dkyil 'khor na gnas pa'i gzungs kyi lha mo thams cad kyi shes rab kyi sku 'dzin par mdzad pas na/ shes rab chen po'i
- 196b
lus 'chad ba'o/ /stobs po che dang/ rdo rje hUM mdzad dang/ rdo rje me ltar 'bar ba dang/ he ru ka dang/ rta mchog la sogs pa'i sku'i tshul gyis bdud dang gdug pa thams cad kyi stobs rab tu 'joms par mdzad pas na stobs po che'o/ /bsdu ba'i dngos po bzhi'i rang bzhin rdo rje lcags kyu dang/ zhags pa dang/ lcags sgrog dang/ 'bebs pa la sogs pa'i gzugs kyis 'gro ba ma lus pa'i don mdzad pas na thabs che ba'o/ /sngon gyi smon lam gyi shugs kyis nus pa phul du byung ba'i stobs kyis 'jig rten pa dang/ 'jig rten las 'das pa'i dkyil 'khor thams cad kyi lha rnams bsdus par gyur pas rgya mtsho chen po dang 'dra ba'i dkyil 'khor chen po bkod pa rnams kyi bdag por gyur pas na smon lam ye shes rgya mtsho ste/ zhes gsungs so/ de ltar dkyil 'khor thams cad kyi bdag por gyur kyang sems can thams cad la bu gcig pa ltar gces par 'dzin cing thams cad du snyoms pa'i thugs kyis sems can rnams kyi don mdzad pas na/ byams chen rang bzhin dpag tu med ces bya'o/ /ngan 'gro thams cad las gdon pa'i dkyil 'khor gyi lha rnams kyi bdag nyid du gyur pas na/ snying rje chen po'i blo mchog go /thams cad du shes rab phul du byung ba'i stobs kyis 'gro ba'i don mdzad pa med par mdzad pas na/ shes rab chen po blo chen ldan no/ /sems can mos pa'i bye brag sna tshogs dang ldan pa'i gdul bya rnams shin tu 'dul ba'i phyir bya ba dang/ spyod pa dang rnal 'byor gyi rgyud kyi thabs kyi dbye bas sems can rnams kyi don mdzad pas na/ mkhas pa chen po thabs che ba zhes bya ste/ mkhas pa chen po ni rje btsun 'jam pa'i dbyangs so// //da ni rdzu 'phrul dang cho 'phrul gyis 'dul ba'i sems can sdud pa'i rang gi ngo bo bstan pa'i phyir/ rdzu 'phrul chen po'i stobs dang ldan/ /shugs
- 197a
chen mgyogs pa chen po ste/ rdzu 'phrul chen po cher grags pa/ /stobs chen pha rol gnon pa po zhes bya ba gsungs te/ de la rdzu 'phrul chen po ni 'byor pa la bya'o/ /de yang rnam pa gsum ste/ lus kyi rdzu 'phrul ni 'jig rten gyi khams mdza' yas pa na gnas pa'i sems can rnams kyi lus dang rjes su mthun pa'i sku'i mchog cig car ston cing 'dul lo/ /ngag gi rdzu 'phrul ni sems can thams cad kyi skad dang brdas chos ston par mdzad pa'o/ /yid kyi rdzu 'phrul ni sems can thams cad kyi spyod pa'i rjes su zhugs nas yang dag par bskul zhing snang bar byas te/ sangs rgyas kyi byang chub la rab tu 'jog par mdzad pa'o/ /rdzu 'phrul gyi stobs ni rdzu 'phrul stobs te/ bdud dang mu stegs la sogs pas bskyod bar mi nus shing/ thogs pa med pa'i nus pa dang ldan pa ni stobs zhes bya ste/ de lta bu'i rdzu 'phrul chen po'i stobs dang nye bar ldan pa gang yin pa de ni rdzu 'phrul chen po'i stobs dang ldan zhes bya'o/ /g.yo ba med kyang thams cad du bdag nyid kyi dngos po ston pas na shugs chen no/ /de bzhin du yid ltar mgyogs pa'i 'gro ba'i rnam pas mgyogs pas na mgyogs pa chen po'o/ /gang gi phyir de ltar yin pas na/ rdzu 'phrul chen po cher grags pa zhes bya ba ste/ thams cad kyi gtso bo zhes bya ba'i don to/ /rdzu 'phrul gyi stobs chen pos gzhan gyi don du 'jig rten gyi khams mdza' yas pa rnam par gnon pas/ stobs chen pha rol gnon pa po zhes bya'o// //da ni rdo rje 'chang chen po la sogs pa'i sgra'i don bstan par bya ba'i phyir/ srid pa'i ri bo chen po 'joms/ /mkhregs shing rdo rje chen po 'chang/ /drag po chen po drag shul che/ /'jigs byed 'jig par byed pa po zhes bya ba gsungs te/ de la 'byung ba'i
- 197b
phyir srid pa ste/ yang nas yang du 'gro ba lngar skye bas na srid pa'o/ /de yang thog ma med pa dang tha ma med pas na chen po ste/ srid pa yang yin la chen po kyang yin pas na srid pa chen po'o/ /srid pa chen po de nyid ni ri bo ste/ de yang dag par 'joms pas na/ srid pa'i ri bo chen po 'joms zhes bya la/ de bas na mkhregs shing rdo rje chen po 'chang zhes bya ste/ stong pa nyid gnyis su med pa'i ye shes mi phyed pa la gnyis su gyur pa'i bu ga med pas na mkhregs shing zhes bya'o/ /rdo rje yang yin la chen po yang yin pas rdo rje chen po ste/ dngos po thams cad la nye bar dmigs pa 'jig par byed pa'i chos thams cad stong pa nyid kyi ye shes so/ /de yang de yi bdag nyid kyis 'dzin pas na rdo rje chen po 'chang ste/ rje btsun 'jam dpal lo/ /thog ma med pa'i bag chags kyi rnam par rtog pa dang nye bar dmigs pa'i nyon mongs pa'i dgra bo drag po'i bag chags rtsa nas 'byin pas na drag po chen po'o/ /shin tu gdug pa'i sems dang ldan pa'i sems can rnams 'dul bas na drag shul che ba'o/ /'jigs chen 'jigs par byed pa po zhes bya ba la/ /'jigs pa chen po ni lnga ste/ 'tsho ba med pa'i 'jigs pa dang/ tshigs su bcad pa med pa'i 'jigs pa dang/ 'chi ba'i 'jigs pa dang/ ngan 'gro'i 'jigs pa dang/ 'khor gyis bag tsha ba'i 'jigs pa'o/ /bdag tu 'dung nas ba dang bral bas bdag la chags par yang mi 'gyur la/ longs spyod thams cad la chags pa lta smos kyang ci dgos pa ste/ de bas na 'di la 'tsho ba med pas 'jigs par mi 'gyur ro/ /'dus byas ci yang rung ste gang la yang 'dod par mi byed cing/ gzhan du na bdag nyid kyis 'di rnams la dgos pa'i yo byad thams cad mang du sbyin par bya'o/ /zhes sems te/ de bas tshigs su bcad pa med pas 'jigs par mi 'gyur ro/ /bdag du lta ba dang bral bas bdag tu 'du shes par mi
- 198a
'gyur te/ de bas na 'chi bas 'jigs par mi 'gyur ro/ /shi 'phos nas kyang nges par sangs rgyas dang byang chub sems dpa' rnams dang phrad par 'gyur bas na ngan 'gros 'jigs par mi 'gyur ro/ /'jigs pa thams cad na bdag dang bsam pa mnyam pa 'ga' yang med na lhag pa lta smos kyang ci dgos/ de bas na 'khor gyis 'jigs par mi 'gyur la/ 'jigs pa ji snyed pa thams cad ni 'di nyid kyi nang du 'dus pa yin pas na 'jigs pa chen po ste/ de rnams 'jigs par mdzad pas na/ 'jigs chen 'jigs par byed pa po zhes bya'o/ /yang na srid pa ni lha chen po ste/ de yang bdag nyid che ba nyid kyi dngos por sprul nas ri'i rgyal po ri rab bzhin du 'khor gyi tshogs par bcas pas yongs su bskor la/ shin tu drag cing drag shul che ba'i 'jigs byed chen po'i gzugs 'jigs su rung bas na gzhan dag kun tu skrag pa'i bsam pas gnas pa la/ de gdul bar bya ba'i phyir rje btsun 'jam dpal gzhan cu'i rol bas sems can gdug pa 'di gdul bar mi nus so snyam du dgongs nas rdo rje 'chang chen por 'gyur te/ srid pa chen po'i ri bo 'joms par mdzad pas so/ /srid chen ri bo yang dag 'joms zhes bya ste/ mtshams sbyar ba ni snga ma bzhin 'khor gyi tshogs kyi stobs rnam par 'joms pas yang dag 'joms zhes bya'o/ /bkug nas nges par 'gyel te/ rang gi rang bzhin las bsgyur ba'i bsad pa'i dgongs pas gnon par mdzad pas na drag po chen po'o/ /drag shul can gyi las rnam par bzlog pa'i phyir yi ge hUM gis gsod pas na drag shul chen po'o/ /'di las 'jigs pa mi mnga' bas na/ 'jig med mgon po 'jam dbyangs so/ /'jigs ba med pa yang yin la chen po yang yin pas na 'jigs med chen po'o/ /'jigs med chen
- 198b
po gang yin la 'jigs par byed pa yang yin pas 'jigs med chen po 'jigs par byed ces bya ste/ shes rab dang thugs rje'i rang bzhin can gyi ngo bo nyid yin pa'i phyir ro/ /de yang shes rab kyis ni dngos po med pa nyid thugs su chud la thugs rjes ni drag po chen po la sogs pa'i gzugs su ston par mdzad pa yin pas na thams cad 'gal ba med par legs par gnas pa yin no/ /bcom ldan 'das de nyid rig pa dang gsang sngags la sogs pa'i rab tu dbye ba'i gnas skabs kyis bzhugs par bstan pa'i phyir/ mgon po rigs mchog chen po ste/ /bla ma gsang sngags che ba'i mchog ces bya ba gsungs te/ /de la rig pa ni lha mor byin gyis brlabs pa'i sngags so/ /lha phor byin gyis rlob pa'i sngags la ni gsang sngags so/ / khal ni rig pa chen mo ni shes rab kyi pha rol tu phyin ma ste/ de yang kun rdzob dang don dam pa'i dbye bas rnam pa gnyis su gsung na kun rdzob tu ni gzugs dang ldan pa ste/ de yang sngags kyi gzugs kyi ngo bo nyid dang ldan pa'i phyir mgon po mchog ste/ phun sum tshogs pa thams cad kyi rgyur gyur pa'o/ /don dam pa'i ngo bo nyid kyis kyang gcig tu 'dres par gyur pas gnyis su med pa'i ngo bo ni rig mchog chen po ste/ de nyid spros pa ma lus pa'i rgyur gyur pas na mgon po'o/ /man ni ye shes/ tra ni skyob pa ste/ thabs dang shes rab gnyis su med pa'i ye shes ni gsang sngags chen po'o/ /de las byung ba brum la sogs pa'i yi ge'i bdag nyid can yang gsang sngags chen po ste/ gsang sngags chen po nyid kyis na bla ma'i mchog go /yang na gsang sngags chen po'i tshul gyis sngags thams cad la rab tu 'jug par byed pa'i ston pa po yin pas na/ bla ma gsang sngags che ba'i mchog go /theg pa chen po'i tshul ni gsang sngags kyi tshul dang pha rol tu phyin pa'i tshul lo/ /de la gnas
- 199a
pa ni gdul bya rnams la de ltar rab tu snang ba'i phyir ro/ /don dam par ni gang gi chos kyi dbyings la ma gtogs pa'i chos ni gang yang med pa de nyid kyi ngo bo nyid de/ tshul 'di ni/ theg pa chen po'i tshul la gnas/ /theg pa chen po'i tshul gyi mchog ces bya ba gsung ba yin no/ /sangs rgyas rnam par snang mdzad che/ /thub pa chen po thub chen ldan zhes bya ba la/ de bzhin gshegs pa thams cad kyi bdag nyid du gyur pa ni sangs rgyas rnam par snang mdzad chen po ste/ de kho na nyid du dbyer med pa la gdul bya rnams la snang ba'i bdag nyid kyis 'di ni de bzhin gshegs pa'o/ /'di ni byang chub sems dpa' o zhes rnam par bzhag pa yin no/ /thub pa chen po ni sku dang gsung dang thugs dang 'brel pa'i mi dge ba'i las kyi lam bcu mi mdzad pa'i phyir te/ de nyid kyis ni thub chen ldan no/ /gsang sngags tshul chen zhes bya ba ni/ 'dir stong pa nyid bsgom pa'i sngon du 'gro ba'i zla ba'i dkyil 'khor gyi steng du rang gi sa bon gyi yi ge yongs su gyur pa las rang gi lha'i gzugs su byung ba ste/ de bas na/ gsang sngags tshul chen las byung ba zhes bya ba gsungs so/ /gsang sngags las skyes pa yin na ni de'i tshe gsang sngags kyi bdag nyid du mi 'gyur te/ rgyu dang 'bras bu tha dad pa'i phyir ro/ /yang na rgyu nyid 'bras bur gyur na ni de lta na yang yongs su gyur pa'i phyogs su 'gyur bas de dag gnyis ka yang rigs pa ma yin no zhe na/ gang gi phyir gnyis su med pa'i chos kyi dbyings kyi ngo bo nyid bcom ldan 'das de la lar ni gsang sngags las byung ba'i tshul du dga' snang la/ la lar ni gsang sngags kyi tshul gyis so/ /gzhan dag tu ni gnyis su med pa'i tshul gyis bzhugs te/ de kho na nyid du rgyu dang 'bras bu dang yongs su gyur pa la sogs pas bzhugs pa ni ma yin no/ /de bas na/ gsang sngags tshul chen
- 199b
la 'byung ba/ /gsang sngags tshul chen bdag nyid can zhes bya ba la 'gal ba med do/ /bcom ldan 'das 'jam pa'i dbyangs de nyid pha rol tu phyin pa bcu dag pa la sogs pa'i tshul gyis bzhugs so zhes bstan bar bya ba'i phyir/ pha rol phyin bcu thob pa ste/ pha rol phyin pa bcu la gnas/ pha rol phyin bcu dag pa ste/ /pha rol phyin pa bcu yi tshul/ /mgon po sa bcu'i dbang phyug ste/ /sa bcu ? gnas pa po zhes bya ba gsungs te/ de la pha rol tu phyin pa bcu gang zhe na/ 'di lta ste sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang/ thabs kyi pha rol tu phyin pa dang smon lam gyi pha rol tu phyin pa dang/ stobs kyi pha rol tu phyin pa dang/ ye shes kyi pha rol tu phyin pa ste/ pha rol tu phyin pa bcu ni 'di dag go de la pha rol tu phyin pa 'di dag yang dag par brjod pa ni 'di lta ste/ sbyin pas rlom sems med pas sbyor pa'i pha rol tu phyin pa ste/ rgyun mi 'chad par 'dog pa thams cad yongs su gtor bar yi byed pa yang ma yin no/ /tshul khrims kyis rlom sems med pas tshul khrims kyi pha rol tu phyin pa ste/ tshul khrims dang bslab pa dang/ sbyangs pa'i yon tan dang yo byad bsnyungs pa/ thams cad la mi 'jug pa yang ma yin no/ /bzod pas rlom sems med pas bzod pa'i pha rol tu phyin pa ste/ rtag tu bzod pa dag la yang mi 'jug pa yang ma yin no/ /brtson 'grus gyis rlom sems med pas brtson 'grus kyi pha rol tu phyin pa ste/ rgyun mi 'chad pa dge ba'i rtsa ba thams cad yang dag par mi bsgrub pa yang ma yin no/ /bsam gtan gyis rlom sems med pas bsam gtan gyi pha rol tu phyin pa ste/ rtag tu nges par sems pa lhur len pa yang ma yin no/
- 200a
shes rab kyis rlom sems med pas shes rab kyi pha rol tu phyin pa ste/ rtag tu thos pa tshol ba la mngon par mi brtson? pa yang ma yin no/ /thabs kyis rlom sems med pas thabs kyi pha rol tu phyin pa ste/ mu stegs can gyi gnas thams cad dang/ sems can thams cad kyi dge ba'i rtsa ba bya ba'i rtsom pa rnams ni mi snang ba yang ma yin no/ /smon lam gyis rlom sems med pas smon lam gyi pha rol tu phyin pa ste/ sems can thams cad kyi dge ba'i rtsa ba dang bdag gi dge ba'i rtsa ba sna tshogs kyi sgo nas sems can thams cad dang thun mong du byas te bla na med pa yang dag par rdzogs pa'i byang chub tu mi bsngo ba yang ma yin no/ /stobs kyis rlom sems med pas stobs kyis pha rol tu phyin pa ste/ sred med kyi bu dang/ lag na rdo rje'i gzugs rnams kyis nga rgyal dang rgyags pa dang dregs pas khengs pa'i sems can rnams mi 'dul ba yang ma yin no/ /ye shes kyis rlom sems med pas ye shes kyi pha rol tu phyin pa ste/ bzo'i gnas dang/ sbyor ba'i gnas dang/ las kyi gnas dang thams cad pa ni 'jug pa yang ma yin te/ rigs kyi bu 'di ni byang chub sems dpa' rnams kyi pha rol tu phyin pa dang rab tu ldan pa'i chos yang dag par brjod pa'o/ /gzhan yang rigs kyi bu byang chub sems dpa' i sbyin pa'i pha rol tu phyin pas ni lag na rin po che dang nam mkha' i mdzod 'thob bo/ /tshul khrims kyi pha rol tu phyin pas ni ngan song thams cad las shin tu 'da' ba dang/ 'chi 'pho dang skye ba la dbang ba dang/ cad shes pa'i sems 'thob bo/ /bzod pa'i pha rol tu phyin pas ni de bzhin gshegs pa'i sku mtshan dang dpe byad bzang pos legs par brgyan pa blta bas mi ngoms pa 'thob bo/ /brtson 'grus kyi pha rol tu phyin pas ni mngon par shes pa myur ba dang/ chos thams cad
- 200b
la dpang byed pa 'thob pa'o/ /bsam gtan gyi pha rol tu phyin pas ni lus dang sems yid du 'ong ba dang/ gzungs dang spobs pa tha dad pa dang nyon mongs pa'i sgrib pa spong ba 'thob bo/ /shes rab kyi pha rol tu phyin pas ni mi 'jigs pa dang/ so so yang dag par rig pa bzhi 'thob bo/ /thabs kyi pha rol tu phyin pas ni bya sla ba dang/ lus dang ngag dang yid kyi las kyi mdza' kha na ma tho ba med pa 'thob po/ /smon lam gyi pha rol tu phyin pas ni skye ba thams cad du skye ba dran pa dang ji ltar 'dod pa bzhin du dga' bar 'gyur ba 'thob po/ /stobs kyi pha rol tu phyin pas ni nyon mongs pa thams cad dang bdud dang pas kyis rgol ba thams cad kyis mi brdzi ba dang/ 'jig rten thams cad las mngon par 'phags pa 'thob po/ /ye shes kyi pha rol tu phyin pas ni phung po dang/ 'chi bdag dang/ nyon mongs pa dang/ lha'i bu'i bdud las yang dag par 'da' ba 'thob po/ /gzhan yang rigs kyi bu byang chub sems dpa' ni sbyin pa'i sngags pa smra ba yang yin la/ sbyin pas ngag go snyam du yang mi sems so/ /de bzhin du tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes kyi bsngags pa yang smra la ye shes kyis ngag gi snyam du yang mi sems so/ /de ci'i phyir zhe na/ chos de dag thams cad ni yang dag par bsgrubs nas spangs par bya'o/ /'di dag thams cad ni yongs su brtags pa las 'byung ba'o/ /de bas na gang yongs su rtogs pa dang/ yongs su rtogs pa las byung ba'i chos de dag ni spang bar bya'o/ /de bas na byang chub sems dpa' ni yongs su rtog pa dang/ yongs su rtog pa las byung ba'i chos rnams kyis dag go snyam du mi sems te/ gzhan du na rnam par mi rtog pa'i spros pa med pa'i yul gyi ye shes thob nas byang chub mngon par rdzogs par 'tshang
- 201a
rgya'o/ /de lta bu'i pha rol tu phyin pa dag pa ni chos yang dag par sdud pa'i mdo las rgya cher bshad par bya'o/ /rang nyid pha rol tu phyin pa bcu thob cing gzhan dag pha rol tu phyin pa bcu la gnas par mdzad pas na/ pha rol phyin bcu thob pa ste/ khyad par du thob cing brnyes pa gang yin pa de ni pha rol tu phyin pa bcu thob pa ste/ thob pa pha rol tu phyin pa zhes tshig gi phrad sngon du mi 'byung ba ni mi rtag pa nyid kyi phyir ro/ /de la gnas nas gzhan dag pha rol tu phyin pa bcu rdzogs par mdzad pas na/ pha rol tu phyin pa bcu la gnas zhes bya'o/ /pha rol phyin pa bcu'i dag pa ni ji skad du gsungs pa'i rnam par dag pa'i ngo bo nyid du gyur pas so/ /kun rdzob dang don dam pa'i tshul gnyi gas 'dran cing ston pa gang yin pa de ni pha rol tu phyin pa bcu'i tshul lo/ yang na pha rol tu phyin pa bcu yi tshul gzhung lugs gang la mnga' ba ni pha rol tu phyin pa bcu yi tshul lo/ /mgon po sa bcu'i dbang phyug ste/ sa bcu la ni gnas pa po zhes bya ba la/ de yang sa dang po ni don che ba 'dris pa ma yin pa 'jig rten las 'das pa'i sems thob pas dga' ba dang mchog tu dga' ba rgya che ba'i phyir rab tu dga' ba zhes bya'o/ /sa gnyis pa ni ltung ba phra mo dang 'chal ba'i tshul khrims kyi dri ma thams cad dang bral ba nyid kyi phyir dri ma med pa zhes bya'o/ /sa gsum pa ni ting nge 'dzin dang thos pa'i gzungs de shes pa'i snang ba tshad med pa'i gnas nyid yin pa'i phyir 'od byed pa zhes bya'o/ /sa bzhi pa ni nyon mongs pa'i bud shing bsreg pa'i phyir byang chub kyi phyogs dang mthun pa'i chos bsgom pa de ye shes kyi me'i 'od 'phro bar gyur pa'i phyir 'od 'phro ba can zhes bya'o/ /sa lnga pa ni byang chub kyi phyogs dang mthun pa'i chos so/ /chos de dag nyid thabs kyi sgom pa de la dbang bya bar dka' ba nyid kyi phyir shin sbyang dka'
- 201b
ba zhes bya'o/ /sa drug pa ni 'du byed kyi 'jug pa mngon sum du gyur pa nyid dang/ mtshan ma med pa la lan mang du yid la byed pa mngon sum du gyur pa'i phyir mngon du gyur pa zhes bya'o/ /sa 'dun pa ni mtshan ma med pa yid la byed pa bar chad med cing rgyun mi 'chad bar ring du rjes su zhugs pa dang/ rnam par dag pa'i sa dang rjes su 'brel ba nyid kyi phyir ring du song ba zhes bya'o/ /sa brgyad pa ni mtshan ma med pa la lhan gyis grub pa nyid dang/ mtshan ma'i nyon mongs pa kun tu 'byung bas mi bskyed pa nyid kyi phyir mi g.yo ba zhes bya'o/ /sa dgu pa ni rnam pa thams cad du chos ston pa'i dbang la kha na mtho ba med pa'i blo gros shin tu yangs pa thob pa nyid kyi phyir legs pa'i blo gros zhes bya'o/ /sa bcu ba ni gnas ngan len gyi lus nam mkha' lta bum chos kyi sbyin chen po lta bus bya ba cing khebs pa'i phyir chos kyi sprin zhes bya'o/ /sa bcu gcig pa ni nyon mongs pa dang shes bya'i sgrib pa shin tu phra mo spangs pas chags pa med cing thogs pa med par shes bya'i rnam pa thams cad mngon par rdzogs par byang chub pa nyid kyi phyir sangs rgyas kyis zhes bya'o/ /bcom ldan 'das de dag la kun tu rmongs pa ni du mchis/ gnas ngan len gyi mi mthun pa'i phyogs ni du mchis lags/ bcom ldan 'das kyis bka' stsal pa/ spyan ras gzigs dbang phyag tu rmongs pa nyi shu rtsa gnyis dang/ gnas ngan len gyi mi mthun pa'i phyogs bcu gcig ste/ sa dang po la ni gang zag dang chos la mngon par zhen pa kun tu rmongs pa dang/ ngan song ba'i nyon mongs pas kun tu rmongs pa dang/ de'i gnas ngan len gyi mi mthun pa'i phyogs so/ /gnyis pa la ni ltung ba phra mo'i 'brul ba la kun tu rmongs pa dang/ las kyi rnam pa sna tshogs la kun tu rmongs pa dang/ de'i gnas ngan len gyi mi mthun pa'i
- 202a
phyogs so/ /gsum pa la ni 'dod pa'i 'dod chags kyi kun tu rmongs pa dang/ thos pa'i gzungs yongs su rdzogs pa la kun tu rmongs pa dang/ de'i gnas ngan len gyi mi mthun pa'i phyogs so/ /bzhi ba la ni snyoms par 'jug pa la sred pa kun tu rmongs pa dang/ de'i gnas ngan len gyi mi mthun pa'i phyogs so/ /bzhi pa la ni snyoms par 'jug pa la sred pa kun tu rmongs pa dang/ chos la sred pa kun tu rmongs pa dang/ de'i gnas ngan len gyi mi thun pa'i phyogs so/ /lnga pa la ni 'khor ba la gcig tu mi phyogs pa nyid dang/ mngon du phyogs pa nyid yid la byed pa kun tu rmongs pa dang/ mya ngan las 'das pa la gcig tu mi phyogs pa nyid dang/ mngon du phyogs pa nyid yid la byed pa kun tu rmongs pa dang/ de'i gnas ngan len gyi mi mthun pa'i phyogs so/ /drug pa la ni 'du byed kyi 'jug pa mngon du bya ba nyid la kun tu rmongs pa dang/ mtshan ma mang po kun tu 'byung ba kun rmongs pa dang/ de'i gnas ngan len gyi mi mthun pa'i phyogs so/ /mdun pa la ni mtshan ma phra mo kun tu 'byung ba kun tu rmongs pa dang/ mtshan ma med pa gcig tu yid la byad pa thabs kun tu rmongs pa dang/ de'i gnas ngan len gyi mi mthun pa'i phyogs so/ /brgyad pa la ni mtshan ma med pa la sogs pa kun tu rmongs pa dang/ /mtshan ma rnams la mi dbang pa kun tu rmongs pa dang/ de yi gnas ngan len gyi mi mthun pa'i phyogs so/ /dgu pa la ni chos bstan pa dpag tu med pa dang chos kyi tshig dang yi ge dpag tu med pa dang/ gong nas gong du shes rab dang/ spobs pa la gzungs kyi dbang la kun tu rmongs pa dang/ spobs pa'i dbang la kun tu rmongs pa dang/ de'i gnas ngan len gyi mi mthun phyogs so/ /bcu pa la ni mngon par shes pa chen po la kun tu rmongs dang/ gsang ba dang phra
- 202b
ba'i rjes su 'jug pa la kun tu rmongs pa dang/ de'i gnas ngan len gyi mi mthun pa'i phyogs so/ /sangs rgyas kyi sa la ni shes bya thams cad la chags pa shin tu phra mo kun tu rmongs pa dang/ thogs pa med pa kun du rmongs pa dang/ de'i gnas ngan len gyi mi mthun pa'i phyogs so/ /spyan ras gzigs dbang phyug de dag ni kun tu rmongs pa nyi shu rtsa gnyis dang/ gnas ngan len bcu cig po de dag gis rnam par bzhag pa yin no/ /zhes dgongs pa nges par 'grel pa las mdor gsungs te/ rgya cher ni sa bcu pa'i sa'i gnas skabs bzhag pa las shes par bya ste/ /sa bcu po de dag la gtso bor gyur pa dang ldan pas/ mgon po sa bcu'i dbang phyug ste zhes bya la/ de dag nyid du byang chub sems dpa' i tshul gyis bzhugs pas sa bcu la ni gnas pa po zhes bya'o// //da ni shes pa bcu dang bden pa bcu dang stobs bcu dang/ dbang bcu'i ngo bo nyid bstan par bya ba'i phyir/ shes bcu rnam dag bdag nyid can/ /shes pa ni rnam dag 'chang ba po/ /rnam pa bcu po don bcu'i don/ /thub dbang stobs bcu khyab pa'i bdag /kun gyi don ni ma lus byed/ /rnam bcu dbang ldan che ba po zhes bya ba'i tshigs su bcad pa byed dang gnyis gsungs te/ de la shes pa bcu ni 'di lta ste/ sdug bsngal shes pa dang/ kun 'byung shes pa dang/ 'gog pa shes pa dang/ lam shes pa dang/ zad pa shes pa dang/ mi skye ba shes pa dang/ chos shes pa dang/ rjes su rtogs pa shes pa dang/ kun rdzob shes pa dang 'bri pa shes pa dang/ sgra ji bzhin pa shes pa'o/ /de la sdug bsngal shes pa gang zhe na/ sdug bsngal mi skye ba shes pa'o/ /de la kun 'byung ba shes pa gang zhe na/ kun 'byung spang ba shes pa'o/ /de la 'gog pa shes pa gang zhe na/ sdug
- 203a
bsngal 'gog par shes pa'o/ /de la lam shes pa gang zhe na/ 'phags pa'i lam yan lag brgyad shes pa'o/ /de la zad pa shes pa gang zhe na/ 'dod chags dang/ zhe sdang dang/ gti mug zad par shes pa'o// de la mi skye ba shes pa gang zhe na/ srid pa'i rgyud skye ba med par ni shes pa'o/ /de la chos shes pa gang zhe na/ phung po lnga sgyu mar yongs su rtogs shing shes pa'o/ /de la rjes su rtogs pa gang zhe na/ skye mched dang/ khams dang/ rten cing 'brel bar 'byung pa mi rtag ces bya bar shes pa'o/ /de la kun rdzob shes pa zhe na/ sems can gang zag gzhan gyi sems sems kyis shes pa'o/ /de las 'dres pa shes pa gang zhe na/ gang gis lam shes pa dang/ yongs su byang ba shes pa'o/ /de la sgra ji bzhin shes pa gang zhe na/ de bzhin gshegs pa'i rnam pa thams cad mkhyen pa nyid kyi ye shes te/ de yang dmigs pa med pa'i tshul gyis so/ /de ltar shes pa bcu po rnam par dag pa'i bdag nyid can gyi ngo bo nyid gang yin pa de ni/ shes bcu rnam dag bdag nyid can no/ /shes pa bcus rnam par dag pa'i sgra ji bzhin shes pa'i de bzhin gshegs pa 'dzin par byed pas na/ /shes bcu rnam dag 'chang ba po/ /bden pa rnam pa bcu gang yin pa de ni rnam pa bcu pa'o/ /de la bden pa rnam pa bcu gang zhe na/ 'di lta ste/ kun rdzob kyi bden pa dang/ don dam pa'i bden pa dang/ mtshan nyid kyi bden pa dang/ rnam par dbye ba'i bden pa dang/ phye ste rtog pa'i bden pa dang/ dngos po'i bden pa dang/ nus pa'i bden pa dang/ zang pa dang mi skye ba shes pa'i bden pa dang/ lam la 'jug pa shes pa'i bden pa dang/ de bzhin gshegs pa'i ye shes kun 'byung ba'i bden pa ste/ 'di dag ni bden pa bcu'o//
- 203b
de la kun rdzob kyi bden pa ni tshad dang de dang 'brel bar yul yongs su chad pa kun tu tha snyad pa dags pa'i phyir gzhan gyi rkyen gyi dbang gis ston pa chung ba rgya chen po ma yin te/ 'di ni kun rdzob kyi bden pa zhes bya'o/ /de la don dam pa'i bden pa ni zab pa/ stong pa nyid dang rab tu ldan pa'o/ yul yongs su mchad pa/ gzhan gyi rkyen gyis ma yin pa/ mnyam pa dang mi mnyam pa med pa/ ma 'khrugs pa/ rtsod pa med pa'i mtshan nyid dang/ chos thams cad de bzhin nyid kyi mtshan nyid de 'di ni don dam pa'i bden pa'o/ /de la mtshan nyid kyi bden pa ni gnod pa'i mtshan nyid ni sdug bsngal ba/ rab tu skye ba'i mtshan nyid ni kun 'byung ba/ zhi ba'i mtshan nyid ni 'gog pa nges par 'byin pa'i mtshan nyid ni lam ste/ 'di ni mtshan nyid kyi bden pa zhes bya'o/ /gzhan yang chos thams cad rang bzhin gyis bdag med pa'i mtshan nyid du shes nas nges par gyur pa la 'jug ste/ mtshan nyid las gyur pa'i nges par gyur pa ni mtshan nyid kyi bden pa zhes bya'o/ /de bzhin du chos thams cad rang bzhin gyis zhi ba'i mtshan nyid dang rang bzhin gyis dben pa'i mtshan nyid dang/ rang bzhin gyis stong pa'i mtshan nyid dang/ rang bzhin gyis mi skye ba mi 'gag pa'i mtshan nyid du shes nas des par 'dug pa ste/ mtshan nyid las gyur pa'i nges par gyur pa ni mtshan nyid kyi bden pa zhes bya'o/ /de la rnam par dbye ba'i mtshan nyid ni chos thams cad mtshan nyid gcig pa las gzhan gyi dbang gis rnam par phye ste bstan pa'o/ /mtshan nyid gcig ces bya ba ni stong pa nyid kyi mtshan nyid kyi mtshan nyid de/ chos thams cad mtshan ma med pa/ smon pa med pa'o/ /mngon par 'du mi byed pa ma skyes pa ma byung ba/ ma 'gags pa 'di ni stong pa nyid de rnam par dbye ba ste/ rnam par dbye ba de dag thams cad kyang stong
- 204a
pa nyid kyi mtshan nyid do/ /de ltar stong pa nyid la slu bar mi byed pa de'i phyir rnam par dbye ba'i bden pa zhes bya ste/ 'di ni rnam par dbye ba'i bden pa zhes bya'o/ /de la phye ste rtog pa'i bden pa gang zhe na/ phral nas rtogs pa ni phye ste rtog pas so/ /ngas par sems pa/ rig pa mthong pa/ khong du chud pa mngon par rtogs pa shes pa zhes bya ba la mi bslu ba ste/ de'i phyir phye ba ste rtog pa'i bden pa zhes bya'o/ /de la dngos po'i bden pa ni dngos po shes pa ste/ dngos po de dag ni phung po dang khams dang skye mched de dag rten cing 'brel par 'byung ba dang/ stong pa dang dngos po med par shes te/ de ltar shes nas nges par 'gyur ba la 'jug pas de'i phyir dngos po'i bden pa zhes bya'o/ /de la nus pa'i bden pa ni ye shes de dang spong ba de dang lam nges nyon mongs pa spong bar byed pa dang/ stobs dang/ mi 'jigs pa dang/ sangs rgyas kyi chos ma 'dres pa khong du chud pa dang/ de bzhin gshegs pa thams cad kyi dbang nyid khong du chud par nus pa ste/ de'i phyir nus pa'i bden pa zhes bya'o/ /de la zad pa dang mi skye ba shes pa'i bden pa ni 'dus byas thams cad zad pa can du ston te/ zad pa de yang mi zad la/ zad pa la zad pa med do/ /gal te zad pa la zad pa yod du zin na 'gog pa yang zad par 'gyur te/ /de'i phyir zad pa zad par mi 'gyur ro/ /gang zad par mi 'gyur ba de mi skye ste/ 'di ni zad pa dang mi skye ba shes pa'i bden pa zhes bya'o/ /de la lam la 'jug pa shes pa'i bden pa gang zhe na/ ye shes kyi lam bsod nams dang ye shes kyi tshogs bsags pa gang gis chos thams cad ma skyes ma 'gags par shes pa des 'jug cing 'dzud pa ste/ /de'i phyir lam la 'jug pa shes pa'i bden pa zhes bya'o/ /de bzhin gshegs pa'i ye shes kun 'byung ba'i
- 204b
pa don du gang zhe na/ chos kyi sprin gyis dang de bzhin gshegs pa'i sa'i char ni de bzhin gshegs pa'i ye shes kun 'byung ba'i bden pa ste/ de bstan pa'i lam gyis mngon par rtogs pa'o/ /'di dag ni byang chub sems dpa' rnams kyi / mngon pa bcu'o/ /bden pa bcu po 'di rnams kyi tshig rab tu ston pa'i tshig gi don ni don te/ dgos pa gang yin pa de ni don bcu'i don no/ thub pa ni nyan thos dang rang rgyal te/ de rnams kyi gtso bor gyur pas na thub dbang ngo/ /stobs bcu khyab pa'i bdag ces bya ba ni de bzhin gshegs pa'i stobs bcu dang ldan pas na stobs bcu khyab pa'i bdag ste gtso bo zhes bya ba'i don no/ /de la de bzhin gshegs pa'i stobs bcu gang zhe na/ 'di lta ste/ gnas dang gnas ma yin pa ni dge ba'i las kyi lam bcu yongs su rdzogs nas mtho ris su skye ba ni gnas so/ /dmyal bar skye ba ni gnas ma yin no/ /de bzhin du mtshams med pa rnam pa lnga byed pa rnams mnar med par skye ba ni gnas so/ /mtho ris su skye ba ni gnas ma yin no/ /zhes bya bar yang dag par ji lta ba bzhin du rab tu shes so/ /zhes rgya cher sbyar ro/ /de bzhin du 'das pa dang/ ma 'ongs pa dang/ de ltar byung ba'i las dang/ las yongs su len pa'i rnam par smin pa gnas kyi rnam pa dang/ rgyu'i rnam par yang dag par ji lta ba bzhin du rab tu shes so/ /'jig rten ni khams sna tshogs can to/ 'jig rten ni khams du ma pa'o zhes yang dag pa ji lta ba bzhin du rab tu shes so/ /sems can gzhan dang gang zag gzhan gyi mos pa sna tshogs dang/ mos par du ma yang yang dag pa ji lta ba bzhin du rab tu shes so/ /sems can gzhan dang gang zag gzhan gyi dbang po rab dang tha ma shes par bya ba yang dag pa ji lta ba bzhin du rab tu shes so/ /kun tu 'gro ba'i lam yang dag pa ji lta ba bzhin du rab tu shes so//
- 205a
dbang po dang/ stobs dang/ byang chub kyi yan lag dang/ bsam gtan dang/ rnam par thar pa dang/ ting nge 'dzin dang/ snyoms par 'jug pa dang/ kun nas nyon mongs pa dang/ rnam par byang pa rnam par bgod pa yang dag pa ji lta ba bzhin du rab tu shes so/ /de rnam pa du mar sngon gyi gnas rjes su dran te/ tshe rabs gcig kyang rjes su dran pa nas rnam pa dang bcas/ sa mal dang bcas/ gtan tshigs dang bcas pa'i bar du rnam pa du mar sngon gyi gnas rjes su dran no// lha'i mig rnam par dag pa mi yi las 'das pas sems can 'chi 'pho dang skye ba dag kyang yang dag pa ji lta ba bzhin du rab tu shes so/ /zag pa zad pa'i phyir sems rnam par grol ba dang/ shes rab rnam par grol ba zag pa med pa rang gi mngon par shes pas mngon par byas te/ nye bar bsgrubs shing rnam par dpyod do/ /bdag gi skye ba ni zad do/ /bdag gis tshangs par spyod do/ /bya ba ni byas so/ /rnam pa 'di lta bu gzhan ni med do/ /zhes bya bar rab tu shes te/ 'di dag ni de bzhin gshegs pa'i stobs bcu'o/ /dgu pa la ni byang chub sems dpa' i stobs bcu'o zhes yang zlas te ma smras pa yin no/ /de ltar stobs bcu dang ldan pas zil gyis mi mnon cing chags pa dang thogs pa med pa'i nus pas 'gro ba ma lus shing sna tshogs pa mos pa tha dad pa'i dbye bas dbye ba'i don thar pa thob pa'i mtshan nyid can skal ba ji lta ba bzhin du mdzad pas na/ kun gyi don ni ma lus byed ces bya ste/ 'jam pa'i dbyangs so/ /rnam bcu dbang ldan che ba po zhes bya ba la/ dbang yod pas na dbang dang ldan pa ste/ de yang rnam pa bcu yod pas na rnam bcu dbang ldan no/ /dbang bcu gang zhe na/ tshe la dbang ba dang/ sems la dbang ba dang/ yo byad la dbang pa dang/ las la
- 205b
dbang ba dang/ skye ba la dbang ba dang/ rdzu 'phrul la dbang ba dang/ mos pa la dbang ba dang/ smon lam la dbang ba dang/ ye shes la dbang ba dang/ chos la dbang ba ste/ de dag ni dbang bcu'o/ /bdud rtsi thob pa'i phyir tshe la dbang ba'o// sems tsam du yongs su shes pa'i phyir sems la dbang ba'o/ /lag na rin po che dang/ nam mkha' i mdzod rab tu rnyed pa'i phyir yo byad la dbang ba'o/ /bag chags dang bcas pa'i lam kun chad pa'i phyir las la dbang ba'o/ /ting nge 'dzin rnam par bzlog pa'i bsam gtan rnyed pa'i phyir skye ba la dbang ba'o/ /lhun gyis grub par bya ba la 'jug pa thob pa'i phyir rdzu 'phrul la dbang ba'o/ /zad par gyi skye mched thob pa'i phyir mos pa la dbang ba'o/ /bsam pa tsam gyis don thob pa'i phyir smon lam la dbang ba'o/ /ye shes sngon du 'gro ba'i lus dang/ ngag dang yid kyi las thob pa'i phyir ye shes la dbang ba'o/ /de bzhin nyid dang/ chos kyi dbyings dang yang dag pa'i mdza' mnyam pa'i ye shes dri ma med pa'i phyir chos la dbang ba'o/ /gzhan yang rigs kyi bu 'jig rten 'chi bas 'jigs skrag ste/ de'i gnyen por tshe la dbang ba'o/ /'jig rten ni sems kun nas nyon mongs pas 'jigs skrag ste/ de'i gnyen por sems la dbang ba'o/ /'jig rten ni yo byad kyis 'jigs skrag ste/ de'i gnyen por yo byad la dbang ba'o/ /'jig rten ni nyes par spyod pas 'jigs skrag ste/ de'i gnyen por las la dbang ba'o/ /'jig rten ni ngan 'gros 'jigs skrag ste/ de'i gnyen por skye ba la dbang ba'o/ /'jig rten ni kun rtsol ba'i phongs pas 'jigs skrag ste/ de'i gnyen por rdzu 'phrul la dbang ba'o/ /'jig rten ni dam pa'i chos kyi phongs par gyur ba'i las kyi 'jigs skrag ste/ de'i gnyen por mos pa la dbang ba'o/ /'jig rten ni 'dod pa'i 'ching bas 'jigs skrag ste/ de'i gnyen
- 206a
por smon lam la dbang ba'o/ /'jig rten ni the tsom gyi zug rngus 'jigs skrag ste/ de'i gnyen por ye shes la dbang ba'o/ /'jig rten ni 'khor gyi nang na bag tsha bas 'jigs skrag ste/ de'i gnyen por chos la dbang ba'o/ /gzhan yang rigs kyi bu srog gcod pa spangs shing sems can thams cad la khong khro ba'i sems med pa ni tshe la dbang thob par bya ba'i rgyu'o/ /bden pa rnams la sgrib pa med pa'i byams pa chen po dang/ sdug bsngal ba rnams la sgrib pa med pa'i snying rje chen po ni sems la dbang thob par bya ba'i rgyu'o/ /sems snyoms shing dngos po thams cad yongs su gtong ba byang chub tu bsngo ba ni yo byad la dbang ba thob par bya ba'i rgyu'o/ /las dang bya ba la zhugs nas lus dang ngag dang yid yongs su dag pa'i rgyu las kyis bya ba las bdag gir bya ba la 'jug pa ston pa ni las la dbang ba thob par bya ba'i rgyu'o/ /byang chub kyi sems kyis yang dag par sdus pa'i dge ba bcu'i las kyi lam ni skye ba la dbang ba thob par bya ba'i rgyu'o/ /rnyed pa dang bkur sti dang tshigs su bcad pa thams cad sbyin pa dang/ bzhon pa sbyin pa ni rdzu 'phrul la dbang ba thob par bya ba'i rgyu'o/ /sems can thams cad dkon mchog gsum la 'god cing 'dzud do/ /mos par byed pa ni mos pa la dbang ba thob par bya ba'i rgyu'o/ /sems can thams cad kyi lus dang ngag dang/ yid yongs su dag pa sgrub pa ni smon lam la dbang ba thob par bya ba'i rgyu'o/ /zang zing med pa'i sems kyis chos sbyin pa ni ye shes lang bar ba thob par bya ba'i rgyu'o/ /sems can thams cad la chos mnyam pa nyid khong du chud par byed pa dang/ chos mtshungs par ston pa dang/ de bzhin gshegs pa'i sku ni chos kyi sku ste/ zang zing gi sku ma
- 206b
yin no zhes yongs su 'byed pa ni chos thams cad la dbang thob par bya ba'i rgyu'o/ /'di dag ni byang chub sems dpa' i dbang bcu'o/ /dbang bcu po de dag mngon par du mdzad pa dang/ ji ltar bzheng ba bzhin du mdzad pa ste/ de rtag tu nye bar gyur pas sgrib pa med cing de nyid la byang chub sems dpa' dbang du gyur pas nas/ rnam bcu dbang ldan che ba po zhes gsungs so/ /chos nyid kyi rang gi ngo bo nyid du bstan par bya ba'i phyir/ thog ma med pa spros med bdag /de bzhin nyid bdag dag pa'i bdag ces bya ba gsungs te/ 'di la thog ma yod pa ma yin pas thog ma med pa'o/ /gal te thog ma'i sngon gyi rgyu yod pa gang yin pa de ni thog ma med pa zhes bya ba mi rigs te/ rgyu las gzhan pa las gang yang mi 'byung ba'i phyir ro/ /yang na sems dpa' yang dag par yod pa dgag pa'i phyir gsungs so zhe na/ thams cad kyang thog ma med par gyur par su zhig phul du byung bar shes par 'gyur zhe na/ 'dir bcom ldan 'das kyi dgongs pa ni 'di yin te/ rgyu dgag par mdzad pa yang ma yin la/ sems dpa' yang dag par yod pa dgag pa ma yin no/ /de lta mod kyi dang po spas par gyur pa phyis rnam par dag pa'i rnam par dag pa la thog ma zhes bshad pa las rang bzhin gyis rnam par dag pa yin pas de med de/ de yang de bzhin gshegs pa rnams byung yang rung/ de bzhin gshegs pa rnams ma byung yang rung/ chos rnams kyi chos nyid ni gnas pa nyid de/ chos gnas pa dang/ de bzhin nyid dang/ yang dag pa'i mdza' zhes bya ba'i tshul gyis na thog ma med pa zhes bshad do/ /de pas na 'di ltar spros med bdag ces bshad de/ spros pa ni rgyu dang/ 'bras bu dang/ gzung ba dang/ 'dzin pa dang/ bdag dang/ bdag gi dang bcas pa nas ji srid 'jig rten gyi tha snyad du bya ba'i phyir dang/ nang gi kun tu rtog pa dang bral bar gyur
- 207a
pa de'i tshe ni nyes pa thams cad dang bral ba'i phyir dag pa'i bdag nyid do/ /gang gi tshe rang bzhin de las 'phos te/ de bzhin du gyur pas de bzhin nyid bdag go /yang na snga ma'i rgyus phyi ma phyi ma 'grub ste/ thog ma med pa nas spros pa med pa'o/ /spros pa med pas na de bzhin nyid do/ /de bzhin nyid pas na dag pa'i bdag nyid do/ /yang na bzlog ste/ dag ba'i dag pas na de bzhin nyid bdag go /de bzhin nyid dag pas na spros pa med pa'o/ /spros pa med pas na thog ma med pa ste/ gdul bya'i bsam pa las don gyi dbye bas phye ba yin gyi rnam grangs ni ma yin no/ /don ji ltar thugs su chud pa'i don gsung pa nyid bstan par bya ba'i phyir/ bden par smra zhing tshig mi 'gyur/ ji skad smras pa de bzhin byed// gnyis su med dang gnyis med ston/ /yang dag mdza' la rnam par gnas zhes bya ba gsungs te/ yang dag pa dang bden pa dang phyin ci ma log pa'i chos nyid kyi ngo bo nyid de kho na ston pa'i ngang tshul gang la yod pa de ni bden par smra ba'o/ /gang gi phyir ji skad du gsungs pa de bzhin du rjes su mthun par gnas par mdzad pas na tshig mi 'gyur ba ste/ gzhan bslu bar 'gyur ba'i tshig mi mnga' bas na tshig mi 'gyur ces bshad do/ /dam bcas pa'i don rdzogs par mdzad pas na/ ji skad smras pa de bzhin byed ces bya ste/ 'gro ba rnams la phan par bya ba'i phyir 'tshang rgya bar bya'o/ /zhes dam bcas pa de bzhin du rdzogs par mdzad pa'i phyir ro/ /yang na sbyin pa dang tshul khrims la sogs pa dang ldan pa'i chos pha rol ji snyed ston pa de bzhin du bdag nyid kyang sbyin pa la sogs pa la nan tan lhur len pa rab tu 'jug par mdzad pas na/ ji skad smras pa de bzhin byed ces bya'o/ /gnyis su med dang gnyis su ston ces bya ba la/ gnyis ni gzung ba dang/
- 207b
'dzin pa dang/ shes pa dang/ shes par bya ba dang/ nang gi mig la sogs pa dang phyi'i gzugs la sogs pa nas ji srid du yid dang chos kyi bar du ste/ gnyis su rtag pa de dag mi mnga' bas na gnyis med do/ /ji ltar gnyis su med pa yin? zhe na de yang mig gis gzung bar bya ba'i gzugs dang/ mig gi rkyen gyi tshul las mig gi rnam par shes pa skye bar 'gyur la/ de bzhin du ji srid yid dang chos kyi rkyen gyis yid kyi rnam par shes pa skye bar 'gyur ro/ /de la gzugs la sogs pa mig la sogs pa'i yul nyid du brtags na de ci rdul phra rab kyi ngo bo nyid yin nam/ 'on te yan lag can gyi ngo bo nyid yin pa brtag par bya ste/ gal te rdul phra rab yin na 'dus pa 'am/ thag ring ba'i phyogs na gnas pa 'am/ bar mtshams med par gnas nas rnam par shes pa'i rgyur 'gyur/ 'dus pa'i phyogs ltar na bdag nyid thams cad kyis 'dus sam/ phyogs gcig gis 'dus/ bdag nyid thams cad kyis 'dus na ni cha shas med par 'gyur bas 'gro ba thams cad phra rab tsam du 'gyur ro/ /ci ste phyogs gcig gis 'dus na ni de lta na yang cha shas can nyid du 'gyur bas cha shas can nyid kyis na dam bcas pa las nyams par 'gyur zhing/ phra rab nyid kyang mi 'grub ste/ cha shas can yin pa'i phyir bum pa dang 'dra'o/ /thag ring po na gnas pa rnams kyang dbang po'i yul las 'das par gyur ba nyid kyis yul ma yin pa nyid yin no/ /bar mtshams med pa'i phyogs kyang 'dus pa'i phyogs las gud na med de/ de bas na rdul phra rab rnams ni mig la sogs pa'i yul du gyur par mi nus te/ gang gi phyir rdul phra rab rnams ni dbang po'i yul las 'das pas mthong mi srid do/ /yan lag can du brtags pa de yang mi rigs te/ phra rab gnyis la sogs pa'i rim gyis brtsams te/ yan
- 208a
lag can yin na grub pa'i mdza' las rdul phra rab bsogs pa la sogs pa med pa de'i tshe 'dus pa'i yan lag can ltag las 'byung/ de yod pa'i tshang ma yang yod pa ma yin te/ mngon sum du ni dbang po'i yul las 'das pas rdul phra rab rnams kyang med pa nyid du gzung ba yin no/ /rjes su dpag pa yang de sngon du 'gro ba yin pas rang dgar byed pas brtags pa ni ma yin no/ /de gzhan la yang 'jug par nus pa ma yin zhes dpe gcig las smos/ ji lta pa bzhin du bstan pa'i tshang ma gzhan dag kyang yod pa ma yin te/ tshang ma gnyis gzung ba nyid brtags pa yin gyi gzhan du ni ma yin no/ /gal te sbom po gang yin pa de ni phra ba bsags pa sngon du 'gro ba las snang ba yin te/ dper na mud ga la sogs pa'i phung po dang/ phra rab gsum pa la sogs pa sbom por snang ba de phra mo bsags pa sngon du 'gro ba yin la/ gang rnam par phye ba'i gzugs can de ni phra rab yin no zhes bya ba yang mi rigs te/ sbom po'i don ma grub pas phyogs nyid dper mi rung ste/ phyogs dang dpe tha dad pa med par thal bar 'gyur ro/ /'on te de ltar rjes su dpag pa nyid du nus kyang gang sbom por tha dad par byas pas na rnam par bshig nas ston par 'gyur te/ dper na sran ma shi? 'phung? ngo re re nas phung ste/ ji srid thams cad bsal na stong pa nam mkha' i phyogs tsam zhig lus par 'gyur ro/ /de bzhin du ji srid phra rab kyi mthar thug par byas la phra rab rnams kyang cha shas kyi rnam par dbye ba byas na thams cad med par 'gyur ba nyid do/ /de bas na phra rab kyang gzung bar bya ba ma yin la/ cha shas can du yang gnas pa ma yin no/ /gal te rdul phra rab tu yang mi gzung la/ cha shas can du yang ma yin na 'o na ji ltar rigs pa'i rnam pa mdun na gnas nas sngon po la
- 208b
sogs pa'i rnam par snang ba yin/ rgyu med par yang yul dang dus dang rnam par nges pa'i shes pa'i yul du ji ltar nye bar 'gyur/ gal te phyi'i rgyu yang de'i che rdul phra rab kyi tshul du 'am/ de las gzhan par phyi'i don grub par bzung ste/ /rnam med pa'i rnam par shes pa dus mnyam par 'gyur bas/ shes par 'gyur ro zhes bye brag tu smra ba dang/ spyod pa can la sogs pa smra ste/ de yang snga ma yin ni tshogs pa nyid/ /shes byed yul gyi skad cig pa/ /snang dang bcas pa'i gzugs bzhin te/ /des na shes dang bcas par 'gyur zhes bya ste/ de ltar yang phyi rol gyi yul yang dag par shes pa mngon sum du nye bar dmigs par 'gyur ro zhe na/ de ni mi rigs te/ 'dir tshang ma med pas rnam pa med pa'i rnam par shes pa don dang/ lhan cig skye'o zhes bya ba'i tshang ma med de/ de la re zhig mngon sum du ni 'jug pa mi nus so/ /shes pa tshang ma'i yin gyi dbang po'i shes pa ni ma yin no zhe na/ shes pa ni rang rig pa 'am gzhan rig pa 'am gnyi ga rig par 'gyur na/ gal te rang rig pa yin don rig par ji ltar 'gyur/ shes pa'i rang bzhin nyid yin na ni don gyi rang bzhin ma yin la/ rang rig pa nyid gzhan rig pa ma yin te/ da lta na ni khams gsum pa thams cad shes par thal bar 'gyur ro/ /de bas na rang rig pa'i phyogs la don rig par 'gyur ba med do/ /yang shes pa ni gzhan rig pa yin no zhe na/ de yang ngo bo nyid 'dzin pa'i tshang ma med pa'i phyir rang nyid ma grub na gzhan ji ltar shes par smos shig /yang na don gyis go bas rang bzhin gyis 'jog na ni de lta na yang shes pa nyid la rjes su dpog pa 'byung gi /mi shes pa'i don la su zhig blo 'jug par 'gyur te/ /gal te rjes su dpag pa las don gyis go brtogs par 'gyur ro zhes bshad na/ de la rnam par dpyad par bya ste/ don gyis go ba 'dir
- 209a
gang zhig yin/ mngon sum mam/ rjes su dpag pa yin/ gal te don gyis go ba mngon sum yin na ni shes pa mngon sum du yod pa de yang ma grub pas des shes par 'gyur ro zhes bya ba shin tu legs par smras so/ /yang na don mthong ba 'am thos pa ni gzhan du mi rigs so/ /ma mthong ba'i don la yongs su rtog pa ni don gyis go ba'o zhes bshad pas mngon sum du gang zhig la rtog snyam na dgongs pa'i rang bzhin ma shes pa las ni tshang ma yongs su chad par mi 'gyur te/ de yang mngon sum mam/ rjes su dpag pa yin par brtag par bya ste/ gal te mngon sum yin na ni de nyid sun phyung yin par dgongs so/ /ci'i phyir zhe na/ gal te mthong ba'i don du mi rigs na don gyis go ba ni shin tu yang mi rigs te/ don gyis go ba yang shes par byed pa ltar 'gyur/ yang na mi mthong ba dag kyang gal te mthong ba'i shes pa skyed par 'gyur na ni gang zhig mthong nas don gyis go ba'i gnas skabs rig par 'gyur te/ rtsa ba med pas gnas skabs thams cad du med par 'gyur ro/ /yang na phyogs gnyis pa ltar na mi mthong ba sgrub na ni/ ri bong gi rwa las bong bu'i rwa sgrub par 'gyur ro/ /don gyis go ba rjes su dpag pa'i phyogs las sgrub par 'gyur na/ yang 'brel pa med pas don gyis go ba'i 'byung ba med do/ /don gyis go ba las rnam par shes pa sgrub par yang mi 'gyur la/ gzhan gyi shes pa'i rigs pa las don gyis go ba yang mi 'grub bo/ /gnyi ga las shes pa'i phyogs kyang phyogs gnyi gar bshad pa'i nyes pa dang ldan par thal bar 'gyur bas gnyi ga'i bdag nyid can gyi rang gi ngo bo nyid dang 'gal ba'i phyir mi rigs so/ /rnam pa med pa'i shes pas don rig pa rigs pa ma yin la/ rnam pa dang bcas pa'i shes pas kyang don 'dzin
- 209b
par mi rigs te/ rnam pa 'du shes pa 'khrul pa las 'byung bar 'gyur ba yin no/ /yang na bslu ba dang mi slu bar byed pa ni 'khrul ba dang gzhan pa'i rnam par dbye ba yin te/ rmi lam na yang 'khrul ba yod pas de bas na bslu ba la ni bden pa nyid med la/ mi bslu ba la yang log pa nyid med pas rmi lam gyi nang na yang don la rtog pa dang ldan pa ma yin te/ thams cad kyang rmi lam gyi nang dang 'dra bar thal bar 'gyur ro/ /'jig rten pa ma yin pa dang phyin ci log par bshad pa'i dran pa dang/ brjed pa la sogs pa yang rigs pa'i tshul 'di nyid kyis thams cad 'jig rten pa ma yin par thal bar 'gyur bas brtag par mi bya'o/ /rnam par shes pa la gnas pa'i rnam pa yang phyi'i don dang lhan cig rab tu 'brel ba'i tshad ma yod pa ma yin te/ tha dad pa'i rtog pa tsam 'dir rten yin no/ /so sor nges pa'i yul dang dus dang rnam pa dang ldan pa ni rgyu med pa las snang ba mi 'byung bas de mi rigs te/ bag chags tsam las kyang srid pa'i phyir ro/ /de bas na nang gi bag chags tsam gyi rgyu las byung bas rmi lam dang/ sgyu ma dang/ dri ba'i grong khyer gyi rnam pa dang 'dra bar snang ba tsam nyid do/ /rnam par shes pa tsam du smra ba rnams de las phyi'i don med pas rnam par shes pa tsam ni gnyis su med pa yin gyi/ gnyis su med pa ni gnyis su med pa ma yin no zhes 'dod pa de 'dir tshad ma dang lung gi rjes su 'brangs nas brtags par bya ste/ de yang lung las rnam par shes pa ni gzugs med pa/ bstan du med pa/ thogs pa med pa/ gnas pa med pa zhes gsungs na ji ltar phyi'i yul du sngon po dang/ stug po dang/ sbom po la sogs pa'i rnam par snang bar 'gyur bar soms shig /rnam par shes pa sngon po la sogs par yod pa ma yin pa de ma yin pa ni bden mod kyi/ 'on kyang ma rig pa'i bag chags kyi stobs
- 210a
kyis phyi rol du sngon po 'di nyid du snang ste/ sems 'di ni rang bzhin gyis 'od gsal te/ dri ma ni glo bur du 'ongs pa'o/ /zhes gsungs pa dang/ de bzhin du/ bag chags kyis ni dkrugs pa'i sems/ sna tshogs lta bu snang ba yin zhes bshad pa'i phyir ro zhe na/ 'dir brtag par bya ste/ ci rang gi bag chags gang zhig yin/ sems nyid bag chags yin nam/ sems las tha dad pa gzhan 'ga' zhig yod/ ci gal te sems nyid bag chags yin/ na ni 'das pa ni 'gags la/ ma 'ongs pa ni ma byin/ da ltar byung ba ni mi gnas pa yin pas lhan gcig gnas pa ni ma yin te/ skad cig ma nyid du khas blangs pa'i phyir 'di'i zhig pa 'am ma zhig pa'i gnas pa po thams cad 'jig par 'gyur te/ gnas pa po thams cad 'jig par 'gyur ba de bzhin du rgyun la nges pa med do/ /ci ste sngar gyi rgyur gyur pa'i rnam par shes pa rang dang rjes su mthun pa'i nus pa bskyed pa las 'bras bu gnas pa bo de yang rang gi mtshan nyid yod bzhin pa yin no zhe na/ rgyu'i rnam par shes pa'i skad cig la ni 'bras bu mi skyed de/ ji ltar na med bzhin du nus pa bskyed pa yin/ ci nus pa las shes pa yang tha dad pa yin nam thim dad pa yin/ gal te tha mi dad na ni de'i tshe shes pas shes pa bskyed de/ shes pa la rjes su 'jug pa ni med pa 'am 'jug par byed pa gnyis pa med do/ /gnas ngang gnas pa po med pa'i phyir ro/ /ci ste tha dad pa yin na ni shes pa dang tha dad pas bems por 'gyur te/ rnam par shes pa tsam du smra ba las nyams so/ /de bzhin du bag chags dang tha dad pa'i phyogs la yang nyes pa 'di yod de/ so sor nges pa'i rgyu shes par mi nus la/ skad cig ma gcig tu gnas pa'i chos rnams la 'di ni rgyu'o/ /'di ni 'bras bu'o zhes shes
- 210b
par mi nus so/ /de'i phyir bag chags kyi stobs kyis sngon po la sogs pa'i gzugs su shes pa nyid du snang ba yin no zhes bya ba ni mi rigs so/ /de lta na yang bag chags ma lus pa dang/ bral ba de'i tshe sems de ji lta bu yin/ gal te rtog pa tsam la shin tu rnam par dag pa yin no zhe na/ de'i tshe ni de sngon po la sogs pa'i rnam pa gang las 'ongs/ phyi rol nas kyang ma yin te/ de rnam pa med pa'i phyir ro/ /sems las kyang ma yin te/ de yang rnam pa med pa'i ngo bo nyid yin pa'i phyir ro/ /'di dag thams cad ni ma rig pa'i rnam par 'phrul pa ste/ de bas na kun rdzob yin no zhe na/ de rnam par shes pa dang de las gzhan pa'i ngo bo nyid kyis nges par brtags pa na bag chags dang 'dra ba nyid du rnam par 'jig par 'gyur ro/ /de ltar phyi rol med pa'i phyir gzung bar bya ba med de/ de med pas de 'dzin par byed pa'i mig la sogs pa'i rnam par shes pa dang bral ba yin pas 'dzin pa po yang med pa nyid yin no/ /gnyis med pas gnyis su med pa zhes bya bar grub pa yin te/ de yang shes rab kyi pha rol tu phyin pa nyi khri lnga stong pa las/ rab 'byor rnam pa thams cad mkhyen pa nyid kyi dmigs pa ni ji lta bu/ dbang po ni ji lta bu/ rnam pa ni ji lta bu/ mtshan nyid ni ji lta bu zhe na/ rab 'byor rnam pa thams cad mkhyen pa nyid kyi dmigs pa ni dngos po med pa'o/ /dbang po ni dran pa'o/ /rnam pa zhi ba'o/ /mtshan ma nyid ni mtshan nyid med pa yin te/ de las dngos po ni ji lta bu lags/ dngos po med pa ni ji lta bu lags/ rab 'byor gnyis ni dngos po'o/ /gnyis su med pa ni dngos po med pa ste/ rab 'byor gnyis ces bya ba ni mig dang/ gzugs dang/ rna ba dang/ sgra nas/ de bzhin du yid dang/ chos dag ni gnyis te/ nang gi bdag nyid can
- 211a
ni nang gi bdag nyid can gyi ngo bo nyid kyis stong la/ phyi'i chos rnams ni phyi'i chos rnams kyi ngo bo nyid kyis stong ngo/ /de ci'i phyir zhe na/ 'di ltar mig ni mig gi ngo bo nyid kyis stong pa dang/ stong pa nyid ni gzhan ma yin te/ de'i rang bzhin ni de yin pa'i phyir ro/ /de bzhin du gzugs ni gzugs kyi ngo bo nyid kyis stong ngo zhes bya ba nas/ ji srid du yid dang chos rnams ni yid dang chos rnams kyi ngo bo nyid kyis stong ngo zhes rgya cher sbyar ro/ /ci thams cad du ma mchis lags sam/ thams cad med pa zhes su zhig gis smras/ ci thams cad yod do zhes bya ba 'di yang su zhig gis smras/ dngos po thams cad ces bya ba de gang gi tshig dang ldan pa yin/ dngos po thams cad ni gnyis kyang ma yin la dngos po thams cad kyang ma yin no zhes bya ba'i tshig 'di dag nyid rigs pas dngos po thams cad ni gnyis kyang ma yin la/ gcig pa yang ma yin no zhes bya/ ci thams cad du med pa 'am/ med pa ma yin ci yod pa zhig gam/ ci thams cad du brjod du med pa yin nam/ ci don dam pas grub pas bsgrub par bya ba yin nam/ yang na kun rdzob kyi ngo bor bstan pa brjod par bya ste/ de la dngos po med pa ni kun rdzob ma yin te/ de bzhin nyid dang yang dag pa'i mdza' dang/ stong pa nyid dang/ gnyis su med pa dang/ mya ngan las 'das pa dang/ chos kyi sku dang/ chos nyid do zhes kyang gsungs te/ de ltar nyer gnas pas na dag cing gnyis su med pa'i ngo bo nyid ni bcom ldan 'das yin pas na gnyis su med pa zhes bya'o/ /de la ji ltar na gnyis su med pa ston pa yin zhe na/ rnam par rtog pa med pa dang gnyis su med pa'i ngo bo nyid yin pas rnam par rtog pa'i rigs mthun pa dang rjes su 'brel ba'i sgra'i rang bzhin ma yin no/ /'on kyang rgyu
- 211b
tsam dang rjes su 'brel ba ste/ rgyu yang rgyu tsam du bya ba byed kyi las kyi dbang gis ni ma yin te/ de yang bya ba dang bral du zin kyang yid bzhin gyi nor bu bzhin du gdul bya'i mngon par 'dod pa'i don mdzad par snang ste/ rkyen gyis byung ba la gnyis su med par ston par zhes bya ba bzhag pa yin no/ /dang po zhes bya ba'i sgra ni sdud pa ste/ rang nyid gnyis su med pa'i ngo bo nyid yin pa 'ba' zhig tu ma zad kyi de ston pa'i sgra yang gnyis su med pa'i ngo bo nyid yin no zhes bya ba'i don to/ /yang dag pa zhes bya ba ni bden pa'o/ /de'i mdza' ni mthar thug pa ste/ de las gzhan pa'i de kho na nyid med pas na yang dag pa'i mdza' o/ /de la de yi bdag nyid kyis rnam pa thams cad du chos kyi dbyings mi g.yo ba'i ngo bos bzhugs pas na/ yang dag mdza' la rnam par gnas zhes bya'o/ /dpe kha gcig las yang dag mdza' ni rnam par gnas zhes zer te/ der ni gang gi phyir yang dag pa'i mdza' yin pas des na rnam par gnas pa'o zhes rgyu nyid du gyur pa bshad do/ /bdag la sogs par zhen pa'i sems can rnams kyi dregs pa sel ba'i ngo bo nyid bstan par bya ba'i phyir/ bdag med seng ge'i sgra dang ldan/ /mu stegs ri dwags ngan 'jigs byed ces bya ba gsungs te/ bdag dang bral ba'i phyir bdag med pa ste/ bdag med pa'i ngo bo nyid do/ /seng ge dang 'dra bar 'jigs pa med cing nges pa'i sgra gang la yod pa de la ni de skad ces bya la/ chos thams cad bdag med pa'o zhes bya ba 'di ni seng ge'i sgra ste/ de dang ldan pa'o/ /mu stegs ngan pa'i lam dang ldan pa gang yin pa de ni mu stegs ngan pa'o/ /mu stegs ngan pa de nyid ri dwags dang 'dra bas na/ ri dwags te/ de rnams 'jigs par mdzad pas na/ mu stegs ri dwags ngan 'jigs
- 212a
byed ces bya'o/ /mu stegs ngan pa nyid kyang ji lta bu zhe na/ tshad ma dang 'gal ba bdag yod pa nyid du khas len pa ste/ rigs pa can dang/ bye brag pa dang/ dpyod pa pa dang/ grangs can dang gcer bu pa la sogs pa bdag yod pa nyid du rtog pa'i gtan tshigs smra ba rnams so/ /de la rigs pa can dag smra ba ni gal te bdag med na las dang 'bras bu dag gi byed pa po dang dpyod pa por gdags pa'i skabs med par 'gyur te/ byed pa po gcig med pas byas pa 'jig cing ma byas pa 'thob pa thal bar 'gyur ro/ /de'i yod pa nyid dang/ rtag pa nyid dang/ khyab pa nyid dang/ /byed pa po nyid dang/ dpyod pa nyid du sgrub pa'i tshad ma dag brjod par bya ste/ de la re zhig yod pa nyid ni spobs pa dang 'bral ba bzhin du 'jal bar byed de/ yod pa la sogs pa bye brag pa'i yul dang yul ma yin pa'i shes bya ba'i yul bdag ces bya ba'i mngon sum dang/ rjes su dpag pa dang/ 'jal ba dang/ sgra dang/ dran pa dang/ so sor shes pa dang/ grub pa'i lta ba dang/ drang srong gi lung dang/ som nyid dang/ phyin ci log dang/ yid ches par bya ba ma yin pa dang/ rmi lam dang/ rmi lam gyi rmi lam rnams ni shes pa ste/ bdag gi lus la sogs pa las tha dad pa'i shes pa pos rig pa ni rang gi rgyu la rag las pa nyid dang/ skye ba dang ldan pa nyid dang/ bye brag dang/ khyab par dang ldan pa nyid dang khong du chud pa'i bdag nyid can dang/ shin tu myur bar 'dzin pa nyid dang/ 'du byed skyed par byed pa nyid dang/ rgyu rnams yod pa'i phyir skyes bu gzhan gyi shes pa yin no/ /chos mi mthun pas mi snang bar gyur pa ni bum pa la sogs pa dang 'dra'o/ /de la yod pa la sogs pa drug ni bye brag med pa ste/ yod pa dang mi rtag
- 212b
pa dang/ rdzas can dang rgya dang 'bras bu nyid dang/ spyi dang bye brag dang ldan pa nyid de/ de dag ni rdzas dang yon tan dang las kyi bye brag med pa yin no/ /de rnams kyi yul ni rdzas dang yon tan dang las rnams yin no/ /yul ma yin pa spyi dang bye brag dang 'du ba'o/ /gang la yul gnyis pa de dag yod pa'i mngon sum la sogs pa gang yin pa de skad ces bya'o/ /grub pa'i lta ba skar rtsis kyi bstan pas 'dren pa ste/ de yang grub pa rnams kyis mthong ba'o/ /drang srong rnams kyi lung ni mngon par shes pa dang 'brel ba ste/ dper na nga'i spun zla nang par 'ong ngo zhes bya ba lta bu'o/ /de ni drang srong rnams la yod do zhes grags pas drang srong rnams kyi zhes bshad do/ /som nyi ni the tshom du gyur pa'o phyin ci log ni log pa'i shes pa'o/ /yid ches par bya ba ma yin pa ni nges pa med pa'o/ /rmi lam dang po'i skabs su mthong ba ni rmi lam mo/ /rmi lam gyi nang du rmi lam rmi ba ni rmi lam gyi rmi lam mo/ /zhes bud med dang rje'u rigs dag ngo mtshar skye ba'i phyir mu stegs kyi ston pa rna bug med kyis bshad do/ /'di ni tshig dka' ba tsam phye ba ste lhag ma rnams ni go sla'o/ /'jal bar byed pa zhes bya ba yang 'di ltar 'jal bar byed de/ lhas byin gyi gzugs dang/ sgra dang/ ro dang/ dri dang/ reg bya'i shes pa rnams kyi rgyu ni gcig dang du ma yin te ngas mthong ngo/ /ngas thos so zhes bya ba la sogs pas byed pa po gcig par mtshams sbyor ba'i phyir ro/ /gcig mang po'i yang rgyur 'gyur te/ gar mkhan gyi smin ma bskyod pa gcig gis du ma'i shes pa cig car bskyed pa lta bu dang/ yang dper na bya ba'i dus su byed pa po sna tshogs pa'i shes pa sna tshogs par gyur pa rgyu gcig las 'byung ba lta bu'o
- 213a
de bzhin du 'dir yang yul sna tshogs pa'i shes pa rgyu gcig pa'i phyir gcig tu nye bar sbyor bar 'gyur la/ rgyu gcig bu gang yin pa de ni bdag ces bya'o/ /de bzhin du sbyor ba gzhan yang bdag ces bya ba'i tshig ni lus dang/ dbang po dang/ yid dang/ blo dang/ tshor ba bsdus pa las tha dad pa'i tshig yin la/ rab tu grags pa'i rnam grangs las tha dad pa nyid kyis na tshig gcig pa nyid de/ bum pa dang 'dra'o/ /de bzhin du srog dang ldan pa'i tshor ba 'di ni bdag med pa ma yin te/ srog mi ldan par thal bar 'gyur bas bum pa dang 'dra'o/ /de ltar yod pa nyid kyi tshad ma smras nas/ rtag pa nyid dang/ khyab pa nyid kyi tshad ma dag bstan par bya ba'i phyir rna bug? med pas smras pa/ ma'i khong nas byung ba'i dus na bdag gi shes pa dang po tshor ba po dang/ shes pa por yod pas dus gzhan dag du yang bdag gi shes pa yod pas bdag gi shes pa yin pa'i phyir thog ma bdag gi shes pa dang 'dra'o/ /de bas na rtag pa yin no/ /khyab par byed pa la yang de nyid 'jal byed de/ sa dang chu dang me dang rlung dang/ yid log par rtog pa'i yul du gyur pa shin tu thag ring du gnas kyang nga'i bdag dang 'brel pa yin pa te/ gzugs dang ldan pa nyid dang/ shugs dang ldan pa nyid dang/ gzhan nyid dang/ gzhan ma yin pa nyid dang/ phan tshun kun tu 'dre ba dang/ char gnas pa nyid yin pa'i phyir bdag gi lus la sogs pa dang 'dra ba'i phyir ro/ /zhes de dag gis yod pa nyid dang/ rtag pa nyid dang/ khyab pa nyid du bsgrub bo/ /de ltar rtag pa nyid dang/ khyab pa nyid yin du zin kyang byed pa po dang/ longs spyod pa po dang/ skye ba dang/ 'chi ba dang/ 'tsho ba dang/ 'tshe ba la sogs pa dang ldan pa la 'gal ba med do/
- 213b
de la shes pa dang/ byed 'dod pa dang/ 'bad pa dang/ bdag dang 'dus pa ni byed pa po yin no/ /bde ba dang sdug bsngal gyi tshor ba dang/ 'du ba ni longs spyod pa nyid yin te/ de yang bde ba dang sdug bsngal gnyis kyi shes pa ni longs spyod yin la/ de bdag dang 'dus pa ni longs spyod pa po nyid yin no/ /skye ba ni lus dang dbang po dang blo dang/ tshor ba la sogs pa khyab par can sngon ma byung ba de dang 'brel pa'o/ /snga ma de dang bral ba ni 'chi ba'o/ /lus dang bcas pa'i bdag yid dang 'brel zhing chos ma yin pa la ltos par byed pa ni 'tshe ba'o/ /'bras bu'i rten gyi byed pa po gsod pas na 'tshe ba'o/ /'di'i don ni 'di yin te/ rgyun mi 'chad pa'i chos dang ldan pa'i sems can gyi bde ba la sogs pa yang dag par tshol bar byed pa'i 'bras bu'i rten lus dang yul la nye bar dmigs pa gnyis kyi byed pa po dbang po rnams gsod pas na 'tshe ba zhes bya bar rnam par bzhag pa yin no/ /'dir lan brjod par bya ste/ yod pa la sogs pa'i sbyor ba'i tshig drug po gang yin pa de mngon sum la sogs pa'i yul yin par mi 'grub ste/ rdzas dang/ yon tan dang/ las dang/ spyi dang/ khyab par dang/ 'du ba rnams ni mngon sum la sogs pas mi 'dzin pa'i phyir ro/ /mi 'dzin pa de yang mig la sogs pa yul so sor nges pa yin pa'i phyir ro/ /de yang mig gi yul ni gzugs nyid yin gyi/ ro la sogs pa ni ma yin te/ dbang po lhag ma rnams 'bras bu med par thal par 'gyur ro/ /de bzhin du rna bas ni sgra nyid 'dzin par byed kyi gzugs la sogs pa ma yin no/ /de bzhin du lhag ma rnams kyis kyang rang rang gi yul 'dzin par nges pa yin no/ /gzugs la sogs pa las tha dad pa'i rdzas la sogs pa de gang gis 'dzin par byed/ 'on te rjes su
- 214a
dpag pas sgrub par byed na de yang mngon sum mngon du 'gro ba can yin pas de med na 'jug par ji ltar nus/ bdag gi shes pa bdag gi lus las tha dad pa'i tshor ba pos rig go zhe na/ des na grub pa la sgrub pa nyid yin te/ khyed kyi lus las tha dad pa'i thams cad mkhyen pa dang/ dgra bcom pa dang/ rnal 'byor ba rnams kyi shes pa yin pa'i phyir ro/ /skyes bu gzhan gyi shes pa bzhin no zhes bya ba chos mthun pa'i dper smras pa gang yin pa de yang bsgrub par bya ba ma tshang ba yin te/ rnam par shes pa thams cad kyang rang rig pa'i bdag nyid can yin pa'i phyir ro/ /shes pa gzhan gyi rig par byed pa'i phyogs ltar na yang gnas pa'i mthar thug pa med pas shes pa ma yin no/ /yang gang gi gzhung la 'di dag ma lus pa ni/ rnam par shes pa tsam nyid yin zhing rang rig pa'i mthar thug pa yin pas/ de las logs shig na gzhan dag med do zhes lta ba de'i tshul ltar na yang grub pa la sgrub pa'i nyes pa 'di ni shin tu gsal ba yin no/ /de bzhin du skye ba dang ldan pa nyid la sogs pa gzhan dag la yang grub pa la sgrub pa'i skyon brjod par bya'o/ /gang gsal bar byed pa zhes bya bar lhas byin gyi gzugs la sogs par mngon par sbyor ba'i shes pa ngas mthong ngo/ /ngas thos so/ /zhes bya ba la sogs pas byed pa po gcig pa nyid du shes la/ gang de ltar rab tu sbyor bar byed pa de ni bdag yin no zhes zer ba de yang mi rigs te/ rtag pa dang thams cad du song ba dang gcig tu gyur pa rab tu sbyor bar byed pa ni ma mthong ba'i phyir dang/ mi srid pa'i phyir ro/ /rtag pa dang/ thams cad du song ba'i byed pa po dang/ longs spyod pa po dang/ rjes su bor bar byed pa po la sogs pa yin pa'i rjes su
- 214b
'gro ba dang ldog pa med pas mo gsham gyi bu dang 'dra bar rtags pa tsam du zad do/ /de ltar na su zhig gi mtshams sbyor bar byed pa yin/ sems skad cig ma nyid ni thog ma med pa'i ma rig pas cig pa nyid du sgro btags pa la nying mtshams sbyor bar 'khrul ba yin gyi/ dngos por sbyor ba ma yin zhing dngos po'i yang dag pa nyid dang/ 'brel pa ma yin no/ /de bas na bdag yod do zhes rtog pa shin tu sdig can yin no/ /tshig gcig yin pa'i phyir bya ba'i sgrub pa de yang bdag las go bzlog pa'i sgrub pa yin te/ tshig ces brjod pa ni spyi yin la/ spyi ni bdag ma yin te/ gzhan las ldog pa'i yul yin pa'i phyir tshig ni yul med pa ma yin no/ /de bas na yul med do zhes bya bar ston to/ /srog dang ldan pa'i 'tsho ba 'di ni bdag med pa ma yin te zhes bya ba la sogs pa yang 'brel pa yod pa ma yin te/ srog la sogs pa dang bdag tu 'brel pa grub pa ma yin no/ /de yang de'i bdag nyid du 'brel pa yang ma yin te/ dbye ba yod par khas blangs pa'i phyir ro/ /de las byung ba yang ma yin te/ rtag pa ni rim dang cig car dag gi don gyi bya ba byed par 'gal ba'i phyir ro/ /de la re shig rim gyis bskyed par mi 'thad de/ skye ba po nyid dang skye ba po nyid ma yin pa nyid kyi rang bzhin gnyis gcig la dus gcig tu yod pa 'gal ba yin no/ /rnam par 'gyur ba med pa la ni lhan cig byed pa'i rgyu stong phrag gis kyang phul du byung ba bskyed par nus pa mi srid pa'i phyir ro/ /rtag pa la ni lhan cig byed pa la bltos pa yang ga la yod de/ cig car byed pa yin pa'i phyir ro/ /skad cig ma gcig la thams cad byed pas skad cig ma gnyis pa la bya ba med pa'i phyir ro/ /dbugs rdub pa la sogs pa med pa'i mtshan nyid can 'chi ba 'am/ thams cad med pa'i mtshan nyid can gyi thar par
- 215a
'gyur ro/ /de bas ni ldog par brtag pa yang rigs pa ma yin no/ /gang yang rtag pa nyid dang/ khyab pa nyid las brtan par bya ba'i phyir sgrub pa gnyis smras pa de yang shin tu mi rigs te/ chos can med pas chos can gyi bdag mi 'grub po/ /'on te lus la sogs pa phyogs su byas nas dang po'i rnam par shes pa skyed par byed pa las dus phyis 'byung ba'i rnam par shes pa yang skye'o zhes sgrub na de yang mi rigs te/ de nyid las 'di skye'o zhes sgrub na nga yang mi rigs te/ de nyid las 'di skye'o zhes bya ba'i tshad ma yod pa ma yin no/ /re shig mngon sum yang ma yin te/ sngon yang phyi ma'i dus su gnas pa yang ma yin no/ /rjes su dpag pa yang mngon sum mngon du 'gro ba can yin pa'i phyir de med par 'jug pa dang ldan pa ma yin no/ /rjes su dpag pa la rjes su dpag pa mngon du 'gro ba can yang ma yin te/ gnas pa med pa'i phyir ro/ /sbyor ba gnyis pa la lus dang ldan pa'i phyir bdag gi lus dang 'dra'o/ /zhes bya ba'i dpe nyid kyang bdag dang 'brel pa ma grub na thams cad du song ba'i khyab pa ga la yod de/ byis pa'i tshig ltar 'brel pa med pa yin no/ /de ltar na yang byis pa'i tshig sun dbyung ba'i phyir sgrub pa'i lan brjod par bya ste/ gang la skye ba med pa la ni 'jig pa yang med de/ de la yod pa med pa'i phyir/ /dper na ri bong gi rwa dang 'dra'o/ /gzhan dag mngon par 'dod pa'i bdag ces bya ba la skye ba dang 'gag pa yang yod pa ma yin no zhes bya ba ni khyab par byed pa mi dmigs pa'o de bzhin du gang rim gyis sam cig car don gyi bya ba byed pa gang yin pa de ni rtag pa ma yin zhing khyab pa yang ma yin la/ med pa yang ma yin no/ /dper na mar me dang sa bon dang myu gu dang lcug ma la sogs pa rim gyis sam cig car
- 215b
don gyi bya ba bskyed na rtag pa nyid dang/ khyab pa nyid dang/ med pa nyid las ldog par gyur pa yin no/ /med pa dang 'gal ba'i yod pa nye bar dmigs pa 'gal ba'i khyab par nye bar dmigs pa yin no/ /yang na rim gyis sam cig car don gyi bya ba byed par mi 'gyur ba gang yin pa de ni yod pa ma yin te/ ri bong gi rwa dang/ rus sbal gyi spu la sogs pa dang 'dra'o/ /chos mi mthun pa ni myu gu la sogs pa dang 'dra'o/ /bdag rtag pa las ni rim gyis sam cig car don gyi bya ba byed pa mi 'byung ngo/ /de bas na rim gyis sam cig car gyi mtshan nyid kyis don gyi bya ba byed pas rtag pa las ldog na rang gi khyab par bya ba yod pa las ldog pa yin pas khyab par byed pa mi dmigs pa yin no/ /yang na dngos po nyid dang/ yod pa nyid dang/ byas pa nyid dang/ skye ba dang ldan pa nyid la sogs pa'i chos dang ldan pa gang yin pa de thams cad ni bdag med pa yin te/ dper na phyir bum pa la sogs pa dang 'dra'o/ /nang gi srog dang/ lus dang/ yid dang blo dang/ bde ba dang/ sdug bsngal la sogs pa'i dngos po nyid la sogs pa'i chos ldan pa ni rang bzhin gyi gtan tshigs yin no/ /dpyod pa can la sogs pa mngon sum la sogs pa'i tshad ma 'gal bar bdag yod par smra ba rnams kyang rim pa 'di nyid kyis tshar chod par 'gyur ro/ /de lta mod kyi cung zad tsam zhig bstan par bya'o/ /de la dpyod pa pa rnams bzlog pa dang rjes su mthun pa'i rang bzhin gyi sems kyi bdag nyid can bde ba dang/ sdug bsngal la sogs pa'i tshul gyis ni tha dad pa bzlog pa yin la/ sems dang ldan pa'i tshul gyis ni rjes su mthun pa yin par bdag ces bya ba'i rang bzhin khas len to/ /de yang gcig tu 'jig na ni byas na chud za ba dang/ ma byas pa dang phrad par 'gyur ro/ /skyes bu
- 216a
gcig tu rtag pa nyid yin na yang byed pa po'i rang bzhin mi 'dor ba longs spyod pa nyid du mi 'gyur ro/ /de yang ku ma ra ri las/ /de bas gnyi ga spangs nas ni/ /bzlog dang rjes mthun bdag can du/ /skyes bu khas ni blang bya ste/ /lus bskyil sogs pa sprul dang 'dra zhes bshad pa yin no/ /byed pa po nyid dang/ longs spyod nyid ni bdag la bsten pa yin te/ gnas skabs la brten pa ni ma yin no/ de nyid ni byed pa po dang longs spyod pa yin par so sor sngon par shes pa'i stobs kyis rnam par 'jog go /bdag de yang shes pas rtogs par bya ba dang/ 'das pa dang/ ma 'ongs pa dang/ da ltar gyi yul gcig tu byed pas rtag pa yin pa ste/ ngas shes par gyur to/ /shes par 'gyur ro/ /shes so zhes yul gcig pa nyid du rtogs pa'i phyir ro/ /de skad zer ba 'di ni tshang mal shin tu bzo pas khyed bram ze kho na la srid par zad do/ /de yang 'das pa dang/ ma 'ongs pa la sogs pa'i dus la khyab pa'i dngos po gnyi ga'i bdag nyid can shes so/ /zhes zer bas 'das pa dang/ ma 'ongs pa skye ba gcig nas gcig tu brgyud pa shes so zhes smas par 'gyur bas zhig zin pa'i 'das pa dang/ ma skyes pa'i ma 'ongs pa dag mngon sum du shes so zhes smras pas yod pa'i bar du sbyor ba'i mdor byas pa dang 'gal bar 'gyur ro/ /mngon sum nus pas ma 'ongs pa 'am/ cung zad kyang ni mthong mi 'gyur zhes smos pa dang yang 'gal bar 'gyur ro/ /'das pa dang/ ma 'ongs pa'i yul gnyis rnal 'byor pa'i mngon sum yin pa la 'jug na ni/ rig byed las skyes bus byas pa ma yin pa nyid la sogs par sgrub pa'i ngal ba don med par 'gyur ro/ /de bas na mngon sum gyis ni da ltar tsam 'dzin
- 216b
pa yin par khas blang bar bya'o/ /de'i phyir yang sngon dang phyi ma dang bral pa'i da ltar byung ba tsam gyi bdag gi rang bzhin rang rig pa tsam gyis shes par 'gyur bas rnam par shes pa nyid sngon dang phyi ma'i rjes su 'gro ba ma yin pa'i skad cig mar rig pa'i bdag nyid tsan de khas blangs pa la bdag ces bya bar ming btags par gyur pa tsam du zad do/ /yang na rjes su dpag pas bdag rtag pa nyid sgrub na de yang mngon sum sngon du 'gro ba can yin na/ rjes su dpag pa sngon du 'gro ba can nyid las ni thug pa med par 'gyur ro/ /mngon sum 'jug pa med na de sngon du 'gro ba'i rjes su dpag pa 'jug par ji ltar 'gyur/ 'on te nga rgyal gyi stobs kyis bdag tu shes pa ni lus la dmigs pa yin te/ nga'i yan lag phra'o// spom mo/ /dkar ro zhes bya ba'i gzhi mnyam pa yin pa'i phyir ro/ /bdag gi bdag ces bya ba ni gzhi mnyam pa med na de 'di ltar 'gyur te/ mig la sogs pa spyir bdag gi lus tsam du dmigs pa'i nga rgyal gyi stobs kyis bdag yod par smra na mig la sogs pa'i spyi'i bdag nyid can gyi lus kyi rang bzhin la bdag ces bya'o/ /zhes ston par 'gyur bas de la yang ming tsam du zad pas log par bsgrub pa med do/ /byed pa po dang longs spyod la sogs pa yang skad cig pa'i rnam par shes pa yin gyi/ rgyu dang 'bras bur gyur pa'i khyad par can gzhan yod pa ma yin pas byas pa chung za ba dang ma byas pa dang phrad par rgol ba yang rgol ba ma yin pa nyid yin no/ /de bas na dpyod pa can gyis brtags pa ni brtags pa kho na tsam du zad do/ /gcer pu pa rnams kyang rma bya'i rlung yang sprug cing gar byed bzhin du lus phyi'i dri mas bskos pa dang/ bdag yod par bsgrub par bya ba'i phyir langs te smras pa/ bdag ni mngon sum nyid du rjes su 'jug pa dang bzlog pa'i
- 217a
rang bzhin gnyis kyis bdag nyid can du nye bar dmigs so/ /de yang bde ba dang sdug bsngal la sogs pa'i gnas skabs tha dad du zin kyang gnas pa po gang yin/ de ni gnas skabs thams cad du sems dang ldan par nye bar dmigs su rung ste/ bdag de ni rdzas yin no/ /rnam grangs su ni bde ba la sogs pa'i gnas skabs kyi dbye bas rim gyis 'byung ba yin la/ de ni mngon sum du grub pa yin no/ /de yang chos dang chos can gnyis ni yul dang dus kyi rang bzhin dbye bas dbye ba med la/ grangs dang/ ming dang/ mtshan nyid dang/ bya ba'i dbye bas dbye ba yod pa yin te/ dper na bum pa dang/ de'i gzugs la sogs pa bzhin te/ bum pa dang gzugs la sogs pa ni yul la sogs pas dbye ba med pa yin te/ bum pa'i phyogs dang dus rang bzhin gang kho na yin pa de nyid ni de'i gzugs la sogs pa'i yang yin no/ /grangs la sogs pa ni bum pa las gzugs la sogs pa dbye ba yod pa yin te/ de yang grangs kyi dbye ba ni gcig dang gnyis la sogs pa'o/ /ming gi dbye ba ni bum pa dang/ rna rgyan dang/ dpung rgyan dang/ nor bu zhes bya ba la sogs pa'o/ /mtshan nyid kyi dbye ba las rjes su 'jug pa'i mtshan nyid ni gser ro/ /bzlog pa'i mtshan nyid ni gdu bu la sogs pa'o/ /bya ba'i byed pa ni bum pas chu 'dzin pa la sogs pa dang/ rang dang rjes su mthun pa'i rgyan la sogs pa'i bya bas byed pa'o/ /'dir brjod par bya ste/ sems pa'i bdag nyid can gyi rdzas gang yin pa de rnams grangs dang 'brel ba ni ci snga ma'i rang bzhin ma spangs pa 'am spangs nas 'brel zhes gnyis su brtag par bya'o/ /de la brtag pa dang po ltar na sngon dang phyi ma'i gnas skabs khyab par byed na sems pa ji ltar yongs su 'gyur
- 217b
pa zhes bya ba yin/ 'gyur pa zhes pa brtags pa ni snga ma'i gnas skabs yongs su spangs nas gnas skabs gzhan dag yongs su gzung ba la bya na/ mi 'gyur ba'i rang bzhin la ni de yang yod pa ma yin pas 'gyur ba zhes tha snyad tsam du brtag tu mi rung ngo/ /sbyor ba la yang sngon dang phyi ma'i gnas skabs khyab par med pa gang yin pa de ni 'gyur ba can yang ma yin te/ dper na nam mkha' dang 'dra'o/ /sems pa sngon dang phyi ma'i gnas skabs su khyab par med kyang ni khyab par byed pa mi dmigs pa yin no/ /'on te brtag pa gnyis pa ltar na snga ma'i rang bzhin yongs su spangs na de'i rang bzhin gzhan pa nyid du 'byung ste/ dper na snal ma las snam bur gyur pa de'i tshe 'gyur ba ji ltar yin/ sbyor ba ni gang du rang bzhin mi 'gyur ba gnas su zin kyang gzhan du gyur pa gang yin pa de nyid de'i yongs su 'gyur ba ma yin te/ dper na bum pa'i rang bzhin ma gyur par gnas pa las snam bur gyur pa dang 'dra'o/ /snga ma'i rang bzhin spangs nas rang bzhin gzhan du skye ba ni khyab par byed pa'i 'gal ba nye bar dmigs pa yin no/ /'on te gnyis ga'i bdag nyid can yin pas rdzas dang rnam grangs gcig tu bya ba yod pa'ang ma yin la/ dbye ba med pa'ang ma yin mod kyi/ 'on kyang de gnyis ga yang dbye ba yod pa dang/ dbye ba med pa yin pa de'i phyir ji skad du bshad pa'i nyes pa med do zhe na/ de ni bzang po ma yin te/ gal te rdzas dang rnam grangs bye brag med par yang khas len na de'i tshe rnam pa thams cad du dbye ba med pa yin gyi/ de bas go bzlog pa'i dbye ba can du ji ltar 'gyur te/ gcig la gcig pa na tshul 'gal ba'i sgyur pa dang/ dgag pa yod par rigs pa ma yin no/ /sbyor ba ni gang du dbye ba med pa de ni de dang 'gal ba'i dbye ba'i go skabs yod pa ma yin te/ de rnams nyid kyi rnam grangs
- 218a
dang rdzas kyi so sor nges pa thun mong ma yin pa bdag gi rang bzhin de'i ngo bo nyid de las gzhan du bya ba'i go skabs med do/ /rdzas dang rnam grangs dbye ba yod pa dang dbye ba med pas gnas pa ni 'gal ba nye bar dmigs pa yin no/ /gang na zlog pa dang ldan pa'i rang bzhin las ngo bo nyid tha mi dad pa de ni bzlog pa dang ldan pa'i ste/ dper na rnam grangs kyi rang bzhin dang 'dra'o/ /bzlog pa dang ldan par rang bzhin las tha mi dad pa'i rdzas yin no zhes bya ba ni rang bzhin gtan tshigs so/ /yang na rjes su mthun pa'i bdag nyid can gyi rang bzhin las tha mi dad pa de ni rjes su 'gro ba'i bdag nyid can nyid yin te/ dper na rdzas kyi rang bzhin dang 'dra'o/ /rjes su mthun par bdag nyid can gyi rang bzhin las bde ba la sogs pa'i rnam grangs tha mi dad pa'i ngo bo nyid yin no zhes bya ba yang rang bzhin gyi gtan tshigs yin no/ /gal te 'gal ba'i chos la lhag par chags su zin kyang dbye ba med na dbye ba ma grub pas dbye ba med pa yang med do/ /dbye ba dang dbye ba med pa'i tha snyad rgyun chad na ni 'gro ba rnams kyi 'jug pa dang ldog pa med par 'gyur te/ 'di ni go bzlog pas gnod pa'i chad ma yin no/ /de bas na mngon sum ni rjes su 'gro ba dang bzlog pa'i rang bzhin dang bral ba sngon dang phyi ma'i tshul las dben pa de ltar byung ba tsam gyi rang bzhin 'dzin par byed pa rang rig pa'i bdag nyid can yin pas bdag med pa ni mngon sum du grub pa yin no/ /bdag med pa mngon sum du grub tu zin kyang gzhan gyi gzhung tshul snying po med par bstan par bya ba'i rjes su dpag pa yod pas 'dir mngon par zhen par mi bya'o/ /tshad ma dang bral bar rmongs pas bdag yod par khas 'che ba'i mu stegs ngan pa gzhan dag la yang tshul 'di bzhin du tshar
- 218b
bcad par bya'o/ /de ni dkyus ma nyid la 'jug par bya ste/ rje btsun 'jam dpal gyis 'gro ba thams cad kyi don yod par mdzad pa la sogs pa'i khyad par gyis phul du byung ba'i ngo bo nyid du brtan par bya ba'i phyir ro/ /kun tu 'gro ba'i don yod stobs/ /de bzhin gshegs pa'i yid ltar mgyogs/ /rgyal ba dgra rgyal rnam par rgyal/ /'khor los bsgyur ba stobs po che zhes bya ba gsungs te/ thams cad du cig car gdul bya rnams pa snang zhing gshegs pa na kun tu 'gro ba'o/ / yang na gang gi phyir chos kyi dbyings la ma gtogs pa'i chos ni 'ga' yang med do zhes bya ba'i rigs pas chos kyi dbyings kyi ngo bo nyid yin pas na kun tu 'gro ba'o/ /don yod pa ni 'bras bu yod pa ste/ gdul bya rnams kyi bsam pa ji lta ba bzhin du rdzogs pa'i 'gro ba gang la yod pa de ni don yod stobs so/ /bshad pa gnyis pa yang chos kyi sku mnga' brnyes pas don yod la/ thogs pa med par gshegs pa ni thugs su chud pa ste/ de bzhin nyid thugs su chud pas skal pa dang ldan pa rnams la yid bzhin gyi nor bu rin po che dang 'dra bar gyur pas na/ kun tu 'gro ba don yod stobs zhes bya ste/ chos kyi sku'o/ /de bzhin gshegs pa'i yid ltar mgyogs pa'i ting nge 'dzin gyi ngo bo nyid du 'gyur pas de bzhin gshegs pa'i yid ltar mgyogs zhes bya'o/ /yang na de bzhin gshegs pa'i yid ltar mgyogs pas don yod pa'i stobs so/ /don yod stobs pas kun tu 'gro ba'o/ /zhes rgyu dang 'bras bu'i ngo bor gyur par bshad do// nang gi nyon mongs pa las nges par rgyal bas na rgyal te/ sdig pa'i chos las nga rgyal te/ de'i phyir nye 'gro nga rgyal yin zhes gsungs pa'i phyir ro/ /phyi rol gyi bdud kyi dgra las rnam par rgyal bas na dgra las rgyal ba ste/ bdud dang mu
- 219a
stegs la sogs pa'i dgra las gang zhig rgyal ba de ni dgra las rgyal ba'o/ /nang dang phyi'i nyon mongs pa dang/ bdud kyi dgra las rgyal ba rnam pa sna tshogs pa 'di la mnga' bas rnam par rgyal ba'o/ /de bas na zil gyis mi non pa'i chos kyi 'khor lo bskor par mdzad pas na 'khor los sgyur ba ste/ gang la 'khor los bsgyur ba'i ngang tshul yod pa de la ni de skad ces bya'o/ /bsod nams dang ye shes kyi tshogs las nges par 'byung ba stobs che ba'i byang chub sems dpa' dang/ khro bo la sogs pa'i 'khor gyi tshul gang la yod pa de ni stobs po che'o/ /yang na bsod nams dang ye shes kyi tshogs kyi bdag nyid can zil gyis gnon par mi nus pa'i gzugs dang nus pa la stobs zhes bya'o zhes bshad do/ /bcom ldan 'das ni 'jig rten pa dang 'jig rten las 'das pa thams cad kyi bdag pa nyid du gyur par bstan par bya ba'i phyir/ tshogs kyi slob dpon tshogs kyi mchog /tshogs rje tshogs bdag dbang dang ldan/ /mthu chen gces pa 'dzin pa ste/ /tshul chen gzhan gyi dring mi 'jog ces bya ba gsungs te/ de la nyan thos la sogs pa'i dge 'dun bslab pa'i kun tu spyod pa 'dzin du 'dzud par mdzad pas na tshogs kyi slob dpon no/ /tshogs rnams kyi gtso bo yin pas na tshogs kyi mchog ste/ byang chub sems dpa' i dge 'dun gyi gtso bor gyur pas tshogs kyi mchog go /rdzu 'phrul chen po dang ldan pa'i lha rnams kyi tshogs kyi gtso bor gyur pas na tshogs rje'o/ /de las gzhan pa'i gnod sbyin dang lha ma yin la sogs pa tshogs rnams kyi gtso bor gyur cing skyong bar mdzad pas na tshogs bdag go /ji ltar na thams cad du 'di ltar gyur pa yin zhe na/ de'i phyir dbang dang ldan zhes
- 219b
bya ba gsungs te/ dbang du gyur pa nyid thob pa'i phyir ro/ /zhes bya bar dgongs so/ /yang na de bzhin gshegs pa'i dkyil 'khor chen po de bzhin gshegs pa ni byang chub sems dpa' la sogs pa'i tshogs rnams kyi gtso bor gyur pas na tshogs kyi mchog go /khro bo'i dkyil 'khor du drag pos mnan nas stobs kyis byang chub sems dpa' i spyod pa 'dzin du 'dzud par mdzad pas na tshogs kyi slob dpon no/ /'jig rten pa'i phyi rol gyi rdo rje'i rigs kyi dkyil 'khor gyi dbus su bzhag nas 'di ni bdag cag gi ston pa dang gtso bo dang dbang po'o zhes mchod par byed pas na tshogs kyi mchog go /gzungs kyi dkyil 'khor du gzungs kyi lha mo thams cad kyi tshogs rnams dga' ba bskyed pa'i bdag por gyur nas gzhugs pas na tshogs rje'o/ /thams cad du cig car bdag por gyur pas na tshogs bdag go /'di yang dbang du gyur pas na dbang dang ldan pa zhes bya'o/ /thams cad du legs par gnas pa'i phyir mthu chen po 'di la mnga' bas na mthu chen no// sems can ma lus pa'i don mdzad pa'i phyir de bzhin gshegs pa'i gces pa la nges par sbyor bas na gces pa 'dzin pa ste zhes bya'o/ /de ltar na ni gzhan la rag las pa nyid du 'gyur ro snyam pa'i rtog pa bsal bar bya ba'i phyir tshul chen gzhan gyi dring mi 'jog ces bya ba gsungs te/ 'dis sems can rnams sangs rgyas nyid du khrid par mdzad pas na tshul zhes bya ste lam mo/ /theg pa chen po'i bdag nyid can gyi che ba'i tshul gang la yod pa de ni tshul chen no/ / gzhan gyis bkrir med pas na gzhan gyi dring la mi 'jog pa ste/ gzhan gyis kha drang du med pa'o/ /de lta mod kyi rang nyid bdag nyid kyis bdag nyid sems can gyi don byed pa la nges par sbyor ba dang ldan pas na gces par 'dzin pa dang/
- 220a
gzhan gyi dring la mi 'jog pa zhes bya ba la 'gal ba med do/ /da ni dag gis rab tu dbye bas bdag por gyur pa nyid du bstan par bya ba'i phyir/ tshig go rje tshig bdag smra mkhas pa/ tshig la dbang pa tshig mdza' yas/ /tshig bden pa dang bden par smra/ /bden pa bzhi ni ston pa po zhes bya ba gsungs te/ 'dir so sor yang dag par rig pa bzhi dang/ sbyar bar blta ste/ de yang blo gros mi zad pas bstan pa'i mdo las rgyas par bstan te/ 'di ni mdo tsam du sbyar bar bya'o/ /de la don so so yang dag par rig pa ni gang chos thams cad la don dam par shes pa ste/ chos shes pa dang/ so sor rtog pa shes pa dang/ rjes su shes pa dang/ rgyu shes dang/ rkyen shes pa dang/ gnyis su med par shes pa dang/ tshogs par shes pa dang/ tha mar mi 'gro ba shes pa dang/ bar na mi 'dug pa shes pa dang/ rkyen la 'jug pa shes pa dang/ chos kyi dbyings dbyer med pa shes pa dang/ de bzhin nyid kyi rjes su 'jug pa shes pa dang/ yang dag pa'i mdza' la gnas pa shes pa dang/ stong pa nyid rtogs pa'i shes pa dang/ de bzhin du mtshan ma med pa dang/ smon pa med pa dang/ mngon par 'du mi byed pa dang/ tshul gcig pa dang/ bdag med pa dang/ sems can med pa dang/ srog med pa dang/ gang zag med pa/ don dam par shes pa nas theg pa chen po la dge ba'i rtsa ba dang tshogs thams cad spel bar shes pa 'di ni don so so yang dag par rig pa zhes bya'o/ /don so so yang dag par rig pa ni don so so yang dag par rig pa gang gis chos thams cad don la rton pas rton pa'o/ /de ci'i phyir zhe na/ chos thams cad ni ma lus par stong ste/ gang stong pa de ni don no/ /da bzhin du mtshan ma med pa dang/
- 220b
smon pa med pa dang/ mngon par 'du mi byed pa dang/ mi skye ba dang/ mi 'byung ba dang/ dngos po med pa dang/ dben pa dang/ bdag med pa dang/ sems can med pa dang/ srog dang gang zag med pa'i don de ni don te/ zhes bya ba nas don so so yang dag par rig pa de ni thams cad bstan pa la mi zad pa yin te/ de lta bu'i mi zad par bstan pa'i tshig rnams la dbang phyug tu gyur pas na tshig rje'o/ /de la chos so so yang dag par rig pa ni gang chos thams cad la rjes su 'jug pa shes pa nas ji srid du sems can gyi spyod pa brgyad khri bzhi stong po de dag gi sems kyi 'jug pa dang/ 'bab pa shes pa dang/ so so ci rigs par chos ston par shes pa dang 'dus pa las mi 'da' bar shes pa dang/ snod kyi bye brag ji lta ba bzhin du shes pa dang/ 'bras bu yod par chos ston pa shes pa dang/ mi chad par lhag par chos ston pa shes pa ste/ de ltar tshig rnams kyi bdag por gyur pas ni tshig bdag go /de la nges pa'i tshig so so yang dag par rig pa ni gang sems can thams cad kyi skad la 'jug pa shes pa ste/ lha'i skad dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po dang/ mi dang mi ma yin pa'i skad la 'jug pa shes pa ste/ mdor na ji snyed du 'gro ba lngar skyes pa'i sems can rnams kyi skad dang/ sgra dang/ dbyangs dang/ tshig gi lam dang/ nges pa'i tshig dang/ brda dang/ spyod pa ji snyed pa de dag thams cad rab tu shes te/ shes nas kyang sgra de dang de dag dang/ nges pa'i tshig de dang de dag gi sems can de dang de dag la sgra ji lta ba bzhin du 'jug pas chos ston pas na mkhas pa'o/ /de bzhin du nges pa'i tshig so so yang dag par rig pa'i spyod pa 'di dag 'di lta bur brtag par bya/ chos 'di dag 'di ltar 'di brtul bar bya/ chos 'di
- 221a
dag 'di lta bur mtshams sbyor bar bya/ chos 'di dag 'di lta bur khong du chud par bya/ chos 'di dag 'di lta bur yi ge rnams kyis brtag par bya'o zhes de dag gcig gi tshig kyang shes pa nas ji srid gnyis kyi tshig nas/ yi ge du mar sgro brtags pa yang shes/ sgro btags pa med pa yang shes te/ de'i phyir tshig rnams kyi bdag por gyur pas na tshig la dbang ba'o/ /nges pa'i tshig de yang thogs pa med pa 'khrul pa med pa zhes bya ba nas sems can thams cad mgu bar byed pa'i bar de/ des na smra mkhas pa'o/ /de la spobs pa so so yang dag par rig pa ni chags pa med par lung bsgo ba bstan pa shes pa dang/ dpyad par lung bsgo ba bstan pa shes pa dang/ thogs pa med par lung bsgo ba bstan pa shes pa dang/ myur ba'i spobs pa dang/ la gor du spobs pa dang/ mgyogs pa'i spobs pa dang/ 'bras bu yod pa'i spobs pa dang/ ji ltar dris pa bzhin du spobs pa dang mi 'phrogs pa'i spobs pa dang/ yongs su mi nyams pa'i spobs pa nas ji srid du yang dag pa ji lta ba bzhin du bstan pas sems can thams cad kyi spyod pa tshim par bya ba'i spobs pa ste/ mi dor mi lkugs pa'i tshig dang/ tshig mi brlang ba dang/ brtan pa dang/ mi rtsub pa dang/ 'jam pa dang/ dag pa dang/ rab tu grol ba dang/ thogs pa med pa dang/ zur phyin pa dang/ nges pa dang/ mi g.yo ba dang/ mi rgod pa dang/ zhi ba dang/ gzung ba'i tshig dang/ btsun pa'i tshig nas de bzhin du sdug bsngal zad par bya ba'i phyir nges par 'byung bar 'gyur te/ gdul bya'i thabs dpag tu med pa'i gsung gang la mnga' ba de ni tshig mdza' yas pa'o/ /de ltar so so yang dag par rig pa bzhi dbye bas tshig rnams ston pa'i dbye ba yod pas rnam grangs su byas nas bshad pa yang ma yin
- 221b
no/ /yang na tshig thams cad bskyed pa'i sngags kyi bdag nyid kyis bzhugs pas na tshig rje ste/ gtso bo ni dbang por gyur pa yin pas rgyur gyur pa las 'bras bu'i tshul du grub pa'o/ /tshig 'byung ba rgyun mi 'chad par sbyor bas na tshig bdag go /de ltar grub pa'i tshig gi rgyun 'byung bas pha rol smra ba bo ma lus bar tshar gcod pas tshig gi nus pa dang ldan ba smra mkhas pa'o/ /saM skri ta dang skad tha mal pa dang/ zur bcag pa dang/ sha za'i skad dang/ ma ga d+ha pa'i skad dang/ zung du 'jug pa'i skad dang/ tha dad pa la sogs pa'i skad thams cad la mkhas shing thams cad du tshig gis ston pas na tshig la dbang ba'o/ /de bzhin du 'khor thams cad kyis zil gyis non par mi nus kyang tshig gi rgyun la yul dang dus kyis gnas skabs kyi khyad par gyis lan 'ga' rgyun chad par dogs pa de lta bu 'di la mi mnga' ste/ de ltar gyur pa'i khyad par byang chub sems kyi ngo bo nyid la zad pa med pa'i phyir ro/ /de yang brtan gang tshig gcig ston par mdzad pa'o/ bskal pa bsam mi khyab par 'das? gyur kyang/ /zad pa med pa'i tshig gi dbye ba yis/ /don rtogs mdzad par thugs ni rnam par sbyangs zhes bshad pa lta bu'o/ /de bas na yul dus kyi gnas skabs kyi bye brag gis rgyun ched pa med par rnam pa thams cad du rgyun mi 'chad pa'i tshig rgyun 'byung bas na tshig mdza' yas shes bya ste/ rgyu nyid dang 'bras bu nyid du bzhag pa'i bye brag gis gnas skabs yongs su bzung nas bcom ldan 'das de nyid thams cad du bzhugs pa'o zhes ston pa yin pa'i phyir rnam grangs ni ma yin no/ /yang na rnam grangs nyid du bya na yang tshig 'ga' zhig la de las gzhan pa'i tshig 'gas gsang sngags kyis tshul du gyur pas ji ltar mngon par 'dod pa'i don thob par 'gyur bas na rnam grangs kyis ston
- 222a
bar mdzad pa yang srid pa 'am/ yang na tshig snga ma snga ma'i bshad par gyur pa ni tshig phyi ma phyi ma yin par bcom ldan 'das kyi bka' nyid las shes te/ ngas bshad cing bstan te bkrol zhing rnam par phye la gsal bar bya'o// zhes gsungs te/ gzhan du rnam par bye ba la sogs pa ni med pas gzhan dag tu yang rnam grangs kyi tshig 'di ltar sbyar ba la nyes pa med do/ /tshig bden zhes bya ba la/ de la byang chub sems dpa' i bden pa gang zhe na/ gang byang chub sems dpa' bla na med pa yang dag par rdzogs pa'i byang chub tu sems bskyed nas sems de srog gi phyir yongs su ma 'dor zhing sems can rnams la log par yang mi sgrub pa ste/ 'di ni byang chub sems dpa' i bden pa'o/ /gang byang chub sems dpa' bla na med pa yang dag par rdzogs pa'i byang chub tu sems bskyed nas phyis sems 'dor zhing sems can thams cad log par sgrub pa 'di ni byang chub sems dpa' i rab tu smad pa'i rdzun du smra ba'o/ /zhes chos yang dag par sdud pa las 'byung ste/ slu bar byed pa ni skyes bu gtso bo'i don thos pa ma yin pas tha dad par mi gsung ste/ de bas na gtso bor gyur pas sangs rgyas nyid thob pa las gzhan du mi 'gyur ba'i gsung mnga' bas ni tshig bden no/ /mya ngan las 'das pa dang/ stong pa nyid dang/ de bzhin nyid dang/ yang dag pa'i mdza' ni bden pa'o/ /de bas gzhan pa thams cad ni rdzun zhing bslu ba'i chos can te/ rnam pa thams cad du bden pa de gsung ba'i ngang tshul gang la mnga' ba de ni bden par smra'o/ /dang zhes bya ba'i sgra ni nges par gzung ba ste bden pa ni 'di nyid do zhes rnam par phye ba'i rim pa yin par blta bar bya'o/ /bden pa bzhi ni ston pa po zhes bya ba la/ bden pa bzhi 'di lta ste/ sdug bsngal
- 222b
gyi bden pa dang/ kun 'byung ba'i bden pa dang/ 'gog pa'i bden pa dang/ lam gyi bden pa'o/ /de la sdug bsngal gyi bden pa gang zhe na/ 'khor bar gyur pa'i phung po lnga ni sdug bsngal yin te/ de yang sdug bsngal gyi sdug bsngal dang/ 'gyur ba'i sdug bsngal dang 'du byed kyi sdug bsngal te/ sdug bsngal de gsum dang ldan pa'i phyir nye bar len pa'i phung po lnga ni sdug bsngal lo/ /nye bar len pa'i phung po lnga po sdug bsngal gyi mtshan nyid can 'di ni sdug bsngal zhes bya ste sdug bsngal gyis sdug bsngal ba'i mtshan nyid can gyis gang stong pa nyid du so sor rtog pa 'di ni sdug bsngal ba la sdug bsngal shes pa'i 'phags pa'i bden pa'o/ /gang phung po lnga'i bag la nyal pa dang/ sred pa'i rgyu dang/ lta bu'i rgyu 'di ni kun 'byung ba ste/ gang srid pa'i rgyu dang lta ba'i rgyu yang dag par len pa dang rjes su 'dzin pa dang/ yongs su tshol ba 'di ni kun 'byung ba la kun 'byung shes pa'i 'phags pa'i bden pa'o/ /gang phung po lnga po rnams kyi zad pa dang/ mthar thug pa dang/ 'gog pa dang/ sngon gyi mthar mi 'byung phyi ma'i mthar mi 'pho ba dang/ da ltar gyi dus su thob pa med pa 'di ni 'gog pa'i bden pa zhes bya ste/ de ni gang 'di ltar shes pa 'di ni 'gog pa la 'gog par shes pa'i 'phags pa'i bden pa'o/ /lam gang zhig rtogs bas sdug bsngal shes pa dang/ kun 'byung shes pa dang/ 'gog pa shes pa la reg par gyur cing rjes su shes pa la 'jug pa 'di ni 'gog par 'gro ba'i lam sgrub pa'i 'phags pa'i bden pa'o/ /'di gang stong pa nyid shes pa 'di ni lam la lam gyi 'phags pa'i bden pa shes pa ste/ nyan thos rnams kyi sdug bsngal yongs su shes pa dang/ kun 'byung spang bar bya ba dang/ 'gog pa mngon du bya ba dang/ lam bsgom par bya'o
- 223a
zhes bya ba dang/ sdug bsngal la sogs pa la mi rtag pa dang/ sdug bsngal ba dang/ stong pa dang/ bdag med pa'o zhes bya ba dang/ kun 'byung ba dang/ rgyu dang/ rkyen dang/ rab tu 'byung ba zhes pa dang/ 'gog pa dang/ zhi ba dang/ gya nom pa dang/ nges par 'byung ba zhes bya ba dang/ lam dang/ rigs pa dang/ sgrub pa dang/ nges par 'byin pa zhes bya ba ste/ rnam pa bcu drug tu bya'o/ /mdor bsdu na nye par len pa'i phung po lnga ni sdug bsngal ba'o zhes bya ba la/ mi rtag pa la sogs pa'i rnam par shes par bya'o/ /kun 'byung gi bden pa ni gang sred pa dang/ yang 'byung par byed pa dang/ kun tu dga' ba'i 'dod chags dang ldan pa de dang der mngon par dga' ba dang/ 'di lta ste/ 'dod pa'i srid pa dang/ gzugs dang gzugs med pa'i sred pa'o/ /'gog pa'i bden pa ni sred pa de nyid gang ma lus pa dang/ bral ba dang/ 'gog pa dang/ spangs pa dang/ so sor 'byung ba dang/ grol ba dang/ mi gnas pa'o/ /lam gyi bden pa ni 'phags pa'i lam yan lag brgyad pa ste/ mdor bsdus nas cung zad cig bshad pa yin te/ gzhung sangs rgyas kyis 'jigs pas rgya cher spros pa ni ma byas so/ /de ltar thun mongs ma yin pa'i tshul gyis bsam pa dang rjes su mthun par nye bar ston par mdzad pas na/ bden pa bzhi ni ston pa po zhes bya'o/ /kun rdzob dang don dam pa'i bden pa gnyis kyi tshul gyis gnas skabs kyi nyan thos la sogs pa'i ming du ston pa'i phyir tshigs su bcad pa gsum gyis rang gi ngo bo nyid bstan pa ni/ phyir mi ldog pa phyir mi 'ong/ 'dren pa rang rgyal bse ru'i tshul/ /nges 'byung sna tshogs las byung ba/ /'byung ba chen po'i rgyu gcig po/ /dge slong dgra bcom zad pa
- 223b
zad/ /'dod chags brel ba dbang po thul/ /bde ba rnyed pas 'jig med thob/ /bsil bar gyur pa rnyog pa med/ /rig pa dang ni rkang par ldan/ /bde gshegs 'jig rten rig pa'i mchog /bdag gir mi 'dzin ngar mi 'dzin/ /bde ba gnyis kyi tshul la la gnas zhes bya ba gsungs te/ bla na med pa yang dag par rdzogs pa'i byang chub las ldog pa med pas na phyir mi ldog pa ste/ phyir mi ldog pa nyid yin pa'i phyir phyir mi ldog pa zhes bya bas sa brgyad pa la gnas pa'i byang chub sems dpa' yin par shes par bya'o/ /phyir mi 'ong zhes bya ba ni nyan thos kyi theg pa'i 'bras bu la gnas pa'i slob pa yin par bshad de/ 'jig rten 'dir mi 'ong bar de nyid du nyon mongs pa zad par byas nas yongs su mya ngan las 'da' bar byed pa ste/ nyan thos kyi theg pas 'dul ba rnams rjes su gzung ba'i phyir/ phyir mi 'ong ba zhes bshad pa ni kun rdzob bo/ /don dam par yang ldog par mi 'gyur bas phyir mi 'ong ba zhes bshad do/ /'dren pa rang rgyal zhes bya ba ni chags na spyod pa'i rang sangs rgyas rnams kyi tshogs yin par bshad de/ so sor re re gtso bo mdzad cing rang sangs rgyas dpag tu med pas 'dul ba'i sems can rnams gdul ba'i phyir rang sangs rgyas kyi gzugs su bdag nyid ston pas na 'dren pa rang rgyal te kun rdzob bo/ /don dam par ni 'dren par mdzad pas na mdzad pa'o/ /'dren pa yang yin la so sor gtso bo mdzad pas na 'dren pa rang rgyal lo/ /'jig rten gyi khams so so dag tu sangs rgyas la sbyor bar mdzad pa'i gtso bo gcig pu yin pa'i phyir 'dren pa rang rgyal lo/ /yang na 'khor gyi dkyil 'khor thams cad du re res gtso bo dang 'dren par mdzad pas na 'dren pa rang rgyal zhes bshad do/ /bse ru ltar gcig pu spyod pa'i rang sangs rgyas la ni bse ru zhes bshad de/ rang sangs
- 224a
rgyas kyi 'dul ba'i sems can rnams smin par bya ba'i phyir de'i gzugs su ston par mdzad pas na 'jam pa'i dbyangs la yang bse ru zhes bya ste kun rdzob bo/ /don dam par ni gnyis pa med pas bse ru'i tshul zhes bya'o/ /de ltar so sor 'gro ba'i don mdzad pa'i phyir/ nges 'byung sna tshogs las byung ba zhes bya ste/ de yang 'dis 'gro ba rnams nges par 'byung ba ste lam mo/ /mya ngan las 'das pa'i dngos po grub bas na mya ngan las 'das pa las byung ba zhes bshad do// de bas nyan thos dang/ rang sangs rgyas kyi lam dang 'bras bu'i tshul gyis der bdag nyid kyi dngos po ston par mdzad pas na/ nges 'byung sna tshogs las byung ba zhes bya ste kun rdzob bo/ /don dam par ni 'byung ba chen po ste/ rdzu 'phrul chen po dang ldan pa'i sems can gzhan rnams sangs rgyas nyid thob pa'i rgyu gcig pu yin pa thams cad kyi bdag nyid kyi de kho na nyid kyi gzugs can ni bcom ldan 'das yin te/ 'byung ba chen po'i rgyu gcig po zhes bya'o/ /tshur shog ces bya bas bsnyen par rdzogs pa'i dge slong dang/ gsol ba dang bzhi'i las kyis bsnyen par rdzogs pa'i dge slong ni dge slong ngo/ /dgra rnams bcom pas na dgra bcom pa ste/ nges pa'i tshig gi tshul gyis phyi rol gyi nye par 'tshe ba'i dgra las nges par rgyal bas na dgra bcom pa'o/ /nang gi nyon mongs pa'i zag pa zad par gyur pa gang yin pa ni zag pa zad pa'o/ /gang gis 'dod ba'i 'dod chags dang/ gzugs kyi 'dod chags dang/ gzugs med pa'i 'dod chags rnams dang bral zhing bsal pa de ni 'dod chags dang bral ba'o/ /gang gi dbang po rnams yul la 'jug pa bkag pas rgyal ba de ni dbang po thul ba'o?/ /de ltar de'i gzugs dang ming gis sems can rnams 'dul ba'i phyir de dang der ston bar
- 224b
mdzad ba ni kun rdzob bo/ /don dam par ni gnyis su med pa'i ye shes kyis nyon mongs pa bcom pas na dge slong ngo/ /thams cad du mchod du mchod par 'os pas na dgra bcom pa'o/ /zag pa zad pa ni nyan thos kyi byang chub dang rang sangs rgyas kyi byang chub ste des na zag pa zad pa zhes bya mod kyi/ bdag nyid ni bdun brgya pa las gsungs pa lta bu'i zag pa med pa yin gyi dgra bcom ltar nyon mongs pa thams cad zad pa las ni ma yin no/ /de ltar ga las shes she na/ nyon mongs pa dang nye bar dmigs pa med pas chos thams cad gzod ma nas zad pa nyid do zhes 'byung ba'i phyir ro/ /gang gis 'khor ba dang mya ngan las 'das pa mnyam pa nyid du dmigs pas zhen pa'i mtshan nyid can gyi 'dod chags dang bral zhing bor ba de ni 'dod chags dang bral ba'o/ /ji ltar na dbang po thul ba yin zhe na/ nyan thos la sogs pa ltar dbang po bsdams pas dbang po thul ba ni ma yin gyi/ 'on kyang dad pa la sogs pa'i dbang po lnga mngon sum du mdzad pas na dbang po thul ba ste/ de la dbang po lnga ni dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po'o/ /de la dad pa'i dbang po gang zhe na/ dad pa gang gis chos bzhi la dad pa ste/ bzhi gang zhe na/ 'di lta ste/ 'khor ba na spyod pa'i 'jig rten pa'i yang dag pa'i lta ba la dad pa ste/ de las kyi rnam par smin pa la rton pa yin/ dge ba 'am sdig pa 'am las gang dang gang byas pa las de dang de'i rnam par smin pa myong bar 'gyur ro snyam ste srog gi phyir yang sdig pa'i las mi byed pa dang/ byang chub sems dpa' i spyod pa la dad pa ste/ spyod pa de la zhugs nas kyang theg pa gzhan la 'dod pa mi bskyed pa dang/ chos thams cad la don dam pa nges pa'i don zab mo rten cing 'brel pas 'byung ba
- 225a
bdag med pa/ sems can med pa/ srog med pa/ gso ba med pa/ gang zag med pa/ rnam par dpyod pa dang/ stong pa nyid dang/ mtshan ma med pa dang/ smon pa med pa'i mtshan nyid du dad pa ste/ lta bar gyur pa thams cad 'gal nyal par mi byed pa dang/ stobs dang mi 'jigs pa la sogs pa sangs rgyas kyi chos thams cad la dad pa ste/ dad pa'i phyir the tshom dang bral/ nem nur dang/ bral bas sangs rgyas kyi de yang dag par sgrub pa ste/ 'di ni dad pa'i dbang po zhes bya'o/ /de la brtson 'grus kyi dbang po gang zhe na/ chos gang dag la dad pa'o dbang pos dad par gyur pa'i chos de dag brtson 'grus kyi dbang pos yang dag par sgrub ste/ 'di ni brtson 'grus kyi dbang po zhes bya'o/ /de la dran pa'i dbang po gang zhe na/ chos gang dag brtson 'grus kyi dbang pos yang dag par bsgrub pa'i chos de dag ngan pa'i dbang po chud mi gson te/ 'di ni dran pa'i dbang po zhes bya'o/ de la ting nge 'dzin gyi dbang po gang zhe na/ dran pa'i dbang pos chos gang dag chud mi gson pa'i chos de dag ting nge 'dzin gyi dbang pos rtse gcig tu byed de/ 'di ni ting nge 'dzin gyi dbang po zhes bya'o/ /de la shes rab kyi dbang po gang zhe na/ chos gang dag ting nge 'dzin gyi dbang pos rtse gcig tu byas pa'i chos de dag shes rab kyi dbang pos rab tu rtog cing shin tu rtogs par byed de/ gang chos de dag las gzhan gyi dring la mi 'jog pa shes shing so sor shes pa 'di ni shes rab kyi dbang po zhes bya'o/ /de ltar na dbang po lnga po 'di dag ni lhan cig 'grogs shing rjes su 'brel ba ste/ sangs rgyas kyi chos thams cad yongs su rdzogs par byed do/ /lung bstan pa'i sa yang 'jog go /btsun pa shA radwA ti'i bu 'di lta ste/ dper na phyi rol pa'i lnga mngon par shes pa rnams sems can
- 225b
mngal du song ba rnams ni ji srid du de'i pho'i dbang po dang mo'i dbang po mngon par grub par ma gyur pa de srid du lung mi ston to/ /de bzhin du sangs rgyas bcom ldan 'das rnams kyang byang chub sems dpa' dag la ji srid du 'jig rten las 'das pa'i dbang po 'di dag dang ldan par ma gyur pa de srid du bla na med pa yang dag par rdzogs pa'i byang chub tu lung mi ston te/ 'di dag ni byang chub sems dpa' i dbang po lnga'o/ /de ltar dbang po lnga thul zhing dbang du byed de rang dgar mdzad pas na dbang po thul ba'o/ /bde ba rnyed pas 'jigs med thob ces bya ba la/ bde ba'i sgra dang 'jigs pa med pa'i sgras kyang mya ngan las 'das pa yin par bshad do/ /de pas mya ngan las 'das pa thob pa'i dgra bcom pa yin par bshad pa ni kun? rdzob bo/ don dam par ni nye bar dmigs pa'i nyon mongs pa dang/ gnas ngan len thams cad dang bral bas bde ba rnyed pa'o/ /'jigs pa med pa thob pa yang chos thams cad mnyam pa nyid la gnas pa la bya bar bshad do/ /nyam nga zhing mi bde ba dang 'jigs pa dang bcas pa nyid ni mnyam pa nyid thob pa la gnyis po 'di dag med pas na bsil bar gyur pa zhes bya ste/ mar me lta bur mya ngan las 'das pa phung po lhag ma med pa'i mya ngan las 'das pa la yang bya mod kyi/ byang chub sems dpa' yang sems can thams cad kyi nyon mongs pa'i gdung ba thams cad sel bas mtshon chen dang 'dra bas bsil zhing yid 'phrog pa'i gzugs su snang bas na bsil bar gyur pa zhes bshad de/ rgyu dang 'bras bu'i tshul gyis so/ /rnyog pa ni dri ma dang bcas pa ste de dang bral bas na rnyog pa med pa yin te/ nyon mongs pa dang bral ba la rnyog pa med pa zhes bya'o/ /'dir yang rnyog pa ni gcig dang du ma la sogs pa'i rnam par rtog pa dang ldan pa yin la/ de med pas na rnyog pa med pa zhes bya ste/ gang gi phyir rtog pa'i
- 226a
rnyog pa thams cad dang bral ba de ni rnyog pa med pa'o/ /rig pa dang rkang par ldan zhes bya ba la rig pa ni yang dag pa'i lta ba'o/ /yan lag lhag ma ni rkang pa ste/ 'phags pa'i lam yan lag brgyad de/ de dag gi / tshul dang ldan pas na 'di skad ces bya ste/ 'phags pa'i lam yan lag brgyad po ni 'di'i 'og nas rgya cher bshad par bya'o/ /bde bar gshegs pa zhes bya ba'i don ni rnam pa gsum du nye bar gzung ste/ mdzes par gshegs pas na bde par gshegs pa yin te/ gzugs bzang ba bzhin no/ /ma lus par gshegs pas na bde bar gshegs pa ste/ bum pa legs par gang ba bzhin no/ /phyir mi ldog par gshegs pas na bde bar gshegs pa ste/ rims nas legs par byang ba bzhin no/ /gshegs pa'i don thams cad ni mkhyen pa'i don te/ phyin ci ma log pa'i lam gyis shes bya ma lus par rtogs pas chos nyid thugs su chud cing yongs su ma nyams pa nyid du bshad do/ /'jig rten rig pa zhes bya ba ni 'gro ba dang/ skye gnas dang/ rigs kyi dbye bas tha dad pa'i sems can gyi 'jig rten dang/ snod kyi 'jig rten rnams ji lta ba bzhin mkhyen pas na 'jig rten rig pa'o/ /mchog ces bya ba ni nyan thos dang rang sangs rgyas rnams las kyang shin tu phul du byung ba'o zhes bya ba'i don to/ /bdag gir mi 'dzin ngar mi 'dzin zhes bya ba la 'di ni bdag gi'o/ /zhes bya ba bdag gis med pas na bdag gir mi 'dzin pa'o/ /bdag rkyen du bzung ba'i bdag nyid med pas na ngar mi 'dzin pa'o/ /de dag thams cad kyang kun rdzob dang don dam pa'i ngo bo nyid gnyis su bzhag pa la 'gal ba med par bstan par bya ba'i phyir ro/ /bden pa gnyis kyi tshul la gnas zhes bya ba gsungs te/ bden pa gnyis po nyid tshul te
- 226b
gzhung lugs so/ /de la gnas pa ni kun rdzob kyi bden pa'i tshul gyis nyan thos dang rang sangs rgyas kyi lam thugs su chud cing kun nas nyon mongs pa dang/ rnam par byang ba la sogs pa'i tshul gyis bzhugs pa'o/ /don dam pa'i bden pa'i tshul gyis kyang chos kyis dbyings spros pa med pa'i ngo bo nyid la mnga' brnyes pa/ mgon po 'jam pa'i dbyangs nyid gdul bya rnams la de ltar snang bas na/ bden pa gnyis kyi tshul la gnas zhes bya ste/ gnas pa med pa'i tshul gyis gnas te bye brag ni de yod do/ /bden pa gnyis kyi tshul du gnas pa 'di ni bar gyi gling dang 'dra bas 'og nas bshad pa la yang sbyar bar bya'o/ /bsod nams kyi tshogs dang ye shes kyi bdag nyid can du bstan par bya ba'i phyir/ 'khor ba'i pha rol mthar son pa/ /bya ba byas pas skam sar gnas/ /shes pa 'ba' zhig nges gsal ba/ /shes rab mtshon chas rnam 'joms pa/ /dam chos chos rgyal gsal bar ldan/ /'jig rten snang bar byed pa'i mchog /chos kyi dbang phyug chos kyi rgyal/ /legs pa'i lam ni ston pa po/ /don grub bsam pa grub pa ste/ /kun tu rtog pa thams cad spangs/ /rnam par mi rtog dbyings mi zad/ /chos dbyings dam pa zad mi shes/ /bsod nams ldan pa bsod nams tshogs/ /ye shes ye shes 'byung gnas che/ /ye shes ldan pas yod med shes/ /tshogs gnyis tshogs ni bsags pa po zhes bya ba'i tshigs su bcad pa bzhi gsungs pa yin te/ de la 'khor ba ni dmyal ba dang/ yi dwags dang/ dud 'gro dang/ mi dang/ lha la sogs pa'i srid par yang dang yang du 'khor bar byed pas 'khor ba'o/ /'khor ba de'i pha rol gyi mdza' ni 'khor ba'i pha rol te/ der son pa ni de la gnas pa'o/ /de yang ji ltar 'khor zhe na/ las dang nyon mongs pa skye ba'i bdag
- 227a
nyid kyi rang gi ngo bo yongs su ma shes pas 'khor bar 'jug la/ rang gi ngo bo yongs su shes pa ni pha rol te mdza' o/ /'khor ba dang mya ngan las 'das pa'i bye brag mi dmigs par de la gnas pa ni chos nyid kyi gzugs kyis bzhugs pa yin gyi/ /rten dang brten pa'i dngos por yod pa ni ma yin te/ gang gi phyir mya ngan las 'das pa'i mdza' gang yin/ de ni 'khor ba'i mdza' yin te/ 'di gnyis bye brag cung zad tsam/ /shin tu phra ba'ang yod ma yin zhes bshad pa'i tshul gyis so/ /bya ba byas pa zhes pa ni gang gis bya ba ste/ las su bya ba byas pa de ni bya ba byas pa'o/ /ji ltar na byang chub sems dpa' rnams kyi bya ba byas pa yin/ /bya ba med na ni lhag ma med pa'i mya ngan las 'das par thal bar 'gyur ro zhe na/ 'di ni dgongs pa yongs su ma shes pa yin te/ byang chub sems dpa' rnams kyi bya ba byas pa ni sems can ma lus pa'i don mdzad par spyod pa'i bdag nyid kyi dngos po bskyed pa ste/ bsod nams dang ye shes kyi tshogs dang pha rol tu phyin pa yongs su rdzogs par mdzad pa ni bya ba byas pa'o zhes bcom ldan 'das kyis gsungs pas na 'gal ba med do/ skam sar gnas zhes bya ba ni/ 'khor ba'i skye bo las 'phags shing mtho ba'i bsod nams dang ye shes kyi tshogs dang sa dang pha rol tu phyin pa'i thad thams cad las mthon po la gnas pas na skam sar gnas zhes bya'o/ /nyan thos kyi theg pa la ni/ 'khor ba'i pha rol mthar son pa bya ba byas pa skam sar gnas shes bya ba 'di gnyis ka mya ngan las 'das pa thob pa la bya'o zhes zer te/ de ltar na ni mya ngan 'das pa la sogs pas 'dul ba'i sems can dag la de dang de lta bur ston pa ni kun rdzob yin te/ de ltar na sngar bshad pa
- 227b
bzhin du sbyar ro/ /shes pa 'ba' zhig /zhig nges gsal ba zhes bya ba la/ ye shes 'ba' zhig byung zhing gsal ba ste/ gtso bo'i bdag dang bdag gi la sogs pa'i rgyu gang gis gsal ba de ni ye shes 'ba' zhig nges phyung shes bya ste nges phyung shes pa 'ba' zhig go /zhes tshig gi phrad gong du mi 'byung ba ni rtag pa ma yin pa'i phyir ro/ /yang na shes pa 'ba' zhig ni grangs can dang gcer bu pa'i gzhung gi sa thar pa'i rgyur yongs su brtags pa'i shes pa 'ba' zhig pa'o/ /de phyung ba ni gsal ba ste/ snying po med pas gang gis yongs su dor ba de la de skad ces bya ste/ snga ma bzhin du tshig gi brang ni gong du mi 'byung ngo/ /Shthi ba ni ras na zhes skad kyi byings las 'byung bas tha dad pa'i skad kyi byings kyi tshig ni de ltar bshad de/ gang gi tshe tha dad pa'i tshig ni glegs bam gang la yang med pas na skad kyi byings Shtha bu ni ras na ni sha ma na yo zhes bya ba'i skad kyi byings la brten pas na/ shes pa 'ba' zhig nges gsal ba zhes bshad pa yin no/ /shes rab nyid mtshon cha yin pas na shes rab kyi mtshon cha rnon po gang yin pa de la de skad ces bya'o/ /gang de lta bu'i shes rab kyi mtshon cha dang ldan pa ni nges par sems can thams cad kyi rgyu la yod pa'i ma rig pa rnam pa sna tshogs kyi tshul gyis 'joms pas na rnam 'joms pa'o/ /gang gi tshe tshig rnam par phye ba de'i tshe na shes rab kyi mtshon cha gang la mnga' ba de ni shes rab mtshon cha'o/ /log pa'i blo gros 'joms pas na rnam 'joms pa'o/ /yang na shes rab mtshon chas rnam 'joms pa zhes bya ba ni ma rig pa 'joms pas na rnam 'joms pa zhes par gyi tshig mi mngon par byas nas mtshams sbyar ba ste/ rgyal po sha ka la sogs pa bzhin no/ /dam chos chos rgyal zhes bya ba la/ /dam pa rnams kyi chos yin pas
- 228a
na dam pa'i chos te/ dam pa'i chos ni mtho ris dang thar pa sgrub pa'i thabs snying brtse ba dang/ sbyin pa la sogs pa'i mtshan nyid can yin la/ bcom ldan 'das kyang thugs rje dang/ sbyin pa la sogs pa'i ngo bo nyid yin pas na dam pa'i chos so/ /yang na lung las ni dam pa'i chos kyi sgras bshad pa'i bdag nyid can dang/ rtogs pa'i bdag nyid can la zer te/ de la rtogs pa'i bdag nyid can ni dam pa'i chos kyi ngo bo nyid du gyur pas dam pa'i chos so/ lung gi bdag nyid can gyi chos kyang sngags la sogs pa'i gzugs kyi yi ge thams cad la khyab pas na dam pa'i chos zhes bya'o/ /de yang dam pa yang yin la chos kyang yin pas na dam pa'i chos te/ de bzhin nyid kyi tshul gyis rnam pa thams cad du dam par gyur bas na dam pa'o/ /rang gi mtshan nyid 'dzin pas na chos so/ /de bas na nyes pa thams cad dang bral ba'i chos kyi snang ba'i ngo bo nyid kyis mdzes shing snang bar gyur pas na chos rgyal lo/ /gsal bar ldan 'jig rten snang bar byed pa'i mchog ces bya ba la/ gsol bar ldan pa'i mchog ni 'jig rten gyi khams thams cad na gnas pa'i sems can thams cad kyi rgyud du gtogs pa'i mun nag dang bral bar byed pa la mkhas pa'i chos kyi 'od zer shin tu rgyas pas khyab pa'i snang bar gyur pa ste/ gling bzhi pa tsam gyi phyi rol snang bar byed pa ni mchog ma yin no/ /gzhan yang gsal bar ldan zhes bya ba tha dad par bstan pa'i phyir mchog ces bya bas khyad par du byas pa yin no// chos kyi dbang phyug ces bya ba ni chos kyi bdag dang gzhan la kha na ma tho ba med pa'i dga' ba dang bde ba'i skal ba bzang po can gyi nor zad pa med pa'i mdzod kyi ngo bo nyid du gyur cing dbang byed pas na chos kyi dbang phyug go /yang chos rnams
- 228b
la dbang pas na chos kyi dbang phyug ste/ chos thams cad la dbang sgyur ba'i phyir chos thams cad de la rag las bas 'jug pas na chos kyi dbang phyug go /chos kyis sems can thams cad rjes su 'dul ba dang/ yongs su skyong? pas rnam pa thams cad du mdzes pa 'am/ snang zhing gsal bas chos kyi rgyal po'o/ /de yang gang gi phyir legs pa'i lam ni ston pa po zhes bya ste/ nyan thos rnams la ni mya ngan las 'das pa dang rjes su mthun pa'i lam rab tu ston par mdzad pa'o/ /byang chub sems dpa' rnams kyi yang byang chub tu sems bskyed pa sngon du 'gro bas bdag med pa gnyis dang/ sbyin pa la sogs pa'i pha rol tu phyin pa rab tu ston pa ste/ de bas na chos kyi rgyal po'o/ /don grub ces bya ba las sa bcu dang pha rol tu phyin pa'i mtshan nyid can gyi don gyi dgongs pa gang yin pa de la ni de skad ces bya ste/ de grub na yongs su rdzogs pa'o/ /bsam pa grub pa ste zhes bya ba la sems pas na rtog pa ste/ yang dag pa'i rtog pa ni phyin ci ma log pa'i rtog pa'o/ /grub pa ni mthar phyin pa yin pas de skad ces bya'o/ /de ni 'di skad ston par 'gyur te/ sngon las dang po pa'i gnas skabs su byang chub tu sems bskyed pas smon lam dpag tu med pa btab pa ni yang dag pa'i rtog pa tsam du byung zhing rnam par grol pa'i yid la byed pas byas pa de rnams grub pa ni rnam par smin pa'i tshul du rdzogs par gyur pas bsam pa grub pa ste/ bcom ldan 'das 'jam pa'i dbyangs so/ /'dir dgongs pa ma rtogs pa la las dris pa/ gal te bcom ldan 'das kun tu rtog pa grub na ni byis pa so so'i skye bo dang 'dra bar phyin ci log gi nyon mongs pa dang ldan pa yin pas ji ltar na yon tan ma lus pa'i gzhir 'gyur zhe na/ de ni sngar bstan pa yin te/ bcom ldan 'das la 'gal ba med do/ /'gal ba med pa
- 229a
nyid du bstan pa'i phyir/ kun tu rtog pa thams cad spangs zhes bya ba gsungs te/ kun tu rtog pa thams cad spangs zhing dor bas skabs mi phyed pa ste/ chos kyi dbyings shin tu rnam par dag pa'i ngo bo nyid de la ma sdig pa'i bdag nyid can gyi rnam par rtog pa'i skabs med na ji ltar de 'byung bar 'gyur/ dper ni nyi ma'i dkyil 'khor shin tu 'od gsal ba'i mdun du mun pa mun nag gi tshogs kyi rab rib 'dug pa'i skabs med pa dang 'dra bar yang dag pa'i ye shes dang/ log pa'i shes pa dag ni snang ba dang mun pa lhan cig gnas pa lta bur mtshan nyid dang 'gal ba yin pa'i phyir te/ gang gi phyir rnam par rtog pa ni mi rig te/ de ni rang nyid phyin ci log yin pa'i rigs pa 'dis na mi srid do// de ltar na ji ltar bcom ldan 'das chos ston par mdzad pa na rnam par rtog pa sna tshogs pa la lhag par spyod pa'i tshig ston par mdzad pa dang/ de bzhin du 'jig rten las 'das pa'i rjes las thob pa'i dag pa ni 'jig rten pa'i ye shes mngon sum du mdzad nas bcom ldan 'das chos ston par mdzad do zhes ji ltar lung dang yang 'gal ba med pa yin zhes rtog na/ theg pa 'di ni gzhan nyid yin te/ des na dgongs pa can yin pa'i phyir 'di la 'gal ba med do/ /theg pa dman pa la mos pa rnams la phyi'i don bstan pa de ni gang zag la sogs pa yod par bstan pa dang 'dra bar de dag nyid kyis de ltar brtags pa ni rang gi mos pa'i dbang yin gyi/ de kho na nyid du ni ma yin no// de kho na nyid du ni rnam par rtog pa thams cad dang bral ba'i chos dbyings kyi ngo bo nyid la bcom ldan 'das mnga' brnyes pas bsam pa ji lta ba dang rje mthun pa'i chos ston pa lta bur snang ba gdul bya rnams kyi rkyen las byung ba
- 229b
yin la/ de rnams kyis kyang bcom ldan 'das kyi zhal gyi sgo nas sgra'i tshogs rnams byung bar gyur par shes shing/ bcom ldan 'das ni chos rnams ston par mdzad do zhes bya bar rnam par 'jog pas na bcom ldan 'das ni chos ston par mdzad do/ zhes zer ro/ /de skad du/ de yi byin gyis brlabs tsam gyis/ /skyes bu yid bzhin nor bu ltar/ /rtsig pa la sogs rnams las kyang/ /ji ltar 'dod bzhin ston pa 'byung/ /de yi don rnams dpyad nas ni/ /mi rnams kyis ni kun shes te/ /phan pa rnams la ci rigs par/ /myur pa nyid du sbyor par 'gyur zhes bshad pa dang/ de bzhin du/ gtso bo khyod kyis yi ge ni/ /gcig tsam zhig kyang ma gsungs kyang/ /gdul bya'i skye bo ma lus rnams/ /chos kyi char gyis tshim par mdzad ces bya ba'i de bzhin du gzhan dag las kyang/ /skyob pa mdzad pa mi mnga' yang/ /'khor lo 'khor ba'i tshul gyis ni/ /tshogs rnams nyid kyi mthu yis na/ /ston pa la med 'jug par mdzad/ /rtsol ba thams cad spangs par ni/ /nges pa nyid du shes bya ste/ /gzhan du 'di ltar mi 'gyur bar/ /de ni rtag tu shes par bya/ /rnam rtog 'di ni rang nyid dag /ma rig ngo bor gyur pa yin/ /nang gi rnam pa phyi gzigs kyi/ /gang phyir brtags nas 'jug pa yin/ /mgon po shes bya'i sgrib zang ngas// de'i phyir 'di ni yod ma yin/ /'dren bya 'jig rten rnam shes dag /mngon sum mdzad nas ston mi mdzad/ /sangs rgyas rin chen dbang sgyur bas/ /sna tshogs rin chen bzhin bsam 'das/ /skal? ldan rnams la dregs pa ni/ /'gyur bar? thub pa rnam par bsam/ /nga rgyal de yi rjes 'jug rnams/ /sdud par byed pa'i mkhas rnams kyi/ /mdo dang chos mngon 'dul ba la/ tshig ni de ltar byas pa yin/ /sangs rgyas rin chen mthu yis na/ /don rnams sna tshogs ston pa ltar/ rkyen gyis?
- 230a
'dres par ston pa/ /rtog pa'i dra ba rnam par bshig /gdul bya ji ltar mos pa bzhin/ /de yang 'di ni ston par 'dod/ /khyed kyis gdul byad bya ba rnams/ /de nyid la ni brten pa yin/ /gzhan 'di ji ltar phyi rol bzhin/ /de 'di yin zhes smra bar byed?/ /gzhan dang gzhan gyi stobs las 'ongs/ /'di ni de bzhin shes par bya/ /'di ltar khong du chud bya ste/ /gzhan du phyi rol pa yi sgra/ /ji ltar lta ba po'i dbye bas/ /dris pa mgu bya ji lta bur/ /bshad pa dag ni gcig gis kyang/ /gcig gis 'dzin pa'ang bzlog min na/ /rgyu rnams kyis ni dbye ba yis/ /sgra ni mang por gyur pa yin/ /'on kyang thub pa chen po yi/ /gsung gcig du mar snang bar ni/ /de ni du ma'i bdag nyid du/ /gdul bya rnams kyis go bar gyur gdul bya rnams la ye shes de/ /de ltar snang zhing gyur pa yang/ /gal te phyi don yul rnams ni/ /thams cad rnam pa gcig tu 'gyur/ /snang ba du mar gyur pas na/ /ye shes tsam du rnam par mdzes/ /sgra ni du ma'i bdag nyid min/ gcig dang du mar 'gal ba nyid/ /gang zhig du mar gyur pa yang/ /rtog pa nyid du 'gyur ba yin/ /yul gyi shes pa de nyams pas/ /shes par bya ba'ang 'dus par gyur/ /rgyal bas yi ge gcig tsam yang/ /cung zad tsam yang ma gsungs te/ /rnam par mi rtog tshul 'di ni/ /shin tu mdzes par gyur pa yin/ /de bas rtog pa kun spangs par/ /'di ni gnas par gyur pa yin zhes bshad pa yin no/ /gang gi phyir rnam par rtog pa thams cad spangs pa des na/ rnam par mi rtog dbyings mi zad ces bya ste/ de yang gang yin zhe na/ chos kyi dbyings zhes bya ste/ chos rnams kyi rigs so/ /mchog tu phul du byung bas na dam pa'o/ /nam yang gzhan du mi 'gyur bas na zad mi shes pa ste/ chos kyi dbyings ni zad par yang mi 'gyur
- 230b
la/ /'phel ba? yang mi 'gyur ro zhes gsungs pa'i phyir 'phel ba dang 'bri ba dang bral bas na chos kyi dbyings zhes bya'o/ /bsod nams ldan pa bsod nams chags bya ba la/ /sbyin pa dang/ tshul khrims dang/ bzod pa ste pha rol tu phyin pa gsum ni? bsod nams kyi tshogs so/ /shes rab kyi pha rol tu phyin pa dang/ thabs kyi pha rol tu phyin pa dang/ smon lam gyi pha rol tu phyin pa dang/ stobs kyi pha rol tu phyin pa dang/ ye shes kyi pha rol tu phyin pa ste/ pha rol tu phyin pa lnga ni ye shes kyi tshogs so/ /brtson 'grus dang bsam gtan ni gnyi gar gtogs so/ /de la bsod nams dang ldan pa ni rgyu'i gnas skabs su'o/ /bsod nams tshogs ni 'bras bu'i gnas skabs te/ de'i rang bzhin du gyur pas so/ /ye shes ni ye shes kyi tshogs te rgyu'i gnas skabs so/ /ye shes kyi 'byung gnas ni 'bras bu'i gnas gnas skabs te/ ye shes gzhan gyi rgyur gyur ba'i phyir te/ ye shes kyi 'byung gnas kyi ye shes kyi che ba nyid ni thams cad du yongs su smin pa'i dbang gis ye shes kyi rgyur gyur pas na ye shes kyi 'byung gnas so/ /'bras bur gyur pa'i ye shes kyis ni ye shes dang ldan pa zhes bya'o/ /yod pa dang med pa dag ni yod med ces bya ste/ gnyis po de dag shes pa'i ngang tshul gang la yod pa de ni/ ye shes ldan pa yod med shes zhes bya'o/ /de ma gtogs par gyur pa'i gzung ba dang 'dzin pa thams cad ni med pa ste/ rang gi ngo bo nyid shes pa las gzhan mi shes pa'o zhes bya ba'i tshul gyis na de skad ces bya bas de dag ni kun rdzob yin par bshad do/ /don dam par ni yod pa dang med pa'i ngo bo nyid gnyi ga dang bral ba gnyis su med pa'i mnyam pa nyid kyi ye shes ni yod med shes med shes pa'o/ /de lta bu'i yod med shes pa'i ye shes de? rje btsun
- 231a
'jam dpal la mnga' bas na yod med shes zhes bshad de/ gnyis su med pa'i ye shes las tha dad pa'i rje btsun 'jam dpal gzhan yod pa ma yin no/ /ji ltar shes zhe na/ bden pa las gzhan na med pa'i phyir ro/ / de mnga' bas na kun rdzob gyi bden par bshad pa la yang nyes pa med do/ /de bas na kun rdzob dang don dam pa'i sgo nas tshogs rnam pa gnyis yang dag par bsags pas na/ bsod nams dang ye shes kyi tshogs yang dag par rdzogs so zhes bya ba'i don to/ /de ni tshigs su bcad pa bcu dgus gsang sngags kyi tshul gyi lha rnams kyi ngo bo nyid dang/ ting nge 'dzin dang/ gsang sngags dang/ khro bo la sogs pa'i gzugs kyis 'dul ba'i 'gro ba rnams gdul bar bya ba'i phyir bcom ldan 'das de dang de'i gzugs kyis bzhugs so zhes bstan par bya ba'i phyir/ rtag pa zhes bya ba la sogs gsungs pa ni/ rtag pa kun rgyal rnal 'byor can/ /bsam gtan bsam bya blo ldan bdag /so so rang rig mi g.yo ba/ /mchog gi dang po sku gsum 'chang/ /sangs rgyas sku lnga'i bdag nyid can/ /khyab bdag ye shes lnga yi bdag /sangs rgyas lnga bdag cod pan can/ /spyan lnga chags pa med pa'i chad/ /sangs rgyas thams cad skyed pa po/ /sangs rgyas sras po dam pa'i mchog /shes pa srid 'byung skye gnas med/ /chos las byung ba srid pa sel/ /gcig pu sra mkhregs rdo rje'i bdag /skyes ma thag tu 'gro ba'i bdag /nam mkha' las byung rang byung ba/ /shes rang ye shes me bo che/ /'od chen rnam par snang par byed/ /ye shes snang ba lam me pa/ /'gro ba'i mar me ye shes sgron/ /gzi brjid chen po 'od gsal ba/ /sngags drag sngags bdag rig sngags rgyal/ /gsang sngags rgyal po don chen byed
- 231b
gtsug tor chen po rmad 'byung gtsug /nam mkha' i bdag po sna tshogs ston/ /sangs rgyas kun bdag dngos po mchog /'gro kun dga' ba'i yig dang ldan/ /sna tshogs gzugs can skyed pa po/ /mchod cing brjod pa drang srong che/ /rigs gsum 'chang ba gsang sngags 'chad/ /tshig chen po ni gsang sngags 'dzin/ /gtso bo dkon mchog gsum 'dzin pa/ /theg pa mchog gsum ston pa po/ /don yod zhags pa rnam par rgyal/ /'dzin pa chen po rdo rje zhags/ /rdo rje lcags kyu zhags pa che/ /rdo rje 'jigs byed 'jigs par byed/ /khro bo'i rgyal po gdod drug 'jigs/ /mig drug lag drug stobs dang ldan/ /keng rus mche ba gtsigs pa po/ /ha la ha la gdong brgyab/ /gshin rje gshed po bgegs kyi rgyal/ /rdo rje shugs can 'jigs byed pa/ /rdo rje grags po rdo rje'i snying/ sgyu 'phrul rdo rje gsus po che/ /rdo rje las skyes rdo rje'i bdag /rdo rje'i snying po mkha' 'dra ba mi g.yo ral pa gcig gis bsgrings?/ glang chen ko rlon gos su gyon/ /drag chen ha ha zhes sgrogs pa/ /hi hi zhes sgrogs 'jigs par phyed/ /gang mo chen po gang? rgyangs can/ /rdo rje gang mo cher sgrogs pa/ /rdo rje sems dpa' sems dpa' che/ /rdo rje rgyal po bde ba che/ /rdo rje drag po dga' ba che/ /rdo rje hUM ste hUM zhes sgrogs/ /mtshon du rdo rje'i mnga' thogs pa/ /rdo rje'i ral gri ma lus gcod/ /rdo rje kun 'chang rdo rje can/ /rdo rje gcig pa g.yul sel ba/ /rdo rje 'bar ba mig mi bzad/ /sgra yang rdo rje 'bar ba ste/ /rdo rje 'bebs pa 'bebs pa che/ /tshig? brgya pa ste rdo rje mig /lus ni rdo rje'i ba spu can/ /rdo rje spu ni gcig spu'i lus/ /sen mo skyes pa rdo rje rtse/ /rdo rje snying po pags pa mkhregs/ /rdo rje 'phreng thogs dpal dang ldan/ /rdo rje'i rgyan gyis brgyan pa ste/ /gad rgyangs ha ha zhes par sgrogs/ /yi ge drug pa rdo rje'i sgra/ /'jam dbyangs chen po'i sgra che ba/ /'jig rten gsum na sgra gcig pa/ /nam mkha' khams
- 232a
klas sgra sgrogs pa/ /sgra dang ldan pa rnams kyi mchog ces bya ba yin no/ /de la rnam par snang mdzad kyi ngo bo nyid kyis thams cad du rgyun mi 'chad pa'i gzugs kyis bzhugs pa'i phyir rtag pa'o/ /sna tshogs pa ni 'gro ba rnam pa tha dad pa ste/ de na mdzes par gnas pas na kun rgyal te/ don yod par grub pa'i ngo bo nyid du gyur pas kun rgyal lo/ /shes rab dang thabs kyi bdag nyid can gyi rnal 'byor 'di la mnga' bas na rnal 'byor can te/ 'od dpag tu med pa'i ngo bo nyid du gyur pa'i phyir ro/ /yang na zhi gnas dang lhag mthong zung du 'brel bar 'jug pa'i lam ni rnal 'byor ro/ /de yang bcom ldan 'das 'jam dpal gyis rnam pa thams cad du yongs su rdzogs pa ste/ de bas na de nyid ni don dam par rnal 'byor can zhes bya bas las kyi sa la slob par gyur pa na yang nye bar gdags pas rnal 'byor can du gyur pa nyid yin no zhes bya bar dgongs so/ /bsam gtan dang/ bsam pa po dang/ bsam bya ba dang/ bral ba'i rnam par mi rtog pa can gyi thugs kyi bdag nyid mi bskyod pa'i ngo bo nyid du gyur pa'i phyir bsam gtan no/ /sangs rgyas nyid 'dod pa rnams kyi bslab par bya ba yin pa'i phyir rin chen 'byung ldan gyi ngo bo nyid kyis bzhugs pas na bsam bya'o/ /de ltar de bzhin gshegs pa lnga'i ngo bo nyid kyis bzhugs pa 'di su zhig yin pa bstan par bya ba'i phyir/ blo ldan bdag ces pa gsungs te/ /blo ldan zhes bya ba de bzhin gshegs pa lnga'i shes rab rnams kyi bdag po ste gtso bor gyur pa'o/ /de yang dpal rdo rje snying po'i rgyan las/ bde gshegs dri med shes rab ni/ /'jom pa'i dbyangs su de bshad do zhes gsungs pa'i phyir dang/ dngos dang dngos med rnam dpyad na/ /sangs rgyas kun la bdag med
- 232b
kyang/ /bdag gi dbang du 'jug 'gyur ba/ /e ma'o chos kyi chos nyid yin zhes gsungs pas bdag po nyid bstan pas na log par bstan par ni mi bya'o/ /gang gi phyir blo dang ldan pa thams cad kyi bdag po yin pa des na mchog gi dang po zhes bya ste/ dang por gyur pa'o/ /mchog kyang yin la dang po yang yin pas na mchog gi dang po'o/ /de ni 'di skad ston par 'gyur te/ de nyid ni thams cad kyi dang po ste/ de thob nas de bzhin gshegs pa rnams dang/ byang chub sems dpa' rnams dang/ nyan thos rnams dang/ rang sangs rgyas rnams 'byung bar 'gyur ba yin pas mchog gi dang po zhes bshad do/ /mchog gi dang po'i ngo bo nyid du gyur kyang gal te rang gi ngo bo nyid las nyams par 'gyur ro zhes rtog pa la mi g.yo ba zhes gsungs te/ rang gi ngo bo nyid gzhan du 'gyur ba'i mtshan nyid can gyi g.yo ba med pas na mi g.yo ba zhes bya ba'i ri brag ltar gnas nas rtag pa nyid du mi g.yo ba ni ma yin no/ /de yang de lta bu'i ngo bo nyid du gang gis ji ltar rtogs par bya zhe na/ so so rang rig ces bya ba gsungs te/ so so rang rig pa'i ngo bo nyid la ma gtogs par gang gis ji ltar yang rtogs par mi nus so zhes bya ba'i don to/ gal te thog ma dang tha ma med pa dang/ rnam par mi g.yo ba'i ngo bo nyid dang/ so so rang rig pa'i ngo bo yin na ji ltar chos dang longs spyod rdzogs pa dang/ sprul pa'i sku la sogs gzugs kyis gzhan yang dag par rtogs par bzhag ces rtog pa bsal bar bya ba'i phyir/ sku gsum 'chang zhes bya ba gsungs te/ de la de'i dgongs pa ni 'di yin te/ so so rang gis rig pa'i chos nyid kyi bdag can gyi sku la dbang sgyur bas sku gsum du snang ste/ gdul bya'i rgyu la yod pa'i rang rig pa'i tshul yang rtogs par mdzad nas/ des de rnam par bzhag pa'i phyir sku gsum 'chang zhes
- 233a
bya ste/ kun rdzob dang don dam pa'i bden pa la brten pa yin pas na 'gal ba med do/ /sku gsum po de dag kyang yang rnam pa lngar dbye bar bya'o/ /zhes bstan par bya ba'i phyir/ /sangs rgyas sku lnga'i bdag nyid can zhes bya ba gsungs te/ de yang ngo bo nyid kyi sku dang/ chos kyi sku dang/ ye shes kyi sku dang/ longs spyod rdzogs pa'i sku dang/ sprul pa'i sku'o/ /de la chos gang rnam pa thams cad du/ /rnam dag zag pa med brnyes pa/ /thub pa'i ngo bo nyid sku ste// de yi rang gi mtshan nyid ngo zhes bya ste/ chos thams cad ni rang bzhin gyis dri ma med pa'i ngo bo nyid yin pas chos nyid de kho na nyid kyi bdag nyid can gyi sku yin pa'i phyir chos kyi sku'o/ /chos kyi sku gnyis pa ni chos rnams kyi bdag nyid can te/ byang chub kyi phyogs kyi chos la sogs pa nas ji srid du rnam pa thams cad mkhyen pa'i ye shes kyi mthar thug pa'i bar du snang ba'i chos kyi tshul yin pa'i phyir ro/ /sems can thams cad kyi don dang bya ba rnams thugs su chud pa'i bdag nyid ni thub pa'i ye shes kyi sku'o/ /thub mtshan sum cu rtsa gnyis dang/ /dpe byad bzang po brgyad cu 'di/ /theg chen nye bar longs spyod 'dir/ /longs spyod rdzogs pa'i sku 'dod do zhes bya ba ni longs spyod rdzogs pa'i sku'o/ / rang gis phan pa sna tshogs pa/ /'gro la snyoms par mdzad pa ste/ /'khor ba srid du rgyun mi gcod/ /thub pa'i sprul pa'i sku yin no/ /zhes bya ba ni sprul pa'i sku'o/ /de la chos kyi sku la ni chos nyid kyi bdag nyid can dang chos rnams kyi bdag nyid can dang/ ye shes kyi bdag nyid can gyi dbye ba gsum dang/ longs spyod rdzogs pa'i sku dang/ sprul pa'i sku dang gnyis te/ lnga po de dag ni sangs rgyas sku lnga'i bdag nyid can zhes bya'o/ /de la sku gsum ni so so dang
- 233b
gis rig pa ste/ thun mong ma yin pa'o/ /longs spyod rdzogs pa'i sku ni sa bcu la gnas pa'i byang chub sems dpa' dang thun mong ngo/ /sprul pa'i sku ni nyan thos dang rang sangs rgyas la sogs pa thams cad dang thun mong yin pas 'di ni dbye ba ste/ bcom ldan 'das kyi chos kyi sku dang/ longs spyod rdzogs pa'i sku dang/ sprul pa'i sku'i ngo bo rnams phye ste spros pa dang/ 'og nas rang gi gnas skabs nyid du bstan pas na 'dir ma spros so/ /khyab bdag ye shes lnga yi bdag ces bya ba la/ bcom ldan 'das de nyid ldog pa'i dbye ba dang/ mdzad pa'i dbye bas 'di ltar rnam par bzhugs te/ me long lta bu dang/ mnyam pa nyid dang/ so sor rtog pa dang/ bya ba bsgrub pa dang/ chos kyi dbyings rnam par dag pa zhes bya ba ni ye shes lnga rnams so// de la me long gi dkyil 'khor shin tu dri ma med pa la sngon po la sogs pa'i kha dog dang nye ba'i phyogs na gnas pa 'am nam mkha' i ngos na gnas pa'i skar ma'i tshogs la sogs pa'i gzugs brnyan snang yang me long ni 'di snyam du 'di ni sngon po'o// 'di ni ser po'o/ /'di ni thag ring ba'o/ /'di ni thag nye ba'o snyam du mi sems kyang de'i gnan gnas pa rnams sngon po dang/ ser po dang/ ring ba la sogs par rnam par rtog cing 'jog par byed do/ /de bzhin du nyon mongs pa dang/ shes bya'i sgrib pa rnams dang/ bral bas dri ma med cing rnam par mi rtog la/ shes bya thams cad la khyab pa'i ye shes kyi me long la ni 'di dag thams cad nye bar gyur cing thams cad so sor snang la/ gdul bya'i tshogs rnams dang/ rjes su mthun pa'i gzugs brnyan 'char zhing snang ba'i rgyur 'gyur bas na me long lta bu'i ye shes zhes bya'o/ /de yang chos kyi mnyam pa nyid kyis thams cad mnyam pas na mnyam pa nyid kyi ye shes zhes bya'o/ /de nyid ni rten cing 'brel par 'byung ba'i ngo bo nyid
- 234a
rtog pa'i so so rang gi rig pas so so rtog pas na so sor rtog pa'i ye shes shes pa'o/ /de lta yin du zin kyang 'gro ba ma lus pa'i mngon par 'dod pa'i don byed pa'i khyad par can gyi bya ba bsgrub par mdzad do/ so sor snang bar bskyed pas na bya ba sgrub pa'i ye shes zhes bya'o/ /de ltar gdul bya rnams nye bar 'jog par mdzad du zin kyang/ de shin tu yang rang bzhin gyis dri ma med pa'i phyir chos kyi dbyings rnam par dag pa'i ye shes zhes bya'o/ /de ltar gcig pa yin yang rnam par rtog pa'i dbye ba byas pa yin gyi/ gzhan du na ye shes lnga'i bdag nyid gcig pu nyid du mi rigs so/ /gzhan dag ni gzhan du yang ston to/ /mi bskyod pa'i ngo bo nyid du gyur pas na me long lta bu'i ye shes te/ rnam par rtog pa dang bcas kyang thams cad mngon sum du gyur te/ ji ltar la las me long la gzugs brnyan du gyur pa'i shes bya rnams mthong ba de bzhin du rang gi ye shes kyi me long la shes byas snang ba rnams shes shing/ gzhan rnams la yang ston pa yin te/ de bas na me long dang chos mthun pas na me long lta bu'i ye shes zhes bya'o/ /rin chen 'byung ldan gyi bdag nyid yin pa'i phyir mnyam pa nyid kyi ye shes te/ ro gcig pa'i bde ba thams cad nyams su myong ba'i mnyam pa nyid kyis na mnyam pa nyid kyi ye shes zhes bya'o/ /'od dpag tu med pa'i ngo bo nyid du gyur pas so sor rtog pa'i ye shes te/ 'dod chags la sogs pas ma gos pa'i ngo bo nyid la rnam par dpyod pa'i bdag nyid can no/ don yod par grub pa'i ngo bo nyid du gyur pas na bya ba grub pa'i ye shes te/ de bzhin gshegs pa thams cad kyi phyi nang gi mchod pa'i bya ba la 'jug par byed do/ /rnam par snang mdzad kyi bdag nyid can du gyur pa'i phyir chos kyi dbyings rnam
- 234b
par dag pa'i ye shes te/ thabs dang shes rab gnyis su med pa'i bde ba chen po nyams su myong bar 'byung ba'i rgyun mi 'chad de/ shin tu rnam par dag pa'i chos 'byung ba las skyes pa'i phyir chos kyi dbyings kyi ye shes so/ /thams cad kyang rnam par rtog pa dang bcas pa ste/ gzhan du gsang sngags kyi tshul 'byung ba mi srid pa'i phyir ro zhes bya ba 'di la cung zad cig dpyad par bya ba yod de/ gal te ye shes de dag rgyun tha dad par gnas na ji ltar ye shes kyi bdag nyid can gcig pur 'gyur/ yang na gcig pu la phan tshun rjes su zhugs pa yin na/ rgyun tha dad par ma gyur par gnas pa ni shin tu yang 'jug pa mi srid do/ /de lta mod kyi sngags kyi tshul la yang rnam par mi rtog pa'i phyogs nyid dang/ sbyar bar bya ba yin te/ rnam rtog gti mug chen po ni/ /'khor ba'i rgya mtshor phyir ba nyid/ /mi rtog ting 'dzin la gnas na/ /mkha' bzhin dri ma med par snang zhes gsungs pas/ rnam par mi rtog pa la ni thams cad mkhyen pa'i ye shes kyi ngo bo nyid mthar thug pa yod pa ma yin no/ /zhar la 'ongs pas chog gi dkyus ma nyid la 'jug par bya'o/ /sangs rgyas lnga bdag cod pan can zhes bya ba la/ bcom ldan 'das rnam par snang mdzad dang/ mi bskyod pa dang/ rin chen 'byung ldan dang/ snang ba mdza' yas dang/ don yod par grub pa ste/ yang dag par rdzogs pa'i sangs rgyas lnga las bsgrubs pa'i cod pan ni sangs rgyas kyi rin po che dang ldan pa yin pas na sangs rgyas lnga bdag go /cod pan des dam pa'i dbang phyug gis bdag po nyid du dbang bskur bar gyur pa gang yin pa de ni sangs rgyas lnga bdag cod pan no/ /yang na ye shes lnga'i bdag nyid can gyi sangs rgyas lnga'i ngo bo nyid du 'gyur pas rang nyid yang dag rdzogs pa'i sangs rgyas lnga'i cod pan gyi gzugs kyis thams cad
- 235a
la dbang bskur ba'i ngo bo nyid du zhugs pas na/ sangs rgyas lnga bdag cod pan zhes bshad de/ /spyan lnga chags pa med pa 'chang zhes bya ba la/ sha'i spyan dang/ lha'i spyan dang/ shes rab kyi spyan dang/ chas kyi spyan dang/ sangs rgyas kyi spyan zhes pa'i spyan lnga po chags pa med pa dang/ thogs pa med pa'i nus pa dang ldan pa 'chang bar mdzad pas na/ spyan lnga chags pa med pa 'chang zhes bya'o/ /yang na ji skad du spyan lnga gang la yod pa de ni spyan lnga zhes bya la/ chags pa ni thogs pa ste/ 'khor ba dang mya ngan las 'das pa la mngon par zhen pa'o/ /de lta bu'i mngon par zhen pa med pas na chags pa med pa'o/ /chags pa med pa de gnyis su med par 'dzin par mdzad pas na/ chags pa med pa 'chang zhes bya'o/ /sangs rgyas thams cad skyed pa po/ /sangs rgyas sras po dam pa'i mchog ces bya ba la/ 'di ni rgyan dang 'gal bar bshad pas ngo bo nyid bshad pa yin te/ ji ltar sangs rgyas thams cad skyed pa po yin zhe na/ gsang sngags kyi tshul la ni byang chub kyi sems rdo rje ni de bzhin gshegs pa drug ste/ rnam par snang mdzad la sogs pa bskyed pa yin par 'dod la/ de yang mgon po 'jam pa'i dbyangs yin te/ de bas na sangs rgyas thams cad bskyed pa'i yum yin no// shes rab kyi pha rol tu phyin pa'i tshul ltar na ni/ shes rab kyi pha rol tu phyin pa las sangs rgyas thams cad 'byung bar 'dod la/ shes rab kyi pha rol tu phyin pa ni rdo rje blo'o zhes gsungs pas na/ sangs rgyas thams cad bskyed pa'i yum yin no/ /de bzhin du byang chub sems dpa' 'jam dpal gzhon nur gyur pas gang+gA'i klung gi bye ma snyed kyi sangs rgyas bcom ldan 'das rnams byang chub tu sems bskyed pa la sogs pa dang/ pha rol tu phyin pa la sogs pa yang dag par
- 235b
'dzin du bcug nas sangs rgyas kyi byang chub la rab tu bzhag pa yin pas na rnam pa gsum chad gyis kyang sangs rgyas thams cad bskyang ba yin par ston to/ /gal te skyed pa po yin na ji ltar na sangs rgyas kyi sras su 'gyur ba yin zhe na/ sangs rgyas sras po dam pa'i mchog ces bya ba gsungs te/ sangs rgyas kyi sras po mchog ni sangs rgyas rnams ni mthar phyin pa ste/ byang chub sems dpa' i gzugs kyi gnas skabs kyis bzhugs pa la dgyes so zhes bya ba'i don to/ chos kyi mchog ni chos kyi mthar thug pa'o zhes bya ba bzhin no/ /glegs bam la la las ni sangs rgyas sras po dam pa mchog ces zer te/ de la rang gi don la rab kyi mthar thug par byon pas na dam pa'o/ /gzhan gyi don la rab kyi mthar thug par byon pas na mchog go zhes bya bar blta bar bya'o/ /shes pa srid 'byung skyes gnas med/ /chos las 'byung ba srid pa sel zhes bya ba la/ /shes rab nyid srid pa yin pas na srid pa ste/ 'di las sangs rgyas dang byang chub sems dpa' rnams dang/ nyan thos dang rang sangs rgyas rnams 'byung bas na srid pa yin pa'am/ de rnams las byung ba'i nang nas mtho ba nyid du skyes pa gang la yod pa de ni shes pa srid 'byung zhes bya'o/ /skyes gnas med ces bya ba ni skyes gnas kyi rgyu dang skye gnas kyi lam la bya la/ de dag med pa ste 'khor bar skye ba'i rgyu med pa gang yin pa de la ni skye gnas med ces bya'o/ /skye ba'i rgyu med na ji ltar byang chub sems dpar 'gyur/ rgyu med pa las ni ji yang 'byung bar mi 'gyur ba'i rigs pas brtags na sems can nam sems can ma yin pa rnams ni rgyu las gzhan du bltos pa med par skye ba mi rigs so/ /zhes rtog pa la/ chos las 'byung ba zhes bya ba gsungs te/ chos rnams kyi skye gnas yin pas na chos las 'byung ba yin pa 'am/ 'di la chos kyi skye gnas
- 236a
mnga' bas na chos las 'byung ba ste/ gang gi tshe chos rnams kyi skye gnas zhes drug pas mtshams sbyar ba de'i tshe ni chos kyi dbyings kyi ngo bo nyid du gyur pas chos rnams kyi rgyu ste/ de'i rgyu gzhan med pas skye gnas med pa dang/ chos las 'byung ba zhes 'gal ba med la/ 'bru mang po pa'i phyogs ltar na yang 'khor ba'i rgyur gyur pa med pas skye gnas med pa yin gyi/ shes rab dang thabs gnyis su med pa'i sbyin pa la sogs pa'i chos rnams las byung ba chos las byung zhes bya ba la 'gal ba med de/ de bzhin du shes pa srid 'byung zhes bya ba dang/ srid pa sel zhes bya ba yang de dang 'dra ste/ ji skad du bstan pa'i don ma rtogs pas 'gal bar khong du chud par 'gyur gyi/ bdag gis ji ltar bshad pa de ltar ni 'gal ba 'ga' yang med de/ /de bas na 'di ltar rgyan dang 'gal ba'i bshad pa gsungs pa yin no/ /ji ltar na srid pa sel ba nyid yin zhe na/ gcig pu sra mkhregs rdo rje'i bdag ces gsungs te sra ba ni 'thas shing cha shas med pa'o/ /rtse mo dang bcas par gnas pas na rtsar bcas pa'o/ /de lta bu'i bye brag gis khyad par du byas pa gang yin zhe na/ rdo rje'i bdag ces bya ba gsungs te/ bdag ces bya ba'i sgra ni rang bzhin gyi rnam grangs so/ /de ni 'di skad du ston par 'gyur te/ rdo rje'i bdag nyid can de ni ye shes lnga'i rang bzhin gyis rtse lnga yod pas na rtse bcas so/ /thogs pa med pa'i nus pa dang ldan pas na gcig pu'o/ /gzhan gyis skabs mi phyed pas na sra ba'o/ /rdo rje'i gzugs kyis mi shes pa'i srid pa 'jig par byed pas srid pa sel zhes bshad do/ /yang na gcig pu gnyis su med pa sra ba'i mkhregs pa gang yin pa de ni gcig pu sra mkhregs so/ /'di'i don ni 'di yin te
- 236b
gnyis su med cing mkhregs la khong stong lta bu'i gnyis su med pas na gcig pu ste gnyis su med pa de ni rang rig pa la ma gtogs pa rig dang bya ba med pas na de nyid ni mkhregs pa ste/ gnyis pa ni tshad ma dang 'gal bas snying po med pa'o/ /de bas na rdo rje dang 'dra bar mi shig pa'i gzugs can du gyur pas rdo rje'i bdag ces bya ste/ gnyis su med pa'i ngo bo nyid bcom ldan 'das rje btsun 'jam dpal lo/ /skyes ma thag pa 'gro ba'i bdag ces bya ba la/ skyes ma thag pa ni hUM mdzad de/ de'i skad cig nyid la rdo rje'i bdag nyid du skyes shing byung ba'o/ /'gro ba'i bdag ces bya ba ni bka' bsgo ba nyan cing rang dbang du mdzad pas na 'gro ba'i bdag go /yang na dam pa yin zhing mdzes pa'i bdag por 'khrungs pa gang yin pa de ni 'jam pa'i dbyangs sogs? rjes su dpag par bya'o/ /yang skyes ma thag pa ste de bzhin gshegs pa'i rigs su byung ba'i skad cig ma nyid la 'gro ba'i bdag por gyur pa ni byang chub kyi sems yin pas na rigs kyi khyad par gyis 'khor los bsgyur ba'i sras dam pa dang mtshungs so/ /de ni nam mkha' dang mnyam par chos thams cad thugs su chud pa las yang dag par 'khrungs pa yin pas na nam mkha' las byung ba'o/ /gdul bya'i dbang gi de dang de'i gzugs su rang nyid du gyur pas na rang 'byung ba'o// de lta na ni gdul bya'i dbang gis 'gro ba thams cad du song ba der gtogs pa'i nyes pa'i skyon dang ldan par 'gyur ro zhes rtog pa bsal ba'i phyir/ shes rab ye shes me bo che zhes bya ba gsungs pa yin no/ /'di skad ston par 'gyur ste/ nyon mongs pa'i bung shing ma lus par bsreg pa'i nus pa dang ldan pa'i shes rab kyi ye shes kyi ma'i gzugs can bcom ldan 'das la ni 'gro ba thams cad du gtogs pa'i nyes pa rnams kyi skabs med pa'i phyir shes rab ye shes te/ chos
- 237a
thams cad dngos po med pa nyid du thugs su chud pa'o/ /de nyid kyis ni nye bar dmigs pa'i nyon mongs pa'i shing rnams thab par byed pas na me po che ste/ 'jig rten las 'das pa'i ye shes kyi bdag nyid do/ /de bas na de nyid gdul bya sna tshogs pa'i rgyud la rnam pa tha dad pa'i tshul gyis snang zhing gsal bar byed pas na rnam par snang bar byed pa'o/ /zhing mdza' yas pa snang bar byed cing thams cad du chos nyid gsal bar byed pas na 'od chen no/ /nyi ma la sogs pa'i 'di ltar bems po ma yin par khyad par du bya ba bstan par bya ba'i phyir ye shes snang ba zhes bya ba gsungs te/ ye shes kyi rang bzhin gyi snang ba des rnam pa sna tshogs pa'i tshul gyis snang bar mdzad pas na lam me ba'o/ /de ltar rnam par snang bar mdzad pa ni nyi ma'i dkyil 'khor ltar so sor nges par 'jig rten gyi khams su snang bar mdzad dam/ 'on te de nyid gcig pu 'jig rten gyi khams thams cad du snang bar mdzad ce na/ de ni gcig pu nyid kyis snang bar mdzad pa bstan pa'i phyir 'gro ba'i mar me zhes bya ba gsungs te/ mar me ni sgrib pa dang bcas pa dang/ thogs pa dang bcas pa'i phyogs nges pa na gnas pa nyid du 'byung bar gyur pa yin la/ ye shes kyi mar me bcom ldan 'das ni nyon mongs pa dang shes bya'i sgrib pa thams cad dang thogs pa dang bcas pa'i phyi'i don mi mnga' bas 'jig rten gyi khams thams cad du gdul bya'i rgyud thams cad kyi mi shes pa'i mun pa cig car sel bar mdzad pa'i ye shes kyi snang ba shar nas 'gro ba'i mar me gyur pa la nyams pa mi mnga' pa'o/ /sgron ma dang 'dra ba'i ye shes kyi 'jig rten thams cad snang bar mdzad cing ye shes kyi snang pas 'jig rten thams cad snang bar mdzad cing nam mkha' la bzhud par ston pa ni ye shes sgron ma ste ye shes
- 237b
kyi sgron ma gang yin pa de ni ye shes sgron ma'o/ /thams cad du 'gro ba'i nus pas phul du byung ba'i mtshan nyid kyis che ba'i gzi brjid gang yin pa de ni gzi brjid chen po'o/ /shin tu gsal bar snang bar gyur pa'i ngang tshul can yin pas na 'od gsal ba'o/ /gtsug tor 'khor los sgyur ba la sogs pa'i gsang sngags kyi lha rnams kyi bdag nyid can du gyur pa'i bye brag bstan par bya ba'i phyir/ sngags drag sngags bdag rig sngags rgyal zhes bya ba la sogs pa gsungs te/ khro bo'i gsang sngags kyi bdag por gyur pas na sngags drag sngags bdag go /rig sngags kyi rgyal po gnon mdzes te/ hUM hUM bzhi'i ngo bo nyid du gyur pa'i phyir ro/ /gsang sngags rgyal po ni yi ge b+h+ruM b+h+ruM ste/ gsang sngags thams cad kyi bdag por gyur pa'i phyir te/ de'i ngo bo nyid du gyur pas na gsang sngags rgyal po'o/ /gtsug tor kun nas snang pa'i ngo bo nyid du gyur pas na don chen byed do/ /gtsug tor 'khor los sgyur ba'i yi ge gcig pa'i ngo bo nyid du gyur pas gtsug tor chen po'o/ /'khor los sgyur ba'i nyon mongs pa sel ba'i ngo bo nyid du gyur pas na rmad byung gtsug go /gtsug tor gyen du 'phags kyi ngo bo nyid du gyur pas na nam mkha' i bdag po'o/ /gzi brjid phung po'i ngo bo nyid du gnas pas na sna tshogs ston to/ /gsang sngags kyi mdzod kyi gtsug tor thams cad kyi bdag nyid gyur pas na sangs rgyas kun bdag dngos po mchog go /yang na khro bo'i dkyil 'khor gyi gsang sngags kyi bdag por gyur pas na/ sngags drag sngags bdag go /rig pa na spyin la sogs pa yin te/ de rnams kyi dbus su rgyal por gyur pas na rig sngags rgyal te/ gzungs kyi dkyil 'khor gyi bdag po mdzad ces bya pa'i don to/ /gsang sngags kyi bdag nyid du gyur pa'i
- 238a
chos kyi dkyil 'khor du gsang sngags thams cad kyi bdag por gyur pas na gsang sngags rgyal po'o/ /de ltar rnam pa thams cad kyis sems can thams cad kyi don ma lus par mdzad pas na don chen byed ces bya'o/ /gtsug tor 'khor los sgyur ba bcu gnyis kyi 'khor gyi gsang sngags kyi lha rnams dang/ ting nge 'dzin gyi khyad par rmad du byung ba la sogs pa'i tshul gyis zhugs pas na/ gtsug tor chen po rmad 'byung gtsug go /nam mkha' i snying po'i dkyil 'khor gyi bdag por gyur pas na nam mkha' i bdag po'o/ /sna tshogs pa la lta ba'i dang tshul gang la yod pa de la de skad ces bya ste/ 'gro ba 'dul ba'i dkyil 'khor gyi lha rnams kyi gzugs kyis 'gro ba rnams 'dul par mdzad pas na sna tshogs ston ces bya'o/ /rnam par snang mdzad chen po la sogs pa de bzhin gshegs pa lnga'i dkyil 'khor chen po'i phyag rgya chen po la sogs pa'i ngo bo nyid du gyur pas na sangs rgyas kun bdag dngos po mchog ces bya'o/ /de ltar mnyam par lta bas 'gro ba rnams la gzigs pas kun tu dga' bar byed pa'i spyan gang yin pa de ni/ 'gro kun dga' ba'i mig dang ldan zhes bya'o/ /sems can thams cad gdul bar bya'i phyir gzugs thams cad du sprul pa sna tshogs shing tha dad pa'i sku mnga' bas na sna tshogs gzugs can no/ /mtho ris dang thar pa nye bar ston pa'i 'byin pa po yin pas na skyed pa po'o/ /dang zhes bya ba ni sdug pa ste/ sna tshogs pa'i gzugs 'dul ba dang/ dge ba'i las kyi lam ston par mdzad pa'o/ /bcom ldan 'das de nyid tshangs pa dang/ khyab 'jug dang/ dbang phyug chen po la sogs pa rnams kyis me tog la sogs pa'i mchod pa'i rnam pa thams cad kyis mchod par 'os pa yin pas
- 238b
na mchod pa'o/ /mchod yon dang zhabs bsil dang gdan la sogs pa phul bas rjed par 'os pa yin pas na rjed pa'o/ /chos rnams mngon du byed pas na drang srong ngo zhes bshad pa'i phyir te/ de kho na nyid gzigs pas drang song ngo/ /'jig rten pa'i lam la yang cung zad tsam gyi snang ba thob par gyur pa'i 'jig rten pa'i drang srong rnams dang 'jig rten las 'das pa yang nyan thos dgra bcom pa la sogs pa ste/ 'jig rten dang 'jig rten las 'das pa'i drang srong de rnams kyi nang na ches mchog yin zhing/ de kho na nyid ma lus pa rnam pa thams cad du mngon sum du mdzad pas na drang srong chen po'o/ /de bzhin gshegs pa dang/ rdo rje dang/ pad+ma ste rigs gsum gyi ngo bo nyid du gyur pa'i bdag nyid 'dzin par mdzad pa na rigs gsum 'chang ba'o/ /rig gsum gyi nang du gtogs pa'i rigs thams cad kyi gsang sngags rnams 'dzin pas na gsang sngags can te/ 'di la gsang sngags mnga' bas na gsang sngags can zhes bya'o/ /grub pa'i mdza' thams cad kyi gsang sngags rab tu ston pa'i gtso bor gyur pa nyid kyis 'chad par mdzad pas na/ dam tshig chen po gsang sngags 'dzin ces bya'o/ /mchog tu gyur pas na gtso bo'o/ /sangs rgyas dang/ chos dang/ dge 'dun gsum skyong bar mdzad cing rgyun mi 'chad par 'jug par mdzad pas na/ dkon mchog gsum 'dzin pa'o/ /theg pa mchog gsum ston pa po zhes bya ba la/ nges par 'byin par byed pa'i theg pa ni rnam pa gsum ste/ gsum gang zhe na/ nyan thos kyi theg pa dang/ rang sangs rgyas kyi theg pa dang theg pa chen po'o/ /de la nyan thos kyi theg pa gang zhe na/ sangs rgyas 'byung ba med par nyan thos kyi theg pa yang med do/ /de ci'i phyir zhe na/ nyan thos rnams kyi yang dag par lta ba ni pha rol gyi sgra'i rjes su 'gro ba'o/ /de la nyan thos ni gang 'di tshul khrims
- 239a
sdom pa ste/ bslab pa ji ltar bcas pa bzhin du rjes su 'jug pas na tshul khrims kyi phung po yongs su rdzogs par 'gyur la/ tshul khrims kyi phung po yongs su rdzogs nas/ ting nge 'dzin gyi phung po yongs su rdzogs par byed la/ ting nge 'dzin gyi phung po yongs su rdzogs nas shes rab kyi phung po yongs su rdzogs par byed la/ shes rab kyi phung po yongs su rdzogs nas rnam par grol ba'i phung po yongs su rdzogs par byed la/ rnam par grol ba'i phung po yongs su rdzogs nas rnam par grol ba'i ye shes mthong ba'i phung po yongs su rdzogs par byed pa ste/ gang 'di la mkhas pa 'di ni nyan thos kyi theg pa la mkhas pa zhes bya'o/ /gzhan yang nyan thos kyi theg pa ni gang bsod nams dang/ bsod nams ma yin pa dang/ mi g.yo ba'i 'du byed rnams la rnam par smod pa dang/ khams gsum pa thams cad la yid 'byung zhing 'dod chags dang bral ba dang/ 'du byed thams cad la mi rtag pa dang/ sdug bsngal bar rtog pa dang/ chos thams cad la bdag med par rtag pa dang/ mya ngan las 'das pa zhi ba la mngon par dga' ba dang/ skad cig kyang srid par skye bar mi 'dod pa dang/ rtag tu 'jigs par lta ba dang/ rtog tu yid mi rten pa dang/ phung po rnams la gsod par 'du shes pa dang/ khams rnams la sprul gdug pa lta bur rtog pa'i 'du shes dang/ skye mched rnams la grong stong pa lta bur 'du shes pa dang/ skye ba'i gnas thams cad smon pa med pa'i 'du shes dang/ mya ngan las 'das pa la gang dang skyabs su 'du shes pa dang/ gang 'di ltar ston pa dang/ rab tu ston pa 'di nyan thos kyi theg pa zhes bya'o/ /de la rang sangs rgyas kyi theg pa gang zhe na/ rnam pa gang dag dang/ rkyen gang dag gis rang sangs rgyas rnams nges par 'byung
- 239b
bar 'gyur pa'i rnam pa de dag dang/ rkyen de dag byang chub sems dpas yang dag pa ji bzhin du rab tu shes pa de dag gang zhe na/ bdun pa dang/ brtson 'grus dang/ bsgra yong pa chen pos nyan thos kyi lta bu ma yin pa'i sbyin pa'i bsod nams kyi tshogs sogs pa dang/ tshul khrims kyi bsod nams kyi tshogs sogs pa dang/ thos pa nyung ba la chos kyi nan tan byed pa dang/ sangs rgyas bcom ldan 'das rnams la rim gro dang/ bsnyen bkur byed pa la yang zhum pa med pa dang/ dbang po bar? ma dang/ rtag hu rab tu 'byung ba la gzhol ba dang/ don nyung ba dang/ byed pa nyung pa dang/ 'du 'dzi la mi dga' zhing dben pa la dga' pa dang/ rab tu dben par gnas ma la 'cha' ba dang/ bsnyen par dka' ba dang/ mthu che ba dang/ sbyin pa'i gnas kyi sa la mngon par dga' ba dang/ rgyun mi 'chad par rten cing 'brel bar 'byung ba la lta ba dang/ nges par 'byung ba'i dbyings gcig bla rtogs pa dang/ rang 'byung gi ye shes kyi rab tu brgal ba dang/ dmigs pa la 'dug pa thob po dang/ bsam gtan dang/ rnam par thar pa dang/ ting nge 'dzin dang/ snyoms par 'jug pa rgyun mi 'chad pa dang/ gzhan gyi dring la mi 'jog pa'i ye shes bskyed pa dang/ dmigs pa gang yang rung ba la rkyen gyis ye shes rtog pa ste/ gang de ltar 'chad pa dang/ ston pa dang/ rab tu ston pa 'di ni byang chub sems dpa' i rang sangs rgyas kyi theg pa'o/ /de la byang chub sems dpa' i theg pa chen po kar zhe na/ byang chub sems dpa' i theg pa chen po ni dpag tu med de/ de las phyogs tsam zhig bstan to// theg pa chen por sems can thams cad kyi go skabs 'byed pas na dpag tu med pa'o/ /theg pa de ni chags pa med pa'i ye shes la btang ba ste/ sgrib pa med pa'o/ /theg pa de ni sems can thams cad nye bar 'tsho ba ste/ bsod nams kyi
- 240a
tshogs dang/ dge ba'i rtsa ba thams cad bsags pa'o/ /theg pa de ni sems can thams cad kyi sems kyi spyod pa la las su rung ba'i phyir/ pha rol tu phyin pa thams cad yongs su spyod pa byas pa'o/ /theg pa de ni thogs pa med par byang chub kyi snying po 'gro bas na thams cad mkhyen pa'i ye shes kyi tshogs nyams su len par byed pa'o/ /theg pa 'di ni sems can thams cad la sbyin pa'i gnas kyi phyir sems can thams cad la thogs pa med pa'i 'od zer mnyam par gtang ba'o/ /theg pa de ni sangs rgyas kyi chos thams cad mngon sum du gyur pa'i phyir las ngan pa'i 'jigs pa thams cad las 'das pa'o/ /theg pa de ni byang chub kyi phyogs kyi chos thams cad dang/ rten cing 'brel par 'byung ba'i rgyal mtshan dang/ ba dan bsgreng ba ste/ bdung dang phas kyi rgol ba dang/ ngan pa'i tshogs thams cad rab tu 'joms pa'o/ /theg pa de ni sangs rgyas kyi theg pa sgrib pa med par gyur pa ste/ mdza' dang/ mdza' med pa dang/ rtag pa dang/ chad pa dang/ 'byung ba dang/ 'jig pa dang/ lta ba bar pa thams cad dang/ kun nas ldang ba dang/ sgrib pa dang/ mchad pa dang/ the tshom dang/ 'gyod pa sel ba'o/ /theg pa de ni lhag pa'i bsam pa dang snying rje chen pos phye bas na chos thams cad phun sum tshogs pa'i rin po che thams cad dang ldan pa phun sum tshogs pa thams cad rnyed pa mi slu ba'i lam du 'gro ba sems can thams cad nye bar 'tsho ba'o/ /theg pa de ni thams cad du kha na ma tho ba med pa ste/ stobs bcu dang/ mi 'jigs pa dang/ sangs rgyas kyi chos la 'des pa dang/ mtshan dang/ dpe byad bzang po dang/ lus dang ngag dang/ sems kyi rgyud gyis brgyan pa ste/ 'di ni byang chub sems dpa' i theg pa chen po la mkhas pa shes
- 240b
bya ste/ nges par 'byin par byed pa 'di dag de'i rnam par dbye bas de dang de lhag par mos pa rnams la de bzhin du ston par mdzad pas na theg pa mchog gsum ston pa po zhes bya'o/ /don yod zhags pa zhes bya ba ni gdug pa thams cad bcings na theg pa chen po las mi 'gyur bar mdzad pas don yod cing 'bras bu dang bcas pa'i thugs rje chen po mi g.yo ba 'jig rten dbang phyug gi ngo bo nyid kyi zhags pa gang la yod pa de ni don yod zhags pa'o/ /rnam par rgyal ni bdud dang mu stegs pa las rnam par rgyal bar gyur pas na rnam par rgyal lo/ /bsdu ba'i dngos po bzhi'i ngo bo nyid mi phyed pas sems can thams cad yang dag par sdud par mdzad pas na/ 'dzin pa chen po rdo rje zhags zhes bya'o/ /de bzhin gshegs pa thams cad spyan 'dren pa don yod cing dri ma med pa'i thugs rje chen po'i ye shes kyi lcags kyu'i ngo bo nyid du gyur pas rdo rje lcags kyu'o/ /rdo rje lcags kyus drangs pa rnams chos thams cad bdag med par nges par btul bas na zhags pa chen po'o/ /'jigs byed chen po'i gzugs gyis 'jig rten gsum la 'jigs pa yang dag par bstan pa'i phyir bzhengs nas lha chen po la sogs pa dregs pa bcom pas gdul bya'i phyir 'phags pa gshin rje gshed la sogs pa'i gzugs kyis rje btsun 'jam dpal gzhon nur gyur pa bzhags pa ste/ de yang gang dang gang gi gzugs kyis ni/ /lus can rnams ni 'dul gyur pa/ /de dang der ni rnam ston te/ sna tshogs nor bu ji bzhin no zhes gsungs pa'o/ /de'i phyir rdo rje 'jigs byed kyang yin la/ 'jigs par byed pa yang yin pas na/ rdo rje 'jigs byed 'jigs par byed ces khyad par gyi mtshams sbyar ba yin gyi drug pa'i mtshams sbyar ba ni ma yin te/ 'dir rdo rje 'jigs byed ces bya ba'i sgras ni gshin rje gshed la bya bar dgongs pas de'i 'jigs pa skyed par
- 241a
byed pa'i nus pa yod pa ni 'ga' yang yod pa yin pa'i phyir ro/ /khro bo rnams kyi gtso bo'i rgyal po'o/ /pha rol tu phyin pa drug gi ngo bo nyid zhal drug gang la yod pa de ni gdong drug ces bya ste/ zhal gyi dbyings ni du ma ste/ /sgra ni rgya mtsho 'khrungs pa 'dra/ /kha cig bzhad cing kha cig zhi/ /kha cig 'jigs par bgrod pa'i zhal/ /kha cig zhal ni gdangs pa dang/ /ljags kyang skyong bar mdzad pa dang/ /kha cig kyang ni mche ba gtsigs zhes gsungs pa'o/ /'jigs pa la ni 'jigs su rung ba'o/ /mngon par shes pa drug gi rang bzhin dngos po ma lus par mthong ba'i ngo bo nyid kyi spyan phal pa'i phyogs na yod pa gang yin pa de ni mig drug go/ /bshad pa 'di ni sngon ma byung ba zhig yin te/ gzhan du na ni spyan bco brgyad par 'gyur ro/ /rjes su dran pa drug gi ngo bo nyid kyi phyag drug gang yin pa de ni lag drug ces bya'o/ /'di la dad pa la sogs pa'i stobs lnga mnga' bas na stobs dang ldan pa'o/ /mi mgo rlon pa dang skam po dang/ yi dwags phreng bas brgyan par bsgom zhes gsungs pas na keng rus kyis rgyan dang ldan pa'i phyir keng rus so/ /nges par 'byed pa'i shes rab rnon po'i mche ba gtsigs pa'i tshe mas mthon po mnga' bas na mche ba gtsigs pa'o/ /keng rus can yang yin la/ mche ba gtsigs pa yang yin pas na/ keng rus mchi ba gtsigs pa po zhes bya bar sbyar ro/ /lta ba dang/ mche ba dang/ kha chu dang/ reg pa'i dug dang ldan pa'i klu chen po rnams ni ha la ha la zhes pa ste/ me 'bar ba ltar dug 'bar zhing rnam par 'phyo bas gzings pa/ mig shin tu gdug pa/ lce shin tu bskyod cing/ klog ltar 'gyur ba/ shin tu 'jigs su rung ba/ nor bu gzugs sna tshogs dang/ kha dog sna tshogs pa'i dengs ka can gyi sprul gyi sgra bcings pa dang/ dpral bar dang
- 241b
dbyangs su bcings pa dang/ rna rgyan dang/ mgul rgyan dang/ do shal dang/ mchod phyir thogs dang/ lus la ska rags dang/ gdu bu dang/ dpung rgyan dang/ zhabs gdub dang/ rgyan rnams su byas pa'i sprul chen po'i gdengs ka'i gdong brgya snyed 'dus par ston pa'i sku dang ldan pas na ha la ha la gdong brgya pa zhes bya'o/ /gshin rje mthar gtugs par mdzad pas na gshin rje gshed de/ sngon gyi rang bzhin las spros nas byang chub kyi lam la nges par bkod pa yin gyi bsad pa ni ma yin no/ /yang na ya ma zhes bya ba'i sgra ni gnyis la zer ba gzung ba dang 'dzin pa dang/ rtag pa dang chad pa gang mthar phyin par mdzad cing ma lus par bsal bas na/ gshin rje gshed de/ mtshe ma zhes bya ba dang 'dra'o/ /bgegs thams cad kyi gtso bor gyur pas na bgegs kyi rgyal lo/ /thogs pa med par bzhud pas na rdo rje shugs can no/ /'jigs byed pa zhes bya ba la/ gdug pa rnams zhes bya ba ni/ lhag ma'o/ /rdo rje 'jig byed ces bya ba nas brtsams te/ sgra dang ldan pa rnams kyi mchog ces bya ba'i bar gyis 'phags pa gshin rje'i gshed nyid kyi bye brag bstan pa yin la/ de'i gzugs dang rje btsun 'phags pa 'jam dpal khyad par med de/ nye bar gdags pas khyad par du byas pa yin pas de'i mtshan rnam yin pa 'am/ yang na don gyi shugs la sogs pa'i dbye bas khro bo la sogs pa'i gzugs kyi khyad par gyis bye brag tu phye ba yin par blta bar bya'o/ /rdo rje grags pa zhes bya ba la/ shin tu 'jigs pa nyid dang/ mi phyed pa nyid kyis na rdo rje'o/ /grags pa ni 'jig rten gsum du sgrogs pas na grags pa ste/ rdo rje grags pa ni gshin rje'i gshed do/ /khro bo rdo rje grags pa 'am/ rdo rje gu lu gu lur thugs kar rab tu bzhag pa'i rdo rje yin pas rdo rje snying po'o/ /yang na 'dod pa'i rgyal po la bya'o/ /sna tshogs par sprul pa mdzad pas na sgyu 'phrul rdo rje'o/ /sku che bas
- 242a
gsum khyim che ba'i phyir gsus po che'o/ /skye ba'i rgyu rdo rje yin zhing byang chub sems kyi ngo bo nyid du gyur pas na rdo rje las skyes so/ /rdo rje rigs kyi gtso bor gyur pas na rdo rje bdag po'o/ /rdo rje dkyil 'khor gyi snying po rdo rje'i rgyu'i ngo bo nyid pas na rdo rje snying po'o/ /sems can thams cad la go skabs 'byed pa dang/ nyes pa thams cad kyis ma gos pas nam mkha' 'dra'o/ /gang gis kyang bskyod par mi nus pa 'am/ rang gis dam bcas pa las mi 'gyur pa 'am/ 'phags pa khro bo mi g.yo ba'i gzugs 'dzin pas na mi g.yo ba'o/ /ral pa gcig gis bsgyings shing ral pa'i mchog gcig lhag par 'phyang ba'i ral pa'i thor tshugs dang ldan pa 'am/ khro bo ral pa gcig pa'i gzugs can yin pas na/ ral pa gcig gis bsgyings pa'o/ glang chen po rlon gos su gyon zhes bya ba la/ tshogs kyi bdag po'i ngo bo glang po che'i pags pa rlon pa gos su gyon zhing 'chang bas na/ glang chen ko rlon gos su gyon zhes bya'o/ /'byung po'i dkyil 'khor du phra men mar gtogs pa'i ha ha'i sgra'i ngo bo nying drag po chen po sems can dman pa brgyal bar bya ba'i phyir drag chen hA hA zhes pa 'am/ yang na yi ge hA hA zhes bya ba'i gang sngags kyi bdag nyid can du gyur pa'i phyir drag po chen po'i hi hi zhes sgrogs pa 'jigs par byed ces bya ba la/ rtag mchog gi gzugs kyis hi hi zhes bya ba'i sgras tshangs pa la sogs pa ltung bar byed cing gzhan rnams kyi 'jigs pa bskyed par mdzad pa 'am/ yang na yi ge hi hi zhes bya ba'i gsang sngags kyi gzugs kyi 'jigs par byed pas na/ hi hi zhes sgra 'jigs par byed ces bya'o/ /'jig rten gyi khams ma lus par khyab par mdzad pa sna gad mo chen po'o/ /rdo rje bzhad pa'i gzugs kyis shin tu rmad du byung ba'i don ston par mdzad pas na gad brgyang can zhes bya'o/ /gzhan gyis dbye bas mi phyed ba'i
- 242b
ye shes kyi bdag nyid can yin pas na rdo rje'i gad mo'o/ /spa chen po nyid dang ldan pas na cher sgrogs pa'o/ /rdo rje dar 'dra bar mi phyed ba'i thugs mnga' ba 'am/ rdo rje sems dpa' i gzugs 'dzin par mdzad pas na rdo rje rgyal po'o/ /shin tu 'am cig tu gzhan gyi don mdzad pa 'am/ rdo rje sems dpa' i ngo bo nyid bas na sems dpa' chen po'o/ /rdo rje dang 'dra bar mi phyed pa'i gzugs kyis mdzes pa 'am/ rdo rje lcags kyu'i gzugs 'dzin par mdzad pas na rdo rje rgyal po'o/ /mchog tu phul du byung zhing lhun gyis grub par 'phyung ba'i bde ba chen po'i ngo bo nyid du gyur pa 'am/ rdo rje chags pa'i gzugs can yin pas na bde ba chen po'o/ /sems can shin tu gtum po rnams gdul bar bya ba'i phyir drag po'i gzugs 'dzin par mdzad pas na rdo rje drag po'o/ /gdul ba'i sems can dga' ba bskyed par bya ba'i phyir dang/ bdag nyid yang dga' ba'i bdag nyid can du gyur pas na dga' ba chen po'o/ /khams gsum rnam par rgyal ba rdo rje hUM mdzad kyi gzugs kyis srid gsum ma lus pa rnams su yang yi ge hUM spro bar mdzad pas na rdo rje hUM ste hUM zhes sgrogs zhes bya'o/ /rdo rjes mtshan pa'i mnga' dang gzhu bsnams pas na/ mtshon du rdo rje mnga' thogs pa zhes bya'o/ /nye bar dmigs pa'i mi shes pa ma lus pa gcod par byed pa'i ngo bo nyid du gyur pas na/ rdo rje'i ral gris ma lus gcod ces bya'o/ /rdo rje las kyi ngo bo nyid kyis rdo rje rtse bcu gnyis pa 'dzin par mdzad pas na/ rdo rje kun 'chang rdo rje can zhes bya'o/ /rdo rje gcig pus bdud dang mu stegs dang nyon mongs pa'i dgra rnams 'joms par mdzad pas na/ rdo rje gcig pu g.yul sel ba zhes bya'o/ /rdo rje 'bar bas kha rnam par gyes pa shin tu drag cing/ dmar la ser skya dang/ dmar ser gyi spyan gang la mnga' ba de ni/ rdo rje 'bar ba mig mi bzang ces bya'o/ /khro bo rdo rje me ltar rab tu 'bar ba'i gzugs kyis tshangs pa'i 'jig
- 243a
rten mthar thug pa 'bar zhing sreg pa'i ngo bo nyid kyi skra gang la yod pa de ni/ skra yang rdo rje 'bar ba ste zhes bya'o/ /rdo rje hUM dang bcas pas sku dang gsung dang thugs so so rtogs pa 'bebs pas na rdo rje 'bebs pa'o/ /gzhan gyis mi 'phrogs par gyur cing thams cad du song ba'i yul che ba nyid du gyur pas 'bebs pa chen po'o/ /nam mkha' i sgron ma zhes bya ba la sogs grangs brgyar chad pa'i ting nge 'dzin gyi ngo bo nyid kyis dngos po'i don ji ltar gnas pa bzhin du gzigs pa'i ngo bo nyid du gyur pa'i mig gang la yod pa de ni mig brgya pa ste/ de yang rdo rje chen po 'bar ba dang ldan pas na rdo rje'i mig go /rdo rje'i gzugs can gyi ba spu ni rdo rje'i spu ste/ de yang shin tu rno ba'i myu gu lta bu dang ldan pa'i lus gang yin pa dang ldan pa de ni/ lus ni rdo rje'i ba spu can zhes bya'o/ /mi mthun pa'i spu med pas na rdo rje'i spu zhes bya'o/ /de lta bu'i gcig pu gnyis su med pa'i lus gang yin pa de la ni/ rdo rje'i spu ni gcig pu'i lus zhes bya'o/ /rdo rje'i rtse mo rnams kyis shin tu brtan zhing sra bar bya ba'i sen mo skye zhing rtsom pa gang yin pa de ni/ sen mo skyes pa rdo rje'i rtse zhes bya'o/ /rdo rje dang 'dra bar sra la mkhregs shin tu 'thas pa'i pags pa gang yin pa de ni/ rdo rje'i snying po pags pa mkhregs zhes bya'o/ /rdo rje'i phreng thogs dpal dang ldan/ /rdo rje'i rgyan gyis brgyan pa ste/ /zhes pa ni/ rdo rje'i rang bzhin gyi rgyan thams cad kyis rgyan zhes bya ba'i don to/ /gad brgyangs hA hA nges par sgrogs zhes bya ba ni chos nyid nges pa nyid du sgrogs pa'i phyir ro/ /yi ge drug pa ni/ oM pAkye daM na ma(rgyud 'grel): oM bA gI shwa ri muM/ oM badzra tI? b+hAM/ oM many+dzu g+ho Sha mu(rgyud 'grel): zhes bya ba'i yi ge drug pa'i gsang sngags thams cad kyi ngo bo nyid du gyur pas na yi ge drug pa'o/ /rdo rje'i theg pa ston pas na pa'o/ /snyan la yid du 'ong ba'i
- 243b
gsung dang ldan pas na 'jam pa'i dbyangs so/ /chos thams cad bdag med pa'i sgra chen po sgrogs pas na sgra che'o/ /'jig rten gsum na gcig pur gyur pas na/ 'jig rten gsum na sgra gcig pa'o/ /gnyis su med pa'i sgra yin pas na de nyid chen po ste/ don chen po ston pa'i phyir ro/ /nam mkha' i khams kyi mthar thug par khyab pa'i sgra dang ldan pas na/ nam mkha' i mdza' klas sgra sgrogs pa'o/ /sgra dang ldan pa rnams kyi nang na dam pa yin pas na sgra dang ldan pa rnams kyi mchog ces bya'o// //de ni chos nyid kyi de bzhin nyid la sogs pa'i tshul gyis bcom ldan 'das 'jam pa'i dbyangs kyi mtshan nyid du gyur pa tshigs su bcad pa bcu drug gis bstan pa ni/ yang dag bdag med de bzhin ces bya ba nas brtsams te/ 'jigs pa ma lus sel byed ces bya ba'i bar du yin no/ /de la yang dag bdag med de bzhin nyid/ /yang dag mdza' ste zhes bya ba'i sgra'i rnam grangs kyi de kho na nyid ston pa yin te/ tshig la la ni tshig gzhan 'ga' zhig gis don de ltar rtogs par 'gyur bas rnam grangs kyis ston par mdzad pa yin te/ rnam grangs de ni gzhan dag tu yang shes par bya'o/ /yi ge thams cad kyis brjod du med pas na yi ge med pa'o/ /rnam pa thams cad kyi mchog dang ldan pa'i stong pa nyid smra ba'i ngang tshul gang yin pa de ni stong pa nyid smra ba'i mtshan nyid ni/ chos yang dag par sdud pa las rgya cher bstan te/ de yang rigs kyi bu byang chub sems dpa' chos kyi tshul la 'jug pa bcus stong pa nyid smra ba khong du chud par byas te/ bcu gang zhe na/ 'di lta ste/ mi 'phrogs pa dang/ rnam par mi 'gro ba dang/ chags pa med cing chags pa dang bral ba yang ma yin pa dang/ 'jug pa med cing ldog pa med pa dang/ 'thab pa med cing rtsod pa med pa dang/ bri pa med cing gang ba med pa dang/ 'du byed thams cad rnag bzhin gyis 'gag par bzod pa dang/ chos gang yang so
- 244a
so'i skye bo rnams kyis bskyed sangs rgyas rnams kyis ma bkag go zhes thos na mi skrag pa dang/ 'khor ba'i rang bzhin dang mya ngan las 'das pa'i rang bzhin de dag mtshungs so zhes thos na the tshom mi za ba dang/ de bzhin gshegs pa'i sku ni mi rtag pa chos rnams ni mi zad pa'o zhes thos nas 'jug pa'o/ /de la ji ltar mi 'phrogs bas stong pa nyid smra ba khong du chud par bya zhe na/ stong pa nyid smra ba ni mi gnas pa'i phyir 'jig rten gyi chos rnams kyis mi 'phrogs pa ste/ rnyed pas dga' ba yang med/ ma rnyed pas mi dga' ba yang med/ grags pas bsos pa yang med/ ma grags pas sro shi ba yang med/ smad pas zhum pa yang med/ bstod pas dga' bar sems pa yang med/ bde bar chags par 'gyur ba yang med/ sdug bsngal bas yid 'byung ba yang med de/ gang de ltar 'jig rten gyi chos rnams kyis mi 'phrogs pa de ni/ stong pa nyid shes pa/ de ltar mi 'phrogs pas stong pa nyid smra ba khong du chud par bya'o/ /ji ltar rnam par mi 'gro bas stong pa nyid smra ba khong du chud par bya zhe na/ stong pa nyid smra ba ni gang nas kyang rnam par mi 'gro /gang du yang rnam par mi 'gro /de gang nas rnam par 'gro ba dang/ gang rnam par 'gro ba de stong pa nyid du mthong stong pa nyid shes so/ /gang mi 'gro rnam par mi 'gro ba de stong pa nyid du shes te/ de ltar rnam par mi 'gro pas stong pa nyid du smra ba khong du chud par bya'o/ /ji ltar na chags pa med cing chags pa dang bral ba yang ma yin pas stong pa nyid smra ba khong du chud par bya zhe na/ stong pa nyid smra ba ni gang du yang chags pa 'am/ mi chags pa med de/ de gang la chags pa dang gang la ma chags pa de stong pa nyid du shes stong pa nyid du mthong zhing/ gang chos gang la chags pa med pa de yang stong pa nyid du shes te/ de ltar chags pa med cing chags pa dang bral ba yang ma
- 244b
yin pas stong pa nyid smra ba khong du chud par bya'o/ /de la ji ltar na 'jug pa med cing ldog pa med pas stong pa nyid smra ba khong du chud par bya zhe na/ stong pa nyid smra ba ni gang du yang mi 'jug gnag nas kyang mi ldog ste/ de gang la 'jug pa dang gang nas ldog pa de stong pa nyid du shes/ stong pa nyid du mthong yang byang chub kyi tshogs rnams la mi 'jug pa yang ma yin te/ gang de ltar 'jug pa de ni stong pa nyid shes pa yin te/ de ltar 'jug pa med cing ldog pa med pas stong pa nyid smra ba khong du chud par bya'o/ / ji ltar na 'thab pa med cing rtsod pa med pas stong ba nyid smra ba khong du chud par bya zhe na/ gang la las 'thab cing rtsod par byed pa de nyid mi shes te/ de gang dang 'thab cing rtsod par byed pa de ni stong pa nyid du shes pa stong pa nyid du mthong ste/ de ltar 'thab pa med cing rtsod pa med pas stong pa nyid smra ba khong du chud par bya'o/ /ji ltar na bri ba med cing gang ba med pas stong pa nyid smra ba khong du chud par bya zhe na/ stong pa nyid smra ba ni chos gang yang bri ba 'am/ gang bar mi mthong ste/ de chos gang stong pa de ni bri ba 'am 'phel bar yang dag par rjes su mi mthong ngo/ /su chos gang bri ba 'am 'phel bar yang dag par rjes su mthong ba de ni stong pa nyid shes pa ma yin te/ de ltar bri ba med cing gang ba med pa stong pa nyid smra ba khong du chud par bya'o/ /ji ltar na 'du byed thams cad rang bzhin gyis 'gags par bzod pas stong pa nyid smra ba khong du chud par bya zhe na/ stong pa nyid smra ba ni chos yang dag pa 'am/ yang dag pa ma yin par yang dag par rjes su mi mthong dang/ /gang yang dag pa yang ma yin yang dag pa ma yin pa yang ma yin pa de ni ngo bo nyid kyis 'gags pa'o/ /gang ngo bo nyid kyis 'gags pa de ni rang bzhin gyis 'gags ba zhes bya'o/ /stong pa nyid smra ba ni chos gang yang skye ba 'am 'gag par yang dag par rjes su mi mthong ste/ de ltar 'du byed thams cad rang bzhin gyis 'gags par bzod pas stong pa nyid
- 245a
smra? ba khong du chud par bya'o/ /de la ji ltar na chos gang yang so so'i skye bo rnams kyis ma bskyed/ sangs rgyas rnams kyis ma bkag ces thos na/ mi skrag pas stong pa nyid smra ba khong du chud par bya zhe na/ stong pa nyid sna ba ni 'di ltar 'di dag ni so so skye bo'o/ /'di dag ni sangs rgyas so snyam du mi sems mod kyi/ sangs rgyas kyi chos mnyam pa nyid kyis so so'i skye bo'i chos mnyam pa nyid du shes so/ /gang so so'i skye bo'i chos rnam pas sangs rgyas kyis chos rnams ni rgya cher mthong ba de ni stong pa nyid shes pa ma yin te/ de ltar chos gang yang so so'i skye bo rnams kyis ma bskyed/ sangs rgyas rnams kyis ma bkag ces thos na mi skrag pas stong pa nyid smra ba khong du chud par bya'o/ /ji ltar na 'khor ba'i rang bzhin dang mya ngan las 'das pa'i rang bzhin de dag mtshungs so/ /zhes thos na the tshom mi za bas stong pa nyid smra ba khong du chud par bya zhe na/ gang 'khor ba'i rang bzhin dang/ mya ngan las 'das pa'i rang bzhin tha dad par mthong ba de ni stong pa nyid shes pa ma yin no/ /de ci'i phyir zhe na/ 'di lta ste/ 'khor ba'i de bzhin nyid dang/ mya ngan las 'das pa'i de bzhin nyid de gnyis ka yang 'dus ma byas kyi mtshan nyid du mtshan nyid gcig ste/ gang 'di ltar 'khor ba'i de bzhin nyid dang/ mya ngan las 'das pa'i de bzhin nyid dag mtshungs shing bye brag med par mthong ba ni the tshom mi za ste/ de ltar 'khor ba'i rang bzhin dang mya ngan las 'das pa'i rang bzhin/ de dag mtshungs so zhes thos na the tshom mi za bas stong pa nyid smra ba khong du chud par bya'o/ /ji ltar na de bzhin gshegs pa'i sku ni rtag pa chos rnams ni mi zad pa zhes thos na 'jug pas stod pa nyid smra ba khong du chud par bya zhe na/ gang de bzhin gshegs pa'i sku ni rtag pa chos rnams ni mi zad pa zhes thos na mi
- 245b
'jug pa de ni stong pa nyid shes pa ma yin no/ /de ci'i phyir zhe na/ de bzhin gshegs pa'i sku ni de bzhin nyid dang stong pa nyid de/ glo bur gyi nyon mongs pa dang/ nye ba'i nyon mongs pa'i sku ni ma yin no/ /gang de ltar shes pa de ni stong pa nyid shes pa ste/ de ltar de bzhin gshegs pa'i sku ni rtag pa chos rnams ni mi zad pa zhes thos na 'jug par stong pa nyid smra ba khong du chud par bya ste/ rigs kyi bu byang chub sems dpas chos kyi tshul la 'jug pa bcu po de dag gis stong pa nyid smra bas khong du chud par bya'o zhes bya ba gsungs te/ pha rol tu phyin pa dang ldan pa'i mdo sde du ma dang/ gsang sngags kyi tshul rnams la blta ba dang/ le lo dang ldan pa rnams la lhan cig tu bsdus pa'i don bstan pas rang gi don du yang 'gyur ro/ /zhes rgyu sngar smras pa yin no/ /gang gi phyir stong pa nyid du smra ba po thams cad kyi gtso bor gyur pa yin pas na khyu mchog zhes bya'o/ /ji skad du gsungs pa'i stong pa nyid dang/ sangs rgyas kyi chos rgya che ba rnams dang/ phul du byung ba rnams ston par mdzad pas na/ zab cing rgya che ba sgrogs pa ste/ zab pa dang rgya che ba'i sgra sgrogs gang yin pa de la ni de skad ces bya'o/ /glegs bam la las ni/ stong nyid smra ba'i khyu mchog ste/ /zab cing rgya che sgra sgrogs pa zhes zer te/ der ni stong pa nyid smra ba rnams ni khyu mtsho ste gtso bo zhes bshad par bya'o/ /lhag ma rnams ni snga ma bzhin no chos kyi dung ste sgra chen ldan/ chos kyi gaN+Di sgra'o che zhes bya ba la/ chos thams cad ston pa'i sgra rnams rdzogs pa'i rgyur gyur pa'i chos kyi dung gi ting nge 'dzin gyi ngo bo nyid gyur pas na/ chos kyi dung ste sgra chen ldan zhes bya'o/ /de la chos kyi dung gi ting nge 'dzin ni 'di yin te/ chu'i dkyil 'khor zlum po bdud rtsi'i rang bzhin can kha dog dkar po de'i steng du pad+ma chen po 'dab ma brgyad pa ge sar dang bcas pa/ de'i
- 246a
dbus su chos thams cad yid la byed pa dang bral ba'o zhes ston pa'i sgra mum gi sa bon las byung ba'i rje btsun 'jam dpal phyag gnyis pa sku mdog dkar po rdo rje'i skyil mo krung gi steng du phyag gnyis ting nge 'dzin gyi tshul du gnas pa/ gzhon nu'i rgyan ma lus pa dang ldan pa dang zur phud lnga pa/ gzhon nu'i gzugs can dangs zhing dri ma med pa'i ye shes kyi skur bdag nyid bsgom la/ rang gi snying ga'i zla ba la gnas pa'i pad+ma'i steng du yi ge kham las dung gi dbus su yi ge aM badzra dzi swa? raM zhes pas rdo rje'i lce/ lce'i steng du rin po che pad+ma/ rin po che pad+ma'i steng du sangs rgyas bcom ldan 'das 'od dpag tu med pa ting nge 'dzin la snyoms par zhugs pa bcom ldan 'das kyi steng gi rkan gyi yi ge baM las bdud rtsi'i thigs pa thur du 'bar? 'dzag par gyur pa ste/ de ltar zla ba phyed dam/ zla ba gcig gam/ zla ba drug gi bar du bsam par bya'o/ /de nas mtshan ma thob pa de'i 'og tu dkyil 'khor bri bar bya ste/ phyi rol du zur bzhi la sgo bzhi pa/ sgo srungs rnams dang yang dag par ldan pa dang/ phyi'i dkyil 'khor du lha mo sgeg mo dang/ phreng ba ma dang/ glu ma dang/ gar mkhan ma dang/ bdug pa ma dang/ me tog ma dang/ mar me ma dang/ byug pa ma rnams de ltar dgod par bya'o/ /de'i nang du ri mo dkar po gcig gis bskor ba sgo med pa/ de'i dbus su pad+ma dkar po bzang po bri bar bya'o/ /de ltar bris nas ston zla ra pa 'am/ dpyid zla ra ba 'am/ dpyid zla tha chung la sogs pa'i zla ba la 'byor ba ci yod pas mchod pa dang/ lha bshos dang/ gtor ma la sogs pa thams cad phul la mnyam par bzhag nas/ dkyil 'khor gyi dbus su rdo rje'i skyil mo krung gis 'dug la/ 'phags pa 'jam dpal gyi gzugs yongs su gyur pa las sangs rgyas
- 246b
kyi sku chos kyi dbyings dang mnyam par 'od gsal bar bdag nyid bsgom par bya'o/ /de nas de bzhin gshegs pa thams cad kyi sku dang thugs kyi mtshan ma'i phyag rgya thams cad phyogs thams cad nas byon te rang gi lus dang yid la zhugs shing brtan par gyur to zhes legs par brtan por bsams la/ rang gi zla ba dang pad+ma la gnas pa'i dung la gsal bar blta zhing de yongs su bskor bar gnas pa'i yi ge thams cad kyi ngo bo ge sar gyi thig le rnams las ngag gi cha shas su gyur te/ lkog ma'i phyogs su phyin pa dang dbyangs kyi ngo bo nyid du gyur la dbyangs las ni sgra/ sgra las ni yi ge'i gzugs su gyur nas lcer phyin pa dang/ rdo rje'i lta bu'i dbyings su gcig la gcig nam mkha' i khams kyi mthar thug par gsal bar rkyed pa'i sgrib pa med na nam mkha' thams cad du spros la/ sgra'i rnam pa de la bsam zhing sgra rnams kyis nam mkha' khebs par bsams la/ oM bAkye daM na ma(rgyud 'grel): zhes bya ba'i sngags skyil mo krung ma bshigs par mtshan rangs par bzlas brjod bya'o/ /bzlas pas kyang lce las 'od zer rnams nges par 'byung ba 'am grub po zhes bya ba'i sgra thos pa dang/ mchu 'am sa rnams las 'od zer sna tshogs 'byung ba la sogs pa grub pa'i mtshan ma rnams 'byung bar 'gyur ro/ /de nas brtsams te ji ltar bsam pa'i tshig dang/ ngag dang sdeb sbyor sna tshogs dang/ tshigs su bcad pa dang/ gsang sngags dang/ rigs sngags dang/ snying po la sogs pa dung las 'bad pa med pa nyid du 'byung bar 'gyur ro/ /'jig rten dang 'jig rten las 'das pa'i bstan bcos thams cad kyang shes pa dang byad par 'gyur ro/ /sems can thams cad kyi sgra'i don thams cad yongs su shes par 'gyur zhing/ thams cad mkhyen pa nyid du yang ring por mi thogs par 'gyur bas na/ chos kyi dung ste sgra chen ldan zhes bya ste/ thams cad du sgrib pa med par chos rnams
- 247a
'chang cing rab tu 'chad pa'i sgra'i rgyur gyur pa'i phyir ro/ /'jig rten gyi khams thams cad du dam pa'i chos ston pa'i ltas kyi sgra'i snang ba skyes pas na/ chos kyi gaN+Di sgra po che zhes bya'o/ /mi gnas mya ngan 'das pa po/ /phyogs bcu'i? chos kyi rnga po che zhes bya ba la/ mi gnas pa'i mya ngan las 'das pa nyid yang dag par rdzogs pa'i byang chub yin pa ni dpyad par bya ste/ de yang sangs rgyas bcom ldan 'das thams cad ni mi gnas pa'i mya ngan las 'das pa'o/ /zhes bya ba rigs pa dang lung rnams kyis rgya cher bstan par bya'o/ /de la re shig rig pa ni gang ma lus par gnas pa'i rgyu can de rnams kyi gnas pa la ni mdza' yod pa yin te/ dper na shing kun tu spungs pa tshig pa la sogs pa ni du ba la sogs pa gnas pa'i rgyu byed par nus pa yin no/ /de bzhin du 'khor ba ji srid par gnas pa'i rgyu ma tshang ba med pa sangs rgyas bcom ldan 'das yin no zhes bya ba la gnas pa rgyun 'chad pa'i khyab pa can dang/ ma lus par gnas pa'i rgyu can nyid ni 'gal bas ma lus par gnas pa'i rgyur 'di na bshad pa nyid kyis khyab pa can yin pas 'gal bar shes pa ste/ du ba la sogs pa rgyun chad pa dang/ brang ma chad pa chos mi mthun pa yin te/ rgyu ma tshang bar gyur pa las 'bras bu mi 'byung bas sbyor ba 'gal ba yin na/ rgyu ji ltar grub pa yin zhes zer na/ de brjod par bya ste/ gnas pa'i rgyu ma tshang ba ni sems can gyi don mdzad pa'i nus pa yongs su zad pa 'am/ thugs rje chen po dang bral ba 'am/ che'i 'du byed gnas pa la mnga' brnyes pa las nyams pa 'am/ srog gi dbang po gnas pa'i las kyi rnam par smin pa'i mthar gtugs pa 'am/ sangs rgyas kyis 'dul ba rnams med pa las gyur pa yin gyi/ de dag las zlog pa ni gnas pa'i rgyu nyid du bshad do/ /de la ston pa ni
- 247b
ye shes thogs pa mi mnga' ba'i nus pa dang ldan pa so sor/ mkhyen pa mnga' ba 'am/ dad pa'i som nyid med de/ gzhan du na gcig pur spyod pa'i rang sangs rgyas dang khyad par ci zhig yod/ yun ring por bzlas pas nyan thos srin bu me khyer ltar brtse ba med pa yang ma yin/ /thugs rje chen po mngon sum du mdzad pas 'bad pa dang bral de nyams shing/ 'bad na ni ldan pa'i nyes pa mi mnga' pas 'gro ba'i don gzigs shing de la mngon par chags pa mi mnga' pas sangs rgyas de nyid ni phyogs su lhung ba med pa'i phyir som nyi gnyis pa yang med do/ /rdzu 'phrul gyi rkang pa la goms pa'i mthar byon pas som nyi gsum pa yang ma yin no/ /rigs pa'i gnas skabs kyi de 'dir brjod par bya ste/ de yang 'di ltar kun dga' po gang la la zhig gis rdzu 'phrul gyi rkang pa bzhi ma lus par bstan cing bsgoms la mang du byas pas de 'dod na bskal pa 'am/ bskal pa las lhag par 'gyur ro/ /kun dga' bo de bzhin gshegs pas ni rdzu 'phrul gyi rkang pa bzhi ma lus par ston cing bsgoms la mang du mdzad pas gal te de bzhin gshegs pa bzhed na bskal pa 'am bskal pa las lhag par bzhugs so zhes gsungs pa'i phyir ro/ /srog gi dbang po gnas pa'i las kyi 'bras bu zad pa yang mi mnga' ste/ skal pa du mar srog gnod pa las ldog par mdzad pa la goms par mdzad pa dang/ thabs dpag tu med pas sbyin pa'i pha rol tu phyin pa la bla mar mdzad cing bstan pa dang bsags pa las yang dag par 'byung ste/ 'di la rgyu dang 'bras bu'i tshogs dag ni gang mchog tu gyur pa'i rgyu las mchog tu gyur pa'i 'bras bu 'byung la mchog ma yin pa las ni mchog ma yin pa 'byung gi gzhan du mchog tu dang mchog ma yin pa dag las 'bras bu de dang mi mthun par 'byung ba ni mi srid pas phan pa gnod par 'gyur ba ni mi srid de/ der gtogs pa'i dbye ba la bltos pa med pa'i phyir ro//
- 248a
ston pa la yang 'tsho ba'i rgyu 'ang kha na tho ba med cing gzhan gsod pa sdong ba la sogs pa sngar du spyad zin kyang/ ci'i phyir lo brgyar yang mi bzhugs zhe na/ 'di dag thams cad kyi 'bras bu ni thams cad mkhyen pa nyid yin no zhe na/ yun ring du 'tsho ba'i 'bras bu mngon sum du 'byin par bshad pa srog gcod pa spangs pa la sogs pa'i pha rol tu phyin pa ni rigs mthun par ma 'dres pa nyid du 'bras bu tshe ring bar gsungs pa yin gyi/ gang 'di gang gi rgyur mngon par bstan pa de ni rkyen yongs su tshogs pa dang 'dus par gyur na de bskyed par 'gyur ba nyid dang/ gzhan dag gi rgyur 'gyur ba ni nyes pa med kyi/ de ma yin na ni de bskyed par mi 'gyur bar thal bar 'gyur ro/ /'on kyang chos rnams kyi de kho na nyid la goms par mdzad pa nyid las ni thams cad mkhyen par gyur pa yin la/ bsod nams ni tshogs kyi de'i khyad par gzhi bskyed pa la rjes su mthun par gyur ba yin no/ /de bas na bsod nams yongs su zad pas bcom ldan 'das mya ngan las 'das par 'gyur zhes bya ba ni log par btags pa tsam yin no/ /gal te de bzhin gshegs pa gdul bar bya ba'i sems can rnams med pas mya ngan las 'das par 'dod pa tshad yin no zhe na/ de 'dir dpyad par bya ste/ ci sangs rgyas kyi skus gdul ba'i sems can nyid med dam/ ci gzugs gzhan dag gis gdul ba rnams kyang med/ gal te phyogs snga ma ltar byas na de'i brgya byin la sogs pa'i gzugs su bstan pas kyang gdul ba'i skye bo rnams srid pas de'i gzugs su ci ste mi bzhugs thugs brtse ba'i dbang du gyur pa'i thugs dang ldan pa rnams ni skye bo rnams la phan par bya ba'i phyir cha lugs gzhan dag gis kyang gnas par mdzad de/ dper na bcom ldan 'das nyid 'khor los sgyur ba'i gzugs su bzhugs pa dang 'dra zhing/ brgya byin la
- 248b
sogs pa'i gzugs kyis 'dul bar 'gyur ba med pa'i gtan tshigs kyang med pa dang/ brgya byin la sogs pa gzhan gyi don byed pa mi srid par yang thal bar 'gyur ro/ /yang na 'jig rten gyi khams gcig tu sangs rgyas kyi skus 'dul ba'i skye bo rnams med kyang 'jig rten gyi khams dpag tu med pa gzhan rnams na des 'dul ba'i srid pa ci'i phyir 'di yongs su mya ngan las 'das par mdzad/ 'jig rten gyi khams gzhan na yang de med do/ /zhes zer na ni de'i gtan tshigs kyang 'di na yod pa ma yin te/ 'jig rten gyi khams thams cad na sangs rgyas kyi sku bstan pas 'dul ba'i sems can rnams med do zhes bya ba 'di ni gang nas kyang ma gsungs so/ /yang na nges pa'i sems can rnams med pas gzhan gyi don la 'jug pa rnams ci'i phyir yongs su mya ngan las 'da' bar yongs su mya ngan las 'da' o zhes 'dod na 'di nyid kyi 'grub pa ma yin te/ gang gi phyir 'jig rten gyi khams gcig tu sangs rgyas kyi sku bstan pas 'dul ba'i sems can rnams la mya ngan las 'das pa nye bar bstan pas 'dul ba'i skye bo rnams rjes su gzung bar mdzad pa'i phyir yongs su mya ngan las 'da' bar ston par mdzad kyang gzhan dag tu bltams pa dang/ mngon par byang chub pa dang/ chos kyi 'khor lo bskor ba ma tshad ba med pa nye bar ston pa mdzad pa yin te/ dus 'di ni ji skad du bstan pa/ sangs rgyas mya ngan yong mi 'da' o/ /chos kyang nub par mi 'gyur te/ /sems can rnams ni smin mdzad phyir/ /mya ngan 'da' bar ston par mdzad ces gsungs so/ /yang na gal te thub pa chen po ni 'khor ba ji srid par bzhugs na 'jig rten gyi khams su ci rim gyis sam cig car 'byung bar 'gyur/ de bcom ldan 'das de bzhin gshegs pa gzhan rnams gang thogs pa med pa'i ye shes dang ldan pa rnams ni gang du de bzhin gshegs pa gcig pa nyid sangs rgyas kyi
- 249a
bya ba mdzad pa der gang du 'khrungs pa'i 'jig rten gyi khams de dang 'dra thogs pa med pa'i ye shes dang ldan pa'i de bzhin gshegs pa gcig gis 'khor ba thams cad du gtogs pa'i sangs rgyas kyis gdul ba rnams 'dul bar spyod pa de bzhin gshegs pa gnyis pa la don med par 'gyur te/ gzhan du sangs rgyas 'byung ba med pa 'am/ ye shes thogs pa med pa nyid mi rigs par 'gyur ro/ /de bzhin du gal te gcig pu de nyid kyis sangs rgyas kyi bya ba mdzad par spyod na gzhan dag ci'i phyir 'byung bar 'gyur te/ 'di la gdul bar bya ba med do zhes bya bar brtags pa yang mi rigs te/ sangs rgyas thams cad la yang gdul bya med? par thal bar mi 'gyur ro /de bas na tshogs mtshungs par gyur pa'i de bzhin gshegs pa ni gang du gcig gis mi spyod pa der de bzhin gshegs pa gzhan dag gis kyang mi spyod do/ /rang gis yongs su smin par byas pa'i sems can rnams gdul bar 'gyur pa nyid ni nyan thos dang mtshungs te/ de ltar na de bzhin gshegs pa rnams la thogs pa med pa'i ye shes mnga' ba shin tu yang mi rigs te/ ji ltar rang gis yongs su smin par byas pa sems can rnams 'dul ba ni nyan thos dang mtshungs pa'i phyir ro/ /byang chub sems dpa' gzhan rnams la skabs dbye bar bya ba'i phyir 'jig rten gyi khams gzhan rnams su sems can gyi don mi mdzad do zhe na/ gling bzhi pa so sor yang sangs rgyas 'byung ba med pa kho nar thal bar 'gyur ro/ /gal te byang chub sems dpa' gzhan rnams la skabs 'byed par 'gyur te de dag la bltas nas de bzhin gshegs pa rnams 'jig rten gyi khams gzhan rnams su sems can gyi don mdzad pa yin gyi/ mi spyod pa'i phyir ni ma yin no/ de bas gling bzhi par sangs rgyas 'byung ba nyid du 'dod do/ /zhe na/ gcig pu stong
- 249b
gsum pa'i 'jig rten gyi khams su byung nas gling bzhi par sprul pa'i skus sems can gyi don mdzad pa gang zhig yin/ de ltar na yang 'khor ba thams cad du de bzhin gshegs pa gcig pu nyid byung nas 'khor ba ma lus par gtogs pa'i gling bzhi pa rnams su sprul pa'i skus sems can gyi don mdzad do zhes khas blangs dgos so/ /de bzhin gshegs pas 'khor ba thams cad du gtogs pa'i gling bzhi pa rnams su sprul pa'i sku'i spyod pa ston par ni spyod de/ gal te thams cad du sprul pa'i sku'i spyod pa ston par ni spyod na ni de bzhin gshegs pa thogs pa med pa'i ye shes dang ldan pa ma yin no/ /'on kyang 'jig rten long ba mgon med pa rnams su mgon bya ba'i phyir sangs rgyas par bya'o/ /zhes smon lam 'debs par mdzad par 'jig rten gyi khams gzhan dag tu de bzhin gshegs pa mi 'byung ba yang ma yin te/ sangs rgyas bcom ldan 'das bzhugs pa dag tu ni 'gro ba rnams long bar gyur bar mi rigs so/ /'jig rten gyi khams khyad med par bshad na ni stong gsum gyi 'jig rten gyi khams 'byung bar mi rigs par thal 'gyur ro zhe na/ de ltar yongs su rtog par gyur na stong gnyis pa dang stong gsum pa rnams kyi gling bzhi pa rnams su yang ci de bzhin gshegs pa rnams 'byung bar mi rigs par 'gyur ram/ de ltar na ni byang chub sems dpa' shin tu mang? ba'i tshogs mnyam par gyur pa'i tshogs mnyam par gyur pa'i tshogs 'bras bu dang bcas par 'gyur zhing sems can shin tu mang po'i don bya ba la de bzhin gshegs pa rnams shin tu yang nyon mongs pa med par 'gyur te/ yul shin tu chung du la khyab par mdzad pa'i phyir gal te bcom ldan 'das yongs su mya ngan las 'da' ba mi mnga' na sku gdung rnams ji ltar snang bar 'gyur/ smras pa/ rdzogs sangs mya ngan mi 'da' na/ /nyes pa drug gcig 'byung 'gyur te/ /don med nus pa ma tshang dang/
- 250a
thams cad gdul bar mi 'gyur dang/ /nyan thos rnams dang mtshungs 'gyur dang/ /sku gdung rnams ni mi 'byung dang/ /gling bzhi pa tsam nyid du ni/ /'khrungs par de dag snang bar 'gyur/ /skal ba mnyam pa chad pa dang/ /bde gshegs dang ni mya ngan 'da' / /ji ltar nyan thos la sogs pa/ /'chi ba'i lus ni snang ba dang/ /mi mthun chos su ston pa ste/ /mo gsham bu bzhin shes par bya/ /gzhan du sku gdung med pa yi/ /tshad ma dang ni 'gal par 'dod ces bya ba de 'dir shin tu btags pa tsam ste/ gang lung gzhan dag las kyang de bzhin gshegs pa rnams nges par skye ba gzhan du bzhes ba la don 'di la the tshom dang bcas pa yin yang bcom ldan 'das ni gzhan gyi don mdzad pa'i bya ba la gzhol bar 'dod pas dad pa la gzhol pa'i sems dang ldan pa rnams 'dor zhing spong bar mdzad pa ni mi rigs so/ /lung gzhan gyi stobs la nges par ston ba lta smos kyang ci dgos/ de bzhin du theg pa mchog gi tshul yang zho gcig /dge 'dun phal chen sde'i lung las/ 'dus pa la sogs pa rnams ni de bzhin gshegs pa khams gzhan dag tu 'byung bar 'chad do/ /gzhan don 'di la rigs pa yang yod de/ gang lhan cig tu rgyu rnams nye bar 'dus pa'i nus pa dang ldan pa de rnams lhan cig skye bar 'os te dper na lhan cig btab pa'i sa bon tshogs pa rnams kyi bar ma chad na tshogs pa las lhan cig myu gu 'byung ngo/ /byang chub kyi sa bon btab pa'i rim pa la ni lhan cig gis tshogs pa bsags par mi nus te/ rgyu yang sna tshogs pa las mngon par mtho ba dang nges par legs pa'i 'bras bu dang bcas par ster ba'i de bzhin gshegs pa'i myu gu rnams 'byung ba yin no/ /rang bzhin gyis rgyu yod pa 'am/ nus pa'i rgyu 'bras bu mi bskyed pa ni rigs pa dang 'gal ba yin te/ gang gi phyir 'gro ba
- 250b
mdza' yas pa ma lus pa cig car ston pa'i phan pa'i blo dang ldan pa'i bdag nyid chen po skyes bu gces par 'dzin pa ni bsod nams dang ye shes kyi tshogs yongs su rdzogs nas rjes su gnas par snang ngo/ /de rnams kyi bsod nams dang ye shes kyi tshogs cig car yongs su rdzogs pa ni nges par 'dod pa la rag las te/ bstan bcos legs par rtogs pa'i 'chang pa byed pa dang mtshungs so/ /des na sangs rgyas nyid du 'gyur ba'i rgyu gang gis dgag ste/ sems can sna tshogs pa rnams la don mdzad bzhed pa yang tshogs nas mi bzhed pa nyid du gnas su gyur pa yin no/ /ji skad du snying rje pad+ma dkar po'i mdo las kyang/ byams pa khyod myur du bla na med pa'i ye shes kyis lhag ma med pa'i mya ngan las 'da' bar bzhugs par nus kyang gang gi phyir byams pa khyod yun ring po 'di snyed du 'khor bar mngon par dga' ba de thams cad ni smon lam gyi dbang gis dus la sdong pa yin te/ de bas na byams pa khyod de ltar nga'i rgyal tshab yongs su blangs pa yin no zhes gsungs te/ de lta mod kyi bcom ldan 'das 'gro ba'i don du 'am/ yang na skyes bus sam/ gzhan gyis der 'jug pa ni ma yin te/ gang gi phyir gcig gis kyang nus pas 'dod de bdag gi ci zhig bya snyam du dgongs nas gzhan dag ldog par mdzad pas de rnams kyang thugs rje chen po bskyed pa mngon du mdzad pas na/ ji ltar thugs rje chen po gzhan gyi dbang gis 'jug pa de bzhin du lhag ma rnams kyang de dang 'dra ste/ rgyu ma tshang ba med pa'i dgongs pa dam pa de 'di ltar grangs su bgrang pa ji ltar mdzad/ de rnams longs spyod rdzogs pa'i skus sam/ sprul pa'i skus rang gi 'jig rten gyi khams sam khams gzhan gyi gling bzhi rnams su skal pa ji lta ba bzhin du 'gro ba'i don lhun gyis grub par rdzogs par mdzad kyi thugs rje'i rang bzhin gyi sku can rnams ni dmigs pa can du 'os pa ma yin te/ sangs rgyas
- 251a
kyi rol pa 'di ni bsam gyis mi khyab ba yin no/ /ji ltar smon lam dang 'gal ba med de/ gang gi phyir mgon med pa nyid dang/ long bar gyur pa'i 'gro ba rnams la de bzhin gshegs pa rnams ma gtogs par dgra bcom pa la sogs pa mgon du gyur pa dang/ mig tu gyur pa ni mi rigs so/ /sku gdung med pa yang ma yin te/ bcom ldan 'das kyi byin brlabs nyid kyis skye mched dang pa'i rgyud la snang gis sku gdung nyid yod pa ni ma yin te/ bcom ldan 'das ni ye shes kyi rang bzhin gyi sku dang ldan pa'i phyir dang/ thub pa rnams ni rnyog pa med pa'i shes rab kyis 'khor ba ji srid par bzhugs pa'i phyir te/ ji skad du gser 'od dam pa'i mdo las/ mtho ris su ni 'dzeg pa'i phyir/ /nam zhig ri bong rwa rnams las/ /skas ni legs par byas gyur pa/ /de tshe ring bsrel yod par 'gyur/ /sku la rus pa khrag med na/ /ring bsrel yod par ga la 'gyur zhes gsungs te/ gang la yang dpe 'dis ni gang du 'byung ba'i 'jig rten khams bzhin du de bzhin du de grub pa ma yin te/ der de bzhin gshegs pa de nyid gcig pu bya ba mdzad pa ma yin no/ /ma grub pa ni/ gang gi phyir de bzhin gshegs pa rnams kyi 'gro ba'i don rdzogs par bya ba yin la/ de mdzad pa yang bcom ldan 'das gcig pu 'dus par mdzad nas kyang 'dus par mdzad pa'i tshul des 'dul bar 'gyur pa'i skye bo rnams ni srid de/ ji skad du/ 'phags pa rin po che tog gi mdo las/ bcom ldan 'das 'od dpag med pa dang/ shAkya thub pa la sogs pa gcig tu 'dus par mdzad nas sems can dpag tu med pa'i bya ba mdzad do zhes 'byung ba ste/ phrag dog ma lus spangs pa rnams/ /phyogs gcig bzhugs pa nyid na yang/ /bcom ldan 'das rnams rnam mdzes te/ /'khor los sgyur las khyad par 'phags
- 251b
zhes bshad pa ste/ phrag dog ni nag nog gi spyod pa can gyi 'khor los sgyur ba rnams gcig la gcig gi 'byor pa la khong khro bar byed pa rnams gcig tu mdzes pa ma yin no zhes bya ba 'di ni rigs kyi/ bcom ldan 'das ni yang thugs rje'i rang bzhin las rjes su sprul pa'i sku dang ldan pa phrag dog dang ser sna la sogs pas rjes su gos pa med pa bdag nyid can 'gro ba'i don mnyam pa med pa lhun gyi grub par mnyam par gyur pa rnams gcig tu ma 'dus kyang mi mdzes pa ci zhig yod/ 'dus par gyur pa'i tshul des gdul ba'i skye bo rnams med par gyur na ni gcig tu 'dus par ni mdzad do/ /de bas 'di ltar 'jig rten gyi khams gcig tu de bzhin gshegs pa mang po dus gcig 'byung bar srid pa la yang 'gal ba yod pa ma yin no/ /de yang de rnams kyis 'di ltar smon lam btab ste/ ji lta ji ltar gdul bya rnams kyi don rdzogs par 'gyur ba 'byung ba de lta de ltar bdag cag la brten pa rnams la snang bar gyur cig ces gsungs te/ de'i gzugs tsam du snang ba las ma gtogs par 'jig rten gyi khams kyang med la/ rgyal ba'i gzugs kyi sku yang yod pa ma yin te/ /dngos po thams cad ni ye shes kyi lus nyid yin pa'i phyir ro/ /de skad du yang lang kar gshegs pa'i mdo las/ sems can las rnams mdza' yas kun tu 'byung/ /sna tshogs las las 'jig rten thams cad de/ /'gro ba sems kyi ngo bor shes na ni/ /rang gi lus ni bsam gyis mi khyab ston zhes gsungs so/ /yang na ji ltar de bzhin gshegs pa gcig nyid kyi gdul bya yin par gsungs so zhe na/ de lta na de bzhin gshegs pa gcig nyid kyi gdul bya ni sangs rgyas thams cad kyi gdul bya yang yin pas de rnams kyang snga ma bzhin du de bzhin gshegs pa gzhan rnams kyi yang mdzad pa yin par 'dod de/ de nyid bsgrub par
- 252a
bya ba ma tshang ba'i dper 'gyur ro/ /gzhan yang gzhan dag kyang ji srid du srid pa sgom pa'i dam pa rnams ni snying brtse bas dbul bar gyur kyang ngo tsha shes pa dang khrel yod pa'i nor yongs su bskyad bar bya ba'i phyir dang/ dam bcas pa'i don mthar phyin bar bya ba'i phyir nus pa thams cad kyang zad/ des nges par rdzogs par byed pa dag snang na de bzhin gshegs pa rnams ni skye bo dam pa ma lus pa'i gtsug gi nor bur gyur cing/ srid pa'i 'jigs pa rnams las yang dag par brgal ba ngo tsha shes pa dang bden pa dang snying brtse ba'i nor rnams mngon du bdag gir mdzad pa ye shes kyi nus pa thogs pa med pa rnams kyis rdzogs par mi mdzad ces bya ba la sems dang ldan pa gang zhig dad par 'gyur/ dam bcas pa yang sems can thams cad kyi sdug bsngal thams cad las shin tu nges par grol ba'i phyir mdzad de/ de yang bcom ldan 'das kyis sngon gyi smon lam btab pa/ bsod nams 'di yis thams cad gzigs pa nyid/ thob nas nyes pa'i dgra rnams pham byas te/ /rga nad 'chi ba'i dpa' slong? 'khrugs la snang bar gyur pa yi/ /srid pa'i mtsho las 'gro ba gdon par bgyi zhes gsungs pa 'gro ba zhes bya ba'i sgra ni sems can nyung zad cig gzung bar rigs pa ma yin te/ sems can thams cad la dmigs pa'i thugs rje chen po med par ma gyur cig /de bas na ji srid du sems can gcig yod pa de srid du ni thugs rje'i rang bzhin can rnams mya ngan las 'da' bar mdzad pa'i rigs pa ma yin no/ /de yang mdza' yas pa yin bas na sems can thams cad 'khor ba las nges par gdon mi srid do zhe na/ de nyid kyis na thugs rje'i rang bzhin can de'i dgos pa dang ldan pa rnams ni gnas skabs ni mdza' yas pa yin te/ gzhan du na dam bcas pa dang/ rjes su mthun par sgrub bar mdzad par mi 'gyur ba
- 252b
thugs rje chen po dang rjes su mthun par yang ma yin no/ /de yang thugs rje chen po 'di ni sems can thams cad kyi sdug bsngal las yongs su skyob pa bzhed pa'i rnam pa can no/ /de ltar na 'di la legs par bsgoms pas ci'i phyir dus ma yin par 'chad par 'gyur bar 'dod de/ rgyun mi 'chad do/ /'on kyang dus de'i tshe 'byung ba'i sangs rgyas kyi 'dul ba rnams te/ rab bzang gi mthar thug pa de thams cad btul nas/ gang gzhan dag ni dus gzhan dag tu rgyud yongs su smin par 'gyur par 'byung ba rnams la de'i don mdzad pa'i phyir de bzhin gshegs pa gzhan rnams rim gyis 'byung bar 'gyur la/ de nas de rnams la phan par rdzogs par bya ba'i byang chub sems dpa' gzhan dag dbang bskur nas yongs su mya ngan las 'da' ba yin gyi/ gzhan du na bar du gzhan gyi don la 'jug pa rnams don med pa'i gnas skabs su 'gyur ro/ /zhes bya ba de ni mi rigs te/ sangs rgyas kyis 'dul ba'i sems can rnams med par ni grub pa'i phyir dang/ 'jig rten gyi khams thams cad na lugs gzhan dag gis 'bul ba dag kyang srid de/ sngar ji skad bshad pa bzhin no/ /don med par bzhugs pa'ang ma yin te/ de'i don mdzad pa'i ched du bzhugs pa'i phyir ro zhes bshad do/ /de yang ji ltar shAkya'i rgyal pos kyang rab bzang la bzhes par mdzad pa'i phyir skad cig ji snyed du bzhugs te/ dus de ni shin tu chud ba yin no zhes kyang yang dag par mi brtag ste/ gang rang nyid kyi thugs la mngon par 'dod pa'i don brnyes pa de dag ni dus ring ba dang/ thung bar brtsi bar mi mdzad do/ /der gzhan dag bla na med pa'i nus pa dang ldan pa 'byung bar 'gyur ro snyam du yang mi dgongs te/ de lta na ni byang chub tu sems bskyed pa la 'bad pa kho nar 'gyur te/ 'jig rten mang po gdon pa'i bsam pa can bya ba gzigs pa de dag gis byas zin na 'dir bdag gis ci zhig bya snyam du dgongs par 'gyur ro//
- 253a
thugs rje chen po dang ldan pas de ltar brtsi bar mi mdzad par 'jug go zhe na/ lhag par gnas par mdzad pa la ci phyir brtsi ba la brtson par mi mdzad/ /gnas skabs der brtsi bar mi mdzad par rigs pa yin no/ /'jug pa'i rgyur thugs rje chen po mngon du mdzad pas de'i phyir ye shes thogs pa med pa dang ldan yang lhan cig tu yang 'byung bar 'gyur ro/ /bcom ldan 'das rnams ni sems can rnams kyi don la 'jug pa'i rgyu ma nyams pas so so'i skye bo'i ma la gnas pa na yang rgyu yang rgyal po gdon pa'i phyir rngo 'degs pa dang mtshungs so zhe na/ de ltar na yang thogs pa med pa'i ye shes dang ldan pa gcig gi ngo bo gyur pas rgyu dang 'bras bu rjes su mtshungs par 'gyur na/ gzhan dag kyang de dang mnyam par mi 'gyur bas de bzhin du khong du chud par bya ba'i rigs pa ma yin no/ /gcig med par gyur nas de las gzhan pa de dang mnyam pa'i rgyu las kyang mi 'byung ba ma yin no/ /'dir smras pa bskal ba mang po'i grangs snyed du/ /bsgom pa yongs su rdzogs pa yi/ /thugs rje chen por ldan pa gang/ /gzhan gyi kha na las pas bzhugs zhes bshad do/ /bcom ldan 'das yon tan gyi sku dang ldan pa rnams shin tu rgyun mi 'chad pa'i mtshan nyid yongs su mya ngan las 'das par ma gyur pa de la skyabs su 'gro ba don du gnyer ba rnams kyang de ltar dang tha dad par mi rigs so/ /de yang bcom ldan 'das ni skyabs kyi don dang skyob pa'i don du bshad de/ gang sangs rgyas bcom ldan 'das la skyabs su 'gro ba de ni sangs rgyas su byed pa'i chos mi slob pa la skyabs su 'gro ba ste/ mar me'i rgyun lta bu'i sangs rgyas su byed pa'i mi slob pa'i chos kyi bdag nyid can gyi rgyal ba rnams shin tu yang so sor nub par gyur na de rnams kyi skyob par sbyod pa'i nus pa ga las 'ongs/ nus
- 253b
pa mnga' ba las na mya ngan las mi 'da' bar thal bar 'gyur la/ nus pa'i mtshan nyid dang ldan pa'i dngos po rnams ni 'das pa'i dus na gnas kyang nus pa nyams pa med do zhe na/ 'das pa de'i gzugs yod pa de ltar yang yod par bshad pa mi rigs so/ /de bzhin du yang de nyid mi gnas pa'i mya ngan las 'das par grub cing nus pa'i gzugs nub par gyur na ni lhag mar lus pa ci zhig yod/ yang des bstan pa'i gsungs rab rin po ches kyang skyob pa'i nus pa da dung yang yod par 'dod na ni de'i nus pa yang brjod par bya ste/ gal te de lta na ni de la skyabs su 'gro ba'i gtso bor mi 'gyur la/ de'i 'bras bu'i nus pa yang de'i ma yin te/ rang bzhin gyi dbye bas de dad? da ltar gyi nus pa gcig tu 'pho ba ma yin te/ de ma bstan par de'i skyob pa'i don med do// lung 'dzin par byed pa gnas pa med pa yin te/ gang 'di rgyud med par zhe 'gras pa bzhin du lung dang rigs pa gzhan dag dang ldan du zin kyang mngon par 'dod pa'i lung gi don las 'das shing brgal la/ de dag bcom ldan 'das 'pho bar ston pa'i phyir spro ba dang bcas shing gnas par 'gyur te/ de yang mngon par 'dod pa can gyi mya ngan las 'das pa ni chos yang dag par sdud pa las gsungs te/ rigs kyi bu byang chub sems dpa' chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas kyi yongs su mya ngan 'das pa chen po khong du chud par bya ste/ bcu gang zhe na 'di lta ste/ nyon mongs pa dang/ shes bya'i sgrib pa thams cad spang pa'i mthar 'gro ba dang/ gang zag dang chos kyi yul la bdag med par khong du chud pa dang/ skye ba dang chos kyi gnas gyur pa rnyed pa dang/ sems can thams cad la sangs rgyas kyi mdzad pa byed pa lhun gyis grub pa rgyun ma bcad pa'i ye shes thob pa dang/ de bzhin gshegs pa thams cad kyi chos kyi sgru dbyer med
- 254a
pa thob pa dang/ 'khor ba dang mya ngan las 'das pa rnam pa gnyis su bsam pa dang bral ba dang/ chos thams cad kyi rtsa ba yongs su dag pa dang/ chos thams cad skye ba med cing 'gag pa med pa de'i dngos po bsgom pa dang/ de bzhin nyid dang chos kyi dbyings dang yang dag pa'i mdza' mnyam pa'i ye shes thob pa dang/ chos thams cad kyi rang bzhin dang mya ngan las 'das pa'i rang bzhin dang mnyam pa'i ye shes thob pa ste/ rigs kyi bu byang chub sems dpa' chos kyi tshul la 'jug pa bcu po de dag gis de bzhin gshegs pa rnams kyi yongs su mya ngan las 'das pa chen po khong du chud par bya'o/ /rigs kyi bu gzhan yang byang chub sems dpa' chos kyi tshul la 'jug pa bcus de bzhin gshegs pa rnams kyi yongs su mya ngan las 'das pa chen po khong du chud par bya ste/ bcu gang zhe na/ 'di lta ste/ nyon mongs pa thams cad kyi rtsa ba ni smon pa yin te/ smon pa las byung ba'o/ /de bzhin gshegs pa la ni smon pa med de/ de smon pa dang bral bas de bzhin gshegs pa yongs su mya ngan las 'das pa zhes bya'o/ /smon pa med pas de bzhin gshegs pas ni chos gang yang mi len to/ /mi len pas mi 'jug mi 'jug pas mi ldog ste/ len pa med pas de bzhin gshegs pa yongs su mya ngan las 'das pa zhes bya'o/ /gang 'jug pa dang ldog pa yang dag par chad pa de ni chos kyi sku ste/ mi skye mi 'gag bo/ /skye ba dang 'gag pa dang bral bas de bzhin gshegs pa yongs su mya ngan las 'das pa zhes bya'o/ /gang skye ba med pa dang 'gag pa med pa de ni cir yang brjod par bya ba ma yin te/ brjod par bya ba med pas de bzhin gshegs pa yongs su mya ngan las 'das pa zhes bya'o/ /bdag dang sems can med de/ chos tsam 'di skye zhing 'gag pas chos kyi gnas gyur
- 254b
pa'i phyir de bzhin gshegs pa yongs su mya ngan las 'das pa zhes bya'o/ /nyon mongs pa dang nye ba'i nyon mongs pa thams cad ni glo bur pa yin te/ chos kyi dbyings ni 'od pa med cing 'gro ba med pas de glo bur ba yang ma yin/ gnas pa yang ma yin te/ chos kyi dbyings mnyam pa'i phyir de bzhin gshegs pa yongs su mya ngan las 'das pa zhes bya'o/ /de bzhin nyid ni bden pa ste/ de bzhin nyid ma gtogs pa'i chos gzhan rnams ni rdzun pa'o/ /bden pa'i ngo bo nyid ni de bzhin gshegs nyid de de bzhin nyid kyi ngo bo nyid ni de bzhin gshegs pa yongs su mya ngan las 'das pa zhes bya'o/ /yang dag pa'i mdza' ni spros pa med pa/ chos gzhan ni spros pa'i ngo bo nyid de/ yang dag pa'i mdza' mnyam pa'i phyir te/ de bzhin gshegs pa yongs su mya ngan las 'das pa zhes bya'o/ /skye ba med pa ni bden te/ skye ba la sogs pa'i chos gzhan rnams ni mi bden pa log pa/ brdzun pa bslu ba'i chos can no/ /de bzhin gshegs pa ni brdzun pa bslu ba'i chos can ma yin te/ bden pa'i ngo bo nyid ni de bzhin gshegs pa yongs su mya ngan las 'das pa zhes bya'o/ /yang dag pa ma yin pa ni mngon par 'du byed de/ yang dag pa la ni mngon par 'du bya ba med do/ /yang dag pa ni de bzhin gshegs pa'i chos kyi sku ste/ 'dus ma byas pa ni yongs su mya ngan las 'das pa zhes bya ste/ rigs kyi bu byang chub sems dpa' chos kyi tshul la 'jug pa bcu po de dag gis de bzhin gshegs pa rnams kyi yongs su mya ngan las 'da' ba chen po khong du chud par bya'o/ /rigs kyi bu gzhan yang byang chub sems dpas chos kyis tshul la 'jug pa bcus de bzhin gshegs pa rnams kyi yongs su mya ngan 'das pa chen po khong du chud par bya ste/ bcu gang zhe na/ 'di lta ste/ sbyin pa dang sbyin pa'i 'bras bu bdag med cing bdag gi ba med pa dang/ sbyin pa dang sbyin
- 255a
pa'i 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs pa yongs su mya ngan las 'das pa zhes bya'o/ /tshul khrims dang tshul khrims kyi 'bras bu bdag med cing bdag gi ba med pa dang/ tshul khrims ngang tshul khrims kyi 'bras bu yongs su shes pas rnam par rtog pa gnas gyur ba phyin ci ma log pa ni de bzhin gshegs pa yongs su mya ngan las 'das pa zhes bya'o/ /bzod pa dang bzod pa'i 'bras bu bdag med cing bdag gi ba med pa dang/ bzod pa dang bzod pa'i 'bras bu yongs su shes pas rnam par rtog par gnas gyur pa phyin ci ma log pa ni de bzhin gshegs pa yongs su mya ngan las 'das pa zhes bya'o/ /brtson 'grus dang brtson 'grus kyi 'bras bu bdag med cing bdag gi ba med pa dang/ brtson 'grus dang brtson 'grus kyi 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs pa yongs su mya ngan las 'das pa zhes bya'o/ /bsam gtan dang bsam gtan gyi 'bras bu bdag med cing bdag gi ba med pa dang/ bdag gtan dang bsam gtan gyi 'bras bu yongs su shes pa rnam par rtog pa gnas gyur pa phyin ci ma log pa ni de bzhin gshegs pa yongs su mya ngan las 'das pa zhes bya'o/ /shes rab dang shes rab kyi 'bras bu bdag med cing bdag gi ba med pa dang shes rab kyi 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs pa yongs su mya ngan las 'das pa zhes bya'o/ sems can thams cad sems can ma yin pa dang/ chos thams cad bdag med pa dang/ sems can du 'du shes pa'i phyin ci log ni bral zhing chos yongs su 'du shes pa'i phyin ci log pa dang bral ba de bzhin gshegs pa yongs su mya ngan las 'das pa zhes bya'o//
- 255b
gang bdag la sdug par 'gyur ba de ni tshol bar 'gyur ro/ /tshol ba la brtson pa de ni nyon mongs so/ /bdag la sdug pa bral zhing tshol ba thams cad dang bral ba ni phyir nyon mi rmongs te/ nyon mongs pa ni med pa de bzhin gshegs pa yongs su mya ngan las 'das pa zhes bya'o/ /'dus byas ni tshad dang ldan pa yin te/ 'dus ma byas pa ni tshad med pa'o/ 'dus byas dang 'dus ma byas kyi chos las rnam par grol zhing 'dus ma byas kyi chos nyid thob pa tshad med pa'i chos ni de bzhin gshegs pa yongs su mya ngan las 'das pa zhes bya'o/ /de bzhin gshegs pas ni gang stong pa nyid las grol ba'i chos sam/ sems can gang yang ma gzigs te/ stong pa nyid ni chos so/ /chos kyi sku ni de bzhin gshegs pa yongs su mya ngan las 'das pa zhes bya ste/ rigs kyi bu byang chub sems dpa' chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan 'das pa chen po khong du chud par bya'o/ /zhes mngon par 'dod pa can gyi mya ngan 'das pa bstan pa yin no/ de bzhin du thogs med kyi zhal snga nas kyis/ sgrib pa kun las nges sgrol phyir/ mdzad ba rnams kyang ma rdzogs phyir/ sangs rgyas gtan du mya ngan 'das/ /mya ngan 'das pa 'ang min par 'dod/ kun kyang 'dres pa'i phrin las can/ /rgya mtsho'i chu 'dra rgyal ba rnams/ /byas so byed do bya'o zhes gzhan gyi don pa dgongs pa med/ /sems can nyes pas mi snang ste/ /snod chag pa yi zla ba bzhin/ /'jig rten kun la nyi bzhin? du/ /de dag chos 'od khyab par mdzad/ /la lar rdzogs pa'i byang chub ston/ /la lar me bzhin mya ngan 'da' / /nam yang med pa ma yin te/ /de bzhin gshegs brtag pa'i sku/ /sangs rgyas 'phags min chos rnams dang/ mi dang? ngan sa? da pa rnams dang
- 256a
tshangs spyod ma chas chos rnams la/ bdag nyid dang ni bzhugs pa mchog /de dag kun tu rnam par dpyod/ /gang duAng rnam par dpyod mi mnga' / /gnas rnams kun nas mthong mod kyi/ dbang po drug gi sbyor yul min/ /nyon mongs thul la springs pa med/ sngags kyang bsod pa'i dug dang 'dra/ /sangs rgyas rnams ni nyon mongs las/ /nyon mongs zad pa kun mkhyen brnyes/ /thabs chen rnams dang ldan pa la/ /nyon mongs byang chub yan lag 'gyur/ /'khor ba zhi pa'i bdag nyid de/ /de phyir de bzhin gshegs bsam yas/ /khams gcig na ni gnyis med phyir/ /bdag med lhan cig tshogs bsags phyir/ rim gyis 'byung bar mi rigs phyir/ /sangs rgyas mang po rab tu grags zhes bshad pa'i phyir de ltar shin tu spros pas chog gis/ nga ni dkyus ma nyid la 'jug par bya ste/ mi gnas pa'i mya ngan las 'das par gyur pas phyogs bcu pa'i 'jig rten gyi khams rnams su/ skal ba dang ldan pa'i sems can rnams rjes su mthun pa'i chos ston pa'i sgras mngon par dga' bar mdzad pas ma phyogs bcu chos kyi rdza? bo che zhes bya'o/ gzugs med gzugs bzang dam pa ste/ sna tshogs gzugs can yid las sbyes? zhes bya ba la sogs pa la/ chos kyi sku'i ngo bo nyid du gyur pas na gzugs med do/ /mtshan thams cad yongs su rdzogs pa'i longs spyod rdzogs pa'i sku'i ngo bo nyid du gyur pas na gzugs bzang dam pa ste/ sprul ba'i sku gdul byo rnams dang rjes su mthun par sna tshogs pa'i gzugs kyi sku yang dag par ston par mdzad pas na sna tshogs sa dugs can no? ling las skyes pa ni phyi rol gyi don gyis stong zhing yid tsam las nges par 'byung ngo/ /gzugs thams cad snang ba la dbang sgyur bas na/ gzugs rnams thams cad snang ba'i dpal lo/ /'jig rten gyi khams ma lus pa rnams su cig car
- 256b
'dus pa'i skye bo dri ma med pa'i chu lnga? bu'i rgyud la gzugs brnyan 'char pa so sor snang bar mdzad pas na/ gzugs brnyan ma lus 'chang ba bo'o/ /thams cad du thogs pa med pa'i nus pas mi g.yo ba ni tshugs pa med pa'o/ /khams gsum la ma lus pa'i bdag po nyid du byed pa'i dbang phyug chen po la sogs pa rnams kyi yang de nyid gcig pu dbang phyug chen po yin zhing/ zil gyis mi gnon pa'i sku mnga' bas na/ che bar grags/ khams gsum dbang phyug chen po ste zhes bya'o/ /'dir 'phags pa'i lam yan lag brgyad pa ni 'phags pa'i lam mo/ /'phags pa'i lam yan lag brgyad pa la bzhugs pas na 'phags pa'i lam gnas pa'o/ /shin tu mtho ba yang yin la 'phags pa'i lam la gnas pa yang yin pas na/ 'phags lam shin tu mtho la gnas zhes bya'o/ /de gang zhe na/ dar ba chen po chos kyi tog ces bya ste/ chos kyi mtshan ma chen po 'byung bar ston pa'o/ /'di skad ston par 'gyur te/ chos thams cad kyi mtshan mar gyur pa yang dag pa'i ye shes bsgreng zhing bslang ba de bzhin nyid kyi lam la bzhugs pa dang/ 'byung ba chen po rgyur gyur pa rje btsun 'jam dpal nyid la de skad ces bshad de de? la ma gtogs pa'i chos rnams kyi rgyu med pa'i phyir ro/ /khams gsum na 'jig rten gsum mo/ /der gzhon nu'i lus can gcig pu'i sku dang ldan pa gang yin pa de mi 'jig rten gsum na gzhon lus gcig go /dge 'dun gyi gnas brtan nyid kyis thams cad mchog tu gyur cing mchod par 'os pas na gnas brtan no/ /thams cad mkhyen pa'i ye shes kyis bgres pas na rgan bpo'o/ /tshangs pa la sogs pa'i gzugs so sor snang ba bskyed par mdzad pas na skye dbu ma lus par skyod pas na skye dgu'i bdag go /sum cu rtsa gnyis mtshan 'chad ba zhes bya ba la/ skyes bu chen po'i mtshan sum cu rtsa gnyis gang zhe na/ phyogs dang zhabs 'khor lo'i mtshan dang ldan pa dang/ zhabs shin tu gnas
- 257a
pa dang/ phyag dang zhabs dra bas 'brel pa dang/ phyag dang zhabs gzhon zhing 'jam pa dang/ bdun shin tu mtho ba dang/ sor mo ring ba dang/ rting pa yangs pa dang/ sku che zhing drang ba dang/ zhabs legs par mtho ba dang/ yan lag gi spu gyen du 'khyil ba dang/ ri dags e Ne ya'i byin pa lta bu dang/ phyag brla drang por slebs pa dang/ gsang ba'i gnas spubs su nub pa dang/ gser gyi kha dog dang/ mdog shin tu 'jam pa dang/ spu re re nas g.yas phyogs su 'khyil pa dang/ zhal mdzod sdus brgyan pa dang/ ro stong seng ge lta bu dang/ phrag pa'i lhun mdzes par grub pa dang/ phrag so shin tu rgyas pa dang/ ro bro? ba'i mchog dang/ shing n+ya gro d+ha ltar chu zheng gab pa dang/ dbu spyi gtsug dang ldan pa dang/ ljags shin tu yangs pa dang/ tshangs pa'i dbyangs dang/ seng+ge'i 'gram pa lta bu dang/ tshems shin tu dkar ba dang/ tshems shin tu mnyam pa dang/ tshems thags bzang pa dang/ tshems mnyam shing bzhi bcu tshang ba dang/ spyan dkar nag 'byes pa dang/ ba'i rdzi ma lta bu'o/ /de la bcom ldan 'das kyi phyag dang zhabs kyi mthil la 'khor lo rtsibs stong dang ldan pa mu khyud can lte ba dang bcas pa rnam pa thams cad yongs su rdzogs pa 'di lta ste/ rus pa 'am ba so la gzugs su brkos pa dang 'dra ba mnga' bas phyag dang zhabs 'khor lo'i mtshan dang ldan pa'o/ /zhabs kyi mthil gnyis mnyam par sa la 'jog cing de yang mtho dman med pas zhabs shin tu gnas pa'o/ /dad pa'i rgyal po ltar phyag dang zhabs kyi sor mo dra bar 'brel bas phyag dang zhabs dra bar 'brel pa'o/ /shing bal gyi sgo nga ltar shin tu 'jam zhing gzhon la mnyes pas phyag dang zhabs gzhon zhing 'jam pa'o/ /phyag gnyis dang zhabs gnyis dang dpung mgo gnyis dang/ mgur gyi lhun shin tu mtho bas bdun shin tu mtho ba'o/ /phyag dang zhabs gnyis sor mo ring ba'o/ /rting pa
- 257b
ring bas rting pa yangs pa'o/ /sku lag pa mdun du 'phags pa la drang bas sku che zhing drang ba'o/ /pus mo'i lha da dang long bu mdzes par nus pas zhabs legs par mtho ba'o/ /spu gyen du g.yas phyogs su 'khyil pas yan lag gi spu gyen du 'khyil ba'o/ /ri dags e Ne ya'i byin pa dang/ smin ma dang/ ldum bu dar ba ltar drang zhing ma nyams la rig gyis gzhol bar grub cing byin pa zlum pas ri dags e Ne ya'i byin pa lta bu'o/ /brla drang por bzhag ste/ ma btud kyang phyag gi mthil gnyis kyi pus mo'i lha phal reg pas phyag gis ma btung bar pus mo slebs pa'o/ /glang po che dang/ rta cang shes ltar gsang gnas shin tu mdzes par spubs su nub pas gsang ba'i gnas spubs su nub pa'o/ /shin tu sbyangs pa'i gser gyi kha dog lta bu dang ldan pas gser gyi kha dog go / gser dang bdul? shin tu sbyangs pa ltar 'jam zhing snyoms pa'i mdog tu 'dug la sku la rdul gyis mi gos pas mdog shin tu 'jam pa'o/ /shin tu rnam par phye ba'i spu re rer skyes shing gnyis su med pas spu re re nas g.yas phyogs su 'khyil pa'o/ /me tog kun da dang zla ba dang 'o ma dang ba mo'i mdog ltar 'dug la/ nyi ma dang zla ba brgya las kyang 'phags shing 'od gsal ba'i mdzod spus smin mtshams shin tu brgyan pas zhal mdzud spus brgyan pa'o/ /ro stong che bas seng ge'i ro stod do/ /mgur dang rgyud legs par 'brel bar lhun zlum pas phrag pa'i lhun mdzes par grub pas so/ /gser gyi gtan pa shin tu phyis pa lngar phrag so legs par grub pas phra so rgyas pa'o/ /rlung dang mkhris pa dang bad kan gyis ma nyams shing rnam par shes pa 'dra ba med pas ro bro ba'i mchog mnga' ba'o/ /sku chu zheng mdun du mnyam pas shing n+ya gro d+ha ltar chu zheng gab pa'o/ /spyi gtsug zlum zhing legs la g.yas phyogs su 'khyil ba dang mnyam zhing legs par grub la mdzes pa mnga' bas dbu spyi gtsug dang ldan pa'o/ /me tog utpal
- 258a
dmar po'i 'dab ma dang kha dog ltar 'dug cing shin tu yangs pas ljags shin tu yangs shing srab pa'o/ /tshangs pa dang bya ka la pingka'i lta bu'i gsung mnga' bas tshangs pa'i dbyangs so/ /'gram pa me long gi dkyil 'khor ltar legs par grub cing mdzes par skyes te yid du 'ong bas seng+ge'i 'gram pa lta bu'o/ /me tog kun da dang dung gi bcag 'phro ltar shin tu dkar ba'i tshems mnga' bas tshems shin tu dkar ba'o/ /tshems la mtho dman med pas tshems mnyam pa'o/ /tshems la mtshams ma dod pas thags bzang ba'o/ /bla 'og dgye dgu med pas tshems mnyam zhing bzhi bcu tshang ba'o/ /dkar nag gi cha ma 'dres la shin tu rnam par dag cing mdog dmar pos ma g.yog pas spyan dkar nag 'byed pas so/ /bcom ldan 'das ni rdzi ma bla 'og tu shin tu legs par gnas la mi mdzings pas/ ba'i rdzi ma lta bu ste/ de lta bu'i skyes bu chen po'i mtshan sum cu rtsa gnyis dang ldan pa'o/ /de la bla ma la bsu skye la dang chos mnyam pa la sdod pa dang/ gtsug lag khang dang mchod rten la sogs pa la bsti stang byas pas phyag dang zhabs 'khor lo'i mtshan dang ldan pa ste/ de ni 'khor shin tu mang ba'i snga ltas so/ /yi dam la brtan pas zhabs shin tu gnas pa ste/ de ni mi g.yo zhing shin tu brtan pa'i snga ltas so/ /sbyin pa dang/ ngag snyan pa dang/ don spyod pa dang/ don mthun pa'i bsdu ba'i dngos po rnam pa bzhi goms par byas pas zhabs dra bas 'brel pa ste/ de'i myur du 'du ba'i snga ltas so/ /bza' ba dang/ bca' ba dang/ btung ba zhim zhing nyam su bde ba byin pas phyag dang zhabs zhon zhing 'jam pa dang/ bdun shin tu mtho ba ste/ de gnyis bza' ba dang bca' ba dang btung ba zhim zhing nyams su bde ba thob pa'i snga ltas so/ /bcings pa dgrol ba dang srog gi rim gro byas pa dang/ srog
- 258b
gcod pa spangs pas sor mo ring ba dang/ rting pa yangs pa dang/ sku che zhing drang ba ste/ de ni sku tshe ring ba'i snga ltas so/ /dge ba'i chos yang dag par blangs pa dang bzung ba mngon par spel zhing 'grib par ma byas pas/ zhabs kyi gong mtho ba dang/ yan lag gi spu gyen du 'khyil pa ste/ de ni mi nyams pa'i chos dang ldan pa'i snga ltas rig pa dang bzo'i las la rim gror byas shing gzhan la byin pa dang bdag gis blangs pas ri dags e Ne ya'i byin pa lta bu ste/ de ni myur du 'dzin pa'i snga ltas so/ /bdog cing yod pa'i nor la bslangs na mi 'gong bar gtong zhing med ces ma byas pas phyag gis ma btud par pus mo slebs pa ste/ de ni yo byad pa mang ba dang dul ba'i snga ltas so/ /'grogs pa dang mdza' bshes dang gnyen ma phye ba dang/ bye bar gyur pa'i sems can rnams tshangs pa'i spyad pa la yang dag par bskul ba dang/ gsang ba'i tshig yongs su bsrung bas gsang ba'i gnas spubs su nub pa ste/ de ni bu mang ba'i snga ltas so/ /stan dang gos dang khang pa dang gzhan gzhal med khang dang gnas bzang po byin pas gser gyi kha dog dang mdog shin tu 'jam pa ste/ de gnyis ni gdan dang na bza' dang khang pa dang gzhal med khang dang gnas bzang po thob pa'i snga ltas so/ /'du 'dzi spangs pa dang/ mkhan po dang/ slob dpon dang/ pha ma dang/ phu nu la sogs pa bla ma rnams la tshul dang 'dra bar rim gro byas pa dang btsun par byas pa dang/ bcol ba rna lam gzan pas spu re re nas g.yas phyogs su 'khyil pa dang zhal mdzod spus brgyan pa ste/ de ni mnyam pa med pa'i snga ltas so/ /mi snyan pa mi zer zhing mi smod la/ snyan par smra zhing legs par bshad pa mthun par 'dzin pas ro stod seng ge lta bu dang/ phrag pa'i lhun mdzes pas grub pa ste/ de ni thub pa med pa'i snga ltas so/ /na ba rnams la rtsi sman dang nyams su phan pa'i zas byin pa dang/ rim gro byas pas phrag so shin tu rgyas pa dang/ ro bro
- 259a
pa'i mchog ste/ de ni nang nyung ba'i snga ltas so/ /skyed mos tshal dang 'khor dang btud pa dang/ rdzing bu dang brgal dka' ba'i zam pa dang/ kha zas dang phreng ba'i gnas dang stegs dang gtsug lag khang bya ba la sogs pa gzhan mos par bya ba sngon du gtong zhing bdag gis gzhan la byin pas shin n+ya gro d+ha ltar chu zheng gab pa dang/ dbu spyi gtsug dang ldan pa ste/ de ni mnga' chen po mnga' ba'i snga ltas so/ /yun ring por tshig snyan cing 'jam pa dang nyams su bde ba smras pas ljags shin tu yangs shing srab pa dang/ tshangs pa'i dbyangs te/ de gnyis ni yan lag lnga dang ldan pa'i gsung mnga' ba'i snga ltas so/ /gsung yan lag lnga dang ldan pa zhes bya ba ni yongs su shes shing rnam par shes par 'gyur ba dang mnyan na dga' zhing mi mthun pa med pa dang/ zab cing dbyangs rjes su 'byung ba dang/ gtang mi bra zhing rnar snyan pa dang/ ma dkrugs shing gsal ba'o/ /yun ring po nas tshig bkyal ba spangs shing dus su smra bas seng ge'i 'gram pa lta bu ste/ de ni tshig kun gyis mnyan pa'i snga ltas so/ /rim gro bya ba dang/ brnyas pa med pa gnyis kyis 'tsho ba yongs su dag pas tshems shin tu dkar ba dang/ mnyam pa ste/ de ni 'khor snga nas bsags pa'i snga ltas so/ /yun ring po nas blta zhing phra ma med pa'i tshig smra bas tshems thags bzang ba dang/ tshems mnyam zhing bzhi bcu tshang ba ste/ de ni 'khor dbyer mi phyed pa'i snga ltas so/ /pang gis 'khyud pa bzhin du nyes pas bsam pa med la/ ma chags mi sdang ba dang rmongs pa med pa'i mig gis lta bas spyan dkar nag 'byes pa dang/ ba'i rdzi ma lta bu'o/ /de'i kun nas mdzes pa'i snga ltas so/ /rab 'byor de dag ni bcom ldan 'das kyi mtshan sum cu rtsa gnyis te/ stong gsum gyi stong chen po'i
- 259b
'jig rten gyi khams su rang bzhin gyi 'od kyis snang bar mdzad la/ gal te bzheng na/ 'jig rten gyi khams dpag tu med pa'i 'og dang/ steng dag tu snang bar mdzad kyang sems can rnams la rjes su thugs brtse ba'i phyir 'od 'dom gang bar byin gyis brlab shing bzhugs te/ gal te bcom ldan 'das kyis 'od 'dom gang bar byin gyis brlabs su zin na rang bzhin gyi 'od kyis zil gyis mnan pas nyi ma dang zla ba'i 'od kyang shes par mi 'gyur zhing/ zla ba dang zla ba phyed dang lo rnams kyang shes par mi 'gyur ro/ /rang bzhin gyis 'od 'phro ba'am/ dbyangs kyis stong gsum gyi stong chen po'i 'jig rten gyi khams khyab par mdzad cing de bzhin du gnyis dang gsum dang bzhi nas ji srid bzhed pa de srid kyi bar du 'od kyis snang bar mdzad cing gsung gis khyab par mdzad de/ de lta bu'i mtshan sum cu rtsa gnyis mnga' bas na sum cu rtsa gnyis mtshan 'chang ba zhes bya'o/ /sdug gu 'jig rten gsum na mdzes zhes bya ba ni dpe byad bzang po brgyad nus sku'i yan lag nying lag thams cad brgyan pas mdzes pa'i phyir 'jig rten gsum na sdug pa yin te/ de la dpe byad bzang po brgyad cu gang zhe na/ 'di lta ste/ bcom ldan 'das ni mngon par 'du bya ba thams cad las dben pa ste/ sen mo zangs kyi mdog ltar 'dug pa yin/ bshes gnyen byams pa dang 'dra bar sems can la phan pa dang/ bde ba'i thugs mnga' ba ste/ sen mo'i mdog snum pa yin/ rigs dang rgyud mthon por byung ba ste/ sen mo mtho ba yin/ tshul kha na ma tho ba mi mnga' ba ste/ sor mo zlum pa yin/ dge ba'i rtsa ba shin tu tshogs pa ste/ sor mo rgyas pa yin/ dge ba'i rtsa ba rim gyis grub pa ste/ sor mo rim gyis gzhol ba yin/ thugs dang gsung dang sku'i phrin las dang 'tsho ba shin tu dbyen pa ste/ rtsa mi mngon pa yin/ nyon mongs pa'i mdud pa 'grol ba ste/ rtsa la mdud pa med pa yin/ shin tu
- 260a
dbyen pa'i chos mnga' ba ste/ lung bu mi mngon pa yin mi mnyam pa thams cad las sgrol ba ste/ zhabs mnyam pa yin/ mi'i seng+ge ste/ seng+ge'i 'gros su bzhud pa yin/ mi'i glang po ste/ glang po'i 'gros su bzhud pa yin/ dad pa'i rgyal po ltar nam mkha' la bzhud pa ste/ dad pa'i stobs su bzhud pa yin/ mi yi khyu mchog ste khyu mchog gi stabs su bzhud pa yin/ mthun pa'i lam mnga' ba ste/ g.yas phyogs su bzhud pa yin/ blta na mdzes pa ste/ mdzes par bzhud pa yin/ rtag tu thugs yon po mi mnga' ba ste/ ma yo bar bzhud pa yin/ tshul rnam par dag pa'i yon tan ston pa ste/ sku shin tu legs pa yin/ sdigs pa'i chos rnams shin tu sbyangs pa ste/ sku shin tu sbyangs pa yin/ chos rim gyis ston pa ste sku rim gyis gzhol ba yin/ sku dang gsung dang thugs gtsang ma dang ldan pa ste/ sku shin tu gtsang ba yin/ rang bzhin gyis thugs 'jam pa dang ldan pa ste/ sku shin tu 'jam pa yin/ rang bzhin gyis rnam par dag pa'i thugs mnga' ba ste/ sku shin tu rnam par dag pa yin/ chos 'dul ba shin tu rdzogs pa ste/ dpe byad shin tu rdzogs pa yin/ yon tan yangs shing bzang ba ston pa ste/ sku che zhing mdzes pa yin/ sems can thams cad la mnyam pa'i thugs mnga' ba ste/ sku legs par mnyam pa yin/ shin tu 'jam pa'i chos ston pa ste/ sku shin tu gzhon pa yin/ rtag tu zhum pa med pa'i thugs mnga' ba ste/ sku zhum pa med pa yin/ mi dge ba'i rtsa ba thams cad byad pa ste/ sku shin tu rgyas pa yin/ yang 'byung ba shin tu bcom zhing zad pa ste/ sku shin tu mkhregs pa yin/ rten cing 'brel par 'byung ba'i yan lag dang nying lag legs par ston pa ste/ yan lag dang nying lags pa bar mdzes pa yin/ gzigs pa shin tu dag pa ste/ snang ba rab
- 260b
rib med cing rnam par dag pa yin/ tshul dang ldan pa'i slob ma mnga' ba ste/ phyal zlum pa yin/ 'khor ba'i nyes pa thams cad shin tu sbyangs pa ste/ phyal shin tu byang ba dang ldan pa yin/ nga rgyal gyi de'u bcom pa ste/ phyal ma zhom pa yin/ chos zad pa rnam par bzlog pa ste/ phyal phyam mer 'dug pa yin/ /chos zab mo shin tu thugs su chud pa ste/ lte ba zab pa yin/ mthun par 'dzin pa'i slob ma mnga' ba ste/ lte ba g.yas phyogs su 'khyil pa yin/ slob ma kun nas mdzes pa'i dge 'dun mnga' ba ste/ kun nas mdzes pa yin/ thugs shin tu gtsang ba ldan pa ste/ kun tu spyod pa shin tu gtsang ba yin/ chos nag po bstan pa dang bral ba'i chos 'dul ba mnga' ba ste/ sku la sme ba med pa yin/ shing bal ltar rab tu yang ba rab tu thob pa'i chos ston pa ste/ phyag shing bal ltar shin tu 'jam pa yin/ rang gi skye bo dang skye bo phal la byams pas dge sbyong chen po mnyes pa ste/ phyag gi ri mo snum pa yin/ shin tu zab cing brtan par bzhugs pa ste/ phyag gi ri mo zab pa yin/ bzod pa'i chos yang dag par ston pa ste/ phyag gi ri mo ring ba yin/ bslab pa'i gnas ha cang yang mi ring bar 'cha' ba ste/ zhal ha cang yang mi ring ba yin/ gzugs brnyan 'jig rten du bkye ba ste/ zhal la gzugs kyi gzugs brnyan snang na yin/ 'jam pa sngon du btang zhing 'dul ba ste/ ljags mnyen pa yin/ yon tan 'thad ba mang ba ste/ ljags shin tu srab pa yin/ byis pa'i skye bo 'dod chags pa rnams kyis chos 'dul ba gting dpag dka' ba ste/ ljags shin tu dmar ba yin/ glang po'i sgra dang 'brug gi sgra lta bus bsnyems pa mi mnga' ba ste/ glang po'i nga ro dang 'brug gi dbyangs dang ldan pa yin/ snyan cing 'jam pa dang nyams su bde bar smra ba'i slob ma mnga' ba ste/ snyan cing 'jam pa dang nyams su bde ba'i gsung dang ldan pa yin/ srid par kun tu sbyar ba las 'das pa
- 261a
ste/ tshems mche ba shin tu zlum pa yin/ skye bo rno ba rnams 'dul ba ste/ tshems mche ba rno ba dang ldan pa yin/ chos 'dul ba shin tu dkar ba ste/ tshems mche ba shin tu dkar ba yin/ sa yi phyogs mnyam pa la bzhugs pa ste/ mche ba mnyam pa dang ldan pa yin/ rim gyis mngon par rtogs pa'i chos ston pa ste/ tshems mche ba rim gyis gzhol ba yin/ shes rab kyi ri bo mthon po la bzhugs pa ste/ shangs legs par mtho ba dang ldan pa yin/ gdul ba'i skye bo gtsang ba mnga' ba ste/ shangs shin tu gtsang ba yin/ sangs rgyas kyi chos phul du yangs pa mnga' ba ste/ spyan ring ba dang ldan pa yin/ gzigs pa shin tu rnam par dag pa ste/ spyan rnam par dag pa yin/ sems can gyi tshogs shin tu drangs pa ste/ rdzi ma stug pa yin/ lha dang lha ma yin dang skyes bu dang na chung mchog mig dkar gnag 'byes shing pad+ma'i 'dab ma ltar 'dug pa rnams kyis mngon par dga' bar bya ba ste/ spyan dkar gnag 'byes shing pad+ma'i 'dab ma ltar 'dug pa yin/ rtag tu yangs pa gzugs pa ste/ smin ma ring ba dang ldan pa yin/ 'jam par 'dul ba la mkhas pa ste/ smin pa 'jam pa dang ldan pa yin/ skyon thams cad mkhyen pa ste/ smin ma'i spu mnyam pa dang ldan pa yin/ dge ba'i rtsa ba'i snum gyis sems can snum par gyur pa'i skye bo 'dul ba ste/ smin ma snum pa dang/ ldan pa yin/ chos mchog tu yangs shing don dang ldan pa mnga' ba ste/ snyan legs shing snyan shal ring ba yin/ nyon mongs pa'i rgyud las rnam par rgyal ba ste/ snyan mnyam pa yin/ sems can bsam pa ma nyams pa 'dul ba ste/ snyan gyi dbang po ma nyams pa dang ldan pa yin/ lta ba'i rnam pa thams cad yongs su byad ba ste/ zhal dpral ba legs par grub pa dang ldan pa yin/ phas kyi rgol ba shin tu 'dul
- 261b
ba ste/ zhal dpral ba yangs pa dang ldan pa yin/ smon lam dam pa ni shin tu rdzogs pa ste/ dbu shin tu rgyas pa dang ldan pa yin/ yul gyi bung ba rnam par zlog pa ste/ dbu bung ba ltar gnag pa dang ldan pa yin/ mthong ba dang bsgoms pas spangs pa'i bag pa nyal zad par byas pa ste/ dbu stug pa yin/ thugs 'jam pas bstan pa'i snying po thugs su chud pa ste/ dbu 'jam pa yin/ rtag tu ma 'khrugs pa'i thugs dang ldan pa ste dbu mi 'dzings pa yin/ brlang ba'i gsung dang yongs su bral ba ste/ dbu mi rtsub pa yin/ byang chub kyi yan lag spos kyi me tog gis skye bo mthun par bsgrubs pa ste/ dbu dri zhim pa yin/ bcom ldan 'das rnams ni phyag dang/ zhabs dpal be'u dang bkra shis dang dga' ba 'khyil pas brgyan pa yin te/ de ltar sku'i yan lag dang nyid las thams cad rdzogs par mdzes par gyur pas na/ sdug gu 'jig rten gsum na mdzes zhes bya'o/ /'jig rten pa'i ye shes dang yon tan rnams kyi pha rol tu phyin pas/ 'jig rten shes legs slob dpon te zhes bya'o/ /chos dang rjes su mthun pa'i 'jig rten pa'i tha snyad rnams la thams cad du log pa'i lam las bzlog cing/ dam pa'i spyod pa rnams 'dzin du 'dzud par mdzad pas na/ 'jig rten slob dpon no/ /de lta na yang tha snyad kyi nyes pa'i dogs pa thams cad dang bral bas na/ 'jigs pa med pa ste/ brnyengs pa dang bral ba'o/ /de ci'i phyir zhe na/ de nyid gcig pu ni 'gro ba rnams kyi mgon po yin pa'i phyir ro/ /ngan 'gro ngan song gi 'jigs pa rnams las skyob pas na skyob pa'o/ /'jig rten yid gcugs pa zhes bya ba ni/ bslu par mi mdzad pa dang/ nyes pa thams cad dang bral ba ni yid gcugs pa'o/ /de yang lung ni yid ches tshig yin te/ /nyes zad lung du shes par bya/ /nyes pa zad par rdzun gyi tshig /smra bar mi 'gyur rgyu med phyir zhes bshad pas so/ /'jig rten gsum po thams cad
- 262a
na de nyid yid gcugs pa yin gyi/ tshangs pa la sogs pa ni ma yin te/ log pa'i bdag nyid can la mngon par zhen pa yin pa'i phyir ro/ /don gyi gtso bo sangs rgyas nyid du 'gyur ba'i mi bslu ba'i lam nye bar ston pas bden pa yin gyi/ cung zad tsam gyi bden pa ni so so'i skye bo rnams la yang yod mod kyi/ de tsam gyis ni yid gcugs pa ma yin te/ sangs rgyas nyid du 'gyur ba las gzhan la ni don gyi gtso bo med do zhes rgya cher bshad zin pas yang ma smras so/ /de nyid kyis na/ skyabs dang skyobs pa bla na med ces bya ste/ nyon mongs pa'i dgra po thams cad kyis 'jigs shing skrag pa rnams kyi nyon mongs pa'i dgra bo zhi bar mdzad pa'i phyir dang/ dge ba'i rtsa ba'i stobs gong nas gong du nye bar brtan par byed pa ni tshangs pa dang/ brgya byin dang/ dbang phyug la sogs pa dang/ 'jig rten pa'i 'dod chags dang bral ba gzhan rnams la yod pa ma yin pas na bla na med pa'o/ /nam mkha' i khams khyab pa'i longs spyod yang dag par rdzogs pa'i byang chub kyi chos dang/ zang zing dang/ mi 'jig pa la sogs pa'i mtshan nyid can te/ de lta bu'i longs spyod gang zhig spyod pa de ni/ nam mkha' i mdza' la longs spyod pa zhes bya'o/ /thams cad mkhyen pa ste/ sangs rgyas rnams kyi ye shes rnams ni thams cad mkhyen pa'i ye shes so/ /de ni 'jug par dka' ba nyid dang/ sangs rgyas thams cad kyi yon tan rin po che thams cad kyi 'byung gnas su gyur pa dang/ sems can thams cad kyi gnas su gyur pas na/ thams cad mkhyen pa'i ye shes mtsho zhes bya'o/ /ji ltar sgo nga'i sbubs kyi nang na gnas pa rnams ni phyi rol na snang ba shin tu gsal bar gnas kyang gzugs rnams mi mthong ngo/ /de bzhin du ma rig pa'i yan lag gi spubs kyi rab rib kyi nang na gnas pa rnams la yang dag pa'i ye shes kyi snang ba bstan du zin kyang chos thams
- 262b
cad bdag med pa'i de kho na nyid mthong bar mi nus kyi/ ma rig pa'i sgo nga'i spubs bcom pa rnams kyis ni mthong bar nus te/ de kho na nyid mthong ba'i rkyen gyis chos thams cad bdag med par thugs su chud pa'i rdo rjes bdag tu gti mug pa la sogs pa ma rig pa'i sgo nga'i spubs kyi rab rib thams cad yang dag par bsal bas na/ ma rig sgo nga'i spubs 'byed pa zhes bya'o/ /'gro ba lnga'i 'khor ba ni srid pa ste/ sems can rnams 'dir yang dang yang du 'byung ba yin pas na srid pa'o/ /srid pa nyid 'ching ba'i gnas su gyur pas na dra'o/ /shes rab kyi ral gris phyin ci log ma lus pa'i 'ching ba rnam par 'joms pas na/ srid pa'i dra ba 'joms pa po zhes bya'o/ /nyon mongs ma lus zhes bya ba ni las kyi kun nas nyon mongs pa dang skye ba'i kun nas nyon mongs pa dang/ nyon mongs pa'i kun nas nyon mongs pa ste/ kun nas nyon mongs pa nye bar mtshon pa'i don gyis gzhan dag kyang gzung bar bya'o/ /yang nam lus pa zhes smos pas nyon mongs pa dgu bcu rtsa brgyad yin bar shes bar bya ste/ nyon mongs ma lus zhi byed pa zhes smos pa'i phyir te/ zhi bar byed pa ni phral ba'o/ /gang gi phyir nyon mongs pa'i nyes pa thams cad dang bral ba'o/ /rgyu de nyid kyis na 'khor ba'i rgya mtsho'i pha rol phyin ces bya ste/ nyes pa dang bral ba rnams ni 'khor bar 'khor ba mi srid pa'i phyir ro/ /'khor ba de nyid ni rgya mtsho ste/ blo byang bar ma byas pa rnams kyis rgya mtsho chen po ltar shin tu zab pa dang/ brgal bar dka' ba'i phyir ro/ /de yi pha rol ni mya ngan las 'das pa ste/ rnam par rtog pa bsags pa dang bral ba tsam gyis rtogs pa'i tshul gyis 'gro bas na/ 'khor ba'i rgya mtsho'i pha rol phyin zhes bya'o/ /rnam pa thams cad mkhyen pa'i ye shes so/ /ye shes kyi dbang bskur ba'i cod pan ni yang dag par rdzogs pa'i sangs rgyas lnga las bsgrubs
- 263a
pa'o/ /de nyid kyi phyir/ rdzogs pa'i sangs rgyas rgyan du thogs zhes bya ste/ des dbang bskur bas na/ ye shes dbang bskur cod pan can/ /rdzogs pa'i sangs rgyas rgyan du thogs zhes bshad do/ /yang na thams cad mkhyen pa'i ye shes ni cod pan gyi ngo bo nyid de/ gnyis su med pa'i ye shes las gzhan pa gser la sogs pa las brdungs pa'i cod pan ni ma yin no/ /de nyid kyis na/ rdzogs pa'i sangs rgyas rgyan du thogs zhes bya ste/ yang dag par rdzogs pa'i sangs rgyas kyi rgyan mnga' bas na rdzogs pa'i sangs rgyas kyi rgyan dang ldan pa ste/ sangs rgyas rnams kyi rgyan ni rnam pa thams cad mkhyen pa'i ye shes so zhes bshad pa'i phyir ro/ /sdug bsngal gsum ni sdug bsngal gyi/ sdug bsngal te/ rims dang phol mig dang/ klad pa gzer ba la sogs pa ni/ sdug bsngal gyi rang gi ngo bo nyid yin pa'i phyir sdug bsngal gyi sdug bsngal lo/ /yongs su 'gyur ba'i sdug bsngal te/ dug gis sngags pa'i kha zas ngan pa cung zad mngar ba tsam la rjes su bsten pas yongs su gyur pa dang 'dra bar 'dod chags la sogs pa ni sdug bsngal gyi rgyur gyur pa'o/ /'du byed kyi sdug bsngal bsal te skye ba dang gnas pa mi rtag pa'i bdag nyid can du gyur pa yin la/ gang mi rtag pa de nyid ni sdug bsngal zhes bya ste/ de yang sdug bsngal gyi rgyur gyur pas sdug bsngal zhes bya'o/ /yang na nang gi bdag nyid can la sogs pa dang lha sdang ba la sogs pa las byung ba dang/ 'byung ba las gyur pa dang/ las la sogs pa'i dbye bas phye ba'i sdug bsngal rnams gsum ni sdug bsngal gsum mo/ /lus dang ngag dang yid kyi sdug bsngal ba'i dbye bas rgyu dang 'bras bur gyur pa'i sdug bsngal rnams zhi bar mdzad pas na/ sdug bsngal gsum gyi sdug bsngal zhi zhes bya'o//
- 263b
sdug bsngal gsum gyi bdag nyid can gyi sdug bsngal de zhi bar byas kyang phyi'i don dang/ nang la bdag tu mngon par zhen pa rnams la ni slar yang 'byung bar 'gyur bas de bsal bar bya ba'i phyir/ gsum sel zhes bya ba smos te/ sdug bsngal rnam pa gsum po de rnams sel ba ni mthar 'byung zhing slar mi skye ba'i chos can du gyur pas na gsum sel lo/ /bdag nyid kyang mi gnas pa'i mya ngan las 'das par gyur cing sems can mdza' yas pa'i don mdzad pas na mdza' yas so/ /nyan thos dang/ rang sangs rgyas dang/ yang dag par rdzogs pa'i sangs rgyas kyi rnam par grol ba'i dbye bas phye bas rnam par grol ba gsum po de dag la thams cad du gdul bya'i skye bo rnams kyi dbang du mdzad de bdag nyid de bdag nyid de dang de'i gzugs su ston pas na grol gsum thob ces bshad do/ /don dam par ni gang nas kyang ma byon la gang du yang mi bzhud de/ chos kyi dbyings kyi ngo bo nyid yin pa'i phyir ro/ /nyon mongs pa'i sgrib pa dang/ shes bya'i sgrib pa dang/ las kyi sgrib pa dang bral bas na/ sgrib pa kun las nges par grol zhes bya'o/ /sgrib pa thams cad dang bral ba nyid dang/ sems can thams cad la go skabs 'byed par mdzad pas na/ nam mkha' ltar mnyam pa nyid la gnas zhes bya'o/ /nyon mongs dri ma kun las 'das zhes bya ba la/ nyon mongs pa'i dri ma thams cad spangs par gyur pa 'am/ gang nyon mongs pa'i dri ma thams cad las 'das par gyur pas na/ nyon mongs dri ma kun las 'das zhes bya'o/ /'das pa dang/ ma 'ongs pa dang/ da ltar byung ba'i dus gsum du brtags pa'i nyon mongs pa'i dri ma rnams las 'das shing nam mkha' dang mnyam pa'i chos nyid kyi bdag nyid can yin pas/ dus gsum dus med rtogs pa po zhes bya'o/ /gdul dka' ba rnams 'dul bar bya ba'i phyir yang dag par bsdams shing legs par 'dul ba
- 264a
dang/ nyon mongs pa'i g.yul las rnam par rgyal ba la dpa' bas klu chen po ste/ spyod pa kun tu bsdams pas klu zhes bya ba la sogs pa lung las gsungs pa'i phyir ro/ /yang na klu chen po dang 'dra bas na klu chen po ste/ nyon mongs pa'i gdung ba thams cad zhi bar mdzad cing legs par gsungs pa'i chos kyi char 'bebs pa'i rgyur gyur pas na/ sems can kun gyi klu chen po zhes bya la/ /yon tan ni mchog tu gyur pas thod de/ she kha ra'i sgra mthon po'i tshig yin pa'i phyir ro/ /de rnams kyi rtse mo yin pas na/ thod can rnams kyis thod do/ /yang na yon tan nyid rtse mo yin te/ rab kyi mthar phyin pa'o/ /de rnams kyi rtse mo ni shin tu dri ma med pa'i yon tan gyi nor bu'i rtse mo yin pa'i phyir yang de skad ces bya'o/ /nyon mongs kun las rnam grol ba zhes bya ba ni nyon mongs pa thams cad las nges par grol ba'o/ /des na nam mkha' ltar sgrib pa thams cad dang bral zhing rnam par mi rtog pa'i chos kyi dbyings sangs rgyas thams cad kyi chos nyid la legs par bzhugs shing mi g.yo ba'i ngo bo nyid kyis de'i ngo bo nyid du yang gyur pas na/ nam mkha' i lam la rab gnas pa zhes bya ste/ dbye ba med pa la mngon par dga' ba'i sems can rnams kyi dbang du mdzad nas bstan pa yin no/ /gal te rnam par mi rtog pa'i chos kyi dbyings sgrib pa thams cad las nges par grol ba la de'i bdag nyid las mi g.yo ba'i ngo bo nyid du legs par bzhugs na ji ltar na sems can thams cad kyi bsam pa rnams yongs su rdzogs par spyod/ nyon mongs pa mi mnga' na ni skye ba la sogs pas 'dul par yang mi srid la/ rnam par rtog pa mi mnga' na ni chos ston pa yang mi srid de/ de bas na mo sham gyi bu dang 'dra bar mtho ris dang/ byang grol don du gnyer ba rnams la thabs med par 'gyur ro zhes blo gros ngan pa rnams
- 264b
kyi mi bden pa'i rnam par rtog pa g.yo ba gsal bar bya ba'i phyir dpe'i tshul gyis nyon mongs pa thams cad dang bral zhing rnam par rtog pa mi mnga' ba rnams kyang sems can thams cad kyi don mdzad par spyod do zhes bstan pa'i phyir/ yid bzhin nor bu chen po 'chad/ /khyab bdag rin chen kun gyi mchog ces gsungs te/ thams cad du khyab pas che zhing chos kyi ngo bo nyid dang/ gnyis su med pa'i sems nyid ni yid bzhin gyi nor bu chen po'o/ /de nyid kyis ni sems can ma lus pa'i mngon par 'dod pa'i don rdzogs par byed pa'i phyir te/ phyi rol gyi yid bzhin gyi nor bur snang ba las mchog tu gyur pa mi srid de/ srid kyang thams cad mkhyen pa nyid la sogs pa ster bar mi nus mod kyi/ rnam par rtog pa med kyang yid la re ba'i gsol ba po rnams kyi dgos pa don ster bar nus te/ de tsam gyis phyi rol gyi nor bu rin po che yang dper byar rung ste/ de bas 'di ltar/ khyab bdag rin chen kun gyi mchog ces bya bas bye brag tu byas pa yin no/ /dpag bsam shing rgyas pa ste/ bum pa bzang po che ba'i mchog ces bya ba yang de bzhin no/ /dpe gcig gis kyang don rtogs par 'gyur na dpe gzhan gnyis pa la don ci zhig yod ce na/ don rtogs pa ni bden mod kyi 'on kyang 'ga' zhig las la la zhig rab tu grags pa yod pas dpe gzhan bdag bstan to/ /yang na nus pa mchog dang 'bring dang tha ma bstan par bya ba'i phyir dpe so sor bstan te/ de yang yid bzhin gyi nor bus ni rang gis phyogs nas brtsams te dpag tshad stong gi bar du gnas pa rnams kyi mngon par 'dod pa'i don rdzogs par bya bar nus la/ dpag bsam gyi shing yang rang gi grib ma'i nang du chud pa rnams kyi'o/ /bum pa bzang po yang der lag pa chud pa rnams 'dod pa rdzogs par byed la/ yang nyes pa thams cad dang bral ba'i
- 265a
rnam par mi rtog pa'i chos kyi yid bzhin gyi nor bu 'di ni sems can thams cad kyi re ba rnams yongs su rdzogs pa'i mdzad pa la tshad med pas dpag bsam shing chen no/ /thams cad du khyab pa'i grim ma dang ldan pas na rgyas pa ste/ gang gi phyir chos kyi dbyings la ma gtogs pa'i chos ni 'ga' yang med do zhes bya ba'i rigs pas so/ /nam mkha' dang mtshungs la dga' ba med cing thams cad pa'i kha dang ldan pas na/ bum pa bzang po che ba'i mchog ces bya'o/ /de ltar rnam par rtog pa med cing phyir sgrib pa med pa'i ngo bo nyid du gyur kyang sems can thams cad kyi don mdzad de/ de bas na/ byed pa sems can kun don byed ces bya'o/ /rnam pa thams cad du gzhan gyi don rdzogs par mdzad par dgyes pas na phan 'dod ces bya'o/ /sems can thams cad la bu gcig pa ltar sdug cing gces pa'i thugs rje chen po'i rang bzhin dang ldan pas na sems can mnyes gshin pa'o/ /dge ba dang mi dge ba la sogs pa de dag nyid la dbang sgyur bas so sor snang bas na bzang ngan shes zhes bshad do/ /gang rnam par rtog pa dang spyod pa sngon du 'gro ba'i yid kyi rnam par shes pas dge ba dang mi dge ba'i shes pa nyid du rtog pa de rnams yongs su dga' bar bya ba'i phyir de bzhin du bshad de/ gzhan du na las dang po pa'i sems can rnams 'jug pa nyid du mi 'gyur te/ des na sems can thams cad sdud par byed pa'i chos ston pa por mi 'gyur ro/ /de yang mtho ris dang thar ba'i 'bras bu bzang po ster bar byed pa ni bzang po'o/ /chags shing zhe sdang la sogs pa las sems can dmyal ba dang/ yi dwags dang/ dud 'gro de 'gro bar 'gyur ba gang yin pa de ni ngan pa'o/ /de dag gi dbye ba yang dag par mkhyen pas na bzang ngan shes pa'o/ /bstan pa dang btang snyoms dang yongs su
- 265b
rgyal ba mngon sum du bya ba'i dus kyi rnam par dbye ba mkhyen pas na shes pa'o/ /grub pa'i mdza' thams cad dang bstan bcos thams cad mdzad cing rgyu dang 'bras bu thams cad du rtogs pas na khyab bdag go /dam tshig ni brda ste/ sems can thams cad kyi skad thams cad yongs su mkhyen pas na dam shes so/ /grub pa'i mdza' thams cad grub pa'i dam tshig yongs su mkhyen pa 'di la mnga' bas na dam tshig ldan no/ /sems can yongs su smin pa'i dus las 'da' bar mi mdzad pas na dus shes pa'o/ /sems can thams cad kyi dad pa la sogs pa'i dbang po rab dang 'bring dang chung du'i dbye bas rnam pa dgur phye ba mkhyen pas na sems can dbang po shes zhes bya'o/ /nyan thos dang rang sangs rgyas dang/ yang dag par rdzogs pa'i sangs rgyas rnams kyi rnam par grol ba rnams la nyon mongs pa dang bral ba rnams thams cad du yongs su mkhyen pas na/ rnam grol gsum la mkhas pa po zhes bya'o/ /stobs bcu dang/ mi 'jigs pa bzhi dang/ sangs rgyas kyi chos ma 'dres pa rnams ni yon tan no/ /dri ma med par rnam pa thams cad yongs su rdzogs pa 'di la mnga' bas na yon tan ldan zhes bya ste/ yon tan rnams nges par 'byor ba'o/ /gzhan gyi rgyud kyis rtogs pa'i yon tan rnams kyang khyad du mkhyen pas na yon tan shes zhes bya'o/ /dge ba dang/ mi dge ba dang/ lung du ston pa dang/ lung du mi ston pa dang/ zag pa dang bcas pa dang/ zag pa med pa dang/ 'jig rten pa dang/ 'jig rten las 'das pa dang/ thun mong dang/ thun mong ma yin pa la sogs pa'i chos thams cad sgyu ma dang 'dra ba la sogs pa'i tshul gyis ji lta ba bzhin du mkhyen pas na chos shes pa'o/ /rnam pa thams cad du yongs su dag pa'i bsod nams kyi rang bzhin yin pas na bkra shis so/ /bkra shis thams cad kyang 'di las 'byung bar 'gyur bas bkra shis 'byung ngo/ bkra shis thams cad kyi rgyud
- 266a
gyur ba dang 'bras bur gyur pa nyid yin pas na bkra shis so/ /bkra shis thams cad kyi bdag nyid can yin pas na kun gyi bkra shis pa'o/ /grags pa rnams kyi rgyur gyur pa dang grags pa'i ngo bo nyid yin pas na grags pa'o/ /yang na bsod nams kyi mtho ba'i tshul gyis thams cad kyi bsgrags shing grags pas na grags pa'o/ /dpal gyi gnas su thams cad kyi shes pa dang/ dpal gyi rgyur gyur pas na bkra shis so/ /dri ma thams cad dang bral ba'i dri ma med pa'i yon tan gyi rang bzhin gyi grags pa'i gzugs can nyid yin pa'i phyir dang/ gzhan rnams kyi yang grags pa'i rgyur gyur pas na snyan grags so/ /bsod nams dang ye shes kyi dge ba'i gzugs can yin pa'i phyir dang/ sems can thams cad kyi dge ba'i rgyur gyur pas dge ba'o/ /'jigs shing skrag pa thams cad dang bral ba la ni dbugs 'byin pa thob pa zhes bshad la/ bcom ldan 'das kyang thams cad kyi dbugs 'byin pa'i gnas su gyur pa'i phyir dang/ dbugs 'byin pa'i ngo bo nyid yin pa'i phyir dbugs 'byin chen po'o/ /dga' ston bu la sogs pa skyes pa'i don sbyin pa la sogs pa byed cing mchod sbyin dang sbyin stong byed pa la dga' ba 'dus pa ni dga' ston zhes bya'o/ /bcom ldan 'das kyang srid gsum thams cad kyi dga' ston gyi ngo bo nyid du gyur pa'i phyir dang/ dga' ston chen po'i rgyur gyur pa'i phyir dga' ston chen po'o/ /thams cad rgyun mi 'chad pa'i bde ba chen po'i ngo bo nyid du gyur pa dang/ sems can thams cad kyi mchog tu dga' ba'i rgyur gyur pas na dga' chen no/ /sangs rgyas nyid du gyur pa la dga' zhing chags pa 'am/ sems can thams cad kyi don mdzad pa'i chags pa chen po gang yin pa 'am/ dga' ba thams cad kyi rgyur gyur pa rgyun tu 'gro ba'i chos nyid la
- 266b
dga' ba'i ngo bo nyid yin pas na rol mo chen mo ste/ zhes bya'o/ /bsnyen bkur sngon du 'gro ba'i mchod pa la sogs pa'i bye brag la ni bkur sti'i sgrar brjod do/ /'jig rten du bzang zhing mdzes par byas pas rim gro ste/ dam pa yin zhing mdzes pa chos kyi sku dang por spyod rdzogs pa'i sku rdzogs par byed pa 'ang yid ba'ang/ bkur sti thams cad kyi rgyur gyur pa'i phyir dang/ mdzes shing dam pa'i bya ba ma zad pa ste/ sems can thams cad thams cad mkhyen pa'i ye shes la rab tu bzhag pa'i phyir smon lam btab pa dang/ rjes su mthun par bdag dang gzhan gyi don rdzogs par mdzad pa gang ? de ni? 'gro ? rim par mdzad pa'o/ /phun sum tshogs pa ni 'byor ba'i rgyur gyur pa bsod nams kyi tshogs kyi bdag nyid can du gyur pa'i phyir ram/ phun sum tshogs pa'i rgyur gyur pa'i phyir ro/ /ngan 'gro dang skye ba dang nyon mongs pa'i sdug bsngal bas ? bas rab tu dga' ba la sogs pa'i so rnams su 'jug pa'i dga' ba skyed pa dang/ rang nyid kyang bde ba dang yid bde ba thams cad kyi bdag nyid can du gyur pas na/ mchog tu dga' ba'o/ /rnam pa thams cad du yongs su dag pa'i rang bzhin can gyi sgyu mdza' bas na grags bdag po/ /bsod nams dang ye shes kyi tshogs kyi bdag nyid can yin pa'i phyir dang/ de'i rgyur gyur pa yin pa'i phyir dpal lo/ /mchog ni dam pa ste? mchog tu 'os shing gang la ji ltar rigs pa'i mchog sangs rgyas nyid du 'os pa dang ldan pas na mchog ldan no/ /skal ba dang ldan pa'i sems can rnams la mchog tu gyur pa'i sangs rgyas nyid stsol bar mdzad par 'os pa yin pas na mchog sbyin no/ /'di nyid kyi 'brel ba ni mchog sbyin gtso bo ste/ zhes bya ba yin no/ /mngon par 'dod cing kha na ma tho ba med pa'i mchog rgya chen po rab tu stsol bas na mchog sbyin gtso bo'o/ /skyabs 'dod pa rnams dang/ dpung? gnyen
- 267a
'dod pa rnams la thams cad kyi skabs su gyur pa'i don gyis na skyabs kyi dam pa'o/ /gzhan yang skyabs kyi 'os su 'dod pa dbang phyug chen po la sogs pa'ang rje btsun 'jam dpal la skyabs su 'gro ba yin te/ de bas na de nyid ni skyabs kyi dam pa dang skyabs su 'os pa yin no/ /'khor ba'i 'jigs pa thams cad kyis skrag pa rnams kyi skyabs su 'os pa yin pa'i phyir dang/ 'jigs pa dang bcas pa las 'das pa'i mya ngan las 'das pa la rab tu 'jog pas na skyabs su 'os pa'i 'khor ba'i rgyur gyur pa'i ma rig pa la sogs pa ni 'jig pa'i rgyu yin pas 'jigs pa chen po'o/ /de rnams kyi sgra ni nyan thos dang rang sangs rgyas la sogs pa dag kyang yin mod kyi de rnams ni mchog ma yin te/ gang zag la bdag med par rtogs pas nyon mongs pa'i sgrib pa tsam spangs pa yin pa'i phyir ro/ /bdag dang bdag gir mngon par zhen pa'i rtsa ba nyon mongs pa dang/ shes bya'i sgrib pa mi mnga' zhing bdag dang gzhan gyi rgyud la gnas pa'i 'jigs pa chen po rnams kyi dgra'i rab mchog tu gyur cing 'jigs pa ma lus pa 'jigs par mdzad pas nye bar dmigs pa'i rtsa bar gyur pa'i 'jigs pa thams cad la nye bar dmigs pa thams cad drungs nas 'byin pas stong pa nyid kyi ting nge 'dzin gyi ngo bo nyid la ni/ 'jigs chen dgra ste rab kyi mchog 'jigs pa ma lus sel ba po/ zhes bya'o// //da ni mu stegs rnams kyis yongs su brtags pa'i brtul zhugs kyis 'dul ba'i sems can rnams 'dul bar bya ba'i phyir de'i brtul zhugs ston pa po'i mtshan la sogs pa'i don bstan par bya ba'i phyir/ gtsug phud phud pu zhes bya ba la sogs pa nas/ phra zhing zag med sa bon bral zhes bya ba'i bar gyi tshigs su bcad pa lnga gsungs pa yin te/ de la skra dang kha spu bregs nas gtsug phud tsam
- 267b
'jo cing 'di la gtsug phud tsam gyi mtshan ma yod pa'i phyir ro/ /gtsug phud can te/ dbyug pa gsum pa can gyi kun tu rgyu ba'i gzugs 'dzin pa'o/ /zhes bya ba'i bar du'o/ /phung du yod pa'i phyir phud pu can yin te/ mgo bo'i dbus kyi skra bregs nas dpral mdza' i skra 'jog pas na phud pu can zhes bya'o zhes la la dag 'god do/ /gzhan dag ni mngal nas skyes pa dang/ skra dpral mtshams dang/ mgo'i dbus dang/ rgyab kyi cha ste gsum du phud pu gsum 'jog pas na phud pu can zhes bya'o/ /zhes zer ro/ /kha cig na re gtsug phud can zhes bya ba rma bya ba la zhon pas gtsug pur can te/ gzhon nu gdong drug pa la bya'o zhes zer bas de'i gzugs dang cha lugs 'dzin par mdzad pas na gtsug phud can no/ /shin tu dang ral pa 'chang zhing lha chen po la dad pa'i drang srong gi gzugs 'dzin par mdzad pas na lcang lo can no/ /skra'i rtsa ba la sogs pa thams cad sbams pa'i ral pa bsdus pa yod pas na ral pa ste/ thams cad du yang gang dang gang gis 'dul ba'i sems can rnams 'dul bar bya ba'i phyir dang de'i gzugs 'dzin par mdzad pa yin no zhes khong du chud par bya'o/ /ska rags 'ching ba yongs ma gtang bar tshangs par spyod pa bsrungs pas na mun dza'o/ /rgyan thams cad kyis brgyan pa'i cod pan dang rtse bran 'chang ba'i lha'i bu'i brtul zhugs 'dzin pa'i gzugs mdzad pas na cod pan thogs pa'o/ /gdong lnga zhes bya ba ni seng ge la bya bar bshad la/ de'i brtul zhugs 'dzin pa'i gzugs 'chang bar mdzad pas na gdong lnga pa'i yang na lha chen po'i mtshon cha 'chad pa ni gdong lnga pa zhes bya ste/ de'i gzugs kyis 'dul ba'i sems can rnams 'dul bar bya ba'i phyir de'i gzugs 'dzin par mdzad pas na gdong lnga pa'o/ /don dam par gdong lnga ni sgo lnga ste/ stong pa nyid dang/ mtshan ma
- 268a
med pa dang/ smon pa med pa dang/ mngon par 'dus ma byas pa dang/ rang bzhin gyi 'od gsal ba'i ngo bo nyid gang yin pa de ni gdong lnga'o/ /phyogs bzhir gtsug phud bzhi dang/ spyi bor gcig ste/ gtsug phud lnga pa'i gzhon nu'i brtul zhugs 'dzin cing byis pa'i rgyan gyis brgyun pa de'i gzugs 'dzin par mdzad pas na gtsug phud lnga'o/ yang na dri za'i rgyal po gtsug phud lnga pas 'dul ba rnams de'i gzugs 'dzin par mdzad pas na gtsug phud lnga'o/ /don dam par gtsug phud lnga ni me long lta bu dang/ mnyam pa nyid dang/ so sor rtogs dang/ bya ba bsgrub pa dang/ chos kyi dbyings shin tu rnam par dag pa'i ye shes kyi ngo bo nyid de/ spyi gtsug bzhin du gnas pa gang yin pa de ni gtsug phud lnga dang ldan pa'o zur phud lnga pa'i me tog gi thod kyi cod pan gdal yod pa de na/ zur phud lnga pa'i me tog thod do/ /gtsug phud la sogs pa bor zhing nges par spangs te dang pa mchog gi mya ngan las 'das pa'i dbang bskur bas dbang bskur ni mgo zlum yin pa 'am/ 'di la mgo bregs pa tsam gyis kun tu rgyu ba'i rtags yod pas na mgo zlum mo/ /yul dang dus dang rigs nges pa'i brtul zhugs kyi nges pa dang ldan pa ste/ yul ni 'jug ngogs dag tu srog chags bsad par mi bya'o/ /zhes bya ba dang/ dus ni tshes brgyad dam bcu bzhi 'am bco lnga dag go /rigs ni ri dags sam bram ze rnams mi bsad do/ /zhes bya ba ste/ de lta bu la sogs pa'i dge ba bcu'i las kyi lam las zlog pa phyogs chad pa med par yul thams cad dang/ dus thams cad du srog chags thams cad gsod pa la sogs pa las ldog pa ni brtul zhugs chen po ste/ de 'dzin par mdzad pas na/ brtul zhugs chen po 'chang zhes bya'o/ /zhi ba'i grub pa'i mdza' las bshad pa'i brtul zhugs chen pos
- 268b
'dul? ba rnams dga' bar bya ba'i phyir de'i brtul zhugs 'dzin par mdzad pas na brtul zhugs chen po 'chad pa'o/ /yang na sems can ma lus pa 'don par byed pa la thun mong ma yin pa'i thugs rje chen po'i brtul zhugs 'dzin par mdzad pas na brtul zhugs 'chad ba'o/ /yang na rigs byed re re zhing lo bcu gnyis tshangs par spyod pa spyad nas khyim la gnas par mi byed pa nyid du slong mo spyod pa dang/ nags na gnas pas gang tshe zad par byed pa de ni brtul zhugs chen po'o/ /bud med la brten pa las ldag pas na tshangs par spyod pa'o/ /yang na tshangs pa ni mya ngan las 'das pa'o/ /de'i don du spyod pa ni tshangs par spyod pa ste/ de dang ldan pa gang yin pa de ni tshangs par spyod pa can no/ /brtul zhugs thams cad kyi mchog gi phul du byung ba ni brtul zhugs mchog go /glegs bam la la las ni/ tshangs par spyod pa brtul zhugs mchog ces zer ba la/ de'i don na 'di yin te/ brtul zhugs thams cad kyi rtsa ba ni tshangs par spyod pa yin la/ de bas na thams cad du gzhon nu'i tshangs par spyod pa'i brtul zhugs ma nyams pa dang ldan pas na/ tshangs par spyod pa'i brtul zhugs mchog ces bya ste/ bcom ldan 'das rje btsun 'jam dpal lo/ /dka' thub thams cad la rnam pa thams cad du yongs su mthar phyin cing rdzogs par gyur la/ dka' thub de rnams kyi mthar phyin pa'i mdza' la dgyes pas na dka' thub mthar phyin no/ /rlung dang chu dang lo ma za ba dang/ me lnga bstan pa la sogs pa'i dka' thub shin tu drag po'i khyad par ston par mdzad pas na dka' thub chen po'o/ /rigs byed rtogs pa'i brtul zhugs de ni gtsang nas zhes bya ba la/ brtul zhugs thams cad dang/ rigs byed thams cad kyi pha rol tu rab kyi mthar phyin pas mgon po 'jam dpal la yang gtsang gnas zhes bya ba'am/ des 'dul ba'i sems can rnams dga' bar
- 269a
bya ba'i phyir de'i gzugs 'dzin par mdzad pas na gtsang gnas so/ /gau ta ma'i rigs kyi rab mchog tu gyur pas na dam pa gau ta ma ste/ thams cad kyi gtso bor gyur pa'o/ /yang na gau zhes bya ba'i sgra ni stong pa nyid kyi ye shes la bya ste/ thams cad du song bas na thams cad khyab pa'i phyir ro/ /de'i rigs su gyur pas na gau ta ma'o/ /de nyid kyis na dam pa ste/ thams cad kyi gtso bo yin pa'i phyir ro/ /dka' thub thob pa ste gnas te/ de dag bram ze'i rgyu yin no/ /zhes bya bas yon tan gsum dang ldan pa ni bram ze yin par bshad la/ mgon po 'jam pa'i dbyangs kyang dus dpag tu med par dka' thub spyod par mdzad pa dang/ mdza' yas pa'i thos pa dang ldan pa dang/ zag pa med pa'i stong pa nyid kyi dgongs pa las nges par 'khrungs pa yin te/ yon tan de gsum dang ldan pas na bram ze chen po'i mchog yin no/ /yang na bram ze gang zhe na/ sdig pa'i chos rnams las phyi rol tu gyur pa'o zhes gsungs pas sdig pa'i chos thams cad dang bral ba'i phyir bram ze'o/ /tshangs pas 'dul ba'i sems can rnams gdul bar bya ba'i phyir tshangs pa'i gzugs kyi chos ston par mdzad pa'i phyir dang/ mi gnas pa'i mya ngan las 'das pa'i ngo bo nyid du gyur pas na tshangs pa'o/ /tshangs pa shes zhes bya ba la/ de la yi ge a ni snyan tshig gi rig byed do/ /yi ge u ni mchod sbyin gyi rig byed do/ /yi ge ma ni srid srung gi rig byed do/ /de bzhin du yi ge a ni khyab 'jug ste/ yi ge rnams las yi ge a ni nga yin no zhes bshad pas so/ /srung bas na yi ge u ste/ lha chen pa'o// mi rnams skyong bas na ste tshangs pa'o/ /de bzhin du yi ge a ni snying stobs so/ /yi ge u ni rdul lo/ /yi ge ma ni mun pa ste/ de dag ston par byed pa'i yi ge oM gyi sgra ni bram ze'o/ de ji lta ba bzhin du rig pas na tshangs pa shes pa ste/ oM zhes bya ba tshangs
- 269b
pa mchog /'byung po kun gyi snying la gnas/ /yid kyi sgrol mar gyur pa yi/ /mi g.yo bar ni snang bar byed/ /glog dang shel ltar snang ba dang/ /nyi ma 'char ka lta bur ni/ /gang gis snying la gnas mthong ba/ tshangs pa mchog ni nges mthong bo/ /gnas gsum dang ni tsam gsum dang/ /yon tan gsum dang lha gsum du/ /gug skyed dang bral gug skyed bcas/ /gang gis de rigs tshangs pa shes zhes bya ba ni nges brjod kyi rig byed bsdus pa'i rab tu byed pa'o/ /bdag tshangs pa yin par bstan pa'i phyir smras pa/ dbang phyug gis ni lung bstan srog /'byung ba dbang po blo med par/ /gang gis rang bzhin nyid bzhin gsal/ /sgyu ma'i tshangs par 'gro 'di yin/ /rlabs drug mthar 'gro tshangs pa ste/ /ma yin ma yin gang smra ba/ /dga' ba rtags pa tsam zhig ste// gar zhig smra ba rgyu mchog yin/ /de las skyo ba 'gro ba'i mdo/ /sngon gyi skye ba skye dgu'i bdag /tshangs pa dag tu gang bshad pa/ /ma lus 'byin par byed pa'i rgyu/ /sa ni rkang pa lha yul mgo /nyi ma zla ba mig yin zhing/ /lto ba nam mkha' i khongs gang yin/ /de ni yongs su rgyu mchog skyes/ /mchog sbyin gyi rig byed bsdus pa'i rab tu byed pa'o/ /gang tshe nad ni shes gyur pa/ /thub chen sangs rgyas grub par 'gyur/ /de tshe bzhi pa rnam shes pa/ /dbang phyug ces ni bya bar grags// bzhi pa las 'das dam pa'i bdag /skye dang 'jigs pa spangs pa ste/ /bcings dang grol las nges 'das shing/ /rtag par kun tu 'gro ba'i gtso/ /gnyid med rmi lam gnyid stug pa/ /bzhi pa mnyam par gnas par 'gyur/ /gang du bzhi pa thim 'byung dang/ de ni rtag pa'i tshangs pa yin/ /snyan tshig gi rig byed bsdus pa'i rab tu byed pa'o/ /nam mkha' 'di ni mdza' yas te/ /de ni mi zad med 'gyur brtan/ /sna tshogs skye gnas tshangs pa mchog /rtag tu 'byung po'i skyabs mchog yin/ /
- 270a
mi zad pa yi bdag mchog ni/ /gang gis bdag la gnas mthong ba/ /yon tan med kyang yon tan spyod/ /de dag 'jug dogs rjes su 'brad/ /de ni gzhan la bdag gzhan zhes/ /de ltar blo ngan rnams kyis mthong/ /de ni gang yin pa dag yin par/ /shes pa nges par grol bar 'gyur/ /bdag ni tshangs par bdag tshangs par/ /gang zhig de nyid shes gyur pa/ /srin po 'am byin ba dag dang ni/ /las rnams kyi ni reg pa med/ /srid srung gi rig byed bsdus pa'i rab tu byed pa'o/ /ma lus rigs byed mdza' yi cho gar ldan/ /gnyis med de nyid la la gang gis shes/ /nyon mongs rnam rtog ldan yang rab grol zhing/ /grol ba'i thub par de nyid shes pas bshad/ /rig byed du ma'i mdza' dpyad snying po ni/ /gcig dang du ma nyid du rnam rtog spangs/ /de nyid bdud rtsi bla ma'i lung gis thob/ /rtse gcig bsam pas rnam par bsgom par bya/ /bstan pa'i gzhung gzhan nges par brtag pa gzhan/ /rgyun mi 'chad par shes shing rnam brtags gzhan/ /rnam rtog spyod yul thams cad spangs nas ni/ /rgyun mi 'chad par sems gzhan bsgom par bya zhes bya ba'i man ngag ston pa stsol bar mdzad pas na tshangs par shes pa'o/ /mya ngan las 'das pa'i tshangs pa ni spros pa thams cad dang so sor bral ba'i dam pa'i bdag nyid kyi gnas gang yin pa de thob par gyur pa ste/ mya ngan las 'das pa des 'dul ba rnams la de bstan par bya ba'i phyir te/ dam pa'i bdag nyid ni chos thams cad stong pa nyid der thim zhing de'i bdag nyid du gnas pa ni de thob pa yin pas thob par byed pa dang/ / thob par bya ba rjes su mi dmigs pa'i tshul gyis na/ /mya ngan 'das pa tshangs pa thob ces bya'o/ /las dang skye ba dang sdug bsngal rnams las ldog pa ni grol ba'o/ /gti mug gi bdag nyid can gyi 'khor ba'i 'ching ba dang bral bas
- 270b
na thar pa'o/ /yang dag pa'i lta ba'i rig pa'i lam gyi ngo bo nyid du gyur pas na rnam grol lus so/ /nyon mongs pa rnam pa sna tshogs kyi rab tu byed pa ma skyes pas na rnam grol lo/ /chos thams cad mnyam pa nyid ni zhi ba'o/ /nyon mongs pa'i gdung ba'i nye bar 'tshe ba dang bral bas na zhi ba nyid dam rnam par rtog pa'i dpa' rlabs thams cad zhi ba'i don gyis na zhi ba nyid do/ /dge ba nyid kyis mya ngan las 'das pa bye brag pa rnams kyis brtags pa'i tshul ni mya ngan las 'das pa ste de thob pa'o// mar me shi ba dang mtshungs par nye bar 'tshe ba thams cad dang bral bas na zhi ba'o/ /de'i legs pa ni mya ngan las 'das pa yin la/ de thos par byed pa'i lam ni nges par 'byung ba ste/ mya ngan las 'das pa dang nye ba'o/ /de yang 'dis nges par 'byung bas na nges par 'byung ba ste/ de ltar nges par 'byung bar rnam par bzhag go /bde ba dang sdug bsngal dag zad pa ni thar pa yin no/ /zhes gcar pu ba rnams 'dod la/ de bskyed pa'i las zad pas na zad pa la ni mthar gyur pa zhes bya ste/ gang gi phyir bde ba dang sdug bsngal rnams mthar phyin par mdzod pa'i mthar byon pas so/ /yul thams cad la ji srid du rang bzhin gyis chags pa dang bral bas na chags bral lo/ /rdzas thams cad kyi rang bzhin yongs su gyur pa la mi dben pa'i 'ching ba rnams zad pa'i skyes bu 'ba' zhig yin pas na lus las 'das pa po ste/ yongs su dag pa'i byang chub sems dpa' i ngo bo nyid kyi skyes bu zhes bya ba'i don to/ /gzhan rnams kyis brgal bar mi nus pas na thub pa med pa'o/ /gnyis pa mang pas na dpe med pa'o/ /mngon par gsal ba'i gzugs la sogs pa mi mnga' bas na mi mngon pa'o/ /rnam pa thams cad bral ba ste mi snang ba'o/ /rnam pa gang gis kyang rtsir mi nus pas na gsal byed min no/ /cha thams cad las yang
- 271a
dag par 'das pa na mi 'gyur ro/ /lus med bzhin du brten pas na kun 'gro'o/ /nus pa'i tshul gyis thams cad rdzogs par mdzad pas na khyab pa po'o/ /rnal 'byor pa ma yin pa rnams kyis shes par mi nus pas na pra ba'o/ /shin tu rnam par dag par gyur pas na zag med do/ /dngos po thams cad kyi rgyu ma yin pas na sa bon bral lo/ /ci'i phyir de ltar gzhan gyi grub pa'i mdza' i grol ba la sogs pa'i gzugs su bcom ldan 'das rje btsun 'jam dpal gzhon nur gyur pa bshad ce na/ bcom ldan 'das nyid ni grol ba 'dod pa thams cad kyis bsten par bya ba yin gyi de las gzhan med do/ /zhes bya ba bstan par bya ba'i phyir de ltar bshad do/ /yang na gdul bya de dang de la de dang de'i gzugs kyis 'dul ba la gzhol bar mdzad pas de'i ming btags pa yin pas thams cad la yang nyes pa med do/ /chos kyi sku dang longs spyod rdzogs pa'i sku dang sprul pa'i sku'i yon tan bstan par bya ba'i phyir rdul med ces bya ba la sogs pa gsungs te/ phyi rol gyi yul rnams la zhen pa'i 'dod chags kyi rdul dang bral bas na rdul med pa'o/ /sems kyi rnam par rtog pa'i rdul sna tshogs pa dang bral bas na rdul bral lo/ /bag la nyal dang kun nas dkris pa sna tshogs pa dang bral bas na dri ma med pa'o/ /phyi dang nang gi rnam par rtog pa'i gnas ngan len gyi bag chags kyis nyes pa spangs pas na nyes pa spangs pa'o/ /nang du gyur pa'i bdag dang bdag gir mngon par zhen pa'i bag chags kyi mtshams sbyor ba dang bral bas na skyon med pa'o/ /yang na snga ma snga ma'i bshad par gyur pa ni phyi ma phyi ma'i rnam thar nyid yin pa 'am/ sgra 'di dag ni chos kyi sku ston par byed pa yin te/ tshig la la la tshig gzhan la la dag gis don rtogs par 'gyur bas rnam grangs su bstan pa nyid dgos pa yin no/ /yang na tshig lngas mngon par byang chub pa rnam pa lnga ston pa yin te/
- 271b
oM tsit+ta pra ti bo d+hyaM ka ro mi zhes bya ba ni gzung ba dang 'dzin par byed pa'i sems tsam so sor rtogs pas na rdul med pa'o/ /oM bo d+hi tsinyhaM utpAd yA mi zhes bya ba ni dri ma med pa'i 'od zer zla ba'i dkyil 'khor gyi gzugs kyi rnam par snang ba bzhin du 'byung bas mdzes pa na rdul bral lo/ /oM tiSh+Tha badzra badzra At+ma konyahaM zhes zla ba'i dkyil 'khor gyi steng du rdo rje rtse lnga pa'i gzugs kyis mu stegs pa'i rnam pa sna tshogs pa'i rnam pa sna tshogs dregs pa 'joms pas dri ma med pa'o/ /oM sa man+ta b+ha dronyahaM zhes bya ba thams cad kyi mchog dang ldan pa'i kun tu bzang po'i gzugs kyis mun nag thams cad rnam par bsal bas na nyes pa spangs pa'o/ /oM ya tha sarba ta thA ta thA a hUM zhes bya ba de bzhin gshegs pa thams cad kyi bdag nyid dngos po dang mnyam pas 'khor ba thams cad pa'i nyes pa'i nad dang bral bas na skyon med pa'o/ /dang po bshad pa'i phyogs chos kyi sku ltar ma lus pa'i rab kyi mthar thug pa'i chos thams cad thugs su chud pa'i bdag nyid can yin pas na shin tu sad pa'o/ /gdul bya'i sems can sna tshogs pa'i sems kyi rgyud thugs su chud pas na sad pa'i bdag go /dge slong dag chos thams cad ces bya ba ni nye bar len pa'i phung po lnga'o zhes gsungs gsungs pas de mkhyen pa'i phyir kun shes pa 'am nyan thos dang rang sangs rgyas rnams la de lta bu'i nan tan nyams su len pa bskyed par mdzad pas na kun shes pa ste/ de bzhin gshegs pa rnam pa thams cad mkhyen pa'i ye shes dang ldan pa'o/ /nyan thos dang rang sangs rgyas thams cad las mchog tu gyur cing de bzhin gshegs pa dang byang chub sems dpa' la sogs pa'i so sor snang ba'i spyod yul mnga' bas kun rig dam pa'o/ /gal te thams cad mkhyen na rig par bya ba dang rig pa po yod na ji ltar rnam pa thams cad yongs su dag pa'i chos kyi sku yin zhe na/ rnam par shes pa'i chos nyid 'das zhes bya ba gsungs te/
- 272a
byed pa po dang las dang bya ba la sogs par brtags pa'i chos dang chos can gyi dngos por gyur pa'i rnam par shes pa ni don dam pas rnam par shes pa'i chos nyid las 'das pa ste chos kyi sku'o/ /rnam par shes pa'i chos dang bral na ni rnam pa thams cad du bems por 'gyur ro zhes rtog pa zlog par bya ba'i phyir/ ye shes gnyis med tshul 'chang ba zhes bya ba gsungs te/ gnyis su med pa'i tshul de'i bdag nyid kyis yongs su 'chang ba'i ye shes yin gyi/ shes pa dag shes par byad pa po'i tshul can ni ma yin te/ de la rnam pa thams cad du mo gsham gyi bu bzhin du med do/ /shes pa dang shes par byed pa dang/ khong du chud pa dang/ khong du chud par byed pa'i rnam par rtog pa'i tshogs la spyod pa las gzhan pa gnyis su med pa'i ye shes kyi skus sems can thams cad kyi don gyi bya ba byed par ji ltar nus zhe na/ 'dir bshad par bya ste/ rnam par mi rtog pa'i chos kyi dbyings kyi ngo bo nyid gnyis su med pa'i ye shes kyi rang bzhin la sangs rgyas rnams dbang skyur bas yid bzhin gyi nor bu 'dra bar sems can thams cad kyis mngon par 'dod pa'i don rdzogs par mdzad kyi rnam par rtog pa'i tshogs la spyod pa ni ma yin te/ de bas na rnam par rtog med lhun gyis grub ces bya'o/ /dus gsum sangs rgyas las byed pa zhes bya ba la/ ji ltar gcig pus dus gsum gyi sangs rgyas kyi bya ba mdzad par 'gyur zhe na/ de brjod par bya ste/ de bzhin gshegs pa rnams byung yang rung/ de bzhin gshegs pa rnams ma byung yang rung ste/ chos thams kyi chos nyid 'di ni gnas pa ste/ chos gnas pa nyid dang/ chos mi 'gyur ba nyid dang/ yang dag pa'i mdza' dang/ stong pa nyid do/ /zhes gsungs pas gcig pu nyid kyis kyang dus gsum gyi sangs rgyas kyi bya ba mdzad pa yin no/ /yang na tshogs dang
- 272b
chos kyi sku dag dang/ /'gro ba'i don ni spyod pa yis/ /sangs rgyas thams cad mnyam pa ste/ /sku tshe rigs dang tshad kyis min zhes 'byung ba'i phyir chos kyi sku la khyad par med pas gcig pu nyid kyis dus gsum gyi sangs rgyas kyi phrin las mdzad pa yin no/ /deng/ nyid bstan pa ni/ sangs rgyas thog ma tha med ces bya ba ste/ thog ma dang tha ma ni thog ma dang tha ma'o/ /gang la thog ma dang tha ma med pa de ni thog ma dang tha med pa ste chos kyi sku'o/ de nyid ni don dam pa'i sangs rgyas ste/ gang dag nga la gzugs su mthong/ /gang dag nga la sgrar shes pa/ log pas spong bar zhugs pa ste/ /skye bo de dag nga mi mthong/ /sangs rgyas rnams ni chos nyid ltar/ /'dren pa rnam pa ni chos kyi sku zhes ji skad du gsungs pa lta bu'o/ /thog ma nyid chos kyi sku'i bdag nyid chas can yin pas na dang po'i sangs rgyas so// gang las kyang skye ba med pas na rgyu med pa ste/ rgyu ni rjes su 'gro ba'i rgyu dang/ so sor 'brel ba dang/ gcig nas gcig tu brgyud pa'o zhes bya ba'i bar du'o/ /ye shes nyid gcig pu gnyis su med pa ni mig dang 'dra bas na mig ste/ chos kyi sku gang yin pa de la ye shes mig gcig dri ma med ces bya'o/ /'dir ni chos thams cad brgyal zhing de'i bdag nyid du thim par 'gyur bas na ye shes lus can no/ /de bzhin nyid du gshegs pas na de bzhin gshegs pa'o/ /bcom ldan 'das chos kyi sku'i bdag nyid can du bshad zin to/ /mngon par byang chub pa rnam pa lngar bshad pa'i phyogs ltar na rab tu sad pa'i rnam par snang mdzad kyi tshul gyis na shin tu sad pa'o/ /mi bskyod pa'i ngo bo nyid kyis na sad pa'i bdag go /rin chen 'byung ldan gyi bdag can yin pas na kun shes pa'o/ /snang ba mdza' yas kyi ngo bo nyid yin pas na kun rig go /don yod par grub pa'i ngo bo nyid kyis na dam pa'o/ /de ltar mngon par byang chub pa rnam pa lnga yongs su rdzogs pa'i de bzhin
- 273a
bshegs pa lnga 'di? bdag nyid can ni rnam par shes pa'i chos nyid las 'das pa'o/ /ye shes kyi rang bzhin can gyi thabs dang shes rab gnyis su med par snyoms par zhugs pa'i tshul dang ldan pas na/ ye shes gnyis med tshul 'chad ba'o/ rnam par rtog pa med cing lhun gyi grub par dus gsum gyi yang dag par rdzogs pa'i sangs rgyas 'phro ba'i bdag nyid can gyi phrin las mdzad pas na/ rnam par rtog med lhun gyis grub/ /dus gsum sangs rgyas las byed pa zhes bya'o/ /thog mdza' med pa'i sems dpa' ni/ /rdo rje sems dpa' dga' ba che zhes bshad pas na sangs rgyas ni rdo rje 'dzin pa byang chub kyi sems kyi ngo bo nyid du gyur pas na dang po'i sangs rgyas so/ /de nyid ni thams cad kyi rgyur pas na rgyu'o/ /de'i rgyu ni gzhan med pas na rgyu med pa'o/ /ye shes kyi mig gcig ni spyan lnga'i bya ba rdzogs par byed pas na/ ye shes mig cig dri ma med ces bya'o/ /ye shes lus can de bzhin gshegs pa zhes bya ba ni gdul bya'i dbang du gshegs pas na de bzhin gshegs pa zhes bya bar sbyor ro/ /longs spyod rdzogs pa'i sku'i ngo bo yin par bstan pa'i phyir/ tshig gi dbang phyug smra ba che zhes bya ba la sogs pa gsungs te/ sa bcu'i dbang phyug gi byang chub sems dpa' rnams dang thun mong du gyur pa'i zab cing rgya che ba'i chos stan pa la mnga' brnyes pas na gsung la dbang sgyur ba'i phyir tshig gi dbang phyug go /rnam pa thams cad mkhyen pa'i ye shes ni chen po ste/ chos thams cad rnam pa thams cad du thugs su rdung pa'i ngo bo nyid yin pa'i phyir te/ de gsung pa'i ngang tshul can gang yin pa de ni smra ba che zhes bya ba 'am smra ba'i yul chen po mnga' bas na smra ba chen po ste/ nyan thos dang rang sangs rgyas la sogs pa rnams las chen por gyur
- 273b
pa yin zhing lhag par gyur pas thams cad zil gyis gnon pa'i gsung dang ldan pas na smra ba chen po'o/ /nyan thos la sogs pa las gzhan pa'i mu stegs byed skyes bur smra bar 'dod pa rnams kyi gtso bor gyur pas na smra ba'i skyes mchog go /nyan thos dang rang sangs rgyas dang/ byang chub sems dpa' dang/ phur bu dang/ drag po dang/ dbang po dang/ khyab 'jug dang/ tshangs pa la sogs pa'i smra ba'i tshogs rnams zil gyis gnon pa'i gsung gis shin tu mdzes pas na smra ba'i rgyal lo/ nyan thos dang/ rang sangs rgyas dang/ rgyal ba'i sras dang/ tshangs pa la sogs pa rnams kyi smra ba'i mchog yin zhing phyin ci ma log pa dang/ mi bslu ba'i rnam pa thams cad du tshad ma dang ldan pa'i don ston pas na smra ba'i dam pa'o/ /de nyid kyis na/ mchog gi gnas te/ khyad par du smra ba po thams cad kyi mchog du gyur pa'o/ /bdud dang mu stegs la sogs pa thams cad kyis thub par mi nus pas na/ smra ba'i seng ge tshugs pa med ces bya'o/ /gsung gi 'byor bas thams cad zil gyis gnon par spyod pa'i thun mong ma yin pa bstan nas/ sku'i bdag nyid che ba'i thun mong ma yin pa'i tshul bstan par bya ba'i phyir/ kun tu lta ba mchog tu dga' zhes bya ba la sogs pa gsungs te/ sgrib pa med pa'i ye shes kyis nam mkha' i mthas gtugs pa na spyod pa'i dngos po ma lus pa rnam pa thams cad du ma lus par gzigs pa'i ngang tshul mnga' bas na kun tu blta ba'o/ /chos rnams kyi de kho na nyid thugs su chud pa'i rab tu dga' ba'i sku'i bde ba chen pos nga bags? pa mchog tu dga' ba'o/ 'od zer 'phro ba'i phreng bas brgyan pa'i sku mnga' bas na gzi brjid phreng ba'o/ /gzi brjid kyi phreng pas bskor na yang zhi ba'i ngo bo nyid kyis sku dang ldan pas legs par snang ba'i phyir blta na sdug pa'o/ /mi shes pa'i mun nag sel bar bde ba'i
- 274a
ye shes dam pa'i 'od mnga' bas na 'od bzang ngo/ /ye shes kyi gzugs kyis shes bya rnams la khyab cing gsal bar mdzad pas na 'bar ba'o/ /dpal be'u'i dpe byad kyis brgyan pa'i dpal gyi tshogs dang ldan pas na dpal gyi be'u'o/ /rnam pa thams cad du mdangs dang ldan pas mdzes par gyur cing gsal bar snang ba rang gis rtogs pas nang gi de kho na nyid gsal bar byed pa'i snang ba gang la yod pa de ni/ lag na 'od 'bar snang ba po zhes bya ste/ 'khor thams cad zil gyis gnon pa'i gzi brjid can zhes bya ba'i don to/ /yang na 'od zer rnams kyis snang bar byas pa'i ngang tshul ni snang ba po'o/ /ka ni bde ba/ ra ni ster ba ste/ de bas na bde ba ster ba'i phyir lag na kar zhes bya'o/ /de ltar na bde ba ster ba yang yin la/ 'od 'bar snang ba po yang yin pas na de skad ces bya'o/ /de lta bu'i ma rig pa sel bar byed pa'i bde ba ster bar byed pa'i snang ba'i ngo bo nyid ni rang nyid yin pas rje btsun 'jam dpal la/ bde sbyin 'od 'bar snang ba po zhes bya'o/ /de rnams rnam pa thams cad kyi mchog dang ldan pa'i mtshan rnams dang ldan zhing/ dpe byad rnams kyis brgyan pa'i longs spyod rdzogs pa'i sku'i ngo bo nyid kyis ni nyid kyi don yongs su rdzogs pa bstan nas/ bcom ldan 'das rje btsun 'jam dpal gyi gzhan gyi don mdzad pa'i thabs kyis tshul nyid bstan par bya ba'i phyir/ sman pa che mchog gtso bo ste zhes bya ba la sogs pa gsungs te/ nad thams cad rnam par bzlog par byed pa bdag med pa rnams pa gnyis ston par mdzad pa'i dam pa'i chos kyi sman stsol zhing nyon mongs pa'i nad rnams gso bar mdzad pas na sman pa che mchog go /bdag dang bdag gi mngon par zhen pa'i rtsa ba can gyi nyon mongs pa'i nad kyi gzhi'i khyad par ston par mdzad pas na gtso bo'o/
- 274b
thog ma med pa'i skye ba nas gcig nas gcig tu brgyud de/ zug pa'i zug rngu'i gzugs can 'dod chags la sogs pa'i zug rngu rtsa ba nas 'byin pas na/ zug rngu'i byin pa bla na med pa'o/ /sman pa lus pa'i ngo bo nyid sangs rgyas kyi chos rnams sbyar zhing bsgrub pas nyon mongs pa'i nad ma lus pa zhi par mdzad pas na/ sman rnams ma lus ljon pa'i shing zhes bya'o/ /nyon mongs pa rnams nyid pa'i gsod bdag nyid can yin pas na nad do cog go /de rnams kyi dgra ni dgra bo ltar rigs rgyud du bcas pa zad par mdzad pas na/ nad do cog gi dgra che ba'o/ /nyon mongs pa thams cad kyi dgrar gyur du zin kyang mi mthun pa'i gzugs ni nam yang mi mnga' o zhes bstan par bya ba'i phyir/ sdug gu 'jig rten gsum gyi mchog dpal ldan rgyu skar dkyil 'khor can zhes bya ba gsungs te/ thams cad kyis 'dod par bya ba yin pas na sdug gu'o/ /khams gsum gyi mchog tu gyur pas na/ 'jig rten gsum gyi mchog go /skar ma rnams kyi nang na/ zla ba'i dkyil 'khor dang 'dra bar lha la sogs pa rnams kyi nang na zla ba'i dkyil 'khor bzhin du yid 'phrog pa'i sku mnga' bas na/ dpal ldan rgyu skar dkyil 'khor can no/ /phyogs bcu'i nam mkha' i khams kyi mthas gtugs pa rnams su chos kyi sbyin pa'i ba dan bsgrengs pas nye bar mtshon pa'i ba dan chen po 'dzugs par mdzad pas na/ phyogs bcu'i nam mkha' i mthar thug par/ chos kyi rgyal mtshan legs par 'dzugs zhes bya'o/ /char bab pa dang tsha ba'i nye bar tsha ba bzlog pa'i phyir dang/ yongs su dub pa'i nyon mongs pa zhi bar byed pa'i phyir/ gdugs dang 'dra bas na gdugs te/ 'gro ba thams cad khyab par byed pa'i grib ma byed cing sdug bsngal gyi char dang nyon mongs pa'i gdungs pa sel bas na 'gro na gdugs gcig go /'gro ba rnams
- 275a
khyab par byed pa'i gdugs gcig gi bdag nyid can yin zhing/ byams pa dang snying rje dag gis kun nas 'khor ba'i tshul gyis 'gebs pas na/ 'gro na gdugs gcig yangs pa ste/ byams dang snying rje'i dkyil 'khor can zhes bya'o/ /'dam na gnas kyang dri mas ma gos pa'i phyir pad+ma dang 'dra ste/ 'khor ba'i 'dam du gnas pa'i nyes pas ma gos par gdul bya ji ltar 'dul ba dang/ rjes su mthun pa'i cha lugs dang/ rgyan dang/ sgeg pa la sogs pa'i gar stabs la dgyes shing/ zhal dang/ tshegs dang/ spyan dang/ smin ma gnyer ba sna tshogs pa dang/ phyag gi rtse mo dang zhabs rnam par rol pas sgeg pa'i thabs kyis gar mdzad par ston cing/ sems can ma lus pa 'dul bar mdzad pas na dpal ldan pad+ma gar gyi bdag ces bya'o/ /'byor pa dang/ 'od kyis snang ba bya ba'i phyir/ dga' ba rgyas par byed pas na rin po che ste/ dkon mchog gsum gyi rang bzhin can gyi gdugs gang yin pa de ni khyab bdag chen po rin chen gdugs zhes bya ste/ thams cad kyi bdag po rin chen 'byung ldan gyi ngo bo nyid du gyur pa'i phyir ro/ /sangs rgyas kyang yin la kun kyang yin pas na/ sangs rgyas kun te/ mi bskyod pa la sogs pa'o/ /de rnams kyi dbus su rnam par snang mdzad chen po'i tshul gyis mdzes pas na/ sangs rgyas kun gyi rgyal po che zhes bya'o/ /don yod par grub pa'i ngo bo nyid kyis sangs rgyas thams cad kyi bya ba rdzogs par mdzad pas na/ sangs rgyas kun gyi sku 'chad ba zhes bya'o/ /rnal 'byor chen po skye gnas che/ /sangs rgyas kun gnas mi zad pa'o zhes gsungs pa ste/ mi bskyod pa'i ngo bo nyid kyis bzhugs pa'i phyir/ /sangs rgyas kun gyi rnal 'byor che zhes bya'o/ /yang na dkyil 'khor ba'i lha thams cad kyi snyoms par 'jug pa'i sbyor ba ni sangs rgyas
- 275b
kun gyi rnal 'byor che zhes bya'o/ /rdo rje hUM mdzad la sogs pa khro bo'i gzugs kyi dbang phyug chen po la sogs pa ma rung ba thams cad 'dul bar mdzad pas na bstan pa ste/ sangs rgyas thams cad kyi bstan pa gcig gi tshul gang yin pa de ni/ sangs rgyas kun gyi bstan pa gcig ces bya'o/ /rdo rjes mtshan pa'i rin po che ni rdo rje rin chen no des dbang bskur bas/ khams gsum gyi bdag por dbang bskur ba'i mtshan nyid can gyi dpal gang yin pa de ni/ rdo rje rin chen dbang bskur dpal zhes bya'o/ /rin po che thams cad la dbang bskur bas/ rin po che'i rigs kyi dkyil 'khor de la de rnams kyi dbang phyug rin chen 'byung ldan gyi ngo bo nyid kyis bzhugs pas na/ rin chen kun bdag dbang phyug ste zhes bya'o/ /'gro ba 'dul ba'i dkyil 'khor pa rnams ni/ 'jig rten dbang phyug kun te/ de rnams kyi bdag po 'di dpag tu med pa'i ngo bo nyid yin pas/ bdag po'o/ /khams gsum rnam par rgyal ba'i dkyil 'khor pa rnams ni rdo rje 'chang ba kun no/ /de rnams kyi bdag po ni rdo rje 'chang chen po ste/ sangs rgyas hUM mdzad kyi ngo bo nyid du gyur pas na/ rdo rje 'chang ba kun gyi rje zhes bya'o/ /sangs rgyas thams cad kyi gnyis su med pa'i ye shes dang/ thugs rje chen po'i rang bzhin can thams cad mkhyen pa'i thugs ni sangs rgyas kun gyi thugs chen po ste/ nga yi ngo bo nyid yin pas na/ sangs rgyas kun gyi thugs che ba zhes bya'o/ /de bzhin gshegs pa thams cad dang mnyam pa nyid kyi thugs la khyab pas na/ sangs rgyas kun gyi thugs la gnas zhes bya'o/ /mtshan dang dpe byad thams cad kyis rjes su brgyan pa'i sangs rgyas thams cad sku'i gzugs su bdag nyid ston pas na/ sangs rgyas kun gyi sku che ba zhes bya'o/ /de bzhin gshegs pa thams cad kyi gsung thams cad la 'jug pa'i rgyur gyur pas na/ sangs rgyas kun gyi gsung yang
- 276a
yin zhes bya'o/ /rdo rje ye shes kyi nyi ma'i tshul gyi phyi dang nang gi mun pa dang/ ma rig pa sel bar mdzad cing snang bar gyur pas na/ rdo rje nyi ma snang ba che zhes bya'o/ /mi phyed pa'i ye shes kyi zla ba'i gzugs kyis nyon mongs pa'i gdungs pa sel bar mdzad cing/ dri ma med de/ bsil zhing yid sim par byed pa'i 'od zer rab tu gtong bar mdzad pas na/ rdo rje zla ba dri med 'od ces bya'o/ /chags pa dang/ bral ba la sogs pa gdul bya'i sems can rnams 'dul bar bya ba'i phyir/ shin tu mngon par zhen par mdzad pas na/ chags bral la sogs chags pa che zhes bya'o/ /phyi rol gyi 'od de nyid kha dog sna tshogs par 'bar zhing/ yid kyi las rnams mchog tu ston pa gang yin pa de ni kha dog sna tshogs 'bar ba'i 'od ces bya'o yang na stong pa nyid dang thugs rje chen po can gyi snying po dang ldan pa'i byang chub kyi sems la de skad ces bya ste/ de nyid sangs rgyas kyi 'bras bu shin tu che ba nyid kyi rgyur gyur pas na/ sangs rgyas thams cad kyi thugs te/ de ltar byang chub kyi sems kyi ngo bo nyid yin pa'i phyir/ sangs rgyas kun gyi thugs che ba zhes bya'o/ /de nyid dpag tu med pa'i yid kyi rang bzhin gyi rdo rje'i gzugs su gyur nas/ sangs rgyas thams cad kyi thugs kyi rdo rje'i ngo bo nyid du gyur pas na/ sangs rgyas kun gyi thugs la gnas zhes bya'o/ /rdo rje yongs su gyur nas/ de bzhin gshegs pa thams cad kyi sku'i ngo bor gyur pas na/ sangs rgyas kun gyi sku che ba'o/ /ljags kyi pad+ma'i zla ba dang/ /rdo rje'i steng du dkar po dang/ /dkar po ma yin pa'i chos kyi phyag rgya'i gzugs kyis/ sangs rgyas thams cad kyi gsung gi 'khor lo rab tu bskor bas na/ /sangs rgyas kyi gsung yang yin zhes bya'o/ /shin tu yongs su rdzogs nas/ sangs rgyas thams cad kyi bdag nyid du rgyab tu 'od kyis
- 276b
dkyil 'khor gyi gzugs kyi dbyer med par/ thams cad la snang ba chen por mdzad pas na/ rdo rje nyi ma snang ba che ba'o/ /thugs kyi zla ba'i rdo rje'i lte ba'i dbus su gnyis su med par snyoms par 'jug pa la snyoms par zhugs pa'i bde ba chen po'i 'od zer dri ma med pa rab tu 'gyed pa'o gzugs kyis gnas pas na/ rdo rje zla ba dri med 'od/ /sangs rgyas thams cad kyi dbang phyug gi rang gi ngo bo 'ba' zhig gis bzhugs par ma zad kyi/ gzhan yang dkyil 'khor gyi lha thams cad kyis gzugs rnams kyis kyang/ de nyid thabs sna tshogs la dgyes shing sna tshogs pa'i gzugs kyis bzhugs pas na/ chags brel la sogs chags pa che zhes bya'o/ /kha dog sna tshogs pa'i lha rnams kyi sku mdog dang 'od kyi kha dog gi dbye bas gcig pu yang thams cad kyi bdag nyid can yin pa'i phyir/ kha dog sna tshogs 'bar ba'i 'od ces bya'o/ /brla g.yas pa la rkang pa g.yon pa bzhag pa/ brla g.yon pa la rkang pa g.yas pa bzhag pa ni/ rdo rje'i skyil mo krung yin te/ g.yon pa ni shes rab lo/ /g.yas pa ni thabs te/ de ltar thabs dang shes rab mi phyed pas/ bdud thams cad 'jigs par byed pa'i bdag nyid can gyi/ skyil mo krung ni sangs rgyas thams cad kyi yin pas na/ rdo rje'i skyil krung rdzogs sangs rgyas zhes bya ste/ de yang rdo rje skyil krung bcas pa ni/ /bdud rnams thams cad rab tu 'joms/ /zhes gsungs pas so/ /sangs rgyas rnams ni 'gro ba ni/ /'dus nas chos kyi 'brel ba'i gtam mdzad pa'o/ /de yang thun mong ma yin pas sangs rgyas kho na la srid kyi/ gzhan la ma yin pas na/ sangs rgyas 'gro ba'i chos 'dzin pa'o/ /gang gi phyir/ bsod nams dang ye shes kyi tshogs pas na/ dpal ldan no/ /gos pa med pa'i chos nyid du chos mthun pas na/ sangs rgyas nyid pad+ma? ste/ de rnams
- 277a
las byung ba'i skye ba'i chos skye gnas su gyur pa ste/ de bas na/ sangs rgyas pad+ma skyes zhes bya'o/ /kun mkhyen pa ste/ sangs rgyas thams cad kyi ye shes kyi mdzod 'dzin par mdzad cing/ tshogs gnyis ma tshang ba med pas te/ 'dzin pa'i nus pa mnga' bas na/ dpal dang ldan zhing/ kun mkhyen ye shes mdzod 'dzin pa zhes bya'o/ /'gro ba rnam pa sna tshogs shing/ tha dad pa'i 'gro ba rnams la sprul pa'i sgyu 'phrul spro la la bdag por gyur cing/ thams cad du sprul pa'i byed pa por gyur pas na/ rgyal po sgyu 'phrul sna tshogs 'chang zhes bya'o/ /sangs rgyas rnams ni rig pa ni/ shes rab kyi pha rol tu phyin pa'o/ /shes rab kyi pha rol tu phyin pa'i rig pa'i stobs kyis 'jig rten dang/ 'jig rten las 'das pa'i sbrul pa bzed? pa'i bdag nyid chen po dang/ shin tu ldan pas na/ rgyal po sgyu 'phrul sna tshogs 'chang/ /che ba sangs rgyas rig sngags rgyal zhes bya'o/ /de ni bcom ldan 'das kyis sngar bshad pa'i sngags kyi don ngo bo nyid du bstan par bya'i phyir rdo rje rnon po ral gri che zhes bya ba la sogs pa gsungs te/ chos thams cad bdag med par shin tu yang so sor rtogs pas na rdo rje rnon po'o/ /bdag tu gti mug pa la dmigs pa'i rtsa ba can 'jigs tshogs la lta ba'i yal ga dang lo ma dang/ 'dab pa dang ldan pa'i nyon mongs pa'i shing chen po gcod par mdzad pas na ral gri chen po'o/ /don dam par shes rab kyi pha rol tu phyin pa ni mi 'gyur zhing mi zad pa la rang gi ngo bo nyid gzhan du mi 'gyur pas yi ge mchog ste chos kyi sku'o/ /sna tshogs pa'i mi bden pa'i rnam par rtog pa'i dri ma mi mnga' bas na rnam par dag pa'o/ /de yang 'di skad ston par 'gyur te/ des par 'byed pa'i shes rab kyis nyon mongs pa dang/ sdug bsngal ma lus par bcad pas
- 277b
shin tu rnam par dag pa'i chos kyi sku thugs su chud pas rnam par mi rtog pa nyid du gyur pa ni badzra tIk+Sh+NA zhes bya ba'i sngags kyi don yin no/ /sngags gnyis pa'i don bstan pa'i phyir/ theg pa chen po sdug bsngal gcod/ mtshon cha chen po rdo rje chos zhes bya ba gsungs te/ sdug bsngal ma lus pa bcod pa ni theg pa chen po nyid kyis nus so/ /de bas na sdug bsngal ma lus pa gcod pa'i bdag nyid can theg pa chen po dang/ de'i rdo rje'i chos nyid mi phyed pa yin te/ gnyis su med pa'i ye shes de nyid ni sems can ma lus pa'i the tshom thams cad gcod pa'i phyir mtshon cha chen po'o/ /de yang 'di skad ston par 'gyur te/ theg pa chen po thams cad ni rdo rje'i chos nyid kyi don ston pa yin te/ du(rgyud 'grel): kha ts+tshe da zhes bya ba'i sngags kyi don yin no/ /sngags gsum pa'i don bstan pa'i phyir/ rdo rje zab mo dzi na dzik ces bya ba gsungs te/ sangs rgyas shes rab ye shes kyi/ /snying po dzi na dzik tu bshad ces gsungs pas/ so so yang dag par rig pa bzhi bsgoms pas yongs su rdzogs pas mi phyed cing rtogs par dka' la/ mnyam pa med pa'i sangs rgyas kyi bla dang ldan pas rdo rje ltar zab pa ni rdo rje blo gros so/ /de nyid kyis na don bzhin rig ces bya ba ste/ rdo rje ltar chos thams cad so sor 'bigs pa'i shes rab kyis zab cing rgya che ba'i sangs rgyas kyi chos rnams thugs su chud ba dang/ shes bya ma lus par thugs su chud pa yang myur du 'byung bar 'gyur ba ste/ pradz+nyA dz+nyA na zhes bya ba'i sngags kyi don to/ /yi ge bcu gnyis pa'i sngags kyi don bstan par bya ba'i phyir pha rol phyin pa kun rdzogs pa/ /sa rnams kun gyi rgyan dang ldan zhes bya ba gsungs te/ sa bcu gnyis dang pha rol tu phyin pa bcu gnyis ji lta ba nyid ni de nyid du yi ge bshad pa'i skabs su rgya cher sbyar zin pas 'dir ma spros so/ /pha rol phyin
- 278a
thams cad rdzogs par mnga' ba na/ pha rol phyin pa kun rdzogs pa'o/ /sa thams cad kyis rnam pa sna tshogs par brgyan pas nges na sa thams cad ni rgyan du gyur pa yin te/ des brgyan pa gang yin pa de ni/ sa rnams kun gyi rgyan dang ldan zhes bya'o/ /sngags bzhi pa'i don bstan par bya ba'i phyir/ rnam par dag pa zhes bya ba la sogs pa gsungs te/ rnam par dag pa'i chos la bdag med pa'i ye shes nyid ni phyin ci ma log pa'i don ston pa'i phyir dang sangs rgyas nyid kyi 'bras bu la bslu ba med pa'i phyir yang dag pa'i ye shes so/ /de yang snying la gnas pa'i ma rig pa'i mun nag sel ba'i 'od gsal ba bskyed pas na/ rnam par dag pa bdag med chos/ /yang dag ye shes zla 'od bzang zhes bya'o/ /de yang 'di skad snyon par 'gyur te/ phyi dang nang gi bdag dang bdag gi dang bral ba'i rnam par dag pa'i chos la bdag med par thugs su chud pas 'jig rten dang 'jig rten las 'das pa'i shes rab dang ye shes kyi bdag nyid can gyi ye shes kyi sku brnyes pas na bde ba dang ldan par 'gyur te/ dz+nyA na kA ya zhes bya ba'i sngags kyi don yin no/ /sngags lnga pa'i don bstan par bya ba'i phyir/ brtson chen zhes bya ba la sogs pa gsungs te/ sgyu 'phrul ni sprul pa'o sgyu 'phrul nyid 'chang ba'i bdag nyid can yin pas dra ba'o/ /sgyu 'phrul chen po brtul pa gang la yod pa de la ni de skad ces bya'o/ /sngags dang phyag rgya dang/ dkyil 'khor dang/ lha rnams kyi rnal 'byor dang/ lha? kyi tshogs la sogs pa rgyus shing nges par bya ba phyed pas na rgyud do/ /rgyud thams cad kyi bdag po'i mchog ni rje btsun 'jam pa'i dbyangs ji lta ba nyid do/ /'di skad ston par 'gyur te/ sngags dang/ phyag rgya dang/ dkyil 'khor lo
- 278b
sogs pa sprul pa sna tshogs pa'i gzugs kyis bya ba dang/ spyod pa dang/ rnal 'byor gyi rgyud kyi bdag por gyur pas gsung gi 'khor lo thams cad bskor bas na bA gI shwa ra zhes bya ba'i sngags kyi don yin no/ /sngags grub pa'i don bstan par bya ba'i phyir ro/ /rdo rje'i gdan ni zhes bya ba la sogs pa gsungs te/ rdo rje ma lus pa zhes bya ba ni de bzhin gshegs pa rnams kyis yongs su rdzogs pa'i mtshan ma dang/ mtshon par gyur pa ni chos thams cad yi ge lngas mtshan pa yin te/ de yang a ni chos thams cad kyi sgo'o/ /ra ni chos thams cad rdul dang bral ba dang/ sangs rgyas thams cad ni thugs rje chen pos chags par mdzad pa'o/ /pa ni skye ba med pa dang/ thugs rje chen po'i chags pa'i thugs rje dang thabs kyi bdag nyid du gyur pas na don dam pa'o/ /tsa ni sa dang pha rol tu phyin pa la sogs pa'i spyod pa de dag gi rgyu dang bral ba'i phyir ro/ /na ni nam mkha' dang 'dra bar nye bar dmigs pa'i sgrib pa thams cad dang bral ba'i chos kyi sku'i mthar thug pa'o zhes ston pa'i phyir te/ de bas na yi ge lnga'i sngags kyi de kho na nyid kyi ngo bo nyid yin pas/ ye shes sku rnams ma lus 'chang zhes bya'o/ /rnam pa thams cad du kun nas sems can thams cad kyi mngon par 'dod pa'i don bzang po mdzad pa dang/ rnam pa thams cad du bzang zhing sdug pas na kun tu bzang po'o/ /bdag dang gzhan gyi phan pa rdzogs pa bskyed pa'i blo gros bzang po mnga' bas na blo gros bzang po'o/ /sa bzhin du mi 'gyur bar sems can thams cad kyi gnas dang/ skyed pa'i rgyur gyur pas na sa'i snying po'o/ /sems can gyi snod kyi ngo bo nyid 'gro ba rnams rnam par 'dzin pa'i rgyu bsod nams dang ye shes kyi tshogs kyi bdag nyid can yin pas na 'gro ba 'dzin pa'o/ /sangs rgyas thams cad kyi skye gnas chen po ni/
- 279a
sangs rgyas kun gyi snying po che zhes bya ste/ gar b+ha zhes bya ba'i sgra 'di ni snying po la yang yod de/ shing gi snying po bzhin no/ /bskyed pa la yang yod do/ /mngal bzhin no/ /de bas na bskyed pa'i don ltar na yang de bzhin gshegs pa thams cad la sogs pa'i dkyil 'khor spros pas na sangs rgyas kun gyi snying po zhes bya ste/ de bzhin gshegs pa dpag tu med pa'i dkyil 'khor 'dzin par mdzad pas na/ sprul pa'i 'khor lo sna tshogs 'chang zhes bya'o/ /de las phyogs tsam nye bar bstan pa'i ming du zad de/ 'dir shes rab can gyis gzhan dag kyang dpag par bya ba spyang bar bya ste/ sangs rgyas kun gyi snying po che/ /sprul pa'i 'khor lo sna tshogs 'chang zhes bya ba la/ dkyil 'khor thams cad bsdus par gyur la/ bcom ldan 'das rje btsun 'jam dpal gyi don thams cad grub pa nam mkha' ltar dri ma med cing shin tu rnam par dag pa chos kyi dbyings kyi ye shes kyi snying po zhes bya'i dkyil 'khor chen po'i don gyi dgos pa sbas te/ 'dug pas na phyin ci ma log pa'i man ngag las rgyud de 'ongs pa bshad par bya'o// //da ni dkyus ma nyid la 'jug par bya ste/ dngos po kun gyi rang bzhin zhes bya ba la sogs pa ni dka' 'grel gyi tshul du byas kyi/ shin tu rgya che bar ni ma spros so/ /de la dngos po thams cad kyi rang bzhin ni skye ba med pa'i stong pa ste/ de lta bu'i ngo bo nyid kyi na mchog ste/ gtso bo yin pas na/ dngos po kun gyi rang bzhin mchog ces bya ba la/ de nyid kyis na/ dngos po kun gyi rang bzhin 'dzin ces bya'o/ /chos can gyi ngo bo nyid du bshad nas chos rnams kyi ngo bo nyid du bstan par bya ba'i phyir/ skye med chos ste sna tshogs don zhes bya ba la sogs
- 279b
pa gsungs te/ gang la skye ba med pa'i chos te/ chos can la brten pa nyid kyi brtags na skye ba med pas na/ de la brten pa'i chos rnams ni shin tu yang skye ba med pa nyid do zhes pa'i skye ba med pa'i don ni chos brid? kyi don yin no/ /de bas na/ chos kun ngo bo nyid 'chang ba zhes bya'o/ /rtogs? par bya ba'i chos kyi rim pa med pas rtog pa'i rim pa yang med do zhes bya ba bstan par bya ba'i phyir/ shes rab chen pos skad cig la/ /chos kun khong du chud pa 'chad zhes bya ba la sogs pa gsungs te/ 'di ltar phrin las yongs su shes cher sbyangs pas shes bya thams cad thugs su chud pa'i ngo bo nyid kyi shes rab gang yin pa de ni shes rab chen po yin te/ gang gi phyir skad cig ma gcig gis chos thams cad thugs su chud pa ni rnam pa thams cad mkhyen pa'i ye shes yin la/ de de'i bdag nyid kyis 'dzin par mdzad pas na/ shes rab chen pos skad cig la/ /chos kun khong du chud pa 'chang zhes bshad do/ /'dus byas dang/ 'dus ma byas dang/ zag pa dang bcas pa dang/ zag pa med pa dang/ 'jig rten dang/ 'jig rten las 'das pa'i dbye bas phye ba'i chos thams cad do/ /de rnams mngon par rtog pa ni thugs su chud pa ste/ rnam pa thams cad du thugs su chud pa gang yin pa de ni/ chos kun mngon par rtogs pa ste zhes bya'o/ /thub pa zhes bya ba ni sku dang/ gsung dang/ thugs thub pa dang ldan pas mi dge ba bcu'i las kyi lam las ldog cing dge ba'i chos thams cad yang dag par ldan pas na thub pa'o/ /blo mchog ni chos thams cad thugs su chud pa dang ldan pa'i blo gang yin pa de ni blo mchog go /'byung ba ni bden pa ste/ de kho na nyid do/ /de'i mthar ni mthar thug pa ste/ de kho na nyid kyi mdza' thugs su chud pa ni 'byung po'i mdza' zhes bya'o/ /yang na
- 280a
'byung po srog chags rnams so/ /de'i mdza' ni mya ngan las 'das pa ste/ skye ba'i mdza' thug pa ni mya ngan las 'das pa yin pa'i phyir mi gnas pa'i mya ngan las 'das pa'i ngo bo nyid kyis thub pa ni thub pa yang dag mdza' zhes bya'o/ /mi g.yo rab tu dad pa'i bdag ces bya ba la sogs pa la gnas ngan len dang rnam par rtog pa thams cad spangs pas na brtan zhing mi 'gyur bar gnas pa ni g.yo ba'o/ /ma rig pa dang 'dod chags la sogs pa'i rnyog pa dang bral bas shin tu yang rab kyi mthar thug pas dri ma med pa'i ngo bo nyid kyi yid kyi rang bzhin gyi sku'i rang bzhin can yin pas na rab tu dad pa'i bdag go /yang dag par rdzogs pa'i byang chub ni zad pa dang mi skye ba'i ye shes te/ nyon mongs pa ma lus par zad pa dang slar yang mi skye ba dag ni dus gcig pa ste/ rkun ma phyung ba dang sgo gtan bcug pa lta bu dang/ tshul mthun no zhes bye brag tu smra ba dag 'dod do/ /zad pa dang mi skye ba'i ye shes dri ma med pa'i byang chub bshad par bya ste/ zad pa med pa ni mi skye ba'i mdza' yin par rim pa ji lta ba bzhin du shes par bya'o/ /de yang 'dus byas thams cad zad pa'i tshul nyid ni stong pa'o/ /stong pa nyid kyi ngo bo nyid yin pas na 'dus byas nyid 'dus ma byas so/ /de bas na 'dus byas dang 'dus ma byas kyi chos thams cad mnyam pa nyid mi zad pa'o/ /zad pa de yang 'gribs pa med de/ gang gi phyir zad pa de la ni zad pa med do/ /gal te zad pa zad par gyur na ni 'gog pa yang zad par 'gyur te/ 'gog pa med par thal bar 'gyur bas mi 'dod do/ /de bas na zad par ni zad par mi 'gyur ro/ /gang zad par mi 'gyur ba de ni mi skye ba'o/ /gang mi skye ba de ni 'gag par mi 'gyur ro/ /de ltar chos thams cad mnyam pa nyid dang/ chos
- 280b
thams cad de bzhin nyid du rtogs pa de ni byang chub ste/ zad pa dang mi skye ba'i ye shes ni byang chub ces bya la/ de de'i bdag nyid kyis 'dzin par mdzad pas na/ rdzogs pa'i sangs rgyas byang chub 'chang zhes bya'o/ /sgrib pa thams cad las rnam par grol ba'i ye shes ni shes bya thams cad snang ba'i bdag nyid can yin pas me lce dang 'dra bas na ye shes me lce ste/ de ni rnam pa thams cad du 'od rab tu gsal ba'o/ /de bas na rnam pa thams cad du sangs rgyas kun gyi mngon sum pa yin te/ sangs rgyas rnams kyi byang chub ni nam yang mngon sum du ma gyur pa ma yin no/ /sangs rgyas thams cad kyi byang chub kyi ngo bo nyid du gyur pas na sangs rgyas thams cad kyi ye shes me lce 'od rab tu gsal ba'o/ /'dod pa'i don zhes bya ba la 'dod pa ni dgos pa'i gtso bo ste/ sangs rgyas nyid do/ /mtho ris dang/ longs spyod dang/ dbang phyug dang/ rig 'dzin grub pa la sogs pa ni zhar la 'grub ste/ de bas na/ dags pa rnam pa gnyi ga yang 'dod pa'i don grub pa ni rdzogs par byed pa'o/ /mchog ni 'jig rten dang 'jig rten las 'das pa'i 'bras bu rtsol ba'i phul du byung ba yin pas na/ 'dod pa'i don dam sgrub pa ste zhes bya'o/ sems can dmyal ba dang/ yi dags dang/ dud 'gro'i bar 'dug par byed pa'i las kyi gnyen por gyur pa thar pa dang rjes su mthun pa'i chos rnams ston par mdzad pas na/ ngan song thams cad rnam spyod pa'i/ /mgon po sems can kun gyi mchog ces bya'o/ gang gi phyir nyon mongs pa'i 'ching ba thams cad la grol ba'i thabs thams cad la mkhas pa'i stobs kyis sems can thams cad yongs su grol bar mdzad pas/ sems can thams cad rab grol byed ces bya'o/ /sems can rnams kun nas nyon mongs pas na nyon mongs pa ste/ bdag dang bdag gir mngon par
- 281a
zhen pa'i rtsa ba 'dod chags la sogs pa'o/ /de dang lhan cig tu g.yul sprod pas na nyon mongs pa'i g.yul der dpa' bo gcig pu'o/ /dgra gang yin zhe na/ mi shes pa'i dgra'o/ /de'i dregs pa ni bdag nyid gcig pu nyid kyis sems can ma lus pa mi shes pa'i zhags pas bcings la ngan song gsum du ltung bar bya'o/ /zhes brnyas pa dang/ bcas pa'o/ /des bcom pas na/ mi shes dgra'i dregs pa 'jom pa'o/ /yang na nyon mongs pa'i g.yul du dpa' bo nyid gang yin zhe na/ gang mi shes pa'i dgra'i dregs pa bsal ba ste/ de yang nyon mongs pa rnams shes rab kyi ral gris mi shes pa'i rgyal po nges par bcom nas/ de'i stobs kyis rnam par rol cing rtsa ba bcad pas gzhan dag kyang bcom par gyur pa ni/ nyon mongs g.yul du gcig dpa' ba/ /mi shes dgra yi dregs pa 'joms zhes bya'o/ /shes rab kyi rang bzhin gyi sku dang ldan pa rje btsun 'jam dpal gcig pu nyid sangs rgyas dang byang chub sems dpa' thams cad gyi bdag nyid du gyur pas de las lhag pa gzhan med par bstan nas/ nyon mongs pa dang da dud dang mu stegs pa las rnam par rgyal ba'i dga' ston gyi gar gyis 'dul ba'i 'gro ba rnams 'dul bar bya ba'i phyir sgeg pa la sogs pa gar stabs kyi nyams dgu'i khyad par gyis phul du byung bar bstan par bya ba'i phyir/ dpal ldan blo dang sgeg pa 'chang zhes bya ba la sogs pa gsungs te/ sems can rnams dang cing rjes su chags par byed pa'i ngo bo nyid kyi dngos po ni sgeg pa'i gar stabs yin la/ shes rab kyang dri ma med cing sems can thams cad kyi sems kyi spyod pa rjes su mkhyen nas rjes su dga' bar mdzad pa'i tshul ni sgeg pa'o/ /de 'dzin par mdzad pas na sgeg 'chang ngo/ /glegs bam la la las ni/ blo ldan sgeg
- 281b
'chang dpal dang ldan zhes zer te/ der ni bde gshegs dri med pa'i/ /shes rab rdo rje rnam par bshad ces gsungs pas dri ma med pa'i shes rab kyi bdag nyid can yin pa'i phyir blo'o/ /gal te blo yin na de ni so so rang rig pa'i bdag nyid can gzugs can ma yin pas ji ltar na des sna tshogs pa'i gzugs kyis gdul bya'i don rdzogs par mdzad ce na/ 'dir bshad par bya ste/ sems shin tu rnam par dag pa nyid de dang der so sor snang ba yin la/ rje btsun 'jam dpal gyis kyang dpal rdo rje snying po'i rgyan gyi rgyud las/ de bas sangs rgyas skyob kun gyi/ /zag pa med pa'i shes rab ste/ /shes rab dri med bsam mi khyab/ /sems dpa' i lus su gyur pa yin/ /dngos dang dngos med rnam dpyad pas/ /nga med sangs rgyas thams cad kyang/ /bdag gi dbang du 'jug gyur pa/ /e ma ho/ chos nyid bsam mi khyab ces gsungs pa'i phyir ro/ /de bas na sgeg pa la sogs pa'i nyams dang shin tu ldan pa'i gzugs sna tshogs pas gdul bya'i skye bo rnams kyi don rdzogs par mdzad pas na dus thams cad du ma tshang ba med pas sems can gyi don rgyas par mdzad pa yin no/ /des na blo ldan sgeg 'chang dpal dang ldan zhes zer ba'i tshig shin tu rigs pa yin no/ /bdud la sogs pa'i dgra nges par bzlog cing 'jigs pa mi mnga' ba'i gzugs mod la 'dzin par mdzad pas na brtan po'i gzugs 'chad ba'o/ /shin tu drag cing mi bzad pa 'jigs su rung ba'i gzugs 'dzin par mdzad pas na mi sdug gzugs can 'chang ba'o/ /de yang sgeg pa dang/ dpa' bo dang/ mi sdug pa dang/ rgod pa dang/ rngam pa dang/ snying rje dang/ 'jigs su rung ba dang/ zhi ba dang/ rmad du byung ba'i gar gyi bye brag gis kun tu bskyod cing smin ma'i khro gnyen
- 282a
dang/ spyan 'bar bar snang zhing zhal gyi dbyibs du ma rnams dang/ mtshon cha sna tshogs pa bsnams pas gtum pa'i lag pa brgyad po gar gyi rnam pa'i bya ba sna tshogs par bzhag pa'i zhabs brgya rnams kyis nam mkha' i khams thams cad khyab cing sku dang/ phyag dang zhabs kyis khyab pa'i rnam par rol pa rnams kyis gar mdzad cing sgyu 'phrul chen po'i gar gyi dbang phyug tu gyur pa ni bcom ldan 'das nyid yin no zhes bya ba ni lag pa brgya po kun bskyod cing/ gom pa'i stobs kyis gar byed pa/ /dpal ldan lag pa brgyas gang la/ /nam mkha' khyab par gar byed pa zhes byed pa zhes bya ba bsdus pa'i don yin no/ /yan lag gi don yang bstan par bya ste/ sems can gdug pa rnams brdeg pa dang/ 'dul ba dang/ chad pas bcad pa'i phyir lag pa rnams kyi lag par brgya ste/ des kun nas sems can gyi sdug bsngal g.yo bar byed cing bskyod pa gang yin pa de ni/ lag pa brgya po kun bskyod cing zhes bya'o/ /zhabs 'jog pa ni sems can gdul bar byed pa'i rgyu/ /rdzu 'phrul gyi rkang pa rnam pa bzhi ste/ rdzu 'phrul gyi rkang pa rnam pa bzhi ni zhabs so zhes gsungs pa'i phyir ro/ /de bas rdzu 'phrul dang/ cho 'phrul rnams kyis mgu bar mdzad nas mi gnas pa'i mya ngan las 'das pa la nges par 'jog par byed pa'i stabs ni gom pa'i stabs so/ /de nyid kyi gar gang la yod pa de ni gom pa'i stabs kyis gar byed pa'o/ /'di skad ston par 'gyur te/ thabs sna tshogs pa rnams kyis sems can rnams theg pa chen po la btsud/ de mi gnas pa'i mya ngan las 'das pa'i sangs rgyas nyid dam/ rdo rje 'chang chen po nyid la rab tu 'jog pa ni sangs rgyas dang byang chub sems dpa' rnams
- 282b
kyi gar yin gyi/ lag pa dang/ rkang pa rnam par bskyod pa tsam ni ma yin te/ de bas na lag pa brgya po kun bskyod cing/ /gom pa'i stabs kyis gar byed pa zhes bshad do/ /de nyid kyis na/ dpal ldan lag pa brgyas gang la/ /nam mkha' khyab par gar byed pa zhes bya ba ste/ bsod nams dang ye shes kyi tshogs tshad med pa nye bar bsags pas khyab pa dang/ nam mkha' i khongs na gnas pa'i sems can gyi don mdzad pa'i bya ba'i gar gyis bar mdzad pa'i dbang phyug dam pa gar gyi sgyu 'phrul chen po'i dbang phyug ni rje btsun 'jam dpal yin no/ /'jig rten las 'das pa'i gar gyi bya ba rnam par bzhag pa'i khyad par bstan par bya ba'i phyir/ sa yi dkyil 'khor gzhi yi khyon/ /rkang pa ya gcig mthil gyis gnon/ /rkang mtheb sen mo'i khyon gyis kyang/ /tshangs pa'i g.yul sa rtsa nas gnon zhes bya ba gsungs te/ sa'i dkyil 'khor ni sa chen po'i dkyil 'khor ro/ /de'i gzhi ni steng gi cha ste/ de zhabs gcig gi mthil nas gnon cing ljid kyis phab pas gzung nas bzhugs pas na/ sa yi dkyil 'khor gzhi yi khyon/ /rkang pa ya gcig mthil gyis gnon zhes bya'o/ /tshangs pa'i g.yul sa'i sgras ni srid pa'i rtse mo'i steng nas nam mkha' i mthar thug pa'i thod pa'i gzugs su mu stegs pa rnams kyis yongs su brtag pa'o/ /de'i rtse mo ni steng gi cha ste/ de ni tshangs pa'i g.yul sa'i rtse mo'o/ /gnon pa ni mnan pa'o/ /zhabs gang gis tshangs pa'i g.yul sa'i rtse nas gnon pa'i zhabs de'i mthe bo'i sen mo der 'jog pa gang yin pa de ni/ rkang mtheb sen mo'i khyon gyis kyang/ tshangs pa'i g.yul sa rtse nas gnon zhes bya'o/ /'di skad ston par 'gyur te/ zhabs gcig gi mthil gyis sa gzhi 'og
- 283a
nas mnan nas/ zhabs gnyis pa'i mthe bo'i sen mo'i rtse mos tshangs pa'i g.yul sa rtse mo nas mnan te gar gyi byed pa sna tshogs pa'i thabs kyis rnam par gnon zhing zab cing brtan pas nam mkha' i khong/ thams cad khyab pa'i gar gyis 'gengs la/ dri ma med cing mdza' yas pa'i sgyu rtsal dang ldan pas 'jam pa'i dbyangs rab tu gar mdzad cing bzhugs pa'o/ /la la las ni/ rkang mtheb sen mo gnas pa ni/ /tshangs pa'i g.yul sa rtse nas gnon zhes zer ro/ /deng sa'i dkyil 'khor du rkang pa gcig gis mnan nas gnas pa'o/ /de gang yin zhes dris pa la/ rkang mtheb sen mo zhes bya ba ni lan no/ /des ji tsam khyab nas gnas so zhes rtogs pa la/ tshangs pa'i g.yul sa rtse nas gnon zhes bya ba ni lan no/ /der de lta bu'i khyad par can gyi zhabs kyi mthe bo'i sen mos bcom ldan 'das bzhugs so zhes bya ba ni tshig gi lhag ma'o/ /yang na sa'i dkyil 'khor gzhi'i khyon la gnas pa gang yin pa de nyid tshangs pa'i g.yul sa rtse nas gnon pa ste/ zhabs kyi rkang pa'i mthe bo'i sen mo gcig gis der yang gnas so zhes bshad do/ /'jog pa ni gnyi ga dang sbyar bar yang rigs pa las 'dir tshigs su bcad pa shugs kyis de dang 'byor pa'i don dang sbyar bar bya ste/ rang gar ni ma yin no/ /rang dgar ni phyi rol gyi bstan bcos la mtshams sbyor te/ brtag pas gzhan du tshigs bcad byas pa ni mi rigs te/ lung ma yin par thal bar 'gyur ro/ /gdul ba'i thabs rnam pa sna tshogs pas sems can sna tshogs pa'i rgyud la sems can rnams 'dul par bya ba'i phyir spros pa'i gzugs de dag tu gsungs pa yin gyi/ don dam par ni don gcig gnyis med chos kyi don dam
- 283b
pa'i don de 'jigs pa mad ces bya ba ste/ don gcig pu nyid gang zhe na/ gnyis su med pa'i chos kyi don te/ spros pa thams cad dang bral ba'i de bzhin nyid kyi bdag nyid can gnyis su med pa'i ye shes so/ /don dam pa de la ni gzhan du 'gyur pa yod pa yin te/ rgyun gyis rtag pas rnam pa thams cad du gnas pas na/ dam pa'i don de 'jigs pa med ces bya'o/ /de ltar gnyis su med cing shin tu rnam par dag pa'i ye shes kyi rang bzhin yin yang sngon goms pa'i thugs rje chen po dang/ smon lam gyi shugs kyis sna tshogs par snang ba'i gdul bya'i skye bo rnams dang rjes su mthun pa'i rnam par shes pa bskyed par mdzad pas na/ rnam rig sna tshogs gzugs don can zhes bya'o/ /sems ni rnam par mi rtog pa'i ye shes so/ /rnam shes ni rnam par shes pa'i mtshan nyid can te/ rnam par rtog pa dang bcas pa'i yid do/ /de gnyis ni rgyud kyi 'jug pas rab tu 'jug pa ste/ rnam par rtog pa dang bcas pa dang/ rnam par rtog pa med pa'i sems kyi rgyun rab tu dang pa'i me long gi nges dang 'dra ba la gdul ba'i skal ba dang rjes su mthun par snang ba skyed par mdzad pas na/ sems dang rnam shes rgyud dang ldan zhes bya'o/ /dngos don ma lus ni rang dang spyi'i tshul gyis brtags pa'o/ /der dga' ba ni kun tu zhes pa ste/ de nges par brtags pa'i phyir ro/ /de yang dngos po thams cad kyi rang gi ngo bo nyid thugs su chud pa las sangs rgyas su 'gyur gyi dngos po la mngon par zhen pa las gzhan pas dngos po rnams kyi ngo bo nyid rnam par dpyod par mi 'byung ngo/ /de bas na dngos po la mngon par zhen pa'i skye bo rnams dga' bar bya ba'i phyir/ dngos don ma lus rnams la dga' zhes bya'o/ /don dam par ni stong pa nyid la dga' zhing mngon par zhen pa med pa'i tshul gyi mngon par zhen pa'i dga' ba dang/
- 284a
bral ba nyid ni stong pa nyid la dga' ba'o/ /gzugs dang gzugs med pa'i khams gnyis la mngon par zhen cing shin tu chags pa ni srid pa'i 'dod chags te/ kha nar du bltas par 'jug cing bsam gtan dang gzugs med pa rnams la thar par 'du shes pa rnams las bzlog pa'i phyir khams gnyis las byung ba'i 'dod chags ni srid pa'i 'dod chags yin no zhes bcom ldan 'das kyis gsungs so/ /srid pa'i 'dod chags la sogs pa las 'das par rgyu? pas na/ srid pa'i 'dod chags sogs spangs pa'o/ /sogs pa'i sgrag ni 'dod pa'i 'dod chags gzung ste/ 'dod pa rnams la chags pas na 'dod pa'i 'dod chags so/ /de ltar na/ srid pa'i 'dod chags sogs spangs pa zhes bya'o/ /chos thams cad stong pa nyid du thugs su chud pas 'dod pa dang gzugs dang gzugs med par nye bar dmigs pa'i 'dod chags de dag dang bral du zin kyang/ thugs rje chen pos srid pa gsum du skyes pa'i sems can rnams/ gdon par bya ba la mngon par dgyes pas nas/ srid gsum dga' ba chen po ba zhes bya ste/ srid pa gsum la dga' ba chen po gang la yod pa de la de skad ces bya'o// //sems can gyi don mdzad pa'i gar stabs kyi tshul bshad nas/ bcom ldan 'das shin tu yang mdangs dang gzi brjid nyid dang ldan par bya ba'i phyir/ sprin dkar dag pa bzhin du dkar zhes bya ba la sogs pa gsungs te/ sprin ni chu? 'dzin no/ /dkar ba ni shin tu yang dkar pa'o/ /dag pa ni kha dog gzhan dag dang ma 'dres pa'o/ /de ltar na sprin dkar pa dag pa bzhin du dkar pa la ni/ sprin dkar dag pa bzhin du dkar zhes bya'o/ /dang zhing gsal la 'gro ba rnams tshim par byed pa'i 'od zer dkar po dpag tu med pa mnga' bas na/ 'od bzang ston ka'i zla ba'i 'od ces bya'o/ /thugs rje chen po'i chags
- 284b
par dmar pa'i sen mo mnga' bas na/ sen mo'i 'od ni shas cher dmar zhes bya'o/ /de nyid kyis na/ nyi ma 'char ka'i dkyil ltar mdzes bya ba ste/ dang po 'chad pa'i nyi ma'i dkyil 'khor gyi mdang ltar dmar ba'i 'od gang la yod pa de la skad ces bya'o/ /'di skad ston par 'gyur te/ shin tu rnam par dag pa'i shes rab kyi rang bzhin can gyi sku dang ldan pas/ sprin dkar dag pa bzhin du dkar zhes bya'o/ /shes rab kyi 'od zer 'phro bas rnam par mdzes pa'i 'od mnga' bas na 'od bzang ston ka'i zla ba'i 'od do// thugs rje chen po'i chags pa'i mdangs kyis phyi rol tu snang ba'i 'od dang ldan pa'i sku mnga' bas na/ nyi ma 'char ka'i dkyil ltar mdzes/ sen mo'i 'od ni shas cher dmar zhes bya'o/ /rin po che mthon ka'i rtse mo 'od kyi tshogs kha dog spro ba ste/ sto? ka'i rtse ltar bzang zhing mdzes pa'i zung? lnga gar? la mnga' ba de ni/ cod pan bzang po mthon ka'i rtse zhes bya'o/ /skra rnams kyi mchog ni mchog ste/ skra gzhan las thams cad kyi mchog ces bya ba'i don to/ /mthon ka chen po ltar shin tu sngo ba'i skra'i? mchog 'chad bar mdzad pas na/ skra mchog mthon ka chen po can zhes bya'o/ /mthon ka dang mthon ka chen po'i dbye ba ni 'di yin te/ mthon ka ni cung zad sngo ba ste/ cung zad dmar ba dang 'dra'o/ /de nyid shin tu shas cher sngo ba ni mthon ka chen po ste/ rigs kyi bye brag yod pa ni ma yin no/ /nor bu chen po ni 'gro ba ma lus pa'i mngon par 'dod pa'i don yang dag par rdzogs par mdzad pa la gzhol bas na sangs rgyas bcom ldan 'das la bya'o/ /de rnams kyi 'od chags pa ni kha dog sna tshogs pa'i sprul ba'i 'od zer rnams te/ 'od zer de rnams kyis mdzes pa'i dpal gang la yod pa de ni/ nor bu chen po'i 'od chags dpal zhes bya ste/ gang gi phyir mdog sna tshogs de'i nges par 'byung ba'i rgyan thams cad zil gyis gnon par byed pa ni
- 285a
sangs rgyas sprul pa'i rgyan dang ldan zhes bya ste/ shin tu yang legs par brgyan par byas pa'o zhes bya ba'i don to/ /'jig rten khams brgya kun bskyod pa/ /rdzu 'phrul rkang pa'i stobs chen ldan zhes bya ba la/ de la rdzu 'phrul gyi rkang pa ni bzhi ste/ bzhi gang zhe na/ 'di lta ste/ 'dun pa dang/ brtson 'grus dang/ sems dang/ dpyod pa'o/ /de rnams kyi rtsa ba dang gzhi dang gnas ni byams pa dang snying rje dang dga' ba dang btang snyoms so/ /de tshad med pa bzhi po 'di bsten cing bsgoms la mang du byas pas sems las su rung ba thob par 'gyur ro/ /de sems las su rung ba thob pas bsam gtan dang po la mnyam par 'jog go /de bzhin du gnyis pa dang/ de bzhin du gsum pa dang/ de bzhin du bzhi pa la yang mnyam par 'jog ste/ de bsam gtan thob pas lus sems yang ba thob par 'gyur ro/ /de lus dang sems yang ba dang ldan pas mngon par shes pa la 'jug pa mngon par sgrub po/ /de mngon par shes pa la 'jug pa mngon par sgrub pa dang ldan pas 'dun pa las sam/ brtson 'grus las sam/ sems las saM/ dpyod pa las rdu 'phrul gyi rkang pa bskyed do/ /de la 'dun pa ni gang chos de dag la mngon du phyogs pa'o/ /de la brtson 'grus ni gang chos de dag sgrub pa'o/ /sems ni gang chos de dag la rtog pa'o/ /dpyod pa ni gang chos de dag la mkhas pa ste/ de rdzu 'phrul gyi rkang pa mngon par 'grub pa rnams kyis yang dag par 'grub pa ste/ de'i phyir na rdzu 'phrul gyi rkang pa zhes bya'o/ /de la 'dun pas ni rnam par sgrub pa'o/ /brtson 'grus kyis ni rdzogs par byed do/ /sems kyis ni rnam par 'jog go /dpyod pas ni rnam par 'byed do/ /de la byang chub sems dpa' rnams kyi rdzu 'phrul gyi rkang pa ni mos pa las byung ba/ mngon par 'du byed pa med pa/ rang gi sems bskyed pas dbang byed dang/ ji ltar 'dod
- 285b
ba bzhin du 'gro ba/ /yongs su sbyang ba legs par byas pa/ rtsa ba la shin tu gnas pa/ thams cad du rgyu zhing rlung dmar bzhin du thogs pa med pa nam mkha' i mthar thug pa ste/ btsun pa sha radwA ti'i bu de dag ni byang chub sems dpa' rnams ni rdzu 'phrul gyi rkang pa bzhi mi zad pa'o zhes bya ba'i rdzu 'phrul gyi rkang pas 'jig rten gyi khams mdza' yas pa gnon par mdzad pas na/ 'jig rten khams brgya kun bskyod pa/ rdzu 'phrul rkang pa'i stobs chen ldan zhes bya ste/ 'jig rten gyi khams brgya zhes pa ni nye bar mtshon pa'i don tsam yin gyi/ gzhan du na sa dang po nyid la 'jig rten gyi khams brgya g.yo bar byed pa yin pas phul du byung ba ci zhig yod par bshad pa yin/ de yang sa bcu pa'i mdo las/ sa'i rgya cher gsungs nas nye bar bsdu ba'i tshul gyis gsungs pa ji ltar 'dod pa de lta bu'i gzugs dang/ brtson 'grus ji lta bu dag rtsom zhe na/ da 'dod na skad cig yud tsam thang cig la khyim dang chung ma dang rgyal srid thams cad yongs su spangs te/ de bzhin gshegs pa'i bstan pa la rab tu byung ba dang/ rab tu byung nas kyang skad cig yud tsam thabs cig la ting nge 'dzin brgya rab tu 'thob cing snyoms par 'jug pa dang/ sangs rgyas brgya mthong ba dang/ de dag gi byin gyis brlabs kyang yang dag par shes pa dang/ 'jig rten gyi khams brgya bskyod pa dang/ sangs rgyas kyi zhing brgyar 'gro ba dang/ 'jig rten gyi khams brgya snang bar bya ba dang/ sems can brgya yongs su smin par bya ba dang/ bskal ba brgyar gnas par bya ba dang/ sngon gyi mdza' dang/ phyi ma'i mdza' bskal pa brgya la rab tu 'jug pa dang/ chos kyi sgo brgya rnam par 'byed pa dang/ lus brgya yongs su bstan pa dang/ re re la yang byang chub sems dpa' i 'khor brgya yang dag par bstan par bya ba'i brtson 'grus kyi rnam pa de lta bu rtsom mo/ /de
- 286a
yan chad byang chub sems dpa' i smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam rdzu 'phrul lam/ mig gam/ spyod yul lam/ dbyangs sam spyod pa 'am/ rgyan nam byin gyis brlabs sam/ mngon par 'du byed pa dag kyang bskal pa du ma dang/ bskal pa brgya phrag du ma dang/ bskal pa stong phrag du ma dang/ bskal pa brgya stong phrag du ma dang/ bskal pa bye ba khrag khrig brgya stong du mas kyang bgrang bar dka' o/ /de lta yin na yang nye bar mtshon pa'i don tsam du smos pa la yang nyes pa med do/ /sangs rgyas thams cad gyi yon tan gyi bdag nyid du gyur pa'i phyir dran pa nye bar gzhag pa dang rjes su mthun pa'i tshul gyis khyad par du 'phags pa bstan par bya ba'i phyir de nyid dran pa chen po 'chang/ dran pa bzhi po ting 'dzin rgyal zhes bya ba gsungs te/ dran pa chen po ni dran pa nye bar gzhag pa'i yul bcu ste/ dran pa nye bar gzhag pa bcu ni chos yang dag par sdud pa'i mdo las rgya cher ston te de la de nas byang chub sems dpa' chen po blo gros rnam par gdon gyis byang chub sems dpa' sems dpa' chen po rtsom pa med la 'di skad ces smras so/ /rigs kyi bu byang chub sems dpa' i dran pa nye bar gzhag pa ni gang/ dran pa ni gang/ dran pa'i gnas ni gang/ de skad ces smras pa dang/ byang chub sems dpa' sems dpa' chen po rtsom pa med kyis byang chub sems dpa' sems dpa' chen po blo gros rnam par gzhon pa la 'di skad ces smras so/ /rigs kyi bu byang chub sems dpa' rnams ni chos thams cad la mi skye ba shes pa dran pa yin no/ /byang chub sems dpa' rnams ni mi skye ba'i shes pa'i smon lam can te/ de dag gi dran pa de yang mi skye ba shes pas yongs su spyad pa byas pa/ thams cad du mi bskyod pa/ dran pa
- 286b
mi g.yo ba/ bting dang 'gram mi rtog pa dang/ 'jig rten pa dang/ nyan thos dang rang sangs rgyas thams cad kyis shes par dka' ba ste/ byang chub sems dpa' i dran pa gang gis sangs rgyas thams cad kyis gsungs te kun 'dzin pa'i dran pa de ni de bzhin gshegs pa dgra bcom pa yang dag par rdzogs pa'i sangs rgyas kyi mngon sum mo/ /byang chub sems dpa' i dran pa de ni 'di 'dra'o/ /byang chub sems dpa' de'i dran pa de'i gnas ni rnam pa bcu ste/ lus dran pa nye bar gzhag pa dang/ tshor ba dran pa nye bar gzhag pa dang/ sems dren pa nye bar gzhag pa dang/ chos dran pa nye bar gzhag pa dang/ sangs rgyas rjes su dran pa'i dran pa nye bar gzhag pa dang/ chos rjes su dran pa'i dran pa nye bar gzhag pa dang/ dge 'dun rjes su dran pa'i dran pa nye bar gzhag pa dang/ tshul khrims rjes su dran pa'i dran pa'i dran pa nye bar gzhag pa dang/ gtong ba rjes su dran pa'i dran pa nye bar gzhag pa dang/ lha rjes su dran pa'i nye bar gzhag pa ste/ 'di dag ni dran pa nye bar gzhag pa bcu'o/ /de la byang chub sems dpa' rnams kyi lus dran pa nye bar gzhag pa gang zhe na/ 'di la byang chub sems dpa' lus 'di ni sngon gyi mdza' nas ma 'ongs/ phyi ma'i mdza' mi 'pho/ sngon gyi mdza' dang/ phyi ma'i mdza' la mi gnas te/ gzhan du na yang dag pa ma yin pa/ phyin ci log las byung ba/ byed pa po dang/ tshor ba po med pa/ thog ma dang/ tha ma dang/ dbus med pa/ rtsa ba gnas pa med pa/ bdag po med pa dang/ nga yi ba med pa/ yongs su 'dzin pa med ste/ tshogs zhes bya ba dang/ lus zhes bya ba dang/ longs spyod ces bya ba dang/ gnas zhes bya ba dang/ ro zhes bya ba dang/ skye mched ces bya ba ni glo bur gyi tha snyad du btags pa'o/ /lus 'di ni ni snying po med pa ste/ pha ma'i khu ba dang khrag las byung ba/ rul ba/ rang bzhin yis dri mi zhim pa/ 'dod chags dang
- 287a
zhe sdang dang/ gti mug dang/ 'jigs pa dang/ sgyid lug pa'i rkun pos bkrugs pa/ rtag tu 'jigs pa dang/ 'dul ba/ 'bral ba/ rnam par 'thor ba/ rnam par 'joms pa'i chos can/ nad tha dad pa brgya stong gi tshang ngo/ /snyam du lus la dran pa nye bar 'jog go /gzhan yang rigs kyi bu byang chub sems dpa' ni 'di ltar lus 'di ni rkang pa dang/ rkang sor dang/ byin pa dang/ brla dang/ dku do dang/ lto ba dang/ lte ba dang/ sgal tshigs dang/ snying dang/ rtsib logs dang/ rtsib ma dang/ lag pa'i thal mo dang/ dpung pa dang/ thal gong dang/ mgrin pa dang/ 'gram pa dang/ dpral ba dang/ mgo'i thod pa 'dus pa tsam ste/ las 'byung ba'i byed pas bsags pa nyon mongs pa dang/ nye ba'i nyon mongs pa dang/ kun tu rtog pa dang/ rnam par rtog pa tha dad pa brgya stong gi gnas so/ /'di ni rdzas mang po 'dus pa 'di lta ste/ skra dang spu dang/ sen mo dang/ so dang/ rus pa dang/ pags pa dang/ sha dang/ lus dang/ rgyus pa dang/ tshil dang/ zhag dang/ chu ser dang/ mched pa dang/ gcin dang/ phyi sa dang/ po ba dang/ long ka dang/ khrag dang/ ngar snabs dang/ mkhris pa dang/ rnag dang/ mchil ma dang/ klad pa dang/ klad rgyas rnams te/ de ltar rdzas mang po 'dus pa yin na de la lus zhes ji skad du bya snyam du lus la dran pa nye bar 'jog go /de so sor rtog pa na 'di snyam du sems te/ lus 'di ni nam mkha' dang mtshungs so snyam nas de lus la nam mkha' ltar dran pa nye bar 'jog go /de thams cad nam mkha' ltar mthong ngo/ /de lus yongs su shes par bya ba lus gang du yang dran pa mi 'jug go /mi ldog go /mi 'jug mi ldog pas dran pa la gnas pa zhes bya'o/ /de ltar dran pa la gnas pas ni lus ji ltar de ltar byang chub kyang de bzhin du shes te 'di la thogs par bya ba med do//
- 287b
de ci'i phyir zhe na/ gang du thogs pa de thams cad ni tshul bzhin ma yin pa ste/ 'di ni byang chub sems dpa' i lus dran pa nye bar gzhag pa zhes bya'o/ /de la byang chub sems dpa' i tshor ba dran pa nye bar gzhag pa gang zhe na/ 'di la byang chub sems dpa' 'di snyam du sems te/ tshor ba zhes bya ba ni khong du chud pa ste/ rig pa de yang phyin ci log dang/ phyin ci ma log pa dang/ de gnyi ga las rnam par grol pa'i snyam mo/ /de la byis pa so so'i skye bo sems g.yengs pa byin ci log tu gyur pa rnams kyi tshor pa ni phyin ci log ste/ de dag ni mi rtag pa la rtag par tshor ro/ /sdug bsngal ba la bde bar tshor ro/ /bdag med pa la bdag tu tshor ro/ /mi gtsang ba la gtsang bar tshang ngo/ /'di ni phyin ci log gi tshar ba'o/ /gang mi rtag pa la mi rtag par tshor ba dang/ sdug bsngal ba la sdug bsngal bar tshor ba dang/ bdag med pa la bdag med par tshor ba dang/ mi gtsang ba la mi gtsang bar tshor ba 'di ni nyan thos rnams kyi tshor ba'o/ /gang mi rtag pa la mi rtag pa dang/ mi rtag pa yang ma yin par tshor ba dang/ sdug bsngal ba la sdug bsngal ba yang ma yin bde ba yang ma yin par tshor ba dang/ bdag med pa la bdag med pa dang bdag med pa yang ma yin par tshor ba dang/ mi gtsang ba la mi gtsang pa dang mi gtsang ba yang ma yin par tshor ba 'di ni byang chub sems dpa' rnams kyi tshor ba'o/ /byang chub sems dpa' de ltar tshor ba ni tshor ba po yang dag par rjes su mi mthong ngo/ /de mi mthong bas tshor ba yang dag par rjes su mi mthong ngo/ /de 'di snyam du sems te/ bcom ldan 'das kyis kyang 'dus byas thams cad ni/ tshor ba po zhes gsungs so/ /gal te 'dus byas thams cad tshor ba yin na ni 'di la tshor ba po zhes bya ba ci zhig yod/ tshor ba ni tshor bar byed pa ma yin tshor bar bya ba dang tshor ba dang tshor bar byed pa ma yin/ 'dus ma byas kyang 'dus byas tshor bar byed pa ma
- 288a
yin/ 'dus byas dang 'dus ma byas las rnam par grol ba'i tshor bar byed pa gang yang med de/ de ltar tshor ba de dag tshor ba med par yang dag par rjes su mthong ngo/ /'di la tshor ba la rtsol ba gang yang dag par rjes su mi mthong ste/ byang chub ji ltar tshor ba yang de bzhin du yang dag par rjes su mthong ba 'di ni byang chub sems dpa' i tshor ba dran pa nye bar gzhag pa zhes bya'o/ /de la byang chub sems dpa' sems dran pa nye bar gzhag pa gang zhe na/ 'di la byang chub sems dpa' 'di snyam du sems te/ gang tshor ba de ni sems tsam mo/ /sems de yang gnas pa med pa/ gzung du med pa/ lus med pa'o/ /gang gnas med pa/ lus med pa de'i gnas ji lta bu zhig yod snyam mo/ /sems kyis sems mi shes so// sems kyis sems mi mthong ngo/ /gang la brten nas 'byung ba'i sems de yang gzhan la rag las pa dang dbang med par mthong ngo/ /sems ma rtogs par byang chub kyang mi shes so/ /de byang chub sems tsam du shes pas sems la dbang thob bo/ /de sems la dbang bas theg pa chen po la dbang byed pa dang/ sems can thams cad la yang sems snyoms pa dang/ theg pa chen po la gzhan gyi dring mi 'jog pa yin te/ 'di ni byang chub sems dpa' i sems dran pa nye bar gzhag ba zhes bya'o/ /de la byang chub sems dpa' i chos dran pa nye bar gzhag pa gang zhe na/ 'di la byang chub sems dpa' dge ba 'am/ mi dge ba 'am/ kha na ma tho ba dang bcas pa 'am/ kha na thob med pa 'am/ zag pa dang bcas pa 'am/ zag pa med pa 'am/ 'jig rten pa 'am/ 'jig rten las 'das pa 'am/ nyan thos kyi tshes sam/ rang sangs rgyas kyi chos sam/ so so skye bo'i chos sam/ chos gang dang gang la dran pa nye bar gzhag pa'i chos de/ shin tu bzung ba/ shin
- 288b
tu yongs su spyad pa byas pa/ shin tu bsags pa/ shin tu byang chub ba rang gi kha na las pa/ shin tu dbang med pa'i dran pa des skye ba med pa dang/ 'gag pa med pa mnyam par byed de/ gang skye ba med pa dang/ 'gag pa med pa las rnam par grol ba dang/ gang rten cing 'brel bar 'byung ba las rnam par grol ba dang/ gang stong pa nyid dang mtshan ma med pa dang/ smon pa med pa las rnam par grol ba'i chos de yang dag par rjes su mi mthong ngo/ /de 'di snyam du sems te/ chos thams cad bdag po med pa ste/ dben pa'i rang bzhin can/ chos thams cad ni bdag gi ba med pa ste/ gnyis su med pa'i rang bzhin can/ chos thams cad ni sgrib pa med pa ste/ nam mkha' i rang bzhin can/ chos thams cad ni rnam par mi rtog pa ste/ sems dang yid dang yid kyi rnam par shes pa dang bral ba/ chos thams cad ni rnam par grol ba'i ngo bo nyid de/ nyon mongs med pa'i rang bzhin na/ chos thams cad ni smra ba med pa ste/ brjod du med pa'i rang bzhin can/ chos thams cad ni yi ge med pa ste/ 'dus ma byas pa'i rang bzhin can/ chos thams cad ni grangs med pa ste/ grangs thams cad las shin tu 'das pa/ chos thams cad ni drang ba med pa ste/ spras pa thams cad las shin tu 'das pa/ chos thams cad ni sa bon med pa'i phyir rtsa ba med pa/ chos thams cad ni rtsa ba rnam par byang pa'i phyir skyon med pa/ chos thams cad ni lus med pa'i phyir 'ong ba med pa/ chos thams cad gnas med pa'i phyir song ba med pa/ chos thams cad ni rang bzhin gyis stong pa'i phyir chags pa med pa/ chos thams cad ni rten cing 'brel par 'byung ba'i phyir stong pa/ chos thams cad ni rnam par mi rtog pa'i phyir nges par 'byung ba/ chos thams cad ji ltar 'dod pa bzhin khong du chud pa'i phyir rang gi kha na las pa/ chos thams cad ni shes bya'i ngo
- 289a
bo nyid kyi phyir byang chub pa/ chos thams cad ni rdzas med pa'i phyir ming tsam pa/ chos thams cad ni bstan du med pa'i ngo bo nyid kyi phyir lta ba dang bral pa/ chos thams cad ni lus pa med pa'i phyir bcings pa med pa/ chos thams cad ni ngo bo nyid med pa'i phyir grol ba med pa'i phyir grol ba med pa/ chos thams cad ni de bzhin nyid kyi ngo bo nyid kyi phyir thib po med pa/ chos thams cad ni chos kyi dbyings dbyer med pa'i phyir dbyings gcig pa/ chos thams cad ni yang dag pa'i mdza' dang mnyam pa'i phyir tha mi dad do/ /snyam du de ltar chos la chos kyi dbyings su lta zhing gnas so/ /de ltar chos la chos kyi rjes su lta zhing gnas pa'i byang chub sems dpa' ni sems can du mi byed/ theg pa tha dad du mi byed/ sangs rgyas kyi zhing tha dad du mi byed/ tha ma dang/ mchog dang/ bcings pa dang/ thar pa dang/ 'khor ba dang/ mya ngan las 'das pa yang dag par rjes su mi mthong/ spong ba med pa 'dzin pa med/ 'jug pa med/ len pa med pa/ dor ba med pa/ mi g.yo ba mthong zhing gnas pa yin te/ byang chub sems dpa' sems dpa' chen po zhi ba la gnas pa de sangs rgyas kyi zhing tha dad pa na gnas pa'i sangs rgyas bcom ldan 'das rnams kyis gzigs nas bla na med pa yang dag par rdzogs pa'i byang chub tu lung ston te/ de ni byang chub sems dpa' i chos dran pa nye bar gzhag pa zhes bya'o/ /de la byang chub sems dpa' i sangs rgyas rjes su dran pa'i dran pa nye bar gzhag pa gang zhe na/ 'di la byang chub sems dpa' sangs rgyas rjes su dran pa'i dran pa nye bar gzhag pa bsgom ste/ sems can thams cad mngon du byas nas bdag kyang sems can thams cad kyi ched du bla na med pa yang dag par rdzogs pa'i byang chub yang dag par sgrub po/ /'di ltar gang de bzhin gshegs pa dgra bcom pa yang dag par rdzogs
- 289b
sangs rgyas rnams kyi de bzhin gshegs pa'i stobs bcu dang/ mi 'jigs pa bzhi dang/ sangs rgyas kyi chos ma 'dres pa bco brgyad po de dag bdag gis bsgrub par bya'o snyam du dran pa nye bar 'jog go /dran pa des sangs rgyas bcom ldan 'das kyi dran pa bsam gyis mi khyab pa/ dri ma med pa/ rnam par dag pa/ 'od gsal ba/ bag la nyal med pa/ bag chags kyi mtshams sbyor ba thams cad yang dag par chad pa/ ye shes sngon du 'gro ba/ ye shes kyi dbang du gyur pa/ sangs rgyas thams cad kyi dbang du gyur pa/ chos kyi dbang du gyur pa/ lha'i dbang du gyur pa/ nges par gyur pa thams cad thob pa/ shes bya'i sgrib pa'i dri ma med pa/ nyan thos dang rang sangs rgyas thams cad kyis mi rtogs pa/ rang bzhin gyis rnam par mi rtog pa/ lhun gyis grub pa/ mthu sgrib pa med pa/ thogs pa med par gnas pa/ sems can thams cad kyi bsam pa rgyas par byed pa/ nam mkha' i ltar 'gyur ba med pa'i sangs rgyas kyi rjes su dran pa de dag rjes su dran no/ /dran pa rin po che sangs rgyas rnams kyi nor/ sangs rgyas rnams kyi mdzod de dag rjes su dran te/ de'i phyir sangs rgyas rjes su dran pa zhes bya'o/ /sangs rgyas dran pa yang ma yin mi dran pa yang ma yin par thams cad du lhun gyis grub cing rnam par mi rtog pa'i dran pa de dag rjes su dran te/ de'i phyir sangs rgyas rjes su dran pa zhes bya'o sangs rgyas ni sems can dang chos la dad pa'i 'du shes mi mnga' ba ste/ de dag gi dran pa rjes su dran pas de'i phyir sangs rgyas rjes su dran pa zhes bya'o/ /sangs rgyas ni mi rtog rnam par mi rtog/mi len mi 'dor/ mi 'khor yongs su mya ngan las mi 'da' / mi skye mi 'gag pa ste/ de dag rjes su dran pas de'i phyir sangs rgyas rjes su dran pa zhes bya'o/ /gzhan yang sangs rgyas bcom ldan 'das rnams ni/ bsod nams dang ye shes kyi tshogs chen po mnga' ba/ byams pa chen po dang snying rje chen po'i
- 290a
spyod yul can/ sems can gyi phung po'i skyabs su gyur pa/ mgon du gyur pa/ sman pa chen po thug du 'byin/ sems can thams cad la sems snyoms pa/ rtag tu ting nge 'dzin gyi spyod yul ba/ 'khor ba dang mya ngan las 'das pa las rnam par grol ba/ nyon mongs pa dang shes bya'i sgrib pa thams cad kyi pha rol tu phyin pa/ sems can chen po'i gnas/ sems can chen po'i rten/ rnam par 'dren pa/ chos kyi sku'i spyod yul pa/ thams cad du khong khro ba med pa'i sems dang ldan pa/ rtag tu sems can gyi don la dgyes pa/ sku dang gsung dang thugs rgya che ba/ khyad par lung ston pa/ sku dang gsung dang thugs kyi phrin las kyi mdza' kha na ma tho ba med pa/ bag chags dang bcas pa'i 'dod chags dang zhe sdang dang gti mug bkrus pa/ bdud dang phyir rgol ba thams cad bcom pa/ rtsod pa med pa/ chos kyi mchog dang ldan pa rgya mtsho thams cad pas ches zab pa/ ri rab thams cad pas ches mtho ba/ sa bas ches brtan pa/ chu bas mnyen pa/ me bsal bar pa/ rlung pas ches chags pa med pa/ nam mkha' bas ches dri ma med pa/ yid kyi 'gro bas ches mgyogs pa/ yid bzhin gyi nor bu bas ches khyad par du 'phags pa/ thams cad mkhyen pa/ sems can thams cad la mtshungs par sbyor ba/ chags pa thams cad dang bral ba/ sems can thams cad la phan par brtson pa'i rgyun ma chad pa/ gzugs tshad med pa/ sgra tshad med pa/ yon tan tshad med pa/ yul tshad med pa/ bsam gyis mi khyab pa/ sangs rgyas kyi chos bsam gyis mi khyab pa dang ldan pa/ sems dang/ yid dang/ yid kyi rnam par shes pa'i yul las yang dag par 'das pa/ rig pa dang/ zhabs kyi sems dang ldan pa/ lam gsum gyi sdig pa rnams yang dag par chad pa/ snying rje chen po'i lhag
- 290b
pa'i bsam pa can/ sems can thams cad dang thun mong ba'i yon tan can/ sems can thams cad kyang pha ma lta bur gyur pa/ dgra zung la sems snyoms pa ste'u dang/ tsan dan du mtshungs pa/ sems can tha ma dang/ 'bring dang mchog thams cad la thams cad du rtag tu gsal bar byed pa'i chos can/ pha rol gyis dpag par dka' ba/ sems can chen po'i longs spyod chen po/ rig pa dang zhabs su ldan pa chen po/ chos gsung ba chen po/ 'dul ba gsung ba chen po/ skyes bu chen po'i mtshan dang ldan pa 'jig rten thams cad zil gyis gnon dang/ 'jig rten thams cad kyi snang bar gyur pa rnal 'byor chen po la rnal 'byor pa bsam gtan chen po'i spyod yul ba/ rnam par grol ba chen po phun sum tshogs pa/ bdag nyid che ba/ skye bo chen po'i zhabs 'bring ba dang ldan pa/ skye bo khyad par can zhabs 'bring dang ldan pa/ lta ba dang nyan pa dang ston pa dang/ bsnyen bkur byed pa ni mi bzlog pa dang/ bdag gi bde ba la mi lta ba/ gzhan gyi sdug bsngal zhi bar byed pa la dgyes pa/ chos la gzhol ba/ chos kyi nor can/ chos kyi zas can/ chos kyi sman can/ chos kyi gter can/ chos kyi dbang phyug /chos kyi bdag po/ chos kyi sbyin bdag/ rtag tu gtong ba la mngon par dgyes pa/ rtag tu bag yod pa/ /rtag tu dben pa la mngon par dgyes pa/ / thams cad du stegs dang zam par gyur pa/ rgyal po'i lam chen po dang 'dra pa/ nyi ma chen po dang 'dra ba/ tshangs pa chen po 'dra ba/ ye shes chen po'i rdo rje 'chang ba/ chos chen po'i dbugs 'byin pa/ gzugs lta pas mi ngoms pa/ mthong bas mi ngos pa ste/ sangs rgyas bcom ldan 'das de dag de ltar rjes su dran no/ /de ltar de dag rjes su dran pas/ de dag gi yon tan yongs su bsgrub pa'i phyir sbyor ro/ /dran pa nye bar 'jog go /brtson 'grus rtsom mo/ /de'i phyir sangs rgyas rjes su dran pa zhes bya
- 291a
ste/ 'di ni byang chub sems dpa' i sangs rgyas rjes su dran pa'i dran pa nye bar gzhag pa zhes bya'o/ /de la byang chub sems dpa' i chos rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du sems te/ gang sangs rgyas bcom ldan 'das de dag ni yon tan mdza' yas mu med pa ste/ de dag ni chos las skyes pa/ chos kyi bgo skal spyod pa/ chos kyi sprul pa/ chos kyi bdag por gyur pa/ chos las byung ba/ chos kyi spyod yul/ chos la ? ba/ chos kyis grub pa ste/ gang sangs rgyas bcom ldan 'das rnams kyi mtshan dang dpe byad bzang po de dag kyang chos las skyes pa/ chos kyis rnyed pa/ chos kyis grub pa'o/ /gang de bzhin gshegs pa rnams kyi de bzhin gshegs pa'i stobs bcu dang mi 'jig pa bzhi po de dag kyang chos las skyes pa/ chos kyis rnyed pa/ chos kyis grub pa'o/ /gang de bzhin gshegs pa rnams kyi sangs rgyas kyi chos ma 'dres pa bco brgyad po de dag kyang chos las skyes pa/ chos kyis rnyed pa/ chos kyis sprul pa'o/ /gang 'jig rten pa dang/ 'jig rten las 'das pa'i bde ba yod pa de dag kyang chos las skyes pa/ chos kyis rnyed pa/ chos kyis grub pa'o/ /de lta bas na bdag sangs rgyas kyi byang chub tshol bas chos gtso bor bya'o/ /chos spyod yul ba dang/ chos la rten pa dang/ chos la gzhol ba dang/ chos snying por byed pa dang/ chos kyi rjes su mthun pa'i chos bsgrub par bya'o/ /snyam pa 'di ni byang chub sems dpa' i chos rjes su dran pa'i dran pa nye bar gzhag pa zhes bya'o/ /gzhan yang byang chub sems dpa' 'di snyam du sems te/ chos ni sems can thams cad la mnyam par 'jug pas chos ni tha ma dang 'bring dang rab mthong nas 'jug pa ma yin te/ de ltar bdag gis kyang chos dang 'dra ba'i sems su bya'o/ /chos ni phyogs su ma
- 291b
lhung bas chos ni ngor lta zhing 'jug pa ma yin te/ de ltar bdag gis kyang chos dang 'dra ba'i sems su bya'o/ /chos ni phyogs su ma lhung ba/ chos ni ngor lta zhing 'jug pa ma yin te/ de ltar bdag gis kyang chos dang 'dra ba'i sems su bya'o/ /chos ni dus chad pa med pa 'di mthong la yod pa rang gi rig pas chos ni dus la lta zhing 'jug pa ma yin te/ de ltar bdag gis kyang chos dang 'dra ba'i sems su bya'o/ /chos ni mtho dman med pas chos ni rgya che pa la 'jug pa ma yin/ dman pa la 'jug pa ma yin te/ de ltar bdag gis kyang chos dang mthun pa'i sems su bya'o/ /chos ni mchog dang tha ma dang bral bas chos ni rnam par dag pa la 'jug pa ma yin/ nyams pa la 'jug pa yang ma yin te/ de ltar bdag gis kyang chos dang 'dra ba'i sems su bya'o/ /chos ni zhing dang zhing ma yin pa'i lta ba dang bral bas chos ni 'phags pa 'jug pa yang ma yin/ so so'i skye bo la 'jug pa yang ma yin te de ltar bdag gis kyang chos dang 'dra ba'i sems su bya'o/ /chos ni rtag pa rgyun mi 'chad par 'jug pas chos ni nyin mo 'jug pa ma yin/ mtshan mo 'jug pa ma yin/ mtshan mo 'jug pa nyin mo mi 'jug pa ma yin te/ de ltar na bdag gis kyang chos dang 'dra ba'i sems su bya'o/ /chos ni gang la yang nam yang sdod pa ma yin pas chos ni 'dul ba'i chos las kyang mi 'da' ste/ de ltar bdag gis kyang chos dang 'dra ba'i sems su bya'o/ /chos ni thams cad du 'dod pa med pas chos ni sdang ba thams cad la zhes 'gras pa yang med/ dang pa rnams la rjes su chags pa yang med de/ de ltar bdag gis kyang chos dang 'dra ba'i sems su bya'o/ /chos ni bri ba yang ma yin gang ba yang ma yin te/ dpag tu med pa grangs med pas nam mkha' ltar 'bri ba yang ma yin 'phel ba yang ma yin te/ de ltar na bdag gis kyang chos dang 'dra ba'i sems su bya'o
- 292a
chos ni sems can rnams kyis bsrung ba ma yin gyi/ chos kyi sems can rnams bsrung ste/ de ltar bdag gis kyang chos dang 'dra ba'i sems su bya'o/ /chos ni skyabs yongs su tshol ba ma yin pas/ chos ni 'jig rten thams cad kyi skyabs yin te/ de ltar bdag gis kyang chos dang 'dra ba'i sems su bya'o/ /chos ni thogs pa med pa'i mtshan nyid pas chos ni gang la yang thogs pa med de/ de ltar bdag gis kyang chos dang 'dra ba'i sems su bya'o/ /chos ni bag la nyal med pas bag la nyal ba mi 'jug ste/ de ltar bdag gis kyang chos dang 'dra pa'i sems su bya'o/ /chos ni rtag tu rnam par mi rtogs pas chos ni 'khor bas 'jigs skrag pa yang ma yin/ mya ngan las 'das pa la rjes su chags pa yang ma yin te/ de ltar bdag gis kyang chos dang 'dra ba'i sems su bya'o/ /snyam mo/ /de ltar na byang chub sems dpa' chos la chos ltar dran pa nye bar 'jog pas de'i phyir chos rjes su dran pa zhes bya ba ste/ rigs kyi bu 'di ni byang chub sems dpa' i chos rjes su dran pa'i dran pa nye bar gzhag pa zhes bya'o/ /de la byang chub sems dpa' dge 'dun rjes su dran pa'i dran pa nye bar gzhag pa gang zhe na/ 'di byang chub sems dpa' 'di snyam du sems te/ dge 'dun ni chos smra ba/ chos sbyor ba/ chos sems pa/ chos kyi zhing/ chos 'dzin pa/ chos la rton pa/ chos la mchod pa/ chos kyi bya ba byed pa/ chos spyod yul ba/ chos spyod pa/ phun sum tshogs pa/ rang bzhin gyis drang ba dang rang bzhin gyis dag pa/ snying rje'i chos can/ snying rje dang ldan pa/ rtag tu dren pa la spyod pa/ rtag tu chos la gzhol pa/ rtag tu dkar po spyod pa'o snyam mo/ /gzhan yang byang chub sems dpa' ni 'di snyam du sems te/ bcom ldan 'das kyis dge 'dun rnam pa du mar gsungs pa ni/ 'di lta ste/
- 292b
kun rdzob kyi dge 'dun dang/ don dam pa'i dge 'dun dang/ ngo tsha shes pa'i dge 'dun dang/ ngo tsha med pa'i dge 'dun dang/ 'phags pa'i dge 'dun dang/ cang shes kyi dge 'dun dang/ phyir mi ldog pa'i dge 'dun no snyam mo/ /de la byang chub sems dpa' ni kun rdzob kyi dge 'dun bsdu ba'i phyir nan tan byed do/ /don dam pa'i dge 'dun la rten pa'i phyir nan tan byed do/ /ngo tsha med pa'i dge 'dun yongs su gdul bar byed pa'i phyir nan tan byed do/ /'phags pa'i dge 'dun la mchod cing bsti stang du bya ba'i phyir 'gro byed do/ /cang shes kyi dge 'dun la sangs rgyas bzhin du nan tan byed do/ /phyir mi ldog pa'i dge 'dun la chos kyi gtam gyi phyir nan tan byed do/ /gzhan yang byang chub sems dpa' 'di snyam du sems te/ rigs 'dzin pa'i phyir sangs rgyas kyi sras rnams kyi dge 'dun yin no/ /yid du 'ong ba'i 'bras bu rab tu sbyin pa'i phyir zhing bzang po rnams kyi dge 'dun no/ /gnas ngan len dang bral ba'i phyir 'jigs pa med pa rnams kyi dge 'dun no/ /yongs su 'dzin pa gtong zhing 'dor ba'i phyir sems rnam par grol ba rnams kyi dge 'dun no/ /shin tu dul ba'i phyir cang shes rnams kyi dge 'dun no/ /ma 'dres pa'i phyir nyon mongs pa med pa rnams kyi dge 'dun no/ /sdig pa dang bral ba'i phyir ngo tsha shes pa rnams kyi dge 'dun no/ /bka' blo bde ba'i phyir slob ma rnams kyi dge 'dun no/ /bdag yongs su shes pa dang ldan pa'i phyir bdag gi ba med pa rnams kyi dge 'dun no/ /zhi ba'i phyir rgyags pa med pa rnams kyi dge 'dun no/ /'dod pa nyung ba'i phyir phyin ci ma log pa rnams kyi dge 'dun no/ /rnam par rtog pa yang dag par chad ba'i phyir nad med pa rnams kyi dge 'dun no/ /pha rol tu son pa'i phyir thang la gnas pa rnams kyi dge 'dun no/ /thang la gnas pa'i phyir bde ba thob pa rnams kyi dge 'dun no/ /de kho na
- 293a
nyid mthong ba'i phyir bag yod pa rnams kyi dge 'dun no/ /skyon ma chags pa'i phyir dgon pa pa rnams kyi dge 'dun no/ /rgya che ba'i phyir byang chub la gzhol ba rnams kyi dge 'dun no/ /bslab pa gsum gyi bya ba shes pa'i phyir bslab pa 'dod pa rnams kyi dge 'dun no/ /dran pa nye bar gzhag pa spyod yul ba'i phyir dran pa dang ldan pa rnams kyi dge 'dun no/ /yang dag par spong ba spyod yul ba'i phyir brtson 'grus brtsams pa rnams kyi dge 'dun no/ /rdzu 'phrul gyi rkang pa spyod yul ba'i phyir ngal ba med pa rnams kyis dge 'dun no/ /dpang po spyod yul ba'i phyir mi phyed pa rnams kyi dge 'dun no/ /stobs spyod yul ba'i phyir tshor ma dkrugs pa rnams kyi dge 'dun no/ /byang chub kyi yan lag spyod yul ba'i phyir bsgribs pa med pa rnams kyi dge 'dun no/ /lam spyod yul ba'i phyir yang dag par lta ba rnams kyi dge 'dun no/ /bden pa spyod yul ba'i phyir 'phags pa rnams kyi dge 'dun no/ /bsam gtan spyod yul ba'i phyir mnyam par bzhag pa rnams kyi dge 'dun no/ /rten cing 'brel bar 'byung ba spyod yul ba'i phyir chos kyi 'khor lo rab tu bskor ba rnams kyi dge 'dun no/ /snying rje chen po dang ldan pa'i phyir phyir mi ldog pa rnams kyi dge 'dun no/ /bsod nams thams cad kyi tshogs bsags pa'i phyir skye ba gcig gis thogs pa rnams kyi dge 'dun no snyam mo/ /de la byang chub sems dpa' 'di ltar dge 'dun rjes su dran pas 'di snyam du sems te/ gang dge 'dun gyi yang dag par yon tan de dag ni bdag dang sems can thams cad kyis kyang bsgrub par bya'o snyam pa 'di ni byang chub sems dpa' i dge 'dun rjes su dran pa'i dran pa nye bar gzhag pa zhes bya'o/ /de la byang chub sems dpa' i tshul khrims rjes su dran pa'i dran pa nye bar gzhag pa gang zhe na/
- 293b
'di la byang chub sems dpa' 'di snyam du sems te/ gang 'jig rten pa dang/ 'jig rten las 'das pa'i phun sum tshogs pa gang ci yang rung ba de dag thams cad tshul khrims las byung bar blta'o/ /de ci'i phyir zhe na/ tshul khrims ni phun sum tshogs pa de dag thams cad kyi gnas yin no/ /'di lta ste dper na sa ni sman dang rtsa dang nags tshal thams cad kyi gnas yin no/ /de bzhin du tshul khrims kyang phun sum tshogs pa de dag thams cad kyi gnas yin no/ /'di lta ste dper na sa sman dang rtsa dang nags tshal thams cad kyi gnas yin no/ /de bzhin du tshul khrims kyang phun sum tshogs pa thams cad kyi gnas yin no/ /byang chub sems dpa' tshul khrims kyi gnas la rab tu gnas pa'i lha dang bcas pa'i 'jig rten gyi sbyin gnas yin no/ /sbyin pa'i chos yongs su rdzogs par yang byed do/ /tshul khrims kyi gnas la rab tu gnas pa'i byang chub sems dpa' ni dga' ba skye'o/ /yod dga' pas 'gyod pa med do/ /'gyod pa med pas mchog tu dga' ba thob po/ /mchog tu dga' pas lus dang sems shin tu spyangs par 'gyur ro/ /lus dang sems shin tu spyangs pas ting nge 'dzin thob bo/ /yid mnyam par gzhag pas yang dag pa ji lta ba bzhin du mthong ba ma yin no/ /yang dag pa ji lta bu bzhin du mthong ba'i byang chub sems dpa' ni sems can rnams la snying rje chen po 'jug go snyam mo/ de yang 'di snyam du sems can thams cad la ting nge 'dzin gyi sgo 'di dang chos rnams yang dag pa ji lta ba bzhin du mthong ba bsgrub par bya'o snyam mo/ /de snying rje chen po des bskul bas lhag pa'i tshul khrims dang/ lhag pa'i sems dang/ lhag pa'i shes rab kyi bslab pa yongs su rdzogs nas bla na med pa yang dag par rdzogs pa'i byang chub tu mngon par rdzogs par 'tshang rgya'o/ /de bas na bdag gis kyang tshul khrims la gnas pa mi bskyod pa mi ltod par bya'o/ /sems can thams cad mngon du
- 294a
byas nas tshul khrims bsrung bar bya'o snyam mo/ /de ci'i phyir zhe na/ byang chub sems dpa' i tshul khrims de ni sems can thams cad la phan pa dang bde ba'i phyir gnas la mi gnas pa ma yin no/ /gzhan yang byang chub sems dpa' 'di snyam du sems te/ byang chub sems dpa' i mngon par 'byung ba'i tshul khrims ni gnod sems med pa yongs su rdzogs par byed do/ /byang chub sems dpa' rab tu byung ba'i tshul khrims ni mdog? pa thams cad yongs su gtong ba rdzogs par byed do/ /byang chub sems dpa' i bslab pa dang bsdom pa yang dag par 'dzin pa'i tshul khrims ni lus dang ngag dang sems yongs su dag pa yongs su rdzogs par byed do/ /byang chub sems dpa' i nges par sems dpa' i tshul khrims ni mngon par shes pa yongs su rdzogs par byed do/ /byang chub sems dpa' i nang du yang dag 'jog pa'i tshul khrims ni byang chub kyi phyogs kyi chos rnams yongs su rdzogs par byed do/ /byang chub sems dpa' i chos nyan pa'i tshul khrims ni so so yang dag par rig pa bzhi yongs su rdzogs par byed do/ /byang chub sems dpa' i thos pa yongs su tshol ba'i tshul khrims ni nga rgyal med pa yongs su rdzogs par byed do/ /byang chub sems dpa' i dge ba'i bshes gnyen la bsnyen bkur byed pa'i tshul khrims ni yon tan gyi chos thams cad chud mi za ba yongs su rdzogs par byed do/ /byang chub sems dpa' i pha rol tu phyin pa'i tshul khrims ni thams cad mkhyen pa'i ye shes yongs su rdzogs par byed do/ /byang chub sems dpa' i ji ltar thos pa'i chos rnams ston pa'i tshul khrims ni chos smra ba nyid yongs su rdzogs par byed do/ /byang chub sems dpa' ji ltar thos pa'i chos rnams sems pa'i phyir tshul khrims ni gzungs dang spobs pa thob pa yongs su rdzogs par
- 294b
byed do/ /byang chub sems dpa' i byang chub kyi sems kyi tshul khrims ni skye ba thams cad las yang dag par 'da' bar yongs su rdzogs par bya'o/ /byang chub sems dpa' i sems can thams cad la khong khro ba med pa'i tshul khrims ni byang chub kyi sems chud mi za ba yongs su rdzogs par byed do/ /byang chub sems dpa' i byang chub kyi sems chud mi za ba'i tshul khrims ni dkon mchog gsum chud mi za ba yongs su rdzogs par byed do snyam mo/ /de yang 'di snyam sems te/ tshul khrims bsrung bas srung ba thams cad bsrungs pa yin no snyam pa 'di ni rigs kyi bu byang chub sems dpa' i tshul khrims rjes su dran pa'i dran pa nye bar gzhag pa zhes bya'o/ /de la byang chub sems dpa' i gtong ba rjes su dran pa'i dran pa nye bar gzhag pa gang zhe na/ 'di la byang chub sems dpa' 'di 'di snyam du sems te/ gang ci gtong ba de thams cad ni 'di lta ste/ zang zing gi gtong ba dang/ chos kyi gtong ba dang gtong ba rnam pa gnyis kyi nang du 'dus so snyam mo/ /de la zang zing gi gtong bas mi byang chub sems dpa' i mtshan dang dpe byad bzang po yongs su mi spong ba dang/ sangs rgyas kyi zhing yongs su dag pa dang/ sems can yongs su smin par byed pa rnam par dag pa yongs su ldogs par byed do/ /chos kyi gtong bas ni stobs bcu dang/ mi 'jigs pa bzhi dang/ sangs rgyas kyi chos ma 'bres pa bco brgyad yongs su rdzogs par byed do/ /bag chags kyang yang dag par 'jog par byed do/ /gzhan yang zang zing gi gtong bas ni phung po thams cad nges par 'dor bar byed do/ /chos kyi gtong bas ni nyan thos dang rang sangs rgyas thams cad kyis las yang dag par 'da' o/ /gzhan yang zang zing gi gtong bas ni skye ba'i lus yongs su sbyor bar byed do/ /chos kyi gtong bas ni chos kyi sku yongs su sbyor bar byed do/ /gzhan yang rigs kyi bu byang chub sems dpa' sems dpa' chen po zang zing gi gtong
- 295a
bas ni pha ma las byung ba'i stobs sgrub par byed/ stobs de ni de bzhin gshegs pa dang sa bcu la gnas pa'i byang chub sems dpa' rnams ma gtogs par su la yang med do/ /chos kyi gtong bas ni rdzu 'phrul gyi stobs sgrub par byed do/ /stobs de ni de bzhin gshegs pa dang sa bcu pa la gnas pa'i byang chub sems dpa' ma gtogs par su la yang med do/ /gzhan yang zang zing gi gtong bas ni yongs su smin par byed do/ /chos kyi gtong bas ni rnam pa tha dad par byed do gzhan yang zang zing gi gtong bas ni tshogs rdzogs so/ /chos kyi gtong bas ni sgrol lo/ /gzhan yang zang zing gi gtong bas ni nor yongs su gtong ngo/ /chos kyi gtong bas ni thams cad gtong ngo/ /gzhan yang zang zing gi gtong bas ni nyon mongs pa'i sgrib pa las rnam par grol ba sgrub par byed do/ /chos kyi gtong bas ni shes bya'i sgrib pa las rnam par grol ba sgrub par byed do/ /gzhan yang gtong ba gtong ba zhes bya ba 'di ni yongs su rtog pa gtong ba'i tshig bla dags so/ /'di lta ste/ yongs su rtog pa gtong ba rnams kyi dam pa'o/ /de ci'i phyir zhe na/ yongs su rtog pa btang bas byang chub sems dpa' dag pa zhes bya'o/ /smras pa/ rigs kyi bu yongs su rtog pa zhes bya ba 'di de gang gi tshig bla dags/ smras pa rigs kyi bu yongs su rtog pa zhes bya ba 'di ni yang dag pa ma yin zhing med pa las sgro btags pa'i tshig bla dags so/ /smras pa/ ji ltar na yang dag pa ma yin zhing med pa las sgro btags pa yin/ smras pa/ nam mkha' ltar bdag ni chags pa/ bdag ni zhe sdang ba/ bdag ni gti mug pa/ bdag ni nyon mongs pa/ bdag ni rnam par dag pa/ bdag ni bcings pa/ bdag ni grol ba/ bdag ni 'khor ba/ bdag ni yongs su mya ngan las 'das pa'o snyam pa la sogs par sgro btags pa thams cad
- 295b
ni yang dag pa ma yin zhing med pa las yongs su btags pa'o/ /de ci'i phyir zhe na/ 'di dag thams cad ni rgyu dang rkyen tsam ste/ 'di la bdag dang bdag gi ba med pa/ sems can med/ srog med/ gang zag med/ shed las skyes med do/ /shed bu med do/ /rgyu dang rkyen de dag kyang rang bzhin gyis stong pa/ rang bzhin gyis dben pa/ sems dang yid dang yid kyi rnam par shes pa dang bral ba/ mi sems pa/ yongs su mi rtog pa/ kun nas nyon mongs pa ma yin pa/ rnam par byang ba ma yin pa/ 'khor ba ma yin pa/ yongs su mya ngan las 'das pa ma yin pa'o/ /de la byang chub sems dpa' yod pa ma yin pa la sgro mi 'dogs shing de sgro 'dogs pa btang bas gtong ba phun sum tshogs pa zhes bya'o/ /nam chos de dag rjes su dran pa de ni de'i gtong ba rjes su dran pa zhes bya'o/ /gzhan yang rigs kyi bu byang chub sems dpa' rnams kyi gtong ba rnam pa gsum ste/ gtong ba dang/ gtong ba chen po dang/ shin tu gtong ba'o/ /de la byang chub sems dpa' rnams kyi gtong ba gang zhe na/ 'di lta ste/ bza' ba dang/ 'dod pa rnams la bza' ba'i sbyin pa dang/ btung ba dang/ bzhon pa dang/ gos dang/ mar me dang/ bdug spos dang/ phreng ba dang/ byug pa dang/ phye ma dang/ gos dang/ gdugs dang/ rgyal mtshan dang/ ba dan dang shing rta dang/ rgyan la sogs pa sbyin pa ste/ /sbyin pa gang sems can rnams la gnod pa dang/ 'phangs par 'gyur ba de ma gtogs par byang chub sems dpa' sems can rnams la mi sbyin pa gang yang med de/ 'di ni byang chub sems dpa' rnams kyi gtong ba zhes bya'o/ /de la byang chub sems dpa' rnams kyi gtong ba chen po gang zhe na/ 'di la byang chub sems dpa' rnams kyi gtong ba phun sum tshogs nas/ stong ba chen po byed de/ 'di lta ste/ chung ma dang/ bu dang/ bu mo dang/ yid du 'ong
- 296a
ba'i bran po dang/ bran mo dang/ las byed pa dang/ zho shas 'tsho ba dang/ khyim dang/ rgyal srid rnams yongs su gtong ba 'di ni byang chub sems dpa' i gtong ba chen po zhes bya'o/ /de la byang chub sems dpa' rnams kyi shin tu gtong ba gang zhe na/ 'di la byang chub sems dpa' gtong ba dang/ gtong ba chen po phun sum tshogs nas shin tu gtong ba byed de/ 'di lta ste/ lag pa dang/ rkang pa dang/ rna ba dang/ sna dang/ sha dang/ rus pa dang/ pags pa dang/ mig dang/ lce dang/ mgo rus dang/ rkang pa la sogs pa yongs su gtong ba ste/ 'di ni byang chub sems dpa' i shin tu gtong ba zhes bya'o/ /de la byang chub sems dpa' des gtong ba dang/ gtong ba chen po dang/ shin tu gtong ba de dag rjes su dran nas bdag gis kyang dran pa de dag yongs su rdzogs par bya'o snyam pa de ni de'i gtong ba rjes su dran pa zhes bya'o/ /'di ni byang chub sems dpa' i gtong ba rjes su dran pa'i dran pa nye bar gzhag pa zhes bya'o/ /de la byang chub sems dpa' i lha rjes su dran pa'i dran pa nye bar gzhag pa gang zhe na/ 'di la byang chub sems dpa' ni gang rnam par dag pa'i lha nyan thos dang/ rang sangs rgyas dang/ byang chub sems dpa' dang/ yang dag par rdzogs pa'i sangs rgyas de dag rjes su dran no/ /'di ltar de dag rjes su dran te sgrub pa dang/ yon tan dang/ skye ba dang/ longs spyod dang/ kun spyod dang/ brtson pa dang/ rab tu thob pa dang/ yongs su grub pas kyang rjes su dran pa'i dran pa nye bar gzhag pa bya'o/ /gang lha gzhan de dag kyang rjes su dran pa/ /'di ltar de dag rjes su dran te/ lha 'di dag ni las dge ba'i 'bras bu las byung ba'o/ /dge ba'i las de dag ni 'di lta ste/ mi dge ba bcu'i las kyi lam las bzlog pa rnams so/ /de la lha gang rnams kha dog dang ldan pa/ bde ba mang ba
- 296b
dkar po tshim pa/ de thams cad ni dge ba bcu'i las kyi lam gyi rnam par smin pa'o snyam ste/ de la byang chub sems dpa' lha'i bde ba de la rjes su yi rang nas sems can thams cad la phan pa'i phyir bla na med pa yang dag par rdzogs pa'i byang chub tu yongs su bsngo'o/ /lha'i bde ba de yang sems can thams cad kyi 'dod do/ /bde ba de sems can thams cad kyid? 'dod pas dge ba'i rtsa ba yongs su grub par bya ba'i phyir brtson 'grus chen po rtsom mo/ /ngan song rnams su skyes pa'i sems can dag la snying rje chen po rnyed de/ de 'di snyam du bdag gis 'di ltar sems can thams cad lha'i 'jig rten du skye bar 'gyur ba'i las byed du gzung ngo/ /sems can thams cad gang dag ? gyur pa de dag ni bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /gang gi sems can rnams la lha'i bde ba thob nas phyis nyams par mi 'gyur ba dang/ bde bar gyur nas 'di lta ste/ de bzhin gshegs pa'i nye bar zhi ba'i bde ba thob par 'gyur ba'i las de dag sems can rnams byed du gzhug go snyam du sems dpa' 'di ni byang chub sems dpa' i lha rjes su dran pa'i dran pa nye bar gzhag pa zhes bya ste/ rigs kyi bu de dag ni byang chub sems dpa' rnams kyi dran pa nye bar gzhag pa bcu'o zhes bya ste/ de dag dang ldan pas na/ de nyid dran pa chen po 'chang zhes bya'o/ /dran pa'i ngo bo nyid stong pa nyid dang/ mtshan ma med pa dang/ smon pa med pa dang/ rang bzhin gyis 'od gsal ba'i dran pa'i tshul can dpa' bar 'gro ba la sogs pa'i ting nge 'dzin brgya stong gi bdag por gyur pas na/ dran pa bzhi po ting 'dzin rgyal zhes bya'o/ /byang chub yan lag me tog spos/ /de bzhin gshegs pa'i yon tan mtsho zhes bya ba la/ byang chub kyi yan lag rnams nyid ni me tog ste/ de rnams kyi dri ni 'jig rten gyi khams ma lus
- 297a
ba'i rab 'byam khyab pa'i yon tan dang ye shes kyi rang bzhin gyi dri ni khyad par gang la yod pa de ni/ byang chub yan lag me tog spos zhes bya'o/ /de la byang chub kyi yan lag bdun gang zhe na/ 'di lta ste/ dran pa yang dag byang chub gyi yan lag dang/ chos rnam par 'gying pa yang dag byang chub gyi yan lag dang/ brtson 'grus yang dag byang chub kyi yan lag dang/ dga' ba yang dag byang chub kyi yan lag dang/ shin tu sbyangs pa yang dag byang chub kyi yan lag dang/ ting nge 'dzin yang dag byang chub kyi yan lag dang/ btang snyoms yang dag byang chub kyi yan lag go /de la dran pa yang dag byang chub kyi yan lag gang zhe na/ dran pa gang gis chos rnams rtogs par 'gyur pa dang/ chos rnams so sor rtog pa dang/ chos rnams la spyod pa dang chos rnams la kun tu 'gro ba dang/ chos rnams la bsam pa dang/ chos la rjes su rtog pa ste/ de dran pa des chos rnams kyi rang gi mtshan nyid rtogs par 'gyur ro/ /chos rnams kyi rang gi mtshan nyid gang zhe na/ chos thams cad ni rang gi mtshan nyid kyis stong ste/ gang gis de ltar dran zhing rtogs pa 'di ni dran pa yang dag byang chub kyi yan lag ces bya'o/ /de la chos rnam par 'byed pa byang chub kyi yan lag gang zhe na/ gang chos kyi phung po brgyad khri bzhi stong rab tu rnam par 'byed pa shes pa ste/ chos gang dang/ gang ji lta bur rnam par dbye bar bya ba nges pa'i don kyang nges pa'i don du/ drang ba'i don kyang drang ba'i don du/ kun rdzob kyi don kyang kun rdzob kyi don du/ don dam pa yang don dam par/ brda yang brdar/ rnam par nges pa yang rnam par nges par/ chos de dang de dag de lta de lta bur rnam par 'byed pa 'di ni chos rnam par 'byed pa yang dag byang chub kyi yan lag ces bya'o/ /de la brtson 'grus yang dag byang chub kyi yan lag gang zhe na/ gang dran
- 297b
pa 'di dang/ chos rnam par 'byed pa dang/ dga' ba dang/ shin tu sbyangs pa dang/ ting nge 'dzin dang/ btang snyoms shes pa 'di rab tu 'dzin pa dang/ spro ba dang/ stobs dang/ brtul ba dang/ phyir mi ldog pa dang/ 'dun pa dang/ mthu dang/ brtson pa mi gtong ba dang/ lam mngon par rtogs par bya ba'i phyir brtson pa 'di ni brtson 'grus yang dag byang chub kyi yan lag ces bya'o/ /de la dga' ba yang dag byang chub kyi yan lag gang zhe na/ chos la dga' ba dang/ chos la mos pa dang/ chos la mchog tu dga' ba gang gis sems ma god pa dang/ dad cing 'dod pa ste/ chos la dga' ba gang gis lus dang sems shin tu sbyangs pas 'gyur ba dang nyon mongs pa rnams sel ba 'di ni dga' ba yang dag byang chub kyi yan lag ces bya'o/ /de la shin tu sbyangs ba yang dag byang chub kyi yan lag gang zhe na/ gang lus shin tu sbyangs pa dang/ sems shin tu sbyangs pas nyon mongs pa bsal ba dang/ sgrib pa dang bral ba dang/ zhi gnas la 'jug pa'i dmigs pa la sems gzhol ba 'di ni shin tu sbyangs pa yang dag byang chub kyi yan lag ces bya'o/ /de la ting nge 'dzin yang dag byang chub kyi yan lag gang zhe na/ gang sems mnyam par gzhag pas chos kyi ye shes mngon par rdzogs par 'tshang rgya'i/ sems mnyam par ma gzhag pas ni ma yin no/ /gang sems mnyam par gzhag pas chos de dag mngon par 'tshang rgya'o/ sems mnyam par ma gzhag pas ni ma yin te/ lta ba dang bag la nyal dang kun nas ldang ba de dag por bas kyang mngon par rdzogs par 'tshang mi rgya ste/ gdan du na chos thams cad mnyam pa nyid dang/ chos thams cad tha dad du dbye ba med pas chos thams cad mnyam pa nyid du mngon par rdzogs par 'tshang rgya ste/ 'di ni ting nge 'dzin yang dag byang chub kyi yan lag ces bya'o/ /de la btang snyoms yang dag byang
- 298a
chub kyi yan lag gang zhe na/ gang 'di yid bde ba dang yid mi bde ba cha dang mthun pa'i chos rnams kyis sems yongs su mi gtugs pa dang/ 'jig rten gyi chos rnams kyis mi 'phrogs pa dang mtho dman du mi gnas pa'i phyir mi sgul ba yin/ gnod pa med pa dang/ 'phrogs pa med pa dang/ rjes su chags pa med pa dang/ zhe 'gras pa med pa dang/ 'phags pa'i bde ba'i lam dang mthun pa 'di ni/ btang snyoms yang dag byang chub kyi yan lag ces bya ste/ de ltar na/ byang chub yan lag me tog spos zhes bya'o/ /de bzhin gshegs pa'i yon tan mtsho zhes bya ba la/ de bzhin gshegs pa'i yon tan 'di la sems shing rtog pas de bzhin gshegs pa'i yon tan mtsho/ de bzhin gshegs pa thams cad kyi gzhir gyur pa'i phyir ram thun mong ma yin pa'i yon tan ni ma 'dres pa'i chos la sogs pa ste/ de'i gzhir gyur pa'i phyir ro/ /de yang shes rab kyi pha rol tu phyin pa nyi khri lnga stong pa zhes bya ba theg pa chen po ston pa las/ thun mong ma yin pa'i yon tan rnams gsungs te/ rab 'byor gzhan yang byang chub sems dpa' sems dpa' chen po rnams kyi theg pa chen po 'di lta ste/ sangs rgyas kyi chos ma 'dres pa bco brgyad gang zhe na/ de bzhin gshegs pa la 'khrul pa mi mnga' 'o/ /ca co mi mnga' 'o/ /dgongs pa nyams pa mi mnga' 'o/ /'du shes sna tshogs mi mnga' o/ /thugs mnyam par ma bzhag pa mi mnga' o/ /ma brdags pa'i btang snyoms mi mnga' o/ /mos pa yongs su nyams pa mi mnga' o/ /brtson 'grus yongs su nyams pa mi mnga' o/ /ting nge 'dzin yongs su nyams pa mi mnga' o/ /shes rab yongs su nyams pa mi mnga' o/ /rnam par grol ba yongs su nyams pa mnga' o/ /rnam par grol ba'i ye shes gzigs pa yongs su nyams pa mi mnga' o/ /sku'i
- 298b
phrin las thams cad ye shes sngon du 'gro ba ste/ ye shes kyi rjes su 'brang ngo/ /gsung gi phrin las thams cad ye shes sngon du 'gro ba ste/ ye shes kyi rjes su 'brang ngo/ /thugs kyi phrin las thams cad ye shes sngon du 'gro ba ste ye shes kyi rjes su 'brang ngo/ /'das pa'i dus la ma chags ma thogs pa'i ye shes gzigs pa la 'jug go /ma 'ongs pa'i dus la ma chags ma thogs pa'i ye shes gzigs pa la 'jug go /da ltar byung ba'i dus la ma chags ma thogs pa'i ye shes gzigs pa la 'jug ste/ de dag ni sangs rgyas kyi chos ma 'dres pa rnams so/ /zhes rgya cher gsungs pa yin no/ /lam gyi yan lag brgyad tshul rig /yang dag sangs rgyas lam rig pa zhes bya ba la/ 'phags pa'i lam yan lag brgyad pa'i rig pa ni nyan thos dang rang sangs rgyas rnams dang thun mong du ma gyur pa yongs su mkhyen pa'o/ /de nyid kyis na sangs rgyas lam rig pa'o/ /'di ni blo gros mi zad pas bstan pa'i mdo las gsungs te/ btsun pa sha radwA ti'i bu gzhan yang byang chub sems dga' rnams kyi lam mi zad pa ste/ de la byang chub sems dpa' sems dpa' rnams kyi lam gang zhe na/ lam zhes bya ba ni 'phags pa'i lam yan lag brgyad pa ste/ 'di lta ste/ yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /de la yang dag pa'i lta ba gang zhe na/ gang 'di 'phags pa'i 'jig rten las 'das pa ste/ bdag tu lta ba las kun nas langs pa ma yin te/ sems can du ma yin/ srog du ma yin/ gso bar ma yin/ skyes bur ma yin/ gang zag tu ma yin/ shed las skyes su ma yin/ shed bur ma yin/ byed pa por ma yin/ tshang ba
- 299a
por lta ba las kun nas langs pa ma yin/ rtag pa dang/ chad par lta ba las kun nas langs pa ma yin/ 'byung ba dang/ 'jig par lta ba las kun nas langs pa ma yin/ dge ba dang/ mi dge ba dang/ lung du mi ston par lta ba las kun nas langs pa yang ma yin 'khor ba dang mya ngan las 'das par blta ba'i bar las kun langs pa yang ma yin te/ 'di ni yang dag pa'i lta ba zhes bya'o/ /de la yang dag pa'i rtog pa gang zhe na/ rtog pa gang dag gis 'dod chags dang/ zhe sdang dang/ gti mug gi nyon mongs pa dag kun tu 'byung ba'i kun tu rtog pa de dag la mi rtog pa dang/ rtog pa gang gis tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba'i phung po rnams kun tu 'byung ba'i rnam par rtog pa de dag rtog pa 'di ni yang dag pa'i rtog pa zhes bya'o/ /de la yang dag pa'i dag gang zhe na/ dag gang gis bdag la yang yongs su mi gdung zhing gzhan la yang ma yin pa dang/ bdag la kun nas nyon mongs pa med par byed cing gzhan la yang ma yin pa dang/ bdag la yang mi gnod cing gzhan la yang ma yin pa ste/ dag gang gis 'phags pa'i lam la legs par 'jug pa mnyam par bzhag pa la brtson pa'i dag de la ldan pa yin te/ 'di ni yang dag pa'i dag ces bya'o/ /de la yang dag pa'i las kyi mdza' gang zhe na/ gang las kyang gnag la rnam par smin pa yang gnag pa'i las de mngon par 'du mi byed pa dang/ gang las kyang dkar la rnam par smin pa yang dkar ba'i las de mngon par 'du byed pa dang/ gang las kyang dkar gnag la rnam par smin pa yang dkar gnag tu 'gyur ba'i las de mngon par 'du mi byed pa dang/ las gang mi gnag mi dkar zhing rnam par smin pa yang med la/ las kyis las zad par 'gyur ba'i
- 299b
las de mngon par 'du byed pa'o/ /de las la rton pas yang dag pa'i las kyi mdza' las brtson pa zhes bya ste/ 'di ni yang dag pa'i las kyi mdza' zhes bya'o/ /de la yang dag pa'i 'tsho ba gang zhe na/ gang 'phags pa'i rigs dang/ sbyangs pa'i yon tan dang/ yo byad bsnyungs par mi gtong ba dang/ tshul 'chos med pa dang/ kha bsag med pa dang/ thob kyis 'jal ba med pa dang/ dgangs la ba dang/ gso sla ba dang/ cho ga bzang po'i ngang tshul can dang/ gzhan gyi rnyed pa la phrag dog med pa dang/ bdag gi rnyed pas chog shes pa dang/ kha na ma tho ba med pa dang/ 'phags pas gnang ba'i 'tsho ba 'di ni yang dag pa'i 'tsho ba'o/ /de la yang dag pa'i rtsol ba gang zhe na/ rtsol ba gang log pa 'phags pa rnams kyis ma gnang ba 'dod chags dang/ zhe sdang dang/ gti mug gis nyon mongs pa bag la nyal bar byed pa'i rtsol ba de mi 'dod cing rtsol ba gang yang dag pa 'phags pa'i lam dang/ bden pa la 'jug pa mya ngan las 'das par 'gro ba'i lam du gtong ba'i brtson pa de'i rjes su 'gro ba 'di ni yang dag pa'i rtsol ba zhes bya'o/ /de la yang dag pa'i dran pa gang zhe na/ dran pa gang shin tu nye bar bzhag pa dang/ mi sgul ba dang/ drang ba dang/ gya gyu med pa dang/ 'khor ba'i skyon gyi nyes dmigs la lta ba dang/ mya ngan las 'das par 'gro ba'i lam du 'dren pa ste/ dran pa dang/ gzhungs pa dang/ 'phags pa'i lam mi brjed pa 'di ni yang dag pa'i dran pa zhes bya'o/ /de la yang dag pa'i ting nge 'dzin gang zhe na/ yang dag pa nyid du mnyam pa dang/ gang chos thams cad kyis mnyam pa ste/ ting nge 'dzin gang la gnas pas sems can thams cad rab tu thar par bya ba'i phyir yang dag nges par gyur pa la 'jug pa 'di ni yang dag pa'i ting nge 'dzin ces bya'o/ /gang yang
- 300a
byang chub sems dpa' i ting nge 'dzin 'di la gnas nas sems can thams cad rab tu thar par bya ba'i phyir/ yang dag pa nges par gyur pa la mi 'jug pa 'di ni byang chub sems dpa' i yang dag pa'i ting nge 'dzin mi zad pa zhes bya'o/ /'di ni 'das pa dang/ ma 'ongs pa dang/ da ltar byung ba'i sangs rgyas bcom ldan 'das rnams kyi lam ste/ de byang chub sems dpa' mngon par rdzogs par sangs rgyas nas 'chad pa dang ston pa dang/ rab tu ston pa dang 'dzin du 'jug pa dang/ mos par byed pa dang/ klog tu 'jug pa dang/ shes par byed pa dang/ rnam par shes par byed pa dang/ rab tu shes par byed pa dang/ rab tu 'dzud pa dang/ rnam par 'grel ba dang/ rnam par 'byed pa dang/ gsal bar byed pa dang yang dag par ston pa 'di ni btsun pa sha radwA ti'i bu byang chub sems dpa' rnams kyi lam mi zad pa zhes bya'o/ /sems can thams cad mi gnas pa'i mya ngan las 'das pa la 'jog pa'i thugs rje chen po'i ngo bo nyid du gyur pas na/ sems can kun la shas cher chags zhes bya'o/ /chos thams cad dngos po med par thugs su chud pa'i dri ma med pa'i shes rab kyi pha rol tu phyin pa'i bdag nyid can yin pas na/ nam mkha' lta bur chags pa med ces bya'o/ /dpag tu med pa'i thabs dang shes rab dang thugs rje'i rang bzhin can gyi rgyal ba'i sras kyi bdag por 'khrungs par gdul bya rnams la so sor snang bas na phan tshun gcig la gcig mi mthun pa'i sems med par sems can thams cad kyi sems kyi chos nyid mnyam pa nyid thugs su chud pas na/ sems can kun gyi yid la 'jug ces bya ba yin gyi/ sems sems gzhan dag gi nang du zhugs pa ni ma yin te/ gzhan rigs par thal bar 'gyur ba'i phyir ro/ /de bas na der gshegs shing thugs su chud pa nyid
- 300b
'dul ba'i dus las mi 'da' bar myur ba nyid du gdul bya thams cad la cig car sems kyi rjes su 'gro bas chos kyi de nyid snang bar mdzad pas na/ sems can kun gyi yid ltar mgyogs zhes bya'o/ /dad pa la sogs pa'i dbang po rab dang 'bring dang chung du mkhyen nas de dang rjes su mthun pa'i chos ston pas don mdzad pas na/ sems can kun gyi dbang don shes zhes bya'o/ /sems can thams cad dang rjes su mthun pa'i sku yid 'phrog pa'i bdag nyid kyi dngos po ston par mdzad pas na/ sems can kun gyi yid 'phrog pa zhes bya'o/ /gzugs ni dbu ba lta bu ste/ /tshor ba chu yi chu bur 'dra/ /'du shes smig rgyu lta bu ste/ /'du byed chu shing snying po 'dra/ /rnam par shes pa sgyu 'drar shes/ /nyi ma'i gnyen gyis rab tu gsungs zhes bya ba'i gzugs la sogs pa'i phung po kun rdzob kyi de kho na nyid dang/ don dam par gzod nas ma skyes pa'i ngo bo nyid du phung po lnga'i de kho na nyid mkhyen pas na/ phung po lnga don de nyid shes zhes bya'o/ /tshul khrims dang/ ting nge 'dzin dang/ shes rab dang/ rnam par grol ba dang rnam par grol ba'i ye shes mthong ba'i phung po rnams kyi rnam par dag pa'i ngo bo 'dzin pas na/ rnam dag phung po lnga 'chang ba zhes bya'o/ /nyan thos dang/ rang sangs rgyas dang/ yang dag par rdzogs pa'i sangs rgyas kyi nges par 'byung ba'i mdza' ste/ mdza' thug pa la rab tu 'jog pa'i tshul gyis rab tu bzhugs pas na/ nges 'byung kun gyi mdza' la gnas shes pa'o/ /nges par 'byung ba thams cad kyi rang gi ngo bo nyid kyi khyad par thugs su chud pas na/ nges par 'byung ba kun la mkhas zhes bya'o/ /nges par 'byung ba'i las thams cad la bzhugs pa'i tshul gyis lam de la 'jug par mdzad pas na/ nges 'byung kun gyi lam la gnas zhes bya'o/ /theg pa gcig gis lam ston par mdzad kyang rim gyis 'dul ba'i sems can
- 301a
gyi ngo bor theg pa thams cad ston par mdzad pas na/ nges par 'byung ba kun ston pa zhes bya'o/ /rten cing 'brel par 'byung ba yan lag bcu gnyis kyi mtshan nyid can gyi srid pa ming gzhan du na 'khor ba zhes kyang bya ba dngos po med pa nyid du rab tu bstan pas mi snang bar mdzad pas na/ yan lag bcu gnyis srid bton zhes bya ste/ skye ba med pa la ni rtsa nas bton mi srid do/ /de yang 'phags pa sa bcu pa'i mdo las/ rten cing 'brel par 'byung ba yan lag gnyis kyi 'jug pa dang/ ldog pa'i rgyu nyid rgya cher gsungs pa de brjod par bya ste/ byang chub sems dpa' rdo rje snying pos smras pa/ kye rgyal ba'i sras dag de ltar byang chub sems dpa' i sa lnga pa la sa'i lam yongs su rdzogs pa'i byang chub sems dpa' de ni byang chub sems dpa' sa drug pa la 'jug go /de chos mnyam pa nyid bcus 'jug ste/ bcu gang zhe na/ 'di lta ste/ chos thams cad mtshan ma med pa mnyam pa nyid dang/ chos thams cad kyi mtshan nyid med pa mnyam pa nyid dang/ thams cad mi skye ba mnyam pa nyid dang/ chos thams cad ma byung ba mnyam pa nyid dang/ chos thams cad dben ba mnyam pa nyid dang/ chos thams cad snga nas rnam par dag pa mnyam pa nyid dang/ chos thams cad spros pa med pa mnyam pa nyid dang/ chos thams cad blad? ba? dang/ dor ba med pa mnyam pa nyid dang/ chos thams cad sgyu ma dang rmi lam dang mig g.yor dang sgra brnyan dang chu'i zla ba dang gzugs brnyan dang sprul pa dang mtshungs pa mnyam pa nyid dang/ chos thams cad dngos po yod pa dang/ dngos po med pa dang gnyi ga ma yin pa mnyam pa nyid de/ kye rgyal ba'i sras dge chos mnyam pa nyid bcu po 'di dag gis byang chub sems dpa' sa drug pa la 'jug go /de chos thams cad la rang bzhin de 'dra bar rab tu rtog cing dpyod pa dang mthun par
- 301b
sems shing mi byed pas byang chub sems dpa' i sa drug pa mthun pa'i bzod pa rnon pos 'thob ste/ 'on kyang da dung mi skye ba'i chos la bzod pa mngon du gyur pa ni thob pa ma yin no/ /de chos thams cad la rang bzhin de ltar rtog pa'i tshe de bas kyang snying rje chen po sngon du btang ba dang/ snying rje chen po la dbang bskur ba dang/ snying rje chen po yongs su rdzogs par bya ba'i phyir 'jig rten 'byung ba dang 'jig pa la rnam par blta'o/ /de 'jig rten 'byung ba dang 'jig pa la lta ba'i tshe 'di snyam ste/ 'jig rten kun tu rgyu ba'i skye bo ji snyed yod pa de dag thams cad bdag tu mngon par zhen pa las byung ste/ bdag tu mngon par zhen pa dang bral na 'byung ba yang med par 'gyur ro/ /byis pa'i blo can bdag tu mngon par mi shes pa'i rab rib kyis sgrib pa yod pa dang med pa dang mngon par mos pa tshul bzhin ma yin pa'i yid la byed pa la gzhol bas yang dag pa ma yin par rab tu zhugs pa log pa'i rjes su 'brang ba de dag ni bsod nams dang/ bsod nams ma yin pa'i 'du byed nye bar sogs te/ 'du byed de dag gis yongs su bsgos pa'i sems kyi sa bon zag pa dang bcas pa nye bar len pa dang bcas pa ni ma 'ongs pa'i skye ba dang rga shi dang/ yang srid pa mngon par 'grub pa 'byung bar nye bar song ba yin te/ las kyi zhing gi gzhi dang/ ma rig pa'i mun pa dang/ srid pa'i snum dang/ de'i nga rgyal gyis brlan pa'i lta ba'i rnam pa dang/ dran pa rab tu 'phel bas ming dang gzugs kyi myu gu 'byung ste/ byung nas rnam par 'phel lo/ /ming dang gzugs kyi myu gu rnam par 'phel nas dbang po lnga 'byung par 'gyur ro/ /dbang po lnga byung nas phan tshun 'dus shing phrad pas reg bar 'gyur ro/ /reg pa 'dus pas tshor ba 'byung ngo/ /tshor nas de'i rjes su mngon par smos pas sred pa 'byung ngo/ /sred pas ni nye bar len pa rnam par 'phel
- 302a
bar byed do/ /nye bar len pa rnam par 'phel ba las srid pa 'byung bar 'gyur ro/ /srid pa byung nas phung po lnga 'byung bar 'gyur te phung po lnga byung nas lam gyi rgyud lngar rim gyis dengs par 'gyur ro/ /de dengs nas 'brel bar 'gyur te/ dengs shing bral ba mi dga' zhing yongs su gdung bar 'gyur ro/ /mi dga' ba dang yongs su gdung ba'i rgyus mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa 'byung bar 'gyur yang de dag la su yang 'byung bar byed pa med do/ /rang bzhin dang lhun gyis grub par 'jig par 'gyur yang de dag la 'jig par byed pa su yang med do zhes de ltar byang chub sems dpa' sems dpa' chen po lugs su mthun par rten cing 'brel par 'byung ba la rab tu rtog go /'di snyam du sems te/ bden pa mngon par mi shes pa ni yang dag pa ma rig pa ste/ ma rig pa byas pa'i las kyis rnam par smin pa ni 'du byed rnams so/ /'du byed la gnas pa'i sems dang po ni rnam par shes pa'o/ /rnam par shes pa dang lhan cig tu skyes pa'i nye bar len pa'i phung po bzhi ni ming dang gzugs so/ /ming dang gzugs rnam par 'phel ba ni drug gi skye mched do/ /dbang po dang yul dang rnam par shes pa gsum phrang ba zag pa dang bcas pa ni reg pa'o/ /reg pa'i rjes las skyes pa'i tshor ba'o/ /tshor ba la chags pa ni sred pa'o/ /sred pa rnam par 'phel ba ni nye bar len pa'o/ /nye bar len pa las byung ba'i las zag pa dang bcas pa ni srid pa'o/ /las dang nyon mongs pa'i 'bras bu ni skye ba'o/ /skye ba ni phung po 'byung ba'o/ /phung po yongs su smin pa ni rga ba'o/ /rgas nas phung po 'jig pa ni 'chi ba'o/ /'chi zhing 'bral ba'i tshe myos shing 'chags par 'gyur pa'i sems la yongs su gdung ba ni mya ngan no/ /mya ngan las
- 302b
byung ba'i tshig tu brjod pa ni smre sngags 'don pa'o/ /dbang po lnga'i nyams su bab pa ni sdug bsngal ba'o/ /yid kyis lta ba'i nyams su bab pa ni yid mi bde ba'o/ /sdug bsngal dang yid mi bde ba mang po 'byung ba ni 'khrug pa ste/ de ltar sdug bsngal gyi phung chen po dang/ sdug bsngal gyi sdong po 'ba' zhig byed pa po dang/ tshor ba po med par mngon par 'grub par 'gyur ro/ /de 'di snyam du sems te/ byed pa po la mngon par chags pas las rnams yod par gyur to/ /gang na byed pa po mang pa de na don dam par na las kyang mi dmigs so/ /de 'di snyam du sems te/ 'di ltar khams gsum pa 'di dag sems tsam ste/ gang 'di srid pa'i yan lag bcu gnyis de bzhin gshegs pas rab tu phye ste bka' stsal pa de dag thams cad kyang sems gcig la gnas pa dag go /de ci'i phyir zhe na/ dngos bo gang la 'dod chags dang ldan pa'i sems bskyed pa de ni rnam par shes pa'o/ /dngos po ni 'du byed do/ /'du byed la mgo rmongs pa ni ma rig pa'o/ /ma rig pa'i sems dang lhan cig skyes pa ni ming dang gzugs so// ming dang gzugs dang rnam par 'phel ba ni drug gi skye mched do/ /drug gi skye mched dang 'brel pa ni reg pa'o/ /reg pa dang lhan cig skyes pa ni tshor ba'o/ /tshor bas mi ngoms pa ni sred pa'o/ /sred pas mnar te sdug cing gtong ba ni nye bar len pa'o/ /sred pa'i yan lag 'byung ba 'di dag ni srid pa'o/ /srid pa 'byung ba ni skye ba'o/ /skye ba yongs su smin pa ni rga ba'o/ /rga ba dang bral ba ni 'chi ba'o/ /de la ma rig pa ni bya ba gnyis su nye bar gnas pa yin te/ sems can rnams kyang dmigs pa la rmongs par byed do/ /'du byed mngon par 'grub pa'i rgyu yang 'byin to/ /'du byed rnams kyang bya ba gnyis su nye bar gnas pa yin te/ ma 'ongs pa'i rnam par smin pa yang mngon par grub par byed do/ /rnam par shes pa mngon par grub pa'i rgyu yang 'byin to//
- 303a
rnam par shes pa'ang bya ba gnyis su nye bar gnas pa yin te/ srid pa'i nying gi mtshams kyang sbyor ro/ /ming dang gzugs mngon par 'grub pa'i rgyu yang 'byin to/ /ming dang gzugs kyang bya ba gnyis su nye bar gnas pa yin ste/ phan tshun nye bar ston pa yang byed do/ /skye mched drug mngon par 'grub pa'i rgyu yang 'byin to/ /drug gi skye mched kyang bya ba gnyis su nye bar gnas pa yin te/ rang gi yul rnam par phye ba ston to/ /reg pa mngon par 'grub pa'i rgyu yang 'byin te/ / reg pa yang bya ba gnyis su nye bar gnas pa yin te/ dmigs pa la reg par yang byed do/ /tshor ba mngon par 'grub pa'i rgyu yang 'byin to/ /tshor ba yang bya ba gnyis su nye bar gnas pa yin te/ yid du 'ong ba dang/ yid du mi 'ong ba dang/ gnyis ka ma yin bar tshor ba bskyed do/ /sred pa mngon par 'grub pa'i rgyu yang 'byin to/ /sred pa yang bya ba gnyis su nye bar gnas pa yin te/ chags par 'gyur ba'i dngos po la mngon par chags par yang byed do/ /nye bar len pa'i mngon par 'grub pa'i rgyur yang 'byin to/ /nye bar len pa yang bya ba gnyis su nye bar gnas pa yin te/ kun nas nyon mongs pas 'ching bar yang byed do/ /srid pa mngon par 'byung ba'i rgyu yang 'byin to/ /srid pa yang bya ba gnyis su nye bar gnas pa yin te/ srid pa'i rgyu gzhan du yang gnas par byed do/ skye ba mngon par 'grub pa'i rgyu yang 'byin to/ /skye ba yang bya ba gnyis su nye bar gnas pa yin te/ phung po 'byung bar yang byed do/ /rga ba mngon par 'grub pa'i rgyu yang 'byin to/ /rga ba yang bya ba gnyis su nye bar gnas pa yin te/ dbang po yongs su 'gyur bar yang byed do/ /'chi bar 'gyur ba'i rgyu yang 'byin to/ /'chi ba yang bya ba gnyis su nye bar gnas pa yin te/ 'du byed 'jig par yang byed do/ /yongs su ma shes pa rgyun mi
- 303b
'chang ba'i rgyu yang 'byin to/ /de lam rig pa'i rkyen gyis 'du byed rnams so zhes bya ba ni ma rig pa'i rkyen gyis 'du byed rnams rgyun mi 'chad cing rton pa'o/ /'du byed kyi rkyen gyis rnam par shes pa'o zhes bya ba ni 'du byed kyi rkyen gyis rnam par shes pa rgyun mi 'chad cing rton pa'o/ /rnam par shes pa'i rkyen gyis ming dang gzugs zhes bya ba ni rnam par shes pa'i rkyen gyis ming dang gzugs rgyun mi 'chad cing rton pa'o/ /ming dang gzugs kyi rkyen gyis drug gi skye mched ces bya ba ni ming dang gzugs kyi rkyen gyis drug gi skye mched rgyun mi 'chad cing rton pa'o/ /drug gi skye mched kyis reg pa'o zhes bya ba ni drug gi skye mched kyi rkyen gyis reg pa rgyun mi 'chad cing rton pa'o/ /reg pa'i rkyen gyis tshor ba'o zhes bya ba ni reg pa'i rkyen gyis tshor ba rgyun mi 'chad cing rton pa'o/ /tshor ba'i rkyen gyis sred pa'o zhes bya ba ni tshor ba'i rkyen gyis sred pa rgyun mi 'chad cing rton pa'o/ /sred pa'i rkyen gyis nye bar len pa'o zhes bya ba ni srid pa'i rkyen gyis nye bar len pa rgyun mi 'chad cing rton pa'o/ /nye bar len pa'i rkyen gyis srid pa'o zhes bya ba ni nye bar len pa'i rkyen gyis srid pa rgyun mi 'chad cing rton pa'o/ /srid pa'i rkyen gyis skye ba'o zhes bya ba ni srid pa'i rkyen gyis skye ba rgyun mi 'chad cing rton pa'o/ /skye ba'i rkyen gyi rga shi'o zhes bya ba ni skye ba'i rkyen gyis rga shi rgyun mi 'chad cing rton pa'o/ /ma rig pa 'gags pas 'du byed rnams 'gag go zhes bya ba ni ma rig pa'i rkyen med pas 'du byed rnams nye bar zhi zhes rton pa med pa'o/ /de bzhin du ji srid skye ba'i rkyen gyis rga shi 'gag go /zhes bya ba ni skye ba'i rkyen med pas skye ba nye bar zhi zhing rton pa med pa'o/ /de ltar thabs dang bcas pa'i shes rab kyi stobs kyis yan lag bcu gnyis can gyi srid pa'i dngos po rnam par bsgom pa'i blo gros mnga' bas shin tu rnam par dag pa'i de bzhin nyid kyis srid pa'i yan lag 'dzin par
- 304a
mdzad pas na/ dag pa rnam pa bcu gnyis 'chang zhes bya ste/ de'i bdag nyid kyis gnas pa nyid 'chang ba yin gyi/ gzung ba dang 'dzin pa'i dngos por ma yin no/ /sdug bsngal dang kun 'byung dang/ 'gog pa dang lam gyi mtshan nyid can gyi bden pa ni rnam pa bzhis chos thams cad khrid par mdzad pas na bden pa bzhi'i tshul te gzhung lugs kyi lam mo/ /de ston cing rnam pa sna tshogs pas 'chad par mdzad pa 'am 'dis 'joms par mdzad pas na/ bden bzhi'i tshul gyis rnam pa can zhes bya'o/ /sdug bsngal la chos shes pa dang/ sdug bsngal la rjes su rtogs pa shes pa dang/ kun 'byung la chos shes pa dang/ kun 'byung la rjes su rtogs pa shes pa dang/ 'gog pa la chos shes pa dang/ 'gog pa la rjes su rtogs pa shes pa dang/ lam la chos shes pa dang/ lam la rjes su rtogs pa shes pa zhes bya ba'i shes pa brgyad po nyan thos dang/ rang sangs rgyas dang/ yang dag bar rdzogs pa'i sangs rgyas kyi lam gdul bya dang rjes su 'thun par thugs su chud cing mi mthun pa med pa'i don khong du chud pa 'dzin par mdzad pas na/ shes pa brgyad po rtogs pa 'chang zhes bya'o/ /glegs bam la la las ni/ bden bzhi'i tshul dang 'dra ba yi/ shes pa brgyad po rtogs pa 'chang zhes zer te/ de la bden pa bzhi'i tshul nyan thos la sogs pa dang rjes su mthun pas rnam pa bcu drug tu bya ba ni bden pa bzhi'i tshul gyis rnam pa ste/ mi bden pa'i rnam pa bcu drug bzhag pa las yongs su drang ba'i tshul gyis mi rtag pa la sogs pa'i rnam pa ji lta ba bzhin du bsgoms pas bzod pa brgyad dang shes pa brgyad 'byung bar 'gyur te/ /sdug bsngal la chos shes pa'i bzod pa dang/ sdug bsngal la chos shes pa dang/ sdug bsngal la rjes su chos shes
- 304b
pa'i bzod pa dang/ sdug bsngal la rjes su chos shes pa dang/ kun 'byung ba la chos shes pa'i bzod ba dang/ kun 'byung la chos shes pa dang/ kun 'byung la rjes su chos shes pa'i bzod pa dang/ kun 'byung la rjes su chos shes pa dang/ 'gog pa la chos shes pa'i bzod pa dang/ 'gog pa la chos shes pa dang/ 'gog pa la rjes su chos shes pa'i bzod pa dang/ 'gog pa la rjes su chos shes pa dang/ lam la chos shes pa'i bzod pa dang/ lam la chos shes pa dang/ lam la rjes su chos shes pa'i bzod pa dang/ lam la rjes su chos shes pa zhes bya ba'i rim pa thugs su chud cing ston pas dri ma med pa'i rtogs pa 'chad par mdzad pas na/ bden bzhi'i tshul dang 'dra ba yi/ shes pa brgyad po rtogs pa 'chang zhes bya'o/ /rten cing 'brel par 'byung ba'i yan lag bcu gnyis kyi rnam pas bden pa la 'jug pa'i ye shes kyis skye mched bcu gnyis rnam par dag nas sa bcu gnyis kyi mthar thug pa'i bde pa'i dgongs pa dang ldan pas/ bden don rnam pa bcu gnyis ldan zhes bya'o/ /de nyid rnam pa bcu drug ni stong pa nyid bcu drug ste/ shes rab kyi pha rol tu phyin pa nyi khri lnga stong pa zhes bya ba theg pa chen po ston pa las gsungs te/ rab 'byor gzhan yang byang chub sems dpa' sems dpa' chen po'i theg pa chen po 'di lnga ste/ nang stong pa nyid dang/ phyi stong pa nyid dang/ phyi nang stong pa nyid dang/ stong pa nyid stong pa nyid dang/ chen po stong pa nyid dang/ don dam pa stong pa nyid dang/ 'dus byas stong pa nyid dang/ 'dus ma byas stong pa nyid dang/ mdza' las 'das pa stong pa nyid dang/ thog ma dang tha ma med pa stong pa nyid dang/ dor ba med pa stong pa nyid dang/ rang bzhin stong pa nyid dang/ chos thams cad stong pa nyid dang/ rang gi mtshan nyid stong pa nyid dang/ mi dmigs pa stong pa nyid dang/ dngos po med pa'i ngo bo nyid stong pa nyid de/ de la nang stong pa nyid gang zhe
- 305a
na/ nang gi chos zhes bya ba ni mig dang/ rna ba dang/ sna dang/ lce dang/ lus dang/ yid de/ de la mi rtag mi 'jig pa'i phyir mig ni mig gis stong ngo/ /de ci'i phyir zhe na/ de'i rang bzhin de yin pa'i phyir ro/ /mi rtag mi 'jig pa'i phyir rna ba dang/ sna dang/ lce dang/ lus dang/ yid ni yid kyis stong ngo/ /de ci'i phyir zhe na/ de'i rang bzhin de yin pa'i phyir te/ 'di ni nang stong pa nyid do/ /de la phyi stong pa nyid gang zhe na/ phyi'i chos zhes bya ba ni gzugs dang/ sgra dang/ dri dang/ ro dang/ reg dang/ chos rnams te/ de la mi rtag mi 'jig pa'i phyir gzugs gzugs kyis stong ngo/ /de ci'i phyir zhe na/ de'i rang bzhin de yin pa'i phyir ro/ /de bzhin du mi rtag mi 'jig pa'i phyir sgra dang/ dri dang/ ro dang/ reg dang/ chos chos kyis stong ngo/ /de ci'i phyir zhe na/ de'i rang bzhin de yin pa'i phyir te/ 'di ni phye stong pa nyid ces bya'o/ /de la phyi nang stong pa nyid gang zhe na/ nang gi skye mched drug dang/ phyi'i skye mched drug po 'di dag ni phyi nang gi chos zhes bya ste/ de la mi rtag mi 'jig pa'i phyir nang gi chos rnams phyi'i chos kyis stong ngo/ /de ci'i phyir zhe na/ de'i rang bzhin de yin pa'i phyir ro/ /phyi'i chos rnams nang gi chos rnams kyis stong ngo/ /de ci'i phyir zhe na/ de'i rang bzhin de yin pa'i phyir te/ 'di ni phyi nang stong pa nyid ces bya'o/ /de la stong pa nyid stong pa nyid gang zhe na/ mi rtog mi 'jig pa'i phyir chos thams cad kyi stong pa nyid gang yin pa'i stong pa nyid des stong pa nyid stong ngo/ /de ci'i phyir zhe na/ de'i rang bzhin de yin pa'i phyir te/ 'di ni stong pa nyid stong pa nyid ces bya'o/ /de la chen po stong pa nyid gang zhe na/ mi rtag mi 'jigs pa'i phyir shar phyogs shar phyogs kyis stong ngo/ /lho phyogs lho phyogs kyis stong ngo/ /nub phyogs nub phyogs kyis stong ngo/ /byang phyogs byang phyogs kyis
- 305b
stong ngo/ /'og gi phyogs 'og gi phyogs kyi stong ngo/ /steng gi phyogs steng gi phyogs kyis stong ngo/ /phyogs mtshams rnams phyogs mtshams rnams kyis stong ngo/ /de ci'i phyir zhe na/ de'i rang bzhin de yin pa'i phyir te/ 'di ni chen po stong pa nyid ces bya'o// de la don dam pa stong pa nyid gang zhe na/ don dam pa ni mya ngan las 'das pa ste/ mi rtag mi 'jig pa'i phyir mya ngan 'das pa de yang mya ngan las 'das pas stong ngo/ /de ci'i phyir zhe na/ de'i rang bzhin de yin pa'i phyir te/ 'di ni don dam pa stong pa nyid ces bya'o/ /de la 'dus byas stong pa nyid gang zhe na/ 'dus byas zhes bya ba ni 'dod pa'i khams dang/ gzugs kyi khams dang/ gzugs med pa'i khams te/ de la mi rtag mi 'jig pa'i phyir 'dod pa'i khams 'dod pa'i khams kyis stong ngo/ /gzugs kyi khams gzugs kyi khams kyis stong ngo/ /gzugs med pa'i khams gzugs med pa'i khams kyis stong ngo/ /de ci'i phyir zhe na/ de'i rang bzhin de yin pa'i phyir te/ 'di ni 'dus byas stong pa nyid ces bya'o/ /de la 'dus ma byas stong pa nyid gang zhe na/ 'dus ma byas zhes bya ba ni gang la skye ba med pa dang/ 'gag pa med pa dang/ gnas pa las gzhan du 'gyur ba med pa 'di ni 'dus ma byas zhes bya ste/ mi rtag mi 'jig pa'i phyir 'dus ma byas 'dus ma byas kyis stong ngo/ /de ci'i phyir zhe na/ de'i rang bzhin de yin pa'i phyir to/ 'di ni 'dus ma byas stong pa nyid ces bya'o/ /de la mdza' las 'das pa stong pa nyid gang zhe na/ gang la mdza' mi dmigs pa de ni mdza' las 'das pa ste/ mi rtag mi 'jig pa'i phyir mdza' las 'das pa mdza' las 'das pas stong ngo/ /de ci'i phyir zhe na/ de'i rang bzhin de yin pa'i phyir te/ 'di ni mdza' las 'das pa stong pa nyid ces bya'o/ /de la thog ma dang tha ma med pa stong pa nyid gang zhe na/ gang la thog ma mi dmigs shing tha ma yang mi dmigs pa de la 'gro ba mi dmigs
- 306a
'ong ba yang mi dmigs te/ mi rtag mi 'jig pa'i phyir thog ma dang tha ma med pa thog ma dang tha ma med pas stong ngo/ /de ci'i phyir zhe na/ de'i rang bzhin de yin pa'i phyir te/ 'di ni thog ma dang tha ma med pa stong pa nyid ces bya'o/ /de la dor ba med pa stong pa nyid gang zhe na/ gang la gang yang dor ba med pa ste/ mi rtag mi 'jig pa'i phyir dor ba med pa dor ba med pa stong ngo/ /de ci'i phyir zhe na/ de'i rang bzhin de yin pa'i phyir te/ 'di ni dor ba med pa stong pa nyid ces bya'o/ /de la rang bzhin stong pa nyid gang zhe na/ 'dus byas sam 'dus ma byas kyang rung ste/ chos thams cad kyi rang bzhin gang yin pa de ni nyan thos rnams kyis ma byas/ rang sangs rgyas rnams kyis ma byas/ byang chub sems dpa' sems dpa' chen po rnams kyis ma byas/ de bzhin gshegs pa dgra bcom pa yang dag par rdzogs pa'i sangs rgyas kyis ma byas te/ mi rtag mi 'jig pa'i phyir rang bzhin rang bzhin gyis stong ngo/ /de ci'i phyir zhe na/ de'i rang bzhin de yin pa'i phyir te/ 'di ni rang bzhin stong pa nyid ces bya'o/ /de la chos thams cad stong pa nyid gang zhe na/ nga la chos thams cad ces pa ni gzugs dang/ tshor ba dang/ 'du shes dang/ 'du byed dang/ rnam par shes pa dang/ mig dang/ rna ba dang/ sna dang/ lce dang/ lus dang/ yid dang/ gzugs dang/ sgra dang/ dri dang/ ro dang/ reg dang/ chos dang/ mig gi rnam par shes pa dang/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa dang/ mig gi 'dus te reg pa dang/ rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa dang/ mig gi 'dus te reg pa'i rkyen gyis tshor ba dang/ rna ba'i 'dus te reg pa'i
- 306b
rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i rkyen gyis tshor ba dang/ lus kyi 'dus te reg pa'i rkyen gyis tshor ba dang/ yid kyi 'dus te reg pa'i rkyen gyis tshor ba dang/ gzugs yod pa'i chos dang/ gzugs med pa'i chos dang/ 'dus byas kyi chos dang/ 'dus ma byas kyi chos te/ 'di dag ni chos thams cad ces bya'o/ /de la mi rtag mi 'jig pa'i phyir chos thams cad chos thams cad kyis stong ngo/ /de ci'i phyir zhe na/ de'i rang bzhin de yin pa'i phyir te/ 'di ni chos thams cad stong pa nyid ces bya'o/ /de la rang gi mtshan nyid stong pa nyid gang zhe na/ gzugs ni 'jig pa'i mtshan nyid/ tshor ba ni myong ba'i mtshan nyid/ 'du shes ni 'dzin pa'i mtshan nyid/ 'du byed ni mngon par 'du byed pa'i mtshan nyid/ rnam par shes pa'i rnam par rig pa'i mtshan nyid de/ mi rtag mi 'jig pa'i phyir 'dus byas kyi chos rnams kyi mtshan nyid gang yin pa dang/ 'dus ma byas kyi chos rnams kyi mtshan nyid gang yin pa'i rang rang gi mtshan nyid de dag gis chos de dag thams cad stong ngo/ /de ci'i phyir zhe na/ de dag gi rang bzhin de yin pa'i phyir te/ 'di ni rang gi mtshan nyid stong pa nyid ces bya'o/ /de la mi dmigs pa stong pa nyid gang zhe na/ gang la 'das pa mi dmigs pa dang/ ma 'ongs pa mi dmigs pa dang/ da ltar byung ba'i gnas mi dmigs pa ste/ mi rtag mi 'jig pa'i phyir mi dmigs pa mi dmigs pas stong ngo/ /de ci'i phyir zhe na/ de'i rang bzhin de yin pa'i phyir te/ 'di ni mi dmigs pa stong pa nyid ces bya'o/ /de la dngos po med pa'i ngo bo nyid stong pa nyid gang zhe na/ chos thams cad rten cing 'brel bar 'byung ba'i phyir 'dus pa'i ngo bo nyid med de/ mi rtag mi 'jig pa'i phyir 'dus pa 'dus pas stong ngo/ /de ci'i phyir zhe na/ de'i rang bzhin de yin pa'i phyir te/ 'di ni dngos po med pa'i
- 307a
ngo bo nyid stong pa nyid stong pa nyid ces bya'o/ /zhes bya ba'i stong pa nyid rnam pa bcu drug gi de kho na nyid mkhyen pas na/ de nyid rnam pa bcu drug rig ces bya'o/ /de la gzhan yang stong pa nyid bzhi dang bcas pa'i stong pa nyid nyi shu'i/ rnam pa thugs su chud pas na/ rnam pa nyi shu byang chub pa/ rnam par sangs rgyas kun rig mchog ces bya ste/ de yang rab 'byor gzhan yang dngos po ni dngos pos stong ngo/ /dngos po med pa ni dngos po med pas stong ngo/ /rang bzhin ni rang bzhin gyis stong ngo/ /gzhan gyi dngos po ni rang bzhin gyi dngos po dngos pos stong ngo/ /de la dngos po dngos pos stong zhes bya ba gang zhe na/ phung po lnga po ste/ phung po de dag kyang phung po rnams kyis stong pas de ltar na dngos po dngos pos stong ngo/ /ji ltar na dngos po med pa dngos po med pas stong zhe na/ dngos po med pa zhes bya ba ni 'dus ma byas pa ste/ 'dus ma byas de yang 'dus ma byas kyis stong pas de ltar na dngos po med pa dngos po med pas stong ngo/ /ji ltar na rang bzhin rang/ bzhin gyis stong zhe na/ rang bzhin zhes bya ba ni ngo bo nyid ma nor ba ste/ de la stong pa nyid gang yin pa de ni shes pas ma byas mthong bas ma byas te/ 'di ni rang bzhin stong pa nyid do/ /de la gzhan gyi dngos po stong pa nyid gang zhe na/ de bzhin gshegs pa rnams byung yang rung/ de bzhin gshegs pa rnams ma byung yang rung ste/ chos kyi gnas nyid dang/ chos nyid dang/ chos kyi dbyings dang/ chos skyon med pa nyid dang/ de bzhin nyid dang/ ma nor ba de bzhin nyid dang/ gzhan ma yin pa de bzhin nyid dang/ yang dag pa'i mdza' ni de bzhin nyid du gnas pa ste/ de ltar chos de dag gi gzhan gyi stong pa gang yin pa de ni gzhan gyi dngos po stong pa nyid ces bya ste/ rab 'byor 'di ni byang chub sems dpa' sems dpa'
- 307b
chen po'i theg pa chen po'o/ /de lta bu'i rnam pa nyi shu'i rdzogs pa'i byang chub gang yin pa de la de skad ces bya'o/ /yang na byang chub sems dpa' i tshe bcu drug gis sangs rgyas nyid thob bo zhes gsungs pas na byang chub sems dpa' bcu drug? gi rnam pa yong? su mkhyen pa'i phyir/ /de nyid rnam pa bcu drug rig ces bya ste/ de yang dpal rdo rje snying po'i rgyan ces bya ba'i rgyud las/ 'gro la yang dag sgro ba'i sems/ /bstan la snying po legs bsgoms shing/ /stong nyid de nyid las byung ba/ /rdo rje sems dpar de bshad do/ /'gro ba thams cad bkug nas ni/ /sangs rgyas byang chub la sbyor ba/ /don yod ye shes dag pa ste/ /rdo rje rgyal po mchog tu bshad/ /rdo rje chags pas chags pa'ang/ /'gro ba ma lus lhag ma med/ /ngo bo nyid kyis bstan gyur ba'i// sems de chags pa yin par bshad/ /chos rnams ngo bo nyid kyis ni/ /dben zhing de bzhin gnyis med par/ /gang tshe dag pa'i bdag nyid mthong de tshe 'di ni legs par bshad/ /rdo rje sems dpa' bzhi po yi/ /ming gi brdar btags sbyar ba ni/ /sangs rgyas kun dang mnyam sbyar ba'i/ /bde mchog mchog gi dam ba yin/ /khams gsum pa yi rgyal po che/ /tshogs gnyis yongs su rdzogs pa dang/ /sa dang pha rol phyin pa mchog mchog /rdo rje dbang bskur legs 'byung ba'i/ /bde gshegs kun gyi ye shes ni/ /rnyog pa med cing 'gyur ba med/ /'od kyi dkyil 'khor gzi brjid mchog /brtan zhing rtag par gyur pa yin/ /nam mkha' i mdzod ni mdzod chen po/ /chos rnams kun la dbang bskur ba/ /yid bzhin nor bu rdo rje che/ /rdo rje tog ni bla med pa'o/ /ye shes snang ba rin chen che/ /ngo mtshar la sogs nges par ston/ /de bzhin gshegs pa kun gyi gsang/ /rdo rje bzhad pa zhes bsgrags so/ /bdag med chos las legs par byung/ /gnyis med ye shes dam pa ste/ /chos nyid mchog
- 308a
tu bsam mi khyab/ /rdo rje chos su de bshad do/ /rdo rje blo ni snang ba che/ /shes rab ye shes dri ma med/ /zag pa med pa'i shes rab che/ /rdo rje rnon por de bshad do/ /sangs rgyas rnams kyi chos 'khor lo/ /gnyis med thob pa'i mtshan nyid can/ /rten 'brel yan lag bcu gnyis grags/ /rdo rje rgyu zhes grags pa yin/ /sems can skad kyis spros pa'i mchog /yul rnams dag ni nges gsungs pa/ /sangs rgyas kun gyis bzlas pa che/ /rdo rje gsung du de bshad do/ /sems can kun don yang dag 'byor/ /sangs rgyas kun gyi mchog chen po/ /dang po'i sbyor ba dag pa che/ /rdo rje las shes bya bar bshad/ /bla na med pa'i byams pa che/ /bsrung ba las ni bla med par/ /dag pa'i chos ni brtson 'grus che/ /rdo rje srung ba zhes bshad do/ /sangs rgyas skyob pa thams cad kyi/ /shes rab thabs kyi khro bo che/ /nyon mongs thams cad za ba che/ /rdo rje gnod sbyin du de bshad/ /sku gsung thugs kyi sbyor ba ni/ /sgrib pa med cing bla med pa/ /de bzhin gshegs pa kun gyi gsang/ /rdo rje bsdus par rtag tu bshad/ /rdo rje ye shes rnal 'byor che/ /sangs rgyas kun gyis stobs chen po/ /thog ma tha ma med zhi ba/ /rig pa'i mchog tu gnas pa yin zhes bya ba ste/ thugs kyi rab tu 'jug pa'i dbye bas rnam par phye ba yin gyi/ rgyud gzhan la so sor snang bas ni phye ba ma yin te/ mdza' yas pa'i rnam par thal bar 'gyur ba'i phyir ro/ /de yang byang chub tu thugs bskyed pa nas brtsams te/ ji srid du sangs rgyas kyi bar du sems kyi rgyun gcig gi dbang du byas nas rnam pa'i dbye ba rab tu bzhag pa yin te/ de la dang por bdud dang mu stegs la sogs pas mi phyed cing brtan pa'i byang chub kyi sems bskyed par bya'o/ /byang chub tu sems yang dag par bskyed nas theg pa chen po la sems can rnams mdzad? bar byed do/
- 308b
btsud pa rnams 'di nyid la rjes su chags pa nyid du bya'o/ /shin tu rjes su chags pa rnams ni 'di nyid legs so zhes chos nyid kyi de kho na nyid rtogs pa la nges par 'gyur ro/ /de ltar bsod nams dang ye shes kyi tshogs rdzogs par bya ba'i sangs rgyas nyid las mi 'gyur ba rnams ni srid pa gsum gyis chos kyi rgyal por dbang bskur ba 'thob bo/ /dbang bskur ba rnams ni mi mthun pa'i phyogs las rnam par rgyal bar bya ba'i phyir gzi brjid chen por 'gyur ro/ /rnam par rgyal ba dang rab tu 'bar ba'i gzi brjid thob pa rnams ni sems can thams cad la mi 'jigs pa sbyin pa'i rgyal mtshan sgreng bar byed do/ /sbyin pa chen po'i rgyal mtshan bsgreng ba rnams ni shin tu rmad du byung ba'i chos rab tu ston pa'i snga ltas bzhad par ston la/ shin tu rmad du byung ba'i bshad pa chen po yang dag par ston pa rnams ni rdo rje chos kyi mnyam pa nyid rtogs par 'gyur ro/ /rdo rje chos kyi mnyam pa nyid khong du chud nas chos thams cad rnam pa thams cad du rtogs par 'gyur ro/ /chos thams cad rnam pa thams cad du rtogs pa rnams ni chos kyi 'khor lo skor bar byed do/ /chos kyi 'khor lo bskor ba rnams dgongs pa'i don rnam pa sna tshogs pas sems can rnams kyi don byed pa'i skad thams cad kyis de kho na nyid ston to/ /de kho na nyid ston pa rnams ni de bzhin gshegs pa thams cad la mchod cing bsnyen bskur la 'jug par byed do/ /de bzhin gshegs pa thams cad la mchod cing bsnyen bkur la 'jug pa rnams ni byams pa chen po'i go chas sems can thams cad yang dag par srung bar byed do/ /sems can thams cad yang dag par bsrung ba rnams ni sems can gdug pa rnams dang/ nyon mongs pa'i phyogs zad par byed do/ /nyon mongs pa ma lus par zad pa rnams ni/ de bzhin gshegs pa thams cad kyi tshogs yang dag par bsdus pa'i khu tshur 'chang ste/ de ltar na sems can gyi rgyu nas?
- 309a
pa bcu drug nyid rtogs pa dang/ de bzhin du gzhan yang rnam pa bzhi ste/ yongs su rdzogs pa'i sems de nyid me long lta bu'i ye shes kyi ngo bo nyid du gyur pa mi bskyod pa'i ngo bo nyid dang/ mnyam pa nyid kyi ye shes kyi bdag nyid can rin chen 'byung ldan gyi ngo bo nyid dang/ so sor rtog pa'i ye shes kyi rnam pa 'od dpag tu med pa'i ngo bo nyid dang/ bya ba grub pa'i ye shes kyi bdag nyid can don yod par grub pa'i ngo bo nyid de/ de dag ni rnam pa nyi shu ste/ dbus su chos kyi dbyings shin tu rnam par dag pa'i ngo bo nyid rnam par snang mdzad bzhugs pa las rnam par snang mdzad chen po'i ngo bo nyid bcom ldan 'das rje btsun 'jam dpal mngon par byang chub pas na/ rnam pa nyi shus byang chub pa zhes bya'o/ /'di nyid kyis na rnam pa sna tshogs pas sangs rgyas pa'i phyir na rnam par sangs rgyas so/ /rnam pa thams cad mkhyen pa'i ye shes mnga' bas na kun rig go /thams cad kyi dam par gyur pas na mchog go /sangs rgyas kyi sprul pa dpag tu med pa'i sprin rnams kyis 'jig rten gyi khams dpag tu med cing mdza' yas pa rnams su gtogs pa'i sems can rnams kyi don cig car mdzad pas na/ sangs rgyas kun gyi sprul pa'i sku/ /bye ba dpag med 'gyed pa po zhes bya'o/ /sems kyi skad cig ma bcu drug gi rang bzhin thugs su chud pa'i ngo bo nyid du gyur pas na/ skad cig thams cad mngon par rtogs zhes bya'o/ /sems kyi skad cig don kun rig ces bya ba la/ sems kyi skad cig gi don ni skye ba med pa dang/ dngos po med pa'o/ /de ji lta ba bzhin du thugs su chud pas na/ sems kyi skad cig don kun rig ces bya'o/ /theg pa sna tshogs zhes bya ba ni 'jig rten pa dang/ nyan thos dang/ rang sangs rgyas dang/ yang dag par rdzogs pa'i sangs rgyas kyi theg pa rnams so/ /de rnams kyi
- 309b
tshul ni rigs pa'i bye brag go /de nyid 'gro ba'i don byed pa'i thabs te/ mtho ris dang thar pa la sogs pa thob par byed pas te/ de bas na/ theg pa sna tshogs thabs tshul gyi/ /'gro ba'i don la rtog pa po zhes byas te/ de ni gdul bya'i bsam pa'i bye brag gi dbang du mdzad pa yin gyi/ don dam par ni theg pa la dbye ba yod pa ma yin te/ theg pa ni gcig pu nyid du zad la/ 'bras bu yang sangs rgyas la sogs par gcig pas na/ theg pa gcig gi 'bras bur gnas zhes bya ste/ theg pa thams cad bsdus pa'i tshul ni theg pa chen po yin no/ /ji skad du dam pa'i chos pad+ma dkar po'i mdo las/ don dam par ngas yang dag par gsungs pa ni 'di yin te/ mi mkhas gang dag dman la mngon dga' zhing/ /sangs rgyas bye ba mang la spyod ma sbyar// 'khor bar chags shing shin tu sdug bsngal ba/ /de la mya ngan las 'da' nye bar bstan/ /sangs rgyas ye shes rab tu rtogs bya'i phyir/ /de ltar rab 'byung ba ni thabs mdzad de/ /khyed cag sangs rgyas su yang 'grub po zhes/ /de rnams ? re zhig mi gsung ngo zhes gsungs pa dang/ yang mdo de nyid las rab byung bdag nyid ci la gnas pa dang/ sangs rgyas ji ltar ci dang ci 'dra pa/ /stobs dang bsam gtan rnam thar dbang po rnams/ /de dag nyid la sems can rab tu 'jog /byang chub rdul med dam pa thob nas su/ /theg pa dman la sems can gcig bkod na/ 'di ni nga yi legs pa ma yin te/ /ser sna'i nyes pa nga la yod par 'gyur zhes gsungs pa yin no/ /bshad pa 'di la langkar gshegs pa'i mdo las blo gros chen po gzhan yang mngon par rtogs par 'gyur ba'i rigs lnga yod de/ lnga gang zhe na/ 'di ltar nyan thos kyi theg pa mngon par rtogs par 'gyur ba'i rigs dang/ rang sangs rgyas kyi theg pa mngon par rtogs par 'gyur ba'i rigs dang/ de bzhin gshegs pa'i
- 310a
thebs mngon par rtogs par 'gyur pa'i rigs dang/ gang du 'ang ma nges pa'i rigs dang/ rigs med pa dang lnga'o/ /blo gros chen po nyan thos kyi theg pa mngon par rtogs par 'gyur ba'i rigs ji ltar khong du chung par bya zhe na/ gad phung po dang/ khams dang skye mched dang/ rang dang spyi'i mtshan nyid yongs su shes pa khong bu chung par 'gyur pa bstan na lus kyi sbu ldang zhing de'i blo mtshan nyid yongs su 'dris par bya ba'i shes pa la 'jug la/ rten cing 'brel par 'byung ba dang tha mi dad pa'i mtshan nyid yongs su 'dris bar bya ba la ma yin pa ste/ blo gros chen po 'di ni nyan thos kyi theg pa mngon par rtogs par 'gyur ba'i rigs te/ nyan thos kyi theg pa mngon par rtogs pa'i lta bas sa drug dang lnga dag tu kun nas lta ba'i nyon mongs pa rab tu spangs nas bag chags kyi nyon mongs pa rab tu ma spangs pa bsam gyis mi khyab pa'i 'chi 'pho dang ldan pa de ni bdag gi skye ba zang ngo/ /tshangs par spyod pa la gnas so/ /bya ba byas so/ /zhes yang dag par seng ge'i sgrar sgrog cing de la sogs pa smras nas gang zag la bdag med par yongs su 'dris pa nas mya ngan las 'das pa'i bar gyi blor 'gyur ro/ /blo gros chen po gzhan dag ni bdag dang/ sems can dang/ srog dang/ gso pa dang/ skyes bu dang/ gang zag yod par khong du chud par mya ngan las 'das pa tshol lo/ /blo gros chen po yang gzhan dag ni dngos po thams cad rgyu la rag las par mthong nas mya ngan las 'das pa 'dod pa'i blo 'gyur te/ blo gros chen po chos la? bdag med par mthong pa med pa'i phyir thar pa ni med do/ /blo gros chen po 'di ni nyan thos kyi theg pa mngon par rtogs par 'gyur ba dang/ mu stegs can gyi rigs 'byung ba ma Tyin pa las 'byung pa'i blo can te/ blo gros
- 310b
chen po 'di la khyod kyis lta ba ngan pa rnam par bzlog pa'i phyir brtson par bya'o/ /blo gros chen po de la rang sangs rgyas kyi theg pa la mngon par rtogs par 'gyur ba'i rigs ni gang gcig pu'i phyir mngon par rtogs par bstan na mchi ma dang snying yer zhes lus kyi sbu ldang par 'gyur zhing 'du 'dzi med pa'i rkyen gyis dngos po la mngon par zhen pa dang/ rang gi lus kyis rdzu 'phrul sna tshogs pa rnam pa mang po bsnor? ba dang/ zung gi cho 'phrul bstan pa rab tu bshad na dga' bar 'gyur ba yin te/ de ni rang sangs rgyas kyi theg pa mngon par rtogs par 'gyur pa'i rigs can du shes nas rang sangs rgyas kyi theg pa mngon du rtogs par 'gyur ba dang rjes su mthun pa'i gtam bya'o/ /blo gros chen po 'di ni rang sangs rgyas kyi theg pa mngon par rtogs par 'gyur ba'i rigs can gyi mtshan nyid do/ /blo gros chen po de la de bzhin gshegs pa'i theg pa mngon par rtogs par 'gyur ba'i rigs ni rnam pa gsum ste/ 'di ltar rang bzhin gyis rang bzhin med pa'i chos mngon par rtogs par 'gyur ba'i rigs dang/ khong du chud pa dag gi so so rang gi mngon par rtogs par 'gyur ba'i rigs dang/ sangs rgyas kyi zhing phyi rol yangs pa mngon par rtogs pa'i rigs so/ blo gros chen po rnam pa gsum po 'di dag las gang yang rung ba zhig bstan pa dang/ rang gi sems snang pa'i lus dang/ kun gzhi dang/ longs spyod dang/ gnas bsam gyis mi khyab pa'i yul bstan pa na mi 'jigs mi skrag skrag par mi 'gyur na de ni de bzhin gshegs pa'i theg pa mngon par rtogs par 'gyur pa'i rigs can du shes par bya ste/ blo gros chen po 'di ni de bzhin gshegs pa'i theg pa mngon par rtogs par 'gyur ba'i rigs can gyi mtshan nyid do/ /blo gros chen po ma nges pa'i rigs can ni gsum po 'di dag bstan pa'i tshe gang la dga' ba
- 311a
de la rjes su sbyor bar bya'o/ /blo gros chen po 'di ltar rigs rnam par dgong pa 'di ni yongs su sbyad ba'i sa te/ snang ba med pa'i sa la 'jug pa'i phyir rnam par dgong par bya'o/ /so so rang gi kun gzhi la rang gi nyon mongs pa'i bag chags dag nas chos la bdag med pa mthong ba'i phyir ting nge 'dzin gyi bde ba la gnas pa thob nas nyan thos rnams kyang rgyal ba'i sku nyid rab tu thob par 'gyur ro/ /zhes gsungs pa dang/ yang mdo de nyid las de la theg pa gcig po rtogs pa'i mtshan nyid gang zhe na/ 'di lta ste/ theg pa gcig gi lam rig cing khong du chud pas theg pa gcig ces bya'o/ /theg pa gcig gi lam rig cing khong du chung pa gang zhe na/ 'di lta ste/ gzung ba dang 'dzin pa'i rnam par rtog pa yang dag pa ji lta ba bzhin du gnas pas rnam par rtog pa mi 'byung ba'i phyir theg pa gcig gi khong du chud par byas pa yin no/ /blo gros chen po theg pa gcig po khong du chud pa 'di ni nga ma gtogs par mu stegs can gzhan dang/ nyan thos dang/ rang sangs rgyas dang/ tshangs pa la sogs pas sngon ma thob bo/ /des na de'i phyir blo gros chen po theg pa gcig ces bya'o/ /blo gros chen pos gsol pa/ bcom ldan 'das kyis ci'i slad du theg pa gsum du bshad de/ theg pa gcig tu bshad/ bcom ldan 'das kyis bka' stsal pa/ blo gros chen po 'di ltar nyan thos dang/ rang sangs rgyas thams cad ni de bzhin gshegs pa'i gdul bya dang/ rab tu dben pa'i rnal 'byor gyi lung gis 'grol gyis rang gis ma yin te/ blo gros chen po bdag nyid yongs su mya ngan las mi 'da' ba' i chos can bas na nyan thos dang/ rang sangs rgyas thams cad la theg pa gcig tu ma bshad do/ /blo gros chen po nyan thos dang/ rang sangs rgyas thams cad
- 311b
ni shes bya'i sgrib pa dang/ las kyi bag chags ma spangs pa'i phyir chos la bdag med pa ma rtogs shing bsam gyis mi khyab par 'gyur ba'i shi 'pho ba ma thob bas nyan thos rnams la theg pa gsum du bstan te/ theg pa gcig tu ma yin no/ /blo gros chen po de dag na mnyes pa'i bag chags thams cad spangs shing chos la bdag med par rtogs pa de dag bag chags kyi nyes pa dang/ ting nge 'dzin gyis myos par gyur nas zag pa med pa'i dbyings nas slar sad de/ de yang 'jig rten dang 'jig rten las 'das pa zag pa med pa'i dbyings su gtogs pa'i tshogs rnams yongs su ? nas chos kyi sku bsam gyi mi khyab pa la dbang byed pa rab tu thob par 'gyur ro/ /de la 'di skad ces bya ste/ lha yi theg dang tshangs pa'i theg /nyan thos kyi yang de bzhin te/ /de bzhin gshegs dang rang rgyal gyi/ /theg pa de dag ngas bshad de/ /ji srid sems ni 'jug pa'i bar/ /theg pa dag la thug pa med/ /sems ni shin tu 'gyur bas ne/ /theg pa med cing 'gro ba 'ang med/ /theg pa'i rnam pa gzhan med kyang/ /sems can rnams ni drang ba'i phyir/ /theg pa tha dad ngas bshad de/ /theg pa gcig tu ngas bstan to/ /de bzhin rnam grol gsum po dang/ /chos la bdag med de nyid dang/ /mnyam med ye shes nyon mongs pa/ /rnam par grol bas de dag spangs/ /ji ltar shing dag rgya mtsho la/ /rlabs rnams kyis ni rnam par g.yengs/ /de bzhin nyan thos rmongs pa yang/ /mtshan nyid rnams kyis rab tu g.yengs/ /kun nas ldang dang bral mod kyi/ /nyon mongs bag chags rnams dang 'brel/ /ting 'dzin myong bas de myos te/ /zag pa med pa'i dbyings na 'khod/ /tha mar phyin pa de la med/ /phyir yang de las mi ldog ste/ /ting nge 'dzin gyi lus thob nas/ /bskal pa'i bar du de mi sad/ /ji ltar skyes bu ra ro ba/ /chang dang bral nas sar gyur bzhin/ /de nas de dag gang gi
- 312a
yang/ /chos kyi sku ni thob par 'gyur zhes gsungs pa dang/ /phyir mi ldog pa'i 'khor lo'i mdo las kyang theg pa gcig tu bstan pa'i dbang du mdzad nas gsungs pa/ de nas bcom ldan 'das de'i bsnyen bkur ba byang chub sems dpa' sems dpa' chen po sgra dbyangs snyan pa zhes bya ba de pad+ma'i stan de las langs te/ bla gos phrag pa gcig tu bgos nas bcom ldan 'das de'i zhabs la mgo bos phyag 'tshal te/ pus mo g.yas pa'i lha de pad+ma'i snying po la btsugs nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das 'jig rten gyi khams gsum mi mdzad de ji srid gcig na mchis/ de skad ces gsol pa dang/ de bzhin gshegs pa 'od zer gyis khebs pa'i pad+ma rab tu rgyas pa'i skas byang chub sems dpa' sems dpa' chen po sgra dbyangs snyan pa la 'di skad ces bka' stsal to/ /rigs kyi bu 'jig rten gyi khams 'di nas nub phyogs phyogs su 'jig rten gyi khams gang+gA'i klung gi bye ma snyed 'das pa na'o/ /gsol pa/ bcom ldan 'das 'jig rten gyi khams de na bcom ldan 'das gang chos ston/ bcom ldan 'das des bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya'o/ /gsol pa/ bcom ldan 'das de ni chos ston pa ci 'dra ba zhig lags/ bka' stsal pa/ theg pa gsum las brtsams te'o/ /gsol pa/ bcom ldan 'das theg pa gsum po de dag gang lags/ bka' stsal pa/ nyan thos kyi theg pa dang/ rang sangs rgyas kyi theg pa dang/ theg pa chen po ste/ theg pa gsum po de dag las brtsams nas bcom ldan 'das de bzhin gshegs pa dgra bcom pa yang
- 312b
dag par rdzogs pa'i sangs rgyas shAkya thub pa de chos ston to/ /gsol pa/ bcom ldan 'das sangs rgyas bcom ldan 'das thams cad kyi chos bstan pa mthun pa na? lags sam/ bka' stsal pa/ rigs kyi bu sangs rgyas bcom ldan 'das rnams kyi chos bstan pa ni mthun no/ /gsol ba/ sangs rgyas bcom ldan 'das rnams kyi chos bstan pa ci tsam zhig mthun/ bka' stsal pa/ sangs rgyas bcom ldan 'das rnams kyi chos bstan pa ni phyir mi ldog pa'i chos kyi 'khor lor mthun no/ /gsol pa/ bcom ldan 'das ji ltar bcom ldan 'das de theg pa gsum las brtsams te/ de ltar chos ston/ bka' stsal pa/ rigs kyi bu sems can de dag snyigs ma lnga'i dus na byung bas dman pa la mos pa dag ste/ de dag theg pa gcig la mi 'jug pas na thabs mkhas pas de dag de ltar nye bar khrid? de/ rigs kyi bu sangs rgyas bcom ldan 'das rnams ni thabs mkhas pa chen po dang ldan pa'o/ /bcom ldan 'das de ni snyigs ma lnga'i dus na byung ste/ de dag ni theg pa gcig la ma mos pa dag go zhes gsungs pa dang/ yang de nyid las de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das ci lags/ 'jam dpal gzhon nur gyur pa phyir mi ldog pa'i 'khor lo'i slad du yongs su zhu lags sam/ bka' stsal pa/ kun dga' bo de de bzhin te/ kun dga' bo sangs rgyas bcom ldan 'das rnams ni phyir mi ldog pa'i 'khor lo bskor ba dag go /gsol pa/ bcom ldan 'das de bzhin gshegs pa ca la dkongs te dad? bar rjes su 'brang ba bstan/ chos kyi rjes su 'brang ba bstan/ de bzhin du bcom ldan 'das de gshegs pa dgra bcom pa yang dag par rdzogs pa'i sangs rgyas kyi ci la dgongs te brgyad ba dang/ rgyun tu zhugs pa dang/ lan cig phyir 'od ba dang/ phyi mi 'ong?
- 313a
ba dang/ dgra bcom pa dang/ nyan thos dang/ rang sangs rgyas dang/ bcom ldan 'das de bzhin gshegs pas gang la dgongs te dad pas rjes su 'brang pa yongs su bstan pa dang/ de bzhin du de bzhin gshegs pas gang la dgongs te chos kyi rjes su 'brang ba dang/ brgyad pa dang/ rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa dang/ nyan thos dang/ rang sangs rgyas yongs su bstan pa de bcom ldan 'das de bzhin gshegs pas byang chub sems dpa' i chos kyang de nyid lags par de ltar yongs su bstan tam/ ci lags bcom ldan 'das kyis bstan du gsol/ bka' stsal pa/ kun dga' bo de de bzhin te/ de bzhin gshegs pas de dag nyid byang chub sems dpa' i chos zhes de skad yongs su bstan to/ /de ci'i phyir zhe na/ kun dga' bo snyigs ma lnga'i tshe skyes pa'i sems can de dag ni dman pa la mos pa dag ste/ de dag sangs rgyas kyi ye shes la ma mos pas kun dga' bo sangs rgyas bcom ldan 'das thabs la mkhas pas de lhar de dag la chos ston to/ /kun dga' bo sems can gang dag rgya chen pos mos pa de dag ni nyung ste/ kun dga' bo sems can gang dag dman pa la mos pa de dag gi ched du de bzhin gshegs pa thabs mkhas pa de lta bus chos ston te/ thabs 'dis sangs rgyas kyi chos ston to zhes gsungs so/ /yang de nyid las/ 'di la dngos po grub pa med/ /'di la sems can yod ma yin/ /ci nas sus kyang mi mthong ba/ /khams de rnam par lta bar gyis/ /nyin dang mtshan du g.yel med par/ /sems can rnams la de skad sgrogs/ /bdag ni 'ga' zhig sgrags so zhes/ /rlom sems de la ci yang med ces gsungs pa dang/ yang de nyid
- 313b
las/ spros pa med cing rnyog pa med/ /chags pa med pa'i dbyings kyang ston/ /sangs rgyas chos rnams ma lus par/ /rnam par mthong nas ston par byed/ /sangs rgyas rnams kyis gang gsungs pa/ /chos dang ring bar mi rtog cing/ /chos dang nye bar mi rtog ste/ /de phyir de dag 'dre ba med/ /sgrogs kyang 'dre ba yod min zhing/ /sems can dpag tu med la brjod/ /sems can de dag mthong ba med/ /des de nyan thos shes brjod do/ /kun dga' 'di la dgongs nas ni/ /nga yi nyan thos yongs su bstan/ /byang chub sems dpa' mi gnas pa/ /nyan thos de ltar shes par gyis zhes gsungs pa dang/ yang de nyid las/ nyon mongs med cing bral pa med/ /chos med rnam par smin pa med/ /sangs rgyas chos dang dge 'dun med/ /mya ngan 'das med rab byung med/ /de la zhi gnas gang yang med/ /lhag mthong yang ni yod ma yin/ /yod byad bsnyungs med 'dod chung med/ /le lo med cing brtson 'grus med/ /rgod pa med cing 'gyod pa med/ /sdom pa'ang yod pa ma yin te/ /gang phyir sdom par gyur ba yi/ /'di la dngos po grub pa med/ /'di la rtog pa'am rnam rtog med/ /rnam mi rtog pa'ang yod ma yin/ /'jigs pa med cing dgon pa med/ /bcings pa med cing thar pa med/ /'di ni sgra yis 'jug pa ste/ /'jug pa med par nges par bstan/ /chos rnams thams cad sgra med de/ /sgra nyid kyis ni brjod pa yin/ /'di ni mngon sum gyur pas na/ /zad mi shes pa'i tshul bstan to/ /ting 'dzin 'di la brten nas ni/ /de ni sgra la mi chags so/ /ci 'dra gang gi gang yin pa/ /sgra de des ni mngon sum shes/ /chos kun 'di ltar mnyam pa ste/ /brjod pa med cing gnas pa med/ /'di na mngon sum gyur pas na/ /tshu rol nas ni pha rol song/ /de ni smod pa med pa ste/ /rang rdzogs sangs rgyas zhes brjod do zhes gdungs pa dang/ yang de nyid las/ len pa len pa ma yin te/ /stong pa dang ni
- 314a
rnam par bshig /de ni dngos por grub med de/ /smig rgyu la ni chu bzhin no/ /de yi srid par 'du shes gang/ /de yi gnyen 'du shes sdig can/ /de yi de rang bzhin gyis/ /rtag par shin tu dngos med ces/ /de la skye pa thams cad med// de la 'chi ba yod ma yin/ /de ni nam yang gang zhig tu/ /skye bar 'gyur ba gang yang med/ /rkyan rnams 'di dag shes nas ni/ /de ni gang la'ang mi gnas te/ /rang sangs rgyas zhes bya ba'i sgrar?/ /byang chub sems dpa' rab tu bstan ces rgya cher gsungs pa yin no/ /de bas na theg pa thams cad ni theg pa gcig la gzhug pa yin pas na/ theg pa gcig gi 'bras bur gnas zhes bya'o/ /nyon mongs khams rnams dag pa'i bdag ces bya la/ nyon mongs pa rnams kyi rgyur gyur pa ni nyon mongs pa'i khams te/ nyon mongs pa'i rigs so/ /de yang spungs dang ?? rigs kyi don/ /phung po skye mched khams rnams so zhes bshad pa'i phyir ro/ /yang 'dod chags dang/ zhe sdang dang/ gti mug ni mi dge ba'i rtsa ba gsum ste/ 'di dag ni rang nyid kyang mi dge ba'i ngo bo nyid yin la/ mi dge ba gzhan rnams kyi yang rtsa bar 'gyur pa yin pas mi dge ba'i rtsa ba zhes bya'o/ /de rnams rnam par dag pas chos thams cad bdag med par mthong ba ste/ des rtsa ba ma lus par drungs nas phyung bas nyon mongs pa'i khams rnams dag pa'i bdag nyid 'ba' zhig gang yin pa de ni/ nyon mongs khams rnams dag pa'i bdag ces bya ba 'am/ yang na nyon mongs pa rnams kyi khams ni rang bzhin dang ngo bo nyid ces bya ba'i don to/ /rang bzhin gang yin zhe na/ chos thams cad dang nyon mongs pa rnams kyi rang bzhin ni gdod ma nas ma skyes pa yin pas na rang bzhin rnam par dag pa'i bdag nyid kyi ngo bo nyid gang yin
- 314b
pa de la de skad ces bya'o/ /las kyi khams rnams zad byed pa zhes bya ba la/ las dge ba dang/ mi dge ba dang/ lung du ma bstan pa kun nas slong bar byed pa'i sems ni las kyi khams so/ /bdag dang bdag gis gzung ba 'dzin pa bskyed pa la mngon par zhen pa las de 'byung bar 'gyur la/ phyin ci log de skyed bar byed pa'i las kyi khams kun tu bskyed ba yang skye ba med pa'i chos can du bstan pas na/ /las kyi khams rnams zad byed pa zhes bya'o/ /chu bo rgya mtsho kun las brgal zhes bya ba la/ chu bo ni bzhi ste/ 'dod pa'i chu bo dang/ srid pa'i chu bo dang/ lta ba'i chu bo dang/ ma rig pa'i chu po'o/ /de yang sems can rnams kyi legs pa phrogs pas na chu bo ste/ chu bo'i chu po dang 'dra'o/ /chu bo de ni rgal dka' ba'i phyir rgya mtsho dang 'dra bas na rgya mtsho'o/ /de las yang dag par kun tu brgal pa ni rnam pa thams cad du pha rol tu byon pas slar mi ldog pa'o/ /sbyor ba'i dgon pa las byung ba zhes bya ba la/ sbyor ba ni bzhi ste/ 'dod pa'i sbyor ba dang/ srid pa'i sbyor ba dang/ lta pa'i sbyor ba dang/ ma rig pa'i sbyor ba'o/ sbyor ba de rnams ni shin tu 'jigs su rung bas na dgon pa'o/ /de rnams las byung ba ni nges par thon pa ste/ des na/ sbyor ba'i dgon pa las byung ba zhes bya ste/ nges pa'i tshig ni yang khams dang/ /'gro ba dang/ skye gnas dang sa rnams su sbyor zhing sems can rnams chu bor lhung bar 'gyur bas na sbyor ba zhes bya'o/ /nyon mongs nye ba'i kun mongs/ /bag chags bcas par gtan spangs ba zhes bya ba la/ de la nyon mongs pa ni dgu bcu rtsa brgyad do/ /nye ba'i nyon mongs pa yang de nyid de/ de rnams mdo bsdus pa dang rgyas par phye nas gsungs pa yin no/ /de yang kun tu sbyor ba dgu ste/ rjes su chags pa dang/ khong khro ba dang/ nga rgyal dang/ ma rig pa dang/ lta ba dang mchog tu 'dzin pa dang/ the tshom dang/ ser sna dang/ phrag dog go /de la
- 315a
khams gsum gyi 'dod chags zhen pa'i mtshan nyid rgya skyegs zhu ba lta bu'i chos ni rjes su chags pa ste/ rjes su chags pa nyid kun tu sbyor ba'o/ /sems can rnams la gnod cing gsod pa'i mtshan nyid can sa bon kha ba lta bu'i chos ni khong khro ba ste/ khong khro ba nyid kun tu sbyor ba'o/ /bdag dang gzhan du nye bar btags nas sems mtho ba'i mtshan nyid can du skyes bu rengs pa lta bu ni nga rgyal lo/ /de yang rnam pa bdun te/ nga rgyal dang/ che ba'i nga rgyal dang/ nga rgyal las kyang nga rgyal dang/ nga'o snyam pa'i nga rgyal dang/ mngon pa'i nga rgyal dang/ cung zad snyam pa'i nga rgyal dang/ log pa'i nga rgyal lo/ /de la nga rgyal ni chung du bas bdag rus dang/ rigs pa dang/ gzugs dang/ nor dang/ thos pa dang/ tshul khrims dang/ ? sogs pa dag gis bye brag tu 'phags pa 'am/ rus la sogs pa 'dra ba dang mtshungs so snyam pa de'i rgyu las byung ba'i sems kyi rlom sems de ni nga rgyal zhes bya'o/ /che ba'i nga rgyal ni mtshungs pa bas bdag rus la sogs pa dag gis bye brag tu 'phags pa 'am/ che ba dang mtshungs so snyam pa des drangs pa'i sems khengs pa ni che ba'i nga rgyal lo/ /nga rgyal las kyang nga rgyal ni che ba bas kyang bdag ches che'o/ /snyam pa des drangs pa'i sems khengs pa'o/ /nga'o snyam pa'i nga rgyal ni bdag tu lta ba'i rjes las byung ba'i sems khengs pa'o/ /mngon ba'i nga rgyal ni rgyun tu zhugs pa'i 'bras bu la sogs pa gong ma'i khyad par thob par bya ba ma thob par bdag gis thob bo snyam pa de'i rgyu las byung ba'i sems kyi rlom sems so/ /cung zad snyam pa'i nga rgyal ni rigs la sogs pa khyad par ches 'phags pa bas bdag cung zad cig gis chung bar blta zhing des rloms pa'o/ /log pa'i nga rgyal ni yon tan ma yin pa dang
- 315b
ldan par blta zhing des rlom sems pa'o/ /nga rgyal bdun po 'di dag ni nga rgyal gyis kun tu sbyor ba zhes bya'o/ /ma rig pa zhes bya ba ni khams gsum po'i mi shes pa mi rtog pa'i mtshan nyid long ba lta bu ste/ rig pa'i gnyen pa ni ma rig pa zhes bya'o/ /dag ba ni gnyen po la bzhag pa'i phyir mi mdza' ba dang/ mi bden pa la sogs pa bzhin no/ /ma rig pa nyid kun tu sbyor ba na ma rig pa'i kun tu sbyor ba'o/ /'jigs tshogs dang mthar 'dzin pa dang/ log par lta ba gsum ni lta ba'i kun tu sbyor ba'o/ de la nye bar len pa'i phung po lnga po bdag gi med pa rnams la bdag dang bdag gi tshul gyis zhugs pa nyon mongs pa can gyi blo ni 'jig tshogs la lta'o/ /de ni 'jig pa yang yin la tshogs kyang yin pas 'jig tshogs so/ /de la lta bas 'jig tshogs so/ /de la lta bas 'jig tshogs la lta ba'o/ /chad pa ma yin pa de dag nyid la chad pa dang rtag pa'i tshul gyis zhugs pa nyon mongs pa can gyi blo ni mthar 'dzin par lta ba ste/ mdza' gnyis su zhugs pa'i phyir ro/ /las med do/ /las kyi 'bras bu med do/ /thar pa med do/ /de thob par byed pa'i lam yang med do/ /snyam du de ltar dngos po yod pa yang dag par 'jig par zhugs pa nyon mongs pa can gyi blo gang yin pa de ni log par lta ba'o/ /lta ba gsum po de dag ni lta ba'i kun tu sbyor ba'o/ mchog tu 'dzin pa gnyis po lta ba mchog tu 'dzin pa dang/ tshul khrims dang brtul zhugs mchog tu 'dzin pa'i kun tu sbyor ba'o/ /de la lta ba mchog ma yin pa de dag dang nye bar len pa'i phung po lnga po mchog ma yin pa rnams la mchog go snyam du mchog tu 'dzin pa'i blo'i? bye brag gang yin pa de ni mchog tu 'dzin pa ste/ rtog pa zhes bya ba'i don gang yin pa'o/ /tshul khrims ni 'chal pa'i tshul khrims spangs pa'o/ /brtul zhugs ni khyi dang/ ri dags dang/ ba lang gi brtul zhugs
- 316a
dang/ gcer pu dang/ thal ba'i nang na nyal ba dang/ skra 'bal ba dang 'bab stegs su 'khru ba pa dang/ 'bras bu dang rtsa ba za ba dang/ ral pa thogs pa la sogs pa ste/ dag pa'i bdag nyid ma yin pa de gnyi ga la dag par yid ches pa'i blo'i bye brag bram ze'i cho ga can gtsang sbra 'dod pa lta bu'i chos gang yin pa de ni tshul khrims dang brtul zhugs mchog tu 'dzin pa'o/ /mchog tu 'dzin pa'i gnyis po de dag ni mchog tu 'dzin pa'i kun tu sbyor ba'o the tshom ni sdug bsngal ba dang/ kun 'byung ba dang/ 'gog pa dang/ lam zhes bya ba bden pa rnams la yid gnyis za ba lam kha brag dang/ ca mi 'dra ba'i chos nyid de/ 'di sdug bsngal yin nam/ 'di sdug bsngal ma yin snyam pa la sogs pa'o/ /the tshom nyid kun tu sbyor bas the tshom gyi kun tu sbyor ba'o/ /phrag dog ni pha rol gyi 'byor pa la mi bzod pa ste/ pha rol po nor dang ldan nam mkhas nas bkur pa rnams la sems khong nas 'khrugs pa zhes bya ba'i don gang yin pa'o/ /phrag dog nyid kun tu sbyor bas phrag dog gi kun tu sbyor ba'o/ /dngos po 'di bdag las gzhan la mi gtong ngo snyam du sems kyi kun tu 'dzin pa gang yin pa de ni ser sna ste/ de nyid kun tu sbyor bas ser sna'i kun tu sbyor ba'o/ /kun tu sbyor ba'i don ni 'ching ba'i don te/ ji skad du 'jig rten gyi mgon pos kyang/ mig gzugs rnams la kun tu mi sbyor la/ gzugs rnams kyang mig la ma yin mod kyi/ de la 'dod pa la 'dod chags gang yin pa de ni 'dir kun tu sbyor ba ste/ dper na ba lang nag po yang ba lang dkar po la kun tu mi sbyor la/ ba lang dkar po yang ba lang nag po la ma yin no zhes rgya cher gsungs pa lta bu'o/ /kun tu sbyor ba rnams ni 'ching
- 316b
ba'i don yin pas kun tu sbyor ba gang yin pa de ni 'ching ba yang yin mod kyi/ 'on kyang gtso bor gyur pa'i phyir de bzhin gshegs pas mdo las/ 'dod chags ni 'ching ba/ zhe sdang gi 'ching ba/ gti mug ni 'ching ba zhes 'ching ba gsum gsungs te de dag gis mtshan nyid ni bshad zin to/ /phra rgyas ni bdun te/ 'dod pa la 'dod chags dang/ khong khro dang/ srid pa'i 'dod chags dang/ nga rgyal dang/ ma rig pa dang/ lta ba dang/ the tshom gyi phra rgyas so/ /de rnams kyi mtshan nyid ni kun tu sbyor ba bsam pa'i skabs su bshad zin te/ khams dang/ tshul dang/ rnam pa'i bye brag de dbyer bar bya'o/ de 'dod pa rnams la 'dod chags pa ni 'dod pa'i 'dod chags so/ /de nyid phra rgyas yin pas 'dod pa la 'dod chags kyi phra rgyas pa'o/ /de la 'dos par gtogs pa'i 'dod chags sdug bsngal dang/ kun 'byung dang/ 'gog pa dang/ lam mthong ba dang/ bsgom pas spang par bya ba ni 'dod pa la 'dod chags kyi phra rgyas so/ /sdug bsngal la sogs pa mthong ba dang bsgoms pas spang bar bya ba'i khong khro ba lnga ni khong khro ba'i phra rgyas so/ /gzugs dang gzugs med pa'i 'dod chags bcu po sdug bsngal la sogs pa mthong ba dang bsgom pas spang bar bya ba ni srid pa'i 'dod chags kyi phra rgyas so/ /mang du bltas par gyur pa dang/ bsam gtan dang/ gzugs med pa rnams la thar par 'du shes pa bzlog pa'i phyir khams gnyis nas skyes pa'i 'dod chags ni srid pa'i 'dod chags so zhes bde bar gshegs pas gsungs so/ /de bzhin du khams gsum pa'i nga rgyal bco lnga sdug bsngal la sogs pa mthong ba dang/ bsgom pas spang bar bya ba ni nga rgyal gyi phra rgyas so/ /ma rig pa'i phra rgyas kyang de bzhin du khong du chud par bya'o/ /khams gsum pa'i lta ba sum cu rtsa drug po dag ni lta ba'i phra rgyas te/ de la 'dod par gtogs
- 317a
pa'i 'jigs tshogs la lta ba dang/ mthar 'dzin par lta ba dang/ sdug bsngal mthong bas spang bar bya ba'i log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa dang/ kun 'byung mthong bas spang bar bya ba'i log par lta ba dang/ lta ba mchog tu 'dzin pa dang/ 'gog pa mthong bas spang bar bya ba'i log par lta ba dang/ lta ba mchog tu 'dzin pa dang/ lam 'khor bar spang bar bya ba'i log par lta ba dang/ lta ba mchog tu 'dzin pa dang/ tshul khrims dang/ brtul zhugs mchog tu 'dzin pa de dag ni lta ba bcu gnyis so/ /gzugs dang gzugs med pa'i yang de bzhin te/ lta ba sum cu rtsa drug po de dag ni lta ba'i phra rgyas so/ /khams gsum pa'i the tshom bcu gnyis ni the tshom gyi phra rgyas te/ de la 'dod par gtogs pa sdug bsngal la sogs pa mthong bas spang bar bya ba bzhi dang de bzhin du gzugs dang gzugs med pa dag go /'dod pa la 'dod chags pa dang/ khong khro ba'i phra rgyas dag ni rnam pa tha dad pa nyid do/ /khams kyis ma yin/ tshul gyis ma yin no/ /srid pa'i 'dod chags kyi phra rgyas ni khams dang rnam pa ste/ tshul gyis ma yin no/ /nga rgyal dang/ ma rig pa dang/ the tshom gyi phra rgyas kyang khams dang rnam pa ste/ tshul gyis ma yin no/ /lta ba'i phra rgyas ni khams dang/ rnam pa dang/ tshul gyi bye brag gis tha dad do/ /de la lta ba rnams kyi khams dang/ lta ba'i bye brag ni bshad zin to/ /tshul gyi bye brag ni ma bshad de brjod par bya'o/ /de la bdag dang bdag gi tshul gyis zhugs pa ni 'jigs tshogs la lta ba'o/ /chad pa dang rtag pa'i tshul gyis zhugs pa ni mthar 'dzin par lta ba'o/ /med pa'i tshul gyis zhugs pa ni log par lta ba'o/ /mchog gi tshul gyis zhugs pa ni lta ba
- 317b
mchog tu 'dzin pa'o/ /dag pa'i tshul gyis zhugs pa ni tshul khrims dang brtul zhugs mchog tu 'dzin pa'o/ /phra rgyas kyi ngan ni phra rgyas kyi don to/ /yang na lus dang sems kyi rgyun gyis rjes su bsnyegs pa ste/ chu la rgyu bas nam mkha' la rgyu ba'i grib ma la bsnyegs pa lta bu'i phyir phra rgyas so/ /yang na rjes su zhugs pa ste/ til rnams ni til mar lta bu'i phyir phra rgyas so/ /yang nye bar len pa'i phung po lnga rnams la dmigs pa dang ldan pa gnyis kyis rgyas par gyur pas phra rgyas so// ci'i phyir rgyas par 'gyur ba zhe na/ dmigs pa dang ldan pa gnyis kyis rtag par 'gyur zhes bya ba'i tha tshig go /de ltar phra rgyas bdun po khams dang tshul dang rnam pa'i bye brag gis tha dad pa de dag ni dgu bcu rtsa brgyad du 'gyur te/ 'dod pa na sdug bsngal mthong bas spang bar bya ba bcu ste/ 'jig tshogs la lta ba dang/ mthar 'dzin par lta ba dang/ log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa dang/ the tshom dang/ 'dod chags dang/ khong khro ba dang/ nga rgyal dang/ ma rig pa'o/ /kun 'byung ba mthong bas spang bar bya ba bdun te/ de dag gi nang nas 'jig tshogs la lta ba dang/ mthar 'dzin par lta ba dang/ tshul khrims dang brtul zhugs mchog tu 'dzin pa ma gtogs pa rnams so/ /'gog pa mthong bas spangs par bya ba bdun te/ de dag nyid do/ /lam mthong bas spang bar bya ba brgyad do/ /bdun po de dag nyid dang/ tshul khrims dang brtul zhugs mchog tu 'dzin pa'o/ /bsgom pas spang bar bya ba bzhi ste/ lta ba rnams dang the tshom ma gtogs te/ de ltar de dag ni 'dod par gtogs pa'i phra rgyas sum cu rtsa drug go /gzugs kyi khams rnams ni de dag nyid las khong khro ba lnga ma gtogs so/ /gzugs med pa rnams
- 318a
na yang de bzhin te/ de dag ni dgu bcu rtsa brgyad yin no/ /de la de dag gcig tu bsdus nas brgyad cu rtsa brgyad ni mthong bas spang bar bya ba'o/ /bcu ni bsgom pas spang bar bya'o/ /khams kyi sdug bsngal dang/ rgyu mthong bas spang bar bya ba'i lta ba dang/ the tshom dang/ dgu dang/ de dang ldan pa'i ma rig pa dang/ ma 'dres pa'i ma rig pa dang/ de dag ni kun tu 'gro ba zhes bya'o/ /lhag ma rnams ni kun tu 'gro ba ma yin pa zhes bya'o/ /de bzhin du 'gog pa dang/ lam mthong bas spang bar bya ba'i log par lta ba dang/ the tshom dang/ de dang ldan pa'i ma rig pa dang/ ma 'dres pa'i ma rig pa dang/ de dag ni zag pa med pa la dmigs pa ste/ 'gog pa dang/ lam la dmigs pa dang/ de gnyis kyang zag pa med pa'i phyir ro/ /lhag ma rnams ni zag pa dang bcas pa la dmigs pa'o/ /de la gang dag zag pa dang bcas pa la dmigs pa de dag ni/ dmigs pa dang ldan pa gnyis kyis rgyas par 'gyur ro/ /gang dag zag pa med pa la dmigs pa de dag ni ldan pas te/ rang gi tshogs rnams so/ /de bzhin du khams rnams kyi 'gog pa mthong bas spang bar bya ba'i log par lta ba dang/ the tshom dang/ de dang ldan pa'i ma rig pa dang/ ma rig pa 'ba' zhig pa dang/ de dag ni 'dus ma byas la dmigs pa'o/ /lhag ma rnams ni 'dus byas la dmigs pa'o/ /de dag 'byung ba'i go rim ni dang po kho nar ma rig pa dang ldan pas sems can bden pa rnams la rmongs te/ de rnams sdug bsngal nas lam gyi bar de dag mi 'dod do/ /de nas glen pa rnams yang dag pa dang/ log pa'i phyogs gnyis thos nas 'di sdug bsngal yin nam/ 'di sdug bsngal ma yin pa la sogs pa'i the tshom skye'o/ /de nas dogs pa'i blos
- 318b
dman pa ma yin pa dang/ bsten nas log par thos pa dang/ log par sems pas nges par 'byung ste/ sbyin pa med do snyam pa la sogs pa'o/ /de nas log par lta ba las 'jig tshogs la lta ba 'byung ste/ des nye bar len pa'i phung po lnga po rnams la sdug bsngal nyid bsal nas bdag tu mngon par zhe na to/ /de las mthar 'dzin par lta ba 'byung ste/ /des bdag chad pa dang/ rtag pa mdza' gnyis bzung ba'i phyir ro/ /mthar 'dzin pa las tshul khrims dang brtul zhugs mchog tu 'dzin pa 'byung ngo/ /mthar 'dzin pa gang yin pa de nyid kyis dag par yid ches so/ /de las kyang lta ba mchog tu 'dzin pa 'byung ngo/ /gang gis dag par yid ches pa de la mchog tu 'dzin to/ /de'i 'og tu rang gi lta ba la 'dod chags skye'o/ /lta ba de nyid kyis kyang rlom sems su byed cing pha rol gyi lta ba 'am/ rang gi rgyud kyis sngon bzung ba las btang ba dag la zhe sdang skye ste/ de dag gi go rim ni de lta'o/ /nyon mongs pa re re yang rgyu gsum las skye ste/ gal te phra rgyas ma spangs pa dang/ tshul bzhin ma yin pa'i yid la byed pa dang/ yul nye bar gnas par gyur nas rgyu dang yul dang/ sbyor ba'i stobs de dag las nyon mongs pa skye'o/ /de dag ni lus dang sems kyi rgyu nyon mongs par byed pas nyon mongs pa rnams zhes bya ste/ nyon mongs pa rnams gang yin pa de dag ni nye ba'i nyon mongs pa yang yin mod kyi gang dag de rnams las gzhan pa sems las byung ba'i chos nyon mongs pa can 'du byed kyi phung por bsdus pa de dag ni nye ba'i nyon mongs pa nyid do/ /de dag gang zhe na/ sgyu dang rgyags pa dang/ rnam par 'tshe dang/ dus che dang/ khon du 'dzin pa dang/ /g.yo la sogs pa rnam pa du ma rgyud las byung ba rnams so/ /de la sgyu ni pha rol la bslu ba'o/ /rgyags pa ni gzugs dang/ lang tsho dang/ rigs dang/ tshul khrims
- 319a
dang/ mang du thos pa la sogs pa rang gi chos rnams la chags te gzhan la mi bltos par sems yongs su gtugs pa'o/ /rnam par 'tshe ba ni lag pa dang/ bong ba dang/ dbyug pas brdeg pa dang/ pha rol la tshig rtsub pos rnam par mtho 'tsham pa'o/ /dus che ba ni kha na ma tho ba dang bcas pa'i dngos po dam du 'dzin pa ste/ de'i dbang gis rigs par bsgo ba mi 'dzin pa'o/ /khon du 'dzin pa ni kun nas mnar sems kyi dngos po mang du byed pa'o/ /g.yo ni sems gya gyu ba ste/ de'i dbang gis gzhan nas gzhan du brgyud cing gud du 'dren te/ gsal bar mi rtog par byed pa'o/ /de la de dag ni nang nas sgyu dang rgyags pa gnyis ni 'dod chags kyi rgyu mthun pa 'dod chags kyi rjes su 'gro ba ste/ 'dod chags kyi rigs la brten ces bya ba'i tha tshig go /khon du 'dzin pa dang/ rnam par 'tshe ba khong khro ba'i rjes su 'gro ba'o/ /dus che ba ni lta ba snyems pa'i rgyu mthun pa'o/ /g.yo ni log par lta ba'i rgyu mthun pa'o/ /gya gyu pa ji lta bu zhe na/ sdig pa can gyi lta ba'o zhes tshigs su bcad pa las 'byung ngo/ /kun nas dkris te 'dug pa ni bcu ste/ rmugs pa dang/ gnyid dang/ rgod pa dang/ 'gyod pa dang/ phrag dog dang/ ser sna dang/ ngo tsha med pa dang/ khrel med pa dang/ khro ba dang/ 'chab pa'o/ /de la rmugs pa ni lus dang sems las su mi rung ba ste/ slong zhes bya ba'i tha tshig go /gnyid ni lus dang sems 'dzin par mi nus pa dang/ sems sdud pa ste/ de yang nyon mongs pa can nyid yin pas kun nas dkris te 'dug pa'o/ /rgod pa ni sems ma zhi ba'o/ /ngan par byas pa'i dngos po ni 'gyod pa'o/ /'dir de la dmigs pa sems las byung ba'i chos la 'gyod pa zhes bya ste/ yid la gcags zhes bya ba'i tha tshig go /
- 319b
rgyu la 'bras bus btags te/ dper na mi sdug pa la dmigs pa'i chos la mi sdug ces bya ba lta bu'o/ /'jig rten na yang gnas kyis gnas pa ston te/ dper na grong thams cad lhags so zhes bya ba lta bu'o/ /de yang nyon mongs pa can nyid yin pas kun nas dkris te 'dug pa'o/ /phrag dog dang/ ser sna'i mtshan nyid bshad zin to/ /ngo tsha med pa'i yon tan rnams dang/ yon tan can rnams la mi gus pa ste/ gus pa'i gnyen po'i chos so/ /khrel med pa ni kha na ma tho ba la 'jigs par mi lta ba'o/ /kha na ma tho ba ni gang dam pa rnams kyis smad pa ngan song du 'gro ba'o/ /khro ba ni zhe sdang dang/ rnam par 'tshe ba ma gtogs te/ sems can dang sems can ma yin pa dag la kun nas mnar sems pa'o/ /'chab pa ni kha na ma tho ba mkhyud pa'o/ /sems la kun nas dkris te gnas pas kun nas dkris te 'dug pa rnams so/ /de dag las rmugs pa dang/ gnyid dang/ khrel med pa ni ma rig pa'i rgyu mthun pa'o/ /'gyod pa ni the tshom gyi rgyu las byung ba'o/ /ngo tsha med pa dang rgod pa dang/ ser sna ni 'dod chags kyi rgyu mthun pa'o/ /khong khro ba dang/ phrag dog ni khong khro ba las byung ba'o/ /'chab pa ni sred pa dang ma rig pa'i rgyu mthun pa'o/ /dri ma rnam pa bcu po de rnams kyang nye ba'i nyon mongs pa zhes bya'o/ /sems las byung ba rnams kyi rgyu ba phra ba ste/ de rgyun du 'bab pa yang bye brag phyed par mi nus na skad cig rnams la lta smos kyang ci dgos/ bcom ldan 'das kyis gsungs pa'i chos kyi mtshan nyid la mkhas pa'i blo can dag gis ni de'i 'bras bu'i khyad par mthong bas de dag gis rigs bzhin skyen med par rtogs kyi/ bde bar gshegs pa'i gsung rab 'chad pa'i slob dpon la bsnyen bkur ma byas pa 'khrul ba'i blo gros can/ dag gis ni ma yin no/ /de bzhin du sgyu dang/ dreg pa dang/ rnam par 'tshed
- 320a
dang/ khengs pa dang/ g.yo ba la sogs pa dpag tu med pa dag bshad mod kyis gzhung mangs su dogs pas 'dir ma spros so/ /nyon mongs pa dang/ nye ba'i nyon mongs pa de dag gis kun tu spags shing kun nas nyon mongs pas na kun nas nyon mongs pa ste/ nyon mongs pa dang nye ba'i nyon mongs pa de rnams shin tu mdzes pa'i rnam pa dang/ phul du byung ba'i rnam pas bag chags dang bcas par spangs pa gang yin pa de ni/ nyon mongs nye ba kun nyon mongs/ bag chags bcas par gtan spangs pa zhes bya'o/ /thugs rje chen po dang/ shes rab thabs ni/ snying rje che dang shes rab thabs zhes bya ste/ de rnams kyi kun nas ma lus par 'gro ba'i don mtho ris dang/ byang grol gyi mtshan nyid can don yod cing 'bras bu dang bcas pa byed cing rdzogs par mdzad pas na/ don yod 'gro ba'i don yod pa zhes bya'o/ /mtshan mar 'dzin pa ni 'du shes te/ khams dang 'gro ba dang skye nas thams cad du gtogs pa'i 'du shes thams cad ni 'du shes kun no/ /'du shes de rnams ni don spangs pa'i chos thams cad la bdag med pa'i ye shes 'dis spong bar mdzad pa'o/ /de nyid ni don te/ dgos pa gang yin pa de la/ 'du shes kun gyi don spangs pa zhes bya'o/ /rnam par shes pa'i mtshan nyid can ni rnam shes so/ /de'i don ni gzung bar bya ba ste/ yul rnams so/ /de'i 'gag pa ni ngo bo nyid kyis skye ba med pa'o/ /de byed cing rtogs par mdzad pas ni/ rnam shes don ni 'gags par byed ces bya'o/ /'du shes thams cad dang bral zhing gzung ba dang 'dzin pa'i nye bar dmigs pa rnam par spangs su zin kyang don yod par 'gro ba rnams kyi don mdzad pas na/ sems can kun yid yul dang ldan/ sems can kun gyi yid rig pa zhes smos te/ sems can thams cad kyi yid kyi yul
- 320b
'di la dmigs pa nyid kyis skal ba dang ldan pa dang/ skal ba dang mi ldan pa nyid thugs su byung ba'i don gyi na sems can kun yid yul dang ldan zhes bya'o/ /chung du dang 'bring dang chen po la sogs pa'i dbye bas tha dad pa'i sems can rnams kyi sems kyis ngo bo nyid thugs su chud pas na/ sems can kun gyis yid rig pa zhes bya ste/ rigs pa dang/ rtogs dang/ khong du chud pa zhes bya ba ni rnam grangs yin par shes par bya'o/ /gar 'di sems can thams cad kyi ngo bo nyid bcom ldan 'das kyis thugs su chud de/ de lta mod kyi gzhan dag gis sems ni bcom ldan 'das kyis thugs las tha dad pa yin na ji ltar rdzogs par 'gyur zhes kun tu rtogs pa la/ sems can kun gyi yid la gnas/ /de dag sems dang mthun par 'jug ces bya ba gsungs te/ de rnams kyi sems ni de dag sems so/ /de rnams mthun pa ni mnyam pa'o/ /'jug pa ni thob pa'o/ /de nas sems can kun gyi yid la gnas zhes bya ste/ nang du song zhing gnyis su med par khong du chud pa'i rnam pas so sor snang ba bskyed pas na de rnams kyi rang gi don ma tshang ba med par rdzogs par 'gyur ro/ /thag ring bar rtogs pa ring du spangs pa nyid kyis ji ltar mngon par 'dod pa'i don rdzogs par mdzad pas na sems can thams cad kyis yid tshim par mdzad pa'i ngang tshul can yin pas na/ sems can kun yid tshim par byed ces bya'o/ / mchog tu dga' ba'i bde ba chen po'i dga' ba bskyed par mdzad pas na/ sems can gyi yid dga' ba zhes bya'o/ /grub pa mthar phyin 'khrul? ba med na? nor ba thams cad rnam par spangs/ don gsum the tshom med ba'i blo zhes bya ba la/ grub pa rnams kyi mdza' ni grub pa'i mdza' ste/ mthar thug pa de las gzhan pa'i lhag ma med pa'o// de ci'i phyir zhe na/ gang gi phyir 'khrul ba rnams dang bral ba'i rgyu dag gis na nor ba thams cad rnam par spangs pa'i phyir ro/ /'di dag thams cad ji ltar shes she na/ gang gi phyir the tshom med pa'i blo zhes bya bas nor ba thams cad rnam par spangs
- 321a
pa yin la/ nor pa thams cad rnam par spangs pas na/ 'khrul pa med pa'o/ /de nyid kyi na grub pa'i mthar phyin zhes bya ba ste/ gzhan rnams kyi grub pa'i mthar ni nyon mongs pa'i bag chags pa sogs pa yod pas mthar thug par 'gro ba med pas na mthar phyin pa ma yin no/ /yang na grub pa'i mdza' ni 'dir phyogs 'jog pa ste/ chos thams cad bdag med pa nyid thugs su chud pa'i gnyis su med pa'i rnam par mi rtogs pa'i ye shes kyi ngo bo nyid ni bcom ldan 'das kyi don dam pa'i rang bzhin yin pa'i phyir ro/ /de la 'khrul pa ni gzhung gzhan sna tshogs pa bdag gis kun tu bslang ba'i bdag dang bdag gir mngon par zhen pa rnams ni rnam pa sna tshogs par ma rig pa rnam par 'khrul ba'i phyir 'khrul pa ste/ de dang bral ba'o/ gang gi phyir zhe na/ 'khrul pa rnams las 'das par gyur pas na 'khrul med pa'o/ /de la rdzas dang/ yon tan dang/ las dang/ spyi dang/ khyad par dang/ tshogs pa las bdag dang bdag gi dang/ gzung ba dang/ 'dzin pa po la sogs pa dang/ phung po dang/ khams dang/ skye mched dang/ gang zag la sogs pa ni nor pa'i bye brag gi phyogs snga ma des par spangs pa ste/ tshang mas bcom pa'i phyir rnam par spang ba gang yin pa de ni nor pa thams cad rnam par spangs pa'o/ /the tshom med pa'i blo ni shes bya thams cad rnam pa thams cad du thugs su chud pa'i ngo bo nyid kyis dri ma med pa'i blo gang yin pa de ni the tshom med pa'i blo zhes bya ste/ mi bslu ba zhes bya ba'i don to/ /gsum ni bud med de/ shes rab kyi pha rol tu phyin pa'o/ /de na ni dgongs pa ste/ de kha na ma tho ba med par gzhan gyi don mdzad pa gang yin pa de ni/ don gsum mo/ /yang na don rnam pa gsum te/ spang bar bya ba dang/ blang par bya ba dang/ btang snyoms su bya ba'o/ /de la spang bar bya ba ni phyi rol gyi mi dge bcu la sogs pa'o/
- 321b
blang bar bya ba ni chos bdag med pa'i ye shes kyi tshogs dang bsod nams kyi tshogs so/ /btang snyoms su bya ba ni lung du ma bstan pa'i chos rnams te/ 'di dag thams cad ni gdul bya dang rjes su 'tsham pas na don de dgongs pa'o/ /de gang la mnga' ba don don gsum mo/ /rnam pa thams cad mkhyen pa nyid ni thams cad ces bya ba'i sgras bshad do/ /de las don thams cad pa gang yin pa de kun don te/ gang gi phyir thams cad kyi don du 'gyur zhing skal pa ji lta ba bzhin du thams cad kyir 'gyur bas na kun tu don no// yang mngon med pa ni sdug bsngal dang sdug bsngal gyi rgyu'o/ /don ni bde ba dang/ bde ba'i rgyu ste/ thams cad du bde ba'i ngo bo gyur ba dang/ bde ba thams cad ni rgyur gyur pas na kun don no/ /snying stobs dang/ rdul dang/ mun pa ni yon tan gsum ste/ 'dod chags dang/ zhe sdang dang/ gti mug gi bdag nyid can no/ /yang ye shes kyi ngo bo nyid do/ /'dod chags dang/ zhe sdang dang/ gti mug gis 'dul ba'i sems can rnams gdul bar bya ba'i phyir de'i bdag nyid can gyi de bzhin gshegs pa'i ngo bo nyid du gyur pas na yon tan gsum gyi bdag nyid ces bya'o/ /grangs can gyi yongs su brtags pa'i bems po'i rang bzhin can yongs su gyur pa'i ngo bo nyid kyis yon tan ni ma yin te/ tshad mas stobs kyis bcom zhing brtags pa tsam yin pa'i phyir ro/ /phung po lnga po nyid dus gsum yin gyi/ dus gzhan dag med de zhes bstan par bya ba'i phyir/ phung po lnga don dus gsum du zhes bya ba gsungs te/ de dang so sor sang ba bskyed par bya ba'i phyir de dang der bstan pas ston pa'o/ /de bzhin du skad cig ma bcu drug gi mtshan nyid ldan pa'i lam la sogs pa nye bar ston pa 'chang bar mdzad pas na/ skad cig thams cad bye brag byed ces bya'o/ /yang dag nyid ni/ skad cig gcig gis rdzogs sangs rgyas/ /sangs rgyas kun gyis rang bzhin 'chang zhes
- 322a
bya ba ste/ cha shas med cing dum bu med par de kho na nyid thugs su chud pa la ni rim pa yod pa ma yin pa ste/ thugs su chud par bya ba'i rim pa'i mthar byon pas thugs su chud pa'i rim pa thams cad kyi bdag nyid blangs su zin kyang de bzhin du mthar thug pa med pas blo dman pa rnams ni rnam par dbye bas khong du chud par 'gyur ro/ /de bas na de rnams la nye bar ston cing bsgoms pa'i lam la 'jug par bya ba'i phyir yin gyi/ dri ma med pa'i blo la ni rnam pa thams cad du de ltar ma yin no/ /chos kyi sku'i ngo bo nyid kyi bye brag med pas na/ sangs rgyas kun gyi rang bzhin 'chang zhes bya'o/ /'chang ba de yang de'i bdag nyid kyis bzhugs pa yin gyi/ gzung ba dang/ 'dzin pa'i dngos po ni de la yod pa ni ma yin no/ / sangs rgyas thams cad ni yon tan gi bdag nyid kyi skus thams cad du sems can thams cad kyi don thams cad rnam pa thams cad du mdzad pa la rang dbang du gyur cing gzugs thams cad las lhag pa'i skur sprul pas gzugs kyis sngon par rlom pa'i sems can rnams kyis dregs pa bsal bas sems can thams cad kyi don mdzad pa mkhas shing byang ba nyid du bstan par bya ba'i phyir/ lus med lus te lus kyi mchog lus kyi mdza' ni rtogs pa po zhes bya ba gsungs te/ 'dod pa'i lha dpag tu med pa'i lus las lhag par gyur pa'i gzugs dang/ kha dog dang/ gzi mdangs dang blta na sdud pa la dbang sgyur ba la sogs pas zil gyis gnon pa'i sku dang ldan pas na/ lus med lus te lus kyi mchog ces bya ste/ gzugs de mdza' yas pa'i sku sprul par mdzad pas na/ lus kyi mdza' ni rtogs pa po zhes bya'o/ /lha dang/ lha ma yin dang/ lto 'phye chen po dang gnod sbyin dang/ mi la
- 322b
sogs pa 'gro ba drug gi bye brag gis phye ba'i sems can thams cad kyi gzugs kyis 'dul ba rnams kyi dbang du mdzad nas de dang de'i gzugs su bdag nyid kyi dngos po yang dag par ston pa'i tshul can gang yin pa de ni/ gzugs rnams thams cad kun tu ston zhes bya'o/ /nyes pa thams cad dang bral zhing yon tan thams cad kyi 'od zer gyi snang ba dang ldan pa'i nor bu chen po'i ngo bo nyid du gyur pa na nor bu chen po'o/ /sems can thams cad kyis bsam pa thams cad yongs su rdzogs par byed pa'i yid bzhin gyis nor bu rin po ches mtshan pas na rin chen tog go /don dam pa'i ngo bo nyid chos kyi sku'i bdag nyid can du gyur pas na yang dag par rdzogs pa'i sangs rgyas thams cad kyi rtogs par bya zhing thugs su chud par bya ba yin pas na/ sangs rgyas kun gyis rtogs bya ba'o/ /sangs rgyas byang chub ni chos kyis sku las logs shig nas na yod pa ma yin pas na de nyid sangs rgyas byang chub bo/ /'di skad ston par 'gyur te/ rtogs pa dang/ rtogs pa ? ?/ rtogs pa de'i tshul gyis rnam thams cad du ston pa'i mdzad pas na thams cad kyis de bzhin du mthar thug pa nyid du bstan pa yin te/ rnam pa thams cad du ting nge 'dzin gyis ngo bo nyid du gyur pa'i bla na med pa'i chos kyi sku'i bdag nyid can ni bcom ldan 'das rje btsun 'jam dpal yin no/ /gsang sngags rgyu yin pas na gsang sngags las byung ba ste/ stong pa nyid kyi ye shes las byung ba'i gsang sngags ni rnam par dag pa'i rgyu las yang dag pa byung ba yin pas khyad par can gyi 'bras bu bskyed cing ster bar 'gyur ro/ /stong pa nyid kyi ye shes kyi ngo bo nyid yin pas na yi ge med pa'o/ /rgyud gcig pu yin yang rigs kyi dbye bas gsum du 'gyur bar brtan par bya ba'i phyir/ gsang sngags chen po'i rigs gsum pa zhes bya ba gsungs te/ rgyu che ba nyid dang/ 'bras bu che ba nyid kyis gsang sngags chen po'o/ /de la rgyu che ba nyid ni thams cad
- 323a
du khyab pa'i thugs rje chen po dang stong pa nyid rgyu yin pa'i phyir ro/ /'bras bu che ba nyid ni sems can ma lus pa'i bsam pa yongs su rdzogs par mdzad spyod pa'i sangs rgyas nyid 'bras bu yin pa'i phyir ro/ /gsang sngags chen po de rnams kyi rigs ni sku dang gsung dang thugs kyi ngo bo nyid du gyur pa'i phyir gsum ste/ rnam par snang mdzad dang/ 'od dpag tu med pa dang/ mi skyod pa'i ngo bo nyid de bzhin gshegs pa dang/ pad+ma dang/ rdo rje rigs te/ rigs gsum po gang yin pa de ni/ gsang sngags chen po'i rig gsum pa zhes bya'o/ /yi ge med kyang gsang sngags kyi rigs rnams skyed par mdzad pa dang/ gsang sngags kyi don skyed par mdzad pas bcom ldan 'das nyid rnam pa thams cad du thams cad kyi rgyu nyid du bstan par bya ba'i phyir/ gsang sngags don kun skyed pa po/ /thig le chen po yi ge med ces bya ba gsungs te/ gsang sngags thams cad kyi don ni gsang sngags don no/ /de yang man ni ye shes/ /tra ni skyong bas na gsang sngags te/ mi gnas pa'i mya ngan las 'das pa sangs rgyas nyid ni don no/ /de bdag dang gzhan gyi rgyud la rdzogs par mdzad pas na/ gsang sngags don kun skyed pa po zhes bya ba'o/ /thig le chen po ni stong pa nyid chen po ste/ spros pa thams cad kyis stong pa'i phyir chos kyi sku nyid ni thig le chen po'o/ /yi ge dang sgra brda thams cad dang bral bas na yi ge med pa'o/ /a ra pa tsa na yi sngags kyi bdag nyid can du gyur pas na yi ge lnga'o/ /gang 'di la yi ge med na/ yi ge med pa dang/ yi ge lnga'i bdag nyid can du gyur pa/ ji ltar mi 'gal zhe na/ yi ge lnga'i gsang sngags nyid stong pa nyid chen po'i don yin pas 'gal ba med do zhes bshad pa'i phyir stong pa zhes bya ba gsungs te/ de yang yi ge a ni chos thams cad skye ba med pa'o/ /zhes skye ba med pa'i don ston par byed do/ /
- 323b
yi ger ni skye ba med pas 'dod chags la sogs pa'i rdul dang bral zhing 'dod chags la sogs pa'i nyon mongs pa thams cad med pa'o/ /yi ge pa ni don dam pa nyid yin pa'i phyir ro/ /yi ge rtsa ni 'phel ba dang bri ba dang bral ba'o/ /des na yi ge na ni chos thams cad dngos po med pa zhes bya ste/ yi ge med pa nyid du byed par nus pas na 'gal ba med do/ /yang na gdul bya rnams la so sor snang ba dang rjes su mthun par gnas pa yin pas 'gal ba'i so so nyid med de/ dngos po'i chos nyid rigs 'di yin/ /bag chags stobs kyis bsgos pas na/ /bag chags so sor snang 'gyur gyi/ /nges pa can ni ma yin no zhes bya bar thams cad du blta bar bya'o/ /thig le stong pa yi ge brgya zhes bya ba la/ thig le stong pas na thig le stong pa ste/ thig le ni stong pa'i gnas cung zhig tsam mo/ /stong pa nyid kyi gnas de dang cung zhig tsam gyi stong pa nyid kyi yi ge brgya ni theg pa chen po mngon par rtogs pa bsdus pa'i yi ge brgya pa'i gsang sngags kyi tshul gyis/ phyag rgya thams cad brtan par byed cing dam tshig nyams pa las bslang pa dang/ bdag bsrung ba la sogs pa'i byang chub thams cad rdzogs par byed pa dang/ dam tshig nyams pa la sogs pa'i bu ga sel bas na thig la stong pa'i yi ge brgya pa ni bcom ldan 'das so/ /de la yi ge brgya pa'i gsang sngags ni 'di yin te/ oM badzra tik+Sh+Na sa ma ya ma nu pA la ya/ badzra tik+Shta twe no pa tiSh+Thi di Dho me b+ha ba/ su to Sh+yo me b+ha pa shA shwa ho mi b+ha ba/ a nu rak+to me b+ha ga su po Sh+yo me b+ha ba h+ri nga ya ma me b+ha/ a tiSh+Tha/ sarba sid+d+hi me pra yats+tsha sarba karma su tsa me tsit+ta sh+reya(rgyud 'grel): ku ru hUM:/ ku ru hUM:/ ha ha ha ha ho:/ b+ha ga ban mA me muny+tsa badzrI b+ha ba/ mahA sa ma ya satwa A(rgyud 'grel): /de ltar rnam pa thams cad du thams cad shes pa bskyed pas na rnam
- 324a
pa kun ldan te/ rnam pa'i bag chags kun nas bsags pas bsgos pa rnams la'o/ /rnam pa med pa ni rnam par mi rtogs pa/ so so rang rig pa/ chos kyis sku ni ngo bo nyid med pa yin pas rnam pa med pa'o/ /rnam pa kun ldan yang yin la rnam pa med pa yang yin pas na/ rnam pa kun ldan rnam pa med ces bya'o/ /ji ltar na phan tshun 'gal pa dag rnam pa thams cad dang ldan pa dang mi ldan pa dung zhes na/ rang dang gzhan gyi rigs pa la bltos nas thams cad 'gal ba med ces sngar rgyas par smras zin pas 'dir ma spros so/ /yang na rnam yang yin la kun yang yin pas na rnam pa kun ldan no/ /rnam pa thams cad dang bral bas na rnam pa med pa ste/ gang gi phyir skye ba med pa'i mtshan nyid can gyi sku ni rnam pa kun ldan rnam pa med ces bya ste chos kyi bdag nyid bcom ldan 'das rje btsun 'jam dpal lo/ /de nyid ni gsang sngags kyi sku'i sbyor bas kyang bzhugs so zhes bstan par bya ba'i phyir/ bcu drug phyed phyed thig le can zhes bya ba gsungs te/ bcu drug phyed pa ni cha bcu drug pa'i phyed phyed kyis zla ba la thig le phyed phyed pa'i thig le rnam par 'chad bar mdzad pas na/ bco drug phyed phyed thig le can zhes bya'o/ /'di skad ston par 'gyur te/ zla ba phyed pa'i steng du thig le phyed pa'i sgra'i tshul gyis sngags thams cad la dbang sgyur pa 'dzin par mdzad do zhes bya ba'i don to/ /yan lag med pa'i rtsis las 'das zhes bya ba la/ yan lag ni bgrangs te dpag tu yod par yongs su shes shing bsgres la rnam pa shes pa'o zhes 'jig rten na tha snyad dag snang ngo/ /gang gis kyang bgrang bar mi nus pas na bgrang ba las 'das pa la ni yan lag med pa zhes bya ste/ yongs su shes par bya ba'i cha shas med pas na yan lag med pa'o/ /yang na sgra'i mthar bgrang ba'i
- 324b
cha med pas na yan lag med pa ste/ de nyid kyis na rtsis las 'das zhes bya ste/ brtsi ba ni nges par brtag pa ste/ 'di ni 'di dag tsam mo zhes bzhag cing bris pa'o/ /de med pas na rtsis las 'das pa'o/ /ci'i phyir zhe na/ bsam gtan bzhi po'i rtse mo can zhes bya ba ste/ bsam gtan bzhi pa'i rtse mo ni mdza' ste/ rnam par rtog pas bzhag pa thams cad dang bral bas gnas pa'o/ /de nyid kyi ngo bo nyid de'i bdag nyid kyi 'dzin par mdzad pas na/ yan lag med pa'i rtsis las 'das zhes bya'o/ /gal te rnam par rtogs pa thams cad las 'das shing bsam gtan bzhi po'i rtse mo la zhugs pa ji ltar na bsam gtan gyi yan lag gi rnam par dbye bas ston par mdzad ces rtog pa bzlog par bya ba'i phyir/ bsam gtan yan lag kun shes shing zhes bya ba gsungs te/ de la mnga' mnyes pas gdul bya rnams la de bzhin du rab tu snang ba bskyed par mdzad pas na/ bsam gtan yan lag kun shes shing zhes des rnam par gnas te/ rnam par mi rtog pa'i ting nge 'dzin las langs pa 'am/ yang nyid bsam gtan gyi yan lag gi rnam par dbye ba sems can thams cad la rnam pa thams cad du rab tu ston par mdzad pas na de skad ces bshad do/ /bsam gtan gyi yan lag kun shes pa 'ba' zhig tu yang ma zad kyi ting nge 'dzin thams cad kyi rab tu dbye ba'i bye brag la yang shin tu mkhas pa nyid du bstan par bya ba'i phyir/ /ting nge 'dzin rigs dang rgyu rigs dang rgyud rigs pa zhes bya ba gsungs te/ ting nge 'dzin ni dpa' bar 'gro ba dang/ rin chen phyag rgya dang/ seng ge rnam par rtse ba dang/ zla ba bzang po dang/ zla ba rgyal mtshan dpal gyi tog ces bya ba la sogs pa'o/ /de rnams kyi rigs ni ting nge 'dzin gyi rtsa ba'i rgyud de/ ting nge 'dzin gyi rigs mchog tu 'bral pa'i ngo bo nyid ni/ ting nge 'dzin gyi rigs so/ /rgyud ji lta ba
- 325a
bzhin du mkhyen pas na ting nge 'dzin rig dang rgyud rig pa zhes bya'o/ /ting nge 'dzin gyi ngo bo nyid mkhyen pa'i phyir de la rag las pa nyid kyis phul du byung bar bstan par bya ba'i phyir/ ting 'dzin lus can lus kyi mchog ces bya ba gsungs te/ ting nge 'dzin gyi ngo bo nyid kyi sku ni ting 'dzin lus can te yid kyi rang bzhin no/ /thams cad du thogs pa med par 'jug pa'i nus pa dang ldan pa'i ngo bo nyid du gyur pas lus kyi mchog ste/ lus kyi gtso bo zhes bya ba'i don no/ /thub pa'i mtshan sum cu rtsa gnyis dang/ dpe byad bzang po brgyad cus brgyan pa'i bdag nyid can gyi sku 'di ni longs spyod rdzogs pa'i sku yin par 'dod de/ theg pa chen po la longs spyod par mdzad pa'i phyir de bzhin gshegs pa thams cad kyi longs spyod rdzogs pa'i skus mdzes par gyur pas na/ longs spyod rdzogs sku kun gyis rgyal zhes bya'o/ /sprul pa'i skus kyang thams cad du phul du byung ba nyid yin par bstan par bya ba'i phyir/ sprul pa'i sku ste sku yi mchog /sangs rgyas sprul pa'i rgyud 'chang ba zhes bya ba gsungs te/ gang gi phyir sangs rgyas rnams kyi sprul ba'i rgyud 'chang ba des na/ sprul pa'i sku ste sku yi mchog zhes bya'o/ /sprul pa'i sku phul du byung ba'i khyad par dang ldan pa nyid bstan par bya ba'i phyir/ phyogs bcur sprul pa sna tshogs 'gyed/ /ji bzhin 'gro ba'i don byed pa/ /lha dang lha dbang lha yi lha/ /lha yi bdag po lha min bdag /'chi med dbang po lha yi bla/ 'joms byed 'joms byed dbang phyug po zhes bya ba gsungs te/ sna tshogs shing rnam pa tha dad pa'i sprul ba gang yin pa de la de skad ces bya'o/ /de nyid kyis na ji lta ba bzhin du 'gro ba'i don mdzad pa'o/ /de dag nyid bstan pa ni lha zhes bya ba la sogs pa gsungs te/ la lar ni lha rnams su'o/ /la lar ni
- 325b
lha'i dbang po ste/ brgya byin no/ /la lar ni lha'i lha'o/ /gzhan dag tu ni lha'i bdag po dga' ldan gyi bdag po'o/ /lha min bdag po ni thag bzangs ris la sogs pa'o/ /la lar ni 'chi med dbang po ste/ 'thab bral la sogs pa'i lha rnams kyi rgyal po'o/ /lha'i bla ma ni phur bu'o/ /'joms byed ni drag po'i 'khor rnams so/ /'joms byed dbang phyug po zhes bya ba ni drag po ste/ de dag la sogs pa sprul pa sna tshogs pas 'gro ba'i don mdzad pa'o/ /de yang chos yang dag par bsdud pa'i mdo las rgya cher gsungs par shes par bya ste/ rigs kyi bu byang chub sems dpa' rnams kyi 'phrul ba ni rnam pa bcur shes par bya ste/ rnam pa bcu gang zhe na/ 'di lta ste/ 'khor los sgyur bar 'phrul ba dang/ brgya byin tu 'phrul ba dang/ tshangs par 'phrul pa dang/ nyan thos su 'phrul pa dang/ rang sangs rgyas su 'phrul ba dang/ byang chub sems dpar 'phrul ba dang sangs rgyas su 'phrul ba dang/ sangs rgyas kyi zhing du 'phrul ba dang/ byang chub kyi snying por 'phrul pa dang/ 'khor chen por 'phrul pa ste/ bcu po de dag ni sems dpa' rnams kyi 'phrul pa chen por khong du chud par bya'o/ /byang chub sems dpa' rnams kyi 'phrul pa chen po 'di dag thams cad ni gzhan gyi bsam pa las gyur par lta'o/ /de la nam 'jig rten na 'khor los sgyur ba'i rgyal po gtso bor byed cing tshul khrims yang dag par 'dzin pa dang/ spyod pa gtso bor byed pa de na byang chub sems dpa' sems dpa' chen po 'khor los sgyur ba'i bkod pa rnams sprul nas sems can gyi don byed do/ /de la 'khor lo rin po che ni rtsibs stong yod pa/ lha dang mi'i las shin tu 'das pa/ 'dzam bu chu bo'i gseng las grub pa/ mgar bas ma brdungs pa/ rang gi smon lam dang bsod nams kyi rdzu 'phrul gyi mthu las byung ba/ lta bas mi ngoms
- 326a
ba'i gzugs can nam mkha' la 'go ba ste/ 'khor los sgyur ba phal gzhan rnams kyi lta bu ma yin no/ /glang po rin po che ni chu zheng phun sum tshogs pa thal kar mche ba drug yod pa/ blta bas mi ngoms pa'i gzugs can nam mkha' la 'gro ba/ mgyogs pa'i shugs phun sum tshogs pa/ sa srungs gi bu dang/ nam mkha' lding ltar mgyogs pa/ legs par spyod pa/ las kyi mthu las byung ba ste/ 'khor los sgyur ba phal gzhan rnams kyi lta bu ma yin no/ /rta rin po che thams cad sngo ba/ cang shes pa rta'i rgyal po sprin gyi shugs can dang mtshungs pa/ rlung ltar mgyogs pa/ yid bzhin gyi nor bu ltar bsam pa tsam gyis phyin par byed pa/ nam mkha' la 'gro ba ste/ 'khor los sgyur ba phal gzhan rnams kyi lta bu ma yin no/ /nor bu rin po che ni zur brgyad pa mkhan bzos ma byas/ 'od phun sum tshogs pa/ me dang nyi ma'i 'od zil gyis gnon pa/ gar gur 'gro ba phun sum tshogs pa/ 'dod dgur phun sum tshogs pa/ 'dod gur phun sum tshogs par sbyin pa/ bsam pa thams cad yongs su rdzogs par byed pa ste/ 'khor los sgyur ba phal gzhan rnams kyi lta bu ma yin no/ /bud med rin po che ni ha cang yang mi dkar/ ha cang yang mi sngo/ ha cang yang mi ring/ ha cang mi thung/ ha cang yang mi skem/ ha cang yang mi spom pa/ dul ba'i mchog phun sum tshogs pa bstan bcos dang/ bzo dang/ snyan ngag dang/ sgyu stsal sna tshogs mngon par shes pa/ mnyen zhing zab pa/ snyan pa'i smra ba phun sum tshogs pa yid bzhin gyi nor bu dang mtshungs pa/ 'dzum pa dang tshul phun sum tshogs pa/ chos spyod pa dga' ba/ mtshungs pa med? pa'i?
- 326b
gzugs can te/ /'khor los sgyur ba phal gzhan rnams kyi lta bu ma yin no/ /khyim bdag rin po che ni lag na rdo rje dang 'dra ba chu zheng rnam thos kyi bu dang/ sred med kyi bu dang 'dra ba rtag tu mnyen zhing snyan la 'jam zhing yid du 'ong ba'i tshig 'byin pa/ sha'i mig sgribs pa med pa dang ldan pa/ byams pa dang/ snying rje mnga' ba/ yid bzhin gyis nor bu ltar 'dod dgur 'dzud pa/ mi rin po che dge ba'i rtsa ba skal pa mnyam pas grub pa ste/ 'khor los sgyur ba phal gzhan rnams kyi lta ba ma yin no/ /blon po rin po che ni rin po che'i rigs ma lta bu/ dge ba'i rtsa ba rnams kyi gzugs brnyan du gyur pa/ sngar ldang zhing bsam pa dge ba/ bltas pa dang/ mig rig rig byas pas don go ba/ las bzang po dang/ rgyas pa dang/ rdzogs pa dang/ ma smad par byed pa/ nam mkha' la 'gro ba/ 'dod dgur 'gro ba 'byor ba ste/ 'khor los sgyur ba phal gzhan rnams kyi lta bu ma yin no/ /de la sogs pa 'khor los sgyur pa rin po che bkod pa thams cad sprul nas byang chub sems dpa' sems la dbang ba sems can thams cad la phan pa dang bde ba'i lhag pa'i bsib? can rin po che kha na ma tho ba med pa'i las zab pa/ snum pa/ phan pa/ lhag pa'i bsam pa dam pa'i chos chen po la gzhol ba 'khor los sgyur ba chen po dge ba bcu'i las kyi lam la rten pa/ skyes bu chen po'i mtshan sum cu rtsa gnyis dang ldan pas sems can rnams yongs su smin par byed de/ 'di ni byang chub sems dpa' 'khor los sgyur pa 'phrul ba chen po zhes bya'o/ /nam 'jig rten na brgya byin gtso bor byed pa de na/ brgya byin gyi gzugs su sprul nas sum cu rtsa gsum gyi khang par zhugs te/ bag yod pa'i gtam rnams kyis/ lha rnams yongs su smin
- 327a
par byed do/ /nam 'jig rten na tshangs pa gtso bor byed pa de na tshangs pa'i gzugs su sprul nas rab tu zhi ba'i bsam gtan dang/ tshad med pa'i bsam gtan rnams kyis tshangs pa'i ris kyi lha rnams yongs su smin par byed do/ /nam sems can rnams nyan thos kyi 'dul ba yin gyi/ rang sangs rgyas kyi 'dul ba ma yin/ sangs rgyas kyis 'dul ba ma yin pa de na nyan thos kyi gzugs su sprul nas sdug bsngal zang par bya ba dang/ mya ngan las 'das pa thob par bya ba'i phyir chos ston to/ /nam sems can rnams rang sangs rgyas kyi 'dul ba yin gyi/ nyan thos kyis 'dul ba ma yin/ sangs rgyas kyis 'dul ba ma yin pa de na rang sangs rgyas kyi gzugs su sprul nas rang sangs rgyas kyi byang chub kyi lam yang dag par rab tu ston to/ /dben pa'i gtam dang/ 'dod chags dang bral ba'i gtam dang/ bsam gtan dang/ ting nge 'dzin dang/ snyoms par 'jug pa dang/ rnam par thar pa dang/ rdzu 'phrul gyi rkang pa'i gtam dang/ sbyin gnas chen por dbang bskur ba'i gtam dang/ brten pa'i gtam dang/ rnam par thar pa'i tshul gyis sems can rnams yongs su smin par byed do/ /nam sems can rnams byang chub sems dpas 'dul bar gyur pa de na rang gis gzugs su gnas nas pha rol tu phyin pa drug dang/ byin gyi brlabs bzhi dang/ byams pa chen po dang/ snying rje chen po dang/ gzugs dang/ dbang dang/ bzod pa dang/ si'i gtam gyis sems can de dag yongs su smin par byed do/ /nam sangs rgyas kyis 'dul ba'i dbang po dang khams rgya che zhing rgyas par 'gyur ba de na sangs rgyas kyi gzugs su gyur nas stobs dang mi 'jigs pa dang/ sangs rgyas kyi chos
- 327b
'dres pa'i gtam rnams dang/ sangs rgyas kyi rdzu 'phrul chen po rnams kyis sems can de dag yongs su smin par byed do/ /nam sems can rnams sangs rgyas kyis zhing rgya chen por 'dul bar 'gyur ba de na stong gsum gyi stong chen po'i 'jig rten gyi khams lag mthil ltar mnyam zhing 'jam pa/ ka tsa li ka ltar reg na bde ba/ bai DUrya sngon por gyur pa/ shel du gyur pa/ tsan dan sprul gyi snying por gyur pa/ 'dzam bu chu bo'i gser du gyur pa/ rdo dang/ gsegs ma dang/ gyo mo med pa/ mtho dman med pa/ ngan song log par ltung ba med pa/ bud med rgyu med pa/ ri nag po med pa/ rin po che sna tshogs kyi ri rnams kyi mdzes par byas pa/ tsher ma dang/ ngam grog dang/ g.yangs sa med pa/ rin po che'i shing ljon pa dang/ spos kyi shing sna tshogs kyis shing mdzes par byas pa sprul nas sems can de dag yongs su smin par byed do/ /nam sems can rnams byang chub kyi snying po rgya chen pos 'dul bar gyur pa de na byang chub kyis shing gi dpag tshad bcu gnyis kyi tshad du mngon par sprul nas rtsa ba shin tu zug pa/ sdong po ni 'dzam bu chu bo'i gser/ yal ga ni gser dang/ dngul dang/ khyu ru dang/ shel dang/ rin po che tha dad pa rin po che sna tshogs kyi mdzes par byas pa/ lha'i bu mo brgya stong du ma gnas pa sprul nas sems can de dag yongs su smin par byed do/ /nam sems can rnams 'khor rgya chen pos 'dul bar 'gyur ba de na lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lho 'phye chen po dang/ brgya byin dang/ tshangs pa dang/ 'jig rten skyong ba dang/ gzi brjid che ba gzi brjid che ba sprul pa dang/ nyan thos so so yang dag par rig pa thob pa gnyi ga'i cha las
- 328a
rnam par grol ba dang/ byang chub sems dpa' sa bcu la gnas pa dpa' bar 'gro ba'i ting nge 'dzin thob pa rnams sprul nas sems can de dag yongs su smin par byed de/ rigs kyi bu chos kyi tshul la 'jug pa bcu po de dag gis byang chub sems dpa' rnams kyi 'phrul pa chen po khong du chud par bya'o zhes gsungs pa yin no/ /de ltar gzugs thams cad kyis sems can thams cad kyi don mdzad pa la mkhas shing byang bar gyur kyang 'khor ba'i bag chags kyi nyes pa'i mnga' ba'i phyir/ srid pa'i dgon pa las brgal ba/ /ston pa gcig pu 'gro ba'i bla zhes bya ba gsungs te/ srid pa ni 'khor ba'o/ /nyes pa thams cad kyi 'byung gnas yin pas na dgon pa ste/ de lta bu'i dgon pa las brgal ba gang yin pa de la de skad ces bya'o/ /rdzu 'phrul dang cho 'phrul la sogs pas mdun par mdzad nas theg pa chen po rjes su ston par mdzad pas na ston pa'o/ /gnyis pa med pas na gcig pu'o/ /ston par gyur pa nyid kyis na 'gro ba'i bla ma'i bla ma'o/ /chos dang/ zang zing dang/ mi 'jigs pa dang/ byams pa sbyin pa las chos kyi sbyin pa shin tu mchog tu 'phags pa yin pas de nyid kyis phul du byung bar bstan pa'i phyir 'jig rten phyogs bcur rab grags pa/ chos kyis sbyin bdag che ba po zhes bya ba gsungs te/ grags pa ni rab tu grags par gyur pa ste/ chos kyi sbyin bdag chen po nyid du grags pa'o/ /gang du grags zhe na/ 'jig rten phyogs bcur zhes bya ba smos te/ phyogs bcu'i phyogs rnams na sems can dang/ snod kyi 'jig rten gang dag yod pa de dag thams cad du sbyin bdag chen po nyid kyis mchog tu ye shes dang ldan pa rnams kyis mkhyen to zhes bya ba'i don
- 328b
no/ /nyon mongs pa dang mi shes pa dang/ bdud kyis dgra rnams las rgyal ba'i phyir ji ltar mngon par chags pa de ltar bstan par bya ba'i phyir byams pa'i go cha chas pa ste/ snying rje yi ni ya lang bgos zhes bya ba gsungs te/ blo gros kyis tshogs bcings shing go bgos pa ni byams pa go chas chas par gyur pa dang/ thugs rje chen po nyid du dbug par dga' ba'i chos can yin pas na ya lang de/ de lta bu'i snying rje chen po'i ya lang bgos pa'o/ /phyi rol gyi mtshon cha'i bye brag gis ni nyon mongs pa dang/ mi shes pa las rgyal bar 'gyur mi srid pas phul du byung ba'i mtshon cha dang ldan pa nyid du bstan par bya ba'i phyir/ shes rab ral gri mnga' gzhu thogs zhes bya ba gsungs te shes rab kyis ral gri dang mnga' gzhu thogs pa de la de skad ces bya'o/ /de ltar go cha dang chas shing ya lang bgos te mtshon cha thogs nas ci zhig mdzad ces rtog pa la mdzad pa bstan par bya ba'i phyir/ nyon mongs mi shes g.yul ngo sel zhes bya ba gsungs te/ nyon mongs pa rnams dang/ mi shes pa ni sngar bshad zin pas 'dir ma smos so/ /de yang nyon mongs pa'i dpung gi tshogs pha rol gnod pa du ma dag gis yongs su bskor bar mi shes pa'i rgyal pos sems can rnams 'joms shing gzir bar byed pas na g.yul lo/ /de bcom zhing rnam pa thams cad du mi snang bar mdzad pas na/ nyon mongs mi shes g.yul ngo sel zhes bya'o/ /de ltar re zhig nang gi nyon mongs pa rnams las nges par rgyal na phyi rol gyi lha'i bu'i bdud la sogs pa rnam par bzlog cing 'joms par bstan par bya ba'i phyir/ dbang po zhes bya ba la sogs pa gsungs te/ bdud rnams dgrar gyur
- 329a
pa/ gang yin pa 'am/ bdud rnams kyi dgra yin pas na bdud kyi dgra'o/ /bdud las rgyal bar mdzad pas na bdud thul ba'o/ /de nyid kyis na phyi dang nang gis bdag nyid can gyi drag po nges par zlog par mdzad pa'i brtson 'grus dang ldan pas na dpa' bo'o/ /tshangs pa dang dbang phyug chen po dang/ khyab 'jug mthus zil gyis mnan par mdzad nas/ tshangs pa ma dang/ dbang phyug ma dang/ khyab 'jug ma dang/ 'dod pa'i lha'i dga' ba mo mthu stobs kyis de rnams blangs pa ste/ drag po'i stobs kyis len par mdzad pas na/ dpa' bo ste/ 'jig rten pa'i dbang po rnams kyang 'jigs pa med pa dang/ snying stobs dang ldan pas gzhan dag zil gyis gnon pa'i rang bzhin can la dpa' bo zhes bya'o/ /bdud bzhi ni phung po'i bdud dang/ nyon mongs pa'i bdud dang/ 'chi bdag gi bdud dang/ lha'i bu'i bdud ces grags pa ste/ de rnams las 'jig pa gang dag yod pa de mthar 'byin cing 'byin cing sel bar mdzad pas na/ bdud bzhi'i 'jigs pa sel bar byed ces bya'o/ /gang gis phyir bdud thams cad kyi dpung ste/ bdud thams cad kyi sde las rgyal bar mdzad cing pham par byed pa nyid kyis na/ rdzogs pa'i sangs rgyas 'jig rten 'dren ces bya'o/ /'di skad ston par 'gyur te/ byams pa dang/ snying rje dang/ shes rab rnams kyis nyon mongs pa dang/ mi shes pa dang/ bdud kyi dgra rnams las mngon par rdzogs par sangs rgyas te/ 'jig rten gyi 'dren par gyur pa ni bcom ldan 'das rje btsun 'jam dpal lo/ /des na de nyid mchod par 'os pa dang/ bstod par 'os pa dang/ phyag bya ba'i gnas su gyur pa dang/ rtag tu ri mor bye bar 'os pa dang/ bkur bar 'os pa dang/
- 329b
brjod par bya ba'i mchog yin pa dang/ phyag bya bar 'os pa'i bla ma'i rab yin te/ shin tu bla na med pa nyid du bstan par gyur pa yin no/ /rdzogs pa'i sangs rgyas 'gro ba rnams kyi bla ma thams cad du sems can thams cad kyis don gyi phyir thogs pa med par bzhud pa nyid du bstan par bya ba'i phyir/ 'jig rten gsum po gom gcig bgrod/ mkha' ltar mdza' med rnam par gnon ces bya ba gsungs te/ 'jig rten gsum po thams cad du cig car gom pa gcig pa'i gom pas 'gro ba gang yin pa de la de skad ces bya'o/ /de bzhin du nam mkha' la ni mdza' med pas de'i mthar thug pa'i rnam par gnon pa dang ldan pas na/ mkha' ltar mdza' med rnam par gnon ces bya'o/ /gsum rig ni rig pa gsum ste/ de dang ldan pas na gsum rig go /de la byang chub sems dpa' rnams kyi rig pa gsum gang zhe na/ 'di lta ste/ lha'i mig gi rig pa dang/ sngon gyi gnas rjes su dran pa'i rig pa dang/ zag pa zad pa'i rig pa ste/ rig pa ni shes pa zhes bya'o/ lha'i mig gis shes pa ni lha'i mig gi rig pa yin no/ /lha'i mig gi rig pa gang yin pa de ni rnam par dag pa'i lha'i mchog rnams kyi yin te/ byang chub sems dpa' ni lha'i mig gi rig pa de dang ldan pa yin no/ /rnam par dag pa'i lha ni nyan thos dang/ rang sangs rgyas dang/ byang chub sems dpa' rnams te/ de dag ni rnam par dag pa'i lha'o/ /rnam par dag pa'i lha de dag gi mchog ni de bzhin gshegs pa dgra bcom pa yang dag par rdzogs pa'i sangs rgyas rnams te/ rnam par dag pa'i lha'i mchog rnams zhes bya'o/ /byang chub sems dpas ni rnam par dag lha'i mchog rnams kyi lha'i mig gi rig pa gang yin pa de 'thob ste/ nyan thos dang rang sangs rgyas rnams kyi lhar ma yin pa 'di ni rig pa dang po'o/
- 330a
de la sngon gyi gnas rjes su dran pa'i rig pa ni de bzhin gshegs pas sngon gyi mdza' mi mkhyen pa 'am/ mi rigs pa 'am/ mi rtogs pa gang yang mi mnga' o/ /byang chub sems dpa' ni rig pa de 'thob ste/ nyan thos dang rang sangs rgyas kyi ltar ma yin pa de ni rig pa gnyis pa'o/ /de la zag pa zad pa'i rig pa gang zhe na/ zag pa bzhi ste/ bzhi gang zhe na/ 'dod pa'i zag pa dang/ srid pa'i zag pa dang/ ma rig pa'i zag pa dang/ lta ba'i zag pa ste/ zag pa de dag kyang byang chub sems dpa' bag chags dang bcas par spong ba'i lam gyis mngon par rtogs pa ste/ nyan thos dang/ rang sangs rgyas rnams ltar nyon mongs pa'i sgrib pa spong ba'i lam gyis ni ma yin no// de zag pa zad nas sems can yongs su smin par bya ba'i phyir skye ba'i gnas thams cad du skye ba yongs su 'dzin pa thogs pa med pa yin te/ 'di ni byang chub sems dpa' zag pa zad pa'i rig pa zhes bya ste/ byang chub sems dpa' i rig pa gsum dang ldan pas na gsum rig ces bya'o/ /'jig rten pa rnams ni nges brjod kyi rig byed dang/ mchog sbyin gyi rig byed/ snyan tshig gi rig byed de/ gsum la rig pa gsum du 'dod do/ /'jig rten pa'i thos pa las bshad pa'i gtsang sgra'i spyod pa dang ldan pas na gtsang ma zhes bshad do/ /'jig rten las 'das pa'i tshul ltar na yang bdag dang bdag gir mngon par zhen pa'i nyon mongs pa'i bag chags kyi mi gtsang ba thams cad dang 'dres pa dang bral ba'i chos thams cad bdag med pa'i chu'i tshogs kyis bkrus pas na gtsang ma'o/ /de nyid ni nyes pa thams cad dang bral bas na dag pa ste zhes bya'o/ /phyi rol gyi chu'i tshogs kyis bkrus pa ni mu stegs rnams kyi
- 330b
lta ba la bltos nas bshad pa yin te khyad par de yin no/ /mngon shes drug ldan zhes bya ba la gang la mngon par shes pa drug yod pa de ni mngon shes drug ldan zhes bya ste/ de la byang chub sems dpa' i mngon par shes pa drug gang zhe na/ lha'i mig dang lha'i rna ba dang/ pha rol gyi sems shes pa dang/ sngon gyi gnas rjes su dran pa'i shes pa dang/ rdzu 'phrul bya ba shes pa dang/ zag pa zad pa shes pa ste/ 'di dag ni byang chub sems dpa' rnams kyi mngon par shes pa drug go /de la byang chub sems dpa' rnams kyis lha'i mig gang zhe na/ dge ba'i tshogs thams cad bsags pa ma nyams pa/ chags pa med pa/ sgrib pa med pa/ gnas pa med pa/ rma med pa/ 'khrul pa med pa/ bstan du med pa/ kha na ma tho ba med pa/ 'jig rten pa thams cad dang/ nyan thos dang/ rang sangs rgyas rnams dang thun mong pa yin pa/ bag chags kyi mtshams sbyor ba thams cad yang dag par btsam? pa/ khyad par mthong ba/ khyad par lung ston pa ste/ lha'i mig des sems can rnams mthong ste/ 'chi 'pho dang/ skye ba dang/ kha dog bzang po dang/ kha dog ngan pa dang/ tha ma dang/ mchog dang/ las nye bar 'gro ba ji lta ba dang/ rgyu dang bcas pa dang/ rnam par smin pa dang bcas pa yang dag pa ji lta ba bzhin du mthong ngo/ /de'i lha'i mig de'i sangs rgyas kyi ye shes thob par byed pa ste/ der nges pa yin no/ /de la byang chub sems dpa' i lha'i rna ba ni lha'i rna ba sgrib pa med pa/ dge ba'i tshogs thams cad bsags pa/ byis pa so so'i skye bo dang/ brgya byin dang/ tshangs pa dang/ 'jig rten skyong ba dang/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po dang/ thams
- 331a
cad dang/ nyan thos dang/ rang sangs rgyas thams cad las khyad par du 'phags pa/ chod pa med pa/ 'od gsal ba/ sgra thams cad thos pa ste/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po'i sgra dang/ tha na sbrang bu dang/ grog ma dang/ sha sbrang/ 'phags pa dang/ 'phags pa ma yin pa'i sgra rnams kyang thos te/ thos nas kyang 'phags pa ma yin pa'i sgra rnams la khong khro bar yang mi byed/ 'phags pa'i sgra rnams la rjes su chags par yang mi byed/ so so'i skye bo'i sgra rnams la tha mar 'du shes pa yang ma yin te/ nyan thos dang rang sangs rgyas kyi sgra rnams la dam par 'du shes pa yang ma yin/ 'phags pa ma yin pa'i tshul la khong khro ba yang mi byed/ 'phags pa'i tshul la rjes su chags par yang mi byed/ sgra gang la yang yon tan du shes pa 'am/ nyes par 'du shes pa ma yin te/ gzhan du na sgra thams cad brag ca lta bu dang/ stong pa dang/ g.yo ba med pa dang/ bdag dang bdag gis med cing dben par rab tu shes kyang rna ba'i skye mched 'bad pa yang ma yin/ sgra'i skye mched 'bad pa yang ma yin to/ byang chub sems dpa' i lha'i rna ba ni 'di lta bu yin no/ /de la byang chub sems dpa' i pha rol gyi sems shes pa ni rang gi sems su shes pa dang ldan pas sems can thams cad kyi sems kyi spyod pa rab tu shes te/ sems can gzhan rnams dang/ gang zag gzhan dag gis 'dod chags dang bcas pa'i sems kyang 'dod chags dang bcas pa'i sems su yang dag pa ji lta ba bzhin du rab tu shes/ 'dod chags dang bral
- 331b
bral ba'i sems kyang 'dod chags dang bral ba'i sems su yang dag pa ji lta ba bzhin du rab tu shes te/ shes nas kyang gang 'dod chags dang bcas pa'i sems de la khong khro bar yang mi byed/ gang 'dod chags dang bral ba'i sems de la rjes su chags par yang mi byed/ gzhan du na 'dod chags dang bcas pa rnams la snying rje chen po bskyed do/ /'dod chags dang bral ba rnams la byams pa chen po bskyed do/ /de bzhin du zhe sdang dang bcas pa dang/ zhe sdang med pa dang/ gti mug dang bcas pa dang/ gti mug med pa dang/ sred pa dang bcas pa dang/ sred pa med pa dang/ len pa dang bcas pa dang len pa med pa dang/ nyon mongs pa dang bcas pa dang/ nyon mongs pa med pa dang/ tshad dang ldan pa dang tshad dang mi ldan pa dang/ mnyam par bzhag pa dang mnyam par ma bzhag pa dang/ rnam par ma grol ba'i sems dang rnam par grol ba'i sems kyang yang dag par ji lta ba bzhin du rab tu shes te/ shes nas kyang sems can sems rnam par ma grol ba rnams la khong khro bar yang mi byed do/ /sems rnam par grol ba rnams la rjes su chags par yang mi byed te/ gzhan du na sems can rnam par grol ba rnams la byams pa chen po bskyed do/ /sems rnam par ma grol ba rnams la snying rje chen po bskyed do/ /sems can thams cad shes kyang sems de la sems des snyems pa yang med rlom sems kyang med do/ de la pha rol gyis sems shes pa des sems can thams cad kyis sems kyis spyod pa rab tu shes so/ /sems can de dag gis ni byang chub sems dpa' des skabs ma phyed pa'i bar du mi shes te/ nyan thos de dang rang rgyas kyi lha'i ye shes kyis kyang mi shes na/ phal pa gzhan rnams kyis shes par mi 'gyur bar lta ci smos te/ 'di ni byang chub sems dpa' i pha
- 332a
rol gyis sems shes pa'o/ /de la byang chub sems dpa' ni bdag dang sems can gzhan rnams kyi sngon gyis gnas rnam pa du ma rjes su dran te/ skye ba gcig kyang rjes su dran no/ /skye ba gnyis dang/ skye ba brgya dang/ skye ba stong dang/ skye ba brgya phrag stong nas skye ba bye ba khrag khrig brgya stong dpag tu med grangs med pa yang rjes su dran no/ /'jigs pa'i bskal pa yang rjes su dran no/ /'chags pa'i bskal pa yang rjes su dran no/ /'jig pa dang 'chags pa'i bskal pa yang rjes su dran pa nas bskal pa chen po bye ba khrag khrig brgya stong dpag tu med pa'i bar du rjes su dran te/ dran pa de la de bzhin gshegs pa dang/ byang chub sems dpa' sa bcu la rab tu gnas pa rnams ma gtogs par lha dang bcas pa'i 'jig rten myos par 'gyur te/ 'di ltar bdag che ge mo zhig 'di 'dra bar 'gyur te/ rigs ni 'di zhes bya'o/ /rus ni 'di zhes bya/ mdog ni 'di lta bu/ ming ni 'di zhes bya/ kha zas ni 'di lta bu za za/ tshe'i gnas pa ni 'di srid cig / thug chu zheng ni 'di lta bu/ bde ba dang sdug bsngal ni 'di lta bu zhig myong ste/ bdag de nas shi 'phos nas ga ge mo zhig tu skyes/ de nas kyang shi 'phos nas 'dir skyes te/ rigs ni 'di zhes bya/ rus ni 'di zhes bya/ mdog ni 'di lta bu ming ni 'di zhes bya/ kha zas ni 'di lta bu zhig za za/ tshe ni 'di tsam zhig thub/ chu zheng ni 'di lta bu/ bde ba dang sdug bsngal ni 'di lta bu zhig myong ngo zhes rjes su dran te/ bdag ji lta bar sems can thams cad kyi yang de bzhin te/ tha na sbrang/ bu dang grog ma rnams kyi yang rjes su dran no/ /de'i dran pa de chags pa med/ rgyun mi 'chad pa/ sgrib pa med pa dang/ thogs pa med pa dang/ dus su bskul ba med pa/ byams pa chen po dang/ snying rje chen po dang/ rab tu ldan pa zab pa/
- 332b
gting dpag dka' ba/ bag la nyal med pa/ bag chags kyi mtshams sbyor ba rnam par dag pa/ bsod nams dang ye shes kyi tshogs thams cad kyi brgyan pa ste/ 'di ni byang chub sems dpa' i sngon gyi gnas rjes su dran pa'i shes pa zhes bya'o// de la byang chub sems dpa' rnams kyi rdzu 'phrul bya ba shes pa ni bsod nams dang ye shes kyi tshogs kyi bstan pa/ sgrib pa med pa/ lhun gyis grub pa/ rnam par ma brtags pa/ bskal ba bya ba khrag khrig brgya stong grangs med par sbyin pa dang/ dul ba dang/ mi 'gyur ba dang yang dag par sdom pa dang/ des pa dang/ bsam gtan dang/ ting nge 'dzin dang/ snyoms par 'jug pa yongs su sbyang bar byas pa/ bdag dang/ sangs rgyas dang/ lha'i dbang dang ldan pa ste/ de rdzu 'phrul mngon du gyur pa/ mngon par 'du bya ba med pa/ sgrib pa med pa/ 'jig rten thams cad las khyad par 'phags pa des sems can rnams kyi don byed/ ji ltar 'dod pa de ltar byin gyis brlab po/ /ji ltar 'dod pa de bzhin du yul rnams ston to/ /byang chub sems dpa' de'i rdzu 'phrul gyi dbang ni thams cad du thogs pa med par 'jug ste/ de gal te sems can gcig sems can thams cad kyi gzugs kyis 'dul bar gyur na sems can gcig po de'i mdun du sems can thams cad kyis gzugs snod ji lta ba bzhin du ston to/ /sprul pa de dag thams cad kyang byed pa dang/ kha zas dang/ smra ba dang/ spyod pa tha dad du 'jug go /de 'dod na sems can thams cad kyi gzugs sangs rgyas kyi gzugs su mos na yang sems can thams cad kyi gzugs sangs rgyas kyis gzugs su 'gyur ro/ /sangs rgyas kyi gzugs su sems can thams cad kyi gzugs su mos na yang sangs rgyas kyi gzugs sems can gyi gzugs su 'gyur ro/ /'jig pa'i bskal ba
- 333a
'chags pa'i bskal par mos na yang 'jig pa'i bskal pa 'chags pa'i bskal par 'gyur te/ sems can de dag gis 'chags pa'i bskal bar shes so/ /'chags pa'i bskal pa 'jig pa'i bskal par mos na yang 'chags pa'i bskal pa 'jig pa'i bskal par 'gyur te/ sems can de dag gis kyang 'jig pa'i bskal par shes so/ /'jig pa dang 'chags pa yang gzhan du gyur pa ma yin te/ mos pa de ltar yang 'gyur ro/ /de bzhin du bskal pa gcig snga dro tsam du mos na yang de nas sems can de dag gi bskal pa snga dro tsam du shes so/ /snga dro bskal pa tsam du mos na yang de bzhin du 'gyur te/ de nas sems can de dag gis de bzhin du shes te/ 'di ni byang chub sems dpa' i mos pa las byung ba'i rdzu 'phrul zhes bya'o/ /de la mngon du gyur pa'i rdzu 'phrul ni gang byang chub sems dpa' i bsam gyis mi khyab pa'i bsod nams dang ye shes kyi dbang lhun gyi grub pas sgrib pa med par phun sum tshogs pa thams cad mngon du 'gyur zhing 'grub pa ste/ 'di ni byang chub sems dpa' i mngon du gyur pa'i rdzu 'phrul zhes bya'o/ /de la byang chub sems dpa' i mngon par 'du byed pa las byung ba'i rdzu 'phrul ni gang byang chub sems dpa' sems mi 'jug cing lhun gyis grub pas sems can de dag gi mos pa ji lta ba bzhin du byang chub sems dpa' de gzugs dang spyod lam tha dad pas mthong zhing shes te/ 'di ni byang chub sems dpa' i mngon par 'du byed pa med pa las byung ba'i rdzu 'phrul zhes bya'o/ /de 'jig rten gyi khams ji snyed na sems can rnams sangs rgyas 'byung bas 'dul ba'i 'jig rten gyi khams de snyed du sangs rgyas 'byung ba ston te/ dga' ldan gyi gnas nas 'chi 'pho ba dang/ mngal du 'jug pa dang/ bcas
- 333b
pa dang/ bzo'i gnas la mkhas pa dang/ btsun mo'i 'khor gyis rol pa dang/ mngon par 'byung ba dang/ dka' ba spyod pa dang/ byang chub kyi snying por 'gro ba dang/ bdud 'dul ba dang/ byang chub tu rnam par 'tshang rgya ba dang/ chos kyi 'khor lo rab tu bskor ba dang/ yongs su mya ngan las 'das pa chen po ston pa rnams kyis sems can de dag yongs su smin par byed do/ /de ltar na byang chub sems dpa' rdzu 'phrul gyi yul tshad med pa yin te/ 'di ni byang chub sems pa'i rdzu 'phrul bya ba shes pa zhes bya'o// de la byang chub sems dpa' i zig pa zad pa'i shes pa gang zhe na/ 'di dag ni zag pa bzhi ste/ bzhi gang zhe na/ 'dod pa'i zag pa dang/ srid pa'i zag pa dang/ ma rig pa'i zag pa dang/ lta ba'i zag pa ste/ byang chub sems dpa' ni zag pa de dag yongs su spangs pa yin/ ma 'ongs pa na mi skye ba'i chos can du 'gyur zhing phyir mi skye mi 'gag ste/ gdul ba ji lta bzhin du sems can rnams la thams cad du skye ba yang ston pa 'di ni byang chub sems dpa' i lam lhun gyis grub pas rgyun mi 'chad par 'jug pa zhes bya ste/ 'di dag ni byang chub sems dpa' i mngon par shes pa drug go /byang chub sems dpa' i mngon par shes pa drug po de dag mngon par ldan zhing rtag tu mi 'bral te/ de bas na mngon par shes pa drug ldan no// rjes dran drug ni sangs rgyas rjes su dran pa dang/ chos rjes su dran pa dang/ dge 'dun rjes su dran pa dang/ tshul khrims rjes su dran pa dang/ gtong ba rjes su dran pa dang/ lha rjes su dran pa dang/ de rnams kyi rang gi mtshan nyid ni sngar bshad pas 'dir yang ma bshad do/ /rtag tu phyin ci ma log pa'i rjes su dran pa drug dang ldan pas na rjes dran drug ces bya'o/ /byang chub sems dpa' sems dpa' che zhes bya ba la/ byang chub sems dpa' i sems gang la yod
- 334a
pa de ni byang chub sems dpa' 'o/ /de nyid gcig tu gzhan gyi don la 'jug pa ni sems dpa' chen po'o/ /yang byang chub sems dpa' i bdag nyid can gyi sems ni byang chub sems dpa' o/ /kun tu 'gro ba'i chos kyis dbyings thugs su chud nas mngon par sangs rgyas pa'i phyir sems dpa' chen po'o/ /rnam pa thams cad du yul che ba'i rdzu 'phrul brnyes pas na rdzu 'phrul chen po'o/ /de bzhin du 'jig rten las 'das pa'i ye shes thugs su chud pas na 'jig rten las 'das pa'o/ /shes rab pha rol phyin pa'i mdza' zhes bya ba ni shes rab kyi pha rol tu phyin pa dang mngon par ldan pa'i chos kyis sku thugs su chud pa'o/ /rnam pa thams cad du de'i ngo bo nyid du gyur pas na shes rab kyi ni de nyid thob ces bya ste/ shes rab kyi pha rol tu phyin pa'i de kho na nyid ni dri ma med pa'i de bzhin nyid do/ /de kho na nyid kyi rang bzhin ni chos kyi sku'i bdag nyid can pas na/ sems la sems shes pa med do zhes brtag par mi bya ste/ sbyor ba bstan pas na spyi las spyi khas blangs par bya ba yin no/ /yang na 'di ni nye bar bzhag pa tsam du zad kyi de la mngon par zhen par mi bya'o zhes bstan par bya ba'i phyir shes rab kyi pha rol tu phyin pa'i ngo bo nyid yin yang bdag dang gzhan gyi dbye bas tha snyad du bya ba bden pa gnyis kyi dbang ston par mdzad pa ni/ bdag rig gzhan rig thams cad pa/ /kun la phan pa'i gang zag mchog ces bya ba gsungs pa yin te/ /de la so sor rang gi rig pa'i chos nyid kyi tshul gyis na bdag rig pa'o/ /sgyu ma lta bu'i sems kyi ngo bo nyid kyis na gdul bya rnams la khong du chud par mdzad pa'i phyir gzhan rig go /rgyu ba dang mi rgyu ba'i dngos po
- 334b
thams cad kyi ngo bo nyid chos kyis dbyings su bye brag med pas na thams cad pa'o/ /sems can thams cad la phan pa dang/ bde ba rdzogs par mdzad pas na kun la phan pa'o/ /sems can thams cad kyi gtso bo'i skyes bu yin pas na/ gang zag mchog ste/ rig pa can gyis brtags pa'i gang zag ni ma yin te/ de ni rnam pa thams cad du med pa'i phyir ro/ /dper bya kun las 'das pa ste/ shes dang shes bya'i bdag po mchog ces bya ba la/ cung zad tsam gyi mnyam pa yang med pa rnam pa thams cad du dper bya ba thams cad du las 'das pa yin no/ /de bzhin gshegs pa thams cad kyi bdag nyid du gyur pas shes pa zhes kyang bshad do/ /legs pa 'dod pa rnams kyi mtho ris dang thar pa'i rgyur gyur pas na de nyid ni shes par bya ba dang bsam par bya ba yin gyi/ de las gzhan med do zhes bya ba'i don to/ /de kho na nyid kyi ye shes ma lus par 'byung ba'i rgyu yin pa'i phyir thams cad mkhyen pa'i ye shes kyi bdag po'o/ /thams cad las phul du byung bas na mchog go /chos kyis sbyin pa ni sbyin pa thams cad kyi gtso bo yin la/ de stsol bar mdzad pa'i phyir/ gtso bo chos kyis sbyin bdag ste zhes bya ste/ sbyin bdag rnams kyi mchog tu gyur pa zhes bya ba'i don to/ /phyag rgya bzhi po'i don ston pa zhes bya ba la/ phyag rgya chen po dang/ dam tshig gi phyag rgya dang/ chos kyi phyag rgya dang/ las kyi phyag rgya ni phyag rgya bzhi ste/ de rnams kyi don ni phyag rgya bzhi po'i don no/ /de la phyag rgya chen po ni lha dang rjes su mthun par byed pa yin pas longs spyod rdzogs pa'i sku'o/ /dam tshig gi phyag rgya ni thugs kyi ngo bo nyid yin pas so so rang gi rig pa'i chos kyi sku'o/ /chos kyi phyag rgya ni chos kyi longs spyod kyi byin gyis brlabs las chos kyi de kho na nyid ston pa'i gsang sngags kyi yi ge'i bdag nyid can sna tshogs pa'o/ /las kyi phyag rgya ni bya ba bsgrubs pa'i ngo bo nyid du gyur
- 335a
pas sprul pa'i mdzad pa sna tshogs rdzogs par byed pa sprul pa'i sku ste/ phyag rgya bzhi po de dag gi don ston par mdzad pa'o/ /gang gi phyir nyes pa thams cad las 'das shing yon tan thams cad kyi rang bzhin can yin la/ thar pa thams cad dang phun sum tshogs pa thams cad bskyed par mdzad pa yin te/ de bas na/ 'gro ba'i bsnyen bkur gnas kyi mchog ces bya'o/ /nges 'byung gsum po bgrod rnams kyi zhes bya ba ni/ khyad par du 'gro ba rnams nyan thos dang rang sangs rgyas dang/ yang dag par rdzogs pa'i sangs rgyas kyi nges par 'byung ba la ma gtogs pa la gzhan ma dag gis nges par 'byung ba 'thob mi srid par bstan pa'i phyir/ nges 'byung gsum po bgrod rnams kyi zhes bya la/ de'i dngos po gang yin zhe na/ 'gro ba'i bsnyen bkur gyi gnas kyi mchog tu gyur pa rje btsun 'jam dpal lo/ /de nyid ni dpal dang ldan pa'i mchog yin no/ /ji ltar shes she na/ don gyi dam pa rnam dag dpal zhes gsungs pa las shes so/ /de dag kyang 'jig rten gsum gyi skal pa bzang po nyid du gyur pas thams cad kyi mngon par 'dod pa'i phun sum tshogs pa thams cad yang dag par rdzogs par mdzad pas na/ dpal ldan 'byor pa kun byed pa'o/ /de bas na 'gro ba rnams kyis nges par 'byung ba gsum bgrod par byed pa yin te/ de nyid gcig pu 'gro ba rnams kyis bsnyen bkur byed pa'i gnas kyi mchog yin gyi/ de bas gzhan med do zhes nges par byas pa yin te/ sangs rgyas dang byang chub sems dpa' thams cad kyi ngo bo nyid du gyur pa yang de nyid yin no zhes nges par gzung ba la yang nyes pa med do// //da ni mtshan nyid kyi don thams cad nye bar bsdu ba'i sgo nas bcom ldan 'das de rnam pa thams cad du mchod par 'os pa yin no zhes ston cing mtshan thams cad don ji lta ba nyid du
- 335b
bden pa'i mtshan nyid yin par khong du chud par bya ba'i phyir tshigs su bcad pa lngas phyag 'tshal ba'i khyad par gyis de bzhin gshegs pa'i 'khor gyi dkyil 'khor dang bcas pa'i tshogs rnams mchod par mdzad pa'i phyir/ mchog sbyin rdo rje mchog khyod 'dud ces bya ba la sogs pa gsungs te/ de la mchog sbyin rdo rje ni rje btsun 'jam dpal te/ mchog tu gyur pa sangs rgyas nyid stsol bar mdzad pas na mchog sbyin no/ /mchog sbyin pa la rdo rje ltar mi phyed pas na rdo rje ste/ de nyid kyis na mchog ste/ thams cad kyi gtso bor gyur pa zhes bya ba'i don yin pas de la yang dag par bod pa ni/ mchog sbyin rdo rje mchog ces khyod 'dud ces smos so/ /yang dag pa'i mdza' ni de bzhin nyid de/ de la kye yang dag pa'i mthar gyur pa khyod la 'dud cing phyag 'tshal lo/ /zhes pa'o/ /stong nyid las byung khyod la 'dud ces bya ba la/ stong pa nyid las byung ba ni stong pa nyid las rab tu skyes pa'i phyir stong pa nyid las byung ba'o/ /yang na stong pa nyid kyi snying po gang la yod pa ste de la de skad ces bya ste/ stong pa nyid kyi snying po dang ldan pa'i phyir ro/ /sangs rgyas byang chub khyod la 'dud ces bya ba la/ 'dir yang bod pa ni snga ma bzhin no/ /sangs rgyas kyis byang chub ni sangs rgyas kyi byang chub po zhes sbyar ba 'am/ gang gis na sangs rgyas kyis byang chub yin pa de la de skad ces bya ste/ khyad par med kyang bye brag du nye bar btags pa'o/ /sangs rgyas chags pa khyod la 'dud ces bya ba la/ sangs rgyas rnams la chags shing shin tu zhen pa gang yin pa de la de skad ces bya ba 'am/ sangs rgyas rnams kyi chags pa la mngon par zhen pas gang yin pa'o zhes rnam par sbyor ro/ /yang na sangs rgyas kyang yin la chags pa yang yin pas na sangs rgyas chags pa ste/ de kho na nyid thugs su chud cing sangs rgyas pa'i chags pa ni sems can thams cad rjes su dga' bar gyur pa yin pa'i phyir ro/ /sangs rgyas 'dod la
- 336a
phyag 'tshal 'dud ces bya ba la/ sangs rgyas rnams kyi 'dod pa ni mngon par chags pa ste/ 'gro ba rnams 'dod par bzhed pa'o/ /de'i ngo bo nyid du gyur pas na sangs rgyas 'dod pa'o/ /yang na sangs rgyas rnams kyi 'dod par bya ba yin pas na sangs rgyas 'dod pa yin pa'am/ sangs rgyas par 'dod pa ste/ sangs rgyas kyi ngo b nyid kun tu bzang po la sogs pa 'dod par rab tu ston pa'i phyir ro/ /sangs rgyas dgyes pa khyod la 'dud/ /sangs rgyas rol la phyag 'tshal 'dud ces bya ba la/ sangs rgyas rnams kyi dgyes pa dang/ sangs rgyas rnams kyi rol pa yin pas na sangs rgyas rnams la dgyes shing rol pa'o/ /yang na dgyes pa ni lA sya'o/ /rol pa ni ma mA le'o/ /sangs rgyas 'dzum pa khyod la 'dud/ sangs rgyas bzhad pa khyod la 'dud ces bya ba la/ sangs rgyas rnams kyi 'dzum pa ni de kho na nyid thugs su chud pas zhal gyi pad+ma la dbye ba'o/ /sangs rgyas kyi bzhad pa ni shin tu rmad du byung ba'i don ston cing byang chub sems dpa' chen po lung bstan pa'i ltas ston par byed pa'i ye shes kyi 'od zer gyi bye brag go /sangs rgyas gsung nyid khyod la 'dud/ /sangs rgyas thugs la phyag 'tshal 'dud ces bya ba la/ sangs rgyas kyi gsung ni dam pa'i chos ston pa lta bu'i rkyen gyis sems can rnams gdul bar bya ba'i phyir rab tu 'jug pa 'am/ yang na sangs rgyas kyi gsung ni rnam pa bzhi ste/ khro ba dang/ gsal ba dang/ rdo rje dang/ phra ba'i gsung gi bye brag go /sangs rgyas kyi thugs ni sangs rgyas nyid de/ thams cad du yang de'i rang bzhin du gyur pa'i phyir de dang/ der bshad pas phyag 'tshal ba yin par blta bar bya'o/ /med pa las byung khyod la 'dud/ /sangs rgyas 'byung ba khyod la 'dud ces bya ba la/ 'di la dngos po yod pa ma yin pas na dngos
- 336b
po med pa'o/ /de las byung ba'i skyes pa ste/ de las skyes pa de la de skad ces bya'o/ /'di ps sangs rgyas rnams 'byung ba na sangs rgyas 'byung ba'o/ /'di ni sangs rgyas rnams las 'byung bas na/ sangs rgyas 'byung ba'o/ /nam mkha' las byung khyod la 'dud/ /ye shes las byung khyod la 'dud ces bya ba la/ nam mkha' dang mnyam pa'i chos nyid kyi de kho na nyid las nges par byung bas nam mkha' las byung ba'o/ /gnyis su med pa'i de kho na nyid kyi ye shes las yang dag par byung ba 'am/ ye shes rnams 'di las byung bas na ye shes las byung ba'o/ /sgyu 'phrul dra ba khyod la 'dud/ /sangs rgyas rol ston khyod la 'dud ces bya ba la/ /sgyu 'phrul dra ba'i spros pa ma lus pa'i dngos po'i bdag nyid thams cad yang dag par ston par mdzad pas na sgyu 'phrul dra ba'o/ /cha lugs dang rgyan dang gos dang nyams kyi rnam par bkod pa sna tshogs pa'i khyad par gyi bzhugs pas na/ sangs rgyas rol ston ces bya'o/ /sngar bshad pa'i rnam pa thams cad dang ldan pa'i yon tan gyi rang bzhin thams cad la phyag 'tshal ba dang/ de dag thams cad ye shes kyi sku las tha ma dad cing ye shes kyi sku nus mthu la de ltar so sor snang ba yin te/ de bas na/ thams cad thams cad khyod la 'dud/ /ye shes sku nyid khyod la 'dud ces gsungs so/ /i ti zhes bya ba'i sgra ni de dag go zhes bya ba ste/ yang dag pa'i yon tan gyi mtshan ni de dag yin no zhes bya ba'i don to/ /sa rnams ma lus 'byor pa'i ye shes phun tshogs ldan/ /sna tshogs tshul rnams dpyad pas rnam kun dag pa grub/ /'jam dbyangs mtshan ni yang dag dus rnams thams cad du/ /dran pas 'gro ba kun gyi phan pa'i don 'byung 'gyur/ /byang chub yan lag kun 'dus bde gshegs sras 'byor pa/ /nam mkha' i ngos ltar yangs shing
- 337a
dus tshod rnams las 'das/ rgyal ba'i rdo rje rin chen pad+ma sna tshogs ldan/ /rgyal bas mchod pa 'jam dbyangs mtshan don rtogs las 'byung/ /de ltar don yongs brtsis nas dad pa'i rjes 'brangs te/ /gus pa nyung zad tshigs la tshig der sems dags drangs/ /sna tshogs tshul gyi rtogs pas brtags pa'i dra bar ldan/ /'jam dbyangs 'jig rten thams cad nyin ni rang dag min/ /'jam dbyangs zhabs kyi rgya mtshor cung zad tsam dad pas/ /'jug dka' 'di ni rnam grol sangs rgyas mthu stobs kyis/ /bde gshegs sras mchog rnams kyi rtogs bya phra ba'i dang/ /bdag 'dra'i blo dman skye bo gzhan dag ji ltar 'jug /mdo dang tshad ma'i tshul dang pha rol phyin mi 'gal/ /lus kun las gsungs tshul gyi cho ga 'gal med dngos/ /rgyal ba'i gsang sngags don rnams kun gyi rnam dag ldan/ /phra zhing ma lus tshul rnams bsdus pa'i rgyur gyur yin/ /bshad pa'i tshul kun nyes pa rnam par spangs gyur pas/ /ma rtags mi smad mkhas pas nges par brtags te bzung/ /chos don de nyid mi 'gal shin tu dag gyur pa'i/ /bshad pa 'di la 'gal ba'i tshul gyis spang mi bya// //sngar khyod kyis ngal gsol ba stabs pa'i mtshan yang dag par brjod pa 'di ci'i phyir gsung rtog par byed pa dag gi phyir/ /lag na rdo rje rdo rje 'chang/ /'di ni zhes bya ba la sogs pa gsungs te/ su zhig gi mtshan yang dag par brjod pa yin zhe na/ bcom ldan 'das kyi ye shes kyi sku/ de bzhin gshegs pa thams cad kyi ye shes sku/ 'jam dpal ye shes sems dpa' i zhes bya ba gsungs te/ rnam par dag pa'i ye shes kyi rang bzhin yin pa'i phyir ye shes kyi sku'o/ /chos kyi sku'i ngo bo nyid yin pas na de bzhin gshegs pa thams cad kyi ye shes kyi
- 337b
sku'o/ /dkyil 'khor gyi bdag po nyid kyi ye shes kyi sems dpa' ma lus pa'i ngo bo nyid yin pas na 'jam dpal ye shes sems dpa' o/ /de'i mtshan yang dag par brjod pa de yang don dang yi ge yongs su dag pa'o/ /ma 'dres pas na/ thun mong ma yin pa'o/ /ci'i phyir 'di ston par mdzad ces rtog par byed pa la/ khyod kyi dga' ba dang dang ba dang/ mgu ba chen po bla na med pa bskyed pa dang zhes bya ba gsungs te/ de la tha mal ba tsam gyis tshul gyis yid dga' ba ni yid dga' ba'o/ /sems kyi rab tu dad ba'i mos pa'i khyad par gyis na dang ba'o/ /de nyid rab kyi mthar thug par song ba ni mgu ba chen po'o/ /lag na rdo rje rdo rje 'chang khyod kyis lus dang ngag dang yid kyi gsang ba yongs su dag par bya ba'i phyir bshad par bya'o/ /zhes thams cad la sbyar bar bya'o/ /de la lus kyi gsang ba ni nyan thos dang/ rang sangs rgyas dang/ bdud dang/ mu stegs la sogs pa dang thun mong ma yin pa'i lus kyis de bzhin gshegs pa'i 'khor gyi dkyil 'khor du nye bar song ba'i lus ni lus kyi gsang ba'o/ de bzhin du dag gi gsang ba yang de bzhin gshegs pa dang sa bcu'i dbang phyug gi byang chub sems dpa' rnams dang thun mong du gyur ba dang/ gzhan dag dang thun mong ma yin pa'i chos ston pa la mkhas pa ni dag gi gsang ba'o/ /de bzhin du yid kyi rang bzhin gyi lus kyis de bzhin gshegs pa thams cad kyi thugs spyod pa'i rjes su zhugs pas chos kyis longs spyod nyams su myong ba ni yid kyi gsang ba ste/ de ltar na lus dang ngag dang yid kyi gsang ba'i khyad par ni mtshan yang dag par brjod pa'i don rtogs pa las yongs su dag cing khyad par can du 'gyur bas de nyid la mngon par brtsan par bya'o/ /yongs su ma rdzogs pa dang yongs su ma dag pa'i sa dang pha rol tu phyin pa dang/ bsod
- 338a
nams dang ye shes kyi tshogs rnams yongs su rdzogs shing yongs su dag par bya ba dang zhes bya ba ni sa bcu dang pha rol tu phyin pa bcu yongs su ma rdzogs pa rdzogs par bya ba'i phyir dang/ bsod nams dang/ ye shes kyi tshogs yongs su ma dag pa dag par bya ba'i phyir bshad do zhes bya bar sbyar ro/ /bla na med pa'i don ma rtogs pa rnams rtogs par bya ba dang zhes bya ba ni sangs rgyas nyid kyi don rtogs par bya ba'i phyir dang/ stobs dang mi 'jigs pa la sogs pa ma thob pa thob par bya ba'i phyir dang/ de bzhin du ji srid de bzhin gshegs pa thams cad kyi dam pa'i chos kyi tshul yang dag par bzung ba'i bar gyi phyir zhes bya ba shes kyi pha rol tu phyin pa la sogs pa yang dag par rtogs shing gzung bar bya ba'i phyir te/ bshad pa ni gzhung tsam zhig bstan pa'o/ /yang dag par bstan pa ni gzhung gi don bshad pa'o/ /bkrol ba ni rnam grangs gzhan dag gis brda sprad pa'o/ /rnam par phye ba ni rnam grangs kyi don gyi yul gyi rnam par dbye ba nye bar bstan pa'o/ /gsal bar byas pa ni shin tu yang gsal bar byas pa'i phyir ro/ /lag na rdo rje rdo rje 'chang 'di ni ngas khyod kyi rgyud la yang gsang sngags thams cad kyi chos nyid kyi byin gyi rlabs kyi byin gyis brlabs so/ /zhes bya ba ni gsang sngags thams cad kyi chos nyid thogs pa med pa'i nus pas gzung ba dang/ bcang ba dang/ ston pa'i nus pa phul du byung bar bskyed pas bdud dang mu stegs la sogs pas zil gyis mi non pa ni byin gyis brlabs pa ste/ bstan par byas zhes bya ba'i don to/ /phan yon rnam pa mang po rnam grangs dpag tu med pa'i dbye bas bstan par bya ba'i phyir/ lag na rdo rje rdo rje 'chang gzhan yang zhes bya ba la sogs pa gsungs te//
- 338b
gzhan yang zhes bya ba ni gzhan du na zhes bya ba'i don to/ /ming yang? dag par brjod pa 'di ni thams cad mkhyen pa'i ye shes dang sku dang gsung dang thugs kyi gsang ba shin tu yongs su dag cing yongs su byang ba'o zhes bya ba la/ thams cad mkhyen pa'i ye shes ni sangs rgyas thams cad kyi ye shes te/ de nyid ni sku dang gsung dang thugs gsang ba'o/ /shin tu kun nas yongs su dag cing bya ba ni bag chags dang bcas pa'i nyon mongs pa med pa'i phyir te/ de dag thams cad kyang mtshan yang dag par brjod pa'i ngo bo nyid rtogs pa las byung bas na de skad ces bshad do/ /de bzhin gshegs pa thams cad kyis sangs rgyas kyi byang chub kyi rgyu'i ngo bo nyid du gyur pa dang/ 'bras bu'i ngo bo nyid du gyur pas na sangs rgyas kyi byang chub po/ /rtogs pa dang lam phyin ci ma logs pa'i rang bzhin du gyur pas na yang dag par rdzogs pa'i sangs rgyas rnams kyi mngon par rtogs pa'o/ /bde bar gshegs pa zhes bya ba ni slar mi ldog par gshegs pa rnams kyi'o/ /de bzhin gshegs pa thams cad kyi zhes pa ni de bzhin nyid la zhugs pa rnams kyi'o/ /chos kyi dbyings bla na med pa thugs su chud pa ni chos kyi dbyings la nan tan gyi sgrub pa pa'o/ /rgyal ba rnams kyi bdud kyi stobs thams cad pham par mdzad pa'o zhes bya ba'i phung po dang/ nyon mongs pa dang/ 'chi bdag dang/ lha'i bu'i bdud kyi stobs te/ nus pa zil gyis gnon pa'i phyir ro/ /stobs bcu dang ldan pa thams cad kyi stobs bcu'i stobs nyid do zhes bya ba ni bdud dang mu stegs la sogs pa pha rol smra ba rnams kyi mi non cing rdzi bar mi 'gyur ba'i stobs bcu po thams cad dang ldan pa'i phyir ro/ /thams cad mkhyen pa rnams kyi zhes pa ni shes bya ma lus pa thugs su chud pa'i ye shes dang ldan pa rnams kyi'o/ /thams cad mkhyen pa
- 339a
nyid do zhes bya ba ni chos thams cad rnam pa thams cad du rtogs par 'gyur bas so/ /chos thams cad kyi lung ngo zhes bya ba ni lung dang rtogs pa'i chos shes shing khong du chud pa 'byung bar 'gyur ba'i phyir ro/ /sangs rgyas thams cad kyi yang dag par sgrub pa'o zhes bya ba ni yang dag par bskyed pa'o/ /byang chub sems dpa' sems dpa' chen po thams cad kyi bsod nams dang ye shes kyi tshogs yongs su rdzogs pa dri ma med cing shin tu rnam par dag pa'i skye gnas so zhes bya ba ni nyi bar dmigs pa'i dri ma dang bral bas na dri ma med pa'o/ /rnam par rtags pa'i bag chags med pas na shin tu rnam par dag pa'o/ /byang chub sems dpa' rnams kyi tshogs gnyis yin pas bsod nams dang ye shes kyi tshogs yongs su rdzogs pa'o/ /thams cad du yang mtshan yang dag par brjod pa nyid rgyu dang 'bras bur gyur pa yin no zhes bya ba brjed par mi bya ste/ 'di nyid kho na las skyes pa yin pas so/ /nyan thos dang rang sangs rgyas thams cad kyi zhing ngo zhes bya ba ni gzhir gyur pa dang bskyed pa'i gnas so/ /lha dang mi thams cad kyi phun sum tshogs pa'o zhes bya ba ni 'byor ba'i gnas so/ /theg pa chen po'i gzhi po zhes bya ba ni theg pa chen po thams cad 'di nyid du rab tu gnas pas na theg pa chen po bzhi po zhes bya'o/ /byang chub sems dpa' i spyod pa thams cad kyi 'byung gnas so zhes bya ba ni sngags kyi spyod pa ma lus pa dang/ sbyin pa la sogs pa'i pha rol tu phyin pa'i spyod pa rnams 'byung ba'i rgyu phyin ci ma log pa gyur pa'i phyir ro/ /'phags pa'i lam thams cad kyi mdza' o zhes bya ba ni yang dag pa'i lam gyi mthar thug pa'o/ /rnam par grol ba rnams brtags pa'o/ /zhes bya ba ni yongs su
- 339b
brtags pa'i gnas yin pas so/ /nges par 'byung ba'i lam skye ba'i gnas so zhes bya ba ni theg pa thams cad bsdus par gyur pa yin pa'i phyir ro/ /de bzhin gshegs pa'i gdung rgyun mi 'chad pa'o zhes bya ba ni byang chub sems dpa' thams cad skyed pa rgyun mi gcod pa'i phyir ro/ /byang chub sems dpa' chen po'i rigs dang rgyud rab tu 'phel ba'o zhes bya ba ni byang chub sems dpa' i rgyun gcig nas gcig tu rgyud pa'i rgyun rab tu 'phel bar byed pas so/ /pha rol rgol ba thams cad tshar gcod pa'o zhes bya ba ni gzhan du khas 'che ba'i phyogs tshar gcod cing sun 'byin pa'i gnas thob pa bskyed pas so/ /mu stegs can thams cad rnam par 'joms pa'o zhes bya ba ni chos thams cad bdag med par bstan pas bdag tu mngon par zhen pa la sogs par 'jig pas so/ /bdud bzhi'i stobs kyi dpung dang sde pham par byed pa'o zhes bya ba la/ stobs ni nus pa'o/ /dpung ni blon po chen po rnams so/ /sde ni thams cad bsdus pa'i sde chen po ste/ sde zhes bya ba ni rnam par phye ba'o/ /de yang byang chub mngon par rdzogs par 'tshang rgya bas phung po dang/ nyon mongs pa dang/ 'chi bdag dang/ lha'i bu'i bdud bzhi po las rnam par rgyal ba'i rgyur gyur pa'i phyir ro/ /sems can thams cad yang dag par sdud pa'o/ /zhes bya ba ni sbyin pa dang/ snyan par smra ba dang/ don mthun pa dang/ don dpyod pa thams cad ngo bo nyid du gyur pa'i phyir ro/ /nges par 'byung ba bgrod pa thams cad kyi 'phags pa'i lam yongs su smin pa'o// zhes bya ba ni 'phags pa'i lam yan lag brgyad pa yang dag pas nyan thos dang rang sangs rgyas dang yang dag par rdzogs pa'i sangs rgyas kyi mya ngan las 'das pa thob par byed pas so/ /tshangs pa'i gnas bzhi la gnas pa rnams
- 340a
kyi ting nge 'dzin to zhes bya ba ni byams pa dang snying rje dang dga' ba dang/ btang snyoms la gnas pa rnams kyi dpa' par 'gro ba la sogs pa'i ting nge 'dzin rdzogs par byed pas na ting nge 'dzin to/ /sems rtse gcig pa rnams kyi bsam gtan no zhes bya ba ni sngar bshad pa'i bsam gtan bzhi po rnams te/ de rnams bskyed pa ni de la gzhol ba'i sems su gyur pas so/ /lus dang ngag dang yid gdul ba la brtson pa rnams kyi rnal 'byor ro zhes bya ba ni zhi gnas dang lha mthong bzung du 'brel ba'i lam ni rnal 'byor te/ lus dang ngag dang yid yang dag pa la zhugs pa rnams kyi rnal 'byor thams cad rdzogs par byed pa'o/ /kun tu sbyor ba thams cad dang bral ba'o/ /zhes bya ba ni kun tu sbyor ba dgu ste/ rjes su chags pa dang/ khong khro ba dang/ nga rgyal dang/ ma rig pa dang/ lta ba dang/ mchog tu 'dzin pa dang/ the tshom dang/ phrag dog dang/ ser sna zhes bya ba sngar bshad pa'i kun tu sbyor ba thams cad kyi gnyen por gyur pas na bral ba'o zhes nyon mongs pa dang nye ba'i nyon mongs pa thams cad spong ba'o/ /zhes bya ba ni nyon mongs pa dgu bcu rtsa brgyad dang nye ba'i nyon mongs pa sngar bshad pa ste/ de thams cad spong ba ni bag chags dang bcas pa rtsa nas 'byin pa'o/ /sgrib pa thams cad nye bar bzhi pa'o zhes bya ba ni nyon mongs pa'i sgrib pa dang/ las kyi sgrib pa dang/ shes bya'i sgrib pa rnams rnam pa sna tshogs pas nye bar zhi bar byed pa'o/ /'ching pa thams cad las rnam par grol ba'o zhes bya ba ni 'dod chags kyi 'ching ba dang/ zhe sdang gi 'ching ba dang/ gti mug gi 'ching ba ste/ 'ching ba thams cad dang bral bas na rnam par grol ba'o/ /rdzas thams cad las thar pa'o zhes bya ba ni ma rig pa
- 340b
dang/ nyon mongs pas spangs pa dang bcas pa'i nye bar len pa'i phung po rnam pa lnga ni rdzas te/ rnam pa thams cad du de dang bral bas thar pa'o/ /sems kyi g.yeng ba thams cad zhi ba'o zhes bya ba ni nyon mongs pa'i rgyur gyur pa 'dod chags la sogs pa rnams dang/ rnam par rtogs pa ste/ de rnams rnam pa thams cad du zhi ba ni zhi ba'o/ /'byor pa thams cad kyi 'byung gnas so zhes bya ba ni 'jig rten las 'das pa'i phun sum tshogs pa thams cad kyi skye ba'i gnas yin pas so// rgud pa thams cad sel ba'o zhes bya ba ni ji skad du bshad pa'i phun sum tshogs pa las bzlog pa'i mtshan nyid can ni rgud pa ste/ de'i phyir re sel ba ni spong ba'o/ /ngan song gi sgo thams cad gcod pa'o zhes bya ba ni ngan song du 'jug par 'gyur ba'i las ni ngan song gi sgo ste/ de mi 'byed pas gcod par 'gyur ba'o/ /rnam par grol ba'i grong khyer gyi lam bzang po'o zhes bya ba ni mya ngan las 'das pa'i grong khyer 'thob pa'i thabs te/ de bas na de las lhag pa'i lam gzhan med pas na bzang po'o/ /'khor ba'i 'khor lo la mi 'jug pa'o zhes bya ba ni 'khor ba'i 'khor lo'i rgyu ni ma rig pa dang sred pa ste/ de dag chos bdag med par mthong bas rtsa ba nas bton pa'i phyir ro/ /chos kyi 'khor lo bskor ba'o zhes bya ba ni chos thams cad rnam pa thams cad du rtogs nas sems can dpag tu med pa'i don byed pa'i phyir chos kyi 'khor lo rab tu bskor ba'o/ /de bzhin gshegs pa'i bstan pa'i gdugs dang rgyal mtshan dang ba dan bsgreng ba'o zhes bya ba ni chos thams cad rtogs pa'i rnam par rgyal ba dang ba dan bsgreng ba ni ba dan ste/ de bzhin gshegs pa thams cad kyi bstan pa'i mtshan ma'i ngo bo nyid yin pa'i phyir ro/ /dam pa'i chos ston pa'i gnas so/ /zhes bya ba ni gnas ni byin
- 341a
gyis brlabs te/ chos thams cad ston pa la gegs byed pa bdun gyi dgra'o rnams tshar gcod par byed pa'i phyir ro/ /byang chub sems dpa' gsang sngags kyi sgo'i spyad pa spyod pa rnams kyi myur du 'grub pa'o zhes bya ba ni gsang sngags sgrub pa la zhugs pa rnams kyi bgegs thams cad nye bar zhi ba dang bsod nams dang ye shes kyi tshogs nye bar sogs par sangs rgyas nyid kyi mthar thug pa'i bar gyis dngos grub myur du 'grub pa'o/ /byang chub sems dpa' bsgom pa la mngon par brtson pa rnams kyi rtogs pa'o/ /zhes bya ba ni de kho na nyid mngon sum du byed pa'i mtshan nyid can no/ /byang chub sems dpa' sems dpa' chen po shes rab kyi pha rol tu phyin pa la mngon par brtson pa rnams kyi stong pa nyid so sor rtogs pa'o/ /zhes bya ba ni byang chub sems dpa' chos thams cad bdag med pa nyams su myong ba mngon sum du byed pa'o/ /gnyis su med pa'i so sor rtogs par mngon par brtson pa rnams kyis rdzogs pa'o zhes bya ba ni rnam pa thams cad mkhyen pa'i ye shes so zhes bya ba ni lhag pa'o/ /pha rol tu phyin pa dang tshogs thams cad yongs su rdzogs pa'o zhes bya ba ni rnam pa thams cad du rdzogs pa ni yongs su dag par byed pa'o/ /sa thams cad yongs su rdzogs pa'o zhes bya ba ni pha rol tu phyin pa rnams yongs su rdzogs pa'o/ /'phags pa'i bden pa bzhi po rnams kyi so sor rtogs pa'o zhes bya ba ni byang chub sems dpa' rnams kyi dbang du byas pa ste/ dgra bcom pa 'di kyi phyir ni ma yin no/ /chos thams cad kyi dran pa nye bar gzhag pa rnams sems rtse gcig gis rtogs pa'o/ zhes bya ba ni chos thams cad ro gcig pa nyid kyis sems kyis skad cig ma gcig nyid la chos thams cad khong du chud pas na dran pa nye bar
- 341b
gzhag pa bzhi'i rim pas rtogs pa ste/ bslabs pa'i gnas skabs kyi rim pas ni ma yin no zhes bya ba'i don to/ /phan yon re re nas mang du bstan pas ci zhig bya ste/ re re nas smras na bskal ba bye ba'i bar du yang mthar thug par bya bar mi nus so zhes bstan par bya ba'i phyir/ ming yang dag par brjod pa 'di ni sangs rgyas kyi yon tan thams cad kyi bar du yang yongs su rdzogs par byed pa'o/ /zhes bya ba gsungs te/ sangs rgyas thams cad kyi yon tan gyi rang bzhin gyi gzugs can no zhes bya ba'i don to// //da ni mthong pa'i chos can gyi dge ba 'phel bar 'gyur ba dang/ yid du 'ong ba'i 'bras bu 'thob par 'gyur ba'i phan yon la sogs pa bstan par bya ba'i phyir/ lag na rdo rje rdo rje 'chang gzhan yang zhes bya ba la sogs pa gsungs te/ ji skad du bshad pa'i ming yang dag par brjod pa 'di klog pa dang 'don pa la sogs pas yid la byas na sems can thams cad kyi lus dang ngag dang yid la kun tu spyod pa'i sdig pa ma lus pa rab tu zhi bar byed pa'o zhes bya ba ste/ kun tu spyod pa'i ngo bo nyid kyi sdig pa rnams sel zhing ril gyis rtsa ba nas 'byin par 'gyur ro zhes don gyi dbang gis shes par bya'o/ /sems can thams cad kyi ngan song thams cad rnam par sbyong ba'o zhes bya ba ni sems can dmyal ba dang/ yi dwags dang/ dud 'gro'i skye gnas su 'jug par 'gyur pa'i las rnam par spyod par byed pa yin pas na ngan song sbyod ba ste/ rnam par sbyong ba ni dngos po med pa nyid du bstan pa'o/ /ngan 'gro thams cad bzlog pa'o zhes bya ba ni ngan 'gror 'gro ba'i las bzlog pa yin pa'i phyir ro/ /las kyi sgrib pa thams cad yang dag par gcod pa'o zhes bya ba ni bdag dang bdag tu 'ching ba'i nyon mongs pa dang 'dod chags dang zhe sdang dang gti mug la sogs pa dang/ las kyi sgrib pa rnams mi dmigs par ston
- 342a
pa'i phyir ro/ /mi khom pa brgyad po thams cad kyi skye ba'i rgyun mi skye bar byed pa'o zhes bya ba ni mi dge ba bcu'i las kyi lam rnam par spong bar ston pas dmyal ba dang/ yi dwags dang/ dud 'gro dang 'tha''khob kyi skye po dang/ lha tshe ring po rnams su skye ba dang/ dbang po ma tshang ba dang/ med par lta ba la gos ba/ sangs rgyas mi 'byung ba'i sangs rgyas kyi zhing du skye ba ste/ de dag med pa'i phyir ro/ /'jigs pa chen po brgyad rnam par zhi bar byed pa'o zhes bya ba ni seng+ge dang/ glang po chen po myos pa dang/ me grag po 'bar ba'i tshogs can rnam par 'phro ba dang/ dug rnam par 'phro bas bsgyings pa'i sprul dang/ skra dang kha spu kham pa gyen du brdzes pa mig gdug pa'i srin po dang mtshon cha'i tshogs sra zhing rno ba'i rkun po dang/ brtson srung dang lcags sgrog gis kun tu dkrugs pa'i rgyal po'i 'jigs pa dang/ dpa' rlabs kun tu 'khrug pa'i chu dang/ sha za'i 'jigs pa rnams la dran pa tsam gyis rnam par bar par byed pa'i phyir ro/ /rmi lam ngan pa thams cad nges par 'jig par byed pa'o zhes bya ba ni rmi lam gang gis yid du mi 'ong ba ston pa ni rmi lam ngan pa ste/ de 'jig par byed pa ni gzhig pa'i bsam pas lan cig bklags pa tsam mam/ dran pa tsam gyis 'jig par byed pa'o/ /ltas ngan pa thams cad nges par sel bar byed pa'o zhes bya ba ni ce sbyang sgra sgrogs pa la sogs pa yid du mi 'ong ba skyed par byed pa ni ltas ngan pa ste/ de yang bklags pa tsam 'am dran pa tsam gyis sel bar byed pa yin no/ /brda bas dang bgegs thams cad rnam par zhi bar byed pa'o/ /zhes bya ba ni brda bas ston pa dang bgegs rnams gus pa dang bcangs te bklags pas zhi bar byed pa'o/ /bdud kyi dgra'i las
- 342b
thams cad ring du spong bar byed pa'o zhes bya ba ni chos thams cad stong pa nyid mngon du byas nas bklags pas so/ /de dge ba'i rtsa ba dang/ bsod nams thams cad 'phel bar byed pa'o zhes bya ba ni 'dod chags med pa dang/ zhe sdang med pa dang/ gti mug med pa'i bdag nyid can gyis dge ba'i rtsa ba la 'jug pa rnams la bklags pa dang/ gdon pa la sogs pa byas pas gong nas gong du 'phel bar byed pa'i phyir ro/ /tshul bzhin ma yin pa'i yid la byed pa thams cad mi skye bar byed pa'o zhes bya ba ni bdag dang bdag gir mngon par zhen pa sngon du 'gro ba ni tshul bzhin ma yin pa'i yid la byed pa ste/ lam la dmigs pa'i sems skye bar mi 'gyur pa'i phyir ro/ /de chos la bdag med par ston pa'i de kho na nyid yid la byed cing rgyun tu bklags pas zhi bar byed pa'o/ /rgyags pa dang nga rgyal dang dregs pa dang ngar 'dzin pa thams cad ma lus par 'jom par byed pa'o zhes bya ba ni rigs dang nor dang shes rab la sogs pas sems mthong bar 'gyur ba ni rgyags pa'o/ /nga rgyal ni rnam pa bdun te sngar bshad pa'o/ /dregs pa ni nga dang mnyam pa med do zhes khengs pa ste/ de dag thams cad kyi rtsa ba ni ngar 'dzin pa la mngon par zhen pa'o/ /de yang sgyu ma lta bu dang dngos po med pa nyid du khong du chud par ston pas so/ /sdug bsngal dang yid mi bde ba thams cad mi skye bar byed pa'o zhes bya ba ni chos kyi de kho na nyid khong du chud pa'i dga' ba dang ldan pa'i dga' ston gyis zil gyis gnon pa'i phyir ro/ /de bzhin gshegs pa thams cad kyi snying por gyur pa'o zhes bya ba ni stong pa nyid kyi ye shes kyi ngo bo nyid yin pa'i phyir te/ stong pa nyid kyi ye shes ni de bzhin gshegs pa thams cad kyi snying po yin la/ de ston pa'i yi ge'i bye brag kyang snying po yin te/ de gnyi ga'i ngo bo nyid med pa'i phyir ro/ /byang chub sems dpa' thams cad kyi gsang par gyur pa'o/ zhes
- 343a
bya ba ni bskal ba dang mi ldan pa'i sems can rnams la sba bar bya ba yin pa'i phyir ro/ /nyan thos dang rang sangs rgyas thams cad kyi gsang chen du gyur pa'o zhes bya ba ni mchog tu yid rton pa'i gnas su gyur pa'i phyir ro// phyag rgya dang gsang sngags thams cad du gyur pa'o zhes bya ba la/ phyag rgya chen po dang/ dam tshig gi phyag rgya dang/ chos kyi phyag rgya dang/ las kyi phyag rgyas kyang lha'i 'khor lo thams cad kyang rgyas 'deb pas na phyag rgya thams cad du gyur pa'o/ snying po dang/ nye ba'i snying po dang rtsa ba'i gsang sngags dang/ phreng ba'i gsang sngags la sogs pa'i dbye ba'i bdag nyid can yin pas na gsang sngags thams cad du gyur pa'o/ /chos thams cad brjod du med par smra ba rnams kyi dran pa dang shes bzhin yang dag par bskyed pa'o zhes bya ba la/ dran pa ni chos la dmigs pa'i shes rab kyi cha dang bcas pa'o/ /shes bzhin ni dran pas 'jog pa'i dngos po rnams la bstan par bya ba'i phyir bsgoms pa'o/ /bla na med pa'i shes rab bskyed pa dang/ yid gzhungs par byed pa'o zhes bya ba ni gzhung dang don la dpyod cing rnam par 'jig pa'i bdag nyid can dang/ nges par 'byed pa'i bdag nyid can ni shes rab po/ /gzhung 'dzin pa'i bdag nyid can ni yid gzhung ba ste/ shes rab dang yid gzhungs pa de las lhan cig gong mar gyur pa med pas na bla na med pa'i shes rab dang yid gzhungs par byed pa'o/ /nad med pa dang/ stobs dang/ dbang phyug phun sum tshogs par byed pa'o zhes bya ba ni lus dang sems las gnod pa sel bar byed pa'i nus pa phul du byung ba bskyed pa'i ngo bo nyid yin pa'i phyir nang med pa'o/ /yang ba dang/ phra ba dang/ mchod par bya ba dang/ bdag po 'gyur ba dang/ dbang phyug du gyur pa dang/ gang yang
- 343b
phyin pa dang/ 'dod dgur ldan pa dang/ dga' mgur gnas pa ste/ yon tan gyi dbang phyug brgyad phun sum tshogs par byed pa 'am/ yang na phyi dang nang gi bdag por gyur pa la phul du gyur bar byed pas dbang phyug phun sum tshogs par byed pa'o/ /dpal dang dge pa dang zhi ba dang legs pa rab tu 'phel bar byed pa'o zhes bya ba la bsod nams kyi tshogs ni dpa' lo/ /ye shes kyi tshogs ni dge pa'o/ /nyon mongs pa dang nye ba'i nyon mongs pa thams cad ldog pa ni zhi ba'o/ /'tshang rgya ba nyid kyis mya ngan las 'das pa ni legs pa ste/ de dag ma lus pa'i rab kyi mthar thug par 'dren par byed pas dpal dang dge ba dang zhi ba dang legs par 'phel bar byed pa'o/ /grags pa dang snyan pa dang tshigs su bcad pa dang bstod pa grags par byed pa'o zhes bya ba ni sbyin pa phul du byung ba las byung ba ni grags pa'o/ /ye shes phul du byung ba las byung ba ni lhan pa'o/ /yon tan thams cad phul phyin pa'i ngo bo nyid kyis ni tshigs su bcad pa rgyas bar 'gyur ro/ /rnam pa thams cad du mchod par 'os pas ni stong ba rgya cher 'phel bar 'gyur ro zhes rnam par dgye'o?/ /nad dang 'jigs pa chen po thams cad rang ? zhi bar byed pa'o zhes bya ba ni nang thams cad dang 'chi ba la sogs pa sel bar byed pa yin pa'i phyir ro/ shin tu rnam par dag pa rnams kyi nang na shin tu rnam par dag pa yin te/ nyon mongs pa bag chags dang bcas pa len par byed pa yin pa'i phyir ro/ /shin tu dag byed rnams kyi yang shin tu dag byed kyang yin te/ de bzhin gshegs pa'i ye shes dri ma med pas sems can thams cad dag par byed pa yin pa'i phyir ro/ /shin tu ? ldan rnams kyi yang shin tu 'byor ldan na zhes bya ba ni bsod nams dang ye shes kyi skal pa phul du byung bar bskyed pa'i phyir ro/ /shin tu bkra shis pa rnams kyi yang shin tu bkra shis pa'o zhes bya ba ni dga' ston phul du byung
- 344a
pa'i khyad par skye ba'i phyir ro/ /skyabs 'dod pa rnams kyi skyabs so zhes bya ba ni 'jigs pa thams cad sel bas skyong ba'i phyir ro/ /gnas med pa rnams kyi gnas so zhes bya ba ni rnam par 'tshe ba thams cad dang bral ba'i mya ngan las 'das pa'i gnas kyis ngo bo nyid yin pa'i phyir ro/ /skyab pa 'dod pa rnams kyi skyab pa'o zhes bya ba ni 'jigs pa thams cad las skyob par byed pa'i don gyis so/ /dpung gnyen 'dod pa rnams kyi dpung gnyen no zhes bya ba ni ngan 'gro thams cad las bzlog nas bde 'gro'i gnas ster ba'i phyir ro/ /gling 'dod pa rnams kyi gling ngo zhes bya ba ni 'khor ba'i rgya 'tshor lhung ba rnams kyi ngal gsos ba'i gnas su gyur pa'i phyir ro/ /'khra sa med pa rnams kyi 'khra sa bla na med pa'o zhes bya ba ni lam dang lam ma yin pa shes pa la rmongs pa rnams ni yang dag pa'i las sgrub pa'i rgyur gyur pa'i phyir ro/ /srid pa'i rgya mtsho'i pha rol tu 'gro ba rnams kyi gru'o zhes bya ba ni theg pa chen po'i ngo bo nyid yin pa'i phyir ro/ /nad thams cad sel ba'i sman gyi rgyal po chen po'i zhes bya ba ni chos thams cad bdag med pa'i sman gyi rgyal po chen po yin pa'i phyir ro/ /blang ba dang dor pa'i dngos po'i bye brag phyed pa'i shes rab nyid ces bya ba'i sdug bsngal dang kun 'byung dag ni dor ba'o/ /'gog pa dang lam gyi khyad par ni blang bar bya ba'o/ /shes rab kyi rnam par dbye ba'i khyad par gyis sangs rgyas nyid thob pa la 'jog pa'i phyir bye brag phyed pa'i shes rab po/ /lta ba ngan pa'i mun pa mun nag thams cad yang dag par sal ba'i ye shes kyi snang ba'i zhes bya ba ni bdag dang/ rtag pa dang dbang phyug dang/ skyes bu dang/ tshor ba po la sogs par lta ba ni lta ba ngan pa'o/ /de nyid ni mun pa mun nag ltar de kho na nyid bgegs pa'i
- 344b
phyir mun pa'o/ /de sel ba ni de dang mi mthun pa'i chos thams cad bdag med pa'i ye shes kyi snang ba ston pa'i phyir ro/ /sems can thams cad kyi bsam pa ji lta ba bzhin du yongs su rdzogs par byed pa'i yid bzhin gyi nor bu lta bu'o zhes bya ba ni ji ltar mngon par 'dod pa'i don ma tshang ba dang 'gal ba med par rdzogs par byed pas sems can thams cad kyi bsam pa thams cad yongs su rdzogs par byed pa'i phyir yid bzhin gyi nor bur gyur pa'o/ /'jam dpal ye shes kyi sku yongs su thob par bya ba'i phyir thams cad mkhyen pa'i ye shes so zhes bya ba ni gnyis su med pa'i de bzhin nyid kyi ngo bo nyid du chos thams cad khong du chud pa'i ye shes ni thams cad mkhyen pa'i ye shes te/ 'jam dpal gyi ye shes kyi sku'i bdag nyid can gyi ngo bo nyid do/ /de thob pas na thams cad mkhyen pa'i ye shes so/ /spyan lnga thob par bya ba'i phyir ye shes mthong ba yongs su dag pa'o zhes bya ba ni sha dang/ lha dang/ shes rab dang/ chos dang/ sangs rgyas kyi spyan rdzogs par byed pas spyan lnga thob par byed cing shin tu yongs su dag pa'i ye shes mthong bar byed pa'o/ /zang zing dang mi 'jigs pa dang chos kyi sbyin pa gtong ba'i phyir pha rol tu phyin pa drug yongs su rdzogs pa'o zhes bya ba ni zang zing byin pas ni sbyin pa'i pha rol tu phyin pa yongs su rdzogs so/ /mi 'jigs pa byin pas ni tshul khrims dang bzod pa'i pha rol tu phyin pa'o/ /chos byin pas ni bsam gtan dang shes rab kyi pha rol tu phyin pa'o/ /brtson 'grus kyi pha rol tu phyin pa ni thams cad du 'gro ba ste/ de ltar sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab kyi pha rol tu phyin pa'i ngo bo nyid zang zing dang mi 'jigs pa dang chos kyi sbyin pa yongs su rdzogs pas pha rol tu
- 345a
phyin pa drug yongs su rdzogs pa'o/ /bsod nams dang ye shes kyis tshogs dang/ ting nge 'dzin yongs su rdzogs pa'i phyir sa bcu thob pa'o zhes bya ba ni sbyin pa'i dang tshul khrims dang bzod pa ni bsod nams kyi tshogs so/ /bsam gtan gyi pha rol tu phyin pa ni dpa' bar 'gro ba la sogs pa'i ting nge 'dzin thams cad yang dag par bskyed pas na ting nge 'dzin dang/ shes rab kyi pha rol tu phyin pa la sogs pa pha rol tu phyin pa lnga ni ye shes kyi tshogs so// gang gis phyir pha rol tu phyin pa bcu pos de rnams la yongs su rdzogs pas sa rnams rdzogs par byed pa'i bsod nams dang ye shes kyi tshogs yongs su rdzogs pa'i phyir sa bcu thob pa ste/ de'i ngo bo nyid yin pa'i phyir ro/ /chos gnyis dang bral ba'i phyir gnyis su med pa'i chos nyid do zhes bya ba ni sngar bshad pa'i gnyis su med pa'i chos nyid kyi ngo bo nyid du gyur pas don dam pa'i ngo bo nyid do/ /sgro btags pa med pa'i phyir de bzhin nyid kyi rang bzhin dang gzhan ma yin pa'i chos nyid do zhes bya ba ni tha dad pa dang tha dad pa ma yin pa dang chos dang chos can gyi sgro btags pa dang bral zhing med pa'i phyir de bzhin nyid kyi rang bzhin te/ de bzhin nyid kyi ngo bo nyid do/ /de bzhin du de bzhin gshegs pa'i ye shes yongs su dag pa'i ngo bo nyid yin pa'i phyir yang dag pa'i mdza' rang bzhin nyid do zhes bya ba ni don dam par ro zhes bya ba ni lhag ma'o/ /lta ba ngan pa'i tshang tshing brgya stong ma lus par sel ba'i phyir rnam pa thams cad rnam pa med pa stong pa nyid kyi rang bzhin nyid do zhes bya ba ni lta ba ngan pa'i tshang tshing gi gnyen po'i phyogs su gyur pa chos thams cad rnam pa thams cad du stong pa nyid du ston pa yin pa'i phyir ro/ /ming yang dag par brjod pa ni 'di lta ste/ gnyis su med pa'i
- 345b
chos nyid kyi don gyi ming yang dag par 'dzin pa ston pa'i phyir chos thams cad brjod du med pa'i rang bzhin nyid do zhes bya ba ni brjod pa thams cad dang bral ba chos nyid kyi de kho na nyid kyi don ston pa'i ming 'chang ba'i phyir rgyu las 'bras bu nye bar btags nas bshad do zhes bya ba ni lhag ma'o/ /tha mal bar bklags pa'i phan yon rgya cher bstan par bya ba'i phyir/ lag na rdo rje rdo rje 'chang gzhan yang zhes bya ba la sogs pa gsungs te/ lag na rdo rje rdo rje 'chang gzhan yang rigs kyi bu 'am/ rigs kyi bu mo gsang sngags kyi sgo'i spyad pa spyod pa gang la las bcom ldan 'das 'jam dpal ye shes sems dpa' de bzhin gshegs pa thams cad kyi ye shes kyi sku gnyis su med pa'i don dam pa'i ming yang dag par brjod? pa nang? gi gtsug gi nor bu 'di thams cad yongs su rdzogs pa dang/ ma nyams shing lhag chad med par tshigs su bcad pa'i tshig dang/ yi ge'i 'bru 'di dag gis nyin gcig bzhin du dus gsum du 'chad ba dang/ klog pa dang/ kun chub par byed pa dang/ tshul bzhin du yid la byed pa dang/ gzhan dag la yang dam tshig ji lta ba bzhin du ston pa dang/ ming gi don gang yang rung ba re re nas kyang 'jam dpal ye shes kyi sku la dmigs te/ kun nas sgro'i gnas pas gnas pa dang/ chos thams cad rtogs pa'i mchog rnyog pa med pa'i dad pa dang ldan bzhin pa dang/ mos pa dang/ de kho na yid la byed pas sems rtse gcig tu bsgom pa de la ni dus gsum gyi dus med pa dang ldan pa'i sangs rgyas dang byang chub sems dpa' thams cad 'dus te gshegs nas chos kyi sgo thams cad ston par mdzad de sku yang ston to/ /sangs rgyas dang byang chub sems dpa' thams cad kyis kyang byin gyis rlob par mdzad de/ sku dang gsung dang thugs thams cad kyis de'i rgyud la yang dag
- 346a
par byin gyis rlob bo/ /sangs rgyas dang byang chub sems dpa' thams cad kyis phan gdags pas kyang phan 'dogs par mdzad pa'o/ /chos thams cad la mi 'jigs pa'i spobs yang sgrub par mdzad do/ /dgra bcom pa dang nyan thos dang rang sangs rgyas thams cad kyang 'phags pa'i chos la sdug par 'dzin pa'i bsam pas bdag nyid kyi dngos po yang nye bar ston par byed do/ /ma rungs pa 'dul ba'i khro bo'i rgyal po chen po rnams dang/ rdo rje 'chang chen po la sogs pa 'gro ba yongs su skyab pa rnams kyang sprul pa'i gzugs kyi lus sna tshogs kyis mdangs dang stobs dang/ gzi brjid zil gyis mi non pa dang/ gsang sngags dang/ phyag rgya dang/ mngon par rtogs pa dang/ dkyil 'khor thams cad sgrub par byed do/ /gsang sngags dang/ rigs sngags kyi rgyal mo ma lus pa dang/ bgegs dang/ logs 'dren dang/ bdud kyi dgra dang/ phyir bzlog pa dang/ gzhan gyis mi thub pa chen po thams cad kyang mtshan phyed par skad cig re re la spyod lam thams cad du bsrung ba dang skyob pa dang sbed par byed do/ /tshangs pa dang/ dbang po dang/ nye dbang po dang/ drag po dang/ tshan po che dang/ kun 'gyed gzhon nu dang/ dbang phyug chen po dang/ smin drug gi bu dang/ nag po chen po dang/ dga' byed dbang phyug dang/ gshin rje dang/ chu lha dang/ ku be ra dang/ 'phrog ma dang/ phyogs bcu'i 'jig rten skyong ba gang yin pa de dog kyang rtag tu rgyun mi 'chad par nyin mtshan phyed par 'gro yang rung/ 'greng yang rung/ 'dug kyang rung/ nyal yang rung/ gnyid log kyang rung/ ma log kyang rung ba na bsrung ba dang/ skyab pa dang/ sped par byed do/ /mnyam par bzhag kyang rung/ mnyam par ma bzhag kyang rung/
- 346b
gcig po 'dug kyang rung/ skye bo mang po'i nang na 'dug kyang rung/ grong dang/ grong khyer dang/ grong rdal dang/ ljongs dang/ yul 'khor dang/ rgyal po'i pho brang dang 'dug kyang rung/ sgo kha dang/ sgo khang dang/ khri lam dang/ srang dang/ bzhi mdo dang/ sum mdo dang/ grong bar dang/ tshong khang na 'dug kyang rung/ khang stong dang/ ri dang/ chu klung dang/ tshal dang/ nags tshang tshing na 'dug kyang rung/ gtsang sbra ma byas pa dang/ ra ro ba dang/ bag med par 'dug kyang rung ste/ rtag tu rnam pa thams cad du ci'i sgo nas kyang mchog tu bsrung ba dang skyob pa dang sbed par byed do/ /nyin mtshan du yang mchog tu bde legs su 'gyur bar byed do/ /gang yang lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po dang/ mi dang/ mi ma yin pa gzhan dag kyang/ gza' dang/ rgyu skar dang/ ma mo rnams dang/ tshogs kyi bdag po gzhan dag dang/ ma mo bdun po gang yin pa rnams dang/ gnod sbyin mo dang/ srin mo dang/ sha za mo gang yin pa de dag thams cad kyang 'du shing gcig tu mthun par dpung dang bcas pa/ 'khor dang bcas pas bsrung ba dang/ skyob pa dang sped pa thams cad byed par 'gyur ro/ /mdangs dang stobs dang gzi brjid mchog kyang de'i lus la 'jug par byed do/ /nad med pa dang stobs dang tshe 'phel ba yang sgrub par byed do/ /zhes gsungs pa yin te/ de la de dag las tshig gi don nyung zad gcig dbye bar bya ste/ gsang sngags kyi sgo la spyad par spyod pa zhes smos pa ni / gsang sngags smra ba las gzhan du dngos grub med par bstan par bya ba'i phyir smos so/ /nyin gcig bzhin du dus gsum du zhes smros pa ni dus mtshams kyi dus las ma 'das par bklags pa la sogs pa bya ba ni nges par
- 347a
'grub par bya ba'i phyir smos pa'o/ /'chang ba dang zhes bya ba ni gzhung gi tshig 'dzin pa'i phyir ro/ /klog pa dang zhes bya ba ni dkyil 'khor byas la mchod pa rnam pa lnga sngon du 'gro bas mtshan yang dag par brjod pa'i glegs bam klog pa ste/ dus gsum du yang dag par blangs pa zhes bya ba ni thams cad la sbyar bar bya'o/ /kun chub par byed pa dang zhes bya ba ni gzhung dang don 'dzin pa'i phyir ro/ /tshul bzhin yid la byed pa dang zhes bya ba ni ji ltar gzung ba'i don gyi de kho na nyid bsgom pa'o/ /gzhan dag la yang dam tshig ji lta ba bzhin du ston pa dang zhes bya ba ni gsum la skyabs su 'gro ba dang byang chub tu sems bskyed pa dang/ dkyil 'khor du zhugs zhing dam tshig dang ldan pa gzhan la yang dag par ston pa dang/ bcom ldan 'das 'jam dpal ye shes kyi sku'i de bzhin nyid dang gnyis su med pa'i ngo bo nyid la dmigs par byas nas bsgom pa dang/ mos pa dang de kho na nyid yid la byed pa dang ldan pa ni las dang po pa rnams so de kho na nyid mthong zhing de kho na nyid yid la byed pa dang ldan par dge ba dang mi dge ba'i mtshan ma'i rnam par rtog pa dang bral ba ni kun nas sgo'i gnas pa gnas pa'o/ /chos thams cad nges par rtogs pas nye bar dmigs pa'i dri ma rnyog pa dang bral ba'i shes rab dang ldan pa'i dad pa dang yang dag par ldan pas yang dag par 'dzin pa la sogs pa byed pa de la ni sangs rgyas dang/ byang chub sems dpa' thams cad 'dus te zhes yang dag par 'du ba mdzad pa dang/ gshegs nas zhes pa la/ legs par byon nas chos kyi sgo thams cad yang dag par ston par mdzad pa ste thabs kyi bye brag rjes su ston par mdzad cing thabs sna tshogs pas chos kyi de kho na nyid rtogs par
- 347b
bya ba'i phyir bdag nyid kyi sku yang dag par ston par mdzad do/ /bsod nams kyi tshogs yongs su rdzogs par bya ba'i phyir sangs rgyas dang byang chub sems dpa' thams cad kyis byin gyis rlog par mdzad cing bdag gir mdzad pa dang/ nyon mongs pa dang bdud kyi phyogs la sogs pa rnams kyis glags mi rnyed par bya ba'i phyir sku dang gsung dang thugs kyis lus dang ngag dang yid brtan par mdzad par 'gyur ro/ /? dang pha rol tu phyin pa thams cad bstan par bya ba'i phyir sangs rgyas dang byang chub sems dpa' thams cad kyi phan 'dogs pas kyang phan 'dogs par mdzad do/ /chos thams cad stong pa nyid du bstan pa la sgrags pa spang ba'i phyir dang/ gzhan rnams la dogs pa med par chos thams cad stong pa nyid kyi don bstan par bya ba'i phyir chos thams cad la mi 'jigs pa'i spobs pa yang sgrub par mdzad do/ /dgra bcom pa dang/ nyan thos dang/ rang sangs rgyas thams cad kyang 'phags pa'i chos la sdug bde 'dzin pa'i bsam pas bdag nyid kyi dngos po yang nye bar ston par byed do zhes bya ba ni ji ltar bcom ldan 'das shAkya thub pa nyan thos dang rang sangs rgyas thams cad kyi ston par 'gyur ba de bzhin du 'di yang ston par 'gyur ro zhes to'o/ /ma rung ba 'dul ba'i khro bo'i rgyal po tshon pa la sogs pa 'gro ba rnams kyis yongs su skyob par gyur pa rnams kyi kyang sprul pa'i gzugs kyis lus sna tshogs pa bstan nas lus la mdangs 'jug par 'gyur te/ mdangs dang ldan par byed pa'o/ /mdangs dang ldan pa nyid kyis ni stobs te/ bdud la sogs pa rnams kyis zil gyis mi gnon pa'i phyir ro/ /gzi brjid ni mthu shin tu phul du byung ba'i don gyis thams cad zil gyis gnon pa'i phyir ro/ /lus dang ngag dang yid la 'jug par mdzad do/ /zhes bya ba ni thams cad la blta bar bya'o/ /gsang sngags dang/ phyag rgya dang/ /mngon par rtogs pa dang/ dkyil
- 348a
'khor thams cad sgrub par byed do zhes bya ba ni gsang sngags dang/ phyag rgya dang/ dam tshig thams cad dang ldan pa'i dkyil 'khor thams cad dang/ sems can thams cad kyi don bya ba'i phyir khyod kyis som nyi med pa dang dkyil 'khor la 'jug pa la sogs pa gsang sngags kyi 'khor lo bskor cig ces yang dag par ston pa'i phyir ro/ /gsang sngags dang rigs sngags kyi rgyal mo ma lus pa dang zhes bya ba ni 'jig rten las 'das pa ste/ sangs rgyas spyan la sogs pa thams cad spyod lam thams cad du bsrung ba dang skyob pa dang sped pa byed do/ /bgegs thams cad ni rnam pa sna tshogs pas bgegs byed pa'o/ /log 'dren ni gtsug 'phyang la sogs pa'o/ /bdud kyi dgra dang phyir bzlog pa dang zhes bya ba ni gtsug tor gdug dkar mo la sogs pa'o/ /gzhan gyis mi thub pa chen po zhes bya ba ni khro bo gzhan gyis mi thub pa la sogs pa 'jig rten las 'das pa rnams te/ de dag thams cad kyang nyin mtshan phyed par skad cig re re la spyod lam thams cad du bsrung ba dang skyab pa dang sped par byed do/ /mthu chen po dang ldan pa'i 'jig rten pa tshangs pa la sogs pa dang 'jig rten skyong ba rnams dang lha la sogs pa gzhan rnams kyang rnam pa thams cad nas spyod lam thams cad du mchog tu bsrung ba dang skyab pa dang sped pa byed do/ /thams cad gyi gtso bor gyur bas bsrung bar bya ba yin pa'i phyir ro/ /mnyams pa yi dam du blang ba'i phan yon gyi khyad par bstan par bya ba'i phyir/ lag na rdo rje rdo rje 'chang gzhan yang zhes bya ba la sogs pa gsungs te/ lag na rdo rje rdo rje 'chang gzhan yang ming gi gtsug gi nor bu 'di gang nyin gcig bzhin du dus gsum du ma nyams par yi dam du zhes bya ba ni ma nyams par yi dam du blangs pas so/ /lan gsum
- 348b
ni thun mtshams gsum du lan gsum du kha ton du byas te 'don nam glegs bam du byas pa lan gsum klog cing brjod la/ bcom ldan 'das 'jam dpal ye shes sems dpa' i gzugs yid la dmigs shing zhes pa chos kyi sku'i tshul lo/ /gzugs dang mthun par sems te zhes pa ni longs spyod rdzogs pa'i sku'i tshul lo/ /de'i gzugs dang mthun par bsam gtan du byed pa ni sprul pa'i sku'i tshul ste/ de ni las dang pa pa yin pa'i phyir sprul pa'i sku mthong bar 'gyur ro/ /dge ba'i rtsa ba yongs su smin pa ni gzugs kyi lus te/ longs spyod rdzogs pa'i sku mthong bar 'gyur ro/ /'dul ba'i dbang gis phyir zhes bya ba ni skal pa dang rjes su mthun pa'i dbang du'o/ /sangs rgyas dang byang chub sems dpa' thams cad kyi gzugs kyi sku rnam pa sna tshogs dang ldan pa nam mkha' dkyil na bzhugs pa dag kyang mthong bar 'gyur zhes bya ba ni dad pa phul du 'byung ba'i mig gis so/ /sems can chen po de ni nam yang ji ltar gyur kyang ngan 'gro ngan song du ltung bar mi 'gyur ro/ /rigs ngan du skye bar mi 'gyur ro/ /yul mdza' khob tu skye bar mi 'gyur ro/ /dbang po ma tshangs par mi 'gyur ro/ /dbang po nyams par mi 'gyur ro/ /log par lta ba dang lta ba ngan pa'i rigs su skye bar mi 'gyur ro/ /sangs rgyas mi bzhugs pa'i sangs rgyas kyi zhing du skye bar mi 'gyur ro/ /sangs rgyas bzhugs na yang des bstan pa'i chos spong ba dang bkol bar mi 'gyur ro/ /lha tshe ring po'i nang du yang skye bar mi 'gyur ro/ /mu ge dang nad dang mtshon gyi bar gyi bskal ba'i nang du skye bar mi 'gyur ro zhes bya ba ni mi khom pa brgyad du skye bar 'gyur ba'i las rnams zad pa'i thabs la zhugs pa'i phyir ro/ /snyigs ma lnga'i dus su yang
- 349a
skye bar mi 'gyur ro zhes bya ba ni lta ba dang/ nyon mongs pa dang/ sems can dang/ bskal pa dang/ tshe'i snyigs ma zhes bya ba ni snyigs ma lnga ste/ log par lta ba la sogs pa lta ba drug cu rtsa gnyis ni lta ba'i snyigs ma'o/ 'dod chags chen po la sogs pa'i nyon mongs pa'i snyigs ma'o/ /bsod nams bag yod pa la sogs pa dang bral ba'i sems can ni sems can gyi snyigs ma'o/ /dus ring por sdug bsngal bar byed pa nyid ni bskal pa'i snyig ma'o/ /tshe thung bar 'gyur ba nyid ni tshe'i snyigs ma ste/ gzhan du tshe tshad dpag med de/ 'di na sems can tshe thung 'gyur zhes bshad pa'i phyir ro/ /de yang gos dmar po dang 'dra bar bsgyur bar dka' ba'i phyir snyigs ma ste/ snyigs ma lnga po de rnams su phyin ci log gi lta ba dang/ bral ba'i phyir skye bar mi 'gyur ro/ /lhag ma rnams ni gzhung nyid gsal bas rnam par ma phye ste/ tshig dag par bya ba'i phyir bris pa yin no/ /rgyal po dang/ dgra dang/ tshom rkun gyi 'jigs pa yang 'byung bar mi 'gyur ro/ /ci nas kyang dman pa dang dbul ba'i 'jigs pa yang 'byung bar mi 'gyur ro zhes bya ba ni bsod nams kyi tshogs nya bar bstan par bya ba'i phyir ro/ /dri ngas dang/ skur pa dang/ smad pa dang/ mi snyan pa dang/ gtam ngan gyi 'jig pa yang 'byung bar mi 'gyur ro zhes bya ba ni chos thams cad sgyu ma dang 'dra bar khong du chud pa'i phyir ro/ /rgyu dang dus dang rigs bzang po dang yang ldan par 'gyur ro zhes bya ba ni nyes par spyod pa'i las thams cad dang bral bar 'gyur ba'i phyir ro/ /kun nas mdzes pa dang/ gzugs dang kha dog dang ldan par yang 'gyur ro zhes bya ba ni bzod pa phun sum tshogs pa'i phyir ro/ /'jig rten pa
- 349b
rnams la sdug pa dang yid du 'ong ba dang 'grogs na bde ba dang mthong na dga' bar yang 'gyur ro/ /zhes bya ba ni byams pa dang snying rje'i mig gnyis kyi sems can thams cad la lta ba'i phyir ro/ /'jig rten pa rnams la mdzes pa dang skal ba dang ldan pa dang tshig btsan par yang 'gyur ro zhes bya ba ni bsdu ba'i dngos po bzhi la nges par ston pa'i phyir ro/ /gang dang gang du skyes pa de dang der tshe rabs dran par 'gyur ro zhes bya ba chos kyi sbyin pa la bslabs pa'i phyir ro/ /longs spyod kyi gzhi che ba dang/ 'khor mang po dang/ longs spyod kyi gzhi mi zad pa dang 'khor mi zad par yang 'gyur ro zhes bya ba ni bdag gis thams cad yongs su gtong ba la bslabs pa'i phyir ro/ /sems can thams cad kyi mchog dang yon tan mchog dang yang ldan par 'gyur ro zhes pa ni dri ma med pa'i shes pa'i yon tan dang ldan pa'i phyir ro/ /rang bzhin gyis kyang pha rol tu phyin pa drug gi yon tan dang ldan par 'gyur ro zhes bya ba ni pha rol tu phyin pa drug gis ngo bo nyid byang chub kyi sems mi brjed pa'i phyir ro/ /tshangs pa'i gnas bzhi la yang gnas par 'gyur ro zhes bya ba ni byams pa dang snying rje dang/ dga' ba dang/ btang snyoms la gus par byed pa'i phyir ro/ /dran pa dang/ shes bzhin dang/ thabs dang/ stobs dang/ smon lam dang/ ye shes dang ldan par yang 'gyur ro/ /zhes bya ba ni lhun gyis grub par 'jug pa'i lam 'thob pa las so/ /bstan bcos thams cad la 'jigs pa med pa dang smra mkhas par yang 'gyur ro/ /mi blun pa dang tshig gsal ba dang sgrin por yang 'gyur ro zhes bya ba ni dri ma med pa'i shes rab 'thob pa'i phyir ro/ /bshes gnyen can dang/ le lo med pa dang/ chog shes pa dang/ nor mang ba dang/ sred pa med par yang 'gyur ro/ /zhes bya ba ni chos thams
- 350a
cad sgyu ma lta bu'i rtogs pas brtson 'grus rnam pa gsum 'thob pa'i phyir ro/ /sems can thams cad kyis mchog tu yid brtan par bya ba dang slob dpon dang bla mar bkur bar yang 'gyur ro/ /zhes bya ba ni mchog tu yid brtan pa'i gnas kyi don dang/ las so sor rtog pa'i chos nyid thob pa'i phyir ro/ /des sngon ma thos pa'i bzo dang sgyu rtsal dang mngon par shes pa'i shes pa dang bstan bcos thams cad kyang don dang yi ge'i sgo nas shes par 'gyur ro zhes bya ba ni stong pa nyid dang/ mtshan ma med pa dang/ smon pa med pa dang/ mngon par 'dus ma byas pa'i sgo mngon sum du byas pa'i phyir ro/ /tshul khrims dang 'tsho ba dang kun tu spyod pa shin tu yongs su dag par spyod pa dang legs par rab tu byung ba dang legs par bsnyen par rdzogs par yang 'gyur ro zhes bya ba ni lus dang ngag dang yid kyi nyes par spyod pa las ldog pa'i kho bo nyid kyis chos rtogs pa'i phyir ro/ /thams cad mkhyen pa nyid kyi byang chub kyi sems kyang mi brjed par 'gyur ro/ /zhes bya ba ni byang chub kyi sems mi brjed pa'i ting nge 'dzin rdzogs par byed pa'i phyir ro/ /nyan thos dang dgra bcom pa dang rang sangs rgyas kyi nges pa la rnams kyang 'jug par mi 'gyur ro zhes bya ba ni theg pa de la mngon par 'dod pa med pa nyid dang/ theg pa gcig gi tshul la mkhas pa'i phyir ro/ /lag na rdo rje rdo rje 'chang de ltar na yon tan dpag tu med pa dag dang ldan par 'gyur te/ rnam pa de lta bu'i yon tan gyi tshogs dpag tu med pa gzhan dag dang yang ldan par 'gyur ro/ /lag na rdo rje rdo rje 'chang don dam pa'i ming yang dag par brjod pa 'di yang dag par 'dzin pa'i skyes bu gang zag de ni bsod nams dang
- 350b
ye shes kyi tshogs legs par bsags shing/ sangs rgyas kyi yon tan rnams shin tu myur du bsgrubs nas ring por mi thogs pa bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal ba mang por yongs su mya ngan 'da' ba' i chos su mi 'gyur bar sems can thams cad la bla na med pa'i chos ston pa dang/ phyogs bcur dam pa'i chos kyi rnga sgra chen po rgyun mi 'chad par sgrogs pa'i chos kyi rgyal po chen por 'gyur ro zhes bya ba ste/ myur du mngon par shes pas so zhes bya ba ni tshig gis lhag pa'o/ /oM sarba d+harmA b+hA ba swa b+hA ba bi shud+d+ha badzra a A aM a(rgyud 'grel): pra kri ti pa ri shud+d+hA(rgyud 'grel): sarba d+harmA ya du ta sarba ta thA ga ta dz+nyA na kA ya many+dzu sh+rI pa ri shud+d+ha tA mu pA dA ye ti/ a A: sarba ta thA ga ta h+ri da ya ha ra ha ra oM hUM h+rI(rgyud 'grel): b+ha ga pAM dz+nyA na murt+ti bA gI shwa ra ma hA bA tsa sarba d+harma ga ga nA ma la su pa ri shu d+d+ha d+harma d+hA tu dz+nyA na garb+ha aSha(rgyud 'grel): zhes bya ba'i sngags 'di thog ma dang tha ma bar du byin gyis brlab pa'i phyir gsungs te/ de yang yi ge a ni byang chub sems kyi bdag nyid can no/ /A ni sa dang pha rol tu phyin pa la sogs pa'i spyod pa'i ngo bo nyid do/ /oM ni sangs rgyas nyid ston pa'o/ /a ni mya ngan las 'das pa chen po ston par byed pa'o/ /A ni ye shes kyi sku byin gyis rlob par byed pa'o/ /oM hUM h+rI(rgyud 'grel): ni sku dang gsung dang thugs byin gyis rlob par byed pa'o/ /a ni rgyu ba dang mi rgyu ba'i ngo bo nyid kyi dngos po thams cad ni chos kyi dbyings gsung gi dbang phyug gi bdag nyid can yin pas chos kyi skur rgyas btab pa'i don du 'dir gsungs pa yin par shes par bya'o/ /de nas zhes bya ba ni de ma thag du ste/ gsang sngags kyi byin gyis brlabs pa'i rjes thogs nyid la bdud la sogs pa rnams kyis mi tshugs
- 351a
par byin gyis brlabs shing rgyas btab pas bdag gis don yongs su rdzogs pas na dga' ba'o/ /gzhan gyi don yongs su rdzogs pas na mgu ba'o/ /de ltar na rdo rje 'dzin pa chen po gsang ba'i bdag po lag na rdo rje rnams dang bcas las bcom ldan 'das la phyag 'tshal nas/ tshig 'di skad ces gsol ba ste/ mgon po bdag cag yi rang ngo/ /legs so legs so legs par gsungs/ /rnam grol 'bras bu 'tshal ba yi/ / 'gro ba mgon med rnams dang ni/ /bdag cag yang dag rdzogs pa yi/ /byang chub thob pa'i don chen mdzad ces bya ba ste/ bla na med pa'i byang chub thob par mdzad pa'o/ /gang gi phyir zhe na/ sgyu 'phrul dra ba'i tshul bstan pa/ /'di ni rnam dag legs pa'i lam/ /zab cing yangs la rgya che ste/ /don chen 'gro ba'i don byed pa zhes bya ste/ de bas na nges pa kho nar bla na med pa yang dag par rdzogs pa'i byang chub thob par byed pa'o/ /don 'di la ni sangs rgyas nyid tshad mar gyur pa yin pa'i phyir/ sangs rgyas rnams kyi yul 'di ni/ /rdzogs pa'i sangs rgyas rnams kyis bshad ces smos pa yin no/ /mtshan mchog shin tu mdzes par brgyan pa'i skur ldan zhing/ /nam mkha' i ngos ltar yangs pa'i grags phreng kun tu khyab/ /dge ba'i dri tshogs rgyas pas ma lus sad mdzad cing/ /ngan pa'i rab rib tshogs dang las kyi dra ba 'joms/ /bdag sogs rmongs pa'i sgrib pa'i rab rib spong byed pa'i/ / bdag med seng ge'i sgra sgrogs bdag bral de bzhin nyid/ /de nyid de las mi 'gyur ming las mtshan rnams su/ /yang dag brjod sgrar mkhyen nas smra mchog rnams kyis gsungs/ /mtshan rnams yang dag brjod de yon tan
- 351b
tshogs kyis phyug /mnyam nyid mtshan 'dir 'bad de tshul bzhin rnam grol nas/ /'gro kun rjes su brtse phyir bdag gis byas pa yi/ /'grel 'dir rmongs pa'i tshogs rnams ma lus 'joms byed yin/ /sngags don rig pas rab gsal dgrol bar bya min gyi/ /mkhas pas lung gi snying po skyon med don brtags la/ /yang dag tshul sgo du mas mi 'gal rtogs byas na/ /ma lus don gyis brgyan cing legs par rtogs pas dgrol/ /'di byas bdag gis bsod nams zla ba ltar dkar ba/ /mkhas ltar mthar med mthar thug yang dag gang thob pa'i/ /bsod nams tshogs des 'jig rten 'di dag ma lus pa/ /thams cad mkhyen nyid thob pa'i bde la reg gyur cig /de bzhin 'jam dpal grags ba ces 'jig rten 'di kun yon tan gyis brgyan cing/ /mkhas pa rnams kyis mchog gyur shes rab ye shes mchog gi lus dang ldan/ /las kyis 'ching ba rnams las rab grol snying rje chen po rnam 'phro zhing/ / 'khor bar skyo med sems kyis gzhan don byed la rtag tu 'jug /bdud dang mu stegs las rgyal bde gshegs sras mchog 'jam dbyangs nyid gyur cig /'phags pa 'jam dpal gyi mtshan yang dag par brjod pa'i rgya cher 'grel pa slob dpon chen po 'jam dpal grags pa'i zhal snga nas kyis mdzad pa rdzogs so// //rgyal sras dam pa mgon po 'jam dbyangs kyi/ /yon tan phul byung mtshan gyi khyad par 'di/ /kun la grags kyang ji bzhin don ma khrol/ /yang dag don la nor pa'i dri mas bslad/ /don 'di gzigs pas rje rgyal bla ma yis/ /gzhan la phan bzhed bka' yis bskul bas na/ /rgya chen sgra don
- 352a
bdag blos ma rtogs kyang/ /bka' mnyan mos blo gtso bor byas pas bsgyur/ /legs bkrol rgya chen don la rmongs gyur pas/ /log par bsgyur sogs tshul min bgyis pa 'chags/ /sgra dang don mkhas nus ldan byung 'gyur na/ /tshig don brtags la nor pa bcos par gsol/ /chos don gnyer zhing mtshan mchog rgyas byas pas/ /dam pa'i zhing 'dir dge ba gang bskrun des/ /'gro kun mtshan rtogs blo yi skyon bral zhing/ /bdag kyang blo mchog 'jam dbyangs mtshungs par shog/ // rgya gar gyi mkhan po A tsarya sh+rad+d+hA ka ra warma dang/ ka ma la gupta dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// sarba mang+ga laM //