Text

ff. 1a–285a · 569 folio sides

  1. 1a

    */ (/mtshan yang dag par brjod pa'i 'grel pa bzhugs//)

  2. 1b

    rgya gar skad du/ Arya many+dzu sh+rI nA ma saM gI ti brit+ti nA ma/ bod skad du/ 'phags pa 'jam dpal gyi mtshan yang dag par brjod pa zhes bya ba'i 'grel pa/ 'jam dpal gzhon nur gyur pa la phyag 'tshal lo/ /gnyis med gnyis snang chos rnams kyi/ /dang po'i sangs rgyas nang gnas pa/ /srid dang mya ngan 'das 'khor lo'i/ /dbang phyug ye shes sku btud nas/ /gang gis zab mo'i rim pa 'di/ /yongs su nyams par mi 'gyur bar/ /mtshan brjod la ni gus pa

  3. 2a

    yis/ /bla ma'i gdams pas rnam par dbye/ /de la brjod par bya ba ni gang/ dgos pa dang dgos pa'i dgos pa ni gang/ 'brel pa ni gang yin zhe na/ rten dang brten pa'i dbye ba tha dad pa sku gsum gyi bdag nyid bcom ldan 'das 'jam dpal ni rgyud kyi brjod par bya ba yin no/ /bstan pa ni dgos pa'o/ /'jig rten dang thun mong dang/ mchog gi dngos grub ni dgos pa'i dgos pa'o/ /'brel pa ni thabs dang thabs las byung ba'o/ /'dir bcom ldan 'das rnam par snang mdzad shAkya thub pa sprul par

  4. 2b

    bzhed pa rdzogs ldan gyi dus su gtsang ma'i gnas dang 'brel ba'i gzhan 'phrul dbang byed kyi gnas na byang chub sems dpa' i tshogs chen po dang/ rig pa'i lha mo rnams dang/ khro bo'i rgyal po rnams dang/ bran pho dang/ bran mo dang/ pho nya dang/ pho nya mo dang/ phyag brnyan dang/ phyag brnyan mo rnams kyis yongs su bskor cing mdun gyis bltas te/ thog ma dang tha ma dang/ bar du dge ba sgyu 'phrul dra ba stong phrag bcu drug pa gsungs pa'i rjes la ting nge 'dzin dra ba'i le'u gsungs pas na de nas zhes bya ba la sogs pa gsungs pa yin no/ /de yang sbyor ba dang dngos gzhi dang rjes rnam pa gsum du 'gyur te/ de la sbyor ba la bzhi ste/ tshigs su bcad pa bcu drug gis gsol ba btab pa dang/ tshigs bshad drug gis skabs dbye ba dang/ tshigs bshad gnyis kyis rigs

  5. 3a

    drug la gzigs pa dang/ sngags dang bcas pa'i tshigs bcad gsum gyis 'khor lo drug bskyed pa'i sgyu 'phrul dra ba mngon par byang chub pa bstan pa'o/ /'dir yang gsol ba 'debs pa ni mi bskyod pa'i sprul pa khams gsum rnam par rgyal ba dang/ sdud pa po lcang lo can gyi phyag na rdo rjes re zhig dang por gsol ba 'debs pa'i dbang du byas nas/ de nas zhes bya ba la sogs pa gsungs te/ sgyu 'phrul dra ba'i rgyud du rigs drug gi 'khor lo sprul pa'i rjes thogs la'o/ /gang gis gsol ba 'debs zhe na/ dpal ldan te bsod nams dang ye shes kyi tshogs dang ldan pa'o/ / rdo rje 'chang zhes bya ba ni/ mi bskyod pa'i rigs yin pa'i phyir ro/ /gdul dka' ba ni lha la sogs pa ste/ dbang phyug chen po dang/ khyab 'jug dang/ tshangs

  6. 3b

    pa dang/ gzhon nu gdong drug dang/ brgya byin dang/ gza' rnams la nyi ma dang/ zla ba dang/ spen pa dang/ mig dmar dang/ rtag tu myos nas glang sna dang/ rdo rje phreng ba dang rgyal ba dang/ rnam par rgyal ba dang/ sa la gnas pa las me dang rlung dang/ sa dang gnod sbyin dang/ sa 'og pa rnams las/ phag dang gshin rje dang/ bgegs kyi gtso bo dang/ chu rnams 'dul bar mdzad pa'o/ /mchog ni 'khor rnams las gtso bor gyur pas so/ /dpa' bo ni rnal 'byor ma'i rgyud kyi bdag po yin par bstan to/ /'jig rten gsum las rgyal ni sa 'og dang sa steng dang/ bar snang gi 'jig rten gsum las rgyal ba'o/ /rdo rje ni mi bskyod pa'i rigs te/ de rnams kyi dbang phyug go /gsang pa'i rgyal ni/ dbang bskur pa'i mtshan ma 'dzin pas na rin chen 'byung ldan gyi rang bzhin no/ /pad+ma dkar po rgyas 'dra'i spyan ni/ spyan gyi phyag rgya'i sgo nas snang ba mdza' yas kyi rang bzhin du bstan to/ /pad+ma rgyas 'dra'i zhal mnga' ba ni/ zhal gyi phyag rgya'i sgo nas don yod grub pa'i rang bzhin du bstan to/ /rang gi lag gi rdo rje mchog ni phyag rgya'i sgo nas so/ /yang nas yang du gsor byed pa ni

  7. 4a

    rnam par snang mdzad la mchod pa'o/ /su dang lhan cig tu zhe na/ khro gnyer rim pa ldan la sogs pa gtso bor gyur pa gang yin pa de ni rdo rje gtsug phud dang/ rdo rje gtsug tor dang/ rdo rje mdzod spu dang/ rdo rje rigs mchog dang/ 'dod pa'i rgyal po dang/ gshin rje gshed dang/ rdo rje ska rags dang/ rdo rje lcags kyu dang/ rdo rje zhags pa dang/ rdo rje kI li kI la dang/ rdo rje snyems pa dang/ rdo rje 'ching ba dang/ rdo rje khu tshur dang/ rdo rje sde dang/ rdo rje spyi gtsug dang/ rdo rje rab tu 'dud pa dang/ rdo rje srung ba dang/ rdo rje rkang gdub dang/ rdo rje lcags sgrog dang/ rdo rje rnon po dang/ rdo rje shugs te nyi shu rtsa gcig go /rang rang gi 'khor mdza' yas pas na/ lag na rdo rje mdza' yas pa'o/ /dpa' bo de rnams kyang gtso bo bzhin du gdul dka' ba'o/ /gdul bya'i bsam pa'i dbang gis 'jigs su rung ba dang dpa' byad can te/ dpa' ba dang/ mi sdug pa dang/ 'jigs su rung ba dang/ dpa' byad can gyi nyams bzhi ni don dam par yod pa ma yin no/ /rdo rje rtse mo rab 'phro ba ni gsol ba 'debs pa'i rjes su 'jug pas rdo rje bye ba spros nas sangs rgyas la mchod pa byed do zhes bya ba'i don to/ /ci'i phyir gsol ba 'debs zhe na/ snying rje che dang shes rab la sogs pa'o/ thabs kyis zhes bya ba ni zhi gnas so/ /'gro ba'i don byed pa ni 'jig rten dang thun mong dang mchog gi dngos grub bo/ /spyod lam ji lta bu zhe na/ dga' mgu rangs pa'i bsam pa can dang ngo/ /'gro ba'i don byed pa dang rjes su 'jug pa ni/

  8. 4b

    sbyor ba dang dngos gzhi dang 'jug gi rim gyis sam/ snying rje chen po dang/ shes rab dang thabs kyi rjes su 'jug pas na dga' mgu rangs pa'i bsam pa can no/ /khro bo'i lus kyi gzugs ldan pa ni snga ma bzhin no/ /khro po'i gzugs dang ldan pa'i 'bras bu ni sangs rgyas 'phrin las byed pa'i mgon te/ sangs rgyas kyi bka' i rjes su 'jug pa'i phyir ro/ /lus gtud rnams dang lhan cig tu ni phyag 'tshal ba'i yang gtso bo'i rjes su 'brangs pa yin no zhes bya ba'i don to/ /gang la phyag 'tshal zhes na/ de bzhin gshegs pa bcom ldan 'das/ rdzogs sangs rgyas la'o/ /ci zhig byas nas shes na/ phyag 'tshal nas te/ phyogs bzhi nas bya zhes bya ba'i don to/ /thal mo sbyar nas zhes bya bas gsol ba 'debs pa'i sbyor ba bstan nas/ gsol ba gdab pa dngos ni/ khyab bdag bdag la sman pa dang/ /zhes bya ba la sogs pa smos te/ sman pa ni mngon par mtho ba'o/ /bdag don ni nges par legs pa'o/ /thugs brtse ba'i phyir ni phan pa'i don la rab tu sbyor ba'o/ /dkyil 'khor gyi 'khor lo'i bdag nyid phyi rol tu dkyil 'khor drug sprul ba'i sgyu 'phrul dra ba de'i mngon par rdzogs par byang chub pa ni thos pa dang bsam pa dang bsgom pa'i mngon sum du mdzod cig pa'o/ /rang gi don 'ba' zhig ma yin par bstan pa ni/ nyon mongs pas ni sems dkrugs shing zhes bya ba ste/ kun 'byung ba'i bden pa'i nang du rtogs pa zhes bya ba'i don to/ /mi shes 'dam du bying ba yi zhes bya ba ni sdug bsngal gyi bden pa'o/ /sman pa ni 'jig rten dang thun mong gi dngos grub bo/ /bla med 'bras bu ni 'jig rten dang 'jig rten las 'das pa'i dngos grub bo/ /rdzogs pa'i sangs rgyas bcom ldan 'das ni shin tu rnam par dag pa'i phyir/ rnam par snang mdzad do/ /ston ba ni mi bskyod pa ste me long lta bu'i yin pa'i phyir ro/ /'gro ba'i bla ma ni cod pan gsol bas na rin chen 'byung ldan gyi rang bzhin yin

  9. 5a

    pa'i phyir ro/ /dam tshig chen po ni rdo rje 'dzin pa ste mi 'da' bas so/ /de nyid mkhyen pa ni snang ba mdza' yas te so sor rtog pas so/ /dbang po bsam pa mkhyen mchog ni don yod grub pa ste bya ba nan tan grub pas so/ /yul gang la gsol ba 'debs zhe na/ ye shes sku ni me long lta bu'o/ /gtsug tor chen po ni mnyam pa nyid do/ /tshig gi bdag po so sor kun tu rtog pa'o/ /ye shes sku ni bya ba nan tan no/ /rang byung ba ni shin tu rnam par dag pa'o/ /'jam dpal ye shes sems dpa' yi/ /ming ni yang dag brjod pa'i mchog /ces bya bar sbyar ro/ /gang 'dir 'khor gyi ming brjod pa de lta na yang stong pa nyid bsgom pa la sogs pa rgyur gyur pa ni 'bras bu'i gnas skabs na yang yongs su rdzogs pa rdo rje sgeg mo la sogs pas kyang de nyid brjod pa yin pas mi 'thad pa ni cung zad kyang med do/ /don zab pa ni don zab pa'i bden pa la 'jug pa'o/ /rgya che ba ni kun rdzob tu sku mdog dang phyag mtshan dang dbyibs la sogs pa bstan pa'o/ de dag ni brjod par bya'o/ /don chen po ni dngos grub gsum ste/ ye shes phun sum tshogs pa'o/ /mtshungs pa med pa ni yon tan phun sum tshogs pa'o/ /rab zhi ba ni spangs pa phun sum tshogs pa ste/ /de gsum ni 'bras bu'o/ /thog ma bar dang mthar dge ba ni thos pa dang bsam pa dang bsgom pa'i dad pa'i rgyur gyur pa 'am/ bslab pa rnam pa gsum mam/ dbang bskur ba dang/ sgrub pa dang/ dngos grub sgrub pa de thabs so/ /ngas bstan pas ci zhig bya snyam na/ 'das pa'i sangs rgyas rnams zhes bya ba la sogs pa gsungs te/ 'das pa'i sangs rgyas rnams kyis gsang ba'i theg pa gsungs pa dgag par bshad pa ni sprul ba'i sku la dgongs pa yin pas nyes pa med do/ /rdo rje 'chang chen po ni ston pa'o/ /gsang

  10. 5b

    sngags 'chang ba ni sdud pa po la sogs pa'i 'khor dpag tu med pa'o/ /bka' bzhin du ni theg pa gzhan las khyad par du gyur pa'i bde ba'i don to/ /skabs su phyag na rdo rjes gsol ba 'debs pa ni mgon po rdzogs sangs rgyas kun gyi zhes bya ba smos te 'jig rten gsum las rnam par rgyal ba'i 'ba' zhig gsol ba 'debs pa ni ma yin te/ phyag na rdo rje bdag gis kyang bzung bar bya ste/ sdus nas rgyun chags par bya ba'i phyir ro/ /de nyid smras pa ni sangs rgyas kun gyi gsang ba 'dzin pa'o/ /ji ltar 'dzin ce na/ sems can rnams la bshad par 'tshal ba'i phyir ro/ /bsam ba'i khyad par ji bzhin zhes bya ba ni/ 'ga' zhig las pha rol tu phyin pa'i theg pa dang gzhan dag la phyi dang nang dang gsang ba'i theg pa'i bye brag gis so/ /de ltar gsol ba btab pas gnyis ka'i gsol ba btab pa'i 'jug bsdus pa yin no/ /gsang sngags ni 'jig rten gsum las rnam par rgyal ba'o/ /lag na rdo rje ni lcang lo can gyi'o/ /'di dang zhes bya bas blta bar bya'o/ /lus btud nas ni spyan sngar 'dug ces pas ni rjes las thob pa bstan no/ /tshigs su bcad pa drug gis zhal gyis bzhes pa bstan pa ni/ de nas zhes bya ba la sogs smos te/ tshigs su bcad pa phyed dang gsum gyis bshad pa'i yan lag lngas ljags brkyang ba mdzad pa dang/ 'jig rten gsum snang bar mdzad pa dang/ bdud pa zhi dgra rnams 'dul bar mdzad pa dang/ 'dzum pa'i 'od zer gyis ngan song gsum sbyod bar mdzad pa dang/ tshangs pa'i gsung snyan pa'i mgur gsal bas 'jig rten gsum po bkang ba'o/ /ljags brkyang bas ni 'jig rten gsum po bkang ba'i dgos pa'o/ /cig car 'dod pa dang/ gzugs dang gzugs med pa'i gdul bya rnams 'dul ba la nye bar mkho ba'i 'jig rten gsum po kun bkang ba'i 'jig rten gsum gnang bar byed pa rjes su thun rig par bya'o/ /la la ni 'jig

  11. 6a

    rten gsum bkang bas mi nye ba'i 'khor rnams 'gugs pa yin no/ /zhes zer ro/ /tshangs pa'i gsung ni yan lag drug cu dang ldan pa'o/ /lag na rdo rje stobs po che gsang dbang la ni ces bya ba ni gsol ba 'debs pa gnyis dang rjes su mthun pa'i lan gsungs pa yin no/ /'gro la phan pa'i don du zhes bya ba ni 'gro la phan pa dang 'gro ba'i don zhes bya ba gnyis su sbyor ro/ /bdag don bdag la thugs brtse'i phyir zhes bya ba ni sngar rang gi don du bstan pa gang yin pa de go rims tsam du rjes su bstan pa yin te/ rang gi don gnyis gzhan gyi don yin pa'i phyir ro/ /'di ni gzhan gyi don gyi 'jug sdud pa yin pas 'gal ba med do/ /don che ba ni zab pa dang rgya che ba'i don mdzad par bya'o/ /dgra bar byed pa ni thog ma dang dbus dang tha mar dge ba ste 'grub pa'i thabs so/ /sdig sel ba ni don che ba dang mtshungs pa med pa dang rab tu zhi ba ste 'bras bu'o/ /legs so dpal ldan rdo rje 'chang zhes bya ba ni mi bskyod pa'i sprul pa khams gsum rnam par rgyal ba'o/ /lag na rdo rje khyod legs so zhes bya ba ni lcang lo can gyi bdag po'o/ /gsang ba'i bdag po zhes bya ba ni gsang ba byang phyogs kyi gnod sbyin gyi bdag po phyag na rdo rje'o/ /rdo rje 'chang ba yang gsang ba'i bdag po yin pas thun mong du bstan to/ /bcom ldan de ni legs so zhes gsol zhes bya ba ni ji ltar bka' stsal pa de ltar bskyang par bgyi'o zhes gsol ba btab pa'i rjes la rab tu sbyor ba'o/ de nas zhes bya ba'i tshigs su bcad pa gnyis kyis ming gi rnam grangs bstan pa'i don du rigs drug la gzigs pa'i bdag nyid sgyu 'phrul dra ba mngon par byang chub pa gsungs so/ /gsang sngags rigs chen thams cad dang zhes bya ba ni rigs drug gi bdag nyid can zhes bya ba'i don to/ /gsang sngags rig sngags 'chang ba'i rigs zhes bya ba ni chos kyi dbyings kyi bdag nyid rdo rje sems dpa' i rigs so/ /rigs gsum la ni rnam par gzigs zhes bya ba ni sku gsung thugs kyi bdag nyid rnam par snang mdzad kyi

  12. 6b

    rigs so/ /'jig rten 'jig rten 'das pa'i rigs ni snang ba mdza' yas kyi rigs kyi 'gro ba 'dul ba'i phyir ro/ /'jig rten snang byed rigs chen dang zhes bya ba ni mi bskyod pa'i rigs te/ me long lta bu'i ye shes kyis 'jig rten gzigs pa'i phyir ro/ /phyag rgya chen po'i rigs mchog dang zhes bya ba ni don yod grub pa'i rigs te zhes bya ba nan tan grub pa'i rang bzhin yin pa'i phyir ro/ /rigs chen gtsug tor cher gzigs nas zhes bya ba ni cod pan gyi dbang bskur bas rin chen 'byung ldan no/ /a ra pa tsa na dang/ shes rab ye shes lus can dang rdo rje rnon po dang/ sdug bsngal gcod pa dang/ ye shes sku dang gsung gi dbang phyug ste/ drug dang go rim bzhin du sbyar ba'o/ /tshig gi bdag po zhes bya ba la sogs pa tshigs su bcad pa gsum gyis ni 'khor lo drug bskyed bar bskul ba'i sgyu 'phrul dra ba mngon par byang chub par bstan to/ /re zhig yi ge'i don ni gsang sngags rgyal po drug ldan pas/ zhes bya bas 'khor lo'i rtsibs drug gi rtsibs la sngags dgod par bya'o/ /de ltar tha dad pa'i rigs drug dang ldan pa'o/ /gnyis su med par 'byung ba dang zhes bya ba ni tha dad pa med pa'i rigs drug gi bdag nyid do/ /mi skye chos can 'di gsungs pa ni rten cing 'brel par 'byung ba'i bdag nyid dbyangs dang sbyar ba'o/ /'dir dag gi don ni 'di yin te/ bdun rnam dag? byas nas yi ge hUM las khro bo bcu spros te/ bgegs la phur bus btab nas hUM gi 'od zer 'phros pa nyid las rdo rje rab la sogs pa phyi rol tu bsrung ba byas la/ byams pa la sogs pa bsgom pa sngon du song ba'i stong pa nyid rnam par bsgoms la/ rlung dang me dang chu dang sa dang ri rab kyi steng na yi ge bru? yongs su gyur pa las gzhal yas khang gi dbus su seng ge dang glang pa che dang rta dang rma bya dang mkha' lding rnams la de bzhin gshegs pa rnams las dbus su rnam par snang mdzad chen po sku mdog dkar po zhal bzhi pa mnyam par bzhag pa'i phyag rgya 'dzin pa thugs kar d+hI(rgyud 'grel): las pad+ma a las zla ba'i dbus

  13. 7a

    su d+hI(rgyud 'grel): sa bon las dang po'i sangs rgyas zhal dbus ma nag po g.yas ser po rgyab dmar po g.yon ljang gu steng ma dkar po'o/ /g.yas pa dang g.yon pa'i phyag brgyad na ral gri dang po ti brgyad bsnams pa'o/ /de'i thugs kar yang a la sogs pa'i dbyangs yig bcu gnyis kyis mtshan pa'i 'khor los rtsibs bcu gnyis pa'o/ /phyi rol mu khyud la gsal byed kyis bskor ba'o/ /de'i nang gi mu khyud la oM sarba d+hArmmA b+hA ba zhes bya ba la sogs pa'i sngags kyis bskor ba'o/ /de'i dbus su 'khor lo gnyis pa rtsibs drug pa de'i phyi rol tu dbyangs yig bcu gnyis kyis bskor ba de'i nang gi mu khyud la oM sarba ta thA ga ta zhes bya bas bskor ba'o/ /de'i rtsibs kyi rim pa la oM badzra tIk+Sh+Na ya te na ma(rgyud 'grel): zhes bya ba la sogs pa'i sngags drug bkod la de'i lte ba la gnyis su med pa'i 'jam pa'i dbyangs zhal drug phyag drug pa dkar po'o/ /gnyis kyis utpal bsnams shing gnyis kyis po ti dang ral gri 'dzin pa gnyis mnyam par bzhag pa'i phyag rgya can no/ /de'i don 'di skad ston pa yin te/ s+thi to h+ri di dz+nyA na mUrti ra hi bud+d+ho bud+d+h+ra nAn tya d+hwa barti nAM/ thugs kar gnas pa ni dang po'i sangs rgyas so/ /ye shes sku'i sangs rgyas bdag nyid do/ /yin no zhes bya ba ni gnyis su med pa'i 'jam pa'i dbyangs so/ /dus gsum gyi sangs rgyas rnams zhes bya ba ni de bzhin gshegs pa'i rigs drug go /gnyis su med pa'i 'jam dpal dbyangs ji lta ba de bzhin du rigs drug gi rjes su 'gro bas rdo rje rnon po la sogs pa drug go /rnam par snang mdzad chen po rdo rje sems dpa' la sogs pa'o/ /de la rdo rje sems dpa' ni zhal gcig phyag gnyis sku mdog dkar po rdo rje dril bu bsnams pa'o/ /rnam par snang mdzad ni zhal gcig phyag gnyis pa sku mdog ser po 'khor lo dang dril bu 'dzin pa'o/ /pad+ma gar gyi dbang phyug ni sku mdog dmar po zhal gcig phyag gnyis pa pad+ma

  14. 7b

    dang dril bu bsnams pa'o/ /rdo rje hUM mdzad sku mdog nag po zhal gcig phyag gnyis pa 'am/ zhal bzhi phyag brgyad pa/ /khams gsum rnam par rgyal ba'i phyag rgyas rdo rje dril bu 'dzin pa'am/ /phyis 'byung ba'i phyag mtshan brgyad do/ /rdo rje nyi ma ni sku mdog ser po rin po che dang dril bu bsnams pa'o/ /rta mchog sku mdog ljang gu sna tshogs rdo rje dang dril bu bsnams pa'o/ /de drug ka'i thugs kar dang po'i sangs rgyas drug go /rdo rje sems dpa' dang po'i sangs rgyas kyi thugs kar snga ma bzhin du 'khor lo rtsibs bcu gnyis pa dang/ de'i steng du 'khor lo rtsibs brgyad pa la a ra pa tsa nA ya te na ma(rgyud 'grel): sa mtshan pa de'i dbus su zla ba'i dkyil 'khor gyi steng du a ra pa tsa na sku mdog dkar po po ti dang ral gri bsnams pa'o/ /rnam par snang mdzad kyi dang po'i sangs rgyas kyi thugs kar gzhi'i 'khor lo'i steng na rten gyi 'khor lo rtsibs bcu bzhi pradz+nyA dz+nyA na murta ye ya te na ma(rgyud 'grel): sa mtshan pa'o/ /de'i dbus su zla ba'i gdan la shes rab ye shes spyi gtsug ral gri 'khor lo bsnams pa'o/ /pad+ma gar gyi dbang phyug gi dang po'i sangs rgyas kyi thugs kar gzhi'i 'khor lo la brten pa'i 'khor lo rtsibs brgyad pa la badzra tIk+Sh+Na ya te na ma(rgyud 'grel): sa mtshan pa'o/ /de'i dbus su zla ba'i gdan la rdo rje rnon po pad+ma dang ral gri bsnams pa'o/ /rdo rje hUM mdzad kyi dang po'i sangs rgyas kyi thugs kar gzhi'i 'khor lo rang rten gyi 'khor lo rtsibs brgyad pa la du(rgyud 'grel): kha tshtshe da ya te na ma(rgyud 'grel): sa mtshan pa'o/ /de'i dbus su zla ba'i gdan la sdug bsngal gcod pa'i ral gri dang rdo rje bsnams pa'o/ /rdo rje nyi ma'i dang po'i sangs rgyas kyi thugs kar gzhi'i 'khor lo la rten gyi 'khor lo rtsibs brgyad pa la bA gI shwa ra ya te na ma(rgyud 'grel): sa mtshan pa'o/ /de'i dbus su zla ba'i gdan la gsung gi dbang phyug gi ral

  15. 8a

    gri dang rin po che bsnams pa'o/ /rta mchog gi dang po'i sangs rgyas kyi thugs kar gzhi'i dkyil 'khor la rten gyi 'khor lo rtsibs brkyang pa la oM dz+nyA na kA yA ya te na ma(rgyud 'grel): sa mtshan pa'o/ /de'i lte ba la zla ba'i gdan la ye shes sku can ral gri dang sna tshogs rdo rje bsnams pa'o/ /rnam par snang mdzad chen po longs spyod rdzogs pa'i sku dang/ sprul pa'i sku rigs drug la rang dang mthun pa'i ye shes sems dpa' mdun na bzhugs pa dang/ yi ge gsum gyi sku gsung thugs byin gyis brlabs pa dang/ dbang bskur ba byas la bsgom pa dang bzlas ba dang mchod par bya'o/ /gzhi dang rten gyi 'khor lo rnams la dbyangs dang gsal byed kyi sngags gnyis kyi mu khyud bzhi la bskor ba'o/ /'khor rnams ni rang rang gi dkyil 'khor du bskor bar 'chad par 'gyur ro/ /de ltar sbyor ba rdzogs nas dngos gzhi bstan par bya ste/ de yang rnam pa drug theg pa chen po tshul gyi mchog ces bya ba'i bar gyis rdo rje dbyings kyi dkyil 'khor bstan to/ /sna tshogs gzugs can bskyed pa po/ /mchod cing brjod pa drang srong che zhes pa'i bar gyis rnam par snang mdzad kyi dkyil 'khor bstan to/ /nam mkha' i mdza' klas sgra sgrogs pa/ /sgra dang ldan pa rnams kyi mchog gi bar gyis rdo rje hUM mdzad kyi dkyil 'khor bstan to/ /sangs rgyas kun gyi mngon sum pa/ /ye shes me lce 'od 'bar gsal gyi bar gyis pad+ma gar gyi dbang phyug gi dkyil 'khor bstan to/ /gzugs rnams sna tshogs kun tu ston/ /nor bu chen po rin chen tog gi bar gyis ni rdo rje nyi ma'i dkyil 'khor bstan to/ /dpal ldan 'byor ba kun byed pa/ /'jam dpal dpal dang ldan pa'i mchog gi bar gyis ni rta mchog gi dkyil 'khor bstan to/ /de la re zhig dkyil 'khor gyi bdag po dang bcas pa bskyed pa'i sa bon gyi dbang du mdzad nas 'di ltar sangs rgyas bcom ldan 'das zhes bya ba gsungs so/ /ji lta ba rang rang gi sa bon rnams a nyid kyi rjes su 'brangs pas a las byung ba dang/

  16. 8b

    a ni yig 'bru kun gyi mchog ces gsungs so/ /don chen yi ge dam pa ni zhes bya ba don che ba dang/ yi ge dam pa yin pas kun rdzob tu don dam pa'i bden pa brjod du med pa'i phyir ro/ /khong nas 'byung ba ni khyab pa'i phyir ro/ /skye ba med pa ni stong pa nyid du brjod pa'o/ /de rnam par dag pa'i rdo rje sems ma phyag gnyis kyis rdo rje dang dril bu bsnams pa sku mdog sngon mo'o/ /tshig tu brjod pa spangs pa ste ni mtshan ma med pa'i rnam par dag pa rdo rje rin chen ma sku mdog ser mo rin po che dang dril bu bsnams pa'o/ /brjod pa kun gyi rgyu yi mchog ste smon pa med pa nyid kyis so sor kun tu rtog pa'i mchog rdo rje chos ma sku mdog dmar mo pad+ma dang dril bu bsnams pa'o/ /bya ba nan tan grub pa'i tshig kun rab tu gsal bar byed/ 'od gsal ba'i rang bzhin rnam par dag pa rdo rje las ma ljang gu sna tshogs rdo rje dang dril bu bsnams pa ste rig pa'i lha mo rnams so/ /mchod pa che zhes bya ba ni mchod pa chen pos dbugs 'byin pa ste/ 'jig rten gyi 'dod chags kyi gnyen po yin pa'i phyir 'dod chags chen po'o/ /des na sems can dbugs 'byin pa'i rgyu yin pa'i phyir sems can thams cad dga' bar byed pa ste/ 'dod chags rnam par dag pa ni 'od dpag tu med pa'o/ /'jig rten pa'i zhe sdang gi gnyen po yin pa'i phyir zhe sdang chen po'o/ /de nyid ni nyon mongs kun gyi dgra che ba/ zhes bya ba gsungs te/ zhe sdang rnam par dag pa'i mi bskyod pa'o/ 'jig rten gti mug gi gnyen po yin pa'i phyir/ /gti mug chen po'o/ /de nyid ni gti mug blo ste gti mug sel zhes bya ba ste/ gti mug rnam par dag pa ni rnam par snang mdzad do/ /'jig rten pa'i phrag dog gi gnyen po yin pa'i phyir khro ba che pa'o/ de nyid khro ba chen po dgra che ba ste/ phrag dog rnam par dag pa don yod grub pa'o/ /'jig rten pa'i chags pa'i gnyen po yin pa'i phyir chags pa che ba'o/ /de bas na chags pa thams cad sel bar byed ces bya ba ser sna rnam par dag pa'i rin chen 'byung ldan no/ /de bzhin gshegs pa rnams kyi go rims 'dis rdo rje

  17. 9a

    rnon po la sogs pa'i go rim kyang rig par bya'o/ /rnam par snang mdzad kyi rdo rje sems dpa' la sogs pa'i 'khor bshad nas/ mi bskyod pa'i 'khor gsungs pa ni 'dod pa chen po zhes bya ba la sogs pa smos te/ sdom pa'i tshul khrims kyi byang chub sems bzung ba yin pa'i phyir/ 'dod pa chen po bde ba che ni rdo rje sems dpa' sku mdog dkar po rdo rje dang dril bu bsnams pa/ bsdu ba'i dngos pos sems can thams cad yongs su smin par byed pa'i phyir bde ba chen po ste/ rdo rje rgyal po sku mdog ser po rdo rje dang lcags kyu bsnams pa'o/ /tshad med pas sems can rnams smin cing grol bar byed pa'i sems yin pa'i phyir dga' ba chen po ste/ rdo rje chags pa sku mdog dmar po mnga' dang gzhu bsnams pa'o/ /pha rol tu phyin pa yongs su rdzogs pa'i dge ba'i chos sdud pa'i sems yin pa'i phyir mgu ba che ba ste/ rdo rje legs pa sku mdog sngon po khu tshur gyi legs par sbyor ba mdzad pa'o/ /rin chen 'byung ldan gyi 'khor gsungs pa gzugs che zhes bya ba la sogs pa ste/ zang zing gi sbyin pa yongs su rdzogs pa 'bras bu phun sum tshogs pa yin pa'i phyir ro/ /gzugs che lus kyang che ba ste zhes bya ba zang zing gi sbyin pa rnam par dag pa rdo rje rin chen sku mdog ser po rin po che dang dril bu bsnams pa'o/ /mi 'jigs pa byin pa'i 'bras bu kha dog phun sum tshogs pa yin pa'i phyir kha dog che zhing lus bong che ba ste/ mi 'jigs pa'i rnam par dag pa rdo rje nyi ma nyi ma'i mdog /g.yas pa nyi ma bsnams shing g.yon pa gdan la brten pa'o/ /byams pa'i sbyin pas thams cad du snyan pa grags pa'i phyir/ ming yang che shing rgya che ba ste/ rdo rje rgyal mtshan sku mdog sngo dmar g.yas pa rgyal mtshan bsnams shing g.yon pa gdan la brten pa'o/ /chos kyi sbyin pas 'khor gyi dkyil 'khor yangs par 'gyur ba'i phyir/ dkyil 'khor chen po yangs pa yin zhes bya ba ste/ rdo rje bzhad pa dkar po g.yas pa'i phyag gis so'i phreng ba bsnams shing

  18. 9b

    g.yon pa snga ma bzhin no/ /snang ba mdza' yas kyi gsungs pa ni shes rab mtshon chen zhes bya ste/ lhag mthong gi shes rab mtshon chen po 'chang ba'i ting nge 'dzin gyi shes rab po/ /rdo rje chos sku mdog dmar po phyag gnyis kyi pad+ma bsnams pa'o/ /nyon mongs gcod pa'i shes rab ni nyon mongs lcags kyu che ba'i mchog ni rdo rje rnon po sku mdog sngon po po ti dang ral gri 'chang ba'o/ /rdzu 'phrul gyi shes rab ni grags chen snyan grags chen po ste/ rdo rje 'khor lo sku mdog ser po g.yas pas 'khor lo bsnams shing g.yon pa gdan la brten pa'o/ /chos dang so so yang dag par rig pa ni snang ba chen po'o/ /nges pa'i tshig dang spobs pa so so yang dag par rig pa ni gsal ba ste rdo rje gsung ba zangs ma'i mdog can phyag g.yas pa rdo rje bsnams shing g.yon pa gdan la brten pa'o/ /don yod grub pa'i 'khor gsungs pa ni mkhas pa zhes bya ba la sogs pa gsungs te/ sbyor ba'i brtson 'grus kyi sgyu 'phrul 'chang ba'i rdo rje las sku mdog ljang gu sna tshogs rdo rje dang dral bu bsnams pa'o/ /sgrub pa'i brtson 'grus kyi sgyu 'phrul chen po'i don grub pa ni 'dir srung ba ste/ rdo rje srung ba sku mdog ser po phyag na go cha bsnams pa'o/ /sgyu 'phrul chen po la so sor rtog pa'i brtson 'grus kyi dga' bas dga' rdo rje gnod sbyin sku mdog nag po phyag gnyis na mche ba bsnams pa'o/ /sgyu 'phrul chen po la rang dbang thob pa'i mig 'phrul can zhes bya ba sgrub pa nan tan du byed pa brtson 'grus kyis skyu rur lag mthil du bzhag pa lta bu'i rdo rje khu tshur ser po phyag gnyis kyis rdo rje bsdams pas rdo rje bsnams pa'o/ /mtshams kyi lha mo bstan pa ni sbyin bdag chen po gtso bo ste/ zhes bya ba la sogs pa gsungs te/ sbyin pa'i pha rol tu phyin pa'i rang bzhin rdo rje sgeg mo sku mdog dkar mo phyag gnyis kyis rdo rje 'gyings te bsnams pa'o/ /tshul khrims chen po 'chang ba'i mchog ni tshul khrims kyi rang bzhin phreng ba ma ser mo/ phyag gnyis kyis rin po che'i phreng ba bsnams pa'o/ /bzod chen 'chang ba brtan pa po ni bzod pa'i rang bzhin rdo rje glu ma dmar mo

  19. 10a

    phyag gnyis pi wang brdung ba'o/ /brtson 'grus chen po brtul ba yin ni brtson 'grus rnam par dag pa'i rang bzhin rdo rje gar ma ljang gu phyag gnyis kyis rdo rje bsnams te gar byed pa'o/ /nang gi phyogs kyi mtshams la gnas pa'o/ /yang phyi ma'i mtshams la gnas pa ni bsam gtan chen po ting 'dzin gnas zhes bya ba la sogs pa gsungs te/ bsam gtan chen po ni zhi gnas so/ /ting nge 'dzin gnas pa ni zung du 'jug pa'o/ /bsam gtan gyi pha rol tu phyin pa'i rang bzhin rdo rje bdug pa ma sku mdog dka' ? mo phyag gnyis kyis spos khang bsnams pa'o/ /shes rab chen po lus 'chang ba ni shes rab kyi pha rol tu phyin pa'i rang bzhin me tog gi snod bsnams pa'o/ /stobs po che la thabs che ba ni stobs dang thabs kyi pha rol tu phyin pa'i rang bzhin rdo rje mar me ma dmar mo phyag gnyis ni mar me'i mchod sdong bsnams pa'o/ /smon lam ye shes rgya mtsho ste ni smon lam dang ye shes kyi pha rol tu phyin pa'i rang bzhin dri chab ma ljang gu dri'i dung chos bsnams nas 'thor ba'o/ /bskal ba bzang pos gsungs pa ni byams chen rang bzhin zhes bya ba la sogs pa gsungs te ji lta ba'i ming bzhin du don dang ldan pas na byams pa'o/ /blo'i mchog gi snying rje chen po dang ldan pas 'jam dpal lo/ /shes rab chen po'i blo snying rje chen po dang ldan pas spos kyi glang po'o/ /ye shes phun sum tshogs pa'i thabs chen po dang mkhas pa'i byed pa chen po dang ldan pas ye shes rtog go /mi bskyod pa'i 'khor te thams cad kyang mdog dkar po rdo rje dang dril bu bsnams pa shar phyogs na bzhugs so/ /rdzu 'phrul chen po stobs chen ldan zhes bya ba ni rdzu 'phrul gyi stobs kyis sems can thams cad spob? pas na bzang skyong ngo/ /rgya mtsho chen po bzhin du shugs kyis blo che zhing mgyogs pa che bas blo gros rgya mtsho'o/ /rdzu 'phrul chen po'i mthu ni ye shes phun sum tshogs pa cher grags pa mi zad pas na blo gros ma zad pa'o/ /stobs chen pha rol gnon pa ni spobs

  20. 10b

    pa'i stobs kyis pha rol pos gzhig pa mi nus pas na spobs pa brtsegs pa'o/ /thams cad kyang ser po rin po che dang dril bu bsnams pa'o/ /thams cad kyang lho'i phyogs su bzhugs pa'o/ /rin chen 'byung ldan gyi 'khor ro/ /rang gi stobs kyis srid pa'i ri bo chen po 'joms par mdzad pas mthu? chen po thob pa'o/ /srid pa'i gseb 'khregs shing ngan song du 'gro ba 'dzin cing 'dren pas na/ srid pa'i gseb ni chen po 'chang zhes bya'o/ /la las 'khregs shing rdo rje chen po 'chang zhes bya ba ni gzhig par dka' zhing 'khregs pa'i ngan song 'dren pas na ngan song kun 'dren no// 'khor ba'i nyes pas ma gos pa'i phyir drag po chen po ste mi shes pa'i mun pa'i gnyen po yin pa'i phyir drag shul che ba la mya ngan dang mun pa nges par 'joms pa zhes bya'o/ /'jigs pa thams cad kyi mthu'i 'od zer gyis 'jigs pa sel bas na 'jigs chen 'jigs par byed pa ste dra ba can gyi 'od do/ /thams cad kyang dmar po pad+ma dang dril bu bsnams pa nub phyogs su bzhugs pa snang ba mdza' yas kyi 'khor ro/ /rig pa rnam pa gsum gyis tshim pas sems can skar ma lta bu'i mgon byed pas na mgon po rigs mchog chen po ste zla 'od gzhon nu'o/ /bla ma gsang sngags che ba'i mchog ces bya ba ni gsung gi bdag po 'od dpag tu med pa'o/ /theg pa chen po spros pa med pa nam mkha' i tshul la gnas shing skyes pas na nam mkha' i snying po'o/ /theg pa chen po tshul gyi sgrib pa thams cad bgegs pa'i mchog yin pas na sgrib pa rnam par sel ba'o/ /thams cad kyang sku mdog ljang gu sna tshogs rdo rje dang dril bu bsnams pa byang phyogs su bzhugs ba don yod grub pa'i 'khor ro/ /sgo ba ni phyis 'chad par 'gyur ro/ /de ltar sho lo ka bcu bzhi pa ni a ra pa tsa na'i bdag nyid rdo rje sems dpa' i 'khor lo bsgyur ba'i rdo rje dbyings kyi dkyil 'khor ro/ /rnam par snang mdzad kyi dkyil 'khor gyi dbang du byas na/ sangs rgyas rnam par snang mdzad che zhes bya ba smos te/ rnam par snang mdzad nyid do/ /thub pa chen po ni rnam par rtog pa'i g.yeng

  21. 11a

    pa med pas stong pa nyid kyi ting nge 'dzin rdo rje sems ma'o/ /lus ngag yid gsum gyi thub pa chen po dang ldan pas mtshan ma med pa'i ting nge 'dzin rdo rje rin chen ma'o/ /gsang sngags tshul chen las byung ba ni so sor rtog pa'i smon pa med pa'i ting nge 'dzin las byung ba rdo rje chos ma'o/ /bya ba nan tan grub pas 'od gsal bar byed pas na gsang sngags can bdag nyid can te rdo rje las ma'o/ /pha rol phyin bcu thob pa ste zhes bya ba ni pha rol phyin pa bcu rnam par dag pa'i lha mo rang dang 'dra ba'i sku mdog dang/ phyag mtshan gyi dbyibs dang ldan pas bskor ba'i rdo rje sems dpa' ste/ /byang chub sems bzang pos pha rol phyin pa bcus yongs su bskor ba'i phyir ro/ /pha rol phyin pa bcu la gnas zhes bya ba ni pha rol tu phyin pa bcu'i lam rnam par dag pa rang dang 'dra ba'i lha mo bcus yongs su bskor ba'i rdo rje rgyal po ste/ bsdu pa'i dngos po'i sems kyis sems can yongs su smin par byed pa'i phyir pha rol tu phyin pa nyid pa'i dngos po yin pa'i phyir ro/ /pha rol phyin bcu dag pa ste zhes bya ba ni snga ma bzhin du lha mo bcus yongs su bskor ba'i rdo rje chags pa'o/ /tshad med pa rnams pha rol tu phyin pa rnam par dag pas dmigs nas sems can la dmigs pa'i phyir dang sems can dpag tu med pa rnams smin cing grol ba'i sems yin pa'i phyir ro/ /pha rol phyin pa bcu yi tshul zhes bya ba ni snga ma bzhin du lha mo bcus yongs su bskor ba'i rdo rje legs pa'o/ /dge ba'i chos sdud pa'i byang chub tu sems bskyed pa'i bdag nyid can yin pa'i phyir dang/ dge ba'i chos sdud pa ni pha rol tu phyin pa bcu'i yul can yin pa'i phyir ro/ /mgon pos bcu'i dbang phyug ste zhes bya ba ni lha mo bcus yongs su bskor ba'i rdo rje rin chen ste sa bcu'i lam gyi bdag nyid la gnas pa'i phyir ltung ba phra mo'i kun tu spyod pa dang bral bas/ mi 'jigs pa ste snga ma bzhin du lha mo bcus bskor ba ni rdo rje nyi ma'o/ /bden pa bzhi shes

  22. 11b

    pa dang chos dang rjes su shes pa dag dang/ kun rdzob dang don dam pa zhes pa dag dang/ zad pa dang mi skye ba shes pa dag ni shes pa bcu pa ste/ de rnams kyang rnam par dag pa ni sems can la dmigs pa'i byams pa de'i bdag nyid yin pa'i phyir snga ma bzhin du lha mo bcus bskor ba'i rdo rje rgyal mtshan no/ /shes pa bcu dang mthun pa'i chos kyi sbyor ba dang rang bzhin rnam par dag pa 'chang ba po ni snga ma bzhin du lha mo bcus bskor ba'i rdo rje bzhad pa'o/ /phung po khams dang skye mched dang rten 'brel dang gnas dang gnas ma yin pa dang/ bdag dang dus gsum dang bden pa bzhi dang/ theg pa gsum dang 'dus byas dang 'dus ma byas kyi bdag nyid la mkhas pa gcig pa dang/ za ba la sogs pa'i gnyen po rnams pa bcu'o/ /de nyid bdag 'jug tu 'dzin pa'i gnyen po zhi gnas gnyen po'i yan lag ting nge 'dzin gyi shes rab rdo rje chos ni rnam pa bcu'i lha mos bskor ba ste snga ma bzhin no/ /mkhas pa bcu'i spang bya bcu ni gcig pu dang/ rgyu dang/ zab pa dang/ byed pa dang/ dbang dang ldan pa dang/ bdag po dang/ rtog pa dang/ kun nas nyon mongs pa dang/ rnam par byang ba dang/ sgom pa po dang/ bcings pa dang/ grol ba dag tu 'dzin pa bcu'o/ de dag gcod pa'i lhag mthong gi bdag nyid tshol ba'i nyon mongs gcod pa'i rdo rje rnon po ste snga ma bzhin lha mo bcus yongs su bskor ba'o/ /thub dbang zhes bya ba ni dbang po'i don te sha la sogs pa'i spyan lnga dang/ dad pa la sogs pa'i dbang po lnga'i rdzu 'phrul gyi rkang pa'i mthu thob pas na thub pa'i dbang po bdag nyid ni rdo rje 'khor lo ste snga ma bzhin du lha mo bcus bskor ba'i so so yang dag par rig pa'i bdag nyid kyi stobs bcu'i rang bzhin rdo rje gsung ba'o/ /snga ma bzhin du lha mo bcus yongs su bskor ba'o/ khyab pa'i bdag nyid ni zil gyis gnon pa'i skye mched brgyad kyi steng du nam mkha' dang rnam par shes pa'i zil gyis gnon pa'i skye mched bcu dang ldan pas sbyor ba'i brtson 'grus kyis zil gyis gnon pa'i skye mched la 'jug pa ni rdo rje las so/ snga ma bzhin du lha mo

  23. 12a

    bcus yongs su bskor ba'o/ /kun gyi don ni ma lus byed ces bya ba ni zad par bcu ston pa yin te/ don sna tshogs pa mdzad pas sgrub par byed pa'i brtson 'grus ni bsrung ba ste/ snga ma bzhin du lha mo bcus bskor ba'o/ /rnam pa bcu ni de kho na nyid bcu ste/ rtsa ba dang mtshan nyid dang phyin ci ma log pa dang/ rgyu 'bras dang/ phra mo dang/ rgya che ba dang/ grub pa dang/ grub pa'i yul dang/ bsdu ba dang/ 'dzin pa dang/ mkhas pa de kho na nyid de so sor rtog pa'i sbyor ba rnam pa bcu dang ldan pas rdo rje gnod sbyin te/ snga ma bzhin du lha mo bcus bskor ba'o/ /dbang ldan che ba po ni dbang phyug ste sgrub pa nan tan du byed pa'i brtson 'grus dang ldan pas rdo rje khu tshur yang snga ma bzhin du lha mo bcus bskor ba'o/ /de skad du yang lha mo rnams ji ltar rig par ni/ yon tan bcu yis yongs su bskor/ /de yis lha mo bcu po ni/ rdo rje skyil krung phyed pas bzhugs zhes gsungs so/ /da ni tshigs su bcad pa brgyad kyis rdo rje sems dpa' la sogs pa de nyid bstan pa ni thog ma med pa zhes bya ba la sogs pa smos te/ kun gzhi rnam par shes pa gnas gyur pa me long lta bu'i ye shes so/ /spros pa med pa'i bdag nyid ni spros pa mi mnyam pa yin la spros pa med pas na mnyam pa nyid do/ /de bzhin nyid dag ni rang bzhin gyis rnam par dag pa dang/ dag pa'i bdag ni dri ma med pa'i bdag nyid rdo rje sems dpa' o/ /bden par smra zhing ni so sor rtog pa'o/ /tshig mi 'gyur ni mnyam pa nyid do/ /ji skad smras pas de bzhin byed ni me long lta bu nan tan sgrub pa ste rdo rje rgyal po'o/ /gnyis med ces pa ni bzung ba dang 'dzin pa dang bral ba'i me long lta bu'i ye shes so/ /gnyis su med pa rtog pa ni so sor kun tu rtog pa'o/ /bya ba nan tan sgrub pa'i yang dag pa'i mdza' la rnam par gnas pa ni mnyam pa nyid de rdo rje chags pa'o/ /bdag med seng+ge'i sgra dang ldan pa ni me long lta bu ste/ mdo sde rgyan las kyang me long lta bu bdag med pa ces gsungs so/ /so sor rtog pa dang bya ba nan tan grub pas/ mu stegs ri dwags ngan 'jigs byed pa ste/ rdo rje legs pa'o/ /kun tu 'gro ba ni me long

  24. 12b

    lta bu'o/ /de skad du yang me long lta bu ni bdag med pa yongs su 'chad pa med pa rtag tu 'gro'o zhes gsungs so/ /chos thams cad la mnyam par 'jug pas don yod par 'gro bas mnyam pa nyid do/ /de bzhin gshegs pa'i yid ltar mgyogs zhes bya ba ni so sor rtog pa dang bya ba nan tan dang ldan pa ste rdo rje rin chen no/ /bral ba'i 'bras bu yin pa'i phyir rgyal ba ni me long lta bu'o/ /rnam rgyal dgra las rgyal ni 'bras bu'i sgo nas mnyam pa nyid do/ /rang gi ngo bo'i sgo nas so sor kun tu rtog pa'o/ /'khor lo sgyur rgyal stobs po che zhes bya ba ni 'khor lo dang ngo bo'i phya ba nan tan grub pa ste/ rdo rje nyi ma'o/ /ye shes kun gyi rten yin pa'i phyir/ tshogs kyi slob dpon tshogs kyi bdag ste me long lta bu'o/ /tshogs rje ni mnyam pa nyid do/ /tshogs bdag ni so sor kun tu rtog pa'o/ /dpal dang ldan pa ni bya ba nan tan te rdo rje rgyal mtshan no/ /mthu chen ni me long lta bu'o/ gces par 'dzin pa ni mnyam pa nyid do/ /gzhan gyi dring mi 'jog pa ni so sor rtog pa'o/ /tshul chen ni theg pa gsum la 'jug pas na bya ba grub pa ste rdo rje bzhad pa'o/ /tshig rje ni me long lta bu'o/ /tshig bdag ni mnyam pa nyid do/ /smra mkhas pa ni so sor rtog pa'o/ /tshig la dbang ba ni bya ba grub pa'o/ /tshig mdza' yas ni chos kyi dbyings kyi ye shes rdo rje chos so/ /tshig bden pa ni so sor rtog pa'o/ /bden par smra ba ni me long lta bu mnyam pa nyid do/ /bden pa bzhi ni ston pa ni bya ba grub pa ste rdo rje rnon po'o/ /phyir mi ldog pa ste btags pas na me long lta bu'o/ /phyir mi 'ong ba ni thogs pa med pas na mnyam pa nyid do/ /bse ru tshul gyi thun mong ma yin pa'i phyir so sor kun tu rtog pa'o/ /so sor 'khor rnams 'dren pas na bya ba nan tan te rdo rje 'khor lo'o/ /nges 'byung sna tshogs las byung ba ni so sor rtog pa'o/ / 'byung ba chen po rgyu gcig pa ni bya ba nan tan te rdo rje gsung ba'o/ /dgra bcom pa zag pa zad ni nyon mongs pa dang shes bya'i sgrib pa zad pas na me long lta bu'o/ /dge slong ni bya ba nan tan no/ /'dod chags bral ba ni mnyam pa nyid do/ /dbang po thul ba ni so sor rtog pa

  25. 13a

    ste rdo rje las so/ /bde bar rnyed pa ni mnyam pa nyid do/ /'jigs med thob pa ni spangs pa phun sum tshogs pa ste me long lta bu'o/ /bsil bar gyur pa ni so sor kun tu rtog pa'o/ /rnyog pa med pa ni rnyog pa med par byed pa ste/ bya ba nan tan te rdo rje srung ba'o/ /rig pa dang ni rkang par ldan ces bya ba ni thams cad mkhyen pa ste me long lta bu'o/ /bde bar gshegs pa zhes bya ba ni rab tu mi gnas pas na mnyam pa nyid do/ /'jig rten rig pa'i ni so sor rtog pa'o/ /mchog ni rdo rje gnod sbyin te/ bya ba nan tan no/ /bdag gir mi 'dzin ni me long lta bu'o/ /dang mi 'dzin ni mnyam pa nyid do/ /bden pa gnyis kyi tshul la gnas zhes bya ba ni don dam pa la gnas pa so sor rtog pa dang/ kun rdzob la gnas pa bya ba nan tan te rdo rje khu tshur ro/ /'khor ba'i pha rol mthar son pa zhes bya ba la sogs pa tshig rkang bcu drug gis bskal ba bzang po rnams bstan to/ /'khor ba'i sems can pha rol thams cad kyi mthar byams pas ston pas na byams pa'o/ /shes rab kyi bya ba byas na 'jam pa'i skam sar dpal gyis gnas pas na 'jam dpal lo/ /mya ngan las 'das pa'i ye shes 'ba' zhig gi dri las byung bas thugs rje chen po'o/ /'byung gnas khyab pas na spos kyi glang po'o/ /shes rab mtshon chen gyi ye shes kyi bdag nyid kyis nyon mongs pa 'joms pa'i tog yin pas na ye shes tog go /dam pa'i chos bzang po'i chos kyi rgyal srid gsal bar ldan zhing skyong bas na bzang skyong ngo/ /'khor ba 'jig rten gyi rgya mtsho blos snang bar byed pa'i mchog yin pas na blo gros rgya mtsho'o/ /chos kyi dbang phyug ni mi zad cing chos kyi rgyal srid ni blo dang ldan pas na blo gros mi zad pa'o/ /ji ltar bsams pa bzhin du legs pa'i lam gyi spobs pa dang ldan zhing ston pa pos brtsegs pas na spobs pa brtsegs pa'o/ /don grub pa chen po'i bsam pa ni blo dang ldan pas na mthu chen thob pa'o/ /ngan song gi rnam par rtog pa thams cad spangs nas kun 'dren cing mi btong bas na/ ngan song kun 'dren no?

  26. 13b

    rnam par mi rtog pa ni mya ngan dang mun pa med pa'o/ /dbyings mi zad pas na nges par 'joms pa'o/ /chos kyi dbyings dam pa'i dran pa dang ldan zhing zad mi shes pa'i 'od mnga' bas na dra ba can gyi 'od do/ /bsod nams dang ldan pa'i zla ba sems can tshim zhing bsod nams mchog gi sku gzhon nu mnga' bas na zla 'od gzhon nu'o/ /so sor kun tu rtog pa'i ye shes ni 'od do/ /ye shes 'byung gnas che ni 'od dpag tu med pa'o/ /ye shes ldan pa yod med shes zhes bya ba ni yod med la khyab pa'i ye shes dang ldan pa'i skye gnas mnga' ba na nam mkha' i snying po'o/ /tshogs gnyis bsags pas tshogs gnyis kyis mthus sgrib pa thams cad sel bas na sgrib pa sel ba'o/ /rtag pa kun rgyal shes bya ba la sogs pa tshigs su bcas pa gnyis kyis de bzhin gshegs pa lnga bstan te/ rtag pa ni rnam par snang mdzad do kun rgyal ni me long lta bu'o/ /rnal 'byor can ni mnyam pa nyid do/ /bsam gtan bsam bya ni bya ba nan tan to/ /blo ldan mchog ni so sor kun tu rtog pa'o/ /so so rang rig mi g.yo ba/ /mchog gi dang po zhes bya ba ni dang po'i sangs rgyas so/ /de la dkyil 'khor drug pa la dang po'i sangs rgyas yod pa'i phyir mi g.yo ba'o/ /de nyid ni dang po'i sangs rgyas te mchog gi dang po'o/ /so so rang gi zhes bya ba ni ye shes sku ste de ni rnam par snang mdzad dang dang po'i sangs rgyas dang ye shes sku'i bdag nyid chos dang longs spyod rdzogs pa dang/ sprul pa'i sku gsum 'chang bas sku gsum 'chang ba'o/ /sangs rgyas sku lnga'i bdag nyid can ni rnam pa'i sgo nas me long lta bu'i ye shes te mi bskyod pa'o/ /khyab bdag ye shes lnga'i bdag ni ye shes sems dpa' i so sor rtogs pa na 'od dpag tu med pa'o// sangs rgyas lnga bdag cod pan can ni bdag nyid sangs rgyas lnga'i cod pan 'chang ba'i rin chen 'byung ldan no/ /spyan sngar bya ba byas ba la chags pa med pas don yod grub pa'o/ /de bzhin gshegs pa rnams ni dkar po dang sngon po dang/ dmar po dang ser po dang

  27. 14a

    ljang gu'i sku mdog can zhal lnga pa phyag brgyad pa thams cad kyang dang po na 'khor lo dang rdo rje dang pad+ma dang rin po che dang sna tshogs rdo rje bsnams pa g.yas kyi tha ma gsum pa thams cad ral gri bsnams pa g.yon gyi dang po thams cad rang rang gi mtshon ma dril bu bsnams pa g.yon lhag ma gsum pa thams cad glegs bam bsnams pa rnam par snang mdzad ni g.yas sngo ba rgyab dmar ba g.yon ljang ba steng ser ba'o/ /mi bskyod pa ni g.yas dkar ba dang rgyab dmar ba g.yon ljang ba ste snga ma bzhin no/ /snang ba mdza' yas ni g.yas dkar rgyab sngo ba g.yon ljang ba ste snga ma bzhin no/ /rin chen 'byung ldan ni g.yas dkar ba rgyab dmar ba g.yon ljang ba ste snga ma bzhin no/ /don yod grub pa ni g.yas dkar ba rgyab dmar ba g.yon sngo ba steng ser ba'o/ /sangs rgyas thams cad skyed pa'o/ /zhes tshigs su bcad pa gnyis kyis ni 'khor lo sgyur ba brgyad bstan te/ thams cad gser gyi mdog can g.yas na 'khor lo bsnams pa g.yon gdan la brten pa seng ge'i steng na nyi ma la rdo rje skyil mo krung rin po che'i cod pan can no/ /yang dag pa'i lta bas sangs rgyas thams cad bskyed pas na dang po rdo rje 'khor lo sgyur ba'o/ /yang dag pa'i rtog pas sangs rgyas kyi sras po dam pa rnams bskyed pas na mchog ste gnyis pa rin po che'i 'khor lo bsgyur ba'o/ /yang dag pa'i dag ni rab tu mi gnas pa'i bdag nyid shes pas srid par 'byung ba'i skye gnas med pas gsum pa pad+ma'i 'khor lo sgyur ba'o/ /yang dag pa'i las kyi mdza' chos las byung ba'i lam gyi mya ngan las 'das pas srid pa sel bas na bzhi pa las kyi 'khor lo sgyur ba'o/ /yang dag pa'i 'tsho bas stong pa nyid la gcig tu 'khregs pa'i zhi gnas dang lhag mthong gi rdo rje'i bdag nyid lnga pa phyag rgya chen po'i 'khor lo sgyur ba'o/ /yang dag pa'i rtsol bas skyes ma thag tu skad cig ma la bya ba grub pa'i sprul pa 'gro ba'i bdag po drug pa dam tshig

  28. 14b

    gi phyag rgya'i 'khor lo sbyar ba ba'o/ /yang dag pa'i dran pa nam mkha' las byung ba'i mchan ma med pa la gnas pas rang bzhin gyi 'od gsal ba'i me las byung ba'i bdun pa chos kyi phyag rgya'i 'khor lo sgyur ba'o/ /yang dag pa'i ting nge 'dzin ni lhag mthong shes rab ye shes kyi me chen po'i ting nge 'dzin la snyoms par zhugs pas nyon mongs pa dang shes bya'i sgrib pa sregs pa'i brgyad pa las kyi phyag rgya'i 'khor lo sgyur ba'o/ /'khor lo sgyur ba brgyad ni rnam par snang mdzad kyi phyogs bzhir gnyis gnyis bzhugs la/ mtshams su spyan ma la sogs pa yum bzhi dgod par bya'o/ /'od chen rnam par snang bar byed ces bya ba la sogs pa'i tshigs bcad gnyis kyi mchod pa'i lha mo brgyad bstan te/ gzugs chen po'i 'od phun sum tshogs pa snang bar byed pa sgeg mo'o/ /'khor gsum rnam par dag pa'i tshul khrims kyi ye shes snang bas lha mer mdzad pas na phreng ba ma'o/ /'gro bas mi 'khrugs pa'i bzod pa'i mar me ye shes kyi sgron ma glu ma'o/ /gzi brjid chen po'i go cha brtson 'grus kyis stobs kyis le lo'i gnyen por 'od gsal ba'i phyir na gang ma'o/ /zhi gnas kyi sngags kyi nyon mongs pa'i dug zhi bar byed pa'i rig sngags kyi rgyal po ni bdug pa ma'o/ /sngags kyi rgyal po shes rab kyis mya ngan las 'das pa'i don chen po byed pas me tog ma'o/ /gtsug tor chen po'i thabs dang stobs kyis rmad du byung ba'i zag pa med pa'i phung po lnga'i gtsug tor mnga' bas na dri chab ma'o/ /smon lam gyi stobs kyis gzugs sna tshogs ston pa dang ye shes kyi nam mkha' i bdag po mdzad pas na mar me ma'o/ /sangs rgyas kun gyi sku bsgom pa'i dad pa'i mchog ste/ rdo rje lcags kyu ni dkar po rdo rje lcags kyu bsnams pa'o kun tu dga' ba'i brtson 'grus kyi mig dang ldan pas rdo rje zhags pa ni ser po zhags pa bsnams pa'o/ /sna tshogs pa'i gzugs can dran pa'i dbang pos 'gro ba la phan pa bskyed pa ste rdo rje lcags sgrog bsnams pa'o/ /shes rab kyi dbang pos mchod cing

  29. 15a

    bstod de ting nge 'dzin gyi dbang pos drang srong chen por gyur pa ni rdo rje 'bebs pa ljang khu ste dril bu bsnams pa'o/ /sho lo ka nyi shu rtsa gsum gyis rnam par snang mdzad kyi dkyil 'khor bstan te/ shes rab ye shes lus 'chang ba ni rnam par snang mdzad kyi 'khor lo bsgyur ba'o/ /da ni rdo rje hUM mdzad kyi dkyil 'khor gyi sgo nas bstod pa bzhed pas/ rigs gsum 'chang ba zhes bya ba la sogs pa gsungs te dang po'i tshigs bcad gcig gis rnam par snang mdzad ston pa la rigs gsum 'chang ba ni rin chen 'byung ldan gyi yon tan no/ /gsang sngags can ni don yod grub pa'i yon tan no/ /dam tshig chen po ni mi bskyod pa'i'o/ /gsang sngags 'chang ba ni snang ba mdza' yas kyi'o/ /gtso bo ni rnam par snang mdzad de rang dang dang po'i sangs rgyas dang ye shes kyi sku'i bdag nyid dkon mchog gsum 'dzin pa'o/ /theg pa mchog gsum ni chung ngu dang 'bring dang chen po gsum ston pa'o/ /rdo rje hUM mdzad kyi dbang du byas na/ don yod zhags pa ni mda' dang gzhu 'dzin pa'o/ /rnam par rgyal ba ni 'jig rten gsum las rnam par rgyal ba'i phyag rgyas rdo rje dang dril bu 'dzin pa'o/ /'dzin pa chen po ni ral gri yu ba 'dzin pas na ral gri bsnams pa'o/ /rdo rje zhags pa ni zhags pa nyid do/ /rdo rje lcags kyu ni lcags kyu nyid do/ /zhags pa chen po ni lcags sgrog go /rdo rje 'jigs byed ni dbang phyug chen po dang u ma 'jigs par byed pa'o/ /rin chen hUM mdzad bshad pa ni khro bo rgyal po gdong drug 'jigs ni mdog ser po mig drug ni spyan drug tshan gsum mo/ /lag drug stobs dang ldan pa ni 'jig rten gsum las rgyal ba'i phyag rgya spangs pa'i snga ma drug go /pad+ma hUM mdzad bshad pa ni keng rus mche ba gtsigs pa po ste/ keng rus ltar

  30. 15b

    mche ba gtsigs pa'o/ /ha la ha la ni dug nag po brtsegs pas mgrin pa sngon po'o/ /gdong brgya pa ni sprul pa gdong brgya 'gyeng bas kha dog dmar po rnam rgyal gyis phyag rgyas dril bu dang pad+ma bsnams pa'o/ /las kyi hUM mdzad bshad pa gshin rje gshed po bgegs kyi rgyal te sku mdog ljang gu sna tshogs rdo rje dang dril bu bsnams pa phyag lhag ma bzhi gshin rje dang mtshungs pa/ ral gri dang gtun shing dang lcags kyu dang zhags pa bsnams pa/ rdo rje shugs can gyi 'phrin las rnam bzhis gzhan 'jigs par byed pa'o/ /rdo rje sems ma bshad pa rdo rje ni stong pa nyid yin la/ grags pa ni snyan par grags pas na rdo rje sems ma'o/ /rdo rje ni mtshan ma med pa'o/ /snying po ni skye gnas te rdo rje rin chen ma'o/ /smon pa med pa'i sgyu 'phrul ni rdo rje chos ma'o/ /rdo rje ni 'od gsal ba'i gsus pa che bas khyab pas na rdo rje las ma'o/ /rin chen hUM mdzad kyi 'khor gyi dbang mdzad nas bshad pa rdo rje las skyes ni mnyam pa nyid de rdo rje'i bdag nyid rdo rje rin chen no/ /rdo rje snying po mkha' 'dra ba ces pa ni nam mkha' dang 'dra ba'i 'od mnga' bas na rdo rje nyi ma'o/ /byams pa chen po mi g.yo ba'i khro bo'i ral pa gcig gis bsgyings pa ni rdo rje rgyal mtshan no/ /chos kyi sbyin pas glang po che'i kho ba snying rjes brlan pas na ngo tsha shes pa'i gos su mnabs shing so'i phreng ba 'chang ba'o/ /las kyi hUM mdzad kyi 'khor bshad pa/ sbyor ba'i brtson 'grus kyi ha ha zhes sgrog pa ni rdo rje las so/ /hi hi sgrogs shing 'jigs par byed pa brtson 'grus kyi go cha mnabs pas na rdo rje srung ba'o/ /so sor rtog pa'i brtson 'grus kyi gang mo chen po'i gang rgyangs can ni rdo rje gnod sbyin no/ sgrub pa nan tan gyi brtson 'grus kyi rdo rje gang mo cher sgrogs pas na rdo rje khu tshur ro/ /rdo rje hUM mdzad kyi 'khor bshad pa ni rdo rje

  31. 16a

    sems dpa' sems dpa' zhes bya ba ni rdo rje sems dpa' nyid do/ /rdo rje rgyal po bde ba che ni rdo rje rgyal po nyid do/ /rdo rje drag po dga' ba che ni chags pa yin pas rdo rje chags pa'o/ /rdo rje spro ba ni hUM ste hUM gi sgra sgrogs pa ni rdo rje legs pa'o/ /chos kyi hUM mdzad kyi 'khor bshad pa ni mtshan du rdo rje'i mnga' thogs pa ni pad+ma'i mda' dang gzhu thogs pa'i rdo rje chos so/ /rdo rje ral gri ma lus gcod ni rdo rje rnon po'o/ /rdo rje kun 'chang ni rdzu 'phrul gyis kun tu spro ba'i rdo rje 'chang bas ni rdo rje 'khor lo'o/ /rdo rje gcig pus lce la mtshan pa so so yang dag par rig pas pha rol gyi g.yul sel bas na rdo rje smra ba'o/ /rdo rje lcags kyu 'bar ba dang mig mi bzang ba 'chad pas na rdo rje lcags kyu'o/ skra yang rdo rje 'bar bas zhags pa'o/ /ting nge 'dzin gyi mig brgya mnga' zhing mngon par shes pa drug gi rdo rje'i mig mda' bas na lcags sgrog go /rdo rje 'bebs pa 'bebs pa che ni rdo rje 'bebs pa'o/ /lus ni rdo rje bas pu can zhes bya ba'i tshigs su bcad pa gnyis kyis mchod pa'i lha mo ston te/ sbyin pa la sbyor ba bstan pas rdo rje bzhin du lus ni rdo rje ba spu can ni sgeg mo'o/ /tshul khrims la sbyor ba mi phyed pas rdo rje ba spu ste/ gcig pu lus kyi phreng ba ma'o/ / bzod pa la mi byed pas na sen mo skyes pa rdo rje rtse ste rdo rje glu ma'o/ /brtson 'grus la mi phyed pa'i sbyor ba rdo rje snying po pags pa mkhregs te rdo rje gar ma'o/ /zhi gnas kyi bsam gtan gyi rdo rje phreng ba thogs shing zung du 'jug pa'i dpal dang ldan pas bdug pa'o/ /lhag mthong 'ba' zhig gi rgyan gyis brgyan pas na me tog ma'o/ /stobs ston pa'i gang rgyangs nges par sgrogs pas na rdo rje mar me'o/ /mi phyed pa'i smon lam gyi rdo rje sgra 'byin

  32. 16b

    cing oM bA gI shwa ra muM rdo rje'i sgra 'don pas na rdo rje dri chab ma'o/ /bskal ba bzang po'i mtshan nyid gsungs pa/ 'jam dbyangs chen po sgra chen po ste shar phyogs nye bar mtshon pa'o/ /spobs pas 'jig rten gsum na sgra gcig sgrogs pa ste/ spobs pa brtsegs pas lho phyogs mtshon pa'o/ /nam mkha' i mdza' klas sgra sgrogs pa ni rdo rje snying po nyid de byang phyogs nye bar mtshon pa'o/ /sgra dang ldan pa rnams kyi mchog ni mya ngan dang mun pa'i dgra 'joms pa'i mchog ni mya ngan dang mun pa sel bar 'joms pa ste nub phyogs nye bar mtshon pa'o/ /de ltar tshigs su bcad pa bcu gnyis kyi khams gsum rnam par rgyal ba'i dkyil 'khor gyis bstan pa'i 'khor lo bsgyur ba ni sdug bsngal gcod pa dang bcas pa'o/ /da ni pad+ma gar gyi dbang phyug gi dkyil 'khor la 'jug pa ni rig pa'i lha mo la bstod pa gsungs pa ni/ yang dag bdag med de bzhin nyid de chos bdag med pa nyid dang/ yang dag mdza' i ste gang zag gi bdag med pa la yi ges brjod pa ni pad+ma rigs kyi rdo rje sems ma'o/ /mtshan ma med pa'i stong pa nyid smra ba'i khyu mchog ste/ snying rjes zab ba dang rgya che ba sgra sgrogs pas na pad+ma'i rigs chen mo'o/ /smon pa med pa'i dang por dge ba'i chos kyi dung gi sgra chen ldan pa dang tha mar dge ba'i sgra chen dang ldan pa ste rdo rje chos ma'o/ /'od gsal ba'i mi gnas pa'i mya ngan las 'das pa'i phyogs bcur brtson 'grus kyi chos kyi rnga bo che brdungs pas na chos kyi las ma'o/ /khros pas gzhan gyi don mi 'jigs pa'i 'od zer gyis mtshugs pa med cing cher grags pa'i bzod pa khams gsum gyi 'khor gyis bskor ba'o/ /che ba'i che bas na pad+ma'i glu ma'o/ /byang chub sems dpa' i lam ni

  33. 17a

    shin tu mtho ba la gnas shing/ dar ba chen po'i brtson 'grus kyi stobs bsnyems pas na pad+ma'i gar ma'o/ /'jig rten du gzhon nu'i lus bzung nas yon tan phun sum tshogs pa'i bsam gtan yun ring pa'i gnyan po'i skye dgu'i bdag po ni pad+ma'i bdug pa ma'o/ /shes rab kyi stobs kyi 'khor ba'i nyes pas ma gos shing/ lhag mthong gis mi zad pas na sum cu rtsa gnyis kyi mtshan 'chang bas na pad+ma'i me tog ma'o/ /ye shes dang smon lam gyi stobs kyis 'jig rten shes legs slob dpon te mi 'jigs ba bzhi mnga' ba'i slob dpon 'jigs pa med pa ni pad+ma'i mar me ma'o/ /thams cad kyi mgon pos skyob cing 'jig rten gsum na yid bcugs pas/ 'das pa skyob pa dang da ltar ba bskyabs nas ma 'ongs pa skyob pas na bla na med pa ste pad+ma'i dri ma'o/ /rnam par snang mdzad kyi dbang du mdzad nas ye shes rnams la chags pa dang thogs pa mi mnga' zhing thams cad mkhyen pa'i dri ma med pa'i ye shes rgya mtsho sdug bsngal gyi ma rig pa'i sgo nga'i sbubs 'byed cing kun gyis srid pa'i dra ba bcom nas gzhan gyis rgyud nyon mongs pa ma lus pa zhi bar mdzad cing 'bras bu 'khor ba'i rgya mtsho'i pha rol tu phyin nas rang dang gzhan gyi don phun sum tshogs pa'i ye shes dbang bskur cod pan can ni rin po che'i cod pan can no/ /rdzogs pa'i sangs rgyas rgyan du thogs pa ni sangs rgyas nyi shu rtsa gcig gi do shal mnga' ba rnam par snang mdzad do/ /snying rjes 'du byed kyi sdug bsngal ba dang/ 'gyur ba'i sdug bsngal dang/ sdug bsngal gyi sdug bsngal zhi bar mdzad cing byams pas khams gsum gyis sgrib pa bsal nas theg pa gsum gyi rnam par grol ba thob pa klu shing bsnams pa ni byams pa'o/ /sgrib pa

  34. 17b

    kun las nges par grol ba'i ral gri bsnams shing nam mkha' ltar mnyam pa'i po ti bsnams pa ni 'jam dpal lo/ /nyon mongs pa'i sgrib pa kun las 'das pa'i dung bsnams shing kun rdzob kyi dus gsum don dam par dus med par rtogs pa'i chu bsnams pa ni spos kyi glang po'o/ /sems can rnams kyi nang na ye shes kyi gtso bo yon tan thod can rnams kyi cod pan me tog gi phreng ba dang bcas pa bsnams pa ni ye shes rtog go /nyon mongs pa'i lus kun las ni rnam par grol zhing nam mkha' la gnas pa'i gter gyi mdzod phyag na bsnams pa ni bzang skyong ngo/ /yid bzhin nor bu 'chang zhing sems can kun la khyab pas rin po che'i mdzad ster bas glo gros rgya mtsho'o/ /dpag bsam gyi shing dang bum pa bzang po phyag na bsnams pa blo gros mi zad pa'o/ /so sor rtog pa'i byed pas sems can kun gyi don byed pa'i pad+ma dang/ phan 'dogs pa'i po ti bsnams pas/ sems can gyi dge ba'i gshes gnyen te spobs pa brtsegs pa'o/ /las rgyu 'bras bzang ngan shes shing sems can 'dul ba'i dus shes pa la phyir mi ldog pa'i dam tshig shes pa'i ral gri phyag na bsnams pa'i dam tshig dang ldan pa ni mthu chen thob pa'o/ /dus gsum mkhyen cing 'dul ba'i sems can gyi dbang bo rab 'bring shes shing theg pa gsum gyis rnam par grol ba la mkhas pa'i rgyal mtshan bsnams pa ni ngan song kun 'dren pa'o/ /rang nyid yon tan dang ldan zhing gzhan gyi yon tan shes shing mya ngan dang dul ba'i chos shes pa'i bkra shis las byung ba'i dpal gyi be'u phyag na bsnams pa ni mya ngan dang mun pa nges par 'joms pa'i blo gros so/ /bkra shis kun gyi bkra shis pa ni g.yung drung la byil pa phyag na bsnams pa/ sems can la phan pa'i grags pa'i tshogs gnyis

  35. 18a

    rdzogs pa'i bkra shis dang sgrib pa gnyis spangs pa'i snyan grags dge ste dra ba can gyi 'od do/ /phyir mi ldog pas na dbugs 'byin chen po ste/ sems can rnams dga' bar byed pas na dga' ston che ste/ zla bas mtshan gdugs kyi rol mo chen po 'chang bas na zla 'od gzhon nu'o/ /so sor rtog pa'i bkur sti dang rim gro phun sum tshogs pa 'od dpag tu med pa mnga' zhing mchog tu dga' ba'i pad+ma'i steng na grags pa'i bdag nyid kyi dpal gyi ral gri bsnams pa ni 'od dpag tu med pa'o/ /nam mkha' mdzod mchog dang ldan zhing rin po che'i mdzod kyi mchog phyag na bsnams pa'i gtso bo ste/ skyabs rnams kyi mchog nam mkha' i snying po'o/ /'jigs pa chen po brgyad ni dgra ste/ de skyob pa'i sna tshogs rdo rje rab kyi mchog dang 'jigs pa ma lus sel ba'i ral gri phyag na bsnams pa ni sgrib pa rnam par sel ba'i mi bskyod pa'i 'khor dang bcas pa'i dbang du byas nas tshigs su bcad pa drug ste/ de la gtsug phud phud bu lcang lo can gyi rma bya'i mdongs bzhin du dbu lcang lo bcings pa'o/ /muny+dzas bcings pa'i ral pa'i cod pan ni gdong lnga gtsug phud lnga dang ldan ni gdong lnga la cod pan nyi shu mnga' ba'o/ /zur phud lnga pa me tog thod ni cod pan bor nas me tog phreng ba'o/ /mgo zlum brtul zhugs chen po 'chang/ /tshangs par spyod pa brtul zhugs mchog ni zhal steng ma rab tu byung ba'i cha lugs can no/ /de ltar zhal lnga ni ye shes lnga'i rnam par dag pa'o/ /sems can la phan pa'i smon lam mthar phyin cing 'khor ba ji srid par dam bcas pas na dka' thub che ba'o/ /zhal steng ma de ji lta bu zhe na/ gtsang nas dam pa go ta ma'i rigs su 'khrungs pa'o/ /bram ze tshangs pa

  36. 18b

    ni lam gzhan las bstod pa'o/ /tshangs pa shes ni lam Nmkhyen pa'o/ /mya ngan las 'das pa thob pa ni slob pa'i lam me long lta bu thob pa'o/ /grol ba ni nyon mongs pa'i sgrib pa las so/ /rnam par grol ba'i lus ni snyoms par 'jug pa'i sgrib pa la so/ /grol ba ni nyan thos kyi'o/ /zhi ba theg pa chen po ste de'i bdag nyid rdo rje sems dpa' o/ /mya ngan las 'das pa ni nyon mongs pa'i sgrib pa las so/ /mya ngan las 'das pa ni shes bya'i sgrib pa las so/ /legs par ni thugs rje'o/ /mya ngan las 'das pa ni shes rab kyis so/ /nye ba ni rab tu mi gnas pa la nye ba'o/ /bde sdug sel ba'i mthar gyur pa ni srid pa dang zhi ba la mi gnas pa'o/ /chags bral ni sgrib pa las so/ /lus las 'das pa ni bag la nyal ba spangs pa ste rdo rje rgyal po'o/ /thub pa med pa ni ser sna spangs pa'o/ /dpe med pa ni 'chal ba'i tshul khrims spangs pa'o/ /mi mngon ba ni khong khro ba spangs pa'o/ /mi snang ba ni le lo dang bral ba'o/ / gsal byed min ni g.yeng ba med pa'o/ /mi 'gyur ba ni 'chal pa'i shes rab dang bral ba'o/ /theg pa gsum 'gro ba la smin cing grol ba la khyab pa po ste/ chos kyi dbyings kyi rang bzhin gyis mdangs phra zhing zag pa sa bon dang bral ba ni rdo rje chags pa'o/ /rdul med ni sbyin pa'o/ /rdul bral ni tshul khrims so/ /dri ma med pa ni bzod pa'o/ /nyes pa spangs pa'i skyon med pa ni brtson 'grus so/ /rdo rje se gol gyi sgras de bzhin gshegs pa shin tu sad par byed pa na bsam gtan no/ /ji snyed pa kun shes shing ji lta ba kun rig mnga' ba ni shes rab dam pa ste/ pha rol tu phyin pa'i spyod pa ste rdo rje legs pa'o/ /rin chen gtsug tor gyi dbang du mdzad nas bshad pa/ rnam par shes

  37. 19a

    pa'i chos nyid 'das zhes bya ba ni rnam par shes pa gnas 'gyur ba'i 'od gsal ba'o/ /gnyis med ye shes tshul 'chang ba ni zung 'jug gi'o/ /rnam par mi rtog lhun gyis grub ni rin chen gtsug phud sku mdog ser bo zhal lnga pa'o/ /dus gsum sangs rgyas las byed pa ni da ltar gyi sangs rgyas kyi bdag nyid rin chen gtsug phud dang/ dang po'i sangs rgyas thugs kar bzhugs pa dang/ ma byon ba'i sangs rgyas bA gI shwa ri'o/ /sangs rgyas thog ma tha ma med/ /dang po sangs rgyas rgyu med pa ni thugs kar zhal lnga phyag brgyad pa'o/ /ye shes mig gcig dri ma med/ /ye shes lus can de bzhin gshegs zhes bya ba ni/ gnyis su med pa'i spyan cig dang ldan pa'i bA gI shwa ra'o/ /rdo rje bzhad pa'i dbang du mdzad nas/ tshig gi dbang phyug ni yang dag pa'i lta ba'o/ /smra ba chen po ni yang dag pa'i rtog pa'o/ /smra ba'i skyes mchog ni yang dag pa'i ngag go /smra ba'i rgyal ni yang dag pa'i las kyi mdza' o? smra ba'i dam pa ni yang dag pa'i 'tsho ba'o/ /mchog gi gnas ni yang dag pa'i rtsol pa'o/ /smra ba'i seng ge ni yang dag pa'i dran pa'o/ /tshugs pa med pa ni yang dag pa'i ting nge 'dzin te/ rdo rje bzhad pa zhal bcu gcig pa'o/ /kun tu lta ba ni seng ge'i 'jigs pa las skyob pa'o/ /mchog tu dga' ba ni glang po'i 'jigs pa las so/ /gzi brjid phreng ba ni me'i 'jigs pa las so/ /blte na sdug pa ni sprul gyi 'jigs pa las so/ /'od 'bar ba ni mtshon gyi 'jigs pa las so/ /dpal gyi be'u ni rkun po'i 'jigs pa las so/ /lag na 'od 'bar ba ni sha za'i 'jigs pa las so/ /snang? ba po ni rgya mtsho'i rba rlabs kyi 'jigs pa las skyob pas na 'jig rten pa'i 'jigs

  38. 19b

    pa brgyad skyob pa'o/ /'jig rten las 'das pa'i 'jigs pa las skyob pa ni/ sman pa che mchog gtso bo ste/ /shes bya'i sgrib pa gso ba'o/ /nyon mongs pa'i zug rdu 'byin pa ste bla na med pa'o/ /nyon mongs pa dang shes bya'i bag la nyal ba ma lus 'joms bas na/ sman rnams ma lus ljon pa'i shing ngo/ /lam lnga'i nyon mongs pa ma lus pa spong bas na/ nad do cog gi dgra che ba ste/ lha nyi ma'i gzugs can no sdug gu 'jig rten gsum na mdzes ni gzugs phun sum tshogs pa'o/ /dpal ldan rgyu skar dkyil 'khor can ni rgyu skar nyi shu rtsa brgyad kyis bskor ba'o/ /phyogs bcu'i nam mkha' i mdza' gtugs pa/ chos kyi rgyal mtshan legs par 'jugs pa ni byams pa'i 'bras bu'o/ / 'gro na gdugs gcig yangs pa ste/ byams dang snying rje'i bdag nyid can ni snying rje dang byams pa'i bdag nyid do/ /dpal ldan ni zla ba'i gzugs can pad+ma ni 'dir ku mu da ste steng na gar mdzad pa'o/ /khyab bdag chen po rin chen gdugs ni phyag mtshan te zla ba'i rgyal mtshan no/ /sangs rgyas kun gyi gzi brjid che ni sangs rgyas lnga'i cod pan mnga' ba'o/ /sangs rgyas kun gyi sku 'chang ba ni sku'i sgo nas so/ /rnal 'byor che ni thugs kyi sgo nas so/ / bstan pa gcig ni gsung gi sgo nas so/ /rdo rje rin chen dbang bskur dpal ni ming gi dbang bskur ba'i sgo nas so/ /rin chen kun bdag dbang phyug ste rin po che'i rigs kyi 'khor lo bsgyur ba'i sgo nas so/ /'jig rten dbang phyug kun gyi bdag ni sems can kun la dbang bskur ba'o/ /rdo rje 'chang ba kun gyi rje ni de bzhin gshegs pa kun la dbang bskur ba'i bdag po ste/ rdo rje rin chen no/ /snang ba mdza' yas pad+ma'i ting nge 'dzin gyi dbang du mdzad nas

  39. 20a

    sangs rgyas kun gyi thugs che ba ni dang po'i sangs rgyas thugs la gnas pa'o/ /sangs rgyas kun gyi sku che ba/ /sangs rgyas kun gyi gsungs yang yin/ /thugs ka'i badzra tIk+Sh+Na'o/ /rdo rje nyi ma snang ba che ni rang nyid nyi ma'i 'od mnga' ba'o/ /rdo rje zla ba dri med ni dang po'i sangs rgyas zla ba'i 'od mnga' ba'o/ /chags bral ni mya ngan las 'das pa las so/ /sogs pas bsdus pa ni chags pa ste 'khor ba'o/ /chags pa ni gnyis ga la mi gnas pa'o/ /kha dog sna tshogs 'bar ba ni sku mdog dmar po 'od zer dmar ba'o/ /rdo rje skyil krung ni bzhugs stangs so/ /'gro ba'i chos 'dzin pa ni pad+ma bsnams pa ste/ sems can la dmigs pa'i snang ba mdza' yas so/ /rdo rje chos bshad pa / sangs rgyas skyes ni snang ba mdza' yas las skyes pa'o/ /kun mkhyen ye shes mdzod 'dzin pa ni g.yon pa pad+ma'i yu ba gzung nas g.yas pas 'byed pa'o/ /rgyal po sgyu 'phrul sna tshogs 'chang ni 'gro ba 'dul ba kun gzugs so/ /che ba sangs rgyas snang ba mdza' yas rig sngags kyi bdag po dbu la 'chang ba ste pad+ma'i sgron ma'o/ /rdo rje rnon po'i tshig bshad gcig ni go sla'o/ /khyab 'jug gi gzugs can rdo rje zab mo dzi na dzi ga ste/ bla na med pa'i rgyal bas rgyal ba'o/ /rdo rje blo gros don bzhin rig ni rdzu 'phrul rnam par 'khrul pa mkhyen pa'o/ /pha rol phyin pa kun rdzogs pa ni pha rol phyin pa bcu rdzogs pa'i sa bcu rdzogs pas na rgyan dang ldan pa ste rdo rje 'khor lo'i rnam par dag pa bdag med chos ni chos so so yang dag par rig pa'o/ /yang dag ye shes zla 'od bzang ni spobs pa'o/ /brtson chen sgyu 'phrul dra ba ni nges pa'i tshig go /rgyud kun gyi ni bdag po mchog ni don so so yang dag par rig pa ste/ tshangs pa'i gzugs can gyis gsung ba'o/ /don yod grub pa'i pad+ma'i nges pa'i dbang phyug gi

  40. 20b

    dbang du mdzad nas/ rdo rje gdan ni ma lus ldan ni rdo rje skyil mo krung ngo/ /ye shes sku rnams ma lus 'chang ni dz+nyA na kA ya'o/ /kun tu bzang po blo gros bzang ni thams cad la khyab pa'i phyir dang po sangs rgyas so/ /sa yi snying po 'gro ba 'dzin bya ba nan tan gyi 'gro ba rnams mi gtong pa ste don yod grub pa'o/ /sangs rgyas kun gyi snying po che ste sbyor ba'i brtson 'grus kyi ngo bo yin pas/ sprul pa'i 'khor lo sna tshogs 'chang ste zhi ba dang rgyas pa dang dbang dang mngon spyod kyi 'khor lo sna tshogs 'chang ba rdo rje las so/ /dngos po kun gyi rang bzhin 'chang ni sgrub pa'i brtson 'grus te phrin las thams cad kyi rang bzhin 'dzin pa'i bsrung ba'o/ /so sor rtog pa skye ba med pa'i chos mkhyen nas 'gro ba sna tshogs don du gnyer ba'i chos kun gyi ngo bo nyid 'chang ba'i gnod sbyin no/ /nan tan byed pa'i shes rab chen po skad cig la/ chos kun gyi 'od gsal ba thugs su chud pa'i khu tshur ro/ /dad pa'i dbang pos chos kun khong du chud pas thub pa'i blo mchog ste/ lcags kyu'o/ /brtson 'grus kyi dbang pos mi g.yo bas sangs rgyas kyi byang chub tu 'jug cing/ 'chang bas na zhags pa'o// dran pa'i dbang pos sangs rgyas kun gyi mngon sum du byed pas na lcags sgrog go /ye shes me lce 'od 'bar gsal/ /'bebs pas ni dril bu'o/ /de ltar tshigs su bcad pa bzhi bcu rtsa gnyis kyi pad+ma gar gyi dbang phyug gi dkyil 'khor badzra tIk+Sh+Na dang ldan pa'i 'khor lo bsgyur ba'o/ /don thams cad grub pa'i dkyil 'khor gyi dbang du byas nas 'dod pa'i don grub zhes bya ba la sogs pa gsungs te/ 'jig rten dang thun mong dang mchog gi dngos grub sgrub pa'i mchog tu gyur pas dam pa ste/ rnam par snang mdzad do/ /ngan song thams cad rnam par sbyong ba ni rab tu byung ba'i cha byad can gyi chos kyi 'khor lo bskor ba'i phyag rgya mnga' ba'o/ /mgon po sems can kun gyi mchog ni thugs ka'i dang po'i sangs rgyas so/ /sems can thams cad rab sgrol byed ni 'khor lo gnyis kyi

  41. 21a

    steng du pradz+nyA dz+nyA na mUrti'o/ /don grub kyi mi bskyod pa'i dbang du byas nas/ nyon mongs g.yul du gcig pa ste/ nyon mongs pas kun nas bslang ba'i g.yul gyi nang na rdo rje bsnams nas gcig pu dpal nyon mongs pa dang/ shes bya'i sgrib pa'i nga rgyal dang bcas pa dregs pas sa gnon gyi phyag rgyas 'joms pa'o/ /dpal ldan ni zung du 'jug pa'o/ /blo ni me long lta bu'i ye shes so/ /de las byung ba'i sgeg par ldan pa ni zhal khro 'dzum dang ldan pa'o/ /cung zad mche ba gtsigs shing bdud kyi mi bskyod pa brtan pa brtan po'i khro bo mi sdug pa'i gzugs 'chang ba'o/ /rin chen gtsug phud kyi dbang du mdzad nas 'od zer gyis sprul pa'i lag pa brgya po kun tu bskyod pa ni g.yas brkyang dang g.yon brkyang gi gom pa'i stobs kyis gar byed pa'o/ /dpal ldan ni bcom ldan 'das rin chen gtsug tor gyi ngo bo lags pa rgyas sprul pa'i phyag gis longs spyod pa ni nam mkha' khyab par sems can la dbang bskur nas/ gar byed pa ni ci dga' bar rol pa'o/ /rin chen ting nge 'dzin gyi dbang du mdzad nas yi ge laM yongs su gyur pa'i sa'i dkyil 'khor gyi steng du pad+ma'i lte par rkang pa g.yas pa'i mthil gyis gnon cing zhabs g.yon pa'i mtheb sen mo'i khyon gyis bsam gtan dang po'i tshangs pa'i yul sa rtse nas gnon pa ste phyag gnyis kyi pad+ma bsnams pa'o/ /rin chen char 'bebs kyi dbang du mdzad nas/ don gcig ces bya ba la sogs pa gsungs te/ don gcig ni stong pa nyid do/ /gnyis med ni mtshan ma med pa'o/ /chos kyi don ni smon pa med pa'o/ /dam pa'i don ni 'od gsal ba'o/ /'jigs med ni chos kyi dbyings so/ /rnam rig sna tshogs gzugs don can ni me long lta bu'o/ /sems ni kun gyi gnas 'gyur ba'o/ /rnam shes rgyud dang ni yid kyi rnam par shes pa gnas gyur pa'i so sor rtog pa'i ye shes so/ /dngos don ma lus ni stong pa nyid do/ /dga' ba ni rdo rje sems ma'o/ /stong pa nyid dga' ni mtshan ma med pa'o/ /'dod chags blo ni rin chen ma'o/ /

  42. 21b

    srid pa'i 'dod chags sogs spangs pa ni smon pa med pa ste chos ma'o/ /srid gsum dga' ba chen po ni 'od gsal ba ste las ma'o/ /sprin dkar dag pa bzhin du dkar ni tshul khrims rnam par dag pas dkar mo'o/ /sku mdog ser mo yin yang/ 'od bzang ston ka'i zla ba'i 'od mnga' ba'i rin chen sems ma'o/ /rgyal po bshad pa nyi ma'i 'od mnga' bas na/ nyi ma shar ka'i dkyil ltar mdzes pa'o/ /sen mo'i 'od ni shas cher dmar bas mtshan bzang po sum cu rtsa gnyis mtshon pa'o/ /rin chen chags pa gsungs pa sangs rgyas lnga'i cod pan bzang po in+d+ra nI la'i mdog can gyi zur phud kyi rtse mo can no/ /des na skra mchog mthon ka'i rtse mo can zhes bya'o/ /nor bu legs par bshad pa/ nor bu chen po 'od chags dpal te 'od zer kha dog lnga ba can dang/ sprul pa'i sangs rgyas lnga'i dbu rgyan can no/ /rin chen khro gnyer bshad pa zhabs g.yon brkyang nas 'jig rten gyi khams kun tu bskyod cing/ zhabs g.yas pas rdzu 'phrul gyi rkang pa'i stobs kyis gzugs kyi khams gnon pa'o/ /rin chen 'od bshad pa de nyid dran pa chen po 'chang zhes bya ste lus dang tshor ba dang sems dang chos kyi dran pa 'chang bas dran pa chen po stong pa nyid kyi ting nge 'dzin gyi rgyal po'o/ /rin chen dpal gsungs pa byang chub yan lag me tog spos zhes bya ste/ dran pa dang chos rnam par 'byed pa dang brtson 'grus dang dga' ba dang ting nge 'dzin dang shin tu sbyangs pa dang btang snyoms byang chub kyi yan lag ste/ de rnams mnga' ba'i spos kyi dris de bzhin gshegs pa'i yon tan rgya mtsho khyab pa'i byams pa'o/ /rin chen bshad pa lam gyi yan lag brgyad tshul rig ste/ yang dag pa'i lta ba dang rtog pa dang ngag dang las dang 'tsho ba dang rtsol ba dang ting 'dzin dang dran pa dang byang chub kyi yan lag ste yang dag pa'i sangs rgyas kyi lam gyi chos kyi sbyin pa'o/ /rin chen chos kyi dbang du mdzad nas sems can kun la shas cher chags

  43. 22a

    te byams pa'i ting nge 'dzin gyi bde bar mdzad pas na chags pa'o/ /nam mkha' lta bu'i stong pa nyid mkhyen pa'i shes rab kyi ni chags pa'o/ /rin chen rnon pa bshad pa sems can kun gyi yid la 'jug ces bya ste thugs rjes sems can la 'jug cing shes rab kyis sems can gyi nyon mongs pa bcad nas yid ltar mgyogs pas na rnon po'o/ /rin chen 'khor lo bshad pas sems can kun gyi dbang don shes te rdzu 'phrul gyi cho 'phrul gyis sems can kun don mkhyen pa'o/ /dga' ba'i stobs kyis sems can kun gyi yid 'phrog pas 'khor lo'o/ /rin chen gsungs pa bshad pa phung po lnga don ni don so so yang dag par rig pa'o/ /de nyid shes pa ni spobs pa so so yang dag par rig pa'o/ /phung po lnga ni chos so so yang dag par rig pa'o/ / rnam dag 'chad pa ni nges pa'i tshig so so yang dag par rig pa ste/ btang snyoms chen po'i ljags bsnams pa'o/ /rin chen las bshad pa 'bras bu'i dbang du mdzad nas/ nges 'byung kun gyi mdza' la gnas ces smos so nges par 'byung ba kun la mkhas ni theg pa gsum gyi rgyu la mkhas pa ste sna tshogs rdo rje bsnams pa'o/ /rin chen bsrung ba bshad pa nges 'byung kun gyi lam la gnas zhes bya ste/ nges par 'byung ba theg pa gsum gyi mi mthun pa'i phyogs las bsrung zhing gnas pa'i rgyu sems can la nges par 'byung ba kun ston pa ni 'bras bu ste go cha bsnams pa'o/ /rin chen gnod sbyin bshad pa yan lag bcu gnyis srid rtsa bton zhes bya ba smos te lugs su 'byung ba'i rten 'brel bcu gnyis bag chags dang bcas pa spangs pa'o/ /lugs las bzlog pa'i rnam par dag pa bcu gnyis 'chang bas na mche ba 'dzin pa'o/ /rin chen khu tshur bshad pa bden bzhi'i tshul gyis rnam pa can te/ sdug bsngal dang kun 'byung dang 'gog pa dang

  44. 22b

    lam gyi rnam pa nyid kyi rnam pa can gyi shes pa bzhi dang rjes su shes pa bzhi ste/ /brgyad kyi rtog pa gcig tu sdug cing khu tshur 'chang ba'o/ /bskal pa bzang po'i dbang du mdzad nas/ bden don rnam pa bcu gnyis ldan zhes bya ste/ sdug bsngal shes kun 'byung spangs pa 'gog pa sngon du byas pa lam bsgom pa sdug bsngal shes par bya kun 'byung spang bar bya 'gog pa mngon du bya lam bsgom par bya sdug bsngal shes par byar med kun 'byung spang du med 'gog pa mngon du byar med lam bsgom du med par yul du byas par 'chang ba ni byams pa'o/ /de nyid rnam pa bcu drug rig ni bden pa bzhi la shes bzod bcu drug rig pa'i 'jam dpal lo/ /rnam pa nyi shus byang chub pa ni bzod pa brgyad dang shes pa brgyad dang ye shes bzhi ste nyi shus byang chub pa ni spos kyi glang po'o/ /rnam par sangs rgyas kun gyi ye shes lnga rig nas mchog tu gyur pas na tog ste ye shes tog go /sangs rgyas kun gyi sprul pa'i sku/ /bye ba mdza' yas pa bzang po dpag tu med pa 'gyed cing skyor bas na bzang bskyod do/ /skad cig pa thams cad kyis blos mngon par rtogs pas ni blo gros rgya mtsho'o/ /sems 'od gsal ba'i skad cig ma'i don mi zad pa kun rig pas na blo gros mi zad pa'o/ /theg pa sna tshogs kyi thabs kyi tshul gyis spobs pa mnga' zhing 'gro ba'i mngon par mtho ba dang nges par legs pa'i don la rtog pas na brtsegs pa ste spobs pa brtsegs pa'o/ /khams gsum las theg pa gsum gyis nges par 'byung ba'i mthu chen po mnga' zhing theg pa gcig gi 'bras bur gnas pa'i mthu chen po brnyes pas na mthu chen po thob pa'o/ /nyon mongs khams rnams dag pa'i bdag ni ngan song kun 'dren no/ /las kyi khams kyi mya ngan dang bral ba'i sdug bsngal zad par byed pas na mya ngan mun pa nges par 'joms pa'o/ /'dod chags dang zhe sdang dang gti mug gi chu'i rgya

  45. 23a

    mtsho kun las rgyal ba'i ye shes kyi dra ba mnga' bas dra ba can gyi 'od do/ /sbyor ba'i dgon pa las byung ba ni gnyen po'i rnal 'byor zla ba tshes pa lta bu 'gro ba kun 'khor ba'i dgon pa las byung ye shes kyi lang tsho bskyod pas na zla 'od gzhon nu'o/ /'od dpag tu med pa'i ye shes kyi nyon mongs pa dang/ nye ba'i nyon mongs pa'i bag chags dang bcas pa spangs pas na 'od dpag tu med do/ /snying rje chen po dang shes rab kyi thabs nam mkha' lta bu skye gnas las dngos grub gsum don yod par mdzad pas na nam mkha' i snying po'o/ /bdag dang bdag gir lta ba'i sgrib pa'i 'du shes kyi don spangs shing rnam par shes pa'i don gyi gzugs 'dzin sel cing 'gog par byed pas na sgrib pa rnam par sel ba'o/ /lha mo brgyad kyi dbang du mdzad nas phyag gnyis kyis yid bzhin gyi nor bu rin po che bsnams pas na sems can kun yid yul dang ldan ste rin chen sgeg mo'o/ /phyag gnyis kyis rin po che'i phreng ba bsnams pas sangs rgyas kyi thugs rig cing dgyes pa ste phreng ma'o/ /rin po che'i pi wang brdung pa'i gzhu bsnams pas na sems can kun gyi yid la gnas te glu ma'o/ /rin po che rtse gcig pa bsnams nas gar bskor bas sems can de dag gi sems dang mthun par 'jug pa ste gar ma'o/ /rin po che'i bdug pas sems can kun tshim par byed bas na rin chen bdug pa ma'o/ /rin po che'i me tog gi za ma tog bsnams pas na sems can kun gyi yid dga' ba ste me tog ma'o/ /mar me'i mchod sdong bsnams nas 'khrul pa'i mun pa sel bas na mar me ma'o/ /dri'i dung chos bsnams nas gzugs 'dzin gyi nor pa thams cad spong bas na dri chab ma'o/ /bde ba dang sdug bsngal dang btang snyoms kyi don la the tshom med cing shes bya kun gyi don la sku gsung

  46. 23b

    thugs kyi yon tan gyi bdag nyid bsnyems pas rin chen lcags kyu ma'o/ /phung po lnga dang dus gsum du chos kyi dbyings skad cig thams cad la don dam par bye brag phyed la ste zhags pa ma'o/ /skad cig ma gcig gis rdzogs pa'i sangs rgyas dran pa'i lcags sgrog gis bcings nas sangs rgyas kun gyi rang bzhin bdag gi lus la 'chang bas na rin chen lcags sgrog ma'o/ /lus med lus te sangs rgyas kun gyi thugs so/ /lus kyi mchog ste gsung rnams so/ /lus kyi mdza' ni rten yin pas na sku ste/ gcig tu 'bebs pa rtog pas na rin chen dril bu'o/ /thams cad kyi sku mdog dang rgyan dang phyag mtshan ji lta bu zhe na/ gzugs rnams sna tshogs kun tu ston to dbyibs du ma can no/ /nor bu chen po ni kun gyi kha dog ser po'o/ /rin chen tog ni phyag mtshan dang/ cod pan la rin po che'i tog mnga' ba'o/ /de ltar tshigs su bcad pa nyi shu rtsa bzhis don thams cad grub pa'i dkyil 'khor gyi 'khor lo bsgyur ba don thams cad grub ba ni bA gI shwa ra dang bcas ba'o/ /rta mchog gi dkyil 'khor thog mar tshig rkang ba lngas 'bras bu'i dbang du byas nas bshad pa ni sangs rgyas kun gyis rtog bya ba ni sangs rgyas gzhan gyis shes par bya'o/ /sangs rgyas byang chub bla na med ni chos kyi sku'o/ /longs spyod rdzogs pa'i sku'i dbang du mdzad nas don dam par ni yi ge med pa yin la/ kun rdzob du bya ba dang spyod pa gnyis ka dang rnal 'byor dang rnal 'byor ma'i sku gsang sngags las byung ba'i byang chub sems dpa' rnams kyi snang ba gsang sngags chen po sku gsung thugs kyi rigs gsum 'chang ba'i sprul pa'i sku'i dbang du mdzad nas gsang sngags don gyi dkyil 'khor gyi lha kun sprul cing bskyed pa'o/ /de sgrub pa'i thabs ni thig le chen po zhes bya ba la sogs pa ste/ thig le chen po ni srog gi rlung ngo/ /yi ge med pa'i don rang gi mtshan nyid yin pas rtog pa dang bral

  47. 24a

    ba'o/ /stong pa chen po ni chos kyi dbyings so/ /de'i yi ge ni mi 'gyur bas na ye shes lnga'o/ /thig le stong pa ni rlung brtan pa'i stong pa nyid rtogs pas yi ge brgya ste mi 'gyur ba'i yi ge brgya'o/ /'di lta ste 'byung ba lnga dang/ phung po lnga dang/ dbang po lnga dang/ yul lnga dag la re re zhing ye shes lnga'i bdag nyid yin pa'i phyir rigs brgya'o/ /de ltar phyi rol gyi spros pa dang bral bzhi gnas kyi rang bzhin rnam pa kun dang ldan zhing lhag mthong gi chos don dam par dngos po med pa'o/ /de nyid kyi phyir na bcu drug phyed phyed thig le can te/ kun rdzob tu 'byung ba chen po bzhi la re re zhing rnal 'byor dang rjes su rnal 'byor dang shin tu rnal 'byor dang/ rnal 'byor chen po'o/ /de'i dbye ba bcu drug yin la/ de yang snang ba dang/ snang ba mched pa dang/ snang ba thob pa dang/ 'od gsal ba'i bsam gtan bzhi la/ stong pa dang/ shin tu stong pa dang/ stong pa chen po dang/ rnam pa thams cad pa'i stong pa brgyad yin la de'i phyed kun rdzob kyi rnam pa bzhi spangs pa'i stong pa nyid bzhi bsgoms nas de dag la rang gi ngang gis zung du 'jug pa'i thig le can no/ /de'i sku gsung thugs kyi yan lag med pa bgrang ba'i rtsibs las 'das pa de snang ba dang snang ba mched pa dang snang ba thob pa dang/ 'od gsal ba'i bsam gtan bzhi'i rtse mo can dang de nyid kyis na bsam gtan zhi gnas dang yan lag lhag mthong kun shes shing/ ting nge 'dzin gyi rigs thams cad mkhyen cing sa bcu'i rgyud thams cad rig pas/ ting nge 'dzin lus can lus kyi mchog ces bya ste chos kyi sku thob par gyur pa dang/ longs spyod rdzogs pa'i sku dang sprul pa'i sku yang thob par 'gyur ba'o/ /sku gsum po de las sangs rgyas sprul pa'i rgyud nyid sprul gyis phyogs bcur ji ltar mos pa'i 'gro ba'i don byed par 'gyur ro/ /rta mchog gi dpa' bo gcig pu'i dbang du mdzad nas/ lha'i bdag po zhes bya ba la sogs gsungs te/ lha'i dbang

  48. 24b

    po brgya byin no/ /lha'i lha ni tshangs pa'o/ /lha'i bdag po ni 'dod pa'i lha'o/ /lha min bdag ni khyab 'jug go /'chi med ni nyi ma'o/ /lha'i lha ni pa ba sangs so/ /'joms byed ni gzhon nu gdong drug go /'joms byed dbang phyug ni lha chen po'o/ /srid pa'i dgon pa las brgal ba ni bde sogs ma la sogs pa'i lha mo brgyad phrogs nas lha brgyad gdan du bting ba'o/ /de nyid kyis na ston pa gcig pu 'gro ba'i bla zhes bya'o/ /de bzhin gshegs pa lnga'i rta mchog gi dkyil 'khor gyi dbang du mdzad nas 'jig rten phyogs bcu zhes bya ba la sogs pa smos te/ phyogs bcur grags pa'i mi bskyod pa bdud bzhi las rgyal ba'i chos kyi sbyin bdag che ba ste sku mdog dkar po rdo rje bsnams pa'o/ /mchog sbyin pa'i phyag rgya byams pa'i go chas bcings shing snying rje'i ya lad bgod pas sku mdog ser po rin po che bsnams ba'o/ /phyag bzhis shes rab kyi pi ti dang ral gri dang mda' gzhu bsnams pa/ nyon mongs pa mi shes pa'i g.yul do sel ba sku mdog dmar po 'od dpag med do/ /gdon mi za bar grub pa nyon mongs pa dang phung po dang 'chi bdag dang lha'i bu'i bdud bzhi'i dgra bdag nyid kyis btul zhing gzhan gyi bdud bzhi'i 'jigs pa sel bar mdzad pa'i sna tshogs rdo rje bsnams pa skyabs sbyin mdzad pa ljang gu'o/ /srod la bdud bzhi btul nas tho rangs ka mngon par rdzogs par sangs rgyas pa sku mdog dkar po byang chub mchog gi phyag rgya can 'jig rten 'dren pa'o/ /de dag la mchod pa'i lha mo dang/ bstod pa'i lha mo dang/ phyag 'tshal ba'i lha mo dang/ rim gro byed pa'i lha mo dang/ bsnyen bkur byed pa'i lha mo dang/ rjed par byed pa'i lha mo dang/ gus pas phyag bya ba'i lha mo dang/ bla mar byed pa'i lha mo ste/ sgeg mo la sogs pa brgyad kyis bskor ba'o/ /rig gsum gyi rta mchog gi dbang du mdzad nas/ 'jig rten gsum po zhes bya ba la sogs pa smos te/ 'jig rten gsum gyi gang+gA'i klung gi

  49. 25a

    bye ma snyed kyi shar phyogs su gom pa gcig bzhag nas nub phyogs su goms pa gcig gis bgrod cing/ dper na mkha' ltar mdza' med rnam par gnon pa'o/ /gsum rig pa ni bdag nyid dang yum gnyis mkhyen pa ste lha mo gtsang ma dkar ba dang padmo sngon mo dang sna tshogs rdo rje bsnams pa'o/ /dag pa ni dmar mo pad+ma dkar po dang sna tshogs rdo rje bsnams pa'o/ /mngon shes drug ldan ni lha'i mig dang rna ba dang rdzu 'phrul gyi yul dang 'ching ba dang/ skye ba dang gzhan gyi sems dang zag pa zad pa khyen pa dbang po drug sems dpa' drug gis byin gyis brlabs shing/ rjes dran drug ni yul drug lha mo drug gis byin gyis brlabs po'o/ /byang chub sems dpa' sems dpa' che/ rdzu 'phrul chen pa 'jig rten 'das sku mdog ljang gu ral gri dang pad+ma dang mnga' gzhu bsnams pa'o/ /mgos bsam gtan bzhi par phyin pa'o/ /grub pa'i mdza' i dbang du byas nas bshad pa shes rab pha rol phyin pa'i mdza' zhes bya ba smos te/ mdza' ni phung po lhag bcas dang lhag med kyi mya ngan las 'das pa ste/ de 'dod pa ni bye brag tu smra ba'o/ /shes rab kyi de kho na nyid rnam par shes pa'i chos thob pa ni mdo sde pa'o/ /bdag nyid kyang rig pa gzhan la rig pa yin pa la khams gsum po shes pa yin pas na sems tsam mo/ /sems can kun la snying rjes phan pa'i mchog tu gyur pas na/ dper bya thams cad kyi mdza' gnyis las 'das pa na dbu ma'o/ /shes pa ni bya ba gtso bor gyur pa ni bya ba'i rgyud do/ /lus dang ngag gi spyod pa ni bdag po 'am mchog tu byed pas na spyod pa'i rgyud do/ /gnyis ka'i rgyud gtso bor byas nas chos kyi sbyin bdag mdzad pas na gnyis ka'i rgyud bstan pa'o/ /phyag rgya chen po dang dam tshig dang chos dang las kyi don ston pa'i 'gro ba rnams kyis 'dod pa'i yon tan gyi bsnyen bkur gyi gnas kyi mchog mya ngan

  50. 25b

    las 'das pa 'thob pa'i rnal 'byor gyi rgyud do/ /theg pa gsum gyi nges par 'byung ba'i zab pa dang rgya che ba'i bgrod pa la zab mo mthar thug rdzogs pa'i rim pa ni bde ba dam pa zung 'jug ste/ don gyi dam pa rnam dag dpal yin la de 'jig rten gyi nang na skal ba bzang zhing che ba rnams kyi 'jig rten dang thun mong dang mchog gi dngos grub kyi dpal ldan 'byor pa kun byed pa'i de su zhig yin zhe na/ 'jam dpal dpal dang ldan pa'i mchog go /de ltar tshigs su bcad pa bco lngas dz+nyA na kA ya dang bcas pa'i 'khor lo bsgyur ba don yod grub pa'o/ /de ltar 'khor lo rnam pa drug bsgoms nas dkyil 'khor drug la ye shes sems dpa' bcug nas/ dbang bskur ba mdzad nas de kho na nyid gsum gyis sku gsung thugs byin gyis brlabs la bdag nyid thams cad kyi mchod pa bya'o/ / de la gang zag bzhi pa sgrub par byed pa ste/ dang por de bzhin gshegs pa'i rigs can bsgom par mos pas dkyil 'khor drug byas la slob ma dbang bskur bar 'dod pa na yang dbang bskur bar bya'o/ /rang rgyal ba'i rig dang rjes su mthun pa'i dkyil 'khor bsgoms la zhi ba dang rgyas pa dang dbang dang mngon spyod kyi las dang rjes su mthun pa'i sbyin sreg bya'o/ /nyan thos dang rjes su 'thun pa'i gang zag gis dkyil 'khor drug bsgoms la rang rang gi dkyil 'khor du gang dang gang la mos pa'i lha'i thugs kar 'khor lo'i dbus su yi ge bkod la sdig pa zad par bya'o/ /byang chub sems dpa' i rigs can gyi 'khor lo drug bsgoms la sems can gyi don bya ba'i phyir/ dkyil 'khor dang bcas pa dang/ dpa' bo gcig pu'i cho ga bzhin du bsnyen pa dang sta gon dang dkyil 'khor la rab tu gnas pa byas la phyag rgya bzhi'i sgo nas dngos grub don du gnyer nas phan yon dang rjes su mthun par sems can thams cad kyi don bya'o/ /rjes kyi don rnal 'byor bzhi'i dbang du mdzad nas bshad pa bsgom pa dang bzlas pa zin pa'i

  51. 26a

    rjes la mchod pa dang bstod par bya'o/ /de la bstod pa ni 'di yin te/ mchog sbyin rdo rje zhes bya ba'i tshigs bcad phyed kyis rdo rje sems dpa' i dkyil 'khor la bstod pa dang/ stong nyid las byung zhes bya ba'i tshigs bcad phyed kyis rnam snang la bstod pa'o sangs rgyas chags pa zhes bya ba'i tshigs bcad gcig gis mi bskyod pa la bstod pa'o/ /sangs rgyas 'dzum pa zhes bya ba tshigs su bcad pa gcig gis snang ba mdza' yas kyi dkyil 'khor la bstod pa'o/ /med pa las byung zhes bya ba'i tshigs bcad gcig gis rin chen 'byung ldan gyi dkyil 'khor la bstod pa'o/ /sgyu 'phrul dra ba zhes bya ba la sogs pa'i tshigs bcad gcig gis rta mchog gi dkyil 'khor la bstod pa'o/ /yang na tshigs su bcad pa 'di lnga ni rnam pa nyi shus byang chub ces bya ba snang ba 'jam dpal dpal dang ldan pa'i mchog la de bzhin gshegs pa bzhi dang/ sems dpa' bcu drug gis bskor ba bsgoms la bstod pa bya'o zhes slob dpon ye shes grags pa bzhed do/ /phan yon gyi dbang du mdzad nas/ kye'i lag na rdo rje 'chang zhes sdud pa po la bos nas/ 'di ni zhes bya ba ni rnam par snang mdzad kyi dkyil 'khor gyi dbang du mdzad pa'o/ /bcom ldan 'das kyi ye shes sku ni bzhi pa'i sangs rgyas so/ /de bzhin gshegs pa thams cad kyi ye shes kyi sku ni dang po'i dpa' bo'i sangs rgyas so/ /'jam dpal ye shes sems dpa' ni a ra pa tsa na'o/ /de gsum gyi mtshan bsgom pa'i rjes la yang dag par brjod na 'bras bu dga' ba dang/ dad pa dang mgu ba 'jig rten thun mong dang mchog gi dngos grub bskyed pa'o/ /lag na rdo rje 'chang zhes bya ba nas yongs su byang ba zhes bya ba'i bar du mi bskyod pa'i spangs pa dang ye shes kyi phan yon bshad pa'o/ /bla na med pa zhes bya ba la sogs pas rin chen 'byung ldan gyi phan yon bstan to/ /ma thob pa thob pa ni snang ba mdza' yas kyi phan yon no/ /de bzhin gshegs pa thams cad kyi zhes bya ba ni don yod

  52. 26b

    grub pa'i phan yon bstan to/ /rnam par snang mdzad kyi yon tan ngas bshad cing mi bskyod pa'i yang dag par bstan la/ rin chen 'byung ldan gyi dkrol te snang ba mdza' yas kyi rnam par phye nas/ don yod grub pa'i yon tan gsal bar byed la/ dran cing 'don pa'i sems can de la pas byin gyis brlab par bya'o/ /thams cad kyi chos nyid byin gyis brlabs zhes bya ba ni sdud pa po nas ma 'ongs pa'i sems can gyi bar du ye shes sems dpa' bcu gnas byin gyis brlabs pa'o/ /dkyil 'khor gnyis pa'i dbang du mdzad nas/ lag na rdo rje 'chang zhes pos nas gzhan yang dkyil 'khor gnyis pa bsgom zhing ming yang dag par brjod pa 'di ni zhes bya ba gsungs so/ /thams cad mkhyen pa'i ye shes ni gzhi'i sangs rgyas so/ /dag cing zhes bya ba ni dang po'i sangs rgyas so/ /sangs rgyas dang byang chub ni pradz+nyA dz+nyA na murti'i? mngon par rtog pa ni mi bskyod pa'o/ /bla na med pa ni rin chen 'byung ldan no/ /thugs su chud pa ni snang ba mdza' yas so/ /phan par mdzad pa ni don yod grub pa'o/ /stobs bcu'i stobs ni rdo rje sems ma'o/ /thams cad mkhyen pa ni rin chen ma'o/ /lung ni ches ma'o// bsgrub pa ni las ma'o/ /shin tu dag pa ni rdo rje sems ma'o/ /skye gnas ni rgyal po'o/ /zhed ni chags pa'o/ /bzhi ni legs pa'o/ /'byung gnas ni rin? chen no/? /mdza' ni nyi ma'o/ /brtag pa ni rgyal mtshan no/ /skye gnas ni bzhad pa'o/ /gdung pa'i 'chang pa ni chos so/ /rgyud rab tu 'phel ba ni rnon po'o/ /tshar gcod pa ni 'khor lo'o/ /'joms pa ni gsung ba'o/ /phan par byed pa ni las so/ /sdud pa ni bsrung ba'o/ /yongs su smin par don sbyin no/ /ting nge 'dzin ni khu tshur ro/ /bsam gtan ni sgeg ma'o/ /rnal 'byor ni phreng ba ma'o/ /bral ba ni glu ma'o/ /spang ba ni gar ma'o/ /nye bar zhi ba ni bdug pa ma'o/ /rnam par grol ba ni me tog ma'o/ /thar ba ni mar me ma'o/ /zhi ba ni dri chab ma'o/ /'byung gnas ni lcags kyu ma'o/ /sel ba ni zhags pa'o/ /gcod pa ni lcags sgrog go /lam bzang po ni dril bu'o/ /mi 'jigs pa ni rdo rje

  53. 27a

    'khor lo sgyur ba'o/ /ba dan bsgreng ba ni pad+ma'i 'khor lo sgyur ba'o/ /chos ston pa ni las kyi 'khor lo sgyur ba'o/ /myur du sgrub pa ni phyag rgya chen po'i 'khor lo bsgyur ba'o/ /rtogs pa ni dam tshig go /so sor rtog pa ni chos kyi 'khor lo sgyur ba'o/ /rdzogs pa ni las kyi phyag rgya'i 'khor lo sgyur ba'o/ /yongs su dag pa ni shar phyogs pa bzhi'i phan yon no/ /yongs su rdzogs pa ni lho phyogs pa rnams kyi phan yon no/ /so sor rtog pa ni nub phyogs pa rnams kyi phan yon no/ /gcig gis rtogs pa ni byang phyogs pa rnams kyi phan yon no/ /yongs su rdzogs par byed pa ni dran nas kha ton byed pa la byin gyis rlob pa'o/ /dkyil 'khor gsum pa'i phan yon gyi dbang du mdzad nas/ kye lag na rdo rje rdo rje 'chang zhes pa nas/ gzhan yang pad+ma gar gyi dbang phyug gi dkyil 'khor ji skad bshad pa'i don dran zhing ming yang dag par brjod pa 'di ni zhi bar byed do zhes bya ba pad+ma'i rnam par snang mdzad kyi phan yon no/ /rnam par sbyong ba ni pad+ma'i mi bskyod pa'i phan yon no/ /bzlog ba ni pad+ma'i gtsug phud kyi'o/ /yang dag par gcod pa ni pad+ma'i ting nge 'dzin gi'o/ /mi skye bar byed pa ni pad+ma nges pa'i dbang phyug gi'o/ /zhi bar byed pa ni pad+ma'i sems ma'i 'o/ /'jigs par byed pa ni padmA'i rin chen ma'o/ /sel bar byed pa ni pad+ma'i chos ma'i 'o/ /zhi bar byed pa ni pad+ma'i las ma'o/ /spong bar byed pa ni pad+ma'i sems dpa' o/ /'phel par byed pa ni pad+ma'i rgyal po'o/ /skye bar byed pa ni pad+ma'i chags pa'o/ /'joms par byed pa ni pad+ma'i legs pa'o/ /mi skye bar byed pa ni pad+ma'i khro gnyer gyi'o/ /snying por gyur pa ni pad+ma'i nyi ma'i 'o/ /gsang bar gyur pa ni zla ba rgyal mtshan gyi'o/ /gsang chen du gyur pa ni zhal bcu gcig pa'o/ /thams cad du gyur pa ni pad+ma sgrol ma'i 'o/ /shes bzhin yang dag par bskyed pa ni pad+ma'i rnon po'o/ /ring gzhungs par byed pa ni pad+ma'i 'khor lo'i khyab

  54. 27b

    'jug gi gzugs can gyi'o/ /phun sum tshogs par byed pa ni pad+ma'i gsung ba tshangs pa'i gzugs can gyi'o/ /rab tu 'phel bar byed pa ni pad+ma'i las kyi'o/ /grags par byed pa ni pad+ma'i srung ba'i 'o/ /zhi bar byed pa ni pad+ma'i gnod sbyin gyi'o/ /shin tu sad pa ni pad+ma'i khu tshur gyi'o/ /dag par byed pa ni pad+ma'i sgeg mo'o/ /'byor ldan ni phreng ba ma'i 'o/ /bkra shis pa ni glu ma'i 'o/ /skyabs ni gar ma'i 'o/ /gnas ni pad+ma'i bdug pa ma'i 'o/ /skyob pa ni pad+ma'i me tog ma'i 'o/ /dpung gnyen ni pad+ma'i mar me ma'i 'o/ /gling ni pad+ma'i dri chab ma'i 'o/ /'khras ni pad+ma'i lcags kyu rta mgrin gyi'o/ /gru ni pad+ma'i zhags pa'i 'o/ /rgyal po chen po ni pad+ma'i lcags sgrog gi'o/ /shes rab gnyis ni pad+ma'i dril bu ma'i 'o/ /phyi'i sgo ba bzhi bshad pas ye shes kyi snang ba ni lcags kyu'o// nor bu lta bu ni zhags pa'o/ /mkhyen pa'i ye shes ni lcags sgrog go /yongs su dag pa ni dril bu'o/ /shar phyogs kyi bskal bzang rnams kyi ni yongs su rdzogs pa'i bar gyi'o/ /lho phyogs pa rnams yi ni sa bcu thob pa'i bar ro/ /nub phyogs pa rnams kyi chos nyid do zhes bya ba'i bar ro/ /byang phyogs pa rnams kyi gzhan ma yin pa'i chos nyid kyi bar ro/ /thun mong gi phrin las de bzhin gshegs pa'i zlos pa po'i dbang du mdzad nas yang dag pa'i mdza' i rang bzhin no zhes bya ba'i bar du'o/ /sems dpa' i zlos pa'i dbang du mdzad nas/ stong pa rang bzhin nyid do zhes bya ba'i bar ro/ /ming yang dag par brjod pa 'di ni zhes bya ba'i dran pa dang/ kha ton 'don pa la ye shes sems dpa' zhugs nas byin gyis brlabs pa la gnyis su med pa'i chos nyid kyi don zhes gsungs pa yin no/ /rdo rje hUM mdzad kyi dkyil 'khor gyi dbang du mdzad nas/ kye lag na rdo rje 'chang zhes pos nas rten gyi gang zag la las dran pa dang 'don pa de'i 'jam dpal ye shes sems dpa' zhes pa ni gzhi'i sangs rgyas so/ /ye shes kyi sku ni dang po'i sangs rgyas so//

  55. 28a

    gnyis su med pa ni don dam pa'i du(rgyud 'grel): khats+tshe da'o/ /gtsug gi nor bu 'di ni khams gsum rnam par rgyal ba'i mtshan yang dag par brjod pa'o/ /de'i sku yang ston to zhes bya ba'i bar du de bzhin gshegs pa'i hUM mdzad kyi'o/ /byin gyis brlabs pa'i par gyi rdo rje hUM mdzad kyi phan yon bstan to/ /phan 'dogs pa'i bar gyis rin chen hUM mdzad kyi'o/ /sgrub par mdzad do zhes bya ba'i bar gyis chos kyi hUM mdzad kyi'o/ /nye bar ston par mdzad pa ni las kyi hUM mdzad kyi'o/ /ma rungs pa 'dul ba nas sgrub par byed pa'i bar gyis ni shar phyogs kyi khro bo'i sems dpa' bzhi'i 'o/ /sped par byed pa'i bar gyis ni lho phyogs pa'i khro bo'i sems dpa' bzhi'i 'o/ /tshangs pa la ni byang phyogs pa phyogs skyong nyi shu rtsa bzhis bsrung ba dang skyob pa dang sped par 'gyur ba ni nub phyogs ba'i khro bo'i sems dpa' bzhi'o/ /gnas nyi shu rtsa lngar srung ba dang skyob pa dang sped par byed pa ni byang phyogs pa'i lus kyi khro bo'i sems dpa' bzhi'o/ /bde legs su 'gyur ro zhes bya ba'i rkang pa gcig gis ni rdo rje sems ma dang sgeg mo dang bdug pa dang shar phyogs kyi lcags kyu'i yon tan bstan to/ /lha la sogs pa bco brgyad kyis srung ba dang skyab pa dang sbed par byed pa ni rin chen sems ma dang phreng ba ma dang me tog ma dang zhags pa'i yon tan bstan to/ /lus la 'jug par byed do zhes bya ba'i bar gyis/ chos kyi sems ma dang glu ma dang mar me ma dang lcags sgrog gi yon tan bstan to/ /sgrub par byed do zhes bya ba'i bar gyis ni las kyi sems ma dang gar ma dang dri ma dang dril bu ma'i yon tan bstan to/ /don thams cad grub pa'i dkyil 'khor gyi dbang du mdzad nas/ lag na rdo rje 'chang zhes bya ba ni bod pa'o/ /gzhan yang gtsug gi nor bu 'di zhes bya ba ni/ dran pa dang kha ton byed pa ni zhes bya ba nor bu rigs kyi yon tan no/ /bcom ldan 'das 'jam dpal ye shes dpa' i gzugs yid la dmigs shig ces bya ba ni gzhi'i lus dang dang po'i

  56. 28b

    sangs rgyas dang bA gI shwa ra gsum gyis gzugs mthong bar 'gyur ro/ /nam mkha' i dkyil na bzhugs pa dag kyang mthong bar 'gyur ro zhes bya ba don grub kyi mi bskyod pa'i bsgom pa dang kha ton byas pas so/ /ltung bar mi 'gyur ba ni rin chen gtsug phud kyis so/ /rigs ngan du skye bar mi 'gyur ba ni pad+ma'i ting nge 'dzin gyis so/ /yul mdza' 'khob tu skye bar mi 'gyur ba ni pad+ma nges pa'i dbang phyug gis so/ /dbang po ma tshang bar skye bar mi 'gyur ba ni zhes pa ni rin chen sems ma'i 'o/ /lta ba ngan pa'i rigs su skye bar mi 'gyur ba ni rin chen rgyal po'i 'o/ /sangs rgyas mi bzhugs pa'i yul du skye bar mi 'gyur ba ni pad+ma chags pa'o/ /dmyal bar skye bar mi 'gyur ba ni rin chen legs pa'i 'o/ /lha tshe ring por mi 'gyur ba ni rin chen khro gnyer gyi'o/ /mu ge la sogs pa'i bskal ba'i nang du skye bar mi 'gyur ba ni rin chen nyi ma'i 'o/ /snyigs ma lnga'i dus su skye bar mi 'gyur ba ni rin chen rgyal mtshan gyi'o/ /chos? kun gyi 'jigs pa 'byung bar mi 'gyur ba ni rin chen bzhad pa'i 'o/ /dbul ba'i 'jigs pa mi 'byung ba ni chos kyi'o/ /'jigs pa 'byung bar mi 'gyur ba zhes pa ni rnon po'i 'o/ /ldan par 'gyur ro zhes bya ba ni 'khor lo'i 'o/ /kha dog dang ldan par 'gyur ro'i bar gyi ni gsung ba'i 'o/ /dag par 'gyur ba ni las kyi'o/ /tshig btsan pa ni srung ba'i 'o/ /tshe rabs dran pa ni gnod sbyin gyi'o/ /'khor mi zad pa ni khu tshur gyi'o/ /yon tan mchog dang ldan pa ni rdo rje sems ma'i 'o pha rol tu phyin pa drug dang ldan pa ni rin chen ma'o/ /tshangs pa'i gnas bzhi ni chos ma'o/ /dran pa la sogs pa drug dang ldan pa ni las ma'i 'o/ /smra ba mkhas pa ni sgeg mo dang bdug pa ma'i 'o/ /sgrin por gyur pa ni phreng ba dang me tog gi'o/ /sred pa med par 'gyur ba ni glu ma dang mar me'i 'o/ /bskur bar yang 'gyur ba ni gar ma dang dri ma'i 'o/ /shes rab 'gyur ba ni rin chen lcags kyu'i 'o/ /rdzogs par 'gyur ba ni rin chen zhags pa'i 'o/ /mi brjed pa ni rin chen lcags sgrog gi'o/ /'jug par mi 'gyur pa

  57. 29a

    ni rin chen dril bu'i'o/ /rta mchog gi dkyil 'khor gyi dbang du mdzad nas/ kye lag na rdo rje 'chang zhes bos nas de ltar yon tan dpag tu med pa dang ldan par 'gyur ro zhes bya ba ni gzhi'i don yod par grub pa dang/ dang po sangs rgyas dang dz+nyA na kA ya dang gsum gyi yon tan bstan to/ /gzhan dag dang ldan par 'gyur ro/ /zhes bya ba dpa' bo gcig pu'i rta mchog gi yon tan bstan to/ /mngon par rdzogs par sangs rgyas par 'gyur zhes bya bas ni rigs lnga'i rang bzhin gyi rta mchog gi yon tan bstan to/ /chos kyi rgyal po chen por 'gyur ro zhes bya ba'i bar gyis rigs gsum gyi rta mchog gi yon tan bstan to/ /nye ba'i snying po'i dbang du mdzad nas/ oM sarba d+harmma zhes bya ba nas a a aM a(rgyud 'grel): zhes bya ba'i bar gyis badzra tIk+Sh+Na'i nye ba'i snying po bstan to/ /pra kri ti pa ri shud+d+ha(rgyud 'grel): zhes bya ba nas mu pA dA ye hi a zhes bya ba'i bar gyis du(rgyud 'grel): /bats+tshe de'i nye ba'i snying po bstan to/ /sarba ta thA ga ta zhes bya ba nas oM hUM h+ri(rgyud 'grel): zhes bya ba'i bar gyis pradz+nyA dz+nyA na'i nye ba'i snying po bstan to/ /bA ga bAM dz+nyA na murti zhes bya bas dz+nyA na kA ya nye ba'i snying po bstan to/ /bA gI shwa ra ma hA pa tsa zhes bya bas bA gI shwa ra nye ba'i snying po bstan to/ /sarbba d+harmma ga ga na zhes bya ba nas dz+nyA na garb+ha A(rgyud 'grel): zhes bya ba'i bar gyis a ra pa tsa na'i nye ba'i snying po bstan to/ /sngags 'dis ni dkyil 'khor drug gi thun mong gi nye ba'i snying po bzlas pa bstan to/ /da ni gnyis kas gsal gdab pa dang 'jug bsdu ba'i dbang du mdzad nas de nas zhes bya ba la sogs pa gsungs te/ dpal ldan rdo rje 'chang ni khams gsum rnam par rgyal ba'o/ /dga' zhing gus nas thal mo sbyar ba ni gus pas so/ /mgon po bcom ldan de bzhin gshegs/ /rdzogs sangs rgyas la zhes bya bas ni rnam par snang mdzad la'o/ /phyag 'tshal nas zhes bya bas ni lus ngag yid gsum gyis so/ /de ni mgon po gsang ba'i bdag /lag na rdo rje khro bo rgyal zhes bya ba ni sdud pa po lag na rdo rje'o/ /sna tshogs gzhan dang zhes bya ba ni khro gnyer rim

  58. 29b

    par ldan la sogs kyi rdo rje btsug tor la sogs pa nyi shu rtsa gcig dang ngo/ /lhan cig tu ni khro bo'i rgyal po dang lhan cig pa'o/ /gsang bstod nas ni yan lag brgyad dang ldan pa'i tshangs pa'i dbyangs kyis so/ /tshig 'di gsol ba ni 'chad par 'gyur ba'i mgon po bdag cag yi dang ba'o/ /legs so legs so legs par gsungs zhes bya ba ni rjes su yi rangs pa'o/ /'bras bu bshad pa rnam grol 'bras bu 'tshal ba yi zhes bya bas ni rnam par grol ba'i 'bras bu don du gnyer ba'i gang zag dang 'gro ba'i mgon po 'khor pa rnams dang bdag cag lag na rdo rje la sogs pa 'bras bu yang dag par rdzogs pa'i byang chub thob pa'i don chen mdzad pa ni rjes su yi rang ba'o/ /de'i don ci 'dra zhe na/ sgyu 'phrul dra ba'i tshul bstan pa ste/ sgyu 'phrul dra ba'i rgyu las so/ /'di zhes bya ba ni mtshan yang dag par brjod pa'o/ /rnam dag ni dang por dge ba'o/ legs pa'i ni bar du dge ba'o/ /zab pa ni tha mar dge ba'o/ /yangs la rgya che ba ni shes rab dang snying rje ste thabs so/ /don chen po dang 'gro ba'i don bgyid pa ni mngon par mtho ba dang nges par legs pa'i 'bras bu'o/ /sangs rgyas rnams kyi yul 'di ni/ /rdzogs pa'i sangs rgyas rnams kyis bshad ces bya ba ni rgyu 'phrul dra ba'i glu gsungs pa'o/ /da ni mtshan bstan pa'i dbang du mdzad nas/ 'jam dpal ni rigs drug gi gzhi'i sku'o/ /ye shes sems dpa' ni dang po'i sangs rgyas drug go /don dam par ni ye shes kyi sku drug gi mtshan yang dag par brjod pa ni de'i dkyil 'khor drug gi mtshan bsgom pa'i don brjod pa'o/ /bcom ldan 'das shAkya thub pa ni rnam par snang mdzad de ma 'ongs pa'i dus na shAkya thub par sprul pas na shAkya thub pa'o/ /gsungs pa ni bshad pa'o/ /rdzogs pa ni/ ting nge 'dzin ?? ba'i le'u mthar thug pa'o/ /'jam dpal sangs rgyas ye shes dang/ pad+ma yan lag med pa dang/ sgeg pa bzhad pa'i rdo rje dang/ gsung gi myu gu mgrin gsum dang/ in+d+ra bo d+hi legs gsungs dang/ /chos skyong dang ni dpal sbas dang/ /ye shes bshes gnyen ye

  59. 30a

    shes grags/ /tri bi dra ma chos dbang po/ /skal ldan dbang phyug zla bzang dpal/ /'di dag rgyud pa'i rim pa las/ /bdag gis 'grel pa 'di brtsams las/ /'jam dpal go 'phang thob par shog /slob dpon chen po zla ba bzang po gregs pa'i dpal gyis mdzad pa rdzogs so// //rgya gar gyi mkhan po paN+Di ta chen po sh+rI ma hA dza na dang/ sgra bsgyur gyi lo tsA ba chen po dge slong 'phags pa shes rab kyis bsgyur cing gtan la phab pa'o// //bum pa bzang po lta bu'i bla ma rgyud pa 'di/ /yid bzhin nor bu bzhin du shes nas snga bya ba/ /sman pa'i rgyal po bzhin du snying rjes kun blangs nas/ /mkhas pas 'jam dbyangs lta bu ma hA dza na la/ /dpag bsam shing chen lta bu 'jam dpal mtshan brjod 'di/ /bsgyur bas zla tshes lta bur sa steng rgyas par shog/ //*/ (/'phags pa 'jam dpal gyi mtshan yang dag par brjod pa'i 'grel pa bzhugs so//) !/ /rgya gar skad du/ Arya many+dzu sh+rI nA ma saM gI ti prit+ti/ bod skad du/ 'phags pa 'jam dpal gyi mtshan yang dag par brjod pa'i 'grel pa/ rje btsun 'jam pa'i dpal la phyag 'tshal lo/ /zab cing rgya che rtog bral dang/ /sangs rgyas sku lnga'i bdag nyid sku/ /tshig la smra mkhas brjod pa'i gsung/ /ye shes sems dpa' la phyag 'tshal/ /thams cad bsdus pa'i lam gyi don/ /sgyu 'phrul glu yi le'u 'dis/ /chos sku rnam par dag pa 'byung/ /bla ma'i phrin gyis thob nas brtsams/ /gleng gzhi skabs dang 'bras bu'i don/ /nyams len thabs su shes par bya/ /pad+ma dkar po rgyas 'dra'i spyan/ /shes rab 'dra ba'i ston pa ste// pad+ma'i gdan bzhugs thugs rje'i gnas/ /'khor ni khro gnyer 'phrin las ldan/ /dpal ldan rdo rje'i lus 'chang bas/ /de nas dus de yon tan rgyas/ /yon tan gnyis dang ldan pas zhus/ /lha rnams skyo ba shin tu bskyed byas nas/ /dus gsum

  60. 30b

    gshegs pa rdo rje'i gdan du gshegs/ /rgyal srid spangs nas skyobs rab tu byung/ /dka' thub stobs kyis nyon mongs bdud kyang bcom/ /ye shes mes ni 'khor ba'i phung po bsregs/ /khro bo'i sprul pas ma rungs log lta bcom/ /pad+ma can du 'dod chags rdo rje'i sku/ gdul bya 'dul phyir sku ni ston par mdzad bya ba ni bsdu ba'i tshigs su bcad pa'o/ /gleng gzhi'o/ /de la 'di srid na gdul bya la phan pas zhu ba 'am mi zhu zhe na/ de mi 'gal te/ snying rje che dang zhes pa'o/ /de ltar snang bcas zhe na/ thabs kyis zhes bya ba ste/ sku gdul dka' ba'i don du'o/ /'khor rnams rang bzhin gyis ma dul bas theg pa chen po'i snod du mi 'gal lam zhe na/ de mi 'gal te dga' mgu zhes pa'o/ /de dang ldan pas des zhus pa'o/ /gang la zhe na bcom ldan 'das la zhu ba'o/ tshul ji lta bus she na/ lus btud ces bya ba dang mtshams sbyor sngon du btang nas/ de bzhin gshegs pa bcom ldan 'das zhes pa dang po sangs rgyas ye shes sems dpa' gnyis dang ldan pa zhes pa nas/ byang chub ci nas zhes pa ni gang la zhus/ tshul lam thabs ji lta bus zhus/ gang gis zhus/ gang gi don du zhus/ gang zhus zhus pa'i dgos pa gang du ste/ byed tshig sgra dang bcas pas go rim bzhin no/ /rdzogs pa'i sangs rgyas bcom ldan 'das zhes pa nas/ dang po bsam pa mkhyen mchog gis zhes bya bas/ sgyu 'phrul dra ba'i ting nge 'dzin bstan te rdo rje bum par chos sku mtshon pa'i sku gdung zlum zhing 'khyil pa'i bum par de bzhin gshegs pa bskyed pa'i gnas e d+harma d+hA tu gru gsum dkar pa'i nang du gzhal yas khang sprul te/ thabs dang shes rab gnyis dang ldan pa'o/ /de nas rnam par snang mdzad dang/ rdo rje sems dpa' dang/ rin chen 'byung ldan dang/ snang ba mdza' yas dang/ don yod grub pa ste/ zhal bzhi bzhi phyag brgyad brgyad par sprul to/ /sems ma rdo rje ma/ rin chen rdo rje ma/ pad+ma rdo rje ma/ las kyi rdo rje ma yang sprul

  61. 31a

    to/ /shar phyogs su rdo rje sems dpa' la sogs pa/ /lho phyogs su rin chen dpal la sogs pa/ nub phyogs su ma chags chos la sogs pa/ byang phyogs su rdo rje las la sogs pa thabs dang shes rab tu gyur pa thams cad sprul to/ /de nas dang po'i sangs rgyas pad+ma'i sbubs nas thon pa de la de bzhin gshegs pa thams cad kyis dbang bskur ba'i dang po'i sangs rgyas ye shes sems dpa' dang bcas pa 'od kyis bskul nas rnam pa lngar 'gyur te/ rigs lnga'i gtsug tor du nub pas thams cad 'od dang ldan pas na gtsug tor ro/ /de nas yum bzhis 'dud cing bstod nas/ de nas bcom ldan 'das kyis mtshan gyi sngags stong tsho gnyis bstod pas 'od kha dog lnga dang ldan pa las sprul pa'i sku bcom ldan 'das shAkya thub pa nam mkha' la ston to/ /de'i 'od kyi ngan song gsum dang 'gro drug sbyong ba'i bcom ldan 'das 'khor ba 'jig dang/ rnam par gzigs dang/ gser thub dang/ gtsug tor can dang/ log par dang sel dang/ thams cad skyob pa la sogs pas nyis brgya rtsa gnyis 'phros te/ thams cad dbugs 'byin pa'i 'od kye'o/ /de'i phyir sprul sku shAkya thub pa ni/ nyis brgya nyi shu rtsa gnyis so/ /shAkya thub dang thub pa dang/ 'od dang rab tu grags pa dang/ seng+ge dang ni gzi brjid dang/ /stobs dang ye shes chen po dang/ /rab tu grags dang grags chen dang/ /sprul pa dang ni rdzu 'phrul che/ /snang dang 'od chen snang ba dang// dpa' bo sde dang mi 'jigs dang/ /gtsug nas byung dang gtsug phud mdzes/ /khyab pa po dang nam mkha' i bdag /bla med byung dang mi yi theg /dbang phyug po dang rin chen phyag /tsandan dri dang dri yi 'od/ /'od zer 'phro dang rab 'phro dang/ /dbang po zhi dang tsandan phyag /mchog tu mdzes dang rab mdzes dang/ /sbyin dga' ba dang rtag tu gtong/ /sangs rgyas sde dang dam pa dang/ /pad+ma dang ni 'khor lo'i phyag /sde dang rab tu 'joms pa dang/ /bdud sde 'joms par rab 'joms dang/ /kun tu 'od dang 'od po che/ /rab tu grags dang

  62. 31b

    grags 'dzin dang/ /mu khyud 'dzin dang lhun po rtse /lha dang lha yi dbang po dang/ /mar me 'od dang 'od mdzad dang/ /thub dang gzhan gyis mi thub dang/ /stobs dang dpung rab zhi ba dang/ legs pa'i lam dang pus gri dang/ /sprang rtsi 'byung dang dga' ba'i dpal/ /gcer ma'i gnas dang gtsug na nor/ /glang po dpal dang ka ti'i bu/ /gser gyi mdog dang 'khor lo dang/ /sman dang yongs su skyob pa dang/ /mar me dang ni nyi ma'i 'od/ /rig sngags grub dang rgyal ba'i don/ /nam mkha' i sku dang dga' ba'i gzugs/ /gsang sngags mchod dang gtso bo theg/ rnam par rgyal dang thugs rje che/ /'jig rten dbang dang dam pa dang/ /tshad las 'das dang dam tshig ldan/ /'jig byed rgyal dang stobs ldan dang/ /ha la mdog can gdong rje dang/ /mtsho skyes nam mkha' i snying po dang/ /glang chen stobs dang sgra sgrogs dang/ /sgra chen sgrogs dang byams pa che/ /dga' ba'i 'od dang shes rab dang/ /sna tshogs sel dang 'bar ba'i mig /shes rab can dang lus 'phags pa/ /pad+ma'i rtse dang me tog brgyan/ /'brug gi sgra dang 'jam pa'i dbyangs/ /sgra dbyangs dang ni nor lha dang/ /mtshan dang brtul zhugs mchog dang ni/ /yang dag blo dang shes rab dang/ /chos kyi rgyun dang 'bras bu che/ /gzugs dam pa dang gzugs snang ba/ /mtshungs med grags dang 'khor los bsgyur/ /'jig rten dag dang mtshan mchog mdzes/ /skyabs dang skyabs kyi dam pa dang/ /nam mkha' i bdag dang srid pa sel/ /dri ma dag dang dbang phyug dang/ /yongs su zhi dang nges par grol/ /dri ma bral dang dus med rtogs/ /yon tan dang ni yon tan 'byung/ /yongs su smin dang sems can don/ /snying rje bzang dang dbang don shes/ /lam ston pa dang rang 'byung theg /dga' ba che dang dga' ba'i dpal/ /mchog sbyin mdzad dang brtson 'grus ldan/ /gtsug phud mdzes dang gtsug phud dang/ /brtul zhugs che dang gau ta ma/ /tshangs pa'i mtshan dang zhi ba dang/ /mdza' gnyis spangs dang chags pa bral/ /mdza' las 'das dang dri ma med//

  63. 32a

    nyes kun bdag dang chos nyid thob/ /rnam rtog spangs dang thogs med spyan/ /dri med can dang ye shes lus/ /nyes skyon spangs dang seng ge dang/ /dga' ba'i 'od dang 'od bzang dang/ /dug rnams sel dang gnyen po che/ /'jig rten dpal dang ? lo bskor/ /spyod lam mdzad dang zhing dag dang/ /nyi ma dang ni ting 'dzin brtan/ /rin chen dpal dang dbang phyug dri/ /ting 'dzin brten dang che ba'i gsung/ /snang gsal 'od dang 'bar ba dang/ /thugs rje che dang ye shes che/ /sna tshogs sde dang shes rab dang/ /smra ba'i rgyal dang ye shes blo/ /rnam dag chos dang dra ba'i 'od/ /rdo rje sku dang blo ldan dang/ /snying rjes thugs dang sprul pa dang/ /rab tu sgrub dang sbyin pa dang/ /bar chad sel dang dag pa dang/ /mi g.yo ba dang mngon du gsal/ /gtsug pud lnga dang zhing dang ni/ /grags dang rab tu grags pa dang/ /sprul dang rab tu sprul pa dang/ rab tu grags dang rab mchog dang/ /dpal dang dpal gyi zhing dang ni/ /lha dang lha yi dbang po dang/ /ston dang 'jig rten rab tu grags/ /byams pa che dang snying brtse dang/ /shes rab che dang bdud sde 'joms// 'jig rten 'dren dang chos 'os na/ /bkur ba'i 'os dang bla ma dang/ /sa rnams non dang bya ba rdzogs/ /chu 'phrul che dang 'bras bu che/ /mtshan rnams rdzogs dang don bzhi ste/ /mtshan mchog nyis rgya nyi shu rtsa gnyis so/ /de la tshig gi bdag po zhes pa nas/ /ming ni yang dag brjod pa'i mchog ces pa'o/ /mchog ces pa ni phul du byung ba'o/ /de'i don ni lha mo bdud kyis bstod pas dkyil 'khor de rnams sprin dang bral ba'i nam mkha' lta bur gyur pa'o/ /de ni 'bras bu'o/ /'o na gdul bya byang chub sems dpas ji ltar rtogs zhe na/ /don zab don ni rgya che ba zhes pa nas/ da ltar byung ba'i rdzogs sangs rgyas/ /zhes bya bas ni zab pa dang rgya che bar go/ shes bya'i sgrib pa myur du zhi ba dang don chen po 'bras bu chos sku thob pa'o/ /de la thob par

  64. 32b

    ci shes snyam na/ phan yon thog mar ta tshigs lam dang mthong lam dang bsgom lam pa'i rgyud la thos pa bsam pa bsgom pas so/ /yang na dus gsum sangs rgyas lam 'di la brten pas so/ /de ni dag pa'o/ /de ltar dkyil 'khor mi snang bar gyur te steng gi bcom ldan 'das la gsol ba btab ste/ /ma dag pa'i don du'o/ /gsang dbang zhes bya ba nas lus btud nas ni zhes bya bas gang gis/ gang la gang ltar zhus zhes pa'o/ /yang dang yang du bshad du gsol zhes bya bas gang zhus pa'o/ /mgon po rdzogs sangs rgyas kun gyi zhes pa nas/ sems can rnams la bshad par 'tshal zhes bya ba ni zhu ba po dbang rdzogs shing sbyangs pas gzhan don du zhu ba zhes bya bas so/ /gang gi phyir zhu na/ nyon mongs pas ni zhes pa nas bla med 'bras bu zhes bya ba'o/ /de ni gsol ba gdab pa'i de nas zhes bya nas 'jig rten gsum po zhes bya ba ni ting nge 'dzin gyi yon tan 'di bshad pa'i byin brlabs kyi snod bcud sbyang ba bstan nas/ lag na rdo rje zhes bya ba nas khyod ni rtse gcig yid kyis nyon zhes bya ba ni zhu ba po la spro ba bskyed pa'o/ /legs so zhes bya ba ni rjes su yi rang zhing dga' ba'i tshig go /de nas zhes pa ni dus la bab pa'i tshig go /gsang sngags zhes pa nas 'chad pa'i rigs zhes bya bas theg pa'i khyad par gsum spyad pa'i khyad par ro/ /de la dgongs nas rigs kyang gsum ste/ rigs gsum zhes bya ba nas cher gzigs nas zhes bya ba ste/ gnyis dor bar bya ba'o/ /phyag rgya chen po'i rigs la gzigs nas sngags dang mtshan gyi don ston pa ni tshig gi bdag po zhes bya ba ni bcom ldan 'das so/ /tshigs su bcad pa ni mtshan gyi don no/ /gsang sngags rgyal po drug ni rtsa sngags drug go /gnyis su med pa ni thabs shes rab ste/ sa bon gyi rnam pa'o/ /mi skye zhes bya ba ni spyan drang ba la sogs pa phreng ba'i sngags so/ /de dril ba ni shes rab 'khor lo'i ste/ dkyil 'khor 'khor lo'i dang po'i 'dab ma

  65. 33a

    drug pa'o/ /byang chub sems rdo rje dang/ rdo rje dang/ pad+ma dang/ rin po che dang las rnams la rtsibs bzhi pa'o/ /de bzhin gshegs pa la rtsibs drug pa mu khyud bzhi dang ldan pa'o/ /gzhan la mu khyud de 'dra bar shes par bya'o/ /kha dog ni sna tshogs pa dang/ mthing ga dang dmar po dang/ ser po dang/ ljang gu dang/ dkar po'o/ /e i o aau aM a(rgyud 'grel): ste/ dbus kyi lte ba la nyi ma'i dkyil 'khor gyi steng du/ a A i a'i u a'u e 'khor lo gnyis pa'i lte ba zla ba'i dkyil 'khor la'o/ /de gnyis kha sbyar bar du ni ye shes sems dpa' i thugs kar ro/ /ci'i phyir 'khor lo zhe na/ prAdz+nyA shes rab stong pa'o/ /dz+nyA na thabs te/ murti ni dbyer med pa ste/ mdza' gnyis la mi gnas pa'o/ /de la brten nas du(rgyud 'grel): kha ts+tshe da ste/ sdug bsngal sel bar byed cing gcod par byed pas na/ snying rje'o/ /gcod pa de nyon mongs pa rtsa ba nas med pa de shes rab rtse gcig pas 'bibs pas na badzra tIk+Sh+Na'o/ /'o na 'bras bu ci zhe na/ dz+nyA nA kA ya ste thabs dang shes rab gnyis su med pa'i sku'o/ /de'i yon tan ci zhe na/ /gzhan don sgrub pa phyin ci ma log pa'i gsung sbyangs te/ bA gI shwa nga'o/ /'o na thugs ji lta bu zhe na/ ye shes lnga'i bdag nyid a ra pa tsa na'o/ /da'i rgyu 'bras kyi 'brel pa ci zhe na/ a A i a'i u a'u ste/ rgyus khyab pa'o/ /bcu gnyis ni 'brel ba'o/ /s+thi to h+ri di dz+nyA na murti ra haM bud+d+ho bud d+hA nAn/ tya d+hwa barti nAn zhes bya ba ni 'bras bu chos skus khyab pa'o/ /'o na gang gis khyab ce na/ e i o aau aM a(rgyud 'grel): zhes bya ste/ ye shes sems dpa' drug gis khyab pa'o/ /de ji ltar 'khor zhe na ma rigs pa 'gro ba drug tu log shes 'khor ba dang/ thabs shes rab 'brel pas shes rab 'khor ba dang/ ye shes lnga'i dbang du byas nas 'bras bu sku gsum chos sku 'khor ba'o/ /sngags kyi don to/ /de mtshan gyi don ni rnal 'byor du bya ba'i rim pa ni rang dang po'i sangs rgyas su mos pas mdun du dkon mchog mchod cing sdig pa bshags pa la sogs bya'o/ /a b+hA ba swa b+hA bA bi

  66. 33b

    shud+d+ha(rgyud 'grel): tsak+Shu a A aM a(rgyud 'grel): zhes pas stong pa nyid du bsam mo/ /de nas sa bon a las hUM/ de las rdo rje nag po 'od 'phrol rtse mo gyis shing khro zhal drug pa rtse lnga pa 'greng ba ste/ chos nyid gru gsum nang du'o/ /bum pa stong par d+hI(rgyud 'grel): las byung ba'i mchod rten/ de'i bum par shes rab gru gsum du thabs rten cing 'brel ba'i tshul du bruM las gzhal yas khang ngo/ /de yang thabs shes rab tshul du brtsegs ma'o/ /tshom bu la seng+ge dang/ glang po che dang/ rta dang rma bya dang/ nam mkha' lding rnams dbus su rim pa bzhin du 'dir/ gzhan du so sor shes par bya'o/ /gtso bo'i gdan lnga 'khor rnams zla ba'i steng/ /thabs dang shes rab nyi zla'i steng du ni/ /de dbus rnal 'byor rnam gsum tshul du bsgom/ /gzhan ni dkyil 'khor cho gar shes par bya'o/ /so so'i ye shes sems dpa' bstan pa ni/ /mdog dkar zhal drug mnyam gzhag utpal po tis mtshan/ /mdog dkar a pa ra tsa rdo rje dril bu'o/ /mdog mthing sdug bsngal gcod ni rdo rje ral gri'o/ /mdog dkar shes rab ye shes 'khor lo utpal lo/ /mdog ser ngag gi dbang phyug rin chen ral gri'o/ /mdog dmar rdo rje rnon po ral gri pad+ma'o/ /mdog ljang ye shes sku ni rgya gram ral gri'o/ /bar du rdo rje 'khor lo dang ni pad+ma'o/ /rdo rje pad+ma rin po che dang ral gri'o/ /chos kyi phyag rgya 'od las de 'byung drug po ni/ /pha rol drug ldan sangs rgyas drug gi mtshan ni spro/ /da ni mtshan don bshad pa'o/ /khong nas 'byung ba skye ba med ces bya ba'i tshig bzhi pas gsang ba'i yum bstan te/ phung po'i bdud bcom pa ni kho nas 'byung gi mas bsregs te/ tshig tu brjod pa spangs nas smra brjod kyi yul las 'das pa'o/ /dpa' bo'i sde dang rab tu 'joms// zla ba'i 'od dang 'od zer 'phro/ /pad+ma'i 'od dang skar ma'i rgyal/ /ri rab mtshan dang zhes bya bas yul bzhi'i mtshan no/ /'di ltar sangs rgyas te dang po'i sangs rgyas dang/ rdzogs pa'i sangs rgyas a las byung/ /ye shes sems dpa' sa bon dang bcas pa'o/ /'od zer

  67. 34a

    bzang dang kun tu 'od/ /mar me mdzad dang sman gyi bla/ /des dang po'i sangs rgyas ye shes sems dpa' i mtshan no/ /skye ba med pa las skye ba'i cho 'phrul ston pa ni/ /brjod pa kun gyi rgyu yi mchog /tshig kun rab tu gsal bar byed/ /'di ltar sangs rgyas bcom ldan 'das/ /rdzogs pa'i sangs rgyas a las byung zhes bya'o/ /chos sku spros med de las gzugs sku dang po'i sangs rgyas dug lnga rnam par dag pa 'byung ba ni/ mchod pa chen po 'dod chags che nas/ chags pa thams cad sel bar byed pa'i mthar nub phyogs bde ba can du gdul bya chags pa'i skus 'chi bdag gi bdud bcom ste/ rigs lnga la bstod pa'o/ /tshangs pa'i mtshan dang rgyun tu gnas/ /byams pa'i stobs dang ri rab brtsegs/ /rnam par gnon dang rin chen snang/ /yid dge ba dang 'od dpag med/ /nam mkha' i mdzad dang pad+ma'i zhabs dkon mchog brtsegs dang rab zhi 'od/ /gtsug tor can dang dpe bral thugs/ /'od zer shar dang dkon nas dri/ /rgyal ba lnga'i mtshan no/ /de la 'dod pa chen po mgu ba ches gdul bya yul zhi ba ni sems dpa' bzhi ste/ sgra'i rnam shes rang bzhin no/ /gzugs tshe lus kyang nas spangs pa'i mthar sku rnam par dag pa ste/ dri'i rnam shes rang bzhin gyi sems dpa' bzhi'o/ /shes rab mtshon chen nas gsal ba che zhes bya bas ni ro'i rnam shes rang bzhin gyi sems dpa' bzhi ste go rim bzhin/ /mkhas pa sgyu 'phrul nas mig 'phrul can gyi mthar reg bya'i rnam shes rang bzhin te/ sems dpa' rang bzhin no/ /de yang gzugs dang kha dog dang mtshan phyag na rdo rje zhes bya ba'i sgra grags pas gshin rje la sogs pa 'byer bar byed pa des bde ba chen po'i gnas pad+ma'i 'dab ma 'dod pa chen po dang sangs rgyas la bskor zhing de yang dpag tu med pa dang thabs gcig ste/ yangs pa'i bdag nyid can drag pos 'dul ba'i sku ste/ drag po'i bdud 'joms pa'o/ /phyag gi 'od dang thugs rje can/ /pad+ma'i phyag dang pad+ma'i zhabs/ /chu yi lha dang tsandan phyag/ yongs su

  68. 34b

    dgad bdag pa'i zhing/ /'od kyi snang dang snang ba'i dpal/ /rin chen phyag dang pad+ma'i zhabs/ /'od zer bzang dang nyi zer 'od/ /drag po'i sde dang shugs phyung dang/ /spyan bzang po dang shugs kyi spyan/ /bdud sde 'joms dang nyon mongs sel/ /nam mkha' i 'od dang klu dbang rgyal/ /gzhon nu 'od dang rdzu 'grul can zhes pa'o/ /'od kyi snang ba dang gsal bas skyo ba dang ldan nas lam la bkod de/ 'dzam+bu'i gling du byon nas spyod pa mdzad pa ni/ /sbyin bdag ces bya ba ste/ 'khor lo sgyur ba'i longs spyod spangs pa dang/ /khab dang 'khor dang yab yum spangs te tshul khrims dang/ thams cad bzod pas yid mi g.yo ba la zhugs pas ni nyon mongs pa spangs pa ste/ brtson 'grus la sogs bzhi'i bdag nyid dang/ sa dang chu dang me dang rlung gi khams kyi rang bzhin lha mo rnam pa bzhi dag go /bsam gtan shes rab thabs dang smon lam ni// sgra dang dri dang ro dang reg gi rang bzhin lha mo bzhi'o/ /stobs ni nam mkha' i khams dang ming gi rnam shes kyi rang bzhin du gyur pa'i lcags kyu dang zhags pa'o/ /ye shes rgya mtsho ni gzugs kyi dbang po'i rang bzhin lcags sgrog dang dril bu'o/ /nyon mongs chags pa'i bdud 'joms pas so/ /rdzu 'phrul mdzod dang yongs su dge /yid dge ba dang ri rab lha/ /byams pa'i stobs dang dga' bas sbyin/ /rab grol mdzad dang mi mnyam gzigs/ /phyogs med mdzad dang kun spyod mdzad/ /snang ba'i stobs dang stong pa'i rgyal/ /ye shes spyan lnga dang ldan pa'o/ /ye shes stobs dang rgya mtsho sprin zhe'o/ /byams chen rang bzhin nas/ /tshul gyi mchog ces bya bas ni rang don grub nas gzhan don du zhus pa ni rgyu rnam pa gnyis kyi blo phul du byung bas rang don shes pa ji lta ba la mkhas pa/ gzhan don ji snyed pa ste/ thabs che ba bsam pa'o/ /lus te rdzu 'phrul sna tshogs pa ston te/ 'gro ba drug po thams cad la khyab pa ste/ dper na yid gcig du mar snang ba dang 'dra ba'i rdzu 'phrul de yang khyad par can pha rol gyis gnon pa'i lus dang gdul dka' bar byed pa'i rdo rje

  69. 35a

    mkhregs pa ma rig pa'i brag dang dbang phyug chen po la sogs pa 'joms pa 'dzin pas bcom ldan 'das thams cad las skyob pa'i rigs kyi mchog bla ma dam pa de la gsang sngags la mos shing theg pa chen po la gnas pa'i ched du theg pa'i mchog thob pa'i thabs zhus pa las byams pa la sogs pa tshad med bzhi dang/ rna ba'i dbang po'i rang bzhin bskal bzang bzhi'o/ /rdzu 'phrul gyi rkang pa bzhi dang/ sna'i dbang po'i rang bzhin bskal ba bzang po bzhi ste go rim bzhin no/ /srid pa'i ri bo 'joms pa'i dran pa nye bar bzhag pa bzhi dang/ lce'i dbang po'i rang bzhin bskal ba bzang po bzhi'o/ /mgon po'i rig mchog ni yang dag par spong ba bzhi dang/ lus kyi dbang po'i rang bzhin dang bskal bzang bzhi'i bdag nyid do/ /rgyal ba'i bka' dang sprin gyi shugs/ /spyod lam bzhi dang log lam sel/ /byams pa'i 'od dang spos kyi zhing/ /mtshan ma bzhi dang mthon ka'i rtse/ /chos kyi sprin dang yon tan sde/ /'phags pa'i lam dang dri ma bral/ /mchog tu dga' dang dri ma med/ /spyod yul spangs dang kun tu 'phro/ /rgyal ba'i 'od dang phyag rgya can zhes bya bas bskal bzang gi mtshan no/ /rtog pa bsdus pa ste/ rtog pa gcig tu a ra pa tsa na zhes pa'o/ /tshigs su bcad pa bcu bzhi/ mtshan brgyad cu rtsa gnyis so/ /'bras bu rang don bstan to/ /rang don grub pa nges gzhan don bstan pa'i phyir/ rnam par snang mdzad kyi dkyil 'khor ni dbus rnam par snang mdzad sku mdog dkar po zhal gcig phyag gnyis pa byang chub mchog gi phyag rgya can no/ /gzhan gong dang 'dra'o/ /chos sku la brten rnam par snang mdzad sku/ chos kyi dbyings la me long lta bu'i rang bzhin ni/ thub pa chen po thub chen ldan zhes bya'o/ /'o na rgyu gang las 'byung zhe na/ gsang sngags tshul chen te thabs de las byung ba'o/ /gang 'byung na gsang sngags tshul chen bdag nyid can de'o/ /'o na de las gzhan gyis thob par byed pa gzhan med dam zhe na/

  70. 35b

    pha rol phyin bcu thob pa zhes bya ba la sogs pa ni thob pa dang/ de la gnas pa de yang nyes pas mgos pa'i tshul du bsgrubs pas ci 'byung zhe na/ mgon po sa bcu'i dbang phyug thob po/ /de gdul bya gang la snang zhing zhing ston zhe na/ sa bcu la ni gnas pa po ste go sla'o/ /seng+ge dang ni gsal bar byed/ /thub pa dang ni me tog mchog /me tog mdzes dang spyan gsal dang/ /ded dpon kun dang chen po'i mchog /stobs po che dang rgyu skar rgyal/ /byang chub sems dpa' sman pa mchog rgyan grags pa dang mtshan dang ni/ /'od zer che dang rnam grol lus/ / rnam snang mdzad dang snying po nyi/ /zla ba'i mtshan dang 'od zer 'bar/ /mya ngan med dang skabs de bzhin/ /phreng ba 'chang dang yon tan 'od/ /don rnams ston dang mar me mchog /rnam par snang mdzad kyi mtshan no/ /thog ma med pa spros med bdag ces bya ba ni don no/ /bden par zhes bya ba ni brjod bya ma yin par bstan ji skad smras pa nas/ /gnyis med gnyis su med par ston zhes bya ba ni gnyis snang med par grub po/ /'o na gnyis su 'dod pa gang zhe na/ gang zag dang chos gzung ba dang 'dzin pa bdag dang bdag gi'o/ /de med par byed pas na bdag med ces bya bas so/ /'bar pa? bzang dang sman bzang po/ /mdzod bu 'dzin dang dpa' bo dang/ /brtan por gnas dang dpal mgon dang/ /mthong na dga' dang yon tan tog /sgra gcan byang sems sgra gcan dang/ /tshangs pa'i mtshan dang bstod pa'o/ /tshogs su bcad pa phyed dang gnyis yum bzhi la bstod pa ste/ dang po dang tha ma la gnyis gnyis/ bar ma gnyis la re re'o/ /des ni chos kyi sku'o/ /bdag med ces pa'i don gyi stobs kyi sems dpa' bzhi ste bar ma la ni gnyis su brjod/ /kun tu 'gro zhes bya ba nas/ yid ltar mgyogs zhes bya ba'i mthar sprul sku'i yid kyis stod kyis 'jug /de bzhin gshegs zhes bya ba nas stobs po che zhes bya ba'i mthar sems dpa' bzhar rdo rje brjod de dang po la gnyis phyi ma la go rim bzhin no/ /tshogs kyi slob dpon zhes bya ba nas

  71. 36a

    'dzin pa ste shes pa'i mthar las kyi gzhi ste/ dang po la gnyis tha ma la re re go rim bzhin no/ /tshul chen dring mi 'jog ni mnyam par rtogs shing tshig gis nyes pas mgos pas tshig la dbang thob pas snyan pa'i gsung ngo/ rim bzhin du pad+ma'i sems dpa' bzhi la bstod pa'o/ /tshangs pa'i dbyangs dang tshig bstan pa/ rigs pa 'dzin dang 'od mdzad pa/ /chen po bzhi dang rdo rje 'dzin/ /rgyal ba'i mtshan dang 'jigs byed pa/ /rin po che dang pad+ma dang/ /sde yi stobs dang me tog don 'od du/ /don yod mthong dang dpa' o sbyin/ /mi ldan pa dang seng rgyal mtshan/ /rgyal po dang ni chos mos dang/ /dga' ba'i rgyal dang don chags so/ /theg pa dman pa grol ba 'am/ /bden pa bzhi don ston pas na/ /rig par ldan zhing rig pa'i mchog gis don yod grub pa la bstod pa'o/ /des ni sprul pa'i sku bstan to/ /chos kyi dbyings kyi ye shes ni bdag tu 'dzin pa'i dngos po dang bral ba'o/ /de ni don dam pa'i ye shes te/ /kun rdzob kyi ye shes bzhi byung ba'i phyir ye shes 'ba' zhig las 'byung ba'o/ /de ni shes rab las byung bas shes rab mtshon no/ /dam chos thugs rje chos rgyal ni shes rab ste/ /de dang ldan pa gnyis su med pa'o/ /de las thams cad kyi snang ba bskyed pas na/ gsal bar ldan te/ des ni bcom ldan 'das mi bskyod pa las bstod pa'o/ /legs pa'i lam zhes pa nas/ gnang sngags 'dzin zhes pa'i mthar ni dang po lam phyin ci ma log pas don grub ste/ shes bya ji lta ba shes pa dang/ bsam pa shes te/ khams dang bag la nyal gyi khyad par shes dgos te/ rtogs pa la rtog pa thams cad spangs shing don dam par kun rdzob tu lha'i sku sgyu mar snang ba las/ dbyings de las yon tan zad mi shes pa'i 'bras bu 'byung bas na chos te/ dbyings de las zad mi shes pa 'byung ba'i phyir ro/ /de lta bas na de ci'i phyir/ zad mi shes zhe na/ bsod nams dang ye shes kyi tshogs

  72. 36b

    dang ldan zhing dpag tu med pas na bsod nams bsags pa'i phyir dang/ ye shes kyi tshogs dang ldan pa'i phyir ro/ /'o na de gzhan gyi rgyud ji ltar rig ce na/ shes rab kyi gtan la 'phab pa 'am/ ye shes rang la shar te ji lta bar rtogs pas kun rdzob sgyu ma ltar snang zhing/ thugs rje ji snyed pa rig pa de ye shes las 'byung bas na ye shes ldan pa yod med shes so/ /de'i phyir de'i rgyur tshogs gnyis bstan pa'i phyir tshogs gnyis tshogs ni bsags pa las 'byung ngo/ /'o na ji ltar tshogs de nyid ji lta bu zhe na rtag tu sbyin pa la dga' ba dang khro ba las rgyal ba'i bzod pa dang/ nyon mongs las rgyal zhing sems rnal du zhugs pa'i thabs te/ tshul khrims dang ldan zhing bsam pa brtan po'i brtson 'grus dang/ dmigs pa la rtse gcig pa'i bsam gtan rnam par 'byad cing blo phul du phyin pa'i shes rab tshogs/ /gsang sngags kyi dbang du byas nas dus rtag tu kun rdzob la brten pa'i lha'i sku dang mi 'bral ba dang/ rdzogs pa'i rim pa la brten nas don dam par lhan cig skyes pa blo'i mchog bsgom pa'o/ /'o na yid mi g.yo zhing so so rang gis rig pa las 'bras bu zhe na/ mchog gi 'bras bu sku gsum dang ngo bo nyid sku 'byung ste/ de la chos kyi dbang phyug nas thams cad spangs zhes pa'i mthar snang ba mdza' yas la bstod pa'o/ /rnam par mi rtog ces bya ba nas bsod nams ldan pa zhes bya ba yis rin chen 'byung ldan gyi sgo nas bstod/ ye shes 'ba' zhig nas sku gsum 'chang zhes bya ba ni ye shes sems dpa' i sgo nas bstod pa'o/ /dga' bar mdzad dang chu yi lha/ yon tan lag dang glang po'i spos zla ba dang ni zla bar grags/ /glang chen stobs dang nor bu'i gtsug /drag po dang ni seng+ge mchod/ /dad pa'i 'gros dang don rnams rgyal/ /shes rab brtsegs dang legs par gnas/ /bdud rtsi shes nas lus bzang po/ /ye shes ldan dang 'od 'phro ba/ /dga' thub gnas dang bkra shis 'byung/ /bden par smra dang pad+ma dang//

  73. 37a

    mi yi theg pa dang bde ba'i phyag/ ye shes blo dang blo dri bral/ /tshangs sbyin dang ni rin chen brjod/ /me tog lha dang legs bsam don/ /dbang phyug chos dang blo gros grags/ /rnam par grol dang shes pa'i mchog /'od zer tshogs dang rin chen snying/ /grong khyer mthong dang zla ba tshes/ /yid kyi yul dang yon tan grags/ /zla ba'i bsil dang gsal ba dang/ /seng+ge'i mdog dang lugs las bzlog /snying po dpal dang dngos mthar ston/ /glog gi 'od dang seng sbyin pa/ /gzhan gyi mi thub rgyal ba'i tog /rab grub grags dang brtson 'grus brtan/ /dpe bral shin tu grags pa'o/ /gzugs sku dang po'i sangs rgyas dang/ /ngo bo nyid kyi sku ni 'od kyi sgo nas 'khor bar bzhugs kyang nyon mongs pa'i skyon gyis mi gos pa'i phyir pad+ma la de bzhin gshegs pa'i 'od kyis rgyas par phye ste/ srid pa'i skye gnas 'gags te sra zhing mkhregs pa chos nyid kyi sku de yang zhal lnga'i bdag nyid shes rab kyi spyan dpral pa na re re yod pa thabs shes rab kyi 'od kyis bskyed pas na/ sangs rgyas thams cad bskyed pa po/ /sangs rgyas sras po dam pa'i mchog ces pa'o/ /nam mkha' las te stong pa nyid do/ /de las pad+ma can du pad+ma'i sbubs nas 'thon te rang 'byung ba'o/ /de bzhin gshegs pa lnga'i 'od chen gzhan gyi 'od zil gyis gnon pa ni dper na bskal pa'i me yis thams cad bsreg cing 'od gzhan zil gyis gnon pas mun pa thams cad sel ba de bzhin du de bzhin gshegs pa lnga'i 'od de yang thams cad la snang zhing nyan thos dang rang sangs rgyas dang lha'i 'od zil gyis gnon pa 'gro ba rnams smin par byed pa'i ye shes sgron ma lta bu'i sku gzi brjid dang ldan pa'o/ /sangs rgyas sku lnga zhes pa nas shes pa srid 'byung zhes bya ba'i mthar dang po sangs rgyas la bstod pa'o/ /chos las byung ste sgra snyan ma'o/ /skyes ma thag pa 'gro ba'i bdag ces gar mkhan ma'o/ /nam mkha' rang 'byung zhes bya ba ni sgeg

  74. 37b

    mo'o/ /gcig pu sra mkhregs zhes bya ba ni phreng ba ma'o/ /nang gi lha mo rnams la bstod pa'o/ /shes rab ye shes bdug pa ma/ /'od chen mdzes ma'i me tog ma/ /ye shes skar ma dri chab ma/ /'gro ba'i mar me mar me ma'o/ /phyi'i lha mo rnams la bstod pa'o/ /mar me che dang 'jig rten 'od/ /dpa' bo dri dang yon tan 'dzin/ /mun pa bral dang seng+ge spro/ /rin chen grags dang zhi rab sbyin/ /yid skyed zla dang legs par ston/ /ri bo rtse dang chos 'byung gnas/ /don rnams nges dang chos sbyin dang/ /rin chen gnas dang dbang po rgyal/ /seng ges mnan dang blo yi gnas/ /skal brag gdugs dang thams cad dpal/ /seng+ge'i sgra dang thams cad 'phags/ /klu'i 'od dang yon tan phreng/ /me tog ri dang dbyangs ldan don/ /dang po'i sangs rgyas dang phyi nang gi lha mo rnams kyi mtshan no/ /de lta bus 'gro ba'i don byed pa ni/ /ting nge 'dzin sgyu 'phrul dra ba ste/ sngags mchog ces bya ba nas gsang sngags rgyal po zhes bya bas/ /sgyu 'phrul dra ba'i rnam par 'phrul pa gtso bo dang yum dang 'khor bstan to/ /don chen byed ni gdul bya dge ba'i don du bstan/ /gtsug tor chen po ni dang po'i sangs rgyas nub pa'o/ /de la lha mo gsang ba'i yum bzhi'o/ /mtshar pa yis bstod pa ni rmad byung ba'o/ /de nas nam mkha' la bcom ldan 'das seng ge'i steng nas 'od zer sna tshogs bkye ba'i sku sna tshogs bstan pa sku'i mchog tu gyur pa'i bcom ldan 'das shAkya thub pa 'gro ba kun dga' ba dang/ bde ba la dgod pa sna tshogs pa'i sems can thams cad dad par byas nas byang chub tu sems bskyed par mdzad pa'o/ /'khor khro bo drang srong khros pa lta bu gar gyi nyams dgu dang ldan pa/ rigs gsum gyi bdag po/ /gsang ba gsum gyi bdag po/ /lha dang lha mo thams cad kyi gsang ba 'dzin pa'i rtags su rdo rje 'dzin pa de'i nang nas gtso bo phyag na rdo rje'i lte ba la chos 'byung dang rang 'byung gi mchod rten dang gzhal yas khang gis ni chos mtshon/ /lha'i

  75. 38a

    rnam pas sangs rgyas mtshan gyis dge 'dun te/ dkon mchog gsum 'dzin pa'o/ /des theg pa gsum ston pa po la zhus te/ des 'bras bu gsum bstan nas sems can theg pa gsum la dgod de 'bras bu don yod par byed pa'i shes pa zhags pa lta bus nyon mongs pa las rgyal bar byed/ thugs rje'i zhags pas nyon mongs pa'i sems can sdud pa dang/ log par ltung ba 'dzin pa dang/ de yang rdo rje ltar dbyer med pa'i thugs rjes 'dzin cing shes rab kyi sdud par mdzad pa'o/ /de ltar rang 'byung gi sku des dkyil 'khor bstan nas/ nang gi bstan pa ni zla ba dang sgron me bas mchog dang 'dra ba ni/ sngags mchog sngags bdag rigs sngags rgyal zhes bya bas thabs kyi rgyu bstan te/ gtsug tor chen po lta bu'o/ /de ci'i phyir zhe na/ de ltar bstan pa zung du 'jug pa'i sku'o/ /de ni drang srong chen po rnams la sku gsung thugs kyi sa bon dang bcas nas bstan pa'o/ /yang shes rab kyi don ni sngags mchog gsang ba'i sngags ston te/ rmad du byung ba'i khyad par ro/ /de yang lhan cig skyes pas ston cing 'bras bu mchog ste/ bo d+hi dang sna tshogs gzugs can ma la ston te/ a haM mnyam pa nyid du ston pa de'i phyir/ 'chad pa po nga chos kyang nga/ de bzhin nyan pa'i tshogs ldan pa'o/ /'o na theg pa yang gcig pu zhe na/ don yod zhags pa zhes bya ba'i khro bo gsum rtogs pa tha dad pa min rtogs pa gcig pa'o/ /gzi brjid ces byas nyi ma'i dpal/ /sngags mchog ces byas tog gi dpal/ /rig sngags rgyal de bzhad pa'i dpal/ /gsang sngags rgyal de rin chen dpal zhe'o/ /gtsug tor zhes byas ma chags chos/ /rmad ' byung zhes byas sems dpa' gcod/ /tshig rkang gnyis la go rim bzhin du'o/ /'gro kun zhes pa nas gsang sngags zhes bya bas na/ rdo rje sems dpa' la sogs pa bzhi la legs par sbyar ro/ /gtso bo dkon mchog nas ston pa po zhes bya bas

  76. 38b

    ni/ sems dpa' gnyis ni go rim bzhin/ /dam tshig ces byas gnod sbyin dang/ /gsang sngags zhes byas khu tshur ro/ /don yod zhags pa dril bu ma/ /'dzin pa zhes bya lcags kyu ma/ /rdo rje lcags kyu lcags sgrog ste/ /zhags pa zhags pa che zhes bskyod/ /dbang phyug gyis dang shin tu dga' / /stobs kyi lha dang bden par bral/ /klu yi phyag dang rgyal mtshan gzugs/ /rgyal pa'i blo dang ye shes khyab/ /bdud rtsi bro dang nyi ma 'char/ /blo rab zhi dang gzugs mdza' yas/ /rgyal ba'i blo dang snang bar mdzad/ /rin chen tog dang don grub dang/ / yid 'dod pa dang nyon mongs bral/ /legs par zhi dang rtog pa 'chang/ /me tog dang ni dbang po rgyal/ /gzi brjid can dang don ston mdzad/ /don gnas can dang mi shigs grags/ /tshigs bcad nyi shu rtsa lngar rkang pa gcig ma tshang/ /rgyal ba lnga la sum cu rtsa lnga lngas thabs shes rab kyi tshul gyis gnyis gnyis spros/ /bsdus pas brgya drug cus bstod/ /rnam par snang mdzad kyi dkyil 'khor bstan to/ /rdo rje 'jigs byed kyi dkyil 'khor bstan pa ni dbus su rdo rje sems dpa' sku mdog mthing gzhal gcig phyag gnyis pa phyag sa gnon no/ /gzhan gong dang mthun no/ /rdo rje 'jigs byed 'jigs par byed pa ni log par lta ba'i mtshan no/ /ha la ha la ni mdog go /gdong brgya pa ni thod pa'i phreng ba'o/ /khro bo'i rgyal po ni sku'i rnam pa'o/ /keng rus mche ba phyag mtshan no/ /gdul bya zhe sdang can no/ /sku'i khro bo gshin rje ni gshed do/ /rdo rje shugs can ni phyag mtshan no/ /rdo rje grags pa ni rdo rje rtse gsum pa'i rgyan no/ /sgyu 'phrul rdo rje gsus po che ni sku'i rnam pa'o/ /snying po mkha' 'dra ba ni sku mdog go/ gdul bya ni gti mug las gyur pa'i zhe sdang ngo/ rdo rje 'jigs byed ces bya bas gtso bo la bstod/ /keng rus mche ba zhes bya bas ni rnam par snang mdzad la bstod/ gshin rje gshed ces bya bas rin chen 'byung la bstod/ /sgyu 'phrul zhes bya bas ni snang ba mdza' yas la'o/ /rdo rje snying po zhes bya bas ni don

  77. 39a

    yod grub pa la'o/ /rdo rje 'jigs byed las 'jigs byed dang dur khrod bdag go /'joms mdzad rgyal dang khams gsum rgyal/ /sgyu 'phrul dra bas rdo rje rnam par 'phrul/ /phyag na rdo rje dbang bskur bas/ rnam par 'joms dang me ltar 'bar/ /rdo rje rgyan las pi long gi /rig pa mchog las gzhan gyi mi? thub pa/ /bde mchog las rta mchog go rdo rje 'dus las khu tshur /don yod zhags pa las 'dod pa'i rgyal po/ /rdo rje thod pa las zla ba'i gtso/ /gsang ba 'dus pa las gnod mdzes/ rnam snang dra ba las hUM mdzad? dam tshig chen po las rdo rje gnod sbyin/ /zla gsang thig le las rdo rje lcags kyu/ gnyis med mnyam sbyor las bdud kyi sde pa/ zla gsang thig le las pad+ma 'khyil pa'o/ /khri drug stong pa las phyag na rdo rje dang/ rdo rje khrag 'thung/ 'byung po'i phyis zhabs nas rdo rje lcags sgrog /rdo rje sa 'og nas stobs po che/ rdo rje rgyan nas rdo rje zhags pa/ gsang ba'i mdzad nas mi g.yo ba/ /sgyu 'phrul dra ba nas drag po chen po/ /cod pan nas drag po chen po dang rdo rje 'khor lo'o/ /gsung gi khro bo ni mi g.yo ba'o/ /ral pa gcig ni sku'i rnam pa'o/ /glang chen ko rlon ni rgyan no/ /mkha' 'dra ba ni sku mdog go /gdul bya ni 'dod chags las gyur pa zhe sdang ngo/ /drag chen sems ma rdo rje ma/ /hi hi rin chen rdo rje ma/ /gad mo las kyi rdo rje ma/ rdo rje pad+ma'i rdo rje ma'o/ /'jigs byed che dang nam mkha' i mod pa// drag shul 'dzoms dang rdo rje sku yi bdag/ bdud sngo 'jams dang zhags pa che/ /nag po che dang zhe sdang 'joms/ /rdo rje sems dpa' bde ba che/ /dang po sems dpa' legs pa ste/ /gnyis pa rgyal po chags pa'o/ /rdo rje drag po rin chen dpal/ /dga' ba che ni nyi ma'i dpal/ /rdo rje hUM dang dmar sogs la/ /sems dpa' gnyis ni rim bzhin no/ /rdo rje ral gri ma lus nas/ /rdo rje can zhes bya ba ni/ /sems dpa' gnyis ni rim bzhin du'o/ /rdo rje gcig pu sems kyi rgyud/ /g.yul sel bas ni gsal bar smra'o/ /rdo rje 'bar bas bsrung

  78. 39b

    pa ste/ /mig mi bzang ni khu tshur ro/ /sgra yang rdo rje 'bebs pa che/ /des ni sems dpa' gnyis la bstod/ /'od zer 'phro dang bdud sde 'joms/ /drag shul 'joms dang shugs chen no/ /shin tu khros dang khrag 'dzag dang/ /thod pa 'chang dang utpal mdog /rdo rje 'dus dang 'phrin las mdzad/ /gtum khro 'bar dang grags chen po/ /khams gsum 'joms dang drag po'i stobs/ /thal pa'i mdog dang ma he'i zhal lo/ /rdo rje sems dpa' nas dga' ba che zhes bya bas mtshan no/ /mtshon du nas g.yul sel bas ni phyag mtshan 'di dang 'di 'dzin pa'o/ /rdo rje 'bar ba nas brgyan pa ste ni sku 'di lta bu la rgyan gyi rnam pa 'di zhes bya'o/ /yi ge drug pa nas sgra dang ldan pa rnams kyi mchog ni/ de la gsung 'di dang 'di sgrogs zhes bya'o/ /rdo rje lcags kyu 'bebs pa zhags pa'o/ /mig brgya lcags sgrog rdo rje dril bu'o/ /lus ni nas pags pa mkhregs zhes bya bas ni phyi'i lha mo bzhi la go rim bzhin du'o/ /rdo rje phreng thogs phreng ba ma/ /dpal dang ldan ni sgeg mo ma'o/ /rdo rje rgyan nas nges par zhes bya bas go rim bzhin du gnyis la bstod do/ /yi ge drug pa byams pa ste/ /rdo rje sgra ni spos glang po/ /'jam pa'i dbyangs te sgra chen ni/ /ye shes tog ces bya ba'o/ /'jig rten zhes bya bzang skyong ste/ /gsum ni blo gros rgya mtsho ste/ /sgra gcig blo gros mi zad pa'o/ /nam mkha' i zhes pa spobs brtsegs so/ /mdza' las zhes pa mthu chen thob/ / sgra sgrog zhes pa ngan song 'dren/ /sgra dang ldan pa mya ngan 'joms/ /rnams kyi dra ba can la bstod/ /mchog ces zla 'od gzhon nu la/ /rgyan pas 'od dpag med la bstod/ /gad brgyangs nam mkha' i mdzod la'o/ /bdud rtsi phyag dang nam mkha' i mdog /dra ba'i 'od 'phro mi shigs rnams thugs rje zhags dang rin chen zhags/ /pad+ma khros dang rdo rje khros/ /las kyi khros dang rin chen khros/ /'bar ba'i 'od dang dbyug pa can/ /'jam dpal khros dang dpa' bo che/ /rin chen gshin rje bshed dang brtul zhugs che/ /thabs chen rdzogs dang stobs po che/

  79. 40a

    rgyud sde ldang chu rtsa gsum las mtshan ni bdun cu tham pa rgyal ba lnga la bcu bzhi bcu bzhi thams cad shes rab tshul du spro'o/ /tshigs su bcad pa rkang pa gcig ma tshang ste bcu'o/ /da ni snang ba mdza' yas kyi dkyil 'khor ni dbus snang ba mdza' yas dang/ dang po'i sangs rgyas rtsa ba'i zhal dmar po/ 'khor lo dmar po gzhan gong dang mthun/ yang dag bdag med de bzhin nyid ces bya bas zab pa bstan te/ de yang smra ba dang brjod pa thams cad dang bral te yi ge med ce 'o/ /'o na brjod pa dang bral na rtogs par nus sam zhe na/ stong nyid smra ba'i khyu mchog gis nus zhe'o/ /ji lta bas zhe na/ rgya che bas zab mo ston te/ /zab cing rgya che zhes pa'o/ /dper na byin rlab las sgra 'byung ba bzhin du reng las so/ /dung chen ni zab pa'i dpe'o/ /gaN+Di ni me long lta bu'i dpe'o/ /rnga ni so sor rtog pa dang bya ba grub pa dang mnyam pa nyid kyi dpe'o/ /de ltar gong ma ni zab pa'i dpe'o/ /'og mas rgya che ba'i dpe'o/ /'o na rgya che ba'i don ji ltar ston zhe na/ gzugs med gzugs bzang ngam pa ste/ /sna tshogs gzugs can yid las skyes/ /gzugs med pa dang gzugs dang 'dod pa la sogs pa'i sna tshogs pa'i gzugs kyis so/ /'o na gcig du mar snang bcad 'thad dam zhe na/ yid las skyes pa dang snang ba du mar snang ba'i phyir ro/ /thams cad du khyab pa'i gzugs khyad med ce na gzugs brnyan ma lus 'chad ba'i mtshungs pa med cing ste/ 'dra ba med pa'i bcom ldan 'das ni che ba'i bdag nyid kyi sku du mas so/ /che ba'i bdag nyid kyi sku du mar gzhan gyis kyang nus so zhe na/ khams gsum dbang phyug dang chen po'i bdag nyid yin pas so// de'i rgyu mtshan ci zhe na/ 'phags pa'i lam shin tu mthong la gnas pa'i phyir ro/ /de bas thams cad 'jam dpal yin zhing gzugs med kyis khams dang gzugs khams dang 'dod khams kyi bdag por gyur pa'o/ /de yang thams cad la ste/ zab mo

  80. 40b

    mtshon te/ 'jig rten gyi de nyid shes shing legs pa'i lam ston pa'i ni slob dpon no/ /slob dpon des bstan pa'i yon tan ni 'jigs pa sel zhing mgon skyabs yid bde ba bskyed pas na de la phyag dang bkur sti bya bar 'os pa'i phyir ro/ /rgya chen pos don byed de nam mkha' i mdza' zhes bya ba'o/ /de yang zad mi shes pas ldan pas mtsho zhes bya'o/ /yang dag bdag med nas khyu mchog ces bya ba'i mthar pad+ma rdo rje ma/ zab cing nas dgra che'i mthar rdo rje rin chen rdo rje ma'o/ /mi gnas nas dam pa'i mthar sems ma rdo rje ma'o/ /sna tshogs nas che bar grags kyi mthar las kyi rdo rje ma'o/ /khams gsum nas ye shes rgya mtsho'i mthar snang ba mdza' yas dbus kyi gtso bo la bstod pa'o/ /yon tan 'od dang khyad par che/ /rnam shes grags dang kun tu grags/ /zla ba gang dang pad+ma'i 'od/ /dka' thub rgyal dang mar me rgyal/ /glog gi tog dang rgyal ba'i 'od/ /gsang ba ldan dang dpe bral grags/ /pad+ma grags dang dpe bral mtshan/ /spyan mchog bzang dang grags med don/ /drag po sde dang bsod nams 'od/ /khyad par can dang thog med blo/ /sgra gcan 'dzin dang ye shes 'od/ /grags ldan dang ni ye shes 'od/ /skar ma'i tog dang ra hu la/ /sman chen po dang sman rgyal po/ /bsod nams glang po rgyu yi stobs/ /skar ma rgyal dang rgyal pa'i sku/ /nyi 'od 'dzoms dang chos kyi mdzod/ /legs pa'i blo gros dang rgyal po/ /rdo rje sde dang shes rab brtsegs/ /legs dang bzhugs dang rgyal ba'i blo/ /tshangs pa'i dbyangs dang klu yi dbang/ /yon tan gsal dang ye shes bdag /tog gi 'od dang tshangs pa'i dge /'o na skyob par ji lta nus zhe na/ ye shes dbang bskur cod pan zhes pa nas nyon mongs dri ma kun las 'das zhes bya bas rang don spangs pa bstan te/ sa bcu la dbang bskur bas sdug bsngal zhi nas 'bras bu thob pa dang/ shes bya dang nyon mongs pa spangs pa'o/ /gzhan don ji ltar 'gro zhe na/ /nam mkha' i mdza' klas nas nam mkha' i lam la rab tu gnas zhes bya bas bstan te/ gong

  81. 41a

    'og tu 'brel pa des ni shes bya'i sgrib pa'i spubs nas grol ba dang/ 'khor ba las sgrol ba dus thams cad la sgrib pa med/ shes bya'i thogs pa med pa'o/ /des sems can kun gyi gtso bo'o/ /de la ni rang dang gzhan gyi yon tan mthar phyin pa lus med pa'i chos sku'o/ /de la brten pa ni lus kyi mchog go /de mi 'gal lam zhe na/ yid bzhin nor bu chen po 'chang zhes pa ste/ rtog pa dang bral kyang ston pa dang 'dra'o/ /yang na yon tan gyi che ba'i khyad par chos sku dang gzugs sku gnyis gi rim bzhin du bstan to/ /dbyings nam mkha' lta bu dang ye shes zad mi shes pa las skye ba med kyang skye ba'i tshul ston te/ dang po ye shes chen pos ma rig pa sel ba dang/ srid pa'i dra ba 'joms pa'i shes rab kyi mes bsregs nas gzhan gyi nyon mongs bzhi bar bya ba'i phyir des srid pa'i rgyud bcom nas rang don grub ste/ 'khor ba rgya mtsho'i 'dam nas pha rol tu phyin te/ gzhan don thugs rje dang ldan te/ /mi nub pa'i dbang bskur nas rang gi sdug bsngal zhi zhing/ sems can mang po'i sdug bsngal sel cing 'bras bu sku gsum la sbyor bar byed do/ /'o na nus pa cis zhe na/ sgrib pa kun las grol zhing nam mkha' 'dra ba'i lam la rab tu gnas pas na rtog pa thams cad bral ba'i phyir ro/ /'o na rtog pa med par rang don nus sam zhe na/ thugs rje'i nus pa ste/ dpa' bsam zhes bya ba la sogs pas so/ /de yang bsam pa dang bag la nyal shes te/ dus shes shing dbang po shes pa'o/ /yon tan dpag tu med pa dang ldan zhing sems can sdug bsngal can dbugs 'byin par byed cing bde ba la 'god pa de la ni bkur sti dang mchod pas skyabs su 'os pa'i phyir ro/ /'o na skyabs su phyin pa'i yon tan ci zhe na/ 'jig rten sgra ste rab kyi mchog /'jig pa ma lus sel ba po zhes bya'o/ /brtul shugs ni gtsug phud dang/ ral pa zhes bya ba'i phyi rol pa'i spyod pa/ gdong lnga ni 'jig rten pa tshangs pa'i spyod pa/ mgo zlum ni

  82. 41b

    nyan thos so/ /de rnams kyang mthar gyis theg pa chen po'i spyod pa la 'god/ dka' thub mthar phyin cing/ dka' thub chen po ni tshangs par spyod pa mchog 'di yin pas 'di la dgod par byed do/ /de yang tshul khrims gtsang zhing dam par gyur pa nas bcom ldan 'das kyi 'bras bu la rim gyis breng pa bskyed nas mthar legs par mya ngan las 'das pa thob pa dang/ nyon mongs pa sel ba ni 'di kha na ste/ gzhan gyis thub pa med pa 'di'i bsod nams dpes brjod par mi nus pa/ 'bras bu rang don gzhan don dang ldan pa 'di mu stegs pa dang nyan thos kyis mi rtogs pas thob byed kyi nus pa ma yin no/ /'o na 'bras bu ci zhe na/ mi 'gyur ba chos sku dang/ kun la khyab pa gzugs sku'o/ /'o na mi 'gyur ba ci zhe na/ shes rab shin tu phra bas ma rig pa zag pa'i rten spangs te/ gzung ba dang 'dzin pa'i dri ma dang bral ba ni dri mod/ /de'i phyir nyes pa'i skyon med pa ni mi 'gyur ba'o/ /'o na kun la khyab pa ci'i phyir zhe na/ shin tu sad pa sangs rgyas dang/ sad pa'i bdag byang chub sems dpa' dang/ yang na ji lta ba dang ji snyed pa mkhyen pas thams cad la yod par mkhyen nas thams cad la ston to/ /des na khyab pa'o/ /ma rig nas grol gsum thob ces bya bas rdo rje sems dpa' la bstod/ sgrib pa kun nas rab tu gnas zhes pa'i mthar rin chen 'byung ldan la bstod/ yid bzhin nas yon tan shes zhes pa'i mthar don yod grub pa la stod pa'o/ /chos shes nas skyabs kyi 'os zhes pa'i mthar rnam par snang mdzad la bstod pa'o/ /'jig rten dgra ste zhes pa nas de bzhin gshegs pa zhes pa'i mthar dang po'i sangs rgyas la bstod pa dang/ sgra mi snyan dang rol pa'i gar/ /glu yis sbyin dang bde ba'i tog mkhas pas spyad dang gzhan thub min/ /ri 'od sbyin dang gsung dbyangs can/ /seng ge dang ni sna tshogs nyid/ /dpal gyi ye shes pad+ma chud/ /me tog dang ni rnam grol lus/ /bsod nams spungs dang mtshan 'gyur blo/ /gsal ba dang ni mar me zla/ /mi bzad pa dang blo bzang

  83. 42a

    can/ /yan lag mchog dang shes rab yul/ /mchog tu gyur dang rab 'joms zer/ /shes rab sbyin dang 'jam pa'i dbyangs/ /thogs med mdzad dang mthu yis sbyin/ /dag pa dang ni ye shes gnas/ /bde gshegs 'od dang dbang po 'od/ /thub pa che dang lha chen dang/ / 'od zer bzang dang gzugs mdzes dang/ /rgyal ba'i sku dang don yod ston/ /saM? pa la dang dran stobs dang/ /grags pa'i mtshan dang bkra shis dang/ /snying po mchog dang bsod nams dge /nyan pa chags dang nyan 'dod pa/ /mi thub pa dang rgyal mar me/ /rin chen brtsegs dang tshogs med lha/ /sa yi bdag dang grol bar 'gro /gtsug phud gser dang sbra gcan bzang/ /mi thub sde dang rang bzhin thub/ /zla 'od can dang gser mdog bzang/ /dge ba'i 'od dang yon tan lha/ /chos kyi bdugs dang yon tan lag /'dra ba'i mtshan dang yi ge rdzogs/ /blo gros 'phro dang 'od rnams 'bar/ /sman gyi skyabs dang rnam grol tog /shes rab mchog dang ye shes rgyal/ /gzugs 'jigs pa dang glo bur 'joms/ /thogs med grags dang bde bar ldan/ /ngag snyan rigs dang grags dbang po/ /chos kyi brtsegs dang 'gro ba'i 'od/ /legs pa'i rgyan dang rang bzhin lus/ /ye shes gsung dang rta mchog dang/ /nyon mongs sel dang 'gro ba'i mchog /seng ge rag dang chos kyi mtshan/ /skal pa bzang dang mi bskyod 'dir/ /'bar ba'i rgyal dang rtog pa'i gsung/ /bzang po can dang rig don blo// 'jigs pa bral dang dri yod 'od/ /don yod 'gro dang khro thal mdog /gzungs mchog dang ni brtan pa'o/ /rtog par byed dang shes rab spyan/ /don rig blo dang grags pa'i bzhin/ /lha yi nyid dang shes rab gsal/ /shin 'joms phyag dang shing rta 'gros/ /gser btso ma dang skal ldan gtsug /dbang phyug dang ni dga' bas bstan/ /myos pas 'joms dang ye shes mdzod/ /tshangs par gshegs dang tsandan dang/ /mya ngan 'joms dang seng+ge 'od/ /yul gyi tog dang padmo'i snying/ /mdza' yas 'od dang snying po lha/ /me tog

  84. 42b

    [blank page]

  85. 43a

    kan rigs drug pa'i ye shes sems dpa' bzhugs pa ni sangs rgyas nas thugs la gnas zhes bya ba dang/ rdo rje rnon po nas don bzhin rig ces bya bas bstan nas/ rdo rje blo gros don bzhin rig /pha rol phyin pa kun rdzogs pa zhes bya bas chos sku dang gzugs sku bstan te/ rnam par dag pa nas ye shes sku rnams ma lus 'chang/ lam ma lus pa thob ste/ 'bras bu mdza' dag thob nas gzhan don ston pa ni kun mkhyen pa'i bcom ldan 'das de rgyal po 'am gtso bo'o/ /rang bzhin gsang sngags te/ sangs rgyas dang rigs sngags kyi phyag na rdo rje lte ba la rnam par 'phrul pa 'di pha rol tu phyin pa dang sa bcu rdzogs pa'i rtag rnam par dag pa'i khri 'phang lnga pa dang/ bum pa 'khor lo bcu gsum dang/ chos kyi tog dang/ bdag nyid dang/ bral ba'i byu ru cod pan dang/ zla ba dang/ rin po che yis yang dag pa'i ye shes mtshon pa/ log pa lta ba zil gyis gnon cing skyob pa/ kun gyis mchod par 'os pa'i sku gdung de'i bum par brtson 'grus chen pos rnam par 'phrul te/ gdan ni ma lus te/ gzhal yas khang gi sprul pa/ ye shes sku rnams te lha'i 'phrul pa'o/ /de lta bu de rdo rje 'chang gi dum par ro/ /de nas gtso bos bstod pa de 'od zer las bcom ldan 'das shAkya thub pa sems can dpag tu med pa'i don byed pa/ 'gro ba dang 'dug pa dang nyal ba la sogs pa'i bstan pa ni rnam par gzigs/ gtsug tor can thams cad skyob/ log par dad sel/ gser thub/ 'khor ba 'jig rnams so/ /de'i phyir dpal ldan rgyu skar nas bstan pa gcig ces pa'i mthar ro/ /de nas lha mo bdud kyis bstod nas dkyil 'khor mi snang bar gyur to/ /de las gtso bos rgyud 'khor la bstan pas na/ rgyud kun gyi ni bdag po mchog ces bya bas ni kun tu bzang po dang 'jam dpal dang/ sa'i snying po dang/ spyan ras gzigs la sogs pas lus snying po 'am len pa lha'i rang bzhin du mthong ngo/ /rtsa rnams

  86. 43b

    mtshan du gyur par mthong ngo/ /de nyid thig ler gyur pa na bdud kyis bstod pas zab par mthong ba ni/ sangs rgyas kun gyi snying po nas ngo bo nyid 'chang ba zhes bya bas bstan/ de yang skad cig la khong du chud cing rtogs te/ de yang sgribs g.yogs med par rtogs so/ /tshig gi bdag po nas mtshungs pa med ces pa'i mthar gsal bar smra ba la'o/ /kun tu lta nas dpal gyi be'u zhes bya bas sems dpa' gsum la go rims bzhin/ lag na 'od 'bar nas gtso bo zhes bya bas rdo rje khu tshur la'o/ /zung du 'byin pa nas dgra che'i mthar sems dpa' gsum la go rims bzhin/ sdug gu nas rin chen bdugs zhes bya bas/ sems dpa' la sogs gnyis gnyis bstod/ /sangs rgyas zhes bya nyi ma'i dpal/ /sku 'am zhes bya rin chen dpal/ /rnal 'byor zhes bya tog gi dpal/ /bstan pa gcig ni bzhad pa'o/ /zla ba'i 'od dang ni dri'i 'od/ /dge ba'i 'od dang yon tan can/ /dam chos brjod dang tshig las rgyal/ /smra ba'i stobs dang smra ba'i tshig la dbang bsgyur ba'o/ /legs pa'i yid dang rigs kyi 'od/ /spyod lam zhi dang ye shes mtsho/ /chos dbang phyug dang rigs sku lha/ /yon tan las dang 'khor lo stobs/ /legs par sbyangs dang legs par reg /don grub dpal dang gzi brjid dpal/ thams cad snyoms dang bdud rtsi dbyangs/ /rna ba bde dang legs pa'i blo/ /rnam grol don dang dbang phyug 'phags/ /rol pa'i mchog dang lhag par mthong/ /nyes pa spangs dang nyi ma'i 'od/ /bkra rgyal blo dang pad+ma'i mchog /nyi ma'i 'od dang so sor gsung/ /legs pa'i mu dang tshogs dbang po/ /'jigs pa bral dang ye shes sred/ /rdo rje rin chen nas sdug bsngal gcod ces bya bas ye shes sems dpa' la bstod mtshon cha chen po nas mchod pa zhes bya ba ni lha mo bzhi'o/ /sa rnams nas dra ba ste zhes bya ba'i mthar mchod pa'i lha mo la bstod/ rgyud kun nas blo gros bzang gi mthar mthu chen thob la sogs pa la bstod/ sa'i snying po nas dngos po kun gyi rang bzhin zhes pa'i

  87. 44a

    mthar zla 'od gzhon nu la sogs pa bzhi la bstod do/ /dngos po kun gyi nas skad cig la zhes pa'i mthar blo gros rgya mtsho la sogs pa la bstod/ chos kun nas dang ba'i bdag gi mthar go rim bzhin du rdo rje rigs kyi bzhi la bstod/ /khro bas pa'i mtshan dang blo 'chang ba/ /ldan dang ni rin chen zla/ /mi 'jigs pa dang me 'od che/ /tshangs pa'i sgra dang snyan pa'i gsung/ /shes rab ma dang kun mnyam blo/ /rdo rje tshig dang blo spobs ldan/ /nam mkha' i dbang dang ngag dbang phyug /yon tan mchog dang gnas kyi mchog /'phags pa'i 'od dang gsal ba'i ri/ /rnga yi sgra dang 'dod spyod sbyin/ /ye shes legs dang zhi bas bzhugs/ /ye shes gsung dang shin tu gdugs/ /rgyal mtshan gdugs dang dri ma bral/ /ye shes dbang dang bskal bral brjod/ /gzi brjid 'od dang drang srong che/ /shes rab 'phags dang 'khor lo spong/ /zla yi zhal dang nyi zla'i 'od/ /yon tan mtsho dang yon tan sdud/ /bla med tog dang bsod nams tog /yul spangs pa dang rigs skyes dang/ /rgyal po'i rigs dang rnam grol gsung/ /dbang phyug po dang mchog shes dang/ /bdud rtsi 'od dang pad+ma dang/ /ye shes spyan dang nam mkha' i khams/ /mchod dang dpung tshogs bcas pa'o/ /rdzogs sangs zhes bya zhags pa ma/ /byang chub 'chang ni lcags kyu ma/ /sangs rgyas zhes bya dril bu ma/ /ye shes me lce lcags sgrog go /rin chen 'phro dang zla ba'i sku/ /seng ge gdong dang ye shes sku zhe'o/ /gzhung tshad bzhi bcu rtsa gnyis/ mtshan nyis brgya bdun cu rtsa lnga/ rgyal ba lnga la lnga bcu rtsa lnga lda'o/ /da ni rin chen 'byung ldan gyi dkyil 'khor ston pa ni bcom ldan 'das rin chen 'byung ldan ser po lte bar bsam/ dang po'i sangs rgyas kyi rtsa ba'i zhal ser po/ /gzhan mthun/ de la snying rjes don sgrub pa dang/ shes rab po/ /dam pa'i gang zag gi sems can ji ltar bde ba thob par 'dod pas don bsgrub par bya/ de ni ngan song sbyong bar byed

  88. 44b

    pa'i mgon po grol bar byed pa'i thabs ston pa ni nyon mongs pa bsal ba dang/ mi shes pa gsal ba'i phyir nga rgyal can de 'dod pa dang gzugs dang gzugs med bsal bar mi nus zhe na/ nga rgyal can 'dus pa ni rgyu shes rab dang snying rjes sku che ba'i bdag nyid du ston pa ni dpal ldan zhes bya ba nas tshangs pa'i yul sa zhes bya bas bstan te/ phyag rgya 'khor lo dang/ sha ka ti 'dzin pa'o don ston pa ni don gcig ces bya bas so/ /'o na 'jigs pa chen po ston pa des rtogs mi nus so zhe na 'jigs pa med par ro/ /de ltar zil gyis mnan nas ston pa nyid ston te/ ming bzhi las brten med pa la ni ming bzhi'i phung po bstan nas theg pa la dgod pa ni rnam par rigs pa'i gzugs su'o/ /don ston pa ni don zhes pa'o/ /gdul bya ni rnam shes sna tshogs pa'i gzugs so/ /'dod pa'i nang grol bar byed ces pa'i mthar sems dpa' bzhi la go rim bzhin/ /nyon mongs nas gzugs 'chang mthar rin chen rigs kyi sems dpa' bzhi'o/ /lag pa brgya po nas gar byed ces pa'i mthar pad+ma'i sems dpa' bzhi'o/ /sa'i dkyil 'khor nas gnon pa'i zhes pa'i mthar rdo rje rigs kyi sems dpa' bzhi la bstod/ don gcig gnyis med nas rgyud dang ldan zhes pa'i mthar sgo bzhi la go rim bzhin no/ /don grub dpal dang ye shes nyi/ /don yod grub dang ri rab brtsegs/ /sgra sbyin dang ni pad+ma dpal/ /dgra bcom grags dang ye shes stobs/ / nyon mongs 'joms dang ye shes don/ /bde ba'i dri dang dpe bral bzhad/ /dri yi 'od dang mdza' yas ston/ /so ma dang ni ratna so/ /seng ge mchod dang bsam gtan 'od/ /dpa' bar 'gro dang rnam par rol/ /rin chen yon tan don ston pa'o/ /da ni 'dod chags kyi don du bstan pa ni/ dngos don ma lus te chags pa can la/ stong pa nyid dga' 'dod chags blo/ /des 'dul ba'i sku ston pa ni srid pa'i 'dod chags spangs pas ston te/ mdog dang dbyibs dang rgyan dang spyod pa la sogs pas yid tshim pa bskyed nas lam la

  89. 45a

    'god do/ /dngos don gyis ni rin chen sems ma'o/ /stong pa nyid dga' nas spangs pas ni zhes bya bas pad+ma'i sems ma dang las kyi sems ma la bstod/ srid gsum zhes bya bas sems ma rdo rje ma la bstod/ sprin dkar dag pa nas sprul pa'i rgyan dang ldan zhes pa'i mthar ye shes sems dpa' la bstod do/ /dgra bcom grags dang rin chen 'od/ /srid bcings grol dang spyod ngan spangs/ /nam mkha' i mdzod dang spobs pa grags/ /rdo rje nor bu tshe dpag med/ /nor bu dkod dang rin chen dang/ /yon tan mgon dpa' o bo grags/ /bcu 'od ldan dang gnyid dang bral/ /klu stobs shin tu grags pa'o/ /gti mug can la de nyid dran pa ni dran pa nye bar gzhag pa bzhi dang/ yang dag par spong ba la sogs pa dang/ de bzhin gshegs pa'i yon tan ni chos sku dang gzugs sku'o/ /chags pa can 'dul ba ni nam mkha' ltar ma chags pa bsgom pa'o/ /da ni shes rab bstan pa'i phyir/ ril por 'dzin pa dag pa'i phyir dang/ zhen pa spang pa'i phyir phung po lnga stong pa nyid du bstan/ de yang nges par 'dzin pa spangs pa'o/ /des don dam med kyang sdom pa'i rten kun rdzob tu bstan pa 'thad pa'i phyir/ /yan lag bcu gnyis zhes bya bas rang sangs rgyas kyi lam bstan/ bden pa bzhi ni ston pa po zhes bya bas nyan thos kyi rtogs pa'i lam mo/ /bden bzhi zhes bya ba nas rnam pa nyi shus zhes bya bas rang sangs rgyas dang nyan thos las khyad par ston pa ni skad cig ma'am stong pa nyi shus khyad par du byas pa'o/ /'o na de'i 'bras bu ci zhe na/ byang chub pa ni chos sku rnam par sangs rgyas pa ni longs sku sangs rgyas kyi sprul pa de 'bras bu de'o/ /de'i phyir theg pa ni 'di'o/ /'o na 'bras bu sku gsum theg pa 'dis grub pa ci'i phyir zhe na/ nyon mongs khams rnams dag par byed pa dang/ las kyi sgrib pa zad par byed pa'i phyir na/ 'khor ba'i dri ma spang zhing 'jigs su rung

  90. 45b

    pa'i gnas las grol bar byed pa'i shes bya'i sgrib pa bag chags dang bcas pa spong ba ni 'di yin pas so/ /de'i phyir snying rje chen po shes rab thabs dang ldan nas don yod cing 'gro ba'i don byed pa'i 'bras bu dang ldan no/ /'o na rang zhen pa dang ldan pa lta bu snying rje skyed pa byed dam zhe na/ de lta ma yin te rtog pa thams cad spangs shing rnam par shes pa'i rjes su 'brangs nas yid du 'ong ba dang mi 'ong ba'i rtog pa spangs te/ rtog pa med pa'i ye shes ji lta ba dang ji snyed pa rig pas sems can thams cad kyi rgyud rig cing bsam pa ji lta ba ste/ de yang rim dang rim ma yin pa'i tshul gyis theg pa chen po'i lam la 'god de/ phyin ci log dang nor pa spangs nas phyin ci ma log pa'i 'bras bu chos sku longs sku ste/ rang don gzhan don dang ldan pa thob par byed do/ /de ltar shes pas 'bras bu sku gsum thob par ston to/ /'o na 'bras bu de thob pa'i 'khrul pa de ci zhe na/ grangs can pa la sogs pa ste/ dngos po kun yon tan gsum du 'dod pa dang/ bdag la sogs pa ni 'dod pa dang/ gzhan yang bye brag pa la sogs pa phung po lnga'i skye mched kyi rjes don dam par 'dod cing dus gsum rdzas su 'dod pa de dag ni mi 'thad/ /glog dang me lce bzhin du thams cad skad cig mar bye brag med pa'i phyir ro/ /'o na thams cad skad cig mar song nas 'bad pa don med dam zhe na/ khyed kyi rdzas su 'dod pa rtag pa la mi 'thad de 'gyur ba med pa'i phyir ro/ /skad cig ma ni rang bzhin du grub pas sangs rgyas kun skad cig gcig la rdzogs sangs rgyas pa'i phyir 'bras bu grub pa'o/ /'o na 'bras bu ji lta bu zhe na/ lus med lus te lus kyi mchog /lus kyi mdza' ni kun tu ston/ zhes bya ba'o/ /de la chos sku dang gzugs sku ste 'bras bu mthar thug rtogs pa'o/ /de bas chos sku ni lus kyi mthar thug ste/ de rtogs par byed pa ni shes rab phyin ci ma log pa ste/ de ni bcom ldan 'das so/ /'o na stong pa nyid skad cig thabs

  91. 46a

    dang bral bas gzhan don ji ltar byed ce na/ gzugs rnams sna tshogs kun tu ston zhe'o/ /'o na de la gzugs sna tshogs mos pa bzhin du cang 'chad dam zhe na/ nor bu chen po rin chen tog ces bya bas so/ /'jig rten zhes byas gar ma la/ /rdzu 'phrul zhes byas glu ma la/ /de nyid ces byas phreng ba ma/ /dran pa zhes byas sgeg mo'o/ /byang chub ces byas spos me ma/ /de bzhin zhes byas dri chab ma/ /lam gyi zhes byas me tog ma/ /yang dag ces byas mar me ma'o/ /yid du 'ong dang rin chen zla/ /shugs can dang ni gsal bar byed/ /dga' ba'i dbang phyug gtsug pud 'od/ /'jigs pa bral dang yon tan snying/ /dri med grags dang gzi brjid bzhi/ /gdung ba grags dang lha gnas pa/ /legs par mnyam dang rin chen sku/ /sangs rgyas 'byung dang sangs rgyas stobs/ /rin chen khyab dang grong khyer mthong/ /blo gros 'od dang 'jig rten 'od/ /rin chen lha dang yang dag rgyal/ /skal ldan shing rta dga' bas bkod/ /mu yi 'od dang dka' thub rgyal/ /byang sems zla dang chos 'chang ba/ /gzhan gyis mi thub zla ba'o/ /sems can kun la zhes bya bas dang po'i sangs rgyas la bstod pa'o/ /yan lag bcu gnyis zhes bya ba ste/ dkyil 'khor lha grangs dag tu 'di ma gtogs/ /mtshan gyi grangs su 'di brjod do/ /rnam pa sangs rgyas zhes bya'i mthar shes rab 'khor lo bstod pa'o/ /bye ba dpag med nas snying rje chen po zhes bya bas byang phyogs bskal bzang bzhi la bstod/ 'gro ba'i don nas 'bras bu gnas zhes bya bas lho'i bskal bzang ste/ tha ma la gnyis go rim bzhin/ /nyon mongs khams ? kun las brgal zhes bya bas nub gyi bskal bzang ste/ dang po gnyis la go rims bzhin no/ /sbyor ba'i dgon pa nas gtan du spangs zhes bya bas shar gyi bskal bzang ste tha ma la gnyis go rims so/ /snying rje che nas 'gag

  92. 46b

    par byed ces bya bas don yod grub pa la bstod pa'o/ /sems can kun gyi yid gnas pas rdo rje sems dpa' la bstod pa'o/ /de dag sems dang zhes pa ni snang ba mdza' yas la bstod pa'o/ /phung po lnga don zhes bya bas rin chen 'byung ldan la bstod pa'o/ /ri bo 'od dang tshangs pa'i dbyangs/ /bde ba'i lha dang yon tan rtses/ /lha yi stobs dang thub pa'i don/ /nor bu can dang seng+ge bla/ /zla ba'i mtshan dang sgra gcan mtshungs/ /grags chen dang ni gzi brjid shugs/ /tshogs kyi grags dang dga' bar ldan/ /dri bzang po dang ri rgyal mtshan/ /dga' ba'i 'od dang mchod pa'i 'os/ /sprin mdza' dang ni bden pa gsung/ /rnam snang mdzad dang rnam par nges/ /grags pa'i mdza' dang grogs tshangs pa/ /seng 'od gser dang sreg dang ldan/ /'gro ba'i theg dang thun tshad dang// grags pa'i mchog dang blo bzang chub/ /nor lha dka' thub drag po dang/ /'od gsal byed dang nor gyi 'khor/ /'jig rten 'das dang seng ba na glang/ /yon tan rgyal dang rin chen 'od ce'o/ /tshigs bcad nyi shu rtsa bzhi ste/ /mtshan ni brgya dang bcu dag ste/ /ser? nyi shu rtsa gnyis so/ /de la lha grangs su ma gtogs pa tshigs bcad gnyis te/ shes rab 'khor lo'o/ /de la 'khor lo ste/ shes rab 'khor la ji lta bu zhe na/ dag pa rnam pa bcu gnyis te/ a A'o/ /des 'brel bzhi tshul mu khyud bzhi dang 'khor lo rtsibs bzhi pa gong gi phyed spangs pa'i drug pa dang brgyad pa ni brgyad po dang drug go /'ching ba gcod pa dang 'khor ba dang mya ngan las 'das pa'i mdza' gnyis dag par byed pa dang/ bden pa bzhi gsung ba dang/ thugs rig pa'i ye shes lngar gsal ba/ / sku ye shes kyi sku'i bdag nyid du byang chub pa'o/ /mtshan gyi grangs su ma gtogs pa ni rkang pa ya gcig ces bya ba'i tshigs bcad gcig rkang pa gnyis so/ /khar gzhung tshad nyi shu rtsa bzhi'o/ /de ni don yod grub pa'i dkyil 'khor ston pa ni dbus su don

  93. 47a

    yod grub pa ljang gu'o/ /dang po'i sangs rgyas rtsa ba'i zhal ljang gu'o/ /so so'i yum spas pa'i yum du sbyar bar bya'o/ /de la sangs rgyas kun gyi rtog bya ba zhes pa ste/ rtog par bya ba de rtogs par bya'o/ /gang gi zhe na/ byang chub sems dpas so// gang rtags par bya zhe na/ sangs rgyas kun gyis rtogs pa de'o/ /'o na ci'i phyir ram gang gi phyir zhe na/ sangs rgyas kyi byang chub ste/ 'bras bu bla na med pa thob pa'i phyir ro/ /'o na de gang la brten nas zhe na/ gsang sngags la brten nas so/ /gang de ltar zhe na/ bsod nams kyi tshigs mdo las 'byung ba bzhin du bsags nas yi ge med pa ste/ stong pa nyid ye shes kyi tshogs bstan nas/ gsang sngags chen po ste sa bon rigs gsum pa ni thabs rnam pa gsum gyis bskyed pa'o/ /de yang rten dang brten pa ma lus pa bskyed pa'i don to/ /de ltar bskyed pa'i rim pa la brtan pa thob nas/ sangs rgyas kun nas don kun bskyed pa po'i mthar dang po'i sangs rgyas la bstod pa'o/ /dbang byed rgyal dang bdud rab zhi/ /mnyam sangs rgyas dang rtog dang bral/ /dri rab zhi dang rmongs pa sel/ /ral pa'i stobs zhes bya'o// de la bzhi ni 'khor lo bzhi'o/ /bcu drug phyed phyed rtsa ba'i dbye ba ste/ thig le ni byang chub kyi sems so/ /stong pa ni sreg pa'o/ /rtse mo ni gtum mo'o/ /'dab ma'i grangs ni bye ba phyed dang bcu/ de la stong phrag bdun cu rtsa gnyis so/ /de las 'khor lo bzhi ste dkyil 'khor dang po gnyis pa yis/ /bde ba chen po sum cu mtshon/ /de nas dkyil 'khor gsum pa yi/ /gnyis pa'i tshigs bcad drug bsnams pas/ /bcu drug mgrin pa'i 'khor lo'o/ /de las tshig gcig dang po'i mgo /lhag pa bde chen dkyil du bsam/ /dkyil 'khor bzhi pa lnga pa gnyis/ /drug pa'i dang po tshigs bcad gnyis/ /tshig gsum 'og tu phyed dang drug /bsnan pas sprul pa'i 'khor lo'o/ /tshig gsum po ni lte bar bsam/ /dkyil 'khor lnga pa'i mtshan med tshig /tshig rkang drug dang lha yi ni/ /bstod par ma

  94. 47b

    gtogs tshig bcad gnyis/ /rdo rje nyi ma nas dpal ldan sangs rgyas zhes pa'i tshigs bcad drug gi gtso bo gsum bstan/ /dkyil 'khor drug pas thugs kar chos kyi 'khor lo'o/ /bcu drug phyed phyed ni bzhi dang brgyad dang bcu drug go /chu tshod sum cu rtsa gnyis te/ /dbyu gu drug cu rtsa bzhi'o/ /rtsol ba'i grangs kyi mtshan bzung ngo/ /srog ni lha'i rang bzhin te/ /brten du gsal bar bsgom/ /de ltar lus gnas dkyil 'khor ro/ /bcu drug phyed phyed 'grib sa nas/ /'phel ba 'grib pas mtshon pa'o/ /yang na dbyangs yi ge phyed kyi tha ma aM ngo/ /yan lag med pa ni haM ngo/ /rtse mo ni ze 'bru la'o/ /rnam pa ni kha dog so sor ro/ /yi ge drug ni mgrin pa dang snying ga la'o/ /yi ge brgya ni yon tan no/ /de dang ldan pa 'dzag pa'o/ /de 'dzag par byed par thabs gzhan yod pas bsam gtan yan lag kun shes pa'o 'o na yon tan ci zhe na/ ting 'dzin rig dang rgyud rig pa'o/ /thig le nas rnam pa kun ldan zhes pa'i mthar gsang ba yum bzhi go rim bzhin/ bcu drug nas ting 'dzin lus dang zhes pa'i mthar ye shes sems dpa' la bstod pa'o/ /dge ba bzang dang ye shes thugs/ /smra ba'i dbang dang lha chen po/ /blo gros bzang dang tshe dpag med/ /chos kyi stobs dang 'jig rten chos/ /sgra gcan nyid dang rgyal mtshan grags/ /sman pa'i mchog dang me tog 'od/ /ting 'dzin lus dang lus kyi mchog ste chos sku'o/ /longs spyod rdzogs sku dang sprul pa'i sku ste zhes bya bas gzugs sku gnyis so/ /phyogs bcur sprul pa sna tshogs 'gyed de lha mi la sogs pa'o/ /de gang zhe na/ mchog gi sku de las so/ /de rnams la chos dang zang zing sbyin byed pa/ /de ltar yul de la las khyad par can ston pa de la mchod par 'os bstod par 'os phyag la sogs pa 'os pa'i phyir ro/ /longs spyod rdzogs sku nas rgyud 'chang ba zhes pa'i mthar byang phyogs kyi bzhi la bstod pa ste mdza' ma la gnyis so/ /phyogs bcu nas ji bzhin 'gro ba'i don byed pa zhes pa'i mthar lha'i ste gnyis gnyis so/

  95. 48a

    lha'i dbang po nas dbang phyug ces pa'i mthar nub kyi bzhi la go rim bzhin/ /srid pa'i dgon pa nas 'gro ba'i bla zhes pa'i mthar shar gyi shes rab sems dpa' bzhi ste gnyis gnyis so/ /'jig rten phyogs bcu nas sel bar byed ces bya bas bskal pa bzang po bcu drug shar nas brtsams nas gnyis gnyis so/ /bdud dpung zhes byas dril bu ma/ /pham par byed pa lcags sgrog go /rdzogs sangs rgyas zhes zhags pa ma/ /'jig rten 'dren zhes lcags kyu ma/ /mchod 'os nas rtag tu ri mor bya ba'i mthar nang gi lha mo bzhi la go rim bzhin du bstod/ /bkur 'os nas brjod par bya ba ni phyi'i lha mo bzhi la ni tshig rkang phyed phyed kyis bstod pa'o/ /dge gtsug pud dang bdud rtsi 'od/ /byang chub tshe dang rgya mtsho bstan/ /rin chen stobs dang rol ba'i stobs/ /nyi ma can dang dga' ba'i 'od/ /gtsug na nor dang srid bral bdag /'gro ba 'dul dang sdud pa'o/ /me tog sbyin dang 'gro ba'i 'od/ /mthun par smra dang pad+ma dang/ /ye shes 'dod dang bkod pas rol/ /don yod gnas dang gtan pa'i 'od/ /rgyal mtshan? 'dzin dang bde ba'i gnas/ /rnam grol bzang dang bsam par shes/ /sems can 'dzin dang rin chen 'dzin/ /rgya mtsho dag dang mi thob 'joms/ /dgra chen po dang 'dul ba dang/ /maN+Dal bsnams dang lha rnams mchod/ /dri ma spangs dang mchog gi mu? lha mo gsung bsnyan rin chen lha/ /pad+ma'i phyag dang bdung dgra 'joms/ /rtog spangs don ni grub pa'o/ /'o na longs skus gang la mdzad pa ston zhe na/ /'jig rten gsum po gom gcig ces pa ste/ sa brgyad pa dang bcu pa'i bar bgrod pa gcig pa mi 'gyur pa ste/ phyir mi ldog pa dang sa dang po mthong lam spyod pa la/ zhugs pa ni gsum rig ste/ 'das pa dang da ltar dang ma 'ongs pa la ma chags ma thogs par shes pas dang po dang/ sa gnyis pa la gnas pa spyod pa la zhugs pa tshul khrims kyi pha

  96. 48b

    rol tu phyin pa dag pa la sogs pa ni gtsang ma dag pa ste/ mngon shes drug ldan rjes dran drug /byang chub sems dpa' sems dpa' che/ /gang gis ston par byed ce na/ /rdzu 'phrul chen pos so/ /gang ston ce na/ 'jig rten 'dis shes rab pha rol phyin pa'i mdza' ston to/ /gang gi phyir ston par byed ce na/ bdag rig gzhan rig thams cad ces pa'o/ /'bras bu gang zhe na/ shes rab kyi ni de nyid thob ste chos sku/ kun la phan pa'i gang zag mchog ste sprul sku/ dper bya kun las 'das pa ste/ /shes dang shes bya'i bdag po mchog ste longs sku'o/ /de ltar ston par byed pa'i gang zag ni bcom ldan 'das te/ gtso bo chos kyi sbyin bdag ste/ phyag rgya bzhi'i don ston pa'o/ /de ltar ston pa des na gang la zhu/ gang gis zhu/ gang gi phyir zhu/ gang la dgongs nas te/ phyag rgya ni ? 'am mu 'dra'o/ /de ltar ston par byed pa de la ni 'gro ba rnams kyis bsnyen bkur dang ri bo dang mchod pa'i gnas su 'os pa'i phyir ro/ /de ltar bcom ldan 'das kyis nges par 'bras bu gsum thob pa'i phyir gang zag gsum gyi dbang du byas nas bgrod pa'i theg pa gsum gsungs te/ don gyi nang nas 'bras bu'i dam pa 'di ni rgyu rnam par dag pa 'phags pa 'jam dpal gyi mtshan yang dag par brjod pa 'di'o/ /'o na gang zag gsum pos thun mong du nus sam zhe na/ mi nus te/ 'jig rten gsum na bskal ba bzang ba phyag chen po'i rigs mchog tu gyur pa'o/ /des rtogs pa ci zhe na/ dpal ldan 'byor pa ste/ snying rje dang shes rab gnyis dang ldan zhing sems can kun gyi don byed pa la mos pas/ 'jam dpal 'bras bu dpal dang ldan pa'i mchog 'dis rtogs kyis gzhan gyis ni ma yin no/ /'jig rten zhes pas rin chen 'byung ldan la bstod/ /mngon shes drug ldan zhes bya bas don yod grub pa la bstod pa'o/ /shes rab pha rol zhes bya bas rdo rje sems dpa' la bstod pa'o/ /bdag rig gzhan rig ces bya bas snang ba mdza'

  97. 49a

    yas la bstod pa'o/ /gtso bo chos kyi zhes bya bas rnam par snang mdzad la bstod pa'o/ /me tog mdzes dang yul don grub/ /smra ba'i zla dang brtul zhugs grub/ /mi g.yo ba dang blo gros dang/ mar me 'bar dang sgra don rtogs/ /dam pa'i stobs dang gzi brjid stobs/ /blo yi sku dang zla ba dang/ /rin chen 'od dang yon tan rdzogs/ /ston rab mdzad dang gzi brjid bzang/ /ye shes stobs dang gzi brjid dge /rten pa'i stobs dang lha yi sku/ /rab bzhi dang ni nyi ma'i zhal/ /grol ba'i 'od dang tshul khrims 'od/ dka' thub rgyal dang dri ma bral/ /rgya mtsho'i sgra dang gzugs brnyan snang/ /kun las grol dang rgya mtsho 'od/ /dri ma med dang dran dbang 'od/ /zhal rab rgyas dang rgyal ba'i 'od/ /mchog don glo dang dpung rab zhi/ /dbang phyug chos dang sna tshogs gsal zhes pas ni mtshan ni dgu bcu rtsa lnga ste/ bcu dgu bcu dgur so sor sbyar/ /tshigs su bcad pa bco lnga'o/ /de ltar mtshan ni rab sbyar ro/ /'khrul 'khor dkyil 'khor so sor sbyar/ /sbyar thabs gzhan du shes par bya/ /de ltar bstod pa dang mtshan bstan nas/ da ni yang dag pa'i bstod pa ni/ mchog sbyin rdo rje mchog khyod 'dud ces pa'i bstod pa ni/ /dang po bum pa de bzhin sbyin/ /gnyis pa gsang ba yang dag mdza' / /gsum pa shes rab stong pa'i rgyu/ /bzhi pa sangs rgyas byang chub po/ /de yi yan lag rnam bshad don/ /yan lag so sor 'og tu sbyar/ /mchog ni sangs rgyas par 'dod pa'i shes rab/ sbyin pa ni sems can gyi don du thob par 'dod pa'i snying rje/ de gnyis dbyer med pa ni rdo rje'o/ /de ltar na shes rab dang snying rjes byang chub sems bskyed pa lam thob pa'o/ /yang dag mthar gyur ni sems bskyed la brten pa'i lam de bla ma la rag las so/ /lam shes byed do/ /lam thob pa ni stong pa nyid la ste/ goms pa las so/ /lam gyi 'bras bu ni sangs rgyas kyi byang chub po/ /mchog sbyin sems ma

  98. 49b

    rdo rje ma/ /yang dag par rin chen rdo rje ma/ /stong nyid pad+ma'i rdo rje ma/ /sangs rgyas las kyi rdo rje ma'o/ /de bzhin gshegs pa'i yum bzhis bstod pa'o/ /sangs rgyas chags pa dang/ sangs rgyas 'dod pa dang/ sangs rgyas dgyes pa dang/ /sangs rgyas rol pa dang/ bzhes ni lam thob par 'dod pa'i rgyu snying rje/ yul sems can byang chub thob par 'dod pa dang/ de 'bras bu thob par dga' ba dang/ dga' ba des sna tshogs pa'i sgo nas gzhan gyi don byed pa'o/ /des ni de bzhin gshegs rigs kyi rdo rje ma dang pad+ma'i rdo rje ma dang/ rin chen rigs kyi rdo rje dang/ las kyi rdo rje ma la bstod pa'o/ /de yan chad kyis rdo rje sems dpa' i dkyil 'khor la bstod pa'o/ /sangs rgyas 'dzum pa dang/ sangs rgyas bzhad pa dang/ sangs rgyas gsung nyid dang/ sangs rgyas thugs la zhes bya bas dper na cung zad bzhad pas tshes cung zad gsal ba de bzhin du lam cung zad gsal ba dang/ cher bzhad pas cher gsal ba bzhin du goms shing phyad pa la zhugs pas cher gsal ba'o/ /de yang gsung la brten nas gsal lo/ / gang zhe na/ sangs rgyas kyi thugs ye shes de dpe yis mtshon nas so/ /de'i phyir shes par bya ba'o/ /de bzhin gshegs pa rdo rje ma dang/ rin chen rdo rje ma dang/ pad+ma'i rdo rje ma dang/ las kyi rdo rje ma ste de yan chad rin chen 'byung ldan gyi dkyil 'khor la bstod pa'o/ /seng pa las 'byung ba dang/ sangs rgyas las 'byung ba dang/ nam mkha' las 'byung ba dang/ ye shes las 'byung ba ste/ dbyings stong pa nyid dang ye shes te/ rang 'byung gi sku 'byung ngo/ /'o na stong pa las ji ltar 'byung zhe na/ nam mkha' las sprin 'byung ba bzhin du ye shes kyi sku 'byung ngo/ /de bzhin du spangs pa ye shes bstan to/ /de bzhin gshegs pa'i rdo rje ma dang/ rin chen rdo rje ma dang/ sems ma rdo rje ma dang/ las kyi rdo rje ma dang/ snang ba mdza' yas kyi yum bzhis bstod pa'o/ /sgyu 'phrul

  99. 50a

    dra ba dang/ sangs rgyas rol ston dang/ thams cad thams cad dang ye shes sku nyid ces pas spangs pa dang/ ye shes ji lta ba dang ji snyed pa mkhyen pa'i 'bras bu ye shes kyi sku'i bdag nyid do/ /sems ma rdo rje ma dang/ rin chen rdo rje ma dang/ pad+ma rdo rje ma dang/ de bzhin gshegs pa'i rdo rje ma'o/ /chos sku'i sgo nas bstod pa'o/ /da ni phan yon dang yon tan bstan pa ni/ lag na rdo rje zhes bya ba nas 'di ni gsang sngags thams cad kyis byin gyis brlabs pas/ zhes bya bas ni byin gyis brlabs pas phan yon che bas tshig bcu rnam par snang mdzad kyis bstan to/ /lag na rdo rje nas yongs su rdzogs pa zhes bya bas ni rgyu la brten pa'i stobs kyis thob par bya ba'i yon tan te/ me long lta bu yon tan bstan to/ /lag na rdo rje nas chos thams cad brjod du med pa'i rang bzhin nyid do zhes bya bas bla ma la brten nas shes pa'i phan yon te/ bla ma la brten nas thob pa rang gis 'bad pa ste/ mnyam pa nyid do/ /lag na rdo rje nas tshe nur bsgrub par byed do zhes bya bas nyams su blangs pa'i phan yon rang gi 'bad pa las 'byung ba ste/ so sor rtog pa'o/ /lag na rdo rje nas nyan thos dang/ rang sangs rgyas thams cad la 'jug par mi 'gyur/ zhes bya bas 'bras bu theg pa dman pa las grol ba ste/ 'bras bu theg pa chen por sdud pas bya ba bsgrub pa'i phan yon no/ lag na rdo rje de ltar na chos kyi rnga sgra chen po sgrogs par 'gyur ro/ /zhes bya bas ni/ lag na rdo rje ni zhu ba'o/ /de ltar zhes pa ni de ltar rgyu dang 'bras bu'i dus de ltar bstan nas/ de bsdus pa'i phan yon bstan pa ni de ltar yon tan dpag tu med pa yod de/ ye shes lnga'i dbang du byas pa'i rtog pa bsdus pa 'di ni yon tan shin tu che'o/ /de bas na lag na rdo rje mtshan yang dag par brjod pa 'di dbang bskur zhing yang dag pa ste/ gdams ngag dang ldan pa'i gang zag dam pa dag 'dzin na rgyu bzang zhing 'bras bu

  100. 50b

    myur du 'byung zhing gzhan la yang chos kyi sbyin pa rgyun mi 'chad pa dang ldan no/ /rtog pa bsdus pa ste/ thams cad kyi phan yon bsdus shing 'bras bu bsdus pa'o/ /oM a b+hA ba swa b+hA bi shud+d+ha badzra tsakshu a A aM a(rgyud 'grel): de stong pa'i sngags so/ /pra kri ti pa ri shud+d+ha: sarba d+harmA ya du ta/ sarba ta thA ga ta dz+nyA na kA ya/ many+dzu sh+rI pa ri shud+d+hi tA/ mu pA dA ye ti a des ni spyan 'dren pa dang gshegs su gsol ba'o/ /oM sarba ta thA ga ta h+ri da ya/ ha ra ha ra/ oM hUM h+rI(rgyud 'grel): b+ha ga pAM/ dz+nyA na mUrti/ bA gI shwa ra/ mahA pA tsa/ sarba d+harma/ ga ga nA ma la su pa ri shud+d+ha/ d+harma d+hA tu dz+nyA na garb+ha A(rgyud 'grel): des ni dbang bskur ba dang byin gyis brlabs pa dang/ gtor ma la sogs pa'o/ /de yang ye shes sems dpa' gsum gyi bar du las so so'i sngags sbyar ro/ /ma byung ba las shes pa ni yang dag pa dang yang dag pa ma yin pa la 'khor te/ phyin ci log dang ma log pa rten 'brel las 'byung ba ma rig pa thog mthar gnas de bzhin du chos sku shes rab 'khor lo yang thog ma tha ma'i a'o/ /'dis ni shes rab rnam gsum gyi blos dag pa ni de bzhin gshegs pa thams cad kyi ye shes kyi sku yongs su dag pa 'jam pa'i dpal d+hI(rgyud 'grel): gsung yongs su dag pa sku gsung thugs dag pa sa bon gsum gyi bsdus la/ de ar snying po 'dus so/ /rjes su yi rang ston pa ni/ de nas zhes bya bas ni 'das ma thag pa'o/ zhu ba po dang de rnams kyi bsam pa lus kyi bya dang ldan pa ste/ yul khyad par can la skor ba dang phyag la sogs pa ste/ gus pa dang ldan pa'i zhu ba pos 'khor thams cad dang bcas pas bstod nas/ bdag cag rnams ngo mtshar te/ khro bo'i tshogs lnga brgya tham pa dang bcas pas gsang bstod nas ni zhes pa dag gi las so/ /mgon po ni bcom ldan 'das so/ /bdag cag ni dag pa dang ma dag pa'o/ /legs te dag pa'i don du ste bdag cag go /legs zhes pa ni rnam par dag pa ste rnam grol

  101. 51a

    zhes pa'o/ /legs par gsungs te/ rnam par dag pa'i lam 'di lta bu gsungs pas so/ /de legs par cis shes she na/ zab cing yangs te/ dbyings dang ye shes gnyis dang ldan pa'i phyir dang/ don chen rang don gzhan don gnyis dang ldan pa'i phyir dang/ sangs rgyas thams cad bskyed pa'i yum gsungs pa'i phyir ro/ /de lta bas 'khor ba dang mya ngan las 'das pa'i spyod pa'i yum mo/ /de la brten nas 'byung zhing ma 'ongs pa la bstan pas na bshad ces bya'o/ /bla ma'i drin gyis yang dag thob/ /gus pas byin brlabs thugs rjes khyab/ /'gro ba'i don du 'grel 'di brtsams/ /rgyud dang bla ma'i gsungs las rnyed/ /brten nas bdag gis 'di byas pas/ /bdag dang mdza' yas sems can rnams/ /'jam dpal go 'phang thob par shog/ //'phags pa 'jam dpal gyi 'grel pa bsdus pa'i gsal ba/ /u rgyan gyi slob dpon chen po a ba d+hU tI pas mdzad pa rdzogs so// //rgya gar gyi mkhan po d+harma sh+rI mi tra dang/ bod kyi lo tsA ba dge slong chos kyi bzang pos mdzod kyi sgom pa ye shes grags pa'i don du bsgyur ba'o// // */ (/'phags pa 'jam dpal gyi mtshan yang dag par brjod pa'i 'grel ba bzhugs so//) !/ /rgya gar skad du/ Arya many+dzu sh+rI nA ma sad+gI ti tha ti bArti nA ma ka ra/ bod skad du/ 'phags pa 'jam dpal gyi mtshan yang dag par brjod pa'i 'grel pa/ mtshan don gsal bar byed pa zhes bya ba/ 'phags pa 'jam dpal la phyag 'tshal lo/ /sku gsum ngo bo nyid ldan pa'i/ /thabs dang shes rab gnyis ldan pa'i/ /log rtog dug bcod mdzad pa/ /yid bzhin nor bu 'jam dpal bstod/ /bla med theg pa lam gyi don/ /bla ma'i drin gyis thob nas brtsams/ /gleng gzhi dkyil 'khor mtshan gyi don/ /sngags dang phan yon mdor bsdus pa'o/ /de nas dpal ldan rdo rje 'chang/ /zhes bya ba'i don ni byang chub mchog tu sems bskyed de dga' ldan du skye ba bzhes nas/ /de nas 'chi 'pho

  102. 51b

    ba mdzad de glang po che thal kar mche ba drug dang ldan par sprul te/ lhums su zhugs nas/ de nyid ye shes sems dpa' mthing ga thal ba'i mdog go /de yang mi rnams theg chen gyi lam la zhugs pa'i phyir glang po che'o/ /'gro ba drug gi sgo bcad pa'i phyir mche ba drug zhu nas zhal drug pa ston pas na dpal ldan no zhes bya ba'o/ /yum gyi pho brang de nyid na 'od zer phyogs bcur 'phros pas sku'i sprul pa phyag na rdo rje dpag tu med pas bskor bas na rdo rje 'chang zhes bya'o/ /'jigs byed kyi don de sku la rdzogs pa yang ngo/ /pad+ma dkar po rgyas 'dra'i spyan/ /pad+ma rgyas pa'i gdan la bzhugs zhes bya ba'i don ni/ pad+ma ni yum gyi mkha' gzhal yas khang gdan dang bcas pa'o/ /de ltar snang ba las rgyal ba rigs lngas 'od kyis bskul te/ sku khro bo zhu ba las phung po lnga rigs lngas byin gyis brlabs pa'i sku lnga'o// yum la bstod cing nyon mongs pa dang shes bya spangs pa'i rtags su po ti dang ral gri bsnams pa/ thams cad mnyam pa'i sa la bzhugs pa'i rtags su mnyam pa'i skyil krung du bzhugs pa'o/ /de'i phyir ye shes yongs su rdzogs shing rgyas pas na pad+ma rgyas pa'i gdan la bzhugs pa'o/ /de nyid phyi nang med par rgyas par gsal bas nyon mongs pa'i dri ma dag pas na/ pad+ma dkar po rgyas 'dra'i spyan ni/ rigs lngas byin gyis brlabs pa'i sku'o/ /gdul dka' 'dul ba rnams kyi mchog ces bya ba'i sgra'i don ni lum pa'i tshal byang chub kyi shing rtsar yum gyi rtsib ma'i bar na tshul la sku gzhal yas khang dang bcas pa bton nas tshangs pa dang brgya byin gyis blangs nas/ gzhon nu'i rol pa mdzad pas nang gi bdud dang phyi rol gyi stobs kyi btul bas na gdul dka' 'dul ba zhes bya'o/ /da ni rol pa ston te/ dpa' bo 'jig rten gsum las rgyal ni/ dpa' bo ni nyon mongs pa can 'dul ba'i ston pa'o/ /rdo rje ni rdo rje'i gdan no/ /dbang phyug ni klu'i rgyal po gnyis kyis sku khrus gsol ba'o/ /rdo rje ni gnyis su med pa'i chu'o/ /gsang ba'i rgyal ni nang las khyad par du gyur pa'o/ /rgyal

  103. 52a

    pa ni bcom ldan 'das zhes bya ba ste/ rang bzhin gyi don to/ /bsdu ba tha ma ni phyag na rdo rjes bsdus te/ yang dang yang du zhes bya ba nas/ lus btud rnams dang zhes bya bas bsdus so/ /rdo rje gsor zhing 'jigs byed kyi sku bstan nas 'phrin las bzhi las drag po'i phrin las kyi zhu ba'o/ /lus btud rnams dang zhes bya ba ni bcom ldan 'das 'jam dpal rdo rje 'jigs byed kyi 'khor dang lhan cig tu'o/ /de ni dang po thabs dang shes rab dang po'i sangs rgyas kyi sku bstan pa dang/ rang bzhin gyis byin gyis bslab pa'i sku bstan pa dang/ rol pa'i gdul bya sna tshogs pa'i ye shes kyi sku bstan te/ dang po yum bzhis bsdus/ gnyis pa klu'i bdag po gnyis kyis bsdus/ gsum pa tshangs pa dang brgya byin gyis bsdus/ 'jigs byed phyag na rdo rjes bsdus pa'o/ / lus btud rnams dang lhan cig tu/ /de bzhin gshegs pa bcom ldan 'das zhes bya ba nas/ ming ni yang dag brjod pa'i mchog ces bya bas ni bsdu bar 'os pa ji ltar 'os pa bstan pa'o/ /'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba rdzogs sangs rgyas/ /yang dang yang du gsung ba gang/ /zhes bya ba ni bsdu bar 'os pa nyid du bstan pa'o/ /de la yang dang yang du zhes bya ba ni/ yum gyi pho brang du ye shes sems dpa' rang bzhin gyis byin gyis brlabs kyis rigs lnga'i sku dang dang po sangs rgyas yum bzhis byin gyis brlabs pa'i sku dang/ 'jigs byed srung ba'i sprul pa'i 'khor khro bo'i sku dang/ rnam par 'phrul ba'i sku'i sgo nas gsungs pa de bshad du gsol zhes pa'o/ /mgon po rdzogs sangs rgyas kun gyis/ lus btud nas ni spyan sngar 'dug ces bya bas ni/ zhu ba po bdag snod du rung ba'i phyir dang/ rtse gcig pa'i brtson 'grus dang ldan pa'i phyir dang/ dus gsum gyi sdud pa po yin pa'i phyir dang/ sems can kun la phan pa'i phyir zhu ba'o/ /de nas bcom ldan shAkya thub ces bya ba ni zhu

  104. 52b

    ba po mtshan nyid dang ldan pa de la zil gyis mnan pa'i phyir/ /seng+ge rnam par bsgyings pa'i ting nge 'dzin la mnyam par bzhag nas/ bdud bzhi'i dgra 'dul ba dang 'khor sbyangs pa mdzad nas 'dzum pa mdzad de/ gsung snyan pa bton nas gsungs pa ni/ zhu ba po spro ba bskyed nas gsungs pa'o/ /de nas bcom ldan shAkya thub ces bya ba ni ston pa'o/ /gsang sngags rigs sngags thams cad dang zhes bya ba ni/ dang po'i sangs rgyas dang ye shes sems dpa' dang/ rdo rje 'jigs byed do/ /rigs gsum la ni rnam par gzigs/ /zhes bya ba ni dang po'i sangs rgyas ni sman pas 'das pa'o/ /rdo rje 'jigs byed ni 'jig rten pa'o/ /ye shes sems dpa' ni phyag rgya chen po'i rigs so/ /de'i ched du tshigs su bcad nas/ de kho na nyid yi ge a'i sgo nas sngags brjod pa ni/ shAkya thub dang thub pa dang/ /'od dang rab tu grags pa dang/ /seng+ge dang ni gzi brjid dang/ /stobs dang ye shes chen po dang/ /rab tu grags dang grags chen dang/ /sprul pa dang ni rdzu 'phrul che/ /snang dang 'od chen snang ba dang/ /dpa' bo sde dang mi 'jigs dang/ /gtsug nas byung dang gtsug phud mdzes/ /khyab pa po rang nam mkha' i bdag /bla med 'byung dang mi yi theg /dbang phyug po dang rin chen phyag /tsandan dri dang dri yi 'od/ /'od zer 'phro dang 'od 'phro bzang/ /dbang po zhi dang tsandan phyag /mchog tu mdzes dang rab mdzes dang/ /sbyin dga' ba dang rtag tu gtod/ /sangs rgyas sde dang dam pa dang/ /pad+ma dang ni 'khor lo'i phyag /sde dang rab tu 'joms pa dang/ /kun tu 'od dang 'od po che/ /rab tu grags dang grags 'dzin dang/ /mu khyud 'dzin dang lhun po che/ /lha dang lha yi dbang po dang/ /mar me 'od dang 'od po che/ /thub dang gzhan gyis mi thub dang stobs dang dpung rab zhi ba dang/ /legs pa'i lam dang spu kri dang/ /sbrang rtsi byung dang dga' ba'i dpal/ /gnas pa'i gnas dang gtsug na nor/ /glang po dpal dang kA tyA'i bu/ /gser gyi mdog dang 'khor lo dang/ /sman dang yongs su skyob dang mar me dang/ /nyi ma'i 'od dang

  105. 53a

    rig sngags grub dang rgyal ba'i tog /nam mkha' i sku dang ngag gzugs gsang sngags mchod/ /gtso bo rnam rgyal thugs rje che/ /'jig rten dam pa mtshan las 'das/ /dam tshig 'jigs byed stobs dang ldan/ /ta la gshin rje nam mkha' dang/ rgya mtsho glang chen sgra sgrogs dang/ /sgra sgrogs byams che dga' ba'i 'od/ /shes rab sna tshogs 'bar ba'i mig/ shes rab lus 'phags pad+ma'i rtse/ /me tog 'brug sgra 'jam pa'i dbyangs/ /sgra dbyangs dang ni nor lha mtshan/ /brtul zhugs blo dang shes rab dang chos rgyun 'bras bu che dang gzugs/ /gzugs snang mtshungs med 'khor lo sgyur/ /'jig rten bdag dang mtshan mchog skyabs/ /skyabs dang nam mkha' i srid pa sel/ /dri ma dbang phyug yongs su zhi/ /nges grol dri bral dus med rtogs/ /yon tan yon tan yongs su smin/ /sems can snying rje dbang don shes/ /lam ston rang 'byung dga' ba che/ /dga' ba'i mchog sbyin brtson 'grus ldan/ /gtsug phud gtsug phud brtul zhugs che/ /gau ta tshangs pa'i mtshan dang zhi/ /mdza' gnyis chags bral mdza' las 'das/ /dri med nyes dag chos nyid thob/ /rnam rtog thogs med dri med can/ /ye shes lus dang nyes pa 'joms/ /'od dang 'od bzang dug sel dang/ /gnyen po dpal dang 'khor lo bskor/ /spyod lam bzhi dang nyi ma dang/ /ting 'dzin rin chen dbang phyug dri/ /ting nge 'dzin dang che ba'i 'od/ /'bar dang thugs rje ye shes che/ /sde dang shes rab smra ba'i rgyal/ /ye shes rnam dag dra ba'i 'od/ /rdo rje blo ldan snying rje'i thugs/ /sprul dang rab grub sbyin pa dang/ /bar chad dag dang mi g.yo ba/ /mngon du gtsug phud zhing dang ni/ / sa gnon rdzu 'phrul che nas che/ /da ni rtsa ba'i 'khor la'o// //a A zhes bya ba ni/ rigs byin gyis brlabs pa'i dang po'i sangs rgyas kyi sngags so/ /s+thi to h+ri di dz+nyA na muArti/ dus gsum gyi sangs rgyas kyi byin gyis brlabs pa'i

  106. 53b

    phyag gi sngags so/ /badzra tIk+Sh+Na zhes bya ba'i sngags ni/ ye shes pa'i sngags so/ dbyangs yig la bzhi bsnan pa ni khro bo bcu drug gi'o/ /rigs sngags yum dang bcas pa ni/ /badzra tIk+Sh+Na dang/ a ra pa tsa na'i bar du'o/ /a A aM a(rgyud 'grel): ni sgo ma bzhi'o/ /ra pa tsha na nang gi mchod pa'i lha mo bzhi'o/ /ya te na ma(rgyud 'grel): phyi'i bzhi ste/ sum cu rtsa bdun gyi bstan pa ste/ rdo rje 'jigs byed do/ /de ltar drug cu rtsa bzhi pa'i/ /oM dang haM dang oM gyis ni/ /thabs dang shes rab dbyer med rlung/ /sum cu rtsa gnyis drug cu bzhi/ /bcu drug brgyad du de shes bya'o/ /rigs lnga drug pa 'og tu bstan/ da ni dkyil 'khor lnga las dang po'i sangs rgyas kyi dkyil 'khor ston te/ 'di ltar sangs rgyas bcom ldan 'das zhes bya ba ni dang po'i sangs rgyas so/ /rdzogs pa'i sangs rgyas zhes bya ba ni bskyed pa de nyid de a ni yig 'bru zhes bya ba ni thabs so/ /don chen yi ge dam pa ni shes rab po/ /khong nas 'byung ba ni yum gyi mkha' i dkyil 'khor chen po de 'byung ba bzhi yum bzhis bskyed de/ skye ba med pa'i don chos nyid stong pa nyid do/ /de la yum bzhis chos kyi dbyings stong pa nyid dga' ldan nas 'chi 'pho ba mdzad/ chos sku la bstod pa tshig tu brjod pa spangs pa'o/ /longs sku sprul skur bzhengs par bskul ba ni/ brjod pa kun gyi rgyu gyi mchog ces pas bstod pa'o/ /bskul nas bzhengs ba la bstod pa ni/ /mchod pa chen po 'dod chags che zhes ni 'du byed do/ /zhe sdang ni rnam par shes pa'o/ /byang chub kyi rang bzhin/ gti mug ni gzugs te 'bras bu'o/ /chags pa ni nga rgyal te 'du byed smin pa'i tshor ba'o/ /khro bo ni phrag dog ste 'du byed do/ /des ni chos sku las/ gzugs sku so sor rtog pa/ byams pa me long lta bu snying rje chos kyi dbyings rang bzhin gyis dag pa/ mnyam pa nyid btang snyoms so/ /bya ba grub pa dga' ba ste/ dug lnga ma spangs gzugs skur bzhengs

  107. 54a

    pa la bstod pa'o/ /'dod pa chen po bde ba che zhes bya ba ni/ 'dod chags rnam par dag pa'i 'bras bu bde ba'o/ /zhe sdang rnam par dag pa'i 'bras bu dga' ba che dang dgu ba'o/ /gti mug rnam par dag pa'i 'bras bu gzugs che zhing lus che ba'o nga rgyal rnam par dag pa'i 'bras bu la kha dog che ba dang lus bong che ba'o/ /phrag dog rnam par dag pa'i 'bras bu ming che ba dang rgya che ba'o/ /dkyil 'khor chen po yangs pa yin zhes bya ba ni/ sku de rnams ma 'dres pa'o/ /de rnams kyi rgyu dang 'bras bu'i sgo nas bstod pa'o/ /shes rab mtshon chen 'chang ba ste/ /nyon mongs lcags kyu che ba'i mchog /ces bya bas ni 'khor ba dang mya ngan las 'das pa'i mdza' gsal bar bstan/ grags chen snyan grags chen po ste/ snang ba chen po gsal ba che zhes bya bas ni yum gyi mkha' e'i gnas na bzhugs pa'i tshe/ /nang gi sku de phyi na yang gsal zhing/ gang dang gang gis mthong ba'i sdug bsngal rab tu zhi ba'o/ /de mthong na yid tshim zhing thos na dga' ba'i stobs dang ldan pa'i phyir/ mkhas pa sgyu 'phrul chen po 'chang/ /sgyu 'phrul chen po don grub pa/ sgyu 'phrul chen po dga' bas dga' / /sgyu 'phrul chen po mig 'phrul can/ /zhes bya ba ni/ phyi nang med par sku de las sprul pa dang 'od dpag tu med pa byung nas sems can thams cad kyi don du shes rab dang snying rje gnyis kyi dga' ba dang bde ba'i gzi mdangs dang ldan te yum gyi nyes pa sbyangs te/ de ni nyon mongs pa dang shes bya'i sgrib pa dag pa'i sgo nas bstod pa'o/ /yum gyi pho brang du zla ba bcu bzhugs pa las sku bltams nas pha rol tu phyin pa bcu la gnas pa ni/ sbyin bdag chen po gtso bo ste/ zhes bya ba'o/ /yang na de ltar gnas shing yon tan dang ldan pa ste/ pha rol tu phyin pa bcu byang chub sems dpa' i spyod pa'i yon tan te/ sbyin bdag chen po gtso bo ste tshul khrims chen po 'chang ba'i mchog /bzod chen 'chang ba brtan pa po/ /brtson

  108. 54b

    'grus chen po brtul ba yin/ /bsam gtan chen po ting 'dzin gnas/ /shes rab chen po lus 'chang ba/ /stobs po che la thabs che ba/ /bsam pa'i ye shes rgya mtsho ste zhes bya bas sa bcu la gnas pa'i byang chub sems dpa' la bstod pa'o/ /de nas 'bras bu mngon par rdzogs par mdzad pa ni/ /byams chen rang bzhin dga' ldan du byams pa la mi nub par mdzad pa'i dbang bskur mdzad nas/ gling bzhi las dzam+bu'i gling du gdul bya 'dod chags can dang/ zhe sdang can gdul ba'i don du gshegs pa ni/ rdzu 'phrul chen po zhes gsungs te/ glang po che rdzu 'phrul dang ldan par sprul nas byung ba'o/ /stobs chen po pha rol gyi sde gnon pas/ /stobs chen pha rol gnon pa po/ /de nas stobs shes pa ste/ /stobs bcu dang shin tu myur ba dang/ lha la sogs pa las khyad par du 'phags pas na che bar grags shes par des srid pa'i ri bo chen po 'joms zhes pa ste/ rdzu 'phrul rnam pa du ma bstan nas srid pa'i lam du zhugs pa des ni mgon po zhes pa zhes pa ste/ bcom ldan 'das so/ /bla ma ni yum gyi lus shin tu rdzu 'phrul che zhing stobs dang ldan pa ste/ de ci'i phyir zhe na/ dus gsum gyi de bzhin gshegs pas byin gyis brlabs pa'i gnas kyi phyir ro/ /des na pha rol gyi sde 'joms shing nyon mongs pa spong ba'i de nyid kyi phyir srid pa'i ri bo chen po 'joms pas brtan zhing mi 'gyur ba'o/ /de'i phyir 'dod chags 'joms pa'o/ /zhe sdang 'joms pa ni mkhregs shing rdo rje chen po 'chang zhes pa ste/ khro bo 'jigs byed kyi skus so/ /des na drag po chen po drag shul che zhes pas zhe sdang can 'dul bar byed pa bstan to/ /de'i don ni shes rab thabs kyi sbyor ba'o/ /des ni phyag rgya bzhi ston pa de las don phyin ci ma log pa rtogs pas na bla ma'o/ /de'i phyir na skyed par byed pa'i yum nyid do/ /rtsa ba'i mngon rtogs mtshan rnams ni/ /'od zer bzang dang kun tu 'od/ /mar me mdzad dang sman gyi bla/ /rin chen mtshan dang 'od

  109. 55a

    kyi mtshan/ /byams pa'i stobs dang dpa' bo'i sde/ /seng ge'i mtshan dang rab tu 'joms/ /zla ba'i 'od dang 'od zer 'phro/ /ri rab mtshan dang pad+ma gnon/ /skar ma'i rgyal dang tshangs pa'i mtshan/ /rgyun du gnas dang ri bo'i rtse/ /rnam par gnon dang rin chen snang/ /yid dga' gnas dang 'od dpag med/ /nam mkha' i 'od dang pad+ma'i zhabs/ /dkon mchog brtsegs dang rab zhi 'od/ /gtsug tor can dang dpe bral thugs/ /snang ba shar dang dkon mchog dpal/ /phyag gi 'od dang thugs rje'i gnas/ /pad+ma'i spyan dang pad+ma'i zhal/ /chu yi lha dang tsandan phyag /yongs su dag dang nam mkha' i mdzod/ /'od zer snang ba kun nas snang/ /rin chen phyag dang pad+ma'i phyag /'od zer bzang dang nyi zer 'od/ /sra bas brtan dang shugs byung ba'o/ /spyan bzang po dang thugs rje'i spyan// bdud sde 'joms dang nyon mongs sel/ /nam mkha' i 'od dang klu'i dbang rgyal/ /gzhon nu'i 'od dang rdzu 'phrul can/ /rdzu 'phrul de dang yongs su dge /yid dge ba dang ri rab lha/ /byams pa'i stobs dang dga' bas sbyin/ /rab grol mdzad dang mi mnyam gzigs/ thogs med mdzad dang kun skyob mdzad/ /snang ba'i stobs dang ston pa'i rgyal/ /thogs med ye shes spyan ldan no/ /thugs rje stobs dang rgya mtsho'i sprin/ /rgyal ba'i bka' dang sprin gyi shugs/ /spyod lam zhi dang log dang sel/ /byams pa'i 'od dang spos kyi zhing/ /mtshan ma zhi dang ston ka'i rtse/ /chos kyi sprin dang yon tan sde/ /'phags pa'i lam dang dri ma 'ong?/ /mchog tu dga' dang dri ma med/ /spyod yul spangs dang kun tu 'phro/ /rgyal ba'i 'od dang phyag rgya can/ /des ni sprul pa'i mtshan nyid de/ /dga' dang skad cig bdag nyid do/ /de ltar bstan pa des sprul pa mngal gyi sku la bstod pa'o/ /sangs rgyas rnam par snang mdzad che zhes bya ba ni chos kyi dbyings so/ /thub pa chen po thu bo? chen ldan zhes bya bas ni me long lta bu dang mnyam pa nyid do/ /gsang sngags tshul chen

  110. 55b

    las byung ba/ /gsang sngags tshul chen bdag nyid can zhes bya bas ni so sor rtogs pa dang bya ba grub pa'o/ /de ltar gyur pa ni 'jam dpal yum gyi rang bzhin te/ seng+ge dang ni rab gsal byed/ /thub pa dang ni me tog dang/ /me tog mdzes dang spyan gsal lo/ /pha rol phyin pa bcu la gnas zhes bya bas ni/ sems bskyed pa'i khyad par yum mA ma kI'i rang bzhin no/ /pha rol phyin bcu dag pa ste zhes bya bas ni/ spyod pa'i khyad par sa gnyis pa nas bdun pa yum na bza' dkar mo'o/ /pha rol phyin pa bcu yi tshul zhes bya bas ni/ bsgoms pas spong ba'i lhag ma brgyad pa dang bcu pa'i bar te/ yum dam tshig sgrol ma'i rang bzhin te/ sa ma ya mnyam par rtogs pa'o/ /mgon po sa bcu'i dbang phyug ste zhes bya bas ni de bdag nyid sku dang/ sa bcu la ni gnas pa'o/ /zhes bya ba ni de'i 'khor gyi bdag nyid dang de nyid ni/ /sa bcu gcig pa shes bcu rnam dag 'chang ba po zhes bya ba ni/ spangs pa dang/ thob pa'i yon tan gnyis dang ldan pa'i rang bzhin gyis chos ston pa yum sangs rgyas spyan no/ /de rnams kyi don ni 'byung ba yum gyi pho brang du zla ba bcu bzhugs pa ni sa bcu dang ldan pa'o/ /des 'gro ba'i don ma lus par byed pas na kun gyi don ni ma lus byed ces bya bas ni de yang dbang bcus 'gro ba'i don byed pa dang ldan no/ /'o na 'jam dpal ni ye shes kyi ngo bo yin na skye 'gag mi 'gal lam zhe na/ gnyis med gnyis su med par ston zhes bya bas ni/ longs sku'i bdag nyid kyi phyir ro/ /ded dpon kun dang chen po'i phyag /stobs po che dang rgyu skar rgyal/ /byang chub sems dpa' sman pa'i mchog /rgyan grags pa dang mtshan dang ni/ /'od zer che dang rnam grol lus/ /rnam snang mdzad dang snying po nyi/ /zab pa'i mtshan dang 'od zer 'bar 'od 'phro bzang dang mya ngan med/ /skabs de bzhin dang phreng pa 'chang/ /yon tan 'od dang don bstan pa/ /mar me mchog ces bstan pa'o/ /longs sku'i bdag nyid bstan pa'o/ /thog ma med pa zhes pa nas bden par smra zhing zhes bya bas ni skye ba med pa'i chos nyid la zer yang

  111. 56a

    kun rdzob phyag rgya chen po ste de las phyag rgya chen po de nyid rtogs pa'i phyir ro/ /gang las she na bla ma'i man ngag las te ji skad smras pa de bzhin byed ces pas so/ /de bzhin nyid gang zhe na/ gnyis med gnyis su med par ston zhes bya ba'o/ /'o na gang la brten nas rtogs she na/ dga' ba bzhi'i bdag nyid lhan cig skyes pa las te/ yang dag mdza' la rnam par gnas zhes bya'o/ /de'i phyir na gdod ma nas lhan cig skyes pa'i ye shes kyi bdag nyid la skye 'gag dang bral yang snang ba thabs la brten nas/ skye 'gag ston pa ste/ de'i phyir mi 'gol te bas na yang dag pa'i mdza' ye shes chen po de 'jam dpal gyi rang bzhin du gnas so/ /de'i don ni skye ba'i mdza' 'am srid pa'i mdza' spangs pa'o/ /des ni chos sku ste don dam pa'o/ /'bar ba bzang dang sman bzang po/ /mdzod spu 'dzin dang dpa' bo dang/ /brtan por gnas dang dpal mgon lha/ /mthong bar dka' dang yon tan tog /sgra gcan byang sems sgra gcan no/ /des ni yum la bstod pa'o/ /phyag rgya chen po de'i yon tan ci yod ce na/ bdag med seng+ge'i sgra dang ldan zhes bya ba ni/ dper na seng+ge'i phrug gu skyes ma thag tu gzhan 'joms pa bzhin du/ bcom ldan 'das lhan cig skyes pa'i sku de yang bltams pa tsam gyis bdud dang mu stegs dang rnam rtog las byung ba thams cad 'joms pa'o/ /chos kyi sku'i bdag nyid du bstan to/ /de bzhin gshegs pa'i yid ltar mgyogs zhes bya bas ni bar ma do'i sku zhu ba de'i bdag nyid de/ rgyal ba rnam rgyal zhes bya ba ste longs sku'o/ /'khor lo sgyur ba stobs po che zhes bya ba ni zhu ba de'i bdag nyid du gnas/ 'khor lo sgyur ba'i rgyal po lta bu'i longs sku las sna tshogs kyi gzugs kyi bdag nyid du gyur pa'i sprul sku ste/ tshigs kyi slob dpon tshogs kyi bdag ces bya ba ste/ tshogs ni mang po ste dpag tu med pa'i don to/ /de rnams kyi bdag por gyur pas na bdag ces bya'o/ /mthu chen zhes pa ni ji ltar kun gyi rgyal ba'i sku de gces par 'dzin to/ /de ltar lhan cig skyes pa de yang shes pa'i bdag nyid du 'gyur

  112. 56b

    ba'i phyir ro/ /tshul chen gzhan gyi dring mi 'jog ces bya ba ni/ ji ltar yum gyi zas nas pa dang ldan zhing ro mchog thams cad ldan te/ de bzhin du lhan cig pa'i rang bzhin dang ldan pa ro thams cad kyi mchog tu 'gyur ro/ /tshig rje zhes bya ba ni/ ji ltar bltams par gyur pa de'i tshe na thams cad kyang skad snyan pa ka la bingka ltar mdza' dag shes pa de bzhin du lhan cig skyes pa'i bdag nyid du thams cad kyi sgra lhan skyes kyi rang bzhin du'o/ /de yang bden pa dang snyan par ro/ /bden pa bzhi ni ston pa po zhes bya ba ni lam mo/ /de yang sku bzhi dang 'khor lo bzhi dang/ dga' ba bzhi dang/ skad cig ma bzhi dang/ phyag rgya bzhi dang/ bden pa bzhi dang/ sde pa bzhi'i bdag nyid du ston to/ /'o na lam du ji ltar gnas zhe na/ phyir mi ldog pa phyir mi 'ong/ 'dren pa rang rgyal bse ru'i tshul/ /nges 'byung sna tshogs las byung ba/ /'byung ba chen po rgyu gcig po zhes pa'o/ /de bas na bden pa bzhi bdag nyid bsdus pa dang/ /'byung ba chen po rgyu gcig po zhes bya bas sde pa bzhi bdag nyid du bsdus pa'o/ /rig pa dang ni rkang par ldan/ /bde gshegs 'jig rten rig pa'i mchog ces bya bas sku'i bdag nyid du bsdus pa'o/ /des na thams cad 'dus pa'i yum gyi sku ste mngal gyi khru ma chos gos te rang bzhin gyis dgra bcom pa'i dge slong ngo/ /de gcig pu gnas pas rang rgyal ba'o/ /nges par 'byung ba'i rten 'byung ba chen po bzhis bskyed pa'i rgyu gcig po dang ldan pas nyan thos pa'o/ /tshul khrims mdza' dag rdzogs te zla ba bcur bzhugs pas byang chub sems dpa' o/ /thabs dang shes rab kyi skur rdzogs shing rgyun mi 'chad pa'i gsang sngags dang ldan pas phyag rgya chen po'i sdom pa rdzogs pa na bde bar gshegs pa'o/ /tshangs pa'i mtshan dang stobs po che/ /rig pas 'dzin dang 'od mdzad pa/ /chen po'i ri dang rgyal ba'i mtshan/ /'jigs par byed dang rin chen dang/ /pad+ma'i sde dang stobs dang ni/ /me tog 'od dang ye shes 'od/ /lha min 'od dang tshangs pa dang/ /'od dpag

  113. 57a

    med dang klu sbyin nas/ /rim par ston dang don yod mthong/ /dang po sbyin dang mi ldang ba/ /seng rgyal mtshan dang khams gsum sdud/ /chos mos dang ni dga' ba'i rgyal/ /don chags pa dang dga' bar mdzad/ /chu yi lha dang yon tan lags/ /spos glang po dang don yod dbyangs/ /thub bzang po dang zla ba dang/ /zla 'od grags dang glang chen stobs/ /gtsug nor bu dang drag po dang/ /seng+ge mchod dang ngang pa'i 'gro ba/ /don rnams rgyal dang shes rab brtsegs/ /legs par gnas dang blo gros brtan/ /yan lag byung dang bdud rtsi shes/ /lus bzang po dang ye shes ldan/ /'od 'phro ba dang bka' thub gnas/ /bkra shis 'byung dang bden smra dang/ /pad+ma dang ni mi yi theg /utpa la dang ye shes blo/ /blo dri bral dang tshangs pas byin/ /rin chen mdzod dang me tog lha/ /legs bsams don dang dbang phyug chos/ /blo gros grags dang rnam par rol/ /shes pa mchog dang mang po'i lha/ /dri mchog dang ni shes rab zer/ /rin chen snying dang grong khyer mthong/ /zla ba'i 'od dang tshes pa'i mchog /yid kyi yul dang yon tan grags/ /zla ba bsil dang gsang ba'i 'od/ /seng+ge'i tog dang lugs las bzlog /snying po dpal dang dngos mthar ston/ /glog gi 'od dang seng+ge sbyin/ /gzhan gyis mi thub ces pa'o/ /rig pa'i mchog bdag gir yi 'dzin par mi 'dzin/ /bden pa gnyis kyi tshul la gnas zhes pas ni thabs shes rab sems kyi rang bzhin nyid kyi sdom par grub po/ /des ji lta bu zhig spangs she na/ /'khor ba'i pha rol mthar son pa/ /bya ba byas pa skam sar gnas zhes pa'o/ /'bras bu gang dang ldan zhe na/ /ye shes 'ba' zhig las 'byung ba zhes bya ba'i yon tan gyi khyad par ci zhe na/ chos dbyings dam pa zad mi shes/ zhes bya bas so/ /'o na gdul bya gang la snang zhe na/ bsod nams ldan pa zhes pa'o/ /ye shes ye shes khyad par che ni lus dang sems tha dad du 'dod pa nyan thos rang rgyal ba dang/ byang chub sems dpa' yin la/ de las khyad par du

  114. 57b

    gyur pa ni ye shes ldan pa ste/ yod pa lus med sems gnyis ldan par shes pa'o/ /des khyad par chi'o/ /'on te rtog pa'i gang zag de tshogs gnyis rdzogs shing dus rtag tu rnal 'byor gus pa'i gang zag gis so/ /de ji ltar bsam gtan bde ba dang rig pa dbyer med cing mi g.yo ba ste/ de'i phyir bsam gtan bsam bya blo ldan mchog ces bya bas bstan to/ /de la bsdu ba'i don ni 'di ltar sangs rgyas shes pas ni rdo rje glus ni bskul ba'o/ /byams chen rang bzhin zhes pas ni/ /dga' ldan gnas nas bskul ba'o/ /rdzu 'phrul chen por cher grags pa/ /glang chen lta bur gshegs pa'o/ /mchod pa chen po zhes bya bas/ /rgyu lngas 'bras bu bskyed pa'o/ /sangs rgyas rnam par snang mdzad che/ /pho brang dbyings na bzhugs pa'o/ /'khor lo sgyur ba stobs po che/ /thams cad zil mnan bkra shis brjod ces pa'o/ /de la don ni 'di yin te/ /tshogs gnyis yongs su rdzogs pa yis/ /d+harma d+hA tu lus dbus su/ /de nas ye shes lnga bsgoms te/ /de ltar mtshan ni brjod par bya/ /ye shes lnga'i dkyil 'khor la/ /tshigs bcad sum cu rkang pa gnyis/ /mtshan ni nyis brgya lnga bcu gnyis/ /gtso la rtsa gsum gzhan la re re lhag /ye shes lnga yi dkyil 'khor bstan pa'o/ /da ni rdo rje 'jigs byed kyi dkyil 'khor bstan par bya ste/ /yum dang 'khor dang pho brang ste/ /de'i phyir so so rang rig mi g.yo pa'o/ /mchog gi dang po sku gsum 'chang zhes bya ba ni/ ye shes kyi sku de nyid mthing ga chos sku'i rang bzhin/ khro bo'i rnam pa ni/ longs sku sprul ba 'phro ba ni sprul sku'o/ /sangs rgyas sku lnga'i bdag nyid can zhes bya bas ni/ thabs kyi bdag nyid sku dang yum/ gyis bskyed pa'i sku bstan to/ /sangs rgyas sras po dam pa'i mchog ces bya bas ni/ yum gyi gnas chos kyi dbyings la bzhugs pa'o/ /de yang sku lnga'i bdag nyid de rigs lngas byin gyis brlab pa'o/ /de ni dbus kyi yum gyi sku dang ye shes kyi sku bstan te/

  115. 58a

    shes pa srid 'byung skye gnas med ces bya ba'i don to/ /skye ba'i gnas med pa ci zhe na/ chos las 'byung ba srid pa sel zhes pa'o/ /de'i rang bzhin ci zhe na/ gcig tu sra mkhregs rdo rje'i bdag ces pa'o/ /nam mkha' las byung rang 'byung ba zhes bya ba ni/ nam mkha' nas 'byung ba'i sku'i shes rab ces bya ba ni shes rab po/ /ye shes ni ye shes so/ /me bo che zhes pa nas/ gzi brjid chen po 'od gsal ba zhes pa ni thabs so/ /sngags mchog sngags bdag rig sngags rgyal/ /gsang sngags rgyal po don chen byed ces bya bas ni/ sngags kyi bdag po bar du gcod pa sel ba rnams so/ /gtsug tor chen po rmad 'byung gtsug ces pa ni/ gtso bo rnam pa lnga'i bdag nyid des khro bo'i bdag nyid do/ /nam mkha' i bdag po sna tshogs ston/ /zhes bya ba ni de rnams kyi sprul pa'o/ /sangs rgyas kun gyi sku yi mchog /'gro kun dga' ba'i mig dang ldan zhes bya bas ni/ /rigs lnga dang yum lnga'o/ /de yang zhal gyi 'od zer dang sku'i 'od zer gyis bskyed pa ni/ sna tshogs gzugs can skyed pa po/ /drang srong che dgus mchod cing brjod ces bya bas sku dpag tu med pa srung ba de yang drang srong gi cha byad can gyi de la mchod cing shis pa brjod pa'o/ /de la don ni 'di yin te/ tshogs gnyis bsags pa dang/ gzhal yas khang bskyed pa ni tshom bu lnga dang ldan pa 'khor lo rtsibs bcu drug gru chang bzhi dang rta babs dang/ sgo dang dra ba dang dra ba phyed pa dang ldan zhing shin tu mdzes pa'i nang/ seng ge dang/ glang po che dang/ rta dang rma bya dang/ shang shang ngo/ /de'i steng du lha chen po dang/ dri za dang/ gshin rje dang gnod sbyin no/ /de'i steng du nyi ma'o/ /sa bon a las bskyed pa ni dbus su 'jigs byed chen po'i sku mdog mthing ga mche ba gtsigs pa/ zhabs brkyang bskum du bzhugs pas gnon gyis phyag rgya can no/ /de'i thugs kar shes rab 'khor lo/ /de'i steng du nyi

  116. 58b

    ma'i steng du bcom ldan 'das 'jam pa'i rdo rje mthing gzhal drug pa ral pa'i thor cog can steng na yang dag par rdzogs pa'i sangs rgyas drug bzhugs pa/ phyag drug ni g.yas na keng rus kyi dbyug pa dang mnga' gzhu dang ral gri'o/ /g.yon na rdo rje dang sna tshogs rdo rje dang mdung bsnams pa'o/ /de las sprul pa'i sku drug 'phro ba/ pha rol tu phyin pa drug gi rang bzhin zhabs bzhi bsdu ba'i dngos po bzhi'i rang bzhin brkyang bskum du zhugs pa'o/ /de rnams la bstod pa ni/ so so rang rig mi g.yo ba zhes bya ba nas/ chos las 'byung ba srid pa sel zhes bya bas ni shes rab 'khor lo la bstod pa'o/ /ye shes skar ma la me ba ces bya bas ni gtso bo la bstod pa'o/ /rdo rje 'jigs byed 'jigs par byed ces bya bas ni ye shes sems dpa' nyid la bstod mtshan ni/ rgyal ba'i tog dang rab grub grags/ /brtson 'grus brtan dang dpe bral grags/ /shin tu grags dang dgra bcom lha/ /mar me che dang 'jig rten 'od/ /dpa' bo dri dang yon tan 'dzin/ /mun pa bral dang seng ge spras/ /rin chen grags dang zhi rab sgron/ /yid skyes zla dang legs par ston/ /rgyal mtshan gzugs dang nor bu bzang/ /ri bo'i rtse dang chos 'byung gnas/ /don rnam pa dang chos sbyin pa/ /rin chen gnas dang dbang po rgyal/ /seng ge'i mnan dang ngo bo'i gnas/ /bskal bral gdugs dang thams cad dpal/ /seng+ge sgra dang thams cad 'phags/ /seng+ge sgra dang yon tan phreng/ /me tog ri dang dbyangs ldan no/ /dbang phyug dri dang shin tu dga' / /stobs kyi lha dang bden par sma/ /klu yi phyag dang rgyal mtshan dang/ /rgyal ba'i blo dang ye shes khyab/ /bdud rtsi 'gro dang nyi ma 'chad/ /blo rab zhi dang gzugs mdza' yas/ /rgyal bas byin dang snang bar mdzad/ /rin chen tog dang don grub dang/ /legs par zhi dang rtogs pa 'chang/ /mi tog dang ni dbang po rgyal/ /gzi brjid can dang don ston mdzad/ /tshe dpag med dang khro dbang phyug /don gnas can dang mi shigs grags

  117. 59a

    mya ngan med dang dri ma bral/ /dri ma bral ba'i lha zhes pa'o/ /rdo rje 'jigs byed dur khrod bdag /'joms mdzad rgyal dang rnam par 'phrul/ /khams gsum rgyal dang rgyu 'phrul dra/ /rnam par 'joms dang me ltar 'bar/ /pi lo ki dang gzhan gyis mi thub pa'o/ /mi g.yo ba dang rdo rje khu tshur zhes pa'o/ /de nas yum bzhi gtso bo la 'khril pa/ /dkar po dang dmar po dang/ ser po dang ljang gu'i mdog go /glang po'i pags pa 'dzin pa'i phyag gi g.yon na utpa la'o/ /de la bstod pa ni sna tshogs gzugs can yid las skyes zhes pas ni/ theg pa mchog gsum ston pa'o zhes bya bas tshig rkang lngas bstod pa'o/ /rigs lnga ni seng+ge'i steng na rnam par snang mdzad mdog dkar po zhabs brkyang bskum du bzhugs pa/ phyag na gzhu bsnams pa ral pa'i thor tshugs can no/ /bstod pa ni don yod zhags pa rnam par rgyal zhes bya bas bstod pa'o/ /rin chen 'byung ldan rta'i steng na mdog ser po zhabs brkyang bskum du bzhugs pa/ phyag na dur khrod kyi ras 'dzin pa ral ba'i thor tshugs can no/ /bstod pa ni ha la ha la gdod brgya pa/ /gshin rje gshed po bgegs kyi rgyal zhes pas bstod pa'o/ /snang ba mdza' yas rma bya dang chu lha'i steng na zhabs brkyang bskum du bzhugs pa mdog dmar po phyag na mdung bsnams pa/ ral pa'i thor tshugs can no/ /bstod pa ni rdo rje snying po mkha' 'dra ba/ /mi g.yo ral pa gcig gis bsgyings zhes bas so/ /don yod grub pa ni mdog ljang gu shang shang dang gnod sbyin gyi steng na zhabs brkyang bskum du bzhugs pa phyag na rdo rje'i tho ba bsnams pa ral pa'i thor tshugs can no/ /bstod pa ni rdo rje dag po rdo rje snying zhes pas so/ /de'i mtshan ni 'dod pa'i rgyal dang zla ba'i gtso/ /gnod mdzes dang ni hUM mdzad do/ /rdo rje gnod sbyin rdor lcags kyu/ /bdud rtsi 'khyil dang pad+ma 'khyil/ /phyag na rdo rje rdor khrag 'thung/ /rdo rje lcags sgrog stobs po che/ /rdo rje zhags pa rta mgrin dang/ /drag po che dang 'khor lo'o/ /dang pos

  118. 59b

    mtshan dang yon tan dang kha dog go /gnyis pas ni mdog dang mtshan no/ /gsum pas mtshan dang mdog dang sku dang/ thabs dang shes rab kyi gnas so/ /bzhi pas mtshan dang mdog dang rgyan che'o/ /'khor lo'i rtsibs chen bzhi rnams/ /nang gi dur khrod de a ga ni pra ba dang/ ma ri ha ha kha dang/ be ra ba dzwa la khar ba dang/ ma ru rtse 'ga' na/ nar do'i steng na nyi ma la brkyang bskum du bzhugs pa'o/ /nang gi lha me bzhi ni/ dkar mo dang/ ser mo dang/ dmar mo dang/ ljang gu'i mdog can gyi khro mo zhabs brkyang bskum du bzhugs pa/ ro'i steng na rol pa'i tshul can phyag na mi'i mgo bo dang/ rgyu ma dang/ cang te'u dang/ rkang pa'o/ /nyi ma'i 'od can nyi ma'i gdan la bzhugs pa'o/ /grags chen ha ha zhes pa nas/ rdo rje gad mo cher sgrogs pa zhes bya bas bstod de/ /de'i mtshan ni 'di yin te/ dbyug sngon can dang 'jigs byed che/ /nam mkha' i mdog dang drag shul 'joms/ /rdo rje sku'i bdag rdor dbang sgyur/ /bdud sde 'joms dang zhags pa che/ nag po che dang zhe sdang 'joms so/ /de'i don ni 'di yin te/ 'dod chags nga rgyal phrag dog dang/ /zhe sdang la sogs 'joms mdzad ma'o/ /'khor lo bcu drug la shes rab kyi sems dpa' bcu drug ni/ gdan ni mi dang glang po che dang ma he dang bong bu bzhi'i steng na nyi ma'i dkyil 'khor gyi steng na zhabs brkyang bskum du bzhugs pa/ mdog dkar po phyag na rdo rje dang gri gug dang/ mda' dang lag pa rnams 'dzin pa'o/ /rdo rje sems dpa' sems dpa' che zhes bya bas nas/ mtshon du rdo rje mnga' thogs pa zhes bya bas bstod/ /gdan ni rnga mo dang khyi dang 'ug pa dang/ wa'i steng na nyi ma'i steng du zhabs brkyang bskum du zhugs pa/ mdog ser po phyag na chu gri dang ral gri dang 'khor lo dang/ shang lang bsnams pa'o/ /rdo rje ral gri ma lus gcod ces pa nas/ rdo rje gcig pu g.yul sel ba zhes bya bas bstod/ /gdan ni bya rgod dang 'ug pa dang/ bya reg dang ne tso'i steng du nyi ma la zhabs brkyang bskum du bzhugs pa mdog dmar po/ /

  119. 60a

    phyag na dbyug te dang kha twAM ga dang gsal shing dang thod tshal bsnams pa'o/ /rdo rje'i 'bar ba mig mi bgrang/ /skra yang rdo rje 'bar ba ste zhes bya bas bstod/ /gdan ni khra dang kang ka dang/ /srin bya dang/ khrung khrung gi steng du nyi ma la/ zhabs brkyang bskum du bzhugs pa/ mdog ljang gu phyag na rtse gsum pa dang/ phug dang sta re dang btun khur ro/ /lus ni rdo rje'i ba spu can/ /rdo rje spu ni gcig pu lus/ /sen mo skyes pa rdo rje rtse/ /rdo rje snying po pags pa mkhregs zhes bya bas bstod pa'o/ /de rnams kyi mtshan ni/ 'od zer 'phro dang bdud sde 'joms/ /drag shul 'joms dang shugs chen no/ /shin tu khros dang khrag 'dzag dang/ /thod pa 'chad dang utpal mdog /rdo rje 'dus dang phrin las mdzad/ /gtum khro 'bar dang rnga bo che/ /khams gsum 'joms dang drag po'i stobs/ /thal ba'i mdog dang ma he'i zhal/ /bdud rtsi phyag dang nam mkha' i mdog /dra ba'i 'od dang mi shigs bsnams/ /thugs rje'i zhags dang rin chen zhags/ /pad+ma khros dang rdo rje khros/ /zhes pas so/ /gru chang lha mo bzhi po ni/ /phyi'i dur khrod de/ bi bi sha dang dzwa la pa ra pa ta dang/ 'ga' na du kha dang/ pa ri khre ta dang/ bzhi'i nang na ro'i steng/ nyi ma la brkyang bskum du bzhugs pa/ mdog shel gyi mdog dang/ gser btso ma dang pad+ma rA ga dang in+d+ra nI la lta bu/ phyag na rlung gi ngas dang 'phan lce gsum pa dang me thab dang/ ka pA la bsnams pa'o/ /bstod pa ni rdo rje phreng thogs dpal dang ldan/ /rdo rje rgyan gyis rgyan pa ste zhes pa'o/ /mtshan ni las kyi khros dang rin chen khros so/ /sgo ma bzhi ni nyi ma'i gdan la zhabs brkyang bskum du bzhugs pa'o/ /mdog nag po ser po dmar po sna tshogs pa'o/ /phyag na lcags kyu dang zhags pa sdig 'dzub dang dril bu bsnams pa'o/ /bstod pa ni gad brkyangs ha ha nges par sgrogs zhes bya bas so/ /mtshan ni 'bar ba'i 'od dbyug pa snga zhes bya bas bstod pa'o/ /de'i don ni

  120. 60b

    dkyil 'khor lha rnams rdzogs bsgom dang/ thams cad 'jam dpal bskur bsdus nas/ /'jigs byed chen por gyur pa ni/ /rnam thar brgyad ldan zhal brgyad pa/ /spyan ni nyi shu rtsa bzhir mdzes/ /thod pa'i phreng ba'i dbu rgyan can/ /do shal do shal mi mgo brgya/ phyag ni sum cu rtsa gnyis mdzes/ /byang chub phyogs rnams yongs su rdzogs/ /zhabs ni bcu drug gdug pa gnon nam/ /stong pa bcu drug yongs su dang/ mtshan ma 'greng ba chags pa ste/ /khro bos shes rab shes rab gsal/ /rten gyi gzhal yas de bsgom bya// de ni shin tu khros pa'i gnas/ /shin tu 'jigs pa dur khrod gnas/ /thabs dang shes rab ye shes kyi/ /rol ba'i dkyil 'khor de la brten/ /zhi dang rgyas dang dbang dang dgug /bsad pa'i 'khrul 'khor bcu drug ste/ /sgrub pa rigs kyi 'khor lo lnga// bsdus pa'i 'khor lo der bsdus pas/ /nyi shu rtsa gcig 'khrul 'khor ni/ /gdams ngag gzhan du shes par bya/ /tshig rkang bcu bdun rkang pa gcig /ma tshang mtshan ni brgya rtsa bdun/ /bcu bcu lhag la gtso bo la/ /rdo rje 'jigs byed chen po'i dkyil 'khor bstan pa'o/ /da ni 'jam dpal rol pa'i 'khor lo bstan pa'i phyir/ /de nyid kyi sku bskyed pa dang bsrung ba'o/ /da ni sku 'jig rten du byung ba'i tshul ston pa ni/ de ni 'di yin te/ yi ge drug pa rdo rje'i sgra zhes pa nas/ phyogs bcu chos kyi rnga bo che/ / zhes pas ni/ rig pa dang/ chos gnyis ka las/ yon tan dpag tu med cing sdug bsngal sim par byed pa'i sgra 'byung bas/ /bstod pa tsam thos pa tsam gyis de kha na lhan cig skyes pa'i ro rtogs te/ rgyu mtshan ji lta bus rtogs pa ni/ yang dag bdag med de bzhin nyid/ yang dag mdza' ni yi ge med ces pa'o/ /gang gis bstan zhe na/ chos sna tshogs kyi ngo bor snang ba'i sgras bstod pas de kho na nyid lhan cig skyes pa'i bde ba'i ye shes skad cig ma la sbyor ba'o/ /'o na 'bras bu gang la sbyar zhe na/ lhan

  121. 61a

    cig skyes pa mi gnas mya ngan las 'das pa la sbyor ba'o/ /rig pa'i bdag nyid chos can du gyur pa'i sgras ci ston zhe na/ gzugs med gzugs bzang dam pa ste/ sna tshogs gzugs can rig pa'i bdag ces bya ba ni/ 'dod pa ni gzugs du mar gnas pa'o/ /gang zag de rnams kyi bstod par ni mtshungs pa med cing che bar ye shes kyi sku de la bstod pa ni/ mtshungs pa med cing che bar grags/ /khams gsum dbang phyug chen po ste zhes bya ba'o/ /'o na 'bras bu ci zhes na/ 'phags lam shin tu mtho la gnas/ /dar ba chen po chos kyi rtog /'jig rten gsum na gzhon lus gcig /gnas brtan rgan po skye dgu'i bdag /sum cu rtsa gnyis mtshan dang ldan/ /sdug gu 'jig rten gsum na mdzes/ /dpal ldan rgyu skar dkyil 'khor can/ /phyogs bcu nam mkha' i mthar thug par/ /chos kyi rgyal mtshan legs par 'dzugs zhes pa'o/ /'dod pa dang gzugs dang gzugs med pas khams gsum gyi dbang phyug ye shes kyi sku la de ltar bstod pa'o/ /'o na ye shes kyi sku gang zhe na/ 'jig rten gsum na gzhon lus gcig pa'i sku de la bstod pa'o/ /de'i don ni 'jig rten ni 'jig rten gsum du ye shes kyi sku bltams pa'o/ /ji ltar bltams par byed ce na/ /yum gyi sku stod shes rab shin tu yangs pa der 'od kyis 'jig rten gsum gsal bar mdzad nas/ 'khor thams cad bde ba'i rang bzhin du tshim par byed pa ste/ gnas brtan rgan po skye dgu'i bdag po tshangs pa dang/ sum cu rtsa gnyis kyi bdag po yon tan rnam smin gyi mtshan dang ldan pa'i brgya byin gyis/ 'jig rten slob dpon 'jigs pa med/ mgon skyabs 'jig rten yid bcugs pa zhes bya ba ni/ yon tan de dang ldan pa'i dbyer med kyi sku de thabs shes rab gnyis kyi tshul du blangs pa'o/ /'o na de'i don ci zhe na/ skyabs dang skyob pa bla na med ces pa nas/ srid pa'i ri bo 'joms pa'o

  122. 61b

    zhes bya bas ni/ 'jig rten pa'i spyod pa dang bstun nas/ skye bas 'gro ba la skyob cing 'dren pa'i rtags su phyogs bzhing nam mkhar gom pa bdun bdun gyis pad+ma bdun bdun no/ /ma rig sgo nga'i spubs 'byed pa/ /srid pa'i dra ba 'joms pa po/ /nyon mongs ma lus zhi byed pa/ /'khor ba'i rgya mtsho pha rol phyin/ /ye shes dbang bskur cod pan can/ /rdzogs pa'i sangs rgyas rgyan du thogs/ /sdug bsngal gsum gyi sdug bsngal zhi/ /gsum sel mdza' yas grol gsum thob/ /sgrib pa kun las nges par grol/ /mkha' ltar mnyam pa nyid la gnas nyon mongs dri ma kun las 'das/ /dus gsum dus med rtogs pa po/ /sems can kun gyi klu chen po/ /yon tan thod can rnams kyi thod/ /lus kun las ni rnam grol zhing/ /nam mkha' i lam la rab tu gnas/ /yid bzhin nor bu chen po 'chang/ /khyab bdag rin chen kun gyi mchog /dpag bsam shing chen rgyas pa ste/ /bum pa bzang po che ba'i mchog ces bya ba'i don ni/ ma rig pa'i dri ma dang/ srid pa'i dra ba dang/ nyon mongs pa zhi ba dang/ 'khor ba'i rgya mtsho las bsgral ba'i phyir dbang bskur zhing khrus gsol ba'o/ /gang la zhe na/ ye shes kyi sku de la'o/ /gang dang ldan pas she na/ rdzogs pa'i sangs rgyas kyis de kho na dang ldan pa dang/ sdug bsngal gsum ste/ lus ngag yid gsum gyi dri ma dag par byed pas so/ /de ji ltar gyis dag ste/ mi dag ce nam mkha' ltar mnyam pa nyid la gnas nyon mongs dri ma kun las 'das pas so/ /ji ltar rgyu mtshan cis she na/ dus gsum dus med rtogs pa'o/ /gang gis las su byas she na/ klu chen pos sems can gyi ye shes kyi sku de la'o/ /ji ltar mdzad ce na/ yon tan gyi rgyan sprul mgo'i gdengs ka can gyi klu'i gtso bo dga' bo dang 'jog po'o/ /de yang nam mkha' la lus sprin dang bcas pa dbu la rin chen 'bar bas brgyan pa/ rin po che'i rgyan du mas lus la brgyan/ des byang chub kyi shing 'bras bu spos kyi dad dang ldan pa'i bum pa la/ thabs shes rab kyi chu rgyun gyis

  123. 62a

    khru ba'i bum pa lag tu thogs nas/ /shing chen po de'i lag na bzung ba'i dus de nyid du khrus gsol ba'o/ /las kyi khyad par ci zhe na/ byed pa sems can kun don byed/ /phran 'dogs sems can mnyes gshin pa/ /bzang ngan shes shing dus shes/ /khyab bdag dam shes dam tshig ldan/ /dus shes sems can dbang don shes/ /rnam grol gsum la mkhas pa po/ /yon tan ldan zhing yon tan shes/ /dbugs 'byin chen po dga' ston che/ /zhes bya ba'o/ /'o na las gang dang 'brel pas she na/ chos shes bkra shis bkra shis 'byung/ /bkra shis kun gyi bkra shis pa/ /grags pa'i bkra shis snyan grags dge /zhes gong du bstan pa dang 'brel to/ /des ni bram ze dang/ rig byed ltar bkra shis pa'o/ /tshigs su bcad pa rkang pa gsum pa 'dis ni/ lus dge bar gyur cig /dag dge bar gyur cig /sems dge par gyur cig /ces pa'i don to/ /yon tan 'od dang khyad par che/ /rnam shes grags dang kun tu grags/ /zla ba gang dang pad+ma'i 'od/ /dka' thub rgyal dang mar me rgyal/ /glog gi tog dang rgyal ba'i 'od/ /gsang ba ldan dang dpe bral grags// pad+ma grags dang me tog mtshan/ /spyan mchog bzang dang grags med don/ /drag po sde dang bsod nams 'od/ /khyad par can dang thogs med blo/ /sgra gcan dang ni ye shes 'od/ /grags ldan dang ni ye shes ldan/ /skar ma ston dang rA hu la/ /sman chen po dang sman pa'i rgyal/ bsod nams glang po dang rgyu stobs/ /skar ma rgyal dang rgyal ba'i sku/ /nyi 'od 'chad dang chos kyi mdzod/ /blo gros legs dang rgyal ba po/ /rdo rje sde dang shes rab brtsegs/ /legs par gnas dang rgyal ba'i blo/ /chags pa'i gnas dang klu dbang po/ /yon tan gnas ngag ye shes dag /tog gi 'od dang tshangs pa'i dge /sgra mi snyan dang rol pa'i gar/ /klu yis sbyin dang bde ba'i tog /mkhas pas dbyangs dang gzhan thub min/ /ri 'od sbyin dang gsung dbyangs can/ /seng ge dang ni sna tshogs nyid/ ye shes dpal dang pad+ma

  124. 62b

    chu/ /me tog dang ni rnam grol lus/ /bsod nams spungs dang mtshan 'gyur blo/ /gsal ba dang ni zla mar me/ /mi bzang pa dang blo bzang spyan/ /yan lag mchog dang shes rab yul/ /mchog tu gyur dang rab 'joms zer/ /shes rab sbyin dang 'jam pa'i dbyangs/ /thogs med mdzod dang mthu sbyin dang/ /dag pa dang ni ye shes gnas/ /bde gshegs 'od dang dbang po'i 'od/ /thub pa che dang lha chen dang/ /'od zer bzang dang gzugs mdzes dang/ /rgyal ba'i sku dang don yod ston/ /sing nga la dang dri ldan dang/ /grags pa'i mtshan dang bkra shis dang/ /snying po mchog dang bsod nams dge /nyan pa chags dang nyan 'dod pa/ /mar me rgyal dang rin chen brtsegs/ /tshogs med lha dang sa yi bdag /grol bar 'gro dang gtsug phud gser/ /sgra gcan bzang dang mi thub ste/ /rang bzhin thub dang zla ba'i 'od/ /gser mdog bzang dang 'od dge ba'o/ /yon dbang lha dang chos kyi gdugs/ /yon tan lag dang dran pa'i mtshan/ /ye shes rdzogs dang blo gros 'phro/ /'od rnams 'bar dang sman gyi skyabs/ /dga' chen rol mo chen mo ste/ /bkur sti rim gro bya ba'i 'os/ /ji ltar de la bya bar 'os she na/ /'jig rten dgra ste rab kyi mchog /'jigs pa ma lus sel ba'o/ /de'i phyir byin gyis brlabs kyi yon tan de rnams dang ldan pa'o/ /de gang gis rtogs shes na/ /gtsug phud phud pu lcang lo can zhes pa nas/ tshangs par sbyor ba brtul zhugs mchog ces bya bas ni skye gnyis pa'o/ /ji ltar rtogs pa'i rgyu gang dang ldan pas rtogs she na/ dka' thub mthar phyin dka' thub can/ /gtsang gnas dam pa gau ta ma/ /ji ltar shes she na/ bram ze tshangs pa tshangs pa shes/ /mya ngan 'das pa tshangs pa thob/ /grol ba thar pa rnam grol lus/ /rnam grol zhi bzhi pa nyid/ /ces bya ba ni/ rgyu khyad par can dang ldan par bram ze yis shes so/ /bram ze de yang dri ma dag pa'i phyir/ /rtags la brten nas dpog pa ni/ /mya ngan 'das pa mya ngan 'das/ legs par mya ngan 'das dang nye/ zhes bya bar

  125. 63a

    rtogs pas so/ /bde sdug sel bar mthar gyur pa/ /chags bral lus las 'das pa po/ /rtags ni 'jig rten pa'i stobs kyis/ /thub pa med pa dpe med pa/ /mi mngon mi snang gsal byed min/ /de la brten nas ye shes kyi sku lhan cig skyes pa'i bdag nyid du rtogs te/ mi 'gyur kun 'gro khyab pa po/ /phra zhing zag med sa bon bral/ /rdul med rdul bral dri ma med/ /nyes pa med pa skyon med pa/ /shin tu sad pa sad pa'i bdag /kun shes kun rig dam pa po/ /rnam par shes pa'i chos nyid 'das ye shes gnyis med gzugs 'chad pa/ /rnam par rtog med lhun gyis grub/ /de'i don ni mya ngan las 'das pa chen po thob par rtags kyi sgo nas shes la/ /'jig rten pa'i 'phod dang bzod dpe med cing gzhan gyis bskyod par mi nus pas kyang shes so/ /de gang gi phyir zhe na/ thams cad kyis rtogs par dka' ba phra ba dang/ dri ma bral ba dang/ nyes skyon thams cad zad pa'i phyir/ 'bras bu kun shes pa'i bdag nyid mngon sum du grub po/ /de'i phyir dus gsum sangs rgyas las byed pa/ /sangs rgyas thog ma tha ma med do/ / de ci'i phyir zhe na/ dang po sangs rgyas rgyu med pa/ /ye shes mig gcig dri ma med/ /de ji lta bu'i rang bzhin du gnas she na/ ye shes lus can de bzhin gshegs/ /tshig gi dbang phyug smra ba che/ /smra ba'i skyes mchog smra ba'i rgyal/ /smra ba'i dam pa mchog gi gnas/ /smra ba'i seng+ge mtshungs pa med/ /kun tu lta ba mchog tu dga' / /gzi brjid phreng ba blta na sdug /'od bzang 'bar ba dpal gyi be'u/ /lag na 'od 'bar snang ba po/ /sman pa che mchog gtso bo ste/ /zhes bya ba'i don ni/ ye shes kyi lus kyi bdag nyid ni rnam pa lngar gnas la/ sngags ni ye shes lnga'i brda ston pa'o/ /yid ni dpal be'u'i tshul du zhu ba'i bdag nyid du gnas so/ /de yang gzhon nu'i rol pa dang skyo bas khyim nas khyim med par rab tu byung ba dang/ /zhi gnas kyi 'khor ba'i rgyu spangs

  126. 63b

    pa/ shes rab kyi spyan gyis sems can la gzigs pa ni dus gsum gyi sangs rgyas kyi mdzad pa bsgrub pa'o/ /dka' ba'i gnas su zhi gnas bsgom pa'i tshul du bzhugs kyang ye shes chen po dang po sangs rgyas ye shes lnga'i lus su chos kyi longs spyod pa dang/ gzi brjid dang ldan pas ni 'o thug gsol bas mdangs dang ldan no/ /des ni sprul pa dang gzhi rten dang po sangs rgyas so/ /rnam grol tog dang shes rab mchog /ye shes rgyal dang gzugs 'jigs pa/ /blo bur 'jigs dang thogs med grags/ /bde ba ldan dang dag snyan rigs/ /grags dbang po dang chos kyi brtsegs/ /'gro ba'i 'od dang legs pa'i rgyal/ /rang bzhin lus dang ye shes gsung/ /sna tshogs pa dang nyon mongs sel/ /'gro ba'i mchog dang seng+ge reg /chos kyi mtshan dang bskal pa bzang/ /mi bskyod gdong dang 'bad ba'i rgyal/ /rtog pa'i gsung dang spyan bzang po/ /rig don blo dang 'jigs pa bral/ /dri yi 'od dang dga' ba'i 'od/ /don yod 'gro dang khro thal mdog /gzugs mchog dang ni brtan pa'o/ /rtogs par byed dang shes rab can/ /don rig blo dang drag po'i bzhin/ /nyi ma'i lha dang shes rab gsal/ /shing rta 'gros dang gser gtso ma/ /skal ldan gtsug dang dbang phyug dang/ /dga' ba brtan dang mos pa 'joms/ /tshangs par shes dang tsandan dang/ /mya ngan 'joms dang seng+ge'i 'od/ /tog gi yul dang pad+ma'i snying/ /mdza' yas 'od dang snying po lha/ /me tog mdzes dang rig pa'i haM/ shes rab 'bar dang tshangs dbang po/ /rin chen phyag dang dbang po ldan/ /dpe med dri dang the tshom bral/ /mchod par 'od dang 'bar ba'o/ /pad+ma'i gdugs dang 'dum gyi mchog ye shes 'od dang bya rtsal grub/ /gsal ba'i mdog dang chos ldan pa/ /phan ldan gzugs dang ye shes dang/ /grags pa dang ni 'od zer 'bar/ /snying po bai DU baiDUrya/ /rgyu skar tshogs dang lha nyid dang/ /zla ba'i 'od dang dra ba'i 'od/ /dge ba'i

  127. 64a

    'od dang yon tan can/ /dam chos brjod dang tshig las rgyal/ /smra ba'i stobs dang tshogs dbang bsgyur/ /legs pa'i yid dang rigs kyi 'od/ /spyod lam zhi dang ye shes mchog /chos dbang phyug dang ris lha sku/ /yon tan las dang 'khor lo stobs/ /legs par sbyangs dang legs par reg /don grub dpal dang gzi brjid dpal/ /thams cad snyems dang bdud rtsi dbyangs/ /snang bde 'bar dang legs pa'i blo/ /rnam grol don dang dbang phyug 'phags/ /de la dang po'i sangs rgyas ye shes kyi lus/ /de bzhin gshegs pa'i gzugs su snang ba de'i thugs kar dpal gyi be'u ni/ 'khor lo utpa la'i 'dab ma lta bu'o/ /de'i thugs kar a thung ngu bsgoms la/ /lag pa 'od 'bar ba'i ral gri /sman dang sman pa lta bu yis nad 'joms pa dang 'dra ba'i po tis shing utpa la'i steng na mtshan pa/ sku shin tu mdzes pa'i sku 'od zer gyi dra ba las skar mnga' 'phog pa dang/ 'dra ba 'phro zhing sangs rgyas de'i lus las 'phro ba'i phyir/ sangs rgyas kun gyi bstan pa gcig de'i phyir/ /dpal ldan rgyu skar dkyil 'khor can/ /phyogs bcu nam mkha' i mthar thug pa/ /chos kyi rgyal mtshan legs par 'dzugs/ /'gro na gdugs gcig yangs pa ste/ /byams dang snying rje'i dkyil 'khor can/ dpal ldan pad+ma gar gyi bdag /khyab bdag chen po rin chen gdugs/ /sangs rgyas kun gyi gzi brjid che/ /sangs rgyas kun gyi rnal 'byor can/ /sangs rgyas kun gyi bstan pa gcig /rdo rje rin chen dbang bskur dpal/ /zhes bya ba ni/ yang na gong dang 'dra ba'i ye shes kyi sku lnga'i bdag nyid de'i thugs kar utpa la'i 'khor lo skar ma'i 'od dam nyi ma'i 'od zer lta bu dkar po/ /shin tu phra ba'i steng du zhu ba kun da lta bu dmar po'i mdog can bsams te/ de las 'od zer dkar dmar 'phros pas nam mkha' i khams thams cad du khyab ste/ sprul pa'i sku 'gro ba dang 'dug pa dang/ nyal ba dang bzhengs pa dang chos kyi 'khor lo bskor bar bsams nas/ de yang byams pa

  128. 64b

    dang snying rje'i bdag nyid can du byas te/ pad+ma'i steng na bzhugs shing bde ba la longs spyod pa'i skur bsgom mo/ /yang na lte ba'i dkyil nyid du pad+ma'i 'dab ma bzhi pa'i steng du bsam pa ni a thung ngu'o/ /yang na khyab pa'i bdag po'i ze 'bru dang/ ze 'brul nyi ma dang zla ba'i thig le bsams te/ gzi brjid me'i rang bzhin gyis sangs rgyas kun gyi bdag nyid bsregs pa dang/ sangs rgyas kun gyis bsregs nas rnal 'byor ma yum lnga'i rang bzhin yang bsregs te/ smin mtshams su bton nas/ 'gro ba dang bzhengs pa 'dug pa dang nyal ba la sogs pas sems can gyis don byas/ sangs rgyas rnams mchod nas/ spyi gtsug tu zhugs te gsol ba btab par bsgom par bya'o/ /de ltar lta zhing rdo rje'i glu blang bar bya'o/ /rol ba'i mchog dang lhag mthong dang/ /nyes pa spangs dang nyi ma'i 'od/ /dgra rgyal blo dang pad+ma'i mchog /nyi ma'i 'od dang so sor gsung/ /legs pa'i mu dang tshogs dbang po/ /'jigs pa bral dang ye shes sred/ /de ltar bstod pa de ni ye shes sems dpa' i rang bzhin brjod pa'o/ /'jam dpal rol pa'i dkyil 'khor la tshigs su bcad pa sum cu gcig go /mtshan nyis brgya sum cu'o/ /de ni ye shes sems dpa' i dkyil 'khor ston te/ rdo rje rin chen dbang bskur dpal/ zhes pa nas/ sangs rgyas kun gyi thugs la gnas zhes pa ni/ thabs dang shes rab kyi sa bon bstan te/ byang chub sems so/ /de yang chos kyi 'khor lo dang sprul pa'i 'khor lo'o/ /sangs rgyas kun gyi sku yis mchog /ces bya bas rdo rje zla ba dri med 'od ces bya bas ni/ hUM dang a'o/ /de yang dmar po dang dkar po'o/ /chags bral la sogs chags pa che/ /kha dog sna tshogs 'bar ba'i 'od ces bya bas ni/ /'od zer lnga las ye shes lnga'i rang bzhin gyi sku steng gi hUM las rdo rje 'od kha dog lnga las thabs kyi ye shes lnga dang ldan pa'i ye shes sems dpa' bsgom pa ni/ rdo rje skyil krung rdzogs sangs rgyas/ /dpal ldan pad+ma sangs rgyas skyes/ a/kun mkhyen yis

  129. 65a

    mdzod 'dzin pa/ /rgyal po sgyu 'phrul sna tshogs 'chang zhes bya ba ni/ bdag nyid kyi lus la rdzogs pa nyid du ston pa ni pad+ma'i steng du rdo rje skal mo khrung rigs bzhugs pa'i dang po'i sangs rgyas kun mkhyen pa'i zhal dang ldan la/ shes rab dang ye shes kyi phyag mtshan 'dzin pa'o/ /de'i thugs kar thabs dang shes rab kyi rang bzhin de bsgom par bya'o/ /de nyid gang zhe na/ rdo rje zab mo 'dzin dzika /rdo rje blo gros don bzhin rig rdo rje rnon po ral gri che/ /yi ge mchog ste rnam par dag /theg pa chen po sdug bsngal gcod/ / mtshon cha chen po rdo rje'i chos/ /zhes bya bas ni ye shes lnga lnga bcur gyur pas shes par bya'o/ /'o na rgyu mtshan cis shes she na/ pha rol phyin pa kun rdzogs pa/ /sa rnams kun gyi rgyan dang ldan/ /zhes bya ba ni/ pha rol phyin pa bcu'i bdag nyid dang/ sa bcu'i bdag nyid kyis sa bcu'o/ /de rnams kyang rgyan dang ldan pa nyid kyi phyir ro/ /'o na drug par cis shes she na/ rdo rje'i gdan ni ma lus ldan/ /ye shes sku rnams ma lus 'chang/ /zhes bya bas bstan te/ des ni drug pa rdo rje 'chang gi rang bzhin du bstan to/ /de bas na sa'i snying po 'gro ba 'dzin/ /kun tu bzang po blo gros bzang zhes bya ba ste/ thabs dang shes rab kyi rang bzhin no/ /gnas gang du zhe na/ sprul pa'i 'khor lo sna tshogs 'chang/ /dngos po kun gyi rang bzhin mchog /dngos po kun gyi rang bzhin 'dzin/ /skye med chos te sna tshogs don zhes bya ba ni/ lte ba'i gnas dngos po bskyed pa'i sa/ skye ba med kyang cho 'phrul sna tshogs ston pa sprul pa'i gnas su'o/ /rnam pa ji lta bu zhe na/ chos kun ngo bo nyid 'chang ba/ /chos kun mngon par rtogs pa ste/ /thub pa blo mchog 'byung po sel/ /mi g.yo rab tu dang ba'i bdag /rdzogs pa'i sangs rgyas byang chub 'chang/ /sangs rgyas kun gyis mngon sum pa/ /ye shes me lce 'od rab gsal/ /'dod pa'i don grub dam pa'o zhes bya ba ni/ chos thams cad rang bzhin du dag pa'i ye shes 'chang ba ni gang zhe na/

  130. 65b

    lhag mthong gi shes rab dang bsam gtan gyi rang bzhin ltar zhu ba de dbyer mi phyed pa'i shes rab mi g.yo ba rtog pa'o/ /de kho na bde ba chen po ye shes kyi sku'i bdag nyid grub pa'o/ /ji ltar rtogs pas grub ce na/ /mngon sum nyid du yul du byas pas grub pa'o de bas na de rnams bsgom pa ni/ utpa la 'am mar me'i rtse mo dang 'dra bar bsgom mo/ /'o na gzhan don ji ltar byed par 'gyur/ /ngan song thams cad rnam par sbyong/ /mgon po sems can kun gyi mchog /sems can thams cad rab grol byed/ /nyon mongs g.yul du gcig dpa' ba/ /mi shes dgra yi dregs pa 'joms zhes bya ba des ni/ gti mug gi mun pa 'joms pa'o/ /dpal ldan blo dang sgeg pa 'chang/ /brtan po mi sdug gzugs 'chang ba/ /zhes bya ba ni gnyis pa'o/ /lag pa brgya po kun bskyod cing/ /gom pa'i stobs kyis gar byed pa/ /dpal ldan lag pa brgyas gang la/ /nam mkha' khyab par gar byed cing/ /sa yi dkyil 'khor bzhi yi khyon/ /rkang pa ya gcig mthil gyis gnon/ /rkang theb sen mo khyod gyis kyang/ /tshangs pa'i yul sa rtse nas gnon/ /don gcig gnyis med chos kyi don/ /dam pa'i don ji 'jigs pa sel/ /zhes bya ba ni dang po bsnyen pa sngon du song bas/ /bsrung zhing sbyang ba dang/ sta gon la gnas pas bsrung bar bya ba dang/ dkyil 'khor bri zhing sgrub pa ni de ltar shes par bya'o/ / dbang bskur ba ni gang zhe na/ rnam rig sna tshogs gzugs don can/ sems dang rnam shes rgyud dang ldan/ /dngos don ma lus rnams la dga' / /stong pa nyid dga' 'dod chags blo/ /srid pa'i 'dod chags spangs pa ste/ /srid gsum dga' pa chen po pa/ / zhes bya ba ni/ dka' ba'i rang bzhin gyi sems can la dbang bskur ba'i phyir/ /rdo rje dang drug pa rdzogs sangs rgyas kyi dbang la sogs pa bskur bar bya'o/ /spobs pa'i mtshan dang blo 'chang ba/ /zla ba dang ni rin chen zla/ /mi 'jigs pa dang me 'od che/ /tshangs

  131. 66a

    pa'i sgra dang snyan pa'i gsung/ /shes rab ma dang kun mnyam blo/ /rdo rje tshig dang blo spobs lnga/ /nam mkha' dbang dang ngag dbang phyug /yon tan mchog dang gnas kyi mchog /'phags pa'i 'od dang gsang ba'i ri/ /gsang ba'i don dang rnga yi sgra/ /'dod spyod sbyin dang ye shes legs/ /zhi bas bzhugs dang ye shes gsung/ /shin tu gdugs dang rgyal mtshan chos/ /dri ma bral dang ye dbang blo/ /skal bral brjod dang gzi brjid 'od/ /drang srong che dang shes rab bsags/ /'khor lo spong dang zla ba'i zhal/ / nyi zla'i 'od dang yon tan 'tsho/ /yon tan sdud dang bla med rtog /bsod nams rtogs dang yul spangs pa/ /rigs su skyes dang rgyal po'i rigs/ /rnam grol gsung dang dbang phyug po/ /mchog tu ye shes ye shes dbyangs/ /nam mkha' dang ni mchod 'os dang/ /dpung tshogs bcas dang rin chen 'phro/ /zla ba'i sku dang bdud rtsi 'od/ /pad+ma'i 'od dang 'od stobs dang/ /seng+ge gdong dang ye shes sku/ /don grub dpal dang ye shes nye/ /don yod grub dang ston pa'i stobs/ /rin chen brtsegs dang sgra 'byin dang/ /pad+ma dpal dang nyon mongs 'joms/ /ye shes sems dang bde 'gro dang/ /bde bral bzhad deng dri yi 'od/ /mdza' yas ston dang rin chen dang/ /zla ba phyed dang seng+ge mchog /bsam gtan 'od dang dpa' bar 'gro /rin chen yon tan rnam par rol/ /don ston pa dang dgra bcom grags/ /rin chen 'od dang srid bcings grol/ /spyod yul spangs dang nam mkha' i mdzod/ /spobs pa grags dang rdo rje nor/ /de ltar bum pa rdzogs pa yis/ /gsang ba'i dbang bskur ba'i phyir/ yos bas bar du bcad/ las kyi phyag rgya'i ye shes dbab bo/ /de ji lta bu zhe na/ sprin dkar dag pa bzhin du dkar/ /'od bzang ston ka'i zla ba'i 'od/ /nyi ma 'char ka'i dkyil ltar mdzes/ /sen mo'i 'od ni shas char dbang/ /cod pan bzang po mthon

  132. 66b

    ka'i rtse/ /skra mchog mthon ka chen po can/ /nor bu chen po 'od chags dpal/ /sangs rgyas sprul pa'i rgyan dang ldan/ /zhes bya ba des bstan to/ /de dbul nas byin gyis brlabs nas dbang bskur ba ni/ /'jig rten khams brgya kun bskyod cing/ /rdzu 'phrul rkang pa'i stobs chen ldan/ /byang chub yan lag me tog spos/ /de bzhin gshegs pa'i yon tan mchog /zhes bya bas byin gyis brlabs nas slob ma'i kha ru sbyin pa'o/ /tshe dpag med dang nor bzang bkod/ /dbang phyug che dang yon tan 'od/ /ri bo'i grags dang bcu? 'od ldan/ /gnyis dang gral dang klu yi stobs/ /shin tu grags dang rin chen zla/ /shugs can dang ni gsal bar byed/ /dga' ba'i dbang phyug gtsug phud 'od/ /'jigs pa bral dang yon tan snying/ /'o na de la brten nas ji ltar rtogs she na/ lam gyi yan lag brgyad tshul rigs/ /yang dag sangs rgyas lam rig pa'o/ /de ltar gsang ba'i dbang bskur nas/ slob ma'i spyod yul du bya ba'i phyir/ sems can kun la shas cher chags/ /nam mkha' lta bur chags pa med/ /sems can kun gyi yid la 'jug/ sems can kun gyi yid ltar mgyogs/ /sems can kun gyi dbang don shes/ /sems can kun gyi yid 'phrog pa/ /de'i phyir na sems kyi dri ma dag par byed do/ /de ltar bstan na chags pa dang bral bas sems kyi dri ma ji ltar dag /de las gzhan ji ltar yod ce na/ de nyid kyang sems kyi rnam pa'o/ /de ltar yin pas na dge slong gis kyang mi 'gal zhes/ /'jam dpal grags pa gsung ngo/ /'o na dbang po gnyis snyoms par 'jug pa ji ltar mi 'gal/ mi 'gal te/ 'jig rten pa'i 'dod pa'i chags sems lta bu ni ma yin te/ rnam par rig pa tsam gyis te/ /kun rdzob sgyu ma'i blos 'jam pa'i rdo rje ni gzugs kyi rang bzhin gyi zhen pas ni ma yin no/ /dper na rmi lam gyi rtsad med la spyad kyang sad na dga' ba dang ldan na bden mod/ mi ldan ma ma yin no/ /de bas na stong pa nyid dang ldan mi

  133. 67a

    'gal lo/ /de bas na smad pa'i ltung bar yang mi 'gyur ro/ /dri ma med dang gzi brjid gzhi/ /gdung ba grags dang lha yi gnas/ /legs par mnyam dang sangs rgyas 'byung/ /de ltar dbang gsum pa bstan nas bzhi pa ni/ /phung po lnga don de nyid shes/ /rnam dag phung po lnga 'chang ba/ /nges 'byung kun gyi lam la gnas/ /nges par 'byung ba kun ston pa/ /zhes bya bas ston te/ zhal las shes par bya'o/ /de yang dang dang shes rab dang ldan bla ma bsten/ /dbang gi de nyid cho ga ji bzhin bstan par nus zhes bya ba bstan to/ /'o na khyad par ci yod ce na/ /yan lag bcu gnyis srid rtsa bton/ /dag pa rnam pa bcu gnyis 'chang/ /zhes bya bas ni rang rgyal bstan te/ rten cing 'brel par 'byung ba'i dbang du byas nas dag par 'dod la/ bden bzhis tshul gyi rnam pa can/ / shes pa brgyad po rtog pa 'chang/ /de nyid rnam pa bcu drug rig /ces bya bas theg pa chung ngu'i sdug 'byung 'gog pa lam bzhi dang/ de khyad par shes pas bstan to/ /des nyan thos dang rang rgyal bar dbang du byas nas bstan to/ /rnam pa nyi shus byang chub pa/ rnam pa sangs rgyas kun rig mchog ces bya ba/ shes bya stong pa nyid bcu drug dang/ rnam par thar pa bzhi'i bdag nyid de nyi shus ni/ theg pa chen po byang chub sems dpa' i lam mo/ /'o na khyad ci yod ce na/ de rnams ni spang bya dang gnyen po bdag nyid rtogs la lam 'di nyid ni lam du byed pas na khyad par du gyur pa'o/ /de'i phyir na/ sangs rgyas kun gyi rtog bya ba/ /sangs rgyas byang chub bla na med/ /gsang sngags las byung yi ge med/ /gsang sngags chen po rigs gsum pa/ /gsang sngags don kun bskyed pa po/ /bskyed pa'i rim pa'i de kho na nyid bstan la/ thig le chen po yi ge med/ /stong pa chen po yi ge lnga/ /thig le stong pa yi ge drug /rnam pa kun ldan rnam pa med/ /ces bya bas ni lus kyi de kho na nyid bstan nas/ da ni sems kyi de kho na

  134. 67b

    nyid bstan pa ni/ bcu drug phyed phyed thig le can/ /yan lag med pa rtsis las 'das/ /zhes bya bas sems kyi bdag nyid bde ba rig pa'i gsal ba'i rang bzhin du bstan te/ spang bya dang gnyen po gnyis su med pa'i lhan cig skyes pa'i rang bzhin no/ /bsam gtan bzhi yi rtse mo can/ /bsam gtan yan lag kun shes shing/ /zhes bya ba ni/ dga' ba bzhi dang skad cig ma bzhi'i bdag nyid du gnas pas na de'i bdag nyid do/ /de nyid gang zhe na/ ting 'dzin rigs dang rgyud rig pa/ /ting 'dzin lus can lus kyi mchog /longs spyod rdzogs sku kun gyi rgyal/ /sprul pa'i sku ste sku yi mchog ces bya bas te/ de las byung ba'i 'bras bu'o/ /yang na sangs rgyas kun gyi sprul pa'i sku'o/ /zhes pa nas theg pa gcig gis 'bras bur gnas/ /zhes bya bas ni/ theg pa gzhan drang don 'di nges don du'o/ /nyon mongs khams zhes bya ba nas/ /bag chags bcas pa gtan du spang/ /zhes bya bas/ dri ma dag na de ltar dbang dang man ngag rtogs pas dag pa'i zhes pa'o/ /snying rje che dang zhes pa nas skad cig thams cad bye brag phyed/ ces bya bas thabs de la brten nas ye shes kyi sku de kho na nyid kyi 'bras bu'o/ /sangs rgyas kun gyi rtogs bya ba/ /sangs rgyas byang chub bla na med/ /ces bya bas ni/ chos sku'i thob bya dang bcas pa'i don bstan la/ /gzugs brnyan lus zhes bya bas ni/ /gzugs sku ste 'bras bu'o/ /de yan chad skye ba kun rdzob kyi bden pa'o/ /dri med grags dang gzi brjid gtso/ /gdung ba grags dang dbang chen po/ /yon tan 'od dang 'od ma gdugs/ /bcu 'od ldan dang nyid dang bral/ /klu yi stobs dang shin tu grags/ /rin chen zla dang shugs can dang/ /gsal bar byed dang dga' dbang phyug /gtsug phud 'od dang 'jigs pa bral/ /yon tan snying dang dri med grags/ /gzi brjid bzhi dang gdung ba sel/ /lha yi gnas dang legs par mnyam/ /sangs rgyas 'byung dang rin chen sku/ /sangs rgyas stobs dang rin chen khyab/ /grong khyer mthod dang blo gros legs/ /'jig rten 'od dang

  135. 68a

    rin chen lha/ /skal ldan shing rta yang dag rgyal/ /dga' ba'i bkod dang mu yi 'od/ /dka' thub rgyal dang byang chub zla/ /tshes 'chad pa dang gzhan don zla/ /ri yi 'od dang tshangs pa'i dbyangs/ /bde ba'i lha dang yon tan brtsegs/ /seng+ge'i bla dang nor bu can/ /zla ba zhes dang sgra dang mtshungs/ /grags chen dang ni gzi brjid shugs/ /tshogs kyi grags dang dge bar ston/ /dri bzang dang ni ri rgyal mtshan/ /dga' ba'i don dang mchod par 'os/ /sprin mdza' dang ni bden pa'i gsung/ rnam snang mdzad dang bden par nges grags pa'i bde dang grags tshangs pa/ /gser 'od gser dang srog dang ldan/ /'gro ba'i theg dang thun tshod dang/ /grags pa'i mchog dang blo bzang chub/ /nor lha dka' thub grib po dang/ /don gsal byed dang nor gyi 'khor/ /'jig rten 'das dang gser glang po/ / yon tan rgyal dang ri yi 'dra/ /dbang byed rgyal dang rab tu zhi/ /mnyam sangs rgyas dang rtog bral dang/ /dri rab zhi dang rmongs la ston/ /dge bzang po dang ye shes thugs/ /smra ba'i dbang dang lha chen po/ /blo gros bzang dang 'tshe ba med/ /chos kyi don dang 'jig rten chos/ /sgra gcan nyid dang rgyal mtshan grags/ /sman po'i mchog dang me tog 'od/ /dge gtsug phung dang bdud rtsi 'od/ /byang chub che dang rgya mtsho bstan/ /rin chen spungs dang rol pa'i stobs/ /nyi ma can dang dga' ba'i 'od/ /gtsug na nor dang sdig bral bdag/ /'gro ba 'dul ba dang sdud pa'o/ /me tog sbyin dang 'gro ba'i 'od/ /mthun par smra dang pad+ma dang/ /ye shes 'od dang bkod pa'i rol/ /brtan pa'i 'od dang rgyal mtshan 'dzin/ /bden pa'i gnas dang rnam grol bzang/ /bsam pa shes dang sems can 'dzin/ /rin chen 'dzin dang rgya mtsho brgal/ /mi thub 'joms dang sgra chen po/ /'dul ba dang ni maN+Dal bsnams/ /lha rnams mchod dang dri ma spangs/ /mchog gi mu dang lha yi gsung/ /de la don dam pa ni/ /nor bu rin chen zhes pa nas/ /gsang sngags las byung yi ge med/ /ces bya bas ni/ rten

  136. 68b

    gyi gang brag 'bras bu thob par byed pa'i thabs so/ /de ni a las sku de nyid bde ba dang stong pa nyid du'o/ /gsang sngags chen po zhes pa nas rnam pa kun ldan rnam pa med/ /ces bya bas ni rten gyi gang zag gsum las khyad par du byas pa des lha'i sku bskyed pa ste bar sbral? pa la kha dog lnga dang ldan pa'i rlung thun bzhi dang/ mthun mtshams brgyad dang/ /'de? ba bcu drug chu tshod sum cu so gnyis/ dbyu gu drug cu rtsa bzhi bsgoms pas 'byung ba bzhi yon tan dang po'o/ /bcu drug phyed phyed ces bya bas ni/ dga' ba bcu drug go/ bsam gtan bzhi yi rtse mo can/ zhes bya bas ni/ longs spyod kyi 'khor lo ni/ dri ba dang bskyed pa'i 'khor lo bzhi'o/ /rtse mo na a gtum mo mar me lta bu'o/ /de la brten nas sa 'og rnams thig le'i rang bzhin du gsal zhing 'bab pa'i thig le ni thabs dang shes rab rgyun mi 'chad pa'i thig le 'dag pa'o/ /de bas na bsam gtan gyi lhan cig skyes pa'o/ /yan lag ni de rtogs par byed par babs de'o/ /'bras bu ni ting 'dzin rig dang rgyud rig pa/ /ting 'dzin lus can lus kyi mchog ces bya ba la sogs pas bstan to/ /de bas na bla ma dam pa de la phyag bya bar 'os pa'i phyir/ mchod 'os bstod 'os phyag gi nas/ /rtag tu ri mor bya bar 'os/ /bkur 'os mchod par bya ba'i mchog /phyag byar 'os pa bla ma'i rab ces bya ba'o/ /'o na de nyid kyi yon tan ci dang ldan zhe na/ 'jig rten gsum pa gom gcig bgrod/ /mkha' ltar mdza' med rnam par gnon/ /gsum rig gtsang ma dag pa ste/ /mngon shes drug ldan rje dran drug /byang chub sems dpa' sems dpa' che/ /rdzu 'phrul chen po 'jig rten 'das/ /shes rab pha rol phyin pa'i mdza' / /shes rab kyis ni de nyid thob/ /bdag rig gzhan rig thams cad pa/ /kun la phan pa'i gang zag mchog /dper bya kun las 'das ma ste/ /shes dang shes bya'i bdag po mchog /gtso bo chos

  137. 69a

    kyi sbyin bdag ste/ /phyag rgya bzhi'i don ston pa/ /de lta bu de la 'gro bas bsnyen bkur gnas kyi mchog /de ci'i phyir zhe na/ nges 'byung gsum po bgrod rnams kyi/ /don gyi dam pa rnam dag dpal/ /ston pa'i phyir ro/ /de rtogs shing ? pa'i bsam pa dang ldan pa gang zhe na/ 'jig rten gsum na bskal bzang che/ /dpal ldan 'byor ba kun byed pa/ /'jam dpal dpal dang ldan pa'i mchog ces bya ba'i rtogs pas so/ /rin chen lha dang dpag med 'od/ /bdud dgra 'joms dang rtog pa spangs so// don grub dang ni me tog dang/ /yul don grub dang zla ba dang/ /brtul zhugs grub dang mi g.yo ba/ /blo gros dang ni mar me dang/ /sgra ngan rtogs dang dam pa'i rtogs/ /gzi brjid stobs dang shes rab sku/ /zla ba gang dang nyi ma'i 'od/ /bya ba rdzogs dang ston par mdzad/ /gzi brjid bzang dang ye shes stobs/ /gzi brjid dge dang rten pa'i stobs/ /lha yi bu dang rab tu zhi/ /nyi ma'i zhal dang dro ba'i 'od/ /tshul khrims 'od dang dka' thub rgyal/ /dri ma bral dang rgya mtsho sgra/ /gzugs brnyan snang dang kun las grel/ /rgya mtsho 'od dang dri ma med/ /dran dbang po dang mchog don blo/ /dpung rab zhi dang chos dbang phyug /gsal ba sna tshogs gsal ba'o/ /tshigs su bcad pa lnga bcu drug la rkang pa gcig mtshang ba'o/ /mtshan nyis brgya bdun cu rtsa bdun no// //mchog sbyin rdo rje zhes pa nas/ sangs rgyas byang chub ces bya bas rdo rje 'jigs byed kyi sku la bstod pa'o/ /de yang yum bzhis so/ /sangs rgyas chags pa zhes pa nas sangs rgyas rol la zhes bya bas dang po sangs rgyas kyi dkyil 'khor la bstod pa'o/ /sangs rgyas gsungs zhes pa nas/ nam mkha' las byung zhes bya bas ni/ ye shes sems dpa' i dkyil 'khor la bstod pa'o/ /ye shes las byung nas ye shes sku nyid ces bya pas ni/ sku bltams pa dang rol pa mdzad pa dang dka' ba mdzad pa dang/ 'bras bu

  138. 69b

    ye shes chen po thob pa lnga bstong de rol pa'o/ /tshigs su bcad pa lnga bcu rtsa drug la tshig rkang pa gcig ma tshang ba'o/ /mtshan nyis brgya bdun cu rtsa bdun no// //lag na rdo rje rdo rje 'chang zhes pa nas/ de ni khyod kyi rgyud la yang gsang sngags thams cad kyi byin gyi brlabs kyis zhes bya bas ni/ dga' ldan du byams pa la sogs pa'i dbang bskur ba la sogs pa'i sgo'i yon tan no/ /lag na rdo rje 'chang zhes pa nas dri ma med cing shin tu rnam par dag pa'o/ /zhes bya bas ni/ dga' ldan nas byung ba ste/ mkhas pa chen po thabs che ba'i yon tan no/ /de nyid kyis lha'i yon tan no/ /nyan thos dang rang rgyal zhes pa nas/ yang dag par bsdu ba zhes bya ba ni nyan thos la sogs pa'i rtogs pa'i khyad par bstan pa'i yon tan no/ /sems can thams cad la yang dag par bsdu pa zhes bya ba nas/ byang chub sems dpa' i spyod pa myur du/ zhes bya bas ni sbyin bdag ste/ spyod pa mdza' dag rdzogs pa'i yon tan dang/ byang chub sems dpa' zhes pa nas/ thams cad yongs su rdzogs pa'o/ /zhes bya bas ni/ sangs rgyas rnam par snang mdzad ces bya ba'i yon tan te/ pha rol tu phyin pa bcu dang bcu'i yon tan to/ /'phags pa zhes pa nas yongs su rdzogs par byed do/ /zhes pas ni/ 'di ltar sangs rgyas te skye ba'i yon tan no/ /lag na rdo rje rdo rje 'chang zhes bya ba nas de yan chad kyis dang po'i sangs rgyas te/ bdag nyid rdo rje'i lte ba la pad+ma'i steng du dang po sangs rgyas su bskyed pa la bstod pa'i yon tan no/ /da ni 'jam dpal rnam par rol pa bstan pa ni/ /lag na rdo rje zhes pa nas/ chos thams cad brjod du med pa zhes pa ste/ chos thams cad brjod du med pas ni/ /thams cad la khyab pa'i lhan cig skyes pa'i ye shes la bstod pa'o/ /lag na rdo rje rdo rje 'chang zhes pa nas/ tshe nur bar byed do zhes bya bas/ de yang thams cad khro bo'i cha

  139. 70a

    lugs can dur khrod kyi rgyan dang ldan pa ste rdo rje 'jigs byed kyi yon tan no/ /lag na rdo rje zhes pa nas chos kyi rgyal por 'gyur ro/ /zhes bya bas ye shes sems dpa' i yon tan te/ thabs shes rab dang ldan pa'o/ /da ni 'khor lo'i rim pa bstan pa ni/ 'di ltar sangs rgyas zhes pa nas/ ya te na ma(rgyud 'grel): zhes pas/ gsum dbang dang ni rab tu 'gro /dri ma bral dang dka' thub rgyal/ /tshangs pa dang ni tshangs chen dri/ /dag pa'i zhing dang yon tan 'od/ /lnga yis spyi gtsug 'khor lo'o/ /khyil chen rang bzhin zhes pa nas/ /rdo rje 'jigs byed ces pa ni/ /thugs rje ldan dang thugs rje'i stobs/ /byams pa dang ni dga' ba'i 'od/ /stobs ldan dang ni mi thub dang/ /gzhan gyis mi thub 'od dang ldan/ /dka' thub dang ni shugs can dang/ /rab tu zhi dang zhi ba dang/ /mya ngan med dang mya ngan 'joms/ /mya ngan spangs dang mya ngan med/ /kun nas 'od dang 'od zer 'phro/ /'od 'phro dang ni kun tu 'od/ /gzi brjid 'od dang 'od 'bar ba/ /byams pa'i 'od dang 'od zer can/ /'od zer can dang kun nas bskor/ /zla ba'i 'od dang zla ba dang/ /tsandan dang ni tsandan dri/ /'bar ba'i 'od dang 'od kun sel/ /yongs su dag dang dag par ldan/ /shugs can dang ni shugs las byung/ /rab tu sde dang rab zhi dang/ /dbang po dang ni kun tu grags/ /yongs su dag dang tshangs pa dang/ /pad+ma dang ni pad+ma'i zhabs/ /tsandan tshal dang utpa la/ /utpal mdog dang rnam par rgyal/ /nyon mongs 'joms dang dpa' bo ldan/ /thogs med stobs dang rdo rje can/ /me tog dang pad+ma bsnams pa dang/ /'khor lo 'dzin dang oM ldan dang/ /dung dang dung can dag dang ni shin tu khros dang drag po ste/ /stobs 'joms dang ni sgra las rgyal/ /'jigs byed dang ni 'jigs par byed/ /sum cu rtsa gnyis spyi bor ro/ /mchod pa chen po 'dod chags nas/ /ye shes rgya mtsho zhes pas ni/ /'od dpag med dang me

  140. 70b

    yi 'od/ /zhe sdang zhi dang zhe sdang 'joms/ /gti mug sel dang gti mug 'joms/ /nga rgyal sel dang gti mug 'joms/ /phrag dog sel dang phrag dog 'joms/ /ser sna sel dang ser sna 'joms/ /gzung 'dzin sel dang sel bar byed/ /nyon mongs spangs dang rab tu 'dzin/ /brgyad kyis snying ga'i 'khor lo bstan/ /grags chen ha ha zhes pa nas/ /ye shes me lce zhes pa ni/ /ha ha sgrogs dang sgra dang ldan/ /bdud las rgyal dang bdud sde 'joms/ /mi mgo bsnams dang glang che bsnams/ /rta mgrin dang ni stobs po che/ / gshin rje gshed dang 'dod pa'i rgyal/ /rdo rje 'joms dang be con bsnams/ /bdud rtsi 'khyil dang hUM ka ra/ /bdag med stobs dang gti mug zhi/ /gser thub dang ni 'od srungs dang/ /shAkya thub dang log dang sel/ /rnam par gzigs dang thams cad skyob// gtsug tor can dang 'khor ba 'jig/ /mar me 'od dang skar ma dang/ /zla ba dang ni sgra gcan dang/ /byang chub sems dpa' skyab gnas dang/ /skyabs su 'os dang phyag rgya dang/ /'od 'phro dang ni rin chen dang/ /tshangs dang tshangs pa'i rgyal po dang/ /bya rtsol can dang bya rtsol bral/ /grangs dang grangs las 'das pa dang/ /grub sbyin dang ni yid yul 'das/ /lus 'phags dang ni nyi ma'i gtsug /pad+ma'i zhal nas 'dzum pa mdzad/ /skyabs gnas dang ni dge gnas dang/ /dpag med mdzad dang don mdzad pa'o/ / rol dang rol pa'i gar dang ni/ /sgra dang tshangs pa'i sgra dbyangs dang/ /rab grub grags dang grags pa dang/ /grub pa sbyin dang sbyin pa dang/ tshul khrims dang ni tshul gnas dang/ /brtson 'grus dang ni bzod par ldan/ /rab tu brtson 'grus bsam gtan mdzad/ /shar dang snang ba shar mdzad dang/ /mun pa sel dang drang srong che/ /dka' thub che dang gtsang ma'i gnas/ /dge 'dun sde dang 'khor lo bsgyur/ /shi shu dang ni dpal 'byung dang/ /'byung gnas kun gyi 'byung gnas dang/ /shes rab brtsegs

  141. 71a

    dang chos nyid byung/ /rnam par snang mdzad rnam par rol/ /rnam par gnon dang rnam par 'jog /smra ba che dang don ston dang/ /don rab ston dang don gsal dang/ /smra ba'i gnas dang gzhan la ston/ /bshad par byed dang tshig bden pa/ /gtsug tor che dang 'khor lo phyag /n+ya gro d+ha dang rin chen phyag /rin po che dang rin chen brtsegs/ /'khor lo 'dzin dang gru 'dzin dang/ /ri bo 'dzin dang ral gri 'dzin/ /dzam+bu gling dang dzam+bU shing/ /dzam+bU gser dang gser 'od dang/ /gser gyi mdog dang khrus kyi dag /rin chen me dang me 'od dang/ /gtsug pud lnga dang lnga len dang/ /byams pas 'dul dang byams mgon dang/ /dam pa tog dang zla ba'i tog /'brug gi sgra dang glog gi 'od/ /'od rnams ston dang gsal ba'i 'od/ /nyi ma'i 'od dang nyi zer dang/ /baiDUrya dang don yod dang/ /mthong na dga' dang don yod mthong/ /mthong don yod dang mi 'jigs pa/ /'jigs pa spangs dang rnam par grol/ /ku ku ra dang glang chen gnon/ /seng+ge dang ni glang chen stobs/ /'jig rten grol dang lam ston dang/ /sbyin gnas dang ni legs par gzigs/ /pha rol sde dang sde dpung 'joms/ /drug cu rtsa bzhi sprul pa ste/ /sangs rgyas kun gyi sprul sku nas/ /'jam dpal dpal dang ldan pas ni/ /bya rtsol bral dang dge ba'i yid/ /pad+ma gnon dang gzugs mdzes dang/ /me tog mdzes dang pad+ma gdong/ /dzam+bU shing dang rgyan dang ni/ /'od dang rnam pa'i sgra dang ni/ /rnga dang sgra yi bdag nyid dang/ /thugs las 'byung dang dpal 'byung dang/ /las rnams grub dang las mthar phyin/ /bcu drug mgrin pa'i 'khor lo'o/ /mtshan ni nyis brgya nyi shu gnyis/ /tshigs bcad brgya dang nyi shu gcig /so sor bzhi cu dbus su gnyis/ /sgyu 'phrul dra ba la bstod pa'o/ /'khrul 'khor las ni bya ba'i phyir/ /rtsa ba'i 'khor lo drug dang ni/ /las kyi

  142. 71b

    'khor lo bcu drug ste/ /de ltar khyad par bde ldan pa'i/ /tshig gcig lhag pa kun gyi ste/ /zhes bya ba la sogs pa bstan to/ /de'i yon tan yang rnam pa lnga shes par bya'o/ /da ni rjes su yi rang ba ston te/ de nas dpal ldan rdo rje zhes bya ba ni/ bar ma chod pa dang sdud pa'o/ /dga' zhing mgu nas zhes bya ba ni gus pa'i don te sdud pa'o/ /mgon po'i yul lo/ /phyag 'tshal nas zhes pa ni/ lus kyi las legs so legs so dag go /des rjes su yi rang ba'i tshig go /bla med theg pa lam gyi don/ /bla ma la brten lam 'di brtsams/ /bdag gis dge ba 'di byas pas/ /mgon po 'jam dpal de 'drar shog /bsod nams dag la brten nas ni/ /'gro kun 'jam dbyangs de 'drar shog /dad pa'i dbang gis dge ba mi zad gter/ /dngos grub bla ma la brten sgrub pas grub/ /bdag gi gdam ngag la brten 'grel pa 'di/ /thos pas bdag dang sems can rnams/ /sgrib pa rnam gnyis yongs dag nas/ /rtag tu bla ma rnams dang 'grogs/ /de yi 'bras bu myur thob shog /'phags pa 'jam dpal gyi mtshan yang dag par brjod pa'i 'grel pa mtshan don gsal bar byed pa/ slob dpon chen po gnyis su med pa'i sbas pas mdzad pa rdzogs so// //rgya gar gyi mkhan po d+harmA sh+rI mi tra dang/ bod kyi dge slong chos kyi bzang pos urgyan gyi dzam+bU d+ha ra zhes bya ba'i mthar bsgyur ba'o// //gnyis med rtogs shing sbas pa'i gsang ba rtogs/ /chos kyi phyag rgya bdag nyid de don rtogs/ /chos kyi phyag rgya 'bras bu bzang po ni/ /rin chen lta bus de bsten dngos grub thob/ /'byung zhing snying po dam pa de la dmigs/ /'bras bu dkon mchog gsum la dbang 'byor nas/ /bdag dang mdza' yas sems can thams cad kun/ /bla med byang chub 'bras bu thob par shog/ (//rje btsun 'jam dpal

  143. 72a

    gyi mtshan brjod pa'i snying po bsdus pa bzhugs so/) /!/ /'phags pa 'jam dpal gzhon nur gyur pa la phyag 'tshal lo/ /'phags pa zhes pa rje btsun 'jam dpal gyi mtshan brjod 'di ni snying po bsdus pa'i rgyud yin pas rgyud gzhan las 'phags pa'o/ /'jam pa ni nyon mongs pa sra zhing rtsub pa'i zug rdu med pas so/ /de las legs pa'i yon tan thams cad 'byung bas dpal lo/ /yang na rang bzhin rgyu'i 'jam dpal/ bsgom pa lam gyi 'jam dpal/ 'bras bu mthar thug gi 'jam dpal dang gsum ste/ 'ching ba mdza' dag dang bcas pa dang/ phyogs 'ga' dang ma bral ba dang/ mdza' dag dang bral ba gsum la rim pa bzhin du sbyar ro/ /mtshan brjod pa'i don ni 'og nas yang dang yang bstan to/ /de nas zhes pa ni a tha zhes pa'i sgra ste/ bkra shis pa'i tshig yin pas klad du byung zer la/ yang na kha cig ni de nas dpal ldan rdo rje 'chang zhes bya pa'i don ma rgyud kyi bskyed rdzogs su 'dod de/ de yang a tha badzra d+ha ra sh+rI man zhes pa'i sgra ste/ a ni lte ba na a thung du bshad pa lta bu'i rnam pa reg bya cha ba gtum mo me'i rang bzhin du gnas la/ tha ni spyi bo bde chen tsakra byang sems kyi tha me'i rgya yi ge tha log gi dbyibs su gnas/ badzra ni rdo rje ste mi phyed pa'i don lte bar bde ba phab nas de la 'bar 'dzag bya ste mi phyed pa d+ha ra ni 'chang ba ste de dang mi 'bral ba'o/ /sh+rI ni dpal te de la legs pa'i yon tan thams cad 'byung bas so/ /zhes 'dod do/ /nges sems gdul bya 'dul zhes ma rgyud du sbyar ro/ /yang na kha cig ni/ 'jam dpal kri ya dpa' bo grub pa nas sangs rgyas gang gA klung gi bye ma snyed kyi mtshan brjod cing/ /de la bskal pa 'am bskal pa las lhag par phyag 'tshal ba bas rje btsun 'jam dpal gyi mtshan brjod cing phyag lan cig btsal na de bsod nams khyad

  144. 72b

    par 'phags so zhes bcom ldan 'das kyis gsungs pas 'khor rnams the tshom skyes te/ /drang don du yin nam/ /nges don du yin snyam pa'i rnam par rtog pa de bcad pa'i phyir de skad gsungs pa'i de ma thag kho nar phyag na rdo rjes gsol ba btab cing zhus pas de nas bya zer te/ slob dpon sgeg pa'i grub mdza' gleng gzhi dang 'di skad bdag gis thos pa dus gcig na zhes pa la sogs pa tshig gi phrad med pa'i de nas shes pa'i tshig gcig slad du byung ba'i rgyud 'dir rang rgya'i rgyud ma yin te/ rgyud gzhan dang 'brel ba'i rgyud gcig yin par bzhed de/ dper na rdo rje rtse mo nas gzhan dang 'brel pa'i bshad rgyud yin pas de nas rgyal po rdo rje 'dzin zhes slad nas 'byung ba dang/ dpal sgyu ma chen mo rtsa rgyud stong phrag bcu gnyis pa dang 'brel pas de nas mkha' 'gro ma rnams zhes bya ba la sogs pa gsungs pa lta bu'o/ /de yang de nas zhes pa 'di phyag na rdo rje'i bla dags kyi tshig yin te/ phyag na rdo rje'i rgyud 'di'i sdud pa po yin pa'i phyir ro/ /'o na sdud pa po yin pa'i de nas bya ba 'di sdud pa po'i tshig yin par cis shes she na/ /bka' stsal ston pa'i tshig zhus pa 'khor gyi tshig /mtshams sbyor sdud pa po'i tshig yin pa'i phyir rtsa ba'i rgyud sgyu 'phrul dra ba shlau ka phrag drug stong par bcom ldan 'das kyis rdo rje'i mgur zhes pa ste/ /saM skri ti'i skad du ma zhes par rdo rje'i tshig tu bsgyur bas de dbang po rtul pa'i 'khor rnams kyis mgo nas dbang po rtul ba'i 'khor nye bar bzung ba'i phyir de ma thag kho nar bya ba gzhan gyis bar ma mchod par phyag na rdo rje'i 'khor ram grogs lnga brgya dang lhan cig glur blangs gang lags bshad du gsol zhes gsol pa btab pa'i don te/ a tha zhes pa de ma thag pa la bya'o/ /lnga brgya dang lhan cig tu ste/ da ltar yang phyag na rdo rje dbang bskur ba'i rgyud

  145. 73a

    las phyag na rdo rje'i rjes su slob pa'i grogs lnga brgya dang lhan cig tu mnos zhes 'byung ba des ni grogs kyi grangs kyi nges pa'o/ /lnga brgya po de rnams kyi mtshan ci yin zhe na/ kun kyang lag na rdo rje zhes pa sha stag go /mdza' yas shes pa lnga brgya po de re re la yang 'khor lnga brgya lnga brgya yang 'khor de re re la yang 'khor lnga brgya lnga brgya yang 'khor re re la sum 'khor lnga brgya mnga' ba 'am yang na lnga brgya po de rnams zab mo stong pa nyid rtogs pas yon tan mdza' yas pa ste mtshan gyi nges pa'o/ /dpa' bo ni gzhan gyis mi thub pa gdul dka' ni lha chen gsum la sogs pa sdug bsngal gyis 'dul dgos pa'i phyir ro/ /'dul ba ni phan 'dogs pa'i tshul dang/ tshar gcod pa'i tshul gnyis ka ste/ gong gi bas 'di khyab che ste/ phrin las kyi khyad par ro/ /'jigs su rung ba ni khro bo'i lus te/ khro bo'i lus kyi gzugs ldan pa zhes pas 'og nas kyang rgyas par 'chad de/ gzugs kyi khyad par ro/ /rdo rje ni phyag mtshan rtse mo ni steng gi cha las phra mo 'phros shing/ nam mkha' thams cad du gtam gtam byung ba'o/ /phyag na rdo rje yis rang gi gdan las bzhengs nas gsol ba 'debs pa'i dus su de'i rjes su slob pa'i grogs lnga brgya po de rnams kyi rang gi stan gang yin pa las langs te/ phyag g.yas pas rdo rje rnams yang dang yang du bsgyur zhing gsor te rdo rje'i theg pas sems can rnams 'khor ba las 'don pa la mnga' brnyes pa'i don to/ /phyag mtshan gyi khyad par ro/ /shes rab ni stong pa nyid de mdza' thams cad dang bral ba zab pa'i don dam/ snying rje ni thabs thugs rje chen po ste rgya che ba de gnyis kyis 'gro ba'i don byed de/ 'gro ba'i zhe sdang can rnams la snod ma yin pa ma yin te/ rdo rje rigs kyi dkyil 'khor du 'jug pa nas de bzhin dug lnga cha mnyam pa rnams rigs bsdus kyi dkyil 'khor du 'jug pa'i

  146. 73b

    bar du don byed pa ni 'gro don byed pa'i nang na mchog tu gyur pa'o/ /dga' ba ni gdul bya zhe sdang can de dang bdag mtshams pas gdul bya de la dga' la/ 'gro ba ni rang zhe sdang can 'dul ba'i gnyen po khro bo'i lus la dga' ba'o/ /spro ba ni gang la med 'dul ba la spro/ khro bo'i lus kyi chas 'jigs su rung ba'i chas bshad de/ 'jigs byed chen po dang drag tu rgod dbu phyag zhabs du ma spyan mi sdug pa la sogs pa'o/ /sangs rgyas phrin las zhes pa longs sku dang sprul sku'i phrin las te/ longs sku ni gnas dang dus dang 'khor rnams lhan cig tu chos bstan pa pa las gzhan gyi 'phrin las mdzad la/ sprul skus ni bstan pa na mdzad de/ de gnyis bstan pa la bar du gcod pa 'am/ gdug pa can 'dul bas phyag na rdo rje rnams ni mgon te/ bcom ldan 'das la lus btud nas grogs de rnams dang lhan cig tu glur blangs gang lags bshad du gsol zhes gsol ba btab pa dang 'brel te des grogs rnams kyi the tshom mchod do/ /de bzhin gshegs pa zhes pa ni ta thA ga ta'i sgras 'gro ba dang/ rtogs pa dang/ gsung ba la rab tu 'jug ste/ ji srid du spang bya yo byad kyi bar dus dang lam gong nas gong du 'gro ba ni spangs pa phun sum tshogs pa'o/ /spang bya spangs nas ji lta ba dang ji snyed pa'i shes bya thams cad shes pa ni rtogs pa phun sum tshogs pa ste/ de gnyis bdag gi don to/ /rtogs pa'i don gzhan la ston pa ni gzhan don phun sum tshogs pa'o/ /bcom ldan 'das zhes pa ni/ b+ha ga bAM te/ bdud bzhi bcom pa 'am yang na phun sum tshogs pa'i yon tan dang ldan pa de la de skad ces bya'o/ /rdzogs pa ni bdag gzhan gyi don thams cad ma lus par rdzogs pa de lta bu'i sangs rgyas de la phyag na rdo rje de rnams kyis gsol ba 'debs pa de thams cad kyang rdo rje gsor zhing bsgyur bzhin pa dang bcas pa de btsan

  147. 74a

    thabs sam mi dga' bzhin du gsol ba 'debs snyam pa la phyag lan gsum btsal bskor ba lan gsum byas nas thams cad kyang thal mo sbyar zhing sor rtse la rdo rje seb pe thogs nas gus pa'i tshul gyis mdun phyogs su spyan sngar pus mo g.yas pa sa la btsugs te 'dug par gyur te 'og nas byung ba'i tshig 'di skad do/ /de ni zhu tshul gyis the tshom chod do/ /gang gi tshed du zhus snyam pa la gsungs pa/ khyab bdag ni brtan g.yo thams cad la khyab pa ste kye khyab bdag ces sangs rgyas la bod pa'o/ /phyag na rdo rje la sman gdags mi dgos rdo rje ni stong pa nyid de zab pa'i don dam dpal ni dkyil 'khor bdun gyi lha la bya ste kun rdzob tu rgya che ba des legs pa'i yon tan ster la de gang dang ldan pa ni phyag na rdo rje'o/ /yang rdo rje ni dbyer mi phyed pa'i ston pa dang 'khor dang sdud pa tha mi dad pa'i don to/ /de ltar yang dgyes pa'i rdo rje las nga nyid ston pa nga nyid chos zhes pa la sogs pa lta bu'o/ /'chad pa ni skye med don rtogs pa'i rtags su phyag mtshan rdo rje 'chang ba'o/ /rang gi mtshan nyid dam/ ngo bo de lta bu dang ldan pa'i phyag na rdo rje des gsol ba btab pa de bshad du gsol zhes pa dang 'brel to/ /gdul dka' zhes pa sems can sangs rgyas kyi bstan pa la 'dzud pa ni phan 'dogs pa'i tshul gyis 'dzud pa dang tshar bcad pa'i tshul gyis 'dzud pa las/ 'dir tshar gcod pa'i tshul gyis 'dzud pa ste chen po gsum la sogs pa zhi bas mi 'dul ba gang yin pa de btsan thabs sam mi dga' ba'i phyogs 'dul ba ste/ de yang dpal khams gsum rnam par rgyal ba las khyab 'jug 'dul ba'i phyir lcags kyu can gyis snying ga nas bzung nas 'ongs pas/ khos lcags kyu bcag nas shor bas/ lcags kyu la sogs bcag nas ni/ /bdag cag rnams kyis kho shor na/ /rig pa'i rgyal po ji ltar bgyi zhes pa nas/ dril bus myos su bcug nas

  148. 74b

    brgyal ba las/ 'og gi phyogs thal bas khebs pa'i 'jig rten du skyes te sangs rgya'o zhes lung bstan dbu la zla ba tshes gcig pa'i dbu rgyan bskor ba lta bu ste/ drag shul gyis 'dul ba'o/ /gdul bya rnams kyi mchog tu gyur pa ni phyag na rdo rje ste phrin las kyi khyad par de lta bu dang ldan pas bshad du gsol zhes gsol ba btab pa dang 'brel to/ /dpa' bo ni gzhan gyis mi thub pa 'jig rten gsum ni sa bla sa 'og sa steng na tsa muN+Di'i ming pa rgyal bar byed pa dang/ sgrang rtsir byed pa dang/ don kun grub pa gsum las phyag na rdo rje rgyal ba ste phrin las kyi khyad par ro/ /rdo rje dbang phyug ni rdo rje'i theg pa la mnga' brnyes pa 'am rdo rje'i rigs las mnga' brnyes pa'o/ /gsang ba'i rgyal ni nyon mongs pa lnga mtshams med kyi la sogs pa gsang ba'i 'os yin pa de las rgyal ba 'am/ yang na rdo rje'i rigs la sogs pa'i thun mong ma yin pa'i dam tshig zhe sdang can bsgral ba dang/ ser sna can gyi nor ma byin par blangs la dkon mchog dang bla ma mchod pa la sogs pa lta bu gsang ba'i ma mo yin pa de las rgyal bas gsang ba'i rgyal te/ de lta bu'i mtshan can gyis gsol ba btab pa dang sbyar ro/ /pad+ma dkar po kha bye ba dang 'dra ba'i spyan mnga' ba/ rgyas pa ni shin tu kha bye ba ste mu kha zhes pa'i sgra kha dang ske dang gdong pa la byugs ste/ 'dir ni gdong gi zhal dang/ pad+ma rgyas pa lta bu can te skye mched kyi khyad par de lta bu dang ldan te gsol ba btab pa dang sbyar te/ rang gi lag gi rdo rje de yang dang yang du gsor ba ni rdo rje theg pas sems can rnams sgrol ba'i brda 'am/ yang na 'khor der mi ma yin pa mang po bar du gcod pa'i phyir 'dus pas rang gi pad+ma dang zla ba'i gdan gang yin pa las bzhengs nas bzhin khro ba dang bcas pas mche ba btsigs btsigs mdzad cing rdo rje yang dang yang du gsor bas mi ma yin pa

  149. 75a

    par du gcod pa'i phyir lhags pa rnams kyi bsam pa la gshin ngas 'dis rdo rje brdeg gam snyam du sems te/ gdug pa can spa bkod pa'i phyir ro/ /phyag mtshan gyi khyad par de lta bu dang ldan pa bshad du gsol zhes gsol ba btab pa dang 'brel to/ /des ni gsol ba 'debs mkhan ngo shes so/ /khro gnyer zhes pa khro gnyer gyi rlabs g.yo ba'i rgyan dang ldan pa zhal gdangs pa mche ba btsigs pa ste/ de lta bu'i grogs po la sogs pa phyis kyi rnal 'byor pa mtshan nyid kyi sgom chen rnal 'byor ba rnams la/ bdag ces bya ste/ tshe 'di la sman pa dang phyi ma'i don dang thugs brtse ste 'di dang phyi ma gnyis ka'i don to/ /sgyu 'phrul dra ba zhes pa ni rgyu lam 'bras bu sbyar te/ de yang 'dir rgyu sgyu 'phrul dra ba lam 'bras bu sgyu 'phrul dra ba gsum ste/ de yang rgyu ni gnyis med kyi shes pa nyid sna tshogs su snang bas 'phrul lo/ /de tsam na glo bur dri mas bsgribs kyang skye med stong pa nyid kyi rgya dang ma bral zhing de dang 'brel pas dra ba lam ni 'ching ba/ phyogs dang bral/ phyogs 'ga' dang ma bral ba lha lnga bcu rtsa gsum gyi dkyil 'khor mdun du snang yang rang bzhin stong pa'i rgyu dang ma bral bas sgyu 'phrul dra ba zhe'o/ /'bras bu ni sku lnga ye shes lnga chos nyid byang chub sems su ro gcig pa'i bdag nyid dang rigs lnga sangs rgyas lnga la sogs par snang tsam na stong pa'i rgya dang ma bral bas sgyu 'phrul dra ba zhe'o/ /de la 'dir ni dra ba zhes pa la ma nges 'bras bu mngon par rdzogs pa'i byang chub de ci nas kyang bdag gis thob par mdzod cig ces pa ste/ bdag don no/ /nyon mongs pa ni 'dod chags dang/ /nga rgyal dang/ khong khro ba /ma rig pa/ lta ba the tsom ste/ rtsa ba'i nyon mos pa drug gis sems gnyug ma ma bcos pa de dkrugs rnyogs rdzogs nas mi shes pa ma rig pa'i 'dam du bying nas/ de las

  150. 75b

    thon pa dka' de lta bu'i 'khor ba'i sems can la phan pa ste gnas kyi 'bras bu bla med 'bras bu ni mthar thug ste/ de thob par bya ba'i phyir bshad du gsol zhes gsol ba btab pa dang 'brel to des ni gang gi ched du zhus pa'i the tshom sel to// zhus pa dang gang la zhus snyam pa la gsungs pa/ rdzogs pa'i sangs rgyas bcom ldan 'das zhes pa rigs ni de bzhin gshegs pa'i rigs sangs rgyas ni rnam par snang mdzad ye shes kyi chos kyi dbyings de bzhin du 'gro ba'i bla ma ni rin chen rigs 'byung ldan mnyam nyid ye shes ston pa ni rdo rje rigs mi bskyod/ me long lta bu dam tshig chen po ni byang sems rdo rje sems dpar ro gcig par gyur pa de nyid mkhyen pa ni snang ba mdza' yas so sor rtogs pa/ dbang po bsam pa mkhyen pa ni las kyi rigs bya ba grub pa mchog ni rigs lnga byang sems rdo rje rigs dang drug tu ro gcig pa 'am/ de bzhin du ye shes lnga/ chos nyid byang chub sems dang drug tu ro gcig pa 'am/ bde gshegs lnga/ rdo rje sems dpa' dang drug tu ro gcig tu gyur pa ni mchog gi ston pa zhes bya'o/ /de la rnam snang la ci'i phyir rdzogs pa'i sangs rgyas zhes bya zhe na bdag gzhan don thams cad rdzogs pa'i bdag nyid du gnas pas so/ /'o na rigs gzhan dag gzhan gyi don ma rdzogs sam zhe na/ rigs gzhan la yang ma rdzogs pa med kyi/ 'on kyang 'di ni yon tan phyogs re la dgongs so/ /de bzhin du rgol tshig rnam khong du dbyung ngo/ /de la 'gro ba ni sku gsung thugs so/ /bla ma ni yon tan te de'i bdag nyid rin chen 'byung ldan la gnas pas de skad bya'o/ /ston pa zhes pa ni mi bskyod pas rang gi de nyid gzhan la ston pa ste/ /gtsug dgu nas kyang rang gi ngo bo de nyid ston par mdzad pa rdo rje gtsug tor zhes 'byung ba lta bu'o/ /dam tshig ni byang sems rdo rje ste stong

  151. 76a

    pa'i don las mi 'da' la de nyid kyi ye shes lnga 'am thams cad la khyab pa chen po ste/ des na de la de skad ces bya'o/ /de nyid mkhyen ces pa ni chos can so so la chos nyid so sor mkhyen pas sam/ yang na gong ma'i stong pa nyid kyi dam tshig de nyid mkhyen pas de la de skad ces bya'o/ /gang zag gdul bya'i dbang po rab 'bring tha ma thams cad bya ba grub pa'i ye shes kyis mkhyen pas don grub pa de la de skad ces bya'o/ /de lta bu'i ro gcig pa mchog gi ston pa de la bshad du gsol zhes gsol ba btab pa ste des ni gang la zhus pa'i the tshom chod pa'o/ /don gyi ngo bo gang zhus snyam pa la/ 'jam dpal ye shes sems dpa' yi/ /mtshan ni yang dag brjod pa'i mchog ces pa la sogs pa 'og nas 'byung ste/ de la 'jam dpal ci la bya/ ye shes sems dpa' ci la bya/ mtshan brjod pa ci la bya zhe na/ de la 'jam dpal ni ci la bya ba bya ba ste/ grub mdza' i sgo nas ci la bya zer ram/ dngos po gnas thabs kyi 'jam dpal ci la bya zer/ de la grub mdza' i 'jam dpal ci la bya zer na nyan thos ma hA yo ga ste rnal 'byor chen po'i bar du mi 'thun te/ nyan thos kyi grub mdza' i 'jam dpal ni so so'i skye bo rang rgyud la 'phags pa'i rigs can khye'u lo brgyad pa 'am bcu drug pa lta bur 'dod/ theg pa thun mong gi grub mdza' i sa bcu'i byang chub sems dpa' slob pa'i lam gyis bsdus pa rang rgyud gcig par 'dod/ theg pa chen po thun mong ma yin pa'i gzhung gis bskal pa dpag tu med pa'i gong du sangs rgyas pa mi slob pa'i sas bsdus pa gcig tshogs pa'i phyir rang don du sa bcu'i byang chub sems dpa' i cha bzung ba gcig yin par 'dod do/ /kri ya las rigs gsum las rgyu rigs kyi cha bzung ba'i 'jam dpal du 'dod do/ /yo gas ri rab kyi steng du sangs rgyas rgyal mchog sprul pa'i dus su nub phyogs kyi

  152. 76b

    sems dpa' gnyis pa rdo rje rnon po zhes bya ba de la 'jam dpal du 'dod do/ /rnal 'byor chen pos chos sku'i bdag nyid la 'jam dpal du 'dod do/ /de la kun tu bzang po zhes kyang bya'o/ /dpal bde ba chen po zhes kyang bya ba de las 'dir ni dngos po gnas lugs kyi 'jam dpal de ston te/ de la ci la bya zhes dris pa'i don des ni ye shes rnam pa lnga chos nyid byang chub sems dang drug ro gcig par gyur te/ de yang gong bcom ldan 'das kyis ye shes sku zhes pa me long lta bu'i ye shes gtsug tor chen po ni mnyam pa nyid/ tshig gi bdag ni so sor rtog pa ye shes sku bya ba grub pa rang 'byung chos kyi dbyings te de rnams ro gcig pa'i rang bzhin ni 'jam dpal gyi rang gi ngo bo'o/ /de la me long lta bu'i ye shes la ci'i phyir ye shes kyi sku zhes bya zhe na/ sku ni rten byed pa ste ye shes des ye shes lnga'i rten byed pas de skad ces bya'o/ /yang na me long lta bu ni gsal ba ste/ sangs rgyas kyi sku'i gzugs brnyan 'char ba'i rten byed pas de skad ces bya'o/ /de bzhin du rgol tshig sbyar/ gtsug tor chen po ni de bzhin gshegs pa'i gtsug tor te/ rin chen 'byung ldan rigs lnga'i dbu rgyan du byung bas de skad bya'o/ /tshig gi bdag ni so sor kun rtog gi gzugs nas rnam pa thams cad mkhyen pa nyid kyi bar du chos can so sor mkhyen pas de brjod pa'i tshig 'byung bas de'i bdag go /yang na so sor kun rtog la shes bya ji snyed pa snang ste rtogs pas de brjod pa 'byung des na so sor rtog pa de la tshig gi bdag ces bya'o/ /ye shes sku ni bya ba grub pa des gzhan don byed pas sku'i las yin pas ye shes zhes bya'o/ /rang 'byung ni chos kyi dbyings su sangs rgyas tsam na nyon mongs 'khor ba'i chos thams cad bsnyil cing bor te 'bras

  153. 77a

    bu 'byung bas de la de skad ces bya'o/ /des na 'jam dpal ngo shes so/ /de la ye shes sems dpa' ci la bya zhe na/ don dam du de bzhin gshegs pa thams cad kyi thugs skye ba med pa'i ye shes kyi bdag nyid dam ngo bo la bya na kun rdzob du dkyil 'khor bdun gyi gtso bo'i thugs ka nas ye shes sems dpa' bdun a ra pa tsa la sogs pa'i mtshan can sku mdog dang phyag mtshan gyis bsdus pa'i gzugs su bzhugs so/ /gnas kyang don dang gnas kyi sgo nas de nyid do// mtshan ci la bya na rang gi ngo bo mtshan gnyis med de/ kun rdzob sna tshogs su shar rgya che ba btsal na de nyid cir yang mi rnyed zab pa'i don dam de gnyis su med pa ni gnyis med gcig pa zhes bya ste rang gi ngo bo de la dbye na zab pa dang rgya che ba ste/ mdor na bsdus pa dang/ rgyas par dbye na rigs bsdus pa la mtshan brgyad cu rtsa drug de la sogs pa'o/ /don zab don ni rgya che zhing zhes 'og nas 'byung ba'o/ /de gnyis la ci'i phyir zab pa dang rgya che zhe na/ sgra 'jug pa'i rgyu mtshan ni don chen mtshungs med ces ste/ stong nyid de dang 'dra ba 'am/ /mtshungs pa med pa'i phyir zab/ de nyid kun rdzob tu dkyil 'khor bdun gyi lhar snang zhing dkyil 'khor bdun gyi gti mug can la sogs pa'i don byed cing de dang de'i dkyil 'khor du 'jug pas don chen byed de'i phyir rgya che'o/ /mtshan gyi las ni rab zhi zhes pa ste/ rgya che ba'i mtshan gyis sems can gyi nyon mongs pa zhi bar byed la zab pas shes bya zhi bar byed mchog ci la bya zhe na 'og nas thog ma bar dang zhes pa ste/ / thog mar thos pas spro/ bar du bsams pas dga' / tha mar bsgoms pas shin tu sbyangs pa thob/ /des na mchog go /yang dag brjod pa ci la zer zhe na/ 'das pa la sogs pa 'og nas 'byung ste mar me mdzad la sogs pas gsungs/

  154. 77b

    byams pa la sogs pa gsung bar 'gyur/ /da ltar shAka thub gsung de ltar rtag tu rgyun mi 'chad de/ bde ba can dang pad+ma can gyi sangs rgyas rnams 'don pa gcig dang btang snyoms pa'i rtog pa med pa de rang bzhin gyis zab mo'i don brjod man ngag tu rdo rje'i chang rnams rdo rje'i mgur du rtag tu bzhes so gsung ngo snyam pa'i rtog pa mi mnga' yang chos kyi dbyings rtag tu rang sgra thal le 'byung ngo/ /de nas yang dag par brjod pa'o/ /rgyud chen zhes pa 'jam dpal rtsa ba'i rgyud sgyu 'phrul dra ba shlau ka drug stong par rdo rje 'chang chen po gsang sngags kyi don gyi rtogs pa 'chang ba dpag tu med pa rnams kyi rtogs pa'i don la dga' bzhin du rdo rje'i glu blangs ba'i don gang lags pa bshad du gsol zhes gsol ba btab pa'i don to/ /mgon po zhes pa ni dus gsum gyi sangs rgyas 'gro ba'i mgon du gyur pa bskal bzang gi sangs rgyas stong du gnyis kyis mtshang ba kun gyi ste/ rgyal po yul 'khor skyong gi bu stong las che dag phyag na rdo rje'o/ / chung dag kun dga' bo de gnyis kyi theg pa che chung gi sdud mkhan byed de/ kun dga' bo'i sprul pa tshangs pa yin te des theg pa chung du sdud/ phyag na rdo rje ni theg pa chen po nas nyan thos yan chad la gsang ba de 'dzin pa'i bdag por ci nas kyang gyur pa'i phyir sems can rnams mya ngan las 'das pa la nges par 'byung ba'aM/ bdag nges par 'byung gi bar du bdag gis chung mi gsan par blo gya gyu med pa'i blo brtan pos gzung gis zhes khas blangs pa'i phyir ro/ / gzhan don du yang mtshan rgya che ba'i sgo nas nyon mongs pa'i sgrib pa bsal ba dang mtshan zab pa'i sgo nas mi shes pa ste/ shes bya'i sgrib pa ma lus par spang pa'i phyir bsam pa'i khyad par dang sbyar nas ji ltar 'tsham pa bzhin du sems can

  155. 78a

    rnams la bshad par 'tshal lo/ /zhes gnod sbyin gsang ba'i bdag po lag na rdo rjes grogs dang bcas pas bcom ldan 'das la de skad ces gsol nas lus btud thal mo sbyar te gus pa'i tshul gyis mdun na gnas par gyur to/ /de ni zhus pa'i rim pa rnam par phye ba ste le'u dang po rdzogs so// //de nas shes pa snga ma bzhin du phyag na rdo rje'i tshig yin te/ 'di'i sdud pa po ni phyag na rdo rje yin pa'i phyir ro/ /'o na sdud pa po'i tshig yin pas don med dam snyam pa las don med pa ma yin te/ gsol ba btab pa'i rjes de ma thag kho nar bcom ldan 'das kyis gsang dbang la slar gsungs pa dang 'brel to/ /bcom ldan 'das dang rdzogs pa'i sangs rgyas kyi don ni bshad zin to/ /shAka thub ces pa rgyal po shAkya'i rigs kyi kha thub pa 'am lus ngag yid gsum gyi sgo thub pas de skad ces bya'o/ /rkang gnyis zhes pa lha dang mi de gnyis kyi nang na mchog go /de lta bu'i mchog ston pa des gsang dbang la ni slar gsungs so/ /zhes pa dang 'bral to/ /des ni gsung mkhan do shes so/ /skabs kha gcig tu ni gzhan gyi lce byin gyis brlabs nas tshes bshad du bcug pa yang yod pa las 'dir ni bcom ldan 'das nyid kyi zhal nas slar gsungs so zhe'o/ /ljags bzang ba ni chos kyi 'khor lo gsum la sogs pa dam pa'i chos thams cad kyi 'byung ba'i gnas ni bcom ldan 'das kyi ljags te/ /de yin pas de la ni ljags bzang po zhes bya'o/ /ring bzhin zhes pa ni/ kha cig ni ljags ring zhing srab pas zhal gyi bzhin g.yogs nas shes 'dod de/ 'dir ni ring zhing rgya che bar yangs pa spros shing brkyang nas 'gro ba rnams sems bskyed pa la sogs pa'i don mdzad do/ /sa bla sa stengs sa 'og gsum

  156. 78b

    gyi 'jig rten snang bar byed cing nyon mongs pa dang/ phung po dang/ 'chi bdag dang/ lha'i bu'i bdud bar du gcod par byed pa'i dgra rnams brtul/ sems can log pa'i sdug bsngal sbyang pa la sogs pa dang ngan song gsum gyi sdug bsngal thams cad spyod pa'i phyir gsol ba btab pa'i rjes de la chos bshad pas 'od zer dang bcas pa'i 'dzum pa mdzad de/ de yang chos gsung ba'i snga rtags ni 'od zer bkye ba dang/ ljags? rkyong ba dang/ 'dzum pa mdzad pa dang/ ting nge 'dzin la snyams par zhugs pa dang/ de lta bu rnam pa mang du yod pa las 'di yang snga rtags su bstan pa ste/ 'di ni gsung tshul go ba'o/ /tshangs pa'i gsungs zhes pa bcom ldan 'das nyon mongs pa 'am/ shes bya'i sgrib pa spangs pas de skad bya ba 'am yang na lha tshangs pa'i gsung ni snyam la spro ba nyams dga' ba yin la de ni 'jig rten gsum du thos pas gsung che ba yang yin no/ /gsung gcig don du ma byung bas gsung de yon tan che ba yang yin te/ de bzhin du bcom ldan 'das kyi gsung yang snyan cing nyams su bde ba 'jig rten gsum dang drug na bzhugs pa lha'i bu'i gsung pa/ thams cad kyis thos pas gsung che ba yang yin gsung gi don du ma go nus pas gsung de ni yon tan che ba yang yin/ dper na mdo sde sprin sangs rgyas kyi lo rgyus bzhin te bcom ldan 'das kyis nad pa gcig gi sgo phug tu har phri zhes pa'i sprid pa cig mdzad/ nad pas/ rin chen srog dang ma bral na/ /sgyu ma'i nor ni btsal kyang rnyed zer bar go /nad pa'i byan mos phyi mgar 'gro cha med kyis snga ma de la nan tan bskyed bya bar go /sman pas nor gyi sdong po snying rje yin/ /snying rje ma dang ma bral mdzod zer bar go ba lta bu'o/ /des ni tshig gi khyad par go'o/ /lag na rdo rje ni gong du bshad do/ /stobs ni sangs rgyas thams cad kyi mthu stobs gcig

  157. 79a

    tu bsdus pa'i bdag nyid gnod sbyin gsang ba'i dbang phyug de la slar sangs rgyas kyi tshig 'og ma 'di rnams gsungs te 'di gsung go'o/ /gsung rgyu don gyi ngo bo gang gsungs snyam pa la 'jam dpal ye shes kyi rgyu dang 'brel zhing mtshan nas brjod pas don che ba gcig khyod la legs par bstan par bya'o/ /khyod snod skyon med pa'i sgo nas sems rtse gcig pas nyon cig /ces rna ba btang par bskul ba ste snying rje zhes thabs thugs rje chen po dang ldan pas 'gro ba rnams la phan pa'i don du khyod la 'di bya ste/ kye dpal ldan rdo rje 'chang khyod legs so/ /kye lag na rdo rje 'chang khyod legs so/ /zhes legs pa gnyis byin te/ de la legs pa gong ma ni gzhan don gyi legs pa 'og ma rang don no/ /de yang ci'i phyir legs na ye shes lus can 'jam dpal gyi zhes 'jam dpal ye shes sems dpa' i sku dang 'brel pa yin mtshan brjod pa ni nga la nyan par brtson pa ni khyod legs so/ /gsang ba'i bdag po legs pa'i gtan tshigs de'i phyir khyod la nges legs par phye ste bstan par bya'o/ /khyod snod zhabs rdol dang/ kha spub pa dang/ mi gtsang ba'i skyon de gsum med par gyis la sems rtse gcig gis ma yengs par nyon cig ce'o/ /'o na bstan rgyu chos gang zhe na/ don che ba zhes pa ste/ ci'i phyir don che zhe na dag par byed cing sdig sel ba ste/ nyon mongs pa'i sgrib pa ni lha'i dkyil 'khor du bsgoms pa rgya che ba'i sgo nas dag par byed la/ shes bya'i sgrib pa ni zab pas sel to/ /yang na ye shes phun sum tshogs pas nyon mongs pa'i sdig pa sel to/ /bcom ldan 'das shes pa ni bos pa ste/ de ltar ston pa ni legs so/ /de ltar bgyi lags so zhes khas blangs pa'o/ /slar gsung ba'i le'u ste gnyis pa rdzogs so// //de nas shes pa de ma thag pa ste/ slar

  158. 79b

    gsungs pa'i rjes de ma thag kho nar bya ba gzhan gyi bar ma chod par rigs drug la gzigs shing bzhugs so zhe'o/ /de yang gang gis gzigs pa la bcom ldan 'das rkang gnyis kyi mchog tu gyur pa lha dang mi'i ston pa shAkya thub pas gzigs so/ /de la rigs drug po gang snyam pa la slob dpon sgeg pa'i rdo rje'i 'grel pa 'am man ngag gi dbang du byas te ming 'dogs na rigs bsdus dang/ las kyi rigs dang/ de bzhin gshegs pa'i rigs dang pad+ma'i rigs dang rdo rje'i rigs dang byang sems rdo rje'i rigs dang rin po che'i rigs dang drug go /mdo'i rang gzhung gis gsang sngags rigs chen thams cad dang/ gsang sngags rig sngags 'chang ba'i rigs/ /rigs gsum gyi rigs dang/ 'jig rten gzigs pa'i 'das pa'i rigs dang/ 'jig rten snang byed kyi rigs dang/ phyag rgya chen po'i rigs mchog gi dang/ rigs chen gtsug tor gyis gzigs te gong ma rnams la rim pa bzhin ming gdags so/ /de la rigs bsdus pa ci'i phyir gsang sngags rigs chen bya zhe na/ gsang sngags zhes pa ni man tra zhes pa'i sgra man tra ni yang tra tra sa na skyob pa ste nyon mongs pa can gyi yid skyob pa 'am/ mA na zhes pa ste shes bya la rigs bsdus pa rnams snang chen po des nyon mongs pa'i spyir skyob pas gsang sngags kyi rigs so/ /chen po ni thams cad kyis bsgrubs te/ rigs thams cad bsdus pas na chen po'o/ /de la cher gzigs nas tshig gi bdag pos tshigs su bcad de/ rigs bsdus kyi mtshan 'di ltar sangs rgyas la sogs pa brgyad cu rtsa drug tshigs bcad bcu bzhi pa la 'og na gsungs so zhes bya bar 'brel to/ /gsang sngags rigs sngags 'chang ba'i rigs zhes pa ci'i phyir las kyi rigs la de skad bya zhe na/ las kyi rigs khyad par du byas pa ste/ bya ba grub pa'i ye shes ni khyad par du gzhan don byed

  159. 80a

    pas de la yid skyob ces bya'o/ /'o na ye shes gzhan gyis gzhan don mi byed dam zhe na/ byed de yon tan phyogs re 'dogs pa'o/ /rigs sngags zhes pa gzungs la bya ste/ tshig dang/ don dang/ sngags phyag rgya'i gzungs rnams shes 'dzin pa 'am 'chang ba ste/ 'di gzungs kyi rigs so/ /ci'i phyir zhe na/ 'byung bas sam 'dzin pa ste/ don grub gtso bor gyur pa'i tshe 'di'i skyabs sbyin gyi phyag na rgya gram bsnams pa byin 'khor rnams kyang rgya gram bsnams pa ste/ de ni de'i rigs 'dzin pa'i 'byung ba yang rgya gram gnyis gyur pa las des na kun des bskyed pas 'byung bas rigs so/ /rigs de la cher gzigs nas tshigs su bcad de sangs rgyas kun gyis rtogs bya ba ces pa nas mar tshigs bcad bco lnga 'og nas gsungs so zhe'o/ /des bsgres te rigs dang tshigs bcad kun la sbyar ro/ /rigs gsum zhes pa de bzhin gshegs pa'i rigs la bya ste/ ci'i phyir rigs gsum zhes bya zhe na/ sku gsung thugs gsum 'dus pa'i bdag nyid yin pa'i phyir ro/ /de la gzigs nas sangs rgyas rnam par snang mdzad che zhes pa nas tshig rkang gcig ma tshang ba'i tshigs bcad nyi shu rtsa lnga gsungs so/ /'jig rten gzigs pa zhes pa pad+mas khyad par du byas pa'i rigs te/ pad+ma'i rigs la 'jig rten gzigs bzhes ci'i phyir bya zhe na/ thugs rjes 'jig rten la gzigs ye shes kyi 'das pa la gzigs te/ spyan de gnyis kyis rtag tu gzigs pa 'di ni spyan ras gzigs kyi rigs la bya'o/ /rigs ni 'byung ba dang/ 'dzin pa ste de la gzigs nas yang dag bdag ces pa nas mar tshigs bcad zhe gnyis gsungs zhes 'brel to/ /'jig rten snang byed ces pa rdo rje'i rigs me long lta bu'i ye shes la bya ste/

  160. 80b

    ci'i phyir de skad bya na me long lta bu'i ye shes de la chos thams cad kyi gzugs brnyan 'chang zhing snang bar byed la/ snang yang snang ngo/ /snyam pa'i rtog pa med/ med kyang snang ba rgyun mi 'chad pas de la de skad bya/ rigs ni 'dzin pa dang/ 'byung ba chen po ni sku dang gsung la bltos nas chen po ste thugs yin pa'i phyir ro/ /de la gzigs nas rdo rje 'jigs byed nas mar tshig rkang gcig lhag pa'i tshigs bcad bcu gsungs pa dang 'brel to/ /phyag rgya chen po ni byang sems rdo rje'i rigs la bya ste ci'i phyir de skad bya zhe na/ phyag rgya ni 'debs pa ste byang chub kyi sems stong pa'i rang bzhin des gzugs dang tshor ba la sogs pa rnam pa thams cad mkhyen pa nyid kyi bar 'das pa la rgyas btab ste/ thams cad kyang rang gi ngo bo nyid kyi stong pa'i phyir ro/ /chen po ni khyab byed ces pa ste/ des ma khyab pa med do/ /rig ni byang sems rdo rje de gtso bor gyur pa'i tshe rigs bsdus kyi lha rnams de'i thugs ka nas sprul pa 'byung ba'i don gyi 'am de'i cha 'dzin pas so/ /mchog ni byang sems stong pa dang skye med kyi ngo bo yin pas so/ /de la gzigs nas rigs bsdus kyi mtshan tsho yang gsungs so zhes 'brel to/ /rigs chen zhes pa 'di'i rigs ni rin chen rigs sangs rgyas ni rin chen 'byung ba ye shes ni mnyam pa nyid de de'i phyir rin chen gtsug tor zhes bya zhe na/ 'di ni yon tan gyi rigs kyi khyad par du byas pas rigs chen no/ /'di nyid rin po che'i gtsug tor gyi dbu rgyan du thams cad kyi dbu la byung bas gtsug tor chen po'i rigs zhes kyang bya'o/ /yang na rigs ni rin chen 'byung ldan gtso bor gyur pa'i tshe/ 'khor gyi lha lnga bcu rtsa gnyis rin po cher gyur pa las byung bas na rigs so/ /phyag mtshan yang de nyi tshe 'dzin

  161. 81a

    pas de nyid kyi rigs so/ /de la sangs rgyas shAkya thub kyi cher gzigs nas/ tshig gi bdag po des tshigs su bcad de rin chen rigs kyi mtshan 'dod pa'i don grub pa dam pa ste zhes pa nas mar tshig rkang gcig ma tshang ba'i tshigs bcad nyi shu rtsa bzhi gsungs so zhes bya bar 'brel to/ /gzigs pa'i rim pa rnam par phye ba ste le'u gsum pa rdzogs so// //gong ma'i tshig zhabs kyi nas zhes pa ni tshigs bcad kyi dbang du song ba ste/ de nas zhes bya ste/ gzigs pa'i rim pa'i de ma thag kho nar bya ba gzhan gyis bar mchod par sgyu 'phrul dra bas mngon par rdzogs par byang chub pa man ngag gi rim pa 'di tshig gi bdag po ni so sor yang dag par rig pas bcom ldan 'das shAkya thub pas tshig par bdun tshigs su bcad de gsungs shes pa dang 'brel to/ /gsang sngags rgyal po badzra tik+Sh+Na nas a ra pa tsa la sogs kyi bar du ye shes sems dpa' i sngags drug dang A li bcu gnyis gsungs so/ /de la rgyal po ni ye shes sems dpa' rnams chos kyi sku'i ngo bo yin pas de'i sngags la rgyal po zhes bya/ drug ni badzra tIk+Sh+NA nas a ra pa tsa na'i bar du'o/ /gnyis su med par zhes pa gsang ba 'dus pa las/ gang zhig dngos med shes rab ste/ /thabs ni dngos po'i bdag nyid 'od zer bas/ sngags kyi lugs kyi thabs shes rab gnyis med du 'dod la pha rol phyin pa'i lugs kyi gzung 'dzin gnyis su 'dod de/ gzung ba'i rang bzhin tsam la rang bzhin ngo bo nyid kyis stong ste de ltar gzung ba stong par rtogs pas bzung ba ldog la gzung ba logs pas 'dzin pa rang bzhin gyis ldog go /'dir yang gnyis med pas shes la rang rigs rang stong pa nyid rang 'byung ngo zhes so/ /de gang

  162. 81b

    la rang?/ /zhes bya ci rig na rang gi rang bzhin skye med du rig pas mi skye chos can 'di gsungs zhes so/ /a A zhes pa la sogs pa ni rje btsun 'jam dpal te A li kA li'i gzugs su snang nas kyang sems can gyi don byed/ de la A li bcu drug yod pa las 'dir bcu gnyis su 'byung ba ni sa bcu gnyis mtshon pa'i rtags su byung ba ste/ de yang slob dpon kha cig ni sa bcu gnyis las so so skye bo'i mos pa spyod pa'i sas bsdus pa dang/ byang chub sems dpa' slob pa'i sas bsdus pa'i sa bcu dang/ sangs rgyas kyi dang/ bcu gnyis su 'dod la slob dpon sgeg pa'i rdo rje'i bzhed kyis sangs rgyas sa rang la bcu gnyis su bzhed de/ kun tu 'od kyi sa dang/ bdud rtsi'i 'od/ nam mkha' i 'od/ rdo rje'i 'od/ rin po che'i 'od/ pad+ma'i 'od/ las kyi 'od/ dpe med 'od/ dpe ldan 'od/ shes rab 'od/ thams cad mkhyen pa'i 'od/ rnal 'byor ye shes kyi 'od kyi sa dang bcu gnyis so/ /sa bcu gnyis po A li bcu gnyis po 'dis rim pa bzhin du mtshon te/ 'o na 'di rnam kho nas mtshon pa ci ste zer na/ 'o na du bas me mtshon pa yang ci ste du bas me kho na las byung ba ste de las 'byung ba'i 'brel ba yod do zhe na/ 'di rnams kyang mtshon bya mtshon byed kyi 'brel pa yod do/ /'o na de ltar shes na du ba yang de ltar ci shes/ tshad bar du khyab bya khyab byed du gtan la phab po zer na/ 'di rnams kyang lung gis gtan la phab ste/ rdo rje snying po'i rgyan gyi rgyud las/ sangs rgyas kyi sa bcu gnyis gsungs te/ kun tu 'od kyi sa chen po de ni nyi ma'i dkyil 'khor 'dra/ bdud rtsi'i 'od zla ba 'dra nam mkha' i 'od nam mkha' 'dra/ rdo rje'i 'od yid dga' byed/ rin chen 'od dbang la gnas/ pad+ma'i 'od rang bzhin dag /las kyi 'od gzhan don byed/ dpe med 'od dpe ni yod ma

  163. 82a

    yin/ dpe ldan/ kun rdzob tsam du dpe yis 'bigs/ shes rab 'od/ bla na med/ thams cad mkhyen/ ji snyed pa/ rnal 'byor ye shes rab tu rdzogs/ /so so rang rig go zhe'o/ /'o na rgyud nas gsungs pa rang ci'i phyir zhe na/ me las du ba 'ong ba rang ci'i phyir zhe na/ chos nyid kyi de ltar 'byung ste/ de'i rigs pa las med do/ /'o nas de rnams la 'di skad ces ci'i phyir bya zhe na/ nyi ma ni thams cad du snang zhing gsal/ de bzhin du thams cad mkhyen pa'i ye shes kyang thams cad du snang zhing gsal ba ste/ rdo rje nyi ma gsal ba che zer ba'i phyir ro/ /de'i phyir kun tu 'od de la de skad bya'o/ /de bzhin yang zla ba ni dri ma med pa ste/ dag cing gsal la dri ma med ces 'byung bas/ thams cad mkhyen pa'i ye shes la nyon mongs pa'i rtog pa 'am dri ma med pa ste/ rdo rje zla ba dri med ces 'byung ba'i phyir ro/ /bdud rtsi'i 'od la de skad ces bya'o/ /yang na nam mkha' ni thams cad du khyab cing rgya ma chad pa de bzhin du thams cad mkhyen pa ye shes kyang rgya ma chad de/ nam mkha' stong par go /stongs pas sems go /sems kyi rang rig go /des na nam mkha' i 'od ces bya'o/ /yang na rdo rje ni bsam pa nang gi bstan pas rdo rje zhes su bshad pa ste zhes 'byung ste/ thams cad mkhyen pa'i ye shes ni nang gi sems bstan pas de dang dbyer mi phyed pas de skad ces bya'o/ /yang na rin po che ni mnyam pa nyid kyi sems nyid rin po che'i dbu rgyan du byung ste/ sangs rgyas thams cad la dbang bskur ba'i rang bzhin du gnas pas de la de skad ces bya'o/ /yang na pad+ma ni 'dam nas skyes kyang des ma gos pa bzhin so sor rtog pa'i ye shes de yang 'khor ba'i 'dam gyis ma gos pas de la de skad ces bya'o/ /yang na las kyi 'od ni bya ba grub pa'i ye shes kyis

  164. 82b

    gzhan don byed pa las kyi 'od ces bya'o/ /dpe med 'od thams cad mkhyen pa'i ye shes de la dpe med de/ gal te dpe yod na 'dra ba'i dpe zhig yod dam mi 'dra ba'i dpe zhig yod/ mi 'dra na dper mi rung/ 'dra na phyogs gcig gis 'dra 'am phyogs thams cad 'dra/ phyogs gcig nas 'dra zer na thams cad kyang dper 'gyur te/ dper na rna ba yod pas bong bu dang ba lang 'dra zer ba bzhin no/ /thams cad kyis 'dra na dper mi 'grub ste don nyid du 'gyur ro/ /des na thams cad mkhyen pa'i ye shes de la dpe med ces bya'o/ /yang na dpe ldan ni kun rdzob tu chos thams cad sgyu ma lta bu la sogs pa'o/ /shes rab 'od ni thams cad kyi rang dang spyi'i mtshan nyid so sor ma 'dres par shes pa de la de skad ces bya'o/ /thams cad mkhyen pa ni shes bya ji lta ba dang ji snyed pa mkhyen pa'o/ /'on shes rab dang khyad par ci yod ce na/ yon tan phyogs re la dgongs pa'o/ /rnal 'byor ye shes kyis ni chos thams cad so sor rig cing chos kyi dbyings su rdzogs te/ ci rig na chos thams cad sems su rig sems rang bzhin rig /rang bzhin cir ma grub pa ste sa bcu gnyis de la rdzogs so// //de las bcu gnyis po de rnams kyang bsdu na ye shes lngar 'dus/ ye shes lnga yang gnyis med kyi ye shes gcig tu 'dus so/ /'phro na yang gnyis med de las ldog pas byas pa'i ye shes lnga/ de las bcu gnyis don gyi ngo bo gcig go /de s+thi to zhes pa nas/ barti nAn gyi bar gyi sngags 'di la ni slob dpon a ga sho ka ri la sogs pa kha cig sku bskyed pa'i rkyen gyi sngags su 'dod de 'dir slob dpon sgeg pa'i rdo rje nyid ni sngags min par bzhed de/ de yang s+thi to ni brtan pa/ h+ri di thugs dz+nyA na ye shes/ mUrti ni spyi gtsug /ra haM ni da bud+d+ho ni ra haM gi khyad par/ bud+d+hA ni sangs rgyas/ nAn ni gnas/ trya d+h+ra ni dus gsum/ barti nAn ni

  165. 83a

    bzhugs pa/ ril bas dus gsum bzhugs pa'i sangs rgyas la nga ni brten par gnas zhes bya ste/ sngags ni min par bzhed do/ /'o na tshul ji ltar gnas zhe na/ don dam du sangs rgyas thams cad kyi ngo bo 'am rang bzhin du gnas so/ /gal te mi bzhugs ni lha la thugs med pa ni ma yin no/ /kun rdzob tu na 'jam dpal sku gsum gyi ngo bor gnas te/ de yang longs sku ni dang po'i sangs rgyas zhal lnga pa'i rang bzhin gyi gnas so/ /sprul sku ni cir yang bzhugs te/ gnas brtan rgan po dang gzhon lus gcig la sogs pa sna tshogs so/ /chos sku'i gzugs brnyan ni kun rdzob tu rigs bdun gyi bye brag gis ye shes sems dpa' yang mdun du bzhugs te/ oM badzra tIk+Sh+Na zhes pa pad+ma'i rigs kyi sems dpa' snang ba mdza' yas kyi thugs ka na dmar po zhal gcig phyag gnyis g.yas na ral gri g.yon pad+ma/ rdo rje rnon po zhes bya ba'i mtshan can gyi skus bzhugs so/ /du(rgyud 'grel): khats+tshe de rdo rje'i rigs mi bskyod pa'i thugs ka na sngon po/ phyag mtshan thams cad g.yas ral gri/ g.yon rang rtags zhal gcig sdug bsngal thams cad des par gcod pa'i gzugs kyis bzhugs so/ /pradz+nyA ni shes rab ye shes kyi spyi gtsug ces pa'i mtshan no/ /de bzhin gshegs pa'i rigs kyi dz+nyA nA kA ya ni ye shes kyi sku ste las kyi rigs kyi'o/ /bA gI shwa ra ni ngag gi dbang phyug ste/ rin po che'i rigs so/ /a ra pa tsa na zhes pa'i mtshan can ni byang sems rdo rje'i rigs kyi thugs ka nas dkar po zhal gcig phyag gnyis pa/ g.yas ral gri g.yon rdo rje bsnams par bzhugs so/ /ya te na ma: gang yin pa de na ma(rgyud 'grel): zhes bya ba ste/ 'di gnyis kyi gong ma drug gi zhabs la sbyor/ sngags de rnams dril ba ni rigs bsdus pa'i ye shes sems dpa' zhes bya ba rnam snang chen po'i thugs ka nas zhal drug phyag gnyis pa g.yas ral gri /g.yon

  166. 83b

    utpa la'i steng du rgyal ba'i yum gyi po ti bsnams nas bzhugs so/ /de rnams dang sangs rgyas sprul pa'i rgyan dang ldan zhes pa ste/ sprul pa'i skus lus la btab pa 'am/ yang na de nyid kyis sangs rgyas thams cad brgyan pa'o/ /sgyu 'phrul dra ba mngon par rdzogs par byang chub pa man ngag gi rim pa rnam par phye ba ste le'u bzhi pa rdzogs so// //'di ltar zhes pa'i tshig rkang gnyis spro gzhi ye shes sems dpa' i mtshan brjod pa ste/ de yang mtshan gyi rnal 'byor rang don du bsgrub pa gcig gi srung ba mdor bsdus pa la sogs pa sngon du song ba gcig gis sum brtsegs bskyed pa'i thugs ka'i yi ge a las rigs bsdus kyi mtshan chos 'di spro ba ste/ de la ye shes sems dpa' i mtshan nyid ci la zer/ gnas gang na gnas/ gnas lugs ji ltar gnas/ de'i rgyu ci las byung/ mtshan du dang ldan/ de bsgom na ji ltar bsgom zhe na/ mtshan nyid ni don gyi sgo nas sangs rgyas thams cad kyi thugs kyi rang bzhin nam ngo bo la bya ba de'i mtshan nyid 'di yin/ rtags kyi sgo nas zhal phyag gi rnam pa can du bzhugs te/ de yang ma kyi nas 'od bzang ston ka'i zla ba'i 'od ces pa nas sangs rgyas sprul pa'i rgyan dang ldan zhes pa'i bar du gsungs pa'i phyir ro/ /gnas ni lha thams cad kyi thugs ka na gnas so/ / lugs kyang don gyi sgo nas don dam du lha thams cad kyi thugs yang dag pa'i ye shes su bzhugs pa rtags kyi sgo nas kun rdzob tu rigs bdun gyi gtso bo'i thugs ka na zhal phyag gi rnam pa can du gnas so/ /de'i rgyu ni a ste/ de yang don gyi sgo nas don dam gyi ye shes sems dpa' de skye ba med kyi as bskyed la/ rtags kyi ye shes sems dpa' ni kun rdzob kyi a kha dog dang dbyibs can de gyur pa las bskyed do/ /'di ji ltar bsgom pa ni man ngag las shes par bya'o/ /mtshan

  167. 84a

    du dang ldan zhe na/ sangs rgyas zhes bya/ bcom ldan 'das zhes bya/ rdzogs pa'i sangs rgyas zhes bya/ a las byung ba ces bya ste bzhi dang ldan no/ /de la ci'i phyir mtshan de skad bya zhe na/ /'di ltar zhes pa ni spros nye bar mngon sum du ston pa'o/ /sangs rgyas ni mkhyen pa la bya ste/ shes bya ji lta ba dang/ ji snyed pa mkhyen pa'o/ /bcom ldan 'das ni bshad zin to/ /rdzogs pa ni rang gzhan gyi don thams cad do/ /a las byung ba ni don rtags kyi sgo nas rgyu'o/ /a ni zhes pa'i tshig rkang gnyis kyi spro gzhi yi ge a'i don brjod pa ste/ de la a'i dbye ba dang/ sgra 'jug pa'i rgyu mtshan dang/ phrin las dang/ ngo bo dang/ bsgom thabs dang/ 'bru bshad dang drug gis bstan te/ a la dbye na du yod ce na gnyis te/ zab pa'i don dam ni stong pa nyid do/ /kun rdzob rgya che ba'i a ni kha dog dang dbyibs can gyi a'o/ /sgra 'jug pa'i rgyu mtshan ni yig 'bru kun gyi mchog ces bya ste/ A li kA li thams cad kyi khong du a zhugs shing srog tu gyur pas a ni mchog go / a'i phrin las ni don byed ces bya ste/ rgya che ba'i sgo nas sangs rgyas mchod pa dang sems can gyi don byed/ zab pa'i sgo nas rtogs pa chud ngus nyan thos kyi byang chub thob/ 'bring gi byang chub sems dpa' thob/ rtogs pa chen sangs rgyas thob/ byang chub rnam gsum po de thob pas don chen no/ /ngo bo ni yi ge dam pa yin zhes te/ zab pa don dam gyi a de ni k+Sha ra zhes pa'i sgra 'gyur ba la/ ak+Sha ra zhes pa as bkag pas mi 'gyur ba la 'jug ste/ zab pa don dam gyi a ni ngo bo cir yang mi 'gyur ba'o/ /des na dam pa zhes bya'o/ /bsgom thabs ni man ngag tu shes par bya'o/ /khong nas shes pa'i tshigs bcad gcig spro rgyu yum bzhi'i mtshan brjod ston te/ /de yang mtshan can yum bzhi po de'i so so'i mtshan nyid dang/ bskyed

  168. 84b

    ba'i rgyu dang/ sku mdog dang/ phyag mtshan gyi nges pa dang/ yum gyi 'thad pa dang/ thabs shes rab kyi 'brel pa dang/ gtso 'khor gyi 'thad pa dang/ bsgom thabs dang bdun gyis bstan te/ de la mtshan nyid ni gnyis te/ don rtags so/ /don gyi sgo nas gnyis med kyi ye shes gcig ldog pa'i bye brag gi ye shes bzhir byas/ chos can ye shes bzhis bye brag tu byas pa'i stong pa bzhis ye shes bzhi la dgag bya rnam pa bzhis bkag nas rnam par thar pa'i sgo bzhi la yum bzhir 'dod/ dngos po dang dmigs pa'i sgro 'dogs tshed/ stong pa'i rnam par thar pa sde de la rdo rje sems ma byas/ gnyis med de mtshan mas stong ste de'i sgro 'dogs tshed pas mtshan ma med pa'i rnam par thar pa ste rin chen sems ma log pa'i smon pas stong bde'i sgro 'dogs tshed pas smon pa med pa'i rnam par thar pa ste/ chos kyi sems ma phyin ci log gi mngon par 'du byed pas stong pa sgro 'dogs de tshed pa'i sgo nas las kyi sems ma/ rtags kyi sgo nas kun rdzob tu lha mo'i rnam pa num dang mo mtshan gyi khyad par du byas rang gi bdag po yis dbu brgyan pa/ rdo rje la sogs pa'i spubs na gnas pa/ sku mdog dang phyag mtshan kyang phyogs dang mthun pa'o/ /a A oM a(rgyud 'grel): 'i sku mdog phyag mtshan ri paM bzhin du rdo rje sems ma sngo rdo rje bsnams pa/ rin chen bsnams ser pad+ma bsnams dmar/ rgya gram bsnams ljang/ yum gyi 'thad pa ni/ stong pa de bzhin spros pas de bzhi rig pa 'byung/ stong pa de bzhi log na rig pa'i rig pa ldog /stong pa de bzhi rig pa'i rig pa las bde gshegs bzhi byas/ stong pa de bzhis bskyed pa'i phyir yum zhes bya'o/ /thabs shes rab kyi 'brel ba na bde gshegs bzhi thabs yum bzhi shes rab ste/ phyogs mtshams kyi bzhugs gnas

  169. 85a

    kyis 'brel to/ /gtso 'khor gyi 'thad pa rag las sa dang rag las pa ste/ de yang spyi 'khor sgo 'khor gnyis te/ yum bzhi po 'di rnams nang gi spyi 'khor de/ rnam snang ni rnam pa bzhis bsdus pa'i yon tan gyi bdag nyid can yin la/ gtso bo'i yon tan de log na 'khor gyi yon tan ldog pas rnam snang ni rag las sa ru 'dug /lha mo bzhi rag las par 'dug pas gtso 'khor ro/ /gtso 'khor gyi 'thad pa ni rdo rje sems ma de ni mi bskyod pa'i sgo 'khor te/ chos me long lta bu'i ye shes de yod pas de stong par shes pa'i shes pa 'byung/ chos can me long lta bu de/ log na de shes pa'i shes pa ldog /de nas stong pa nyid de me long lta bu la rag las pas sems ma rdo rje ma rag las pas mi bskyed pa rag las pa'o/ /des bsgres te/ 'og ma gsum la yang sbyar ro/ /bsgom thabs ni man ngag tu shes par bya'o/ /khong nas 'byung ba skye ba med ces pa rdo rje sems ma'i rang bzhin yi ge a thung ngu ste rkan dang mchu dang so la sogs pa gang la yang ma brten par khong nas 'byung la/ de'i don skye med kyi rang bzhin du gnas pas chos kyi dbyings me long lta bu'i rgyu nyid kyi phyir yum sems ma rdo rje ma rdo rje ma zhes bya'o/ /tshig tu brjod pa sdangs pa ste zhes pa de rin chen rdo rje ma ste de la tshig ni brjod pa ste/ rin chen rdo rje ma ni mnyam pa nyid kyi ye shes kyi bdag nyid yin pas chos thams cad mnyam pa nyid rtogs na brjod pa thams cad kyi tshig med pas de'i phyir rin chen sems ma la de skad bya'o/ /brjod pa kun gyi rgyu yi mchog ces pa chos kyi sems ma la de skad bya ste/ brjod pa ni tshig ste shes bya ji snyed pa yod pas de brjod pa'i tshig byung/ de so sor rtog pa'i ye shes kyis mkhyen pas de brjod pa'i rkyen no/ /tshig kun rab tu gsal bar byed ces pa las kyi

  170. 85b

    sems ma la de skad bya ste/ 'di ni bya ba nan tan gyi ye shes kyi sgo nas gzhan gyi don byed pa'i bdag nyid de/ ji skad du lha'i skang dang klu dang gnod sbyin skad/ /ces pa la sogs pa de skal pa dang ldan pa rnams la de'i skad kyis de dang des so sor gsal bar byed pa'i phyir ro/ /mchod pa chen po nas mar tshig rkang bcus 'jam dpal rigs lnga'i mtshan brjod ston to/ /de yang 'di rnams la go rim 'tshol ba'i skyon spangs pa 'am go rim nges pa'i rgyu mtshan dang/ so so'i mtshan nyid dang/ gtso 'khor gyi 'thad pa dang/ bzang ngan gyi khyad par dang/ thabs shes rab kyi 'brel pa dang/ phrin las kyi khyad par dang/ bsgom thabs dang/ 'bru bshad pa dang brgyad de/ de la go rim 'tshal lo zhe na/ go rim 'chol ba'i skyon spangs pa ni 'di rnams la 'chol pa'i skyon med/ 'di rnams ka ltar 'dod thog go /de ci'i phyir zhe na/ sngags chags pa'i lam pa yin te/ bde ba lam du khyer te de las mi phyed rdo rje theg pa zhes bya/ de nas sangs rgyas snang ba mdza' yas 'di ni 'dod chags kyi sangs rgyas yin pas dang por smos so/ /lung las kyang 'dod chags zhe sdang gti mug ces 'dod chags sna la smos so/ /de nas zhe sdang chen po mi bskyod pa smos pa ni sems can sangs rgyas kyi bstan pa sngags kyi lam la 'dzud pa'ang chos bstan pa'i tshul gyis 'dzud pa dang/ drag shul gyi tshul gyis 'dzud pa las 'dir drag shul sbyar te/ zhe sdang gi rigs yin pa'i phyir ro/ /de nas gti mug rnam snang bstan pa ni sems can sangs rgyas kyi bstan pa la tshud nas zab mo skye ba med pa'i don ston te/ skye med ni 'byed pa med pa'i gti mug yin la de ston pas rnam snang 'byung ste/ rnam snang ni chos kyi dbyings las bskrun pa gti mug gi rigs yin pa'i phyir ro/ /de nas yon tan de ma bstan par de nas don yod

  171. 86a

    grub pa bstan pa 'di bya ba grub pa'i ye shes kyi sgo nas gzhan don byed pa brtson 'grus kyi bdag nyid de sems can rnams la lta ba zab mo'i don yod kyang ma bsgrubs na 'tshang mi rgya bas de la brtson grus dgos pa'i phyir ro de nas ser sna chen po'i rin 'byung bstan pa ni 'di ni yon tan gyi sangs rgyas yin te/ 'bras bu sangs rgyas gzhan don byed pa'i yon tan yod do/ /des na rin chen 'byung ldan 'jug tu bstan pa ste go rim 'cha' pa'i skyon ni med do/ yang mtshan 'di rnams ni rigs lnga'i mtshan du 'jug pas 'jam dpal la ci phan zhe na/ 'jam dpal ye shes sems dpa' de nyid rigs lngar 'byung bas 'jam dpal snang ba mdza' yas zhes bya ba la sogs pa'i mtshan nyid can ni de rnams kyi mtshan nyid dang/ rtags kyi mtshan nyid de de'i don gyi mtshan nyid ni spyir chos thams cad sems su 'dus/ sems nyid sna tshogs su shar te/ gzhi med/ rkyen gyis cir yang shar/ 'og nas rnam rig sna tshogs gzugs don can/ rnam shes sna tshogs rgyud dang ldan zhes 'byung/ /de ni kun rdzob kyi rgya che ba dang/ sems kyi rang bzhin cir yang ma grub pas nam mkha' dang 'dra ste/ zab pa'i mtshan nyid don dam mo/ /de nyid brjod thabs sam bstan thabs de las ma grub pas gnyis su phye'i rang gi mtshan nyid la dbyer med pa ste de nyid la 'jam dpal zhes bya ste/ de rtogs na ni nam mkha' i lam la gnas pa ste 'og nas de skad 'byung/ de gang la rang bzhin rgyu bsgom pa lam 'bras bu mthar thug rgyu'i rgyud thabs kyi rgyud 'bras bu'i rgyud la sogs pa sbyar ro/ /de gang la ldog pa'i bye brag gis lha lnga bcu rtsa gsum bzhag ste/ rigs kyi bye brag gi lnga bcu rtsa gsum tshan bdun du 'gyur ro/ /bsdu na

  172. 86b

    gnyis med kyi ye shes gcig po der 'dus te/ don gcig gnyis med chos kyi don zhe 'o/ /de la gnyis med gcig po de nyid la gsal la mi rtog pa'i ngos nas me long lta bu'i ye shes sangs rgyas mi bskyod pa rtags kyi sgo nas shar gyi rtsibs la sa gnon phyag rgya can sngon po zhal gcig phyag gnyis par gyur te/ yang gnyis med de la bdag chos sems can gsum mnyam pas gnyis med der shes pas mnyam nyid do/ /rtags sangs rgyas rin chen 'byung ldan de nyid de'i mtshan nyid mtshon/ lho'i rtsibs la mchod sbyin ser po zhal gcig phyag gnyis rdo rje'i skyil mo krung ngo/ /gnyis med gcig po de kho nas sems can so sor phye nas chos nyid so sor mkhyen so sor rtogs sangs rgyas snang ba mdza' yas rtags nub kyi rtsibs la ting nge dzin gyi phyag rgya can/ dmar po zhal gcig phyag gnyis rdo rje'i skyil mo krung ngo/ /gnyis med gcig po de nyid kyi gzhan don byed nus/ bya ba grub pa'i ye shes nyid sangs rgyas don grub tu 'byung/ rtags kyi mtshan nyid de kun rdzob du byang gi rtsibs la skyabs sbyin phyag rgya can/ ljang gu zhal gcig phyag gnyis rdo rje'i skyil mo krung byas/ de ni don gyi mtshan nyid des sra ba'i mtshan nyid bzhin no/ /ye shes gzugs can mi rna ba las gzugs su bsgoms mo zhe 'o/ /ye shes de gzhi la phyin ci log gi sgro 'dogs dgag bya rnam pa dgag nas rnam thar bzhi la yum bzhi bya ste/ gong du bstan no/ /gtso 'khor gyi 'thad pa ni gang zag gcig sangs rgyas pa'i ye shes la gtso 'khor du 'od ba ci ste zhe na/ gtso bo ni yon tan thams cad sdud pa'i bdag nyid yin la 'khor ni yon tan gyi bye brag yin no/ /des gtso bo dang 'khor gyi bye brag las 'khor du grags so/ /'on de ltar

  173. 87a

    'ong ba ci ste zhe na/ gtso bo ni rag las sa/ 'khor rag las pa'o/ /gtso bo ni rten sa/ 'khor ni rten pa'o/ /yang na bzang ngan gyi khyad par ni gang zag gcig sangs rgyas kyi ye shes la ni bzang ngan med na/ 'dir sangs rgyas dang byang chub sems dpa' i 'khor bzang/ longs spyod kyi lha rnams bzang ngan byung ba ci ste zhe na/ 'di ni gang zag gcig dkyil 'khor du zhugs pa'i dus/ /lam 'bras bu dang bcas pa go ba'i dgos pa ste/ /'bras bu ni sangs rgyas lnga/ sku lnga/ rigs lnga/ ye shes lnga/ spyan lngas bsdus pa'i sangs rgyas kyi slob ma yin par gol/ byang chub sems dpas ni lam du go ste/ lam slob pas bsdus par go'o/ /longs spyod kyi lha mo rnams ni tshul khrims la sogs pa lam gyi grogs su go'o/ /thabs shes kyi 'brel pa ni rigs kyi sangs rgyas thabs rgya che ba badzri ma bzhi pa zang pa ste/ gnyis gnyis 'brel lo/ /phrin las ni sangs rgyas mchod pa dang/ sems can gyi don byed pa ste/ thun mong du dug lnga cha mnyam pa'i don/ bye brag tu pad+ma 'dod chags can de bzhin du sbyar ro// man ngag bsgom thabs su shes so/ /de la mchod pa chen po zhes pa gnyis kyis 'jam dpal rdo rje 'chang chen po'i 'od dpag tu med pa'i mtshan nyid du ston to/ /rje btsun 'jam dpal mchod pa chen po zhes bya ste/ ci'i phyir de skad bya zhe na/ so sor rtogs pa'i ye shes kyi sgo nas mchod pa rgya mtsho sprul nas sangs rgyas mchod pa'i phyir/ /de bzhin du rgol tshig gzhan la yang sbyar ro/ /'jam dpal 'dod chags chen po zhes bya ste/ thugs rjes sems can gyi don la chags pa'i phyir ro/ /de ni rang gi mtshan nyid kyi sgo nas bstod pa'o/ /sems can thams cad zag med kyi bde bas dga' zhing mgu ba ni/ phrin las kyi sgo nas bstod pa'o/ /mchod pa chen po gnyis mi bskyod pa'i mtshan te/ mchod pa chen po ni me long lta bu'i ye shes kyi

  174. 87b

    mchod pa'i sprin rgya mtsho sprul nas sangs rgyas mchod pa'i phyir rje btsun la de skad ces bya'o/ /zhe sdang ni rang gi ma'i zhe sdang 'dul te/ de la zhe sdang ba 'am/ mtshan ma la zhe sdang ba ste/ de la de skad ces bya'o/ /nyon mongs kun ni drug go /de'i gshed ma byed pa ni phrin las te/ /'jam dpal de la de skad ces bya'o/ /mchod pa chen po'i tshig gnyis kyi gti mug 'jam dpal rnam snang gi mtshan te/ mchod pa chen po ni chos kyi dbyings kyi ye shes kyi mchod pa'i sprin rgya mtsho sprul nas sangs rgyas mchod pas 'jam dpal la de skad bya'o/ /chos dbyings de mi phyed pas gti mug ste/ /rang gi ngo bo'i sgo nas de la de skad ces bya'o/ /gti mug chen po des rang dga' ma'i gti mug sel ba'i phrin las kyi sgo nas bstod pa'o/ /mchod pa chen po'i tshig gnyis ni 'jam dpal don grub kyi mtshan te/ mchod pa ni bya ba grub pa'i ye shes kyis mchod pa'i sprin rgya mtsho sprul nas sangs rgyas mchod pa'i phyir de la de skad ces bya'o/ /khro bo ni gzung 'dzin la khro bo ste/ rang gi ngo bo bas de la de skad bya'o/ /khro bo chen po yang dag pa'i khro ba ste/ dngos po la phrag dog pas des tha mal gyi gnyen po byed pa'i phyir na phrin las te/ de la de skad bya/ mchod pa chen po tshig gnyis ni 'jam dpal snang ba'i bdag nyid rin chen 'byung ldan gyi mtshan nas bstod pa ste/ mchod pa ni mnyam pa nyid kyis mchod pa'i sprin rgya mtsho sprul nas/ sangs rgyas mchod pa'i phyir ro/ /chen po rnams ni mchod pa yang yin chen po yin te/ yon tan gcig tu bsdus pa'i bdag nyid do/ /chags pa ni rin po che la chags pa ste/ /ser sna'i bdag nyid las rang gi ngo bo ste/ de la de skad bya'o/ /chags pa thams cad ni rang rang gi ser sna de'i gnyen po yin pas 'jam dpal la de skad bya ste/ phrin las kyi sgo nas bos shing bstod pa'o/ /'dod pa chen po mar

  175. 88a

    tshig rkang bcu bzhis ye shes sems dpa' bcu drug gi mtshan ston te/ 'di rnams la yang/ so so'i mtshan nyid dang gcig /gtso 'khor gyi 'thad pa dang gnyis/ thabs shes rab kyi 'brel pa dang gsum/ phrin las kyi khyad par dang bzhi/ /lam gyi khyad par dang lnga/ bsgom thams cad dang drug /'bru'i bshad pa dang bdun no/ /de la 'di rnams kyi mtshan nyid don gyi sgo nas dang/ rtags kyi sgo nas so/ /don gyi mtshan nyid ni stong pa bcu drug rtogs/ /dgag bya khegs pa 'am/ /sgro 'dogs bcu drug chod pa gcig la sems dpa' bcu drug ces bya ste/ /de yang 'dod pa che ces pa'i tshig gnyis kyis shar phyogs kyi sems dpa' bzhi ston/ /de la chos can me long lta bus bye brag tu byas pa'i chos nyid stong pa bzhi ste/ /gnyis med gcig po de dag la bya na/ /'dzin pa'i bsam pas stong sgro 'dogs de chod pa'i sgo nas nang stong pa nyid/ de bzhin du phyi gzung ba'i yul gyis stong pa'i phyir/ phyi stong pa nyid/ /bar gyi dbang pos stong pas phyi nang stong pa nyid/ snod kyi 'jig rten la lhag par chags pas stong pa chen po stong pa nyid/ stong pa de bzhi la shar gyi rdo rje sems dpa' rgyal po/ chags pa legs pa bzhi bya/ rtags kyi mtshan nyid ni thun mong gi mtshan nyid sku mdog bzhugs tshul gdan pad+ma zla ba/ /rang gi bdag po'i dbu rgyan rin po che'i rgyan/ zhal phyag gi mtshan nyid do/ /khyad par ni mtshan phyag mtshan bzhugs pa'i go rims so/ /gtso 'khor gyis 'thad pa ni/ me long lta bu rag las sa stong pa bzhi la rag las te gong mas bsgres te shes par bya'o/ /thabs shes rab kyi 'brel pa ni rdo rje sems dpa' la sogs pa shes rab zab pa byams pa la

  176. 88b

    sogs pa thabs te rgya che ba de gnyis zung du 'brel lo/ /gsang ldan nas shes rab bcu drug zer ba'i phyir ro/ /phrin las kyi nges pa ni/ sangs rgyas mchod pa dang/ 'gro ba'i don bya'o/ /sems dpa' 'di rnams sangs rgyas yin pa la sems dpar 'byung ba'i 'thad pa ni 'bras bu'i chos lngas bsdus pa'i lam mtshon pa ste/ de la las mtshon pa ni shar phyogs stong pa'i sems dpa' / lho mtshan ma med pa/ nub gzhan don/ byang mchod pa'i sems dpa' zhes bya ste/ gang zag gcig 'tshang rgya ba'i thabs sam lam du stong pa nyid rtogs dgos/ rtogs nas kyang mtshan ma med pa goms dgos/ mtshan ma med kyang gzhan don ma byas na 'tshang mi rgyabs gzhan don bya dgos gzhan don la gtsor dkon mchog mchod dgos te/ de ni lam mtshon pa'o/ /bsgom thabs man ngag tu shes so/ /de la rdo rje sems dpa' la khyod ni 'dod pa chen po zhes bya ste/ ci'i phyir de skad bya zhe na/ rdo rje sems dpa' phyag na rdo rje rnams ni stong pa nyid rtogs pa'i rtags yin la stong pa ni don dam pa byang chub mchog tu sems bskyed pa yin la/ sems bskyed kyi mtshan nyid 'dod cing 'dun pa ste/ sems bskyed pa ni gzhan don phyir/ yang dag rdzogs pa'i byang chub 'dod ces gsungs so/ /stong pa nyid de mngon su du rtogs par 'dod pa'o/ /bde ba tsha zhes pa rdo rje rgyal po la de skad ces bya ste/ ci'i phyir de skad bya zhe na/ rdo rje rgyal po ni lcags kyu mi btod pa'i brda ste/ rdo rje sems dpas stong pa nyid rtogs te/ rgyal pos bsgoms 'dris par byas nas ma btang bas zag med kyi bde ba chen po skye bas de skad bya'o/ /dga' ba chen po ni rdo rje chags pa la bya ste/ de ci'i phyir de skad bya zhe na/ rdo rje rgyal po'i bde ba goms pa de la dga' chags pas de skad bya'o/ /mgu ba ni 'bras bu

  177. 89a

    mngon du gyur pa ste 'bras bu la mgu ba'o/ /de ni rdo rje legs pa ste mgu ba'i rtag se gol brdeb pa'o/ /gzugs chen lus kyang che ba ste/ kha dog che zhing lus bor che zhes pa nas mar tshig rkang bzhis lho phyogs kyi sems dpa' bzhi mtshon te/ de la yang so so'i mtshan nyid nas bsgom thabs kyi bar du sbyar te/ so so'i mtshan nyid ni chos can mnyam pa nyid kyi bye brag tu byas pa'i chos nyid stong pa nyid bzhi ste/ gnyis med gcig po de la dgag byas stong par gzung ba dang/ don dam du gzung ba dang/ bsod nams kyi tshogs su gzung ba dang/ ye shes kyi tshogs su bzung ba rnams kyis/ stong pa'i stong pa nyid dang/ don dam pa'i stong pa nyid dang/ 'dus byas stong pa nyid dang/ 'dus ma byas stong pa nyid bzhi la lho phyogs kyi sems dpa' rdo rje rin chen/ rdo rje ga'i brjid/ rdo rje rgyal mtshan/ rdo rje bzhad pa dang bzhi la bya ste/ rtags kyi mtshan nyid gong dang 'dra'o/ /gtso 'khor gyi 'thad pa dang/ thabs shes rab kyi 'brel pa dang/ phrin las kyi khyad par dang/ lam mtshon pa dang/ bsgom thabs rnams gong dang 'dra'o/ /de la rdo rje rin chen la gzugs che ba zhes bya ste/ ci'i phyir de skad bya na/ de'i sgras sangs rgyas kyi zhing thams cad du snang zhing gsal bar byed pa'i phyir ro/ /rdo rje rin chen la lus che zhes bya ste/ ci'i phyir zhe na/ rin po che las bskrun pa'i lus yin pa'i phyir ro/ /rdo rje gzi brjid la kha dog che zhing zhes bya ste/ ci'i phyir zhe na/ nyi ma 'od kha dog drug gi rang bzhin du gnas bas de'i phyir na de skad bya'o/ /'od drug lha gzhan la med dam zhe na/ yon tan phyogs re la dgongs so/ /rdo rje nyi ma la lus bong che zhes kyang bya ste/ ci'i phyir zhe na/ stong pa'i thabs sam bsgom thabs kyi shes rab las byung ba'i lus yin pa'i phyir ro/ /rdo rje rgyal mtshan ming

  178. 89b

    yang che zhing zhes bya ste/ ci zhe na grags pa chen po dang ldan pas thams cad du grags pa'i phyir ro/ /rdo rje rgyal mtshan la yang rgya che ba zhes bya ste/ ci zhe na sbyin pa mthar phyin pa las byung ba'i phyir ro/ /rdo rje bzhad pa la/ dkyil 'khor chen po yangs pa yin zhes bya ste/ ci zhe na/ dkyil 'khor ni snying po len pa'i don gyis so/ /yangs pa ni 'jig rten thams cad du khyab pa'i phyir de skad bya ste/ dkyil 'khor yang yin la yangs pa yang yin pas mtshan gcig tu bsdus pa'o/ /de yan chad kun la yang 'jam dpal snang ba mdza' yas shes pa nas/ yangs pa'i bar du thams cad du mtshams sbyar te/ de dang de nas 'bod ba'o/ /shes rab ces pa'i tshig rkang bzhis nub phyogs kyi sems dpa' bzhin chen brjod do/ /de yang so so'i mtshan nyid nas bsgom thabs kyi bar du sbyar te/ so so'i mtshan nyid ni chos can so sor rtog pa'i ye shes kyis bye brag tu byas pa'i chos nyid stong pa nyid bzhi ste/ gnyis med gcig po la dgag bya sems can gyi don byed pa mdza' dag dang ldan par 'dod pas sems can 'khor ba la thog ma dang tha ma yod par 'dod pa dang/ dge ba'i rtsa ba phung po lhag bcas dang/ lhag med du 'dor bar 'dod pa dang/ chos thams cad rkyen gyis stong gi /rang bzhin gyis mi gtong bar 'dod pa'i dgag bya de rnams dgag /sgro 'dogs chod par 'dod pa'i stong pa de bzhi la mdza' las 'das pa stong pa nyid dang/ thog ma dang tha ma med pa stong pa nyid dang/ dor ba med pa stong pa nyid dang/ rang bzhin stong pa nyid ces byas/ de bzhin la 'jam dpal rdo rje chos dang rnon po dang 'khor lo dang smra ba bzhi bya ste/ don gzugs med la gzugs su bya ste/ don dam gyi mtshan nyid do/ /rtags kyi mtshan nyid thun mong dang khyad par gong bzhin no/ /gtso 'khor gyi 'thad pa nas/ bsgom

  179. 90a

    thabs kyi bar du gong ma bzhin no/ /de la 'jam dpal rdo rje chos la 'jam dpal/ shes rab mtshon chen 'chad ba po zhes pa bstod pa ste/ ci'i phyir na de skad bya zhe na/ so sor rtogs pa'i ye shes kyi shes rab kyi mtshon 'chad pa dang/ rdo rje 'dzin pas chos nyid rtogs par byed pa'i phyir ro/ /'jam dpal rdo rje rnon po la nyon mongs lcags kyu che ba'i mchog ces pa bstod pa ste/ ci'i phyir de skad bya na/ gzhi bsgyur ba dang/ spong ba dang/ shes pa las 'dir shes rab kyi ye shes kyi lcags kyus nyon mongs pa chos nyid du shes pas gzhi shes pa ste/ chen po yang yin mchog kyang yin pas de la de skad ces bya'o/ /'jam dpal 'khor lo la grags chen zhes bya/ khyod ni snyan grags chen po dang ldan no zhes bstod pa ste/ ci zhe na/ chos kyi 'khor los sems can smin par byed pa las phyir mi ldog pas de skad bya'o/ /'on phyin ci log gi grags pa gcig yin nam/ snyam na snyam pa'i grags pa ste/ dkyil 'khor rnam pa bdun gyi 'khor lo sgyur bas/ kun la khyab pas grags chen no/ /'jam dpal smra ba la khyod ni snang ba chen po zhes bya/ gsal ba che zhes mtshan nyid kyi yon tan gyi sgo nas bstod pa ste/ de ci zhe na/ chos kyi dbyings kyis 'jig rten gsum du khyab pa'i 'od dang ldan pas sems can gyi rgyud la snang bar byed pas de la de skad bya/ tshig gi nyes pa grwa zur chag pa dang/ mi gsal ba med pas de la gsal ba che zhes bya'o/ /mkhas pas zhes pa'i tshig rkang bzhis byang phyogs kyi sems dpa' bzhi'i mtshan brjod 'chad de/ de yang so so'i mtshan nyid nas/ bsgom thabs kyi bar du sbyar te/ de la so so'i mtshan nyid ni chos can bya ba grub pa'i ye shes kyis bye brag tu byas pa'i chos nyid

  180. 90b

    stong pa bzhi ste/ de yang gnyis med kyi ye shes gcig po la dgag bya sgro 'dogs sangs rgyas kyi mtshan dang/ dpe byad dngos po'i ngo bor 'dod pa dang/ stobs dang mi 'jigs pa la sogs pa sangs rgyas kyi chos thams cad dngos po'i ngo bor 'dod pa dang/ gang zag gi bdag dang/ chos kyi bdag dngos po'i ngo bor 'dod pa dang/ stong pa nyid med zer ba rnams dgag /sgro 'dogs de rnams mchod pa la rang gi mtshan nyid stong pa nyid/ /chos thams cad stong pa nyid/ dngos po med pa stong pa nyid/ dngos po med pa'i ngo bo nyid stong pa nyid dang bzhi de bzhi la 'jam dpal/ rdo rje las dang bsrung ba dang/ gnod sbyin dang/ khu tshur dang bzhi bya ste/ gzugs med gzugs can byung ba ste/ stong pa nyid de bzhi'i sems dpa' de bzhir byung sems dpa' de bzhi stong pa de'i mtshan nyid 'dzin te/ de bzhin du lha thams cad la sbyar ro/ /rdo rje ni don gyi mtshan nyid do/ /rtags ni thun mong dang bye brag ste gong du bstan to/ /gtso 'khor gyi 'thad pa nas bsgom thabs kyi bar du gong ma bzhin no/ /de la 'jam dpal rdo rje las la khyod ni mkhas pa che zhes sgyu 'phrul 'chang ba po zer/ bstod de ci'i phyir de la de skad bya na/ rdo rje las sangs rgyas mchod pa/ sems can gyi bsod nams bskyed pa'i phrin las kyi bdag nyid las de la mkhas pas de skad bya la/ sprul pa'i sgyu ma de 'chang bas de skad do/ /rdo rje srung ba la sgyu 'phrul chen po don grub pa zhes bya/ ci zhe na/ mchod pa 'bul ba la spro bar byed pa'i phrin las kyi bdag nyid dang/ /rnal 'byor lam le lo can bsrung ba'o/ /sgyu ma'i 'phrul ba dra ba des gzhan don 'grub pas de skad bya'o/ /rdo rje gnod sbyin la sgyu 'phrul chen po dga' bas dga' zhes bya ste/ de ci zhe na/ rdo rje gnod sbyin ni dgra za ba ste/ /bsrung ba'i phrin las kyi bdag

  181. 91a

    nyid yin pas mchod pa'i bar chad kyi bgegs zhi bar byed sgyu 'phrul mchod pa sprul/ bgegs zhi bar spro bas kyang cher dga' ba 'byung bas de skad bya'o/ /rdo rje khu tshur la sgyu 'phrul chen po mig 'phrul can zhes bstod de/ rdo rje khu tshur ni thams cad 'dus pa'i phrin las kyi bdag nyid de mchod pa de rnams stong par ro gcig par byed la/ sgyu 'phrul ni mchod par sprul/ chen po ni gcig tu bsdus pa/ mig 'phrul ni yod pa 'jig pa med pa sprul pas de skad bya'o/ /sbyin bdag ces pa nas mar tshig rkang bzhis sgeg mo la sogs pa gsang ba'i lha mo bzhi'i mtshan bstan te/ mtshan can de'i mtshan nyid thun mong dang/ bye brag gi mtshan nyid bcu 'am/ bcu gcig brtsi/ ci la zer na kun rdzob tu rtags kyi sgo nas sgra dang/ nu ma dang/ mtshan mas khyad par du byas pa'i sgo la sogs pa nang gi bzhi la shar lho nas rim pa bzhin du gnas te/ 'di ni stobs kyi mtshan nyid de/ de rnams kyang sgeg mo ni byang chub kyi sems kyi mchod pa dang ldan pa'i nyams dang de bzhin du phreng ba ma rin po ches/ glu mas glus/ gar ma gar gyis mchod pa'i nyams dang ldan pa ste rtags so/ /don gyi mtshan nyid ni 'dir sbyin pa la sogs pa bzhi btang ba las gong du 'bras bu'i da bzhir 'chang/ yon tan dang ldan no/ /yang na gnyis med gcig po de nyid la mi thun pa'i phyogs ser sna la sogs pa bzhi med pa'o/ /ngos nas sbyin pa la sogs pa bzhir de nyid la lha mo lA sya ma la sogs pa bzhi bya/ bzhi po sbyin pa la sogs pa'i mtshan nyid mtshan 'dzin te/ de ni don gyi mtshan nyid do/ /'di rnams ni g.yog mo longs spyod kyi lha mo yin te/ ci'i phyir zhe na/ bzang ngan du 'ong

  182. 91b

    ba'i nad ka ni ya kir 'bras bu'i chos la mtshon pa rigs lnga ste/ shin tu bzang de thob par byed pa'i lam byang chub sems dpa' ste/ longs spyod kyi lha mo rnams lam gyi grogs te/ tshul khrims la sogs pa mi brtsin des na 'dis lam 'bras bu dang bcas pa gcig go ba'i brda'o/ /'di rnams la gsang ba'i lha mor 'dogs pa'i 'thad pa ni/ me tog la sogs pa phyi'i rdzas yin la/ 'di ni zag med sems kyis mchod pa de gzhan gyis mi mthong ba'o/ /gtso 'khor gyi 'thad pa ni spyi 'khor sum brtsegs pa'i spyi 'khor yin te/ 'di rnams gnyis de'i yon tan gyi bye brag yin te sgo 'khor ni mi bskyod pa'i 'khor sgeg mo des 'dres te/ 'di rnams yon tan bye brag pa yin pas spyi la brten/ des na rten sa dang/ brten pas khyad par du byas so/ /thabs shes rab kyi 'brel ba ni 'di la med do/ g.yog yin pa'i phyir ro/ /phrin las ni 'phags pa mchod sems can pha rol tu phyin pa la dgod pa'o/ /bsgom thabs gzhan du shes so/ /de yang rang dga' bar bsgoms pa ni mchog gi dngos grub du mi rung gi thun mong man chad bsgom du rung ste/ slob dpon sangs rgyas gsang ba ni bsgrub pa'i lha rigs lnga/ sems dpa' bcu drug ste/ nyi shu rtsa gcig las med par bzhed do/ /slob dpon kun dga' snying po ni/ me tog gang la phog pa de bsgom du bzhed do/ /slob dpon sgeg pa'i rdo rje ni longs spyod kyi lha lugs bsgom pa snga ma bzhed do/ /de ltar lha mo bzhi po de la so so'i mtshan nyid gsang ba'i lha mor 'thad pa dang/ g.yog dang gtso 'khor gyi 'thad pa dang/ phrin las dang/ bsgom thabs drug zhe'o/ /de la lha mo 'di rnams ming 'og tu bcug nas mnan te/ yon tan gyi sgo nas bstod do/ /sgeg mo la khyod kyis sbyin bdag mo chen mo yin zhes bstod de/

  183. 92a

    ji ltar zhe na/ dad pas sangs rgyas la sbyin pa dang/ thugs rjes sems can la sbyin pa gtong ba'i bdag mo khyod yin pa'i phyir khyod de bskyed par bya ba'i mtshan nyid can no/ /chen po ni 'khor gsum yongs su dag pa'o/ / yang sgeg mo la gtso bo zhes bya ste/ ci'i phyir zhe na/ sbyin pa rnam bzhi gtong ba'i phyir/ /de la dbang bas de skad bya'o/ /yang phreng ba ma tshul khrims chen po zhes bya/ 'chang ba'i mchog ces bya/ de ci'i phyir zhe na/ tshul khrims gsum las 'dir lus ngag yid sdom pa ste/ de la 'khor gsum dag pa chen po 'chang ba ni de 'dzin pas de skad bya'o/ /klu ma la khyod ni bzod chen brtan pa po zhes bya ste/ ci zhe na bzod pa gsum las zab mo'i don la bzod cing sran tshugs pa ste/ de yang 'khor gsum yongs su dag pa che'o/ /de'i don 'dzin pa ni 'chang ba brtan pa ni mi 'gyur ba'o/ /gar ma la brtson 'grus chen po zhes pa dang/ brtul ba yin zhes bya ste/ ci zhe na 'jig rten 'das pa'i dge pa'i rtsa ba la spro zhing de rdzogs par byed la/ 'khor gsum dag pas chen po'o/ /'jig rten dang 'das pa'i dkar po'i yon tan thams cad la brtson 'grus kyis rdzogs par byed pas brtul pa'o/ /de'i phyir khyod la de skad bya'o/ / bsam gtan zhes pa'i tshig gnyis dang thabs che ba smon lam rnams kyis phyi'i lha mo bzhi'i mtshan bstan te/ shes rab dang go bsnur ba bshad 'di rnams la'ang drug 'bru bshad pa dang bdun te/ mtshan nyid kun rdzob tu mtshan ma la sogs pa'i khyad du byas pa'o/ /bskal bzangs kyi grwa bzhi'i shar lho nas rim pas spos me tog mar me dri chab bzhi/ de bzhis mchod pa'i nyams dang ldan pa'i lha mo shes rab chen po lus 'chang ba zhes bya ba la sogs

  184. 92b

    pa'i mtshan can du byung la/ don gyi sgo nas 'dir de bzhi sangs rgyas mchod bas 'bras bu de bzhir shar te yon tan yar ldan no/ /de bzhi der byung ba de'i mtshan nyid 'dzin no/ /yang na gnyis med gcig po de la shes rab 'chang ba dang/ rnam par g.yeng ba dang/ thabs chung ba dang/ log pa'i smon lam la sogs pa med de/ de gzhi'i gnyen por shes rab bsam gtan thabs yang dag pa'i smon lam rnams su byung la de bzhin la lha mo bzhi bya/ de bzhi de'i mtshan nyid 'dzin te/ don gyi mtshan nyid do/ /longs spyod kyi lha dang phyi'i lha mor bzhag pa dang/ las med de longs spyod yin no/ /gtso 'khor dang/ bsgom thabs rnams gong dang 'dra'o/ /de la lha mo d+hU pe ma la khyod ni/ shes rab chen po lus 'chang ba zhes pa'i yon tan dang ldan no/ /zhes bstod de/ de ci'i phyir zhe na/ shes rab kyis chos thams cad rab tu 'byed pa'i lus can ni d+hU pe ma yin la/ shes rab de 'chang ba'i shes rab kyi gnyen po yin pas chen po yang yin no/ /de'i lus 'dzin pas na d+hU pe ma de la de skad bya'o/ /me tog ma la bsam gtan chen po ting 'dzin gnas zhes bya ste/ de ci'i phyir zhe na/ me tog ma khyod ni 'jig rten las 'das pa'i bsam gtan gyi ngo bo rnam g.yeng gi gnyen por 'dug ste/ chen po'i ting nge 'dzin gong ma de mi gtong ba'i phyir du puShpe ma la de skad bya'o/ /mar me ma la thabs che zhes bya ste/ ci zhe na/ thabs ma lus pas sems can thams cad kyi bsam pa rdzogs par byed de/ thabs chung ba'i mi mthun pa med cing de'i gnyen po bas de la de skad ces bya'o/ /dri chab ma la bsam pa'i zhes bya ste/ ci'i phyir zhe na/ bsam pa ni smon lam bya la/ yang dag pa'i smon lam gyis phyin ci log gi smon pa'i gnyen por gyur pa'i cha nas de skad bya'o/ /

  185. 93a

    stobs po che la zhes bya ba/ ye shes rgya mtsho zhes pa bsgo pa bzhi'i mtshan ston te/ 'di rnams mtshan nyid ni lcags kyu la sogs pa sgo ba bzhi thun mong dang/ bye brag gi sgo nas kun rdzob ste/ rtags kyi mtshan nyid do/ / don gyi mtshan nyid ni 'dir dad pa dang/ brtson 'grus dang/ dran pa dang/ ting nge 'dzin dang/ bzhi rnams bsgoms pas gong du tshogs lam/ sbyor lam/ mthong lam/ bsgom lam bzhi'i yon tan yang ldan du 'byung/ de la sgo ba bzhi 'byung de'i mtshan nyid 'dzin pa 'am/ yang na sbyor lam gyi drod rtse mo gnyis la/ dad pa dang/ brtson 'grus dang/ dran pa dang/ ting nge 'dzin dang de rnams bsgoms pas sems ma dang pa/ le lo mi dran pa/ rnam g.yeng ba'i phyogs su 'dug la des dad pa/ brtson 'grus/ dran pa/ ting nge 'dzin gyi gnyen po bzhi kha drag par 'dug pas de rnams kyi dus na ni dbang po'i bzhi zhes bya la/ bzod pa dang/ chos mchog gi dus na ma dang pa la sogs pa'i mi 'thun pa med de/ gnyen po dang pa la sogs pa bzhi po sha stag tu 'dug pas dad pa la sogs pa stobs bzhi'o/ /de bzhi la sgo bzhi bya ste/ mtshan gnyis las med kyang don bzhi char tshang ste/ stobs dang/ dad pa tshogs lam gyi ye shes sgo ba lcags kyu/ de bzhin du brtson 'grus/ sbyor lam gyi ye shes/ sgo ba zhags pa/ dran pa mthong lam gyi ye shes sgo ba lcags sgrog ting nge 'dzin stobs/ bsgom lam gyi ye shes/ sgo ba ni dril bu zhes bya'o/ /rdo rje ni don gyi mtshan nyid do/ /gtso 'khor gyi 'thad pa nas bsgom thabs kyi bar du snga ma bzhin no/ /byams chen rang bzhin zhes pa nas mar tshig rkang drug gis thabs kyi bskal bzang gi sems dpa' i mtshan te/ 'di rnams kyi mtshan nyid ni rtags kyi mtshan nyid

  186. 93b

    kun rdzob kyi sgo nas ni thun mong khyad par gnyis te/ de la mtshan ni phyag mtshan rang rang bdag pos dbu rgyan/ gal sku mdog ni khyad pa'o/ /bzhugs tshul/ gdan rgyan/ phrin las rnams thun mong ste/ phyogs kyi sku mdog dang/ phyogs kyi phyag mtshan sngon po dang/ rdo rje la sogs pa'o/ /don gyi mtshan nyid ni gnyis med kyi ye shes gcig la ldog pa'i bye brag gi ye shes lnga de la ldog pa'i bye brag gis stong pa bcu drug /de la shes rab kyi sems dpa' bcu drug bya la/ bskal bzang 'di rnams ni stong pa bcu drug la dmigs pa'i rig pa ste/ nang stong pa nyid rig pa'i rig pa nas dngos po med pa'i ngo bo nyid stong pa nyid rig pa'i bar du bcu drug la thabs kyi sems dpa' bcu drug bzhag /rig pa de rnams der byung de nyid de'i mtshan nyid 'dzin de ni don dam gyi mtshan nyid do/ /gtso 'khor gyi 'thad pa dang/ lam brtson pa dang/ phrin las kyi khyad par dang/ bsgom thabs rnams gong ma bzhin no/ /thabs shes rab kyi 'brel pa ni/ shes rab kyi sems dpa' bcu drug la/ thad kha thad khar dmigs shing 'brel lo/ /byams chen zhes pa nas mar sems can bde ba la dgod pa'o/ /rang bzhin ni de'i dus su skye med du rtogs shing dmigs pa'o/ /dpag tu med pa ni skye med du dmigs shing 'jig rten thams cad la bu gcig pa ltar byams pa rgyun mi gcod de des na byams pa la de skad bya'o/ /snying rje chen po zhes pa 'jam dpal ni mi dmigs pa'i thabs thugs rje chen pos sems can gyi don byed pas/ rgya che ba dang/ blo'i mchog ces pa skye med kyi blos gnyis med du rtogs pa ste/ khyod ni zab pa dang rgya che ba'i mtshan nyid can no zhes bstod do/ /shes rab chen po blo chen ldan zhes pa spos kyi glang po la de skad bya ste/ ci'i phyir zhe na/ khyod ni chos

  187. 94a

    thams cad rab tu rnam par byed pa'i shes rab kyi bdag nyid la de skad bya la/ de'i khyod ni blo chen po dang ldan pa zhes kyang bstod do/ /khyod ni mkhas pa chen po zhes bya ste/ ci zhe na/ dbang po rab 'bring tha ma'i sgo nas sems can 'dul ba'i thabs la mkhas pas de skad bya la/ nyon mongs pa bag la nyal dang mthun pa'i chos ston pas thabs che ba ces kyang bstod do/ /bzang skyong la/ rdzu 'phrul chen po stobs dang ldan zhes bstod de/ rkang mtheb sen mos tshangs pa'i g.yul sa gnon pa la sogs pa'i stobs sam rdzu 'phrul de mnga' ba'i phyir de skad bya'o/ /blo gros chen po la mgyogs pa chen po zhes bya ste/ sangs rgyas mchod pa dang sri zhu'i phyir 'jig rten gyi khams du mar bskyod pa'i phyir// shugs chen zhes bya zhe na/ ye shes kyi shugs drag pos 'gro ba'i phyir de skad bya'o/ /blo gros mi zad pa la rdzu 'phrul chen po zhes bstod de/ ci'i phyir zhe na/ 'jig rten dang/ nyan thos dang/ rang sangs rgyas kyi bsod nams dang/ ye shes kyi tshogs rdzogs par byed pa'i phyir ro/ /khyod ni cher grags pa zhes kyang bya ste/ sangs rgyas kyi bsod nams dang ye shes kyi tshogs yongs su rdzogs par byed pa'i phyir ro/ /spobs pa brtsegs pa la khyod ni stobs chen pha rol gnon pa po zhes bya ste/ ci'i phyir zhe na/ gnas dang gnas ma yin pa mkhyen pa la sogs pa stobs bcu nyan thos pa la sogs pa zil gyis gnon pa'i phyir de skad bya'o/ /mthu chen thob la srid pa'i ri bo chen po 'joms zhes bya ste/ ci'i phyir zhe na/ srid pa ni nye bar len pa'i phung po lnga 'jig dka' bas brag ri dang 'dra ste yang dag pa'i ye shes thob nas 'joms pa ste/ khyod ni de dang ldan pa'i phyir de skad ces brjod do/ /ngan song kun 'dren la

  188. 94b

    mkhregs shing rdo rje chen po 'chang zhes bstod de/ ci'i phyir zhe na/ khyod ni kun tu bzang po'i ye shes kyi rdo rje 'dzin pa ste/ de yang gzung 'dzin gyis mi phyed pas sra ba'i lus dang ldan pas na mkhregs zhes brjod de/ mya ngan dang mun pa thams cad 'joms pa'i blo gros la drag po chen po zhes bya ste/ ci'i phyir zhe na/ khyod ni gdul dka' ba'i gdul bya khro bor sprul pa'i phyir/ /de skad bya la/ bcos pa'i drag shul gyis 'dul ba'i phyir ro/ /dra ba can gyi 'od/ 'jigs chen 'jigs par byed pa po zhes bya ste/ ci'i phyir zhe na/ de yang 'jigs chen ni lha gsum ste/ tshangs pas sa bla ma hA de bas sa steng khyab 'jug gis sa 'og 'jigs te/ khyod ni de gsum yang 'jigs pa po yin pa'i phyir de skad brjod do/ /zla 'od gzhon nu la mgon po zhes bstod de/ ci'i phyir zhe na/ gsang sngags kyi theg pa ni theg pa'i mchog ste/ sems can skyob pa'i phyir de skad bya la/ de la ni rigs mchog chen po zhes kyang bya ste/ d+ha da zhes pa'i sgra rigs gzungs dang 'chang ba dang 'dzin pa la 'jug ste/ 'dir ni tshig don/ sngags phyag rgya/ gzhung bzhis sems can skyong ba'i phyir/ mchog dang/ chen po yang yin pas de skad brjod do/ /'od dpag med la bla ma zhes bstod de/ ci'i phyir zhe na/ khyod ni sems can thams cad kyi bsam pa 'am dbang po rab 'bring dang sbyar nas/ nyon mongs pa bag la nyal dang ji ltar mtshams pa bzhin du shes nas/ de dang de'i lam nye bar ston pa'i phyir de skad bya la/ de yang skye med kyi rtogs pa dang mi 'bral bas gsang sngags che ba'i mchog ces kyang bya'o/ /nam mkha' mdzod la/ theg pa chen po'i tshul la gnas shes bstod de/ ci'i phyir zhe na/ khyod ni pha rol phyin pa'i theg pa lam

  189. 95a

    la gnas pa/ tshul ni bgrod pa dang/ bzhon pa dang/ lam de la gnas pa yin pa'i phyir de skad brjod do/ /sgrib pa sel ba la/ theg pa chen po'i tshul gyi mchog ces bstod de/ de ci'i phyir zhe na/ gsang sngags kyi theg pa ni theg pa'i mchog ste/ skye med kyi don zab rtogs pas 'khor 'das mi phyed pa'i phyir te/ gzhi shes pas mchog go /de lta bu'i don ni 'jam dpal sgrib pa sel ba nyid yin no zhes yon tan gyi sgo nas bstod pa'o/ /de lta bu khyod lags so zhes kun la sbyar ro/ /de la 'dir theg pa zer nas theg pa'i rnam pa gzhan gcig kyang bzhag ste/ theg pa'i ngo bo ni shes rab kyi rtogs pa'i khyad par dang/ thugs rjes gzhan don byed mi byed dang sbyar ro/ /byed pa ni rgyu'i rang bzhin gyi theg pa dang/ rten nam thabs kyi rang bzhin te/ bskyed rim 'jig rten pa'i ting nge 'dzin dang rdzogs rim 'das pa'o/ /thob par bya ba dang/ dmigs pa'i yul de 'bras bu'o/ /yang rgyu 'am/ gzhi/ lam/ 'bras bu yang sbyar ro/ /sgra 'jug pa'i rgyu mtshan ni 'dis 'dod/ 'dir 'dod pas theg pa'o/ /chen po la dbye na phan pa chen po ster bas che ste/ gang zhe na/ dmigs pa/ bsgrub pa/ ye shes/ brtson 'grus/ thabs/ yang dag par bsgrub pa/ 'phrin las che zhe'o/ /gzhan don dang/ rang don thams cad 'dir man ngag gis sbyar ro/ /rdo rje dbyings kyi dkyil 'khor chen po'i sgo nas byang chub kyi sems rdo rje mngon par brjod pa 'am spros pa'i le'u ste/ /tshig bcu bzhi pa'i le'u lnga pa rdzogs so// //sangs rgyas rnam par snang mdzad che zhes pa de ni chos kyi dbyings kyi ye shes kyi sgo nas 'jam dpal ye shes kyi sku la bstod pa ston te/ de yang chos kyi dbyings kyi go ba ni mi rtog pa'i ngang du cog bzhag la bya ste/ gnyis med kyi ye shes gcig po de la ldog pa'i bye brag gis ye shes lnga bya ste

  190. 95b

    chos kyi dbyings la gsal ba mi rtog pa'i ngos nas chos kyi dbyings kyi me long lta bu la bya ste/ chos can gzugs brnyan sna tshogs shar yang shar ro snyam pa'i rtog pa med/ med kyang gzugs brnyan 'char ba rgyun mi 'chad pas/ gsal ba rgyun mi 'chad pas gsal la mi rtog pa de la rgyun mi 'chad pas mi bskyod par byas so/ /de bzhin du mi rtog pa de'i ngang du bdag dang sems can/ chos rnams mnyam pas chos kyi dbyings kyi mnyam nyid de la rin chen 'byung ldan/ mi rtog pa'i ye shes de gzugs nas rnam pa thams cad mkhyen pa'i bar du chos can so sor phye ba'i chos nyid so sor mkhyen so sor rtog pa de la snang ba mdza' yas bya/ mi rtog pa de la gzhan don lhun grub du gnas/ bya ba grub pa de la don grub gnas/ de bzhin du de'i dgag bya dngos po dang ? mtshan ma log pa'i smon pa phyin ci log gi mngon par 'du byed pa bzhi bkag /rnam par bzhi la yum bzhi byas/ de'i chos can ye shes lnga la nang 'dzin pa'i sems kyis stong pas na stong pa nyid ma grub par 'dod kyi bar du dgag bya bcu drug bkag /stong pa bcu drug /de la shes rab kyi sems dpa' bcu drug byas/ de bzhin du chos kyi dbyings kyi ye shes de la mi mthun pa'i phyogs ser sna la sogs pa med pa'i sgo nas sbyin pa la sogs pa brgyad/ de la sgeg mo la sogs pa brgyad byas/ /ma dad pa la sogs pa bzhi med pas stobs bzhi de la sgo bzhi byas/ de'i nang stong pa la sogs pa bcu drug rig pa'i rig pa la thabs kyi sems dpa' bcu drug bya ste/ chos kyi dbyings ye shes la ldog pa'i bye brag gis lha lnga bcu rtsa gnyis su bzhag go /de rnams kyang bsdu na chos kyi dbyings de la de bzhin gshegs pa'i rigs kyi sum brtsegs bya'o/ /de la sangs rgyas zhes pa longs spyod rdzogs pa'i sku ste/

  191. 96a

    gtsang ma'i gnas ni nyams dga' bar/ /yang dag sangs rgyas der sangs rgyas/ /sprul pa po ni 'dir sangs rgyas/ /zhes 'byung ste/ 'og min du sangs rgyas pa de la de skad bya'o/ /rnam par snang mdzad chen po ni/ chos sku la bya ste/ sems can kun gyi shes pa dang/ /chos dbyings rdo rje chen po dang/ /de bzhin gshegs pa'i snying po gsum/ /thog ma tha ma med par bshad ces 'byung srang gra ha nas gsungs pa'i rnam snang chen po srid pa snod bcud dang zhi pa snod bcud kyis bsdus pa thams cad la khyab pa'i bdag nyid de la de skad bya'o/ /thub pa chen po ni sprul pa'i sku la bya ste/ shAkya'i rigs thub pa 'am/ sku gsung thugs gsum dang gnas ngan len thub pas de skad bya'o/ /de gsum mnyam par bzhag pas chen po yang yin no/ /thub chen ldan pa'i sngags kyi lugs la rigs 'dzin yod pa bzhin du mu stegs la drang srong gnas 'jog dang/ grog mkhar dang/ mig dmar la sogs pa yod de/ de yang rje btsun nyid yin pas de skad bya ste/ de bas rje btsun 'jam dpal de la ni khyod ni sangs rgyas la sogs pa lags so zhes tshogs kyis bstod pa'o/ /gsang sngags tshul chen ni rdo rje theg pa chen po'i tshul lam rang bzhin te/ lam de la byung ba khyod ni de skad bya ba'i mtshan nyid can lags so zhes bstod pa'o/ /gsang sngags tshul chen bdag nyid can zhes pa 'bras bu thob nas de'i bdag nyid du gyur la khyod lags so zhe'o/ /pha rol phyin bcu thob pa ste zhes pa 'dir pha rol tu phyin pa'i rnam bzhag bcu ni/ spyir pha rol tu phyin pa'i theg pa dang/ sngags kyi theg pa'i khyad la paN+Di ta grub mdza' mi mthun pa mang ste/ kha cig ni pha rol tu phyin pa'i lam stegs tsam la sangs rgyas kyi mthong lam

  192. 96b

    mi bskyed de/ mthong lam sa dang po non pos ni dngos po gnas lugs sngar ma mthong ba cig dag dang? mthong ba ste ma mthong mthong phyir mthong ba'i lam zer ro/ /kha cig ni pha rol tu phyin pas sangs rgyas bzang po yod zer te/ /sngags kyi sangs rgyas kyi bltas na pha rol tu phyin pa'i sangs rgyas ni da dung du slob pa'i lam par mthong zer ba dang/ yang sangs rgyas la rang rgyud pa'i sangs rgyas bzang ngan gnyis med de/ grub mdza' da ltar 'od zer ba dang/ sangs rgyas rang rgyud pa rang la kha sbyor la sogs pa longs spyod che chung bzang ngan yod zer ba dang/ yang mthong lam skye ba la lam nya ring yod de des na khyad par med zer ba'i lugs mang po yod do/ /'dir ni rje btsun 'jam dpal de gsang sngags kyi lam 'bras bu dang bcas par snang la pha rol tu phyin pa'i lam 'bras bu dang bcas par snang bas rje btsun khyod ni pha rol tu phyin pa bcu thob pa la sogs pa'i yon tan gyi sgo nas bstod pa'o/ /de la pha rol tu phyin pa'i dbye ba ni bcu'o/ /de ltar yang byams pa'i chos dbus mdza' las/ sbyin dang tshul khrims bzod pa brtson 'grus zhes pa la sogs pa gsungs so/ /ming ni sbyin pa nas ye shes kyi bar du bcu'o/ /zang zing dang/ chos dang/ mi dmigs pa la sogs pa gsum pa bcur 'gyur ro/ /bsdu ba ni drug tu 'dus te/ ? bzhi shes rab kyi bye brag gi de drug kyang shes rab tu 'dus so/ /gsum gsum du dbye ba de yang/ bsod nams kyi tshogs dang/ ye shes kyi tshogs dang/ gzhan don dang gsum gsum mo/ /sa dang sbyar na/ sbyin pas dang po/ /de bzhin du rim pa bzhin no/ /pha rol tu phyin pa'i lam ni/ sbyin pas phyug po ster ba la sogs pa'o/ /des tshig pA ra mi tA zhes pa pha rol te mya ngan 'das pa'i skam sar phyin pa'o/ /de lta bu'i pha rol tu phyin pa

  193. 97a

    bcu thob pa ni 'jam dpal khyod lags so zhes bstod pa'o/ /pha rol phyin pa bcu la gnas zhes pa rje btsun de la brten/ de'i ngo bor 'dug pa ste/ rten dang brten pa'i ngo bo pha rol tu phyin pa bcu dag pa ste zhes pa shes rab med pa'i pha rol tu phyin pa dgu ni/ pha rol tu phyin pa'i ming mi 'thob ste/ des gzung ba'i 'khor gsum stong pa nyid du dag pa de nyid rje btsun no/ /pha rol phyin pa bcu yi tshul zhes pa 'jig rten pa mos pa spyod pa bcu car sa dang po nas sa bcu pa'i bar du rim pa bzhin sa dang po'i shes che'o/ /sa bcu po de de nyid rtogs pa la ye shes che'o/ /sa bcu po de nyid rtogs pa la khyad med pha rol phyin pa bcu shas che bas khyad byas so/ /tshul ni thabs te/ de nyid du rje btsun nyid 'byung ngo/ /mgon po sa bcu zhes 'dir sa'i rnam gzhag bca' na sa'i nges tshig ni dkar po'i yon tan 'byung ba'i gzhir 'dug pas so/ /dbye na tshogs kyi lam pa/ mos pa spyod pa/ mthong lam yan chad slob pa'i sas bsdus pas bcu dang mi slob pa'i sa bcu gcig kun tu 'od do/ /de las 'di ni slob pa'i sa bcu'o/ /ngo bo ni dngos gzhi dang/ rjes thob gnyis zhes bya ste/ sa dang po nas sa bcu'i bar du dngos po rang gi mtshan nyid la khyad med rjes thob mthu che chung la khyad yod de/ sa dang po mthong lam pa dang/ gnyis pa la chos nyid mthong ba la khyad med de/ de so so skye bo mos pa tsam dang ni khyad yod de/ so so skye bo mos pa tsam sa rnams kyi sngon du myong so so skye bos nges shes ma skyes/ des 'khor bar 'khor 'o na sa rnams chos nyid sngon du myong ba la khyad med na dang po nas sa bcu'i bar du khyad ci ste zhe na/ rjes thob mthu che chung yod de/ sa dang pos sangs rgyas brgya ma 'ong/ sprul ba brgya 'jig rten gyi khams brgyar g.yo/ sbyin pa mi mthun pa brgya 'gyed/

  194. 97b

    nyis brgya'am/ stong ngam/ khri la sogs pa gong ma gong ma mthu che'o/ /de ci'i phyir zhe na/ sa 'og ma 'og ma goms pa yun thung/ gong ma gong ma yun ring ste/ snye ma dang/ ljang bu yang dang pe pas phyis mthu dang nus pa che ba bzhin no/ /de ltar yang pha rol tu phyin pa kun rdzogs shing zhe'o/ /de lta bu'i sa bcu gnas pa de yang rje btsun nyid do/ /bcu gcig kun tu 'od ni sa'i 'bras bu ste dbang phyug go /de rnams ni sa'i rnam gzhag go /sa bcu la ni gnas pa po zhes gong ma bcu po de la ni rje btsun gnas so/ /shes bcu rnam dag bdag nyid can ni/ shes bcu ni chos shes pa dang/ de bzhin du rjes su shes pa dang/ pha rol gyi sems shes pa dang/ kun rdzob dang sdug bsngal dang/ kun 'byung ba dang/ 'gog pa dang/ lam dang/ zad pa/ mi skye ba rnam pa bcu po de shes pa ste/ spang bya bcu po de dag pa rje btsun no/ /'chang ba po zhes zlos skyon spong ba ste/ dag rgyu mi mthun pa'i shes pa bcu po de dag pa phung po la sogs par rang sar dag lugs phung po lnga sgyu mar shes pa la sogs pa blo bur gyi dri ma med de dag pa ni/ rje btsun ye shes de lta bu 'chang zhe'o/ /dag rgyu de nyid dag pa'i ngo bor 'dug ste/ rtogs shing 'chang ba'o/ /rnam pa bcu po zhes pa bdag 'dzin pa bcu ste/ gcig pur 'dzin pa dang/ rgyu ru 'dzin pa dang/ za bar dang/ byed pa po dang dbang dang bdag por dang/ rtag par dang/ kun nas nyon mongs pa dang/ rnam par byang ba dang/ ma grel ba dang/ grol bar 'dzin pa ste/ rje btsun nyid mi mthun pa'i phyogs bdag 'dzin bcur yang snang bas de la de skad bya la/ don bcu ni rtsa ba'i de kho na nyid dang/ mtshan nyid kyi de kho na dang/ phyin ci ma log pa dang/ 'bras bu dang/ rgyu'i dang/ rags pa'i dang/ phra ba'i dang/ grags pa'i dang/ rnam dag dang/ yul

  195. 98a

    gyi dang/ bsdus pa'i dang/ dbye ba'i de kho na nyid dang/ mkhas pa'i de kho na nyid dang/ bdag 'dzin bcu'i gnyen po dang/ de yang rje btsun nyid do/ /de ltar mi mthun pa dang/ gnyen po gnyis med du rtogs na des de la glags mi rnyed de/ nam mkhas nam mkha' la glags mi rnyed pa bzhin phung po la sogs pa rang ldog go /thub dbang zhes pa nyan thos dang rang sangs rgyas la bltos na/ rdzogs pa'i byang chub thob dka' ba des/ rje btsun gyis 'thob pa'i phyir de la de skad bya'o/ /stobs bcu ni/ gnas dang gnas ma yin pa mkhyen pa la sogs so/ /de bzhin gshegs pa'i stobs bcu dang/ rje btsun ldan la khyab bdag ni nam mkha' bzhin te/ yon tan yongs la khyab pa dang/ rtsis las 'das pa'i yon tan gyi bdag nyid rje btsun no/ /kun gyis ni 'gro ba ma lus pa'i don byed pa 'jam dpal lo/ /rnam bcu dbang ldan zhes pa/ tshe la dbang ba dang/ las dang/ yo byad dang/ mos pa dang/ smon lam dang/ rdzu 'phrul dang/ skye ba dang/ tshes dang/ sems dang/ ye shes la dbang ba dang/ bcu ni rnam bcu'o/ /de bcu dang ldan zhing/ de bcu dang dbang thob pas/ gar kyang bsgyur chos la mnga' brnyes pas chen po'o/ /thog ma zhes pa/ skye ba med pa la spro ba'i phung po dang khams rnams rang gi ngo bos stong pas de med de nyid many+dzu'o/ /de bzhin nyid ni mi 'gyur ba/ 'jam dpal de'i bdag nyid du gnas la /de glo bur gyi dri ma med pas dag pa'o/ /bden par smra zhes pas/ sdug bsngal la sogs pa rten 'brel gyi/ rkyen gyis sna tshogs su snang ste/ rgyu rkyen du snang ba'i dus nyid ni stong par go /rkyen ni ngo bos ma grub/ brtags tshod tsam du go /des stong pa go ba/ des rkyen dbang du ma song/ sna tshogs kyis rgya che ba go /de gnyis su

  196. 98b

    med pa ni dngos po ma lus pa de bden na ni de'i don la ma yengs par grol lo/ /de yang 'jam dpal lo/ /mngon par rtogs pa'i rgyan las/ /'di la gsal ba ci yang med/ /bzhag par bya ba cung zad med/ /yang dag nyid la yang dag lta/ /yang dag mthong nas rnam par grol zhes 'byung ste/ rje btsun de ni don de smra zhing tshig mi 'gyur te/ chos thams cad sgyu ma lta bu'o/ /zhes ston cing de nyid kyi phyir/ tshig mi 'gyur ro/ /ji skad smras pa des sems can thams cad kyi don byed do zhe'o/ /gnyis su med pa/ zhes pa gzung 'dzin gnyis med pa ni many+dzu'o/ /gnyis med de kun rdzob tu gzhan la yang ston no/ /yang dag ces pa phyin ci log gi rtsa ba'i gzhi med pa ste many+dzu'o/ /de dang dbyer med pa'i mdza' de'i rang bzhin du rje btsun gnas so zhe'o/ /tshigs bcad dang slob ma la bshad na de bzhin nyid bdag ni gnyug ma ma bcos pa dag pa'i 'bras bu ste/ sangs rgyas kyi dag pa rang ni dri ma dang bcas la/ sangs rgyas dri ma med de/ dri med de/ spyan drangs nas/ rang gi ma dag pa dag par byin gyis rlob ste/ rang byin gyis rlob pa'i rdzogs rim dang sbyar ro/ /de la seng ge'i sgra zhes pa ni/ dper na seng ge'i sgras ri dags la sogs pa zil gyis gnon pa bzhin du mtshan med pas bdag med mi mthun pa dang bral bas bdag med/ rang gi mtshan nyid stong pas bdag med/ de gsum ni seng+ge'i sgra dang/ 'dra ste/ bdag med las 'das pa'i rgya mtshor 'jug pa'i mu stegs ngan pa/ 'jigs klad 'gems zil gyis gnon zhe'o/ /de yang rje btsun no/ /kun 'gro zhes pa reg pa dang tshor ba la sogs pa rnams ni kun tu 'gro zhes te/ khams thams cad du 'gro sems can thams cad du 'gro ste/ de yang rje btsun no/ /yang na sprul sku

  197. 99a

    ni kun tu 'gro ste/ khyab par 'gro mi 'gag par 'gro'o/ /don yod stobs shes pa bcings pa med pa'o/ /de bzhin gshegs pa yid ltar mgyogs zhes gsungs te/ skad cig ma gcig la gzhal du med pa'i 'jig rten du 'gro ste/ des ni chos kyi dbyings kyi ye shes kyi sgo nas bstong pa mtshan so drug go /yang rje btsun de la rgyal ba ces bya ba la sogs pa'i mtshan nas 'od do/ /nyon mongs pa las rgyal lo/ /shes bya thams cad kyis rnam par rgyal lo/ /de gnyis dgra las rgyal ba gcig khyod lags so zhes bstod pa'o/ /'khor lo sgyur ba ces pa la/ 'jig rten las 'das pa'i 'khor lo bsgyur ba ni/ rdo rje sems dpa' la sogs pa'i rigs drug gi 'khor lo sgyur ba drug go /'jig rten pa'i gser dngul zangs lcags 'khor lo can/ de dag gling gcig gling gnyis dang/ /gsum dang bzhi la mas rim bzhin/ /phas bsu rang 'gro g.yul bshams dang/ / mtshon brtsams pas rgyal gnod pa med ces gsungs te/ de yang rje btsun no/ /de nyid kyi stobs dang ldan te/ bdud bzhi yan lag 'joms/ de yang rje btsun khyod lags so zhe'o/ /tshogs ni nyan thos rnams la 'tsham pa'i chos phyin ci ma log pa ston pa/ rje btsun ni slob dpon no/ /tshogs ni rang rgyal rnams kyi gtso bos de la de skad bya'o/ /tshogs ni byang chub sems dpa' de'i rje'o/ /tshogs ni sangs rgyas de'i bdag po de'o/ /sangs rgyas la bdag po ci dgos she na/ de nas sangs rgyas byang chub sems kyi bdag nyid yin pas de skad bya'o/ /mthu chen zhes pa ste/ mthu ni nus pa ste/ chen po yang de nyid pas nus pa des/ zab mo'i chos ma nyams par byed ces

  198. 99b

    sras su byed nor du 'dzin pa'o/ /tshul ni thabs chen po'i bdag nyid de/ zab mo'i chos la gzhan gyis 'phrogs pa ni dri ngan nor pas mi 'jigs pa yang many+dzu'o/ /rje btsun de la tshig rje lags so pa yis bstong pa ste/ tshig rje ni don so so'i yang dag par rig pa ste/ ming thams cad do/ /de bzhin du tshig bdag ni des pa'i tshig rig pa ste/ gzugs su rung ba'i phyir gzugs shes pa lta bu'o/ /smra mkhas ni chos rig pa thob ste/ thams cad skye med du rtogs pa'o// tshig la dbang ba ni spobs pa rig pa ste/ dris pa'i lan dus su lon pa'o/ /tshig mdza' yas pa ni sangs rgyas sems can thams cad kyi skad shes pa'o/ /tshig bden bden par smra ba ste/ zhes pa ni sangs rgyas rnams kyis chos bstan pa/ bden pa gnyis la yang dag brten zhes te/ kun rdzob dang/ don dam pa'i bden pa'i tshig la brten nas/ gzhan la bden pa de gnyis kyis chos ston pa ste/ de yang don dam gsum/ don dam pa ni de bzhin nyid de/ stong pa nyid bsgrub pa don dam pa ni yang dag pa'i ye shes te/ gnyis med thob par bya ba'i don dam pa ni mya ngan las 'das pa'i 'bras bu ste/ byang chub rnam gsum mdza' las 'das/ don dam thob dang bsgrub pa dang/ don dam rnam pa gsum du 'dod ce'o/ /kun rdzob kyang gsum ste/ brtags pa'i kun rdzob ni kun brtags pa'o/ /shes pa'i kun rdzob ni log shes thams cad do/ /brjod pa kun rdzob ni sgra dang brjod pas don dam pa ston par byed pa'o/ /de yang dbus mdza' las/ brtags pa dang ni shes pa dang/ /de bzhin brjod pa rgya che yin zhe'o/ /de lta bu'i don gzhan la smra ba yang rje btsun no/ /bden pa bzhi ni ston pa po zhes pa ni/ kun 'byung ni rgyu sdug bsngal ni 'bras bu ste/ 'khor

  199. 100a

    pa'i rgyu 'bras dang/ lam ni rgyu/ 'gog pa ni 'bras bu ste/ myang 'das rgyu 'bras de gzhan la ston pa yang rje btsun khyod lags so zhe'o/ /phyir mi ldog pa ni/ rje btsun sa brgyad la dbang thob pa dman pa'i byang chub ste/ nyan thos rang rgyal du mi ldog go /phyir mi 'ong ni nyon mongs pa che 'bring dgu bsgom pa'i ye shes dgus spangs pas mthong lam thob pa ste 'khor bar mi 'ong ba'o/ /de yang bzod thob ngan song lhung mi srid/ /rtse mor phyin nas rtsa mi nyams zhe'o/ /'dren pa rang rgyal tshogs na spyod pa ste/ rma bya dang/ ne gtso ltar khrul lding ba/ bse ru ni gcig par gnas pa'i tshul de yang rje btsun khyod nyid do zhe'o/ /nges 'byung sna tshogs las byung ba ces pa ni nyan thos pa'i nges 'byung gang dang gang gis 'dul ba de'i gzugs cha sna tshogs su 'byung ngo/ /phyir mi ldog zer ba dang/ 'gal lo zhe na 'dul dbang la dgongs te skyon ni med do/ /'byung ba chen po zhes pa ni/ b+hu ta ko ta na zhes pa'i sgra 'byung ba chen po ni bzhi'o/ /rgyu ni gnyis med kyi ye shes su gcig ste/ de yang rje btsun no/ /dge slong zhes pa bzhi ste/ slob ba'i don byed kyi dge slong ni/ nyis brgya lnga bcu rtsa gsum mam/ sum brgya drug cu'i khrims dang ldan pa'o/ /khas len pa ni med par len pa'o/ /ming gi dge slong ni rtogs pa'o/ /de yang rje btsun no/ /dgra bcom pa ni nyon mongs pa'i dgra'o/ /zab pa zad ni dug gsum dang/ rtsa ba bzhi zad pa yang rje btsun no/ /'dod chags bral pa ni mthong spang gi sgo nas so/ /dbang po thul ni gzugs sdug gu la sogs pa la chags na 'ching ba la/ many+dzu de rang stong par mkhyen pas dbang po rangs po rang log pas thul lo zhe'o/ /bde ba rnyed pa ni lus kyi las so/ /'jigs

  200. 100b

    med dag gi las te/ skyon med pa'o/ /chos kyi dbyings kyi me long lta bu'i de bzhin gshegs pa'i rigs kyi rdo rje'i rigs mtshan so drug go /bsil bar gyur pa rnyog pa med ces pa ni/ yid 'khrugs pa med pas zhe mi sdang ste/ de ltar lus ngag yid gsum skyon med pas/ de la khyod ni rnyog pa med pa ilags so zhes bstod pa'o/ /rig pa ni lhag pa'i shes rab mig dang 'dra bas dngos po'i gnas lugs kyi yang dag pa'i lta ba mngon sum dang 'dra bar rtogs pa'o/ / rkang pa ni lhag pa'i tshul khrims kyi rkang pa lta bu'i grogs te/ dam tshig dang ldan pa'i rten gyi gang zag mtshan no/ /lhag pa'i ting nge 'dzin gyi rkang pa bskyed rdzogs gnyis lam du bya bar mtshon/ de ltar rten gyi gang zag khyad par can gcig gis/ lam bskyed rdzogs gnyis la brten nas 'bras bu sangs rgyas 'byung ba'i phyir ro/ /bde gshegs zhes gsungs te/ spangs pa mthar thug pa ni/ tsha ba'i nad sbyangs pa dang 'dra la/ ye shes mthar thug pa ni bum pa gang ba dang 'dra ba de las bogs gdon du med pa thob po zhe'o/ /de yang de bzhin gshegs pa rtogs pa dang/ 'gro ba dang/ gsungs pas de skad bya'o/ /'jig rten rigs ni nyan thos kyi skal pa dang ldan pa nas sngags kyi theg pa'i skal pa dang ldan pa'i bar du rig pa'o/ /mchog ni gang dang gang 'jom pa'i lam de dgod pa'o/ /gzhan don phun sum tshogs pa'o/ /bdag gir mi 'dzin zhes pa ni rigs pa'i rgyas bshad de/ lhag pa'i shes rab kyis yang dag pa'i lta ba de ji ltar rtogs par bya zhe na/ bdag tu 'dzin pa ni gzung ba dang 'dzin pa ni dar 'dzin pa ste/ ma bkag par gzung 'dzin gnyis med par bgyis pa'o/ /bden pa gnyis ni don dam pa dang/ kun rdzob ste/ kun rdzob sna tshogs su snang tsam na de nyid

  201. 101a

    btsal na cir yang mi rnyed/ mi rnyed kyang kun rdzob btags chod tsam rgyun mi 'chad do/ /tshul ni mtshan nyid la de gnyis su med de/ de ltar rtogs par gyis zhe'o/ /de ltar lhag pa'i shes rab dang ldan yang tshul khrims dang/ ting nge 'dzin gyi rkang pa med nas/ gang du yang mi phyin la/ /spyod lam ting nge 'dzin dang/ tshul khrims la'ang lta ba ste/ shes rab kyi mig med na long ba dang 'dra bas lta spyod zung du 'brel dgos la/ ma 'brel ma phan yon ni med do/ /'khor ba'i zhes pa nyon mongs pa lnga phung po thams cad du khrid pa ste/ dngos po'i mdza' pha rol ni mya ngan las 'das pa ste dngos kyi mdza' o/ /son pa ni gnyis med kyi mdza' o/ /son pa ni gnyis med kyi 'bras bu thob pa ste/ de yang lta spyod lam gyi bya ba thams cad rgyun mi 'chad par byas pas/ mya ngan las 'das pa'i skam sa ste/ bde ba chen po'i gnas la gnas so zhe'o/ /de yang slob dpon sgeg pa'i rdo rje'i 'brel pas 'di ltar dbu ma ji lta bar bshad/ 'khor bcas pa/ kun rdzob tu 'khor ba dang/ pha rol zhes pa kun rdzob tu mya ngan las 'das pa gnyis su snang la/ don dam par ni gnyis gang du yang mi 'byed pa ni mthar phyin pa 'am son pa ste/ de ltar yang/ mya ngan las 'das de nyid gang/ 'khor ba'i mdza' yas de nyid do zhe'o/ /de ltar rtogs na/ ye shes 'ba' zhig ces pa/ tha mal gyi shes pa ci skyes pa thams cad ye shes kyi bde bar 'byung ba 'am/ yang na las thams cad 'byung ngo zhe'o// de yang chos thams cad rab tu rnam par 'byed pa'i shes rab ni mtshon rnon po dang 'dra ste/ nyon mongs pa thams cad gcod cing 'joms so/ /de rnams kyis ni lam 'bras bu dang bcas pa'i chos gcig bstan to/ /dam chos zhes

  202. 101b

    pa chos kyi rnam bzhag gi nges tshig ni dam pa sangs rgyas dang/ byang chub sems dpa' i chos yin pa'i phyir ro/ /dbye na 'jig rten pa'i chos dang/ 'das pa'i chos so/ /'jig rten pa'i chos ni dge ba bcu ste/ 'jig rten pa'i yang dag lta zhes pa la sogs pa gsungs pa'i phyir ro/ /'das pa'i chos ni gtso bo'i chos dang/ gtso bo ma yin pa'i chos so/ /gtso bo'i chos ni dam chos zhes te/ stong pa skye med la bya/ gtso bo ma yin pa'i chos ni/ chos rgyal zhes bya ste/ gsung rab yan lag bcu gnyis/ theg pa ni gsum ste/ chos kyi dbang phyug kyang de'o/ /chos las ni gsal bar zhes te/ phyi nang gi ma rig pa'i mun pa chos de gnyis kyi sel ba'i phyir ro/ /de yang 'jig rten snang byed ces pas sgrub ste ma rig pas bsgrubs pa'i sems can la/ dngos po'i gnas lugs snang bar byed pas/ gtso bo'i chos de ni mchog go /chos kyi dbang phyug ni/ dge ba'i chos la dbang byed bas so/ /theg pa gsum gyi chos ni 'jig rten pa'i chos las rgyal bas ni rgyal po'o/ /'jig rten gyi chos kyi 'bras bu ni lha dang mi dang chos rgyal te/ 'das pa'i 'bras bu ni nyan thos dang rang rgyal dang/ byang chub sems dpa' o/ /'bras bu de rnams so/ /so sor legs par thob par byed pa ni lam ste/ de ston par byed pa yang/ 'jam dpal lo/ /don grub ces 'dir mtshan nyid gsum dang sbyar te/ don grub ni kun brtags te dbye na gzung 'dzin gnyis so/ /de ni sgro btags kyi ngo bor yod de/ de la don grub ces dbye ba'i phyir zhe na/ don du snang ba ste/ phyi'i don du gyur pa'i phyir ro/ /'o na nang gi 'dzin pa la don ci'i phyir zhe na/ yul gyi ming yul can la brtags te/ sgro btags kyi ngo bor grub pas grub ces bya'o/ /bsam pa grub ces pa

  203. 102a

    gzhan dbang rnam rtog gi bsam pa ste/ gzung 'dzin du rtog /rgyu rkyen gyi dbang gis rdzas su grub pa'i phyir ro/ /kun tu rtog pa thams cad spangs shes pa yongs su grub pa ste/ de yang rgyan nas/ 'gyur med phyin ci ma log pa/ yongs su grub pa rnam pa gnyis zhes gsungs te/ mi 'gyur ba yongs su grub pa ni stong pa nyid do/ /phyin ci ma log pa yongs su grub pa ni mi rtog pa'i ye shes te/ mi rtog pa'o/ /de ltar kun brtags ni sgro btags kyi ngo bor grub pa ste/ don grub gzhan dbang rnam rtog gi ngo bor grub ste/ bsam pa 'grub pas yongs su grub pa ni don dam du grub rtog pa spangs mi rtogs pa grub ste/ mtshan nyid gsum la grub pa gsum gyi ming gis btags so/ /yang de gsum da ltar gyi shes pa skyes lam 'gags pa'i skad cig ma nyid la gnas skabs kyis gsum du bzhag ste/ dper na shes pa nyid chags shing lta bur sngon por skyes pa la yin pa shes pa'i sngon po yin bzhin du/ rtags pa'i don gyi sngon por brtags pa kun brtags so/ /shes pa sngon po nyid gong gi ltar skyes pa de rgyu rkyen gzhan gyis dbang byas pa gzhan dbang ngo/ /shes pa'i sngon po de la don gyi sngon pos stong/ yongs su grub pa ste/ de yang many+dzu'o rnam par mi 'gyur ba yongs su grub pa'i rgya bshad de/ gzung 'dzin gyis rnam par mi rtogs dbyings ni 'byung khungs te/ chos thams cad kyi rgyu'i dngos po'i phyir ro/ /de nyid dngos po ma grub pas mi zad la/ de la dmigs nas 'phags pa'i chos thams cad skye bas/ chos kyi dbyings stong pa nyid ni dam pa'o/ /yang na mu stegs dang/ nyan thos dang rang rgyal las dam par gyur pa'o/ /'dus ma byas kyi chos de las sangs rgyas kyi yon tan stobs dang mi 'jigs

  204. 102b

    pa la sogs pa zad pa'i mdza' med pas zad mi shes te/ de yang 'jam dpal lo/ /bsod nams ni 'jig rten pa'i bsod nams mthar thug dang/ 'jam dpal ldan la/ yang bsod nams 'jig rten las 'das pa yang mthar thug pa'i tshogs bsags la/ ye shes ni nyan thos kyis te/ de yang 'jam dpal lo/ /khyad par can gyi ye shes chen po ni/ /theg pa chen pos shes te/ nyan thos pas khyad che ba'i phyir ro/ /khyad par che ba de gang zhe na/ rtogs pa dang/ thugs rje ste nyan thos gang zag la bdag med rtogs rang don las gzhan don med la/ theg pa chen pos chos dang gang zag gnyis ka la bdag med du rtogs/ thugs rjes tshogs thams cad gzhan don du bsngos de khyod/ /ye shes ldan zhes pa ni/ gong ma de gnyis dang 'jam dpal ldan no/ /de yan chad de bzhin gshegs pa'i rigs kyi rin chen rigs la so drog go /theg pa chen po'i ye shes ni yod pa yang ma yin med pa yang ma yin shes pa te de yang many+dzu'o/ /tshogs gnyis zhes pa nyan thos dang/ theg pa chen po'i tshogs gnyis many+dzus bsags so zhe'o/ /man ngag tu ni sgrubs thabs dang byar te/ bsod nams ldan pa zhes pa brten gyi gang zag dang po'i sangs rgyas bsgom pa mtshon/ bsod nams tshogs kyis tshogs bsags pa'i yul dang yan lag bdun mtshon/ ye shes kyis ye shes kyi tshogs stong par bsgom mo/ mtshon khyad par gyi ye shes lnga bsgom pa mtshon/ ye shes ldan gyi zhal drug pa bsgom par mtshon/ de bzhin du mngon shes drug ldan rjes dran drug ces gsungs pas rdo rje rjes su dran/ sangs rgyas kun gyi thugs che ba ces gsungs pas rdo rje dbyings kyi dbang phyug ste/ mchod rten mtshon no/ /de rnams kyis bsgres te/ sgrub thabs dang

  205. 103a

    sbyar ro/ /rtag pa zhes pa ni mi 'gyur ba yongs grub kyi stang pa la bya/ ci'i phyir zhe na/ rtag pa'i mi mthun pa mi rtags pa yin te/ stong pa'i phyir ro/ /gal te stong pa de mi rtag na rgyu rkyen dang bcas par thal lo/ / 'dod thog zer ba ni mi rtag par thal/ yang 'dod thog zer na stong pa ma yin par thal lo/ /kun rgyal ni ming gi rnam grangs te/ stong pa de nyid g.yo ba dang/ mi g.yo ba thams cad du byung/ sngon gyur rgyal zhes bya ba rnal 'byor gyi de gnyis med de/ gsang ba 'dus par thabs dang/ shes rab gnyis med pa zhes bya ba la sog pa gsungs so/ /bsam gtan dang po la sogs pa bzhi bsam pa yul du bzhag la/ blo ldan ni sems byed do/ /yang na bsam du med pa'i bsam gtan ni/ bsam gtan gyi bsam bya ni gud na med/ blo ldan ni sems byed gud na med de/ mchog ces pa ni rnams rje btsun nyid do/ /de yang so so'i chos thams cad skye med du rigs pas bsam bya la sogs pa mi g.yo mchog gi dang po zhes pa 'bras bu sangs rgyas kyi sa chos lnga chen lnga bsdus pa gcig ston te/ de yang sangs rgyas pa'i chos bden rdzun ji ltar 'dod ce na/ grub mdza' dbang dang dngos po'i gnas lugs gnyis grub mdza' ni sems tsam rnams bcas kyis/ sangs rgyas kyis ni chos yod do cog bden par 'dod rnams med drir bcas ni ye shes bden la gzugs sku rdzun te/ phyed bden phyed rdzun du 'dod de/ shAn+ti pa bzhin no/ /sgyu ma gnyis med kyi dbu ma ni/ sangs rgyas pa'i gnas lugs de 'di'i lta bas sangs rgyas sa na chos bden rdzun gang du yang grub pa med par 'dod do/ /'o na sangs rgyas kyi san rgyun 'chad dam snyam pa la brtags chod du rgyun ma chad do

  206. 103b

    'on brtags chod du ji ltar yin snyam na gnyis med kyi ye shes lnga po 'di gnyis la gnas skabs kyi ldog pa'i bye brag gi sku lnga/ ye shes lnga/ rigs lnga/ spyan lnga/ mtshan lngar yod par 'dod do/ /de la sku lnga ni/ gzugs med gzugs bzang dam pa ste/ zhes pa'i skabs su 'og nas kyang ston nas sku ni bsdu na gcig ste/ mchog dang po zhes sku ste/ de 'jam dpal nyid do/ /gnas skabs su chos sku longs sku/ sprul sku ste/ gsum po de yang 'jam dpal nyid 'chang ba ste/ dbye na sku lnga ste/ longs spyod rdzogs pa'i sku dang/ sprul pa'i sku dang/ rnam par smin pa'i sku dang/ ngo bo nyid kyi sku dang/ chos sku'o/ /de la longs sku ni gnas khyad bar can/ 'og min gyi gnas pad+ma can dang/ bde ba can dang/ ston pa sku khyad par can mtshan dang dpe byad kyis brgyan/ 'khor khyad bar can kun tu bzang po la sogs pa la/ chos khyad par can gnyis med kyi chos ston te/ de lta bu nyid 'jol myog longs spyod pas longs sku'o/ /sprul sku ni gnyis med de nyid gzhan don btsal mi dgos par lhun grub tu byed pa'o/ /rnam smin ni mi 'dra bar smin pa ste/ gnyis med de nyid gnas ston pa 'khor chos la sogs pa mi 'dra bar smin pa'o/ /ngo bo nyid ni de rnams kyi don btsal na cir yang mi rnyed pa de'o/ /chos sku ni de ro gcig pa'i bdag nyid do/ de rnams la ye shes dang/ spyan lnga la sogs pa yang sbyar te/ sku na longs sku/ ye shes na so sor rtog pa/ spyan na shes rab spyan no/ /rigs na pad+ma'i rigs/ sangs rgyas na snang ba mdza' yas so/ /de bzhin du sprul sku/ bya ba grub pa/ sha'i spyan/ las kyi rigs/ don grub/ rnam smin/ mnyam nyid/ yon tan mi 'dra/ lha'i spyan rin chen rigs/ rin 'byung ngo/ /ngo bo nyid me long/ sangs

  207. 104a

    rgyas kyi spyan/ rdo rje'i rigs mi bskyod pa/ chos sku/ chos dbyings/ chos kyi spyan/ bde gshegs rigs/ rnam snang zhes bya'o/ /bdag nyid can zhes bya'o/ /khyab bdag ye shes lnga yi bdag /sangs rgyas lnga bdag cod pan 'chang/ spyan lnga chags pa med pa 'chang/ /zhes pa rnams kyi de rnams kyang rje btsun 'jam dpal nyid yin par bstan to/ /sangs rgyas thams cad ces pa ni/ 'byung ba dang 'byung ba las gyur pa'i de bzhin gshegs pa rnams khyod la brten zhes 'byung ste/ rje btsun khyod ni sangs rgyas thams cad bskyed pa'i yang kyang yin na/ byang chub sems dpar snang bas sangs rgyas kyi sras po yang yin no/ /nyan thos dang rang rgyal ni sku dang gsung gi sras la byang chub sems dpa' thugs kyi sras yin pas dam pa zhes bya'o/ /bgrod par bya ba rnams kyi mchog go/ chos thams cad kyi rang bzhin gyi rang bzhin shes pas/ /srid pa las byung byung ba'i skye gnas kyi byed rgyu med de chos dang gang zag gis bdag gis dben pa'i phyir 'khor ba'i srid pa des sel lo/ /gcig pu sra mkhregs zhes pa ni/ 'jam dpal gyi sku de ni/ rdo rje las grub pa ste/ thams cad kyis mi shigs shing mi phyed pa'i phyir ro/ /skyes ma thag pa ni gdul bya dang/ 'tsho ba'i bsam pa skyes ma thag tu 'am/ mthong ma thag tu des 'dul/ 'gro ba yang rje btsun nyid do/ /nam mkha' ni stong pa nyid kyi ye shes las byang sems rdo rje'i bdag nyid du rang byung ste/ 'jam dpal nyid do/ /shes rab ye shes shes pa ni/ zab pa dang rgya che ba dbyer med du rtogs pa las ye shes kyi me 'bar te/ bag chags dang bcas pa'i nyon mongs pa'i bud shing bsreg ba ni/ me chen po'o/ /man ngag tu ye shes

  208. 104b

    kyi tshogs gsog pa'i dus su rang lus mes bsregs pa dang sbyar ro/ /ye shes de'i 'od kyis 'jig rten gsum po thams cad snang bar byed pas 'od chen no/ /de yan chad pad+ma'i rigs drug go /ye shes ni gzung 'dzin med pa'i ye shes de man ngag tu slar sos ye shes lus su byas shes pa'i tshigs sa bon no/ /skar ma ni pa ba sangs te/ yi ge a bsgom pa'i dang sbyar ro/ /'dir na mar ye shes kyi chos ye shes lnga bsgom pa dang sbyar te/ lam me ba ni me long lta bu ste/ sku gnyis kyi rten byed cing mi rtog pa'o/ /'gro ba'i mar me ni chos thams cad so sor rtog pa'i ye shes kyis gsal bar byed pa'i phyir ro/ /ye shes sgron ni mnyam pa nyid kyis chos thams cad dang mnyam par byed pa'o/ /gzi brjid ni/ bya ba grub kyis gang 'dul ba la sprul/ mdzes pa der snang ba'o/ /ye shes lnga po de yang 'jam dpal lo/ /'od gsal gyis chos dbyings/ sngags mchog ni yi ge hUM ste/ de'i mnga' bdag ni 'jam dpal lo/ /hUM ni khro bo hUM mdzad kyi sa bon te/ khams gsum rnam rgyal gyi rtsa ba'i dkyil 'khor gyi lha so bdun du yang rje btsun de byung ngo/ /rig sngags ni khams gsum rnam rgyal gyi gzungs kyi dkyil 'khor na lha so bdun gyi phyogs kyi spubs na gnas pa yang de'o/ /gsang sngag ni de'i chos kyi dkyil 'khor na lha so bdun rang rang gi mtshan ma nas 'bras tsam la sems gtang nas gnas pa yang de'o/ /don chen ni khams gsum rnam rgyal gyi las kyi dkyil 'khor na lha so bdun yang 'jam dpal lo/ /gtsug tog ni/ khams gsum rnam rgyal gyi dbu la de bzhin gshegs pa dbu rgyan gyis brgyan pa'o/ /rmad du byung ba ni rdo rje'i gzugs te/ 'od kyi gzi brjid dang ldan pa'o/ /nam mkha' i ni stong pa nyid de/ de'i bdag nyid 'jam dpal lo//

  209. 105a

    des 'jig rten dang/ 'das pa'i gzugs ston pa 'am/ yang na ting nge 'dzin sna tshogs ston pa'o/ /sangs rgyas ni rigs lnga chos skur ro gcig pas mchog go /'gro kun dga' ba ni blang dor shes pa'i shes rab kyi mig dang ldan pa ste/ /de yang 'jam dpal lo/ /sna tshogs ni sprul pa sna tshogs kyi gzugs kyi 'gro ba dag pa bskyed pa yang 'jam dpal lo/ /'jam dpal de ni drang srong chen po rnams kyis mchod pa'i 'os su 'dug la/ /sems can thams cad kyis brjod pa ste/ bstod pa'i 'os su gyur pa'o/ /rigs gsum ni sku gsum thugs gsum mo/ /'chang ba ni 'dzin pa ste/ many+dzu'o/ /gsang sngags ni 'jig rten dang/ 'das pa ste/ de yang many+dzu'o/ /dam tshig ni mi 'da' ba' i don gyis te/ chos thams cad byang chub sems las mi 'da' ba' i phyir ro/ /thams cad mi 'da' bas chen po'o/ /gtso bo thams cad las 'thon par gyur pa 'jam dpal de/ dkon mchog gi rang bzhin te/ mchog tu gyur pa'i yon tan/ rtsis las 'das pa'i yon tan/ yongs la khyab pa'i yon tan gsum 'dzin to/ /yang na man ngag tu dam tshig gi gsang ba mi smra ba mi thos pa gsum rgyud klog pa'i dam tshig ste/ de las mi 'da' la/ gsang sngags ni gsang sngags kyi don du bltas nas/ mtshan 'dogs pa ste/ spros las byas pa rus bstan par/ dra ba de la sngags zhes bya'o/ /de ci'i phyir zhe na/ shes skyob des 'gro ba 'dzin pa'am/ yang na de nyid 'jam dpal gyi thugs rjes 'dzin pa'o/ /gtso bo dkon mchog gsum 'dzin pa ni gtso 'khor gzhung dkon mchog gsum/ /lam dkon mchog gsum/ /'bras bu dkon mchog gsum pa ste/ de la gzhung dkon mchog gsum ni gsung gi gsung pas sangs rgyas dang sbyar ro/ /

  210. 105b

    gsung mkhan sangs rgyas gsung rgyu chos gsung bas dge 'dun no/ /lam ni bskyed rim gyis lha rigs lnga dang/ rigs gsum la sku lnga'i bdag nyid can ni sangs rgyas/ shes rab 'khor sngags chos/ thabs kyi byang chub sems dpa' la sogs pa dge 'dun no/ /rdzogs rim la gnyis las med/ sangs rgyas rtogs pa de dge 'dun yang dang yang goms pa de chos 'bras bu ni chos lngas bsdus pas sangs rgyas/ /sngags chos kun tu bzang po la sogs dge 'dun no/ /de yang rje btsun nyid 'bras bur snang ngo/ /theg pa mchog gsum ni nyan thos dang rang rgyal dang/ /byang chub sems dpa' i theg pa ston pa yang 'jam dpal lo/ /don yod zhags pa zhes pa ni byang sems rdo rje'i rigs la bya ste/ ci'i phyir zhe na/ gdul bya thog ma med pa la lam du 'dzud pa'i phyir don yod pa'i rnam rgyal pa ni rdo rje'i rigs te/ ci'i phyir zhe na/ khro bos gdul ba la de'i gzugs kyis thog ma med pa ste/ rgyal ba'o/ /'dzin pa chen po ni rigs pad+ma'i rigs/ sgo ba ni lcags sgrog gi bya/ ci'i phyir zhe na/ gdul bya 'dod chags can mi gtong bar 'dzin pa'o/ /rdo rje zhags ni rin chen rigs/ /sgo ba ni zhags pa/ ci zhe na/ ser sna can thogs pa med par 'dzud pa'o/ /rdo rje'i lcags kyu ni/ rdo rje'i rigs mi bskyod pa/ sgo ba ni lcags kyu ste/ ci'i phyir zhe na/ gong ma'i khro bo zhes sdang can 'dzin cing thog ma med par dkyil 'khor du 'dzud pa'o/ /zhags pa cha ni/ las kyi rigs don grub sgo ba na 'bebs pa ste/ ci'i phyir zhe na/ phrag dog can dgyes pa bskyed cing de lam du thogs pa med par 'dzud pa'o/ /de yan chad kyis de bzhin gshegs pa'i rigs kyi las kyi rigs so rig go /de bzhin gshegs pa'i rigs kyi mtshan brgya dang/ brgyad cu rtsa gcig /tshigs bcad ni tshig

  211. 106a

    rkang gcig gis ma tshang lnga bcu rtsa lnga'o/ /le'u drug pa rdzogs so// //rdo rje 'jigs byed ces pa/ mtshan de skad du grags pa'i mtshan can gyi khro bo gcig yod do/ /gang las grags zhe na/ /rdo rje 'jigs byed kyi rgyud las so/ /mtshan de skad du grags pa'i khro bo de dngos su gang yin zhe na/ rje btsun 'jam dpal nyid de/ de skad ces bya ba'i khro bor sprul pa'o/ /'o na khro bo de la ci'i phyir rdo rje 'jigs byed ces bya zhe na/ zhi bas mi 'dul ba zhe sdang gi gdul dgos pa rnams la 'jigs byed kyi gzugs za za dang/ 'cha''cha' dang/ gdug gdug dang/ rngam rngam bzhin du sprul pa ste/ de yang shin tu gdug par 'gyur/ rnams la zhi bas phan par mi 'gyur te/ shes rab thabs kyi ngo bo las/ khro bo de bzhin gshegs kun mdzad ces gsungs so/ /de bzhin du 'di nas mar 'di skad ces bya ba'i mtshan du grags pa'i khro bo cig yod de/ rgyud gang la grags/ khro bo de dngos su gang yin/ khro bo de la ci'i phyir mtshan de skad ces bya zhes kun la sbyar bar shes par bya'o/ /de la 'jigs par byed ces pa'i khro bo ni rgyud 'jam dpal 'jigs byed kyi rgyud las grags/ de nyid 'jam dpal lo/ /de ni sprul pas pha rol 'jigs par byed pa'i phyir de skad ces bya'o/ /khro bo'i rgyal po gsang rgyud las grags/ de nyid 'jam dpal lo/ /'di shin tu mthu che ste/ sangs rgyas kyi khro bo kun kyang 'di mthong nas 'jigs te/ de yang de nas 'jam dbyangs 'di yi ni/ khro bo'i ming ni gshin rje gshed/ des mthong nas ni khro bo gzhan thams cad rang gi lag cha shor zhes gsungs pa'i phyir ro/ /gdong drug ces pa'i khro bo de ni 'jam dpal sgyu 'phrul dra ba las grags

  212. 106b

    de nyid 'jam dpal lo/ /gdong phyag zhabs drug gi phyir/ don las mtshan du btags so/ /'jigs pa zhes pa ni/ khro bo ni phyag na rdo rje dbang bskur ba'i rgyud las de nyid 'jam dpal lo/ /de'i ba spu'i bu ga nas/ gzi brjid can gyi khro bo 'thon te/ khro gnyer gyi rlabs bskyod pa la sogs pa gzhan 'jigs par byed pa'i phyir de skad ces bya'o/ /mig drug can gyi khro bo ni phyag na rdo rje dbang bskur ba'i rgyud las de nyid many+dzu dpral ba na mig /smin drug bzhin du gnas pa'i phyir ro/ /lag drug can gyi khro bo ni rdo rje rgyan gyi rgyud las grags de nyid many+dzu'o/ /lag drug dang ldan pa'i phyir de skad ces bya'o/ /stobs dang ldan pa'i khro bo ni rig pa mchog gi rgyud las grags de nyid many+dzu'o/ /stobs dang ldan pa'i phyir de skad ces bya'o/ /rkeng rus kyi khro bo ni bde mchog las grags/ de nyid many+dzu'o/ /rkeng rus kyi gzugs kyi phyir de skad ces bya'o/ /mche ba gtsigs pa'i khro bo ni rdo rje sgra 'dus las grags de nyid many+dzu'o/ /mche ba gnyis btsigs shing gzhan sdig pa'i phyir ro/ /ha la ha la'i khro bo ni a mo g+ha pA sha la grags de nyid many+dzu'o/ /ha la ha la sgrogs pa'i phyir de skad ces bya'o/ /gshin rje gshed kyi khro bo ni/ dam tshig bkod pa'i rgyud las grags/ las kyi gshin rje gshed de rlag par byed pa'i phyir de skad ces bya'o/ /bgegs kyi rgyal po'i khro bo ni bdud rtsi 'khyil pa'i rgyud las grags/ tshogs bdag glang sna bran dang/ pho nya dang bcas pa las rgyal ba'i phyir de skad ces bya'o/ /de bzhin du khro bo zhes pa dang/ sgra 'jug pa'i rgyu mtshan yang des bsgres te shes par bya'o/ /rdo rje shugs chen ni dam tshig chen po'i rgyud las de nyid many+dzu'o/ /rdo rje dang dra ba'i shugs kyis gzhan 'dul ba'i phyir ro/ /de yan chod kyis rdo rje'i rigs kyi de bzhin gshegs pa'i

  213. 107a

    la mtshan bcu bzhi'o/ /'jigs byed zla gsang thig le las de nyid many+dzu'o/ /sdang ba thams cad rlag par byed pa'i phyir/ /rdo rje grags pa ni gnyis su med par thams cad mnyam pa'i rgyud las/ de nyid many+dzu'o/ / mi phyed cing khyad par grags pa chen po'i phyir ro/ /rdo rje snying po ni zla gsang las/ de nyid rdo rje snying dang ldan pa'i phyir ro/ /sgyu 'phrul rdo rje ni khri drug stong pa las/ de nyid med pa las thams cad sprul pa'i phyir ro/ /gsus po che de nyid las many+dzu gsus pa chen po dang ldan pa'i phyir ro/ /rdo rje las skyes ni/ 'byung po 'dul byed yas rdo rje zhus pa las bskrun cing skyes pa'i phyir ro/ /rdo rje'i bdag ni sa 'og gi rgyud las de nyid phyag na rdo rje bsnams pa'i phyir ro/ / rdo rje snying po ni snying po rgyan gyi rgyud las mkhregs shing sra ba'i phyir ro/ /mkha' 'dra pa ni gsang ba mdzod kyi rgyud las 'byung ba med phyir ro/ /mi g.yo ba ni sgyu 'phrul dra ba las bdud kyis mi g.yo ba'i phyir/ /ral ba gcig gis bsgyings pa ni rdo rje cod pan las/ de nyid las ral pa thams cad gcig tu bcings shing sgeg pa'i phyir ro/ /glang chen ko rlon gos su gon pa ni 'khor lo sdom pa las phyag gnyis kyis glang chen gyi pags pa 'dzin pa'i phyir ro/ /drag chen ni rnam par rgyal ba'i rgyud las ma rungs pa 'dul ba'i khro bo'i phyir ro/ /ha ha zhes sgrogs pa ni de nyid las rgyun mi 'chad par sgrogs pa'i phyir ro/ /de yan chad rdo rje'i rigs kyi mtshan bcu bzhi'o/ /hi hi zhes sgrogs pa'i zla gsang las rgyun mi 'chad pa'i phyir ro/ /'jigs par byed pa ni kun nas btus pa las 'jigs pa'i gzugs du mar sprul pa'i phyir ro/ /gad mo chen mo ni gsang ba bkod pa'i rgyud las gad mo'i ming a Ta Ta ha sa zhes pa/ oM dang hUM gi bar du bcug na

  214. 107b

    dug 'phrog pa'i phyir ro/ /gad brgyangs can ni de nyid las gad brgyangs kyi mdza' ring ba'i phyir ro/ /rdo rje gad mo ni de nyid las gnyis med kyis gad mo'i phyir ro/ /cher sgrogs ni de las 'jig rten gsum gang bar sgrogs pa'o/ /rdo rje sems dpa' ni dpal mchog las thams cad kyi dbugs 'don pa'i phyir ro/ /sems dpa' chen po ni gsang 'dus las/ dam tshig chen po 'dzin pa'i phyir ram/ mnyam pa nyid 'dzin pa'i phyir ro/ /rdo rje rgyal po ni gsang ba mdzed kyi rgyud las/ rdo rje ni gnyis med de nyid la rgyal po zhes bya'o/ /bde ba chen po ni dpal mchog las zag med kyi bde ba dang ldan pa'i phyir/ rdo rje drag po ni rdo rje gsang ba rgyan gyi rgyud las mthu myur ba'i phyir ro/ /dga' ba chen po ni rdo rje gsang ba'i thig le las zag med kyi bde ba dang ldan dga' ba yang chen po'o/ /rdo rje hUM ste hUM zhes sgrogs pa ni/ saM gra ha las hUM mdzad rgyun du sgrogs ba ste/ suM b+ha ni hUM bzhi pa'o/ /mtshon du rdo rje mda' thogs pa ni/ dam tshig chen po lags/ gong ma gnyis kyis nyon mongs pa thams cad gcod pa'i phyir ro/ /de yan chad rin chen rigs kyi mtshan bcu bzhi'o/ /rdo rje ral gri ni sgyu 'phrul pa las/ rdo rje dang ral gri thogs pa'i phyir ro/ /ma lus gcod pa ni de nyid las gong ma gnyis kyi nyon mongs pa thams cad gcod pa'i phyir ro/ /rdo rje kun 'chang ni/ byang chub pa las/ kun gyi rgya gram 'chang ba'i phyir ro/ /rdo rje can ni de nyid las rdo rje dra ba'i ye shes can no/ /rdo rje gcig pu ni gnyis su med pa rnam par rgyal ba'i rgyud las/ zab pa dang rgya che ba gnyis med kyi ye shes kyi ngo bo nyid kyi phyir ro/ /g.yul sel ba ni khams gsum rnam rgyal las/ nyon mongs pa'i g.yul 'joms pa'i phyir ro/ /rdo rje 'bar ba mig mi bzad ni 'jigs byed las/

  215. 108a

    rdo rje 'bar ba dang 'dra ba'i mig mi bzad pa'i 'od yod pa'i phyir ro/ /skra yang rdo rje 'bar ba ni phyag na rdo rje dbang bskur ba'i rgyud las/ de dang 'dra ba'i skra mang ba'i phyir ro/ /rdo rje 'bebs pa ni ye shes 'bebs pa'i phyir ro/ / 'bebs pa che ba ni phyag na rdo rje dbang bskur ba'i rgyud las/ dngos po thams cad kyi rang bzhin ye shes pas so/ /brgya pa ni de nyid las mig brgya dang ldan pa'i phyir ro/ /rdo rje mig ni/ rdo rje dang 'dra ba'i spyan gyis phyir ro/ /lus ni rdo rje'i ba spu can zhes pa ni rdo rje rgyan gyi rgyud las rdo rje ba spu 'khyil ba'i phyir ro/ /rdo rje'i spu ni gcig pu lus ni de nyid las gnyis med gcig bu'i ye shes kyi rtogs rdo rje ba spu 'am lus po dang ldan pa'i phyir te/ des ni pad+ma rigs kyi mtshan bcu bzhi'o/ /sen mo skyes pa rdo rje'i rtse mo ni sen mo rdo rje dang 'dra ba'i phyir ro/ /rdo rje snying po pags pa mkhregs pa ni rdo rje dang 'dra bar sra ba'i phyir ro/ /rdo rje phreng thogs ni rdo rje phreng ba thogs pa'i phyir ro/ /dpal dang ldan pa ni phun sum tshogs pa drug dang ldan pa'i phyir ro/ /rdo rje rgyan gyis brgyan te/ de rnams ni rnam par rgyal ba'i rgyud las grags so/ /gad brgyangs ha ha zhes pa dpung bzang gi rgyud las grags pa'o/ /nges par sgrogs pa ni nges par grub pa las sgra dang bral bar bsgrags pa'i phyir ro/ /yi ge drug pa ni a ra pa tsa nA ya te na ma(rgyud 'grel): zhes yi ge drug pa dam tshig gi rgyud las grags so/ /rdo rje'i sgra ni yo ga'i rgyud chen po las thig gi sgra lta bu'i phyir ro/ /'jam dbyangs chen po de nyid las 'jam zhing dbyangs dang ldan pa ste/ zab pa dang rgya che ba'i phyir ro/ /sgra che ba ni dam tshig rgyan gyi rgyud las grags so/ /'jig rten gsum na sgra gcig pa ni/ rnam par rgyal ba'i rgyud las sa 'og sa bla sa steng gsum

  216. 108b

    gnyis med du gcig de'i sgra bsgrags pa'i phyir ro/ /nam mkha' i mdza' las sgra sgrogs pa ni/ de nyid las shAka thub kyi gshin rje gshed la bka' stsal te/ mtshan brjod bshad pa'i tshe nam mkha' i mdza' thams cad du thos pa'i sgra gshin rje gshed kyis bsgrags pa'i phyir ro/ /sgra dang ldan pa rnams kyis mchog ni bcom ldan 'das de sgra dang ldan no/ /ye shes kyi spyod pa'i don du 'jig rten gsum 'dul ba ste/ de yang rje btsun 'jam dpal nyid yin no/ /de yan chad kyi rdo rje rigs kyi las kyi rigs mtshan bcu bzhi ste/ de ltar na tshigs bcad ni gcig lhag pa'i bcu tham pa mtshan bdun cu rtsa gcig ste le'u bdun pa rdzogs so// //yang dag bdag med ces pa rje btsun 'jam dpal la yang dag bya ba la sogs pa ni mtshan nas bod de/ ci'i phyir rje btsun 'jam dpal la de skad bya ba la sogs pa'i mtshan nas bod ce na/ bden pa dang de bzhin nyid dang/ rtog pa med pa'i phyir de skad ces bya'o/ /de ka na la/ ye shes na bya ba grub pa'i ye shes zhes bya/ yang dag mdza' ste yi ge med pa ni/ gnyis med la yi ge mtshon du med de/ ye shes na chos kyi dbyings so/ /ye shes lnga po de yang rje btsun nyid yin no/ /stong nyid smra ba'i zhes pa rje btsun de ni sgra med sgra'i bdag nyid du yod de/ de yang stong pa nyid gsum gyi bdag nyid du yod do/ /kun brtags kyi stong pa'i ngos nas dngos po med pa'i stong pa nyid gzhan dang la rnam rtog gis stong zhing de med pa'i ngos nas dngos po ma yin pa'i stong pa nyid/ ngo bo gnyug ma ma bcos pa yongs grub tu 'dug pa'i ngos nas rang bzhin stong pa nyid de/ /de nyid la gtso bo zhes bya khyu mchog ces bya'o/ /zab cing ces pa/ stong pa nyid de gzung 'dzin gyis stong/ rtogs pa dka' ci yang med pa'i phyir ro/ /rgya che ba ni de nyid sna tshogs su shar ro/ /de nyid zung du 'brel ba'i gnyis med kyi sgra rje btsun sgrogs te/

  217. 109a

    mu stegs/ nyan thos/ rang rgyal/ sgyu ma gnyis med la sogs pa'i lta ba zil gyis gnon no/ /de yang skad cig mas sgyu ma gnyis med zil gyis gnon la/ chos thams cad rnam par rig pa tsam gyi lugs khas len pas nyan thos dang/ rnam med zil gyis gnon no/ /chos kyi dung chen ni byang chub sems dpa' don grub dga' ldan nas dzam+bu'i gling du gzigs pa gsum la gzigs nas rgyal tshab du rgyal ba byams pa dbu rgyan gyi dbang bskur nas/ sgyu ma lha mdzes kyi lhums su gshegs pa ni 'jam dpal gyi chos kyi dung gi sgra bsgrags te/ dzam+bu'i gling du sangs rgyas kyi chos 'byung bar 'gyur ro zhes stong gi 'jig rten du grags pas che ba yang yin no/ /chos kyi gaN+Di ces pa/ bcom ldan 'das kyi bdud bzhi btul nas zad pa dang mi skye ba mngon du mdzad de/ byang chub kyi shing drung du thugs khral chung par bzhugs pa la tshangs pas zhu yon du gsor gyi 'khor lo rtsibs stong dang ldan pa phul nas/ gsol ba btab ste lha'i dbang po brgya byin gyis lha'i gdugs phul/ lha'i bu bye ba dung phyur gyis/ bsil yab kyi g.yob cing ba ra NA sir byon nas/ bcom ldan 'das mnyam pa nyid las bzhugs nas de'i bar du 'khor gyis nas tshangs pas gaN+Di'i sgras 'khor bsdus nas de yang rje btsun gyi sprul pa'o/ /phyogs bcu zhes pa thams cad du thos pa'i chos sgrogs pa ni rnga chen te/ de yang 'jam dpal lo/ /gzugs med ni chos sku ste ngo bor ma grub pa'i phyir ro/ /gzugs bzang ni longs sku ste/ gnas ston pa 'khor chos/ khyad par can gyis gzugs rkyen gyis snang ba'i phyir ro/ /dam pa ni ngo bo nyid kyi sku ste/ btsal na cir yang mi rnyed de/ stong pa nyid kyi phyir ro/ /sna tshogs gzugs can ni sprul sku ste/ gdul bya la sna tshogs pa'i gzugs yin pa'i phyir ro/ /yid las skyes rnam smin gyi sku de ye shes de nyid dang/ der mi 'dra bar smin pa'i phyir ro/ /de lta bu'i sku

  218. 109b

    lnga po de yang rje btsun no/ /gzugs rnams thams cad snang ba'i dpal zhes pa ni spyi dum bu bzhi ste/ gong du chos kyi dbyings dum bu dang/ khams gsum rnam rgyal/ rdo rje rigs kyi dum bu gnyis bstan/ 'og nas rin chen rigs dang don thams cad grub pa'i dum bu ston/ /pad+ma'i rigs 'di ni 'gro ba 'dul ba'i dum bu zhes bya ste/ sna tshogs su snang/ snang tsam na gzhi cir yang ma grub pas gzugs brnyan ste/ de 'chad ba yang rje btsun no/ /de lta bu'i rje btsun de gzhan gyis mtshungs pa med cing bsod nams kyi phung po che bar yang grags so/ /zhe'o/ /de'i khams gsum gyi dbang phyug chen po zhes kyang bya'o/ /'phags pa ni lam thams cad ston cing mthong ba'i phyir ro/ /lam de yang gang zhe na/ lam yan lag brgyad de/ yang dag pa'i lta ba nas yang dag pa'i ting nge 'dzin gyi bar du'o/ /de la ni rje btsun de grags so zhe'o/ /thar pa zhes pa de las thar der gyur son zhes pa'i don to/ /de ka na chos kyi rtog dang/ rgyal mtshan pa zhes bya'o/ /gnyis med kyi 'jam dpal de nyid lha la sogs pa 'jig rten na gzhon lus gdul ba la sogs gzhon nur ro/ /nyan thos kyis 'dul ba la/ yang nyan thos sde bzhi'i 'khor na gnas brtan chen po'i gzugs kyis chos ston/ rang rgyal gyi 'dul ba la rang rgyal rgan po dang/ so so'i skye bo dang/ byang chub sems dpa' 'dul ba la ri bong la sogs pa'i skyes rabs sam/ skye dgu 'dul ba'i de thams cad kyi ngo bo 'am bdag por gyur pa ni rje btsun no/ /de dang des 'bul ba la de dang de'i slob dpon mdzad pa de mi rigs snyam pa la/ cir snang yang gzhi ma grub pa 'am ma nges pa'i phyir ro/ /'o na sangs rgyas kyi slob dpon mi mdzad dam snyam pa la sum cu rtsa gnyis mtshan 'chang ba ces gsungs te/ zhabs 'khor lo'i mtshan dang ldan pa nas/ ba'i rdzi ma lta bu'i bar du sum cu rtsa gnyis ni

  219. 110a

    gtso bo la dpe byad kyi bskor ba'i sku 'chang ba yang rje btsun no/ /de la mtshan dpe la yang 'jig rten pa dang 'das pa'o/ /de la 'jig rten pa'i mtshan dpe ni 'khor lo sgyur ba'i rgyal po la yang mnga' la/ 'das pa ni sangs rgyas la mnga' ba de'o/ /'o na khyad ci yod ce na/ thub mtshan yul la gnas pa ni/ gsal ba rdzogs pas 'phags pa yin zhes gsungs te/ thub pa sangs rgyas rnams kyi mtshan ni/ yul na brtan par gnas pa dang/ gsal ba dang/ rdzogs pa yin la/ 'khor lo sgyur ba'i rgyal po yul na mi gnas te/ yo ba dang/ mi gsal ba dang/ ma rdzogs pa'i khyad do/ /sdu gu 'jig rten gsum na mdzes zhes pa/ 'jig rten gsum gyi sems can thams cad kyi mngon par 'dod par bya ba 'am/ lta bas ngoms shing chog mi shes pa'i phyir sdug cing mdzes pa'o/ /'o na de 'jig rten pa'i slob dpon mi byed dam zhe na/ 'jig rten shes legs slob dpon te zhes pa nas mar gsungs te/ 'jig rten pa'i shes legs ni yon tan te/ skal pa dang ji ltar 'tsham pa bzhin du/ bzo dang thabs la sogs pa thams cad kyi slob dpon mdzad de/ many+dzu'i byin brlabs yin pa'i phyir ro/ /'o na de nyes skyon can du mi 'gro ba mi snyam pa 'am/ /'jig rten slob dpon 'jigs pa med ces gsungs te/ sprul pa sna tshogs kyis sems can gyis don byed kyang de la snyam pa 'am don byed kyang chags pa med de/ pad+ma bzhin no/ /man ngag tu na slob dpon mtshan nyid dang ldan yang 'di nyid kyis mtshon la/ lta ba rtog pa'i rnal 'byor pas ni 'jig rten pa'i chos thams cad kyis slob dpon byed cing 'dul la skye med kyi gsal 'debs pas/ gsal byed kyis rgyun tu yang 'dug ste/ snang ba thabs la brten nas stong pa shes rab rtogs par byed do/ /de ltar rtogs pa'i rnal 'byor pa la mi mthun pa'i 'jigs pa

  220. 110b

    yang med do/ /de'i phyir rje btsun de ni mgon skyabs zhes bya'o/ /stong pa skye med rtogs na nga rgyal la sogs pa'i brag 'joms pa'i phyir yid bcugs pa zhes bya'o/ /de'i phyir de la ni skyabs dang/ bskal pa bzang po'i sangs rgyas kyi rgyun mi gcod pa'i phyir skyob pa dang ye shes chen po thob pa'i phyir/ bla na med ces bya'o/ /nam mkha' i mdza' la longs spyod pa zhes bya bas ni/ nam mkha' dang 'dra ba'i zab mo stong pa nyid kyi ye shes la/ legs par gnas shing longs spyod pa'o/ /thams cad mkhyen pa'i ye shes mtsho zhes pa shin tu yangs pa'i ye shes mnga' ba'i phyir ro/ /ma rig sgo nga'i spubs 'byed pa zhes bya ba ni/ bya'i rgyu sgo nga'i spubs yin pa bzhin/ rigs drug ni sems can thams cad kyi byed rgyu yang ma rig pa de sgo nga'i spubs dang 'dra la 'du byed 'joms pa ni 'jam dpal lo/ /srid pa nye bar len pa'i phung po lnga'o/ /de nyid las mi thar pa'i phyir dra ba can de yang dag pa'i don bsgoms pas nyon mongs pa thams cad 'joms pa'i phyir ro/ /nyon mongs ma lus zhes pa ni/ ma rig pa'i rkyen gyis 'du byed nas rga shi'i bar gyi rten 'brel nyon mongs pa de rje btsun gyi zhi bar byed do/ /'khor ba'i rgya mtsho pha rol phyin zhes pa ni mya ngan las 'das pa'i skam sar phyin pa ni rje btsun no/ /ye shes dbang bskur zhes pa ni kun tu bzang po'i ye shes la/ de dbang bskur ba'i dbu rgyan dang ldan pa'o/ /dbu rgyan de yang rdzogs pa'i sangs rgyas te/ rigs lnga rgyan du thogs pa yang rje btsun no/ /man ngag tu 'dis slob ma dbang bskur mtshon te/ ye shes dbang ni rigs pa'i dbang lnga'o/ /cod pan ni dar dpyangs so/ /rdzogs pa'i sangs rgyas rgyan du thogs zhes pa ni/ dbu rgyan rigs lngas dbang bskur ba de bkar te/ bstan pa'o/ /ye shes lnga bskyed cing bzhag pa dang ma rig pa lnga khyud pa'i dbang po'o/ /sdug bsngal gsum gyi zhes pa sdug

  221. 111a

    bsngal gyi sdug bsngal dmyal ba dang nye bar len pa'i phung po sdug bsngal te/ ming dang mtshan nyid kyi sdug bsngal skye rgan 'chi ste/ 'bras bu sdug bsngal gyi bden pa ste/ de yang rje btsun no/ /sdug bsngal ni kun 'byung la bya ste/ 'bras bu sdug bsngal bskyed pa'i phyir 'bras bu'i ming rgyu la btags pa'o/ /zhi ba ni 'gog pa la bya ste/ rgyu 'bras kyi sdug bsngal gong ma gnyis zhi ba ste/ de yang 'jam dpal lo/ /gsum sel ni gong gi bden pa sdug bsngal lam gyis bden pas sel lo/ /mdza' yas ni chos kyi phung po brgyad khri bzhi stong la bya ste/ glang po ches srungs kyis theg tshod kyi snag? tshas bris pa'i chos la bya gsung de yang rje btsun no/ /grol gsum ni nyan thos rang rgyal byang chub sems dpa' i rnam grol gsum ste/ de thob pa yang rje btsun no/ /sgrib pa ni nyon mongs pa'i sgrib pa ste/ sdug bsngal las kyi sgrib pa ste/ mtshams med pa'i las dang/ rnam par smin pa'i sgrib pa de dmyal ba dang/ shes bya'i sgrib pa de dngos po gnas thabs dang 'gal ba'i lta ba dang snyoms par 'jug pa'i lta ba ste/ zhi gnas shas che ba 'am/ lha tshe ring po de rnams las grol ba ni rje btsun no/ /de rnams las grol ba nyid kyis ni mkha' ltar mnyam pa nyid la gnas zhe'o/ /nyon mongs dri ma ni/ rtsa ba'i nyon mongs pa drug /nye ba'i nyon mongs pa nyi shu ste/ rtsa drug po de las rje btsun 'das shing bral/ de yan chad pad+ma rigs kyis de bzhin gshegs pa'i rigs kyi mtshan nga bzhi dus gsum yar btags gsang lnga'o/ /dus gsum ni rang gi byang chub kyi sems nyid du snang la/ dus med pa ni 'das pa 'gags te med/ da ltar mi gnas te med/ ma 'ongs pa ma skyes te med/ de ltar dus gsum shes bya rang gi mtshan nyid la med do/ /gal te rgyu yod pa las skye 'am/ med pa las skye/ yod pa las skye na bdag las skye 'am/

  222. 111b

    gzhan la skye/ bdag las skye na rgyu 'bras dus mnyam pas skye ba mi rung/ gzhan las skye na rgyu mthun pa las skye 'am/ mi mthun pa las skye/ mthun pa las skye na phan 'dogs nas skye 'am/ phan mi 'dogs pa las skye/ phan 'dogs pa las skye na rgyu yod tsam na 'bras bu med/ 'bras bu yod tsam na rgyu 'gags te/ de med des phan mi thogs so/ /de ltar dus gsum med par rtogs pa yang rje btsun no/ /des rtogs pa khyad par can rnyed pas sems can kun gyi gtso bo zhes bya'o/ /yon tan ni 'jig rten pa'i yon tan no/ /thod ni 'jig rten las 'das pa'i yon tan te/ 'jig rten pa'i yon tan de bas mdzes pa de ni rin po che'i thod dang 'dra la/ de'i thod du gyur pa ni rje btsun gyi yon tan te/ me tog gi thod kyis rin po che'i thod la brgyan na mdzes pa bzhin no/ /lus kun las ni rnam grol zhes pa lus ni chos kyi lus te/ dge bcu las grub pa lha'i lus dang nor gyi lus ni phyug pa lta bu sbyin pa las grub pa'i mi lus dang/ 'dod pa'i lus te dud 'gro dang/ 'jigs pa'i lus te yi dwags dang dmyal ba de kun la mi 'jigs shing mi 'gyur bas rje btsun ni de rnams las grol ba ces bya'o/ /nam mkha' i mdza' la rab gnas pa zhes pa skye med kyis rtogs pa dang ldan pas chos thams cad rang bzhin med par shes pa'i shes rab ni nam mkha' sgom/ nam mkha' ni shes rab bsgom pa ste/ shes rab pha rol phyin pa las chos thams cad sgom pa rnam par bsgom pa ni nam mkha' bsgom pa'o zhes gsungs pa lta bu ste/ 'di ni nam mkha' lam du khyer ro/ /yid bzhin nor bu zhes pa na mar gong gi nam mkha' lam du khyer ba la rtogs pa'i phan yon du bshad pa dang/ rje btsun nyid la yid bzhin nor bu dang/ dpag bsam shing dang/ bum pa bzang po zhes brjod pa dang/ yang na phyi rol gyi rin po che dang/ dpag bsam dang/ bum par yang rje btsun

  223. 112a

    sprul nas gzhan don byed bya ba lugs gsum du shes par bya'o/ /yang dam tshig 'di rnams kyi man ngag tu nor lta arya dzi b+ha la mchod pa yang zin par shes par bya'o/ /de la yid bzhin nor bu ni ci 'dod pa'i don grub par byed pa rje btsun no/ /khyab bdag ni de brtan g.yol khyab pa gong du bshad pa bzhin no/ /kun gyis ni 'dir 'gro ba 'dul ba'i dum bu yin pas cir yang sprul pa ste/ rin po che dang bkres bskom la phan 'dogs pas/ dpag bsam shing dang/ bum pa bzang po dang/ de rnams kyis sems can thams cad kyi don byed do/ /phan 'dogs pa ni tshe phyi ma'o/ /gnyis gshin pa ni byams pa'i phyir rje btsun la de skad ces bya'o/ /bzang pa ni dge ba bcu/ ngan pa ni mi dge ba cu de yang dgos pa'i dbang gis shes pa'o/ /dus shes pa ni ting nge 'dzin la 'jug pa dang/ chos ston pa dang/ sems can gyi don byed pa dang/ btang snyoms su gnas pa dang/ mya ngan las 'das pa gang gis 'dul ba'i dus shes pa'o/ /khyab bdag ni don go ba'o/ /dam shes ni snying po'o/ / sngags phyag rgya rnams ni dam tshig ste/ de shes la/ de las mi 'da' ba' i dam tshig dang rje btsun ldan no/ /zhe'o/ /dus shes pa ni/ dus su sbyin pa dang/ 'gyod pa med? pa dang/ yid du 'ong ba sbyin pa dang/ rnam smin la mi re ba shes pa yang rje btsun no/ /sems can dbang don ni dbang po rab 'bring tha ma shes shing/ de la nyan thos rang rgyal byang chub sems dpa' i rnam grol rnam pa gsum ston pas mkhas pa'o/ /yon tan ldan pa ni sangs rgyas kyi sku dang/ yon tan shes kyi yon tan dang ldan pa'o/ /yon tan shes pa ni phyi rol mu stegs dang/ nyan thos dang rang rgyal la sogs pa'i yon tan shes pa'o/ /chos shes pa ni 'jig rten pa 'am/ /'das pa 'am/ 'khor 'das kyi chos shes pa'o/ /bkra shis pa ni thun mong ma yin pa'i mtshan dang ldan pa yang many+dzu'o/ /bkra shis

  224. 112b

    'byung ba ni 'jig rten pa'i bkra shis pa yang many+dzu las 'byung ba'o/ /bkra shis kun gyi nang na shin tu yang bkra shis pas many+dzu'o/ /grags pa tha na ri bong gi lus su sprul nas kyang sems can gyi don byed pa'o/ /bkra shis ni sems rtse gcig tu khyod bsgoms na/ phun sum tshogs pa thams cad kyi rten byed pa'i phyir ro/ /snyan grags ni gong gi sbyin pa mthar phyin pas bsod nams kyi phung po snyan par grags pas de skad bya'o/ /dge ba ni bcu de yang 'jam dpal lo/ /dbugs 'byin chen po zhes pa chags sems can gyi sems can 'dod chags kyi tshul gyi sgo nas 'khor ba las dbugs 'byin pa'i phyir chen po zhes bya'o/ /dga' ston ni dang pas sangs rgyas mchod pa la dga' / thugs rjes sems can la sbyin pa la dga' bas che ba'o/ /dga' chen ni 'jig rten pa'i skal ba ji ltar 'tsham pa'i gzugs kyis bla na med pa'i chos ston dga' bar byed pa'o/ /rol mo ni zag med kyi bde ba'i ro la myong ba dang ldan pas che'o/ /bkur sti ni khams gsum na bkur sti dang phyag dang mchod pa'i 'os su 'dug la/ rim gro yang de nyid la sogs pa'i 'bras bu rim gro'i gnas su grub par byed pas de skad bya'o/ /tshogs thams cad kyi rten du 'dug pas phun sum tshogs pa zhes bya'o/ /mchog tu dga' bas ni sa dang po thob pas zhing brgya sbyong bar la sogs pa'i ngo bor 'dug la/ yang na dga' ba ni sh+rI ste lha mo la brten pa'i bden pa dang bde ba skye bar grags pas/ mchog tu dga' ba zhe'o/ /de'i bdag por yang 'jam dpal 'gyur ro/ /mchog ldan ni go 'phang gi 'gro bar bya ba thams cad kyi nang na mchog tu ldan no/ /mchog sbyin ni gdul bya'i bsam pa thams cad rdzogs par byed pa'o/ /gtso bo ni mu stegs nyan thos rang rgyal/ byang chub sems dpa' kun gyi nang na mchog tu gyur pa yin pa'i phyir ro/ /skyabs ni sman pa dang sdug bsngal ba'i

  225. 113a

    skyabs dam pa skyabs med pa rnams kyi 'os su yang 'dug go zhe'o/ /'jig rten dgra zhes pa ni/ 'jig rten du lha la khrugs pas/ 'jigs pa brgyad kyi dgra byung ste/ nad 'chi ba chu srin/ chag pad srin po/ byi ba rnams zad pa'i mchog gam/ rab ni many+dzu'o/ /'jigs pa ma lus sel zhes pa/ /seng ge dang/ glang po che dang/ med sprul/ rkun po chom po/ mtshon/ lce 'bab pa/ de thog dang/ 'jigs pa brgyad po de rnams rje btsun la gsol ba btab na sel bas de skad bya'o/ /gtsug pud ni byis/ pa gzhon nu phud pu ni/ /lha'i bu gzhon nu de cis 'dul ba'i sems kyi gzugs sems can gyi don byed pa'o/ /lcang lo ni ral pa'i tshogs mnga' ba/ ral pa ni gcig pu spams pa/ /muny+dza ni thor cog grol ba/ yang na thod pa can gyi spyod pa byed pa'o/ /cod ban ni cod de nyi ma dang zla ba tshes gcig pa'i dbu rgyan gyis mu stegs pa'i brtul zhugs byed pa many+dzu'o/ /de yang many+dzu'i byin rlabs so/ /gdong lnga zhes pa'i tshig gnyis kyis sbyor ba dang por dang po'i sangs rgyas bsgom pa'i khog ston te/ ye shes lnga'i rtags phyogs bzhi'i steng gi zhal dang lnga ste/ de re re la ral ba'i gtsug phud re re bsgom/ /de yan chad kyi pad+ma'i rigs kyi rdo rje'i rigs kyi mtshan ma'o/ /zur phud lnga pa ni gong gi gtsug phud re re la/ rin po che'i zur phud re re'o/ /de'i rtsa bar me tog gis bcings pa bsgom/ mgo zlum ni mgo reg ste/ shAkya thub kyi brtul zhugs pa'o/ /brtul zhugs chen po ni sngags kyi he ru ka'i brtul shugs te/ thod pa'i spyod pas zhing dang/ nye ba'i zhing na spyod pa yang madz+nyu'o/ /tshangs pa'i spyod pa ni bskal pa mdza' yas par shAkya thub kyi tshangs ba'i spyod pa la yun ring du cher spyad do/ /de yang many+dzu'i sprul pa'o/ /brtul zhugs mchog ni shAkya thub kyi lo bcu gnyis su tshangs spyod kyi dka' thub kyi brtul zhugs khyim du ngal ma gso bar slongs mo dang/ nags khrod na rgyu ba'i mchog go /dka' thub mthar

  226. 113b

    phyin pa ni 'jig rten pa'i dka' thub dbang po nye bar zhi ba ste/ de mthar phyin pa ni rje btsun no/ /dka' thub chen po ni chu bo'i 'gram du shAka thub kyis/ lo drug tu til phyed phyed gsol ba de yang many+dzu'o/ /rje btsun de la ni gtsang gnas dam pa zhes bya ste/ gtsang gnas ni phyi rol pa'i rig byed dang/ /mu stegs kyi brtul zhugs mthar phyin pa yang de 'dra'o/ /dam pa ni de'i rnam pa thams cad mkhyen pa de'i gong na gzhan med pa'o/ /gau ta ma zhes bya ba ni rigs ngan pa'i mtshan yin te/ de yang rgyal po rna ba can zhes bya ba la sras gau ta ma dang/ b+ha ra d+hwa dza zhes bya ba gnyis btsas nas/ yod pa las/ nu bo b+ha ra d+hwa dza rgyal srid la bcug nas/ pho bo gau ra ma drang srong nag po la rab tu byung nas/ bsgom par spyil bur bzhugs nas bsgom pa las yud de na skyes pa pad+ma'i yan lag ces bya bas/ smad 'tshong ma 'gro ba bzang mo la smad rin bcal nas/ skyes pa gzhan gyis kyang rin bcal nas/ /mo'i bsam pa la ngas nub gcig la skyes pa gnyis mi skyongs pas na/ g.yog mo pad+ma'i yan lag la/ jo mo do nod mi khom byas pas/ /skyes pa gzhan zhig dang yu gcig nyal nas song/ /da ni gnyis ka skyong snyam nas/ pad+ma'i yan lag spran pas khros nas ral gris 'gro ba bzang mo'i ske bcad nas bros nas gau ta ma'i spyil bo'i sgo khar ral gri bor bas khrag rjes bcad pas chad pa go'o ta ma la bcad de/ rgyal po'i btson khang du gsal shing mang po gtsugs pa'i steng du gcer bur bskur bas drang srong nag po'i zhal nas khyod la 'di tsam gyi chad pa 'ong ba khyod kyis las ci byas zer ba las/ bdag gis tshe 'di la ni nyes pa byas pa med na/ snga ma'i las shig ma lags sam byas pas/ drang srong nag po na re'i na khyod la yid ches pa'i dbang po su yod zer bas/ khos bden pa'i stobs brjod do/ /nga la nyes pa med na slob dpon lus gser gyis

  227. 114a

    gtan pa phyis pa bzhin gyur nyes pa yod na slob dpon gyi sku snga na bas gnag par gyur/ nga yang shin tu sdug bsngal cing shi nas dmyal bar skye bar gyur cig ces brjod pas/ slob dpon drang srong nag po de sku gser gyi gtan pa phyis pa bzhin gyur/ de nas gau ta ma na re bdag ngan song du mi ltung ba'i thabs shig zhu zer bas/ drang srong nag po na re drang song gi chos lugs kyi gdung 'tsho ba u yod na/ mtho ris su skye ba'i thabs yod de/ khyed la gal te gu yod dam/ zer nas bdag gyis pa chung du la rab tu byung nas bu yod pa'i dpe ga la srid zer der yang drang srong na re 'o na khyod tshul bzhin ma yin pa yid la dran nam zer bas bdag nyid mes ni steng nas gdungs/ gsal shing gis ni 'og nas zug nas de skye ba gal srid zer der drang srong de'i rdzu 'phrul gyis nam mkha' la sprin bsdus char zab zim pa babs kho'i tsha ba'i gdung ba zhi bde ba skyes/ tshul bzhin ma yin pa yid la dran/ des khu ba'i thigs pas 'og gi khrag dang/ de b ram gyi shing lo'i khar gzhag pas zla ba gnyis lon tsam na/ phyis pa shin tu gzugs bzang pa gnyis btsas rgyal po nas bu ram shing bzhes bya bar btags/ de nas lo mang du lo na tsam na/ rgyal po b+ha ra d+hA dza 'das nas kho'i 'bangs na de drang srong nag po la gau ta ma ni rgyal srid la dbab dgos zhus pa dang/ drang song na re gau ta ma shi nas lo mang du lan te/ khong pa bu bu ram shing bya a gnyis yod zer te/ b de gnyis kyis rgyal tshab byas pa las de gnyis kyi rigs la gau ta ma'i rigs zhes bya bar grags/ tha ma bcom ldan 'das kyi sras kyi bar du'o// de yang rje btsun no/ /bram ze zhes pa rje btsun de drang bzhin yi thos pa dang/ dka' thub dang ldan pas yang na bram ze ma'i skye ga nas dang/ bram ze'i chos lugs kyis skye gnas gnyis dang ldan la/ rje btsun sangs rgyas kyi skye gnas dang gzhan du

  228. 114b

    sprul zhing yang skye ba'i skye gnas gnyis pa de skad bya'o/ /tshangs pa ni bsam gtan dang po'i lha'o/ /tshangs pa shes pa ni tshangs pa la zhal lnga yod pa las/ mgo cig khyab 'jug gis bcad de/ zhal bzhi nas mu stegs rigs byed yi tshig snyan dang gos dang nges brjod dang/ sring srung dang/ mchod sbyin bya ba ni shes ta rje btsun sprul pa'o/ /mya ngan las 'das tshangs pa thob ces pa rgyal po cig byang chub sems dpa' i spyod pa byed pa/ bram ze'i phrug gu zhag gis lag pa blangs pas lag pa g.yas pa bcad na sbyin pas/ khyod kyi lag pa g.yon pa chod la nga la byin ces zer nas bram zes smras pas rgyal po byang chub sems dpa' i spyod pa la skyo ba skyes te/ ngas lag pa 'dod pa la lag pa byin na g.yon gyis byin ba las ji ltar bya yod / byang chub sems dpa' i sdud pa 'di dka' bar 'dug dgongs nas/ nyan thos su sems bskyed de sgrub pa las nyan thos kyi byang chub thob pa ni 'phags pa kun dga' ba'o/ /de'i sprul pa ni lha tshangs pa thob pa de theg pa chung ngun gyi sdud pa po'o/ /grol ba ni yang na nyan thos stong pa nyid mthong ba ni mthar pa ni/ shes bya mthong spang gi 'dod chags las thar pa/ rnam grol ni byang chub kyi yan lag bdun dang/ 'phags pa'i lam yan lag brgyad la bya'o/ /rnam grol ni dus gsum gyi 'ching ba las grol te/ de ltar yang phan yon las bcings pa thams cad thar pa'o zer ba'i phyir ro/ /zhe ba ni rten 'brel gyis spros pa las zhi ba'o/ /zhi ba nyid ni gzung 'dzin gyi rtog pa zhi ba nyid do/ /mya ngan las 'das pa mdor bstan par bya'o/ /mya ngan zhi ba na mar rgyas par bshad pa ste/ mya ngan las 'das pa zhi ba ni nyan thos phyogs gcig pa'o/ /legs par nges par 'byung ba ni rang rgyal ba'i mya ngan las 'das pa'o/ /nye ba ni mi bskyad pa la bya ste/ zhe sdang can la 'dul ba'i mthar 'gro ba dang nye'o/ /des du gsel ba ni rin chen 'byung ldan te ser

  229. 115a

    sna can la bde ba ster/ sdug bsngal sel ba'o/ /mthar 'gyur ba ni snang ba mdza' yas te/ 'dod chags kyi gdul bya dag gi 'dod chags la 'god do/ /de kho nas mthar thug par byed do/ /chags bral ni don grub ste/ le lo can brtson 'grus kyi chags bral lam la dgod do/ /lus las 'das pa po ni rnam snang ste/ bag chags las 'das shing zad par bag chags thams cad gnas 'gyur te/ bag chags med pa'o/ /de yang rje btsun no/ /thub pa med pa ni gzhan gyis sdang bar mi 'gyur pa'o/ /dpe med ni dpe bstan du med pa'o/ /mi mngon mi snang zhes pa ni rje btsun gyi ngo bo gang du yang mi snang ste/ snang pa dang bral ba'i phyir ro/ /gsal byed min pa ni gzhan la mi ltos pa'i phyir ro/ /de yang stong pa nyid mthong na grol ba yin/ bsgom pa lhag ma de'i don yin zhe'o/ /mi 'gyur ba ni stong pa nyid rang bzhin mi 'gyur la/ yang na mngon sum du rtog pa mi 'gyur/ kun 'gro ni gnyis med rgyun ma chad des thams cad du son pa'o/ /khyab pa ni brtan g.yo'i dngos po kun la khyab ste btsun no/ /phya ba ni rdul phran las kyang phra ba ste rtogs par dka' ba'o/ /zag med ni bde stong ngo/ /sa bon bral ni dge ba dang mi dge ba dang lung du ma bstan pa kun gyi /sa bon bsags pa kun gzhi ste/ de nyid many+dzu bas de dang bral ba'o/ /rdul med ni 'dod chags la sogs pa'i rdul gnyis med la rdul bral ni de nyid de bzhin nyid las gzhan du 'gyur ba yang med do/ /stong pa nyid la rkyen gyi dri ma/ blo bur ba med de/ de nyid many+dzu'o/ /nyes pa ni 'dod chags la sogs pa de many+dzu la med la/ skyon ni nang la sogs pa med pa'o/ /shin tu sangs pa ni shes bya phyin ci ma log par mkhyen la sang ba'i bdag ni nyan thos par gyur pa'o/ /man ngag tu snang la sems su sad/ sems stong par sad/ stong pa bde bar sad do/ /kun shes kun rig ni shes bya ma lus pa shes shing rig pas kun shes/

  230. 115b

    sems can gyi bsam pa dang/ bag la nyal shes pas kun rig pa'o/ /de nyid kyi rabs ste dam pa'o/ /rnam par shes pa'i tshogs brgyad de/ kun rdzob tu sgo lnga'i rnam shes sam /lus la 'dzug pa'i tshogs drug /nyon mongs pa can gyi yid/ kun gzhi rnams tha dad la/ don dam du gcig ste/ spre'u dang/ 'dra'o/ /de la kun gzhi ni nyon mongs pa'i gzhi'o/ /nyon mongs pa can gyi yid ni kun gzhi la bdag tu rmongs pa ste/ de kha nang du bltas pa'o/ /don dam du de rnams kyi ngo bo chos nyid do/ /'o na chos nyid de ji lta bu 'dod na/ snang ba dang stod pa ma bzung ma btang bas 'das zhe'o/ /ye shes gnyis med tshul 'chang ba ces pa chos kyi dbyings stong pa ste/ rang zhing thab pa dang rgya che ba de rkyen gyi sna tshogs su snang ba de gnyis mdo/ /tshul lam rang bzhin de 'chang ba ni rje btsun no/ /rnam par rtog med ni rtog pa dang mi rtog pa'i rigs su chad pa med de/ rtog pa'i rang bzhin mi rtog pas 'dug pas/ rtog pa'i ngo bos grub pa'i rang rgyud pa med do/ /lhun grub ni rang bzhin lhun grub dang/ rtog pa dang lam dang 'bras bu dang/ phrin las dang sbyar te/ de la rang bzhin lhun grub ni/ sri ka ti zhes pa sus kyang ma byas par rang bzhin lhun gyis grub pa'o/ /rtog pa ni bla ma'i rkyen gyis 'jug pa de rtogs pa'i ngang la tsog bzhag tu gnas so/ /lam ni bskyed rdzogs gnyis te/ der yang shes pa nyid cog bzhag tu gnas pa'o/ /'bras bu ni chos lnga te/ der yang shes pa de nyid der lhun gyis grub pa'o/ /phrin las ni rang bzhin gyis don te/ de yang dbang po rab 'bring tha ma la de dang der snang ste/ rin po che bzhin rnam rtog med do/ /chags pa can padmo'i rigs kyi 'du bzhin gzhan yang ngo/ /dus gsum ni mar me mdzad la sogs pas kyang sangs rgyas kyis bya ba thams cad 'jam dpal gyis byed do/ /sangs rgyas thog ma tha ma med ces pa ni tshangs pa dang brgya byin las sangs rgyas 'dod pa'i log

  231. 116a

    rtogs pa sal ba'am/ yang na thog ma dang tha ma skye 'gag med zhe'o/ /de yan chad pad+ma'i rigs kyi rin chen rigs kyi mtshan nga lnga'o/ /dang po'i sangs rgyas rgyu med pa ni dang po kho nar ye shes lngar sangs rgyas la/ gnyis pa man chad sprul sku cing yang snang ba'o/ /rgyu med ni rang bzhin ma grub pa/ rgyud ni rim pa ste/ skad cig ma'i rgyud kyis skye 'gag med pa'o/ /ye shes mig gcig ni 'jam dpal de thob par bya ba'i don gnyis med yin pas gcig ces bya'o/ /de la 'dod chags la sogs pa'i dri ma med de/ logs su ma mthong ba'i phyir ro/ /ye shes lus ni chos thams cad rnam par rig pa thams cad kyi lus su grub pa'i phyir ro/ /rje btsun de dang ldan pas can no/ /de bzhin gshegs pa ni gong du bshad do/ /tshig gi dbang phyug smra ba che'o/ smra ba che ba ni smra ba'i skyes mchog yin pas so/ /skyes mchog ni smra ba'i rgyal po yin pa'i phyir/ rgyal po ni dam pa'o/ /dam pa ni mchog gi gnas so/ /de ni smra ba'i seng ge zhes bya ste/ gzhan gyis smra bas mtshungs pa med pa'i phyir ro/ /mtshungs pa med pas seng+ge zhes bya/ de bzhin du yar lang bzlog go /kun tu lta ba mchog tu dga' / /zhes pa/ kun rdzob tu thugs rje dang ye shes kyi spyan gnyis kyis 'khor 'das la gzigs so/ /yang don dam du chos so so yang dag par rigs la/ de gnyis la mchog tu dga' ba ni rje btsun no/ /gzi brjid ni 'od la bya'o/ /phung po ni de'i phreng ba la bya'o/ /blta na sdug ni ye shes lnga byang chub sems dang drug /ro gcig pa'i 'od kha dog ni/ mdzes shing yid du 'ong bas so/ /'od bzang po ni thugs ka'i nyi ma'i 'od kyis dkyil 'khor gyi lha gsal ba'am/ 'jig rten thams cad snang zhing gsal ba ni 'bar ba'o/ /dpal be'u ni sangs rgyas kyi thun mong ma yin pa'i mtshan de thams cad mkhyen pa las byung ba de skye ba'i rkyen de sangs rgyas kyi thugs ka na dpal be'u rtse

  232. 116b

    gsum du yod zer ba de gzhan lags so/ /'dir ni ye shes sems dpar bzhed do/ /lag na 'ong 'bar snang ba po zhes pa rje btsun gyi lag na gshin rje gshed me 'od 'bar ba can mtshon cha 'am/ bsdigs char bsnams pa'i/ /sman pa gnyis te chen po dang mchog go /de la chen pos ni nyon mongs pa'i nang dug gsum 'joms la/ mchog ni shes bya'i sgrib pa'i nang gso ba mkhas so/ /gtso bo ni des 'gro ba 'dren pa ste cis 'dul lo/ /'dis 'gro ba 'dul ba'i dum bu yin pa'i phyir ro/ /zug rngu 'byin pa ni/ bskyed rim gyis nyon mongs pa'i zug rngu 'byin pa/ rdzogs rim gyis shes bya'i zug rngu 'byin no/ /des na 'jam dpal ni bla na med pa'o/ /sman rnams ma lus zhes pa ni rje btsun nyid ga pur la sogs pa'i sman du sprul nas gzhan don byed la/ yang na sman pa ni bla ma sman bskyed rdzogs/ nad pa slob ma nang zug rngu gnyis gso'o/ /nang ngo cig gi dgra che ba ces bya ba ni/ nyon mongs pa dang shes bya'i gnyen po gnyis med do/ /sdug gu 'jig rten gsum gyi mchog ces pa ni 'gro ba thams cad dang mi mnyam pas 'jig rten gsum gyi gtsug gi dbu rgyan yang mchog go /dpal ldan ni gza' dang rgyu skar du sprul nas sems can gyi tshe dang ye shes bskyed la/ dkyil 'khor can yang 'jam dpal la/ /phyogs bcu nam mkha' mthar thug pa zhes pa la/ nam mkha' i rgya ma chad pas thams cad du khyab pa de'i mthar thug tu gnyis med rje btsun des khyab go /chos kyi rgyal mtshan legs par 'dzugs zhes pa gong gis khyab pa des bsod nams dang ye shes kyis rgyal mtshan 'dzugs pa'o/ /'gro ba rigs drug na'o/ /gdugs gcig ni tsha twaM zhes bsil ba des nyon mongs pa'i tsha ba 'joms pa'o/ /des khebs sam zhe na/ yangs pa de mtshan nyid la gnyis su med pa'i phyir ro/ /'gro ba rnams la byams pa dang snying rjes snying po len pa'i don gyis dkyil 'khor che'o/ /dpal ldan

  233. 117a

    pad+ma gar gyi bdag ces pa gar dbang ting nge 'dzin gyi rang bzhin no/ /khyab bdag ni dngos po thams cad la khyab pa'o/ /des na rin po che'i gdugs te de dam tshig tu gyur pa thams cad skyob pa'o/ /sangs rgyas kun gyis gzi brjid che zhes pa/ 'byung ba dang 'byung ba las gyur pa rnams kyi de bzhin gshegs pa rnams khyod la brten zhes te/ sangs rgyas kyi rgyal po byang sems rdo rje la bya/ sangs rgyas kun gyi sku 'chang ba ni chos thams cad kyi chos nyid stong? pa nyid de/ 'jam dpal 'chang ngo/ / sangs rgyas kun gyi rnal 'byor che zhes pa yo ga las/ rnal 'byor chen po bcom ldan 'das rdo rje sems dpa' de bzhin gshegs pa zhes 'byung ste 'jam dpal de la gnas pas chen po yang yin no/ /sangs rgyas kun gyis bstan pa gcig ces pa/ bstan pa ni theg pa gsum ste/ dus gsum gyi sangs rgyas thams cad kyis bstan pa'i theg pa ni gnyis med kyi theg pa chen por gcig go /rtogs pa yongs su rgyas pa las/ sangs rgyas kyi theg pa ni gcig ste/ gnyis dang gsum ni ma mchis so/ /des na ye shes gcig min sku gcig gdugs gcig la sogs pa sbyar ro/ /rdo rje rin chen mi bskyod pa de mi bskyod rdo rje'i rang bzhin zhe'o/ /des gzhan don byed pa rin chen no/ /dbang bskur dpal ni rdo rje sems ma ste/ sh+rI zhes dpal te lha mo la bya la/ des mi bskyod pa'i skal ba dang ldan par byed pas dbang bskur zhe'o/ /rin chen kun bdag ni rin 'byung ste/ /yum gyi skye? rnams ma thob pa ste/ kha lo sgyur bas bdag po'o/ /dbang phyug ni ratna badzri/ rin 'byung gi dbang byed pa'am bdag go /'jig rten dbang phyug ni snang ba mdza' yas te/ 'khor lo de gsum la dbang sgyur la/ kun gyi bdag ni d+harma badzri ste/ snang mdza' i bdag nyid do/ /rdo rje 'chang ni don grub ste/ rdo rje rgya gram 'chang la/ kun gyi rje ni karma badzri ste/ don grub kyi rje'o/ /sangs rgyas kun ni rnam snang ste/ sangs rgyas thams cad bsdus pa'i bdag nyid pas

  234. 117b

    thugs che ba ni/ rdo rje dbyings kyi dbang phyug ma ste/ gzungs kyi dkyil 'khor thugs kyi dkyil 'khor rang bzhin rnam snang yum du bzhag pa'o/ /de ltar rigs lnga yab yum bcu po de yang rje btsun nyid/ rje btsun gnyis med de yang sangs rgyas kun gyi sku che ba'i rang bzhin dang/ gsung che ba'i rang bzhin yang yin no zhe'o/ /de ni mar yang snang zhe'o/ /de yan chad pad+ma'i rigs pa lnga'o/ /rdo rje nyi ma dang/ rdo rje zla ba ni don ma rtogs te/ de la rdo rje ni gnyis med la bya/ nyi ma ni thams cad du zhing gsal bar byed ma rig pa'i mun pa sel bar byed do/ /de btsun no/ /rdo rje ni gnyis med/ zla ba ni gsal ba la bya ste/ dri ma med pa ni rang bzhin gyis dag pa ste/ rdo rje rtse mo las kyang dag cing gsal la rnyog pa med ces gsungs te/ de nyid rje btsun no/ /yang na man ngag tu nyi zla gnyis po des sangs rgyas gdan nyi zla yin pa la tsha tsha 'debs pa'i man ngag nyi zla kha sbyor du bsam pa dang/ mtshan 'don pa'i dus kyi thugs ka nas sngags spro ba'i gzhi rnam smin gyi sku bsgom pa yang/ 'di nyid kyis zin no/ /chags bral ni btang snyoms dang/ dga' ba lam du khyer ba la sogs pa ni/ 'jig rten pa'i lam ste dge bcu'o/ /chags pa chen po ni gsang sngags sgo bzhi ste/ chags lam mo/ de rnams kyang rje btsun no/ /kha dog sna tshogs 'bar ba'i 'od ces bya ba ni ye shes sems dpa' i sku 'od lnga 'bar ba can de yang rje btsun no/ /rdzogs pa'i sangs rgyas ni shAka thub bdud bzhis mi tshugs pas/ rdo rje skyil krung du bzhugs pa'o/ /sangs rgyas 'gro ba'i chos 'dzin zhes pa dus gsum gyis sangs rgyas thams cad mtshan 'di dus gsum du yang dag par brjod cing 'dzin pa'o/ dpal ldan ni dkyil 'khor bdun gyi lhas legs pa'i yon tan thams cad ster la/ pad+ma ni many+dzu de las skyes pa 'am/ yang na pad+ma dang 'dra bar skyes pa ste/ nyes pa'i skyon med do/ /kun mkhyen ni rje btsun nyid thams cad mkhyen pa'i ye shes kyi mdzod 'dzin pa'o/ /rgyal

  235. 118a

    bo ni dge ba bcu'i lam gyis sprul pa ste/ thams cad 'jig rten las sgrol ba'o/ /de lta bu'i sgyu 'phrul sna tshogs 'chang ba ni rje btsun no/ /che ba sangs rgyas rig sngags 'dzin no/ /sangs rgyas kyi rig sngags ni gzungs te/ tshig don sngags phyag rgya'i gzungs rje btsun 'dzin no/ /rdo rje rnon po ni zhal lnga pa ste sku phyag rgya chen po'o/ /ral gri ni g.yas pa bzhin nyon mongs gcod pa'i rtags las kyi phyag rgya/ yi ge'i mchog ni thugs ka'i d+hI(rgyud 'grel): ste/ gsung gi rang bzhin chos kyi phyag rgya'o/ /rnam par dag pa ni thugs dag par ston pa'i rtags g.yon gyi phyag na rgyal ba'i yum po ti bzhi bsnams pa ste/ thug pa dam tshig gi phyag rgya'o/ /de rnams tshogs pa ni sku phyag rgya chen po ste/ dang po'i sangs rgyas phyag bzhi pa bzhag pa'o/ /dkyil 'khor gyi lha gzhan des 'dre ste shes par bya'o/ /theg pa chen po ni gong gi po ti de rnams utpa la'i steng na bsnams pa ste/ des sdug bsngal thams cad gcod pa'i lam de theg pa chen po zhes bya'o/ /sdug bsngal ni nye bar len pa'i phung po lnga'o/ /mtshon cha chen po rdo rje chos zhes pa gong gi lam des sam/ ye shes kyi chos nyid kyis nyon mongs pa thams cad gcod pa de la de skad bya'o/ /rdo rje zab mo ni gnyis med kyi ye shes te/ skye ba med pa'i rang bzhin du shes pa'o/ /'dzin pa ni rgyal ba de rigs bzhi'i ye shes las rgyal ba/ dzi na dzi ka de rnam snang la bya/ rdo rje ni mi phyed pa de gnyis med las blo gros kyis ji ltar gnas pa bzhin rig ba yang many+dzu'o/ /pha rol phyin ba ni/ bcu mchod pa ni rdzogs pas rnams ni rab dga' la sogs pa bcu'o/ /kun gyi rgyan te sa dang po rab tu dga' ba la sbyin pa'i rgyan las bcu ye shes kyi brgyan gyi bar du'o/ /rnam par dag pa ni chos thams cad skye med du rtogs pa/ bdag med chos ni chos snang ba'i dus nyid na rang bzhin gyis cir yang ma grub pas/ mi snang ba dang 'dra ba'i snang ba la/ 'dra ba ces bya ste/ de yang rje btsun no/ /yang dag

  236. 118b

    ces pa thugs yang dag par ye shes nyid ye shes sems dpa' i thugs ka'i zla bar byung ste rje btsun no/ /brtson 'grus sgyu 'phrul zhes pa ni/ zag med kyi brtson 'grus zhes bya ba/ bya ba grub pa'i ye shes kyis sprul bas sgyu ma yang yin pa la drang ba ni 'brel pa'i don to/ /rgyud kun gyis ni bya ba sbyor ba'i rnal 'byor chen po bzhi'o/ /de'i rang bzhin nam bdag nyid du gyur pas rje btsun ni mchog go /de ni rnal 'byor phyi nang gnyis ka'i rgyud yin gsung/ rdo rje'i gdan ni ma lus ldan ni ye shes sems dpa' i skyil mo krung du bzhugs pa'i khungs sam/ yid mthun gnas su rnal 'byor pas de ltar bsdad na ting nge 'dzin skye ba'i dgos pa bshad pa ni man ngag go /ye shes sku rnams ni ye shes lnga chos nyid byang chub sems dang drug ro gcig pa ma lus par tshad pa rje btsun no/ /rje btsun de la ni nyon mongs ba'i dri ma med pas kun tu bzang po zhes bya/ dri ma med pa'i blo gros dang ldan bas blo gros mi zad ces bya'o/ /sa'i snying po ni snod kyi 'jig rten te rje btsun no/ /'gro ba ni rigs drug ste/ bcud kyang 'jig rten no/ /de yang lugs gcig gis snod dang bcud rje btsun gyi sprul par 'dod pa dang/ lugs gcig gis snod bcud las kyi 'gro ba ni/ rje btsun min la chos nyid kyi ngos nas rang bzhin 'jam dpal yin zer ba dang/ snod bcud rje btsun rang yin par 'dod pa dang gsum las 'dir snod bcud rje btsun rang bzhin par bzhed de/ sna tshogs kyi rang bzhin btsal na mi rnyed/ skye med dam pa rtags tshod du kun rdzob sna tshogs rgyun mi 'chad rgya ma chad pa'o/ /de gnyis med de/ de nyid 'dzin pa yang 'jam dpal lo/ /de yang gcig gis stong nyid gang yin pa/ de ni kun gyi stong nyid yin zhes te/ de lta bu yang rje btsun no/ /de ka na sangs rgyas thams cad kun gyis bskyed bas rgyu ste/ snying po che zhes bya'o/ /sprul pa'i 'khor lo zhes ba 'jig rten las 'das pa'i dkyil 'khor sna tshogs sprul pa ste/ dkyil 'khor bdun gyi lha la

  237. 119a

    bya'o/ /de 'chang pa yang rje btsun no/ /dngos po zhes pa chos thams cad kyi rang bzhin gnyis med de yin pas mchog ces bya'o/ /de'i rang bzhin 'dzin pa yang rje btsun no/ /skye med ces pa don dam du skye med du snang yang/ kun rdzob du sna tshogs kyis gzhan don byed de yang rje btsun no/ /mtshan nyid la gnyis su med pas chos sku ngo bo gnyis med de rje btsun 'chang zhe'o/ /shes rab chen po skad cig la zhes pa ni chos thams cad skad la rnam par 'byed pa'i shes rab chen po'i skad cig gis zhes bya'i dkyil 'khor ma lus par khong du chud pa yang rje btsun no/ /chos kun mngon par rtogs pa ste zhes pa ni shes bya ji snyed pa rtogs pa yang rje btsun no/ /thub pa ni yang dag bden pa de bzhin nyid thub pa'o/ /blo mchog ni mtshan dbyer med du shes pa'o/ /'byung po ni 'ba' bces mi mthun pa'i dngos po sel ba'o/ /mi g.yo ba ni bying rgod kyis mi g.yo la/ dang po ni ting nge 'dzin gyi dri ma gnyis med pa'i bdag nyid kyi rje btsun no/ /rdzogs pa ni bla na med pa yang dag par rdzogs pa'i sangs rgyas kyi byang chub 'dzin pa yang rje btsun no// sangs rgyas kun gyi zhes pa dus gsum sangs rgyas kun gyi de kho na nyid mngon sum du myong ba yang khyod legs so zhes pa'o/ /ye shes me lce ni gnyis med kyi ye shes me 'bar bas rtog pa thams cad bsreg pa'o/ /'od 'bar ba ni 'od 'phro ba ste man ngag gi dus kun tu'o/ /des khams gsum thams cad gsal bar byed pa'o/ /pad+ma las rigs te mtshan da lnga tshad do/ /de ltar na mtshan brgya bdun cu rtsa lnga tshigs bcad bzhi bcu rtsa gnyis pa te le'u brgyad pa rdzogs so// //'dod pa'i zhes rje btsun ni kun ci 'dod don du gnyer bar bya bas de skad bya'o/ /don ni rin 'byung la bya ste/ rje btsun nyid rin 'byung rigs su snang la/ de ni sbyin pa'i rang bzhin ser sna can gyi rang bzhin don grub par byed/ 'khor gsum yongs su dag pa'i sbyin pa la spyod pa'i

  238. 119b

    phyir dam pa'o/ /ngan song zhes pa de gyur pa'i rgyu dang/ 'bras bu thams cad spyod pa ni rje btsun te/ de'i thabs su ro bsreg la sogs pa gsungs so/ /de nyid kyis na mgon po zhes bya ste/ sems can thams cad kyi don la brtson pa'i phyir mchog ces kyang bya'o/ /sems can thams cad dang? grol byed ces bya ba/ sems can thams cad kyi don du bye brag dbang po rab 'bring dang sbyar nas theg pa gsum gyi lam gyis 'khor ba las sgrol bar byed do/ /de yang rje btsun no nyon mongs ni 'dod chags zhe sdang dang/ lta ba ma rig pa khong khro nga rgyal the tshom drug gi yul dang/ gcig po gnyis su med/ 'thabs pas nyon mongs pa 'joms pas de la dpa' bo zhes bya'o/ /mi shes pa ni gti mug sgra ni the tshom grags pa ni nga rgyal de rnams 'joms pas gong ma de skad bya'o/ /dpal ni gong du bshad do/ /blo ni dang po'i sangs rgyas kyi sa bon h+rI(rgyud 'grel): 'o/ /sgeg 'chang ba zhes pa byang chub sems yongs su rgyas pa ni sgeg la/ de bzhin gyi rje btsun gyis chos nyid byang chub sems rgyas pa'i bdag nyid 'chang ngo/ /brtan pa ni mi 'gyur zhing dpa' ba/ mi sdug? pa ni kho bo sku 'chang ba'o/ /lag pa brgya pa kun bskyod pa ni lag gar te/ nam mkha' thams cad du khyab pa'o/ /gom pa'i stobs ni rkang thabs so/ /g.yas brkyang la sogs pa gar byed pa'o/ /dpal ldan ni go bar de nyid lag pa brgya pa nam mkha' khyab par gar byed pa ni gar ro/ /sa gzhi'i khyon rkang pa ya gcig mthil gyis gnon pa rkang pa gyen la bzlog pa'i sen mos mos pa'i g.yul sa gnon pa yang many+dzu de nyid do/ /don gcig yan chad rin chen rigs kyi de bzhin gshegs pa'i rigs so/ /mtshan rtsa bzhi'o/ /don gcig gnyis med chos kyi don zhes pa gnyis med gcig pu de nyid chos thams cad kyi don no/ /dam pa ni don dam pa ste/ gsungs la thos pas don dam ste/ nam mkha' dang 'dra ba dang/ mkha' dang 'jigs

  239. 120a

    pa med pa'o/ /rnam rig ni 'dug pa'i tshogs drug /sna tshogs ni gzugs la sogs pa'i don rig pas sems can kun gzhi can/ rnam shes ni nyon mongs pa can gyi yid/ rgyud ni kun la yid de las tshogs des 'brel bas rgyud de yang many+dzu'o/ /dngos don ma lus rnams la dga' zhes pa ni/ gnas dang skye 'jigs yod med 'da' ba mnyam pa mthong ba la sogs pa'i 'jig rten pa'i tha snyad rnams la dga' ba yang de'o/ /stong pa nyid ni chos thams cad chos nyid stong pa nyid la dga' zhing spro chags pa de nyid la de skad bya'o/ /srid pa'i 'dod chags spangs pa ste/ zhes pa/ 'dod pa dang gzugs dang gzugs med pa la chags pa ni 'dod chags ste/ de las 'das pa ni spangs pa ste/ de yang rje btsun no/ /srid gsum dga' ba ni khams gsum po'o/ /lha ru sprul nas 'dul zhing dga' bar byed pas chen po'o/ /sprin dkar dag pa bzhin du dkar zhes pa ni ma rig pa'i dri ma med pa'i phyir ro/ /'di na man ngag tu ye shes sems dpa' bsgom pa'i sku mdog dang mtshan che ba'i yon tan du bltas te/ gdon pa'i bsgom khog dang sbyar te/ sku mdog dang rgyan 'di rnams dang ldan pa'i ye shes sems dpa' nyid bud+d+ha thams cad kyis brgyan nam/ yang na ye shes sems dpa' nyid sprul sku'i rgyan dang ldan par bsgom mo zhe'o mnyam nyid me long lta bu'i mtshan nyi shu 'jig rten khams brgya kun bskyod ba ces pa ni/ sa dang po la sogs pa'i yon tan zhing khams brgya sbyong ba la sogs pa'o/ /rdzu 'phrul gyi rkang pa bzhi'i stobs kyi pha rol zil gyis gnon pa yang de'o/ /de nyid dran pa chen po 'chang zhes pa rigs bsdus su dngos po'i gnas lugs bstan/ rdo rje rigs su de'i sku 'khor bstan/ pad+ma'i rigs su blo gnas pa'i thabs bstan/ 'dir snying po'i don bstan te/ de nyid dran pa'i man ngag gzhan du shes so/ /rje btsun de nyid do//

  240. 120b

    dran pa ni ma brjed pa ste 'chang ba'o/ /dran pa bzhi po lus ltar dran/ /sems stong pa de bde bar dran no/ /byang chub ni yan lag bdun/ me tog spos de'i 'bras bu de sems tshim pa'o/ /mchod pa yang 'dis zin no/ /de bzhin gshegs pa'i yon tan ni chos ma 'dres pa bco brgyad la sogs pa ste/ mang bas mtsho'o/ /man ngag tu mtshan che ba'i yon tan dang sbyar ro/ /lam gyi yan lag ni yang dag pa'i lta ba la sogs pa/ tshul ni thabs de rigs pa ni rje btsun no/ /man ngag tu chu sbyin la sogs pa'i yan lag dang/ chags lam/ grol lam smin lam rnams sbyar ro/ /yang dag sangs rgyas lam rig pa zhes pa ni rang gi yang dag pa'i don de rig pa 'am/ gzhan la lam de ston pas de la de skad bya'o/ /sems can kun la shas cher chags zhes pa ni/ kun rdzob du bsdus pa'i dngos po bzhis sems can gyi don la chags pa'o/ /nam mkha' lta bur chags pa med ces pa don dam du rje btsun de la chags pa med de stong pa nyid kyi phyir ro/ /sems can kun gyi yid la 'jug ces pa sems can thams cad byang chub kyi snying po can gyi rang bzhin yin pas so/ /mgyogs pa ni sems can thams cad kyi sems rnam pa shes la/ dus gcig tu rje btsun 'jug pa'o/ /dbang don shes ni rab 'bring tha ma'i don shes pa'o/ /yid 'phrog pa ni skal ba dang ldan pa bzhin du chos bstan pas gdul bya'i yid 'phrog pa'o/ /phung po lnga'i don chos nyid du shes pa yang rje btsun no/ /rnam dag phung po lnga 'chang ba ni rang kha ma dag nas/ tshul khrims dang ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba'i phung po lnga tshang ba de'o/ /nges 'byung kun ni 'jig rten pa'i nges 'byung dang/ 'jig rten las 'das pa'i nges 'byung gis mthar phyin pa ni de'o/ /nges 'byung kun la mkhas pa ni nyan thos kyi nges 'byung zhib mor mkhyen no/ /nges 'byung lam la gnas pa ni rang rgyal gyi lam la gnas pa'o/ /nges 'byung kun gyi lam ston pa ni rdzogs pa'i byang chub ste

  241. 121a

    de rnams rje btsun no/ /mnyam pa nyid kyi ye shes so/ /mtshan nyi shu pa'o/ /yan lag ni rten 'brel lugs dang/ lugs las bzlog pa yang 'khor ba'i srid pa'i rtsa ba bton pa yang de'o/ /dag pa ni skye mched bcu gnyis gzung 'dzin gyis dbyen rje btsun 'dzin no/ /bden pa bzhi ni sdug bsngal gyi bden pa la sogs pa nyan thos kyi nges 'byung yang de'o/ /shes pa brgyad po ni chos pa dang rjes su shes pa dang/ sdug bsngal shes pa kun 'byung 'gog pa lam zad pa mi skye ba shes pa ste/ de rnams rtog pa yang rje btsun no// bden don rnam pa bcu gnyis ni bden pa re re la gsum gsum bcu gnyis kyis chos kyi 'khor lo bskor ba'o/ /de nyid rnam pa bcu drug ni bden pa re re la mi rtag sdug bsngal stong pa bdag med bzhi bzhi ste/ der phye nas rig pa yang rje btsun no/ /rnam pa nyi shu byang chub ces/ pa phung po lnga la so sor rtog pa ye shes kyi byang chub mngon du byas shing brtags na gzugs nyid bdag ma yin/ gzugs la bdag med/ /bdag nyid gzugs ma yin/ bdag la gzugs med do/ /de bzhin bzhi la sbyar te/ de yang rje btsun no/ /rnam pa kun rig ces pa rje btsun ni shes bya kun rig pa'i mchog go /bud+d+ha'i sprul sku dpag med kyang rje btsun no/ /man ngag tu spros las byas bsdus bstan sbyar ro/ /skad cig thams cad mngon par rtogs zhes bya ba ni dus kyi skad cig la bden pa bzhi la chos bcu drug tu shes pas rgyun tu zhugs rtogs pa yang de'o/ /sems kyi sems can gyi sems kyi skad cig don kun mkhyen pa yang de'o/ /theg pa sna tshogs ni nyan thos la sogs pa thabs sam tshul ni lam mo/ /des 'gro ba'i don byed pa la spro ba ni sogs pa ste/ de yang rje btsun no/ / theg pa gsum ni 'dul ba'i dbang gis nyan thos dang rang rgyal dang/ byang chub sems dpa' i theg pa ste/ de dang de'i lam gyis de dang de'i 'bras bu nges par 'byung la/ don dam par ni theg pa gcig ces pas gsang sngags bla na med pa ste/ rnal 'byor chen po'i theg

  242. 121b

    pa pas/ 'bras bu bla na med pa'i sangs rgyas la gnas so/ /nyon mongs khams rnams ni mig gi khams la sogs pa khams bco brgyad gzungs 'dzin dag ba'i bdag nyid ni rje btsun no/ /las kyi khams ni khams gsum ste/ 'jigs pa dang zad par byed pa yang de'o/ /chu po rgya mtsho kun las rgal zhes 'dor pa dang/ sred pa dang/ lta ba dang ma rig pa dang bzhi ni mang bas rgya mtsho ste/ de las brgal ba ni rje btsun no/ /rnam shes don ni 'gag par byed ces sbyor ba'i sems tsam la snyoms par 'jug pa ste/ de nyid shes dka' rgal dka' bas sgom par sbyor ba ste mthar phyin pa las byung ba ni rje btsun no/ /nyon mongs pa ni drug ste/ nye ba'i nyon mongs pa ni nyi shu rtsa bzhi/ kun nas nyon mongs pa bdun mngon du gyur bag la nyal ba'i bag chags dang bcas par gtan du spangs pa ni rje btsun 'jam dpal lo/ /mnyam pa nyid kyi so sor rtog pa'i mtshan nyi shu pa'o/ /snying rje chen po shes rab thabs shes pa thabs ni thugs rje chen po ste/ kun rdzob du gzhan don shes rab don dam pa ste/ stong pa nyid go don yod 'gro ba'i don byed pa zhes zhes pa ba'i don byas pas don dam dgos pa yod do zhe'o/ /'du shes kun gyi don spangs shing zhes pa 'du shes med pa'i snyoms par 'jug pa dang/ 'du shes med pa dang 'gog pa'i snyoms par 'jug pa 'di gsum gyi mi mthun pa spangs pa ni rje btsun no/ /rnam shes don ni 'gag bar byed ces pa ni/ skye mched mu bzhi srid pa'i rtse mo dang lnga'i don shes pas 'bras bu der skye bas de'i mi mthun pa'i phyogs dag par byed de de yang rje btsun no/ /sems can kun yid ni sems kyi nyon mongs pa can yid la longs spyod pa'i phyir na yul de nyid las spyod pas ldan te de yang rje btsun no/ /sangs rgyas shes pa dus gsum gyi bud+d+ha'i thugs ni chos kyi dbyings so/ /de rigs pa ni rje btsun no/ /sems can kun gyi yid la gnas zhes pa de'i sems kyi dkyil na rje btsun bzhugs so/ /de dag sems dang ldan

  243. 122a

    par 'jug ces pa stong pa nyid de dag sems can gyi sems dang mthun par 'jug ste/ gnyis med do/ /sems can yid tshim par byed ni kun la zag med kyi bde ba ster te/ de yang rang bzhin nam ngo bos bde ba ster ba de many+dzu'o/ /sems can gyi yid dga' ba ni zag med kyi bde bas 'dod la thams cad ster ba thig le stong pa yi ge drug ces pa 'dir man ngag tu 'jam dpal bA gI shwa ri mum zhes pa dag gi dbang phyug gi sgrub thabs dang/ de'i bskyed rim gyi sgo nas mtshan che ba'i yon tan du bltas te/ 'don pa gnyis te de ni man ngag du shes par bya'o/ /de la thig le na sa bon ste mun? stong pa ni don dam pa ste/ ye shes kyi tshogs de yang rje btsun no/ /rnam pa kun ldan ni bud+d+ha'i mtshan dpe dang/ bud+d+ha gzugs sku de dang ldan pa ste/ rnam med ni don dam du mtshan dpe btsal na yon tan cir yang mi dmigs te/ btags tshod kun rdzob du rgyun mi 'chang mi 'bral bas rnam bcas so/ /don dam du med pas rnam med des 'bras bu bud+d+ha'i sa ni rnam pa thams cad dang ldan pa'i rnam med do/ /de bzhin du 'di ltar snang ba la yang zab dang rgya che ba gnyis sbyor/ bcu drug phyed phyed tshig rkang gsum la phra thig gi bsgom pa lus la 'khor lo bzhi bsgom pa ston te/ spyir na rten sa lha'i 'khor lo/ /'khrul 'khor las kyi 'khor lo/ /snying ga shes rab kyi 'khor lo/ /lus gnas rtsa'i 'khor lo las 'dir lus gnas rtsa'i 'khor lo ston te/ de yang shes rab kyi 'khor lo snying ga shes rab kyi 'khor lo/ /mgrin pa shes rab kyi 'khor lo mtshogs ma shes rab kyi 'khor lo rnams bsregs pa dang gso ba'i sgo nas bsgom ste/ bla ma'i lung las mi 'da' ba' i phyir 'dir mi 'grel lo/ /de man ngag tu shes par bya'o/ /bcu drug ni A li phyed ni brgyad/ de'i phyed ni bzhi ste/ a ring thung bzhi ste/ /tha lte ba las pa'i 'khor lo/ /thig le ram ma btsud tsam gyi bar du bsam pa'i don to/ /

  244. 122b

    bsam gtan bzhi ni tsakra sde bzhi'o/ /rdo rje rtse mo ni de'i 'od kyi rtse mo dmar po 'bar pa can no/ /des bsregs pa dang gso ba'o/ /rtsis las 'das pa ni yod med rtag chad gcig du ma/ dngos dang dngos med kyi rnam rtog gi rtsis las 'das te mi rtog pa'o/ /yan lag med pa ni 'bras bu spros med thob pa zhe'o/ /bsam gtan ni dang po gnyis pa gsum pa bzhi pa'o/ /yan lag ni rtog dpyod me dang 'dra/ yang na g.yo ba rlung dang 'dra/ dga' bde chu/ brtan pa sa la sogs pa'i yan lag rim pa bzhin yod pa de shes pa yang many+dzu'o/ /ting nge 'dzin ni gong ma de bzhi'o/ /rigs ni rjes su grub pa dang/ ma grub pa lugs gnyis te/ grub pa ni sems tsam pa'i rigs lngar 'dod de/ /nyan thos dang rang rgyal byang chub sems dpa' ni de dang der thob par 'dod/ ma nges pa gang du yang skye bar ma nges pa la rkyen dbang du 'gro /rigs chad pas de tsho gang yang mi 'grub zer ro/ /dbu ma pa rigs la rdzas su grub pa med de/ 'di na snod med gang med ces pa ste/ nyan thos dang rang rgyal gyi ni theg pa chen po'i lam stegs su 'dod de/ de yan chad las ni rigs kyi de bzhin gshegs pa'i rigs kyi mtshan bcu dgu'o/ rgyud rigs pa ni gong ma de rnams kyi rigs gang du skye ba yang rje btsun gyis rig pa'o/ /ting 'dzin lus can lus kyi mchog ni chos sku'o/ /longs spyod rdzogs sku ni byang chub sems dpa' i dbus na rgyal po lta bu ste/ de yang rje btsun no/ /sprul sku ni 'jig rten pa'i sku kun gyi mchog ste/ de gsum yang rje btsun no/ /rje btsun de dus gsum ka'i bud+d+ha mar me mdzad la sogs pa bskal pa bzang po'i sprul pa'i bud+d+ha thams cad kyi gdung rgyud mi gcod cing 'chad pas de skad bya'o/ /phyogs bcu zhes pa'i tshig gnyis ni/ mtshan gsang sngags su lta ba dang/ dkyil 'khor bskyed pa'i dus su sprul pa'i sku spro ba'i don las gnyis byed pa dang bsdu ba dang bstan pa'i man ngag go /lha'i dbang po ni khyab 'jug lha'i bla ni sa bla ste tshangs pa po ni rnam par snang byed

  245. 123a

    zer/ /lha min bdag rA hu la/ 'chi med dbang po brgya byin lha'i bla phur bu 'joms byed tshogs bdag glang sna/ 'joms byed ma hA de ba ste/ 'jig rten pa'i lha chen po brgyad po de yang rje btsun gyi sprul pa yin pas dbang phyug ces pa'am/ yang de tshol dbang phyug ces pa 'am yang de tsho la dbang bsgyur ba ni rje btsun no/ /srid pa ni 'khor ba'i dgon pa ni brgal ba'o/ /de las rgal bar dka' brgal ba yang rje btsun no/ /ston pa ni sems can gyi don du chos ston pa'o/ /gcig pu zhes bya ste/ gnyis su grub pa mthar phyin ni don brtsams pa mthar phyin no/ /'khrul pa ni gtan la ma phebs pa ste/ rje btsun la med do/ /'dir drug sgeg pa'i rdo rje'i 'grel pas grub pa mthar phyin pa'i man ngag go /zhes gsungs te/ gnyis med sus kyang ma byas ma bcos pa de gzhan gyi rgyud la rtogs pa skyed pa ni man ngag go yang dang yang du goms par byed pa ni lam mo/ /goms pa mthar phyin pa ni 'bras bu'o/ /nor pa sarba rnam par spangs pa ni ji ltar gnas pa'i don nyid phyin ci ma log par shes pa'o/ /don gsum ni don gsum mo de many+dzu'o/ /the tshom med pa'i blos shes par bya'o/ /kun don ni kun g.yo thabs kyi rje bo rje btsun no/ /yon tan gsum ni rdul mun pa snying stobs kyi bdag nyid kyang rje btsun te/ de yang snying stobs mun pas kyang gang phyir sems can don 'gyur bzhe'o// phung po lnga don dus gsum du zhes pa gzugs la sogs pa yang dus gsum gyi bsdus pa'i phyir/ mu stegs kyi brtags pa bsal nas nyan thos kyi bdag med tshol ba'o/ /skad cig thams cad bye brag byed ces pa rgyu'i skad cig gis dus ni sbyin pa dus su byin pa/ 'gyod pa med pa yid du 'ong/ sbyin pa rnam par smin pa la mi 'bebs 'bras bu'i skad cig la thos bsam bsgom gsum las byung ba'i shes rab kyis chos thams cad shes pa'o/ /des na skad cig ma la spangs pa dang ye shes phun sum tshogs pa

  246. 123b

    thob pas rdzogs sangs rgyas zhes bya'o/ /sangs rgyas kun gyi rang bzhin 'chang zhes pa ste/ sku gsum gyi bud+d+ha kun gyi rang bzhin nam/ chos skul ni bzang ngan med kyi sprul sku la ni yod do/ /de ltar yang mdo las sangs rgyas thams cad tshogs dang ni/ chos sku 'gro ba'i don byed par/ /mnyam pa nyid de sku tshe dang/ /rigs dang sku bong tshod kyis min zhes te/ bud+d+has tshogs bsags pa dang/ chos sku dang 'gro ba'i byed pa la mnyam la/ tshe dang rigs dang/ bong tshod ni mi mthun cing mi mnyam mo/ /lus med pa ni chos kyi dbyings kyi lus yin pas tha mal gyi lus med la/ de'i lus de ni lus kyi mchog go /lus kyi mdza' ni spros pa'i lus thams cad chos kyi lus su rtogs pa ste/ de'i phyir sprul pa'i gzugs tshogs gdul bya kun tu ston zhe'o/ /nor bu chen po ni khams gsum chos kyi rgyal por dbang bskur ba'i ngo bo bas de la de skad ces bya la/ rin chen tog ni sbyin pas gdul bya thams cad rdzogs par byed pas rje btsun la de skad bya'o/ /de yan chod ni rin po che'i rigs kyi mtshan brgya rtsa bzhi ste/ /le'u dgu pa rdzogs so// //sangs rgyas kun gyi rtog bya ba ni dpal de kho na nyid bsdus pa las 'byung dang byung bas grub pa'o/ /sangs rgyas thams cad khyod la brten zhes pa ste/ sangs rgyas kun gyis shes par bya ba'i rgyu 'am/ mngon du bya ba'i rgyur 'dug pas rje btsun la de skad ces bya'o/ /bud+d+ha kun ni mu stegs can bkag pa ste/ nang pa la bud+d+ha'o/ /byang chub ni nyan thos dang rang rgyal dang/ byang chub sems dpa' i byang chub gsum mu stegs las khyad yod pas bla na med do/ /yang na bla na med ni 'og ma'i byang chub la bltas nas sngags kyi theg pa ni khyad par 'phags so/ / gsang sngags 'di 'jig rten pa'i gsang sngags khyab 'jug ma hA de bas/ 'das pa'i gsang sngags mi bskyod pa la sogs pa lnga yang rje btsun no/ /de nyid dang de 'byung ba'i phyir ro/ /don dam du brjod pa dang bral bas yi ges mtshon du med do//

  247. 124a

    gsang sngags chen po ni rig gsum ste/ rnam snang sku mi bskyod pa thugs snang ba mdza' yas gsung ste/ de yang rje btsun no/ /yang gsang sngags ni sgo bzhi'i don kun bskyed/ 'byin sprul pa yang rje btsun no/ /thig le chen po ni A li kA li ste kun rdzob tu de dang der byung/ don dam yi ges mtshon du med do/ /stong pa ni nang la sogs pa bcu drug ste/ 'dzin pa'i sems la sogs pas stong pa'i phyir na chen po ste rje btsun no/ /yi ge lnga ni rnam snang gi sa bon yi ge a dang mi bskyod pa'i hUM rin 'byung oM/ /snang ba mdza' yas h+rI/ don grub kyi a(rgyud 'grel): ste/ yi ge de lnga ni lag pa byin gyis rlob pa dang/ maN+Dal dang sAts+tsha'i rab gnas dang/ mi zab pa'i slob dpon gyi thig tshon brlab pa'i dus dang/ lngar sbyar bas so/ /med pas yid dga' 'o/ /'gro ba rnams kyi nang na bla ma zhes kyang bya'o/ /de yan chod rdo rje rigs kyi mtshan bcu dgu'o/ /'jig rten ni gsum mo/ /phyogs ni bcu ste/ 'og la sogs pa thams cad du rje btsun ni rab tu grags so/ /cis grags zhe na/ sbyin bdag ces pas chos kyi sbyin pa btang pas de nyid brtan pa g.yo thams cad khyab bdag nyid chen po zhes bya'o/ /de la ni dpa' bo zhes bya ste/ ci'i phyir zhe na byams pa'i khrab? gyon snying rje'i lag bcug shes rab kyi mtshon thogs nas nyon mongs pa dang 'thab ste/ ma rig pa'i g.yul ngo de bsal nas bdud bzhi'i dgra btul te/ /de'i 'jigs pa bsal zhing/ bdud kyi dpung gi tshogs pham par byed pa 'am/ de bzhin du b+ha ga bAn gyis rdo rje gdan la bdud bzhi btul te/ de yang rje btsun no/ /'di la many+dzu 'jam dpal rnon po'i sgo nas blo 'phel bar bya ba'i man ngag tu lta'o/ /rdzogs pa ni rigs thams cad tshad zhing rdzogs pas bud+d+has 'gro ba thams cad 'dren pa 'jig rten 'dren zhe'o/ /rje btsun de la bstod par 'os te/ thos pa dang dran pa mthar phyin pa'i phyir ro/ /'jig rten

  248. 124b

    las 'das pas mchod pa'i 'os la lha dang bcas pa'i 'jig rten pas phyag bya ba'i gnas nyan thos la sogs pas ni rim gro bya ba'i 'os so/ /yon tan thams cad rdzogs pas byang chub sems dpas bskur bas 'os/ de yan chad rin chen rigs kyi mtshan bcu dgu'o/ /bud+d+ha thams cad kyis brjod par bya ba'i mchog go /rnal 'byor pas sgrub pa rnams kyis phyag bya ba'i 'os so/ /bud+d+ha thams cad kyi thugs las zhugs pas bla ma'i rab ces bya'o/ /'jig rten gsum po thams cad du gom pa gcig kho nas 'gro ba'i rdzu 'phrul mnga' bas gom gcig bgrod ce'o/ /mkha' ltar bdag med rnam par gnon zhes pa de thams cad du sems can gyi don byed pa'i phyir ro/ /gsum rig ni sde snod gsum ste/ /'dul ba mngon pa mdo sde gsum rig pa 'am/ yang na rig byed gsum rig pa 'am/ de 'don pa de yang rje btsun no/ /nyes skyon med pas gtsang zhing dag pa 'am/ dag pa'i rgyu yin te de yang rje btsun no/ /mngon shes drug ni lha'i mig gis mngon shes pa nas gzhan gyi sems shes pa la sogs pa dang ldan pa yang de'o/ /rjes dran drug ni bud+d+ha rjes su dran pa nas chos dang dge 'dun/ rdo rje dang khro bo dam tshig rjes su dran pa ste/ de rnams rim pa bzhin sku lnga dang/ ye shes 'khor lo dang rigs bdun dkyil 'khor gyi lha dang/ srung 'khor dang/ bdag bsrung ba dang dam tshig can gyi rten gyi gang zag rnams la rim pa bzhin sbyar ro// byang chub sems dpa' ni rang don la chags pa/ 'og ma ni gzhan don la chags pa ni nyan thos las rdzu 'phrul chen po ni bsod nams dang ye shes kyi tshogs rdzogs pa 'jig rten 'das pa ni 'khor ba'i chu bo las brgal ba'o/ /chos thams cad rab tu rnam par 'byed pa'i shes rab kyi mtshan nyid dang ldan pas mdza' 'o/ /shes rab kyi ni gnyis med kyi ye shes brtsi/ de mngon du gyur pa ni thob pa'o/ /bdag gis de nyid rig pas gzhan yang rig ste/ gzhan rig ni brtags pa ste/ nyal bar kyang de nyid sprul pa'o/ /de yan chad

  249. 125a

    pad+ma'i rigs kyi mtshan bcu dgu'o/ /thams cad kyi thams cad kyi rang bzhin gyi rig pa'o/ /kun ni thams cad la phan pa byams pa de'i phyir gang zag mchog ce'o/ /de ni dper bya ba las mtshon du med do/ /shes pa ni gzung ba zhes bya ni 'dzin pa ste/ de'i bdag por gyur pas rab mchog ces bya'o/ /gtso bo ni 'gro bar bya ba'i mchog go /chos kyi sbyin pa ni skal ba dang mtshan par btang bas bdag po zhes bya'o/ /phyag rgya bzhi dam tshig dang chos dang las dang/ phyag rgya chen po'o/ /don ston pa yang de'o/ /de ni 'gro ba rnams kyi bsnyen bkur bya ba'i mchog go /nyan thos rang rgyal byang chub sems dpa' i des/ 'byung ba gsum gyi tshul kyang de'o/ /don gyi dam pa rnam dag dpal zhes pa don dam par chos thams cad dag pa'i dpal dang ldan pa'o/ /'jig rten gsum na skal bzang che zhes pa sems can thams cad kyi don byed nus pa ni skal pa bzang pa ste/ nyan thos skal ngan dang khyad do/ /dpal ldan ni skal ba phun sum tshogs pa dang ldan pa/ 'byor pa ni 'jig rten pa dang 'jig rten las 'das pa'i phun sum tshogs pa kun gyi ngo bo bas de la de skad bya'o/ /de yan chad kyis mtshan gyi yon tan thams cad dang ldan pa ni 'jam dpal te/ dpal dang ldan pa'i mchog khyod lags so zhes bstod pa'o/ /de yan chad kyis las kyi rigs kyi mtshan brjod bcu dgu la mtshan go lnga tshigs bcad bco lnga ste le'u bcu pa rdzogs so// //de ltar de yan chad du rgyud rgyas pa las rigs bsdus pa dang/ bye brag pa'i lnga tshan brgyad brgya sum cu rtsa gnyis kyis bstan nas/ da ni rgyud bsdus pa bstan pa'i phyir/ mchog sbyin rdo rje zhes pa la sogs pa'i tshigs bcad lnga gsungs te/ de la mchog sbyin zhes pa sangs rgyas dang byang chub gsol ba ni mchog gi sbyin pa ste/ de ltar byon pa la mi phyed pa ni rdo rje'o/ /de nyid kyis na mchog tu gyur pa ni don dam pa ste khyod lags so zhes pos shing de la mos dad 'dun zhes bya'o//

  250. 125b

    yang dag mthar gyur ni yon tan yang dag pa'i mthar byin pa ni rje btsun khyod lags zhes pa ste/ de bzhin nyid du gyur pa'o/ /stong nyid las byung ni a ste/ skye med las byung ba 'am yang na stong pa nyid kyi snying po bdag nyid can cig rje btsun khyod lags so zhe'o/ /de bzhin du sangs rgyas dang byang chub kyang khyod lags so zhes pa ste/ rdo rje rigs kyi mtshan bsdus pa'o/ /sangs rgyas chags pa zhes pa rje btsun khyod ni sangs rgyas chags pa can zhig lags zhes bstod de/ gang la chags zhe na/ rang rig pa'i ye shes kyi chos nyid stong pa la chags la/ thabs thugs rje chen pos 'gro don la chags pa yang khyod lags so zhe'o/ /sangs rgyas 'dod pa zhes pa khyod ni 'dod pa can gyi sangs rgyas cig lags so zhes pa ste/ khams gsum sems can thams cad sangs rgyas sa la 'don par 'dod pa 'am/ sangs rgyas nyid thob par 'dod pa'o/ /sangs rgyas dgyes pa ni de kho na nyid kyi don la dgyes pa yang khyod lags so/ /sangs rgyas rol pa zhes pa rol pa ni cho 'phrul sna tshogs/ de dgyes pa yang khyod lags so zhes bstod pa ste de bzhin gshegs pa'i rigs kyi mtshan bsdus pa'o/ /sangs rgyas 'dzum pa ni de kho na nyid thugs su chud pas zhal gyi pad+ma bye ba'o/ /sangs rgyas bzhad pa ni zab mo rmad du byung ba'i don thugs su chud pa de byang chub sems dpa' rnams la ston pa'i rtags su 'od zer spro ba'o// sangs rgyas gsung nyid ni bzhi ste/ khro bo'i gsung shin tu drag tu 'don pa ste/ rdo rje rigs kyi 'don lugs dang/ gsal ba'i gsung ste/ rin chen rigs kyi mtshan nyid shin tu tshig gsal bar 'don pa'o/ /phra ba'i gsung ni shin tu phra zhing gad pas? snyan par 'don pa ste/ pad+ma'i rigs kyi mtshan 'don lugs so/ /rdo rje'i gsung ni dpal de kho na nyid bsdus pa las mchu dang mchu gnyis mnyam par sbyar/ /rdo rje'i tshig ni sgra med pa'o zhes gsungs te/ sus kyang ma thos par 'don pa'o/ /de bzhin

  251. 126a

    gshegs pa'i rigs ni rdo rje'i rigs dang sbyar ro/ /gsung de rnams kyi sgo nas sangs rgyas kyi chos gsung yang rje btsun khyod lags so/ /sangs rgyas thugs la zhes pa sangs rgyas thugs kyi rang bzhin du gyur pa 'am/ yang na thugs mtshan rdo rje dang rin po che dang/ pad+ma dang rgya gram gyi rang bzhin du yang rje btsun khyod 'byung ngo zhe'o/ /des ni pad+ma'i rigs kyi mtshan bsdus pa'o/ /med pa ni dngos po med pa las byung zhing shar ba yang khyod lags so zhe'o/ /sangs rgyas 'byung ba ni dus gsum gyi sangs rgyas thams cad khyod las byung ba lags so zhe'o/ /nam mkha' dang mnyam pa'i ye shes las byung ba'i sangs rgyas yang khyod lags so zhe'o/ /gnyis med kyi ye shes las byung ba yang rje btsun khyod lags so zhe'o/ /yang rje btsun las byung ba ni ye shes so zhes te/ rin chen rigs kyi mtshan bsdus pa'o/ /sgyu 'phrul ni mchod pa'i sprul pa thams cad ston par mdzad pa ni rje btsun no/ /dran pa ni gnyis med kyis 'brel ba'o/ /sangs rgyas rol ston te/ dag rgyud de gang zhe na sarba d+harmmA zhes pa phung po la sogs pa'i chos gang yin pa de thams cad do/ /ya tu ta ni phung po la sogs pa yongs su dag pa ste gang yin zhes pa ni/ sarba ta thA ga ta dz+nyA na kA ya many+dzu sh+rI pa ri shud+d+hi te zhes te/ phung po la sogs pa'i chos thams cad de bzhin gshegs pa thams cad kyi ye shes kyi sku 'jam dpal du yongs su dag go zhes pa'i don to/ /mu pA dA ye ti zhes pa bzung ngo/ /mi btang bar khas blang ngo zhes pa'i don to/ /rang bzhin lhun grub de sngags ngos bzung rgyu 'am/ khas blang rgyu de rang gang zhe na/ a A nas A'i bar gyi sngags brjod bya nyid lhun gyis grub pa 'am/ brjod pa lhun gyis grub pa'i rtogs pa skye ba'i phyir/ sngags 'di ni rang bzhin lhun gyis grub pa'i sngags zhes bya'o/ /'di ni lha thams cad kyi thun mong sngags zhes kyang bya/ 'dzab sngags dang phreng

  252. 126b

    sngags zhes kyang bya/ sgrub sngags dang las sngags zhes kyang bya/ ye shes sems dpa' i sku sngags zhes kyang bya/ rgyud thams cad kyang 'dir 'dus te/ a A nas bA gI shwa ri'i bar du rigs bsdus pa dang/ byang sems rdo rje dang rdo rje'i rigs dang/ de bzhin gshegs pa'i rigs dang/ pad+ma'i rigs dang las kyi rigs dang/ rin po che'i rigs rnams rim pa bzhin du 'dus pa'i phyir ro/ /de la a ni chos thams cad thog mar yang a las byung zhe'o/ /a'i bar du yang a'i rang bzhin du gnas so zhe'o/ /a tha ma ni tha mar yang chos thams cad a'i rang bzhin du nub bo zhes pa'i don de thams cad nas thams cad as bzung a la gnas a rgyu ste/ don du gnyer rgyu yang a gcig las med ye byar bya rgyu yang a gcig pu las med do/ /zhes pa'i don to/ /de la sarba ta thA ga ta na/ de bzhin gshegs pa thams cad h+ri? da ya thugs ha ra ha ra na 'phrog pa 'am 'thor ba/ oM hUM h+ri(rgyud 'grel): sku gsung thugs b+ha ga bA na na bcom ldan 'das so/ /dz+nyA na murti na ye shes spyi gtsug bA gI shwa ra na ngag gi dbang phyug go /ma hA pA tsa mi g.yo ba chen po 'am yang na smin pa chen po ste slob ma dbang gis smin par byed pa'o/ /de ltar slob ma smin par byas nas sarba d+harmmA yan chad lam rdzogs rim dang sbyar ba ston te/ de yang gong gi mi g.yo ba de gang las ma g.yos zhe na/ sarba d+harmmA na chos thams cad ga ga na nam mkha' lta bu/ ma las su dri ma med pa pa ri shud+d+ha na yongs su dag pa d+harmma d+ha tu na chos kyi dbyings/ dz+nyA na ye shes/ garb+ha na snying po che/ chos thams cad nam mkha' lta bur dri ma med cing yongs su dag pa chos kyi dbyings kyi ye shes kyi snying po can du bsgoms zhes pa'i don to/ /de ltar rgyud 'di dbu zhabs kyi don dang thog ma yang a las byung nas tha mar yang a la rdzogs pas zab mo skye med ston pa'i rgyud gcig yin par shes par bya'o/ /rgyud shin tu bsdus pa rang bzhin lhun grub gyis sngags 'di bklags pa dang/ bton pa dang/ bzlas pas kyang rgyud

  253. 127a

    rgyas par bton pa dang/ 'dra bar 'gyur te 'di ni gang zag bsdus pa la dga' ba'i don du gsungs so/ /de la rgyas bsdus ni mngon par rgya che chung gi khyad par ro/ /don la ni che chung med par shes par bya'o/ /le'u bcu gsum pa rdzogs so// //da ni rgyud nye bar bsdus pa bstan pa'i phyir/ de nas zhes bya ba la sogs pa gsungs te/ rgyud rgyas pa dang bsdus pa dang/ shin tu bsdus pa dang gsum ste/ rdzogs pa'i rjes de ma thag kho nar phyag na rdo rje 'chang lnga brgya'i grogs dang bcas pas gsang bstod mdzad de/ de yang gsang bstod pa gang la bstod gang gi sgo nas bstod/ gang gis bstod/ tshig gis khyad par ci 'dra bar bstod ce na/ bstod pa ni bcom ldan 'das la phyag na rdo rjes dga' zhing mgu ba'i tshul gyis mgon po zhes bya ba la sogs pa ye shes rnam pa bzhi'i sgo nas bstod de de la mgon po ni me long lta bu'i ye shes kyi sgo nas bstod/ bcom ldan 'das ni so sor rtog pa'i ye shes de bzhin gshegs pa ni bya ba nan tan rdzogs sangs rgyas mnyam pa nyid kyi ye shes kyi sgo nas bstod de/ ye shes bzhi'i bdag rgyan cha lugs gos nyams sna tshogs dang/ pho mo'i rol pa bstan pa yang khyod lags so zhe'o/ /thams cad thams cad ni srid pa'i rtse mo nas dmyal ba yan chod la 'dud pa 'am/ yang na de thams cad kyi rang bzhin khyod yin zhes bstod pa'o/ /ye shes sku nyid ni ye shes kho na las mi gzhan pa de bsten pa'i sku zhes rje btsun la bya ste/ yon tan de rnams dang ldan pa'i rje btsun la 'dud do/ /bstod ces bya ste/ las kyi rigs kyi mtshan bsdus pa'o/ /de ltar na rgyud bsdus pa ste/ le'u bcu bzhi pa'i don rdzogs so// //bcu gnyis pa phan yon gyi le'u shin tu sla bas 'dir ma bkrol ba ste/ dkyus su brtag go /da ni bcu gsum pa shes rab kyi 'khor lo sngags dgod pa'i rim pa ston te/ de yang oM nas

  254. 127b

    a'i bar gyi sngags tha ma ni 'don pa dang/ 'khor lo la dgod pa'i kho na'i sngags las bzlas par byed do/ /pra kri nas ya te'i bar du ni sngags rang yang min par 'dod de/ bzlas pa dang dgod par yang mi byed do/ /sngags 'og ma bzung ba 'am/ khas blangs pa'i dam bcar 'dod do/ /a A nas a'i bar sngags tha ma'i bar du 'dod pa dang/ 'khor lo dgod pa gnyis gar 'dod do/ /de la oM zhes pa ni sngags kyi dam bca' ba dang/ bkra shis pa'i tshig tu 'dod do/ /rdo rje rtse nas kyang dam bcas pa dang bkra shis don/ nor 'dzin pa yi snying po yin zhes gsungs te/ oM zer phan 'og nas sngags gcig yod par shes te/ dam bcar dgrol oM ni ye shes lnga'i rang bzhin bde gshegs lnga'i sa bon du gnas pas bkra shis par 'gro ste/ drag po'i las la sbyor na ni/ oM ma phyung na bkra shis par yang 'gyur ro/ /de ltar ye shes lnga'i rang bzhin yin pas/ sangs rgyas thams cad kyi snying bskul ba yang oM mo/ sarb+ha d+harmmA na chos thams cad b+ha ba ces pa 'dir dngos po dang 'byung ba la 'jug la/ a b+ha ba ces pa as bkag pas rten 'brel bsdus pa'i 'di ltar snang ba'i chos thams cad dngos po med pa yin te/ dam bca' ba'i don to/ /swa b+ha ba na rang bzhin/ bi shud+d+ha na yongs su dag pa ste/ gtan tshigs ni rang bzhin gyis yongs su dag pa'i phyir ro zhes bya'o/ / rang bzhin yongs su dag pa gtan tshigs ma grub po zer na mngon sum dang/ rjes dpag gis grub po zhes bya'o/ /mngon sum gang gis grub/ rje dpag gang grub ce na/ dper na la rgyab kyi me dpog pa la mig gi dbang pos mngon sum du mthong ba'i du ba las me dpog pa bzhin du/ nga yang bla ma'i gdam ngag gi brtags la brten nas man ngag gi mig gi mngon sum du grub po/ /de la gal te du ba med do zer na mngon sum dang 'gal ba bzhin rang bzhin gyis yongs su dag pa gtan tshigs ma grub po zer ba yang man

  255. 128a

    ngag gi mig gi mngon sum dang 'gal lo zhe'o/ /tsak+Shu zer pas man ngag gi mig gi don to/ /a ni skye med kyi don te yod med kyi sgro 'dogs chod pas stong pa nyid kyis rnam par thar pa'i sgo'o/ /A ring po ni mtshan ma sna tshogs rang bzhin med pas mtshan ma med pa'i rnam par thar pa'i sgo'o/ /aM ni gnyis su med pa'i phyir/ gzhan du smin pa med pas/ smon pa med pa'i rnam par tha'i sgo'o/ /a ni tha mal gyi phyin ci log gi mngon par 'du byed pa med pas mngon par 'du byed pa'i rnam par thar pa'i sgo'o/ /brjod bya rtsa ba'i don du 'dug pas sngags de rnams rang bzhin rtsa ba'i sngags zhes bya'o/ /pra kri ti zhes pa rang bzhin lhun grub kyi tshig ste/ de yang sems kyi rang bzhin du ngo bo btsal na/ cir yang mi rnyed pa bzhin zhes bya ba la brtags chod du sna tshogs su rang snang bas rang zhes bya'o/ /mtshon pa de tha mi dad pas rang gi rang bzhin du 'dug la rang bzhin ni rang du 'dug ste/ sus kyang ma byas rang bzhin lhun grub ces bya/ de'i don la rtogs pas rang 'jug lam du rang 'jug /de lam du khyed pa ni lam ste/ rtogs pa lhun gyis grub pa'i 'bras bu nyid shar pa'o/ /des gzhan don lhun gyis grub ste/ rnam par rtog pa med pa bzhi'i sgo nas bstod de/ de la mgon po ni me long lta bu'i ye shes kyi sgo nas bstod/ bcom ldan ni so sor rtog pa'i ye shes/ de bzhin gshegs pa bya ba nan tan/ rdzogs sangs rgyas mnyam pa nyid kyi ye shes kyi sgo nas bstod de/ ye shes bzhi'i bdag nyid du gyur pa'i bcom ldan 'das shAkya thub pa la phyag 'tshal nas gsang ba'i bdag po phyag na rdo rje dang/ khro gnyer gyi rgyan dang ldan pa'i grogs sna tshogs zhes pa lnga brgya dang lhan cig tu'o/ /de rnams kyis gsungs? gcig tu kye/ mgon po zhes bcom ldan 'das la pos nas/ bdag cag lnga brgya po rnams tshim zhing yid rangs par gyur to/ /legs so zhes pa

  256. 128b

    ni rang don du legs pa byin pa'o/ /legs so 'og ma ni gzhan don du legs pa phul ba de ltar rang gzhan du legs shing khyad par can du phye nas gsungs pas/ gzhan don ci 'dra ba byas zhe na/ rnam grol 'bras bu 'tshal ba yis/ /'gro ba mgon med rnams kyis don/ /bdag cag yang dag rdzogs pa yi/ /byang chub thob pa'i don ched du khyod kyis mdzad nas sgyu 'phrul dra ba'i lam 'di rang gzhan gnyis ka'i don du bstan pa 'di'i chos kyi dbyings kyi rang bzhin pas rnam par dag pa'i lam legs pa'i lam zhes bya'o/ /'di ni zab pa'i lam yangs pa'i lam rgya che ba ces bya ste/ don chen po ni 'gro ba'i don yin pas don bgyid pa zhes bya'o/ /zab pa dang yangs pa dang rgya che ba 'di ni nyan thos rnams kyis mi rtogs pas sangs rgyas rnams kyi spyod yul lo 'di ni 'das pa'i sangs rgyas mar me mdzad la sogs kyis gsungs shing bshad la/ da ltar bcom ldan 'das kyis bshad/ phyis rgyal ba byams pa la sogs pa rnams kyis kyang gsung par 'gyur ro/ /de la dbu zhabs su bsdus pa'i don bcu bzhi dang/ skabs don dang le'u bcu bzhir phye nas tshig don tsam zhig bkral ba'o/ /dgos don dang man ngag gi don ni mangs kyis dogs pas 'dir ma bris so/ /'jam dpal mtshan brjod kyi 'bum paN+Di te smri ti dz+nyA na kIrtis mdzad pa rdzogs so// // paN+Di ta de nyid kyis rang 'gyur du mdzad pa'o// // */ (/mtshan yang dag par brjod pa man ngag gi 'grel pa bzhugs so//) !/ /rgya gar skad du/ Arya many+dzu sh+rI nA ma saM gI hyo pa de sha nA ma prat+ti/ bod skad du/ 'phags pa 'jam dpal gyi mtshan yang dag par brjod pa'i man ngag gi 'grel pa zhes bya ba/ 'jam dpal ye shes sems dpa' la phyag 'tshal lo/ /rang bzhin dri med gdod nas gnyis med sangs rgyas shing/ dri mas ma gos yon tan mtshungs med rab byed pas/ /dam chos gzhir gyur

  257. 129a

    longs spyod gzugs dang ldan spyod pa/ /yang dag sprul pa skye 'gyur de la phyag 'tshal nas/ /mchog tu dri med bzod nas zhi ba'i ngo bo nyid/ /sems can don la gsal 'gyur mtshan yang dag brjod la/ /sangs rgyas byang chub sems dpa' de la yon tan mnyam med pa/ /gzod nas grangs 'das kyis gsungs pa'i ya mtshan don bri bar bya/ /de la dus gsum sangs rgyas thams cad kyi yul/ rgyud sde thams cad kyi rtsa ba bstan pa kun gyi dngos gzhi sde snod kun gyi me long/ nam mkha' dang mnyam pa'i 'grel pa'o/ /dgos pa la sogs pa gang zhe na/ mtshan don dkyil 'khor drug la sogs pa'i lta ba dang/ sgom pa'i bye brag ni brjod bya/ de bstan pa ni dgos pa/ khyad par du gyur pa las 'bras bu sku lnga thob pa ni dgos pa'i dgos pa/ 'brel pa ni thabs dang thabs las byung ba'i 'brel pa'o/ /de la rigs kyi bu 'am bu mo gang la las sangs rgyas bye ba phrag 'bum gyi mtshan bzung na yon tan ji tsam zhe na/ de la tshad med dpag tu med do/ /gang la las 'jam dpal gzhon nur rgyur pa'i mtshan bstan na/ bzung na bsod nams ji tsam zhe na/ de ni gong ma las kyang dpag tu med cing bgrang ba las 'das pa'o/ /de ci'i phyir zhe na/ 'phags pa 'jam dpal ni de bzhin gshegs pa thams cad kyi dge ba'i bshes gnyen du gyur pa'i phyir ro/ de nyid kyang cis zhe na/ 'phags pa 'jam dpal gzhon nur gyur pas bskal pa re re'i sems can gyi don byas pa de lta bu'i dka' ba spyad pa ni sangs rgyas bye ba khrag khrig 'bum gyis kyang ma mdzad do/ /de nyid kyang 'jam dpal gzhon nur gyur pa'i smon lam grub pa tshad med do/ /'jam dpal gyi yon tan gyi khyad par la tshad med do/ /'jam dpal gzhon nur pa ni sangs rgyas bye ba khrag khrig brgya stong gi yab dang yum lta bu'o/ /'phags pa 'jam dpal ni sangs rgyas bye ba khrag khrig brgya

  258. 129b

    stong la gdams ngag ston pa'o/ /'phags pa 'jam dpal ni phyogs bcu'i 'jig rten gyi khams na ming gi 'khor lo rgyas par byed pa'o/ /'jam dpal gzhon nur gyur pa ni de bzhin gshegs pa'i dkyil 'khor gyi gtam gyi skyes bur gyur pa'o/ /'jam dpal ni de bzhin gshegs pa thams cad kyis bstod cing bsngags pa'o zhes pa la sogs rgya cher 'byung ngo/ /de ltar phan yon che ba ji lta bu'i dka' ba spyad zhe na/ 'di'i tshul ni dpal sgyu 'phrul drag dang nges pa'i don mdo las bstan te/ dang po so so'i skye bo mang du thos pa zhes bya bas chos thams cad rtag par go nas kun la de ltar bsgrags pas thams cad rtag par lta ba la btsud pa'o/ /dus tshod der khye'u thos sgrogs zhes bya bas chos thams cad med par go nas kun la med par bstan te/ de ltar sde gnyis su tshad nas rtsod pa byung ngo/ /de'i rnam smin gyis gnyis ka dmyal bar skyes so/ /de gnyis kyi 'khor rnams kyang lugs kyi thu lum 'bar ba za bar 'gyur te/ 'khor dang bcas pa de nas thar nas mthar 'dab chags bya bskyes so/ /de yang mang du thos pa me mar 'o bsu grogs po gcig gis zhag nyi shu rtsa gcig tu bsgyur ba las mang du thos pas dmyal dpon la zhag bzhi bcu rtsa gnyis su nga bor la 'di thor byas pas khyod rang gis bzod na rung zer nas/ der bsgyur bas bsam pa bzang pos zhag bdun lon nas tshe 'phos nas khyim bdag gi bu sbyin pa zhes bya bar gyur to/ /khye'u thos sgrogs ni grogs po cig dang gnyis dmyal don gyi shing 'dren pa la grogs pos ma nus nas/ dmyal dpon la 'di zhog ngas drang byas pas khyod kyis 'drongs sam zer nas mgo bo la thob rgyab nas tshe 'bos nas rdza mkhan snang byed kyi bur skyes so/ /des shAkya thub pa la 'jam gang phul nas sems bskyed nas sangs rgyas khyim bdag gi bu de tshe sna ma dran pa shes pa byung nas sbyin pa yongs su rdzogs par byas pa'o/ /de nas dge slong ye shes rgyal por gyur

  259. 130a

    nas tshul khrims rdzogs par byas so/ /de nas bram ze dri med du gyur nas bzod pa rdzogs par byas pa'o/ /de nas rgyal po mu khyud kyi bur gyur nas brtson 'grus rdzogs par byas so/ /rgyal po don yod du gyur pa'i dus su bsam gtan rdzogs par byas so/ /dge slong chos kyi rgyal mtshan du gyur pa'i dus su shes rab rdzogs par byas so/ /rgyal po nam mkhar gyur pa'i dus su shes rab dang thabs rdzogs par byas so/ /drang srong rgyal po'i dus su ye shes rdzogs par byas so/ /'di nyid la pha rol phyin bcu thob pa sde ces gsungs so/ /de ltar yang nas yang du dka' ba spyad pas mngon par rdzogs par sangs rgyas so/ /'di nyid la skad cig gcig gis rdzogs sangs rgyas/ /mchog gi dang po sku gsum 'chang/ /sangs rgyas sku lnga'i bdag nyid can zhes gsungs so/ /de ltar sku nyid gnyis su med kyi ye shes de las longs spyod rdzogs pa'i sku mtshan dang dpe byad dang ldan pas/ longs spyod rdzogs sku kun gyi rgyal/ /sum cu rtsa gnyis mtshan 'chang ba ces gsungs te/ sum cu'i byang chub sems dpa' rnams la lha dngal ta mor snang ste/ dkyil 'khor chen po yangs pa yin/ /kha dog sna tshogs 'bar ba'i 'od ces gsungs so/ /de'i rjes kyi ye shes bya ba sgrub pa dang/ kha 'og sems dpa' de la gzigs pa drug gi tshul du gzigs nas ma rig sgo nga'i spubs na gnas pa'i don bya ba'i phyir/ don dam pa stong pa yi ge a dkar po'i rang bzhin las lhun po rin chen gyi steng du byon la byin rlabs rdo rje chen po dang mchod rten chen po dang/ /chos 'byung dang/ /gzhal yas khang dkyil 'khor drug gi snang ba gdul bya la so sor byung ste/ de yang 'jam dpal sgyu 'phrul drang las/ bde gshegs dri med ye shes nyid/ /a yi byin brlabs chen po las/ /lhun po'i steng du rnam 'phrul snang/ /dkyil 'khor drug gi ji bzhin no

  260. 130b

    zhes gsungs te/ skal pa dang ldan pa'i gdul bya drug la snang ba'o/ /gzugs rnams ma lus 'chad pa po/ /gzugs rnams sna tshogs kun tu ston/ /ji bzhin 'gro ba'i don byed pa/ /sprul pa'i 'khor lo sna tshogs 'chang ces gsungs so/ /gang la cig ni gdul mdzad pa/ /thabs kyi 'dren pa'i gtso la phyag 'tshal bstod/ /rim pa bzhin du 'jug bya'i phyir/ /skal pa ji ltar 'tsham pa bzhin/ /de ltar rnam 'phrul mdzad pa'o/ /de ltar phan yon che ba'i gang zhe na/ 'di skad bdag gis zhes pa nas gsungs pa la mngon par bstod do zhes pa ston no/ /de gsungs pa'i gnas ni la la dag gzhan 'phrul dbang byed la sogs par gsungs par 'dod/ sgyu 'phrul dra ba las/ bya rgod ri yi gnas mchog tu/ /gsang ba dam pa rab bshad pa ces gsungs pa nas/ bya rgod phung po'i ri la sangs rgyas dang byang chub sems dpa' phyag na rdo rje la sogs pa bsam gyis mi khyab pa 'dus nas so/ /de'i dus su lha'i bu rin chen gyis zhu ba'i bsam pa mkhyen nas/ 'phags pa 'jam dpal 'di rnams yon tan dang byin rlabs dang/ ji ltar sgrub par zhu bar 'dod pas gsung 'tshal lo zhes zhus pas/ 'jam dpal na re nga rang la yon tan brjod na bdag la bdag gis bstod par mchi bas lha dang mi'i ston pa bcom ldan 'das shAkya thub pas gsung 'tshal zhes zhus so/ /ston pa cang mi gsung ba'i dus su byang chub sems dpa' phyag na rdo rjes khro bo lnga brgya dang thabs gcig tu zhus so/ /der ston pas 'jam dpal sgyu 'phrul dra ba le'u khri drug stong rnal 'byor chen po'i rgyud bka' stsal to/ /de'i rjes la zab ba dang rgya cha ba'i rdo rje'i glur blangs pa'i don dgrol ba'i phyir mtshan yang dag par brjod pa 'di rdo rje'i tshig tu gsungs so/ /de nas zhes pa ni de ma thag pa la sbyar ro/ /de yang sgyu 'phrul 'dra bar dkyil 'khor dang lha dang/ dbang dang/ rab gnas la sogs pa'i rim pa

  261. 131a

    kun bsten nas/ ? ? gyi rang bzhin dbang mdzad pa'i phrin las dang yon tan bstan pa'i phyir de nas so/ /'di la tshig bcad sum brgya bcu gnyis kyi bstan pa 'di la skabs bcu bzhir bstan pa 'di dang mi 'gal bar bya ba'i phyir dang/ sngon gyi yon tan gyi don dang dris lan phan yon ? pa dang/ bcas pa bstan par bya'o/ /de la dpal ldan rdo rje 'chang nas zhu ba po dang 'khor rnams bstan te/ de yang sngon ston dang shAkya'i thub pa 'khor phyag na rdo rje la sogs pa bzhugs pa'i dus su sems can rnams kyi lo tog med/ tshe thung nad mang po byung nas sdug bsngal ba'i dus su ston pas ting nge 'dzin la snyoms par zhugs nas/ klu'i rgyal po sog ma med kyis gnod pa byas par gzigs nas thugs ka nas 'od zer gyi bskul bas klu'i rgyal po'i lus zhum nas/ kye ma dal gnod pa byed cing stobs 'gyed pa ni su yin zer nas bzhin la sogs pa bsgyur khris pa'i skra sgrogs shing nam mkha' la song nas sprin nag po'i gseb nas thog dang ser ba dbab par 'dod nas zhe sdang drag po skyes te/ de nas bcom ldan 'das kyi gsang ba'i bdag po la bka' bsgo ba ste/ gsang ba'i bdag po klu'i rgyal po 'di thul ces bka' stsal to/ /de nas gsang ba'i bdag pos rdo rje nam mkha' la gsor zhing rig pa brjod pas klu'i gnas dang khyim kun tu me 'bar ro/ /der klu na re khyed dang nga gnyis stobs dgye yis zer nas da lta nyid du brlag par bya'o zer nas khros pa'i nga ro sgrogs so/ /de nas gsang ba'i bdag po phyag na rdo rjes rdo rje lan gsum du gsor nas ri khyim pa bsnun pas me 'bar bar gyur te/ der klu'i rgyal po khyab 'jug rang gi gnas su bros so/ /der byon nas khyab 'jug gtul lo/ /der so blar mu hA de ba'i sar bros pa yang btul lo/ /der sa steng lha tshangs pa'i gnas su bros pa yang btul lo/ /der thugs mi thub nas srog snying bu la dam bcas so/ /des na gdul dka' sogs

  262. 131b

    'khor gyis kyang gtso bo bzhin no/ /ston pa gang la zhus zhe na/ de bzhin gshegs sogs so/ /dgos pa ci yod na/ khyab bdag sogs rang don gzhan don no/ /ston pa'i mtshan dang yon tan zhe na/ rdzogs pa'i sangs rgyas sogs pas bstan no/ /'gro ba'i blang la sogs pa yon tan dang gzhan don bstan no/ /de yang chos kyi mtshan nyid ji lta bu zhe na/ bcom ldan 'das 'jam dpal ye shes zhes pa brjod bya don gyi 'jam dpal ye shes lnga'i rang bzhin du bstan no/ /ming ni gnas rab zhi ba'i bar gyis rdzong byed tshig gis 'jam dpal thun mong ma yin pa bstan no/ /de gang gi yul yin na thog ma nas yang nas yang du gsungs pa zhes pas dus gsum gyi sangs rgyas kyi yul du bstan no/ /chos kyi mtshan nyid gang zhe na rgyud chen la sogs pa'o/ /dgos pa ni rdo rje 'chang tshen la sogs so/ /ston pas shod cig par gdams pa spyad pa pos kyang dam bcas pa mgon po nas gsang 'dzin bar ro/ /de yang sngon rgyal po yul 'khor skyong gdung chad du nye ba na rgyal po de'i spyi bo nas sha'i lnga ba cig skyes de la mya ngan byas pa las/ sha de bog ba las/ nam mkha' las sgra byung ste/ rgyal po chen po rin po che'i mchod rten gcig brtsigs la de'i bum pa'i nang du rin po che'i za ma tog stong rtsa gnyis kyi nang du sha dum bu re tshud la mchod pa chen po gyis shig /khyad par du 'phags pa'i rgyal bu 'byung ngo zer nas de bzhin du byas pa las/ dus tshod cig tu rgyas bu stong rtsa gnyis mtshan dang bcas pas byung ngo/ /de rnams bskal pa bzang po'i sangs rgyas stong pa gnyis chos kyi 'khor lo bskor bar zhal gyis bzhes so// pa rnams kyi nangs kyi chen po lha tshangs pas nu bo tsho'i chos kyi 'khor lo bskor ba'i zhu ba dbul bar byas/ tha chung phyag na rdo rjes gsang sngags kyi sdud pa po bya bar byas te dam bca' byas pas gsang 'dzin no/ /des par 'byung nas spyan sngar 'dug go?

  263. 132a

    chos spyod pa'i tshul bstan/ zhus nas gnang ba'i tshul ni de nas bcom ldan 'das nas yid kyis nyon gyis bstan no/ /bcom ldan 'das kyi byung tshul ni gong gi khye'u thos sgrogs rdza mkhan snang byed kyi bur gyur/ shAkya thub pa chen po la 'jam gang phul bas sems bskyed nas rim par sa bcu thob nas/ dam pa tog dkar du gyur nas lha rnams la chos ston gyin bzhugs pa las nam mkha' nas sgra byung ste/ skyes bu chen po bcom ldan 'das/ sems can kun la phan don du/ /mi yi yul du gshegs su gsol/ mi yi yul du gshegs nas kyang/ chos kyi 'khor lo bskor du gsol ces bskul te/ dga' ldan lha mi pham mgon po la dbu rgyan bskon nas ri rab kyi steng du nas gzigs pa bzhi la gzigs te/ yab dang yum dang rigs dang grong khyer la gzigs nas mdzad pa bcu gnyis kyis 'gro ba'i don mdzad par dgongs te/ 'jig rten pa'i lnga 'das pa'i lnga/ bla na med pa'i mdzad pa gnyis te bcu gnyis so/ /yum gyi lhums zhugs/ bye ba'i lo'i dpyid zla ra ba'i nya'i nang par bltams/ gzhon nu rol rtsed mdzad/ shAkya lag na be con can gyi bu mo khab tu bzhes rgyal srid la mnga' mdzad sras bltams/ rgyal bu 'khor ba la skyo ba skyes nas rab tu byung/ lho phyogs rgyad gyi yul chu bo ne rany+dza na'i 'gram du dka' thub lo bdun mdzad/ srod la bdud btul/ tho rangs mngon par sangs rgyas byang chub kyi shin pak+Sha la gzigs/ dam pa'i chos btsun par bya ba'i phyir zhag bdun cu cang mi gsung bar bzhugs/ /dam pa'i chos kyi 'khor lo bskor/ /der bka' i 'khor lo rim pa gsum bskor ba ni nyid kyi zhal nas ces so/ /chos gsung ba'i snga bltas bstan pa'o/ /snying rje la sogs sdud pa'i yon tan dang mtshan gyi yon tan dang/ spro ba bskyed pa dang/ nyon cig par gdams pa'o/ /rgyud 'byung ba'i phyed dgongs pa

  264. 132b

    la bzhag nas rigs drug la gzigs so/ /de yang rigs spyi dang/ bye brag tu rigs dang/ ye shes dang/ gdul bya dang/ dkyil 'khor dang/ lha dang/ mtshan dang/ phrin las dang/ gang la gang dul la cher gzigs pa'o/ /de nas dgongs pa la bzhengs nas tshig gis bdag pos tsheg par bdun ma'i tshigs su bcad nas gsungs so/ /de'i don gsang sngags rgyal po drug sku dang ye shes drug go /de ltar gnas sam zhe na/ gnyis su med par byung ste/ gnyis med ye shes rang rig pa ste/ de yang sems dngos por grub pa ma yin te/ mi skye chos can ces ni sems skye ba med pa stong pa nyid do/ /stong nyid de chad par mi 'gyur ram zhe na/ mi skye chos can 'di gsungs pa ste/ sems skye ba'i med pa nyid rig pa sna tshogs su gsal ba/ rang bzhin gyis 'od gsal ba'o/ de gang gis rtogs par bya zhe na/ yi ge bcu gnyis kyi nyes bar mtshon te/ a A ni gdod nas ma skyes pa/ i a'i ni de la ye shes chen po 'pho ba'o/? /u a'u? ni byang chub sems bde ba chen po'o/ /e i ni chos thams cad bsam brjod dang bral ba'o/ /o aau ni sems kyi sprul pa sna tshogs su shar ba'o/ /aM ni skye 'gag med pa'o/ /a(rgyud 'grel): ni skye med las 'das pa'o/ /snang ba chos can 'di nyid sna tshogs su snang ste/ de nyid rgyu rkyen las skyes pa'i phyir stong pa'o/ /stong pa gtan med pa ma yin te/ nyams su myong ba dang ldan pas so/ /de dbyer med pa ni ye shes so/ /de yang gro 'dogs gcod pa'i dus su tshad ma spyi'i mtshan nyid bcad pa'i yul la skye bu mi bslu ba nyid do/ /de lam du khyer ba mngon sum gyi mtshan nyid rtog pa dang spral zhing ma 'khrul ba nyid do/ /'di sgrub pa ni dgag sgrub dang bral ba'i sgro ma btags pa'i shes pas grub po/ /don gnyis med kyi ye shes te/ sems can dang sangs rgyas la khyad med de sems can las ma rig pas sgribs so/ /s+thI to nas brti naM gyis dugs gsum gyi

  265. 133a

    sangs rgyas kyi thugs ka na sku dang ye shes kyi tshul gyis bzhugs par bstan no/ /sku dang po bud+d+hA dang 'khor lo dang/ ye shes sems dang/ zla ba dang a'o/ /de nyams su len na/ oM badzra tIk+Sh+Na nas ya te na ma(rgyud 'grel): sku drug dang dkyil 'khor drug dang/ de la brten nas dbang dang rab gnas dang sbyin sreg dang sAts+tsha dang bzlas pa dang bsgom pa'i tshul gyis nyams su blang ngo/ /de la a ra pa tsa na'i don 'di ltar nas tshul gyi mchog gis bstan te/ 'dir lha dang sbyar ba yang yin la da res chos nyid byang chub sems de a yis mtshon te skye med las 'byung ba'o/ /skye med de la dbye na dgag bya'i sgo nas dbye na rnam par thar pa'i sgo bzhi ste khong nas gsal bar byed kyis bstan no/ /de ltar na dug lnga ye shes lngar gyur pa ni mchod pa sel bar byed kyis bstan te/ 'di la gdul bya'i dbang du lo rgyus re re dag 'byung ste/ ri rab kyi steng na lha'i dbang po brgya byin zhes bya ba/ rnam par rgyal ba'i khang bzang dang grong khyer blta na sdug dang chung ma dang 'khor la sogs pa la chags pa de rje btsun gyis de gzigs nas 'jam dpal 'od dpag tu med pa'i lha tshogs kyi snang ba bstan nas/ de'i 'dod chags log ste/ so sor rtogs pa'i ye shes skyes te mchod pa nas dga' bar byed pa'o/ /la la dag dbang phyug dang dbu ma gnyis la yang zer ro/ /zhe sdang zhes pa ni sngon drang srong zhig nags khrod cig na bsgom pa las lta ba log nas zhe sdang skye ste shi'o/ /der shar phyogs kyi 'byung po dge ba'i bu btogs 'dod can zhes bya bar skyes nas yod 'byung po'i lus 'dis ci bya mi lus 'dod pas mi'i nang la nas sgyug bro nas/ bram ze'i bu su tra zhes bya ba mgo nas sprugs pas sha dus zangs kyi sor pa'i slubs su song nas mi dang 'grogs ma shes nas dur khrod du ro mang po zos pas ru drang song nas grong khyer gsum phung bar byas te/ tshe 'phos

  266. 133b

    pas lha mahA de bar gyur te 'jig rten na mthu che ba ri rab klad la bskor ba'o/ /rgya mtsho hub kyi 'thung ba/ lha mo u ma dang gnyis rtag tu 'khyud pa ri rab kyi byang shar mtshams na thod pa dgu brtsegs gyi nang na 'khor dpag tu med pa dang bcas pa dus kun tu tshe 'phrog /mi nang phyugs nad mang po gtong/ drag po nyi shu rtsa bzhis dzam+bu'i gling nyi shu rtsa bzhir spyan drangs nas log pa'i tshogs 'khor byed pa de rje btsun gyis gzigs nas zhe sdang mi bskyod pa'i khro bo'i lha tshogs sprul te btul bas der thul te zhabs 'og mnan pa las grol ba ni 'og nas kyang ston no/ /la la khyab 'jug gdul ba'i phyir bstan to/ 'og nas ha la ha la'i skabs nas ston no/ /gsum pa gti mug blo ste la sogs pa ni sngon lha tshangs pa zhes bya ba dbang che zhing kun la dbang sgyur zhing yang las rgyu 'bras mi shes nas gti mug ste/ de gdul ba'i phyir gti mug rnam par snang mdzad kyi/ lha tshogs bstan te/ chos kyi dbyings rnam par dag pa'i ye shes skyes so/ /bzhi pa mchod pa chen po khro ba che zhes pa ni lha tshogs bdag zhes pa mahA de ba la chung ma gsum yod pa'i 'bring ma klu mo yid 'ong dga' ma la bu bzang sdug la 'od chags pa kun gyis blta yis mi bra ra zhig yod pa ste/ seng+ge'i khri la lag na rin po che thogs nas yod pa la/ de u mas zas zhim po khyer nas bltar 'ongs bas sgo bcad/ tshogs bdag na re de'i byad legs mo 'di mos mthong na nga la mo chags pa skye/ mo dmod pa che bas snyam nas glang po che gcig sna bcad nas tshogs bdag gi sna la glan pas der u mas mthong nas da dga' nas zas khyer nas blta ba la mi stug pa byed pas khyod la dus rtag tu glang snar shog cig /lag gi rin po che la phug tu song zhig /seng+ge'i khri byi lar song zhig zer nas/ de ltar song nas shin tu ngo tsha nas su byung ba la rdeg khro bo/ /de gdul ba'i phyir khro bo don yod grub/

  267. 134a

    pa'i lha tshogs bstan/ der bya ba grub pa'i ye shes skyes so/ /la la dag gza' brgyad dang klu bdug pa can gdul ba'i phyir zer ro/ /lnga ni mchod pa chen po nas sel bar byed zhes pa ni lha nor lha gdul ba'i phyir te/ sngon lha dang lha ma yin 'thabs pas lhas ma thub nas brgya byin gyis rmi lam btab pas ri rab kyi zom na drang srong mthu bo che cig yod pa la/ de lha mo gcig gis bslus na de la bu tsha mi srid gsum yod/ de las gnyis kyis lha ma yin thub ste 'ong par smis/ der kun gyis bros byas nas lha'i mdangs las sprul pa'i u ma zhes bya ba mdzes pa cig de'i drung du btang bas drang srong na re khyed gang nas 'ongs gar 'gro zer/ da byed kyi byan mo la 'ongs byas pas lo gsum chags pa spyad pas ma brel nas/ shar lho'i me lhas me'i 'khor lo cig bar du spar bas phrel lo/ /ming srid gsum gyi chen po mgon po nag pos g.yas su drangs/ dpal lha mos g.yon du drangs nas/ lha ma yin phung bar byas/ tha chud nor lha Arya dzam b+ha la yin te/ kho la nor bu rin po che ne se'i rgyal bu gang yod pas/ ma rig nga rgyal gyis ser snas chags so/ /de gdul ba'i phyir rin chen 'byung ldan lha tshogs kun sprul pas/ ser sna log ste mnyam pa nyid kyi ye shes skyes so/ /'o na byang sems rdo rje la dgos pa ci yod ce na/ de yang nyon mongs pa lnga 'dul ba lha gzhon nu gdong drug gi skabs su 'byung ngo/ /de ltar ye shes lnga po nyams ci zhe na/ 'dod pa nas mgu ba'i bar du'o/ /de yang sngon 'phags pa 'jam dpal bram ze dri med du bzhugs pa sangs rgyas rnga sgra dbyangs kyi rgyal po la gdams ngag zhu ba'i dus su/ yon med nas nor tshol du 'ongs pas karSha pa ni gser zho gnyis tsam rnyad pas lam mchod nas brag phug stong pa cig tu nyal bas/ rkun mo gsum byung nas khyod mi bsad kyis nor

  268. 134b

    blang zer nas ngal med byas pas mnyan rnyed pa'i gser byin pas/ da rung blang zer mi ster na mig 'byin zer/ da ngal med byas pas mig phyung ngo/ /der byang chub sems dang ma bral lo/ /dus der yul gyi lha ma yin rnams na re bya ba mi ril de ltar byed pa zer nas bsad snyam nas brdud du phyin pas de shin tu mdangs dang kha dog dang ldan par 'dug nas lus bod che zhes pa'o/ /de'i 'bras bu gang zhe na/ ming nas gsal ba che'i bar ro/ /de yang 'phags pa 'jam dpal gyi zhing khams dang/ sangs rgyas pa'i mtshan ston te/ ming yang che zhing rgya che ba ni/ mtshan sangs rgyas kun tu gzigs zhes bya ba chos nyid kun la gzigs pa dang/ gdul bya kun la gzigs so/ /de lnga yangs pa ni zhing khams te/ smon lam yongs su rdzogs pa zhing dag pa la rdul med par bsags pa zhes bya ba rin po che'i rgyud las grub ste byang chub kyi shing gi 'od kyi me tog kha bye zum pa las nyin mtshan gyi ming med pa/ zhing de'i steng gi bar snang las rol mo'i sgra byang chub sems dpa' i sde snod dang 'jam dpal mtshan brjod pa'i sgra rgyun mi 'chad pa/ nyan thos dang rang sangs rgyas dang/ bud med kyi ming mi grag /sangs rgyas dang byang chub sems dpa' sha stag bzhugs pa/ sdug bsngal gyi ming mi grags pa che la yangs te ni snang ba mdza' yas kyi zhing khams ni til gyi dor gang nas gcig phyur pa tsam mo/ /zhing khams de ni til gyi dong tsam mo/ /phyi ma rnams gzhung dang sbyor/ /de ltar rtogs pa spyod pa gang zhe na/ mkhas pa chen po sogs pas bstan te/ 'di la sngon rje btsun 'jam dpal rgyal po'i pho brang rin chen na rgyal po'i mchod gnas byed cing bzhugs pa la 'khor rnams kyis khra ma bcug te/ 'jam dpal jo bo la dpya yin 'dug byas pas rgyal po bsam ngan skyes nas gros byas pa mchod gnas gyi mkhyen nas rA dza la bcugs pa la ma nyan ma bsad nga la de

  269. 135a

    lta bu'i skyon med na byas pas rgyal po mnyan nas/ der rgyal pos phag du mi mang po gsod du btang bas/ der 'jam dpal gyis rang 'dra bas yul thams cad gang bar byas pas gsod do ma shes pas/ der 'gyod pa skyes nas zhu ba phul bas ma snang nas/ der yul gzhan zhig tu phyin nas kun nang pa sangs rgyas pa'i bstan pa la btsud de dkyus dang sbyar ro/ /de rnams nyid grol lam zhe na/ mi grol te/ rkyen pha rol phyin pa bcu dgos par ston to/ /'di rnams la gong bzhin du lo rgyus re re ston te/ sbyin bdag chen po sngon khyim bdag dang pa'i bus sangs rgyas pa'i lha la gdams ngag zhus nas sbyin pa rdzogs par bya bar 'dod nas/ rdzas med nas rgya mtsho nas nor bu rin po che blangs nas der sbyin pa'i btang sa thun mong du sbyin pa sum cu rtsa gnyis rdzogs par byas/ ma dge pa sum cu rtsa gnyis spangs/ mi bzad pa nyi shu rtsa bdun rdzogs par byas so/ /de nas rgyal po rin chen du gyur nas yul du chos ston pa med nas der btsal bas sangs rgyas ri rab 'od bzhugs pa thos nas de la tshul khrims kyi gdams ngag zhus te/ spyir tshul khrims drug cu rtsa lnga rdzogs par byas/ mi bzad pa'i tshul khrims nyi shu rtsa gcig rdzogs par byas so/ /zad pa'i tshul khrims brgyad spangs so/ /de nas bram ze dri med du gyur nas bzod pa rdzogs par bya bar 'dod nas zhus btsal bar sangs rgyas rgyal bar dga' la zhus te/ ma dag pa'i bzod pa bcu gnyis spangs te/ spyod pa'i bzod pa bcu gnyis khyad par gyi bzod pa nyi shu rtsa gcig rdzogs par byas so/ de nas rgyal po mu khyud kyi bur skyes nas sangs rgyas rnga sgra dbyangs kyi rgyal po la zhugs nas spyi'i lnga dang khyad par brtson 'grus gsum rdzogs par byas te zhib tu 'og nas ston/ de nas rgyal bu don yod du gyur pa'i dus su sangs rgyas stobs

  270. 135b

    kyi rgyal po la bsam gtan rdzogs par zhus te/ khyad par gyi bsam gtan mnyam pa nyid bzhi rdzogs par byas so/ /de nas rgyal po grags par gyur pa'i dus su sangs rgyas don yod rgyal po la/ spyi'i shes rab brgyad cu rtsa bzhi/ tshul khrims shes rab sum cu rtsa gnyis rdzogs par byas so/ /stobs bcu yang rdzogs par byas so/ /de nas rgyal po nam mkhar gyur pa'i dus su sangs rgyas 'brug sgra dbyangs kyi rgyal po la smon lam bcu gnyis dang/ thabs brgyad yongs su rdzogs par byas so// de nas drang srong rgyas par gyur pa'i dus su/ sangs rgyas dri ma med par grags pa la ye shes rdzogs par byas te/ ye shes skye ba'i rkyen bdun/ rgyu lnga bcu rdzogs par byas so/ /de ltar sbyin bdag chen po nas ye shes rgya mtsho'i bar du sbyar ro/ grogs gang zhe na/ byams chen nas thabs shes pa tshad med pa bzhi ston te/ 'di la sngon rje btsun yul lum bi ni rgyal po legs 'byin zhes bya ba tshad med pa bzhi bsgom pa la/ yul der mkha' 'gro ma bdun gyis mi thams cad za bar byed pa la rje btsun gyis byams snying rje bsgoms pas ma mos sems can za ba'i sems dang bral nas/ nged cag kyang byams dang snying rje bsgom ste bzar med zer ba la der dam la btags te gtor ma byin nas bstan pa bsrung bar byas pas ma mo bdun dang zhes pa yin no/ /de ltar bsgom pa'i 'bras bu gang zhe na/ rdzu 'phrul chen po nas 'jigs par byed pa'i bar gyis rje btsun gyi gdul bya zhe sdang can 'dul ba'i phyir drag po'i skur bstan pa'o/ /de yang sngon lho phyogs gyad yul? na mu stegs ral pa can lnga brgya yod/ de rnams kyis thams cad log lta la bsgyur nas chad lta la bkod do/ /nad pa sangs rgyas pa'i bstan pa yang nyams dams pa'i dus su/ yul de na sangs rgyas pa'i chos la mos pa zhig yod pas/ des rmi lam du mthong bar

  271. 136a

    shog cig /de ltar byung na yon bdag byas la yang dag pa'i lta ba la dgong snyam pa la/ rmi lam du ston pa sku gser gtso ma'i kha dog 'dra ba blta bas chog mi shes pa'i sku gcig byung nas/ khyod kyis yon bdag gyis shig zla ba gnyis nas nga yong gis gsung nas/ der gnyid sad nas shin tu dga' nas btsun mo la bzlas pas/ mu stegs kyi dpon mo ma trang ga na re 'di su yang min sangs rgyas pa'i 'jam dpal smra ba'i seng+ge bya ba gcig grong khyer yangs pa can na yod zer gyis/ de kha yin pas/ 'dir 'ong na lam gyi mdo bcad/ nags tshal la dga' bas nags tshal breg /dgon pa shig /gtsug lag khang shig /'phrad du gyad rnams kyis ba spung/ kho la rdzu 'phrul yod na lha dbang phyug chen po bsgrub la byung ba dang thog dang ser ba dbab par gros byas so/ /der byon pas rdzu 'phrul gyis 'phrad bcad pa ni sing du mnyam por song/ lung pha rtsi shing nags tshal gyis gang ngo/ /der nam mkha' la dge slong dge 'dun dpag tu med pa byon nas ral pa can sogs byams pa'i sems bskyed nas bdag med kyi lta ba la bcud do/ /khros pa'i khro bo'i sku bdud la sogs thog ser 'bebs pa shes pa bsgyur nas brgyal lo/ /der bdag cag kyang rjes su bzung 'tshal/ rdzu 'phrul dang cho 'phrul dang rnam par 'phrul pa 'di dag med kyi lta ba rtogs pa las byung bas kun de la btsud pas mgon po nas bla ma'o/ /de ltar drag po'i skur ston kyang thugs theg pa chen po snying rje dang shes rab las ma g.yos so/ /a ra pa tsa na'i don rdo rje dbyings kyi dkyil 'khor gyi che ba'i yon tan bstan pa'o// //da ni chos kyi dbyings kyi ye shes de nyid gti mug can gdul ba'i phyir shes rab ye shes spyi gtsug can gyi skur bstan pa'i byin brlab ni sangs rgyas nas zhags pa che'i

  272. 136b

    ston te/ de la rje btsun de'i yon tan gang zhe na/ rnam par snang mdzad ni sa bcu'i byang sems la snang ba/ theg pa chen po'i chos kho na ston pa/ thugs yang dag pa'i ye shes che ba/ spang bya mdza' dag spangs nas lus ngag gi spyod pa thub pa'o/ /de'i rgyu gang zhe na/ gsang sngags dang tshul chen te/ thabs shes rab gnyis med las byung ba'o/ /gzhan yang pha rol phyin pa bcu las byung ba gong bzhin no/ /de bzhin du sa bcu dang stobs bcur ldan pa'o/ /shes bcu'i rtogs pa'i spros pa dang bral bas spros med bdag go de ltar brjod pa dang bral na ji ltar gzung na bden pa nas gnas zhes bstan te/ 'di la sngon ma ga d+ha'i dgon pa snying po byang chub kyi gnas su 'jam dpal theg pa chen po'i chos zhu ba'i 'khor gyi gtso bo sangs rgyas nor dpal dang rin chen dpal dang/ yon tan dpal dang/ mig gi dpal dang/ brtson 'grus dpal dang/ ye shes dpal dang/ bzang ba'i dpal gyis de kho na nyid kyi don zhus pas mnyam pa nyid kyi don dam par gnyis su med pa de ltar bstan te/ yang dag pa'i mdza' la gnas pa'o/ /gnyis su med pa gang zhe na/ bdag med nas ngan 'jigs byed pa ste/ dper na seng+ge'i sgras ri dags skrag pa bzhin du bdag med pa'i sgras mu stegs skrag par byed de/ spyir mu stegs la lta ba sum brgya drug cu/ de las bsdus pas log pa'i ri bo nyi shu/ de mu stegs rtag chad gnyis su 'dus so/ /ya mtshan can dgu bcu la sogs pa yod kyang ston pa ste drug nas brtsi'o/ /'di la sngon ri bi ri la na rgyal po gzugs can snying po lings pa la 'ongs pas ci yang ma rnyed nas log tsam na drang srong gcig 'dug nas ngas ri dags ma gsod pa 'dis lan nas gsod pa la/ der drang srong gi dmod ba bor ba ni/ dbur skyes la khyod kyi bdud du shog cig byas pas/ der btsun mo la bu skyes pas lcags

  273. 137a

    kyi mdzer pa can gcig byung ba phas bzhibs pas pha ma'i lce yang skrangs ming yang ma skyes dgrar ming btags so/ /kho cher skyes nas/ pha sbyugs/ phas yul gzhan du chos thos phyir la 'ongs tsam na/ bu la gdams ngag bya snyam ste phyin pas bu'i snying nas nga la gnod pa byed snyam nas der la dong du gcug go /mas lo rgyus byas pas bu 'gyod pa skyes nas dong na 'don du phyin pas/ phas bsams pa gsod pa yin bsam nas lcebs nas shi'o/ /der ma skyes dgra'i lus la 'brum nag byung nas/ der mya ngan byas pa la bsam pas mu stegs kyi ston pa drug bzhugs pa la gsos pa'i thabs zhu snyam nas blon po drug pos nas zla ba'i grags pa/ snying po stobs/ bde thob/ don thabs/ bkra shis/ 'jigs med/ drug po la zhus pas/ rgyal po pha bsad pa la ni sdig pa mi 'ong/ pha bsad dang/ mi shi ba mir skye bas sngon gyi dus na pha ma bsad pa yongs sangs rgyas pas/ de 'o na ston pa drug da lta bzhugs pas dris dang/ de yang 'od srungs rdzogs byed dang/ phyugs lhas kyi bu ka ri dang/ be re'i bu kun tu rgyal dang/ ka ti'i bu nag nog dang/ mi pham skra'i zla ba can dang/ gcer bu gnyen gyi bu dang drug la zhus pas/ rgyal po rtag tu mya ngan ma byed cig rtag tu mya ngan su byed pa/ phyis kyang mya ngan byed par 'gyur/ gnyid dang chang la'ang de bzhin no zer nas/ rgyal po pha bsad pas ni slar thar pa'i bde ba ster/ pha bsad pas sdig pas mi gos kyis zer nas so/ /der ma skyes dgras sman pa 'tsho byed gzhon nu dang phrad nas dris zhus pas/ rgyal po mya ngan byed pa legs/ pha bsad pa'i sdig pa ni/ /de las che ba yod pa min/ /'gyod pa shin tu cher bskyed cig /de bshags pa'i thabs ni grong khyer ser skya na rgyal bu

  274. 137b

    don thams cad grub pa zhes bya ba yod kyis de la dris dang/ ston pa de rnams ni log par ston pa yin byas pas/ de la yon tan ci yod de'i yon tan ni lha'i dbang po brgya byin la 'chi ltas lnga byung ba yang ston pa la zhus bas ma shi /sor phreng can gyis mi dgu brgya go dgu bsad pa dang/ rgyal bu pu tas yan lag bcad pa dang/ mi lnga brgya mig phyung ba dang/ kun tu ston pa la zhus pas kun sangs rgyas so/ /dus der ston pa mya ngan las 'das su nye ba na/ nam mkha' la sgra byung nas rgyal po myur bar song/ khyod da ste zhag bdun na shi nas dmyal khams bco brgyad du 'gro'o zer nas/ khyed su yin byas pas nga pha gzugs can snying po yin zer nas song/ ma skyes dgra der brgyal/ brgyal ba sangs nas der 'khor mang po dang bcas pas ston pa la zhus pas/ 'phags pa 'jam dpal la zhus zer nas 'jam dpal gyis chos thams cad gnyis su med par sgyu ma lta bu'o/ /zhes rgyas par bshad pas der rgyal po 'khor dang bcas pa lus sems dga' ldan lha dang 'dra bar gyur to/ /de ltar ston pa drug po des grong khyer stong lta ba la log pa la btsud pa la/ rje btsun 'jam dpal gyis mu stegs kar Na kar brdzus nas thams cad sun phyung nas/ bdag med pa'i lta ba la kun btsud do/ /de lta bu'i don mdzad pa des 'dul bas na don de thugs kyi dgongs pa tsam gyis byon pas yid mgyogs so/ /de yang sgrib pa gnyis las rgyal bas na'o/ /'dul lugs ji ltar 'dul zhe na/ 'khor lo sgyur ba stobs po che/ zhes sngon grong khyer 'od 'phro can na rgyal po dpa' ba' i blo gros bya ba grong khyer bye ba phrag bcu bud med stong phrag gsum/ de la sras gzi byin chen po la sogs pa lnga brgya/ sras gzi byin chen po la chung ma lta na sdug pa stong phrag bcu yod pa gling bzhi la dbang ba rin po che sna bdun dang ldan pa/ dus de'i tshe

  275. 138a

    sangs rgyas ri rab dpal nam mkha' la phar bzhud pa mthong bas rgyal srid mchil ma'i thal ba bzhin bor nas 'gro ba la yab kyis ma 'gro byas pas ma nyan pas/ der 'khor dang bcas pas bud+d+ha la mchod pa byas nas chos zhus pas kun thar pa thob po/ /gzhan rnams la ji ltar ston zhe na/ tshogs kyi nas dbang dang ldan zhes pas nyan rang byang sems rnams la 'gro ba'i don mdzad pa'o/ /tshul chen gzhan gyi dring mi 'jog pa ni sngon gyi rgyal po bzhin bzang zhes pa ri bo ngan tig na dgongs pa mdzad pa la bdud bye ba khrag khrig brgya stong gis drag po gnod pa byas pas mtshugs nas/ der bdud de tshos bud med nyi khri sprul nas 'dod pa'i yon tan lngas ci 'gyur byas pas mtshugs so/ /ji ltar ston zhe na/ tshig rje zhes pa nas ston pa po'i zhes pas 'jam dpal gyis byang chub sems dpa' la sogs pa rnams la 'jig rten gyi khams kyi sangs rgyas kyi mtshan gyi rnam grangs mi 'dra ba mang po so sor rig pa'i tshul du bshad do/ /bstan lugs ni phyir mi nas rgyu gcig po ces pas gang la mtshan bstan pa ste/ nyan thos dang rang rgyal dang byang chub sems dpa' rnams la ston pas theg pa kun gyi 'byung gnas gnam rgyu'o/ /de spang bya gang spangs pas byung zhe na/ dge slong dgra bcom nas las byung bas rje btsun spangs bya mdza' dag spangs nas bde ba'i ye shes 'phags lam brgyad dang ldan pas ji lta ba rig pa zung du 'jug pas 'khor ba'i 'dam las brgal nas mya ngan las 'das pa'i skam sar byon pa'i ye shes te/ de yang rje btsun rgyal po nam mkhar gyur pa'i dus su rgyal po lha la sras de 'khrungs nas 'khor lo sgyur ba'i rgyal po gling bzhi la dbang ba btsun mo drug khri dang bcas phyi blon nang blon la sogs pa dpag tu med pa yod pa la/ yab rgyal po sa'i

  276. 138b

    lha ni dzam+bu'i gling gis 'dod pas ma tshim nas sum cu rtsa gsum gyi dbang po brgya byin gyi stan phyed kyis ma tshim nas yang 'dod pa'i bsam pas rin po che dang bral te dzam+bu'i gling du song nas shi'o/ /der ?? nam mkha' 'khor ba la skyo ba skyes nas/ rgyal po dbu rtse nas bltas pas sgo bzhi na phar 'chi ba dang skye ba dang brgas pa dang na ba mi 'chad pa mthong nas rgyal srid la byung nas/ btsun mo dam pa la nga snying ma dga' nas 'gyel nas 'gro na byas pas/ 'o na mu stegs kyi ston pa mi pham la chos thabs zhus zer bas/ des nga'i nad mi bsos nang 'di me gsum 'dom pa'i nad yin byas pas/ dam pa'i chos la 'ongs na bsos te 'ong/ de min na 'chi gsungs pas/ btsun mo na re de skad ma gsung dus de'i tshen sangs rgyas 'brug sgra dbyangs kyi rgyal po bya ba bzhugs pa la chos kyi 'khor lo bskor zer nas/ sangs rgyas de la lo brgyad khrir chos kyi 'khor lo bskor nas/ sems bskyed nas smon lam mang po zhus nas mchod pa mang po byas so/ /de nas rgyal pos g.yog 'khor rnams spangs nas gcig pu nags gseb du bsgom du yongs pas/ ga re dge ba de tsam byas pa de bsngo ba ma byas pas/ bsngo ba ji skad byas la bsngo 'am/ tshangs bar bsngo 'am/ brgya byin tu bsngo 'am/ nyan thos dang rang rgyal du bsngo 'am snyam nas yod pa la nam mkha' la me tog gi char byung nas/ rgyal po chen po snyan gson dang bsngo ba rnam par dag pa ni byang chub chen po yin rgyal po chen po/ /shes par gyis zer nas/ de'i dus na chos thams cad sgyu ma lta bur mthong rtogs mthong nas sa dang po'i mthong lam skyes so/ /de'i rjes la ye shes 'ba' zhig las byung bas bsgom pa'i lam thob pas khyad par du 'gyur ro/ /gzhan don mdzad pa ni shes rab mtshon nas lam ni ston pa po ces pa ni rab tu 'byed pa'i shes rab lung man ngag gis gzhan la ston te/ ma rig pa

  277. 139a

    bsal nas chos thams cad dbang rnyed pas na dman pa rnams la lam phyin ci ma log par ston no/ /'di yang sngon gyis dus na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong brgya stong gi dge 'dun chen po dang/ byang chub sems dpa' khri nyis stong dang/ lha'i bu dpag tu med pa dang/ lha ma srin sde brgyad la sogs pa dang/ thabs gcig tu bzhugs so/ /dus de'i tshe na 'phags pa 'jam dpal gzhon nur gyur pa bcom ldan 'das kyi g.yas rol du bzhugs so/ /dus de'i tshe lha'i bu rin chen mchog ces bya ba'i bsam pa 'phags pa 'jam dpal 'dis nges pa lam phyin ci ma log pa'i chos gcig bstan na ci ma rung snyam mo/ /dus der bcom ldan 'das kyis mkhyen nas 'jam dpal la zhus so/ /'jam dpal gyi zhal nas chos thams cad brjod du med pa la bshad du yod dam gsung/ bcom ldan 'das kyis zhal nas brjod du med pa la brjod par go bas shod gsung/ 'jam dpal gyi zhal nas brjod du med pa la ji skad bshad lags/ bcom ldan 'das kyis bka' stsal pa/ chos kyi dbyings rnam par dag pa la brtsams nas shod gsungs 'jam dpal gyis gsol ba/ chos kyi dbyings rnam par dag pa la ni kun nas nyon mongs pa dang/ rnam par byang ba dang dbyer med pa chos thams cad mnyam pa nyid yin na blo gros dman pa dag skrag cing dngang bar mi 'gyur ram zhe na/ ston pa'i zhal nas skrag cing dngang ba rang 'jug pa'i lam yin pas ston cig gsung/ de nas 'phags pa 'jam dpal gyis seng+ge'i khri la bzhugs te/ rigs kyi bu 'am rigs kyi bu mo gang la la dag chos thams cad mnyam pa nyid de 'khor ba dang mya ngan las 'das pa dbyer med/ 'khor ba nyid mya ngan las 'das pa yin/ mya ngan las

  278. 139b

    'das pa nyid 'khor ba yin te/ de ci'i phyir zhe na/ 'khor ba'i chos nyid mya ngan las 'das pa yin la/ mya ngan las 'das pa'i ngo bo de nyid 'khor ba la snang ba'o/ /dus der dbang po rnon por ldan pa dag mi skye ba'i chos la bzod pa thob dbang po dman pa rnams de nyid du langs nas/ de lta ba yin na rab tu byung ma byung dang ming/ tshul khrims bsrungs ma bsrungs dang gnyis med de/ chos de byar med zer nas bros song ngo/ /der 'jam dpal gyis sprul pa'i dge slong gcig tu sprul te lam gyi bzhi mdor bsdad do/ /der nyan thos kyi rigs de la gang nas 'ongs byas pas/ 'jam dpal la 'khor 'das dbyer med thos bas skrag pa'i lo brgyus byas pas so/ /khyed gar 'gro zer nga 'phags pa 'jam dpal gam du 'gro byas pas/ ma 'gro kho nar chos thams cad mnyam nyid yin zer bas de ltar song na dge sdig 'dra bas skyon mang po yod zer/ der sprul pa'i dge slong des 'o na der sdod dang/ da ltar snang ba 'di sems nyid snang bar 'dug gam/ bem po snang bar 'dug gam/ dpyod dang byas pas/ de tshos dpyad pas sems nyid snang bar 'dug /'o na so so rang re'i sems 'di phyin 'dug gam na ngan 'dug /gnyis ka 'am kha dog gam dbyibs la sogs pa gang du 'dug dpyod dang/ sems 'di dang po gang nas 'ongs/ da lta gang na 'dug/ tha ma kar 'gro dpyod dang/ khyod rang gi yang spyi gtsug nas rkang mthil nas gang na 'dug rtogs dang byas pas/ de ltar so sor rang res brtags pas ma rnyed zer ro/ /'o na med dam byas pas gsal ba tsam du 'dug/ 'on te ma rnyed pa de ka'i ngo bo la 'khor ba 'am mya ngan las 'das pa 'am gnyis kyi rnam par 'dug gam mi 'dug byas pas/ de'i ngo bo la mi 'dug zer/ der sprul pa'i dge slong na re'o 'jam dpal gyis bshad pa yang de lta bu la dgongs pa yin pas 'thad dam

  279. 140a

    mi 'thad gsungs/ shin tu 'thad zer nas da zhu ru 'deng byas nas 'ongs so/ /sprul pa'i dge slong de seng khri'i steng du bzhugs pas nyan thos de rnams mgo phur nas byung bas/ ci nyes byas pas/ da ci bros pa ngo tsha zer nas/ der chos thams cad mnyam pa nyid la ngo tsha ba yod pa ma yin pas/ de legs par nyon cig gsungs nas/ lam phyin ci ma log pa'i don bshad pas legs pa'i lam ni ston pa'o lam phyin ci ma log par ston pas rang don grub/ gzhan gyi bsam pa grub/ de ltar yin ched du 'dzin pa med pas kun tu rtog pa thams cad spangs pa'o/ /'o na rnam par mi rtog pa la sku ji ltar byung zhe na/ zad mi shes 'byung ngo/ /de la rgyu tshogs dgos pas bsod nams ldan pa ye shes tshogs te/ pha rol phyin pa bcu'o/ /ye shes kyi khyad par dang yod med shes zhes pa theg pa'i khyad par te/ 'di ni dpe bstan pa ni sngon yul a nyu ta zhes pa'i lung pa dgon pa cig na phar mi rgod lnga phyin pas shin tu skom pa la rdzing bu gcig gi 'gram na shing gcig la sprul nag po chen po gcig 'dug pa'i gzugs brnyan chu nang du byung ba la mi rnams chu 'thung gi blo che chung gis gcig na re sprul dngos yin zer nas chu 'thung ma nus/ gcig na re gzugs brnyan dag yin te/ chu 'thungs na gnod pa 'ongs pas dug sngags btab na phan zer ro/ /gcig na re gzugs brnyan yin na 'thungs dang zer/ gcig na re 'di rdog pas brdzis la btung zer/ blo dang ldan pa gcig na re 'di gzugs brnyan yin pas ci yang bya mi dgos pas de ga rang du zhag la chu btung zer nas khos 'thungs so/ /de bzhin du theg pa'i khyad par la sbyar ro/ /tshogs gnyis tshogs ni bsags pa po zhes pa ni sngon 'jam dpal rgyal po mig bzangs su gyur tsam na/ rgyal po'i

  280. 140b

    chad pas sems can stong btson rar bcug pa las/ bu smad yul 'khor byin nas btson ra nas bton no/ /rgyal po mi pham pa'i dus su lus sbyin par btang ngo/ /rgyal po gtsug na rin chen gyis mgo sbyin bar btang/ rgyal po zla ba 'od kyi dus su mig byin/ rgyal po btogs so'i dus su dbang bo lnga sbyin par btang/ rgyal po thams cad gtong par grags pa'i dus su rkang dang khrag sbyin par btang bas des na rje btsun gyi tshogs gnyis bsags pa'o/ /de thams cad kyang rnal 'byor ram ting nge 'dzin dam pa la brten pas rtag par kun rgyal nas mi g.yo ba zhes pas bstan/ 'di yang sngon bya rgod phung po'i ri la bcom ldan 'das 'khor dpag tu med pa la chos ston pa'i dus su/ 'phags pa 'jam dpal ting nge 'dzin las bzhengs nas 'chag tu byon pa dang/ gnas brtan shA ri'i bu yang dag thugs la sgom pa byed pa gzigs nas/ khyod bsam gtan byed dam byas pas byed zer nas/ khyod nyon mongs pa spangs pa'i phyir byed dam/ de bzhin byed zer na 'o na khyod dus gsum gang la gnas nas byed/ yul lnga la gnas nas byed dam dbang po lnga la gnas nas byed dam/ khams gsum la gnas nas byed dam/ de thams cad ni mnyam pa nyid yin na/ khyod la bsgom bya bsgom byed kyi ji ltar yin dris pas/ lan du nga rtog pa spong ba tsam du bsgom zer/ 'o na rtog pa dang sems gcig gam tha dang/ rtog pa dang sems la tha dad pa med pas brtags na ci yang rnyed pa ma yin no/ /de'i dus su kha cig ni ma mos nas du 'bod kyi dmyal bar thang gcig skyes/ de nas dga' ldan du skyes so/ /'jam dpal bsam gtan de gang zhe na/ chos thams cad mi dmigs pa'o/ /mi dmigs pa de mi rtog pa/ mi dpyod pa spros pa nye bar zhi ba de ga la yod do zhe 'am/ gnyis ka'o zhe 'am/ gnyis ka ma yin bar zhe'am/ gang du yang

  281. 141a

    khas blang du med pa/ dmigs pa thams cad dang bral ba/ sems pa med cing sems dang bral ba ste/ 'dus ma byas la gang rtog dang/ mya ngan las 'das la gang rtog pa/ gnyis ka bdud kyi las yin zhes/ sangs rgyas rnams kyis rab tu bshad/ /ces gsungs pas thams cad kyang dgra bcom pa thob bo/ /des na rje btsun 'khor ba ji srid du bzhugs shing rnal 'byor dam pa dang ldan pa zhes bya'o/ /de'i 'bras bu gang zhe na/ sku gsum dang/ sku lnga dang/ ye shes lnga dang/ rigs lnga dang/ spyan lnga dang ldan par bstan pa'o/ /phrin las bstan pa ni/ sangs rgyas thams cad bskyed pa'o/ /zhes pas sangs rgyas kun chos nyid las skyes pa dang/ thams cad la ma nor bar bstan pas de la sangs rgyas 'byung ba'o/ /rje btsun nyid kyang gnyis med las skyes pas na sras po mchog /don mdzad kyang nyes pas mi gos te/ chos rnams sgyu ma lta bur shes srid pa mi len pa'o/ /'o na 'gro don ji ltar mdzad na gnyis med las gzugs sku gnyis byung nas srid pa sel lo/ /'gran zla med pa'i sku skye 'chi dang bral ba sku byung ma thag tu 'gro ba'i don mdzad pa'o/ /sku ni bzhi pa 'tshon lta bu la mtshan dpes spras pa ste/ stong pa nyid las byung ba'i sku/ de ye shes lnga'i ngo bo ste/ shes rab ye shes nas 'od gsal bas ye shes lngas don mdzad pa'o/ /rang don du shes skyo ba gnyis mchog bdag po/ gzhan don dang phrin las mdzad pas rig sngags nas don zhes pa'o/ /rje btsun dbu la ye shes lnga'i gtsug tor spros bsdus bzhugs/ sku'i dpe nam mkha' la kun 'byung ba bzhin no/ /gong du bstan pa bzhin du khyad par du gyur pas 'gro ba kun la spyan gyis gzigs nas gdul

  282. 141b

    bya ji ltar 'dul ba bzhin du skye ba ston pas na sna tshogs gzugs can bskyed pa'o/ /drang srong che dgus mchod cing brjod pa ni sngon ston pa lha'i dbang po dbang bsgyur gyi gnas na sangs rgyas byang chub sems dpa' mang po bzhugs pa la kun chos kyis 'gro ba mdzad pa la/ 'jam dpal gyis ma gsungs par gzhan mi gsung pa la/ sus kyang ma spobs nas/ byang chub sems dpa' bcu drug gis/ dpal gyi 'byung gnas 'jam dpal kun gyi dpal la sogs pa tshig bcad bcu drug gis re re bstod do/ /phyogs bcu'i sangs rgyas kyis kyang/ nyid kyi mdangs bzangs sems kyi ni la sogs pa bstod do/ /dus de nyid du lha dang lha mo la sogs pa dpag tu med pa rnams kyis mchod pa sna tshogs pas mchod/ bstod pa kun gyis bstod nas zab mo'i don mang du zhus so/ /yon tan yod pas bstod pa nas sku gsung thugs dang shes skyob gnyis yod pa can no/ /thugs yang dag pa'i ye shes gsang sngags kyis bstan pa 'dzin pa des na gtso bo ste/ dkon mchog gsum dang theg pa gsum ston pa gong bzhin no/ /des na 'gro ba'i don thugs rje zhags pas thun mongs ma yin pa des 'dzin te/ des sems can mi gtong bas zhags pa dang sems can 'dzin pas lcags kyu dang 'dra'o/ /des 'ching bas zhags pa che zhes bya'o/ /'phags pa 'jam dpal shes rab ye shes spyi gtsug gi yon tan bstan pa'o// //da ni me long lta bu'i ye shes de gdul bya zhes sdang can gdul ba'i phyir khams gsum rnam par rgyal ba la sogs pa khro bo'i tshogs dpag tu med pa rnams bstan pa ni/ rdo rje ni me long lta bu de las 'jigs par byed pa'i sku gang zhe na/ khro bo'i rgyal po gdong drug 'jigs/ mig drug lag drug stobs dang ldan pa ni pha rol phyin pa drug dang/ rjes su

  283. 142a

    dran pa drug dang/ mngon shes drug gi ngo bo ste/ 'di la sngon lha dang lha ma yin 'thab pa'i dus su ma hA de ba yab yum ma phral ba me lhas phral bas/ me lha'i kha la pho mtshan brgyab pas/ me lha bu che nas ston pa la thabs nus nas khos me'i dkyil 'khor du bsgoms nas mdun du bum pa drug bsgoms te khong pa'i sa bon byabs nas bum par blugs pas/ bum pa drug sbrum nas der gcig tu 'byar nas de'i nang nas gdong ba drug pa gcig byung ste/ gzhon nu mig zhes kyang bya/ gzhon nu gdong drug zhes kyang bya/ de'i bu dbang ldan drag po bya ba 'khor dang bcas pas skye 'gro kun la dbang byed pa yod pa de gdul ba'i phyir/ rje btsun gyis khro bo gdong drug tu sprul pas na des 'jigs pas na 'jigs zhes bya'o/ /keng rus mche ba gtsigs pa po zhes bya ba ni/ lha mo u ma la bu gsum ni/ kArti ka dang/ b+h+ring gi ri ti dang/ kar Ni ka gsum yod pa las ma srin mo'i spyod pa byed pas phas sbas te/ nam zhig kA ra ti ka shin tu bzang sdug la 'od che nas mos bltar 'ongs pas bu bros te/ ded pas zin nas sha nga 'dod pas rus pa pha khyer zer nas sha bkros nas zos ste song ngo/ phas phyin tsam na shi la khad nas 'dug pa la rtsi ma gi ta btab pas ma shi nas de bzhin du dra pa? ?la che la zhe sdang tshad du phyin pa zhig byung/ de gdul ba'i phyir keng rus mche ba gtsigs pa'i khro bo'o/ /ha la ha la gdong brgya pa ni lnga 'jig rten pa'i lha chen po dang/ byang chub sems dpa' bcu drug dang/ lha ma srin sde brgyad tshogs nas gros byas pas/ phyi'i rgya mtsho 'di ni rin po che yod pas 'di dbyung ba'i thabs la/ ri rab la srub ma byas la skrog par chad/ klu chen po brgyad kyi srub thag byas/ lha chen po brgyad kyi then pas sna la rin po che mang po byung nas/

  284. 142b

    lha'i rgyan byas/ de nas dug lnga byung ste/ btsan dug dbyig dug /mche ba'i dug /mthong ba'i dug /thos pa'i dug ha la ha la byung ngo/ /tsan dug dbyig dug bzhag go /mche ba'i dug sems can la gnod pa byed kyis dogs nas rgyal po mig mi bzang gis 'thungs pas sha'i spyan long nas ye shes kyi spyan mnga' bas nges kun la bltas na gnod pas lag tu mchod rten bzhag go /mthong ba'i dug byung nas 'phags pa spyan ras gzigs kyis 'thungs pas khong par ma tshugs nas skye nas cing gyis glung nas kro d+ha mgrin sngon gdug pa sel bya'o/ /de nas ha la ha la su'i rna bar thos pa 'chi ba na 'phags pa 'jam dpal gyi zhal brgya tham par sprul nas 'thungs te/ thub nas sems can rnams la phan par byas so/ /de'i ngo bo bstan pa ni gshin rje bshed po bgegs kyis rgyal zhes bya ba ni sngon tshe dpag tu med pa thub pa'i dus su thub pa bgegs kyi rgyal po bi nA ya ka zhes bya ba byol song gi gzugs la lto ba che ba mgo lcags ri'i ngos la gtad/ rkang pa ri rab kyi ngos la gtad nas skye 'gro kun la bar du gcod pa yod do/ /de gdul ba'i don du sgyu 'phrul gsus po tshar sprul nas/ de'i steng du bzhugs pas/ lcing lan gsum du phab pas 'khun ma byung nas/ der bsam gtan dang por sleb pa'i lus kyis mnan pas breng nas chos skyong pa'i srungs mar dam bcas so/ /khro bo rgyu gang zhe na/ rdo rje las byung ba de la de skad ces bya ba'o/ /ngo bo 'am rang bzhin nam mkha' lta bu gang gis dang por ma gos pa'o/ /dbu skra kham nag gyen du brdzes pa sprul gyi rgyan khro bo'i rgyan dang/ gsung dang thugs bstan pa ni/ glang chen nas gad brgyangs ha ha zhes sgrogs pa zhes pa ni/ glang lpags gos/ gsung ha ha dang hi hi dang rdo rje'i gad brgyangs so/ /'o na khro bo de nyid zhe sdang 'ba' zhig gam zhe na ma yin te thugs bde ba chen po las

  285. 143a

    ma g.yos so/ /gsung rdo rje hUM ste hUM zhes sgrogs so/ /phyag mtshan mtshon du rdo rje mda' gzhu dang/ rdo rje ral gri dang/ rdo rje rtse gcig pa dang/ rtse lnga pa dang/ g.yul sel ba rdo rje mdung la sogs pa dpag tu med do/ / spyan rdo rje 'bar ba'i mig /dbu skra rdo rje/ rdo rje 'bebs pa 'ong du 'od 'byung ba'o/ /gong gi gdong brgya la mi dang ngo/ /lus kyi ba spu 'ang rdo rje'o/ /gcig pu'i lus ni skye shi med pa'i sku'o/ /lag pa yang rdo rje phyag rgya lnga yang rdo rjes brgyan pa/ gsung ha ha sgrogs na yi ge drug pa ste/ oM ya mAn+ta ka hUM ni khro bo'i yang snying ngo/ /de'i don ni 'di yin te sngon ri rab kyi steng chos bzang lha'i mdun sar sangs rgyas dang byang chub sems dpa' mang po tshogs so/ /dus de'i tshe na lha dbang phyug chen po dang yu ma u ma drag po'i 'khor pho nyi shu rtsa gcig dang/ mo nyi shu rtsa gcig yod de/ de yang khyab 'jug dang/ gzhon nu kArti ka dang/ tshangs pa dang/ dbang po dang/ nyi ma dang/ zla ba dang/ spen pa dang/ mig dmar dang tshogs kyi bdag po dang/ sprang rtsir byed pa dang/ rgyal bar byed pa dang/ nor sbyin dang/ rlung lha dang/ me lha dang/ lus ngan po dang/ 'phags skyes po dang/ gshin rje dang/ tshogs bdag dang/ chu lha dang/ b+h+rir gi ri ti dang/ dga' byed dbang phyug rnams ni pho 'khor ro/ /mo rnams ni u ma dang/ rdo rje rgyal mo dang/ drug ldan ma dang/ tshangs ma dang/ dbang mo dang/ mi 'am ci ma dang/ ro hi ni dang/ dbugs 'dzin ma dang/ skye ba 'phrog ma dang/ gsod ma dang/ zab mo dang/ 'gro ma dang/ dga' ma dang/ zhi ba mo dang/ rlung gi mo dang/ me ma mo dang/ lus ngan mo dang/ phag mo dang/ tsa muN+Di dang/ sna chen ma dang/ chu lha mo dang rtsa gcig go /lha ma srin sde brgyad dang/ tshangs ma la sogs pa ma

  286. 143b

    mo bcu gnyis dang/ bar chad ldan ma la sogs pa ma bdun dang/ gtum po la sogs pa gnod sbyin lnga dang/ srin mo 'phrog ma la sogs pa bcu dang/ 'phyang ma la sogs pa mo gnyis dang/ der yang ma zad pa de'i nye 'khor ni ma mo bcu gnyis dang/ mdungs ma'i tshogs dang/ 'phra men ma'i tshogs dang rims bdag mo'i tshogs dang/ ngan song gsum gyi tshogs kyi tshogs dang bcas pa rnams/ ri rab kyi byang shar mtshams na thod pa dgu brtsegs ces bya ba'i pho brang na gnas nas/ zla dus khyad par can la kun tshogs shing sems can mang po gsod cing sbyin sreg byed/ lo tog la ser ba 'bebs/ mi nang phyugs nad mang po gtong/ su dge ba byed pa'i bar du gcod pa/ ri rab klad la bskor ba/ rgya mtsho ru? ba kyi 'debs pa de lta bu zhe sdang chen po'i ru dra de lta bu yod do/ /dus de'i tshe sangs rgyas rnams 'dus nas 'phags pa 'jam dpal la gsol ba btab pa/ zhi bas byang chub 'grub 'gyur yang/ /yang dag byang chub thob byed pa'i/ /gtum po rnams ni gdul ba'i phyir/ rang rig drag po bskyed 'gyur mdzod/ /ces zhus so/ /lan du/ byang chub yang dag thob byed pa'i/ /sems can 'di rnams snod min te/ /nyon mongs rnams ni me ltar 'bar/ /nga yis gdul ba'i snod min no/ /zhes pa yang bka' stsal pa khyed ni dus gsum sangs rgyas kyi/ /thugs kyis sras de gtso bo che/ /gdug pa 'dul ba'i dpa' bo ste/ /rang rig drag po bskyed du gsol/ /zhes zhus pas/ de nas rje btsun nyid kun tu 'bar ba'i snying po khro gnyer can smin pa bcum pa mche ba lhag gi byung ba/ shin tu btsigs pa zhal dang phyag mtshan dang sku mdog sna tshogs par gyur nas/ de bzhin gshegs pa rnams ma 'tshal lags so zer nas/ der sangs rgyas rnams kyis dbang phyug chen po la sogs pa ma rungs pa mchis

  287. 144a

    pa 'di thul gsung nas de nas gzhung bzhin du ha ha la sogs pa'i sgras khro bo gnas nyi shu rtsa brgyad nas re re spro zhing bkug pas/ la las khang pa nas thon la las bcom ldan 'das kyis khang pa'i rtsar phyin pa la sogs pa du ma byas/ de nas thugs ka nas khro bo me ltar 'bar ba phyung nas 'gugs su btang bas/ mahA de ba yab yum zhags pas bcings nas gshin rje gshed po'i zhabs g.yas pa'i 'og tu dbang phyug chen po bcug /g.yon pa'i 'og tu lha mo u ma gan rkyal du bcug go /der 'khor thams cad la 'o dod mang po phyung nas 'jig rten gyi drag po thams cad kyis bcom ldan 'das kyi drung du gnod pa sna tshogs byas pa las/ nam mkha' la ral gri'i char phab nas kun shin tu bred nas 'dus so/ /nye ba'i 'khor pho rnams 'khor gyi khro bo rnams kyi zhabs 'og tu bcug go /der shin tu breng A yu(rgyud 'grel): zhes slar bslang nas khro bo rnams kyi zhabs kyis reg pas khyad par du gyur pa'i bde ba khyad par skyes so/ /de ltar lha chen mo na re/ e ma sangs rgyas thams cad kyi/ /sangs rgyas ye shes bla na med/ /zhabs mthil gyis ni mnan nas ni/ /mya ngan 'das la rab bzhag nas zer nas/ der lha chen po yab yum dam tshig la phog nas gsum la skyabs su 'gro ba bstan nas chos skyong srung mar dam bcas so/ /der ma rungs pa'i tshogs rnams khro bo'i tshogs kyis sgra ha ha zhes pas btul lo/ /'phra men gyi tshogs rnams hi hi zhes pas btul lo/ /ngan song rnams rdo rje gad mos btul lo/ de rnams la dam tshig dang sdom pa phog pas bdag cag rnams zas skal med pas nged rnams 'chin zer nas/ skyab pa po rnams kyi gtor ma dang/ dkyil 'khor sder zas za ba dang/ dam tshig nyams pa dang bstan pa 'jig pa'i

  288. 144b

    snying khrag dron mo sbyin par bya ste dam bcas so/ /rje btsun gyi yon tan bshad pa nas mar/ 'jig rten pa brgya lnga bcu dang nyi shu rtsa lnga kun de ru dam bcas pa yin no/ /de tsam gyi rnam par 'phrul ba mdzad pa su yin zhe na/ 'jam pa'i dbyangs nyid yin no/ dus der ha ha dang hi hi dang/ sgra drag po'i hUM rnams phul/ ri rab steng du mdzad pa de bzhin du khams gsum dus gcig tu khyab po/ der ma zad nam mkhas gar khyab pa'i 'jig rten gyi khams thams cad du rnam 'phrul dang/ drag po hUM sgra dus gcig tu mdzad do/ /des na rje btsun 'jam dpal sgra dang ldan pa rnams kyi mchog ces bya'o/ /sngon shar phyogs bde ba can na sangs rgyas 'od kyi tog 'khor mang po la chos ston pa'i sar/ 'jam dpal byang chub sems dpa' brgya stong phrag mang po dang lha'i bu mang po phyir 'brengs nas/ 'jam dpal gyis 'od gsal ba'i sgras stong gsum bkang nas/ bdud spa kong ba yin pas sangs rgyas de'i 'khor nyan thos yo rlung mar gyis khyer ba ltar 'gyel lo/ /der sangs rgyas de la zhus pas 'di ni 'jam dpal bdud spa bkod pa'i sgra yin gsung/ der ded cag blta zer nas chos zhus so/ /des na yang sgra dang ldan pa rnams kyi mchog go /la la dgan re keng rus mche ba gtsigs pa po'i skabs su sngon mi gcig rgya mtsho'i 'gram du byin pas bud med nag mo gcig gis nged nas der chad nas yod pa las khos mi'i 'gram rus cig rnyed nas lag tu blang pa tsam gyis bud med de skad ngan dang bcas te bros so/ /der ded pas thug? cig tu bros so/ /der phyin pas srin mo'i bu lnga brgya 'dug ste yo byed nas nga khyod ci zer nyan zer nas/ der khyed cag ci la byed byas pas lag na mi'i rus pa de la gri mang po thogs pa 'dug zer nas der mi nges khyed cag ma smad kyang de phyin cad mi ma gsod byas nas/ der drang

  289. 145a

    srong mngon par shes pa dang ldan pa la dris pas/ 'di sngon 'jam dpal 'don pa'i mi gcig gi 'gram rus yin gyis/ 'di la mchod gnas gyis la 'jam dpal thon dang dngos grub thob kyis zer nas de ltar byas pas thob po/ /yang 'di ni 'jam dpal bsgom par 'thad do/ /mche ba gtsigs pa po la/ sngon mi tshon po gcig pa la yul de nam mkha' 'gro ma bdun yod pas gcig btang nas sang nub khyod la za res 'bab pas nged cag 'od do zer nas song ngo/ /der mi de lung pa cig na yar bros nas bu gcig tu yib snyam nas/ byin pas thod pa so rtseg ge ba gcig 'dug ste phang du thogs nas 'dug pas/ mkha' 'gro mas rjes mchod nas byung bas thod pa mthong pas/ gan cing bung? cing grol ste/ /khos ded/ da ci zer ba nyan zer/ ci la 'bros byas pas thod pa'i so bar na/ tshur khro bo kha gdangs pa mang po 'dug zer/ /der mkha' 'gro ma bdun po kho'i grogs su dam bcas so/ /der drang srong mngon par shes pa la dris las/ 'di 'jam dpal bsgom pa gcig phung po bor nas sangs rgyas pa'i mgo bo yin pas de bsgrubs dang 'jam dpal zhal mthong ngo zer ro/ /de ni sngon byung ngo/ /'phags pa 'jam dpal khro bo'i sdug bsngal gcod pa'i yon tan bstan pa'o// //da ni rje btsun 'jam dpal de nyid so sor rtog pa'i ye shes de 'jam dpal rnon po'i skur bstan pa ni/ gdul bya 'dod chags can gdul ba'i phyir sku dang gsung dang yon tan dang phrin las kyi khyad par gsungs pa ni/ yang dag bdag med zhes pa nas 'od 'bar gsal zhes pas ston te/ de la so sor rtog pa'i ngo bo gang zhe na/ yang dag pa'i bdag rnam pa gnyis kyis stong pa'i de bzhin nyid de glo bur gyi dri ma dang bral ba'i shes pa ma 'dres

  290. 145b

    pa dang gsal ba'o/ /de lta bu de gzhan la ji ltar ston zhe na/ stong nyid ces pa nas mya ngan 'das pa po ces pas ston te/ sngon rje btsun 'jam dpal rgyal po'i pho brang 'od 'phro can na bzhugs pa'i dus su byang chub sems dpa' bzhin bzang la sogs pa zab cing rgya che ba'i chos stong pa nyid kyi ngo bo zhur 'ongs pas/ phyogs kun nas kun tu btsal bas thang chad nas yi mug ste ma mthong nas ston pa shAkya thub pa la zhus pas rje btsun gyi yon tan mang du bshad nas khyed rnams rje btsun la phyag tshol la gsol ba thob dang byin brlabs 'chang gsungs nas/ der byang chub sems dpa' bzhin bzang gi grogs po rnams la de ltar bslabs nas kun gyi de ltar byas pa dang ma mthong nas yang shAkya thub pa la zhus pas/ tshes thams cad mnyam pa nyid du zhog gsung nas/ /bzhin bzang gis thams cad mnyam pa nyid du sems zhog dang/ yon tan mthong zer nas de ltar byas pas zhag bdun gyi nang par rje btsun pad+ma'i steng na sku gser gyi gtan pa phyis pa bzhin du bzhugs pa mthong ma thag tu/ sku la 'od zer 'byung ste 'jig rten gyi khams thams cad bkang ste/ sangs rgyas dang byang chub sems dpa' dang nyan thos dang rang sangs rgyas la sogs pa la mdzad pa bcu gnyis la sogs pa so so'i rnam par thar pa bstan nas bzhugs pa'i dus su nam mkha' la me tog la sogs pa'i char byung ngo/ /dus der zab cing rgya che ba'i chos phyogs bcu thams cad du nye ring med par chos kyi dung bus/ gaN+Di dang chos kyi rnga brdungs nas kun thar pa la bkod pas mi gnas pa'i mya ngan las 'das pa rje btsun khyed yin zhes pa'o/ /sku ji lta bu zhe na/ chos sku gzugs med las/ longs sku gzugs bzang mtshan dpes brgyan pa/ sprul sku cir yang ston pas na gzugs med nas snang ba'i dpal

  291. 146a

    zhes pa'o/ /'o na mi dogs sam zhe na/ gzugs rnams ma lus 'chang ba po zhes pa rje btsun gyis sems sgyu ma lta bur shes/ 'jig rten rmi lam lta bur shes/ smon lam dang sangs rgyas kyi mig yor lta bur shes/ chos thams cad sprul pa lta bur shes/ tshig thams cad brag cha lta bur shes skye shi thams cad 'khrul 'khor du 'du shes snang srid thams cad dri za'i grong khyer du 'du shes/ de ltar rtogs nas cis kyang mi tshugs pas na/ tshugs pa med cing che bar grags pa ste/ sngon rje btsun byang chub shing drung na bzhugs pa'i dus su/ bdud sdig to can shin tu 'jigs pa mang pos nam mkha' la thog la sogs pa dang/ la las ri la sogs pa mdung dang shak ti dang sna tshogs pa brdeg pa la/ rje btsun gyis ba spu las 'od zer byung bas bdud rnams la phog pas shin tu brgyal nas sa la 'gyel lo/ /der skyabs btsal bas kun thar pa la bkod do/ /des na 'phags lam shin tu mtho la gnas pa dang/ dam pa'i chos dar pa'i rtse mo yin pas tog go /'o na 'gro don mdzad sku dngos gang yin zhe na/ 'jig rten gsum na mdzes pa ste sku gzhon pa dang rgan pas 'jigs ci yang ston to/ /sdug gu 'jig rten gsum na mdzes zhes pa sngon lho phyogs byang yul na sdig spyod kyi rgyal po dpal sbyin bya ba mtshams med pa lnga'i las byed pa sus kyang ma phul ba cig yod/ de la bu mo mdzes pa cig yod pa la khyim thab tu rung ba ma rnyed pas rje btsun gyi sku blta bas mchog ma shes pa de bu mo'i gam du phyin pas/ bu mos mthong nas rje btsun la mig mi 'dzum par blta'o/ /der rje btsun gyis khyod ci la blta gsungs pas/ nga khyed la khyim thab cu re zer/ rje btsun gyis bu mo khyod gzhan gyi dbang du

  292. 146b

    ma bzung dam bzung na nga mi 'dod gsungs pas/ nga'i khyim 'thab tu rung ba'i khyog? med pas nga la bdag po med zer nas/ 'o na ngas smras pa'i tshig 'di nyan nam gsungs pas/ ci gsung nyan zer nas/ 'o na bu mo'i pha rgyal po dpa' byin nang par nga'i gam du sdom pa 'dzin nus sam byas pas/ ngas yab la zhu ba dbul gyis zer nas/ der zhu ba phul bas ma gnang ngo/ /bu mos lcebs tshul bstan pas yab kyis gnang nas/ der yab dam pa'i chos la bkod do/ /ba mo la rje btsun mi 'dra ba cig sprul nas bzhag bas sras gsum byung zhing ma sangs rgyas so/ /la las dus shes sems can dbang po shes kyi skabs su sbyor ba snang ngo/ /'gro don ji ltar mdzad ce na/ 'jig rten shes las nas zhi byed pa zhes pas bstan no// 'khor 'das sgyu ma lta bur zhes pas skyon gang gis nga mi 'jigs/ 'gro ba kun la phan 'dogs shing zad mi shes pa'i ye shes kyis ma rig pa'i ye shes sgo nga lta bu 'byed de nyon mongs pa thams cad spong ngo/ /'di la rje btsun sngon rgyal pa dag ba zhes bya ba'i pho brang rin chen sgron zhes bya ba na/ 'khor los bsgyur ba'i rgyal po chos thams cad kyi nga ro'i gdugs kyi dkyil 'khor rab tu sgrogs pa'i sgra dbyangs zhes bya ba de la btsun mo stong phrag bcu yod/ sras stong phrag bdun yod/ blon po lnga brgya yang/ kun kyang ma rmos pa'i lo tog za/ kun kyang dam pa'i chos spyod pa sha stag go /de'i tshe smad la bskal pa bar ma zad du nye ba na snyigs ma lnga'i dus la bab/ mi dge ba bcu byung sems can la nyes pa sna tshogs pa byung/ ltogs pa skom pa 'khyags pa gcig la gcig gsod pa byung nas kun 'o dod 'bod tshe des 'debs shing rgyal po'i sar tshogs so/ /der kun rgyal po chen po bdag la mgon dang skyabs dang dpung gnyen med pas mgon skyabs dpung gnyen zhu

  293. 147a

    'tshal zer ro/ /rgyal po pho brang rtse nas gzigs pas shin tu snying rje bar 'dug nas bshums so/ /der nang du log nas snying rje'i sems bcu bskyed nas phyi sgor phyin nas/ rnga bo che bsgrags nas thams cad 'dus shig byas nas/ ci dang ci 'dod pa la sbyin pa rgya chen po btang ngo/ /mthar bu dang chung ma dang yul 'khor btang/ de nas mgo dang rkang lag dang/ sha khrag la sogs pa kun btang nas mthar mngon par rdzogs par byang chub pas 'khor ba'i 'dam la pha rol phyin no/ /dbu la ye shes lnga'i rtags rgyal ba rigs lnga'i dbu rgyan byung bas/ ye shes dbang bskur cod pan can/ rdzogs pa'i sangs rgyas rgyan du thogs ces pas so/ /'du byed la sogs sdug bsngal gsum zhi nas de sel ba'i gnyen pa 'gog pa'i lam mdza' yas pa'i theg pa gsum thob po des na sgrib pa kun nas nyon mongs pa la sogs pa spangs nas/ phyogs ris med pa nam mkha' ltar gnas so/ /de bas na nyon mongs dri ma kun las 'das nas dus gsum dbyer med du rtogs so/ /des na kun gyi nang na gtso bo che ba'i yon tan thams cad kyi nang na che bas yon tan thod do/ /sku de ni 'gro ba'i rigs gang gis lus las 'das pa ste/ 'ja' mtshon lta bu skye shi med pa'i sku'o// nam mkha' i lam la rag gnas pa ces pa don dam du chos kun nam mkha' ltar rtogs kyang/ kun rdzob tu tshong dpon gyi bus 'jam dpal tshol du 'ongs pas nam mkha' la pad+ma'i sdong po mang po'i steng na skyil mo krung bcas nas lha dang lha mo mang pos bskor nas phyag dang mchod pa byed pa mthong nas gdams ngag zhus so/ /yid bzhin nor bu chen pos sems can gyis bsam ba sgrub pa yin la/ chen po ni rdzogs pa'i byang chub la mnga' ba'o/ thugs rje la

  294. 147b

    phyogs med pa'i rin po che sna bdun gyi nang na mchog go /dpag bsam shing chen rgyas pa ste ni sngon bskal pa gong ma'i dus su mu ge'i bskal ba byung nas kun 'chi la thug pas/ rje btsun gyis sa chen po de'i mdor dpag bsam shing chen po rgyas pa cig tu sprul nas sems can ci 'dod pa la thams cad lo stong du tshim par byas so/ /bum pa bzang po kun don byed ces pa ni sngon bskal pa gong ma'i dus su sems can la char mi grag pa'i dus byung ste/ des lo tog med nas btung ba'i chu yang med pa'i dus byung/ rje btsun snying rje chen po skyes nas/ yul de'i phu ru brag gcig gi tshar bum pa'i gzugs cig byung kun gyis bltas pas je che je che la nam mkha' dang mnyam pa cig tu gyur nas de'i kha dang logs dang zhabs la chu'i phung po byung nas mthar bza' ba dang bgo ba thams cad byung ngo/ /des na rje btsun kun la phan 'dogs shing mnyes gshin pa dang/ rigs bzang ngan dang 'dul ba'i dus shes shing 'dul ba'i dus shes pa dang ldan/ dus shes sems can dbang po shes pa'o/ /der ma zad theg pa gsum gyis 'dul ba la mkhas/ ji ltar na sngon dze ta'i tshal mgon med zas sbyin gyi kun dga' ra ba'i gnas su/ dus gsum gyi sangs rgyas dang byang chub sems dpa' mang po tshogs te chos kyi 'gro ba mdzad do/ /des na 'dug pa'i nyan thos rnams kyis bting ma rtogs/ dus de'i tshe 'phags pa 'jam dpal gzhal med kyi khang pa na bzhugs pa las 'khor lag na rdo rje la sogs pa dpag tu med pa dang lha ma srin sde brgyad la sogs pa dang bcas te/ lho phyogs su bzhud pa tshe dang ldan pa shA ri'i bu la sogs pa nyan thos drug cu tsam gyis mthong nas phyir phyin no/ /der lam du shA ri'i bus dge slong rnams la 'jam dpal gyi yon tan mang du

  295. 148a

    bshad pas des kyang sgrib pa bsrabs par gyur to/ /de nas 'ongs pas lam du 'jam dpal dang mjal nas rje btsun la shA ri'i bus dge slong 'di rnams ni khyed blta bar 'dod pas/ der rje btsun gyis glang chen lta stangs kyis gzigs pa/ dge slong rnams kyis gdams ngag zhus pas/ rje btsun gyis yongs su mi skyo ba'i chos bcu bshad/ sangs rgyas mchod pa la mi skyo ba dang/ chos tshol ba dang/ byang chub sems bskyed pa dang/ pha rol byin pa bcu dang/ ting nge 'dzin sgrub pa dang/ thos pa gcig nas gcig tu bya ba dang sangs rgyas kyi zhing sbyong ba dang/ sems can smin pa dang/ lha bsgom pa dang/ sangs rgyas kyi stobs la sogs pa bsgrub pa la mi skyo ba dang bcu bshad nas/ dge slong rnams rdzogs pa'i byang chub la bkod nas der skyed pa'i 'byung gnas grong khyer na nags tshal chen po sna tshogs kyis brgyan par/ mdo sde chos kyi dbyings kyi tshul rab tu snang ba zhes bya ba/ mdo sde bye ba khrag khrig brgya stong phrag bcu thun mong du bshad/ dus de'i tshe rgya mtsho'i klu rnams kyis chos nyan pa dang/ lha dang mi'i lus thob po/ /dus de'i tshe 'jig rten gyi khams thams cad du yang theg pa gsum gyis 'dul bar snang ngo/ /dus de'i tshe skyid pa'i 'byung gnas kyi mi thams cad tshong dpon nor bu bzang po la sogs pas rje btsun la phyag dang bskor ba byas nas 'khod pa las/ de las khyad par du tshong dpon gyi bu nor bu bzang la gzigs nas rje btsun gyis gnyis med kyi ye shes bstan no/ /de lta bu'i rje btsun de rang gi yon tan ci dang ldan na yon tan shes pas chos shes bkra shis pa'o/ /bkra shis kyi rdzas brgyad 'byung ba'o/ /bkra shis kun

  296. 148b

    gyi nang na rje btsun bkra shis pa'o/ /grags pa nas skyabs su 'ongs zhes pa ni/ sngon rje btsun rgyal bu thams cad sgrol zhes bya bar gyur pa'i dus su chu bo chen po'i 'gram na bzhugs pa la srogs chags mang pos mthar nas 'dug pas rje btsun chu 'gram na 'dug pas rgyal bu de rang 'dra ba du mar sprul nas gcig la gcig 'jus nas zam pa byas nas kun bton te dbugs phyung ngo/ /der de na yod pa kun gyi lan ldon pa la/ rje btsun gyis nga la lan glan ma dags gyis nga'i gdams ngag 'di zung zhig gsung/ zhes chos kyi ston mo mdzad pa'i chos gcig ni byang chub kyi sems mi btong ba'o/ /gnyis pa ni thos pas mi ngoms pa dang/ tshul bzhin du bsgom pa'o/ /gsum pa ni sdig pa spong ba dang/ dge ba la brtson pa dang/ bsngo ba la mkhas pa'o/ /bzhi pa ni tshul khrims dag pa/ lta ba dag pa/ sems dag pa/ shes rab dag pa'o/ /lnga pa ni byang chub las zhugs pa/ bden par smra ba/ g.yo med pa/ phrag dog med pa/ kun la sems snyoms pa'o/ /drug pa ni slob dpon bsten pa/ sdig pa'i grogs po spong ba chos kyi khas mi 'dren pa/ dben pa la gnas pa/ byams pa mi gtong ba/ sems can la snying rje che ba'o/ /bdun pa ni zhi gnas tshol ba/ lhag mthong tshol ba/ bzo'i ga nas shes pa rten 'brel shes pa/ don sgrub pa/ lam tshol ba/ le lo med pa'o/ /brgyad pa ni las su rung ba/ tshor ba la rtog pa/ chos la blta ba/ sdig pa skyes pa spong ba/ ma skyes pa mi skyed pa/ dge ba skyes pa spel ba/ ma bskyed pa bskyed pa'o/ /dgu pa ni dus gsum la rtog pa gsum/ mtshan ma med pa rtog /dus la ma zhen chos zab mo bzod/ stong nyid mi spong/ tshad med pa bzhi bsgom/

  297. 149a

    bsam pa bzhin du byed pa'o/ /bcu pa ni bdag med pa dang/ srog med pa dang/ gang zag med pa dang/ mi rtag bar yid ches pa dang/ skye ba la dug gu 'du shes pa dang/ phung po rnams la gshed mar 'du shes pa dang/ khams la sprul gdug par 'du shes pa dang/ skye mched la grong stong par 'du shes pa dang/ srid pa rnams la chu zlar 'du shes pa dang/ mya ngan 'das pa la skam sar 'du shes pa dang bcu gsungs pa'o/ /de lta bu'i rje btsun de bkur sti la sogs pa'i gnas su gyur pa nas skyabs su 'ongs zhes so/ /cis 'ongs na 'jig rten gyi dgra sel bas na'o/ /'di yang rje btsun gyis sngon seng ge dang/ glang po che dang/ me dang sprul dang/ rkun mo dang rgyal po dang/ nye bar tshe ba re re bzlog pa phan yon gyi skabs su 'byung ngo/ /ji ltar bstan na 'jigs pa sel zhe na/ sku cir yang ston te/ gtsug phud ces pa nas/ bram ze tshangs pas tshangs pa shes pa ni phyi rol mu stegs nas 'byung nas dri za dang rab tu byung ba dang sbyangs pa'i yon tan dang/ bram ze dang rigs byed dang/ lha tshangs pa smrang 'don pa la sogs pa nas thams cad mkhyen pa nas tshangs pa thob ces bya ba'o/ /de'i ngo bo gang zhe na rnam par grol ba lus chags bral ma lus 'dul ba po zhes pas bstan te/ nyan thos kyi mya ngan las 'das pa la mi gnas pa'i mya ngan las 'das pa'o/ /bde sdug ni rtog pa kun dang bral nas/ chags bral gzugs khams kyi lus las 'das pa'o/ /sku mtshan nyid dngos gang zhe na/ 'di ni gnyis su bstan te/ zab mo'i dbang du ni/ thub pa med cing nas sad pa'i bdag ces pas ston te/ chos sku de rtogs pas mi thub pa la/ 'di yin pa dpe med/ mi rtog pa la mi

  298. 149b

    mngon gsal ba'i rkyen med pas so/ /skyon med pas mi 'gyur kun la khyab par gnas rtogs par dka' ba'i dri mas ma gos pa/ nyes pa rdul tsam yang med pas nyan thos rang rgyal byang chub sems dpa' las shin tu sad pas sad pa'i bdag go /sku la de nyid bsgre'o/ /mkhyen pa'i ye shes kun shes nas/ dus gsum sangs rgyas las byed pas bstan te/ kun shes la sogs pa ji snyed dang/ ji lta ba shes pas gzung 'dzin las 'das pas gnyis su med pas mi rtog pa lhun gyis grub pa'i dus sangs rgyas kun gyi las yin pas de mdzad pa'o/ /de'i chos nyid de'i sems nyid sangs rgyas yin te/ sangs rgyas nas de bzhin gshegs pa zhes pas bstan te/ rig pa byang chub sems 'di dang po bar dang ? btsal nas ma rnyed pa nyid sna tshogs su snang snang tsam nyid na stong pa las ma g.yos pas/ chu zla lta bu de ni ye shes mig gcig dri ma med ces pa lta bu'i ye shes mig gcig ni bsgom pa'i dus na dri med 'od gsal lta ba'i dus nas rig pa 'dus ma byas 'phel 'grib dang bral ba snang stong dbyer med/ spyod pa'i dus na mnyam bzhag chen po'i spyod pa bya'o/ /'bras bu sku lnga thob pa'o/ /de ltar rtogs pas ye shes lus can de bzhin gshegs pa'o/ /des chos ji ltar gsungs she na/ tshig gi nas tshugs pa med ces pas/ bstan te/ rje btsun smra ba'i seng ge ste/ 'di yang sngon rje btsun yul ma ga d+ha'i pho brang dgon pa snying po byang chub na bzhugs pa gdan seng+ge'i khri pad+ma'i steng na bzhugs nas/ byang chub sems dpa' bye ba khrag khrig brjod du med pa la nges pa don gyi chos ston te/ kun la bag mi tsha bas na'o/ /da lta bu'i rje btsun de thugs rje phyogs med cing skud dang 'od zer khyad par du 'phags pas na kun nas blta na sdug ces bya'o/ /'o na gang nas?

  299. 150a

    byung na thugs ka'i dpal gyi bye'u nas byung ba'o/ /lag na 'od 'bar snang ba'o zhes pa rje btsun gyi phyag la bya ste/ sngon tshong dpon gyi bu nor bzang gis chos zhus/ dge ba'i bshes gnyen mang pos lung bstan nas mthar byams pa dang 'jam dpal man ngag zhus nas grong khyer yid bde ba mngon du gyur pa na tshong dpon gyi bu yod pa la 'jam dpal gyis dpag tshad brgyad cu'i pha rol nas phyag gser gyi mdog can brkyang nas nor bzang gi spyi bor bzhag nas/ de las 'od zer 'phros nas 'gro ba kun bde ba la bkod de gdams ngag byas so/ /sman pa che mchog gtso bo ste zhes sam/ zug du 'byin pa bla na med ces ba rje btsun sems can kun gyi nad 'byin pa ste/ sngon grong khyer yangs pa can na nad skya sbab bya ba byung nas kun 'chi ba la thug nas sman pa gang gis kyang phan ma thogs nas rje btsun yis blon po sman pa bya bar sprul nas nad kun zhi bar byas so/ /sman rnams ma lus ljon pa'i shing/ /nad do cog gi rgya che ba zhes pa ni sngon nad kyi bskal pa byung ba'i dus su sems can thams cad kha btags pa las/ rje btsun gyis nya ro hi ltar sprul nas de'i sha su zos pa nad las thar te/ don nyon mongs pa'i nad thams cad kyi gnyen po rje btsun sngag gu 'jig rten gsum na mchog go /dpal ldan rgyu skar dkyil 'khor can zhes pa ni/ sngon lha dbang phyug chen po 'dul ba'i dus su khro bo'i 'khor dang nye 'khor thams cad bran du bcang chos skyong srungs mar ngam phog pa las/ /gza' chen po brgyad dang rgyu skar nyi shu rtsa brgyad gros byas te/ gza' khyab 'jug byung nas 'o cag bka' nyan pa 'di mi bya ba byas pas/ 'o cag yo hUM mdzad la bsngo zer ba la/ rgyu skar nyi shu rtsa brgyad ni bud med

  300. 150b

    yin pas der gyis cad thob bam zer ba la/ gza' chen brgyad ma nyan nas/ der nam mkha' nas thog dang ser ba phab pas/ rje btsun gyis gza' dang rgyu skar gyi steng du dkyil 'khor gyi dbus ma rdo rje ?? bzhugs pa de la gza' brgyad kyis skor ba/ khyams la rgyu skar bdun bdun gyis bskor ba blta bas chog mi shes pa de lta bu cig de tsho'i steng du bsgoms nas thog ser btang bas bred de srog gi snying po phul dam bcas dkyil 'khor du bcug ste/ des na dpal ldan rgyu skar dkyil 'khor can zhes bya'o/ /der ma zad phyogs bcu nam mkha' i mthar thug pa/ chos kyi rgyal mtshan legs par 'jugs zhes pa ni/ sngon gror chen po spang ri zhes pa na/ rje btsun 'jam dpal byang chub sems dpa' i 'khor stong phrag bcu dang ldan pa la/ theg pa chen po'i chos thams cad ston pa'i dus su/ zhabs kyi mthil nas 'od zer 'phros nas dmyal ba rnams la chos 'chang de bzhin du pus mo nas yi dags lte ba nas byol song/ rtsibs logs nas gshin rje phyag mthil nas mi/ smin dbral nas lha ma yin/ rgyab nas nyan thos/ zhal nas rang rgyal/ smin mtshams nas byang sems la/ spyi gtsug nas sangs rgyas la chos kyi rgyal mtshan legs par 'dzugs so/ /la la dag sprul pa'i 'khor lo sna tshogs 'chang du sbyor ro/ / chos kyi rgyal mtshan legs par 'dzugs pa ni rje btsun gyi zhas las byang chub sems dpa' snang ba mdzad kyi snying po sprul nas 'og gi phyogs su chos ston/ byin pa la byang chub sems dpa' gsang ba'i mdzod du sprul nas shar gyi phyogs su chos ston/ pus mo la byang chub sems dpa' dpal gyi mdzod du sprul nas ston/ sta zur la byang chub sems dpa' sprin sgra zab mo'i mdzod/ lte ba la byang chub sems dpa' rdo rje mi phyed pa'i gtsug gi mdzod/ thugs ka nas byang chub sems

  301. 151a

    dpa' gzi brjid chos kyi mdzod/ phrag pa las byang sems grags pa 'od kyi mdzod/ zhal nas byang sems ri rab g.yo ba'i mdzod/ smin mtshams nas byang sems kun tu lta ba gzi brjid mdzod/ dbu la byang chub sems dpa' thub pa med pa'i mdzod/ steng gi phyogs kyi 'jig rten gyi khams su ston to/ /de 'gro ba drug la nyi ma bzhin du phyogs ris med pas na 'gro na gdugs gcig yangs pa ste/ byams dang snying rje dkyil 'khor can tshad med pas gang ba'o/ /zhi bas mi 'dul na pad+ma gar gyi dbang phyug tu 'gro ba 'dul ba kun la gzugs zhal stong phyag stong spyan stong du sprul nas don mdzad pas pad+ma gar gyi dbang phyug go /rin chen dgos 'dod skong ba nyid ma bzhin du snyoms pas na khyab bdag chen po rin chen gdugs so/ /sangs rgyas kyi gzi brjid che ste sprul pa spro ba'o/ /sangs rgyas sku 'chang ba ni gnyis med ye shes la ?? pas so/ /rnal 'byor ni thabs dang shes rab gnyis su med pa'o/ /kun gyi bstan pa gcig ni yul gcig pa'o/ / rdo rje'i? ? nas thugs che ba ni rje btsun de yab lnga yum lnga'i rang bzhin du bstan no/ /rje btsun don dam par sangs rgyas thams cad kyi thugs kho na'o/ /dus gsum sangs rgyas kun gyi sku bas lhag pas na sku che ba'o/ /kun gyi smra ba rnams kyi seng ger gyur pas na gsung yang dag pa yin no/ /rdo rje nyi ma snang ba che ni dper na nyi ma 'char ba ri mtho mtho nas rim pas 'char yang/ nyi ma la mtho dman med do/ /de bzhin du rje btsun gyi thugs rje /snang lugs kyi snod rim pa bzang ngan du snang yang rje btsun nyid la rtog pa med do/ /rdo rje zla ba dri med 'od ces pa dper na zla ba la chos bzhi yod de/ skar ma zil gyis gnon pa dang/ 'phel 'grib ston pa dang/ chu dangs pa'i nang du 'char ba

  302. 151b

    dang/ kun la mngon sum du snang yang zla ba la rtog pa med do/ /de bzhin du rje btsun gyi sku zla ba lta bu ste/ slob ma man chad zil gyis gnon pa dang/ gdul bya la sku tshe ring thang gis ston pa dang/ 'phrel 'grib ston pa dang/ mos pa la gzugs brnyan snang ba dang/ so sor mos pa byas nas bsgom pa'o/ /rje btsun la de'i rtog pa med do/ /chags bral la sogs pa chags pa che ni gdul bya thams cad bsdus na chags bral dang/ chags bcas de kho na nyid kyi gang zag ga/ /rje btsun gyi sku kha dog sna tshogs spros pas chos kyi rgyal mtshan 'dzugs pa'o/ rje btsun byang chub shing drung na bzhugs pa'i dus su 'od sna tshogs spros dang rdo rje skyil krung bcas nas 'gro ba rigs drug la chos ston pa'o/ /dpal ldan sangs rgyas pad+ma skyes zhes pa ni/ sngon rgyal po'i pho brang rin chen sgron ma zhes bya ba nas/ rgyal po dpal gyi gtsug phud bya ba 'khor lo sgyur ba'i rgyal po pad+ma'i sdong po la rdzus te byung ba/ mtshan dang dpe byad kyis brgyan pa de la btsun mo phrag bcu bu stong blon po phrag bcu yod pa kun dang ldan pa dkar po chos la spyod pa sha stag go/ das de tsam na sems can gdul dka' bdag 'dul ba'i dus la bab pa las/ dus der rje btsun gyi cho 'phrul bsam gyis mi khyab pa'i sgo nas skad cig re re la sangs rgyas thams cad kyi chos kyi 'khor lo bsgrags pa zhes bya ba'i ye shes kyi mdzod bshad do/ /kun mkhyen ye shes mdzod 'dzin pa zhes pa tshong dpon gyi bus phyin tsam na khyad par du 'phags pa'i khang pa na rim khang bcu'i dang po na bza' btung gis kun tshim par byed pa mthong ngo/ gnyis par gos sna tshogs kyis thams cad tshim par byed pa mthong/ gsum pa na rgyan dang lhab lhub kyis/ /gzhi ba na btsun mo rin po che'i tshogs kyi yo byad shom/ lnga pa na sa la gnas

  303. 152a

    pa'i byang sems kyis 'gro ba la phan 'dogs/ drag pa na byang chub sems dpa' rnams bka' shes rab kyi pha rol tu phyin pas phan 'dogs/ bdun pa na byang chub sems dpa' chos thams cad sgra brnyan lta bu'i bzod pa bsgom pa mthong/ brgyad pa na/ byang chub sems dpa' 'khor lo sgyur ba'i cha lugs kyis sngags 'chang pa mthong/ dgu pa na byang chub sems dpa' skye ba gcig gis thogs pa 'gro ba'i don mdzad pa mthong/ rim khang bcu pa na yang dag par rdzogs pa'i sangs rgyas rnams mdzad pa bcu gnyis kyis don mdzad pa mthong nas/ de nyid kyi tshe mthong lam skyes pas kun mkhyen ye shes mdzod 'dzin pa ces pas so/ /rgyal po sgyu 'phrul sna tshogs 'chang zhes pa nas rdo rje chos zhes pas sngon byang chub sems dpa' rgyal bar dka' bas 'phags pa 'jam dpal la gdams ngag zhur 'ongs pas pho brang gi cag na ting nge 'dzin la bzhugs nas lus bsrang ste/ dbugs rgyu ba med par bsgom par mdzad pa'i dus su/ de'i ba spu'i spu re re las kha dog bsam gyis mi khyab pa'i rnam par 'phrul pa dpag tu med pa mang po bkye ste/ zhabs kyi mthil nas tshong dpon la sogs pa spros nas bza' ba rnam pa mang pos kun tshim par byas so/ /pus mo gnyis nas rgyal rigs la sogs pa spro lte ba nas/ drang srong dang bram ze gtsug pud la spags pa mang po spro/ rtsibs logs nas klu la sogs nga mang po spro/ thugs ka nas lha dang lha ma yin mang po spro/ rgyab na nyan thos dang rang rgyal mang po spro/ phrag pa nas gnod sbyin mang po spro/ dpral ba nas mi 'am ci mang po spro/ zhal nas 'khor lo sgyur ba mang po spro/ mig nas nyi zla mang po spro/ dpral ba nas tshangs pa'i tshogs spro/ spyi gtsug nas dus gsum

  304. 152b

    gyi sangs rgyas mang po spro/ de'i tshe ba spu la yang de rnyed spro la mthong nas de nyid du mthong ba'i lam skyes so/ /des na che ba'i gsang sngags dang rig sngags 'chang ba'o/ /phyag mtshan rdo rje rnon po dang ral gri la sogs pa'i rnam pa 'am rtags bstan pa'o/ /thugs kyi mkhyen pa gnyis med ni dzi na dzi ka go /rdo rje blo gros gnyis med ye shes rig pa pha rol phyin pa bcu sa bcu rdzogs/ don ni rnam dag bdag med pa'i ye shes thugs kyi me long ngo/ /rgyud kyi mtshan nyid brtson chen sgyu 'phrul dra ba ste/ rgyud kun gyi ni theg pa kun gyi rtsa ba'o/ /rdo rje gdan ni ma lus ldan ni rigs lnga'i gdan yin pa dang/ sna tshogs rdo rje la zer ro/ /'di la sngon rje btsun gzhan 'phrul dbang byed kyi gnas na bzhugs pa'i dus su sangs rgyas dang byang chub sems dpa' mang po rnam par 'phrul pa mdzad pa la rje btsun gyi spyi gtsug nas rnal 'byor chen po'i dkyil 'khor spro/ smin mtshams nas rnal 'byor rgyud kyi lha tshogs spro/ zhal dang lte ba nas dkyil 'khor gyi lha tshogs mang po spro/ gsang nas nyan thos la sogs spro ba mdzad nas so/ /don dam par stong pa nyid kyi mchog la de nyid kyi snang ba 'dzin pa'o/ /des na skye ba de nyid sna tshogs su skye bar rtog pas na/ rje btsun chos sku 'chang ba'o/ /ji ltar 'chang na chos thams cad shes rab chen pos skyu rur lag tu bzhag pa dang 'dra bar mthong spang sgom spang gi nyon mongs pa spangs nas 'byung ba sel lo/ /dus de nas rtogs pa gang gis kyang mi g.yo la bsal ba rdzogs pa'i byang chub la mngon sum du rtogs pas/ zhing khams thams cad du rang rig pa mngon sum du rtogs par/ ye shes chen po rab tu rgyas pa'o/ /'jam dpal rnon po'i yon tan bstan pa'o// //da ni mnyam pa nyid kyi ye shes de nyid gdul bya ser sna can 'dul

  305. 153a

    pa'i? phyir 'jam dpal ngag gi dbang phyug gi skur bstan pa ni/ 'dod pa'i don grub nas nor bu rin chen tog ces pa 'dis sku gsung thugs yon tan phrin las bstan pa'o/ /mnyam pa nyid kyi ye shes kyi ngo bo gang zhe na/ sems can thams cad kyi 'dod pa'i don sgrub par byed pa'o/ /ngan song nas dregs pas 'joms ces pas ni 'phrin las bstan te/ 'di la sngon rgyal bu legs sbyin bskyod zhes bya bas mtshams med pa lnga byas pa'i rnam smin gyis mnar med pa'i sems can dmyal bar skyes so/ /de la rje btsun 'jam dpal gyis byang chub sems dpa' legs sbyin du sprul nas ngan song sbyod pa'i dkyil 'khor sprul nas rigs drug nas bton nas mthar sangs rgyas so/ /blo ldan nas rtse nas rnon ces pas ni dregs pa can gdul ba'i phrin las ston te/ 'di la lha dang lha ma yin 'thab pa'i dus su lha ma yin gyi dbang po sgra gcan 'dzin bya ba lus la dpag ched khri phrag drug cu rtsa brgyad yod pa de'i ? phyed rgya mtsho'i nang du 'dug nas rked pa yan chad kyis gzhan 'phrul dbang byed la mgo rig pa/ ri rab klad la bskor ba rgya mtsho hub kyis 'thungs pa zhig yod pa des lha kun pham par byas nas zhe sdang tshad du phyin pa de gdul ba'i? phyir/ rje btsun gyi gzhung bzhin du sku bstan pas btul lo/ /'o na de ltar dngos po la gnas sam zhe na don dam du gcig ste gnyis su med pa'i chos kyi don no/ /de ltar rtogs na gang la yang bag mi tsha bas 'jigs pa med do/ /rje btsun gnyis su med pa'i tshogs ye shes lngar gyur pas/ rnam rig nas rgyud dang ldan pa'o/ /rje btsun snang stong gnyis la dgyes pa na/ dngos don nas chos kyis blo zhes pas bstan no/ /'on

  306. 153b

    mi dgos sam zhe na srid pa nas chen po ba zhes pas so/ /sku dngos gang zhe na/ sprin dkar nas rgyan dang ldan pas bstan te/ 'di la sngon rgyal po'i khab na ston pa 'khor dpag tu med pa la chos ston pa'i dus su/ smad tshong ma'i bu mo gser mchog 'od dpag med bya ba yon tan mdza' dag dang ldan pa zhig yod/ mo gang du phyin par mi kun 'du gcig yod do/ /bu mo des tshong dpon gyi bu 'jigs byin bya ba grogs su btsal te/ 'khor mang po dang skyed mos tshal du phyin pas/ dus de'i tshe 'jam dpal nang du yang dag 'jog las langs nang phyir byon pas bu mo'i mtshan ma gzigs nas/ de gdul ba'i dus la bab par mkhyen nas sprin dkar la sogs pa'i sku bstan nas/ sku'i 'od kyis nyin zla yang mog mog por byas nas bu mo'i mdun du bstan pas tshong dpon bu dang bu mo rang yang mog mog por song bas der rang re'i lus la yi mug go /bu mos bsam pas tshong dpon gyis bus ci bya/ bdag nyid shing rta la babs la khyad par du gyur pa'i mi 'di la gos kyang bslang khyo yang bya snyam mo/ /de lta bu'i bsam pa la ngan pa skyes pa'i dus der/ rgyal po chen po bzhi mi'i lus su sprul nas/ bu mo khyod de lta bu bsam ngan ma bskyed cig skyes bu 'di ni 'dod pa don du gnyer ba ma yin/ bu mo na re su yin ji skad bya ba yin byas pas/ 'di ni 'phags pa 'jam dpal bya ba yin byas pas/ bu mo na re 'jam dpal bya ba'i don ci yin byas pas/ 'di gang su la yang nyes pa'i zug rngu bral bas 'jam dpal lo/ /bu mos bsams pas 'o na gos 'di bslangs yang slar ster yang ster/ bsam mo/ /der bslangs bas bu mo khyod yang dag pa'i byang chub la 'jug nus na ngas sbyin gsungs pas bu mo na re byang chub kyi don ji lta bu yin zhe na/ lan du/ gnyis su

  307. 154a

    med pa'i ye shes stong pa nyid spros pa thams cad dang bral ba yin gsungs pas bu mos drod thob bo/ /de nas bu mos shing rta las babs nas rje btsun la bstod pa dang phyag dang bskor ba byas nas rab tu 'byung bar zhu ba phul bas/ bu mo rab tu ma byung bar shing rta la zhon la nags stug por song la/ mi 'jigs sbyin gyi gam du song la lus sbyin par gyis gsungs nas/ der bu mos skyed mos tshal du shing rta la zhon phyin nas tshong dpon gyi bu dang dga' ba'i rtsed mo mang du byas so/ /dus de'i tshe 'jam dpal gyis 'khor dpag tu med pa la dam pa'i chos kyi tshim par byas so/ /der bu mo des na ba'i tshul bstan nas tshong dpon gyi bu'i phang par mgo bor ro/ /der lus kun brnyings rul mnam bam nas tshong dpon gyi pus mya ngan chen po byas/ der tshong dpon bu skrag nas zhags la 'bros snyam pas rgyal po ma skyes dgras chad pa gcod du 'ong snyam nas 'khor kun dang 'o dod 'bod pa las/ de nas rje btsun gyi byin gyis brlabs pa las shing gi lha mos bskul nas tshigs bcad 'di byung ngo/ /'jig rten thams cad yang dag min/ /ji ltar mthong ba sgyu ma bzhin/ /khye'u ji ltar mthong 'gyur ba/ /chos rnams de yi rang bzhin las/ /'di ni mi rtag mtshan nyid yin zhes pa la sogs pa'i sgra byung bas/ tshong dpon pus chos thams cad sgyu ma lta bur go nas/ ro de bar nas nags su bsgom du 'ongs pa rje btsun dang 'jal nas gdams ngag byin nas der bu des dgra bcom pa'i 'bras bu thob bo/ /'jig rten khams brgya kun bskyod pa ni/ rje btsun nyid 'gro don mdzad pas/ sa dang po nas bcu pa'i bar du sbyar ro/ /der ma zad rdzu 'phrul rkang pa bzhi dang/ dran pa bcu bzhi dang/ yan lag bdun dang/ ma

  308. 154b

    'dres pa bzhi bcu dang/ 'phags lam brgyad dang/ des na yang dag lam rig pa'o/ /'gro ba'i don mdzad tshul ni sems can nas 'phrog zhes pa ste/ rje btsun sems can la ji ltar don mdzad na sems can kun la ces pa'o/ /sems can ji ltar chags na sems can yid nas 'phrog pa ces pas bstan te/ sngon dri med kyi bskal pa la rgyal po glog sbyin la bu mo khyad par gyur pa cig yod de/ bu mo g.yog dang khang stengs su nyal tsam na nam mkha' la skar ma lta zhing yod pa la snang ngor rje btsun la 'khor rdo rje 'dzin pa stong gis bskor nas song ba mthong ngo/ /'od zer gyis nam mkha' gang bar mthong nas bu mo la 'od phog pas bde ba thob bo/ /der bu mos langs nas thal mo sbyar phyag btsal nas gsol ba btab pas rje btsun mdun gyis nam mkha' la byon nas bu mo la chos bshad do/ /dus der srog chags khri phrag drug cu 'dug pas/ la las sku mthong bas grol/ la las gsung thos pa/ la las 'od zer gyis/ la las 'o byas pas/ la las mthong bas/ la las bzhad pa/ la la la thugs kyi dgongs pas dgra bcom pa'i 'bras bu thog la la grol bar gyur to/ /des na ma lus yid 'phrog pa'o/ /phung po lnga yang sgyu mar shes/ rnam dag lnga 'chang bas mthar thug la gnas shing de mkhas pas na de kun ston pa'o/ /rten 'brel bcu gnyis spangs pa'i dag pa bcu gnyis yod pa/ bden pa bzhi dang bcu gnyis dang bcu drug dang stong pa nyi shu dang ldan pas kun rig mchog go /sprul sku mang po mkhyen ci sems can gyi rtog pa kun rdzob tu theg pa gsum la don dam du theg pa gcig tu rtogs pas na dri ma mdza' dag zad pas ni nyon mongs nas gtan spangs pa'o/ /zhes pas bstan no/ /don mdzad pa'i thabs snying rje dang shes rab gnyis kyi 'gro don mdzad

  309. 155a

    pa'o/ /'du shes don gzung 'dzin rnam shes don dam zhes pa dang bral bas sangs rgyas dang sems can rtogs pas kun rdzob tu 'dod pa sgrub pa ni/ yid nas 'khrul pa med ces pas bstan te/ sngon rgyal po gsal stobs la sras blta na sdug pa cig byung ste/ dus tshod cig na skyed mos tshal du 'ongs pas lam na yi dags mang po 'dug nas bskal bar chu'i sgra mi sgrag bar mthong nas der kun slong ba la rgyal bus sprul pa byas te/ kun gyi ma mthong der pha ma la nor mang po blangs nas sbyin pa byas pas kun tshim par byas de yi dags kyis yog tshad zos pas kun gsus pa gas/ der rgyal bus smon lam btab pas kun sum cu rtsa gsum du skyes so/ /de nas dbul po cig gi khyim du 'ongs pas phyug por gyur nas/ der sbyin pa mang po btong du bcug kun tshim par byas/ der dus tshod cig na rgyal pos chad pa bcang pa'i mi gcig la yan lag bcad nas/ lam na 'dug pa na re/ khyod la bsod nams dang stobs yin nam zer nas byas pas nga la phan thogs zer nas rgyal bu snying rje skyes nas rang gi rkang lag bcad nas de la btags pas 'byar ro/ /der brgya byin 'ongs nas 'chi ba yin byas pas nga da rung bskal par lus gtong zer nas/ der brgya byin ya mtshan skyes nas/ smon lam btab pas lus snga ma ltar gyur to/ /sems can yid nas 'khrul pa med pas na dus gsum gyi bdag go /phung po'i don skad cig mas sgyu ma lta bur rtogs pas na skad cig cig gis rdzogs sangs rgyas so/ /sangs rgyas kun gyi rang bzhin ni gnyis med 'chang ngo/ /lus dang lus kyi mchog dang kun tu ston no/ /'bras bu sku gsum/ rin chen tog ni/ kun gyi nang nas 'phags pa tog go /rtse mo ste mnyam pa

  310. 155b

    nyid kyi ye shes so/ /'jam dpal ngag gi dbang phyug gi yon tan no/ /da ni bya ba nan tan gyi ye shes de nyid 'gro ba gdul ba'i phyir 'jam dpal ye shes sku can gyi skur bstan pa ni/ sangs rgyas nas dpal dang ldan pa'i mchog gis bstan te/ bya ba nan tan gyi ye shes kyi mtshan nyid ni/ sangs rgyas kun gyis rtogs par bya ba ni/ byang chub bla na med pa'o/ /de'i sku gang zhe na/ gsang sngags las byung ba'o/ /'o na dngos po ci yod ce na/ yi ge med de brjod pa dang bral ba'o/ /kun rdzob tu sku gsung thugs bskyed pa dang phrin las bzhi'i don bskyed pa'o/ /bcu drug nas rgyud rig pa zhes pa gang zag gsum gyis 'jug lugs bstan te/ bla ma'i zhal la rag las so/ /kun rdzob tu sku gsung thugs yon tan phrin las bzhi'i don bskyed pa'o/ /don la thig le brjod pa dang bral bstod pa chen po yi ge lnga mtshon pa'o/ /yi ge drug yi ge drug du mtshon pa'o/ /de'i dngos po rnam par snang la sogs pa rigs lnga yang yang dag gi rnam pas stong pa'o/ /de'i thabs gang gis rtogs par bya na/ ting 'dzin nas dbang phyug po ces pas sku gnyis dang sprul sku rgyas par bstan pa'o/ /de lta bu srid pa spangs pa las byung ba nas srid pa nas sbyin bdag chen po zhes pas bstan te/ 'di la sngon rgyal po mu khyud 'dzin bya ba 'khor lo sgyur ba gling bzhi la dbang byed pa/ kun la mnyam pa nyid du byed pa bde ba la 'god pa zhig byung/ de lta bu de sum cu rtsa gsum nas chos bzang lha'i mdun spyan drangs nas lha rnams kyi dbang pos stan phyed bshugs pa las ma bsdad de bzhud nas mthar sangs rgyas so/ /de la sras gnyis yod pa la chos bzang dang chos shes gnyis 'khrungs nas rgyal srid bzung nas yod pa la/ chos bzang gis

  311. 156a

    'khor ba'i mtshan nyid la skyo ba skyes nas/ der sangs rgyas mngon par thos nas/ nu bo la 'dir shog dang byas pas byung nas/ nu bo 'o cag gnyis bros la chos la 'dod byas pas/ nu bo btsun mo la chags nas 'gro ma nus/ chos bzang gis gser srang bya ba khyer nas mkhar la mchongs te/ sangs rgyas mngon 'phags la phul nas rab tu byung lo bcu gnyis su chos nyan nas yul du phyin nas bu smad ngar 'khor kun la mi rtag pa'i mtshan nyid bshad pas kun mthar pa la bkod do/ /nu bo chos shes la mi sdug pa bsgom pa'i thabs bstan pas/ der yid byung nas rab tu byung/ cher chos bzang gis 'gro ba kun la chos dang zang zing gi sbyin pas kun tshim par byas nas phyogs thams cad du chos kyi 'khor lo bskor ro/ /mthar mngon par sangs rgyas so/ /chos shes byang chub sems dpa' rin chen mchog tu gyur nas/ 'jam dpal la lo stong du chos kyi 'khor lo bskor nas sems can thams cad la chos kyi sbyin bdag byas so/ /rje btsun gyi phrin las kyi yon tan ni/ byams pa'i go cha nas 'jig rten 'dren zhes pas bstan te/ 'di ni rje btsun mig ser na bzhugs pa'i byang chub sems dpa' zla mdzes bya ba gdams ngag zhur 'ongs pas/ yul de na bdud dang mu stegs mang po yod pa gdul ba'i phyir/ rje btsun gyis rgyal por sprul nas spyod pa mdzad do/ /de yang btson khang pa mang po'i nang na sems can mig phyung ba dang yan lag bcad pa mang po bcug /la la lcags la brgyus/ mi la la bsad pa dang/ ske bcad pa'i mgo mang po gcer ba mthong/ la la 'khun la la 'o dong 'bod pa mang po thos nas/ de'i tshe byang chub sems dpa'

  312. 156b

    des rje btsun tshol du 'ongs pas mi la dris pas grong khyer na spyod pa mdzad zer nas de rnams mthong bas skrag nas phyir log pas/ nam mkha' na mar lha'i bu rnams na re/ skal par ldan pa'i gang zag khyed/ /zab mo'i gdams ngag khyed 'dod na/ /rje btsun spyod pa mdzad pa yin/ /the tshom mi za gdams ngag zhus zer nas nang du phyin tsam na/ rje btsun seng ge'i khri la bzhugs nas ral gri dang mnga' gzhu dang po ti bsnams nas bzhugs pa mthong ngo/ /de'i tshe nyams nga ba'i 'jigs pa de tsho med nas/ der chos zhus pas chos thams cad sgyu ma la sogs par bstan pas bdud dang mu stegs la sogs pa bred nas thar pa la bkod do/ /rdzogs pa'i sangs rgyas kyi thabs des 'gro ba 'dren pa'o/ /de lta bu rje btsun de mchod pa'i gnas bstod pa dang phyag dang rim gro dang bkur sti'i gnas yin pas na bla ma'o/ /'jig rten gsum po rnam par gnon ni sngon gyi dus na lha tshangs pa chen po de khams gsum gyi sems can sprul can kho'i sgo nga las byung bas na kun la dbang byed pa yod do/ /de'i dregs pa gdul ba'i phyir rje btsun gyis khams gsum du gam pa gcig gis brkyang nas mnan pa'i skus khams gsum dus gcig tu nam mkha' i khams gang bas mnan pas lha tshangs pa'i dregs pa zhi ba'o/ /bram ze'i spyod pa mdzad pas gsum rig go /mngon shes drug rjes dran drug dang ldan pas byang chub sems dpa' sems dpa' che'o/ /gong ma lta bu'i rdzu 'phrul mdzad do rtogs pa'i ye shes shes rab kyi pha rol tu phyin pa'i don gnyis med thob bo/ /rang gzhan don gnyis rdzogs pas kun la phan pa dpe las 'das pa'o/ /shes dang shes bya dbyings dang ye shes gnyis ka'i bdag po mchog go /

  313. 157a

    gtso bo chos kyi sbyin bdag nas don ston pa ces pas/ sngon bskal pa dgu bcu rtsa gcig 'das pa'i dus nas sangs rgyas rnams gzigs kyi bskal bal sdig pa'i dge slong drug byung/ shin tu mthong ba dang/ nye lha dang/ dga' byed dang/ dge byed dang/ grags pa dang/ me sbyin dang drug byung/ khong tshos mi khyim lnga brgya log lta la bkod par dam bcas so/ /mkhod pa bsad par byas so/ /de tshos rtags kyi phyag rgya bzhi mi rtag pa sdug bsngal ba/ stong pa bdag med pa las log nas/ rtag pa bde ba yod pa/ kun la bstan no/ /sangs rgyas rnam gzigs kyi dge slong gzhan rnams kyis 'dus byas thams cad mi rtag cing/ chos kun la ni bdag med cing/ bdag med ther gzugs med do zhes/ /'dren pa rnams kyis mngon par bshad byas shing sgor bsod snyoms byas pas/ la las bsad pa la las bzung ngo/ /de'i tshe khyim bdag bde ba bya ba la chung ma 'od 'phro can bya ba la/ bu mtshan dang ldan pa cig byung/ btsas ma thag tu bdag lta ba log pa can du skyol zer nas/ ma bred nas mngon shes can la bstan snyam pa la/ ma cig bstan mi dgos lta ba log pa 'di rnams lta ba ma log par bya snyam pa yin/ rdzas dang yo byad kun sangs rgyas rnam par gzigs la phul zer nas/ de ltar byas nas sems can thams cad chos rtags kyi phyag rgya chen po bzhi la bkod do/ /dge slong drug po shi nas dmyal bar skyes so/ /dmyal ba de yang lus nya mgo tsam lce dpag tshad tsam du gyur nas rmon dor lnga brgya lnga brgyas rmos pa/ lus de la mdung thung stong gis brdeg pa/ kha na mar lcags kyi thu lum 'bar ba za bar gyur to/ /des na gtso bo chos kyi sbyin bdag ste/ /phyag rgya bzhi po'i

  314. 157b

    don ston de ltar bstan nas kun thar pa la bkod pas/ 'gro ba'i bsnyen bkur rnams kyi mchog go /gong du bstan pa'i yon tan de lta bu dang ldan pas ngas 'byung nas rnam dag dpal lo/ /de lta bu'i rje btsun 'jam dpal 'di dpal gang zag ji lta bu'i lag tu 'ong zhe na/ 'jig rten na bskal pa bzang po'i lag tu 'ong ngo/ /'di dang su phrad pa la dpal ldan 'dis 'byor ba kun ster bas na/ 'jam dpal dpal dang ldan pa'i mchog go /rje btsun ye shes sku can gyi yon tan bstan pa'o// //da ni ye shes sems dpa' drug po la ye shes lnga'i sgo nas bstod pa bstan pa ni/ mchog sbyin la sogs pas me long lta bu'i sgo nas so/ /sangs rgyas chags pa la sogs pa chos kyi dbyings kyi rang bzhin ? nas so/ /sangs rgyas 'dzum pa la sogs pas so sor kun tu rtog pa'i ye shes kyi sgo nas so/ /med pa las byung la sogs pas mnyam pa nyid kyi ye shes kyi sgo nas so/ /sgyu 'phrul dra ba la sogs pas bya ba nan tan gyi ye shes kyi sgo nas bstod to/ /'dud nyi shus bstod pa'o/ /da ni phan yon gyi rnam par bzhag pa ni/ rje btsun 'jam dpal ye shes sems dpa' i mtshan brjod pas yon tan gzhung nas 'byung ba bzhin rigs kyi bu 'am rigs kyi bu mo rjes su 'jug pa rnams la 'byung ngo/ /rje btsun gyi phan yon gyi yon tan bstan pa'o// //sngags kyi don ni gsum ste/ rtsa ba'i sngags dang/ dam bca' ba'i sngags dang/ phreng ba'i sngags so/ /rtsa ba'i sngags ni oM nas a yis bstan no// don ni chos thams cad 'byung ba'i rang bzhin/ rnam par dag pa'i rang bzhin/ rnam par thar pa'i sgo bzhis rgyas btab pa nas rtsa ba'o/ /dam bca' ba ni pra kri nas ye ta'i bar te/ lhun gyis grub pa'i chos thams cad yongs su dag pa/

  315. 158a

    phung po la sogs pa thams cad de bzhin gshegs pa thams cad chos kyi dbyings kyi rang bzhin gang yin pa khas blangs pa'o/ /phreng sngags ni a A nas garb+ha A(rgyud 'grel): bar gyis bstan pa ni don dam par skye med kyi ye shes spros bral lo/ /kun rdzob tu ngag gi dbang phyug la sogs pa sku'i rnam par bstan pa'o/ /sngags kyi yon tan bstan pa'o// //de ltar rje btsun 'jam dpal gyi rang bzhin ston pa sangs rgyas bcom ldan 'das shAkya thub pas bshad pa la/ 'khor phyag na rdo rje la sogs pa dga' nas ston pa la dga' ba'i bstod pa'o/ /sku gsum yon tan phrin las dag /bdag don gzhan don ma lus rdzogs mdzad cing/ /'khor rnams thar pa nyid la 'god mdzad pa'i/ /lha mi'i ston pa khyod la phyag 'tshal bstod ces bstod nas legs pa'i yon tan brjod/ thar pa 'dod pa bdag cag rnams la sogs sla'o/ /zab ste sangs rgyas rnams kyi spyod yul yin gyi/ nyan thos la sogs pa rnams kyi ma yin no/ /'gro don ni thugs rjes bzung ba'o/ /rdzogs pa'i sangs rgyas kun ni dus gsum gyi sangs rgyas rnams kyis bshad pa'o/ /bsdu ba'i rim pa'o/ /mtshan brjod rdo rje'i tshig 'di ni/ dgrol bar nus pa ma yin kyang/ /bla ma'i gdams ngag rim pa yis/ /'di byas 'gro ba rnams la bsngo// //'phags pa 'jam dpal gyi mtshan yang dag par brjod pa'i man ngag 'grel pa zhes bya ba/ rgya gar gyi mkhan po gzhon nu grags pas mdzad pa rdzogs so// //rgya gar gyi mkhan po de ba rA dza dang/ bod kyi lo tsA ba shes rab bla mas bsgyur ba'o// (//'jam dpal mtshan brjod kyi 'grel pa sgron ma gsal mdzes bzhugs so//) //rgya gar skad du/

  316. 158b

    Arya many+dzu sh+rI nA ma sang gI ti nA ma ma hA TI kA/ bod skad du/ 'phags pa 'jam dpal gyi mtshan yang dag par brjod pa'i rgya cher 'grel pa/ bcom ldan 'das 'jam dpal ye shes sems dpa' la phyag 'tshal lo/ /sgro dang skur bas stong pa yis/ /ngo bo nyid kyis bde ba che/ /utpal ngang ni ral gri 'dzin/ /gzhon nur gyur la phyag 'tshal nas/ /tshig rgyas pa yi rgyud dag las/ /zab mo glu yi le'u dag /'dir ni bdag gis dbye bar bye/ /de la 'dir bdag gis mgon po 'jig rten dbang phyug las ji ltar thos pa bzhin bri bar bya'o/ /de la rtogs pa dang ldan pa'i gang zag dag ni/ dgos pa dag med na 'jug par mi 'gyur bas/ de'i phyir rgyud 'di brjod par bya ba ni gang dgos pa ni gang dgos pa'i dgos pa ni gang/ 'grel pa ni gang zhe na/ brjod par bya ba ni 'jam dpal ye shes sems dpa' kho na yin la/ dgos pa ni theg pa sna tshogs kyi don rtogs pa'o/ /dgos pa'i dgos pa ni/ sku gsum dang ye shes lnga thob par byed pa'o/ /'brel ba na thab dang thabs las byung ba'i mtshan nyid kyis 'brel par gnas so/ /de la rgyud 'di ni nam mkha' dang mnyam pa'i rgyud yin te/ bya ba dang/ spyod pa dang/ gnyi ga dang/ rnal 'byor dang/ rnal 'byor bla na med pa'i rgyud dang/ rgyud thams cad kyi bshad rgyud yin te/ rgyud kun gyi ni bdag po mchog ces pas gsal lo/ /theg pa thams cad kyi gal 'gegs yin te/ theg pa sna tshogs thabs tshul gyis zhes pas gsal lo/ /gzhung mi mthun pa mang po dag /rang gi 'dod pa'i ngos nas smra ste/ de dag gis ni rgyud 'di'i cha shes tsam las ma rtogs te/ rang rang gi rtog pa la bdan par 'dzin pa'i phyir ro/ de la re zhig bsdus pa'i don bshad par bya ste/ gleng bzhi phun sum tshogs pa dang/ rgyud dngos

  317. 159a

    dang/ rjes su yi rang ba'o/ /gleng gzhi la gsum ste/ 'khor dang/ ston pa dang/ bstan pa phun sum tshogs pa'o/ /rgyud dngos ni/ yi ge gcig ba'i rgyud/ a yig gtso bor gyur pa'i phyir ro/ /mu stegs ri dags shes pa dang/ kun don yon tan gsum gyi bdag ces pas/ mu stegs kyi lta ba bstan te/ bden pa gnyis ni rtogs ba po/ /phyir mi ldog pa phyir mi 'ong/ zhes pas/ nyan thos kyi lta ba bstan to/ /'dren pa rang rgyal bas du'i tshul/ /nges 'byung sna tshogs las byung bzhes pas rang rgyal ba'i lam 'bras bu dang bcas pa bstan to/ /rnam rig sna tshogs gzugs don can/ /rnam shes sna tshogs rgyud dang ldan/ /sna tshogs gzugs can yid las skyes/ /shes pas rnal 'byor sbyor pa'i lta ba bstan to/ /gnyis med gnyis su med par ston zhes pas zung 'jug gi ngo bo ste sgyu ma lta bu bstan to/ /bden pa gnyis kyi tshul la gnas/ /yang dag mdza' la rnam par gnas shes pas/ /rab tu gnas pa'i don bstan to/ /yang dag mdza' ste yi ge mer ces pas/ gsang sngags bla na med pa'i mthar thug pa'i don bstan to/ /tshogs gnyis tshogs ni bsags pa po zhes pas/ bsod nams dang ye shes kyi tshogs bsags pa bstan to/ /skar cig gcig gis rdzogs sangs rgyas shes pas/ lha skar cig dran rdzogs kyis bskyed par bstan to/ /rdo rje hUM ste hUM zhes sgrogs?/ mtshon du rdo rje'i mda' thogs pa/ /rdo rje ral gris ma lus gcod/ /rdo rje sku 'chang rdo rje can zhes pas cho ga gsum gyis bskyed pa bstan te/ rdo rje gdan ni ma lus ldan zhes pas gdan bskyed pa bstan to/ /ye shes dbang bskur cod pan can zhes pas/ dbang bskur ba'i cho ga yan lag dang bcas pa bstan to//

  318. 159b

    ngan song thams cad rnam sbyor pa zhes pas/ ro bsreg pa'i cho ga bstan to/ /ye shes me lce 'od 'bar gsal zhes pas/ sbyin bsreg gi cho ga bstan to/ /bsam gtan yan lag kun shes shing zhes pas grub mdza' de dag so so'i bsgom pa bstan to/ /yan lag med pa'i rtsis las 'das shes pa dang/ bsam gtan bzhi pa'i rtse mo can zhes pas/ mtshan ma med pa'i rim pa bstan to/ /bcu drug phyed phyed thig le can/ /rnam pa kun ldan rnam pa med ces pas/ / mtshan bcas kyi rdzogs rim bstan to/ /da ni dkyil 'khor bstan par bya ste/ de la dkyil 'khor chen po yangs pa yin zhes pas dkyil 'khor thams cad kyi don 'dir rtogs par bya'o/ /khyad par gyi dkyil 'khor bstan pa ni/ sangs rgyas rnam par snang mdzad che/ /zhes pas rigs kyi gtso bo yin pas/ rigs lnga'i dkyil 'khor bstan to/ /gtsang gnas dam pa gau ta ma zhes pas shAkya thub pa'i dkyil 'khor bstan to/ /rdo rje 'jigs byed 'jigs par byed ces pas rdo rje 'jigs byed kyi dkyil 'khor bstan to/ /khro bo'i rgyal po gdong drug 'jigs zhes pas gzhon nu gdong drug gi dkyil 'khor bstan to/ /ha la ha la gdong brgya pa zhes pas 'jam dpal gdong brgya pa'i dkyil 'khor bstan to/ /gshin rje gshed po bgegs kyi rgyal zhes pas gshin rje gshed kyi dkyil 'khor bstan to/ /gdong lnga gtsug pud lnga dang ldan zhes pas/ 'jam dpal kun tu zhal gyi dkyil 'khor bstan to/ /dpal ldan rgyu skar dkyil 'khor can zhes pas dpal ldan rgyu skar gyi dkyil 'khor bstan to/ /lha'i dbang po zhes pas khyab 'jug gi dkyil 'khor bstan to/ /lha yi bla zhes pas tshangs pa'i

  319. 160a

    dkyil 'khor bstan to/ /lha yi bdag po zhes pas brgya byin gyi dkyil 'khor bstan to/ /lha min bdag ces pas rA hu la'i dkyil 'khor bstan to/ /lha yi bla zhes pas gza' phur bu'i dkyil 'khor bstan to/ /'joms byed ces pas bza' thag bzang rigs kyi dkyil 'khor bstan to/ /'joms byed phyi mas srin po'i rgyal po lang+ga mgrin bcu'i dkyil 'khor bstan to/ /dbang phyug po zhes pas mahA de ba'i dkyil 'khor bstan to/ /shes rab ral gri mda' gzhu thogs/ /shes pas 'jam dpal ye shes sems dpa' nyid kyi dkyil 'khor bstan to/ /de las tshig lhag pa dag gis ni/ sa dang/ lam dang/ rnam par thar pa'i sgo nas 'jam dpal ye shes sems dpa' la bstod pa bstan to/ /ting 'dzin lus can lus kyi mchog /longs spyod rdzogs sku kun gyi rgyal/ /sprul pa'i sku ste sku yi mchog /ces pas 'bras bu bstan to/ /de dag dang/ ye shes rnam pa lnga dang/ 'dis bsdus rgyas kyi bstod pa shes par bya'o// //de ltar bsdus pa'i don rab tu rtogs nas/ tshig gi don bde blag tu rtogs par bya ba'i phyir/ de nas zhes bya ba la sogs pa la/ de nas zhes bya ba ni/ sgyu 'phrul dra ba le'u khri drug stong yod pa las/ le'u khri lnga stong dgu brgya dgu bcu go dgu bshad pa de nas so/ /dpal ldan rdo rje 'chang zhes pa la/ 'khor phun sum tshogs pa phyag na rdo rje'i bshad pa ste/ dpal ldan ni gzugs sku gnyis so/ /rdo rje ni stong pa nyid de chos sku'o/ /'chang zhes pa ni sku gsum dbyer mi phyed pa ste ngo bo nyid kyi sku'o/ /gdul dka' zhes pa ni/ gdul bya ste dug gsum mo/ /'dul ba rnams shes pa

  320. 160b

    'dul byed de sku rnam pa gsum gsum mo/ /mchog ces pa ni phyag na rdo rje'o/ /dpa' bo 'jig rten gsum las rgyal zhes pa ni/ gdug pa can thams cad tshar gcod pa la ni/ dpa' bo zhes bya'o/ /'jig rten gsum las rgyal ni/ sa 'og sa steng sa bla gsum las rgyal ba'o/ /rdo rje dbang phyug gsang ba'i rgyal zhes pa ni/ rdo rje ni stong pa nyid do/ /stong pa nyid de'i don thugs su chud pa la ni/ dbang phyug ces bya'o/ /don de nyan thos dang rang sangs rgyas dang thun mong ma yin pas na/ gsang ba'i rgyal lo/ /yang na gsang ba ni gsang sngags kyi theg pa'o/ /de'i rgyal po ni phyag na rdo rje'o/ /'o na phyag na rdo rje de'i cha lugs ci 'ang zhe na/ pad+ma dkar po'i rgyas 'dra'i spyan zhes bya ba smos te/ pad+ma dkar po ni mdog dkar ba/ rtsa ba bzang ba/ dri zhim pa/ rtsi yod pa/ 'dab ma lnga dang ldan pa'o/ /de bzhin du phyag na rdo rje de yang nyon mongs pas ma gos pa dang/ tshogs gnyis la grub pa dang/ gzhan 'dul ba dang/ snying rje dang ldan pa dang/ rigs lngas 'gro ba'i don byed pa'o/ /yang na pad+ma dkar po'i rgyas 'dra'i spyan zhes bya ba ni/ pad+ma la 'ang ma gyis skyon gyis ma gos pa bzhin/ skyon med pa'i spyan lnga dang ldan zhes bya ba'i tshig go /pad+ma rgyas pa'i gdan la bzhugs zhes pa ni/ pad+ma rgyas pa'i gdan la bzhugs pa yin la/ 'khor ba la gnas kyang nyes pas ma gos zhes pa'i don to/ /rang gi lag gis rdo rje mchog ces pa ni/ gnyis su med pa'i ye shes thugs su chud pa'i rtags su rdo rje thugs gar 'dzin pa'o gzhan don mdzad pa'i rtags su yang dang yang du gsor bar byed pa'o/ /des ni thun mong ma yin pa'i 'khor bstan to/ /da ni thun mong gi 'khor khro bo lnga brgya bshad par bya ste/ khro bo de dag gi cha lugs bstan pa ni/ khro gnyer rim pa

  321. 161a

    ldan la sogs zhes bya ba smos te/ khro gnyer ni khro gnyer ro/ /rim par ldan la sogs pas pa ni/ skra dang ag tshom ser la brdzes pa dang/ mig dmar ba dang/ lce 'dril zhing yas sos ma mchu mnan pa dang/ thung zhing gel ba dang/ gsus pa che ba dang/ yan lag rab tu dgrad pa dang/ nying lag rdo rje'i rtse mo lta bu dang/ dur khrod dang gdug pa'i rgyan gyis brgyan pa dang/ mtshon cha 'bar zhing 'gro ba dang/ mgo'i do shal dang/ me 'bar ba'i gnas ni rim par ldan pa ste/ sogs zhes bya'o/ /de lta bu su la ldan zhe na/ lag na rdo rje mdza' yas pa la'o/ /gdul dka' 'dul bas na dpa' bo'o/ /khro bo'i cha lugs dang ldan pas na/ 'jigs su rung ba'o/ /stag gi sham bu dang ldan pas na dpa' byang can no/ /ba spu'i spu ga nas rdo rje'i rtse mo rab tu 'phro ba ni gzhan don no/ /rang gi lag gi gsor bar byed pas na rang don no/ /snying rje chen po'i sgo nas gzhan don byed pa dang/ shes rab chen po'i sgo nas rang gi don thugs su chud pas na/ thabs kyi 'gro don byed pa'i mchog /'khor de dag thams cad kyang 'jam dpal ye shes sems dpa' i don la dga' ba dang/ mgu ba dang/ dangs pa'i bsam pa can no/ /khro bo'i lus kyi gzugs ldan pa ni bshad zin no/ /spangs pa ni spangs pa phun sum tshogs pa/ rgyas pa ni ye shes phun sum tshogs pa'o/ /phrin las ni zhi ba dang rgyas pa dang dbang dang dag pa'o/ /byed pa'i mgon zhes pa ni/ phrin las bzhis 'gro ba'i mgon byed pa'i tha tshig go /lus btud rnams dang lhan cig ces bya ba ni/ phyag na rdo rje dang lhan cig tu gnas pa'o/ /gnas nas kyang de bzhin gshegs pa

  322. 161b

    bcom ldan 'das/ rdzogs sangs rgyas la zhes bya ba ni ston pa phun sum tshogs pa ste shAkya thub pa'o/ /gnyis su med pa'i de bzhin nyid thugs su chud pa nas/ 'gro ba'i don la gshegs pas na de bzhin gshegs pa'o/ /bcom pa ni bdud bzhi'o/ /ldan pa ni ye shes lnga dang ldan pa'o/ /'das pa ni rtag chad gnyis las 'das pa'o/ /rtogs pa ni stobs dang mi 'jigs pa la sogs pa'i che ba'i yon tan bsam gyis mi khyab pa'o/ /sangs rgyas ni sku gsum mo/ /phyag 'tshal nas zhes bya ba la sogs pa/ lus gus pa dang/ ngag dang ba dang/ yid mos pa dang bcas nas so/ /mal mo sbyar ba ni lus kyi bya ba'o/ /spyan sngar 'dug ste zhes bya ba ni/ ston pa phun sum tshogs pa ste/ shAkya thub pa'i spyan sngar 'dug pa'o/ /'di skad gsol zhes pa ni/ mtshams sbyor gyi tshig ste ngag tu'o/ /khyab bdag ces bya ba ni thugs rje chen pos 'gro ba la khyab pas na khyab bdag go /bdag la sman pa dang zhes pa ni phyag na rdo rje la'o/ /bdag don bdag la thugs rtse'i phyir zhes pa ni gnyis su med pa'i ye shes thob pa'i phyir ro/ /thabs khyad par can sgyu 'phrul dra ba'i sgo nas/ mngon par rdzogs pa'i byang chub ci nas bdag gis thob par bya ba'i phyir/ rgyud 'di bshad du gsol zhes pa'o/ /rang gi don du zhus pa bstan pa'o/ /da ni gzhan gyi don du zhus pa bstan pa ni/ nyon mongs pa ni dug lnga 'am gsum mo/ /sems dkrugs zhes pas ni/ nyon mongs pa de dag gis rab tu sdug bsngal pa'i byas pa'o/ /ma rig pa ni ma rig pa'o/ /'dam du bying ba ni 'khor ba'i 'dam du bying ba'o/ /sems can kun zhes pa 'gro ba rigs drug go /sman pa dang zhes pa ni mya ngan las 'das pa'i bde ba thob pa'i phyir ro/ /

  323. 162a

    bla med 'bras bu thob bya'i phyir zhes pa ni chos kyi sku ste/ de thob pa'i phyir bshad du gsol ba'o/ /yul gang la gsol ba gdab snyam pa la/ rdzogs pa'i sangs rgyas bcom ldan 'das la'o/ /'gro ba ni rigs drug go / bla ni sangs rgyas kyi dgongs pa'o/ /ma ni de ston pa 'am/ 'byin pa 'am/ bskyed par byed pa'o/ /ston pa po zhes pa ni ma rtogs pa dang/ log par rtogs pa dang the tshom za ba la bzlog pa'o/ /dam tshig chen po ni de las mi 'da' ba' o de nyid mkhyen zhes bya ba ni/ ji lta ba mkhyen pa'i ye shes te/ de kho na nyid thugs su chud pa'o/ /dbang po bsam pa mkhyen mchog gis zhes pa ni/ ji snyed pa mkhyen pa'i ye shes te/ gdul bya'i dbang po dang bsam pa thams cad mkhyen pa'i ye shes zhes bya ba'i tha tshig go /de lta bu'i ston pa khyod ni gsol ba gdab pa'i gnas so/ /bcom ldan 'das kyi ye shes sku zhes pa ni 'jam dpal ye shes sems dpa' ste/ chos sku ste thugs so/ /gtsug tor chen po tshig gi bdag ces pa ni/ sku'i rang bzhin te/ byang chub sems dpa' man chad kyis bltar mi mngon pa ste/ 'dra ba med cing zil gyis mi non pa'i rtags so/ /tshig gi bdag ces pa ni/ gsung phun sum tshogs pa ste/ mi zad pa'i gsung de lta bu su la mnga' ba la bdag ces bya'o/ /de lta bu de yang rgyu rkyen gyis ma bskyed pa nas/ ye shes sku ste rang 'byung ba zhes bya'o/ /sku de lta bu dang ldan pa'i 'jam dpal ye shes sems dpa' i ming ni yang dag brjod pa'i mchog /de'i don ni bshad du gsol ces pa'i tshig go /'jam pa ni tha dad kyi rtog pa'i zug rngus ma gos pa ste/ chos sku'o/ /dpal ni 'gro ba'i dpal du gyur pa ste gzugs sku'o/ /ye shes ye shes gnas

  324. 162b

    pa'i don shes pas na ye shes so/ /sems dpa' ni 'gro ba'i don la sems dpa' o/ /ming ni zhes pas ni mtshan no/ /yang dag par brjod pa ni ma nor ba'o/ /mchog ces pa ni 'gran zla med pa'o/ /don zab ces pa ni/ blo'i yul ma yin pa ste lta ba'o/ /de lta bu'i don des ma khyab pa med pas na/ don rgya che ba zhes bya'o/ /don chen mtshungs ces bya ba ni/ de lta bu'i don de goms pa las/ rang gi don dang gzhan gyi don phun sum tshogs pa 'byung bas na/ don chen po zhes bya'o/ /mtshungs med ces bya ba ni/ nyan thos dang rang rgyal ba'i 'bras bu dang 'dra ba ma yin pa'o/ /rab zhi ba zhes bya ba ni/ sgrib pa gnyis dang bral ba'i sku'o/ /thog ma bar dang mthar dge ba zhes bya ba ni/ rgyud kyi rgyal po 'di 'das? pa'i sangs rgyas rnams kyis gsungs pas/ thog ma dge ba zhes bya'o/ /da ltar gyi sangs rgyas rnams kyis gsungs pas/ bar du dge ba zhes bya'o/ /ma 'ongs pa'i sangs rgyas rnams kyang gsung bar 'gyur bas na/ /tha mar dge ba zhes bya'o/ /yang na thog mar dge ba ni lta ba'o/ /bar du dge ba ni sgom pa'o/ /tha mar dge ba ni 'bras bu'o/ /yang dang yang du gsungs pa gang zhes pa ni/ nan tan du gsungs pa'o/ /rgyud chen zhes pa ni rgyud sde bzhi las khyad par 'phags pa'o/ /sgyu 'phrul dra ba ni rgyud kyi ming ngo/ /las shes pa ni le'u khri drug stong yod pa las/ nga res glu'i le'u bshad du gsol zhes pa'o/ /rdo rje ni stong pa nyid do/ /'chang ba ni de'i don thugs su chud pa'o/ /chen po ni 'gran zla med pa ste/ longs sku'o/ /gsang sngags 'chang zhes pa ni/ zung 'jug gi ngo bo thugs su chud pa ste chos sku'o/ /dpag med rnams shes pa ni sprul pa'i sku grangs med pa'o/ /dga' bzhin du zhes pa ni/ sangs rgyas

  325. 163a

    de dag dgyes bzhin du 'jam dpal ye shes sems dpa' i don glur blangs pa gang lags pa bshad du gsol zhes pa'o/ /'gro ba'i mgon byed pas na mgon po rdzogs sangs rgyas kun gyis zhes pa ni sku gsum mo/ / gsang 'dzin ni sku gsum dbyer mi phyed pa'o/ /ci nas bdag 'gyur phyir zhes pa ni/ dbyer mi phyed pa'i don te bdag gis thob par mdzad du gsol ces pa'i don to/ /nges par 'byung gi bar du 'di/ zhes pa mi gnas pa'i mya ngan las 'das pa ma thob kyi bar du/ bdag gi bsam pa brtan pos bzung zhes pa'i don to/ /gzhan don du zhus pa bstan pa ni/ nyon mongs ma lus bsal ba dang/ zhes pa ni nyon mongs pa'i sgrib pa'o/ /bsal ba dang zhes pa ni/ nyon mongs pa de dag par byed pa'i phyir zhes bya ba'i don to/ /mi shes pa ni shes bya'i sgrib pa'o/ /ma lus spang ba'i phyir zhes pa ni/ nyon mongs pa dang/ shes bya'i sgrib pa mdza' dag dag pa'i phyir/ bsam pa'i khyad par ji bzhin du zhes pa dbang po'i bye brag ji lta 'tshal ba bzhin du bshad du gsol zhes pa'i don to/ /sems can rnams la zhes pa ni nyon mongs pa'i gang zag go /bshad par 'tshal zhes bya ba ni/ glu'i le'u theg pa sna tshogs kyi don bshad du gsol zhes pa'i don to/ /gsang dbang ni gsang sngags la dbang ba'o/ /de ni phyag na rdo rje'o/ /de bzhin gshegs la de skur du zhes pa ni don phyin ci ma log pa la gshegs pa ni de bzhin gshegs pa'o/ /de skad du gsol nas zhes bya ba ni/ theg pa sna tshogs kyi don bshad du gsol ces pa'o/ /thal mo sbyar byas te lus btud nas ni spyan sngar 'dug ces pa ni/ gus pa'i tshul gyis shAkya thub pa'i spyan sngar 'dug pa'o/ /da ni rgyud bshad pa'i

  326. 163b

    sbyor ba bstan to/ /de nas zhes pa ni/ 'das ma thag pa ste/ spyan sngar 'dug pa'i de ma thag pa'o/ /bcom pa ni bdud bzhi ste/ lha'i bu'i bdud dang/ 'chi bdag gi bdud dang/ nyon mongs pa'i bdud dang/ phung po'i bdud do/ /ldan pa ni ye shes lnga ste/ me long lta bu dang/ mnyam pa nyid dang/ so sor rtog pa dang/ bya ba grub pa dang/ chos kyi dbyings kyi ye shes so/ shAkya ni rgyal po shAkya'i rigs so/ /thub pa ni shAkya rnams kyi dag thub pa'o/ /yang na stobs bcus 'dud bzhi thub pas na thub pa'o/ /rdzogs pa'i sangs rgyas rkang gnyis mchog ces pa ni/ rkang gnyis ni lha dang mi'o/ /de'i mchog tu gyur pa ni shAkya thub pa'o/ /nyid kyi zhes pa ni shAkya thub pa'o/ /zhal nas ljags bzang ba zhes pa ni kha dog dang dbyibs phun sum tshogs pa'o/ /ring zhing zhes pa ni mchu'o/ /yangs pa ni zheng ngo/ /brkyang bar mdzad de zhes pa ni ljags las 'od byung bas 'dod khams la sogs pa 'jig rten gsum pa snang bar byas nas / bdud bzhi'i dgra rnams gdul bar byed pa'o/ /de'i rjes thogs la 'dzum pa bstan nas/ sems can gyi ngan song gsum sbyong bar byed pa zhes bya ste/ dag par byed pa'i tha tshig go /tshangs pa'i gsung ni yan lag drug cu'o/ / snyan pa yi zhes pa ni yid du 'ong ba'i gsung ngo/ /des 'dod khams la sogs pa 'jig rten gsum po kun bkang nas/ lag na rdo rje stobs po che/ /gsang dbang la ni slar gsungs pa ni/ zhus pa'i lan gsungs pa'o/ /ji skad gsungs she na/ phyag na rdo rje la snying rje chen po dang ldan pa zhes pos nas/ 'gro ba rnams la phan pa'i don du phyag na rdo rje khyod kyis snang la rang bzhin med pa'i sku 'jam dpal gyi mtshan brjod pa tsam gyis don

  327. 164a

    chen po 'byung ba/ sgrib pa dag par byed sdig sel ba zhes pa dri ma thams cad dang bral bar byed pa'o/ /nga la nyan par brtson pa ni zhes pa shAkya thub la'o/ /brtson pa ni zhes pa bar chad med pa'o/ /legs so dpal ldan rdo rje 'chang zhes pa rang don du zhus pa legs so/ /lag na rdo rje khyod legs so zhes pa gzhan don du zhus pa legs so/ /de'i phyir ngas bshad ces rang gzhan gyi don du zhus pa de'i phyir/ shAkya thub pa ngas phyag na rdo rje la lam 'bras bu dang bcas par bstan to/ /zhes bya ba'i don to/ /khyod ni rtse gcig yid kyis nyon zhes pa ni ma yongs par ro/ /bcom ldan de ni legs shes gsol ces pa ni mtshams sbyor kyi tshig go /bcom ldan shAkya thub pas 'khor de dag thams cad rigs tha dad du gzigs te/ la la ni gsang sngags shes pa lha kha sbyor gyi rigs su gzigs so/ /la la ni rigs chen zhes pa rdzogs pa'i rim pa'i skal ldan du gzigs/ la la ni thams cad dang zhes pa bskyed rdzogs thun mong ba'i gang zag du gzigs so/ /la la ni gsang sngags rigs sngags 'chang ba'i rigs shes pa/ lha brkyang ba la dga' ba'i gang zag tu gzigs so/ /yang na rigs gsum la ni rnam par gzigs zhes pa/ sku dang gsung dang thugs kyi rigs su gzigs so/ /'jig rten zhes pa ni log pa'i shes pas btags pa'o/ /'jig rten 'das pa'i rigs zhes pa mya ngan las 'das pa ste/ 'khrul pas zad pa'o// 'jig rten snang byed ces pa ni 'jig rten sdang bar byed pa ni rig pa rgyun gyi rtag pa ste/ mu stegs kyi rigs so/ /rigs chen dang zhes pa ni mu stegs las bzlog pa ste/ pha rol tu phyin pa'i theg pa'i gang zag tu gzigs so/ /

  328. 164b

    phyag rgya chen po'i rigs mchog dang zhes pa ni/ phyag ni blo las 'das pa ste/ stong pa nyid do/ rgya ni stong pa nyid des/ ma khyab pa med pa'o/ /chen po ni de lta bu'i rtogs pa'i gang zag de 'gran zla med pas na rigs mchog ces bya'o/ /rigs chen gtsug tor cher gzigs nas shes pa ni/ zil gyis mi non pa'i gang zag ste/ khyad par bla na med pa'i gang zag tu gzigs nas/ tshig gi bdag po zhes pa ni shAkya thub pa la'o/ /tshigs su bcad ces pa bskyang pa bsdus pa ste/ sgyu 'phrul dra ba glu'i le'u bsdus zhes pa'i don to/ /gang gsung zhe na/ gsang sngags rgyal po drug ldan zhing zhes pa 'og nas 'byung ba'i tshig go /gsang sngags shes pa ni zung 'jug go / rgyal po zhes pa ni lam thun mong ma yin pa'o/ /drug ces pa ni a'i sde tshan no/ /ldan pa ni thabs kyi yi ge a dang bcas pa'o/ /gnyis su med par 'byung ba dang zhes pa ni/ kun rdzob tu gsal byed dang/ dbyangs yig dang gnyis su med pa'o/ /don dam rig pa dang stong pa gnyis su med pa'o/ /mi skye zhes pa ni don dam pa'i bden pa'o/ /chos can zhes pa ni kun rdzob kyi bden pa'o/ /'di gsungs pa zhes pa ni dbyer med kyi tshul du 'khor rnams la bka' stsal pa'o/ /de dag gis ni gleng gzhi phun sum tshogs pa rgyad bshad pa'i sbyor ba dang bcas pa bstan to// //da ni rgyud dngos bstan par bya ste/ theg pa sna tshogs thabs tshul gyis zhes pa ni/ theg pa sna tshogs kyi tshul du bshad par bya ste/ spyir theg pa'i sgo sna tshogs shing/ /bsam gyis mi khyab kyang/ bsdu na gnyis te/ pha rol tu phyin pa'i theg pa dang/ gsang sngags kyi theg pa'o/ /re zhig pha rol tu

  329. 165a

    phyin pa'i theg pa'i sgo nas bshad par bya ste/ a A zhes pa ni/ sbyin pa'i pha rol tu phyin pa'o/ /i a'i zhes pa ni tshul khrims kyi pha rol tu phyin pa'o/ /u a'u zhes pa ni bzod pa'i pha rol tu phyin pa'o/ /e i zhes pa ni brtson 'grus kyi pha rol tu phyin pa'o/ /o a? zhes pa ni bsam gtan gyi pha rol tu phyin pa'o/ /aM a(rgyud 'grel): zhes pa ni shes rab kyi pha rol tu phyin pa'o/ /de dag kyang ring thung gi bye brag gis/ 'jig rten dang 'jig rten las 'das par shes par bya'o/ /de la 'jig rten pa'i sbyin pa ni/ sbyin pa po dang/ sbyin pa po'i yul dang/ sbyin par bya ba'i rdzas dang gsum du dmigs te gtong ngo/ /'jig rten las 'das pa'i sbyin pa ni/ 'khor gsum yongs su dag pa'o/ /de bzhin du tshul khrims la sogs pa shes par bya'o/ /gsang sngags kyi dbang du byas nas bshad na/ a A ni gsal la rtog pa med pa ste/ me long lta bu'i ye shes so/ /i a'i zhes pa ni phyogs rigs thams cad dang bral ba ste mnyam pa nyid kyi ye shes so/ /u a'u zhes pa ni 'khor 'das gnyis gnyis med du shes pa'i ye shes te so sor rtog pa'i ye shes so/ /e i zhes pa ni bya ba grub pa'i ye shes te 'gro ba pa'i 'bad pa med par 'byung ba'o/ /o aau zhes pa ni ye shes de dag dbyer mi phyed pa ste/ chos kyi dbyings kyi ye shes so/ /oM zhes pa ni ye shes de dag stong pa nyid dang ldan zhes bya ba'i don to/ /a(rgyud 'grel): zhes pa ni ye shes dang stong pa dbyer mi phyed pa'i don dag gis bsgom zhes pa'i don to/ /shes rab dang ye shes gnyis su med pa'i don de gang du bsgom zhe na/ s+thi to zhes pa ni

  330. 165b

    bstan pa ste/ gnas phun sum tshogs pa ste/ bkra shis shing nyams dga' ba'o/ /h+ri di zhes pa ni snying po'o/ snying po ni gang zhe na/ dz+nyA na zhes pa ste ye shes lnga'o/ /mUrti ni rgyun te ye shes de dag rgyun tu bsgom zhes pa'i tha tshig go / ra haM zhes ba bdag ste rnal 'byor pa bsgom zhes pa'i tha tshig go /bud+d+ho zhes pa sangs rgyas te 'bras bu'o/ /bud+d+ha nAM zhes pa ni sku rnam pa gnyis so/ /tya d+hwa barti naM zhes pa ni sku gsum dbyer mi phyed pa'o/ /dbyer mi phyed pa'i don de ye shes lnga dang ldan pas oM zhes bya'o/ /ye shes des tha dad kyi rtog pa thams cad gcod pas badzra tIk+Sh+Na zhes bya ste/ rdo rje rnon po'o/ /du(rgyud 'grel): khats+tshe da ni nyon mongs pa gcod pa'o/ /pradz+nyA dz+nyA na shes rab ye shes te/ thugs so/ /de lta bu'i ye shes de rgyun mi 'chad pas murta ye shes bya ste rgyun no/ /dz+nyA na kA a zhes pa ni ye shes kyi sku ste sku'o/ /bA gi shwa ra zhes bya ba ni ngag gi dbang phyug ste gsung ngo/ /de lta bu'i gsung thugs te skye ba med pa'i lta ba rtog pa las 'byung ste a'o/ /bde ba chen po goms pas nyams su blangs pas na ra'o/ /de lta ba dang bsgom pa la skyon gang gis kyang ma gos pa pad+ma ste pa'o/ /de lta bu de bskyed rdzogs thun mong gi spyod pas grol ba na ce'o/ /nA ya zhes pa ni rigs pas kyang chos thams cad skye ba med par shes par bya'o/ /te zhes bya ba ni 'bras bu ste re ba dang bral ba'o/ /na ma(rgyud 'grel): zhes bya ba ni don ma nor ba'o/ /de dag gis ni rgyud kyi don sngags su bsdus pa bstan te/ /'di ltar sangs rgyas bcom ldan 'das shes pa ni/ gong du bstan pa'i sku gsum mo/ /rdzogs pa'i sangs rgyas a las byung zhes pa ni/ a ni skye ba med pa ste/ skye ba med pa rtogs

  331. 166a

    pa las 'byung zhes bya ba'i tha tshig go /a ni skye ba med pa ste don dam pa'o/ /yig 'bru kun zhes pa ni kun rdzob kyi chos thams cad do/ /mchog ces pa ni dbyer mi phyed pa'o/ /de lta bu nyams su blangs pa las/ don chen zhes pa ni rang don dang gzhan don 'byung ba'o/ /yi ge dam pa yin zhes pa ni lam ma nor ba'o/ /khong nas 'byung ba skye ba med ces pa ni/ chos thams cad la chos nyid skye ba med pas khyab pa'o/ /skye med de'i rang bzhin bstan pa ni/ tshig tu brjod pa spangs pa ste/ blo'i yul ma yin pa'o/ /brjod pa kun gyi rgyu yi mchog ces pa ni/ skye ba med las thams cad skye ba'i tshul du shar ba'o/ /tshig kun rab tu gsal bar byed pa sna tshogs su shar ba'o/ /de lta bu de yang 'jam dpal ye shes sems dpa' i rang bzhin yin zhes pa'i sgo nas bstod pa'o/ /mchod pa chen po zhes bya ba ni/ ye shes sems dpa' de mchod pa'i gnas yin pas ni mchod pa chen po'o/ /'dod chags che zhes bya ba ni 'gro ba'i don la chags pa'o/ /sems can thams cad dga' bar byed ces bya ba ni/ gdul bya thams cad rgyud tshim par byed pa'o/ /mchod pa chen po zhe sdang che zhes pa ni chos thams cad stong zhing bdag med pa'o/ /stong zhing bdag med pa des nyon mongs kun gyi dgra che ba zhes bya ste/ nyon mongs pa thams cad brlag par byed pa'o/ /mchod pa chen po ni bshad zin to/ /gti mug che zhes pa ni shes rab po/ /gti mug blo zhes pa ni shes rab chen po des ma rig pa sel bas na/ gti mug sel zhes bya'o/ /khro ba che zhes pa ni 'jam dpal ye shes sems dpa' o/ /khro ba chen po zhes bya ba ni tha

  332. 166b

    dad kyi rtog pa thams cad dang bral ba'o/ /dgra che ba zhes pa ni tha dad kyi rtog pa thams cad sel bar byed do zhes bya ba'i tha tshig go /khro ba chen po dgra che ba zhes bya ba ni/ khro ba chen po ni 'jam dpal ye shes sems dpa' o/ /dgra che ba ni 'jam dpal 'joms pa'o/ /chags pa che zhes pa ni ye shes sems dpa' o/ /chags pa thams cad sel bar byed ces pa ni/ mngon zhen thams cad gcod par byed pa'o/ /'dod pa chen po ni dad pa skye ba'i gnas yin pa'o/ /bde ba che zhes pa ni chos kyi sku'o/ /dga' ba chen po mgu ba che zhes pa ni/ sems can thams cad mgu bar byed pa ste/ gzugs sku gnyis so/ /gzugs che lus kyang che ba ste zhes pa ni/ gzugs chen po dang/ lus chen po'i sgo nas 'gro ba'i don byed pa'o/ /kha dog che zhes pa ni dkar po la sogs pa sna tshogs pa'i sgo nas 'gro ba'i don byed pa'o/ /lus che zhes pa ni zheng ngo/ /bod che zhes pa ni mchu ring ba'o/ /thams cad du grags pas ni ming che zhes bya'o/ /'gro ba thams cad la khyab pas na rgya che ba zhes bya'o/ /dkyil 'khor chen po yangs pa yin zhes pa ni/ dkyil 'khor mdza' dag gi sgo nas 'gro ba'i don byed pa'o/ /shes rab ces pa ni stong pa nyid do/ /des tha dad kyi rtog pa gcod pas ni mtshon no/ /'chang zhes pa ni 'jam dpal la zhes bya ba'i don to/ /nyon mongs pa'i 'dam las 'dren par byed pa na lcags kyu che zhes bya'o/ /gdul bya thams cad la grags pa na grags chen zhes bya'o/ /yon tan ma lus par rdzogs pas na snyan grags chen po zhes bya'o/ /snang ba chen po ni longs sku'o/ /gsal ba chen po ni chos sku'o/ /mkhas pa sgyu 'phrul chen po 'chang zhes pa ni/

  333. 167a

    mkhas pa ni 'gro ba'i don la mkhas pa ste sprul sku'o/ /sgyu 'phrul chen po zhes pa ni thabs sna tshogs pa'o/ /'chang zhes bya ba ni lnga pa'o/ /sgyu 'phrul chen po'i don grub pa ni bskyed pa'i rim pa'i lha'i sgo nas don grub pa'o/ /sgyu 'phrul chen po dga' bas dga' zhes pa ni/ rdzogs pa'i sgo nas so/ /sgyu 'phrul chen po mig 'phrul can ces pa ni/ bskyed rdzogs thun mong gi sgo nas 'gro ba'i don byed pa'o// //da ni pha rol tu phyin pa bcu'i sgo nas bstod pa bstan te/ sbyin pa la bzhi ste/ zang zing mi 'jigs chos dang byams/ /de dag 'khor gsum mi dmigs pa/ /'jig rten 'das pa'i sbyin pa'o/ /de'i bdag po ni 'jam dpal ye shes sems dpa' ste/ gtso bo zhes bya'o/ /tshul khrims ni gsum ste/ sdom pa'i tshul khrims dang/ sems can gyi don byed pa'i tshul khrims dang/ dge ba chos sdud pa'i tshul khrims dang gsum mo/ /chen po zhes bya ba/ 'khor gsum mi dmigs te 'jig rten las 'das pa'o/ /'chang ba'i mchog ni ye shes sems dpa' o/ /bzod pa ni gsum ste/ gnod pa byed pa la ji mi snyam pa'i bzod pa dang/ sdug bsngal dang du len pa'i bzod pa dang/ chos la nges par sems dpa' i bzod pa'o/ /chen zhes pa ni/ 'khor gsum mi dmigs pa ste/ 'jig rten las 'das pa'o/ /'chang ba ni ye shes sems dpa' o/ /brtan pa po zhes bya ba ni mi 'gyur ba'o/ /brtson 'grus la gsum ste/ go cha'i brtson 'grus dang/ sbyor ba'i brtson 'grus dang/ chog par mi 'dzin pa'i brtson 'grus so/ /brtul ba yin zhes brtson 'grus kyi stobs kyis 'khor ba la brtul ba'o/ /bsam gtan la gnyis te zhi gnas dang/ lhag

  334. 167b

    mthong ngo/ /zhi gnas mi dmigs pa rtse gcig pa'o/ /lhag mthong ni gang zag dang chos kyi bdag gis stong pa'o/ /chen po zhes pa ni 'khor gsum mi dmigs pa ste 'jig rten las 'das pa'o/ /ting 'dzin gnas zhes pa ni/ ye shes sems dpa' la ldan pa'o/ /shes rab la gnyis te/ rgyu'i shes rab dang 'bras bu'i shes rab po/ /rgyu'i shes rab ni thos bsam sgom gsum mo/ /'bras bu'i shes rab ni don phyin ci ma log pa'o/ /chen po ni 'khor gsum mi dmigs pa ste/ 'jig rten las 'das pa'o/ /lus 'chang ba zhes pa ni ye shes sems dpa' la'o/ /stobs zhes pa ni gzhan gyis mi thub pa'i stobs te bcu'o/ /che zhes pa ni 'khor gsum mi dmigs pa ste 'jig rten las 'das pa'o/ /thabs zhes pa ni theg pa'i sgo bsam gyis mi khyab pa dang ldan pa'o/ /che zhes pa ni 'khor gsum mi dmigs pa'o/ /smon lam zhes pa ni 'gro ba'i don 'byung ba'o/ /ye shes shes pa ni ji lta ba mkhyen pa dang/ ji snyed pa ma byin pa'i ye shes mnga' ba ste/ rgya mtsho zhes pa mi zad pa'i ye shes dang ldan pa'o/ /da ni byams pa dang/ snying rje dang/ phrin las dang/ rdzu 'phrul gyi sgo nas bstod pa'o/ /byams chen zhes pa ni phyogs ris med pa ste/ dpag tu med pa'i byams pa'o/ /snying rje chen po blo'i mchog dang ldan pa ni ye shes sems dpa' o/ /shes rab chen po blo chen ldan pa yang de nyid do/ /mkhas pa chen po zhes bya ba ni 'gro ba'i don la mkhas pa'o/ /thabs che ba zhes bya ba ni theg pa sna tshogs kyi sgo nas so/ /rdzu 'phrul chen po stobs dang ldan zhes bya ba ni rdzu 'phrul bsam gyis mi khyab pa dang ldan pa ste/ /rtsig pa dang ra ba las thal ba dang/ thogs pa med pa'i lus kyis

  335. 168a

    kun tu 'gro ba dang/ du ba 'thul zhing mer 'bar ba la sogs pa dang ldan pa'o/ /shugs chen ni gzhan gyi stobs 'joms pa'o/ /mgyogs pa chen po ni 'gro ba'i don la myur ba'o/ /rdzu 'phrul chen po ni ye shes sems dpa' o/ /cher grags pa ni 'gran zla med pa'o/ /stobs chen pha rol gnon pa ni gdul bya 'dul ba'o/ /srid pa'i ri bo ni srid pa gsum mo/ /chen po 'joms zhes pa ni ma rig pa'o/ /mkhregs pa ni rig pa dang stong pa dbyer mi phyed pa'o/ /rdo rje chen po 'chang ba ni/ dbyer mi phyed pa'i don thugs su chud pa'o/ /drag po chen po ni ye shes sems dpa' o/ /drag shul che zhes pa ni drag po'i las kyis 'dul ba'o/ /'jigs chen zhes pa ni bdag tu 'dzin pa'o/ /'jigs par byed ces bya ba ni mdza' dang bral ba'i ye shes ston pa'o/ /mgon po ni mgon byed pa'o/ /rigs zhes pa ni lnga'o/ /mchog ces pa ni ye shes sems dpa' o/ /bla ni sangs rgyas kyi dgongs pa'o/ /ma ni de 'byin pa'o/ /sangs rgyas kyi dgongs pa gang zhe na/ gsang sngags chen po'i mchog ste/ mdza' dang bral ba'o/ /theg pa chen po'i tshul la gnas zhes pa ni byang chub sems dpa' i lam 'bras bu dang bcas pa'o/ /de lta bu'i lam 'gro ba la ston pas na theg pa chen po'i tshul gyi mchog go/ //sangs rgyas rnam par snang mdzad che zhes pa ni/ rigs lnga'i dkyil 'khor mtshon pa'o/ /sangs rgyas ni spangs pa phun sum tshogs pa dang/ ye shes phun sum tshogs pa ste chos sku'o/ /rnam par snang mdzad ces pa ni mtshan dang dpe byad kyis brgyan pa ste longs sku'o/ /mdzad che zhes pa ni

  336. 168b

    mdzad pa bcu gnyis kyis 'gro ba'i don byed pa ste/ sprul sku'o/ /thub pa chen po zhes bya ba ni shAkya thub pa'o/ /thub chen ldan zhes pa ni/ shAkya thub pa'i yon tan dang/ yang ye shes sems dpa' la ldan zhes pa'i don to/ / gsang sngags tshul chen zhes pa ni/ bskyed pa'i rim pa dang rdzogs pa'i rim pa'o/ /de la bskyed pa'i rim pa ni/ phyi bskyed pa'i rim pa dang/ nad bskyed pa'i rim pa dang/ zab mo bskyed pa'i rim pa'o/ /phyi bskyed pa'i rim pa ni lha mang ngam nyung yang rung ste/ lha brgyad pa bsgom pa'o/ /nad bskyed pa'i rim pa ni lha kha sbyor bsgom pa'o/ /zab mo bskyed pa'i rim pa ni rtsa rlung bsgom pa'o/ /de dag thams cad la rang bzhin chad par shes pa ni rdzogs pa'i rim pa'o/ /las byung zhes pa sku gsum mo/ /gsang sngags tshul chen bdag nyid can zhes pa ni/ bskyed rdzogs thun mong gi bdag nyid ye shes sems dpa' khyod la ldan no zhes bya ba'i tha tshig go /da ni pha rol tu phyin pa dang/ sa bcu dang/ yon tan bsam gyis mi khyab pa'i sgo nas bstod pa bstan te/ pha rol phyin bcu ni bshad zin to/ /thob pa ye shes sems dpa' khyod kyis thob ces pa'i don to/ /pha rol phyin pa bcu la gnas zhes pa ni/ gnas 'gro ba'i don byed do/ /zhes bya ba'i tha tshig go /dag pa ste/ zhes bya ba ni pha rol tu phyin pa thams cad dbyer med du rtogs pa'o zhes bya'o/ /tshul zhes pa ni pha rol tu phyin pa bcu 'gro ba la ston pa'o/ /mgon po ni ye shes sems dpa' o/ /sa bcu'i dbang phyug ces pa ni sa bcu la dbang thob pa zhes bya'o/ /gnas pa po zhes bya ba ni sa bcu pa la gnas nas 'gro ba'i don byed pa'o/ /shes bcu zhes pa ni/ chos shes

  337. 169a

    pa dang/ rjes su rtogs pa shes pa dang/ pha rol gyi sems shes pa dang/ kun rdzob shes pa dang/ sdug bsngal shes pa dang/ kun 'byung shes pa dang/ 'gog pa shes pa dang/ lam shes pa dang zad pa shes pa dang/ mi skye ba shes pa dang/ rnam dag ces pa ni/ nyan thos kyi shes pa rang bzhin med par shes pa'o/ /bdag nyid can zhes pa ni/ ye shes sems dpa' o/ /rnam pa bcu po shes pa ni gcig pur 'dzin pa dang/ rgyur 'dzin pa dang/ za bar 'dzin pa dang/ byed pa por 'dzin pa dang/ rang dbang can du 'dzin pa dang rtag par 'dzin pa dang/ kun nas nyon mongs par 'dzin pa dang/ rnam par byang bar 'dzin pa dang/ rnal 'byor can du 'dzin pa dang/ ma grol pa grol bar 'dzin pa'o/ /don bcu'i don ni/ mu stegs kyi don bcu po de yang ye shes sems dpas khong chud ces bya ba'i don to/ /thub dbang ni thub pa'i dbang po ste bdud bzhi thub pa'o/ /stobs bcu ni gnas pa yin pa mkhyen pa'i stobs dang/ mos pa sna tshogs pa mkhyen pa'i stobs dang/ bsam gtan dang ting nge 'dzin mkhyen pa'i stobs dang/ rnam par thar pa dang snyoms par 'jug mkhyen pa'i stobs dang/ kun nas nyon mongs pa dang/ rnam par byang ba mkhyen pa'i stobs dang/ las dang las kyi rnam par smin pa mkhyen pa'i stobs dang/ thams cad du 'gro ba'i lam mkhyen pa'i stobs dang/ sngon gyi gnas dran pa'i stobs dang/ 'chi 'pho dang skye ba shes pa'i stobs dang/ zag pa zad pa mkhyen pa'i stobs so/ /de ltar stobs bcus 'gro ba'i don byed pas na khyab pa'i bdag kun gyi don ni ma lus byed ces bya'o/ /'o na 'gro ba'i don byed pa la skyon

  338. 169b

    gyis ma gos sam zhe na/ rnam bcu dbang ldan che ba po zhes smos te/ dbang bcu ni tshe la dbang ba dang/ las la dbang ba dang/ yo byad la dbang ba dang/ mos pa la dbang ba dang/ smon lam la dbang ba dang/ rdzu 'phrul la dbang ba dang/ skye ba la dbang ba dang/ chos la dbang ba dang/ sems la dbang ba dang/ ye shes la dbang ba dang/ dbang bcu dang ldan pas skyon gyis ma gos pa'o/ /da ni sku gsum gyi sgo nas bstod par bya ste/ dang po chos kyi sgo nas bstod par bya ste/ thog ma med ces pa ni rgyu stong pa'o/ /spros med bdag ces pa ni skyon dang bral ba'o/ /de bzhin nyid bdag dag pa'i bdag ces pa ni rang gi ngo bos stong pa'o/ /bden par smra zhing ces pa ni longs sku ste bden par smras pa ni theg pa chen po'o/ /tshig mi 'gyur zhes pa ni bden pa yang dag pa zhes bya ba'i don to/ /ji skad smras pa de bzhin byed ces pa ni 'khor phun sum tshogs pa ste/ sa bcu'i byang chub sems dpa' dag go gnyis med ces pa ni don dam pa'i bden pa dang/ kun rdzob kyi bden pa dbyer mi phyed pa'o/ /de thugs su chud nas 'gro ba la yang gnyis su med par ston pa'o/ /yang dag mdza' la rnam par gnas zhes pa ni/ rgyu 'di'i lta ba ston pa'i tshig yin te/ yang dag pa'i mdza' ni don phyin ci ma log pa'o/ /de'i rigs pa yul na mi gnas pa dang/ rgyud dang bstan bcos kun gyi yul du mi gnas pa dang/ blo las 'das so/ /bdag med seng+ge'i sgra dang ldan zhes pas ni sprul pa'i sku ste/ gang zag gi bdag dang chos kyi bdag med pa'i sgra ste seng+ge dang 'dra ste/ dper na gcan gzan gyi rgyal po seng ge des/ sgra sgrags pa tsam gyis ri dags ma lus pa thams cad zil

  339. 170a

    gyis gnon cing 'jigs par byed do/ /de bzhin du ye shes sems dpa' bdag med pa'i sgra nges ri dags ngan pa dang 'dra ba'i mu stegs 'jigs par byed do/ /kun tu 'gro zhes pa ni phyogs dang dus thams cad du gshegs pa'o/ /don yod ces pa ni 'gro ba'i don la gshegs pa'o/ /stobs zhes pa ni stobs bcu don byed pa'o/ /de bzhin gshegs pa yid ltar mgyogs/ /shes pa ni 'gro ba'i don la myur ba'o/ /rgyal ba zhes pa ni nyan thos so/ /rnam rgyal zhes pa ni byang chub sems dpa' o/ /dgra las rgyal zhes pa ni sgrib pa mdza' dag zad pa ste sangs rgyas so/ /de ltar sprul pa'i sku des 'gro ba'i don byed pa'i tshul ni 'khor lo bsgyur ba'i rgyal po lta bu'i sgo nas kyang don byed la/ stobs che zhes bya ba ni tshul sna tshogs kyi sgo nas 'gro ba'i don byed pa'i tha tshig go /tshogs zhes pa ni nyan thos so/ /slob dpon zhes pa ni sprul pa'i sku ste shAkya thub pa'o/ / tshogs zhes pa ni rang rgyal ba'o/ /mchog ces pa ni rang rgyal ba'i slob dpon rigs gsum mgon po lta bu'o/ /tshogs zhes pa ni byang chub sems dpa' i dge 'dun no/ /rje zhas pa ni long sku ste rnam par snang mdzed lta bu'o tshogs zhes pa'o/ /bdag ces pa ni/ mdza' dang bral ba'i ye shes te chos kyi sku'o/ /dbang dang ldan zhes pa ni de dag thams cad ye shes sems dpa' la ldan no/ /zhes pa'i don no/ /mthu chen zhes pa ni ye shes sems dpa' o/ /gces par zhes pa ni gdul bya'o/ /'dzin pa zhes pa ni thugs rjes mi btong ba'o/ /tshul chen zhes pa ni theg pa chen po'o/ /gzhan gyi drang mi 'jog ces pa ni 'du byed gzhan la re ltos mi

  340. 170b

    byed pa'o/ /tshig ces pa ni drang pa'i don gyi tshig go /rje zhes pa ni sprul pa'i sku'o/ /tshig ces pa ni theg pa chen po'i tshig go /bdag ces pa ni longs spyod rdzogs pa'i sku'o/ /smra mkhas pa zhes pa ni tshig la brnyes pa zhes bya ba'i don to// tshig la dbang ba tshig mdza' yas zhes pa ni/ rang gi don khong du chud nas/ gzhan la tshig bden par smra ba'o/ /bden pa bzhi ni zhes pa ni/ nyan thos kyi lam bshad par bya ste/ bden pa bzhi ni/ sdug bsngal gyi bden pa dang/ kun 'byung gi bden pa dang/ 'gog pa'i bden pa dang/ lam gyi bden pa'o/ /ston pa po zhes pa ni ye shes sems dpa' o/ /phyir mi ldog pa'i phyir mi 'od zhes pa ni/ skyes bu zung bzhi dang/ gang zag ya brgyad de nyan thos kyi 'bras bu'o/ /'dren pa zhes pa ni 'gro ba thams cad 'dren pa zhes pa ni sems dpa' o/ /rang rgyal zhes pa ni rten 'brel bcu gnyis su lugs las bzlog pa'i tshul gyis bsgom pa'i gang zag ste/ shes rab che ba dang/ slob dpon 'chab pa dang 'gro ba'i don la mi dga' pa'i gang zag go /lhag par yang nga rgyal dang ldan pa'i rigs te rang gi shes rab kyis dpyad nas zhi gnas dang lhag mthong bsgom pa'o/ /bse ru'i tshul zhes pa ni 'bras bu ste bse ru ltar rwa gcig pa'o/ nges 'byung sna tshogs ni byang chub kyi phyogs kyi chos sum cu rtsa bdun no/ /las 'byung ba ni byed du ltar khyus lding ba'o/ /'byung ba chen po zhes bya ba ni/ 'gro ba'i don la nam yang ma byung ma mos pas na 'byung ba chen po'o/ /rgyu gcig po ni zhes bya ba ni snying po byang chub kyi sems so/ /dge slong dgra bcom zag pa zad ces pa ni/ 'od srungs la sogs pa dgra bcom pa bsam gyis mi khyab par sprul nas 'gro ba'i don byed pa zhes bya'o/ /'dod chags bral ba ni

  341. 171a

    nang 'dzin pa'i zhi ba'o/ /dbang po thul po ni phyi rol dul ba'o/ /bde ba rnyed pa ni myang na las 'das pa'o/ /'jigs med thob pa ni bdud bzhi gzhom pa'o/ /bsil bar gyur pa ni mngon zhen gyi gdung ba dang/ bral pa'o/ /rnyog pa med pa ni sgrib pa dang bral ba'o/ /rig pa dang ni zhes pa ni/ lhag pa'i ting nge 'dzin gyi bslab pa'o/ /rkang pa zhes pa ni gnyis mtshon pa'i tshig ste/ tshul khrims dang shes rab kyi bslab pa'o/ /bde gshegs ni ye shes sems dpa' o/ /'jig rten rig pa'i mchog ni gdul bya'i rgyud mkhyen pa'o/ /bdag gir mi 'dzin ngar mi 'dzin zhes pa ni/ rang rgyud du 'dzin pa dang rtog pa dang bral ba'o/ /bden pa gnyis ni don dam dang kun rdzob bo/ /tshul la gnas pa ni dbyer med du rtogs pa'o/ /'khor ba'i pha rol mthong ba'i lam mo/ /mthar son pa ni sa bcu gcig pa'o/ /bya ba byas pa ni tshogs gnyis rdzogs pa'o/ /skam sar gnas pa ni mya ngan las 'das pa thob pa'o/ /ye shes 'ba' zhig las byung ba zhes pa ni ji lta ba mkhyen pa dang ji snyed pa mkhyen pa'i sgo nas 'gro don byed pa'o/ /shes rab mtshon ? ni stong pa nyid do/ /rnam 'joms pa ni dngos po'i chos thams cad do/ /dam chos rgyal ni ma nor ba ste lta ba'o/ /gsal bar ldan pa ni 'dzin pa med pa'i shes pa bsgom pa'o/ /'jig rten snang bar byed pa'i mchog ni/ sna tshogs su snang yang zhen pa med pa ste spyod pa'o/ /chos ni 'khor 'das so/ /dbang phyug ni de la mnga' brnyes pa'o/ /chos kyi rgyal zhes pa ni ye shes sems dpa' o/ /des pa'i lam ni bden pa gnyis med do/ /ston pa ni 'gro ba la'o/ /po zhes pa ni

  342. 171b

    khyod nyid do/ /don grub ces pa ni rang don no/ /bsam pa grub ces pa gzhan don no/ /kun tu rtogs pa thams cad spangs zhes pa ni gzung 'dzin dang bral ba'o/ /rnam par mi rtog dbyings mi zad ces pa ni 'phel 'grub med pa'i don no// chos dbyings dam pa zad mi shes shes pa ni yon tan zad mi shes pa dang ldan pa'o/ /kun gyi gti mug gnas su gyur pa'o/ /bsod nams kyi tshogs bsags pa las byung pa'o/ /ye shes shes pa ni yal des kyi tshogs so/ /ye shes khyad par che zhes pa ni gong na med pa'o/ /ye shes ldan pa zhes pa ni ji lta ba mkhyen pa dang ji snyed pa mkhyen pa'o/ /yod med shes pa ni mdza' thams cad las grol ba'o/ /tshogs gnyis ni bsod nams dang ye shes so/ /bsags pa po ni ye shes sems dpa' o/ /rtag pa ni chos sku'o/ /kun rgyal ni 'khor ba las rgyal ba'o/ /rnal zhes pa ni chos nyid do/ /'byor zhes pa ni blo dang 'byor pa'o/ /can ni ldan pa'i tshig go / bsam gtan zhes pa ni zhi gnas dang lhag mthong ngo/ /de lta bu bsam par bya bas na bsam bya'o/ /blo zhes pa ni shes rab bo/ /ldan zhes pa ni ye shes sems dpa' o/ /mchog ces pa ni sa dgu pa man ched la 'phags pa'o/ /so so zhes pa ni 'khor 'das so/ /rang rig gi ces pa ni sems la'o/ /mi g.yo ba zhes pa ni 'khor 'das thams cad sems las mi bskyed pa zhes pa'i don te/ /mchog gi dang po ni rang rig go /sku gsum 'chang ni chos sku dang longs sku dang sprul sku'o/ /'chang ba ni ye shes la mnga' ba'o/ /sangs rgyas sku lnga'i bdag nyid can ni chos dang/ longs spyod dang/ sprul sku dang/ ngo bo nyid kyi sku dang/ bde ba chen po'i sku'o/ /'gro ba'i

  343. 172a

    don la khyab pa na khyab bdag go /ye shes lnga'i bdag ni me long lta bu la sogs pa'o/ /sangs rgyas lnga bdag ces pa ni rnam par snang mdzad do/ /cod pan can zhes pa ni ye shes sems dpa' i dbu pa rgyan du byas pa'o/ /spyan lnga zhes pa ni/ sha'i spyan dang/ lha'i spyan dang/ chos kyi spyan dang/ sangs rgyas spyan dang/ shes rab kyi spyan dang lnga'o/ /chags pa med pa 'chang zhes pa ni zhen pa med pa'o/ /sangs rgyas thams cad skyed pa po zhes pa ni/ dus gsum sangs rgyas thams cad kyi yab dang yum du gyur pa yang ye shes sems dpa' khyod yin zhes pa'i sgo nas bstod pa'o/ /sangs rgyas sras po dam pa'i mchog ces pa ni bde gshegs thams cad kyi sras kyang khyod yin zhes pa'i sgo nas bstod pa'o/ /'dir rgal ba/ 'o na ye shes sems dpa' i rang bzhin ni rgyu rkyen thams cad dang bral ba yin la/ 'dir ni sras po zhes pas skye gnas kyi rnyog pa yod do zhe na/ de ni ma yin te ye shes sems dpa' nyid srid pa gsum gyi rang bzhin du byung ba las ma gtogs pa/ skye gnas med ces pa ste/ skye gnas kyi rnyog pa med do/ /'o na srid gsum skye ba med pa ye shes sems dpa' i rang bzhin yin no bla'i yul du sor ba ste/ dngos po'i rnyog pa yod do zhe na/ de ni ma yin te/ chos ni 'khor 'das thams cad do/ /las byung ba zhes pa ni thams cad rten 'brel las byung ba'i phyir ngo bo skye ba med pas na/ srid po sel zhes pa ni dngos po'i rnyog pa med do/ /yang brgal ba dang/ 'o na chos thams cad skye med yin na/ chos can re re la skye med re yod pas du ma'i rnyog pa yod do zhe na ma yin te/ chos can du ma tha dad

  344. 172b

    kyang/ ngo bo skye med du gcig pas na/ gcig tu sra mkhregs rdo rje'i bdag ces pa ste/ du ma'i rnyog pa med do/ /sra mkhregs zhes pa ni dbyer mi byed pa'o/ /rdo rje ni stong pa nyid do/ /bdag ces pa ni/ stong pa nyid kyis kun la khyab ces pa'i don to/ /'o na du ma dang bral ba'i lam du byed pas/ lam mam yid la byed pa'i rnyog pa yod do zhe na/ ma yin te skyes ma thag pa 'gro ba'i bdag ces la/ rtog pa'i dus nyid dang nas sangs rgyas kyi dgongs ma sleb pa yin pas lam gyi rnyog pa med do/ /'o na skyes ma thag zer bas na/ ye shes sems dpa' de rgyu rkyen las grub pas 'dus byas sam bcos mar song ngo zhe na/ ma yin te/ nam mkha' las byung rang byung ba zhes pa ste/ rgyu rkyen las ma skyed pa yin pas na nam mkha' dang 'dra ste/ rang 'byung bas na bcos ma'i rnyog pa med do/ /'o na nam mkha' dang 'dra na/ nam mkha' la sems med pa ste/ dran med kyi cha na 'dug pas chad lta'i rnyog pa yod do zhe na ma yin te/ shes rab ces pa stong pa nyid do/ /ye shes ni rig pa'o/ /rig pa rang stong pa dbyer mi phyed pas chad lta'i rnyog pa med do/ /me'o che zhes pa ni dbyar med des tha dad kyi rtog pa bsreg pas so// 'o na me bo che zhes pa ni mes bsregs nas dngos po med par byas pas na/ dngos med kyi rnyog pa yod do zhe na/ ma yin te/ 'od chen rnam par snang bar byed ces pas na/ dbyer med de ji ltar yang snang bas na/ dngos med kyi rnyog pa med do/ /'o na ji ltar yang snang ba na/ snang bya snang byed gnyis byung bas ma rig pa'i rnyog pa yod do/ /zhe na/ ma yin te/ ye shes skar ma lam me ba zhes pa ni dper na skar ma sprin gyis ma g.yogs pa ni/ lham me lhan ne

  345. 173a

    lhad de gar yang gsal ba bzhin ye shes des kyang mi mkhyen pa gang yang med pas na/ ma rig pa'i rnyog pa med do/ /'o na lam me zhes pas na phyogs kyi rnyog pa yod do zhe na/ ma yin te 'gro ba rnams kyi mar me dang 'dra ba'i ye shes kyi sgron me de la phyogs dang ris med pas na/ phyogs kyi rnyog pa med do/ /de lta bu'i ye shes sems dpa' de kho na gzi brjid chen po 'od gsal ba zhes bya'o sngags mchog ces pa ni a ste skye? pa med pa'o/ /mnga' bdag ces pa ni skye ba med pa khong du chud pa'o/ /rig sngags rgyal zhes pa ni/ sngags thams cad la dbang thob pa'o/ /gsang sngags rgyal po don chen byed ces pa ni/ lha kha sbyor gyi don byed pa'o/ /gtsug tor chen po rmad byung gtsug ces pa ni zil gyis mi non pa'i sku'o/ /nam mkha' ni stong pa nyid do/ /bdag po ni ye shes sems dpa' o/ /sna tshogs don zhes pa ni 'gro ba la/ sangs rgyas kun ni dus gsum gyi bde bar gshegs pa la'o/ /sku'i mchog ni ye shes sems dpa' la'o/ /'gro pa kun dga' ba'i ye shes kyi mig dang ldan na/ sna tshogs pa'i gzugs kyi 'gro ba'i don byed pa'o/ /drang srong zhes pa ni skyon med pa ste sangs rgyas? che dgu zhes pa ni yon tan dang ldan pa'o/ /de dag gis kyang khyod la mchod cing dag gi bstod pa brjod pa'o/ /rigs gsum ni sku gsung thugs so/ /gsang sngags ldan ni thabs dang shes rab dang ldan pa'o/ /gsang sngags 'dzin ni gzhan 'dzin du 'jug pa'o/ /gtso bo ni 'gran zla med pa'o/ /dkon mchog gsum ni spyi bor khur ba'i don to/ /theg pa gsum ni nyan thos dang/ rang rgyal ba dang/ byang chub sems dpa' i theg pa'i sgo nas 'gro ba'i

  346. 173b

    don byed pa'o/ /don yod ces pa ni 'gro ba'i don byed pa'o/ /zhags pa zhes pa ni thugs rje'i zhags pa'o/ /rnam par rgyal zhes pa ni 'khor ba las so/ /'dzin pa'o/ /rdo rje ni stong pa nyid do/ /zhags pa ni snying rje'o/ /rdo rje lcags kyu zhags pa ni sgo ba de nyid mtshon pa'o/ /che zhes pa ni lcags sgrog dang dril bu mtshon pa'o/ /rdo rje 'jigs byed ces pa ni/ 'jigs byed kyi dkyil 'khor lha bcu gsum pa'i sgo nas 'gro ba'i don byed pa'o/ / 'jigs par byed ces pa ni dug lnga ye shes lngar bsgyur ba'o/ /khro bo'i rgyal po gdong drug 'jigs/ mig drug lag drug stobs dang ldan/ keng rus mche ba brtsig pa po zhes pa ni gzhon nu gdong drug gi dkyil 'khor lha bcu gsum pas 'gro ba'i don byed pa'o/ /ha la ha la zhes pa ni phug cig phug cig pa'o/ /gdong brgya pa ni gdong brgya pa'i dkyil 'khor gyi sgo nas 'gro ba'i don byed pa'o/ /gshin ces pa ni shi ba'i ro'o/ /rje zhes pa srog bdag go /gshed ces pa ni de'i gnyen po khro bo'o/ /yang na gshin zhes pa ni khams gsum gyi sems can no/ /rje zhes pa ni bdag go /gshed ces pa ni bskyed rdzogs gnyis so/ /bgegs kyi rgyal zhes pa ni bdud bzhi sel ba'o/ /spyir gshin rje gshed kyi dkyil 'khor gyi sgo nas 'gro ba'i don byed pa'o/ /dkyil 'khor de dag thams cad la rang bzhin med par shes pa ni shugs chen no/ /'jigs byed ces pa ni 'khor ba'o/ /rdo rje grags pa ni stong pa nyid las sna tshogs shar ba'o/ /rdo rje snying zhes pa ni sna tshogs dang stong pa dbyer mi phyed pa'o/ /sgyu 'phrul rdo rje zhes pa ni sgyu ni sgyu ma ste stong pa nyid do/ /'phrul ni sna tshogs su

  347. 174a

    shar ba'o/ /rdo rje ni dbyer mi phyed pa'o/ /gsus po che ni khro bo'i sku'o/ /rdo rje las skyes rdo rje'i bdag ni stong pa la stong pa rol pa'o/ /rdo rje snying po mkha' 'dra ba ni dpe dang don no/ /mi g.yo ba ni brtan pa'o/ /ral pa gcig gis bsgyings pa ni skra'o/ /glang chen ko rlon gos su gyon pa ni bstod g.yogs so/ /grags chen ha ha zhes sgrogs pa ni/ thabs dang shes rab gzhan la ston pa'o/ /hi hi zhes sgrogs 'jigs par byed pa ni/ rang gi rgyud la goms par byed pa'o/ /gad mo chen mo ni dgyes pa'o/ /gad brgyangs can ni rab tu dgyes pa'o/ /rdo rje gad mo cher sgrogs pa zhes pa ni/ stong pa nyid ston pa'o/ /rdo rje zhes pa ni stong pa nyid do/ /sems shes pa ni rig pa'o/ /dpa' zhes pa ni dbyer med do/ /sems dpa' che zhes pa ni gzhan no/ /rdo rje rgyal po bde ba che zhes ba ni longs sku'o/ /rdo rje drag po dga' ba che zhes pa ni khro bo'i sku'o/ /rdo rje hUM ste hUM zhes sgrogs zhes pa ni gsung yig 'bru'i sgo'o/ /mtshon du rdo rje'i mnga' thogs pa/ rdo rje ral gri ma lus gcod ces pa ni thugs phyag mtshan gyi sgo'o/ /rdo rje sku 'chang rdo rje can zhes pa ni/ sku'i sku 'chang rdo rje can zhes pa ni/ sku'i sgo'o/ /rdo rje gcig pu g.yul sel ba zhes pa ni/ stong pa nyid kyis 'khor ba bzlog pa'o/ /rdo rje 'bar ba mig mi bzad ces pa ni ye shes kyi spyan dang ldan pa'o/ /skra yang rdo rje 'bar ba ste zhes pa ni dbu skra'o/ /rdo rje 'bebs pa zhes pa ni lha rab tu gnas pa'o/ /'bebs shes pa zhes pa ni rab tu gnas pa'o/ /mig brgya ba ste rdo rje'i mig ces pa ni/ bsam gyis mi khyab pa'i spyan dang ldan pa'o/ /lus ni rdo rje'i ba spu can zhes pa ni/

  348. 174b

    ba spu thams cad rdo rje phra mor gnas pa'o/ /rdo rje spu ni gcig pu'i lus zhes pa ni/ lus thams cad rdo rjes khyab pa'o/ /sen mo skyes pa rdo rje'i rtse zhes pa ni/ yan lag dang nying lag thams cad rdo rje'i rtse mo lta bu'o/ /rdo rje'i snying po paT pa mkhregs zhes pa ni/ rdo rje'i pags pa dang ldan no/ /rdo rje'i phreng thogs dpal dang ldan/ /rdo rje'i rgyan gyis brgyan pa ste zhes pa ni rdo rje'i rgyan dang ldan pa'o/ /gad brgyangs ha ha nges par sgrogs zhes pa zil gyis mi non pa'i gsung ngo/ /yi ge drug pa rdo rje'i sgra zhes pa ni/ a ra pa tsa nA ya'o/ /'jam dbyangs chen po sgra che ba zhes pa ni ye shes sems dpa' o/ /'jig rten gsum na sgra gcig pa zhes pa ni srid pa gsum na mthos pa med pa'o/ /nam mkha' i khams na sgra sgrogs pa zhes pa ni nam mkhas gar khyab par 'gro ba la zab pa dang rgya che ba'i sgra sgrogs pa'o/ /sgra dang ldan pa rnams kyi mchog ces pa ni 'du byed rnams kyis mchog tu gyur pa'o/ /yang dag bdag med de bzhin nyid ces pa ni/ gang zag gi bdag dang chos kyi bdag gis stong pa'o/ /yang dag mdza' ste yi ge med ces pa ni/ tshig dang tha snyad las 'das pa ste lta ba gtor/ tha snyad nub/ /grub mdza' thams cad bag la zhe ba'o/ /stong nyid smra ba'i khyu mchog ste zhes pa ni ston pa ni thams cad kyi nang na mchog tu gyur pa ye shes sems dpa' o/ /zab cing zhes pa ni gsang sngags kyis theg pa'o/ /rgya che ba ni pha rol gyi theg pa'o/ /sgra sgrogs pa ni gdul bar bya la'o/ chos kyi dung ste sgra chen ldan zhes pa ni zab mo ston pa'o/ /chos kyi gaN+Di sgra bo che zhes pa ni rgya che ba ston pa'o/ /de ltar ston pa'i ye shes sems dpa' de'i ngo bo ci 'dra zhe na/ mi gnas mya ngan 'das pa po zhes bya ste/ mdza' dang

  349. 175a

    bral ba zhes bya ba'i tha tshig go /phyogs bcu'i chos kyi rnga bo che zhes pa ni thams cad la khyab par ston pa'o/ /gzugs med ces pa ni chos sku'o/ /gzugs bzang dam pa ni longs sku'o/ /sna tshogs gzugs can yid las skyes/ /gzugs rnams thams cad snang ba'i dpal/ gzugs brnyan ma lus 'chang ba po zhes pa ni sprul pa'i sku'o/ /yang na yid las skyes zhes pa ni/ rnal 'byor spyod pa'i lta ba'o/ /mtshungs pa med cing che bar grags zhes pa ni/ 'dra ba med cing kun la khyab pa'i don no/ /khams gsum ni 'dod khams la sogs pa'o/ /dbang phyug ni de la mnga' brnyes pa'o/ /'phags lam ni yan lag brgyad do/ /mtho la gnas zhes pa ni sa bcu gcig pa'o/ /dar ba chen po zhes bya ba ni rgyas pa ste yon tan thams cad dang ldan pa'o/ /chos zhes bya ba ni 'khor 'das thams cad do/ /tog ces pa ni de dag gi rtse mor gyur pa'o/ /'jig rten gsum zhes pa ni 'dod khams la sogs pa'o/ /gzhon lus gcig ces pa ni 'jam dpal gzhon nur gyur pa'o/ /gnas brtan rgan po skye dgu'i bdag ces pa ni/ 'phags pa dgra bcom pa'i sgo nas 'gro ba'i don byed pa'o/ /sum cu rtsa gnyis zhes pa ni/ bdun shin tu mtho ba dang/ sor mo ring ba dang/ rting pa yangs pa dang/ sku che zhing drang ba dang/ yan lag gi spu g.yas phyogs su 'khyil ba dang/ zhal mdzod spus brgyan pa la sogs pa sum cu rtsa gnyis kyis brgyan pa'o/ /sdug gu 'jig rten gsum na mdzes zhes pa ni/ sen mo zangs kyi mdog ltar dmar ba la sogs pa dpe byad bzang po brgyad cu dang ldan pa'o/ /'jig rten zhes pa ni 'khor ba rang bzhin med par shes pa'o/ /

  350. 175b

    legs zhes pa ni mya ngan las 'das pa rang bzhin med par shes pa'o/ /slob dpon zhes pa ni ye shes sems dpa' o/ /'jig rten slob dpon 'jigs pa med ces pa ni/ 'gro ba rnams kyi gtso bor gyur pa'o/ /mgon dang skyob pa ni mya ngan las 'das pa'o/ /'jig rten ni 'khor ba'o/ /yid bcugs pa zhes bya ba ni 'gro ba la mdzes pa'o/ /skyabs dang zhes bya ba ni gdul bya ma lus pa'o/ /skyob pa zhes bya ba ni gdul byed do/ /bla na med ces bya ba ni/ do zla dang bral ba ste ye shes sems dpa' o/ /'o na gdul bya ji tsam gyi don byed ces/ nam mkha' i mdza' la longs spyod pa zhes bya ste/ nam mkhas gar khyab pa'i gdul bya don bya ba'i tha tshig go /thams cad mkhyen pa'i ye shes mtsho ni/ ji snyed pa mkhyen pa'i ye shes so/ /des 'gro ba'i don byed pa ni/ /ma rig sgo nga'i spubs 'byed pa zhes bya ste/ ma rig pa ni las rgyu 'bras dang/ dkon mchog dang bden pa dag yod par mi shes te/ thar pa dang mya ngan las 'das pa la sgrib pas sgo nga'i spub dang 'dra'o/ /'byed pa zhes pa ni ma rig pa'i ling tog sel bar byed ces bya ba'i tha tshig go /srid pa ni gsum mo/ /dra ba ni ma rig pa'o/ /'joms pa ni rlag par byed pa'o/ /ma rig pa 'ba' zhig brlag par ma zad kyi/ nyon mongs pa ma lus pa zhi bar byed do/ /'khor ba ni skye rga na 'chi bzhi'o/ /rgya mtsho ni rgal bar dka' ba'o/ /pha rol tu phyin pa ni mya ngan las 'das pa'o/ /ye shes ni ye nas gnas pa'i don shes pa'o/ /dbang bskur ni de la dbang thob pa'o/ /cod pan ni yang dag par rdzogs pa'i sangs rgyas rgyan du thogs pa ste/ rnam par snang mdzad mgo la khur ba'o/ /sdug bsngal gsum zhe na/

  351. 176a

    'du byed kyi sdug bsngal dang/ 'gyur ba'i sdug bsngal dang/ sdug bsngal gyi sdug bsngal lo/ /sdug bsngal zhes pa ni brgyad do/ /zhi zhes pa ni de las grol ba'o/ /gsum sel ces pa ni lus ngag yid gsum gyi dag pa'o/ /mdza' yas shes pa ni ma lus pa'o/ /grol gsum thob ces pa ni sku gsum mo/ /sgrib pa kun ces pa ni nyon mongs pa'i sgrib pa dang/ shes bya'i sgrib pa'o/ /nges par grol zhes pa ni dag pa'o/ /mkha' ltar mnyam pa nyid la gnas/ /nyon mongs dri ma kun las 'das shes pa ni mnyam bzhag go /dus gsum dus med rtogs pa po/ /zhes pa ni rjes thob bo/ /sems can kun zhes pa ni 'gro ba ris drug go /gtso bo che zhes pa ni sangs rgyas so/ /yon tan thod can rnams kyi thod ces pa ni sa bcu'i byang chub sems dpa' o/ /thod ces pa de rnams kyi thod du gyur pa ye shes sems dpa' o/ /lus zhes pa ni gzugs so/ /kun ces pa ni sgra dang dri la sogs pa'o las ni rnam grol ba zhes pa de dag thams cad las 'das pa ste/ gang gis nga la gzugs su mthong/ /gang gis nga la sgrar shes pa/ log par rtog pa zhugs pa ste/ /skye bo de yis nga mi mthong zhes pa lta bu'o/ /nam mkha' i lam la rab gnas pa ni stong pa nyid kyi don la ma yengs pa'o/ /de ltar ye shes sems dpa' de gzhan don mdzad pa'i dpe ni/ yid bzhin gyi nor bu rin po che dang/ dpag bsam gyi shing dang/ bum pa bzang po dang 'dra ba'i sgo nas 'gro ba'i don byed pas ni che ba'i mchog ces bya'o/ /gzhan don 'ba' zhig gtso bor byed pas na/ byed pa sems can kun don byed ces bya'o/ /phan 'dogs pa ni sems can la'o/ /mnyes gshin pa ni thugs brtse ba'o/ /

  352. 176b

    bzang ngan shes pa ni slob ma'i snod kyi bye brag mkhyen pa'o/ /dus mkhyen pa ni bstan pa'i go rim mkhyen pa'o/ /thugs rjes ma khyab pa med pas na khyab bdag go /dam shes dam tshig ldan pa ni 'gro ba'i don byed pa las mi 'da' ba' o/ /dus shes zhes pa ni 'dul ba dang mi 'dul ba'i dus mkhyen pa'o/ /sems can dbang po shes zhes pa ni gdul bya'i dbang po rno rtul gyi bye brag mkhyen pa'o/ /rnam grol gsum bya ba ni/ nyan thos kyi theg pa dang/ rang rgyal ba'i theg pa dang/ byang chub sems dpa' i theg pa'o/ /mkhas pa po ni ye shes sems dpa' o/ /yon tan ldan zhing zhes pa ni rang gi don phun tshogs pa'o/ /yon tan shes pa ni gzhan don phun sum tshogs pa'o/ /chos shes pa ni 'khor 'das so/ /shes pa ni rang bzhin med par shes pa'o/ /bkra shis zhes pa ni bar chod med pa ste lta ba'o/ /bkra shis bkra shis 'byung zhes pa ni 'bras bu'o/ /bkra shis kun gyi zhes pa ni bsgom pa'o/ /bkra shis pa zhes pa ni spyod pa'o/ /grags pa ni 'gro ba la grags pa ste ye shes sems dpa' o/ /ji ltar zhe na snyan par grags pa de dge ba'o/ /tha dad kyi rtog pa las dbugs 'byin pas dbugs 'byin chen po'o/ gdul bya thams cad la dga' ba dang bde ba skye pas na dga' ston che zhes bya'o/ /dga' chen rol mo chen po ste zhes bya ba ni/ thabs sna tshogs kyis 'brid pa'o/ /bkur sti rim gro phun sum tshogs zhes bya ba ni/ 'gro ba rnams kyi mchod pa'i gnas su gyur pa'o/ /mchog tu dga' zhes pa ni rdo rje lta bu'i ting nge 'dzin te sa bcu gcig pa'o/ /grags zhes pa ni bka' rgyud thams cad las so/ /bdag ces pa ni ye shes sems dpa' o/ /dpa' zhes

  353. 177a

    pa ni rang don thugs su chud pas rtogs pa dag gi dpal lo/ /'gro ba'i don byed pas na thugs rje gzhan gyi dpal lo/ /mchog ldan zhes pa ni/ mchog ldan ni mtshan bzang po sum cu rtsa gnyis dang/ dpe byad bzang po brgyad cu dang ldan pa'o/ /mchog ces pa ni theg pa chen po'o/ /sbyin zhes pa ni sa bcu'i byang chub sems dpa' la ston pa'o/ /gtso bo zhes bya ba ni sa bcu'i byang chub sems dpa' i dpon du gyur pa'o/ /skyabs kyi dam pa skyabs su 'os zhes pa ni/ ye shes sems dpa' des/ 'jig rten dgra ste zhes pa 'khor ba la skyob pas na skyabs kyi dam pa yang yin la rab kyi mchog ces bya'o/ /'jigs pa ma lus sel ba ni 'khor ba'i chos so/ /gtsug phud ces pa ni ral pa spyi bor bcings pa'o/ /phud phud ces pa ni rin po che'i thur mas gzer du btab pa'o/ /lcang lo can zhes pa ni skra lhag pa thur du 'phyang ba'o/ /ral pa muny+dza zhes pa ni ral pa bcings pa'i rtse mor bshig pa'o/ /cod pan thogs pa ni rigs kyi bdag po spyi bor khur pa'o/ /gdod lnga gtsug phud lnga dang ldan zhes pa ni/ 'jam dpal zhal lnga pa'i dkyil 'khor gyis 'gro ba'i don byed pa'o// zur phud lnga pa'i zhes pa ni zhal lnga'i skra bye brag zur phud lnga'o/ /me tog thod ni rgyan du bcings pa'o/ /mgo zlum zhes pa skra dang kha spu bregs pa dang/ dge slong gi chas lugs te tshangs par spyod pa zhes bya bar sbyar ro/ / brtul zhugs shes pa dang ni nyan thos dang rang rgyal ba'i dka' thub bo/ /brtul zhugs mchog ces pa ni rig pa 'dzin pa'i spyod pa'o/ /dka' thub mthar phyin dka' thub che zhes pa ni bcu gnyis so/ /de ltar spyod pa'i gang

  354. 177b

    zag gang yin snyam pa la/ gau ta ma zhes smos te shAkya thub pa'o/ /gnas phun sum tshogs pa ni gtsang gnas dam pa zhes bya ste/ rgyal po'i khab bya rgod kyi phung po'i ri la sogs pa'o/ /bram ze zhes pa ni legs skyes kyi gzugs so// tshangs pa zhes pa ni btsun mo'i dbu ma'o/ /tshangs pa che zhes pa ni bsam gtan dang po'i lha ste/ sdig pa mi dge ba'i chos las tshangs pa'o/ /mya ngan 'das pa tshangs pa thob ces pa ni/ rdo rje lta bu'i ting nge 'dzin gnyis pa'o/ grol ba zhes pa ni 'khor ba las so/ /thar pa ni mya ngan las 'das pa'o/ /rnam grol lus ni bde bar gshegs pa'i sku'o/ /rnam zhes pa ni tha dad kyi rtog pa las grol ba'o/ /zhi zhes pa ni nyon mongs pa'i sgrib pa'o/ / zhi ba nyid ces pa ni shes bya'i sgrib pa'o/ /mya ngan 'das shing zhes pa ni byang chub sems dpa' o/ /mya ngan 'das zhes pa ni sangs rgyas so/ /legs par mya ngan 'das dang nye zhes pa ni nyan thos dang rang rgyal ba'o/ / bde sdug sel zhes pa ni 'khor 'das kyi mdza' las 'das pa'o/ /mthar gyur pa zhes bya ba ni blo'i yul ma yin pa'o/ /chags bral zhes pa ni 'dod pa dang bral ba'o/ /lus las 'das pa po zhes pa ni zag bcas kyi phung po mi mnga' ba'o/ /thub pa med pa zhes bya ba ni mi 'jigs pa bzhi dang ldan pa'o/ /dpe med pa zhes bya ba ni chos kyi sku ste mdza' dang bral ba'o/ /de lta bu'i don de rigs pa'i shes pa'i yul du mi mngon blo'i yul du mi snang/ lung gis kyang gsal bar mi nus pa'o/ /mi 'gyur zhes pa ni rgyun gyis rtag pa'o/ /kun tu 'gro zhes pa ni sna tshogs su shar ba'o/ /khyab pa po ni ye shes sems dpa' o/ /phra zhing zhes pa ni rtogs par dka' ba'o/ /zag

  355. 178a

    med ces pa ni nyon mongs pa dang bral ba'o/ /sa bon bral zhes pa ni ma rig pa dang bral ba'o/ /rdul med ces pa ni chos sku'o/ /rdul bral zhes pa ni longs sku'o/ /dri ma med pa ni sprul sku'o/ /nyes pa spangs pa skyon med pa zhes pa ni ye shes sems dpa' o/ /shin tu sad pa zhes pa ni smon lam gyi mthu sad pa'o/ /sad pa'i bdag ces pa ni 'gro ba'i don la sbyor ba'o/ /ji ltar sbyor zhe na kun shes pa ni ji snyed pa mkhyen pa'o/ /kun rigs ces pa ji lta ba mkhyen pa'o/ /dam pa zhes pa dbyer mi phyed pa'o/ /rnam par shes pa chos nyid 'das shes pa rtog dpyod dang bral ba'o/ /ye shes gnyis med tshul 'chang pa zhes pa rig stong dbyer med do/ /rnam par rtog med lhun gyis grub ces pa ni dngos po'i bdug tshul lo/ /dus gsum sangs rgyas shes pa na/ 'das pa dang/ ma 'ongs pa dang/ da ltar ro/ /las byed pa zhes bya ba ni sangs rgyas kun gyi phrin las byed pa'o/ / sangs rgyas thog ma tha ma med ces pa ni/ thog ma skye bas stong pa/ tha ma 'gags pa stong pa'o/ /dang po'i sangs rgyas zhes pa ni chos kyi sku ste/ rgyu med pa zhes bya ba rgyu rkyen mdza' dag dang bral ba'o/ /ye shes mig cig dri ma med ces pa ni/ ye shes kyi spyan dang ldan pa'i longs sku ste/ dri ma med ces pa theg pa chen po ston pa'o/ /ye shes lus can de bzhin gshegs pa sprul pa'i sku ste/ tshig gi dbang phyug smra ba che zhes pa ni/ drang don gyi tshig la mkhas pa'o/ /smra ba'i skyes mchog smra ba'i rgyal zhes pa ni nges pa'i don gyi tshig la mkhas pa'o/ /smra ba'i dam pa mchog gi gnas zhes pa ni/ drang don nges don gnyis ka la mkhas pa'o/ /smra ba'i seng+ge zhes pa ni

  356. 178b

    gang zag gis kyang zil gyis mi non pa'o/ /mtshungs pa med ces pa ni 'gran zla med pa'o/ /kun tu zhes pa ni 'gro ba la'o/ /mchog tu dga' zhes pa bde ba bskyed pa'o/ /gzi brjid ? po blta na sdug ces pa ni yid du 'ong ba'o/ / 'od bzang 'bar ba dpal gyi be'u ces pa ni rnam par rtog pa'i thugs so/ /lag na 'od 'bar snang ba po/ /zhes pa ni sku'i cha lugs 'gro ba la ston pa'o/ /sman pa che mchog dang 'dra bar 'gro ba'i zug rngu 'byin pas bla na med pa'o/ /sman rnams ma lus ljon pa'i shing zhes pa ni chos kyi phung po brgyad khri bzhi stong ngo/ /nad do cog ces pa ni nyon mongs brgyad khri bzhi stong ngo/ /dgra che ba ni 'joms par byed pa'o/ /sdug gu 'jig rten gsum gyi mchog ces pa ni/ 'jig rten gsum gyi 'dul byed du gyur ba'o/ /dpal ldan rgyu skar dkyil 'khor zhes pa ni/ dpal ldan rgyu skar dkyil 'khor gyi sgo nas 'gro ba'i don byed pa'o/ /phyogs bcu'i zhes pa ni gnas so/ /nam mkha' i zhes pa ni rgya'o/ /mthar thug pa zhes pa ni dus so/ /rgya de srid du chos kyi rgyal mtshan legs par 'dzugs zhes pa ste/ gdul bya rnams dge ba la dgod do zhes pa'i don to/ /'gro na zhes pa ni 'gro ba rnams so/ /gdugs gcig ces pa ni tha dad kyi gdung ba'i tshad pa las skyob pa'o/ /gcig ces pa ni 'gran zla med pa'o/ /yangs pa zhes pa ni kun la khyab pa'o/ /byams pa ni sems can thams cad bde ba dang ldan par 'dod pa'o/ /snying rje zhes pa ni 'gro ba thams cad sdug bsngal dang bral bar 'dod pa'o/ /dkyil 'khor can zhes pa de gnyis dang mi 'bral ba'o/ /dpal ldan zhes pa ni gzugs sku gnyis so/ /pad+ma zhes pa skyon?

  357. 179a

    gyis ma gos pa'o/ /gar gyi bdag ces pa/ dper na gar ji ltar byas kyang lus las mi gzhan pa de bzhin du/ ye shes sems dpa' de yang mdzad spyod ci mdzad kyang 'gro ba'i don las mi 'da' ba' o/ /khyab bdag chen po ni bshad zin to/ /rin chen ni 'dod dgu 'byung ngo/ /gdugs zhes pa ni gdung ba las skyob pa'o/ /sangs rgyas kun gyis gzi brjid che zhes pa ni/ kun la snang ba'o/ /sangs rgyas kun gyi sku 'chang ba zhes pa ni/ sku gsum dang ldan no/ /sangs rgyas kun gyi rnal 'byor che zhes pa ni bden pa ya ma bral ba'o/ /sangs rgyas kun gyi bstan pa gcig ces pa ni/ skye ba med pa'i ngo bor gcig pa'o/ /rdo rje rin chen zhes pa ni rin po che'i dbu rgyan dang/ rdo rje thod dang ldan pas na dbang bskur dpal zhes bya'o/ /rin chen kun bdag dbang phyug ces pa ni/ 'dod dgu 'byung ba la dbang thob pa'o/ /'jig rten dbang phyug ces pa ni spyan ras gzigs kyi gzugs kyis so/ /kun gyi bdag ces pa ni gdul bya'i don byed pa'o/ /rdo rje 'chang zhes pa ni phyag na rdo rje'o/ /kun gyi rje zhes pa ni 'jam dpal lo/ /sangs rgyas kun gyi thugs che ba/ /sangs rgyas kun gyi thugs la gnas zhes pa ni/ /phyag na rdo rje'i ngo bo bshad pa'o/ /sangs rgyas kun gyi sku che ba zhes pa ni 'jam dpal gyi ngo bo bshad pa'o/ /sangs rgyas kun gyi gsung yang yin zhes pa ni spyan ras gzigs kyi ngo bo bshad pa'o/ /rdo rje nyi ma snang ba che/ /rdo rje zla ba dri med 'od ces pa ni bklag pa'i thabs te/ thabs dang shes rab kyi ngo bo bshad pa'o/ /bklag pa'i thabs ni gnyis te/ dkyil 'khor 'khor lo'i tshul du gdon pa dang/ lha rkyang pa'i tshul du gdon pa'o/ /dkyil 'khor gyi tshul du gdon pa ni/ ye

  358. 179b

    shes sems dpa' i dkyil 'khor nas ji ltar 'byung ba bzhin bskyed la/ yang rkan thabs kyi rang bzhin zla ba'i dkyil 'khor du bskyed la/ mad rkan shes rab kyi rang bzhin nyi ma'i dkyil 'khor du bskyed la/ lce zag med pa'i rang bzhin rdo rjer bskyed la/ dbyangs yig dang gsal byed kyi bar nas gdon par bya'o/ /cig shos kyang de dang 'dra'o/ /chags bral zhes pa ni mtshan nyid kyi theg pa'o/ /chags pa che zhes pa ni sngags kyi theg pa'o/ /la sogs pa'i don ni gnyis ka bsdus pa'i don to/ /kha dog sna tshogs zhes pa ni theg pa sna tshogs kyis 'gro ba'i don byed pa'o/ /rdo rje zhes pa ni stong pa nyid kyi don to/ /skyil krung zhes pa ni stong pa nyid la mnyam par bzhag pa'o/ /rdzogs sangs rgyas zhes pa ni de'i sgo nas mya ngan las 'das pa thob pa'o/ /sangs rgyas 'gro ba'i chos 'dzin pa ni 'gro ba'i don du gzugs sku gnyis shar ba'o/ /dpal ldan pad+ma sangs rgyas skyes zhes pa ni 'khor bar gnas kyang skyon gyis ma gos pa'o/ /kun mkhyen zhes pa ni ji snyed pa mkhyen pa'i ye shes so ye shes mdzod 'dzin zhes pa ni ji lta ba mkhyen pa'i ye shes so/ /rgyal po zhes pa ni 'khor 'das kyi gtso bor gyur pa'o/ /sgyu 'phrul sna tshogs zhes pa ni thabs du ma dang ldan pa'o/ /che ba zhes pa ni sangs rgyas kyi chos ma 'dres pa bco brgyad dang/ stobs dang mi 'jigs pa la sogs pa dang ldan pa'o/ /de lta bu de su la ldan zhe na/ sangs rgyas rigs sngags 'chang zhes smos te/ spangs pa phun sum tshogs pa dang/ ye shes phun sum tshogs pa dang ldan pa'i ye shes sems dpa' la ldan zhes pa'i don to/ /rdo rje rnon po ral gri che zhes pa ni rtags dang don to/ /rtags dang g.yas pa'i phyag mtshan ral

  359. 180a

    gri'o/ /don ni rdo rje ni stong pa nyid do/ /rnon po ni rtog pa ma lus pa gcod pa'o/ /stong pa nyid kyi don de ral gri dang 'dra bas na ral gri'o/ /thogs zhes pa 'chang ba'i don to/ /yi ge mchog ste rnam par dag ces pa yang rtags dang don to/ /rtags ni shes rab kyi pha rol tu phyin pa'i po ti bsnams pa'o/ /don ni yi ge mchog ces pa ni a'o/ /rnam par dag ces pa ni skye ba med pa'o/ /theg pa chen po zhes pa ni byang chub sems dpa' i lam 'bras bu dang bcas pa'o/ /sdug bsngal gcod ces pa ni 'khor ba las sgrol ba'o/ /mtshon cha chen po zhes pa ni ral gri'o/ /rdo rje chos zhes pa ni po ti'o/ /rdo rje zab mo zhes pa ni thugs so/ /dzi na zhes pa ni gsung ngo/ /dzi ka ces pa ni sku'o/ /rdo rje blo gros zhes pa ni stong pa nyid shes pa'i shes rab bo/ /don bzhi rig ces pa ni mdza' dag shes pa'o/ /pha rol phyin pa kun shes pa ni sa bcu'o/ /rdzogs pa zhes pa ni thugs su chud pa'i don to/ /sa rnams zhes pa ni dang po nas sa bcu gcig pa'i bar ro/ /kun shes pa ni nyan thos dang rang rgyal ba'i sa'o/ /rgyan dang ldan zhes pa ni de dag thams cad ye shes sems dpa' la ldan pa'o/ /rnam par dag pa zhes pa ni don dam pa'i bden pa'o/ /bdag med chos shes pa ni gang zag gi bdag dang/ chos kyis bdag dang bral ba'o/ /yang dag ye shes zhes bya ba ni chos kyi dbyings kyi ye shes so/ /zla 'od bzang zhes pa ni longs spyod rdzogs pa'i sku'o/ /brtson chen zhes pa ni brtson 'grus dang ldan pa ste sprul pa'i sku'o/ /sgyu ni stong pa nyid do/ /'phrul ni sna tshogs su shar ba'o/ /dra ba ni gnyis su med pa'i don to/ /rgyud kun ni zhes pa ni gnyis te/ tshig gi rgyud dang/ don gyi rgyud do/ /gnyi ga'i

  360. 180b

    rgyud dang/ rnal 'byor gyi rgyud dang/ rnal 'byor bla na med pa'i rgyud de/ de dag thams cad kyi rtsa rgyud yin pas na/ rgyud kun gyi ni bdag po mchog ces bya'o/ /don gyi rgyud la drug ste/ rgyud kyi ngo bo dang/ des tshig dang/ dbye ba dang/ mtshan nyid dang/ rnam grangs dang/ las so/ /de dag thams cad la mnga' brnyes pa de ni ye shes sems dpa' ste/ bdag po mchog ces bya'o/ /rdo rje'i gdan zhes pa ni lha'i gdan bskyed pa'i cho ga yan lag dang bcas pa bstan te/ rdo rje ni stong pa nyid do/ /ma lus ldan pa ni pad+ma dang nyi ma dang zla ba'i gdan dang ldan pa'o/ /ye shes sku rnams ma lus 'chang zhes pa ni/ ye shes rnam pa lnga/ sku rnams zhes pa ni rigs lnga'o/ /ma lus mchog ces pa ni 'khor dang bcas pa'o/ /de ltar rigs lnga 'khor dang bcas pa'i sgo nas ye shes sems dpa' des 'gro ba'i don byed do zhes bya ba'i tha tshig go /de ni sa bcu'i byang chub sems dpa' i sgo nas 'gro ba'i don byed pa bstan par bya ste kun tu bzang po dang/ blo gros bzang po zhes pa/ 'jam dpal dang/ sa'i snying po 'gro ba 'dzin zhes pa spyan ras gzigs kyi tshul gyis kyang 'gro ba'i don byed pa'o/ /sangs rgyas kun gyi snying po ni ye shes rnam pa lnga dbyer mi phyed pa ste/ chos kyi dbyings kyi ye shes so/ /che zhes pa ni 'gran zla med pa'o/ /de lta bu'i ye shes de las sprul ba'i 'khor lo sna tshogs 'chang zhes pa ste/ lta bsdus rgyas kyi bye brag sna tshogs su snang nas 'gro ba'i don byed ces bya ba'i tha tshig go /dngos po kun zhes pa ni 'khor 'das thams cad do/ /rang bzhin zhes pa ni stong pa nyid do/ /mchog ces pa ni dbyer mi phyed pa'o/ /dngos po kun gyi rang bzhin 'dzin zhes pa ni stong pa nyid

  361. 181a

    kyi don te mnyam gzhag gis 'dzin pa'o/ /skye med chos te zhes pa ni/ de ltar mnyam gzhag la gang du yang ma grub kyang rjes thob pa sna tshogs shar bas sna tshogs don byed ces bya'o/ /chos kun ngo bo nyid ces pa ni zung 'jug gi ngo bo ste sgyu ma lta bu'o/ /'chang ba zhes bya ba ni thugs su chud pa'i don to/ /shes rab chen po zhes pa ni ye shes sems dpa' o/ /skad cig la chos kun khong du chud pa po zhes bya ba ni/ chos thams cad rang bzhin med par skad cig gis thugs su chud pa'o/ /chos kun zhes pa ni 'khor 'das thams cad do/ /mngon par rtogs pa zhes pa ni skye med du 'dzin pa las kyang grol ba'o/ /thub pa med pa ni bdud bzhi'o/ / blo mchog ces pa ni de kho na nyid mkhyen pa'i ye shes so/ /'byung ba sel zhes pa ni 'khor ba las sgrol ba'o/ /mi g.yo zhes pa ni 'gro ba'i don las mi g.yo ba'o/ /rab tu dang ba'i bdag ces pa ni 'gro ba rnams kyi yid du 'ong ba'o/ /rdzogs sangs rgyas pa'i byang chub 'chang zhes pa ni/ gzhan don phun sum tshogs pa'o/ /sangs rgyas kun gyi mngon sum pa zhes pa ni chos nyid kyi don mngon sum du thugs su chud pa ste/ dper na sgyu rur rlon pa lag mthil du bzhag pa lta bu'o/ /ye shes me lce 'od 'bar gsal zhes pa ni/ gnyen po ye shes me dang 'dra bas tha dad kyi rtog pa thams cad sreg par byed pa'o/ /'dod pa don grub ces pa ni/ rang gi don dang gzhan gyi don grub pa'o/ /dam pa ste zhes pa ni sa bcu gcig pa mthar phyin pa'o/ /ngan song thams cad rnam sbyong ba zhes pa ni/ 'gro ba thams cad kyi rgyud dag par byed pa'o/ /'dir nyams su blang ba'i rim par yang shes par bya

  362. 181b

    ste/ sku gdung gdab pa dang/ ro bsreg pa dang/ rab tu gnas pa dang/ sbyin sreg dag kyang 'dir shes par bya bas na/ ngan song thams cad rnam sbyong ba zhes bya'o/ /sems can kun gyi mgon byed pas na mchog ces bya'o/ /sems can thams cad rab grol byed ces go sla/ nyon mongs zhes pa ni brgyad khri bzhi stong ngo/ /g.yul zhes pa ni thab pa'i sa'o/ /gcig dpa' ba zhes pa ye shes sems dpa' o/ /mi shes pa ma rig pa'o/ /dgra ni 'dod chags dang/ zhe sdang ngo/ /dregs pa ni nga rgyal lo/ /'joms zhes pa ni sel bar byed pa'o/ /dpal ldan zhes pa ni gzugs sku gnyis so/ /blo dang zhes pa ni rig pa ste chos sku'o/ /sgeg par ldan zhes pa ni 'khor ba las 'das pa'o/ /brtan po mi sdug gzugs 'char ba zhes pa ni khro bo'i gzugs 'di dag gis lag pa brgya po kun bskyod cing/ gom pa'i thabs kyis ci rigs pa'i gar bya'o/ /dpal ldan lag pa brgyas gang la zhes pa ni/ yan lag gi khyad par ro/ /nam mkha' khyab par gar byed pa zhes pa ni/ byed pa'i khyad par ro/ /sa yi dkyil 'khor bzhi yi khyon zhes pa ni/ gnas kyi khyad par ro/ /rkang pa ya gcig mthil gyis gnon zhes pa ni/ 'dug stangs kyi khyad par ro/ /rkang mtheb sen mo'i khyon gyis kyang/ tshangs pa'i yul sa rtse nas gnon/ zhes pa ni che ba'i khyad par ro/ /de ltar ye shes sems dpa' de khro ba'i gzugs khyad par de dag dang ldan pas 'gro ba'i don byed do zhes bya ba'i tha tshig go /'dir ni sgrub pa po dag gis bgegs nye bar zhi bar bya ba'i cho gar shes par bya ste/ khro bo gdong brgya pa'i nga rgyal dang ldan par bya ste/ khro bo'i bstod pa dag kyang bya ste/ g.yas brkyang dang/ g.yon brkyang

  363. 182a

    dang/ zlum po dang/ sa ga dag kyang bya ste/ phyi nas ci bder cho ga la 'jug par bya'o/ /don gcig gnyis med chos kyi don zhes pa la/ mdza' bzhi dang bral ba'i don ni chos kyi don no/ /dam pa'i don zhes pa ni rnam grangs dang bral ba'i don dam pa'o/ /'jigs pa med ces pa ni 'khor ba'i skyon gyis ma gos pa'o/ /rnam rig sna tshogs zhes pa ni gdul bya thams cad kyi rgyud mkhyen pa'o/ /gzugs don zhes pa ni gang dang gang gis 'dul ba la/ de dang de'i gzugs su sprul nas 'dul ba'o/ /rnam shes sna tshogs rgyud dang ldan zhes pa ni/ sems can tha dad kyi sems kyi rgyud mkhyen cing mkhyen pa tsam du yang ma zad de/ dngos don ma lus rnams la dga' zhes pa ni/ stong pa nyid don 'ba' zhig ston to zhes bya ba'i don to/ /stong pa nyid la dga' zhes pa ni/ stong pa nyid la dga' ba'i gang zag la 'dod chags blo zhes pa ste snying rje chen po dang ldan pa zhes bya ba'i don to/ /'o na snying rje'i 'dod chags dang ma bral bas 'khor bar 'gyur ro zhe na/ srid pa'i 'dod chags pa ste zhes pa ste/ 'dod chags rang rgyud pa spangs pa'o/ /srid gsum zhes pa ni 'dod pa'i khams dang/ gzugs kyi khams dang/ gzugs med pa'i khams kyi srid pa'o/ /dga' ba chen po pa zhes bya ba ni/ de dag mgu bar byed pa'o/ /sprin dkar dag pa bzhin du dkar/ /'od bzang ston ka'i zla ba'i 'od/ /nyi ma 'char ka'i dkyil ltar mdzes pa ni/ skyon gyis ma gos pa'i dpe bstan pa'o/ /sen me'i 'od ni shas cher dmar/ /cod pan bzang po mthod ka'i rtse/ /skra mchog mthong ka chen po can/ /mtshan dang dpe byad kyi sgo nas bstod pa'o/ /nor bu chen po 'od chags dpal zhes pa ni

  364. 182b

    dpe'i sgo nas bstod pa'o/ /sangs rgyas sprul pa'i rgyan dang ldan zhes pa ni/ gling bzhi bye ba phrag brgyar sprul pa'i skur ston pa'o/ /'jig rten khams brgya kun bstod pa zhes pa ni/ 'khor ba las bskyod par byed pa'o zhes bya ba'i tha tshig go / rdzu 'phrul rkang pa'i stobs chen ldan zhes pa ni mos pa'i ting nge 'dzin la sogs pa rdzu 'phrul gyi rkang pa bzhis 'gro ba'i don byed pa'o/ /de nyid ces pa ni ye shes sems dpa' o/ /dran pa chen po 'chang zhes pa ni/ ye shes rnam pa lnga dang ldan pa'o/ /dran pa bzhi po zhes pa ni/ lus dran pa nye bar gzhag pa dang/ sems dran pa nye bar gzhag pa dang/ tshor ba dran pa nye bar gzhag pa dang/ chos dran pa nye bar gzhag pa'o/ /ting 'dzin rgyal zhes pa ni/ rdo rje lta bu'i ting nge 'dzin to/ /byang chub yan lag ces pa ni/ /byang chub kyi yan lag bdun te/ dran pa yang dag byang chub kyi yan lag la sogs pa'o/ /me tog ces pa ni mdzes pa'i don gyis so/ /spos zhes pa ni yid tshim par byed pa'o/ /de bzhin gshegs pa yon tan mtsho zhes pa ni/ stobs dang mi 'jigs pa dang/ sangs rgyas kyi chos ma 'dres pa dang ldan pa'o/ /lam gyi yan lag brgyad tshul rig ces pa ni/ 'phags pa lam yan lag brgyad de yang dag pa'i lta ba dang/ yang dag pa'i rtogs pa dang/ dag dang/ las kyi mdza' dang/ 'tsho ba dang/ rtsol ba dang/ dran pa dang/ ting nge 'dzin dang brgyad do/ /rig ces pa ni thugs su chud pa'i don to/ /yang dag sangs rgyas la rig bzhes pa ni/ don phyin ci ma log pa rang gi thugs su chud nas/ sems can kun la shas cher chags shes pa ste 'gro ba la ston pa'o/ /nam mkha' lta bur chags pa med ces pa ni/ 'gro ba'i don byed kyang skyon gyis ma

  365. 183a

    gos pa'o/ /sems can kun gyi yid la 'jug ces pa ni/ 'gro ba dang mthun pa'i sku ston pa'o/ /sems can kun gyi yid ltar mgyogs zhes pa ni/ 'gro ba'i don la myur ba'o/ /sems can kun gyi dbang don shes zhes pa ni/ gdul bya'i rgyud dang/ dbang po'i bye brag mkhyen pa'o/ /sems can kun gyi yid 'phrog pa zhes pa ni/ gdul bya'i yid 'brid par byed pa'o/ /phung po lnga zhes pa ni/ gzugs dang/ tshor ba dang/ 'du shes dang/ 'du byed dang/ rnam par shes pa'i phung po dang lnga'o/ /de nyid shes zhes pa ni/ mi rtag pa dang/ sdug bsngal ba dang/ bdag med par mkhyen pa'o/ /rnam dag phung po lnga 'chang ba zhes pa ni/ zag pa med pa'i phung po lnga dang ldan pa'o/ /nges 'byung kun gyi mdza' la gnas zhes pa ni/ rdo rje lta bu'i ting nge 'dzin bsnyems pa'o/ /nges par 'byung ba kun la mkhas zhes pa ni/ lam mdza' dag mkhyen pa'o/ /nges 'byung kun gyis lam la gnas zhes pa ni/ rang gis spyad pa'o// nges par 'byung ba kun ston pa zhes pa ni/ de lta bu'i lam gyi de gzhan la ston pa'o/ /yan lag bcu gnyis zhes pa ni rten 'brel bcu gnyis so/ /srid rtsa bton zhes pa ni ma rig pa dag par byed pa'o/ /dag pa rnam pa bcu gnyis ldan zhes pa ni rten 'brel bcu gnyis dag pa'o/ /bden bzhi tshul gyis rnam pa can zhes pa ni/ sdug bsngal gyi bden pa dang/ kun 'byung gi bden pa dang/ 'gog pa'i bden pa dang/ lam gyi bden pa dag thugs su chud pa'o/ / shes bya brgyad po rtog pa 'chang zhes pa ni/ rnam par shes pa'i tshogs brgyad rnam par dag pa'o/ /bden don rnam pa bcu gnyis 'chang zhes pa ni/ bden pa bzhi rnam pa bcu gnyis tshul du mkhyen pa'o/ /de nyid rnam pa bcu drug

  366. 183b

    rig ces pa ni/ stong pa nyid bcu drug gi don thugs su chud pa'o/ /rnam pa nyi shu byang chub pa zhes pa ni/ phung po lnga po re re la yang/ mi rtag pa dang/ sdug bsngal ba dang/ stong pa dang/ bdag med pa bzhi bzhi ste nyi shu'o/ /rnam par sangs rgyas kun rig mchog ces pa ni/ 'khor 'das kyi chos thams cad khong du chud pa'o/ /sangs rgyas kun gyi sprul pa'i sku/ bye ba dpag med 'gyed pa po zhes pa ni/ lha rgyad pa dang/ dkyil 'khor gyi 'khor lo dang/ khro bo dang zhi ba'i sku bsam gyis mi khyab pa dang/ gang dang gang mos pa la de dang de'i sku ston pa'o/ /skad cig thams cad mngon par rtogs zhes pa ni/ chos nyid kyi don dus kyi mdza' i skad cig gis rtogs pa'o/ /sems kyi skad cig don kun rig ces pa ni/ sems can thams cad kyi rgyud thams cad skad cig gis khong du chud pa'o/ /theg pa sna tshogs thabs tshul gyis/ /'gro ba'i don la rtogs pa po zhes pa ni/ theg pa sna tshogs zhes pa ni/ theg pa'i sgo bsam gyis mi khyab pa la bya ste/ rgyas par dbye na brgyad khri bzhi stong dang/ 'bring du dbye na gsung rab yan lag bcu gnyis dang/ sdu na sde snod gsum dang/ theg pa rnam pa gsum dang/ khyad par bla na med pa'i theg pa dang/ mu stegs kyi theg pa yan chad 'dir shes par bya'o/ /de la mu stegs kyi lta pa la gnyis te/ tshad par lta ba dang/ rtag par lta ba'o/ /de la 'dir slob dpon gyi mdo sde mya ngan las 'das pa'i rjes su 'brang ste/ rang bzhin gyi bdag dgag pa bya ste/ /ston pa gzigs zan pa dag /bdag dngos po don dam par 'dod pa ste/ 'dus byas sam 'on te 'dus ma byas yin zhe na/ 'dus byas yin mi rtag par 'gyur la/ 'dus ma byas yin na dngos po

  367. 184a

    nyams par 'gyur ro/ /brtan tshigs lhag pa gzhan yang/ ston pa ser skya'i bdag rtag pa de/ dngos po zhig gam/ 'on te dngos med zhig kho bos dpyad par bya'o/ /gal te dngos med do zhe na/ 'o na bdag rtag pa nyams par 'gyur ro/ /gal te yang dngos po'o/ /zhe na/ 'o na bdag brtag pa des don byed par 'gyur ram mi 'gyur zhe na/ gal te don byed par mi 'gyur zhe na/ gang don byed par mi nus pa de ni nam mkha' i me tog dang 'dra'o/ /gzhan yang don byed par 'gyur ro zhes na/ rim gyis byed dam cig car don byed/ rim gyis don byed na ni mi rtag par 'gyur la/ gcig car don byed na nus pa chung ngu dag gis kyang dpa' bo bya ba byed par 'gyur ro/ /chad par lta ba dag kyang rigs par mi 'gyur te/ chad nas 'byung bar 'gyur phyir dang/ snga phyi bslu ba med pa'i phyir/ chad pa'i rang bzhin du mi 'gyur te/ de bas na phyi pa dag rigs pa ma yin no/ /nad pa dag la rnam pa gsum ste/ nyan thos kyi theg pa dang/ rang sangs rgyas kyi theg pa dang/ byang chub sems dpa' i theg pa'o/ /nyan thos kyi theg pa ni gang zag gi bdag dri ma spangs nas/ chos kyi bdag gzung 'dzin don dam par 'dod de/ de la phyi rol gyi yul 'di rdul phra rab zlum sgong cha med pa mang po 'dus pa las/ gong bu rags pa grub par 'dod de/ de dag kyang byis pa'i ngang tshul can du shes pa bya ste/ rdul phra rab de dag 'byar ba dang/ bskor ba 'am/ bar med par gnas kyang rung ste/ phyogs cha drug gis rnam par phye na/ rdul phra rab gcig kyang mi 'grub la/ gang cig ma grub pa des ni du ma yang 'grub par mi 'gyur ro/ /de ltar gcig dang du ma ma grub na phyi rol gyi don yang med par 'gyur ro//

  368. 184b

    rang rgyal ba ni/ phyi rol gyi don la gcig dang du mas gnod pas gtan med la/ nang 'dzin pa rig pa don dam par 'dod do/ /de dag kyang bden pa rmi 'gyur te/ yul ma grub pa'i yul du 'dzin pa'i shes pa ni nam yang rigs pa ma yin no/ /dper na dkar po ma grub dkar por 'dzin pa'i shes pa ni/ mi srid de/ skyes bu lhas byin gang dag byug pa yod na des khyad par du byas pa'i dbyug pa can zhes 'dogs par rigs la/ gang dag dbyug pa med na lha byin dbyug pa can zhes mi rigs so/ /byang chub sems dpa' i theg pa la gnyis te/ rnal 'byor spyod pa dang/ dbu ma pa'o/ /rnal 'byor spyod pa la gnyis te/ rnam bden pa dang/ rnam rdzun pa'o/ /de la rnam bden pa'i lugs kyis/ dkar dmar gyi rnam pa sna tshogs 'di/ shes pa'i rnam par bden par 'dod de/ gang zag dang chos kyi bdag dang bral ba'i shes pa don dam par 'dod de/ de nyid la yang dbye na gnyis te/ sna tshogs su snang yang shes pa gcig gi ngo bor bden par 'dod pa dang/ snang yang du mar snang la bden yang du mar bden par 'dod pa dang gnyis so/ /dang po yang rigs pa ma yin te/ /gal te yul dang shes pa gnyis/ /gcig gam 'on te tha dad yin/ /gal te gcig pa yin 'gyur na/ /rnam pa du mar yod pa'i phyir/ /shes pa'ang du mar thal bar 'gyur/ /yul dang shes pa tha dad na/ nyan thas dag tu cis mi 'gro /gnyis ka'ang rigs pa ma yin te/ /yul la tshad mas gnod pa bzhin/ /rig pa dag la cis mi gnod/ /gzhan yang rnam pa'i 'khor lo 'dir/ /'khrul pa'i shes pas gzung ba 'am/ /'on te ma 'khrul pa yis bzung/ /gal te 'khrul pas bzung 'gyur na/ /

  369. 185a

    rnam bden pa yi dam bca' bud/ /ma 'khrul pa yis bzung 'gyur na/ /kun gyi bden pa mthong bar 'gyur/ /rnam par rdzun pa'i 'dod pa yang/ /rnam pa gnyis su shes bya ste/ /tshul rol mthong ba'i rig pa dang// mya ngan 'das pa'i ye shes so/ /mya ngan 'das pa'i ye shes la/ /rnam pa gnyis su shes bya ste/ /dri ma dang bcas lugs kyi ni/ /rnam pa'i 'khor lo sna tshogs 'di/ /mnyam gzhag ngo la mi snang ste/ /rjes thob dag la snang par 'dod/ /rang rig dag pa'i lugs kyis ni/ /mthong lam skyes pa'i rjes thogs la/ /rnam pa'i 'khor lo med par 'dod/ /myong ba tsam gyis rigs pa de/ /gang yang 'thang ba ma yin te/ /gang yang rnam par rig pa po/ /khyod kyi shes pa don dam de/ /skyes nas yod dam ma skyes par/ /gal te skyes nas yod pa na/ /rang las skye 'am gzhan las skyes/ /gal te rang las skye zhes na/ /rang nyid grub bam ma grub las/ /grub pa dag las skyes mi dgos/ /ma grub pa la skye mi srid/ /gal te gzhan las skye zhe na/ /rtag pa 'am ni mi rtag pa/ /rtag pa dag las skye zhe na/ /'gyur med phyir na rgyur mi btub/ /mi rtog pa las skye zhe na/ /mi rtag dus kyi bsdus pa'i phyir/ /'das dang ma 'ongs da ltar gsum/ /gang las skye ba dri bar bya/ /'das dang ma 'ongs rnam pa gnyis/ /med pa'i phyir na rgyur mi rung/ /da ltar dag las skye zhe na/ /rgyu 'bras dus mnyam 'gyur ba'i phyir/ bskyed bya skyed byed mi rigs te/ /skyes nas yod pa'i dam bca' nyams/ /gal te ma skyes yod ce na/ /ma skyes yod pa mi srid de/ /dper na nam mkha' i me tog bzhin/ /des na gdon gyis zin pa yin/ /rig par dngos

  370. 185b

    por 'dod pa dag /thang pa'i mi yang mi srid de/ /rang nyid phung bar byed du zad/ /dbu ma la yang gnyis yod de/ /chos rnams sgyu mar smra ba dang/ /rab tu mi gnas smra ba'o/ /sgyu ma'i grub mdza' rigs min te/ /sgyu ma tshang mas ma grub dang/ rgyu ma yin phyir bden pa min/ /des na sgyu ma nyams par 'gyur/ /rab tu mi gnas 'dod gzhung ni/ /rnam pa gnyis su shes bya ste/ /don dam gshis kyi bden pa dang/ /kun rdzob dag gi bden pa'o/ /don dam bden pa/ rnam pa gnyis/ /rnam grangs dang ni rnam grangs min/ /kun rdzob bden pa rnam pa gnyis te/ /yang dag pa dang log pa'o/ /'di dag grub mdza' mchog yin te/ /bla med gsang sngags theg pa yang/ /de las gud na mer phyir ro// 'o na pha rol phyin pa dang/ /gsang sngags theg pa khyad med dam/ /snyam du sems pa'i gang zag la/ /don la khyad par rdul tsam med/ /thabs dang lam gyi bye brag la/ /khyad par bsam gyis mi khyab ste/ /de skad du yang/ don gcig na yang ma rmongs dang/ /thabs mang dka' ba med pa dang/ /dbang po rnon pos dbang byas pas/ /sngags kyi theg pa khyad par 'phags/ /shes pa'o/ /de lta bu'i theg pa sna tshogs kyi sgo nas/ 'gro ba'i don byed pa por yang ye shes sems dpa' khyod nyid yin no/ /theg pa gsum ni zhes pa ni/ nyan thos dang rang rgyal ba dang/ /byang chub sems dpa' i theg pa'o/ /des 'byung la zhes pa ni/ sa dang po'i bden pa tsam ni theg pa gsus char gyis thob par smra la/ mthar thug bcu gcig pa'i ye shes ni/ khyad par bla na med pa'i theg pa kho nas thob pa'i phyir theg pa gcig gi 'bras bur gnas shes pa'o/ /nyon mongs khams rnams dag pa'i bdag ces pa ni/ 'khor ba'i

  371. 186a

    'bras bu dag par byed pa'o/ /las kyi khams rnams zad byed ba ni/ 'khor ba'i rgyu dag par byed pa'o/ /chu bo rgya mtsho kun las rgal zhes pa ni/ 'dod pa'i chu bo dang/ srid pa'i chu bo dang/ ma rig pa'i chu bo dang / bdag tu lta ba'i chu bo ste/ de dag rgya mtsho dang 'dra zhing rgal dka' bas na/ rgya mtsho zhes bya'o/ /kun las brgal zhes pa ni de dag kun las thar pa'o/ /thabs gang gis brgal zhes na/ sbyor ba'i dgon pa zhes bya ba ste/ sbyor ba'i bsod nams dang ye shes kyi tshogs zung du 'jug pa'o/ /dgon pa ni dgon pa zhes bya/ dben pa zhes bya/ stong pa zhes bya ste/ de ltar tshogs gnyis dang stong pa nyid bsgom pa las byung zhes bya'o/ /nyon mongs zhes pa ni/ 'dod chags dang/ zhe sdang dang/ gti mug dang/ nga rgyal dang/ phrag dog dang/ log par lta ba'o/ /nye ba zhes pa ni/ nye ba'i nyon mongs pa nyi shu ste/ 'di ltar khro ba dang/ 'khon du 'dzin pa dang/ 'thab pa dang/ 'tshig pa dang/ ser sna dang/ sgyu dang/ g.yo dang/ rgyags pa dang/ ngo tsha med pa dang/ khrel med pa la sogs pa'o/ /kun nyon mongs pa shes pa ni nyon mongs pa can gyi yid do/ /bag chags bcas pa zhes pa ni/ kun gzhi rnam par shes pa'o/ /gtan spangs pa zhes pa ni de dag las grol ba'o/ /de ltar rang gi don thugs su chud nas/ 'gro ba'i don du snying rje chen po shes rab ces smos te/ snying rje dang shes rab kyi sgo nas don yod par 'gro ba'i don byed pa'o/ /'du shes kun gyi don spangs shing zhes pa ni/ mtshan mar 'dzin pa las grol ba'o/ /rnam shes zhes pa ni 'dzin pa'i shes pa'o/ /don zhes pa ni phyi rol gyi yul lo/ /de ltar yul can gyi shes pa las grol

  372. 186b

    bas na 'gog ces bya'o/ /sems can kun yid yul dang ldan zhes pa ni/ gdul bya'i shes pa la lha'i skur snang ba'o/ /sangs rgyas kun gyi thugs rigs pa zhes pa ni/ rnam par mi rtog pa'i ye shes kyi don khong du chud pa'o// sems can kun gyi yid la gnas zhes pa ni/ rnam par mi rtog pa'i ye shes de 'gro ba thams cad kyi rgyud la gnas pa'o/ /de dag sems dang mthun par 'jug ces pa ni/ 'gro ba de dag gi blo'i bye brag gi sgo nas chos ston pa'o/ /sems can kun yid tshim par byed/ /sems can kun gyi yid dga' ba/ /grub ba mthar phyin 'khrul pa med ces pa ni 'gro ba'i don mthar phyin pa'o/ /nor pa thams cad rnam par spangs zhes pa ni/ log par rtog pa spangs pa'o/ /don gsum the tshom med pa'i blo zhes pa ni/ dus gsum du yid gnyis dang bral ba'i blo dang ldan pa'o/ /kun don zhes pa ni 'gro ba thams cad kyi don byed pa ste/ grub mthas blo bsgyur ba byang chub sems dpa' man chad nas/ mu stegs yan chad kyi don byed do zhes bya ba'i tha tshig go /mu stegs kyi don ji ltar byed ce na/ yon tan gsum gyi bdag ces smras te/ snying stobs dang rdul dang mun pa gsum gyis don byed pa'o/ /gzhan yang grub mthas blo ma bsgyur ba bdag gis don yang byed pas na/ kun don zhes bya'o/ /phung po lnga zhes pa ni/ gzugs dang/ tshor ba dang/ 'du shes dang/ 'du byed dang/ rnam par shes pa'i phung po'o/ /phung po de dag chos gzhan du bzhag nas/ de dag dus gsum gyi chas bzhigs na gang yang mi dmigs te/ rang bzhin med par 'gyur ro/ /'dir brgal ba 'on te dus gsum gyi chas bzhigs na skad cig ma yod par 'gyur ro zhe na/ skad

  373. 187a

    cig thams cad bye brag phyed ces bya ba smos te/ skad cig ma yang dus gsum gyi chas gzhigs na med par 'gyur ro/ /dper na rdul phra rab la phyogs gyi nyes pa yod pa bzhin no/ /skad cig gcig gi rdzogs sangs rgyas zhes pa ni/ sa bcu pa nas sa bcu gcig pa'i bar la/ dus kyi mdza' i skad cig mas rtogs so zhes bya ba'i don to/ /yang na lta skad cig dran rdzogs kyis bskyed par shes par bya'o/ /sangs rgyas kun gyi rang bzhin 'chang zhes pa ni rdo rje lta bu'i ting nge 'dzin to/ /lus med ces pa ni rnam rtog gi lus dang bral ba ste chos kyi sku'o/ /lus te zhes pa longs spyod rdzogs pa'i sku'o/ /lus kyi mchog ces pa sprul pa'i sku'o/ /lus kyi mdza' ni rtogs pa po zhes bya ste/ sku thams cad la mkhas pa'o/ /gzugs rnams sna tshogs kun tu ston zhes pa ni/ gang dang gang gis 'dul ba la/ /de dang de'i gzugs kyis 'dul ba'o/ /nor bu chen po rin chen tog ces pa ni/ dgos 'dod 'byung ba'i dpe bstan pa'o/ sangs rgyas kun gyis rtogs bya ba zhes pas ni/ mkhyen par bya ba 'am/ shes par bya ba ste/ sangs rgyas byang chub bla na med ces pa ni/ mi gnas pa'i mya ngan las 'das pa'o/ /de'i mtshan nyid ci 'dra zhe na/ gsang sngags las byung yi ge med ces pa ste/ blo'i yul thams cad dang bral ba'o/ /de lta bu'i skye ba med pa'i don de las skye ba'i cho 'phrul sna tshogs su 'char bas/ gsang sngags chen po rigs gsum pa zhes smos te/ sku gsung thugs sna tshogs su shar ba'i don to/ /gsang sngags don kun skyed pa po zhes pa ni/ don kun zhi ba dang/ rgyas pa dang/ dbang dang/ drag po'o/ /de la zhi ba'i las ni/ rgyud 'di bris pa 'am/ gzung ba 'am/

  374. 187b

    bcangs pa 'am/ bglags pa tsam gyis mi mthun pa'i phyogs thams cad zhi bar 'gyur ba dang/ rgyas pa'i las ni longs spyod la sogs pa 'phel ba dang bsod nams kyi phung po yongs su rgyas par 'gyur ba'o/ /dbang gis las ni gang dang gang 'dod cing de rengs pa dang/ 'gugs par byed do/ /drag po'i las ni bsang ba dang/ bcad pa dang/ mnan pa dang/ gzir ba'i las byed de/ las de dag kyang 'khrul 'khor gyis sbyor bas kyang shes par bya'o/ /'khrul 'khor gyi rim pa ni 'di yin te/ ro'i bas sam/ zhing gi pags pa/ nag pa'i sgro rtsas smyu gu byas te/ grir shi ba'i khrag dang/ dug dang spags te/ sngags pa gshin rje gshed kyi nga rgyal dang ldan pas/ mtshan phyed na kha lhor bltas te 'khor lo dag bri bar bya'o/ /thig bzhi'i le tshe dgu pa la/ phyed phyed bgos pa'i sum cu gnyis/ /ma he'i lto bar bri bar bya/ /gnyis kyi bar du bsgrub bya gzhug /ma ra ya dang bcas pa bri/ /bsnyen pa'i 'khor lo 'di lta ste/ /'khor lo'i rtsibs ni bcu pa la/ /yi ge bcu pa bri bar bya/ /lte ba la ni bsgrub bya dgod/ /de dag la dgod pa'i sngags ni 'di yin te/ ya ma rA dza sa do ma ya/ ya me do ru Na yo da ya/ ya da yo ni ra ya k+She ya/ yak+She yats+tsha ni dA ma ya/ che ge mo mA ra ya phaT/ oM h+rI(rgyud 'grel): Sh+TrI(rgyud 'grel): wI kri tA na na na hUM phaT zhes bskor ro/ /de'i rim pa ni 'di yin te/ rang gi nyes pas ma gos pa'i 'khor lo thod pa kha sbyor du gsal te/ dgug pa'i las de gong du song ba dang/ thar sbyin bzang pos legs par sbyar te/ bsnyen pa rdzogs pa dang/ mnan pa dang/ btub pa dang/ sbyin bsreg la sogs pa ci rigs pa brtsam par bya'o/ /yang na gsang sngags

  375. 188a

    kyi don de dag thams cad bskyed pa ni ye shes sems dpa' khyod yin bya ba'i don to/ /thig ni drang po ste don ma nor ba'o/ /le ni kun la khyab pa'o/ /stong pa ni rang bzhin med pa'o/ /yi ge ni kun rdzob mtshon pa ste/ sems can thams cad do/ /rgya zhes pa ni bye brag gam du ma mtshon pa'i tshig go /rnam pa kun ldan zhes pa ni rnam pa mi 'dra ba la bya ste/ kun rdzob lha'i 'khor lo thams cad do/ /rnam pa med ces pa ni rdzogs pa'i rim pa ste lha'i 'khor lo rang bzhin med par shes pa'o/ /yang na rnam pa kun ldan zhes pa ni sems tsam rnam pa bden par smra ba'o/ /rnam pa med ces pa ni rnam pa rdzun par smra ba'o/ /bcu drug ni rtsa 'dab ma bcu drug go /phyed ni rtsa 'dab ma brgyad de/ snying ga'o/ /phyed gnyis pa ni 'khor lo bzhi'o/ /thig le ni khu ba ste byang chub kyi sems so/ /rtsa de dag ni thur ba dang 'dra ste/ khrag dang zhag dang thig le'i rten byed pa'o/ /thig le de dag gi 'od ni yi ge'i rnam par gnas pa'o/ /de yang re zhig sgrub pa po/ /gshin rje gshed yab yum dang bcas pa'i nga rgyal du zhugs te/ rtsa'i ting nge 'dzin bskyed pa ni phyi rol gyi lha'i rnam pa/ nang ni rtsa'i rnam pa ste/ g.yas pa ni/ ra sa ma'o// g.yon pa ni/ la la nA'o/ /dbus min a ba d+hu ti zhes bya ste/ de yang mtshan nyid rnam pa bzhi dang ldan pa/ dkar pa/ ser ba/ dmar ba/ snun pa/ gnas ni sgal tshigs la brten srog rtsa zhes grags so/ /sboms phra ni 'bras kyi sog ma'i tshad do/ /ring thung spyi bo bde ba chen la po nas/ /gsang ba'i gnas su slebs so/ /rtsa chen po 'di ni dper na chu bo chen po dang 'dra ste/ chu bran thams cad de'i nang du 'du zhing der kha bltas pa'o/ /de bzhin du rtsa

  376. 188b

    thams cad kyang 'di'i nang du 'du zhing 'di la kha bltas pa'o/ /'khor lo bzhi yang srog shing gi tshul du gnas pa'o/ /de la 'og rlung bsdams te tsaN+Da li rab tu spar bas/ a ba d+hU tI'i nang du zhugs te/ sprul pa'i 'khor lo'i rtsa'i nad thams cad bsros pas/ thig le zhun mar gyi tshul du gnas pa de zhu nas/ gsang ba'i gnas su bde ba 'bar bar bsam/ de nas yang tsaN+Da li'i me chen po rab tu 'bar bas/ snying ka'i chos kyi 'khor lo'i rtsa thams cad rab tu bsros te thig le thams cad rab tu zhu nas bde bar nyams su myong bar bsam so de nas yang tsaN+Da li rab tu sbar bas mgrin pa longs spyod kyi rtsa thams cad rab tu bsros te/ thig le thams cad zhu nas bde bar nyams su/ myong bar bsam/ de nas tsaN+Da li rab tu sbar bas/ spyi bo bde ba chen po'i rtsa thams cad rab tu bsros te/ thig le thams cad zhu nas bde bar nyams su myong bar bsam mo/ /de ltar rtsa rlung thig le rim pa bzhin du nyams su blangs/ can zhes pa ldan pa'i tshig ste/ mngon par shes pa drug dang/ rdzu 'phrul bsam gyis mi khyab pa dang ldan par 'gyur ro/ /mtshan bcas kyi rdzogs pa'i rim pa bstan pa'o/ /yang na bcu drug ni stong pa bcu drug ste yul lo/ /brgyad ni rnam par shes pa'i tshogs brgyad de yul can no/ /bzhi ni e baM ma yA ste/ /'khor 'das bstan pa'i yi ge'o/ /'di la slob dpon kha cig ni phyi'i dkyil 'khor gyi thig rim par 'dod pa dag kyang yod do/ /yan lag med pa'i rtsis las 'das shes pa ni/ spyir rgyud 'di'i bsgom pa yin te/ rtsi gdab thams cad dang bral ba ngo bo gang du yang ma grub pa/ ci la yang bsam du med pa/ tha snyad dang blo'i chos

  377. 189a

    thams cad las 'das pa'o/ /de bas na yan lag ni spros pa mtshon pa ste/ tshig gi tshogs so/ /rtsis las 'das zhes pa ni/ /'khrul pa zhig pa ste brtags pa'i dngos po nub pa ste/ de lta bu de la mnyam par bzhag pa ni mnyam bzhag chen po'o/ /bsam gtan bzhi pa zhes pa ni/ 'jig rten pa'i bsam gtan te/ dang po dang/ gnyis pa dang/ gsum pa dang/ bzhi pa'o/ /rtse mo can zhes pa ni/ de dag la khyad par du gyur pa ste/ gong du smos pa'i stong pa nyid do/ /bsam gtan yan lag kun shes pa ni/ dpa' bar 'gro ba la sogs pa'i ting nge 'dzin bsam gyis mi khyab pa dang ldan pa'o/ /shes shing zhes pa ni/ rtsi gdab dang bral ba'i don rtogs pa las 'byung zhes bya ba'i tha tshig go /ting 'dzin rig dang zhes pa ni 'jig rten dang 'jig rten las 'das pa'i ting nge 'dzin thams cad khong du chud pa'o/ /rgyud rig pa zhes pa ni ting nge 'dzin goms pa'i 'bras bu ste/ 'gro ba thams cad kyi sems shes pa'o/ /de lta bu'i ting nge 'dzin sus rtogs pa de la ting 'dzin lus can zhes bya ste/ dngos su ye shes sems dpa' la ldan zhes bya ba'i don to/ /lus kyi mchog ces pa dang/ longs spyod rdzogs sku kun gyi rgyal zhes pa dang/ sprul pa'i sku ste sku yi mchog ces pa ni/ rgyud 'di'i 'bras bu ston pa'i tshig ste/ de yang sku rnam pa gsum po ni 'bras bu yin pas/ kun rdzob kyi bden pa yin la/ ngo bo nyid kyi sku ni dbyer mi phyed pa ste don dam pa'i bden pa'o/ /phyogs bcur sprul pa sna tshogs 'gyed ces pa ni/ sprul pa'i sku'i khyad par gyi yon tan no/ /khyad par ji lta bu dang ldan zhe na/ ji bzhin 'gro ba'i don byed pa zhes bya ba smos

  378. 189b

    te/ ji ltar 'gro ba dang mthun pa'i don byed do zhes bya ba'i tha tshig go /lha'i dbang po zhes bya ba khyab 'jug go /lha'i bdag po zhes bya ba ni brgya byin no/ /lha min bdag ces pa ni rA hu la'o/ /lha'i bla zhes pa ni bza' phur bu'o/ / 'joms byed ces pa ni lha ma yin gyi bdag po thag bzang ris so/ /'joms byed phyi mas ni srin po rgyal po lang ka mgrin bcu/ dbang phyug ces pa ni mahA de ba'o/ /'dir brgal ba/ /'o na 'jam dpal ye shes sems dpa' khyod/ /'jig rten pa sna tshogs kyi gzugs su snang bas na/ srid pa'i nyes pas gos par thal lo zhe na ma yin te/ srid pa'i dgon pa las rgal ba zhes smos te/ srid pa ni gsum mo/ /dgon pa ni srid pa'i chos la don med pa ste stong pa'o/ /las rgal ba zhes pa ni srid pa'i skyon gyis ma gos shes pa'i don to/ /ston pa gcig pu zhes pa ni 'gran zla med pa'o/ /'gro ba'i bla zhes pa ni/ gong na med pa'o/ /'jig rten phyogs bcur rab grags pa ni/ ye shes sems dpa' de la gong na med pa 'gran zla med pa zhes grags so/ /chos kyi sbyin bdag che ba po zhes pa ni zag pa med pa'i don ston pa'o/ /byams pa'i zhes pa ni thams cad la bu gcig pa'i pha ltar dgongs pa'o/ /go cha ni bar chod bsrung ba ste/ zhe sdang gi ma tshugs zhes bya ba'i don to/ /snying rje zhes pa ni sems can thams cad sdug bsngal dang bral bar 'dod pa'i bsam pa can no/ /ya lad bgos zhes pa ni stod g.yogs so/ /stod g.yogs kyi go cha de lta bus 'gro ba'i don rgyun mi chad do zhes bya ba'i don to/ /shes rab ral gri mda' gzhu thogs zhes pa ni phyag mtshan de go sla'o/ /nyon mongs pa ni brgyad

  379. 190a

    khri bzhi stong ngo/ /mi shes zhes pa ni ma rig pa'o/ /g.yul ngo sel zhes pa ni de dag 'joms par byed pa'o/ /dpa' bo zhes pa ni gzhan gyis mi thub pa'o/ /bdud dgra zhes pa ni ye shes sems dpa' o/ /bdud btul ba zhes pa ni bar du gcod pa thams cad sel ba'o/ /bdud bzhi'i 'jigs pa sel bar byed ces pa ni/ lha'i bu dang/ 'chi bdag dang/ nyon mongs pa dang/ phung po'i bdud rab tu sel ba'o/ /bdud kyi dpung rnams 'pham par byed pa zhes pa ni/ bdud 'khor dang bcas pa rlag par byed pa'o/ /rdzogs pa'i sangs rgyas ni ye shes sems dpa' o/ /'jig rten 'dren ni 'gro ba rnams 'dren par mdzad pa'o/ /de lta bu'i ye shes sems dpa' de ni mchod pa'i 'os so/ /bstod pa'i 'os so/ /phyag gi gnas so/ /dus rtag tu ri mor bya ba'i 'os so/ /bkur bar 'os so/ /brjed par bya ba'i mchog go /phyag bya ba'i 'os so/ /bla ma rnams kyi rab po/ /'jig rten gsum gyi gom gcig bgrod ces pa ni/ skad cig gis 'gro ba'i don la khyab pa'o/ /'khor ba'i skyon gyis ma gos pas/ mkha' ltar mdza' med rnam par gnon zhes so/ /gsum rig ces pa ni yod pa dang med pa dang gnyis med do/ /gtsang ma dag pa ste zhes pa ni mdza' yis ma gos pa'o/ /mngon shes drug ces pa ni/ lha'i mig gi mngon par shes pa dang/ rna ba dang/ gzhan gyi sems shes pa'i mngon par shes pa dang/ 'chi 'pho dang skye ba shes pa'i mngon par shes pa dang/ rdzu 'phrul gyi mngon par shes pa dang/ zag pa zad pa'i mngon par shes pa dang drug go /rjes dran drug ces pa ni/ sangs rgyas rjes su dran pa dang/ chos dang/ dge 'dun dang/ gtong ba dang

  380. 190b

    lha rjes su dran pa dang/ bla ma rjes su dran pa dang drug go /byang chub sems dpa' zhes pa ni rang don phun sum tshogs pa'o/ /sems dpa' che zhes pa ni/ gzhan don phun sum tshogs pa'o/ /rdzu 'phrul chen po zhes pa ni rdzu 'phrul gyi rkang pa bzhi dang ldan pa'o/ /'jig rten 'das zhes pa ni/ 'khor ba las bsgral zhes bya ba'i don to/ /shes rab pha rol phyin pa'i mdza' zhes pa ni/ thos pa'i shes rab dang/ bsam pa'i shes rab bo/ /shes rab kyis ni de nyid thob ces pa ni bsgom pa'i shes rab bo/ /de nyid thob ces pa ni rdo rje lta bu'i ting nge 'dzin brnyes pa'o/ /ting nge 'dzin de'i mtshan nyid ni bdag rig ces pa yul can no/ /gzhan rig ces pa ni yul lo/ /thams cad spangs zhes pa ni yul dang yul can gyi shes pa thams cad spangs zhes pa'i don to/ /kun la phan pa'i gang zag mchog ces pa ni/ rdo rje lta bu'i ting nge 'dzin las grol ba'i don te/ gzugs sku 'char ba'o/ /dper bya kun las 'das pa ste zhes pa ni 'gran zla dang bral ba'o/ /shes dang zhes pa ni 'jal bar byed pa'i rig pa'o/ /shes bya'i zhes pa ni gzhal ba yul lo/ /bdag po mchog ces pa ni shes bya la mnga' brnyes pa'i don to/ /gtso bo chos kyi sbyin bdag ste zhes pa ni/ khyad par bla na med pa'i phyag rgya bzhi'i don ston pa'o/ /'gro ba'i bsnyen bkur gnas kyi mchog /ces pa ni bshad zin to/ /nges 'byung gsum po bgrod rnams kyi zhes pa ni/ nyan thos dang/ rang rgyal dang/ byang chub sems dpa' i theg pa'o/ /don gyi dam pa rnam dag dpal zhes pa ni/ de dag thams cad khong du chud ces pa'i don to/ /'jig rten gsum ni 'dod khams la sogs pa'o/ /skal bzang che zhes pa ni phyin ci ma log pa dang/ blo 'byor pa'o//

  381. 191a

    dpal ldan 'byor pa kun byed pa zhes pa ni/ 'gro ba thams cad la 'dul byed kyi sku ston pa'o/ /de su yin snyam pa la/ 'jam dpal dpal dang ldan pa'i mchog ces bya'o/ /da ni ye shes rnam pa lnga'i sgo nas 'dud nyi shus bstod de/ tshig bzhi'i tshigs su bcad pa re re zhing/ ye shes re re la bstod pa'o/ /mchog sbyin zhes pa ni chos kyi dbyings kyi ye shes so/ /rdo rje zhes pa ni ye shes rnam pa lnga dbyer mi phyed pa'o/ /mchog khyod 'dud ces ba ni/ ye shes sems dpa' la'o/ /yang dag mdza' ni blo'i yul ma yin pa'o/ /stong nyid las byung ni skye ba med pa las skyes pa'o/ /sangs rgyas byang chub ni spangs pa phun sum tshogs pa dang/ ye shes phun sum tshogs pa'o/ /chags pa ni 'gro ba'i don la chags pa'o/ /'dod pa ni 'gro ba'i don la 'dod pa'o/ /dgyes pa ni 'gro ba'i don la dgyes pa'o/ /rol ba ni sku sna tshogs ston pa'o/ /'dzum pa ni zhi ba'i sku'o// bzhad pa ni rgyas pa'i sku'o/ /gsung ni dbang gi sku'o/ /thugs ni drag po'i sku'o/ /med pa ni stong pa nyid do/ /sangs rgyas 'byung ba ni chos sku'o/ /nam mkha' las byung ni dpe'o/ /sgyu 'phrul dra ba ni bde stong dbyer med do// bstod ni drag po'i sku sna tshogs so/ /thams cad ces pa 'khor ba thams cad do/ /ye shes sku nyid ces pa ni gsal la mi rtog pa'i sku'o/ /khyod la 'dud ces pa ni lus ngag yid gsum gyis khyod la gus pa'o/ / de ni sngags kyi don bshad par bya ste/ oM ni ye shes lnga'o/ /sarba d+ha rmA/ ni chos thams cad do/ /a b+hA ba zhes pa ni skye ba med pa'o/ /swa b+hA ba zhes pa ni rang bzhin gyis dag pa'o/ /bi shud+d+ha zhes pa ni rnam par dag

  382. 191b

    pa'o/ /a A zhes pa ni skye ba med pa'o/ /oM a(rgyud 'grel): zhes pa ni rang la yod pa'o/ /pra kri ti pa ri shud+d+ha zhes pa ni/ rang bzhin yongs su dag pa'o/ /sarba d+harmA ya du ta zhes pa ni/ chos thams cad ma skyes pa'o/ /sarba ta thA ga ta de bzhin gshegs pa thams cad do/ /dz+nyA na kA ya zhes pa ni ye shes kyi sku'o/ /ye shes sku de su la ldan snyam du sems la/ many+dzu sh+rI zhes bya ste 'jam dpal lo/ /pa ri shud+d+hi ta zhes pa ni yongs su dag pa'o/ /mu pA dA ye ti A a zhes pa ni bdag la rjes su zhugs pa'o/ /sarba ta thA ga ta ni de bzhin gshegs pa thams cad do/ /ha ra ha ra zhes pa ni gtor cig pa'o/ /oM hUM h+rI(rgyud 'grel): zhes pa ni sku gsung thugs so/ /b+ha ga bAn zhes pa ni bcom ldan 'das so/ dz+nyA na zhes pa ni ye shes so/ /mUrti zhes pa ni spyi gtsug go /bA gI shwa ra ni ngag gi dbang phyug go /ma hA pa tsa ni chen pos chos zhes pa'o/ /sarba d+harmA ni chos thams cad do/ /ga ga na nam mkha' lta bu'o/ /a ma la su pa ri zhes pa ni/ dri ma med cing dri ma dang bral ba'o/ /shud+d+ha d+harmA d+hA tu zhes pa ni chos kyi dbyings yongs su dag pa'o/ /dz+nyA na ni ye shes so/ /garb+ha ni snying po'o/ /A(rgyud 'grel): ni skye ba med pa'o/ /de ltar rgyud kyi don yongs su rdzogs pa'o/ /rjes su yi rang ba'i sgo nas bstod pa ni/ go sla bas 'dir ma bris so/ /rgyud kun gyis ni bdag po mchog /nyi ma zla ba ltar grags pa/ /'dod dgu 'byung ba'i rin po che/ /le'u khri ni drug stong las/ /zab mo slu yi le'u yi/ /'grel pa snang ba 'di byas pas/ /khams gsum 'khor ba'i sems can dag /ye shes sems dpa' i zhal mthong nas/ /theg pa sna tshogs thabs tshul gyis/ /'gro don ma lus spyod par shog /rgyud

  383. 192a

    ni byings che gang zag rtog pa mang/ /so so'i 'dod pa sna tshogs 'di la smras/ /rgyud 'di'i don la tshig gcig phog pa med/ /gsal ba'i sgron ma 'grel pa 'di brtsams pas/ /log rtog ma lus de dag myur du zad par shog /mtshan yang dag par brjod pa'i 'grel pa/ slob dpon chen po tsan+d+ra go mis mdzad pa rdzogs so// //paN+Ti ta mngon shes can gyi phyag nas byung ba'o/ /zhu chen gyi lo tsA ba 'gos lhas bcis dang/ shes rab brtson 'grus kyis bsgyur ba'o// (//mtshan par dag par brjod pa'i 'grel pa tshul gsum gsal ba bzhugs so//) //'phags pa 'jam dpal gyi mtshan yang dag par brjod pa zhes bya ba la/ 'phags pa 'jam dpal zhes bya ba ni rang gi ngo bo ni ji lta bu zhig /de'i mtshan ni gang dang gang rnams yin/ /de yang dag par brjod pa ni ji ltar brjod ce na/ de la 'phags pa 'jam dpal ni gnyis su med pa'i ye shes te/ de ni dus gsum gyi sangs rgyas thams cad kyi ye shes kyi bdag nyid/ byang chub kyi sems kyi ngo bo chos thams cad kyi chos nyid dang tha mi dad pa yin te/ de'i dbang gis snang ba'i gzugs kyi sku longs spyod rdzogs pa dang/ sprul pa'i bdag nyid can ye shes kyi rten du snang ba/ sangs rgyas dang byang chub sems dpa' i gzugs rnams su theg pa che chung gi tshul sna tshogs las grangs par snang ba'i bdag nyid de rnams kyang 'phags pa 'jam dpal zhes 'dod do/ / 'dir dris pa/ sangs rgyas thams cad kyi gnyis su med pa'i ye shes kyi bdag nyid 'phags pa 'jam dpal yin na phyogs bcu dus gsum gyi sangs rgyas rnams kyi so so rang gis rig pa'i ye shes rnams chos can gcig gam tha dad pa

  384. 192b

    gcig yin/ de bzhin du de'i chos nyid dang/ de'i mdzad pa yang gcig gam tha dad pa zhig yin zhe na/ smras pa de ni 'di ltar rig par bya ste/ kha cig gi tshul las ni/ de bzhin gshegs pa rnams ni ye shes kyi rgyud kyang tha dad/ da'i chos nyid dang de'i mdzad pa yang tha dad de/ 'on kyang rnam pa bzhi'i sgo nas mtshungs pa yin no/ /bzhi gang zhe na/ chos mtshungs pa dang/ sku mtshungs pa dang/ gsung mtshungs pa dang/ yi ge mtshungs pa'o/ /zhes 'dod do/ /kha cig gi tshul las ni/ ye shes ni gang zag gi rgyud so so las bsgrub pa'i phyir tha dad de/ de'i chos nyid dang mdzad pa dag ni 'dres pa ste/ tha dad ba med do zhes 'dod/ kha cig gi tshul las ni/ bdag dang gzhan gyi rgyud du 'byed pa'i bdag tu lta ba'i bag chags yin la/ bdag tu lta ba ni 'khrul pa ste/ des bskyed cing de'i dbang gis snang ba ni/ de ltar bden pa ma yin pa/ sems can gyi dus na yang rgyud tha dad mi 'grub na/ bdag lta ba'i mdud pa mi mnga' ba'i sangs rgyas rnams la ye shes tha dad kyi rgyud du ga la 'grub ste/ de bas na sangs rgyas rnams la ni rgyud tha dad pa dang/ rgyud tha dad pas don mdzad pa dang/ de bzhin du tshul tha dad pas don mdzad pa dang/ zhing tha dad du don mdzad pa dang/ dus tha dad du don mdzad pa mi mnga' ste/ ji srid du theg pa che chung gi gsung rab rnams las 'phags pa 'jam dpal zhes grags pa dang/ spyan ras gzigs dbang phyug dang/ phyag na rdo rje zhe 'am/ /sangs rgyas shAkya thub pa dang/ mar me mdzad dang/ byams pa zhe 'am/ rnam par snang mdzad dang/ mi bskyod pa dang/ dkon mchog dpal zhes bya ba la sogs par grags pa/ longs spyod rdzogs pa dang/

  385. 193a

    sprul pa'i skur grags shing/ so so'i gdul bya dang/ zhing khams dang/ tshul dang/ bstan pa dang/ dus tha dad du ye shes chen po'i rten snang ba thams cad kyang sangs rgyas kyi gnyis su med pa'i ye shes kyi chos nyid rtogs pa dbang dang/ sngon gyi smon lam dang thugs rje'i shugs kyis gdul bya'i dkar po'i bag chags dang ldan pa'i blo la/ so sor snang tsam gyi phye ba las ma gtogs pa/ sangs rgyas rnams kyi dbang du ni/ bye brag phra mo tsam yang rnyed pa ma yin no/ /de bas na 'dir 'phags pa 'jam dpal gyi yon tan brjod pa 'di ni/ phyogs bcu dus gsum gyi sangs rgyas thams cad kyi yon tan brjod pa yin par shes par bya'o/ /de la 'phags pa 'jam dpal gyi bskur snang ba'i tshul la brten nas tshul so sor grags pa ni 'di lta ste/ nyan thos kyi tshul las ni 'phags pa 'jam dpal zhes bya ba byang chub sems dpa' i rgyud du gtogs pa/ da dung 'phags pa'i lam ma thob pa so so'i skye bor 'dod do/ /pha rol tu phyin pa'i tshul mthun pa dzam+bu'i gling na yang bcom ldan 'das shAkya thub pa'i 'khor du gyur pa yin na/ 'og min na yang bcom ldan 'das rnam par snang mdzad kyi nye ba'i sras su gyur pa yin zhe'o/ /mdo sde zab mo'i tshul las ni/ /sngon gyi dus su sangs rgyas pa ste/ byang chub sems dpa' i tshul du bzhugs pa'o zhe'o/ /gsang sngags kyi tshul kha cig las/ rigs kyi gtso bo de bzhin gshegs pa'i gtsug tor las sprul pa'i bdag nyid byang chub sems dpa' i tshul du bzhugs pa'o zhes 'dod do/ /rnal 'byor gyi tshul kha cig las ni/ bcom ldan 'das rnam par snang mdzad kyi thugs las sprul pa'i ye shes kyi sems

  386. 193b

    dpa' chen po bcu drug las rdo rje rnon po ste/ 'jam dpal rdo rje zhes 'dod do/ /rnal 'byor chen po'i tshul kha cig las ni/ 'jam dpal ye shes sems dpa' zhes kyang bya/ byang sems rdo rje zhes kyang bya/ de bzhin du rdo rje sems dpa' dang/ kun tu bzang po dang/ bde ba chen po la sogs pa sangs rgyas thams cad kyi gtso bo/ /dkyil 'khor thams cad kyi mnga' bdag nyid du yang bstan to/ /'jam dpal gyi sgyu 'phrul dra ba las ni/ de bzhin gshegs pa thams cad kyi thugs ka na 'jam pa'i rdo rje bzhugs te/ de yang dang po'i sangs rgyas kyi tshul dang/ ye shes sems dpa' i tshul gyis bzhugs so zhes 'dod do/ /'di dag ni 'phags pa 'jam dpal gyi bdag nyid bstan pa'o/ /'phags pa 'jam dpal de'i mtshan ni gang dang gang rnams yin zhe na/ ji srid du zag pa dang bcas pa'i chos sam/ zag pa med pa'i chos sam/ de bzhin du 'jig rten pa 'am/ 'jig rten las 'das pa 'am/ 'dus byas sam/ 'dus ma byas sam/ dngos po 'am/ dngos po med pa 'am/ sems sam/ sems snang ba la sogs te/ ji srid du chos rnams kyi rab tu dbye pa'i ming du grags pa 'am/ 'jig rten pa'i gtsug lag las grags pa 'am/ theg pa chung ngu las grags pa 'am/ theg pa chen po las grags pa 'am/ theg pa chen po'i yang chen po gsang sngags kyi tshul las grags pa yang rung ste/ chos rnams kyi ming ji snyed pa de dag thams cad ni 'phags pa 'jam dpal gyi mtshan du ma gyur pa med de/ de bas na de de dag thams cad mtshan du shes par bya'o/ /'dir dris pa zag pa med pa'i chos rnams kyi ming rnams ni 'phags

  387. 194a

    pa 'jam dpal gyi mtshan du rung ste/ 'phags pa 'jam dpal nyid zag pa med pa thob pa'i bdag nyid yin pa'i phyir rung na/ zag pa dang bcas pa'i chos rnams de'i mtshan du ji ltar 'gyur/ 'phags pa 'jam dpal ni zag pa'i chos thams cad yongs su zad pa'i bdag nyid yin pa'i phyir/ de rnams kyi ming de'i mtshan du mi rung ngo zhe na/ 'phags pa 'jam dpal ni zag pa med pa'i chos kyi bdag nyid can yin mod kyi/ tshul 'di las 'gal ba med de/ 'di ltar 'phags pa 'jam dpal ni zag pa dang bcas pa'i chos rnams kyi rang bzhin yin pa'i phyir dang/ de la khyab pa yin pa'i phyir dang/ der 'khrul pa yin pa'i phyir dang/ de la dga' ba yin pa'i phyir dang/ de mkhyen pa yin pa'i phyir dang/ de gsung ba yin pa'i phyir dang/ de yongs su dag pa yin pa'i phyir dang/ de la mnga' brnyes pa yin pa'i phyir dang/ de las skyes pa yin pa'i phyir dang/ tshul bcu po 'di ni 'khor ba dang mya ngan las 'das pa'i chos thams cad la yang shes par bya'o/ /de la ji ltar de chos thams cad kyi rang bzhin nam/ bdag nyid yin zhe na/ 'di nyid las gsungs pa/ dngos po kun gyi rang bzhin mchog /dngos po kun gyi rang bzhin 'dzin/ /skye med chos te sna tshogs don/ /chos kun ngo bo nyid 'chang ba/ /zhes gsungs pa lta bu dang/ rnam rig sna tshogs gzugs don can/ /rnam shes sna tshogs rgyud dang ldan/ /zhes gsungs pa dang/ sdug bsngal gsum gyi sdug bsngal zhi zhes pa dang/ rnam pa bcu po don bcu'i don zhes pa dang/ don grub bsam pa 'grub pa ste/ kun tu rtog pa thams cad spangs zhes bya ba la sogs pa lta bu'i skabs su bshad pa/ dngos

  388. 194b

    po thams cad kyi ngo bo nyid dang ldan pa'o/ /zhes bshad pa dang/ gzhan yang rnam rig sna tshogs gzugs don can gyi skabs su/ sems dang yid dang rnam par rig pa snang ba dang bcas pa'i bdag nyid 'jam dpal lo zhes bshad pa dang/ de bzhin du sdug bsngal gsum gyi sdug bsngal zhi'i skabs su/ sdug bsngal gsum ni sdug bsngal nyid du bshad la/ yang sdug bsngal ni sdug bsngal sgrub par byed pa'i kun 'byung du bshad/ zhi ba 'gog par bshad de/ de dag kyang 'phags pa 'jam dpal yin par bshad pa dang/ rnam pa bcu po don bcu'i skabs su/ bdag tu lta ba rnam pa bcu bshad la/ yang don ni gnyen po rnam pa bcu bshad de/ de ltar na mi 'thun pa dang gnyen po de/ 'phags pa 'jam dpal lo zhes bshad pa lta bu la sogs pa chos thams cad kyi bdag nyid 'phags pa 'jam dpal yin par bshad pa'i phyir/ de lta bu yon tan brjod pa'i mi thams cad kyang de'i mtshan du 'gyur ro/ /de la 'phags pa 'jam dpal ji ltar na chos thams cad la khyab pa yin zhe na/ 'dir gsungs pa/ mi 'gyur kun 'gro khyab pa po zhe 'am/ sangs rgyas kun gyi thugs la gnas she'am/ sems can kun gyi yid la gnas zhes bya ba la sogs pa lta bu ste/ de la rnam pa bzhi'i tshul gyis khyab pa ni 'di lta ste/ chos nyid dang/ ye shes dang/ thugs rje dang/ mdzad pa'o/ /de la chos nyid kyis khyab pa ni chos thams cad ni rang bzhin gyis stong pa bdag med pa ste/ 'di ltar gzhan las chos kyi dbyings ni ma gtogs pa/ /chos ni 'ga' yang yod ma yin/ /gsungs pa lta bu'o/ /de bas na chos kyi dbyings ni 'phags pa 'jam dpal te/ de'i phyir thams cad la khyab pa'o/ /ye shes kyi sgo nas khyab ste/ 'di ltar chos

  389. 195a

    kyi dbyings kyi chos can ni rang rig pa tsam ste/ chos thams cad kyang rang rig pa tsam du 'dus pa dang/ ye shes kyi yul du ma gyur pa'i chos nyid kyang med de/ de'i phyir ye shes kyi tshul gyis kyang khyab bo/ /thugs rjes kyang khyab ste/ ji ltar dbyings dang ye shes zung du 'brel ba gang na ba de na/ thugs rje chen po yang rgyun mi 'chad pa yin no/ /de bzhin du mdzad pas kyang khyab ste/ chos de gsum gang du tshogs pa der mdzad pa rgyun mi 'chad do// de'i phyir sangs rgyas rnams kyi thugs dang/ sems can rnams kyi sems la 'phags pa 'jam dpal gyis khyab ste/ chos de dag gang nas ma 'ongs/ gang du yang mi 'gro /gang yang gnas par 'gyur ba med bzhin du/ skal pa dang/ mos pa ji lta ba bzhin du/ sems can gyi don mdzad par nus pa yin no/ /de lta bu'i yon tan brjod pa'i ming thams cad kyang de'i mtshan du 'gyur ro/ /de la 'phags pa 'jam dpal ji ltar chos thams cad du sprul pa yin zhe na/ 'di nyid du gsungs pa/ gzugs rnams ma lus snang ba'i dpal/ /sna tshogs gzugs can yid las skyes zhes bya ba la sogs pa ji ltar 'gro ba 'dul ba'i dbang gis snod dang bcud du bcas pa'i gzugs sna tshogs su sprul pa dang/ gtsug phud phud bu lcang lo can/ /ral pa muny+tsa cod pan thogs zhes bya ba la sogs pa'i skabs su brtul zhugs thams cad 'dzin par sprul pa dang/ gzugs kyi mtshan nyid kyang longs spyod rdzogs pa 'am/ sprul pa 'am/ byang chub sems dpa' 'am/ rang rgyal ba 'am/ nyan thos sam/ skye dgu'i bdag po la sogs pa 'am/ gzhan yang mdzes pa'i gzugs sam/ mi sdug pa'i gzugs sam/ rgan po 'am/ gzhon ba la

  390. 195b

    sogs pa'i gzugs sam/ gzhan yang nyon mongs pa dang bcas pa'i gzugs sam/ zag pa zad pa la sogs pa'i chos thams cad kyi gzugs brnyan du 'phags pa 'jam dpal mi 'phrul ba med do/ /de bas na de lta bu'i yon tan brjod pa'i ming thams cad kyang de'i mtshan du 'gyur ro/ /de la ji ltar na 'phags pa 'jam dpal de chos thams cad la dga' ba yin zhe na/ 'di nyid du gsungs pa/ dngos don ma lus rnams la dga' / /stong pa nyid dga' 'dod chags blo/ /srid gsum dga' ba chen po ba/ /zhes bya ba la sogs pa gsungs ba lta bu ste/ 'gro ba 'dul ba'i dbang gis/ /chos thams cad la dga' bar ston pa dang/ snying rje'i dbang gis srid pa la chags pa'i yid dga' ba dang/ shes rab kyi dbang gis stong pa nyid la chags shing dga' ba ste/ de bas na de lta bu'i yon tan gyi dbang du gsungs pa'i ming thams cad kyang de'i mtshan du 'gyur ro/ /de la ji ltar na chos thams cad mkhyen pa yin zhe na/ 'di nyid du gsungs pa/ shes rab chen pos skad cig la/ /chos kun khong du chud pa po/ /chos kun mngon par rtogs pa po/ /zhes bya ba la sogs pa ji skad du chos thams cad mkhyen pa'i yon tan bstan pa'i dbang du gsungs pa'i ming thams cad kyang de'i mtshan du 'gyur ro/ /de la ji ltar na chos thams cad gsungs pa yin zhe na/ 'di nyid du gsungs pa/ smra ba'i skyes mchog smra ba'i rgyal/ /smra ba'i dam pa mchog gi gnas/ /smra ba'i seng ge tshugs pa med/ /ces bya ba la sogs pa ste/ ji srid du chos thams cad phyin ci ma log par ston pa'i mnga' bdag yin pas/ de'i dbang du smos pa'i chos thams cad kyi ming yang de'i mtshan du 'gyur ro/ /de la ji

  391. 196a

    ltar na de chos thams cad rnam par dag pa'i bdag nyid can yin zhe na/ 'di nyid du gsungs pa/ zag pa zad pa dang/ sgrib pa las grol ba dang/ nyon mongs pa zhi bar byed pa dang/ srid pa 'joms pa dang/ 'khor ba'i pha rol tu phyin pa dang/ chu bo las brgal ba dang/ srid rtse ston pa la sogs pa/ zag pa dang bcas pa'i chos kyi dri ma dag pa'i sgo nas brjod pa dang/ gzhan dag pa rnam pa bcu gnyis 'chang ba dang/ rnam dag phung po lnga 'chang ba/ /pha rol tu phyin pa bcu dag pa dang/ shes pa bcu rnam dag 'chang ba la sogs pa ste/ zag pa med pa'i chos rnams kyang mthar phyin pa'i sgo nas shin tu rnam par dag pa'i mtshan nyid du ston te/ de ltar chos thams cad rnam par dag pa'i yon tan ston pa'i ming gang smos pa thams cad de'i mtshan du 'gyur ro/ /des ji ltar na de chos thams cad kyi dbang phyug yin zhe na/ 'di nyid du gsungs pa/ chos kyi dbang phyug chos kyi rgyal/ / zhes bya ba la sogs pa lta bu chos thams cad la mnga' brnyes shing/ de la dbang bsgyur ba chos kyi rgyal po dang/ gtso bo dang/ bdag po ston pa'i sgo nas yon tan brjod pa'i ming thams cad kyang de'i mtshan du 'gyur ro/ /de la ji ltar na de chos thams cad bskyed pa yin zhe na/ 'di nyid du gsungs pa/ sangs rgyas thams cad bskyed pa po/ /'byung ba chen po rgyu gcig po/ /sna tshogs don kun bskyed pa po/ /la sogs pa'i chos thams cad 'phags pa 'jam dpal las byung bar ston pa lta bu ste/ 'di ltar de bzhin nyid kyi phyir chos thams cad bskyed ba yin pa dang/ thabs dang shes rab kyi phyir sangs rgyas thams cad bskyed pa yin pa dang/

  392. 196b

    'dul ba'i dbang gi phyir sprul pa thams cad bskyed pa yin te/ de lta bu la sogs pa yon tan brjod par phyir smos pa'i ming thams cad de'i mtshan du 'gyur ro/ /de la ji ltar de chos thams cad las skyes pa yin zhe na/ de chos nyid las skyes pa yin zhes te/ nam mkha' las byung rang byung ba zhes gsungs pa lta bu'o/ /de la ye shes 'ba' zhig las skyes ba zhes pa gsungs pa lta bu'o/ /de sems las skyes pa yin te/ sna tshogs gzugs can yid las skyes zhes gsungs pa lta bu'o/ /de nyan thos kyi lam dang/ rang sangs rgyas kyi lam dang/ yang dag par rdzogs pa'i sangs rgyas kyi lam thams cad las skyes pa yin te/ nges 'byung sna tshogs las byung ba zhes gsungs pa lta bu'o/ /de theg pa chen po'i yang chen po gsang sngags kyi tshul las kyang skyes ba yin te/ gsang sngags tshul chen las byung ba zhes gsungs pa lta bu'o/ /de legs bar spyad pa'i chos las kyang skyes pa yin te/ chos las byung ba srid pa sel zhes gsungs pa lta bu'o/ /de chos thams cad dbyer med pa'i mtshan nyid las skyes pa yin te/ rdo rje las skyes rdo rje'i bdag /ces pa lta bu'o/ /de ltar chos thams cad las skyes pa bstan pa'i phyir de'i yon tan brjod pa'i ming thams cad kyang de'i mtshan du 'gyur ro/ /de ltar rnam pa bcu'i sgo nas zag pa dang bcas pa'i chos dang/ zag pa med pa'i chos thams cad kyi ming thams cad de'i mtshan du 'gyur ba 'thun mong du 'gyur ba bstan nas/ da ni khyad par brjod par bya ste/ de la zag pa dang bcas pa'i chos la/ de'i bdag nyid du ston pa'i che/ 'di ltar zag pa dang bcas pa'i chos rnams kyi mtshan nyid ni/ 'phags pa 'jam dpal yin no zhes brjod par bya'o//

  393. 197a

    'phags pa 'jam dpal gyi mtshan nyid zag pa dang bcas pa'o zhes brjod par mi bya ste/ dper na bum pa'i mtshan nyid mi rtag pa nyid do zhes brjod par bya'o/ /mi rtag pa nyid kyi mtshan nyid ni bum pa'o zhes brjod par mi bya'o/ /'di ltar mtshan nyid dang mtshan gzhi rnam par bzhag pa ni khyab pa che chung dang/ phra rags dang/ dam pa dang dam pa ma yin pa dang/ 'khrul pa dang bden pa lta bu'i sgo nas phan tshun bzhag ste/ thams cad du phan tshun nor du rung ba ni ma yin no/ /de bas na 'phags pa 'jam dpal gyi mtshan nyid zag pa dang bcas pa'i chos yin par mi brjod do/ /chos thams cad khyab par ston pa'i skabs su rten dang brten par bzhag pa'i tshe 'phags pa 'jam dpal ni zag bcas kyi chos la khyab pa yin gyi brten pa ma yin no/ /dper na nam mkha' ni gzugs la khyab pa yin gyi brten pa ni ma yin no/ /dper na nam mkha' ni gzugs la khyab pa yin/ nam mkha' i mtshan nyid gzugs la rten pa ni ma yin te/ de bas na zag pa dang bcas pa'i chos la 'phags pa 'jam dpal brten pa'i tshul nas mtshan mi brjod do/ /zag pa dang bcas pa'i chos lta bur sprul zhing 'jug par ston pa'i tshe/ zag pa dang bcas pa'i tshes la thugs rje dang 'phrul pa 'jug par ston kyang/ zag pa dang bcas pa'i chos la ni nges bsgos shing byin gyis rlob kyi/ de la zag pa dang bcas pas mi 'dzin cing mi gos te/ dper na nyi ma'i 'od zer gyis mi gtsang ba'i sa phyogs su shar ba'i tshe nyi ma'i 'od kyis mi gtsang ba'i sa phyogs su bsgos shing reg par gyur kyang/ dri ma des 'od la bsgos shing byin gyis brlabs pa med do/ /de'i phyir thams cad 'jug pas

  394. 197b

    ? ?regs pa'i tshul nas mtshan brjod par mi bya'o/ /tshul de dag gis zag pa dang bcas pa'i chos la 'phags pa 'jam dpal dang ldan par bsgrubs pa ni 'gal ba med kyi/ 'phags pa 'jam dpal zag pa dang bcas pa'i phyogs ldan pa'i sgo nas mtshan brjod par mi bya'o/ /rnam par dag pa'i sgo nas brjod pa'i tshe/ zag pa dang bcas pa'i chos rnams ni nyes skyon gyi chos dri ma'i mtshan nyid yin pa'i phyir/ de bsal cing zad par byas pa'i sgo nas mtshan brjod pa yin no/ /zag pa med pa'i chos rnam par dag pa ston pa'i tshe ni/ de la mi mthun pa'i dri ma thams cad ma lus par gtan du zad pa'i phyir rnam par dag pa'i mtshan brjod pa dang/ don dam par gnyis su med pa'i tshul nas brjod pa yin te/ kun rdzob tsam du de dag spangs par bya ba yin pas/ spangs shing zad par bya ba'i tshul nas ni brjod pa ma yin no/ /zag pa dang bcas pa'i chos bskyed par ston pa'i tshe/ chos ci yang ma yin pa dang/ shes pa rang rig pa'i sgo nas 'khrul pa'i chos sna tshogs su snang ba'i bdag po'i rkyen du bshad kyi/ rgyu'i rkyen du mi brjod do/ /de chos thams cad las skyes par bstan pa'i skabs su/ zag pa dang bcas pa'i chos kyi dbang las 'phags pa 'jam dpal skye bar bshad kyi/ de'i rgyu rkyen yin par mi bshad do/ de bas na de de dag gi sgo nas mtshan brjod par mi bya'o/ /zag pa med pa'i chos la khyad par du bstan pa ni de dag las bzlog pa nyid de/ zag med kyi chos kyi mtshan nyid can dang/ chos la brten pa dang/ chos kyis bsgos shing byin gyis brlabs pa la sogs pa'i sgo nas kyang mtshan brjod pa yin te/ 'di dag ni chos thams cad kyi mtshan du brjod pa'i tshul gyi sgo nas zag pa dang bcas

  395. 198a

    pa'i chos dang/ zag pa med pa'i chos la thun mong du mtshan brjod du rung ba dang/ bye brag gi sgo nas brjod pa dang/ brjod pa ma yin pa yod par bstan pa ste/ 'di dag tsam gyis de'i mtshan gang dang gang rnams yin pa mdor bstan pa ste/ rgyas par ni gzhung 'di nyid kyi skabs su bstan pa'i mtshan rnams yan lag dang/ nying lag tu phye ba'i de'i mtshan rnams yin no/ /da ni de yang dag par ji ltar brjod pa'i tshul bshad par bya ste/ de yang rnam pa gsum mo/ /gsum gang zhe na/ 'di ltar mtshan yon tan gyi don du bltas te brjod pa'i tshul dang/ mtshan gsang sngags kyi tshul du bltas te brjod pa'i tshul dang/ mtshan gnyis su med pa'i don du bltas te brjod pa'i tshul lo/ /de la mtshan yon tan gyi don du bltas te brjod pa'i tshul ji lta bu zhe na/ 'di la rigs kyi bu 'am rigs kyi bu mo gang la la dag bla na med pa yang dag par rdzogs pa'i byang chub tu sems bskyed cing theg pa chen po sgor zhugs pa/ sangs rgyas la shes nas dad pa dang ldan pa rnams kyis/ thog ma nyid du bcom ldan 'das 'jam dpal ye shes sems dpa' ni phyogs bcu'i de bzhin gshegs pa thams cad kyi bdag nyid chen po de dag thams cad kyi yon tan phun sum tshogs pa dang ldan pa/ sangs rgyas thams cad kyi thugs rje dang mdzad pa rgyun mi 'chad pas nam mkha' i dbyings kyi mdza' klas pa'i sangs rgyas thams cad kyi dgongs pa sgrub cing/ sems can gyi khams ma lus shing lus pa med pa thams cad kyi re ba yongs su skong ba'i phrin las mdzad pa/ rtag tu sems can gyi mdun du bzhugs te/ de bas gang gis 'di'i mtshan brjod pa de la ni/ bskal pa

  396. 198b

    gang+gA'i klung gi bye ma snyed du sangs rgyas thams cad kyi mtshan brjod pas/ de la dper bzod pa ma yin no zhes dang ba'i dad pa dang/ mos pa sngon du byas te/ de yang sems can thams cad kyi don bsgrub pa'i phyir brjod par bya'o zhes smon lam gyis 'phangs pa'i bsam pas byang chub tu sems bskyed nas brjod par bya'o/ /de yang mos pa'i dbang gis 'di ltar yid la byed pas bzhag par bya ste/ bcom ldan 'das 'jam dpal ye shes sems dpa' ni 'di lta bu'i yon tan can rnam pa thams cad mkhyen pa'i ye shes dang/ thugs rje dang/ byams pa'i mnga' bdag la rtag tu gdul bya thams cad kyi mdun na gnas pa'i phyir bdag gis de'i sku khyad par can mdun du yid la byas kyang rung/ ma byas kyang rung ste/ rtag tu mdun na gnas pa'i phyir/ de la brjod pa'i don du bsam pa g.yeng ba med pas mtshan brjod par bya'o/ /gzhan du na bcom ldan 'das kyi rang bzhin de lta bu yin mod kyi/ 'on kyang de'i gzugs bzang po khyad par can yid la byas nas/ bdag dang gzhan gyi don phun sum tshogs pa la byin gyis rlob par 'gyur ro zhes shes par byas nas/ mdun gyi nam mkha' la rang gi yid la rang gi yid las sprul pa'i rin po che'i rang bzhin gyis/ dpag bsam gyi shing chen po rgyas pa'i grib ma la/ rin po che dang pad+ma'i gdan la zla ba'i dkyil na bzhugs pa'i bcom ldan 'das 'jam dpal gzhon nu'i sku khab la gur gum gtor ba lta bu sna tshogs kyi na bza' bsnabs pa/ phyag g.yon na utpa la sngon po rgyas pas bsnams pa/ g.yas pa mchog sbyin can/ 'khor lo bsgyur ba'i rgyal po chos pa ltar rgyan thams cad kyis rgyan par bsam ste/ de'i mtshan mngon par brjod pa'i don g.yeng ba med pa'i yid

  397. 199a

    la byed pas mtshan brjod par bya'o/ /yang na sku mdog dang phyag mtshan ni/ glegs bam dang/ ral gri dang/ chos 'chang ba la sogs pa dang/ zla ba'i kha thog dang/ /gser btso ma'i kha dog la sogs te/ ji ltar mos pa bzhin du yid la bya'o/ /mchod pa brjod nas 'dod pa'i don la gsol ba btab ste/ yongs su dag pa'i zhing khams su gsol nas ldang bar bya'o/ /yang na 'dul ba'i dbang gis 'di ltar bsam par bya ste/ bcom ldan 'das nyid snga ma bzhin du bsams pa'i steng gi phyogs su bcom ldan 'das shAkya thub pa la sogs pa phyogs bcu'i sangs rgyas thams cad rab tu byung ba'i tshul gyis bzhugs par bsam mo/ /de'i g.yas kyi phyogs su byang chub sems dpa' byams pa dang/ kun tu bzang po dang/ spyan ras gzigs dbang phyug dang/ phyag na rdo rje dang/ sa'i snying po dang/ nam mkha' i snying po dang/ sgrib pa rnam par sel ba la sogs te/ bskal pa bzang po'i byang chub sems dpa' rnams khyim pa'i tshul gyis rgyan ma spangs pa'i mtshan du bzhugs par bsam mo/ /de'i g.yon phyogs su shA ri'i bu dang/ maung+gal gyi bu dang/ rab 'byor dang/ kun dga' bo la sogs te/ dgra bcom pa chen po rnams rab tu byung ba'i tshul gyis bzhugs par bsam mo/ /de'i 'og gi phyogs su lha'i bu dbang phyug chen po la sogs te/ tshangs ris kyi lha rnams dang/ tshangs pa chen po dang bcas pa'i gzugs na spyod pa'i lta'i bu rnams kha dog dkar po rgyan thams cad kyis brgyan pa dang/ brgya byin la sogs pa sum cu rtsa gsum gyi lha rnams sna tshogs rgyan thams cad kyis brgyan pa bsams te/ de rnams kyi mdun du bdag gis phyag 'tshal ba dang/ mchod pa la sogs pa'i

  398. 199b

    yan lag bdun dang ldan pa'i smon lam gyi sgo nas byang chub chen por sems bskyed nas/ de thams cad la mchod pa'i don du bcom ldan 'das kyis mtshan brjod par bya'o/ /de la bcom ldan 'das de bzhin gshegs pa rnams ni rdo rje rin po che las grub pa'i seng ge'i khri dang/ rin po che pad+ma dang/ nyi ma dang zla ba'i dkyil 'khor gyi gdan la/ mnyam pa'i skyil mo krung dang/ mnyam gzhag gi phyag rgya dang/ chos 'chad kyi phyag rgya nan no/ /byang chub sems dpa' rnams ni rin po che dang/ pad+ma dang zla ba'i dkyil 'khor la zhabs g.yon pa phab ste/ skyil mo krung phyed ma dang/ rang rang gi mtshan dang/ chos zhu ba'i phyag rgya can dang/ nyan thos chen po rnams ni rin po che pad+ma'i gdan la chos zhu ba'i tshul du bsam par bya'o/ /rang sangs rgyas rnams ni rang rang gi bzhon pa dang/ mtshan ma dang ldan pa'am/ yang na thams cad kyang rin po che'i khri steng na/ chos zhu ba'i tshul can sha stag go /mchod pa rdzogs nas bshags pa dang/ 'dod pa'i don la gsol ba gdab ste/ rang rang gi zhing dang gnas su gshegs su gsol te/ ldang bar bya'o/ /spyan drang ba ni mi dgos te/ bsams pa tsam nyid kyis byin gyis rlob par 'gyur ba'i phyir ro/ /de dag mtshan yon tan gyi don du bltas te brjod pa'i yid la byed pa'i tshul yin no/ /yon tan nyid kyi tshul ji lta bu zhig yin zhe na/ pha rol tu phyin pa'i tshul dang/ gsang sngags kyi tshul rnam pa gnyis yin no/ /de la pha rol tu phyin pa'i tshul ni 'jig rten pa dang/ nyan thos pa dang/ rang sangs rgyas dang/ byang chub sems dpa' rnams thun mong du 'gyur ba'i yon tan dang/ de bzhin gshegs pa nyag gcig gi yon tan de dag thun mong ma yin pa'o/ /de la thun mong ni dge ba

  399. 200a

    bcu'i las kyi lam dang/ bsam gtan dang/ tshad med pa dang/ snyoms par 'jug pa'i lam gyis bsdus pa'i mngon par mtho ba'i 'bras bu dang bcas pa rnams dang/ gzhan yang bden pa bzhi dang/ shes pa brgyad dang/ rnam par thar pa la sogs pa dge sbyong gi tshul gyi 'bras bu dang bcas pa dang/ de bzhin du phyogs dang/ pha rol tu phyin pa dang/ sa dang byang chub sems dpa' i stobs dang/ byang chub sems dpa' i mi 'jigs pa dang/ byang chub sems dpa' i gzungs dang/ ting nge 'dzin la sogs pa rnams so/ /thun mong ma yin pa'i yon tan ni de bzhin gshegs pa'i stobs bcu dang/ ma 'dres pa bco brgyad dang/ mtshan dang dpe byad bzang po dang/ gzungs dang/ ting nge 'dzin dang/ thugs rje chen po sum cu rtsa gnyis dang/ ma 'dres pa'i dran pa nye bar gzhag pa gsum dang/ bag chags kyi mtshams sbyor ba thams cad yongs su spangs pa dang/ bsnyel ba mi mnga' ba'i chos nyid dang/ rnam pa thams cad mchog dang ye shes zhes bya ba la sogs pa lta bu ste/ 'di dag ni de bzhin gshegs pa'i yon tan rgya mtsho zhes gsung ste/ rgya mtsho ltar zab cing rgya che ba'i phyir dpag pa dang tshad las 'das pa'o/ /de yang 'dir bsdu na ni rnam pa bzhi ste/ brten par bya ba'i chos thams cad ma lus par yongs su mkhyen pa dang/ spang par bya ba'i chos thams cad ma lus par gtan du spangs pa dang/ gnas 'gyur ba'i chos thams cad phyin ci ma log par rtag tu gnas gyur pa dang/ thob par bya ba'i chos thams cad ma lus par rtag tu thob pa ste/ 'di lta bu'i tshul gyis de bzhin gshegs pa'i yon tan rgya mtsho mdor bsdu na rnam pa bzhi yin no/ /gsang sngags kyi tshul las ni de

  400. 200b

    bzhin gshegs pa'i yon tan gyi rlabs chen po rnam pa gsum gsungs te/ gsum gang zhe na/ yongs la khyab pa'i yon tan dang/ rtsis las 'das pa'i yon tan dang/ mchog tu gyur pa'i yon tan no/ /de la yongs la khyab pa'i yon tan gang zhe na/ 'di ltar de bzhin gshegs pa'i yon tan ni nam mkha' i dbyings kyis mdza' klas pa/ chos kyi dbyings kyi mur thug pa dag dang/ ma dag pa'i zhing khams dag dang/ de dag na gnas pa'i gang zag slob pa dang mi slob pa dang gnyi ga ma yin pa'i bsdus pa'i chos rnams dang/ 'di ltar phung po dang khams dang skye mched dang/ rten cing 'brel par 'byung ba nas rnam pa thams cad kyi mchog gi ye shes dang chos kyi dbyings dang/ yang dag pa'i mdza' i bar gyi chos rnams la ma khyab pa med pa ni yongs la khyab pa'i yon tan yin te/ de ji ltar khyab pa'i tshul ni mtshan bshad pa'i skabs su lta bar shes par bya'o/ /de la de bzhin gshegs pa'i rtsis las 'das pa'i yon tan gang zhe na/ 'di ltar de bzhin gshegs pa'i sku'i yon tan dang/ de bzhin du gsung dang thugs dang yon tan dang phrin las kyi dbang gi sgo nas yon tan du gyur ba/ rtsa ba re re la yang yon tan gyi lnga lngar phye bas sku lnga dang/ de bzhin du gzhan la yang lnga lnga dang/ bcu phrag gcig la yang de bzhin du rigs nyi shu lnga dang/ de rnams la yang snying po dang phyag rgya dang/ gsang sngags dang/ rig sngags rnams kyi rigs kyi dbye bas rigs pa rgya brgya ste/ de dag la de bzhin du phye bas rigs 'bum phrag brjod kyis mi lang ba dang/ grangs med pas rigs rgya mtsho zhes gsungs te/ 'di ltar gzhan las rigs ni mdza' yas gsungs pa yang/ rigs tshan dag tu zad par 'du shes gsungs pa lta bu ste/ 'dir gsungs pa

  401. 201a

    sangs rgyas thog ma tha ma med/ /dang po sangs rgyas rgyu med pa zhes so/ /rigs lnga dang drug dang mdza' yas par gsungs pa yang/ 'di nyid las/ gsang sngags rigs chen thams cad dang/ /gsang sngags rigs sngags 'chang ba'i rigs/ rigs gsum la ni rnam par gzigs/ /'jig rten 'jig rten 'das pa'i rigs/ /'jig rten snang byed rigs chen dang/ /phyag rgya chen po'i rigs mchog dang/ /rigs chen gtsug tor cher gzigs nas/ /zhes gsungs so/ /rdo rje'i rigs 'ba' zhig kyang mdza' yas te/ 'di nyid las zhu ba po rdo rje 'dzin pa'i yon tan brjod pa'i skabs su/ khro gnyer rim par ldan la sogs/ /lag na rdo rje mdza' yas pa zhes gsungs pa dang/ rdo rje 'jigs byed 'jigs par byed ces bya ba la sogs pa rdo rje khro bo'i rigs sna tshogs gsungs pa lta bu'o/ /de bzhin du rigs gzhan la yang sbyar bar bya ste/ de bzhin gshegs pa'i rigs kyi sgo nas 'di nyid gsungs pa/ gtsug tor chen po rmad byung gtsug /nam mkha' i bdag po sna tshogs ston/ /zhes gsungs pa lta bu'o/ /pad+ma'i rigs kyi dbang du gsungs pa/ sangs rgyas kun gyi snying po che/ /sprul pa'i 'khor lo sna tshogs 'chang zhes gsungs pa lta bu'o/ /rin po che'i rigs kyi dbang du gsungs pa/ sangs rgyas kun gyi sprul pa'i sku/ /bye ba dpag med 'gyed pa'o/ /zhes gsungs pa lta bu'o/ /las kyi rigs kyi dbang du byas te gsungs pa/ sangs rgyas sprul pa'i rgyud 'chang ba/ /phyogs bcur sprul pa sna tshogs 'gyed/ ces gsungs pa lta bu'o/ /'di lta bu'i che ba'i yon tan yongs su bgrang ba las 'das pa ni rtsis las 'das pa'i yon tan zhes bya'o/ /de la mchog

  402. 201b

    tu gyur pa'i yon tan gang zhe na/ gang de la de bzhin gshegs pa'i yon tan ni yongs su mthar phyin zhing yongs su dag pa phul du byung ba ste/ 'di ltar 'di nyid du gsungs pa/ dbyer mi byed pa'i sgo nas thugs rjes khyad par du byas pa'i yon tan dang/ mnyam pa med pa'i sgo nas chen pos khyad par du byas pa'i yon tan dang/ de bzhin rab mchog dam pa/ bla na med pa zhes bya ba la sogs pa khyad par du byas pa'i yon tan dang/ de bzhin du gtso bo dang dbang phyug dang/ bdag po dang rgyal po la sogs pa khyad par du byas pa'i yon tan dang/ gzhan yang mdza' dag dang/ kun dang lus pa med pa dang/ /rtag tu la sogs pas khyad par du byas pa'i yon tan gyi sgo nas brjod pa rnams te/ 'di ni mchog tu gyur pa'i yon tan gyi rlabs chen po rnam pa gsum po 'di dag gis ni de bzhin gshegs pa'i yon tan thams cad 'dus par shes par bya'o/ /mtshan yon tan gyi dbang du bltas te brjod pa'i tshul rdzogs so// // da ni mtshan gsang sngags kyi tshul du bltas te brjod pa'i tshul bstan par bya ste/ de la 'dir rigs kyi bu 'am rigs kyi bu mo dang/ gang la la dag thabs dang shes rab zab mo'i tshul la mos shing/ gsang sngags kyi sgo nas spyad pa spyod pa/ rig sngags gsang sngags dang yongs su mnyes pa'i sgo nas sems can thams cad kyi don du bsgrub par 'dod pa dang/ /yang dag par rdzogs pa'i byang chub myur du thob par bya ba la thabs mkhas pa'i spyod pas thabs dang shes rab dus gcig tu zung du 'brel ba'i lam zab mo la sbyar bar 'dod pa rnams kyis/ thog ma nyid du theg pa chen po ma nor bar ston pa'i dge ba'i bshes gnyen yongs su bzung ba dang/ des bstan pa'i gsang ba'i

  403. 202a

    dkyil 'khor du 'jug pa dang/ de'i dus su thun mong dang thun mong ma yin pa'i sdom par gyur pa/ so so thar pa'i sdom pa las gzhi blangs te/ byang chub sems dpa' i sdom pa dang/ rig pa 'dzin pa'i sdom pa yang blangs nas/ sgrub thabs kyi man ngag kyang tshul bzhin du mnos te/ de phyin chad kyang spro ba mi lhod par brtson pa la gnas pas rnal 'byor 'di la brtson par bya'o/ /de la rnal 'byor gyi rim pa ni 'di yin no/ /sngags khar dam gang yang rung ba'i gnas su rin po che 'bur du brkos pa'i stegs bu khru gang ba'am/ de las lhag kyang rung ba legs par byi dor byas te/ der 'phags pa 'jam dpal gyi sku gzugs sam/ ri mo'i gzugs 'byor na bzhugs su gsol lo/ /me tog gi gcal dang/ mchod pa'i bye brag kyang ji ltar 'byor pa bzhin bzhag ste/ bdag nyid stan bde ba la 'dug nas/ thog ma nyid du nang par sngar langs nas/ sngar sdom pa mnos pa rnams zhig pa dang ma zhig pa bsam par bya/ zhig par gyur pa rnams ni bshags par rig pa'am/ sngar blangs pa'i rig pa dag de bzhin du bya bar bsams la/ ma zhig pa rnams ni brtan par bya'o/ /de nas de nyid kyi shugs las byung ba'i byang chub kyi sems bskyed pa dang/ sdom pa brtan por gzung ba dag kyang 'phags pa rnams kyi spyan sngar brtan par bzung bar bya'o/ /de nas 'jug pa byang chub tu sems bskyed par bya ste/ 'di ltar mngon par byang chub pa'i rim pa lnga pa sgom par bya ste/ de la dang po re zhig me long lta bu ye shes kyi sgo nas sbyar bar bya ste/ ji ltar me long dag pa la gzugs brnyan so sor gsal ba ltar/ chos kyi dbyings rnam par dag pa'i rgyu mthun pa byang chub sems la/ sems can

  404. 202b

    gyi khams sna tshogs pa gzugs brnyan lta bur gsal bar bltas nas/ de dag gi don gyi phyir sems can dmigs pa'i snying rje chen po bskyed par bya'o/ /de nas mnyam pa nyid kyi ye shes la sbyar bar bya ste/ chos kun rang bzhin dag pas na/ /bdag kyang rang bzhin rnam par dag /ces smos te/ chos thams cad bdag med pa mnyam pa nyid du sbyar bar bya'o/ /de nas a kA ro mu khaM sarba d+ha sA NAM/ sAdya nutpan+na twAt zhes brjod pas/ chos thams cad bdag med par rtogs pa'i mtshan nyid so sor rtogs pa'i ye shes chos la dmigs pa'i snying rje chen po gong du bstan pa'i mnyam pa nyid kyi ye shes kyi stobs bskyed pa bsgom par bya'o/ /de nas de ma thag tu shin tu rnam par dag pa'i chos kyi dbyings kyi ye shes gzung ba dang 'dzin pa las rnam par grol ba/ rang bzhin gyis 'od gsal ba mi dmigs pa'i snying rje dang ldan pa/ rjes su mthun pa bsgom par bya'o/ /de nas yang sems can gyi don du bya ba dang bral ba rig pa ma yin pa/ /sngon gyi smon lam sems can gyi dbang las gyur pa/ mi dmigs pa'i snying rje chen po bya ba nan tan gyi ye shes mngon du bya'o/ /de nas byang chub kyi sems rnam pa gnyis kyis rgyu mthun pa'i 'bras bu thabs dang shes rab zung du 'brel ba'i mtshan nyid de bzhin gshegs pa'i mdzad pa nyid la mngon du 'jug par bya'o/ /nam mkha' de nyid du nam mkha' i dkyil du A li dang kA li'i bdag nyid sgyu 'phrul gyi tshul rang bzhin gyis 'od gsal ba skar ma dang 'dra ba bsams te/ de gyur pa las yi ge hUM chen po kun tu bzang po byang chub sems kyi rang bzhin/ kha dog sngon po 'od zer gyi phreng ba can/ /khro bo 'bar ba'i phreng bas 'khrigs pa bsgoms te/ de'i 'od zer gyi rtse mo las

  405. 203a

    kyang de bzhin gshegs pa rnams sprul te/ /phyogs thams cad du gshegs nas/ /sangs rgyas rnams kyi sprul pas don gyi bya ba byas te/ slar log nas hUM de nyid la zhugs pas/ de las gyur pas ye shes kyi rdo rje chen por gyur par byas pa'o/ /de yang zhabs drug dang ldan pa kha dog dang ldan pa/ sgo drug la sangs rgyas dga' ba la sogs pa'i sangs rgyas kyi zhing khams drug gnas pa/ de 'bar ba gzi brjid kyis zhing khams thams cad du khyab pas/ bdud thams cad kyi gnod pas mi thub pa'i ye shes kyi rdo rje rtse lnga pa bsgom par bya'o/ /de'i bum pa'i nang gi yi ge hUM dmar po las gyur pa'i rin po che sna bzhi las grub pa mchod rten stong gsum gyi stong chen po'i 'jig rten gyi khams kyi tshad tsam bsgoms nas/ de'i nang du yi ge h+rI(rgyud 'grel): las chos kyi 'byung gnas gru gsum dkar po 'greng bur gnas pa/ de'i steng du yi ge a las rdo rje rgya gram des sa gzhi dkar por byin gyis brlab po/ /de las yi ge bruM las rdo rje nor bu rin po che brtsegs pa'i gzhal yas khang rnam par bsgom par bya'o/ /de'i mtshan nyid ni dpal de nyid 'dus pa la sogs par gsungs pa'i rdo rje dbyings kyi dkyil 'khor chen por spro bar bya'o/ /de'i dbus kyi gdan la yi ge a las yongs su skyed pa'i rnam par snang mdzad chen po sku mdog dkar po kun tu zhal gyi mtshan nyid ral pa'i dbu rgyan dang/ byang chub mchog gi phyag rgya can te/ de ni gzhi'i sangs rgyas so/ /de'i thugs kar yi ge d+hI(rgyud 'grel): las bskyed pa'i 'jam dpal dang po'i sangs rgyas zhal lnga gtsug phud dang bcas pa kha dog lnga dang ldan pa ste/ shar sngon po/ lho ser po/ nub dmar po/ byang ljang khu/ dbu'i steng na gnas pa'i zhal zhi ba

  406. 203b

    dkar po byis pa'i rgyan gyis brgyan pa'o/ /'jo sgag dang ldan pa sna tshogs kyi na bza' mnabs pa/ phyag brgyad pa/ bzhi ni shes rab kyi pha rol tu phyin pa stong phrag brgya pa glegs bam bzhi ru bgos te thugs kar 'dzin pa/ gzhan gyi shes rab kyi ral gri 'dzin pa bsgom par bya'o/ /gdan gyi sangs rgyas dang/ 'og nas ston pa'i ye shes sems dpa' rnams ni mos pa'i dbang gis rigs so sor rgyur bya'o zhes shes par bya'o/ /dang po'i sangs rgyas de'i thugs kar shes rab kyi 'khor lo bsgom par bya ste/ de yang a las bskyed pa kha dog drug dang ldan pa'i rtsibs drug pa phyi dang nang du mu khyud bzhi dang ldan pa ste/ de'i lte ba'i dkyil du yi ge a bsam par bya'o/ /de'i phyi rim du mu khyud dang po la 'jam dpal ye shes sems dpa' i rtsa ba'i gsang sngags/ oM sarba d+harmmA b+hA ba swa b+hA ba bi shud+d+ha tsak+Shu badzra a A aM a(rgyud 'grel): rnams dgod par bya'o/ /de'i phyi rol gyi mu khyud gnyis pa la sgra yig bcu gnyis dgod par bya'o/ /de'i phyi rol gyi rtsibs rnams la ni/ dang po la oM badzra tIk+Sh+Na ya te na ma(rgyud 'grel): gnyis pa la/ duSh+Na khats+tshe da ya te na ma(rgyud 'grel): gsum pa la/ oM pradz+nyA dz+nyA na mU rta ya te na ma(rgyud 'grel): bzhi pa la/ oM dz+nyA na kA A ya te na ma(rgyud 'grel): lnga pa la/ oM bA gI shwa ra mu pA tA ya te na ma(rgyud 'grel): drug pa la/ a ra pa nA ya te na ma(rgyud 'grel): 'khor lo'i phyi rol gyi mu khyud la/ de bzhin gshegs kyi sku'i phreng ba'i sngags/ A a sarba ta thA ga ta h+ri da ya/ ha ra ha ra/ oM hUM h+ri(rgyud 'grel): b+ha ga bAn/ dz+nyA na kA ya/ bA gI sha ra mahA pA tsa/ sarba d+harma ga ga na/ ma la mu? pe ri shud+hA ya/ d+harma d+hA tu dz+nyA na garb+ha A(rgyud 'grel): phyi rol gyi mu khyud gnyis pa la/ ka kha la sogs pa swAhA/ mthar thug pa'i yi ge sum cu gsum dgod par bya'o/ /mu khyud bzhi'i yi ge ni kha dog dkar po'o/ /rtsibs drug

  407. 204a

    gi yi ge ni rigs drug gi kha dog gi rim pa bzhin no/ /'khor lo'i dbus kyi yi ge a las bskyed pa bcom ldan 'das ye shes sems dpa' ston ka'i zla ba'i mdog in+d+ra nI la'i mdog gi gtsug phud nyi ma 'char ka'i dkyil ltar 'od kyi dkyil 'khor gyis bskor ba de bzhin gshegs pa thams cad rgyan gyi dngos po'i ting nge 'dzin dang ldan pa las pad+ma'i gdan la bzhugs pa/ phyag gnyis kyis utpa la dmar po dang sngon po gnyis la shes rab kyi pha rol tu phyin pa'i ting nge 'dzin gnyis gnas pa 'dzin pa/ zhi pa'i tshul dang ldan par bdag nyid bsams te/ /de'i snying kar zla ba'i dkyil 'khor bsgoms nas/ de'i steng du shes rab kyi pha rol tu phyin pa'i rang bzhin/ thams cad mkhyen pa'i ye shes 'byung ba'i rkyen/ nyan thos dang rang sangs rgyas thams cad bskyed pa'i dngos po/ /byang chub sems dpa' thams cad kyi bsod nams dang ye shes kyi dngos po don dam pa'i yi ge'i 'bru yi ge thams cad kyi rkyen yi ge a bsgom par bya'o/ /de nas ji iskad bstan pa'i yi ge de thams cad kyi rkyen yi ge a bsgom par bya'o/ /de nas ji skad bstan pa'i yi ge de rnams kyang 'od gsal ba bsgom ste/ sgrib pa thams cad sel bar byed pa'i 'od des rang gi lus la snang bar bya ste/ de zhal bzhi nas byung nas mi mjed kyi 'jig rten snang bar bya ba/ de nas rdo rje sgo drug nas 'od zer kha dog drug tu byung ste/ nam mkha' i khams thams cad du khyad pas/ sangs rgyas kyi zhing kun tu sems can gyi don byas/ 'khor gyi dkyil 'khor snang bar byas te/ slar log nas rdo rje la lan gsum bskor ba byas zhal du byung ste/ shes rab ye shes de drangs nas chos bdag med pa nyid kyis rang gi sgo

  408. 204b

    nas btsud nas rang gi snying ga'i zla ba'i gnas pa'i sngags kyi yi ge dang gcig tu gyur nas gnas par bsgom par bya'o/ /de yang dmigs pa gsum gyi sgo nas rjes su dran par bya ste/ 'di ltar ye shes kyi sku'i sgo nas dmigs pa dang/ zla ba'i dkyil 'khor gyi sgo nas dmigs pa dang/ yi ge a'i sgo nas dmigs pa rnams kyis sangs rgyas thams cad kyi sprul pa'i sku dang/ lhan cig tu gnas pa yang sngon du byas nas mtshan brjod par bya'o/ /rigs so sor phye ba'i 'khor lo rnams 'dir ma bshad do/ /de ltar mtshan brjod pa la zhugs te/ de nas dpal ldan rdo rje 'chang zhes bya ba nas ya ten ma(rgyud 'grel): zhes bya ba'i ting nge 'dzin de nyid kyis gdon par bya ste/ dmigs pa gzhan bsam mi dgos so/ /'di ltar sangs rgyas bcom ldan 'das zhes bya ba nas gzung ste/ theg pa chen po'i tshul gyi mchog ces bya ba'i bar du mtshan gyi sngags kyi tshig rnams brjod nas/ rdo rje dbyings kyi dkyil 'khor chen por rtogs pa'i rtsa ba'i lha sum cu rtsa bdun bskal pa bzang po'i byang chub sems dpa' bcu drug dang bcas pa rang rang gi sku mdog dang phyag mtshan du bcas pa rnams byung ste/ sangs rgyas kyi zhing thams cad du spros nas mdzad pa nye bar bsgrubs te/ slar log nas rig pa ji lta ba bzhin du 'gyur te/ rdo rje dbyings kyi dkyil 'khor chen po rang rang gi gnas su/ rang gi gdan la bzhugs pa bsgom par bya'o/ /de nas sangs rgyas rnam par snang mdzad che bya ba nas/ rdo rje lcags kyu zhags pa che zhes bya ba'i bar du tshigs bcad nyi shu rtsa lngar rkang pa gcig ma tshang ba brjod pas ye shes sems dpa' i thugs ka'i yi ge a las/ mtshan gyi sngags kyi yi ge brgya brgyad cu rtsa gcig rnams spros te/ de dag kyang bcom ldan

  409. 205a

    'das rnam par snang mdzad chen po la sogs pa'i sku mdog dkar po/ /'khor lo dang ral gri la sogs pa 'dzin par gyur pa byung ste/ phyung nas kyang sangs rgyas kyi zhing thams cad du song nas/ rang gi rnam par thar pa'i sgo nas gti mug la gnas pa'i sems can rnams rnam par dag par bya ba dang/ sangs rgyas kyi zhing snang bar byas nas yang phyir log ste/ mtshan gyi sngags kyi yig 'bru rnams su gyur nas/ dkyil 'khor chen po rtsa ba'i lha sum cu rtsa bdun la/ mtshan gyi sngags lnga lnga thim ste gnas par mngon du bya'o/ /de nas rdo rje 'jigs byed 'jigs par byed ces pa nas/ sgra dang ldan pa rnams kyi mchog ces bya ba'i bar du/ tshigs bcad bcur rkang pa gcig gis lhag par brjod bas/ ye shes sems dpa' i thugs ka'i ye shes las mtshan gyi sngags bdun cu rtsa gcig 'phros pas/ 'jig ten gsum gyi gdug pa 'dul ba'i don du/ rgyud thams cad las gsungs pa'i do rje khro bo'i tshogs rab tu 'bar ba'i zhal mi bzang pa dang ldan pa/ /rdo rje 'bar ba me 'bar bas phyag mtshan pa/ du ba'i mdog dang rgyan dang gos gyon pa'i khro bo'i sku byung nas 'jig rten gyi khams thams cad du sdang ba thams cad gdul bar bya ba dang/ sangs rgyas kyi zhing snang bar byas te/ slar log nas rdo rje dbyings kyi dkyil 'khor chen po'i phyi rol tu dkyil 'khor gnyis pa la/ mtshan gyi yi ge'i tshogs bdun cu rtsa gcig rnams par rang gi rigs dang kha dog dang gzugs rnams su gyur nas/ de lta bu'i rim pas gnas par bsam mo/ /de yang bcu bzhir phrag lngar dgos te/ rigs lnga'i bdag nyid kyis gnas pas mos par bya'o/ /de nas yang

  410. 205b

    dag bdag med de bzhin nyid/ ces bya ba nas/ ye shes me lce 'od rab sal zhes bya ba'i bar du/ tshigs su bcad pa bzhi bcu rtsa gnyis brjod pas/ ye shes sems dpa' o thugs ka'i yi ge las mtshan sngags kyi yi ge nyis brgya bdun cu rtsa lngar myur ste/ de yang bcom ldan 'das 'od dpag med kyi sprul pas/ sems can ji ltar 'tsham pa bzhin du/ kha cig tshangs pa la sos pa'i gzugs kyis/ kha cig la nyan thos la sogs pa'i gzugs kyis/ kha cig la byang chub sems dpa' dang/ yang dag par rdzogs pa'i sangs rgyas kyis/ de bzhin du kha cig la bum pa bzang po dang/ sman chen po la sogs te/ g.yo ba dang mi g.yo ba'i dngos po rnams su sprul nas/ sangs rgyas kyi mdzad pa byas te/ rang gi rnam par thar pa'i sgo nas/ 'dod chags la spyod pa'i sems can gyi don bya ba dang/ sangs rgyas kyi zhing yang snang bar byas te/ slar log nas/ spags kyi yi ge'i tshogs rnams su gyur nas/ rdo rje dbyings kyi dkyil 'khor chen po'i phyi rim 'khor lo gsum pa ji lta bu'i rim pas/ rnam par gnas pas mngon du bya'o/ /rigs kyi dbye bas ni rigs re re la mtshan gyi sngags kyi yi ge'i tshogs lnga bcu rtsa lngar sbyar bar bya'o/ /'dod pa'i don 'grub dam pa ste zhes bya ba nas/ nor bu chen po rin chen tog ces bya ba'i bar du tshigs bcad nyi shu rtsa bzhi brjod pas/ ye shes sems dpa' i thugs ka'i yi ge las mtshan gyi sngags kyi tshig brgya nyi shu rtsa bzhi byung ste/ bcom ldan 'das nam mkha' i snying po'i ting nge 'dzin gyis phyogs bcu mdza' yas par gshegs nas/ rang gi rnam par thar pa'i sgo nas sems can rnams kyi ser sna bcom pa dang/ sangs rgyas rnams kyi 'khor gyi dkyil

  411. 206a

    'khor snang bar byas te/ slar log nas rdo rje dbyings kyi dkyil 'khor chen po'i phyi rol 'khor lo bzhi ba la/ rang rang gi kha dog gyi yi ge rnams su gyur te/ go rims ji lta ba bzhin du rnam par bzhag go /'dir rigs kyi dbye ba ni rigs re re la mtshan nyi shu rtsa lnga lngar sbyar par bya'o/ /de nas sangs rgyas kun gyis rtogs bya ba zhes bya ba nas/ 'jam dpal dpal dang ldan pa'i mchog ces bya ba'i bar du/ tshigs su bcas pa bco lnga brjod pas/ ye shes sems dpa' i thugs ka'i yi ge las mtshan gyi sngags kyi tshig dgu bcu rtsa lnga byung ste/ bcom ldan 'das don yod grub pa'i tshul gyis mi sems can gyi bsam pa yongs su rdzogs par byed pa dang/ /rang gi rnam par thar pa'i sgo nas sems can rnams kyi le lo med par byas te/ de bzhin gshegs pa'i 'khor gyi dkyil 'khor yang gsal bar byas nas/ slar log nas rdo rje dbyings kyi dkyil 'khor chen po'i phyi rol 'khor lo lnga pa la/ ji lta ba'i rim par rnam par gnas par bya'o/ /rigs kyi dbye ba ni 'dir rigs re re bcu dgu yin no/ /rigs kyi dbye ba 'di ni sprul pa sgro ba'i dus na yang 'di lta bu'i dbye ba spro ba yin te/ slar bsdus te 'khor ? bkod pa'i dus na yang rigs kyi rim pas gnas pa'o/ /de nas mchog sbyin rdo rje la sogs pa'i bstod pa bya'o/ /oM sarba d+harmA la sogs pa'i sngags ni gong du bkod pa nyid do/ /de nas la sogs pa ni rjes su yi rang ba'i bstod pa gcig yon tan brjod pa'i rnams kyang brjod par bya ba yin no/ /de nas cung zad yid brten par byas nas/ gong du ji ltar 'byor pa bzhin nye bar bsdogs pa'i mchod pa'i tshogs dbul bar

  412. 206b

    bya'o/ /bshags pa dang 'dod pa'i don gsol ba gdab pa yang bya'o/ bya ba rdzogs nas/ dkyil 'khor gyi tshogs chen po de dag kyang rim pa bzhin du 'dus te/ ye shes sems dpa' i thugs ka'i yi ge la bsdu bar bya'o/ /de nas lus bsrung ba yang bya ste/ ci bder gnas par bya'o/ /tshul 'di ni yongs su rgyas pa'i bsam gtan yin te shin tu yongs su rgyas pa ni 'khor lo bdun bsgom pa'i tshul yin no/ /bsam gtan 'di ni mos pa dang/ brtson 'grus dang/ blo gros dang ldan pas bsgrub par bya ba yin pa'i phyir rgya che ba ste/ 'di ni mi nus pa'i gang zag mos pa 'am/ brtson 'grus sam/ blo gros dman pa rnams kyi phyir bsam gtan bsdus pa bstan par bya'o/ /de nas gsang sngags kyi sgo nas spyad pa spyod par 'dod pa rnams bcom ldan 'das 'jam dbyangs kyi mtshan brjod pa'i sgo nas/ bsod nams ye shes 'phel bar bya ba dang/ dngos grub nye bar bya ba dang/ sems can gyi don bya ba'i 'dod pa yod la/ ji skad bstan pa'i bsam gtan gyi rgya che ba la ni nus pa'i spro pa med pa rnams kyis sdom pa bzung ba dang/ byang chub tu sems bskyed pa'i rjes la/ bdag gis sems can thams cad kyi don du bcom ldan das 'jam pa'i rdo rje'i mtshan brjod par bya'o/ /de nas a A/ i a'i/ u a'u/ e i/ o aau/ aM a(rgyud 'grel): zhes brjod pas/ chos thams cad gdod nas ma skyes pa ngo bo nyid kyis rnam par dag pa'i rang bzhin gyis 'od gsal bar bsgom mo/ /de nas s+thi to h+ri? di dz+nyA na mUrti ra haM/ bud+ha gud+hA nAM/ tru dtwa barti nAM/ zhes brjod nas/ da ni dus gsum gyi sangs rgyas rnams kyi thugs la gnas pa ste/ ye shes sku'i sangs rgyas so/ /zhes

  413. 207a

    chos kyi sku'i nga rgyal du gnas par bya'o/ /de nas badzra tIk+Sh+Na zhes bya ba la sogs pa'i sngags brjod pas/ bcom ldan 'das rigs drug gi rang bzhin can phyag rgya chen po mtshan nyid kyi sku rab tu bsgoms te/ de'i thugs kar rdo rje ni ma snang ba che/ /rdo rje zla ba dri ma med ces bya ba kun tu bzang po'i byang chub sems 'bras bu'i ngo bo/ /sems can thams cad kyi bla na med pa de nyid de ltar gyur par bya'o/ /de yang thabs dang shes rab kyi bdag nyid pas g.yas g.yon nas rtseg ma ji ltar bde bar bsgom mo/ /de nas 'di ltar sangs rgyas bcom ldan 'das zhes bya ba nas/ tshig kun rab tu gsal bar byed ces bya ba'i bar du brjod pas/ nyi ma dang zla ba de dag re re'i steng du shes rab kyi pha rol tu pyin pa'i bdag nyid thams cad mkhyen pa'i ye shes 'byung ba'i rkyen/ 'phags pa'i tshogs tham cad kyi bsod nams dang ye shes kyi gzhi/ yig 'bru thams cad kyi snying po yi ge a re re bsams te/ de las mchod pa chen po 'dod chags che/ /bya ba la sogs pa nas/ 'jam dpal dpal dang ldan pa'i mchog /ces bya ba'i bar du brjod pas/ sngags thams cad kyi snying po yi ge a de dag las mtshan gyi gsang sngags kyi yi ge'i tshogs rnams ky 'od zer rab tu 'phros pas/ bdag kyang rab tu snang bar byed/ sangs rgyas kyi zhing sna tshogs na gnas pa'i sems can rnams kyi 'khor gyi dkyil 'khor dang cas pa yang snang bar byed par bsgom par bya'o/ /de nas mchog sbyin rdo rje mchog khyod bya ba a sogs pa nas/ ye shes sku nyid khyod la 'dud ces bya ba'i bar ni/ rigs drug gi rang bzhin bcom dan 'das la bstod pa'i bsam pas

  414. 207b

    brjod par bya'o/ /oM sarba d+harmA zhes bya ba la sogs pa nas/ a A aM a(rgyud 'grel): zhes bya ba'i bar gyi gsang sngags brjod pa ni/ bcom ldan 'das kyi rtsa ba'i gang sngags te/ de bzlas pas ni rtsa ba'i gsang sngags bzlas brjod byas pa'i tshul gyis bsnyen par gyur pa'i bsam pas brjod par bya'o/ /pra kri ta pa ri shud+d+ha zhes bya ba nas mu pA dA ye ti zhes pa'i bar gyi brjod pa ni/ bcom ldan 'das ye shes kyi sku yongs su bzung bar dam bca' zhing khas len pa'i tshig de bas na de dag brjod cing de bzhin du yongs su bzung ngo snyam du yid la bsam par bya'o/ /oM sarba ta thA ga ta h+ri da ya zhes bya ba nas/ dz+nyA na garb+ha a(rgyud 'grel): zhes bya ba'i gsang sngags ni de bzhin gshegs pa thams cad kyi phreng ba'i sngags yin te/ de bas na de brjod cing de bzhin gsang sngags bzlas brjod byas pa'i sgo nas bsnyen par bya'o/ /de nas 'byor na mchod pa yang dbul te/ 'dod pa'i don gsol nas/ lha'i ting nge 'dzin yang skye ba med pa'i ngang du bsdus te ldang bar bya'o/ /mjug phyag na rdo rjes bcom ldan 'das rjes su yi rang bas bstod pa dang/ yon tan gyi tshogs brjod pa ni/ bsam gtan gyi yul du gsungs pa ma yin te/ brjod pa ni gang zag rnams kyi phan yon shes par bya'o/ /de nyid dang brjod par bya ba yin te/ bsod nams tshogs thob pa'i phyir/ mtshan gsang sngags kyi tshul bstan pa rdzogs so// //de la mtshan gnyis su med pa'i don du bltas te brjod pa'i tshul gang zhe na/ 'di la rigs kyi bu 'am rigs kyi bu mo gsang la la dag theg pa chen po'i don tshul zab mo'i sgo nas spyod par 'dod cing/ bdag nyid sgrib pa thams cad myur du bral bar 'dod pa dang/ ji ltar me long

  415. 208a

    dag pa la/ /gzugs brnyan thams cad snang ba bzhin/ /sems can thams cad kyi don du sangs rgyas kyi chos sna tshogs snang bar 'dod pas/ bcom ldan 'das 'jam dpal ye shes sems dpa' i don dam pa'i mtshan yang dag par brjod pa'i mngon par brjod cing nan tan du brjod pa'i sgo nas/ gnyis su med pa'i ye shes rgyud la bskyed par bya'o/ /de ji ltar mtshan brjod pas gnyis su med pa'i ye shes skye bar 'gyur zhe na/ 'di la re bzhin gshegs pa rnams kyi chos kyi phung po dpag tu med pa dang/ stong phrag brgyad cu rtsa bzhi la sogs pa gsungs pa thams cad kyang/ phan pa dang bden pa ston pa kho na tsam yin par shes par bya'o/ de yang phan pa'i bden pa'i dbang gis 'grub pa yin la/ bden pa yang phan pas na bden pa 'grub ste/ las dang bya ba yin te/ de ston pa ni mtshan yang dag par brjod pa'i gzhung gi tshigs yin te de la nye bar bstan pa ni don chen yi ge dam pa yin zhes bya ba 'di yin no/ /zag pa lnga zad par yang rgyu dang 'bras bu'i sgo nas zung du bzhag pa ste/ de la rgyu'i zag pa lnga zad pas/ stong pa chen po yi ge nga zhes pa'o/ /'bras bu'i zag pa lnga zad pas ni/ thig le stong pa yi ge drug ces pa ste/ de la yi ge lnga ni zag pa zad pa shes pa yin la/ drug pa ni mi skye ba shes pa yin no/ /bde ba'i ye shes skad cig ma bcu drug skye ba'i skad cig ma bzhir bsdus pa'i de bzhi po'i ye shes kyi bdag nyid du bstan pa ni/ rnam pa kun ldan rnam pa med/ /bcu drug phyed phyed thig le can/ /yan lag med pa'i rtsis las 'das/ /bsam gtan bzhi pa'i rtse mo can/ /zhes gsungs te/

  416. 208b

    bcu drug ni ye shes kyi zla ba'i cha drug go /de'i phyed ni bzhi ste/ bde ba'i ye shes skye ba'i skad cig ma bzhi'o/ /thig le'i cha ni bzhi ste/ g.yo ba med pa'i ye shes so/ /de nyid bsam gtan bzhi'i rtse mo can zhes kyang bya'o/ /tshig 'di dag gi skabs su tha snyad kyi yi ge dang/ lnga dang drug dang brgyad dang bcu drug phyed phyed kyi zla tshes dang/ thig le dang no ro rnams su bshad pa ni sgra bzhin du bshad par shes pa ste/ tshogs la bshad pa'i tshul yin no/ /'di lta bu'i man ngag gi bshad pa yin pas/ re shig 'jug pa'i sgo shes par bya ba'i phyir sgo tsam smras kyis 'di legs par bsgrub pa'i tshul ni dbang bskur ba sgrub pa yin te/ 'di ni man ngag ? rgyud du bstan par bya ba yin la/ bdag gis ma bris so// //tshul 'di ni thabs dang shes rab chen po'i zag pa 'bras bu nas bzlog ste/ gnyis su med pa'i ye shes bskyed pa'i tshul/ 'phags pa 'jam dpal gyi mtshan yang dag par brjod pa 'dis bstan pa yin no zhes 'dod do/ /de'i tshul la a A/ zhes bya ba nas bzung nas/ 'jam dpal dpal dang ldan pa'i mchog /ces bya ba'i bar gyi gzhung gi tshogs kyis ni ye shes drug bstan te/ ye shes drug gis ni gnyis su med pa'i ye shes bstan to/ /gnyis su med pa'i ye shes de ni dam pa'i yi ge yin te/ zag pa lnga zad pa dang/ mi g.yo ba'i bde ba thob pa'i phyir de skad ces bya'o/ /de nas bcom ldan 'das ye shes sems dpa' yin te/ de ltar de ston cing bsgrub pa ?? gi tshogs yin no zhes 'dod do/ /de la mnyam pa chen po'i blos rgyu 'bras kyi sgo dbyer med par rang bzhin gyis 'od gsal ba'i lhun gyis grub par bya ba'i tshul gang zhe na/ 'di la rnal 'byor can gang la la dag

  417. 209a

    mnyam pa chen po'i sgo nas chos thams cad gdod ma nas ma skyes shing rang bzhin gyis 'od gsal ba'i 'bras bu'i chos lhun gyis grub pa rtogs shing rgyu bsgrubs pas 'bras bu 'byung ba'i dus la bltos pa med pa kun nas nyon mongs pa dang/ rnam par byang ba'i chos su grags pa rnams la blang ba dang dor ba med cing/ don dam pa dang kun rdzob tu dbye ba mi 'byed pa la/ rgyu dang 'bras bu'i tshul du yang 'byed pa mi 'byed pa dang sems dang sems snang bas bsdus pa'i chos thams cad kyang 'jam dpal rdo rje'i rang bzhin du rdzogs te/ bsam du med/ btsal du med pa/ bsgrub du med pa'i dang du brtsal ba med par lhun gyis rdzogs par gnas par 'dod pa rnams kyis thog ma nyid du dge ba'i bshes gnyen dam pa las mnyam pa chen po'i lung tshul bzhin du mnos te shes rab rnam pa gsum gyi sgo nas rtogs shing goms par bya'o/ /yid ches pa'i dad pa bskyed par bya'o/ de'i stobs kyis chos gnyis su med pa dang mthun pa'i dad pa dang/ brtson 'grus dang/ dran pa dang/ ting nge 'dzin dang/ shes rab rnams rgyud las skyes par 'gyur ro/ /de'i stobs kyis bdag dang bdag gi lta ba ldog bdag tu mi lta na rnam par mi rtog go /de'i dbang gis mtshan mar mi 'dzin cing nyams su mi myong/ mngon par mi zhen no/ /de'i dbang gis mi chags mi len te/ de ltar na sdug bsngal mngon par sbyor gnas med do/ /de bas na chos gnyis su med pa'i goms par byas/ yang dang yang du goms par byas pas ni zag pa ma lus pa byang bar 'gyur te/ gnyis su med pa'i ye shes nyid du 'gyur ro/ /de bskyed pa'i thabs bden pa

  418. 209b

    gang yin pa de phan pa yin no/ /sdug bsngal dang kun 'byung ba'i bden pa ji ltar na phan pa'i bdag nyid can yin/ phan pa gang yin pa de bden pa yin na mu stegs legs skyong gi rig byed kyi phan pa lta bu ji ltar bden pa yin zhe na/ de la smras pa/ de bzhin gshegs pas gsungs pa'i phan pa gang ji snyed pa ni bden pa yin te/ bden pa la phan pa yang de bzhin no/ /'di ltar dang sdug bsngal dang kun 'byung gi bden pa ni mi rtag pa dang/ sdug bsngal ba dang/ stong pa la sogs pa'i rnam pa bden par gsungs pa yin la/ de la de ltar dmigs shing goms par byas pa ni phan par 'gyur ro/ /gnod pa'i mtshan nyid ni rtag pa dang/ bde ba dang bdag la sogs pa'i rnam par bltas pa yin te/ mi bden pa'i phyir bslus pa zhes bya'o/ /mu stegs legs skyong rnams kyis phan pa ni de bzhin gshegs pas gsungs pa'i phan par grags pa yang ma yin te/ 'on kyang phan pa de yang bden pa'i don las 'das pa yang ma yin no// yang rgal ba/ de ltar grub pas mtshan yang dag par brjod pa gnyis su med pa'i don brjod pa la ji ltar phan par 'gyur zhe na/ de la smras pa/ 'di ltar rgyal ba rnams kyi bka' mdza' dag phan pa dang/ bden pa ston pa kho na tsam yin la/ phan pa dang bden pa ston pa dang/ de bzhin gshegs pa rnams kyi yon tan yin te/ yon tan thams cad bstan pa yang bcom ldan 'das 'jam dpal ye shes sems dpa' i don dam pa'i mtshan yang dag par brjod pa 'di yin no/ /de bas na yon tan thams cad kyang phan pa dang bden pa ston pa tsam yin la phan pa dang bden pa yang bdag nyid gcig pa'i phyir gnyis su bstan du med do/ /phan pa dang bden pa thams cad kyi dngos gzhi dang snying

  419. 210a

    por gyur pa yang chos gnyis su med pa yin te/ de'i phyir de bzhin gshegs pa rnams kyi yon tan gyi mtshan gang ci brjod kyang rung ste/ de dag thams cad kyi brjod bya ni chos kyi sku yin no/ /de ltar na gnyis su med pa'i dan khong du chud cing yongs su grub par bya ba'i phyir mtshan brjod par bya'o/ /zhes shes par bya'o/ /don dam pa'i mtshan yang dag par brjod pa zhes bya ba yang/ tshul 'di nyid las gsungs pa yin no/ /de la chos gnyis su med pa rgyud la bskyed pa'i don du mtshan brjod pa gcig mod kyi gdul bya'i dbang gis sgo tha dad do/ /de bas na 'dir sgo gsum du shes par bya'o/ /gsum gang zhe na/ chos gnyis su med par rtogs pas gang zag gi rgyu mi skye par bya ba'i tshul dang thabs dang shes rab zung du 'brel bas zab pa'i 'bras bu zag pa zad pa bzlog pas/ rgyu dang bcas pa bzlog par gyur pa bstan pa'i tshul dang/ mnyam pa chen po'i blos rgyu 'bras kyi sgo dbyer med par rang bzhin gyis 'od gsal ba'i bsam pa lhun gyis grub par bya ba'i tshul lo/ /de la rgyu nas zad par bya ba'i tshul ni/ mtshan brjod pas chos gnyis su med pa'i yon tan brjod par mos par bya'o/ /dran par bya'o/ /spro bar bya'o/ de'i che ba yang theg pa chen po'i thabs kyi spyod pa rlabs po che rnams 'gag pa med pa la ni mtshan brjod pa yin te/ 'di ltar bsod nams dang ye shes kyi tshogs rnam pa gnyis dus gcig tu bskyed par 'gyur te/ gang gi phyir de bzhin gshegs pa'i yon tan brjod pa'i phyir dang/ sems can la phan pa brjod pa'i phyir dang/ sems can la phan pa brjod pa yin pa'i phyir bsod nams rdzogs par 'gyur ro/ /chos gnyis su med pa'i don

  420. 210b

    bden pa brjod pa yin zhing gnyis su med pa rgyud la bskyed pa'i ye shes rdzogs par 'gyur ro/ /de bas na pha rol tu phyin pa'i tshul la mos pa'i gang zag ye shes kyi tshogs la lhur blangs pa bsod nams kyi tshogs zhar la bskyed par 'dod pa rnams kyis kyang 'di lta bu yid la byed pa dang/ bcom ldan 'das 'jam dpal ye shes sems dpa' i don dam pa'i mtshan yang dag par brjod pa brjod cing yid la bya'o/ /'di nyid las skabs dang po nyid du/ /gsang sngags rgyal po drug ldan zhing/ /gnyis su med par byung ba dang/ /mi skye chos can 'di gsungs pa/ /zhes dam bca' mdzad nas/ 'di ltar sangs rgyas bcom ldan 'das/ /rdzogs pa'i sangs rgyas a las byung/ /a ni yig 'bru kun gyi mchog /don chen yi ge dam pa ste/ /khong nas byung ba skye ba med/ /tshig tu brjod pa spangs pa ste/ /brjod pa kun gyi rgyu yi mchog /ces chos gnyis su med pa'i don 'jam dpal ye shes sems dpa' yin par bstan pa'i sgo nas mtshan brjod pas zhal gyis zhes te gsungs kyi/ don gzhan skabs phye ste/ ma gsungs so/ /mjug tu yang rtsa ba'i sngags dang/ bzung bar dam bca' ba dang/ phreng sngags kyi skabs su chos thams cad ngo bo nyid kyis rnam par dag pa mthong bar bya ba la a bzhis byin gyis brlabs pa rtsa ba'i sngags so/ /chos thams cad kyi rang bzhin gyis rnam par dag par bzung bar bya ba la/ de bzhin gshegs pa thams cad kyi sku 'jam dpal yongs su dag par brjod pa khas len pa ni bzung bar dam bcas pa'o/ /bcom ldan 'das 'jam dpal ye shes sems dpa' i sku/ /chos thams cad nam mkha' dang 'dra ba med pa/ shin tu yongs su dag pa/ chos kyi dbyings kyi ye shes kyi

  421. 211a

    snying po/ /a gnyis kyis byin gyis brlabs pa/ sangs rgyas thams cad kyi thugs 'phrog pa/ sgrib pa thams cad sreg pa ni/ phreng ba'i sngags yin te/ de bas na 'dir bcom ldan 'das kyis chos gnyis su med pa'i mtshan brjod pa tsam ma gtogs pa gzhan mi gsung ngo/ /de la shes rab chen po dang/ thabs la mkhas pa dang ldan pa chos gnyis su med pa mngon du bya ba'i phyir/ zhu ba zag pa med pa bzlog pas nyon mongs pa'i zag pa yang zad par 'gyur zhing gnyis su med pa'i ye shes rgyud la bskyed par bya ba'i thabs gsungs pa/ bcom ldan 'das kyis mtshan brjod pa gsungs te/ 'di ltar 'di dbu zhabs su ni ye shes drug gi mtshan brjod pa yin la/ ye shes drug gnyis su med pa'i ye shes kyi mtshan nyid yin la/ 'di ltar gnyis su med pa'i ye shes ni me long lta bu'i mtshan nyid yin te/ 'di ltar dri ma thams cad yongs su dag pas/ sangs rgyas thams cad kyi gzugs brnyan snang bar 'gyur ro/ /de ni mnyam pa nyid kyi mtshan nyid yin te/ bdag tu lta ba'i gnas med de/ stobs dang ma 'dres pa la sogs pa'i yon tan rin po che'i 'byung gnas su gyur pa'o/ /de ni so bar? rtog pa'i mtshan nyid yin te/ mtshan mar 'dzin pa thams cad dang bral bas/ chos thams cad ji lta ba dang/ ji snyed pa mkhyen pa dang ston pa'i gnas su gyur pa'o/ /de ni bya ba grub pa'i mtshan nyid yin te/ sems can ma gzigs pas thugs rje dang mdzad pa lhun gyis grub pa'i gnas su gyur pa'o/ /de ni chos kyi dbyings rnam par dag pa'i mtshan nyid de/ thams cad kyi gzhir gyur pa'i phyir ro/ /ye shes lngar phye ba ni

  422. 211b

    gnyis su med pa'i ye shes te/ de ni 'jam dpal ye shes sems dpa' o/ /de ni don dam pa'i yi ge a'o/ /byang chub kyi sems so/ /de bzhin du rdo rje sems dpa' dang/ kun tu bzang po dang/ bde ba chen po la sogs pa'i brjod pa yang de yin te/ de bzhin du mtshan nyid ji snyed par brjod pa yang tshig gi don de nyid yin no/ /de dag nye bar ston pa'i 'di nyid las/ don chen yi ge dam pa ste/ zhes gsungs so/ /de 'dir dam pa'i yi ge'i sgra ni zag pa med pa'i ye shes la bya ste/ zag pa de yang 'dir khams bcu'i bdag nyid can gzugs kyi phung po'i dbang dang bcas pa'i de'i bdag nyid kyi sa bon zhes bshad do/ /de yang 'dod pa'i srid pa dang/ gzugs kyi srid pa dang/ gzugs med pa'i srid pa dag la go rim gyis gnas so zhes 'dod do/ /'dir brgal ba/ gzugs dang dbang po dang bcas pa'i zag pa bzlog pas/ sems dang sems las byung ba'i zag pa ji ltar ldog ce na/ de ni 'di ltar sems dang sems las byung ba'i gang zag la gzugs kyi dri ma ni yongs su dag la/ ming bzhi'i dri ma ni yongs su dag go /zhes bya ba ni mi srid na/ de bzhin du ming bzhi'i dri ma dag na/ gzugs kyi dri ma yang dag pa yang mi srid de/ 'on kyang gzugs ni cher rags shing gnas pa dang/ dmigs par gyur pas de nyid ni ma sngon la gzhom par bya ba yin no/ /de nyid bcom pas thams cad kyang dag par 'gyur ba yin no/ dper na ljon shing gi rtse mo bcad bshags te/ mngon par skye ba'i gnas med par byas nas rtsa ba yang myur du med par 'gyur la/ phra mos kyang phan gnod byed par yang mi 'gyur ro/ /de bzhin du zag pa 'bras bu nas

  423. 212a

    bzlog nas/ rgyu yang myur du zad par 'gyur la/ phra mos kyang gnod par byed par mi 'gyur ro/ /de bas na thabs mkhas pa rnams kyi yul du ni/ 'bras bu nas bzlog pa 'di gsungs par bya'o shes par bya'o/ / thabs dang shes rab zab mo'i tshul 'di thun mong du ma bstan pa'i dgongs pa ni/ thabs dang shes rab zhan pa rnams la nyes pa rgyu'i dus nas ma bzlog na/ 'bras bu mngon du smin pa'i dus na bzlog pa'i thabs med pa'i dbang du gsungs pa yin no/ /de bas na 'dir 'phags pa 'jam dpal ni ye shes drug gi bdag nyid dam pa'i yi ge zhes bya ba'i sgras bstan pa/ zag pa lnga yongs su zad pa'i ye shes bde ba chen po'i sku bde ba ye shes skad cig ma bcu drug gi rang bzhin skye ba'i skad cig ma bzhi/ ye shes kyi mdza' can mi gnas pa'i mya ngan las 'das pa'i mtshan nyid gnyis dang bdag nyid tha dad pa med do/ /de bas na 'jig rten dang 'jig rten las 'das pa'i dbang gis phan pa ji snyed pa dang/ bde ba ji snyed pa thams cad kyi gzhir gyur pa/ rtsa bar gyur pa/ snying por gyur pa ni chos gnyis su med pa yin te/ de ltar yang gzhan las gsungs pa/ chos nyid kyi rgyu mthun pa gsung rab yan lag bcu gnyis so zhes gsungs so/ /'di nyid las yon tan gyis skabs las kyang mtshan bzung ba chos gnyis su med pa 'dzin pa yin par gsungs te/ 'dir brgal ba/ de bas na de ltar shes par bya'o/ /'dir brgal ba/ zhen pa 'am/ bsgrub pa'i rtsol ba yang mi bskyed de/ bdud kyi las su gyur pa rnams kyang spang par bya ba mi blta/ yongs su 'dzin pas de dag gos par yang mi 'gyur te/ 'di lta bu la gnas par

  424. 212b

    'dod pa'i rnal 'byor pas 'di ltar snang ba thams cad ye shes rgyan gyi rol pa las sgo gsum gyi spyod pa ci yang ma bkag pa'i bsam pas mtshan brjod par bya'o/ /de la dang por/ a A/ i a'i/ u a'u/ e i/ o aau/ aM a: zhes brjod pas na/ don 'di shes par bya ste/ yi ge sgyu 'phrul 'di ni/ sgyu 'phrul dra bas mngon par rdzogs par byang chub sems dpa' i tshul yin par shes par bya'o/ /de la ji ltar zhe na/ 'dir rdo rje 'dzin pas zhus pa/ khyab bdag bdag la sman pa dang/ /bdag don bdag la thugs rtse'i phyir/ /sgyu 'phrul dra bas mngon rdzogs pa'i/ /byang chub ci nas bdag thob mdzod/ /ces zhus pa las/ lan du/ sgyu 'phrul dra ba mngon par sangs rgyas pa'i tshul ni/ a bcu gnyis tsam gsungs so/ /sgyu 'phrul dra ba'i rgyud phyi ma las gsungs pa/ /'jam dpal 'di ni dpal 'gyur rdzogs pa'i sku/ /thun mong ma yin gnyis med khyab pa'i chos/ /rgyu zhing dus gsum mnyam snyoms rgyal ba kun gyi yang/ /chos dbyings yum nyid sems dpa' sras mchog ston/ /blo dang ldan pas gang zhig mdo 'di dag /mngon sum tshad mas gzhal nas mthong 'dod pas/ sgyu 'phrul dra ba 'khor lo'i don bzhin du/ yi ge 'khor lo'i tshul gyis 'jam dpal lo/ /gdong nas dag cing skye ba med pa'i dang/ /a A zhes pas 'dus ma byas pa'i chos/ /rgyu nyid med pas 'bras bu tshol med phyir/ /a ltar mnyam gzhag chos kyi sku nyid bde/ /don dam dbyings nyid mkha' ltar dmigs med khyab/ /thub pa rang bzhin med pas gnas pa la/ /'jam dpal ral gri btab pas gcod pa ltar/ /a yi gu gu thugs rje'i ngang nyid 'phro/ /i a'i zhes byas

  425. 213a

    'dus kyi yum nyid lam/ /shes rab pha rol phyin pa 'jam pa'i dbyings/ /ldang dang mi ldang blang dor med tshul gyis/ /thun mong ma yin bsti nas kun tu bzang/ /med pa'i dang nyid med pa las byung ba/ /u a'u zhes pas med pa'i snying po 'byung/ /u zhes chen po yod med mdza' las 'das/ /che ba'i dang 'gro kun tu dga' la sbyor/ /nyid dang gnyis med bsam 'das brjod dang bral/ /gru gsum e yi rang bzhin nyid mi g.yo/ /i zhes tha snyad btags shing brjod dang bral/ /sems dang sems ni 'jam dpal ting 'dzin no/ /thabs dang shes rab sgyu 'phrul dra ba'i tshogs/ /o aau zhes pas 'du 'phro'i 'od zer 'khrug /'ja' tshon rnam pa so so'i yid bzhin sbyor/ / 'jam dpal rnam par rol pas bde ba che/ /rnal 'byor chen po ye shes 'byor pa'i dpal/ /nam mkha' ming migs aM zhes ye shes brjod/ /shes rab ye shes ma 'dres a las 'das/ /stod nyid ci la'ang ma reg lhun gyis grub/ /don kun 'byor pas blang dor med pa yi/ /bdag nyid rang bzhin bzhugs dang 'jam dpal nyid/ /bsam gyis mi khyab mi gnas mi sems na/ /'jam dpal nyid dang yon tan brjod par gsungs te/ yi ge sgyu 'phrul dra ba 'di'i sgo nas mngon par rdzogs par byang chub ba'i tshig ni/ a gdod nas skye ba med cing 'dus ma byas pas rgyu ma grub pa'i phyir/ 'bras bu btsal du med pas/ gdod ma nas chos kyi sku bde ba chen po'o/ / i ni de nyid nam mkha' ltar mi dmigs pa'i phyir/ shes rab chen pos de ltar na mchod cing mi dmigs pa'i thugs rje 'phro ba dang/ shes rab kyi pha rol tu phyin pa'i bdag nyid gdong ma nas yin pa'i rang bzhin no/ /u ni

  426. 213b

    de bas na kun tu bzang po'i byang chub sems kyi rang bzhin te/ 'di ltar mtshan ma dang rtog pa ldang ba la ni dman par mi 'dor mi ldang ba la dang du mi len te/ byang chub kyi sems kun tu bzang po mdza' las 'das pa che pa'i rang gis 'gro ba kun kyang bde ba chen po la rang bzhin gyis sbyor ba'o/ /e ni de ltar na chos thams cad bsam brjod dang bral zhing g.yo ba med pa la tha snyad med 'grub pas sems dang sems kyi rang bzhin no/ /rnam par rtog pa yang 'phags pa 'jam dpal gyi ting nge 'dzin du gnas pa'o/ /o ni de lta bu'i rang bzhin yin pa'i phyir na/ sems kyi cho 'phrul sna tshogs su snang ba thams cad kyang/ thabs dang shes rab sgyu 'phrul dra ba'i tshogs yin te/ nam mkha' i 'ja'? tshon bzhin du 'gro pa so so'i yid dang mthun pa 'jam dpal rnam par rol pa'i cho 'phrul bde ba chen po las ma nyams pa'o/ /aM ni de ltar 'byor pa'i rnal 'byor ba'i rnal 'byor chen po ye shes dpal thams cad kyi 'byung gnas nam mkha' mdzod kyi ting 'dzin no/ /a(rgyud 'grel): zhes bya ba ni shes rab dang/ ye shes chos thams cad la rig cing kun la 'das pa ste/ de ltar na yi ge bcu gnyis kyi sgo nas 'phags pa 'jam dpal ni chos thams cad gdong ma nas blang dor med par rang bzhin gyis sangs rgyas pa ste/ de ltar don thams cad rdzogs pa'i bdag nyid du ye nas gnas pas rnal 'byor pa gang gis chos thams cad de ltar rtogs te/ chos 'ga' yang mi gnas/ mi sems/ mi len/ mi 'dor na/ 'jam dpal nyid dang yon tan brjod pas mnyam pa yin no zhes bshad do/ /yang 'di nyid las gsungs pa/ ji ltar sgyu 'phrul dra ba yi/ /'jam dpal chos kyi snying po 'di/ /rgyal ba rnams kyi yab dang yum/ /don gyi mdza' ste shes rab dbyings

  427. 214a

    gang phyir thabs kyi kun 'byung ba/ /yi ge 'khor lo rnams kyi sgra/ /sgyu 'phrul dra ba nyid kyi tshul/ /grag ma thog du don reg pa/ /a A zhes pa 'jam dpal nyid/ /rang bzhin chos kyi sku yi dbyings/ /i a'i zhes bya g.yo ba med/ /mi bskyod pa la yum du gsal/ /u a'u zhes pas skye ba med/ /dag pa'i dag nyid kun tu gsal/ /rgyud las rgyas pa sems pa ste/ /ye shes dang nyid gcod pa'o/ /e i zhes pa nam mkha' sbyor// 'bras bu med pas rgyud la gnas/ /de ma thag par gsal ba yi/ /'jam dbyangs phra ba'i lam 'gyur la/ /o oM zhes pa e las 'das/ /aM zhes gsang sngags thabs chen bstan/ /e dang o yi rang bzhin dbyings/ /mu ni ngo bo nyid kyi dbyings/ /a las rnam par rol pa bstan/ /oM gyis gnyis med 'byor pa yis/ /zab mo rdo rje ting 'dzin mdza' / /ma zhes mnyam dang mi mnyam med/ /'jam dpal ye shes rdo rje rdzogs/ /sgyu 'phrul dra ba'i 'khor lo 'di/ /mya ngan 'das dang 'khor ba las/ /mi gnas rdo rje rtse mo ste/ /bsam rtsol sgrub pa med pa ye/ /dbyings nyid bzhag na yongs su rdzogs/ /zhes gsungs te/ tshul 'di yang snga ma bzhin du yi ge bcu gnyis kyi sgo nas thabs dang shes rab gnyis su med pa'i rang bzhin du mngon par byang chub pa'i rang bzhin ye nas rtsol sgrub las 'das par sangs rgyas pa'i rang bzhin 'phags pa 'jam dpal yin te/ chos thams cad kyi rang bzhin de lta bu yin pas rnal 'byor can gyis kyang de lta bu'i dang du blo gzhag na/ 'jam dpal gyi yon tan rdzogs zhes bshad do/ /de yang re zhig yi ge a A ni 'jam dpal chos kyi sku'o/ /

  428. 214b

    i a'i ni yum shes rab kyi pha rol tu phyin ma'o/ /u a'u ni byang chub kyi sems kun tu bzang mo ste/ sems nyid sems dpa' chen po'i rang bzhin no/ /e i ni 'du 'bral med pa'i mkha' la sbyor ba'o/ /o aau ni de las 'das te yi ge 'khor lo tshogs chen gyi thabs la mkhas pa'i cho 'phrul rang bzhin gyis 'phro ba'o/ /aM la aM sbyar na oM du 'gyur te/ de ni gsang sngags kyi sku'o/ /oM gyi klad kor ni muM ste/ chos thams cad kyi ngo bo nyid kyis grol ba'o/ /oM ni yon tan thams cad 'byor ba'i gnyis su med pa'i ting nge 'dzin no/ /klad kor gyis ma ni chos mnyam pa nyid dang mnyam par dbyer med pa ste/ 'di lta bu'i don gyi 'jam dpal ye shes rdo rje ni 'khor ba dang mya ngan las 'das pa'i mdza' la mi gnas pa'i ye shes rdo rje rtse mo ste/ chos thams cad kyi rang bzhin de lta bu yin pas/ rnal 'byor can gang gis de ltar khong du chud par bya ste/ chos thams cad ni bsam par bya ba dang/ btsal par bya ba dang/ bsgrub par bya ba thams cad las 'das pa ste/ gdod ma nas rnam par dag pa/ rang bzhin gyis 'od gsal ba/ ye nas mngon par rdzogs par sangs rgyas pa btsal du med par lhun gyis grub pa/ 'di lta bu'i rang bzhin du/ mngon par rdzogs par byang chub ba yin las/ 'di lta bu'i dang la blo bzhag ste/ mtshan brjod ji snyed pa yang/ 'di lta bu'i rang bzhin ston pa sha stag ste/ thabs dang shes rab sgyu 'phrul dra ba'i tshogs su gyur pa/ chos nyid kyi rgyan ye shes kyi rol pa/ 'gag pa med pa'i cho 'phrul du rtogs pa/ blang dor dang rtsol sgrub kyi rtog pas mi g.yo bar brjod par bya'o/ /brjod pa rdzogs nas kyang dus gsum mnyam pa nyid kyi rang bzhin du rtogs pa/ las kyi mdza' yongs su mthong ba'i bsam pas gnas par bya'o//

  429. 215a

    mtshan gnyis su med par brjod pa zhes bya ba'i rnam pa gsum gyis mtshan nyid can bstan pa yin no/ /mtshan tsam rnam par bshad byas pas/ /gzhung gi spyi bshad rnam par bkod/ /sems can mos pa sna tshogs pa'i/ /'jug go tshul tsam shes bya'i phyir/ /'jam dpal mtshan bcas brjod tshul bcas/ /rnam gsum bshad pa tsam byas pa'o/ /tshul gsum gsal bar byed pa'i sgron ma zhes bya ba rdzogs so// //rje btsun 'jam dpal mtshan brjod 'di yis ni/ /'gro ba kun la phan thogs shog/ (//'jam dpal gyi mtshan sngags par brjod pa'i 'grel pa bzhugs/) /de nas dpal ldan rdo rje 'chang/ /zhes pa nas/ spyan sngar 'dug ste 'di skad gsol zhes pa'i bar du/ tshigs su bcad pa drug ni/ sdud pa po'i tshig go /khyab bdag bdag la sman pa dang zhes pa nas/ byang chub ci nas bdag thob mdzod ces pa ni bdag gi don no/ /nyon mongs pas ni sems dkrugs shing zhes pa nas/ bla med 'bras bu thob bya'i phyir zhes pa ni gzhan gyi don to/ /de ltar bdag gi don la nye bar mtshon nas/ sems can rnams yang dag par rdzogs pa'i byang chub thob pa la mngon par 'dod pa'i phyir gsungs pa'i dgos pa'o/ /mngon par dang las yang dag par rdzogs pa'i byang chub mngon du byas pa ni dgos pa'i dgos pa'o/ /de nyid 'dir brjod par bya ba dang/ brjod par bya ba'i tshul 'brel te/ rtog pa can gyi gang zag rnams rtog pa yongs su bsal ba nyid do// phun sum tshogs pa lnga nyid do/ /'dir phun sum tshogs pa ni/ chos thams cad skye ba med pa'i bdag nyid yi ge a nyid de/ /le'u 'di nyid du ni rdzogs pa'i sangs rgyas a las 'byung zhes pa dang/ le'u dang po las kyang/ a da?

  430. 215b

    gsang ba'i pad+ma dang/ /grags pa'i yul dang seng+ge'i khri/ /kun mkhyen sangs rgyas thams cad kyi/ /chos ston gnas su ngas bshad do/ /zhes gsungs pa'i phyir ro/ /ston pa phun sum tshogs pa ni/ /de bzhin gshegs pa shAkya thub pa nyid do/ /'khor phun sum tshogs pa ni/ /theg pa chen po'i gsang ba'i bdag po la sogs pa'i rdo rje 'chang ba rnams dang/ zhu ba yang gsang ba'i bdag po lag na rdo rje nyid dang/ chos phun sum tshogs pa ni yang dag pa'i don? ? blangs pa 'di nyid do/ /de la 'dir slob pa po/ /gang zag rdo rje 'chang zhes pa nas/ sems can rnams la bshad par 'tshal zhes bya ba'i bar du tshigs su bcad pa dgu ni/ zhu ba po'i tshig gsol ba gdab pa'i tshig go /gsang dbang lag na rdo rje yis zhes pa nas/ gsang dbang la ni slar gsungs pa zhes pa'i bar du tshigs su bcad pa bzhi ni/ sdud pa po'i mtshams sbyar ba'i tshig go /snying rje che dang ldan pa zhes pa nas/ khyod ni rtse gcig yid kyis nyon zhes pa'i bar du/ tshigs su bcad pa gsum du tshig rkang gcig gis ma tshang ba ni ston pa po'i skabs gnang ba byin pa'o/ /bcom ldan de ni legs shes gsol zhes bya ba nas/ mi skye chos can 'di gsungs pa/ zhes bya ba'i bar du tshigs su bcad pa gsum dang tshig rkang gcig gis ni sdud pa pos mtshams sbyar ba'i tshig go/ //a zhes pa nas ma zhes pa'i bar du yi ge drug cu rtsa bzhi ni chos kyi don bstan pa'o/ /'di ltar sangs rgyas bcom ldan 'das zhes pa nas/ theg pa chen po'i tshul gyi mchog ces pa'i bar du tshigs su bcad pa bcu bzhi ni/ sngags de nyid kyi don rdo rje dbyings kyi dkyil 'khor chen po'i tshul spyi'i don rgyas par bstan pa'o/ /sangs rgyas rnam par snang mdzad che zhes pa nas/ rdo rje lcags

  431. 216a

    kyu zhags pa che zhes pa'i bar du tshig rkang gcig gis ma gang ba'i tshigs su bcad pa nyi shu rtsa lnga ni chos kyi dbyings kyi ye shes kyi tshul ston/ rdo rje 'jigs byed 'jigs par byed zhes pa nas/ sgra dang ldan pa rnams kyi mchog ces pa'i bar du/ tshigs su bcad pa bcu dang tshig rkang gcig gis me long lta bu'i ye shes la bstod pa'o/ /yang dag bdag med de bzhin nyid ces pa nas/ ye shes me lce 'od rab gsal zhes bya ba'i bar du/ tshigs su bcad pa nyi shu rtsa gnyis kyis ni/ so sor rtog pa'i ye shes kyi tshul gyis bstod pa'o/ /'dod pa'i don grub dam pa ste zhes pa nas/ nor bu chen po rin chen tog ces pa'i bar du tshigs su bcad pa nyi shu rtsa bzhi ni mnyam pa nyid kyi ye shes kyi tshul gyis bstod pa'o/ /sangs rgyas kun gyis rtogs bya ba zhes pa nas/ 'jam dpal dpal dang ldan pa'i mchog ces pa'i bar du tshigs su bcad pa bco lngas ni/ bya ba grub pa'i ye shes kyis bstod pa'o/ /mchog sbyin rdo rje mchog khyod 'dud ces pa nas/ ye shes sku nyid khyod la 'dud ces pa'i bar du tshigs su bcad pa lngas ni/ de bzhin gshegs pa lnga la bstod pa'o/ /oM sarba d+harmA(rgyud 'grel): zhes pa nas/ dz+nyA na garg+ha A(rgyud 'grel): zhes pa'i bar du yi ge brgyad cu rtsa gnyis kyis ni/ chos thams cad rnam par dag pa'i tshul gyis/ shes rab kyi ngo bo gsungs ba'o/ /de nas dpal ldan rdo rje 'chang zhes pa nas/ rdzogs pa'i sangs rgyas rnams kyis bshad ces pa'i bar du tshigs su bcad pa lngas ni 'khor du 'dus pa thams cad kyis bcom ldan 'das kyis yang dag pa'i chos gsungs pa la rjes su yi rang bar bstod pa'o/ /de ltar thabs dang shes

  432. 216b

    rab gnyis kyis sngags ma gtogs tshigs su bcad pa brgya drug cu rtsa lnga yis theg pa chen po gsang sngags kyi zab mo'i don ma lus par bsdus pa'o/ /da ni le'u 'di nyid kyi don rnam par dgrol bar bya ste/ de nas dpal ldan rdo rje 'chang zhes bya ba la sogs pa la/ de nas zhes pa ni sgyu ma brtag pa'i le'u bzhi bcu rtsa gcig pa rdzogs pa'i rjes la sdud pa po yis mtshams sbyar ba'i don te/ zhu ba po 'di nyid kyi che ba'i yon tan yang dag par brjod pa ni/ tshogs rnams pa gnyis yongs su rdzogs shing/ shes rab dang snying rje dbyer med pas/ bdag dang gzhan gyi don phun sum tshogs par mdzad pa ni/ dpal ldan zhes bya ste/ de nyid gnyis su med pa'i ye shes chen po'i spros pa dang bral ba mnga' pa nyid kyi rtags su/ mtshan ma'i rdo rje phyag na 'dzin pas na ma ning gi rtags kyi rdo rje zhes bya'o/ /de nyid dus tha ma'i gdug pa can nga rgyal dang ldan pa rnams la 'dul bar mdzad pas na/ gdul dka' 'dul ba zhes bya'o/ /de yang de bzhin gshegs pa'i 'phrul pa zhi ba'i nyams dang ldan pa rnams kyis mi 'dul zhing khro bo'i bdag nyid chen por 'dul bar mdzad pas na/ mchog ces bya zhing rnam pa mang po 'dzin pas na rnams zhes bya'o/ /gdul bya sna tshogs rnams la thogs pa med par 'jug pas na/ dpa' o zhes bya ba dang/ dbang phyug chen po la sogs pa khams gsum gyi bdag po zhabs 'og tu chud par mdzad pas 'jig rten gsum las rgyal zhes bya'o/ /rdo rje dbang phyug gsang ba'i rgyal zhes bya ba la/ /rdo rje ni gsang sngags kyi theg pa mdza' dag yin zhing/ de nyan thos la sogs pa la gsang bar mdzad de/ bdag po'i gtso bo mdzad pas na/ gang na spyan pad+ma dkar po rgyas pa ltar gsal zhing 'bar

  433. 217a

    ba mnga' ba dang/ zhal pad+ma dmar bo ltar dmar zhing bzhad pa mnga' ba gang yin pa de la pad+ma rgyas 'dra'i zhal mnga' zhes bya la/ phyag na gser gyi rdo rje rtse lnga pa 'gro ba mdza' dag la phan par mdzad pa'i tshul dang/ dgos pa can gyi gang zag skrag par bya ba'i don du mdun gyi bar snang la yang nas yang du 'degs pas na/ rang gi lag gi rdo rje mchog /yang nas yang du gsor byed pa zhes bya'o/ /de nyid ji lta bu'i tshul dang ldan zhe na/ khro gnyer rim par ldan la sogs zhes gsungs te/ khro bo dang zhi ba la sogs pa'i gar dgu'i ro dang ldan pa gang yin pa de la de skad ces bya'o/ /nyid kyi sprul pa'i sku gnod sbyin gyi cha lugs 'jigs su rung ba mdza' yas pas gdug pa rnams 'dul bar bya ba'i phyir lag na rdo rje mdza' yas pa/ dpa' bo gdul dka' 'dul ba po/ /'jigs su rung dang dpa' byang can/ /rdo rje rtse mo rab 'phro ba/ /rang gi lag gi gsor byed pa/ /zhes gsungs te/ mdza' yas pa zhes pa ni/ gsum pa'i don la dang po'i tshig go /de dag ci ma rungs pa'i sems kyis sam zhe na/ ma yin te snying rje che dang shes rab dang zhes pa la sogs pa gsungs te/ thugs rje chen po'i mtshan nyid dang/ shes rab dbyer med pa gang la mnga' ba de la de skad ces bya'o/ /thabs kyis 'gro don byed pa'i mchog ces pa ni/ gdul bya rnams ji lta bus 'dul bar mkhyen pas/ 'dul bar mdzad pa nyid do/ /de rnams bdag pos bskul ba ma yin zhing rang rang 'gro ba'i don la dga' zhing mgu ba dang/ spro ba'i sems dang ldan pas na/ dga' mgu rangs pa'i bsam pa can zhes pas so/ /de dag thams cad kyang khro bo'i gzugs dang ldan pas na/ khro bo'i lus

  434. 217b

    kyi gzugs ldan pa zhes bya'o/ /de dag las ji lta bu zhes brjod ce na/ sangs rgyas phrin las byed pa'i mgon zhes gsungs te/ sangs rgyas rnams kyi phrin las ni/ ma grol ba rnams grol bar bya ba dang/ ma sgral ba rnams bsgral bar bya ba dang dbugs ma byung ba rnams dbugs dbyung bar bya ba dang/ mya ngan las ma 'das pa rnams mya ngan las 'da' bar mdzad pa nyid do/ /de lta bu'i phrin las gang la mnga' ba de la de skad ces bya'o/ /lus btud rnams dang lhan cig tu zhes pa ni de lta bu'i 'khor thal mo sbyar nas spyi bo 'dud yid gus pa dang ldan pa rnams/ gsang ba'i bdag po lag na rdo rje dang thabs gcig tu bzhugs nas spyan sngar 'dug ste 'di skad gsol zhes bya bar 'grel to/ /gang la gsol ba btab ce na/ de bzhin gshegs pa bcom ldan 'das rdzogs sangs rgyas la zhes gsungs te/ de bzhin gshegs pa shAkya thub pa nyid la'o/ /tshul ji lta bu zhe na/ phyag 'tshal nas zhes gsungs te/ lus dang ngag dang yid kyi sgo nas phyag 'tshal ba nyid do/ /de nas kyang gus pa'i khyad par du gyur pa ni thal mo sbyar bar byas nas ni zhes gsungs te/ gong ma la bsnyegs so/ /spyan sngar 'dug te 'di skad gsol zhes pa ni/ gsang ba'i bdag po nyid nges par gzung ba ste/ de bzhin gshegs pa'i spyan sngar 'dug nas 'di skad ces gsol ba btab po zhes bya ba nyid do/ /tshig ji lta bus gsol ba btab ces na/ khyab bdag bdag la sman pa dang zhes pa la sogs pa gsungs te khyab bdag ces pa ni de bzhin gshegs pa'i thugs rje chen po sems can thams cad la mnyam pa nyid kyi bdag mo'i tshul du nges par 'dzin pas na bod pa'i tshig go /gsang ba'i bdag nyid dus gsum gyi de bzhin

  435. 218a

    gshegs pa thams cad kyi rdo rje 'dzin pa'i ngo bo yin yang 'gro ba'i don du sa bcu'i dbang phyug gi tshul du bzhugs pas na 'bras bu'i don la rag las pa ltar ston na ni/ khyab bdag bdag la sman pa dang/ bdag don bdag la thugs brtse'i phyir zhes gsungs so/ /tshad du bya ba'i tshig gsum gyi 'bras bu gang zhe na snyam pa la/ sgyu 'phrul dra ba mngon rdzogs pa'i/ /byang chub ci nas bdag thob mdzad ces gsungs te/ theg pa chen po'i 'bras bu nges par bskyed pa'i rgyu/ /thabs dang shes rab gnyis su med pa'i bde ba chen po ni bya ba tshig chung du dngos grub kyi gzugs rnam pa sna tshogs bskyed par byed pas na/ sgyu 'phrul zhes bya zhing/ de nyid phyag rgya bzhi'i tshul gyis 'brel pas na dra ba zhes bya ste/ byed pa po'i tshig go /de lta bu'i tshul gyis bdag mngon par rdzogs par byang chub pa thob par mdzod ces bya zhing/ ci nas shes pa ni mi thob du mi rung ba'i don to/ /de nyid bdag gi don gyi dgos pa'o/ /ci sa bcu'i dbang phyug kyang nyan thos kyi nges pa bzhin du bdag gi don 'ba' zhig dang ldan nam zhe na/ ma yin te gzhan don phun sum tshogs pa ni/ nyon mongs pas ni sems bkrugs shing/ zhes bya ba la sogs pa gsungs te/ khams gsum gyi sems can rnams 'dod chags la sogs pa'i mngon par zhen pas sems bkrugs shing/ de'i rkyen gyis 'khor ba'i rgya mtshor mi shes 'dam du bying ba'i sems can kun la zhes bya'o/ /de rnams mngon par mtho ba dang/ nges par legs pa'i lam la bzhag pa ni/ phan pa zhes bya ste/ phan pa ni 'bras bu chen po nye bar bsdu ba'i tshig ste/ bla med 'bras bu thob bya'i phyir/ zhes bya bar 'grel to/ /de'i phyir gus pa dang ldan pas bstod pa ni

  436. 218b

    rdzogs pa'i sangs rgyas bcom ldan 'das zhes pa la sogs pa gsungs te/ yang dag pa'i sangs rgyas bcom ldan 'das zhes bos nas/ khyad par tshig 'gro ba'i bla ma ston pa po zhes bya'o/ /de nyid ji lta bu'i mkhyen pa dang ldan zhes na/ dam tshig chen po de nyid mkhyen/ /dbang po bsam pa mkhyen mchog gis zhes gsungs te/ sngon byang chub na bzhugs pa'i tshe/ sems can thams cad mngon par rdzogs par sangs rgyas par zhal gyis bzhes pa ni/ dam tshig chen po'o/ /de bzhin gshegs pa nyid kyis mngon par rtogs pa'i bdag nyid thugs su chud cing sngon gyi smon lam rjes su dran pa ni de nyid mkhyen te/ nyid kyi yang don zhes bya bar dgongs so/ /sems can rnams kyi las ji lta ba bzhin du mkhyen pa ni dbang po bsam pa mkhyen pa dang/ mos pa ji lta ba bzhin du mkhyen pa ni bsam pa mkhyen pa ste/ nyan thos pa la sogs pa ltar gyur pa mi mkhyen pa mi mnga' bas na mchog ces bya'o/ /gis zhes pa ni byed pa po'i tshig de de lta bu'i yon tan dang ldan pa khyod kyis bshad du gsol zhes bya ba'i tha tshig go /nges par gsol ba'i don gang ji lta bu snyam pa la/ /bcom ldan 'das kyi ye shes sku bya ba la sogs pa gsungs te/ dus gsum gyi sangs rgyas bcom ldan 'das thams cad kyi ye shes ni gnyis su med pa'i bde ba chen po spros pa thams cad dang bral ba nyid de/ gzugs sku rnam pa gnyis kyi rten du gyur pas na/ sku zhes bya ba dang/ de bzhin gshegs pa thams cad kyi gong na de las med cing bsngags pa'i tshul gyis dbu la khur bar mdzad pa dang/ nges par 'byed pa'i tshogs thams cad kyi rtsa bar gyur nas/ gtsug tor chen po'i tshig gi bdag ces bya ba nyid do/

  437. 219a

    de nyid glo bur ba ma yin zhing rkyen gyi sbyor ba dang bral bas 'od gsal ba rang gi ngo bor zhugs pas na/ ye shes sku ste rang 'byung ba zhes bya'o/ /'jam dpal ye shes sems dpa' zhes bya ba ni/ stong pa nyid dang snying rje dbyer med pa'i don gyis de bzhin gshegs pa thams cad kyi 'jam dpal te/ bde ba chen po'i sku dang ldan pas ye shes nyid dang/ rtag tu rgyun mi 'chad par 'gro ba'i don la/ mngon par brtson pas na sems dpa' zhes bya zhing/ brjod par bya ba dang don gyi dngos po 'grel pas drug ba'i tshig go /de nyid dngos po'i rnam par rtog pa dang/ mtshan ma'i rnam par rtog pa thams cad bral zhing/ bdag dang gzhan gnyis kyi brjod pa dang/ bral bas ci ming yin te/ med pa'i yi ge gnyis so/ /med pa la phan par 'dod pa'i tshul gyis chos kyi mtshan nyid phyin ci ma log par rtogs pa na/ ming ni yang dag brjod pa'i mchog ces bya'o/ /nges par gsol ba'i don de yon tan ji lta bu dang ldan zhe na/ don zab don ni rgya che zhing zhes pa la sogs pa gsungs te/ de la don ni yang dag par rdzogs pa'i sangs rgyas nyid yin zhing/ de grub par byed pa'i thabs la yang don zhes bya'o/ /zab ni sa dang pha rol phyin pa la sogs pa'i gnyen po'i chos mi ston zhing/ 'gal ba'i chos kyi rtogs par dka' zhing myur bar 'dod pa'i 'bras bu grub pa nyid do/ /don rgya che ba ni theg pa chen po'i sems kyi sems can ma lus pa'i don la mngon par brtson pa'o/ /don chen mtshungs med rab zhi ba zhes pa/ de ltar bdag dang gzhan gyi don phun sum tshogs par bsgrub pa ni/ nyan thos la sogs pa ltar bdag gi don 'ba' zhig ma yin pas mtshungs pa med cing/ /de nyid bde ba chen po'i

  438. 219b

    tshul gyis rnam par rtog pa thams cad zhi bar byed pas na rab zhi ba zhes bya ba nyid do/ /ci de nyan thos la sogs pa ltar rgyu dang lam sdug bsngal ba nyid kyis byang chub sgrub bam zhe na ma yin te/ thog ma bar dang mthar dge ba zhes gsungs te/ de la thog mar dge ba ni sgrub pa thabs dang shes rab snyoms par 'jug pa'i tshul gyis so/ /bar du dge ba ni rgyu sgrub pa nyid kyi mnyam par bzhag pa'i bde ba rgyun tu bsgom pa yin la/ des bsgrub pa'i 'bras bu chos kyi sku ni mdza' mar dge ba zhes bya ba nyid do/ /zab mo'i don 'di nyid da ltar gyi ston pa shAkya thub pa kho nas gsungs sam zhe na ma yin te/ 'das pa'i sangs rgyas rnams kyis gsungs/ /ma 'ongs rnams kyang gsungs 'gyur la/ /da ltar byung ba'i rdzogs sangs rgyas/ /yang dang yang du gsungs pa gang/ zhes gsungs te/ 'das pa'i de bzhin gshegs pa mar me mdzad gcig pus kyang ma yin te/ da ltar gyi de bzhin gshegs pa shAkya thub pas kyang ma yin/ ma 'ongs pa'i de bzhin gshegs pa byams pas kyang ma yin zhing/ 'das pa'i de bzhin gshegs pa rnams kyis kyang 'di nyid gsungs la/ da ltar gyi de bzhin gshegs pa rnams kyis 'di nyid gsungs pa dang/ ma 'das pa'i de bzhin gshegs pa rnams kyis kyang 'di nyid gsung par 'gyur ro/ /zhes bya bar dgongs so/ /da ltar 'di rgyud gang las gsungs she na/ rgyud chen sgyu 'phrul dra ba las zhes gsungs te/ rgyud kyi rgyal pa chen po sgyu 'phrul dra ba le'u khri drug stong pa las gsungs zhes bya ba nyid do/ /de ji lta bu'i tshul du gsungs she na/ rdo rje 'chang chen gsang sngags 'chang zhes bya ba la sogs pa gsungs te/ de la rdo rje 'chang chen po ni

  439. 220a

    sangs rgyas thams cad kyi thugs kyi ngo bo sems dpa' dang/ gsang sngags 'chang ba ni de'i 'khor du gyur pa'i rdo rje'i rigs kyi bdag nyid can rnams so/ /dpag med rnams kyis dga' bzhin du zhes pa ni 'khor de lta bu na 'jig rten khams kyi rdul phra rab dang mnyam pa mtshungs pa med pa rnams kyis/ bde ba chen po dang ldan pas 'gro ba'i don du gsungs so/ /zhes bya ba nyid do/ /de nyid bre mo'i tshul gsungs pa ma yin pa ni/ glur blangs gang lags bshad du gsol zhes gsungs so/ /de la glu ni rdo rje'i glu zab mo'i don rdo rje'i tshig tu gsungs pa yin zhing/ yon tan gyi tshigs bdag tu byas pas/ de kho na nyid kyi don rtogs par byed pas na glu zhes bya ba yin la de gang yin pa de bdag la bshad du gsol zhes bya ba nyid do/ /zhu ba po rang gi dogs pa gsal ba'i phyir/ mgon po rdzogs sangs rgyas kun gyi/ /gsang 'dzin ci nas bdag 'gyur phyir zhes gsungs te/ phyogs bcu dus gsum gyi sangs rgyas thams cad kyi sku gsung thugs kyi gsang ba'i bdag po bdag yin pa'i phyir na/ zab don gyi snod yin zhes bya ba nyid de/ de nyid ma 'ongs pa'i tshig tu ston kyang 'das pa dang/ da ltar gsum gsum gyi bdag po yin zhes bya ba nyid do/ /nges par 'byung gi bar du 'di/ /bdag gi bsam pa brtan pas gzung zhes pa ni theg pa chen po gsang sngags kyi nges pa'i lam zab mo 'di/ /bdag nyid yang dag par rdzogs pa'i byang chub thob kyi bar du som nyi dang rnam par bral pas mi bcom pa'i tshul gyis brtan par gzung zhes bya ba nyid do/ /bdag nyid nges pa'i ye shes dang ldan nas 'gro ba gzhan las yang dag par phan pa'i tshul gyis/ ston par 'dod pa

  440. 220b

    ni nyon mongs ma lus bsal ba dang/ mi shes ma lus spangs pa'i phyir/ /bsam pa'i khyad par ji bzhin du/ /sems can rnams la bshad par 'tshal/ /zhes gsungs te/ khams gsum gyi sems can rnams 'bras bu nyon mongs par sred pa dang/ nga rgyal la sogs ba sdug bsngal rnam pa sna tshogs pa rnams bsal ba dang/ rtsa ba'i nyon mongs pa ma rig pa las bzlog pa'i phyir/ theg pa chen po'i don mngon par dad pa rnams la/ zhi ba'i sems dang ldan pa rnams la ji lta ba bzhin du/ nges pa dang ma nges ba'i tshul du bshad par 'dod ces bya ba nyid do/ /gsang dbang lag na rdo rje yis/ /de bzhin gshegs la de skad du/ /gsol nas thal mo sbyar byas te/ /lus btud nas ni spyan sngar 'dug /ces pa ni gong du smos pa'i zhu ba'i tshig de lta bus de bzhin gshegs pa la gsol pa btab nas gus pa dang ldan ba'i tshul gyis spyan sngar 'dug ces bya ba nyid do/ /de nas bcom ldan shAkya thub ces pa la sogs pa ni de bzhin gshegs pa'i che ba'i yon tan brjod pa ste/ de la yang dag par rdzogs pa'i sangs rgyas bcom ldan 'das lha dang mi rnams kyi mchog ces pa nyid do/ /nyid kyi zhal nas ljags bzang ba/ /ring zhing yangs pa brkyang mdzad de/ ces pa ni brgyud pa'i sgo nas chos ston pa yin zhing/ nyid kyis legs pa'i 'bras bu dang ldan pa'i chos ston pas na ljags bzang can zhes pa ste/ 'jig rten na khas smras pa'i tshig bzang po la yang khas bzang zhes pa lta bu'o/ /ring zhing yangs pa brkyang mdzad de zhes pa ni bskal pa dpag tu med pa nas bsags pa'i nyon mongs pa sel bar mdzad pas ni ring ba dang/ de nyid 'gro ba ma lus pa la phan par 'dod pas na yangs pa ste/ de

  441. 221a

    mtshon pa'i dbyibs kyi ljags la yang de skad bya ba nyid do/ /seng+ge glal ba la sogs pa lta bu ni ma yin pa nyid do/ /de bzhin gshegs pa'i gsungs de nyid yon tan ji lta bu dang ldan zhe na/ 'jig rten gsum po snang byed cing zhes gsungs te/ de la 'jig rten gsum ni 'dod pa dang/ gzugs dang gzugs med pa gsum yin/ de rnams kyi ma rig pa'i mun pa sel bar byed pas na/ snang byed cing zhes bya'o/ /de nyid 'dod chags la sogs pa/ bdud bzhi'i dgra rnams 'dul bar byed pa zhes pa ni lha'i bu'i bdud la sogs pa rnam pa bzhi 'dul bar byed pa ste/ rgas pa dang nad drag po rnams te/ de spong bar byed ces bya ba'i don to// sems can rnams kyi ngan song gsum/ /sbyong bar byed pa'i 'dzum bstan nas/ /zhes pa ni/ phyin ci log gis bskyed pa'i srid pa la sogs pa ngan 'gro rnam pa gsum gyi rgyu sbyong bar byed pa la skyes pa'i tshul gyis/ zhal nges par bshad pa nyid do/ /tshangs pa'i gsung ni snyan pa yis/ /'jig rten gsum po kun bkang nas zhes pa la/ tshangs pa ni rnam par rtog pa'i tshogs mdza' dag dang bral ba yin te/ gsung snyan pa ni de bzhin gshegs pa'i bka' phan par 'dod pa'i tshig can no/ /'jig rten gyi khams gsum po ma lus pa nyid de/ kun bkang zhes 'das pa'i sgrar gsungs kyi/ gsung de nyid snying rje che dang zhes bya la sogs pa nyid yin zhing/ seng+ge nga ro lta bu nyid ma yin pa nyid do/ /de gang la gsungs she na/ lag na rdo rje stobs po che/ /gsang dbang la ni slar gsungs te/ /slar zhes bya ba ni lan gyi tshig ces bya ba'i don to/ /gong gi tshangs

  442. 221b

    pa'i gsung de nyid bstan pa'i phyir/ snying rje che dang ldan gyur pa zhes pa la sogs pa gsungs te/ zhu ba po de nyid gzhan gyi don la mngon par brtson pa'i sems dang ldan pa ni snying rje chen po'o/ /de nyid gang zhe na 'gro la phan pa'i don du khyod ces gsungs te/ de ched du bya ba'i ma ning gi rtags kyis ston pa po dang zhu ba po gnyi ga la sbyar zhing/ khyod ces pa ni bdun pa'i don la dang po'i tshig go /zhus pa'i don de nyid la de bzhin gshegs pa mngon par dga' ba dang ldan par bstan pa ni/ ye shes lus can 'jam dpal gyi zhes pa la sogs pa ste/ de la ye shes ni spros pa thos pa thams cad dang bral ba/ gnyis su med pa'i ye shes bde ba chen po yin la/ de nyid sprul pa sna tshogs pa rnams kyi rten yin pas na lus zhes bya ba ldan pa'i sgra ni tshig gi tshogs de nyid la de'i don nyid do/ /'jam dpal ni thabs dang shes rab gnyis su med pa'i bsod nams dang ye shes kyi tshogs rdzogs par byed pa ste/ de yang le'u dang po las/ ma ni rtog med shes rab ste/ /na ni gnyis med bde ba ste/ /dza ni 'gro la thugs rje'i bdag /u ni thabs su yang dag bcas/ /sh+rI ni bsod nams ye shes kyi/ /tshogs rdzogs pa ru mdzad pas na/ /mi skye chos can thams cad kyi/ /'jam dpal bdag nyid chen po yin/ /zhes gsungs pa'i phyir ro/ /ming brjod pas ni don che ba zhes pa ni/ de lta bu'i 'jam dpal de tshig gi brjod pa dang bral kyang/ tshig gi brjod pa dang/ de nyid don chen po dang ldan pa gang yin pa de la de skad ces bya'o/ /dag par byed cing sdig sel ba zhes bya ba ni/ don gyi mtshan nyid de lta bu bag chags kyi dri ma rnam par dag par byed cing/ sdig pa sel bar mdzad pa nyid de/

  443. 222a

    rgyu 'bras kyi tshul gyis bstan pa'o/ /nga las nyan par brtson pa ni/ zhes pa ni de bzhin gshegs pa nyid las nyan par 'dod pa ni zhes bya bar sbyar te/ leg so dpal ldan rdo rje 'chang/ /lag na rdo rje ma khyod legs so zhes pa ni de lta bu'i zab mo'i don 'gro ba la phan par 'dod pa'i tshul gyis/ /nga las nyan pa ni kye rdo rje 'chang khyod legs so legs so khyod ces mngon par dgyes pa'i tshul gyis bstod pa'o/ /gsang ba'i bdag po de phyir ngas khyod la legs par bstan par bya zhes bya ba la/ gsang ba'i bdag po ni gong du bshad zin la/ de phyir zhes bya ba ni ched du bya ba ni ma yin gyi rtags can yin zhing ngas khyod la phyin ci ma log pa'i tshul gyis 'bras su bzang po byin par bstan par bya'o/ /zhes pa ste bstan par bya zhes pa ni ched pa'i tshig la dang po'i don no/ /khyod ni rtse gcig yid kyi nyon zhes pa ni/ zhu ba po nyid bsam pa gcig pa dang ldan pas chos kyi 'khor lo lan gnyis bskor cig ces bya ba nyid do/ /de dag ni de bzhin gshegs pa'i bka' yin la/ bcom ldan de ni legs shes gsol/ zhes pa ni zhu ba po dang sdud pa po'i tshig 'dres pa ste/ bcom ldan de ni legs shes pa ni kye bcom ldan 'das legs shes pa ste/ zhu ba po'i tshig go /zhes gsol zhes pa ni/ de skad ces gsol ba ste/ zhes pa ste/ sdud pa po'i tshig go /de nas bcom ldan shAkya thub ces pa la sogs pa ni/ sdud pa po'i tshig ste/ 'di lta bu'i don thugs la bzhag nas/ de dang ldan pa'i sngags 'di gsungs so/ /zhes bya bar 'brel to/ /de la don gyi mtshan nyid ni/ ji lta bu zhig dang

  444. 222b

    ldan snyam pa dang/ gsang sngags rigs chen thams cad dang zhes bya ba gsungs te/ sngags 'di yid skyob par byed pa dang/ gsang ba ni de nyid bde ba chen po'i tshul gyis bstan pa ste/ rigs ni grangs ni yongs su dag pa'i thabs dang bcas/ /de bzhin gshegs kun snying po dang/ /phrag ma gnyis dang yig 'bru gsum/ /bcom ldan ye shes gzugs can dang/ /dag gi dbang phyug gnon pa che/ /chos kun nam mkha' i mtshan nyid dang/ /dri med yongs su dag pa rnams shar lho nas mtshams rims bzhin dgod/ /rtsibs kyi mu khyud 'khor bar ni/ /sarba d+harmA(rgyud 'grel): zhes pa nas/ ta thA ga ta'i bar du dgod/ /de ltar thabs dang shes rab kyi/ /'khor lo gnyis ni gsal bltas nas/ /yi ge 'od zer sgo? bsdu las/ /sdang sems nang du chud pas ni/ /brtan pa'i sems kyis bsgom par bya/ /de yis chos rnams thams cad ni/ /gnyis med ye shes bde ba che/ /'od gsal bar du gsal bar 'gyur/ /zhes bya ba ni bsgom pa yongs su rdzogs pa'i mtshan nyid do/ yid skye bar ma gyur de srid du bsgom par bya'o/ /yid skyo bar gyur na thabs dang shes rab kyi sngags mdo las gsungs pa bzhin du 'khor lo'i tshul gyis 'bru drug la sogs bzlas par bya'o/ /de nas skye ba de yang bdag dang sems can thams cad dang thun mong du bya'o/ /bla na med pa'i byang chub tu yongs su bsngo bar bya'o/ /'jam dpal ye shes sems dpa' yongs su grub pa nyid gshegs su gsol ba ni/ bde bar gshegs so bcom ldan 'das/ /khyod kyi sems can don kun mdzad/ /dngos grub tshul bzhin gsal lags kyis/ /sangs rgyas yul du gshegs nas kyang/ /slar yang 'byon par mdzad du

  445. 223a

    gsol/ /zhes pas gshegs su gsol lo/ /'khor lo yi ge dang bcas pa rnams sdud pa'i tshul gyis bdag nyid la bstim nas/ spyod lam thams cad 'jam dpal ye shes sems dpa' i ngo bos gnas par bya'o/ /de ltar rgyun tu bsgom pa'i phan yon ni/ phan yon bstan pa'i mdo las/ lag na rdo rje rdo rje 'chang chen zhes bya ba nas/ phyogs bcu dam pa chos kyi sku sgra chen po rgyun mi 'chad pa sgrogs pa'i chos kyi rgyal po chen por 'gyur ro zhes bya ba'i bar du phan yon ma lus par bstan pa go bar bya'o// //da ni 'jam dpal ye shes sems dpa' gsang sngags rigs chen thams cad dang zhes bya ba bstan pa'i phyir/ 'di ltar sangs rgyas bcom ldan 'das zhes bya ba la sogs pa gsungs te/ 'di ltar zhes pa ni dmigs nye bar ston pa'i tshig go /rdzogs pa'i sangs rgyas a las 'byung/ /zhes pa la/ yang dag par rdzogs pa'i sangs rgyas bcom ldan 'das a las skye zhes bya ba nyid de/ de la a ni yi ge ste/ rnam par dbye ba zhes bya ste/ bye brag mang po'i tshul gyis mnos zhes bya ba nyid do/ /chen po nyid kyang chos thams cad kyi rtsa bar gyur pa yin zhing/ rgyu'i tshul gyis ma lus par bstan to/ /gsang sngags rigs sngags 'chang ba'i rigs zhes bya ba ni/ bde ba chen po nye bar mtshon pa nyid rigs las skyes pa'i phyir rig sngags te/ 'dzin pa la brtsams par 'chang ba dang/ bgrang ba nye bar mtshon pa'i phyir na rigs zhes bya'o/ /de nyid lam gyi mtshan nyid sems dpa' gsum gyi bdag nyid bsgrub pas na/ rigs gsum la ni rnam par gzigs shes pa ste/ blta ba ni yid kyi nges par blta'o zhes bya bar

  446. 223b

    dgongs so/ /sems dpa' gsum gyi las 'bras bu rnam pa gnyis 'byung bar bstan pa ni 'jig rten 'jig rten 'das pa'i rigs zhes gsung te/ tshangs pa la sogs pa'i 'jig rten pa'i dngos grub po zhes te/ de yang rnam pa mang po dang ldan par rigs zhes bya'o/ /'jig rten 'das pa'i rigs gang zhe na snyam pa la/ 'jig rten snang byed rigs chen dang zhes gsungs te/ 'jig rten ni 'jig rten pa'i mtshan nyid yin la/ bde ba chen po'i tshul gyis na snang bar byed pa zhes bya ba dang/ sangs rgyas thams cad kyi gdon de las gzhan med pas na/ chen po zhes bya ste/ de nyid chos kyi sku'o/ /phyag rgya chen po'i rigs mchog dang zhes pa ni/ mtshan dang dpe byad kyis brgyan pa sa bcu pa'i ston pa/ sku phyag rgya chen po'i tshul gyis bzhugs shing/ zhing khyad par can gyi bdag po mchog ces bya ste/ de nyid longs spyod rdzogs pa'i sku'o/ /rigs chen gtsug tor cher gzigs nas zhes pa ni sprul ba'i sku ste/ mdzad pa khyad par can dang ldan pas na/ chen po zhes bya ba ste/ 'jig rten pa thams cad kyi gtsug gi nor bur gyur pas na gtsug tor zhes bya ste/ gzigs pa ni de lta bu'i tshul gyis thugs la gzhag pa yin te/ dgos pa'i khyad par yin pa ni/ 'jig rten na de la bltas nas de bya zhes zer ba de lta bu'o/ /de lta bu'i don dag ji lta ba gsungs she na/ tshig gi bdag pos tshigs su bcad ces pa ni/ gsum pa'i don la dang po'i tshig ste/ tshigs su bcad pas gsungs so zhes bya ba nyid do/ /gsang sngags rgyal po drug ldan zhing zhes ni dngos po kun gyi rigs drug dang/ zhar las byung ba'i 'jig rten pa'i rigs gsal ba'i rgyu 'bras

  447. 224a

    kyi rigs drug ste/ de nyid gsang sngags kyi tshul du gsungs pa dang/ rig pa kun gyi rgyal pos ni/ gsang sngags rgyal pos zhes bya'o/ /de dag rigs nges pa nyid ma yin zhing rigs gcig par bsnyen pa ni gnyis su med par 'byung ba dang/ zhes gsungs te/ rigs thams cad bde ba chen po'i tshul gyis ces bya bar dgongs so/ /mi skye chos can 'di gsungs pa zhes ba ste/ bdun pa dang byed pa 'dom pa'i tshig ste/ chos thams cad skye ba med pa las skye bar gsungs pa dang/ rnam par rtog pa'i chos mi skye bar byed pa'i chos gsungs zhes pa ste/ ldan pa ni sngag kyi tshig 'di nyid la ldan par bstan pa de nyid yin la/ de dag gis ni 'brel ba gsum gyi bdag nyid nges par bstan pa rdzogs so// //da ni chos thams cad skye ba med pa las skye bar gsungs pa dang/ rnam par rtog pa'i tshogs thams cad mi skye bar gsungs pa ni/ a A i a'i zhes pa nas/ ya te na ma: zhes bya ba'i bar du yi ge drug cu rtsa bzhi rnams te/ 'di ni chos thams cad kyi rtsa bar gyur pa thabs dang shes rab gnyis su med pa'i 'jam dpal ye shes sems dpa' bsgom par bya ba yin la/ bdag nyid nges par 'byung bar 'dod pa rnams kyis/ 'di ltar rang bzhin mngon par dga' ba'i gnas su stan pa de ba la 'dug nas/ me tog la sogs pa mchod pa'i yo byad mdun du bshams la/ rang gi snying gar nyi ma'i dkyil 'khor gyi steng du tha ma'i ye shes bzhag ste/ de las 'od zer spros pas bcom ldan 'das 'jam dpal ye shes sems dpa' thabs dang shes rab kyi bdag nyid can dang/ dus gsum gyi de bzhin gshegs pa rnams mdun gyi nam mkha' la

  448. 224b

    spyan drang ste ba lta bar bya'o/ /de la bdag gis sarba ta thA ga ta many+dzu sh+rI dz+nyA na mUrti pA dA ban dA nAM ka ro mi zhes pas phyag bya'o/ /de'i rjes la phyi dang nang gi mchod pa rnams kyis legs par mchod de/ de'i mdun du sdig pa bshags pa la sogs pa 'di ltar bya ste/ bdag gi tshe rabs thogs ma mchis pa nas/ da ltar gyi bar du sgo gsum nas sdig pa bgyis pa thams cad bcom ldan 'das kyi spyan sngar so sor bshags so/ /phyogs bcu'i sangs rgyas dang byang chub sems dpa' dang/ khams gsum gyi sems can thams cad kyi dge ba la rjes su yi rang ngo/ /bdag dang de dag gi /bgyi ba gcig tu gyur pas bla na med pa'i byang chub tu yongs su bsngo bar bya'o/ /khams gsum gyi sems can rnams theg pa chen po gsang sngags kyis bla na med pa la nges par bzhag go /bdag gis sems can mngon par rdzogs par byang chub par bya ba'i phyir/ theg pa chen po bla na med pa'i byang chub chen por sems bskyed do/ / de bzhin gshegs pa thams cad dang 'jam dpal ye shes sems dpa' la skyabs su mchi'o/ /yang dag par glur blangs pa'i chos la skyabs su mchi'o/ /phyir mi ldog pa'i byang chub sems dpa' i tshogs la skyabs su mchi'o zhes bya'o/ /de nas sems can thams cad la phan par 'dod pa'i bsam pas byams pa dang/ sdug bsngal la nye bar dmigs pa'i snying rje dang/ de la mngon par dga' ba'i dga' ba dang/ dmigs pa med pa'i btang snyoms bsgom par bya'o/ /de nas sarba ta thA ga ta badzra mu(rgyud 'grel): zhes byas tshogs kyi dkyil 'khor gshegs su gsol te/ oM sarba d+harmA(rgyud 'grel): shUn+ya tA dz+nyA na badzra swa b+hA bA At+ma konya haM/ zhes bya bas dngos po thams

  449. 225a

    cad stong pa nyid spros pa thams cad dang bral ba 'od gsal ba'i ngo bor bsgom par bya'o/ /de'i rjes la ram las nyi ma'i dkyil 'khor gyi steng du hUM bsam mo/ /de gyur pa las sna tshogs rdo rje'o/ /de las 'od zer spros pas ji tsam 'dod pa'i rgya bar mtshams med par gyur pa'i rdo rje'i sa gzhi dang/ de las logs su gyur pa'i rdo rje ra ba dang/ steng du gyur pa rdo rje'i gung rnams kyi mi bzad pa'i 'od dang ldan pa bsgom par bya'o/ /de'i steng du h+ri(rgyud 'grel): dmar po yongs su gyur pa las pad+ma dmar po 'dab ma brgyad pa snying po dang ze 'brur ldan pa bsams te/ de'i steng du raM las nyi ma'i dkyil 'khor bsgom par bya'o/ /de'i steng du tha ma'i kha dog dmar po bsam ste/ de las gyur pa las utpa la ras gris mtshan pa kha dog dmar po de dag gi lte ba la tha ma'i yi ge gsal bar bya'o/ /sa bon de nas 'od zer spros pas phyogs bcu dus gsum gyi de bzhin gshegs pa thams cad bkug ste zhugs par bsam mo/ /de dag yongs su gyur pa las bcom ldan 'das ye shes sems dpa' sku mdog dkar po zhal gcig phyag gnyis pa pad+ma'i steng na nyi ma'i dkyil 'khor gyi gdan la bzhugs pa/ lo bcu drug pa'i cha byad can gser gyi rgyan cha lngas brgyan cing nyi ma'i dkyil 'khor gyi 'od ldan pa/ rdo rje skyil mo krung gis tshul gyis/ phyag g.yas pa na shes rab kyi ral gri utpa la las 'debs pa'i tshul gyis spyi bo'i steng na 'dzin cing/ phyag g.yon pa chos thams cad stong pa nyid du ston pa'i shes rab kyi pha rol tu phyin pa'i po ti 'dzin pa bsgom par bya'o/ /de nas rang gi snying gar nyi ma'i dkyil 'khor gyi steng du tha ma'i yi ge bzhag nas/ de las 'od

  450. 225b

    zer spros pas 'jam dpal ye shes sems dpa' yongs su grub pa nyid mdun gyi nam mkha' la spyan drangs shing/ zhal bsil la sogs pas mchod nas/ dza(rgyud 'grel): hUM baM ho/ /zhes brjod pas bdag nyid la zhugs par bya'o/ /de nyid chu dang 'o ma 'dres pa ltar bsams nas/ yang snying ga'i tha ma las 'od zer spros pas/ de bzhin gshegs pa thams cad spyan drangs nas/ dbang bskur bar gsol ba gdab par bya ba ni/ oM sarba ta thA ga ta a b+hi Shiny+tsa tu mAM many+dzu sh+ri ye zhes bya bar rig pa'i lha mo rnams kyis/ bdud rtsi'i chus dbang bskur bar bsam par bya'o/ /de nas chos rnams thams cad kyis/ /don gcig gnyis med yid ldan zhing/ /tshogs mchog sku gsum sgrub byed pa/ / tshigs su bcad pa rab bstan bya/ /nyi ma'i dkyil 'khor dbus gnas par/ /'khor lo ser po rtsibs brgyad ni/ /gser gyi 'od dang bcas pa bsgom/ /lta ba la ni 'jam byed pa'i/ /yi ge thig le bcas pa bsgo de yi shar phyogs rtsibs la ni/ /dngos kun skye ba med pa dgod/ /lho yi phyogs la rdul dang bral/ /nub phyogs don dam kun bskyed de/ /byang phyogs sems nyid ngo bo yin/ /shar lho sna tshogs dngos grub nyid/ / theg pa kun bral lho nub yin/ /de nyid rtog byed nub byang ste/ /chos rnams ming med byang shar yin/ /yig 'bru de dag gsal btab ba/ /gur gum me tog 'dra bar bsgom/ rtsibs kyi bar rnams thams cad la/ / shar lho nas brtsams rims bzhin du/ /ye shes lus can snying po bstan/ /bdag nyid nges pa'i sangs rgyas dang/ /de nyid sangs rgyas rnams su bstan/ /dus gsum chos kyi 'khor lo bskor/ /rdo rje rnon pos sdug

  451. 226a

    bsngal gcod/ /shes rab ye shes sems dpa' i gzugs/ /ye shes sku yi mtshan nyid dang/ /dag gi dbang phyug ces pa dgod/ /rtsibs kyi mu khyud thams cad du/ /'gro la phan pa'i tshul can gyis/ /ris drug sku yi sa bon ni/ /dbyangs yig bcu gnyis legs par dgod/ /'og tu zla ba'i dkyil 'khor la/ /'khor lo rtsibs brgyad 'od ldan pa/ /kun da ltar dkar mdangs dmar bsgom/ /de nas dga' ba kun bskyed pa'i/ /yi ge thig le bcas bsgom pa/ /shar gyi rtsibs la dbyings kyi lha/ /lho phyogs kun gyi yum du gsungs/ /nub phyogs rig 'dzin sa yi ste/ /byang phyogs gdug pa drag po ste/ /shar lho shes pa'i lugs can yin lho nub sna tshogs gdul bya ste/ /nub byang 'gro la phan par 'dod/ /byang shar srid pa'i 'dod chags bral/ /de dag pad+ma'i rtsa ba ltar/ /'od dang bcas pa bsgom par bya/ /rtsibs kyi bar ni thams cad du/ /ye shes lus can 'jam dpal dang/ /yi ge ni mi 'gyur ba nyid yin no/ /kun rdzob dang don dam pa'o/ /kun rdzob la rnam pa gnyis te/ brda'i yi ge dang/ brjod pa'i yi ge'o/ /don dam pa la rnam pa gnyis te/ chos kyi dbyings dang/ ye shes kyi tshul can yin la/ de dag thams cad skye ba med pa'i tshul gyis a zhes bya ba nyid de/ de thugs su chud pa la sangs rgyas yin zhing/ de bas na rdzogs pa'i sangs rgyas a las 'byung zhes bya ba nyid do/ /a ni yi 'bru kun gyi mchog ces bya ba ni/ de ltar kun rdzob dang don dam pa gnyis ka mchog ces bya ba nyid do/ /de la kun rdzob la ni brjod pa thams cad la a gtso bor gyur pa na mchog

  452. 226b

    ces bya'o/ /brda ni brjod pa la rag las pa'i phyir rnam par dbye ba gzhan du med do/ /don chen yi ge dam pa yin zhes pa de yis don sgrub par byed pas ni don chen po yin zhing/ de nyid yi ge dam pa zhes bya'o/ /de yi ge kun la khyab kyang dbyer mi phyed pa'i phyir/ /khong nas 'byung ba skye ba med ces bya'o/ /de nyid brjod pa dang bral bas na/ tshig tu brjod pa spangs pa ste zhes bya zhing/ brjod pa thams cad kyi rgyur gyur pas na/ brjod pa kun gyi rgyu yi mchog ces bya'o/ /de nyid kyis tshig gi tshogs thams cad gsal bar byed pas na/ tshig kun rab tu gsal bar byed ces te/ kun rdzob kyi tshul du bshad do/ /don dam pa'i tshul du bshad pa ni/ gnyis su med pa'i ye shes bde ba chen po'i rnam par rtog pa'i tshogs mdza' dag a yin la/ de nyid bde ba zag pa dang bcas pa'i phung po dang/ khams dang bcas pa'i skye mched dang thams cad kyi mchog tu gyur pas na mchog ces bya'o/ /de nyid bsgrub par bya ba'i don chen po mi 'gyur ba nyid yin pas ?/ don chen yi ge dam pa yin zhes bya'o/ /khong nas 'byung ba skye ba med ces bya ba ni/ zag pa dang bcas pa'i phung po dang/ khams dang skye mched la gnas kyang/ de las ma skyes pa nyid do/ /tshig tu brjod pa spangs pa ste/ zhes pa ni de nyid ngag gis brjod pa dang bral ba'o/ /brjod pa kun gyi rgyu yi mchog ces pa ni/ de ltar phung po dang khams dang skye mched thams cad kyi rgyu yin zhing/ 'od gsal ba'i ngo bo ste/ mchog ces bya'o/ /de nyid rten la gnas kyi bar du/ dngos po thams cad gsal bar gyur pas na/ tshig kun rab tu gsal bar byed ces bya'o/ /yang chos nyid stong pa nyid 'di ltar snang ba'i rnam pa thams cad kyi mchog tu gyur pas na/ a ni yig 'bru kun gyi mchog ces bya'o//

  453. 227a

    don chen dam pa yi ge yin zhes bya ba ni/ de nyid don dam pa'i sgrub pa mi 'gyur ba nyid yin pas na de skad ces bya'o/ /khong nas 'byung ba skye ba med ces pa ni/ 'jig rten pa'i dngos po thams cad stong pa nyid kyis khyab kyang dbyer med pa'i phyir ro/ /de nyid tshig gi brjod pa las 'das pas na/ tshig tu brjod pa spangs pa ste/ zhes bya'o/ /rten dang brten pa thams cad kyi rgyur gyur pa dang/ rtog pa'i dri ma dang bral ba'i phyir/ brjod pa kun gyi rgyu yi mchog ces bya'o/ /tshig kun rab tu gsal bar byed ces bya'o/ /dngos po'i rnam par rtog pa rnams/ chos nyid stong pa nyid mthong bar gsal bar byed pas na/ de skad ces bya'o/ /de ltar don dam pa thabs dang shes rab gnyis su med pa'i don bde ba chen po'i ye shes te/ bltos pa med pa'i mtshan nyid kyi bsgom par bya ba 'am zhe na ma yin te/ bdag dang gzhan gyi don phun sum tshogs pa'i bdag nyid phyag rgya chen po'i dngos grub ni/ snod rnam par dag par byas pas bskyed pa ste/ de bas na dbang gi gnas skabs bstan pa ni/ mchod pa chen po 'dod chags che ste lha dang mi rnams kyi ston pa sprul pa'i sku ni tshogs pa'i ming dang ldan zhing 'khor ba ji srid kyi bar du 'gro ba'i don 'byam klas par mdzad cing/ thugs mnyam pa nyid kyi don thams cad snyoms par mdzad pa ni/ ming yang che zhing rgya che ba/ /dkyil 'khor chen po yangs pa yin zhes bya'o/ /de ltar sku gsum gyi bdag nyid chen po'i rang bzhin bstan pa ni/ shes rab mtshon chen 'chang ba ste/ zhes pa la sogs pa gsungs te/ de nyid 'jig rten pa'i dpe bzhis bstan pa ni/ ral gri chen po dang lcags kyu chen po dang/ grags pa

  454. 227b

    chen po dang/ snang ba chen po rnams thabs shes rab gnyis su med pa'i dga' ba dang po ni/ rnam par rtog pa'i tshogs mdza' dag gcod pas na ral gri dang/ bde ba gnyis pa'i mtshan nyid kyi ngan 'gro'i mtshan nyid las 'dren par byed pas na lcags kyu dang/ bde ba bzhi'i mtshan nyid 'das pa la nye bar 'dzin pas na grags pa dang/ bde ba gsum pa'i mtshan nyid rang rig pa bde ba chen po 'od gsal bar gnas pa yis/ /nyon mongs chen po lcags kyu'i mchog /grags chen snyan grags chen po ste/ /snang ba chen po gsal ba che zhes gsungs so/ /ci dag so so skye bo la sogs pa'i 'dod pa'i bde ba dang mtshungs so/ /'on te khyad par yod ce na/ 'di nyid thabs dang/ shes rab gnyis su med pa sprul pa lta bus bstan pa ni dga' ba dang po nye bar 'dzin pas/ mkhas pa sgyu 'phrul chen po 'chang zhes pa dang/ de bzhin du dga' ba gnyis pa lhan cig skyes pa'i don grub pas na/ /sgyu 'phrul chen po don grub pa zhes pa dang/ dga' ba chen po gsum pa dang/ bde ba chen po spros pa dang bral bas gnas pa na/ sgyu 'phrul chen po dga' pas dga' / zhes pa dang/ dga' ba bzhi pa med pa'i dngos po la nges par 'dzin pa ni/ sgyu 'phrul chen po'i mig 'phrul can zhes bya'o/ /de lta bu'i bde ba chen po gang yin pa de nyid pha rol tu phyin pa bcu dang ldan par bstan pa ni/ sbyin bdag chen po gtso bo ste/ zhes pa la sogs pa gsungs te/ de la de nyid khams gsum thams cad la sbyin pa rnams kyi mchog bde ba chen po ster bas na/ sbyin bdag chen po zhes bya ba dang/ rtog pa'i dri ma dang bral ba 'dzin cing nyan thos la sogs pa'i tshul khrims

  455. 228a

    las khyad par du gyur pas na/ tshul khrims chen po 'chang pa'i mchog ces bya la/ phyi rol gyi rnam par g.yeng bas mi rdzi zhing de nyid bde ba chen por bstan pas na/ bzod chen 'chang ba brtan pa po zhes bya ba/ de ltar bde ba chen po de nyid rtogs pa'i sdug bsngal gyi bar du bde ba bsgom pa ni/ brtson 'grus chen po brtul ba yin zhes pa dang/ de nyid mtshan me'i rnam par rtog pa dang bral bas rtse gcig pa dang/ bsam gtan chen po ting 'dzin gnas shes pa dang/ rnam par rtog pa dang bral ba nyid shes rab kyi pha rol tu phyin pa'i mchog yin zhing/ shes rab de nyid chos thams cad kyi rten du gyur pas na/ shes rab chen po lus 'chang ba zhes bya'o/ /de lta bu'i bde ba chen po des bdud kyi cho gas mdza' dag 'joms pa dang/ yang dag par rdzogs pa'i sangs rgyas sgrub pa'i thabs chen po dang ldan pas na/ stobs po che la thabs che ba zhes bya ste/ de nyid 'gro ba mdza' dag bde bar smon pa dang/ de nyid rgyu'i ye shes nges pa chen por gnas pa dang/ smon lam ye shes rgya mtsho ste zhes bya ste/ de dag ni sbyin pa'i pha rol tu phyin pa zhes bya ba nas ye shes kyi pha rol tu phyin pa zhes bya ba nyid do/ /bde ba chen po de nyid sems can thams cad la phan pa'i mtshan nyid du gnas pas na/ byams chen rang bzhin dpag tu med ces pa nas/ 'gro ba'i sdug bsngal rnams sel bar 'dod cing dag pa chen po'i yid dang ldan pas na/ snying rje chen po blo yis mchog ces bya la/ de nyid 'jig rten gyi chos brgyad dang bral zhing chos thams cad mnyam pa nyid du gnas pas na/ shes rab chen po blo chen ldan zhes bya ba nyid do/ /de lta bas na sangs rgyas

  456. 228b

    kyi yon tan phun sum tshogs pa dang ldan pas na phyin ci ma log par rtogs shing/ thabs rnam pa sna tshogs pas 'gro ba 'dul bar mdzad pa ni/ mkhas pa chen po thabs che ba zhes bya'o/ /bya ba tshogs chung dus bdag nyid sangs rgyas kyi rdzu 'phrul chen pos khams gsum pa thams cad 'dul bar mdzad pas na/ rdzu 'phrul chen po stobs dang ldan zhes bya la/ de nyid myur ba nyid du ngan 'gro las thar pa chen por grol bar mdzad pas na/ shugs chen mgyogs pa chen po ste zhes bya zhing sangs rgyas kyi zhing thams cad na thogs pa med pa'i rdzu 'phrul dang/ byang chub sems dpa' 'khor dang bcas pas chos ston par mdzad pas na/ /rdzu 'phrul chen po cher grags pa bya ba nyid do/ / de lta bu'i bde ba chen po dri ma med pas nyon mongs pa'i tshogs 'jig par mdzad pas na/ stobs chen pha rol gnon pa po zhes bya'o/ /rnam par rtog pa'i dbang gis yang dang yang du 'byung ba srid pa yin la de nyid ri bo chen po ltar gzhom par dka' ba 'joms pa la/ /srid pa'i ri bo chen po 'joms zhes bya'o/ /'joms pa de gang yin snyam pa la/ mkhregs shing rdo rje chen po 'chang zhes gsungs te/ gnyis su med pa'i ye shes chen po ni rnam par rtog pa'i tshogs kyi dbyer mi phyed cing rig sngags dang/ rnam par rtog pa brgyad la sogs pa de bzhin gshegs pa'i yon tan dpag tu med pa dang ldan pa gang yin pa de la de skad ces bya'o/ /de la dbang phyug chen po la sogs pa 'dul dka' rnams 'jigs byed chen po'i cha lugs kyis 'dul bar mdzad cing khams gsum pa 'joms par mdzad pas na/ drag po chen po drag shul che/ /'joms byed 'jigs par byed pa po

  457. 229a

    zhes bya ba nyid do/ /srid pa'i 'jigs pa dang ldan pa rnams kyi mgon mdzad cing rigs kyi bye brag mang po rnams kyi nang na ye shes chen po 'di dam par gyur pas na/ mgon po rigs mchog chen po ste/ bla ma gsang sngags che ba'i mchog ces bya ba ni/ 'jam dpal zhes bya ba'i ming nyid nges par bzung ba ste/ 'das pa dang/ ma 'ongs pa dang/ da ltar byung ba'i sangs rgyas thams cad kyi bla ma chen po ni/ gnyis su med pa'i ye shes de yin la khams gsum pa thams cad kyi yid skyob par byed pas na/ de nyid spyod pa kun ston pa'i mchog tu gyur pa de la de skad ces bya ste/ theg pa chen po'i tshul la gnas/ theg pa chen po'i tshul gyi mchog /ces bya ba ni gong du bstan pa ltar khams gsum pa'i sems can thams cad rjes su 'dzin pa ni/ theg pa chen po'i tshul la gnas pa yin la/ de nyid byang chub sems dpa' i theg pa zhes bya'o/ /theg pa thams cad kyi rab mchog chen por gyur pa ni/ gsang sngags kyi theg pa nyid ye shes lnga dang/ rigs lnga dang/ sku gsum dang/ snod nges par gyur pa thams cad ni rdo rje dbyings kyi dkyil 'khor chen po yin pas na/ de'i tshul du bshad pa ni nges pa'i tshul du bshad pa ste dang po'o// //de ltar rdo rje dbyings kyi dkyil 'khor chen po ni gsang ba'i chos 'byung ba'i nang/ bdud bzhi dang/ log par 'dren pa'i bgegs mdza' dag bcom pas na ye shes chen po zhes bya la/ de bas rang nyid nges par brtan zhing pha rol gyi tshogs mdza' dag 'joms pas na rdo rje zhes bya ste/ 'gro ba nye bar 'dul ba'i tshul gyis sku'i rigs rnam pa sna tshogs pa byung ba'i rgyur gyur pa'i dbyings zhes bya ba nyid do/ /ye shes chen po de nyid snying po yin la/ de rang gis rang

  458. 229b

    rig pa'i tshul gyis dkyil 'khor zhes bya ba nyid do/ /ye shes chen po de nyid kyi dbyings yang dag par rig pa ni chos kyi dbyings kyi ye shes zhes bya ste/ de yang le'u dang po las/ /ye shes chen po nges ldan pas/ /shes pa med phyir shes pa ni/ /chos kyi dbyings kyi ye shes te/ /yul dang yul can gcig par bshad ces gsungs pa'i phyir ro/ /de ltar gong du bstan pa'i ye shes chen po ni shel gyi snying po dag pa ltar dri ma dang bral zhing kun gyi snang ba'i gzhir gyur pas na rdo rje sems dpa' zhes bya la/ 'gro ba rnam par nges pa ston pa'i tshul gyis chos kyi ye shes rnam par snang mdzad du ston pa ni sangs rgyas rnam par snang mdzad che zhes bya ba la sogs pa gsungs te/ gnyis su med pa'i ye shes kyi chos kyi dbyings kyi ston pa ni sangs rgyas shes bya mdza' dag dang bral ba nyid rnam par snang mdzad ces bya'o/ /thub pa chen po thub chen ldan zhes pa ma dag pa'i nyon mongs pa rnam par bcom pa dang/ nye bar 'tshe ba'i bdud kyi tshogs drag po mi bzad pa rnams bcom pa gang yin pa/ de la de skad ces bya la/ de nyid theg pa rnams kyi rab mchog chen por gyur pa sngags kyi theg pa la brten nas mngon par rdzogs par sangs rgyas par bstan pa ni/ gsang sngags tshul chen las byung ba zhes bya'o/ /gsang sngags tshul chen bdag nyid can zhes bya ba ni/ thabs dang shes rab gnyis su med pa'i bde ba spros pa dang bral ba ston ka'i zla ba rgyas pa ltar/ dri ma dang bral zhing mdza' yas pa de bzhin gshegs pa thams cad kyi chos kyi sku bzhugs zhes bya ba nyid do/ /ci ste gsang sngags kyi tshul gyis las 'byung bas pha rol tu phyin pa rnams dang mi ldan nam

  459. 230a

    zhe na ma yin te/ pha rol tu phyin pa rnams dang ldan par bstan pa ni/ pha rol phyin bcu thob pa ste zhes bya ba la sogs pa gsungs te/ de la pha rol tu phyin pa bcu ni gong du bstan pa'i tshul gyis sbyin pa dang/ ye shes kyi pha rol tu phyin pa'i bar du nges par thob pa nyid de/ de nyid dbul pos nor bu rin po che rnyed nas slar bral ba ltar ma yin zhing/ pha rol tu phyin pa bcu'i tshul gyis 'gro ba'i don mdzad pa bstan pa ni/ pha rol tu phyin pa bcu la gnas zhes bya'o/ /pha rol phyin ? dag pa ste zhes bya ba ni/ zag pa dang bcas pa'i bdag nyid la theg pa chen por sems bskyed pa'i tshul gyis/ sbyin pa la sogs nges par spyod pa ni pha rol tu phyin la/ de nyid zag pa med pa'i tshul gyis/ gang la mnga' ba de la de skad ces bya'o/ /'gro ba rnams la nges par sbyin pa la sogs pa nges par ston pa ni pha rol phyin pa bcu yi tshul zhes bya ba nyid do/ /de ltar chos kyi dbyings dang ye shes gnyis su med pa ni/ chos kyi sku yin pa de nyid longs spyod rdzogs pa nyid sa bcu'i dbang phyug du gyur pa dang/ sa bcu la nges par gnas pas na/ mgon po sa bcu'i dbang phyug ste/ sa bcu la ni gnas pa po zhes bya zhing/ de nyid gzugs kyi skus 'dul bya nges par dag par shes pa bcu la sogs par bcu rnam par dag pa dang/ de'i bdag nyid du ldan pas na shes bcu rnam dag bdag nyid can/ /shes bcu rnam dag 'chad pa po zhes bya ba nyid do/ /rnam pa bcu po don bcu'i don zhes pa ni/ gong du bstan pa'i pha rol tu phyin pa bzhi bcu dang sa nyi shu dang/ shes pa nyi shu dang/ stobs bcu dang/ dbang bcu ni rnam pa bcu ste brgya'o/ /de nyid bdag gi don dang gzhan gyi don gyi tshul gyis nyis brgya'o/ /thub dbang stobs bcu

  460. 230b

    khyab pa'i bdag ces pa ni/ zag pa zad pa mkhyen pa'i stobs bcu bdag nyid kyis khams gsum pa thams cad khyab par gnas pa nyid de/ de nyid nges par bstan pa nyid do/ /kun gyi don ni ma lus byed ces bya zhing/ gong gi dbang bstan pa ni/ rnam bcu dbang ldan che ba po zhes pa ste/ sems la dbang ba la sogs pa'i dbang tshogs pa'i bdag nyid chen po dang ldan par bstan pa nyid do/ /de lta bu'i yon tan mtshungs pa med pa rnams glo bur ba nyid kyis bskyed dam 'on te ngo bo de nyid kyi gnas snyam pa la/ thog ma med pa spros med bdag ces pa la sogs pa gsungs te/ sangs rgyas kyi yon tan dpag tu med pa thams cad ni thogs pa med pa las spros pa dang bral ba las mtshan nyid du gnas pa nyid dang/ de bzhin gshegs pa thams cad kyi yon tan mtshan nyid de ni chos kyi dbyings de bzhin nyid kyi bdag nyid bdag por gyur pa dang/ rnam par dag pa'i bdag nyid gnas pa ni de bzhin nyid dag dag pa'i bdag ces bya/ rgyu rnam par dag pa las 'bras bu rnam par dag pa'i mtshan nyid kyi lam rnam par dag pa ston pa ni/ bden par smra zhing tshig mi 'gyur zhes bya/ lam nges pa las 'bras bu nges par 'byin pa ni/ ji skad smras pa de bzhin byed ces bya zhing/ de nyid gzung bya dang 'dzin pa'i rnam par rtog pa dang bral ba las/ dbyings dang ye shes gnyis su med par lhun gyis grub par ston pa nyid/ gnyis med gnyis su med par ston zhes bya ba nyid do/ /de ltar bya ba la sogs pa dus gsum gyi de bzhin gshegs pa thams cad kyi bzhugs gnas/ zhing khams chen po yang dam pa'i mdza' spros pa dang bral ba yin la/ de la rnam par gnas nas gzhan gyi don phun sum tshogs par mdzad pa ni/ yang dag mdza' la rnam

  461. 231a

    par gnas zhes bya ba nyid do/ /sangs rgyas kyi zhing khams chen po bdag nyid ji lta bu zhig gnas snyam pa la/ bdag med seng+ge'i sgra dang ldan zhes bya ba la sogs pa gsungs la/ de bzhin gshegs pa rnams kyi chos kyi sku ni bdag dang bdag gir 'dzin pa thams cad dang bral zhing/ sngon gyi smon lam gyi stobs las/ gzugs sku rnam pa gnyis 'byung ba'i rgyur gyur pa ni chos kyi sku zhes bya'o/ /bya ba de dang cha mthun pa'i zhing khams 'og min na/ rin chen rnam pa sna tshogs pa'i gzhal yas khang dang/ 'dod pa'i yon tan lnga rnam par dag pa'i bdag nyid dang/ chos kyi longs spyod phun sum tshogs pa chen pos sa bcu'i byang chub sems dpa' rnams kyi shes bya'i dri ma cha phra ba yi yang phra ba rnam de bzhin gshegs pa'i snying po la 'dod pa'i phyir/ de bzhin gshegs pa'i ting nge 'dzin phun sum tshogs pa ni seng+ge'i rgyal po ltar gzhan gyi sgrib pa phrog cing/ sun 'byin pa rnams skrag par byed pas na/ mu stegs ri dags ngan 'jigs byed ces bya ste/ de dag ni longs spyod rdzogs pa'i sku'o/ /kun tu 'gro ba'i don yod stobs/ /de bzhin gshegs pa'i yid ltar mgyogs zhes pa ni/ stong gsum gyi stong chen po'i 'jig rten gyi khams thams cad du 'gro ba'i don yod pa sgrub cing sprul pa sna tshogs kyi gzugs kyis 'dul bya rnams kyi mos pa gang yin pa de la de dang de'i nges pa 'byung bas nges par 'byin pa gang yin pa de la de skad ces bya ste/ de nyid sprul pa'i sku'i de ltar yongs su dag pa'i zhing khams chen po ni/ chos dang longs spyod rdzogs pa dang/ /sprul sku'i ston pa de bzhugs so/ /zhes bya ba'i tha tshig go /bdag nyid chen po'i ston pa de dag yon tan ji lta bu dang ldan zhe na/ rgyal ba dgra rgyal rnam par rgyal

  462. 231b

    zhes pa la sogs pa gsungs te/ bdag dang gzhan gyi rnam par rtog pa ni gnod par byed pas dgra bo yin la/ de la ston pa chen po rnam par rtog pa mi skye ba'i tshul gyis rab tu rgyal la/ de sangs rgyas kyi zhing khams thams cad dang sems can gyi zhing khams thams cad du yongs su dag pa'i tshul gyis chos kyi 'khor lo bskor bas na/ 'khor los sgyur ba'i stobs po che zhes bya'o/ /tshogs kyi slob dpon tshogs kyi mchog /tshogs rje tshogs bdag dbang dang ldan zhes pa la/ gong du bstan pa'i chos kyi sku ni bsod nams dang ye shes kyi tshogs yongs su rdzogs pa ni/ mang po 'dus pa rnams kyi mchog yin la/ des 'gro ba'i phan pa'i rgyus legs pa'i spyod pa kun ston pa'i mtshan nyid dang ldan par 'byung ba la de skad bya zhing/ de sa bcu'i byang chub sems dpa' rnams kyi rje 'ong gyur pa dang/ khams gsum la dbang sgyur ba'i phyir bya ba rdzogs par yongs su grub pa nyid do/ /mthu chen gces par 'dzin pa ste/ zhes pa ni sku gsum la ye shes chen po'i bdag nyid las gzhan du yid du 'ong ba med do/ /de nyid nyams su myong ba med pas nges par 'dzin pa yin pa de la de skad ces bya'o/ /bdag dang gzhan gyi don phun sum tshogs pa bdag nyid nges pa'i tshul gyis yongs su rdzogs shing gzhan du bstan du med la gzhan la rag ma lus pa nyid do/ /de'i phyir na tshul chen gzhan gyi dring mi 'jog bya ba nyid do/ /tshig rje tshig bdag smra mkhas pa zhes pa ni/ 'jam dpal nyid nges par 'byung ba ste/ chos kyi dbyings kyi ye shes kyi tshul gyi 'di yang 'jam dpal gyi bdag nyid yin par dgongs so/ /sprul pa'i gsung de nyid tshig gi tshogs thams cad la dbang zhing tshig gi brjod pa mdza' yas pa dang ldan pa'i

  463. 232a

    don ston pa dang/ sdug bsngal la sogs pa'i bden pa bzhis 'phags pa nyan thos rnams 'dul bar ston pa ni/ tshig la dbang ba tshig mdza' yas/ /tshig bden pa dang bden par smra/ /bden pa bzhi ni ston pa po/ / phyir mi ldog pa phyir mi 'ong/ /zhes bya ba nyid do/ /de nyid 'gro ba mdza' dag gi 'dren pa mdzad cing rang 'byung gi ye shes 'ba' zhig pa spros pa'i ngo bo thams cad dang bral ba la gnas pa'o/ /'dren pa rang rgyal bse ru'i tshul zhes bya ba la/ de dag skad cig ma'i rgyun gong nas gong du khyad par du 'phags pa mang par sgrub pas na/ des 'byung sna tshogs las byung ba zhes bya ba nyid de/ 'byung ba chen po rgyu gcig po zhes so/ /dge slong dgra bcom zag pa zad/ ces pa ni 'byung ba med pa'i 'byung ba thams cad kyi rgyur gyur pa dang/ chos kyi dbyings la sogs pa btab pa'i tshul gyis thob cing rnam par rtog pa'i tshogs mdza' dag bcom pa gang la mnga' ba de la de skad ces bya'o/ /yon tan che ba chen po de dag dang ldan pa de nyid gang las she na/ 'dod chags bral bas dbang po dul zhes bya ba la sogs pa gsungs te/ mchog tu gyur pa'i bdag nyid kyi las kyi phyag rgya la/ phyi rol gyi mngon par zhen pa dang bral bas gnas pa la/ de skad ces bya zhing/ de nyid pad+ma dang rdo rje'i snyoms par 'jug pa'i bde ba rnyed pa la/ so so la sogs pa'i mngon par shes pas ngan 'gro'i rgyur gyur cing 'bras bu 'jigs pa dang bral ba'i bde ba thob pa ni/ bde ba rnyed pas 'jigs med thob ces bya ba nyid do/ /las kyi phyag rgya'i bde ba des rnam par rtog pa 'ching ba'i mdud pa med pa dang/ 'dra bar bdag gi rgyur gdung zhing sreg par byed pa 'jigs par mdzad pa dang/ phyin ci log gi

  464. 232b

    shes pa nub par mdzad pas na/ bsil bar gyur pas rnyog pa med ces bya zhing/ phyi rol gyi rigs pa thabs su ldan pas na nang gi shes rab dang thabs bskyed pa ni/ rig pa dang ni rkang par ldan zhes bya'o/ /thabs dang shes rab gnyis su med pa'i bde ba chen po de'i rang gi ngo bo ji lta bu zhe na/ bde gshegs 'jig rten rig pa'i mchog ces bya ba gsungs te/ zag pa med pa'i bde ba rtogs pa dang 'das pa dang ma 'ongs pa dang/ da ltar gyi dus gsum dang/ khams gsum pa thams cad gnyis su med pa'i bdag nyid rig cing/ 'jig rten pa'i mngon par shes pa las gong du 'gyur bas na de skad ces bya zhing/ de nyid la thabs dang shes rab kyi rnam par dbye ba'i chos rjes su 'gro ba med par rang rig pa'i ngo bor gnas pas na/ bdag gir mi 'dzin zhes bya ba nyid do/ /ci don dam pa'i bden pa yin na/ de bzhin gshegs pa thams cad kyi bdag nyid de gzhan gyi don gyi brtson pa dang bral lam zhe na ma yin te/ bden pa gnyis kyi tshul la gnas zhes gsungs te/ de la bden pa gnyis ni kun rdzob dang don dam pa yin la/ kun rdzob ni gzugs sku rnam pa gnyis ni rgyu byang chub rnam pa gnyis kyis sems kunda de lta bu nyid dang/ don dam pa ni bde ba chen po dag gis brjod pa las 'das pa nyid yin par gsungs te/ de yang le'u dang po las kun rdzob don dam dbye ba las/ byang chub sems ni rnam pa gnyis/ bdag dang gzhan gyi don grub phyir/ kunda lta bur dbye ba yin zhes gsungs pa'i phyir ro// de nyid 'khor ba'i rgya mtsho las pha rol tu phyin cing/ kun nas nyon mongs pa dang rnam par byang ba thams cad dang bral bas yang dag pa'i mdza' i gnas pa ni/ 'khor ba'i pha rol mthar son pa/ /bya ba byas pa skams sar gnas zhes bya

  465. 233a

    ba nyid do/ /de lta bu'i bde ba chen po de ye shes kyi ngo bor gsal bas/ shes bya mdza' dag la spyod cing pha rol gyi tshogs 'joms pas gzhan bskyod pas na/ shes pa 'ba' zhig des gsal ba/ /shes rab mtshon chen rnam 'joms pa zhes bya ba nyid/ /de chos kyi sku'i bdag nyid kyis de bzhin gshegs pa thams cad ston par gyur cing bde ba gsal bar gyur pa ni/ dam chos chos rgyal gsal bar ldan zhes bya la/ rang gi lus dang ngag dang yid gsum ma rig pa'i rkyen las nges par bzlog pa ni/ 'jig rten snang bar byed pa'i mchog ces bya ste/ de nyid chos kyi mdzod zad mi shes pa dang/ phyag rgya chen po lam phra phab pa lta bu rtog pa dang bral ba nyid rang nyid la ston par byed pa ni/ chos kyi dbang phyug chos kyi rgyal la sogs/ /legs pa'i lam ni ston pa po nyid do/ /don grub bsam pa grub pa ste zhes pa ni/ rnam par mi rtog pa'i tshul gyis phyag rgya chen po nyid don dam yin la/ de nyid bsam pa grub cing de las gzhan bsgrub bya med pas de skad ces bya'o/ /de nyid 'jig rten pa'i gnas dang lus dang longs spyod du rnam par rtog pa spangs pa dang/ rnam par rtog pa nyid ye shes dpag tu med pa rnams 'byung ba'i rgyur gyur pas skad cig ma'i ye shes ltar zad pa med pa'i phyir rtog pa kun tu rtog pa thams cad spangs/ rnam par mi rtog dbyings mi zad ces bya'o/ /chos dbyings dam pa zad mi shes bya ba ni/ de nyid chos kyi dbyings yin la/ / ye shes rnams kyi mchog tu gyur pa dang/ gong gi tshul gyis de skad bya'o/ /mchog tu mi 'gyur ba'i phyag rgya chen po de bsod nams kyi 'bras bu phun sum tshogs pas gdul bya'i skye bo rnams mngon par dad cing mchod pa

  466. 233b

    dang/ bdud rtsi mdza' dag gi gnas su gyur pas na/ bsod nams ldan pas bsod nams tshogs shes bya zhing/ de las kyi phyag rgya las 'byung ba skad cig gcig ma ye shes dang/ chos kyi phyag rgya 'byung ba dus kyi ye shes dang/ phyag rgya chen po las 'byung ba rgyun mi 'chad pa'i ye shes nyid du gnas pa'i phyir/ ye shes ye shes 'byung gnas che/ /ye shes ldan pas yod mi shes zhes bya ba nyid do/ /de bsod nams dang ye shes kyi tshogs mnyam pa med pas yongs su rdzogs pa ni tshogs gnyis tshogs ni bsags pa po/ /zhes byas la/ skad cig ma'i ye shes ltar mi rtog pa ma yin pa dang/ dus gsum gyi sangs rgyas thams cad kyi yon tan chen po yongs su bsngags shing/ dus gsum gyi ye shes ltar mnyam par bzhag pa dang/ ma bzhag pa mi mnga' bas na/ rtag pa kun rgyal rnal 'byor can zhes bya ste/ de'i bsgrub par bya ba dang/ sgrub par byed pa dang/ sgrub pa po gnyis su rdzogs pa'i bdag nyid dbyer mi phyed par gyur pa ni/ bsam gtan bsam bya blo ldan bdag ces bya ba nyid do/ /de ltar chos kyi sku yongs su dag pa'i bdag nyid de ni spros pa thams cad dang bral ba rnam la thams cad kyi mchog dang ldan pas sangs rgyas thams cad kyi sa bon du gyur pa rigs gcig pa'i bdag nyid yin pas na/ so so rang rig mi g.yo ba/ /mchog gi dbang po zhes bya ba nyid do/ /bdag gi don phun sum tshogs pa nyid rigs gcig phun sum tshogs pa'i nges pa yin yang/ bya ba grub pa'i ye shes kyi bdag nyid las gdul bya rnams kyi 'dod chags dang/ zhe sdang dang gti mug rnams 'dul ba'i tshul gyis sku gsung thugs su bstan pa ni rnam par snang mdzad dang/ 'od dpag med dang/ mi

  467. 234a

    bskyod pa rnams te/ sku gsum 'chang zhes bya ba nyid do/ /de nas yang gdul bya rnams la theg pa chen por sems bskyed pa dang/ sems bskyed pa las gsang ba gsum gyis dbang bskur ba la sogs pa rnams nyid kyi mtshan nyid yongs su rdzogs pa'i chos grub pa dang/ chos grub pa las 'gro ba phrin las mdzad pa dang/ de nyid 'od gsal ba'i ngo bo gnas pa'i phyir rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod grub pa rnams su bstan pa ni/ rigs lnga ste/ /sangs rgyas sku lnga'i bdag nyid can/ zhes bya zhing/ de bdag nyid chos kyi dbyings kyi ye shes la sogs pa ye shes lnga'i bdag nyid du gnas pas na/ khyab bdag ye shes lnga yi bdag ces bya ba nyid do/ /de bzhin gshegs pa lnga nyid ni rigs kyi bdag po yin la/ de rnams ni nam mkha' las byung ba'i nor bu rin po ches dbang bskur zhing rin po che rtse gsum gyis mtshan pas dbu brgyan pa yin la/ de rnams kyi 'phrul pa byang chub sems dpa' i tshogs dpag tu med pa rnams la/ de bzhin gshegs pa rnam lngas cod pan du byas shing/ lha'i spyan la sogs pa lnga rnam par dag pas 'gro ba rnams 'dul bar mdzad pas na/ sangs rgyas mnga' bdag cod pan can/ /spyan lnga chags pa med pa 'chang zhes bya ba nyid do/ /sangs rgyas thams cad bskyed pa po/ /zhes pa ni/ byang chub sems dpa' i tshogs pa rnams kyi yongs 'dzin dag pa rnams rdzogs par 'tshang rgya ba'i bdag nyid du bskyed pa ni de skad ces bya zhing/ byang chub sems dpa' rnams dus gsum gyis sangs rgyas thams cad

  468. 234b

    kyi sras po dam par gyur bas na/ sangs rgyas sras po dam pa'i mchog ces bya'o/ /shes pa srid 'byung skye gnas med/ ces pa ni/ byang chub sems dpa' rnams ye shes kyi lus dang ldan pas na/ 'khor ba'i rgya mtshor 'gro ba rnams nges par 'byung ba'i don du srid pa len par mdzad kyang/ srid pa'i nyes pas mi gos pa yin la de dag pa las byung bas ngan 'gro las skyob bar mdzad pa nyid kyis kyang/ chos las 'byung ba srid pa sel zhes bya'o/ /ye shes kyi lus nyid srid pa la sogs pa'i gdon pas dbyer mi phyed cing/ 'bras bu'i bdag nyid yongs su rdzogs bsam las skyes pa nyid na 'gro ba rnams la phan par gyur pa'i chos kyi rgyal por gyur pa ni/ gcig pu sra mkhregs rdo rje'i bdag/ skyes ma thag pa 'gro ba'i bdag nyid ces bya ba nyid do/ /nam mkha' las byung rang 'byung ba/ shes rab ye shes me bo che zhes pa ni byang chub sems dpa' rnams chos kyi sku nam mkha' dang 'dra ba las ma skyes pa'i tshul gyis rang 'byung/ de nyid shes rab phun sum tshogs pa stong pa nyid dang ye shes chen po'i rang bzhin snying rjes sems can rnams kyi ngan 'gro'i rgyud bsreg par byed pas ces de skad ces bya'o/ /de lta bu las mi shes pa'i bdag nyid sel bar byed pas ni/ 'od chen rnam par snang bar byed/ /ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba zhes bya ba nyid do/ /de nas 'gro ba rnams kyi yid skyob par mdzad pa nyid dang/ gtum pa chen po'i tshul gyis tshangs pa la sogs pa'i bstan pa nges par 'jig pa dang/ nyan thos la sogs pa la gsang zhing don gyi mchog phun sum tshogs par byed pa ni/ gsang sngags mnga' bdag rigs sngags rgyal/ /gsang sngags rgyal po don chen byed ces bya ba nyid do/ /gtsug tor chen

  469. 235a

    po rmad 'byung gtsug ces pa ni/ lha dang mi dang lha ma yin la sogs te rgyal chen rnams kyi nor bu rin po che'i cod pan gyis zhabs la gtugs nas/ mchog chen por byas pa nyid la de skad bya zhing/ stong nyid spros pa dang bral ba las gang la gang gis 'dul ba'i gzugs tshogs par ston pa ni sprul pa gsum pa ste/ gong du ston pa'i stong pa nyid ni dus gsum gyi sangs rgyas thams cad kyi bdag po dang/ dngos po kun gyi mchog ces bya la/ de ltar bstan pa'i sgo nas khams gsum pa rnams kyi yid dga' bar byed pa dang/ phyin ci log gi rab rib gsal ba dang/ rten dang brten pa'i gzugs dngos po sna tshogs bskyed pas ni sprul pa gsum pa ste/ 'gro kun dga' ba'i mig dang ldan/ /sna tshogs gzugs can skyed pa po zhes bya ba nyid do/ /mchod cing rjed pa drang srong che zhes pa ni/ rdzu 'phrul dang mngon par shes pa dang ldan pa ni drang srong chen po yin la/ bsnyen bkur dang mchod pa la sogs pa'i gnas su gyur pas kun gyi bstod pa gang yin pa de la de skad ces bya zhing/ sku gsung thugs kyi mtshan nyid du nges pas theg pa chen po la sbyor bas ni/ rigs gsum 'chang ba gsang sngags 'chang zhes bya'o/ /de nyid stong gsum thams cad mnyam par 'gro zhing sems can rnams kyi yid skyob par mdzad pas ni dam tshig chen po gsang sngags 'dzin ces bya la/ rten khyad par can gyi mtshan nyid sangs rgyas dang chos dang dge 'dun dag pa nyid ston pa dang/ byang chub sems dpa' dang/ de bzhin gshegs pa dang/ rdo rje 'dzin pa'i theg pa chen po rnams mchog tu gyur pa yin la/ snying rje chen po dang/ chos thams cad stong pa nyid dang/ mi 'gyur ba'i bde ba chen po ston pa ni/ gtso bo dkon mchog gsum 'dzin pa/

  470. 235b

    theg pa mchog gsum ston pa po zhes bya'o/ /de lta bu'i theg pa chen po de rnams kyi byang chub chen po'i don yod cing sangs rgyas kyi zhing khams su 'dzin par mdzad cing/ ngan 'gro rnam par rgyal ba dang/ rdo rje 'dzin pa chen po'i go 'phang la gnas par byed pas na/ don yod zhags pa rnam par rgyal/ /'dzin pa chen po rdo rje'i zhags zhes bya ba nyid do/ /de ltar chos kyi dbyings kyi ye shes spros pa dang bral ba 'gro ba rnams kyi rgyud la dgug par mdzad pa dang/ de nyid brtan pa chen po'i tshul gyi mi 'gyur bar mdzad pa ni/ rdo rje lcags kyu zhags pa che zhes bya'o/ /rgyu nyes pa'i mtshan nyid las chos kyi dbyings nges par mthong ba ni chos kyi dbyings kyi ye shes bya ba/ nges pa'i tshul gyi bshad pa ste gnyis so sems can rnams ngo bo nyid kyi stong pa ni chos kyi dbyings yin la/ kun gzhi rnam par shes pa rnam par dag pa las me long lta bu'i ye shes te/ de nyid de bzhin gshegs pa rnams kyi thugs te/ de ni de bzhin gshegs pa mi bskyod pa zhe sdang chen po'i bdag nyid gdug pa rnams rjes su gzung ba'i tshul gyis 'jigs byed chen po'i skur bstan te/ rdo rje 'jigs byed 'jigs par byed ces bya ba la sogs pa gsungs te/ khams gsum pa 'jigs par byed pa drag po dang/ dbang phyug chen po la sogs pa rnams 'jigs par mdzad pa nyid kyis ni de skad ces bya la/ de sprul pa'i khro bo la sogs pa'i rgyal por zhugs pa dang/ gzugs dang tshor ba dang 'du shes dang 'du byed dang 'du byed dang rnam par shes pa dang/ ye shes kyi dbang po rnams dag pa las/ ris drug gi bdag nyid rnam par snang mdzad dang/ rin chen 'byung ldan dang/ 'od dpag tu med pa dang/ don yod grub pa dang/ mi bskyod pa dang/ rdo rje sems dpa' rnams su bstan te/ khro bo'i rgyal po gdong drug

  471. 236a

    'jigs/ /mig drug lag drug stobs dang ldan zhes bya ba nyid do/ /de bzhin gshegs pa'i rigs de rnams rnam par rtog pa dang bral ba'i tshul gyis gdug pa rnams kyi mtshan nyid la zhal mche ba rab tu btsigs pas na/ keng rus mche ba gtsigs pa po zhes bya la/ de bzhin gshegs pa'i sku re re la yang sems bskyed pa nas 'gro ba 'dul ba'i las mdzad pa'i bar du rigs lnga lnga dang/ rigs re re la yang sems bskyed pa nas phrin las kyi bar du bstan pa ni/ rigs brgya rtsa brgyad nyi shu rtsa lnga ste/ des na ha la ha la gdong brgya pa zhes bya ba nyid do/ /sprul pa'i tshogs de dag gis 'gro ba rnams kyi gshin rje bsod par mdzad la/ gshin rje nyid bgegs yin zhing de brjod pa ni dbang che ba'i tshul gyis na rgyal po yin te/ de'i phyir na gshin rje gshed po bgegs kyi rgyal zhes la/ de sra zhing brtan pa'i mtshan nyid shugs chen po dang 'jigs par byed pa dang/ rdo rje ltar pha rol 'joms shing rang nyid brtan pa ni rdo rje lta bu zhes khams gsum kun tu grags la/ de nyid snying po ye shes las 'byung ba'i phyir dang/ rdo rje shugs chen 'jigs byed pa/ /rdo rje drag po rdo rje snying zhes bya ba nyid do/ /de lta bu'i mtshan nyid de gang la thob ce na/ sgyu 'phrul rdo rje gsus po che/ zhes pa la sogs pa gsungs te/ shes rab ye shes skabs su rkyen de ma thag tu las ye shes chen po thob pa ni sgyu 'phrul yin la rlung 'gog pa'i tshul gyis bum pa ltar dkyil du brtan par dran pa ni/ lus kyi nang yongs su rgyal ba'i don gyis de skad ces bya la/ byang chub sems dpa' de nyid rdo rje yin zhing de las skyes pa'i bde ba gnyis su med pa'i ye shes rdo rje'i

  472. 236b

    bdag nyid du gnas pas na/ rdo rje las skyes rdo rje'i bdag ces bya'o/ /ye shes de'i rang bzhin ji lta bu snyam pa la/ rdo rje snying po mkha' 'dra ba/ /mi g.yo ral pa gcig gi bsgyings zhes gsungs te/ 'bras bu'i ye shes stong pa chen po/ rnam par rtogs pa'i tshogs mdza' dag bcom zhing/ byang chub kyi snying po bdag nyid nam mkha' ltar spros pa thams cad dang bral ba de dang 'dra bar 'di ru skyes pa nyid dang/ ral pa'i skra bems po yin pas bems po ltar/ tshor ba dang bral ba'i rtse gcig cing mi g.yo bar 'dzin pa gang yin pa de la de skad ces bya/ glang chen ko rlon gos su gyon zhes bya ba la sogs pa ni/ sangs rgyas kyi thugs bde ba chen po las 'byung zhe sdang chen po'i bdag nyid he ru ka'i gzugs kyi cha byad bstan pa ste khams gsum pa'i 'gro ba thams cad kyi rnam par rtog pa mi zad pa ni log par 'dren pa yin la de las thar par byas pa'i rtags su glang po che'i pags pa phyag gnyis kyis pha rol pa'i tshul 'dzin pa gang yin pa de la de skad ces bya ste/ gtum po chen po dang ldan pa'i bzhad pa'i sgra sgrogs pa dang/ rnam par gnon pa'i sgra chen pos ma rungs pa rnams 'jigs par byed pa ni/ grags chen ha ha zhes grags pa/ hi hi zhes sgrogs 'jigs par byed ces bya ba nyid do/ /de nyid bzhad pa chen po'i tshul gyis dpag tshad stong la sogs par grags par mdzad pa ni/ gad mo chen po gad brgyangs can zhes bya la/ de bzhin gshegs pa'i sku gsung thugs kyi rdo rje las bzhad pa nyid ni/ rdo rje gad mo cher sgrogs pa zhes bya ste/ 'jig rten na rta yis rgod pa'i gad mo chen po la bgad pa zhes bya ba bzhin no/ /de lta bu'i ye shes nam mkha' dang 'dra ba

  473. 237a

    de las sku gsum gyi 'bras bu gnas pa ni/ rdo rje sems dpa' sems dpa' che zhes bya ba la sogs pa gsungs te/ dus gsum gyi sangs rgyas thams cad kyi chos kyi sku ni stong pa nyid dang snying rje dbyer med pa'i tshul gyis rdo rje sems dpa' zhes bya ste/ de bde ba chen po dang ldan pa nyid kyis sems dpa' chen po zhes bya'o/ /de bzhin gshegs pa thams cad kyi longs spyod rdzogs pa'i sku ni thabs dang shes rab gnyis su med pa'i mi mnyam pa'i ye shes dang ldan pas sa bcu'i 'khor los sgyur ba'i rgyal ba bde ba chen por bzhugs pa dang/ de bzhin gshegs pa thams cad kyi sprul pa'i sku ni/ stong gsum thams cad du khyab pa'i 'jigs byed chen po'i skur bzhugs pas gdul dka' ba rnams 'dul ba dang/ zhi ba chen po'i bzhi'i tshul gyis nges pa dang ldan pa'i skye bo rnams 'dul ba'i phyir/ rdo rje rgyal po dad ba che/ /rdo rje drag po dga' ba che zhes bya'o/ /de dag sku dang thugs rdo rje ltar mi 'gyur ba nyid las gsung 'bar ba'i hUM ste chen po hUM zhes sgrogs te zhes bya'o/ /mtshon du rdo rje mnga' thogs pa zhes pa ni/ de bzhin gshegs pa rnams ni sku gsum gyi rdo rje yis 'gro ba mdza' dag dbang du mdzad pa ni mnga' zhes bya'o/ /drag po'i phrin las kyi 'gro ba rnams kyi srog gcod par mdzad pas na/ rdo rje ral gri ma lus gcod zhes bya'o/ /de bzhin gshegs pa rnams kyi rgyas pa'i phrin las kyis sems can rgyas par mdzad pa ni rdo rje kun 'chang rdo rje can zhes bya ste/ bde ba dang longs spyod phun sum tshogs pa'i bdag nyid ni yid du 'ong zhing nges par dka' bas na rdo rje zhes bya zhing/ de lta bu'i mtshan nyid

  474. 237b

    bdag tu 'dzin pa 'khyud pa ni bden pa'i sgrar brjod pa'o/ /zhi ba'i phrin las kyis khams gsum pa zhi bar mdzad pa ni/ nad dang rnam par 'tshe ba la sogs pa gnod par byed pa dang/ rma 'bebs pa'i tshul gyis pha rol gyi yul yin la/ de dang ldan pas sel bar mdzad pas ni/ rdo rje gcig pu g.yul sel ba zhes bya'o/ /zhe sdang chen po'i bdag nyid khro bo'i rgyal po de'i spyan ni/ rdo rje gcig po g.yul sel zhes bya'o/ /nyi ma'i dkyil 'khor ltar 'od zer mi bzad pa chen pos gdug pa rnams 'bar bar mdzad pa nyid dang dbu skra kham pa gyen du 'phags pa/ ye shes kyi me phung las me stag gi phung po 'gro bar mdzad cing/ dbyibs rdo rje rtse gcig bu lta bu gang la mnga' ba de la/ rdo rje 'bar ba mig mi zad/ skra yang rdo rje 'bar ba ste zhes bya ba nyid do/ /de lta bu'i khro bo'i rgyal po des/ log pa'i nga rgyal chen po dang ldan pa bdud dang dbang phyug la sogs pa/ theg pa chen po sngags kyi lam 'di nyid du lus ngag yid rnams bde ba chen po'i tshul gyis 'gugs par mdzad pa ni/ rdo rje 'bebs pa 'bebs pa che zhes bya zhing/ zhal du ma dang ldan pa'i mtshan nyid spyan brgya la sogs pa'i mtshan nyid rab tu 'jigs pa ni/ mig brgya pa ste rdo rje'i mig ces bya'o/ /lus ni rdo rje'i ba spu can/ /rdo rje'i spu ni gcig bu lus zhes pa ni/ khro bo'i rgyal po de'i sku ni ba spu rnams rdo rje tsher ma ltar tsha zhing rtsub pa nyid dang/ yan lag dang nying lag thams cad rdo rje'i bdag nyid du dbyer mi phyed cing pha rol gyi tshogs mdza' dag 'joms pa gang yin pa de la de skad ces bya'o/ /sen mo skyes pa rdo rje'i rtse zhes pa yang/ rdo rje'i lus de nyid kyi nying lag gi bshad pa yin te/ khro bo

  475. 238a

    rgyal po rnams kyi sen mo ni/ rdo rje rtse gcig pa ltar gug pa lta bu nyi tshe 'dra bar gnas so zhes bya bar dgongs so/ /las las grub pa'i tshul du pags par bstan yang/ rdo rje'i snying po pags pa mkhregs zhes gsungs te/ khro bo rgyal po rnams kyi pags pa ni rdzas kyi rdo rje ltar bsra zhing brtan par bstan to/ /khro bo'i rgyal po rnams de bzhin gshegs pa rnams kyi bdag nyid las byung bas rin po che'i bdag nyid kyi rgyan la sogs pa'i rgyan dang gcig gam zhe na/ mi gcig par bstan pa ni/ rdo rje phreng thogs dpal dang ldan/ /rdo rje rgyan gyis brgyan pa ste/ /zhes gsungs pa ste rdo rje rtse gsum pa rab tu 'bar ba'i mtshan nyid rigs lnga'i bdag nyid du spyi bo dang dpral ba dang/ rna ba g.yas pa dang lhag pa dang/ rna ba g.yon pa rnams su brgyan cing rdo rje phreng ba'i mtshan nyid kyi/ dbu khyud 'khor du bcings pa gang yin pa de la de skad ces bya'o/ /gad brgyangs ha ha nges par sgrogs zhes pa ni/ zhal drug po rab tu bzhad pa ha ha zhes sgrogs pa nyid dang/ gtum po chen po'i rta skad kyis stong gsum thams cad du khyab pa nyid do/ /yi ge drug pa rdo rje'i sgra zhes pa ni/ dbyangs dang gsal byed 'dus pa'i mtshan nyid/ a i u ri li zhes pa nyid do/ /de la a ni stong nyid kyi ye shes kyi khams dang/ nam mkha' i khams gcig pa nyid do/ /ya 'du byed rlung gi khams dang ?tshor ba me'i khams dang/ u 'du shes chu'i khams dang/ li gzugs sa'i khams dang rnams ni/ phung po drug dang/ 'byung ba drug dang/ dbang po drug dang/ yul drug dang/ las kyi bya ba dbang po drug dang/ ro drug dang ma dag pa'i gnas

  476. 238b

    skabs drug pa ni/ rtog pa med pa'i mtshan nyid las byung ba gang yin pa de la de skad ces bya zhing/ de nyid stong pa nyid kyi ngo bo spros pa'i tshig chen por gyur pa ni/ 'jam dbyangs chen po sgra che ba zhes bya'o/ /de dag nyid sgra brjod pa bzhin du 'jig rten pa dang mtshungs par rkyen gyis bskyed pa'i dngos por grub pa nyid nas khams gsum thams cad stong pa nyid du gcig pa skye ba med pa as bstan pa ni/ 'jig rten gsum na sgra gcig pa zhes la/ de nyid nam mkha' i khams thams cad du brjod pa bzhin du/ 'jig rten pa'i tshul gyis khyab pa gang yin pa de la/ nam mkha' i mthas klas sgra sgrogs pa nyid ces pa nyid do/ /sgra dang ldan pa rnams kyi mchog ces bya ba nyid ni/ 'jam dpal zhes bya ba 'di nyid ni nges par 'byung ba yin te/ de ltar stong pa nyid sgra'i don dang ldan zhing/ dngos po kun gyi mchog tu gyur pa de la de skad ces bya zhing/ de nyid me long lta bu'i ye shes kyi ngo bo nges pa lnga'i tshul du bshad pa ste gsum pa'o// //de ltar gyi ye shes dang sku dang thugs yongs su grub pa las gsung nges par 'byung ba las ni/ yid kyi rnam par shes pa rnam par dag pa las/ de bzhin gshegs pa rnams kyi so so rtog pa'i ye shes te/ de'i tshul du bshad pa ni/ yang dag bdag med de bzhin nyid/ ces pa la sogs pa gsungs te/ de la gsung yongs su dag pa'i nyin mtshan ni/ mu stegs la sogs pa'i brtags pa'i bdag dang byed pa po dang bral zhing yang dag pa'i de bzhin nyid kyi bdag nyid do zhes bya'o/ /yang dag pa'i mdza' de nyid yi ge'i gzugs kyi gdang ba gang yin pa de la yang dag mdza' ste yi ge med ces bya zhing/ de bzhin gshegs pa'i gsung ni chos thams cad stong pa nyid du ston pa ste/ nyan thos la sogs

  477. 239a

    pa'i rtogs pa'i nang nas khyu ba'i rgyal por zhugs pa ni/ stong nyid smra ba'i khyu mchog ste zhes bya'o/ /zab cing rgya che'i sgra sgrogs pa zhes pa ni/ 'dod chags dang zhe sdang lhan cig pa/ thabs dang shes rab chags pa'i tshul dang/ khro ba chen po'i rang bzhin du ston pa ni zab pa yin la/ de nyid khams gsum pa'i sems can thams cad yongs su bzung ba'i tshul gyis nges par grags pa gang yin pa de la de skad ces bya'o/ /de nyid theg pa chen po 'ba' zhig gis don mdzad dam/ de ltar na ni nyan thos la sogs pa rjes su mi 'dzin pa'i yang dag par rdzogs pa'i sangs rgyas yin par thal bar 'gyur ro zhe na/ de'i phyir gsungs pa/ chos kyi dung ste sgra chen ldan/ chos kyi gaN+Di sgra bo che zhes gsungs te/ de la chos ni mngon par mtho ba/ thag ring por rab tu bsgrags pa nyid du ste/ dpe'i tshul gyis sems can thams cad rjes su 'dzin pa nyid do/ /dge 'dun de ni so so skye bo gzhan la med cing dge slong gi dge 'dun pas bar mdzad pa nyid do/ /de yang 'di'i tshul gyis 'phags pa nyan thos rnams kyang rjes su 'dzin par mdzad do zhes bya bar dgongs so/ /yang dag par rdzogs pa'i sangs rgyas ni phung po lhag ma med par mi gnas pa'i mya ngan las 'das pa yin pas na mi gnas mya ngan 'das pa po zhes bya'o/ /'on de bzhin gshegs pa ni theg pa chen po'i rigs can du nyan thos kyi rigs can tsam zhig la chos ston nam zhe na/ ma yin par gsungs pa ni/ phyogs bcu'i chos kyi rnga bo che zhes gsungs te/ phyogs bcu ni ma lus pa'i don yin la/ rnga ni de dag thams cad rab tu bsgrags pa ste/ rigs ma nges pa dag kyang/ rjes su

  478. 239b

    'dzin pa nyid do/ /zhes bya bar dgongs so/ /gzugs med gzugs bzangs dam pa ste zhes pa ni/ de bzhin gshegs pa'i gsung yongs su rdzogs pa yin te/ de 'dus byas pa'i gzugs su med pa'i sangs rgyas kyi phun sum tshogs pa'i bdag nyid du sgrub pas de skad ces bya'o/ /rnam par rtog pa dang bral ba'i chos kyi sku grub la sprul pa'i sku 'gro ba drug gi rigs kyi gtso bor gyur pa dang/ rkyen gyi rjes su 'dul ba'i gzugs rnam pa sna tshogs rnams skyob pa chen po'i sku las byung ba ni/ sna tshogs gzugs can yid las skyes zhes bya'o/ /gzugs kyi sku dang po me long g.ya' dag pa'i nang bzhin gyi gzugs brnyan rnams sna tshogs pa snang zhing/ de las dri ma dang smra brjod la sogs pa nyid kyi sel ba ltar/ byang chub sems dpa' rnams kyi shes bya'i sgrib pa ma lus pa rnams de bzhin gshegs pa'i sku la snang zhing de'i chos de'i ting nge 'dzin gyis grangs med par gyur par mdzad/ byang chub sems dpa' rnams rang nyid kyi sgrib pa rnam par sel ba ni mdzad pa ni/ gzugs rnams thams cad snang ba'i dpal zhes bya'o/ /de nyid me long gi dkyil 'khor ltar gzugs brnyan thams cad snang bar mdzad pas na/ gzugs brnyan ma lus 'chang ba po zhes bya ba nyid do/ /sangs rgyas kun gyis gsungs pa'i chos dam pa de la phyi rol gyi rnam par g.yeng ba rnams kyi tshugs pa med dang/ tshangs pa dang khyab 'jug la sogs pa'i bstan pa bas khyad par du gyur cing khams gsum pa thams cad kyi bdag por gyur bas na/ tshugs pa med cing che bar grags/ /khams gsum dbang phyug chen po ste zhes bya zhing/ de nyid 'phags pa rnams kyi nges pa'i lam

  479. 240a

    du gyur pa dang byang chub sems dpa' i sa la gnas par gyur pa ni/ 'phags lam shin tu mthog la gnas zhes bya'o/ /de ltar gsung yongs su dag pa las grub pa'i yon tan bstan pa ni/ dar ba chen po chos kyi tog bya ba la sogs pa gsungs te/ gnyis su med pa'i bde ba'i ye shes chen po rgyun gyi ye shes chen po thob par gyur pa de ni ba dan chen po ltar rdzu 'phrul dang mngon par shes pas nam mkha' la 'gro ba dang khams gsum gnas kyi gong na de las med pa'i gtsug gi nor bu ltar mtho ba gang yin pa de la de skad ces bya'o/ /'jig rten pa'i dngos grub bcud kyis len yongs su grub pa'i nyi ma dang/ zla ba ji srid gnas kyi bar du khams gsum na lo bcu drug pa 'dra ba'i che byad du 'dug pa ni/ 'jig rten gsum na gzhon lus gcig ces bya'o/ /de so so skye bo tham pa'i tshe rabs dpag tu med par gnas shing skye dgu rnams kyi gtso bor gyur pa ni/ gnas brtan rgan po skye dgu'i bdag ces bya'o/ /de nyid de bzhin gshegs pa'i mtshan dang dpe byad ltar 'od gang ba dang/ yan lag dang/ nying lag mdzes shing rgyas par gyur pa de la/ suM cu rtsa gnyis mtshan 'chang ba zhes bya zhing/ de nyid khams gsum pa thams cad kyi bu gcig pa ltar yid du 'ong zhing/ thig le mchog la sogs pa 'gugs par mdzad pa ni/ sdu gu 'jig rten gsum na mdzes zhes bya ba nyid do/ /de lta bu'i bdag nyid chen po'i gnas sbyor ba des nyi ma dang/ zla ba gnas kyi bar du 'jig rten du gnas na theg pa chen po'i sems can thams cad grol bar bya ba'i phyir/ theg pa chen

  480. 240b

    po'i zab mo'i don ston cing/ phyi dang nang gi nad dang/ 'jigs pa thams cad sdug bsngal sna tshogs dang bral bar gyur pa ni/ 'jig rten shes legs slob dpon te/ 'jig rten slob dpon 'jigs pa med ces bya ba nyid do/ /de lta bu'i rdo rje slob dpon de 'gro ba mdza' dag gi mgon du gyur cing/ thugs rje chen po dang ldan pas sems can rnams la thugs brtse bar mdzad pas ni/ mgon skyob 'jig rten yid bcugs pa zhes bya zhing/ skyabs thams cad kyi gtso bor gyur pas bla na med pa nyid kyis na/ skyabs dang skyob pa bla med ces bya'o/ /de ltar 'jig rten pa'i dngos grub smon par bstan nas/ 'jig rten las 'das pa'i dngos grub bstan pa ni/ nam mkha' i khams las longs spyod pa zhes bya ba la sogs pa gsungs te/ phyag rgya chen pos dngos grub ni nam mkha' i mdza' dang mnyam par 'gro don mngon par spyod pa la de skad ces bya ba de nyid rnam pa thams cad mkhyen pa'i ye shes nyid de de yang ye shes rnam pa sna tshogs pa zad pa med pa'i rgya mtshor gyur pa ni thams cad mkhyen pa nyid ye shes mtsho zhes pa nyid do de ltar ye shes spros pa dang bral ba'i mtshan nyid kyang 'gro ba rnams yid kyi shes par shes pa ma rig pa'i dbugs kyis g.yogs pa thams cad dang shes rab kyi bde ba chen pos 'byed pa'i phyir na/ ma rig pa'i dbugs 'byed pa zhes bya zhing/ de nyid srid pa'i dra ba nyid de/ de rab tu 'joms pa gang yin pa de la srid pa'i dra ba 'joms pa po zhes bya'o/ /de lta bu'i srid pa'i 'dod chags la sogs pa'i rkyen gyis yang nas yang du 'byung ba'i sdug bsngal ba ni nyon mongs?

  481. 241a

    yin la/ de lta bu'i ye shes kyi chu bos zhi bar byed pa ni/ nyon mongs ma lus zhi byed pa zhes bya zhing de la dus kyi ye shes chen po dang ldan pas rtag par bsgrubs shing de yongs su rdzogs pa'i mthar rgyun gyis ye shes 'bras bu chen po ni/ sangs rgyas bcom ldan 'das 'khor ba'i rgya mtsho'i pha rol tu phyin pa gang yin pa de ni/ 'khor ba'i rgya mtsho pha rol phyin zhes bya'o/ /de lta bu'i srid pa'i dra ba 'joms pa 'khor ba'i rgya mtsho las brgal ba de ga las thob ce na ye shes dbang bskur cod pan can zhes bya ba la sogs pa gsungs te/ ye shes kyi dbang bskur ba ni ye shes dbang bskur cod pan can zhes bya'o/ /bde ba chen po'i mtshan nyid du gnas pas/ bdag gi bag chags kyi dri ma thams cad dag par gyur pa nyid dang/ bde ba chen po de nyid rdo rje nor bu'i kha nas spyi gtsug gi dbu rgyan du 'khor ba'i phyir cod pan yin la/ de nyid dus gsum gyi de bzhin gshegs pa thams cad kyi ngo bo rdo rje sems dpa' yin la/ de dag rang gi sprul pa'i rgyan du rgyas btab pa ni/ rdzogs pa'i sangs rgyas rgyan du thogs bya ba nyid do/ /sdug bsngal gsum gyi sdug bsngal zhi zhes bya ba ni/ de lta bu'i rdo rje 'dzin pa chen po dbu rgyan byas pa la/ dga' ba dang/ mchog gi dga' ba dang bral ba'i dga' ba gsum ni/ rtog pa dang bcas pa'i phyir sdug bsngal yin la/ de dag rab tu zhi ba gang yin pa de ni lhan cig skyes pa'i dga' ba zhes bya bar dgongs te/ de nyid nges par bstan pa ni/ gsum sel mdza' yas grol gsum thob zhes gsungs la dga'

  482. 241b

    ba dang/ mchog gi dga' ba dang/ bral ba'i dga' ba gsum bsal ba las/ bde ba chen po mdza' yas spros pa dang bral bar gyur cing/ de ltar 'jig rten sdug bsngal las thar ba ni grol zhes bya ba nyid do/ /rgyu dang 'bras bu las grol zhing lhan cig skyes pa'i bde ba chen po thob po zhes bya ba nyid do/ /de lta bu nyid las dang nyon mongs pa dang/ shes bya dang skye ba'i sgrib pa thams cad nges par sgrol ba ni/ sgrib pa kun las nges par grol zhes bya zhing/ de nyid nam mkha' ltar brtan pa dang g.yo ba'i dngos po thams cad las mnyam pa nyid du khyab par gyur pa ni/ mkha' ltar mnyam pa nyid la gnas zhes bya la/ de la gong gi mtshams sbyar ba ni/ 'dod chags dang zhe sdang la sogs pa bdag dang bdag gir 'dzin pa'i rnam par rtog pa'i dri ma thams cad las 'das par gyur pa ni/ nyon mongs dri ma kun las 'das zhes bya ba nyid do/ /de las gzhan gyi sems rig pa mdza' dag rig par gyur pa'i mngon par shes pa lnga yongs su dag par gyur pa ni 'das pa dang ma 'ongs pa dang/ da ltar byung ba'i dus kyi 'bras bu rtogs par gyur cing de nyid rgyud pa dpag tu med pa'i tshul gyis na dus med pa zhes bya la/ de ltar rtogs pa ni dus gsum dus med rtogs pa po zhes bya ba nyid do/ /sems can kun gyi klu chen po zhes pa ni/ khams gsum gyi sems can thams cad la chos kyi sbyin pa'i char rab tu 'bebs pa ni klu yin la khams gsum pa thams cad du khyab par 'gyur ba ni chen po zhes bya ba nyid do/ /chos kyi nges par legs par de nyid kyis so so skye bo rnams lhag pa'i tshul khrims dang shes rab la sogs par 'jig rten 'di dang pha rol tu phyin par gyur pa ni/ yon tan thod can

  483. 242a

    rnams kyi thod ces bya'o/ /de nyid kyis nyon mongs pa thams cad las thar pa grol bar mdzad cing/ stong pa nyid kyi mtshan nyid la rab tu gnas pa ni/ lus kun las ni rab grol ba/ /nam mkha' i mdza' la rab gnas pa zhes bya ba nyid do/ /de ltar 'bras bu chen po yon tan dang bcas pa dang/ snod rnam par dag pa zab mo'i tshul du bstan nas/ de'i don nyid ma 'ongs pa'i sems can rnams 'di lta bu yongs su bzung bar bya'o/ /zhes bstan pa'i phyir na/ yid bzhin nor bu chen po 'chad zhes bya ba la sogs pa gsungs te/ sems can thams cad la sangs rgyas kyi yon tan thams cad kyi rtsa bar gyur pa ni byang chub sems yin te/ de bskyed pa ni yid bzhin nor bu ltar dgos pa thams cad grub par byed pa gang yin pa de la de skad ces bya zhing/ de nyid theg pa chen por sems bskyed pa yin la/ de las khyad par du theg pa chen po'i gsang sngags su sems bskyed pa ni/ khyab bdag rin chen kun gyi mchog ces bya ste/ de la 'jig rten dang 'jig rten las 'das pa'i dngos grub thams cad 'byung bar gyur pa ni/ dpag bsam shing chen rgyas pa ste zhes bya ba nyid do/ /de'i rjes lus ngag dang yid dang yid kyi rten du gyur pa las rnam par dag par byed pa bum pa'i dbang bstan pa ni/ bum pa bzang po che ba'i mchog ces gsungs te/ de la bum pa ni lus kyi dri ma dang/ rtog pa'i tshogs mdza' dag zhi bar byed pa yin la/ 'jig rten pa'i dbang phyug chen po la sogs pa'i srid srungs kyi bu zhes khyad par du gyur pa gang yin pa de la de skad ces bya zhing/ de nyid kyi sdug bsngal nges par

  484. 242b

    'bril ba dang/ 'bras bu yongs su grub pa'i don byed pa na/ byed pa sems can don byed pa zhes bya'o/ /de lta bu'i don byed tshul ni/ bde ba dang ldan par phan 'dogs pa dang/ srid pa'i 'jigs pa rnam pa sna tshogs rnams skyob pa'i grogs su gyur pas na/ phan 'dogs sems can mnyes gshin pa zhes bya zhing/ de nyid kyi dus de kho na nyid ces pa ltar mi dge ba'i mtshan nyid yid du mi 'ong ba dor ba dang/ dge ba'i mtshan nyid 'ong rgyu de la bkod pa ni/ bzang ngan shes shing dus shes la bya ba nyid do/ /de lta bu'i de nyid kyis sangs rgyas kyi mngon par rtogs pa thams cad thob par byed pa dang/ yongs su dag pa'i mtshan nyid las mi 'da' ba' i phyir dang/ khyab bdag dam tshig ldan zhes bya la/ gong ma mnyes brten pa'i dus shes pa dang/ dngos gzhi legs par sgrub pa gsal ba'i dus shes pa ni/ dus shes sems can dang po shes zhes bya ste/ de nyid snod dang/ rgyu dang 'bras bu rnam par dag pa nyid du rtogs pa ni/ rnam grol gsum la mkhas pa po zhes bya'o/ /de ltar 'jig rten dang 'jig rten las 'das pa'i yon tan gyi tshogs dpag tu med pa rnams dang ldan zhing/ gong nas gong du 'bras bu chen po bskyed par gyur pa ni yon tan ldan zhing yon tan shes zhes bya zhing/ bum pa dang gsang dbang dang shes rab ye shes dang/ rgyu rnam par dag pa dang/ 'bras bu phun tshogs pa rnams bde ba chen po'i mtshan nyid kyi srid pa dang/ mi dge ba'i tshogs mdza' dag dang/ bdud dang dbang phyug dang nang dang rims la sogs pa thams cad zhi bar mdzad pa dang/ yid du 'ong ba phun sum tshogs pa dang ldan par byed pa ni/ 'jig rten na bkra shis pa zhes zer la de'i

  485. 243a

    phyir na chos shes bkra shis bkra shis 'byung/ bkra shis kun gyi bkra shis pa/ grags pa'i bkra shis snyan grags dge zhes gsungs te/ de ltar dbang dang rgyu dang/ 'bras bu ni shes pa lnga yin par bstan la/ le'u dang po las kyang/ sbyor ba ldan zhing mi dge spong/ /bkra shis su brjod pa ni/ /lus dag nas ni rdzogs pa'i mthar/ /shis pa lnga ru bshad pa yin zhes gsungs so/ /de nyid 'khor ba'i sdug bsngal dpag tu med pa chu bo'i rlab bzhin du/ yang nas yang du 'das pas dal bar gyur pa gang yin pa de la/ shis pa chen po'i tshul gyis dbugs 'byin par byed cing rab tu dga' ba'i ston mos tshim par byed pa dang/ srid pa'i rkyen gyis skyo par gyur pa las brgal ba dang/ rnam pa sna tshogs pa'i rol mos sangs par mdzad pa gang yin pa de ni/ dbugs 'byin chen po dga' ston che/ dga' chen rol mo chen po ste zhes bya'o/ /de ltar theg pa yongs su rdzogs pa'i dbang dam pa thob pa las gyur pa la lha dang mi la sogs pa srid pa gsum gyi bdag po thams cad kyis rab tu bstod par gyur pa ni bkur sti rim gro phun sum tshogs zhes bya zhing/ mchog tu dga' ba'i grags bdag dpal zhes pa ni/ de ltar mchod pa'i tshogs phun sum tshogs pa thob par gyur pa las ni bdag nyid zhen pa med pa'i dga' ba dang ldan pa dang/ de la dus gsum gyi bdag po chen por gyur par ston pas gsungs pa thams cad du grags shing bdag gi don phun sum tshogs par rab tu ldan pa/ de la de skad ces bya zhing/ gzhan gyi don phun sum tshogs pa la yang bdag nyid du

  486. 243b

    gnas pa dang/ bdag nyid la thar pa chen po'i rgyu rab tu ston par byed pa ni/ sbyin pa rnams kyi nang nas mchog gam gtso bo zhes bya ste/ de'i phyir na mchog ldan mchog sbyin gtso bo ste zhes bya ba la rab tu brgyud pa'i dbang dam pa de nyid/ sman dang mi'i dbang phyug la sogs pa skyabs thams cad kyi dam par gyur pa dang/ gang dang gang skyabs su song ba thams cad la gnod pa rkyen gyis mi gos shing de las kyang yon tan gyi tshogs chen po dang ldan par gyur pa ni/ skyabs kyi dam pa skyabs su 'os zhes bya ba nyid do/ /skyabs dam pa de nyid 'khor ba'i rgya mtsho'i nang na/ chu srin gyi mche ba dug dang 'dra ba'i rnam par rtog pa'i don ni 'jigs pa chen po yin la/ de nyid nges par 'bril? ba de yi dgra yin zhing/ de nyid bskyed du med gtso bor gyur pa dang/ phyi dang nang gi 'jigs pa'i tshogs dpag tu med pa thams cad sel bar mdzad pa las/ skyabs 'jig rten dgra ste rab kyi mchog /'jigs pa ma lus sel ba po zhes bya'o/ /gtsug phud phud po lcang lo can zhes bya ba la/ de la gtsug phud ni 'dzag pa nye bar bsten pa zhes brjod de/ 'khor ba'i bdag nyid du yang nas yang du skye bar 'gyur ba ni 'dzag pa zhes bya ba la/ de nyid thar pa chen po'i grong khyer gyi skyor par byed pa dang/ rnam par snang mdzad de/ rab kyi bdag nyid gtso bor gyur pa'i gnas phral ba ru rab tu bzhag pa dang/ de la yon tan gyi tshogs bskyed par gyur pa gang yin par gyur pa de la de skad ces bya zhing/ ral pa muny+dza cod pan thogs zhes pa ni/ drug pa'i don la dang po'i tshig ste/ ral pa'i muny+dza zhes bya ba nyid yin la/ ral ba'i sgras ni bems

  487. 244a

    por brjod la/ bems po rtog pa dang bral ba'i don gyis sangs rgyas nges par 'byin pa mang po yang nas yang du/ mdud cing brtsegs pa gus pa'i tshul gyis spyi bos mchog tu mdud par byed pa gang yin pa de la de skad ces bya'o/ /de nyid sku lnga dang/ /ye shes lnga dang/ 'byung pa lnga dang/ bdag nyid ldog pa'i bye brag gi 'bras bu'i chos rgyu la tshang bar bstan pa ni/ gdong lnga gtsug phud lnga dang ldan/ /zur phud lnga pa me tog thod/ / ces gsungs te/ de la gdod lnga ni/ rtsa bar gyur pa na/ ye shes kyi bdag nyid dang/ gtsug ni gtso bo'i tshul rigs kyi bdag po ste/ zur phud ni 'khor du gnas pa'i tshul gyis 'byung ba ste/ de dag ni 'byung ba chu'i khams dang/ rigs kyi bdag po mi bskyod pa dang/ me long lta bu'i ye shes zhes bya ba nas/ me ni 'byung ba nam mkha' i khams dang/ rigs kyi bdag po rnam par snang mdzad dang/ chos kyi dbyings kyi ye shes zhes pa'i bar du go bar bya zhing/ slob dpon dang sna tshogs pa la yang de bzhin du go bar bya'o/ /me tog thod ni me tog gi phreng ba'i thod ces bya'o/ /spyi bor yongs su 'dzin pa rdo rje sems dpa' i ngo bo zhes bya bar dgongs so// de nyid mu stegs la sogs pa'i brtul zhugs pas khyad par du gyur cing rnam par rtog pa'i tshogs mdza' dag byang bar gyur pa dang/ nyan thos la sogs pa'i tshangs par spyod pa'i skye gnas su song ba ma yin zhing/ spros pa dang bral ba ni rdul gyis ma gos shing nyes pa'i skyon mdza' dag las dag par gyur pas na/ mgo zlum brtul zhugs chen po pa/ tshangs par spyod pa brtul zhugs mchog ces bya la/ du(rgyud 'grel): kha la sogs

  488. 244b

    pa'i 'gog pa ni dka' thub ma yin la byang chub kyi sems rin po che tha mal pa'i tshul las/ skad cig rtog pa'i tshogs mdza' dgag pa ni/ thub pa chen po ste/ de'i phyir na/ dka' thub mthar phyin dka' thub che zhes bya ba nyid/ gcang gnas dam pa gau ta ma zhes pa ni/ de ltar nyes pa'i tshogs mdza' dag dang bral zhing bsod nams kyi tshogs kyi gnas su 'gyur ba dang/ 'gro ba mdza' dag gi dam par gyur pa gang yin pa de la de skad ces bya zhing/ de nyid 'jig rten pa'i kha na ma tho ba thams cad spong bar gyur pa'i tshul gyis/ bram ze tshangs pa tshangs pa shes zhes bya la/ mi gnas pa'i mya ngan las 'das pa nyid/ tshangs pa chen po thob pas na/ mya ngan 'das pa tshangs pa thob ces bya ba nyid do/ /grol ba thar pa rnam grol lus zhes pa ni/ de la grol ba ngan 'gro'i sdug bsngal las grol ba dang/ thar pa ni bde 'gro'i mtshan nyid du gnas pa dang/ de gnyis de so so'i skye bo las khyad du 'phags pa dang dgra bcom pa'i tshul gyis rnam par grol ba'i lus zhes bya ba yin la/ rang sangs rgyas dang/ byang chub sems dpa' dang/ de bzhin gshegs pa'i tshul gyis gnas pa de nyid phung po lhag ma dang bcas pa dang/ kun tu rtog pa dang mi gnas pa'i mya ngan las 'das par gyur pa ni/ rnam grol zhing zhi pa nyid/ /mya ngan 'das shing mya ngan 'das/ /legs par mya ngan 'das dang nye zhes bya ba nyid do/ /bde sdug sel ba mthar gyur pa la de la sdug bsngal ni rnam par rtog pa'i tshogs mdza' dag yin la/ de nyid la bde bar 'dzin pa'i sgo nas bde ba ste/ de dag thams cad mthar bsal ba zhes bya ba nyid de/ chags bral lus las 'das pa po zhes bya?

  489. 245a

    ba nyid do/ /zab mo'i chos theg pa chen po'i sgra grags par gyur pa 'dod chags dang/ phral bar gyur pa'i dgra bcom pa'i bdag nyid las 'das pa zhes bya zhing/ de nyid kyi phyi rol gyi rnam par rtse ba thams cad kyis mi thub pa dang/ 'jig rten gyi dbang phyug chen po la sogs pa bgrang du med pa'i phyir ni/ thub pa med pa dpe med pa bya ba nyid de/ /de ltar yongs su dag pa'i nus pa de ni skyes bu'i rtsal gyis stobs ltar/ mngon du gsal bar gyur pa ma yin pa dang/ dgra bcom pa la sogs pas sgrogs par mi nus shing/ khams gsum thams cad khyab par gyur pa ni/ mi mngon mi snang gsal byed min/ mi 'gyur kun 'gro khyab pa po zhes bya ba/ de nyid bde ba chen po zag pa med pa nyid kyi bag chags kyi sa bon thams cad dang bral zhing/ ngag gi brjod pa thams cad las 'das pas na/ phra zhing zag med sa bon bral zhes bya la/ de lta bu'i bde ba chen po nyid ngan 'gro'i nyes pa dang/ bde 'gro'i rnam par rtog pa'i dri ma dang/ nyan thos kyi 'dod chags dang bral ba dang/ rang sangs rgyas kyi nang du yang dag 'jog gi 'dzin pa'i shes pa dang/ byang chub sems dpa' rnams kyi shes bya'i sgrib pa cha phra ba rnams spangs nas/ rdul med rdul bral dri ma med/ /nyes pa spangs pa skyon med pa zhes bya ba nyid do/ /de ltar yongs su dag pa'i 'bras bu ni ma rig pa'i gnyid las 'das pa dang sad par mdzad pa dang/ shin tu sad pas sad ba'i bdag ces bya la/ de nyid yongs su dag pa'i mngon par shes pa lngas/ dngos po thams cad rig pa dang/ rig pa las gdul bya'i snod nyes pa dang/ mnyes pa dang/ don thams cad shes par gyur pa ni/ kun shes

  490. 245b

    kun rig dam pa po zhes bya'o/ /de lta bu'i spros pa dang/ bral ba de nyid rnam par shes pa sma ba 'ba' zhig don dam par yod par 'dod pa las/ rnam par 'das shing gnyis su med pa'i ye shes spros pa dang bral ba'i tshul du gnas pa ni/ rnam par shes pa'i chos nyid 'das/ /ye shes gnyis med tshul 'chang ba zhes bya la/ de nyid thog ma tha ma med pa nas rnam par rtog pa thams cad dang bral zhing sus kyang ma bcos pa'i phyir dang/ rnam par rtog pa med par lhun gyis grub ces bya zhing/ dus gsum sangs rgyas thams cad kyi phrin las ni khams gsum pa thams cad grol bar mdzad pa yin la/ de nyid theg pa chen po'i mchog 'dis grol bar byed pa'i phyir na/ /dus gsum sangs rgyas las byed pa zhes bya ba nyid do/ /de ltar yongs su dag pa'i bum pas gnyis su med pa'i bde ba chen po gsal bar byas pa ni/ sangs rgyas thog ma tha ma med ces pa la sogs pa gsungs te/ de la gnyis su med pa'i ye shes chen po de ni thog ma dang tha ma med pa nas mngon par sangs rgyas pa'i rang bzhin yin pa de la de skad ces bya zhing/ de nyid chos dang longs spyod rdzogs pa dang/ sprul pa'i sku la sogs pa sangs rgyas thams cad dang por gyur pa dang/ rgyu dang rkyen gang gis mi bskyed pa'i phyir na/ dang po'i sangs rgyas rgyu med pa zhes bya la/ chos kyi dbyings mthong ba med pa ni ye shes kyi mig dri ma dang bral ba gsal bar gyur pa dang/ sprul ba'i tshogs dpag tu med pa 'byung ba'i rten du gyur pa dang/ dngos grub rnam pa sna tshogs pa'i rten du gyur pa dang/ ji lta ba bzhin rtogs pa'i phyir na/ ye shes mig gcig dri ma med/ /

  491. 246a

    ye shes lus can de bzhin gshegs bya ba nyid do/ /de bzhin gshegs pa'i gsung rnam par dag pa so sor rtog pa'i ye shes de yang 'jam dpal zhes bya ba nyid yin par bstan pa ni/ tshig gi dbang phyug smra ba te zhes bya ba gsungs te/ 'jam dpal zhes bya ba brdas mtshon pa yang/ shes rab kyi pha rol tu phyin pa phul du byung ba'i bdag nyid don nges par rdzogs pa'i tshig gi tshogs thams cad dbang phyug du gyur la/ shes rab de nyid ye shes yin pa'i phyir de skad ces bya'o/ /de ltar rdo rje de nyid rab tu brjod pa thams cad kyi mchog tu gyur pa dang/ 'khor gyi skye bo thams cad kyi nang na smra ba'i rgyal po ltar gyur pa dang/ tshig 'bru bzang po thams cad gyi 'byung ba'i gnas su gyur pa dang/ ri dags kyi rgyal po seng ge ltar phas kyi rgol ba thams cad tshar gcod pa'i phyir na/ smra ba'i khyu mchog smra ba'i rgyal/ smra ba'i dam pa mchog gi gnas/ /smra ba'i seng+ge tshugs pa ming? ces bya ba nyid do/ /ye shes chen po yongs su rdzogs pa'i sku ni khams gsum thams cad kyi lta bas tshig mi shes pa dang/ gang dang gang gis bltas pa de dag thams cad kyi sems kyi gdung ba sel ba'i phyir na/ kun tu lta bas mchog tu dga' zhes bya la/ sku de nyid las 'od zer sna tshogs pa stong gsum thams cad khyab pa'i phyir na/ gzi brjid phreng ba blta na sdug ces bya'o/ /de ltar yongs su rdzogs pa'i sku dang gsung bshad nas yongs su rdzogs pa'i thugs bshad pa'i phyir/ 'od bzang 'bar ba dpal gyi be'u zhes gsungs te/ de la dpal be'u ni rdo rje rtse lnga pa bzhin/ /pad+ma'i lcags kyu ltar snying po kha phyir bltas pa ste/ de bzhin gshegs

  492. 246b

    pa'i thugs de yang rnam par rtog pa dang bral zhing mi 'gyur ba'i mtshan nyid du gnas pa las/ gdul bya rnams mngon par 'dul ba'i tshul gyis rigs bzhin bdag nyid du 'gro ba rnams snang bar gyur pa de la de skad ces bya ste/ lag na 'od 'bar snang ba po zhes bya'o/ /de dag gi yon tan gyi bshad pa ste/ lag nas lag tu ster ba dang 'dra bar de bzhin gshegs pa'i yid bzhin nor bu/ rin po che ltar dgos pa'i don thams cad sgrub pa de la de skad ces bya'o/ /nad thams cad kyi rtsa bar gyur pa rnam par rtog pa yin la de nyid rtog pa dang bral ba'i tshul bde ba chen pos sel bar mdzad pa'i gtso bor gyur lpa dang/ rnam par rtog pa'i sdug bsngal thams cad ni gzer ba'i phyir zug rngu yin la/ de rtsa ba nas 'byin pas na/ sman pa che mchog gtso bo ste/ zug rngu 'byin pa bla na med ces bya ba nyid do/ /sman rnams ma lus ljon pa'i shing zhes pa ni/ mkhris pa dang pad kan dang/ 'dus pa la sogs pa'i nad rnams la/ sman ni chu dang ljon shing la sogs so so yin la/ de bzhin du de bzhin gshegs pa'i bde ba chen pos kyang 'dod chags dang zhe sdang dang gti mug la sogs pa'i nyon mongs pa'i nad rnam pa sna tshogs pa rnams zhi bar byed pa gang yin pa de la de skad ces bya zhing/ de nyid rnam par rtog pas ma bskyed pa'i nad thams cad dgrar gyur pas nad do cog? gi dgra che ba zhes bya'o/ /'dod pa dang gzugs dang gzugs med pa'i khams thams cad sngags pa chen po mchog tu gyur pas ni/ sdug gu 'jig rten gsum gyi mchog ces bya'o/ /khams gsum pa thams cad kyi sgrol ba'i gtso bor gyur pa dang/ de'i dkyil 'khor gyi lha dang lha mo'i tshogs dang/ stong pa nyid dang snying rje dbyer med pas 'gro ba rnams

  493. 247a

    sgrol bar mdzad pa ni/ dpal ldan rgyu skar dkyil 'khor can zhes bya la/ 'jig rten gyi khams mdza' yas mu med pa rnams su/ nam mkha' i khams dang 'dra bar thugs rjes khyab pa ni/ phyogs bcu nam mkha' i mthar thug par/ /chos kyi rgyal mtshan legs par 'dzugs zhes bya ba nyid do/ /'gro na gdugs gcig yangs pa ste/ /zhes bya ba de la nyi ma gcig ni ska ? pa'i bye brag mi shes pa rnams la myur ba'i dpe bstan pa ste/ de bzhin gshegs pa'i thugs kyi skad cig ma gcig la nam mkha' i mthar thug thams cad bgrod par gyur pa gang yin pa de la de skad ces bya zhing/ de nyid byams pa dang/ thugs rje'i bdag nyid kyis 'gro ba rnams la snying po'i don ston pa ni/ byams dang snying rje'i dkyil 'khor can zhes bya'o/ /dpal ldan pad+ma gar gyi bdag ces pa 'dis ni/ pad+ma'i rigs kyi bdag nyid so sor rtog pa'i ye shes nyid nges par gzung ba nyid do/ /de la le'u dang po las/ /dpal ldan gsung gi bdag nyid can/ /dpal ldan gar gyi dbang phyug dang/ /so sor rtog pa'i ye shes te/ /chags pa chen por rab tu bstan/ /zhes gsungs pa'i phyir ro/ /khyab bdag chen po rin chen gdugs zhes pa ni/ de bzhin gshegs pa chen po ni 'gro ba mdza' dag gzung ba dang 'dzin pa'i rnam par rtog pa las skyob par mdzad do/ /de nyid grang ba'i gdung ba dang/ tsha ba'i gdung ba ltar gnas pas na/ de las skyob pa gang yin pa de la de skad ces bya zhing/ de la sangs rgyas kyi thugs rje chen po 'byung ba'i chos kyi 'khor los bag chags kyi sa bon thams cad bsreg pa dang/ ma rig pa'i chun po thams cad sel bar byed

  494. 247b

    pas na/ sangs rgyas kun gyi gzi brjid che zhes bya zhing/ dus gsum gyi de bzhin gshegs pa thams cad skyed par byed pa'i rten du gyur pas na/ sangs rgyas kun gyi sku 'chang ba zhes bya'o/ /sangs rgyas kun gyi rnal 'byor che zhes pa ni de la rnal 'byor ni chos thams cad rang bzhin thabs dang shes rab gnyis su med pa'i bde ba chen po ste/ de'i rjes su 'jug pa de la de skad ces bya'o/ /de nyid dus gsum gyi de bzhin gshegs pa thams cad theg pa chen po yongs su rdzogs pa'i chos/ rigs gcig pa'i skye bo rnams la ston par gyur pa yin pas na/ sangs rgyas kun gyi bstan pa gcig ces gsungs te/ de la le'u dang po las/ dus gsum bde gshegs thams cad kyi/ /theg pa gcig tu gyur pa ste/ /gnyis dang gsum du dbyer med cing/ /'bras bu'i rten la rab tu 'bad ces gsungs te/ bstan pa dang theg pa zhes bya ba gcig tu dgongs/ rdo rje rin chen dbang bskur dpal zhes pa ni/ ye shes chen po'i mtshan nyid gsal bar mdzad pa ni/ bdud kyi tshogs mdza' dag 'joms pa dang/ 'dod pa'i dngos grub thams cad sgrub pa dang/ bsod nams dang ye shes kyi tshogs yongs su rdzogs pa'i phyir na/ de skad ces bya zhing/ de las sangs rgyas dang chos dang/ dge 'dun 'byung ba'i bdag por gyur pas na/ rin chen kun bdag dbang phyug ste ces bya'o/ /de ltar de bzhin gshegs pa'i bdag nyid chen po ni sku dang gsung dang thugs dang/ ye shes kyi bdag nyid rtogs kyi byang chub sems dpa' bstan pa ni/ 'jig rten dbang phyug kun gyi bdag ces pa la sogs pa gsungs te/ de la 'jig rten dbang phyug ni spyan ras gzigs kyi dbang phyug yin la/ rdo rje 'chang

  495. 248a

    ba kun gyi rje zhes pa ni/ 'phags pa phyag na rdo rje yin la/ 'dir ston pa 'jam dpal gzhon nur gyur pa dang/ rdo rje sems dpa' rnams ni rim pa ji lta ba bzhin sku dang gsung dang thugs dang/ ye shes kyi ngo bo yin te/ de nyid bstan pa ni/ sangs rgyas kun gyi thugs che ba zhes gsungs te/ me long lta bu'i ye shes so/ /sangs rgyas kun gyi thugs la gnas zhes pa ni/ ye shes kyi bdag nyid rdo rje dbyings kyi dkyil 'khor chen po yin la/ sangs rgyas kun gyi sku che ba zhes bya ba ni/ chos dbyings ye shes kyi bdag nyid yin zhing/ sangs rgyas kun gyi gsung yang yin zhes pa ni so sor rtog pa'i ye shes kyi bdag nyid yin par gsungs te/ mnyam pa nyid dang/ bya ba grub pa dang/ phrin las kyi bdag nyid kyi sku dang gsung dang thugs dang ye shes kyi yon tan dang/ phrin las yin pa'i phyir gung du bgrang ba nyid do/ /de lta bu'i sku dang gsung dang thugs dang ye shes kyi bdag nyid de dag rnam par dag pa'i gsang ba'i dbang la bltos par bstan pa na/ rdo rje nyi ma bde ba che zhes pa la sogs pa gsung ste/ de la rdo rje nyi ma ni/ shes rab kyi bde ba spros pa dang bral ba 'byung ba rang 'byung gi me tog ces bya ste/ thabs kyis bsam pa las byung ba dang/ kha dog dmar ba'i phyir na/ nyi ma zhes bya zhing/ rdo rje zla ba dri med 'od ces bya ba ni/ thabs kyi bde ba chen po rtog pa dang bral ba las byung ba/ byang chub kyi sems zhes bya ste/ de nyid shes rab kyi bsam pa las byung zhing kha dog dkar po'i zla ba zhes bya ste/ de nyid rtog pa'i dri ma dang bral bas dri ma med pa'i 'od dang/ dri ma med pa'i snang ba zhes bya ba nyid do/ /de nyid rdo rje slob dpon gyi dga' bral las byung zhing/ de'i gang na

  496. 248b

    lhan cig skyes pa dang/ mchog tu dga' ba dang po rnams yod pa'i phyir na/ chags bral la sogs chags pa che zhes gsungs la/ de nyid skad cig ma sna tshogs pa dang/ rnam par nyed pa dang rnam par smin pa dang/ mtshan nyid dang bral ba las byung zhing/ skad cig ma rnams me 'bar ba bzhin du 'dod chags las 'bar ba las byung ba'i 'od 'bar ba las byung bas na kha dog sna tshogs 'bar ba'i 'od ces bya ba nyid do/ /de nyid sbyor ba chen po ji lta bu las 'byung zhe na rdo rje skyil krung rdzogs sangs rgyas zhes byung ste/ ji ltar sprul pa'i sku shAkya thub pa rdo rje'i gdan la rdo rje'i skyil krung du mngon par rdzogs par sangs rgyas pa de bzhin du/ rdo rje rtse lnga'i mtshan nyid rdo rje rgya gram gyi tshul du/ thabs dang shes rab kyi yan lag phan tshun du bsnol ba las rtog pa dang bral ba'i bde ba chen po/ /rtog pa gang yin pa de la de skad ces bya zhing/ de lta bu'i bde ba chen po nyid kyi mtshan dang dpe byad la sogs pa sangs rgyas kyi chos mdza' dag gis 'dzin par mdzad pa ni/ sangs rgyas 'gro ba'i chos 'dzin pa zhes gsungs te/ de nyid bdun pa'i don la dang po'i tshig go /dpal ldan sangs rgyas pad+ma skyes zhes pa ni/ pad+ma ni rtogs can te/ sku gsung thugs yongs su rdzogs par byed rgyu'i rgyu/ byang chub kyi sems de la gnas shing/ de nyid rtogs pa chen po'i tshul gyis lnga pa dang/ bdun pa 'don pa'i tshig ste/ pad+ma las skyes shing pad+ma ru skyes shes bya la/ de nyid kyi pad? steng gi pad+ma dang/ 'og gi pad+ma dang zhes grags so/ /kun mkhyen ye shes mdzod 'dzin pa zhes pa ni/ gsang ba'i dbang gis yon tan bshad pa ste/ de la mdzod ni rdzas kyi dngos

  497. 249a

    pa thams cad 'byung ba'i rgyur gyur pa yin la /de ji lta ba bzhin du rnam pa thams cad mkhyen pa'i ye shes 'byung ba'i rgyur gyur pa nyid do/ /de nyid dngos gzhi ni/ longs spyod rdzogs pa'i tshul gyis ting nge 'dzin dra ba dpag tu med pa 'chang bas na/ rgyal po sgyu 'phrul sna tshogs 'chang zhes bya ba nyid do/ /che ba sangs rgyas rig sngags rgyal zhes pa ni/ de ltar gong du bstan pa'i gsang ba'i dbang ni/ sangs rgyas thams cad kyi rig pa'i rtsa ba chen por gyur pa nyan thos la sogs pa'i gtso bor gyur pas de skad bya la/ de lta bu'i gsang ba'i mtshan nyid kyis rnam par rtog pa'i sdug bsngal thams cad 'joms par mdzad pa dang/ srid pa'i dra ba thams cad gcod pa dang/ mi 'gyur ba'i bde ba chen po rnam par dag pa dang/ theg pa chen po'i lam gyi tshul gyis sdug bsngal rnams gcod par mdzad pas na/ rdo rje rnon po ral gri che/ /yi ge mchog ste rnam par dag /theg pa chen po'i sdug bsngal gcod ces bya ba nyid do/ /mtshon cha chen po rdo rje'i chos zhes pa ni/ gong du thogs pa'i tshul nyid rtog pa dang bral ba'i bde ba chen po bsgom pa'i phyir/ sdug bsngal mdza' dag gcod pa'i phyir de skad ces bya zhing/ /rtogs par dka' zhing de bzhin gshegs pa thams cad kyi sku 'dzin par 'dod pas na/ rdo rje zab mo dzi na dzi ka ces bya'o/ /de lta bu'i bde ba chen po ni/ shes rab kyi rang bzhin gyi sa dang pha rol tu phyin pa'i don mdza' dag phyin ci ma log par rtogs pa ni/ rdo rje blo gros don bzhin rig ces bya la/ de nyid pha rol tu phyin pa bcu la sogs pa/ pha rol tu phyin pa thams cad rdzogs pa dang/ gsang ba'i pad+ma

  498. 249b

    chos kyi dbyings kyi mtshan nyid dang/ pha rol tu phyin pa'i sa rab tu dga' ba nas rdo rje 'dzin pa chen po'i go 'phang gi sa dang/ mthun bar cha phra zhing lto ba yangs pa/ ston ka'i dus zla ba yongs su rdzogs pa'i zla ba lta ba dri ma dang bral bar gnas pa ni gsang ba'i rdo rje mnyam par sbyar ba'i gnas skabs ni/ gong nas gong du bde ba 'phel ba'i phyir na/ pha rol phyin pa kun rdzogs pa/ /sa rnams kun gyi rgyan dang ldan zhes bya la/ de nyid dri ma dang bral zhing rnam par dag pa'i chus yang dang yang du 'khrud cing gzung ba dang/ 'dzin pa'i rnam par rtog pa dang bral bar byed pa ni/ rnam par dag pa bdag med chos zhes bya'o/ /yang dag ye shes zla 'od bzang zhes pa ni byang chub kyi sems rdo rje'i bum pa'i nang na gnas pa ni yang dag pa'i ye shes zla ba'i dkyil 'khor ltar rnam par rtog pa'i 'ching ba gdung ba chen po rims dang 'dra ba sel bar mdzad pa gang yin pa de la de skad ces bya la/ de yis myur ba nyid du ye shes chen po'i mtshan nyid thob par byed cing phyag rgya bzhi'i bdag nyid dang ldan pa na gzhon nu ma'i phra phab pa dang 'dra bar gnas pa na/ de bya ba dang/ spyod pa dang/ rnal 'byor dang/ gnyi ga'i rgyud thams cad bdag nyid lta ba dang/ lag pa bcangs pa dang/ 'khyud pa dang/ snyoms par 'jug pa'i tshul du kun gyis rgyur gyur pa na/ rgyud kun gyi ni bdag po mchog ces bya ba nyid do/ /rdo rje'i gdan ni ma lus ldan zhes bya ba ni dus gsum gyi de bzhin gshegs pa thams cad mngon par rdzogs par sangs rgyas pa'i gnas gsang ba'i pad+ma yin te/ rnam par rtog pa'i bdud kyi dpung thams cad 'joms pa gang yin pa de la

  499. 250a

    de skad ces bya zhing/ rgyud dang bral ba'i ye shes rnam pa sna tshogs pa ma lus pa 'chang bar gyur pas na ye shes sku rnams ma lus 'chang zhes bya'o/ /ye shes kyi sku de rnams nyid nges par ston pa ni/ kun tu bzang po blo gros bzang zhes bya ba la sogs pa gsungs te/ de la kun tu bzang po ni de bzhin gshegs pa thams cad kyi thugs kun tu bzang po shes rab chen po'i ngo bo ni sangs rgyas kyi sku rnams kyi gtso bo dang bzang po zhes bya ste/ de nyid chos kyi sku zhes bya'o/ /de ltar chos kyi sku las byung longs spyod rdzogs pa'i sku ni sa bcu'i byang chub sems dpa' sems dpa' chen po rnams kyi snying por gyur zhing/ rnam par dag pa'i 'gro ba 'dzin pa'i phyir na/ sa'i snying po 'gro ba 'dzin ces bya la/ longs spyod rdzogs pa'i sku las byung ba'i sprul pa'i sku ni dus gsum gyi sangs rgyas thams cad kyi snying po yin te/ drag po la sogs pa'i gzugs ni rtogs par dga' ba'i phyir sangs rgyas kun gyi snying po che zhes bya zhing/ sprul pa'i sku rnam pa sna tshogs de nyid/ srid pa gsum po thams cad rim pa ji lta ba bzhin du 'gro ba rnams grol bar mdzad pas na/ sprul pa'i 'khor lo tshogs 'chang zhes bya ba nyid do/ /de ltar so sor rtog pa'i ye shes la yang sku gsum gyi bdag nyid du bshad nas/ sku gsum bdag nyid ye shes chen po de ni sku dang ye shes dang rta dang glang po che la sogs pa srid pa dang mya ngan las 'das pa'i dngos po thams cad gyi rang bzhin du gnas pa dang/ dngos po thams cad kyi rang bzhin du 'byung ba'i phyir na/ dngos po kun gyi rang bzhin mchog /dngos po kun gyi rang bzhin 'dzin ces

  500. 250b

    bya ba nyid do/ /de ltar chos thams cad skye ba med pa'i tshul las 'gro ba rnams kyi bsam pa'i dbang gis/ de bzhin gshegs pa'i smon lam gyi mthu chen po dngos po rnam pa sna tshogs su snang ba ni skye med chos de sna tshogs don zhes bya la/ de nyid zag pa dang bcas pa'i chos dang zag pa med pa'i chos thams cad kyi bdag nyid du ston pa ni/ chos kun ngo bo nyid 'chang ba zhes bya ba nyid do/ /shes rab chen po skad cig la zhes bya zhing/ rgyu'i ye shes rnam par rtog pa thams cad dang bral ba bde ba chen po'i skad cig ni/ shes pa thams cad kyi gtso bo 'am dam par gyur pas na/ shes rab chen po zhes bya la/ yongs su dag pa'o skad cig ma de la kun rdzob kyi dngos po thams cad bde ba chen po'i dngos por rtog pa ste/ dngos zhes bya ba nyid do/ /thub pa blo mchog 'byung po sel zhes pa ni/ de la de lta bu'i ye shes chen po des phyin ci log gi rtog pas bskyed pa'i bag chags ni sreg par byed pa'i phyir 'byung po yin la/ shes rab chen po'i mtshan nyid kyi sel bar byed pa gang yin pa de la de skad ces bya la/ phyi rol gyi rnam par rtog pa g.yang ba la sogs pa bkod par mi nus pa dang/ yid bzhin gyi nor bu dang ba ltar dri ma dang bral ba'i bdag nyid du gnas pa dang yang dag par rdzogs pa'i sangs rgyas kyi byang chub ni chos kyi dbyings rtogs pa'i mtshan nyid du gnas shing rab tu dang ba'i mtshan nyid de de sa yongs su 'dzin pa'i phyir na/ mi g.yo rab tu dang ba'i bdag /rdzogs pa'i sangs rgyas byang chub 'chang zhes bya ba nyid do/ /sangs rgyas kun gyi mngon sum pa zhes pa ni/ de nyid kyis sangs rgyas thams cad kyi don dam pa mngon sum gyi shes pa dang 'dra bar rtogs par

  501. 251a

    byed pa'i phyir na/ rab tu rtogs pa mngon sum pa de la de skad ces bya la/ de nyid spros pa dang bral ba'i ye shes chen po ni/ rnam par rtog pa'i bud shing thams cad sreg par byed pa'i phyir na me yin la/ ma rig pa'i mun pa thams cad sel ba dang/ nyon mongs pa'i gdung ba sel ba'i phyir na/ ye shes me lce 'ong 'bar ba zhes bya ste/ de ltar so sor rtog pa'i ye shes ni gsung nye bar 'dzin pa yin te/ yon tan las ni de'i yon tan dang las yin la/ de bas mnyan pa nyid dang bya ba grub pa'i sngon du 'gro bas kun gyi dus su bshad pa yin la/ de nyid nges pa lnga'i tshul du bshad pa ste bzhi pa'o/ /de ltar ye shes dang/ sku dang gsung dang thugs rnams bstan nas/ da ni de rnams yon tan du 'gyur ba mnyam pa nyid kyi ye shes kyi bdag nyid du bshad pa ni/ 'dod pa'i don grub dam pa ste/ zhes pa la sogs pa gsungs te/ de nyid nga rgyal chen po'i gang zag rnams 'dul ba'i don du nga rgyal chen po'i sku rin chen 'byung ldan ni/ nor bu rin po che'i rgyal mtshan gyis gdul bya'i skye bo thams cad kyi 'dod pa'i don thams cad grub par mdzad pa gang yin pa de la de skad ces bya zhing/ de nyid kyi nga rgyal nye bar mtshon nas 'dod chags la sogs pa thams cad nyon mongs nga rgyal 'gro ba'i rgyu yin la/ de nyid yang dag par sbyong ba'i phyir na/ ngan song thams cad rnam sbyong ba zhes bya'o/ /mgon po sems can kun gyi mchog ces pa ni/ de ltar nyon mongs pa thams cad kyi yid yongs su dag pa las mnyam pa nyid kyi ye shes ni bdag gzhan gyi rgyud mnyam ste/ de sems can thams cad dang mtshungs pa dang/ 'gro ba thams cad kyi mgon

  502. 251b

    du gyur pa nas de skad ces bya zhing/ de nyid gdul bya'i skye bo rnams nges par grol bar mdzad pas na/ sems can thams cad grol bar byed ces bya la/ 'dod chags dang zhe sdang la sogs pa rnams ni ? 'bebs pa'i phyir yul yin la/ de nyid du ye shes chen po'i mtshan nyid ni pha rol gyi dpung 'joms par byed pa'i ngo bor gyur pa dang/ ma rig pa la sogs pa'i mi shes pa'i bdag nyid ni/ gzhan la bltos pa med pa'i tshul gyis dags pa yin la de rab tu 'joms par mdzad pas na/ nyon mongs g.yul du gcig dpa' ba/ mi shes dgra yi dregs pa 'joms zhes bya ba nyid do/ /blo ldan sgeg 'chang dpal dang ldan zhes pa ni 'jam dpal zhes bya ba nyid 'dis gzung ba ste/ mnyam pa nyid kyi ye shes 'di yang shes rab phul du byung ba'i mtshan nyid yin pa dang/ rin po che'i rgyan gyis sems can rnams mdzes par mdzad pa bsod nams dang ye shes kyi tshogs rdzogs par mdzad pa de la de skad ces bya la/ sems can gdug pa dang ldan pa de rnams 'dul ba'i don du drag po'i sku gzugs ston kyang chos kyi dbyings las mi 'gyur ba'i phyir/ brtan po mi sdug gzugs 'chang ba zhes bya la/ de nyid rigs brgya'i mtshan nyid kyi sa phyogs thams cad du gshegs par mdzad pa gang yin pa de lta bu'i tshul gyis theg pa chen po yongs su rdzogs pa'i go 'phang gi stobs kyis gong nas gong du bskyod par mdzad pa gang yin pa de la de skad bya la lag pa brgya po kun bskyod cing gom pa'i stobs kyis gar byed pa nyid do/ /dpal ldan lag pa brgyas gang la zhes pa ni/ de ltar bsod nams dang ye shes kyi tshogs yongs su rdzogs pa'i rigs brgya la sogs pa

  503. 252a

    ni/ sems can rnams kyi nyon mongs par mdzad pa ni/ grol ba'i lam la nges par 'jog pa'i phyir de skad ces bya'o/ /de lta bu'i gzugs kyis nam mkha' i mthar thug pa gdul bya la gang dang gang na gnas pa de dang de na bskyod pa'i gzugs kyis gnas pa ni/ nam mkha' khyab par gar byed pa zhes bya zhing/ de nyid kyis sa dang po rab tu dga' ba nas sa bcu gsum pa rdo rje 'dzin pa chen po'i bar du yongs su dga' ba'i snying po bde ba chen po'i mtshan nyid/ rtse gcig pa spros pa thams cad dang bral ba yis gnon cing bgrod par mdzad pa ni/ sa yi dkyil 'khor gzhi yi khyon/ /rkang pa ya gcig mthil gyis gnon zhes bya ba nyid do/ /rkang mthil sen mo khyon gyis kyang/ /tshangs pa'i g.yul sa rtse nas gnon/ /zhes bya ba ni/ de la rkang mtheb sen mo ni/ rkang pa'i bgros go 'phang yin la/ theg pa'i sgras ni lcags kyu bshad la/ sen mo sgras ni grur bshad do/ /de ltar rdo rje 'dzin pa'i go 'phang las byung ba'i lcags kyu 'jig rten pa'i tshangs pa chen po nga rgyal ni dug dang bcas pa'i phyir/ rlung dang 'dra la de nyid nga rgyal gnas pa'i phyir ro/ /g.yul sa yin te/ de bzhin gshegs pa'i thugs rje chen pos gnon par mdzad pas na de skad ces bya'o/ /de ltar ye shes chen po'i mtshan nyid 'di ni dus gsum gyi sangs rgyas thams cad kyi bya ba rdzogs pa'i don gcig nyid yin zhing legs par gsungs pa'i chos mthar? dag gis grub pa'i 'bras bu chen po'i don du gyur pas na/ don gcig gnyis med chos kyi don ces bya zhing/ da nyid rnam pa thams cad kyi mchog dang ldan pa don bzang po yin zhing 'khor ba'i 'jigs pa

  504. 252b

    thams cad dang bral bas na/ dam pa'i don ni 'jigs pa med ces bya la/ ye shes chen po'i don de nyid rang rig pa'i phyi rol gyi don rnam pa sna tshogs par snang zhing shes pa la phyi rol na med pa'i phyir na/ rnam rig sna tshogs gzugs don can zhes bya ba nyid do/ /sems dang rnam shes rgyu dang ldan zhes pa la sogs pa dang rnam par shes pa dang/ kun gzhi rnam par shes pa dang/ yid ces bya bas na grangs te/ sna tshogs pa'i gzugs 'dzin pa dang/ bag chags kyi rnam par snang ba'i phyir de skad ces bya zhing/ de nyid sems kyi rang bzhin gyi rnam par dag pa'i dngos po'i mtshan nyid don rab tu gsal bar gyur pa ni/ dngos don ma lus rnams la dga' zhes bya ba nyid do/ /de lta bu'i ye shes chen po dngos po thams cad kyi bdag nyid du mtshungs lam thams cad ji lta bus gsal bar gyur cing gang gi thob ce na/ stong pa nyid dga' 'dod chags blo zhes pa la sogs pa gsungs te/ de la shes rab ye shes kyi dbang gi dus su thob pa'i lhan cig skyes pa'i ye shes ni chos kyi dbyings la sogs pa/ bral ba'i mtshan nyid bde ba chen po la mngon par zhen pas na/ 'dod chags zhes bya la/ de nyid chen po'i mtshan nyid du gnas pas na/ rnam par rtog pa'i tshogs mdza' dag 'gags pas na stong pa zhes bya zhing de nyid so so'i skye bo la sogs pa'i 'dod chags 'dzag pa dang bcas pa'i bde ba zmngon par zhen pa ngan 'gro'i rgyur gyur pa spangs pa nyid la srid pa'i 'dod chags sogs spangs pa zhes bya ba nyid do/ /srid gsum dga' ba chen po pa zhes bya ba ni skad cig ma la 'dod pa dang/ gzugs dang/ gzugs med khams thams

  505. 253a

    cad bde ba chen por gcig pa'i phyir na/ khams gsum po la de skad ces bya zhing/ rnam par rtog pa'i tshogs mdza' sreg bar byed pa dang ye shes chen po'i stobs gong nas gong du 'phel bar byed pa dang/ nyes pa'i dri ma thams cad dang bral ba'i phyir na/ sprin dkar dag pa bzhin du dkar zhes bya ba nyid do/ /dkar ba'i sgras ni sreg pa las gyur pa'i dag pa dang stobs zhes brjod do/ /'od bzang ston ka'i zla ba'i ces pa ni/ thabs kyi gsang ba'i rdo rje las byung ba'i byang chub kyi sems ni dri ma dang bral ba'i phyir/ /ston ka'i zla ba'i dkyil 'khor ltar gsal ba yin la/ de las byung ba'i bde ba chen po ni zla ba'i 'od zer ltar ma rig pa'i mun ba thams cad sel bar byed pa'i phyir na de skad ces bya la/ shes rab ma'i gsang ba'i pad+ma las byung ba'i byang sems ni rang 'byung gi me tog dang 'dres pa'i phyir na/ nyi ma shar ba'i dkyil 'khor ltar dmar skyar snang zhing/ de nyid dri ma dang bral ba dang rab tu dang ba'i bdag nyid du gnas pa mdzes pa'i phyir na/ nyi ma 'char ka'i dkyil ltar mdzes zhes bya ba la/ de las 'byung ba chen po ni nyi dkyil kyi 'od ltar spros pa dang bral ba'i chags la chen pos gnas pa ni sen mo'i 'od ni shas tshor dmar zhes bya ba nyid de thabs dang shes rab gnyis med kyi byang sems dus mtshungs pa nyid las lhan cig skyes pa'i ye shes rnam par rtog pa thams cad dang bral bar tshig gi brjod pa thams cad dang bral ba bde ba chen po nyid rtse gcig pa'i sems kyis bsgom par bya'o/ /zhes bya ba'i don to/ /ci de 'dzag pa dang bcas pa la sogs pa thob par 'gyur ram de ltar

  506. 253b

    na ni so so'i skye bo tha mal ba rnams dang khyad par med do/ /zhe na/ de'i phyir gsungs pa/ cod pan bzang po mthon ka'i rtse zhes pas te/ de la cod pan ni mgo la bcings pa nyid la bya/ bzang po ni yid bzhin gyi nor bu rin po che'i rgyan te/ mthon ka ni mthing nag ces bya ba'i don to/ /rang gi byang chub kyi sems kyi cod pan gyi gnas bde ba chen po'i 'khor lor rdo rje nor bu nas bkug ste cod pa na du bya la rang gi gnas bzhag pa las zag pa med pa'i bde ba chen po skye bo zhes bya bar dgongs so/ /skra mchog mthon ka chen po 'chang zhes pa ni/ de nyid dus gsum gyi de bzhin gshegs pa thams cad kyi yon tan gyis brgyan cing rnam rtog rlung gis bskyod mi nus shing mi 'gyur ba gang yin pa de la de skad ces bya zhing/ de ni yid bzhin gyi nor bu rin po che de ltar dgos pa thams cad sgrub par byed pa dang/ bde ba chen po'i 'od zer gyis srid pa gsum gyi mun pa thams cad 'joms par byed cing rang gi rgyud nyid ro mnyam pa nyid kyis 'tshed par byed pas na/ nor bu chen po 'od chags dpal zhes bya'o/ /de lta bu'i zad pa med pa'i bde ba'i phan yon bstan pa ni/ sangs rgyas sprul pa'i rgyan dang ldan zhes pa la sogs pa gsungs te/ de ltar bde ba chen po de nyid las grub bas de bzhin gshegs pa de'i sprul pa dang 'dra bas bskal pa grangs med pa khams gsum pa rnams kyi spyi gtsug gi nor bu'i rgyan du gyur pa gang yin pa de la de skad ces bya zhing/ de nyid sprul pa'i gzugs rnam pa sna tshogs pa/ 'jig rten gyi khams brgya phrag stong la sogs pa 'gro ba'i don mdzad pa nyid dang rdzu 'phrul chen po'i thugs kyis skad cig pas 'dul bya'i zhing thams

  507. 254a

    cad shes pa'i phyir ni/ 'jig rten khams brgya kun bskyod pa/ rdzu 'phrul rkang pa'i stobs chen ldan zhes bya ba nyid do/ /yongs su rdzogs pa'i mthar sngon byang chub na bzhugs pa'i gnas skabs na sems can thams cad mngon par rdzogs par 'tshang rgya bar mdzad par zhal gyi zhes pa nyid do/ /sngon gyi smon lam rjes su dran zhes bya la/ de nyid mi bsnyel ba'i tshul gyis rab tu 'dzin pa gang yin pa de la de skad ces bya la/ de nyid 'gro ba rnams la gsum gzung ba'i tshul gyi sangs rgyas dang/ chos dang dge 'dun dang/ lha nyid rjes su dran pa rtse gcig pa'i tshul gyis gnas pa'i phyir na/ dran pa bzhi po ting 'dzin rgyal zhes bya zhing/ de nyid kyis phyin ci log gi shes pa bskyed pa'i dri rnams sel bar mdzad pa dang/ sprul pa'i gzugs kyi 'khor ba'i gnas nas kyang srid pa'i bcings pa las grol ba'i phyir gnas pa dang/ de nyid mtshan dang dpe byang dang/ stobs dang mi 'jigs pa la sogs pa de bzhin gshegs pa'i yon tan dpag tu med pa rnams kyi rgyur gyur pas na/ byang chub yan lag me tog spos/ de bzhin gshegs pa'i yon tan mtsho zhes bya ba nyid do/ /lam gyi yan lag brgyad tshul rigs ces bya ba ni/ de de lta bu'i bde ba chen pos 'phags pa'i lam yan lag brgyad kyi tshul yang dag par rig pa dang/ 'bras bu yongs su rdzogs pa'i mtshan nyid chos kyi sku yongs su rig par gyur pa gang yin pa de ni yang dag sangs rgyas lam rig pa zhes bya ba nyid do/ /sems can kun la shas cher chags zhes bya ba ni/ nam mkha' 'di grub pa'i rten dang 'dra bar

  508. 254b

    gzugs kyi skus ni khams gsum gyi sems can thams cad la bu gcig pa ltar byams pa chen po'i tshul gyis gnas pa de la de skad ces bya zhing/ de nyid rnam par rtog pa thams cad dang bral ba'i mtshan nyid sngon ka'i nam mkha' dang ba ltar dri ma dang bral zhing mi 'gyur bar gnas pa ni/ nam mkha' lta bur chags pa med ces bya ba nyid do/ /de ltar ye shes chen po'i mtshan nyid ni/ khams gsum gyi sems can thams cad kyi mtshan nyid ni sems la 'jug pa'i phyir na/ sems can kun gyi yid la 'jug ces bya zhing khams gsum gyi sems can thams cad la gang dang gang gis 'dul ba la de dang de'i gzugs kyi thog ma skye ba la sogs pa'i mtshan nyid rnams la de yongs su 'dzin pa'i mtshan nyid thogs pa med par 'jug pas na sems can kun gyi yid ltar mgyogs zhes bya ba nyid do/ /sems can kun gyi dbang don shes zhes bya ba ni/ de ltar 'dul ba la nye bar brtson pa'i sems can rnams thabs gang yongs su shes pa 'jug pa zhes pa ste/ de nyid bdag dang gzhan gyi don chen por rab tu gyur pa yin la nges par 'byung ba'i tshul du shes pa gang yin pa de la de skad ces bya zhing/ zhi ba chen po nges pa'i tshul gyis sems can gang dang gang gi rgyud la rlan pa de dang de'i yid nges par mdzad pa dang/ de ltar rnam par rtog pa'i tshogs mdza' dag rab tu nub par gyur pa las de'i yid gong nas gong du zhen cing mi 'bral ba'i tshul du gnas na/ sems can kun gyi yid 'phrog pa zhes bya ba nyid do/ /de lta bu'i spros pa dang bral ba'i bde ba chen po ni gzugs dang/ tshor ba dang/ 'du shes dang/ 'du byed dang/ rnam par shes pa rnams

  509. 255a

    bde ba chen po'i mtshan nyid du rigs pa ni phyin ci log gi shes pas bskyed pa/ gzugs su mngon par zhen pa la sogs gzhi phyin ci log rtogs pas na/ phung po lnga po de nyid shes zhes bya gling/ de ltar bde ba chen po byin gyis brlabs pa'i gnas skabs nas/ /kun nas nyon mongs pa'i phung po lnga rnam par dag /rnam par dag pa'i phung po lnga yongs su rdzogs par gyur la/ de nyid rnam par snang mdzad dang mi bskyod pa la sogs pa de bzhin gshegs pa rnam pa lnga'i bdag nyid du gnas pas na/ rnam dag phung po lnga 'chang pa zhes bya'o/ /de lta bu'i bde ba chen po'i spros pa dang bral ba nyid snod kyi gnas skabs kyi bdag nyid ni bdag dang gzhan gnyis ka na/ nges par byung ba rtog pa dang/ bral ba'i mtshan nyid yang dag pa'i mdza' la rab tu gnas pa dang/ rgyu nus pa thogs pa med pa'i mtshan nyid 'dod pa dang gzugs dang/ gzugs med pa'i mtshan nyid las nges par 'byung ba'i bde ba chen po rab tu rtog pa dang/ de nyid chu bo chen po'i rgyun ltar lam gyi gnas skabs rgyun mi 'chad pa bde ba chen por rang dang gzhan gyis rnam pa mdza' dag nub par gyur pas rab tu gnas na lam gyi nges par 'byung ba dang/ lam la nges par 'byung ba'i las thob 'bras bu nges par 'byung ba ni/ bdag nyid nges par 'byung ba las gzhan gyi don phun sum tshogs pas 'gro ba gzhan las bdag nyid dang po thabs ji lta bus mngon par rdzogs par byang chub pa de ltar phyin ci ma log pa'i tshul gyis ston par mdzad cing/ rgyud bzhi'i tshul du gnas par bstan pa ni/ nges 'byung kun gyi lam la gnas/ nges

  510. 255b

    par 'byung ba kun la mkhas/ nges par 'byung ba kun ston pa zhes bya ba nyid do/ /yan lag bcu gnyis srid rtsa ston zhes pa ni/ de la yan lag bcu gnyis ni ma rig pa dang/ 'du byed la sogs pa nang brten cing 'brel pa bcu gnyis yin la/ de nyid yang dang yang du 'byung ba srid pa'i rtsa ba nyid do/ /de bde ba chen po spros pa dang bral bas phyin ci ma log pa'i tshul gyis ston pa gang yin pa de la de skad ces bya zhing/ de nyid rnam par dag pa las de bzhin gshegs pa'i gnas skabs dang sgyu ma lta bu'i mdzad pa bcu gnyis bar du mi 'dzin par mdzad pas na dag pa rnam pa bcu gnyis 'chang zhes pa nyid do/ /de nyid sdug bsngal ba dang kun 'byung ba dang/ 'gog pa dang lam gyi bden pa las yongs su grub pa bdag nyid du gnas pa bden bzhi'i tshul gyi rnam pa can zhes bya la/ mig gi rnam par shes pa la sogs pa rnam par dag pa las sa'i snying po la sogs pa'i byang chub sems dpa' brgyad du nges par ldan pa ni/ shes pa brgyad po rtogs pa 'chang zhes bya zhing/ de nyid chos kyi 'khor lo yongs su dag pa'i las ma rig la sogs pa nyid dag pa'i tshul bden pa yin la/ des grol ba nges par ston pa'i tshul gyis de bzhin gshegs pa'i phun sum tshogs pa dang ldan pa'i/ bden don rnam pa bcu gnyis ldan zhes bya ba nyid do/ /de nyid rnam pa bcu drug rig ces bya ba ni/ ye shes kyi sku'i sku dang/ gsung dang thugs dang ye shes dang chos kyi sku'i sku dang gsung dang thugs dang/ ye shes dang/ longs spyod rdzogs pa'i sku'i sku dang gsung dang thugs dang ye shes dang/ sprul pa'i sku'i sku dang gsung dang thugs dang ye shes rnam par dag pa rig pa gyur pa gang

  511. 256a

    yin pa de la de skad ces bya la/ rnam pa nyi shus byang chub pa zhes pa ni/ rgyu'i mtshan nyid kyi gnas skabs na sku dang/ gsung dang thugs dang ye shes dang chos kyi dbyings kyi mtshan nyid kyi sgo nas de dag thams cad rnal 'byor gyi lam gyi gnas skabs su dga' ba dang/ mchog tu dga' ba dang/ lhan cig skyes pa'i dga' ba dang/ dga' bral gyi dga' ba'i tshul gyis rnam par phye ba de la de skad ces bya'o/ /rnam pa sangs rgyas kun rig mchog ces bya ba ni/ de ltar rnam pa nyi shu mngon par byang chub pa'i bde ba chen po ni/ brtan pa dang g.yo ba'i dngos po thams cad gnyis su med par rtogs shing rang rig pa'i phung po yis bde ba chen por rig cing/ de nyid 'jig rten pa'i bde ba las khyad par du 'phags pas de skad ces bya la/ rang rig pa'i bde ba chen po de nyid nyan thos 'gog pa'i snyoms par 'jug pa ltar bdag nyid 'ba' zhig bde ba'i rgyun dang ldan pa ma yin zhing brtan pa dang g.yo ba dang dngos pos stong gsum gyi stong chen po 'jig rten gyi khams thams cad bde ba chen po'i gzugs kyi sprul pa dpag tu med pa khyab par byed cing/ sangs rgyas kyi mdzad pa dang bas 'gro ba rnams kyi sdug bsngal sel bar mdzad pa ni/ sangs rgyas kun gyi sprul pa'i sku/ /bye ba dpag med 'gyed pa po zhes pa nyid do/ /de lta bu'i bde ba chen po skad cig la dus kyi mdza' i skad cig ma dpag tu med pa thams cad bde ba chen po'i ngo bor rtogs pa gang yin pa de ni skad cig thams cad mngon par rtogs zhes bya zhing/ bde ba chen po nyid rnam par rtog pa thams cad zad par gyur cig /

  512. 256b

    gnyis su med par gyur pa ni skad cig ma'i sgrar brjod cing/ skad cig ma ni ye shes dang gcig tu brjod cing k+Sha dang na? ? zhing gi rtags te/ zad cing med pa zhes bya ba dang/ 'jig pa zhes bya ba nyid do/ /'dir yar dus kyi mdza' i skad cig ma thams cad zad cing med par gyur pa dang/ de nyid zag pa med pa'i bde ba nyid du gnas pas na de skad ces bya ste/ gang du yang 'gal ba med la/ de nyid don dam pa'i byang chub kyi sems kyis dngos po'i don mdza' dag las rig par gyur pa ni/ sems kyi skad cig don kun rig pa nyid do/ /theg pa sna tshogs thabs tshul gyis/ /'gro ba'i don la rtogs pa ba zhes po ni/ de la nyan thos kyi theg pa dang/ rang rgyal gyi theg pa dang/ byang chub sems dpa' i theg pa rnams la rang rang gi lhag pa'i shes rab kyi ngo bos don gyi dngos po rnam pa sna tshogs pa yin la/ de lta bu'i thabs kyi 'gro ba gang dang gang la don gi mtshan nyid nges par gyur pa de la de skad ces bya ste/ de ji lta ba bzhin du 'dir yang ldog pa'i bye bra gi chos kyis nyan thos dang/ rang rgyal dang/ byang chub sems dpa' dang/ theg pa chen po la sogs pa rnams dang po nas rnam pa nyi shu'i bar du nges par tshang pa'i phyir na de skad bya ba nyid do/ /theg pa gsum gyi nges 'byung la/ theg pa gcig gi 'bras bur gnas bya ba ni/ de la theg pa gsum ni nyan thos dang/ rang rgyal dang/ byang chub sems dpa' i theg pa yin la/ de dag las rim pa ji lta ba bzhin du lus dang ngag rnams yang dag par sbyangs pa ni lam gyi gnas skabs kyi mtshan nyid la gong nas nges par 'byung ba zhes bya la bdag nyid kyi sems yang dag par sbyangs pa'i phyir theg pa

  513. 257a

    rnams kyi rab bam mchog chen por 'gyur ba'i rdo rje theg pa chen po'i gnas na bde ba chen po'i tshul gyis 'bras bu nyid lam du byas nas myur ba nyid du 'bras bu la gnas par byed pa ni/ 'bras bu yis 'bras bu'i sa la rab tu gnas so zhes bya bar dgongs so/ /de lta bu'i 'bras bu'i theg pa'i yon tan ji lta bu yin snyam pa la/ nyon mongs khams rnams dag pa'i bdag ces gsungs te/ de ltar 'bras bu'i mtshan nyid rdo rje'i theg pa'i 'dod chags la sogs nyon mongs pa'i dri ma rnams rjes su mthun pa'i stobs kyis dag par byed pa de la de skad ces bya la/ de nyid kyi las kyi rgyu dang las kyi 'bras bu thams cad zad par byed pa ni/ las kyi khams rnams zad byed pa zhes bya'o/ /de nyid las dang nyon mongs pa dpag tu med pa yang dang yang du 'byung bar gyur pa'i rgyur gyur bas na khams zhes bya ste/ de yang gsang 'dus rgyud phyi ma la/ nyon mongs rdo rje bdud rtsi dag /las rnams thams cad grub par gyur/ /las rnams thams cad dag pa las/ /las las skyes pa'i 'bras bu dag /ces gsungs pa'i phyir ro/ /chu bo'i rgya mtsho kun las brgal zhes bya ba ni/ chu bo ni 'khor ba'i sdug bsngal dpag tu med pa yin la/ des las rab tu brgal zhes bya ba nyid de/ de lta bu'i thabs de dang shes rab de dang bde ba chen por mnyam par sbyor ba/ spros pa dang bral ba'i mtshan ma las yang dag par byung ba yin la/ sbyor ba'i dgon pa las 'byung ba zhes bya ba nyid do/ /de ltar thabs dang shes rab mnyam par sbyor ba las byung ba'i mtshan nyid kyis mtshams med pa rnam pa lnga dang/ srog

  514. 257b

    gcod pa la sogs pa'i phas pham par gyur pa'i chos bzhi dang/ tshig rtsub mo la sogs pa phra mo'i nyon mongs pa ma lus pa rnams dang/ de las byung ba bag chags kyi sa bon ma lus pa thams cad phyis sa bon mi 'jog pa'i tshul gyis spangs pa gang yin pa de la/ nyon mongs nye ba kun nyon mongs/ /bag chags bcas pa gtan spangs ba zhes bya ba nyid do/ /snying rje chen po shes rab thabs shes pa ni/ las kyi phyag rgya dang/ rnal 'byor pa'i mtshan nyid stong pa nyid dang/ ye shes kyi bdag nyid ni shes rab dang thabs kyi ngo bo ste/ de nyid ro mnyam pa las byung ba'i bde ba chen po ni khams gsum gyi sems can thams cad la khyab pa'i phyir na/ snying rje chen po zhes bya zhing/ de lta bu'i tshul gyis 'gro ba'i don 'bras bu dang bcas pa'i byed pa gang yin pa de ni don yod 'gro ba'i don byed pa zhes bya ba nyid do/ /de ltar de lta bu'i bde ba chen po'i stobs phyin ci log gi/ shes pa sna tshogs pa'i yul la mtshan ma'i dngos por 'dzin pa'i mtshan ma'i rnam par rtog pa ma lus par spangs par gyur pa gang yin pa de ni/ 'du shes kun gyi don spangs shing bya la/ bag chags kyi rnam par snang ba'i don rta dang glang po la sogs pa'i gnas dang/ lus dang longs spyod du snang ba thams cad 'gag par byed pa ni/ rnam shes don ni 'gag par byed ces bya ste/ gnyis su med pa'i bde ba chen po skyes pa dang dus mtshungs par mig la sogs pa'i dbang po thams cad dang gzugs la sogs pa'i yul thams cad 'gag par mdzad cing rang rig pa'i ye shes sad par mdzad ces bya bar dgongs so/ /de lta bu'i rgyu dri ma dang bral ba'i mtshan nyid las yongs su grub pa'i 'bras bu'i dri ma

  515. 258a

    dang bral ba'i bdag nyid don phun sum tshogs pa bshad na/ de las byung ba gzhan gyi don phun sum tshogs par bstan pa ni sems can kun yid yul dang ldan zhes pa la sogs pa gsungs te/ de la dper na yid bzhin gyi nor bu rin po che ni/ sems can la mos pa rnam pa sna tshogs kyi dbang gis 'dod pa'i don gang dang gang bsams pa de dang de thams cad kyi re ba phun sum tshogs par mdzad pa dang/ de bzhin du yang dag par rdzogs pa'i sangs rgyas thams cad kyi byin brlabs chen po ni khams gsum gyi sems can thams cad kyi skyabs dang/ mgon dang re ba thams cad kyi yul du gyur pa gang yin pa de la de skad ces bya zhing de bzhin gshegs pa'i thugs ye shes bla na med de gdul bya'i sems can thams cad kyi sems kyi bsam pa rnam pa sna tshogs pa rnams yang dag par mkhyen pa gang yin pa sems can kun gyi yid rig pa zhes bya ba la/ sems can kun gyi yid la gnas pa ni ye shes chen po yin la de nyid de bzhin gshegs pa thams cad kyi ngo bo yin la/ chos thams cad kyi rang bzhin dang/ lhan cig skyes pa'i bde ba chen po zhes bya ba nyid do/ /de lta bu'i tshul gyis sems can thams cad kyi yid la nga gnas zhes bya ba ste/ de yang le'u dang po las/ /nga ni de bzhin gshegs kun dang/ /'byung ba kun gyi snying la gnas/ /spros pa kun dang bral ba ste/ /dngos kun ngo bor rtag tu bzhugs/ /zhes gsungs pa'i phyir ro/ /de dag sems dang mthun par 'jug ces pa ni/ de ltar gdul bya'i skye bo thams cad kyi sems gdug pa dang bcas pa de thams cad kyang rjes su mthun pa'i tshul

  516. 258b

    gyis 'dul bar mdzad pa ste/ dper na smad 'tshong ma'i dbang phyug chen po utpa la'i gzugs 'khrig pa'i chos la rtag tu nye bar chags shing skyes bu'i mtshan ma rtag tu che ba 'dod la dron po'i tshul gyis tshim par byas pa las/ ngan 'gro'i lam las grol nas dgra bcom pa'i 'bras bu thob pa bzhin/ de nyid 'bras bu phun sum tshogs pa'i bdag nyid yul la mngon par dga' ba dang/ de yin pa la yid ches par gyur pa las khams gsum gyi sems can thams cad yi rangs par gyur pa dang/ de nyid las da ltar dang/ ma 'ongs pa'i 'bras bu la yid mngon par dga' bar gyur pa ni/ sems can kun gyi tshim par byed/ sems can kun gyi yid dga' ba/ /zhes bya la/ de bzhin gshegs pa'i yon tan phun sum tshogs pa bcu gsum gyi mnga' bdag tu gyur pa dang/ spros pa dang bral ba'i ye shes chen po ni shel dog pa ltar nyes pa'i skyon mdza' dag spang ba ni/ grub pa mthar phyin 'khrul pa med ces bya zhing/ 'khrul pa'i chos mdza' dag spangs pa nyid/ nor pa thams cad rnam par spangs zhes bya ba nyid do/ /de ltar gzhan gyi don phun sum tshogs pa nyid 'das pa dang/ ma 'ongs pa dang/ da ltar byung ba rnams kyi snod dang/ rgyu dang 'bras bu'i ngo bo phyin ci ma log par shes shing som nyi dang rnam par bral bar gyur cing/ mdza' gcig gi nges par gnas pa ni/ don gsum the tshom med pa'i blo zhes bya zhing/ de nyid las bdag gi don dang/ gzhan gyi don phun sum tshogs pa'i bdag nyid chos kyi sku dang/ longs spyod rdzogs pa'i sku dang/ sprul pa'i sku'i rang bzhin du gnas kun don yon tan gsum gyi bdag ces bya'o/ /phung po lnga

  517. 259a

    don dus gsum du/ /skad cig gcig gi bye brag phyed/ /skad cig gcig gi rdzogs sangs rgyas/ /zhes pa ni/ de nyid dus med pa'i bde ba chen por spros pa dang bral ba ni/ sgrub par byed pa'i bya ba thams cad kyi skad cig ma yongs su rdzogs pa zhes bya zhing/ de nyid bya ba rdzogs pa'i skad cig ma zhes bya ste/ de bya ba rdzogs pa'i skad cig ma de la dus kyi mdza' i skad cig ma thams cad bye brag med cing de'i phung po las nye bar mtshon nas/ phung po khams dang/ skye mched dang/ snod kyi 'jig rten la sogs pa thams cad gnyis su med pa'i bde ba chen por dus gsum du rab tu rtogs pa gang yin pa de la de skad ces bya zhing/ de nyid skad cig ma gcig la mngon par rdzogs par sangs rgyas ba de la de skad ces bya zhing/ bde ba chen po de nyid dus gsum gyi sangs rgyas thams cad rang bzhin 'dzin pa'i phyir na sangs rgyas kun gyi rang bzhin 'chang zhes bya ba nyid do/ /mnyam pa nyid kyi ye shes kyi sku gsum gyi mtshan nyid du bstan pa ni/ lus med lus te lus kyi mchog ces gsungs te/ de bzhin gshegs pa thams cad kyi chos kyi sku ni rdul phra rab kyis sgrub pa kha dog dang dbyibs kyi rnam pa med cing sku nyid kyi rten du gyur pa gang yin pa de la de skad ces bya zhing/ lus kyi mdza' ni rtogs pa po zhes bya ba ni/ de bzhin gshegs pa thams cad kyi longs spyod rdzogs pa'i sku ni gzugs can mdza' dag gi rab kyi mthar thug pa mtshan bzang po sum cu rtsa gnyis dang/ dpe byad bzang po brgyad cus yongs su brgyan pa drag pa rnam pa gsum la longs spyod par gyur ba/ ting nge 'dzin gyi sgo nas

  518. 259b

    chos ston bar gyur pa de la de skad bya'o/ /gzugs rnams thams cad kun tu ston zhes pa ni/ de bzhin gshegs pa sprul pa'i sku ste/ sprul pa'i sku bye ba dpag tu med pa gang dang gang du 'dul ba de la de dang de'i gzugs kyis kun tu ston ces bya'o/ /de ltar sku gsum gyi mtshan nyid ni 'gro ba rnams kyi yid bzhin nor bu rin po che rgyal mtshan gyi dbang du gyur pa ni/ nor bu chen po rin chen tog ces bya'o/ /de ltar de bzhin gshegs pa'i yon tan phun sum tshogs pa dpag bsam gyi shing ltar 'gro ba thams cad kyi re ba skong bar mdzad pa mnyam pa nyid kyi ye shes nges pa lnga'i tshul du bshad pa ste lnga pa'o/ /de ltar ye shes dang/ thugs dang gsung dang/ sku dang/ yon tan gyi bdag nyid du bshad nas/ da ni sangs rgyas thams cad phrin las sgo lnga'i rnam par shes pa rnam par dag pa bya ba grub pa'i ye shes bstan pa ni/ sangs rgyas kun gyis rtog bya ba zhes gsungs te de la rtog bya ba zhes pa ni rtags can yin pas na/ stong gsum gyi stong chen po'i 'jig rten gyi khams bye ba phrag du ma rnams su gdul bya rnams kyi don du snyoms par 'gro bar shes par zhes bya ba 'dis ni/ bya ba grub pa'i ye shes nyid nges par gzung ba'o sangs rgyas byang chub bla na med ces pa ni/ nyan thos kyi byang chub ltar bdag nyid 'ba' zhig gi don ma yin zhing khams gsum gyi sems can thams cad kyi don ma lus bar mdzad pa gang yin pa de la de skad ces bya zhing/ de nyid theg pa chen po gsang sngags kyi tshul las byung zhing rnam par rtog pa thams cad spangs bar gyur pa na/ gsang sngags las byung yi ge med ces bya/ de nyid gdul bya rnams kyi don bya ba dang/ spyod pa dang/ rnal

  519. 260a

    'byor gyi rgyud gsum gyi tshul gyis dus nges par ston cing/ sgrub par bya ba don gyi mtshan nyid ni gsang sngags thams cad kyi don 'jig rten dang 'jig rten las 'das pa'i dngos grub rnam pa sna tshogs skyed par byed pa'i don dam par byang chub kyi sems chen po gang yin pa de/ gsang sngags chen po'i rigs gsum pa/ gsang sngags don kun bskyed pa po zhes bya ba nyid do/ /de ltar don dam pa byang chub kyi sems de nyid stong pa nyid kyi brdar gyur cing/ rnam par rtog pa thams cad dang bral ba gang yin pa de la thig le chen po yi ge med ces bya zhing/ de las rigs lnga dang/ rigs drug dang/ rigs brgya la sogs pa dpag tu med par 'byung bar bstan pa ni/ stong pa chen po yi ge lnga/ thig le stong pa yi ge brgya/ zhes bya ste/ thig le ni nam mkha' 'dra ba yin la/ nam mkha' ltar stong pa zhes bya bar dgongs so/ /rnam pa kun ldan rnam pa med ces bya la/ de rnam pa kun ldan zhes pa ni/ rigs lnga dang/ rigs brgya'i bar du yin la/ rnam pa ni stong pa zhes bya ba nyid de sngar gyi nges par bshad pa'o/ /de lta bu'i rnam pa dang bcas shing rnam pa med pa dag dang gzhan gyi don phun sum tshogs pa'i bdag nyid la thob ce na/ bcu drug phyed phyed thig le can zhes bya ba la sogs pa gsungs te/ de nyid dbang rnams kyi mchog tu gyur pa bzhi pa nges par bsten pa nyid la/ de la bcu drug gi phyir ni brgyad yin la/ brgyad kyi phyed ni bzhi yin/ lhan cig skyes pa'i bde ba chen po'i ye shes de nyid dga' ba bzhi'i bdag nyid can zhes bya bar dgongs shing/ skabs 'dir thig le'i sgras ni gnyis rnam par

  520. 260b

    spangs pa zhes brjod la/ gnyis ni char byed pa yin te/ gzung ba dang/ 'dzin pa dang/ thabs dang shes rab la sogs pa gnyis su 'dzin pa mdza' dag spangs pa bde ba chen po zhes bya bar dgongs so/ /de nyid rang gi ngo bo bstan pa ni yan lag med pa'i rtsis las 'das zhes gsungs te/ de la yan lag gi dngos po'i rnam par rtog pa dang/ mtshan ma'i rnam par rtog pa thams cad yid la med par gyur cing dag gis brjod pa'i tshad las 'das pa gang yin pa de la de skad ces bya'o/ /bsam gtan bzhi'i rtse mo can zhes bya ba ni/ dga' ba dang/ mchog tu dga' ba dang/ lhan cig skyes pa'i dga' ba dang/ dga' bral gyi dga' pa rnams kyi bla mar gyur cing gong na med pa ni rtse gcig pa'i bsam gtan yin la/ brjod pa dang bral ba kun gyi mtshan nyid dam kun gyi rnam par spangs pa gang yin pa de la de skad ces bya zhing/ de la yang dag par rdzogs pa'i sangs rgyas byang chub kyi lam chen po'i rim pa 'am nam mkha' i rdo rje la sogs pa'i thabs kyi yan lag dpag tu med pa thams cad 'bras can gyi snod sdud pa ltar dngos po kun bsdus pa'i ngo bo yin pa dang/ de shes pa las dngos po mdza' dag shes par gyur pa nyid dang/ de nyid la mnyam par bstan pa'i tshul gyis mnyam par bzhag na/ bdag nyid kyi phung po dang/ khams dang/ skye mched la sogs pa rnam par dbye ba rigs kyi mtshan nyid dang/ sems kyi rang bzhin phyin ci ma log par rigs par gyur pa gang yin pa de la/ bsam gtan yan lag kun shes zhing/ ting 'dzin rig dang rgyud rig pa/ zhes bya ba nyid do/ /de lta bu'i bde ba chen po yongs su rdzogs pa'i mtshan nyid las 'bras bu sku gsum phun

  521. 261a

    sum tshogs par bstan pa ni/ ting 'dzin lus can lus kyi mchog ces pa la sogs gsungs/ de la chos kyi sku ni mtshan ma'i spros pa thams cad dang bral zhing bde ba chen po ni rtse gcig pa'i tshul gyi ting nge 'dzin yin la/ de bzhin gshegs pa'i sku thams cad kyi mchog tu gyur pa gang yin pa de la de skad ces bya zhing de bzhin gshegs pa'i thams cad kyi longs spyod rdzogs pa'i sku ni sa bcu'i byang chub sems dpa' rnams kyi rgyal por gyur pas na/ longs spyod rdzogs sku kun gyi rgyal zhes bya ste/ de bzhin gshegs pa thams cad kyi sprul pa'i sku ni/ khams gsum gyi 'gro ba'i sems can thams cad kyi don phun sum tshogs par mdzad pa ni/ gdul bya'i zhing rgya chen po la mdzad pa rgya chen por mdzad pa'i phyir na/ sprul pa'i sku ste sku yi mchog ces bya ba nyid do/ /de ltar lhan cig skyes pa bde ba chen po'i ye shes de lta bus sku gsum gyi bdag nyid du gnas shing/ sprul pa dpag tu med pa 'byung ba'i rgyur gyur pa ni sangs rgyas sprul pa'i rgyud 'chad ba zhes bya zhing/ khams gsum gyi sems can thams cad bde ba chen po'i rang bzhin gyi spros pa mdzad cing zhi ba la sogs pa'i tshul gyis 'gro ba rnams kyi don ji lta ba bzhin du mdzad pa ni/ phyogs bcur sprul ba sna tshogs 'gyed/ ji bzhin 'gro ba'i don byed pa/ zhes bya ba nyid do/ /lha yi dbang po lha yi lha zhes pa ni/ de la lha ni bde byed la sogs pa yin la de'i lha ni lha'i dbang po brgya byin yin te/ de'i lha ni dbang phyug chen po yin la/ dbang phyug chen po'i lha ni de bzhin gshegs pa nyid do/ /de ltar bde ba chen po 'dis kyang 'jig rten pa'i dngos grub phun sum

  522. 261b

    tshogs par ster bar byed pa dang/ 'jig rten las 'das pa'i dngos grub de bzhin gshegs pa'i phun sum tshogs par ster bar byed ces bya bar dgongs so/ /de lta bu'i dngos grub phun sum tshogs par byed pa'i bdag por gyur pa dang/ lha ma yin gyi sgras ni mi skyo ba zhes bya la/ de la skyo ba ni sems rang gi ngo bo las phyi rol gyi mi ma yin pa la sogs pa sems bsgyur te/ rnam pa gzhan du 'gyur bar byed pa ltar tha mal ba'i gnas skabs sems rang bzhin gyis rnam par dag pa nyid du phyin ci log gi mngon par zhen pa'i stobs kyis gzung ba dang/ 'dzin pa'i rnam par rtog pa dag 'gog par gyur pa'i bdag por gyur pa gang yin pa de la/ lha'i dbang po lha min bdag ces pa nyid do/ /'chi med dbang po lha yi lha ces pa ni/ bde ba chen po'i spros pa dang/ bral ba'i mtshan nyid kyis rnam par rtog pa'i rkyen las byung ba 'chi 'gog ltar byed pa dang/ mi 'ching ba la dbang bar ster bar byed pa bla mar gyur pa gang yin pa de la de skad ces bya zhing/ de'i stobs kyis bdud dang dbang phyug la sogs pa rab tu 'joms nyon mongs pa mdza' dag 'joms par mdzad pa ni/ 'joms byed 'joms byed dbang phyug po zhes bya la de nyid kyi srid pa'i 'joms pa chen po rab tu brgal bar gyur pa ni/ srid pa'i dgon pa las brgal ba zhes bya ba nyid do/ /de ltar lhan cig skyes pa'i zhi ba gang yin pa de la bdag nyid gcig pu'i bla ma zhes bya ba phyogs bcu'i de bzhin gshegs pa thams cad kyi yon tan phun sum tshogs pa ster bar byed pa'i bla mar gyur pa gang yin pa de la/ ston pa gcig pu 'gro ba'i bla zhes bya la/ de nyid stong gsum gyi stong chen po'i 'jig rten gyi khams thams cad du ye shes chen por rab tu gnas par

  523. 262a

    gyur pa dang/ sangs rgyas kyi chos stobs dang mi 'jigs pa la sogs pa thams cad ster bar byed pa'i phyir bdag por gyur pa de la/ 'jig rten phyogs bcur rab grags pa/ /chos kyi sbyin bdag che ba po/ /zhes bya'o/ /bde ba chen po bzhi pa 'di nyid dpa' bo go cha dang ldan pas rab tu mi bzad pas mtshon thogs te/ pha rol gyi dpung thams cad 'dul bar bstan pa ni/ byams pa'i go cha chas pa ste zhes bya ba la sogs pa gsungs te/ khams gsum gyi sems can thams cad la rab tu phan par 'dod pa bdag nyid du gnas pa gang yin pa de la de skad ces bya zhing/ sems can thams cad kyi sdug bsngal la nye bar dmigs pa la maN+Dal gyi tshul du bgos pas thams cad shes rab ral gri dang mda' gzhu'i tshul thogs te/ 'dod chags la sogs pa nyon mongs pa'i tshogs ni rnam par g.yeng ba'i tshul gyi g.yul ngo yin la rab tu sel bar mdzad pa gang yin pa de ni/ snying rje yi ni ya lang bgos/ / shes rab ral sgri mda' gzhu thogs/ /nyon mongs mi shes g.yul ngo sel/ /zhes bya ba nyid do/ /de lta bu'i bde ba chen po de nyid gzhom dka' ba'i rnam par rtog pa mdza' dag rtog pa med par 'joms pa por gyur cing/ bdag la gnod par byed pa'i bdud kyi dgra thams cad thul bar gyur pa dang/ da ltar dang ma 'ongs pa'i dus su bdud bzhi'i 'jigs pa sel bar byed pa dang/ bdud kyi dpung thams cad pham par byed pas na dpa' bo bdud dgra bdud 'dul ba/ bdud bzhi'i 'jigs pa sel bar byed/ /bdud kyi dpung rnams pham byed pa/ /zhes bya ba nyid do/ /de lta bu'i spros pa dang bral bas bde ba chen pos mi mthun pa'i tshogs mdza'

  524. 262b

    dag rab tu bcil nas de'i skad cig ma'i yon tan chen po'i gnas su bstan pa ni rdzogs pa'i sangs rgyas 'jig rten 'dren zhes pa la sogs pa gsungs te/ gnyis su med par mngon par rtogs pa'i mtshan nyid kyis bsod nams dang ye shes kyi tshogs yongs su rdzogs shing 'jig rten pa thar pa chen po'i grong khyer du 'dren par mdzad pa gang yin pa de la de oskad ces bya zhing/ de nyid la drin chen po'i tshul gyis spos dang/ me tog la sogs pa'i mchod pa dang/ yon tan bsngags pa'i tshul gyis bstod pa dang/ yan lag lngas phyag 'tshal ba'i gnas su gyur pas na/ mchod 'os bstod 'os phyag gi gnas zhes bya ba nyid do/ /de ltar gnyis su med pa'i ye shes spros pa dang bral ba gang yin pa de dus rtag tu yid la gus par rab tu bya ba dang/ rjes su bsngags pa'i tshul gyis yon tan gyi tshogs brjod par bya ba dang/ lus dang ngag dang yid kyis phyag bya ba'i gnas bla ma'i rab tu gyur pa gang yin pa de la/ rtag tu ri mo bya pa'i 'os/ /bkur 'os mchod par bya ba'i mchog /phyag byar 'os pa bla ma'i rab ces bya ba nyid do/ /de ltar bkur sti dang rim gro thams cad kyi gnas su gyur pa de la yon tan ji lta bu zhe na/ 'jig rten gsum po gom gcig bgrod tsam pa la sogs pa la gsungs te/ de la 'jig rten gsum ni 'dod pa dang/ gzugs dang gzugs med pa dang/ sa 'og dang sa steng dang sa bla gsum yin/ de thams cad bde ba chen po'i skad cig ma las spros pa dang bral ba'i dngos po 'dong pa gang yin pa de la de skad ces bya zhing/ de nyid nam mkha' ltar mdza' yas shing dpag tu med pa rnam par rtog pa'i tshogs mdza' dag gnon par mdzad pas/ mkha' ltar mdza' med rnam par gnon zhes bya la

  525. 263a

    de nyid la lha'i mig gi mngon par shes pa drug gis 'das pa dang/ ma 'ongs pa dang/ da ltar byung ba'i dus gsum yang dag par rig par gyur cing/ sangs rgyas rjes su dran pa la sogs pa rjes su dran pa drug gi bdag nyid du gnas pa yin pa de la/ gsum rig gtsang ma dag pa ste/ /mngon shes drug ldan rjes dran drug /ces bya ba nyid do/ /byang chub sems dpa' sems dpa' chen po zhes bya ba ni/ /de la sems dpa' i sgras ni rtag tu 'jug pa dang gnas pa zhes bya la/ ye shes chen po'i mtshan nyid de yang rtag tu mi 'gyur bar gnas shing 'gro ba'i don la rtag tu 'jug pa ste/ chos kyi dbyings mngon par rtogs par gyur pa gang yin pa de la de skad ces bya zhing/ myur ba nyid du sangs rgyas kyi rdzu 'phrul chen po 'jig rten pa'i chos las yang dag par 'das pa de la rdzu 'phrul chen po 'jig rten 'das zhes bya'o/ /shes rab pha rol tu phyin pa'i mdza' zhes pa ni/ de la shes rab kyi pha rol tu phyin pa ni/ rnam par rtog pa thams cad dang bral ba yin la/ ye shes kyi yul du gyur pa chos kyi dbyings ni yang dag pa'i mdza' zhes bya ste/ de lta bu nyid shes par gyur pa gnyis su med pa'i ye shes ni rnam par rtog pa dang bral ba'i tshul gyis ma nor ba nyid thob pa gang yin pa de la/ shes rab gyis ni de nyid thob ces bya'o/ /de ltar shes pa dang shes bya gcig par gyur pa des bdag dang gzhan rig par gyur pa de la/ bdag rig gzhan rig thams cad pa zhes bya zhing/ de lta bu nus pa chen po ldan pa'i mtshan nyid kyi khams gsum pa thams cad la sdug bsngal nye bar spong ba'i legs pa'i lam bde ba'i 'bras bu phun sum tshogs pa 'gro ba gzhan la phan 'dogs pa'i gtso bor

  526. 263b

    gyur pa/ de lta bu nyid kha zas la sogs pa phan 'dogs mtshan nyid kun gyis mtshungs pa med cing brjod pa dang bral ba'i ngo bor gnas pa gang yin pa de la/ kun la phan pa'i gang zag mchog /dper bya kun las 'das pa ste/ zhes bya ba nyid do/ /shes dang shes bya bdag po mchog ces bya ba ni de la shes pa ni me long lta bu la sogs pa'i ye shes rnam pa sna tshogs pa yin la shes bya ni stong pa nyid la sogs pa dngos po med pa dang/ dngos po mchog mdza' dag yin te/ de lta bu yul dang yul can gyi bdag po gtso bor gyur pa ni/ 'brel pa brgyud pa'i sgo nas de la de skad ces bya la/ de lta bu des sangs rgyas kyi chos mtshan dang/ dpe byad dang/ stobs dang/ mi 'jigs pa la sogs pa rnams ster bar byed pa'i gtso bor gyur bas na/ gtso bo chos kyi sbyin bdag ste/ zhes bya ba nyid do/ /phyag rgya bzhi po don ston pa zhes pa ni/ 'jig rten pa'i dngos grub kyi mtshan nyid las kyi phyag rgya dang/ dam tshig gi phyag rgya dang/ 'jig rten las 'das pa'i dngos grub kyi mtshan nyid las kyi phyag rgya dang/ phyag rgya chen po rnam pa bzhi'i nges pa dang ldan pa'i don phyin ci ma log par ston pas na/ de skad ces bya zhing/ de nyid gang du bstan pa ? bkur sti dang/ rim gro thams cad kyi gnas bam 'os su gyur pa gang yin pa de la/ 'gro ba'i bsnyen bkur gnas kyi mchog ces bya la/ nges 'byung gsum po bgrod rnams kyi zhes pa ni/ nyan thos kyi theg pa dang rang sangs rgyas kyi theg pa dang/ byang chub sems dpa' i theg pa rnam pa gsum gyis nges par byung ba nyid bgrod pas na theg pa yin la/ de rnams don gyi don chen po mchog phun sum tshogs pa thams cad kyi rnam par

  527. 264a

    dag pa'i 'bras bu gang yin pa de la/ don gyi dam pa rnam dag dpal zhes bya'o/ /ye shes chen po de nyid 'dod pa dang gzugs dang/ gzugs med pa'i khams gsum dang dngos grub chen po yongs su rdzogs pa'i snod bzang por gyur cing/ de nyid 'jig rten dang 'jig rten las 'das pa'i dngos grub ni bde ba dang ldan par byed pas na 'byor ba yin la de nyid bsod nams dang/ ye shes kyi tshogs yongs su rdzogs par byed pa gang yin pa de la/ 'jig rten gsum na bskal bzang che/ /dpal ldan 'byor pa kun byed pa zhes bya ba nyid do/ /'jam dpal dpal dang ldan pa'i mchog ces pa 'dis ni/ 'jam dpal nyid nges par bzung ba ste/ bya ba grub pa'i ye shes 'di nyid kyang stong pa nyid dang snying rje dbyer med pa'i mtshan nyid bde ba chen po'i sku 'jam dpal zhes bstan pa ste/ de ltar de bzhin gshegs pa thams cad kyi phrin las kyi bdag nyid bya ba grub pa'i ye shes nges pa'i tshul du bshad pa ste/ drug pa'o// //da ni ye shes rnam pa lnga ngo bo las byung ba'i 'gro ba rnams 'dul ba'i skur gyur pa de bzhin gshegs pa lnga la bstod pa ni/ mchog sbyin rdo rje mchog khyod 'dud/ /ces pa la sogs pa gsungs te/ de la me long lta bu'i ye shes las byung ba de bzhin gshegs pa thams cad kyi mi bskyod pa ni rdo rje'i rigs kyi gtso bor gyur cing rnam par dag pa'i ye shes mchog tu mi 'gyur ba de kho na nyid ster bar mdzad pas mchog khyod ces bya la/ de la yang dag par bstod ces bya ba'i tha tshig go /de lta bu'i de nyid yang dag pa'i mthar 'gyur ba'i gtso bo shes rab kyi pha rol tu phyin pa las byung zhing skad cig ma gcig la mngon par rdzogs par byang chub pa dang

  528. 264b

    rnam pa lngas mngon par rdzogs par byang chub pa dang/ rnam pa nyi shus mngon par rdzogs par byang chub pa dang/ rdzu 'phrul dra bas mngon par byang chub pa las yang dag par byung zhing/ khyod ces bya ba sgras ni de kho na nyid kyi sgras brjod la/ de lta bu'i mtshan nyid la bstod par gyur pa ni/ yang dag mdza' gyur khyod la bstod/ /stong? nyid las byung khyod la bstod/ /sangs rgyas byang chub khyod la bstod/ /ces bya ba nyid do/ /so sor rtog pa'i ye shes kyi bdag nyid de bzhin gshegs pa thams cad kyi gsung rnam par dag pa 'od dpag med la yang dag par bstod pa ni sangs rgyas chags pa khyod la bstod/ /ces gsungs te/ bcom ldan 'das 'od dpag tu med pa de nyid chags pas 'dul ba'i sems can rnams kyi don du pad+ma rigs kyi gtso bo chags pa chen po'i bdag nyid du bzhugs la/ de nyid bde ba chen po'i bdag nyid yin pas na/ sangs rgyas 'dod la phyag 'tshal bstod/ ces bya zhing/ de nyid dgyes pa chen po nyid du gyur pa dang/ thabs dang shes rab gnyis su med pa'i rol pa chen por gyur pa gang yin pa de la/ sangs rgyas dgyes pa khyod la bstod/ /sangs rgyas rol la phyag 'tshal bstod/ /ces bya ba nyid do/ /mnyam pa nyid kyi ye shes kyi bdag nyid la de bzhin gshegs pa thams cad kyi yon tan chen po'i sku bcom ldan 'das rin chen 'byung ldan la bstod pa ni/ sangs rgyas 'dzum pa khyod la bstod ces gsungs te/ 'dzum pa zhes pa ni sangs rgyas kyi mdzad pa'i 'bras bu gdul bya la/ nges par brtson par bya ba'i ming byed pa la btags te/ nga rgyal chen po'i bdag nyid yid bzhin gyi nor bu'i rgyal mtshan gyi dpal gyi khams gsum pa thams cad la sbyin pa phun sum tshogs par

  529. 265a

    mdzad pas yi rangs pa'i mtshan nyid kyis bzhin rab tu 'dzum pa gang yin pa de la de skad ces bya zhing/ de nyid las sgra dang ldan pa'i mtshan nyid kyis bgad cing bstod pa'i tshig dang ldan pa'i ngag gis bstod pas ni/ yang dag par rdzogs pa'i sangs rgyas thams cad kyi yon tan las gyur pa khams gsum pa thams cad kyi yi rang bar byed pa gang yin pa de la/ sangs rgyas bzhad la phyag 'tshal bstod/ /sangs rgyas gsungs nyid khyod la bstod sangs rgyas thugs la phyag 'tshal bstod/ /ces pa nyid do/ /bya ba grub pa'i ye shes kyi bdag nyid las de bzhin gshegs pa thams cad kyi phrin las kyi sku don grub pa la bstod pa/ med pa las byung khyod la bstod/ ces gsungs te/ phrag dog chen po'i skus de bzhin gshegs pa thams cad kyi phrin las ni/ bya ba yongs su grub pa'i mtshan nyid gdul bya rnams la phrin las rnam pa sna tshogs pa mdzad pa'i sku ru snang ba gang yin pa de nyid bya ba byas pa'i tshul gang yin pa de la de skad ces bya zhing/ theg pa chen po bla na med pa'i don la yid rab tu mgu zhing zhal 'dzum pa dang ldan pas dpral bar thal mo sbyar te rgyu dang lam gyi sems can thams cad kyi mgon por gyur pa bcom ldan 'das de bzhin gshegs pa yang dag par rdzogs pa'i sangs rgyas shAkya thub pa la phyag 'tshal lo/ /'di skad ces gsol to/ /zhes bya bar bstan pa ni/ dga' zhing mgu nas thal mo sbyar/ /mgon po bcom ldan de bzhin gshegs/ /rdzogs sangs rgyas la phyag 'tshal nas/ zhes bya ba nyid do/ /de ni mgon po gsad pa'i bdag ces pa ni tshig dang po nye bar mtshon pa ste/ de khams gsum pa thams cad kyi mgon mdzad pas na

  530. 265b

    mgon po yin la/ de de bzhin gshegs pa thams cad kyi gsang ba'i bdag po gang yin pa de la de skad ces bya zhing/ lag na rdo rje khro bo'i rgyal zhes pa ni/ de lag na rdo rje ni gsang ba'i bdag po yin la/ khro bo'i rgyal po zhes pa ni ma ning gi rtags so/ /dngos gzhi 'di nyid las nges par sbyar ba ni gsang ba'i bdag po lag na rdo rje ni khro bo'i rgyal po mgon po de ni zhes bya ba dmigs nye bar 'dzin pa'i tshig go /ci gsang ba'i bdag po de kho nas sam zhe na ma yin te/ sna tshogs gzhan dang lhan cig tu/ /gsang bstod nas ni tshig 'di gsol zhes gsungs te/ rdo rje'i rigs kyi khro bo'i rgyal po gzhan sna tshogs pa dang lhan cig tu yid mngon par dga' ba'i tshul gyis gzengs bstod nas/ dag tu tshig 'di skad ces bstod do zhes bya ba nyid do/ /tshig gi don ji lta bus bstod ce na/ mgon po bdag cag yi rang ngo zhes pa la sogs pa gsungs te/ de la mgon po zhes bya ba ni de bzhin gshegs pa la 'bod pa'i tshig yin la/ bdag cag 'khor dang bcas pa zab mo'i don la yid mngon par dga' bo zhes bya ba nyid do/ /legs so legs par gsungs zhes pa ni/ ma ning rtags kyi ston pa rnams kyi gsum la bstod pa dang/ dbang dang 'grub pa dang 'bras bu la bstod pa ste/ de la zab mo don 'di nyid de bzhin gshegs pa rnams dang ma 'ongs pa'i de bzhin gshegs pa rnams dang/ da ltar byung ba'i de bzhin gshegs pa rnams kyis gsungs pa dang/ gsung bar gyur pa nyid legs so zhes la dang thog mar skad cig ma'i bde ba dang/ legs pa dang/ bar du dus bde ba dang legs pa dang/ mdza' mar rgyun gyi bde ba dang legs pa gang yin pa de la legs so zhes bya ba byin te/ ji lta bu'i tshul gyis legs snyam pa la

  531. 266a

    rnam grol 'bras bu tshul gyis ni/ /'gro ba mgon med rnams dang ni/ /bdag cag yang dag rdzogs pa yi/ /byang chub thob pa'i don chen mdzad/ /ces gsungs te/ de la rnam par grol ba'i 'bras bu 'dod pa ni/ ma ning gi rtags can te/ don can gnyis la go bar bya zhing/ de bzhin gshegs pa thams cad yongs su rdzogs pa'i sku mtshan dang dpe byad kyis bya brgyan pa gzugs rnam pa sna tshogs pa 'byung ba gang yin pa de'i don dang po'i tshig ste/ sangs rgyas 'byung ba khyod la 'dud/ ces bya la/ sprul pa'i sku de nyid chos kyi sku rnam rtog thams cad dang bral ba nam mkha' ltar mdza' yas pa'i mtshan nyid las byung ba/ longs spyod rdzogs pa'i sku ye shes chen po'i ros yongs su gang ba'i ting nge 'dzin phun sum tshogs pa'i bdag nyid las byung ba gang yin pa de la/ nam mkha' las byung khyod la 'dud/ /ye shes las byung khyod la bstod ces bya ba nyid do/ /chos kyi dbyings kyi bdag nyid de bzhin gshegs pa thams cad kyi gti mug chen po'i sku rnam par snang mdzad la bstod pa ni/ sgyu 'phrul dra ba khyod la bstod ces bya ba gsungs te/ de la sgyu 'phrul ni med pa'i dngos po las rnam pa sna tshogs par snang ba yin la/ dra ba ni phyogs bzhi thag pa las 'dud pa'i tshul du dkyil na gnas pa/ phyogs kun tu sprel ba yin te de bzhin du chos kyi dbyings ye shes spros pa med pa'i mtshan nyid phyogs thams cad du rigs dang mthun pa'i sku nye bar ston pa gsal zhing/ 'bar bas rigs bzhi'i gtso bor gyur pas dbus na bzhugs pa gang yin pa de la de skad ces bya zhing/ de nyid dus gsum gyi sangs rgyas thams cad kyi yab kyi tshul du bzhugs pa dang/ de bzhin gshegs

  532. 266b

    pa'i rigs kyi 'khor los sgyur ba dang/ de bzhin gshegs pa'i rigs thams cad kyis gus pa dang ldan pa'i tshul gyis kun tu zhal du mngon par phyogs par gyur pa dang/ de bzhin gshegs pa thams cad longs spyod rdzogs pa'i sku sngags pa chen po'i tshul gyis bstod pa gang yin pa de la ni/ sangs rgyas rol ston khyod la bstod/ /thams cad thams cad khyod la bstod/ /ye shes sku nyid khyod la bstod/ /ces bya ba nyid do/ /de ltar rigs drug gi bdag nyid yin par bsdu ba dang bcas pa bstan cing thabs dang shes rab kyi sngags rnam pa gnyis kyang sgrub pa'i thabs kyi skabs su sangs rgyas par bstan nas/ da ni de bzhin gshegs pa'i yang bka' zab mo'i don 'di nyid kyi zhu ba po sa bcu'i dbang phyug gsang ba'i bdag po lag na rdo rje dang/ de'i 'khor du gyur pa rdo rje 'chang ba dpag tu med pa rnams dang rjes su yi rang zhing mngon par dga' ba'i tshul gyis bstod pa ni/ de nas dpal ldan rdo rje 'chang zhes pa la sogs pa gsungs te/ de la de nas shes pa ni bkra shis pa'i tshul gyis 'das pa nye bar rdzogs pa ste shes rab kyi sngags brjod pa rdzogs pa'i rjes la zhes bya ba yin la dpal dang ldan pa dang rdo rje 'chang ni gong du bshad zin la don gyis na gsang ba'i bdag po lag na rdo rje/ 'gro ba mgon med pa ni mi la sogs pa ngan 'gro'i rgyud la ldan pa thams cad yin la/ bdag cag ces pa ni gsang ba'i bdag po la sogs pa rnams yongs su rdzogs pa'i 'bras bu'i mtshan nyid yin yang/ gdul bya'i don du rgyu la rag pa ltar bstan pa ni/ /de rnams dang bdag cag yang dag par rdzogs pa'i byang chub thob par byed pa'i don chen po mdzad ces bya ba nyid do/ /de la rtsa ba'i rgyud la gang gsungs snyam pa la/ sgyu 'phrul dra

  533. 267a

    ba'i tshul bstan pa ces gsungs te/ mtshan yang dag par brjod pa 'di nyid rgyud chen po stong phrag bcu drug pa/ sgyu 'phrul dra ba'i tshul ji lta ba bzhin du bstan pa gang yin pa de la de skad ces bya zhing/ de nyid rnam par dag pa'i dri ma dang bral ba'i lam du gyur pa dang rtogs par dka' zhing 'bras bu'i don rgya chen por gyur pa dang ldan pa dang/ bdag gi don phun sum tshogs pa dang/ gzhan gyi don phun sum tshogs pa sgrub pa de nyid zab mo'i don 'di ste/ 'di ni rnam dag legs pa'i lam/ /zab cing yangs la rgya che ste/ /don chen 'gro ba'i don byed pa nyid do/ /sangs rgyas rnams kyi yul 'di ni zhes bya ba ni/ de la yul ni 'dod pa'i yul yin la de bzhin du 'dod pa'i don 'di nyid/ dus gsum na bzhugs pa'i sangs rgyas thams cad kyi 'dod par bya ba'i yul yin pas na de skad ces bya zhing/ 'di nyid yang dag par rdzogs pa'i sangs rgyas thams cad kyis bshad pas na/ rdzogs pa'i sangs rgyas kun gyis bshad do/ /zhes bya ba nyid do/ /de ltar yongs su rdzogs pa zab mo'i don de chos kyi dbyings dang/ ye shes gnyis su med pa don dam pa nyid yang dag par glur blangs pa/ gang yin pa de ni mtshan bcom ldan 'das 'jam dpal ye shes sems dpa' i don dam pa'i mtshan yang dag par brjod pa zhes bya la/ 'di nyid bcom ldan 'das shAkya thub pas gsungs pas so/ /zhes bya ba nyid do/ /rdzogs ldan sangs rgyas thams cad kyi/ / don dam snying po gtsor gyur pa/ /bsgribs g.yogs skye bo thams cad kyis/ /mun pa bsal phyir legs byas pa'i/ /dge ba rgya chen gang thob des/ /'gro ba skye bo'i tshogs kun dang/ bdag nyid dri ma gsum spangs nas

  534. 267b

    bde chen rdo rje 'dzin gyur cig /bstan bcos 'di yi char gyur pa/ /tshigs su bcad pa stang dang ni/ /drug brgya lnga bcu tham par bsgyur/ /mtshan yang dag par brjod pa'i 'grel pa/ slob dpon chen po phyag rgya chen po dngos grub bsnyes pa Dom+b+ha he ru ka'i zhal snga nas mdzad pa rdzogs so// //sa pho spre'u dpyid zla tha chung yar gyi ngo tshes bco lnga la/ gza' mig dmar gyi nyin par dbang phyug dam pa'i mnga' bdag dpal/ /lha btsan po khri dbang phyug rin po che don thams cad sgrub pa'i dka' lung gis/ rgyal mo sum bu za lun gyis 'od zer gyi sku gnyer mdzad nas/ bkra shis kyi gdan sa chen po/ /btsong kha ser to bla mkhar gyi nang du bod kyi lo tsA ba khyud grags kyis 'jam dpal sgyu 'phrul dra ba bsgyur cing gtan la phab pa'o// ithi // */ (/'jam dpal mtshan brjod kyi bka' 'grel bsdus pa zhes bya ba bzhugs so//) //rgya gar skad du/ Arya many+dzu sh+rI nA ma si gI hi pany+tsi ka sa gra ha nA ma/ bod skad du/ 'phags pa 'jam dpal gyi mtshan yang dag par brjod pa'i bka' 'grel bsdus pa zhes bya ba/ 'phags pa 'jam dpal gzhon nur gyur pa la phyag 'tshal lo/ /sku dang ye shes kun gyi dngos/ /'jam mchog mgon la phyag 'tshal lo/ /rgyud rnams kun las nges pa'i don/ /de yi lung bstan bri bar bya/ /de la lung bstan pa'i tshig gang zhe na/ zab cing rgya che'i mtshan bstan pa/ /sku dang ye shes kun gyi bdag /yan lag bcu ldan sgrub pa pos/ /sangs rgyas thob par the tshom med/ /de lta bu'i lung bstan pa'i tshig de la/ /rjes su bstan pa ji lta bu zhe na/ /zab pa zhes bya ba ni/ gnyis su med pa'i ye shes kyi de kho na nyid la bya/ rgya che ba ni yon tan la bya la/ mtshan bstan pa ni/ rang

  535. 268a

    bzhin yongs su shes na 'phags pa 'jam dpal gyi mtshan du ma gyur pa med la/ rgyu zhes bya ba ni/ gsum mam lnga la bya la/ ye shes ni lnga 'am gcig gis bsdus so/ /yan lag bcu ldan sgrub pa pos zhes bya ba ni/ byin gyis brlabs pa'i yan lag dang/ sku dang ye shes kyi yan lag dang/ bzhi'i yan lag dang/ lta ba'i yan lag dang/ bsgom pa'i yan lag dang/ lta stangs kyi yan lag dang/ brda'i yan lag dang/ bsdus pa'i yan lag dang/ sbyor ba drug gi yan lag dang/ bar ma de'i yan lag ste/ yan lag bcu po de dang ldan pa'i sgrub pa pos/ /sangs rgyas thob par the tshom med ces bya ste/ ting nge 'dzin dra ba'i le'u 'di nyid ni/ gcig tu bsdus na tshigs bcad brgya drug cu rtsa gnyis rnams dang/ yon tan brgya dang lnga bcu'i gzhung gis/ de bzhin gshegs pa thams cad kyi sku dang yon tan gyis/ mtshan yang dag par brjod pa'i don to/ /de ltar yin mod kyis kyang/ dgos pa med pa ni mi 'jug pas/ nyan pa po 'jug par bya ba'i phyir/ /dang por brjod par bya ba ni/ gang zhig /'grel pa ni ci/ dgos pa ni ji lta bu/ dgos pa'i dgos pa ni ji lta bu snyam du rtog na/ de rnams kyi don bstan pa ste/ de bzhin gshegs pa thams cad kyi rang bzhin/ 'phags pa 'jam dpal gyi sku dang/ ye shes kyi yon tan dang bcas pa ni brjod par bya'o/ /de ston par byed pa'i sgra'i tshogs dang 'grel pa ni 'bral pa'o/ /dgos pa ni so so'i dngos po'i mngon par zhen pa bzlog nas/ rnam par dag pa'i lam gyi rang bzhin/ sku dang ye shes kyi ngo bo 'phags pa 'jam dpal gyi rang bzhin du shes pa'o/ /dgos pa'i dgos pa ni/ de ji lta bar rang gi stobs su gyur pa'o

  536. 268b

    yang na 'di brjod par bya ba ni/ gnyis su med pa'i ye shes so/ /zhes yon tan la de skad du gsung ngo/ /yang na brjod par bya ba ni/ /dngos po thams cad kyi rang bzhin 'phags pa 'jam dpal du rtogs par bya ste/ de yang ci mngon zhe na/ dngos po kun gyi rang bzhin mchog /dngos po kun gyi rang bzhin 'dzin/ /skye med chos de sna tshogs ston/ /mi 'gyur kun 'gro khyab pa po/ /zhes gsungs so/ /de ltar na bstan pa dang/ g.yo ba'i dngos po thams cad 'phags pa 'jam dpal gyi rang bzhin du shes pa yang dgos 'brel gyi yan lag tu shes par bya'o/ /de ltar na dgos pa'i don dang bsdus pa'i don brjod nas/ da ni tshig gi mtshams sbyar ba'i phyir/ bkra shis pa la sogs pa mang du 'jug mod kyi/ sdud pa po'i tshig tu bstan par bya'o/ /dpal ldan rdo rje 'chang bya ba nas brtsams te/ rang gi lag gi gsor byed ces bya ba'i bar gyis zhu ba po'i mtshan nyid bstan to/ /khro gnyer rim par ldan la sogs zhes bya ba nas brtsams te/ rang gi lag gis gsor byed pa zhes pa'i bar gyis/ zhu ba po 'khor gyi mtshan nyid bstan to/ /snying rje tshe dang zhes bya ba nas brtsams te/ lus btud rnams dang lhan cig tu zhes pa'i bar gyis/ gnyi ga'i mtshan nyid bstan to// de bzhin gshegs pa bcom ldan 'das zhes bya ba nas brtsams te/ spyan sngar 'dug ste 'di skad gsol/ zhes bya ba'i bar gyis zhus pa'i tshul bstan pa'o/ /khyab bdag ces bya ba nas brtsams te/ byang chub ci nas bdag thob mdzod ces pa'i bar gyis/ bdag don du zhugs pa'o/ /nyon mongs pas ni sems bkrugs shing bya ba nas/ sems can rnams la bshad par 'tshal bya ba'i tshig yar drangs te/ tshig bcad gnyis kyis gzhan don du zhus pa'o/ /

  537. 269a

    rdzogs pa'i sangs rgyas bcom ldan 'das bya ba nas/ dbang po bsam pa mkhyen mchog gis shes pa'i khyad par gyis/ ston pa'i khyad par bstan pa'o/ /bcom ldan 'das kyi ye shes sku bya ba nas/ thog ma bar dang mthar dge ba/ /zhes bya ba'i bar gyis/ dam pa'i chos kyi khyad par bstan pa'o/ /'das pa'i sangs rgyas rnams kyis gsungs bya ba nas yang nas yang du gsungs pa gang zhes bya ba'i bar gyis/ dus kyi khyad par bstan to/ /rgyud chen sgyu 'phrul dra ba las zhes bya ba'i bar gyis/ dpag tu med pa'i rdo rje 'chang bas sngags kyi don bzung ngo/ /zhes bya ba'i don to/ /gsang dbang lag na rdo rje zhes bya ba nas brtsams te/ lus btud nas ni spyan sngar 'dug ces bya ba'i bar gyis/ gus pas 'khod pa'i don to/ /de ni zhu ba bstan pa'o/ /da ni lan bstan pa la/ de nas bcom ldan shAkya thub/ ces bya ba nas brtsams te/ 'jig rten gsum po kun bkang nas zhes bya ba'i bar gyis so/ /chos gsungs pa'i snga ltas so/ /de nas tshig rkang gnyis kyis ni/ /mtshams sbyar bstan to/ /snying rje che dang ldan par gyur nas zhes bya ba nas brtsams te/ lag na rdo rje khyod legs so zhes bya ba'i bar gyis/ don chen po 'di lta bus zhus pa legs par sbyin pa'o/ /gsang ba'i bdag po zhes bya ba nas brtsams te/ nyon zhes pa'i bar gyis gdams pa la sogs par bstan pa'o/ /de nas tshig gcig gis ni/ gnang ba'i legs pa phul ba'o/ /des ni gleng gzhi gus pa'i tshul lo/ /da ni dam pa'i chos kyis dngos po bstan pa'i phyir/ de nas bcom ldan shAkya thub ces bya ba la sogs pa smos te/ 'og min du sangs rgyas ba de/ rigs thams cad kyi ngo bo 'phags pa 'jam

  538. 269b

    dpal du bstan pa'i phyir/ /gsang sngags rigs chen thams cad dang zhes bya ba nas brtsams te/ rigs chen gtsug tor cher gzigs nas zhes bya ba'i bar gyis/ /rigs kyi bye brag bstan to/ /da ni cung zhig don dgrol na/ gsang sngags rigs chen thams cad dang zhes bya ba ni/ don dam pa byang chub kyi sems de kho na nyid la bya la/ /rig sngags 'chang zhes bya ba ni/ rig pa'i shes rab kyi mi dor bar 'dzin pa'o/ /rig pa'i shes rab des sku gsung thugs kyi de kho na nyid la gzugs pa'o/ /de'i khyad par ni tshogs kyi khyad par nas bzung ste/ cung zad drod thob pa'i gnas skabs kyi bar ro/ /'das pa'i rigs zhes bya ba ni/ mthong ba'i lam nas brtsams pa'o/ /'jig rten snang byed rigs chen dang zhes bya ba ni khyad par ro/ /phyag rgya chen po'i rigs mchog dang zhes bya ba ni/ byang chub kyi sems rdo rje'i rigs las ma 'das pa'o/ /rigs chen gtsug tor cher gzigs nas zhes bya ba ni/ 'dod pa thams cad skong ba'i don to/ /tshig gi bdag pos tshigs su bcad ces bya ba ni/ rje btsun gsung gi dbang phyug ste/ de nyid 'phags pa 'jam dpal lo/ /gsang sngags rgyal po drug ldan zhing zhes bya ba ni/ badzra tIk+Sh+Na ya te na ma(rgyud 'grel): 'i bar gyis so/ /de'i bdag po ni 'phags pa 'jam dpal nyid do/ /gnyis su med par 'byung ba dang zhes bya ba nas smos te/ gnyis ni bzung 'dzin la sogs pa'o/ /de med pa de gang de gnyis su med pa'o/ /de las byung ba ni bzung 'dzin la ma bltos pa skye ba'o/ /de bas na mi skye chos can 'di gsungs te/ chos kyi dbyings kyi rang bzhin don dam pa byang chub kyi sems kyi ngo bo don dam pa'i yi ge ma/ sa bcu gnyis dang sbyar te gsungs

  539. 270a

    pa yin no/ /de yang gang zhe na/ dpal rdo rje snying po rgyan gyi rgyud las/ de bzhin gshegs pa'i sa ni bcu gnyis su gsungs te/ kun tu 'od kyi sa chen po/ /de ni nyi ma'i dkyil 'khor 'dra/ /bdud rtsi 'ong ni gnyis pa ste/ /shin tu 'od gsal zla ba 'dra/ /nam mkha' 'od ni gsum pa ste /nam mkha' bzhin du rnam par gnas/ /rdo rje'i 'od ni bzhi pa ste/ /sa de nyid ni yang dag go /bsam gtan nang gi rtags sbyor bas/ /rdo rje zhes ni yongs su brtags/ /lnga pa rin chen 'od ces bya/ /dbang bskur ba la rab tu gnas/ /pad+ma'i 'od ces drug pa ste/ /pad+ma bzhin du rab tu bskyed/ /rang bzhin dag pas chos nyid phyir/ /dri ma med pa yongs su bzung/ /bdun pa las ni 'od ces pa/ /sangs rgyas phrin las byed par 'dod/ /brgyad pa dpe med bya ba yin/ /dpe dang ldan pa dgu pa ste/ /thams cad dpe ni so sor 'bigs/ /bcu pa shes rab 'od ces pa/ /sangs rgyas sa ni bla na med/ /bcu gcig thams cad mkhyen pa nyid/ /sa chen rab tu 'od gsal ba/ /bcu gnyis so sor rang rig pa/ /rnal 'byor ye shes rab tu rdzogs/ /de ltar sa ni bcu gnyis dang/ /a bcu gnyis dang sbyar bar shes par bya'o/ / de nyid kyi skabs su/ de nyid rnam pa bcu drug rigs/ /rnam pa nyi shu byang chub 'chang/ /zhes bya ba'i tshig gis bla ma dam pa'i gdams ngag gis sbyar bar bya'o/ /s+thi to h+ri de zhes bya ba la sogs pa'i tshig gis/ dus gsum gyi sangs rgyas thams cad kyi thugs ka nas/ 'phags pa 'jam dpal ye shes kyi spyi gtsug gi rang bzhin sangs rgyas kyi chags pa'i gnas su bstan to/ /de nas yon tan las de bzhin gshegs

  540. 270b

    pa thams cad kyi sku thams cad kyi mkhyen pa'i ye shes chos kyi dbyings bla na med pa'i thugs su chud pa'o/ /zhes gsungs pas na/ de'i bdag nyid kyis rje btsun gsung gi dbang phyug /dang po'i sangs rgyas kyi ngo bo de'i rjes su 'dzin pa'i byang chub sems dpa' i gdams ngag gis/ nges pa'i don gyi rgyud 'di bshad na/ rnam pa gnyis su shes par bya ste/ de yang byang chub sems dpa' dgra las rnam par rgyal ba'i zhal snga nas/ byang chub sems dpa' i mdzad spyod ni/ mdor bsdus rnam pa gnyis su shes/ rjes su bzung dang tshor bcad pa'o/ /de la rjes su gzung ba ni/ /sngon gyi dus na 'phags pa 'jam dpal des bshad pa'i sgo nas rjes su bzung ba dang/ bsgom pa'i sgo nas rjes su bzung ba'o/ / de la bsgom pa'i sgo nas rjes su gzung ba ni/ 'dod chags can gyi gang zag bde ba lam du khyer ba ste/ bcu drug phyed phyed thig le can bya ba'i tshig gis/ rnal 'byor ma'i rgyud dang rjes su bstun te bstan pa'o/ /rnam par rtog pa can rjes su gzung ba'i phyir/ rlung la bslab pa ste/ khong nas 'byung ba skye ba med ces bya ste/ rlung ji snyed cig yod kyang/ rtsa ba'i rlung rnam pa lngar 'dus te/ rnal 'byor pa'i rgyud dang bstun te bslab pa'o/ /tha mal rtog pa can rjes su gzung ba'i phyir/ dmigs pa dang bcas pa'i bskyed pa'i rim pa la bslab ces bya ste/ rigs gsum la ni rnam par gzigs zhes bya ba'i tshig gis/ rnal 'byor gyis rgyud la sogs pa dang/ rjes su bstan te bslab pa dang/ gang zag shes rab can rjes su gzung bar bslab pa ni/ sku dang ye shes kyi de kho na nyid la bslab pa ste/ de yang yan lag bcu ldan sgrub pa'o/ /zhes bya ba'i tshig gis so/ /de ni bsgom pa'i rjes su gzung ba'o/ /da ni bshad pa'i rjes su gzung

  541. 271a

    ba ni/ 'jam dpal de nyid gdul bya'i ngo bag dang sbyar te/ 'dod chags can 'dul ba la dbang phyug chen po'i gzugs so/ /gti mug can la tshangs pa'i gzugs so/ /zhe sdang can la 'jigs byed kyi gzugs so/ /de lta bu la sogs pa ni gdul bya ni bu'i bu ram lce'i rigs pa'i dpes so/ /de bye brag cung zhig smras pa ni/ mu tig kyi gdul bya'i ral pa can/ gtsug phud phud bu lcang lo can zhes bya ba'i tshig gnyis so/ /dri za'i rgyal po zur phud lnga pa gdul ba'i don du/ gdong lnga gtsug phud lnga dang ldan zhes bya ba'i tshig gis so/ /nyan thos gdul ba'i don du 'phags pa 'jam dpal de ni/ byang chub sems dpa' i rgyud du rtogs kyang/ nyan thos kyi tshul du bzung nas/ mgo zlum brtul zhugs chen po pa zhes bya ba la sogs pa'i tshig gis/ bden pa bzhi'i sgo nas chos ston to/ /rang sangs rgyas gdul ba'i don du 'dren pa rang rgyal bse ru'i tshul zhes bya ste/ rten cing 'brel pa bcu gnyis kyis ston// rnam rig sna tshogs gzugs don can zhes bya ba'i tshig dang/ snying rje che dang shes rab thabs zhes bya ba'i tshig dang/ bden pa gnyis kyi tshul la gnas zhes bya ba'i tshig dang/ pha rol phyin pa bcu yi tshul zhes pa'i tshig gis/ byang chub sems dpa' i theg pa bstan/ de yang cis mngon zhe na/ theg pa gsum gyi nges 'byung la zhes bya ba la sogs pa'i tshig gis so/ /gzhan yang sum cu rtsa gsum lha 'dul ba/ lha'i dbang po lha'i lha zhes bya ba ste/ brgya byin gyis so/ /lha'i dbang po lha min bdag ces pas thag bzangs ris kyi gzugs kyis so/ /'chi med dbang po lha yi bla zhes bya ste/ phur pa'i gzugs kyis so/ /'joms byed 'joms byed dbang phyug po zhes bya ba ste/ khyab 'jug

  542. 271b

    gi gzugs so// //da ni gzugs med pa gdul ba'i don du gzugs med ces bya ba'i tshig dang/ tshangs pa'i yul sa rtse nas gnon zhes bya ba'i tshig gis so/ /da ni thun mong ma yin pa'i gsang sngags kyi theg pa bshad pa'i sgo nas rjes su bzung ste/ nor pa thams cad rnam par spangs zhes bya ba la sogs pa smos te/ de la nor pa ni rnam pa lnga ste/ 'jug pa'i nor pa dang/ lta ba nor pa/ bsgom pa nor pa/ thabs nor pa/ spyod pa nor pa/ de las zlog pa shes pa'i khyad par ro/ /de la 'jug pa'i khyad par ji lta bu ce na/ don gsum the tshom med pa'i blos/ theg pa sna tshogs thabs tshul gyis/ /snying rje che dang shes rab thabs/ /rdo rje rgyal po bde ba che/ /zhes bya bas gsang sngags kyi lam bstan no/ /gzhan yang bdag rigs gzhan rig thams cad pa zhes bya ba nas brtsams te/ phyag rgya bzhi pa'i don ston pa zhes bya ba la sogs pa dang/ rgyud kun gyis ni bdag po'i mchog ces bya ba la sogs pa'i tshig gis so/ /rgyud thams cad kyi bdag po yin par bstan to/ /gzhan yang 'di nyid kyi brtags pa gzhan du/ la la ni phyi rol gyi tshul lo/ /la la ni nyan thos kyi tshul lo/ /la la ni rang sangs rgyas kyi tshul lo/ /la la ni byang chub sems dpa' o/ /gzhan du gsang sngags kyi rig pa 'dzin pa'i rgyud dpag tu med pa cig bstan kyang/ thig le chen po'i dor ma shar na/ de thams cad rjes su bzung ba'i yin gyi/ yang dag pa'i don de nyid thob par mi 'gyur/ ci'i phyir zhe na/ rjes su bzung ba tsam yin gyi/ yang dag pa'i don ma yin no/ /de ci'i phyir zhe na/ ma rtogs dang log par rtogs pa'i phyir ro/ /la la ni rgyu 'bras rjes su mi mthun pa'i phyir ro/ /la la ni btsas ma

  543. 272a

    la spyod pa'i phyir ro/ /gtan tshigs de bas na/ 'bras bu de de tsam du bsngags pas rjes su bzung ba'o/ /ji lta bu'i yang dag pa'i yin zhe na/ rnam par dag pa bdag med chos/ /rdo rje rgyal po bde ba che/ /'di ni rnam dag legs pa'i lam/ /yang dag mdza' ste yi ge med/ /de nas thig le chen po'i ngang du sangs rgyas par rig par bya'o/ /de yang cis mngon zhe na/ thig le chen po yi ge med ces pa la sogs pa'i tshigs bcad gcig gis lta ba bstan/ bcu drug phyed phyed thig le can zhes bya ba'i man ngag gis gnas bstan to/ /bsam gtan zhes bya ba la sogs pa'i tshig gis blta ba bstan to/ /ting 'dzin rig dang zhes bya ba la sogs pa'i tshig gis mthong lam bstan to/ /longs spyod rdzogs sku kun gyi rgyal zhes bya ba la sogs pas 'bras bu bstan to/ /da nyid dran pa chen po 'chang bya ba nas brtsams te/ de bzhin gshegs pa'i yon tan mtsho zhes bya ba la sogs pas 'bras bu'i yon tan bstan to/ /yid bzhin nor bu chen po 'chang zhes pa nas/ 'jigs pa ma lus sel ba po zhes bya ba la sogs bas/ sems can gyi don byed pa'i khyad par ro/ /de yang sku dang ye shes kyi khyad par ni/ de yang sku gsum dang/ sku lnga dang/ ye shes lnga dang ye shes gcig /de yang cis mngon zhe na/ mchog gi dam pa sku gsum 'chang/ /sangs rgyas sku lnga'i bdag nyid can/ /khyab bdag ye shes lnga yi bdag /sangs rgyas lnga bdag cod pan can zhes bya bas so/ /de'i rnam par bzhag pa ni/ de la sku gsum ni/ dang por chos kyi sku bshad mi skye chos 'di

  544. 272b

    gsungs pa/ a yig bcu gnyis dang/ rdzogs pa'i a las byung zhes bya ba dang/ don chen yi ge dam pa yin/ /zhes bya ba la sogs pa dang/ /thog ma med pa spros med bdag ces bya ba la sogs pa dang/ don gcig gnyis med chos kyi don zhes bya ba la sogs pa dang/ dang po'i sangs rgyas rgyu med pa zhes bya ba la sogs pa dang/ mi 'gyur kun 'gro khyab pa po/ /zhes bya ba la sogs pas chos kyi sku bstan to/ /da ni longs spyod rdzogs pa'i sku bsdu pa/ sangs rgyas rnam par snang mdzad che zhes bya ba la sogs pa'i tshigs su bcad pa gcig dang/ longs spyod rdzogs sku sku yi rgyal zhes bya ba'i tshig rkang gcig dang/ gnas bstan rgan po skye dgu'i bdag /sum cu rtsa gnyis mtshan 'chang ba/ /sdug gu 'jig rten gsum na mdzes/ /zhes bya ba la sogs pas longs spyod rdzogs pa'i sku bstan/ da ni sprul pa'i sku bsdu ba/ /sprul pa'i sku ste sku yi mchog ces bya ba'i tshig dang/ phan 'dogs sems can mnyes gshin pa zhes bya ba'i tshig dang/ gzugs rnam pa sna tshogs kun tu ston zhes bya ba'i tshig dang/ theg pa sna tshogs thabs tshul gyis/ /zhes bya ba la sogs pa'i tshig gis sprul pa'i sku bstan/ de gsum las ngo bo chos kyi sku bstan te/ rnam par dag pa bdag med chos zhes bya ba dang/ de bzhin nyid dag dag pa'i bdag ces bya ba dang/ gzhan yang de nyid kyi lung gi spang ba'o/ /de la chos gang rnam pa tha dad du/ rnam dag zag pa med rnyed pa/ thub pa'i ngo bo nyid sku ste/ /de yi rang gi mtshan nyid do/ /zhes gsungs pas na/ ngo bo nyid kyi sku/ ye shes kyi sku la gnyis gnyis te/ ji lta ba dang de'i rgyu mthun no/ /ji lta ba ni ye shes ldan pa yod med shes zhes

  545. 273a

    pas so/ /de'i rgyu mthun pa ni shes pa 'ba' zhig nges gsal zhes bya ba/ ye shes lnga ni me long lta bu la sogs pa'i ye shes lnga'o/ /yang ye shes mig gcig dri ma med ces pas so/ /de ltar na mtshan yang dag par brjod pa 'di ni/ zab pa dang rgya che ba sku dang ye shes kyis bsdu ba gzhan dang mtshungs pa med pa/ phan yon che ba yon tan thams cad kyi mnga' bdag tu gyur pa phan yon nas byung ba bzhin du shes par bya'o/ /de yang cis mngon zhe na/ don zab don ni rgya che zhing/ /don chen mtshungs med rab zhi ba/ /thog ma bar dang mthar dge ba zhes gsungs pa ste/ de de bzhin gshegs pa thams cad kyi skye gnas/ de bzhin gshegs pa thams cad kyi rten/ sangs rgyas thams cad kyi yul dang/ dge ba'i bshes gnyen la sogs pa'i rig par bya'o/ /des na don zab ces bya ba ni/ chos kyi sku la bya'o/ /rgya che ba ni gzugs sku gnyis la bya'o/ /yang na don zab ces pa ni sems kyi sems nyid la bya la/ rgya che ba ni snang rten cing 'brel bar 'byung ba la bya la/ yang na don zab ces bya ba ni sgros ma brtags pa'i de bzhin nyid la bya la/ rgya che zhes bya ba ni chos skus khyab pa la bya'o/ /yang na don zab ces bya ba ni chos thams cad kyi ngo bo nyid stong pa nyid la bya la rgya che ni nam mkha' ltar yangs pa la bya'o/ /yang na don zab ces bya ba ni/ shes bya ji lta ba thugs su chud pa la bya la/ rgya che zhes bya ba ni shes bya ji snyed pa mkhyen pa la bya'o/ / yang na mnyam gzhag dang rjes thob la bya la/ yang na bde ba chen po dang mi rtog pa la bya'o/ /yang na don zab ces bya ba ni/ sku dang ye shes la bya la/ rgya che zhes bya ba ni sangs rgyas rnams kyi yon tan la bya'o/ /de lta bu'i

  546. 273b

    tshul bla ma dam pa'i gdams ngag gis yang gzhan du yang sbyar ro/ /ci'i phyir zab pa la sogs pa bshad ce na/ nyan thos la sogs pa'i spyod yul ma yin pa'i phyir ro/ /'di ni blo zab pa dang rgya che ba rnams la rab tu bsngags pas ni des na zab pa rgya che ba zhes bya'o/ /de ltar na rjes su bzung ba dang zab pa dang/ rgya che ba bshad nas/ da ni tshar bcad pa'i don bshad par bya ste/ log par lta ba tshar bcad pa ni yang gsungs pa/ bdag med seng+ge'i sgra dang ldan/ / mu stegs ri dwags ngan 'jigs byed/ /ces bya ba'i tshig dang/ tshig la dbang ba tshig mdza' yas zhes bya ba la sogs pa'i tshigs bcad gcig dang/ tshig gi dbang phyug smra ba che zhes bya ba nas brtsams te/ smra ba seng ge tshigs pa med ces bya ba'i bar gyis/ gzhan gyi log par lta ba tshar bcad nas/ rang gi bstan pa la rjes su gzung ba'o/ /mngon spyod kyi sgo nas mnan pa bya ba ni/ ya te na ma la sogs pa'i sngags la/ gdams ngag gis zhi khro'i rnal 'byor du zhugs la/ rdo rje 'jigs byed 'jigs par byed ces bya ba nas/ sgra dang ldan pa rnams kyi mchog ces bya ba'i bar gyis bla ma dam pa'i gdams ngag bzhin du/ sgrub pa sngon du btang nas/ 'khrul 'khor gyi sngags btu ba'i man ngag ni 'di yin te/ drug pa'i dang po ya/ lnga pa'i tha ma ma/ drug pa'i gnyis pa ra/ gnyis pa'i gsum pa dza/ bdun pa'i gsum pa sa/ bzhi pa'i gsum pa da/ lnga pa'i tha ma ma/ drug pa'i dang po ya/ yang drug pa'i dang po ya/ lnga pa'i tha ma ma/ gsum pa'i gsum pa da/ drug pa'i gnyis pa ra/ bzhi pa'i tha ma na/ drug pa'i dang po ya/ yang drug pa'i dang po ya/ gsum pa'i gsum pa da/ bzhi pa'i tha ma na/

  547. 274a

    drug pa'i gnyis pa ra/ drug pa'i dang po ya/ bdun pa'i tha ma k+Sha/ drug pa'i dang po ya/ yang drug pa'i dang po ya/ bdun pa'i tha ma k+Sha/ drug pa'i dang po ya/ gnyis pa'i tha ma tsa/ bzhi pa'i tha ma na/ drug pa'i gnyis pa ra/ lnga pa'i tha ma ma/ drug pa'i dang po ya/ de ni rtsa ba'i yi ge'o/ /gdags yig ni man ngag gis shes par bya'o/ /dang po a ni sbyin par bya/ ha ha ga lnga pa'i gsum pa'i ba/ bi kri tA na hUM/ dang po oM bdun pa ha/ lnga pa ya dang po'i ka/ gsum pa'i dang po ta/ bzhi pa'i tha ma na gnyis/ bdun pa'i bzhi pa hUM gnyis/ phaT dang ha gnyis zhal las shes/ 'di ltar bsgrub par bya ba ni/ mkhas pa grub pa thob pa rnams kyi sgrub thabs las shes par bya'o/ /bsnyen pa grub par ma gyur par/ 'khor lo bskor bar ma gsungs te/ gal te bskor na bdag nyid 'khrug /sngags kyi btu ba ma byas na/ sngags zlos pa ni nyams par 'gyur/ /gsang sngags brda yis ma bos na/ /sngags kyi dngos grub med par 'gyur/ /des na zla ba mig dang yon tan dang/ rig byed mda' zhes bya ba la sogs pa bsngags so/ /las kyi mthar thug 'khrul 'khor yin/ /rgyud kyi mthar thug bdag po mchog /dka' thub mthar thugs sems dpa' che/ /bsod nams mthar thugs yan lag bdun/ /ma byung byung bar mi 'gyur ro/ /de ni 'khrul 'khor gyi sgo nas tshar bcad pa'o/ /ting nge 'dzin dra ba'i le'u 'di tshigs bcad brgya drug cu rtsa gnyis rnams dang/ yon tan brgya dang lnga bcus zab mo'i bka' 'di/ sangs rgyas kyi sku dang ye shes de'i yon tan de'i mdzad spyod bsdus pa bstan par bya'o/ /dang

  548. 274b

    por chos kyi sku bstan pa ni/ mi skye chos can 'di gsungs pa bya ba nas/ a bcu gnyis tshig drag dang bcas pa dang/ rdzogs pa'i sangs rgyas a las 'byung bya ba nas/ tshig kun rab tu gsol bar byed ces bya ba'i par dang/ yang dag bdag med de bzhin nyid ces bya ba la sogs pa'i tshig dang/ thog ma med pa spros med bdag ces bya ba'i tshig dang/ thig le stong pa yi ge med ces bya ba nas/ rnam pa med ces bya ba'i bar gyis/ chos kyi sku bstan to/ /mchod pa chen po 'dod chags che/ zhes bya ba nas/ gzugs chen lus kyang che ba ste zhes pa'i bar gyis/ /longs sku bstan to/ /kha dog che zhing lung bong che zhes bya ba nas/ sgyu 'phrul chen po mig 'phrul can zhes pa la sogs pas sprul sku bstan/ nam mkha' las byung rang 'byung ba zhes bya ba dang/ rnam par dag pa bdag med chos/ snang ba chen po gsal ba che zhes pa la sogs pas ngo bo nyid kyi sku bstan/ khyab bdag po shes lnga yi bdag ces bya ba dang/ ye shes ldan pa yod med shes bya ba la sogs pas ye shes kyi sku bstan no/ /ye shes mig gcig dri ma med bya ba dang/ gzi brjid chen po 'od gsal ba zhes pas ye shes kyi ngo bo gcig par bstan/ yang sku gsum gyi bsngags par bstan/ gzugs med ces bya ba ni chos sku/ gzugs bzang zhes bya ba ni longs sku dam pa ste/ zhes bya ba gnyis te/ sna tshogs gzugs can yid las skyes bya ba ni sprul sku/ yang de nyid bshad pa/ chos sku ni skye med chos te zhes bya ba la sogs pa'i tshig gis/ /longs sku ni sum cu rtsa gnyis mtshan 'chad ba bya ba la sogs pa'i tshig dang/ rnam pa kun ldan zhes bya ba dang/ longs spyod rdzogs pa'i sku yi rgyal zhes bya ba la sogs pa'i tshig gis/

  549. 275a

    longs spyod rdzogs pa'i sku bstan/ rjes su gzung ba'i sku dang/ tshar bcad pa'i khro bo'i sku'i/ de la rjes su bzung ba'i sku ni/ 'phags pa 'jam pa'i dbyangs la sogs pa zhi ba'i tshul gyis so/ /tshar bcad pa'i sku ni/ de nas 'jam pa'i dbyangs kyis ni/ /khro bo'i ming ni gshin rje gshad/ /drag la mthu rtsal dang ldan pas/ zhes bya ba la sogs pa ste/ rdo rje 'jigs byed 'jigs par byed ces bya ba nas brtsams te/ sgra dang ldan pa rnams kyi mchog ces bya ba'i bar gyis so/ /rdo rje rigs kyi le'ur/ sku dang gsung dang thugs dang/ yon tan dang/ phrin las mdzad du shes par bya'o/ /gzhan yang byed pa sems can kun don byed ces bya ba la sogs pa'i tshig gis so/ /gdul bya'i khyad par ni rjes su gzung ba'i skabs su shes par bya'o/ /de yang sangs rgyas rnams kyi mkhyen pa ni/ /shes bcu rnam dag bdag nyid can/ /shes bcu rnam dag 'chad ba po/ /rnam bcu dbang ldan che ba po zhes bya ba la sogs pa'i tshig gis shes pa'i khyad par bstan/ /shes rab chen po blo chen ldan/ /shes rab mtshon chen rnam 'jom pa/ /shes rab ye shes me bo che/ /shes rab chen po skad cig la bya bas shes rab kyi khyad par bstan/ ye shes ldan pa yod med shes bya ba nas/ kun shes kun rig dam pa'o zhes bya ba la sogs pas ye shes kyi khyad par bstan/ zhags pa bkra shis snyan grags dge ces bya ba la sogs pas bkra shis pa dang dge ba'i khyad par bstan/ dbugs 'byin chen po dga' ston che zhes bya ba'i tshig gis/ dbugs 'byin pa'i yon tan bstan/ /phra zhing zag med sa bon bral zhes bya ba la sogs pa spangs pa'i khyad par bstan/ ma rig sgo nga'i

  550. 275b

    spubs 'byed pa zhes bya ba la sogs pas/ ma rig pa sel ba'i khyad par bstan/ ye shes dbang bskur cod pan can dang/ chos kyi dbang phyug chos kyi rgyal zhes bya ba la sogs pas dbang gi bdag po dang dbang gi khyad par bstan pa'o/ /tshogs kyi slob dpon tshogs kyi mchog ces bya ba la sogs pa dang/ gnas brtan rgan po skye dgu'i bdag ces bya ba dang/ nam mkha' i bdag po sna tshogs ston zhes bya bas thams cad kyi bdag po 'am gtso bo'i yon tan gyi khyad par bstan/ 'jig rten gsum na gzhon lus cig ces pa dang/ sems can kun gyi yid 'phrog pa/ sdu gu 'jig rten gsum na mdzes/ zhes bya ba la sogs pa yid du 'ong ba'i khyad par bstan/ sems can kun la shas cher chags/ nam mkha' lta bur chags pa med ces bya ba la sogs pas/ sems can gyi don byed pa'i khyad par bstan/ de nyid dran pa chen po 'chang zhes bya ba'i tshig bzhi tshigs su bcad pa gcig gis thun mong gi yon tan dang/ khyad par gyi yon tan bstan/ sprin dkar dag pa bzhin du dkar/ 'od bzang ston ka'i zla ba'i 'od ces bya ba la sogs pas 'od kyi khyad par bstan no/ /sen mo'i 'od ni shar cher dmar zhes bya ba la sogs pas yan lag gi khyad par bstan/ nor bu chen po 'od chags dpal zhes pas rgyan gyi khyad par bstan/ 'jig rten khams brgya skyob pa'i bdag ces bya ba la sogs pa'i rdzu 'phrul gyi khyad par bstan no/ /skad cig thams cad mngon par rtogs zhes pas/ mngon par rtogs pa'i khyad par bstan/ 'jig rten slob dpon 'jigs pa med ces pas rang 'jigs pa med pa'i khyad par bstan/ /'jigs pa ma lus sel ba po zhes pas

  551. 276a

    gzhan gyi 'jigs pa sel ba'i khyad par bstan/ yon tan las lag na rdo rje rdo rje 'chang/ 'di ni ngas khyod kyi rgyud la yang/ gsang sngags thams cad kyi chos nyid byin gyis brlabs so/ /zhes bya ba la sogs pas byin gyis brlabs pa'i khyad par bstan/ spyod lam thams cad du bsrung ba dang/ zhes bya ba'i tshig dang/ ma mo bdun gang yin pa la sogs pa'i tshig dang/ de'i lus la 'jug par byed do zhes bya ba'i tshig gis/ bdag gi dbang du 'gro ba'i khyad par bstan to/ /gzhan yang yon tan gyi khyad par ni/ le'u de nyid du rgyas par shes par bya'o/ /'bras bu'i khyad par ni skad cig gcig gis rdzogs sangs rgyas/ zhes bya ba la sogs pa'i tshig bzhi tshigs su bcad pa gcig gis/ ston pa gcig pu 'gro ba'i bla/ sangs rgyas byang chub bla na med ces bya ba la sogs pas 'bras bu'i khyad par bstan to/ /thams cad thams cad khyod la 'dud ces pas thams cad kyi ngo bo yin par bstan to/ /sangs rgyas thams cad skyed pa po/ zhes bya bas ni rgyud khyad par bstan to/ /sangs rgyas sras po dam pa'i mchog ces pas thams cad du dam pa'i khyad par bstan to/ /shes pas srid 'byung skye gnas med ces bya bas ni mngal las mi skye ba'i khyad par bstan to/ /chos las byung ba srid pa sel zhes bya bas ni/ gzhan gyi 'dod chags la sogs pa sel ba'i khyad par ro/ /gcig tu sra mkhregs rdo rje'i bdag ces pas ni/ sems kyi de kho na nyid kyi don rtogs pa'i khyad par ro/ /skyes ma thag par 'gro ba'i bdag ces pas ni/ de'i nus mthu'i khyad par ro/ /nam mkha' las byung rang byung ba/ /sangs rgyas thog

  552. 276b

    ma tha ma med/ ces bya ba la sogs pas/ dang po'i sangs rgyas kyi khyad par bstan to/ /de yang rigs pa ci'i phyir zhe na/ rten bsam gyis mi khyab pa dang/ yul bsam gyis mi khyab pa'i phyir/ ye shes sku ste rang 'byung ba zhes bya ba dang/ shes pa 'ba' zhig nges gsal ba zhes bya ba dang/ nam mkha' las byung rang 'byung ba zhes bya ba dang/ dang po'i sangs rgyas rgyu med phyir zhes pas gzhan la ma bltos pa'i khyad par ro/ /'o na 'bad pa med pa'i skyon mi 'ong snyam du dogs nas/ de nas mkha' las byin gyis brlab las byung ba'i phyir ro/ /de lta bas na skyon thams cad kyis mi tshugs par shes par bya'o/ /de lta bas na de'i ngo bo rnam pa kun ldan rnam pa med ces bya'o/ /zab mo'i don 'di yang/ sku lnga dang gsum ye shes lnga 'am gcig gis zhu ba ni tshig nas bzung ste/ rdzogs pa'i sangs rgyas rnams kyi bshad bya ba yan chad kyis/ sku dang ye shes kyi ngo bor bsdus par shes par bya'o/ /de yang sku dang ye shes de rtag gam mi rtag /log par rtog pa gsal ba'i phyir/ rtag pa kun rgyal zhes smos te/ 'o na mu stegs kyi rtag pa'i skyon mi 'ong ngam snyam du dogs nas de bsam par mi bya ste/ skad cig ma'i rtag pas stong pa nas/ sems tsam pa'i rgyun gyis rtag pa'i skyon mi 'ong ngam zhes dogs nas/ de bsam par mi bya'o/ /rgyu 'bras la sogs pa'i 'brel pas stong pa'i phyir ro/ /ci yang med do snyam du dogs nas/ so so rang rig mi g.yo ba zhes smos so/ /rig pa btang snyoms su dogs na/ rdo rje rgyal po bde ba che zhes bya ba smos so/ /de skye bar 'dzin zhes dogs nas/ khong nas 'byung ba skye ba med ces bya bas so/ /de brjod pas gnod pa 'ong ngo zhes

  553. 277a

    dogs nas tshig tu brjod pa spangs pa ste zhes pas so/ /khams gsum du g.yo zhing rtog go dogs nas/ /so so rang rig mi g.yo ba zhes bya ba smos so/ /de skad cig ma du ma yin no zhes dogs nas/ rnam par dag pa bdag med chos zhes bya ba smos so/ /de nyid kyang dri ma yin no zhes bya bar dogs nas/ mi g.yo rab tu dang ba'i bdag ces bya ba smos so/ /de nyid kyang zhi gnas la yod do zhes bya bar rtog na/ gzi brjid chen po 'od gsal ba zhes smos so/ /de nyid rjes su dpag pa'i yin no zhes bya bar rtog na/ sangs rgyas kun gyi mngon sum mo zhes bya ba la sogs pa smos so/ /de nyid yul med do zhes bya bar rtogs na/ bsam gtan bsam bya zhes bya ba smos so/ /de gnyis so sor bya bar rtog na/ don gcig gnyis med chos kyi don bya ba smos so/ /don la rnal 'byor med do zhes bya ba rtog na/ rnal 'byor can zhes bya ba smos so/ /de thams cad ma rgyal lo zhes bya bar dogs nas/ kun kyang zhes smos so/ /shes rab dang ye shes kyi khyad par med do zhes dogs na/ shes rab ye shes me bo che zhes bya ba la sogs pa smos so/ de gsang sngags dang rig sngags la sogs pa'i bdag po ma yin no zhes rtog na/ sangs rgyas rnam par snang mdzad che zhes bya ba la sogs pa'i tshig bzhi tshigs su bcad pa gcig dang/ sngags mchog sngags bdag rig sngags rgyal zhes bya ba smos so/ /de sa bcu'i byang chub sems dpa' la don med do zhes rtog na/ gsang sngags rgyal po don bzhin byed ces bya ba la sogs pa smos so/ /rtog go snyam du rtog na/ rnam par mi rtog lhun gyis grub ces bya ba la sogs pa smos so /

  554. 277b

    de rtog pa med pas sems can gyi don ji ltar byed ce na/ yid bzhin nor bu chen po 'chad zhes bya ba dang/ dpag bsam shing chen rgyas pa ste/ bum pa bzang po che ba'i mchog ces bya ba smos so/ /de gzhan gyis dring 'jog go zhes bya bar rtog na/ tshul chen gzhan gyi dring mi 'jog ces bya ba smos so/ /de ltar de rgyu med pa las skye bo zhes rtog na/ tshogs gnyis tshogs ni bsags pa po zhes bya ba smos so/ /de sngar smras pa dang 'gal lo zhes bya bar rtog na/ dus gsum sangs rgyas las byed pa zhes bya ba la sogs pa smos so/ /de nyid ji lta ba yin zhes rtog na/ grub pa mthar phyin 'khrul pa med/ nor ba thams cad rnam par spangs zhes bya ba smos so/ /de na ye shes las byung khyod la 'dud/ ces bya ba la sogs pa smos so/ /de nyid byin brlabs dang ldan par bya ba'i phyir/ sarba d+harmA zhes bya ba nas brtsams te/ d+harma d+hA tu dz+nyA na garb+ha A/ zhes bya ba'i bar gyis zab pa dang rgya che ba'i don tu sku dang ye shes kyis bsdus pas dus gsum gyis sangs rgyas ngo bo rdo rje 'chang ba dpag tu med pa'i rnam par dag pa/ lam du bstan pa'i phyir/ 'di ni rnam dag legs pa'i lam/ zab cing yangs la rgya che ba zhes smos/ rgyud 'di thabs dang shes rab dang ma 'brel lo snyam du rtog na/ rgyud chen sgyu 'phrul dra ba las/ rdo rje 'chang chen gsang sngags zhes bya ba la sogs pa smos so/ /de rnal 'byor ma'i rgyud la sogs pa dang mtshungs so/ /snyam du rtog na/ de las khyad par du bstan pa'i phyir/ stobs po che la thabs che ba/ shes rab pha rol phyin pa'i mdza' / /shes rab kyis ni de nyid thob/ /shes dang shes bya'i bdag po mchog/

  555. 278a

    ces bya ba smos so/ /de ni thabs dang shes rab kyi khyad par ro/ /de thabs dang shes rab gnyis su rtog na/ gnyis med gnyis su med par ston zhes pas so/ /de mthar thug pa ma yin no snyam du rtog na/ yang dag mdza' ste yi ge med ces bya ba la sogs pa smos so/ /de rgyun chad do snyam du rtog na/ sangs rgyas sprul pa'i rgyud 'chad pa zhes bya ba la sogs pa smos so/ /sprul pa'i skus sems can rnams kyis ngan song mi spyad do snyam du rtog na/ ngan song thams cad rnam par sbyong/ /sems can thams cad rab grol byed ces bya ba la sogs pa smos so/ /de 'jig rten dang 'jig rten las 'das pa'i gar mi byed do/ /zhe na zhi khro rnam pa gnyis kyis skus gar dang bgegs tshar bcad pa'i phyir/ stang stabs dang gar gyis gdul ba'i phyir/ dpal ldan blo dang sgeg par ldan zhes bya ba nas brtsams te/ tshangs pa'i g.yul sa rtse nas gnon zhes bya ba'i bar gyis/ gar dngos su bstan nas stang stabs shugs kyis shes par bya'o/ /rgyud 'di la dkyil 'khor med do snyam na/ dpal ldan rgyu skar dkyil 'khor can zhes bya ba dang/ sprul ba'i 'khor lo sna tshogs 'chang/ zhes bya ba la sogs pa smos so phyag rgya med de snyam du rtog na/ phyag rgya bzhi po'i don ston pa zhes smos so/ /dbang bskur med do snyam du rtog na/ rdo rje rin chen dbang bskur dpal/ rin chen kun bdag dbang phyug che zhes bya ba la sogs pa smos so/ dam tshig med do snyam du rtog na/ dam tshig chen po de nyid mkhyen zhes bya ba smos so/ /sa dang pha rol phyin pa dang/ 'gal lo snyam du rtog na/ sbyin bdag chen po gtso bo ste zhes bya ba la sogs pa smos so/ /

  556. 278b

    pha rol phyin bcu thob pa ste zhes bya ba dang/ sa bcu la ni gnas pa'o zhes bya ba la sogs pa smos so/ /'di ni rgyud 'di sgo skur dang bral ba nyid du bstan pa'i phyir/ yon tan gyi le'u las/ chos nyid dang bral ba'i phyir/ gnyis su med pa'i chos nyid do/ /sgro btags pa med pa'i phyir/ de bzhin nyid kyi rang bzhin no/ /zhes bya ba la sogs pa smos so/ /lha'i grangs nges so zhes bya bar rtog na/ ming gi don gang yang rung ba re re nas kyang zhes bya ba la sogs pa smos pa dang/ yang na bdag nyid kyi lus las spros te/ phyogs bcur sprul pa sna tshogs 'gyed ces bya ba dang/ bye ba dpag med 'gyed pa'o/ /zhes bya ba dang/ rigs gsum la ni rnam par gzigs zhes bya ba la sogs pas/ sangs rgyas dang rjes su mthun pa'i sku spro ba'o/ /dmigs pa med pa'i don zhes bya ba'i don to/ /de ltar na rgyud kyi dgongs pa thams cad rdzogs par bstan pa'i phyir/ med pa las byung khyod la 'dud ces bya ba'i don to// de ltar rgyud kyi bya ba yongs su rdzogs pa la/ 'khor mos pa can bstan pa'i phyir/ dga' zhing mgu nas thal mo sbyar zhes bya ba la sogs pa smos so/ /de thun mong ma yin par bstan pa'i phyir/ sangs rgyas rnams kyi yul 'di ni zhes bya ba la sogs pa smos so/ /de shAkya thub pa kho nas bshad do snyam du rtogs na/ rdzogs pa'i sangs rgyas rnams kyis bshad ces bya ba la sogs pa smos so/ /de ltar rgyud kyi bya ba rdzogs nas/ de bshad pa ni rnam pa gnyis te/ rmongs pa ngo mtshar bskyed pa dang/ mkhas pa yid dga' bar byed pas so/ /de la rmongs pa ngo mtshar bskyed pa bshad pa ni/ drang don gtso che ste/ tshig la ston la don la mi rton pa dang/ rnam

  557. 279a

    par shes pa la rton la/ ye shes la mi rton pa dang/ gang zag la rton la/ chos la mi rton pa dang/ de lta bu'i gang zag bcos ma la dga' ba la phyi ltar bshad pa dang/ nang ltar bshad pa la sogs pa mtshan ma dang bcas pa du ma'i sgo nas mngon par dga' o/ /brtag mi bzod pa ni don du mas blo 'phrog la/ yid brtan du mi rung ba phyis 'gyur ba yang dag pa'i ye shes mi skye ba/ shes rab rnam gsum mi 'phel ba/ bcos ma'i bde ba la dga' ba/ btsan thabs kyi stobs kyis 'jug pa/ phyi pa mu stegs dang khyad par med pa/ rigs pas gnod pa/ lung ltar bcos pa/ de lta bu'i gang zag ni dngos po'i gdon gyis zin par rigs par bya'o/ /de la 'bad ba yid dga' bar byed pa'i bshad pa ni/ rjes su gzung ba ni sngar bstan pa yin no/ /rgyud kyi bshad pa ni/ rdzogs rim ltar bshad pa dang/ bskyed rims ltar bshad par bya'o/ /de yang tshig gi skabs sa bon yod pa dang/ med pa'i skabs shes pa ni/ mkhas pa yid dga' bar byed pa'i bshad pa'o/ /rgyud 'di nyid kyi bshad pa ni/ rdzogs pa'i ye shes kyi sku dang/ ye shes ji ltar gnas pa dang/ de'i yon tan mdzad spyod ji ltar gnas pa dang/ de'i yon tan gyi nus mthu ji ltar byung ba dang/ de'i sgrub pa pos ji ltar nyams su blang ba'o/ /sangs rgyas kyi mdzad pa nyams su ma blangs na/ 'bras bu rdo rje'i theg pa zhes bya ba mi 'grub ste/ skyon mang du 'dus pa'i phyir te/ gong du sangs rgyas kyi rgyu dang ye shes de'i yon tan sangs rgyas kyi chos ma 'dres pa bco brgyad la sogs pa'o/ /dran pa nye bar gzhag la sogs pa byang chub kyi chos sum cu rtsa bdun/ mngon par shes pa drug /rjes su dran pa drug /

  558. 279b

    shes pa bcu la sogs pa nang gi yon tan thams cad dang/ sku'i yon tan mtshan dang dpe byad la sogs pa/ gsung gi yon tan tshangs pa'i dbyangs la sogs pa/ de dag thams cad ni mkhas pas mdzad cing thun mong gi 'grel pa las shes par bya'o/ /'di na sgrub pa gtsor byas nas bsgrub pa'i dbang du byas nas bris pa'o/ /gzhan yang slob dpon kha cig gis/ tshig re re la lha'i mtshan du sbyar ba yang yod de/ de ni shin tu 'khrul ba'o/ /ci'i phyir zhe na/ /chos thun tsam yang med pa'i phyir ro/ /rang bzhin la dgongs nas zhe na/ de ltar na chos thams cad kyang lha'i rang bzhin no/ /de ni gong du bshad pa'i sku dang ye shes kyi bdag nyid de sgrub pa pos nyams su blang na don 'di yin te/ yan lag bcu ldan sgrub pa po/ /zhes bya ba la sogs pa smos te/ de la dang po byin gyis brlabs pa'i yan lag ji lta bu zhe na/ de lung med do snyam du sems na/ lag na rdo rje rdo rje 'chang// 'di ni nges khyod kyis rgyud la gsang sngags thams cad kyi chos nyid byin gyis brlabs so/ /zhes bya ba la sogs pa smos so/ /sku dang ye shes kyi yan lag ni/ sangs rgyas sku lnga'i bdag nyid can/ khyab bdag ye shes lnga yi bdag ces bya ba la sogs pa smos so/ /bzhi yan lag la/ dang po bsrung ba'i 'khor lo'i yan lag na/ rdo rje hUM ste hUM zhes sgrogs/ /mtshon du rdo rje'i mda' thogs pa/ zhes bya ba la sogs pa smos so/ /tshogs bsags pa'i yan lag ni/ /'gro ba'i bla ma ston pa po/ /dam tshig chen po de nyid mkhyen/ /zhes bya ba la sogs pa smos so/ /ye shes rten gyi yan lag ni/ lus med lus de

  559. 280a

    lus kyi mchog /ces bya ba la sogs pa smos so/ /ye shes dngos te yan lag ni/ 'gro ba'i mar me ye shes sgron/ /zhes bya ba la sogs pa smos so/ /des ni tshogs kyi yan lag go /lus rnam par dben pa ni ye shes kyi rten dang mtshungs so/ /ngag rnam par dben pa ni/ a ni yig 'bru kun gyi mchog /khong nas 'byung ba skye ba med/ /ces bya ba la sogs pa smos so/ /sems rnam par dben pa ni/ rnam rig sna tshogs gzugs don can/ /sems dang rnam shes rgyud dang ldan/ /zhes bya ba dang/ dngos po kun gyi rang bzhin 'dzin/ /gzi brjid chen po 'od gsal ba zhes bya ba la sogs pa smos so/ /lta ba'i yan lag ni lta ba'i ngo sprad pa la bya ste/ de yang cis mngon zhe na/ shes dang shes bya'i bdag po mchog ces bya ba dang/ rnam par dag pa bdag med chos shes bya ba dang/ gnyis med gnyis su med par ston ces bya ba dang/ thig le chen po yi ge med ces bya ba la sogs pa smos so/ /bsgom pa'i yan lag ni/ bsgom pa'i ngo sprad ni/ rlung ji snyed cig yod kyang/ rtsa ba'i rlung rnam pa lngar 'dus te/ de yang srog rtsol gnyis su shes par bya'o/ /de yang sngags su ngo sprad de/ de'i man ngag gi btu ba 'di yin te/ drug pa'i gnyis bar dang/ bdun pa'i bzhi pa nye dang/ de la thig le bzhi pa'i/ de ni chags pa'i gsang sngags so/ /skye ba'i sngags ni/ dbyangs yig dang po a dang/ bdun pa'i bzhi pa ha dang/ de la thig le bzhi pa'o/ /bzhi pa'i rang sngags ni/ bdun pa'i bzhi pa ha dang/ de la thig le gnyis sbyin pa'o/ /de la khro ba'i rang sngags ni/ bdun pa'i bzhi pa ha dang/ dbyangs yig

  560. 280b

    gi dbus ma sha sbyin pa'o/ /rang 'byung gi rang sngags ni/ bdun pa'i gsum pa dang/ drug pa'i bzhi pa sbyin pa'o/ /de yang ngo sprad gsum ni/ thams cad sngags su ngo sprad/ /sngags rlung du ngo sprad/ rlung sems su ngo sprad do/ / sems 'od gsal du ngo sprad do/ /lta stangs kyi yan lag ni/ ci mngon zhe na/ rin chen gtsug tor cher gzigs nas/ zhes bya ba la sogs pa smos so/ /brda yan lag ni/ lus dang ngag go /brda ni rig pa ste/ de yang ci mngon zhe na/ bdag rig gzhan rig thams cad pa zhes bya ba la sogs pa smos so/ /bsdu ba'i yan lag ni/ tshig la bsdu ba dang/ don la bsdu ba'o/ /tshig la bsdu ba ni/ yi ge a la bsdu ba'o/ /de yang ci mngon zhe na/ a ni yig 'bru kun gyi mchog /ces bya ba la sogs pa smos so/ /don la bsdu ba ni thams cad ye shes kyi de kho na nyid la bsdu ste/ de yang ci mngon zhe na/ dngos po kun gyi rang bzhin mchog ces bya ba dang thams cad thams cad khyod la 'dud ces bya ba la sogs pa dang/ yang dag mdza' ste yi ge med ces bya ba dang/ shes rab pha rol phyin pa'i mdza' zhes bya ba dang/ yang dag mdza' la rnam par gnas zhes bya ba la sogs pa smos so// de ltar na 'phags pa 'jam dpal 'di ni dus gsum gyi sangs rgyas thams cad kyi dus med pa dang ldan pa'i sangs rgyas dang byang chub sems dpa' thams cad 'dus te/ gshegs nas chos kyi sgo thams cad ston par mdzad de sku yang ston to/ /de'i rgyud la yang dag par byin gyis rlob bo zhes bya ba la sogs pa sbyar ro/ /rtse gcig tu bsgom zhes pa ni/ bla ma'i man ngag gis bskyed rim dang/ rdzogs rim du ji lta ba bzhin du bstan par

  561. 281a

    bya'o/ /ji ltar bstan zhe na/ dam tshig ji lta ba bzhin du bstan par bya zhes gsungs pas na/ sems bskyed pa dang/ dbang bskur ba la sogs par shes par bya'o/ /de yang dbang bskur ba ni rnam pa gnyis te/ rjes su bzung ba'i dbang dang/ chos las rnam par rgyal ba'i dbang ngo/ /de la rjes su bzung ba'i dbang ni bum pa'i dbang la sogs pa'o/ /de la chos la rnam par rgyal ba'i dbang ni/ chos kyi dbang phyug chos kyi rgyal zhes bya ba la sogs pa smos te/ dbang bskur ba'i rten ni/ rnam rig sna tshogs gzugs don can/ /rnam shes sna tshogs rgyud dang ldan zhes bya ba'i tshig dang/ sa yi snying po 'gro ba 'dzin ces bya ba'i tshig gis rten gyi gang zag bstan pa'o/ /de la dang po lta ba bstan pa ni/ dngos po kun gyi rang bzhin 'dzin/ /dngos po kun gyi rang bzhin mchog ces pa'i tshig dang/ rnam pa kun ldan rnam pa med ces bya ba'i tshig dang/ rnam par dag pa bdag med chos de ni sbyor ba'i yan lag dang pos dbang bskur ro/ /de la lung gi tha mar ni dza'i mdza' can gyi rgyud phyi ma las/ so sor sdud dang bsam gtan dang zhes bya ba la sogs pa'i tshig gis so/ /'di nyid kyi lung gis zin pa ni/ mchod pa chen po 'dod chags che/ /zhes bya ba la sogs pa'i tshig gis rab tu bsngags te/ de yang 'dod pa ni gzugs la sogs pa lnga ste/ de la dga' ba ni sems can thams cad do/ /sems dang zhes bya bas ni yid kyi yul chos kyang bsdu'o/ /gzugs la sogs pa re re la gsum gsum du zhes bya'o/ /'dod chags

  562. 281b

    che zhes bya ba dang/ chos kyi dbang phyug chos kyi rgyal zhes bya ba'i tshig gis/ sems kyi ngo bo mi rtog pa'i nus pa'i mthu can du bya zhes bya ba'i don to/ /de la dus ji tsam zhe na/ shes rab chen po skad cig la/ chos kun khong du chud pa ste zhes bya ste/ bla ma'i byin gyis brlabs kyis so/ /de la dang por dbang bskur ba ni/ slob ma'i rgyud sbyang ba la sogs pa ste/ zhal gyi gdams ngag las shes par bya'o/ /de la gong du bstan pa'i brda'i yan lag ni/ skabs der bstan pa ste/ mkha' 'gro ma'i rgyud las shes so/ /skabs de ru bsam gtan bsam bya blo ldan mchog /so so rang rig mi g.yo ba/ /mchog gi dang po sku gsum 'chang/ /sangs rgyas sku lnga'i bdag nyid can/ /khyab bdag ye shes lnga yi bdag ces bya ba la sogs pa smos te/ de rnams kyi khyad par man ngag bstan to/ /de nas bsam gtan gyi yan lag bstan te/ bsam gtan ni don rab 'byed pa'i bsam gtan dang/ mi rtog pa tsam gyi bsam gtan dang/ ngo bo nyid kyi bsam gtan dang/ rjes su dran pa'i bsam gtan dang/ thams cad mkhyen pa dang rjes su mthun pa'i bsam gtan no/ /de yang ci mngon zhe na/ bsam gtan yan lag kun shes shing/ zhes bya ba la sogs pa smos so/ /srog rtsol ni bsgom pa ngo sprod pa'i skabs su shes par bya'o/ /ting nge 'dzin gyi yan lag ni/ yang dag pa'i ting nge 'dzin dang/ yang dag pa ma yin pa'o/ /yang dag pa ma yin pa ni 'dir ma smos so/ /yang dag pa ni las dang po ba dang/ mthong ba'i lam la sogs pa bsdus pa'o/ /de la rjes su dran pa ni/ rgyud

  563. 282a

    gzhan du ni slob dpon gyi don gzhan du yang bshad do/ /kho bos ni bsam gtan bsam bya blo ldan mchog /so so rang rig mi g.yo ba zhes bya ba dang/ mi g.yo rab tu dad ba'i bdag /ces bya ba smos te/ de cir 'gyur zhe na/ chos kun rnam par rtogs pa ste zhes bya ba smos te/ 'di ni rnam dag legs pa'i lam zhes bya ba ste/ 'di mngon par rtogs pa'i lam du spyad bar bya'o/ /de yang dang po ji lta bu zhe na/ dang po du ba lta bu ste/ gnyis pa smig rgyu lta bu dang/ /gsum pa srin po me khyer te/ /bzhi pa mar me lta bu yin/ /lnga pa sprin med nam mkha' lta bur brtag /ces rgyud gzhan gyi dbang pos kyang gsungs la/ de ni dang po'i rtags su shes par bya'o/ /de yang bye brag tu phye nas bshad pa ni/ skad cig thams cad mngon par rtogs zhes bya ba ste/ de nyid dran pa bcu drug rig ces smos so/ /de las gdam ngag tu sbyar ni/ las dang po pa'i snang ba bzhi dang/ cung zad ye shes la dbang ba'i snang ba bzhi dang/ sar chud pa'i snang ba bzhi dang/ ye shes la gzhol ba'i snang ba bzhir shes par bya'o/ /rnam pa nyi shu byang chub 'chang zhes bya ba la sogs pa ni bla ma dam pa'i gdams ngag gis sbyar bar bya'o/ /des cir 'gyur zhe na/ rnam par sangs rgyas kun rig mchog ces bya ba dang/ longs spyod rdzogs pa sku yi rgyal zhes bya ba la sogs pas de'i rdzogs pa'i 'bras bu bstan te/ /de la bar ma dor yan lag ni/ shes pa srid 'byung skye gnas med ces bya ba la sogs pa smos te/ bar do lung gis ngos zin par shes par bya'o/ /bar ma

  564. 282b

    do ni du mar gsungs mod kyi/ 'chi ba'i bar ma do dang/ srid pa'i bar ma do la sogs pa'i man ngag gis shes par bya ste/ de la re zhig gang zag ni gnyis te/ brtson 'grus can dang/ le lo can gyis gang zag go / de la brtson 'grus can gyi gang zag la chos rnam pa brgyad de/ dge ba'i bshes gnyen gyis zin pa dang/ de'i gzhung ji lta ba bzhin du lung mnos pa dang/ sngon sbyongs pa'i shes rab dang ldan pa dang/ yang dag pa'i don go zhing yid ches pa dang/ bdud kyi las kyis mi bzlog pa dang/ 'jig rten gyi bya ba mchil ma bzhin du dor ba dang/ brtson pa mi dor ba dang/ rlung sems la dbang thob pa'o/ /de yang sbyor ba rnam pa bzhi/ dang po srung ba'i 'khor lo/ /gnyis pa de kho na nyid/ gsum pa rjes su rig pa dang lung bstan pa'i rnal 'byor ro/ /bzhi pa rnam pa thams cad mkhyen pa'i sems so/ /de la dang po rmi lam gyi gdeng sa ngag dang/ de'i zhugs pa'i man ngag rjes su dran par shes par bya'o/ /de yang dang por rmi lam bzlog /des gnyid log /des ni ye shes mtshams sbyar ba'i man ngag go /des 'chi ba'i bar ma do yang shes par bya'o/ /brtson 'grus can gyi gang zag ni sgyu lus dang 'ja' tshon zab pa'i brdas/ byang chub kyi sems kyi rang bzhin de 'od gsal ba'i gnas 'pho'o/ /zhes bya ba'i don to/ /de'i shugs kyis gzhan yang shes par bya ba'i phyir ro/ /le lo can gyi gang zag ni/ srid pa bar ma dor lam smin pa la sogs par shes par bya'o/ /de'i mngon par rtogs pa gzhan yang sa dang chu dang me dang rlung rdo rje dbyings kyi

  565. 283a

    dbang phyug ma gcig la gcig 'jug par rang bzhin gyi mi rtog par skye ba 'dzin pa'i man ngag gis shes par bya'o/ /de yan chad kyis bar dor yan lag go /da ni rgyud bkrugs pa'i bdag nyid kyi man ngag bla ma dam pa'i man ngag gis sbyar ba ni/ sangs rgyas thams cad bskyed pa'o zhes bya ste/ don dam pa byang chub kyi sems la bya la/ skyes ma thag tu 'gro ba'i bdag ces bya ste/ de ma thag tu bden pa'i tshig don mthong ba zhes bya ba'i don to/ /bden pa'i ji lta ba zhe na/ gzi brjid chen po 'od gsal ba zhes bya ba smos so/ /de nyid sar chud pa'i byang chub sems dpa' dang 'dra bas na/ sangs rgyas sras po dam pa'i mchog ces bya ba smos so/ /de nyid srid pa'i skye ba mi len pas ni/ shes pa srid 'byung skye gnas med ces bya ba smos so/ /byang chub kyi sems de nyid rdo rje dang 'dra bas na/ gcig tu sra mkhregs rdo rje'i bdag ces bya ba smos so/ /de nyid la lung gi dbang po bstan pa'i phyir ro/ /rdo rje rtse mo las/ snying po bstan zhing khong stong min/ /mi chod mi phyed mtshan nyid de/ /mi shigs pa dang mi nyams pa'i/ /stong nyid rdo rje zhes brjod do/ /de nyid stong pa nyid kho nar rtog na/ de bsal ba'i phyir/ rdo rje nyi ma snang ba che/ /rdo rje zla ba dri med 'od ces bya ba la sogs pa smos so/ /de ltar rtogs pa'i gang zag gis/ pha rol tu phyin pa dang sbyar na/ 'dod pa'i yon tan lnga la/ sems nyid la byin pas sbyin pa/ lus ngag yid gsum sems nyid la mnyam par bzhag pas tshul khrims de nyid las mi

  566. 283b

    'da' bas dam tshig yang dag pa'i ye shes la brtan pas na bsam gtan/ zab mo'i don la mi skrag pas na bzod pa/ rgyun gyi rnal 'byor gyis bsgom pas na/ brtson 'grus rang bzhin rnam par dag pa'i lta ba shes pas na shes rab/ de lta bu'i stobs kyis thams cad zil gyis gnon pas na stobs/ thabs sna tshogs mnga' bas na thabs kyi pha rol tu phyin pa/ smon lam la mngon par 'du mi byed pas na/ smon lam gyi pha rol tu phyin pa/ rtog pa 'bigs pa'i ye shes mnga' bas na ye shes kyi pha rol tu phyin pa'o/ /de lta bu'i pha rol tu phyin pa dang sbyar na/ sa nas sar yongs su 'phen te/ 'phen byed kyis 'phangs nas/ rdzogs byed kyis rnam pa nyi shu byang chub 'chang zhes bya bar rdzogs so/ /rdzogs pa ni gang du sku dang ye shes kyi ngo bor bshad pa'i don to/ /sangs rgyas zhes bya ba ni/ ji lta ba yod pa dang/ ji snyed pa ma lus pa thugs su chud cing/ gnyis su med par ji lta bar mkhyen cing/ rnam par rtog pa thams cad kyi mtshan ma nub pa/ skye ba med pa/ rang bzhin gyis rnam par dag pa/ sgro 'dogs dang skur ba thams cad dang bral ba'i/ /de bzhin nyid la ngo bo nyid kyis stong pa nyid ces bya'o/ /yang dag pa'i mdza' zhes bya la/ chos kyi sku zhes bya/ ming du mi'i sgo nas bos pa de la ni/ med pa las byung khyod la 'dud ces bya ste/ longs spyod rdzogs pa'i sku dang/ sprul pa'i sku la sogs pa thams cad de las byung ba'i phyir ro/ /de ltar na sku dang ye shes kyis thams cad ma lus par bsdus so

  567. 284a

    zhes bya ba'i don to/ /de yang cis mngon zhe na/ dngos po kun gyi rang bzhin mchog /dngos po kun gyi rang bzhin 'dzin/ /skye med chos te sna tshogs don ces bya ba dang/ mi 'gyur kun 'gro khyab pa po zhes bya ba la sogs pa smos so/ /sangs rgyas kyi yon tan stobs bcu dang/ shes pa bcu la sogs pa/ sangs rgyas kyi sku'i yon tan mtshan dang dpe byad la sogs pa/ /sangs rgyas kyi gsung gi yon tan tshangs pa'i dbyangs la sogs pa/ sangs rgyas kyi yon tan ma 'dres pa bco brgyad la sogs pa ma lus pa'i rgyas par gzhan nas gsungs pas gzhan du lte bar bya'o/ /kho bos ni sgrubs pa gtsor byed pa kho na'i dbang du bris kyi/ /tha snyad la dga' ba'i dbang du ma byas so/ /rtog ge ba rnams kyi spyod yul ni ma yin no/ /de ci'i phyir zhe na/ so sor rtog pa'i shes rab kyi mthu rdugs pa'i phyir ro/ /des na rtog ge ba nga rgyal can rnams la bstan par mi bya'o/ /'o na ji lta bu la bstan ce na/ sbyangs pa'i las 'phro yod pa/ dad pa dang ldan pa/ dam tshig srog bzhin du bsrung ba/ bla ma dam pa'i bka' la yid ches zhing tshad mar 'dzin pa la sogs pa'i yon tan dang ldan pa rnams la bstan par bya'o/ /de las gzhan du bstan na log par ltung ba'i gnas su 'gro'o/ /des na rigs kyi bu 'am/ rigs kyi bu mo gsang sngags kyi sgo nas spyod par 'dod pa rnams

  568. 284b

    kyis/ /po tir bris la bklags pa 'am/ tshul bzhin du yid la bya ba 'am/ de kho na nyid la rtse gcig tu bsgoms te/ de lta bu'i bye brag dang ldan pa ni/ yon tan dpag tu med pa thob po zhes bya ba/ sangs rgyas kyi rab tu bsngags te/ de na 'di gzung par bya'o/ /dam pa'i chos 'di la mdo sde zhes bya bar yang gdags te/ zab mo'i don mdor bsdus nas ston pa'i phyir ro/ /rgyud ni 'di nyid la rab tu bsngags te/ /rgyud chen sgyu 'phrul dra ba la sogs pa dang/ rgyud kun gyi ni bdag po mchog ces bya ba la sogs pa smos so/ /ci'i phyir rgyud ces bya zhe na/ /breng chags pa'i don gyis na rgyud de/ /ras bal gyi thag pa bzhin no/ /dkrugs pa'i don gyis na rgyud de thags lta bu'o/ /yongs su rdzogs pa'i don gyis na rgyud de/ dpag bsam gyi shing rgyas pa bzhin no/ /de la breg chags pa'i rgyud ces bya ba ni sangs rgyas kyi gdung rgyud 'dzin pa'i don to/ /dkrugs pa'i don gyis na thag rgyud ces bya ba ni bla ma dam pa la rag las pa'i don to/ /yongs su rdzogs pa'i phyir na rgyud de/ bya ba ma lus pa'i don to/ /des na ldog pa med par smra bar bya'o/ /ko ta k+Sha la sogs pa'i sgra/ /'jig rten bstan bcos la med phyir/ /rtog can rnams ni rmongs pa bskyed/ des na 'di ni dkrugs pa'o/ /rgyud kyi bdag pos gsungs pa'i bka' / /gang zag phal gyi yul min zhing/ /mkhas pa

  569. 285a

    rnams kyi mang du byas/ /'on kyang de don mi rtogs so/ /mkhas pa byang chub sems dpa' yis/ /lung bstan thob nas bsdus pa bris/ /'di la brten nas sems can rnams/ /sku dang ye shes thob par shog /'phags pa 'jam dpal gyi bka' 'grel ratna A ka ra guptas mdzad pa rdzogs so// //rgya gar gyi mkhan po kA la tsakra dang/ bod kyi lo tsA ba dz+nyA na garb+ha dang/ 'brog jo sras dang/ chos kyi brtson 'grus la sogs pas bsgyur ba'o// bkra shis// //