Text

ff. 1a–273a · 545 folio sides

  1. 1a

    gnod sbyin gyi sde dpon chen po lag na rdo rje gos sngon can gyi sbyor ka chen po'i cho ga sta stabs kyi sbyor ka ste sum cu bzhi pa'o//

  2. 1b

    rgya gar skad du/ mahA yak+Sha se nA pa ta ye nI lAM ba ra d+ha ra badzra pA Ni ma hA ga na bid+hi/ bod skad du/ gnod sbyin gyi sde dpon chen po lag na rdo rje gos sngon po can gyi sbyor ka chen po'i cho ga /bcom ldan 'das phyag na rdo rje gos sngon po can la phyag 'tshal lo/ /dus gsum bder gshegs thams cad kyis/ /rig sngags gsang sngags bdag po ru/ / dbang bskur 'byung po tshar gcod pa/ /gsang sngags sdud mdzad khyod phyag 'tshal/ /bcom ldan phyag na rdo rje yi/ /rgyud

  3. 2a

    rnams ma lus kun dang ni/ /rnal 'byor pha rgyud ma rgyud kyi/ /rnal 'byor chen po'i rgyud dang ni/ /rnal 'byor rgyud dang spyod pa'i rgyud/ /rgyud rnams kun dang mi 'gal phyir/ /man ngag cung zad dran pa 'di/ /blo dman bsgrub pa'i don du ni/ /rnal 'byor cha rkyen bstan par bya/ /sbyor ba'i rim pa dpag med kyang/ /sgrub pa po yi don slad du/ /dgos pa bsdus pa bstan pa 'di/ /sgrub po slob dpon dang bral na/ /sbyor ba 'di rnams bstan par gsungs/ /de la sbyor ba rim bzhin bstan//

  4. 2b

    dang po tshogs gnyis rdzogs bya'i phyir/ /bdag nyid skad cig lhar sprul la/ /snying gar zla ba'i maN+Dal bsam/ /hUM gi 'od zer 'phros pa las/ sgrib pa sbyangs nas phyi nang gsal/ /mdun du zla ba'i gzugs brnyan dang/ /pad+ma'i gzugs brnyan gsum mam gcig /la la gzhal yas sprul par 'dod/ /de ru dkyil 'khor bsam pa dang/ /bsod nams don phyir spyan drangs bstim/ /bla ma sbyang sogs byas nas kyang/ /gzhan sogs man ngag bzhin du bya/ /phyag 'tshal phyi nang gsang bas mchod/ /mtshams med mi dge sdom nyams nas/ /rtsa ba'i dam tshig nyams pa kun/ /sgyu ma'i sems kyis bshags par bya/ /dge ba kun la rjes yi rang/ /chos kyi 'khor lo bskor bar bskul/ /mya ngan mi 'da' gsol

  5. 3a

    ba 'debs/ /rdo rje can la skyabs su mchi/ /rdo rje can la lus 'bul lo/ /bsod nams ci bsags thams cad kun/ /byang chub chen por bsngo bar bya/ /tshad med bzhi yang bsgom par bya/ /de nas phyi nang snod bcud kun/ /stong pa nyid du bsgom par bya/ /de nas nam mkha' i chos 'byung la/ / yi ge cho 'phrul 'phros pa las/ /'byung ba'i dkyil 'khor rim bzhin bskyed/ /de yi steng du ri rab bskyed/ /de steng rdo rje rgya gram la/ /'khor lo rtsibs bcu 'bar bas mtshan/ /zla ba'i steng du gnod mdzes sprul/ /yi ge hUM gi 'phro 'du las/ /khro bo bcu sprul hUM bzhi yi/ /gsang sngags bzlas nas bka' bsgo bya/ /khro bo sprul pas bgegs rnams bkug /yang bsgo sku gsung thugs kyi ni/ /phur bu'i sngags brjod tho bas brdung/ /bsregs nas

  6. 3b

    nam mkha' nyid du 'gyur/ /de nas hUM gi 'phro 'du yis/ /rdo rje gur dang ra bar 'gyur/ /yi ge b+h+ruM gyi 'phro 'du las/ /gnod mdzes 'od du zhu nas kyang/ /gzhal yas khang ni mdzes par 'gyur// de steng pad+ma 'dab brgyad gdan/ /rang gi sems kyi tshe 'phrul las/ /zla ba'i dkyil 'khor chen po la/ /yi ge A lis mtshan bar bya/ /nyi ma'i dkyil 'khor chen po la/ /yi ge kA lis mtshan par bya/ /hUM las rdo rje de nyid mtshan/ /byin brlabs bsdus nas 'od du zhu/ /de las sku ni bskyed par bya/ /pad+ma dbus kyi lte ba la/ /bcom ldan rdo rje gos sngon can/ /shar gyi pad+ma'i 'dab ma la/ /khro bo rnam par rgyal ba bskyed/ /lho yi pad+ma'i 'dab ma la/ /bcom ldan mgon po nag po bskyed/ /nub kyi pad+ma'i 'dab ma la/ /lus ngan rgyal po bskyed par bya/ /byang gi pad+ma'i 'dab ma la/ /bdud rtsi 'khyil pa bskyed par bya/ /byang shar du ni gnod sbyin bskyed/ /shar lho ru ni ro langs ma/ /lho nub rdo rje mkha' 'gro ma/ /nub byang du ni 'jigs byed ma/ / mtshams rnams su ni lha mo bzhi/ /'od skyed ma dang yid 'phrog ma/ /kun bzang ma dang glu sgra ma/ /shar gyi sgo ru srog gcod ma/ /lho yi sgo ru dbugs rdub ma/ /nub kyi phyogs su khrag 'thung ma/

  7. 4a

    byang gi phyogs su sha za ma/ /de ltar dkyil 'khor bskyed nas kyang/ /yi ge hUM gi 'od zer dang/ /sngags dang phyag rgya'i tshigs bcad sgras/ /rang bzhin dkyil 'khor spyan drangs la/ /mchod bstod byas nas dam tshig la/ /byin brlabs bstims te dbang bskur ro/ /de lta'i dkyil 'khor chen po la/ /thun bzhi thun brgyad bar dag tu/ /bsgoms nas brtan par gyur pas na/ /las rnams gzhan nam rdzogs rim la/ /gzhug par bya ba kho na yin/ /'khor lo chen po'i sbyor ka ste dang po'o// //bcom ldan rdo rje bsnams la phyag 'tshal lo/ /dkyil 'khor chen po mi nus pas/ /lha rnams so so kun la yang// rgyan gcig pa la sbyor ba bstan/ /dang po gtso bo'i sbyor ba ni/ /bdag nyid skad cig lhar sprul la/ /yi ge hUM man ngag sogs/ /rim pa bzhin du shes par bya/ /phyag 'tshal mchod cing bshags pa dang/ /rjes su yi rang bskul ba dang/ /gsol ba gdab cing skyabs su gsol/ /lus 'bul dge rtsa bsngo bar bya/ /chad med bzhi bsgom stong nyid bsgom/ /stong pa'i ngang las yi ge hUM/ /de las phyag mtshan rdo rjer gyur/ /de nyid las ni sku bskyed do// sku mdog sngon po zhal gcig pa/ /mche ba gtsigs mdzad spyan mig bzlog /phyag g.yas rdo rje bsnams mdzad nas/ /phyag g.yon nam mkha' lding ni bsnams/ /g.yon brkyang g.yas bskum klu la shis/ /g.yas pa rdo rje bsnam mdzad nas/

  8. 4b

    g.yon brtse gsum bsnams pa ni/ /gshin rje dag la shis par bstan/ /g.yas pa rdo rje gsor nas ni/ /g.yon pa dril bu bsgrags pa ni/ /gnod sbyin drag la shis par bstan/ /ye shes dkyil 'khor spyan drangs bstim /byin brlabs dbang bskur byas nas kyang/ /thun mtshams bzhir ni brtan par bsgom/ /gtso bo'i sbyor ka ste gnyis pa'o// //bcom ldan 'das rnam par rgyal ba la phyag 'tshal lo/ /skad cig lhar sbrol thugs ka ru/ /nyi ma'i steng du hUM sogs rdzogs/ /phyag 'tshal mchod cing bshags par bya/ /rjes su yi rang la sogs bya// stong pa nyid du bsgoms nas kyang/ /stong pa'i ngang las cho 'phrul du/ /rdo rje pad+ma nyi zla'i steng/ /de steng hUM las rdo rjer gyur/ /rdo rje las ni sku bskyed do/ /khro cha khams gsum rnam rgyal na/ /sku mdog dmar po dbu gsum pa/ /phyag drug dang po rdo rje'o/ /g.yon gyi dang po dgra sta'o/ /bar ma gnyis kyis 'ching byed pa/ /gung mo mthe bong ngos btung nas/ /gzhan rnams yongs su brkyang ba yin/ /de nyid snying khar bzung nas ni/ /de 'og g.yas pas zhags pa bsnams/ /g.yon pa ral gri bsnams pa'o/ /ye shes spyan drangs bstims nas kyang/ /byin brlabs dbang bskur byas nas ni/ /thun mtshams bzhi ru brtan par bsgom/ /snying kha'i man ngag gsal nas kyang/ /lce ni rdo rjer byin gyis brlabs/ /bzlas brjod 'phros 'dus bsnyen pa bya/ /dus grangs mchan ma thems pa dang/ /bsgrub pa gang 'dod brtsam par bya'o// rnam par rgyal ba'i sbyor ka gsum pa'o// //bcom ldan 'das dpal mgon po nag po la phyag 'tshal lo/ /skad cig lha ru sprul nas kyang/ /hUM gi man ngag rdzogs pa yis/ /phyag 'tshal mchod pa la sogs bya/ /stong pa nyid kyi dang nyid las/ /rin chen gdan sogs rdzogs byas la/ /yi ge hUM las be tson gyur/ /de nyid las ni sku rdzogs gyur/ /dpal ldan mgon po nag po ni/ /sku mdog nag po dung sprin 'dra/ /zhal gcig pa la phyag gnyis pa/ /g.yas pa tsan dan bde? chen bsnams/ /g.yon pa zhags pa bsnams pa'o/ /zhabs ni brkyan

  9. 5a

    bskum tshul du bzhugs/ /ye shes mgon po spyan drangs bstims/ /byin brlabs dbang bskur la sogs bya/ /de ltar bstan nas bzlas brjod bya/ /mgon po mdun du spyan drangs nas/ /bzlas brjod la sogs rdzogs byas la/ /de nas sgrub pa brtsam par bya// mgon po las kyi sbyor ka ste bzhi pa'o// //lus ngan gsung mchog sprul la phyag 'tshal lo/ /skad cig lhar sprul hUM gis ni/ /spyan drangs la sogs rdzogs byas la/ /phyag 'tshal mchod pa la sogs bya/ /stong pa'i ngang las pad sogs gang na/ /yi ge hUM las mchod rten gyur/ /de nyid las ni sku bskyed do/ /lus ngan sku mdog ljang gu'o/ /zhal gcig phyag g.yas mchod rten bsnams/ /g.yon pa ne'u le bsnams pa'o/ /ye shes spyan drangs bstims nas ni/ /byin gyis brlabs cing dbang bskur ro/ /bzlas brjod bsnyen pa rdzogs nas ni// de nas sgrub pa brtsam par bya'o/ /lus ngan po'i sbyor ka ste lnga pa'o// //khro chen bdud rtsi 'khyil la phyag 'tshal lo/ /skad cig lhar sprul hUM gis ni/ /sbyor ba la sogs rdzogs par bya/ /de nas phyag 'tshal mchod sogs bya/ /stong ba'i ngang las rdo rje'i gdan/ /de steng hUM las rdo rje'o/ /de nyid las ni sku rdzogs 'gyur/ /khro chen bdud rtsi 'khyil pa sku sngon po/ /zhal gcig phyag gnyis brang du bsnol/ zhabs gnyis brkyang bskum tshul du bzhugs/ /ye shes dkyil 'khor spyan drangs bstim/ /byin gyis brlab cing dbang bskur ro/ /bsnyen pa la sogs rdzogs nas ni/ /de nas bsgrub pa brtsam par bya'o/ /bdud rtsi 'khyil pa'i sbyor ka ste drug pa'o// //mkha' 'gro ma rnams la phyag 'tshal lo/ /gnod sbyin mkha' 'gro la sogs kyang/ sprul pa dang ni rang brgyud kyi/ /man ngag rnams ni shes par bya/ /mdun du sprul dang bskyed pa ni/ /gtso bo'i dbang du bya ba dang/ /so so rang rang dbang du'o/ /de rnams cho ga la sogs kyang/ /man ngag bzhin du shes par bya'o/ /gnod sbyin kha dog dmar nag la/ /zhal gcig pa la phyag gnyis pa/ /

  10. 5b

    g.yas g.yon gri gug cang te'u/ /ro langs ma ni sngo skya ste/ /zhal gcig pa la phyag gnyis pa/ /rdo rje lcags sgrog bzung nas ni/ /gung mo srin lag pa sogs rnams/ /dam por bkug pas yongs su bsdams/ /mtheb mdzub bzhi rnams rab brkyang ste/ /spyi bor nges par bsnol nas bsdams/ /rdo rje mkha' 'gro mdog ser skya/ /phyag gnyis spyi bor sbyar nas su/ /me lce'i phreng ba yongs su 'dzin/ /'jigs byed mdog ni sngo nag la/ /zhal gsum phyag drug zhabs gnyis pa/ /g.yas kyi dang po glang po rnams/ /g.yon pa glang po'i lpag pa bsnams/ de 'og g.yas pa rdo rje bsnams/ /g.yon pa dgra sta bsnams pa'o/ /de 'og g.yas pa lcags kyu bsnams/ /g.yon pa mi mgo rlon pa bsnams/ /gnod sbyin mkha' 'gro de rnams kyang/ gtso bo gos sngon la bskor lha ne'i tshul/ /dkyil 'khor tshul gyi sgo thabs dang/ /yang na so so re re dang/ /rje khol tshul du gnas nas kyang/ /las rnams kun la mngag pa dang/ /yang na sbyor thabs tshul gnas nas/ /bsang mchod 'bul zhing phyag rgya bsgrub/ /gnod sbyin mkha' 'gro ma'i sbyor ka ste bdun pa'o// //rdo rje lha mo rnams la phyag 'tshal lo/ /lha mo 'di rnams cho ga yang/ /mkha' 'gro bzhin du 'dir shes bya/ /'od bskyed ma zhal gcig phyag gnyis sku mdog dkar mo'o/ /phyag gnyis me tog bsnams pa'o/ /yid 'phrag ma zhal gcig phyag gnyis pa/ /sku mdog ser mo mdzes pa'i tshul/ /phyag gnyis dri yi spos por bsnams/ /kun bzang ma zhal gcig phyag gnyis pa/ /sku mdog dmar mo mdzes pa'i tshul/ /phyag gnyis zhal zas ro brgya ldan pa bsnams/ /klung sgra can ni zhal gcig phyag gnyis pa/ /sku mdog sngon mo mdzes pa'i tshul// phyag gnyis sgra brnyan gar gyis rol/ /lha mo 'di rnams kun la yang/ /dkyil 'khor las dang mchod pa'i tshul/ /gsum pa'i man ngag shes mod kyang/ /khyad par mchod pa'i tshul du bstan/ /mchod pa'i lha mo'i sbyor ka ste brgyad pa'o// //sgom bzhi la

  11. 6a

    phyag 'tshal lo/ /sgo ma'i cho ga la sogs kyang/ /gong gi cho ga sbyor shes bya'o/ /srog gcod zhal gcig phyag gnyis pa/ /sku mdog mthing ga 'jigs pa'i tshul/ /phyag gnyis tho ba zhags pa bsnams/ /dbugs rdub ma zhal gcig phyag gnyis pa/ /sku mdog ser mo 'jigs pa'i tshul/ /phyag gnyis ho ma gzar zhags pa rnams/ /khrag 'thung ma zhal gcig phyag gnyis pa/ /sku mdog dmar mo 'jigs pa'i gzugs/ /phyag gnyis gri gug zhags pa bsnams/ /sha za ma zhal gcig phyag gnyis pa/ /sku mdog sngon mo 'jigs pa'i tshul/ /phyag gnyis snon po zhags pa bsnams/ /khro mo 'di rnams spyod tshul yang/ /dkyil 'khor las dang sbyor ba'i tshul/ /khyad par bsad pa'i las la shis/ /sgo ma bzhi'i sbyor ka ste dgu? pa'o// //bcom ldan rdo rje bsnams la phyag 'tshal lo/ /rnal 'byor blo rnams rim pa yis/ /bsdus rgya rim pa bstan par bya/ /pad+ma 'dab brgyad dkyil 'khor la/ /dbus dang 'dab brgyad lha dgu'o/ /phyi rim keng rus 'bar bas bskor/ /gru chang bzhi la lha mo bzhi po gnas/ /sgo rnams bzhi la sgo ma bzhi/ /'di ni rnal 'byor rgyas pa'i tshad/ /rnal 'byor bsdus la mos pa yis/ /lha ni bcu gsum bsgom par bya/ /de las kyang ni bsdus 'dod na/ /lha ni dgu po bsgom par bya/ /de las kyang ni bsdus 'dod na/ /lnga dang gsum dang gnyis dang gcig /man ngag cho ga mthong bas bya/ /ma mthong bas ni dam tshig nyams/ /de dag thams cad kun la yang/ /tshogs bsag lnga bskyed mkhas pas bya/ /bsdus rgya kyi sbyor ka ste bcu pa'o// //bcom ldan 'das rdo rje bsnams pa la phyag 'tshal lo/ /lha rnams mchod pa'i rim pa ni/ /sha chen po las byung ba yi/ /dri mchog dud pa rgyun mi bcad/ /bde gshegs shangs la phul gyur pa/ /sku gsung thugs mchog mnyes gyur cig /sha chen bdug spos dbul

  12. 6b

    pa'o/ /b+ha ga rang byung me tog 'di/ /yid 'ong nam mkha' khyab tsam du/ /bde gshegs dbu la phul ba yis/ /sku gsung thugs mchog mnyes gyur cig /rak+ta'i me tog dbul ba'o/ /tshil chen dur khrod ras las ni/ /ma rig mun sel sgron ma byung/ /bde gshegs spyan la phul gyur pas// sku gsung thugs mchog mnyes gyur cig /tshil chen mar me dbul ba'o/ /mtshan dang ldan pa'i ka pA lar/ /rdo rje dri chus bkang nas su/ /bde gshegs thugs la phul gyur pas/ /sku gsung thugs mchog mnyes gyur cig /rdo rje chu yis mchod pa'o/ /mtshan dang ldan pa'i ka pA la lar// rdo rje dri chen gtams nas su/ /bde gshegs ljags la phul gyur pas/ /sku gsung thugs mchog mnyes gyur cig /dri chen lha bshos mchod pa'o/ /sil snyal rol mo dpag med rnams/ /yid 'ong mdzes par sprul nas su/ /bde gshegs snyan la phul gyur pas/ /sku gsung thugs mchog mnyes gyur cig /sgra dang rol mo'i mchod pa'o/ /rdo rje lha mo 'od bskyed ma/ /rdo rje me tog bsnams nas ni/ /mdzes pa'i tshul gyis mchod phul nas/ /mchod pa dam pa'i tshul gyis bzhes/ /rdo rje lha mo yid 'phrog ma/ /dri'i dung por bsnams nas su/ /gsang 'od? bzhad pa'i tshul gyis su/ /mchod pa dam pa dbul gyis bzhes/ /rdo rje lha mo kun bzang ma/ /zhal zas ro mchog bsnams nas su/ /dmar mo bzhad pa'i tshul gyis ni/ /mchod pa dam pa 'bul lo bzhes/ /rdo rje lha mo glu sgra can/ /sgra brnyan gar gyi rol mo yis// 'od sngon 'phros pa'i gzhad tshul gyis/ /mchod pa dam ba 'bul lo bzhes/ /sgeg mo la sogs brgyad rnams kyang/ /rgyud rnams gzhan dang mthun pas na/ /de bzhin 'dir yang dbul bar bya/ /rdo rje glu rnams mdzes pa yis/ /bstun nas lha la mchod pa 'bul/ /mchod pa'i sbyor ka ste bcu gcig pa'o// //bcom ldan 'das rdo rje can la phyag 'tshal lo/ /lha rnams bstod pa'i rim pa ni/ /bcom ldan rdo rje gos sngon can/ /sku mdog sngon po 'jigs pa'i tshul/ /rdo rje stobs kyis 'byung po 'dul/ /rdo rje bsnams la phyag 'tshal bstod/

  13. 7a

    rnam rgyal rdo rje khro bo ni/ /dbu gsum phyag drug 'jigs pa'i gzugs/ /sku mdog 'od dmar bgegs rnams bsreg /bdud las rgyal la phyag 'tshal bstod/ /dpal ldan mgon po nag po ni/ /nag po'i zhags pa 'dzin ma? cing/ /tsan dan bed kyis? thams cad 'joms/ /mthu chen khyod la phyag 'tshal bstod/ /lus ngan po ni rgyal po'i mchog /mchod pa'i rten gyis don rnams 'grub/ /ne'u le rin chen gter brtan rnams/ /dgos 'dod bskod la phyag 'tshal bstod/ /khro bo bdud rtsis bdud rnams 'joms/ /phyag rgya sdig mdzub mdzad pa yis/ /sdang mig mi 'gyur zhe la gnon/ /'od sngon po la phyag 'tshal bstod/ /gnod sbyin khro bo 'jigs pa'i gzugs/ /sku mdog dmar nag 'od zer can/ /gri gug 'bar bas gcod mdzad ma/ /cang te'u sgrogs la phyag 'tshal bstod/ /ro langs ma ni mthu mo che po? skya rdo rje lcags sgrog sdom/ /phyag rgya spyi bor bsnol mdzad ma/ /ro langs ma la phyag 'tshal bstod/ /rdo rje mkha' 'gro dpal 'bar ma/ /dmar skya me lce phreng ba 'dzin/ /rdo rje mes ni thams cad bsreg /rdo rje mkha' 'gro phyag 'tshal bstod/ /'jig byed ma ni thams cad 'joms/ /sngo nag zhal gsum phyag drug pa/ /phyag mtshan drug gis 'byung po 'dul/ /'jigs byed ma la phyag 'tshal bstod/ /rdo rje lha mo 'od bskyed ma/ /zhal gcig phyag gnyis sku mdog dkar/ /rdo rje me tog phyag na bsnams/ /'od bskyed ma la phyag 'tshal bstod/ /rdo rje lha mo yid 'phrog ma/ /zhal gcig phyag gnyis sku mdog ser/ /dri mchog dpag med phyag na bsnams/ /yid 'phrog ma la phyag 'tshal bstod/ /rdo rje lha mo kun bzangs ma/ /zhal gcig phyag gnyis sku mdog dmar/ /zhal zas ro mchog brgya ldan bsnams kun bzang ma la phyag 'tshal bstod/ /rdo rje lha mo glu sgra can/ /zhal gcig phyag gnyis sku mdog sngo/ /sgra brnyan gar gyi rol pas gnas/ /glu sgra can la phyag 'tshal bstod/ /rdo rje khro mo srog gcod ma/ /zhal gcig phyag gnyis sku mdog gnag /sgrub la gnod pa'i

  14. 7b

    srog gcod ma/ /tho ba zhags pa bsnams la phyag 'tshal bstod/ /khro mo rdo rje dbugs rdub ma/ /zhal gcig phyag gnyis sku mdog ser/ /sgrub la gnod pa'i dbugs rdub ma/ /hoM gzar zhags pa bsnams la phyag 'tshal bstod/ /khro mo chen mo khrag 'thung ma/ /zhal gcig phyag gnyis sku mdog dmar/ /sgrub la gnod pa'i khrag 'thung ma/ /gri gug zhags pa bsnams la phyag 'tshal bstod/ /khro mo chen mo sha za ma/ /zhal gcig phyag gnyis sku mdog sngo/ /sgrub la gnod pa'i sha za ma/ /rnon po zhags pa bsnams la phyag 'tshal bstod/ /rdo rje glu ni mdzes pa yis/ /bstod pa rnams kyis lha bstod pas/ /tshogs chen dpag med sogs par 'gyur/ /bstod pa'i sbyor ka ste bcu gnyis pa'o// //bcom ldan 'das rdo rje 'dzin la phyag 'tshal te/ /rdor dril byin brlabs mchod pa bstan/ /rdor dril rab gnas byas pa dang dang po stong dang snying rje las/ /yi ge a hUM rnam gnyis phyung/ /de las rdor dril bskyed par bya/ /ye shes rdor dril byin brlabs bstim/ /yang na rab gnas byas pa la/ /dang po byin brlabs gsal bas chog /lag na rdo rje byin brlabs la/ /lag mthil nyi zla ba byin gyis brlab/ /lag g.yon mthe bong srin lag gis/ /rdo rje dril bu blang bar bya/ /dril bu 'og la rdo rje steng/ /brla g.yon steng du bzhag par bya/ /lag g.yas srin lag mthe bong gis/ /rdo rje ra brag btsugs nas ni/ /bskor ba'i tshul gyis thugs khar blang rgyu yi yi ge gnyis po yang/ /rdor dril la ni mtshan mar bsam/ phyag na rdo rje'i ting 'dzin gyis/ /'gying bag tshul gyis bstan par bya/ /dang po g.yon du gar gsum bsgyur/ /de nas g.yas su gar gsum bsgyur/ /de nas thugs ka mgrin pa dang/ /spyi bo dag tu gar gsum bsgyur/ /de nas slar la phab nas ni/ /lte ba la sogs gnas brgyad du/ /rdo rje dril gnyis gsor bar bya/ /de nas dril bu lan gsum dang/ /rdo rje lan gsum gsor bar bya/ /de nas rdo rje dril thabs ni/ /brgyad kyi tshul du mchod par bya/ dang po rdo rje

  15. 8a

    dril du gnyis/ /gsor zhing thugs kar brtan par gzung/ /de nas rdo rje dril bu gnyis/ /bsnol zhing 'khyud nas mchod pa 'bul/ /de nas rdo rje dril bu gnyis/ /nu ma g.yas g.yon thad ka ru/ /rdo rje steng la dril bu 'og /bsnol zhing 'gying bag phan tshun bkyer/ /de nas rdo rje dril bu gnyis/ /gar gyi tshul du bstod nas kyang/ /rdor dril lan gnyis gsor bar bya/ /dril bu thugs ka'i thad kar gsil/ /rdo rje dpung g.yon thang gsor nas/ /da nas sa la bkyer bar bya/ /slar la log cing dpung g.yon bskor/ dril bu thugs kar thad bsil la/ /rdo rje gsor nas thugs kar ni/ /thad kar dkrol zhing gzung bar bya/ /rdo rje dang ni dril bu gnyis/ /gar gyi tshul du bkyer ba dang/ /rdo rje dang ni dril bu gnyis/ /g.yas g.yon dbang du bkyer ba dang/ /de ltar rdo rje dril thabs kyis/ /rdo rje glu dang bstun nas su/ /bde gshegs rnams la mchod pa 'bul/ /glu gar rtsed 'jo'i phyag rgya yis/ /'dzul lam nam mkhar 'phur bar 'gyur/ /rnal 'byor tshogs 'khor tshogs mchod kyi/ /spros la dga' ba'i dus su bya/ /rnal 'byor bsdus pa 'dod pa yis/ /sbyor thabs tshul gyi bzhi po bya/ /shin tu bsdus pa 'dod pa yis/ /lha rnams bstod pa bar bar du/ /rdo rje dril thabs gsor bar bya/ /yang na dril bu rgyun du la/ /rdo rje mtshams su shes par bya/ /de rnams bsam pa'i mchod pa yang/ /yi ge gnyis kyi man ngag gam/ /thabs dang shes rab mchod pa 'am/ /phyag 'tshal tshul du bya ba'o/ /rdo rje dril thabs kyi sbyor ka ste bcu gsum pa'o// //bcom ldan 'das rdo rje 'dzin la phyag 'tshal lo/ /phyag rgya'i rim pa bstan pa ni/ /g.yas kyi gung mo dag la ni// sor mo bzhi po btsugs nas kyang/ /rtse lnga'i tshul du bya ba dang/ /g.yon pa'i sor mo spro ba 'am/ /sgra sgrogs tshul du byed pa'am/ /yang na mthe bong mthe chung gnyis/ /bkug nas gsum po rtse gsum tshul/ /g.yas pa snga ma dang 'dra la/ /g.yon pa'i gung mo

  16. 8b

    bkug nas su/ /mdzub mo rgyab sbyar bkug pa'o/ /sor mo rnams kyang bcings nas su/ /gung mo mthe bong ngos btung nas/ /gzhan rnams yongs su brkyang ba yis/ /lag g.yas mtheb 'dzub zhags pa bya/ /g.yon gyi mtheb mdzub ral gri'i tshul/ /gnyis ka lhag ma rnams ni bcing/ /g.yas kyi khu tshur bcings nas su/ /mthe bong nang nas gdon bar bya/ /g.yon gyi mthe bor mdzub mor sbyar/ lhag ma rnams ni bcing bar bya/ /lag gnyis rdo rje thal mo las/ /gung mo la ni mdzub mo sbyar/ /mthe bong bsnol te sbyar bar bya/ /yang na lag gnyis sbyar ba 'am/ /g.yon gyi sor mo sbyar? bsdus pa'o/ /lag gnyis khu tshur bcangs nas ni/ /mdzub mo spreng te brang du bsnol/ /g.yas kyi khu tshur bcangs nas ni/ /mdzub mo dang ni gung mo dgug /g.yon gyi khu tshur bcangs te bskor/ gung srin la sogs gsum pa rnams/ /dam por bkug nas yongs su bsam/? /mtheb mdzub bzhi rnams rab brkyang ste/ /spyi bor nges par bsnol nas gnas/ /phyag gnyis spyi bor thal sbyar nas/ /me lce phreng ba yongs su 'dzin/ /lag pa g.yas g.yon 'dzin tshul dang/ /g.yas pa khu tshur bcangs nas ni/ /gung mo bkug pa'i rgyab tu ni/ /mdzub mo nges par sbyar bar bya/ /mdzub mo lcags kyu'i tshul dang ni/ /g.yon gyi sor mo bsdus te bskor/ /lag gnyis mtheb mdzub sbyar nas ni/ /gsum po brkyang ste rtse mor sbyar/ /lag g.yas khu tshur bcangs nas ni// gung mo brkyang ste g.yon pa yi/ /khu tshur bcangs te gru mo gzugs/ /lag pa sbyar te bskongs pa dang/ /sgra snyan gar gyi rol pas gnas/ /lag g.yas khu chur tho ba'i tshul/ /g.yon pa mtheb mdzub zhags pa'i tshul/ /lag g.yas sor mo bskongs pa dang/ /g.yon pa mtheb mdzub sbyar te bcang/ /lag g.yas gung mo srin lag gnyis/ /bkug ste gsum pa bcing bar bya/ /lag g.yon mtheb mdzub sbyar te bcang/ /g.yas kyi gung mo mdzub mo brkyang/ /srin lag mthe chung mthe bos mnan/ /g.yon gyi mtheb mdzub

  17. 9a

    sbyar te bcad/ /phyag rgya'i sbyor ka ste bcu bzhi pa'o// //bcom ldan 'das phyag na rdo rje la phyag 'tshal lo/ /oM nI lAm+ba ra d+ha ra badzra pA Ni huM hUM phaT/ oM trai lo kya bi dza ya hUM phaT/ oM mahA yak+Sha se nA pa tA ye/ nI lAm+ba ra d+ha ra badzra pA Ni hUM hUM hUM/ phaT phaT phaT/ oM badzra yak+Sha hUM phaT/ oM nI lAM ba ra d+ha ra mahA yak+Sha se nA pa ha ye badzra pA Ni hUM hUM phaT swAhA/ oM mahA kA la ro Sha Na hUM phaT/ oM bai sh+ra ma Ni hUM phaT/ oM nI lAm+ba ra d+ha ra badzra pA Ni mahA yak+Sha se nA pa ta ye hUM phaT/ oM pra bi da pa ta ye hUM phaT/ oM ? me me ha ra ya hUM phaT/ oM a mri ta kuN+Da li ha na ha na hUM phaT/ oM sa man+ta bag tri ya hUM phaT/ oM shapda gI b+ha ya hUM phaT/ oM badzra pe ta li hUM phaT/ oM pra taM sta na ya hUM phaT/ oM sha mo gu pa ya hUM phaT/ oM ra ga d+ha pri ya ni hUM phaT/ oM badzra rA ki ya hUM phaT/ oM man sa ba k+Shi ni hUM phaT/ oM badzra be ra ya hUM phaT/ oM rak+ta ka ra lo ka bi sha na/ ni lAM ba ra d+ha ra badzra pA Ni ya/ na gwa la ga ra ba ta ke twa byAg+h+ra tsar ma Ni ba sa ni ya b+ha ma ko re ga ru ra ru sti ma ti maM/ kro d+ha mArte na trai lo kya h+ra ha ya/ bruM me na ko pa yas na ru tra ya nA ga ? tur ma ra b+hak+Sha ya hUM phaT/ oM trai lo kya bi dza ya hUM phaT/ oM nI lAM ba ra d+ha ra badzra pA Ni maN+Da la de ba ta naM/ puShpa pU dza me g+ha sa mu dra spha ra Na sa ma ye hUM/ oM nI lAM ba ra d+ha ra badzra pA Ni/ maN+Da la da ba pa ta naM/ d+hU pa pU dza me g+ha sa mu dra spha ra Na sa ma ye hUM/ oM nI lAM ba da d+ha ra badzra pA Ni/ maN+Dal de ba tA nAM/ A lo ke pU dza me g+ha sa mu dra spha ra Na sa ma ye hUM/ oM nI lAM ba ra d+ha ra badzra pA Ni/ maN+Dal de ba ta naM/ gand+he pU dza me g+ha sa mu dra spha ra Na sa ma ye hUM/ oM nI lAM ba ra d+ha ra badzra pA ni/ /maN+Dal de ba ta naM/ nai bi dye pU dza me g+ha sa mu dra spha ra Na sa ma ye hUM/ oM nI lAM ba ra d+ha ra badzra pA ni/ maN+Dal de ba ta naM/ shapta pU dza me g+ha sa mu dra spha ra Na sa ma ye hUM/ oM nI lAM ba ra d+ha ra badzra pA ni/ maN+Da la de ba ta naM/ tsa ri pU dza me g+ha sa mu dra spha ra Na sa ma ye hUM/ oM nI lAM ba ra d+ha ra badzra pA

  18. 9b

    ni maN+Da la de ba ta naM/ ta ri nIrya ta yA mi hUM/ oM nI lAM ba ra d+ha ra badzra pA Ni/ maN+Da la de ba te naM/ bastra nirya ta yA mi hUM/ oM nI lAM ba ra d+ha ra badzra pA Ni/ maN+Da la de ba ta naM/ gar dar ba nIrya ta yA mi hUM/ oM nI lAm+ba ra d+ha ra badzra pA Ni/ maN+Da la de ba ta naM/ ma Ni ratna sarba bstu nirya ta yA mi hUM/ oM nI lAm+ba ra d+ha ra badzra pA Ni/ maN+Da la de ba ta naM/ parshe nIrya ta yA mi hUM/ oM tsa Na mahA ro Sha Na Arya a' rya si d+ha ya hUM phaT swAhA/ oM ma Ni d+ha ri badzra pA Ni hUM phaT swAhA/ oM bastu ratna ba hi hUM phaT/ oM a mri ti si ti hUM phaT/ oM saM ma shi ta ya ba ra ba hUM phaT?/ oM ?? sha sa pa ra hUM phaT/ oM ku mA ri b+ha dza sha ma ni hUM phaT/ oM badzra pA ni hUM phaT/ oM badzra pA Ni hUM hUM/ tadya thA/ b+ha b+ha pa ni nA ga a d+hi pa ta ye/ aM di nA lAm+ba ra d+ha ra sha rI raM badzra pA Ni/ h+ri da yaM ya(rgyud 'grel): sa mA ti kra ma tha mA ku la ?? naM/ b+ha pi ? ti/ tadya thA/ bud+d+ha sarb+ha?/ bi bud+d+ha/ bi bud+d+ha/ mA ti kra ma tha/ ha ra ha ra nA gA nAM/ pra ha ra pra ha ra nA gA nAM/ tshinda tshinda/ nA ga h+ri da yA ni/ b+hinda b+hinda/ nA ga marma Ni bi sh'ryan+tu/ nA ga sha rI rA Ni/ bi spho Ta ya/ nA ga nA ya nA ni/ tadya thA/ hUM phaT/ nA ga bi dA ra? ? hUM phaT/ nA ga ut+ma danda ya hUM phaT/ nI lAM ba sa nA ya hUM phaT/ a pra ti ha ha pa la pa ra kra mA ya phaT/ gri bAn+ta ya phaT/ kri hAn+ta rU pA ya phaT/ ro Sha NA ya phaT/ trA sa nA ya phaT/ ku b+hAM Do tas dA nA ya phaT/ pri ta pi shA tsi bi nA sha ka rA ya phaT/ yak+Sha a pa sma ra pi nA sha ka rA ya phaT/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sarba big+h+nAM /bi nA sha kaM rA ya phaT/ sarba sha truM saM g+ha bi nA sha ka rA ya phaT/ nI lAM ba ra d+ha ra badzra pA Ni rA dz+nyA pa ya ti swAhA/ /sngags kyi sbyor ba'i rim pa yang/ /bsnyen dang bsgrub pa las kyi sbyor ba'i sngags kyi rim par bya'o/ /dbye ba'i rim pa ma shes na/ /las rnams 'grub par mi 'gyur ro/ /de brtson slob dpon la gus pas/ /ser sna g.yo rgyu med pas su/ /yon gyis bla ma mnyes byas la/ /yang yang mnyan pas man ngag ni/ /the tshom med pa

  19. 10a

    shin tu gces/ /de bas man ngag can ni btsal/ /man ngag med pa'i nan rtags la/ /dngos grub thob par mi 'gyur ro/ /sngags kyi sbyor ka ste bco lnga pa'o// //bcom ldan 'das rdo rje 'dzin pa la phyag 'tshal lo/ /sngags rnams kyi ni btung ba'i mchog /byas pas the tshom sel bar 'gyur/ /phyag 'tshal mgo la brgyan par bya/ /kA li'i sde tshan bzhi pa yi/ /bzhi ba dag la is su brgyan/ /kA li'i sde tshan drug pa yi/ /gsum pa dag la mas su brgyan/ /ba zhes bya ba yi ge la/ /ha zhes bya ba'i yi ge btabs/ /de 'og ra yi yi ge'o/ /da la ha btags de 'og ra/ /de 'og ba dang dza la ni/ /ra btags pa ni de yi 'og /na la is brgyan hUM dang phaT/ /yang na hUM gnyis sogs pa'am/ /yi ge bcu gsum pa zhes bya/ /cho ga par mchod pa'i dbang du byas/ /oM gyi yi ge dang por mtshan/ /yi ge na la dbyings? su brgyan/ /yi ge la la mas su brgyan/ /ba la ta ni btags par bya/ /ra yi yi ge gcig phug nas/ /da la ha ni gdags par bya/ /ra yi yi ge gcig pu gnas/ /ba dang dza ni sdebs pa la/ /yi ge ra ni gdags par bya/ ba ni gcig pu gnas pa la/ /na la is su brgyan par bya/ /ma dang ha dang ya dang gsum/ /gdags pa med de so sor gnas/ /ka la sha ni gdags par bya/ /sa la es su brgyan par bya/ /na dang pa dang ta dang gsum/ /gdags pa med de lugs su gnas/ /ya la es su brgyan par bya/ /ha la u ni btags nas su/ /zla tshes thig les brgyan par bya/ /pha ni gcig pu ta ni bzlog/ yang na hUM gsum phaT kyang gsum/ /hUM gnyis dang ni phaT gnyis ni/ /las gzhan drag po'i skabs dang sbyar/ /man ngag can gyis shes par bya/ /yi ge nyi shu rtsa gcig ces/ /chog par bcad par shes par bya/ /yang na hUM gnyis bsnan pa rtsa gnyis pa/ /ya yi yi ge drag po gnyis/ /bsnan pas rtsa bzhi pa zhes bya/ /de yang drag po'i skabs yin pas/ /khyad par du ni shes par bya/ /yi ge rkang grangs dbang byas na/ /de ltar ma nges rtsa drug nas/ /sum cu rtsa gcig bar du

  20. 10b

    yod/ /oM gyi yi ge dang por mtshan/ /mtshan gyi yi ge'i steng du ni/ /ma dang ha dang tsha dang na dang ni/ /da la ha ni !gdags par bya/ /ra la os su brgyan pa ni/ /sha dang na dang ha la u/ /zla tshes thig le ta la brgyan/ /pha dang ta log yi ge'o/ /yi ge bcu gsum zhes su bya// yi ge drug ces bya ba ni/ /mtshan gyi man ngag kho na'o/ /swAhA/ oM dang ho dang gsum/ /zhi rgyas dbang gi yi ge mdza' / /dza sogs pa yi yi ge rnams/ /'gug pa la sogs mdza' ru bstan/ /man ngag can gyis sbyor zhes bya'o/ /yi ge hUM ni 'bru gcig po/ /'di yang bzlas pa'i yi ge snying po yin/ /yi ge btu ba ma shes na/ /sngags kyi mthu ni nyams par 'gyur/ /de bas nan tan bskyed de btu/ /lha rnams gzhan po'i sngags rnams kyang/ /bdag gi btu ba ma nus pas/ /slob dpon la ni gus bya'i phyir/ /slob dpon rna rgyur man ngag las/ /yi ge btu ba shes par bya/ /yi ge btu ba'i sbyor ka ste bcu drug pa'o// //bcom ldan 'das rdo rje 'dzin pa la phyag 'tshal lo/ /bzlas brjod man ngag bstan par bya/ /phyi dang nang dang gsang ba dang/ /bla med bzlas brjod bzhi ru bstan/ /dang po phyi yi bzlas pa ni/ /sems dpa' sum rtseg tshul du bya/ /de ni kun gyi thun mong yin/ /khyad par re re 'am gnyis sdebs su/ /las kyi khyad par skabs dang sbyar/ /mtshon gar nas dang rta rnga'i tshul/ /mtshon gyi sum cha de yi phyad/ /pad+ma la sogs mtshon gyi phyed/ /rin chen rmug po gur lta bu/ /dad pa'i rgyu yi tshad tsam mo/ /yang na dar mo gru gsum ni/ /tsi ta'i tshad tsam nyid du 'dod/ /de lta'i gnas ni nyid du yang/ /ye shes bzhugs pa'i gnas su 'dod/ /la la dag gi bzhed kyis ni/ /rang byung nyid du yod par 'dod/ /de ni rgyu 'am nus pa'i tshul la la dag gi bzhed kyis ni/ /de nyid las ni sprul pa yi/ /kun brtags de la de skad gdags/ /gzhan yang gzhung lugs mi mthun pa'i/ /dang po dbang bskur dus su ni/ /dang por dkyil 'khor bcug pa'i lha dang ni/ /de nyid so so tha dad 'dod/ /thugs ka dbu steng gong

  21. 11a

    'og gnas/ /lha nyid 'jug pa'i tshul la yang/ /'khor lo rdzogs pa'am lha de nyid/ /bdag nyid man ngag thob gzhung gis/ /lha de rkyen gyi tshul yin la/ /rang 'byung nus pa rgyu yin pas/ /gnyis med gcig tu bsdebs te bsgom/ /de ltar the tshom bcad nas ni/ rang gi rig pa pho brang nyid/ /shin tu gsal bar sbyangs nas ni/ mi shes lha la bsnyen pa 'bul/ /dang po 'od zer spros nas ni/ /ye shes spyan drangs lha de la/ /mtshan ma la sogs gsal nas ni/ /'khor lo bzhin du dbul ba dang/ /pad+ma brtsegs dang rin chen thag de nyid thun mong shes par bya'o/ /lugs 'byung lugs bzlog 'khor lo'i tshul/ /shes rab sbyor thabs mchod pa'i tshul/ /mchog gi dngos grub 'dod pa'o/ /lce ni rdo rje dkar por bsgyur/ /yang na sngo ljang nyid du bya/ /nyi ma shar ba bzhin du gdal/ /de ni sngon du nyams pa'i tshul/ drag po bsgrub pa'i gnas skabs su/ /man ngag gong bzhin bzlog ste gsal/ /lce ni rdo rje ser po dang/ /dmar po rgyas dang dbang la shis/ /mthing ka drag po'i tshul du bstan/ /'od zer 'khor lugs gong bzhin no/ /las kyi rim pa'i skabs dang sbyar/ /ba thag tsha tsha'i tshul dang ni/ /drag po kho na'i skabs dang sbyar/ /rul chu brug ba bzhin du 'am/ /srin po dur skad ji bzhin du/ /shin tu drag cing myur bar bzlas/ /las kyi khyad par gzhan dag la/ /spros te sbyangs pa'i tshul dang ni/ 'od zer spu gu btsugs pa dang/ /me yi tshul gyis bsregs pa dang/ /lcags kyu lta bus bkug pa dang/ /mtshon cha char bzhin dbab pa dang/ /'khor lo bzhin du bskor ba dang/ /mnan pa'i tshul du bya ba dang/ /mnga' zam tshul du bya ba dang/ 'khrul 'khor tshul du bya ba dang/ /'phen sdud tshul du bya ba dang/ /dang pos bkug la gnyis pas bsreg /dang pos bkug la gnyis pas bsad/ /dang pos bkug la gnyis bas mnan/ /yang na gsum sdebs tshul gyis bya/ /bzhi ba sdebs lnga

  22. 11b

    bsdebs pa yang yin/ /bsdebs sbyor cho ga thams cad kyang/ /man ngag bzhin du shes par bya/ /de la sogs pa'i man ngag rnams/ /brgyud pa las ni shes bar bya'o/ /de rnams bzlas brjod byed pa yang/ /sems ni gzhan du mi g.yeng zhing/ /tshig gzhan gyis ni bar mi chor/ /yi ge man ngag ma nyams par/ /sgra yi brjod tshul skabs dang sbyar/ /de la nan tan tshar bskyed la/ /mtshan ma'i dngos grub 'byung bar 'gyur/ /mtshan ma'i dngos grub gsum po yang/ /dang por ba la gsum du bstan/ /sprul dang yang sprul sum sprul lo/ /'bring la sgra dang dri dang ni/ /'od du yang ni bstan pa yin/ /tha ma nam smad nam stong dang/ /nyin mo dag dang gsum du bstan/ /de dag rtags rnams kun la yang/ /gzugs ni sdug dang mi sdug dang/ drin zhim dang mi zhim dang/ /sgra ni snyan dang mi snyan dang/ /ro yang zhim dang mi zhim dang/ /'od dkar 'od ser 'od dmar po/ /ljang dang nag la sogs pa yi/ /rtags la sogs pa de dag la/ /gsum dang bdun dang bco lnga dang/ /nyi shu rtsa gcig zhag du brtag /thams cad brtan zhing mi 'gyur dang/ /phung po khams gsal ting 'dzin gsal/ /'dod la sogs pa zhi ba'i tshul/ /de sogs rtags rnams byung ba na/ /lha yi dngos grub yin par brtag /mtshan ma la sogs mi brtan zhing/ / phung po la sogs myos 'gyur zhing/ /ting 'dzin rnams ni mi gsal ba/ /'od dmar gnag cing rtsub 'gyur na/ /de la sogs pa'i rtags rnams kyang/ /bdud kyi rtags su shes par bya/ /rtags rnams de rnams byung na yang/ /don dam rang bzhin med pa la/ /kun rdzob sgyu ma lta bu'i sems/ /re dang dogs pa rnams spangs te/ /dga' dang mi dga' i sems mi bya/ /'jigs pa la sogs sems spang ste/ /maN+Dal me tog bcas phul nas/ /sbyin sreg 'khor lo la sogs bya/ /de ltar byas

  23. 12a

    tshe mkha' 'gro mas/ /lung bstan gnas su khrid pa dang/ /man ngag 'jigs pa med pas blang/ /bdud kyi ltas rnams 'byung ba ni/ /gong bzhin byas pas med par 'gyur/ /nang na mtshan ma bsnyen pa gtso/ /de 'og grangs kyi bsnyen pa gtso/ /dus kyi bsnyen pa tha ma'o/ /grangs kyi rab 'bring tha ma ni/ /gtso po 'bum dang nyis 'bum dang/ /sum 'bum dag tu shes par bya/ /rnam rgyal la sogs bzhi po la/ /'bum phyir 'bum dang nyi 'bum mo/ /'khor rnams lhag ma kun la ni/ /khri dang nyi khri sum khri'o/ /yang na lha rnams so so yi/ /sku gcig bsnyen la byed pa ni/ /rab kyi bsnyen pa sum 'bum mo/ /'bring gi bsnyen pa bdun 'bum mo/ /tha ma'i bsnyen pa bye ba'o/ /dus la yang ni gsum gsum yong/ /zla gcig zla gnyis zla gsum bar/ lo phyed zla dgu lo gcig gi /lo gnyis dang ni lo gsum dang/ /lo bzhi tha mar shes par bya/ /de ltar byas kyang ma byung na/ /dam tshig nyams pa yin pas na/ /sbyin sreg tshogs 'khor la sogs kyis/ /dam tshig nyams pa bskang nas ni/ /slar la sogs pa'i cho ga bya/ /de ltar byas kyang ma byung na/ /rnal 'byor sdig sgrib che bas na/ /sbyin sreg tshogs 'khor la sogs kyis/ /sdig sgrib la sogs sbyangs nas ni/ /slar la sogs pa'i cho ga bya/ /de ltar byas kyang ma byung na/ /yang na bsgom pa gcig pus bya/ /yang na bzlas brjod gcig pus so/ /bsgom dang bzlas pa'i dngos grub ni/ /'byung bar de ni ma gyur na/ /tshogs 'khor tshogs mchod sbyin sreg dang/ /gtor ma la sogs so so la/ /man ngag cho ga thob pas na/ /dngos grub nges par 'byung bar 'gyur/ /de dag thams cad

  24. 12b

    kun la yang/ /the tshom can gyis mi 'grub ste/ /the tshom med nges 'grub par 'gyur/ /de ltar byas kyang ma byung na/ /mtshan ma gsum mam nus pa brtag /yungs kar dag la sngags bzlas nas/ /shing ljon la sogs me tog la/ /btab nas bskams 'gyur rab yin no/ /chu la bzlas te gtor ba na/ /char pa la sogs 'bebs pa dang/ /thal ba la ni sngags bzlas na/ /char pa la sogs gcod par 'gyur/ /da ni 'bring gi nus pa brtag /yungs kar phyag mtshan la sogs pas/ /sngags bzlas gtor zhing brabs pa yis/ /gdon dang nang la sogs pa sel/ /de ni tha ma'i nus pa'i rtags/ /de ltar byas kyang ma byung na/ /lha sogs man ngag thams cad spro/ /khams dang bag chags med phyir ro/ /cho ga thams cad gong bzhin no/ /man ngag mi mthun gzhan yang sbyar/ /de ltar byas na dngos grub 'byung/ /dngos grub byung bar ma gyur kyang/ /sgrib pa rnams ni mgo mnan nas/ tshogs chen khyad par bsags nas ni/ /daM tshig ma nyams rnal 'byor pas/ /skye ba phyi ma la sogs su/ /dngos grub rnams ni thob par 'gyur/ /dngos grub khyad par ma thob na/ /skye ba bdun la gdon mi za/ /nang gi bzlas brjod bstan pa ni/ /rnal 'byor lam pa rnams kyis ni/ /snying ka'i 'khor lo la sogs la/ /rang 'byung yi ge nus pa ni/ /rlung gi rta la zhon nas kyang/ /snying ka'i 'khor lo la sogs bskor/ /gsang ba'i bzlas brjod man ngag ni/ /byang chub sems kyi man ngag gam/ /phyag rgya la brten ji bzhin no/ /mthar thug gi ni bzlas pa yang/ /snang ba gsum gyi mdza' la ni/ /mi rtog ye shes stong nyid gsal/ /de ni bzlas pa'i mchog yin no/ /bzlas pa'i rim pa'i man ngag ni/ /rnal 'byor blo dman don du bstan/ /

  25. 13a

    bzlas brjod kyi man ngag gi sbyor ka ste bcu bdun pa'o// //bcom ldan 'das rdo rje bsnams la phyag 'tshal lo/ /rdzogs rim man ngag cung zhig bstan/ / dngos po gnas pa'i gnas lugs dang/ /blos su bsams pa'i rim pa yi/ /dngos po gnas pa'i gnas lugs ngag la yang/ /rtsa dang rlung dang byang chub sems/ /rtsa yi gtso bo d+hU tI yin/ /d+hU tI nyid kyi gzhung lugs kyang/ /srog rtsa nang du rgyu ba dang/ /de la brten par 'dod pa'o/ /de la sogs pa'i gzhung lugs mang/ /bdag gi gzhung gis nang du rgyu/ /shin tu phra ba rta rnga tshad/ /de bas phra bar 'dod pa'ang yod/ /dbugs kyi dangs ma shin tu phra/ /'od dang ldan pa nyid la ni/ /byang chub sems ni til mar bzhin/ /de la khyab par brten pa yi/ /g.yas dang g.yon gyi rtsa gnyis ni/ /la la nA dang ra sa nA/ /mdun gyi rtsa ni da da dz+nyA/ /de rnams tshad la sogs pa yang/ /d+hU tI nyid dang mthun pa'o/ /rtsa yi 'khor lo rnams la yang/ /gzhung lugs mi 'dra mang du bstan/ /'khor lo gcig dang 'khor lo gnyis/ /'khor lo bzhi dang 'khor lo drug /'khor lo brgyad dang 'khor lo dgu /rdo rje nor bu'i cha la yang/ /pho brang bzhi yi gnas ngag tu/ /'khor lo mi mthun 'dod pa dang/ / 'khor lo mang po 'dod pa rnams/ /in+d+ra bo d+hi gzhung lugs yin/ /rlung gi gzhung lugs dag la yang/ /lte ba'i lkog dang lte ba dang/ /snying gar mgrin pa yan lag gi /gnas ni lnga po dag

  26. 13b

    las kyang/ /srog gi rlung dang gyen du rgyu/ /me dang mnyam nas thur du sel/ /kun la khyab pa'i rlung rnams ni/ /gnas lnga tha dad gtso bo yin/ /yan lag lnga dang dbang po lnga/ /de ltar tha dad 'dod pa'ang yod/ bdag gi gzhung gi gnas skabs kyis/ /las kyi sgo nas phye bas na/ /thams cad ngo bo gcig yin no/ /byang sems 'bebs pa'i gtum mo yang/ /'khor lo rten dang mi brten pa'i/ /drag 'dzin ma ni bcu bzhi po/ / in+d+ra bo d+hi la sogs gzhung/ /rang bzhin gtum mo 'dod par ni/ /mkhas pa rnams ni kun ka mthun/ /byang chub sems la gnyis yod do/ /don dam dang ni kun rdzob bo/ /kun rdzob la yang gnyis yod de/ / snyigs mar gyur dang bcud du gyur/ /bcud du gyur la gnyis yod de/ /til mar bzhin du khyab pa dang/ /'chi ba'i dus tshe 'byung ba'o/ /de la brten pa'i man ngag tshogs/ /rim pa bzhin du shes par bya'o/ /bsam zhing bsgom pa'i rim pa yang/ /rang 'byung yi ge'i gnas tshul ni/ /yi ge hUM dang a dang ni/ /oM dang haM gi rnam pa bzhi/ /man ngag sbyor rdzogs shes par bya/ /'khor lo rnams ni gsal byas la/ /lte bar /gtum mo zhes bya lte ba'i lkog /sor gnyis sor bzhi sor drug /mgrin pa A li bcu drug go /dung khang la ni nyis ldab bo/ /gtum mo zhes bya lte ba'i lkog /sor gnyis sor bzhi sor drug tu/ /mar me bzhin du gnas pa las/ /rlung la nyi ma'i stobs kyis su/ /las kyi rlung ni sngon mo bcus/ /spar nas de la gtad par bya/ /rtags brgyad byung nas shin tu spar/ /dga' ba la sogs rim skyes pas/ /rtags lnga'i

  27. 14a

    mthar ni stong par 'gyur/ /'khor lo gcig dang 'khor lo gnyis/ /gsum la sogs pa'i man ngag ni/ /rim pa bzhin du sbyor shes bya'o/ /rlung rnams g.yas dang g.yon du ni/ /gnyi kar rgyu dang ngal bar rgyu/ /de la gtad pa'i rim gyis ni/ /spro bar nus na bsdu bar bya'o/ /rtags lnga'i mthar ni stong nyid 'gyur/ /yang na thig le'i rnam pa la/ /spro ba dang ni bsdu ba dang/ /lnga ru lta dang gcig tu lta/ /rim gyis brtan par gyur nas ni/ /phyag rgya'i dngos grub thob pa'o/ /rdzogs pa'i rim pa'i sbyor ka ste bco brgyad pa'o// // bcom ldan 'das rdo rje 'dzin pa la phyag 'tshal lo/ /bgegs bskrad pa'i cho ga bstan pa/ /bgegs bskrad pa'i thabs la/ /cho ga che chung gi rim pa/ /bsgrub bya'i skabs dang sbyar te/ /thabs dpag tu med par bya'o// de la rdzas kyis bskrad pa dang/ /sngags kyi bskrad pa dang/ stang stabs kyis bskrad pa dang/ phyag rgyas bskrad pa dang/ ting nge 'dzin gyis bskrad pa dang/ yang na rdzas dang sngags kyis bskrad pa dang/ rdzas dang stang stabs kyis bskrad pa dang/ rdzas dang phyag rgyas bskrad pa dang/ rdzas dang ting nge 'dzin gyis bskrad pa dang/ yang na sngags dang gnyis 'dus pa dang/ stang stabs dang gnyis 'dus dang/ phyag rgya dang gnyis 'dus dang/ ting nge 'dzin dang gnyis 'dus dang/ phyag rgya stang stabs gnyis 'dus dang/ bzhi ka la ni sbyar bar bya/ /phyag rgya la

  28. 14b

    yang de bzhin te/ /ting nge 'dzin kyang de ltar bya/ /gnyis 'dus gsum 'dus bzhi 'dus su/ /thams cad kun la sbyar bar bya/ /yang na lnga 'dus kho nas bya/ /bgegs kyi rim pa 'ang lngar shes bya/ / sne gdon phra mo kun la ni/ /sbyor ba gcig pu kho nas bzlog /rgyal 'gong la sogs gdon la ni/ /sbyor ba gnyis kyis bzlog par bya/ /de bas mtho ba'i bgegs gnyis la/ /gsum dang bzhi ni bya ba yin/ /bgegs ni chen po thams cad la/ /sbyor ba lnga po kho nas bya/ /rdzas kyi bya thabs bstan pa ni/ /gu gul yungs kar sha chen dang/ /tshil chen dang ni thal chen dang/ /dur khrod sol pa grog mkhar sa/ /de la sogs pa'i rdzas rnams la/ /gzugs brnyan bca' bar bya ba 'am/ /brdeg pa'i rdzas su bya ba dang/ /bdag pa'i rdzas su bya ba dang/ /bsrung ba'i rdzas su bya ba ni/ / gla rtsi dang ni rma bya yi/ /rgyal mtshan klu la shis par bstan/ /yang na dur khrod chen po'i rdzas/ /rgyan cha rnams kyis byin brlabs la/ /bskon pas bsrung bar 'gyur ba yin/ /sku ni byin gyis brlabs nas su/ /bsrung bar de ni 'gyur ba yin/ /sku dang glegs bam la sogs pa/ /byin gyis brlabs nas mdun bzhag pas/ /bsrung bar de ni 'gyur ba yin/ /rdo rje dril sogs phyag mtshan la/ /byin gyis brlabs nas lag gzhag na/ /bsrung ba de ni 'gyur ba yin/ /khyad par mgon po nag po yi/ /sku ni byin brlabs bzhag pas su/ /bsrung bar de ni 'gyur ba yin/ /skud sngon mdung pa bdun byas pas/ /mgul tu bcings pas bsrung bar 'gyur/ /yang na smyag shar lcug ma yis/ /byabs pas de ni tshar gcod do//

  29. 15a

    de la sogs pa'i mthun rdzas rnams/ /thams cad kyis ni bya ba yin/ /'khor lo bcas nas lus la gdags/ /bsrung ba'i mchog ni yin par gsungs/ /sngags kyis bskrad pa bstan pa ni/ /oM na mo nI lAM ba ra d+ha ra badzra pA Ni che ge mo hUM hUM phaT/ ces bskrad pa'o/ /mA ra ya/ phaT gdags pa ni bsad pa'o/ /yang na 'khrul 'khor sbyor ba bzhin du bya'o/ /oM na mo nI lAM ba ra d+ha ra badzra pA Ni mahA yak+Sha se nA pa ta ye hUM hUM phaT/ ces bya ba dang spel te bya'o/ /sgrub bya'i ming gi mdza' la sreg byed kyi yi ge dang ldan pa ni/ bgegs zhi bar byed pa'i sngags so/ /ming gi mdza' la bsrung ba'i sngags dang ldan pa ni/ bsrung ba'i sngags so/ /ming gi mdza' la dgug pa dang/ dbang du bya ba'i sngags kyang shes par bya'o/ /sngon du bsnyen pa rdzogs pas ni/ /sngags rings kho nas bya ba yin/ /khyad par du ni klu la shis/ /yang na drag po'i sngags 'di ni/ oM mahA tsaN+Da re Sha na hUM hUM phaT ces bya ba dang spel te bya'o/ /yang na rgyud bzhin btub pa dang/ /mi btub pa yi rim pa ni/ /slob dpon so so'i gzhung lugs so/ /ji ltar mos pas 'grub par 'gyur/ /drag po'i 'khrul 'khor gzhan rnams kyang/ /man ngag gzhan gyis sbyor shes bya'o/ /stang stabs sbyor bas tshar bcad ni/ /mnyam pa'i stang stabs la sogs pa bco brgyad kyis tshar bcad pa dang/ /pheg rdob skor bu la sogs pa/ /gyad 'gros rnams kyis tshar bcad pa dang / g.yas brkyang la sogs pas tshar bcad pa dang/ de gsum gang yang rung bas bya'o/ /stang stabs kyi sbyor ba las shes bya'o/ /phyag rgya la sogs pa'i sbyor ba yang lag stabs la sogs pa'i sbyor ba la sogs pa shes par

  30. 15b

    bya'o /ting nge 'dzin gyi thabs ni/ dang por bdag nyid phyag na rdo rje gtum khro 'bar ba/ mche ba gtsigs pa/ spyan dgrad pa/ gos sngon po gsol pa/ sku che ba/ yan lag rags pa/ g.yas bskum pa/ g.yon brkyang bas bgegs kyi snying gar mnan pa/ phyag g.yas pa'i rdo rje gsor ba las/ /'od zer 'phros pas/ rdo rje phra mo'i mtshon cha grangs med par brgyud mar byung nas/ spyi gtsug tu rgyab pas/ rkang pa'i mthil du 'byin pa/ hUM sgra dang zhags pa'i sgra bsgrags pas thams cad dang ngas shing brgyal par byed pa/ sku las khro bo dpag tu med pa byung pas/ bsgrub bya'i ba spu bu gar zhugs nas khrag 'jib par byed pa/ thugs ka nas khro bo dpag tu med pa byung nas/ bsgrub bya'i snying kar gdab? ba/ sku la me dpung byung nas sreg par byed pa/ zhal nas sngags kyi sgra brjod pas 'byung po thams cad par byed de/ /de lta bu'i khro bo gcig bsgoms la/ ye shes bstim/ byin gyis brlab/ dbang bskur la nus pa'i mthu can du bya'o/ /bgegs chen po bskrag pa yang/ cho ga pha mos mi thub ste/ dang po kho nar sngon du bsnyen pa'i cho ga rdzogs par byas la/ bdag nyid lha'i rnal 'byor du bskyed la/ bdud rtsi lnga dang ldan pa'i gtor ma gcig byin gyis brlabs la/ bde bar gshegs pa la dbul/ mthu bskyed la gsol pa gdab/ yang gtor ma gcig la thun mong gi rdzas dang ldan pa'i steng du/ khrag sna snying sna sha sna gsum dang ldan pa'i rdzas la/ byin gyis brlabs la chos skyong ba'i srung ma la phul la/ bdag gi stong grogs mdzad par las bsgo'o/ /gtor ma cha gcig la drug cu pa ldan pa'i rdzas la byin gyis brlabs la/ 'byung po thams cad la byin la/ gnod pa ma byed par bsgo par bya/ yang na zhi

  31. 16a

    ba'i sbyin sreg gis bgegs zhi bar bya ste/ de ltar yang nas yang du byas pas bgegs zhi bar 'gyur ro/ /de ltar byas kyang 'gror ma btub na/ drag po'i las bya ste/ dang po kho nar bdag gi thugs ka nas khro bo'i sprul pa bgyi bas/ 'byung po thams cad bkug pa dang/ yang na nad pa nyid la bsams te/ yi ge gsum las 'phros 'dus pa las/ ri rab tu gyur nas/ ri rab snying gar mnan par bsam/ de ni mnan pa'i sbyor ba'o/ /bgegs bsreg pa ni/ yi ge hUM gi 'phro 'dus/ lce nag po rdo rje spu gu can du gyur nas/ de'i nang na tshur 'od zer me 'dra ba byung nas gang la gnod pa'i sar gtad la bgegs thams cad bsreg par bya ste/ yang na lce rdo rje sngon por bsgyur la/ 'od zer sngon po rlung 'dra bas thams cad gtor zhing bskrad par bsam mo/ /yang na srog gi 'od zer 'phros pas/ bgegs thams cad bcom nas slar 'dus pas snying ka'i lha la mchod par bsam mo/ /yang na mdun gyi lha mchod par bsam mo/ /bsreg gtor bcom pa'i sbyor pa'o/ /yang na bsang pa'i sbyor ba ni/ gong gi sku bskyed pa la sogs pa man ngag sbyor ba yod pa rnams/ rim pa bzhin tu shes par bya'o/ /khyad par sbyor ba bstan pa ni/ thugs kyi 'od zer 'phro ba dang/ /gsung gi yig 'bru spro ba dang/ /sku yi sprul pa spro ba dang/ /yang na thugs kyi phyag mtshan yin/ /lte 'og gnas su bstim pa dang/ /gnas dgu dag tu bstim pa dang/ /thams cad kun tu bstim pa dang/ /de ltar bstim la lus dgang ngo/ /thur du bda' dang gyen du bda'/ /srog 'gro steng 'og bda' ba dang/ /'byung sa gnyis nas gdon pa dang/ /'ded pa'i tshul gyis bda' ba dang/ /bton nas bzhu

  32. 16b

    btul bya ba dang/ /de nas lha la mchod pa bya/ /de la sogs pa'i man ngag gis/ /sbyor ba gzhan yang shes par bya/ /de lta'i sbyor ba byed pa yang/ /phal dang phal gyi thun mong min/ /lus kyi rgyan cha la sogs ldan/ /ngag gi ma nyams yon tan ldan/ /bar chad rdul tsam ma shor bar/ dper na dul chu brub pa bzhin/ /de gsum gsal bar brjod pa yin/ /snod min pa la gsang 'gyur yin/ /dper na srin po dur skad bzhin/ /tshig mi gsal bar don gsal ba/ /yid brten drag tu bzla bar bya/ /de lta'i bgegs bskrad sbyor ba yang/ /thams cad kun la bya ba min/ /bsgom sgrub par chad byung ba dang/ /slob dpon gzhan don mdzad pa la/ /'byung pos bar chod byas pa la/ /sbyor ba 'di ni bya bar gsungs/ /rdo rje spun la bya ba yin/ /gzhan yang sems can gzhan po ni/ /mi dge spang zhing dge bcu spyod/ /de la'ang bya bar gsungs pa yin/ /gnyi ga mi byed sems can la/ /sbyor ba chung du bya bar gsungs/ /mi dge bcu ni dang len cing/ /rdo rje slob dpon la smod cing/ /sangs rgyas bstan pa 'jig pa dang/ /rgyal khams yongs su gnod pa dang/ /dge 'dun 'du ba'i sgo 'phrog dang/ /theg chen gsang sngags smod pa dang/ /rnal 'byor spyi yi dgrar 'gyur la/ /sbyor ba 'di ni byar mi rung/ /gal te sems can de dag kyang/ /gnod zhing 'gyod pas mthol bshags nas/ /sangs rgyas theg pa'i sgor 'jug cing/ /yang dang yang du gsol 'debs na/ /sbyar ba 'di ni bya bar gsungs/ sbyor ba 'di yi man ngag kyang/ /rang gi srog bzhin ma btsos na/ /snod dang mi ldan la spel nas/ /be sbrel g.yang kar khrid pa bzhin/ /gcig lhung bas na gnyis ka lhung/ /de bas nan tan cher gyis la/ /rin chen lta bu'i

  33. 17a

    gang zag la/ /bcas ka dam bzhag byas te gtad/ /bgegs bskrad pa la sogs pa'i sbyor ka ste bcu dgu pa'o// //bcom ldan 'das rdo rje bsnams pa la phyag 'tshal lo/ /dug sngags kyi ni gtso bo bu/ sngon du bsnyan pa bya ba'i phyir/ /sngon du bsnyen pa'i man ngag rnams/ /cung zhig bsdus te bstan par bya/ /dang po skad cig lhar bsams te/ /snying kar zla ba'i dkyil 'khor bsam/ /de steng hUM gi 'phro 'du yis/ /mchod pa la sogs rtogs byas nas/ /stong pa nyid du bsgom par bya/ /stong pa nyid kyi ngang las ni/ /paM las pad+ma 'dab ma brgyad pa bsam/ /pad+ma'i lte bar zla ba'i dkyil 'khor bsam/ /de steng haM gi 'phru 'du yis/ /rdo rje gur du gyur nas phyir/ /cho ga gsum mam skad cig mas/ phyag na rdo rje'i sku bskyed la/ /don du rdo rje sems shes bya/ /rdo rje bsnams dang chos nyid kyi/ /don la sems dpa' ye shes la/ /las su ming dang tha dad tsam/ /de nyid sku mdog dkar la 'cher/ /phyag gnyis rdo rje dril bu bsnams/ /rgyan rnams thams cad rdzogs ldan zhing/ /rdo rje skyil krung tshul du bzhugs /ye shes spyan drangs snying kar bstim/ /sku gsung thugs ni byin brlabs dbang bskur bya/ /de ltar brtan bsgoms thugs ka ru/ /zla ba pad+ma lte ba la/ /man ngag bzhin du bsgom par bya/ /de ltar gsal nas bzlas rjod bya/ /thugs 'khor gsal dang lha mchod dang/ /sbyang dang bsdu ba'i tshul bzhin du/ /'bum gsum bsnyen pa bya ba dang/ /dus dang grangs dang mtshan ma yi/ / bsnyen pa la sogs char phyin nas/ /de nas 'khor rnams so so la/ /'bum phrag re re bsnyen pa bya/ /'khor rnams bsnyen pa'i man ngag ni/ /mdun du pad+ma'i gdan bskyed de/ /skad cig klu brgyad sprul nas ni/ /spyan drangs la sogs rdzogs byas la//

  34. 17b

    'od zer 'phros pas mchod mnyes la/ /don rnams gang yin grub par bsam/ /gong bzhin mtshan ma'i rtags byin nas/ /de nas bsgrub pa brtsam par bya'o/ /lha bskyed la sogs cho ga ni/ bsnyen pa'i dus dang mthun par bya/ /gtso bo'i bzlas brjod 'bum phrag gcig / 'khor rnams khri dang stong dang ni/ /brgya yi bar du rab 'bring ngo/ /dug gis zin pa'i bsgrub bya ste/ /mdun sogs bya ba rdzogs byas la/ /lus kyi yan lag brgyad po la/ /yi ge dgong sogs bya ba ni/ /mgo rak+ShaM? sna dang rna bar yum/ /mig tu hUM dang khar ni suM/ / mgrin par smryuM snying gar ym? / /lte bar k? du shes par bya'o/ /kha dog dkar po bsam par bya/ /sngags rnams de yi mthus su ni/ /snying ga'i dug ni bcing bar bya/ /ye shes yi ge hUM gis ni/ /dug 'phros la sogs man ngag sbyar/ /de 'og phyi ma'i las brtsam mo/ rin chen la sogs bum pa la/ /skyon bral yon tan ldan pa ru/ /chu dang 'o ma bsreg pas dgang/ /dang po bum ? bum bskyed la/ /pad+ma zla ba'i gdan stengs su/ /de steng yi ge su las ni/ /gyur pa'i rdo rje mkha' 'gro ma/ /gdugs dkar gyis ni brgyan mdzad cing/ sku mdog dkar po phyag gnyis pa/ kha TwAM thod pa phyag na bsnams/ /sbrul gyi rgyan dang ldan pa la/ /sems dpa' yi ni skyil krung bcas/ /klu rnams mgo bo'i cha rnams ni/ /zla ba'i dkyil 'khor 'og bsdus nas/ /de steng rdo rje mkha' 'gro ma/ /pad+ma yi ni 'dab ma la/ /klu chen brgyad po bsgom par bya/ /shar du nor rgyas bu dkar po/ byang du 'jog po ser po'o/ /nub tu stobs rgyu dmar po ste/ /lhor ni pad+ma sngon po'o/ /dbang ldan du ni pad+ma che/ /dkar ser du ni bsgom par bya/ /me mtshams su ni dung skyong dkar sngo'o/ /bden bral du ni rigs ldan sngo dmar po/ /rlung mtshams 'khyil pa dmar ser po/ /de ltar klu brgyad bsam pa ni/ /mchod dang gtor ma la sogs bya/ /de dus rdo rje mkha' 'gro ru/ /dug sel pa yi dus 'di ru/ /bdag nyid lha yi rnal 'byor bya/ /cho ga bskyed tshul thabs dang mthun

  35. 18a

    rma bya'i sngo yi chun po yi/ /mgo bo la sogs lus kun la/ /byab cing man ngag sbyor shes bya'o/ /rkang mthil bar du drangs nas ni/ /bum pa'i nang du dpo bar bya/ /lha gsal la sogs man ngag bya/ /oM h+ri ta na da ra hUM phaT swAhA/ zhes bya ba man ngag tu/ hUM gsuM phaT gsum shes par bya/ /oM bA su ki h+ri ta na da ra swAhA/ oM hak+Sha ka h+ri ta na da ra swAhA/ phaT phaT phaT swAhA/ oM kor ko Ta h+ri ta na da ra swAhA/ oM pad+ma h+ri da na da ra swAhA/ oM mahA pad+ma h+ri da na da ra swAhA/ oM shaM ka bA la h+ri ta na da ra swAhA/ /oM ku li shA laM h+ri ta na da ra swAhA/ oM hu lu d+he ke li h+ri ta na da ra swAhA/ oM h+ri ta na da ra hUM hUM phaT phaT phaT/ a mu ka sa ni ra ba shaM ku ru hUM phaT swAhA/ oM ba su ki d+hi ha da ta na d+ha re de ba da ta ta ni ra ba shiM ku ru hUM hUM hUM phaT phaT phaT swAhA/ /bsnyen bsgrub la sogs bya ba yang/ /sngags kyi dbye ba la sogs kyang/ /man ngag can gyi ? shes bya/ /dug phrogs 'o ma ngag po 'gyur/ /de 'og yungs kar la sogs kyis/ sngags bzlas pas su rdeg par bya/ /brdeg pa tsam gyis bsgrub bya yi/ /snying ni 'bar ba la sogs 'gyur/ de yi snying gar yi ge hUM/ /bsdoms pas rnams shes bcings zhing gzung/ /de tsam gyis ni dbugs g.yo 'gyur/ /bdag gi sna sgo'i 'od zer gyis/ /mche bas zin pa'i sna sgor thim/ /lus bkang bas ni rkang lag 'dar/ /de nas hUM gi glu blang bya/ /de yang sngon du se gol tog/ gsum gyi snga yis ldang bar 'gyur/ /langs nas rdo rje mkha' 'gro bsgom/ /yan lag thams cad bsrung bar bya'o/ /klu sman dkar gsum sna tshogs kyis mchod dang gtor ma klu la shis/ /de sogs sbyor ba gzhan la yang/ /slob dpon mkhas pas sbyor shes bya/ /dug gis zin pa'i gnas brtan pa/ /kha dang smin ma rkan dang ni/ /sna rtse sna sgo mtshan ma dang/ /bshad pa mthe bong gzung ba rnams/ /gso ru mi rur spang bar bya/ /rigs ldan mgo brgya gcig pa dang/ /ka ma la ni dug gi mche ba ste/ /bzhis zin pa ni 'chi bar 'gyur/ /lhag ma rnams ni gsong rung bas/ /rnal 'byor snying rje dang ldan ba/ /dbang bskur man ngag ldan pa yis/ /cho ga gzhung bzhin byas pa dang/ /gzhan sgrol stobs kyis bdag kyang sgrol/ /dngos grub kyang ni thob bar

  36. 18b

    gsungs/ /de bas brtson 'grus bskyed de bsgrub/ /mchod rten la sogs byas nas ni/ /lha gshegs ting 'dzin bsdu bar bya/ /de 'gro smon lam gdab bya ba/ /dper na sman rnams mthu yis ni/ /rdzas kyis dug ni ?? pa bzhin/ /de bzhin klu yi dug rnams ni/ /sngags kyi mthus su 'joms par 'gyur/ /rnam par rtog pa'i dug rnams ni/ /ye shes mthu yis 'joms par 'gyur/ /rdzas kyi mthu yis stobs rnams kyis/ /dug rnams ma lus zhi rgyur cig /sngags kyi mthu yi stobs rnams kyis/ /dug rnams ma lus zhi gyur cig /ye shes mthu yis stobs rnams kyis dug rnams ma lus zhi gyur cig /dug rnams zhi byed mthu yis ni/ /thams cad byang chub thob par shog /dug zhi bar byed pa'i ? ste nyi shu pa'o// //bcom ldan 'das rdo rje 'dzin pa la phyag 'tshal lo/ /dgug pa la sogs sbyor ba bzhan yang bstan/ /lha bskyed sbyor ?? sngags rnams so so'i mdza' la ni/ dgug pa'i ? gdags par bya/ /yang na ga dA dzA dza dza zhes pas/ thun mong gi sngags su shes par bya'o/ /sngags kyi yi ge'i 'od zer gyis/ /gang 'dod gnas nas bkug nas ni/ /shing chen dag ni sdong po la/ /shing gi cho la ni byung nas su/ /? ga dag la klu gzugs bri/ /'od zer 'phros pas de la bkug/ de nas shing chen nang du gzhug /kha bcad tshon gyi skud pas bcing/ thal sogs 'dag pas zhal zhal bya/ /yang na pha bong la gong ma bzhin du shes par bya'o/ /de ltar mi bya ba skad pa ni/ /shing shun la sogs dag la ni/ /rlung dam sha ba'i gzugs bris la/ /de yi steng du bsgrub bya'i gzugs/ /gang 'dod pas ni bris nas bzhag rtsa sngags mdza' la bskrad sngags gdags/ /gang ltar 'dod pa'i sa phyogs su/ /sngags kyi 'od zer stobs kyis 'phang/ /gong gi sbyor bas bkug nas su/ /gru gsum nag po'i 'brub khung du/ /nag po'i sbyor bas kha bcad la/ /ri rab gzugs bri mnan pa bya'o/ /lha rnams bcu bdun stang stabs kyis/ /ji tsam 'dod par mnan par bya'o/ /bsad par 'dod pa'i sbyor ka yis/ /gzugs brnyan la sogs gong bzhin bca' / /bsnyen pa la sogs rdzogs pa yis

  37. 19a

    gsang sngags la sogs shes byas la/ /mtshon cha phyag mtshan byin brlabs la/ /khro bo mtshon cha thogs pa yis/ /lus rnams gtud shing gsed par bsam/ /yang na 'khrul 'khor sbyor ba bya/ /yang na sngags kyi 'od zer gyis/ /gang 'dod par ni bsreg par bya/ /yang na sbyin sreg dag gis bya/ /dam la ma thogs klu rnams ni/ /sgrub pa po la bar chad byed/ /dang po zhi bas gdul bar bya/ /zhi bas 'dul bar ma gyur na/ /de la drag po'i las rnams brtsam/ /dam la thogs pa'i klu rgyal ni/ /de sten cing bsgrubs na dngos grub ster/ /bde gshegs sprul pa bsgrubs na ni/ /dngos grub mchog kyang ster par byed/ /klu rgyal der sgrub sbyor ba yang/ /sngon 'gro 'gro cho ga rdzogs nas ni/ /de nas stong ba nyid du bsgom/ /stong pa'i ngang las pad+ma'i gdan /de steng cho ga gsum kyis bskyed/ /lhag pa'i lha ni gang 'dod bskyed/ /gzhan dag sprul pa'ang gang 'dod pa yang yod/ /mdun ru bang zla'i gdan steng du/ /cho ga gsum 'am skad cig sprul/ /sku mdog dkar po sprul zhags bsnams/ /klu rgyal de 'dra spyan drangs bstim// mchod bstod la sogs rdzogs byas la/ /de nas gang yin bzlas brjod bya/ /klu'i sbyor ba ste nyi shu gcig pa'o// //bcom ldan 'das rdo rje 'dzin la phyag 'tshal lo/ /rnal 'byor bsnyen pa rdzogs pa yis/ /'khrul 'khor rim pa brtsam par bya/ /dang po las gzhi'i rim pa ni/ /zhi ba go ro tsa na blang/ /gro ga 'am stug ma'i shun pa la/ /rtsa sogs dkar po ma yin spangs/ /zhi bar 'dod pa snyu gu yis/ /bsgrub bya sgrub byed 'khor lo bri/ /'khor lo'i dkyil 'khor bri ba ni/ /brgyad dang bcu gnyis bcu drug bri/ /shes rab cho gas yang dag bri/ /yang na gcig dang gnyis su bya/ sngags ni thams cad dgod pa dang/ /gcig dang gnyis su dgod pa'o/ /yi ge re re dgod pa dang/ /thams cad rdzogs par dgod pa'o/ /shar nas brtsams te

  38. 19b

    bri bar bya/ /de ma thag tu dor ba yang/ /bsgrub bya'i ming dang na ma dang/ /bskul pa'i tshig dang bcas par bri/ /rdo rje 'dzin pa'i sbyor ba yis/ /yi ge hUM gi 'od zer las/ /sngon po dkyil 'khor spyan drangs nas/ /mchod bstod bsnyen pa byas nas su/ /dkyil 'khor 'di la gzhug par bya/ /byin dang ldan pa'i lha nyid ni/ /yi ge'i gzugs las 'phros pas na/ /dkar po dan byed brtul zhugs can/ /mar dang sbrang rtsi dbus dkar nas/ /skud pa dkar po bcing bar bya/ /me tog dkar pos thun gsum du/ /zhi ba'i sems kyis gtong bar bya/ /bdag nyid sngon po'i dkyil 'khor ni/ bskyed pa'i rim pa gang dod bya/ /zhi ba'i dkyil 'khor dkar po la/ de yi mdun du bsgrub byin/ /pad+ma zla bar gnas pa ste/ /kha dog dkar po zla ba'i mdangs/ /bsgrub bya gnas par mthong nas ni/ /bum pa dkar po'i zla ba'i mdangs/ /bdud rtsi lngas ni bkang pa yis/ /dbang bskur pa ni bsam par bya/ /rdzogs sangs rgyas pa grangs med dbang/ thob nas bsgrub bya gang yin la/ /bdud rtsi spyi bor blug par bya/ /bdag nyid sngon po'i sbyor ba yis/ /sngags kyi 'od zer spros pa las/ /bsgrub bya mi mthun zhi par bya/ /de nas bzlas pa brtsam par bya/ /oM na mo nI lAM ba ra d+ha ra badzra pA Ni hUM phaT swAhA/ /che ge mo zhe bar gyis shig /na ma swAhA/ dug ni zhi bar 'dod pa ni/ /gur kum dag gis 'khor lo bri/ /dkar po'i phyogs kyi tshes gcig nas/ /nag po'i gcig tu las rnams 'grub/ /de ltar rnal 'byor sgrub pa pos/ /'khor lo'i man ngag yod pa na/ /the tshom med par bya nas ni/ /sngags ni nan tan cher bskyed na/ /nges pa kho nar 'grub par 'gyur/ /zhe ba'i 'khrul 'khor gyi sbyor ka ste nyi shu gnyis ba'o/ /bcom ldan 'das rdo rje 'dzin pa la phyag 'tshal lo/ /de nas gzhan yang rgyas pa yi/ /thams cad sngon bzhin byas nas ni/ /sngags ni thams cad dgod pa na/ /mi dgod pa ni sngon bzhin bya/ /'khor lo yang ni sngon bzhin no/ /stong pa'i mtshams

  39. 20a

    ni blangs nas su/ /ming dang bskul tshig swAhA spel/ /gzhi ni gro ga? ma ras la bya/ /gur kum kha tshe skyes la sogs/ /gang 'dod pa yis bri bar bya/ /kham phong ser po kha sbyar nas/ /skud pa ser po bcing bar bya/ /bdag nyid rgyas pa'i lha nyid du/ /bskyed pa la sogs rdzogs par bya/ /yi ge hUM ni ser po yis/ /lcags kyu'i dbyibs 'dra spros nas ni/ /rgyas pa'i dkyil 'khor bkug nas ni/ /sngon zhing mchod pa la sogs bya/ /de nas 'khrul 'khor dag la bstim/ /byin dang ldan pa'i lha rnams ni/ /yi ge gzugs las 'od 'phros bas/ /ser po'i byed pa brtul zhugs can/ /mar dang sbrang rtsis snod bkang la/ /skud pa ser pos bcing bar bya/ /me tog ser pos thung sum du/ /rgyas pa'i sems kyis gtor zhing mchod/ /bdag nyid sngon po'i dkyil 'khor ni/ /cho ga gang 'dod la sogs bya/ /yi ge gzugs su mthong byas la/ /bsgrub pa'i mi mthun rgyas byas te/ /me tog ser po dus su mchod/ /lha yi rnal 'byor shes pa yis/ /thams cad rdzogs nas dkyil 'khor la/ /pad+ma zla ba'i gdan stengs su/ /bsgrub bya ser po bdun bsams la/ /gser sogs bum pas ? bskur bya/ /rgyas pa'i mi mthun skyon rnams ni/ /bkru zhing de nyid rgyas par bsam/ /sngon du gsungs pa'i sa bon las/ /me tog ser pos dus gsum du/ /sngags bzlas skyon rnams sbyang bar bsam/ /oM na mo nI lAM ba ra d+ha ra badzra pA Ni hUM/ che ge mo mo oM che ge mo oM che ge mo rgyas bar gyis shig swAhA/ /rgyas pa'i dus ni yang dag bstan/ /nya dang de bzhin rgyas pa'i nya/ /de yi dus su yang dag sbyar/ /rgyas pa'i las ni 'di dag la/ /rnal 'byor can gyis brtson par bya'o/ /rgyas pa'i 'khrul 'khor gyi sbyor ka ste nyi shu rtsa gsum pa'o// // bcom ldan 'das rdo rje 'dzin la phyag 'tshal lo/ /de nas dbang gi 'khrul 'khor ni/ /gra ba dmar po'i rdzas rnams la/ /'khor lo gnyis ni sngon bzhin bri/ /sngags sogs dgod pa sngon bzhin bya/ /bsnyen pa yang ni sngon bzhin bya/ /rgya skyegs tsandan khu ba'am/ /srin lag

  40. 20b

    khrag gis bri bar bya/ /kham phor nag po la ? min/ /kha sbyar 'khor lo gzhug par bya/ /sbrang rtsi mar gyis bkang nas su/ /skud pa dmar gyis bcing bar bya/ /lha yi rnal 'byor ldan pa yis/ /'od 'phros spyan drangs sngon bzhin mchod/ /de nas 'khor lo dag la bstim// dbang du byed pa'i lha rnams ni/ /sngags kyi gnas su nus mthu can/ /'od zer dmar po'i sbyor ba yis/ /bsgrub bya dbang du bya bar bsam/ /me tog dmar pos dus gsum mchod/ /cho ga las bskyed rdo rje 'dzin/ /dmar po kha dog dbang du byed/ /nub phyogs ngos su kha bltas la/ /zla ba dmar po dag la ni/ /bsgrub bya bsam bar byas nas ni/ /snying ga'i yi ge 'od zer gyis/ /bsgrub bya gnas pas bkug bsams la/ /khri yi sngags ni bzlas par bya/ /bsgrub bya'i lus la phog 'gyur bas/ /de yi sems ni yengs gyur nas/ zhabs kyi drung du 'gyel bar bsam/ /skra grol ba la gos med pa/ /shin tu g.yeng ba'i bsgrub bya bsam/ /dbang du mi 'gyur gang yang med/ /oM nI lAM ba ra d+ha ra badzra pA Ni mahA tsaN+Da ro Sha na hUM hUM phaT/ che ge mo dbang du bgyis pas sa ma ya ho/ /gang dag dbang du mi 'gyur pa/ /kha ti ma yi me naM du ba med/ /sngags bzlas 'khrul 'khor la ni bsro/ /las su bya ba dus bstan pa/ /nag po'i brgyad nas brtsams nas ni/ /de bzhin nag po'i brgyad kyi bar/ /brtul zhugs can gyis dbang la sbyor/ /de bzhin dbang gi 'khrul 'khor la// rnam 'byor can gyis brtson par bya'o/ /dbang gi 'khrul 'khor gyi sbyor ka ste nyi shu bzhi pa'o// //bcom ldan 'das rdo rje bsnams pa phyag 'tshal lo/ /drag po yi ni 'khrul 'khor dag /dur khrod dag gi ras ma la/ /ske tshe nim pa'i bye brag gis/ /tsha pa gsum gyi mar dang dur khrod sol/ /d+ha d+hu ra dang gtum po'i sa bon dang/ /khro mdzub khrag dang tsi ta khu ba dang/ /byi brun gyis ni 'jim pas blang/ /gtum byed kyi ni phru ba'i chus/ /ltogs chen sgro yi smyu gu yis/ /bdag nyid lha yi rnal 'byor ldan/ /gtuM

  41. 21a

    po khros pa'i sa bon gyis/ /brtul zhugs can gyis 'khor lo gis/ /bcu yi nyi ma phyed na bri/ /sngags la sogs pa dgod pa ni/ /sngon du gsungs pa'i rnam pa ni/ /de nas stong pa'i ling tshe rnams/ /ming dang bskul tshig hUM phaT ldan/ /rnal 'byor khros pa'i gzugs can gyis/ /'od zer 'phros pas lha rnams dgug /cho ga la sogs byas pha la/ /de nas bkug ste 'khor lor gzhug /gsod dang ldan pa'i khro bo ni/ /nus dang ldan pa'i yi ge rnams/ /gdug pa'i tshogs kyis bsad par bya/ /de ltar byin gyis brlab par bya/ /byi brun 'jim pa gtum byed chus/ /kham por sbyar zhing dgang bar bya/ /me tog nag pos dus gsum mchod/ /bdag nyid khros pa'i rnal 'byor gyis/ /lho phyogs kha bltas bsgrub bya mdun/ /'brub khung la sogs man ngag rdzogs/ /gzugs brnyan mdun du bzhag nas ni/ /bsad pa'i man ngag la sogs bya/ /gnas der bdag nyid sbyor ldan pas/ /rgyal rigs thod pa'am gzhan yang rung/ /nang gi 'bru dang sman ngag dang/ /glang rta mi khrag thod pa bkang/ /bkang ste thod pa gsum bskyed bzhag / dur khrod dag gis ro shing bskul/ /khros pa'i me yis bskul bar bya/ /dur khrod ras mar bsgrub bya'i ming gzugs bri/ /steng gi thod par bcug ste bzhag /thod pa kha sbub thal ba phyogs su gtor/ /'dis ni nges par gsod par 'gyur/ /yang na gzhan sogs sbyor ba ni/ mkhas pa yis ni shes par bya/ /oM nI lAM bar d+ha ra badzra pA Ni mahA yak+Sha se nA pa ta ye hUM hUM phaT phaT/ de ba da ta ta mA ra ya hUM phaT/ drag po'i 'khrul 'khor gyi sbyor ka ste nyi shu lnga pa'o// //bcom ldan 'das rdo rje 'dzin pa la phyag 'tshal lo/ /de nas bskrad pa'i 'khrul 'khor brtsam/ /dur khrod ras ma khru gang la/ /mngon du gsungs pa'i rdzas rnams kyis/ /'khor lo'i sngags sogs sngon bzhin bri/ /stong pa'i ling tshe blangs nas ni/ /gang ming bskul ba'i sngags dang ldan/ /bdag nyid lha yi sbyor sogs ldan

  42. 21b

    'od zer 'phros nas spyan drangs mchod/ /gsol bstod byas nas bsnyen pa bya/ /khri ni thos nag po'i phyogs/ /nag po'i phyogs kyi tshes bzhi la/ /gsol ba btab ste bstod pa bya/ /them pa'am rgya gram lam du spa/ /bsgrub bya ji srid mnan pa ru/ /'thab cing 'thab pas dbye bar bsam/ /gtor ma byin nas skrod cig ces/ /gsol ba mang du gdab par bya/ /khros pas nub byang kha bltas te/ /sngags bzlas myur bar 'bros par 'gyur/ /khyim du rtag tu 'thab 'bros pa/ /oM nI lAM ba ra d+ha ra badzra pA Ni mahA yak+Sha sa nA pa ta ye hUM hUM phaT phaT/ de ba da ta ta che ge mo skrod cig dang tA ya hUM phaT/ sbyor ba'i man ngag 'di yis ni/ /nges par gnas nas skrod par 'gyur/ /skrod pa'i sbyor ka ste nyi shu drug pa'o// //bcom ldan 'das rdo rje 'dzin pa la phyag 'tshal lo/ /gzhan yang 'khrul 'khor sbyor ka ni/ /gong du bstan pa'i rdzas rnams kyis/ /'khor lo bris nas cho ga bya/ /bzlas pa khri ni them nas ni/ /'bri ti ka yi shing la gdags/ /mi yi rje dar bsgrub bya yi/ /dri chen dag gis thod pa dgang/ /mi dang bskul ba'i sngags ldan pa/ /'bum tsho bzhi ni thon pa dang/ /shing gi gong ma dag la gdags/ /'khor zhing 'khrug cing myos par 'gyur/ /yang na skad cig tsam gyis 'gugs/ /oM nI lAM ba ra d+ha ra mahA yak+Sha se nA pa ta ye badzra pA Ni ye hUM hUM phaT phaT/ de ba dat+ta mA ra ya hUM che ge mo dza(rgyud 'grel): zhes bya ba yi sngags kyis ni/ /ji ltar 'dod pa 'di rnams 'grub/ /'gugs pa la sogs pa'i 'khrul 'khor gyi sbyor ka ste nyi shu bdun pa'o// //bcom ldan 'das rdo rje 'dzin la phyag 'tshal lo/ /lung bstan sbyor ba man ngag ni/ /rgyud rnams kun dang mi 'gal ba'i/ /mkha' 'gro ma yis rgyas btab la/ /rnal 'byor blo dman don du ni/ /yang nas yang du gsol btab pas/ /yid ches brod pa bskyed pa'i phyir/ /man ngag rim pa bstan pa la/ /bla ma las ni gsan par gyis/ /gsang sngags sgo ni dpag med nas/ /thabs kyi rim pa mang gsungs pa/ /sems can las ni sna tshogs pas/ /so so'i mos pa mi mthun phyir/ /dper na sman rnams nus pa yis/ /nang rnams so sor sel

  43. 22a

    ba bzhin/ /man ngag thabs rnams so sos kyang/ /dug gi nad rnams 'joms par byed/ /dper na sman nus gcig gis kyang/ /phrad pa tsam gyi nang 'joms pa'o/ /yang na gnyis 'joms gsum 'joms dang/ /bzhi 'joms lnga 'joms la sogs dang/ /mang po 'dus nas 'joms pa dang/ /de dag kun gyis mtshoms pa/ /sbyor ba gzhan log 'joms pa dang/ /gzhan po kho nas 'joms pa dang/ /sman dang sbyor ba de dag kyang/ /mkhas pa yis ni 'joms par 'gyur/ /mi mkhas pa yis gnod par 'gyur/ /sman pa mkhas par gyur kyang ni// brtson 'grus nan tan ma byas na/ /dug rnams 'joms par mi 'gyur ro/ /de bzhin mthun pa'i dpe rnams ni/ /mkha' 'gro ma yis lung bstan na/ /zhib pas 'di ru ma phye'o/ /bsgom pa'i stobs kyis nyon mongs 'joms/ /bsgom pa las byung dngos grub kyis/ /mchog gi dngos grub thob par 'gyur/ /ting 'dzin thob par ma gyur pas/ /tshogs 'khor tshogs mchod dngos grub bo/ /de ma byung na sbyin sreg gis/ /dngos grub bsgrub par gsungs pa yin/ /de ma byung na bzlas brjod do/ /de ma byung na gtor ma'o/ /de rnams kun la ma byung na/ /las kyi phan tshegs gzhan yang bstan/ /yang na de dag thams cad kyang/ /gcig 'dus gnyis 'dus gsum 'dus dang/ /bzhi 'dus lnga 'dus la sogs pas/ /'byung bar 'gyur bar gsungs pa yin/ /yang na mchog 'dod pa la ni/ /thams cad rdzogs par dgos par gsungs/ /thun mong dngos grub bsgrub pa la/ /che chung gis ni rim pas gsungs/ /sbyor ba re res kyang ni 'grub/ /gsang sngags la la'i bzhed kyis ni/ /dper na sbrul ni smyu gur zhugs/ /rtsa bar 'gro dang rtse mor 'gro/ /de bzhin rnal 'byor sngags pa yang/ /rig 'dzin sa dang rdo rje dmyal/ /la la dag gis gzhung gis ni/ /bar ma do nas 'gro ba'o/ /la la skye ba phyi ma la/ /la la dag gi bzhed kyis ni/ /gnyis pa gsum pa dag la'o/ /bzhi pa lnga par 'dod pa'ang yod/ /la la skye ba bdun pa la/ /phyag rgya'i dngos grub thob par bshad/ /de ltar gzhung lugs

  44. 22b

    mi 'dra ba/ /mang du gsungs pa de dag kyang/ /'gal ba med de kun ka bden/ /gsang sngags kyi ni gzhung gis kyang/ /skye ba bdun las mi 'da' bas/ /ma bsgoms kyang ni sangs rgyas sa/ /zhes su rgyud las gsungs pa yin/ /skye ba bdun zhes bya ba yang/ /sngags pa'i byang chub sems dpa' yin/ /sngags dang sman la sogs pa yi/ /stobs kyis lus sems las rung ba'i/ /sha dang thod pa la sogs pa/ /bsten cing zos pas dngos grub thob/ /de bas sngags mthu'i yon tan ni/ /sa dang pha rol phyin pa la/ /skye ba bdun pa 'ong srid kyang/ /de lta 'ong ba shin tu dkon/ /skye ba bdun pa zhes bya'i gnas/ /phal cher dur khrod chen po yi/ /mkha' 'gro ma yi gnas su skye/ /rig 'dzin sa zhes bya ba yang/ /gcig ni de la bya ba yin/ /rig 'dzin sa la gsum yod de/ /dur khrod rig 'dzims dang ni/ /bar snang lha gnas sa rten dang/ /mkha' spyod 'og min stug po'i sa/ /gnas ni de gsum yin par gsungs/ /skye ba bdun pa'i gang zag ni/ /mi yul gnas ni khyad par can/ /sngags spyod pa yi gnas dag tu/ /'ga' tsam 'byung ba dag kyang yod/ /skye ba gcig la sogs gzhan pa/ /de rnams gnas kyang de bzhin no/ /skye ba bdun pa'i gang zag ni/ /dad dang snying rje la sogs ldan/ /pha rol phyin bcu'i chos la spyad/ /mthun 'jug spyod pa kun la mkhas/ /bzo dang rig pa'i gnas la mkhas/ /lta ba ma nor gdeng du gyur/ /spyod pa la dor thabs la mkhas/ /man ngag thob pa tsam gyis ni/ /the tshom med par 'jug par byed/ man ngag bsgoms ma thag tu ni/ /ting 'dzin skyes 'gyur rang bzhin gyis/ /khams dang dus dang bye brag shes/ /rgyud lung mtshan gyi man ngag la/ /thos pa tsam gyis dbu zhabs kyi/ /man ngag rnams ni khong du chud/ /bshad pa'i rgyud dang 'grel ba dang/ /mngon par rtogs pa'i rim pa rnams/ /ma thob pa du shes par 'gyur/ /dper na shing mdzer bsal ba tsam/ /rgyud lung man ngag mdo sde yi/ /mkhas pa la ni brten nas su/ /thams cad don rnams khong chud pas/ /skabs phyed shin tu spyi don rgyas/ /dka' 'grel mngon rdzogs rim pa ni/ /rtsom nus don

  45. 23a

    la shin tu mkhas/ /mig ni yun ring mi 'dzum zhing/ ?yi dam lha bsgom dus su ni/ /skye ba bdun pa'i grib mdzad?/ /skye ba gnyis la grib ma gnyis/ /gsum la gsum bzhi la bzhi lnga la lnga/ /drug la sogs pa gzhan po la/ /grib ma'i rtags kyang de bzhin ?? bsgom pa'i stobs kyis khyad par ni/ /zhag bdun pa gcig zla bdun du/ /mkha' 'gro mas ni lung ston cing/ /chos bshad rtags rnams ston par mdzad/ /chos ston pa yi mdzad spyod kyang/ /dngos su sprul nas ston pa dang/ /yang srul sum sprul la sogs su/ /sprul nas ston par yang? na ni/ /sku ni mi snang sgra yis su/ /nam mkha' las su ston pa dang/ /yang na phyag mtshan la sogs pa/ /sgra byung nas ni ston pa dang/ /yang na rmi lam mtshan mas su/ /dus bzhi dus gsum dus gcig tu/ /yang nas yang du ston pa'o/ /ma thos pa yi man ngag rnams/ /ston par byed na skye bdun? sogs/ /sngags kyi dngos grub thob pa yi/ rnal 'byor rig 'dzin byang chub sems/ /yang na dang po skyes nas ni/ /theg chen chos la mos nas kyang/ /man ngag bsgoms la shin tu dga' / /slob dpon la ni man ngag gi /rna brgyud cig tsam thos nas su/ bsgoms pas dngos grub thob par 'gyur/ /de nas gong bzhin byung nas su/ /gzhal yang ni ston par nus/ /yang na skye bdun gang zag de/ /skyes ma thag tu yi dam lhas/ /rmi lam la ni chos bstan nas/ /man ngag de bsgoms dngos grub ni/ phra mo dag gis thob nas kyang/ /gzhan la chos ni ston par nus/ /de nas rim gyis? gzhan yang 'byung/ /yang na skye bdun gang zag de rkyen ni gnyis ba 'dzom pa las/ /bsgom pa la ni dga' bar 'gyur/ /sngon gyi bsgom pa'i stobs kyis su/ /'bad rtsol dag po ma byas par/ /thun cig la ni bsgom pa rnyed/ /de nas rim gyis bsgoms pas su/ /zhag bdun nas ni lung ston 'byung/ /de nas rim gsum gang ma bzhin/ /de nas mngon shes drug ldan nas/ /phyag rgya'i dngos grub thob par 'gyur/ /sngags pa'i rnal 'byor thams cad kun/ /skye ba 'di la phyag rgya thob/ /de ltar ma gyur rnal 'byor pa/ /gong ma bzhin du skye bdun du/ /len pa'i rtags ni gong bzhin

  46. 23b

    'byung/ /skye ba 'di thob tshul rnams kyang/ /theb chen snod du rung ba las/ /dbang bskur man ngag thob pa yis/ /dam tshig ma nyams bshags la brtson/ /bskyed rim brtan par gyur pa yis/ /lus kyi rnam rtog bzlog nas kyang/ /rdo rje bzlas la brtan par bya/ rdo rje bzlas la brtan nas kyang/ /ngag gi rnam rtog bzlog nas ni/ /sems dben pa ni brtan par bya/ /sems kyi 'khrul rtog bzlog nas kyang/ /sgyu ma'i ting 'dzin la gnas nas/ /'od gsal la ni 'jug par bya/ /de nas spros med man ngag las/ /lhun gyis grub 'gyur phyag rgya'i mchog /yang na bskyed rim la brtan nas/ /che la ??? 'dzin bsgrub/ /tshe la dbang pa'i rig 'dzin gyis/ /rtogs pa'i man ngag brtsom par bya/ /nges su phyag rgya'i dngos grub 'thob/ /yang na bskyed rim brten pa yis/ /rdzogs rim man ngag gang bsgoms kyang/ /zla ba drug gis phyag rgya 'thob/ /rdzogs rim bskyed pa la brten nas/ /dal? ?? rdzogs pa yis/ /phyag? ?dngos su ? par gsungs/ /de ?slob dpon chen po'i gzhung/ spyir na lta ba gdeng gyur gtso/ /lan cig bzlog pa'i tshul du ni/ /byas na the tsom mi skye zhing/ ldog par mi 'gyur 'byung bos kyang/ tshugs par mi 'gyur 'bras bu 'byung/ /de lta ?? rnal 'byor pas/ /man ngag nyams su lon par bya/ man ngag bsgoms pa'i stobs kyis su/ /mkha' 'gro ma yi lung ston pas/ /lung ston pa yi dus su ni/ /lta ba man ngag zab mo ni/ bstan pa bsgoms pas phyag rgya 'thob/ /yang na rnal 'byor rim pa ni/ blo yi rab 'bring khyad par ni/ /bag chags rkyen la sogs pa yis/ /rab 'bring dgu dang gsum dang ni/ /dbye bar bya ba'i don shes bya/ /rgyu rkyen tshogs pa'i rnal 'byor ni/ /skye ba 'di la lung ston pas/ /phyag rgya'i dngos grub thob par 'gyur/ rkyen ni rab tu ma gyur pa/ /rab kyi 'bring sogs ldan pas ni/ /bar ma dol lung ston 'gyur/ /rab kyi tha ma ldan pa ni/ skye ba phyi ma lung ston 'bring? gis sum? por gis ldan yang/ gnyis dang gsum dang bzhi ru sbyar/ /tha ma'i rigs ldan gsum po yang/ /lnga dang drug dang bdun du sbyar/ /yang na rkyen sogs ldan 'gyur yang/ /rgyu la sogs pa'i nus pa rnams//

  47. 24a

    drag zhan gyi ni nus pa yis/ /rkyen gyi tshul bzhin sbyor zhes bya'o/ /rgyu rkyen gnyi ga 'bring sogs kyi/ /rim pa dang ni ldan pa rnams/ /gong ma gnyis dang mi mthun pas/ /gsum dang bdun du sbyor shes bya'o/ /gnyis ka gzhan par gyur pa ni/ /gsang sngags gnod du mi rung bas/ /dbang bskur mi bya 'jug pa tsam/ dge ba'i sa bon chung 'gyur yang/ /smon lam btab pa'i dang ldan te/ /gsang sngags la ni mos 'gyur nas/ /yang dang yang du gsol 'debs la/ /phyi yi dbang bskur tsam byas la/ /mi zab dbyings kyi man ngag bstan/ de la bstan pa'i gang zag la/ /lhag pa rnams ni rim gyis bstan/ /yang na rnal 'byor rim pa ni/ /yi dam lha sogs so so ru/ /so sor bag chags bzhag pa dang/ /mos pa la sogs rim pa yis/ /the tshom la sogs med mod kyi/ /dngos grub 'grub par ma gyur na/ /sgyu? ma lta bu'i 'du shes kyis/ /tha mi dad par bsgoms nas kyang/ man ngag yang yang spos kyang ni/ /'gal ba med de dngos grub 'grub/ /de ltar byas kyang ma byung na/ /sgrib pa shin tu che gsung bas/ /sbyin sreg tshogs 'khor bzlas brjod dang/ gtor ma la sogs cho ga yis/ /bdun nas stong gi par du ni/ /mkhas pas ci nus rgyud brtags la/ /cho gas sdig pa byang bar gsungs/ /dper na/ lus kun la ni gnod pa yi/ /tsher ma'i phung pos lam rnams 'gags/ /me yi sbyor ba mkhas pa yis/ /bsregs pas thams cad med par byed/ /de nas lam ni bskyed nas ni/ /gang du phyin par 'gro bar byed/ /de bzhin sngags sogs mthu rnams kyis/ /sgrib pa la sogs bcom nas kyang/ /ting nge 'dzin gyi lam bskyed nas/ /dngos grub kyang ni thob par 'gyur/ /dngos grub khyad par ma thob na/ /phra mo la sogs thob par 'gyur// mtshan ma'i lung ston phra mo 'byung/ gal te de ltar ma gyur par/ /che dbang ma thob rnal 'byor pas/ /sgrib pa rnams ni byang gyur nas/ /skye ba phyi ma la sogs su/ /dngos grub kyang ni thob par 'gyur/ /yang na sngags kyi mthu yis ni/ /sdig sgrib rtsad

  48. 24b

    nas mchod kyang/ /che long rags pa mgo bcom nas/ /gzhan dag mi skye mgo gnon cing/ /dam tshig ma nyams bshags la brtson/ /smon lam dge ba bsngo legs pas/ /skye ba 'di rjes gzhan dag tu/ /dus dang gnas dang slob dpon dang/ /rigs dang phyag rgya man ngag sogs/ /skyes ma thag tu rnyed par 'gyur/ /de ru dam tshig ldan sogs pas/ /rim gyis skye bdun brgyud nas su/ /'bad rtsol drag po ma byas par/ /sangs rgyas sa la 'gro bar gsungs/ /de sogs lung bstan sbyor ba rnams/ /mkha' 'gro ma yi lung ston du/ /rnal 'byor mkhas pas shes par bya'o/ /'dir ni blo dman don ched du/ /cung zad bsdus te bstan pa yin/ /mkha' 'gro ma yis lung bstan yang/ /'jig rten pa dang 'jig rten 'das/ /'jig rten 'das la gnyis yod de/ /sa gnas rig 'dzin mkha' 'gro dang/ /bde gshegs byin brlabs mkha' 'gro'o/ /mkha' 'gro de dag gnyis ka yang/ /mdzes pa'i gzugs dang mi mdzes pa'i/ /gzugs dang sna tshogs sprul nas ston/ /de la 'jigs dang mi 'jigs dang/ /de dang dogs pa'i sems spangs te/ /phyag rgya brda la sogs pa yi/ /ston pa'i dus su lan rnams ni/ /ston par shes par ma nus na/ /dngos grub med de nyams par 'khyur/ /de bas nan tan cher bskyed de/ /man ngag thos pa che ba gces/ /thos pa che bar ma gyur kyang/ /gang bsgrub rgyud skor la sogs la/ /slob dpon la ni yang nas yang/ /the tshom chod par mnyan par bya/ /rgyud rnams bros par mi nus pas/ /bsgrub pa'i chas rkyen bcu bdun po/ /shes par de ni ma byas na/ /dngos grub 'grub par mi 'gyur ro/ /slob dpon bla ma la brten pas/ /ma tshang yang ni 'grub par gsung/ /'jig rten pa la gnyis yod de/ /rgyal bas bka' la btags pa yi/ /sangs rgyas bstan pa bsrung ba dang/ /bdud ni nag po la sogs pa/ /dam la ma thogs par chod mkhan/ /de ltar gnyis su ma shos na/ /dngos grub thob kyang slar la 'chor/ /da gnyis gzugs dang rtags sogs kyang/ /gong ma bzhin du ston pas na/ /de yi rim pa 'ang gong

  49. 25a

    bzhin bya/ /de yang brtag pa'i cho ga yang/ /zhag gsum zhag bdun rtsa gcig tu/ /re dogs la sogs thams cad kun/ /spangs nas rnal 'byor ting 'dzin la/ /nan tan du ni brtson 'grus bya/ /tshogs 'khor la sogs yang dang yang/ /byed pa'i dus su rdo rje glu// byed cing phyag rgya sogs ston pas/ /ting 'dzin phyag rgya gsal ba dang/ /mtshan ma la sogs gsal 'bar zhing/ /gzugs dang sgra dang dri la sogs/ /thams cad brtan zhing mi 'gyur pa/ /lha yi mtshan mar shes par bya/ /de las bzlog pa thams cad kun/ /bdud kyi rtags ? ? ? /de la sogs pa mdza' yas mchog /mkha' 'gro'i lung tu bstan pas na/ /'dir ni bsgrub pa'i don du bsdus/ /bsgrub pa'i cha rkyen man ngag rnams/ /bsgrub pa nyams su len pa la/ /bstan cing spel na bsod nams 'phel/ /nyams su mi len ser sna can ? ?/ grog la sogs pa/ /bla ma la ni 'bul mi nus/ /de la man ngag bstan mi bya/ /de la man ngag bstan pa na/ /dngos grub nyams te sdig pa 'phel/ /dam tshig nyams te mkha' 'gros gsong/ /cha brgyan la sogs bcu bdun po/ /ston ba phyag na rdo rje yis// ? ? dpal phyag na rdo rje la/ /rna ba brgyud pa'i man ngag ni/ /rdo rje mkha' 'gro ma la bstan/ /des ni ro langs ma la bsnyam/ gnod sbyin phyag na rdo rje dang/ /slob dpon phyag na rdo rje la/ /brgyud pa'i man ngag rim pa rnams/ /nan tan gyi ni bca' bar bya/ /de la btsa' ba ma shes na// dper na yid bzhin nor bu ni/ /klu rgyal gtsug nas rnyed nas ni/ /'dam rdzab nang du stor pa bzhin/ /de bzhin man ngag rin chen 'di/ lus ngag yid gsum dka' pa yi/ /sgo nas slob dpon la btsal nas/ /dam med rmongs pa'i lag shor na/ /dngos grub mi thob nyams par 'gyur/ /de bas nan tan bskyed de btsa'/ /lung bstan pa'i sbyor ka ste nyi shu brgyad pa'o// //bcom ldan 'das rdo rje 'dzin pa la phyag 'tshal lo/ /de nas sems can rtsod ldan gyi/ /dus su rnal 'byor sgrub pa pos/ /dam tshig nyams pa mang 'byung bas

  50. 25b

    yo byad rdzas chur sgrub pa pos/ /nyams pa 'phel du mi gzhug phyir/ /maN+Dal tshogs bskang ba ni/ /dang po rnal 'byor 'gyod sems kyis/ /shin tu gus pas maN+Dal bca' / /maN+Dal bca' ba'i thabs bstan ba/ /sa gzhi shin tu mnyen pa la/ /skyon spangs yon tan ldan pa yi/ / maN+Dal lnga ni bca' bya ste/ /dang po maN+Dal dkar po bca' / /gnyis pa sngon po dag tu bya/ /gsum pa mthing ka dag tu bya/ /bzhi pa ser po dag tu bya/ /lnga pa dmar po dag tu bya/ /dkar rtsi dang ni ba bla dang/ /yang na tsang sngon me tog gi/ gnyis pa dang ni gsum pa ni/ /mtshal la sogs pa'i rigs dang ni/ /gur kum la sogs dag pa dang/ /sbyar ba'i nag po rigs dag gis/ /kha dog bsgyur bar bstan pa yin/ /yang na thams cad dkar dang sngo/ /de gnyis gcig gis bya ba yin/ /bsdus rgyas mkhas pas shes par bya/ /ba yi rnam pa lnga dang ni/ /bdud rtsi rnam pa ? ?/ /dngos grub can gyi snod du bzhag /rin chen bum pa la sogs kyi/ /skyon spangs yon tan ldan pa yi/ /snod du thun mong khyad par rdzas/ /tsan dan med du mi rung ngo/ /kha rgyan 'bras bu can gyi bya/ /dang por bdag nyid rnal 'byor pas/ /tha mal 'du shes sdangs nas ni/ /lha yi nga rgyal ldan pa yis/ /dang po bum pa byin gyis brlab/ /bdud rtsi 'khyil pa'i sngags kyis gdab/ /oM a mri ta kun Da li hUM/ /nyi shu rtsa gcig bdun du gdab/ /gong gi bkra shis snod kyi rdzas/ /bdud rtsi 'khyil bas btab nas kyang/ dang po bum pa'i chus su bsang?/ /bdud rtsi 'khyil pa'i sngags kyang bzlas/ /thugs ka'i a las zla ba yi/ /dkyil 'khor chen po nyid du bsam/ /oM a tsan+d+ra maN+Da la hUM/ /bdun dang lnga dang gsum du bzlas/ /tsandan las gyi bum pa bsam/ /yi ge du 'phros tsandan phog /de las ma 'phros pas maN+Dal/ ?? /oM d+hu ba spha ra Na hUM/ zhes pa lan bdun bzlas so/ /me tog lnga dang gnyis gcig la/ /kha dog mtshan nyid shes byas la/ /yi ge paM las pad+ma ni/ /stong ldan brgyad ldan dag tu ni/ /gyur par bsams nas sngags bzlas dgram/ /oM paM pad+ma maN+Dal hUM/ zhes gong ma bzhin

  51. 26a

    du brjod par bya'o/ /de steng b+h+ruM las gzhal yas khang/ /lnga dang gnyis dang gcig tu bya/ /de nas thams cad kun la yang/ /gsum du bya bar 'dod pa'ang yod/ /zla ba pad+ma gzhal yas khang/ /gsum dang gnyis dang gcig tu yang/ /rnal 'byor bsdus dang rgyas pa ni/ nyams pa che chung go rims so/ /de nas rnal 'byor bdag nyid dang/ /dam tshig nyams pa'i rnal 'byor kun/ /khrus byas gos ni bzang po gon/ /rgyan cha la sogs mdzes par bya/ /shar ram nub tu kha bltas te/ /so so lha yi ting 'dzin bskyed/ /rdo rje dril bu byin gyis brlab/ /rdo rje dril bus bskul nas byang/ /tshigs bcad dag gis gsol ba btab/ /sngags kyi rgyal po mdza' la gdags/ /thugs ka'i zla ba'i dkyil 'khor du/ /yi ge bzhi 'phros lha mor gyur/ /bla ma yi dam lha dang ni/ /gsang sngags bdag po dkyil 'khor lha dkon mchog gsum sogs spyan drangs nas/ /bla ma sbyangs nas mi bskyod 'gyur/ /mchod yon mchod sogs rgyas par dbul/ /de yi sngon du phyag rnams bya/ /gzhan yang mchod pa sna tshogs kyis/ /mchod nas bstod pa rgyas par bya'o/ /de nas sngags bzlas 'od zer gyis/ /lha rnams la ni phog nas su/ /'od zer bskul nas tshur la 'dus/ /nyams pa'i lus la phog nas su/ /ba spu'i khung zhugs sdig pa bsdus/ /snying khar yi ge kaM ngam ni/ /'od nag tu ni gyur par bsam/ /srog go 'dus kyi sna nas byung/ /lha dang bdag gi bar du ni/ /pad+ma nag po'i gdan bsams la/ /sdig pa'i gzugs de de ru bzhag /de nas yi dam lha yi sngags/ /bzlas pa'i 'od zer 'khrul 'khor gyis/ /sdig pa rnams ni sbyang bar bya/ /yang na/ sdig pa de nyid sbyangs na kyang/ lus kyi lhag ma sbyang ba 'am/ /de nas yi ge brgya pa yis/ /man ngag bzhin du bsgoms nas kyang/ /snga ma bzhin du sbyang bar bya/ /yang na/ yi ge brgya pa gcig pus bya/ /yi ge brgya pa 'bum dang ni/ /rang gi snying po 'bum gyis ni/ /rtsa ba nyams pa chen po skongs/ /sum cha phri bas gnyis pa skongs/ /phyed? gyi

  52. 26b

    bas ni gsum pa bskangs/ /sum gnyis phri bas bzhi pa skangs/ /sum cha'i sum cha phri bas ni/ /lnga pa skongs te drug pa ni/ /sum gnyis phri bas skongs pa'o/ /de yi phyed phyed phri bas ni/ /tha ma gsum gyis go rim sbyor/ /yan lag brgyad dang brgya phyed dang/ /nyi shu rtsa gcig dag gis so/ /che chung rim pa dag gis ni/ /tha ma me 'am chu yis ni/ /sbyin sreg dag gis sbyin par bya/ /gsang sngags bdag gam bdud rtsi 'khyil/ /rta mgrin bum pa gong bzhin bcas/ /byin rlabs la sogs byas nas ni/ /tha ma dag par bkru ba'o/ /sbyin sreg khrus dang ldan pa 'am/ /yang na maN+Dal bzlas pa yis/ /tshig gcig pus byed yang bya/ /dam tshig nyams pa bskang pa yi/ /sbyor ka 'di la brtson par bya'o/ /dam tshig nyams pa bskang pa'i sbyor ka ste nyi shu dgu pa'o// //bcom ldan 'das rdo rje 'dzin la phyag 'tshal lo/ /dbang gi rim pa bstan pa ni/ /bum pa gsang ba ye shes dang/ /bzhi par bstan pa de rnams la/ /gnas ni yid 'ong la sogs su/ /dus la sogs pa mjom pa dang/ /slob dpon slob ma mtshan nyid ldan/ /sngon gyi gleng gzhi rjes mthun par/ /dkyil 'khor byas nas slob ma gzhug /dbang bskur rim pa mnod bar/ /rnam grangs rnams ni shes par bya/ /bskur thabs man ngag shes byas la/ /bskur ba'i gnas kyang mnor brtag /de ltar byas pas sgrib par byang/ /sa yang rim gyis non par 'gyur/ /de phyir man ngag bstan par bya/ /rtags la sogs pa'ang shes par bya/ /brda' mi shes na sngags pa min/ /las dang po yis rdzas la brten/ /dgos pa shes na the tshom med/ /nus pa mthu dang ldan pas ni/ /'bras bu khyad par thob par 'gyur/ /de dag spyi dang khyad par ni/ /cho ga man ngag rgyas pa rnams/ /rgyud 'grel kun na gsal bas na/ /'di ru bdag gis mdo tsam bsdus/ /bum pa'i dbang ni rnam bzhi ste/ /phyi dang nang dang gsang ba dang/ /mthar thug pa ru shes par bya/ /phyi ni phyi rgyud dag dang mthun/ /nang ni nang rgyud dag dang mthun/ /yang na gnyis ka phyi

  53. 27a

    ru bstan/ /nang gi slob dpon lus la bzhag /gsang ba yul ni nyid la sbyar/ /mthar thug slob ma mgo bo ru/ /dga' ba bskyed ba'am rdo rje'i rtsa/ /de rnams man ngag rgyas bshad ba/ /las kyi phreng bar shes par bya/ /gsang ba dbang la bzhi ru bstan// phyi ni bdud rtsi byin rlabs sbyin/ /yang na mtshan ldan phab nas ni/ /srin mtheb dag gis sbyin par bya/ /nang gi gsang ba pho brang nas/ /lag pa'i phyag rgya gzung nas sbyin/ /gsang ba yum gyi mkha' nas blang/ /mthar thug gsang ba'i pho brang du/ /mchog dga' skyes par shes par bya/ /shes rab ye shes la yang bzhi/ /phyi ni las ni phyag rgya ma/ /nang ni 'od kyi rig ma yin/ /gsang ba bya gdong mal bya/ mthar thug dregs 'dzin gtum mo yin/ /mthar thug la ni gnyis su bstan/ /rtan bcas dang ni rten med do/ /rten med la yang gnyis su bstan/ /spros bcas dang ni spros med do/ /dbang gi man ngag rgyas bshad ba/ /slob dpon zhal gyi man ngag dang/ /las kyi phreng bar shes bar bya/ /brda' yi cho ga mdo tsam bstan/ /ka la sha a b+hi She ka zhes pa ni/ /bum pa'i dag brda' lus kyi brda'/ /lag ba'i sor mo bskongs nas ni/ /rtse mo bsdus pa'i bum pa'i tshul/ /gu hya a b+hi She ka zhes pa/ /gsang pa'i ngag brda lus kyi brda'/ /sdom pos khro mo gnon pa ni/ /lag pa 'drin shes par bya/ /pra dz+nyA dz+nyA na gu hya a b+hi She ka zhes pa ni/ /shes rab ye shes ngag gi brda'/ /lus kyi brda' ni lha sbyin brda'/ /yang na khyad par dga' ba mtshon/ /pra dz+nyA dz+nyA na gu hya a b+hi She ka zhes pa ni/ /bzhi pa'i ngag brda lus kyi brda'/ /lhan cig dga' ba skyes sa ru/ /mthe bo bcug nas mtshon par bya'o/ /de ltar brda rnams ma shes na/ /mkha' 'gro dngos grub ster ba na/ /brda rnams dris nas ster bar byed/ /brda rnams mi shes slar la 'tshor/ /yang na brda rnams gzhan po yang/ /me shes na ni mkha' 'gros gsong/ /brda la sogs pa ma shes na/ /gsang sngags sbyod pa'i dus dang ni/ /'byung po nyams sod gsal ba dang//

  54. 27b

    mu? stegs shan 'dres 'byung ba dang/ /phyag dang phyag gi lan dus su/ /brda mi shes na sngags pa min/ /dbang bskur ba yi rim pa yang/ /chags lam grol lam gnyis shes bya'o/ /dbang bskur med na 'bras bu med/ /de bas dbang bskur nan tan bya/ /dbang gi sbyor ka ste sum cu pa'o// //bcom ldan 'das rdo rje 'dzin la phyag 'tshal lo/ /dam tshig rnams ni cung zhig bstan/ /dang po spyod pa'i dam tshig ni/ /chags lam spyod lam grol lam spyod/ /de ltar gnyis ka spyod pa la/ /dang po mchog dang rab mchog go /de la yang ni phyi nang ngo/ /dang po phyi yi spyod dus su/ /yul dang dus kyi gnas skabs kyis/ /zhi bas 'dul dang drag pos 'dul/ /mthun 'jug spyod pa mkhas shing zab/ /zas dang gos sogs thams cad kyang/ /rang dang gzhan ni gnyis ka la/ /phan sems spyod pas 'jug bya'o// phan sems med pa nyon mongs can/ /bdag gzhan lha dang snying rje spangs/ /'gro don mchod pa spangs pas na/ /dam tshig nyams te ngan 'gror ltung/ /ngan spyod dus ni bstan pa ni/ /bdud rtsi lnga la sogs pa la/ /chags pa'i lam pas 'jug par bya/ /? ba'i lam pas byin gyis brlabs/ /de ltar byin brlabs bdud rtsi blta/ /thams cad lha bsgoms mchod byas na/ /bsod nams chen po thob bar 'gyur/ /khyi phag spyod pa bzhin byas na/ /dam tshig nyams te yi dags sa/ /chang ni bdud rtsi chen po ste/ /btung bar bya ba kho na yin/ /zhes rgyud las gsungs pa ste/ /mtshan dang ldan pa'i snod mchog tu/ /rul sogs skyon rnams spangs pa yi/ /bdud rtsi ro ldan snod bkang ste/ /bdag nyid lha yi rnal 'byor bya/ /a las ka pA la ni bskyed/ /zla ba dang ni de yis bskyed/ /ha sa ni gzugs sogs rnam rtog sbyangs/ /h+ri(rgyud 'grel): sa ni ro sogs rnam rtog sbyangs/ /ho(rgyud 'grel): sa ni bdud rtsi chen por bzhu/ /mthe bong hUM las gzhi'i tshul/ /srin mtheb sum las ri rab tshul/ /bar na maM 'phros bdud rtsi bkug /bdag gzhan lha ni mchod byas pas//

  55. 28a

    bsod nams chen po thob par 'gyur/ /de ltar ma byas glang chen bzhin/ /chags shing brkams sogs myos 'thur na/ /skye ba lnga brgyar smyon par skye/ /byin gyis brlabs pa'i rim pa yang/ /yang rigs lnga yi sbyor sogs bya/ /yang na mA ma kI yis sbyang// yang na bdud rtsi 'khyil sogs bya/ /mtshan ldan snod du chos 'byung dang/ /zla ba la sogs bsam byas la/ /mchod par bya ba'am yang na bdun/ /spyi gtsug bla ma bzhag byas la/ /sku gsung thugs ni gnas gsum bzhag /de nas 'thor zhing mchod pa yis/ /phyag rgya sngags kyis dbul bar bya/ /so so'i rtsa ba'i sngags la a mri ta kuN Da li zhes pa'am/ /a mri ta khA hi zhes ba gang yang rung/ /gsum gsum kun la dbul bar bya/ /de nas rang snying lta gsal la/ /ci ran gnod pa med tsam btung/ /nad la gnod par gyur kyang ni/ /thigs pa gsum ni dam tshig go /grol bas kyang ni mchod pa yi/ /dus su btung bar bya phyir ni/ /yul dus gnas skabs sbyar te btung/ /btung ba la sogs gzhan po yang/ /bdud rtsi ma byas 'thur byed pa/ /yi dags gnas su skye bar 'gyur/ / gsang ba'i spyod pa'i dus su ni/ /phyag rgya ma ni bsten ba yang/ /rnal 'byor chags pa'i lam pas ni/ /rtags ldan mtshan nyid la sogs ldan/ /de ltar bsten pa'i gnas skabs ni/ /dbang bskur rnam gnyis dus dang ni/ /mchod pa'i dus dang ting 'dzin ni/ / ye shes skye pa sogs 'byung phyir/ /dam tshig tu ni bstan pa yin/ /yang na bskyed rim bstan pa dang/ /rlung rnams las su rung 'gyur na/ /phyag rgya'i dngos grub myur 'dod phyir/ /phyag rgya la ni brten par bya/ /rnal 'byor grol ba'i lam pas ni/ /yid kyi lha mo gzugs mdzes ma/ /mchod pa'i dus su dam tshig go /de nas mkha' 'gro lung ston dus/ /dngos grub myur du thob 'dod na/ /mkha' 'gro'i man ngag la brten no/ /de ltar go rims ma shes na/ /dam tshig nyams te srin bur skye/ /sangs rgyas bstan pa 'jigs pa

  56. 28b

    la/ 'khrul 'khor sbyor ba shes bzhin du/ /mi rtsom pa ni dam tshig nyams/ /mi shes gnod pa mi byed la/ /byed na yang ni dam tshig nyams/ /de sogs sbyor ba gzhan po yang/ /man ngag gis ni shes par bya/ /mchog gi spyod pa'i dus su ni/ /brtul zhugs smon pa lkugs pa dang/ /gcer bu la sogs dus skabs sbyar/ /de ltar ma shes dam tshig nyams/ /rab mchog gi ni dus dag tu/ /don dam rang bzhin med pa 'am/ /sgyu ma'i ting 'dzin la brten nas/ /rdzogs pa'i ting 'dzin dus su ni/ /spyod pa la sogs byed pa ni/ /dam tshig nyams te thogs? chung ngo/ /mthun 'jug spyod pa 'gal ba med/ /lta ba'i dam tshig bstan pa ni/ /chos rnams sems kyi 'khrul pa ste/ sems las ma gtogs chos rnams med/ /chos su snang ba 'khrul ba'i sems/ /sems nyid de yang skye med phyir/ /yod med mdza' las 'das pa'o/ /bsam du med cing brjod du med/ /dper na nam mkha' ji bzhin no/ /lta spyod kyi dam tshig gi sbyor ka steng? sum cu gcig pa'o// //bcom ldan 'das rdo rje 'dzin la phyag 'tshal lo/ /rab gnas cho ga bstan pa bya/ /sku gzugs la sogs kun la ni/ /rab tu gnas pa ma byas na/ /mu stegs lha rten bcas dang 'dra'o/ /rigs dang na tshod med pa'i mi/ /thams cad kun gyis bkur mi byed/ /de bzhin 'dir yang sku sogs la/ phyag la sogs pa byas gyur kyang/ bsod nams chen po thob mi 'gyur bsod nams chen po thob 'dod na/ rab gnas byas pas thob par 'gyur/ /de bas rab gnas bya ba gces/ /slob dpon mtshan nyid ldan pa yi/ /sngon du bsnyen pa bya ba ni/ /so so rang rang bsnyen pa bya/ /de ltar mi 'grub rnal 'byor pas/ /shAka thub bsnyen pa kun gyi ma/ rdo rje 'dzin pa'i bsnyen pa yis/ /gsang sngags thun mong bstan pa yi/ /bsnyen pa rnam gsum rdzogs byas la/ /de nas sa chog la sogs pa/ /gzhan dang mthun par rgyas par bya/ /maN+Dal byi dor legs byas la/ /rgyan dang rol mo la sogs dgram//

  57. 29a

    lha yi sta gon rdzogs byas la/ /de nas bum pa'i sta gon bya/ /maN+Dal me tog bcal bkram la/ /bdag nyid lha ru bsgoms nas su/ /yungs kar nim pa lag gnyis kyis/ /blangs nas gsum gsum mer bstab bya/ /oM sarba pA paM de? ha na badzrA ya/ sarba pA paM da ha na badzra swAhA/ /chu snyim pa bkang pa lan gsum blugs/ /bla mas zan chu bsre snod thogs/ /lan gsum byabs te mer bcas rnams/ /phyi rol dag tu bskyal bar bya/ /nam mkha' lha bkang spos thogs nas/ /dkyil 'khor lha la gsol ba gdab/ /rig sngags rgyal la phyag 'tshal lo/ /zhes tshigs bcad la sogs bsgrags par bya'o/ /de nas maN+Dal steng du ni/ /sku gdung la sogs bzhag byas la/ /slob dpon nub tu gnas nas ni/ /oM hUM baM a zhes brjod pas/ /ba yi rnam lnga gang yin pa/ /de ni mar chu sbyar ba dang/ /dri zhim tsandan chu nyid dang/ /'dag chal shing shun chu gsum ni/ /byin brlabs dur bas rim bzhin bsku/ /u dum ba ra b+ha ra tra dang/ /tsa ba le ke na dang ni/ /a shwad byang chub shing gang rnyed/ /zhib btags chur sbyar snod g.yas bzhag/ de nas khrus rnams rim par bya/ /de la sogs pa'i cho ga yis/ /sku gzugs sta gon gnas par bya/ /de nas dkyil 'khor bsgrub par bya/ /de rjes rab gnas brtsam par bya/ /sku rnams so so'i sa bon las/ /cho ga gsum sogs gang 'dod bskyed/ /ye shes lha yang so sor bstim/ /sku gdung bstan par bskyed cing bstim/ /glegs bam so so'i snying po 'am/ /yang na A li kA li 'am/ /so so'i dkyil 'khor dag kyang rung/ /lha khang la sogs kun la yang/ /so so'i dkyil 'khor gang 'dod bya/ /yang na/ yi ge b+h+ruM ni rten yin la/ /de la brten pa gang 'dod pa'o/ /rdo rje dril bu dag la ni/ /hUM dang a yis sa bon las/ /d+harma a badzra hUM zhes/ /sngags kyis bskyed pa byas nas ni/ /phyag mtshan lha ni gang 'dod bstim/ /phyag mtshan la sogs gzhan la yang/ /phyag mtshan snying po lha gsum dang/ /sgrub pa po yi

  58. 29b

    las dang sbyar/ /phreng ba la yang de bzhin no/ /mtshan ldan yi ge a yin no/ /rgyan dang rgyan cha la sogs pa/ /byin gyis brlab pa tsam ni bya/ /de dag thams cad kun la yang/ /bskyed dang bstim pa byas nas ni/ /de nas byin brlabs dbang bskur bya/ /de nas mchod lnga dbul par bya/ /de 'og lA sya la sogs brgyad/ /mchod pa nyi shu po yang bya/ /gos dang rgyal mtshan la sogs pa/ /rin chen bkra shis sgra dang ni/ /rol mo la sogs cho ga rnams/ /rgyas par phul nas bstod pa bya/ /de nas bzlas brjod ci ran bya/ /spyan 'byed sngags la sogs pa ni/ /klog phreng rgyud du shes par bya/ /yang na phyag mtshan la sogs kyi/ /cho ga bsdus par shes par bya/ /shin tu bsdus pa'i cho ga sogs/ /byin gyi brlabs la sogs pa tsam/ /de ltar rab gnas zin nas ni/ /bla ma mkhas pa de la ni/ /ci bod g.yon rnams dbul bar bya/ /des ni bsod nams chen po thob/ /ji ltar phongs par gyur yang ni/ /mchod pa'i yo byad rnams ni dbul/ /ser sna can ni dbul mi nus/ /des ni sdig 'phel bsod nams med/ /rab gnas bzang po zin nas ni/ /rang gnas bzang por gshegs su gsol/ rab tu gnas pa'i sbyor ka ste sum cu gnyis pa'o// //bcom ldan 'das rdo rje 'dzin la phyag 'tshal lo/ /'chi ba blu ba'i man ngag ni/ /'chi rtags rnam par bstan pa dang/ /'chi blu cho ga rgyas pa rnams/ /'chi blu chen por shes par bya/ /'dir ni bsgrub pa don du ni/ /gos sngon 'chi ba blu ba mchog/ /man ngag cung zhig bkol nas bstan/ /spyir ni 'chi ba blu ba la/ /dge ba'i phyogs ni mdza' yas mchog /gang byas kyang ni zlogs par 'gyur/ /gos sngon 'chi blu'i rim pa yang/ /nad pa sems ni dag pa yis// gos sngon na rgyud man ngag can/ /mkhas pa de ni spyan drangs la/ /gnas khang dgon par maN+Dal bya/ /maN+Dal byas pa'i 'og tu ni/ /rgyan rnams ma lus dgram par bya/ /nad pa la ni chos bshad la/ /dang po sems ni dag par bya/ /sgyu ma lta bu'i sems

  59. 30a

    kyis ni/ /nor rnams ma lus thams cad dang/ /rang lus srog dang bcas pa dbul/ /de ltar dbul ba de la ni/ /dang po dbang bskur rdzogs pa la/ /de nas man ngag gzhan sogs bya/ /de ltar byas 'og sos 'gyur la/ /rang 'tsho rdzas tsam slar la sbyin/ /nor rdzas srog rnams dbul mi nus/ /ser sna can ni bzlog par dka' / /de ltar ser sna can de la/ /dbang bskur mi bya gzhan po bya/ /cho ga'i rim pa bstan pa ni/ /rgyas par byed na bskyed rim rdzogs par bya/ /yang na bsdus dang shin tu bsdus/ de ltar byas 'og nad pas ni/ /khrus kyi rim pa rdzogs byas la/ /gos bzang byin brlabs bskon nas ni/ /shar gyi phyogs su la bltas nas/ /mdun du maN+Dal lnga byas te/ /dang po phyag 'tshal mchod pa 'bul/ /de nas sdigs bshags la sogs bya/ /nad pa de ni mi nus na/ /mchod g.yog dag gi byed du gzhug de nas skyabs gsol tshigs bcad brjod/ /bcom ldan rdo rje gos sngon can/ /sku mchog stobs ldan khyod phyag 'tshal/ /gsung mchog sgra mchog 'bar la phyag 'tshal lo/ /thugs mchog ye shes ldan la phyag 'tshal lo/ /sku mchog stobs chen khyod la phyag 'tshal lo/ /de nas lus 'bul zhes ni sbyar/ /bdag la gnod pa'i nad rnams kun/ /khyod kyi mthu yi sbyad du gsol/ /'byung po'i gnod pa bzlog tu gsol/ /zor dang dug rnams thams cad kyang/ mthu stobs bdag pos bzlog pa gsol/ /bcom ldan khro chen rnam par rgyal/ /sku gsung thugs ldan khyod la phyag 'tshal lo/ /dpal ldan mgon po nag po che/ /lus ngan rgyal po mthu bo che/ /khro bo chen po bdud rtsi 'khyil/ /rdo rje gnod sbyin 'jigs chen po/ /ro langs ma ni mthu mo che/ /rdo rje mkha' 'gro dpal 'bar ma// 'jigs byed ma ni mthu mo che/ /rdo rje lha mo 'od bskyed ma/ /rdo rje lha mo yid 'phrog ma/ /rdo rje lha mo kun bzangs ma/ /rdo rje lha mo klu sgra can/ /khro mo chen mo srog gcod ma/ /khro mo chen mo dbugs rdub ma/ /khro mo chen mo khrag 'thung ma/ /khro mo chen mo sha za ma/ /sku

  60. 30b

    gsung thugs zhes bya ba la sogs par sbyar bar bya'o/ /de nas sdom pa 'dzin du gzhug de bzlas pas ni bzlog par bya'o/ /dang po sku'i bzlas pa'i 'od zer gyis/ /lus kyi nad rnams sbyad par bya'o/ /de nas thugs dang gsung gis sbyad/ /thal chen rak+ta byang chub sems/ /sbyad sogs byin brlabs byas nas ni/ /gnas gsum dag tu mtshan cig byug /de nas khrus kyi bum pa yis/ /bkra shis tshigs bcad bton nas ni/ /nad rnams sdig sgrib bkru bar bya/ /de nas sku gsung thugs kyi sngags/ /bzlas pas bde gshegs 'od zer bstim/ /de nas nad pa'i steng phyogs su/ /bde gshegs dkyil 'khor bzhugs bsams la/ /'od zer 'phro 'du'i sbyor ba yis/ /ye shes bdud rtsi snying khar gzung/ /de rnams byas pas 'chi ba bzlog /'chi zlog chen po bya ba ni/ /sbyin sreg tshogs 'khor dbang bskur bya/ /gtor chen la sogs gzhan yang bya'o/ /de ltar byas pas 'chi ba bzlog /rang dang gzhan ni gnyis ka la/ /man ngag stobs kyis bzlog pa ni/ /rlung dang thig le yi ge dang/ /gtum mo 'khor lo la sogs ni/ /'chi slu cho ga dag dang ni/ /bla ma'i man ngag brgyud pas bya'o/ /'chi ba blu ba'i sbyor ka ste sum cu rtsa gsum pa'o// //bcom ldan 'das rdo rje 'dzin la phyag 'tshal lo/ /stang stabs rim pa cung zhig bstan/ /shar phyogs g.yas brkyang la gnas nas/ /rkang pa dang ni lag pa yis/ /rdo rje rtse gsum stang stabs bya/ /gar bsgyur de ni thabs re bya/ rkang lag mthun par bsgyur ba bzlog /lho ru g.yon brkyang la gnas nas/ /ral gri 'am dbyug to 'dzin pas su/ /rkang pa lag pa gnyis kas su/ /sa dang bar snang gnyis ka la/ rin chen 'bar ma bre bar bya/ /nub phyogs g.yas brkyang la gnas nas/ /'khor lo 'am ral gri de bzhin bre/ /byang phyogs g.yon brkyang la gnas nas/ /rdo rje rgya gram tshul du bre/ /yang na zlum po la sogs rim/ /bsrung ba'i tshul du bya ba dang/ /phyogs bzhir 'byung po bkug nas ni/ /mnan cing bsnun pa'i tshul du bya/ /gzhan yang stang stabs

  61. 31a

    byas pa ni/ /snyoms 'jug la sogs rgyud na gsal/ /mkhas pas de ru shes par bya/ /'dir ni bsgrub pa'i don du bsdus/ /stang stabs sbyor ba 'di dag ni/ /bgegs bskrad don du nan tan bya'o/ /stang stabs kyi sbyor ka ste sum cu bzhi pa'o// // ston pa phyag na rdo rje nas/ /mkha' 'gro ma ni yan chad du/ /brgyud pa'i rim pa'i man ngag 'di/ /snying po la sogs sgrub pa'o/ /gsang ba'i slob ma rin chen bkra/ /de rtsa hUM rnal 'byor dang/ /brtul chen po ni rnal 'byor la/ /lo gsum bar du snod brtags nas/ /bde ldan rin chen yang gter du/ /bka' rtsa dam bzhag byas nas gtang/ /rin chen rdzas dang srog lus kyis/ /bla ma mnyes pas man ngag thob/ /de bzhin phyi rabs rnal 'byor gyis/ /de bzhin du shes par bya'o/ /phyi rabs blo dman la sogs shing/ /ser sna la sogs g.yo sgyu can/ /sgom bsgrub la sogs mi nus la/ /man ngag bstan na dam tshig nyams/ /de bas phyi rabs rnal 'byor pas/ /snod ldan brtags la sbyin par bya/ /thabs dang shes rab las byung ba'i/ /rin chen phreng ba sbyor ka 'di/ /bdag gi snod ldan don brtsams pas/ 'di brtsams pa yi dge ba yis/ /bdag dang sems can thams cad kyang/ /bla med byang chub thob par shog /sbyor ka chen po'i man ngag /slob dpon chen po b+ha bas mdzad pa rdzogs so// //dge slong tshul khrims gzhon nus bsgyur to// (//phyag na rdo rje gos sngon po can gyi gtor ma'i cho ga bzhugs so//) */ /rgya gar skad du/ badzra pA Ni nI laM bA ra d+ha ra ba liM ta bi d+hi/ bod skad du/ phyag na rdo rje gos sngon po can gyi gtor ma'i cho ga /'phags pa phyag na rdo rje gos sngon po can la phyag 'tshal lo/ /rnal 'byor rnams la phan gdags phyir/ /bdag gis gtor ma bshad par bya/ /phan gdags pa dang tshar bcad pa/ /phan pa mchog dang thun mong ngo/ /gsang ba bla med mchog tu 'dod/ /phyi nang thun mong shes par bya/ /rgyas dang bsdus dang shin tu bsdus/ /tshar

  62. 31b

    bcad pa'ang shes par bya/ /dgug dang bskrad dang bsad pa dang/ /mnan dang bsreg par shes par bya/ /rgyun nam dus chen bzhi gsum gnyis/ /chung ngu rgyun nam chen po ni/ /bcu gnyis bzhi'am tha ma gcig /rtsa ba lnga dang yan lag lnga/ /'bru dang shing thog sman rnams dang chan thug khur la sogs pa yi/ /rdzas rnams thams cad 'tshogs par bsags/ /de stengs dkar gsum klu la shis/ /khrag sna snying sna sha sna gsum/ /de sogs thun rdzas tshar bcad do/ /bskyed rim tshul du bya ba dang/ /bla ma nas bzung bsrung byas la/ /cho ga gsum du bskyed pa 'am/ /chung ngu skad cig lhar bskyed la/ /mtshan dang ldan pa'i pad+ma ru/ /rdzas rnams kun gyis bkang nas ni/ /steng du rdo rje sngon po bsam/ /khong seng can la hUM gis mtshan/ /mtho gang la ni ri bong can/ /de la bcu drug bdun pas mtshan/ /rdo rje mtshan ldan bya ba? ni/ /sdud sbyongs 'phro ba'i mthing dmar dkar/ /bad 'og ye shes lnga ldan gsum/ /gru gsum 'og na zla gam can/ /thugs kyi mthing gnag 'phros ba las/ /rdo rje lte bskul mdza' gnyis bskyod/ /dmar po 'bar bas mtshan ldan dros/ /thugs kyis bsdus shing gsung gis sbyangs?/ /sku la 'phros pas ri bong bskul/ /shes rab can la 'od zer 'phros/ /de yis yab yum bskul nas ni/ /kha dog dkar po'i bdud rtsi bab/ /dang po bskul byed 'od du zhu/ /khong seng can nas pad+mar babs/ /babs pa'i rtang la de nyid lhung/ /lan gsum bskor nas 'o ma bzhin/ /lnga pa'i dang po lnga pas mtshan/ /de yis gdan bskyed 'khor bcas bskyed/ /dzi hwaM rdo rje khong seng can/ /bdud rtsi gsol bas mnyes par bsam/ /yang na lha mo dkar mo yis/ mtshan ldan gyis ni bkang nas mchod/ /bstod nas bshags shing las bcol lo/ /de yang rgyas dang bsdus dang shin tu bsdus/ /de ltar byas nas gshegs su gsol/ /yang na skad cig lhar bskyed la/ /thugs kha'i hUM gis bdud rtsi sbyangs/ /slar yang ye shes bdud rtsi dbab/ /yud tsam sprul pas lha yis gsol/ /yung

  63. 32a

    tsam mos pas gsum ka gsal/ /shin tu bsdus pas zas? de bzhin/ /phan gdags pa'i sbyor ka ste dang po'o// //dgug pa'i gtor ma'i sbyor ka ni/ /thun mong cho ga thams cad ni/ /thun mong gtor ma dag dang mthun/ /khyad par gtor ma bstan pa ni/ /dur khrod 'jigs pa'i gnas dag tu/ /shin tu dmar ba'i gos gyon la/ /nub kyi phyogs su kha bltas te/ /cho ga gsum gyis lhar bskyed pa'am/ /cho ga rnam lngas lhar bskyed pa/ /gang yang rung bas byas la byin gyis brlab/ /gtor ma'i rdzas ni thun mong rdzas steng dus? khyad par rdzas ni rak ta sna tshogs dang/ /gshog pa can gyis sha sna sna tshogs shis/ /byin gyis brlabs la bde gshegs mchod/ /gnyis pa mkha' 'gro ma la mchod/ /gsum pa chos skyong rnams la mchod/ /bzhi pa 'byung po thams cad tshim par bya/ / yang? na 'jig rten la dang 'jig rten las 'das pa gnyis su mchod par bya'o/ /sngags ni rtsa ba'i sngags la ba liM kha kha khA hi khA hi zhes lan gsum mam nyi shu rtsa gcig bzlas/ /mkha' 'gro ma'i sngags ni bud+d+ha TA ki ni/ badzra TA ki ni(rgyud 'grel): ratna TA ki ni(rgyud 'grel): pad+ma TA ki ni: si? shwa TA ki ni(rgyud 'grel): sa ya TA ki ni(rgyud 'grel): sarba TA ki ni(rgyud 'grel): i maM ba liM ta kha kha/ /khA hi khA hi/ 'jig rten las 'das pa'i dpal mgon po nag po ni mkha' 'gro ma'i gtso bo yin pas/ /rtsa ba'i sngags la btags te dbul/ /'jig rten pa'i mgon po nag po ni phyogs skyong gi gtso bo yin pas sngags kyang gong bzhin shes par bya/ /phyogs kyi sngags ni/ /in+d+ra zhes bya ba las kyi tshogs dang mthun/ /'byung po thams cad pa'i gtor ma'i sngags ni o A ka ro mu khaM zhes bya ba la sogs pas bya'o/ /de nas bstod pa bya zhing 'phrin las bcol/ /'od zer 'phros pas thal mo brdab/ /nges su thams cad bskul nas ni/ /gang la bya ba dgug par bsam/ /de 'ang lan grangs brgya nas stong/ /khri nas 'bum gyis khugs par 'gyur/ /dgug pa'i gtor ma'i sbyor ka ste gnyis pa'o//

  64. 32b

    bskyed pa'i gtor ma'i sbyor ka ni/ thun mong cho ga thams cad ni/ /thun mong gtor ma dag dang mthun/ /khyad par gtor ma phal cher yang/ /bskad pa'i tshogs kyi sbyor kar blta/ /man ngag khyad par bstan pa ni/ /shing lo 'am gro ga dge la ni/ /rlung dang bsgrub bya'i gzugs bris la/ /'od zer rlung gis bskyed pa dang/ /khro bo dag gis bskyod pa dang/ /rlung lha dag la bskyod nas ni/ /nam mkha' mdza' gtugs bskyel bar bya/ /bskrad pa'i gtor ma'i sbyor ka ste gsum pa'o// //bsad pa khro bos bsad pa dang/ /mtshan cha'i char sogs dbab pas bsad/ /sngags dang phyag rgya rdzas sogs gzhan/ /mkhas pas man ngag sbyar bar bya'o/ /bsad pa'i sbyor ka ste bzhi pa'o// //mnan pa'ang gong ma bzhin te mthun/ /khyad par ri rab 'bum dang ni/ /rdo rje dang ni khro bo yang/ /'bum du byas te? 'od zer sogs/ /sbyor ba gzhan yang man ngag bzhin/ /mnan pa'i sbyor ka ste lnga pa'o// //bsreg pa sku gsung thugs kyis bsreg /yang na me la sogs pa yi/ /sbyor ba gzhan du shes par bya'o/ /sreg pa'i sbyor ka ste drug pa'o// // bcings pa yis ni sbyor ba yang/ /sku gsung thugs kyi sbyor ba yis/ /lu gu rgyud dang zhags pa dang/ /lcags sgrog la sogs sbyor ba yis/ /mkhas pa yis ni bcings par bya/ /bcings pa'i sbyor ka ste bdun pa'o// //klu dang rgyal po gnyis las ni/ /khyad par gtor ma bstan pa ni/ /dngul dang 'khar ba shing phor dang/ /sa dkar snod du bya bar shis/ /sman lnga 'bru lnga snying po lnga/ /dkar gsum mngar gsum klu la shis/ /rin chen snod ni mdzes pa ru/ /rin chen lnga dang 'bru sna lnga/ /gang zab shing rtog la sogs pa/ /rgyal po nyid la shis par gsungs/ /de gnyis byin gyis brlab pa yang/ /rdzas kyi steng du h+rI(rgyud 'grel): 'am hUM/ /de'i 'od kyis rdzas rnams bsreg /skyon dag nas ni bdud rtsir bsam/ /de nas lag pa g.yas pa ni/ /mchog sbyin byas pa'i lag mthil du//

  65. 33a

    dri ma las dpag bsam shing bsam ste/ /de yi yal ga'i gseb tu ni/ /si las bdud rtsi bum pa bsam/ /de yis bdud rtsi yi ni rgyun/ /lag mthil du ni babs nas kyang/ /gtor ma'i nang du 'dres par bsam/ /de nas oM A(rgyud 'grel): hUM lan gsum 'das de nas rang gi mdun du pad+ma bzhi bsam/ /de nas rang gi snying ga'i hUM gi 'od kyis/ /klu thams cad ni pad+mar bkug /'od zer 'phros pas sbyangs sogs bya/ /thams cad 'od du zhu ba las/ bde gshegs klu'i sprul pa'am/ /gsung gi rigs kyi lha ru gyur/ /de nas/ spyan drangs bstim zhing dbang bskur bya/ /de nas rdo rje rtse lnga spu gu can du bsams la/ /de nas spyan drangs la gsol bar bsam/ /bstab pa'i sngags ni/ oM bA su gi pa liM ta khA hi zhes klu rnams kyis so so'i rtsa ba'i sngags la btags la dbul bar bya'o/ /gshegs su gsol ba'i sngags ni badzra mu(rgyud 'grel): zhes btags la gshegs su gsol/ /rgyal po yang sprul pa dang las kyi rigs su bsam/ /phyi ma mthun te man ngag tu shes par bya'o/ /klu dang rgyal po'i sbyor ka ste brgyad pa'o// //de dag thams cad phyi yin no/ /nang gi snying ga'i lha rnams la/ /gtor ma zas rnams yin pas na/ /bdud rtsir byin gyis brlabs nas ni/ /lha la ting nge 'dzin gyis dbul/ /de ni rnal 'byor lam pa yin/ /phyag rgya phyag rgya'i man ngag bzhin/ /nang gi gtor ma'i sbyor ka ste dgu pa'o// //gsang ba'i/ gtor ma'i sbyor ka ni/ /lte ba pad+ma gtor ma'i snod/ /de ste zla ba'i steng du ni/ /byang chub sems kyi kun de la/ /bdud rtsi la sogs yon tan sogs/ /gtor ma'i rdzas su bstan pa yin/ /de 'og tsanDa li yi me/ /de 'og rlung sngon bskyod pa las/ /me 'bar bdud rtsi zhu ste phab// 'khor lo mkha' 'gro rnams la mchod/ /rtog pa zhi ba las rnams 'grub/ /gsang ba'i gtor ma'i sbyor ka ste bcu pa'o// //bla na med pa'i gtor ma ni/ /lhan cig skyes pa'i dga' ba la/ /thams cad rdzogs pa'i man ngag 'chang/ /bla na med pa'i gtor ma'i sbyor

  66. 33b

    ste bcu gcig pa'o// //gtor ma'i man ngag sbyor ka rnams/ /man ngag rim par dkod pa yis/ /bdag dang mdza' yas sems can rnams/ /bla med byang chub thob par shog /slob dpon b+ha bas mdzad pa rdzogs so// //rgya gar skad du/ ga Na tsakra bi d+hi/ bod skad du/ tshogs kyi 'khor lo'i cho ga /dpal rdo rje can la phyag 'tshal lo/ /tshogs chen khyad par bsags pa dang/ /dam tshig nyams pa bskang ba dang/ /sgrib sbyang mchog ni thob bya'i phyir/ /rnal 'byor thugs mthun pa dag gis bshad/ /tshogs ni gnyis su shes par bya'o/ phan gdags pa dang tshar bcad pa'i/ /de yang 'khor lo bskor dang mchod pa brtsam/ /phan pa mchog dang thun mong ngo/ /dgug dang bskang dang mnan pa dang/ /bsang ba la sogs char bcad pa'o/ /de sgrub rnal 'byor bstan pa ni/ /sngags pa gcig tu rtog byed dang/ /dus rnams kun tu rtse gcig ldan/ /rgyud rnams kyi ni snying po shes/ /de nyid bcu ni mchog tu rig /zab cing rgya che chos la mos/ /yid ni shin tu 'jam pa dang/ /bsnyen bskur ldan zhing 'jigs pa med/ /nga rgyal med cing bshags la brtson/ /brda dang phyag rgya mchod pa yis/ /lan dang sbyor ba sogs la mkhas/ /gsang thub chod rig lus ngag bzo/ /de la sogs pa'i cho ga mkhas/ /gu ru la sogs lha dang bstun/ /de stengs las kyi rnal 'byor gnyis/ /byan po byan mo gsol ka gsum/ /phyi mtshams nang mtshams rol mo pa/ /de ni rnal 'byor rgyas pa'i tshad/ /lta stengs las kyi kar ma dang/ /mtsham pa nyid ni bsdus pa'o/ /lnga pa yan chad shin tu bsdus/ /'khor lo bsdus rgyas mkhas pas bya/ /mchod pa bzhi gsum gnyis kyis bya/ /de yi rim pa'ang gong bzhin du/ bsod nams rim pa'ang de bzhin thob// 'khor lo gral ni dkyil 'khor tshul/ /yang na mchog 'dod pa dang thun mong ni/ /grags ma grags kyi rim pa yis/ /mchod pa'i tshul gyis rim pas bya/ /byin gyis brlabs sam rigs mthun par/ /nyams dga' 'am yid 'jug gnas dag tu/ /'khor khang sum rim

  67. 34a

    dang po yi/ /sgo bzhi gnyis pa lho la gsum pa shar/ /de yi thun mong khyad par ni/ /dang po sa 'og phyi ma ste/ /rim gsum gyen du brtsigs pa ni/ /lus 'dod pa'am phyi ma'i lugs/ /phan 'dogs don du bstan pa'o/ /dur khrod mtsho gling 'jigs pa'i gnas 'di 'dra'i rigs mthun la sogs su/ /char bcad don du gong bzhin bya/ /dus ni rgyun nam lo 'am zla/ /khyad par bzhi gsum gnyis dang gcig /bcu gnyis bzhi ru dam tshig go /de lta ma byas mkha' 'gro sa gsod/ /byas na dngos grub chen po thob/ /yon tan sbyor pa'i rim pa dang/ /sgrub po 'dod pa'i rim pa yis/ /gong gi khyad par shes par bya/ /phyi ltar ba'i/ rnam lngas byug /nang ni bdud rtsi rnam lngas byug /phyi ni mdzes pa'i rgyan rnams bris/ /nang ni dur khrod chas kyis brgyan/ dkyil 'khor gsang chog nub mor bri/ /ngag gi brda' skad thabs gsum gyis/ /rnal 'byor rnams ni bsdu bar bya/ dbyug sngon gyis ni lus ngag brda'/ /bum pa nas bzung phyi nang gsang/ /dri nas dbye gsal rim pas bya/ /slob dpon mdun du 'khon gtsugs sbyangs/ /las kyi sems dpa' gral la dgod/ /rgyan cha gon la go gor gnas/ /slob dpon gyis ni byin brlabs shing/ /las kyi sems mas rtags gsum gdab/ /rang gis lhag pa'i nga rgyal bya/ /karmas maN+Dal mchod pa rnams/ /rim par byas nas gsol ba gdab/ /bskyed pa'i rim pa tshul bzhin bsgom/ /so so'i lha'i nga rgyal bya/ /de ltar mi shes lhag pa'i lha/ /de ltar byas nas gtso bos brdas/ /karma la ni bskul bar bya/ /karma 'khor ma dang bcas la/ /tshogs kyi bye brag brgya rtsa brgyad/ /'gying bag tshul gyis drang bar bya/ /tshogs kyi dbye ba bstan pa ni/ rtsa ba lnga las rtsa lngar gyur/ /thun mong du ni brgyas bya la/ /rnal 'byor zab mo'i spyod yul yin/ /sha'i bye brag nyi shu lnga/ /btung ba'i bye brag de bzhin no/ /sman gyi bye brag nyi shu dang/ /bshos dang dkar gyi bye brag kyang/ /phyed mar byas pa'i sum cu

  68. 34b

    yin /spos kyi bye brag brgyad du bstan/ de nas bsdus pa phyed du bya/ /shin tu bsdus pa de'i phyed/ /de ni tshogs kyi 'khor lo'o/ /tshogs kyi 'khor lo'i mchod pa'i rim pa ni/ /bcu dang lnga dang gsum du bya/ /de yi rab 'bring sgrub pa'o/ /bsod nams che chung rim pa de'o/ / tshogs de slob dpon byin gyis brlabs/ /rlung gis me sbyar mtshan ldan dros/ /de nyid gsum gyi las byas la/ /bdud rtsi dbab cing rdo rjes dkrugs/ /bdud rtsi rang bzhin 'od du zhu/ /btung ba'i /btung ba'i byin rlabs la sogs kyis/ /man ngag bzhin du byin brlabs la/ /bdud rtsi mchod pa phyogs dgram la/ /dang po las kyi rnal 'byor gyis/ /mdun du lha bskyed spyan drangs bstim/ /dang po phyag 'tshal mchod lnga 'bul/ /de nas bdud rtsi'i mchod pa dbul/ /de 'og lcags kyu lnga po dang/ /glu dang gar gyi mchod pa dbul/ /hUM gis glu glangs mchod pa ni/ /nyi shu yang ni bya bar gsungs/ /bstod cing rol mo'i mchod pa dbul/ /de nas rnal 'byor rnams la mchod/ /lhag ma mkha' 'gro rnams la mchod/ /maN+Dal sngon po byas nas ni/ /bdud rtsi lnga'i chag chag gdab/ /me tog sngon po'i tshom bu dgram/ /sa la gnas pa'i mkha' 'gro ma/ /bskyod cing spyan drangs bstim byas la/ /byin gyis brlabs la mchod pa bya/ /lhag ma kha chus btab nas ni/ /sbyang dang spro ba bsdu byas la/ /'khor khang phyi logs maN+Dal bya/ /khrag gis byugs shing me tog dgram/ /bshug glu brda' yis spyan drangs la/ /rnal 'byor skra bshig thal ba byug /rgyan chas gon la rtags rnams gdab/ /lha yi ting 'dzin gsal byas nas/ /rdo rje'i glu glangs rol mo brdung/ /mchod cing bstod nas mthol bshags bya/ /'phrin las bcol la gshegs su gsol/ /byang chub sems dpa' sems dpa' chen po tshogs kyi sbyor ka'i 'phrin las kyis/ /rnal 'byor pa'i las rnams 'grub/ /slob dpon b+ha bas mdzad pa rdzogs so// //zab pa don gyi cho ga rnams/ /rin chen lta bu'i gang

  69. 35a

    zag la/ /zab phyir man ngag bkol nas bstan/ mchog gi tshogs kyi 'khor lo ni/ /thun mong cho ga thams cad ni/ /thun mong cho gas 'khor dad mthun no/ /khyad par cho ga bstan pa ni/ /rin chen phug pa dgu rim mam/ bdun rim lnga rim sum rin ni/ mu stegs nyan thos skyes pa yi/ /skrag 'gyur log sbyod sbyad byed gsum/ /de dag spang phyir gong bzhin bstan/ rgyal rigs rje rigs bram pa'i rigs/ /du mo mtshan dang ldan pa ni/ /mtshan rnams bcu po rdzogs pa dang/ /shes rab che dang snying rje che/ /dad pa la sogs che ba dang/ /rnal 'byor ldan zhing phyag rgya mkhas/ /sbyor thabs kun la rab tu mkhas/ /de lta'i rnal 'byor nyung yang lnga/ /mang par gyur na rnal 'byor kyang/ /bskyed de de ltar rig par spyad/ lnga gnyis zung bu gnas pa las/ /bskyed pa'i rim pa mthar yin pas/ /nang gi mchod pa brtsam par bya/ /de nas gsang ba'i mchod pa brtsam/ /gsang ba'i mchod pa'i cho ga yis/ /dga' ba'i ye shes bcu drug ni/ /'khor lo'i tshul las lhan cig bskyed/ /ye shes 'khor lo zhes su grags/ /yang na sprul pa'i 'khor lo la/ /thig le pa? mo bsam pa ni/ /rnal 'byor pha yin rtsa rnams mo/ /rlung ni las kyi sems pa yis/ /de la sogs pa'i man ngag rnams/ /slob dpon zhal las shes par bya/ /'khor lo gsum la'ang de bzhin no/ /tshogs zhes bya ba mang ba yin/ / 'khor lo zhes bya bskor du btub/ /mchog ces bya ba lhan cig gda' / /de ltar mchog gi 'khor lo ni/ /yang yang sbyang zhing bsgom par bya/ /mchog gi tshogs kyi 'khor lo'i sbyor ka ste gnyis pa'o// //dgug pa'i tshogs kyi 'khor lo ni/ /thun mong cho ga thams cad ni/ /thun mong cho gas 'khor dang mthun no/ /khyad par cho ga bstan pa ni/ /dur khrod 'jigs pa'i gnas dag tu/ /shin tu dmar ba'i gos gyon nas/ /nub phyogs su ni kha bltas te/ /cho ga gsum gyis ltar bskyed nas/ /'khor bskyed pa'am mi bskyed

  70. 35b

    pa'o/ /bskyed pa hUM gis bskyed pa dang/ /mi bskyed skad cig sprul ba'o/ /ye shes dkyil 'khor spyan drangs sogs/ /byas nas bskyed rim mdza' byin nas/ mdun gyi dkyil 'khor sprul pa la/ /cho ga la sogs rdzogs byas nas/ /dur khrod ras ma dag la ni/ /mdun du gzugs pa ma 'khor lo bri/ /dgug pa'i yi ge'i 'od zer gyis/ /bsgrub bya bkug nas bstim par bya/ /'jig rten 'das dang 'jig rten pa'i/ dkyil 'khor bzhi po de dag la/ /mchod bstod? la sogs byas nas ni/ /'phrin las bcol zhing rbad pa dang/ / sngags bzlas brgya rtsa brgyad du ni/ /rab gyis bya ba 'bring gi ni/ /lnga brgya tha ma stor gis so/ /bzhi pa rab tu re re yang/ de bzhin cig gis 'grub pa dang/ yang na thun par bzhi dag tu/ /rtsa gcig lnga bcu brgya rtsa brgyad/ /de lta'i 'khor lo rtsa gcig dang lnga bcu brgya rtsa brgyad du ni/ /sgrub po khyad par rab 'bring gis/ /bsgrub bya gang yin khugs par bsam/ /nyi shu rtsa drug mdza' las ni/ /bsgrub bya'i ming ni bcug nas su/ 'gugs byed bsre bar gzhug par bya/ /dgug pa tshogs kyi sbyor ka la/ /nyin dang mtshan du brtson par bya/ /dgug pa tshogs kyi 'khor lo'i sbyor ka ste gsum pa'o// //bskrad pa tshogs kyi 'khor lo ni/ /thun mong cho ga thams cad ni/ /phan gdags pa ni nyid dang mthun/ /khyad par 'jigs pa'i gnas dag tu/ /lho phyogs su ni kha bltas te/ /sngon po la sogs gos gen la/ /bskyed rim tshul du bya ba dang/ /cho ga gsum gyis bya ba yin/ /de nas ye shes spyan drangs nas/ /cho ga la sogs rdzogs par bya/ /mdun du dur khrod ras ma la/ /rlung gi dkyil 'khor bris nas ni/ /de steng zla ba'i dkyil 'khor la/ bsgrub bya'i gzugs brnyan bris nas ni/ /rnal 'byor ci 'dod mdun du bsam/ /yang na gtso bo lnga 'am drag po gnyis/ /las la med du mi rung ngo/ gtso bo drag po las ni bsdus/ /slob dpon gnyis po shin tu bsdus/ /dkyil 'khor gsum po sprul pa las

  71. 36a

    cho ga la sogs rdzogs par bya/ /cho gas kyi rdzas rnams ma lus bsag /khyad par tsit+ta sna tshogs dang/ /sha sna khrag sna la sogs pa'i/ /tshul khrims bsrung ldan nas bzung nas/ /sgo mangs can ni yan chod kyi/ /rang gi sbyor ba ma byas par// gzhan la nyos dang blangs pa yis/ /rdzas rnams rdo rje can gyis ni/ /rgyud las bsngags par bcom ldan gsungs/ /byan pos btse bsred byas nas ni/ /yon bdag 'khor dang bcas pa rnams/ /skor ba bdun nam gsum byas la/ /'gying bag 'dzum pa'i mdangs kyis ni/ /slob dpon pa ni rdo rje'i glus/ /phyag rgya brgyud nas drang par bya/ /hUM bla ma rdo rje slob dpon ni/ /gnyis med ye shes mthu ldan pas/ /dbyings las ma g.yos rtogs med kyang/ /sems can gdul ba'i don slad du/ /rdo rje can gyi sku sprul nas/ /rtse gcig ldan pa'i ting 'dzin gyis/ /tshogs kyi 'khor lo rgya chen 'di/ /bdag gzhan lha rnams mchod pa yis/ /byin gyis brlabs pa mdzad du gsol/ /de nas rdo rje slob dpon gyis/ /yi ge gsum gyi bdud rtsi yis/ bsreg sbyangs bdud rtsi zhu nas kyang/ /bde gshegs mchod bstod rdzogs byas nas/ /'phrin las bcol bas khro bo yi/ /sngags bzlas pas ni bsgrub bya ste/ /'khor lo rlung gi dkyil 'khor la/ /sgrub bya de ru bzhag nas su/ /khro bo dpag med spros pa yis/ /zhal nas rlung nag tshub ma ni/ /btang bas sgrub bya bteg nas kyang/ /nub byang mtshams kyis rlung lhas ni/ /khyad par de nyid bskyod nas kyang/ /nam mkha' mthas gtugs sa ru bskyal/ /de ltar lan gsum lha gsum gyis/ /cho ga byas te bskyal bar bya/ /bskrag pa'i tshogs kyi 'khor lo'i sbyor ka ste bzhi pa'o// / mnan pa tshogs kyi 'khor lo ni/ /thun mong cho ga thams cad ni/ /phan gdags pa ni nyid dang mthun/ /khyad par cho ga bstan pa ni/ /ri bo dben pa'i gnas dag tu/ /slob dpon lho phyogs kha bltas te/ /ser nag la sogs rgyan cha gon/ /cho ga la sogs

  72. 36b

    rdzogs byas la/ /rnal 'byor rnams kyi mdun du ni/ /dur khrod ras mdag la ni/ /ba? bla 'am sdong ros khu bas su/ /gser gyi ri rab bris nas kyang/ /de 'og mthing shing dag gis ni/ /rgya mtsho chen po'i gzugs bris la/ /de gnyis dag gi bar du ni/ /bsgrub bya'i ming rnams bris nas kyang/ /shugs ldan pa dang mgo 'chas dang/ /kun tu rgyug? pa yan chad kyi/ /sna gsum po ni thams cad kun/ /chos mthun spyod pas btsal nas kyang/ /byan po de rdzogs rjes rnams la/ /yid 'od dpag med bshams nas kyang/ /bskor nas slob dpon la phul bas/ cho ga la sogs rdzogs nas ni/ /dkyil 'khor gnyis pa'i cho ga yis/ /sngags bzlas brgya rtsa brgyad pa gnyis/ /ting 'dzin ldan par bsgrub bya ste/ /ming gi yi? bskyed nas kyang/ /yi ge gnyis po'i rab dang/ /rgya mtsho bskyed nas mnan par bya// dkyil 'khor mdza' ma'i cho ga las?/ /khar pa'i phyi rol dag tu ni/ /drag? po'i 'grub khung byas nas kyang/ /nag pos kha ni bcad nas kyang/ /de steng las kyi rgya gram bri/ /de sogs cho ga'i sbyor bas su/ /mkha' 'gro rnams kyis mnan par bya'o/ /mnan pa'i cho gas kyi 'khor lo'i sbyor ka ste lnga pa'o// //bsod ba'i tshogs kyi 'khor lo ni/ /thun mong cho ga thams cad ni/ /phan gdags pa dang mthun par bsam/ /khyad par cho ga bstan pa ni/ /dur khrod 'jigs pa'i gnas dag tu/ /slob dpon lho phyogs kha bltas te/ /mnan cing drag po rgyan cho gon/ /rnal 'byor rnams kyi mdun du ni/ /dur khrod ras la gzugs bris la/ /phur bu gri gug mtshon cha rnams/ /khro bo'i sngags kyis byin brlabs nas/ /phur bu gdab cing gri yis gtub/ /thun mong rdzas rnams steng du ni// gdeng pa can ni sna tshogs kyi/ /gsum dang ldan pa yid du 'ong/ /slob dpon la ni phul nas kyang/ /dang po bsgrub bya de nyid la/ /bkug nas khro bo'i mtshon cha yis/ /bsad pa'i cho ga byas nas su/ /rtsa gcig la sogs sngags kyis ni/ /de bzhi ma byin rlabs byas nas

  73. 37a

    su/ /kha po 'khor lo? mchod nas kyang/ /cho ga la sogs rdzogs byas la/ /slar yang bsgrub bya bkug nas ni/ /mdun bsam bsad pa'i sbyor ba yis/ /cho ga rdzogs nas tha ma ni/ /mkha' 'gro ma yis bsad pa yi/ /sbyor bas cho ga rdzogs par bya'o// bsad pa'i tshogs kyi 'khor lo la sbyor ka ste drug pa'o// //bsreg pa'i cho gas kyi 'khor lo'i sbyor ka ni/ /cho ga thams cad gzhan dang mthun/ /dkyil 'khor gsum du sbyin sreg gsum/ /rnal 'byor ba ni thams cad kyis/ /sngags la sogs pa'i 'khor lo yis/ /bskor ba'i chul du phra? ma ni/ /las mkhan gyis ni bsreg par bya'o/ /de yi cho ga thams cad ni/ /sbyin sreg cho gar shes par bya'o/ /bsreg pa'i tshogs kyi 'khor lo'i sbyor ka ste bdun pa'o// //btab pa tshogs kyi 'khor lo ni/ /cho ga thams cad gzhan dang mthun/ /khyad par cho ga bstan pa ni/ /rnam par bam pa ma yin pa'i/ /mtshan ldan bam chen blangs nas ni/ /ming gi yi ge bskyed nas kyang/ /de nyid dkyil 'khor gsum po la/ /bstab ste yang na rdzas la ni/ /bsams te byin brlabs byas nas kyang/ /kar ma dbyug sngon rta mgrin gyis/ /lan gsum lan bdun nyi shu gcig /bstab pa'i tshogs ni mkhas pas so/ /de nas phyi rol dag tu bya/ /de ltar gnyis bstab gsum du bstab/ /slob dpon man ngag shes par bya'o/ /bstab pa tshogs kyi 'khor lo'i sbyor ka ste brgyad pa'o// //thun gsum thun bzhi dag tu ni/ /nyin dang mtshan ni lan gsum du/ /tshogs kyi 'khor lo'i sbyor ka la/ /rnal 'byor can gyis brtson par bya'o/ /dngos grub rnam gnyis 'dod pa dang/ /bar chad rnam gnyis bsal ba'i phyir/ /tshogs kyi 'khor lo 'di byas dge bas su/ /thams cad byang chub thob par shog /tshogs kyi 'khor lo'i sbyor ka slob dpon b+ha bas mdzad pa rdzogs so// //lots+tsha ba dge slong tshul khrims gzhon nus bsgyur cing gtan la phab pa'o// //

  74. 37b

    */ (/lag na rdo rje sbyin sreg gi cho ga bzhugs//) //rgya gar skad du/ hoM tri bi d+hi/ bod skad du/ sbyin sreg gi cho ga /bcom ldan 'das rdo rje can la phyag 'tshal lo/ /sdig pa gzhi la dang bsod nams 'phel/ /dgug dang dbang byed bsad pa'i sa/ /sgrub po rnams la phan btags phyir bdag gi sbyin sreg bshad par bya/ /dang po bkra shis gnas dag tu/ /brtag sogs bsdus rgyas rnam gsum bya/ /'bring ni rang nyid gos sngon gyi/ /ting 'dzin ldan pas bka' sgo zhing/ /shar du kha bltas 'byung po la/ /yid dang mthun pa'i gtor ma sbyin/ /yi ge nyi shu rtsa gnyis pa 'am/ /hUM gis yang ni sgrub? bar bya/ /rdo rje phyag rgya de bzhin shes/ /snying ga'i yi ges skyon sbyangs shing/ /sngags dang phyag rgyas sbyang ba'o/ /de ni rgyas pa'i rtags sogs 'dod/ /'bring ni sngags dang phyag rgyas sbyang/ /me tog chom bu grangs mnyam pa/ /gzhung bzhin bris pa rdzogs bar 'dod/ /mdza' ma mdzes pa'i snod dag la/ /yig 'bru gsum gyis byin brlabs nas/ /ting 'dzin sbyang ba kho nar 'dod/ /sa skyon sbyang ba gsum zhes bya/ /thab brtsig rgyar ni khru gang la/ /zabs su khru phyed blum pos bskor/ /sor bzhi gsum ni dor byas la/ /rdo rje dbus su brgyad pa'i tshad/ /thab khung dkar po rgyab tu me ri'o/ /steng du rdo rje phyi rol 'od zer dkar/ /bud shing dkar po khru gang tshad/ /tsanda na dkar po 'o mas spangs te bzhag /mchod sbyin shing ni mdzub gang tshad/ /'dab ma dang bcas rtse mo'i ngos/ /sngar bzhin sbyangs pas yam shing bya/ /dkar gsum mngar gsum mar gyi 'og /'bras chan 'bru ni sna tshogs dang/ /ku sha yon chab g.yas su bzhag /me tog la sogs bsang gtor dang/ /zhal bsil rnams ni g.yon du bzhag /dgang gzar dang ni blugs gzar gnyis/ /mtshan nyid rgyas par gzhan du bstan/ /yang na g.yas kyi sor mo bskum pa las/ /yi ge hUM gi 'od zer de yis ni/ /rdo rje can gyi 'od zer bkug pa yis/ /rdul shig ye shes gong bu las/ /rdo rje khro bo'i dgang gzar gyur/ /g.yon gyi mthe bos mthe chung mnan/ /gong bzhin sbyangs nas blugs

  75. 38a

    gzar gyur/ /de nyid rdo rje dril ni mthun/ /de nas dkar po'i rgyan cha pa'o/ /yid dang mthun pa ku sha'i steng/ /sems ba'i skyil krung shar du bltas/ /thab sogs tsandan chus gtor te/ /bud shing ma nor zlum por brtsig /de nas rgya ni ku sha la/ /oM a mri ta kuN+Da li sarba pignAM nI sha ya hUM phaT/ las kyi sngags kyis bsang gtor bya/ /bum sbyangs bskyed dgug bzlas pa yis/ /bya gcig bdun gyi 'od zer dgang/ /thab kyi khor khor yug la/ /ku sha'i rtse mo phyi ru bston/ /de nas lha yi rnal 'byor ni/ /cho ga lnga 'am cho ga gsum/ skad cig bsdus rgyas shes par bya/ /thab la sogs pa'i man ngag kyang/ /las kyi cho gas su shes par bya/ /de yang slob dpon man ngag gtso/ /bram ze'i khyim mam gtsub shing mis/ /rlang? g.yang kyis spar las kyis bsang/ /sbyang zhing bskyed nas raM dkar pos// me lha dkar po drang srong zhi ba'i tshul/ /tshangs pa'i skud pa dkar por ldan/ /phyag nas dgyug pa bzang? phreng dang/ /guN+De skyabs sbyin bsnams pa'o/ /'od 'phros sngar bzhin spyan drangs te/ /oM ba pa ka a ga na ye/ A gats+tsha ya/ A gats+tsha ya ma ma shAn+tidU ru swA hA/ /lcags kyu'i phyag rgya bcings te spyan drang ngo/ /bgegs bskrad bstim ste mchod pa dbul/ /rtsa sngags nyid la mchod sngags btags te dbul/ /oM ba pa ka agna ye/ che ge mo shAn ting ku ru swAhA/ zhes sreg rdzas dbul bar bya'o/ /de yi man ngag 'od zer na/ /sum skor du ni bya ba dang/ /nyis skor du ni bya ba dang/ /bdag nyid rab tu shes par bya/ /bzhi skor dag dang slob ma'o/ /'od zer dkar po 'phros pa las/ /thugs dang snying ga rgyud pa dang/ /gsung nas ngag la brgyud pa dang/ /dbu nas mgo la brgyud pa yi/ /lus ngag yid kyi sgrib pa sbyang/ /rtsa ba gsum 'dus bskang bar bya/ /spyi gtsug nas brtsams nas ni/ /sdig dang srin bu zad pa'i phyir/ /dmar pos sreg cing dkar pos bkru/ /sgo dgu dag nas bsdu ba dang/ /thams cad kun nas bsdu ba dang/ /snying gar bsdus nas dbyung ba dang/ /

  76. 38b

    til gyis gzugs brnyan byas nas ni/ /sdig pa'i gzugs la de gzhug bya/ /rdzas rnams bdud rtsis mchod pas ni/ /de nas sdig pa de bsreg bya/ /yang na rdzas la bstim ste bsreg /nad rnams ni bar byed pa ni/ /nad kyi ming nas smos nas ni/ /gong ma de bzhin bsregs pa'am/ /nad kyi ming dang gzugs bris la/ /'od zer dmar pos bsregs nas ni/ /dkar pos sbyang zhing zhi bsams la/ /'byung ba'i dgra rnams de bzhin bsam/ /'byung po kun dang dgra kun yang?/ /'od zer bkye bas zhi bar bsam/ /gzugs dang ming bris zhi bar bya/ /sreg rdzas bdud rtsi 'od kyis mchod/ /mchod pas mnyes pas gong bzhin bskor/ /de lta min ni 'og bzhin no/ /man ngag de la nan tan bya/ /mar dang dkar gsum mngar gsum dang/ /yam shing mar 'og chan dang nas/ /de la sogs pa'i thun rdzas rnams/ /rim pa bzhin du dbul bar bya/ /til ni med du mi rung ngo/ /tha ma de gang blugs mthol bshags bya/ /bstod cing phrin las bcol bar bya/ /thugs ka nyid du pho brang bcas/ /skad cig de gsal ye shes dgug /bstim la mchod pa rnam lnga bya/ /rtsa sngags mchod sngags btags te dbul/ /sreg rdzas kun kyang de bzhin bya/ /man ngag rim pa 'dir shes bya/ /slob dpon zhal las shes par bya/ /bdun nam nyi shu rtsa gcig gam/ /brgya rtsa brgyad ni bsdus rgyas pa'o/ /rtsa lnga lnga bcu brgya yis ni/ /ji ltar 'dod pa zhi bar 'gyur/ /sdig pa che bar gyur nas ni/ /nyis 'gyur gsum ni brgyad brgya'o/ /shin tu che gyur stong gi bar/ /de yi sdig dang bsod nams ni/ /che chung rab 'bring shes par bya'o/ /de ltar byas na nges par zhi/ /tha ma dgang blugs mthol bshags bya/ /bstod cing las bcol gshegs su gsol/ /ting 'dzin bsdus nas me lhag mas/ /mchod nas sreg rdzas gong bzhin dbul/ /dgang blugs la sogs rdzogs byas la/ /ting 'dzin bsdus te spyod lam bya/ /thun gsum sbyor ka sbyin sreg la/ /rnal 'byor can gyis brtson par bya/ /sbyin sreg gi spyod ka slob dpon b+ha bas m?

  77. 39a

    pa rdzogs so// //rgyas pa'i sbyin sreg bya ba ni/ /maN+Dal kha dog ser po la/ /khru de khru phyed khru gang du/ /bskor te gru bzhi 'am zur brgyad du/ /byas nas sor gnyis sor bzhi can/ /dbus su rin chen 'bar bas mtshan/ /bar du me ri'i kha khyer steng rin chen rdo rjes bskor bar bri/ /ser po'i rgyan chas bgos nas ni/ /byang phyogs ngos su kha bltas la/ /bskyed pa'i rim pa'i tshul bsgoms nas/ /las kyi bum pa sbyang sogs bya'o/ /'bras bu 'o ma can gyi shing/ /kha dog ser po dbus kyi cha/ /thab khung dbus su bcer bar bya/ /khru gang khru phyed mdzub gang du/ dri zhim spangs pa yam shing bya/ /las kyi bum pas bsangs nas ni/ /mchod rdzas ser po la sogs rnams/ /g.yon du mar sar zhol sogs/ /me sar brtag cing thab khung sbyang/ /thab bskyed me lha bskyed pa ni/ /sde chen drug pa'i gsum pa dang/ /gnyis pa lnga yi dang po ni/ /bskyed pa la ni bsngags par gsungs/ /me lha ser po zhal gcig ni/ /phyag bzhi phyag gnyis dbang chen kun/ /spyan drangs bstims te dbang bskur ro/ /mchod pa la sogs byas nas ni/ /de nas sreg rdzas rnams ni dbul/ /rtsa sngags nyid la mdza' bzhi ru/ /gzar bu rin chen rdo rjes bya'o/ /rgyas par bstan pa zhe dang mthun/ /man ngag gnyis skor la sogs kyang/ /zhi dang mthun te khyad par ni/ /'od zer sna bug zhugs nas ni/ /snying ga dag tu phyin nas ni/ /lus kun rtsa yi rlung rnams dang/ /byang chub sems ni gsal zhing rgyas/ /yang na 'od zer lus kun la/ /khyab pas tshe dang bsod nams dang/ /stobs rnams gang 'dod rgyas par 'gyur/ tha ma dgang blugs bstod par bya/ /de ni 'bar ba'i rnam pa 'am/ /thugs ka nyid du gos sngon can/ /bskyed nas spyan drangs bstim byas la/ /dbang bskur mchod pa la sogs bya/ /dgang blugs bstod nas bshags par bya/ /ye shes gshegs nas ting 'dzin bsdu/ /yi ge bcu bdun mdza' bsgyur la/ /

  78. 39b

    bdun nam nyi shu rtsa gcig tu/ /brgya rtsa brgyad du bzlas te bya/ /me lha rdzas rnams bsdus nas ni/ /cho ga la sogs gong bzhin bya/ /nyi shu rtsa gcig nas bzung nas/ /stong gi bar du tshun chad du/ /sbyor ba gnyis po gang byas kyang/ /ji ltar 'dod pa rgyas par 'gyur/ thun gsum sbyin sreg sbyor ka las/ /rnal 'byor can gyis brtson par bya'o/ /rgyas pa'i sbyin sreg gi sbyor ka ste gnyis pa'o// //slob dpon b+ha bas mdzad pa rdzogs so// //dbang gi sbyin sreg spyor ka ni/ /sa gzhi dmar ba'i thab khung du/ /b+ha ga lta bu 'am zla gam bya/ /tshad ni rgyas pa'i chung 'bring ngo/ /kha khyer mu ran gnyis dang bzhi/ /gri gug gam gzhu ni dbus su mtshan/ /pad+ma dmar po 'dab brgyad la'o/ /bud shing dmar po tsher ma'i shing/ /yam shing sor ni bcu gnyis sam/ /sor brgyad tshad la dri mar bsku/ /mchod rdzas dmar po g.yas su bzhag /mar la sogs pa'i bsreg rdzas ni/ /dmar po'i ro dang dris bsgyur nas/ /g.yon du bzhag nas stan dmar po/ /rol pa'i 'dug stangs nub phyogs blta/ /dmar po la sogs rgyan chas pa'o/ /bud shing bcer? te bcad par bya/ /bskyed pa'i rim pa tshul bsgoms nas/ /me spar la sogs cho ga bya/ /rlung gi yi ge bsngags pa yin/ /kha dog dmar po rlung la gnas/ /spyan drangs bstims te dbang bskur ro/ /mchod pa la sogs dbul ba ni/ /me lha'i sngags la mdza' bsgyur la/ /cho ga la sogs rdzogs nas ni/ /me lha'i thugs kar lha bskyed nas/ /spyan drangs la sogs cho ga bya/ /'od zer dmar po 'phros nas ni/ /lha mnyes pas ni dgug pa'i bsam/ /yang na man ngag sbyor ba gsum/ /tha ma me yi cho ga ni/ /me lha'i sngags kyis gsum mam bdun/ /lha ni nyi shu rtsa brgyad bsngags/ /bdun nam brgya yi bar du bya/ /de ltar sbyin sreg sbyor ka la/ /nyin mtshan du ni brtson par bya'o/ /slob dpon b+ha bas mdzad pa dbang gi sbyin sreg gi sbyor ka ste gsum pa rdzogs so// //bsad pa'i sbyin sreg

  79. 40a

    sbyor ka ni/ /thab khung gru gsum kha dog gnag /rdo rje gri gug nang dang steng/ /bar du me ri rtse mo 'phags/ /bdud rtsi la sogs tshon rtsi byug /bud shing nag po tsher ma can/ /yam shing de mthun bcu gnyis tshad/ /mchod rdzas la sogs nag po shing/ tshil chen mar nag la sogs pa'i/ /khyad par gdong? pa can gyis/ /rgyud las byung ba'i sreg rdzas shis/ /nam phyed nyin phyed dus dag tu/ /sa gzhi mtho ba'i stan dag la/ /brkyang bskum la sogs rgyan cha rdzogs/ /bskyed rim tshul du byas nas ni// me spar? la sogs cho ga bya/ /me lha gang 'dod bskyed nas ni/ /ye shes spyan drangs mchod sogs dbul/ /rnal 'byor sbyor ka'i man ngag ni/ /'di ni shin tu zab ces pas/ /gzu lums rtog gi dgag pa'i phyir/ /slob dpon zhal las shes par bya'o/ /lha yi cho ga rdzogs nas ni/ /me lha gsang ste ting 'dzin bsdu/ /rdzas rnams thams cad bsdus nas ni/ /cho ga la sogs rdzogs bya'o/ /drag po las kyi sbyor ka ste bzhi pa rdzogs so// //bsdus pa las kyi sbyor ka ni/ /thun mong cho ga thams cad ni/ /gong? bzhin du shes byas la/ /brko zhing bru ba ma nus pas/ /maN+Dal bdud rtsis byugs nas su/ /tshon rnams kyis ni bri bar bya/ /de nas cho ga rdzogs bya'o/ /shin tu bsdus pa'i sbyor ka ni/ /maN+Dal byas la me tog dgram/ /skad cig lhar bskyed byin brlabs la/ /bsrung ba'i cho ga byas nas ni/ /cho ga la sogs rdzogs bya'o/ /khyad par zhi ba dag? la ni/ /dngul dang 'khar ba dag ni shis pa ste/ /rgyas pa gser dang ra gan dang/ /dbang ni zabs? la drag po lcags/ /khyi yi thod pa'ang bya par gsungs/ /dbyibs? rnams so sor byas pa'am/ /yang na bsams te byas pa'o/ /de rnams rnyed par ma gyur na/ /sa ni rin chen dang 'dra bas/ /kham phor snod rnams kun la ni/ /so so'i dbyibs ni byas pa dang/ /bsams te byin gyis brlabs byas la/ /cho ga la sogs

  80. 40b

    rdzogs bya'o/ /sbyin sreg las kyi sbyor ka rnams/ /rna bar brgyud pa'i rim pa yis/ /rgyud la gab pa'i don rnams kun/ /bdag gis sgrub pa po la bstan/ /'di bstan pa yi dge bas ni/ /thams cad byang chub thob par shog /sbyin sreg las kyi cho ga /slob dpon b+ha bas mdzad pa rdzogs so// //rgya gar skad du/ /badzra pA Ni nI lAM ba ra d+ha ra ho tri bi d+hi/ bod skad du/ phyag na rdo rje gos sngon po can gyi sbyin sreg gi cho ga /dpal gos sngon can la phyag 'tshal lo/ /man ngag rim pa dran tsam zhig /slob ma'i don du bshad par bya/ /sngon du bsnyen pa rdzogs pa yis/ /sgrub pa yi ni dus dag tu/ /sbyin sreg dag gis bsad par bya/ /sa brtag blang zhing sbyang ba dang/ /byin gyis brlab cing bsrung pa dang/ /snying pa dag tu bya mi dgos/ /maN+Dal sku gsum lho phyogs bstan/ /khru gang tshang la byed brkos na/ /gsum dor gsum ni kha khyer ro/ /bdud rtsi la sogs chen rtsis nag por bya/ /de dbus rdo rje steng yang de/ /bar du me ri rtse mo 'phags/ /bud shing gnag cing gdug pa'i shing/ /thab kyi tshad las sor mtho tsam/ /yam shing de mthun bcu gnyis tshad/ /mchod rdzas nag po la sogs shis/ /sreg rdzas mar nag rus khrag sha/ ske tshe shangs tshe yungs kar dang/ /de la sogs pa'i mthun rdzas bya/ /rdzas de rnams kyis gzugs brnyan bya/ /mchod rdzas g.yas la sreg rdzas g.yon/ /byin gyis brlab cing bzhag par bya/ /dgang gzar blugs gzar gzhan dang mthun/ /yang na leg pa dag gis bya/ /de gnyis rdo rje dril bu yang/ /mdun nyid du yang bzhag par bya/ /las kyi bum pas thams cad bsad?/ /dus ni nam phyed nyi phyed bya/ /rgyan cha gon la lho phyogs blta/ / g.yon brkyang 'dug ste drag tu bzlas/ /mche ba gtsigs shing khro gnyer bsdu/ /dang po bskyed pa sngon song nas/ /me sbar brtag cing bgegs bzlog bya/ /bzang na de ni bya mi dgos/ /tha mas sbyang zhing bskyed pa dang/ /cho ga gsum dang skad cig mas/ /me lha nag po khros pa

  81. 41a

    bskyed/ /ye shes me lha spyan drangs bstim/ /gnyis su med par rgyas btab la/ me lha'i sngags la mchod sngags btags te dbul/ /de nas sreg rdzas dbul bar bya/ /de dbul ba yi man ngag kyang/ /khro bo dag gi cho 'phrul gyis/ /gzugs can dgug bstim btubs te dbul/ /yang na rdzas mchod mnyes pa las/ /'od zer khro bos dgug cing bsreg /man ngag de la nan tan bya/ /oM badzra kro d+ha agne/ che ge mo mA ra ya phaT/ stong rtsa brgyad nas brgya rtsa brgyad/ /nyi shu rtsa gcig bar du'o/ /yang na bsod nams dag gi rim pa yis/ /brgya dang stong dang khri ru bya/ /de ltar byas pas nges gsod cing/ /khyad par du ni 'byung po gsed/ /tha ma dbang phyugs bstod bya'o/ /de yi thugs kar gos sngon bskyed/ /ye shes sems dpa' spyan drangs bstim/ /rgyas btab mchod pa gong bzhin dbul/ /de nas sreg rdzas rim bzhin dbul/ /rtsa sngags nyid kyis dbul bar bya/ /gong gi man ngag shes par bya/ /dbang blugs phul la bstod par bya/ phrin las bcol zhing gshegs su gsol/ /ting 'dzin bsdus te me lha bsam/ /rdzas rnams thams cad bsdus nas ni/ /me yi lha la dbul zhing bstod pa bya/ /'phrin las bcol zhing gshegs su gsol/ /ting 'dzin bsdus te spyod lam bya/ /slob ma rnams kyi don ched du/ /bdag gis man ngag 'di bkod bas/ /slob dang sems can thams cad kyang/ /gos sngon dngos grub thob par shog /slob dpon b+ha bas mdzad pa rdzogs so// //dus bzhi rtsod pa rgyas dus su/ /sgrub pa po yang mang 'byung zhing/ /dman la mos pa'ang mang du 'byung bla ma gus pa 'ang dpag tu med/ /de 'dra'i sems can dpag med kyang/ /bsdus nas gsum du 'dus 'gyur te/ /sprul dang kha dog rjes 'jug pa'o/ /rjes 'jug gnyis su shes par bya'o/ /sprul la mthun 'jug sbyang ba med/ /sprul rjes

  82. 41b

    'jug gi gang zag la/ /dam tshig nyams pa mang 'byung yang/ /nyams pa rnam pa gsum du 'dus/ /lus ngag yid du shes par bya/ /lus kyi dam tshig nyams pa ni/ /sA ts+tshas sbyongs te tshogs sbyor ltos/ /ngag gi nyams pa bzlas pas bdag /yid kyi lha yi sbyor kar ltos/ /thun mong sbyin sreg tshogs gtor rnams/ /phan 'dogs sbyor kar blta bar gyis/ /nus pa chung pa'i rnal 'byor bas/ /me bshags maN+Dal gyis sbyang bya/ /maN+Dal bsdu ni rnam gnyis te/ /yid kyis bsams dang dngos byed pa'o/ /dngos byed skyon spangs gnyen gzhi la/ /brgya 'am lnga bcu nyi shu lnga/ /lnga 'am bsdus pa gcig kyang bya/ /dbyibs legs mdzes pa bsham par bya/ /kha dog kun nas sngo yang rung/ /dkar po mthing kha ser dmar bya/ /yang na yid dang mthun pa'ang rung/ /tshad ni khru gang yan chad bya/ /tshan ni dkar rtsi yud ba dang/ /sngo rtsi gur gum mtshal gyis bya/ /ba yi rnam lnga bdud rtsi lnga/ /dum bu gcig par bzhag nas kyang/ /dri zhim pa yi sman gyis bsgo/ /bdud rtsi lnga dang thun mong rdzas/ /gser sogs kha brgyan lnga ldan du// bcug la byin rlabs tshul bzhin bya/ /rang nyid cho ga gsum gyis bskyed/ /bdud rtsi 'khyil pa'i sngags 'dis gdab/ /oM a mri ta kuN Da li hUM phaT/ /byin rlabs bkra shis rdzas dang sreg /de yis thams cad bsang bar bya/ /oM a mri ta kuN+Da li ha na ha na hUM phaT/ /yungs kar la gdab 'byung po bsreg /rang gi snying ga'i yig 'bru las/ /'od 'phros yi ge a ru gyur/ /de 'phros taM gi yi ge las/ /sa gzhi rin chen bzhi ru gyur/ /sngags 'di btab pas bzlas par 'gyur/ /oM A tsan+d+ra maN+Da la hUM/ /grangs nyi shu rtsa gcig tu bzlas/ /oM ratna traM maN+Da la hUM/ tsandan ga pur gla rtsis sogs/ /mdzes pa'i snod du bzhag pa la/ /'od 'phros pas ni du yig thim/ /bdug pa'i mchog tu gyur par bsam/ /rnal 'byor 'byor pa chur gyur yang/ /tsandan med du mi rung ngo/ /rgyan gyi

  83. 42a

    me tog lnga gsum sogs/ /gcig sogs yang na lnga grangs bstun/ /de steng pa las pad+mar bya/ /sngags 'dis bdag po'i rkyen pa'o/ /oM pad+ma maN+Da la hUM/ stong ldan 'bum ldan du gyur bsam/ /de'i steng du b+h+ruM yig las/ /gzhal yas khang ni mdzes pa bsam/ /badzra re kha'i sngags ni kun la gdab/ /snying ga'i 'od kyis byin gyis brlab/ /mchod rdzas pad+ma mdun du bskyed/ /rgyu ni gong gi yi ge las/ /de dag thams cad rdzogs pa ni/ /nyams pa dgos pa gzhan mos 'jug /de 'og dam tshig nyams pa kun/ /lus bkru gos bzang rgyan cha bgo /lhar bsam rdor dril sngags byin brlab/ /sa bon yi ge 'od zer gyis/ /lha mo bzhi bskyed la spyan dang/ /gsol ba gdab la rtsa sngags gdags/ /bla ma mi bskyod gyur sogs la/ /phyag 'tshal mchod ba thams cad bya/ rgyud las byung ba'i bstod pa bya/ /mnyes pas 'od zer ral 'dus pas/ /rang gi snying ga'i pad+ma la/ /kaM dang na la sdig pa bsdu/ /sdom nag gzugs su gyur bsams te/ /phyir 'gro rlung gis mdun du dbyung/ /sdig pa'i gzugs dbyung sngags kyis bsreg / lus ngag so so'i sdig sbyong ba/ /so so'i gnas su ni bsams te/ /so so'i sdig pa 'dus nas byung/ /gsod pa khro ba'am gong sbyor bzhin/ /yang na lus kyi srog chags gzugs/ /ngag gi yig 'bru sems kyi 'od/ /gzugs su dbyung te rgyud las 'byung yang na lha yi 'od zer gyis/ /pa spu'i bu ga kun khyab ste/ /rgyud kyi sdig pa bsregs par bsam/ /de 'og 'od zer dkar po'i rgyun/ /bdud rtsi lta bus lus khyab nas/ /gsos nas mchog tu gyur par bsam/ /yang na brgya rtsa rtsa ba'i sngags/ /bzlas pas gong bzhin sdig pa sbyong/ /yi ge brgya pa'i dbang por bsgyur/ /brgya rtsa sngags 'bum bzlas pa dang/ /sum cha phyed phri rab nyams sbyong/ /sum nyis sum cha sum cha dang/ /sum gnyis phri bas 'bring gsum sbyong/ /de las phyed phyed phri bas ni/ /tha ma'i

  84. 42b

    nyams pa rnam gsum sbyor/ /suM brgya nyis brgya lnga bcu dang/ /nyi shu rtsa gcig bzlas pas ni/ /yan lag che chung nyams pa sbyor/ /de 'o gzhi ba'i sbyin sreg bya/ /nus pa yod na tshogs 'khor bya/ /de 'og bum pa rnams bsams te/ /gcig tu lha mo rnams bskyed de/ /cig tu nor 'dzin mi bskyed pa/ /bskyed nas byin rlabs tshul bzhin bya/ /dang po lha mos khrus byas te/ /rdo rje 'dzin pas gnyis med bsam/ mi bskyod bum pas dbang bskur bas/ /yang na gnyis kas dbang bskur bya/ /de 'og mchod nas 'od khrus bya/ /de 'og bkra shis tshig bcad brjod// gong gi sbyor ba rdzogs pa kun/ /dam tshig nyams pa'i maN+Dal yin/ /de las gzhan du gcig kyang rung/ /rdzogs la brtan pa ma thob bar/ /maN+Dal 'jog na mkha' 'gros gsod/ /rnal 'byor spyod lam ma zhugs par/ /gong ma'i maN+Dal de dag kyang/ /yid kyis mdun du bsam byas nas/ /yid kyis dbul ba yid kyis yin/ /bdud rtsi rnam lnga'i dri zhim rdzas/ /bsku ba nang gi yin par 'dod/ /phyi ru phyi yi me tog yin/ /bla ma la brgyur maN+Dal sbyor ka 'di/ /blo zhan don du bdag gis cung zad bsdus/ /'khrul par gyur na mkhas rnams bzod par mdzed/ 'di byas bsod kyis gos sngon shog /rnal 'byor dbang gis nyes par snang/ /blun po legs par bshad pa dman/ /mthong rgya chungs na yangs pa'ang dog/ rgyud dang man ngag la brten nas/ /rnyed dang dong rnams kyis 'dod 'dod spyad du med/ /ma mthong 'dogs na skal rnams med par thal/ /slob dpon b+ha bas mdzad pa'i maN+Dal gyi sbyor ka rdzogs so// //!/ /rgya gar skad du/ karma kra ma nA ma mu mu ti/ A ba li/ bod skad du/ las kyi rim pa mu tig phreng ba zhes bya ba/ 'jam dpal dbyangs dang rdo rje bsnams/ /spyan ras gzigs la phyag 'tshal lo/ /sku gsung thugs kyi mthu ldan las/ /nyon mongs gdung bzhi byed pa/ /zhabs kyis padmo la btud nas/ /dad bas shin tu gus phyag 'tshal/ /sems can rnams la phan gdags phyir/

  85. 43a

    las kyi rdo rje phreng ba 'di/ /rgyud rnams ma lus sna tshogs nas/ /man ngag dgos pa btud de bshad/ /rgyal bas sngon gyi dus dag tu/ /zhal nas gsungs pa tsam gyis ni/ /sems can don grub glegs bam med/ /de ltar rtsod pa'i dus su ni/ /bo ti dag las brten gyur pas/ /bla mas gnang ba'i po ta la/ /dga' ba chen po bskyed par bya/ /de nas ma ga gang zag la/ /ston pa thugs rje che ldan pas/ /sdud pa rdo rje gsang bdag la/ /rgyud pa rnam rgyas 'das pa 'ang/ /bka' dang mi 'gal mthun pa ru/ /bka' yi don nyid dpyis phyin par/ /man ngag rim pas bstan pa la/ /dka' ba chen po bskyed par gyis/ /man ngag 'di ltar ston pa ni/ /slob dpon mkhas pa yang dag ldan/ /dus gsum bde gshegs dang mtshungs pa/ /shin tu drin chen gus pas bstod/ /sems can mun khar 'khyams pa la/ /mar me bstan pas lam rnyed bzhin/ /'khor bar 'khyams pa'i sems can la/ /man ngag rin chen 'di bstan pas/ /phyag rgya mchog gi lam rnyed 'gyur/ /de bas shin tu drin che bas/ /yul zhing sne phran bcas pa dang/ / rin chen la sogs nor rdzas dang/ /bu dang chung ma bran 'khor bcas/ /srog lus man chod phal gyur kyang/ /bla ma'i sku drin khor mi 'gyur/ /de bas 'bad pa thams cad kyis/ /bla ma mnyes par mi byed na/ /man ngag thob kyang ltung bar 'gyur/ /gzhan yang rgyud ni sna tshogs las/ /bstan pa bsrung ba'i don slad du/ /mthu yi sbyor ba'i man ngag rnams/ /dgos pa bsdus te bstan par bya/ /de lta'i bla ma rin chen la/ /gong ma bzhin du shes par bya/ /man ngag bstan pa'i blo ma la/ /rnam pa bzhi ru shes byas la/ /phyi ltar nang ltar gsang ba ltar/ /de kho na nyid bzhi ru bstan/ /phyi ltar bstan pa'i slob ma yang/ /dang por dkyil 'khor bcu gnas ni/ /bum pa'i dbang bskur rdzogs byas la/ /mi zad dbyings kyi chos rnams bshad/ /des su rdzogs pa'i rim

  86. 43b

    pa ni/ /thun mong dam tshig nyams blangs la/ /nyams ni bshags la brtson par bya/ /nyams pa chen po byung ba na/ /bshags pas rim pa bskyar bar bya/ /de ni slob dpon nyid la blang/ /gzhan gyi skabs dang sbyor shes bya/ /khrus la sogs pa'i rnal 'byor rnams/ /nyams su blangs te skyad par bya/ /de yi rnal 'byor mos pa ni/ /ma tha thun tshong chung ngu gcig /nyin zhag 'das na nyam pa 'gyur/ /dang por bskyed rim bsgom pa ni/ /rim gyis sam ni cig char du/ /bskyed pa bstan par gyur pa'i tshad/ /thun tshod chen po bstan pa dang/ /kha dog spos par shes par dang/ /lus ngag yid gsum skyon rnams ni/ /rim gyis bri bar gyur pa dang/ /khyad par lus kyi skyon bri'o/ /lus kyi mdog bzang lus snyoms dang/ /yun ring btang yang mi tshor na/ /bskyed pa'i rim pa bstan pa'i tshad/ /de rdzas gsang dbang bskur nas ni/ /nang ltar bstan nas rim gyis bsgom/ /de ltar phyi yi gang zag ni/ /de nas mar la 'gro ba dkon/ /skye ba 'di rjes phyi ma ru/ /rten dang dbang po khyad par 'gyur/ /de ni rim gyis 'bras bu thob/ /nang ltar bshad pa'i slob ma ni/ /phyi ltar thun mong sngon du 'gro/ /nang ltar man ngag khyal par bstan/ /de nas rlung dang gtum mo dang/ /yig 'bru thig le rnams la bslab/ /de yang gsang dbang bskur nas ni/ /rlung dang yig 'bru bsgom par bya/ /de las bstan par gyur nas ni/ /snang ba gsum la rim gyis brlab/ /de nas tshar nam 'phros nas/ /gong ma rnams la rim gyis brlab/ /gsang ba ltar ni bstan pa yis/ /slob ma de la gong ma gnyis/ /thun mong du ni sngon du 'gro/ /shes rab ye shes dbang bskur nas/ /gnyis po la ni zhus nas su/ /man ngag stobs zhugs ting 'dzin gyis/ /bde ba ye shes rim skyes nas/ /snang ba mched par gyur pas su/ /kun rdzob rgyu ma ji bzhin pa/ /thugs su chud pa'i stobs kyis ni/ /lhan cig dga' ba la zhugs pas/ /spros med 'od gsal de

  87. 44a

    bzhin thob/ /de nas rim gyis mthar thugs/ /thob par de ni ma gyur kyang/ /tshe dbang bsgrub pas thob pa 'am/ /yang na rdzas dang man ngag dang/ /thabs kyi sbyor ba la sogs kyis/ /phung po bzhu btul byas nas/ /gsar 'gyur rtsi bzhin gyur nas kyang/ /de nas rim gyis 'gro ba'am/ /yang na 'chi bar gyur na ni/ /byang chub sems kyi man ngag blang/ /de ltar mi 'dod man ngag blang/ skye ba phyi ma dag tu ni/ mthar thug pa ni thob par 'gyur/ /de yang/ tshe dbang bsgrub pa'i man ngag ni/ /tshe dbang bsgrub pa'i rnal 'byor ni/ /dam tshig ldan zhing yon tan ldan/ /skyon spangs dbang thob man ngag thob/ /rgyud kyi don mkhas cha rkyen tshang/ /dam can mkha' 'gro brten pa yis/ /lung bstan phra mo thob nas kyang/ /che srog nyams pa 'tsho bar byed/ /de yang che yi ring bzhin gnas dang ni/ /ming zhes bya ba'i rnam grangs ni/ /de yi tshe yi rang bzhin ni/ /'od zer kha dog lnga dkyil na/ /thig le byang chub sems zhes bya/ /dkar la 'tsher zhing snum la 'gril/ /de yang che chung rab 'bring gsum/ /sran ma yungs 'bru shin tu phra/ /mu stegs dag gis de la 'khrul/ /rtag pa mi 'gyur gcig pur 'dzin/ /de ni dam pa'i don du 'dod/ /'jig rten pa yi skad du ni/ /bla dang tshe zhes kyang ni zer/ /bdag cig rnal 'byor pa yi gzhung/ /de ni kun rdzob sgyu mar 'dod/ /dam pa'i don du rang bzhin med/ /gnas ni tsit+ta'i dkyil la gnas/ /de yang rtsa brgyad dkyil na gnas/ /shin tu rtogs dka' d+hU tI nang/ /de nyid dbye na rnam gsum ste/ /de la brten pa'ang rnam pa gsum/ /gcig ni 'chi ba'i dus tshe 'byung/ /gcig ni lus kun khyab par gnas/ /de la gzhan dag gnyis su 'dod/ /khyad par gnas dang las kun byed/ /kha cig khyad byed de kun la/ /lung cing zag pa zur du 'bab/ /gzhan ni kun tu khyab cing rgyu/ /de la'ang las kyi 'phen shugs kyis/ /mang po

  88. 44b

    la ni rgyu ru 'dod/ /srog dang dbang po che zhes pa/ /ming gi rnam grangs nyid du 'dod/ /de yang rlung dang rtswe dang ni/ /byang chub sems su byas pas na/ /tha dad nyi du 'dod pa'ang yod/ /shes pa bsdus dang ma bsdus pa/ /gnas skabs don gyis 'jug pa yin/ tshe bsgrub pa yi cho ga ni/ /rang gi snying gar 'od kyi gzhal ya khang/ /de yi dkyil na a dkar gnyis/ /phro 'dus zla ba kha sbyor gyur/ /de nas hUM gnyis 'phro 'du las/ /rdo rjer gyur pas steng 'og mnan/ /tshe rnams 'phrog pa'i 'gyur po de/ /drag po sbyor ba la sogs kyis// sngags brjod phyag rgya bcas nas su/ /bcom zhing brlag nas med par byas/ /lha mo'i sprul pas tshe rnams bkug /sngags brjod phyag rgyas bkug nas kyang/ /bsrung zhing ye shes tshe yang dbab/ /dbab pa'i phyag rgya bcing ba ni/ /rdo rje sor mo nang bsnol te// mthe bong gnyis kyi nang du dbab/ /oM badzra A yu She hUM oM be sha ya a a/ lus la til mar bzhin du bstim/ /khyad par snying gi dkyil du bstan/ /baM yig dmar po 'phros pa las/ /man ngag la sogs sbyor bas bcing/ /bsdu zhing gzung ba'i man ngag ni/ /shes rab la sogs thabs kyis bstan/ /tshe yi yon tan la sogs ni/ /rgyud la sogs pa shes par bya/ /tshe dang dum bu rnam smin gsum/ /de gsum thabs sogs mthun pa yang/ /gcig la gcig bsten mdud khyim 'dra/ /yi ge gsum gyi man ngag kyang/ /gnas gsum dag tu bcing pa yin/ /sbyor ba la sogs bcing bar bya/ /de ni tshe sgrub man ngag go/ /byang sems blang ba'i man ngag kyang/ /de yang rnal 'byor spyod pa yi/ /mkhas pas 'chi rtags shes nas ni/ /rin chen 'bar ba'i snod nang du/ / blangs nas mtshal chen dang sbyar nas/ /sbyor ba'i stobs kyis shangs su 'phang/ /rnam shes rlung la zhon pa ste/ /dang po rten dang bral tsam na/ /sngags bzlas 'od zer stobs kyis su/ /snying ga nyid du bcing bar bya/ /de nas snga ma'i rten la gzhug /sbyor ba la sogs

  89. 45a

    gzhan yang sbyar bar bya/ /gzhan yang gsang ba spyod pa ni/ /mdzad pa'i dus ni rnam gsum ste/ /dang po bdud rtsi spyod pa la/ /mos la 'jug dang dngos la 'jug /mos pas 'jug pa gzhan dang mthun/ /dngos su 'jug pa'i thabs bstan pa/ /bdud rtsi bya ba lnga btsal la/ /rang gi lus las btsal bar bya/ /btsal nas bsgrubs pa'i ri lu de/ /tshad du phyin nas bza' bar bya/ /bza' ba dang po rim gyis brlab/ /zas dang rjes zin rting nyid la/ /zhag gsum na ni ci ran bza' / /btung ba'ang de bzhin de nyid la/ /zhag lnga na ni bza' bar bya/ /de nas zla phyed zla gcig go /de rnams par gyi 'tsho ba ni/ /nang gi bdud rtsi slar bsdams la/ /bza' zhing btung pa nyid du bya/ /de rnams bag la zha nas ni/ /bar bar gong bzhin bza' bar bya/ /yang na rim bzhin de bzhin ldab/ /de nas nang gi rgyun bzlog gis/ /rim bzhin lus rnams gso bar bya/ /lus ni shin tu rgyas gyur na/ /ting 'dzin bogs ni skye bar 'gyur/ /man ngag stobs kyis zhugs pa yis/ /mi rtog ye shes skye bar 'gyur/ /yang na bogs ni dbyung ba'i thabs/ /nang gi gso thabs spo ba dang/ /phyi yi gso thabs spo ba dang/ /lus la rdzas rnams byugs pa yis/ /ting 'dzin bogs rnams skye bar 'gyur/ /thabs des skye bar ma gyur na/ /man ngag bsgom pas spo bar bya/ /des kyang skye bar ma gyur na/ /gnas la sogs pa spo bar bya/ /spos kyang skye bar ma gyur na/ /'byung po'i gnod pa yod pa yin/ /'byung po bsal ba'i thabs rnams bya/ /'byung po bsal kyang ma byung na/ /sngon gyi bag chags mthug pas na/ /de nyid sbyang ba'i cho ga bya/ /des kyang skye bar ma gyur na/ /tha mi dad pa'i 'du shes kyis/ /dkyil 'khor la sogs spos pa yis/ /ting nge 'dzin ni skye bar 'gyur/ /des kyang skye bar ma gyur na/ /slob dpon man ngag nyams pa yin/ /slob dpon dam tshig nyams

  90. 45b

    pas kyang/ /man ngag mthu ni chung bar byed/ /ye shes skye ba'i gnas rnams ni/ /slob dpon dam tshig nyams sogs la/ /dam tshig la sogs nod pa dang/ /rang gi man ngag nyams pa dang/ /dam tshig nyams pa'i the tshom zos/ /lta spyod nyams su ma lon dang/ / dus dang rtags sogs ma shes dang/ /man ngag bsgom rim ma shes dang/ /spyang ba la sogs ma shes dang/ /sems 'dzin phra mo yong srid kyang/ /ye shes skye bar mi 'gyur ro/ /de rnams skyon spangs yon tan ldan/ /de ni ye shes ma skyes kyang/ / tshogs chen khyal par bsags nas su/ /skye ba phyi mar ye shes kyi/ /nges pa de na yin thogs med do/ /mtshan nyid la sogs gzhan dag tu/ /snga ma las kyi 'phen shugs kyis/ /ma nges pa dag bstan pa de/ /sngags kyi nus mthu khyad par gyis/ /las kyi 'phen par bcom nas kyang/ /skye ba phyi mar nges pa'i don/ /phyi mar rkyen sogs thams cad kun/ /nges pa kho nar 'joms par 'gyur/ /de ru rkyen rnams gzhan 'gyur na/ /dge bar sngo ba legs 'gyur bar/ /ma mtshams skye ba bdun la nges/ /de bas gsang sngags mthu rnams ni/ /dug gi sman gyur ji bzhin no/ /de bas gsang sngags mthu rnams kyis/ /lan ni nye bar 'bras bu myur/ /sa dang pha rol phyin pa ni/ /de bas mthu chung bskal ba gsum/ /nyan thos de bas mthu chung bas/ /bskal pa bzhi ni 'ger ba yin/ /de dag kun la rab 'bring gsum/ /ring dang myur dang shin tu myur/ /gsang sngags la la'i gzhung dang ni/ /slob dpon la la'i gzhung gis ni/ /bcud kyi len gyi man ngag gis/ /lus sems las su rung gyur nas/ / man ngag stobs kyi ye shes skye/ /des ni phyag rgya'i dngos grub thob/ /phyag rgya mchog ni 'dod pa na/ /tshe la dbang sgyur bsgrub nas ni/ /man ngag bsgoms pa'i stobs kyis ni/ /phyag rgya mchog ni thob par 'gyur/ /slob dpon la la'i gzhung gis

  91. 46a

    ni/ /bskyed rim bstan par gyur ba dang/ /bcud kyi len gyi man ngag bsgrub/ /des ni tshe la dbang bsgyur 'grub/ /tshe dbang thob pa des kyang ni/ /phyag rgya phyag rgya mchog gnyis thob/ /bcud kyi len gyi man ngag kyang/ /mkha' 'gro'i rgyud du shes par gyis/ /phyag rgya mchog gi man ngag cung zhig tsam/ /rnyed par bya ba'i lus kyi phreng ba thab kyi rim pa bkod pa'o/ gzhan yang/ bstan pa bsrung ba'i don slad du/ /las kyi phreng ba gzhan yang bstan/ bdag nyid lhag pa'i lhar bskyed la/ /mdun du mgon po nag po ni// sku gsung thugs las gyur ba yi/ /hUM de nyid las bskyed pa ni/ /zhal gcig phyag ni gnyis pa de/ /mdog gnag 'od 'bar chen po ni/ /gri gug thod pa lag na 'dzin/ /thod pa'i phreng ba'i do shal byas/ /mche ba gtsigs mdzad 'jigs byed pa/ /bongs thub lus gnag gzi brjid che/ /kha nas khrag ni 'bab pa'o/ de la bzlas pa'i man ngag ni/ /oM ma hA kA la ha na ha na badzra na swAhA/ /bzlas pa yi ni man ngag kyang/ /rten dang brten pa'i gnas tshul des/ /gru gsum gzhal yas sgo gcig pa/ /de yi bdag po rigs dang bstun/ /'phro 'du bya ba'i tshul rnams kyang/ /'khor lo cha tsha gdab pa'i tshul/ /lce yang rigs dang bstun pa yin/ /ngag gi bzlas pa byed tshul yang/ /nyi ma shar dang ru chu brug /de yi bzlas pa'i grangs rnams kyang/ /sum 'bum drug 'bum sa la ru/ /bzlas pa byas pas mtshan ma brnyed/ /des su 'byung bar ma gyur na/ /sbyang ba byas te bzla par bya/ /sngags kyi nus ba che chung dang/ /mos pa yi ni khyad par dang/ /bag chags che chung khyad par gyis/ /rdo rje drag po'i rgyud rnams las/ /sngags kyi sbyor ba gzhan dag gis/ /bsnyen dang bsad pa'i las rnams bya/ /lha yi sbyor ba spo ba yang/ /de bzhin du ni shes par bya/ /gnas la sogs pa'i sbyor ba ni/ /gzhan dag kyang ni spo bar bya/ /lha rnams so so spo ba yang/ /zhal gcig phyag ni bzhi ba

  92. 46b

    dang/ /zhal gsum phyag ni drug pa dang/ /zhal bzhi phyag ni brgyad pa dang/ /phyag mtshan rnams kyang 'gyur pa dang/ /sku mdog la sogs 'gyur ba rnams/ /so so'i rgyud dang bstun pa yin/ /sngags la sogs pa'i sbyor ba yang/ /de bzhin du na shes par bya/ /khyad par las rnams so so'i sngags/ /oM mahA kA lA ya/ ya ti pra ti dz+nyA sma ra si/ ta di daM/ ma ma ru shA/ kha la khA hi/ ma ra ma ra/ gri h+Na gri h+Na/ band+ha band+ha/ ha na ha na/ da ha da ha/ pa tsa pa tsa/ di na mi ke na hUM hUM phaT/ hUM b+ha ga wan/ oM bi laM ba hUM hUM phaT/ oM g+hu swAhA/ gsang ba'i sngags so/ /oM bruM/ mngon spyod kyi'o/ /oM dzi swAhA/ dbye ba'o/ /oM kha swAhA/ bskrad pa'o/ /oM hUM swAhA/ dgug pa'o/ /oM a swAhA/ dbang gi'o/ /oM hUM swAhA/ rengs byed kyi'o/ /sngags 'di dag thams cad yi ge 'bum bzlas pas 'grub par byed do// mgon po'i las 'di thun mong pa'i las so/ /sbyin sreg dag gis bsang pa ni/ /gru gsum nag po'i thab khung du/ /shin tu drag po'i me lha bsam/ /sbyar zhing byin gyis brlab pa dang/ /bsdus rgyas myur ba'i rim pa rnams/ /man ngag la sogs shin tu dag/ /mchod pa dbul ba'i rim pa ni/ /che ba'i mar dang tsher ma can/ /til nag po dang dug chus byug /oM mahA kA la ming 'di zhes bya ba shan thun mar yA hUM phaT/ zhes brgya rtsa brgyad dbul bar bya'o/ /mngon par bsgrub pa'i las shul shi ba'i ro bzung? la/ /de ni yang ni gtub par bya/ /stong par byin brlabs yi ge las/ /bsgrub bya ci 'dra de la bsam/ /lcags kyus snying drang rlung gis bteg /rnam par shes pa de la bstim/ /rdo rje phur bus de la brdeg /bsad nas me la sbyin sreg bya/ /me yi lha la brgya rtsa brgyad/ /ming nas smos pa de la dbul/ /lha la rtsa ba'i sngags kyis ni/ /dbul par dgra ni ming de gzhug /'bum la brgyad kyis bstabs la dbul/ /de ni dur khrod gdon rnams kyis/ /'du zhing de nyid za bar bsam/ /de yang bsod nams rab 'bring gis//

  93. 47a

    bcu gnyis phyed dang de yi phyed/ /'chi bar de ni gdon mi za/ /bsregs pas bsad pa'i las rim mo// //gzhan yang ting 'dzin rim pa yis/ /bsad pa rab tu bsam par bya/ /'di ni bsams pa tsam gyis kyang/ /sangs rgyas nyid kyang nges par ?/ /mahA kA la'i rnal 'byor gyis/ /gsum pa khro bo'i sems kyis ni/ /da yi lte ba'i rtsa ba la/ /rnal 'byor can gyi lag pas bcad/ /ming gi yi ge dang po las/ /bsad bya mdun du bsam par bya/ /rnam shes de la bcug nas ni/ /kha sbyar nang nas gnas mthong nas/ /de ? srog dang 'dral mthong nas/ /ro ni dum bu stong du gtub/ /gza''am yang na gtor ma bya/ /de ma thag tu spyi gtsug bsam/ /khrag skyugs 'dar zhing mgo skyes kyang/ /kha ni thur du bub par bsam/ /su rtse me yi gzugs can ni/ /snang la ma zhugs nas snying khar ni/ /the tshom med cing bstan gyur na/ /nges par 'dzin par 'gyur ba yin/ /ting nge 'dzin gyis bsad pa'i rim pa'o// //gzhan yang rab tu bshad par bya/ /thod pa ma chags ma gsal// mahA kA la'i snying po bri/ /bzlas pa'i yungs kar da ru klug /dgra yis sgo khar spas nas ni/ /nor dang bcas pas zla drug gi /brlag par 'gyur pa gdon mi za/ /gang yin pa yi rigs rgyud kyi/ /thod pa de nyid blangs nas ni/ /cig shos kyi ni khrag gis bri/ /sngags ni nag po nyid kyis bya/ /yang na mahA ka la dang/ /nag po nyid kyis bsres nas bya/ /mahA kA las byed pa na/ /ming spel ba ni chags rgyur bcad/ /yang na gling bcad 'khor lo bcad/ /gro ga 'am dur khrod ras ma la/ /gzugs dang ming ni bris pa gzhug /de steng de gshed gzugs rnams gzhug/ smin par byed pas kha bcad nas/ /de steng gzhan gyis dgab par bya/ /gnag dang dkar bas rgya gram bcing/ /nag po yod pa'i sar sbas na/ /gdon mi za bar brlag par 'gyur/ /de ni

  94. 47b

    thabs kyis bsad pa'i rim pa'o// //gzhan yang bsad pa'i rim pa ni/ /gru gsum nag po'i snod nang du/ /khrag sna snying sna sbyar ba yi/ /mthun pa'i dam rdzas rnams kyis dgang/ /dur khrod ras ma dag la ni/ /de yi ming dang gzugs bris la/ /brgya rtsa brgyad ni gtor mar dbul/ /nag po'i rten ni yod pa'i sar/ /bstab pa'i tshul gyis rbad par bya/ /de ltar byas pa'i gtor ma ni/ /brgya nas stong gi bar du ni/ /oM mahA kA lA ya shA sa na u pa ka ri NaM e Sha a pa shtsi ma kA lo/ /ya mi taM ratna tra yA ya/ a pa ka ri NaM ya pra ti dz+nyA sma ra si ta de daM/ duSh+TaM satwa kha kha khA hi khA hi/ ma ra ma ra/ gri h+Na gri h+Na/ band+ha band+ha/ ha na ha na/ da ha da ha/ pa tsa pa tsa/ di na me ke na hUM phaT/ ces pa'i sngags kyis bsad par bya'o/ /gzhan yang 'khor los bsad pa ni/ /bde gshegs sprul ba'i nag po ni/ /shin tu 'jigs pa'i sku 'chad ba/ /bskyed pa la sogs rdzogs byas la/ /tshes grangs shis pa nyid la ni/ /'khor lo legs par bca' bar bya/ /'khor lo bca' ba'i lugs rnams ni/ /dur khrod ras ma dag la ni/ /'jig rten mgon po'i gzugs bris la/ /lto bar 'khor lo bca' bar bya/ /rtsibs ni bcu gnyis brgyad du bya/ /le tshe re re bor len bya/ /ming dang drag sngags spel te bri/ /sngon du cho ga rdzogs byas la/ /'khor lo sgrub dang bsgrub bya gnyis/ /bskyed cing dgug pa'i las byas te/ /mchod pa la sogs rdzogs bya'o/ /de nas bsad pa'i las rnams bya/ /nyi ma bzhis bskor thim par byed/ /sngags ni khri dang bzhi khrid bzlas de nas bcing ba'i sbyor ba bya/ /dur khrod nag po'i gnas dag tu/ /gru gsum nag po'o gting brus la/ /gting brus sbas te mnan par bya/ /nges su ma byung bskyar bar bya/ /oM mahA kA la sha thun ma ra ya phaT/ zhes ming dang spel bar bya/ /'khor los bsad pa'i rim pa'o// //gnod sbyin gyis ni bsad pa'i thabs/ /rang nyid lhag pa'i

  95. 48a

    lhar gnas pa'i/ /cho ga thams cad rdzogs byas la/ /mdun du gru gsum dkyil 'khor la/ /gnod sbyin drag po bskyed par bya/ /de nyid nus pa bskyed pa'i phyir/ /sbyor ba gzhan yang shes par bya/ /drag po gsang sngags bzlas pa yis/ /gang yang mi 'du rang dbang med/ /lcags kyi cha? tsha? gdab pa bzhin/ /'phros pas thams cad brlag par byed/ /sum 'bum drug 'bum dgu 'bum du/ /bzlas pas don rnams grub par byed/ /tshad du byin pa'i dus su ni/ /shin tu ngag cing bos bas su/ rang dbang med par las rnams dang?/ /oM badzra mahA kA la yak+Sha hUM phaT/ dza(rgyud 'grel): mA ra ya/ sha ? mA ra ya/ sngags kyi man ngag bsgyur shes bya/ /sbyin sreg ting 'dzin thabs dang ni/ /gtor ma 'khrul 'khor bsang la sogs/ /thabs kyis zin pa'i sbyor shes bya/ /gnod sbyin gyis bsad pa'i rim pa'o// //ro langs mas ni bsad pa'i thabs/ /rang nyid lhag pa'i lhar gnas pas/ /dur khrod chen po'i dkyil ngag tu/ ro langs ma ni bskyed byas la/ /rang bzhin ma yang spyan drangs te/ /de gnyis cho ga rdzogs byas te/ /bsnyen pa tshad du phyin pa na/ dur khrod ro yi thod pa ru/ /khrag thun rdzas la sogs pa la/ /drag po thun sngags bzlas par bya/ /khri yi bar du bzlas par bya/ /de nas gang yin sa ru brdeg par bya/ /de ltar lan gsum byas pa yi/ /gang yin de ni brlag par 'gyur/ /dur khrod 'bar ba'i gnas dag tu/ /nag po'i nang du 'khrul 'khor mnan/ /nag po'i nang du gtor mas dgang/ /cig shos nang du bcas pa yis/ /nag po nyid la gtang par bya/ /tsha ba'i rdzas kyis bsreg par bya/ /de ltar sbyor ba'i man ngag rnams/ /mkhas pas bsgrims te ma byas na/ /rang nyid la ni gnod par 'gyur/ oM badzra be ta li hUM phaT/ sha thun mA ra ya hUM phaT/ kha kha khA hi khA hi/ sngags kyi man ngag sbyor shes bya/ /ro langs mas bsang pa'i rim ba'o// //mkha' 'gro ma yis bsad pa'i thabs/ /chu ngogs thibs pa'i gnas dag tu/ /mkha' 'gro ma ni bsgrub par

  96. 48b

    bya/ /zhing chen gyi ni gdan bting la/ /drag po rol pa'i 'dug stangs bya/ /mkha' 'gro ma sku mdun bzhag la/ /zhing rgyus brgyus pa thugs kar gzung/ /drag tu bzlas pa'i stobs kyis su/ /sbyor ba gang 'dod 'grub par byed/ /khyad par sbyor ba bstan pa ni/ /gnag cing thibs pa'i nang dag tu/ /gru gsum nag po brus nas kyang/ /gzugs brnyan bca' ba'i thabs byas te/ /de ru bsad pa la sogs bya/ /yang na 'bab chu'i ngos dag tu/ /sba zhing mnan pa'i thabs bya'o/ /oM badzra DA kI hUM phaT/ sha thun mA ra ya hUM phaT/ oM laM hUM laM suM b+ha nan/ /sngags kyi bsdebs ni ma shes na/ /sbyor ba 'grub bar mi 'gyur ro/ /mkha' 'gro mas bsad pa'i rim pa'o// //'jigs byed mas bsad pa'i thabs/ /shin tu 'jigs pa'i gnas ngag tu/ /drag cing btum pa'i chas gos gon/ dang por bsnyen sbyor tshar bas su/ /nag po 'gro mgyogs sbyar dkar dang/ /bdag po sme brtsegs thod nang du/ /de rnams rigs mthun rdzas bsags te/ /chu gsum la sogs rdzas rnams la/ /sngags kyi sbyor ba btab pas ni/ /nus pa'i mthu dang ldan par 'gyur/ /oM badzra b+he ra ya hUM phaT/ sha thun mA ra ya hUM phaT/ kha kha khA hi khA hi/ drag po'i sbyor ba mkhas pa yis/ /'byung po'i rnams ni brlag par 'gyur/ /sbyor ba gzhan yang sbyor shes bya/ /'jigs byed mas bsad pa'i rim pa'o// / khro mo chen mo srog gcod ma yis bsad pa'o/ /man ngag thabs kyi rim pa bstan/ /sngon du bsnyen pa rdzogs pa yis/ /yi ge i yi gdan stengs su/ /bsgrub bya de ru bzhag nas ni/ /bzlas pa drag tu byas pas su/ /srog gcod ma ni bskul bar bya khri yi sngags kyis dgug par bya/ /khri yi sngags kyis bsad par bya/ /rang nyid lhag pa'i lhar gnas pas/ /srog gcod ma ni mdun du bskyed/ /grub pa mo yang spyan drangs te/ /mthu bskyed la sogs byas nas ni/ /sku dang gsung dang thugs rnams

  97. 49a

    las/ /drag po'i brgyud pa'i mthu rnams ni/ /mda' zam btags pa'i tshul du byung/ /spyi bo mgrin pa snying ga nas/ /char bzhin du ni 'bab bar 'gyur/ /oM pra ti ta na hUM phaT/ sha thun mA ra ya hUM phaT/ kha kha khA hi khA hi/ sngags kyi sbyor ba gzhan dang mthun/ /drag po'i las rnams gzhan pa yang/ /man ngag stobs kyis sbyor shes bya'o/ /srog bcod mas bsad pa'i rim pa'o/ /dbugs rtsub mas bsad pa'i rim pa ni/ /rang nyid lhag pa'i lhar gnas nas/ /sngon du bsnyen pa rdzogs byas nas// drag po'i las kyi sbyor ba ni/ /gru gsum 'bar ba'i gnas dag tu/ /'jigs pa'i rgyan mgon nas ni/ /bram ze 'am rgyal rigs nag po'i phyogs/ /mthun pa'i rdzas ni btsal nas kyang/ /gru gsum steng du rten bcas nas/ /nag po 'bar ba'i sbyor ba brtsam/ / drag po'i rdzas la sngags bzlas te/ /bdun dang nyi shu rtsa gcig dang/ /zla ba gcig gi bar du bsgrub/ /de nas 'khor lo ldan pa 'am/ /shugs dang ldan pa'i sbyor ba yis/ /shin tu myur bar 'bad par bya/ /de nyid bskod pa'i tshul du 'am/ /ri mo'i tshul du byas pa yis /ting 'dzin sbyor ba'ang de bzhin bsam/ /oM shwa sa gA pa ye hUM che ge mo sha thun mA ra ya hUM phaT/ /yang na drag po'i 'grub khur du/ /tsher ma can gyi shing bka' ste/ /raM las drag po'i me dpung bsam/ /gro ga'am ni shing shun la/ /bsgrub bya'i ming ni bris nas kyang/ /khri 'am 'bum du bzlas nas ni/ /bsgrub bya bkug nas bstim par bya/ /drag po yi ni sngags kyis sreg /'chi bar 'gyur ba gdon mi za/ /sbyor ba la sogs gzhan po yang/ /man ngag can gyis sbyor shes bya'o/ /shwa sa gA pa yis bsad pa'i las kyi rim pa'o/ /rak+ta'i las kyi phreng ba yis/ /bsad pa'i las 'di brtsam par bya/ /dmar zhing chags pa'i rang bzhin can/ /khog pa'i rten ni btsal bar bya/ /'od ma'i gzhu ni lta bu yis/ /dkyil du de nyid bzhag nas kyang/ /dus la de ni byas?

  98. 49b

    pa yis/ /smin byed dang po rgyug pa dang/ /mdongs dang ldan pa'i mtshal chen gnyis/ /bsres la sngags ni gdab par bya/ /dus tshod gsum du bsgrubs nas kyang/ /bsgrub bya'i 'og tu sbas nas ni/ /gang 'dod pa yi don rnams 'grub/ /yang na 'od ma lta bu'i dkyil// 'dab brgyad dang ni ldan pa la/ /kha mthing la sogs me sbar la/ /dbang byed sngags ni bzlas pas su/ /nges pa kho nar khugs par 'gyur/ /oM rak+ta pri ya ni hUM che ge mo ba shaM ku ru hUM/ sbyor ba la sogs gzhan po yang/ /man ngag stobs kyis phye bar bya/ /rak+ta bri ya nis bsad pa'i las kyi rim pa'o/ /maM sa bag tris bsad pa'i rim pa ni/ /sngon du 'gro ba rdzogs byas la/ /sha zan de ni stong dag gi /rten la sogs pa rdzogs byas la/ /bug pa can gyi snod nang du/ /rdo rje mchu ni sbyar nas kyang/ /rlung gi shugs kyi sngags 'di 'phang/ /de yi sbyor ba ma zhig par/ /gang la bya ba de ru brdeg /des ni grong rnams 'khrug cing 'gas/ /'di yi sbyin sreg gtor ma dang/ /thabs dang 'khrul 'khor dag gis ni/ /bsad pa'i man ngag sbyor shes bya/ /oM maM sa bag tri che ge mo sha thun mA ra la phaT/ maM sa bag tris bsad pa'i las kyi rim pa'o/ /gzhan yang rdzas kyi bsad pa ni/ /d+ha d+hu ra dang 'ol ma se/ /'gu phaT taM dang khu bar sbyar/ /thabs la mkhas pa'i sbyor ba yis/ /mi la blud na smyo bar 'gyur/ /gsol ba 'debs na gso bar bya/ /khu ba la sogs rnams kyis na/ /lus la byugs shing khod du blud/ /de ni nges par thar bar 'gyur/ /bsad pas sbyor ba'i las rnams kyang/ /sangs rgyas la sogs bstan pa ni/ /'jigs pa la sogs nges pa dang/ /ru tra nag por gyur pa la/ /sbyor ba 'di ni bya bar gsungs// de las gzhan du byas pa na/ /rang nyid nyams te dmyal bar ltung/ /de yi sbyor ba byed pa yang/ /tshad med sngon du 'gro byas la/ /man ngag the tshom med par ni/ /byas na gdon mi za bar 'grub/ /de yang bsgral bya'i yul de la/ /lus ngag yid gsum zhi bas ni//

  99. 50a

    tshul dang mthun pa'i bden pa bdar/ /lan gsum byas kyang mnyan ni/ /ltung bar mi 'gyur bya bar gsungs/ /bsad pa las ni phreng ba'o// //bcom ldan 'das de bzhin gshegs pa sku gsung thugs kyi mnga' bdag la phyag 'tshal lo/ /drag po sku yi sbyor ba dang/ /gsung dang thugs kyi sbyor ba dang/ /las ni gzhan sogs sbyor ba dang/ /rdzogs pa mthar thug sbyor ba rnams/ /rim pa bzhin du bstan par bya/ /nag po 'jigs pa'i cha lugs 'chang/ /zhal gcig gam ni gnyis pa'am/ /zhal gsum pa'am phyag rgya? pa/ /gang 'dod pa ni bskyed par bya/ /des su bsnyen pa rdzogs byas la/ /ro bsregs thal? ba'i 'jim pa la/ /nag po'i gzugs brnyan bcas byas la/ /de nyid sbyin sogs bskyed byas la/ /sngags bzlas pa yi stobs kyis su/ /shin tu 'dar zhing 'gul bar 'gyur/ / gtor ma la sogs byin nas kyang/ /bstod cing gsol ba btab pas su/ /dgra rnams nges par 'chi bar 'gyur/ /drag po'i gru gsum thab khung du/ /gdug pa can gyi me spar bas/ /mang nag tsha ba gsum dang ni/ /sha khrag gsum gyi rdzas? bsregs la/ /bsgrub bya bkug ste de la bstim/ /drag po'i sngags ni bzlas nas kyang/ /rdzas rnams me yi nang gtor bas/ /nges pa kho nar 'jig par 'gyur/ /thabs dang ting 'dzin 'khor lo dang/ /gtor ma la sogs sbyor ba yis/ /bsad pa'i man ngag sbyor ba ni/ /brtul zhugs can gyi sbyor zhes bya// de nas gsung gi nag po yi/ /sbyor ba bstan pa gang yang mthun/ /thugs kyi nag po'i sbyor ba yang/ /gzhan du brgal te bstan pa na/ /brtul zhugs can gyi sbyor zhes bya'o/ /gsum ka la yang bzhi bzhir bstan/ /dper na rgyal po blon po dang/ /las byed 'khor dang mi mthun phyogs/ /de bzhin bde gshegs sprul pa dang/ /sa nas rig pa 'dzin pa dang/ /dam can dam la gnas pa dang/ /nges su gdul bar bya ba bzhi/ /de bzhin mkhas pas shes par bya'o/ /de rnams sku gsung thugs kyi don/ /bsdus pa bstan pa'i rim pa'o/ /sku

  100. 50b

    gsung thugs kyis bsad pa'i las kyi rim pa'o/ /las kyi rim pa gzhan bstan par bya ste/ /grong khyer bkrug pa'i cho ga ni/ /rang nyid lhag pa'i lhar gnas pas/ /sngon du bsnyen pa rdzogs byas te/ /nag po chen po lnga btsal la/ /sngags kyi 'khor lo phreng ba bri/ / ma? pa'i rdzas kyis dga' bar bya/ /sngags bzlas pas ni don rnams 'grub/ /oM a ka tsa Ta ta pa ya sha swAhA/ /sngags ni khri tsho re re bzlas/ /nag po 'bar ba kha bcad do/ /grong gis dkyil dang phyogs bzhi ru/ /sked nub tsam du brkos nas su/ /de dang sa gter spa bar ? thod pa la sogs snod nang du/ /mthun ba'i rdzas ni bsag par bya/ /mkha' 'gro bar yi drag sngags bzlas/ /de yang grong khyer gses du bskul/ /bdun bdun? par ni bcad byas la/ /de ltar byas na grong khyer 'khrug /grong khyer bkug pa'i las kyi rim pa'o/ /char ni ? pa'i rim pa yang/ /dang por bsnyen sbyor goms pa yis/ /rang nyid lhag pa'i lhar bskyed la/ /rdzas rnams bsag pa'i thabs dag ni/ /yi ge gnyis kyis spang bya pa la/ /klu yi rgyal po smdza' yas kyi/ /gzugs brnyan byas ba ?? du/ /bzhag nas bdud rtsi sogs kyis dgang/ /ba nag po mas bkang nas ni/ /gzhon nu nag mos bkal ba yi/ /skud pa yis ni bcing bar bya/ /klung lha'i phyogs su ?? bya/ /klu yi rgyal po da? bzhag /de yi 'gram du dkyil 'khor bya/ /sol ba dus pa ldong ros dang/ /so pag lo? ? phye la// nag po dkar po ser po dang/ /dmar po ljang khu'i sa tshon bya/ /dur khrod srad bus thig gdab po/ /dkyil 'khor gru gsum byas nas ni/ /de yi dbus su mdza' yas bzhag /mgon po'i bdag po chen po bzhi/ /brgyud bzhi dang ni bstun? nas kyang/ /? mos mgon pos mnan par bya/ /bdud rtsi me tog nag po dang/ /'dul byed khu ba glang po'i chad/ /blugs dang mchod pa dbul bar bya/ /rang gis rnal 'byor rnal ba yis/ /bzlas pa'i man ngag shes byas te/ /sngags bzlas pas ni char dbab pa'o/ /gal te me 'bab de yi che//

  101. 51a

    klu yi mgo ni 'gas par 'gyur/ /sprin dbral ba yi thabs rnams ni/ /dur khrod ras la nyer 'dug nas/ /sngags bzlas bas ni 'grub par 'gyur/ /oM Arya shma shwa la spri yA ya hUM hUM hUM phaT/ sngags la 'od zer 'phros pa yis/ /sprin pa bsdus shing sprin dral bas/ /gseb nas char ni 'bab par bsam/ /char dbab pa yi sngags bzlas pa/ /oM g+hu ru g+hu ru d+hu g+hu d+hu g+hu d+hu/ ma sha ma sha /g+ha Ta g+ha Ta/ g+ho Ta ya g+ho Ta ya/ a nan+ta k+Sho b+ha ka ra ya nA gA d+hi ba ta ye he he ru ru ka sa ba b+ha ra ta la ga ta na nA gA karSha ya gardza ya gardza ya/ tardza ya tardza ya/ phu phu phu phu phu phu phu phu/ hUM hUM hUM phaT/ swAhA/ /des ni char rnams mi 'bab na/ /sngags bzlog nas bzlas pas char 'bab po/ /des char mi 'bab na mgo 'gas bar 'gyur ro/ /char dbab pa'i cho ga'o/ /char sogs bzlog pa'i cho ga ni/ /rang nyid lhag pa'i lhar gnas pas/ /sngon du bsnyen pa rdzogs byas la/ /dur khrod sol ba'i rdzas dag la/ /sngags ni bzlas shing btab pas su/ /de nas nam mkhar gtor bar bya/ /de ltar byas pas bzlog par 'gyur/ /des ni bzlog par ma gyur na/ /gnas ni dben par gnas byas te/ /bdag nyid legs par bsrung byas la/ /bdag gi lus ni mer bsgoms te/ /gzhan nas kyang ni me byung nas/ /'jig rten thams cad mes gang bsam/ /sngags kyi 'od zer las me byung/ /char pa la sogs bsregs par bsam/ /des kyang bzlog par ma gyur na/ /glog phreng gi ni sbyor ba las/ /ji ltar 'byung zhing bzlog par bya'o/ /des ni nges par bzlog par 'gyur/ /char dang ser ba la sogs pa bzlog pa'i cho ga rdzogs so// //rnal 'byor la sogs pa ni/ /dus la bab nas 'chi 'gyur na/ /phung po bsreg par bya ba ni/ /rdo rje slob dpon mkhas pas su/ /sngon du bsnyen pa rdzogs byas te/ /lha yi snang ba thob pas bya/ /lha yi snang thob ma gyur na/ /sems ni las su rung bar bya/ /sems 'dzin nus par ma gyur na/ /dus dang grangs kyi bsnyen pa ni/ /mos dang ldan pas rdzogs byas la/ /de nas brtsam

  102. 51b

    par bya ba yin/ /de yang thun mong sngon song nas/ /phyis ni gnyen pa gso don du/ /bsdu na lnga dang gsum du bya/ /dang po 'chi brtags brtag par bya/ /bdag nyid phyag na rdo rjer bskyed/ /skad cig tsam mos thugs kar ni/ /zla ba'i dkyil 'khor gyi steng du/ /yi ge hUM gi 'od zer gyis/ bla ma la sogs spyan drangs la/ /phyag 'tshal mchod cing bshags pa dang/ /rjes su yi rang bskul ba dang/ /gsol ba gdab cing skyabs su 'gro /lus dbul dge rtsa bsngo bar bya/ /tshad med bzhi dang stong nyid sgom/ /stong pa'i ngang las cho ga ni/ /rnam pa lngas bskyed bde gshegs tshul/ /cho ga gsum bskyed sems pa'i tshul/ /de yang myur bar bskyed 'dod na/ /stong pa'i ngang las sa bon byung/ /de nyid 'phros pas sku skyed do/ /zhal gcig phyag gnyis utpal mdog /mche ba gtsigs pa sgeg dang bcas/ /rdo rje gsor zhing sdig mdzub 'chang/ /'od kyi sprul ba'i dkyil na gnas/ /pad+ma stong ldan 'dab dkyil na/ /nyi zla'i gdan la zhabs kyis bsten/ /ye shes kyi ni mthu skyed cing/ /byin gyis brlab pa la sogs bya/ /sku de nyid ni brtan par bsgom/ /gshin rje srog gcod de la yang// bden pa'i tshig gis bka' bsgo bya/ /de dag 'phros par gyur nas kyang/ /gtor ma yang na btang bar bya/ /de nas rnam shes 'pho ba'i phyir/ /man ngag stobs kyi sbyor ba yis/ /rna ba'i drung du sngags 'di bzlas/ /rdo rje 'dzin pa'i rdo rje bsam/ /oM na mo b+ha ga wa te/ sarba dung+ga? ti pa ri sho d+ha ne rA dzA ya/ ta thA ga tA ya arb+ha ta saM myaksaM bud+hA ya/ tadya thA/ oM b+hya ma b+hya pi ni/ byo ma ru pa ya/ sarba bya bi ni shi pa ya h+ri/ bra rma mA ta h+rim/ baShbyi? dad ya te/ hUM ru tra dad yi te/ k+Shu ru ra drak+Sha ra pi sarba ni hUM ru dre sa ru pe/ h+ri na da/ A ta ma ka/ hUM bin du sha re re oM shag tri saM shag tri sa ma shag tri sa yo dza ne/ ma byo ma yo dza ni/ ma byo ma yo dza ni/ b+ho Sha ta kai ba lye ba de hma bid+hye na ma/ a'uM hUM ltuM k+ShuM k+ShuM k+ShuM na/ oM oM a'i u/ byo ma bya pi ni po sha Ta/ de nas gsang sngags 'di

  103. 52a

    yis ni/ /mi bskyod gnas ni nyams dga' pa/ /dga' dang 'chi ba rnam spangs par/ /rnam par shes pa byung nas 'gro /de yi tshangs pa'i sgo nas ni/ /rnam shes myur du byung bar 'gyur/ /bzhin ni rab tu 'dzum byed cing/ /ro ni ngo mtshar phyag rgyar ldan/ /de lta bu yi sems can de la ni/ /bar mdo yi gnas dag tu/ /'od kyi phreng ba'i 'khor lo yis/ /mi bskyed pa dang tha mi dad/ /'od kyis gzung nas 'khor lo yis/ /cha lugs 'dzin pa nyid du lha/ /de yi sdig pa bsdus nas kyang/ /khog pa'i rten la sdud par bya/ /ga bur gur kum la sogs pa'i/ /spos kyi chu yis bkru bar bya/ /dri ma med pa'i ras la ni/ /byin gyis brlabs nas g.yog bar bya/ /rol mo'i cha byad dang ldan pas/ /dur khrod dgon pa'i gnas su bskyal/ /de nas ro ni bsreg byas te/ /sa dang sta gon cho ga dang/ /slob dpon las dang dkyil 'khor bsgrub/ /de nas ro na bsreg par bya/ /yang na sta gon byas rting la/ /bseg par bya ba nyid du bya/ /sa ni brtag dang blang ba dang/ /sbyar dang byin gyis brlab pa dang/ /gzung dang bsrung ba nyid du bya/ /de rnams zhib tu bya ba yang/ /dkyil 'khor spyi rgyud gzhan dang mthun/ /de nas maN+Dal steng du ni/ /thig le byas te tshom bu dgram/ /lha bskyed pa'am lha sprul pa/ /ye shes spyan drangs gnyis su bsre/ /byin brlabs dbang bskur byas nas ni/ /phyi mchod nang mchod gsang mchod dang/ /rdo rje glu dang gar sogs kyis/ /mchod cing bstod pa rgyas par bya/ /gsol ba btab ste snyan gsan dbab/ /de nas sbyin sreg dag gis sbyang/ /bum pa byin gyis brlab pa yang/ /bya dang mi bya gnyis su bstan/ /byed na cho ga gzhan dang mthun/ /slob ma sta gon gnas pa yang/ /gshin dang gson ni gnyis su bstan/ /mi bskyod gnas na gnas pa der/ /dbang bskur byed na 'dir bkug la/ /sta gon yang ni rgyas par bya/ /sta gon byed pa'i tshul rnams kyang/ /gson la byed pa ji bzhin bya/

  104. 52b

    dbang bskur de ni mi byed na/ /sta gon de yang mi bya ste/ /mi bskyod gnas su bzhag nas ni/ /byin brlabs byas te smon lam gdab/ /ro de nyid ni byin brlabs la/ /sreg khang thur la khru do 'am/ /khru gang rko ba che chung tshad/ /rgyar yang gru bzhi khru do 'am/ /mu ran sor brgyad bcu drug tshad/ /kha dog dkar po zlum zhing 'khyil/ /dbus su pad+ma 'dab brgyad bri/ /phyi rol bri dang mi bri dang/ /'gri ba rgyan rnams gzhan dang mthun/ /rgyan rnams thams cad rdzogs par dgram/ /shing rnams dri dang ldan pa dang/ /'jag ma ku sha la sogs kyis/ /thab khur 'og tu gding bar bya/ /phung po shing du kha bstan te/ /gcig pur bcas te bzhag par bya/ /shing rnams mchod rten dbyibs su brtsig /phyi ni mchod rten dbyibs 'dra la/ /kha dog dkar por byas nas kyang/ /skar khung bzhi ni gtod par bya/ /mchod rdzas la sogs bkram nas kyang/ /bdag nyid bskyed pa rdzogs byas la/ /pho brang byin gyis brlabs nas kyang/ /me lha rgyal po bskyed par bya/ /ye shes me lhas na drangs la/ /bgegs bsal mchod cing bstod pa bya/ /ye shes dgug cing bstim byas la/ /rgyas gdab dam tshig bsgo ba dang/ /dbang bskur byas nas mchod par bya/ /bstod pa la sogs rdzogs nas kyang/ /me lha shar lhor bzhugs pa'am/ /yang na thugs kar pho brang bca' / /ye shes dkyil 'khor spyan drangs bstim/ /byin brlabs la sogs rdzogs byas la/ /phyi mchod nang mchod gsang mchod bya/ /de nas rtsa ba'i sngags la ni/ /sdig pa zhi byed sngags bzlas la/ /bar du ming ni gzhug par bya/ /nyi shu rtsa gcig brgya ru bzlas/ /mchod rdzas g.yon du bkram nas kyang/ /sreg rdzas g.yas su dgram par bya/ /mar dang yam shing zho dang ni// mar ra gsum 'bras chan la sogs pa/ /rim pa bzhin du dbul bar bya/ /tha mar dgang blugs phul nas ni/ /mchod cing bstod de gsol ba gdab/ /badzra mu(rgyud 'grel): yi mdza' can gyis/ /gshegs su gsol te dam tshig bsdu/ /tha ma me yi lha la ni/ /cho ga gong

  105. 53a

    bzhin bsdus te byas/ /ye shes me lha gshegs nas ni/ /dam tshig me lha bsdu bar bya/ /de ltar brten dang sdig bshags la/ /brten pa gong bzhin bkug nas ni/ /pho brang gnyis su bca' byas nas/ /rang nyid lhag pa'i lhar gnas pas/ /dkyil 'khor cho ga ji bzhin bar/ /dkyil 'khor bcug la dbang bskur bya/ /de nas smon lam gdab bar bya/ /mi bskyod pa yi gnas dag tu/ /zla ba'i dkyil 'khor steng bzhag ste/ /rlung gi 'khor lo'i shugs kyis 'phang/ /de ltar byed pa'i rnal 'byor gyi/ /man ngag lag len goms pa yis/ /sbyangs nas bde 'gror nges par skye/ /rim gyis byang chub thob par 'gyur/ /ngan song gsum na 'khyam na yang/ /sngags la sogs pa'i mthu rnams kyis/ /dus de ru ni shin tu bde/ /de nas myur du thar bar byed/ /gzhan yang dur khrod rus ba ni/ /lo brgya 'am lo stong lon pa la/ /bsreg pa la sogs byas ba na/ /sdug bsngal las ni thar bar 'gyur/ /rus ba med na ming sogs la/ /cho ga byas na thar bar 'gyur/ /nyams su ma lon cho ga 'khrugs/ /rang nyid dmyal bar 'gro ba'i rgyu/ /de bas mkhas pas bsgrims te bya'o/ /phur po rten dang bcas pa yi/ /bsreg pa las kyi rim pa i ThI/ /rdzogs pa'i man ngag bstan pa ni/ /rang nyid lhag pa'i lhar bsgoms la/ /lte ba snying kha mgrin pa dang/ /mgo bo yi ni gnas dag tu/ /sprul ba chos kyi sku dang ni/ /longs spyod bde chen gnas zhes bya/ /lta bar drug cu rtsa bzhi la/ /gsal byed yi ge nyis ldab dgod/ /snying khar sde tshan mang po brgyad/ /mgrin par A li bcu drug dgod/ /dung khang gi ni gnas dag tu/ /A li gnyis ni bzlas par bya/ /bde chen gyi ni gnas dag tu/ /a ba d+hu ti dbus su brgyug/ la la nA dang ra sa nA/ /g.yas dang g.yon du rgyug pa yin/ /de rnams nang na rdo rje rung/ /phra mo dag ni gnas pa yin/ /de la rten gyi byang chub sems/ /nyi ma'i zer bzhin khyab bar gnas/ /bde chen tshangs pa'i mthong khung nas/ /rdo rje nor bu mthar thug bar/ /shin tu

  106. 53b

    khyab par rgyas pa yin/ /gtum mo sbar ba'i stobs kyis ni/ /de nyid gsal bar rgyas pa dang/ /byang chub sems kyang shin tu gsal/ /de la brten pa'i byang chub sems/ /mi 'gyur stobs 'dzin sa la gsal/ /bde chen 'khor lo'i gnas dag tu/ /dga' ba skyes pa bum pa'i dbang/ /'bras bu yang ni bstan pa yin/ /la la dag gis bzhed kyis ni/ /rtsa dang rlung dang brten pa la/ /bshad tshul bzhi yis bum pa'i dbang/ /dngos su dga' ba'i don la yang/ /dga' bde bzhi yi don tshang bas/ /bum pa'i dbang gzhi de la sbyar/ /mgrin pa longs spyad 'khor lo la/ /rtsa rlung rten dang brten pa la/ /shes pa'i dbang ni tshul bzhin bshad/ /de ni mchog dga' skye ba'i sa/ /mchog dga' nyid dang dga' bzhi tshang/ /gsang ba'i dbang gzhi de la sbyar/ /snying ga chos kyi 'khor lo la/ /khyad par dga' ba bskyed pa'i sa/ /rlung sogs shes rab ye shes dbang/ /khyad par dga' ba de la yang/ /dga' bzhi skye ba'i rim pa la/ /shes rab ye shes don zhes bya/ /lte ba sprul pa'i 'khor lo la/ /lhan cig skyes pa dga' ba'i sa/ /mthar thug bzhi yi dbang 'di yin/ /de yi gzhung lugs gnyis po yang/ /man ngag rim par sbyar bar bya/ /bzhi pa de la'ang gnyis su bstan/ /rten bcas dang ni rten med do/ /rten bcas la yang gnyis su bstan/ /spros bcas dang ni spros med do/ /rten bcas gtum mo nyid la brten/ /spros bcas kun tu bzang mo'i mkha' / /rnam dag klong dkyil bstan pa'i phyir/ /ye shes thabs kyis mtshon byed ni/ /man ngag spros te bstan pas su/ /mkha' dbyings rnam dag rtogs par 'gyur/ /spros med man ngag bstan pa ni/ /gong gi man ngag de dag kun/ /'di yis rtogs pa spang bya yin/ /dngos po gnas pa'i gnas lugs ni/ /rang gi byang chub sems nyid ni/ dkar po la sogs ma yin zhing/ /mtshon byed kun gyis mtshon du med/ /shes brjod kun las 'das pas na/ /gang du yang ni bsam du med/ /yongs su yang ni rdul

  107. 54a

    tsam med/ /chos rnams ye nas skye med la/ /skye ba med ces sgro mi 'dogs/ /chos su snang ba 'khrul pa'i sems/ /sems nyid ye nas skye med la/ /skye ba med ces sgro mi 'dogs/ /blun po gang zhig mi shes pas/ /dper na nam mkha' 'di med ces/ /sgro 'dogs 'byed pas rtogs mi 'gyur/ /rnal 'byor mkhas pa rnams kyis su/ /skye ba med la sogs pa ru/ /yi nyid nas su sgro mi 'dogs/ /de lta bu yi don nyid la/ /the tshom med par gtan la dbab/ /de nas rnal 'byor gdeng gyur pas/ /bsam med yengs med tsam du ni/ /bsgom pas man ngag rtogs par 'gyur/ /de ltar rtogs pa rdzogs rim gyis/ /dbang gi man ngag mthar thug yin/ /rab tu gnas pa'i rdzogs rim kyang/ /rnal 'byor mkhas pas sbyor shes bya'o/ /mi mkhas pas ni dug tu 'gyur/ /de yang dus skabs bzhi ru ni/ rim pa bzhin du rtogs par bya'o/ /dang po bya ba'i dus dag ni/ /sngon du 'gro ba rdzogs byas la/ /nam mkhar gnas pa de dag la/ /sngon gyi bzhin du gsol ba gdab/ /cho ga yan lag rdzogs byas la/ /dag pa la sogs byas pa la/ /dang po de la nus pa bzhug /nus mthu bskyed pa'i cho ga ni/ /byas nas de la tshogs bsag go /de nas dus ni gnyis pa ru/ /phra mo 'thob pa'i rnal 'byor gyis/ /snying ga'i pho brang gnas dag tu/ /de dang de ni tha mi dad/ /de nyid la ni de nyid kyis/ /de nyid du ni cung zhig tu/ /de yi de yi thabs kyis su/ /de lta de ltar rdzogs par bya/ /dus ni gsum pa dag la ni/ /ye shes thob pa'i rnal 'byor pas/ /'khor lo rten gyi gnas dag tu/ /de nyid de ltar gnas pa na/ /de nyid la ni de nyid do/ /de nyid thabs kyi sbyor bas su/ /de de man ngag rdzogs par thob/ /dus ni bzhi pa dag la yang// rna brgyud stobs kyi spyod yul yin/ /de ltar rab gnas rdzogs rim bya/ /rdo rje nor bu'i rtsa ba ru/ /dga' ba skyes pa bum pa'i dbang/ /gsang ba'i pho brang gnas dag tu/ /mchog dga' skyes pa gsang ba'i dbang/ /khyad par dga' ba'i gnas dag tu/ /khyad par dga' ba

  108. 54b

    skyes pa ni/ /shes rab ye shes dbang nyid do/ /rin chen pho brang gnas dag tu/ /lhan cig dga' ba skyes pa ni/ /dbang ni bzhi par shes par bya/ /de la rdzogs rim las kyi rim/ /phreng ba lta bur brgyud de 'ongs/ /de dag drag po'i la sogs rnams/ /rin chen phreng ltar brgyud pa 'di/ /srog lus rdzas rnams 'bul byed pa'i/ /rin chen lta bu'i gang zag la/ /bca' bka' dam bzhag byas te gtad/ /de ltar mi byed rmongs pas su/ /dam med rmongs pa'i lag shor na/ /dus min shi nas dmyal bar ltung/ /de nas nan tan bskyed de btsa'/ /bdag gis sems can gdon pa'i phyir/ /man ngag rin chen 'di byas pas/ /bdag dang 'gro ba'i sems can rnams/ /phyag rgya mchog ni thob par shog /las kyi rim pa mu tig phreng ba zhes bya ba/ /slob dpon b+ha bas mdzad pa rdzogs so// //rgya gar gyi mkhan po rdo rje slob dpon bIrya dbus su tra'i zhal snga dang/ /lots+tsha ba dge slong gzhon nu tshul khrims kyis bsgyur cing zhus te/ dur khrod nags tshal du brgyud pa'i slob dpon la/ shin tu gsang zhing zhus pa'i don lags so// (//phyag na rdo rje lce babs kyi 'greng? ba mu tig gi phreng ba bzhugs so// /) phyag na rdo rje lce babs kyi 'grel pa mu tig gi phreng ba zhes bya ba/ /dpal phyag na rdo rje la phyag 'tshal lo/ /dang po bsnyen pa'i rim pa ni/ /maN+Dal mda' gang gru bzhi pa/ /ba yi rnam lngas byi dor bya/ /dbus su lnga ldan sprul sku dgod/ /mdun du bum pa bzed zhal dang/ /mchod pa rnam lnga bcas par dgod/ /'khar sogs snod ni mdzes pa ru/ /'o ma dang bcas sman rnams kyis/ /bkang ste mdun du bzhag pa'o/ /zhes pa ni/ 'o ma'i nang du glu sman sna tshogs pa blugs la bzhag pa'o/ /de steng bzhag pa'i rdzas rnams ni/ /rdzas gong du bsags pa de la bya'o/ /rdzas de rnams gang la dbul ba bstan pa'i phyir/ /shin tu gsal byed gdan stengs su/ /lnga ldan mdza' yas sprul dgu pa/ /zhes bya ba ni mdun du rgya mtsho chen po bsam pa'i nang du/ /phu las klu mdza' yas sku mdog ser po/ /phyag gnyis thugs gar

  109. 55a

    thal mo sbyar ba/ dbu la sprul mgo dgu yod pa sprul 'khyil pa lnga'i steng na bzhugs par bsam mo/ /hUM las phyag na rdo rje chu las nya ldang ba'i tshul du dkrangs kyi bskyed do/ /sku mdog mthing ga /dbu skra thor tshugs gcig tu bcings pa/ /zhabs bgrad pa mche ba gtsigs pa/ spyan bzlog pa/ zas su sprul za ba/ rgyan thams cad kyis brgyan pa/ phyag gnyis kyis rdo rje dang dril bu 'dzin par bsams la/ (rgyud 'grel): dza(rgyud 'grel): hUM baM ho(rgyud 'grel): sa/ ye shes sems dpa' spyan drang/ dgug gzhug cing bstim/ de la mchod pa'i yan lag dang/ mchod pa rnam pa lngas mchod bstod/ /oM A(rgyud 'grel): hUM gsum gyi gnas gsum byin gyis rlabs/ /de nas klu la mchod pa'i phyir/ /rtsi sman mchod cing mdun gnas pa'o/ /zhes 'byung ste/ gang du bskyed pa'i klu la ye shes sems dpa' dgug gzhug cing bstim la mchod pa rnam pa lngas mchod do/ /de nas sngags brjod cing 'o ma dang bcas rtsi sman gyis mchod do/ /klu'i nad dang gdug rtsub thams cad dang bral bar gyur cig ces brjod cing bstod do/ /de nas sngags 'di bdun 'bum du bzlas so/ /oM badzra nyi mas bla na klad pa naM/ ku na zhi/ tsit+ta ku li naM/ tsi tra mu tra bzlog byer/ dus bzhi'i mchod pa rgyun tu bya'o/ /klu yi gtor ma dus bzhir btang/ /mdza' ma rtags byung ba dang/ las kyi mdza' btul bar bya ba'i phyir/ bdag rnal 'byor pa sdang mig tu blta zhing/ zhes pa ni/ bdag phyag na rdo rje'i nga rgyal du gnas la/ mdun du gru gsum mthing nag brus la/ dar phye la sogs pa'i rdzas la lingka byas la/ /ming rus gro kha 'am shing shun la bris la bzhag go /de sbal pa nag po dang lto sbyar la tshon skud kyis dkris la gru gsum du gzhug go /de'i bla dgug par bstan par bya ba'i phyir/ yang lcags kyu'i phyag rgya bcas la gong gi ling+ga la bstim mo zhes pa ni go sla'o/ /sngags ni oM badzra nyi ma sa bla na'i rtir la badzra aM ku sha dza(rgyud 'grel): zhes pas dgug pa'o/ /de nas dgra bgegs bsgral ba bstan par bya ba'i phyir/ seng ldeng gi phur pas gdab

  110. 55b

    cir grub par bya zhes pa ni/ lag tu yungs kar blangs la nyi mas bla na'i rting la che ge mo ma ra ya rbad ces bzlas shing/ /gru gsum du yungs kar brab po/ /seng ldeng gi pur pas dril zhing/ nyi ma sa bla na'i rting la/ oM badzra kI li kI lA ya/ che ge mo mA ra yA sarba big+haM na paM hUM phaT ces phur pas gdab bo/ /rnam par shes pa'i tshogs brgyad la/ /de nas thal mo gdab cing nad dang gdon bgegs thams cad brlag par bsam mo zhes pa ni/ thal mo brdab cing gdon bgegs stong phrag brgyad cu/ sku la bod pa'i dgra thams cad dang/ rnam par shes pa dbang du bsdus shing lus rdul phran du rlog cig ces brjod do/ /de nas las kyi mdza' btul bar bya ba'i phyir/ sreg mnan bskyal ba nyams dang sbyar zhes 'byung ste/ thab khung rnying ba'am sla ngar gdug pa can gyi shing la me btang la/ sbyin sreg bya ba dang/ mnan pa bskyal pa kun man ngag bzhin du shes par bya'o/ /bsnyen pa'i rim pa bstan pa'o// //bcom ldan 'das rdo rje 'dzin pa la phyag 'tshal lo/ /bstod pa ni/ lcang lo can gyi gnas mchog dam pa nas/ /rig sngags gsang sngags kun gyi bdag po ste/ /log 'dren bgegs kyi tshogs rnams 'joms mdzad pa/ /bcom ldan rdo rje bsnams la phyag 'tshal bstod/ /klu chen rgyal po mdza' yas ni/ /sku mdog ljang khu sna tshogs mdog /phyag gnyis thal sbyar rin chen 'dzin/ /sbrul mgo dgu yis btsun mo yi/ /mgul nas 'khyud pa'i 'khor bcas la/ /mchod cing bstod de phyag kyang 'tshal/ /bdud rtsi zil dngar sman gyi mchod/ /klu yi gdug rtsu bzhi gyur cig /oM nA ga badzra puShpe hUM/ oM nA ga badzra d+hu pe hUM/ oM nA ga badzra A lo ke h+ri(rgyud 'grel): oM nA ga badzra gand+he gan/ oM nA ga badzra nai bi tya hUM/ oM nA ga badzra bo d+ha ka re hUM/ bstod pa dang mchod pa'i rim pa'o/ /bcom ldan 'das rdo rje 'dzin la phyag 'tshal lo/ /ser ba dbab par 'dod na/ maN+Dal gru bzhi pa zhig byas la/ de'i steng du lnga ldan mdza' yas sprul sku rgyu pa'i gzugs dang/ bzed

  111. 56a

    zhal dang/ mchod pa rnam pa lnga dang dug rdzas sna tshogs dang/ yungs kar la sogs pa'i rdzas dang/ dri mi zhim pa sna tshogs bsag go /rabs chad kyi thod pa mtshan phan cig gi nang du/ tshil dang khyi nag dang/ phur bu nag po dang/ rta nag po dang/ de rnams kyi khra bo blug go /thod pa'i phyi rol du yang bsku/ tshil chen dang/ khrag phyed phyed dang chung ngu yang blugs la/ ? thun gyi rdzas su bzhag go /thod pa'i nang du ser ba byung ba'i chu yang blugs so/ /thod pa de lugs sa mo'i dor rtas dril la maN+Dal ?? shar du gru gsum gyi steng du bzhag go /'gram du seng ldeng gi phur pa gcig kyang gzhug go /de nas phyag na rdo rje bskyed la mchod pa dang/ bstod pa dang/ sngags bzlas pa kun bsnyen pa ltar bya'o/ /de nas las la sbyor ka ni/ mchod bstod gong bzhin bya/ /sngags 'di bdun 'bum bzlas shing/ thod pa dong chung ngu ser rta'i nang du yungs kar la sogs pa'i thun brdeg go /nyi mas bla na mtsher ba phob/ klad pa nan ser ba phob/ kun zhi ser ba phob/ tsit+ta ku li na Na ser ba phob/ tsi tra mu tra ser ba phob bzlog byer ser ba phob/ nA ga h+ri la h+ri la ser ba phob/ nA ga phro ser ba phob/ nA ga phob ser ba phob ces bzlas so/ /sngags de rnams yi ger bris pa thod par gzhug go /de nas skabs skabs su gtor ma gtang ngo/ /de nas thod pa khyer la yul gyi chu mig gam/ lha tho'i rtsar sor la gser skyems btang/ lha 'dre la smod btsugs la thod pa bzhag go /'gram du phyag na rdo rjer byin gyis brlabs la gzugs so/ /de nas dong chung gi khrag dum ka yang gtor ro/ /de nas dod chung gi khrag la khrag dum ka yang bsnan la/ gong bzhin zor bsgrub zhag lnga 'am drug tu bya'o/ /de nas rtag tu sngas su bcug la thun brdeg go /de nas dgra'i yul du phyin la/ /zhing thog dang ser rta'i thog tu zor 'phang ngo/ /thun brdeg go /yul 'dir spags bzlas shing ser ba phob ba'o/ /ser ba

  112. 56b

    ? pa'i rim pa'o// //bcom ldan 'das rdo rje 'dzin la phyag 'tshal lo/ /ser ba bsrung bar 'dod na maN+Dal mchod pa gong bzhin du byas nas/ thal chen dang/ ske tshe dang/ phur pa rnams gdags la/ lag na rdo rjer byin gyis brlabs la/ nyi ma sa bla'i rting la badzra ? pe sha ya ?/ /sa 'di bsrungs shig byer ya zhes 'bum tsam bzlas so/ /skabs su gtor ma gtang ngo/ /thal chen dang ske tshe ras kyi khud du phur la phur pa'i skel gdags so/ /phur ba khyed la yul phyogs bzhi mtshams brgyad du lha mgrin ste? ? la phur pa btab par dmigs la? gzugs so/ /de nas ser ?? na/ ser ba 'ong ba'i phyogs su thal chen dang ske tshe 'phar zhing bsngags bzlas g.yas g.yon du mdzub ris byas la bsrung ngo/ /des ? ma thub na/ rang gi lag pa g.yas g.yon du/ bsrung ba'i zhing yul bsams la/ thal mo kha ? ste/ ser po pha ri la mtshangs par bsam mo/ /sngags 'di nyi mas bla na'i ting la/ badzra pra be sha ya phaT/ sa 'di bsrungs shig phyir ya bya'o/ /des ser ba thub par 'gyur ro// ser ba bsrung ba'i rim pa'o/ /bcom ldan 'das rdo rje 'dzin la phyag 'tshal lo/ /char dbab par 'dod na/ klu'i rten sa chu mig gi sgab ni dma' bar sgra phubs la maN+Dal bya/ phyag na rdo rje dang lnga ldan sbrul dgu pa mchod pa dang/ bstod pa byas la gzugs gdod/ /klu mchod bya'o/ /chu gtor btang/ de nas mdun du gru gsum brus la/ bag phye la klu'i gzugs byas la gzhug go /de nas bdag nyid phyag na rdo rje'i nga rgyal byas la/ seng ldeng gi phur pa thogs pa/ nyi ma sa bla na'i rting la/ nA ga h+ril h+ril/ nA ga phrom phrom/ nA ga phob/ char pa phob ces mang du bzlas so/ /klu'i spyi bor phur pa btab la char pa phob ces bya'o/ /de nas gtor ma btang/ de nas dod sas bkab la phob ces bya'o/ /dus dus bslad zhes bya ba ni / zhag re lon zhing chu mig la yar

  113. 57a

    mar sbra phub la maN+Dal dang/ de ltar nub re re zhing re re bya'o/ /zhag bdun pa la chu mig gis thog tu sbru phub la maN+Dal dang mchod bstad la sogs pa gong bzhin du byas la/ klu'i gzugs la sngags bzlas la phur pa gdab bo/ zhag mdun du bya'o/ /char dbab pa'i rim pa'o/ /bcom ldan 'das rdo rje 'dzin la phyag 'tshal lo/ /klu bzlog par 'dod na/ maN+Dal bya ba dang/ bskyed pa dang/ mchod pa dang/ bstod pa kun gong bzhin du byas la/ mdun du dong gru gsum brus la / ?? nang du bag phye la klu'i gzugs byas la gzhug go /rdzas ni tshil chen dang/ gla rtsi dang/ chon skud sna lnga las sngags mdung byas pa dang/ seng ldeng gi phur pa dang/ de rnams lhar bskyed pa dang/ mchod bstod byas la/ sngags 'di bzlas so/ ?? bla na klad pa naM/ ku na zhi tsit+ta ku li naM/ tsi tra mu tra bzlog byed/ nA ga shig nA ga byer/ nA ga na/ nA ga go naM/ nA ga hA na ha na/ na ga ha na ha na mA ra ya rbad naM/ zhes grangs mang du bzlas la/ tshil chen na sar bsku/ gla rtsi lus kun tu ? sngags mdud lus la gdags/ mdun du dong gru gsum brus la/ bag phye la glu'i gzugs byas te bcug la/ de la bdag la gnod pa'i klu dgug gzhug bya/ bdag nyid phyag na rdo rjer bskyed la phur pa dril zhing sngags bzlas la/ seng ldeng gi phur pa klu la gdab po/ /de nas klu'i gzugs de'i thod par bcug la/ lha khang gi them pa'i 'og tu mnan no/ /dus thams cad du lha'i nga rgyal du byas la bzlas pa bya'o/ /bsrung ba'i cho ga bla na med pa 'dis ci 'dra ba yang thub bo/ /klu bzlog pa'i rim pa'o// //bcom ldan 'das rdo rje 'dzin la phyag 'tshal lo/ /sa bdag gnod pa bzlog par 'dod na bsnyen pa gong bzhin las/ maN+Dal dang mchod ba kun byas la/ mdun du dong glu gsum brus la/ nang du bag phye las bdag gi

  114. 57b

    gzugs byas la/ tshon skud kyis skye nas btags la gzhug /rdzas la tshil chen dang/ tshon skud sna lnga las sngags mdung byas la/ gla rtsi dang/ seng ldeng gi phur pa la sngags 'di bdun 'bum bzlas/ skabs su gtor ma btang/ nyi ma sa bla na'i rting la/ sa dom nag po sod/ sa dom nag po nan/ sa dom nag po nan/ zhes bzlas la/ tshil chen na sar bsku/ sngags mdung lus la gdags la/ gla rtsis lus kun bkru /seng ldeng gi phur pa la sngags 'di bdun 'bum bzlas la/ sa bdag snying khar gdab/ sa bdag thod par bcug la mchod rten 'og tu mnan/ dus thams cad du gong bzhin du bya'o/ /sa bdag bzlog pa'i rim pa'o/ /bcom ldan 'das rdo rje 'dzin la phyag 'tshal lo/ /bdud dang ma mo dang/ btsan dang 'byung po phal pa gnod pa bzlog par 'dod na/ sngon du bsnyen pa byas la/ yang maN+Dal dang/ lha bskyed pa dang/ mchod pa dang/ bstod pa kun byas la/ mdun du dong gru gsum brus la/ dar zan la 'byung po'i gzugs byas la/ tshon skud kyis ske nas btags la nang du gzhug go /gnod pa'i 'byung po de la dgug gzhug byas la/ bdag nyid lha'i nga rgyal du gnas te/ phur pa dang yungs kar la sngags 'di bzlas la/ 'byung po la yungs kar gyi thun brdeg /nyi ma sa bla na'i rting la phyu ga tsi phaT/ tsi ga phyu phaT/ lce ba ti phaT ces nus tshad bzlas la/ 'byung po'i gzugs thod par bcug la/ mchod rten gyi 'og tu mnan no/ /skrad 'bur byung ba la yang gdab po/ /bdud dang ma mo dang btsan dang/ 'byung po thams cad bzlog pa'i rim pa'o// //bcom ldan 'das rdo rje 'dzin la phyag 'tshal lo/ /kun tu bsrung ba 'di khyad par du rgyal pho la bya/ bsnyen pa gong du byas la/ maN+Dal dang/ lha bskyed pa dang/ mchod bstod byas la/ mdun du dod gru

  115. 58a

    gsum du ngar zan la rgyal po'i gzugs byas la bcug la chon skud kyi ske nas gdags so/ /de nas phur pa dang/ nyungs kar dang/ nyungs nag dang/ ske tshe dang/ thal chen la sngags 'di bzlas pa mang du bya'o/ /sgra spyi bor bcings la/ nyi ma sa bla na'i rting la/ e pa ka tse/ di nA ga bar ma pa la se tA ye zhes bzlas la/ gzugs la yungs kar la sogs pa'i thun brdeg go/ snying gar phur pa btab pa thod par bcug la/ lce ta'i 'og tu mnan no/ /rgyal po bzlog pa'i rim pa'o// /bcom ldan 'das rdo rje 'dzin la phyag 'tshal lo/ /kun tu srung bar byed na/ bca' gzhi gong dang 'dra/ skra spyi bor bcings la/ sngags 'di bzlas/ nyi mas bla na'i rting la/ e pa ka ra tse/ di nA ga bar ma/ pa la sa tA ye/ shig byer nan/ go nan/ ha na ha na mA ra ya rbad nan/ zhes mang du bzlas la/ thun dang mnan pa kun gong bzhin bya'o/ /thams cad bsrung ba'i rim pa ste/ bcom ldan 'das rdo rje 'dzin la phyag 'tshal lo/ /'gong po gnod na 'di ltar bya ste/ sngon du bsnyen pa byas la/ mdun du dod gru gsum brus la/ dong gi nang du ngar zan lnga bcug la tshon skud kyis skyed nas btags la bzhag go /gang gnod pa'i 'god po bris la lus la gzhug /de nas maN+Dal byas la/ lha bskyed dang mchod bstod byas la sngags bzlas so/ /nyi ma sa bla na'i rting la/ 'go ste sa ste nan zhes mang du bzlas la thun brdeg go /phur pa btab la thod par gzhug /rab gnas byas pa'i mchod rten 'og tu mnan na/ phyag na rdo rje'i nga rgyal dang stang stabs kyis mtshams bcad do/ /'gong po thams cad bzlog pa'i rim pa'o// //bcom ldan 'das rdo rje 'dzin la phyag 'tshal lo/ /kun tu bsrung ba zhes bya ba/ sngags pa gzhan gyi rbod stod bsrung bar 'dod

  116. 58b

    na/ sngon du bsnyen pa byas la/ de nas maN+Dal bya ba dang/ bzed zhal dang/ mchod pa bsham pa dang/ maN+Dal gyi steng du mchod rten nag po khang stong brtsigs pa'i nang du kho'i gzugs bag zan la byas la/ ming rus bcug la bzhag go /bum pa'i nang du phyag na rdo rje bag zan la byas la gzhug go /rdo rje de'i lus 'gems par bsam mo/ /mchod rten gyi nang du dong gru gsum brus la/ de'i nang du yang kho yi gzugs dang/ ming rus bcug la/ sprul dang/ sbal pa gnyis kyi lto bar bcug la/ klu lnga ldan sprul dgu pas za bar bsam mo/ /de thod par bcug la gru gsum du gzhug /lan gcig gzhung bzhin du mnan par bya'o/ /bdag rang phyag na rdo rjer bsams la/ phur pa 'dril zhing sngags bzlas pas/ kho'i bsrung ma bdag gi bka' nyan cing las byed par bsam mo/ /bdag gis rbad pas kho rang gi srog gcod par bsam mo/ /de nas thun rdzas dang phur pa rnams bsags la/ lha bskyed pa dang/ mchod bstod dang/ sngags 'di nyi ma sa bla na'i rting la/ bar ma mahA A(rgyud 'grel): hUM hUM phaT phaT swAhA zhes 'grub tshang bzlas/ skor ba phyin ci log tu bya/ thun pa rdeg /mnan zor gyi mdza' btul lo/ /spong stong thams cad bzlog pa'i rim pa'o// //bcom ldan 'das rdo rje 'dzin la phyag 'tshal lo/ /mdun du 'brub khung gru gsum du/ dgra dang bgegs kyi ling+ga gzhug /dgra yi ling+ga rkang rjes dang/ /dri ma phyis gcin la bya'o/ /rabs chad thod par bcug nas ni/ /thod pa yugs sa'i zhwa mos dril/ /de yang re ba'i sten du bzhag /'gram du dug rdzas sna tshogs dang/ /drag po'i rdzas rnams bzhag nas ni/ /skabs su dug thun rdzas thun brdeg /de yi 'gram du maN+Dal te/ /bzed zhal mchod pa rnam lnga bsham/ /bdag nyid phyag na rdo rje dang/ /lnga ldan bskyed cing spyan drangs dang/ /mchod dang bstod dang

  117. 59a

    gsol pa gdab/ /de nas sngags kyi bzlas brjod ni/ /nyi ma sa bla na/ klang pa naM/ kun nyi tsit+ta ku li naN/ tsi tra mu tra bzlog byed/ thum ril rbad che ge mo mA ra ya dza(rgyud 'grel): rbad naN/ 'bum mam sum 'bum bzlas la/ skabs skabs su ag tshe ba na mar thun brdeg go /de ltar byas nas thod pa khyer la/ lam rgya gram sam/ mchod rten dang/ dur khrod dam/ gong gsum mam/ chu mig gam/ la btsas sam/ chu gling la mnan pa gzhan bzhin du bya'o/ dgra dang bgegs kyi ling+ga bca' ba'i rim pa'o// //bcom ldan 'das rdo rje 'dzin la phyag 'tshal lo/ /dgra bsad pa'i rim pa ni/ dang po rnal 'byor pa'i mdun du mdzub gang pa'i 'brub khung gru gsum brus te/ dur khrod kyi sol bas nag por byug go /de'i nang du dgra bo'i rkang rjes kyi sa dang/ bag phye la ling+ga byas la/ ming byang bzhug la gru gsum du gcug /de'i khar g.yam pa sngon po cig la/ yur ba ser pos ri rab dang/ rdo rje rgya gram gyi gzugs bris la/ kha bcad la bzhag go /'gram du bzed zhal dang mchod pa rnam lnga bshams la/ bdag nyid phyag na rdo rje dang/ mdun du lnga dan skyed cing spyan drangs/ mchod pa dang/ bstod pa dang/ gsol ba gdab/ gu gul dag gis lha dang dbral/ /thun gyi rdzas rnams bsags nas ni/ /drag po'i sngags ni bzlas brjod bya'o/ /nyi ma sa bla na/ klung pa nan kun zhi/ tsit+ta ku li naN/ tsi tra mu tra bzlog byed/ thum ril rbad che ge mo mA ra ya dza(rgyud 'grel): rbad naN zhes 'bum bzlas/ de nas ling ka'i mgo bcad la mgo dang ling+ga sar pa gnyis/ /rabs chad thod pa'i nang du gzhug /mnan pa sgrub pa tshul bzhin bya/ /lha 'dre gnas pa'i sa ru gzhug /ling+ga'i lus dang gsar pa gnyis ral gris gtubs la drag po'i rdzas dang/ gdug pa can gyi shing la sbyin

  118. 59b

    sreg tshul bzhin du bya'o/ /dgra la bya ba'i rim pa'o// //bcom ldan 'das rdo rje 'dzin la phyag 'tshal lo/ /sbyin sreg byed na sla nga 'am thang khung snying pa ru/ /brgya 'am yang na lnga bzhi gcig /bskyar zhing las la bskyar bar bya/ /gdug ba'i rdzas ni sna tshogs dang/ /mar nag tshil chen ske tshe dang/ /til dang ming byang spel te bsreg /me lha bskyed la sbyin sreg dbul/ /sngags ni nyi ma sa bla na'i rting la che ge mo rak+Sha shAn+ti ku ru/ mA ra ya rbad ces pas/ dug sna tshogs dang/ dri mi zhim pa sna tshogs dang/ drag po'i rdzas sna tshogs dang/ mar nag la sogs sbyin sreg bya'o/ /ting nge 'dzin dgra bgegs gang yin par mos par byas la/ rdzas re dang sngags re bstun zhing sbyin sreg bya'o phyag na rdo rje dang/ lnga ldan bskyed pa dang spyan drang ba dang/ mchod pa dang/ bstod pa byas la/ de nas me lha bskyed la sbyin sreg bya'o/ /drag po dang zhi ba'i sbyin sreg gi rim pa'o// //bcom ldan 'das rdo rje 'dzin la phyag 'tshal lo/ /gru gsum nyis 'gyur bris la nang thal ba 'jam pos byug /kha tshangs dmar gyis bskor/ nyi ma sa bla na la sogs pa la 'di gdags so/ /shig byer nan/ mgo nan/ ha na ha na mA ra ya rbad nan/ sbal pa 'am/ sbrul lta bu'i rjes byung na/ 'god po yin/ uM pa'i bshags pa 'dra ba byung na rgyal po yin/ shing lo lta bu'i rjes sam ral pa snyigs pa lta bu'i rjes byung na bdud yin/ mda' mang po bzhag pa 'dra pa'i rjes byung na/ btsan yin/ phug ron gyi bya brab rjes 'dra ba 'am/ lcags thal sbrel ba'i rjes byung na ma mo yin/ de rnams gang byung ba dang las la sbyar ro/ /rdo rje lce dbab kyi 'drel pa mu tig gi phreng ba zhes bya ba'i rim pa rdzogs so// //rgya gar gyi mkhan po rgyal bu sprin gyi shugs can gyis mdzad pa'o/ /slad kyi paN+Di ta dzA yA A ka ra dang/

  119. 60a

    lots+tsha ba mar pas bsgyur cing gtan la phab nas bsgyur ba'o// //rgya gar skad du/ b+ha ga An nI lAM ba ra d+ha ra badzri haM/ badzra pA Ni sA d+ha ra nA ma/ bod skad du/ bcom ldan 'das phyag na rdo rje lce dbab kyi gsang ba'i yang bkol gyi slab pa'i thabs zhes bya ba/ bcom ldan 'das phyag na rdo rje gos sngon po can la phyag 'tshal lo/ /g.yas bskum g.yon brkyang gar dgus ni/ /ri bong 'dzin la gar gyi bzhugs/ /rigs sngags gsang sngags kun gyi gtso/ /rdo rje 'chang la phyag 'tshal nas/ /de nas bla ma'i bka' drin gyis/ /ji ltar rim pas sgrub pa'i thabs/ /bdag ni bla ma'i rjes dran pas/ /de yi sgrub thabs cho ga bshad/ /dang por rnal 'byor snod ldan gyis/ /rdo rje 'dzin la sgrub 'dod pas/ /dur khrod dben pa'i gnas phyogs su/ /ro gsum med pa'i sa la ni/ /maN+Dal 'am dkyil 'khor legs byas la/ /me tog sngon pos mdzes byas la/ /mdun du rten la sogs pa dgram/ /phyi yi mchod pa rnam lnga dang/ /nang gi bdud rtsi gtor mar bcas/ /sha chang zas kyi longs spyod bsham/ /rnal 'byor gnas bcas shes rab can/ /khrus bya nye reg 'thor 'thung gsang gtor bya'o/ /bde ba'i stan la rab 'dug nas/ /rdo rje rgyal po'i skyil krung bca' / /yan lag bdun dang ldan pa yi/ /sems bskyed sngon du 'gro bar bya/ /de nas rang gi snying khar zla ba'i dkyil 'khor la gnas pa'i sa bon gyis/ bla ma dang gos sngon can/ sangs rgyas dang byang chub sems dpa' thams cad spyan drangs la/ sa bon las byung ba'i mchod pa'i bye brag gis/ gdan dbul ba dang/ phyag 'tshal ba dang/ nye reg dang/ 'thor 'thung bsad gtor dbul ba dang/ mchod pa la sogs te yan lag bdun pa bya'o/ /bla ma dang ni gos sngon can/ /phyogs bcu na bzhugs pa'i sangs rgyas dang byang chub sems dpa' thams cad la/ /

  120. 60b

    mchod pa sna tshogs pa dang/ me tog la sogs pa phul la/ sems can thams cad sdug bsngal las skyab pa'i phyir/ bdag gis sdig pa ma lus par ni bshags par bgyi/ de nas bla ma dan ni gos sngon can/ /sangs rgyas dang byang chub sems dpa' i chags dang ni slob dang mi slob la sogs sems can rnams kyi don du/ bsod nams kun la rjes yi rang/ /dkon mchog gsum la skyabs song shing/ /byang chub tu ni de dag bsngo/ /chos kyi 'khor po bskor bar bskul ba dang/ /mya ngan las mi 'da' bar gsol ba gdab pa dang/ byams pa dang/ snying rje dang/ dga' ba dang/ btang snyoms so/ /tshangs pa'i gnas bzhir bsgom par bya'o/ /oM shU n+ya dz+nyA na badzra swa b+hA wa At+ma ko haM/ de yi mtshan nyid bral bas stong/ /rgyu med pas na mtshan ma med/ /rang bzhin gyis na dngos bo rnams/ /smon pa dang bral bsgom par bya'o/ /de nas steng ba'i rang bzhin las/ /'od kyi phung por gdag rang nyid/ /de nas me dang yaM raM baM laM suM hUM rnams yongs su gyur pa las/ gru gsum pa dang/ gzhu'i dbyibs dang/ gru gsuM pa dang/ zluM po dang/ gru bzhi dang/ nag po dang/ sngo skya dang/ dmar po dang/ sngon po dang/ ser po bsam par bya'o/ /'byung ba lha'i dkyil 'khor gong nas gong du bsam par bya'o/ /de'i steng du sum gyi yi ge las byung ba'i zur bzhi rin po che'i rang bzhin can rwa brgyad kyi nye bar mdzes pa'i steng du/ oM me di Ni badzri b+ha ba badzra band+ha hUM/ oM badzra prA ka ra hUM baM hUM/ oM badzra pany+tsa ra na hUM baM hUM oM badzra bi d+ha na hUM khaM hUM/ oM sa ra dzA la traM saM traM/ oM badzra dzwa la a na lArka hUM hUM sngags de rnams kyis/ rdo rje'i sa gzhi la sogs drug mngon du gyur to/ /de'i nang du b+h+ruM dang/ rtsa dang paM dang a nyid do/ /de'i steng zla ba rdo rje bsam/ /de'i lte bar hUM gis mtshan/ /hUM sngon 'od zer lngar ldan pa/ /rdo rje yongs su gyur pa las/ /sku mdog mthing nag zhal cig pa/ /rab tu

  121. 61a

    khros pas brkyang bskum ste/ /bcu drug lo lon sha tshugs can/ /spyan gsum me ltar 'bar ba la/ /shin tu khros pa'i lta stangs can/ /bsnun pa'i tshul gyis legs bzung zhing/ /dril bu sdig mdzub thugs kar bsgreng/ /stod g.yogs na bza' sngon po la/ /smad g.yogs stag gi sham thabs can/ /nyi ma'i 'od can zla ba'i mdangs/ /ha ha'i 'o dod chen po yis/ /log 'dren la sogs skrag par mdzad/ /'jigs byed khro bo'i bdag por ni/ /bdag nyid rnam par bsgom par bya/ /zhes bya ba ni sku'i mtshan nyid do/ /zas su sbrul za ba rgyan thams cad kyis brgyan pa'o/ /de nas rang gi snying gar zla ba'i dkyil 'khor la sa bon bkod la/ ye shes sems dpa' spyan drang bar bya'o/ /bzhugs su gsol ba dang/ phyag 'tshal zhing bstod pa dang/ mchod pa la sogs pa bya'o/ /oM badzra h+ri tri ha sa mu dra spha ra Na sa ma ye hUM/ arg+haM gi zhal bsil dbul ba'o/ /oM badzra puShpe pU dza me g+ha sa mu dra spha ra Na sa ma ye hUM/ me tog dbul ba'o/ /oM badzra d+hu pa pU dza me g+ha sa mu tra spha ra Na sa ma ye hUM/ bdug spos shangs su'o/ /oM badzra dI pa pU dza me g+ha sa mu dra spha ra Na sa ma ye hUM/ mar me spyan la'o/ /oM badzra gand+hA pU dza me g+ha sa mu dra spha ra Na sa ma ye hUM/ dri thugs kar ro/ /oM badzra nai bi tyai pU dza me ga sa mu tra spha ra Na sa ma ye hUM/ zhal zas zhal du'o// oM badzra shapta pU dza me g+hA sa mu tra spha ra Na sa ma ye hUM/ sil snyan snyan du'o/ /dza(rgyud 'grel): hUM baM ho(rgyud 'grel): sa/ dgug pa dang/ gzhug pa dang/ bcing ba dang/ dbang du bya'o/ /yang lus dang ngag dang sems byin gyis brlab par bya'o/ /mog bo dang lkog ma dang/ snying gar pad+ma dang/ zla ba'i dkyil 'khor la/ sku dang gsung dang/ thugs kyi snying po ji lta par bkod la/ dkar po dang sngon po la sogs pa bsam mo/ /de nas spyi bo dang/ mgrin pa dang/ snying gar pad+ma dang/ zla ba la sogs pa rim pa ji lta ba

  122. 61b

    bzhin du dmigs la/ gsang sngags bzlas par bya ba ni 'di yin te/ nyi ma sa bla na klad pa nan/ kun zhi/ tsit+ta ku li nan/ tsi tra mu tra yak+Sha tra bzlog byer/ gsal por dmigs la bzlas pa bya/ skyo ba'am dub par gyur na/ gsang sngags yid kyi bzlas par bya ste/ sngags kyi skyon spangs te/ mi gsal ba la sogs pa'i rnam par rtog pa spang bar bya'o/ /bzlas pas skyo na ye shes kyi 'khor lo bton la/ mchod pa dang/ bstod pa dang/ bzod gsol bya/ de nas oM A(rgyud 'grel): hUM/ sa ma ya(rgyud 'grel): mu sa/ ye shes kyi 'khor lo gshegs su gsol/ /de nas mi dmigs par sgom par bya'o/ /ldang bar 'dod na/ yi ge brgya pa'i sngags brjod la/ ldang bar bya'o/ /phyag na rdo rje lce dbab kyi sgrub thabs/ gsang ba'i yang bkol gyi cho ga bkod pa yis/ /bdag gi sgrub thabs 'di bkod pas/ /bdag dang sems can thams cad kyis/ /byang chub tu ni de dag bsngo/ /rgyal po sprin gyi shugs can gyis mdzad pa rdzogs so// //klad kyi bla ma dza ya kA ra dang/ mar pa lots+tshas bsgyur cing zhus te gtan la phab pa'o// //na mo bud+d+hA ya/ badzra badzra hUM thA/ rdo rje lce dbab pa'i sngags ni/ nyi ma sa bla na/ klad pa nan/ ku na zhi/ tsit+ta ku li nan/ tsi tra mu tra yAk+Sha tra bzlog byed/ nA ga byer/ nA ga nan/ nA ga mgo nan/ nA ga ha na ha na mA ra ya rbad nan/ tshil chen dang/ tshon skud rnam lnga la sngags mdud byas pa dang/ gla rtsi dang seng ldeng gi phur pa la sngags bzlas la bsrung ngo/ /sa dom nag po sod/ sa dom nag po sod/ sa dom nag po nan/ sa dom nag po nan/ zhes gong bzhin no// ser ba srung na/ thal chen dang/ ske tshe dang/ tsang dang/ mtho dang/ mdzub ris kyis bsrung ngo/ /sngags 'di gdags so/ /sa 'di srungs shig byer ya bya'o/ /phyu ga tsi phaT/ lce ba ti phaT/ thum ril rbad/ che ge mo mA ra ya rbad nan/ nA ga h+ril

  123. 62a

    h+ril/ nA ga phrom/ nA ga phob/ phur pa dang tshil chen dang/ khyi dang bung bu dang rta rnams kun nag po'i khrag dang/ thod pa mtshan dan gcig dang/ dor rta dang/ chus dngos dang/ de rnams la bya'o/ /ling ka dang/ gzugs la rten la bya'o/ /char ba 'bebs na/ rten sa ru sbra phub la gzungs gdon/ sngags gong ma bzlas/ klu mchod dang/ chab gtor bya/ dus dus su bslang/ zhag bdun bya'o/ /'dis kyang bsrung/ e(rgyud 'grel): ba ga(rgyud 'grel): ra tshe 'di na ba ga(rgyud 'grel): bar ma pa la(rgyud 'grel): sa ta ye/ mgo ste sa te/ bar mahA A(rgyud 'grel): hUM hUM phaT phaT swAhA/ zhes ci mang du bzlas so/ /rang phyag na rdo rje sgom shes na rab/ ma shes na rang tam mang du bzlas na gang yang rung ba thub bo/ /phyag na rdo rje klu 'dul pa'i drag sngags bsgom du med pa'o/ /the tshom yi gnyis rkyen gyi rgyu bsnyen pa dang sgrub pa zab mo rdzogs so// //de yang bya ba'i dus ni/ sngags kyi nus pa bskyed/ nyams rtags byung ba dang/ las mdza' bsdus te/ mnan pa la sogs gzhan dang mthun/ /sbyin sreg gi rim pa la/ rdzas ni zhi rgyas gzhan dang mthun/ /gdug pa'i rdzas ni sna tshogs dang/ /mar dag tshil chen ske tshe dang/ /til dang ming byang spel te bsreg /sla nga 'am thab khung rnying pa ru/ /brgya 'am yang na lnga bzhi gcig /bskyar zhing las la sbyar ba dang/ /sngags kyi mthar ni rak+Sha shAn tiM gdags par bya/ /spyan drangs mchod dang bstod pa ni/ /gzhan yang skyus las shes par bya/ /nyams chung snod med the tshom rang 'phung 'gyur/ /nyams ldan ma yangs bsgrubs byas nas/ /bla ma dam pa rnams kyi zhabs la thug /zhar la 'di yang mchod pa ste/ /'khar sor snod ni mdzes pa ru/ /'o ma dang bcas sman rnams kyis/ /bkang ste mdun du bzhag pa'o/ /de steng bzhag pa'i rdzas rnams ni/ /shin tu gsal byed gdan stengs su//

  124. 62b

    lnga ldan mdza' yas sprul dgu pa/ /rtsi sman mchod cing mdun gnas pa'o/ /bsreg mnan bskyal pa nyams dang sbyar/ /bdag rnal 'byor pa sdang mig gis lta zhing yungs kar gyis brab pa'o/ /gru gsum du bru'o/ /de nas sngags gdab bo/ /de nas thal mo brdab cing/ nad dang gdon bgegs thams cad brlag par bsam mo/ /yang yang lcags kyu'i phyag rgya bcas te gong gi mi la bstim mo/ /de nas phur pa gdab cing brub par bya'o/ /e'i tshogs kyis rim pa dang/ /dang po bdag rnal 'byor pa'i mdun du mdzub gang ba'i 'brub khung gru gsum brus te/ de'i nang du ming byad bu la bris la gzhag /de'i kha ru g.yam pa sngon po cig la yung ba ser pos ri rab rdo rje rgya gram gyi gzugs bris la gzhag /ma grub byas na bltas ngan 'byung/ /kun la yong na ngo mtshar chung/ /lce dbab pa'i bya thabs rdzogs so// //rten 'brel gyi mthus bsrung ba'i thabs ni/ rma bya'i mkhris pa dang/ ka ra bsre la bsku/ sa'i bdud rtsi lo lnga brgya lon pa yan chad bsku'o/ /spos gu gul nag po dang/ gla rtsi dang/ mu zi dang/ ldong ros dang/ dri chen dang/ cha mnyam du sbyar te/ sbrang rtsis sbrus te dung pa btang ngo/ /sman gyi nus pa ni 'bras bu gsum dang/ bu skyes ma thag pa'i rang 'gyur dang bsres te/ dri chus sbrus pa'i ri lu khar gzhug go /sman gyis mchog gis bsrung ba ni/ /a ru ra rnam par rgyal ba bcangs pas bsrung ba'o/ /sa bdag gi nad thub bo// //nyi ma sa bla na la/ sogs pa la 'di gdags so/ /shig byer nan/ mgo nan/ ha na ha na mA ra ya rbad nan/ zhes bzlas shing srung ba bya'o/ /rten 'brel gyis mthus bsrung ba rdzogs so// (lag na rdo rje lce dbab kyi sngon 'gro'i sa nag sbyor spyod lam brgyad pa bzhugs//) //bcom ldan 'das phyag na rdo rje gos sngon po can la phyag 'tshal lo/ /rnal 'byor

  125. 63a

    pa rnams rgyun tu bya ba'i cho ga ni/ thun mong gi spyod laM brgyad kyis bstan te/ khrus dang/ mchod pa'i rnal 'byor dang/ zas dang/ skom dang/ gtor ma dang/ sgom pa bzlas brjod kyi spyod lam brgyad do/ /dang po khrus kyis rnal 'byor ni// rang nyid bskyed pa'i rim pa sgoms te/ rin chen bum pa mdzes pa ru/ /chu gtsang srog chags med pa dang/ /tsandan la sogs dris su dgang/ /bdag gi thugs ka'i sa bon gyis/ /bum pa sbyangs te b+h+ruM gyis bskyed/ /de ru lha bskyed ye shes bstim/ mchod byas sngags ni bzlas nas su/ /drangs ni thim nas 'od du zhu/ /rang gi thugs ka'i sa bon gyis/ /yi ge baM bsgom pad+mar gyur/ /de nyid nam mkha' i steng phyogs bsam/ /de steng sangs rgyas spyan la sogs/ /rdzus skyes bum pa thogs pa bsam/ rang bzhin dkyil 'khor lha mo yang/ /bdud rtsi bum pa thogs nas su/ /bkra shis rdo rje glu len cing/ /bdud rtsi dkar po dri med kyis/ /rang gi spyi bor blugs par bsam/ /dri med dag nas mi bskyod 'gyur/ /de ni dus chen khyad par du/ /rgyun tu 'grub na bsod nams che/ /de ni khrus kyi rnal 'byor rgyas pa'o/ /de nas bsdus pa 'dod pa la/ /rang nyid stong pa'i ngang las ni/ /sa bon las ni lhar bskyed de/ /khrus kyi bum pa dag la yang/ /sngags btab sbyangs te bdud rtsir gyur/ /thugs ka'i hUM las 'od zer 'phros/ /rang bzhin dkyil 'khor lha la phog /lha mo bum pa thogs pa yis/ /bdud rtsi chu blugs sgrib pa dag /de las shin tu bsdus pa ni/ /skad cig rdzus skyes lha ru bsam/ /thugs ka'i hUM las 'od zer 'phros chu la phog pas bdud rtsir gyur/ /lha mo bum pa thogs pa yis/ /khrus byas dri ma dag par 'gyur/ /de dag kun gyi sngon du ni/ /sems bskyed pa dang ldan byas te/ /bdag dang sems can thams cad kun/ /phyag rgya'i dngos grub thob bya'i

  126. 63b

    phyir/ /bdag gis khrus ni 'di bya'o/ /mthar smon pa yi byang chub sems/ /phyag rgya'i mchog tu bsngo bar bya'o/ /de rnams sngags dang phyag rgya ni/ /oM badzra Sh+na hUM phaT/ phyag rgya rdo rje khu tshur gnyis mthe bong sbreng ste spyi bor bzhag /yang na rgyud gzhan so so yi// sngags dang phyag rgya dag gis bya/ /dbang bskur khrus dang ldan pa yi/ /de nas mchod pa'i rnal 'byor bstan/ /sa gzhi skyon spangs yon tan ldan/ /ba yi rnam lngar ldan pa yis/ /maN+Dal yid 'ong mdzes par byas/ /tshad ldan dbyibs ldan de la ni/ / dang por dri ldan chu yis ni/ /byugs che nyi zla'i gdan du bsam/ /de steng me tog 'grems pa'i tshe/ /pad+ma dag tu gyur par bsam/ /de gsum sngags dang brjod par bya/ /mchod pa dri med bshams nas kyang/ /rang nyid cho gas lhar bskyed de/ /rang gi thugs kyi sa bon gyis/ /'od 'phros thugs ka'i lha yang gsal/ /pad+ma'i steng du gzugs brnyan shar/ /de nas sngags dang phyag rgya dang/ /ting 'dzin ldan pa'i 'od zer gyis/ /ye shes lha ni spyan drangs te/ /gzugs brnyan nyid la bstim par bya/ /yang na 'od zer 'phros pas su/ /bla ma spyan drangs sgrib pa sbyang/ /mi bskyod gyur nas dbu la bzhugs/ /dang po phyag ni btsal bya ste/ /de nas mchod ba rgyas par dbul/ /de yang dang po bla ma la/ /de nas dkyil 'khor lha la dbul/ /mchod pa dbul ba'i dbul sa yang/ /dang po me tog gdan bsams te/ /zhabs gnyis la ni dbul bar bya/ /de nas zhal bsil gdong dang phyag /mthor 'thung zhal gyi nang du dbul/ /nye reg thugs kar byug par bya/ /yon ni zhabs kyi drung du dbul/ /sku khrus dbu la dbul bar bya/ /bdug spos shangs la dbul bar bya/ /me tog dbu la dbul bar bya/ lha bshos ljags la dbul bar bya/ /sil snyan snyan la dbul bar bya/ /rin chen mdzod pur dbul bar bya/ /gdugs dang rgyal mtshan la sogs pa/ /sku nyid la ni

  127. 64a

    dbul bar bya/ /de ni phyi yi mchod pa dang/ /nang gi mchod pa 'di lta ste/ /sgeg mo la sogs lha mo rnams/ /sbrul la mchod pa dbul bar bya/ /gsang ba'i mchod pa bdud rtsi yis/ /lha rnams dgyes pa bskyed par bsam/ /de 'og rtsa ba'i ltung ba rnams/ /rang gi blo la bgrang bsngo bya/ /nyes pa gang gyur de la ni/ /chod du gtad de bshags pa bya/ /dang por bsam pa gtsor byas te/ /tshig gis kyang ni bshags pa bya/ /de 'og yi ge brgya pas skyangs/ /de nas 'jig rten 'das pa dang// 'jig rten pa yi dge ba la/ /dga' ba bskyed de rjes yi rang/ /de 'og bla ma dkyil 'khor dang/ /sangs rgyas byang chub sems dpa' la/ /mya ngan mi 'da' gsol ba gdab/ /de nas chos kyi 'khor lo ni/ /bskor ba yang ni gsol ba gdab/ /de nas bla ma sangs rgyas dang/ /byang chub sems dpa' dag la yang/ /skyabs su mchi zhing lus kyang dbul/ de 'og sdom pa bzung bar bya/ /rol mo sil snyan ldan pa yis/ /rdo rje sngags ni mgur bcas nas/ /nyi shu rtsa gcig bdun gsum gyis// lha rnams la ni bskor ba bya/ /de 'og mchod sogs dge ba rnams/ /byang chub chen por bsngo bar bya/ /ye shes gshegs nas ting 'dzin bsdu/ /de nas ci bder don gzhan bya/ /de ni mchod pa rgyas pa'i tshad/ /de la bsdus pa 'dod pa rnams/ /maN+Dal dngos sam yid kyi bsam/ /rang nyid stong pa'i ngang las ni/ /sa bon las ni lhar bskyed de/ /ye shes dkyil 'khor spyan drangs te/ /rdzas rnams dngos su ma 'byor yang/ /sngags dang phyag rgya ting 'dzin gyis/ /mchod pa rnam lnga gsang mchod tsam/ /yid kyis bshags pa la sogs bya/ /shin tu bsdus par 'dod pa la/ /rang nyid skad cig lhar bsams te/ /bla ma yi dam lha la sogs/ /rdzus skyes tshul du mdun du bsam/ /bsam pas bdud rtsi mchod pa dang/ /sdig pa

  128. 64b

    bshags dang dge rtsa bsngo/ /'di ni shin tu bsdus pa'o/ /zas kyi rnal 'byor bstan pa ni/ /rang nyid cho gas lhar bskyed la/ /lte ba'i 'og tu rlung bsams te/ /de steng 'byung ba me bsam mo/ /rlung gi me lces snying ga slebs/ /snying ga'i dkyil 'khor la gsal te/ /'od kyi khang pa'i nang na 'bar/ /lce ni hUM las rdo rjer bsam/ /yar kan paM las pad+ma bsam/ /de nyid thabs dang shes rab ldan/ /yang na kha ni dgang gzar bsam/ /lag pa blugs gzar nyid du bsam/ /zas rnams byin gyis brlabs pa ni// snod ni a las ka pA la/ /rdzas ni bdud rtsi'i yi ge yis/ /bdud rtsi rnam pa lnga ru bsam/ /de 'og raM dang yaM las ni/ /me dang rlung gi dkyil 'khor ni/ /gru gsum zla gam ba dan can/ /thod pa'i nang gi yi ge gsum/ /mu tig tsang la brgyus pa bzhin/ /de steng rdo rje lte ba la/ /yi ge hUM gis mtshan par bsam/ /de steng zla ba'i dkyil 'khor la/ /yi ge oM gyis mtshan pa bsam/ /yi ge hUM gi 'od zer gyis/ /ba dan bskyod pas rlung byung ste/ /rlung gi ma spang bdud rtsi bzhu/ /hUM gis bsdus shing A(rgyud 'grel): su zhu/ /oM gyis kha dog dkar por bsgyur/ /slar yang gyen du spros pas su/ /steng gi oM bskul 'od zer 'phros/ /rang bzhin lha yi mdzod spur phog /gnyis med rol pas byang sems phab/ /dang por oM phog zla ba zhu/ /dam tshig dang 'dres rdo rje phab/ /cha gnyis gcig 'dres rdo rjer zhu/ /bdud rtsi dri med dkar po des/ /snying ga'i lha la mchod byas te/ /sbyin sreg tshul du bza' bar bya/ /zas kyi rnal 'byor rgyas pa'o/ /rang nyid lhag pa'i lhar bsams te/ /snying khar lha yi rnal 'byor bsam/ /zas rnams byin gyis brlab pa ni/ /pad+ma mdzes pa'i snod ngag tu/ /bdud rtsi rnam pa lnga bsams te/ /lag pa g.yon pa'i zla steng nas/ /oM las 'od 'phros bdud rtsi bsregs/ g.yas kyi

  129. 65a

    nyi ma'i steng nas ni/ /A(rgyud 'grel): yis 'od 'phros bdud rtsi spel/ /gnyis ka las ni hUM 'phros te/ /bdud rtsi rnams ni 'od du 'bar/ /ho las 'od 'phros bdud rtsi bzhu/ /de nas thugs ka'i lha mchod do/ /de nas bsdus pa'i rnal 'byor ro/ /skad cig rdzus skyes rnal 'byor gyis/ /bdag dang thugs ka'i lha gnyis gsal/ /thugs ka'i hUM las 'od 'phros pas/ /zas la sogs pa bdud rtsi bzhu/ /slar yang ye shes bdud rtsi 'bab/ /cha gnyis 'dres pa'i bdud rtsi de/ /thugs ka'i lha la mchod par bya/ /shin tu bsdus pa'i rnal 'byor ro/ /btung ba'i rnal 'byor bsten pa ni/ /rang nyid bskyed pa la sogs ni/ /zas kyi rnal 'byor nyid dang mthun/ /btung ba byin gyis brlab pa ni/ /snod ni a las ka pA la/ /byin gyis brlabs nas de nang du/ /byang chub sems kyi sa bon bsam/ /thugs ka'i yi ge'i sa bon las/ /ha 'phros pas ni rnam rtog sbyangs/ /h+ri(rgyud 'grel): ni 'ong 'bar ro rnams sbyangs/ /hos ni dri med bdud rtsir bzhu/ /lag pa g.yon gyi mthe bo ni/ /hUM gis sa gzhi byin gyis brlabs/ /srin lag gsum las ri rab tu/ /byin gyis brlabs pa'i bang rim las/ /yi ge mi gyi 'od 'phros te/ /de bzhin gshegs pa'i smin mtshams phog / yab yum gnyis med sbyor ba las/ /byang chub sems kyi bdud rtsi bab/ /yang na yum chen mA ma kI /bdud rtsi thogs pa dpag med byung/ /dam tshig bdud rtsi'i nang du byo/ /cha gnyis gcig tu 'dres pa yi/ /bdud rtsi ri rab dag gis bsrubs/ /ri rab nyid kyang 'od du zhu/ /bdud rtsi dri med dkar po des/ /thugs ka'i dkyil 'khor lha rnams la/ /sbyin sreg tshul lam mchod pa yi/ /tshul gyis 'thungs pas bde ba bskyed par 'gyur ba'am/ /yang na bdud rtsi'i

  130. 65b

    mchod pa ni/ /phyi rol maN+Dal stong steng du/ /chos 'byung gru gsum bri bar bya/ /me tog tshom bu dgod par bya/ /rdzogs pa'i rnal 'byor ting 'dzin gyis/ /ye shes dkyil 'khor spyan drangs te/ /pad+ma'i steng du bzhugs bsams la/ /so so'i rtsa ba'i sngags kyis? ni/ /bdud rtsi'i 'thor bsrung? mchod pa dbul/ /thabs dang shes rab dang ldan pas/ /rdo rje'i glu ni phra mo yis/ /lan gsum sku gsung thugs la mchod/ /de nas thugs ka'i dkyil 'khor mchod/ /de ni rgyas pa'i rnal 'byor ro/ /bsdus dang shin tu bsdus pa gnyis/ /zas kyi rnal 'byor nyid dang mthun/ /gtor ma'i rnal 'byor bstan pa ni/ /rang nyid bskyed rim tshul bsgoms la/ /gtor ma byin gyis brlab pa ni/ /zas kyi rnal 'byor nyid dang mthun/ /mchod par bya ba'i mgron rnams ni/ /'jig rten 'das dang 'jig rten pa/ /mdun du paM las pad+mar bskyed/ /'dab brgyad steng du dur khrod brgyad/ /dbus kyi lte bar e las ni/ /ngar mo nga yi'i chos 'byung bas/ /de nas 'jig rten 'das par bskyed/ /phyi rol dur khrod brgyad la ni/ /'jig rten pa'i 'khor rnams bskyed/ /rang bzhin dkyil 'khor rnam gnyis kyang/ /spyan drangs dam tshig dag la bstim/ /so so'i sngags dang phyag rgya yis/ /gtor ma bstab cing phrin las bcol/ /sil snyan rdo rje mgur glur ldan/ /mchod cing bstod nas gshegs su gsol/ /ting 'dzin bsdus te dge rtsa bsngo/ /de ni rnal 'byor rgyas pa'o/ /bsdus pa stong nyid dang las ni/ /sa bon las ni lhar? bskyed de/ /gtor ma byin gyis brlab pa ni/ /zas kyi rnal 'byor 'bring dang mthun/ / shin tu bsdus pa'i rnal 'byor ni/ /skad cig rdzus skyes lhar bskyed la/ /gtor ma so so'i sa bon gyis/ /spyang ba byas te god dang mthun/ /de rnams gtor ma'i rnal 'byor ro/ /de nas spyod lam rnal 'byor ni/ /nang par langs pa'i tshe na ni/ /bdag

  131. 66a

    rang yi dam lhar bsams te/ /'gro ba pho rnams thams cad ni/ /bde gshegs sprul pa nyid du bltas/ /'gro ba mo rnams thams cad ni/ /bde gshegs yul gyi lha mor blta/ /snod kyi 'jig rten 'di dag kun/ /lha yi gzhal yas nyid du blta/ /thams cad sgyu ma'i rang bzhin du/ /thabs dang shes rab rol pas spyod/ /nyon mongs drag po langs tsam na/ /gang dang gang 'dul gnyen por bsten /'gro ba sems can don bya snyam/ /'dug na byang chub snying por 'jug /nub mo nyal? ba'i tshe na ni/ /chos nyid stong pa'i ngang las nyal/ /dge ba'i bsam pas nyal bar bya'o/ /bsdus pa'i spyod lam bya ba ni/ /dang po nang par langs tshe na/ /nyin mo thun mtshams bzhi rnams dang/ /nub mo nyal ba'i dus dag tu/ /rnal 'byor pa nyid gong bzhin bya/ /shin tu bsdus pa'i spyod lam ni/ /dang por nang par langs dus dang/ /nub mo nyal ba'i dus dag tu/ /spyod lam gong bzhin dran par bya/ /rnal 'byor de rnams kun la yang/ / sngon du byang chub sems bskyed cing/ /tha ma dge ba byang chub bsngo/ /de ltar rgyun tu byas pa yi/ /dge ba'i mthu yi byin rlabs kyis/ /phyag rgya mchog gi grogs 'gyur zhing/ /thun mong dngos grub thob par 'gyur/ /dngos grub rnam gnyis ma thob kyang/ /lha dang mi'i rigs skye zhing/ /bsod nams lhun grub thob par 'gyur/ /bsgom dang bzlas pa'i bsdus rgyas ni/ /rgyud dang sgrub thabs la sogs su/ /bla ma'i zhal gyi man ngag gis/ /shes par bya ste nyams su blang/ /sgom pa bstan pa'i rim pa yang/ /bla ma 'chad pa'i brgyud shes pas/ /slob ma nyid kyis shes par bya/ /rin chen lta bu'i gang zag la/ /rdzogs pa'i man ngag rim pa bstan/ /de las gzhan pa'i slob ma la/ /bskyed pa'i rim

  132. 66b

    pa'i man ngag bstan/ /de la bstan nas phyi dus su/ /rdzogs pa'i rim pa bstan du rung/ /de las gzhan pa kha cig la/ /zab mo don rnams mi bstan par/ /mi zad dbyings kyi chos rnams bstan/ /de rnams gsum gyi 'bras bu ni/ /skye ba 'di las 'byung ba dang/ /skye ba bdun la 'byung ba'o/ /'jig rten gsum gyi las kyis ni/ /thun mong dngos grub kho na 'grub/ /dper na ston gyi me tog bzhin/ /'bras bu dag la spro bskyed la/ /brtson 'grus chen po'i go cha gyon/ /le lo spangs shing nyin mtshan du/ /rnal 'byor dag ni chag mi bya/ /snyoms las le los chag gyur nas/ /bde gshegs bka' las 'das pa na/ /rtsa ba'i rab 'bring tha ma la/ /tha mas nyams pa'i char 'gyur bas/ /nyams pa sbyang zhing slar gsol pa/ /bla ma mchod pa'i dus su ni/ /yi ge brgya pa'i cho ga yis/ /sbyangs pas slar ni sor chud 'gyur/ /'di dang mi ldan sngags pa ni/ /glang chen myos 'dra ji bzhin no/ /'di dang ldan pa'i sngags pa ni/ /seng phrug seng ge'i gdung 'tshob 'dra/ /de la nan tan cher bskyed cing/ /phyag na rdo rje lce dbab kyi sngon du 'gro ba'i yan lag /rnal 'byor gyi spyod lam brgyad pa zhes bya ba/ /slob dpon rgyal pu sprin gyi shugs can gyis mdzad pa rdzogs so// //slob dpon rgyal bu sprin gyi zhugs can gyis rgyud dang mi 'gal par mdzad pa'o/ /dza ya A ka ra dang/ mar pa lots+tsha bas bsgyur cing zhus te gtan la phab po// (//gsang ba'i bdag po phyag na rdo rje'i sgrub thabs bzhugs so//) //gsang ba pa'i bdag po lag na rdo rje gos can la phyag 'tshal lo/ /phyag na rdo rje gos sngon po can bsgrub par 'dod pa'i rnal 'byor pas/ dang por khrus byas stan bde ba la 'dug ste/ yan lag bdun dang ldan pa'i sems bskyed par bya'o/ /rang gi snying khar nyi ma dang zla ba la gnas

  133. 67a

    pa'i sa bon gyis gos sngon po can dang/ sangs rgyas dang byang chub sems dpa' la sogs pa spyan drangs te/ sa bon las byung ba'i mchod pas mchod do/ /de nas 'di skad du/ dpal phyag na rdo rje dang/ sangs rgyas dang byang chub sems dpa' la sogs pa phyogs bcu na bzhugs so 'tshal la/ bdag lus ngag yid gsum gyi sgo nas phyag 'tshal zhing skyabs su gsol lo/ /mchod pa bla na med pa 'dod pa'i yon tan gyi char dag pa'i sems kyis sprul zhing mchis na/ thugs rje'i dbang gis bzhes su gsol/ /thog ma med pa'i dus na /dug gsum gyi dbang gis sdig pa ci bgyis rnams so sor bshags shing slan chad kyang sdom par bgyid do/ /bde bar gshegs pa gang dag bskul ba'i sa la bzhugs pa rnams la/ chos kyi 'khor lo bskul bar bgyi'o/ /bde bar gshegs pa gang dag mya ngan 'da' bar bzhed pa rnams la 'khor ba ji srid par gsol ba 'debs so/ /dge ba'i rtsa ba de dag thams cad kyang bla na med pa'i byang chub tu bsngo bar bgyi'o/ /ji ltar dus gsum sangs rgyas rnams kyis thugs byang chub tu sems bskyed cing/ dngos po thams cad dang bral ba stong pa nyid kyi rang bzhin du thugs bskyed pa bzhin/ bdag gis kyang sems bskyed par bgyi'o/ /gzhan yang bdag gis 'phags pa rnams la lus phul te/ sems can thams cad mya ngan las 'da' bar bgyi'o/ /de nas rgyu ba dang mi rgyu ba'i dngos po thams cad stong pa nyid du bsam par bya'o/ /de'i ngang las yaM las rlung gi dkyil 'khor gyi steng du zla ba dang nyi ma'o/ /de'i steng du hUM sngon po las byung ba'i rdo rje yongs su gyur pa las byung ba'i gos sngon can gyi gzugs su gyur par bya'o/ /de nas yungs kar phyogs su gtor bar bya

  134. 67b

    zhing/ oM A(rgyud 'grel): big+h+nAM ta krid hUM phaT ces brjod cing bskrad par bya'o/ /lcags kyu'i phyag rgya bcas te/ sa bon las 'od zer spros te spyan drang bar bya'o/ /gzungs kyi mjug la/ oM na ma sa ma ya maN+Dal ma de/ A gats+tsha ya A gats+tsha ya/ pra be sha ya pra be sha ya/ a ba lo ka ya a ba lo ka ya hUM swAhA/ zhes bya ba btags te spyan drang bar bya'o/ /de nas de la mchod pa dbul bar bya'o/ /h+ri ti ha zhes argaM yi'o/ /badzra puShpe pU dza me g+ha sa mu dra spha ra Na sa ma ye swAhA/ zhes pas me tog dbu la dbul/ /oM badzra d+hu pa pU dza me g+ha sa mu dra spha ra Na sa ma ye swAhA/ zhes pa bdug pa mdun du'o/ /oM badzra dI paM pU dza me g+hA sa mu dra spha ra Na sa ma ye swAhA/ /zhes pas mar me spyan la'o/ /oM badzra g+ha na d+he pU dza me g+ha sa mu dra spha ra Na sa ma ye swAhA/ zhes pas dri thugs kar ro/ /oM badzra nai bi te pU dza me g+ha sa mu dra spha ra Na sa ma ye swAhA/ /zhes pas zhal zas zhal du'o/ /oM badzra g+hi ta g+hand+ha g+hand+ha swAhA/ /zhes pas sil snyan snyan la'o/ /de nas bstod do/ /oM badzra sa ma ya stwaM/ zhes pas gnyis su med par bya'o/ /de nas dbang bskur bar bya'o/ /de nas rang gi snying khar raM las byung ba'i nyi ma'i steng du/ rang gi sa bon la bzlas par bya ba'i yi ges bskor bar bya'o/ blos dmigs par bya ste/ sngags bzlas par bya'o/ /sngags ni 'di yin te/ tadya thA/ b+ho b+ho pan nA ga a d+hi pa ta ye/ i d+han nI lA b+ha ra d+ha ra sha ri raM/ badzra pA ni h+ri da yan/ ya sa ma ti kra ma ti/ u tas nga nan/ b+ha bi shud+d+he/ / tadya thA/ bud dya bud dya/ bi b+hu ta/ ma ti prab ta/ ha ra ha ra/ nA ga nan/ pra ha ra pra ha ra/ nA ga nan/ ts+tshin da ts+tshin da/ nA ga h+ri da ya ni/ bind+ha bind+ha/ nA ga d+ha ma ni/ bi si ma ta/ nA ga sha ri Ni/ bi spho Ta ya/ nA ga na ya na ni/ tadya thA/

  135. 68a

    nA ga bind+ha ra Na ya hUM phaT/ nA ga kro satwa na ya hUM phaT/ nI lAM ba sa ta na ya hUM phaT oM pra ti ha ta pa la ba ra pra ma ya hUM phaT/ krid tan ta ya phaT/ krid ta na ta ru pa ya phaT/ ro Sha na ya phaT/ tA sa nA ya phaT/ kuSh+man dod sa da na ya phaT/ prat bi sha tsi be na sha ka ra ya phaT/ ha sa ha sa/ d+ha ra d+ha ra/ mA ra ya mA ra ya/ b+hak+Sha ya b+hak+Sha ya/ sarba big+ha nan bi na sha ka ra ya phaT/ sarbba sha truM maM ga bi na sha ka ra ya phaT/ nI lAM bA ra d+ha ra badzra pa Ni rA dz+nyA pa ya ti swAhA/ /zhes bzlas par bya'o/ / gal te gtong bar 'dod na/ bzod par gsol ba dang/ dge ba'i rtsa ba bsngo zhing/ smon lam gdab bo/ /de nas oM A(rgyud 'grel): hUM muM(rgyud 'grel): zhes pas ye shes kyi lha gshegs su gsol/ /de nas thams cad mi dmigs pa bsgoM par bya'o/ /de nas yi ge brgya pa'i gsang sngags brjod par bya'o/ /bla ma la gus pa dang/ shes rab dang/ snying rje dang ldan zhing/ khyad par du gang la dang pa cher yong pa de la/ myur du 'grub par 'gyur ro/ /gsang ba'i bdag po lag na rdo rje'i sgrub thabs/ slob dpon chen po nag po zhabs kyis mdzad pa rdzogs so// (//lag na rdo rje gtum po lha lnga pa'i dkyil chog bzhugs//) //!/ rgya gar skad du/ tsanDa badzra kro d+ha de ba pany+tsa nA ma maN+Dal bi d+hi/ bod skad du/ khro bo gtum po lha lnga pa zhes bya ba'i dkyil 'khor gyi cho ga /bcom ldan 'das phyag na rdo rje la phyag 'tshal lo/ /gtum po khros pas zhe sdang 'joms/ /stong nyid snying rje dbyer med pa/ / rdo rje 'chang la rab btung nas/ /de yi dkyil 'khor cho ga bshad/ /dur khrod la sogs gnas chen du/ /gza' skar dus tshes bzang ba la/ /bsnyen pa rdzogs pa'i slob dpon gyis/ /sa brtag pa dang slang ba dang/ /me tog

  136. 68b

    sngon po lnga dor zhing/ /byin dang ma byin ltas kyang brtag /phan tshun mang nyung utpal kha/ /oM badzra pa Ni puShpa pU dza hUM/ sngags der skyar zhing med dang mtshungs/ /btso ma gser mdog rin chen la/ /rngan pa byin la bsko bar bya/ / sa sbyang ba dang bsrung bya ste/ /dri yi thig le me tog khar/ /dam tshig lha mo bskyed byas la/ /ye shes lha mo dgug gzhug bstim/ /sa yi cho ga rdzogs byas la// //de nas lha yi sta gon ni/ /maN+Dal yid 'ong dri med khor/ /dri yi thig le me tog lnga/ /oM hUM traM khaM dag las dam tshig dag las 'khor lo bskyed byas te/ /ye shes 'khor lo spyan drangs la/ /mchod gtor bstod pas mnyes byas la/ /bdug pa lag thogs pus btsugs te// dril bu'i sgra sgrogs lnga ldan hUM/ /de nas gsol ba gdab bya ba/ /bcom ldan rdo rje 'dzin pa'i mchog /rig sngags rgyal po dge ba'i mgon/ /gzungs sngags gsang sngags kun gyi gtso/ /gsang ba'i bdag po phyag 'tshal lo// thugs rje'i bdag nyid can rnams kyi/ /dkyil 'khor bdag nyid 'dri bar 'tshal/ /slob ma rnams la brtse ba dang/ /khyed rnams mnyes par mchod phyir du/ /bcom ldan bdag nyid gus pa la/ /de yi gnang bar mdzad pa'i rigs/ sangs rgyas 'gro don byas don gsol/ /byang chub sems dang gsang sngags lnga/ /'jig rten skyong dang mthu chen dang/ /yang dag rdo rje'i spyan mnga' ba'i/ /sems can bstan la dga' rnams la/ /bdag ming 'di zhes bya ba yis/ rdo rje gtum po'i dkyil 'khor ni/ /yo byad ci 'byor pas 'dri na/ /deng bdag slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du/ /byin gyis brlab pa mdzad du gsol/ /de ltar

  137. 69a

    lan gsum gsol btab nas/ /ra ba dra bas mtshams bcad do/ /hUM/ nyon cig bgegs dang log 'dren tshogs/ /da ni bcom ldan gtum po yin/ /nga yi bka' las ma 'da' cig /nga yi bka' las 'da' byed na/ /rdo rje khro bos mgo 'gems so/ /ma 'dug song zhig log 'dren tshogs/ /oM suM b+ha ni suM b+ha hUM/ grih+Na grih+Na hUM/ grih+Na pa ya grih+Na pa ya hUM/ A na yA ho/ b+ha ga wAn badzra pA Ni hUM/ Arya te tsar ti na hUM phaT// / de nas bum pa'i sta gon ni/ /gser la sogs pa'i bum pa ni/ /lto ba che la mgrin pa ring/ /skyon la sogs pa dang bral bas/ /las kyi bum pa ma gtogs pa/ /yon tan ldan pas lha grangs bstun/ /nas dang gro dang so ba 'bras/ /til dang lan tshwa bu ram dang/ /mar dang sbrang rtsi rnam pa lnga/ /gser dngul zangs lcags mu tig dang/ /bya kri seng kri ha si ha sa de ba dang/ /kri ka ra ni tra sman lnga dang/ /dri chen dri chung mar zil mdangs/ /mi rta khyi bya glang po sha/ /dmar ser 'o ma gzhon nu'i chus/ /phyed mtho tsam du dgang bar bya/ /kha tshar ma nyams ras kyis bcings/ /'bras bu can gyi kha brgyan te/ /dris bdug maN+Dal khar bzhag la/ /mi dmigs bruM paM bdud rtsi yi/ /rgya mtsho'i dbus su ri rab che/ /sprin sgra bsnol bas sna tshogs sgra/ /lte bar hUM las gzhal yas drag /paM las chu skyes dam tshig bskyed/ /ye shes 'khor lo spyan drangs la/ /phyag rgya bzhi yis gnyis med bstim/ / sku gsung thugs su byin gyis brlab/ /spyan la sogs pas dbang bskur ro/ /mchod dang gtor mas bstod byas la/ /gzungs thag ldan pas bsnyen pa 'bum/ /de nas slob ma'i sta gon ni/ /rdo rje slob ma khrus byas la/ /slob

  138. 69b

    ma sgo yi drung gnas nas/ /dga' chen khyod bdag ston pa po/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de ni stsal du gsol/ /byang chub sems ni stsal du gsol/ sangs rgyas chos dang dge 'dun te/ /dkon mchog gsum ni stsal du gsol/ /thar pa chen po'i grong mchog tu/ /mgon pos bdag ni 'jug par 'tshal/ /de lta lan gsum gsol btab nas/ /slob dpon gtso bo'i ting 'dzin zhugs/ /tshigs bcad 'dis ni gsang sngags sbyin/ /bu tshur theg pa chen po yis/ /gsang sngags tshul spyod cho ga ni/ /khyod la yang dag bstan par bya/ /khyod ni tshul chen snod yin te/ /dus gsum 'byung ba'i sangs rgyas rnams/ / sku gsung thugs kyi rdo rje dang/ /rdo rje gsang sngags rab bsgoms pas/ /dpa' bos byang chub shing drung du/ /thams cad mkhyen pa tshad med bskyed/ /gsang sngags sbyor ba mnyam med de/ /shAkya seng ge skyob pa yis/ /bdud sde shin tu mi bzad pa/ /dpung chen dag kyang de yis bcom/ /'jig rten rjes 'jug par rtogs nas/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /de nas skyabs 'gro sdig bshags bya/ /bla ma rdo rje slob dpon gyi/ /mnyam nyid thugs la phyag 'tshal lo/ /sprul pa'i sku la phyag 'tshal lo/ /dus gsum sangs rgyas thams cad kyi/ /sku gsung thugs kyi dor gnas pas/ /gsang ba'i bdag po phyag 'tshal lo/ /sangs rgyas chos dang dge 'dun gsum/ /byang chub sems dpa' i tshogs rnams la/ /bdag yid dang bas phyag 'tshal lo/ /bdag gi thog mdza' med pa nas/ /sdig pa bgyis pa ma lus kun/ /bcom

  139. 70a

    ldan phyag na rdo rje yis/ /spyan sngar da lta mthol zhing bshags/ /bla ma dkon mchog gsum po dang/ gsang sngags kun bdag rdo rje can/ /de rigs 'dzin pa'i rnal 'byor kun/ /dge ba mdzad la rjes yi rang/ /bcom ldan phyag na rdo rje ni/ /dus gsum bde gshegs thams cad kyi/ /gsang sngags bdag por dbang bskur la/ /gsang sngags 'khor lo bskor bar bskul/ /skyon bral mthu ldan khyod rnams la/ /skye rga na 'chi mi mnga' yang/ /'gro ba'i don du sku sprul la/ /mthun 'jug mya ngan mi 'da' gsol/ /bdag gis dge ba ci bsags kun/ /gcig tu bsdus te sdoms nas su/ /bla med byang chub thob bya'i phyir/ /sems can kun gyi don du bsngo/ /byang chub mchog tu sems bskyed pa/ /bla ma rdo rje slob dpon dang/ /bcom ldan phyag na rdo rje nyid/ /sangs rgyas byang chub sems dpa' i mchog /kun nas dang bas dgongs su gsol/ /bdag ming 'di zhes bgyi ba yis/ /dus 'di nas su bzung nas su/ / byang chub snying por gnas kyi bar/ /sems can kun gyi don gyi phyir/ /bla na med pa'i byang chub sems/ /dam pa bdag gis bskyed par bgyi/ /'gro ba sems can thams cad la/ /pha ma spun dang ming sring sems/ /bu pho bu mo'i sems bskyed de/ /ma bsgral ba rnams bsgral bar bgyi/ /ma grol ba rnams dgrol bar bgyi/ /dbugs ma phyung ba dbugs dbyung bgyi/ /srid pa chags par zhi la bsgrol/ /sbyin pa'i pha rol phyin pa btang/ /tshul khrims pha rol phyin pa bsrung/ /bzod pa'i pha rol phyin pa bsgom/ /brtson 'grus pha rol phyin pa spyad/ /bsam gtan pha rol phyin par gnas/ /shes rab pha rol phyin pas phyin/ /pha rol phyin pa 'di drug po/ /mthar gyis brlab dang

  140. 70b

    mthar gyis spyad/ /mthar gyis bsgrub la nan tan bya/ /de nas sdom pa dpog bya ba/ /srog chags rnams ni bsad mi bya/ /ma byin par yang slang mi bya/ /'dod pa dag ni spyad mi bya/ /brdzun pa dag kyang yod mi smra/ /nyes pa kun gyi rtsa ba yi/ /chang ni myos par btung ma yin/ /sems can gdul bya ma gtogs pa/ /bya ba ma yin thams cad spang/ /dam pa nye bar gnyer byas shing/ /rnal 'byor can la bsnyen bkur bya/ /lus kyi las ni rnam gsum dang/ /ngag gi rnam pa bzhi dag dang/ /yid kyi rnam pa gsum dag ni/ /ci nus pa yis rjes su bsrung/ /sems can don la rgyab phyogs min/ /theg pa dman pa dor mi bya/ /'khor ba dag kyang yong mi spang/ /rtag tu mya ngan 'da' mi chags/ /lha dang lha min gsang ba pa/ /de la brnyas par mi bya zhing/ /phyag rgya bzhon pa mtshon cha dang/ /mtshan ma bsgom par mi bya'o/ /bla ma la gus bka' mi 'da' / /stong nyid snying rje rab bsgom zhing/ /mdor na rtsa ba yan lag gi /dam tshig nyin mtshan grangs kyis bsrung/ /de nas bla mas gsungs pa yi/ /sdom pa legs par bsrung bar bya/ /tshul khrims zhes bya sogs pa nas/ /dus 'di nas ni bzung nas ni/ /ji srid snying po byang chub bar/ /bdag ni rab tu sdom par bgyid/ /de nas slob ma'i gnas gsum du/ /rdo rje khu tshur dri yi chus/ /thig le nyi zla bar steng su/ /yi ge gsum gyi sbyor ba las/ /sku gsung thugs kyi byin gyis brlab/ /las kyi chu yis gtor zhing bsrung/ /oM badzra u ta ka hUM phaT/ mchod pa lnga yis legs mchod de/ /spyi bor me tog spos byin la/ /mar me dri ni snying gar ro/ /dril bu dkrol zhing bshos gtsang mdun/ /de nas tshigs bcad sngags 'dis sbyin/ /dus 'di nas ni bzung nas su/ /'khor ba'i nyes pas ma gos par/

  141. 71a

    mchod pa kun dang ldan pa yi/ /dus kun tu ni bde legs shog /oM pany+tsa ling ka a b+hi Shiny+tsa mi/ /de nas so shing sbyin par bya/ /'o ma can gyi shing dag la/ /sor brgyad dang ni bcu gnyis pa/ /me tog can ni dor bar bya// 'jig rten du ni kun mkhyen rnams/ /u dum ba ra'i me tog bzhin/ /rgya lam na ni 'byung 'gyur ram/ /zhes pa la sogs chos bshad bya/ /oM tra ki sti ba tri shud d+ha sarba d+harmA swa b+hA wa badzra at ma ko haM/ /de nas bsrung skud sngon po yis/ /mdud pa lnga ldan byin brlabs can/ /dpung pa g.yas g.yon dag tu cing/ /ku sha stan gding mtshan ma gdab/ /ngan na phur bu'i sbyin sreg bya/ /bzang na mkha' 'gro'i gtor ma btang/ /de nas thig ni gdab bya ba// ma dang ti gi ting 'dzin gyis/ /bsnyen pa'i dkyil 'khor mkha' la bteg /gzhon nus srad bu bkal ba la/ /kha dog dkar po'i thig gdab ste/ /mdzes pa'i snod du bcug nas kyang/ /las kyis gsang zhing lhar bskyed la/ / ye shes 'khor lo spyan drangs mchod/ /nyis 'gyur tshad la srad bu bstim/ /rang nyid rdor 'dzin lhar sprul nas/ /byin gyis brlab dang bsrung ba phyir/ /bde gshegs mchod phyir nam mkha' gdab/ /sgo dbye gsal phyir sa thig gdab// tshangs thig gdab ste bgegs bskrad do/ /oM badzra rak+Sha hUM phaT/ slob dpon shar bltas slob ma nub/ /dza gsum brjod la lag tu gtang/ /dang po nub ste de nas ni/ /lho byang gdab ste de nas shar/ /nub byang lho nas mtshams bzhir thig /rim pa bzhin du gdab par bya/ /cha bzhi cha brgyad rim bzhin du/ /dbye ba la sogs shes par bya/ /'khor lo rtsibs bzhi mu khyud bcas/ /'khyams 'khod pa dang mi 'dod pa/ /de dag thams cad shes par gyis/

  142. 71b

    sngags 'dis thig ni gdab par bya/ /oM badzra sa ma/ dmar ser smin ma smra ra khro/ /kham nag gyen rdzes dbu yi skra/ /zla tshes mche dkar ljags glog 'khyug /lto 'gros brgyan cing stag sham can/ /yum dang gnyis med thugs las 'khyud// sprul pa gdug pa'i tshogs rnams 'joms/ /bgegs chen bsnol ba'i gdan la bzhugs/ /drag po me dpung dbus na 'phro/ /bcom ldan thugs kyi sprul pa las/ /rigs bzhi gtum po rang nyid do/ /shar du rdo rje gtum po ni/ /bdud las rgyal byed dri za'i gdan/ /zhal gcig phyag gnyis sku mdog dkar/ /spyan gsum mche gtsigs zhabs bgrad pa/ /skra brdzes lto 'gro stag gis brgyan/ /g.yas pa rdo rje bsnun pa'i tshul/ /g.yon pa sdig mdzub rab tu gdengs// me dpung 'bar ba'i rnam pa can/ /thugs la rdo rje'i khyung sprul lo/ /lho ru rin chen gtum po ni/ /gzi brjid 'bar ba gshin rje'i gdan/ /zhal gcig phyag gnyis sku mdog ser/ /spyan gsum zhabs bgrad mche ba can/ /skra brdzes lte 'gro stag gis brgyan/ /g.yas pa rdo rje bsnun pa'i tshul/ /g.yon pa sdig mdzub rab tu gdeng/ /me ri 'bar ba'i rnam pa can/ /thugs las rin chen khyung sprul lo/ /nub tu pad+ma gtum po ni/ /rngam pa'i sgra sgrogs klu dbang gdan/ /zhal gcig phyag gnyis sku mdog dmar/ /spyan gsum mche gtsigs zhabs bgrad pa/ /skra rdzes lto 'gro stag gis brgyan/ /g.yas pa rdo rje bsnun pa'i tshul/ /g.yon pa sdig mdzub rab tu gdeng/ /me dpung 'bar ba'i rnam pa can/ /thugs las pad+ma'i khyung sprul lo/ /byang du las kyi gtum po ni/ /bdud rtsi 'khyil pa gnod sbyin gdan/ /zhal gcig phyag gnyis sku mdog sngo/ /spyan gsum zhabs bsgrad mche ba can/ /skra brdzes lto 'gro stag gis

  143. 72a

    brgyan/ /g.yas pa rdo rje bsnun pa'i tshul/ /g.yon pa sdig mdzub rab tu gdeng/ /me ri 'bar ba'i rnam pa can/ /thugs las las kyi khyung sprul lo/ /de ltar dam tshig bskyed byas la/ /dza(rgyud 'grel): hUM baM ho(rgyud 'grel): phyag rgya bzhi// ye shes dkyil 'khor spyan drangs te/ /phyag 'tshal ba dang mchod cing bshags/ /rjes su yid rang bskul zhing gsol/ /dge ba ci bsags thams cad kun/ /byang chub thob phyir bdag gis bsngo/ /phyag rgya bzhi yis gnyis med bstim/ /'bru gsum sngags kyis byin gyis brlab/ /spyan la sogs pas dbang bskur ro/ /de nas slob ma khrus byas la/ /yol bas bar bcad gdongs g.yogs bcings/ /sngags 'di yis ni phyag byed gzhug /oM badzra na ma mi hUM/ oM badzra na mo he hUM/ oM badzra na ma na mo hUM/ bde ba 'dod pa su zhig yin/ /bla mas don ni dri bar bya/ /bskal ldan bde chen bdag cag lags/ /slob mas lan ni gdab par bya/ /de nas bla mas bde ba'i glu/ /dgyes pas blang bar bya ba 'di/ /oM bud d+ha ra/ pU dza me g+ha/ ut gA te/ spa ra na hi maM/ ga ga na khaM swAhA/ de nas slob mas gsol gdab ba/ /ston pa khyod la bdag dga' bo/ /bla ma dam par dgongs su gsol/ /byang chub chen por tshul bstan pa'i/ /byang chub sems ni bdag la stsol/ /de nyid dam tshig bdag la stsol/ /sangs rgyas chos dang dge 'dun te/ /dkon mchog gsum ni bdag la stsol/ /lus dang longs spyod 'di bzhes la/ /dbang bskur dam pa mdzad du gsol/ /thar pa chen po'i grong khyer du/ /mgon po bdag ni 'jug par 'tshal/ /de yi lan ni sbyin bya ba/ /bu tshur theg pa chen po'i snod/ /gsang sngags spyod pa'i tshul 'di ni/ /khyod la yang dag bshad par bya/ /tshul chen khyod kyis shes par

  144. 72b

    bgyis/ /dkyil 'khor dam par dbang bskur gyis/ /bu yi blo gros brtan par byos/ /de yis nang ni sdig pa bshags/ /rjes su yi rang bskul zhing gsol/ /mya ngan mi 'da' gsol ba gdab/ /byang chub sems bskyed lus la phul/ /sdom pa phog te gzung du gzhug /bslab pa yi ni tshul khrims dang/ /dge ba chos sdud tshul khrims dang/ /sems can don byed tshul khrims gsum/ /deng nas gzung ste bzung par bya/ /rdo rje rigs mchog chen po yi/ /rdo rje dril bu'i phyag rgya dag /yang dag nyid du bzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin nam dus drug tu/ /sbyin pa rnam bzhi rtag tu sbyin/ / byang chub chen po las byung ba'i/ /pad+ma'i rigs mchog dag pa la/ /phyi nang gsang ba'i theg pa gsum/ /yang dag nyid du gzung bar bgyi/ /las kyi rigs mchog chen po yis/ /sdom pa thams cad ldan par ni/ /yang dag nyid du bzung bar bgyi/ /mchod pa'i las kyang ci nus bya/ /de nas rdo rje'i lam khrid la/ /tshigs bcad sngags 'dis dam chu blud/ /spyi bor bcom ldan bskyed byas la/ /bdud rtsi'i chu ni blud par bya/ /'thungs shig rdo rje bdud rtsi'i chu/ /dam las 'das na dmyal bar bsreg /dam tshig bsrungs na dngos grub 'byung/ /rdo rje bdud rtsi'i chu yis bkru/ /oM badzra sa tA hUM/ las kyi chu yis bgegs bskrad de/ /phreng bas mgul nas bcing bar bya/ /oM badzra hta ka hUM/ rdo rje thugs kar bzung byas nas/ /dam tshig khro bo'i nga rgyal gyis/ /tshigs bcad sngags 'di brjod par bya/ /de ring phan chad khyod kyis ni/ /phyag na rdo rje nga yin pas/ /nga yi bka' nyan gsung sdod pas/ /khyod kyis byas na dngos grub 'byung/ /ma

  145. 73a

    byas rdo rje dmyal bar ltung/ /de phyir bka' nyan gsung stong cig /oM badzra sa ma ye hUM/ de nas rdo rje spyi bor bzhag /khyod kyis dkyil 'khor chen po 'dis/ /de nyid ma mthong mi rnams mdun/ /dus kun du ni ma smra cig /ma smras dngos grub myur ba yin/ /smras na khro bos mgo 'gems so/ /oM badzra kro d+he ya hUM phaT/ de nas sngags 'dis yol ba bsal/ /oM badzra pra tIts+tsha ho/ /lan gsum brjod la mthong ngam dri/ /dbang thob phyir na yon kyang dbul/ /sngags 'di me tog dkyil 'khor dor/ /oM sarba ta thA ga te puShpa dza hUM/ sngags 'dis slob ma'i mgo la gdags/ /oM ratna ma le a b+hi Shiny+tsa mi/ /bla ma rdo rje slob dpon gyis/ /lha'i 'khor lo bskul byas la/ /slob ma'i snying gar gzhug par bya/ /oM maN+Dal de ba ba tiShtha ltan/ /tshigs bcad sngags 'dis gdong g.yogs bkrol/ /ji ltar mig mkhan rgyal po yis/ /ma rig ling tog bsal ba ltar/ /de bzhin de ring bu khyod kyi/ /ma rig ldongs pa'i mun pa bsal/ /oM badzra pA sha hUM ye shes khro bo'i ting 'dzin gyis/ /lcags kyu'i phyag rgyas bkrol bar bya'o/ /de rnams las kyi bla mas bya/ /lha ngo bstan la dbang bskur ro/ /ji ltar dus gsum sangs rgyas la/ /rdo rje sems dpa' dbang bskur ltar/ /bdag kyang rab tu bsgral slad du/ /bde gshegs bum pa'i dbang mchog stsol/ /de skad gsol ba gdab par bya/ /yab yum snyoms zhugs 'od zer las/ /bde gshegs 'od bskul bum par thim/ /che 'dres 'od zhu bdud rtsi des/ /spyi bor chu yi dbang bskur ro/ /mi bskyod pa yis spro bsdu yis/ /tshigs bcad sngags 'dis bum pa sbyin/ /hUM sku gsung dam tshig las byung pa'i/ /ye shes bdud rtsi dri ma med/ /lha yi chu ni dge pa yis/ /mi bskyod pa yi dbang bskur ro/

  146. 73b

    oM badzra A darsha shu n+ya tA dz+nyA na/ a b+hi Shiny+tsa mi/ rin chen 'byung ldan spro bsdu yis/ /tshigs bcad sngags 'dis cod pan sbyin/ /traM sangs rgyas kun gyi rgyal srid do/ /dbu rgyan rin chen bla na med/ /dbu rgyan rin chen mchog 'gro ba/ /rdzogs sangs rgyas su dbang skur ro/ /oM badzra sa ma tA dz+nyA na ratna ma hUM ta ya a b+hi Shiny+tsa mi/ 'od dpag med kyi spro sdu yis/ /tshigs bcad sngags 'dis rdo rje sbyin/ /h+ri sangs rgyas kun gyi rdo rje dbang/ /mi phyed rdo rje gsal ba las/ /chos rnams kun gyi sgor gyur pa/ /rdo rje chos kyi dbang bskur ro/ /oM pra tyA bek+Sha na dz+nyA na a b+hi Shiny+tsa mi/ don rnams grub pa'i spro bsdu yis/ /tshig bcad sngags 'dis dril bu sbyin/ /haM thabs dang shes rab ldan pa yis/ /'gro don mnyam med byed pa dang// mchod pa'i las rnams rdzogs byed pa/ /dril bu las kyi dbang bskur ro/ /oM kri tyA nuShthA na dz+nyA na pa ne badzra a b+hi Shiny+tsa mi/ rnam snang mdzad kyi spro bsdu yis/ /tshigs bcad sngags 'dis ming sbyin no/ /oM rdo rje'i ming du dbang bskur bas/ byang chub snying po'i bar du ni/ /cis kyang mi tshugs mi shigs par/ /rdo rje'i ming du rab grags shig /oM pa taM sho d+ha d+harmA b+hA tu dz+nyA na a b+hi Shiny+tsa mi/ /chos rnams sgyu ma lta bu ste/ /dag cing gsal la dri ma med/ /me long gi ni gzugs brnyan bzhin/ /rang gi lha ni shes par gyis/ /oM A(rgyud 'grel): hUM/ me long dag gi dbang yin no/ /rdo rje brtul zhugs dbang bskur ba/ /phreng ba chen po skye la skyon/ /'od zer 'phro 'dus byin brlabs la/ /tshigs bcad sngags 'dis sbyin par bya/ /ma skyes rdo rje gsang ba'i thugs/ /'gag pa'i shes rab dril bu'i gsung/ /gnyis med ye shes kyi chos sku/ /'di ni sangs rgyas thams cad dang/ /dpal ldan rdo rje 'dzin pa 'chang/ /khyod kyis kyang ni

  147. 74a

    rtag tu 'chang/ /phyag na rdo rje'i brtul zhugs brtan/ /oM a A/ i a'i/ u ra a'u ru/ u a a'u A al Al/ be shan yan/ gre b+ha be/ shud+d+ha ni swAhA/ badzra pA Ni hUM phaT/ de nas lung bstan dbang bskur ni/ /yon gyis bla ma mnyes byas la/ /phyag 'tshal nas ni gsol ba gdab/ /byang chub rdo rje sangs rgyas la/ /ji ltar mchod cing gsol mdzad pa/ /bdag la gdung ba'i don gyi phyir/ /nam mkha' i rdo rje bdag la gsol/ /bu de seng+ge'i khrir bzhag la/ rdo rje dril bu lag byin te/ /'od zer spro bsdu ting 'dzin bya/ /de na tshigs bcad sngags 'dis sbyin/ /bu tshur rdo rje'i slob dpon bgyis/ /de bzhin gshegs pa'i 'khor lo bskor/ /rdo rje rin chen pad+ma las/ /'gro ba'i don du khyod kyis bskor/ /oM haM k+Sha d+harma tsakra pra pa tu ka swAhA/ sarba ta thA ga ta d+harmA tsakra a b+hi Shiny+tsa mi/ de nas gsang ba'i dbang bskur ni/ /stegs bu bdud rtsi lnga yis byug /pi par ta 'am zhing gi khar/ /mtshan ldan rig ma'i b+ha ga la/ /dpa' bo seng ge bzhin du rol/ /tsanTa li ni rab sbar bas/ /e waM de ba haM las 'dzag /spro bsdu byang chub sems de sbyin/ /bu yis mgon la 'di skad gsol/ /rgyal ba thams cad rol pa yis/ /sangs rgyas chu bo rgyu phab ste/ /nyon mongs sdig pa sbyangs pa bzhin/ /bdag la byang chub sems dbang stsol/ /bye ba phrag brgyas gang+gA klung/ /ji snyed mgon po thams cad kyi/ /gnyis med sbyor ba'i bdud rtsi rgyun/ /mgon po bdag gi gsung la gsol/ / tshigs bcad sngags 'dis bu la sbyin/ /yab yum snyoms zhugs bde ba'i rgyun/ /gnyis med sems kyis ro gang ba/ /thabs dang shes rab bdud rtsi'i mchog /bu yi ngag la sbyin par bya/ /oM a mri ta gu hya a b+hi Shiny+tsa mi/ /mgrin

  148. 74b

    par gsung la sbyin par bya/ /des kyang a ho su kas btung/ /de nas shes rab ye shes dbang/ /maN+Dal dris byugs dri med khar/ /bdud rtsi dkar dmar thig le gdab/ /steng du stag gi sham thabs khar/ /mtshan ldan rigs ma khrus byas bzhag /gnas lnga ru ni lha lnga dgod/ /spyan drangs bstim zhing mchod bstod bya/ /de nas slob mas gsol ba gdab/ /phyogs dus bzhugs pa'i sangs rgyas kun/ /shes rab pha rol phyin pas 'grub/ /bdag kyang rab tu bsgral slad du// gsum pa'i dkyil 'khor bstan du gsol/ /mgon pos kyang ni lan sbyin pa/ /bu tshur shog cig rigs kyi bu/ /gang la dga' ba'i dngos grub ni/ /shes rab ma la brten pas 'grub/ /rtag tu shes rab don 'dod pas/ /thabs la skrag par mi bya zhing/ /pad+ma'i steng du lce yis reg /dri chen dri chu bza' bar bya/ /khu ba dkar dmar bdud rtsi mchog /lce yi dbus su brtan par bzung/ /dka' thub med cing brtul zhugs che/ /'di dang ldan na 'grub par 'gyur/ /de nas slob ma'i mig phye ste/ /yum gyi gsang ba'i dkyil 'khor blta/ /rtag tu gcer bu'i tshul gyis ni/ /rdo rje dril bu kha phye nas/ /mthong ba'i blos ni gsol ba gdab/ /rmad byung btsun mo'i b+ha ga mchog /ye shes thams cad bskyed pa'i gnas/ /ma smin ma grol ba yi sar/ /ye shes dam pa bskyed du gsol/ /shes rab yum gyi b+ha ga la/ /slob ma dpa' bo'i tshul du rol/ /snyoms par zhugs pa'i bde ba yis/ /A li kA li gnyis med las/ /brkyang mas ro ma mnan pa bstan/ /bcu drug phyed phyed thig le ni/ /gsum mos ri bong can haM 'dzag /dkyil drang bzlog dang dgram zhing bstim/ /dga' bzhi gnyug ma nyams su myong/ /shes rab gsal ba'i dang la gnas/ /tshigs bcad sngags 'dis byin gyis brlab/ /hUM thabs

  149. 75a

    dang shes rab gnyis med pas/ /ye shes chen po mchog gi lam/ /srid dang zhi las rab rol ba'i/ /bde ba chen po bde ba'i mchog /yum la brten pa'i bde ba 'dis/ /bu la byin brlabs dbang bskur ro/ /oM pradz+nyA dz+nyA na a b+hi Shiny+tsa mi/ /sangs rgyas kun gyi thabs chen po/ /bde ba chen po zab mo'i chos/ /dngos grub dam pa bdag gis blang/ /oM dz+nyA na sid+d+hi hUM/ de yi dngos grub dam pa blang/ /bzhi pa chos nyid mngon rtogs dbang/ / lhan cig skyes pa bdud rtsi'i ro/ /mtshon du yod pa ma yin te/ /srid dang mya ngan 'das pa grol/ /de nas bkra shis smon lam gdab/ /sngags 'dis bzod pa gsol bar bya/ /oM badzra tsanTa sa ma ya/ ma nu pA la ya/ badzra tsaN+Da twe no pa tiShtho/ dri Dd+ho me b+ha wa/ su to Sh+yo me b+ha wa/ a nu rak+to me b+ha wa/ su po Sh+yo me b+ha wa/ sarba sid+d+hi me pra yats+tsha/ sarba d+harmA su tsa me tsit+taM sh+re yaM ku ru hUM/ ha ha ha ha ho(rgyud 'grel): b+ha ga wA na/ sarba ta thA ga ta/ badzra mA me muny+tsa/ badzri b+ha wa/ mahA sa ma ya sa twa a(rgyud 'grel): bum pa'i lha dang dkyil 'khor lha/ /spyan drangs nam mkhar gshegs su gsol/ /dam tshig 'khor lo rang la bsdu/ /de nas spyod lam rnam bzhi ni/ /'gro ba'i don du dge ba spyad/ /gnyis po mi 'bral nga rgyal ldan/ /'di brtsams pa yi dge ba gang/ /zla ba rgyas pa dri med bzhin/ /'gro ba dug can thams cad ni/ /zhing mchog gtsang mar skye bar shog /phyag na rdo rje gtum po lha lnga pa zhes bya ba'i dkyil 'khor gyi cho ga 'phags pa klu grub kyi zhal snga nas mdzad pa rdzogs so// //'di bris dge ba'i rtsa ba yis/ /gos sngon go 'phang myur thob shog/ (//phyag na rdo rje'i lam yan lag brgyad pa 'phags pa klu grub kyis mdzad pa bzhugs// //)

  150. 75b

    rgya gar skad du/ badzra pA N+yaM ga mArgASh+Ta ya/ bod skad du/ phyag na rdo rje'i lam yan lag brgyad pa/ 'phags pa lag na rdo rje la phyag 'tshal lo/ /rigs lnga khro bo rigs gcig pas/ /gnyis po dbyer med rnam bzhi 'dres/ /bcom ldan de btud sgrub pa'i thabs/ /gtum po khros pa'i gzhung bzhin bya/ /de la dur khrod la sogs pa'i gnas su gdong la sogs pa dag par byas te dri chu'i chag cha ga btab la/ /rnal 'byor pa dbang thob pas stan bde ba la 'dug ste/ rang gi snying gar hUM sngon po bsam de'i 'od zer gyis bla ma dang lha dang rgyal ba sras dang bcas pa rnams thugs bskul te bsod nams kyi tshogs bsags pa ni/ /sangs rgyas chos dang dge 'dun dang/ /byang chub sems dpa' i cho gas rnams dang/ /bcom ldan phyag na rdo rje la/ /bdag ni gus pas phyag 'tshal lo/ /'dod yon lnga dang rin chen bdun/ /bkra shis rdzas brgyad khor yug bcas/ /phyi nang gsang ba'i mchod pa rnams/ /bla na yod med mchod par bzhes/ /bdag gis thog mdza' med pa nas/ /sdig pa bgyis pa ma lus kun/ /bcom ldan phyag na rdo rje yi/ /spyan sngar de lta mthol zhing bshags/ /bla ma dkon mchog gsum po dang/ /gsang sngags kun bdag rdo rje can/ /de rigs 'dzin pa'i rnal 'byor kun/ /dge ba mdzad la rjes yi rang/ /bcom ldan phyag na rdo rje ni/ /dus gsum bde gshegs thams cad kyi/ /byin gyis brlabs kyis dbang bskur la/ /gsang sngags 'khor lo bskor bar bskul/ /skyon bral mthu ldan khyed rnams la/ /skye rga na 'chi mi mnga' yang/ /'gro ba'i don du sku sprul pa/ /mthun 'jug mya ngan mi 'da' gsol/ /bdag gis dge ba ci bsags kun/ /gcig tu bsdus te bsdoms nas su/ /bla med byang chub thob bya'i phyir/ /sems can kun gyi don du bsngo/ /

  151. 76a

    de nas byams pa dang snying rje dang/ dga' ba dang btang snyoms bsgom mo/ /de nas ye shes kyi tshogs bsags te/ oM sarba d+harmA swa b+ha wa At+ma ko haM/ zhes brjod pas chos thams cad stong pa nyid du bsgom mo/ /de nas rang gi snying gar a las byung ba'i zla dkyil du hUM bsam mo/ /de'i 'od kyis don byas par chad bsal/ /mchod pa phul/ /byin brlabs bsdus sa bon la thim pas khro bo'i rdo rje rtse lnga par bltas te/ de'i lte ba can gyi yang de ltar byas/ /de yongs su gyur pa las/ zhal gcig pa/ phyag gnyis pa/ sku mdog mthing ga /g.yas rdo rje bsnun pa'i tshul/ g.yon sdigs mdzub thugs kar bkan pa/ lto 'gros brgyan cing stag sham gsol pa/ spyan gsum pa/ mche ba gtsigs pa/ skra rdzes shing sma ra ser ba/ zhabs gyad kyi dor thabs su dgrad pa/ thugs las rigs bzhi yum dang khyud/ /seng ge stag dang ce spyang phag /sprul pa'i khro chung bsam mi khyab/ /me dpung 'bar ba'i bdag nyid bsam/ /de rjes hUM las 'od 'phros pas/ /ye shes spyan drangs mchod sogs bya/ /phyag rgya bzhi yis rgyas btab la/ /sku gsung thugs su byin gyis brlab/ /spyan la sogs pas dbang bskur la/ /spro bsdu mi skyo bar du bsgom/ /de nas ting 'dzin gsum dang ma bral bar bzlas pa bya ste/ oM badzra tsan Da ma ha ro Sha Na hUM/ gzungs sam rigs lnga'i snying po gang yang 'dra'o/ /de nas gtor ma btang/ bstod pa bya/ yi ge brgya pa bklag /ye shes pa gshegs/ dam tshig pa bsdu/ spyod lam bzhi dge ba'i chos su gspyad par bya'o/ /de nas rdzogs pa'i rim pa ni/ /sa bon raM du 'bar ba yis/ /kha sbyor nyi zla'i 'phro 'du las/ /thabs dang shes rab sbyor ba yis/ /bde ba chen po

  152. 76b

    gso mdzad pa/ /thig le'i rang bzhin mi shigs kyis/ /bgegs rigs stong phrag 'joms par mdzad/ /de nas yang dag bshad par bya/ /gtor ma las rab kun gyi mchog /las rnams kun gyi sngon du 'gro/ yaM raM kaM dag sa bon las/ /rlung dang me dang thod pa'i sgyid/ /a las thod pa'i gzhal yas su/ /sha dang bi mu ma ra las/ /na dang go dang ku da ha/ /mi mchi lnga dang rab gsal lnga/ /steng du sa bon dgod bya ba/ /oM dang hUM dang taM laM khaM/ laM maM paM taM paM dag las/ yab yum snyoms 'jug bdud rtsi'i chur/ /dpa' bo gsum gyis byin brlabs la/ /brjod pas dkar dmar dngul chu'i mdog /ye shes bdud rtsir byin brlabs la/ /rdo rje khong seng ye shes lcags/ /hUM mdzad sngags 'dis gsol bar bsam/ /oM tsaN+Da badzra pA na ye mahA ba liM i dan/ gri h+Na gri h+Na/ kha hi kha hi/ muny+dza ho sa ma ye swAhA/ /de nas sman gyi mchod pa ni/ /a mri ta pU dza'o/ /rag ta'i mchod pa ni/ /rak+ta pi pa ta yo/ /tshogs kyi mchod pa ni/ /g+ha na pU dza'o/ /de nas lhag ma bsngo ba bya ba sngags 'di brjod pas thim par bsam/ oM a kA ro mu khang sarba d+harmA NaM/ A dya mud pan na twAta/ oM A(rgyud 'grel): hUM swAhA/ zhes pa'i sngags kyis 'byung po thams cad la gtor ma btang ngo// // de nas sangs rgyas kun gyis gnad ba'i lha/ /mche ba gtsigs shing me mngag spyan/ /me lce'i dbugs la 'jigs pa'i dar/ /phyag zhabs nor rgyas bu yis brgyan/ /nag po gdol pa'i se ral kha/ /dga' po nye dags snyan cha mdzad/ /sprul gdug 'bar bas phyag zhabs brgyan/ /sku yi bzhin dang gzi brjid rgyas/ /khro gnyer smin ma dpral bar bsdus/ /ya sos ma mchu drag tu mnan/ /gshin rje'i cha byad 'jigs byed sku/ /klog ltar 'khyug pa'i ljags

  153. 77a

    'dril zhing/ /gsus pa che zhing sprul za ba/ /lag pa brdabs pa'i sgra yis ni/ /khams gsum rnams ni 'jigs par byed/ /sma ra ser po gyen du 'khyil/ /khro gnyer smin ma me lcer 'khyug /kham nag ral ba gyen du brdzes/ /phyag g.yas gser gyi rdo rje bsnams/ /g.yon pa sdigs mdzub log 'dren gzir/ /sku la me 'bar srid gsum 'dul/ /'dab bzangs rgyal pos ske rags mdzad/ /dpag tshad brgyad khri rgya mtsho'i zabs/ /zhabs kyi pus mor phyin mdzad nas/ /dbang po nyi ma phrag la khur/ /a lI gar rgyangs chen po ni/ /kun tu rgod cing 'khrug par byed/ /hUM dang phaT kyi gad rgyangs kyis/ /ha ha bzhad cing drag shul che/ /klu rnams 'dul bar byed la bstod/ /de nas sngags kyi bye brag ni/ /oM badzra tsaN+Da mahA ro Sha Na hUM phaT/ oM nI lAM ba ra d+ha ra badzra pA Ni hUM phaT/ oM badzra pA ni hUM badzra ro Sha Na hUM phaT/ oM badzra tsaN+Da sarba duSh+Tan ta ka ha pa tsa hUM phaT/ oM badzra pA Ni sa man+ta ka ra me rak+Sha tsit+ta badzra nA ga sa man+ta hUM phaT/ rigs lnga gtum pa'i drag sngags te/ /rim pa yis ni shes par bya/ /tadya thA na sa b+ha ga ban/ radz+nyA pa ya'i bar du ni/ /gtum po khros pa'i rgyud bzhin no/ /de dag gdags pa'i drag sngags ni/ /sbyor bas yang dag bstan par bya/ /oM ha yak+Sha yod rdo rje Na ri thA rbad/ dza bu raM rbad/ muM rig muM rig mA ra ya shig /sog tshig naN drang/ lus rul nA ga mA ra ya phaT/ raM raM dza la dza la/ shig shig /mA ra ya/ rdul bun rbad sod/ oM badzra tsaN+Da sarba duSh+Tan kri ga naN/ e hUr thums dzA mA ra ya rbad/ nA ga tsit+ta mA ra ya rbad/ yak+Sha tsit+ta mA ra ya rbad/ ru kra tsit+ta mA ra ya rbad/ ra dzA tsit+ta mA ra ya rbad/ rak+Sha tsit+ta mA ra ya rbad/ tsa ra tsit+ta mA ra ya rbad/ haM shaM tsit+ta

  154. 77b

    mA ra ya rbad/ ba ra sa tu tsit+ta mA ra ya rbad/ mus mun tsit+ta mA ra ya rbad/ ru kri tsit+ta ma ra rbad/ nyi ma sa bla naN/ glang pa naN/ tsi tra gu li naN/ ku na shig /tsit+ta mu tra bzlog byed/ nA ga shig /nag glog nA g+ha g+ho la naN/ che ge tsit+ta ma ra ya hUM phaT/ gdug pa rnam gsum bsang bya ba/ /thog mar she dang rtso la sbyar/ /dregs pa bcu ni 'dul byed pa/ /gong ltar mthun dang bar pa gzung/ /bsrung zhing bzlog par byed pa ni/ /'dres gyis tha mar shes par bya/ /gzhan yang sngags kyi sbyor ba ni// /'di ltar rab tu bstan par bya/ /oM ga ru Da/ haM sa ye/ tsa la tsala swAhA/ ser ba bcad pa'o/ /thal chen dang yungs kar gyis bya'o/ /oM e sho thi to/ hu lu hu lu/ dza la dz+nyi ho/ hU lu hU lu/ yang tre'i ba thi to/ /hU lu hU lu/ ? tre ba pra ti ga dza tu/ hu lu hu lu swAhA/ sngags kyi rgyal po 'di 'thab pa dang/ rnam par rtsod pa thams cad la bzlas pas zhi bar byed do/ /oM mo tsa ni mo tsa yA/ mok+Sha ni mok+Sha yA/ dzrI rbam ba ra de swAhA/ chu la btab te gtor na bcings pa las rnam par grol lo/ /oM ta ri ni ta ra yA/ mo tsa ni/ mo tsa yA/ mok+Sha ni mok+Sha yA/ badzrA baM ba ra de swAhA/ til mar la mngon par bsngags te/ skye ba'i sgo la bskus na sbrum ma bde bar btsa' bar 'gyur ro/ /oM tA re tu tA re/ mok+Sha yA badzri paM swAhA/ /gur kum gyis gro ga la gang gi ming smos pa'i sngags mngon par bris la/ spra tshul gyis btums te dri zhim pos bkang ba'i chu'i bum par blugs te/ me tog dri zhim pa la dus gsum du mchod pa byas na/ /'thab rtsod thams cad las rnam par rgyal bar 'gyur ro/ /oM a ma ra Ni dzI wan+tI ye swAhA/ sngags 'di legs par bzlas na las thams cad 'grub par 'gyur/ /khyad par du 'brum bu la sogs pa la chu la btab nas 'thungs na 'brum bu thams cad zi bar 'gyur ro/ /oM tsaN+Da

  155. 78a

    mahA ro Sha rba hUM phaT/ sngags kyi rgyal po 'di lan cig bzlas pas sdig pa thams cad bsreg par byed do/ /'byung po la sogs pa'i gdon la yungs kar la bsngags te gtor bas 'byer ro/ /byis pa gsar du bca' ba la skam pa la rdo rgyus kyis bris te sgo gong du btags na bsrung ba'i mchog tu 'gyur ro/ /oM dza b+ha la dzA len+d+rA ye swAhA/ oM ma ni b+ha drA ya swAhA/ oM pur+Nna b+ha drA swAhA/ oM dA na dat+tA ya swAhA/ oM bai sh+ra ma NA ya swAhA/ oM ki li ma li ni swAhA/ oM pi tsi kuN+Da li ne swAhA/ oM mu khen+d+ra ya swAhA/ oM tsa len+d+ra ya swAhA/ dzaM b+ha la la gnod sbyin chen po brgyad kyis bskor ba'i nor bsgrub pa'o// //de nas rab gnas bshad par bya/ /gza' skar bus chos bzang po la/ /bkra shis bum pa mtshan ldan du/ /'dag chal la sogs chu brgyad la/ / stong rtsa brgyad du gzungs brjod do/ /khrus gang gser dang mu tig can/ /rin chen sil ma dpungs par bkru/ ji ltar bltams pa'i tshigs bcad brjod/ /lugs ma bkru zhing me long la/ /pa ti lha khan bkru bya'o/ /khrus byed na bkra shis kyi tshigs bcad dang rol mo'i sgra sna tshogs dgrol lo/ /sran phye dang 'bras yos dang til mar la sogs pa la ku sha'i pir gyi khrus bya zhing sngags 'di brjod/ /na mo sarba ta thA ga ta dur+Nna du pa ya kra ste swAhA/ zhes brjod do/ /de nas ras kha tshar ma nyams pas dril phyis bya zhing sngags de brjod do/ /de nas dkyil 'khor chen po spyan drangs la bdag gis dkyil 'khor sgrub ste/ bdag nyid kyi dkyil 'khor mchod pa rdzogs pa'i rjes la rab gnas kyi lha rnams shin tu gsal bar byas te/ ye shes kyi 'khor lo bar snang du bsdus te spyan drangs la gnyis su med par bstim la/ dbang bskur rgyas btab la mchod pa shin tu rgyas par bya'o/ /de yang gser gyi thur mas spyan dbye ba'i sngags ni 'di'o/ /oM tsak+Shu dz+nyA na tsak+Shu pra be sha ya swAhA/ /

  156. 78b

    snyen dbye ra ni oM kar+Nna ye swAhA/ oM na ga gan d+he swAhA/ zhal dbye ba ni/ oM mu kha ye swAhA/ na gza' gsol ba ni oM ba tsan tsa li ka ye swAhA/ dung gi so mangs dang gser gyi spu gris rab tu byung ba dang/ byang chub sems dpa' byi ba'o/ / po ti glegs bam rnams ni rdo rje chos dang yum chen mor byin gyis brlab bo/ /mchod rten ni rnam par snang mdzad du byin gyis brlab po/ /rdo rje dang dril bu la sogs pa ni rang rang gi phyag mtshan du byin gyis brlab pa'o/ /gtsug lag khang la sogs pa de dag thams cad la ye shes sems dpa' bcug la rgyas btab cing byin gyis brlabs te dbang bskur la mchod pa rgya chen pos mchod la bkra shis chen por mnga' gsol lo/ /de nas bdun tshigs byed par 'dod na/ bsnyen pa sngon du song bas gson po'i bsrung ba byas te/ rus bu 'am mtshan byang la sogs pa'i dri ma sbyangs te/ 'dod pa'i thugs rjes gshin po ngan song gsum nas drang zhing/ gshin po'i shes pa a thung gnas pa de mtshan byang la bstim ste/ drag po'i sbyin sreg gis gshed phral la/ dug sbyang zhing 'gro drug nas drangs te/ 'dod chags zhe sdang gti mug gsum/ /'di gsum 'jig rten dug yin te/ /sangs rgyas chos dang dge 'dun gsum/ /bcom ldan phyag na rdo rje nyid/ /dkon mchog bden pas dug bcom mo/ /dug ka shin+tang? ku ru ye swAhA/ /zhes brjod cing 'gro drug nas drangs la dkyil 'khor chen por dbang bskur te/ me mar gyis lam stan la bde ba can gyi zhing khams su gcas? sbar ro/ /de nas sbyin sreg bshad par bya/ /zhi ba dkar zhing zlum pa la/ /ku sha 'o ma can gyis bsreg /'bras chan dkar gsum mngar gsum dbul/ /rta la n+ya gro d+ha yis bsreg /gru bzhi rin chen mdzes pas spras/ /bsnan

  157. 79a

    dang rin chen sna lnga dbul/ /dbang la dmar zhing zla gam la/ /tsandan dmar dang seng ldeng shing/ /khru gang tshad la pad+ma'i dbyibs/ /durba shing tog la sogs dbul/ /dwag po'i mthing nag gru gsum la/ /chu shing tsher mnan gyis bsreg /rdo rje lcags kyus spras pa la/ /dug dang khrag dang drag pos dbul/ /me lha'i cho ga rdzogs byas la/ /de yi gzhal yas drag po ru/ /bcom ldan cho ga legs pa yis/ /sbyin sreg sngags ni 'di ltar ro/ /oM agna ya dzA la raM/ sarba sha truM/ shan+tir ku ru ye swAhA/ zhi ba'o/ /puShIM? ku ru ye swAhA/ rgyas pa'i 'o/ /ba shaM ku ru ye swAhA/ dbang gi'o/ /mA ra ku ru ye hUM phaT drag po'i'o/ /na ma(rgyud 'grel): tsaN+Ta badzra pA na ye/ mahA yak+Sha se na pa ta ye/ sar sha truM zhes pa phrin las bzhi'i sngags gdags pa ni phyag na rdo rje'o// //de nas gdon bshad par bya/ /dbyibs legs mdzes pa'i maN+Dal gsum/ /bdag dang nad pa'i bar du bya/ /dang po gzugs kyi bum po la/ /gnyis pa smyug shar lcug mas bya/ /gsum pa ba su rigs drug dgod/ /'khar gzhod sman gyis bkad ba ni/ /lcug ma'i gdan de nad rnams gdab/ /nA ga yu lu zhes brjod la/ /dgang gzar blugs gzar dag gis dbul/ /zhi ba chu yi sbyin sreg go /gu gul dud pas bdug pa dang/ khra ma'i lcag gis brab pa dang/ /khyung dang mthu chen sdigs shing brab/ /mdongs kyi dud khung ltar bya ba/ /rlung gi dkyil 'khor bskyon byas la/ /gdon de dpag tshad brgyad khri 'phang/ /gdon rigs nyi shu rtsa lnga la/ /sman yang tsa lngas nang rnams 'jil/ /mthong ba'i dug dang reg pa'i dug /kha blangs dug dang sams pa'i dug /myos pa'i dug dang dug mtsho lnga/ /gtum po khros pa'i rgyud bzhin du/ rten cing 'brel pa'i rdzas rnams dang

  158. 79b

    ye shes lha'i sngags kyis dgrol/ /mdze rigs sum brgya drug cu las/ /bsdus na bco brgyad shin tu rgyas/ /rtsa dang chu dang dbang po dangs/ /skra dang rus pa sen mo spu/ /dug dang rkyen dang rigs dang gdon/ /mngal dang srin bu chu dang lha/ /dang po brtag pa ces pa yin/ /gnyis pa gso thabs bstan par bya/ /brtag pa brgyad la gso thabs gnyis/ /sman dang lha ru shes par bya/ /lha ni mngon du song ba yis/ /sman ni rten cing 'brel pa'i rdzas/ /bcangs pa tsam gyis bsrung ba'i mchog / rtsa bshal brtsub bshal sna bshal sogs/ /snga sbrul thabs sbyor dag dang ni/ /gtar dang me thur la sogs pas/ /rigs pas dpyad la kun nas dgrol/ /mdze rigs brgyad la gso thabs brgyad/ /brtag thabs brgyad la gso thabs brgyad/ /brtag thabs brgyad la man ngag brgyad/ /bla ma'i dag gis brgyan par bya/ /dug la sman gyis gso ba bya/ /rkyen la rten cing 'brel pa'i thabs/ /rigs la rin chen gter gyi gzer/ /gdon la bya ba bsrungs lha'i sngags/ /mngal dang srin la rtsa bshal lo/ /chu la gtar dang de bzhin te/ /las la dge ba'i stobs kyis gso/ /lang kar gshegs pa'i mdo dag las/ /bdag nyid 'phags pas lung bstan pas/ /brtsam par mi 'os ma yin te/ / yan lag brgyad du de bshad do/ /rgyud kyi dgongs pa yan lag brgyad/ /lhag chad rgyal po bka' las 'gal/ /zab mo sgrub thabs 'di bris pas/ /'dir 'jug gsang bdag 'grub par shog /phyag nar rdo rje'i lam yan lag brgyad pa zhes bya ba/ 'phags pa klu sgrub kyi zhabs snga nas mdzad pa rdzogs so// (//rdo rje skor gyi nang sgrub yid bzhin nor bu slob dpon las kyi rdo rjes mdzad pa bzhugs//) //gsang ba'i bdag po dpal lag na rdo rje gos sngon po

  159. 80a

    can la phyag 'tshal lo/ /phyag na rdo rje gos sngon po can sgrub par 'dod pa'i rnal 'byor pas/ dang por khrus byas stan bde ba la 'dug ste/ yan lag bdun dang ldan pa'i sems bskyed par bya'o/ /rang gi snying gar nyi ma dang zla ba la gnas pa'i sa bon gyi gos sngon po can dang/ sangs rgyas dang byang chub sems dpa' la sogs pa spyan drangs te/ sa bon las byung ba'i mchod pas mchod do/ /de nas 'di skad du/ dpal phyag na rdo rje dang/ sangs rgyas dang byang chub sems dpa' la sogs pa/ phyogs bcu na bzhugs so 'tshal lo/ /bdag lus ngag yid kyi sgo nas phyag 'tshal zhing skyabs su gsol lo/ /mchod pa bla na med pa 'dod pa'i yon tan gyi char dag pa'i sems kyis sprul zhing mchis na/ /thugs rje'i dbang gis bzhes su gsol/ thog ma med pa'i dus na/ dug gsum gyi dbang gis sdig pa ci bgyis pa rnams so sor bshags shing slan chad kyang sdom par bgyid do/ /bde bar gshegs pa gang dag bskul ba'i sa la bzhugs pa rnams la/ chos kyi 'khor lo bskul bar bgyi'o/ /bde bar gshegs pa gang dag mya ngan 'das par bzhed pa rnams la 'khor ba ji srid par gsol ba 'debs so/ /dge ba'i rtsa ba de dag thams cad kyang bla na med pa'i byang chub tu bsngo bar bgyi'o/ /ji ltar dus gsum sangs rgyas rnams kyis thugs byang chub mchog tu sems bskyed cing dngos po thams cad dang bral ba stong pa nyid kyi rang bzhin du thugs bskyed pa bzhin/ bdag gis kyang sems bskyed par bgyi'o/ /gzhan yang bdag gis 'phags pa rnams la lus phul te/ sems can thams cad mya ngan las 'da' bar bgyi'o/ /de nas rgyu ba dang mi rgyu ba'i dngos po thams cad stong pa nyid du bsam par bya'o/ /de'i ngang

  160. 80b

    las yaM las rlung gi dkyil 'khor gyi steng gu zla ba dang nyi ma'o/ /de'i steng du hUM sngon po las byung ba'i rdo rje yongs su gyur pa las gyur ba'i gos sngon po can gyi gzugs su gyur par bya'o/ /de nas yungs kar phyogs su gtor bar bya zhing/ oM A: big+h+nAM ta kri ta hUM phaT ces brjod cing bskrad par bya'o/ /lcags kyu'i phyag rgya bcas te/ sa bon las 'od zer spros te spyan drang bar bya'o/ /gzungs kyi mjug la/ oM na ma sa ma ya maN+Dal ma de/ A gats+tsha ya A gats+tsha ya/ pra be sha ya pra be sha ya/ A lo ka ya A lo ka ya hUM swAhA/ /zhes bya ba btags te spyan drang bar bya'o/ /de nas de la mchod pa dbul bar bya'o/ /h+ri hi ha zhes pas arg+ha yi'o/ /badzra puShpa pU dza me b+ha sa mu dra spha ra Na sa ma ye swAhA/ zhes pas me tog dbu la dbul lo/ /oM badzra d+hU pa pU dza me g+ha sa mu dra spha ra Na sa ma ye swAhA/ zhes pas bdug pa mdun du'o/ /oM badzra pI paM pu dza me g+ha sa mu dra spha ra Na sa ma ye swAhA/ zhes pas mar me spyan la'o/ /oM badzra gand+he pU dza me g+ha sa mu dra spha ra Na sa ma ye swAhA/ zhes pas dri thugs kar ro/ /oM badzra nai bi dye pU dza me g+ha sa mu dra spha ra Na sa ma ye swAhA/ zhes pas zhal zas zhal du'o/ /oM badzra gI ti gi ta swAhA/ zhes pas sil snyan la'o/ /de nas bstod// a badzra ma ya stwaM/ zhes pas gnyis su med par bya'o/ /de nas dbang bskur bar bya'o/ /de nas rang gi snying gar raM las byung ba'i nyi ma'i steng du/ rang gi sa bon la bzlas par bya ba'i yi ges bskor bar bya'o/ /blos dmigs bya ste/ /sngags bzlas par bya'o/ /sngags ni 'di yin te/ tadya thA/ b+ho b+ho pa na nA ga a d+hi pa ta ye/ i daM nI lAM ba ra d+ha ra sha rI raM/ badzri pA Ni h+ri da yaM ya(rgyud 'grel): sa mA ti kra ma tha/ mA ku la u tas dA naM/ b+ha bi Sh+ya ti/ tadya thA/

  161. 81a

    bud+d+ha bud+d+ha/ bi bud+d+ha/ bi bud+d+ha/ mA tikra ma tha/ ha ra ha ra/ nA gA nAM/ pra ha ra pra ha ra/ sarba nA gA nAM/ ts+tshinda ts+tshinda/ nA gA h+ri da yA ni/ b+hinda b+hinda/ nA ga mA rmA Ni/ bi shIryAn+tu/ nA ga sha rI rA Ni/ bi spho Ta ya/ nA ga na ya nA ni/ tadya thA/ hUM phaT/ nA ga bi dA ra NA yaM hUM phaT/ nA go t+sa da nA ya hUM phaT/ nI lAM ba sa nA ya hUM phaT/ a pra ti ha ta ba la pa rA kra mA ya hUM phaT/ kri tA na tA ya hUM phaT/ kritA n+tA ya phaT/ krihAn+ta ru pA ya hUM phaT/ ro Sha NA ya hUM phaT/ trA sa nA ya hUM phaT/ ku b+hAM DoN+sa dA nA ya hUM phaT/ pre ta pi shA tsa bi nA sha ka rA ya hUM phaT/ yak+Sha a pa smA ra bi nA sha ka rA ya hUM phaT/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ b+hak+Sha ya b+hak+Sha ya/ sarba big+h+nAM bi nA ya ka bi nA sha ka rA ya hUM phaT/ sarba sha truM ga Na bi nA sha ka rA ya hUM phaT/ nI laM ba ra d+ha ra badzra pa Ni rA dz+nyA pa ya ti swAhA/ zhes bzlas par bya'o/ /gal te gtong bar 'dod na/ bzod par gsol ba dang/ dge ba'i rtsa ba bsngo zhing smon lam gdab bo/ /de nas oM A(rgyud 'grel): hUM mu(rgyud 'grel): zhes pas ye shes kyi lha? gshegs su gsol/ de nas thams cad mi dmigs par bsgom par bya'o/ /de nas yi ge brgya pa'i gsang sngags brjod par bya'o/ /bla ma la gus pa dang/ shes rab dang/ snying rje dang ldan zhing/ / khyad par du gang la dang pa cher yod pa de la/ myur du 'grub par 'gyur ro/ /gsang ba'i bdag po rdo rje'i sgrub thabs/ slob dpon chen po nag po zhabs kyis mdzad pa rdzogs so// //*/ /rgya gar skad du/ mahA yak+Sha se nA pa ti nI lAM ba ra? d+ha ra badzra pA Ni ga ru Da ya tu/ bod skad du/ gnod sbyin gyi sde dpon chen po lag na rdo rje gos sngon po can dang/ bya khyung gi sgrub thabs/ dpal rdo rje mkha' 'gro la phyag 'tshal lo/ /rdo rje mkha' 'gro'i rgyud dang ni/ /gser mig 'khyil

  162. 81b

    pa'i rgyud dag las/ /brten nas nang gi sgrub thabs 'di/ /bdag gis dran phyir bshad par bya/ /lha yi rnal 'byor yud tsam bsam/ /rang gi snying khar zla dkyil bsam/ /de yi steng du hUM yig bsam/ /hUM las 'od zer 'phros pa las/ /phyi nang gsal nas 'od zer 'phro/ /bla ma dang ni gos sngon can/ /dkon mchog la sogs spyan drangs nas/ /phyag 'tshal mchod cing bshags pa dang/ /rjes su yi rang bskul zhing gsol/ /skyabs 'gro lus dbul dge rtsa bsngo/ /tshad med bzhi yang bsgom par bya// de nas stong pa'i ting 'dzin bsgom/ /de nas 'od dpung tshul du bdag /de yi nang du hUM gnas pa/ /de las dza(rgyud 'grel): 'phros 'khor lor gyur/ /lte bar nyi bsam hUM de nyid/ /de las gnod mdzes rgyal por gyur/ /thugs ka'i hUM gi 'phro 'du las/ /khro bo chen po bcu ru gyur/ /hUM bzhi gsang sngags brjod pa yis/ /khro bcu'i sprul pas gdug pa bkug /sku gsung thugs kyi phur pa gtab/ /btul zhing sbyangs nas nam mkhar gyur/ /de nas hUM gi 'phro 'du las/ /rdo rje'i gur dang ra ba dang/ /dra ba nyid du gyur pa'o/ /hUM gi 'phro 'du slar la zhu/ /stong pa nyid las 'od dpung byung/ /de las nyi zla kha sbyar gyur/ /A li kA li nyin zlas brgyan/ /dbus su a(rgyud 'grel): dang hUM sbyar te/ /kha dog dkar dmar nyid du gyur/ /'od zer dkar dmar 'phro 'du las/ /zhu bas rdo rje pad+mar gyur/ /pad lter rdo rje rked nub tsam/ /lte ba gnyis la snying pos bskor/ /de gnyis ngo bo thugs dang gsung/ /gnyis kas sku gsung byin gyis brlab/ /de nyid 'od du zhu ba las/ /rdo rje las ni khro bor gyur/ /pad+ma las ni khro mor gyur/ / khro bo rdo rje gos sngon ni/ /sku mdog mthing nag zhal gcig ma/ /phyag gnyis rdo rje dril bu bsnams/ /mche ba gtsigs shing spyan gsum dmar/ /ral pa kham nag gyen du 'khyil/ /phyag rgya drug dang yang dag ldan/ /zhabs gnyis brkyang bskum 'khrel

  163. 82a

    ba'i tshul/ /mdun du rdo rje phag mo ni/ /sku mdog dmar mo zhal cig ma/ /g.yas pa rdo rje gri gug bsnams/ /g.yon pa banda dmar gyis bkang/ /gcer bu spyan gsum dbu skra mdzes/ /phyag rgya drug dang yang dag ldan/ /gdan du rdo rje rgya gram bsam/ /oM hUM traM h+rI(rgyud 'grel): a(rgyud 'grel): e? baM mA ya/ hUM swa ta h+ri a/ dza(rgyud 'grel): hUM baM ho(rgyud 'grel): oM a(rgyud 'grel): hUM sa ma ya stwaM/ oM a(rgyud 'grel): hUM sa ma ya dza(rgyud 'grel): oM a(rgyud 'grel): hUM sa ma ya A(rgyud 'grel): bud d+ha ga ru Na oM/ badzra ga ru Ta hUM/ ratna ga ru Ta tri/ pad+ma ga ru tu h+ri(rgyud 'grel): karma ga ru Ta A(rgyud 'grel): e puShpa ga ru Ta/ baM d+hu pa ga ru Ta/ mA a lo ke ga ru Ta/ ya gan d+ha ga ru Ta/ ga ru Ta yak+Sha/ ga ru Ta ya ma ga ru Ta hu lu/ ga ru Ta tsind+ha/ dza(rgyud 'grel): ga ru Ta/ hUM ga ru Ta/ baM ga Ta/ ho(rgyud 'grel): ga ru Ta/ yab kyi go cha'o/ /oM baM/ haM oM/ tri moM/ heM h+ri/ hUM hUM/ phaT phaT/ yum gyi go cha'o/ /thugs kha'i 'od zer 'phros pa yis/ /ye shes sems dpa' spyan drangs la/ /phyi nang bdud rtsi bcas pas mchod/ /dza(rgyud 'grel): hUM baM ho(rgyud 'grel): bcas pas bcing/ /bdud rtsi bum pas dbang bskur bas/ /rigs kyi gtso bos dbu brgyan bsam/ /de ni bskyed pa'i rim pa'o// //thig le ge sar bcas pa'i dbus/ /A li kA li yang dag ldan/ /de yi dbus ni gnas pa'i lha/ /dar dkar phra ba'i skud pa tsam/ /de la bsam gyis mi khyab bsam/ / bsam gyis mi khyab de bsams na/ /de la gzugs sku rnam gnyis 'gyur/ /dang po rnal 'byor lung gis brgyan/ /de nas chos kyi dbyings su thim/ /phag mo'i de kho na nyid ni/ /phag zhal don dam dngos po med/ /kun rdzob khro zhal mtshon pa la/ / bya ni gsal ba'i thabs yin te/ /khyir? ni gsal ba dngos med yin/ /ga ni gang du mi gnas te/ /ru ni tshogs dang bral ba nyid/ /bya ni gzugs sku rnam gnyis te/ /khyung ni rang bzhin 'od gsal bas/ /gdod nas dag pas nam mkha' bzhin/ /rang sems gdod rgyu?

  164. 82b

    ma skyes pa/ /stong pa nyid kyi rang bzhin no/ /oM badzra tsaN+Da mahA ro Sha Na hUM/ badzra ga ru Da hUM hUM phaT phaT/ mA ra ya mA ra ya/ spho Ta ya spho Ta badzra pA Ni ga ru Da be ga /hUM hUM dza(rgyud 'grel): dza:/ ra rtse pre tsi hUM phaT/ oM badzra DA ki ni hUM hUM phaT/ yum gyi snying po'o/ /dza(rgyud 'grel): hUM nga ma ka ka ki ni da ri/ dar ma he sha d+hu d+hu ra/ ratna te shaM ka ri/ dar ma ti sha tsa ka ra/ dar ma ste sha sa ma ya/ bu ta ya spu ta ya/ te pa te pa/ kha khar/ te pa te pa tsa ka ri/ te pa te pa mun 'du ri/ te pa te pa rbud do te ra/ te pa te pa sa mu sa muny+tsa/ tsa kha mun dur khye/ badzra tsan rna dza dza:/ badzra tsa mun dta ra dza:/ badzra kha mun d+ha ra dza:/ te sha mu/ dur ni/ dzu ru dzu ru raM/ dzu ru dzu ru mun badzra/ dza(rgyud 'grel): hUM rdo rje ka chen bskod/ /rdo rje drag po bskyod/ /rdo rje mdza' yas bskyod/ /rdo rje mthar thug bskyod/ /kha dza ra dza mun du khye/ pad+ma ra na kha dza ra dza mun dur ra khye/ kha dza ra dza mun dur ra sa muny+dza/ oM dA ki ni dza:/ spyan drangs ba'i sngags so// //oM kA ya bA ke tsit+ta/ i daM ba laM buny+dza/ ja? ka la phul/ du ba ma sa/ se sa kha na di/ te ka ka to/ oM a mri ta pa ti dza ma ka sa ka ru/ pA dza khA hi puShpa/ A lo ke/ gand+he/ nai bedya/ ka sa ku ru pU dza khA hi nA ga pu a d+hi pa ti/ ka sa ka ru pU dza khA hi/ oM A(rgyud 'grel): hUM/ a kA hUM/ a kA ro mu khaM sarba d+harmA NAM Atya nu tpan+na trAd/ oM A hUM/ gter ma bstab pa'i sngags so/ / ka ka rak+Sha/ hUM hUM sh+yo b+hyaM dza(rgyud 'grel): dza(rgyud 'grel): kha kha ta sha rak+Sha hUM hUM sdyoM? b+hyoM? dza:/ kha kha kha/ tsa pa rak+Sha/ hUM hUM styoM? b+hyoM dza(rgyud 'grel): kha kha kha/ tsa kha rak+Sha/ hUM hUM styoM b+hyoM dza(rgyud 'grel): kha kha kha/ mu du rak+Sha/ hUM hUM styoM b+hyoM dza(rgyud 'grel): kha kha kha dza(rgyud 'grel): hUM baM ho/ /gdon phyag rgyas 'gugs pa'i sngags so// //ka ka rak+Sha sa ma ya/ spu ta ya?/ spu d+ha ra/ tsa ga rak+Sha sa ma ya/ du ta ya sata ta ra mu du rak+Sha sa ma ya/ b+hu ta ya spu tra ra/ gdon gshed ma dang 'phral pa'i sngags so// //hUM h+ril h+ril rim rim kun phob phob shar shar

  165. 83a

    di ri dir rbid/ kha thaM thaM thums/ dza re dza re/ b+hyo/ ha sa ha sa/ te pa te pa/ tri ta ha tri ta ha/ tri khug tri khug /tshal pa tshal pa/ srog tshig nan rbad/ lus rdul mA ra ya rbad/ raM raM dza la dza la/ shig shig rdul bun rbad sod/ nA ga sarba kha ru Da kha hi/ spyi dril ba'i sngags so// //oM na mo b+hu ta ya/ kI li mi li tsan+d+ra nA ga band+ha ya swAhA/ phur pa'i sngags so/ /ra li hur hur thums b+hyo d+ha sha hur thums b+hyo ma ma shi b+hyo/ sarba ga ru se ba la b+hyo/ ser ba bzlog pI sngags so// //oM be ra be ra badzra d+ha ri yi swAhA/ rims nad bsrung ba'i sngags so/ /hUM di ri di ri ga ru Da b+hyo hUM hUM dza(rgyud 'grel): dza(rgyud 'grel): a ir? li h+raM h+ri b+hyo/ 'khor gyi klu zhi bar byed pa'i sngags so/ /hUM dzu ti ting ting teg teg ho ho/ /hUM sh+yo b+hyo/ gtad 'don pa'i sngags so/ /tri naM mA ra ya hUM phaT/ 'byung po skrod pa'i sngags so/ /bdag gis sgrub thabs 'di brtsams pas/ /bdag dang mdza' yas sems can rnams/ /'di la brten pa'i rnal 'byor rnams/ /phyag rgya chen po thob par shog /rdo rje skor gyi nang sgrub yid bzhin gyi nor bu zhes bya ba/ phyag na rdo rje'i zhal mngon sum du gzigs pa/ slob dpon las kyi rdo rjes mdzad pa rdzogs so// //rgya gar gyi mkhan po wa la tsanda dang/ lots+tsha ba glan chud dang ma tshul khrims kyis bsgyur cing gtan la phab pa'o// // (phyag na rdo rje'i sgrub thabs slob dpon las kyis rdo rjes mdzad pa bzhugs// */ /rgya gar skad du/ sh+ri badzra pA Ni sA d+ha nA ma/ bod skad du/ dpal phyag na rdo rje sgrub pa'i thabs zhes bya ba/ dpal phyag na rdo rje gtum po la phyag 'tshal lo/ / gsang ba'i bdag po bsgrub par 'dod pas/ dang por chos thams cad stong par bsam/ de nas snying rje chen po bskyed/ de'i steng du nyi ma'i dkyil 'khor/ de'i dkyil du hUM mthing nag 'bar ba bsam/ hUM gi 'phro 'du las rdo rje mthing nag 'bar ba

  166. 83b

    hUM gis mtshan pa bsam/ oM badzra pA Ni hUM phaT/ ces brjod pas/ de dag yongs su gyur pa las rdo rje gtum po shin tu khros pa/ 'jigs su rung ba/ sku mdog mthing nag /spyan gsum pa/ 'jigs su rung ba'i rgyan sprul gyis brgyan pa/ stag lpags kyi sham thabs can/ phyag g.yas rdo rje tho ba 'phyar ba/ g.yon mi rus kyi phur pa 'dril ba gcig tu bsams la/ oM badzra rak+Sha rak+Sha hUM/ oM hUM traM h+ri(rgyud 'grel): A(rgyud 'grel): zhes go ba go'o/ /de nas ye shes sems dpa' mdun du bsam/ bdun rnam dag bya/ dza(rgyud 'grel): hUM baM ho(rgyud 'grel): sa rang la bstim/ oM badzra tsan+d+ra mahA ro Sha Na hUM phaT/ sum 'bum nyi shu rtsa gcig tu bzlas so/ /sngags kyi rgyal po 'di cung zad bzlas pas sdig pa thams cad bsreg par byed do/ /thams cad bsung bar byed do/ /gnod pa'i log 'dren thams cad med par byed do/ / oM badzra tsanDa mahA ro Sha Na hUM phaT/ ba li/ i daM/ grih+Na grih+Na/ khA hi khA hi/ b+huny+dza ho(rgyud 'grel): rak+ta pi ba ho/ sa ma ye swAhA/ de bsnyen pa byed pa'i dus su rgyun tu gtor ma gtong ba'i sngags so// //de nas drag po'i las bya bar 'dod pas/ dang por dkyil 'khor ji tsam dran pa cig bya/ rdo rje rgya gram bri/ rwa kun nag por bya/ re ga tshil dang thal chen bsres pas bri/ de'i dbus su e gru gsum thabs su mdzub gang pa cig drus la/ nang ro bsregs pa'i thal bas byug /gru gsum de yi phyi rol dmar por bya/ de ni dkyil 'khor bya ba'i thabs so/ /de nas lingka bca' ba'i thabs ni/ /pra tshil la sor bzhi pa byas la de'i snying khar shog bu la dmar chen gyis rdo rje rgya gram bris la/ bsgrub bya rang gi rten dang bral bar bsam/ gru gsum de yi dbus su ming bris la gzhug /de nas grugs su ma nar du bcug la/ ske nas skud pa sngon dmar gyis btags la/ de'i sna la mi'i rje dang gyi phung pa sor bzhi pa gcig btags la/ 'jig byed chen por mnga' gsol te/ sngags nam phyed bam nyi ma phyed na brdeg go/

  167. 84a

    phyi rol du 'gro ba la sogs pa byed na lingka la phur pa mi dbyug par btab la bzhag go /maN+Dal dbus su lha'i gdan du byas la/ sum 'bum du bzlas la gdab/ de'i dus su gtor ma dang mchod pa dus drug du dbul lo/ / de 'debs rtsa na rang nyid phyag na rdo rje sku mdog sngo nag /zhal gcig pa/ phyag gnyis pa/ spyan gsum pa/ sprul gyis brgyan pa/ stag lpags kyi sham thabs can/ bsgrub bya'i steng na 'dug pa/ phyag na phur bu dang sdigs mdzub mdzad ba cig tu bsgom zhing sngags bzlas la brdeg go /oM badzra tsanDa mahA ro Sha Na hUM/ che ge mo shi ri kI la ye ha hUM phaT/ mu ga staM b+ha ya/ h+ri stwaM b+ha ya kI la ye ta hUM phaT/ ces bzlas la brdeg go /de ltar drag po'i las byed pa'i dus su gtor ma btang ba'i bsngags so/ /oM badzra tsanDa mahA ro Sha hUM phaT/ ma ma sarba sha traM/ a mu ka ma tsa ye ta pra ya maM sa dzi bo bu ga ru ti ra bri yang bag kA? na ba liM i daM grih+Na grih+Na/ khA hi khA hi/ g+hutwa? ho/ rak+ta pi pa to/ /Arya pra tsa grih+Na grih+Na/ khA hi khA hi/ rak+ta pi pa to/ a ti kra ma ti sa ma ye swAhA/ phur bu'i las rdzogs nas mtshon rnon pos lingka stong smad du btubs la/ smad lha'i zhal du sbyin sreg bya/ stong ming byang dang bcas pa mnan pa bya/ las kyi dus su rdo rje rgya gram gnyis kyi bar du gzugs brnyan de bcug la/ thod pa'i nang du skud pa sngon dmar gyis dkri'o/ /skud pa lag pa g.yon pas gzung la/ las kyi dus su gzugs brnyan la gnas lngar phur pas gdab/ de nas slar bcug la sngon dmar gyis dkris lam rgya gram du sba'o/ /de'i steng du phye dang sre mog gis rgya gram bris la bzhag go /las 'gor na skyar la bya'o/ /spra tshil la lingka sor bzhi pa byas la/ bsgrub bya'i ming dang bcas par bcug la tsher mas de'i kha la btsugs na/ phyir rgol ba'i kha tshums par 'gyur ro/ /lcags kyi phur bu dang

  168. 84b

    mi'i rje dar la ming nas smos te/ yan lag gang dang gang la btab pa de rengs par 'gyur ro/ /mtsho lkugs par sbas na ngag rengs par 'gyur ro/ /sgo rtsar sbas na dbyer bar 'gyur ro/ /ral gri la sngags nas g.yul du zhugs na rgyal bar byed do/ /khros pas snying khar bsnan na 'chi bar 'gyur ro/ /me'i dur du sbas na rim gyis 'chi bar 'gyur ro/ /rabs chad kyi thong pa la ming dang sngags bris nas rabs chad kyi dur du sbas na rabs chad par 'gyur ro/ /mngon par bsngags pas dur khrod kyi thal ba'i steng du bzhag na 'byer bar byed do/ /khyi nag po'i thod pa la sngags dang ming bcas par bris nas klu'i gnas su sbas na mdzos 'dzin par 'gyur ro/ /dbang ma thob cing man ngag med/ /tshang dang mi ldan 'di mi bya/ /'di la nyes pa yod pas na/ /shin tu gsang zhing spel mi bya// slob dpon las kyi rdo rjes mdzan? pa'i gsang ba thugs kyi phur gcig ma'o// //paN+Di ta wa la tsan+d+ra dang/ lots+tsha ba dang ma tshul khrims kyis bsgyur ba'o// //oM badzra tsanDa mahA ro Sha na ma g+ho mi sha hUM/ che ge mo shi raM ki la ye ta hUM phaT shi ri stwaM b+ha ya hUM phaT/ ka ti mu la ye ta hUM phaT/ ka ti mu kha sti b+ha ya hUM phaT/ h+ri ta stwaM b+ha ya hUM phaT/ pa ta ki la ye ta hUM phaT/ mchog phur gyis gnas lngar gdab po/ /stong gsum snod kyi sems can rnams/ /khro bo gtum po'i sku ru bsgom/ /'gro drug bcud kyi 'jig rten dag /bcom ldan gtum po'i bsam pa bya/ /de la bsam rgyud ni/ rlung rdo rje rgya gram nas srid pa'i rtse mo'i bar du stong pa phyi mdza' dag rdo rje gtum po rdul gcig gi steng na rdul snyid kyi sku'i rang bzhin du bsam ste/ de'i dbus su zla ba'i dkyil 'khor la zhabs g.yo zhing brdabs bas stong gsum gyi stong chen po'i 'jig rten gyi khams kyi zad tsam zla ba'i dkyil 'khor 'dar ba dang/ sku'i ba spu'i bu ga nas nyi ma stong gi 'od gzi brjid can ugyi me'i 'od zer 'phro pa dang/ ljags kyi rdo rje las bzlas pa'i

  169. 85a

    sngags kyi 'od zer rim pa gsum 'phros/ stong gsum gyi stong rdo rje phra mo'i 'od zer gyis 'gengs pa dang/ klu brgyad kyi rgyan gyis brgyan pas bdug pa du ba'i 'od kyis klu phra mo dang sa bdag rnams bsreg pa dang/ thugs kyi rdo rje las khro bo du ma 'phros pas/ bskal pa chen po'i rlung bzhin du bgegs kun du 'thor ba dang/ phyag gi rdo rje gsor bas gang du gnod par sems pa de'i sa phyogs su/ rdo rje chen po 'od zer sgyogs 'phen pa bzhin du yang dang yang bsnun par bsam/ de nas bzlas pa ma zin par du hUM 'brug gi sgra lta bu rgyun du 'don/ bsnun pa'i 'khor lo zangs lcags kyi phye ma dang/ yungs kar ke tshe dug chus brab bo// //yang rnam pa gcig la/ snying kha'i hUM las 'phros pas sangs rgyas dang byang chub sems dpa' thams cad phyag na rdo rjer gyur te/ 'jim pa mi dmigs pa las phyag na rdo rjer gyur/ sngags brgya rtsa brgyad bzlas nas/ shog bu la gnod ba'i gdon lam staM b+ha ba nan shAn ti staM b+ha naM ku ru naM hUM phaT/ sAts+tsha de mchod rten nag po 'od 'bar ba mthong ba tsam gyis skrag par byed pa/ bum pa'i nang du phyag na rdo rje 'khor dang bcas pa thams cad mtshon cha thogs pa bzhugs par bsam mo/ /de nas snying ga'i 'od zer gyis gzhan gyi srung ma rig sngags rnams bkug nas mthu med par bsam zhing/ gtum po'i zhabs 'og nas mi 'chor bar bsam/ de nas mchod pa dang bden pa'i byin brlabs brjod pa la sogs pa bya'o/ /de lta bu 'bum btab na/ drang srong dmod pa yang zlog par 'gyur ro/ /rig sngags bcad pa dang mnan pa'i cho ga'o// //dpal phyag na rdo rje'i sbyin sreg mdor bsdus pa/ bkra shis pa'i gnas su me thab zlum po dkar po byas la/ tsandan nam 'o ma can gyi shing dkar po la zlum por brtsigs te/ ye shes sems dpa' spyan drangs la/

  170. 85b

    dang po bdun rnam dag bya/ de nas me tog dkar pos dus gsum du mchod cing/ 'bras chan dang mar gyi sbyin sreg bya/ brgya rtsa brgyad byas na gang la dmigs pa de zhi bar 'gyur ro/ /shAn+tiM ku ru ye swAhA/ dpal 'phel ba'i gnas su me thab gru bzhi ser po byas la/ shing ser po grwa bzhir brtsigs te/ me tog ser pos dus gsum du mchod cing/ rin po che lnga dang 'bru sna lnga'i sbyin sreg byas na/ gang la dmigs pa de rgyas par 'gyur ro/ /puSh+TiM ku ru ye swAhA/ rgyas pa lta bu'i gnas su ni/ me thab zla gam dmar po brtsigs la seng ldeng dmar pos zla gam brtsigs la/ me tog dmar pos dus gsum du mchod cing/ me tog dang sman gyis sbyin sreg byas na/ gang la dmigs pa de nyid dbang du 'gyur ro/ /dza(rgyud 'grel): dza(rgyud 'grel): ho dur khrod la sogs pa'i gnas su me thab gru gsum mthing nag brtsigs/ shing nag po tsher ma can gru gsum brtsigs la/ me tog sngon pos dus gsum du mchod cing/ dug sna sha chen tshin yungs kar/ ske tshe bgegs kyi ling ka la brgya rtsa brgyad du bsregs na/ bzlas pa po tshangs pa'i tshe dang ldan pa yang 'chi bar 'gyur ro/ /mA da ya hUM phaT/ go rim dang po maN+Dal bya/ de nas lha mchod/ de nas spyan drang/ de nas bdun rnam dag bya/ de nas me lha'i sbyin sreg bya/ de nas thab khung mi dmigs par bya/ de nas me lha rang gnas su gsol/ /slob dpon las kyi rdo rjes mdzad pa rdzogs so// //hUM bde gshegs gtso bo gtum po dang/ /lha rnams phyogs su 'khor ba rnams/ /bdag dang sems can rgyud sbyar phyir/ /skad cig tsam gyis gshegs su gsol/ /oM e hye hi b+ha ga wan/ mahA kA ru Ni ka ho/ sa ma ya stwaM/ sa ma ya dza(rgyud 'grel): badzra aM ku sha dza(rgyud 'grel): zhes pas spyan drangs la/ yi ge brgya pas spyi khrus dbul/ oM sa ma ya stwaM/ sa ma yo haM zhes pas zhal bsil dbul/ oM pra ba ra satka ra a dir tsid swAhA/ zhes zhabs bsil dbul/ oM ka mA la ye swAhA/ zhes

  171. 86a

    pas me tog phul la gdan dbul/ gang gis 'khor ba'i nyes pa ni/ /dran pa tsam gyis 'joms mdzad cing/ /bla med byang chub thob mdzad pa/ /bla ma'i zhabs la phyag 'tshal lo/ /lcang lo can gyi gnas mchog dam pa na/ /bcom ldan rdo rje gtum po ni/ /yon tan thams cad sku la rdzogs/ /skyon med sku la phyag 'tshal lo/ /chos nyid stong pa'i ngang las ma g.yos kyang/ /thabs la mkhas phyir sna tshogs skur ston pa/ /rgyal sras khyung gi tshogs la phyag 'tshal lo/ /phyogs bcur bzhugs pa'i sangs rgyas thams cad la/ /yid kyis ci nus dmigs pa'i mchod 'bul na/ /kun tu bzang po'i mchod sprin chen po ltar/ /sku gsung thugs la mnyes pa'i mchog gyur cig /bdag gi thog ma med pa'i dus mdza' nas/ /sdig pa ma lus bgyis pa rnams/ /bcom ldan phyag na rdo rje yi/ /spyan sngar so sor sdig bshags so/ /shes rab snying rjer ldan pa'i byang chub sems/ /dus gsum rgyal ba ji ltar bskyed pa bzhin/ /de yi rjes su bdag gis bskyed par bgyi/ /byang chub sems de nam yang mi btang ngo/ /bla ma rdo rje 'chang dang ni/ /gsang sngags kun bdag rdo rje 'chang/ /rigs 'dzin pa yi rnal 'byor rnams/ /dge ba mdzad la rje yi rang/ /bcom ldan rdo rje gtum po dang/ /'khor dang bcas la lus 'bul nas/ / bzhes nas bdag la rjes mthun par/ /dngos grub rnams ni stsal du gsol/ /dang po byang chub mchog tu sems bskyed nas/ /da lta dge ba gang spyad pa/ /bdag dang sems can don slad du/ /byang chub tu ni bsngo bar bgyi/ /phyag rdor bdun rnams dag go/ //gser mes ma tshig pa/ g.yu mig ma phug pa/ mu tig /rin po che mdung len/ gur gum gyis bris pa'i rten 'brel gyi snying po/ rma bya'i mdongs/ bya khyung gi snying po khrom gser gyis bris pa/ gla rtsi ga pur mu zi/ btsan dug /gu gul /

  172. 86b

    tsandan gor shir sha /sman 'gi'u waM/ bya rgod kyi tshil bu/ spre'u yi lpags pa la btum/ iThi// //rin po che'i snod mdzes pa'i nang du 'bru sna tshogs dang/ klu sman sna tshogs dang/ zan la sogs pa'i phung po brtsal la/ zan la sogs pa'i phung po la paM las rin po che sna lnga las grub pa'i snod/ a las zla ba'i dkyil 'khor/ de'i steng du paM las bdud rtsi'i rgya mtsho/ de'i steng du h+ri(rgyud 'grel): las 'od 'phros pas bdud rtsi'i rgya mtsho dang 'o ma'i rgya mtsho kha dog dkar zhing ro mchog brgyad dang ldan pa dri zhim pa bsam/ oM las sman gyi sdong po stong gsum gang ba/ swa las utpal gyi nags tshal me tog gi tshal chags pa bsam gyis mi khyab par bsam/ taM las dpag bsam gyi shing 'o ma dang bum pa dpag tu med pa 'bab pa bskyed la/ bdag lha'i rnal 'byor du gnas pa'i snying ga'i yi ge las 'od 'phros pas/ klu rigs thams cad sbrul mgo bdun pa la sogs pa 'am/ klu rigs sa bdag bsam/ 'od zer lcags kyu dang zhags pa lta bu yi/ gling bzhi ri rab dang bcas pa nam mkha' dang sa gzhi thams cad nas bkug la de'i lce la rdo rje bsam/ de las rdo rjer bsam/ de'i steng du hUM las 'od 'phros pas/ 'od zer gyi spu gu yis 'thungs/ gnyis su med pa'i sems dang ldan par bsam/ mchod pa lnga dang ldan pa la/ oM ba ta li mahA ba ta li/ hUM hUM hUM/ dza(rgyud 'grel): hUM baM ho/ snyan gsan dbab pa'o/ /oM b+hu a d+hi pa ti mahA padme/ mA le nri dza(rgyud 'grel): Ak+Sha rSha ya dza(rgyud 'grel): hUM baM ho(rgyud 'grel): oM ba ru Na nA ga de ba ta oM A karSha dza(rgyud 'grel): hUM baM ho(rgyud 'grel): oM A gats+tsha A gats+tsha/ mahA nA ga ho(rgyud 'grel): ba ti sarba phu(rgyud 'grel): phu(rgyud 'grel): sa ma ya dza(rgyud 'grel): hUM baM ho/ me tog dbul/ oM b+hak+Sha sa ma ya tiSh+Tha dza(rgyud 'grel): hUM swAhA/ 'o ma la sogs dbul/ oM ba ru Na nA ga de ba ta ye ta ye swAhA/ oM nA ga sarba phu(rgyud 'grel): phu(rgyud 'grel): A nan+ta ka ya swAhA/ oM phu(rgyud 'grel): phu(rgyud 'grel): ta k+Sha ye swAhA/ oM phu(rgyud 'grel): phu(rgyud 'grel): ba su ki swAhA/ oM phu(rgyud 'grel): phu(rgyud 'grel): karko Ta ka bo swAhA/ oM phu(rgyud 'grel): phu pad+ma ye swAhA/

  173. 87a

    oM phu(rgyud 'grel): phu mahA pad+ma ye swAhA/ oM phu phu shaM ka pa li swAhA/ oM phu phu hu lu ke swAhA/ oM phu phu a nan+ta shAn+tiM ku ru swAhA/ oM nA ga rA dza A nan+ta swAhA/ nA ga shaM ka pa la swAhA/ oM nA ga sarba pU dza me g+ha sa ma ye swAhA/ oM nA ga sarba i daM ba liM grih+Na grih+Na sa ma ye swAhA/ nA ga hu lu ke swAhA/ oM nA ga ba su ke swAhA/ tak+Sha ya swAhA/ ba ta li swAhA/ u pa nan da swAhA/ ba ru nan swAhA/ oM bi ru pak+Sha Na ye swAhA/ oM nA ga le nA ga le swAhA/ oM nA ga ke she phud ya ta nA ma ka pra ma d+ha na ye swAhA/ oM b+hu a ti pa ti mahA pad+ma ma la mri dza/ a'i daM ba li grih+Na grih+Na pa ya swAhA/ oM b+hu a d+hi pa ti mahA pa ra/ mahA pad+ma ma lo mri dza/ mahA pU dzA sa ma ya swAhA/ sa bdag mchod pa/ klu shis bstan pa na/ badzra pra ni nA ga shAn+tiM ku ru swAhA/ stor bzlas na sa bdag klu gnyan kha chings par 'gyur ro/ /zab che chung blta/ zab chen gzugs sna tshogs bya ba bar du sha dang nya sha dang/ chu mig nas chu blangs la ba dmar ser gyi 'o mas bya/ chung na gtor mas cho ga /bya khyung sa ma ya ta na tra'i rgyud las btus pa lots+tsha ba glan chung dar ma tshul khrims kyis bsgyur ba'i klu gtor rgyas pa rdzogs so// (//rdo rje gtum po'i sgrub thabs dpal zla ba snying pos mdzad pa bzhugs//) //rgya gar skad du/ badzra tsaN+DA kro d+ha sA d+ha na nA ma/ bod skad du/ khro bo rdo rje gtum po'i sgrub thabs zhes bya ba/ dpal rdo rje gtum po la phyag 'tshal lo/ /dang po sgrub pa po dkon mchog gsum la dad pas/ byang chub tu sems bskyed la/ bla ma dang dkon mchog gsum la mchod par bya'o/ /de nas stong pa nyid du bsams la/ pad+ma dang/ nyi ma'i steng du hUM las yang dag par byung ba'i rdo rje gtum po sku mdog nag po/ zhal cig pa/ phyag gnyis pa/ phyag g.yas pas gnam lcags kyi rdo rje zhun ma bsnams pa/ g.yon pas thugs kar sdigs

  174. 87b

    mdzub mdzad pa/ zhabs g.yon brkyang ba/ g.yas bskum pa/ spyan gsum me'i mdog 'dra ba/ sbrul gyis brgyan pa/ skra kham pa gyen du 'bar ba/ bskal pa'i me'i nang na bzhugs pa/ sku las khro chung dang khyung mang po 'phro ba cig gsal bar bskyed la/ snying gar hUM la/ sngags 'dis bskor la bzlas so/ /oM badzra tsaN+Da mahA ro Sha Na hUM phaT/ skyon sngags hUM la bsdu'o/ /de nas gdon gzhom par 'dod na/ rdo rje re khyung nag po phyag gnyis kyis sprul gyi mgo nas za ba /shog pa gdangs pa/ mchu ster rdo rje 'bar bar bsam/ g.yon pa'i sdigs mdzub thur du bstan pa las me 'bar bar bsam la/ sngags 'di bzlas par bya'o/ /hUM phaT Sha Na ro mahA tsaN+Da badzra ga ru Na de ba then phyung/ sa ga nA ga snying la gzer/ thum ril rbad drag po gsum dang ldan par bzlas so// da nas gdon bsad par 'dod na/ rang gi rmi lam du ci byung ba thams cad bsreg cing sngags 'di bzlas so/ /oM nA ga tsaN+Da tshal pa ur ta ke /nA ga tsit+ta shag ti tshal pa ni/ nA ga tri sa ya ti/ big+h+naM ta/ nA ga kro d+ha bi da rA dza ya/ shi shi/ nan nan/ dul dul rbud rbud thum ril dza(rgyud 'grel): dzA(rgyud 'grel): lan gsum gyis thub par 'gyur ro/ /tha ma mnan par bya'o/ /gtum chung khra thog ma'i sgrub thabs/ rgyal po zla ba'i snying pos mdzad pa rdzogs so// //lots+tsha ba sgeg pa'i dpal gyis bsgyur pa'o// //rgya gar skad du/ badzra ga ru Da sA d+ha na/ bod skad du/ rdo rje khyung gi sgrub thabs/ rdo rje gtum po la phyag 'tshal lo/ /dkon mchog gsum la skyabs su 'gro ba byas la/ rang nyid rdo rje khyung kha dog nag po lag pa gnyis kyis sprul za ba/ gshog pa dang sgro la sogs pa rnams lcags kyi ral gri me 'bar ba/ mig khro chu khol ba lta bu/ sku che ba cig tu bsam ste/ oM badzra ga ru Da tsaN+Da mahA nA ga mA ra ya sod sod/ nA ga mA ra ya thum ril rbad rbad hUM phaT/ rtag tu bzlas la ma yengs pas bsgrub par

  175. 88a

    bya'o/ /'di ni las thams cad pa'i sngags te/ gang la yang bum par chu blugs la khyung sgyed la bzlas pa brgya rtsa brgyad bzlas te/ de nas yungs kar la khrus bya'o/ /nad gang na bar yang byug par bya'o/ /bya'i sha mi bza' / sgo nga mi bza' / bya la mi brdeg /rtag tu lhar bsgom par bya'o/ /rdo rje khyung gi sgrub pa'i man ngag rdzogs so// //slob dpon rdo rje pad+mas mdzad pa'o/ /paN+Di ta sa'i snying po dang/ lots+tsha ba rma ban gyis bsgyur ba'o// (//rdo rje gtum po'i dkyil cho ga slob dpon las kyi rdo rjes mdzad pa bzhugs//) //rgya gar skad du/ badzra tsaN+Da maN+Dal bi d+hi bA sa dza ka b+ha dra na ma/ bod skad du/ rdo rje gtum po'i dkyil 'khor gyi cho ga bzang po mdor bsdus pa zhes bya ba/ gsang ba'i bdag po rdo rje gtum po la phyag 'tshal lo/ /bsad pa bstan pa'i rgyud dang ni/ /bla ma'i gdams pa'i lam zhugs nas/ cho ga bzang po mdor bsdus 'di/ /rang dga' nyes pa dor te bri/ /slob dpon mtshan nyid kun ldan zhing/ /rgyud kyi dbang thob dam tshig brtan/ /gzhan phan bsgrub la dga' ba la/ gzhan dag gus pas gsol 'debs sam/ /yang na rang bzhin sgrub don du/ /nus pa dris la tshig gis sbyin/ /dur khrod la sogs dben pa'i gnas/ /bskyed pa'i rim pa gsal byas la/ /gtso bo 'bum la 'khor rnams khri/ /rab 'bring mtshan ma thob par bya/ /de nas bla gos legs bgos nas/ /snyim pa me tog gis bkang ste/ /gus pas gsol ba gdab par bya/ /de nas dkyil 'khor bri ba'i phyir/ /dur khrod dben pa rdo leb dang/ /sngon byas yid 'ong la sogs su/ /lto 'phye'i sbyor bas brko bar bya/ /brtag cing sgyur dang bsrung bar bya/ /nyes ba med pa'i sa gzhi der/ /rdo rje 'dzin par gsol ba dang/ /paM las skyes pa'i lha mo ser/ /mdzes pa brgyan ldan lus phyed snang/ /bum pa 'dzin la lus mchod bstod/ /skyob pa sangs rgyas

  176. 88b

    thams cad kyi/ /spyod pa'i tshul dang rnam thar ni/ /sa dang pha rol phyin pa la/ /lha mo khyod ni dpang du gyur/ /skyob pa shAkya seng ge yis/ /ji ltar bdud kyi sde bcom ltar/ /de bzhin bdag gis bdud sde las/ /rgyal bar byas te dkyil 'khor bri/ /lag pa sa la brdabs pa las/ /dga' ba'i mdangs ldan lha mo yang/ /khyod ni slob dpon mchog yin gyis/ /dkyil 'khor bri ba'i las kyis zhes/ /zer cing sa la thim par 'gyur ro/ /ro gsal nyes pa spangs pa ste/ /'thas par bcag cing rnam lnga dang/ /dri bzangs dag ni byugs par bya/ /yang na ma yi las kyis sbyang/ /stong pa'i sngags kyis byin brlabs te/ /rim pas lha yi khang par bsam/ /me tog steng du rdo rje bzhag /bla mas khrus byas rdo rje 'chang/ /bskyed pa'i yan lag kun rdzogs pas/ /shar bltas dkyil 'khor steng 'dug la/ /tshad med bzhi yis gzhan don sgrub/ /rnam rgyal la sogs bskyed pa yi/ /slob ma gus pas thos thogs la/ /mchod la tshig 'di brjod par bya/ /hUM byams pa chen po rdo rje 'dzin/ /zhe sdang dag pas me long ye shes gsal/ /gtum po gdug pa 'dul mdzad pa/ /rdo rje bsnams la phyag 'tshal lo/ /de bzhin gshegs pa kun zhi ba/ /de bzhin gshegs pa ma lus gnas/ /chos kun bdag dang bral ba'i mchog /dkyil 'khor dam pa bzhengs su gsol/ /de bzhin lho phyogs la sogs nas/ /hUM snying rje chen po rdo rje 'dzin/ /nga rgyal dag pa mnyam nyid ye shes mchog /gtum po gdug pa 'dul mdzad pa/ /rdo rje bsnams la phyag 'tshal lo/ /mtshan rnams yongs su rdzogs pa yi/ /mtshan min thams cad spangs pa ste/ /kun tu bzang po sku yi mchog/ dkyil 'khor dam pa bzhengs su gsol/ /hUM dga' ba chen po rdo rje 'dzin/ /'dod chags dag pa so sor rtog /gtum po gdug pa kun 'dul ba/ /rdo rje bsnams la

  177. 89a

    phyag 'tshal lo/ /zhi ba mchog gi chos chen po/ /ye shes spyod pa rnam spyod pa/ /kun gyi bzang po gsung gi mchog /dkyil 'khor dam pa bzhengs su gsol/ /hUM btang snyoms chen po rdo rje 'dzin/ /gti mug rnam dag nan tan ye shes mchog /gtum po gdug pa kun 'dul ba/ /rdo rje bsnams la phyag 'tshal lo/ /sems can kun gyi srog chen po/ /rang bzhin rnam dag dri ma med/ /kun tu bzang po thugs kyi mchog /dkyil 'khor ram pa bzhengs su gsol/ /de nas rdo rje slob dpon gyis/ / khro zhing brjid pa'i skur byas ta/ /rkang pa'i hUM las rdo rjer bsam/ /mig gnyis nyi zla 'bar ba ste/ /rdo rje dril bu'i phyag rgya yis/ /'jigs spangs byang shar mtshams song la/ /rang gis bstod cing nga rgyal gyis/ /hUM dkyil 'khor sa gzhi la gnas pa'i/ /lha sogs bgegs tshogs kun nyon cig /nga ni dpal ldan rdo rje 'dzin/ /nga yi bka' las ma 'da' bar/ /bgegs kyi tshogs rnams 'gro bar gyis/ /gal te khyed rnams mi 'gro na/ /ye shes rdo rje 'bar ba yis/ /mgo bo tshal pa brgyar 'gas shing/ /lus rnams stong du gyur nas ni/ /rnam par 'joms par gdon mi za/ /de bas khyed rnams gzhan du dengs/ /oM badzra tsaN+Da mahA ro Sha Na sarba big+ha na uts+tsha ta ya phaT/ ces pas bgegs rnams bskrad par bya/ /gar stabs kyis ni bskor ba dang/ /dang por byin la 'di skad brjod/ /gang dag mi 'gro'i bgegs yod na/ /lus ngag yid kyi nus pa rnams/ /gzhom phyir khro bo'i phur bus gdab/ /kI li ya zhes btab nas kyang/ /arko Ta yas brdung bar bya/ /mi ri la sogs sngags kyis bsrung/ /gtso bo'i gdan ni gru bzhi ste/ 'khor lo dri chus zlum por bya/ /kha dog mthun pa'i me tog dgram/ /sa yi cho ga rdzogs pa dang/ /lha ni lhag par gnas pa bya/ /rang sar lha rnams rdzogs pa dang/ /mchod bstod me tog spos thogs la/ /hUM dus gsum bde gshegs thams cad kyi/ /thugs kyi

  178. 89b

    sras po rdo rje 'chang/ /dpa' bo rdo rje bde mas 'khyud/ /'khor gyi khro bo ma lus kun/ /kun nas bdag la dgongs nas kyang/ /khyed rnams la yang mchod pa dang/ /slob ma rnams la phan pa'i phyir/ /rdo rje can bdag che ge zhes/ /dkyil 'khor dam pa bzhengs su gsol// rjes su brtse bas nyar dgongs te/ /sang ni dgyes pas byon par mdzod/ /gzhan yang gsang sngags lha rnams dang/ /'jig rten skyong ba ma lus dang/ /rdzogs pa'i byang chub sems bskyed rnams/ /sangs rgyas bstan pa'i chos skyong rnams/ /gang dag rdo rje'i spyan ldan pa/ /rdo rje 'chang gi dkyil 'khor mchog /deng dag 'dri bar gyur pa la/ /bdag dang skal ldan slob ma rnams/ /byin gyis brlab phyir srung bar mdzod/ /bum pa lhag par gnas 'dod pas/ /rin chen 'byung khungs las byung ba/ /dri ma med cing lto ba che// mgrin phra mchu 'phyang dri zhim chus/ /dkar zhal byas nas mtshan ma dgod/ /rnam rgyal phyag mtshan rdzogs par bri/ /skrad cing chu dang byang sems dang/ /bya khri seng khri dbyig pa dang/ /utpal gzhan gyis mi thub pa/ /haM sa de ba gser dngul dang/ /mu tig mu men byu ru gzhug /nag til gro sran mud ka dang/ /ga bur dzA ti gur kum mcheg /tsandan gnyis dang a ka ru/ /mar dang bu ram sbrang rtsi dang/ /lan tshwa rnams kyis lto ba dgang/ /gos kyis mgrin pa bkab pa dang/ /tsU ta la sogs 'bras bu can// yang na me tog yod pas brgyan/ /me tog ldan pa'i ras stengs sam/ /ku sha'i gdan la rang sar bzhugs/ /bum pa bruM las gzhal yas khang/ /chu skyes nyi zla'i gdan bcas pa/ /rnam rgyal lha rnams tshogs bar bskyed/ /gzhan du sa bon gang yin pas/ /cho ga ma lus rdzogs pas bskyed/ /hUM khro bo gdug pa 'dul/ /rang bzhin ye shes lnga yis dngos/ /rnam dag dri med sku 'chang ba/ /'gro don mdzad la phyag 'tshal lo/ /bde gshegs sku la gnyis med 'khyud/ /stong pa nyid kyi bde ster ma/ /dmar ljang gri gug

  179. 90a

    thod pa 'dzin/ /dpa' mo bde ma phyag 'tshal lo/ /sku gsung thugs dang phrin las kyi/ /gtso bo khro chen 'jigs pa che/ /gdug pa tshar gcod 'jigs pa'i sku/ phyogs kyi khro bo phyag 'tshal lo/ /mar me bdug spos dri chab ma/ /zhal zas kyis ni tshim byed pa/ /mchod pa'i lha mo dgos 'dod 'byung/ /mtshams su bzhugs la phyag 'tshal lo/ /lcags kyu zhags pa lcags sgrog ma/ /dgyes pa'i dril bu sgrogs mdzad ma/ /khro mo dbang phyug chen mo rnams/ /sgo ma bzhi la phyag 'tshal lo/ /bstod cing srad bu dang ldan pas/ /phrin las sbyar zhing bzlas par bya/ /gtor mas mchod cing gsol ba gdab/ /slob ma lhag par gnas pa yang/ /bsrung zhing mdzes pa'i me tog thogs/ /khrus byas gtsang ma'i ? ldan zhing/ /dga' pa'i sems kyis gsol ba gdab/ /dpal ldan rdo rje 'dzin pa che/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems mchog bdag la stsol/ /sangs rgyas chos dang dge 'dun te/ /skyabs gsum dag kyang bdag la stsol/ /thar pa chen po'i grong mchog tu/ /mgon po bdag ni gzhug par mdzod/ /lan gsum par du gsol ba gdab/ /'od kyis thur byas sdig pa sbyad/ /rjes su gzung bas spro ba ni/ /bu tshur theg pa chen po yin? tshul chen snod ni khyod yin te/ /gsang sngags sbyor tshul cho ga mchog /khyod la yang dag bshad par bya/ /rdo rje mi phyed mthu yis ni/ /mnyam pa med pa'i ye shes mchog /de bas kun mkhyen thob 'dod pas/ /bu yis blo gros 'di yis gyis shig bla ma sangs rgyas kun mchod cing/ /rtsa ba yan lag nyes pa spongs/ /ma sgral 'khor ba'i sems can la/ /snying rje chen por rab bskyed nas/ /bsgral zhing grol ba'i lam la bkod/ /bde bar dbugs ni dbyung bar gyis/ /slob ma'i tshogs kyis sdig

  180. 90b

    bshags la/ /dge bsnyen la sogs rim pas sbyin/ /gang yin bslab pa bstan pa dang/ /slob ma lhar bya yang na ni/ /gnas gsum lhar bcas rtags btab la/ /bla ma dkon mchog gsum po dang/ /bcom ldan phyag na rdo rje ni/ /'khor bcas ma lus thams cad kyang/ /bdag la dgongs nas gzigs su gsol/ /bdag gis thog ma med pa nas/ /sdig pa bgyis pa ma lus kun/ /bcom ldan phyag na rdo rje yi/ /spyan sngar da ltar mthol zhing bshags/ /bla ma dkon mchog gsum po dang/ /sangs rgyas kun bdag rdo rje can/ /de rigs 'dzin pa'i rnal 'byor rnams/ /dge ba mdzad la rjes yi rang/ /bcom ldan phyag na rdo rje ni/ /dus gsum bde gshegs thams cad kyi/ /gsang sngags bdag pos dbang bskur la/ /gsang sngags 'khor lo bskor bar bskul/ /mthu ldan skyon med khyed rnams la/ /skye rga na 'chi mi mda' yang/ /'gro ba'i don du sku sprul pa/ /mthun 'jug mya ngan mi 'da' gsol/ /don dam rang bzhin mtshan ma med/ /mtshan mar mi rtog chos sku la/ /bde gshegs mtshan dpe'i skur gnang ba/ /rdo rje can la skyabs su mchi/ /dus gsum mgon po thugs rje can/ /byams pa'i thugs las ma g.yos kyang/ /dgos pa'i dbang gis khro sprul la/ /gsang sngags lha tshogs kun skyabs mchi/ /des bsgrub des mtshon gsung gi chos/ /nyi shu rtsa brgyad drag po'i tshogs/ /chos kyi rang bzhin dri ma med/ /chos kyi mchog la skyabs su mchi/ /sna tshogs sku sprul don mchog bsgrub/ /rin chen skyabs mchog dge 'dun dang/ /'phags pa gos sngon byang chub sems/ /dge 'dun mchog la skyabs su mchi// bla ma dus gsum mgon po dang/ /bcom ldan phyag na rdo rje ni/ /'khor dang bcas la lus 'bul bas/ /bzhes nas bdag la rjes brtse bas/ /rjes su mthun pa'i dngos grub gsol/ /dang po byang chub sems bskyed nas/ /tshogs gnyis las byung dge ba rnams

  181. 91a

    'khor ba'i sems can ma lus don/ /byang chub chen por bsngo bar bya/ /byang chub tu yang sems bskyed la/ /sngags kyi dam tshig sbyin par bya/ /maN+Dal mngon du 'gro ba yis/ /bla ma rdo rje slob dpon dang/ /bcom ldan rdo rje gtum po dang/ /dkon mchog gsum dang bstan dga' kun/ /bdag la dgongs nas gzigs su gsol/ /bdag ming 'di zhes bgyi ba 'di/ /dus 'di nyid nas bzung nas su/ /byang chub snying por mchis kyi bar/ /sems can kun gyi don gyi phyir/ /bla na med pa'i byang chub sems/ dam pa bdag gis bskyed par bgyi/ /ji ltar dus gsum mgon po rnams/ /byang chub tu ni nges gnas pa/ /tshul khrims rnam gsum sdom pa dang/ /dge ba'i chos ni sdud pa dang/ /sems can don byed tshul khrim rnams/ so sor bdag gis gzung bar bya/ /bla na med pa'i dkon mchog gsum/ /sangs rgyas chos dang dge 'dun te/ /dam pa bdag gis bskyed par bgyi/ /'di ni sangs rgyas rigs dag pa'i/ /dam tshig yin par rgyal bas bsgrags/ /rdo rje dril bu phyag rgya dang/ /skyon bral rdo rje chen po'i rigs/ /thugs rjes 'brel ba'i slob dpon ni/ /yang dag nyid du gzung bar bya/ /dri ma med pa'i dam tshig chos/ /rin chen rigs mchog chen po la/ /nyin re bzhin du dus drug tu/ /sbyin pa rnam bzhi sbyin par bya/ /byang chub chen po las byung ba/ /pad+ma'i rigs mchog dag pa la/ /phyi nang gsang ba theg pa gsum/ /yang dag nyid du gzung bar bya/ /las kyi rigs kyi dam tshig ni/ /thun mong thun mong ma yin pa'i/ /sdom pa ma lus thams cad kun// de bzhin nyid du so sor bzung/ /byang chub snying por mchis kyi bar/ /mchod pa'i las ni ci nus kyis/ /ma bsgral ba ni bdag gis bsgral/ /ma grol ba ni bdag gis dgrol/ /dbugs ma phyin pa dbugs phyung bgyi/ /sems can dngos grub

  182. 91b

    che la dgod/ /dkyil 'khor me tog mngon par bcas/ /rdo rje 'chang la dbul bar bya/ /bdud rtsi rnam lnga gtor ma'i tshogs/ /rnam pa kun tu bsten par bya/ /thabs kyi bsgral ba'i dam tshig ni/ /snying rje las byung bsgral bar bya/ /lan gsum bar du dam bcas la/ /rigs kyi lha las 'od 'phros pas/ /rang rang ye shes yig bzhis bstim/ /rdo rje khu tshur dri yi chus/ /mas rim bzhin du bstan par bya/ /de rjes mchod pa spro bar bya/ /a shwad tha dad pa la sha /u dum wa ra la sogs pa'i/ /sor bcu 'am ni yang na brgyad/ /rtse mo me tog mdzes pas brgyan/ /dkyil 'khor 'dab brgyad rnam lngas byug /shar bltas dbus su sos bzung nas/ /dam pa'i phyag rgyas dor byas te/ /khyod ni dkyil 'khor dam pa 'dir/ /zhugs pa'i dngos grub brtag pa'i phyir/ /rnam shes dag pa'i so shing 'di/ /so shing gnas ni dbus su dor/ /bdag dang bla ma steng bltas nas/ /mchog gi dngos grub dam pa yin/ /phyogs su phyin las so so te/ /mtshams su 'jig rten dngos grub 'byung/ /thur bltas sa 'og grub pa yin/ /sa la ma lhung mkha' spyod do/ /bdud rtsi byin brlabs thod par blug /rdo rje 'di ni rdo rje'i chu/ /'thung cig dam tshig byin gyis brlabs/ /gal te dam tshig 'das pa na/ /dmyal bar nges par bsreg byed do/ /oM h+ri(rgyud 'grel): bi shud+d+ha d+harmA sarba pA baM niShtsa sho d+ha ya bi kalpa na a pa na hUM ya hUM lan gsum skyor chus dag dag byas/ /lha dang rjes mthun skud pa la/ /sngags btab g.yas dang phrin las g.yon/ /khro bo gtum po'i byin brlabs dang/ /gsang sngags nus pa bla na med/ / skal ldan bar chad med par bsrung/ su yang snod pa ma byed cig /ku sha gtsang ma byin brlabs te/ /bzhin bzangs tshur nyon dkyil 'khor ru/ /'jug pa'i rtags rnams brtag pa'i phyir/ /ku sha'i rtsa 'di sngags dang stan/ /thub pas ting 'dzin grub

  183. 92a

    ltar shog /mnor seng ge bzhin nyal nas/ /mtshan ma ji ltar byung ba ltar/ /bla ma'i mdun du brjod par bya/ /bzang na dngos grub spro ba bskyed/ /gal te ngan na bskrad dang bsrung/ /me yi las kyis bzlog par bya/ /gzhan yang dge ba'i las kun shis/ /bla mas rdo rje can mchod la/ /nang par langs te dkyil 'khor pa/ /nam mkhar bteg la thig gdab ste/ /bu mo gtsang zhing sdom ldan gyis/ /bkal ba ngas pa la las byung ba/ /ye shes lnga ni gcig bsdus pa'am/ /yang na sku gsung thugs kyang rung/ /oM a n+yo n+ya a nu ga ta sarba d+harmA spa ra spA? ra a nu ga ta sarba d+harmA a dyan ta a nu pra piSh+Ti sarba d+harmA/ zhes brjod pas bsgril bar bya/ pad+ma'i snod du bzhag nas kyang/ /mi 'chi lnga yis spang byas la/ /blo ldan ye shes bstim byas la/ /nam mkhar ye shes rdo rje gdab/ /sgo yis bcu gnyis cha dang ldan/ /srid kyang khang pa gnyis 'gyur la/ /tshangs pa'i las thig drang byas nas/ /oM badzra sa ma ya sU traM ma ti kra ma hUM/ tshangs dang zur thig la sogs pa/ /bstan bcos mthong zhing blo ldan des/ /cha ni gang yin rnam par dbye/ /gal te nyes pa'i 'bras bu ni/ /chad na bla ma'i srog g.yo zhing/ /sman lhag nad kyis btab par 'gyur/ /phyogs 'khrul slob ma rmongs par 'gyur/ /blo ldan nyes pa med par bya/ /gru bzhi sgo dang rta babs bcas/ /dra ba dra ba byed pas brgyan/ /nyi zla dril bu dbyer khas spras/ /pad+ma khyams dang rdo rje'i phreng/ /dur khrod me ril sogs pa/ /rnam pa ma lus rdzogs par bya/ /rin chen rnam lnga 'phru byed dang/ /'byung khungs las byung rnam pa lnga/ /pad+mar so sor bzhag bya ste/ /sngags kyis btab pa yig 'bru bsam/ /ye shes bstim la yig gsum gyis/ /byin gyis brlabs te mthing kha blangs/ /dbang ldan mtshams su drang bya ste/ /'di ni chos dbyings dag pa ste/ /sems can khams ni sgrol byed pa/ /dpal

  184. 92b

    ldan rdo rje 'dzin pa gnas/ /de bzhin gshegs pa kun gyi gnas/ /de bzhin ljang du drang byas la/ /'di ni so sor rtog pa dag /dmar po mnyam nyid ye shes te/ /ser po bya ba grub pa la/ /dkar po me long ye shes dag /me tog dor la mtshan ma brtag /thams cad g.yas bskor ma nor bar/ /sbom 'phra chad pa med par bri/ /nyes pa 'byung ba'i rim pa ni/ /tshon mi mnyam zhing yo dang rma/ /dngos grub nyams par 'gyur ba yin/ /yon pos rtsod la gdud par 'gyur/ /sbom na nad 'byung gal te phra/ /nor nyams chad par gyur bas na/ /'chi 'gyur phyogs nyams phur bus 'debs/ /shar dkar lho ser nub phyogs dmar/ /byang phyogs in+d+ra nI la'i mdog /lte ba mthon mthing 'khyil bar bya/ /mtshams sogs cho gas brtags pa dang/ /dur khrod rnams ni rim pas bri/ /rdo rje dkyil 'khor lhar bsgrub pa/ /yol bas bcad pa'i dkyil 'khor du/ /khrus byas dri yis lus byugs te/ /gos bzang gis brgyan lan gsum bskor/ /de nas rdo rje 'dzin pa yis/ /nga rgyal byas te hUM sgrogs pas/ /shar gyi sgo nas nang du zhugs/ /sgo bzhi yang ni dbye bar bya/ /oM badzra ud g+ha Ta sa ma yA be sha ya hUM/ bum par rang gnas 'dug byas te/ /mchod pa'i rdzas kyis legs brgyan nas/ /dkyil 'khor lha rnams rdzogs par bskyed/ /ye shes bstim la mchod par bya/ /bstod cing glu dang ldan pa yis/ /tshogs kyi 'khor los mchod par bya/ /de nas lhag pa'i lha yang bsdu/ /bzlas pa'i rim pa bzhin du brjod/ /shar du zhi ba'i me las bya/ /de nas shar gyi dbang stegs pa/ /slob ma'i cho ga ji lta bar slob dpon dbang dang ldan par bya/ /me tog thogs la tshig 'di brjod/ /hUM thugs kyi sras po rdo rje 'dzin/ /gdug pa 'dul mdzad gtum po yis/ /slob ma smin par bya ba'i phyir/ /bdag la dbang bskur sbyin par mdzod/ /de ltar rim pa rdzogs pa dang/ /

  185. 93a

    de nas slob ma gzhug par bya/ /yol ba'i phyir gnas rim pa bzhin/ /khrus byas sngags 'dis dag par bsam/ /kA ya bA ka tsit+ta sarba pA paM sho d+ha ni swAhA/ /de nas lhar byas gnas gsum du/ /oM badzra band+ha tra Ta kA ya bA ga tsit+ta/ zhes pas sdig pa dral byas la/ /rang rang yi ges bsam par bya/ /bgegs bskrad sdig pa gzhom pa dang/ /bla mas rang gi sa bon gyis/ /slob ma'i sdig pa sbyang par bya/ /oM kA ya shud+d+ha sarba d+harma kA ya shud+d+ho haM/ oM bA ga shud+d+ha sarba d+harma bA ka shud+d+ha haM/ oM tsit+ta shud+d+ha sarba d+harma tsit+ta shud+d+ha haM/ rnam dag lha yi ngo bor bya/ /gdong ba ras kyis bkab nas ni/ /bu khyod su yin ci la dga' / /sangs rgyas kun gyi rang bzhin sku/ /slob dpon mgon la skyabs su mchi/ /gtso bo khro bor bcas pa yis/ /lha rnams kun la phyag 'tshal lo/ /bdag ni bskal bzang rigs yin te/ /rdo rje 'dzin pa khyod la dga' / /phrin las ma lus khyod la rdzogs/ /thar pa chen po'i grong khyer du/ /mgon pos bdag ni gzhug par mdzod/ /slob mas yon pul sngags 'di brjod/ /oM a khaM bI ra hUM/ rang rang gnas su bzhag nas kyang/ /bgegs kyi bar chad bsal bar bya/ /dkyil 'khor la ni bskor byas te/ /shar gyi phyogs nas sgo phye la/ /lha dang sangs rgyas rnams bskul te/ /sku gsung thugs kyi byin brlabs kyis/ /bdud bzhi rnam par dag bcom nas/ /sngags 'dis phyag gsum brkyang la bya/ /oM na ma te hUM/ oM na ma me hUM/ na mo na ma hUM swAhA/ de nas thal sbyar shar phyogs nas/ /oM trai lo kya bi dza ya/ pu dzo pas+tha nA ya / at+ma naM nirya ta yA mi/ sarba ta thA ga ta ak+Sho b+hya/ a b+hi Shiny+tsa a d+hi tiSh+Tha ta swa maM/ mi skyod brgya byin steng du gsol/ /oM mahA kA la pu dze paM pas+tha nA ya/ At+ma naM nirya tA ya mi/ sarba ta thA ga ta ratna saM b+ha ba/ a b+hi Shiny+tsa a b+hi tiSh+Tha swa mi/ lho'i phyogs

  186. 93b

    nas phyag byas te/ /bral bar sku ni khyab 'jug mnan/ /nub nas gsung gi dbang phyug gzhom/ /oM a mri ta kuN+Da li/ pu dzo pas+tha nA ya/ At+ma naM nirya ta yA mi/ sarba ta thA ga ta pad+ma d+ha ri a b+hi Shiny+tsa/ a d+hi tiSh+Tha ta swa maM/ oM Arya dzaM b+ha la pU dzo pas+tha nA ya/ At+ma naM nirya ta yA mi/ sarba ta thA ga ta a mo g+ha sid+d+hi/ a b+hi Shiny+tsa a d+hi tiSh+Tha ta swa maM/ nub byang rim pas phyag bya'o/ /las kyi bum pas khrus byas te/ /sdom pa ma lus pa yang sbyin/ /byin gyis brlabs phyir ye shes kyang/ /bla ma la ni gsol ba gdab/ /de bzhin gshegs pa thams cad kyis/ /bdag la byin gyis brlabs mdzod la/ /rdo rje sems dpa' bla na med/ /bdag la da ltar bskyed du gsol/ /sdig bral spos kyis bdug byas nas/ /'gying bcas rdo rje dril 'dzin pas/ /sangs rgyas ma lus lhag pa'i lhar/ /bsdus la gnyis med bde ba che/ /zag med bde bas yan lag khyab/ /hUM 'di ni rdo rje'i dam tshig ste/ /rdo rje gtum po sems dpa' che/ /ye shes rdo rje bla med 'di/ /da lta nyid du 'bab par shog/ oM badzra tsaN+Da mahA ro Sha Na/ a b+hi sha ya g+haM? ta pa pA ye/ rA rA rA rA/ tsa lA ya/ a hUM mahA dzhyeM badzra tsaN+Da a be sha ya a a a a a zhe bzlas gang la bab gyur kyang/ /oM bazra tsaN+Da mahA ro Sha Na/ a d+hiSh+Thi te sa ma yA/ sngags kyis brtan byas lce la a/ /dge mi dge'i lung bstan bya/ /me tog rdo rje dang bcas pa/ /spyi bor bzhag la 'di skad brjod/ /hUM rdo rje gtum po deng khyod kyi/ /snying la yang dag zhugs pa ni/ /gal te tshul 'di gzhan sdus? na de ma thag tu bral te gshegs/ /bdud rtsi lngas bkang kA pA lar/ /sngags btab rdo rje dang bcas sbyin/ /hUM 'di ni khyod kyi rdo rje'i chu/ /dam tshig nyams na bsreg par byed/ /dam tshig bsrungs na dngos grub rnams/ /rdo rje bdud rtsi'i chu 'dis 'grub/ /oM A(rgyud 'grel): hUM/ badzro(rgyud 'grel): ka hUM/

  187. 94a

    shar du 'dug ste 'di skad brjod/ /deng nas brtsams te khyed rnams kyis/ /rdo rje gtum po nga yin gyi/ /khyed kyis nga la brnyas pa na/ /mi bde ma spangs dus byas nas/ /dmyal bar lhung par gyur ta re/ /phyogs bzhi nas ni dngos grub brtag/ mdzes pa'i me tog lha la dor/ /gsang ba bla med me tog 'di/ /phro brang dkyil 'khor lha mchog la/ /las dang rjes mthun brtsa ba yis/ /rigs dang mthun par 'bar par shog /pra ti dza ho badzra/ lha'i bstod dang rked pa dang/ /smad dang nya ring gtso 'khor gyi/ /bye brag dngos grub brtags pa yin no/ /de nas bla mas me tog blangs/ /slob ma'i mgor bcings sngags 'di brjod/ /oM d+harmA kun d+ha a b+hi Shiny+tsa/ lha bstim rigs kyi ming yang gzung/ /sngon gyi mig mkhan rgyal po yis/ /ma rig ling tog gsal ba ltar/ /de bzhin khyod kyi mig dbye ste/ /ye shes mig gi mthong bar shog/ badzra tsak+Shu tra laM h+ri/ gdong g.yogs bshus la 'di skad brjod/ /dkyil 'khor bzang po 'di la ltos/ /mthong na dang ba rab tu skye// khyod ni sangs rgyas rigs su gyur/ /sngags dang phyag rgyas byin brlabs te/ /dngos grub ma lus snod du 'gyur/ /rigs kyi rnam par dag pa bstan/ /de nas slob ma dang ldan pas/ /bla ma'i zhabs la phyag byas te/ /yon mchog bla med phul nas kyang// dbang bskur ba yi gsol ba gdab/ /byang chub rdo rje sangs rgyas la/ /ji ltar mchod cing gsol mdzad pa/ /bdag la byin gyis brlabs pa'i phyir/ /nam mkha' i rdo rje dang bdag gsol/ /sems can kun gyi don gyi phyir/ /bdag ni slob dpon mchog bgyid do/ /lan gsum brjod nas shar phyogs su/ /pad+ma 'dab brgyad khri la 'dug /rnam rgyal bum pa la sogs pas/ /chu rnams thod pa 'am bum par bsdus/ /rdo rje'i glu dang dril bur ldan/ /rigs lnga rig pa'i lha mor ldan/ /bag chags ma

  188. 94b

    lus dag byas te/ /sku gsung dam tshig las byung ba'i/ /ye shes bdud rtsi dri ma med/ /lha'i bdud rtsi rnam dag 'dis/ /mi bskyod rdo rje'i dbang bskur ro/ /oM A darsha dz+nyA na a b+hi Shiny+tsa hUM/ chu yi dbang bskur dam pa 'dis/ /sgrib pa rnam pa gsum bral nas// mi bskyod rnam dag ye shes 'thob/ /mi bskyod rdo rje dngos grub shog /lugs ma'am thang ka 'bur bris pa'i/ /gser sogs dbu brgyan rin 'byung bsam/ /dbu brgyan rin chen dam pa 'dis/ /sems can tshim par byed pa'i mchog /yid bzhin bsam pa 'grub byed pa/ /rdzogs sangs rgyas su dbang bskur ro/ /oM badzra sa ma tA/ dz+nyA na hUM tiSh+Tha a b+hi ShaM ny+tsa hUM/ dbu rgyan dbang bskur dam pa 'dis/ /rigs lnga'i sangs rgyas bde bar gshegs/ /bdag gi mgo la rgyan gyur te/ /rin chen 'byung ldan dngos grub shog /rin chen la sogs rdo rje la/ /snang ba mdza' yas bcug byas la/ /lag tu gtad la tshig 'di brjod/ /sangs rgyas kun gyi rdo rje'i dbang/ /mi phyed rnam dag 'od gsal stong/ /dam chos 'byung ba'i sgor gyur pa/ /rdo rje chos kyi dbang bskur ro/ /oM badzra pra dya bek+Sha Na dz+nyA na a b+hi Shiny+tsa hUM/ rdo rje'i dbang bskur dam pa 'dis/ /rdo rje lta bu'i ting nge 'dzin/ /bdag gi rgyud las skyes gyur te/ /snang ba mdza' yas dngos grub shog /dril bur don yod grub pa bcug /lag pa g.yon gtad tshig 'di brjod/ /thabs dang shes rab ldan pa yis/ /'gro don mnyam pa med byed pa/ /'dod pa'i phrin las rdzogs byed cing/ /dril bu las kyi dbang bskur bas/ /oM kri tyA nuSh+ThA na/ dz+nyA na pa ta a b+hi Shiny+tsa hUM/ dril bu'i dbang bskur dam pa 'dis/ /dus gsum bde gshegs thams cad kyi/ /gsung gi dngos grub bdag gyur te/ /don yod grub pa'i dngos grub shog /rnam snang bskyed las tshogs ma'i steng/ /'khor lo thogs pa'i ming sgrogs te/ /rdo rje ming gi dbang bskur bas/ /byang chub thob pa'i bar du ni/ /cis

  189. 95a

    kyang gzhom par mi nus pas/ /rdo rje ming du rab tu grags/ /oM pra ti she d+harmA d+ha tu dz+nyA na nA ma a b+hi Shiny+tsa mi hUM/ ming gi dbang bskur dam pa 'dis/ /stong gsum bye ba phrag brgya ru/ /sprul pas 'gro rnams chos ston cing/ /rnam par snang mdzad dngos grub shog /rigs lnga yum gyis ma rig lnga/ /rnam dag ye shes lnga sbyor bas/ /rig pa'i dbang du rgyud pas bstan/ /shar du seng ge'i khri la 'dug /steng du gdugs dkar phug nas kyang/ /phyir mi ldog pa'i dbang bskur te/ /slob dpon rang bzhin 'od dpag mchog /skal pa chen po bdag la gsol/ /bde gshegs rnams kyi dbang bskur ni/ /sangs rgyas byang chub rab bsgrub pa/ /de ni sangs rgyas dpag med do/ /btul zhugs bla na med pa de/ /ji ltar 'dul bzhin bdag la gsol/ /de nas rnam rgyal bum pa blangs/ /mgo steng bzhag la tshig 'dis sbyin/ /dbang bskur rdo rje chen po ni/ /khams gsum kun gyis phyag byas pa/ /gsang gsum gnas las byung ba yi/ /sangs rgyas kun gyis byin pa yin/ /phrin las thogs pa med pa rnams/ /bu yis gzhan don bla med byos/ /khyod kyi rdo rje slob dpon yin/ /dus gsum sangs rgyas sras phyin no/ /zhes bya dung dang rol mo dbul/ /lung bstan bya phyir bla ma yis/ /sprul pa'i skur bcas dga' dang bcas/ /chos gos bzung la 'di skad brjod/ /rdo rje sems dpa' i rang bzhin gshegs/ /srid pa'i mdza' ni grub pa'i phyir/ /srid pa'i ngan 'gro nyid las bton/ /kye rdo rje de bzhin gshegs pa che ge zhes/ /sid d+hi badzra tsaN+Da ta thA ga te sa ma ya staM b+hur b+hu ba swA hA/ phyogs bcu'i sangs rgyas ma lus pas/ khyed la lung bstan byas pa 'dis/ /gsang sngags rdo rje'i mthu yin pas/ /dad pas 'di la spro bar gyis/ /de nas rdo rje brtul zhugs sbyin/ /rdo rje lcag tu legs byin la/ /'di de sangs rgyas thams cad kyi/ /rdo rje sems

  190. 95b

    pa'i phyag na bsnams/ /khyod kyis kyang ni rtag tu bcas/ phyag na rdo rje'i brtul zhugs brtan/ /oM sarba ta thA ga ta sa ma yA tiSh+Tha e Sha staM d+ha ra ya mi hi hi hUM/ de nas dril bu sbyin byas te/ /'di ni sangs rgyas thams cad kyi/ /shes rab dbyangs kyi rjes 'gro ba/ /khyod kyis kyang ni rtag tu bzang/ /byang chub mchog tu rgyal bas bzhed/ /oM sarba ta thA ga ta sid+d+ha/ g+haN+Te sa ma ya Sh+Thi ta a shwa ta d+harma mi hi hi hUM/ ji ji ltar mig mkhan rgyal po yis/ /mi shes rab rib bsal ba ltar/ /bu khyod kyi yang mi shes pa'i/ /ma rig ling tog bsal bar bya/ /sman ldan gser gyi thur ma yis/ /ye shes dag par mig 'byed do/ /oM badzra na tra a pa ha ra pa Ta li h+ri/ de nas me long g.ya' dag bstan/ /chos rnams gzugs brnyan lta bus te/ /ngag cing gsal la rnyog pa med/ /brjod du med cing gzung du med/ /rgyu dang las las thams cad 'byung/ /de nas rdo rje me long phyar/ /rdo rje sems dpa' me long ltar/ /dag cing gsal la dri ma med/ /sangs rgyas kun bdag rang bzhin ni/ /bu khyod kyi ni snying la gnas/ /zhes bya to yis mda' gzhu sbyin/ /bskyod la phyogs bzhir bdud la 'phang/ /de nas hUM las skyes pa yis/ /'khor lo rkang pa'i bar bcug la/ /de ring phan chad 'jig rten la/ /skyob pa rnams kyi 'khor lo bskor/ /chos kyi 'khor lo bla na med/ /kun tu dri ma sdig dang bral// de nas dung byin bus nas kyang/ /chos kyi dung ni bla na med/ /som gnyi yid gnyis mi bya zhing/ /dogs pa med pa'i sems kyis su/ /sangs rgyas spyod pa'i tshul gyis mchog /'jig rten 'dir ni rab tu sgrogs/ /de ltar byas na sangs rgyas la/ /phan btags drin du gzo zhes bya/ /rdo rje 'dzin pa 'di kun kyang/ /khyod ni rjes su bsrung bar byed/ /de nas rigs lngar bsam byas la/ /'jig rten khams ni ma lus par/ /sems can ma lus drang ba'i phyir/ /chags pa med pa'i bsam pa yis/ /ji ltar gdul bya sna tshogs

  191. 96a

    pa'i/ /chos kyi 'khor lo bskor bar gyis/ /de bzhin rigs kyis gang 'dul ba/ /khyod kyi phrin las mchog yin no/ /de nas slar yang rdo rje 'dzin/ /gsal bar byas te tshig 'di brjod/ /de nas bzung nas rigs kyi bus/ /zhi rgyas dbang dang bsad pa dang/ /dgug dang bcing dang sreg pa dang/ /bskrad dang dbye ba la sogs pa'i/ /phrin las sna tshogs bsgrub par gyis/ /ral gri mig sman sa 'og dang/ /mchin lham de bzhin ru lu ste/ /thun mong dngos grub ma lus pa/ /de dag khyod kyis bsgrub par gyis/ /ma lus snang ba byin par bya/ /bde bar dbugs dbyung rnams kyang sbyin/ /khyad par bkra shis dbang rnams dang/ /rim pa bzhin du rdzogs par bya/ /gal te gsang ba'i dbang bskur ba/ /bzhin bzang mig yangs lang tshor ldan/ /lus la dri yis byugs byas te/ /brtse dang rgod pas g.yo byas la/ /thabs dang shes bar gnyis phab ste/ /nor bu byang chub sems lhung bas/ /bde gshegs khu ba mtheb srin gyis/ /dril bcas slob ma'i kha ru rbab/ /a ho su kas te btung ngo/ /rdo rje ra yis nyon mongs 'joms/ /mtshan ldan bde ba bskyed pa de/ /yol bas bar bcad snyoms 'jug brtsam/ /bsrub dang bsrub pa'i sbyor ba yis/ /sgra yi rgyun med longs spyod kyis/ /brlabs kyi rgyun ni chad pa las/ /lhan che skyes pa ye shes kyang/ /rgyun gyi rnal 'byor dran par bya/ /skad cig de dang ma bral na/ /mi tog ye shes skye bar 'gyur/ /de nyid brjod du med pa la/ /brjod med tshig gi dbang du bshad/ /gal te de la mi rtogs pas/ /bzhi pa'i dbang du rgyud du bstan/ /dkyil 'khor rnam lnga'i dbang bskur nas/ /tshogs dan mchod pa rgya chen bya/ /slob ma dang ldan mchog des kyang/ /rta dang glang po ma he dang/ /bu dang chung ma srog dang dbyig/ ci yod phyag byas ma zhen pas/ /bla ma mnyes phyir dbul bar bya/ /bla mas slob ma dam pa'i mdor/ /bkra shis

  192. 96b

    brjod cing gdugs phug pas/ /slob ma mchod pa rdzas thogs nas/ /drin lan dkyil 'khor lan gsum bskor/ /smon lam gdab cing dge ba bsngo/ /tho rangs tshon bsdus bum par blug /chu 'am ri 'am nags phug sba/ /dri bzangs kyis ni thig phyis la/ / sa der zhi ba'i me las bya/ /yang na 'phongs pa tshim pa dang/ /tse ta'i las la brtson par bya/ /ji ltar rgyud las gsal gyur cing/ /bla ma'i man ngag thob gyur kyang/ /cung zad spros phyir bdag nyid spro bar byas/ /'on kyang nyes tshogs ci mchis bshags par bya/ /bzang po mdor bsdus cho ga mchog /gzhan phyir bkod pa'i dge ba yis/ /rigs drug gtum po'i lam zhugs nas/ /myur du de yi 'bras thob shog /rdo rje gtum po'i dkyil 'khor gyi cho ga/ /bzang po mdor bsdus pa zhes bya ba/ slob dpon las kyi rdo rjes mdzad pa rdzogs so// //rgya gar gyi paN+Di ta zla ba bzang po dang/ bod kyi lots+tsha ba glan chung dar ma tshul khrims kyis bsgyur ba'o// (//gos sngon can gyi rgyud kyi rnam bshad dge slong klu'i byang chub kyis mdzad pa bzhugs/) rgya gar skad du/ nI lAM ba ra d+ha ra badzra pa Ni Arya nA ma tan+t+rA DI kA/ bod skad du/ 'phags pa lag na rdo rje gos sngon po can zhes bya ba rgyud kyi rnam par bshad pa/ sangs rgyas dang byang chub sems dpa' thams cad la phyag 'tshal lo/ / bden pa gnyis la rang gnas shing/ /thabs dang shes rab zung 'brel ba'i/ /mgon po sgrib pa kun spangs yon tan ma lus kun gyi bdag po de/ /shes rab thabs kyis mya ngan mdza' spangs na/ /snying rje chen pos sems can mun 'thibs pa/ /mun ma mthong sgom rtsa ba nyon mongs zhi mdzad pa/ /gsang sngags sdud mdzad mi g.yo bcom ldan 'das/ /thugs rje bsnyel ba med la phyag 'tshal lo/ /gang gis gsal bar byas pa de rnams byas pa ma yin tshig don skyon dang ldan/ /de na 'dir

  193. 97a

    ni gsang ba don las dga' ba skyes/ /tshig gi sgron bral man ngag nyams dang ldan/ /shAkya'i rigs kyi man ngag don ldan rgyas par bstan pa las/ /shes rab dmigs ma phyed pas bshad zin bstan pa dag /de dag dman gyur 'dir ni gsal bar byas/ /des ni nyi zla dag dang mthun pa'i bstan bcos 'di/ /thugs rje nye bar bsngos pa yis/ /snying rje ldan pa'i sems kyi su/ /rtsa brgyud man ngag bshad par bya/ /rtsa brgyud rang bzhin don rnams la/ /sde tshan lnga lnga nyi shu lnga/ /yA sha mdza' bcas rtsa ba ldan/ /thabs dang shes rab yi ge gnyis ldan gsum du 'dus/ /brjod pa rdzogs byed tshig gi don/ /rtsa ba bshad dang tshig gi don phyi ma/ /phyi ma mchog dang ma log bzhi ru ston/ /bcom ldan rdo rje 'chang chen pos/ / 'og min chos dbyings pho brang du/ /rdzogs pa'i sangs rgyas der sangs rgyas/ /sprul pa po ni 'dir sangs rgyas/ /ma lus pa yi stobs kyis su/ /sku de rnam pa gsum gyi don/ /thob byed rgyu 'bras gnyis kyi lam/ /dngos byed 'bras bu'i lam yin te/ /rgyu ni tshogs te dran sogs pa'i/ /phyi zhing dro ba'i rang bzhin te/ /nyon mongs dam tshig zhi rtse mo'o/ /phyir mi ldog dang 'jig rten mthar stobs lnga/ /dbang po lnga yi rang bzhin no/ /byang chub yan lag bdun po ni/ /mthong lam skad cig bcu drug go /sa dang bsgom lam mthar phyin 'bras bu'o/ /dngos byed lam ni 'bras bu sngags/ /byin gyis brlabs sngags mthu yon tan no/ /lam ma bgrod pas 'bras bu med/ /dper na gru gzing bskyod pa yis/ /rin chen mchog ni thob par 'gyur/ / brjod bya ston pa'i tshig gis kyang/ /'bras bu bden pa myur du 'byin/ /des na sngags ni gsang sngags lam/ /lam ma bgrod par gsal byed 'gyur/ /des na brjod la khyad kyi nus pa yin no/ /'di skad la sogs pa bshad pa mdzes pa bya ba'i phyir/ /

  194. 97b

    rgyud? 'di dang brjod bya ba dang/ /dgos pa dang 'brel pa dang/ /mchog gi dgos pa bstan par bya ste/ brjod bya dngos po med pa'i tshig ni/ /bstan kyang rtogs pa sngon du gtod ba rnams 'jug par mi 'gyur te/ /dung la dkar po spyi ni 'jug gi spyi bye brag la 'khrul pa bzhin no/ /des na skyon yod pa'i phyir chos kyis rjes su 'brang ba rnams mi 'jug go /des na byis pa dang smyon pa dang mchog yin zhing gzhan la sogs pa ni dgos pa med snyam pa'am/ /'di nyid kyi ma yin snyam pas mi 'jug ste/ tshig dang don thams cad kyi 'brel pa dang/ brjod bya dang/ dgos pa dang/ dgos pa yang dgos pa rnams gtan la phab pa sngon du byas nas mchod pas na/ /'di nyid 'brel pa la sogs pa yang brjod par bya'o/ /de bzhin du 'brel pa dang brjod pa bshad par cis te mi bya/ smyon pa'i tshig bzhin du mi 'brel pa'am/ mo sham la sogs pa la don med par/ 'dod pa'i zhen pas tshig chad par 'gyur bas ma ning gi gzugs la zhen pa'i 'dod pa rnams ci nas kyang tshig chad par 'gyur zhes brtags nas 'jug par mi 'gyur ba nyid do/ /de bas na 'jug pa'i yan lag gi gtso bo yin pa'i phyir te/ thog ma nyid du dgos pa brjod par bya'o/ /de gang las shes par bya ba'i phyir/ dgos pa dang 'brel pa brjod par bya ba yang bstan to/ /de nas dgos pa'i dgos pa la sogs pa bstan to/ /brjod bya ji lta bu snyam pa la/ 'di ltar lam dang 'bras bu brjod bya'i 'bras bur rtog ces bya'o/ /brjod bya ni gnyis su med pa'i ye shes so/ /de yang sgras drangs nas blo la dngos su snang bas/ dngos kyi brjod bya zhes nas snang ba zhen pa'i brjod byas/ /sgra drangs pa'i tshig gi don 'dis brjod bya rtogs pas brjod bya/ mtshon par byed pa'i tshig la yang brjod bya 'di yi don zhes 'bral par bya ste/ 'di ltar lam la rten pas 'bras bu thob ste/ /de ni de dang 'gal ba'i chos spro?

  195. 98a

    bar 'gyur ro/ /gal te de ltar yin du zad mod/ de nyin bstan pa ci phyir snyam nas des na 'dir sgra'i tshogs la ma rten par nam yang rtogs pa mi 'byung ngo/ /ci'i phyir gal te byung na ni thams cad gzhung gi tshogs la sogs pa mi bltos par 'gyur na ni don med do/ /gal te yod na thams cad skye ba 'am/ rkyen med pa rtogs pa thar par gyur pa las/ rgyu med 'bras bu skye bar rigs pa med pa de/ nam mkha' i me tog bzhin no/ /des na rgyu la rang bzhin du bye brag gyur pa med pas rgyu med pa las 'byung bar 'gyur ro/ /phyi ma lta na yang 'ba' zhig pa rnams la ni 'ba' zhig rang las gzhan nus pa'i phyir mi 'byung ngo/ /'bras bu yan lag rgyu la ma tshang bar byung na ni/ dus thams cad du 'bras bu 'byung ste/ de ni med pa'i phyir ro/ /de bas na gzhung gi tshogs med na brjod bya'i rtogs pa mi 'byung ngo/ /de bzhin du gzhung thabs yin pa dang gzhung yang brjod bya'i don rtogs pa thabs dang thabs las 'byung ba'i 'brel pa'o/ /de bas na gzhung gi tshogs 'di brjod bya shugs kyi rtogs bya yin la /dgos pa ni thabs las 'byung ba yin la/ nyid kyis 'brel te de bdag rang nyid kyi 'brel pa'o/ /de'i phyir gzhung bstan pas blang dang dor ni dgos pa yin no/ /des cir 'gyur zhe na/ rang gi don phun sum tshogs par 'gyur te/ lam gyi rim pas tshogs lam dang drod la sogs pa 'byung ngo/ /tshu rol gyi ye shes dang mthong sgom la sogs pas 'brel zhes te de ni mthar phyin pa yang bzung ste/ rigs kyi bu rnams dgos pa'o// //de ni me dang du ba bzhin te de dang de las 'byung ba'i 'brel pa ste/ thabs dang thabs las 'byung ba'i tshul gyis 'brel pa'o/ /des na nyon mongs pa dang shes bya rtsa nas byang ba ni rang don no/ /'brel pa la yang de nyid do/ /sa bon dang bcas pa ston pa ni rang don phun sum tshogs pa'o/ des

  196. 98b

    na dgos pa'i dgos pa yang/ gzhan la brten gzhan du mu stegs dang/ nyan thos dang/ rang sangs rgyas dang/ byang chub sems dpa' dang/ phyag rgya chen pos gzhan mthar phyin pa la sogs pa ni/ dgos pa'i dgos pa'o/ /des na chos kyi rjes su 'brang ba rnams la ni/ rgyud 'di brjod bya'i 'brel pa dang/ dgos pa'i dgos pa bstan to/ /de nas brjod bya dang 'brel pa dang/ dgos pa dang 'bras bu dgos pa'i dgos pa la sogs pa bzhi nges par bstan to/ /gang zag dang pa'i rjes su 'brang ba rnams ni/ srid pa'i mtsho nges par bzung nas/ sangs rgyas kyi bka' nges par 'jug pa'i phyir bstan mi dgos so/ /de ltar brjod bya dang dgos pa brjod nas/ lan lag bstan pa ni gzhung don no/ /de la 'di skad bdag gis thos pa zhes pa la sogs pa smos te/ sdud pa po'i tshig tu smos te/ 'di skad smras pa thos zhes sbyar ro/ /'di'i tshe 'di thos gzhan gyi tshe gzhan gyis thos par bstan to/ /thos pa ni bdag kho nas thos te/ gzhan dang 'brel pa med de/ de ni gzhan thos pa'o/ /'di ni ri rab rtse rtsa rgyud nyi khri sum stong kha nas thos pa'o/ /des ni thos pa dka' ba dang/ thos pa mang ba la sogs pa yang yongs su bzung ngo/ /gzhan ni wa ra NA ser bden pa bzhi la sogs pa ste/ gzhan nye bar 'khor dang/ shA ri'i bu la sogs pa'o/ /gtso 'khor tha dad pa'i phyir ro/ /'di skad bdag gis thos ni rgyal ba mar me mdzad dang/ shAkya thub pa dang/ gtso bo rdo rje 'chang dang/ rnam rgyal la sogs pas thos pa ste/ sngon dang da lta la sogs pa ste/ bar du yang thos pa ste/ gtso bo 'khor tha mi dad par bstan to/ /tha mi dad na rang gi tshig dang 'gal lo/ /gcig pa yin pa'i phyir snyam pa la/ gcig kyang mi stong ste/ kun rdzob tu snang ba thams cad kyang/ 'khrul pa mi bden pa sgyu ma yin pas don ni stong pa nyid kho na'o zhes rgyud las gsungs pa yin no/ /tha dad kyang mi 'gal bde bar gshegs pa la skyon gnyis med de/

  197. 99a

    thams cad zhi ba mya ngan las 'das pa khams dang skye mched bral bas dus thams cad bdag dang bdag gis stong pa gnyis su med/ zla ba dang chu bzhin no/ /de bas khams gsum rnam par rgyal ba ni/ phyag na rdo rje nyid deng? rang bzhin gcig pas/ byang chub sems dpa' rnams kyi gdul ba ni/ snang bas snang zhes bstan te me long rkyen gyi gzugs rang la gnyis su snang ba'o/ /de bzhin du sems bskyed pa'i smon lam dang snying rje chen po/ /sems can gzhug pa'i ched du ston pa dang/ 'khor ba dang ldan pa dang lam dang dri za'i gzugs dang/ phung po dang skye mched bcu gnyis dang/ khams dang rnam par byang ba'i 'bras bu dang nyon mongs pa dang mang du bstan pa rnams ni/ sems can gzhug pa'i ched yin pas thos zhes bya/ gzhan nas theg pa bstan pa sems can gzhug pa'i ched du lags/ theg pa med cing 'bras bu med ces gsungs so/ /des na phyag na rdo rje la khams gsum rnam par rgyal ba thos pa ste/ gtso 'khor tha mi dad par bstan to/ /gcig pa'i phyir thos pa dang 'gal snyam pa la mi 'gal te/ bcom ldan 'das rdo rje 'chang phyag na rdo rjer snang la/ de yang khams gsum rnam par rgyal ba ru snang ngo/ /'o na de dngos su snang ngam mi snang ba yin/ sprul pa yin nam ma sprul pa yin/ snang zhing sprul pa yin na sangs rgyas ma yin te/ dngos po tha dad du snang zhing shes pa gnyis dang ldan pa'i phyir ro/ /bcom ldan 'das ni log pa'i shes pa dang ste/ sa la gnas pa'i byang chub sems dpa' dang khyad par med do/ /de'i phyir de ni sangs rgyas su lta bar mi bya'o/ /sprul pa ma yin na snang bar mi rigs so/ /ci'i phyir rgyu mar 'bras bu snang phyir/ ri bong rwa sogs snang bar rig shes bya'o/ /bden de log pa'i shes pa dang ldan na de gnyis 'byung gi /de med pa'i phyir de mi 'byung ngo/ /dngos su sprul yang

  198. 99b

    mi lto 'dul ba'i dus la bab pa'i phyir/ de'i rang bzhin der snang pa'o/ /ma sprul yang rang nyid de'i tshe nges 'dul ba la rnam par rgyal bar snang ba'o/ /de nas bka' la bar med pa'i phyir rang gis thos pa dang yang sdud pa pos thos zhes bya'o/ /'dir sems can gdul bya ma rtog par ston pa dang sdud pa po tha dad du bya ba med do/ /smon lam dang thugs rje dpag tu med pa'i 'gro don 'byung ba'i phyir thos zhes sbyar ro/ /des na skyon de gnyis mi 'byung ste/ de ni skyon thams cad bral ba'i phyir ro/ /dus kyang de ste de'i tshe de thos gzhan gyi tshe/ gzhan thos pa ste bus kyang de'i tshe zhes bstan to/ /'di skad bdag gis thos pa ni e bam mA yA zhes 'byung bas byang chub sems dpa' rnams kyis 'byung ba lnga rig dang ye shes lnga dang sgra dang skye mched dang/ khams bco brgyad dang/ g.yo ba dang/ mi g.yo ba dang/ rtsa lnga dang dbang dang dga' ba la sogs pa la'ang shes par bya'o/ /da dag bstan pa'i yan lag ni/ phyi nang mthar thug rnam pa gsum ci bzhin min dang ji bzhin sgra/ dgongs pas bshad dang dgongs pa min/ /drang ba'i don dang nges pa'i don/ /phyi ni mi bzad dbyings dang sbyar// nang ni rtsa rlung byang chub sems/ rtsa lnga gtum po'i man ngag go /mthar thug mthong lam ye shes te/ /dpe ye shes gnyis med phyag rgya chen po'i lam bcu gnyis ni dngos po bral bden bral ba'i shes ba'o/ /gzhan yang phung po lnga dang/ tshogs drug dang skye mched bcu gnyis dang khams dang bag chags khams gsum na bag chags rnams de ni brda min skye bo thal ba'i tshig /dgos pa ma yin zhes su bya/ /shu tra su tra ma nu ha ra dang tan tra yan tra man tra'o/ /byang sems kyi sems can phal pa rnams thugs rje zag bcas thams cad skyob pa'o// sngags dang shes pa ma lus yongs su 'dzin rgyud ni 'khor ba rgyud de chos nyid byang chub sems/ /'di yang gnas pa ma lus stong pas 'dzin par byed/ /lung las 'di lta ste/ ji lta ji ltar 'dul 'gyur bas/ sems can ma lus bsad par bya/ /ma byin len

  199. 100a

    dang brdzun smra dang/ /de lta de ltar sems can don/ /'dod chags la sogs spang pas spyad/ /sems can kun la phan don du/ /sangs rgyas bstan pa rgyu yi phyir/ /sems can thams cad bsad nas yang/ /de la sdig pa mi gos so// sems can kun la phan don du/ sangs rgyas kun la sbyor ba yis/ /gzhan gyi nor rnams phrog na yang/ /de la sdig pa mi gos so/ /'dod chags lta bu bde ba med/ /de ni rgyal ba rnams la phul/ /sems can don du gzhan bud med/ /ston pas bsod nams thob? par 'gyur/ /sems can kun la phan don du/ /sangs rgyas bstan pa rgyu yi phyir/ /mi dge bcu sogs spyad pa yang/ /bsod nams rnams mang 'phel zhes gsungs/ /snyoms bar 'jug pa nas bzung ba/ /pha dang ma ni bsad par bya/ /rgyal po ngan? pa bkur mi bya/ /bram ze'i grong khyer gzhom par bya/ /des kyang grol bar gsungs pa ste/ /dgongs pa bshad pa zhes ni bya/ /drang pa'i don ni theg pa gsum dang gu ru bstan pa'o/ /yod pas nyan thos rang rgyal rnams ni smo/ /phra rab rdzas su 'dod ba nyan thos rnams/ /byang chub sems dpa' de ni byis pa'i rang bzhin no/ /med par zhen cing chags par 'dod pa'i byis pa ste/ /theg pa dman pa log pa'i shes pa ste/ /de mkho je la de'i theg pa bstan/ /ces rgyud las gsungs so// yang dag don dang ldan gyur pa/ /stong nyid rang bzhin lhug pa ni/ /byang chub sems dpa' rnams kyi dngos/ /blang dor med pa thar pa'i lam/ /lung las kyang byang chub sems dpa' sems dpa' chen po sbyin pa ni bcing ba'o/ /tshul khrims nas ye shes kyi bar du ni bcing pa'o/ /bde ba dang stong pa dang/ rig pa dang/ bdag med pa ni bcing ba'o/ /ci'i phyir zhe na bdag thams cad dang bral ba'i phyir ro/ /de nas bral ba'i chos la yang rigs kyi bu 'am rigs kyi bu mo bslab par mi bya'o/ /des na mu stegs la

  200. 100b

    sogs pa'i bdag lta dang/ byis pa rnams kyi yod pa'i shes pa rnams ni gzhom pa sla'o/ /bdag med dang rig pa stong la sogs pa phyogs bral kyi bdag rnams ni gzhom pa dka' ba yin pa'i phyir 'khor ba las mi thar bstan to/ /des na 'dod pa lam du byas pa'i bcing ba'o/ /bya ba med pa thob pa med pa ni nges pa'i don zhes bya'o/ /de skad gsungs pa yin pa'i phyir de ni dus phun sum tshogs pa'o/ /gnod sbyin thams cad yongs su rgyu/ shin tu dben pa/ shin tu yongs dag pa zhes pas gnas phun sum tshogs pa bstan pa yin te/ /gnod sbyin thams cad yongs su rgyu ba ni ri rab kyi rtse mo ste/ de na ni gnod sbyin gang ba bzang po dang/ nor bu bzang po dang lnga rtsen la sogs pa ste/ gnod sbyin gos sngon can gyi 'khor du bstan te/ de na ni gnod sbyin ma dungs pa gzhan yang yod pa ste/ de rnams yod pa ni gnod sbyin thams cad yongs su rgyu ba zhes bya'o/ /shin tu dben pa ni stug po bkod pa'i gnas te/ 'di yang dpe shel gsal ba'i nang du chud pa'i dkyil 'khor shin tu gsal ba ni/ /gzhal yas khang 'dug pa ni/ ma lus pa'i lhun gyis grub pa'i rgyan dang ldan pa zhes bya'o/ /de na ye shes chen po ston pa bzhugs te/ 'khor dang chos la sogs pa gcig tu bzhugs te me dang tsha ba bzhin no/ /rang bzhin gcig par shes par bya'o/ /des na gnas ni gsum mo/ /gnod sbyin gyi sde dpon chen po lag na rdo rje gos sngon po can zhes bya ba/ dus gsum gyi de bzhin gshegs pa thams cad kyis las kyi khro bo dbang bskur ba zhes bya bar gnas gsum du ston pa gsum tha mi dad par bstan to/ / gnod sbyin gyi sde dpon chen po lag na rdo rje zhes bya ba ni/ gnod sbyin ma rungs pa de rnams kyi gtso bo sprul sku lag na rdo rjes 'dul bar bstan to/ /de la ni sprul gyi rgyan ni/ nyid las tha mi dad pa'i 'khor gyis gnod sbyin rnams ston pa'i gzi brjid

  201. 101a

    kyis nyes pa'i 'khor byang chub sems dpa' rnams kyis sprul pa'i sprul gyi rgyan btags ces bya bar bstan to/ /stag gi sham thabs dang gos sngon po bla gos rnams ni/ gnod sbyin bred pa'i stobs kyis skyabs kyi 'od la phul zhes bya'o/ /dus gsum bde gshegs zhes bya ba ni/ byang chub sems dpa' phyag na rdo rje sa bcu la gnas pa'i tshe/ pad+ma stong dang ldan pa'i dbus su bzhag ste dus gsum gyi sangs rgyas thams cad kyis thugs kyi stong pa nyid kyi rdo rje phyung nas phyag na rdo rje la thugs kyi bdag por sdud pa por dbang bskur zhing bka' gnang nas/ /las thams cad brting phan chad kyis ces pa'o/ /mche ba gtsigs pa yid khros pa lta bu/ mig me mdag gi phung po 'dra ba/ dbugs me ltar 'bar ba/ 'jigs pa'i nga ro can zhes bya ba la mche ba gtsigs pa ni log par rtog pa'i bdud rnams za zhing 'joms pa'o/ /yid khros pas ni don snying rje chen po dang ldan pa yin te/ kun rdzob tu khro bo'i cha byad do/ /mig me mdag gi phung po ni/ las gnyis la 'jug /rang smin pa'i las dang bltas pa tsam gyis 'jigs par byed pa'o/ /dbugs me lce ltar 'bar ba ni/ smin ma dang sgra tsam gyi 'dul bar bstan to/ /'jigs pa'i nga ro ni ngag gi skyon bzhi dang bral zhing yid kyi zug rngu 'don zhing/ hUM dang phaT kyis sgra bsgrags pas/ /'khor rnams bsgrags pa'o/ /lag pa dang rkang pa klu nor rgyas kyis brgyan pa/ klu nag po ser la khar thogs pa/ klu nag po dang gnyen dga' bos snyan cha brgyan pa zhes pa ni/ /lag pa ni sprul nag po dang ser pos brgyan par shes par bya'o/ /rkang pa la sbrul nag pos brgyan pa'i ske rags ni dmar por byas pa'o/ /se ral kha ni klu kheng pa'i rigs kyis ga shar byas pa'o klu dga' bo dang nyer dga' bo'i ming yin la/ de dang 'dra ba'i sprul dkar pos snyan cha brgyan par bstan

  202. 101b

    to/ /sprul 'bar ba rin po che'i cod pan thogs pa/ sprul gdug pa 'bar ba za zhes pa la/ sprul 'bar ba rin po che'i cod pan thogs pa ni/ dbu la nor bu rin po ches brgyan pa'o/ /'bar ba ni nag po la sogs pa'i kha dog bzhi/ sprul rin po che dang ldan pas dbu la brgyan par bstan to/ /gdug pa za ba ni zhal du sprul nag po gsol bar bstan te/ /des kyang gtso'i 'dod chags rnam par dag pa dang/ tshul khrims nyams pa'i skyon dang bral zhing/ phyi rol gyi klu'i rigs drug 'dul ba'i rtags su bstan/ bzhin rgyas pa smin ma dang dpral bar bsdus pa/ ya sos ma mchu mnan pa/ gshin rje'i cha byad can zhes bya ba la ni/ bzhin rgyas par ni stong pa nyid kyi don rgyas par/ gdod gi 'phel ba ste/ lha la sogs pa gdul bya 'dul bar bstan to/ /ya sos ma mchu mnan pa ni/ ya sos ma mchu'i steng du phyin pa ste/ bye brag tu srin po 'dul pa'i rtags so/ /smin ma dang dpral bar bsdus pa ni khro gnyer gsum dpral bar 'dug pa sku gsum dang ldan pa'i rtags/ gshin rje'i cha byad can ni/ khro bo mi thung gzugs 'dra ba'o/ /des ni gshin rje'i rigs 'dul ba'o/ /lce glog ltar 'gyu ba/ sprul za ba gsus pa che ba/ lag pa brdabs pa'i sgras 'jigs par byed pa zhes bya ba ni/ lce glog ltar 'gyu ba ni/ sprul pa klog pas myur ba'o/ /sprul za ba'i sprul klu'i nang ngan 'dra bas 'dod chags kyi gdung ba sel ba'o/ /gsus pa che ba gsus khyim che ba ste/ stong pa nyid kyang bstan to/ /lag pa brdabs pa ni gtso bo lag pa rdo rje dang ldan pas ma rungs pas 'jigs par byed pa'o/ klu'i rgyal po 'dab bzangs ska rags su bcings pa/ a la la zhes grags par byed pa zhes pa la/ 'dab bzangs ni sprul dmar po'i ska rags su bcings pa/ a la la ni de 'dra rgyan cha la ngo mtshar ba'o/ /de sgrogs pa ni sgra sgrogs pa'o/ /rgya mtsho'i zabs su dpag tshad

  203. 102a

    brgyad khri bzhi stong yod pa rkang pa'i pus mor phyin pa/ dbang po dang nyi ma 'phrag pa la khur zhes pa la/ rgya mtsho la dpag tshad brgya khri yod pas phyag na rdo rje'i pus mo nub pa/ sku byin po la nyis 'bum drug khri yod pa zhes pa ste/ sprul pa'i sku'i bod tshad bstan to/ /dbang po dang nyi ma ni thabs shes rab kyi ste/ nang gtso bo bzhugs zhes pa la/ yang na gtso bo'i phrag pa la nyi zla rgyu ba ste zhes pa'i tshad do/ /la la na re lha'i dbang po'i phrag pa la nyi zla rgyu ste/ de'i steng na phyag na rdo rje bzhugs ces pa ste/ lha 'dul ba'o/ /klu thams cad brlag par byed pa/ gang rgyangs chen po rgod pas kun tu 'khrug par byed pa zhes pa pa/ klu'i rigs kyis bdag la sogs pa brlag par ro/ /ha ha zhes bya ba'i sgra drangs pa'i phyir ro/ /gang rgyangs ni ha sa de ba ta'i sgra bsgrags pas klu thams cad dngangs? shing brgyal te sha rus khro bo zhal du stobs zhes pa'o/ /klu thams cad 'chid bar byed pa/ 'byung po thams cad 'gugs shing zhi bar mdzad pa zhes bya ba la/ 'byung bo'i bdag po dbang ldan la sogs pa 'gugs shing bcing ba ste/ lcags kyu'i sbyor bas bkug nas/ dkar gsum dang mngar gsum dang ldan pa'i gtor ma bzhin zhes pa'o/ /klu thams cad ces pa ni/ bcing pa ni gcod mi nus te gzhan gshin rje dang 'byung po spyi yang yongs su bzung ba ste/ sbyor ba thams cad gcod par mdzad pa/ sbyor ba thams cad bzlog par mdzad pa/ sbyor ba thams cad gnod par mdzad pa/ yon tan ma lus pa'i bdag po de zhes pa la zhes pa ni/ sbyor ba ni phyi'i drug dang/ khrag dang sngags kyis byas pa'i gnod pa ste/ gzhan gyis byas pa'i rig sngags tshur la mi tshugs par bzlog pa'o/ /sbyor ba bzlog pa ni rang bsrung ba dang/ pha rol rang la bzlog pa'o/ /sbyor ba gnod pa ni phar la bzlog pa'i 'khor

  204. 102b

    lo thod? pa mi mthun pas gnon zhes pa'o/ /tshig de gsum yang zab pa'i phyir bla ma'i man ngag la rag las par bya ba'i phyir bshad par mi bya'o/ /yon tan ni sangs rgyas kyi chos ma 'dres pa bco brgyad dang/ stobs bcu dang mi 'jigs pa bzhi dang/ so so yang dag par rig pa bzhi dang/ byams pa la sogs pa'i yon tan dang ldan pa'o/ /des kyang gnas khyad par can na ston pa yon tan dang ldan par bzhugs pa bstan to/ /gnod sbyin gyi sde dpon nyi shu rtsa brgyad dang/ gnod sbyin mthu bo che thams cad ces pas 'khor phun sum tshogs par bstan te/ rang gi 'khor ni sa bcu'i byang chub sems dpa' lag na rdo rje dang lha dang mi dang mi ma yin la sogs pa'o/ /gzhan yang rigs lngas khro bo dang lha mo dang/ sgo ma la sogs pa'i nang nas khro bo khams gsum rnam rgyal langs te/ 'di skad gsol zhes 'og dang 'brel to/ /bar du gcod pa'i phyir gnod sbyin smos te gang ba bzang po dang/ nor bu bzang po dang/ lnga rtsen la sogs pa nyi shu rtsa brgyad do/ /gnod sbyin mthu bo che thams cad dang/ zhes pa la mthu ni rang gi 'khor rnams thams cad la 'dul sems can thams cad la shing gi yol gos chu 'thor ba'o/ /gnod sbyin drag po thams cad ni sha rlon pa rjen par za ba'o/ /des ni lha min lha dang gnod sbyin ma rungs 'dul ba yang shes par bya'o/ /lha thams cad dang/ klu thams cad dang/ dri za thams cad dang/ lha ma yin thams cad dang/ zhes pa lha ni brgyad de lha dang lha'i dbang po dang/ lha min bdag mahA de ba dang/ khyab 'jug chen po dang u ma de ba kun tu rgyug /'chi med dbang po'o/ /klu yang dga' bo la sogs pa brgyad de/ de yang 'khor dang bcas pa'o/ /dri za ni zur phud lnga pa'o/ /lha ma yin ni thag bzangs ris dang/ 'khor dang bcas pa'o/ /nam mkha'

  205. 103a

    lding thams cad dang/ mi 'am ci thams cad dang/ lto 'phye chen po thams cad dang/ 'byung po dang zhes pa la/ nam mkha' lding ni gser mig can 'khor bcas pa'o/ /mi 'am ci ni ljon pa rta mgo can la sogs pa ri rab kyi khong ser gnas pa'o/ /lto 'phye ni lto 'phye nyid de/ mi'i lus po la sprul gyi mgo bo la sogs pa'o/ /'byung po ni dbang ldan la sogs pa brgyad do/ /yi dags dang rjed byed la sogs pa dang thabs cig tu bzhugs te zhes bya ba la/ yi dags ni kha nas me 'bar ba la sogs pa'o/ /brjed byed ni byol song gi rgyal po ri rab la gnas pa rnams so/ /thabs gcig ni bskor ba'o/ /'di ltar nyi ma dang zla ba dang/ skar ma'i tshogs lta bu bzhugs so/ /zhes pa la nyi zla dang 'dra ba ni bden pa gnyis dang thabs shes rab dang lam gnyis dang la sogs skar ma lta bu bzhugs ces pa ste/ gnas de ston pa de 'khor de rnams dang lhan cig tu chos gsung ngo zhes bstan/ de ni chos phun sum tshogs pa yang yongs su bstan to/ /de'i chos yang zhes pa mi snang bar gyur gyi bar la dngos su bstan/ ston pa dang chos kyi byin rlabs yin pa'i phyir de ma gsungs so/ /de nas 'phags pa lag na rdo rje gos sngon po can la 'khor thams cad kyis gsol ba zhes pa la/ de nas ni chos de lta bu la ston pa bzhugs te zhes pa'o/ /'phags pa ni sgrib pa rnam pa gnyis spangs pa'o/ /gong ma dang khyad par gyi don de ni sprul sku lag na rdo rje gos sngon po can no/ /de la 'khor thams cad kyi nang nas khams gsum rnam par rgyal ba langs nas bla gos sngon po gsol te/ gos sngon po can khyod ci zhes te/ khyod kyi bya ba'i las dang ngo bo ji lta bu lags/ bde gshegs kun gyi sprul pa yin nam/ sangs rgyas kun gyi sprul pa'i ngo bo khyod yin nam/ gal te sku gsung

  206. 103b

    thugs kyi bdag por bsdus pa'o yin nam/ phrin las thams cad kyi bdag por dbang bskur ba yin nam/ bdag khams gsum rnam par rgyal ba dang 'khor rnams kyis bya ba las bskyed rdzogs grogs dang las kyi tshogs la sogs pa ston pa'i bstan pa sangs rgyas thams cad gcig gi ngo bo las kyi bya rgyud ji lta bu lags/ bdag cag gi bka' mnyan gyi khyod kyi sku gsung thugs drag por bstan pa ni/ lam nye ba ste 'khor ba las myur du bsgral zhes pa'o/ /de bdag cag 'khor dang bcas pa rnams ston pas gsungs pa nyan no zhes pa'i don to/ /le'u gang la ming de yod pa la de skad ces bya ste/ gleng gzhi phun sum tshogs pa lnga yod pas/ de la dang po gleng gzhi'i le'u zhes bya'o/ //rtsa ba'i rgyud las le'u sum cu rtsa gcig rgya cher bshad pa/ dge slong klu'i byang chub kyis mdzad pa ste dang po'o// //de ltar gleng gzhi bstan kyang bskyed tshogs kyis don ma bstan na 'grub par mi 'gyur ba des na le'u gnyis pa bstan to// //des na lag na rdo rjes rdo rje drag po zhes bya ba'i ting nge 'dzin la snyoms par zhugs te 'di skad gsungs so zhes pa la/ de nas zhes bya ba la ni/ de nas sgras gleng gzhi song ba'i rting de nas/ bar cis kyang mchod par lag na rdo rje'i ston pa sku gsung thugs drag po'i chos gsum gyi ting nge 'dzin la snyoms par zhugs te/ 'di skad gsungs zhes bya bar sbyar ro/ /phyag rgya gsang sngags thugs sbyor la/ /khro bo rgyal po bsam par bya/ /khro bo rdo rje ting 'dzin gyis/ /byin brlabs ya mtshan sna tshogs ldan/ zhes bya ba la bla ma cig nas cig tu brgyud pa'i rim pa/ phyag rgya ni srung ba dang bsod nams kyi tshogs dang ye shes dngos bsam gzhal yas khang bskyed pa la sogs pa'o/ /gsang sngags ni gzhal yas khang gi nang du seng ge dang pad+ma la sogs

  207. 104a

    pa'i steng du/ snying rje stobs kyi ngo bo hUM du byung ba'o/ /thugs sbyor ni yig 'bru las phyag mtshan du gyur pa ste/ las gnyis byas pa'o/ /de la sku rdzogs pa ni/ khro bo'i rgyal po ste rdo rje rigs kyi khro bo'o/ /khro bo'i ming ni gos sngon can de mthong na ni khro bo gzhan thams cad kyi ni lag cha 'chor zhes gsungs pa ste/ ri rab tu gnod sbyin 'dul ba'i dus su'o/ /de rnams kyi rgyal po yin pa'i phyir rgyal po'o/ /khro bo rdo rje ting 'dzin ni/ oM A(rgyud 'grel): hUM gis bsdus pa dang/ sreg pa dang sbyangs pa ste/ sku gsung gi lhar bskyed pa'o/ /byin brlabs ni lhag pa'i ye shes bstim pa dang/ rig pa'i dbang lnga bskur sangs rgyas lnga gtso bo la dbang rtags su brgyan pa'o/ /bla ma rigs lnga'i rang bzhin/ a hUM dkar dmar gyi ngo bo/ guhya a b+hi Shiny+tsa zhes pas lce la bzhag nas gsung dbyangs yan lag brgyad cu dang ldan ste/ a ho su kha zhes btung bar bya'o/ /des sngags bzlas pa dang 'brel to/ /ya mtshan sna tshogs dang ldan pa'i dngos grub thob pa'o/ /yang man ngag rgya chen po dang sbyar te bshad de/ phyag rgya ni gzhal yas khang dang gtso bo bskyed pa bstan te/ de yang tshogs bsag pa dang/ tshad med pa bsgom pa dang/ oM mahA shU n+ya dz+nyA na badzra swa b+hA wa/ Ata ma ko haM zhes pas ye shes kyi tshogs bsags te/ de nas bsrung ba bzhi dang pad+ma yang hUM gi cho 'phrul gyis bskyed par bya'o/ /gsang sngags ni stong pa nyid do/ /de'i byin rlabs kyis yaM raM baM laM suM bruM las 'byung ba'i dkyil 'khor dang/ gzhal yas khang sgo bzhi pa dur khrod brgyad dang bcas pa phyi rgyan dang nang gi rgyan gyis mdzes pa bskyed do/ /de'i dbus su gdan gyis mtshan pa ste/ gzhal yas khang de yang rin po che lnga yis brtsigs pa lha'i snam bu dang bcas pa'o/ /der hUM gi cho 'phrul gyis

  208. 104b

    cho ga gsung gis gtso bor yab yum rdzogs par bskyed pa'o/ /de yang yum la ni bskyed pa med/ lus dang grib ma bzhin du rdzogs ces pa'o/ /gsang sngags ni yab yum gyi/ e waM byin gyis brlabs te yab yum snyoms par zhugs te/ des rigs lnga yab yum bskul te thig le dkar dmar gzhal yas khang gi nang du gsang sngags kyi ngo bo thig le dang yig 'bru bsam pa'o/ /thugs ni de las phyag mtshan du gyur pa'o/ /khro bo rgyal po ni de las sna? rdzogs pa'o/ /khro bo rdo rje ting nge 'dzin ni/ gsang ba nas lha rnams spro ba bstan te/ oM badzra kro d+ha nI lAM ba ra d+ha ra hUM/ oM bud+d+ha kro d+ha nI lAM ba rA d+ha ra hUM/ oM ratna kro d+ha nI lAM ba ra d+ha ra hUM/ oM pad+ma kro d+ha nI lAM ba ra d+ha ra hUM/ oM karma kro d+ha nI lAM ba ra d+ha hUM/ oM trai le? kya bi dza ye hUM/ oM mahA kA la ro Sha Na hUM/ oM ba ru Da ka ye hUM/ oM de ru pak+Sha ye hUM/ oM badzra lA sye hUM/ oM badzra mA le traM/ oM badzra gI hi tri/ oM badzra nri tI a/ oM badzra d+hu pe hUM/ oM badzra puShpe tri/ oM badzra A lo ke tri/ oM badzra gand+he a/ oM badzra aM ku sha dza(rgyud 'grel): oM badzra pA sha hUM/ oM badzra spho Ta baM/ oM badzra g+haN+De he/ oM bud+d+ha TA ki a h+ri hUM/ oM badzra TA ki a h+ri hUM/ oM ratna TA ki a h+ri hUM/ oM pad+ma TA ki a h+ri hUM/ oM karma TA ki a h+ri hUM/ yang na kro d+hi shwa ri hUM zhes sbyar bar bya'o/ /zhes bya ba'i sngags kyis khro bo rnams mkha' nas gton te/ dbus kyi khro bo rang sor song nas/ gzhan yang rang dang rigs kyi kha dog la/ stag dang gos sngon sham thabs can/ /rang rang rigs kyi dbu rgyan byas pa'o/ /khro bo rdo rje ting nge 'dzin gyis zhes pa la/ shar du sangs rgyas gos sngon can/ /lho ru rin chen gos sngon can// nub tu pad+ma gos sngon can/ /byang du las kyi gos sngon can/ /sangs rgyas spyan la khro bo zhal/ /phyag mtshan rnams ni kun kyang g.yas na rdo rje dang 'khor lo dang rin po che dang pad+ma dang/ rgya gram bsnams pa la/ g.yon pa dril bu bsnams pa'o/ /rnam

  209. 105a

    rgyal ni sku mdog dmar po/ /'khor lo dang dbyugs pa bsnams pa'o/ /mgon po yang sku mdog nag po dud kha la phyag na rin po che dang tsandan bsnams pa/ lus ngan po yang sku mdog sngon po la phyag na mchod rten dang pad+ma bsnams pa'o/ /rnam thos sras kyang sku mdog ser po la/ phyag na mchod rten dang ne le bsnams pa'o/ /lha mo dang sgo ba yang rang gi sku mdog dang phyag mtshan bsnams pa'o/ /de rnams la sku gsung thugs byin gyis brlabs pa'i yig 'bru 'am/ phyag mtshan nam sku yis byin gyis brlab ces pa'o/ /byin brlab ni ye shes sems dpa' mdun gyi nam mkha' la spyan drangs te/ bgegs bskrad pa dang mchod yon dang mchod pa dang bstod pa bya ste/ lcang lo can gyi pho brang nas/ /bcom ldan rdo rje gos sdig can /'od zer stobs kyis klu rnams 'dul/ /mthu stobs can la phyag 'tshal lo/ /bcom ldan sangs rgyas gos sngon can/ /sku mdog dkar po skyon ma gos/ /'khor lo dril bu phyag na bsnams/ /me long ye shes khyod phyag 'tshal/ /bcom ldan rin chen gos sngon can/ /sku mdog ser po don rnams rgyas/ /rin chen dril bu phyag na bsnams/ /mnyam nyid de ye shes khyod phyag 'tshal/ /bcom ldan pad+ma gos sngon can/ /sku mdog dmar po chags par ldan/ /chu skyes dril bu phyag na bsnams/ / kun rtog ye shes khyod phyag 'tshal/ /bcom ldan las kyi gos sngon can/ /sku mdog ljang khu phrin las rgyas/ /rgya gram dril bu phyag na bsnams/ /bya grub ye shes khyod phyag 'tshal/ /khyams kyi cha la gnas pa ni/ /khams gsum rgyal dang mgon po gnag /lus ngan po dang rnam thos sras/ /sprul pa sku yi tshul bstan pa/ /stong pa'i rang bzhin khyod phyag 'tshal/ /dkar mo sgeg dang rin chen ser/ /pi waM ma ni dmar mo ste/ /nri ti ljang ku gar rnams bsgyur/ /stong pa'i don gyi tshim mdzad pa//

  210. 105b

    mchod pa'i lha mo khyod phyag 'tshal lo/ /shar lho lha mo bdug pa ste/ /lho nub mthing kha me tog ma/ /nub byang dmar mo gsal byed ma/ /byang shar ljang ku dri chab ma/ /pha rol phyin bcu rdzogs mdzad cing/ /'dod pa'i don grub phyag 'tshal bstod/ /lcags kyu zhags pa lcags sgrog dril/ /bdud bzhi ma lus chor gcod cing/ /phrin las rnam bzhi lhun grub pa/ /sgo ba bzhi la phyag 'tshal bstod/ /sangs rgyas mkha' 'gro dpal 'bar ma/ /smug nag 'bar ba'i ral pa can/ /rdo rje mkha' 'gro dpal 'bar ma// mthing nag 'bar pa'i ral pa can/ /rin chen mkha' 'gro dpal 'bar ma/ /ser nag 'bar ba'i ral pa can/ /pad+ma mkha' 'gro dpal 'bar ma/ /dmar nag 'bar ba'i ral pa can/ /las kyi mkha' 'gro dpal 'bar ma/ /ljang nag 'bar ba'i ral pa can/ /stong pa bzhi yi rang bzhin can/ /sprul pa'i sku yi tshul ston pa/ /phyag na cang te kha TwAM bsnams/ /mkha' 'gro rnams la phyag 'tshal lo/ /zhes pas bstod la sngags bzhis gnyis su med par bstim mo/ /dbang yang snga ma bzhin du blang ba ste/ gong du bstan pa 'dir mi bshad do/ /des gtor ma dang bstod pa thun gyi don du byas te/ bzlas pa bya ba ni/ rin po che'i pho brang du sems pa sum brtsegs gsal bar byas te/ grangs kyis bsnyen pa bskyel zhes pa ste/ mtshan ma dang dus kyang yongs su shes shing gzung ngo/ / thun gyi rnal 'byor gyis spyod pa'i skabs su lam gyi sems bskyed kyang bsgom zhing bzlas so/ /swAhA hUM phaT ces brjod cing yongs su smin par bya'o/ /smon lam dge rtsa bsngo legs pas tshe 'di la nang dang sdug bsngal byang ste/ thun mong thun gyi dngos grub 'byung zhes bla ma rnams gsung ngo/ /de ni ya mtshan sna tshogs ldan zhes pa'o/ /las rnams grub la the tshom med/ /zhi rgyas dbang dang drag po ste/ /bsad rmongs sna tshogs nges par 'grub/ /de nyid nges 'grub gdon mi za/ /zhes pa la gong du bstan pa

  211. 106a

    bzhin bsgrubs na/ las sna tshogs zhi ba dang rgyas pa 'grub par the tshom mi za ste/ rtsa ba na gsal bas ma bris so/ /des na dkyil 'khor de la gtso bo'i dbang du byas te/ lha gcig dang/ gnyis dang/ gsum du sgrub pa dang/ lha bcu dang/ bco brgyad nyi shu rtsa gnyis dang/ rtsa drug sum cu lnga'i dkyil 'khor lnga dang ni/ /mkha' 'gro bzhi'i dkyil 'khor dang drug tu 'gyur/ rang dang gzhan gyi dkyil 'khor du bla ma mkhas pa rnams kyis bstan to/ /de dag bstan pa kun la yang/ /tshogs bsag bsrung dang lha bskyed pa/ /cho ga'i sbyor ba mkhas par bya/ /zhes pa ste/ bla ma'i man ngag la rag las pa'o/ /yang shi ba la phan gdags pa'i phyir/ phyag rgya gsang sngags gsungs te/ rgyas par ro bsreg cho ga nas shes par bya'o/ /'dir dang por ro la khrus bya bgegs bskrad/ gos dang rgyan bzang po btags nas/ rgyun 'chags dang sdom pa gzung ba yang gnyen 'dun nam pha mas bya ste/ rol bsrung ba dang bsnyen pa bye ste/ phyi rol du sa chog rgyas bsdus gang rung bya ste/ dkyil 'khor gru bzhi mdza' yas par bya ste/ thig gi cho gas thig gdab ste/ dbus dang tshangs thig btab la thig chen dang cha chen dang cha phran dang/ tshig phran la sogs btab la/ /sa tshon byin gyis brlabs la/ /dkyil 'khor sgo gnyis brtsegs pa rgyan dang bcas pa bri zhes pa'o/ /lung las shi ba la phan gdags don chen du/ /sa chog rdzogs pa'i dkyil 'khor brtsam/ /sgo gnyis rdzogs nas rgyan rnams mdzes/ /mchod dang gtor ma yongs su btang zhes gsungs so/ /de nas mchod pa'i yo byad gtor ma cha gnyis la sogs pa rdzogs la/ dkyil 'khor dbus su thab brtsigs la/ /ro shing rta'i 'khor lo spyan drangs te/ rnga dang dung pi waM chen po dang bcas pas seng ge dang rol mos sna drangs te/ dbang gi bum pas khrus byed cing/ bcom ldan rdo rje gos sngon can/ /sku gsung thugs kyi byin

  212. 106b

    brlabs kyis/ /shi la phan gdags don ched du/ /dbang bskur byin brlabs mdzad du gsol/ /oM sarba ta thA ga ta nI lA ba ra shud d+ha(rgyud 'grel): shud d+ho haM zhes brjod do/ /bsreg khang la bskor ba byas te ro bsreg khang du bzhag la/ rang sems bskyed pa dang sdom pa gzung ba dang lhag pa'i ting nge 'dzin bsgoms la/ bde bar gshegs pa spyan drang ba dang/ bzhugs su gsol ba yan chod bya ste/ rdul tshon gyi steng gi nam mkha' la mchod pa dang/ phyag 'tshal ba dang rin po che sna bdun dang rdo rje lha mo mchod pa dang/ bstod pa la sogs pa yang yongs su rdzogs par byas la/ gtsang gtor dang 'byung po thams cad pa'i gtor ma byin gyis brlab pa dang mgron bskyed pa dang/ gtor ma dbul ba la sogs pa'o/ /tshangs pa chen po mi mjed kyi bdag po gzugs khams lha tshogs zhes bya ba la sogs pa'i tshig bcad yang phyi rgyud bzhin brjod par bya'o/ /de bzhin du gtor ma gnyis pa yang dga' ba'i tshal dang/ lha rnams dang/ spyan drang ba dang/ byin gyis brlab pa dang bstod pa dang sngag kyis dbul ba la sogs pa bya'o/ /gtor ma phul te/ ngan song yongs su sbyong ba'i sngags dang/ ye shes pa'i 'od zer gyis gshin gyi las sbyang ba la sogs pa bya zhes so/ /tha mar gshin dang yongs su 'brel ba'i smon lam btab la dus bu tsha tshar yongs su gdab par bya zhes 'brel to/ /de ni byin rlabs mtshan sna tshogs dang/ de nyid nges 'grub gdon mi za zhes bya'o/ /yang phyag rgya gsang sngags thugs sbyor la zhes pa la/ gsang ba'i dbang dang gsum pa dang bzhi pa dang/ rtsa rlung thig le dang/ byang chub sems dang rim pa lnga la sogs pa yang sbyar bar shes par bya'o/ /rang gzhan 'phags dang bla ma dang/ /shin tu bla ma dam pa la mchod na/ /dngos grub myur du 'byung zhes pa la/ /rang ngam gzhan gyis 'phags pa ste/ /dkon mchog gsum mam/ rang gi lhag pa'i dngos sam yid kyis mchod ces pa'o/ /bla ma'i sde snod gsum ston pa'i bla ste/ byin gyis

  213. 107a

    rlob pa dang 'dren pa yang yongs su gsung ngo/ /shin tu bla ma dam pa ni gsang ba bla na med pa'i slob dpon te/ de la dngos sam yid kyis mchod na/ 'dod pa'i don myur zhes pa'o/ /tshigs gsum gyis ni bskyed pa'i skabs su/ /tshogs pa'i cho ga bstan to/ /gal te gzhan la phan 'dogs na/ sku de sna tshogs sku ru snang/ /snang ba sgyu ma'i sku yin te/ zhes pa la/ gzhan la phan 'dogs pa'i ni spal sku'o/ /sku de sna tshogs sku ru snang/ /zhes pa la gang dang gang 'dul ba de dang de ru snang ste/ des de'i don byed ces pa'i don to/ /lha'i dkyil 'khor du snang ba yod pa ma yin te/ sgyu ma 'am rmi lam du snang gis don dam pa la med ces bya'o/ /'o na sgo med na snang bar mi rigs so snyam na/ gdug pa 'dul phyir rags pa'i sku ston to/ /sna tshogs de nyid bsam bral bas/ /dngos gzhi thar par yang dag gcig ces pa la/ sna tshogs dngos po'i don to/ /bsam pa ni shes pa'o/ /ngo bo ni sna tshogs par snang ba'o/ /de yang lung las chu rdul 'ja' snang ba bzhin/ /sems nyid dngos po yul du snang zhes pa'o/ /'o na sems nyid dngos por bden naM snyaM pa la shes pa stang? yang shes par ma bden te/ rigs pas brtags na snang ba nyid/ /dngos po stong pa nyid ces gsungs so/ /stong pa yang bde ba dang snang ba'o/ /snang ba yang bde stong de bzhin nyid/ /thar par yang dag gcig ni bden pa gnyis las 'das te dngos po la bden pa gnyis po yang ma bstan ces bya'o/ /gnyis sam gcig tu yang ma grub pa ste gnyis med bsam bral dngos gyi don zhes gsungs so/ /des na sna tshogs sems kyi cho 'phrul te/ sems las ma rtogs chos gzhan med/ /chos su snang ba 'khrul pa'i sems/ /sems nyid de yang skye med phyir/ /yod med mdza' las 'das pa'o/ /bsam du med de brjod du med/ /ming med tshig med yi ge med ces gsungs so/ /le'u gnyis pa ni grangs kyi gnyis pa'o/ /lag na rdo rje rtsa ba'i rgyud

  214. 107b

    las/ le'u gnyis pa'i bshad pa'o// //de ltar le'u gnyis par bdag don dang gzhan don bstan yang/ gos sngon po can gyi rtsa ba'i sngags dang/ mdza' sgyur ma shes na/ grub par mi 'gyur bas/ de'i phyir de la de bstan to/ /de nas yang 'khor gyi nang nas khro bo khams gsum rnam par rgyal ba langs nas/ bla gos phrag pa g.yas su sbyang nas 'di skad gsol zhes sbyar ro/ /yang gsungs pa gong/ gzhan yang gsang sngags sbyor ba yis/ /da ha sreg sogs gsang sngags kyi/ /thogs med las rnams 'grub pa yin/ zhes pa la/ gzhan yang gsang sngags sbyor ba ni/ /zhes pa la/ zhi gnas dang ting nge 'dzin gyi las ma yin te/ rtsa sngags dang las 'grub pa dang/ sham bu sngags bstan to/ /da ha zhes pas sngags sngon du bstan to sreg par byed pa rtsa ba'i sngags dang/ da ha da ha pa tsa zhes gsungs so/ /thogs med las rnams 'grub pa ni/ /lha'i nga rgyal dang ldan pa la sngags bzlas na/ gang la bya ba 'grub ste/ dper na gnam las lce 'bab pa bzhin no/ /gnyis kyi 'og ma gsum par brgyan/ /de la gnyis kyi gong ldan pas/ /zung rab zung ming dang ldan pa/ /yang ming skul dang bsam gtan ni/ /lcags kyu sbyor bas rab tu bya/ zhes pa la/ gnyis kyi 'og ma ni shes rab kyi yi ge gnyis pa'o/ /gsum pa thabs kyi yi ge ring po gsum pa'o/ /rgyan ni drug pa gnyis pa'o/ /de la gnyis kyi gong ldan pa ni/ /thabs kyi yi ge zad pa'o/ /gong ma ste ha'o ldan pa ni thabs kyis gsum pa'i mdza' o/ /grih+Na grih+Na ste zung rab tu zung ba'o/ /yang ming che ge mo zhes bya ba'o/ /bsam gtan ni lcags kyu thogs pa'i khro bo rnams so/ /rang gi lag pas lcags kyu'i phyag rgya bca' zhes pa'o/ /sngags ni dngos su bsam te/ lha'i nga rgyal dang ldan bas/ gong gi sngags bzlas pas

  215. 108a

    'gugs pa thogs pa med pa zhes pa'o/ /mjug rdzogs gong dang gsum pa'i mdza' / /lan gnyis gong bzhin brdeg sngags shes/ /zhes pa mjug rdzogs sh+ka gsum pa thabs kyi yi ge kho na'o/ /gong ni ha'o gnyis gong bzhin ni ha na ha na zhes brjod pas/ rang dang 'brel pa'i sngags brjod pas ral gri dang mtshon thogs pa'i khro bo rnams kyis gnad sar mtshon rgyob cig pa'o/ /gsum pa'i dang po'i gnyis pa dang/ /gong gi drug pa'i thabs yig ldan/ /lan gnyis gong bzhin rtogs byed sngags/ /zhes pa la/ gsum pa'i dang po ni phag yig ta'o/ /gnyis pa ni tha'o/ /gong gi drug pa ni pho yig ya'o/ /lan gnyis gong bzhin brdeg sngags shes ni/ tho ba dang/ thog dang/ rdo rje rnams kyis brdungs rab tu brdungs shig pa'o/ /gnyis dang lnga pa'i dang po la drag po'i dga' ba'i sa bon ldan/ /lan gnyis lan 'gyur las 'grub pa gong ma bzhin du mchod byed do zhes pa la/ gnyis pa ni thabs kyi ste/ gtso bo dang po ste gong bzhin du shes par bya'o/ /lnga pa'i dang po'o/ /drag po dga' ba ni ha'o/ /lan gnyis ni pa tsa ha zhes pa spun gnyis so/ /las grub pa ni gang byas pa ste grub pa'o/ /chod byed ni mtshon dang tho bas tshogs shin tu tshogs la bsregs shig pa'o/ /le'u gsum pa ni grangs kyi gsum pa'o/ /lag na rdo rje rtsa ba'i rgyud las le'u gsum pa'i rgya cher bshad pa'o// //de ltar sngags btu ba bshad kyang rtsa ba'i sngags dang sham bu ma bstan na gang la bya ba mi 'grub pas/ de la de bstan to/ /de nas 'phags pa lag na rdo rje gos sngon po can sna tshogs mngon par bsgrub pa'i ting nge 'dzin la snyoms par zhugs nas/ de skad gsungs so zhes pa la/ 'phags pa lag na rdo rje ni sprul sku gzhan las bya ba khyad par 'phags pa ste/ de ni lag na rdo rje ste/ nyon mongs pa dang shes bya dang 'og ma

  216. 108b

    rnams las/ lag na rdo rje 'phags ces pa'o/ /sna tshogs sngon po'i sku gsum sna tshogs pa'i ting nge 'dzin la snyoms par zhugs pa ni/ las kun 'grub pa sngags 'di gsungs so/ /sngags 'di sngon du bas te 'phags pa lag na rdo rje bsgrub pa'i sngags 'di rgyun tu bzlas ces pa'o/ /rgyun tu rtsa ba'i gsang sngags bzlas/ /gdon dang sdug bsngal thams cad las/ /thar bar 'gyur ba gdon mi za zhes gsungs so/ /gang zhig 'di 'dzin rnal 'byor de/ /nyes pa kun las rab tu thar/ /legs pa'i yon tan thams cad thob ces pa la/ gang zhig 'di 'dzin pa ni sgrub pa po/ /rigs kyi bu 'am bu mo gang la las sngags 'di 'dzin na/ de rnal 'byor te stong pa'i don dang ldan zhes pa'o/ /nyes pa ni ngan 'gro dang/ sdug bsngal gsum mam brgyad dang nad de las thar ba'o/ /legs pa'i yon tan ni sangs rgyas kyi yon tan ni sangs rgyas kyi yon tan thams cad thob ces pa'o/ /'bras bu yang dag mngon par 'grub/ /sngags 'di gang yin ming yin te/ /gdul bya'i mdza' dang ldan pa la/ /tha ma las sngags mdza' dang ldan zhes pa la/ /'bras bu yang dag mngon par 'grub pa ni/ /mchog gi yon tan dang thun mong 'grub ces pa'o/ /sngags 'di gang yin ming yin ni/ /don dam pa'i ming yin te/ /kun rdzob tu phyag na rdo rje'o/ /gdul bya'i mdza' ni che ge mo zhes pa dang/ phrin las bzhi'i sngags 'brel pas/ rtsa sngags bsdongs pa de 'grub zhes pa'i don to/ /le'u bzhi pa ni grangs kyi bzhi pa'o/ /lag na rdo rje rtsa ba'i rgyud las le'u bzhi pa'i rgya cher bshad pa'o// //rtsa ba'i sngags dang sham bu bstan kyang/ klu'i nad dbyung pa'i gnyen po ma bstan na 'grub par mi 'gyur bas/ de las bstan to/ /de nas 'phags pa lag na rdo rje gos sngon po can 'od zer mngon par 'grub pa'i ting nge 'dzin la snyoms par zhugs te/ 'di skad gsungs so zhes bya ba la/ 'phags pa ni gong du bstan pas 'dir mi bshad do/

  217. 109a

    de la khams gsum rnam par rgyal bas zhus te/ de nas ston pas 'od zer ni 'byung ba lnga'i 'od zer nus pa dang ldan pa de la snyoms par zhugs te/ klu'i nad 'byung ba'i chos 'di gsungs zhes sbyar bar bya'o/ /'byung bzhi sangs rgyas rab bsgom na/ /so so las kyi sgom pa ni/ /me brgyad rlung gnyis ldan par bsam/ /chu brgyad dngos po de yin te/ de bzhin sa brgyad hUM 'bras ldan zhes bya ba la/ 'byung ba bzhi'i sangs rgyas ni chu'i lha rdo rje gos can la sogs pa'o// so so las 'byung ba'i sgra 'thab pa dang/ lugs bzhin gso ba'o/ /sngags kyang raM dang baM dang laM dang yaM zhes rang rang gi gnyen po gnas brgyad du yig 'bru bsgoms te rang gi sngags bzlas ces pa dang 'brel to/ /'byung bzhi ni las tha dad snang ba mdza' yas kyi dbang du byas te gnas/ rkang mthil gnyis dpyi mig gnyis lag pa gnyis 'doms dang mgrin pa brgyad du/ raM las 'byung ba'i gru gsum dmar ser brgyad bsgoms nas/ nad sel ba dang/ yaM las rlung brgyad kyis 'thor ba dang/ baM las chu brgyad kyis 'khru ba dang/ lam brgyad dang sa gzhi ser po brgyad kyis brtan par bya ste/ rin chen 'byung ldan brgyad bsams te brtan pa'i don to/ /de bzhin du 'byung ba gzhan la yang de ltar snang zhes gsungs so/ /lugs gcig la 'byung ba bzhi'i rang bzhin nus pa sgrib pa la bstim pa ston to/ /'byung ba so so'i lhas rang bzhin gyi nus pa bskyed par ston to/ /de yang yum lcang lo can bdud rtsi bum pa thogs pa yis/ /'od 'phros stong gsum ma lus tshe/ phyi nang dgugs dang bstan pa ni/ /yi ge gsum gyi las su gsungs/ /de nas oM A(rgyud 'grel): hUM badzra A yu(rgyud 'grel): Shiny+tsa hUM zhes gsungs so/ /rlung brgyad ma gnyis ldan pa ni/ /me gnyis rang dang khyad par kyi me lte las dang bag chags sang? par byed pa'i don to//

  218. 109b

    rlung yang steng dang 'og gi des ni me'i sngags gsum sres te/ bzlas pas 'grub ste khyad par du mdze nang ngo/ /me gnyis po yang zab pa'i phyir bla ma'i man ngag la rag las pas 'dir ma bris so/ /'bras bu rigs kyi gnod sbyin gtso/ /grub pa'i sngags bzhi mngon par 'grub ces pa la/ 'bras bu rim gyis ni 'byung ba bzhis nang byad nas/ thig le baM gyis bkrus te/ yi ge las rang lhag pa'i lha ru bskyed gnas brgyad du rin chen 'byung ldan bsgom zhes pa'o/ /'grub pa'i sngags bzhi ni/ raM la sogs pa'o/ / des 'grub pa yin pa'i phyir ro/ /e dang sau mdza' ldan pas/ /me lha gong mas mngon par 'grub/ /rgyun tu rtsa ba'i gsang sngags bzlas/ /ces pa la/ e dang ni gong du bstan pa de la ngo mtshar ba'i tshig go /so so'i mdza' ni 'byung ba bzhi'i sngags so// me lhas gong ma 'grub ni chu'i lha la sogs pa yang de bzhin du 'grub ces bstan to/ /rgyun tu rtsa ba'i sngags bzlas zhes pa la/ rgyun tu de nyid ma grub kyi bar du bzlas pa ste/ las sngags ni las kyi skabs su'o/ /le'u lnga pa ni grangs kyi lnga pa'o/ /lag na rdo rje gos sngon po can gyi rtsa ba'i rgyud las/ /le'u lnga pa'i rgya cher bshad pa ste/ le'u lnga pa'o// //'byung ba bzhi'i gso ba bstan kyang klu'i nad la phrin las bzhi'i sbyin sreg ma bstan na 'grub par mi 'gyur pas de la de bstan to/ /de nas 'phags pa lag na rdo rje gos spon po can gyis las bcu mngon par 'grub pa'i ting nge 'dzin la snyoms par zhugs nas/ las bcu'i sbyin sreg 'di gsungs so/ /'phags pa ni gong du bstan to/ /las bcu ni phrin las bzhi dang 'brel zhing/ bskrad pa dang/ dmigs par bya zhing mnan pa dang/ myos shing dgug pa dang/ mi snang zhing rkang mgyogs dang/ don thams cad 'grub pa dang bsrung ba'o/ /ting nge 'dzin de la snyoms par zhugs zhes bya'o/ /phrin las de la snyoms par zhugs pa'o/ /las bcu'i sbyin

  219. 110a

    sreg 'di kho na gsungs zhes bya'o/ /zhi ba la shAn tiM ku ru ste zhes pa nas thab khung 'dab brgyad dbyibs yin te/ zhes pa la rtsa ba na gsal bas ma bris so/ /bi d+hAM sa ya ni dbye ba'o/ /u tsa ta na ni bskrad pa'o/ /moha yas rmongs pa'i gsungs so/ /stam+b+ha yan mnan pa'o/ /ud ma na thun mong gi dngos grub po/ /a kar Sha ya dgug pa'o/ /kha shing khar rar mi mngon zhing 'gugs su gzhug pa'o/ /rShag? bsrung ba'o/ /mo ha ya don 'grub pa'o/ /de la las kyi man ngag ni/ thab zlum po dang dkar po dang ser po dang/ gru bzhi dang/ dbang zla gam dang/ drag po gru gsum dang/ b+ha ga 'am pad+ma lta bu la bya zhes gsungs pa'i phyir thab ni lnga ru shes par bya'o/ /ba ga ga na mi tra ma he tro kro da mi tha zhes pa'i me lha la/ rang rang gi sngon du bya pa'i rim pa dang/ thab khungs so so'i gzhal yas khang du/ me lha so sor bskyed de mchod cing sreg rdzas phul zhing/ shAn+ting ku ru zhes sngags la sogs bzlas pas/ don so sor 'grub par bstan to/ /tsan dan gyi shing dang mi tha zhes pa yongs su 'brel te/ rug pa dang pho rog sha dang rnga mo'i sha dang yang na rmu chur shi ba'i sha dang phye ma gsum gyi thun no/ /bya rgod sha skra dang glag gi sha dang srin bya'i sha 'am/ tsan dan mchod cing yongs su bsngags la u shad sha yongs su bsregs pa'o/ /de yang lung las/ thab khung gzhal yas so so ru/ so sor me lha spyan drangs te/ /gnyis med bsdim dang mchod bya ste/ /'phags pa gos sngon bskyed bya ste/ /so so'i me lhas dbu rgyan bya/ /mchod cing bstod na las rnams 'grub/ /ces pa'o/ /de bzhin du spyan drang pa dang mchod pa dang 'dod pa/ gsol ba btab pas gang la bya ba'i don 'grub par bstan to/ /le'u drug pa ni grangs kyi drug pa'o// //lag na rdo rje gos sngon po can gyi rtsa ba'i rgyud las/ le'u drug pa'i bshad pa'o// //des le'u drug par sbyin sreg gi cho ga

  220. 110b

    bstan yang/ rme bral dang dbang bskur ba ma bstan na 'grub par mi 'gyur bas/ de la 'di skad bstan to/ /de nas dpal ldan gos sngon can/ /gdul bar dka' ba 'dul ba'i mchog /gsang pa'i bdag po gos sngon can/ /zhes bya ba la/ de nas ni le'u drug pa bshad pa'i rting de nas so/ /dpal ldan ni rgyud ye shes las byung ba'i bdag dang gzhan gyi dpal ste/ lha mo rdo rje ting 'dzin pa ni/ stong pa dang ni snying rje'o/ /gdul bar dka' ba'i gnod sbyin dang/ /klu ste gdug ba can no/ /'dul ba ni lag na rdo rje sde/ ri rab rtse la 'dul ba yin te/ sngar bshad? pas so/ /gsang ba'i bdag po ni sku gsung thugs kyi bdag po ste/ de ni sdud pa po yin par bstan to/ /drag po chen po rab 'bar ba'i ting nge 'dzin la snyoms par zhugs nas/ 'khor gyi klu tshogs dbang du sdud tshe zhes bya ba la/ drag po ni sku gsung thugs drag por ston pas de'i ting nge 'dzin la snyoms par zhugs te/ lmkha' lding rgyal pos sprul pa bkye nas rgya mtsho chen por gshegs te/ rigs bzhi'i klu dbang du bsdus zhes pa'o/ /nyen nas bzlog pa'i cho gar gsungs/ /gnas khang rim pa gsum dag la/ /phyi rol rme sreg bral bar bya/ /nyen rnams ni klu dang 'byung pos zin pa/ sdug bsngal gyis nyen pa rnams so/ /gnas khang rim pa gsum ni khang pa rim pa gsum pa la/ sgo shar dang nub dang lho ru 'dod do// phyi rol rme sreg ni khang pa phyi rol pa bya ba bstan to/ /gru gsum nag po'i 'brub khung du tsan dug shing bsre byas te/ mi nag phyi tha rnams kyis mes spar te/ lha dang me lha gnyis med gcig tu bskyed/ /ye shes bstim dang byin rlabs bsdu ba byas/ lha dang me gnyis gnyis med gsal byas la/ /nang pa'i steng dang 'og tu me bsam zhing/ /gnas brgyad me des bgegs kyi nus mthu rnams/ /sreg cing sna bug yongs bkab la/ /slob dpon bya khyung gi ting nge 'dzin dang ldan pas/ /mchod ba dang sreg rdzas phul

  221. 111a

    zhing/ klu gzir ba'i drag sngags bzlas shing/ gu gul dang mi tshil la sogs pa'i dud pas bdug cing des bgegs rme bar bya zhing bral na 'bros pa'o/ /bar khang der nad pa la phyi bdud dang bdud rtsi'i ngo bos khrus bya'o/ /nang gi khrus stong pa nyid bsgom mo/ /der slob dpon la yon gyis mnyes par bya'o/ /nang du bum pa'i dbang bskur la nyen rnams bzlog pa'i the tshom med ces pa la/ dang po bsnyen pa bskyal ste/ dus grangs mtshan ma'i bsnyen pa'o/ /yang na gong du bsnyen pa song bas/ bsnyen sbyor bsgom par bya zhes so/ /sa dang sta gon dang/ dkyil 'khor sgrub pa dang/ slob ma gzhug pa'i cho ga phyi nang 'jug pa'i yongs su dag par bya ste/ dbang bteg khri la bzhag la/ rigs dang rang rig shes pa dang/ spyi dang nyon mongs 'khrud par byed/ /bdag po la sogs dbang gis su/ /rgyud dag 'bras bu thob par byed ces gsungs so/ /de nas slar bshad pa/ oM sarba ta thA ga ta nI lAM ba ra ya a b+hi Shiny+tsa hUM/ zhes pas me tog sngon po dang 'brel to/ /oM sarba ta thA ga ta nI lAM ba ra d+ha ra badzra A dar sha a b+hi Shiny+tsa hUM zhes pas chu'i dbang dang 'brel te zhe sdang rnam par dag pa'o/ /oM sarba ta thA ga ta ratna badzra a b+hi Shiny+tsa hUM/ zhes pas dbu rgyan dang 'brel pas nga rgyal rnam par dag pa'o/ /oM sarba ta thA ga ta sa ma tA a b+hi Shiny+tsa hUM/ zhes pas rdo rje dang 'brel pas 'dod chags rnam par dag pa'o/ /oM sarba ta thA ga ta pra tya bek+Sha Na a b+hi Shiny+tsa hUM/ zhes pas dril bu dang 'brel pas phrag dog sel ba'o/ /oM sarba ta thA ga ta kri trA nu Sh+ThA na a b+hi Shiny+tsa hUM/ zhes pa gti mug rnam par dag ste/ ye shes la dbang ba'o/ /de nas dus gsum sangs rgyas kyis dbang bskur zhing/ oM sarba ta thA ga ta a b+hi She ka a b+hi Shiny+tsa hUM hUM hUM zhes brjod do/ /de nas las tha dad pa dang dbang yang bskur te/ gsang ba'i dbang yang bskur te/ thig le dkar dmar lce la bzhag ste/ gu hya a b+hi Shiny+tsa

  222. 111b

    hUM hUM hUM zhes brjod do/ /de nas slob dpon gyis lha bsgoms shig pa dang sngags la sogs pa'i gnang ba sbyin pa'o/ /de yang dbang bskur ba'i rgyud nas/ nyan cing sgrub pa la sogs pa/ /dbang bskur gnang bar ma byas na/ /'bras bu med cing brlag par 'gyur/ /des na dbang bskur rab tu ces/ zhes gsungs so/ /de ltar byas pas sdug bsngal nang dang ngan 'gro las bzlog /ces gsungs so/ /kye ho/ nyen rnams 'dul ba'i mchog /e ma sngags chen drag po che/ /e ma ma rungs 'jigs pa can/ /zhes pa la/ dbang bskur bstod pa bstan pa yin te/ dbang gi lha dang rtsa sngags 'brel par bzlas pa la ngo mtshar bstod pa'o/ /e ma sngags chen dbang dang 'brel pa'i klu yi drag sngags so/ /e ma ma rungs 'jigs pa can ni klu yi gdon dbang dang/ las sbyor gyis 'joms pa'o/ /e ma yang gsang rnal 'byor che/ /phyag na rdo rje khyod phyag 'tshal/ /phyogs bral khro bo khyod phyag 'tshal/ zhes pa la/ e ma yang gsang ni smra bcad pa'i ngo bo rdo rje shub bu bzlas pa gsang ba'i don bye ba phrag gnyis su bzlas pas/ rnal 'byor lha dang 'brel pas rnal 'byor des bzlas zhes pa'o/ /gong gi yon tan bstan pa'o khyod yin pas khyod la bstod/ /phyogs bral ni gdul bya ma lus pa dang/ ye shes ma lus mnga' ba khyod la bstod/ /ces gsungs so/ /le'u bdun ni grangs kyi bdun pa'o/ /lag na rdo rje rtsa rgyud las/ le'u bdun pa'i rnam par bshad pa'o// //gdon bral ba dang dbang bskur ba bstan kyang/ gtor ma'i las med na 'grub par mi 'gyur bas de'i phyir de la de bstan to/ /yang 'khor gyi nang nas khams gsum rnam par rgyal ba stan las langs nas/ 'di skad zhus pa'i tshig le'u kun la sbyar ro/ /lan gsungs pas de skad gsungs nas/ 'khor thams cad dga' ba'i rjes la 'di skad gsungs so/ /zhes pa la/ de skad gsungs pa la gang gi tshig go /'khor 'ga' min dbang dang rme 'brel lo/ /'di skad gsungs ni 'og ma'i tshig rnams so/ /des de rnams

  223. 112a

    gsungs par bstan to/ /thams cad ldan pa'i gtor ma la zhes pas/ phyi nang gnyis kyis gtor ma ste/ de yang phyi'i gtor ma la/ gtsang gtor dang bgegs gtor gnyis te dang po ni/ dkar gsum mngar gsum 'bras zan dang/ ldan pa'i gtor ma sbyin par bya zhes gsungs pa la/ pad+ma dkar po sdong po'i steng du/ oM swa swAhA hUM dza(rgyud 'grel): o in+d+ra ye hUM dza(rgyud 'grel): ag na ye hUM dza(rgyud 'grel): ne ru da ya hUM dza(rgyud 'grel): ya ma ye hUM dza(rgyud 'grel): nai ri ta ye hUM dza(rgyud 'grel): ba ru Na ye hUM dza(rgyud 'grel): bA ya be ye hUM dza(rgyud 'grel): ku be ra ye hUM dza(rgyud 'grel): a'i sha na ye hUM dza(rgyud 'grel): he ta a d+hi pa ta ye hUM dza(rgyud 'grel): sUrya tsan+d+ra ye hUM dza(rgyud 'grel): zhes pas spyan drangs te/ gtor ma phyi rgyud bzhin phul la/ gong du bstan pa'i sngags kyi sham bu yang hUM ba liM ta kha kha khA hi khA hi/ oM in+d+ra dza la ma dza la yak+Sha bud ti ba Ni ya ba yu yak+Sha tsan d+ha su tsa ma ta pa pa ta la ba ta la a ta sarba swAhA i daM pa liM b+huny+dza/ zhes pas kyang gtor ma dbul/ spyan drang bar bya ste/ stong gsum mi mjed 'jig rten zhes pa spyan drangs pa mchod pas mchod te/ tshangs pa chen po mi mjed bdag /gzugs khams lha tshogs thams cad dang// chos bzang lha yi 'dun sa na/ /rdo rje 'chang rgyal thar lam ston/ /brgya byin 'khor dang bcas pa rnams/ /ri rab steng na lha tshogs dang/ dbang po rdo rje 'chang ba zhes pa la sogs pa'i tshigs bcad yang bsgrags so/ /des mchod cing smon lam bsgrags par bya'o/ /sha chang dang ldan pa'i gtor ma la oM a ni pre du dza/ zhes pa lcags kyu dang bcas pas spyan drangs la/ gtor ma gong bzhin yang mchod pa/ /lha dang lha min gnod sbyin lto 'phye grul/ /nam mkha' lding dang 'dab bzangs lus srul po/ /gang dag sa la gnas pa'i rdzu 'phrul can/ /bu smad bcas zhing g.yog 'khor bcas pa rnams/ /gnas nas phan gdags phyir ni 'dir gshegs su shig /srid pa'i rtse nas dmyal ba'i gnas yan chad/ /rgyud drug skye 'gro ma lus thams cad kun/ /gnas nas phan gdags phyir ni

  224. 112b

    'dir gshegs shig /ces brjod do/ /mchod pas mchod de dga' ba'i tshal dang zhes pa dang/ 'di ltar phan bar byed pa la zhes brjod la/ gtor ma gnyis btang ste de ni ro sreg gam rab gnas sam/ dbang bskur dus su phyi mchod bgegs nye bar zhi ba'o/ /nang gtor ni thams cad ldan pa'i zer bas sha lnga bdud rtsi lnga/ /phyi'i yo byad dang 'brel pa'o/ /raM gis sbyangs nas yang gis bus khaM gis bkrus te dag pa la zhes pa la/ raM dmar po ka pA la dang gsang ba'i dam rdzas sreg pa'o/ /sregs pa'i thal ba yaM las rlung las gtor ba'o/ /baM gi chu rgyun gyi bkrus pa'o/ /yaM raM dbab pa'i sbyor ba bya/ /zhes pa la/ yaM las rlung raM las me a las ka pA la/ rlung gis bteg pa 'am/ sku gsung thugs kyi ngo bos bteg pa'o/ /nang du a las zla ba'i nang du bdud rtsi lnga nyi ma'i steng du sha lnga/ de steng gsang sngags rgyal po 'bru gsum/ rdo rje sngon po dang shes rab A li dang bcas pa'o/ /rlung bskyed me 'bar thabs shes rab zhu nas yig 'bru gsum pos sbyangs te/ e las 'od 'phros pa dang/ hUM gis bdag po 'od zer rtse la dza 'phros pas ye shes bdud rtsi dbab pa'o/ /oM a ral+li ho sa ma ya dza(rgyud 'grel): hUM baM ho(rgyud 'grel): zhes kyang brjod cing oM A(rgyud 'grel): hUM swAhA/ zhes brjod la gtor ma byin gyis brlab po/ /rigs drug sems can dza(rgyud 'grel): zhes pas bkug la ye shes lha tshogs kyi ngo bo byin gyis brlabs la ye shes kyi lha tshogs mang po yang spyan drangs la gnyis su med par bstim la bla ma yang mi bskyod par byin gyis brlabs la/ rang rang gi rtsa ba'i sngags la ba liM ta khA hi khA hi zhes lan bdun nam nyi shu rtsa gsum brjod la/ ma ma sarba sha truM hUM a muk ma hi ma tsa mo ta ba saM ma saM ba bu ga ru ti raM phra yaM bak+Sha ba liM i daM grih+Na khA hi khA hi rak+ta pi ba ho A(rgyud 'grel): hUM kra ma sa ma ye swAhA/ zhes lan gsum brjod/ oM a kA ros sems can thams cad la dbul/ de nas bsam gtan lha mos mchod pa dbul/ hUM gi 'od zer rtse la lha mo mang po byung nas mchod/ /ces pa'o/ /gtsang gtor ni gong

  225. 113a

    dang mthun pas 'di ru yang shes par bya'o/ /des na dbang bskur ba'i tan tra las/ gtor ma'i las rnams kun la yang/ /sngon bya med cing go rim bral/ /rdzas ma tshogs dang bsam gtan bral/ /'di yang bar chod spyod pa'o/ /zhes gsung pa'i phyir/ sngon 'gro lha bsgom pa dang/ phyi nang gi gtor ma'i rdzas ma 'dres par so sor tshad ba la byin gyis brlabs te bsngo ning smon lam btab las gtsang sar bskyal zhes pa'o/ nga ni khro po gos sngon can zhes pas dam tshig bsgrag pa ste dngos su bas/ a kA ro mu kha yang kun la sbyin pa ste gong du bstan to/ /le'u brgyad pa ni grangs kyi brgyad pa'o/ /lag na rdo rje rtsa ba'i rgyud las phyi nang gi gtor ma rgya cher bshad pa ste brgyad pa'o// //des phyi nang gi gtor ma btang yang sngags ma bstan na de la mos pa rnams kyis mi 'grub pas de la bstan to/ /de nas dpal ldan gos sngon can/ /gdul dka' 'dul ba'i bdag po des/ shes pa la de nas le'u brgyad pa song ba'i rting de nas/ dpal ni bsod nams dang ye shes kyi tshogs dpal te nyis te lha mo'o/ /gdul dka' gong du bstan to/ /bdag po ni sprul sku badzra pA Ni/ bsam gtan 'khor lo med pa la'o/ /sngags kyi nges par bshad par bya zhes pa la/ bsam gtan ni zhi gnas dang lhag mthong med ba la ste/ rnal 'byor de la mi mos pa'o/ /sngags kyi des pa'i dbye ba bshad pa'o/ /de la ta ta ya thA nas pa pi shu di d+ha zhes pa'i yig 'bru so gcig pas/ rtsa sngags bstan to/ /ta ta ya thA bud d+ha zhes pa nas/ nA ga tra ta sa ta na ya phaT zhes pas klu gzir ba'i rme bral gyi dus sam mnan cing bsad pa'i dus so/ /nI lAM ba sa na ya phaT/ ces pa nas/ ku shan ma dod sa ha ya phaT ces pas/ gshin rje'i gdon bzlog pa dang nor bsgrub pa dang sgo lcags dbye ba dang/ de'i las bstan to/ /pre ta zhes pa yi dags dang sha za bzlog par bstan to/ /yak+Sha zhes pas gnod sbyin bzlog par shes par bya'o/ /ha sa nas big sha ka ra ya phaT phaT

  226. 113b

    gyis 'byung po sbyir bsad pa ste/ kun la sbyar bar shes par bya'o/ /sarba sha truM ni dge 'dun gyi 'gro 'dul ba ste/ 'brub khung gru gsum pa du gsag shang gi rtse gnyis pas brdungs pa ste/ sngags kyang stod smad dang yang na gsum/ nI lAM ba ra dang sang ha ni yab yum gyi sngags so// de la bsnyen pa dang bsgrub pa las sbyar ro/ /gtubs te bzlas pa dang mi gtub pa dang/ bde bar gshegs pas gsungs te/ gang la bya ba de grub ces gsungs so/ /yang sngags rings kho na la oM tsan+d+ra mahA ro Sha Na hUM phaT/ zhes rtags ni klu gdon du gyur pa la bzlas par shes bar bya'o/ /rdo rje be tson nas phyod phyag 'tshal gyis bstod pa bstan to/ /ma bkral lo/ /le'u dgu pa ni grangs kyi dgu pa'o/ /lag na rdo rje rtsa ba'i rgyud rgya cher bshad pa las le'u dgu pa'i bshad pa'o// //klu ma khugs na bsad pa'i las mi 'grub pas dgug pa bstan to/ /de nas klu dbug pa'i sngags bstan to/ /rdo rje lcags kyu rlung gi sbyor bas 'grub par 'gyur ba de bzhin me yis kyang mi 'dul bar nus pa yin/ zhes pa la/ de nas ni le'u dgu pa song ba'i rting de nas bar tshig kyang mchod par klu ni klu ste zhe ring ba'o// rdo rje'i ting nge 'dzin ldan pas/ lag na rdo rje lcags kyu'i sngags 'og ma zlos zhing/ 'og tu rlung lha rnga mos bteg ste/ 'gugs pa'o/ /de bzhin me yis kyang 'dul bar nus pa yin/ de ltar nus phyir dgug ba'i sngags 'di bstan par bya zhes pa la/ me yis kyang 'dul shes pa la/ /gnod pa'i gnas su me'i sngags dang 'brel pas sreg ste/ de nas dgug par shes par bya'o/ /sngags ni che ge mo zhes pa dang 'brel to/ /dngos su bstan to/ /bsam gtan drag pos bzlas par bya/ bzlas pa 'di la rab 'bad bya/ /zhes bya ba/ bsam gtan drag po ni khro bo'i cha byad can te/ rngam pa 'jigs su rung ba'o/ /bzlas pa grih+Na zhes pa dang/ 'brel to/ /khro bo lcags kyu thogs pa mang pos khrid nas 'ongs par gsungs so/ /klu rigs du ma thams cad kun/ /'gugs 'gyur 'di la gzhan du min/ /zhes pa la/ klu rigs

  227. 114a

    du ma ni klu rigs bzhi'i klu dang gnyan dang sa bdag kyang yongs su gsung ngo/ /ting nge 'dzin dang sngags gong du bstan pa 'di/ ma yin pa gzhan gyis khugs pa ma yin par bstan to/ /ji srid khugs pa'i ting nge 'dzin gyis khugs par gyur pa'i klu rnams kun zhes pa la/ 'gugs pa'i ting nge 'dzin ni gong du gsungs pa'o/ /khugs par gyur pa ni gnas nas 'ongs pa'o/ /de la dam la ma btags pa'i klu la/ skyer pa'i bam po dang sbyin sreg byed par 'brel te/ thab skud pa la sogs pa bla ma'i gdams ngag las rag lus par bya'o/ /zangs gzhong nang du spyan drangs te zhes pa zangs gzhong du klu ba su lha rigs drug gzugs bag zan la byas la klu sman sna tshogs yang blugs la/ nyen pa'i sa zin pa'i gzugs la sbal pa la sogs pa bkod la/ lcags kyi skam pa ka ya tsas shing dag sor ni bcu gnyis pa/ yongs su bcad pa bya ba yin zer bas/ smyag shad kyi lcug ma sor bcu gnyis pa/ byis pa lo brgyad lon pas brdas te/ rma bya'i mdongs dang tshon skud kyis bcings la/ nyen pa rnams la byabs te/ sbal pa yang maN+Dal steng du yang phab la/ nyen dang ldan pa lhar bsgoms te bsrung ba bya zhes pa dang 'brel te/ de nas dam tshig bsre ba dang/ sman gyi mchog gi tshigs bcad dang bcas pas gso ste/ khro bo'i che ba brjod cing gnod pa ma byed par bsgo la/ gang gnod pa'i sar bskyal zhes bya'o/ /le'u bcu pa ni grangs bcu pa'o/ /lag na rdo rje rtsa ba'i rgyud rgya cher bshad pa'i 'grel pa las/ le'u bcu pa'i bshad pa'o// //dgug pa bstan kyang drag po kho na'i las ma bstan na tshar chod par mi 'gyur bas drag po'i las bstan to/ /de nas gzhan yang bshad bya ste/ /zhi ba'i las kyis mi 'dul ba'i/ /klu gzir drag sngags bstan par bya zhes pa la/ de nas gzhan yang bshad pa ni lugs pa'i rting la gzhan klu gnyan sa bdag

  228. 114b

    zhi bas mi nyan pa la/ klu gzir ba'i sngags dang phyag rgya dang rdzas dang ting nge 'dzin bstan to/ /dam la ma thogs pa la dang por zhi bas byas la de nas drag pos gdul zhes pa'o/ /oM badzra pA Ni zhes pa nas/ hUM phaT kyi bar gyi sngags gsungs so/ /de yang bdag gi ming dang 'brel pa las khro bo rnams kyis klu la rgyob mtshon cha rgyob ces pa'o/ /da ha ni sregs ro sregs zhes pa'o/ /non non nus pa'am/ stobs khro bo rnams kyis non/ /zhes pa dang/ shin tu non rnam par tshogs rnam par tshogs/ 'gul mi nus par rgyob rgyob ces bya'o// bsam gtan rdo rje thogs pa yis/ /gdul bya'i steng nas dbab par bya/ /'og tu me'i 'khor lo bsam zhes ba la/ bsam gtan ni rang rtsa ba'i dkyil 'khor gsal ba'o/ /khro bo rnams kyi sprul pa/ rdo rje dang tho ba thogs pa'o/ /gdul bya ni steng nas khro bo rnams kyis char 'bebs pa'o/ /'og tu me'i 'khor lo bsam zhes pa la/ gru gsum gdengs par dmyal ba'i sdug bsngal dang 'dra bar/ sa gzhi me 'bar ba na/ bsgrub bya'i lte ba nas kyang me 'bar te bsreg pa'o/ /me dpung chen po'i ting nge 'dzin gyis/ me 'bar klong chen dkyil du gzir zhes pa la/ me dpung ni dus mdza' i me bas che bas sreg par 'gyur/ gzir ba ni khro bo dang mtshon cha dang 'od zer ro/ /de yang bdag gi ting nge 'dzin rab gsal bas/ las kyi sa gzhi me 'bar ba'i steng nas mtshon cha'i char babs pas/ /de dang bral bas the tshom med ces gsungs so/ /yungs kar dang ni yungs nag gi skye tshe yis brdeg cing khro bo sprul pa spros ces pa na/ yungs kar la sogs pa'i yig 'bru khro bo mtshon cha thogs par spros te gzir ba ni khro bo rnams shes man ngag tu bstan te/ sngags gong ma dang 'brel/ khra spyang la sogs rtsa lnga'i gsob gdab cing khro bo sprul pa spro/ zhes pa la/ khra dang glag dang 'ug pa rgod bo dang/ pho rog bya can lnga'i thun gyis brab cing srog cog nan rbad lus rdul ma ra ya phaT/ zhes brjod ces/ bya khyung gi

  229. 115a

    sprul pa mang pos bsad cing gzir ba'o/ /gcan gzan sna tshogs mchu sder dang/ /mchu sder 'drad cing sprul pa spro/ zhes pa la/ stag dang seng+ge dred dang ni/ /byi la spyang khu'i sder mo brad cing khro po mang pos gcan gzan dang 'dra bas sha dang rus pa 'byed pa'o/ /myur du thar pa ni klu'i nang las myur du thar pa'o/ /bcu gcig pa ni grangs so/ /rgya cher bshad pa las le'u bcu gcig pa rdzogs so// //klu gzir pa bstan kyang mchod pa med na don mi 'grub pas mchod pa bstan to// de nas 'phags pa gos sngon can gyis/ nyid la nyid kyis mchod pa phul bas shes pa la/ 'phags pa gos sngon ni gong du bstan to/ /nyid la nyid kyis mchod pa phul ba ni/ 'khor gyis gtso bo mnyes pa dang/ gtso bos 'khor mnyes pa dang/ rang gis rang mnyes pa dang/ sems can tshogs rnams bsag pa'i phyir/ /nyid kyis mchod pa nyid la mchod pa la/ /'di yang mchod pa chen po ste/ /mi dmigs blo yis rab zin pas/ /bla med mchod pa zhes su grags/ /zhes lag na rdo rje rgyud phyi ma las gsungs so/ /hUM rdo rje bdug pa ma hUM zhes pa nas/ badzra A lo ke'i bar gyis phyi'i mchod pa bstan te/ de yang dang po spyan drang gdan dbul/ /phyi nang gi mchod pa mang po phul la mnyes par byas te sdig pa bshags shing dge rtsa bsngo/ zhes gsungs so/ /bcom ldan chos dbyings rang bzhin skyon bral ba/ /chos kyi dbyings las bskyod ba mi mnga' yang/ /bsgrub sogs sems can rnams la sman bya'i phyir/ /'gro mgon sprul pa'i tshul ston gshegs su gsol/ /dza(rgyud 'grel): hUM baM ho(rgyud 'grel): seng ge glang chen 'khor lo pad+ma nyi zla khri'i gdan/ /rab tu mdzes pa'i gdan mchog dri med dbyangs/ /mthu ldan rdo rje bsnams la legs 'bul lo/ /'gro mgon mi mchog gdan la bzhugs su gsol/ /me tog dam pa zhabs 'og 'dor/ /gdan gyi mchod pa'i rim pa'o/ /b+ha ga

  230. 115b

    rang bzhin gsang ba'i dkyil 'khor nas/ /thub pa rgyud rnams kun gyi sdud pa po/ /log 'dren bgegs kyi tshogs rnams 'joms mdzad pa/ /bcom ldan rdo rje bsnams la skyabs su mchi/ zhes pa tshig gi rten khyad par can 'tshal te/ bdug spos thogs pa'i lha mo ser mo dang/ me tog thogs pa'i dkar mo dang/ mar me thogs pa'i dmar mo dang/ /dri chab thogs pa'i ljang khu ste/ sngags ni dngos su rgyud du gsungs pas ma bris so/ /nang gi lasye mA le gI te ni tye/ gtso yang yongs su shes te gang gi nyams mchod cing ston pa'i phyir ro/ /nyi shu mchod pa dang/ bkra shis brgyad/ rin po che sna bdun la sogs pa yang phyi rgyud dang mthun par mchod do/ /ji srid thams cad mchod pa che/ /ji srid mchod pa bde ba che zhes bstan pa la/ /ji srid thams cad ni phyi rdzas ma lus pa ste/ bdug pa dang me tog dang/ mar me dang/ dri chab dang/ zhal zas la sogs pas mchod ces pa'o/ /ji srid bde ba che ba ni lha mo dkar dmar ser ljang khu mthing khas byang sems sha chen rak+ta dang/ ba la dri chen gyis su/ rang gi nyams bde ba bskyed ces gsungs so/ /ji srid mchod pa bla na med/ /ji srid mchod pa yang dag che/ /zhes pa la/ ji srid bla na med ni thabs shes rab zung du 'brel pa'i mchod pas mchod pa dang/ rgyas btab gnyis su med pa'o/ /ji srid yang dag ni mi dmigs pa'i mchod pa'o/ /des mchod pa'i gtso bo yang bstan to// de nas sdig pa bshags pa'i cho ga bya bar yang gsungs te/ sdig pa phyis mi byed pa'i phyir/ bla med dkon mchog gsum po dang/ /bcom ldan phyag na rdo rje dang/ /'khor bcas ma lus thams cad kun/ /bdag la dgongs nas gzigs su gsol/ /ji ltar dus gsum sangs rgyas kyi/ /yang dag byang chub nges mdzad pa'o/ /rnam gsum tshul khrims brlab pa dang/ /dge ba'i chos ni bsdu ba dang/ /sems can don byed tshul khrims gsum/ /bdag gis brtan par gzung bar bgyi/ /dkon mchog dam pa bla na med/ /deng nas

  231. 116a

    brtsams te gzung bar bgyi/ /rdo rje rigs mchog chen po yi/ /rdo rje dril bu phyag rgya yang/ /yang dag nyid du gzung bar bgyi/ /slob dpon dag kyang gzung bar bgyi/ /rig chen rigs mchog chen po yi/ /dam tshig yid du 'ong ba la/ /nyin re bzhin du lan drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa la/ /phyi nang gsang ba theg pa gsum/ /dam pa'i chos kyang so sor gzung/ /las kyi rigs mchog chen po la/ /sdom pa thams cad ldan par ni/ / yang dag nyid du gzung bar bgyi/ /bla na med pa'i byang chub sems/ /dam pa bdag gis bskyed par bgyi/ /sems can kun gyi don gyi phyir/ /sdom pa ma lus bdag gis gzung/ /ma bskral ba ni bdag gis bsgral/ /ma grol ba rnams bdag gis dgrol/ /dbugs ma phyung ba dbugs phyung bgyi/ /sems can dam pa'i don la dgod/ /dkyil 'khor me tog sngon por bcas/ /rdo rje bsnams la dbul bar bgyi/ /bdud rtsi rnam lnga'i gtor ma sogs/ /rnam pa kun tu bstan par bgyi/ /chang gis 'jig rten myos 'gyur te/ /chang gi myos 'gyur bdag gis spang bar bgyi/ /sems can ma lus don gyi phyir/ /snying rje chen po bdag gis bskyed/ /shes rab stong pa nyid rnams la/ /rnam pa kun tu smad mi bya/ /sems can bde ba yid mi dkrug /ces pa lan gsum gyis sdom pa gzung ste/ phyis mi byed par dam bca' ba'o/ /sdom pa blangs pa ni khrims las 'dug pa dang 'dra bar bstan te nyes pa yod pa'i phyir ro/ /de nas smon lam gsum gyi tshul du bsngo ba ni/ /byang chub sems dpa' rnams kyi lam mo/ /de ni dge ba'i phyogs gzhan yang yongs su gzung ngo/ /e ma'o ni dgyes pa dang ngo mtshar ba'o/ /le'u bcu gnyis pa ni grangs kyi bcu gnyis pa'o/ /lag na rdo rje rtsa pa'i rgyud las/ rgya cher bshad pa las le'u bcu gnyis pa'i bshad pa'o// //grogs spyod bstan kyang zhi

  232. 116b

    drag dang 'byung ba bzhis bstod pa ma bstan na 'grub par mi 'gyur bas de la de bstan to/ /de nas gzhan yang bshad bya ste/ bcom ldan gsang bdag gos sngon can/ zhes pa la/ de nas ni le'u bcu gnyis pa'i rting nge nas so/ /gzhan ni zhi drag gi klu 'dul ba'i bstod pa dang/ 'khor lo bzhis bstod pa bstan to/ /bcom ldan gsang bdag ni/ bdud bzhi 'joms shing ye shes lnga dang ldan pa'o/ /des ni sku gsung thugs kyi bdag por rdo rje rnams yin par bstan to/ /bsdu ba'i thabs kyi ting nge 'dzin 'khor ba'i klu rnams bsdu mdzad nas ces pa la/ bsdu ba'i thabs ni sngon ri rab kyi rtse la gnod sbyin dang klu'i rigs 'dul ba'i tshe klu'i gnod sbyin rnams bsdu ba mdzad ces bstan to/ /me'i 'khor lo snyoms nas gsang ba me'i sngags bzlas pas zhes pa la/ me'i snyoms zhugs ni/ bcom ldan 'das kyis me brgyad kyi 'khor lor snyoms par zhugs te/ klu rnams bskrad par bya ba'i don/ me'i rang bzhin me'i sngags bzlas pas/ klu rnams 'dul bar tshig 'og ma rnams dang 'brel to/ /klu rnams ma lus tsham par mdzad/ /bral nas dpag tshad gnas su bros/ /ces pa las/ bcom ldan 'das me'i ting nge 'dzin la snyoms par zhugs pa/ 'khor gyi klu rnams la 'dir gnas na me yis 'chi bas 'jigs pa 'byung bar 'gyur snyam pa'i 'jigs pa byed/ de nas bdag gi 'khor na mi gnas par 'bros te 'gro /bog ste 'gro ba ni dpag tshad dang rgyang grags su byed ba'o/ /slar 'dus bdud rtsi sman gyis so/ /las bcol so so'i gnas su dgod ces pa la/ slar zhi ba'i thugs rjes bsdus te ye shes bdud rtsis gsos te/ gnod pa ma byed par bka' bsgo nas/ rang rang gi gnas su bskyal zhes pa'o/ /de bzhin du klu'i gdon gyis nyen pa rnams la ni/ me'i ting nge 'dzin me brgyad kyi 'khor lo la gnas nas me'i sngags bzlas pas/ 'chi mod

  233. 117a

    snyam pa'i 'jigs pa 'byung zhing 'gro/ /dpag tshad du byed zhing 'gro zhes pa'o/ /gnod pa mi byed pa'am dam la thogs pa'i klu rnams la ni slar bdud rtsi sman gyis gso/ /de nas nad gso ba rnams kyi nang na ni me yis gso ba/ dge slong klu'i byang chub kyis gsungs pa bden pa'o/ /mi bslu ba'o/ /de nas 'khor rnams kyi nang nas khams gsum rnam par rgyal bstan las langs te/ 'byung ba bzhi'i bstod pa gsungs pa/ thal mo sbyor ba ni dngos te/ pus mo btsugs pa'o// me brgyad 'khor lo bdag nyid che/ /rtag tu me yi ting 'dzin la/ /snyoms zhugs khyod ni rgyal gyur cig /ces pa la gnas brgyad ka rkang mthil gnyis lag mthil gnyis spyi mig gnyis/ /gsang ba dang mgrin pa gnyis te brgyad nas ri las byung pa'i dmar ser brgyad gnas pa'o/ /des bsregs pas na 'chi ba'o/ /rtag tu ni de'i ting nge 'dzin la gnas na snyoms par zhugs nas rgyal zhing 'jigs pa ste/ lhan cig mi gnas pa'i 'gal ba bzhin no/ /bde ba'i rol mo me klong du/ /bsreg mdzad me brgyad khyod phyag 'tshal/ /rang bzhin mnga' bdag khyod phyag 'tshal/ /zhes pa las/ bde ba'i rol mo me klong ni ye shes kyi me dang ldan pas nyon mongs pa sreg pa'o/ /sreg pa ni nad dang nyon mongs pa'o/ /yang smin cing sel pas na me la phyag 'tshal lo/ /nges ni khyod las me 'da' bar ston to/ /rang bzhin nus pa de yod pas khyod phyag 'tshal zhes bya'o/ /chu yi dang la gnas 'dod na/ /chu brgyad ting 'dzin la gnas te/ /zhes pa la/ me dang 'dra ba'i nad dang nyon mongs pa zhi bar 'dod na/ chu brgyad ni gong gi gnas brgyad du baM dkar po las chu bsgoms pas nad sel/ de tshe 'khor gyis 'di skad bstod/ /chu brgyad 'khor lo bdag nyid che/ /rtag par chu yi dkyil 'khor can/ zhes pa la/ 'khor rnams ni rnam par rgyal ba la sogs pa'o/ /des nus pa'i chu dang 'dra ba'i sgo nas

  234. 117b

    bstod/ /chu brgyad 'khor lo ni gnas brgyad nas 'khrud pa'o/ /rtag tu 'khrud par byed pa'i nus pa yod pas/ chu'i dkyil 'khor can no/ /'byung ba'i gtso bo chu'i bdag /mnga' bdag gtso bo khyod phyag 'tshal zhes pa ni/ 'byung ba'i gtso bo chu yin te/ /de yang gtso bo gos sngon po yang 'dra zhes so/ /mnga' bdag gi gtso bo khyod rang bzhin nas nus pa de dang ldan pas khyod phyag 'tshal lo/ /rlung brgyad ting 'dzin la gnas pas/ 'thor zhing 'bud pa'i bdag nyid che/ zhes pa ni/ gnas brgyad du bsregs pa'i shul rlung brgyad kyis 'thob pa'o/ /gzhan de'i nus pa'i dug 'thor ba ste gong ma'o/ /'thor zhing 'bud pa'i ni rlung dang 'dra ba'i nus pas 'thor zhes pa'o/ /che ba ste spobs pa dang ldan pa'o/ /rlung chen drag po rtsal shugs can/ /rlung lha gos sngon khyod phyag 'tshal zhes pa la/ chen po ni ye shes kyi rlung ngo/ /drags po rtsal shugs ni thogs pa med pa'o/ /rlung lha gos sngon can ni/ /dngos te de la de'i nus pa yod pa'i phyir ro/ /sa yi dkyil 'khor la gnas nas/ mi g.yo brtan pa'i las mdzad pa/ zhes pa la/ sa ni gzhan gyi nus pa gnod pa ste/ gzhan gyi nus pa gnon pa'i tshe sa dang 'dra ba la gnas ces bya'o/ /mi g.yo ba ni bdag nyid la tshur la mi rdzi ba'o/ /brtan pa ni mis mi ldeng zhes pa'o/ /gser ldan rol mo sna tshogs bdag /sa bdag 'khor bdag khyod phyag 'tshal/ zhes pa la/ gnon pa'i tshe gser gyi 'khor lo dang 'dra ba'i phyir te/ rol mo ni des snang ba'o/ /sna tshogs ni 'byung ba bzhis 'dul ba'o/ /sa brgyad kyi 'khor lo gnas brgyad du'o/ /khyod ni de'i rang bzhin yin pas phyag 'tshal lo/ /lag na rdo rje rtsa ba'i rgyud las/ le'u bcu gsum pa'i rnam par bshad pa dge slong klu'i byang chub kyis mdzad pa rdzogs so// //de ltar bskyed pa dang grogs sbyod bstan kyang/ rdzogs rim ma bstan na 'grub par mi 'gyur bas de bstan to/ /de nas dpal ldan gos

  235. 118a

    sngon can/ /phra mo'i ting 'dzin la gnas pa zhes pa la/ de nas le'u bcu gsum po song ba'i rting de nas/ yon tan gnyis dang ldan pa'i gos sngon can des/ phra mo'i ting nge 'dzin ni dpe'i ye shes dang/ las dang lam gyi ye shes ma yin te/ 'bras bu phyag rgya chen po la gnas nas zhes bshad do/ /lam yang mtshan bcas dang mtshan ma med do/ /phra mo stong nyid goms pa'o/ /snang ba dngos su med pa ste/ /snang ba stong pa'i rang bzhin no/ /stong la bde ba'i rig pa'o/ /de ni snang ba dngos su bstan/ /thabs dang shes rab zung du brel pa'o/ /mi rtog spros bral goms pa ni/ /mtshan med lam du bstan pa yin/ /skye ba rmi lam bar do nas/ /srid pa bar do gsum du'o/ /de yang mi rtog spros bral lo/ /de ni gsang ba'i srid pa'i lung las/ srid gsum rang bzhin 'pho ba yang/ /'bras bu yang dag 'byin pa ste/ /'di ni rnam shes 'pho 'jug go /mtshan bcas kun brtags rtsa rlung gi /'khor gyi gnod sbyin mang po kun/ /shun tu yid dga' dad pas zhus/ /zhes pa la/ 'khor gyi gnod sbyin mang po kun ni gnod sbyin du ma'o/ /gong du bstan pa'i ting nge 'dzin la dga' nas/ 'khor gyi nang nas rnam par rgyal bas zhus bya'o/ /phra mo thig le chen po yis/ /cir snang dngos po gcig tu 'dus/ /de nyid mdza' 'das rang bzhin med ces pa la/ phra mo thig le chen po ni/ /spyi bo dang ni mgrin pa dang/ /snying ga dang ni lte ba dang/ /gtum mo rlung gi 'khor lo rnams so/ /rang 'byung gi yi ge gnas pa ni thig le'u/ /phra ba ni A li dang ldan pa'i rtsa la/ rlung bus te/ thig le las me 'bar te bde ba shin tu bde ba mchog tu bde ba skyed pa ni phra ba'o/ /ting nge 'dzin de la ming de yod pas de skad ces bya'o/ /ci snang dngos po ni kun tu rtog pa thams cad 'bar ba stong pa nyid du zhu zhes pa'o/ /de nyid mdza' 'das ni lam

  236. 118b

    chos kyi phyag rgya 'od gsal nyams su blangs pas de ni lam gyi 'od gsal zhes bya'o/ /rang bzhin med ni 'bras bu chos kyi sku thob pa'o/ /dngos po mdza' dang bral bas rang bzhin med ces bya'o/ /yum lcang lo can la/ sprul pa bde chen longs spyod chos/ /rlung dang me la rab gnas pas/ mdza' 'das rang bzhin chos sku thog /ces gsungs so/ /de nas dpal ldan gos sngon can/ /bla med rdzogs pa'i klong chen du/ /'dod chags ting 'dzin la gnas pa/ zhes pa las/ sems can chags ba can drang ba'i phyir/ thabs dang shes rab kyi spyod pa bstan te/ ri rab kyi rtse la dpal ldan gos sngon can ni/ /khro bo rdo rje sreg ma dang snyoms par zhugs pa'i tshul bstan to/ /sangs rgyas gos sngon can ni rdo rje gsang ba mo dang snyoms par zhugs so/ /rin po che'i mtshan gos sngon can ni rdo rje zhi ba mo dang snyoms par zhugs so/ /pad+ma gos sngon can ni khro mo dag byed ma dang snyoms par zhugs so/ /las kyi gos sngon can ni/ rdo rje rgyal ba mo dang snyoms par zhugs so/ /de dga' ba bzhi rnam par dag pa skye ba'i tshul bstan te/ de ni 'dod pa la zhen pa rnams rab tu 'joms pa'o/ /lung las rdo rje khro bo rnams dang sbyor/ /gzhan la bde ba 'phro 'du byed/ /'o dang 'khyud pa la sogs pa/ /dga' bzhi'i tshul dang yang dag ldan/ /des kyang rnam par grol bar 'gyur/ /zhes pa'o/ /'khor gyi gnod sbyin mang po kun// gnas dang dus dang rgyal ba las/ /ces pa 'khor gyi gnod sbyin mang po chags pa dang bral ba'i rigs so/ /de lta bu'i spyod pas sangs rgyas mthong bas 'di ni tha mal pa'i spyod pa 'khor ba'i lam zhes smra zhing sdangs pa dang/ dus te thar pa thob pa'i thabs med do/ /zhes zer nas brgyal ba'o/ /bslang ste blo med don bstan pas/ /thams cad 'dod chags mngon sangs rgyas/ /ces pa la/ baM saM sa ma ya ya ho/ zhes brjod nas brgyal ba kun bslang/ bla na med pa pho nya'i lam dga'

  237. 119a

    pa bzhi dngos po lam stong pa nyid bzhi'i lam la btsud pas chags pa dang bral ba'i gnod sbyin kun pho nya'i lam las sangs rgyas shing 'bras bu thob bo/ /des na 'dod chags mngon sangs rgyas ces bya'o/ /'khor gyi sku la mngon bstod pa ni/ 'khor lhag ma rnams yid rangs te/ bstod pa ma gsungs pa/ kye ho zhes gtso bo ye shes la bstod do/ /de nas bstod pa bzhi'i ngo bos rtogs pa thams cad 'dag pa ste/ bstod pa gcig ni rtsa ba na gsal bas ma bris so/ /snyoms par 'jug pa nas thabs dang shes rab zung du 'brel pa'i mngon shes sel? ba'i 'dod chags ni/ sangs rgyas byang chub sems dpa' i lam/ /bstod pa'i gnas su 'di gsungs so/ /zhes pa'o/ /rtsa ba'i rgyud rgya cher bshad pa las le'u bcu bzhi pa'i bshad pa'o/ /de nas 'dus pa'i 'khor rnams ces nas 'khor gyi gtso bo la bstod pa nas bla med skyob mdzad kyi bar la/ khams gsum rnam par rgyal ba la sogs pas gtso bo la bstod pa bstan te/ nyams su blang ba med pa'i phyir dang/ gtso bo la mos pa'i phyir dang/ tshig don yin pas rgyud dngos su bstan pas bshad pa ni ma byas so/ /yi rang ba ni ston pa'i chos gsum du bstan pa la mos pa ste yi rang ba ste/ lha dang klu dang lha ma yin la sogs pa yang yid dga' ba'i mchod pas khyad par gyur to/ /zhes bya ba la/ lha ni tshangs pa dang/ pany+tsi ka la sogs pa'i 'o/ /klu ni dga' bo la sogs pa'o/ /lha ma yin ni thag bzangs la sogs pa'o/ /mi 'am ci ni rta mgo can dang/ dri za dang/ srin po dang/ nam mkha' lding dang/ lto 'phye chen po la sogs pa rnams byang chub sems dang ldan zhing/ stong pa nyid kyi don dang zab mo la mos pa'o/ /ci la sogs thams cad 'jigs pa'i rten dang ldan pa thams cad bde ba la bkod do/ /zhes bya ba la/ ri rab kyi tsa?

  238. 119b

    la rgyud 'di bshad pas/ de'i byin rlabs kyis/ mi dang lha dang klu dang lha ma yin la sogs pa rnams nang las grol bar 'gyur ro/ /bde gshegs zhal nas gsungs pa'i rgyud rnams la/ bshad cing man ngag 'grel par byas pa rnams/ /kun la don dang ngag gi skyon rnams yod pa ste/ bzang por sems kyang skyon te de ni rang gi khengs pa'i sems/ /dper na 'dam gyi seng ge yin zhes chu'i nya rnams smra/ zhes pa lta bu'o/ /des 'dir ni rgyud kyi dgongs pa la/ skyed dang lhag pa'i mthong las tshogs gsum du 'dus/ /skyed yang sa brgyad bsdus dang shin tu bsdus par gsungs/ de yang rim gyis bskyed dang cig car gyis/ /gang zag blo yis rim par gsungs/ /rdzogs pa gnyis su bstan pa yang/ /mtshan bcas dang ni mtshan med do/ /mtshan bcas kun brtags lam du byed/ /rtsa rlung byang chub sems kyis su/ /rim gyis ye shes skye bar 'dod/ /mtshan med nyams su skye lugs kyang/ /mi rtog stong pa nyams su blang/ /stong pas stong pa goms par byed/ /skad cig goms sogs spangs pa yis/ /la lnga dang ni lam gnyis bgrod/ /'di yang gsang sngags 'bras bu lam/ /dri bcas dang ni dri ma med/ /'di ni thar pa'i lam la gnas/ /dri bcas dpe yi ye shes tshol/ /drod dang rtse mo chos mchog rnams/ /ma rtogs mthong lam skye ba med// mthong lam skad cig bcu drug gis/ /mthong spangs nyon mongs spong bar byed/ /gnyen po ye shes bcu drug go /nyi ma grib ma tshul du spong/ /chos ni snang bar gsal ba'o/ /skad cig phyi ma snang ba ched/ /mthong lam ye shes ma mthong mthong/ /snang ba stong par thob pa'o/ /drod rtse la sogs gnyis kyi brten/ /nges par byed pa'i cha brgyad pos/ /sgom pa spang ba'i nyon mongs spong/ /'di ni drod spang sgom pa'i lam/ /rgyu yis theg pa'i rab bstan pa'i/ /lam lnga rim gyis bgrod mi dgos/ /'di

  239. 120a

    ru lam lnga gsungs pa yang/ /ye shes skye ba'i bgrod tshul lo/ /grogs ni tshogs kyi gtor ma dang/ /sAts+tsha srog 'don la sogs pa/ /zhi gnas lhag mthong skye ba'i rgyu/ /rgyu las ma brten 'bras bu med/ /dper na nam mkha' i me tog bzhin/ /'byung ngo she na kun brtags 'gyur/ /de ni mi rigs smra ba ste/ /ri bong rwa sogs tshad 'jal bzhin/ /legs par bstan kyang don med 'gyur/ /yang gsungs pa/ rgyu las 'bras bu 'byung ba med/ /rgyu las 'bras bu dngos yod na// rgyu las 'bras bu rtogs par 'gyur/ /gal te rgyu yis 'bras bskyed na/ /'bras bu dus su rgyu med pas/ /rgyu 'bras lhan cig mi gnas pas/ /phan tshun spangs pa mi gnas 'gyur/ /yang gsungs pa rgyu yang mthong lam ye shes to/ /de sgom mthar phyin 'bras bu'o/ /stong nyid bde ba'i ye shes dang/ /skad cig goms sogs nyams blangs pas/ /rgyu 'bras gnyis med bgrod pa ni/ /'bras bu gsang sngags thob lugs so/ /skad cig goms pa rgyu yin te/ /goms pa mthar sngon rtogs pa'o/ /rgyu las ma brten byung ba shugs kyis rtogs/ /de ni dngos med 'bras bu'o/ /kho bo gzhung gis de skad smra/ /yang gsungs pa/ bden pa gnyis su rab bstan pa/ /blo yis rtogs tshul bye brag go /gnyis bral yang dag rtogs tshul ni// bla med don la gnas zhes gsungs/ /des ni rgyud kyi sdom tshig ni/ /gnyis dang gsum du 'dus par gsungs/ /bdag 'dra dman pa'i gang zag gis/ /sa ma non cing yi dam zhal ma mthong/ /yang sprul mkha' 'gro rnams dang bde gshegs lam// rang nyid gos sngon can la mos pa yis/ /rang la rten dang thar ba'i lam/ /rang bas blo zhan rnams la phan par bya phyir dang/ /dus gsum sangs rgyas rnams kyi dgongs pa ma chad bya phyir dang/ /snying rje gnyis med stobs kyis mtshams/ /man ngag cig don rgyas

  240. 120b

    par bstan/ /tshig la nyes pa med de snga ma lnga dang gsang sngags dag tu sbyar/ /de gzhan med de 'di la dga' ba skyes/ /gal te bdag gis khrol tshig dang/ /don la nyes pa shor srid na/ /dus gsum rigs lnga'i bde bar gshegs pa dang/ /mkhas shing shes pa rnams la bzod par gsol/ /dad pa che la gyong khengs med/ /sgar bu dma' ba 'gro don rtsom/ /snying rje shes rab che brtson zhing/ /gsang sngags chos dang bla ma la ni gus/ /dbang bskur thob cing dam tshig ldan sogs pa/ /de la gong ma'i man ngag rgyun ma chad par sbyin/ /de ma byin na gsang sngags dam tshigs nyams/ /yang gsungs pa/ rdzogs ldan dus kyi tha ma la/ /rtsa ba dang chad snying rje bral/ /khwa ltar mu cor smra zhing gsang sngags phrag kher ba/ /de la sogs pa gang zag rnams la nor la bltas te byin/ /'phen byed las yis 'phangs na rdo rje dmyal bar skye/ /rdzogs byed las kyis ngan song gsum du 'khor/ /zhes rgyud nas gsungs so/ /mnar med ngan song du skye 'bras bu tsha grang sdug bsngal myong// thabs dang shes rab zung 'grel ba'i/ /nyi zla lta bu'i dam chos 'di/ /bden pa gnyis dang mi 'gal gsang sngags 'bras bu'i lam/ /chos 'di legs par bris pas khams gsum sems can rnams/ /drod dang rtse mo bzod pa'i chos kyi rtse/ /ye shes bzhi yi tshul gyis nyon mongs sdug bsngal zhi/ /mthong sdom sgrib pa rnams dang bral ba dang/ /sdug bsngal gsum dang brgyad dang yongs bral ba'i/ /mdze 'bras nad dang bzhi brgya rtsa bzhi sogs/ /sdug bsngal rab zhi myur du bde bar shog /bdag dang khams gsum sems can rnams/ /sdug bsngal ma lus rab zhi nas/ /gos sngon dngos grub thob par shog /'phags pa gos sngon po can gyi rtsa ba'i rgyud kyi 'grel pa rdzogs so// //

  241. 121a

    skye ba lnga brgyar blo rab sbyangs/ /sngags kyi theg pa'i bstan bcos 'di/ /dbu ma'i lta bar yang dag nges/ /mkhas btsun rnams kyis yongs su gzung/ /sgrol ma gsal pa zhes bya ba'i 'grel pa dge slong klu'i byang chub kyis mdzad pa rdzogs so// //'di ltar bsgrubs pa'i dge tshogs ci mchis pas/ /gnas skabs tshe ring nad med longs spyod ldan/ /dal 'byor rten thob dam pa'i mgon gyis zin/ /bcom ldan gos sngon go 'phang thob phyir bsngo// // (rtog pa thams cad bsdus pa'i sgron ma slob dpon sh+ri b+ha tras mdzad pa bzhugs//) rgya gar skad du/ sarba kal pa sa muts+tsha ya nA ma pra ti/ bod skad du/ rtog pa thams cad bsdus pa'i sgron ma zhes bya ba/ dkon mchog gsum la phyag 'tshal lo/ /skye bo phal cher 'dod pa'i yul la chags shing rang gi bde ba gzhan gyi don du mi sgrub pa/ /de la gsang phyir phyag na rdo rjes rang gi rgyud du ma byas sangs rgyas yul du gyur/ gsang ba nyer bkod de nyid rtog pa bsdus dang me lce 'byed pa la sogs rjes 'brangs nas/ ji srid klu yi man ngag ma chad gsang ba'i bdag la btung de bdag gis bshad/ mngon par byang chub sku mnga' ba'i/ /gsang ba'i bdag po gos sngon can/ /'jig rten lha la sogs pas bstod/ /rdo rje 'chang ba'i dbang mchog thob/ / nyi ma dang 'dra'i bdag nyid can/ /gnyis med lhun 'grub bde gnas su/ /gsang bdag gos sngon der sangs rgyas/ /'og min chos dbyings pho brang du/ /longs spyod rdzogs pa'i sku sprul nas/ /byang chub mang po'i 'khor dang bcas/ /stobs chen gsang ba'i don bka' stsal/ /sprul pa'i sku yi tshul bstan nas/ /ri rab ri'i rtse mo la/ /lha srin sde brgyad 'khor dang bcas/ /gsang chen rgyud dang thun mong dag /legs par bstan pa'i don rnams la/ /sde tshan lnga lnga nyi shu lnga/ /mdza'

  242. 121b

    dang lhag pa'i mdza' bcas pa/ /sum cu rtsa bzhi rtsa bar ldan/ /yan lag rgyud ni grangs las 'das/ /de dag gsum mam bzhir 'dus te/ /rtsa ba bshad dang phyi ma dang/ /phyi ma'i rgyud du nges par gsungs/ /de dag don 'di thub chen dag /rdo rje 'chang dang gos sngon can/ /de la sogs pas rgyas par gsungs/ /de nyid bsdus pa'i don gsum ste/ /bskyed rdzogs grogs dang rnam pa gsum/ /bskyed pa dag ni gnyis yin te/ /rim gyis bskyed dang cig car pa/ /yi ge phyag mtshan skur gyur pa/ /rim gyis bskyed pa zhes su gsungs/ /dran pas ldang ba chu bur tshul/ /cig char bskyed pa zhes su gsungs/ /rdzogs pa'i don ni rnam gnyis te/ /rim gyis 'jug dang? cig char 'jug /rtsa dang yan lag rten byed pa/ /rim gyis 'jug pa'i tshul du gsungs cig car 'jug pa zhes bya ba/ /rgyu dang 'bras bu skad cig ma/ /khyad par rgyud kyi dbang du gsungs/ /grogs ni dam tshig shes rab dang/ /snying rje 'khor lo la sogs dang/ /khyad par spyod pa'i don shes pa'o/ /de dag bshad pa'i yan lag ni/ /drang ba'i don dang nges pa'i don/ /dgongs pas bshad dang dgongs pa min/ /ji bzhin sgra dang ji bzhin min/ /de dag bshad pa rnam par gsum/ /dgongs pa'i gzhi dang gang zag dang/ /dgongs pa skyon dang bcas pa'o/ /sems can mos pa mi mthun pas/ /gsang ba ma yin so sor ston/ /drang pa'i don du gsungs pa yin/ /yang dag don dang ldan pa la/ /de nyid man ngag rab ston pa/ /nges pa'i don du 'gyur pa yin/ /ma byin len pa la sogs pa/ /spyad pas grol par gsungs pa ste/ /dgongs pas bshad pa zhes su gsungs/ /de nyid don dang mthun gyur ba/ /dgongs pa min pa zhes su gsungs/ /shu kra su ka zhes pa dang/ /ma nu ta ra zhes bya ba/ /ji bzhin ma yin sgra ru 'dod/ /phung po khams dang skye mched la/ /de nyid brda

  243. 122a

    min skye bo'i tshig /rgyang kyi bshad pa mdor bsdus yin/ /de la gsang ba'i bdag po lag na rdo rje'i rgyud du legs par ma gsungs te/ de'i don ma lus pa bshad pa'i rgyud kyi rjes su 'brangs nas bshad par bya dgongs so/ /'o na rtsa ba'i rgyud du legs par ma gsungs pa ci'i phyir zhe na/ de ni gang zag gzu lums? mkhan gyis rang dgar spyad kyis dogs pa'i phyir ro/ /'o na de bzhin gshegs pa'i thugs rje chen pos sems can gyi don la ma khyab pas lung dang 'gal la zhen ma yin te/ sems can thams cad theg pa chen po'i rigs can du gyur na ni bden te de ma yin/ 'di ni gang zag theg pa chen po'i rigs can ma yin pa la ma bstan te/ de yang thugs rjes ma khyab pa ma yin te/ de la de'i rnam par ston pa'i phyir ro// de ni lung gzhan dag las kyang/ theg chen rigs min 'og ma pa/ /gsang ba'i don 'di thos na skrag /gang zag gzu lums mkhan dag ni/ /bla ma'i kha dang rab bral nas/ /thugs thub gzu lums ras chod byed/ /de ni ngan song sdug bsngal myong/ /de bas sangs rgyas thams cad kyis/ /ji lta ji ltar 'dul 'gyur pa/ /de lta de ltar rnam par sprul/ /zhes pa'o/ /de la re zhig dang por rgyud kyi byung khungs gdab par bya ste/ de yang le'u dang pos ni rgyud kyi gleng gzhi bstan to/ /le'u gnyis pas bskyed rdzogs rim gyis 'byung ba bstan to/ /le'u gsum pas ni las sna tshogs kyi sngags bstan to/ /le'u bzhi pas ni sreg pa'i sngags la sogs pa'i nus pa'i yon tan bstan to/ /le'u lnga pas ni 'khor lo sum cu rtsa gnyis kyi don bstan to/ le'u drug pas ni las bcu'i sbyin sreg bstan to/ /le'u bdun pas ni bdung btul ba bstod pa dang bcas pa bstan to/ /le'u brgyad pas ni phyi nang gi gtor ma'i cho ga bstan to/ /le'u dgu pas ni sngags thams cad bstan to/ /le'u bcu pas

  244. 122b

    ni gru dgug cing dug gzhom pa dang bcas pa bstan to/ /le'u bcu gcig pas ni klu gzir ba bstan te/ /le'u bcu gnyis pas ni mchod pa'i cho ga bstan to/ /le'u bcu gsum pas ni 'khor lo brgyad kyi yan lag dang yon tan 'byung pa bstan to/ /le'u bcu bzhi pas ni rdzogs rim 'ba' zhig bstan to/ /le'u bco lnga pas ni rjes su yi rang pa'i bstod pa bstan to/ /de la le'u gnyis pas ni/ bskyed? rdzogs? rim gyis 'jug pa'i tshul bstan to/ /gzhan ni phal? cher grog pu 'gyur ro/ /de la gleng gzhi bstan pa'i phyir/ 'di skad bdag gis thos pa'i dus gcig na/ zhes bya ba la sogs pa gsungs te/ de yang dang por 'phags pa lag na rdo rjes yi ge dang phyag mtshan la sogs pa'i sgo nas 'bras bu mos thams cad kyi chos nyid mngon du gyur to/ / de'i tshe chos nyid rang bzhin gyis 'od gsal pa ni/ /rdo rje sems dpa' 'am/ rdo rje 'chang chen po'i ngo bo nyid do/ /de pas na rdo rje sems dpa' la phyag na rdo rjes thos zhes pa'o/ /yang na phyag na rdo rje nyid 'og min chos kyi dbyings kyi pho brang du// longs spyod rdzogs pa'i skud sprul te de nyid las tha dad pa'i 'khor khams gsum rnam par rgyal bas don zhus nas gsungs pa'ang thos pa zhe'o/ /yang na phyag na rdo rje nyid brgya byin lha'i dbang po'i gnas su sprul ba'i skur phyung ste/ /de nyid la tha dad pa'i 'khor lo bshad cing bsdus pa ni thos pa zhe'o/ /de dag ni drang ba'i don to/ /yang nges pa'i don du bshad pa/ de bzhin gshegs pa rdo rje 'chang nyid phyag na rdo rje'i skur sprul te/ mngon par byang chub pa lnga'i sgo nas phyag rgya chen po'i tshul bstan pa'o/ /'o na gang rdo rje 'chang chen po nyid phyag na rdo rje'i skur sprul pa ci'i phyir zhe na/ de ni 'di ltar phyag na rdo rje la dad pa'i gang zag gdul ba'i phyir ro/ /'o na rdo rje 'chang chen po nyid phyag na rdo rje'i skur bstan pa ma nges pa ma yin nam/ /

  245. 123a

    dngos su sprul pa zhig gam 'on te ma sprul zhe na/ de ni sprul du yang rung ma sprul du yang rung ngo/ /rgol te dngos su sprul na ni sa bcu'i byang chub sems dpa' i yang dngos su sprul pas khyad med pa dang/ ji ltar rang gi gnas par 'gyur/ 'on te ma sprul na snang bar mi rigs so zhe na/ bden te log pa'i shes pa'am/ rnam par rtog pa ldan na ni shes pa de gsum 'byung ste/ de ma yin de bzhin gshegs pa rdo rje 'chang chen po ni/ yang dag pa'i ye shes kyi rnam par rtog pa thams cad ring du spangs te thams cad mkhyen pa'i ye shes kyi bye brag dang ldan pas dngos su sprul pa'ang log pa ma yin no/ /de ci'i phyir zhe na/ ji lta ba'i las su gyur pa thams cad la thogs pa med do/ /de ltar na ni sems can gyi shes pas gos par 'gyur ro zhe na ma yin te/ sangs rgyas kyi yon tan thams cad dang ldan pa'i phyir ro/ /gal te ma sprul yar 'gal ba ma yin te/ smon lam dang thugs rje chen po'i byin gyis brlabs dang/ sems can gyi mos pa tha dad pas ji ltar yang snang du rung ngo/ /de lta bas na ston pa phyag na rdo rje ni 'dir rdo 'chang chen po nyid do/ /thos pa zhes pa ni/ 'di ltar shes rab mchog tu gyur pa dang/ rgyud thos par dka' ba dang/ thos pa mang po'i sgo nas bdag gis thos she'o/ /de la shes rab mchog tu gyur pa ni skad cig tsam gyis thos she'o/ /rgyud 'di thos par dka' ba ni gzhan du 'di ma thos she'o/ /thos pa mang pa ni 'di'i tshe 'di thos la gzhan gyi tshe gzhan thos she'o/ /de la khams gsum rnam par rgyal ba ni de gnas der ston pa de la thos pa ni gzhan thos pa ste/ pha rol tu phyin pa la sogs pa'o/ /gnas 'dir 'di la 'di dang lhan cig thos pa zhes pa ni phyag na rdo rje'i rgyud do/ /theg pa chen po khams gsum rnam par rgyal ba ma yin no zhe na/ de ni bden te/ theg pa chen po'i khams gsum rnam par rgyal

  246. 123b

    ba zhes bya ba ni ma yin te/ 'on kyang shA ri'i bu la sogs par snang ngo/ /de bas na khams gsum rnam par rgyal ba zhes bya ba dngos su phyag na rdo rje nyid do/ /rgol te 'o na sdud pa po med par thal bar 'gyur ro zhe na/ de ni bden te/ sdud pa po ni med do/ /de'i phyir 'di skad ces ston pa'ang yang dag pa'i don ston pa'i brdar bshad do/ /phyag na rdo rje 'chi bdag gi rgyud phyi ma las/ gang tshe bcom ldan gos sngon can/ /'dus pa chen po'i 'khor dang bcas/ /ji lta'i gzugs su snang ba dang/ /gzhan yang sangs rgyas dkyil 'khor dag /gcig dang tha dad ci 'gyur ba/ /gsang ba'i bdag pos bka' stsal mdzod/ /de skad gsungs par gyur pa dang/ /legs shes lan gsum gsungs mdzad nas/ /bdud rtsi 'khyil la slar gsol pa/ /de bzhin gshegs pa'i thugs rje dang/ /sems can so so'i las 'phro yis/ /sku? gcig bstan pa'i sangs rgyas la/ /sna tshogs gzugs su rnam par snang/ /gcig dang lnga dang brgya dang stong/ /de la sogs pa mdza' yas pa/ /gtso dang 'khor gyi rnam par snang/ spyi bo mgrin pa lte ba dang/ /snying nas btsun mo'i b+ha ga na/ /gsang ba'i thig le'i gzugs gnas tshe/ /kun gyi snang ba so sor snang/ /zhes 'byung ba'i phyir ro/ /de nas gnas phun sum tshogs pa bstan pa'i phyir/ /gnod sbyin thams cad yongs su 'gyur ba zhes bya ba la sogs pa smos te/ de la gnod sbyin ni gnod sbyin gos sngon can te/ /gnod sbyin thams cad kyi sde dpon du gyur pa'o/ /de'i gnas yin par de la de skad ces bya'o/ /yang na stug po bkod pa'i pho brang du phyag na rdo rje mthong ba'i skal pa med pas don bzhugs zhes bya'o/ /shin tu dben pa yongs su dag pa ni/ 'og min gyi gnas te/ de bas na gnas gnyis kho na'o zhes la la 'chad do/ /la la dag ni gnas ni gsum duAng 'dod do/ /de dag ni phyag na rdo rje'i

  247. 124a

    sprul pa'i sku kho na'i gnas yin te/ 'byung po dang bar du gcod pa'i rnam pas dben pas dben pa'o/ /yongs su dag pa'ang de nyid de/ de las ring du gyur pa'o/ /de ci'i phyir zhe na/ phyag na rdo rje'i byin gyis brlabs kyis khyab pa'i phyir ro/ /yon tan rnam pa mang po dang ldan pa'i gnas ni ston pa bzhugs pa'i tshul 'dis ston to/ /gnod sbyin gyi sde dpon chen po zhes pa ni/ gnod sbyin ni gang ba bzang po la sogs pa ste/ de'i dpon du gyur pa ni gos sngon can no/ /chen po na phyag na rdo rje'o/ /de'i don ni gnod sbyin gyi gtso bor gyur pa lag na rdo rje zhes bya ba yin te/ de gdul ba'i phyir sprul pa'i sku lag na rdo rjes sku khro bor bstan pa 'dod pa'o zhe'o/ /log na rdo rje thogs pas lag na rdo rje'o/ /de yang ye shes rnam pa lnga gsang ba'i thig les 'dzin pas lag na rdo rje'o zhes kyang bshad do/ /gos sngon po gon pas 'di ni gos sngon po can nyid de phyi ltar bshad pa'o/ /thabs dang shes rab kyi bar na byang chub sems kyi thig le yod pas na gos sngon po can te sbas pa'o/ /gnyis su med pa'i chos kyi sku ni gos sngon po can te mthar thug pa'o/ /dus gsum gyi sangs rgyas ni mar me mdzad la sogs pa ste/ de thams cad kyis las kyi khro bor dbang bskur ba ni/ las kyi khro bo gyis shig pa'o/ /lung gzhan las kyang/ phyag na rdo rje khyod song la 'jig rten gyi khams lha dang bdud la sogs pa sems can rnams kyi mdangs 'phrog cing 'tshe bar byed pa gang dag zung zhig ces lung bstan pa'i phyir ro/ /mche ba gtsigs pa ni mche ba bzhi gtsigs pa'o/ /yid khros pa ni khros pa'i bzhin bstan pa'o/ /mig me mdag gi phung po 'dra ba ni/ mig rtsa dmar sar 'bar bar 'dug pa'o/ /dbugs me lce ltar 'bar ba ni/ dbugs me ltar tsha bar gyur pa'o/ /'jigs pa'i nga ro ni/ hUM

  248. 124b

    dang phaT dang ha la sogs pas rang las gzhan pa'i 'khor 'jigs par byed pa'o/ /lag pa dang rkang pa klu nor rgyas kyi bus brgyan pa zhes pa ni sprul dkar pos brgyan pa'o/ /klu nag po se ral khar thogs pa ni/ sprul nag po ser la la gzed pa'o/ /dga' bo dang nya dga' bos snyan brgyan pa ni/ sprul ser pos snyan brgyan pa'o/ /sbrul 'bar ba rin po che'i cod pan thogs pa ni sprul mgo rin po che'i cod pan gyis dbu la gdengs pa'o/ /sprul gdug pa za ba zhes pa ni/ zhal nas sprul gyi phyung nas 'dug pa'o// bzhin rgyas pa zhes pa ni/ bzhin gyi dkyil 'khor 'phel che ba'o/ /smin ma dang 'phral ba bsdus pa ni/ khro gnyer mi'i phreng ba dang ldan pa'o/ /ya sos ma mchu mnan pa ni/ /ya sos ma mchu'i steng du phyin pa'o/ /gshin rje'i cha byad ni gshin rje dang gzugs mthun pa'am/ gshin rje'i skyes bu ltar gsungs pa 'phyang ba'o/ /gsus pa che ba ni gsus khyim che ba'o/ /lag pa brdabs pa'i sgras 'jigs par byed pa ni rdo rje dang ldan pa'i lag pa brdabs pas 'byung po thams cad 'jigs par byed pa'o ye shes rdo rje lag pa dag /sa la brdabs pas brgyal bar 'gyur zhes pa lta bu'o/ /'dab bzangs ni sprul dmar po ste/ de nyid ska rags su bcings pa'o/ /a la a la zhes pa ni/ ngo mtshar gyi tshig ste/ de sgrogs pa de la de skad ces bya'o/ /rgya mtsho'i zabs? su dpag tshad brgyad khri bzhi stong yod pas rkang pa'i pus mor phyin pa ni pus mo man chad nub pa'o/ /dbang po dang nyi ma phrag pa la khur ba zhes pa ni/ a li dang kA lir ldan pa'i nyi zla'i steng du lha'i dbang po 'dug ste/ dper na nyi zla phrag pa la khur zhes la la dag 'dod do/ /la la dag ni lha'i dbang pos nyi zla phrag pa la khur zhing de'i steng du 'dug go zhes 'dod do/ /la la dag ni phyag na rdo rje phrag pa la dbang po khur te/ des dbang po khur ro zhes 'dod do/ /klu thams cad ni ma lus pa ste klu'i

  249. 125a

    rigs su gtogs pa thams cad brlag bar byed ce'o/ /gad rgyangs ni drag po'i shugs kyi ha ha zhes rgod pa ste/ des 'jig rten gyi 'byung po thams cad 'khrugs par byed pa'o/ /klu thams cad 'ching ba zhes pa ni 'gul mi nus par byed pa'o/ /de dag ni phyir gdug pa can 'dul bar byed pa dang/ khyad par klu dang gshin rje'i tshogs dang lha thams cad 'dul bar byed pa'o/ /'byung po thams cad 'gugs shing 'ching ba zhes pa ni/ 'byung po'i bdag po dbang ldan la sogs pa thams cad lcags kyu'i sbyor bas 'gugs shing zhags pas bcings te 'gul mi nus par byed pa'o/ /sbyor ba ni dug dang khrag 'khrugs pa dang/ sngags kyi sbyor ba ste dbang phyug la sogs pa'i sbyor ba'o/ /de gcod pa ni ral gri'i sbyor bas gtubs te gcod ba'o/ /lung gzhan las kyang/ byas pa'i gzugs dang ming rus la/ ral gris gtubs par gcod par byed ces pa lta bu'o/ /bzlog pa ni rang gi gnas su bzlog pa'o/ /gnon pa ni phyis mi ldang bar byed pa ste/ gang la de lta bu'i nus pa yod pa de la de skad ces bya'o/ /yon tan ma lus pa thams cad kyi bdag po ni phyag na rdo rje nyid do/ /sangs rgyas kyi yon tan thams cad kyis brgyan pa de bzhugs zhes bya bar sbyar ro/ /gang dang lhan cig bzhugs she na/ 'khor gnod sbyin gyi sde dpon nyi shu rtsa brgyad ces bya ba la sogs pa smos te/ nor bu bzang po la sogs pa'o/ /yang na gang ba bzang po dang mig mi bzang la sogs pa'o/ /gnod sbyin mthu bo che ni rang gi gdul bya 'joms pa'i mthu khyad par can yod pa'o/ /drag po zhi ba'i las kyi sbyor ba dang bral ba'o/ /lha ni dbang phyug chen po la sogs pa rnam pa brgyad de/ de ltar de'i 'khor dang bcas pa thams cad do/ /klu ni dga' bo la sogs pa ste/ de yang gong ma bzhin no/ /dri za ni gtsug pud lnga pa la sogs pa'o/ /lha ma yin ni thag bzangs ris la sogs

  250. 125b

    pa thams cad do/ /nam mkha' lding ni gser mig can la sogs pa'o/ /mi 'am ci ni ljon pa la sogs pa'o/ /lto 'phye ni lto 'phye nyid do/ /de la sogs pa dang thabs cig tu bzhugs she'o/ /nyi ma la sogs pa ni 'di yin te/ 'di ltar ston pa po dang sdud pa dang 'khor gyi rnam par bzhugs she'o/ /zla ba zhes pa ni thun mong pa'i sdud pas sdud pa bstan to/ /khyad par du rdo rje khros ma la la dag na re sdud pa po ni med kyi 'dir 'dus pa chen po thams cad kyis zhus pa'i phyir ro zhe'o/ /de ni ma yin te/ 'dus pa chen po'i 'khor gyi nang nas khams gsum rnam par rgyal bas stan las langs te/ 'dus pa chen po'i 'khor dang mgrin gcig tu gsol ba btab po zhes pa ni tshig tu ma smos kyang don gyi shugs kyis shes par bya'o/ /don gyi shugs kyi gang las shes she na/ dur khrod chen po'i gnas na rdo rje be con gyi rgyud ces bya ba bam po nyi khri bzhi stong yod do/ /der bstan pa'i phyir ro/ /gzhan go sla'o/ /gos sngon po can khyod ni zhes pa 'og ma dang 'brel te/ bde gshegs kun gyi sprul pa'am zhes pa ni/ de bzhin gshegs pa thams cad kyi thugs las sprul pa'i khro bo yin nam zhes pa'o/ /las kyi khro bor dbang bskur ba'am zhes pa ni/ las thams cad grub pa'i dbang bskur ba'am zhes pa'o/ /'on te bsdus pa'i sku yin nam zhes pa ni/ de bzhin gshegs pa thams cad bsdus pa'i sku yin zhes pa'o/ /de'i don ni gsang ba'i bdag po gos sngon can khyod ci yin/ bdag cag la bka' stsal mdzod cig ces sbyar ro/ /de ni tshig tu ma smos kyang don gyis ni gcig tu bsdus pa'i sku yin/ rdo rje sems dpa' nyid de ltar snang ba'i phyir ro/ /gzhan gyi sdud pa por gyur pa'i dus na ni thugs las sprul pa'i sku yin pa'i phyir ro/ /de'i dus na ni las kyi khro bor dbang bskur ba yang yin te/ gong du bstan pa'i phyir ro/ /lung las ji lta'i rnam par snang mdzad dang/ de lta'i zhi ba'i lha

  251. 126a

    tshogs kun/ /rdo rje sems las gzhan ma yin/ /de nyid nga yi dbang yang rdzogs/ zhes 'byung ba dang/ 'khor lo nye bar bkod pa'i rgyud las/ phyag na rdo rje'i rigs can dang/ /des 'dul ba'i skye bo la/ /sangs rgyas rdo rje'i rigs can dang/ /phyag na rdo rje'i sku ru snang/ /dngos su snang ba ma yin te/ /smon lam thugs rje'i byin rlabs dang/ /sems can mos pa'i dbang du snang/ /ji ltar snang yang rang bzhin med/ /ces 'byung ba lta bu'o/ /gleng gzhi ni dus dang/ gnas dang/ 'khor la sogs pa ston to/ /le'u gang la gleng gzhi gtan la dbab pa yod pa de skad ces bya'o/ /rtog pa bsdus pa'i sgron ma zhes bya ba/ slob dpon shI b+ha tras mdzad pa las le'u dang po'i bshad pa'o// //de ltar gleng gzhi bstan kyang bskyed pa'i rim pa'i bsgrub thabs dang/ las kyi rim pa'i don mdor bsdus pa ma bstan na med par 'gyur bas de'i phyir le'u gnyis pa bstan to/ /de nas shes pa ni bar cis kyang mchod pa ste/ gleng gzhi bstan ma thag pa de nas shes sbyar ro/ /rdo rje drag po ni rdo rje drag po ste sku gsung thugs kyi rdo rje drag po zhes bya ba'i ming gang la yod pa'i ting nge 'dzin de la de skad ces bya'o/ /yang na sku gsung thugs drag po thob par byed pa'i rgyu rim pa gnyis te ting nge 'dzin de la snyoms par zhugs zhes bya'o// zhugs pa de'i tshe 'di skad ces gsungs so/ /phyag rgya gsang sngags thugs sbyor las zhes pa ni/ dang por bskyed pa'i rim pa'i dbang du yi ge hUM las rdo rje de las phyag rgya chen por gyur pa'o/ /khro bo'i rgyal po'ang de nyid de/ gdug pa can ru tra la sogs pa las khyad par du byas pa'o/ /khro bo rdo rje 'ang de nyid de/ rnam par rtog pa'i ri 'joms pas rdo rje'o/ /de la bstan par 'gyur nas byin gyis brlabs sna tshogs pa dang ldan pa ni/ 'di rim gyis bskyed pa'i dbang du byas pa'o/ /cig

  252. 126b

    car 'byung ba'i dbang du byas pa ni/ phyag rgya ni dran pa tsam gyis lha'i skur gyur pa'o/ /de'i snying gi nang na ye shes sems dpa' i sku gsung thugs kyi ngo bor gnas pa dang/ de'i gsang ba'i gnas nas ni thugs sbyor zhes bya'o/ /de ye shes kyi dkyil 'khor gyis byin brlabs pas khyad par du gyur pa'i sku ni khro bo'i rgyal po'o/ /khro bo'i rdo rje ni khro bo rdo rje'i rigs te/ des ni rin po che dang/ pad+ma dang/ las kyi rigs dang/ mnyes shing bsrung bar byed pa'ang gzung ngo/ /de bsgoms pa'i byin gyis brlabs las thams cad thegs pa med pas ni/ ya mtshan sna tshogs ldan zhes bya'o/ /de ni gsang ba'i dbyings chen zhes bya ba'i rgyud la brten nas sgrub pa'i thabs su bsdu bar bya'o/ /yid dang mthun zhing nyams dga' bar/ /phyi nang khrus la legs gnas te/ /stegs bu me tog bcal bkram la/ /gsang bdag sku gzugs mdun du dgram/ /rang gi lus spangs bde gshegs sku/ /nyi ma'i dkyil 'khor mdun du bsam/ /de'i steng khyad par bla ma dgug /'od zhu rdo rje sems dpar brlab/ /ye shes sems dpa' spyan drangs gzhug /phyag 'tshal mchod pa la sogs bya/ /de nas bde gshegs kun bkug nas/ /sems dpa' dgu yi steng du bzhugs/ /de la phyag 'tshal mchod pa dang/ sdig bshags sdom pa gzung bar bya/ /yi rang bskul zhing skyabs su 'gro/ /sems bskyed smon lam gdab par bya/ /tshad med bzhi po sngon du bsam/ /de nas stong pa nyid du bsgom/ /oM mahA shU n+ya hA dz+nyA na badzra swa b+hA wa At+ma ko haM/ de nas snying rje'i ngo bo las/ sems nyid yi ge hUM du gsal/ /yaM raM paM laM kaM 'bruM rlung mchu yi dkyil 'khor dang/ /sa gzhi ri rab gzhal yas khang/ /'khor lo brgyad dang mu khyud dang/ /gru chad khyams dang sgo bzhir ldan/ /dra ba dra ba phyed pa dang/ /ka ba brgyad dang pha gus brgyan/ /twa ra bzhis ni yang dag brgyan/ /nyi ma'i steng

  253. 127a

    du hUM bsam ste/ /'phro 'du rtse lnga khro bo yi/ /rdo rje gdengs pa hUM dang ldan/ /de nas 'phags pa gos sngon can/ /sku mdog sngo skya 'bar ba la/ /zhal gcig phyag ni gnyis pa ste/ /g.yas na rdo rje rtse lnga thogs/ /g.yon na pe con dbyug to 'dzin/ /mi bskyod pa yi dbu la brgyan/ /spyan dmar mche gtsigs khro gnyer ldan/ /bzhin gyi dkyil 'khor nyi ma 'bras/ /hUM gi rlangs pa me lce 'bar/ /klog gi ltags ldan gsus pa 'phyar/ /sprul ? rnams rab tu mdzad/ /rin chen sprul brgyad gdengs ka can/ /ltos 'gro dkar pos rkang lag brgyan/ /dmar po'i ska rags 'ching bar mdzad/ /sprul gyi za 'phros brang du slebs/ /dbang po nyi ma phrag par khur/ /rdo rje gos sngon sku la 'khril/ /snying nas nyi ma'i dkyil 'khor te// mtshon gang snying nang rdo rje ldan/ /bum par hUM dang bzlas par ldan/ /ye shes dkyil 'khor mdun du dgug /mchod dang gtor mas mnyes byas nas/ /'dod pa'i dngos grub gsol ba gdab/ /thim 'gyur sbyor ba 'am 'od zer las/ /hUM 'phros ste gsum bkang bar gyur/ /slar 'dus tshom bu lnga ru gyur/ /dbus las gos sngon bdag la bstim/ /rdo rje sku yis gos sngon can/ /'khor lo dril bu thogs pa dkar/ /shar gyi phyogs su bsam par bya/ /yon tan rin chen gos sngon can no/ /rin chen dril bu thogs pa ser/ /lho yi phyogs su bsam par bya/ /pad+ma gsung mchog gos sngon can/ /pad+ma dril bu thogs pa dmar/ /nub kyi phyogs su bsam par bya/ /las kyi gos sngon sku mdog ljang/ /rgya gram dril bu thogs pa ni/ /byang gi phyogs su bsam par bya/ /dkar mo gdug pa shar lho ste/ /lho nub ser mo me tog ma/ /yang na mthing ka'i kha dog ldan/ /dmar mo mar me nub byang ste/ /ljang khu dri chab byang shar ldan/ /bsal nas ye shes dkyil 'khor gzhug /mchod dang bstod pa rnam gnyis ni//

  254. 127b

    cho ga bzhin du dbul bar bya/ /sngags kyi bsnyen pa them gyur nas/ /spyi bo dpal ba mgrin pa snying/ /gnas bzhir bzhi po bsdu bar bya/ /mig dang rna ba la sogs la/ /sa yi snying po la sogs ldan/ /zhes 'byung ba dang/ lung gzhan las bskyed pa brtan pa thob gyur nas/ /las rnams thams cad byad par gsungs/ /mthar phyin gyur nas smos ci dgos she'o/ /de nyid slar bshad pa rin po che sgrol ma'i rgyud las/ gos sngon phyag rgya ldan gyur nas/ /bar ma chad par bye ba bzlas/ /rtags thob gyur nas las rnams brtsam/ zhes 'byung ngo/ /'di dag na nang gi dbang du gsungs so/ /phyi'i dbang du ni khams gsum rnam rgyal dang/ mgon po ming sring dang/ 'phags skyes po dang/ mig mi bzang dgod ce'o/ /dkyil 'khor dag ni 'khor lo 'am/ /pad+ma rdo rje rgya gram 'am/ /tshom bu lnga 'am dgur 'dod pa/ gsang ba'i bdag po'i rgyud las 'byung/ /zhes kyang gsungs so/ /yang na phyag rgya ni bskyed pa'i rim pa las byung ba'i sku'o/ /gsang sngags kyi sngags kyi bzlas pa ste/ 'dir dang por rlung dang sngags 'dres pa'i bzlas pa'o/ /de'i don yang bskyed pa'i lha'i sku'i gnas bzhir rlung gi dkyil 'khor la bltas te/ de nas g.yas nas 'gyu ba dang/ g.yon du 'gyu ba dang/ gnyis nas 'gyu ba kun/ /oM A(rgyud 'grel): hUM 'di la bslabs pas gnas pa la brtan par gyur pa dang/ de nyid rang bzhin med par bsam pa'i thugs ni sems te/ 'dir sems la dmigs pa de yang gnas pa'i a'i thig le la blo gtang de/ thams cad de'i ngo bor bsgom pa'o/ /khro bo'i rgyal po ni sgyu ma lta bu'i sku ste/ sgyu ma'i dpe bcu gnyis kyi nye bar mtshon pa'o/ /de dang de yang de nyid kyi rnam par dag pa dang/ gong ma la rag las par 'dod pa'o/ /khro bo ni gong ma nyid de/ de rang bzhin gyis yongs su dag pa ni rdo rje'o/ /de bas na de thob pa'i thabs la'ang de skad ces bya'o/ /byin brlabs shes pa ni gnyis su med par byin gyis brlabs pa'o/ /ting nge

  255. 128a

    'dzin de la dbang thob nas shes pa ni gnyis su med pa'i bsam gtan mthar phyin nas sems can gyi snang ba la longs spyod rdzogs pa dang/ sprul pa'i sku ji ltar ? snang ba ste go sla'o/ /yang na phyag rgya ni phyag rgya ma ste/ lhan cig skyes pa'i rigs can nam/ pad+ma can la sogs pa'o/ /gsang sngags ni de'i gnas thams cad du yi ge bkod pa'o/ /de la phyag mtshan du gyur pa ni thugs sbyor zhes bya'o/ /khro bo'i rgyal po ni de las byung ba'i khro bo'o/ /gzhan las rdo rje khros ma'i gnas rnams su/ rim gyis 'byung ba'i bsam zhes so/ /khro bo rdo ni gos sngon po can te/ /bdag nyid de ltar gsal ba'o/ /byin gyis brlabs pa ni/ /pad+ma dang rdo rje byin gyis brlabs pa ste/ /gnyis su med pa'i sbyor ba las byung ba'i byang chub sems slob ma'i lce la bzhag pa 'di ni gsang ba'o/ /yang na phyag rgya ma'i gsang ba'i 'khor lo'i yi ge ni/ gsang sngags te 'khor lo ni phyag mtshan thugs kyi ngo bo'o/ /yang na de bzhin gshegs pa thams cad kyi ngo bo ni byang chub kyi sems te/ de gang la yod pa de skad ces bya'o/ /khro bo'i rgyal po ni gos sngon te/ de'i ting nge 'dzin dang ldan pas kha kha mu kha byin gyis brlab ste/ de ni byin gyis brlabs shes bya'o/ /gnas der shes rab ye shes kyi dbang bskur te/ bde ba chen po nyams su myong ba ni ya mtshan sna tshogs ldan zhe'o/ /sbas pa'i dbang du bshad pa'o/ /lung gzhan las kyang/ phyag rgya la sogs rnam pa lnga/ /bskyed pa'i ting 'dzin la mdzes la/ /rlung dang sngags gnyis 'dres pa yi/ /rdo rje'i bzlas pa brtsam par bya/ /sems dang rgyu mngon dam pa/ /gnyis med ting 'dzin la gnas nas// 'bras bu bla med thob par 'gyur/ /zhes pa dang gos sngon po can me ri 'bar ba'i rgyud las/ /phyag rgya ma ni legs mdzes la/ /gnas kun tu ni yi ge bsam/ /de las phyag mtshan skur gyur te/ /nyid ni rdo rje khros mar bsam/ /gnyis med sbyor

  256. 128b

    ba'i sems dbang bskur/ zhes 'byung ba dang/ phyag na rdo rje bde ba rgyan gyi rgyud las/ /gang la gsang ba'i rtsa yod pa'i/ /phyag rgya ma ni legs mdzes la/ /yi ge rtsa yi byin brlabs te/ /btang zhing bzlog pas dngos grub 'gyur/ zhes pa lta bu'o/ /de nas de nyid kyi grogs bstan pa'i phyir/ /rang bzhin 'phags dang bla ma dang/ /zhes bya ba la sogs pa smos te/ mchod pa'i yul du rab tu gyur pa rdo rje 'chang chen po dang/ de las gzhan pa ni sangs rgyas dang/ byang chub sems dpa' gzhan rnams so/ /bla ma ni lung ston pa'i slob dpon te/ dbang bskur ba ni bla mar gzung ngo/ /des ni 'jig rten gyi lha mahA de ba la sogs pa dang/ log pa'i slob dpon bsal lo/ /gong ma de la mchod na ni/ /dngos grub myur du 'thob pa ste/ /sngon du 'gro ba dang 'grel to/ /gal te gzhan la phan 'dogs na/ /sku de sna tshogs sku ru snang zhes pa ni/ gang dag lha'i bsnyen dang ldan pa la/ lha'i skur snang ste/ de bas na de la sogs pa la de dang de'i rnam pa bstan to/ /gzhan go sla'o/ /le'u gnyis pa ni grangs kyi gnyis pa'o/ /rtog pa thams cad bsdus pa'i sgron ma las le'u gnyis pa'i bshad pa'o// //de ltar le'u gnyis par rim pa gnyis bdag dang gzhan gyi don phun sum tshogs par bstan kyang/ sngags kyi mdza' ma shes na de nyid kyi don mi 'grub pas de'i phyir de la de bstan to/ /gzhan yang gsang sngags sbyor ba ni zhes pa ni/ bsam gtan dang phyag rgya la sogs pa'i bskyor ba ma yin gyi sngags kho na'i shas che ba ste/ gang la de yod pa de la de skad ces bya'o/ /de nyid gang zhe na/ da ha zhes pa ni/ dngos su bstan pa ste/ des 'og ma'ang shes par bya'o/ / thogs med ces pa ni rdo rje bzhin thogs pa med pa ste/ de'i don yang bdag nyid kyi sku dang ldan pas bsgrub bya'i ming gi mdza' da ha zhes bya ba'i ming dang spel te/ de'i sbyor ba dang ldan par gyur na rdo rje bzhin thogs pa med par sregs pa'i las grub

  257. 129a

    par 'gyur te/ gzhan la'ang de ltar shes par bya'o/ /gnyis kyi 'og ma ni i'o/ /gsum pa ni ga'o/ /ril mdza' ni ring po ste/ gsum pa'i mdza' na ni ste/ drag po dga' ba'i ha gnyis lan zhes pa ni ga la ha btags pa dang/ na'i go ste dngos su grih+Na grih+Na zhes pa'o/ /lan gnyis smos pa ni zung zhig pa'o/ /de'i bsam gtan ni lcags kyu can la sogs spros te/ zhe na pa dang gnas pa'i sa nas snying ga nas bzung nas 'ong bar bsam pa ni lcags kyu'i sbyor ba zhes bya'o/ /hUM phaT ni kun la sbyar ro/ / badzra pA Ni phyag na rdo rje'o/ /nI lAM ba ra ni gos sngon can te/ gong ma dang 'brel pas kyi phyag na rdo rje gos sngon po can che ge mo zung zhig rab tu zung zhig pa'o/ /mjug tu rdzogs pa nik+Sha ste/ de'i gong na 'dug pa ni ha'o/ /gsum pa'i mdza' ni na'o/ /lan gnyis ni ha na ha na zhes pa ste rgyob cig pa'o/ /gsum pa ni sde tshan gsum pa ste de'i dang po ni ta'o/ /gnyis pa ni tha ste/ drug pa'i dang po'i yi ge ni ya'o/ /lan gnyis ni ta thA ya ta thA ya zhes pa ste/ gtogs shig pa'o/ /de gnyis ni thob can dang gtun phrugs can bskul ba'o/ / gnyis pa'i dang po ni tsa'o/ /lnga pa'i dang po ni pa'o/ /drag po dga' ba'i sa bon ni ha ste gong ma'ang shes par bya'o/ /'di ni pa tsa pa tsa zhes pas chos shig pa ste/ gnyis gnyis shes par bya'o/ /le'u gsum pa ni grangs kyi gsum pa'o/ /rtog pa thams cad bsdus pa'i sgron ma las le'u gsum pa'i bshad pa'o// //de ltar sngags rab tu bshad kyang sbel ba dang yon tan ma shes na 'jug par mi 'gyur bas/ de'i phyir de la de bstan to/ /de la sna tshogs mngon par 'grub pa ni sku gsung thugs sna tshogs par 'gyur ba ste/ las bcu'i phyag rgya la sogs pa'o/ /ting nge 'dzin gang la de skad ces bya ba yod pa'i ting nge 'dzin de la snyoms par zhugs te gsungs zhes bya bar sbyar ro/ /gang gsungs she na/ sngags dang don du bcas pa 'og ma'o/ /de la de ha

  258. 129b

    ni sregs shig pa'o/ /badzra ni rdo rje ste rdo rje bzhin thogs pa med par sregs shig pa'o/ /gang gis gang zhe na/ phyag na rdo rje gis sngon po can bsam gtan gyi mes sregs shig pa'o/ /de yang klu bsreg pa ni nA ga rA dza zhes pa'am/ yang na sarba nA ga ya rak+Sha rak+Sha sa zhes pa dang sbyar ro/ /lha bsreg na sarba de ba rA dza zhes pa dang sbyar ro/ /gnod sbyin bsreg na ku be ra sarba zhes pa dang sbyar ro/ /yi dags bsreg na sarba ya ma zhes pa dang sbyar ro/ /srin po bsreg nas rba rA kA sa zhes pa'o/ /dgra bsreg na sarba sha truM zhes pa dang sbyar ro/ /de la sogs pa gang la bya ba'i ming gi sngags dang sreg pa'i sngags sde lte/ sngags 'di dag ni phyag na rdo rje la sogs pa'i rgyud las gsal bar gsungs so/ /ji ltar bsreg pa'i sngags la sbel ba de ltar dgug pa la sogs pa la'ang spal lo/ /gang zhig 'di 'dzin rnal 'byor de zhes pa ni/ rnal 'byor pa gang zhig sngags 'di 'dzin par 'gyur te zhes pa'o/ /nyes pa kun las rab tu thar zhes pa ni/ 'byung po dang yi dags la sogs pas byas pa'i rig sngags kyi sbyor ba la sogs pa las thar pa'o// legs pa'i yon tan thams cad 'thob ces pa ni/ nyes pa las log pa'o/ /yang na rgyud 'di'i don 'dzin pa de rnam par rtog pa'i 'ching ba las thar nas dngos grub rnam gnyis 'thob po/ /gzhan gong du bshad pa bas/ rtog pa thams cad bsdus pa'i sgron ma las le'u bzhi pa'i bshad pa'o// //spel ba dang yon tan bstan kyang 'khor lo bsgom pa ma bstan na 'grub par mi 'gyur bas de'i phyir de la de bstan to/ /'od zer ni 'khor lo ste so so'i 'od dang ldan pa'o/ /des bsreg pa la sogs pa mngon bar 'grub pa'i ting nge 'dzin gang la de skad ces bya ba yod pa'i ting nge 'dzin de la de skad ces bya'o/ /'byung ba bzhi'i sangs rgyas rab bsgoms nas zhes pa ni/ las so so'i dbang du'o/ /me brgyad ni rkang mthil gnyis dang/ dpyi mi gnyis

  259. 130a

    dang/ lag pa gnyis dang/ 'doms dang mgrin pa brgyad du raM las byung ba'i gru gsum dmar ba brgyad bsgom mo/ /chu brgyad kyang de ltar brgyad du baM las bdud rtsi'i rgyun 'byung bas dag par bsam mo/ /gnas brgyad du laM las sa gzhi ser po gru bzhi bzung bzhi rdo rje bzhis mtshan pa'o/ /de ni sa brgyad pa'o/ /yang na gnas der yaM brgyad las rlung gi dkyil 'khor brgyad bsgom pa'o/ /de ni rlung ngo/ /'khor lo ni des de dang de'i rnam par gcod pa'i phyir ro/ /'bras bu rims kyis gnod sbyin gtso zhes pa ni/ hUM dang rdo rje las gos sngon po'i skur 'grub pa'o/ /yang na ni 'di ltar yang sngon te/ slob dpon yang na mdun gnas pas bdag nyid mdza' yas brgyad du/ raM las byung ba'i me 'bar ba/ 'og tu rlung gis g.yogs pas 'bar/ /'byung po thams cad tshig nas byed/ /thal ba'i shol du yaM las rlung/ /bskyod pas gtor nas dag pa'i sar/ /yi ge baM las chu skyes pas/ /dngos dang bag chags dag pas bkrus/ /kun bzhi byang chub thig le las/ /hUM gyur de las rdo rje'i sku/ /gsang ba'i bdag po gos sngon gsal/ /ye shes gos sngon gnyis med bstim/ /yang na mdun gyi de nyid bzhugs/ /gnas brgyad lam las sa gzhi brgyad/ /steng du rin chen 'byung ldan sku/ /bdud rtsi bum pa thogs pa brgyad/ /'od kyi 'phro 'dus stong gsum tshe/ /bdud rtsi bum par blug cing dgang/ /mdun rgyab g.yas g.yon gos sngon bzhi/ /tshe la gnod pa'i bgegs rnams bsrung/ /de ltar byas nas bzlas pa bya/ /phyi nang dgug pa dang brtan pa dang/ /yi ge oM gyi gsum la dmigs/ /phyogs dus lha mos mchod pa byed/ /ces pa ni/ sgrub pa'i thabs su shes par bya'o/ /rtog pa bsdus pa'i sgron ma/ las le'u lnga pa'i bshad pa'o// //'khor lo'i sbyor ba dang ldan yang sbyin sreg gi cho ga med na 'grub par mi 'gyur bas de'i phyir de la de bstan to/ /las bcu'i sbyin sreg ni

  260. 130b

    las bcu kho na'i sbyin sreg ste/ sbyin sreg gang la ming de skad ces bya ba yon pa de la de skad ces bya'o/ /gsungs shes bya ba ni de lta bu'i sbyin sreg gsungs so/ /zhi la zhes pa zhi ba'i sbyin sreg gi sngags so/ /shAn+tiM ku ru zhes pa ni zhi bar gyis shig pa'o/ /des bdud dang srin po la sogs pa zhi bar 'gyur pas de skad ces bya'o/ /rgyas pa ni tshe dang bsod nams la sogs pa rgyas par byed pa ste/ de'i sngags gsungs pa duSh+Ti ku ru ni rgyas par gyis shig pa'o/ /dbang ni klu'i bu mo dbang du bya ba dang/ lha'i rgyal po dbang du bya ba la sogs pa'o/ / de'i sngags gsungs pa/ ba sha ku ru ni dbang du gyis shig pa'o/ /drag po ni drag po ste/ 'dir bsad pa'i las kho na drag po'o/ /de'i sngags gsungs pa/ ma ra ya 'am yang na sum b+ha ni la sogs te/ rtsa ba dang ming dang bskul bar bya ba sel bar ni sngags so// shing ni ga sla'o/ /thab khung dbyings ni las bzhi ste/ zhes pa zlum po dang gru bzhi dang/ zla gam dang b+ha ga lta bu'o/ /las thams cad pa ni pad+ma'i dbyibs kyi thab khung du tsan dan gyi shing la me bus te bsreg pa'o/ /de nyid kyi sngags gsungs pa/ bi d+hwaM sa ya ni dbye ba'o/ /uts+tsha ta ni bskrad pa'o/ /mo ha ya ni rmongs pa'o/ /staM b+ha ya ni mnan pa'o/ /ut+ma na ni smyo ba'o/ /A kArA ya ni dgug pa'o/ /lhag ma ni smyo bar bya'o/ /de'i las kyi man ngag ni thab khung gzhal yas khang du so so'i me lha spyan drangs te/ mchod pa dang/ bstod pa dang/ gnyis su med par byas nas dbus su 'phags pa gos sngon po can las so so'i dbu rgyan dang ldan pa la ye shes kyi 'khor lo bcug ste/ gnyis su med pa la sbyin sreg byas pas de dang de'i rnam par 'grub par 'gyur ro/ /rtog pa bsdus pa'i sgron ma las le'u drug pa'i bshad pa'o// //de ltar le'u drug pa'i sbyin sreg gi cho ga bstan kyang/ /sme ba'i sbyin sreg ma bstan na don med par 'gyur bas de'i phyir de la de bstan to/ /dpal ldan gos sngon can zhes bya ba bshad zin to/ /gdul

  261. 131a

    bar dka' pa 'dul ba'i mchog /ces pa ru tA la sogs pa 'dul ba'o/ /gsang ba ni sku gsung thugs te/ de'i bdag po yin pas de skad ces bya'o/ /drag po chen po ni drag po chen po ste/ drag po gang la rab tu 'bar ba yod pa de la de skad ces bya'o/ /ting nge 'dzin de la snyoms par zhugs pa'i tshe/ 'khor gyi klu ni 'khor na gnas pa'i klu ste/ dga' bo la sogs pa'o/ /gang gis de dbang du bsdus pa'o/ /gang gi tshe klu dbang du sdud pa de'i tshe/ khams gsum rnam par rgyal bas zhus te lung bstan to/ /zhus pa'i rgyud ni mkha' 'gro ma'i gling na 'dug pa'o/ /gang gis bsdus pa la dga' ba 'jug par 'gyur ba de'i tshe bsdus pa bstan to/ /gang tshe khams gsum rnam par rgyal bas zhus pa de'i tshe gsungs shes sbyar ro/ /zhus pa'i le'u re re las sbyar te/ 'dir ma smos so/ /nyen bzlog pa'i gnas gsungs pa/ rim pa gsum ste/ 'di la rim pa gsum yod pas rim pa gsum pa'o/ /der ci bya zhe na/ phyi rol gyi khang par smre ba'i sbyin sreg bya ste/ de nyid gsungs pa/ ho ma khung gru gsum gdengs pa'i stengs/ /dug sogs shing la me sbar te/ /steng du nad pa me brgyad bsgom/ /gu gul la sogs dud pas bdug /slob dpon gsang bar phyag rgya yis/ /bya khyung gzugs la dbab pa brtsam/ /de yi steng nas brdab pa dang/ /klu gzir drag sngags bzlas par bya/ /de las thon pa'i klu rnams bkug /phyi yis gzhal yas khang du dgug /dug bcom sos nas gnas su bskyal zhe'o/ /bar du phyi nang khrus byas te zhes pa ni/ de nas bar gyi khang par phyi nang gi khrus kyis dag par bya'o/ /der ni tshogs kyi 'khor lo la sogs pa'ang bya ste mnyes pa'o/ /nang du bum pa'i dbang bskur zhes pa ni/ nang du dkyil 'khor chen po'i cho ga rdzogs par byas te/ bum pa la sogs pa'i dper bskur ba'o/ /des cir 'gyur zhe na/ nyen rnams bzlog la the tshom med/ /ces

  262. 131b

    gsungs te/ 'byung po'i nyen la sogs pa myur du bzlog par 'gyur ro/ /rigs mthun pa'i klu la sogs pa kha cig la ni rung ba ma yin no/ /gzhan ni go sla'o/ /rtog pa bsdus pa'i sgron ma las le'u bdun pa'i bshad pa'o// //yi dags thams cad bzlog pa'i cho ga gsungs kyang gtor ma'i las med na 'grub par mi 'gyur bas de'i phyir de la de skad bstan to/ /thams cad ldan pa'i gtor ma ni/ /phye dang me tog la sogs pa dang/ /sman dang 'bru dang dri dang snying po'o/ /raM gyis sbyangs zhes pa ni/ yi ge raM gyis dngos po bag chags su gyur pa bsregs pa dang/ yaM las rlung gi bus khaM las chus bkrus/ de'i dbus su baM las chu rgyun byung bas mnyes par byas te/ phyi ltar bshad pa'o/ /yang na thams cad ldan pa ni sha lnga dang bdud rtsi lnga la sogs pa ste/ de la yi ge gsum gyis dag pa las sha lnga bdud rtsi lnga bskyed de/ dbab pa ni oM las byung bas ye shes kyi bdud rtsi phab ste/ gnyis su med pa ni sbyor ba'o/ /dza yis bkug ste zhes pa ni bdag 'phags pa gos sngon po can gyi bsam gtan dang ldan pa'i 'od zer las lha mo lcags kyu can gyi tshogs kyis 'byung po thams cad bkug ste/ ye shes kyi 'khor lo bkug nas gtor ma sbyin no/ /da ni zhes bya ba la sogs pa ni go sla'o/ /rtog pa thams cad bsdus pa'i sgron ma las le'u brgyad pa'i bshad pa'o// // bsam gtan 'khor lo med pa la zhes pa ni bsam gtan mi nus pa'o/ /sngags kyi nges pa ni sngags kyi man ngag ste/ nus pa khyad par can 'byung ba'i sngags bshad pa'o/ /de lta ta ta ya thA/ zhes pa ni/ dang po las thams cad pa'i sngags so/ /de bas sngags de ni kun la sbyar ro/ /las so so ba ni 'byung po so so 'dul ba'i sngags te/ de ni dang po klu gdul ba'i sngags so/ /bud d+ha sogs pa ni sme ba'i sbyin sreg gi dus so/ /yang na dkyil 'khor pad+ma 'dab ma brgyad la/ dga' bo la sogs klu brgyad dgod/ /mnyes par byas nas bdug

  263. 132a

    pa dbul/ /zhe'o/ de'i 'og ma gshin rje dgod pa dang bzlog pa ste/ 'khor lo bcu drug dkyil 'khor du/ /'jam dpal sprul pa bcu drug dgod/ mnyes nas 'khor du gtogs pas bzlog zhe'o/ /pre? ta na yi dags 'brog pas te/? /de? yang? 'khor lo brgyad kyi dkyil 'khor du/ /yi dags gtso bo brgyad pa mnan/ /'dod rgyal 'chid byed srog len dang/ /ral gcig gcer bu bu pa'i sna/ /mgo skyes mig bzang zhes su bshad/ /de yis de dag 'dul bar mdzad ce'o/ /gnad sbyin bzlog pa ni gnod sbyin sde dpon nyi shu lnga/ /bsdus pa'i gtso bo rnam pa brgyad/ /'dab ma brgyad la bkod cing bzlog ce'o/ /gzhan ni gzhung las shes par bya'o/ /de lta bu'i sngags gsung bar 'gyur bas bdag po ste/ de lta bu'i sgo nas yon tan brjod pa ni bstod pa'o/ /rtog pa thams cad bsdus pa'i sgron ma le'u dgu pa'i bshad pa'o// //de nas dbug pa'i las bshad par bya ste/ rdo rje lcags kyu ni phyag na rdo rje'i 'od zer las byung bas lcags kyu'o/ /yang na rlung gi rnga mo 'am/ rlung gi dkyil 'khor gyi steng du bkug nas 'od bar bsam mo/ /rlung dang lcags kyus 'grub pa de bzhin du me yis kyang nus shes sbyar ro/ /sngags gong du bstan to/ /bsam gtan drag po ni gong ma nyid do/ /klu rigs du ma thams cad kun ces pa ni rgyal rigs la sogs pa'o/ /'gugs 'gyur zhes thabs 'di la gnas kyis ma yin no/ /khugs pa de ji ltar bya zhe na/ zangs gzhong nang du spyan drangs te zhes pa zangs gzhong du dgug ce'o/ /de'i ni nyen gyis zin pa'i lus la sbal ba la sogs pa bkod la sngags dang phyag rgyas dbyung bar byas te/ zangs gzhong du dgug ce'o/ /dug gzhom pa ni 'dod chags la sogs pa'o/ /sman gyis gos zhes pa ni dbang po lag pa la sogs pas gso pa'o/ /gang gnod phyogs su bskyal zhes pa ni/ gang na gnas pa'i sar bskyal ba'o/ /rtog pa

  264. 132b

    thams cad bsdus pa'i sgron ma las le'u bcu pa'i bshad pa'o// //de nas klu gzir ba bshad par bya ste/ zhi ba'i las kyis mi 'dul ba ni zhi bar mi 'gyur ba'o/ /de gzir ba'i sngags ni ta na la sogs pa'o/ /bsam gtan zhes pa ni sngags de dang 'brel ba'i bsam gtan no/ /de ni gang zhe na/ rdo rje la sogs pa thogs pa'i khro bos brdeg par bsam mo/ /'og tu me'i 'khor lo bsam zhes pa mi brgyad bsgom pa'o/ /gzhan go sla'o/ /yungs kar yungs nag ces pa la sogs pa'i don ni/ /yungs kar yungs nag la sogs pa khro bo'i tshogs su bsams la brdeg ce'o/ /khra spyang la sogs pa ni/ khra dang spyang sku la sogs pa'i gsob kyis brdab cing sngags gong ma'o/ /klu gzir ba'i cho ga bstan pa de bzhin du yi dags gzhan la yang shes par bya'o// myur du thar pa ni myur du gnod pa sel ba'o/ /rtog pa thams cad bsdus pa'i sgron ma las le'u bcu gcig pa'i bshad pa'o// //de nas mchod pa ston te/ nyid la nyid mchod pa zhes pa ni nyid kyis mchod pa nyid la khyab pa ste/ 'og nas ston to/ /rdo rje bdug pa mo ni phyag na rdo rje mnyes par byed pa'i spos so/ /yang na thogs pa med pas rdo rje'o/ /bdag nyid dri yis rgyas mdzad ma/ /zhes bya ba ni/ dri'i mchod pas mnyes par byed ma zhe'o/ /me tog thogs pa me tog ma'o/ /bdag gi dkyil 'khor gsal bar bkra pas bkra ba'o/ /spos dang sman gyi 'ang gu thogs pas dri chab ma'o/ /nyon mongs pa thams cad dag par byed pas dag ma'o/ /mar me thogs pas mar me ma'o/ /bdag nyid kyi dkyil 'khor gsal bar byed pas gsal byed ma'o/ /ji srid thams cad mchod pa che zhes pa ni ji srid du bsam gtan gyis khyab pa de srid du mchod pa'o/ /yang na ji srid du nam mkha' bar khyab pa de srid du mchod pa chen pos zhe'o/ /de nyid kyis dbang po'i rgyud tshim pas bde ba'o/ /yang na rtsa'i pad+ma'i sangs rgyas la byang chub sems kyi mchod pas bde

  265. 133a

    zhe'o/ /de nyid ni bla na med pa'i mchod pa ste/ khyad par du 'phags pa'o/ /yang dag pa'i mchod pa ni log pa'i mchod pa dang bral ba'o/ /rtog pa thams cad bsdus pa'i sgron ma las le'u bcu gnyis pa'i bshad pa'o// //de nas 'khor lo sngon byung ba ston te/ bsdu ba ni klu'i tshogs la sogs pa bsdu ba'o/ /sdud par byed pa'i ting nge 'dzin gang la ming de skad ces bya ba yod pa'i ting nge 'dzin pa la snyoms par zhugs so/ /me'i 'khor la ni 'khor lo brgyad pa'o/ de'i sngags ni gong du bstan pa'o/ /des ci byed ce na/ klu tshig par byas shes so/ /bral nas dpag tshad gnas su 'bros zhes pa'o/ /byed sha thon nas bros pa'o/ /slar bsdus bdud rtsi sman gyis gsos zhes pa ni bdud rtsis sos par gyur pa'o/ /so so'i gnas su bkod ces pa ni/ so so'i gnas su song zhes so/ /gzhan go sla'o/ /chu'i ngang la gnas 'dod na zhes pa ni/ chu'i 'khor lo bsgom par 'dod pa zhe'o/ /chu brgyad ting nge 'dzin la gnas nas/ zhes pa ni/ gong ma ltar bsam pa'o/ /'og ma ni bsdod pa'o/ /gzhan la'ang de ltar shes par bya'o/ /de ltar 'khor lo bzhi bsgoms pas yon tan gong du smos pa nyid do/ /rtog pa thams cad bsdus pa'i sgron ma las le'u bcu gsum pa'i bshad pa'o// //de nas rdzogs pa'i rim pa bshad par bya ste/ phra mo'i ting 'dzin la gnas pas shes pa ni/ chos dang sprul pa dang longs spyod dang bde ba chen po la sogs pa la thig le gnas pa dang/ rang 'byung gi yi ge gnas pa ni phra ma'o/ /ting nge 'dzin gang la ming de skad bya ba yod pa'i ting nge dzin de la snyoms par zhugs nas shes pa'o/ /zhugs pa dang de'i dang la gnas pa ni rnam grangs su gtogs pa'o/ /'khor gyi gnod sbyin ni mig mi bzang la sogs pa ste/ de dag gis zhus pa'o/ /phra mo'i thig le ni 'khor lo bzhi'i thig le'o/ /cir snang dngos po gcig tu 'dus shes pa ni 'bar

  266. 133b

    pa'i me'i dang ba gnas las byang chub sems kyi khu bzhu ba'o/ /de nyid mdza' 'das rang bzhin med ces pa ni/ 'od gsal chos sku thob pa ste/ rnal 'byor gyi lam gyi dbang du byas pa'o/ /'dod chags ting 'dzin la gnas nas shes pa ni/ rdo rje khros ma dang sbyor pas shes pa ste/ gzhan las bde ba'i 'phro 'du rab byed cing/ /'o dang 'khyud pa la sogs pa zhe'o/ /'khor gyi gnod sbyin mang po kun zhes pa ni/ 'khor gyi gnod sbyin 'dod chags dang bral ba'o/ /sdangs dang dus dang brgyal ba dang zhes pa ni/ de lta bu'i 'dod chags kyi chos mthong bas spangs pa la sogs pa'o/ /bslang ste bla med don bstan pas/ /shes pa ni/ nga rgyal ba thams cad bslad ste/ bla na med pa'i pho nya'i man ngag bshad pa'o/ /des cir 'gyur zhen/ thams cad 'dod chags mngon sangs rgyas zhes pa/ gnod sbyin thams cad pho nya'i lam du zhugs pas sangs rgyas par 'gyur ba'o/ /'khor gyis sku la mngon par bstod ces pa ni 'khor gnod sbyin gyi tshogs kyis yid rab tu dga' ste/ bstod pa byas she'o/ /lung gzhan las chos dang longs spyod bde chen sprul/ /sum bcu gnyis dang bcu drug brgyad do/ /drug cu gnyis kyi dbus dag tu/ /thig le bzhi las gcig tu gyur/ /des ni bla med mngon par 'grub ce'o/ /rtog pa thams cad bsdus pa'i sgron ma las le'u bcu bzhi pa'i bshad pa'o// // de'i rjes su yi rang ston pa'i phyir/ 'dus pa'i 'khor rnams kyis zhes bya ba la sogs pa gsungs te/ lcang lo can gyi pho brang na zhes pa ni/ 'og min gyi gnas na zhes pa'o/ /gsang ba'i bdag po gos sngon can zhes pa gong du bshad pa'o/ /yon tan thams cad sku la rdzogs/ zhes pa ni/ mtshan dang dpe byad dang ldan pa'o/ /yang na dngos grub rnam pa gnyis 'byung ba'i gnas su gyur pa'o/ /dngos med dag pa ni thugs rnam par mi rtog pa'i ye shes so/ /de dang ldan pa de la phyag 'tshal lo zhes sbyar ro/ /'khor gyi klu tshogs

  267. 134a

    'dul ba'i tshe/ zhes pa ni/ 'khor na gnas pa klu rigs bzhi 'dul ba'o/ /klu brgyad sku la rab brgyan nas/ zhes pa ni/ klu dga' bo la sogs pas brgyan pa'o/ /klu gtso zhal du gsol bar mdzad ces ba ni/ sprul nag po zhal du gsol par mdzad ce'o/ /de ltar na klu thams cad 'dul bar 'gyur ro/ /de'i lus la brgyan pa ni sprul par shes par bya'o/ /klu 'dul byams pa ni byams pa chen pos klu thams cad 'dul bar byed ce'o/ /sna tshogs dag pa'i sku mnga' zhing zhes pa ni/ rang bzhin gyis rnam par dag pa las longs spyod rdzogs pa dang sprul pa'i sku sna tshogs par snang ba'o/ /ris drug sde brgyad 'dul bar mdzad ces pa ni/ 'gro ba ris drug gam lha ma srin sde brgyad 'dul bar byed pa zhe'o/ /skyon gyis ma gos rang sangs rgyas zhes pa ni/ dngos po dang mtshan ma'i skyon gyis ma gos shing rang bzhin gyis rnam par dge ba'o/ /thogs med kun 'dul zhes pa ni/ /gdug pa can la sogs pa 'dul ba la thogs pa med pa zhe'o/ /ji ltar bsam pa'i dngos po kun zhes pa ni/ ji ltar 'dod pa'i dngos grub kun zhes pa'i don to/ /khyod las byung bas mi bzad gter zhes pa ni/ yid bzhin gyi nor bu bzhin du 'byung zhe'o/ /sna tshogs yid bzhin 'phrul po che zhes pa ni/ /sku gsung thugs sna tshogs par 'byung ba ste/ sgyu ma 'am mig 'phrul dang 'dra ba zhes pa'i don to/ /yid bzhin nor bu khyod phyag 'tshal/ zhes pa ni/ yid bzhin gyi nor bu dang 'dra ba'i sku mnga' ba khyod la phyag 'tshal lo zhes pa'i don to/ /nad dang rims kyis gnyen po mdzad ces pa ni/ nad dang rims thams cad sel bar mdzad pa ste/ snang ba dang mun pa lta bu'o/ /nor dang rdzas kyi bdag po mdzad ces pa ni/ nor dang rdzas thams cad la mnga' brnyes pa zhes pa'o/ /'jigs pa kun la skyab par mdzad ces pa ni/ nad dang dug dang sprul la sogs pa'i

  268. 134b

    'jigs pa mi 'byung ba'o/ /de ci'i phyir zhe na/ 'phags pa lag na rdo rje gos sngon can la phyag 'tshal ba dang/ mchod pa byed pa de ni nad la sogs pa'i 'jigs pa thams cad las thar bar 'gyur ro/ /chu dang me la sogs pas 'jigs/ /gos sngon ming tsam thos pas thar zhe'o/ /bla med skyob mdzad ces pa ni/ bla na med pa'i sku gsum te/ de dang ldan pa de yang bla na med pa'o/ /des skyob pa ni gong du bshad pa'o/ /de lta bu'i yon tan dang ldan pa khyod la phyag 'tshal lo zhes pa'o/ /lha dang klu la sogs pa ni yi ngags dang brjed byed dang mngag pa dang pho nya yang bsdu'o/ /yid dga' ba'i mchod pas khyad par 'gyur zhes pa ni gos sngon po can mnyes par 'gyur zhe'o/ /mi la sogs pa'i 'jig rten nyen dang ldan pa thams cad bde ba la bkod do zhes pa ni/ rims nad la sogs pa'i nyen thams cad las thar bar 'gyur zhe'o/ /'phags pa lag na rdo rje gos sngon po can rgyud/ /bde gshegs yul gyur rtogs dka' sbas pa'i gsang chen te/ /blo dman bdag gis shin tu brtsam par mi rigs kyang/ /bde gshegs bka' la bdag gis rab brten nas/ /bdag pas dman la phan phyir rgyud kyi 'grel 'di brtsams/ /'di la nyes par gyur pa'i skyon rnams kun/ /phyogs bcu dus gsum bde gshegs thams cad dang/ /sa gnas rdo rje sems la bzod par gsol// bdag gis brtsams pa'i dge ba'i rtsa ci thob de dang de dag gis/ /'jig rten khams 'dir rtog pa bsdus pa'i sgron 'di 'dir gnas shing/ /'di la brten nas bdag dang mdza' yas sems can thams cad kun/ /bla med gos sngon mchog dang thun mong thams cad thob par shog /rtog pa thams cad bsdus pa'i sgron ma/ slob dpon chen po sh+rI b+ha tres mdzad pa rdzogs so// (//gos sngon can gyi rgyud rgya cher bshad pa slob dpon mchog rab snying pos mdzad pa bzhugs//) //rgya gar skad du/ Arya nI lI ba ra

  269. 135a

    nA ma tan+t+ra TIkA/ bod skad du/ 'phags pa gos sngon po can zhes bya ba'i rgyud rgya cher bshad pa/ 'phags pa 'jam dpal gzhon nur gyur pa la phyag 'tshal lo/ /'gro ba gang gis mi shes rab rib sel cing bde ba dag la legs 'god pa// mgon po sgrib pa kun spangs yon tan ma lus kun gyi bdag nyid 'khor lo dpa' bo sde dpon che/ /nyes dang nyes bral kun spangs bde ba bla med dag dang rab bcas kun tu sna tshogs don grub pa/ /rgyal ba gsang chen rdo rje can dang bdag por bcas la kun nas dang bas phyag 'tshal te/ /gang zhig gsal bar ma bshad 'gro ba thams cad mun 'drar 'thoms 'gyur zhing/ /shes rab mig dmar phye phyir gang gis gang bshad pa/ /de dag dman par gyur cing gsal bar ma byas pa/ /grong khyer ser skya la sogs gnas po'i bdag po legs mnyes de yi stobs kyis 'ongs/ /ci nus gang nus dpung bcas shes rab legs brdams gang thob de dag dgrol bar bya/ /'di skad bdag gis thos zhes bya ba la sogs pa'i tshig 'di dag gis ni rgyud 'di brjod par bya ba dang/ dgongs pa dang/ 'brel pa dang/ dgos pa'i yang dgos pa bstan te/ 'di ltar brjod par bya ba med pa'i tshig la ni/ nam yang rtog pa sngon du gtong ba rnams 'jug par mi 'gyur te/ smyon pa'i tshig lta bu yin la/ nyan pa po slob pa dag kyang de lta bu'i tshig la zhugs nas ldog par 'gyur ba nyid do/ /brjod par bya ba yang tha snyad tsam du med pa ma yin gyi/ dngos po la med pa nyid do/ /gal te brjod par bya ba bstan kyang dgos pa ma bstan na yang de bzhin te/ byis pa'i tshig gam gang du gzhan gyi tshig bzhin du dgos pa med do zhes bstan par 'gyur ba nyid do/ /brjod dgos pa'ang gzhan gyi bsgrub pa ma yin nam/ yin gyi de las gzhan du ma yin no/ /'brel pa med pa'i tshig la med pa'i tshig la

  270. 135b

    de ? te/ dper na rta brjod pa'i sgras blang po la sogs pa lta bu yin la/ de lta na yang de bzhin du 'gyur ba nyid do/ /gal te dgos pa'i dgos pa mi bstan na yang de bzhin te/ 'di ltar gang zhig gis 'bras bu med pa'i rtog pa 'dis ci zhig bya/ dper na bud med? bud med la 'brel ba'i yan lag rten pa lta bu dang ma ning gi gzugs la 'dod chags can rtog pa lta bu ste/ bdag kyang ci nas yi 'chad par 'gyur ro/ /zhes yongs su brtags nas 'jug par mi 'gyur ba lta bu'o/ /de bas na 'jug pa'i yan lag gi gtso bo yin pa'i phyir/ thog ma nyid du chi? dgos pa'i dgos pa brjod par bya'o/ /de gang las 'byung ba shes par bya ba'i phyir/ de nas dgos pa dang 'brel ba brjod par bya'o/ /de ltar gzhan du yang brjod par bya ba la sogs pa tshol bar nus pa la ni 'og? mar? brjod par bya ba bstan to/ /de nas dgos pa la sogs pa bsnyad par bya'o/ /de las 'di brjod par bya ba gang zhig ce na/ 'di ltar lam dang 'bras bu dang spang bya ste/ 'di ltar lam la brten nas 'bras bu thog pa de nas ni de dang 'gal ba'i chos spong bar 'gyur ro/ /zhal te de ltar yin du thad? mod/ de nyid bstan pa ci'i phyir zhe na/ de'i phyir sgra'i tshig la ma brten par nam yang rtog pa mi 'byung ngo/ /gal te byung na ni thams cad gzhung gi tshig la sogs pa la mi bltos par der 'gyur pa zhig na de ni med do/ /gal te yod na rkyen gzhan la bltos te skye ba'am/ skye na gzhan dang bral bas skye bar rtogs grang na dang po ltar na yang thams cad la thams cad skye ba'am/ rgyu thams cad du rgyu la rang bzhin bye brag 'gyur ba med par thal bar 'gyur ro/ /phyi ma ltar na yang 'ba' zhig pa rnams la ni nus pa med pa'i phyir/ gal te de ltar na yang 'gyur ro zhe na ni/ 'bras bu yan lag ma tshad ba med pa'i phyir dus thams cad du 'byung ba zhig na de ni mod do/ /de bas na gzhung gi tshogs med na brjod

  271. 136a

    par bya ba rtog pa mi 'byung ngo/ /de bzhin du rtogs pa dgongs pa yin pa dang/ gzhung thams cad yin pa la sogs par rtogs pa'i dgongs par yang mi 'byung ngo/ /de bas na shugs kyis gzhung gi tshogs 'di dag thabs yin la/ dgos pa thabs las phyung ba nyid kyis 'brel pa'ang bstad pa yin no/ /de bas gzhung gis bstan pa blang ba dang dor ba la sogs pa ni dgos pa yin no/ /de la cir 'gyur zhe na/ rang dang gzhan gyi don phun sum tshogs par ? 'gyur te/ bsgom pa'i rim gyis thog ma nyid du tshogs kyi lam la gnas par byed do/ /de nas zab pa dang mi zab pa'i bye brag gi rim gyis drod thob par 'gyur ba la sogs pa sbyod pa'i rim gyis thob par 'gyur ro/ /de nas ni chos thams cad kyi de kho na nyid mngon sum du gyur pas mthong ba'i lam la sogs pa thob nas/ nyon mongs pa'i sgrib pa dang shes bya'i sgrib pa la sogs pa sa bon dang bcas pa bton pa ni rang gi don phun sum tshogs par 'gyur ba'o/ /bskyed pa la sogs pa lus su dung nas sems can rnams kyi snod dang snod ma yin pa legs par brtags te/ mtho ris kyi lam ni dge ba dang bsam gtan dang snyoms par 'jug pa la sogs dang/ nyan thos dang rang rgyal dang/ byang chub sems dpa' dang/ bla na med pa'i sangs rgyas kyi lam la dgod pa ni gzhan gyi don phun sum tshogs pa ste/ ji skad du de bzhin gshegs pa thams cad kyi/ /gsang ba la ni gang gnas pa'i/ /mthong dang goms pa'i rims pa yis/ /sangs rgyas sar ni 'gro bar byed/ /sems can rnams kyi don gyi phyir/ /sna tshogs sku gsung thugs rnams kyi/ /byang chub sems ni bskyed byas na/ /so so'i 'bras bu thob par byed ces 'byung ba dang/ /gzhan yang theg pa chen po'i rigs kyi gang zag gis/ /dang po byang chub sems bskyed de/ /bsam gtan bsgoms pa'i rim pa yis

  272. 136b

    sangs rgyas sar ni 'gro bar byed/ /ces bya ba la sogs pa lta bu'o/ /de ltar dgos pa'i dgos pa mthar thug pa brjod nas/ gang dag dad pa'i rjes su 'brang ba dag kyang srid pa legs par gzung nas 'jug par 'gyur la/ chos kyi rjes su 'brang ba dag kyang de lta bu la gnod pa dang bral bas 'jug par 'gyur ro/ /de ltar dgos pa brjod nas/ nga ni yan lag bshad par bya ste/ /de la 'di skad bdag gis zhes bya ba la sogs pa la/ 'di skad bdag gis zhes bya ba 'dis ni sdud pa po'i tshig tu brjod de/ 'di kho na skad bshad pa bdag gis thos zhes par ston te/ 'di'i dus su ni 'di kho na ltar thos shes so/ /gal te gzhan du mi 'khrul bar 'gyur ro zhes bya ba la sogs pa spangs pa yin no/ /yang 'di skad du bdag kho nas thos zhes par yang ston te/ gang gis 'di ltar gzhan gyis ni ma yin no zhes ston to/ /dus gcig kho na'i che thos zhes pas kyang gzhan spong ba nyid du 'gyur ro zhes byas te/ 'dis chos gzhan dang ldan pa dang/ dus gzhan dang ldan pa rnams gcod pa'o/ /gal te de ltar na ni 'khor phun sum tshogs pa dang/ sdud pa po thos pa mang ba dang/ chos kyi 'khor lo rgyun mi 'chad pa la sogs pa spangs pa nyid do zhe na ma yin te/ gcig gis gcig gsal ba nyid kyi yang phyir ro/ /'khor phun sum tshogs pa yang ma yin te/ 'di dang lhan cig tu zhes pa'o/ /gal te de ltar ni 'gal ba nyid do zhe na/ ma yin te/ sdud pa po de? phyung pa bdag kho na zhes pa'i don te/ 'di ltar bcom ldan 'das kyis khams gsum rnam par rgyal ba la gzigs te 'dzum pa mdzad nas/ khams gsum rnam par rgyal ba khyod spobs par gyis shig /ces gsungs pa dang/ de nas khro bo khams gsum rnam par rgyal ba stan las langs te/ bcom ldan 'das la 'di skad ces gsol to/ /zhes 'byung ba'i phyir ro/ /'di kho na skad bshad pas kyang/ /chos gzhan spangs pa ma yin te/

  273. 137a

    de'i dus so/ /gal te de ltar na sdud pa po thos pa chung ba yang ma yin te/ gzhan gyi tshe gzhan thos so/ /chos kyi 'khor lo rgyun ma chad pa dang 'gal ba ma yin te/ dus gzhan du gzhan la rgyun mi 'chad pa'i phyir dang/ 'di kho na zhes nges par gzung bar mi nus te/ rgyud du yang dang yang du 'byung ba ma yin pas rnyed pa dka' ba nyid do/ /de bas na bdag kho nas thos zhes pa ni blo rno ba dang/ thos pa che ba dang/ rgyud rnyed par dka' ba ston te/ thos zhes pa'i sgra skad cig gcig tsam gyis thos zhes pa ni blo rno pa bstan te/ gzhan du ni skad cig tsam gyis 'dzin par ga la nus/ thos pa che ba yang 'di'i tshe thos bas gzhan du gzhan thos zhes pas bstan te/ des ni khyab pa nyid kyang bstan to/ /gzhan du ma thos zhes pa ni rgyu rnyed pa dka' ba bstan te/ thams cad kyi gnas su thos pa rnyed par ga la yin/ /de bas bdag kho na zhes pa 'gal ba med pa nyid do/ /gal te skad cig tsam gyis thos na ni de'i rim pa dang 'gal ba nyid do zhe na/ ma yin te/ byin gyis brlabs gyis ma 'gags pa'i rmi lam bzhin no/ /gzhan gyi tshe gzhan thos zhes pa yang de nyid de yin pa'am/ de yang yin pa nyid do zhe na/ de la cir 'gyur/ gal te 'di nyid yin no zhe na/ mngon sum du gang la yang gzhan du de ma grub pa nyid do/ /gal te de yang de yin no zhe na/ thams cad thams cad du 'gyur ba shin tu gcig pa nyid do zhe na ni/ de ni nyes pa med pa ste/ 'di ltar khams gsum rnam par rgyal ba nyid de de'i dus na ni der snang ste bsam gyis mi khyab pa'i mthu dang so so'i rkyen gyis der snang ba nyid de zla ba dang chu bzhin no// de bas na don du ni khams gsum rnam par rgyal ba yang phyag na rdo rje nyid do/ /gzhan du na de ltar ston par ga la nus/ gal te de ltar na bcom ldan 'das kyis bka' stsal pa zhes/ ci'i phyir ma brjod ce na/ de skad smras pa la yon tan lhag

  274. 137b

    pa ci yod/ bcom ldan 'das kyis bka' nyid du bstan pa nyid do/ /gal te de ltar na/ bcom ldan 'das kyis bstan pa bdag gis thos zhes bya bar yang 'gyur ro/ /bcom ldan 'das kyis 'di skad ces bka' stsal pa zhes bya bas sdud pa po bdag nyid kyi mngon sum du thos par gsal te/ ci nas kyang gcig tu brgyud pas sman pas bar gcod pa dang/ sman pas lung bstan pa la sogs pa dang/ ji skad bshad pas ldog par 'gyur ba nyid do/ /gal te bcom ldan 'das kyis bka' stsal pa/ bdag gis dus gcig na thos zhes pas ji skad smos pa'i nyes pa med do/ /sman pa rnams kyis bde bar rtogs so/ /de lta na ni 'di dang lhan cig tu zhes pa dang 'dir zhes pa la sogs pa yang smos par 'gyur ro/ /de la de ltar 'gyur la gzhan la shugs kyis rtogs sa zhes bya bar yang mi nus te mtshungs pa'i phyir ro/ /gal te de ltar na gzhung mangs par 'gyur ba'i nyes pa dang ldan par 'gyur ro/ /gal te mi rtog pa nyid de la der 'gyur ro zhes bya ba yang gang gi phyir/ dngos su thos zhes pa ltar na nges gsungs pa/ dngos su thos te ma gsungs pa la ni nam yang thos pa med do zhes 'jig rten gsal bar bshad zin to/ /gal te ma gsungs kyang byin gyis brlabs pa la thos pa zhes bya ba la 'byung bas/ de gsung ba'i phyir ro zhe na/ byin gyis brlabs dang smon lam gyi mthu zhes bya ba las/ rtogs par gsungs so/ /zhes bya ba'i nges pa ci zhig yod/ gal te mdo la gnod pa dang/ gzhan sgrub pa ni cung zad med de/ 'di ni bsam par bya'o/ /gal te de ltar na bka' ma yin te dus phyis 'byung ba'i phyir ro zhe na ma yin te/ 'phags pa yongs su mya ngan las 'das pa las 'khor nye ba rnams kyis dris pa dang/ mdo sde rnams la 'di skad bdag gi thos pa dus gcig na/ bcom ldan 'das che ge mo zhes bya ba la sogs pa nas/ 'khor de dag thams cad yid rangs te/ bcom ldan

  275. 138a

    'das kyis gsungs pa la mngon par bstod do zhes bya ba'i bar gyis yang dag par byos shig par lung phog go /de nas bcom ldan 'das kyis lung dang mthun par yang dag par sdud par byed pas de skad du bstan pa nyid do/ /de ltar na mngon par yang sde snod gsum sdud pa'i dus su kun dga' bo'i gdod mi cham dang bcas pas 'di skad bdag gis zhes bya ba la sogs pa gsungs pa las/ /gsung gis ma nor bar bstan pa bzhin no/ /de bas na rgyud thams cad kyi don ma lus par bstan pa'i phyir/ 'di skad bdag gis zhes bya ba la sogs pa gsungs te/ tshig 'di'i don dang bcas pa yon tan dang bcas pa/ byin rlabs chen po la sogs pa dang rab tu bcas pa'o/ /gal te 'di ltar na 'di zhes pa'am/ 'di dag ces pa 'am/ 'di rnams shes pas kyang de kho na'i don thams cad ston par nus pas/ 'di kho na zhes pa nges par gsung bar mi bya'o zhe na/ ma yin te/ gang phyir thabs dang shes rab zab mo ston pa'i brdar 'gyur ba'i phyir te/ ngar kha zhes pa bzhin no/ /de ltar na bdag gis zhes bya ba la sogs pa dang 'brel pa nyid de zhe na/ 'dod pa nyid do/ /gal te de ltar na sdud pa po med par 'gyur ro zhe na/ 'dod pa nyid do/ /'dir sems can 'dul ba'i dbang ma gtogs par ston pa zhes bya ba dang/ sdud pa po zhes bya ba la sogs pa tha dad du bya ba cung zad kyang med do/ /de ltar yang gsungs pa/ de bzhin gshegs pa thams cad kyi/ /gsang ba'i yi ge'i don rnams kun/ /rdzogs sangs rgyas kyis bstan du gsol/ /bde bar gshegs pas bstan du gsol/ /de skad ces gsol rab gsan nas/ /legs shes lan gsum gsung mdzad nas/ /rgyal ba'i sras la don 'di gsungs/ /de bzhin gshegs pa thams cad kyi/ /gsang ba'i yi ge de rnams

  276. 138b

    kun/ /ngas ni khyod la bshad par bya/ /khyod ni rtse gcig yid kyis nyon/ /e ni nam mkha' i khams yin te/ /'byung ba sdud pa yongs dag pa'i/ /'bras bu bde gshegs kun gyi bdag /gtso bo rdo rje gos sngon can/ /ba ni 'byung ba kun sdud chu/ /dkyil 'khor ngag byed chu yi khams/ /yongs su dag pa lha yi sku/ /rin chen gos sngon zhes su bshad/ /la ni gcod pa'i sgra can sa yin te/ /rten dang spu ba'i ngo bo nyid/ /yongs su dag pa lha yi sku/ /bde gshegs pas sngon zhes su bshad/ /ma ni 'byung la me rang bzhin/ /tsha zhing smin pa'i bdag nyid can/ /yongs su dag pa lha yi sku/ /pad+ma gos sngon zhes su bshad/ /ya ni rlung du grags pa ste/ /yang zhing g.yo ba'i bdag nyid can/ /yongs su dag pa lha yi sku/ /las kyi gos sngon zhes su bshad/ /gsang ba bde ma bsgrub pa las// gzhan du gsar pa rnyed ma yin/ /gsang ba 'di yi dus rnams su/ /rnal 'byor mchog gis nan tan bya/ /a ni nam mkha' yongs su dag /lus kun la ni gnas pa'i rlung/ /khyab byed ces su grags pa ste/ /nam mkha' rnam dag 'di las byung/ /la ni sa yi dkyil 'khor te/ snying na drod rlung kha dog ser/ /gnyi ga las ni 'byung ba ste/ /yi ge la dang yang dag ldan/ /ba ni chu yi dkyil 'khor te/ /lte bar mnyam gnas dkar zlum bdag /gnyi ga las ni ngal bar 'gyur/ /yi ge ba dang yang dag ldan/ /ma ni me yi dkyil 'khor ste/ /mgrin pa phyen rgyu gru gsum dmar/ /g.yon pa nas ni 'byung ba ste/ /yi ge ma dang yang dag ldan/ /yi ni rlung gi dkyil 'khor te/ /gsang ba thur sel gzhu dbyibs ljang/ /g.yas pa nas ni 'byung ba ste/ /yi ge ya dang yang dag ldan/ /e ni sgra yi rang bzhin can/ /la ni gzugs kyi bdag nyid can/ /de bzhin pa ni dri yi bdag /ma ni ro yi bdag nyid de'i/ /ya ni reg bya'i bdag nyid yin/ /de nyid srung ba'i mchog gi rgyud/ /gsang ba bde ba chen por 'byung/ /gang zhig 'di la rtag gnas na/ /rdo rje de nyid

  277. 139a

    sdud pa thob/ /ces bde ba chen po bsgrub pa'i rtogs pa de kho na nyid las 'byung ba dang/ gzhan yang/ e ni bde ba chen por 'byung/ /yon tan thams cad 'byung 'gyur ba'i/ /sa bon gsang ba mchog gi rgyas/ /de dbus nor bu bzang po nyid/ /paM gyi/ 'khor lo 'di ni gsang ba ste/ /gang zhig yon tan mchog gis rgyas/ /sprul pa'i sa bon yang dag ldan/ /gsang ba de ni bde ba che/ /ma ni/ longs spyod chen po dam pa nyid/ /gsang ba 'di las 'byung ba ste/ /rol pa'i cho 'phrul dam pa ste/ /dga' ba 'dir ni bsam par bya/ /ya ni kun tu bskyod byed rten/ /sna tshogs gsang ba bla na med/ /yon tan chas kyi 'khor lo ste/ /rdo rje thugs kyi bdag nyid 'grub/ /rlung dang rtsa dang 'khor lo dang/ /dag pa'i thig le'i rtags rnams ni// yi ge bzhi pas yang dag 'byung/ /chags dang grol ba'i bar du gnyis/ /shes de kho na nyid bsdud pa'i rgyud las 'byung ba lta bu'o/ /gzhan yang gsungs pa/ e ni sku yi 'khor lo ste/ /phi ni thugs kyi 'khor lo nyid/ /ma ni gsung gi 'khor lo nyid// ya ni bde ba chen po nyid/ /dbang gzhi la ni gang gnas pa/ /rnal 'byor dngos po bzhi dang 'grel/ /yi ge e ni dbyings yin te/ /ba ni rol pa'i ye shes te/ /thig le gnyis med phyag rgya ste/ /de la longs spyod sprul pa 'byung/ /zhes pa la sogs pa 'byung ba lta bu'o/ /de nas gnas phun sum tshogs pa bstan pa'i phyir/ /gnod sbyin thams cad yongs su 'gyur ba zhes bya ba la sogs pa smos te/ de la gnod sbyin gang ba bzang po dang/ nor bu bzang po dang/ lnga rtsen zhes bya ba la sogs pa ste/ de gang na gnas pa'i phyogs de ni/ gnod sbyin thams cad yongs su rgyu ba'i gnas so/ /shin tu bden pa ni gnod pas rdzi ba med pa nyid do/ /'di'i gdul bya phun sum tshogs pa gtsor bstan pa dang/ bar du gcod par 'gyur ba spang bar

  278. 139b

    yang bstan to/ /yongs su dag pa ni shel dang pa lta bur gnas pa ste/ 'di dag gi don yang shel gyi nang du chud pa lta bu'i gzhal yas khang shel du gsal ba/ dkyil 'khor rgyan dang ldan pa'i dbus na bcom ldan 'das bzhugs so zhes bya ba'i don to/ /gang zhig bzhugs she na/ gnod sbyin sde dpon chen po zhes bya ba la sogs pa smos te/ de la gnod sbyin thams cad kyi gtso? bo? yang gtso bo yin pa'i phyir ro/ /dus gsum gyi de bzhin du bya ba la sogs pa'i don ni/ byang chub sems dpa' sa btsul gnas pa'i dus su pad+ma stong dang ldan pa'i dbus su bzhugs te/ de bzhin gshegs pa thams cad kyis dbang bskur ba dang/ phyag na rdo rje khyod song la/ zhes bya ba la sogs pa gzhan gyis kyang gsungs pa nyid do/ /mche ba gtsigs pa ni gang gi log par rtogs pa za ba'i phyir ro/ /yid khros pa ni zhi ba'i las kyis ni mi 'dul ba'i phyir ro/ /mig me mdag gi phung po 'dra ba ni/ bltas pa tsam gyis 'jigs par bya ba'i phyir ro/ /dbugs me lce ltar 'bar ba ni/ sgra tsam gyis 'dul ba'i phyir ro/ /'jigs pa'i nga ro can ni/ /ngag gi nyes pa can thams cad zil gyis gnon pa'i phyir ro/ /'di dag kyang dman pa'i zas dang/ yid kyi zug rdzu dang/ dman pa la blta ba dang/ brdzun la sogs pa'i nyes pa dang bral bar yang bstan la/ gdul bya'i rtags thun mong ma yin pa yang bstan to/ /lag pa dang zhes bya ba la sogs pa'i don no/ /sprul dkar po dang nag po dang/ ser po dang/ 'og nas ston pa'i dmar po rnams kyis lus brgyan pa ste/ rang 'dod chags gtso bor gyur pa'i tshul khrims nyams pa dang bral zhing/ /phyi rol gyi klu rigs drug la sogs pa 'dul ba'i rtags su bstan to/ /bzhin rgyas pa ni gdong phel kha che ba ste/ lha thams cad 'dul ba'i rtags su bstan pa'o/ /smin ma dang dpral bar bsdus pa ni khro gnyer me'i phreng ba dang bcas pa ste me lta 'dul ba'i phyir ro/ /ya sos ma mchu mnan pa ni/ srin po 'dul

  279. 140a

    pa'i phyir ro/ /gshin rje'i cha byar can ni/ gsus pa che ba ste/ gshin rje'i rigs 'dul ba'i phyir ro/ /lag pa brdabs pas ni rdo rje dang ldan pa ste thams cad kyang ngo/ /a la la zhes sgra sgrogs pa ni rlung lha dang gnod sbyin 'dul ba'i phyir ro/ /gang rgyabs gong pa ni 'byung po 'dul ba'i phyir ro/ /rgya mtsho la sogs pa gsum ni klu dang lha 'dul ba'i rtags te ci rigs su sbyar ro/ /de dang de dag gis ci zhig 'dul bar mdzad ce na/ sbyor ba thams cad ces bya ba la sogs pa smos te/ sbyor ba ni lha la sogs pa nad sna tshogs gnyis pa'i thabs byas so/ /bzlog pa ni rang gi gnas su sbyar ro/ /gnod pa'i bdag po dang bcas pa'o/ /gcod pa ni sbyor ba'i bdag po shi bar byed pa'o/ /yon tan ni sangs rgyas kyi dad ldan pa dang ste/ ma lus pa'i bdag po ni thams cad kyi bdag po ste/ de lta bu'i yon tan ni stobs bcu dang/ mi 'jigs pa bzhi dang/ bsrung ba med pa gsum dang/ sangs rgyas kyi chos ma 'dres pa bco brgyad dang/ bsnyel ba mi mnga' ba'i chos nyid la sogs pa dang ldan par bzhugs so/ /zhes bya ba dang sbyar ro/ /'khor gang dang zhe na/ 'di ltar bde gshegs gos sngon can zhes bya ba la sogs pa dang/ gzhan yang/ gnod sbyin gyi sde dpon chen po ni snga ma bzhin te/ gnod sbyin thams cad kyi gtso bor gyur pa nyid do/ /gnod sbyin mthu bo che ni gnod sbyin gzhan pas mthu'i bye brag thams cad du dpags pa'o/ /gnod sbyin drag po ni 'dir zhi ba la sogs pa'i las kyis 'dul ba'i sprul pa yin te/ 'dir 'dul bya'i gtso bo gos sngon can gyi dbang du byas nas shin tu gong du smos pa nyid du rim par bya'o/ /lha ni mahA de pa dang/ khyab 'jug la sogs pa'o/ /de bzhin du gzhan yang rang gi chung ma dang 'khor dang bcas te 'khod par gyur to/ /'di ltar nyi ma dang zhes bya bas ni gtso bo'i yang gtso bo'i gzi brjid do/ /zla ba dang zhes bya bas ni/ bde gshegs gos

  280. 140b

    sngon po can la sogs pa'i gzi brjid do/ /lha la sogs pa'i gzi brjid do/ /de lta bur gyur pa de ni sangs rgyas bcom ldan 'das rnams kyi chos nyid do/ /dman par gyur pa'i gzi brjid zil gyis gnon pa dang/ rang 'dul bya'i don du sna tshogs par gyur pa nyid do// de'i tshe sa yang cher g.yos pa zhes bya ba la sogs pa go sla'o/ /de nas gleng pa slang ba bstan pa/ 'khor thams cad ni lha la sogs pa ste/ khams gsum rnam par rgyal ba/ gtso bor gyur pa dang zhes bya ba'i don to/ /bla med gos sngon can khyod ces pa ni gang yin zhes pa'o/ /gang dang gang yod ce na/ bde gshegs kun gyi sprul pa'ang/ zhes pa ni/ de bzhin gshegs pa thams cad kyi thugs 'od zer las sprul pa zhig gam zhes pa'o/ /de ltar ma yin na/ gal te bsdus pa'i sku yin nam zhes pa sangs rgyas thams cad de'i ngo bor byas pa zhig gam/ gal te las kyi khro bor dbang bskur ba 'am/ zhes pa ni/ sangs rgyas thams cad kyis dbang bskur ba 'am/ der gyur pa zhig gam zhes pa'o/ /bdag 'khor dang bcas pa ni der tshogs pa nyid do/ /ji ltar dus gsum bka' nyan te/ zhes pa'i dus gsum bka' las mi 'da' ba nyid do/ /las dang bya ba ni go sla'o/ /drag po'i ting nge 'dzin bstan du gsol/ /zhes pa ni/ sems can gyi don du ting nge 'dzin sna tshogs pa la snyoms par zhugs shig pa'o/ /de skad ces gsol pa dang/ bcom ldan 'das kyis khams gsum rnam par rgyal ba la sogs pa 'dus pa chen po'i 'khor rnams la bka' stsal pa/ kye ma 'dus pa chen po'i tshogs/ /legs so legs so legs par gsungs/ /gang phyir dus gsum sangs rgyas rnams/ /rang bzhin med cing mtshan nyid med/ /spros med g.yo ba med pa ste/ /'gro ba 'dus par gyur pa rnams/ /nga yi bstan la gnas pa la/ /rims dang dug la sogs pas 'tshe/ /de phyir nga ni khro

  281. 141a

    po'i gzugs/ /sna tshogs rgyan gyis rnam par snang/ /gang zhig de nyid sangs rgyas gzugs/ /'gro ba'i dbang du sprul pa ste/ /sems can kun gyi don bsgrub phyir/ /dbang bskur bar yang yang dag bshad/ /de ni dus gsum kun tu 'byung/ /pha ni sangs rgyas kun rang bzhin/ /da ni rgyud rnams ston pa ste/ /blun par gyur pa'i 'gro ba la/ /mig 'phrul tshul ni ston byed la/ zhes gsungs ma thag tu 'dus pa chen po'i 'khor thams cad kyis rmad du byung ba'i rol pa'i mchod pa chen po khyab par gyur te/ zhes bya ba 'dis 'di skad du ston te/ bdag ni dngos su sangs rgyas thams cad kyi ngo bo yin yang sems can gyi don du dbang bskur bar snang ngo zhes so/ /'dir le'u dang po gleng gzhi'i le'u ste nges par 'byin par byed pas gleng gzhi zhes bya'o/ /'phags pa lag na rdo rje gos sngon po can gyi rgyud kyi rgya cher bshad pa las le'u dang po'i rgya cher bshad pa'o// //de ltar gleng gzhi phun sum tshogs pa bstan kyang/ lam rnam pa gnyis rdzogs par ma bstan na/ sgrub pa la 'jug pa dag kyang dman par 'gyur ba'i phyir/ de nas 'phags pa gos sngon po can gyis zhes bya ba la sogs pa gsungs te/ de la rdo rje drag po ni bskyed pa dang rdzogs pa sngon du 'gro ba dang bcas pa ste/ sgrib pa'i ri 'joms pa'i phyir/ de skad ces bya'o/ /gang gi phyir dang po rags pa'i rnal 'byor gyi dbang du byas te bskyed pa'i rim pa la bslab po/ /de nas rags pa'i rnam par rtog pa las log ste/ yul gang la yang rtse gcig pa thob par 'gyur ro/ /de nas yid ni nang du bkug ste rdzogs pa'i rim pa la bslab bo/ /de nas phra ba'i rnam par rtog pa las log nas stong pa nyid la nye bar 'gyur te/ gzhan la gang gis dang por bskyed la gnas/ /rang gi las ni yang dag rdzogs/ /de nas slob ma phra mo brtag /las su rung nas chos rnams kyi/ /de nyid nges par thob par 'gyur/ /zhes 'byung

  282. 141b

    ? sogs pas kyang de nyid gsal bar 'gyur ro/ /de nas bskyed pa la sogs pa'i rim pa rgyas par bstan par bya ba'i phyir/ phyag rgya gsang sngags thugs sbyor las/ zhes bya ba la sogs pa gsungs te/ byang chub kyi sems sngon du song ba'i yi ge ni sems yin/ hUM gsang sngags so/ /de la thugs kyi rtag tu 'byung ba ni thugs sbyor ro/ /de las byung ba'i dpal ldan gos sngon can ni khro bo'i rgyal po'i de las ye shes kyi dkyil 'khor 'khor los dbang bskur ba ni byin gyis brlabs pa'o/ /de dag ni/ don yang ya mtshan sna tshogs ldan zhes pa gang la spros pa'i dkyil 'khor gyis phyi rol gyi gdug pa can btul te slar 'dus pa 'dis sprul pa'i dkyil 'khor gcig tu mdzad pa'o/ /de dag gi don yang thog mar 'og nas 'byung ba'i rim pas/ bla ma dang/ sangs rgyas thams cad mdun du spyan drangs te/ spos dang/ me tog dang/ mar me dang/ dri dang zhal zas la sogs pas yang dag par mchod de/ bdag gis sdig pa ci bgyis dang/ /bgyid du brtsal dang yi rang la/ /sangs rgyas spyan sngar mchis nas su/ /ma lus so sor bshags par bgyi/ /zhes sdig pa bshags par bya'o/ /de nas phyogs bcu dag na bzhugs pa'i sangs rgyas dang/ byang chub sems dpa' dag dang/ nyan thos nas so so'i skye bo'i lam la gnas pa la rjes su yi rang par bya'o/ /de nas phyogs bcu dag na gang bzhugs pa'i/ /sangs rgyas byang chub sems dpa' rnams/ /sems can ma lus thams cad la/ /chos kyi 'khor lo bskor du gsol/ zhes bskul lo/ /de'i rjes su rgyal ba mya ngan 'das bzhed dam/ /ji srid sems can gnas kyi bar/ /'gro la phan pa'i don gyi phyir/ bla med chos rnams bstan du gsol/ zhes brjod la/ de nas rang nyes pa las ldog pa'i bsam pas ci nus kyis ldog par bya/ gzung bar bya'o/ /de nas tshad med pas byang chub tu sems bskyed de/ bsod nams kyi tshogs la dge

  283. 142a

    pa'i rtsa ba bsngo bar bya'o/ /de nas phyi nang gi chos thams cad rang bzhin med par bya'o/ /de las langs te sems nyid ha ljang gu las sna tshogs rdo rje las ra ba dang 'dra bar gyur par bya'o/ /de'i dbus su yaM las rlung/ baM las chu/ suM las sa gzhi rab tu bcas pa/ de'i steng du b+h+ruM las gzhal yas khang bskyed/ pad+ma brgyad pa mu khyud dang/ gru chad khyams dang sgo bzhir bcas/ ra ba dra ba phyed pa dang/ /pha gu dang ni rta babs dang/ /dar gyi bla re ba dan dang/ /phyi dang nang gi rgyan gyis mdzes/ /kun tu gsang ba'i bdag nyid can/ /yongs su rdzogs pa'i rten du 'gyur zhes bya ba la sogs pa dang ldan pa'i nang du rang cho ga gsum gyis ji skad smos pa'i rgyan dang ldan pa'i skur bskyed la/ ye shes kyi lha mdun du spyan drangs te mchod pa dang/ /bstong pas mnyes par byas te gnyis su med par bstim mo/ /de nas rang gi rdo rje dag pa la hUM de nas rdo rje dkar po rtse lnga pa nor bus mtshan pa dang/ pad+ma'i gzhal yas khang du byas la/ kha byad du bltas pa'i pad+ma'i sgo can du byas pas byin gyis brlabs nas snyoms par zhugs pa'i byang chub kyi sems spros te/ thig le dang yi ge las skur byas te/ hUM hUM byas pa phyi rol tu spros te/ phyi'i gdug pa can rnams btul nas slar 'dus te/ phyi'i gzhal yas khang du bzhugs pa 'di lta ste/ bde gshegs gos sngon can ni shar gyi 'dab ma la bzhugs te/ mdog dkar po gos sngon po'i sham thabs can/ sbrul dkar po'i rgyan cha can/ g.yas na 'khor lo/ g.yon na dril bu thogs pa/ rang dang 'dra ba'i yum /phyag g.yas kyi dril bu thugs kar 'khyud nas/ g.yon pas khrag gi thod pa stobs pa/ sku'i kha dog dkar pos shar phyogs kyi 'jig rten gyi khams khyab pa'o/ /de bzhin du rin chen gos sngon can lho'i 'dab ma la bzhugs te/ mdog ser po gos sngon

  284. 142b

    po'i sham thabs gsol ba/ sprul ser po'i rgyan can/ g.yas na rin chen po che 'bar ba/ g.yon na dril bu thogs pa'o/ /nub kyi 'dab ma la pad+ma gos sngon can bzhugs te/ mdog dmar po gos sngon po'i sham thabs gsol ba/ sprul dmar po'i rgyan ?? na pad+ma dmar po/ /g.yon na dril bu thogs pa'o/ /byang gi phyogs kyi 'dab ma la las kyi gos sngon can bzhugs te/ mdog ljang khu/ gos sngon po'i sham thabs gsol ba/ sprul ljang khu'i rgyan can/ g.yas na rdo rje rgya gram/ g.yon na dril bu thogs pa'o/ /mtshams rnams su ni rang gi lha mo/ spos ma/ me tog ma/ mar me ma/ dri chab thogs pa/ dkar po dang/ ser po dang/ dmar po dang/ ljang khu'i mdog can no/ /khyams kyi dra la ni/ sgeg mo dang/ phreng ma dang/ glu mkhan ma dang/ gar mkhan ma rnams so de'i phyogs su ni khams gsum rnam par rgyal ba dang/ mgon po nag po dang/ mig me bzang dang/ rnam thos sras rnams so/ /nang du pad+ma'i mtshams su ni/ thod pa byang chub kyi sems kyis bkang pa'o/ /de ltar lha'i 'khor lo yang dag par bskyed nas lha thams cad kyi gnas gsum du yi ge oM A(rgyud 'grel): hUM gsum bkod de/ de nas snga ma bzhin du dbang blang bar bya'o/ /de nas rang gi sku la sems gtad de yang dang yang du bsgom zhing 'dris par bya'o/ /de nas gal te skyon rang gi sngags brgya 'am stong la sogs pa bzlas te/ 'di dag gi dus su yang rang gi sa bon las 'od 'phros pas/ phyogs bcu'i sangs rgyas thams cad la phog pas/ de'i 'od kyis rang gi lus ngag yid gsum gyi sdig pa thams cad dbyung ba dang/ bsreg pa dang/ bsrung bar bsam mo// yang na rang gi 'od sangs rgyas thams cad kyi shangs su brgyud nas/ rdo rje'i lam du yang brgyud de 'khor bar bsam pa dang/ sku dang/ yi ge dang/ mtshan ma dang/ byang chub kyi sems la sogs pa bkug cing rang gi lus la 'ongs par bsams la

  285. 143a

    sngags bzlas par bya'o/ /sngags bzlas pa'i dus su skyen pa dang/ gul ba dang/ lhag pa dang/ sgra che ba dang/ chung ba ma yin par bzlas te/ 'di ltar 'dod chags kyi sems kyis ma yin te/ zhe sdang dang/ gti mug la sogs pa'i sems kyis ma yin te bla'o dang gnyid la sogs pa'i bar chod ma yin par bzlas par bya'o/ /de nas gtong bar 'dod na 'og nas 'byung ba'i gtor mas 'byung po thams cad tshim par bya ste/ ye shes kyi lha gshegs su gsol la dam tshig sems dpa' rang la bsdus te/ gnyis su med pa'i ting nge 'dzin la gnas par bya'o/ /gzhan du nyal ba dang/ 'gro la sogs pa'o/ /spyod lam ci bde bas gnas par bya'o/ /bskyed pa'i rim pa'i yan lag dang bcas pa bshad zin to/ /rdzogs pa'i rim pa'i dbang du bshad pa/ phyag rgya ni bskyed pa'i rim pa'i sku mthar phyin pa'o/ /gsang sngags ni rdo rje bzlas pa /ste/ rlung dang sngags 'dres pa'o/ /de nyid rlung dang sngags 'dres pa'i tshul du dbyung ba dang/ 'jug pa dang/ gnas pa'i rim gyis slob bo/ /thugs ni sems te 'dir sbyor ba ni dmigs pa'o/ /de bas na 'dir sems nyid kyi ngo bo rtogs pa'o/ /khro bo'i rgyal po ni de las 'byung ba sgyu ma'i dpe nye bar mtshon pa'i sku'o/ /khro bo ni rdo rje nyid de/ mi 'gyur zhing mi shigs pa'o/ /byin brlabs ya mtshan sna tshogs ldan zhes pa ni gnyis su med pa'i ye shes so/ /de la dang po bskyed pa'i rim pa bsgom/ /bskyed la brtan par gyur pa dang/ gsal ba rlung la gnas par bya/ /de nas rlung dang thig ler bsam/ /'gro dang 'ong ba'i thig le la/ /blo gtad gnas la bstan gyur na/ /thogs pa med pa'i bsam gtan bya/ /de nas chos rnams thig le ste/ /thig le sems kyi rnam 'phrul nas/ /chos rnams sems kyi ngo bor brtag /sems nyid hUM las rdo rjer gyur/ /

  286. 143b

    de las? gsang? pa'i bdag por bsam/ /sgyu ma'i dpe yis nyer mtshon nas/ /rang bzhin kun bral rtog las 'das/ /de las sna tshogs don med 'gyur/ zhes pa ste/ 'di dag gi don yang thog mar bskyed pa'i rim pa la brtan nas/ rang gi snying ga'i dbus su zla ba dang nyi ma kha sbyor du gnas pa la byang chub kyi sems bltas la/ dbugs 'byung ba'i dus su de la 'od kha dog rnam pa lnga steng gi sgor 'thon te/ sor bzhi'i rnam par gyur pa ste 'jug pa'i dus su de nyid 'jug pa dang gnas par bya ste/ thog ma nyid du ni gtso bo'i 'od la slob po/ /de nas gnas so/ /de nas gnyis pa la slob po/ /de nas gsum pa la slob po/ /de nas lnga pa'i bar la slob po/ /de nas gnas so/ /de'i thog ma'i gtso bo'i yang rten can no/ /de nas bde gshegs la sogs pa'i rten can no/ /de ltar gnas nas rang gi thig le la bltas te/ 'dod chags la sogs pa 'di dag ni rang gi sems las byung nas/ 'di las rgyu yang nges pa ci zhig yod/ ces brtag par bya'o/ /des ni de'i gting dpogs par gyur pa dang/ gal te dus las byung ngo zhe na/ skad cig la sogs pa shin tu phra ba'i dngos po brtag par bya'o/ /de nas rang lha'i skur langs te/ sku de dag kyang sgyu ma dang/ chu zla dang/ gzugs brnyan dang/ brag cha dang/ mig yor dang/ dri za'i grong khyer dang/ mgal me'i phreng ba'i 'khor lo la sogs par brtag par bya'o/ /de ltar legs par rtogs pa de la de bzhin gshegs pa rnams kyis byin gyis rlob pa dang lung ston par 'gyur ro/ /de ltar gyur nas rang 'od du zhu nas thig le snying po'i stobs kyis don dam pa'i ngang la bzhag par bya'o/ /de la rang lha'i skur langs te don dam pa'i sku dang don dam pa dang 'dres pa'i sku dang/ don dam pa dang nye bar 'dres pa'i skus bden pa gnyis mngon du byas te/ phyis mi slob pa'i ting nge 'dzin gsal bar 'gyur ro/ /spyod lam gyi rim pa'ang thog mar ni thams cad rlung gi 'gro ldog tu blta'o/ /des ?

  287. 144a

    thams cad sems kyi ngo bor blta'o/ /de nas chos thams cad sgyu ma la sogs par blta'o/ /de nas chos thams cad stong pa nyid du blta'o/ /de ltar goms pas sangs rgyas kyi yon tan thun mong ma yin pa legs par gong na med par 'gyur ro zhes bya ba'i don to/ /de nas bum pa'i dbang bskur ba bstan pa'i phyir phyag rgya bya ba la sogs pa gsungs te/ de las legs par sbyangs pa'i bum pa'i nang du hUM la sogs pa so so'i yi ge bsam pa ni gsang sngags so/ /de las rdo rjer gyur pa ni thugs sbyor ro/ /de las gyur pa ni khro bo'i rgyal po'o/ /de las ye shes kyi 'khor lo bzhugs pa dang/ mchod pa dang/ bstod pa dang/ gsol ba dang/ rdzas bsgrub pa'i bar ni byin gyis brlabs pa'o/ /des gang la dbu rgyan la sogs pa dang bcas pas dbang bskur bas nyon mongs pa'i dri ma 'khru ba la sogs pa 'di ni ya mtshan sna tshogs dang ldan zhes so/ /de yang gzhan las legs par sbyangs pa'i bum pa ru/ /rim gyis 'byung ba'i sku bsams te/ /byin brlabs chu yis bkrus pa yis/ /dngos grub 'byung 'gyur dbu rgyan dang/ /rdo rje dril bu bdag po'i mtshan/ /nyon mongs lnga yi dri ma 'khru/ /rtag tu sku lnga rdzogs par 'gyur/ zhes so/ /gsang ba'i dbang du byas te bshad pa/ phyag rgya ni phyag rgya ma ste lhan cig skyes pa ma dang/ zhing las skyes pa dang/ sngags las skyes pa dang/ de'i byin gyis brlabs pa ste/ de'i gnas thams cad du yi ge dgod pa ni gsang sngags thugs sbyor ni bsam gtan te/ byang chub sems dbab pa la sogs pa'i ting nge 'dzin to/ /khro bo'i rgyal po ni bdag gtso bo'i ting nge 'dzin can te thabs dang shes rab kyi ngo bo'o/ /de slob ma'i ngag la byin te snang ba mdza' yas su gnas pa ni/ byin gyis brlabs pa'o/ /des lce gsung la bde ba skyes pa ni/ ya mtshan sna tshogs ldan zhes pa ste/ ji skad du/ lhan cig skyes pa'i rigs can dang/ sngags

  288. 144b

    dang zhir las skyes pa la/ /gnas rnams su ni yi ge bkod/ /de las skur gyur yab yum gsal/ /gnyis med sbyor bas sems phab ste/ /ma 'thor ma gram ngag la byin/ /lce gsung bde ba myong ba ni/ /dngos grub rab mchog nyid du bshad/ /ces 'byung ba lta bu'o// de nas shes rab ye shes kyi dbang bskur bstan pa'i phyir/ phyag rgya zhes bya ba la sogs pa ston te/ phyag rgya la sogs pa gong dang 'dra'o/ /slob ma legs par sbyangs pa dang/ dang por g.ya' bslang ba sngon du 'gro bas gnyis su med par snyoms par zhugs te/ byang chub kyi sems phab nas lcags kyus gzung bas zag pa med pa'i bde ba nyams su myong ba ni/ ya mtshan sna tshogs ldan zhes bya'o/ /de yang gsungs pa/ phyag rgya ma 'di legs gnas la/ /'dod pa'i rtsa ni gzung gyur nas/ /nam mkha' gang bar gyur pa dang/ /lha sbyin sna ni sprang byas te/ /gnas dgu dag ni sen mo dag /gnyis med gcig sbyor dag tu gnas/ /'khor lo gsang ba bsam bya ste/ /bskyod pa'i rlung gis drod 'bar bas/ /bde chen byang chub mgrin par babs/ /der ni mi bskyod dag pa ste/ /mi bstod snying gar mi bskyod bstan/ /lte ba la sogs de bzhin no/ /de nas rdo rje rtse mo las/ /rlung gi lcags kyus bkug par bsam/ /des ni bde ba chen por 'gyur/ zhes so/ dbang bzhi pa'i 'bras bur gyur pa de'i gnas skabs su bzhag gi /gzhan du ma yin no// gal te thams cad kyang de lta bu'o zhe na/ 'dir mchog tu gyur pa'i phyir ro/ /gal te 'od mchog ma yin zhes bya ba ni/ /nges pa bzung ba ni ci yang med do/ /gzhan dag ni shes rab ye shes kyi dbang lan gnyis ma yin no zhes zer ro/ /kha cig ci de las dpag ba'i rten can dang/ brten pa med pa kho na'o zhes zer ro/ /gzhan ni rjes su gnang ba la sogs pa'o zhes zer ro/ /de nas bsod nams kyi tshogs zhar la dam tshig bstan pa'i phyir ro/ /rang gzhan 'phags dang zhes bya ba la sogs pa smos te/ de 'phags pa rab ni

  289. 145a

    dbang bskur ba dang/ bsgrub pa'i lha la mnyes pa byed pa ste/ ji skad du/ yang dag sangs rgyas mnyes bya'i phyir/ /byang chub sems ni spang mi bya/ /lha la spong len mi bya ste/ /sngags dang phyag rgya rgyun mi bcad/ /'gro ba dman la byams pa dang/ gang gis gsang ba bstan par bya/ /gsang ba'i sdom pa thams cad bsrung/ /mchod dang mnyes pa bshags la brtson/ /zhes bya ba la sogs pa shes par bya'o/ /bla ma dang shin tu bla ma zhes pa ni/ dbang bskur man ngag ston pa yi/ /bla ma sangs rgyas pas lhag ste/ /gang gis yon tan 'byung ba des/ /bla ma srog bzhin gzung bar bya/ /gzhan yang sems dang 'gal ba yi/ /chos ni nam yang spang bar bya/ /bla ma'i thugs dang 'gal ba ni/ /sems ni bdud kyis byin gyis brlabs/ /gang yang 'jig rten 'di dag tu/ /dge ba gang dang gang spyad pa/ /de dag 'bras bu med 'gyur zhing/ /bskal pa chen por ngan 'gror sreg /bla ma la ni 'khyal tshig smras/ /dmyal srungs rab tu gtum po yis/ /lce ni phur pas rgyang byas te/ /rab tu drag po'i mtshon gyis gtub/ /bla ma la ni ser sna ldan/ /bla ma'i yo byad tshogs la len/ /dus kun bde ba zas dang bral/ /skad cig bcu bcu'i bar dag tu/ /lcags zangs khu ba 'bar ba ldugs/ /shes rab mdzes pa'i rgyan can dang/ /gang yang rdo rje spun rnams la/ /gang gis nyes dang bcas pa'i las/ /rnam pa kun tu spyad 'gyur la/ /dus kun dge ba zad nas ni/ /myur bar ngan 'gror 'gro bar 'gyur/ /de nas dngos grub 'dod pa yis/ /bla ma sangs rgyas sngon du mchod/ /de las 'jig rten legs pa rnams/ /ma lus myur du 'grub par 'gyur/ /gang zhig dpal ldan rdo rje can/ /'bad pa med par thob par 'gyur zhes so/ /de las sdom pa phun sum tshogs pa ni dngos grub dam pa'i rten dam pa'o/ /zhes bya ba nges par gzung nas de la gnas nas ji skad smos pa'i skyed pa'i rim pa

  290. 145b

    dang rdzogs pa'i rim pa la gnas nas bdud dang bar du gcod pa thams cad rang gis zhi ste bde ba thob par 'gyur ro zhes bya ba'i don to/ /gal te gzhan la phan 'dogs na/ /sku de sna tshogs sku ru snang/ /zhes pa ni gal te gdug pa can 'dul bar 'dod na/ gos sngon po can phyag g.yon pa'i dril bu dor te/ gdug pa can gang yin pa gzung bar bsam mo/ /zhi ba dang/ rgyas pa dang/ dbang ni bde gshegs gos sngon can/ /rin po che dang pad+ma gos sngon po can du gyur pas byed/ /ces bsam pa nyid do/ /thog ma'i skur sangs rgyas thams cad mdun du bltas la/ de nas mchod pa la sogs pa thams cad kyis mnyes par byas la/ dbang thob nas de ru 'gyur ro zhes bya ba'i don to/ /lhag ma rnams kyi sku de dag don dam par ma grub pa las snang ba tsam du'o zhes bya ba'i don to/ /'phags pa gos sngon po can gyi rgyud rgya cher bshad pa las le'u gnyis pa'i rgya cher bshad pa'o// /de ltar lam rnam pa gnyis bstan nas/ da ni sngags btub bshad pa'i phyir/ gzhan yang yang dag bshad/ ces bya ba la sogs pa smos te/ da ha ni sregs shig pa'o/ /sogs pa zhes bya bas gzhan gyi sngags kyi mdza' i don yang shes par bya ste/ gang gis A li dang kA li legs par sbyar ba las 'byung pa'i sngags rtsa ba'i sngags sbrel pas/ de'i don dang mthun pa'i las thams cad brtsam par bya'o zhes bya ba'i don to/ /gnyis kyi 'og ma gsum las brgyan zhes bya ba la sogs pa'i don to/ /grih+Na grih+Na zhes pa ni zung cig zung cig rab tu zung cig pa'o/ /rtsa ba'i sngags dngos su bas/ ha na ha na ni/ rgyob cig pa'o/ /ta thA ya ta thA ya zhes pa gtogs cig pa'o/ /pa tsa pa tsa sos shig pa'o/ /'phags pa gos sngon po can gyi rgyud rgya cher bshad pa las le'u gsum pa'i bshad pa'o// //de nas me'i 'khor lo'i sngags kyi yon tan bshad par bya ba'i phyir/ de nas 'phags pa zhes bya ba la

  291. 146a

    sogs pa smos te/ sna tshogs mngon par 'grub pa ni las sna tshogs mngon par 'grub par byed pa'i sngags bsrung bar dgos pa'o/ /de'i sngags dngos su bas/ gang zhig 'di 'dzin rnal 'byor de zhes pa ni sngags gzungs su 'dzin pa ste/ sngags kyi gnyis pa spangs nas bsam gtan dang bcas pas ma chad par byed pa'o/ /bsam gtan thog ma nyid du ni rang gi dmigs par gsal bar byed do/ /de nas ni hUM raM haM gi rnam pa la dmigs te lus dang ngag dang yid kyi sdig pa dag par byed do/ /de nas de bzhin gshegs pa btsun mo dang bcas pa dang ye shes sems dpa' dang bcas pa dang/ de nyid rang gi 'khor dang bcas pa dang/ 'khor 'ba' zhig pa dang bcas pa dang/ phra mo'i ting nge 'dzin dang bcas pa dang/ mgal me lta bu dang phreng ba nyi ma lta bu'i rigs bdag gi mtshan mngon du byed do/ /las khyad par gyi dus su yang so so'i bsam gtan dang bcas pa las grub par byed pa'o/ /nyes pa kun las rab tu thar zhes pa ni/ sgrib pa thams cad las thar bar gyur pa'o/ /legs pa'i yon tan thams cad thog ces pa ni 'jig rten pa'i dngos grub thams cad do/ /'bras bu yang dag mngon par 'grub ces pa ni sku gsum thob pa'o/ /sngags 'di gang yin ming yin te/ /zhes pa ni gos sngon can no/ /gdul bya'i zhes bya ba la sogs pa ni/ sngags sbrel pa bstan to/ /'phags pa gos sngon po can gyi rgyud rgya cher bshad ba las le'u bzhi pa'i bshad pa'o// //de nas zhes bya ba la sogs pas ni 'khor lo bzhi bsgom pa bstan to/ /mngon par grub pa ni mngon par grub par byed pa ste/ gang gis 'khor lo bzhi bsgoms nas las thams cad 'grub par 'gyur ba'i phyir ro/ /'byung bzhi'i sangs rgyas rab bsgoms nas/ /zhes bya ba ni pad+ma'i gos sngon po can la sogs pa'o/ /me brgyad

  292. 146b

    ni rkang mthil gnyis dang/ dbyi mig gnyis dang/ lag pa gnyis dang/ 'doms dang mgrin pa'i bar du'o/ /rlung gnyis 'bar ba dang bzlog par byed pa rlung ste/ rkang pa'i 'og dang spyi bor ro/ /des lus sdoms par byas pa ni de'i 'bras bu'o/ /rgya chu brgyad? dngos po yin te/ zhes pa ni me'i gnas bzhin no/ /de bzhin sa brgyad 'bras bur bstan zhes pa ni snying ga'i gnas su sa'i dkyil 'khor bkod pa'o/ /rlung brgyad me gnyis ldan pa ste/ zhes pa ni 'doms dang mgrin pa'i phyogs gnyis med do/ /de dag gi gnas su rim gyis gnod sbyin gtso/ /de'i phung po sbyangs pa las phyag na rdo rjer gyur par bya ste gnas nas 'od phyung ste zhu ba las der gyur pa nyid/ /grub pa'i sngags bzhis mngon par 'grub ces pa ni las so so'i dbang du'o/ /'di dag gi don yang thog ma nyid do ni/ /gang gi mdun du sangs rgyas thams cad spyan drangs te/ mchod pas mnyes par byas nas sngags bzlas pa'i 'od kyis bskul nas rang gi 'khor lo nus pa bskyed la/ des phung po sbyangs te ji srid du stong pa nyid du bsgom par bya'o/ /de la bskyed pa'i rim pas ji lta bas rang lha'i skur bskyed pa la sogs pa'o/ /'phags pa gos sngon po can gyi rgyud rgya cher bshad pa las le'u lnga pa'i bshad pa'o// //de nas sbyin sreg gi cho ga bshad pa/ las bcu ni zhi ba la sogs pa ste/ de gang sgrub pa'i thabs de la rtse gcig tu gnas nas gsungs shes sbyar ro/ /zhi ba la shAn ting ku ru zhes pa la sogs pa ni sngags kyi mdza' bstan to/ /thab khung ni zhi ba la ni zlum po khru gang/ zabs su phyed sor gsum bskyed la/ sor gsum brtsig / kha khyer la yang sor gsum mo/ /mdog dkar po 'khor los legs par bskor ba'o/ /rgyas pa la ni khru bzhir gyur pa kha dog ser po rin po che 'bar bas bskor ba'o/ /dbang la ni zla gam/ kha dog dmar po pad+ma'i phreng bas so/ /drag po la ni gru gsum kha

  293. 147a

    dog nag po ral gri'i phreng bas bskor ba'o/ /tshad gong ma bzhin no/ /shing ni 'og nas 'chad de/ zhi ba'i thab khung byin gyis brlabs nas zho can dkar ba'i shing la me spar te/ pad+ma dkar po'i steng bu raM dkar po las byung me lha mdog dkar po phyag bzhi pa/ g.yas na dbyug to dang skyabs sbyin/ g.yon na gund+he dang bgrang phreng dang dar dkar la sogs pa'i stod g.yogs 'chang ba de dang bcas pa'i lha cha zho dang 'o ma la sogs pa'i dkar po'i rdzas kyis sbyin sreg byas nas zhi ba dang bsrung ba la sogs pa 'grub par 'gyur ro/ /rgyas pa la gser shing zhes pa ni snga ma bzhin du byas la ser por gyur pa'i shing la me spar te/ me lha ser po bskyed la/ ldong ros la sogs pa kha dog bsgyur ba'i rdzas phul bas tshor ba dang longs spyod phun sum tshogs pa 'grub par 'gyur ro/ /dbang la ni seng ldeng gi shing la me spar te/ ji skad smos pa bzhin me lha mdog dmar po ral gri dang/ dbyug to dang/ zhags pa dang/ bgrang phreng thogs pa la gleng gi sha dang mar po'i rdzas phul na dbang du bya bar 'dod pa thams cad dbang du 'gyur ro/ /drag po'i las ni tsher ma can dang/ dug gi shing la me spar te/ me lha mdog nag po sha dang khrag gis mchod pa byas na gang 'dod ba 'chi bar 'gyur ro/ /gzhan ni tsan dan shing gis bya zhes pa pad+ma lta bu'i thab khung gi dbus su tsan dan gyi shing la me spar te/ mri tha zhes pas ni me lha dang rang gi gtso bo la gang 'gro bar 'dod na bya rgod kyi sha bsreg par bya'o/ /pu shad kyi sha bsregs pas ni don grub par 'gyur ro/ /wa'i sha bsregs pas ni mi snang bar 'gyur ro/ /sngags dngos su bas/ 'phags pa gos sngon po can gyi rgya cher bshad pa las le'u drug pa'i rgya cher bshad pa'o/ /de nas gdug pa'i sbyin sreg bshad par bya ste/ de'i phyir dpal ldan rdo rje 'dzin/ zhes pa la sogs pa smos te/ de la drag po rab 'bar ba ni sme ba'i sbyin sreg go /gnas gang

  294. 147b

    zhe? na/ gnas khang rim pa gsum du'o/ /des ci zhig byed ce na/ phyi rol sme bsreg dpral bar bya zhes pas phyi rol gyi khang par drag po'i thab khung byas te/ der gu gul sbyar ma dang nim pa'i shing la bsreg cing/ klu la sogs pas gzir pa'i nang pa'i steng du 'dug ste/ me brgyad kyi ting nge 'dzin la gnas par bya ste/ bar du phyi nang khrus byas te/ zhes pa ni sman sna tshogs dang/ dri dang/ bdud rtsi lnga'i khrus bya'o/ /der tshogs bya ba dang/ gtor ma dang/ 'phags pa mchod pa la sogs pa mnyes pa'i las ci nus bya'o/ /nang du dus? pa'i dbang bskur bya zhes pa ni de nas bum pa rjes su snang ba las dbang bskur bar bya'o/ /de dag gi don ni thob mar gnas yid du 'ong bar phyin te/ sa brtag pa la sogs pa sngon du song nas/ de nas dkyil 'khor gyi sta gon gyi dbang du bya ba rdzogs par byas nas gang gi thog mar nang pa la sme ba'i sbyin sreg bya ste/ de nas nang pa la khrus legs par bya ste/ gos bzang po gyon nas de nas rang gi sems bskyed nas gzung nas sta gon gyi cho ga rdzogs par bya'o/ /de nas dkyil 'khor chen po bzhengs su gsol te/ der 'jug pa'i cho ga rdzogs nas dbang bskur bar bya'o/ /de lta bu'i gzhung ston pa la ston pa/ kye ho zhes pa ni dga' ba'i tshig tu ston pa'o/ /nyen rnams 'dul ba'i mchog /ces pa 'byung po dang gdul pa'i mchog la mkhas pa'o/ /e ma gsang chen drag po che/ /zhes pa la gsang ba chen po 'di drag po'i sbyor ba dam pa'o/ /de nyid bstan pa/ e ma ma rungs 'jigs pa can/ /zhes pa ni ma rungs pa 'dul? ba ste/ zhi ba'i las kyis mi 'dul ba'i log 'dren thams cad nges par 'joms pa'o/ /yang gsang ni yang dag par gsang ba ste/ don dam pa las byung ba'o/ /phyag na rdo rje ni rdo rje thogs pa'o/ /phyogs bral ni rtag pa la sogs pa'i nyes pa dang bral ba'o/ /de dag gi don ni gang gi phyir/ /chos kyi dbyings las

  295. 148a

    byung nas gdul bya'i mthar thug pa thams cad nges par 'joms pa khyod la phyag 'tshal lo zhes bya ba'o/ /'phags pa gos sngon po can gyis rgyud kyi rgya cher bshad pa las le'u bdun pa'i rgya cher bshad pa'o// // de nas gtor ma'i cho ga bshad par bya ste/ de la thams cad ldan pa'i gtor ma ni 'jig rten pa yid du 'ong ba'i rdzas ma lus pa'am/ yang na sha lnga la sogs pa'o/ /de nyid sbyang pa bstan pa'i phyir/ raM gyis sbyangs la yaM gis bus/ shes pa raM las mes thog mar dag par bya snas/ de nas yaM las rlung dang/ /baM las chu byung bas dag par byas pa la/ paM las bdud rtsi'i chu rgyun bskyed/ ces pa de'i nang du baM las bdud rtsi'i chu rgyun byung bas rgyas bya ste/ spyir pa 'di ni thun mong gi gtor ma'o/ /yaM raM/ zhes pa snga ma bzhin du sbyangs pa las/ yaM las rlung dang/ raM las me dang/ a las ka pA lir gyur pa'i nang du sha lnga dang bdud rtsi lngar bskyed do/ /de'i steng du rdo rje zla ba la ma chen? po bsams la/ de nas ye shes bdud rtsi dbab cing rlung dang me spang ba'i las bya'o/ /dza(rgyud 'grel): yis bkug ste gtor mar bstim/ zhes pa 'od zer lcags kyu'i tshul can gyis 'byung po thams cad bkug ste/ lce dang gnas byin gyis brlabs nas gtor ma lce spu gu can gyis 'thungs pa'am/ yang na lha mo'i tshogs kyis 'dul bar bya'o/ /de nas dang ting nge 'dzin dang ldan pas/ hUM nga ni dpal ldan gos sngon can/ /zhes bya ba la sogs pas bsdigs te/ rang gi sdom pa yang dag par bsam mo/ /thun mongs gi gtor ma ni tshogs chen po la sogs pa'i gnas su'o// thun mong ma yin pa'i gtor ma ni dgon pa chen po la sogs pa'i gnas su'o/ /'phags pa lag na rdo rje gos sngon po can gyi rgyud las le'u brgyad pa'i bshad pa'o// //de nas sngags kyi le'u bshad par bya ste/ dang po gang zag gang gi dbang du byas te

  296. 148b

    bshad ce na/ bsam gtan 'khor lo med pa la/ zhes pa ni/ bsam gtan las su mi rung ba'o/ /de'i dbang du sngags bshad ces so/ /gang yin zhe na/ ta dya thA/ b+ho b+ho ban nA ga/ zhes bya ba la sogs pa nyid do/ /las thams cad pa'i sngags ni las thams cad kyi thog mar 'gro ba'o/ /klu 'dul ba ni klu'i nges par 'joms pa ste/ gzhan dang de bzhin du sbyar ro/ /'di dag ni don yang bskyed pa'i rim pa la gnas pa'i rnal 'byor pas thog ma nyid du rang gi rtsa ba'i sngags kyis bzlas pa rdzogs par bya ste/ de nas 'byung po 'dul ba'i dus su 'byung po gang 'dul ba sngags bzlas pa'i 'od zer las khro bo gos sngon po so so'i cha lugs kyi tshogs kyi 'jig rten gang bas 'dul bar byas pa las zhi ba dang/ dbang dang/ rengs pa dang/ lkugs pa dang/ bsad pa la sogs pa'i sbyor ba dang ma lus par byas pa 'dul bar bsam/ yang na nad pa zhig gi lus la klu la sogs pa gnas la zlog pa'i cho gar bshad do/ /bu mo gzhon nus legs par bcad pa'i lcug mas nad pa la bya ba cing/ skabs su 'o mas bkrus te/ sngags 'di bzlas na klu zhi bar 'gyur ro/ /rims la ni skud pa sngon pos so/ /dug la ni rtswa ku shas so/ /zhes bya ba la sogs pa 'di ni cho ga'i thabs su bshad pa'o/ /de nas bstod pa'i cho ga bshad par bya ste/ de la/ rdo rje be con drag po che/ /zhes pa ni drag po'i khro ba'i tshul can du gnas te/ de la de skad ces bya'o/ /rdo rje brjid pa sngags kyi bdag /ces pa ni sngas thams cad kyi byung khungs su gyur pa nyid do/ /rdo rje khro bo bgegs kyi gshed/ /ces pa ni bgegs thams cad 'dul ba'i mthu stobs can no/ /rdo rje mi thub 'jigs pa can/ zhes pa ni/ gang gi bdud dang srin po thams cad kyis mi thub pa'i phyir ro/ /las kun bsgrub pa ni zhi ba'i sogs pa bsgrub pa'o/ /las kun mdzad pa ni/ gang gi tshe sgrub pa yang yin la mdzad pa yang yin pa'i phyir/ de la de skad ces bya'o/ /de lta bu'i

  297. 149a

    yon tan dang ldan pa ni phyag 'tshal pa'i yul yin pa'i phyir ro/ /'phags pa gos sngon po can gyi rgyud rgya cher bshad pa las le'u dgu ba'i bshad pa'o// //de nas klu dgug pa'i sngags bshad par bya ste rdo rje lcags kyu rlung gi sbyor ba/ zhes pa ni gang gi phyir rdo rje khro bo lcags kyu can gyi tshogs kyis bkug par bsams nas/ phyag na rdo rje rang yang bkug par 'gyur na/ gzhan lha ci zhig smos/ de bzhin me yis kyang ni 'dul bar nus/ /shes pa ni mi yi 'khor los kyang bgags thams cad bsreg par nus so/ /gzhan rengs pa la sogs pa'ang nus te/ bsam gtan dang sngags la nus pa thogs pa med pa'i yang phyir ro/ /sngags dngos su bas bsam gtan drag po ni khro bo lcags kyu can la sogs pa'o/ / gzhan go sla'o/ /de ltar gang 'gugs she na/ zangs gzhong nang du zhes bya ba smos te/ gang gis zangs gzhong pad+ma 'dab ma drug la bskyed la/ de nas der 'gugs par bya'o/ /zhes so/ khro bo'i che ba ni gtor ma bzhin no/ /dam tshig bsre ba ni chus so/ /dug gzhom pa dang/ gso ba ni sman gyis te/ dbang po'i lag pa la sogs pa'o/ /gang gnas phyogs su bskyal pa ni/ /ne'u sing la sogs pa'i gnas su'o/ /'di dag gi gtor ma'i cho ga dang nad gso ba'i cho ga la lhag par bstan to/ /'phags pa gas sngon yan gyi rgyud rgya cher bshad pa las le'u bcu pa'i bshad pa'o// //de nas klu gzir ba'i phyir cho ga bshad par bya ste/ de nas yang dag bshad par bya/ /zhes pa la sogs pa smos te/ zhi ba'i las kyi mi 'dul ba ni/ gtor ma ni yongs su gdams par mi 'dul ba'o/ /de gang gis gzir ba de ni klu gzir drag sngags so/ /sngags dngos su bas/ bsam gtan rdo rje thogs pa yis/ /gdul bya'i steng nas dbab par bya/ zhes pa ni/ sngags kyi 'od kyis khro bo dbyug to thogs pa dang/ ral gri dang/ sbu gri dang/ 'khor lo

  298. 149b

    la sogs pas klu thams cad kyi mig la sogs pa 'joms pa dang/ gzhan yang mtshon cha'i char bab pas mos par bsams pa la sogs pa'o/ /'og nas me'i 'khor lo bsam/ /zhes pa ni/ 'og nas me dang/ phyogs brgyad nas me 'bar bar bsams te/ de'i dbus na gdul bya gnas pa nyid do/ /yungs kar zhes bya ba la sogs pa'i don ni/ ji skad smos pa'i rdzas thams cad khro bo phra mo la sogs par bya ste/ des gzir ba yis brdeg par bya'o/ /khra sbyang la sogs mche? sder zhes pa ni/ gshog pa can dang/ mche ba can dang/ sna tshogs kyi rdzas thams cad 'phags pa gos sngon po'i sngags kyis rung bar byas nas de nas brdab cing khro bo da dang mthun par bya'o/ /gcan gzan sna tshogs shes bya ba 'di ni/ mche sder zhes bya ba la sogs pa'i don ni/ gang gi gcan gzan la sogs pa'i rdzas kyis gang gis lus la bya ba cing sprul pa'i khro bo thams cad kyis de dang 'thun par bya'o/ /de'i don yang thog mar lhas byin gyis brlab cing bsnyen pa rdzogs pa'i rnal 'byor pas gnas yid du 'ong bar bung bu zur gsum pa bya ste/ tsan dan dang/ ldong ros la sogs pas sbrul nag po'i gzugs byas nas 'gugs pa sngon du song ste/ gong gi cho ga rdzogs par byas nas/ /tha ma lam chen por sbas na de'i sbyor bas zhi ba la sogs par 'gyur ro/ /'phags pa gos sngon po can gyi rgyud rgya cher bshad pa las le'u bcu gcig pa'i bshad pa'o// //de nas mchod pa'i cho ga bshad par bya ba'i phyir/ de nas 'phags pa gos sngon po can gyis zhes bya ba la sogs pa gsungs te nyid la nyid kyis mchod pa dbul zhes pa ni/ rang gis rang la sprul pa ste/ 'di ltar rang gi dkyil 'khor gcig tu mngon par bsdu ba mdzad nas legs par sprul pas sems can 'dod chags 'dul bar mdzad pa'i phyir ro/ /hUM rdo rje bdug pa ma zhes pa ni/ lha mo dkar mo lag

  299. 150a

    na rdo rje dra'i bye drag thogs pa'i tshogs te/ ci byed ce na/ bdag nyid dri yis rgyas mdzad ma zhes pa ni/ de bzhin gshegs pa thams cad kyi bdag nyid gos sngon po can gyi dkyil 'khor dri'i bye brag gis yongs su rgyas mdzad ma/ zhes pa'o/ /de ltar bcom ldan 'das kyis rang gi lha mo la ngos nas ci byed ce na/ rgyud chen po las de bzhin gshegs pa thams cad kyi gsang ba'i bdag po'i dkyil 'khor mnyes par gyis shig /bdag dang bcas pa zhes bya ba'i don to/ /de ltar bka' stsal pa dang/ lha mo'i tshogs thams cad kyis kun nas bskor te 'di skad ces gsol pa/ hUM mgon po dus gsum bde ba che/ /gang phyir 'gro ba'i dbang po nyid/ /bdag gi dbang po 'di bzhes la/ /khyab bdag dpa' bo mnyes par mdzod/ ces bya pa dang/ badzra d+hu pe pU dza hUM zhes pa'i don to/ /spos kyi mchod pa zhes shig pa'i don no/ /de bzhin du gzhan la yang sbyar te/ hUM rdo rje me tog ma zhes pa ni/ lha mo mthing kha lag na me tog thogs pa'i tshogs shes pa'o/ /bdag nyid yongs su bkram mdzad ma zhes pa ni/ bdag gis gnas su me tog gi tshogs kyis yongs su bkram zhes pa'i phyir ro/ /hUM rdo rje mar me ma zhes pa ni/ lha mo mdog dmar mo lag na mar me thogs pa'i tshogs shes pa'o/ /dkyil 'khor dri ma'i mun pa sel mdzad ma zhes pa'i don to/ /rdo rje dri chab ma ni lha mo ljang khu ma lag na dri snod thogs pa'o/ /bdag nyid dngos po dag mdzad ma/ /zhes pa ni/ bdag gi dri mar gyur pa dag par byed ma zhes pa'i don to/ /de bzhin du rdo rje sgeg mo/ /bde gshegs spyan rnams tshim mdzad ma/ /zhes pa nas/ sgra dang/ dri dang/ ro dang/ reg bya'i par du ji skad gsungs pa lta bu dang/ de bzhin du rdo rje dur khrod gsang ba mo/ /bde gshegs byang chub sems kyis mnyam zhes bya ba la sogs pa'i tshigs su bcad pa'i rgyud chen po las byung ba rnams

  300. 150b

    kyis rgyud chen po'i mchod pa'i cho ga yongs su bstan nas/ da ni mchod pa'i de kho na nyid bstan par bya ste/ de la ji srid thams cad mchod pa che ni/ thams cad spos la sogs pa'i lha mor bya ste dbul ba'i phyir ro/ /ji srid mchod pa bde ba che/ /zhes pa ni/ 'dod pa'i yon tan kyi mchod pa ste/ dbang po'i rgyud tshim par byed pa'i phyir ro/ /ji srid mchod pa bla na med/ ces pa ni/ gsang ba'i mchod pa ste/ gang gis gang la phul ba de yis de la dam pa bskyed pa'i phyir ro/ /mtshan ma mchog tu gyur pa'i phyir ro/ /ji srid yang dag mchod pa che/ /zhes pa ni/ mchod pa de'i de bzhin te/ /gang gis mchod pa thams cad spros pa dang bral bar shes na sgrib pa thams cad las grol bar byed pa'i phyir ro/ /de dag gi don yang thog ma nyid du byang chub tu sems bskyed do/ /bla ma dang sangs rgyas thams cad mdun du bsam la rdzas las byung ba'am yo byad las byung pa'i lha mo la sogs pas mchod de bstod pa la sogs pa byas nas/ de bzhin gshegs pa'i dngos grub dam pa thob par 'gyur ro/ /gzhan las kyang kun dag 'gyur ba'i/ /rdzas ni rnal 'byor pa yis gzung/ /rdzogs sangs rgyas la phul gyur na/ /'bras bu dam pa thob par 'gyur/ /sgyu ma tsam gyi blo? bstad? de/ /rtog med bdud rtsi lnga la spyad/ /gang gis gzhan la phul gyur na/ /rtog bral 'dod pa phun sum tshogs/ /mchod pa'i tshogs rab gzung nas ni/ /gang gis spros dang bral bar bya/ /spros med dgos pa'i phyag rgya chen po thob par 'gyur/ /mchod pa 'di ni phyag rgya che/ /rdzogs pa'i sangs rgyas kun gyis bstan/ /sangs rgyas kun gyis dam tshig ni/ /mchod pa chen po 'di la gnas/ /de yang dngos grub 'dod pa yis/ /dus rnams kun tu sems bskyed de/ /bla med mchod pas gzung bar bya/ /zhes bya ba la sogs pa 'byung ba lta bu'o/ /'phags pa gos sngon po can gyi rgyud rgya cher

  301. 151a

    bshad pa las le'u bcu gnyis pa'i bshad pa'o// //de nas 'khor lo brgyad sngon 'byung ba bshad par bya ste/ de la sdud pa'i thabs kyi ting nge 'dzin gyis shes pa/ thugs ka'i 'od zer dang sku'i 'od zer gyis so/ zhes so/ 'khor ni kA rnams bsdu mdzad nas/ /shes pa ni/ 'khor na gnas pa'i klu thams cad 'od zer gyi sdud par mdzad do/ /ma'i 'khor lo snyoms zhugs shes pa ni/ sdug bsngal drag po nyams su myong bar bya ba'i phyir/ gnas brgyad me sbor zhes pa'o/ /gsang ba me'i sngags shes pa ni/ da ha na badzra zhes pa'i sgra dang bcas pa'o/ cir 'gyur zhe na/ klu rnams ma lus 'jigs par mdzad/ /ces pa ni/ tsha ba nyams su myong ba'o/ /bral nas dpag tshad gnas su zhes pa ni/ bred pa'i stobs kyis 'jig rten gnas gzhan du bros zhes pa'o/ /slar bsdus bdud rtsi sman gyis gso zhes pa ni/ slar ting nge 'dzin gyi cho 'phrul gyis bsdus nas bdud rtsi'i rgyun 'byung ba zhes pa ni/ ting nge 'dzin la snyoms par zhugs so/ /de'i tshe 'jig rten gyi khams thams cad rdo rje bdud rtsi bkod pa zhes bya bar gyur to/ /de ltar gyur ma thag tu de na gnas pa'i sems can gyi bdud rtsi la rig par gyur to/ /de reg ma thag tu thams cad kyis bdud rtsir snang bas brgyan/ zhes bya ba'i ting nge 'dzin thob par gyur to/ /de'i tshe bcom ldan 'das la 'di skad ces gsol to/ /de bzhin gshegs pa thams cad kyis/ /gsang ba chen po'i bdag nyid pas/ /gang phyir bde ba chen po yis/ /bdag cag yid ni tshim par 'gyur/ /bcom ldan 'das gsang ba 'di las bdag 'das na ni mgo 'gas par 'gyur/ lus ni dum bu dum bur 'gyur// rtag tu dmyal ba sogs par bsreg /ces gsol to/ /las bcol so so'i gnas su bkod/ /ces pa ni/ de nas bcom ldan 'das kyis 'dus pa chen po de dag la bka' stsal pa/ 'dus pa chen po dag de ltar shes par bgyis la/ de bzhin

  302. 151b

    gshegs pa thams cad kyis gsang ba chen po 'di las 'da' bar ma byed cig /de ci'i phyir zhe na/ de bzhin gshegs pa'i gsung 'di ni gsung snyan la/ gsung zab? pa/ gsung 'da' bar dka' ba/ gsung dri ma med pa/ gsung thogs pa med pa/ gsung yon tan thams cad dang ldan pa'o/ /zhes bya ba la sogs pa'o/ /de nas khams gsum rnam par rgyal ba la sogs pas ni/ rdzogs pa'i sangs rgyas kyis mdzad pa phun sum tshogs pa de la ngo mtshar chen po skyes nas bstan pa'o/ /ma? brgyad? 'khor lo'i bdag nyid ces pa la sogs pas ni de bzhin gshegs pa thams cad gyis ngo bo nyid du gyur pa dang 'khor lo can gyi ting nge 'dzin 'byung po thams cad 'dul ba dang/ thogs pa med pa'i las gzhan yang grub par 'gyur bas yon tan gyis bdag po/ /yon tan gyi rang bzhin du gyur pa ston pa'i yul yin pa nyid du ston pa'o/ /chu'i zhes pa la sogs pa'i don ni/ de nas 'phags pa lag na rdo rje gos sngon po can gyi rdo rje chu bo'i sbyor ba zhes bya ba'i ting nge 'dzin la snyoms par zhugs so/ /ting nge 'dzin de la snyoms bar zhugs ma thag tu sku'i 'od kha dog sna tshogs las bdud rtsi'i chu rab tu 'bar ba byung ba ni 'di lta ste/ kun tu dang ba zhes bya ba'i rdo rje'i chu bo dang kun tu sbyin pa zhes bya ba'i rdo rje'i chu po dang/ /kun tu bsil ba zhes bya ba'i rdo rje'i chu bo dang/ kun tu phan pa zhes bya ba'i rdo rje'i chu bo la sogs pa dang/ rdo rje'i chu bo dpag tu med cing bgrang pa las 'das pa gcig byung nas kun tu dbugs phyin par byas so/ /zhes bya bas bstod pa'i yul nyid du bstod do/ gzhan go sla'o rlung? brgyad kyi ting nge 'dzin la gnas pa ni/ de nas yang / 'phags pa lag na rdo rje zhes bya ba'i ting 'dzin la snyoms par zhugs so/ /de'i che 'jig rtan gyi khams 'di yang rnam pa drug tu g.yos/ rab tu g.yos/ kun tu rab tu g.yos te/ /'ur 'ur rab tu 'ur 'ur/ kun tu 'ur 'ur/ rab tu 'ur 'ur ro/ /

  303. 152a

    zhes bya ba la sogs pa gzhan yang/ byang chub sems dpa' sems dpa' chen po de ltar rlung gi dkyil 'khor ni tshad med grangs med de dpag tu med cing bgrang ba las 'das pa'o/ /gzhan 'di la ni sems rtse gcig tu bya ba nyid do/ /bsdu bar bya ba nyid do/ /gnas par bya ba nyid do/ /brtan par bya ba nyid do/ /yongs su brtan par bya ba nyid do/ /zhes bya ba la sogs pa 'di ni bstod pa'i yul nyid du bstong pa'o/ /de la bstong pa ni rlung brgyad ting nge 'dzin la gnas nas zhes bya ba la sogs pas bstan to/ /de'i don yang rlung brgyad ting nge 'dzin la gnas nas las thams cad thogs pa med pa dang/ de la gsungs pa de la phyag 'tshal lo/ /zhes pa nyid do/ /'di yang yon tan ji lta ba nyid yin gyi/ gzhan du ni ma yin/ /sa'i ting nge 'dzin la gnas nas shes pa ni/ de nas bcom ldan 'das kyis rdo rje bstan pa zhes bya ba'i ting nge 'dzin la snyoms par zhugs so/ /de'i tshe khams gsum rnam par rgyal bas 'di skad ces bka' stsal to/ /rigs kyi bu gang khyed kyis nga'i rdzu 'phrul gyi tshad ci tsam du gyur pa gsal ba de ni ye shes so/ /bka' stsal pa/ rdzu 'phrul bstan pa'i tshad phyogs gcig shes sam/ gsol pa/ bcom ldan 'das de mi shes so/ /bcom ldan 'das kyis bka' stsal pa/ /rigs kyi bu de de bzhin te/ des sa'i 'khor lo'i ting nge 'dzin la snyoms par zhugs pa yis sa'i rdul phra rab gcig kyang sems can gcig gis 'degs par nus pa ma yin te/ sems can bcus ma yin/ brgyas ma yin/ bye ba brgya'i char gyis ma yin te/ de ci'i phyir zhe na/ de bzhin gshegs pa'i ting nge 'dzin gyi tshad ni dpag tu med cing gzhal du med do zhes bya ba la sogs pa rgya cher 'byung ba lta bu'o/ /des ni sa'i ting nge 'dzin la gnas pa la phyag 'tshal ba'i yul nyid du bstan to/ /gzhan go sla'o/ /

  304. 152b

    ? ? na rdo rje gos sngon po can gyi rgyud rgya cher bshad pa las le'u bcu gsum pa'i bshad pa'o// /de nas rdzogs pa'i rim pa bstan par bya ba'i phyir de nas dpal ldan rdo rje gos sngon can/ zhes bya ba la sogs pa gsungs te/ phra mo'i ting nge 'dzin gyis 'khor lo rnam pa bzhi la dmigs pa'i ting nge 'dzin te/ de la snyoms par zhugs pa ni/ 'khor gyi gnod sbyin sprul pa'i gnod sbyin rnams/ /yid dga' dang bas zhus zhes pa ni/ shin tu yid ma gu bar gyur cing dang ba'i stobs kyis zhus? pa'o/ /de'i lan du/ phra mo'i thig le chen po yis/ /zhes pa ni/ gang gi phyir dbang po'i yul du phyin par dga' pa ni phra mo ste rdul phra mo'o/ /de dang 'dra bar phra mo'i phyir na phra mo ste/ 'khor lo rnam pa bzhi po de la bde ba chen po ni rtsa sum cu rtsa gnyis pa/ pad+ma lta bu'i dbyibs can bor nyid gyi sku'i rang bzhin no/ /longs spyod kyi 'khor lo ni rtsa drug pa chos kyi sku'i rang bzhin no/ /chos kyi sku'i 'khor lo ni rtsa brgyad pa/ longs spyod rdzogs pa'i sku'i rang bzhin no/ /sprul pa'i 'khor lo ni rtsa drug cu'i rang bzhin pa/ sprul pa'i rang bzhin pa/ yang na bde ba chen po ni sum cu rtsa gnyis pa ste/ mtshan sum cu rtsa gnyis kyi rang bzhin ni sprul pa longs spyod kyi dpe byad bzang po'i rang bzhin no/ /chos kyi 'khor lo ni so so yang dag pa bzhi dang/ mi 'jigs pas bzhi'i rang bzhin no/ /de las gzhan pa'i chos thams cad kyang 'di'i nang du 'dus par 'gyur te/ ji skad du mtshan bzang po dang dpe byad dang/ de bzhin du stobs dang mi 'jigs pa dang/ gzungs dang ting nge 'dzin la sogs pa/ lus 'di la ni rab tu gnas/ gang zhig sangs rgyas yon tan 'di/ /lus 'di la ni gnas 'gyur la/ /rang gi rnam rtog las kyi phyir/ /dman pa rnams kyis rtogs ma yin/ de bas

  305. 153a

    gsang don 'dod rnams kyi/ /bskyed pa la ni gnas par bya/ /bskyed pa la ni gnas gyur nas/ rdzogs pa'i rim pa bsgom par bya/ /rdzogs pa chen po'i rang bzhin la/ /rtse gcig gnas par gyur pa yis/ /chos kyi de nyid mthong bar 'gyur/ /gzung dang 'dzin pa mi dmigs shing/ /bya dang byed pa mi dmigs te/ /gnyis med gcig gi ngo bo dang/ /de las 'das pa mi dmigs pas/ /chos kyi snying po bla na med/ /gsal bar nyams su myong ba dang/ /rab tu gnas par gyur ces bya ba la sogs pa lta bu ste/ 'di dag gi don yang rang gi sa bon la brten nas/ rang gis thog mar bskyed pa'i rim pa mchog tu gyur nas rdzogs pa la sogs pa rim gyis snying po'i don khong du chud par 'gyur ro zhes bya ba'i tshig gis/ gzhan yang bde ba chen po ni chu tshad kyi rang bzhin longs spyod kyi rang bzhin/ 'khor lo'i 'pho ba bcu drug gi rang bzhin no/ /chos kyi 'khor lo ni thun brgyad kyi rang bzhin no/ /sprul pa'i 'khor lo ni dbugs rgyu ba drug cu rtsa bzhi'i rang bzhin no/ /gzhan yang bde ba chen po ni so so'i gnas kyi rang bzhin no/ /longs spyod kyi 'khor lo ni bsdus pa'i gnas kyi rang bzhin no/ /chos kyi 'khor lo ni gnyis su med pa'i gnas kyi rang bzhin no/ /sprul pa'i 'khor lo ni de kho na nyid kyi gnas kyi rang bzhin no/ /gzhan yang bde ba chen po ni gsang ba'o/ /longs spyod kyi 'khor lo ni sbyor ba'o/ /chos kyi 'khor lo ni bde ba'o/ /sprul pa'i 'khor lo ni de kho na nyid do/ /gzhan yang bde ba chen po la sogs pa bzhi ni gzhi phyag rgya ni bzhi dang/ tshad med pa bzhi dang/ bsam gtan bzhi dang/ nges par byed pa bzhi dang/ lam bzhi la sogs pa'i rang bzhin can yin pa'i ji skad du gang gis bde ba chen po la sogs pa'i 'khor lo chos rnams kun gyi rang bzhin no/ /gang phyir bdag nyid rgyal po che/ /kun la dbang

  306. 153b

    brgyud bde ba'i mchog /sangs rgyas sangs rgyas dam pa dang/ /byang chub sems dpa' dam pa yang/ /gsang ba gzhan la rnyed ma yin/ /de bas 'dir ni thabs kyi mchog /ces bya ba la sogs pa lta bu'o/ /de'i thig le ni gang gis bde ba chen po la A li nyid skor dang haM mgo thur du bltas pas brgyan pa'o/ /longs spyod la A li'i skor ba gcig dang/ oM gyen du bltas pas brgyan pa'o/ /chos kyi 'khor lo dang po'i yi ge brgya dang/ hUM mgo thur du bltas pas brgyan pa'o/ /sprul pa'i 'khor lo la A li gnyis dang oM mgo gyen du bltas pas brgyan pa'o/ /de dag ni 'khor lo dkar po dang/ dmar po'i nyid du blta bar bya'o/ /cir snang dngos po gcig tu 'dus zhes pa ni/ dga' ba la sogs pa'i rim gyis bde ba dam pa thob par 'gyur te/ rnal 'byor gyi lam du byas pa'o/ /de nas phyag rgya'i lam bshad par bya ba'i phyir/ de nas dpal gos sngon can/ zhes bya ba la sogs pa smos te/ 'dod chags kyi ting nge 'dzin la ni de bzhin gshegs pa dang btsun mo gnyis su med par rol pa ste/ 'di ltar bcom ldan 'das rdo rje gos sngon po can/ sreg ma dang gnyis su med par snyoms par zhugs so/ /bde gshegs gos sngon can gsang ba mo dang gnyis su med par snyoms par zhugs so/ /rin chen gos sngon can ni zhi ba mo dang gnyis su med par snyoms par zhugs so/ /pad+ma gos sngon can ni gcer bu ma dang gnyis su med par snyoms par zhugs so/ /las kyi gos sngon can ni rgyal ba mo dang snyoms par zhugs so/ /de gang gis longs spyod chen po gsang ba'i lha mo rnams kyang 'di lta ste/ /rdo rje bdug pa mo zhes bya ba dang/ rdo rje me tog ma zhes bya ba dang/ rdo rje mar me ma zhes bya ba dang/ rdo rje dri chab ma zhes bya ba dang/ gzhan rdo rje sgeg mo zhes bya ba dang/ phra ma zhes bya ba dang/ glu mkhan mo zhes bya ba dang/ gar mkhan ma zhes bya ba dang/ gzugs dang/ sgra dang/ dri dang/ ro dang/

  307. 154a

    reg bya dang/ bdud rtsi ma la sogs pa'i lha mo 'di dag gis phyogs kun nas bskor te/ mchod pa sna tshogs byed pa'o/ /gzhan dag las kyang/ gang gis bde ba chen po yis/ /'khor lo gsang ba 'di dag bsgom/ /shes rab yid du 'ong ba la/ /legs brtags byin gyis brlab par bya/ /mkhas pa'i cho ga bzhin gnas pa'ang/ /b+ha ga la ni ling ga bzhag /la 'das pa la mnyam sbyor ba/ /mchog gi rtsa ni gzung bar bya/ /gang gis 'dod pa longs spyod rnams/ / ci nus legs par spyad par bya/ /gsang ba'i bsrung ba'i cho ga yis/ /phyag rgya dam tshig legs par bzhag pa dang/ /dam tshig rdzas rnams bsdus bya ste/ /gsang ba'i cho ga bzhin du blang/ /pa ra ga ti swa ti ka /hi ti ker shing ka dag dang/ /ha na ba da ka ra ya/ /ra dang da dang rU pa yi/ /dud 'gro dgug 'dra skad 'byin dang/ /g.yas brkyang g.yon pa brkyang pa dang/ /'og bzlog pa dang yun ring gnas/ /glu ma 'dren ma sma ba mo/ /drag mo 'gro ba dung mkhan ma/ /skad sgogs dang ni lce 'byin ma/ /klu dbang ljon shing 'phyang ba dang/ /steng du 'byin pa la sogs pa/ /rol pa'i sgra chen legs 'byin pa/ /gsang ba sgyu dra go 'byed dang/ /rgyas dang gyen du 'dren pa dang/ /seng ge mo'i spyod pa bzhin/ /gang gis legs par rol pa yis/ mkha' la spyod pa'i 'dug stangs kyi/ /rim gyis yang dag gnas par byed/ /glang po la sogs rigs mdzes pa/ /gsang chen nyi ma mdzes pa yin/ /de nyid yang dag grub par 'gyur/ zhes bya ba'i rim pa 'dis gsang ba'i spyod pa la gnas pa la/ gnod sbyin mang po kun zhes bya ba la sogs pa ni 'dod chags dang bral ba rnams so/ /sdangs dang dus dang brgyal ba ni/ /de'i rigs kyi bye brag rnams so/ /de yang bshad pa/ chags bral 'gyur ba'i rdzogs sangs rgyas/ /mi rigs dman

  308. 154b

    pa'i spyod la gnas/ /lam ni gzhan du grol bar 'gyur/ /rgyal ba'i bstan pa 'dzin pa rnams/ /sems ni rab tu bsreg par 'gyur/ /gang gis gsang ba ma yin te/ /skye bo'i spyod pa gnas par 'gyur/ /kye ho 'dus par gyur pa rnams/ /skal pa ma yin myur du 'od/ /sangs rgyas rang gi ma chen spangs pas/ /gang zhig 'khor ba'i btson rar gnas/ /de bas de yi de nyid ni/ /kun tu brlag par 'gyur ba yin/ /zhes bya ba la sogs pa'i rim pa 'dis thams cad the tshom dang som nyi skyes nas yid mi dga' zhing mya ngan gyis gdung ba chen pos yongs su gdungs te/ de'i tshe bslang ste bla med don bstan te/ zhes pa ni/ gzhan las/ deng nas rgyal po gos sngon can/ /khams gsum rgyal la legs par bltas/ /khams gsum rgyal po khro bo yis/ /mya ngan gdungs pa'i 'gro kun bslang/ /kye ma sangs rgyas mdzad pa che/ /kye ma mdzad pa rmad du byung/ /kye ma mdzad pa shin tu zab/ /kye ma mdzad pa mdzad pa'i mchog /blun pa dug gis 'chi bar ston/ /thabs dang ldan pa bdud rtsir 'gyur/ /yang dag 'gro pa kun sgrol bar/ /bud med kyi ni gnas na gnas/ /gang la snying po reg 'gyur ba/ /de la snying po snying po 'byung/ /de la g.yo ba bde ba nyid/ /pho rnams mtshan ma'i lam du 'byung/ /lam gyi 'khor lo nang du zhugs/ ye shes 'khor lo kha phye nas// byang chub sems ni rgyun du 'bab/ /dman pa'i sa bon byin brlabs te/ /'gro ba rnams kyi mig byed 'gyur/ /dpa' bo 'di la gnas brten pa/ /nges par byang chub snying po 'thob/ /'dus pa chen po'i 'khor de dag rmad du byung ba'i theg pa chen po'i sems bskyed/ de nas 'khor gyi yid ches pa dang/ nges pa skyes nas bstod pa ni/ /kye ho gsang bdag gos sngon can/ zhes bya ba la sogs pa ste/ bla med rdzogs pa'i byang chub rang bzhin ni chos thams cad kyi de bzhin nyid

  309. 155a

    gang gis de mngon du gyur pa de'i phyir ro/ /de la de skad ces bya'o/ /de'i ngang du 'dod chags dag pa'i blo ldan pa zhes pa ni/ 'dod chags dang de'i yul la sogs pa snang ba'i dus nyid na rang bzhin med pa'i blo dang ldan pa'o/ /mngon par sangs rgyas pa ni ye shes phun sum tshogs pa phul du dbyung du med par rang dang 'gal ba'i sgrib pa thams cad spangs pas bstod pa'i yul nyid du bstan to/ /de yi bshad pa/ gsang ba chen po spyod pa la/ /gnas pa gos pa ci yang med/ / pad+ma la ni 'dam gyis bzhin/ /mnyes pa yang ni mchog tu 'gyur/ /chos rnams dngos po dang bral bas/ /dngos po la ni mi gnas kyang/ /'gro ba nyon mongs 'dul ba'i phyir/ /dam pa'i spyod pa ston pa mdzad/ /dman pa rnams la dman pa rnams 'gyur kyang/ /gang gis khyod la mchog tu mchog tu 'gyur/ /nyes pas legs pa kun ldan zhing/ /yon tan thams cad 'byung ba'i gter/ /ma smin pa dang ma grol ba'i/ /'khor las rgyal bar byed pa nyid/ /skal pa dman par gyur pa'i phyir/ /gsang ba dag gis sngar ma mthong/ /de bas rgyal po bcom ldan 'das/ /legs par ston pa'i rdzi bo la/ /gtsug gi nor bus gzung bar gyis/ /zhes pa ni rigs pa 'di la yang/ /yang dag pa'i gtso bo la mngon sum du bstod par 'os pa bstan pa'o/ /'phags pa gos sngon can gyi rgyud rgya cher bshad pa las le'u bcu bzhi pa'i bshad pa'o// //de nas 'dus pa'i 'khor rnams kyis 'khor gyi gtso bo la bstod pa mdzad pa/ gsang bar gyur pa'i don la yid ches rjes su yid rang zhing dga' bar gyur nas/ shes pa'i don to/ /lcang lo can gyi zhes bya ba la sogs pas ni spyod pa'i yon tan gyi sgo nas bstod pa'o/ /'khor gyi klu tshogs 'dul mdzad pa/ zhes bya ba sogs pas ni khyad par du rang gi gdul bya klu 'dul

  310. 155b

    ba'i sgo nas bstod pa'o/ /sna tshogs dag pa'i sku mnga' zhing zhes bya ba la sogs pas ni/ spyir gdug pa can thams cad 'dul ba'i sgo nas bstod pa'o/ /ji ltar bsams pa'i dngos po kun/ /zhes bya ba la sogs pas ni yon tan thams cad kyi 'gyur gnas su gyur bar bstod do/ /'di dag gi don rgyas par ni le'u dang por bshad pa'i don to/ /bdag gis dman par gyur pa'i 'gro bas rtogs phyir bsdus pa'i rnam par bshad pa 'di/ /blo dman gyur phyir brtsam par mi rigs kyang/ / gang la grags par brten te brtsams pa 'dis/ /dge ba 'di yis 'gro ba'i skye bo snod du gyur dang bzlog pa kun/ /snod gyur dam pa de'i zhal mthong phun sum tshogs pa rnams kyis thob par shog/ //'phags pa lag na rdo rje gos sngon po can gyi rgyud rgya cher bshad pa/ slob dpon chen po mchog rab snying pos mdzad pa rdzogs so// (//lag na rdo rje gos sngon po can zhes bya ba'i rgyud rgya cher bshad pa bzhugs//) rgya gar skad du/ badzra pA tI nI lAM bA ra nA ma ta? tra nI kA/ bod skad du/ lag na rdo rje gos sngon po can zhes bya ba'i rgyud rgya cher bshad pa/ dkon mchog gsum la phyag 'tshal lo/ /de nas 'phags pa gos sngon gyi/ /lcang lo can gyi pho brang du/ /'khor gnod sbyin la sogs pa la de'i tshe 'di skad ces bka' stsal to/ /rdo rje be con bshad pa la/ /bsdus pa'i las ni rnam pa lnga/ /bsnyen bsgrub bsad dang dbye ba dang/ /dman pa'i las te rnam pa lnga/ /bsnyen pa'i las ni 'di lta ste/ /yid 'ong dga' ba'i sa phyogs su/ /stegs bu me tog bcal bkram ste/ /khro bo'i sku gzugs bzhag par bya/ /de la yan lag brgyad ldan pa'i/ /sngags kyi bsnyen pa rab tu 'bad/ /de tshe 'di yi rtags byung ste/ /shin tu sku gzugs 'dzum pa dang/ /me tog sngon po 'thu ba

  311. 156a

    dang/ /gnod sbyin sde dpon byed pa dang/ /gos sngon rtag tu gon pa dang/ /rdo rje lag tu thogs pa dang/ /rgya mtshor rkang pa bskyod pa dang/ /ri rab klad la bskor ba dang/ /rus sbal lag gis len pa dang/ /sbrul brgyad lus la brgyan pa dang/ /rtag tu dam chos ston pa 'byung/ /de nas bsgrub pa brtsam par bya/ /sgrub pa byed pa rnam gnyis te/ /spyi yi sgrub dang bye brag sgrub/ /bye brag sgrub pa 'di lta ste/ /bdag dang gzhan dang thun mong ngo/ /bdag gi don ni bshad bya ba/ /me brgyad 'khor lo sangs rgyas ldan/ /rkang mthil gnyis dang dpyi mig gnyis/ /lag mthil gnyis dang mgrin pa 'doms/ /de re re las me bskyed pa/ /rlung gnyis 'bras bur sa bon ldan/ /me brgyad 'khor lo rab bsgoms nas/ /de nyid sngags la rab 'bar na/ /zhag dgus 'god po 'bros bar 'gyur/ /bcu gcig pa yis klu srin 'bros/ /zla ba gcig tu snyoms zhugs na/ /gnod sbyin thams cad 'bros par 'gyur/ /ci phyir ba sngon drag po yi// bsdu pa'i ting 'dzin rnam par bsgoms/ /g.yogs 'khor tshogs ni 'dus nas ni/ /me bsgoms me yi sngags bzlas pas/ /tshogs kun tshig nas 'bros par 'gyur/ /bsdus nas bdud rtsi dri med gsos/ /mi gnas pa du rnam par bsgom/ /de bzhin de la 'bad par bya/ /chu brgyad 'khor lo sangs rgyas ldan/ /klad pa mgrin pa dpung mgo gnyis/ /snying ga lte ba brla gnyis su/ /yi ge baM las chu bskyed pas/ /bdud rtsir bcas pas 'bras bur ldan/ /chu brgyad 'khor lor rab bsgoms nas/ /de nyid sngags la rab 'bad nas/ /lan cig bco brgyad chu yis ni/ /skyon dag bag chags dag par 'gyur/ /ci phyir ba? sngon zhi ba yis/ /bag chags ngan pa nyes kyis zin/ /chu

  312. 156b

    bsgoms chu yi sngags bzlas pas/ /ngag pas kun dga' grol bar 'gyur/ /rlung brgyad 'khor lo sangs rgyas ldan/ /gong ma'i gnas brgyad yaM las bskyed/ /me gnyis yang dag 'bras mchog de/ /thal bar gyur la gdon mi za/ /de yang drag po'i drag po'o/ /sa brgyad 'khor lo'i sangs rgyas ldan/ /gnas brgyad lam las sa grub pa/ /gru bzhi hUM ni 'bras bur ldan/ /steng du 'phags pa gos sngon brgyad/ /dngos grub thams cad ldan byed pa'i/ /'khor lo brgyad kyi rnam pa ni/ /dam tshig 'khor lo de bzhin te/ /ji bzhin ye shes 'khor lo yang/ /de bzhin mdun na rnam par spro/ /sangs rgyas mdzad pa rdzogs phyir ro/ /gal te gzhan la sgrub na ni/ /rang nyid ji bzhin gos sngon can/ /gnod sbyin nyen gyis zan gyur na/ /dkyil 'khor 'khor lo rtsibs brgyad la/ /sde dpon nyi shu rtsa brgyad dgod/ /bu mo lo brgyad lon pa la/ /yan lag brgyad spros dris byugs nas/ /rin chen bum pa skus dbang bskur/ /da nyid dbus na gzungs thag 'dren/ /bzlas yungs gzungs sngags stong bzlas la/ /bdag nyid kha nas chu gtor bas/ /nad pa'i lus la chu brgyad bsgoms/ /phral nas ji bzhin chu gtor bas/ /rdo rje khang pa khro bcur ldan/ /klu dang dpral ba'i las byed pa/ /slob ma med la snyoms bzhag ste/ /slob dpon gos sngon ting 'dzin ldan/ /'khar gzhong 'dab ma drug pa la/ /steng du cha gsum rigs drug dgod/ /nad pa'i lus la sna tshogs dgang/ /smyag shad yang na bal po se'u/ /bya khyung ga rur byin gyis brlab/ /gsang sngags gzir pa'i gsang sngags kyis/ /nad pa'i lus la brab cing gzir/ /lcags kyus bdun bkod steng du blang/ de sos gyur na gnas su bskyal/ /khrus kyi dus na chu brgyad bsgom/ /tshe yi dus na sa brgyad bsgom/ /phral ba'i rjes la rlung brgyad bsgom/ /yi dwags brjod byed bzlog 'dod na/ /tshon sna

  313. 157a

    lnga yi skud pa lnga/ /bgegs gnyis bzlog pa'i sngags bzlas shing/ /mdud pa sngags bcas re re la/ /ye shes gos sngon re re bstim/ /thim 'gyur skud pa mgul btags na/ /yi dags nyen rnams bzlog par 'gyur nad kyi tshogs rnams bzlog 'dod na/ /skud pa dkar po dag bkrus te/ /me tog sngon pos mdog bsgyur la/ /sngags spel na sar btags na 'tsho/ /byis pa gdon las bsrung 'dod na/ /skud pa gong dang 'dra ba la/ /sngags bzlas bsrung ba'i mdud pa bya/ /thim nas byis pa'i mgul du gdags/ /bsam gtan khro bo'i khang par gzhug /nor 'dod pa dag bsgrub bya ste/ /klu rnams byang shar mtshams su dgug /gtso bo sngags kyis khams gsum rgyal/ /bkol la khro bo khams gsum rgyal/ /rnam thos sras la nor sbyin bsgom/ /rmi lam gser gyi dong tshe ster/ /snod stong dkon mchog gsum la bsngo/ /gang la dag gis dkon mchog go /bsad pa'i las ni 'di lta ste/ gang la bya ba'i dgra po de'i/ /gzugs byas steng du dbab byas nas/ /lcags sam sngon po'i shing phur la/ /gos sngon drag por byin brlabs te/ /drag po'i gsang sngags bzlas shing gdab/ /thebs pa'i lus la sbrul gsum ste/ /sprul nag zhags pas bcings la bzhag /snying nang klu yi dkyil 'khor dgod/ /klu yod chu mig nang du snga/ /de ni myur du gsod pa'o// //dbye ba'i las ni 'di lta ste/ thams cad /'og tu sme ba'i dud pa gtong/ /ting 'dzin sgom pa 'di /'og tu sme ba'i dud pa gtong/ /ting 'dzin sgom pa 'di lta ste/ /bdag nyid drag po'i sngags bzlas pas/ /sngags kyi sprul pa sna tshogs spros/ /sprul pa drag po'i khro tshogs kyis/ /'o dong 'debs shing thal mo brdebs/ /drag po'i mtshon cha'i thog phab pas/ /dus mdza' med cing drag shul che/ /

  314. 157b

    de tshe 'di yi lha 'bros 'byung/ /mnan la ri rab chen po byas/ /sems ni ri rab dran pas gnon/ /ngag ni ri rab smra bas gnon/ /lus ni ri rab g.yo 'gul gnon/ /phyag na rdo rje'i rgyud phyi ma las rtog pa dang po rdzogs so// // de nas yang dag nges pa'i don ni rab bshad pa/ /dpal ldan gos sngon gsang ba'i bdag po khro bo'i sku/ /rgyud rnams kun gyi sdud pa bor ni rab grags kyang/ /'khor gyi klu rnams ma lus 'dul phyir ston pa mdzad/ /de dag ji srid don la/ yang dag gsang bdag gos sngon can/ /rnal 'byor don la rab gnas nas/ /bla med 'khor lo'i don gsungs pa/ /kye ho sgrol ba byed pa che/ /chags pa rab tu bde ba che/ /ma lus 'khor dang mya ngan 'das/ /rtag chad gnyis brtags bde ba che/ /yang dag bla na med pa'i klong/ /thams cad stong du cha gcig ste/ /mi gnas ma bral 'dus ma byas/ /bla med gos sngon mtshan nyid do/ /gsung dang bsdus pa'i rgyud rnams la/ /grangs las 'das shing brjod du med/ /mdor bsdus rnam pa bzhi ru bstan/ /rtsa ba'i rgyud dang brtag pa'i rgyud/ /bshad pa'i rgyud dang rgyud phyi ma/ /ston pa nyid kyi rgyud 'di yang/ /gdul bya'i dbang du gsungs pa ste/ /klu 'dul dbang du gos sngon can/ /ma mo 'dul phyir 'jigs byed rgyud/ /gshin rje 'dul phyir gcer bu'i rgyud/ /bdud chen 'dul phyir gyid? chen rgyud/ /gza' chen 'dul phyir thugs gsang rgyud/ /mkha' 'gro 'dul phyir khyung chen rgyud/ /rgyal po 'dul phyir 'jigs byed rgyud/ /dgra bo 'dul phyir gnod byed rgyud/ /gnod sbyin 'dul phyir 'chi bdag rgyud/ /gdul bya dgu yi dbang du ni/ /ston pa dgu yis rgyud dgu gsungs/ /ston pa dgu yang gcig yin te/ /gcig nyid bde gshegs sprul pa'o/ /phyag na rdo rje be con gyi rgyud phyi ma las rtog pa gnyis pa rdzogs so// //'di skad bstan pa'i dus

  315. 158a

    gcig na/ /stong gsum stong gi 'jig rten khams/ /gang gA'i klung gi bye snyed nam/ /sprul pa'i rgyud dang ji snyed de/ /shin tu khro ba gdug cing gtum/ /ji lta ba yi thogs med sku/ /dbang bskur gsang ba'i bdag po yin/ /ji lta ba yi khro bo'i dbang bskur ba/ /dbang thob phyag na rdo rje yin/ /mthu dang gzi brjid khyad par 'phags/ /ji ltar zhi ba'i skur bstan kyang/ /thams cad zhi ba'i bdag nyid che/ /dkar po rdo rje 'dzin pa che/ /byang chub mang pos 'khod du bskor/ /ji ltar rgyas pa'i skur bstan yang/ /thams cad rgyas pa'i bdag nyid tshe/ /ser la sdang ba'i rin chen bdag /gshin rje tshogs kyis 'khor du bskor/ /de ltar dbang gi skur bstan kyang/ /thams cad dbang gi bdag nyid che/ /dmar gnag pad+ma'i kha dog thogs/ /klu tshogs mang pos 'khor du bskor/ /ji ltar drag po'i skur bstan kyang/ /thams cad drag po'i bdag nyid che/ /sngo nag rdo rje dbyug to thogs pa 'phyar/ /lha srin sde brgyad 'khor du bskor/ /gsang ba'i bdag po gos sngon yang/ /rim par mngon par byang chub pas/ /bla med byang chub chen po brnyes/ /yang dag thogs med 'gro don byed/ /'khor lo thar lam rnam dag nas/ /yang dag gsang ba'i thig le las/ /as brgyan zla ba'i dkyil 'khor bsam / de steng yi ge hUM nag bsam/ /hUM de kun gyis byin brlabs pas/ /rdo rje nag po hUM 'bar ldan/ /rdo rje kun gyis byin brlabs pa/ /sku gnyis grub pa'i bdag nyid che/ /mngon par khro bo'i bzlas pa bya/ /dpral ba mgrin pa mig gnyis dang/ /rna ba lus la sogs pa ru/ /phyag na rdo rje sa snying po/ /nam mkha' i snying po spyan ras gzigs/ /ming gi yi ge dang por bskyed/ /bder gshegs gsang bar byin brlabs pas/ /skye mched lha rnams 'bros par 'gyur/ /spyi bo snying

  316. 158b

    pa? mchin pa dang/ /lte ba gsang ba gnas lnga ru/ /mi bskyod rnam snang rin po che/ /snang ba mdza' yas don yod grub/ /ming gi yi ge dang por bskyed/ /byin brlabs rigs lnga khros par bskyed/ /mig gnyis phyi rol me dpung na/ /gos sngon khros pas mtshon gang bskyed/ /de ni 'gyur ro? 'dul ba'i mchog /snying nad gsang bdag gos sngon can/ /rdo rjer dbyug to thogs pa sngo/ /de yi snying nang rdo rjer gnag /zla ba'i gdan la bsam par bya/ /de dbus hUM las sngags kyis bskor/ /de yi 'od zer bde gshegs spyan drangs nas/ /mdun na gnas pa gsol gdab cing/ /de yis bdag nyid byin brlabs 'gyur/ /de nas gsang sngags bzlas brjod bya/ /myur du nyen las thar pa dang/ /thugs rje rmi lam lung ston 'gyur/ /ma lus dbang du bsdu bas 'grub/ /phyag na rdo rje be con gyi rgyud phyi ma las rtog pa gsum pa rdzogs so// //'di skad bshad pa'i dus gcig na/ /drag po 'bar ba'i gzhal yas su/ /dpal ldan gos sngon dkyil 'khor ldan/ /dbus na dpal ldan gos sngon ldan/ / sngon po rdo rje dbyug to bsnams/ /g.yas phyogs hUM las dpal ldan mgon po nag po/ /nag po gri gug thod pa thogs/ /mche gtsigs mgo phreng do shal byas/ /mdun du hUM las khams gsum rgyal/ /dmar gnag thod dbyug sdigs 'dzub thogs/ /mche gtsigs stag gi sham thabs can/ /g.yon du be las rnam thos sras/ /ljang ser be con zhags pa bsnams/ /ha ha 'byin cing drag por bcas/ /rgyab tu na las mig mi bzang/ /sngo gnag ral gri sprul zhags bsnams// mche ba gtsigs shing shin tu 'jigs/ /'khor lo rtsibs kyi phyi mchan nam/ /spos dang me tog mar me dri/ /ji bzhin phyogs su dgod par bya/ /sgeg mo phreng dang dbyangs can gar/ /nang gi mchan la dgod par bya/ /oM na mo bud+d+ha/ d+harmA saM g+ha b+ha:

  317. 159a

    i daM puShpe/ d+hU pe/ gand+he/ A lo ke /ba liM ta/ pU dza me g+ha/ sa mu da spha ra Na sa ma ye hUM/ oM na mo nI lAM ba ra pA Ni/ i daM puShpe/ d+hU pe/ gand+he/ A lo ke/ ba liM ta pU dza me hUM/ oM na mo mahA kA la hUM/ i daM puShpe/ gand+he/ A lo ke hUM/ oM na ma(rgyud 'grel): trai lo kye bi dza ya hUM/ i daM/ oM na mo pi ru pAk+Sha ye hUM/ i daM/ oM na mo bi rU Dha ka ye hUM/ i daM/ e hye hi mahA bod+hi satwa ming dang ldan/ /dza(rgyud 'grel): hUM baM ho(rgyud 'grel): mthar ldan pa/ /lcags kyu'i sbyor ba rab tu bya/ /phyag na rdo rje'i rgyud phyi ma las rtog pa bzhi pa rdzogs so// //'di skad bshad pa'i dus gcig na/ /rdo rje gdan gyi rtse mo la/ /gnod sbyin tshogs rnams ma lus te/ /drag po rtog pa chen po 'di/ /rdo rje sgeg mo'i rtog par gsungs/ /gsang sngags bskul ba'i mdza' dang ldan/ /rtsa sngags dag la ming ldan pa/ /las sngags mdza' ma bsgyur mthar ldan/ /de yis las kun byed pa'i mchog /phyag na rdo rje khro bo'i sku/ /de nyid gzhan min bdag nyid sku/ /de ldan drag po'i thog chen 'bebs/ /gsang sngags ting 'dzin rab ldan na/ /phebs par 'gyur bar gdon mi za/ /ha na ha na badzra/ nI lAM ba ra mahA yak+Sha hUM phaT/ da ha da ha/ pa tsa pa tsa/ band+ha hUM/ hu lu hu lu phaT/ tiSh+Tha tiSh+Tha badzra/ ts+tshinda ts+tshinda badzra/ b+hinda b+hinda badzra/ spho Ta spho Ta badzra/ grih+Na grih+Na badzra/ ta thA ya ta thA ya badzra/ ha sa ya na ha sa ya na badzra/ bri hUM a na badzra/ tsakra tsakra badzra/ dza la pa ya badzra/ nI lAM ba ra mahA yak+Sha hUM phaT/ lci dang dbang po khro bo dang/ /'od 'phros thog chen dbab par bya/ /khams gsum myur du sgrol bar 'gyur/ /e ma gsang sngags ngo mtshar che/ /phyag na rdo rje be con gyi rgyud phyi ma las rtog pa lnga pa rdzogs so// //'di skad bshad pa'i dus gcig na/ lha mo ro langs dkyil

  318. 159b

    'khor du/ /lha mo'i tshogs dang lhan cig tu/ /lha mo rnams kyis legs bstod pa/ /klu rnams 'dul ba'i mthu stobs can/ /dpal ldan gos sngon phyag 'tshal bstod/ /drag shul sku ni khros pas che/ /klu rnams 'dul ba'i rtags 'chang zhing/ / khams gsum gdug pa kun dgrol zhing/ /klu rnams 'dul mdzad gos sngon khyod phyag 'tshal/ /e ma brjod 'das drag shul gsung/ /gad rgyangs rgod cing 'od zer 'khyug /klu tshogs 'dul ba'i gsung 'chang ba/ /sna tshogs drag po gsum la phyag 'tshal bstod/ /e ma mi dmig dmigs pa che/ /rnam par dag las rab grub pas/ /ma lus dmigs med phra mo'i bdag /'od 'byung thugs la phyag 'tshal bstod/ /e ma mi 'byung 'byung ba che/ /mtshan dang dpe byad khyad par 'phags/ /yon tan sna tshogs brjod las 'das/ /bla med gos sngon khyod la phyag 'tshal bstod/ /thogs pa med pa'i sku brnyes nas/ /zhi rgyas dbang drag las rnams kun/ /sku gsung thugs kyis thogs med 'grub/ /thogs med gos sngon phyag 'tshal bstod/ /hUM bskyed nag po mgon po ste/ /gri gug phyag na snod thogs shing/ /snang ba dpal mgon thugs su sgrol/ /'khor lo mnga' bdag phyag 'tshal bstod/ /phyag na rdo rje be con gyi rgyud phyi ma las rtog pa bsdus pa rdzogs so// //rgyud kyi rgyal po rdo rje be con gos sngon po can gyi rgyud gu ya rU pa'i zhal snga nas ni legs bsgyur bas/ /mkha' 'gro'i gling nas dum bu brgyad du legs bris pa/ /de yi bshad rgyud 'bum phrag phyed dang gsum stod las ni phyung ba yin/ /rtog pa drug pa'i rgyud rdzogs so// //'di bris dge ba'i mthu nus kyis/ /skye dang skye bar byang chub par/ /mi mthun phyogs las rnam rgyal te/ /gos sngon go

  319. 160a

    'phang myur thob shog /bkra shis dang bde legs kyis khyab par gyur cig/ (//de kho na nyid sgron ma dge slong klu sgrub kyis mdzad pa bzhugs//) */ /rgya gar skad du/ tat+twa pra dI paM nA ma san ta badzra pA Ni sarba a laM kA ra a ti/ bod skad du/ de kho na nyid sgron ma zhes bya ba/ phyag na rdo rje'i sgrub thabs thams cad rdzogs pa'i rgyan/ /dpal ldan gos sngon can la phyag 'tshal lo/ /sdug bsngal ma lus sel cing 'dod pa 'grub mdzad pa'i/ /zla ba lta bur mthu mnga' pa/ /bde ba'i dngos po 'byung mdzad pa'i/ /yid bzhin nor bu mthu mnga' ba/ /rdo rje can la rab btud de/ /sgrub pa'i lam mchog sgron ma 'di/ /gsang ba'i rgyud dang man ngag rim pa'i don/ /rtsod ldan sdug bsngal zhi mdzad klu grub nyid kyis bshad/ /gang zhig gis ni legs pa'i lam gsungs tshig don skyon dang ldan/ /de byas lam ni tshig sgrog lam ma gsal/ /des na gang zhig sdug bsngal spong 'dod de la thabs rnams med gyur pa/ /bde ba thob pa'i thabs ni de la 'dir ni gsal bar byas/ /'di las byung ba gzhan na yod med de/ /gsang ba'i lam la dga' ba skyes/ /des na gsang ba 'di bstan 'di la gus par gyis/ /dbang dang lta spyod dam tshig ldan/ /snying rje che zhing rigs rnams bzang/ /dus su 'dams shing zhing yang dag /thos pa che zhing klong du gyur/ /sgang bu dma' zhing brtson 'grus ldan/ /'di ni rdo rje 'chang du gsungs/ /snying rje che zhing brtson 'grus dga' / /dam tshig la gnas gsang la mas/ /yang dang yang du gsol ba 'debs/ /dus ring 'khor byed byang chub sems/ /rnal 'byor snod can gang zhig gis/ /ri bo zlum mam chu bo 'gram/ /mngon sum grags pas ma smad cing/ /yid 'od yon tan ldan gnas su/ /yo byad rdzas

  320. 160b

    rnams tshogs pa yis/ /sems bskyed par ni yang dag bya/ /dang por bsrung ba rab tu bya/ /stong pa nyid las ltar gsal te/ /byin rlabs gdug pa can rnams la/ /gzhan du 'gro ba'i bka' yang bsgo/ /mi 'gro ba yi bgegs rnams la/ /rdo rje 'khor lo thogs kyis bsad/ /de rjes thugs ka'i 'od zer las/ /sna tshogs rdo rje khang pa dang/ /'khor lo mtshon cha me la sogs/ /de bzhin khang pa me dang thog /tsha tsha 'khrug pa'i rnam pa bsam/ /de bzhin khams gsum rgyal la sogs/ /khro bo de spros 'byung po bkug /ral gris gtub cing phur bus gdab/ /'byung po btul nas khang pa bsgom/ /yang na rang gi gnas dag tu/ /bcing gtub byas na bgegs rnams bzlog /de na khro bo'i khang pa bsgom/ /'di gsungs gang gis las rnams 'grub/ /phyis ni bgegs rnams gso bar bya/ /dang por mtshams kyi man ngag go /de nas tshogs rnams rdzogs bya'i phyir/ /nyi zla'i gdan bsam bla ma dgug /sems bskyed rdo rje 'chang chen sku/ /byin brlabs mchog tu bskyed pa la// phyag btsal ba dang mchod pa dang/ /rang la ngan brjod sdig pa bshags/ /sdom pa gzung dang lus kyang dbul/ /dge rtsa bsngo byas smon lam gdab/ /phyis ni bder gshegs mchod par bya/ /hUM gi 'od las snang ba kun/ /srid pa ma lus lhar gsal te/ /'od kyis dpal ldan ye shes tshogs/ /bsod nams 'dod phyir spyan drangs bstim/ /gdan la bzhugs par gsol ba gdab/ /phyag 'tshal spos dang me tog dang/ /mar me dri chab la sogs la/ /dngos dang yid kyis mchod pa rnams/ /ci nus par ni dbul bar bya/ /de 'og sdig pa bshags pa dang/ /sdom pa ma lus gzung ba yang/ /bla med dkon mchog gsum po dang/ /'phags pa gos sngon byang chub sems/ /ma lus bdag

  321. 161a

    la dgongs su gsol/ /ji ltar dus gsum mgon po yi/ /yang dag byang chub nges mdzad pa'i/ /rnam gsum tshul khrims bslab pa dang/ /dge bas chos ni bsdu pa dang/ /sems can don byed tshul khrims gsum/ /deng nas brtsams te gzung bar bgyi/ /sems bskyed skyobs 'gro ma lus kun/ /deng nas ma nyams yongs su gzung/ /rdo rje rigs mchog chen po yi/ /rdo rje dril bu phyag rgya yang/ /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma rigs mchog dag pa la/ /phyi nang gsang ba theg pa gsum/ /dam pa'i chos ni so sor gzung/ /las kyi rigs mchog thams cad la/ /sdom pa ma lus ldan par ni/ /yang dag ma lus gzung bar bgyi/ /sems can sdug bsngal las sgrol bgyi/ /srid pa'i mtsho ru phyir ba yi/ /ma brgal ba ni bdag gis bsgral/ /ma grol ba ni bdag gis dgrol/ /dbugs ma phyung ba dbugs dbyung bgyi/ /sems can mya ngan 'das la dgod/ /bdud rtsi rnam lnga gtor ma dang/ /dkyil 'khor me tog sngon por byas// nyin re bzhin du lan drug tu/ /gos sngon can la dbul bar bgyi/ /rang gi lhag pa'i lha rnams la/ /skad cig tsam yang 'bral mi bya/ /chang gis sred pa bskyed pa'i rgyu/ /chang ni bdag gis spang bar bgyi/ /shes rab stong pa nyid la yang rnam pa kun du smad mi bgyi/ /sems can bde ba'i yid mi dkrug /ces pa dngos sam yid kyis blangs la/ /yi rang ba dang bskul ba dang/ /gsol gdab rang gi lus dbul zhing/ /bdag la sprul pa'i lha rnams kyis/ /sems can kun

  322. 161b

    gyi don bya dang/ /phyi ma dus kyi smon lam gdab/ /dge byas byang chub bsngo ba dang/ sems can don bya bsam pa bskyed/ /sems bskyed lam ni rab tu bsgom/ /tshad med bzhi po yongs su bsgom/ /sems bskyed rab tu brtan par 'gyur/ /ye shes tshogs kyi man ngag kyang/ /dang por rang bzhin med pa la/ /gcig dang du mar ma grub pas/ /de la mos par byed pa dang/ /hUM gi 'od kyis zhu 'gyur te/ /phyi nang rang bzhin med pa ste/ /yul ni gang la'ang mi bca' ste/ /rten yang gang la'ang gtad pa med/ /de yi ngang la gnas pa las/ /mchog gi rgyu ru nges par gsungs/ /de la gong gi byang chub sems/ /yaM raM baM dang laM las kyang/ /sum dang bruM las byung ba yi/ /rlung me chu'i dkyil 'khor dang/ /sa gzhi ri rab steng dag tu/ /gzhal yas khang ba bskyed pa yang/ /gru bzhi pa la sgo bzhi pa/ /'og tu pad+ma bzhi yis brgyan/ /nang gi gru chang bar khyams dang/ /dra ba rwa phyed? pha gu dang/ /dril bu dang dpyangs la sogs dang/ /phyi dang nang gi rgyan mdzas shing/ /dur khrod brgyad dang yang dag ldan/ /dbus su seng ge pad+ma dang/ /nyi zla gdan la sogs pas brgyan/ /de la hUM byung rdo rje 'bar/ /de las dpal ldan gos sngon sku/ /zhal gcig phyag gnyis sku mdog mthing/ /sangs rgyas lnga yi dbu brgyan cing/ / dbu la sprul dang rin chen mdzes/ /dbu skra kham nag gyen du bskyod/ /gnas lnga sku lnga mtshan mi can/ /spyan gsum me yi mdog 'dra zhing/ /shangs dbugs 'thor byed rlung nag 'tshug /mche ba gtsigs shing brjid pa'i zhal/ / ljags? ni glog bzhin myur 'gril ba/ /zhal nas sprul nag gsol ba'i tshul/ /sprul nag se ral kha ru byas/ /sbrul bzhis rkang lag ska dags byas/ /gsus pa che zhing 'khrad bag can/ /g.yon brkyang g.yas bskum 'byung po 'dul//

  323. 162a

    sku stod gos sngon stod g.yogs can/ /sku smang stag gi sham thabs can/ /rdo rje khros ma sku la 'khril/ /sku mdog ljang dmar chags pa sel/ /g.yon gyi gnyis med 'khris nas ni/ /phyogs bcu sangs rgyas spyan drangs te/ /bgegs bskrad mchod bstod mnyes byas nas/ /e ma dpal ldan gos sngon can/ /gsang 'dzin rigs kyi bdag po yis/ /thugs rje chen po rang bzhin gyis/ /bdag nyid bder? gshegs skur byin rlobs/ /zhes gsol ba gdab po/ /gnas gsum byin gyis brlabs pa yang/ /sku gsung thugs kyi yi ge yis/ /mi sdug 'od dang yi ge gzugs/ /lus ngag yid kyi sgrib pa rnams/ /bsdus te bsregs shing sbyangs pa las/ /sku gsung thugs kyi lha ru gsal/ /sngon nas gnas pa'i sangs rgyas dang/ /phyogs bcu'i sangs rgyas bstim par bya/ /bla ma dus gsum sangs rgyas la/ /bum pa la sogs dbang rnams blang/ /don dam bde ba chen po dang/ /grub pa phyogs bral tshul du gnas/ /de la phyogs bcu'i sangs rgyas kyis/ /a la la la la ho/ /a la la la shu tha su kha ho/ /bde ba chen po mchog ni nyams dga' na/ /bcom ldan gsang mchog thugs rje bdag nyid kyis/ /ma rig srid pa'i mtsho las brgal ba'i phyir/ /khro bo sku ston sprul sku rgong du gsol ces bskul lo/ /de don 'bar ba'i sku bzhengs te/ /chags dang grol ba'i tshul du gnyis/ /chags pa'i sbyor ba'i tshul ston pa/ /rang gi hUM las phyed pa dang/ /zla ba nyi ma'i steng du 'phros/ /cho ga gsum las don phyir grub/ /e waM byin brlabs bde ba yis/ /lha mos gsol 'debs cho ga yis/ /dga' zhing sbyod pas b+ha ga ru/ /ye shes thig le dkar dmar 'dres/ /spyod pa byas pas lha yi sku/ /sum cu 'am ni nyi shu lnga/ /chags pa'i tshul du bskyed par bya/ /de la

  324. 162b

    gtso bos sngags kyis gdon/ /oM badzra kro d+ha nI lAM ba ra d+ha ra hUM/ oM sarba ta thA ga ta tsa kra nI lAM ba ra d+ha ra hUM/ oM ratna kro d+ha nI lAM ba ra d+ha ra hUM/ oM pad+ma kro d+ha nI lAM ba ra b+ha ra hUM/ oM karma kro d+ha nI lAM ba ra d+ha ra hUM/ oM sarba ta thA ga ta kro d+he shwa ri nI lAM ba ra d+ha ra hUM/ oM kro d+ha trai lo kya bi dza ya hUM/ oM ma hA kA la san ti hUM/ /oM be ru DA ka ye hUM/ oM be b+hak+She ye hUM/ oM badzra lA sye hUM/ oM badzra mA le hUM/ oM badzra gAM ti h+rI/ oM badzra nri tya a(rgyud 'grel): oM badzra d+hu dpe hUM/ oM badzra puShpe trAM/ oM badzra A lo ke h+rI/ oM badzra gan d+he a(rgyud 'grel): oM badzra aM ku sha dza(rgyud 'grel): oM badzra pA sha hUM/ oM badzra spho Ta baM/ oM badzra gaN+Te ho(rgyud 'grel): zhes pas lha rnams las la bzhag /so sor spro zhing gdug pa sel/ /gtso bo dbus kyi ngo bo la/ /gzhan rnams rang gi go ru gnas/ /shang du sangs rgyas gos sngon can/ /zhal dang sku mdog dkar po la/ /phyag na 'khor lo dril bu bsnams/ /bde? byed gsar ba yis ni 'khril/ /sbrul dkar pos ni rnam par brgyan/ /lho ru rin chen gos sngon can/ /zhal dang sku mdog ser la 'phro/ /zhi ba mo dang gnyis med 'khril/ /rin chen dril bu phyag na bsnams/ /sbrul ser pos ni yongs su brgyan/ /nub tu gos sngon snang mdza' yas/ /zhal dang sku mdog dmar la 'khrug /chu skyes rtog bral 'khril ba las/ /pad+ma dril bu lag na bsnams/ /byad du las kyi gos sngon can/ /zhal dang sku mdog ljang gu la/ /stong nyid rdo rje 'khril ba'i tshul/ /ral gri dang ni dril bu bsnams/ /dmar rigs sbrul gyis rnam par brgyan/ /cha gnyis 'dzin tshul bde gshegs spyan/ /dbu la sangs rgyas bzhi yis brgyan/ /kun kyang gtso bo'i sham thabs la/ /dar dang rin chen chas kyis brgyan/ /nad gi grwa la bskyed pa ni/ /dkar mo sgeg dbang? ni chen ser/ /pi waM

  325. 163a

    ma ni dmar mo ste/ /nritya ljang gu gar gyi tshul/ /me long la sogs phyag mtshan 'dzin/ /sngags kyi bdag po gzhan rnams kyang/ /so sor gnas su bskyed pas ni/ /khams gsum rgyal dang mgon po gnag /lus ngan po dang rnam thos sras/ /g.yas kyi phyag na bsnams pa ni/ /dbyug to dri dang rin chen dang/ /mchod rten nges par gzung ba la/ /g.yon ni gtso rtags phyag rgya 'dzin/ /shar lho la sogs mtshams su yang/ /spos dang me tog mar me dri/ dar gyi chos kyis yongs su gnas/ /spos la sogs pa nges par gnas/ /sgo bzhi sgo bsrung bzhi po yang/ /rang gi rigs kyi tshul du 'dzin/ /de ru dkyil 'khor gsal gyur nas/ /'od kyi phyogs bcu sangs rgyas rnams/ /spyan drangs bgegs bskrad mchod mnyes nas/ /gnas gsum byin gyis brlab pa'am/ /yang na gsum 'dus sbyor ba'am/ /gong gis gsol ba btab pa yis/ /bstim zhing lha mos dbang bskur nas/ /dbu la gtso bo rigs kyis brgyan/ /rags dang phra ba'i rnam pa yis/ /dmigs dang bsal bar gyur nas ni/ /dbang bskur rab gnas gtor ma sogs/ /rnal 'byor yongs su rnal 'byor gyis/ /bsgrub pa bya bar yongs su gsungs/ /shes pa de ni rigs kyis bu 'am bu mos sbyor ba rgyas par bstan pa'i dam tshig chen po'o// /rgyas la dad par ma gyur pa'i/ /sbyor ba bsdus par gsungs pa yang/ /sems sbyangs lus ngag yid kyi las/ /bgegs bsal bsrung ba'i khang pa dbug /nang du bla ma sangs rgyas la/ /phyag 'tshal mchod dang bshags byas nas/ /yi rang bskul gsol dge rtsa bsngo/ /yang dag byang chub yid la bzhag /'byung ba gzhal yas rim gyis bskyed/ /gdan gsum cho ga gsum

  326. 163b

    las ni/ /gtso bo sku sogs 'khor bzhi yang/ /rang rang yum dang bcas pa bskyed/ /khro bo lha mo la sogs kun/ /bzhi ba zhir gtso bo la bskor ba/ /rang rang rigs kyi dngos grub ster/ /bcu las mang ba'i lha rnams kun/ /bsdus pa'i skabs su spang ba yin/ /ye shes 'khor lo spyan drangs nas/ /mchod cing bstim nas dbang bskur nas/ /dmigs dang bsal bar rab tu bya/ /de la de'i cho ga bya zhes pa ni/ /sbyor ba bsdus pa'i man ngag go /gzhan yang spor ba shin tu bsdus/ /man ngag nyams myong bstan par bya/ /dang por gzhan gyi don bya dang/ /rang nyid bla med 'bras thob dang/ /'khor 'dam 'don pa'i bsam pa bskyed/ /stong pa'i ngang las cig char gyis/ /bsrung dang gzhal yas gtso bor bcas/ /cig char bskyed de gsal ba dang/ /ye shes 'khor lo myur du gzhug /yang na srung ba la sogs pa/ /rim gyis bskyed de lha bskyed la/ /ye shes bstim dang dbang bsdus blang/ /gnyis med 'gyur nas sems gzung bya/ /de la sngags dang gtor ma dang/ /tshogs dang sAts+tsha la sogs pa// des na de yi sbyor ba bya/ /sbyor ba rgyas bsdus gsum po 'di/ /gang zag dbang du rgyas pas gsungs// //de la zhig nas sems gzung ba/ /dang po bla ma mchod sogs bstan/ /de nas 'byung ba rim brtsegs dang/ /yig 'bru phyag mtshan sku sogs bstan/ /gtso bo gsal bar gyur nas ni/ /dbang po rab 'bring bye brag gis/ /dus gcig pa'am rim gyis bstan/ /bstim dang dbang bskur byin rlabs kyis/ /shin tu gsal ba bstan pa yin/ /yang na dus kyi bye brag gis/ bla ma mchod pa la sogs la/ /rjes dran gsal dang skad cig mas/ /gsal dang skad cig bcu dang brgyad/ /stong dang thun phyed thun gcig pa/ /thun ma tshams med par bsgom par bya/ /de la nan tan cher bskyed pas/ /byid dang rgod par gyur pa na/ /

  327. 164a

    rtog pa spang zhing nyon mongs dgra /rgyu 'bras bcas par rab spangs nas/ /dul nas sems gzung man ngag kyang/ /dbang po gang dang gang gi rtsa/ /skye mched 'phros par gyur pa na/ /bdag rang gi byang chub sems/ /thig le de la blo gtad pas/ /ba dag rang bzhin stong pa nyid/ /snad ba ma lus rab zhi bas/ /de nas bying bar gyur pa na/ /gzugs khams gnas su spro ba dang/ /khams gsum ma lus gsal ba dang/ /sems ni phyi dang nang du gzhug /'og tu bstim dang steng du spro/ /yang na shes pa glong la sgom/ /yang na gtso bo 'khor rnams la/ /gang dang gang ni gsal 'gyur pa/ /de la dmigs la bsgom par bya/ /phyag mtshan gsal na phyag la dmigs/ /sku mdog phyag mtshan la sogs pa/ /ma gsal bar du bskyed la bsgom/ /gtso 'khor gzhal yas ma lus pa/ /thams cad dmigs shing gsal bar bsgom/ /thams cad gsal bar ma gyur na/ /sdig pa shin tu che ba yis/ /sdig pa zhi dang bsod nams 'phel/ /sbyin sreg tshogs dang gtor ma dang/ /sAts+tsha maN+Dal la sogs pa/ /sdig pa bshags shing bsgom par bya/ /res gsal res mi gsal byung na/ /bar du gcod pa'i gegs yin pas/ /lha la mchod cing gsol ba gdab/ /des kyang gsal bar 'gyur ba yin/ /des kyang gsal bar ma byung na/ /drag po sbyin sreg tshogs 'khor dang/ /gtor mas bzlog cing drag sngags dang/ /mnan cing gzir pa'i las su gsungs/ /srung ba byas shing skyabs 'gro bya/ /phyag ni gsal na phyag la dmigs/ /phyag ni gsal bar ma gyur na/ /phyag mtshan 'od kyis gsal bar bya/ /sbyan ni gsal na de bzhin no/ /spyan ni gsal bar ma gyur na/ /khrag gi zham bus spyan rnams gsal/ /bkrag dang ri mo ldan par gsal/ /zhal mdog

  328. 164b

    gsal bar ma gyur na/ /stong gsum 'od kyis gad ba la/ /zhal la bsdus te bsgom par bya/ /de bzhin thams cad rags gsal na/ /phra mo mi gsal gyur kyang bla/ /gang du gang gis ma gsal na/ /zas dang skom dang gnas dag la/ /'dub bcos pas gsal bar 'gyur/ /zhi gnas ting 'dzin gsal ba yis/ /mngon shas thun mong dngos grub kun/ /ma lus dag la 'byung bar 'gyur/ /de phyir ting 'dzin nus pa yang/ /byang chub thob par 'di yis byed/ /bla ma sangs rgyas gsungs pa yin/ /de ni sems gzung man ngag go /phyag rgya lha yi dkyil 'khor la/ /brtan dang bogs dbyung rab tu gsungs/ /dkar po ser po ljang la sogs/ /re re gsum dang lnga 'dus pa/ /gsal zhing gsal bar gyur pa dang/ /de la ri rab til 'bru bar/ / dbyibs la bogs dbyung kha dog bzhin/ /stong gsum gang dang gcig tu 'dus/ /sku la bogs dbyung rab tu gsungs/ /de ltar sku la bogs phyin pas/ /gsung ldan thugs la bslab bya ste/ /kha dog dbyibs dang grangs de bzhin/ /de ltar sbyor ba brtan pa yang/ /gang zag rigs ni rnam gnyis te/ /mchog dang dman dang gang zag go /ji ltar rkyen dbang gyur pa la/ /kun brtags blos bdag rkyen byas pa/ /mi 'gyur rang bzhin 'gyur ba'o/ /zas dang skom la sogs pa las/ /ji ltar bsam gtan 'phel byed pa/ /'di ni zas la sogs pa yis/ /'du ba la brten bogs dbyung 'gyur/ /de ltar bsgoms pa'i man ngag gis/ /bsgom pa 'phel bar 'gyur ba yin/ /de ltar bsgom pa'i sku yis su/ /las rnams ma lus grub par byed/ /khams gsum ma lus shes pa dang /dal 'byor mi lus thob byed pa/ /lha'i sku las 'byung zhes gsungs so/ /phyi nang dag par byed pa yis/ /lha bsgoms sems la khyad par yang/ /rin po che yi gang zag gis/ /dang por

  329. 165a

    dbang rnams thob bya zhing/ /dam tshig ma nyams bshags la brtson/ /zhi gnas sems pa khyad par can/ srid pa gsum gyi gnas skabs su/ /bag chags ngan pa 'jug mi 'gyur/ /phyi dang nang kun lha dang rten/ /khyad par can gyi bag chags kyis/ /kun 'byung rgyu yis bden pa spangs/ /de ma byung ba'i de yang med/ /des na zhi gnas gces par gsungs/ /tshul khrims nyon mongs spong ba yang/ /spang bya spong byed tshul du 'jug /rtog pas rtog pa sel ba yang/ /thabs med pas su sel mi 'gyur/ /rtog pa spang zhing rtog pa len/ /rtog pas rtog pa gcig nyid pas/ /dal 'byor myur du thob pa dka' / /gtan mi thob pa ma yin te/ /dal 'byor lam la 'jug par byed/ /des na sngags mthu yon tan yang/ /gzhal yas khang dang lha ru snang/ /mi dge sdug bsngal sa bon bral/ /de la sogs pa'i sa bon med/ /dal 'byor myur du 'thob pa yang/ /sems dpa' lha yi ngo bo yis/ /log pa'i rgyu bral 'bras bu myong/ /de nas ngan song 'gro mi 'gyur/ /des na lha dang sngags rnams kyis/ /kun 'byung rtsa nas spong bar byed/ /zhi gnas rnam par dag 'dod pas/ /rtsa ba'i sngags la rab brtson bya/ /lha dang zhi gnas 'brel ba yin/ /brtson 'grus go ni rnam par bgo /brtson 'grus pha rol 'gro bar byed/ /dper na gru rdzings bskyod pa yis/ /rgya mtsho pha rol 'gro bar byed/ /gru rdzings skya ba bral ba yis/ /pha rol 'gro ba bskyod mi nus/ /de bzhin 'dir yang zhi gnas dang/ /skye ba brtson 'grus bral ba yin/ /srid pa'i mtsho las rgal mi nus/ /rnam rtog las skyes srid pa 'di/ /srid pa'i mtho mnga' rang bzhin te/ /zhi dang mtshan chas las byung ba'i/ /bar mchod par bde 'gro yi/ /'bras bu myur du 'byin par

  330. 165b

    byed/ /shes rab stobs ldan myur thob nas/ /stong nyid don la reg par byed/ /bsod nams las byung dge ba yang/ /dad ldan smon lam btab pa yis/ /smon lam dge ba'i gzings thag gis/ /pha ma yul dang grogs dang rkyen/ /de ru myur du skye ba 'byung/ de ru sdom gsum ldan gyur nas/ /shes rab gnyis las byung ba yis/ /bde ba mchog la reg par 'gyur/ /smon lam nus pa 'phen par byed/ /smon lam ngan 'gro'i sdug bsngal 'dren/ /smon lam gyis byas dge ba yang/ /'bras bu bzang po 'byin par byed/ /rang gzhan 'phags dang bla ma dang/ /shin tu bla ma dam pa yis/ /des bsngos gang 'dod 'bras bu 'byin/ /yang na de min yul dag tu/ /sdom gsum ldan pas 'bras bu 'byin/ /de yang rgyu rkyen las gnyis 'dzom/ /ma 'dzom pas ni 'byung mi 'gyur/ /rgyu rkyen nus pa 'dzom pa yis/ /gong gi 'bras bu 'bring sogs 'gyur/ /kun 'byung las bskyed rnam rtog gis/ /ngan song gnas su 'khrid par byed/ /de ltar nges par gsungs pa na dge ba'i rtog pa shin tu gces/ / de med par ni de mi 'byung/ /des ni thams cad skyed par byed/ /des na 'khor ba sgrol ba yi/ /srid pa bde ba shin tu gces/ /de bzhin gsang sngags nus pa yis/ /'khor lo bskor ba'i sbyor ba bzhin/ /'bras bu mchog la myur du reg /theg pa 'og mar brtan pa yis/ /bskal pa mang por sdod mi 'gyur/ /bskal pa skyo ba gcig gis byin/ /'di ni gsang sngags thabs kyi lam/ /zhi gnas lhag pa bsgom pa yang/ /tshogs dang gtor ma dge ba'i stobs/ /nus dang sbyar bas ci nus bya/ /dbang bskur man ngag myur bar spyad/ /de la sogs pa las rnams kyi/ /'bras bu myur du 'byin par 'gyur/ /zhi gnas lha'i skur bsgom pa yis/ dam tshig chen po ston pa ste le'u dang po'o// //gang tshe sgom la mi

  331. 166a

    gnas pa/ /las kyi tshogs kyi gtso bo bstan/ /de nas las tshogs gsang sngags bri/ /don dam brda' dang dmigs dang brjod/ /'dis su srid mtsho skems par byed/ /ces gsungs so/ /dmigs dang brjod pa dang por bstan/ brjod pa thun mong dang ni khyad par ro/ /gtso bo gzhal yas 'khor bcas dmigs/ /sems dpa' sum rtsegs la sogs pa'i/ /phra ba'i rtog pa gsal ba dang/ /yid kyang shin tu ma yengs par/ /skyen dang bul dang yan lag nyams/ /sgra che ba dang sgra chung ba/ /gsang sngags tshig la sgra zhugs dang/ /dmigs pa ma rdzogs 'joms pa dang/ /the tshom za zhing nyes pa byung/ /sgra rnams spangs la shin tu bzlas/ /shin tu mos shing brtson 'grus kyis/ /dang po mtshan ma thob bya'i phyir// thig le sngags dang 'od zer chas/ /'od zer dkar pos bag chags dang/ /gdug rtsub ma lus zhi bar byed/ /snying nang brtson 'dra'i bzlas pa'o/ /'od zer dkar dmar 'phro 'du yis/ /nye bsnyen man ngag rab tu gsungs/ /gtso dang 'khor gyi bzlas pa yang/ /mes su bsreg cing rnam par sbyong/ /tshogs pa gtso 'khor bzlas pa yang/ /me gnyis tshogs pas nyon mongs bsreg /rang nyid ye shes lus su snang/ /sgrub pa chen po tshul du bzlas/ /mgal me 'phreng bas kun la khyab/ /grangs ni rnal 'byor bye brag gis/ /sum 'bum drug dang bcu gnyis sogs/ /mtshan ma mthong ba myur du 'byung/ /des kyang ma grub pa rnams la/ /bsnyen sgrub man ngag tshul du sbogs/ /des ni mtshan ma mthong ba gsungs// rtags rnams byung bar ma gyur na/ /sdig sgrib shin tu che bas ni/ /rgyud sbyong bzlas pa bar 'dir gsungs/ /lus ngag yid kyi rnam smin las/ /sdig 'gyur dbyung dang sreg dang bkru/ /mi sdug yig 'bru 'od kyi gzugs/ /hUM dang raM dang

  332. 166b

    haM rnams la/ /ming gi yi ge rab bskul te/ /mgal me phreng ba nyi ma yis/ /rgyud rnams yongs su sbyang bar gsungs/ /spegs te bsnyen sogs gong bzhin bskyal/ /des ni mtshan ma'i rtags phyin 'gyur/ /the tshom med pa shin tu gces/ /mtshan ma 'dong pa'i bzlas pa'o/ /khyad par bzlas pa'i man ngag yang/ /bar du gcod pa'i 'byung po la/ /bdag 'od dkyil 'khor lha la 'phros/ /'gugs shing dbang du sdud par byed/ /de la khro bo mang spros te/ /ral gri mtshon dang thog 'bebs dang/ /bcad btubs gzir ba'i sha khrag rnams/ /ma lus sha khrag mdun du stob/ /ha ha ru lu sgra sgrogs shing/ /bstabs pa'i dus kyi bzlas pa'o/ /rang srung phyi la bzlog pa dang/ /khro tshogs 'khor lo thogs pa yis/ /snying par klad pa 'khor la bskor/ /bzlog pa dus kyi bzlas pa'o/ rnga mo can gyi khro tshogs kyis/ /phyogs su gzung nas 'phen par byed/ /bskrad nas tshar gcod don du gsungs/ /'od zer dkar po tshogs byung nas/ /lha la sogs pa'i sdig pa sbyong/ /tshur 'dus rang gi sdig pa sbyong/ /zhi ba'i man ngag rab tu gsungs 'od 'phros gang zhig gang gi stobs/ /ma lus bsdus nas rang gi stobs/ /gzi brjid rang 'byung tshe yig gsos/ /bkrag dang gzi mdangs rab tu rgyas/ /'di ni rgyas pa'i man ngag go /ming gi sngags bzlas ting 'dzin ldan/ /'od zer kha dog rnam lnga 'phros/ /sbos sogs lha mo rnams kyis gang/ /gang la phul na don grub ba/ /mchod par 'dod pa'i bzlas pa'o/ /rin chen tshogs bkang mchod pa yang/ /gong ma bzhin du rab tu gsungs/ /'od zer dmar nag 'phros pa las/ /spyi bo gtsugs gnas rnams su gzer/ /'od zer gzhan gyis gsos 'debs pa/ /rengs par phyed pa'i bzlas pa'o/ /dmigs pa don gyi bzlas pa yang/ /rtsa rlung bde ba byang chub sems/ /yid la brten pa'i man ngag gam/ /rang gi hUM la 'od byung nas/ /bdag zhu dor

  333. 167a

    'dus bde thob pa/ /rdo rje tshig gis gsol 'debs shing/ /dmigs pa stong nyid gsal ba ste/ /gsang ba dus kyi bzlas pa'o/ /rnam dag don la rab dmigs shing/ /mi rtog snga phyi rgya 'bras su/ /skyed par byed pa stong nyid gsal// rdo rje tshig dang rab ldan pa/ /'di ni don dam bla med sngags/ /gsang sngags brjod pa ma lus pa/ /'di ru cung zhig bstan par bya/ /oM na mo nI lAM ba ra d+hA rA ya/ badzra pA Ni hUM phaT/ oM na mo badzra pA Ni mahA yak+Sha se nA pa ta ye badzra kro d+ha/ nI lAM ba ra d+ha ra hUM hUM phaT/ oM na mo badzra kro d+he shwa ri mu hUM hUM phaT/ oM rat ti sha ya de ba rA dza mu khaM ku ru hUM phaT/ oM sarba de ba ma ra ya/ ts+tshinda ts+tshinda hUM phaT/ b+hinda b+hinda hUM phaT/ grih+Na grih+Na hUM phaT/ ha na ha na hUM phaT/ ta thA ya ta thA ya hUM phaT/ dzA la dzA la hUM phaT/ su ru su ru hUM phaT/ mu ru mu ru hUM phaT/ nA sha ya nA sha ya hUM phaT/ grih+NA pa ya grih+NA pa ya hUM phaT/ ha sa ya na ha sa ya na hUM phaT/ ki li ki li a mu ka mA ra ya hUM phaT/ de ba rA dza ba li ba li/ grih+Na grih+Na/ kha kha/ khA hi khA hi a kA ro mu khaM sarba d+harma NAM A dya nutpan+na twA ta oM A(rgyud 'grel): hUM phaT swAhA/ oM shIn+taM ku ru swAhA/ puSh+TiM ku ru swAhA/ pa shAM ku ru ma Ni h+ri hUM/ mA ra ya mA ra ya/ staM b+ha ya staM b+ha ya/ nA ga rA dza/ nA ga rak+Sha/ rak+Sha rak+Sha bri to sa ya he b+ha ga ?/ ku ru ku ru ba sha ku ru hUM phaT/ oM a pasma ra baM nA sha ka rA ya hUM/ /sarba pra ta bi nA sha ka rA ya hUM/ oM shud+d+he shud+d+he bi sho d+ha ni bi sho d+ha ni/ sarba pA pa bi sho d+ha na hUM phaT/ oM dzwa la dzwa la sarba pA paM da ha ni/ dzwa la hUM phaT/ ha pa oM sa khri/ oM grih+Na grih+Na sarba sha truM A ra ya mA ra ya/ nA sha ya nA sha ya hUM phaT/ nA ga bi ta na nA ga /rak+Sha rak+Sha yak+Sha/ karma go ru pa ra bi tan/ zhes pa'i tshig gis bsnyen pa las sbyor sham bu sngags/ gcig tu byas la yongs su bzlas/ /rgyu dang 'bras bu yongs bskyed la/ /

  334. 167b

    gsang sngags skyon rnams rab spangs nas/ /'dis ni 'bras bu 'byin pa las/ /las rnams gzhan gyis thob pa min/ /zhes pa ni/ sngags kyi man ngag gi le'u gnyis pa'o// //tshogs rnams khyad par 'dod pa yis/ /tshogs bsags nges pa 'di ru bstan/ /'jig rten rdzas rnams ma lus pa'i/ /kun tshogs rang gis ma nyams gsham/ /rnal 'byor lha grangs bstum pa 'am/ /yang na rnal 'byor mang yang rung/ /mtshams pa dang ni mchod pa dang/ /de gnyis med du mi rung ngo/ /rgyas pa'i tshogs 'khor dus su'o/ /sngon 'gros chog la sogs rdzogs/ /maN+Dal lnga 'am bcu sogs la/ /me tog ngang ni mchod pa dgram/ /gsang ba'i dkyil 'khor bri ba'am/ /slob dpon rgyal pos sems dpa' bskul/ / phyi rol rnal 'byor nang du bsdu/ /de tshe rgyal pos mtshams rnams bcad/ /dge slong nub la dge tshul byang/ /sngags la lho la yon bdag dang/ /rdzas rnams shar du bsag par bya/ /phyogs kyi dngos grub thob par gsungs/ /rang rang nang du maN+Dal bya/ /rgyal pos mtshams byas tshogs rnams bsag /bskyed de med pa las byung ba'i/ /rgyal pos bzhin ni thob bya ste/ /bde ba la gnas nyid dag las/ /lha mo bzhes gsol skur ldang ste/ dkyil 'khor rgyas nas rgyal po len// so so gdan dang gsal ba las/ /bdag gis 'jug pa ji bzhin du/ /'khor rnams dam pa don la 'jug /mchod pa sgom dang sngon du rdzogs/ /las dang bdag por 'brel pa yis/ /sgra dang ldan pas tshogs can drang/ /dam tshig ldan pa'i byin gyis brlab/ /las kyi bsad pa'i cho ga yang/ /yaM raM a las rlung me thod/ /nang du dam rdzas bcu ru dmigs/ /yi ge gsum gyis byin gyis brlabs/ /yang ni ye shes bdud rtsi phab/ /bla ma rang dang lha mchod la/ /cho ga yan lag

  335. 168a

    rdzogs pa dang/ /lhag ma gcig tu bsdu bya ste/ /kha chus bran la mkha' 'gro bskang/ /gsang ba'i don dang 'brel ba'i tshogs/ /chos grangs bzang po shis pa la/ /nam phyed dus su bya bar gsungs/ /grogs kyi chogs la nges pa med/ /zhi rgyas tshogs la sogs pa yang/ /sngags kyi man ngag bzhin du gsungs/ /'di la rtag tu gnas pa yang/ /bar chad sel cing dngos grub myur/ /'di yis 'byung gi gzhan gyis min/ /rgyal po la sogs pas tshogs bsag pa'i man ngag go/ //de ma nus pa'i rnal 'byor gyis/ /'byor pa chur zhing bsam gtan ldan/ /tshogs kyi mchod pa bstan pa yang/ /rdzas ni lnga 'am bcu yi bar/ /slob dpon gcig dang gnyis dang gsum/ /skyed de khyab byed bu mo yang/ /rim gyis 'di ru bya ba yin/ /drang dang byin gyis brlabs byas nas/ /dkyil 'khor gcig pa'i bar du mchod/ /bzhi pa'i bar yang gsungs pa yin/ /slob dpon nus pa bye brag gis/ /las ni gong dang 'og tu sbyar/ /mi rtsom 'di yis sdig pa sbyong/ /'dis kyang las kun 'grub par gsungs/ /'bras bu gang 'dod nges par 'byin/ /tshogs kyi man ngag bstan pa ste le'u gsum pa'o// //de nas rigs kyi bu 'am bu mo bsgrub pa'i 'bras bu myur du smin par 'dod/ /sbyin sreg las la brtson par bya'o/ /sa chog la sogs gzhan bzhin te/ /sa yi rigs bzhin thab khung bzhi/ /zlum po gru bzhi zla gam e/ /thab khung dbyibs kyi mtshan nyid do/ /dkar ser dmar dang nag pa yang/ /thab kyi kha dog nyid du gsungs/ /bru dang bri ba gang yin pa/ /sor gsum bzhi gnyis gsum yang dor/ /'khor lo rin chen pad+ma bri/ /thab la mtshan par rab tu bya/ /de yang rgyud las/ zhi la dkar po shing rnams te/ /rgyas la ser shing las rnams bya/ /

  336. 168b

    dbang la seng ldeng shing bsregs te/ /drag po tsher ma nag po shing/ /gzhan ni tsan dan shing gis bya/ /zhes gsungs pas/ /rang rang gi thab tu rang dang bsdebs pa'i shing/ /zlum po la sogs gcer bar gsungs so/ /las mang po'i thab ni rin po che'i 'bar ba 'am/ b+ha ga lta bu'i dbyibs la kha dog sna tshogs par bya bar gsungs so/ /shing yar de nyid do/ /gzar bu rdo rje bzhi yi dbyibs/ /rdo rje rin chen chu srin gyi/ /rin chen las byas gzar bu rgyan/ /byin rlabs so so dbyibs dang ldan/ /mchod rdzas g.yas la sreg rdzas g.yon/ /mi traM las rin chen snod/ /so so de nyid rgyas pa las/ /ha ho h+ri yis bdud rtsi sbyangs/ /sku gsung thugs kyi byin gyis brlab/ /rang rdzogs rang gi sa bon las/ / 'od 'phros mi dmigs ? du gyur/ /de las me yi khang pa ni/ /rang gi gong ma dbyibs dang ldan/ /me lha bskyed pa'i rim pa yang/ /b+h+rUM las gru bzhi'i de gnyis gsum/ /so so kha dog dbyibs dang ldan/ /me zhu riM las ye shes me/ /par steng raM bcas yi ge bzhi/ /so so me lha kha dog bzhi/ /so so rigs kyi dbu rgyan byas/ /zhi ba'i me lha bab pa ka /sku mdog dkar po chu la gnas/ /gro d+ha mi tra ma he tra/ /ma ha zhes pa la sogs pa/ /so so rigs kyi kha dog la/ /sna tshogs pa ru yang dag gnas/ /zhal gcig phyag ni bzhi pa la/ /g.yas kyi dang po 'dzin pa ni/ /dbyug pa bgrang phreng ral gri dang/ /lcags kyu nges par bsnams pa'o/ /gzhan yang phyag mtshan so sor 'dzin/ /ye shes spyan drangs dbang bskur zhing/ /rgyan dang rgyas gdab 'thor 'thung rdzogs/ /snying gar phyogs skyong bcu po rdzogs/ /so so pu dza rgyas pa la/ /dang po mchod pas mchod bya ste/ /gtso bo dang po man ngag kyang/ /shing gi 'od ni skyed

  337. 169a

    byed pa/ /mar gyi 'od 'phros kun la khyab/ /dkar gsum spyi yi sdig pa sel/ /bu ram lus la gnyis po yis/ /'og ma gnyis po so sor 'byin/ /'dras dang 'bru yi chan dag gis/ /gong ma gnyis po so sor 'byin/ /nas thug 'o ma'i thug pa yis/ /rnam smin re re gnas su bsreg /til gyis snying gi nad rnams 'byin/ /yang na til gyis sgo dgu 'byin/ /tha ma mar gyis bkru bar byed/ /rdzas de ser por byas pa la/ /dmar ser zho yis kun la khyab/ /dkar gnyis kyis ni gzi byin bskyed/ /mngar gsum phul bas gsal bar snang/ /'bru dang 'bras kyi sbyor ba yis/ /ye shes bcud rnams spyi bor sdud/ /nas dang 'o ma'i sbyor ba yis/ /'jig rten bcud rnams kun tu sdud/ /tha ma dur pa'i bsad gtor gyis/ /tsA ru btso zhing dngos grub len/ /mar gyi dgang blugs gsum po yis/ /rgyas par byed pa man ngag sogs/ /dbang gi sbyor ba byed pa la/ /ba lang sha dang til la sogs/ /dmar po sbyor ba phul ba yis/ /steng gi 'khor lo rab tu 'phro/ /myur du 'gugs shing dbang du sdud/ /bsad pa las gzhan tha ma yang/ /dang po khrag gis 'od du 'phro/ /de bzhin sha yis khro bar byed/ /rus pas steng gi 'khor lo 'phro/ /bdud rtsi 'od 'phros sprul pa 'gyed/ /'bru nag sprul pas drag tu bsreg /dug rnams rdzas kyis 'gugs shing bsreg /yungs kar phye ma gsum po yis/ /'byung po ma lus thun gyis bsreg /tha ma mar nag srung zhing bsreg /me yi cho ga rdzogs pa dang/ /snying gar bkod pa lha rnams la/ /so so de nyid rgyas pa las/ /gong du mchod pa bdun 'gyur rdzogs/ /bsdu dang gshegs su gsol byas nas/ /bzod gsol me yi sbyor ba yang/ /gcig tu bsdus te dbul bar bya/ /bstod cing phrin las dngos grub blang/ /nyis skor gsum skor la sogs pa

  338. 169b

    gong gi man ngag don dang ldan/ /tshe dang rigs sel rgyas pa'o/ /bsrung ba zhi ba cha la gdags/ /dgug pa dbang gi cha yin te/ /drag po las gzhan tha ma cha/ /dngos grub bzhi dang 'brel ba yi/ /'di yis 'grub pa ma gtogs pa/ /gang zhig gzhan gyis 'grub ma yin/ /des na man ngag nan tan gces/ /sbyin sreg bstan pa'i le'u ste bzhi pa'o// //las rnams ma lus 'jug pa la/ /kun gyi kha skong gtor ma shis/ /gtor ma las rab kun gyis mchog /las kun la ni yongs su bsngags/ /zhes gsungs pas/ gtor ma yongs su bstan te/ /phyi nang rdzas rnams ma lus ldan/ /ma nyams rdzas kyis yong su gang/ /lhag 'gyur 'od zer kun tu 'phros/ /raM gyis bsregs te yaM gis bus/ /khaM gis bkrus te dag pa las/ /yaM raM rten dang nyi zla bcas/ /sku gsung thugs dang rdo rje bcas/ /yaM raM dbab pa sbyor ba yis/ /ye shes bdud rtsi gnyis med 'dres/ /de dang gsang sngags 'dis kyang dgug /oM a ra li ho dza(rgyud 'grel): hUM baM ho(rgyud 'grel): sa ma ya dri sh+ya ho/ zhes pas gnyis med bsre/ /yi ge gsum gyis byin gyis brlabs/ /gdan gsum dang ldan ye shes tshogs/ /gnyis dang bzhi yi bar du mchod/ /rang gi rtsa ba'i sngags la ni/ /kha kha khA hi khA hi dbul/ /grangs ni nyi shu rtsa gcig gaM/ brgya 'am stong gi sbyor bas 'grub/ /bshags shing bstod pa dngos grub blang/ /smon lam btab la gtor ma dgye/ /lan chags chu bo gzhung la 'am/ /yang na ri rab rtse la bskyal/ /phrin las rnam bzhi gtor ma yang/ /rang rang cho ga byas pas 'grub/ /rdzas ma tshogs dang bsam gtan bral/ /sngon bya med cing go rim bral/ /'di ni bar chad sbyor ba ste/ /mkhas pa rnams kyis spang bar bya/ /phyi yi gtor ma rgya chen yang/ /sha chang spangs pa rdzas rnams tshogs//

  339. 170a

    byin gyis brlab shing spyan drangs la/ /so so rang gi khyad par yang/ /sngags dang tshigs bcad yongs su bsgrags/ /za ba rgyun gyi gtor ma yang/ /chags pa nyams pa tshig dang bral/ /mchod cing srid mtsho yongs bsgral ba// sems kyis yongs su zin pa dang/ /rang gsal snying ga'i lha rnams bkod/ /ye shes 'khor lo gnyis med bstim/ /zas ni sha lnga bdud rtsi lnga/ /yaM raM sbyor bas byin gyis brlab/ /yang na sku gsung thugs kyis so/ /byin gyis brlabs la dbul bar bya/ /lce ni rdo rjer bsams la dbul/ /lag pa lha dang lha mo 'am/ /gzar bu rdo rjer bsams la dbul/ /zos pas mnyes shing sdig pa zhi/ /rgyas dang phrin las la sogs kun/ /gong du bstan pa bzhin du bya/ / btud ba la sogs gzhan pa yang/ /bdud rtsi byin brlabs gong bzhin mchod/ /chang sogs longs spyod byed pa yang/ /nad sel btung ba bya ba yin/ /ci ran sman gyi tshod tsam mo/ /bdud rtsi byin brlabs ma 'thungs na/ /chags shing skom sogs 'thung byed pa/ /skye ba lnga brgyar smyon par skye/ /nang sel yongs su spang bar bya/ /dug lnga'i grogs su 'gro ba ni/ /'thung zhing spyad par bya ba mnan/ /grol bas mchod pa'i dus su yang/ /sku gsung thugs kyi dngos grub bsten/ /thig gsum lce la bzhag pa yang/ /kA ya bAk tsit+ta hUM/ zhes brjod la reg par bya'o/ /zas sogs bdud tsi thams cad kyang/ /lag pa rdo rje dbul ba dang/ /yang na lnga mos dbul ba'o/ /rdo rje lce 'thung las byed pa/ /nang gi gtor ma bstan pa yin/ /'di ni rnal 'byor mchog yin no/ /sna tshogs stong pa ye shes dang/ /dran med mdza' spangs spros bral ba/ /bla med gtor ma zhes ni gsungs/ /gang zhig gtor ma'i sbyor ba la//

  340. 170b

    mi brten dngos grub sbyor ba spangs/ /zhes gsungs so/ /gtor ma'i le'u ste lnga pa'o// //bsam gtan dga' la ma mos shing/ /mchod pa dag la mos gyur pa/ /de yi gang zag gzung bar bya/ /dngos sam yid kyi mchod ba las// dang po dngos po mchod pa bstan/ /spos dang me tog mar me dri/ /bshos gtsang la sogs sbyor ba yang/ /thams cad ma spyad snod du blug /las gyi chu yis sbyang byas nas/ /sangs te skyon rnams bsal ba la/ /snod rnams traM las rin chen snod/ /yon chab zhu ste yi te a/ /de las yon chab dpag med gyur/ /a yis rtog sbyangs oM gyis 'bar/ /mchod pa gzhan yang de bzhin du/ /byin gyis brlab par bya ba yin/ /de ma nus pa'i gang zag gis/ /gsang sngags 'bru gsum byin gyis brlab/ /'di ni spyi rgyud man ngag go /yang na rgyud 'ong man ngag yang/ /yon chag la sogs man ngag yang/ /ha ho h+ri yis sbyang byas te/ /yon chab zhu bas yi ge a/ /de nas stong gsum yon chab bsdus/ /slar la lha mo me tog ma/ /de yi 'od las me tog tshogs/ /bsnyen pa'i skabs su kha dog lnga/ /ldan par byas te mchod pa'o/ /mchod pa gzhan yang de bzhin bya/ /yang na ming gi dang po la/ /hUM zhes pa yis byin gyis brlab/ /byin gyis brlabs la mchod pa yang/ /seng ge glang po pad sogs la/ /phyogs bcu sangs rgyas spyan drangs te/ /mdun du gsal bar bsam byas la/ /rin chen me tog mdun du gtor/ /rin chen la sogs gdan gyis mchod pa'i rim pa'o// yon chab thogs pa lha mo'i tshogs/ /dpag tu med pa mdun du sprul/ /rdo rje glu dang ldan pa yis/ /dang po lha mo sprul byas te/ /gnyis pa nam mkha' bzhugs pa gsal/ /gsum pa nam mkha' rdo rje tshig /bzhi pa so so gnas su dbul//

  341. 171a

    a ha ra yi sngags bzlas pas/ /yon chab kyis ni phyag zhabs bkru/ /spos me shangs la me tog dbul/ /de la sogs pa mchod pa rnams/ /ming dang rang gi sngags rjes la/ /so so gnas su dbul bar bya/ /zhes gsungs so// gzhan yang 'dod yon lha mo ni/ /sku gsung thugs kyi sngags rjes la/ /te sha ra ti sngags bzlas pas/ /dkar mo gzugs ni spyan la thim/ /pad+ma ra ti sngags las byung/ /dmar mo sgra ni snyan la thim/ /karma ra ti sngags las byung/ /ljang khu dri ni shangs la thim/ /ratna ra ti sngags las byung/ /ser mo ro ni sngags la thim/ /badzra ra ti sngags las byung/ /mthing kha reg bya lus la thim/ /shin tu bgyid bcas kyis mchod do/ /badzra kro d+hI shwa ri brjod/ /sngags las mthing ga byang chub sems/ /bir shwa kro d+hI shwa ri yi/ /sngags las dkar mo dri chen no/ /ratna kro d+hI sngags las ni/ /ser mo sha chen zhes su gsungs/ /pad+ma kro d+hI sngags las ni/ /dmar mo khrag gi thod pa ste/ /karma gri d+hI shwa ri'o/ /sngags las ljang khu dri chu'o/ /lha mo 'di dag thams cad kyang/ /thal ba'i mtshan mas lus byugs shing/ /dar dang zhing chen dril pu thogs/ /g.yas pa thod pa'i snod nang du/ /bdud rtsi so sor bkang nas su/ /rdo rje tshig gis ljags la dbul/ /gsang ba'i pUdza bstan pa yang/ /badzra kro d+ha hya yis/ /mthing ka byang chub sems yang gsal/ /dkar dmar ser dang ljang khu yis/ /gnas lnga phyi dang gnas lnga yi/ /nang du yang dag bstan pa yin/ /gnas gcig byang sems gsal zhing rgyas/ /'di ni rang 'byung ba bcom ldan 'das/ /'gro ba'i dpa' bo mnyes pa yin/ /sgeg dang khro bo la sogs pa/ /rin chen sna bdun dag dang yang/ /mchod pa nyi shu dbul bar bya/ /bdag dang lha? ma?

  342. 171b

    gang gis dbul/ /yi ge oM gyis mgo brgyan cing/ /rdo rje glu yis brten byas te/ /lha mo bskyed pas bskyed par byed/ /rang gi gtso 'am gang byed pa'i/ /ming gi sngags kyis mgo drangs te/ /rdo rje lha mo sngags rjes la/ /pU dza me g+ha sa mu dra spha ra Na sa ma ye hUM/ zhes pas dbul bar bya'o/ /yang na badzra oM gnyis la/ /pU dza yang ni gnyis dang ldan/ /so so ming gi ring po la/ /mjug tu hUM zhes bya ba yin/ /tshogs rnams bsags pa'i man ngag la/ /las kyi sems dang 'khor gyi sku/ /mchod pa'i lha dang yum gyis su/ /bdag nyid mnyes par byed pa yin/ /gtso bo gzhan mchod mnyes pa yang/ /dkyil 'khor gnyis dang gsum mnyes pa'o/ /rdzas dang bsam gtan phyag rgya sngag/ /rdo rje glu dang gnyis 'dus dang/ /gsum 'dus la sogs mchod pa bya/ /dngos dang yid ni re re 'am/ /gnyis kas mchod par bya ba'o/ /srid pa'i mtsho las rgyal ba dang/ /thun mong dngos grub ma lus pa/ /mchod pa byas pas 'byung bar 'gyur/ /des na brtson 'grus bzang po yis/ mchod pa rgyun du gsal ba gsungs// //gzhan yang gsang sngags lam sgrub pa/ /rnal 'byor bla med sbyor ba yis/ /gsang sngags 'bras bu bsgrub par bya/ /bar chod bgegs sel dngos grub myur/ /rtsod ldan dbul 'phongs dus su ni/ /des na 'byung ba'i sku gdung bstan/ /don dang ldan pa'i rnal 'byor gyis/ /mdzes pa maN+Dal rin chen rgyan/ /de la bsgrub par 'dod pa yis/ /rin chen lngas mtshan sa brkos te/ /bdag las byung ba'i 'od zer gyis/ /sa skyon dag pa brko bar bya/ /rin chen sna lnga rang bzhin te/ /srog chags med pa sa dang chu/ /gnyis med bsres pa 'od du zhu/ /'khor lo pad+ma nyi ma'i gdan/ /yi ge gsum las legs grub pa'i/ /sku gsung lha ru gsal ba la//

  343. 172a

    ye shes spyan drangs mchod nas bstim/ gnyis med gyur la mchod phul te/ /'od dang sngags kyis bskul gyur te/ /'od zhu byang chub thig le 'am/ /yang na 'od kyi gong bur 'gyur/ /byang chub mtshon gyi snum yang bas skong du byin gyis brlab pa yang/ /'od zhu me las nam mkha' ste/ /bcad pa skong bu phra mo nyid/ /rlung gis nam mkha' stong pa thim/ /brdabs shing gnyis med sngags sgra sbyor/ /phyung bas bde gshegs ring srel ni/ /rin chen bzhi las legs phyung ba/ /bags rim bzhi gnyis zur bzhi pa/ /dbu gsum lnga dang dgu sogs te/ /'od zer lnga dang ldan pa la/ /bzhag pa gdan stengs don byed 'gyur/ /stong las skong bu yum yin te/ /thig le lag pa yab du gyur/ /rlung gi stobs kyis b+ha gar zhugs/ /gnyis med dpal ldan sku mchog yin/ /bzhugs pas gdan stengs don byed 'gyur/ /yang na nam mkha' stong pa las/ /brdabs dang sngags sgras lha mo bskul/ /nam mkha' i dbyings nas sku byung bzhugs de dag gis ni sngags gsungs pa/ /oM na ma stwai ? d+hI sarba ta thA ga ta h+ri da ya/ garb+he dzwa la h+ri da ya/ d+harmA d+hA garb+he swaM ha ra/ A yu bu saM sho d+ha ya/ uSh+NI Sha bi ma le/ bi shu d+hi swAhA/ lha yi sku ru sgrub pa la/ /gsang sngags oM na mo nI lAM ba ra/ zhes pa dang spel bar bya'o/ /rab tu gnas pa bsdus pa yang/ /ye shes spyan drangs mchod bstod nas/ /rang dang ngo bor gnas pa las/ /gnyis med bstim la dbang bskur la/ /mchod bstod ma lus rdzogs par bya/ /phyag 'tshal yid kyis mchod byas la/ /rkang pa brgyud mar long btags la/ /mgrin pa'i sil snyan bskul nas ni/ /'od las rin chen pad+ma gdan/ /sdig sbyor don bya bsam pa bskyed/ /skor pa bya zhing

  344. 172b

    smon lam gdab/ /khyad par nyid 'dzin spro 'dod na/ /sdig pa 'byung dang sreg pa yi/ /dzwa la raM dang g+hi ha dzaM/ /shud d+ho haM gi shaM gu 'am/ /phrin las bzhi yi sngags dang 'od/ /rang rang rigs kyi yongs su bstan/ /'byung ba mchod rten dag la mi brten pa/ /dngos grub sbyor ba kun spangs sdug bsngal dag dang phrad/ /sngon gyi bram ze blo gros mchog /tshe 'di nad med dngos grub kun dang ldan/ /shi dus dal 'byor lung bstan la/ /brten nas bla med thob kun gyis/ /lung bstan yin par bla ma gsung/ /mchod rten phra rab rdul du ma glag par/ /mi de ngan song gsum du nam yang 'gro ma yin/ /mtshams med lnga byas 'bum tsho gcig gis byas/ /gong ma'i yon tan de bzhin 'phel bar gsungs/ /bar chod kun sel 'di la brtson par bya'o/ /mchod pa dang tshogs bsag pa'i le'u ste drug pa'o// //de ltar tshogs rnams gsog pa la/ /bdud 'byung man ngag bstan par bya'o/ /bdud ni rnam pa gnyis yin te/ /las kyi bag chags smin pa dang/ / 'phral gyi rkyen las byug pa'o/ /de la yang ni phyi dang nang/ /phyi ni dad ldan gang zag la/ /pha ma mkhas po gnyen bshes tshogs/ /zhi bas log pa'i lam la 'dzud/ /tshogs drug ro la chags 'gyur zhing/ /gzugs ni dkar dmar la sogs pa/ gsal 'gyur mi gnas bdud kyi rtags/ /snyan dang mi snyan ting 'dzin nyams/ /bdud kyi rtags su bstan pa yin/ /ting nge 'dzin la bzhag pa'i tshe/ /rang bzhin med dris smad pa dang/ /mang ba'i rigs la nyung ba ston/ /che ba'i rigs la chung ba ston/ /de la bzlog par shes pa dang/ /dkar mo rigs la gzhan sogs ston/ /zab pa'i rigs la mi zab ston/ /mi zab pa la zab pa ston/ /grol ba'i rigs la chags lam dang/ /chags pa la yang bzlog pa ston/ /mtshan bcad la yang

  345. 173a

    mtshan med rdzogs/ /dngos su sangs rgyas sprul pa rnams/ /gser dang g.yu yi spras pa la/ /zegs par lam rnams non no dang/ /bstan bcos mdza' dag rtsom zer dang/ /sems can byang chub lam la yang/ / dgod cing ma lus don rnams kyis/ /de la sogs pa'i gdam ngag ster/ /'di ni byi yi bdud du gsungs/ /nang gi bdud kyi sbyor ba yang/ /bsam gtan ting 'dzin dus la sogs/ /'du ba bskyed dang bsam pa bsgyur/ /rlung mkhris pad kan 'dus pa rnams/ /mer bzhin bskyed dang bsam log dang/ /dam pa ngag la ma mos shing/ /rtag tu bsam la ma mos shing/ /tha mal pa la chags pa dang/ /khro dang 'khon 'dzin 'chab pa dang/ /phrag dog ser sna la sogs pa/ /nyon mongs nye ba nyon mongs rnams/ /bsam gtan ngang la skye 'gyur dang/ /log pa'i shes pa bsam dgu rgyu/ /shin tu gdug rtsub drag po skye/ /sngon gyi 'bras bu rkyen bslang zhing/ /rtag tu mig rtsa rgod pa dang/ de bzhin 'phyar dang g.yem pa dang/ /zhum pa dang ni g.yem pa dang/ /'jig rten log chos bla ma spong/ /'di yang bdud kyis bslus pa yin/ /bsam gtan 'phrol mi gsal zhing/ /nyams mi dga' zhing log la dang/ / zas dang skom la snga rol bas/ /chags par gyur pa de dag dang/ /kun rdzob spyod la dga' ba dang/ /phyag rgya dang gi rigs la brten/ /de la nyon mongs skye ba dang/ /chags shing nus pa phrogs pa dang/ /tshogs drug skye mched rnams su sbyar/ /log pa'i bla ma bsten pa dang/ /yang dag bla ma dor ba dang/ /sdig pa'i grogs po bsten pa dang/ /bsam gtan mi mos log chos mos/ /'jig rten rdzas sogs chos rnams 'tshod/ /'di yang bdud kyi rtags su

  346. 173b

    gsung/ /sngar gyi chos 'dor gzhan dag 'dod/ /thar pa bde 'dod tshul yang 'chos/ /kha smra dbugs rgod mig rtsa drung/ /thar pa yin zhes sna tshogs smra/ /'di yang bdud kyi rtags su gsung/ /bdud kyi brtag pa mi shes na/ /'bras bu med de bdud kyis bslu/ /de la sogs pa sbyor ba rnams/ /bsam mi khyab ste gzhan las shes/ /'di ru brtag pa mdo tsam byas/ /mkhas pa rnams kyis sngon du dpyod/ /ces gsungs so/ /bdud brtag pa'i le'u ste bdun pa'o// //yang dag rtags kyi man ngag kyang/ /dngos dang nyams dang rmi lam gsum/ /sngags grub gdon thub nad thon rtags/ /gsum dang drug tu bstan pa yin/ /yang dag don gyi bla ma la/ /sems bskyed dbang bskur yang yang brtson/ /dam tshig mi brjid nan tan byed/ /rang rang rigs kyi chos rnams pa rten/ /khyad par sbyin pa tshogs gsog cing/ /dge ba'i grogs rnams bsten par byed/ /srid pa'i mtsho las rgal pa'i phyir/ /rgyu bcas dge la shin tu mos/ /gzhan la bskul zhing nyams sogs ldan/ /'di yang dngos kyi rtags yin no/ /me tog sngon po 'thu ba dang/ /glegs bam dag la spyod pa dang/ /chos kyi 'gro ba byang pa dang/ /gzhan gyis mchod dang gzhan la mchod/ /stong gsum thams cad mthong ba dang/ /nyi zla'i steng na 'dug pa dang/ /thod du bcings shing shar dang phrad/ /'khor lo klad la bskor ba dang/ /mchod rten rtse la 'dzeg pa dang/ rags shing skrag pa'i rgyan rnams thogs/ /gos sngon lus la gyon pa dang/ /gos sngon sku gzugs mthong ba dang/ /bder gshegs khang par phyin pa dang/ / yid bde ting 'dzin gsal ba dang/ /mi gtsang me yis bsreg pa dang/ /khrag sogs lus la thon pa dang/ /nad khol bton cing chu gtsang shol/ /lus skrangs rnag sogs mang po 'byung/ /ngan skyugs byung zhing bdud rtsi chu/ /'o ma dang

  347. 174a

    'dres 'khrud pa dang/ /sha mdog sngo 'gyur bdud rtsi spyod/ /lus la mi gtsang gzugs byung na/ /me dang bsreg cing dri ma 'khru/ /rtag tu gcer bur 'dug pa dang/ /rang la mtshon rgyab ral gris 'thub/ /stong nyid stong pa mthong ba dang/ /bsams pas rmi lam ci yang med/ /mthong lam skyes shing lus dang bral/ /dngos kyi nyams la brten pa yang/ /dbang dang srung ba byed pa dang/ /sems can dman la tshad med 'byung/ /yang dag don la brod pa skyes/ /sems can dag dang 'dra bar sems/ /'khor bas skyo la rgyab kyis phyogs/ /sngon pas nga rgyal nyon mongs chung/ /zab pa'i don la chog mi shes/ /dngos po rdzas la chags pa med/ /mig yang yun rings mi 'dzum zhing/ /'jig rten gleng mo 'chol ba smra/ /mngon shes phra mo ston nus shing/ /sems can sdug bsngal sel bar nus/ /gser sogs rin chen 'dod mi skye/ /rkang lag bcad kyang yi mi 'khrug /rtag tu sbyin pa gtong bar byed/ /ldang pa yang zhing zo mdog bde/ /'byung ba bzhi yi dgras mi tshugs/ /byang chub sems dpa' skye bdun no/ /gsang la dad cing yid ches so/ /rang gi lhag pa'i bla ma la/ /ci yong rin chen tshogs bkang dbul/ /bla ma rigs dang mthun pa yi/ /mthong na dga' zhing man ngag la/ /the tshom med cing yid ches 'byung/ /de yang lam zin gang zag go /gzhan yang grub pa'i brtag bstan pa/ /dang po bder gshegs sku gzugs la/ /bder gshegs sku gzugs mthong ba dang/ /'gul dang bzhad dang sgra 'byung dang/ /'od dang du ba 'byung ba yang/ /'di yang yang dag rtags rnams so/ /yon chab la sogs mchod pa la/ /rang gis byin brlabs 'bras bu 'byin/ /snang dang 'od dang sgra 'byung ba/ /'di yang yang dag rtags rnams so//

  348. 174b

    sbyin sreg dngos grub tshol ba na/ /me bus sangs rgyas rab yin te/ /de las sgra byung 'bring du bshad/ /me ni bdag gi dbang 'gyur zhing/ /las dang mthun pa 'byung ba'o/ /gtor ma'i sbyor ba la brten pa/ /khol dang 'od sgra bskams pa dang/ /gang dmigs la byin de dbang 'byung/ /rab 'bring tha ma go rim bzhin/ /dung dang dril bu la sogs pa/ /ma bsgrags sgra rnams 'byung ba dang/ /'jug pa nang rtags ye shes kyi/ /thams cad shes shing smra ba dang/ /'gul dang shes pa bteg pa dang/ /rab 'bring tha ma go rim bzhin/ /gzhan yang dkar dmar 'od gyur pa/ /gsal pa sgyu mar bsgom pa dang/ /mi gsal bshags pas gsal 'gyur ba/ /'di yang rab kyi rtags su gsungs/ /sku gsung thugs kyi rtags rnams la/ /rab 'bring gong gi stobs su gsungs/ mdzes pa lha mo bde ster dang/ /gang zhig nam mkha' stong las bsgral/ /sdig spong dge la 'dzud pa dang/ /bstan pa dam pa ston 'gyur na/ /yang dag rtags su 'di yod gsungs/ /nam mkha' lha mos dbang bskur dang/ /byang chub sems kyi chu 'bab dang/ / mched pa sna tshogs steng ba dang/ /gzhan yang rtags kyi sbyor ba ni/ /'ja' tshon dang ni sprin sngon dang/ /nyi zlas stong khams gang ba dang/ /de gseb nang na 'dug pa dang/ /sprul tshad rul zhing mtsho rnams bskams/ /tsan dan tshal dang nor bu chal/ /sman gyi sdong po gur gum spang ri dang/ /sman gyi ljon shing sdug bsngal sel byed cing/ /'dir ni rtag tu rang 'dug zhing khang chen po dang/ /mchod rten sku gzugs dag dang ni/ /bum pa sngon po rdo rje dang/ /rtag tu thod rlon nyams sogs mdun du 'byung/ /'di yang dam pa'i rtags yin no/ /khrag dang mchi ma dngos su 'byung/ /yi dags dbang du sdud nus dang/ /yi dags zil gyis mnan pa'i tshe/ /mnan 'gyur skad ngan rtsa? sgra 'don/ /'o 'dod khrus 'debs byed pa rnams/ /'di yang

  349. 175a

    gsang sngags grub pa'i rtags/ /gzhan yang bsam gtan byed dus su/ /dam chos dngos su brdar ma btags/ /phyis ni rjes su dran shing shes/ /ma thos nges pa ston pa dang/ /sems can srid dman gang 'khyams pa/ /snying rjes zin cing de don byed/ /tshul khrims ldan zhing gsang sngags mos/ /theg pa thun mong gcig tu shes/ /nang du mu stegs chos rnams la/ /ma gshe rang rgyud zhi zhing des/ /sgyu ma rang bzhin med par shes/ /'di yang yang dag dam pa'i rtags/ de la sogs pa dpag tu med/ /'byung bar 'gyur te gzhan las shes/ /de rnams gong du bstan pa'i bskyed par byed/ /srid mtsho rgal byed srid pa'o/ /rtog pas bskyed pa srid pa 'khor/ /zad por byed pa'i las rnams ni/ /mi rtag 'chi ba la sogs pa/ /srid pas 'jigs shing mi rtag pa/ /yud tsam las grub lo dang zla/ /rtag par sems pa byis sems yin/ /thang cig yud tsam mi sdod pas/ /gsang ba'i bde ba myur bar bya/ /dam tshig sdom pa sa gzhi yis/ /nan tan bskyed la bsrung zhing btsa'/ /de 'du bde ba spyod pa yang/ /dal 'byor mi yis spyad pa ste/ /bsod nams las byung mi lus 'di/ /sa phug rim pa gsum pa ru/ /chu thigs 'byung bar shin tu dkon/ /dkon pa'i dus 'di thob pa la// mi rnams rgya mtsho'i gling du phyin/ /nor bu rin chen mi len par/ /bya ba la sogs g.yengs pa ni/ /skyes bu glen pa bdud kyis bslus/ /mi lus thob dka' rin chen 'di/ /thob nas yal bar 'dod ba yang/ /skyes bu mi mkhas 'khor ba'i rgyu/ /des na rgal dka' 'khor ba'i rgyu/ /'di 'dra'i sdug bsngal zad mi shes/ /snga phyi dus su byung ba yis/ /rang nyes khril zhing zhes pa brjod/ /tshe 'di'i bde ba thob dus su/ /thang cig yud tsam mi sdod par/ /srid

  350. 175b

    mtsho 'khor ba'i nang du rgyug /mi sdod rgyug pa'i bar 'di ru/ /rang gsos drag pos don bskyed de/ /dbang po ma nyams lus 'di yis/ /bsam gtan sngags bzlas brtson pa dang/ /rang gzhan 'phags dang bla ma dang/ /shin tu bla ma dam pa rnams/ / mchod cing gsol 'debs dge ba la/ /tshul khrims dam tshig ma nyams par/ /bla ma dkon mchog mi mos spang/ /tshogs dang gtor ma ci nus bya/ /gal te dge 'dun 'dun pa dang/ /dbul ba'i sems can ma lus ba/ /mchod cing sbyin pa mang du dgye/ /phye mar gyur pa'i smon lam yang/ /gtsang mar rgya cher gdab par gsungs/ /smon lam las byung dge ba yang/ /nam mkha' nam mkha' mdza' dang mtshungs/ /zas mi shes pa'i 'bras bu 'byung/ /yang na 'byung ba de yi las/ /shin tu bzhugs pas las rnams 'grub/ /kun rdzob la brten don dam dang/ /thabs la ma brten shes rab dang/ /srid pa'i bde ba ma brten par/ /thar pa mya ngan 'das pa med/ /des na gsang sngags nus pa yis/ /mi bslu 'bras bu 'byung ba ru/ /nges par gtso ru gzung bar gsungs/ /yang dag rtags dang rgyu'i le'u ste brgyad pa'o// //bdud kyi rtags rnams bzlog pa dang/ /srid pa'i mtsho las brgal 'dod pas/ /dang po byang chub sems bskyed nas/ /dam tshig sdom pa gtsang pa yis/ /nyes pa med de cing bar chong sel/ /bdud rnams bzlog pa'i gtso ru gsungs/ /dang po gsang sngags sgor zhugs nas/ /lta ba spyod? pa zung du 'brel/ /gsang sngags las kyi gtso ru gsungs/ / lta ba gtan la ma phebs pas/ /dngos grub 'byung bar mi 'gyur bas/ /bdud kyi bar chod bsal ba dang/ /dngos grub myur bar 'dod pa yis/ /lta ba nyams su lon par bya/ /lta pa gnyis te yang dag log /dngos po rnams dang mi

  351. 176a

    mthun pa/ bsam mi khyab ste gnyis su 'dus/ /rtag pa dang ni chad pa'o/ /yang dag pa yang gnyis su gsungs/ /shes rab snying rje che chung dang/ /chung ba 'di ru mi smra ste/ /shes rab che ba gnyis su gsungs/ /gsang sngags pha rol phyin pa'o/ /de don gtan la dbab pa ni/ /don dam pa dang kun rdzob bo/ /yang na bden gcig 'dod pa dang/ /khas len tkun dang bral ba ni/ /rnam dpyod med cing yongs gcod med/ /kun rdzob gnyis te? dman? dang mchog /dman pa gnyis te log pa dang ni yang dag go /log pa gnyis te smig rgyu dang/ /gong du gsungs pa'i grub mdza' o/ /shes rab ngan pa'i rtog pa'o/ /ma brtags gcig pu nyams dga' ba/ /skye dang 'jig pa'i chos tshul can/ /don byed nus pa snang ba la/ /de ni yang dag yin par gsungs/ /mchog ni dngos po 'di rnams kun/ /gzhal yas khang dang lha mo dang/ /sems kyi rang bzhin sgyu mas mtshon/ /sems kyi snang ba bag chags tshogs/ /srid pa bla mar shes par gsungs/ /bla ma la brten bag chags tshogs/ /ngan song gsum las brgal bar gsungs/ /don dam pa yang rnam pa gnyis/ /phyogs lnga 'dod pa rtog pa ngan/ /rang gi rtog pa gnyis su gsungs/ /phyogs snga rtog pa ngan pa rnams/ /yang dag don la skye ba med/ /med pa grub par 'dod par snang/ /de tshe skye ba med grub na/ /med dang grub pa 'gal ba yis/ /phan tshun spangs pa mi gnas pas/ /med pa grub pa rigs ma yin/ /grub po zhe na rtog par 'gyur/ gal te skye med grub na ni/ /de ni chos tshul grub par 'dod/ /'gal ba skyon gnas par 'gyur ma yin/ /chos tshul grub pa rtog yin phyir/ /bsgoms kyang mi rtog thob pa med/ /dper na ma shi tsha pa 'bar ba bzhin/ /yang stong don dam

  352. 176b

    ma lus pa/ /chos nyid rang bzhin mtshan ma zhi/ /mi 'gyur phyir na rtag pa yin/ /de la rtag pa yod na mi rtag yang/ /chos tshul phye bas grub pas na/ /mi rtog ma yin rtog par 'gyur/ /stong nyid mu stegs bdag yod du/ /rtag pa gcig pa grub par 'gyur/ /kha cig rang bzhin med pa la/ /med las chos tshul rigs snang 'dod/ /de bzhin sems kyis sems brtags pas/ /med par gyur kyang snang zhe na/ /mi rigs rgya mtsho mi dpog bzhin/ /mi dmigs gyur kyang snang zhe na/ / de ni yid rtog dpyod pa ste/ /long bas zla ba'i gzugs dpog bzhin/ /kha cig dngos por 'dzin pa de/ /da lta yod pa'i phyis med par 'dzin to/ /de yi gzhung lugs la/ phyis ni rtog pas med par 'dzin/ /yod pas med pa grub 'gyur ni/ /mi rigs thug pa med par 'gyur/ /mi rigs rgyu 'bras 'dus byas bzhin/ /la la don dam gnas tshul la/ /rang bzhin med pa'i shes pa la/ /de dngos rang bzhin med par 'dod/ /zla phyed dngos la yod par 'dod/ /dper na byas pa mi rtag pa/ /ma byas rtag par shes par 'gyur/ /de la sogs pa dpag tu med/ /rang gi 'dod pa'i ngo bo yang/ /lung dang rig pas shes pa yi/ /rnam grangs don la yongs 'das pa'i/ /khas len bral bas yongs su 'dod/ /dmigs sogs sems dpa' i dkyil 'khor can/ /lha mo shes rab stong pa yis/ /srid dngos bla ma stong par grol/ /dngos por snang ba 'di rnam kun/ /gcig dang du mar ma grub pas/ /shes rab kyis dpyad rang bzhin med/ /dngos por snang ba 'di rnams kun/ smig rgyu chu zla bzhin du snang/ /rigs pas grub pa'i shes pa la/ /chos can snang bar ngas ma mthong/ /des pa brtags na rigs pa la/ /chos can chos tshul grub ma yin/ /gang yang ma grub gyur gpa de/ /bla med don rnyed ces su gsungs/ /don de

  353. 177a

    dngos po gnas tshul ni/ /ming med tshig med yi ge med/ /rtag med chad pa yod ma yin/ /de ltar yod par ma grub pas/ /med pa ma grub de yi phyir/ /de yi mdza' dang dbus ma grub/ /de ltar ma grub de shes na/ /phyag rgya chen por sbyor zhes bya/ / de bzhin lung rigs du ma yi/ /rdo rje gzegs ma rten 'brel sogs/ /nges par brtags na grub pa min/ /zhib pa 'di ru ma spros so/ /gsang sngags phyag rgya chen po yi/ /rang bzhin mi gnas spros bral yang/ /thabs dang shes rab snang stong dang/ /rig dang bde la sogs pa yang/ /rigs pas ci yang grub pa yin/ /don dam rang bzhin gnas tshul yang/ /rab tu mi gnas rang bzhin te/ /mi gnas pa yi ngo bor 'dod/ /bden gnyis gcig gi ngo bo yang/ /don dam spros bral stong nyid bsgom/ /kun rdzob sgyu mas bsod nams bsag /de ltar rtogs pa'i man ngag kyang/ /bla med bla med las byung gi /pha rol dbu ma pa la min/ /zhes gsungs so/ /de ltar rtogs pa'i gang zag la/ /lam la bar chod bdud med de/ /gang byas 'bras bu rnyed par 'gyur/ /lta bas man ngag rtogs pa ste/ /rigs pa bar chod myur tu zhi/ /bar chod rang gi sems las byung/ /des na shes rab mig tu gsungs/ /lta ba gtan la dbab pa'i le'u ste dgu pa'o// // bdud rtsi lnga la spyod pa dang/ /rig ma ye shes skye tshul gyis/ /gsang bas bzlog par bya ba ni/ /gsang ba'i spyod pas bzlog pa'o/ /cho ga bcu yis bshags pa dang/ /yi dam lha la lus dbul zhing/ /gsol ba 'debs shing skyabs su 'gro/ cho gas dbang du sdud pa'o/ /bdag las byung ba'i khro tshogs dang/ /lus las mtshon cha'i char 'bebs dang/ /de dang drag po sbyor sngags dang/ /mi 'da' gsang ba'i sngags zlos pa/ /bdag 'od dbyibs las byung ba yi/ /thog 'bebs sbyor

  354. 177b

    ba rtsom pa dang/ /me dang chu yi 'khor lo dang/ /man ngag stobs kyis bzlog pa'o/ /yungs kar dang ni yungs nag dang/ /skye tshe shing tshe gu gul dang/ /dug 'brus brab cing rdzas kyis bsrung/ /rdzas kyis bzlog pa'i man ngag go /mdun gyi snying du sems dpa' skyed/ /'od 'phros ye shes me 'bar pa/ /'di yang man ngag stobs kyis bzlog /gang yang dmigs pa'i mgrin pa ru/ /a bsams de dang spyi bo ru/ /rtsa las 'khor lo skor ba yang/ /sngags dang ting 'dzin sbyor ba ste/ /'di ni bsam gtan bzlog pa'o/ /rdo rje rtse gsum phyag rgya dang/ /dam tshig rdo rje sdigs mdzub kyis/ /rgya gram ral gri la sogs pa/ /phyag rgya bzlog par gsungs pa yin/ /dngos dang nyams la sogs pa ru/ /bkra shis 'khor lo dga' zhing sogs/ /chags par gyur pa rul myags dang/ /dum bu lang ling rnam par bsam/ /shin tu khro bar gyur pa la/ /byams pa bsgom zhing dngos po btsal/ /snying rje la sogs skye bar 'gyur/ /gti mug la sogs chos rnams dbye/ /de bzhin mi dge gnyen po du/ /dge ba ma lus bsam pa yin/ /gzhan yang log pa'i don bstan na/ /bdag la chos dang chos can rnams/ /rang bzhin med dang sgyu ma dang/ /stong dang zhi ba sems kyi dang/ /cho 'phrul yin par shes pa yis/ /brda' dang phyag rgya la sogs pa/ /don dang sbyar la sbyin par bya/ /thabs kyis ston na shes rab la/ /shes rab thabs la sogs pa sbyar/ /glen pa'i lan yang myur du sbyin/ /bdud rnams sbyor ba ma lus pa/ /ting 'dzin gsal zhing brtson 'grus drag /bdud rnams bzlog pa'i mchog tu gsungs/ /bar du gcod pa ma bzlog na/ /dngos grub med cing phyal bar gtong/ /des na bzlog pa shin tu gces/ /bdud bzlog pa'i le'u ste bcu pa'o// //mdangs dang srog la bar chod byed/ /gdug pa ma lus

  355. 178a

    sel ba'i phyir/ /sbyor ba 'di yi man ngag bstan/ /gnas ni yid 'ong la sogs su/ /bsnyen pa rnam gsum rdzogs pa dang/ /zhi ba la sogs so so yi/ /gang ltar 'dod pa'i sku bskyed pa/ /bsdu ba la sogs rdzogs pa yis/ /zhi ba dang ni rgyas la sogs/ /tshogs dang gtor ma bsngo zhing bsdu/ /des kyang 'dul bar 'gyur ba yin/ /yang na de yi sbyor ba la/ /rkang pa g.yas pa ral gri la/ /g.yon pa lcags kyu sbyor ba yis/ /khro bo mi g.yo bsgom bya ste/ / g.yon pas bkug cing g.yas pas gtub/ /ral gri gsang sngags bzlas pa dang/ /gdab pa yang ni de yin no/ /yang na gzir ba'i cho ga ni/ /nad pa 'am ni gzugs dag la/ /dmigs pa legs pa bkug byas nas/ /rkang pa g.yas pa ri rab la/ /rgya gram 'bar bas mtshan pa'o/ /rgyal chen phyogs skyong gong dang 'og /bang rim rnams la nges par bsam/ /pus mo chu srin rgyal mtshan te/ /mkha' lding rgyal po rab tu khros/ /gnas lnga las dang sbyor ba yis/ /g.yon pa lcags kyu sbyor ba yis/ /bkug pa la sogs sbyor ba yis/ /snying gar mnan gyur drag sngags dang/ /'byung po khrag tu 'thon 'gyur te/ /ma mo mkha' 'gros 'thung bar byed/ /mi bzod smre sngags 'don pa dang/ /lus las bral zhing 'bros par 'gyur/ /yang na snying nang ram las me/ /'bar zhing shin tu 'bar ba yis/ /gnod sems gtong zhing 'bros par 'gyur/ /phyogs skyong gang dang gang 'dul ba/ /gong ma 'am ni khro bo bcus/ /gzir zhing rang la srung ba byed/ /lha chen po yang 'dar zhing 'bros/ /bar chad byed pa gzhan yang sel/ /'bros par 'gyur ba smos ci dgos/ /mdangs la rgol ba'i gdug pa yang/ /khyad par klu yi sbyor ba ste/ /rigs bzhi la sogs klu rnams la/ /gzir ba

  356. 178b

    ? lding lnga po ste/ /dgongs dang bka' rgyud gzhan rnams dang/ /'dir yang 'os par rab tu bsten/ /yang snying pad+ma 'bar ba tsam/ /dus grangs la sogs skyal ba yang/ /ha bal sogs 'ga' ru Das/ /shin tu grub par 'gyur ba yin/ /lnga la lnga ni legs gnas te/ /lnga po yi ni sbyor bas 'dzin/ /pus mo dpung ba nu mthing drug /thogs med 'khor lo rab tu bsam/ /byin brlabs nus dang ldan pa yis/ /rdo rjes brdeg cing lcags kyus 'dzin/ /sbyor ba 'di ni dam pa'o/ /gang yang rung bar 'dod pa yis/ /klu gnyen bde gshegs skur gnas te/ /g.yas pa rtse lnga thogs med lnga/ /rang gi sa bon 'og tu gnas/ /g.yon pa rtsa las byung ba ste/ /sum las rin chen rdo steng du/ /khrom las byung ba sna lnga bsam/ /'od zer gyis ni legs bkug ste/ /lus dang ba spu mtshams rnams su/ /nus dang ldan par byas pa la/ /bdag 'od bu ga dgu sogs zhugs/ /lte ba 'khor lo skor byas te/ /g.yas kyi rdo rje spar byas te/ /g.yon pas len par byed cing 'don/ /g.yon sbyor la sogs man ngag kyang/ /mdangs rgol nang la shin tu bsngags/ /yang na me gnyis bsreg par byed/ /yang na 'khor lo brgyad 'bar bas/ /gnas brgyad du ni bsam byas te/ /bsregs pa rang gis gtor byas nas/ /bkrus pa byang chub thig le las/ /dpal ldan skur gyur byin gyis brlab/ /dbang thob sku yi gsang sngags bzlas/ /yang na zangs sogs dmar po snod/ /gzugs byas yongs su bskor ba la/ /bdud rtsi gso zhing mchod pa las/ /de nas rang gi gnas su bskyal// des kyang dul bar 'gyur ba yin/ /khyad par can gyis bdag dang gzhan/ /gdul thabs gnyis phyir gsal thabs gnyis/ /myur du gnod sel nus pa yin/ /de bas 'di ni thabs kyi mchog /sbyor ba gzhan la yod pa min/ /bar chod kyi

  357. 179a

    bgegs bzlog pa'i le'u ste bcu gcig pa'o// //mi rgod la sogs ma rungs pas/ /gcos shing chos la gnod byed pas/ /gnang la bor ba'i dam tshig ni/ /dur khrod mkha' 'gro 'du gnas su/ /drag po gru gsum dug gis bri/ /rkang rje sa gos sogs pa gzan dang/ /bsres te mi rgod gzugs byas la/ /de yi snying gar mi rus gzhug /tsha ba bskyed pa'i sbyor ba bya/ /de la tshon skud rnam lnga bcing/ /rabs chad thod par gzhug pa yin/ /rang bskyed rang gi cho ga rdzogs/ /bde gshegs mchog dang chos skyong sbyin/ /de lor ni las gzugs su gyur/ /bdag las sprul pa'i khro tshogs kyis/ /dpag tu med pas 'jig rten bkang/ /gzung nas khrid par byed pa la/ /rdo rje 'gugs pa'i gsang sngags bzlas/ /khro bo mang po sprul pa khros/ /gang gis dngos po gzung ba yis/ /gnyis med bstim la las kyis mnan/ /thog lnga la sogs myos su gzhug /ye shes 'go ba'i lha rnams kyis/ /gshegs shing srog rtsa bram ze gzugs/ /gdug pa'i khro mo sbyar mas gdug /khros pa'i stabs kyis khrag 'byin cing/ /rang gis rol za bar byed/ /bdag dang ye shes khro bo yis/ /sprul pa thog lngas 'byed par byed/ /phyi ma gsum gyis bsad pa dang/ /theg chen sbyor ba'i las bya yi/ /dkyil 'khor kun gyi gsang sngags kyis/ /bsad cing mnan pa'i las rnams bya/ /yang na bsad pa'i dam pa ni/ /lcags dang rigs mthun gyur pa la/ /khro bo de dang mthun byas la/ /dkyil 'khor gsum dang 'brel pa yis// phur bu kho nas bsad pa yi/ /ki li sngags brjod gdab par bya/ /ral gri tho ba gri rnams kyis/ /gtub cing bsad dang rdzas rnams ni/ /yungs kar yungs nag phye ma gsum/ /gdug pa'i 'bru rnams ma lus las/ /khro chung gdug pas brab nas

  358. 179b

    'grub/ /drag sngags bzlas shing thun rnams brdeg /bsnun cing gtub pa'i rdzas dang gzugs/ /mnan bsreg bsad dang 'phang ba dang/ /yang dang yang du dgug pa dang/ /thugs rje bag chags sbyang ba'o/ /gzugs can gdul ba'i las rnams bstan// mdze can rab chad thod pa ru/ /'khor lo gzhung dang mthun pa la/ /dug dang myos pa'i chu sbyar te/ /sprul nag sbyor ba mdze can khrag gis bya/ /de la dgug pa sngon 'gro bas/ /lus nang nang nas lcags sbrang mang/ /lus nang sprul nag sbyor byas na/ /lcags sdig srin bu la sogs pas/ /ba spu bu gar sbyor byas na/ /de ni mdze yis 'chi ba yin/ /de bzhin 'khor lo nag po steng/ /gang yin dgos su gsal byas na/ /bsam gyis mi khyab phung las bu/ /stong gsum sgrul nag dgug cing bstim/ /sbrul las lcags sbrang gze ma yis/ /ba spu bu ga nas zhugs pas/ /me yis bsregs pa 'byung ba yi/ /'di yang thabs kyi dam pa yin/ /byang du bltas pa'i chu mig tu/ /thod pa dum bu drug yod par/ /gang yin ming rus spags te gzhug / sprul nag sa srin la sogs bstim/ /yang yang bkug la mnan pa yis/ /zhag bdun gyis ni 'chi bar 'gyur/ /'di ni bsang pa'i dam pa'o/ /yang na ma mo sbyor ba yang/ /bud med thod pa lcang lo nang/ /dri rgod snying la rab bsams te/ / bdud rtsi lnga byas ling ga la/ /lnga pa la sogs phral byas na/ /snying nang ma mo sbyor ba yis/ /khar blugs gyur na myos nas 'chi/ /thod pa klad pa 'khor lo skor/ /dug dang myos pa dug khrag dang/ /lug dang glang gi khrag dag gis/ /smyo byed sbyor ba rab byas shing/ /'khar ba thun yang rab tu brdeg /ma ma rak+Sha kha thun tra ma hi haM ti ru lu ru lu b+hyo zhes bod cing rbad par bya'o/ /dgug pa sngon du song ba la/ /mdun du ma mo khrag 'jib pas/ /phur bus skye bor gdab byas na/ /rkang pa

  359. 180a

    khrag 'thung 'jib pa yis/ /de ltar byas pas skya slam 'gyur/ /yang na spyi tshags gyur pa la/ /mdun du spyi tshags rdo rje brdeg /yang ni kha dog nag po la/ /mgon po me yi phreng ba bskul/ /sum skor 'od kyi phreng ba yis/ /rdo rje spyi bor zhugs gyur nas/ /'od zer snying nag sreg par byed/ /thig le dag kyang 'joms pa yin/ /yang na 'od zer nag po yang/ /lte pa'i 'khor lo bskul byas te/ /me 'bar stobs kyis sreg pa dang/ /spyi bo khu ba bkug nas ni/ /rkang pa me nang sreg par byed/ /yang na za byed kha ru sreg /yang na rdo rje yi ge gsal/ /spyi nas gsang ba rdo rje rgyab/ /bshad pa'i yi ge gshig pa yin/ /yang na snying gar raM las me/ /me nang me yis sreg pa dang/ /dbang phyug la sogs bdud chen rnams/ /tshe yi tshad kyang 'jig par 'gyur/ /sbyor ba 'di ni byas tsam gyis/ /gang ltar 'dod pa myur du 'grub/ /yang na dbang phyug mthu chen gyis/ /rig ba 'di yi sbyor ba la/ /nag po tshes gcig zla ba'i 'od zer la/ dmigs pa chu yi 'od zer la/ /sbyor ba 'di ni byas tsam gyis/ /dug dang ma yi sbyor ba yis/ /rtag tu 'chi bar 'gyur ba bzhin/ /gang yang myur du 'grub pa yin/ /sbyor ba 'di yi man ngag kyang/ /bla ma'i srog la gnod pa dang// dkon mchog bstan pa snub pa dang/ /rang srog gcod par byed pa la/ /sbyor ba 'di ni bya ba las/ /gzhan la byas na dam tshig nyams/ /bar chod bsal ba'i le'u ste bcu gnyis pa'o// //dngos grub khyad par 'dod pa yis/ /sku gsung thugs kyi rtags rnams la/ /rab gnas byas pa thob par 'gyur/ /des na rab gnas cho ga la/ /yid dang mthun pa'i gnas dag tu/ /dang po bsnyen pa skyel ba yis/ /gtso bo 'bum la 'khor rnams khri/ /yo byad ?

  360. 180b

    la bskyal ba yin/ /lha dang bum pa la sogs pa/ /sta gon lhag par gnas pa byas/ /sku gsung thugs kyi rtags rnams la/ /dang po bgegs bsal byur phud la/ /phur bu sbyin sreg chang phud gtor/ /me la phul zhing bskor byas nas/ /thal ba'i sbyin sreg phyi ru bskyal/ /dbang stegs rtags la khrus rnams bya/ /dang po dri chu spos chu dang/ /mngar gsum a ka ru la sogs/ /me long sbyin nam dur bas bkru/ /lhag gnas slob ma cho ga rdzogs/ /dkyil 'khor bris la yongs su bsgrub// dang po dbang bskur rab gnas la/ /slob ma bcu ste dbang bskur bya/ /sku gsung thugs kyi rtags rnams la/ /rang rang sku gsung lhar bskyed de/ /byin gyis brlab cing dbang bskur ni/ /me long bzhin la chu dbang bskur/ /des na de la dbang rnams rdzogs/ /rang gi sngags sam gzhan rnams ni/ /badzra satwa zhes pa yis/ /gong gi stobs kyis gong du gnas/ /yang na sku rnams so so la/ /rang gi bdag po gtso'am gang rung bskyed la/ /dbang bskur la sogs gong bzhin bya/ /lha khang b+haM gyi rten yin pas/ /ye shes byin brlab gong bzhin bya/ /rdo rje dril bu phreng ba rnams/ /ye shes rdo rje dril phreng rnams/ /A li kA li ye shes dang/ /byin gyis brlab pa tsam yang bya/ /de nas mchod bstod la sogs pa/ /rgyas par byas la dkyil 'khor bsdu/ /rdul tshon chu bo gzhung la dbo/ /de ltar slob dpon de la yang/ /ci 'byor pa yi yon rnams dbul/ /dga' ston bya zhing smon lam gdab/ /des ni bsod nams chen po thob/ /sku gsung thugs kyi rtags rnams la/ rab tu gnas pa ma byas na/ /mu stegs lha rten dang 'dra bas/ /des na rab gnas bya ba gces/ /rab tu gnas pa'i le'u ste bcu gsum pa'o// //de la de yi sbyor ba yis/ /phyi dang nang gi khrus bstan pa/ /rdzas rnams tshogs pa'i

  361. 181a

    bum pa la/ /lhag pas bum pa spyad byas te/ /pad+ma bzhi steng gos sngon bskyed/ /bskyed de cho ga rdzogs gyur nas/ /dag par byed pa'i sngags rnams kyis/ /ye shes chu bor byin brlabs te/ /nam mkhar lha mos snod thogs nas lha mos rgyun phab chu bo yis/ /gang la bkrus pa tsam gyis na/ /'thor bas dag par byed pa dang/ /dngos grub thams cad 'byung ba yin/ /rnal 'byor rnal 'byor rnams kyis ni/ /de nas khrus la brtson par bya'o/ /rdo rje khrus kyi le'u ste bcu bzhi pa'o// //de las dngos grub mchog 'dod pa/ /rnam grangs don ni rab brten la/ /thabs kyi lam ni rab tu bstan/ /dang por mtshan bcas mtshan med la/ /nor bu 'phel bar byed pa yin/ /rten gyi man ngag cung zhig yang/ /gang zhig spyi bo khang pa du/ /bdun cu gnyis sam drug cu bzhi/ /sum cu gnyis dang brgyad dang bzhi/ /mkha' 'gro rtsa grangs bzhin du'o/ /kun brtags rtog pa'i mtshan nyid do/ /A li gnyis dang kA li gcig /brgyad dang 'byung bzhi yang dag ldan/ /de ltas de las ye shes 'bar/ /steng dang 'og tu rgyu tshul ni/ /dbang po 'gag par byed pa yin/ /yang na tshangs nas smin mtshams par/ /rtsa lnga kha phye spyod pa yis/ /skye mched yul rnams sbyong ba'o/ /snang ba mdza' yas gnas dag tu/ /bzhi bcu 'am ni sum cu gnyis/ /bcu drug brgyad du snang ba la/ /'byung bzhi A li bcu drug ni/ /g.yas dang g.yon du 'khor bar gnas/ /dbus kyi oM ni dpa' bo bdag /dbang gi dga' bzhi skyed pa dang/ /yang na bde chen kha 'byed cing/ /'byung 'jug 'di la gnas pa yis/ /bde ba chen po 'grub par 'gyur/ /snying gar brgyad dam bcu drug bzhi/ /dbus su d+hU tI g.yas g.yon du/ /la la na dang ra sa nA'o/ /A li kA li thabs shes rab/ /byang chub thig

  362. 181b

    les nyon mongs shing/ /'byung ba bzhi dang yi ge yi/ /dang po brgyad pos yongs su bskor/ /thig la las byung 'byung ba bskul/ /thig le ye shes la rten nas/ /dbang gi dga' bzhi tshul du skye/ /'byung ba dang ni 'jug pa dang/ /gnas pa stong pa bdag nyid de/ /gang zhig 'di la rtog gnas na/ /rnal 'byor bde ba myong bar byed/ /yang ni snying ga nas spo ba'i/ /rtsa lnga khrag dang chu dang yang/ /byang chub sems mdud ral gri la/ /mgrin pa pad+ma kha 'byed pas/ /phyogs su gzhol zhing slob pa yin/ /kha phye thig le 'gro 'ong dag /'byung dang 'jug pa 'dir bslabs pas/ /rnal 'byor bde ba myong bar byed/ /re re 'am ni lnga lnga par/ /rnal 'byor slob ma bde ba'i lam/ /lte ba sprul pa dpa' bo bdag /brgyad dang nyi shu sbyor ba yis/ /kA li phyed bcas bcu bzhi brgyad/ /a nas dpa' bo rlung stobs kyis/ /rtsa lnga snying gar slob pa dang/ /dpa' bo 'gegs par byed pa yin/ /kha cig slob pa'i dus dag tu/ /bzhi ni so sor slob pa ste/ /bzhi ni gcig tu slob pa'o/ /nyi ma rdo rje rlung gis gsor/ /la la yi ge thig ler 'dod/ /gcig ni sdud par bslabs pa yis/ /stong pa me las rnam rtog sreg /dbang gi dag pa dag pa'o/ /bde ba chen po thob par byed/ /gang yang sbyong ba 'di dag ni/ /nyi ma me ni lte bar 'bar/ /yi ge thig les yang dag gsos/ /dbang gi dga' bzhi dag pa yis/ /dbyings la thug nas mar la byung/ /'og gi badzre 'khor lo la/ /dbab dang bzlog dang 'grub pa yang/ /'khor lo bzhi yi dbang du gsungs/ /rigs gzhan chags pa'i gang zag gis/ /rigs gzhan pho nya sbyor ba bya/ /gang tshe rang gi rigs mthun nam/ /la las skyes pa'i bu mo dang/ /ye shes bu mo sprul pa dang/ /g.yon gyi yum dang snying ga la/ /byin gyis brlabs dang gnyis med sbyor/ /rtag tu

  363. 182a

    dam pa bde ba dang/ /'di yi sbyor bar dga' ba rnams/ /rim gyis phyag rgya dngos grub 'grub/ /'byung ba'i bu mos sbyor byas shing/ /dbab dang bzlog pa'i man ngag gis/ /rtse la phyin nas nub byang 'gyur/ /tha ma las kyi dus rnams su/ skyed pa tha kus bkyig pa dang/ /dbugs dang lus kyi bzlog pa yin/ /thabs ni kun nas rdzogs pa ru/ /ri lu phreng bas mgul nas thogs/ /sprul gyi zhags pa'i sbyor ba yis/ /kun nas 'phros pas dngos grub 'byung/ /gang nas rnal 'byor ma rnams kyis/ /rtag tu bde ba ster bar byed/ /ye shes pogs dang dbang bskur gnyis/ /gzhan gyi las su ma gsungs te/ /de nas de spangs dngos grub 'byung/ /zhes pa'o/ /sna tshogs thabs kyi sgom pa yis/ /'dod pa rdo rje bzhin du 'grub/ /zhing khams gang dang gang yang rung/ /sprul pa byin brlabs phyogs bcur 'gyed/ /'di yi sbyor ba dag 'gyur na/ /zhing khams gtsang mar skye bar 'gyur/ /ma dag ngan song 'khor ba'i rgyu/ /mtshan ma dang bcas pa'i rdzogs rim gyi le'u bstan pa ste bco lnga pa'o// //yang na 'khor lo sbyor spangs pas/ /bcu drug brgyad nga bzhi yi dang/ /dbus su byang chub thig le bsgom/ /stong nyid yongs chod bral ba la/ /sgom med goms par bya ba'i yul/ /gnas dang mi g.yo bde ba dang/ /rtog bral rang bzhin stong pa nyid/ /tha snyad ma grub bde chen dang/ /thig le nyams len shes pa yis/ /srid rtse sna gsum mthar phyin nas/ /mthong lam byang chub myur du 'byung/ /de las srid gsum bgrod pa yang/ / skye ba rmi lam bar de ru/ /thig le mi rtog stong nyid yang/ /thig le ye shes de dang las/ /rnal 'byor bde ba chen po yang/ /ma lus cig shes mdza' dang bral/ /srid gsum rang bzhin 'pho ba yang/ /'bras bu stong nyid 'byin pa ste/ /'di ni rnam

  364. 182b

    shes 'pho 'jug go /zhes lung las gsungs so/ /mtshan med kyi man ngag bstan pa'i le'u ste bcu drug pa'o// //gang zhig 'di la rab brtson pas/ /zla ba drug gam bcu gnyis na/ /rnal 'byor bde ba rab tu thob/ /sangs rgyas byang chub sems dpa' yi/ /sprul pa'i byin rlabs sna tshogs pas/ /rnal 'byor pa dang rnal 'byor ma/ /pho nya tshogs 'khor thams cad kyis/ /rtag tu byin rlabs bde ba ster/ /bdud dang gnod sbyin lha klu tshogs/ /ma lus gnod pa zhi bar 'gyur/ /sdug bsngal nad la sogs pa rnams/ /ma lus myur du thal bar 'gyur/ /thun mong dngos grub ma lus 'grub/ /gzhan don ma lus lhun gyis grub/ /zhes gsungs so/ /gang yang gsang ba'i man ngag 'di/ /dam tshig sdom pa nyams pa dang/ /gsang sngags phrag khyer 'tshong ba dang/ /bla ma mi gus le lo can/ /dbyar gyi tsan dan lta bu ste/ /mkhas pa brten pa mi brten par/ /glegs bam mthong bas khengs pa la/ /tsan dan sbrul gyi shun pa 'dra/ /gsang ba'i don dang phyi lam bsre/ /la la log pa'i chos dang bsre/ /gang zhig ster bar gyur pa de/ /tsha grang ngan song sdug bsngal myong/ /mkha' 'gro byang ma srin po dang/ /ro langs la sogs kun gyis gsod/ /gsang ba 'di yi don rnams dang/ rang srog gces dang nor bu dang/ /dri mchog ga bur bzhin du btsal/ /gal te btsal ba ma shes na/ /seng ge 'o ma snod nang du/ /blugs pa ji bzhin 'bras bu med/ /gsang ba 'di yis blag par 'gyur/ /gong gi don las log pa'i snod dang ldan pa la/ /gsang ba 'di yi man ngag yang/ /rang gi rang don len pa bzhin/ /de la ma lus sbyin par bya/ /nor la bltas te gsang don bcad/ /gsang ba srid pa'i rgyu la byin/ /ma mos btsongs pas dngos grub yal/ /seng ge'i 'o mas snod 'jig bzhin/ /srid mtsho

  365. 183a

    ngan song gsum du 'khor/ /'bras bu tsha grang sdug bsngal myong/ /des na bu dang 'dra bar sbyin/ /des ni 'bras bu bde ba 'byung/ /gzhan gyi shugs 'byung ma lags 'di la dga' ba skyes/ /khams gsum sems can srid mtsho dag las brgal phyir dang/ /rdo rje be con gsang ba'i don gyi la sogs ma lus pa/ /rang nyid mos dang gsang ba'i thabs rnams/ /rdzogs par kun la bstan phyir bris/ /rnyed pa la sogs grags phyir min/ /man ngag bla ma dang 'dra lam 'di bstan/ /lag na rdo rje rgyud kyi rgyal la sogs ma nyams bya ba'i phyir/ /gsang ba'i don rnams thabs kyi yan lag tu/ /man ngag rgyas par bstan pa'i tshogs rnams la/ /las kyi bag chag ngan pas ma grol yod srid cing/ /tshig dang don la nyes pa yod srid pa/ /rigs lnga bde bar gshegs pa dang/ /bla ma mkhas pa rnams la bzod par gsol/ /sems can lam gnyis ma lus bsgral ba dang/ /bdag dang sems can thams cad kun/ /rags dang phra ba'i rtog pa yongs zhi nas/ /sdom gsum lam gyis srid pa yongs brgal nas/ /tshul khrims gtsang mas gsang ba'i don rnams zhugs/ /phyag rgya chen po don nyid rab mthong zhing/ /de ma mthong ba'i ma lus sems can rnams/ /sdug bsngal skyed pa'i kun 'byung rtsad gcod cing/ /g.yan pa mdze 'bras nad rnams rab tu zhi ba dang/ /sdug bsngal rgya mtsho rab tu skams pa dang/ /gos sngon dngos grub myur thob cing/ /zhing mchog gtsang mar skye bar shog /de kho na nyid sgron ma zhes bya ba'i rgyan/ /bla ma'i man ngag rgyud mchad pa/ /de kho na nyid nyi zla snang ba zhes bya ba'i grub thabs chen po/ /dge slong klu sgrub kyis mdzad pa rdzogs so// //paN+Di ta gu ru pad+ma 'byung gnas dang/ /

  366. 183b

    lots+tsha ba glang dpal gyi seng ges bsgyur ro// //slad kyis kyang paN+Di ta rgya gar phyag nas sgra rang 'gyur du bsgyur ro/ /bi las badzra las bla ma sman btsun khros pa la gnas/ /des dngos la gnad pa lags so/ /'di bris rnam dkar phung po yis/ /deng nas byang chub snying po'i bar/ /mi mthun phyogs las rnam rgyal te/ /gos sngon go 'phang myur thob shog/ (//dpal gos sngon can gyi dkyil 'khor cho ga slob dpon nA hA? rdzu? nas mdzad pa bzhugs//) // rgya gar skad du/ Arya badzra pA Ni nI lam ba ra sarba maN+Da la bi d+hi nA ma a ti/ bod skad du/ 'phags pa lag na rdo rje gos sngon po can gyi dkyil 'khor gyi cho ga thams cad rdzogs pa zhes bya ba/ /byang chub sems dpa' sems dpa' chen po 'jam dpal grub pa la phyag 'tshal lo/ /thams cad stong pa chen po'i mchog /mnga' brnyes phyag na rdo rje la/ /kun nas dad bas phyag 'tshal te/ /dkyil 'khor cho ga bdag gis bshad/ /rkyen thub sa non yan lag rdzogs// ting 'dzin dbang thob gzugs bzang zhing/ /log pa'i lam spangs mang pos bkur/ /de sogs yon tan kun ldan pas/ /yid dang mthun pa'i dben pa 'am/ /yang na nyams dga' bkra shis gnas/ /ri zlum dag gam chu bo'i 'gram byin che yon tan lnga gnas su/ /stegs bu sngon po mdzes pa la/ /me tog sngon po gcal bkram ste/ /steng du gos sngon sku gzugs bzhag /yan lag ye shes bskyed ldan pas/ /mchod pa'i cho ga sngon btang nas/ /phyi nang dgug dang bstim la gnas/ /sngags kyis bsnyen pa 'bum sogs bya/ /yang na mtshan ma gsum thob pas/ /bsgrub pa'i cho ga brtsam par bya/ /rab tu brtags pa'i sa gzhi la/ /zlum la mdzes pa'i maN+Dal brtsig /steng du dpal

  367. 184a

    ldan dkyil 'khor bskyed/ /spyan drang byin brlabs dbang bskur nas/ /phyi nang mchod pa ci 'byor dbul/ /stong pa dag kyang de bzhin no/ /de nas phyogs skyong srungs ma dgug /oM in+d+ra ye hUM dza:/ agna ye hUM dza:/ yam ye hUM dza/ nai ri te le hUM dza/ ba ru Na ye hUM dza:/ ba ya be ye hUM dza:/ ku bai ra ye hUM dza:/ i sha na ye hUM dza:/ he ta a d+hi pa ta ye hUM dza:/ surya tsan+d+ra ye hUM dza/ de skad ces brjod la spyan drang ngo/ /de nas sangs rgyas thams cad dgug /phyogs skyong la sogs byin gyis brlab/ /gtor ma tshul bzhin byin brlab ste/ /ci bder phyogs skyong tshogs la dbul/ /de nas las rnams bcol bar bya/ /lha dbang me lha gshin rje dang/ /bden bral chu lha rlung gi lha/ /gnod sbyin dbang ldan nyi zla dang/ /bran dang bka' nyan pho nya'i tshogs/ /rdo rje spyan dang snyan mnga' ba/ /rdzu 'phrul chen po'i don ldan pa/ /mngon shes can gyis mchod pa bzhes/ /sa phyogs dge ba'i gnas 'di ru/ / bdag gi dge ba'i grogs po mdzod/ /bdag gis bzod pa de yis ni/ /mi slu dam tshig dgongs mdzad la/ /rtags dang mtshan ma bstan du gsol/ /ces las bcol lo/ /lag pa sa la reg pa yis/ /sa yi lha mo dbus su bton/ /de la byin brlabs mchod pa bya/ /dngos su las bcol tshig 'di bsgo'o/ /skyob pa sangs rgyas thams cad kyi/ /spyod pa'i tshul dang khyad par las/ /sa dang pha rol phyin pa la/ /lha mo khyod ni dbang du gyur/ /skyob pa shAkya seng ge yis/ /ji ltar bdud kyi sde bcom pa/ /de ltar bdag gis bdud las ni/ /rgyal bar byas te dkyil 'khor bri/ /zhes brjod pas gnang ba byin nas/ /thim par bsam mo/ /sa bslang ba'o// //legs par byin pa'i gnas ched du/ /sa bdag

  368. 184b

    legs par blta byas la/ /zla bzhir dbang du phyogs bzhir blta/ /de yi lto ba'i dbus nas bru/ /ro la sogs pa'i skyon rnams bsal/ /mar gyi mdog dang 'dres par 'gyur/ /mchog tu gyur pas blang bar bya/ /sa brtag pa'o// // sa gzhi bzang po brko dus su/ /dag par byed pa'i gsang sngags bzlas/ /stegs bu khru ni bcu drug gam/ /bcu 'am lnga ru legs byas te/ /shin tu mthar par bcag par bya/ /mthon dman med par gyur pa dang/ /bdud rtsi lnga 'am pa yi lnga/ /dri dang sman gyis legs par byug /dag byed gsang sngags bzlas pa yis/ /rtsa ba'i yi ges grub par bya/ /sa sbyang ba'o// //de nas sa las 'od byung ste/ /yaM las rgya gram rlung du gyur/ /de steng baM las chu dkyil 'khor/ /gser gyi sa gzhi lam las bskyed/ /de steng sum las ri rab bskyed/ /rin chen sna bzhi'i rang bzhin can/ /de la lag pa brdeg par bya/ /de yi gsang sngags 'di dag bzlas/ /oM me di ni badzra b+ha wa band+ha ni hUM phaT/ ces bzlas sa 'od dang ldan te// 'od kyis stong gsum thams cad gsal/ /sa gzhi byin gyis brlab pa'o// //deng nas brtsams te gos sngon can/ /phyag rgya che dang ldan gyur bas/ /rgyan rnams thams cad yang dag ldan/ /pad+ma la sogs dbus btang nas/ / de yi steng du 'dug par bya/ /shar la sogs pa'i phyogs rnams su/ /mchod pa lnga 'am nyi shu brgyad/ /bdag gi thugs ka'i 'od zer gyis/ /phyogs bcu sangs rgyas spyan drangs te/ /bstim pas bkrag dang gzi byin bskyed/ /mngal nas skyes pa'i tshul can nam/ sna bug sngags kyi 'od zer las/ /yang na nyi zer tshul can gyis/ /'khor rnams gsal bar gyur pa las/ /ye shes bde gshegs spyan drangs bstim/ /de nas gsol ba gdab pa ni/ /gsang bdag dkyil 'khor

  369. 185a

    chen po'i phyir/ /bdag ni sa chen gzung bar byed/ /phyogs bcu sangs rgyas thams cad kyis/ /bdag la byin gyis brlab tu gsol/ /gsol ba gdab pa'o// //dbang thob gyur nas gsang sngags bzlas/ /sku yi 'od kyis gsang sngags rgyal/ /reg pas bdud dang srin po 'bros/ /bsam gtan de las ma yengs pas/ /sngags kyi phreng bas bzlas ba bya/ /zhes pa ni sa gzung ba'i cho ga'o/ /de nas phyogs bzhir rnal 'byor bzhi/ /khams gsum rnam rgyal la sogs bsam/ /shar nas gtso la mchod pa phul/ /gsol ba 'di yang gdab par bya/ /rdo rje rigs mchog dpal ldan gos sngon can/ /dpal ldan dkyil 'khor chen po dri ba'i phyir/ /mnyam pa'i ngang las 'bar ba'i skur bzhengs la/ /zhe sdang rigs kyi bgegs rnams bzlog tu gsol/ /ces gsol ba gdab par bya'o/ /lho nas gtso la mchod pa phul/ /gsol ba 'di dag gdab par bya/ /oM rin chen rigs mchog dpal ldan gos sngon can/ / dpal ldan rigs kyi dkyil 'khor bar ba'i phyir/ /mnyam pa'i ngang las 'bar ba'i sku bzhengs la/ /nga rgyal rigs kyi bgegs rnams bzlog tu gsol/ /ces gsol ba gdab par bya'o/ /nub nas gtso la mchod pa phul la/ / gsol ba 'di gdab par bya'o/ /oM pad+ma rigs mchog dpal ldan gos sngon can/ /pad+ma rigs kyi dkyil 'khor bri ba'i phyir/ /mnyam pa'i ngang las 'bar ba'i skur bzhengs la/ /'dod chags rigs kyi bgegs rnams bzlog tu gsol/ ces gsol ba gdab par bya'o/ /byang nas gtso la mchod pa dbul/ /gsol ba de'i dag gdab par bya'o/ /oM las kyi rigs mchog dpal ldan gos sngon can/ /las kyi rigs kyi dkyil 'khor bri ba'i phyir/ /mnyam pa'i ngang

  370. 185b

    las 'bar ba'i sku bzhengs la/ /phrag dog rigs kyi bgegs rnams bzlog tu gsol/ /ces gsol ba gdab par bya'o/ /de nas phyogs bzhi khro bo bzhis/ /dkyil 'khor gtso la gsol ba gdab/ /mnyes pa'i tshogs kyang ci nus bya/ /des ni bgegs rnams 'byer bar 'gyur/ /zhe'o/ /de ni gtso bo bslang ba'i cho ga'o/ /de nas brtsams te gos sngon can/ /shin tu khro ba'i gzugs su langs/ /mig gnyis nyi zla'i dkyil 'khor du/ /raM dang a gnyis bsam par bya/ /rkang par ljang gu yi ge hUM las/ /sna tshogs rdo rje 'od ldan bsam/ /mig dang rna ba'i nang du yang/ /khro bo'i tshogs ni bsam par bya/ /nga rgyal chen po bskyed nas ni/ /rdo rje dril bu bskor bya zhing/ /rkang pa rdo rje stabs ldan pas/ /phyogs mtshams su ni blta bya ste/ /hUM zhes 'jigs pa'i sgra sgrogs bsam/ /ha ha gad mo chen po rgod/ /nga rgyal bskyed pa'o/ /g.yon pa dril bu dkur brten nas/ /g.yas pa rdo rje gsor byas te/ /sangs rgyas thams cad mdun bsams te/ /bka' sgo bden pa brdar bar bya/ /gang dag sa phyogs 'di na gnas pa yi/ /lha'i tshogs dang/ klu'i tshogs dang/ gnod sbyin gyi tshogs dang/ lto 'phye'i tshogs la sogs pa thams cad dengs shig /hUM nga ni dpal ldan gos sngon can/ /sangs rgyas kun gyis gnang ba ste/ /lha dang klu dang lha ma yin/ /brjed byed la sogs bgegs kyi tshogs/ /gnas 'dir ma 'dug gzhan du dengs/ /gal te dam tshig las 'das na/ /stobs chen khro bo gos sngon gyis/ /klad pa 'gas pas gdon mi za/ /phaT na ma(rgyud 'grel): sa man+ta kA ya bAk tsit+ta badzra nan/ /na maM nI lAM ba ra hUM/ kha kha khA hi khA hi/ tiSh+Tha tiSh+Tha/ band+ha band+ha/ ha na ha na/ da ha da ha/ pa tsa pa tsa/ gardza gardza/ spho Ta ya spho Ta ya/ sarba big+hAM bi na ya ka nan/ mahA g+ha na dza bin ta na ta ka

  371. 186a

    rA ya hUM phaT/ bgegs bskrad pa'o/ /dpal ldan gos sngon snying po las/ /yi ge lnga yi sbyor ba yis/ /mtshon cha lnga yis thog phab pas/ /gdug pa thams cad brgyal bar 'gyur/ /thog 'bab pa'o/ /de nas rkang pa rdo rje stabs lag par gir stabs bskor ba yis/ /dbang ldan gyi phyogs nas brtsams te/ /rdo rje bskor ba lan gsum mam/ /yang na ji ltar nus pa yis/ /bsrung ba khro bo khang par bsam/ /sa bsrung ba'o/ /deng nas brtsams te dkyil 'khor gyi// lha yi sta gon bya bar gsungs/ /bdud rtsi lnga yi thig le yis/ /thig le lha yi gnas su ni/ /gdan du bsams la dbab par bya/ /de steng hUM las phyag mtshan gyur/ /de las so sor sku rdzogs te/ /dbang bskur byin gyis brlab par bya/ /de la phyi nang mchod pa dbul/ /bstod pa dag kyang de bzhin no/ /de nas gsol ba gdab par bya/ /bcom ldan rdo rje gos sngon can/ /rigs sngags rgyal la phyag 'tshal lo/ /bdag gi snying rje'i dkyil 'khor ni/ /mgon po bri bar 'dod pa ste// slong ma rnams la phar phyin dang/ /? la mchod pa'i don du yang/ /de la bcom ldan gus bdag la/ /byin brlabs gnang bar mdzad par 'os/ /dgongs shing bcom ldan gos sngon can/ /rdo rje 'chang chen sprul pa'o/ /bgegs rnams ma lus 'dul ba'i bdag /gsang sngags rigs sngags kun gyi lha/ /bdag la byin gyis brlab du gsol/ /bdag ni slob ma rnams kyi phyir/ /dpal ldan gos sngon dkyil 'khor bri/ /bdag dang slob mar bcas pa rnams/ /thugs rjes nye bar gzung du gsol/ / bdag la bar du gcod pa'i bgegs/ /'byung po sha za gnod sbyin dang/ /gang dag gnod sbyin sems ldan pa/ /thams cad bdag la bsrung du gsol/ /thun mong dngos grub thams cad dang/ /de bzhin mchog tu gyur pa dang/ /thugs rje chen pos dgongs mdzad la/ /

  372. 186b

    bdag la myur du stsal du gsol/ /de skad ces gsol ba gdab par bya'o/ /dkyil 'khor gyi lha sta gon gyi cho ga'o/ /de nas bsams te gos sngon gyis/ /rin chen dngul gyi bum pa 'am/ /yang na dkar po khams sogs la/ /nag po dang ni ra ri med/ /de lta bu yi bum pa la/ /pad+ma 'dab ma brgyad ldan pa'i/ /dbus su so so'i snying po 'am/ /yang na so so'i phyag mtshan dgong/ /de nyid 'od du zhu ba las/ /dkar po yi ni yi ge pa/ /de las bum pa'i gzhal yas khang/ /nang du pad+ma nyi ma'i gdan/ /lto che mgrin pa ring ba dang/ /mchu ni rkang ka'i dbyibs can la/ /dbus su so so'i snying po bsam/ /de nas phyag mtshan sku rdzogs 'gyur/ /mi dmigs dbyings nas sangs rgyas bskul/ /gnyis med gyur la mchod pa dbul/ /gong ma'i gsol ba gdab par bya/ /de nas sman lnga 'bru lnga dang/ /rin chen lnga dang snying po lnga/ /thun mong bum pa'i rdzas su blugs/ /rnam rgyal bum par lha tshogs bskyed/ /btung la snum po dag dang ni/ /mi 'chi lngas kyang dgang bar bya/ /las kyi bum pas khams gsum rgyal/ /'od zhu de yis las kun byed/ /sngags ni so so'i snying po'o/ /de nas bun pa thams cad kun/ /dpag bsam shing dang 'bras bu can/ /yon tan ldan pas kha brgyan nas/ /de ni ma nyams ras dag la/ /kha dog lnga dang ldan pa yis/ /rnam rgyal bum pa bcing bar bya/ / gzhan ma kha dog re re'o/ /shar du 'dab ma brgyad pa yi/ /maN+Dal byas te de ru bzhag /bum pa sta gon gyi cho ga'o/ /de nas slob ma lhag pa'i cho ga bya ste/ /chags dang grol ba'i gang zag ni/ /lhag par gnas pa gcig tu gyur/ /dang por phyi nang khrus byas te/ dri zhim byugs la gos bzang brgyan/ /de nas dkyil 'khor phyi rol dgod/ /slob dpon la ni gsol ba gdab/ /ston pa khyod la bdag dga' o/ /slob dpon khyod ni dgongs su gsol/ /byang chub sems dpa' i tshul bstan pa/ /byang chub

  373. 187a

    sems kyang bdag la gsol/ /de nyid dam tshig bdag la gsol/ /sangs rgyas chos dang dge 'dun dang/ /bla na med pa'i dkon mchog gsum/ /skyabs gsum dag kyang bdag la gsol /thar pa chen po'i grong mchog tu/ / mgon po bdag ni gzhug tu gsol/ /lan stsal pa/ khu tshur theg pa chen po yi/ /gsang sngags spyod pa'i tshig 'di ni/ /khyod la yang dag bshad par bya/ /tshul chen khyod kyis shes par gyis/ /zhe'o/ de ni sdig pa bshags pa dang/ /rjes su yi rang dang/ /chos kyi 'khor lo bskor ba dang/ mya ngan las mi 'da' bar gsol ba gdab pa dang/ byang chub mchog tu sems bskyed pa dang/ lus dbul ba ni gzhan du shes par bya'o/ /de'i rjes la sdom pa phog la 'dzin du gzhug /bslab pa yi ni tshul khrims dang/ /dge ba'i chos ni sdud pa dang/ /sems can don byed tshul khrims gsum/ /deng nas brtsams te bzung bar bya/ /rdo rje rigs mchog chen po la/ /rdo rje dril bu'i phyag rgya yang/ /yang dag nyid du bzung bar bgyi/ /slob dpon dag kyang bkur bar bgyi/ /rin chen rigs mchog chen po yis/ /dam tshig yid du 'ong ba la/ /nyin re bzhin ru dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dam pa la/ /phyi dang gsang ba theg pa gsum/ /yang dag nyid du bzung bar bgyi// las kyi rigs mchog chen po la/ /sdom pa thams cad ldan par ni/ /yang dag nyid du bzung bar bgyi/ /sems can kun gyi don gyi phyir/ /bdag gis sdom pa ma lus bzung/ /zhes sdom pa bzung ngo/ /de nas slob ma la 'od 'phros/ /phyag rgya che dang ldan 'gyur nas/ /de bzhin gshegs pa'i gnas rnams su/ /dri yi thig le re re gdab/ /lha rnams kyi ni gdan du bsam/ /spyi gtsug bde gshegs gos sngon can/ /mgrin par pad+ma'i gos sngon can/ /snying gar thugs kyi gos sngon no/ /lte bar rin chen

  374. 187b

    gos sngon can/ /gsang bar las kyi gos sngon no/ /dpung pa la sogs rkang lag bzhi/ /khams gsum rnam rgyal la sogs brtag /de nas spos dang me tog dang/ /mar me dri dang rnam lnga dbul/ /dri yi chu la bdud rtsi 'am/ /khams gsum rnam par rgyal ba bskyed/ /bcu gcig 'od zhu dag pa'i chus/ /ngag gi nyes pa sbyang par bya'o/ /bdud rtsi chu yang blud par bya/ /de nas bsrung skud byin rlabs te/ /dag pa'i chu gtor 'od zhu bas/ /khams gsum rnam par rgyal ba bskyed/ /bkug nas 'od du zhu ba las/ /'bar ba'i 'od lnga ldan par bya'o/ /de la mdud pa drug byas te/ /mdud pa re la lha re bstim/ /rdo rje de nyid sngags kyis grub/ /dpung pa g.yon par gdags par bya/ /de nas so shing byin brlabs te/ /u dum bA ra pa sha'i shing/ /ma yo ma gas 'bus ma zos/ /sor bcu gnyis pa'i ched du bya/ /'od zhu bskyed pa gong bzhin te/ /shar du kha ltas mi smra bar/ /bca' dang bru ba'i cho ga bya/ /bsam pas byang chub sems bskyed de/ /rtags ni gsum du shes par bya/ dang po 'jug pa'i rtags bstan te/ /bor bas slob dpon la bltas na/ /de ni 'jug tu rung par bshad/ /gal te rang la bltas gyur na /de ni phyir yang dor bar bya/ /gnyis pa bgegs kyi rtags rnams blta/ /gsum pa dngos grub grub rtags ni/ /sor mo 'am ni bor ba'i tshe/ /steng du lus na mchog 'grub 'gyur/ /shar du yang ni de bzhin te/ /mtshams dang byang du kha bltas na/ /zhi ba la sogs dngos grub 'gyur/ /de nas ngag gi nyes pa spyad/ /de nas ku sha byin brlabs te khams gsum rgyal po khro bo dang/ /las kyi gos sngon phyag rgya sngags/ /de yi byin brlabs sngags dang stan/ /de steng seng ge'i stobs kyis nyal/ /spro ba skyed pa'i cho ga bya/ /sangs rgyas chos dang mthun 'gyur ba'i/ /u dum bA ra'i me tog ni

  375. 188a

    'byung 'gyur yang na mi 'byung srid/ /skye ba 'di yis thob pa yis/ /'bras bu rdo rje'i theg ba'i chos/ /'byung 'gyur yang na mi 'byung srid/ /gsang sngags don 'di thob pa yis/ /dka' ba thams cad mthar phyin te/ /las 'bro dang ni thugs rjes 'byung/ /bcom ldan rdo rje 'dzin pa che/ /thogs pa med pa'i sku brnyes pa/ 'di yi tshul gyis mngon par bsgrub/ /sems can skal pa ngan pa yis/ /de yis ming yang thos mi 'gyur/ /khyad par 'gyur ba smos ci dgos/ /sang gi nyin mo khyed rnams kun/ /dkyil 'khor bzang po mthong ba yis/ /bla med mchog la reg par 'gyur/ /zhes spro ba bskyed pa'i chos gzhan yang bshad par bya'o/ /nang par sngar ni blo can langs/ /rmi lam ci mthor dri bar bya/ /gos sngon sku gzugs mthong ba dang/ /ri bo'i steng du 'dug pa dang/ /mchod rten skas la 'jog pa dang/ /me tog steng na 'jug pa dang/ /chos kyi bgro gleng byed pa dang/ /glegs bam dag la spyod pa dang/ /gzhan gyi dbang bskur dkyil 'khor mthong/ /de dang gzhan yang bzang 'gyur dang/ /yi rang tshig brjod gal te rtags/ /mi gsal bar ru gyur pa na/ /nyams pa rnams ni bskang bar bya/ /gal te bar chod rtags byung na/ /drag po'i sbyin sreg bya ba dang/ /drag po'i tshogs dang 'khor los bzlog /gong ma'i rtags dang ldan gyur pas/ /thig gdab pa yi cho ga bya/ /thig skud kha dog lnga ldan la/ /yi ge lngas ni byin brlabs te/ /de las rig lnga'i sku ru gyur/ /ye shes rigs lnga bkug cing bstim/ /'od zhu thig skud sna lngar grub/ /yang na ye shes byang chub sems/ /kha dog lnga dang ldan par dgug /des ni nam mkha' i thig gdab bo/ /sa yi thig kyang 'di lta ste/ dang po tshangs pa'i thig gnyis gdab/ /de bzhin 'khor lo rnam brgyad dang/ /glu chad khyams dang sgo bzhi dang/ /rta babs la

  376. 188b

    sogs so sor dbye/ /de nas nang du phur bu gdab/ /mdza' bskor dag ni gnyis su bskor/ /nang gi snam bu'i nang du ni/ /cha chung gcig la skor gnyis bskor/ /dbus su bskor ba gcig dang ldan/ /de nas rdul tshon brtsam par bya/ /dbus su mthing ga shar du dkar/ /lho yi pad+ma 'dab ma ser/ /nub kyi pad+ma 'dab ma dmar/ /byang gi pad+ma ljang khur bya/ /mtshams ni mthing ga yang dag ldan/ /'khor lo mdog kyang de bzhin no/ /dbus su rdo rje dgod pa ste/ /shar du 'khor lo dgod par bya/ /lhor ni rin chen 'bar ba dgod/ /nub tu pad+ma dmar po ste/ /byang du sna tshogs rdo rje ste/ /yum ni so sor 'khril ba'o/ /mtshams rnams su ni khams gsum rgyal/ /mgon po 'phags skyes rnam thes sras/ /so so'i phyag mtshan dgod par bya/ /gru chad dang ni lha mo mtshan/ /kha dog ljang gu tshon gyis bya/ /khyams kyi shar ni dkar por bya/ /lho ser nub ni rnam par dmar/ /byang gi khyams ni ljang gu'o/ /khyams te ji bzhin sgo de bzhin/ /shar gyi sgor ni lcags kyu ste/ /lhor ni zhags pa nub lcags sgrog / byang gi sgor ni dril bu dgod/ /sgo khyud phyi rol la sogs su/ /khyams dang pha khu dra ba dang/ /dra ba phyed pas rnam par brgyan/ /rta babs bzhi yang de bzhin te/ /twa ra na bzhi yis kyang brgyan/ /ri mo'i cho ga rdzogs gyur nas/ /dam tshig 'khor lo rdzogs par bskyed/ /ye shes 'khor lo kun nas bstim/ /de nas mchod pa'i cho ga brtsam/ /badzra d+hU pa sngags las byung/ /dkar mo spros kyi shangs la dbul/ /badzra puShpa'i sngags las byung/ /mthing ga me tog sku la gtor/ /badzra A lo ke sngags las byung/ /dmar mo mar mes dkyil 'khor gsal/ /badzra gand+he sngags las byung/ /ljang gu dri chab phyag zhabs bsil/ /de la sogs pa'i mchod pa'i tshogs/ /ci 'byor thams cad dbul bar bya/ /dang por sems

  377. 189a

    bskyed phyag 'tshal nas/ /skyabs gsol sdom pa bzung bar bya/ /dbang bzhi dkyil 'khor lha la blang/ /yang na nam mkha' i dbyings su blang/ /thos dang bsam pas bdag nyid 'jug pa'o// //de nas slob ma gzhug par bya// phyi rol khrus kyi cho ga bya/ /bum par gyur dang rdzas rnams dgra ma/ /ci 'byor yon rnams dbul bar bya/ /sems bskyed sdom pa la sogs sngon bzhin bya/ /sdom pa legs par 'dzin pa la/ /bka' bsgo dam tshig bdud rtsi blud/ /yid 'ong rnal 'byor chen po khyod/ /las 'phro dang ni thugs rjes 'gyur/ /bcom ldan rdo rje 'dzin pa che/ /thogs pa med pa'i sku brnyes pa/ /'di yi tshul gyis mngon par bsgrub/ /sems can skal pa ngan pa yis/ /de yis ming yang thos mi srid/ /spyad par 'gyur ba smos ci dgos/ /sang gi nyin mo khyed rnams kun/ /dkyil 'khor bzang po mthong ba yis/ /bla med mchog la reg par 'gyur/ /zhes spro ba bskyed pa'i chos gzhan yang bshad par bya'o/ //nang par sngar ni blo can langs// rmi lam ci mthong dri bar bya/ /gos sngon sku gzugs mthong ba dang/ /gos sngon dkyil 'khor chen por chud/ /nga yis khyod la dngos grub 'byung/ /sangs rgyas kun gyis byin gyis rlob/ /ces pa ni spro ba bskyed pa'o/ /gsang mchog gos sngon dkyil 'khor 'di/ /sems can dad pa med pa dang/ /gang yang log chos spyod pa dang/ /mnar med ngan song rgyud can dang/ /rna bar ming yang bsgrags mi bya/ /zhes pa ni gdams ngag go /gal te de la smras gyur na/ /dam can chad bas bcad nas ni/ /tshe yi 'du byed 'di bskul nas/ /mnar med dmyal bar myur du dengs/ /gos sngon chen pos mod la spong/ /zhes pa 'di ni skyon bstan pa'o/ /de nas snying nang sems dpa' bskyed/ /bdud rtsi lnga dang sbyar ba 'am/ /yang na dri yi chu blud de//

  378. 189b

    'thung zhig rdo rje 'bar ba'i chu/ /dam las 'das na bsreg par byed/ /dam tshig bsrungs na dngos grub ni/ /rdo rje 'dud rtsi'i chu yis 'grub/ /oM badzra satwa hUM mahA pany+tsa a mri ta/ /kha kha zhes pa ni mna' bsgag pa'o/ /de ring phan chad bu khyod kyi/ / gsang chen rdo rje nga yin gyis/ /da la brnyas par ma byed cig /gal te brnyas par gyur na ni/ /sangs rgyas thams cad mnyes pa min/ /tshe yi 'du byed 'di bskul nas/ /dmyal bar skye bar gdon mi za/ /zhes pa ni man ngag go /de nas rdo rje slob ma yis/ /slob dpon la ni gsol ba gdab/ /chos dbyings byin brlabs las byung ba'i/ /bcom ldan rdo rje 'chang chen po/ /di ring bdag la dbab tu gsol/ /zhes so/ /de nas slob ma mdza' yas la/ /raM dang bcas pa'i yi ge bsam/ /bskyod nas drod skul chu la phog /bskol bas sa yi dkyil 'khor zhu/ /lus nang me yis bsreg pa kun/ /yi ge'i gzugs su blang zhing bsreg /sdig pa tshig par gyur pa dang/ /bde gshegs byang chub sems phab ste/ /snying ngam lus nang 'khyil bar bsam/ /da nas rdo rje 'chang chen bsgom/ /me tog dkyil 'khor lha la dbul/ /pra tIts+tsha ho zhes brjod/ /de nas phreng ba mgo la bcing/ /oM mahA ba la badzra/ /a b+hi Shiny+tsa mi zhe'o/ /rmad 'byung gsang ba'i me tog 'di/ /gang la babs pa rigs kyi lha/ /las 'phro thugs rjes 'byung bar 'gyur/ /gtso bo'i thugs sogs mchog dngos grub/ /dbus dang nyen dngos grub nye/ /ring na dngos grub ring bar 'gyur/ /zhes pa la sogs bzhi dbab pa'i cho ga dang me tog go /dpal ldan chen po gos sngon can/ /khyod kyis mig dbye brtson par mdzod/ /tsak+Shu pra be sha ya phaT/ bkab pa'i lta bas blta byas te/ /dkar po mthong na zhi ba 'grub/ /ser po mthong na rgyas pa 'grub/ /dmar po mthong na dbang gi las/ /nag pos drag po'i

  379. 190a

    las 'grub 'gyur/ /khyod kyi mig gis ji ltar mthong/ /zhes pa ni dri bar bya'o/ /der nas brtsams te dpal ldan che/ /khyad nas brtsams te dkyil 'khor bstan/ /dkyil 'khor mthong ba'i 'og tu ni/ /yon phul gsol ba gdab par bya/ /ji ltar dus gsum sangs rgyas la/ /rdo rje sems dpas dbang bskur ltar/ /bdag kyi rab tu bsgral slad du/ /bde gshegs bum pa'i dbang mchog stsol/ /ces pa ni gsol ba gdab pa'o/ /de nas rdo rje rgyal po yis bum pa'i chu ni bsdus byas te/ / byang chub sems kyi ngo bo dag /rol mo sgra dang bcas pa yis/ /spyi gtsug dag tu dbang bskur ro/ /oM gsang ba gsum las legs byung ba'i/ /lha yi chu ni dag pa yis/ /dri med rdo rje chu dbang gis/ /mi bskyod dngos grub thob par shog /oM sarba ta thA ga ta A darsha a b+hi Shiny+tsa mi/ chu'i dbang ngo/ /oM sangs rgyas byin brlabs las byung ba'i/ /yid bzhin nor bu 'bar ba che/ /dam pa thams cad 'byung ba'i gnas/ /rin chen grub pa'i dbang bskur ro/ /oM sarba ta thA ga ta sa ma tA badzra a b+hi Shiny+tsa mi/ /zhes pa ni dbu rgyan gyi dbang ngo/ /oM ye shes lnga yi rtags 'chang ba/ /thugs mchog rdo rje bla na med/ /dus gsum 'gyur ba med pa yi/ /snang ba mdza' yas dbang bskur ro/ /oM sarba ta thA ga ta pra tya bak+She Na a b+hi Shiny+tsa mi/ /zhes pa ni rdo rje'i dbang ngo/ /oM chos sku sgyu ma'i sgra sgrogs shing/ /stong pa'i don las sad par byed/ /bla med dril bu'i dbang bskur bas/ /don yod grub pa'i dngos grub shog /oM sarba ta thA ga ta kri tyA nuSh+ThA na a b+hi Shiny+tsa mi/ /zhes pa ni dril bu'i dbang ngo/ /kye rdo rje'i ming gis dbang bskur bas/ /ci kyang mi tshugs mi shigs pa'i/ /byang chub chen po thob pa dang/ /rnam par snang mdzad dngos grub shog /oM sarba ta thA ga ta sh+ri sa ma ya k+Shu nya ta nAM ma a b+hi Shiny+tsa mi/ /zhes pa ni ming gi

  380. 190b

    dbang ngo/ /chos rnams sgyu ma lta bu ste/ /dag cing gsal la rnyog pa med/ /me long gi ni gzugs brnyan bzhin/ /rang byung lha ni shes par gyis/ /zhes pa ni me long ngo/ /lung las/ /dang po gsol ba gdab pa ste/ /gsan nas ye shes 'khor lo gzhug / sdig pa dag par chus? bkrus te/ /so so'i dbang rdzas lag tu sbyin/ /nyon mongs lnga yi dri ma bkru/ /dbu la rigs lnga'i sangs rgyas dgod/ /ce'o/ bcom ldan rdo rje 'dzin pa 'am/ /rdo rje'i dbang gis mngon sangs rgyas/ /ye shes lnga dang rdo rje 'di/ / khyod kyis rtag tu bcad bar gyis/ /zhes pa thugs kyi dam tshig go/ gsung rnams sgra brnyan lta bu ste/ /rtog pa med pas sna tshogs sgra/ /brjod bral dpag gis mi lang ba'i/ /dril bu 'di ni khyod kyis gzung/ /zhes pa ni gsung gi dam tshig go/ thabs dang shes rab gnyis med sgra/ /mi phyed rdo rje'i ngo bo 'di/ /'khyud pa'i phyag rgya'i dam tshig ste/ /khyod kyis kyang ni rtag tu bcad/ /zhes pa ni sku'i dam tshig go /'di ni sangs rgyas thams cad dang/ /dpal ldan rdor 'dzin lag na gnas/ /khyod kyis kyang ni rtag tu bcang/ /phyag na rdo rje brtul zhugs brtan/ /oM sarba ta thA ga ta badzra pA Ni hUM mahA yak+Sha se na pa ta ye hUM ta ye hUM ha ha ha hi/ zhes pa 'di ni rdo rje brtul zhugs so/ /chags dang grol ba'i gang zag gis/ /thun mong dkyil 'khor cho ga yin/ /gang zag rnam pa gnyis po de/ /dkyil 'khor 'di ru zhugs tsam gyis/ /dngos grub gnyis dang 'brel par byed/ /klu dang 'byung pos zin pa la/ /dang po cho ga sngon song nas/ /sme ba'i rdzas kyis dbral bar bya/ /de nas phral ba gso ba dang/ /nad pa chu yis bkru bar bya/ /de ltar byas nas dkyil 'khor 'dir/ /zhugs pa tsam gyis myur du thar/ /rims dang 'brum bu la sogs pa/ /gtor ma'i 'khor lo sngon song bas/ /dkyil 'khor 'di ru zhugs gyur na/ /myur du nyen las

  381. 191a

    thar bar 'gyur/ /bud med dag kyang bu 'dod na/ /dang po cho ga sngon song nas/ /khrus kyis dag nas gos bzang bgo/ /dkyil 'khor 'di ru zhugs pa yis/ /bus pa'i gdon rnam bzlog pa dang/ /bus pa dbyung bar gdon mi za/ /yi dags bgo pa pa'i cho ga yang/ /lha la sogs pa bkug gyur nas/ /sdom pa legs par bzung nas ni/ /dkyil 'khor 'di ru zhugs gyur nas/ /bdag gi bcol ba thams cad byed/ /thogs pa med pa'i rdo rje bzhin/ /ro yi las rnams byed 'dod pas// blang dang bsrung ba sngon song nas/ /dkyil 'khor 'di ru bcug gyur na/ /log chos drug dang ldan pa yang/ /gtsang ba'i gnas su nye bar 'gro/ /de bzhin gshegs pa'i sku gzugs la/ /dag pa'i cho ga sngon song nas/ /byin brlabs dkyil 'khor chen po 'dir/ /dbang bskur mchod pa phul gyur na/ /shin tu bkra shis don ldan te/ /bskur zhing bstim pa'i gnas su 'gyur/ /yon tan 'byung ba'i 'byung ba'i gnas/ /chags lam pa dang grol lam pa/ /mdze dang rims kyis zin? pa dang/ /bud med dang ni yi dags bkol/ /ro lang sku gzugs lhag par gnas/ /brgyad po dkyil 'khor 'di yis byed/ /de phyir dkyil 'khor cho ga brgyad/ /gcig par bsdu ba'i cho ga'o// //de nas gsang ba'i dbang bskur te/ /de yang bdud rtsi lnga yis byug /stegs bu'i steng na slob dpon dang/ /phyag rgya ma ni snyoms par zhugs/ /slob mas de la gsol ba gdab/ /oM rgyal ba thams cad rol pa yi/ /sangs rgyas chu yi rgyun phab ste/ /nyon mongs rtog pa sbyangs pa bzhin/ /bdag la byang chub sems dbang gsol/ /ji ltar rgyal ba'i dbu skabs pa/ /byang chub sems kyis bskus pa bzhin/ /bdag la byang chub sems khrus gsol/ /ces pa ni gsol ba gdab pa'o/ /de nas blo ldan slob dpon dang/ /slob ma

  382. 191b

    gnyis med sbyor byas pa'i/ /byang chub sems su gang gsungs pa/ /yum gyi b+ha gar blang bar bya/ /dper na bud ba me tog bzhin/ /yang na gsang ba'i rdo rje sker/ /sbom pos dbang po gnyis mnan te/ /slob ma'i kha ru dbab par bya/ /dper na ma la bu bzhin no/ /yang na slob ma gang yin pa/ /gdugs la sogs dang ldan byas nas/ /gsang chen bde ba'i rgyu mchog ste/ /bdud rtsi lnga dang ldan byas nas/ /bkra shis bstod pas bstod pa dang/ /slob ma'i lce las sbyin par bya/ /de nas slob ma chen po des/ byang chub bdud rtsi lces blangs nas/ /snying gar 'dod pa bsten par bya/ /bde ba de la brten gyur nas/ /lde ba'i dbus su bsam par bya/ /slob mas kyang ni 'di skad brjod/ /'chi bar gyur pa rab slong zhing/ /rtog pa'i dra ba sel mdzad pa/ /me la mchog gi bdud rtsi che/ /bzhi brgya rtsa bzhi'i nang sel cing/ /bla med byang chub mchog la reg /bdud rtsi mnga' bdag khyod la bstod/ /gsang chen dbyings la phyag 'tshal bstod/ /bcud ldan bdud rtsi khyod la bstod/ /ces pa ni gsang ba'i dbang ngo// //de nas shes rab ye shes kyi dbang bskur te/ /maN+Dal dri zhim legs byugs te/ /mchog tu dkar dmar thig le gdab/ /steng du mtshan ldan bud med bzhag /gnas rnams su ni lha tshogs dgod/ /dbyings nas bstim pa'i cho ga bya/ /de nas slob mas gsol ba gdab/ /ji ltar sangs rgyas thams cad kun/ /shes rab pha rol phyin pas 'grub/ /bdag kyang rab tu bsgral slad du/ /gsum pa'i dkyil 'khor bstan du gsol/ /ces pa ni gsol ba gdab bo// bu tshur shog cig rigs kyi bu/ /gang ltar dga' ba'i dngos grub ni/ /shes rab ma la brten nas 'grub/ /rtag tu shes rab don 'dod pas/ /pad+ma'i steng gis lce yis rig /dri chen dri chu bza' bar bya/ /tha dad rtog pa gyur mi bya/ /khu ba dkar

  383. 192a

    ? rnam pa gnyis/ /lce yi dbus su brtan par bzung/ /dka' thub med cing brtul zhugs che/ /'di dang ldan pa 'grub par 'gyur/ /zhes pa ni sdom pa dbog pa'o/ /de nas slob ma chen po des/ /rang gi bsam pa'i blo brtags pa/ /ji snyed sdom pa bzung bar bya/ /sdom pa 'dzin pa'i slob ma de/ /dmigs med yum gyi dkyil 'khor lta/ /rtag tu gcer bu'i tshul can gyis/ /rdo rje dril bu kha phye la/ /mthong ba'i slob ma gsol ba gdab/ /rmad 'byung btsun mo'i b+ha ga'i mchog /ye shes thams cad bskyed pa'i gnas/ /ma smin ma grol grol ba'i sar/ /ye shes dam pa bskyed du gsol/ /zhes pa ni gsol ba gdab pa'o/ /de nas bde ba'i stan bting la/ /seng ge'i stabs kyis nyal ba yis/ /lag pa steng 'og bsnol nas ni/ /mchog dga' ba yi gtam dang ldan/ /gnas dgu ru ni sen mo gdab/ /zur gyis smeg dang kha sprad stsogs/ /chags pa bskyed pa'i cho ga bya/ /yum gyi bya rgod rtse mo mchog /dbang po'i lag pas blang bar bya// pad+ma kha byer gyur pa dang/ /gnyis su med par sbyar gyur te/ /bskyod pa dal gyis bskyod par bya/ /bskyod pa'i rlung gis mes bskul te/ /bde chen byang chub sems phab ste/ /so so'i gnas su 'od tshad bzung/ /rdo rje skye ru phyin pa dang/ /yi ge 'od kyis bur 'gyur te/ /oM khyod kyi stobs kyis thams cad 'dus/ /log pa'i man ngag der bsam mo/ /ma bzlog pa ni lce yis blang/ /gal te bzlog par gyur pa na/ /rtog pa thams cad nub par 'gyur/ /de las langs te de bzhin bsam/ /shes rab ye shes kyi dbang ngo// //de nas lung bstan par bya ste/ /khams gsum 'gro rnams thams cad la/ /chos kyi 'khor lo bskor bar bya/ /dus 'di nas ni bzung nas ni/ /srid pa'i gzeb las sgrol bar 'gyur/ /nyon mongs sdug

  384. 192b

    bsngal gtan bcad nas/ /bla med byang chub mchog la reg /di ring phan chad bu khyod ni/ /rgyal ba'i sras kyi thu bo yin/ /zhes pa ni lung bstan pa dang dbugs dbyung ba'o/ /ji lta ji ltar 'dul 'gyur ba'i/ /de ltar chos kyi 'khor lo bskor// khams gsum sems can thams cad la/ /'khor lo bskor bas mya ngan 'das/ /ces pa dang/ dud dang ral gri padmo dang/ /rdo rje la sogs pa 'di ni rjes su gnang ba'o/ /de nas slob ma dam pa des/ /rin chen gser dngul byu ru dang/ /dung dang mu tig ku mu ta/ /ba lang rta dang glang po che/ /yul dang bu smad la sogs pa/ /mdor na rang las gces pa'i rdzas/ /thams cad bla ma de la dbul/ /bla ma dam par gyur pa la/ /rang srog gis kyang mnyes byed na/ /gzhan pa'i rdzas lta smos ce dgos/ /zhes pa ni yon dbul lo/ /de nas dam tshig dbog bya ste/ /gsang dang don dam yang dag la/ /thob par gyur pa'i slob ma yis/ /dam tshig yid bzhin nor bu bsrung/ /yang dag rdo rje slob dpon la/ /mi dge log pa spyod 'dod na/ /de ni dbang gi tshig nas ltung/ /thun mong khyad par mched dang yum/ /de la ngan sems zung mi bya/ /slob dpon rdo rje mched gyur la/ /rang gi srog kyang phan gdags na/ /sgrib pa kun byang tshogs rdzogs nas/ /bar chod thams cad zhi bar 'gyur/ /de min dbang gi tshig nas ltung/ /byang chub sems ni spang mi bya/ /dge slong khrims la rtag par gnas/ /sdom pa thams cad lhag par bsrung/ /'di ni rnal 'byor sa gzhi 'dra/ /rnal 'byor pa yi rdzas rnams la/ /rtog pa thams cad spang bar bya/ /gzhan yang dam tshig mdza' yas pa/ /thams cad 'bad de bsrung bar bya/ /dam tshig gi dngos grub kun gyi mchog /dam tshig dngos grub kun gyi bdag /dam tshig gis ni 'byung po 'dul/ /dam tshig rtog pa'i dra ba gcod/ /gang dag dam tshig mi ldan pa/ /dbang gis tshig nas mnar med par/ /

  385. 193a

    sangs rgyas bzhugs kyi bar du gnas/ /zhes pa ni dam tshig dpog pa'o/ /de nas brtsams te bkra shis kyi/ /smon lam rjes su gdab par bya/ /bum pa'i lha dang dkyil 'khor lha/ /spyan drang nam mkhar gshegs su gsol/ /dam tshig dkyil 'khor rang la bsdu/ /dkyil 'khor phyags la chu bor dbo/ /snod rnams dag par bkru bar bya/ /rang nyid mi dmigs dbyings su bsdu/ /de la las kyi lhar bsgyur la/ /bzod gsol lus srung cho ga bya/ /dkyil 'khor chen po'i cho ga 'di/ /rgyu dang 'bras bu'i don la rmongs/ /yang dag don dang mi ldan zhing/ /'dod pa log pa'i lam zhugs dang/ /dka' thub pa dang rtog pa can/ /de la zur tsam bstan mi bya/ /gal te de la bstan gyur na/ /tshe yi 'du byed des bskul nas/ /dmyal bar bskal pa stong du gnas/ /bdag 'dra'i ma rig rmongs pa yis/ /bsgrub pa'i thabs 'di brtsam par mi 'os kyang/ /sems can bdag pas dman phyir bdag gis brtsams/ /'di la bdag gis byang chub ci thob pa/ /des ni sems can gos sngon grub par shog /bdag gi dge ba'i rtsa ba 'dis/ /khams gsum sems can thams cad kun/ /zhing mchog gtsang mar skye bar shog /dbang gis 'bras bu smin gyur cig /sems can las dang skal ldan nas/ /rdo rje 'chang chen zhal mthong shag /de yi theg chen don rtogs te/ /mngon par rdzogs par sangs rgyas nas/ /thugs rje chen po'i byin rlabs kyis/ /sems can 'gro don byed par shog /dpal gos sngon can gyi dkyil 'khor gyi cho ga /slob dpon nA gArdzu nas mdzad pa rdzogs so// (//sngags kyi rgyan gyi sgrub thabs nA gArdzu nas mdzad pa bzhugs//) //rgya gar skad du/ man+t+rA laM kA ra sA d+ha na/ bod skad du/ sngags kyi rgyan gyi sgrub thabs/ /bcom ldan 'das thugs kyi rang bzhin phyag na rdo rje

  386. 193b

    gtum po la phyag 'tshal lo/ /sngags rnams bdag po dpal ldan rdo rje can/ /sku gsum rang bzhin yon tan kun gyi mdzod/ /nyon mongs gdung ba rtsa nas zhi mdzad cing/ /dus gsum sangs rgyas rang bzhin gos sngon can/ /gsang ba'i bdag la dang bas phyag 'tshal lo/ /myur du grub par 'dod pa yi/ /de nyid sngags ni bshad par bya/ /gang zhig rnal 'byor pa yis ni/ /sngags la gtso cher byed pa yi/ /rigs bzang don dang ldan pa yis/ /yid dang mthun pa'i gnas dag tu/ /sngags kyi mi mthun kun spangs nas/ /dben pa'i gnas su legs 'dug ste/ /sems sbyang lhag pa'i lhar gyur te/ /bsrung dang tshogs bsag stong par bsgom/ /de las rang gi sems nyid ni/ /yi ge hUM gi rnam pa la/ /b+h+rUM 'phros gzhal yas khang par gyur/ /de steng hUM las cho ga gsum/ /de las dpal ldan gtum po'i gzugs/ /g.yas na rdo rje rtse lnga pa/ /g.yon pa bya khyung nges par bsnams/ /sku mdog sngon po dpa' bo chas/ /g.yon brkyang g.yas bskum gdug pas brgyan/ /ye shes bstim dang byin brlabs nas/ /dbang bskur 'bras bu lnga dang ldan/ /de rjes sngags kyi bzlas pa bya/ /bdag dang gzhan gyi rnam pa yis/ /rags pa dang ni phra ba yis/ /shin tu phra ba'i rnam pa ste/ /sems dpa' sum brtsegs gzhal yas khang/ /gsal bar byed pa de nyid de/ /rnal 'byor tshul gyis yongs su bsgrub/ /'dod chags dang ni zhe sdang dang/ /gti mug nga rgyal phra dog dang/ /nyon mongs nye ba'i nyon mongs dang/ /sngags kyi dus su spang bar bya/ /gzugs dang sgra dang dri dang ro/ /de bzhin reg bya la sogs dang/ /g.yeng par gyur pa ma lus pa/ /sngags kyi dus su spang bar bya/ /sgra che ba dang sgra chung dang/ /skyen pa dang ni bul ba dang/ /mi gsal yan lag nyams pa dang/ /gsang sngags bar du sgra zhugs dang/ /dmigs

  387. 194a

    pa ma rdzogs 'dzag pa dang/ /sngags kyi dus su spang bar bya/ /rjes kyi rnal 'byor ma lus par/ /dus dang grangs dang mtshan ma dang/ /ro dang dbang bskur la sogs pa/ /sems dpa' sum brtsegs gsal ba yis/ /rang nyid thig le'i ngo bo yis/ /'od zer la ni yig 'bru zhon/ /'od dkar zhi ba'i tshul du bzlas/ /yang na 'od 'phros sku gsum gyi/ /rang bzhin tshur 'dus gdug rtsub sbyong/ /yang na dmigs pa med pa la/ /'phro dang 'du bar byed pa yin/ /'od zer dkar dmar 'phro 'du yis/ /rnam smin la sogs bsreg cing sbyor/ /'khor dang nye 'khor sum 'khor sogs/ /mtshan ma 'dod pa rnam pa lnga/ /gong du bsnyen pa'i don du gsungs/ /sum 'bum bdun dang bcu gnyis so/ /'di yang grangs kyi tshad du gsungs/ /de yi grogs 'gyur bzlas pa ni/ /sdig pa dbyung dang bsreg pa dang/ /bkru ba'i don la dmigs pa ste/ /rags dang phra ba'i dbang dag tu/ /drug dang dgu ru shes par bya/ /sdig pa dbyung ba la sogs kyang/ /mi drug gzugs dang de bzhin du/ /yi ge gzugs rang 'od kyi gzugs/ /de dag dbyug gtor bsreg cing bkru/ /dmigs pa gsar snying bye brag gis/ /mgal me phreng ba nye ba'o/ /sngags kyi dngos grub 'dod dus su/ /tshogs dang gtor ma sAts+tsha dang/ /klog 'don dge ba skyob la sogs// 'di yang grogs su 'gro ba yin/ /rjes kyi rnal 'byor tshul dang ldan/ /bsnyen sgrub chen po la sogs pa/ /yongs su bsgrub pas dngos grub 'byung/ /sku gsum ngo bo tshul la ni/ /'od sgra sku dang 'gul dang ldeg /khol dang gang dmigs de dbang 'gyur/ /'di yang dngos kyi rtags su gsungs/ /gos sngon lus la gnas pa dang/ /dung 'bung pa dang chos rnams ston/ /stong gsum ma lus mthong ba dang/ /dbang bskur khrag sogs lus la 'thon/ /me tog sngon po nyi zla shar/ /rmi lam dag tu

  388. 194b

    byung ba na/ /'di yang grub pa'i rtags su gsungs/ /de dag bzlas pa'i sngags gsungs pa/ /oM na mo nI lAM ba ra d+ha ra badzra pA Ni hUM phaT/ oM rA dza mahA ga ru Da hUM hUM hUM/ /bzlas lugs man ngag shes par bya'o/ /mig gi mngon shes bsgrub pa ni/ /sku gsung thugs kyi rnam pa la/ /ye shes 'phro 'du byin rlabs sdud/ /bsnyen pa skyol bas de bzhin bya/ /sna dang rna ba dbang po gzhan/ /gong la de bzhin sbyor shes bya'o/ /gang zhig 'phrin las rnam bzhi la/ /dang po bzhi par 'dod pa yis/ /kha dog dkar po 'phro 'du yis/ /rang gi sdig dang bag chags dang/ /gzhan gyi sdig rtsub zhi bar byed/ /tshe ring rigs rgyud longs spyod rnams/ /rgyas par 'dod pa 'od zer ser/ /bde gshegs 'od bskul rang lus kyi/ /rang bzhin tshe rnams rgyas par byed / dkar dmar khu ba'i 'phro 'du yis/ /'jig rten rigs rgyud rgyas par byed/ /nor dang rdzas ni rgyas 'dod pas/ /rin chen bcud ni tshul du bsgrub/ /kha dog dmar po sbyar ba yis/ /dmigs pa ma lus dbang du sdud/ /tshar bcad dus kyi sbyor ba ni// 'khor lo 'od zer skur gyur te/ /dgug cing thob la sogs pas/ /drag po'i mtshon cha thog phab pas/ /spyi bo gtsug gnas rnams su ni/ /phung po gzhig pa'i sbyor ba bya/ /sa bon 'joms dang 'byed byed pas/ /'grub par 'gyur bar gsungs pa yin/ /dre la sogs pa'i sbyor ba rnams/ /mkhas pa yis ni shes par bya/ /de rnams sngags kyi mdza' la ni/ /nang dang sdug bsngal thams cad las/ /thar bar gyur cig hUM phaT swAhA/ /zhes pa sgrub pa'i snying por gsungs/ /'di ni kun gyi man ngag go/ mkhas pa tshig la mi ltos par/ /gzu glums la gzhal gang zag gis/ /bskal par bsgrubs kyang 'bras bu med/ /de bas mkhas pa rab tu gces/ /'di brtsams pa yi dge ba yis/ /rags dang phra ba'i rtog pa dang/ /nad kyi zug rdu zhi ba dang

  389. 195a

    spags kyis nyon mongs kun spangs nas/ /gos sngon dngos grub thob par shog /sngags kyi rgyan nA gArdzu nas mdzad pa rdzogs so// (//rab gnas kyi brgyan/ gtor ma'i brgyan/ dam tshig gi brgyan/ gos sngon can gyi sgrub thabs rnams bzhugs//) rgya gar skad du/ tiSh+Tha mahA si ti/ a lang kA ra/ bod skad du/ rab tu gnas pa'i rgyan/ rdo rje bsnams la phyag 'tshal lo/ /dus gsum sangs rgyas kun gyi ngang/ /zla ba lta bu mthu mnga' ba'i/ /sel cing snang bar byed pa yi/ /mnga' bdag rdo rje can la 'dud/ /tshogs gsog nus pa tshogs byung bas/ /rab tu gnas pa bshad par bya/ /sngags pa yon tan kun ldan pas/ /bkra shis pa yi gnas dag tu/ /bsnyen pa rnam gsum rdzogs pa yis/ /lhag par gnas pa'i cho ga bya/ /mnga' dbul ba dang mchod pa brtsam/ /sngags kyis gnas pa'i don du ni/ /rgyas par rab gnas chen por blta/ /'di ru cung zhig bsdus nas bstan/ /dang por rdul tshon dkyil 'khor bri/ /'do mdo pa'am 'dom gang pa/ / gru bzhi 'thas par byas pa la/ /thig ni legs par yongs btab la/ /sa tshon byin gyis brlab bya la/ /tshon rnams dgye ba'i rim pa ni/ /dbus kyi pho brang mthing ga la/ /pad+ma 'dab brgyad mdzes par btang/ /shar gyi cha ni dkar po la/ / lho yi cha ni ser po ste/ /nub kyi cha ni dmar por snang/ /byang gi don yong grub pa ljang/ /mthing ga dkar dang ser dang dmar/ /ljang khu rnams su gsungs pa ni/ /pany+tsa re khA'i rtsig pa'o/ /sgo gnyis mtshams dang twa ra Na/ /dra ba dra ba phyed pa dang/ /rgyan rnams kyis ni rnam par spras/ /tha ma srung? ba phreng bas brgyan/ /dkyil 'khor gyi ni shar ngos su/ /dbang stegs steng du mdzes pa'i gdan/ /sku gsung thugs kyi rtag mchog bzhag /chu gsum dus pas khrus rnams bya/ /mchod pa'i

  390. 195b

    yo byad rdzogs pa la/ /bla re gdugs dang rgyal mtshan dang/ /me tog rnams kyis yongs su klubs/ /de nas rang gi bsam pa rdzogs/ /lhag pa'i ting 'dzin gsal bar shes/ /dbang bskur ba la rab tu gnas/ /gsung ni h+rIM?(rgyud 'grel): las byung ba'i rigs/ /thugs ni mi bskyod rdo rje sems/ /sku ni rtag pa'i rang bzhin no/ /sAts+tsha mchod rten la sogs pa/ /sangs de zhu nas lce las ni/ /ye shes sAts+tsha mchod rten gyi/ /'byung ba'i rgyu ru rnam par snang/ /lha khang 'bru yi rten las/ /gang gi sogs kyis gong 'gyur pa// rang gi snang ba 'byung ba yin/ /slob dpon rab tu 'gyings bcas pas/ rdo rje dril bu ldan pa yis/ /bde gshegs nam mkhar spyan drangs la/ /phyag 'tshal mchod bstod rgyas par bya/ /de nas phyag rgya bzhi ldan pas/ /rtag gsum dag la bzhag par bya/ /des ni mchod pa rgyas pa'o/ /dkyil 'khor gsang ba'i lha la dbul/ /rin chen sna bdun lha mo brgyad/ /ma lus bstod cing bzod par gsol/ /gsang sngags rgyal po mdza' la ni/ /'bru gsum yi ge btags pas ni/ /brgya rtsa brgyad nas stong rtsa brgyad/ /bzlas pa 'od zer gzhung bzhin bstim/ /zhu bas sku gsung thugs kyi rtags/ /rang rang rnams la gsal zhing rgyas/ /de la mchod pa sna tshogs kyang/ /dkon mchog skyabs chen rnams dang yang/ /ma lus lus pa med pa la/ /yang dag pa ru rab tu bsngags/ /gtor ma gnyis kyis gtsang ris dang/ /bgegs dang ris drug ma lus pa/ /gtor ma chen po sbyin du mchod/ /bskor ba bya zhing smon lam gdab/ /rab gnas bsdus pa'i cho ga ni/ /nI laM badzra mdza' bsgyur la/ /na mo bud+d+hA ya/ na mo d+harmA ya/ na mo ? g+hA ya/ a da na te/ da ra ni/ tadya thA/ A kar Sha Ni/ swarb+ha ba sarba d+harmA/ nis sarba/ is ma thi/ pi pa sha na/ bi ma la su pa ri/ d+harmA ka ti ka na/ pa la nis sh+ka/ ya tha ma le/ tsa la tsa le tsa le

  391. 196a

    hu lu hu lu/ pi shad de/ man+t+ra man+t+ra swAhA/ /stong dang brgya yi bzlas pa yis/ /sku gsum thugs kyi ngo bo ru/ /byin gyis brlabs ba tsam ni bya/ /yang na tre yang de/ zhes pa'i sngags kyis bya/ /de ltar slob dpon de la ni/ /ci yod rang gi nor rnams dbul/ /de nas rab gnas brtan pa yis/ /mgron rnams dgye zhing smon lam gdab/ /shi ba phyi yi cho ga yang/ /khrus byas rdul tshon gong bzhin bri/ /spyan drang mdun gyi nam mkha' la/ /mchod cing ye shes me nas bsang/ /sbyang zhing ro ni sreg rdzas su/ /me lta nyid la dbul bar bya/ /gtor ma cha gnyis cho ga yis/ /bsngo zhing smon lam gdab par bya/ /thig bsdus sa tshon chu la dpo/ /'di brtsams pa yi dge ba yis/ /bdag dang khams gsum sems can rnams/ /nang dang sdug bsngal rtsad chod nas/ /zhing khams gtsang mar skye bar shog /dge slong nA gArdzu nas mdzad pa rdzogs so// /*/ /rgya gar skad du/ ba laM kA laM kA ra/ bod skad du/ gtor ma'i rgyan/ bcom ldan 'das rdo rje bsnams la phyag 'tshal lo/ /kun gyi grogs 'grol las kyi mchog /bkra shis par chod sel mdzad pa/ /gtor ma'i las ni bdag gis bshad/ /phyi nang gtor ma rgya chen 'di/ /rgyas par gtor ma chen po bstan/ /bsdus pa la sogs man ngag 'di/ /sgrub pa po yi don du bsdus/ /thams cad ldan pa'i gtor ma la/ /hUM gi 'od zer 'phros pa yis/ /raM gyis bsregs te yaM gis pus/ /khaM gis bkrus te dag pa las/ /stong pa'i ngang las yaM las rlung/ /ma dang brten pa'i dngos po dang/ /a las bde skyong nang du ni/ /baM las bdud rtsi chu rgyun 'byung/ /de dbus thabs dang shes rab 'bar/ /gtor ma'i rdzas ni yig 'bru bcu/ /sku gsung thugs kyi sa bon dang/ /rdo rje zla ba'i dkyil 'khor bcas/ /thabs dang

  392. 196b

    shes rab yi ges mtshan/ /hUM gi 'od kyis rlung sngon bskyod/ /'bar dang khol bas yab yum bzhi/ /sku gsung thugs kyis bsdus shing sbyangs/ /spros pas ye shes bdud rtsi 'bebs/ /oM a ra li ho(rgyud 'grel): dza(rgyud 'grel): hUM baM ho:/ bde gshegs bdud rtsi spyan drangs nas/ / oM a hUM swAhA/ /zhes pa'i sngags lan bdun gyis byin gyis brlab/ /gdan gsum ldan pa'i rin chen mdzes/ /hUM las 'od zer dza(rgyud 'grel): 'phros nas/ /rigs drug bkug ste 'od du zhu/ /yig 'bru lnga las rigs lnga yi/ /bde gshegs klu gnyan mkha' 'gro rnams/ bskyed cing ma lus dbang bskur nas/ /bla ma mi bskyod gzugs 'dzin rnams/ /bden 'tsham rim par bzhugs pa rnams/ /de la phyag 'tshal mchod byas na/ /rang gi rtsa ba'i sngags la ni/ /gsum dang bdun dang nyi shu gcig /i dam ba laM kha kha khA hi khA hi zhes pa'i sngags la btags la dbul lo/ /ma mi sarba shad hUM/ a mu ka ma hi man tsi me te ma sa ba bu gaM ru ti ri phra yaM b+hak+Sha ba liM i daM grih+Na kha kha khA hi khA hi rak ta pi ba ti/ ang ti kra swa ma ye swAhA/ /gsang pa'i sngags des kyang mgron ma lus pa la dbul bar bya'o/ /oM a kA ro mu khaM sarba d+harmA NAM/ adyA nutpan+na twA ta/ oM A(rgyud 'grel): hUM phaT swAhA/ /rigs drug ma lus kun la byin/ /de nas bstod pa dang/ bshags pa dang/ phrin las bcol zhing smon lam gdab/ /spyi'i gtor ma rgya che yang/ / sman lnga 'bru lnga rin chen lnga/ /'bras snum khur ba la sogs la/ /thams cad ma spyad snang du blug /sngags dang phyag rgya byin gyis brlab/ /paM las pad+ma dkar po ste/ /sngags dang phyag rgya ting 'dzin gyis/ /phyogs skyong rigs drug 'khor dang bcas/ /spyan drang gdan la bzhugs su gsol/ /oM in+d+ra ye hUM dza(rgyud 'grel): ag na ye hUM dza:/ ya ma ye hUM dza nai ri ta ye hUM dza(rgyud 'grel): ba ru Na ye hUM dza:/ bA ya be ye hUM dza:/ ku be ra ye hUM dza(rgyud 'grel): a'e sha na ye hUM dza:/ he ta a d+ha pa ta ye hUM dza(rgyud 'grel): sUrya tsan+d+ra ya

  393. 197a

    hUM dza:/ spyan drangs ba liM yongs su dbul/ /bstod dang dngos grub blang ba dang/ /tha ma tshig bcad bsngos byas nas/ /smon lam rdzogs par gdab par bya'o/ /gtor ma'i man ngag gzhung don 'di/ /sgrub pa po yi don du bris/ / tshig dang don gyi nges pa rnams/ /rigs lnga bde bar gshegs pa dang/ mkha' 'gro rnams la bzod par gsol/ /sngon bya med dang go rim bral/ /'di ni bar chod sbyor ba ste/ /de nas bar chod sbyor ba yongs spangs nas/ /dngos grub klu mo mkha' 'gros 'byung/ /bdag gis 'di brtsams bsod nams kyis/ /rags dang phra ba'i rtog pa kun spangs nas/ /sems can ma lus thams cad kun/ /gsang chen lam la rab gnas nas/ /gos sngon dngos grub thob par shog /gtor ma'i rgyan gyi man ngag dge slong klu'i byang chub kyis mdzad pa rdzogs so// //rgya gar skad du/ sa ma ya a laM kA ra/ bod skad du/ dam tshig gi rgyan phyag na rdo rje la phyag 'tshal lo/ /dam tshig med dang 'chal bar gtor/ /som nyi la sogs bsal ba'i phyir/ /dam tshig rnams ni mdor bsdus nas/ /gsang ba bdag la 'dud de bshad/ /sngags pas srung ba'i dam tshig ni/ /dang po byang chub sems bskyed nas/ /nya 'am stong gi dus dag tu/ /yan lag brgyad pa nyer gnas te/ /lo gcig pa'am zla gcig go /de nas ji srid sems bskyed de/ /bslab pa lnga po legs gzung nas/ /lo gcig zla gcig bar dag tu/ /sdom pa brtan par gzung bar bya/ /de nas dge tshul dge slong gis/ /bslab pa la ni legs gnas te/ /mi btang lo 'am zla ba 'am/ /sdom pa nyams pa blang bar bya/ /so sor thar pa'i sdom pa la/ /gang zhig gis ni legs gnas ni/ /mkhas pa rnams kyis dus kun tu/ /srog gi

  394. 197b

    phyir yang mi btang ngo/ /gang zhig gis don de goms 'gyur/ /gang tshe gong ma'i bslab gnas pa/ /de tshe 'og ma'i ming dang bral/ /dang po sbyin pa bslab bya ste/ /dngos po bcu gnyis yang dag ldan/ /bzod dang brtson 'grus bsam gtan dang/ /shes rab gsum ste gsum du bsten/ /gzhan gyi mya ngan sar la sogs/ /sems can don 'gyur thams cad kun/ /srog gi phyir yang mi btang ngo/ /sdom pa lo 'am zla ba ru/ /brtan nas sngags kyi dam tshig blang/ /spyi dang khyad par gnyis su shes/ / dang po dang ni bshad bya ste/ /dang por slob dpon mnyes par bya/ /yi dam spong len mi bya ste/ /lus dang ngag yid sku gsung thugs/ /phyag rgya che la rab tu gnas/ /dam pa rnams ni smad mi bya/ /gsang ba'i don yang bstan mi bya/ /rtags chen sku yang mi bstan te/ /bzlas dang sems nyams bstan mi bya/ /rdo rje dril bu phreng ba dag /skad cig tsam yang spang mi bya/ /grogs po'i sems ni dkrug mi bya/ /khyad par grogs la smos ci dgos/ /tshogs dang gtor ma sbyin sreg bya/ /maN+Dal sats+tsha la sogs pa/ /srog gi phyir yang mi btang ngo/ /chos kyi spyod pa gzhan rnams kyang/ /spang bar 'gyur pa smos ci dgos/ /sha chen khrag dang khu ba dang/ /dri chen dang ni dri chu dang/ /blang dang spang bar bya ba min/ /rtsa ba byang chub sems mi btab/ /chos la smod pa spang bar bya/ /dad ldan bsam pa sun mi dbyung/ /bud med rnams ni spang mi bya/ /spang dang blang bar bya ba min/ /bgrod min la ni bgrod pa min/ /spang ba mi spong gyur pa dang/ /blang bya mi len spang bar bya/ /dug lnga dong? ba spang bar bya/ /blang ba yang ni spang ba min/ /rtsa ba dam tshig yan lag spyad pa nyams na bshegs/ /rdo rje slob dpon las phan yon nyes dmigs/ /bzod pa la sogs bsgom pa/ /dam pa ma yin bsten mi bya/ /'du 'dzi nang du

  395. 198a

    'jug mi bya/ /dgongs pa can gyi gzhi rnams kun/ /bla ma med par bsten mi bya/ /dkyil 'khor la sogs sbyor ba yis/ /gzhan la phan 'dogs byed pa rnams/ /cho ga rdzogs par bya ba min/ /ma rdzogs par ni spang bar bya/ /'jug kyang lhag chad 'gyur ba yi/ /dus ma yin pa'i spyod pa spang/ /dus kyang gzhan dang mi mthun spang/ /grogs su 'gyur na smod pa spang/ /rtag tu mi dang spyod pa bsdun/ /dang po dka' thub bstan pa ste/ /tha ma'i dus su spang bar bya/ /tshar sogs nyes par gyur la spang/ /thabs ldan dngos grub sbyong bar 'gyur/ /gang tshe bcom ldan rdo rje can/ /de bzhin sangs rgyas thams cad kun/ /bslab pa 'di la bsten pas 'grub/ /bslab pa dag la mi gnas par/ /rtag tu bya ba rnams la 'jug /skyes bu de ni bdud kyis bslus/ /gang zhig bzod pa mi bsten pa'i/ /rnal 'byor 'bras bu mi 'dod 'du/ /dgra sogs nyes pa ci byas pa/ /rang gi zhe sdang khros rbad pas/ /nyes na zhe sdang khro bar rigs/ /dgra rnams gzhan du bros phyir min/ /de phyir de la nyes pa med/ /bzod na dge rtsa kun gyi mchog /nga rgyal la sogs nyon mongs kun/ /bskyed pa don med spang don can/ /de phyir nyon mongs spang bar bya/ /khyad par thod pa'i phreng ba can/ /gos sngon po dang ru drA k+Sha/ /rus pa'i phreng ba blang bar bya/ /dus kun du ni rang la mchod/ /rtag tu bla ma mnyes par bya/ /rtag tu rang lha bsnyen pa bya/ /rtag tu rang gi dam tshig bsrung/ /rtag tu sngags kyi spyod pa bstan/ /rtag tu chos kyi dam pa blang/ /rtag tu khrus kyi cho ga bya/ /srog gcod pa yi sems can pas kun tu rgyug par byed pa bla/ /de bas mkhas pas dus kun tu/ /srog gcod pa ni spang bar bya/ /grong khyer 'jug dang gtor ma btang/ /srog gi phyir yang mi btang ngo/ /dam tshig rtag tu srung byed pa'i/ /rnal 'byor de la dngos grub 'byung/ /

  396. 198b

    dam tshig rnams ni rdo rje che/ /dam tshig gdug pa zil gyis non/ /dam tshig thub dka' gdug pa 'joms/ /de bas mkhas pas dus kun tu/ /dngos grub 'grub 'gyur dam tshig bsten/ /gang dag dam tshig med cing sbyor ba kun spang pa/ /rtag tu dngos grub sbyor spangs sdug bsngal thams cad bskyed/ /'gro ba sdug bsngal sel mdzad sangs rgyas rdo rje can/ /rtag tu thub byed sdom gnas rtag tu bde ba'i mchog /bla med lam mchog gsang ba de nyid gsang/ /mi gnas dngos grub med cing tshe grang sdug bsngal myong/ /don nor smra ba nyams shing slob dpon bka' sogs bcag /spyi gnas bla med bla zhing mkha' 'gros snying 'dren na/ /gnod byed me dpal rtag tu dgra bzhin spang/ yid bzhin nor bu rang gi srog bzhin blang/ /srung dang blang sogs bca' thabs mkhas pas bya/ / des ni rtag tu bde ldan sdug bsngal spang/ /bdag gis thabs 'di brtsam par mi rigs kyang/ /bslab pa gnas phyir nor bu len byed brtsams/ /'di las bdag gis bsod nams ci thob pa/ /des ni thams cad bde bar gnas par shog /dam tshig gi rgyan rdzogs so// // spyir sdom pa la/ /bsnyen gnas sdom pa nya stong ngam/ /tshe brgyad gdan gang ngo/ /dge bsnyen sdom pa la/ dbye na sna 'ga' srung ba'i dge bsnyen rtsa ba snga nas 'ga' srung pa'o/ /tshangs par sbyod pa'i dge bsnyen ni/ /rtsa ba las 'dod chags rang gi bud med min pa spangs pa'o/ /yongs su rdzogs pa'i dge bsnyen la lugs gnyis te/ rtsa ba snga ka srung pa'o/ /yongs su rdzogs pa'i dge bsnyen la/ /dge tshul gyi sdom pa nas phyi dro'i kha zas kyi bar du bya ba nas/ /khyim pa'i rtags spang ba de gnyis min pa bcu'o/ /dge tshul gyi sdom pa la bcu gsum mo/ /dge slong la khrims nyis brgya lnga bcu rtsa gsum mo/ /byang chub sems kyi sdom pa la nyi shu tham pa sngags kyi dam tshig la rang gi dam tshig dang sngags pa'i gnyis so/ /de tsho yod tshad yar ldan du brtsi sngags kyi sdom pa'i

  397. 199a

    khog tu brtsi gsung// //*/ /rgya gar skad du/ Arya nI lAM ba ra d+ha ra badzra pA Ni satwa ne pi ka /bod skad du/ 'phags pa lag na rdo rje gos sngon po can gyi sgrub thabs/ /dpal ldan gos sngon can la phyag 'tshal lo// 'gro ba sems can mun 'thobs pa'i/ /kun nas dkris pa'i nyon mongs kun/ /sgron mes bsal phyir sgrub pa'i thabs/ /dpal ldan rdo rje 'dzin pa gus btud de/ /bla ma brgyud pa'i man ngag ni/ /klu'i byang chub nyid kyis rim bzhin bshad/ /rigs rnams 'os su grub pa yi/ /sngags pa yon tan kun ldan pa'i/ /yid 'ong bkra shis bde gnas su/ /bla med rgyu ru rab gnas la/ /snying gar nyi zla hUM bzhag ste/ /byin rlabs blta ste bka' bsgol/ /'od kyis bgegs bsal thog rnams dbab bruM gi tshig dang yang dag ldan/ /hUM las 'od zer ha 'phros pas/ /rdo rje 'khor lo ral gri dang/ /me yi khang pa yongs su dbub/ /badzra tsakra ha na dang/ /dzwa la raM yang yongs su brjod/ /g.yas pa'i raM dang g.yon pa'i a/ /snying rjes bgegs gsos byer bar 'gyur/ /rgyud 'os gyur nas rang byung gi /de 'ong las byung nyid dkyil du/ /slob dpon sangs rgyas bcas spyan drang/ /bla ma mi bskyod gzugs 'dzin la/ /phyag 'tshal phyi nang bzhi yis mchod/ /sdig pa bshags nas sdom pa gzung/ /yi rang bskul dang gsol ba gdab/ /bsngo dang skyabs 'gro sems bskyed de/ /tshad med bzhi po yongs su bskyed/ /rgyu dang mi rgyu'i rnam pa kun/ /thams cad yongs su dag pa las/ /rang 'byung sngags bskyed 'byung ba yis/ /gzhal yas khang du rab tu bcas/ /gru bzhi pa la sgo bzhi pa/ /ka ba brgyad dang rin chen mdzes/ /dwa ba dra phyed pha gu dang/ /dar dpyangs rta babs rnams dang ldan/ /seng ge 'khor lo nyi zla'i gdan/ /de steng hUM las rdo rje gyur/ /de las dpal ldan gnyis kyi bdag /nyon mongs

  398. 199b

    kun sel gtum po'i gzugs/ /rigs lnga'i sangs rgyas dbu la brgyan/ /mthing kha gos sngon sku la gsol/ /rdo rje dril bu lag na thogs/ /thun mong las dang rjes mthun no/ /mchog kyang thogs pa med par ro/ /sbrul bzhis lus la rnam par brgyan/ /spyan dmar mche gtsigs sbrul nag za/ /rin chen dpa' bo chas kyis brgyan/ /brkyang bskum khro bo brjid pa'i zhal/ /gsus khyim che zhing 'jigs pa can/ /de gsal mdun du ye shes dgug /bgegs bsal mchod dang gtor mas mnyes/ /e ma ho dpal ldan gos sngon can/ /lus kyi rtog pa bsal ba'i phyir/ /ye shes thugs rje chen po'i dang/ /bdag lus ye shes skur byin rlobs/ /ces gsol ba gdab po/ /de nas sku gsung thugs gnas su/ /yig 'bru gsum las 'od byung nas/ /mi sdug yig 'bru 'od kyi gzugs/ /bsdus shing bsregs te sbyangs pa las/ /ye shes gsum ni gnas su bzhag /ye shes rigs lngas byin gyis brlab/ /dbang bskur mi bskyod rigs lngas brgyan/ /oM sarba ta thA ga ta gu hya a b+hi Shiny+tsa/ zhes bya ba'i sngags kyis/ dag yongs su dag par byas te/ gsang sngags bzlas so/ /gsal ba rnam gnyis rags dang phra/ /bdag dang gzhan gyi rnam pa la/ /gsal bar byed pa de nyid do/ /rgyud rnams sbyangs pa'i bzlas pa ni/ /rags pa dang ni phra ba'o/ /rags pa gnyis te ba thag dang/ /ba thag med de gnyis ka la/ /mgal me phreng ba nyi ma'i tshul/ /phra yang gsum du 'byung ba ni/ /hUM bskul bsreg pa raM yin te/ /lte bar bkru ba spyi bo a/ /mtshan ma 'dod pa'i bzlas pa la/ /rnam pa lngar 'dis ma byas pa/ 'od zer dkar dmar 'phro 'du dang/ /ba thag gzigs dang dmigs pa med/ /snying gar bskor ro mtshan ma 'byung/ /raM dang hUM las me byung bas/ /ye shes lus su gsal bar snang/ /grub dang thon pa'i rtags gsum las/ /'od sgra sku ston sgyu ma dang/

  399. 200a

    tshogs dang gtor mas bzlog par bya/ /de rjes sangs rgyas lung ston 'gyur/ /grogs ni khrus dang sreg dang tshe/ /bdud rtsi klog 'don maN+Dal dang/ /tshogs dang sbyin sreg bsad pa dang/ /sAts+tsha gtor ma la sogs pa/ /'di yang grogs su 'gro ba yin/ /de nas gser la sogs pa 'grub/ /mchog 'dod pa yi sems can gyis/ /thabs dang shes rab 'khor lo bzhi/ /snying nas sbyor ba gsum gyi rtsa/ /yi ge thig les yang dag mtshan/ /dbus su thabs dang shes rab 'bar/ /dbu ma 'byings nas sprul pa ru/ /ye shes gsal ba dbyings la thugs/ /de tshe mi gnas bsam dang bral/ /'gro ba'i tshe dbang gang gi rtsa/ /kha phye ba yi nang nas thig le bsam/ /ba thag phug nas thig le la/ /thim mo de la blo gtad pas/ /mdza' 'das rang bzhin med pa'o/ /ba? rmug? pa ba thag bzhi po yang/ /srid gsum 'joms pa'i rang bzhin te/ /stong pa ba thag bzhi por thim/ /dbang po thig le med pa la/ /dbu ma chen po'i dbyings nyid du/ /ye shes phra mo las kyis spros/ /'byung 'jug phra ba'i pa thag ni/ /skor bdun 'od dang 'gro ba 'grub/ /rtags lnga la bzla phyag rgya yi/ /ye shes chen po thob bar 'gyur/ /'di ni gang zag snod can la/ /gang zag tshul 'chos g.yo can rnams/ /gsang sngags phrag khyer ngan song rgyu/ /de la sbyin par mi bya'o/ /tshul bzhin bsgrub pa'i gang zag la/ /dngos grub klu mo mkha' 'gros ster/ /brgyud pa'i rim pa man ngag 'di bkod pas/ /tshig dang don la nyes pa yang yod srid/ /rigs lnga bde bar gshegs pa dang/ /mkhas pa rnams la bzod par gsol// khengs pa rnyed pa bkur sti la sogs min/ /phyi rabs rtsod pa'i dus su sems can dngos grub 'byung/ /'di brtsams ba yi bsod nams kyis/ /khams gsum sems can ma lus kun/ /rags dang phra ba'i rtog pa kun spangs nas/ /yongs su

  400. 200b

    dag ba'i sa thob shog /dge slong klu'i byang chub kyis mdzad pa'i sgrub thabs rdzogs so// (//gos sngon can sgrub thabs kyi man ngag rgya cher bshad pa klu grub kyis mdzad pa bzhugs so//) /*/ /rgya gar skad du/ Arya nI lI ba ra d+ha ra badzra pa Ni satwa no pi ka nA ma/ bod skad du/ 'phags pa lag na rdo rje gos sngon can gyi sgrub thabs kyi man ngag rgya cher bshad pa'i 'grel pa/ /dpal phyag na rdo rje la phyag 'tshal lo/ /'khor ba'i sdug bsngal chu ba skams mdzad pa/ /mthu ldan bde ba chen po'i bdag nyid de/ /ni? zla? lta bur 'gro don mdzad pa'i mchog /sman mchog rdo rje can la phyag 'tshal lo/ /rang bzhin rig pa stong pa chen po dang/ /gtug ma bde ba snying rje chen po dang/ /bde ba chen po mdza' bral rdo rje 'dzin/ /phyag rgya chen po rang bzhin 'bras bu dngos/ /de nyid thob pa'i lam ni yod dang med pa yi/ /phyag rgya bzhi po lam gyis grol ba'o/ /de bzhi stong pa'i rang bzhin chen po ni/ /stong pa bdag med lam gyis grol zhes gsungs/ /de bzhin tshogs lam sbyor pa'i gnas skabs dang/ /mthong lam sgom lam mthar gyi lam gyi ni/ gnas pa'i ye shes byang chub ngo bo lam/ /thob cing grol? bar? bcing? de skad gsung/ /da ni rtsa ba'i don bshad par bya ste/ 'gro ba sems can mun 'thobs pa'i/ /kun nas dkris pa'i nyon mongs kun/ /sgrol ma gsal phyir sgrub pa'i thabs dpal ldan rdo rje 'dzin la gus btud de/ /zhes pa la/ 'gro ba ni ris drug ste/ sems pa'i bag chags kyis skye ba gcig nas gcig tu len pa'i phyir 'gro ba'o/ /sems can mo nyon mongs pa'i yid can te/ kun gzhi rnam par shes pa can skye 'jig gi chos can no/ / mun pa ni rdul mun pa snying stobs la sogs te/ mthong bas spang ba'i nyon mongs pa/ /sgom par spang ba'i nyon mongs pas kun nas dkris te bcings pa'o/ mthong ba ni las dang las kyi 'bras bu mi shes pa ste ma rig pa'o/ /kun nas dkris pa'i

  401. 201a

    nyon mongs ni/ /dang po nas sgo kun nas shes pa la/ rtsa ba'i nyon mongs nye ba'i nyon mongs rnams kyis dkris pa'o/ /sgron ma gsal ba'i phyir ni/ nyon mongs pa'i gnyen po bden pa rnams kyi rang bzhin gsang sngags 'di nyid ste/ bskyed pa dang rdzogs pa la sogs pa zag pa zad pa ni gsal bar bstan pa'i sgron ma'o/ /sgrub pa'i thabs ni 'grub pa dang grub par byed pa ste don thob pa'o/ /dpal ldan ni yon tan rnam pa gnyis te rgyu dang 'bras bu las grub cing thob pa'o/ / rdo rje ni don rtags mtshon pa gsum pa gsum ste/ stod pa'i rang bzhin zhes pa'i don no/ /de'i rang bzhin stong pa nyid du gnas pa ni 'dzin cing 'chang ba'o/ /'dus pa ni gzhung bkra shis shing mdzes pa dang 'jug pa ste/ lus ngag yid kyi yon tan gsum dang ldan pa'i yi dam lha la dad pas 'dud ces so/ /bla ma brgyud pa'i man ngag ni/ /klu'i byang chub nyid kyis rim bzhin bshad/ ces pa ni blo gros rin chen la sogs kyi man ngag gi rim pi'i don rnams bshad par bya/ zhes so/ /rigs rnams 'os? su grub pa yi/ sngags pa yon tan kun ldan pas shes pa/ rigs rnams ni rin po che rigs kyi gang zag go /'os su grub pa ni dad pa gsum dang ldan pa'o/ /sngags pa ni don bzhi shes pa'o/ /yon tan kun ldan pa'i ni/ ma nor bar dbang rnams thob cing dam tshig sdom pa dang ldan te lam gnyis shes pa'o/ /yid 'ong bkra shis bde gnas su zhes pa ni yid 'ong bkra shis ni rten cing 'brel par 'byung bas bkra shis pa ste/ byang skyob shar ri dma' ba lho gzhol nub dgye ba ste/ mdun nas phyogs sngo dang/ skad snyan 'byung zhing me tog 'byung/ /'jig rten rnams kyis ma smad pa/ /de yi gnas su legs 'dug ste/ /yang na tshogs tsam gsog pa la/ /nyams dga' sa phyogs bde gnas so/ /bla med rgyu ru rab gnas la/ /snying gar nyi la hUM bzhag

  402. 201b

    ste/ /zhes pa la/ bla med rgyu rab gnas ni thog mar sems gnyis dang 'brel pa'o/ /snying gar nyi la hUM bzhag ste ni/ nang gi khrus nam mkha' lta bu dang/ hUM las rang 'dod pa'i lha ru grub ba'o/ /de la snying gar nyi ma'i steng du hUM gnas pa'o/ /byin brlabs bltas te bka' bsgo la/ /'od kyis bgegs la thog rnams dbab/ pruM gi tshig dang yang dag ldan/ /zhes pa la byin rlabs ni/ snying ge spyi bo mgrin par sgom pa ye shes bstim pa'o/ /ltas de ni thugs rje dang ldan pa'i sdang mig gis phyogs kun tu blta/ zhes so/ /bka' bsgol ni/ rgyug shig ma 'dug shig /'dir mthu ldan gyi khang pa yin no/ /zhes par 'gyur ba'o/ /'od gyis bgegs la thog rnams dbab ni sa song ba rnams la sa bon gyi 'od dkyil 'khor la phog ste/ 'khor lo la sogs pa'i theg lnga dbab pa'o/ /bruM? gi tshig dang yang dag ldan ni/ tsakra oM bruM hUM bruM swa bruM ha bruM a bruM/ thog la yang nas yang du phab ste bsgral ba'o/ /hUM las 'od zer ha 'phros pas/ /rdo rje 'khor lo ral gri dang/ /me yi khang pa yongs su dbul/ /badzra tsakra ha na dang/ dzwa la raM dang yongs su brjod// ces pa hUM las 'od zer ni rang gi nyi ma 'bar ba'i hUM las 'od zer la ha ljang khu kha dog sna tshogs pa phyogs bcur 'phros te/ rdo rje khad pa phyogs mtshams su kha dog dkar po la sogs pa lngar gyur te/ hUM hUM zhes brjod do/ /'khor lo ni 'khor lo'i khang pa grub pa ste/ oM badzra tsakra hUM hUM/ zhes pa dang 'brel to/ /ral gri ni mda' dang mtshon cha'i khang pa ste/ badzra ha na ha na/ zhes pa dang 'brel to/ /me yi khang pa yongs su dbub ni/ me'i khang pa shin tu 'thams par grub badzra dzwa la raM/ zhes pa dang 'brel lo/ /g.yas pa'i raM dang g.yon pa'i A/ snying rje bgegs gsos 'byer bar 'gyur/ zhes par bsrung ba grub nas bgegs gso ba ma gsos na snying rje dang bral ba yin pa'i phyir/ g.yas ba'i raM dang ni mig g.yas pa'i rab rib kyi sdig pa bsregs te snying rje dang 'brel

  403. 202a

    to/ /g.yon pa'i a ni g.yon pa'i as kun bzhi gsos te bsad pa'i dogs pa dang bcas pas bros te byer ba'o/ /bgegs gsos 'byer bar 'gyur/ zhes pa dang 'brel lo/ /rgyud 'os gyur nas rang byung gi /de 'od las byung nyi dkyil du/ /slob dpon sangs rgyas bcas spyan drangs/ /bla ma mi bskyod gzugs 'dzin la/ /zhes pa/ rgyud 'os gyur nas ni nyi ma'i hUM las 'od zer 'phros te ma lus pa'i sems can la bsdu ba bzhi 'am mdzad pa bcu gnyis kyi tshul gyis don byas ye shes pa'i thugs kar thim/ de nyid drangs te rgyud la phog pas sgrib pa rnams ngag pa'o/ /dper na shel gyi kha dog dangs pa lta bur gyur pa'o/ /rang byung gi ni gdan thog tu hUM ba srog gi tshul du gnas pa de'o/ /de 'od las byung ba ni sa bon las 'od 'phros te/ slob dpon sangs rgyas dang bcas pa ste/ byang chub sems dpa' rnams dang spyan drangs pa'o/ /de rnams la nyid dkyil du zhes pas gdan nyi ma pad+ma dang seng ge rnams la bzhugs pa'o/ /bla ma mi bskyod gzugs 'dzin la ni 'od zer gyi 'phro? 'dus mi bskyod pa'i rnam par bzhugs pa'o/ /phyag 'tshal phyi nang bzhi yis mchod/ /sdig pa bshags nas sdom pa bzung/ /yi rang bskul dang gsol gdab pa/ /bsngo dang skyabs 'gro sems bskyed de/ /zhes pa ni/ phyag 'tshal ni gsum ga tshogs pa 'am/ yang na yid kyis so/ /phyi nang bzhi yis mchod pa ni/ /phyi ni rdzas dang lha mo dang/ /dbul ba'i gnas tha dad du mchod pa'o/ /nang gi lha mo rnams kyi rang gi rdzas rang rang gcig tu ngos pa'o/ /gsang ba ni lha mo'i mchod pa gsang bas mnyes pas gsang ba'o/ /de gsum ka phyag rgya chen po'i rtogs pa ni bla na med pa'o/ /sdig pa bshags ni gsum la gsum gyis gsum po so so rang rang du mi 'chab cing 'gyod pa dang bcas pas bshags

  404. 202b

    shing ? ? pa'i/ /de nas rgyud dag pa'i rjes nas sdom pa bzung ba ni spyi dang khyad par te blangs pa'i don las phyi mi 'da' ba ste rigs drug gi sdom pa la sogs pa dang 'brel to/ /yi rang ni spyi dang khyad par te bla na med pa'i lam las lhag pa gzhan yod pa ma yin te/ khyad par don no/ /bskul ba ni chos kyi 'khor lo bskor ba ste spyi dang bye brag go /gsol ba gdab pa ni mya ngan las mi 'da' yang mi mnga' yang gdul bya'i don du snang ste/ de'i don du gsol ba 'debs pa'o/ /bsngo dang ni 'bras bu khyad par can du bya ba'i phyir bsngo ba ste/ byang chub tu yan lag bdun pa bsngo pa'o/ /skyabs 'gro ni phyi'i lha yongs su bcad de khyad par 'phags pa gos sngon po can la bdag nyid 'dud cing skyabs shes pa'i don to/ /sems bskyed ni gnyi ga'i stobs kyis 'khor ba las grol te lam bskyod la 'bras bu byang chub thob par byed pa'i blo can no/ /de ni lam khyad par can du sbyang ba'i phyir ro/ /ste zhes pa lhag pa'i don te/ bsod nams kyi chogs? der ma zad de tshad med pa yang yin/ zhes pa'o/ /de rnams langs spyod rdzogs pa'i sku 'grub par byed pa'i rgyu'i don no/ /tshang med bzhi po yongs su bskyed ces pa ni/ byams pa snying rje dga' ba btang snyoms bzhi rim pas bsgom pa ste yul la tshad med pa'i phyir dge pa la tshad med pa'o/ /sprul pa'i sku'i nus pa'o/ /rgyu dang mi rgyu rnam pa kun/ /thams cad yongs su dag pa las/ /shes pa ni mos pa 'am shU n+ya tI'o sngags kyi stobs kyis rgyu dang nang sems can thams cad dang/ mi rgyu phyi snod kyi 'jig rten rnam pa kun/ gzung ba 'dzin pa'i rtog pa'i chos thams cad yongs su dag pa stong par grub pa'o/ /spros pa dang bral bas chos sku'i rgyu'i don no/ /rgyu gsum dang tshogs gnyis las 'bras bu 'grub pa'o/ /las ni rgyu mtshan gyi don to/ tshogs gnyis tshogs pa las 'byung/ /zhes pa'i don to/ /rang 'byung sngags bskyed 'byung ba yi/ /gzhal yas lam

  405. 203a

    ldan rab tu bcas/ /gru bzhi pa la sgo bzhi pa/ /ka pa brgyad dang rin chen mdzes/ /dra ba dra phyed pa gu dang/ /dar dpyangs rta babs rnams dang ldan/ /zhes pa ni rdo rje bsrung ba la sogs pa blo'i bye brag gis dag pa stong pa ste grub bde gcig tu'o/ /tha ma'i blo la dang po yod pa'i blo brtan pa'i khang pa gong gi rkyen gyis mi g.yo ste gnas pa'o/ /rang 'byung ni stong ba'i ngang las so/ /sdugs bskyed ni lam ldan/ zhes te/ yaM raM tsaM laM suM/ bskyed ces pas rgyur 'gyur ba'o/ /gang 'byung ba ste 'byung ba'i dkyil 'khor rlung chu gser gyi sa gzhi dang/ lhun po rang gi mtshan nyid 'dzin/ gzhal yas lam ldan rab tu bcas ni/ de ste bruM las gzhal yas khang pa rin po che lnga las grub pa mtshan nyid dang ldan pa'o/ /gru bzhi ba tshe'i med bzhi dang ldan/ sgo bzhi pa dran pa nye bar bzhag pa bzhi dang ldan pa'o ka ba brgyad ni 'phags pa'i lam yan lag brgyad dang ldan pa/ rin chen ni rin po che lnga las grub pa'i rang bzhin no/ /mdzes 'dod pa'i yon tan gyi mchod pas mdzes pa ste/ lnga rnam par dag pa'o/ /dra ba shes bya'i sgrib pa dag pa'o/ /dra phyed nyon mongs pa'i sgrib pa spangs pa'o/ /pha gu ldan te tshul khrims rnam par dag pa'o/ /dar dpyangs ni sum cu rtsa gnyis dang ldan pa ni mtshan sum cu rtsa gnyis so/ /rta babs ni phyogs kyi rta babs bzhi yang dag par spong ba bzhi rnams dang ldan ni phyi dang nang gi rgyan rnams chogs par grub pa'o/ /dur khrod brgyad kyis nye par grub pa ste/ dur khrod brgyad ni 'das pa'i sangs rgyas rnams kyi lam mtshon pa'i don to/ /shing dang mchod rten dang lha dang klu dang srin po dang/ /phyogs kyi bdag po rnams dang ce sbyar dang/ kang ka mchu rings dang/ ngo? gsar rnying gi rnam pa rtog pa dang rgyu ba med pa'o/ /seng ge 'khor lo zla yi gdan/ zhes pa ni/ dbus su seng ge 'khor lo nyi

  406. 203b

    zla'i pad+ma ro yi gdan/ nyon mongs mgo bo gnon pa dang/ /rnam kun ma lus gcod pa dang/ /thabs dang shes rab zung du ldan/ /nyes pa'i skyon gyis ma gos pa/ /rnam rtog thams cad rab tu bcom/ /de steng hUM las rdo rje gyur/ /de las dpal ldan gnyis kyi bdag nyon mongs kun sel gtum po'i gzugs/ /shes pa ni/ de steng ni gdan de rnams kyi thog tu'o/ /hUM las zhes pa 'od zer gyis las gnyis byas te/ rdo rjer gyur pa'o/ /yang gnyis kyi las byas te/ de las dpal ldan gnyis kyi bdag ni/ mchog thun mong gi bdag por snang pa'o/ /nyon mongs kun sel ni/ mthong ba spang ba dang/ bsgom pa spang ba rnams so/ /gtum po'i gzugs ni yum med pa ste/ spang bya phyir rgol ba rnams la gtum pa'o/ /rig lnga sangs rgyas dbul brgyan/ /mthing kha gos sngon sku la gsol/ /rdo rje dril bu lag na thogs/ /thun mong las dang rjes mthun no/ /mchog yang thogs pa med par ro/ /sprul bzhis lus la rnam par brgyan/ /spyan dmar mche gtsigs sprul nag za/ /rin chen dpa' bo chas kyis brgyan/ /brkyang bskum khro bo brjid pa'i zhal/ /gsus khyim che zhing 'jigs pa can/ /zhes pa ni/ rigs lnga sangs rgyas dbu la brgyan pa ni/ /phung lnga dag pas rigs lnga/ de ye shes lnga'i ngo bo dang ldan pa'o/ /mthing gar gnas pa don stong pa nyid la 'gyur ba med pa'o/ /gos sngon sku la gsol ba ni rigs 'dzin pa ste dar ljang khu'i kha chag can no/ /rdo rje ni lag g.yas na thogs te/ thabs kyi rang bzhin rtse lnga la khyung lnga dang/ sa bon bkod pa'o/ /g.yon dril bu thogs te/ shes rab kyi rab bzhin/ thun mong las dang /rjes mthun ni/ thun mong gtso bor sgrub ba la phyag mtshan gdul bya'i dbang gi skabs dang sbyar ro/ /mchog yang thogs pa med par ro ni/ mchog gtsor sgrub pa la zung du 'brel ba'i rang bzhin no/ /sprul bzhis lus la rnam par brgyan ni/ rgyal rigs rje rigs

  407. 204a

    bram ze dmangs rigs rnams/ kha dog ser po dmar po dkar po dang/ nag po zhabs gdub la sogs byas pa'o/ /spyan dmar ba ni sems can la thugs rjes chags pa'o/ /mche ba gtsigs pa ni bdud bzhi dang sdang pa 'dul bas? don byed pa'i rtags sprul nag za ba ni nyon mongs pa gdug pa 'jom pa'o/ /rin chen dpa' bo chas kyis brgyan ni/ rin po che'i rgyan dang dpa' bo'i chas kyis brgyan pa'o/ /brkyang bskum ni don gnyis mdzad pa'o/ /khro bo brjid pa'i zhal ni/ khro chags gnyis kyi tshul gyis don mdzad pa'o/ /gsus khyim che ba ni stong pa nyid kyi rang bzhin ni zab pa'i don no/ /'jigs pa can ni gzhan gyis mi tshugs pa'o/ /de gsal mdun du ye shes dgug /bgegs bsal mchod dang gtor mas mnyes shes pa ni/ de gsal mdun du ni/ dam tshig pa rags pa dang phra ba gsal ba'i mdun du ye shes pa dgug ste/ hUM gi 'od kyis 'og min gnas nas ye shes pa'i lha rnams dgug /ces pa'o/ /badzra sa man ta dza/ zhes pa dang 'brel to/ /bgegs bsal ni ye shes pa dang lhan cig pa'i bgegs rnams bskrad pa ste/ oM badzra yak+Sha hUM phaT/ ces pas 'byer bar byed pa'o/ /phyin ci log gi rtog pa bsal ba'i phyir gsung gi tha snyad tsam du yang mi 'byung ngo/ /de ci'i phyir zhe na/ de gnyis 'gal ba'i phyir ro/ /mchod dang gtor mas mnyes ni phyag sngon du byas te/ dngos sam mchod pa bzhin dbul ba'o/ /gzhan yang mchod pa dang sman gyis mchod pas mnyes bar bya ba'o/ /de nas gsol ba gdab par bya ste/ e ma ho dpal ldan gos sngon can/ /lus kyi rtog pa bsal ba'i phyir/ /ye shes thugs rje chen po'i dang/ /bdag lus ye shes skur byin rlobs shes gsol ba gdab bo/ /tshig gnyis su ngag dang yid la gzhug par bya'o/ /de nas sku gsum thugs gnas su yig 'bru gsum/

  408. 204b

    las 'od phyung nas mi sdug yig 'bru 'od kyi gzugs/ /bsdus shing bsreg te sbyad ba las/ /ye shes gsum ni gnas su gnas shes pa ni gsol ba gdab pa'i rjes de nas/ sku gsung thugs kyi gnas su yig 'bru gsum ste/ oM A(rgyud 'grel): hUM bkod lnga/ de gsum las 'od byung nas mi sdug ste lus kyi sdom mam sdig pa'i gzugs su/ /yig 'bru ste ngag gi kaM nag por/ yid kyi gzugs te/ yid kyi 'od dpung nag po'i gzugs su/ snying gar bsdu'o/ /de rnams snying gar bsreg pa'o/ /spyi bor sbyar te bkru ba'o/ /'od zer gyi rtsal gyi las so/ /gnas gsum du rigs kyi lha gsum grub ste/ de yang ye shes gsum ni gnas su ste/ rang rang gi rigs la ye shes pa'i lha bstim pa'o/ /ye shes rigs lnga byin gyis brlab/ /dbang skur mi bskyed rigs lngas brgyan/ oM sarba ta thA ga ta gu dya a b+hi Shiny+tsa/ zhes bya ba ni sngags kyis ngag yongs su dag par bya ste/ zhes pa ni/ bla mas rigs lnga gsol ba gdab/ /ye shes rig sngags byin brlabs te/ /dbang bskur gsol ba gdab pa ni/ /oM la sogs pa brjod pa'o/ /dbang bkur zhes ni gsungs pa ste/ /rigs lnga shar nas chu yi dbang/ /zhe sdang rnam par sel ba dang/ /me long ye shes rgyud la gnas/ /lho nas dbu rgyan dbang bskur bas/ /ser sna rnam par sel ba dang/ /mnyam pa nyid kyi ye shes gnas/ /nub nas rdo rje'i dbang bskur bas/ /'dod chags rnam par sel pa dang/ /so sor thar pa'i ye shes gnas/ /byang nas dril bu dbang bskur bas/ /phrag dog sgrib pa sel ba dang/ /bya ba nan tan ye shes gnas/ /dbus su ming gi dbang bskur bas/ /ma rig mun pa sel ba dang/ /chos dbyings ye shes gnas pa'o/ /de la rtags dang rgyas gdab ni/ /mi bskyod rig sngags brgyan pa ste/ /mi bskyod gtso bor gnas pa'o/ /lus kyi dri ma rnam par spyod/ /dag yongs su dag par bya ste/ zhes pa/ gsang ba'i dbang na

  409. 205a

    rab tu blang/ /rigs lnga yab yum snyoms par zhugs/ /thugs rje chen po'i ngang du zhu/ /thig le AM hUM rnam pa la/ /a b+hi Shiny+tsa sa sbyin par bya/ /a ho su khas lces blangs la/ /ngag las gyur pa'i dri ma rnams/ /thams cad dag ste nus mthu can/ /dbyangs dang rdo rje gyur pa'o/ /thun mong gtso bo gnyis pos grub/ /gzhan rnams mos pa tsam nyid do/ /mchog la rdzogs par blang bar gsungs/ /sems ni yongs su dag bya ste/ /don gyis gnas par shes par bya/ /lha mo 'di yang mtshan nyid ldan/ lag pas bzung ste gsol ba btab/ /dga' ba bzhi yi dbye ba las/ /gnyis med ye shes gnas pa'o/ /de nas yan lag drug gis bskyed/ /bzhi pa phyag rgya chen por gnas/ /gsang sngags bzlas so zhes pas dbang gi rjes de nas sngags bzlas pa'o/ /gsal ba rnam gnyis rags dang phra/ /bdag dang gzhan gyi rnam pa la/ /gsal bar byed ba de nyid do/ /zhes pa ni/ gsal ba rnam gnyis rags dang phra ni/ rags pa gsal ba gtso bo gsal ba ste /sku mdog dang rgyan cha gsal ba'o/ phra ba gsal pa ni sems dpa' sum rtsegs gsal ba'o/ /bdag ni bdag lhar gsal ba/ gzhan gyi rnam pa ni gzhal yas khang dang/ /bsrung ba gsal ba'o/ /gsal bar bsgom pa de nyid do/ /zhes pa'i don to/ /rgyud rnams spyod pa'i bzlas pa ni /rags pa dang ni phra ba'o/ /rags pa gnyis te ba thag dang/ /ba thag med do gnyi ga la/ /mgal me phreng ba nyi ma'i tshul/ /phra ba 'ang gsum du byung ba ni/ /hUM skul sreg pa raM yin te/ /lte ba bkru ba spyi bo A zhes pa ni/ / dri ma sbyang ba'i bzlas pa la/ /rnam pa gnyis su shes bya ste/ /rags pa dus mnyam gdon la sogs/ /phra ba rim pas bya ba'o/ /rags pa la zlos lugs gnyis te/ /ba thag yod pa ni/ lus ngag yid kyi 'od kyi skud pa 'brel ba'i tshul du/

  410. 205b

    dus mnyam du snying ga nas sdom mam sdig pa 'am yi ge 'od dbur du 'don pa ste/ sarba bA paM utsa ta ya/ zhes pa dang 'brel to/ /de rnams ma lus lte ba raM las mes bsregs te/ da ha dzwa la raM zhes pa dang 'brel to/ /thal ba ma lus pa spyi bo nas haM dkar pos chu rgyun phab ste/ sarba pA paM sho d+ha haM/ zhes pa 'brel to/ /ba thag med pa ni 'od kyi skud pa sprel ba ma yin te/ 'od zer gyis lus ngag yid kyi las ngan pa rnams 'byed pa ste/ nor bu chu 'thung bzhin no/ /gnyi ga la ste rags pa dang phra ba gnyi ga la tshul 'di nyid de// mgal me bar ma chad pa'o/ /phreng ba yig 'bru la 'od zer gnas pa'o/ /nyi ma ni 'od zer lus yo la khyab pa'o/ /phra ba dang gsum du byung ba ni dus mnyam yin te re mos rim gyis gsum 'byung ba'o/ /hUM skul sreg par yin te/ lte ba bkru ba spyi bo a ni lus kyi snying ga nas sdom gyi gzugs su bton/ /lte bar raM las bsreg /spyi bo as bkru pa'o/ /ngag gi rkang nag po ru yid kyi 'od dpung du gdon pa dang sreg pa dang bkru ba rim gyis so/ /mtshan ma 'dod pa'i bzlas pa la/ /rnam pa lngar ni 'dir ma byas shes pa ni/ mtshan ma bsnyen pa skyel ba'i bzlas pa la/ /gzhan dag na rnam pa lngar bshad pa yod de/ 'di yi don ma yin no/ /snying gar bskor ro mtshan ma 'byung/ /ba thag gzings dang dmigs pa med/ /'od zer dkar dmar 'pho 'du dang/ raM dang hUM las me byung bas/ /shes pas khyad par gyi don te/ 'dir bzhir shes par bya ste/ /bsnyen pa ni snying ga skor ro mtshan ma byung/ zhes pa'i don te/ grangs kyi bsnyen pa skyel 'dod na/ /'bum tsho gcig dang gnyis dang gsum/ /gsum dang bdun dang dbye ba'o/ /snyigs ma'i dus su nyi shu ste/ /gsum la re re spyi ru gcig /de ltar nyi shu rtsa bzhi'o/ /rtsa ba'i sngags la gtso bor bskyal/ /snying nang ye shes sems dpa' yi/ /rdo rje hUM la skor ba ste/ /mgal me phreng ba nyi ma'i tshul/ /de la

  411. 206a

    rtags rnams 'byung ba'o/ /nye ba'i bsnyen pa ni/ ba thag gzings dang dmigs pa med ces pa'i don te/ thugs ka'i hUM las 'od zer 'og min du ye shes pa la phog ste/ mchod pas tshur 'dus te ye shes kyi byin brlab bstim pa'o oM badzra tsaN+Da mahA ro Sha Na hUM phaT/ oM rA dza mahA ga ru Da hUM hUM hUM 'di rnams bzlas pa'i don te/ de bzhin du bskyal ba'o/ /'od zer dkar dmar 'phro 'du dang zhes pa ga ru Da hUM hUM hUM 'di rnams bzlas pa'i don te/ de bzhin la ye shes pa la 'od zer gyis mchod nas mnyes te/ de las 'od zer gnyis byung bas las ngan pa dang sgrib pa dang/ nus mthu rnams dmar pos bsreg pa'o/ /nyi ma rnams dkar pos 'grub pa'o/ /sngags ni rtsa ba'i sngags dang/ 'byin pa'i sngags dang bcu gcig pa dang lnga pa'o/ /'di yang de ltar shes par bya'o/ /da ni sgrub pa chen po las brtsam par bya ste/ raM dang hUM las me byung bas shes pa'i don te/ sems dpa' sum rtseg gi rdo rje lte ba'i hUM dmar nag dang/ lte ba'i raM las me 'bar te/ sor gcig gam gnyis sam khru gang la sogs pa 'phros te/ me shin tu drag cing rtsub pa myur ba che ba'i rang bzhin cen/ de rnam smin gyi las bag chags ngan pa/ nyon mongs pa can gyi yid bgegs kyi gnod sems nus mthu las kyi sgrib pa rnams bsreg pa'o/ /'od 'og min du 'phros pas bde bar gshegs pa thugs rje me'i phung por 'dus nas/ da rnams me gnyis kyis bsreg pa'o/ /sngags bzlas pas kyang me'i rang bzhin du byung ste bsreg pa'o/ /dag gi sngags bzlas pa yang/ gzungs rangs gtso bor bya ste/ oM badzra tsaN+Da mahA ro Sha Na hUM phaT/ ka sta sta ma gu li tsal na sarba be tsa A ma rdza nA nag mA ra ya phaT/ ha pa oM pa khri oM rA dza mahA ga ru Da hUM hUM hUM/ yang na zlos pa dang skor bzlog du shes par bya'o/ /de ltar bsregs te rnam

  412. 206b

    par byang ba'i sems nyid las/ ye shes lus su gsal bar snang zhes pas/ /gtso bo dang phyag g.yon pa'i bya khyung dang gnyis tha mi dad pa/ lha'i ngo bo me'i rnam par grub pa'o/ /thun bzhi rnal 'byor gyi rjes la/ lha dang sngags 'di rnams kyis ngan song las srun par 'gyur/ nad kyi sdug bsngal las thar par 'gyur/ gnod pa'i bgegs la 'chi snyam pa'i 'jigs pa 'byung/ mchog dang thun mong gi dngos grub ma lus pa thob par 'gyur/ sngags kyi gshes du nad dang sdug bsngal thams cad byang bar gyur cig / swAhA hUM phaT/ zhes btags shing sems bskyed par bya'o/ /de ni mtshan ma 'dod pa'o/ /'byung ste/ grub rtags thon pa'i rtags gsum las/ 'od sgra sku ston sgyu ma dang/ zhes pa ni/ rtags rnam pa gsum 'byung ste/ lha grub pa gos sngon po gon pa me tog sngon po thu ba nyi zla steng na 'dug pa la sogs pa'o/ /sdig dang nad thon rtags ni lus la mi gtsang ba la sogs pa dang/ rnag khrag la sogs pa 'byung ba'o/ /rtags gsum pa ni sdig sprul la sogs bsreg cing 'chod pa'o/ /dngos su 'byung ba'i mtshan ma ni 'od kyi phung po 'am/ 'od zer gyi rnam pa 'am/ 'ja' tshon rnam par 'byung ba'o/ /dbugs 'byin pa'i sgra 'am/ lha'i sgra 'am/ chos ston pa'i sgra'o/ /sprul pa la sku gcig gi zhal mthong ba 'am/ mang pa'i zhal mthong ba 'am/ dpag tu med pa'i zhal mthong ba 'byung ste/ tha ma dang 'bring dang trab tu 'byung ba'o/ /de lta bu'i rnam pa 'byung yang/ bden pa'i dngos po gang yang grub pa med de/ gang zhig yod par rtog pa yang/ 'di yang sgyu ma'i mtshan nyid min/ /gang zhig med pa rtog pa yang/ /'di yang sgyu ma'i mtshan nyid min/ /gang zhig nyi gar rtog pa yang/ /'di las sgyu ma'i mtshan nyid min/ /rtog dang brtag par bya ba dag /gnyis su bzung na bdud kyi las/ rnam par snang ba sems nyid de/ /gang du yang grub pa med/ ces

  413. 207a

    gsungs so/ /de tshe gnyis dang ldan nam mi ldan yang rung ste/ bsod nams kyi las tshogs dang gtor ma la sogs pa bya'o/ /dga' ba 'am mi dga' pa'i sems sgyu ma'i blos bzlog pa'o/ /de rjes sangs rgyas lung ston 'byung/ /zhes pas/ de la mkha' 'gro rnams dang/ byang chub sems dpa' rnams kyis byin gyis rlob par byed do/ /sprul pa'i sku'i sangs rgyas mang pos lung ston to/ /zhing khams 'di zhes bya bar 'khor dang gdul bya dang/ bstan pa 'di srid gnas so zhes ston par 'gyur ro/ /grogs ni khrus dang sreg dang tshe/ /bdud rtsi klog 'don maN+Dal dang/ /tshogs dang sbyin sreg bsad pa dang/ /sAts+tsha gtor ma la sogs pa/ /'di yang grogs su 'gro ba yin/ /de nas gser la sogs pa 'grub/ /ces pa ni bskyed rdzogs kyi grogs bstan pa yin te/ khrus ni phyi dang nang ngo/ /dri'i rnam pa dang/ rnam par mi rtog pa ste/ thams cad sel bar byed do/ /sreg pa ni nang gi sbyin sreg ting nge 'dzin gyis sdig pa bsreg pa ste grogs so/ /tshe ni phyi'i tshe bsring ba'i las kun bya ba dang/ nor spel ba lha rnams thos bu la brten te spel ba'o/ /nang gi tshe rin po che ga'u nang du gnas bcas te brtan par bya'o/ /bdud rtsi ni bdud rtsi rnam pa lnga dang 'brel pa ste/ bcud len thabs dang 'brel pa'o/ /klog 'don ni bka' i rgyun 'bum kha ton nam glegs bam la tshul bzhin du klog /kun chub par byed/ yid la byed pa'o/ /maN+Dal ni bla ma rdo rje 'dzin pa la dbul ba'i rim pa'o/ /tshogs ni tshogs kyi 'khor lo dang/ tshogs kyi mchod pa dang/ dpa' bo dang dpa' mo'i ston mo bya'o/ /sbyin sreg ni 'phrin las bzhi'i sbyin sreg ste dngos grub bzhi 'grub pa'i sbyin sreg go /bsad ba ni skyed par byed pa'i rgyu bsad pa'o/ /bla ma dang dkon mchog gi sku dgra rnams mngon spyod kyi las brtsams pas ste snying rje'i bsam pa dang ldan pas bsad pa'o/ /sAts+tsha ni sku gsung

  414. 207b

    thugs kyi rten bzhengs pa'o/ /gtor ma ni phyi nang du shes par bya'o/ /sogs pa'i don ni las bcu dang bsod nams kyi las so/ /'di yang grogs su 'gro ba yin/ dngos grub gnyis thob par byed la gtso bo ma yin yang 'di rnams bskyed du 'gyur te/ nyams su blang ba'i rim pa'o/ /de rnams ldan na gser la sogs pa 'grub ste/ thun mong gi dngos grub brgyad 'grub po/ /yum lcang lo can gyi rgyud las/ ri lu rkang mgyogs mig sman dang/ /gter dang dgra bo tshar gcod dang/ /gzhan sbyin mo dang bcud kyi len/ /ral gri 'jig rten dngos grub brgyad/ /bzlas pa tshogs dang gtor mas 'grub/ /ces gsungs so/ /mchod pa 'dod pa yi sems can gyis shes pa ni rdzogs pa'i rim pa man ngag ston pa yin te/ mchog 'dod pa ni phyag rgya chen po 'bras bu 'dod pa'o/ /sems can ni rigs dang ldan pa gang zag de gtso bor grub pa'o/ /thabs dang shes rab 'khor lo dang/ /snying nang sbyor ba gsum gyi rtsa/ /thig le thig le yi ge mtshan/ /dbus su thabs dang shes rab 'bar/ /thig le ye shes gsal bar 'bar/ /zhes pa ni thabs dang shes rab 'khor lo bzhi ni spyi bo mgrin snying lte ba bzhi/ zur du 'grel pa'i 'khor lo la/ /'og ma gnyis po shes rab ste/ /gong ma thabs su yang dag bshad/ /a ba d+hU tI dbus gnas te/ /la la nA dang ra sa nA/ /g.yas dang g.yon du gnas pa'o// snying po'i tshul du gnas pa'o/ /rtsa 'dab sum cu rtsa gnyis dang/ /bcu drug pa dang de yi byed/ /drug cu rim gyis gnas pa'o/ /thig le thig le yang dag mtshan ni 'khor lo dbye ba de rnams la/ a li nyis gyur rkyang ba dang/ /sde tshan brgyad du yang dag gnas/ /kA li nyis 'gyur rnam dbyes mtshan/ /g.yas pa tsa na A li ste/ /g.yon pa nyid na kA li'o/ /thig le 'khyags pa tshul du gnas/ /snying dbus su thabs dang shes rab 'bar ni/ snying nang nyi zla bar du ni/ /a li thig le ngo bo gnas/ /

  415. 208a

    thig le ye shes gsal bar bsam ni haM A oM hUM gi yi ge ni/ thig le'i tshul du gnas pa ste/ thig le gsal ba ye shes rgyu/ /de la ye shes brtags pa'o/ /u ma dbyings nas sprul ba ru/ /ye shes gsal ba dbyings la thug /de tshe mi gnas bsam dang bral zhes pa/ /dbu ma dbyings nas sprul ba ru/ /'og gi lam gyi gnas su ni/ /rlung sngon kha dog rnam lnga bskyed/ /gtum mo me ni rab tu bus/ /rtsa gsum nang na mar la zhugs/ /'khor lo rim gyis gsal bar 'byung/ /gsal zhing zhugs bde chen 'byung/ /ye shes gsal ba dbyings la thug ni 'od zer tshangs pa'i gnas nas 'phros/ /phyogs bcu sangs rgyas thams cad kyi/ /ye shes thig le rnam pa bkug /gnas su zhugs nas gnyis med 'dres/ /de tshe mi gnas bsam bral 'byung/ /de ltar du ni bsgoms pa la/ /phyag rgya chen po skye ba ste/ /bsam dang rtog pa'i yul las 'das/ /tshig dang sgra yi yul las 'das/ /gang du yang ni mi gnas so/ /'gro ba'i dbang po gang dang gang gi rtsa/ kha phye steng du thig le bsam/ /zhes pa ni 'gro ba'i tshe/ dbang po yul la 'phro 'gyur na/ /dbang po gang dang gang gi rtsa/ /dbang po lnga po gang yang rung/ /gzugs sgra de bzhin yul rnams la/ /'dzin par byed pa'i rtsa rnams la/ /kha phye ste/ dbang pa yul dang yul can gnyis/ /de gnyis thig le stong par sgom/ /'od gsal me yis sbyangs pa ste/ /de ltar du ni bsam zhes gsungs/ /ba thag phug nas thig le la/ /thim mo de la blo gtad bas/ /mdza' 'das rang bzhin med pa'o/ /zhes pa ni/ ba thag ces pa ni 'brel ba ste/ /gzung 'dzin gnyis su btags pa'o/ /phug pas rab tu 'joms pa'o/ /snang ba lam du byed pa yin/ /snang ba thig le rang bzhin no/ /snang ba stong pa gcig tu thim/ /stong pa rang bzhin dngos de la//

  416. 208b

    ma rtog pa yi blo gtad pas/ /mdza' 'das rang bzhin med pa ste/ /gang du yang ni grub pa med/ /brjod min rtog min lhan cig skyes/ /'jug pa ba thag bzhi po yang/ /srid gsum 'joms pa'i rang bzhin te/ /stong pa ba thag bzhi por thim/ /zhes pa ni/ 'jug pa rnams shes 'pho 'jug ste/ /ba thag kun tu btags pa'o/ /bzhi po yang ni tha dad med/ /skyes pa rmi lam srid pa gsum/ /srid gsum zhes ni rab tu bshad/ /de rnams srid pa'i rang bzhin te/ /ro mnyam gcig tu rtogs pas so/ /stong pa ba thag bzhi por thim// chos kyi dbyings kyi gnas lugs la/ /'bras bu rtog pa'i stong nyid thim/ /ma la bu ni thim pa ste/ /rtog pa thams cad bcom pa'o/ /dbang po thig le med pa la/ /u ma chen po dbyings nyid du/ /ye shes phra mo las kyis spro/ /'byung 'jug phra ba ba thag ni/ / skor bdun 'od dang 'gro bas 'grub/ /ces pa ni rlung rkyang pa la sgom pa ste/ /dbang po thig le med pa la rtsa dang rlung/ thig le la mi sgom pa rlung rkyang pa la sgom pa ste/ rdo rje bzlas pa bya ba'i don no/ /rlung ni 'khor bar bskyed pa'i rgyu yin pas/ /de rgyu lam du 'gro bar shes/ /rgyu lam 'bras bur rnam par bshad/ /yang dag don la dbye ba med/ /dbus ma a ba d+hU tA'o/ /bde ba chen po 'byung ba'i gnas yin pas dbyings so/ /ye shes rlung g.yas g.yon spro ba'o/ /'byung ba phyir 'byung ste hUM gi ngo bo'o/ /'jug pa rlung nang du oM gyi ngo bo 'jug pa'o/ /phra ba ni rtog pa rags pa stong pa ste/ /gnas pa a skye ba med pa'i don du bsgom ste/ /rlung ba thag dang 'dra ba de la brten pa'o/ /thun chod ni skor bdun la sogs te/ chu tshod dang/ chu srang dang/ dbyug gu dang thun tshad la sogs pa'o/ /de la rten nas dngos grub 'byung ba'o/ /de la rtags 'byung ba yi don/ /rtags lnga lo zla phyag rgya'o/ /ye shes chen po thob par 'gyur/ /zhes pa ste/ du ba smig rgyu srin bu me khyer mkha' snang rtags/ /'bras bu phyag rgya chen po thob

  417. 209a

    par 'gyur/ /bde chen sku la sogs pa gnyis med 'byung/ /don rnams ma lus rdzogs par mdzad/ /'di ni gang dag snod can las/ /shes pa bdud rtsi dang 'dra ba 'di gang zag snod can la bstan pa yin te/ dad ldan nga rgyal med cing don la phyogs/ /brtson 'grus ldan zhing zab mo don la mos/ /bla ma la gus dge la rin chen rigs/ /gzhan la bstan par bya ba min/ /gang zag tshul chos g.yo can rnams/ /gsang sngags phrag khyer ngan song rgyu/ /de la sbyin par mi bya'o/ /zhes gsungs so/ /mtshan nyid ldan pa'i gang zag gis/ /bsgrubs nam mkha' spyod la sogs pa/ /thogs pa med par 'byung bar 'gyur/ /tshul bzhin sgrub pa'i gang zag la/ /dngos grub klu mo mkha' 'gros ster/ /zhes gsungs so/ /brgyud pa rim pa man ngag 'di bkod pas/ /tshig dang don la nyes pa shor srid na/ /rig lnga bde bar gshegs pa dang/ /mkhas pa rnams la bzod par gsol/ /zhes gong ma rnams la bzod par gsol ba'i don te/ /blo gros rin chen la sogs bde gshegs mkha' 'gro rnams la'o/ /dgos pa'i don ni khengs pa rnyed pa bkur sti la sogs min/ /phyi rabs rtsod pa'i dus su sems can dngos grub 'byung/ /zhes pa'o/ /'di brtsams pa yi bsod nams kyis/ /khams gsum sems can ma lus kun// rags dang phra ba'i rtogs pa yongs spangs nas/ /yongs su dag pa'i sa thob shog /ces pa bsngo ba'i don te/ sems can kun gyi spang bya rnams spangs nas/ /phyag rgya chen po sa thob par shog /ces pa'o/ /blo chung bdag gis brtsam par mi 'os te// dman mos sems can don gyi phyir/ /tshig dang don la nyes srid na/ /de nyid khyed rnams bzod par mdzod/ /bdag gis 'di brtsams bsod nams kyis/ /'gro ba ma lus thams cad kun/ /de nyid don ni rab rtogs shog /bdag kyang 'gro don

  418. 209b

    byed par shog /klu'i byang chub kyi sgrub thabs kyi rnam par bshad pa zhes bya ba rdzogs so// //slob dpon nA ga rdzu na zhes kyang bya/ /klu sgrub snying po zhes kyang bya/ /klu'i byang chub zhes kyang bya/ /klu sgrub snying pos mdzad pa rdzogs so// // (sngags brgyan gyi 'grel pa mchog rab rgyas kyis mdzad pa bzhugs//) //rgya gar skad du/ man tra a laM kA ra nA ma TI k+Sha/ bod skad du/ sngags rgyan gyi 'grel pa zhes bya ba/ bcom ldan 'das rdo rje bsnams la phyag 'tshal lo/ /dus mdza' rtsod pa rgyas dus su/ /nyi zla lta bu mthu mnga' zhing/ /thams cad sel cing snang ba yi/ /dus gsum sangs rgyas kun gyi dang/ /rdo rje can la phyag 'tshal lo/ /bla ma'i man ngag brtson pa yi/ /nyi mas mun pa sel ba bzhin/ /tshig sgribs snang bar byed pa yi/ /rtsa ba'i 'grel du gsungs pa yin/ /de la myur du na bshad pa'i bar du ma bkral lo/ /gang zhig rnal 'byor pa'i sa ni/ sngags gtso cher byed pa'i/ rigs bzang don dang ldan pa yis/ shes pa la/ gang zhig rigs kyi bu 'am rigs kyi bu mo gang gis/ 'og tu sngags bzlas par 'brel to/ /sngags la gtso bor ni zhi gnas dang lhag mthong ma yin te/ sngags kha nas bzlas par 'brel to/ /rigs bzang don ldan ni rin po che'i rigs la dbang la sogs pa bzhi dang ldan pa'o/ /yid dang mthun pa'i gnas dag tu/ /sngags kyi mi mthun kun spangs nas/ /bsnyen pa'i gnas su legs 'dug ste/ yid dang mthun pa'i gnas ni/ rang sde nyams dga' ba'i yul lo/ /sngags kyi mi mthun/ /zhes pa ni dge ba dang sdig byed man ngag la sogs pa'o/ /bsnyen pa'i gnas ni byang ri skyob la sogs pa/ snyan pa phun sum tshogs pa'o/ /des chos bzhi la 'dug ces 'og ma dang 'brel to/ /sems sbyang lhag pa'i lhar gyur te/ /bsrung la tshogs bsags stong par bsgom/ zhes pa la/ sems sbyang lhag pa'i lha ni sems ni smon 'jug ste/ theg pa chen por sems

  419. 210a

    bskyed pa'o/ /'jug pa'i rim pa yang stong pa nyid las rang lhag pa'i lhar hUM gis bskyed par 'brel te rang gis so/ /bsrung ba ni bka' bsgo zhing bskrad pa dang ma song ba la bsad pa'i thog dbab cing rdo rje la sogs pa'i bsrung ba'i gzhi bsgom par 'brel to/ /de ni ngag dang lus kyi las su gsungs te/ mthar phyin par byed pa'o/ /tshogs bsags ces pa ni bsod nams kyi yan lag bcu ste/ rten dang ba'i ngo bos bshags par 'brel to/ /stong par ni ye shes kyi yan lag ste/ med cing mi dmigs pa ste phyi nang ngo/ /de las rang gi sems nyid ni yi ge hUM gi rnam pa la/ b+h+rUM 'phros gzhal yas khang par gyur/ zhes pa la stong pa de'i ngang las sems nyid hUM byung ste/ de las gzhal yas khang gi b+h+rUM rnam par bskyed pa'o/ /yang na ni rang gi sgrub thabs las byung ba bzhin bskyed par gsungs so/ /de steng hUM las cho ga gsum/ /dpal ldan gtum po gzugs su snang/ /zhes pa la/ gdan lnga dang ldan pa'i thog du hUM las cho ga gsum gyi gtum po ni mi thung gi gzugs bskyed par gsungs so/ /g.yas na rdo rje rtse lnga pa/ g.yon pa bya khyung nges par bsnams/ /sngon po dpa' bo chas shes pa la/ g.yas pa'i phyag na ye shes lnga dang ldan pa'i rdo rje rtse lnga pa bsnams pa/ rigs lnga yang yongs su gzung ngo/ /g.yon na bya khyung bsnams pa ste/ klu'i gdon drug 'dul bar byed pa'o/ /sku mdog sngon po na bza' sngon po ste/ rang gi ngo bo phyir byung ba des 'dul ba'o/ /dpa' bo'i chas ni rak ta so ris tshom bu dang/ stag la sogs pa brgyad du gsung/ zhes lung las 'byung ba ste/ dpa' bo'i chas brgyad do/ /g.yon brkyang g.yas bskum 'gying bag can/ /zhes pa la zhabs g.yon brkyang g.yas bskum pa ni/ sems can 'dul ba dang 'bras bu rang la skyon

  420. 210b

    med par yongs su gzung ngo/ /'gyid bag ni rang gi stobs nye bar ston pa ste/ /nyam nga med pa'o/ /lha yongs su gsal bar bsgom par gsungs so/ /ye shes bstim dang byin brlabs nas/ /dbang bskur 'bras bu lnga dang ldan/ /zhes pa ni hUM las ye shes pa spyan drangs te/ bgegs nye bar zhi bar bya sde rang gi lus ngag la/ yi ge gsum gsal bar bya ste/ bstim pa dang dbang bskur ba ni chu dang dbu rgyan dang rdo rje dril bu dbang dang ldan/ kun gzhi dang nyon mongs pa dang rnam par rtog pa dang sgo lnga'i rnam shes gnas pa ni ye shes lnga dang 'bras bu rigs lnga ldan par gsungs so/ /de yang lung las bdag nyid gsal bar gyur ba ni/ /ye shes byin rlabs dbang bskur nas/ /sngags bzlas pa la yongs su 'jug /'bras bu yongs su 'byin pa yis/ /rdo rje sngags kyi bzlas pa bya/ /bdag dang gzhan pa'i rnam pa yis/ /rags pa dang ni phra ba yis/ /shes pa la rdo rjes ni/ bsgom pa'i rjes la bzlas pa bya ste/ de min par ni ma yin no/ /bdag gsal ba dang gzhan gsal ba dang/ gtso bo gsal ba ni bdag khyab byed yin pas gtso bo la bdag ces bya ba'i sgra 'jug pas de skad gsungs so/ /de ni gzhal yas khang dang dur khrod mi rol sogs pa gsal ba'o/ /rags pa ni rnam pa ci gsal ba phra ba ni spyan dang smin ma dang/ zhag gi zo ris la sogs pa yongs su bzung ngo/ /shin tu phra ba'i rnam pa ste/ sems dpa' sum rtseg gzhal yas khang/ /gsal bar byed pa de nyid de/ /rnal 'byor tshul gyis yongs su sgrub ces pa la/ shin tu phra ba ni rin po che nang gi ye shes dang rdo rje dang hUM gi rnam par gsungs so/ / de yang ye shes pa'i ngo bo gsum du gsungs/ /rtseg mar 'dug pas rtseg ma'o/ /gzhal yas khang rags pa gsal ba ste/ gong gi don gyis yongs su gsal bas 'dir ma bris so/ /rnal 'byor ni rang gi zhi gnas kyi lha gsal ba ste/ blta bar bya

  421. 211a

    ba'i ngo bo'i rigs pas zin pa ni/ thun bzhi'i tshul du byed pa ni chen po rnal 'byor/ de yang stong pa nyid la zhugs rnal 'byor chen po/ zhes gsungs so/ /'dod chags zhe sdang ni zhes pa nas spang bar bya ba'i par la/ drug rtsa ba'i nyon mongs pa 'dod chags la sogs pa drug dang/ khro ba la sogs pa nyi shu nye ba'i nyon mongs pa rnams sngags las spangs te/ de dang 'byar ba'i sngags ni dngos grub mi 'byung bar gsungs so/ /des na de bskyed pa'i rgyu dang 'bras bu gnyis ka spang bar gsungs te/ kun ka'i rgyu ru 'gro ba ni chang ngo/ /des na chang ni nyon mongs pa'i rtsa bar gsungs so/ /gzugs dang sgra dang dri dang ro/ /de bzhin reg bya la sogs pa/ /g.yeng bar byung pa ma lus pa/ /sngags kyi dus su spang bar bya// zhes pa la sgrub pa pos 'dod pa'i yon tan lnga po g.yeng pa'i rgyu yin pas des na de ni yongs su spang bar gsungs te dgra yin pa'i phyir ro/ /sgra che ba dang sgra chung ba dang/ skyen pa dang ni bul ba dang/ /mi gsal yan lag nyams pa dang/ /gsang sngags bar du sgra zhugs dang/ /dmigs pa ma rdzogs 'joms pa dang/ /sngags kyi dus su spang bar bya/ /zhes bya ba la sgra che ba ni/ nam mkha' sgra ste gsang ba'i man ngag nyams pa'o/ /chung ba ni sngags kyi brjod pa nyams pa ste/ spang ba'o/ /skyen pa dang bul ba ni sgra dma' zhing nyams pa dang mang po du ma la nus pa 'byung ba'i rgyu ni rgyu gcig las ma yin te/ sgra mi gsal zhing yi ge mthu nyams pa dang bar du mi tshig gis mchod par bya ste mi tshig gis bar chod pa ni sngags ma yin te/ mthu med pa'i phyir ro/ /des na de rnams skyon yin pas spang bar gsungs so/ /de rtsa ba'i rgyud la sgra che 'byung po'i bar chod 'byung/ /sgra chung nus pa chung bar 'gyur/ /skyen 'gyur lus kyi phrad pa nyams/ /bul 'gyur sngags kyi grangs ma skrol/ /mi

  422. 211b

    gsal yan lag nyams pa yis/ /bzlas pa'i mthu rnams med par 'gyur ro/ /gsang sngags zhugs na gdug pa'i bar chod 'byung/ /zhes gsungs so/ /dmigs pa ma rdzogs 'joms pa dang/ /sngags kyi dus su spang bar bya/ /rjes kyi rnal 'byor ma lus dang zhes pa la dmigs pa ma rdzogs pa ni/ dam bcas pa'i grangs las 'das pa'o/ /de ma rdzogs par ni bzlas pa bya ba ste mi bya ba ni spang par gsungs so/ /rjes kyi rnal 'byor ni thun bzhi'i rnal 'byor gyi phyag btsal la sogs pa yongs su byas pa 'gro 'dug nyal ba'i spyod lam gyis sgrub par gsungs so/ /dus dang grangs dang mtshan mar gsungs so/ /ro dang dbang bskur la sogs pa/ zhes bya ba la/ dus ni lo 'am zla ba'i bar du'o/ /grangs ni nyi 'bum sum 'bum bcu sogs/ nyi shu rtsa ba'i grangs su'o/ /bsnyen pa nye bsnyen bsgrub pa dang sgrub pa chen po'i tshul du bsgrub/ ces gsungs so/ /ro dang dbang bskur ni shi ba rol dang po bgegs bskrad khrus byas rgyan gdags te rgyun chags dang rtsam lus par bya ste/ sngags zlos shing rnal 'byor pa rnam pa gsum bsgrub pa la ro lha'i ngo bor bskyed la zhag bdun gyi nang par sreg khang me'i gzhal yas khang du mchod par 'brel to/ /de ni ro'i cho ga'o/ /dbang gi bsnyen pa ni gong du mtshan ma thob pas gtso bo 'bum dang 'khor rnams khri ru gsungs so/ /sems dpa' sum rtseg gsal ba yis/ /rang nyid thig le'i ngo bo yis/ /'od zer la ni yig 'bru zhon/ /'od dkar zhi ba'i tshul dang bzlas/ /zhes pa la sems dpa' sum rtseg ni sku dang gsung dang thugs gsal ba las/ rang nyid hUM gi thig le las sngags dang 'od gsal ba ni 'od zer la yig 'bru zhon nas snying gar mgal me bzhin bskor ba'o/ /de las 'od zer nyi ma'i tshul gyis 'od de yang dkar pos sdig pa 'khrud pa'o/ /de ni 'od dkar pos zhi bar bya ba gsung/ yang ni 'od 'phro sku gsum gyi/ /rang bzhin tshur 'dus

  423. 212a

    gdugs rtsub sbyong/ /zhes pa la yang ni gong ma btags pa yin te/ 'od 'phros nas ye shes 'khor lo gnas su 'od zer sku gsung mnyes nas tshur la 'dus pas gnod pa'i gdug sems dang rang gi bag chags la sogs pa sbyong ba'o/ /yang na dmigs pa med pa las/ /'phro dang 'du bas byed pa yin/ /zhes pa la dmigs pa ni dngos po'o/ /dngos po la med par ye shes pa la 'od 'phros nas/ tshur byin dang 'od zer dang sku'i rnam par gsungs ta man ngag go /'od zer dkar dmar 'phro 'du yis/ /rnam smin la sogs bsreg cing sbyong/ /zhes pa la rang gi thig le 'od phar 'phros pas mnyes te dkar dmar 'dus pas ni bsreg cing sbyor ba'i las so/ /rnam par smin pa dang nus pa mthu la sogs pa sbyong zhing bsreg pa'o/ /des ni zhi ba dang drag por gsung ste mi smra ba'i ngo bo bzlas pas gsungs so/ /'khor dang nyi 'khor sum skor sogs/ /mtshan ma 'dod pa rnam pa lnga/ /zhes bya ba la/ rang nyid 'khor la mos na 'khor gang rung ba ste bya ba la sogs pa bskyed la bzlas par gsungs so/ /lnga po de ni gong du bsnyen pa'i bzlas pa gsungs so/ /sum 'bum zhes pa nas tshad kyi bar la gcig la sogs pa 'bum dang/ nyis 'bum ni grangs kyi bzlas par gsungs te/ rtsa ba na gsal bas ma bris so/ /de'i grogs 'gyur bzlas pa ni/ /sdig pa 'byung dang bsreg pa ni/ /bkru ba'i don la dmigs pa ste/ /rags dang phra ba'i dbang ngag tu/ /drug dang dgu ru shes par bya/ /zhes pa la/ bsnyen pa'i grogs las lus ngag yid kyi sdig pa 'byung ba dang bsreg pa dang bkru ste/ gnod pa ni snying ga dang lte bar bsreg pa dang/ spyi bo'i las bkru bar gsungs so/ /rags pa'i dbang du drug gi bkra ba ma yin te dngos po 'don pa dang bsreg pa ni rags par gsungs/ bkru ba'i cha

  424. 212b

    dang bral bas dgu ru gsungs so/ /sdig pa dbyung la sogs kyang/ mi sdug gzugs kyang de bzhin du/ /yi ge'i gzugs dang 'od kyi gzugs/ /de dag 'byung gtor bsreg cing bkru /zhes pa la/ sdig pa ni lus ngag yid kyi las sam rnam par smin pa'i sgrib pa'o/ /lus ni sdom mam sdig pa mi sngag pa'i gzugs so/ /ngag gi'am du'o/ /yid ni 'od dpung nag por gsungs so/ /de yang snying las u sa ta ya mdza' can gyi gdon pa dang/ lte ba haM las me 'bar nas dzwa la raM kyi sngags kyis bsreg par gsungs so// dkru ba ni a las spyi bo na chu 'bebs pas shu to'i sngags kyis bkru'o/ /hUM dang haM dang a yis ni/ /gdon dang bsreg dang bkru ba ni/ /ma lus las rnams 'grub par gsungs/ /dmigs pa gsar snying bye brag gis/ /mgal me phreng ba nyi ma'o/ /zhes pa la/ dmigs pa gsar pa ni rnal 'byor pa thog mar mgal me la brten par gsungs pa ni phreng ba dang gnyis la'o/ /mchog gi ni gsum tshang ba la bzlas par gsungs so/ /sngags kyi dngos grub nas grogs su 'gro ba'i bar la rtsa ba na gsal bas ma bris so/ /rjes kyi tshul ni rnal 'byor tshul dang ldan/ /bsnyen dang chen po la sogs pa/ /yongs su bsgrubs pas dngos grub 'byung/ /zhes pa ni/ rjes kyi rnal 'byor gyi spyod lam gyi rim pa'i dus su phyir tsha tsha la sogs pa yongs su bya'o/ /de nas bsnyen pa dang nye bsnyen dang/ sgrub pa chen po la sogs pas yongs su bsgrub bo/ /de bsgrubs na dngos grub yongs su 'byung bar gsungs so/ /sku gsung zhes pa nas 'di yang sgrub pa'i rtags su gsungs/ zhes pa'i bar du dngos dang rmi lam na grub rtags bstan pa yin pas brjod pa med de gsal bar ma smras so/ /de dag bzlas pa nas shes par bya ba'i bar du bzlas pa'i dngos te bzlas pa'i sngags su gsungs so/ /mig gi mngon shes bsgrub pa ni/ /sku gsung thugs kyi rnam pa la/ /ye shes 'phro dang

  425. 213a

    byin rlabs sdud/ /skyen pa skyon pas de bzhin bya/ /zhes pa la/ da ni khyad par gyi bzlas pa gsungs te/ mig gi mngon shes 'dod pa yis/ /rang la sku gsung thugs kyi yi ge bkod la/ ye shes pa'i 'od zer 'phros shing tshur 'dus pas mig gis sgrib pa dag pas sha'i spyan dang ldan par gsungs so/ /mtshan ma'i bsnyen pa skyol 'grus grub par gsungs so/ /rna ba dang ni dbang po gzhan/ /gong ma de bzhin sbyor shes bya'o zhes pa la/ rna ba la sogs pa'i gzhan rnams la ni/ sku gsum mam a(rgyud 'grel): dang hUM gis 'phros pa dang 'dus pas de'i dngos por dag par byas te/ snang ba dag par bsgrub par gsungs so/ /gang zhig phrin las rnam bzhi las/ /dngos po zhi ba gsungs pa ni/ /zhi ba ni zhi ba'i ste dgra bgegs zhi bar 'dod pa'o/ /kha dog dkar po'i 'phro 'du yis/ /rang gis sdig pa'i bag chags dang/ /gzhan gyi gdug rtsub zhi bar byed/ /ces pa la/ kha dog dkar po 'phros pas rang gi sdig pa'i dngos po dang/ kun nas dkris pa'i bag chags zhi ba dang/ gzugs dang sgra med khams kyi gnod byed kyi dpal dang gdug rtsub zhi bar song/ zhes gsungs so/ /tsha dang rigs rgyud longs spyod kyi/ /rgyas par 'dod pa 'od zer ser/ zhes pa ni de la des tshe ring ba dang/ rang gi rigs rgyud dar ba dang/ longs spyod ni lha'i longs spyod dang ldan par 'dod pa rnams kyis 'od dang lha dang ser po 'phro 'du la brten te/ rang gi snying po la puSh+TiM ku ru oM/ zhes pa gdags so/ /bde gshegs 'od bskul rang lus kyi/ /rang bzhin che rnams rgyas par byed ces pa/ rang gi 'od rin chen gos sngon can la 'phros te/ des hUM gi dngos po gsal bar sbyangs ba ni nyi ma dang zla ba'i bar du A li dang ldan pas grub par gsungs so/ /dkar dmar khu ba'i

  426. 213b

    'phro 'du yis/ /'jig rten rigs rgyud rgyas par byed/ /ces pa las/ rang dang ldan pa'i 'od ye shes 'khor lo la phog pas thig le A li dang kA li'i ngo bor spyan drangs pa'i dri bo ste de la srung ba dang 'brel te/ las des bu la sogs pa dang zhing rgyas par 'gyur ro/ /nor dang rdzas ni rgyas 'dod pas rin chen bcud kyi tshul du sgrub/ ces pa la/ nor dang rdzas rgyas nas bde bar gshegs pa mchod par 'dod pas/ raM gi bdud rtsi ster ba bum pa kha rgyan dang ldan pa'i nang du/ rgyal po bskyed la mchod las mchod de/ oM be sh+ra pa Na ye sa ma ya ba shi ku ru ho:/ zhes pa dang 'brel pa ni sgrub pa'o/ /bya grub ye shes ngo bo ste/ rin chen mchod rten ne le bsnams/ /bsgrub pa'i dgos don skong mdzad ma/ /rnam thos nor ster khyod la bstod/ /ces pa dang 'brel to/ /de'i nor ni sum cha gsum du spyod par gsungs so/ /kha dog dmar po 'od zer gyis/ /dmigs pa ma lus dbang du sdud/ /zhes pa la/ 'od zer dmar po kha dog dmar po lha la phog pas gad dmigs pa ni lha dang klu dang srin po la sogs dbang du sdud de de yang ba shi ku ru ho:/ zhes pa dang 'brel to/ /tshar bcad dus kyi sbyor ba ni/ /'khor lo 'od zer sku la 'gyur te/ /bkug cing tho ba la sogs pas zhes pa la/ /gru gsum dang ldan pa'i dkyil 'khor du ling gzugs bcug la ye shes kyi 'khor lo la 'od zer dmar po 'phros pas 'od las lcags kyu thogs pa mang po 'phros nas rang dbang med par bkug ste thim pa ni sdig pa ste/ sngags bzhis bstim pa la tho ba dang/ ral gri la sogs pas phab nas med par byas pa'o/ /drag po mtshon gyi thog phab pas/ /spyi bo gtsug gnas rnams su ni/ /phung po gzhig pa'i sbyor ba bya/ /zhes pa la/ lus ngag drag po dang bcas pa'i khro bos mtshon gyi thog 'bebs pa'o/ /spyi po gtsug nas rkang pa'i mthil du phur pa

  427. 214a

    brgyab cing de'i phung po lnga la sogs pa 'jig par 'gyur te de ni phung po bshig pa'o/ /sa bon 'joms dang 'byed las 'grub par 'gyur bar gsungs pa yin/ zhes pa la sa bon 'joms pa ni byang sems bskam pa ste/ raM las me 'bar ba dang phur pa yang brdeg par gsungs so/ /'byed pa yang lha dang dgral ba ste/ dong du gu gul sbyar ma bdug cing/ ban d+ha ku ru shag shag Arya a ca la shag shag /ces pas sngags kyis 'byed par gsungs so/ /de la sogs pa'i sbyor ba mkhas pa yis ni shes bar bya/ zhes pa bsreg pa dang mnan pa dang 'phang ba la sogs pa'i mkhas pas shes par bya'o/ /de rnams sngags kyi mdza' las ni/ zhes pa nas/ man ngag go bar la sham bu'i sngags bsad pa dang srung pa la sogs pa bla ma'i man ngag las shes par bya'o/ /mkhas pa'i tshig /ces pa ni ma bris so/ /bdag gi gzhan don rgyas pa ni/ /bris pas ma legs nyes srid pas/ /bla ma mkhas pa de la bzod par gsol/ /klu mo mkha' 'gros byin gyis brlab pa dang/ /sems can bdag pas dman la phan par bya phyir dang/ /rang mos shugs kyis gzhung 'di brtsams/ /'di brtsams pa yi dge ba yis/ /sems can ma lus thams cad kun/ /sngags kyi mi mthun zad gyur nas/ /yongs su dag pa'i sa thob shog /sngags kyi rgyan gyi 'grel pa/ mchog rab rgyas kyis mdzad pa rdzogs so// //bla ma dam pa'i man ngag snyan nas snyan du thob pa rdzogs so// (//dam tshig brgyan gyi rnam bshad mchog rab ma bzhugs// //) rgya gar skad du/ sa ma ya a lang kA ra/ nA ma TIkA/ bod skad du/ dam tshig rgyan gyi rnam par bshad pa zhes bya ba/ ston ka'i zla ba dri med 'od/ /ma skyes rdo rje ye shes nyid/ /rdo rje can la phyag 'tshal lo/ /sa gzhi dang ni yongs bskyed la/ /

  428. 214b

    'bras bu 'byin pa'i nus pa'o/ /ting 'dzin rgyu dang rab sbyor pa'i/ /bdag po brogs la sogs pa yi/ /'di yang 'bras bu 'byin pa'i grogs/ /rten med 'bras bu 'byin 'dod pa/ /mi 'byung sa bon mes bsregs bzhin/ /des na 'di yi don 'di bri/ /zhes pa'o/ /des na dam? tshig med dang 'chal bar gtong/ /som nyi la sogs bsal ba'i phyir/ /dam tshig rnams ni mdor bsdus nas/ /gsang ba'i bdag btud de ni bshad/ /ces pa ni/ rtsa ba'i don bshad pa'i don dgongs so/ /de la dam tshig med ni bsgom pa dang/ bsgrub pa dang/ sbyin sreg la sogs pa rnams 'bras bu med de sa bon me 'am chu la gtor ba bzhin no/ /som nyi bsal ba ni/ blang ba dang/ srung pa dang bcos pa ni spyi dang khyad par ro/ /dam tshig mdor bsdus pa ni/ nyan thos sdom pa dang/ theg pa chen po'i don byed pa dang/ gsang sngags so/ /gsang ba'i bdag la btud de bshad/ /bkra shis pa'i yan lag ste/ mchod pa'i tshul gyis/ nyon mongs zil gyis mnan nas bar chad mi 'byung ste/ de nas bshad/ ces pa 'og ma dang 'brel to/ /sngags pas bsrung ba'i dam tshig /ces pa ni/ sngags pa ni rin po che'i rigs kyi gang zag la dbang bskur ba'o/ /yid skyob cing 'dzin pas na de'i don yod pas na sngags pas so/ /srung ba ni sdom pa srung/ zhes pa'o/ /dam tshig ni gong ma'i don las mi 'da' zhes pa'i don to/ /nyan thos dang theg pa chen po dang gsang sngags kyi don las 'das na/ mnar med par skye bas don bsrung/ zhes bya ba ste/ sngags pa rnams so/ /dang po byang chub sems bskyed nas/ /nya 'am stong gi dus dag du/ /yan lag brgyad pa nyer gnas te/ lo gcig pa 'am zla gcig go zhes pa la/ byang chub sems dpa' ni bdag gcig pu 'khor ba las bsgral lo/ /zhi ba mya ngan las 'das pa thar pa thob par bya/ zhes pa nyan thos kyi sems bskyed do/ /nya 'am stong ni/

  429. 215a

    zhes pa la/ sdom pa dang ldan pa'i dge slong cig la/ phyag 'tshal ba sngon du 'gro bas/ zla ba 'ong ngo cog gi nya 'am stong la/ de dang 'brel pa'i sdom pa blang/ /zhes pa'o/ /yan lag brgyad/ ces pa ni/ srog gcod gzhan gyi nor 'phrog dang/ /mi tshangs spyod brdzun bcos pa'i chang/ /glu gar rol mo rgyan byug pa/ /mal stan che dang kha zas spong/ /'di ni sdom pa'i tshul khrims so/ /yang na sdom pa gsum ldan pa'i bla ma la/ phyag sngon du 'gro bas/ bla mas srog chags rnams ni bsang mi bya/ zhes pas sdom pa byin te/ lo gcig zla gcig bar du bsrung zhes pa'o/ /gong ma bzhi dang 'grel to/ /de nas ji srid sems de/ bslab pa lnga po legs gzung ste/ lo gcig zla gcig bar dag tu/ sdom pa brtan par bzung bar bya/ /zhes pa la/ de nas ji srid sems bskyed/ ces pa la/ smon 'jug gnyis kyis dge bsnyen du sems bskyed/ dge slong dam bla ma rnams kyi mdun du/ phyag sngon du 'gro bas/ dge bsnyen gyi las kyis/ de'i sdom pa blangs te/ tshangs par spyod pa'i dge bsnyen ni/ yan lag brgyad po ji srid 'tsho'i bar du bsrung ba'o/ /sna 'ga' srung ba phal chen no/ /rtsa ba bzhi dang myos pa'i khu ba dang/ bslab pa lnga po legs par bsrung bar gsungs pa/ de yang lo dang zla ba'i bar du sdom pa gong ma de brtan par gzung zhe'o/ /de nas dge tshul dge slong gi /bslab pa la ni legs gnas nas/ /mi btang lo 'am zla ba 'am/ sdom pa nyams pa blang bar bya/ /zhes pa la de nas dge tshul gyis mkhan po dang btsun pa la/ bar chad kyi chos yongs su bsal zhing/ dkon mchog la phyag dag gis/ spong ba bcu 'khor dang bcas pas blang zhing bsrung zhes pa'i don to/ /dge slong gis btsun pa gsum

  430. 215b

    gyi mdun du khrims nyi brgya lnga bcu rtsa gsum blangs pa dang/ bsrung ba dang bcas pa'o/ /de nas rang rang gi bslab pa legs par bsrung/ /zhes pa'o/ /de nas sngags kyi dam tshig pa'i ched du/ mi btang bar lo 'am zla ba'i bar du/ sdom pa nyams pa blang zhing bshags shes so/ /so sor thar pa'i sdom pa/ gang zhig gis ni gnas nas/ mkhas pa rnams kyis dus kun tu/ /srog gi phyir yang mi btang ngo/ /zhes pa ni/ so sor thar pa'i sdom pa ni/ 'du byed shes pa ngo tsha shes shing khel yod pa'o/ /bag chags la sems bslan pas brtan par byas te/ rten gyi gang zag gi sdom pa la legs par gnas par byas te/ mkhas pa ni blang ba dang bsrung ba dang/ btsa' bshes pas btsa' zhes pa'o/ /srog gi phyir yang mi btang ste/ phung po srog dang bral yang rang gi sdom pa mi btang ba'o/ /gang zhig gis ni de goms 'gyur/ /de tshe gong ma'i bslab gnas pas/ /de tshe 'og ma'i ming dang bral/ /zhes pa la/ gang zhig gis ni de goms 'gyur ni/ rten gyi gang zag des bsnyen gnas dang/ ngag bsnyen dang so sor thar pa'i sdom pa la/ dang por rim pa goms par bya/ zhes pa'o/ /gang tshe gong ma'i bslab gnas na 'og ma'i ming dang bral ni/ /spang ba chen po chen po la gnas na/ chung ngu'i spang bya ni/ sor med de gong mas khyab bya la don khyad par gnas pa ste/ 'og ma'i don gong ma la 'bras bu'i tshul du khyab/ ces pa ni/ tsa dang rgyu dang lo ma dang 'bras bu dang sa bon gyis khyab ces pa'o/ /gong ma gtso bo yin pa'i phyir yang gong ma'i ming dang bral/ /zhes pa'o/ /dang po sbyin pa bslab bya ste/ dngos po bcu gnyis yang dag ldan/ zhes pa nas ni/ sems can don byed tshul khrims ston pa yin te/ bla ma 'am dkon mchog gi mdun du/ bkra shis pas sems can don byed tshul du sems bskyed nas/ ji ltar dus gsum mgon po yis/ /yang

  431. 216a

    dag byang chub nges mdzad pa'i/ /cho gas sdom pa blang ba ni/ /pha rol phyin drug tshul du spyad/ /ces pa'i tshig dang 'brel to/ /sbyin pa la dngos po bcu gnyis ni/ chos kyi sbyin pa la don bshad pa dang/ smyu gu dang snag tsha po ti bzhi'o/ /zang zing la nor dang dbyig dang zas dang/ gos te gnyis pa'o/ /skyabs kyi sbyin pa la/ srog dang lam 'phrad dang 'jigs skyabs/ byams pa dang bzhi ste/ bcu gnyis so/ /tshul khrims la ni rnam dgu de/ /bzod dang brtson 'grus bsam gtan dang/ /shes rab gsum ste gsum du bsten/ /ces pa'i don la/ sdom pa dang dge ba don byed de/ /de yang lus ngag yid gsum spangs pa dang 'brel te/ bzod pa ni chos zab mo la sems pa'i bzod pa dang/ sdug bsngal dang du len pa dang gnod pa byas la ji mi snyam pa'i bzod pa'o/ /brtson 'grus ni go cha dang sbyor ba dang mthar phyin pa gsum mo/ /bsam gtan ni nyes pa spong ba dang/ dbang 'byor pa dang/ rnam par gnas pa gsum mo/ /shes rab ni thos pa bsam pa sgom mo/ / gzhan gyi mya ngan las 'das pa la sogs pas sems can don 'gyur thams cad kun/ /srog gi phyir yang mi btang ngo/ /zhes pa la/ gzhan gyi mya ngan las ngan pa bsags pa'i sdig pa'i gang zag rnams te/ dad pa brtson 'grus dang shes rab dang snying rje dang/ sngar gyi las ngan pa sel cing thar pa dang bde ba grol lo/ /zhes bya'o/ /sems can srog gi phyir yang mi btang ni/ sems can don dang 'brel ba srog gi skyabs la sogs pa/ rang gi srog dang mi bsngo zhes pa'o/ /sdom pa de lo 'am zla ba'i bar du brtan nas sngags kyi dam tshig blang/ zhes pa'o/ /sdom pa de rnams rim pas len pa ni gang zag spros bcas la dga' ba'i don du gsungs pa'o/ /theg pa chen po'i rigs can la ni/ sdom pa gsum gdan thog du blang

  432. 216b

    zhes pa'o/ /sngags kyi dam tshig blang ba ni/ bla ma sdom pa gsum dang ldan pa la dbang blang zhing dbang bzhi dang 'brel pa'i dam tshig gsum pa'o/ /spyi dang khyad par gnyis su shes ni/ spyir gsang sngags phyi nang gi dam tshig dang/ khyad par gsang ba'i bdag po'i dam tshig go /dang po dag ni bshad bya ni/ sngags spyi'i dam tshig go /dang po slob dpon mnyes par bya/ /yi dam spong len mi bya ste/ /lus ngag yid gsum sku gsung thugs/ phyag rgya che la rab tu gnas/ /zhes pa la/ dang po dbang gi dus su bla ma yo byad dang spyod pas mnyes par bya ba'o/ /dbang thob par bya ste/ phyis de bzhin du bla ma dang dam pa rnams la/ rang gi lus ngag yid kyi nyes pa med cing mos par bya/ zhes pa dang nyes na nyes pa che chung gi tshogs dang/ gtor ma brgya dang 'bum la sogs pas bshags pa bya'o/ /yi dam spong len mi bya ni/ /shes pas gong ma'i lha spangs na/ rtsa ba chad de ngan song 'gro /zhes pa ni de ni mnar med pa'o/ /shul gyi don la lha snga ma'i 'bras bu yod pa bstim ste gnyis med bya na 'am/ gnyis snang med par gcig gi ngo bo byung na ma spangs pa'o/ /lus ngag yid phyag rgya chen po ni/ lus lha dang ngag gi drag po rdo rje'i bzlas pa dang/ sems phyag rgya chen po dang mi 'bral ba ste mi dge ba bcu med pa ni phyag rgya chen po la rab tu gnas shes bya'o// dam pa rnams ni smad mi bya/ /gsang ba'i don yang bstan mi bya/ /rtogs chen sku yang mi bstan te/ /bzlas dang sems nyams bstan mi bya/ /zhes pa la/ dam pa rnams ni bla ma dam pa 'am sangs rgyas 'byung ba'i bla ma dam pa ste/ de la smad na sangs rgyas la mnyes? pa mi bgyis pa ste/ chos med pa'i yul du skye zhes pa'o/ /gsang ba'i don ni gsang sngags kyi don dang/ dbang gnyis pa gsum pa'i man ngag rnams dang/ /rdo rje'i spun ma myin pa la mi bstan pa ste/ bstan na sngags kyi dngos

  433. 217a

    grub pa la/ /zhes pa'o/ /rtags chen sku yang mi bstan te/ /rang gi lhag pa'i sku'i rtags rnams phyi ba la mi bstan te/ bstan na lhag pa'i lha'i dngos grub mi 'byung pa'o/ /bzlas na sems nyams mi bstan na/ /rang gi rdo rje spun min pa la bzlas pa'i spyod pa dang/ man ngag dang don rnams bstan na/ de'i de nyid mi 'byung/ zhes pa'o/ /nyams dang dngos dang rmi lam dang 'brel pa'i sems nyams mi bstan te/ de'i dngos grub yal/ zhes pa'i don dang 'brel to// bla ma dang rdo rje spun la ma yin te/ rang yin pa'i phyir ro/ /de ni rtsa ba'i dam tshig bstan pa yin pa'i phyir ro/ /gong gi don to/ /rdo rje dril bu 'phreng ba dag/ skad cig tsam yang spang mi bya/ /grogs po'i sems ni dkrug mi bya/ /khyad par grogs la smos ci dgos/ /shes pa la/ rdo rje dril bu rtag tu bcang ste mchod rdzas yin pa dang 'brel ba'i don yid la bya ba'i phyir ro/ /phreng ba ni bla ma dang lha dang lam khyad par can phreng zhing yid la bya/ zhes pa'i don to/ /skad cig kyang ma brjed par yid la bya'o/ /grogs po'i sems ni rdo rje'i spun de dbang dang/ dam tshig yongs su gzung ngo/ /sems can gnas gcig tu skyes pa yang nye ba'i spun yin pas gnod pa mi bya/ zhes pa'o/ /khyad par grogs ni dbang dang man ngan gcig pa dang/ grol bas mi bya zhing mnyes pa'o/ /yang na dbang gsum pa'i rten te/ de nyid du khrid pa'o/ /grogs yin pa'i phyir ro/ /grogs ni srid pa bar do skyob pa dang/ gnas pa gsum du 'grogs pa'i phyir grogs so/ /bsrung ba'i phyir bsrung pa'o/ /tshogs dang gtar ma sbyin sreg dang/ maN+Dal sAts+tsha la sogs pa/ srog gi phyir yang mi btang ngo/ /tshogs dang gtor ma dang sAts+tsha la sogs pa rnams/ lus la me 'bar bas myur bar bya ste/ dus rkyen gyis 'das na bsgrub

  434. 217b

    pa'i skal pa dang mi ldan pas myur par bya/ zhes pa'i don to/ /de ni rtsa ba dang yan lag nyams na bskang pa yin te/ nyes pa'i rim pa bdun dang nyi shu rtsa gcig dang/ brgya rtsa brgyad stong dang khri drug 'bum gyis nyes pa'i rim pa dang sgyur nas 'dag ces pa'o/ /chos kyi spyod pa gzhan rnams kyang spang bar 'gyur ba smos ci dgos ni/ klog 'don dang nyen pa bskyab pa ste/ thar pa'i lam dang dge ba'i stobs 'byin pa'i phyir ro/ /mi spang bar spyod pa dang 'brel to/ /sha cher khrag dang khu pa dang/ /dri chen dang ni dri chu ste/ blang dang spang bar bya ba min/ /rtsa ba byang chub sems mi btang/ /zhes pa la/ sha chen khrag dang khu ba la dri chen dang dri chu la drod kyi nus pa med par/ skye bo phal pa'i mdun du spyad pa ma yin te/ khyi phag dang 'dra ba'i phyir ro/ /spang na nyan thos dang 'dra bas spang ba ma yin no/ /gsang sngags spang ba dang blang ba'i lam min te de ni rtog pa yin pas/ 'di ni bde ba'i lam yin te/ /rtog med/ ces pa'i don to/ /rtsa ba byang chub sems mi btang ni kun rdzob dang don dam ste/ dge ba'i 'bras bu'i rtsa ba ma lus pa'i rtsa ba byang chub kyi sems yin pas spangs na ngan song du 'gro /zhes pa'o/ /chos la smod pa'ang spang bar bya/ dad ldan bsam pa sun mi dbyung/ /bud med rnams la smad mi bya/ /spang dang blang bar bya ba min/ /zhes pa la/ chos dang smod pa rang dang gzhan gyi grub pa'i mdza' ste/ smad cing spangs na rnam par snang mdzad ring pa'i rgyu'o/ /dad ldan bsam pa sun mi dbyung ni theg pa che chung gi rigs can te/ chung ngu ni chen por 'gal te sun ma phyung ba'o/ /gzhan ni lam gnyis ngan song sun 'byin pa ni de ni rgyu la 'jug pa ste/ rgyu 'bras sun 'byin pa'o/ /bud med ni bud med de chags bcas rnams dbang gsum pa'i dus rin po che'i rigs kyi gang zag rnams la mi smad/ ces pa'o/ /ye shes ngos 'dzin med par de spang ba'ang

  435. 218a

    min blang ba'ang med/ gang zag gnyis kyis so/ /bgrod med lam ni bgrod pa med/ /spong ba mi spong 'gyur ba dang/ /blang bya mi len spang bar bya/ /zhes pa la/ theg pa chen po'i lam la zhugs pa'i gang zag gis/ mu stegs dang nyan thos kyi lam ngan pas phyis mi bgrod pa'o/ /spong ba phyis mi spong bar 'gyur pa'o/ /nyon mongs pa dang las kyi nyon mongs pa rnams te/ de'i gzhi rnams spang zhes pa'o/ /blang bya mi len ni bskyed rdzogs kyi don de brtson 'grus kyis/ /'jug ces pa'o/ /dug lnga spong ba yang spang bar bya/ /blang ba yang ni spang ba yin/ /dug lnga mi spang bar spyang bya/ /zhes pa ste/ lung las pha dang ma ni bsad bar bya/ /rgyal po ngan pa bkur mi bya/ /bram ze grong khyer gzhom par bya/ /sems can don du gzhan gyi bud med spyad cing mi gtsang bas sems can gyi don/ /srog chags kyang ni bsad par bya/ /ma byin blang zhing brdzun smra dang/ /gzhan la phrag dog myos 'gyur btung/ /'das kyang grol bar 'gyur ba ste/ /dgongs pas bshad pa/ zhes ni/ dug lnga spang ba/ zhes pa ste rang ka ru mi spyad ces pa'o/ /gsang ba theg pa chen po'i gang zag skyes bu rnams kyis ni/ dug lnga mthun rkyen gyis blang zhing spyad par spang mi bya/ 'gal rkyen dgra ru yang mi gzung ste/ spang bya blang bya ru byas nas lam bgrod na/ theg pa chen po'i rigs min te chung ngu'o/ /dgra dang gnyen du ma gzung ba ni spangs bshugs te btang snyoms chen po'o/ /de ni theg pa chen po mi bslu ba'i lam la zhugs pa'o/ /dam pa ma yin bsten mi bya/ /zhes pa nas rtag tu mi dang spyod pa bstun/ /zhes pa'i bar la/ log pa'i bla ma mi bsten pa dang/ rdo rje slob dpon gyi las kyi rim pa dang/ de yang rtsa ba na gsal bas ma bris so/ /dang po dka' thub bsten pa ste/ tha ma'i dus su spang bar bya/ /chang sogs nyes par gyur pa spang//

  436. 218b

    zhes pa dang po bsnyen pa lo 'am sgra ba ru brtan par gzung la dge slong gi bslab pa'i dus su bsnyen gnas logs su mi dgos te/ spang ba'o/ /yang na dang po sdom pa gsum la gnas par byas la/ 'jig rten mchog gi ye shes skyes tsam na/ dka' thub mi dgos kun brtags yin pa'i phyir ro/ /char sogs nyes par gyur pa ni/ /sngags pa'i byang chub sems dpa' i rtsa ba lnga rgyun du spang zhes pa ste/ byang chub sems dpa' sngags zlos pa rnams kyis/ brag cong la sogs dang/ mi nag sdig byed dang gsung chen la mi 'grogs so/ /thabs ldan dngos grub sbyar bar 'gyur na ni/ /grang bcan gyi nad sel ba'i sman phul dag re btung ba 'am/ de ru yang rul gsum skyon spangs pa'o/ /zhes nang gzhi'i rten mi byed pa btung ngo/ /yang na bdud rtsi bsgrub pa bzhin btung zhes so/ /gang tshe bcom ldan rdo rje zhes pa nas/ de phyir nyon mongs spang bya'i phyir tu rtsa ba na gsal bas ma bris so/ /khyad par thod pa'i 'phreng ba can zhes pa la/ dang po bla ma la/ dkyil 'khor me tog sngon por bcas/ zhes pa dang po khyad par gyi sdom pa blangs la 'phags pa gos sngon po can gyi sdom pa bsrung/ zhes pa'o/ /de nas khyad par gzhan dang ma 'dra ba'i thod spyi phung dang 'dra ba'i sdom pa bsrung/ zhes pa'o/ /thod ni bzang po ste/ gtsar chang dang brag tsong dang/ rta rkyang sha dang longs spyod dang bcas par mkhas zhes zer ba ni/ chos zing du khyer ba ste/ de ni ro myags mo'i 'dam du skye zhes so/ /yang chos kyi mchog gi ye shes kyi ye shes yod pa de rnams kyis ni grong khyer du gtor ma la sogs pas phan gdags pa'o/ /dam tshig rtag tu bsrung byed pa'i/ /rnal 'byor de la dngos grub 'byung/ /dam tshig ni spyi dang khyad par gyi dam tshig ste de bsrungs na de la mchog gi dngos grub dang thun mong gi dngos grub ri lu la sogs pa 'grub ces so/ /dam tshig rnams ni rdo rje ste/ /dam tshig gdug pa

  437. 219a

    zil gyis gnon/ /dam tshig thub dka' gdug pa 'joms/ /de bas mkhas pa dus kun tu/ /dngos grub rgyur 'gyur dam tshig bsten/ /ces pa la/ dam tshig chen ni dam tshig dang ldan na/ nyon mongs rdo rje pa lam dang 'dra bar 'joms shes pa'o/ /dam tshig bsrung ba'i gang zag gis/ /gdug pa las klu'i gnod pa la sogs te/ nang gzhi mi 'byung/ zhes pa'o/ /dka' thub dam tshig ni sdom pa gsum ldan na shin tu dka' bas dka' o/ /bar du gcod pa'i gdung sel bas ring du mi gnas shes pa'o/ /de bas na mkhas pas ni blang ba dang bsrung ba dang/ /bshags pa'i don shes pa'o/ /dngos gru 'grub pa'i rgyu dam tshig yin pas bsrung/ zhes pas gong ma rnams dang 'bral to/ /gang dag dam tshig med cing sbyor ba kun spangs pa/ /rtag tu dngos grub sbyor spangs ni/ /sdug bsngal thams cad skyed no zhes pa la/ gang dag dam tshig med pa ni/ sdom pa gsum blangs nas mi srung pa'o/ /ste nyams pa rnams so/ /sbyor ba kun spangs ni nyams na bshags pa la mi 'jug cing chos kyi spyod pa gzhan 'dor ba'o/ /rtag tu dngos grub sbyor spangs ni/ dam tshig sbyor ba med na mchog thun mong gi dngos grub med ces/ bla ma dam tshig nyams pa'i chos zab pa dang dbang dang man ngag la sogs pas rang nyid kyang mi grol te/ sa bon nyams pa la myu gu sngon po mi 'byung ba'i phyir ro/ /gzhan yang des grol bar mi 'gyur te/ grong gi rgyu nyams pas 'bras bu 'byin mi nus pa'i phyir ro/ /des na dam tshig nyams pa'i mi dang lung pa gcig gi tshul yang mi btung ste/ sdug bsngal thams cad bskyed ba'i rgyu/ /dam tshig nyams pa yin pa'i phyir ro/ /'gro ba'i sdug bsngal sel mdzad sangs rgyas rdo rje can/ /rtag tu thub byed sdom gnas rtag tu bde ba'i mchog /bla med lam mchog gsang chen

  438. 219b

    de nyid skyabs?/ /ces pa la/ 'gro ba ni rigs drug ste gcig nas gcig tu 'gro ba'i phyir ro/ /sdug bsngal ni gsum mam brgyad/ /de sel ba ni sangs rgyas rdo rje can no/ /rtag tu thub byed ni/ /shAkya thub kyi bstan pa la/ de'i sdom pa gsum la ma gnas par lam gzhan med ces so/ /rtag tu bde ba'i mchog ni/ lam de la gnas pas rgyu dang 'bras bu dus gnyis bde zhes pa'o/ /bla med lam ni 'bras bu lam du byed pa'i theg pa'o/ /gsang chen rnal 'byor chen po lam mo/ /de nyid spangs ni rdo rje 'chang gi ngo bo spangs pa yin pa'i phyir ro/ /mi gnas dngos grub med cing tsha grang sdug bsngal myong ni/ don nor smra ba/ nyams shing slob dpon dka' sogs bcag /spyi nas bla med blang zhing mkha' 'gros snying nas 'dren zhes pa la/ mi gnas ni sngo ba dang dam tshig nyams pas/ dngos grub rnam gnyis med pa 'bras bu tsha grang gi sems can dmyal pa'i sdug bsngal myong zhes pa ste/ des na kyi hud bar med pa'i sdug bsngal 'di lta bu kyi hud e bzod thabs med pa'i/ tsha dang thar pa'i thabs med na/ /de'i rgyu 'don ni sdom pa nyams shing lta ba log mig zlum sha la sogs pa 'phral du srog dang bral ba'i sha dang mi bza' ba dang/ chang ni dug lnga bskyed pa'i rgyu yin pas/ nyon mongs pa kun nas slong ba'o/ /shes pa myos byed ni ma yin no/ /dug lnga la sogs pa g.yeng ba'i rgyu ma lus pa spangs la/ sems can ma lus pa la snying rje chen pos sgrub ces so/ /des phyag rgya chen lam la phreng ba dang phreng thag bzhin 'brel bas kyang phreng ba'o/ /dam tshig la phreng ba dang 'dra bar phreng/ zhes so/ /gos sngon po dang rak+Sha dang rus pa'i phreng ba blag shes pas/ gos sngon po dang ? bas ngo tsha brel yod gos stong g.yogs steng du gom pa ni gos sngon po'i rigs so/ /rak+Sha ni gnod sbyin rak+Sha skrag pa'i rgyan sbrul dang stag dang bya khyung gis mtshan pa la/ sogs pa khro bo'i rgyan bsam zhes so/ /rus pa'i phreng ba ni rin po che bai DUrya'i rgyan phrag pa

  439. 220a

    ga las la zar bu tshags su bsam mo/ /yang phreng ba ni phreng ba ste shing ku rus byang chub sgrib sel gyi 'bras bu dang drag po la 'bor nye rus pa yang bgrang zhes te/ rgyan gyi dam tshig go/ dus kun tu ni rang lha mchod/ /rtag tu bla ma mnyes par bya/ /rtag tu rang lha'i bsnyen pa bya/ /rtag tu rang lha'i dam tshig bsrung/ /dus zhes pa ni dus kun tu/ /lha mchod ni nyin mtshan ni rang gi lhag pa'i lha la phyi nang dag dang bas mchod cing dang ba dang mos pas mnyes par bya ste/ 'jig rten pa'i lha la mi mchod ces so/ /rtag tu bla ma mnyes pa ni/ dbang gi dus su yon gyis bla ma mnyes pa las dbang thob par bya ste/ phyis bla ma dang mi nyams par dam pa'i chos dang mthun pas bla ma mnyes par bya/ /zhes pa'o/ /rang lha'i bsnyen pa bya ba ni/ sgrub pa dang las sbyor min par rgyun tu rtsa sngags bzlas te/ sngags de ni sbyong zhing nus pa bskyed pa'o/ /des ni sku gsung thugs kyi byin nye ba'o/ /rtag tu rang gi dam tshig ni 'phags pa gos sngon po can dang 'brel pa'i dam tshig rnams te mi dge ba las log pa'i tha tshig go /rtag tu sngags kyi spyod pa bsten pa ni/ rtag tu chos kyi dam pa blang/ rtag tu khrus kyi cho ga bya ba ni rtag tu chos kyi dam pa blang/ zhes pa la rtag tu sngags spyod pa ni zas dang/ gtor ma khrus dang spyod lam gos dang ting nge 'dzin la sogs pa rnams dang nam du yang ma 'bral bar bsten ces pa'o/ /rtag tu chos kyi dam pa blang ni 'bras bu gsang sngags kyi chos la chog mi shes bar bri ba dang mnyan pa dang bsam pa ste/ theg pa 'og ma pa'i don dang ma 'brel zhes pa'i don to/ /rtag tu khrus kyi cho ga bya ni phyi nang gi khrus stong pa nyid chen po dang/ phyi lha zhu ba ste/ rigs lnga dang 'brel zhes pa'o/ /srog gcod pa'i sems can pas kun tu rgyug par byed pa bla/ zhes pa la/ srog gcod pa'i dang gcod du

  440. 220b

    gsal ba dang/ yi rang ba'i las kyi las rnams kyis/ tsha ba dang tsha ba'i sems can rnams su skye ste/ phyis nges na mnar du mi 'dod pa'i phyir ro/ /sems can rnams la srog phangs shing srog gi zug rdu shin tu mi bzod pa'i phyir ro/ /rgyu de nas 'bras bu yang ngan song gsum du 'gro nges so/ /sdug bsngal yang spang du med do/ /btso bsreg dus gcig la myong ba'o/ /de nas dge ba'i nang du srog gi sbyin pa che zhes rgyal bas gsungs so/ /des na srog gcod pa'i sems can pas/ sbrang zhing zas tshol bab ste bzang zhes pa'o/ /de nas srog gcod pa'i las rnam smin che zhing che bas srog gcod pa spong ngo/ /grong khyer 'jug dang gtor ma gtong/ /srog gi phyir yang mi gtang ngo/ /zhes pa la/ grong khyer 'jug ste rnyed pa'i phyir sbyin sreg dang gtor ma dang/ snang las su ma rung ba'o/ /gang zag rnams pa'o/ /smra ba nyams pa ni khas blangs na dkon mchog bslu ba yin pa'i phyir dang/ gzhung bzhin ma byas pa'i phyir ro/ /slob dpon dka' sogs bcag pa ni/ bla ma'i ngag ma mnyan zhing gsungs pa las bla ma rgyab tu gshe shing nor dang rdzas la ma gnang bar longs spyad pa ni/ yi dags kyi sems can dmyal ba'o/ /bla ma'i khyad par grogs la spyad cing/ bla ma rgyab kyis phyogs na/ sbyi nas rkang ba sog le 'bar bas 'dra zhing/ thar thabs med pa'i sdug bsngal myong ba ste/ rgyu 'bras so/ /tshe 'di la mkha' 'gros snying nas 'dren/ zhes pa'o/ /gang zag la la ni tshe 'di la grags pa snyan zhing bde zhing 'jig rten chos la dga' ba/ tshul 'chos g.yo can rnams snga ma'i bde ba'i las kyis 'dir bde zhes te/ tshe 'di 'das nas sdug bsngal myong/ zhes so/ /gnod byed me 'bal rtag tu dgra bzhin spang/ zhes te/ dam tshig nyams pa bsrung zhes pa'o/ /yid bzhin nor bu rang gi srog bzhin btsa'/ srog dang 'dra bar dam tshig ces so/ /dang po blang bsrung nyams

  441. 221a

    pa bshags par bya ste/ mkhas pa ni shes pa dang dad pa can no/ /gang zag des bde ba la gnas shing sdug bsngal spangs/ zhes pa'o/ /bdag gi gnas thabs 'di nas/ bde ba la gnas par shog gi bar rtsa ba na gsal zhing chang bas ma bkral lo/ /bdag gis 'grel 'di brtsam par mi rigs kyang/ sems can dman pa rnams la phan pa dang/ /dam tshig nyes dmigs mthong bas su/ /sdom pa dag la gnas par 'gyur/ /rang nyid sdom la mos pa yis/ /dad pa'i dbang gis 'grel 'di brtsams/ /ma legs nyes pa shor srid na/ /bla ma mkhas pa rnams la bzod par gsol/ /'phags pa gos sngon dngos grub nyid/ /bdag gis myur du thob gnas pas/ /ma lus myur tu thob par shog /shes bya sgrib pa phra mo rtsad nas rnam gcod cing/ /cung zhig de nyid rtsad nas mchod kyang/ /rags dang phra ba'i rtog pa 'og mnan nas/ /drod dang rtse mo chos kyi phyag rgya dang/ /gsang sngags zab mo dag gi lam la rab gnas nas/ /sdom pa gsum gyi lam gyis phyag rgya chad grol nas/ /sems can ma lus 'khor ba'i 'dam las bdag nyid 'don par shog /bdag gis 'grel 'di brtsams pa'i dge ba yis/ /ma lus sems can thams cad kun/ /mdze dang shu ba g.yan la sogs/ /nad kyi zug rngu rtsad nas 'byang ba dang/ /'khor ba'i chu rgyun bskams nas kyang/ /bdag dang mdza' yas sems can rnams/ /gos sngon dngos grub thob par shog /dam tshig rgyan gyi 'grel pa mchog rab ma rdzogs so// //zangs dkar tshul khrims gzhon nus bsgyur ba lags so// (//gos sngon can gyi sgrub thabs man ngag gi 'grel ba bzhugs//) //rgya gar skad du/ Arya nI lAM ba ra d+ha ra badzra pA Ni satwa no pi ka TI kA nA ma/ bod skad du/ 'phags pa lag na rdo rje gos sngon po can

  442. 221b

    kyi sgrub thabs kyi man ngag rgya cher bshad pa'i 'grel pa/ dpal phyag na rdo rje la phyag 'tshal lo/ /'khor ba'i sdug bsngal chu bo skems mdzod pa/ /mthu ldan bde ba chen po bdag nyid de/ nyi zla lta bu thugs mnga' ba'i/ /bcom ldan bde chen thugs rje chen po'i ngang/ sman mchog rdo rje can la phyag 'tshal lo/ /rang bzhin rig pa stong pa chen po'i ngang/ /gnyug ma bde ba snying rje chen po'i ngang/ /bde ba chen po mdza' bral rdo rje 'dzin pa nyid/ /phyag rgya chen po'i rang bzhin 'bras bu dngos/ /thob ba'i lam ni yod dang med pa yi/ / phyag rgya bzhi po lam gyis grol ba'o/ /dga' bzhi stong pa'i rang bzhin chen po ni/ /stong pa bdag med lam gyis grol/ /zhes gsung/ de bzhin tshogs lam drod dang rtse mo bzod pa lam/ /'jig rten chos dang mthong lam dang/ /bsgom pa mthar phyin lam gyis ni/ /gnas pa'i ye shes byang chub ngo bo lam/ /mthong zhing grol bar bla ma chen po gsung/ /rgyu 'bras gnyis med gsang sngags bla med lam/ /'bras bu dmigs bcas gsang ba bla med lam/ /lam la goms pas 'bras bu gsang sngags laM// 'bras bu 'am 'dir ni rgyu lam ngo shes pa/ /de yang bla ma chen po'i 'bras bu gtogs/ /lam med 'bras bu mchog tu bdag gi gzhung gis rtogs/ /rgyu ni rgyu las 'bras bu 'byin pas te/ /lam lnga rnam pas pha rol thob pa ste/ /mthong spangs sgom spangs 'bras bu thob spangs pa/ /bden pa bzhi ni nyon mongs gnyen po'o/ /rtsa ba nyon mongs nye ba'i nyon mongs rnams/ /bden pa rnams kyis zhing ni grol bar 'dod/ /bden pa gnyis la rab gnas 'bras bu sngags kyi tshul/ /bskyed rdzogs mthar phyin thabs dang shes rab bo/ /ye shes lnga yi lam la gnas pas 'bras bu grol ba'o/ /de la rtsa ba'i don bshad par 'dod pas/ 'gro ba sems can mun 'thoms pa'i/ /de yi sgron ma bya phyir bsgrub pa'i thabs/ /dpal ldan rdo rje 'dzin btud de//

  443. 222a

    zhes pa la/ 'gro ba ni rigs drug ste/ sems dpa' i bag chags kyis skye ba gcig tu len pa'i phyir 'gro ba'o/ /sems can ni nyon mongs pa'i yid can te/ kun gzhi rnam par shes pa can te/ skye 'jig gi chos can no/ /mun 'thoms pa ni rdul mun pa snying stobs la sogs te/ mthong bsgom nyon mongs pas kun nas dkris te bcings pa'o/ /'thoms pa ni las dang las kyi 'bras bu mi shes pa ste ma rig pas so/ /de'i sgron ma bya phyir ni nyon mongs pa'i gnyen po bden pa rnams kyis rang bzhin gsang sngags gzhung 'di nyid do/ /skyed pa la sogs stong pa nyid kyi nyon mongs pa zag pa zad pa ni/ thabs gsal bar bstan pa ni sgron ma'o/ /sgrub thabs ni 'grub pa dang 'grub par byed pa ste don thob par byed pa'o// dpal ldan ni yon tan rnam pa gnyis te rgyu dang 'bras bu las grub cing smin pa'o/ /rdo rje ni don rtags gsum ste/ stong pa'i rang bzhin zhes pa'i don to/ /de'i rang bzhin ngo bo stong pa nyid kyi rang bzhin du gnas pa ni 'dzin cing 'chang ba'o/ /'dud pa ni gzhung bkra shis shing mdzes pa dang 'jug pa dang thob pa'o/ /lus ngag yid kyis yon tan gsum dang ldan pa'i yid ma lha la dad pa 'dud/ ces so/ mchog rab snying pos rim bzhin bshad na/ slob dpon gyis man ngag las gzhung gi don mchog rab kyis bris pa'i don to/ /sngags pa yon tan kun ldan pas/ /shin tu yid 'ong bde gnas su/ /zhes pa la/ sngags pa ni rigs kyi bu 'am rigs kyi bu mo rin po che rigs kyi gang zag dad pa gsum dang ldan pa yongs su bzung ngo/ /yon tan kun dang ldan pa ni dbang thob cing ma nor bar dam tshig sdom pa gsum dang don gyi rang bzhin ma nor bar mthong ba dang lam shes pa'o/ /shin tu yid 'ong bde gnas ni grags pas ma smad pa la/ byang skyob shar dma' lho gzhol nub dgye ba'o/ /

  444. 222b

    yang na rang nyams dga' / zhes pa'o/ /snying gar nyi ma la hUM bzhag ste/ 'od kyis bgegs bsal khang pa dbub/ /ces pa la/ sngags pa'i sgrub pa po chos bzhi dang ldan pas/ lus la dran pa nye bar gzhag ste/ thun mong dang khyad par gyis sems gnyis bskyed de/ nang gi khrus stong par sems dpa' dang bcas par gzhag pa'o/ /des ni hUM ring pos rang skad cig mas/ 'dod pa'i lha ru bsams pa'o/ /de la snying ga dang spyi bo mgrin pa gsum du/ ye shes bsgom pa dang bstim pa dang/ ye shes pa ma lus zhing lus pa med par bstim pa'o/ /'od kyi bgegs bsal ni thugs rje dang ldan pa'i sdang mig gis phyogs kun tu blta zhes pa'i don dang 'brel to/ /des bka' bsgo ba ni rgyu gcig ma 'dug cig /'dir mthu ldan gyi khang pa yin no ba rang 'brel to/ /khang pa ni bskyed pa dang phyis bskyed pa'i tshig 'brel to/ /ma song bar bdag 'od dkyil 'khor la phog ste/ tsakra oM bruM hUM bruM/ sa bruM ha bruM a bruM gi thog lnga yang nas yang du phab ste bsgral ba'o/ /khang pa dbu ba ni rang gi nyi ma'i 'bar ba'i hUM las 'od zer la ha ljang khu kha dog sna tshogs pa phyogs bcud 'bros te/ rdo rje khang pa phyogs bzhi ru kha dog dkar po dang kha dog lngar grub par gyur pa'o/ /hUM hUM/ zhes brjod do/ /oM badzra tsakra hUM hUM/ zhes brjod pa dang badzra ha na ha na/ zhes pa dang/ badzra dzwa la raM gyi 'khor lo khang pa dang/ mda' dang mtshan cha'i khang pa dang/ me'i srung bar shin tu 'thas par grub pa'o/ /bsrung ba grub nas bgegs gso ba ni/ snying rje dang bral ba yin pa'i phyir/ mig g.yas pa'i raM gyi sdig pa bsregs te zhi ba'o/ /g.yon pa'i as kun gzhi gsos te/ bsad pa'i dogs pa dang bcas pas bros te byer ba'o/ /de ni bsrung ba'o/ /de 'od las byung nyi dkyil du/ /slob dpon sangs rgyas bcas spyan drangs/ phyag 'tshal mchod nas sdig pa bshags/ /sdom pa gzung dang yi rang dang

  445. 223a

    bsngo dang skyabs 'gro sems bskyed de/ zhes pa la/ nyi ma'i hUM las 'od zer 'phros te/ ma lus zhing lus pa med pa'i sems can la mdzad pa bcu gnyis tshul gyi don byas ye shes pa'i thugs kar thim snying po de nyid drangs te/ bdag gi rgyud la phog pas sgrib pa bzhi dag nas/ rgyud dang gos phyir bzlog pa bzhin du gyur ba'o/ /de 'di ni rang gi snying gi bdag po yis/ /seng ge la sogs pa'i gdan la/ bdag po 'od kyi bla ma dang sangs rgyas spyan drangs te bzhugs pa'o/ /phyag btsal ba ni lus ngag yid kyis sam/ yid ces pa dang 'brel to/ /mchod pa ni phyi nang gsang ba ste/ phyi ni rtsa dang lha mo dang/ dbul ba'i gnas tha dad du mchod pa'o/ /nang ni lha mo rnams kyi rang gi rtsas rang rang gis cig tu'o/ /gsang ba ni lha pho mo'i mchod pa'o/ /gsum ga phyag rgya chen po gsang pas mnyes pas gsang ba'o/ /de gong ma'i don rnams kun stong pa bla na med pa'o/ /sdig pa bshags pa ni gsum las gsum gyis gsum po rang rang du mi 'chab cing 'gyod pa dang bcas pas bshags shing phyis mi bya ba dang 'brel to/ /sdom pa gzung ba ni spyi dang khyad par de blangs pa'i don las phyis mi 'da' ba ste/ yi dam dngos su blang/ zhes pa dang 'brel to/ /yi rang ba ni spyi dang khyad par te/ bla na med pa'i lam la gos sngon po chos 'di las lhag pa gzhan su yang yong pa ma yin te/ khyad par don zhes pa dang 'brel bar yongs su gzung bas/ de dang 'brel pa'i nus pa khyad par can thob ces pa'o/ /des ni de'i ston pa mi 'gro par bzhugs pa dang/ 'bras bu med pa'i dogs pa byang chub tu yan lag bdun pa bsngo'o/ /skyabs 'gro ni phye pa'i lha yongs su bcad de khyad par 'phags pa gos sngon can la bdag nyid 'dud cing/ sems can ma lus lus pa

  446. 223b

    med pa'i don byas shing/ /bdag nyid skyabs shes pa dang 'brel to/ /sems bskyed de/ zhes pa la/ byang chub sems dpa' rigs kyi bu 'am bu mos lam la gnas pas/ sa gcig pa dang gnyis pa dang gsum pa ru sems bskyed cing 'dzeg pa ste/ gong gi dge shul gyi dge ba dang pa ma lus pas sems can ma lus thams cad 'khor ba las bsgral zhes pa'i don dang 'brel lo/ /de ni lam gyi sems bskyed ni/ dge ba khyad par can thob/ ces pa'i don dang 'brel to/ /de rnams rgyu ste longs spyod rdzogs pa'i mtshan dang dpe byad mang po thob/ ces pa'i don dang 'brel to/ /tshad med bzhi po sngon btang nas/ zhes pa la/ byams pa snying rje dga' ba btang snyoms bzhi rim pas bsgoms te/ sems can dang bdag rang 'brel pa'i bdag pas rgyu dang klan zhes pa'o/ /sprul pa dpag tu med pas sangs rgyas kyi 'bras bu mthun pa sprul pa'i nus pa zhes pa dang/ thams cad yongs su dag pa las zhes pa la/ ye shes tshogs de stong pa nyid dam sngags la sogs pas phyi nang ma lus pa stong pa nyid du gnas pa ste/ spros pa dang bral bas chos sku rgyu zhes pa'i don to/ /de rnams rgyu ste sngon du bya ba'i rim pa'o/ /sngags bskyed 'byung ba gzhal yas bcas/ /nyi steng zhes bya ba'i don la/ rdo rje bsrung ba blo rab rnams la ni/ gong ni gong gi ngag pas stong pa zhes bya ba ste/ phyis gzhal yas khang grub pa'i dus su srung yang snang la rnal 'byor ba blo brtan no/ /zhes pa dang 'brel/ tha ma'i gang zag rnams la ni/ dang po yod pa'i blo brtan pa'i khang pa grong gi rkyan gyis mi g.yo ste/ blo bye brag yin pa'i phyir ro/ /sngags bskyed ni yi dang raM dang baM laM suM las byung ba'i dkyil 'khor rim pas bskyed/ ces pa'i don to/ /ri rab la sogs pa'i khang par rang gi kha dog dang mthun pa'o/ /de steng brum las gzhal

  447. 224a

    yas khang pa rin po che lnga las brtsigs pa sgo bzhi ka ba brgyad pa/ rta babs bzhi dang zur bzhi pa/ phyi dang nang gi rgyan gyis brgyan pa/ dur khrod brgyad kyis nye bar klubs pa/ dur khrod brgyad ni 'das pa'i sangs rgyas rnams kyi lam/ zhes pa'i don to/ /rigs kyi du 'am rigs kyi bu mo rnams kyis shing dang mchod rten dang lha dang/ klu dang sprin dang/ phyogs kyi bdag po rnams mtshon pa'o/ /ro gsar rnying rtog pa med pa dang/ ces spyang dang/ kang ga? mchu rings kyi bya dang/ mi rtog pa dang phra mo rtog pa sel ba'o/ /nyi steng? ni/ gzhal yas khang gi dbus su seng ge dang pad+ma/ nyi zla'i gdan bskyed pa'o/ /hUM las rdo rjer gyur/ de las dpal ldan gnyis kyi bdag /rig pa yod med thun mong bzlog /ces pa la/ ting 'dzin gsum gyi rang bzhin rkyen gyi ngo bo hUM du snang ba'o/ /de'i 'od zer gyi las gnyis byas/ sangs rgyas kyi snying po zhugs nas/ thugs kyi rang bzhin dang hUM ring por gyur pa'o/ /yang 'od 'dus pas gnyis byas te/ dpal ldan gnyis kyi bdag /mchog dang thun mong gi bdag po sprul sku ru snang ba'o/ /rig ma yod med thun mong bzlog ni/ yum yod na mchog gi 'bras bu shes che ste grib ma bzhin grub/ ces pa'i don to/ /rig ma med pa ni thun mong dang 'brel te yum med pa'o/ /mthing nag gos sngon sku la gsol/ /rdo rje dril bu lag na thogs/ /sprul zhags bzhis lus rnam par brgyan/ /spyan dmar mche gtsigs sprul zhags za/ / gsus khyim che zhing 'jigs pa can/ /zhes pa la/ mthing ga ru byung don stong pa nyid la 'gyur ba med pa'o/ /gos sngon sku la gsol ba ni/ /rigs 'dzin pa dar ljang khu'i kha cag can/ /rdo rje dril bu ni g.yas na rdo rje rtse lnga pa la

  448. 224b

    ? lnga dang rigs lnga sa bon bkod pa'o/ /g.yon shes rab kyi rang bzhin dril bu thogs pa'o/ /sprul bzhis lus la brgyan pa ni/ rgyal po rigs dang rje'u dmar po dang/ bram ze dkar po dmar rigs nag pos rna cha la sogs pa byas pa'o/ /spyan dmar ? gtsigs ni spyan dmar ba ni sems can la chags shes pa'i don to/ /gdug pa zil gyis gnon pa yang shes bya'o/ /mche ba gtsigs pa ni bdud bzhi dang sdang ba 'dul ba ste don byed pa'i rtags so/ /gsus pa che ba ni stong pa nyid dang 'brel pa'i don to/ /'jigs pa can ni gshe pa'i dpal la sgeg pa'o/ /de gsal mdun du dkyil 'khor dgug /mchod dang gtor mas mnyes byas nas/ /bdag byin brlab pa'i gsol ba gdab/ dbang thob gyur nas gsang sngags bzlas shes/ pa la/ dam tshig pa'i rgyan cha dang/ phyag mtshan gsal nas/ hUM gi 'od kyis 'og min gnas nas ye shes lha tshogs dgug /ces pa dang 'bral te/ badzras man ta dza(rgyud 'grel): zhes pas so/ /ye shes pa dang lhan cig pa'i dgegs badzra yak+Sha hUM phaT/ ces pas dengs par bya'o/ /de la bdag don sngon du 'gro bas mchod yon dang yid kyi mchod pa dbul/ zhes pa'o/ /gzhan la ni phyi mchod dngos dang gtor ma sman gyi mchod la gsol ba gdab pa'o/ /bdag byin gyis brlab pa'i? gsol ba gdab ba ni/ e ma dpal ldan gis sngon can/ /thugs rje chen po'i byin gyis brlabs kyis/ /lus kyi rtog pa bsal ba'i phyir/ /bdag lus bde gshegs skur byin rlabs/ /ngag dang yid la yang yang brjod/ /de nas gnas gsum du oM dang a(rgyud 'grel): dang hUM dkar po dang dmar po dang/ mthing ga gnas su bltas te/ 'bru gsum las 'od langs te sngo ma 'am kaM /'aM 'od nag po bsdus te bsregs shing spyang ste des ni kun gzhi la bag chags yod pa'i mdze'i sa bon yang

  449. 225a

    spyangs shing bsregs nas/ rang rang gi phyag mtshan dang sku ru gnas su dgong pa la/ ye shes pa bstim pa ni rang gi bdag po'o/ /yang 'od kyis mdun na gnas pa dang/ rigs lnga sangs rgyas gnas nas bstim pa'o/ /dbang thob ni/ bla mas rigs kyi bdag po bskul te/ rigs lngas shar nas chu'i dbang dang/ me long gsal ba rgyud la bstim pa dang/ zhe sdang rnam par dag pa'o/ /lho nas dbu rgyan gyis mnyam pa nyid dang/ nga'am ser sna sel ba'o/ /nub rdo rje ni so sor rtog pas 'dod chags sel ba'o/ /de nas dril bus bya ba ye shes dang phrag dog sel ba'o/ /dbus ming gis rdo rje dril bu gti mug sel cing khyab bya bstim pa'o/ /tel mar la mar bskus khyab pa bzhin te/ thob pa ni dbu la rigs lngas brgyan pa'o/ /yang bdag po dang rigs lngas rigs lnga sbyor ba byas la/ thig le aM dang hUM gi rnam par thugs rje chen po dang du zhu nas/ gu hya a bi Shiny+tsa/ zhes pa dang/ slob mas a ho su ga brjod nas/ lce la byin pa dag las gyur ba'i nyon mongs pa dag ste/ sngags bzlos pa nus pa mthu can du gyur nas/ gsung dbyangs yan lag brgyad cu 'am/ drug cu dang ldan te lce rdo rje rang bzhin du song ba'o/ /dbang gsum pa dang bzhi pa'i yon tan 'og nas gong du 'phel bar 'gyur/ zhes pa ste/ thun mong gtsor byas pa'o/ /mchog rnams kyi ni gsum pa dang bzhi pa rim pas blangs te/ phyag rgya chen po ngang la gnas pa las/ phyogs bcur lha mos gsol ba btab ste/ yan lag lnga'i tshul gyis sku langs te/ sngags bzlas shes pa dang 'brel to/ /gsal ba rnam gnyis rags dang phra zhes pa ni/ gsal ba gnyis ni gtso bo dang rten gzhal yas khang dang srung ba gsal ba'o/ /rags pa ni gtso bo gsal ba ste/ phyi sku mdog dang rgyan cha gsal

  450. 225b

    ba'o/ /phra ba ni nang gi sems dpa' sum rtseg gsal pa'o/ /des ni ting nge 'dzin gyi rim pa'o/ /rgyud sbyong rags dad phra ba'o/ /rags pa gnyis te pa thag dang/ /ba thag med do gnyis ka la/ /mgal me phreng ba nyi ma'i tshul/ /zhes pa las/ rgyud sbyangs pa'i bzlas pa la rags par bzlas pa dang/ phra bar bzlas pa'o/ /rags pa thag yod par bzlos pa ni/ lus ngag yid kyi sgrib pa dus mnyam du snying ga nas sdom pa'am sdig pa'am kaM 'od phung du 'thon pa te sarba pA paM u tsa ta ya/ zhes pa dang 'brel to/ gong gi ma lus pa lte bar raM las mes bsreg da ha dzwa la raM/ zhes pa dang 'brel to/ /thal ba ma lus pa spyi bo nas haM dkar pos chu rgyun phab ste/ shud+d+honyahaM zhes pa'i don dang 'brel te yid dang ngag gi las so/ /ba thag yod pa ni lus ngag yid yo 'od kyi skud pas sprel ba'i tshul de bdag po'i sngags las shes pa'i 'od kyi skud pas sbrel nas 'don zhing sreg /ces pa'o/ /ba thag med pa ni 'od kyi skud pa sbrel ba ma yin 'od zer gyis/ lus ngag yid gsum gyi las kyi 'bras bu 'byar la ma reg par 'dod pa'o/ /des ni 'bras dang ye shes me rlung gis 'byed pa bzhin no/ /mgal me ni bar ma chad pa'o/ /'phreng ba ni yig 'bru la 'od zer zhon pa'o/ /nyi ma ni 'od zer lus yo la bdal ba'o/ /phra ba yang gsum du byung ba ni/ hUM skul sreg pa raM yin te/ lte ba bkru ba spyi bo a/ zhes pa la/ phra ba gsum du byung ba ni/ dus mnyam du ma yin te lus ngag yid sgrib pa re mos/ zhes par snying gnas sdom 'am sdig par bton lte bar mar la sreg /spyi bo as bsregs pa'i thal ba bkru/ zhes pa'o/ /ngag gi kaM nag po zhib mor snying ga nas bton lte bar sreg spyi bo nas bkru zhes pa'o/ /yid kyi 'od dpung du bton pa dang bsreg pa dang bkru/ zhes pa'i gong du bshad par

  451. 226a

    bsams te/ kun gzhi sgrib pa sbyang/ zhes pa'o/ /mtshan ma 'dod pa rnam pa lnga/ /yum la bskor ba rnam gsum dang/ /ye bdag rnam pa gsum/ zhes pa la/ mtshan ma 'dod pa lnga zlos lugs lnga'o/ /yum la bskor ba rnam gsum ni/ dam tshig pa yab yum dang ye shes gtso bo cig po ste thugs dang 'og sgo yang gzung ngo/ /ye shes pa dang rnam pa gsum ni ye shes yab yum dang dam tshig pa gtso bo ste gong dang gong bzlog /ces pa'o/ /'khor dang yum bskor gong dang 'dra/ /bdag bskor nyi bskor tha ma ni snying gar skor ro/ /ngo mtshan ma 'byung zhes pa la/ /'khor dang yum bskor gong ma 'dra/ /zhes pa la 'khor yum can gtso bo yum med do/ /bdag rang gi bzlas pa la yum yod na yum dang 'khor ba dang/ yum med na snying ga'i ye shes sems dpa' i rdo rje hUM can la bzlas pa ste/ mgal me'i 'phreng ba nyi ma ni yo la sbyar ba'o/ /grangs ni 'bum dang nyis 'bum sum 'bum dang bdun 'bum dang/ bye ba dang/ nyi shu dang/ lus ngag yid gsum re re spyir gcig ste/ nyi shu rtsa bzhi'o/ /de ni grangs kyi bsnyen pa skyel ba ste/ /'od zer dkar po sgrib pa sbyang/ /zhes pa'o/ /nye bsnyen ye shes pa la 'od kyis mchod nas/ las dang sgrib pa sbyong ba ste 'od zer dkar po chu rgyun can dang 'brel te ye shes bstim pa yang bzung ngo/ /bsgrub pa yang 'od zer dkar dmar te dmar pos bsreg cing dkar pos 'khrud de dpe nyi ma bzhin no/ /bgrang ba'i snying po yang gtso bo'i snying po dang drag sngags 'brel pas bzlas shes pa'o/ /bsgrub pa chen po bzlas pa yang bsgrub pa'i snying ga'i hUM las me 'phro ba'i rnam pa lte bar raM las 'bar ba/ sor bzhi dang mtho gang khru gang mchod de mes 'bar zhing bsreg 'phros pas yas

  452. 226b

    'phro kun gzhi sgrib pa dang/ gdon gyi nus mthu dang gdon gyi gnod sems me stag 'thor? zhing 'phros bsregs te/ ye shes pa dang 'phro 'du sngags kyis kyang me'i rang bzhin gyi dus gcig par drag po tshal du 'tshig pa'o/ /rnam par smin pa'i lus bsregs ye shes phyag rdor gyur ye shes bstim par bya/ bgrang ba'i snying po yang oM badzra pA Ni mahA yak+Sha nI lAM ba ra d+ha ra ni badzra hUM phaT/ oM badzra tsaN+Da mahA ro Sha Na hUM phan ha ba oM swA khri go bzlog bzlas pa'o/ /go bzlog gam zangs pa'o/ /thun bzhi rnal 'byor gyis/ bzlas pa'i sngags 'di rnams kyis bla na med pa'i 'bras bu thob/ mdze la sogs te nad kyi zung du 'byin/ gnod pa'i bgegs la 'chi snyam pa 'byung/ phros te 'gro sdug bsngal thams cad las thar bar 'od snyam pa dang dngos grub kun dang 'brel/ zhes pa ste/ des ni myur du 'grub par 'gyur ro/ /de ni mtshan ma 'dod pa'o/ /mtshan ma byung 'od sgra sku ston sgyur bzlog ni/ sngags grub pa dang nad thon pa dang/ gdon thub pa ste/ gos sngon gon pa dang/ me tog sngon po thu ba la sogs pa dang/ lus la rnag khrag thon pa la sogs pa dang/ nya sbal la sogs pa ring cing me nad bsregs pa'o/ /'od ni tha ma'o/ /sgra 'bring skur ba ste/ dga' mi dga' sems dang bral ba'i sgyu mas bzlog / ces pa'o/ /bskyed rim pa kun rtags lam du bya/ zhes pa'i don to/ /de rjes sangs rgyas lung ston ni sprul sku dngos chos ston te/ bskyed pa'i rim pa'i man ngag dang 'brel to/ /grogs ni khrus dang sreg dang tsha/ /bdud rtsi tshogs dang gtor mas bya/ /de nas gser la sogs pas grub pa la/ /bskyed rdzogs kyi grogs bstan pa yin te/ khrus ni phyi dang nang ngo/ /de gnyis kyis thams cad bdag /ces pa'o/ /phyi dro lnga reg pas dag ces pa'o/ /nad kun kyang sel

  453. 227a

    ba mi rtog pa'o/ /sreg pa'o/ /'phrin las bzhi sreg go /des dngos grub bzhi grub pa'i phyir sbyin sreg go /tshe ni phyi tshe dang nor rnam thos bus dang 'brel bas nor 'phel zhing tshe brtan pa'o/ /nang gi tshe rin po che ga bu nang du brtan/ zhes pa'o/ /bdud rtsi ni bdud rtsi'i rnam pa lnga dang/ 'brel ba ste/ rkyang pa 'am bcud len gyi bsgrub thabs dang 'brel to/ /tshogs kyi tshogs 'khor dang dpa' bo'i ston mo dang/ tshogs mchod de tshogs kyi man ngag las shes par bya'o/ /gtor ma ni phyi dang nang ngo/ /drug pa nges gser la sogs pa 'grub ste/ thun mong gi dngos grub rnams so/ /de yum lcang lo can gyi rgyud nas ri la rkang mgyogs mig sman dang gter dang dgra bo tshar gcod dang/ gnad sbyin mo dang bdud rtsi len ral gri 'jig rten dngos grub chen po brgyad/ bzlas pa tshogs dang gtor ma rnams kyis 'grub/ /ces rdo rje 'chang gis gsungs so/ /mchog 'dod pa'i sems can gyis/ /snying ga'i spyod ba gsum gyi rtsa yi ge thig les yang dag mtshan zhes pa la sogs pa'i man ngag ston pa yin te/ mchog 'dod pa'i 'bras bu bla na med pa phyag rgya chen po 'dod pa'o/ /sems can ni de bsgrub pa'i gang zag sngags pa'i byang chub sems dpa' rnams so/ /snying ga sbyor ba ni spyi bo dang mgrin pa dang snying ga dang lte ba dang me rlung ngo/ /rtsa 'dab so gnyis dang/ bcu drug dang brgyad dang drug cu'o/ /gsum ni a ba d+hU tI la la nA ra sa nA 'ja' tshon gyi tshul du gnas shes pa'o/ /yi ge thig le ni A laM nyis ldab dang/ bcu drug rkyang pa dang/ sde tshan brgyad dang/ kA li nyis ldab 'khor lo la'a/ /d+hU tI nA hUM ngo/ /g.yas na A li g.yon na kA li'i thig le 'khyags pa'i dngos so/ /dbus

  454. 227b

    nas thabs dang shes rab 'bar/ thig le bsam mo 'gro ba'i tshe/ zhes pas dbus thabs dang shes rab 'bar ni snying gar nyi zla bar du a thig le ngo bor gnas pa'i haM dang/ oM A yaM rim pas bsam pa ste thig le ngo bo'o/ /'gro ba'i tshe ni rlung sngon po lngas gtum mo me bus te/ stong pa nyid gsum gyi nang na yang me song ste/ snying gar nyi zla gsum las snang stong gi me 'bar te bde ba chen po thob/ zhes pa'i don to/ /de nas yar la sangs rgyas zhing khams gzhan nas/ byang chub pa chu'i ngo bo bkug nas rgyud rlan/ zhes pa'o/ /de ni dbyug gu tshod 'pho ba thun gyi bar du bsgom/ zhes pa'o/ /ba thag phug nas thig le dbang po gang dang gang gi rtsal bye steng du thig le bsam/ zhes pa la/ dbang po yul la 'phro bar gyur na/ dbang po lnga po gang yul la 'phro ba'i tshe/ gzugs dang sgra la sogs pa la kha phye ste/ rang rang gi yul stong bar me 'bar bar zhes pa'o/ /ba thag phug nas thig le la thim mo de la blo gtad nas/ 'jug pa ba thag bzhi par thim/ zhes pa la/ /ba thag ni dngos por snang ba'i yul lo/ /thag pa dang 'dra bar 'dzin pa yin pa'i phyir ro/ /phug nas ni snang ba lam du khyer ba ste/ snang ba thig le rang bzhin du gyur ba'o/ /thim mo de la blo gtad ni snang ba dang stong pa gcig tu thim/ zhes pa'i don to/ /bden pa gnyis 'dres pa'i lam mo/ /de ni don stong pa ste/ 'dris par bya ba'i yul lo/ /'jug pa ba thag ni rnam shes 'pho 'jug ste/ skye ba dang rmi lam dang srid par 'khor ba rtsad nas gcod pa'o/ /don gyi ngo bos gnas pas stong pa gcig nas gcig tu 'pho ba ste/ rang bzhin gnas pa ni gcig gi shes pa'o/ /ba thag ni kun brtags kyi rtog pa'o/ /gzhi bor thim pa ni/ gzhi gnas pa'i ngo bo stong pa nyid la/ ma la bu thim/

  455. 228a

    zhes pa ste/ 'bras bu rang bzhin no/ /dbang po thig le med pa la/ /'byung 'jug phra ba'i ba thag ni/ /skor bdun 'od dang 'gro bas 'grub ni/ rlung rkyang pa la sgom pa ston pa yin te/ dbang po thig le med pa ni/ rtsa ba dang thig le mi sgom ste/ /rlung la rdo rje bzlas pa bya zhes pa'o/ /rlung ni 'khor bar bskyed pa'i rta yin pas/ /rlung nyid lam du bslang/ zhes pa'o/ /'byung ba'i phyir lus las rlung 'byung ba ste/ stong pa nyid dang 'grogs par 'grogs/ /zhes pa'i ba thag dang 'brel to/ 'jug pa ni rlung lus la 'jug pa ste/ nang du stong pa'i thig le nang du stong pa'i thig le chen po dang/ 'grogs par byas la/ 'jam pa nyid du yun ring su nang du bzla/ zhes bya'o/ /phra ba ni rlung dag pa'i rang bzhin phra bas kyang shin tu phra ba'i ngo bo la gnas pa'o/ /ba thag ni rtog pa'i me chu rab tu zhi ba las zhi ba'o/ /skor bdun 'od dang 'ong bas 'grub ni/ phyi nang du 'ong ba dang 'gro ba ste/ sems gzung ba'i yun tshad do/ /'grub dngos su bas/ la bzla phyag rgya'i dngos grub 'gyur ni/ la bzla ba ni sred pa'ang bla mar byas shes pa ste/ stong pa nyid du ston pa'i phyir ro/ /bden pa gnyis ka'i 'dzin pa dang bral ba ste/ phyag rgya chen po ye shes sngon por slebs pa'o/ /des na mdza' bral stong par song ba ni/ dbu ma ba'i 'dod pa ste/ bla ma'i man ngag dang bral ba'i dbu ma yang 'bring po tsam nyid do/ /bla ma'i man ngag gis rab brgyan pa yi/ rnam bcad yongs gcod med pa yi/ /bde ba steng ba chen po ni/ /rang bzhin phyag rgya chen po ste/ /dngos grub 'gyur/ zhes pa'i don to/ /de ni rdzogs ba'i 'bras bu'o/ /'di ni gang zag snod can las/ /gzhan la sbyin par mi bya'o/ /zhes pa la/ 'di gzhung bla mas snyan nas snyan du brgyud pa'i man ngag yin pas gang zag snod can la bstan pa yin te/ sgang bu rma zhing dad pa brtan/ /sems can 'gro

  456. 228b

    pa'i don la dga' / /thos pa mang ba yid ces brtan/ /brtson 'grus drag la bsam gtan mos/ /zab mo don la chog mi shes/ /tshogs dang sAts+tsha la sogs pa/ /thar ba'i lam la shin tu mos/ /de la brten la de yis bsgrub/ /ces pa'o/ /smon lam dge rtsa bsngo legs bas/ /gsang ba zab mo don dang sprad/ /'di ru 'bad rtsol drag po yis/ /dge ba bag chags stobs rnams skyes/ /thar pa'i lam du 'gro bar nges/ /gzhan yang gang zag phal ba rnams/ /sdug bsngal kun 'byung lam la rab gnas pas/ /dar pa zhan zhing ngo tsha chung/ /khrel 'dzem med la skyongs can/ /zas nor chags pa'i dbang la mos/ /gsang ba'i don la mi mos shing/ /dkon mchog smod cing mi dge bcu la mos/ /lam log rtsa ba chad pa'i gang zag rnams la bstan na dam tshig nyams zhes pa'o/ /bdag gis sgrub thabs 'di brtsams zhes pa nas/ yongs su dag pa'i sa thob shog gi bar la/ rtsa ba na gsal bas ma bris so/ /bdag gis mthong lam sa ni dang po ma thob cing/ 'phags pa gos sngon can gyi dngos grub ma thob kyang/ /a mri ta yi me tog rtsi 'khor bzhin/ /rang nyid lhag pa'i lha yi dngos grub 'dod pa dang/ /bcom ldan rdo rje can la mos pa'i dad shugs dang/ /mkha' 'gro rnams kyis kun nas bdag bskul te/ /smon lam dbang gis gru sgrub man ngag dran/ /bdag 'dra blo chung mun pas brtsam par mi rigs kyang/ /dad pa'i dbang gis rtsa ba'i 'grel ba brtsams/ /tshig dang don la nyes pa shor srid na/ /rigs lnga bde bar gshegs pa rnams dang yang/ /nA gardzu na la sogs bla ma dam pa rnams/ /bdag 'dra blo zhan dbang gis bzod par gsol/ /bdag 'dra blo zhan shes rab chung ba dang/ /gang zag mchog rab snying po don la rab tu mos pa rnams/ /dngos grub thob pa'i chos su bdag gis bris/ /gsal ba mi gsal rtsa rab don rnams kun/ /bdag gis

  457. 229a

    'brel tig 'bru ru gsal bar byas/ /thar pa thob byed lam ni rab tu snang/ /blo zhan sems can dman la phan pa dang/ /bla ma'i man ngag brgyud pa gsal 'bar phyir/ /zab mo don dang sbyar nas bdag gis bris/ /'di la dge ba'i rtsa ba ci yod gyur ba des/ /bdag dang mdza' yas sems can rnams/ /dge bcu dal 'byor lam la rab brtson zhing/ /drod dang rtse mo mchog mthong ye shes rnams/ /ma lus myur du bdag gis bsgrod pa dang/ /las dang chos kyi phyag rgya chen po rnams/ /kun rdzob don dam tshul du rab gnas te/ /sdug bsngal gsum dang brgyad dang rab bral nas/ /'bras bu shu ba g.yan pa mdze la sogs/ /bzhi brgya rtsa bzhi nad rnams rtsad nas zhi ba dang/ /dag pa'i sa la rab tu gnas pa dang/ / 'phags pa gos sngon dngos grub thob par shog /mchog rab snying po rtsa ba'i man ngag pad+ma 'byung gnas kyis mdzad pa'i 'grel pa rdzogs so// (//de kho na nyid sgron mi bsgrub thabs bzhugs//) // rgya gar skad du/ tad twa pra dI baM nA ma sA d+ha no pi ka a ti/ bod skad du/ de kho na nyid sgron ma zhes bya ba'i sgrub thabs rdzogs ba/ dpal rdo rje can la phyag 'tshal lo/ /gang zhig gis ni bde ba thob cing sdug bsngal spong 'dod pa/ /de yis nor bu bzhin du bsgrub phyir bde ba'i mchog nyid la ni rab btud de/ sgrub pa'i thabs mchog de nyid sgron ma 'di ni gsang ba'i rgyud rnams la/ /brten cing gzhan yang gang las 'ongs pa de nyid bdag gis bshad par bya/ /gang zhig gis ni legs pa'i don gsungs pa ni kun la gsal ma byas/ /de byas pa min mthong ba 'dir ni gsang ba 'di la dga' ba skyes/ /gang zhig sdug bsngal spong 'dod de la thabs rnams med 'gyur zhing/ /bde ba thob pa'i thabs ni de 'dra de las bzlog byed la//

  458. 229b

    dbang? mchog dam pa 'di bstan 'di la gus par gyis/ /lha spyod dbang dang dam tshig ldan/ /yon tan gzhan gyis nyer brgyan pa'i/ /rnal 'byor snod can gang zhig gis/ /yang dag byang chub yid la bzhag /ri dang yul khams la sogs pa'i// yon tan thams cad ldan pa'i gnas/ /mngon sum grags pas mas smad pa/ /der ni nye bar 'dug nas ni/ /dang por bgegs rnams bskyed par bya/ /skad cig phyag na rdo rje gsal/ /de yis gdug pa can rnams la/ /gzhan du 'gro ba'i bka' bsgo la/ /mi 'gro 'gyur ba'i bgegs rnams kun/ /rdo rje 'khor lo'i thog gis bsad/ /de nas rang 'od mdun byung las/ /sna tshogs rdo rje 'bar ba bsam/ /de yis khro bo'i khang ba 'bubs/ /yang na bdag las khams gsum rgyal/ /khro bo de? spos? 'byung bo bkug /phur bus mdun du btab byas nas/ /de ni 'byung po 'dul ba'i mchog /yang na rang gi gnas dag tu/ /bcing dang gtub pa'i las byas nas/ /de ni myur du bzlog pa yin/ /de 'og khro bo'i khang pa bsgom/ /phyi nas bgegs rnams gso bar bya/ /yang na khang pa med dang thog /tsha tsha 'khrug pa'i rnam pa la/ /'bar dang 'pho ba'i 'khor lo brtsam/ /mtshams bcad pa yi man ngag gi /ces pa 'di ni/ byang chub sems dpa' sems dpa' chen pos ji srid du mtshams bcad pa'i dam tshig go /gang tshe mtshams kyi cho ga rdzogs// //de nas bla ma mchod pa brtsam/ /rang snying mdun gyi nyi ma la/ /bla ma bkug ste 'od du zhu/ /de las rdo rje 'chang chen sku/ /gnas rnams byin brlabs dbang bskur nas/ /phyag btsal ba dang mchod pa dang/ /sdig bshags sdom pa bzung ba dang/ /lus dbul dge rtsa bsngo byas na/ /bla med mchog gis 'grub par 'gyur/ /bla ma mchod pa'i rnal 'byor pas/ /bde gshegs mchod pa'i cho ga

  459. 230a

    brtsam/ /sa man dza yi sngags byung ba'i/ /'od kyis dpal ldan gos sngon can/ /'khor bcas mdun du spyan drangs te/ /gdan la bzhugs par gsol ba gdab/ /de nas spos dang me tog dang/ /mar me dri chab la sogs pa// dngos par yid kyi mchod pa rnams/ /ci nus par ni dbul bar bya/ /de 'og sdig pa bshags pa dang/ /sdom pa yang ni gzung bar bya/ /yi rang ba dang bskul ba dang/ /gsol gdab rang gi lus dbul zhing/ /dge rtsa byang chub chen por bsngo/ /bdag las sprul pa'i lha tshogs kyis/ /sems can kun gyi don byed bsam/ /phyi ma'i dus kyi smon lam gdab/ /sems can don bya'i bsam pa bskyed/ /chad med bzhi yang bsgom par bya/ /de la nan tan cher bskyed nas/ /sdig pa spyod bar byed pa dang/ thun mong dngos grub kun 'grub cing/ /de la sogs pa'i yon tan tshogs/ /dpag tu med par 'byung bar 'gyur/ /ces pa 'di ni byang chub sems dpa' sems dpa' chen pos ji srid du bsod nams kyi tshogs bsags pa'i dam tshig chen po'o/ / gzhan yang yang dag bshad bya ba/ /ji srid bsod nams tshogs rdzogs nas/ /ye shes tshogs rnams bshad bya ste/ /dang po nyid nas rang bzhin med/ /de ltar mos par byed pa dang/ /yang na snying ga'i yi ge las/ /'od byung bdag nyi zhu gyur te// slar 'dus rang bzhin med par 'gyur/ /de la dmigs nas bsgoms pa'i tshe/ /gzhan pa'i yul rnams rang bzhin bzhag /da ltar/ yul ni gang la'ang mi gtad de/ /rten yang gang la'ang bca' ba med/ /ces pa 'di ni byang chub sems dpa' sems dpa' chen pos ji srid du ye shes kyi tshogs bsags pa'i dam tshig chen po'o/ /de ltar tshogs gnyis bsags gyur na/ /gang zhig bskyed pa'i sbyor ba ni/ /yaM dang baM dang laM dang suM dang bruM las byung ba yis/ /rlung dang chu yi dkyil 'khor

  460. 230b

    ?? gzhi rir? bsteng dag tu/ /gzhal yas khang pa bsam byas te/ /gru bzhi pa la sgo bzhi pa/ /pad+ma brgyad kyis yang dag brgyan/ /gru chad bzhis brgyan par khyams dang/ /dra ba dra phyed pha gu dang/ /dril bu dar dpyangs la sogs pa/ /phyi dang nang gi rgyan gyis mdzes/ /dbus su nyi zla pad+ma'i steng/ /hUM las byung ba'i rdo rje 'bar/ /de las dpal ldan gos sngon sku/ /zhal gcig phyag gnyis mthing ka'i mdog /dbu la sbrul brgyad gdengs ka can/ /sangs rgyas lnga yis dbu brgyan cing/ /gnas lngar sku lnga'i mtshan ma can/ /spyan gsum me yi mdog 'dra zhing/ /shangs 'bar dbugs las rlung yang 'tshub/ /ljags ni glog bzhin myur 'dril zhing/ /zhal nas sbrul nag gsol ba'i tshul/ /sbrul nag se ral kha la bzed/ /sprul ser chun pos rkang lag brgyan/ /dmar po yis ni ska rags byas/ /gsus khyim che zhing gsus pa 'phyang/ /sku smad gos sngon sham thabs can/ /rdo rje khros ma sku la'ang 'khril/ /gnyis su med par gyur pa dang/ /phyogs bcu'i sangs rgyas spyan drangs te/ / mchod dang bstod pas mnyes byas nas/ /don chen 'di yis gsol ba btab/ /e ma'o dpal ldan gos sngon can/ /lus kyi rtog pa bsal ba'i phyir/ /thugs rje'i chen po'i byin rlabs kyis/ /bdag la byin gyis brlab tu gsol/ /gsang ba'i bdag po bcom ldan 'das/ /bdag ni sems can don kun brtsom/ /gsang 'dzin rigs kyi bdag po yis/ /bdag las bde gshegs sku byin rlobs/ /ngag dang yid la de bzhin du/ /gsol ba btab pas byed pa yin/ /phyis ni gnas gsum byin brlabs te/ /bum pa la sogs dbang rnams blang/ /bde ba chen por rtag tu dgyes/ /de nas phyogs bcu'i lha mo yis/ /bstod pa klu yis skul bar byed/ /a la la la la ho/ a la la la la ho/ /shukra su tra ho/ /bde ba chen po gsang ba mchog

  461. 231a

    ni nyams dga' nas/ /bcom ldan gsang mchog thugs rje'i bdag nyid can/ /ma rig rmongs pa yongs su bsal ba'i phyir/ /'bar ba'i sku bzhes rtag tu 'gro ba'i don la spyod/ /a la la la la ho/ /mahA gu hya pU dzo pas+tha sa ma ya/ tsin+ta shukra mu kra a la la la la ho/ /ces bskul lo/ /'od las yongs su sang gyur te/ /rdo rje pad+ma'i byin brlabs nas/ /lha mos bskul dang dga' ba yis/ /spyod pa byas pas 'grub 'gyur te/ /snyoms par zhugs nas b+ha ga la/ sum cuAm ni nyi shu lnga/ /bcu sogs yum gyi b+ha gar bskyed/ /de la so so'i sngags kyi don/ /oM sarba ta thA ga ta kra nI lAM ba ra b+ha ra hUM/ oM badzra kro d+ha nI lAM ba ra d+ha ra hUM/ oM ratna kro d+ha nI lAM pa ra d+ha ra hUM/ oM karma kro d+ha nI lAM ba ra d+ha ra hUM/ oM sarba ta thA ga ta kro d+hi shwa ri nI lAM ba ra d+ha ra hUM/ oM badzra kro d+ha trai lokya bi dzA ya hUM/ oM mahA kA la b+ha ra san+ti na hUM/ oM bi ru Dha ka ye hUM/ oM bi ru pak+Sha ye hUM/ oM badzra lA sye hUM/ /oM badzra ma le traM/ oM badzra gI ti hI: oM badzra nri tya a/ oM badzra d+hu pe du/ oM badzra pu Shpe pu/ oM badzra A lo ke h+rI/ oM badzra gan d+he gan/ badzra a gu sha dza(rgyud 'grel): badzra pA sha hUM/ badzra spho Ta baM/ badzra g+haN+Te ho:/ /zhes pa'o/ /shar du sangs rgyas gos sngon can/ /zhal dang sku ni dkar la 'tsher/ /'khor lo dang ni dril bu bsnams/ /sbrul dkar pos ni rnam par brgyan/ /lho ni rin chen gos sngon can/ /zhal dang sku ni ser la 'tsher/ /rin po che dang dril bu bsnams/ /sbrul ser pos ni sku la brgyan// nub tu pad+ma gos sngon can/ /zhal dang sku ni dmar la 'tsher/ /pad+ma dang ni dril bu bsnams/ /sbrul dmar pos ni sku la brgyan/ /byang du las kyi gos sngon can/ /zhal dang sku ni ljang la 'tsher/ /rgya gram dang ni dril bu bsnams/ /sbrul ljang

  462. 231b

    pos ni sku la brgyan/ /khro bo 'di dag thams cad kyang/ /dbu la sangs rgyas bzhi yis brgyan/ /yum bzhi yis ni legs par 'khyud/ /kun kyang gtso bo'i cha lugs can/ /sngags kyi bdag po gzhan rnams kyang/ /so so'i gnas su bskyed par bya/ /zhes pa 'di ni byang chub sems dpa' sems dpa' chen pos ji srid du gtso bo dang 'khor bskyed pa'i dam tshig chen po'o/ /ji srid bskyed pa rdzogs gyur nas/ /phyogs bcu'i sangs rgyas spyan drangs te/ /mdun du gnas la mchod pas mnyes/ /rdo rjes gsol ba gang bzhin gdab/ / de nas bdag la bstim pa'am/ /yang na lha mos dbang bskur phyir/ /gnas gsum byin rlabs byas pa 'am/ /yang na gsum 'dus sbyor ba bya/ /de ltar byas nas rang gi sku/ /dmigs dang gsal ba'i cho ga bya/ /'dis ni rang gi rnam rtog bzlog /ces pa 'di ni byang chub sems dpa' sems dpa' chen pos ji srid du bskyed pa'i sku byin gyis brlab pa'i dam tshig chen po'o// //gang zhig rgyas lam dad pa'i/ /gang zag la ni sbyor 'di bstan/ /sngon du bla ma sangs rgyas la/ /phyag 'tshal ba dang bshags byas nas/ /yang dag byang chub yid la bzhag /de nas 'byung ba gzhal yas bcas/ /nang du cho ga gsum las byung/ /gtso bo'i sku dang sku bzhi'i ni/ /rang rang yum dang bcas pa bskyed/ /bcu las gzhan pa thams cad kun/ /bsdus pa'i skabs su spang bar bya/ /de las ye shes 'khor lo'ang/ /mchod dang dbang la sogs spangs te/ /bstim pa yi ni sbyor ba bya/ /ces pa 'di ni byang chub sems dpa' sems dpa' chen pos ji srid du sbyor ba bsdus pa'i dam tshig chen po'o// //gzhan yang shin tu bsdus pa ni/ /dang por gzhan gyi don bya dang/ /rang nyid 'bras thob bsam pa bskyed/ /stong pa'i ngang las gcig par gyis/ /gzhal yas gtso bo dang bcas pa/ /rim pa 'am ni cig char gyis/ /bskyed de 'khor ni 'dir ma gsungs/ /ye shes

  463. 232a

    'khor lo bkug nas ni/ /gnyis med gyur nas sems gzung ba/ /yang na sngags kyi spong ba byas/ /tshogs dang gtor ma la sogs pa/ /de la de yi sbyor ba bya/ /zhes pa 'di ni byang chub sems dpa' sems dpa' chen pos ji srid du sbyor ba shin tu bsdus pa'i dam tshig chen po'o// //de ltar sbyor ba'i don bstan nas/ /sems go zung rim ba bstan pa ni/ /dang por bla ma mchod pa bstan/ /gnyis pa bde gshegs bstan pa ste/ /gsum pa rlung la sogs pa bstan/ /bzhi pa yi ge lnga pa la/ /rdo rje drug pa sku la bstan/ /de nas 'khor la bstan pa ni/ /dbang po rab 'drid bye brag gis/ /dus gcig pa'am rim gyis byed/ /de nas dbang bskur byin rlabs dang/ /bstim pa'i sbyor ba bstan pa yin/ /yang na dus kyi bye brag ni/ /gang zhig bla ma la sogs pa/ /dang po'i dus kyi rnal 'byor pas/ /rjes su dran no skad cig dang/ /skad cig bcu dang brgya dang ni/ /stong dang thun phyed thun gcig dang/ /thun mtshams med pa'i bar du'o/ /zhes pa ni byang chub sems dpa' sems dpa' chen pos ji srid du// sems bzung ba'i rim pa'i dam tshig chen po'o/ /sems gzung ched du byas pa yis/ /de yi thabs ni bshad bya ste/ /gzhan gyi rnam pas 'dir 'dod na/ /nyon mongs dgra ni spang bar bya/ /dag pa'i dbang du 'dod pa yis/ /dang por rtog pa spang bar bya/ /dul nas 'dzin par 'dod pa yis/ /sems ni phyi dang nang du byung/ /'og tu bstim dang steng du 'phro/ /de bzhin nang du gzhug pa'ang/ /sems gzung don du byed pa yin/ /gzhan yang rnal 'byor gang zhig gis/ /khams gsum la sogs shes pa dang/ /ral gri yang ni sbyang bar bya/ /dpal ldan gsang ba mchog sgrub pas/ /gtso bo 'khor dang bcas gsal nas/ /mi 'gyur mchog gi cho ga bya/ /gang zhig la ni gang gsal ba/ /de la dmigs la bsgom par bya/ /ma gsal

  464. 232b

    bar du bskyed cing bsgom/ /phyag tsam gsal nas phyag la dmigs/ /gnyis dang gsum la sogs pa yang/ /gsal 'gyur de la dmigs par bya/ /gtso bo gsal na gtso bo ste/ /'khor la yang ni de bzhin no/ /thams cad gsal na kun la dmigs/ /thams cad gsal bar ma gyur na/ /sdig ba ni? dar bsod nams spel/ /zhi dang rgyas pa'i sbyin sreg bya/ /res gsal res mi gsal gyur na/ /bgegs rnams bzlog pa'i las bya'i phyir/ /drag po yi ni sbyin sreg dang/ /tshogs kyi 'khor lo la sogs bya/ /de bzhin bskrad dang mnan pa dang/ /bsrung ba'i mchog kyang bya ba yin/ /phyag nyid gsal bar ma gyur na/ /phyag mtshan gyis ni gsal bar bya/ /phyag mtshan gsal bar ma gyur na/ /phyag mtshan 'od kyis gsal bar bya/ /spyan rnams gsal bar ma gyur na/ /khrag gi zham chu 'bab pa dang/ /bkrag dang ri mor ldan pas gsal/ /zhal mdog gsal bar ma gyur na/ /stong gsum 'od kyis gang bar gsal/ /yang na thams cad gsal byas na/ /phra mo mi gsal gyur kyang sla/ /gang tshe gang gis mi gsal na/ /zas dang skom dang gnas dag gis/ /'du ba gang la brten pas 'grub/ /dmigs pa mi gsal bco ba gang/ /dang po skad cig rjes dran dang/ /rgyun la ji srid 'tsho bar du/ /sbyor ba 'di ni byed pa yin/ /dpal ldan gsal bar gyur nas ni/ /ji srid las gnas rnam byed yin/ /zhes pa 'di ni byang chub sems dpa' sems dpa' chen pos ji srid du/ dmigs pa la sems gzung ba'o// //de nas bsgom pa bogs dbyung ni/ /ji srid dus kyi bogs dbyung ni/ /skad cig rjes dran gong du shes/ /dmigs pa bogs dbyung bshad bya ste/ /dang por dkar po ljang khu'i bar/ /re re dang ni lnga 'dus pa/ /kha dog la ni bogs dbyung ba'o/ /de las ri rab til 'bru'i bar/ /dbyibs kyi bogs dbyung dag tu 'dod/ /stong gsum gang dang gcig 'dus pa/ /grangs kyi bogs dbyung dag tu bshad/ /sku la ji

  465. 233a

    ltar bogs phyin pa/ /de ltar thugs la bslab bya ste/ /kha dog dbyibs dang grangs de bzhin/ /gsung la yang ni de ltar ro/ /de lta'i sbyor ba bstan pa'ang/ /gang zag rigs kyis rnam gnyis te/ /rkyen gyi dbang du 'gyur ba la/ /ji lta'i 'od kyis bdag rkyen byas/ /mi 'gyur rang bzhin 'gyur ba'o/ /zas dang skom la sogs pa yis/ /ji ltar bsam gtan 'phel byed pa/ /'di ni zas la sogs pa yis/ /bogs dbyung man ngag yin par 'dod/ /de ltar bogs dbyung sbyor ba yis bsgom pa 'phel bar 'gyur ba yin/ /de las byung ba'i sku yis ni/ /las rnams thams cad 'grub par byed/ /ces pa 'di ni byang chub sems dpa' sems dpa' chen pos ji srid du bsgom pa'i bogs dbyung ba'o// // gang tshe bsgom la mi gzhol zhing/ /gsang sngags gtso bor byed pa la/ /sngags kyi nges pa bshad par bya/ /sngags bzlas pa ni rnam gnyis te/ /thun mong dang ni khyad par ro/ /thun mong sngags ni bshad bya ste/ /bdag dang gzhal yas 'khor bcas dmigs/ /gsal la dmigs pa'i bzlas pa'o/ /sdig pa dbyung dang bsreg pa dang/ /bkru ba'i don la rab dmigs nas/ /hUM dang raM dang haM bskul te/ /mgal me phreng ba nyi ma yis/ /gang zhig byed par 'gyur pa ni/ /rgyud rnams sbyor ba'i bzlas pa'o// gang tshe yum dang bzhi bskor dang/ /mdun gyi dkyil 'khor nyis bskor dang/ /'khor gyi dbang du gsum bskor dang/ /gtso dang 'khor gyi bzlas pa dang/ /snying na btson 'dra'i bzlas pa la/ /mgal me phreng ba nyi ma'i tshul/ /mtshan ma 'dod pa'i bzlas pa'o/ khyad par bzlas pa bshad bya ste/ /sngags 'od dkyil 'khor rnams la phog /de las khro bo'i tshogs byung nas/ /len byed dgug pa'i bzlas pa'o/ /ral gri la sogs thog 'bebs dang/ /gcod gtubs bsad pa'i bzlas pa'o/ /bdag las byung ba'i khro

  466. 233b

    tshogs kyis/ /bsad pa'i sha rus mdun du bton/ /ha ha ru lu'i sgra sgrogs pa/ /bstab pa'i dus kyis bzlas pa'o/ /khro tshogs 'khor lo thogs pa yis/ /klad par 'khor lo bskor ba yis/ /smyo byed dus kyi bzlas pa'o/ /rnga mong can gyi khro tshogs kyis/ /gzung zhing khrod par byed pa ni/ /bskrad pa'i dus kyi bzlas pa'o/ /'od zer dkar po'i tshogs byung nas/ /lha la sogs pa'i sdig pa sbyor/ /de ni zhi ba'i bzlas pa'o/ /gang zhig gis ni bcud rnams bsdus/ /rang byung tshe yi yi ge gsos/ /bkrag dang gzi byin bsdos pas bskyed/ /rgyas pa'i dus kyi bzlas pa'o/ /sngags 'od rdo rje la sogs pas/ /gdul bya'i rkang dang spyi bor bsreg /'od zer gzhan gyis gsol 'debs pa/ /rengs pa'i dus kyis bzlas pa'o/ /'od zer kha dog sgra lnga las/ /spos sogs lha mo rnams kyis gang/ /gang la phul nas don grub pa/ /mchod pa'i dus kyi bzlas pa'o/ /gang zhig las ni 'od byung nas/ /bdag zhu der 'dus bde thob pa/ /gsang ba'i dus kyi bzlas pa ste/ /rnam dag don la rab dmigs pa/ /'di ni bla med bzlas pa'o/ /gsang sngags skyon rnams rab spangs nas/ /'bras bu thob pa'i las byed pa'ang/ /'di yis 'gyur gyis gzhan du min/ /ces pa 'di ni byang chub sems dpa' sems dpa' chen pos ji srid du rdo rje sngags bzlas pa grub pa'i dam tshig go/ //gang zhig tshogs rnams rdzogs byed cing/ /'di yis nor bu bzhin 'grub phyir/ /tshogs kyi nges par bshad par bya/ /'jig rten rdzas rnams ma lus pa/ /kun tshogs rnal 'byor lha grangs te/ /mtshams pa dang ni mchod pa sogs/ /sngon 'gro sa chog la sogs rdzogs/ de nas lha yi ting 'dzin gyis/ /maN+Dal lnga dang bcu sogs la/ /me tog dang ni mchod pa bkram/ /de nas gsang ba'i dkyil 'khor bri/ /de tshe rgyal pos mtshams rnams bcad/ /tshogs bsags rgyal pos blang bar bya/ /med pa las byung phyag rgya yis/ /rgyal po

  467. 234a

    bzhi ni thob bya ste/ /bde ba chen po nyid dag las/ /lha mos sang byas skur langs te/ /dkyil 'khor rgyas nas rgyal po len/ /de nas sgrub pa rdzogs gyur nas/ /rgyal po yis ni sems dpa' bskul/ /phyi rol 'khor lo bsdus byas nas/ /nang du so so'i maN+Dal bkod/ /bdag gi 'jug pa de bzhin du/ /'khor rnams dam pa'i don la 'jug /gang zhig gis ni rol mo dang/ /ldan pas tshogs ni grangs byas te/ /skom dang mchod pa sngon song nas/ /tshogs kyang byin gyis brlab par bya/ /yaM raM a las rlung me thod/ /nang du sha lnga bdud rtsi lnga/ /yi ge gsum gyis legs sbyangs te/ /ye shes bdud rtsi bab gyur nas/ /bdag mchod dkyil 'khor mthun du mnyes/ /cho ga'i yan lag rdzogs par bya/ 'jig rten maN+Dal sngon po'i steng/ /phyi rol du ni mchod pa bya/ /de ni thun mong cho ga'o// //khyad par cho ga bstan pa ni/ /zab par sprul par brtan pa dang/ /bzhi dang gsum du nges par sbyar/ /zhi ba la sogs sbyor ba ni/ /sngags kyi sbyor ba bzhin du sbyar/ /gang zhig 'di la rtag gnas nas/ /mchog 'grub gzhan gyis nus ma yin/ /zhes pa 'di ni byang chub sems dpa' sems dpa' chen pos ji srid du/ tshogs kyi 'khor lo'i sbyor ba'o// //bdag po 'byor ba chung ba dang/ /slob dpon bsam gtan ldan pa la/ /tshogs kyi mchod pa bstan par bya/ /rdzas ni lnga nas bcu yi bar/ /slob dpon gcig dang gnyis kyis 'grub/ /khyab 'jug bu mo yi sbyor 'am/ /yang na rgyas pa tshogs 'khor bzhin/ /dkyil 'khor gcig dang gnyis pa dang/ /bzhi yi bar yang mchod pa yin/ /slob dpon nus pa'i bye brag gis/ /las gzhan rtsom na gong ma bzhin/ /mi rtsom 'gyur na sdig pa sbyang/ /zhes pa 'di ni byang chub sems dpa' sems dpa' chen pos ji srid du/ tshogs kyi mchod pa'i dam tshig go/ //de nas dpal ldan rdo rje can/ /gang gis

  468. 234b

    bsgrub par 'dod pa des/ /sbyin sreg cho ga bshad par bya/ /sngon bya gzhan ni gzhan du ste/ /sa yi rigs bzhir thab khung bzhi/ /zlum po gru bzhi zla gam e/ /thab khung dbyibs kyi mtshan nyid do/ /dkar ser dmar dang nag po ni/ /thab khung gi ni kha dog go /'khor lo rin chen pad+ma dri/ /thab khung mtshan ma zhes su bshad/ /de nyid raM las 'od 'phros pas/ /mi dmigs dang las bruM du gyur/ /de las gzhal yas khang pa ni/ /gong ma'i kha dog dbyibs dang ldan/ /mchod rdzas mchod par shes bya ste/ /bsreg rdzas byin gyis brlab pa yang/ /mi dmigs snod na swa yig las/ /so so de nyid rgyas pa la/ /ha ho h+rI(rgyud 'grel): yis skyon rnams bsal/ /me lha bskyed pa'i rim pa ni/ /e las gru gsum de nyid gsum/ /raM bcas yi ge bzhi ru gsal/ /pad steng de las me ltar gyur/ /kha dog bzhi yi bdag nyid las/ /so so'i rigs kyi dbu brgyan byas/ /lte bar gong ma'i sbyor ba ste/ /snying gar phyogs skyong bcu dang ldan/ /de nas ye shes me lha dgug /byin brlabs dbang bskur gzi byin bskyed/ /so so'i mchod pa dbul byas te/ /gsar du rdo rje la sogs pa/ /kha dog dbyibs ldan byin gyis brlab/ /de nas dbul ba'i man ngag kyang/ /shing gi 'od ni bskyed byas te/ /mar gyis 'od 'phro kun la sbyor/ /dkar gsum dang ni mngar gsum gyis/ /spyi dang so sor sdig pa 'byin/ /'bras dang 'bru yi chan dag gis/ /gong gi gnyis po so sor 'byin/ /nas thug 'o ma'i thug pa yis/ /re re'i gnas su sreg par byed/ /til gyis snying gi nang nas 'byin/ /tha ma'i mar gyis 'khru bar byed/ /yang na til gyis sgo dgur 'jug /rdzas de ser por byas pa la dkar gsum gyi sa ni gzi byin bskyed/ /mngar gsum bsten bya gsal ba ste/ /'bras dang 'bru yi sbyor ba yis/ /ye shes bcud rnams spyi bor sdud/ /nas dang 'o ma'i sbyor ba yi/ /'gro bcud gnas rnams kun du sdud/ tha ma dur ba'i sbyor ba yis/ /mdzod spu'i snying ga'i hUM la

  469. 235a

    sdud/ tha ma mar gyi sbyor ba yis/ /bsrung ba'i mchog kyang 'grub par 'gyur/ /dbang gi sbyor ba byed pa la/ /ba lang sha yi gtor ma dang/ /bcas pas sum bskor la sogs kyis/ /myur du 'gugs shing dbang du sbyor/ /bsang pa'i las kyi cho ga ni/ /dang por sha yi khro ba ste/ /khrag gi 'od ni 'phro bar byed/ /rus pas steng gi 'khor lo bri/ /bdud rtsis 'od 'phros sprul pa 'gyed/ /'bru nag chan gyis sprul pa khros/ /dug gi gtor mas 'gugs pa dang/ /de yi nang du gsod pa ni phye ma gsum dang dug 'brus byed/ /de ltar me yi cho ga rdzogs/ /snying gar dgod pa'i lha rnams la/ /gong ma'i cho ga rdzogs byas te/ /bsdu dang gshegs su gsol bya nas/ /bzod gsol me yi sbyor ba byed/ /rdo rje me yi dam tshig yin/ /bsrung ba'i zhi ba'i cha la gdags/ /tshe srid nam mkhar 'gro ba dang/ /'od dang du tsha bcud 'gugs pa/ /rgyas pa'i cha la gdags pa'o/ /dgug pa dbang gi cha yin te/ /drag po'i las gzhan tha ma'i cha/ /'di yis 'grub bya ma gtogs pa/ /gang zag gzhan gyis 'grub mi 'gyur/ /zhes pa 'di ni byang chub sems dpa' sems dpa' chen pos ji srid du me'i sbyor ba'i dam tshig go/ //de nas gzhan yang bshad bya ba/ /'phags mchog cho ga rdzogs byas te/ /gtor ma'i cho ga'i las byas pas sha khrag rus pa 'bru la sogs thams cad ma spyad snod du blug /bdag 'od sbyor bas rang bzhin med/ /de las yaM raM a ru gyur/ /nang du sha lnga bdud rtsi lnga/ /steng du rdo rje zla dkyil bcas/ /yi ge gsum gyis byin gyis brlab/ /dang por mdun gyi dkyil 'khor te/ /de nas dman dang bar ma dang/ /shin tu dman pa rim bzhin sbyin/ /gnas kun byin gyis brlab byas nas/ /lce ni rdo rje bsnams te dbul/ /'di ni nyi shu rtsa gcig gam/ /brgya 'am stong gi sbyor bas 'grub/ /khyad

  470. 235b

    par gtor ma'i sbyor ba ni/ /sngags bzlas sbyor bar shes par bya/ /rang gi byang chub sems chu yis/ /ji ltar snying gi lta mchod pa/ /de ni 'bras min 'bras bu can/ /'di yi sbyor bas byed pa yin/ /rdzas ma tshogs dang bsam gtan bral/ /sngon ba med dang ?? mi bral/ /'di ni bar chod sbyor ba ste/ /mkhas pa rnams kyis spang bar bya/ /rdo rje'i lte ba 'khor lo can/ /bzhi po sbyor ba'i bdag nyid de/ /dran med mdza' yas dngos grub 'byung/ /bla na med pa'i gtor ma'o/ /gang zhig gtor ma'i rim pa la/ /mi? rtan dngos grub sbyor ba spangs/ /ces pa 'di ni byang chub sems dpa' sems dpa' chen pos ji srid du gtor ma grub pa'i dam tshig chen po'o// //de nas gzhan yang bshad bya ste/ /mkhas pas lta pa'i dus dag tu/ /sgyu ma mig yor lta bu ste/ /dngos po'i lta bar rab bzlog nas/ /'dod yon lnga la de ltar spyod/ /dmigs sogs sems dpa' i 'khor lo can/ /der ni lha mos rtag tu dgyes/ /ro ni mchog tu gyur pa ste/ /yid ni tshim par byed pa yin/ /nyan thos snom pa'i 'khor lo dang/ /reg pa'i bar du sbyor ba spang/ /thabs mchog 'di yis byed pa ste/ /'bras bu khyad par sgrub par byed/ /ces pa 'di ni byang chub sems dpa' sems dpa' chen pos ji srid du lta ba la sogs pa'i dam tshig go /gang zhig gis ni gang zhig la/ /gang zhig byed par 'gyur ba ni/ /rnal 'byor mchog gi byed pa ste/ /snying ga'i 'khor lo chen po la/ /snying ga'i 'khor lo bcug nas ni/ /gnyis su med par gyur pa dang/ /lte ba'i rlung gis me 'bar bas/ /lha tshogs rnams ni smin byas te/ /lce yi 'khor lo chen po ni/ /byin za ru ni dmigs par bya/ /zas la sogs pa za dus su/ /zas ni sha lngar dmigs byas te/ /skom ni bdud rtsi lnga ru bsam/ /de las lag pa gzar bu gnyis/ /za ba'i dus su lha rnams la/ /zhal du gsol bas mnyes gyur nas/ /'od kyi

  471. 236a

    zhi ba'i dus dag tu/ /lus ngag yid kyi sgrib pa sbyong/ /rgyas pa'i dus su bcud rnams 'gugs/ /dbang dus thams cad dbang sdud de/ /bsad pa'i dus su bkug gyur nas/ /bcad gyur sha khrag gsol bar bsam/ /zas sogs bdud rtsi thams cad kyang/ /lag pa yis ni 'bul ba dang/ /yang na lha mos 'bul ba dang/ /rdo rje lce thung las byed pa'i/ /cho ga'i mchog ni 'di yis byed/ /ces pa 'di ni byang chub sems dpa' sems dpa' chen pos ji srid du nang gi sbyin sreg gi dam tshig chen po'o// //gzhan yang sems can mos pa yis/ /bsam gtan gtso cher mi byed cing/ /mchod pa gtso cher byed pa la/ /mchod pa gtso bo'i sbyor ba bshad/ /spos dang me tog mar me dang/ /dri chab la sogs sbyor pa la/ /thams cad las kyi sbyor ba yis/ /bsangs nas skyon rnams dag par bsam/ /yon chab zhu bas traM las ni/ /rin chen 'bar ba'i snod mchog tu/ /rang 'byung yi ge a las ni/ /yon chab dpag med gyur pa la/ /a yis rtogs sbyad oM gyis 'bar/ /yang na de yi sbyor ba ni/ /lha yis dkar la 'tsher gyur te/ /ho yis mi 'dod dri rnams bsal/ /h+rI(rgyud 'grel): yis mos bar 'gyur ba bsal/ /me tog zhu bas yi ge bu/ /de yi 'od kyis me tog bsdu/ /slar 'dus lha mo me tog ma/ /de yi 'od las me tog tshogs/ /bsnyen pa'i skabs su kha dog lnga/ /ha ho h+rI(rgyud 'grel): yis byin gyis brlab/ /mchod pa gzhan yang de bzhin du/ /byin gyis brlabs la mchod bya'i phyir/ /phyogs bcu sangs rgyas spyan drangs te/ /mdun du gsal bar bsam byas nas/ /me tog dmar po mdun du gtor/ /zhabs 'og pad+mar gyur par bsam/ /gdan gyi mchod pa'i rim pa'o/ /a ha ra yi sngags bzlas pas/ /yon chab thogs pa'i lha mo'i tshogs/ /dpag med mdun du sprul

  472. 236b

    byas te/ /de yis rdo rje glu ldan par/ /yon chab kyis ni ophyag zhabs bkru/ /me tog la sogs rim pa yang/ /dang por lha mo sprul byas te/ /gnyis pas nam mkha' bzhugs par gsal/ /gsum pas nam mkhar rdo rje'i glu/ /bzhi po so so'i gnas su dbul/ /gzhan yang 'dod yon lha mo ni/ /de sha de yi sngags las byung/ /dkar mo gzugs ni spyan la bstim/ /pad+ma ra ti'i sngags las byung/ /dmar po sgra ni snyan la thim/ /karmar ti'i sngags las byung/ /ljang khu dri ni shangs las thim/ ratna ra ti'i sngags las byung/ /ser mo ro ni ljags la thim/ /badzra ra ti'i sngags las byung/ /mthing ka reg bya lus la thim/ /'dod pa lnga yi mchod pa'o/ /nang gi mchod pa'i rim pa ni/ /badzra kro d+hi shwa ri yi/ /sngags las mthing ga byang chub sems/ /bud+d+ha kro d+hi shwa ri yi/ /sngags las dkar mo dri chen te/ /ratna kro d+hi'i sngags las ni/ /ser mo sha chen zhes su bshad/ /pad+ma kro d+hi'i sngags las ni/ /dmar po khrag gi thod pa ste/ /karma kro d+hi shwa ri yi/ /sngags las ljang khu dri? chu'o// lha mo 'di dag thams cad kyang/ /thal pa'i mtshan mas lus byugs shing/ /zhing chen gyon zhing dril bu thogs/ /g.yas pas thod pa'i snod mang du/ /bdud rtsi so sos bkang ba ni/ /bsam gyis mi khyab mdun du sprul/ /glu yis ljags las mchod pa dbul/ /nang gi mchod pa'i rim pa'o/ /gsang ba mchod pa'i rim pa 'am/ /badzra kro d+hi gu hya yis/ /mthing kha byang chub sems yin te/ /dkar dmar ser dang ljang khu yis/ /byang chub sems kyang 'dis shes bya/ /gnas lnga nang du dbul ba dang/ /gnas lnga phyi ru dbul ba dang/ /gnas gcig tu ni dbul ba dang/ /lus dang rjes su mthun par bya/ /'di na rang byung bcom ldan 'das/ /'gro ba'i dpa' bo mnyes pa yin/ /rgod dang khro ba la sogs pa/ /mchod pa nyi

  473. 237a

    shu dbul ba dang/ /gtor ma byin gyis brlab bya ste/ /bdag dang lha mo gang gis dbul/ /ci rigs sbyar te dbul bar bya/ /yi ge oM gyis mgor brgyan cing/ /rdo rje glu yis mdza' brten pa/ /lha mo bskyed pa'i sbyor ba ste/ / rang gi gtso bo 'am gang byed pa'i/ /ming gi sngags kyis mgo drangs te/ /rdo rje lha mo'i sngags rjes la/ /pU dza me gtsa sa mu dra/ /spha ra Na dang sa ma ye/ /hUM zhes pas ni dbul ba yin/ /yang na badzra oM gnyis la/ /pU dza ya ni gnyis pa'i dam tshig yin dkyil 'khor gnyis pa mnyes pa dang/ /gtso bos 'khor rnams mnyes pa dang/ /'khor gyis gtso bo mnyes pa dang/ /yab dang yum la sogs pa la/ /gong ma mnyes gyur de bzhin no/ /rdzas la brten nas mchod pa dang/ /bsam gtan kho nas mchod pa dang/ /phyag rgya sngags kyis mchod pa yang/ /gnyis 'dus gsum 'dus la sogs pa/ /sbyor ba 'dis ni byed pa yin/ /zhes pa 'di ni byang chub sems dpa' sems dpa' chen pos ji srid du mchod pa'i tshogs kyi dam tshig chen po'o// //de nas gzhan yang bshad bya ste/ /sngags dang bsam gtan dus dag tu/ /bdud kyi sbyor ba brtag par bya/ /bdud ni rnam pa gnyis yin te/ /phyi dang nang na yod pa'o/ /phyi ni gzugs dang sgra dang dri/ /ro dang reg byar shes par bya'o/ /gzugs ni dkar dmar la sogs pa/ /gsal ba de ni sangs rgyas te/ /mi gsal bdud kyi gzugs su 'gyur/ /snyan dang mi snyan de bzhin te/ /gzhan la yang ni de bzhin no/ /rang bzhin med dris dman pa dang/ /spyod pa gtsor ston gang yin yang/ /rigs dang sbyar la brtag par bya/ /gzhan yang brtag pa'i sbyor ba ni/ /mang ba'i rigs la nyung ba ston/ /che ba'i rigs la chung ba ston/ /de las bzlog par shes par bya/ /dkar po'i rigs la dmar po ston/ /dmar po'i

  474. 237b

    po'i rdzas la chags pa med/ /rtag tu sbyin pa gtong la dga' / /rkang lag bcad kyang 'khrug pa med/ /ldang ba yang zhing zo mdog bde/ /rang gi lha dang mthun pa la/ /'jig rten rin chen tshogs bkang dbul/ /som nyi med cing yid ches ldan/ /de la sogs pa'i sor ba rnams/ /zhib tu bla ma'i zhal nas shes/ /shes pa 'di ni byang chub sems dpa' sems dpa' chen pos ji srid du/ sems kyi rtags brtag pa'i dam tshig go/ //dngos po'i rdzas kyi khyad par la/ /mngon sum rtags ni brtag bya ste/ dang po bris sku lugs ma la/ /sangs rgyas skur snang rab yin te/ /dam pa'i sgra 'byung 'bring du bshad/ /'od dang du ba la sogs pa/ /tha ma'i rtags su shes par bya/ /mchod pa'i rdzas la brten byas pa/ byin rlabs 'bras bu rab yin te/ /sgra dang 'ong ni gong ma bzhin/ /sbyin sreg sbyor la brten pa la/ /me dbus sangs rgyas rab yin te/ /de las sgra 'byung 'bring du bshad/ /me ni bdag gi dbang 'gyur zhing/ /las dang mthun pa tha ma'o/ /gtor ma'i sbyor la brten pa yang/ /'od dang sgra dang khol pa dang/ /gang dmigs la byin de dbang 'gyur/ /rab 'bring tha ma go rim bzhin/ /dung dang dril bu la sogs la/ /ma dkrol sgra rnams 'byung ba dang/ /'od dang g.yo ba de bzhin no/ /yang na rnal 'byor slob ma la/ /brten pa'i rtags ni bshad bya ste/ dbang pa'i cho ga'i dus dag tu/ /slob mas thams cad shes pa dang/ /smra ba dang ni 'gul ba dang/ /rab 'bring tha ma go rim sbyor/ /gzhan yang 'od gzhan brtag bya ste/ /dkar dmar la sogs gang gi 'od/ /gsal ba sgyu mar bsgom pa dang/ /mi gsal gshegs pa byas la sogs/ /brtan dang bogs dbyung bsam gsal ba/ /'di yang rab kyi rtags yin no/ /sku gsung thugs kyi mtshan ma rnams/ /gong gi stobs kyis gong 'gyur dang/ /gang zhig sgra ni stong las byung/ /rang dang 'phrod pa'i man

  475. 238a

    zhes pa 'di ni byang chub sems dpa' sems dpa' chen pos ji srid du/ bdud kyi slu ba brtag pa'i dam tshig go/ //thams cad bdud kyi rtags ma yin/ /yang dag rtags kyang bshad bya ste/ /yang dag don gyi bla ma la/ /sems bskyed dbang bskur la sogs rtsom/ /dam tshig rnams ni mi brjod cing/ /rang gi rigs kyi bu mo bsten/ /dge ba'i grogs rnams bsten byed dang/ /me tog sngon po mthu ba dang/ /glegs bam dag la spyod a dang/ /chos kyi bgro ba byed pa dang/ /gzhan gyis mchod dang gzhan la mchod/ /stong gsum thams cad mthong ba dang/ /nyi zla'i steng na 'dug pa dang/ /'khor lo glad la bskor ba dang/ /mchod rten rtsi la 'dzeg pa dang/ /rag sha'i phreng ba bgrang ba dang/ /gos sngon lus la gyon pa dang/ /gos sngon sku gzugs mthong ba dang/ bde gshegs khang par byin pa dang/ /mi gtsang me yis bsreg pa dang/ /khrag sogs lus las 'thon pa dang/ /sha mdog sngon por 'dug pa dang/ /bdud rtsi lnga la spyod pa dang/ /rtag tu gcer bur 'dug pa dang/ /rang lus ral gris gtub pa la/ /bde ba skye bar gyur pa dang/ /gzhan gyis chos rnams ston pa dang/ /lus las sdug bsngal gzugs byung nas/ /me nang sreg par gyur pa dang/ /de la sogs pa'i spyor ba rnams/ /rmi lam dag tu 'byung ba la/ rang bzhin med pa la sogs kyis/ /brtan zhing mi ga? mor gyur pa yin/ /zhes pa 'di ni byang chub sems dpa' sems dpa' chen pos ji srid du yang dag pa'i rmi lam gyi mtshan ma brtag pa'i dam tshig go/ //gzhan yang sems nyams brtag pa ni/ /dbang blang mos dang bsrung la mos/ /sems can dman la tshad med 'byung/ /yang dag don la spro ba skyes/ /sems can bdag dang 'dra par sems/ /nga rgyal la sogs nyon mongs chung/ /zab pa'i don la chog mi shes/ /dngos

  476. 238b

    rigs la gzhan pa ston/ /zab pa'i rigs la mi zab ston/ /mi zab rigs la zab ston dang/ /spyod rigs lnga ston zlog pa dang/ /mtshan ma med pa'i rigs can la/ /mtshan bcas man ngag ston pa dang/ /mtshan bcas rigs la mtshan med ston// thabs kyi rigs la thabs mdza' dang/ /shes rab rigs la'ang de bzhin no/ /'di dag phyi yi bdud du gsungs/ /nang gi bdud kyi sbyor ba ni/ /'du ba bskyed dang bsam pa bsgyur/ /rlung khris pad kan 'dus pa rnams/ /med bzhin bskyed pa'ang bdud yin no/ /dam pa dag la sun dbyung dang/ /rtag tu bsam pa mi mos dang/ /tha mal pa la chags pa dang/ /khro dang khon du 'dzin pa dang/ /'chab dang 'tshig pa la sogs pa/ /nyon mongs nye ba'i nyon mongs rnams/ /bsam gtan dang las skyes 'gyur ba/ /'di yang bdud kyi rtags yin no/ /rtag tu mig rtsa rgod pa dang/ /de bzhin 'phyar dang g.yem pa dang/ /zham pa dang ni g.yem pa dang/ /de dag kun kyang bdud kyi rtags/ /bsam gtan 'phro mi gsal ba dang/ /nyams mi dga' zhing log la dang/ /'di yang bdud kyis bslus pa'i/ /gzhan yang dam pa ston pa dang/ /'dud 'gyur rgyun la brtag par bya/ /zas dang skom la snga rol pas/ /shas cher 'dod par gyur pa dang/ /kun rdzob spyod la dga' ba dang/ /khyad par phyag rgya dang gi rigs/ /de la nyon mongs skye ba dang/ /log pa'i bla ma dor ba dang/ /sdig pa'i grogs po bsten pa dang/ /bsam gtan mi mos log chos mos/ /'di yang bdud kyi rtags yin no/ /chags dang khong khro la sogs pa/ /skye zhing nus pa 'phro ba yin/ /dri dang ro dang reg byar sbyar/ /dbugs rgod skyigs bu rngam pa 'byung/ /de la sogs pa'i sbyor ba rnams/ /bsam mi khyab ste gzhan las shes/ /bdud kyi brtag pa mi shes na/ /yang dag 'dras med log 'bras bu/ /

  477. 239a

    ngag ston/ /sdig spong dge la 'jug pa yi/ /brtan pa dam pa ston 'gyur na/ /de yang yang dag rtags yin no/ /gzhan yang rtags kyi sbyor ba ni/ /mdzes pa'i lha mos bde ster dang/ /nam mkha' i lha mos dbang bskur dang/ /byang chub sems kyis chu 'babs dang/ /mchod pa'i tshogs rnams ster ba la/ /gang tshe sems snang sgyu ma dang/ /rang bzhin med par bsgom pa yis/ /gsal brtag bogs byung rab tu gyur/ /'di yang yang dag rtags yin no/ /gzhan yang brtag pa'i sbyor ba ni/ /'ja' tshon dang ni sprin sngon dang/ /nyi zlas stong khams gang ba dang/ /sprul nags la sogs lus la gnas/ /der ni khang pa chen po dang/ /tsan dan tshal dang nor bu'i chal/ /mchod rten sku gzugs sngon po dang/ /puShpa sngon po rdo rje can/ /rtag tu thor rlon mdun byung ba/ /'di yang yang dag rtags yin no/ /dbu rgyan rdo rje'i dril bu dag /rtag tu mdun na byung ba 'am/ /bdag gi lag tu 'byung 'gyur ba/ /'di yang dam pa'i rtags yin no/ /khrag dang rgyu ma dngos byung dang/ /yi dags dbang du sdud nus dang/ /yi dags zil gyis mnan pa'i tshe/ /gnad gyur smra bar byed pa dang/ /skad ngan dang ni ce sgra 'don/ /'o dod khus 'debs byed pa yang/ /yang dag pa yin rtags yin no/ /gzhan yang bsam gtan byed dus su/ /dam chos sngon du brda' ma brtags/ /phyis ni rjes su dran pa dang/ /ma thos de la ston pa dang/ /gang dang phyag rgya la sogs pa/ /rdo rje dril bu'i sbyor ba rnams/ /ma grags mngon du shes gyur pa/ /'di dag kun kyang rgyal ba yis/ /rab dang dam pa'i rtags su gsungs// // yang dag rtags rnams thob bya dang/ /log pa'i rtags ni spang bya'i phyir/ /rtags bzlog pa yi cho ga yi/ /dam pa bdag gis bshad par bya/ /dang por byang chub sems bskyed do/ /gang du rtags kyi sbyor 'byung la/ /dga' ba dang ni mi dga' i sems

  478. 239b

    par gyur pa yis/ /'byung po khrag tu thon gyur te/ /mi bzod smre sngags 'don pa dang/ /lha chen po yang 'dar bar 'gyur/ /yang na snying nang me dpung bskyed/ /'bar ba dang ni bsregs par 'gyur/ /phyogs skyong gang dang gang 'dul yang/ /gong ma 'am ni khro bcus 'grub/ /khyad par klu yi sbyor ba yang/ /gzir ba mkha' lding lnga po ste/ /yang na snying pad 'bar brtsam/ /lnga la lnga ni legs gnas te/ /lnga po yi ni sbyor bas 'dzin/ /pus mo dpung pa rnam bzhi la/ /thogs med 'khor lo bzhi bsams te/ / rdo rjes bsreg cing lcags kyus 'dzin/ /sbyor ba 'di ni dam pa'o/ /gzhan yang sbyor ba dam pa ni/ /gang zhig bde gshegs skur gnas te/ /g.yas pad rtse lnga thogs med lnga/ /g.yon par tsa las byung ba'i steng/ /su las rin chen rdo steng su/ /khrom las byung ba'i rnam lnga bsam/ /'od zer gyis ni legs bkug ste/ /nus dang ldan par byas nas ni/ /bdag 'od bu ga dgu sogs zhugs/ /lte ba'i 'khor lo bskul byas te/ /g.yas kyi rdo rjes spang byas nas/ /g.yon pas lan par byed pa yin// g.yon sbyor shin tu rmad du byung/ /yang na nad du bsreg par bya/ /des ni 'grub par 'gyur ba yin/ /zangs sogs dmar po'i sdong du bkod/ /de ni bdud rtsis gso bar byas/ /phyi nas rang gi gnas su bskyal/ /'khor lo'i rtsibs brgyad 'bar ba ni// gnas brgyad du ni bsams byas te/ /bsregs pas rlung gis gtor gyur nas/ /bkrus pa byang chub thig le byas/ /dpal ldan skur gyur byin brlab cing/ /dbang thob sku yis gsang sngags bzlas/ /'di yis gdug pa sel ba yin/ /khyad par can gyis bdag dang gzhan/ /myur du phan gnod las rnams byed/ /de bas 'di ni thabs kyi mchog /sbyor ba gzhan las rnyed ma yin/ /zhes pa 'di ni byang chub sems dpa' sems dpa' chen pos ji srid du bgegs bzlog pa'i dam tshig chen po'o// //

  479. 240a

    des ni zhi dang gsal ba yin/ /gal te brda' dang phyag rgya las/ /sogs pa'i sbyor ba ston gyur na/ /snying nang sems dpa' bcug nas ni/ /me yi sbyor bas gsal 'gyur na/ /de la lan dang bcas par bya/ /thabs kyis ston pa shes rab ste/ /ye shes rab ston thabs dang sbyar/ /gleng bslang ba lan sbyin to/ /gsang ba'i rol pa'ang de bzhin no/ /de bas mkhas pas dus kun du/ /sbyor ba 'di ni bsam par bya/ /bdud rnams sbyor ba kha cig la/ /shes rab ma yi spyod pas rdzogs/ /'di yis 'grub par 'gyur ba yin/ /sbyor ba 'di la bzlog pa yang/ /gnyis 'dus dang ni bcu 'dus dang/ /thams cad 'dus pas 'grub pa'ang yod/ /ces pa 'di ni byang chub sems dpa' sems dpa' chen pos ni srid du bdud bzlos pa'i dam tshig chen po'o/ /gang zhig bdag dang gzhan rnams la/ /gdug pa rtsom pa tshar bcad phyir/ /sbyor ba 'di ni bsam par bya/ /sa gzhi yid 'ong mdzes pa ru/ /sngon 'gro'i bya ba rdzogs pa dang/ /gang ltar 'dod pa'i sku bskyed de/ /zhi pa la sogs so so yi/ /bzlas dang bsdu ba rdzogs gyur nas/ /tshogs dang gtor mas bzlog par bya/ /de yis dul bar ma gyur na/ /rkang par ral gri g.yas pa la/ /g.yon pa lcags kyu'i sbyor ba yis/ /mi g.yo g.yas g.yon stang stabs bya// bsam gtan de dang 'brel ba ste/ /ral gri'i gsang sngags bzlas pas 'brab/ /gdab pa yang ni de bzhin no/ /yang na gzir ba'i cho ga ni/ /nang pa'am ni gzugs dag la/ /dmigs pa legs par dbab bya ste/ /rkang pa g.yas pa ri rab ste/ /rgya gram 'bar bas mtshan pa'o/ /rgyal chen phyogs skyong gong ma ste/ /khro bo bzhi ni 'og ma'o/ /pus mor chu srin rgyal mtshan te/ /gnas lngar khro bo lnga po bskyed/ /g.yon pa lcags kyu 'am rdo rje'o/ /dgug pa la sogs sbyor byas nas/ /snying gar mnan

  480. 240b

    gnyis dang bral pa'i bsam pa bzlog /sems kyi 'khrul par lta ba dang/ /sgyu ma rang bzhin med pa yi/ /lta ba zlog pa'i cho ga'o/ /gang du dri chen sha chen dar/ /byang chub sems la sbyong byed pa/ /spyod pas bzlog pa'i cho ga'o/ /gang gis dam tshig rtag tu srung/ /de la shugs kyi sbyor ba med/ /dam tshig gis ni bzlog pa'o/ /yi dam lha la lus 'bul zhing/ /dam tshig nyams pa bshags pa dang/ /phyis ni sdom pa 'dzin byed pa/ /bshags pas dbang du sdud pa'o/ /de la drag po'i sbyor sngags dang/ /mi 'da' gsang ba'i sngags bzlos pa/ /sngags kyis bzlog pa'i cho ga'o/ /bdag las byung ba'i khro tshogs kyis/ /lus la mtshon cha'i char 'bebs dang/ /bdag 'od dbyings las byung ba yis/ /thog 'bebs sbyor ba rtsom pa dang/ /me dang chu yi 'khor lo yis// sbyor ba'i cho ga'i 'di byed pa/ /bsam gtan stobs kyis bzlog pa'o/ /yungs kar dang ni yungs nag dang/ /ske tshe shang tshe gu gul dang/ /dug 'bru la sogs sbyor ba yis/ /bzlog par byed pa 'di dag ni/ /rdzas kyis bzlog pa'i cho ga'o/ /yang na bdag nyid khro bo yi/ /mdun gyi snying du sems dpa' bskyed/ /las bcol rdo rje me 'bar ba/ /'di yang bsam gtan sbyor ba'o/ /gang zhig de yi mgrin pa ru/ /yi ge a ni bsam bya ste/ /spyi bor 'khor lo bskor ba yis/ /smros shig byas pa smra bar gyur/ /'di 'ang bsam gtan sbyor ba'o/ /thod pa gsum gyi phyag rgya dang/ /dam tshig rdo rje sdigs mdzub dang/ /rgya gram 'khor lo'i sbyor ba yang/ /phyag rgya'i sbyor bas gsungs pa yis/ /bkra shis 'khor lo'i sbyor ba yis/ /chags par 'gyur na rul myags dang// dum bu lang ling rnam par bsam/ /khro bor gyur na byams la sogs/ /gti mug la ni chos rnams byed/ /de bzhin mi dge gnyen po bsam/ /gzhan yang log pa'i don ston na/ /bdag dang chos dang chos can rnams/ /rang bzhin med pa sgyu mar bsam//

  481. 241a

    gang zhig gdug pa 'dul 'dod pas/ /bsad pa'i cho ga dam pa ni/ /dur khrod la sogs 'jigs nas su/ /drag po'i dkyil 'khor dug gis bris/ /rkang rdzas gos la sogs pa la/ /gdug pa'i gzugs brnyan byas nas ni/ /de nyid snying gar ming rus gzhug /tsha ba bskyed pa'i sbyor ba bya/ /de nas tshon skud sna lngas bcing/ /rabs chad thod pa rlon pa ru/ /de ni gzhug par bya ba yin/ /de 'od las ni nir gyur te/ /de las gang yin gzugs su gyur/ /bdag las sprul pa'i khro bo'i tshogs// dpag tu med pas 'jig rten bkang/ /rdo rje dgug pa'i sngags bzlas pas/ /lcags kyu la sogs bzhi po 'phros/ /gang yin de ru dgug byas te/ /las kyi rgya 'am ri rab kyis/ /de yi steng nas mnan par bya/ /byin gyis brlab pa'i lha rnams kun/ /las kyi khro bos dbye ba dang/ /me 'bar lcags kyi phur bas 'debs/ /srog rtsa'i bdag po bram ze'i gzugs/ /gdug pa'i khro bos sbyor mas bdug /khros pa'i stobs kyis khrag 'byin cing/ /ro la za bar byad pa yin/ /bdag dang ye shes khro bo las/ /sprul pa thog lnga sngags las byung/ /de lus gcod par byed pa dang/ /phye mar yang ni 'gyur ba yin/ /de dag kun gyi sbyor ba yis/ /'grub par ma gyur pa rnams la/ /phye ma gsum gyis bsad pa yin/ /lcags phye zangs phye rdor lcags la/ /thog chan sbyor ba'i las byas na/ /dkyil 'khor kun gyi sbyor ba yis/ /bsad par gyur pa gdon mi za/ /de yis bsad par ma gyur na/ /phur pa kho nas bsad par bya/ /lcags dang rigs mthun gyur pa la/ /khro bo de dang mthun byas nas/ /dkyil 'khor kun gyi sbyor bas 'grub/ /gang zhig ral gri'i sbyor ba dang/ /rdo rje tho ba'i sbyor ba yang/ /myur du 'grub par 'gyur ba yin/ /yang na bsad pa'i dam pa ni/ /yungs kar dang ni yungs nag dang/ /de bzhin gdug pa'i 'bru

  482. 241b

    rnams kun/ /khro chung sbyor bas 'grub pa yin/ /dug dang myos pa'i dug sbyor te/ /gdug pa sprul nag sbyor ba yis/ /bkug cing kha ru blugs gyur nas/ /lus nang sprul nag sbyor byas nas/ /'grub par 'gyur bar gdon mi za/ /yang na ma mo'i sbyor ba yis/ /bud med thod pa lcang lo'i nang/ /rims khrag dug dang bcas blugs na/ /snying nag ma mo'i sbyor ba yis/ /khar blugs gyur na mdo nas 'chi/ /thod par klad pa'i 'khor lo bskor/ /yang na mdze can thod pa ru/ /de la dgug pa sngon 'gro bas/ /mdze can khrag gi sbyor ba yis/ /lus nang gang nas lcags sbrang ngam/ /lcags sdig srin bu la sogs pa/ /ba spu'i bu gar sbyor byas nas/ /de ni mdze yis 'chi bar gyur/ /dug dang myos pa'i rims khrag la/ /lug dang glang gi khrag dag gis/ /smyo byed sbyor ba rab byas nas/ /gang du sha ba'i 'khor lor ldan/ /des ni lkugs par 'gyur ba yin/ /lce la ri rab sbyor ba bya/ /yang na mnan pa'i sbyor ba ni/ /byang du bltas pa'i chu mig tu/ /thod pa dum bu drug yod par/ /gang yin ming rus bcug byas te/ /dgug pa la sogs byas nas ni/ /zhag bdun gyis ni 'chi bar 'gyur/ /yang na bsam gtan kho na yis/ /bsad pa'i thabs ni bshad bya ste/ /dgug pa sngon du 'gro ba yis/ /mdun du za byed kha gdengs la/ /phur bu spyi bor btab byas nas/ /rkang par khrag byung za byed 'jig /de ltar byas nas sgyu lam 'gyur/ /bsad pa'i cho ga dam pa yin/ /yang na spyi'u tshugs gyur pa la/ /mdun bu spyi bsdus rdo rje ni/ /kha dog nag po 'bar ba la/ /me yi phreng bas bskor gyur te/ /sum bskor 'od kyi sbyor ba yis/ /rdo rje spyi bor zhugs gyur nas/ /'od zer snying nas bsreg par byed/ /thig le dag kyang 'joms pa yin/ /yang na 'od zer nag po yang/ /lte ba'i 'khor lo bskul byas te/ /me 'bar stobs kyis bsreg pa dang/ /spyi bo'i

  483. 242a

    khu ba bkug nas ni/ /rkang pa'i me nang sreg pa 'am/ /yang na za byed kha ru sreg /yang na rdo rje'i yi ge gsal/ /spyi nas bshad par rdo rjes brdeg /bshad pa'i yi ge bshig pa yin/ /yang na snying nang raM las me/ /me nang me yis bsreg pa dang/ /thal bar byed pa rdo rje yin/ /'dis ni ma rungs 'joms par byed/ /yang na 'khor lo nag po'i steng/ /gang yin dngos su gsal byas nas/ /snying gi nang du sprul nag po/ /bsam gyi mi khyab phyu las byung/ /stong gsum sprul nag bkug nas bstim/ /sbrul las lcags sprang gze ma yis/ /ba spu'i bu ga nas phyung zhing/ /me yis bsreg par 'gyur ba yin/ /'di ni thabs kyi dam pa'o/ /gzhan yang bsad pa'i bsam pa ni/ /lta ba'i yi ge bsams nas kyang/ / raM las byung ba'i 'og nas 'bar/ /rdo rje phur bus steng nas rdeg /'od zer lcags gze'i tshul can gyis/ /yi ge dkrug cing sreg pa dang/ /gshegs pa'i sbyor ba byas pas 'grub/ /de phyir zab par bstan pa yin/ /yang ni snying Ni bsam pa'am/ /ming yig dang por gnas pa las/ /'od zer lnga yi sbyor ba yis/ /yi ge ma rung byed pa yin/ /spyi bo nas ni rkang pa'i bar/ /mkhas pas 'od zer nag pos dgang/ /'od zer tshub mas dgra nyid kyang/ /steng du g.yo zhing yi ge bsreg / nag po'i rdzas kyis sbyor ba byas/ /raM las byung ba'i gru gsum du/ /sprul nag tshogs kyis bkang ba la/ /nang du gdul bya bkug gyur nas/ /lcags gze nyi ma'i sbyor ba bya/ /drag po chen po bdud chen dang/ /dbang phyug lha chen la sogs pa/ /sbyor ba 'di ni byas tsam gyis/ /rdo rje bzhin du 'grub par 'gyur/ /yang na dbang phyug mthu chen gyis/ /rig pa 'di yi sbyor ba la/ /zla ba zer la de dag gis/ /dmigs pa chu yi nang du 'bab/ /sbyor ba mchog la gnas byas nas/ /dug

  484. 242b

    dang me yi sbyor ba yis/ /rtag tu 'chi bar gyur pa yis/ /shes pa 'di ni byang chub sems dpa' sems dpa' chen pos ji srid du bsad pa'i dam tshig chen po'o// //gzhan yang dngos grub sbyor ba rnams/ /gang du mthar phyin byed pa yis/ /rdo rje'i sbyor la brten par bya/ /las bzhi'i rgyu las byung ba la/ /shin tu mdzes pa'i rdo rje byas/ /gang ltar 'dod pa'i dbyings su bsgyur/ /'od zhu hUM las byung ba yi/ /rdo rje 'bar ba 'od dang ldan/ /de las rdo rje thugs mchog sku/ /gnyis med thim nas byin rlabs dang/ /dbang bskur mchod dang bstod pa dang/ /las bcol sngags bzlas 'od du zhu/ /de las rdo rje kha dog lnga/ /gang gis las dang mthun par bskyed/ /badzra satwa zhes pa'am/ /rang gi rtsa ba'i sngags bzlas pas/ /ye shes rtags rnams bkug bya ste/ /'od byung sbyor ba brtsam par bya/ /gang zhig 'di yi sbyor ba yis/ /las rnams ma lus 'grub par 'gyur/ /dril bu phreng ba la sogs pa'ang/ /lhag par gnas pa las byung las/ /'di yis dngos grub thams cad kun/ /'grub par 'gyur gyi gzhan du min/ /ji srid byang chub sems dpa' sems dpa' chen pos rdzas bsgrub pa'i dam tshig chen po'o/ /ji srid khrus kyi sbyor ba ni/ /gang gi bum pa sbyangs byas nas/ /pad+ma bzhin dgos sngon bskyed/ /sgrub pa'i cho ga rdzogs gyur nas/ /dag pa'i sngags kyi sbyor ba yis/ /ye shes chu bo byin brlabs te/ /gang la bkrus pa tsam gyis ni/ /dngos grub thams cad 'byung ba yin/ /gang zhig dam pa'i don la gnas/ /lha mo rgyun 'bab chu bo yis/ /gang du bkrus pa tsam gyis ni/ /'dod pa thams cad sgrub par byed/ /ces pa 'di ni byang chub sems dpa' sems dpa' chen pos ji srid du rdo rje khrus kyi dam tshig go/ //bsam gtan dag la mi gnas shing/ /rtag tu drag po'i sngags rtsom pa//

  485. 243a

    de yis nor bu bzhin sgrub phyir/ /sngags kyi nges par bshad par bya/ /oM na mo badzra pA Ni mahA yak+Sha se na pa tA ye badzra kro d+ha nI lAM ba ra d+ha ra hUM hUM phaT/ oM na mo sarba d+harma ku ru band+ha ye hUM phaT/ oM na mo badzra kro d+hI shwa ri mu hUM hUM phaT/ oM shAn+tiM ku ru swAhA/ puSh+TiM ku ru swAhA/ ba shaM ku ru na ma h+ri(rgyud 'grel): hUM/ mA ra ya mA ra ya shA truM phaT/ oM staM b+ha ya staM b+ha ya hUM/ ba liM ba liM/ grih+na grih+na/ khA hi khA hi/ a kA ro mu khaM sarba d+harmA NAM Adya nutpan+na pa na ye hUM phaT/ oM rad tI sha ye d+ha ba ra tsa mu khaM ku ru hUM phaT/ oM sarba de ba mA ra ya tshinda tshinda hUM phaT/ b+hinda b+hinda hUM phaT/ grih+na grih+na hUM phaT/ ha na ha na hUM phaT/ ta thA ya ta thA ya hUM phaT/ dzwa la dzwa la hUM phaT/ su ru su ru hUM phaT/ mu ru mu ru hUM phaT/ nA sha ya nA sha ya hUM phaT/ grih+na pA ya grih+na pA ya hUM phaT/ ha sa ya na ha sa ya na hUM phaT/ ki li ki li mA ra ya hUM phaT/ spho Ta ya spho Ta ya hUM phaT/ nA ga rA dza nA ga rAk+Sha/ yak+Sha ku ru/ yak+Sha sarba ra sha rak+Sha rak+Sha/ bi d+hwa sa ya he b+ha ga wan ku ru ku ru/ ba shaM ku ru hUM phaT/ oM a pasma ri ba na shi ka ra hUM hUM swAhA/ pre ti ba na sho ka hUM phaT/ oM shud+he shud+he bi sho d+ha na bi sho d+ha ni/ sarba pA paM bi sho d+ha ni hUM phaT/ oM dzwa la dzwa la sarba pA paM da ha ni badzra dzwa la hUM phaT/ oM gu la pA ya gu la pA ya/ sarba pA paM d+harmA shud d+he shud d+he hUM/ oM grih+na sarba sha truM mA ra ya mA ra ya nA sha ya sa nA sha ya sarba da ha badzra hUM phaT/ pa ra bid twan/ nA ga bid twan/ rak+Sha bid twan/ yak+Sha bid twan/ karma g+ho ru bid twan/ mA ra ya hUM phaT/ ces pa 'di ni byang chub sems dpa' sems dpa' chen pos ji srid du rdo rje sngags bsgrub pa'i dam tshig chen po'o/ /de nas gzhan yang bshad bya ba/ /gang zhig mchog gi don bsgrub pa/ /de yis nor bu bzhin sgrub phyir/ /de nyid rgyan ni bshad par bya/ /gang

  486. 243b

    zhig nor bu 'phel byed pa/ /de yis rtag tu don 'di bsam/ /snying gar bcu drug brgyad nam bzhi/ /dbu nas thabs dang shes rab 'bar/ /dkar zhing zlum pa'i thig le bsam/ /'byung bzhi dang po yi ge brgyad/ /g.yas dang g.yon du bsgom par bya// de las byung ba lnga 'am bcus/ /thig le dag la brten nas ni/ /dbang po'i rgya ba dgag par bya/ /'byung ba dang ni 'jug pa dang/ /gnas pa gnyis kyi bdag nyid can/ /gang zhig 'di la rtag gnas nas/ /rnal 'byor bde ba myong bar byed/ /yang na snying ga nas byung ba/ /khrag dang chu dang byang chub sems/ /mdung dang ral gri'i sbyor ba can/ /mgrin pa'i pad+ma kha bye bsam/ /phyogs su gzhol ba slob pa ni/ /kha phye thig le 'gro 'od bdag /'byung dang 'jug pa 'dir bslabs nas/ /rnal 'byor bde ba myong bar byed/ /de re 'am ni lnga yi bar/ /slob ma rnal 'byor bde ba'i lam/ /snang mdza' yas kyi gnas dag na/ /bzhi bcu 'am ni sum cu gnyis/ /bcu drug brgyad kyi rnam pa la/ /'byung bzhi A li bcu drug ni/ /g.yas dang g.yon du 'khor bar byed/ /gang zhig dbus nas dpa' bo ste/ /dbang po'i rgyu ba 'gog pa dang/ /bde chen kha bye de bzhin du/ /'byung 'jug 'di la gnas pa na/ /rtag tu bde ba chen po bsgrub/ /gang zhig spyi bo'i khang pa ru/ /bdun cu gnyis sam drug cu bzhi/ /sum cu rtsa gnyis brgyad dang bzhi/ /A li gnyis dang kA li gcig /'byung ba brgyad dang yang dag ldan/ /steng dang 'og tu rgyu ba'i tshul/ /dbang po 'gengs par byed pa 'am/ /yang na tshangs dang smin mtshams par/ /rtsa lnga kha 'byed sbyor bar byed/ /lte ba dpa' bo gsang ba'i bdag /brgya dang nyi shu'i sbyor ba 'am/ /phyed bcas A la kA li 'bar/ /gang zhig dpa' bo rlung stobs kyis/ /rtsa lnga snying gar slob pa dang/ /dbang po 'gegs par byed pa yin/

  487. 244a

    kha cig slob pa'i dus dag tu/ /nyi ma rdo rje sbyor ba ste/ /la la yi ge thig ler 'dod/ /bzhi ni so sor slob pa ste/ /gcig ni mdud par slob pa'o/ /gang zhig 'di la rtag gnas nas/ /bde ba chen po sgrub par byed// gzhan gyi sbyor bas gsungs so/ /yang na dbang po 'gebs pa dang/ rtsal lnga'i sbyor ba ma gsungs te/ /gang zhig 'di yi sbyor la gnas/ /dbab dang zlog pas 'grub pa yin/ /ji srid 'khor lo gong ma la/ /de yi sbyor ba ma gsungs te/ /gang zhig rdo rje'i sbyor ba yi/ /bzhi po 'di ni brtsam par bya/ /sum cu gnyis sam bcu drug dang/ /brgyad dang bzhi yi rnam pa la/ /bzhi po kho na'i sbyor ba yis/ /dbab dang bzlog par bya ba 'am/ /brgyad dang gnyis la brten pa dag /dbab pa gong 'og gzhan du sbyor/ /dbab pas dga' ba bskyed pa dang/ /bzlog pas dga' ba bskyed pa dang/ khor du skye bar 'gyur ba dang/ /gang zhig rgyun la skye ba dang/ /'di dag rigs kyi dbang du gsungs/ /gang zhig rigs gzhan sbyor ba la rigs gzhan pho nya'i sbyor ba bya/ /gang tshe rang gi rigs mthun pa/ /byin gyis brlabs nas gnyis med sbyor/ /rtag tu dam pa bde ba 'bab/ /'di yi sbyor bas dga' ba rnams/ /rim skye phyag rgya'i dngos grub 'grub/ /gang zhig 'di yi sbyor ba yang/ /las las bskyed pa'i bu mo dang/ /ye shes bu mo sprul pa dang/ /g.yon gyi yum dang snying ga las/ /byung ba'i bu mo sbyor byed pa/ /'di la brten nas rnal 'byor pa'i/ /ye shes bskyed par byed pa yin/ /tha ma'i las kyi dus dag tu/ /rked? pa thig sus bcing ba dang/ /dbugs kyi lcags kyus bzlog pa yang/ /'di yis 'byung gi gzhan du min/ /gang zhig sbyor ba gzhan dag kyang/ /nyi ma'i me ni lte bar 'bar/ /spyi bo'i byang chub sems

  488. 244b

    bkug nas/ /dga' ba bde ba 'grub pa dang/ /rtag tu gzhan nas 'bar ba yis/ /rtse mo las ni 'bar ba dang/ /gang 'dir byang chub sems dag gi /bzlog pa rlung sngon bskyed pa dang/ /'bar ba rang gi gnas dag tu/ /gang zhig 'di yis byed pa dag /rnal 'byor bas ni spyad par bya/ /yang na 'byed 'dzum sbyor ba yis/ /las kyi rlung bskul sangs rgyas rnams/ /'og min gnas nas rab bkug ste/ /zhing khams brgyad la sogs pa bkug /rnal 'byor ye shes dngos grub 'gyur// rnal 'byor ma ni thams cad kyi/ /thod pa byang chub sems bkang la/ /gang gis dmigs pa de dag gis/ /rtag tu bde ba chen po 'grub/ /thabs ni kun rnams ma lus pas/ /ri lu'i phreng ba mgul nas thogs/ /sprul gyi zhags pa'i sbyor ba yis/ /kun tu 'khyud pas dngos grub 'byung/ /gang du rnal 'byor ma rnams la/ /rtag tu bde ba ster byed pa/ /sna tshogs dpal ldan rdo rje can/ /'di la dmigs pas rnal 'byor pa'i/ /'dod pa rdo rje bzhin du 'grub/ /gang zhig gtso bo'i sbyor ba la/ dmigs nas gsal bar 'gyur ba'i che/ /zhing khams gang dang gang rung bar/ /sprul pa'i byin rlabs phyogs bcur 'gyed/ /gang tshe de yi sbyor ba yis/ /zhing khams yongs su gyur nas ni/ /thams cad bde ba chen por 'grub/ /yang na rnal 'byor bde chen por/ /gsal nas khyab pas spu ldang zhing/ /snang bas gsum ni 'byung par 'gyur/ /rnal 'byor pa ni thams cad kyis/ /bde ba chen po bskyed par byed/ /yang na 'khor lo'i sbyor spangs pas/ /gnas ni bzhi 'am brgyad dag dang// bcu drug gnas su thig le bsgom/ /thams cad 'pho dang 'jug pa la/ /rnal 'byor bde ba bskyed par byed/ /gang zhig 'di la brtag gnas una/ /zla ba drug gam bcu gnyis sam/ /de las gyur pa'i sbyor ba yis/ /rnal 'byor dngos grub 'grub par

  489. 245a

    byed/ /sangs rgyas byang chub sems dpa' dang/ /rnal 'byor pho dang rnal 'byor mo/ /pho nya 'khor tshogs thams cad kyi/ /rtag tu bde ba ster bar byed/ /bdud dang gnod sbyin la sogs pa/ /gang gis gnod pa'i tshogs rnams kun/ / ma lus kun tu zhi bar 'gyur/ /gang zhig don 'di log rtog can/ /dbyar gyi tsan dan lta bu la/ /gang zhig ster bar 'gyur ba ste/ /rtag tu rlag par 'gyur ba yin/ /gsang ba'i don rnams thams cad kun/ /dri mchog ga bur bzhin du btsa'// gang zhig 'di las log pa la/ /'bras bu med cing ngan song ltung/ /mkha' 'gro byad ma srin po dang/ /ro langs la sogs kun gyis gsod/ /seng ge'i 'o ma snod nang du/ /blugs pa ji bzhin dngos grub med/ /tsan dan sbrul gyi snying po bzhin/ /mkhas pa'i bstan pa me ster bar/ /glegs bam mthong nas khengs 'gyur ba/ /de la gsang ba bstan mi bya/ /gang zhig snod ldan dang tshul can/ /lus dang longs spyod gtong ba dang/ /som nyi med cing gsang la dang/ /sgang du sla zhing sems can gsod/ /rtag tu mkhas pas de la sbyin/ /bdag 'dra rmongs pas bsgrub pa'i thabs 'di la rtsam par mi rigs na/ /sems can don du 'gyur la phan phyir bdag gis brtsams/ /'di la nyes par 'gyur ba ci mchis pa/ mkhas dang dam pa rnams la bzod par gsol/ /bdag gis sgrub pa'i thabs ni brtsams pa'i dge ba yis/ /gang gis legs gsungs rgyal ba'i bstan pa kun rgyas te/ /rtags tu bde ba mchog bsgrubs dam pa de yi zhal mthong nas/ 'gro rnams dngos grub kun thob rtag tu sdug bsngal bral bar shog/ /'di bris rnam dkar phung po yis/ /skye dang skye ba byang chub par/ /mi mthun phyogs las rnam rgyal te/ /gos sngon go 'phang myur 'thob shog/ //

  490. 245b

    */ (/de kho na nyid sgron ma'i 'grel pa slob dpon dpa' bos byin gyis mdzad pa bzhugs//) //rgya gar skad du/ twad ta pra dI baM nA ma brit+ti/ bod skad du/ de kho na nyid kyi sgron ma zhes bya ba'i 'grel pa/ dpal rdo rje can la phyag 'tshal lo// 'dir bstan bcos brtsom par 'dod pas/ /thog ma nyid du brjod par bya ba dang dgos pa dang/ 'brel pa dang/ dgos pa'i dgos pa ma bstan na rtog pa sngon du gtong ba rnams 'jug par mi 'gyur ro/ /'di ltar bstan bcos 'di'i brjod par bya ba ni/ /ci zhig ces bya ba la sogs par tshol bar mi 'gyur ro/ /gal te brjod par bya ba la sogs pa bstan kyang mchog tu gyur bar ma bstan na/ dman pa la ni mkhas pa dag 'jug par mi 'gyur ro/ /gal te mchog tu gyur ba'ang gzhan gyis bsgrubs na ni ma yin te/ bstan bcos 'di dgos pa med pa nyid do/ /de lta bas na brjod par bya ba ni gang zhig dgos pa dang 'brel pa dang/ /dgos pa'i dgos pa ni gang zhig yin zhe na/ 'dir brjod par bya ba ni bskyed pa'i rim pa dang/ rdzogs pa'i rim pa spyod pa dang bcas pa yongs su rdzogs pa'o/ /nyan pa pos gzhung ji lta ba bzhin du rtogs pa ni dgos pa'o/ /de yang bstan bcos 'di med na mi 'byung ba'i tshul gyis 'brel pa'o/ /des rang bzhin gyi don phun sum tshogs par 'gyur ba ni dgos pa'i yang dgos pa'o/ /de ltar brjod par bya ba la sogs pa bsnyad nas da ni yon tan brjod pa'o/ /sngon du 'gro ba'i phyag 'tshal bstan pa'i phyir/ gang zhig gis ni bde ba 'thob cing sdug bsngal spong 'dod pa/ zhes bya ba la sogs pa smos te/ theg pa chen po'i rigs can gang gis 'khor ba'i nyes pa spong ba dang/ mya ngan las 'das pa'i bde ba bla na med pa thob par 'dod pas na/ nor bu bzhin du bsgrub pa ni thogs pa med par bsgrub par bya ba'i phyir ro//

  491. 246a

    zhes pa dgos pa'i dgos pa bstan to/ /bde ba'i mchog ni phyag na rdo rje yon tan phun sum tshogs pa'i bdag nyid can te de la gus pas phyag 'tshal lo/ /de nas brtsam par bya ba'i gzhi bstan/ par bya ba'i phyir sgrub pa'i thabs mchog de nyid sgron ma/ zhes smos te sems can rnams la dam pa sbyin par byed pas sgrub thabs te/ gang gi las gzhan pa'i mchog tu gyur pa'i phyir de skad ces bya'o/ /de bstan pa'i lung bstan pa'i phyir gsang ba'i rgyud rnams la brten cing zhes pa de kho na nyid gsang ba la sogs pa'i rgyud rnams la bsten pa'o/ /gzhan yang gang las 'ongs pa zhes pa ni rim nas brgyud pa'i don ji lta ba bzhin du bshad par bya'o/ /'di skad du ston te gang gi phyir de bzhin gshegs pa'i gsang ba'i don rnams thob par bya ba'i phyir sgrub pa'i thabs su phun sum tshogs pa rtsam par bya'o/ de'i bar du gcod pa'i bgegs nye bar zhi ba'i phyir sngon du rang dad pa'i lha la phyag 'tshal ba brtsam par bya'o// gal te de bzhin gshegs pa'i gsang ba'i don rnams zhes bya ba de las gzhan pa zhig tu gyur na ni thug pa med par 'gyur ro/ /de la gzhan yod par yang ma grub ste/ re ba rnams par chad pa'i phyir ro/ /rigs dman par gyur pa'ang ma yin te/ dgos pa thams cad 'di'i nang du 'ub la yang dag par 'dus pa'o/ /gsang ba'i don yang rnam pa gnyis te/ /lam dang 'bras bu'o/ lam ni bskyed pa dang rdzogs pa'i rim pa spyod pa dang bcas pa'o/ /'bras bu ni dngos grub gnyis te ji skad du rgyal bas bstan pa'i chos rnams kun/ lam dang 'bras bu gnyis su 'dus zhes bya ba la sogs pa'o/ /lam dang 'bras bus ni rgyud kyi brjod par bya ba ma lus pa thams cad rab tu bsdus par gyur la/ de yang de bzhin gshegs pa rnams

  492. 246b

    kyi gsungs pa'i phyir ro/ /yang de nyid rtsom pa dgos pa med do zhe na/ ma yin pa'i phyir/ gang gis ni legs pa'i don gsum pa ni/ /de kho na nyid dang spyod par bcas pa ste/ gsungs kyang don yod/ ces ni mthun pa'i rgyan dang bcas pa'o/ /ci'i phyir zhe na/ gsal ma byas de kho na nyid la sogs pa ci lta ba bzhin gsal bar ma byas pa'i phyir ro/ /de ltar yang gsungs pa rdzogs sangs rgyas ni mya ngan 'das/ /bstan pa rnams ni blo la bskal ces/ /gal te de lta na yang bstan bcos gzhan bstan pa nyid do zhe na/ des byas byas pa med mthong zhes pa slob dpon gzhan gyis byas pa'i bstan bcos dag la'ang de kho na nyid spyod pa bstan pa dang bcas pa yongs su rdzogs pa med pa'i phyir/ byas pa ma yin par mthong ste/ de'i phyir de kho na nyid spyod pa dang bcas pa yongs su rdzogs pa'i gsang ba 'di la dga' ba bskyed zhes smos te/ 'dis ni dngos su snying rje la dga' ba zhes smos te/ gang gi 'bras bur gyur pa de la de skad ces bya'o/ /'dir sgrub pa po'ang ci lta bu zhig gzung bar bya zhe na/ lta spyod dbang dang zhes bya ba la sogs pa smos te/ lta ba ni yang dag pa'i lta ba dang log pa'i lta ba ste/ dngos po dang mthun pa'i phyir ro/ /de dang blang bya dang spang bya'i tshul du ldan pa ste/ khong du chud pa'o/ /spyod pa ni spros pa dang bcas pa'i dang/ spros pa med pa dang/ shin tu spros pa med pa'o/ /dbang ni bum pa'i dbang la sogs pa'o/ /dam tshig ni rdo rje slob dpon la sogs pa'i rten can 'da' bar bya ba ma yin pa rnams so/ /ldan zhes pa ni re re la'ang sbyar ro/ /dge ba'i chos ni dad pa la sogs pa'o/ / gang gis de la shin tu phan 'dogs pa dang mdzes par bya ba'i phyir brgyan pa'o/ /de'i ming ci zhe na/ rnam 'byor snod can te/ yang dag pa'i gdams ngag dang dngos grub kyi snod du gyur pa nyid do/ /de'i bsam pa ji lta /ba? zhig ce na/ yang dag byang chub

  493. 247a

    yid la gzhag ces pa/ sems can gyi don gyi phyir lam dang 'bras bu la gnas par bya'o zhes yid la byas pas so/ /'di ni 'di skad du ston te ji skad smos pa'i chos dang ldan pa'i rnal 'byor pa zhig gis thog ma nyid du las gang rtsom yang byang chub tu sems bskyed la 'jug par bya'o zhes bya ba'i don to/ /rnal 'byor snod can yang rigs mchog tu gyur pa gzung ba'i phyir te/ 'di ltar gsang ba 'di thun mong ma yin pa'i phyir ro/ /gal te rnal 'byor snod can gyi mtshan nyid ma bstan na/ gsang ba la ni gnas pa sems can de byang chub sems dpa' sems dpa' chen po'i yang ming las ldog pa'i phyir ro/ /ji ltar na chen po yin zhe na/ chen po dgu dang ldan pa'i phyir te/ rigs chen po ni sangs rgyas kyi rigs su des par byed pa'i phyir ro/ /rtsom pa chen po ni rang bzhin gyi don phun sum tshogs pa brtson pa'i phyir ro/ /mos pa chen po ni mos pa rab kyi rab nyid do/ /dmigs pa chen po ni sku gsum mdzad pa dang bcas pa la dmigs pa'i phyir ro/ /'bras bu chen pa ni thob par bya ba thob pa'i phyir ro/ /dus chen po ni tshe gcig gis sangs rgyas pa 'grub par byed pa'i phyir ro/ /las chen po ni sgrib pa thams cad spong bar byed pa'i phyir ro/ /byin gyis brlabs chen po ni gnas thams cad mchod par 'os pa'i phyir ro/ /spong ba chen po ni sems bskyed nas de'i bar du gcod pa'i chos spong ba'i phyir ro/ /gal te de'i mtshan nyid ma bstan na thog ma nyid du rigs dman 'jug par byed do/ /de nas ni skrag pa dang skur pa 'debs par 'gyur ro/ /de nas chos de dag las ldog par 'gyur ro/ /de bas na rnal 'byor gyi mtshan nyid smos pa ni dgos pa dang/ /bcas pa nyid do/ /de lta bu'i rnal 'byor pas gnas gang du grub ce na/ gnas ni ri dang yul khams zhes bya ba la sogs pa smos te/ de la ri dang yul khams dang

  494. 247b

    ni ri dang yul khams nyid do/ /ji lta bu gzung zhe na/ yon tan thams cad der ldan pa ni yid du 'ong zhir bsam gtan la phab pa'i chos nye bar gnas pa'o/ /mngon sum gyis ma smad pa ni mngon sum gyis ma smad pa ste/ gang gi mngon sum du ri seng+ge 'am rdo rje la sogs pa lta bur snang ba'o/ /grags pas ma smad pa ni thams cad duAng mcho tu gyur par grags pa ste/ des bar chad kyi chos thams cad spong bar 'gyur ro/ /der yang sngon du 'gro ba'i cho ga bstan pa'i phyir/ skad cig phyag na rdo rje gsang zhes bya ba la sogs pa smos te/ de la skad cig ni dran pa thams cad de/ des phyag na rdo rje'i skur rang gsal bar bya ba'o/ /'di yis gdug pa can rnams la/ /gzhan du 'gro ba'i bka' bsgo zhes pa ni/ gnas 'dir bdag che ge mo zhes byed? kyis ma 'dug ces bsgo'o/ / gal te mi 'gro bar 'gyur na/ de de'i cho ga ni rdo rje 'khor lo'i thog gis bsad ces pa/ rdo rje dang 'khor lo'i dbyug tho dang/ ral gri dang/ rgya gram dang/ phur bu la sogs pa'i mtshon cha'i tshogs hUM zhes pas sna'i dbug las bton te/ gdug pa can rdul bzhin du gyur par bsgom par bya'o/ /de 'og khang pa bsgom zhes pa rang gi sa bon las mdun du ha ljang gu las rdo rje rgya gram du gyur te/ de las 'od kha dog sna tshogs 'bros pa las/ 'di skad du smos pa'i khang par gyur par bsam mo/ /yang na rang gi gnas dag tu zhes pa la sogs pa'i don ni bdag las khro bo khams gsum rnam par rgyal ba mdog dmar ser zhags pa dang phur bu thogs pa spros te/ phyogs bcu'i bgegs thams cad bcings nas phur bu gdab par bya ba'o/ /yang na bdag las khams gsum rgyal/ /zhes pa la sogs pa'i don thog ma nyid du rlung dang me'i 'khor lo yid la byas te/ de'i steng du e las chos kyi 'byung gnas bsam ste/ de'i nang du 'byung po thams cad bkug la rdo rje sder mo'i sngags kyi phur bu

  495. 248a

    btab na/ de'i 'og khro bo'i khang par bsam mo/ /yang na khang pa med dang thog ces bya ba la sogs pa'i don ni/ khro bo'i khang pa nyid la me dpung chen po dang/ 'khor lo la sogs pa'i thog dbab par tsha tsha 'khrugs par bsams pas zhi bar 'gyur ro/ /sku skyed pa dang/ khang pa bsgom pa dang/ bgegs gso ba ni thun mong du'o/ /bka' bsgo ba ni dang po'i cho ga'o/ thog dbab pa dang/ /rang gi gnas su bkug nas dang/ tsha tsha 'khrug pa ni gcig dang gnyis dang gsum las byed pa'o/ /'di dag gi las la'ang rgyu dang/ sngon 'gro dang/ thabs dang grangs dang byed pa'i las/ /bsam dang mtshan ma tshad dang dbyibs/ /kha dog rnal 'byor de yi rim/ /de la sgyu ni sna tshogs rdo rje'o/ /dus ni dngos grub sgrub pa'i dus su'o/ /sngon du 'gro ba ni sku bskyed pa la sogs pa'o/ /thabs ni sngags dang bsam gtan tshogs pa'o/ /grangs ni mtshon cha lnga'i dbang du byas pa'o/ /las ni 'byung po bsrung ba la sogs pa'o/ /bsam pa ni sgyu ma tsam du'o/ mtshan ma ni me la sogs pa'o/ /tshad ni nam mkha' i mdza' dang mnyam pa'o/ /dbyibs ni gru gsum du'o/ /kha dog ni dmar nag tu gnas pa'o/ /rnal 'byor pa ni de'i las su bya ba khong du chud pa'o/ /de'i rim pa ni/ thog ma nyid du ni sku bskyed pa'i cho ga la 'jug par bya'o zhes bya ba la sogs pa'o/ /de nas bla ma mchod pa'i yan lag la 'jug par bya ste/ de'ang dus gang gi tshe bsgom zhe na/ gang tshe mtshams kyi cho ga rdzogs pa de'i tshe/ bla ma mchod ba brtsam gyi g+han du ni ma yin zhes bya ba'i don to/ /rang snying mdun gyi nyi ma la zhes pa ni/ rang gi sa bon las byung ba'i 'od kyis mdun du nyi ma'i gdan bskyed pa'o/ /bla ma bkug te 'od du zhu/ /de las rdo rje 'chang chen sku/ /gnas rnams byin brlabs dbang bskur nas zhes pa ni/ rang gi sa bon las 'od lcags kyu'i tshul can byung nas

  496. 248b

    bla ma'i snying ga nas gzung nas 'ongs te/ tha mal pa'i yan lag yongs su spang ba'i phyir/ rang gi 'od kyis 'od du zhu ste/ zhing dag par bsgrub pa'i phyir/ rdo rje sems dpa' i phyag rgya chen por rim pa 'am cig char gyis bskyed la/ de'i gnas gsum du oM A(rgyud 'grel): hUM bkod de/ ye shes kyi 'od zer gyis nus pa bskyed cing nyes pa dag par byas nas/ rig pa'i lha mos dbang bskur te/ de la lus dang ngag dang yid kyi sgo nas phyag 'tshal ba la sogs pa brtsam par bya'o/ /des ci byed pa zhe na/ de bzhin gshegs pa'i bsod nams kyi tshogs dam pa'i sa bon gso ba dang/ /bar du gcod pa bzlog pa dang/ dam tshig nyams pa sel ba la sogs par 'gyur ro/ /de ci'i phyir zhe na/ de bzhin gshegs pa'i dngos grub thams cad bla ma la brten nas 'thob par 'gyur ba'i phyir te/ lung gzhan las bla ma sangs rgyas las mchog nyid ces bya ba la sogs pa 'byung ba'i phyir ro/ /bla ma las ji lta ba bzhin du de bzhin gshegs pa mchod pa las kyang bsod nams khyad par du 'gyur ro zhes bstan pa'i phyir/ de nas bde gshegs mchod pa brtsams zhes bya ba la sogs pa smos te/ bde ba chen po chos kyi dbyings nyid du gshegs pas na bde gshegs te/ gang gis de mnyes par byed pa'i phyir/ de la de skad ces bya'o/ /sa ma na dza(rgyud 'grel): sngas las byung ba'i zhes pa la sogs pa'i don ni/ thog ma nyid du ni rang gis byang chub tu sems bskyed la gong ma bzhin du spyan drangs te/ phyag 'tshal ba la sogs pa'i yan lag yongs su rdzogs par byas te/ de ltar tshogs chen po sgrub pa las gsungs pa/ dbu yi gtsug tor 'phags 'dod pas/ /longs spyod yid 'ong 'dod pa yis/ /mchod pa'i tshogs kyang dbul bar bya/ /zhing ni dag par bya ba'i phyir/ /nyes pa rnams kyang sbyang bar bya/ /spobs pa mi zad thob bya'i phyir/ /nyes pa dag kyang bsdam par bya/ /'gro

  497. 249a

    ba kun gyis sdud bya'i phyir/ /gzhan gyi dge la yi rang zhing/ /bskul dang gsol ba gdab par bya/ /lus ngag yid ni phun sum tshogs/ /lang tshe longs spyod de bzhin te/ /tshogs bsags pa las byung? bar 'gyur/ /zhes pa lta bu'o/ /chos kyi 'khor lo bskor ba'i tshul bstan pa las kyang rgyu mthun gyi 'bras bu khyad par can 'gyur bar bstan pa'i phyir/ bdag las sprul pa'i lha tshogs kyis/ /sems can kun gyi don byed bsam /zhes pa rang las sprul pa'i sku dpag tu med pa 'jig rten gyi khams thams cad du spros te/ sems can thams cad bsdu ba'i dngos po bzhi la bkod nas slar 'dus te/ de ltar yang dang yang du yid la byas pas nus pa phun sum tshogs par gyur pa'o/ /smon lam btab pa'i 'phen pas rnam par smin 'bras bu phun sum tshogs pa bstan pa'i phyir/ phyi ma'i dus kyi smon lam btab ces pa/ sems can gyi don byed par gyur cig ces smon lam gdab par bya'o/ /tshad med bzhi yang bsgom par bya/ zhes byams pa dang snying rje dang dga' ba dang btang snyoms kyi sgo nas yan lag yongs su rdzogs par bya'o/ /gzhan go sla/ da ni stong pa nyid bsgoms pas kyang ye shes kyi tshogs khyad par can du 'gyur ro/ /zhes bstan pa'i phyir/ ye shes tshogs ni bshad bya ste/ zhes bya ba la sogs pa smos te/ dang po nyid nas rang bzhin med/ de ltar mos pa byad pa dang zhes pa dang/ thog mar gcig dang du ma la sogs pa dang bral ba la sogs pas/ chos thams cad stong pa nyid du shes par byas nas/ phyis de'i dpal? stong pa nyid du ltag par mos par byas nas yang nas yang du bsgom pa ni /mos pas stong pa nyid du bsgom pa'o/ /rnam pa dang bcas pa'i dbang du byas nas bshad pa/ yang na snying

  498. 249b

    ga'i yi ge las/ /'od 'gyur bdag nyid zhu 'gyur te/ /zhes pa ni/ rang gi sa bon gyi 'od kyis phung po thams cad zhu bar byas pa'o/ /slar 'dus rang bzhin med par 'gyur/ /ces pa ni/ 'od 'dus nas stong pa nyid du bsgom pa'o/ /stong pa nyid bsgom pa'i thabs gsal bar bstan pa ni/ yul ni gang la'ang mi gtad de/ zhes bya ba la sogs pa smos te/ gzugs la sogs pa'i rnam pa gang la'ang yul du mi bya ste/ sems nyid kyang gang la'ang gnas par mi bya'o zhes pa'i don to/ /spyod lam zhar la byung ba bstan pa/ gzhan pa'i yul rnams rang zhing bzhag /ces pa ni/ gzugs la sogs pa'i yul snang bar gyur pa rang zhir bzhag par bya'o/ /bsod nams dang ye shes kyi tshogs gnyis ni/ gang gi lam nyid lam du gyur pa ste/ gang gis dang po'i chos nyid dang yongs su rdzogs pa'i chos nyid kyi dbang du byas pa'o/ /des cir 'gyur zhe na/ sangs rgyas kyi bsod nams ye shes te/ sku gsum thob bar 'gyur ba'i phyir ro/ /gal te ci bsod nams kyi tshogs kho na 'am bsod nams kho na'i tshogs shes brtags grang na/ dang po ltar na'ang de las gzhan pa'i ma yin pa yin pa nyid dang/ gnyis pa ltar na'ang rnam smin nam bral ba'i 'bras bu med par 'gyur ro/ /'di kho na bsod nams kyi tshogs yin no/ /zhes nges par gzung ba'ang med de/ bskyed pa'i rim pa'ang der 'gyur pa nyid do/ /gal te ma 'gyur na ni/ de bsgom par bya ba ma yin pa zhig tu 'gyur na/ de'ang ma yin no/ /de 'gyur ba kho na/ zhes bya bar ni de nges te de'i ngo bo nyid yin pa'i phyir ro/ /de bas gnyis pa la'ang de ltar blta bar bya'o zhe na 'di nyid de/ gang gis dang po'i dus kyi rjes su 'brang bar byed pa nyid de/ de ni de tsam du zad do/ /lhag ma ni de'i 'bras bu dang rjes su mthun par byas pa nyid do/ /de ltar sngon du 'gro ba brjod nas/ da ni skyed pa'i rten bstan par bya ste/

  499. 250a

    'jig rten gyi khams mi mjed du me bdun la sogs pas bar gyi bskal pa nyi shur zhig go /bar gyi bskal pa nyi shur stongs so/ /bar gyi bskal pa nyi shur rlung la sogs pa rim gyis chags te/ de dang mthun par yaM dang paM dang laM dag dang/ uM dang bruM las byung ba yi/ /rlung dang chu yi dkyil 'khor dang/ /sa gzhi ri rab steng dag tu/ /gzhal yas khang pa bsam par bya zhes pa/ rlung ni ljang ser dpag tshad sa ya dang drug 'bum rngams su'o/ /chu'i ni chu rngams 'bum phrag brgyad do/ /gser gyi ni 'bum phrag gsum dang/ stong phrag nyi shu dang brgya phrag bcu'o/ /ri rab ni rin chen sna bzhi las grub pa brgyad khri'o/ /gzhal yas khang ni khang bzang rnam par rgyal byed/ ces bya ba lta bu'o/ /gzhan go sla'o/ /de dbus hUM las byung ba'i zhes pa la sogs pa'i don ni/ ji skad smos pa'i gzhal yas khang gi sems nyid snang ba yi ge hUM mthing ga 'od lnga dang ldan pa cig gsal bar byas te/ de'i 'od kyi 'phro 'du las rdo rje gdeng po sa bon dang bcas pa/ de las phyag na rdo rje cung zad khro ba dang bcas par gnas par bsams la des gnod sbyin gos sngon po can dang/ klu la sogs pa la bltas te/ snying rje chen po sngon du 'gro bas gos sngon po can snang ba'i tshul du bslangs nas/ yid bsdu ba'i sbyor ba sa bon bstan pa las khro bo chen po 'phags pa gos sngon po can ji skad smos pa'i rgyan thams cad dang ldan pa bsam par bya'o/ /ye shes kyi 'khor lo dgug pa sngon du 'gro bas dbang bskur bas kyang ji skad du bshad pa'i sku khyad par du 'gyur ro/ /zhes bstan pa'i phyir/ ye shes 'khor lo spyan drangs te/ zhes bya ba la sogs pa smos te/ mchod pa ni spos la sogs pa'o/ /gtor ma ni bdud rtsi lnga la sogs pa'o/ /des mnyes pa ni mgu bar byas pa'o/ /des ci byed ce na/

  500. 250b

    don phyed 'di'i gsol ba gdab/ ces pa sems can gyi don du'o/ /gsol ba gdab pa'i tshig ni go sla'o/ /'dis ci byed ce na bum pa la sogs dbang rnams blang/ zhes pa bum pa dang gsang ba dang shes rab ye shes dang bzhi pa blang ba'o/ /de la bum pa'i dbang ni rig pa'i lha mo rnams kyis dbang bskur ba ste/ 'bras bu rigs lngar gyur pa'o/ /gsang ba'i dbang ni lhag pa'i byang chub kyi sems so/ /shes rab ye shes ni rig pa'i yum gyis bde ba byin pa'o/ /bde ba chen por rtag tu dgyes shes pa ni dbang bzhi pa ste/ don dam pa'i phyir bden pa la gnas pa'o/ /rten ji lta bu la bskur zhe na/ phyis ni gnas gsum byin brlabs te/ zhes pa rang gi sku bskyed pa'i rjes su gnas gsum byin gyis brlabs pa'o/ /de nas yongs su bslang pa'i don gyi 'khor gyi sku bskyed pa bstan pa'i phyir/ de nas phyogs bcu'i lha mo yis zhes bya ba la sogs pa smos te/ phyogs bcu'i lha mo ni sgeg mo la sogs pa ste/ de dag rnam pa'i tshul du byung nas bskul zhe'o/ /a la la ho/ zhes pa ni dga' ba'i mdangs can gyis so/ /gang la zhe na shukra su ka ste/ byang chub sems bde ba'i ngang las so/ /bde ba chen po ni don dam pa'i sgo nas bod pa ste/ bcom ldan gsang mchog ces bya ba dang 'brel to/ /bos nas ci byed ce na/ 'bar ba'i skur bzhengs ni sku khro bor bzhengs shig pa'o/ /ci phyed ce na 'gro ba'i don la spyod ces pa dkyil 'khor yongs su rgyas pas sems can gyi don mdzod cig pa'o/ /gang gi phyir zhe na/ ma rig rmongs pa yongs su gzung ba'i phyir te/ blun par 'gyur ba'i sgrib pa gsal ba'i phyir ro/ / mahA gu hya zhes pa la sogs pa'i don yang de nyid do/ /de ltar bskul ba'i stobs kyis ldang ba'i tshul ni/ 'od las yongs su sad gyur te/ zhes pa ni 'od kyis gong bu las skur ldang ba ste/ rim pa 'am cig car gyis so/ /rdo rje pad+ma byin brlabs nas/ shes

  501. 251a

    pa ni rdo rje hUM las rdo rje rtse lnga pa rtse mo nor bus mtshan pa dang/ pad+ma'i nang b+h+ruM las gzhal yas khang du bsams te/ de'i dbus su a dmar po mtshal bcag pa lta bur bsam mo/ /lha mos bskul/ zhes pa ni sa dang nam mkha' la gnas pa'i lha mos 'khor gyi sku bskyed par bskul ba'o/ /dga' ba'i spyod pa ni/ 'chang ba dang 'khyud pa dang 'jib pa dad spros pa la sogs pa'o/ /snyoms par zhugs pa ni/ pad+mar rdo rje bstims te/ bskyod pa'i sgras sangs rgyas kyi sa bon bkug te b+ha ga'i nang gi 'khor lo la bzhag pa las rim gyis sku rdzogs par 'gyur ba'o/ /grangs bstan pa sum cu rtsa lnga 'am nyi shu lnga/ zhes pa sum cu lnga ni/ phyogs skyong dang bces pa'o/ lhag ma ni phyogs skyong gsal ba dang/ dbus kyi 'khor lo la gzung ba'i phyir te/ go rim bzhin no/ /de las so so'i sngags kyis gdon zhes pa ni/ yum gyi b+ha ga las phyir bton te/ gdug ba can btul nas slar 'dus te/ phyi'i 'khor lo la bzhugs pa'o/ /oM sarba ta thA ga ta/ zhes pa la sogs pas ni gdon pa'i sngags bstan to/ /de nas lha so so'i mtshan nyid bstan pa/ phyogs dang ming dang kha dog dang mtshan ma dang/ rgyan dang gnas dang las dang chas gos kyis shes par bya ste/ shar du sangs rgyas gos sngon can/ zhes pas ni phyogs dang ming bstan te/ bde bar gshegs pa'i rigs yin pa'i phyir ro/ /zhal dang sku ni dkar la 'tsher/ /zhes pa ni kha dog gi khyad par bstan te/ dri za thams cad 'dul bar byed pa'i phyir ro/ /'khor lo dang ni dril bu bsnams zhes pa ni g.yas dang g.yon na go rim bzhin no/ /sprul dkar po dang gos sngon po'i sham thabs la sogs pa thams cad dang ldan pa ni rgyan gyi mtshan nyid do/ /gnas ni shar gyi pad+ma la brten pa nyid do/ /gnas ni dri za thams cad 'dul bar byed pa'i

  502. 251b

    phyir ro/ /chas gos ni rgyan gyi phyogs gcig go /de bzhin du rin po che dang pad+ma dang las kyi gos sngon can la sogs pa thams cad kyang blta bar bya'o/ /de ltar bskyed pa'i rim pa'i lha'i 'khor lo bskyed nas dbang blang ba bstan par bya/ de'i phyir gnas gsum byin gyis brlab pa'am/ zhes lha thams cad kyi gnas gsum byin gyis brlab pa'o/ /yang na lha mos dbang bskur zhing/ zhes pa ni gong du bstan pa bzhin du dbang blang ba'o/ /de nas bdag la bstim pa 'am/ zhes pa gnyis su med par bstim pa'o/ /yang na gsum 'dus sbyor ba bya/ /zhes pa ni/ gnas gsum byin gyis brlabs la dbang blangs te/ de'i rjes su bstims pas lha thams cad 'od dang gzi byin dang yan lag yongs su rgyas par 'gyur bar bsam mo/ /de'i rjes su bya ba'ang dmigs dang gsal ba'i cho ga bya/ zhes pa rang gi sku la yang dang yang du 'dris par bsgom par bya'o/ /gal te sgom pas skyon sngags bzlas pa dang/ tshogs bya ba dang gtor ma byas pa gang yin pa la 'jug par bya'o/ /dngos su na bskyed pa'i rim pa ni rigs pa'i lha'i sku la dmigs pa'i ting nge 'dzin te/ sems can bskyed pa la sogs pa las gzhan du thun mong gi dngos grub dngos su thob par byed pa'i phyir ro/ /gzhan ni sngon du 'gro ba dang rten byed pa dang mtshungs par ldan pa dang 'brel ba'i phyir te/ de skad ces bya'o/ /ting nge 'dzin yang 'dir slob pa'i dus te/ gzhan du na ni ha cang yang thams cad par 'gyur ro/ /sems can skye ba dang skye ba'i gnas dang yang mthun te/ nyi ma dang zla ba dang 'dus pa ni drod gsher las skyes pa nyid do/ /'od kyi gong bu las skyes pa ni sgo nga las skyes pa'o/ /dran pa tsam gyis skye ba ni rdzus te skye ba'o/ /mkha' gsang sbyor ba las byung ba ni mngal nas skyes pa'o/ /rlung la sogs pa'i rim gyis pa'i steng du skye ba ni sum cu rtsa gsum pa'i lha dang mthun pa'o/ /rlung gi steng du bskyed

  503. 252a

    pa ni dga' ldan la sogs pa'i dbang du byas pa'o/ /ngad dang mnyam du gnas pa ni bsam gtan bzhi pa'i dbang du byas pa'o/ /de lta bas na sems can dang mthun pa'i phyir te/ de'i phyir de dag de la 'jug par 'gyur ro/ /de ltar bskyed pa'i rim pa sbyor ba rgyas par bstan nas/ da ni sbyor ba bsdus pa bstan par bya ste/ de 'ang gang zag gang gi dbang du byas she na/ gang zhig rgyas lam dad pa'i/ /gang zag la ni sbyor 'di bstan ces pa ni gang zhig ces pa ni gang zhig la bstan ces pa ste/ lam du rgyas la ma dad pa'i ni rgyas pa dang shin tu bsdus pa la mi 'jug pa'i gang zag gi don du sbyor ba bsdus pa 'di bstan zhes pa'o/ /sngon du bla ma sangs rgyas la phyag 'tshal/ /zhes pa ni/ bla ma dang sangs rgyas dus gcig tu spyan drangs te/ mchod pa dang bstod pa dang skyabs su 'gro ba ni mnyes pa'i yan lag yin pa'i phyir/ phyag 'tshal bar bsdu'o/ /sdig bshags pa ni sdom pa bzung bar bsdu ste/ nyes pa dang ltung ba sel ba'i yan lag yin pa'i phyir ro/ /bskul ba la sogs pa ni/ sems can gyi don gyi phyir sems bskyed par bsdu'o/ /stong pa nyid du bsgom pa ni ye shes kyi tshogs so/ /'di dag la grangs kyi sbyor ba bsdus pa'ang yod de lha? bcu'i rnam pa can no/ /sbyor ba'i bye brag gi bsdu ba'ang yod de/ bsod nams kyi tshogs de nyid lta bu'o/ /dus kyis sbyor ba bsdus pa'ang yod de gang gis de nyid yun thung dur gnas pa'o/ /bsdus pa la bsdus pa ma yin pa'ang yod de 'byung ba lta bu'o/ /thob pa'i sbyor ba bsdus pa'ang yod de/ bum pa la sogs pa ji lta ba nyid do/ /gzhan go sla/ bsdus pa bstan nas shin tu bsdus pa gang gi dbang du byas she na/ shin tu bsdus pa'i don phyir te/ zhes pa gong ma bzhin no/ /bsod nams kyi tshogs ni/

  504. 252b

    dang por gzhan gyi don bya dang/ /rang nyid 'bras thob bsam pa bskyed/ /ces pa ni sems can gyi don du rang byang chub chen por sems bskyed pa gang yin pa ste/ bsod nams kyi tsho las kyi yan lag la khyab pa dang 'bras bu tha dad med pa'i phyir te/ stong pa nyid ces bya ba 'dis ni ye shes kyi tshogs bstan to/ /cig car gyi gzhal yas gtso bo/ /zhes pa ni 'byung ba lnga la sogs pa'ang cig car du bya'o/ /sbyor ba shin tu bsdus pa bshad zin to/ /de ltar sbyor pa'i bye brag bstan pa la sems zung zhes bstan pa'i phyir/ sems gzung ba'i dmigs pa'i bye brag bstan par bya ste/ de las sems gzung rim pa bstan pa ni/ zhes pa sems bzang ba'i dmigs pa'i bye brag bstan pa'o/ /'di'ang sbyor ba'i bye brag gis gsum ste/ dang po'i dbang du byas nas dang por bla ma mchod la bstan/ zhes pa la sogs pa ste/ de'i don yang dang por ni bla ma byin gyis brlabs pa gsal bar byed do/ /de nas ni bde gshegs mchod pa bstan par byed do/ /dang po la'ang dang po ni rjes su dran pa'i rnal 'byor do/ /de nas ni skad cig ma dang rgyud la sogs pa'i rnal 'byor re/ /gnyis pa la'ang dang po ni rjes su dran pa'o/ /zhes bya ba la sogs pa'o/ /de nas ni rlung gi dkyil 'khor la brten par byed do/ /zhes bya ba la sogs pa dang/ dang po'i dbang du byas nas gnyis pa la'ang skad cig ma la gcig rjes su dran pa dang/ skad cig dang rgyun du zhes bya ba dang/ gsum la'ang gnyis skad cig la gsum pa rjes su skad cig ma dang rgyun/ zhes bya ba la sogs pa ste/ dmigs pa'i rang gi ngo bo'i dbang du byas pa dang dus kyi dbang du byas pas sbyor ba gsum gyi dmigs pa yongs su shes par 'gyur ro/ /da ni dmigs pa de la sems gzung ba'i rim pa bstan par bya ste/ de la dag pa'i dbang du 'dod pa yis zhes bya ba la sogs pas ni mdor bstan pa

  505. 253a

    ste/ de nyid bshad pa nyon mongs dgra ni spang bar bya/ /zhes pa ni 'dod chags la sogs pa'i nyon mongs pa spangs pas de nyid la gsal bar 'gyur ba'o/ /dul nas 'dzin par 'dod pa yis zhes bya ba la sogs pa'i don ni/ gnas bzhir te mgrin pa dang snying ga dang lte ba dang gsang ba'i gnas su me dang sa dang chu dang rlung/ zhes bya ba dmar po dang/ ser po dang/ dkar po dang/ ljang khu rnams zur gsum dang gru bzhi dang zlum po dang zla gam gyi rnam par bkod de/ dbugs kyi stobs kyis 'og tu bstim pa ni/ rgod pa'i dus su'o/ /de las bzlog pa ni bzlog pa'i dus su'o/ /phyi dang nang du 'byung ba'ang de bzhin no/ /gong du bstan pa nyid rgyas par bshad pa/ khams gsum pa la sogs shes pa dang/ ral gri yang ni sbyor ba bya/ /zhes pa gang gis yul gyi rtog pa 'byung ba de'i tshe khams gsum thams cad gcig pa ma grub pas phyogs cha drug gis cig car sbyar na rdul phra rab tu 'gyur te/ de ma yin na grib ma dang sgrib pa mi rung ba dang/ gong du thams cad rdul phra rab tu 'gyur ba nyid dang rim gyis 'gro ba med pa la sogs pa'i phyir ro/ /de ltar khams gsum rdzas su ma grub pa bzhin du rang gi lus dang sha dang rus pa dang pags pa dang pri dang rgyu ma dang mnye ma la sogs pa'i ngo bo nyid kyis gcig dang rtag pa dang rtsang ba dang bde pa la sogs pa ma grub pa'o/ /mtshan ma'i stobs kyis sems gzung ba ni/ phyag nyid gsal bar ma gyur na/ zhes bya ba la sogs pas bstan te/ de'i bsod nams ni sku gsal bar ma gyur na mtshan dam pa dang rtag pa dang de las gzhan gyi mtshan mas de gsal bar 'gyur ba nyid do/ /grogs kyi rnam pas sems gzung ba ni/ zas dang skom dang gnas drag gis zhes bya ba la sogs pas nad tsha ba la sogs pas nyen pa la ni de dang 'gal ba'i zas dang skom dang gnas bsten

  506. 253b

    par bya'o/ dus kyi bye brag ni go sla'o/ /de ltar sems gzung ba bshad nas/ da ni bogs dbyung ba bshad par bya ste/ dang po dkar po ljang gu'i bar/ /re re dang ni lnga 'dus pa/ /zhes pa ni/ dang po'i mdza' i zas ni dkar por ro/ /ser po dang dmar po dang/ ljang gu dang lnga 'dus pa'i bar ro/ /de las ri rab til 'bru'i bar/ /zhes pa ni ri rab tsam du dang til 'bru rnam pa'i bar du ste/ mthing ga dang dkar po la sogs pa'i rim pa bzhin no/ /stong gsum gang dang gcig 'dus pa/ zhes pa lnga dang bcu dang dpag tu med pa'i bar du ste/ kha dog dang dbyibs kyi bye brag gis grang bzhin no/ /de ltar sku'i bogs dbyung ba bshad nas rdo rje'i bogs dbyung ba de ltar thugs la bslab par bya ste/ kha dog ces pa ni rdo rje'i kha dog lnga la rim bzhin no/ /dbyibs kyi bogs dbyungs par dbyibs dang zhes pa ni che ba dang chung ba'o/ /grangs kyi bogs dbyung ba grangs de bzhin no/ /zhes pa ni kha dog dang dbyibs kyi dbang bskur dang rdo rje la rim bzhin mang ba dang nyung bar bzhag go /gzhan go sla'o/ /bogs dbyung ba'i sbyor ba'ang gang gis thog mar mthing ga skad cig ma las dkar po rjes su dran pa dang/ skad cig dang rgyun la sogs pa dang/ ser po las che bar gyur pa rang gi rnam pa las skad cig dang rjes su dran pa dang skad cig dang rgyun la sogs pa dang/ rim bzhin no/ /gang gi sku'i skad cig ma la skad cig dang rgyun la sogs pas rdo rje'i rnam pa la dmigs pa dang/ yi ge'i bar la de dag gi rnam pas yongs su gsal bar gyur pas sku sna tshogs pa dang mtshan ma sna tshogs par gnas pas dang po'i cho ga yongs su rdzogs par gyur te/ de ltar bogs dbyung ba bshad zin to/ /da ni sngags kyi ting nge 'dzin gyi dbang du byas te/ dang po gang zag gang gi dbang du byas shes na/ bsgom la mi gzhol zhing/ gsang sngags gtso cher byed pa/ zhes pa gsang sngags la ched du byed pa dang/ bsgom pa la mi mos pa dang/

  507. 254a

    sbyor pa gzhan la mi mos pa'o/ /de'i dbang du byed pa'i sngags rnam pa gnyis las dang po thun mong gi sngags gsal ba'i don la dmigs pa'i bzlas pa ni bdag dang gzhal yas 'khor bcas dmigs/ zhes pa ni sngags kyi bzlas pa dang ldan pas thun ji lta ba bzhin du de'i rnam pa la yang dang yang du gtod pa'o// //rgyud sbyor ba'i don la dmigs pa las sdig pa dbyung ba ni/ sdig pa lus las phyir 'byin pa'o/ /sreg pa ni lus kyi nang du bsreg pa'o/ /bkru ba ni bdud rtsi'i chus so/ /gnas gang gi sa bon gyis de ltar byed ce na/ hUM dang rAM dang hUM bskul te/ zhes pa lte ba'i hUM dang gsang ba'i raM dang/ spyi bo'i haM mthing ga dang/ dmar ser dang dkar po'i kha dog can dang rim bzhin ni/ 'od zer bye brag bstan pa/ mgal ma'i phreng ba nyi ma yis shes pa 'od zer 'ba' zhig pa dang/ yi ge'i 'phreng ba dang bcas pa dang/ yi ge'i 'od dang bcas pas so/ /ci byed ce na gang zhig byed/ ces pa ni gong ma dang 'brel pa'o/ /'dir gsungs pa/ 'og nas steng gi sbyor gnyis kyis/ /dang po'i las gnyis byed pa ste/ /bzlos pas phyi ma'i sbyor ba byed/ /gsum gsum dgu yi bdag nyid can zhe'o/ /mtshan ma 'dod pa'i don la dmigs pa las yum bsgrub pa'i bzlas pa ni/ gang tshe yum dang bzhi bskor dang/ zhes pa 'am mgal me la sogs pa'i rim gyis sna rtse bzhi la brgyad de bzlas te/ klu dbang 'khyil ba'i stobs can gyis/ /khro mos yum ni sgrub par byed/ /pad+ma stong dang sku ston dang/ /sbyor ba 'khyud pa'i mtshan ma 'byung zhe'o/ /ye shes kyi 'khor lo sgrub pa ni/ bdun gyi dkyil 'khor nyis bskor dang/ /zhes pa ni mdun du sangs rgyas thams cad blos gzhag ste/ 'od zer ba thag gzings pa lta bu 'am/ re re yi rnam pa can gyi dbang du byas te/ mgal me la sogs pa dang rim bzhin no/ /'khor sgrub pa la sum bskor te//

  508. 254b

    zhes pa 'khor nus pa dang ldan pa'i bya ba'i phyir ro/ /des ma grub na gtso bo dang 'khor gyi bzlas pa dang/ zhes pa ye shes kyi 'khor lo bkug ste/ gtso bo dang 'khor dus gcig pa dang re re ba'i bzlas par bya'o/ /gal te des ma grub na/ snying nang btson 'dra'i bzlas pa dang/ zhes 'khor thams cad snying du bsdus te/ bzlas pa khong bzhin no/ /de ltar thun mong gi bzlas pa'i bsam gtan rdzogs nas khyad par gyi bzlas pa las dgug pa'i bzlas pa ni/ kha nub phyogs su bltas te/ dga' ba yid la byas nas bya'o? de yang sngags 'od dkyil 'khor rnams la phog ces bya ba la sogs pa'i thog mar bdag gos sngon can gyi tshogs la mnyes par byas te/ thog ma dang ldan pa'i rim pas/ A kar kha ya hUM/ zhes pa'i mdza' dang bcas pas 'od zer bdun gyi lnga? la spros? pas de'i 'od las lcags kyu can gyi tshogs spros te/ gdul bya'i snying ga nas bzung nas 'od bar bsams na rdo rje nyid kyang 'gugs par 'gyur na gzhan lta ci smos/ ral gri la sogs thog 'bebs dang/ zhes pa la sogs pa'i don ni/ snga mchog sngon du song nas ltar bltas te/ sngags bzlas pa'i 'od zer gyis ye shes 'khor lo las ral gri dang spu gri dang 'khor lo la sogs pa'i thog gis bkug pa'ang de nyid shi bar bsams pa dang/ khro bo mtshon cha can gyi tshogs kyi gdul bya'i sha bcang cing dum bur byas par bsam pa'o/ /bstan pa ni de'i cho ga'i lhag ma me ste go sla/ khro tshogs 'khor lo thogs pa yis/ /shes pa las sogs pa'i don to/ /'od zer las 'khor lo thogs pa dpag tu med pas gdul bya'i klad par 'khor lo thogs pas bskor zhing mgo 'khor bar bsams pas sbyar bar 'gyur ro/ /rnga mo can gyi khro tshogs kyis zhes pa la sog pa'i don ni/ rlung gi rnga mo la zhon pa'i tshogs byung nas gdul bya'i snying ga nas bzung nas rnga mo la bskyon nas khro

  509. 255a

    bo gzhan gyis brdeg bzhin du rlung lha'i phyogs su song ba'i bsams nas/ des par gzhan du bskrad par 'gyur ro/ /'od zer dkar po'i tshogs byung nas/ /zhes pa la sogs pa'i don ni gdug par gyur pa dgug par 'gyur ba/ sngon du song nas 'od dkar pos sdig pa dbyung ba la sogs pas zhi bar 'gyur te sprul gyi bden pa bzhin no/ /gang zhig gis ni bcud rnams bsdus/ zhes pa la sogs pa'i don ni/ rang bzhin yang rung 'od kha dog ser pos dgug bya'i gnas nas bcud bkug ste/ snying ga'i dbus su ni mngon par shes pa rgyas par 'gyur ro/ /klad pa'i dbus kyis ni tshe rgyas par 'gyur ro/ /lus khyab pas ni nam mkha' la 'gro bar 'gyur ro/ /rten gzhan las bkug pas ni tshe bcung rgyas par 'gyur ro/ /sngags 'od rdo rje la sogs pas zhes bya ba la sogs pa'i don ni/ /gdul bya'i lus kyi nang rdo rje gdeng po bskyed pa sprul pa'i rdo rje gdong po bsdus te/ bstim pa ste rengs par 'gyur ro/ /'od zer kha dog sna lnga las/ /zhes pa la sogs pa'i don ni/ 'od zer mo so las mchod pa'i lha mo'i tshogs spros te/ mnyes par byed pa zhes bya ba'i don to/ /gang zhig las ni 'od byung bas/ /zhes bya ba la sogs pa'i don ni sngags bzlas pas snying ga'i sa bon gyis rang gi lus 'od du zhu ste/ de yang 'dus nas phra rab skra rtse'i tshad tsam du gyur pa ni dang po'o// de yang 'dus pa bla na med pa'o/ /gsang sngags skyon rnams rab spangs nas zhes pa ni sgra che ba dang chung ba dang/ skyen pa dang bul ba dang/ nyon mongs pa dang/ g.yeng ba dang bar du gcod pa spangs pa'o/ /des cir 'gyur zhe na/ 'bras bu thob pa ste gong du bshad pa bzhin no/ /sngags zlos pa'i dus su dran pa dang shes bzhin dang ldan par bya'o/ /de ltar sngags kyi bsam gtan bshad nas/ da ni tshogs kyi 'khor lo bshad pa'i phyir/ /gang gi tshogs rnams rdzogs byed cing/ /zhes

  510. 255b

    bya ba la sogs pa smos te/ 'jig rten rdzas rnams ma lus pa/ /kun tshogs zhes pa ni kha dog dang dri dang ro dang ldan pa'i rdzas thams cad do/ /rnal 'byor lha grangs te/ mtshams pa dang ni mchod pa/ zhes pa ni lha'i rnal 'byor lha'i grangs dang mnyam pa de'i steng du mtshams pa bzhi dang mchod pa bzhi'o/ /sngon 'gros cho ga la sogs rdzogs/ /zhes pa ni thog mar yid du 'ong ba'i gnas su phyin te/ sa bslang ba dang brtag pa sbyang ba dang gzung ba dang bsrung ba dang/ dkyil 'khor gyi lha sta gon gyi cho ga bya'o/ /de nas lha'i zhes pa la sogs pa go sla/ de nas gsang ba'i dkyil 'khor gri zhes pa ni/ dang por thig legs par btab nas/ de nas tshon dgye ba dang/ phyag rgya dgong par bya'o/ /de tshe rgyal po zhes pa la sogs pa ni/ sbyor ba rgyas pa'i bskyed pa bzhin du blta bar bya'o/ /rgyal po yis ni sems dpa' bskul/ /zhes pa ni/ rdo rje slob dpon gyis las kyi rnal 'byor la rta mgrin gyi brda bstan pa'o/ /des ci bya ci byed ce na/ phyi rol 'khor lo bsdu byas nas zhes pa ni phyi'i rnal 'byor pa khrus byas nas nang du bkod pa'o/ /bdag gi 'jug pa ji bzhin du/ 'khor rnams dam pa'i don la 'jug /ces pa ni/ rang dang mthun par tshogs bsags pa nas rang gi snang ba'i 'khor lo bsgrub pa'i bar du'o/ /gang zhig gis ni rol mo dang/ /ldan pas chogs ni dbul bar bya/ /zhes pas ni gang gis dung dang pi wang dang gling bu la sogs pa dang ldan pas tshogs kyi rdzas dbul ba'o/ /skom dang mchod pa sngon song nas/ zhes pa ni snang ba'i lha la bdud rtsi dbul ba dang/ rang gi sems dpa' la khrus bya pa'o/ /tshogs kyi rdzas rnams byin gyis brlab/ ces pa la sogs pa'i don ni/ dri'i chus nye bar gtor te rdzas 'od du zhu ba las/ yaM las rlung dang/ raM las me dang/ a las thod pa ste/ de'i nang du sha lnga bdud rtsi lnga/ zhes pa ni/ na da ho ku las mi dang glang po che dang rta dang ba

  511. 256a

    lang dang khyi'i sha dang/ bi ra shu ma mu las byang chub sems gnyis dang dri chen dri chu sha chen dangs ma lngar gyur pa las/ oM gyi 'od kyis rlung bskyod pa la sogs pa dang A(rgyud 'grel): byang chub sems su gyur pa dang/ hUM gis bdud rtsi dang rdo rje dbab pa'i ting nge 'dzin bya'o/ /des ci byed ce na/ bdag mchod dkyil 'khor mdun du mnyes/ /cho ga'i yan lag rdzogs par bya/ /zhes pa thog mar sems ye shes kyi 'khor lo mchod pas mnyes par byas te/ bstod pa dang nyes pa bshags pa'i yan lag rdzogs nas rang gi snying du bsdus te/ rlung dang me'i sbyor bas nang gi sbyin sreg rdzogs par bya'o/ /de nas mdun du bton te mchod pas mnyes par byas nas/ 'jig rten maN+Dal sngon po'i stengs/ /phyi rol du ni mchod par byas zhes pa/ /maN+Dal sngon po la phyogs skyong 'khor dang bcas pa bkug ste/ byin gyis brlab pa byas nas/ phyi rol du lhag ma sbyin par bya zhing las bcol bar bya'o/ /de ltar thun mong gi cho ga bshad nas/ khyad par cho ga bstan pa ni/ /zab pa sprul par brten pa ste/ /bzhi dang gsum du nges par sbyar zhes pa/ shes rab ma dang snyoms par zhugs te/ de'i drod bskul bas sprul pa'i 'khor lo zhu ba dang/ chos dang bde ba chen po'i bar du zhu bar bya'o/ /yang na zas byang chub sems kyi chu gtum mo'i gnas su bsreg par bya'o/ /de las rgyas nas bde ba chen po'i bar du'o/ /'o na zhi ba la sogs pa'i las gang gis shes par bya zhe na/ sngags kyi sbyor ba bzhin du bya ste/ de kho na ltar sbyar zhe'o/ /de ltar tshogs kyi 'khor lo bstan nas/ da ni tshogs kyi mchod pa bstan par bya ste/ de'i phyir bdag po rdzas rnams dman pa dang zhes bya ba la sogs pa smos te/ rdzas ni lnga ste tha ma'i tshad do/ /bcu ni rab kyi tshad do/ /slob dpon gcig ni ting nge 'dzin gtsor byed pa'o/ /gnyis ni spyod pa gtsor byed pa'o/ /des cir

  512. 256b

    'gyur zhe na/ khyab 'jug bu mo'i sbyor ba 'am zhes pa ni/ sbyang bar dka' ba'i khyab 'jug gi bu mo rigs dang yang sbyor na gzhan lta ci smos zhe'o/ /yan lag rgyas pa tshogs 'khor bzhin/ zhes pa ni/ cho ga'i yan lag rgyas pa tshogs kyi 'khor lo bzhin te/ bsdus pa la sogs pa ci rigs su'o/ /dkyil 'khor gcig ni snang ba'i dkyil 'khor ro/ /gnyis ni rang dang bcas pas so/ /bar ni gsum pa ste/ don du gnyer ba khyad par du 'gyur ro/ /bzhi pa ni phyogs skyong la sogs pa'o/ /slob dpon nus pa'i bye brag gis/ /las gzhan rtsom na gong ma bzhin/ /zhes pa ni las rtsom par nus na sngags bzhin du'o/ /mi rtsom gyur na sdig pa sbyad/ zhes pa ni las sbyong ba bzhin du'o/ /'dir tshogs gang yin pa 'khor lo dang/ mchod pa yang de nyid dam 'khor lo dang mchod pa gang yin pa de yin nam zhe na/ tshogs yin la 'khor lo dang mchod pa ma yin pa yang yod de/ gang gi yan lag spangs pa de nyid lta bu'o/ /tshogs kyi 'khor lo yin la mchod pa ma yin pa yod de de nyid do/ /mchod pa yin la 'khor lo ma yin pa yod de/ rdzas dang slob dpon gyis dman par byas pa de nyid do/ /de las gnyi ga ma bzlog pa'ang yod de/ rgyud kyi bye brag lta bu'o/ /gzhan gyi ming gi phyogs gcig pa'ang yod de/ tshogs spangs pa'i ming can no/ /ci'i phyir tshogs kyi 'khor lo zhe na/ 'dis nyes pa thams cad gcod pa'i phyir ro/ /ci'i phyir tshogs kyi mchod pa/ zhes bya zhe na/ 'di la brten nas dam pa'i yul mnyes pa'i byed pa'i phyir ro/ /yang na rgyun mi 'chad pa'i don gyis 'khor lo'o/ /de las bzlog pa'i don gyis mchod pa'o/ /yang na tshogs kyi 'khor lo chen po dang mthun par rmad du byung ba'i spyod pa la gnas pa'i phyir ro/ /tshogs kyi 'khor lo gzhan yang 'di lta ste/ kun du 'tshogs pa zhes bya ba'i tshogs kyi 'khor lo dang/ kun tu rol pa zhes bya ba'i tshogs kyi 'khor lo dang/ kun tu dag pa/

  513. 257a

    zhes bya ba'i tshogs kyi 'khor lo dang/ kun tu thob pa zhes bya ba'i tshogs kyi 'khor lo dang/ kun tu bde ba zhes bya ba'i tshogs kyi 'khor lo'o/ /zhes 'byung ngo/ /tshogs kyi rnam par bzhag pa bshad zin to// //da ni sbyin sreg gi cho ga bshad par bya ste/ de'i phyir de nas dpal ldan rdo rje can/ zhes bya ba la sogs pa smos te/ sngon bya gzhan ni gzhan du ste sa'i cho ga dang bsnyen pa'i cho ga la sogs pa ni gzhan las shes par bya'o zhes bya ba'i don to/ /thabs kyi las su bya ba bstan pas/ sa'i rigs bzhir thab khung bzhi/ zhes pa sa kha dog dkar po dang ser po dang dmar po dang nag po la zhi ba dang rgyas pa dang/ dbang dang drag po'i thab khung bya'o/ /zlum po zhes bya ba la sogs pa ni thams cad kyang go rim su sbyor ro/ / thab khung byin gyis brlab pa bstan pa/ raM las 'od 'phros pas de nyid ces bya ba la sogs pa'i don ni/ raM gyi sa bon gyi 'od kyis thab mi dmigs pa las las dang rjes su mthun pa'i b+h+ruM du gyur/ de las thab kyi gzhal yas khang kha dog dang dbyibs gong ma lta bu la gtos nam mkha' i mdza' dang mnyam par gyur par bsam mo/ /de nas rdzas byin gyis brlab pa/ mchod rdzas zhes bya ba la sogs pa smos te/ mi dmigs snod nang swa yi ge las/ so so'i de nyid rgyas pa la zhes pa ni/ rdzas mi dmigs pa las traM las rin po che'i kha dog snod du gyur/ de'i nang du sas las so so'i rdzas dpag tu med par 'gyur bar bsam mo/ /ha ho(rgyud 'grel): h+rI yis skyon rnams bsal/ zhes pa ni/ has kha dog gi nyes pa khrogs ho dang h+ris bri dang ro'i nyes pa dag par byas nas ji skad smos pa'i kha dog la sogs par gyur par bsam mo/ /de nas me las su bya ba brtsam par bya ste/ de'ang las dang thun pa'i thab khung du raM las me bskyed la me sbar bar bya ste/ zhi ba la ni zho can las byung ba'i me rlung yab kyis sbar bar

  514. 257b

    bya'o/ /rgyas pa la ni kha dog ser po'i shing la'o/ /dbang la ni seng ldeng gi shing las rdo rjes spar te/ drag po la dug dang tsher ma can gyi shing la'o/ /de ltar spar nas mar gyi dgang blugs bdun dzwa la raM/ zhes pa'i sngags kyis dbul lo/ /de nas me brtag par bya ste/ gal te mtshan ma ngan na las thams cad pa'i chus gtor bar bya'o/ /de nas me lha bskyed pa ni/ /a las gru gsum zhes pa ni/ /las dang mthun pa'i kha dog bzhi las gru gsum kha dog bzhir gyur par bsam mo/ /gru gsum gyi zur gsum la oM A(rgyud 'grel): hUM ste/ de nyid gsum dbus na raM dang bcas pa'o/ /gdan gang gi steng du bsam zhe na/ pad steng zhes smos te 'di ltar zhi ba la ni chu'i dkyil 'khor ro/ /dbang la ni me'i dkyil 'khor ro/ /drag po la ni rlung gi dkyil 'khor te/ de'i steng du so so'i pad+ma kha dog bzhi'i bdag nyid can gyi steng du'o/ /de las me ltar? gyur/ ces pa ni/ de rnams 'od du zhu ba las so/ /kha dog bzhi'i bdag nyid la/ zhes pa ni las so so'i dbang du'o/ /so so'i rigs kyi dbu brgyan bya/ zhes pa ni/ rnam par snang mdzad dang rin chen 'byur? ldan dang snang ba mdza' yas dang don yod grub pa yis so/ /lte bar gong ma'i sbyor ba ste/ zhes pa ni gru gsum yi ge bzhi dang bcas pa bsam pa'o/ /snying gar phyogs skyong bcu dang ldan/ /zhes pa ni/ pad+ma 'dab ma bcu la phyogs skyong bcu rdzogs par ro/ /de las ye shes me lha dgug /ces pa ni ye shes kyi me lha spyan drangs te mdun du mchod pa dang bstod pas mnyes par byas te bstim pa'o/ /byin rlabs dbang bskur ni gong du bshad do/ /gzi byin bskyed pa ni dgang blugs kyis so/ /de ltar me lha'i sku bskyed nas/ de nas me lha la go bskon te/ snying gar rdo rje rgya gram te ljang gus mtshan pa de'i lte ba'i steng du rdo rje rtse lnga pa hUM gis mtshan pa'o/ /de'i lce la rdo rje rtse lnga pa raM gyis mtshan pa bsam mo/ /so so'i mchod pa dbul byas te/ zhes pa ni spos la

  515. 258a

    sogs pas mchod do/ /de nas bsreg rdzas dbul ba'i rim pa ni/ gzar bu rdo rje la sogs pa'i/ /kha dog dbyibs ldan byin gyis brlab/ /ces pa gzer bu rin po che sna bzhi las grub pa thab kyi dbyibs kyi mtshan ma dang mthun pa 'dzag pa la/ raM gyis mtshan mar bsam mo/ /shing gis 'od ni bskyed par byas te/ zhes pa ni yaM shing phul bas me lha'i 'od skyes par bsam mo/ /mar gyi 'od 'phro kun la sbyang/ /zhes pa ni mar sreg blugs kyis 'od 'phros pas de'i rnam pa thams cad gyur pa'o/ /de ni las thams cad la sbyar ro/ /gzhan yang dkar gsum dang ni mngar gsum gyis/ /spyi dang so so'i sdig pa 'byin/ /zhes pa ni/ dkar gsum phul bas me lha mnyes te/ de'i 'od zer gyis lus ngag yid kyi sdig pa so sor 'byin par mi byed kyi so sor 'byin pa'o/ /lhag ma ni de las bzlog pa nyid de/ 'bras chan 'bru yi chan dag gis/ /gong gi gnyis pa so sor 'byin/ /zhes pa ni/ lus dang ngag gi so so'i nyid du'o/ /nas phug 'o ma'i thug pa yis/ /re re'i gnas su sreg par byed/ /ces pa ni/ lus kyi sdig pa dang ngag gis so so'i lte ba dang mgrin pa'i gnas su bsreg pa'o/ /til gyis snying gi nang nas 'byin/ /zhes pa dang/ yang na til gyis sgo dgur 'jug /ces pas ni/ yid kyi sdig pa 'od nag po la sogs pa'i tshul du dbyung ba dang bsreg pa yang shes par bya'o/ /tha ma mar gyis 'khru bar byed/ /ces pas ni mar phul ba de'i snying stobs kyis ye shes kyi bdud rtsi'i rgyun byung ste/ des 'khru bar byed do/ /zhi ba'i bsreg rdzas dbul ba bshad zin to/ /rdzas de ser por byas pa ni/ bsam gtan nam mtshan ma yis so/ /dkar gsum gyis ni gzi byin gyi/ /ces pa ni/ 'od kha dog ser po phog pas rang gzi byin bskyed pa'o/ /mngar gsum 'byung khungs gsal ba ste/ zhes pa ni/ sangs

  516. 258b

    rgyas dang byang chub sems dpa' thugs dgongs pa'i tshul du/ gsal ba'o/ /'bras dang 'bru yi sbyor ba yis/ /ye shes bdud rnams spyi bor 'gugs/ /shes pa ni rdzas nges me lha mnyes te/ 'od kyis bskul bas sangs rgyas thams cad kyi bcud spyi bor zhugs te/ gzhag pa'o/ /nas dang 'o ma'i sbyor ba yis/ /'gro ba'i bcud rnams gnas su 'gug zhes pa ni 'gro ba'i bcud byang chub sems kyi ngo bor lus kyi gnas thams cad du 'gugs pa'o/ /tha ma dung ba'i sbyor ba yis/ /mdzod pu snying ga'i hUM las sdud/ /ces pa ni/ dung ba bsregs pa'i stobs kyis mdzod spu nas bcud byang chub sems su bsdus te/ snying ga'i hUM la 'dus nas/ de nas byung bas lus thams cad rgyas par bsam mo/ /gzhan go sla'o/ rgyas pa'i sreg rdzas dbul ba bshad zin to// // ba lang sha'i gtor ma dang bcas pa/ zhes bya bas ni/ rdzas bstan to/ /gsum bskor la sogs kyis zhes pas ni/ 'od zer gyi 'phro 'du bstan to/ /myur du 'gugs shing dbang du byed/ ces pas ni/ 'od zer lcags kyu lta bu 'am/ lcags kyu thogs pa'i ltas 'gugs par byed do/ /dbang du byed pa ni/ 'od 'phros pa tsam gyis so/ /dbang gi bsreg rdzas dbul ba bshad zin to// //dang po sha yis khro ba ste/ /zhes pa ni sha phul bas me lha khros par gyur to/ /gzhan go sla/ de ltar bsreg rdzas rnams phul nas bstod pa bya ba dang las bcol ba 'di ni me lha'i cho ga'i rim pa'o/ /snying gar bkod pa'i/ zhes bya ba la sogs pa'i don ni/ gang gis snying ga'i phyogs skyong dag par byas la/ de nas bskyed pa'i rim pa sbyor ba gsum gang yin rung bas lha bskyed de/ bstod pa'i bar rim pa bzhin du byas nas gshegs su gsol ba 'di ni/ lha'i cho ga'i rim pa'o/ /de nas mjug gi dbang du bya ba ni/ da ni zhar la byung ba bshad par bya ba ste/ bsrung ba zhi ba'i cha la gdags/ zhes pa ni zhi ba'i bye brag

  517. 259a

    yin pa'i phyir ro/ /gzhan la yang de bzhin du shes par bya'o/ /gang gi phyir sbyin sreg gi cho ga rnam pa gnyis kyi phyir rnal 'byor pa gnyis su shes par bya'o/ /de las sbyin sreg gnyis ni rang gi dang gzhan gyi don gyi phyir ro/ /rnal 'byor pa ni sbyin sreg gi las kyi rim pa la mkhas pa dang/ slob dpon gyi tshad du phyin pa ste/ rkyen thub pa dang/ sa non pa dang/ byin brlabs che ba dang/ rang gi don gyi yang gnyis te/ sdig pa sbyong ba dngos grub sgrub pa'o/ /dang po'i ni dang po nyid de gnyis pa ni/ bskyed pa'i rim pa la brten pa'o/ /de ltar dbye ba'i sgo nas rnal 'byor pa rab dang 'bring? dang tha ma'i tshad bstan nas lung kha cig las gnas kyi rtog pa nyes par mi 'gyur bar bshad pa gang yin pa de yang rnal 'byor pa rab la dgongs par shes par bya ste/ gzhan du na gzhan bshad pa'i phyir ro/ /de ltar sbyin sreg gi cho ga rgyas par bshad nas/ da ni gtor ma'i cho ga bshad par bya ste/ sha khrag rus pa 'bru la sogs/ ces pa 'dis ni thun mong ma yin pa'i rdzas bstan to/ /ma spyad snod du blug ces pa ni/ rin po che'i snod ma spyad pa'am/ thod pa mtshan gyis rgyas pa'i nang du'o/ /de nas byin gyis brlab pa ini/ gong du bshad pa bzhin no/ /dkyil 'khor bzhi yang snga ma bzhin no/ /gzhan go sla/ rang gi byang chub sems kyi chus ji ltar snying gi lha mchod pa/ zhes pa ni spyi bo nas chu byung bas snying ga'i lha rnams kyi zhal du gsol bar bsam mo/ /des cir 'gyur zhe na/ 'bras min 'bras bu can te/ bla na med pa'i dngos grub tshogs kyi gang zag gi ma myangs pa thob par 'gyur ro/ /'dis ni sngon du 'gro ba dang/ rdzas dang byin gyis brlabs dang/ dbul ba'i yul dang/ dbul ba'i thebs dang grags dang bye brag dang 'bras bu rim pa bzhin bstan to/ /gang zag thams cad ni rnam pa gnyis te/ dman pa dang mchog

  518. 259b

    tu gyur pa'o/ /de la dman par gyur pa 'am/ de'i gnas su ni/ 'bru la sogs pa thun mong gi gtor ma sbyin par bya'o/ /mchog gam mchog gi gnas su ni thun mong ma yin pa'i gtor ma bya'o/ /yang gnyis te zla dang bcas pa 'am/ zla med pa'o/ /de dag dang gnyis kyang go rim bzhin te/ gzhan du na nyes pa dang bcas par 'gyur ro/ /gzhan las kyang dge slong la sogs dman pa yis/ /nang du zhag bdun gnas pa spangs/ zab mo'i las su bya ba yang/ /de yi gnas su spang bar bya/ /gal te byas na sems can de/ 'bras bu med cing ngan 'gror ltung/ /gang yang dgon pa chen po dang/ /gsang ba'i lam la gnas pa der/ /gsang ba chen po'i sbyon pa 'di/ /spyad pa tsam gyis 'bras bu thob/ /ces 'byung ba dang gzhan yang gang gis thun mong thun mong min/ /rmad byung gtor ma'ang de bzhin te/ /'das na ngan 'gror 'gro ba'i phyir/ /rnam gnyis thub pas gsungs pa la/ /rang gis rmad pa'i rdzas gyur dang/ /'byung khungs sman las byung ba dang/ /rig dang nye bar ma spyad pa/ /de la dngos grub med pa 'gyur/ /ces 'byung ba lta bu'o/ /gtor ma'i cho ga bshad zin to// //de nas spyod lam gyi ting 'dzin bshad par bya ste/ de la mkhas pa ni bskyed pa'i ting nge 'dzin bstan pa'o/ /des yul gzugs la blta ba'i dus su ji ltar blta zhe na/ sgyu ma mig yor lta bu ste/ zhes pa snang la rang bzhin med par bsam pa'o/ /dngos po'i lta ba rab bzlog nas/ /ces pa gzugs kyi lha mor bsgom pa'o/ /dmigs sogs sems dpa' i 'khor lo can/ zhes pa rdo rje gos sngon can bsam pa'o/ /der ni lha mo rtag tu dgyes/ /zhes pa gzugs kyi lha mo dang/ /gnyis su med par gyur pa'o/ /yid ni tshim par byed pa'i mchog /ces pa byang chub sems dbang po'i lam nas snying gar phab pas bde bar gyur pa ste/

  519. 260a

    bde ba gnyis so/ /'di lta ste tha mal pa'i dus su sa bon can gyi rnam par shes pa sa bon du gnas pa rkyen nye bar gnas pas bslang nas yul dang phrad par 'gyur ro/ /de nas yul gyi rnam par skye'o/ /de nas rang dang mthun pa'i sa bon 'jog cing chos gzhan skyed par byed do/ /'dir chos 'di yan de bzhin du lta bar bya'o/ /gzhan go sla/ spyod lam gyi ting nge 'dzin bshad zin to// //de nas sbyin sreg bshad par bya ste/ de'ang gang zhig /zhes bya ba la sogs pa ni dri brtsom par byed pa ste/ gang la byed gang gis byed/ gang byed ce na lan du/ rnal 'byor mchog gi byed pa ste/ zhes pa ni ting nge 'dzin dam pas byed pa ste gsum pa'i lan no/ /gang la/ zhes pa'i lan du/ snying ga/ zhes bya ba la sogs pa'i don to/ /snying gi nang du dam tshig sems dpa' i 'khor lo bskod? la/ ye shes kyi lha bkug ste bstim pa'o/ /lta ba'i zhes bya ba la sogs pa ni bshad zin to/ /lce'i 'khor lo chen po ni/ /byin za du ni dmigs par bya/ zhes pa ni/ me lha nyid du dmigs pa'i dus ni/ de'i ming de skad ces bya'o/ /gang gi dus su zhe na/ zas la sogs pa za sogs dus/ /zhes pa go sla'o/ /ci'i rnam par gyur zhe na/ zas ni sha lnga/ zhes bya ba la sogs pa'o/ /thabs ji ltar zhe na/ lag pa gzar bu gnyis/ /zhes pa dgang blugs gzar bu bsam pa'o/ /za ba'i dus su lha rnams la/ /zhes pa la sogs pa'i don to/ /zas sha dang bdud rtsi'i ngo bor gnas pa gzar bu la sogs pa'i rim gyis snying gar lha'i zhal du gsol bar bsam mo// gzhan sngags kyi sbyor ba dang 'dra bar blta ba'o/ /zas sogs bdud rtsi/ zhes pa'i don ni/ gong du bstan pa nyid/ dbul ba'i tshul du zhe na/ gsungs te/ lag pa yis ni dbul ba dang/ zhes pa ni 'dir bshad pa nyid do/ /yang la lha mos dbul ba

  520. 260b

    dang/ /zhes pa ni lha mos mchod pa'i tshul du dbul ba'o/ /rdo rje lce thung ni skom gyi ngo bor byas te/ rdo rje sbu gu nas 'dren par byed pas las thams cad rgyas par byed pa'i tshul te/ gsum mo/ /'dir yang 'jig rten gyi rdzas thams cad ni rme ba dang/ dman pa dang/ nyes pa dang bcas pa dang/ lan re ba dang bcas pa ste/ dper na khro chu khol ma dang 'dra bar rdzas zos pa tsam gyis nyes par 'gyur ba sha stag ste/ skyes bu shes rab dang ldan pa snying rje dang ldan pa/ ting nge 'dzin dang ldan pas/ rang lha'i skur gcig tu gnas nas/ sems can rnams la snying rje chen po'i sems nye bar bzhag ste/ byin gyis brlab pa byas pas nyes pa thams cad zhi bar byas te/ rnal 'byor dang ldan pas zos na bu lon du mi 'gyur zhing yon tan thams cad thob pa'i rten nyid du 'gyur ro/ /nang gi sbyin sreg bshad zin to// //de nas 'phags pa'i mchod pa'i cho ga bshad par bya ste/ de'i phyir gzhan yang sems can mos pa yis zhes bya ba la sogs pa smos te/ spos dang me tog zhes bya ba la sogs pas ni rdzas bstan to/ /thams cad las kyi sbyor ba ni las thams cad pa'i chu'o/ /des gtor ba ni/ des gtor ba'o/ /byin gyis brlab pa bstan/ yon chab zhu ba ni/ yon chab 'od du zhu ba ste/ de las traM du gyur pa'o/ /rin chen 'bar ba'i snod mchog tu/ /zhes traM las rin po che'i snod rgya chen por gyur pa'o/ /de'i nang du ma skyed pa rang byung gi yi ge a gsal bar bya'o/ /de 'od du zhu ba las ni/ yon chab dpag tu med cing bsam gyis mi khyab pa'o/ /thun mong ma yin par a yis zhes bya ba la sogs pa smos so/ /thun mong du ha yis zhes bya ba la sogs pa smos so/ /byin gyis brlab pa bshad zin to/ //de nas dbul ba'i yul bstan pa'i phyir/ phyogs bcu'i sangs rgyas spyan drangs te/ zhes pa la sogs pa smos so/ /a ha ra'i sngags bzlas pas zhes bya ba la sogs pas ni dbul pa'i

  521. 261a

    thabs bstan te/ yon chab thogs pa'i lha mo'i tshogs/ /dpag med mdun du sprul byas te/ /zhes pa ni lha mo mdog dkar mo lag na rdo rje yon chab thogs pa sngags kyi 'od kyis rdzas la bskul bas spro ba ni/ lha mo bskyed pa'o// de yis rdo rje glu ldan pa/ /zhes pa ni/ lha mo rdo rje glu blang pa'o/ /yon chab ni rdzas te des phyag zhabs bkru/ zhes pa ni khrus gsol tshul lo/ /gzhan gyi mchod pa thams cad la yang bskyed pa'i sngags dang/ 'byung ba'i rgyu dang/ lha mo'i mdog dang/ mchod pa'i rdzas dang/ de la blta ba dang/ dbul pa'i gnas dang/ dbul ba'i tshul dang/ rjes su 'brel ba dang/ dngos grub bstan pa'o/ /badzra d+hU pe/ zhes bya ba la sogs pas ni sngags bstan to/ /rgyu ni sa bon dang rdzas so/ /dkar mo la sogs pa ni/ lha mo'i mdog go /spos la sogs pa ni rdzas so/ /lha mo la sems bstad pa ni lta ba'o/ /shangs la sogs pa ni dbul ba'i gnas so/ /rdzas phul nas lha mo bsdus pa dang/ lha mo dang bcas te/ 'bul ba ni 'bul ba'i tshul lo/ /'od zer gyis bdag gi nus pa bskyed pa ni rjes su 'brel ba'o/ /gzhan go sla/ gnas lnga nang du dbul ba ni/ gzugs la sogs pa'o/ /gnas lnga phyi ru dbul ba ni/ spos la sogs pa'o/ /gnas cig tu 'bul ba ni/ nang dang gsang ba'o/ /dus dang rjes su mthun par bya/ zhes pa ni/ gong du bshad pa nyid do/ /'di ni rang byung/ zhes pa la sogs pa go sla'o/ /brga dang khro ba la sogs zhes pa ni/ brgad pa dang khro ba dang/ gdugs dang rgyal mtshan dang ba dan dang/ dung dang dril bu dang/ rnga rings dang/ phaT ha dang/ ldong rul sogs pa'i gtor ma byin gyis brlab ste/ zhes pa gtor ma bzhin no/ /gzhan go sla/ gang zhig gzhan la ji bzhin du/ zhes pa la sogs pa'i don ni rang gis rang gi 'khor la mchod pa dang/ 'khor gyis rang la mchod pa la sogs pa/

  522. 261b

    rang gi rnal 'byor pa so so'i dbang du'o/ /da ni mchod pa'i dbye ba bstan pa/ rdzas la bsten nas mchod pa dang/ zhes pa ni gang gis dang pa'i stobs kyis rdzas yid du 'ong ba 'dul ba'o/ /bsam gtan kho nas mchod pa ni/ bsam gtan 'ba' zhig gis mchod pa'o/ /gzhan go sla/ de bzhin gshegs pa mchod pa yang dngos su ni/ dang ba dang ni ting nge 'dzin te/ de bzhin gshegs pa la sogs pa'i yul dam pa mnyes pa dang/ dngos grub gsol ba'i phyir ro/ /mchod pa yang gang gis mchod pa'o/ /yongs su sbyang ba byas pa'i mchod pa yang yod de/ de kho na nyid mthong ba rnams kyi'o/ /yongs su sbyang ba ma byas pa'i mchod pa yang yod de/ de las gzhan pa rnams kyi'o/ /rtsol ba dang bcas pa yang yod de/ gang gis rdzas la sogs pa'i dngos po chang bar 'bul ba'o/ /rtsol ba med pa yang yod de/ sems bskyed pa lta bu'o/ /bla na med pa'i mchod pa yang yod de/ gang gis mtshan ma spyod pa rnams kyi'o/ /mtshan ma med pa'i mchod pa yang yod de/ gang gis mtshan ma med pa'i 'o/ /'ching ba dang ldan pa yang yod de/ /nyon mongs pa dang 'brel ba rnams kyi'o/ /'ching ba med pa yang yod de/ gang gis zhen pa med par gyur ba'o/ /thun mong gi mchod pa yang yod de/ spos la sogs pa dang/ gzugs la sogs pa'i'o/ /thun mong ma yin pa yang yod de/ nang dang gsang bar gyur pa'i mchod pa'o/ /bstan du yod pa yang yod de/ ji skad bstan pa'i ting nge 'dzin ma gtogs pa'o/ /bstan du bde ba'i mchod pa yang yod de/ ting nge 'dzin gyi mchod pa nyid do/ /'di'i mchod pas kyang yid du 'ong ba'i rdzas su phun sum tshogs pa dang phun sum tshogs pa la sogs te/ bsod nams dam pa thob par 'gyur ro/ /mchod pa'i tshogs bshad zin to// //da ni bdud brtag pa'i sbyor ba bshad par bya ste/ dang po bdud 'byung ba'i dus ni/ sngags dang bsam gtan dus dag tu/ zhes pa ste/

  523. 262a

    sgrub pa'i skabs yin pa'i phyir gzhan dag tu ni nyan pa dang bsam pa la 'byung bar 'gyur ro/ /bdud kyang du zhig ce na phyi dang nang na yod pa'o/ /zhes pa ji skad bshad pa dang/ de las gzhan pa'i bdud thams cad ni gnyis po 'di kho nar 'dus pa'i phyir ro/ /gang yin zhe na phyi dang nang na yod pa'o/ /zhes pa'i don to/ /phyi'i bye brag tu bstan pa gzugs ni dkar dmar la sogs pa/ zhes pas ni/ 'od zer po dang ljang gu dang mthing ga yang gzung ngo/ /gal te yang dag pa'i rtags dang bye brag med de zhe na/ gsal ba'i 'od ni sangs rgyas te/ zhes pa dngos po la gsal bar gyur pa ni sangs rgyas kyi 'od ste/ de las bzlog pa ni bzlog pa'o zhe'o/ /'di yang dngos po la yin te/ shes rab kyi pha rol tu phyin pa las lha rnams kyi 'od mog mog por gyur pa la sogs pa brjod pa bzhin no/ /sgra'i bdud bye brag tu bstan pa ni/ rang bzhin med dris dman pa dang/ zhes pa ni/ de kho na nyid ji lta ba bzhin du ston par mi nus pa'o/ /spyod pa ni mtshan ma las sbyor ba ste/ de'i rigs ma yin pa la de gtsor ston pa ni bdud du shes par bya'o/ /gzugs kyi bdud bye brag tu bstan pa/ mang ba'i rigs la nyung ba ston/ zhes pa ni/ gang zhig mang ba la 'phrod par 'gyur ba de la sku nyung bar ston cing nyung ba gces su byed pa dang/ de las bzlog pa yang de bzhin du shes par bya'o/ /gzhan go sla/ nang gi bdud kyi sbyor ba ni gnyis te/ zhes khor nas dbyung nga/ /gang yin zhe na/ 'du ba skyed dang bsam pa sgyur/ zhes pa chos 'di gnyis kyi ting nge 'dzin las g.yengs te/ dngos grub kyi bar du gcod pa nyid do/ /dang po bshad pa/ rlung mkhris bad kan 'dus pa rnams/ /med bzhin bskyed pa'ang bdud yin no/ /zhes pa sngags dang bsam gtan gyi dus su mi mthun pa'i rkyen ma tshogs par rlung la sogs par ting nge 'dzin 'khrugs pa la yang ngo/ /phyi ma

  524. 262b

    bshad pa dam pa ni sangs rgyas dang chos dang dge 'dun te/ de la sun dbyung ba ni mthun par 'dzin pa'o/ /rtag tu bsam pa la mi mos dang/ zhes pa ni/ bsam gtan la nyes pa 'am blang ba ma yin par blta'o/ /tha mal pa ni dman par gyur pa'i gzugs la sogs pa ste/ de la chags pa ni zhen pa'o/ /khro ba ni yid 'khrug pa'o/ /'khon du 'dzin pa ni mdud par 'dzin pa'o/ /'chab pa ni nyes pa byung ba khas mi len pa'o/ /tshig pa ni tshig brlang por zher 'bebs pa nyid do/ /nyon mongs pa ni 'dod chags dang khro ba dang nga rgyal dang ma rig pa dang/ lta ba dang the tshom mo/ /nye ba'i nyon mongs pa ni chags pa la sogs pa ste/ rang gi rgyun la gnas pa ni ma gtogs so/ /mig rtsa rgod pa ni mig gyen du yang dang yang blta'o/ /'phyar ba ni sems srab pa'o/ /g.yem pa ni 'gro ba bzang mo spyod pa'o/ /zhum pa ni grub par mi 'dzin pa'o/ /g.yang ba ni sems yul sna tshogs su 'phro ba ste/ snga ma bzhin du gnas pa'o/ /bsam gtan 'phro la dmigs pa mi gsal ba ni blo bur du bying ba'o/ /nyams mi dga' ba ni sems reg par mi gnas pa'o/ /log pa la dang pa ni mu stegs dang sngags rgod dang bud med sbyor sngags la dang pa'o/ /zas dang skom la snga rol pas shas cher 'dod par gyur pa ni zas la rtog pa dang rtog pa ma yin pa las 'das nas myur du 'dod pa'o/ /kun rdzob la dga' ba ni kun rdzob kyi spyod pa chen po cher byed pa ste/ don dam pa'i skabs su bdud du 'gyur ro/ /khyad par phyag rgya rang gi rigs de la nyon mongs skye ba ni rang gi ye shes bskyed pa'i phyag rgya mo la zhe sdang chags pa dang gti mug skyes pa ste shes rab ye shes kyi dbang thob na nyes pa cher 'gyur ro/ /log pa'i/ zhes pa la sogs pa ni go sla'o/ /'di dag kyang bdud kyis lus sems byin gyis brlabs te/ de nas der 'gyur gyi gzhan du ni ma yin no/ /bdud rnams kyi rgyu yang chos la ma mos la sogs pa dang/ nyon mongs pa dang/

  525. 263a

    nye ba'i nyon mongs pa'i stobs kyis bla ma la sogs pa'i dam tshig nyams pa dang/ blang nyes kyi chos dang brtags pa'i rdzas las 'byung gi gzhan las ni ma yin no/ /gal te/ gzhan las kyang 'byung ngo zhe na/ dus thams cad du de dang bde ba ma yin pa rang bzhin bye brag tu gyur pa med pa'i phyir/ ye med par 'gyur ba zhig na de ni med do/ /zhes pa 'chad par byed do/ /de ltar bdud kyi slu ba brtag pa bshad zin to// //da ni yang dag pa'i rtags bshad par bya ste/ bdud kyi rtags rnams las gzhan pa'i yang dag rtags ni bshad bya ste/ zhes pa gang du rtags su gyur cing log pa'i rtags ma yin pa de ni yang dag pa'i rtags su gyur pa'o/ /de'ang dang por rmi lam gyi mtshan ma brtag pa bshad par bya ste/ de la yang dag don gyi bla ma ni de kho na nyid dang sdom pa phun sum tshogs pa ste/ rang gis de'i mdun du sems bskyed pa dang/ des dbang bskur ba dang/ chos 'chad pa dang/ nyes pa las skyob par byed pa'ang yang dag pa'i mtshan ma'o/ /dam tshig rnams ni mi brjed cing/ zhes pa ni rmi lam du yang dam tshig rjes su dran pa'o/ /rang gi rigs kyi bu mo bsten/ zhes pa ni/ rang dang 'phrod pa'i phyag rgya ma dang mthun par gnas pa'o/ /gzhan go sla/ gzhan gyis mchod pa ni rang la'o/ /gzhan la mchod pa ni rang gis so/ /'di dag ni thun mong gi rtags so/ /stong gsum thams cad mthong ba ni/ bden pa mthong ba'i ltas so/ /nyi zla'i steng na 'dug pa ni sa thob pa'i rtags so/ /'khor lo klad la bskor ba ni/ yang dag pa'i gdams ngag gis gzhan grol? bar byed pa'i rtags so/ /mchod rten rtse la 'jig pa ni gang yang rung ba'i rim pa nas 'pho ba'i rtags so/ /gzhan ni 'phags pa gos sngon po'i sku gsung thugs kyi dngos grub thob pa dang/ sgrib pa thams cad spong bar 'gyur pa'i rtags so/ /gal te de'i mtshan ma yang gang gi dus

  526. 263b

    su des she na/ bsam gtan gyi dus yin pa'o/ /gal te de'i dus ma yin pa la yang 'gyur ba ni zhen pa'i dbang gis dag 'gyur ro/ /de yang ma chags pa'i sems dang 'brel na yin gyi mtshan mar 'dzin pa'i sems la ni/ de la mi srid pa'i phyir ro/ /de yang yang dang yang bstan na yin gyi re? 'ga' gi gong ma'i khyad par gyi kyang 'gyur ro/ /de ltar rmi lam gyi mtshan ma bstan nas/ da ni sems nyams bstan pa'i phyir/ gzhan yang sems nyams brtag pa ni/ zhes bya ba la sogs pa smos te/ dbang blang mos/ zhes pa ni yang dag pa'i bla ma ?la'ang len pa la dga' ba ste/ grags pa'i dbang du ni ma yin no/ /sdom pa bsrung ba la mos pa ni sdom la gces su byed pa'o/ /sems can dman la tshad med 'byung zhes pa ni/ sdug bsngal dang ldan pa'i sems can dran nas ba sbru? ldang ba tsam du sdug bsngal nyams su myong ba'o/ /yang dag don la 'dod pa bskyed/ ces pa ni/ mchog gi dngos grub ste spangs pa dang ye shes phun sum tshogs pa la 'dun pa'o/ /sems can bdag dang 'dra bar sems/ zhes pa ni rang dang tha dad du ni rtogs pa'o/ /nga rgyal la sogs nyon mongs chung/ zhes pa ni snga ma las chung ngu gyur ba'o/ /zab pa'i don la chog mi shes pa ni cho ga par mi 'dzin pa'o/ /gzhan ni sbyin pa'i bye brag go /ldang ba yang ba nyid zo mdog bde ba ste/ lus shin tu sbyangs pa nyid do/ /rang gi lta dang mthun pa la/ 'jig rten rin chen tshogs bkang 'bul/ zhes pa ni/ de lta bur nus pa snyam sems pa'ang bdun pa'o/ /som nyi? nyid yid ches pa ste/ 'di dag kyang snod du rung ba dang/ rigs su nges pa dang/ mthong ba'i lam 'thob pa dang/ sbyin pa phun sum tshogs pa dang/ shin tu sbyangs pa rnyed pa dang/ yang dag par chos len par 'gyur ba la mkhas pa'i rtags so/ /'di dag kyang rkyen gzhan gyis ma skyed par bsam gtan gyi dang las snga ma las gzhan du gyur par 'byung ba'o/ /de ltar sems nyams kyi rtags bstan nas/ da ni mngon

  527. 264a

    sum pa'i rtags bstan pa'i phyir/ dngos po rdzas kyi khyad par las/ zhes pa la sogs pa smos te/ bris sku lugs ma la/ zhes pa ni/ rtags brtag pa'i gzhi'o/ /de'i rtags gang yin zhe na/ sangs rgyas skur snang rab yin te/ zhes pa ni mngon sum du sangs rgyas nyid snang ba'o/ /dam pa'i sgra 'bring bshad ces pa ni/ yang dag pa'i don gyi sgra tsam 'byung ba ni 'bring nyid do/ /'od dang du ba la sogs pa/ zhes pa ni g.yo ba dang 'gul ba dang/ 'khrol ba dag kyang ngo/ /byin rlabs 'bras bu rab tu yin/ zhes pa ni/ gsal la mdzes par gyur pa'o/ /gzhan go sla/ me dbus sangs rgyas ni me'i dbus na dbang po las byung ba'i shes pa'i mngon sum lta bu'o/ /sgra 'byung ba ni sangs rgyas kyi chos dam pa'i sgrar 'byung ba'o/ /me bdag gi dbang du 'gyur pa ni rang 'dod par 'byung ba'o/ /las dang mthun pas ni de nyid bshad do/ /gzhan go sla/ slob mas thams cad shes pa ni/ gzhan gyi sems shes pa la sogs pa ste/ dbang gsum pa'i dus su'o/ /smra ba ni gtan la dbab par bya ba thams cad ji lta ba bzhin smra ba ste/ gnyis pa'i dus su'o/ /'gul pa dang 'phar ba ni dang ba'i dus su'o/ /dkar dmar la sogs/ zhes pa ni gang gis ser po dang ljang khu la yang ste/ gsal ba dang mi gsal ba yang sangs rgyas kyi rtags yin no/ /gang gi sgo nas yin zhe na/ sgyu ma tsam du bsgoms pa la sogs pas so/ /sku gsung thugs kyi mtshan ma ni/ sku ni rdo rje dang rgya gram rnams so/ /gang gis stobs kyis gzhan 'gyur/ ces pa ni sgyu ma tsam la sogs pa'i sgo nas gsal ba dang/ brtan par 'gyur ro// gsung gi mtshan ma bye brag tu bstan pa/ gang zhig sgra ni/ stong las byung ba'o/ /de nyid bye brag tu bstan pa ni rang dang 'phrod pa'i man ngag ston/ zhes bya ba la sogs pa'o/ /sku'i rtags bye brag tu bstan pa ni/ mdzes pa'i lha mos bde ster dang/ zhes

  528. 264b

    pa la sogs pa'o/ /byang chub sems kyi chu 'bab dang/ zhes pa la sogs pa ni thugs kyi rtags bye brag tu bstan pa'o/ /gzhan go sla/ nus pa la brtag pa ni yid dags dbang du sdud nus dang/ zhes pa'o/ de nyid bshad pa yi dags zil gyis mnan pa ni dbang du sdud pa nyid do/ /gnad 'gyur smra ba med pa ni 'og mas bshad do/ /dam chos sngon du brdar ma brtags/ zhes pa ni sngar shes par ma byas pa ste shes par 'gyur ba la sogs pa yang yang dag pa'i rtags su bshad do/ /'di la kha cig 'di skad ces yang dag pa'i rtags ni 'bras bu dang bcas pa'am/ log pa'i rtags ni yang dag pa'i 'bras bu med pa zhig gam zhe na/ mu bzhi ste/ yang dag pa'i rtags yin la 'bras bu dang bcas pa yang yod de/ gang gis yang dag pa'i rtags thob nas nga rgyal dang som nyi la sogs pa spangs pa rnams kyi'o/ /yang dag pa'i rtags thob la 'bras bu med pa yang yod de yang dag pa'i rtags thob nas nga rgyal dang som nyi la sogs pa dang ldan pa rnams kyi'o/ /log pa'i rtags thob la 'bras bu dang bcas pa yang yod de/ gang gis log pa'i rtags thob nas 'di ni sgyu ma lta bu'o/ /chos thams cad ni ye nas don dam par gang yang ma grub pa'o/ /zhes bya bar nges pa de'i rjes su thob pa rnams kyi'o/ /log pa'i rtags kyang thob 'bras bu med pa'ang yod de/ dga' ba dang skrag pa'i sems dang ldan pa rnams kyi'o/ /de bas na yang dag pa'i rtags dang/ log pa'i rtags kyis 'bras bu nges par 'byin pa dang mi 'byin pa/ zhes bya bar ni ma 'grub po/ /yang gal te yang dag pa'i rtags ni dngos su yod pa zhig la log pa'i rtags ni med pa zhig gam gal te de las bzlog pa zhig gam zhe na/ ma yin te/ gang gis gnyi ga la'ang 'khrul pa tsam du shes na ni yang dag par 'gyur gyi/ sngon kyang gang gi gnyi ga'i yan lag la yod pa dang med pa bzhag go /de ltar yang dag

  529. 265a

    pa'i rtags bstan zin nas/ da ni log pa'i rtags dang bzlog par bya ba'i cho ga bshad par bya ba'i phyir/ yang dag rtags rnams thob bya dang/ zhes bya ba la sogs pa smos te/ dga' ba dang mi dga' i sems/ gnyis dang dral ba bsam las bzlog /ces pa ni gang du sangs rgyas la sogs pa'i skur snang ba dga' ba 'am mi dga' ba'i sems brtan por gnas nas ni bsam pa las bzlog pa ste/ 'dis nye bar zhi bar 'gyur ba'i phyir ro/ /sems kyi 'khrul par blta ba dang/ sgyu ma rang bzhin med pa ni/ zhes pa bshad zin to/ /gang du dri chen sha chen dang/ byang chub sems la spyod byed pa/ zhes pa ni/ brtul zhugs kyis skyod pas bdud rtsi lnga la spyod pas bzlog par 'gyur ba'i phyir ro/ /gang gis dam tshig rtag tu srung/ /de la bdud kyi sbyor ba med/ /ces pa ni/ gang gis sdom pa phun sum tshogs par gyur na bdud thams cad nye bar zhi bar 'gyur ro/ /yi dam lha la lus 'bul zhing/ /dam tshig nyams pa bshags pa dang/ phyis ni sdom pa 'dzin byed pa/ zhes pa ni/ gang gis tshe rang gi yi dam gyi lha la lus phul ba la sogs pas de'i gnod pa zhi bar 'gyur ro/ /de la drag po'i sbyor sngags dang/ mi 'di'i gsang ba'i sngags zlos/ zhes pa ni/ dam tshig gi sngags dang/ drag po chen po khro ba'i sngags kyis bzlog pa'o/ /bdag las gyur ba'i/ zhes pa rang las khro bo gdug pa'i mtshon cha thogs pa dpag tu med pas lus dum bur btub pa dang/ bdag gis bskul bas phyogs bcu'i sangs rgyas thams cad bskul te/ de las 'od mtshon char spros pas zhi bar 'gyur ro/ /yungs kar dang ni/ zhes bya ba la sogs pa ni go sla'o/ /yang na bdag nyid khro ba yi/ /mdun gyi snying du sems dpa' bskyed/ /zhes bya ba la sogs pa'i don ni gang gis thog ma nyid du sems dpa' snying ga nas phyung ste/ de'i snying du bcug nas nges pa'i mtshan ma

  530. 265b

    ston cing/ ces las bcol te/ khro bo las me 'bar bas zhi bar 'gyur ro/ /gang zhig de'i mgrin par A(rgyud 'grel): dmar po bzhag la ye shes kyi A dmar po bkug ste/ de nas de'i klad pa'i nang du khro bo khams gsum rnam par rgyal ba 'khor lo thogs pas 'khor lo bskor te/ smros shig /ces brjod pas 'byung po gang yin pa smra bar 'gyur ro/ /thod pa gsum ni thod pa rlon pa dang/ skam po dang dum bur gyur pa'i phyag rgyas bzlog pa'o/ /gzhan go sla'o/ /'di dag gi don yang rin chen gos sngon can gyi rnal 'byor gyis gsum pa'o/ /snang ba mdza' yas kyi rnal 'byor gyi dam tshig gi phyag rgya'o/ /rdo rje gos sngon po'i rnal 'byor gyis ni rdo rje sdigs mdzub po/ /las kyi gos sngon can gyi rnal 'byor gyi ni rgya gram mo/ /bde gshegs gos sngon can gyi rnal 'byor gyis ni 'khor lo'i phyag rgya'o/ bkra shis 'khor lo'i sbyor ba yis/ /zhes pa ni gnyen po'i ting nge 'dzin gyis so/ /ji ltar zhe na/ chags par gyur na rul myags dang/ dum bu lang ling rnam par bsam/ zhes bya ba ni/ 'dod chags skyes na rul myags la sogs pa dang/ ma gtsang ba'i rdzas nyi shu la sogs pa dang ldan par 'gyur ro/ /khro bar gyur na byams pa la sogs zhes pa ni snying rje dang/ byams pa dang dga' ba bsgom pa'o/ /gti mug la sogs chos rnams dbye/ /zhes pa ni dge ba dang mi dge ba la sogs pas dbye'o/ /gzhan go sla'o// gal te brdal dang phyag rgya la sogs pa'i sbyor ba ston gyur na/ zhes pa ni/ brda dang phyag rgya dang gar dang glu la sogs pa ston pa'o/ /snying nang/ zhes pa la sogs pa go sla'o/ /des gsal bar gyur na/ de la lan dang bcas par bya/ zhes pa'i don to// ji lta bur ston zhe na/ thabs kyi ston na shes rab ste/ zhes pa ni g.yas kyi ston na g.yon gyis sbyin/ zhes bya ba la sogs pa'o/ /shes rab ma'i spyod pa rdzogs/ zhes pa ni/ shes rab ma'i pad+ma la smra ba rol pa dang/ 'phyang ba dang/ 'khyud pa dang/ 'jig? pa'i

  531. 266a

    sogs pas zhi bar 'gyur ro/ /gnyis 'dus/ zhes bya ba la sogs pa ni go sla'o/ /de ltar na bdud bzlog pa yang gang zhig sngags zlos pa'i dus kyi bdud la drag po'i sngags dang phyag rgya la sogs pas bzlog bar bya'o/ /bskyed pa'i rim pa la gnas pa'i bdud la ni/ gang gis mtshan ma'i ting nge 'dzin gyi ji skad smos pas zhi bar bya'o/ /rdzogs pa'i rim pa'i ting nge 'dzin la gnas pas ni stong pa nyid la sogs pas zhi bar bya'o/ /yang na sngags zlos pa ni bskyed pa'i ting nge 'dzin la sogs pa'o/ /bskyed pa'i ting nge 'dzin la sgyu ma lta bus so/ /gang gi tshe rdzogs pa'i ting nge 'dzin la bskyed pa'i ting nge 'dzin gyis she na ni nyes pa dang bcas shing 'gal ba dang/ bcas par 'gyur ro/ /bdud bzlog pa'i cho ga bshad zin to// //de ltar spyod pa'i rim pa bstan zin to/ /da ni thun mong gi dngos grub bstan par bya ste/ de las dang po 'byung po tshar bcod pa'i cho ga bstan pa'i phyir/ gang zhig bdag dang gzhan rnams la/ zhes bya ba la sogs pa smos te/ de las gzhi yid 'ong/ zhes pa ni bshad zin to// //sngon du 'gro ba rdzogs pa dang/ zhes pa ni/ sa'i cho ga la sogs pa rdzogs pa'o/ /gang ltar 'dod pa'i sku bskyed de/ zhes pa ni dbang thob par byas pa las byung ba'i sku g.yon na phyogs skyong gi rgyal po gang yang rung ba thogs pa bskyed pa'o/ /zhi ba la sogs so so yi/ /bzlas dang bsdu ba rdzogs gyur nas/ /zhes pa ni/ rang dang pa'i sku mdun du bltas te/ de la mchod pa dang bstod pa byas nas gang yin pa'i ming dang las kyi sngags spel te/ grangs brgya'am stong du rdzogs pa dang/ 'khor lo rang la bsdus te/ zhi bar gyur pa'i tshogs dag dang/ gtor mas kyang ni bzlog par bya/ /zhes pa/ thog ma nyid du zhi ba'i tshogs dang

  532. 266b

    gtor mas bzlog pa'o/ /de yis 'dul bar ma gyur na/ zhes pa ni nges ma zhi na stang stabs kyis 'dul zhe'o/ /de nyid bshad pa rkang pa ral gri g.yas pa la/ zhes pa ni rkang pa g.yas pa ral gri rab tu 'bar ba sbrul dang chu srin la sogs pas mdzes par byas pa bsam mo/ /g.yon pa lcags kyu'i sbyor ba/ zhes pa rkang pa g.yon pa lcags kyu rab tu 'bar ba 'od sna tshogs dang ldan pa bsam mo/ /des ci bya zhe na/ mi g.yo g.yas g.yon stang stabs bya/ zhes pa mi 'gyur bar tha mal ba'i 'gros kyis tshul la cung zad gteg nas dgug pa dang gdab pa'i tshul bya'o/ /sngags 'og nas ston to/ /las gzhan bstan pa/ nang pa 'am ni gzugs dag la/ /dmigs pa len par dbab bya ste/ zhes pa ni 'byung po nang pa 'am gzugs la bsdu'o/ /zhes pa'i don to/ /rkang pa g.yas pa ri rab ni/ rgya gram 'bar bas mtshan pa'o/ /zhes pa rkang pa g.yas kyi 'og tu rdo rje rgya gram 'od kha dog lnga dang ldan pa 'od zer phyogs bcur 'phros pa de'i dbus su lam las sa gzhi ri rab la sogs pa dang ldan pa bsam mo/ /rgyal chen phyogs skyong gong ma ste/ zhes pa ni/ ri rab la bsam pa'o/ /khro bo bzhi ni 'og ma la/ zhes pa ni/ bde gshegs gos sngon can la sogs pa grwa bzhi la bsam pa'o/ /pus mo chu srin rgyal mtshan te/ zhes pa ni/ pus mo chu srin gyi kha nas byung ba'o/ /gnas lngar khro bo lnga po bskyed/ ces pa ni spyi bo la sogs par bde gshegs gos sngon can la sogs pa bsam mo/ /g.yon pa lcags kyuAm rdo rje/ zhes pa ni rkang pa g.yon pa la lcags kyu 'am rdo rje bsgom pa'o/ /dgug pa la sogs sbyor byas nas/ zhes pa ni dgug pa dang bcing ba bya'o/ /snying gar mnan pa ni khros pa'i shugs kyis 'byung po gzir ba'i sngags bzlas shing rkang pa g.yas pas snying gar mnan no/ /gzhan go sla'o/ /las gzhan gyi sbyor ba bstan pa/ yang na snying

  533. 267a

    nang me dpung bskyed/ 'bar ba dang ni bsregs pas 'grub /ces pa ni 'byung po'i snying du khro bo me 'bar ba bsam la de'i 'od kyis 'byung po tshogs par bsam mo/ /gong ma 'am ni/ zhes pa bshad ma thag pa'i rim pas so/ /khro bcus? 'grub ces pa ni khro bo me 'bar ba'i rtog pa las 'byung ba nyid do/ /de ltar 'byung po thams cad 'dul ba bstan nas khyad par klu'i sbyor ba'ang/ zhes pa la sogs pas klu'i gzir pa la sogs pas bshad par bya ste/ de la gzir pa mkha' lding lnga po ste/ zhes pa ni bshad pa lnga la lnga ni legs gnas te/ zhes pa ni g.yas pa la rdo rje rtse lnga pa gdengs pa la bya khyung lnga bsam pa'o/ /g.yon pa la ni lcags kyu lnga bsam mo/ /pus mo spung pa rnam bzhi la/ /thogs med 'khor lo bzhi bsams te/ zhes pa bya khyung bzhi bsam pa'o/ /rdo rje bsregs shing lcags kyus 'dzin/ ces pa/ rdo rje las 'od byung bas klu thams cad nad pa'i lus las bkug ste/ lcags kyus gzung ngo/ /gang zhig ces bya ba la sogs pa ni/ gong ma bzhin du bshad do/ /ci las byung ba ni 'khor lo'o/ /khrom las byung ba ni bya khyung ngo/ /'od zer gyis/ zhes pa la sogs pa ni rang dang 'dra ba'i spyan drangs te bstim pa'o/ /bdag 'od bu gang gu sogs zhus/ zhes pa ni lus khyab par bstan to/ /lte ba'i 'khor lo ni me bskul ba'o/ /g.yas kyi rdo rjes spar ba yang de nyid do/ /gzhan go sla /yang na nang du bsregs par bya/ zhes pa ni/ nang pa'i lus thams cad mer 'bar bas nad par bcas pa bsregs te/ rlung gis gtor chus bkrus pa las rim gyis phyag na rdo rjer bskyed de dbang bskur sngags bzlas pa'o/ /klu'i tshogs kyi las su bya ba ni/ zangs sogs dmar po'i snod du bkod/ ces pa pad+ma 'dab ma brgyad pa'i

  534. 267b

    gzugs byas la bkod pa'o/ /bdud rtsis gso ba ni na ga ge sar dang dbang po'i lag pa la sogs pa ba dmar mo'i 'o ma dang sbyar te gso ba'o/ /gzhan ni bshad zin to// //gang gis nang pa'i las su bya ba 'ang gang gi tshe thog mar nad pa byang chub tu sems bskyed de/ sdom pa dang dam tshig la sogs pa yang dag par blangs nas/ de nas las su bya ba gang yang rung bas 'byung po phral te/ de nas drag po'i sngags nye bar bzlas pa'i chus nyin lan gsum mtshan lan gsum du bkru bar bya'o/ /dbang bskur te/ des yan lag yongs su rdzogs par 'gyur ro/ /bgegs bzlog pa'i cho ga bshad zin to/ /de nas gdug pa can 'dul ba'i cho ga bshad pa'i phyir/ gang zhig gdug pa 'dul 'dod pas/ zhes bya ba la sogs pa smos te/ gdug pa ni byang chub sems dang mi/ ldan zhing dus thams cad du gzhan la gnod par byed par zhugs pa'o/ /de bsad pa ni lus sems dpral ba'o/ /gnas gang du zhe na/ dur khrod la sogs 'jig gnas su/ zhes dur khrod dang/ ri kha ral dang sum mdo dang/ brog gling la sogs pa'i bkra mi shis pa'i gnas su'o/ /drag po'i dkyil 'khor dug gis bri/ /zhes pa kun du khru re yod pa'i gnas su dug /dang dri bo'i khrag dang/ sol chen gyis byug par bya'o/ /gzhan go sla/ tsha ba bskyed pa'i sbyor ba bya/ zhes pa ni/ nim pa la sogs pa'i shing la me spar la gang gis rdzas gong ma dang tsha ba gsum dang/ 'bru mar dang bsres te/ byug cing bskam mo/ /gzhan go sla/ bdag las sprul pa'i khro bo'i tshogs/ zhes pa rtsa ba'i sngags kyi 'od las 'jig rten gyi khams khro bo'i tshogs kyis rgyas par byas pa'o/ /rdo rje dgug pa'i sngags kyang rtsa ba'i sngags dang spel te/ bzlas par bya'o/ /des ci byed ce na/ lcags kyu la sogs bzhi po smos/ zhes pa ni/ lcags kyu can dang zhags pa can dang/ lcags sgrogs can dang/ tho ba can gyis dgug pa dang gzhug pa

  535. 268a

    dang bcing ba dang brdud pa'i las kyis gdul bya bstim pa nyid do/ /las kyi rgya 'am ri rab kyis/ /de'i steng nas mnan par bya/ /zhes pa ni/ spyi bor rgya gram dang ri rab/ de'i lte ba la bsam par bya'o/ /byin gyis brlab pa'i lha ni dbang bskur ba'i lha ste snying gi sa bon no/ /las kyi khro bo ni bdud rtsi 'khyil pa ste/ des dbye ba ni dbral ba'o/ /de dag gi don yang gdul bya mdun du bsams te/ de'i snying gi nang na dbang bskur ba'i dus kyis ye shes sems dpa' gsal bar gyur pa dang/ rang las khro bo bdud rtsi 'khyil pa spros te/ mnyes par byas nas nyes pa sgo ste/ de nas de khros par gyur pas khrag 'thung bar bsam pa'o/ /srog rtsa'i bdag po bram ze'i gzugs/ zhes pa ni srog rtsa'i nang na bram ze'i gzugs 'od lta bur gnas pa'o/ /gdug pa'i khro bos sbyar mas bdud/ /ces pa ni/ khams gsum rnam par rgyal bas gu gul sbyar mas gdug pa'o/ /khros pa'i stobs kyis khrag 'byin pa ni srog lha srog pas srog rtsa chad par 'gyur ba'o/ /sprul pa thog lnga la sogs pa ni bshad zin to// //gzhan go sla/ thog chen sbyor ba'i las byas nas/ /zhes pa ni mtshon cha'i char 'bab par bsam pa'o/ /gang gis zhe na/ dkyil 'khor kun gyis te/ sprul pa'i dkyil 'khor thams cad kyis so/ /lcags ni mi bsad pa la sogs pa'o/ /rigs mthun pa ni dug dang/ char ma dang/ mdog nag por gyur pa'i shing ngo/ /khro bo de dang mthun pa ni stod 'phags pa gos sngon po can la smad lcags rab tu 'bar bar gyur pa'o/ /dkyil 'khor kun gyi snga ma bzhin no/ /ral gri la sogs pa yang dkyil 'khor kun gyi/ zhes pa dang 'brel par shes par bya'o/ /gzhan go sla/ khro chung sbyor ba ni khro bo med dpal rab tu 'bar bar bsam pa'o/ /dug dang myos pa'i chur

  536. 268b

    sbyar te/ zhes pa ni bcos pa'i chang dang sbyar ba'o/ /gdug pa'i sbrul nag sbyor ba ni sdong gsum nas sbrul nag po bkug pas dug skyugs te gang bar gyur pa'o/ /bkug cing kha ru blug gyur na/ zhes pa ni gdul bya bkug ste/ dug khar brugs na 'chi/ zhes pa'i don te/ /bud med thod pa ni rim gyis shi ba'i thod pa'o/ /snying nang ma mo'i sbyor ba yis/ /zhes pa ni/ chag po chen po'i srid mo snying du bskyed pa'o/ /khar blugs gyur na/ zhes pa ni khar blugs pa ma mo la ? pas snying rtse ba can da? khrag 'thungs pa'o/ /thod par klad pa 'khor lo bskor/ /zhes pa ni/ klad pa'i nang du ma mos thod pa klad la skor zhing ru lu lu/ zhes drag par bsams na/ mgo 'khor bar bsam mo/ /gzhan go sla/ mdze can khrag gi sbyor ba yis/ / lus nang gang nas/ zhes pa ni mdzes zin te/ shi ba'i khrag gtor zhing bsam gtan gyis lus khrag gis gang nas/ lcags sbrang 'am lcags sdig srin bu la sogs pas/ ba spu'i bu gar sbyor/ zhes pa ni khrag lus las srin bu dang/ sbrang ma dang sdig pa'i tshogs byung nas/ sha dang rus pa la thug par zos par bsams na mdze yis 'chi bar 'gyur ro/ /gang du sha ba'i 'khor lor ldan/ /zhes pa ni sha ba'i lus la 'khor lo rtsibs bzhi pa dbus na ming bri/ rtsibs bzhi las hUM/ zhes pa bzhi bris la/ lug gi thod pa 'am lkugs nas shi ba'i thod par bcug ste mnan na lkugs nas shi bar 'gyur ro/ /lce la ri rab sbyor ba bya zhes pa ni khams gsum rnam par rgyal bas lce drangs te/ laM las ri rab kyis mnan na yang da bzhin no/ /gzhan go sla/ snying nang sbrul nag bcug byas te/ zhes pa ni snying gi nang du sbrul nag po bskyed la stong gsum gyi sprul nag po thams cad blos bkug ste/ de'i lus la bsdus na de ltar 'gyur ro/ /zhes pa'i don to/ /

  537. 269a

    de ltar rdzas la sogs pa'i sbyor bas bsad pa'i cho ga bstan nas/ da ni bsam gtan 'ba' zhig pa'i bsad pa bstan pa'i phyir/ bsam gtan kho na yis/ zhes bya ba la sogs pa smos te/ mdun du za byed kha gdengs la/ zhes pa ni sgrub po'i mdun du khro bo za byed kha gyen du lta ba kha nas me 'bar ba bsams la de'i steng du bsgrub bya ba bkug ste/ bsam gtan gyi phur bu spyi bor btab pas rkang par thal byung ste/ de'i rjes su khrag phyung bas za byed kyis khar song bar bsam pa ni las gzhan gyi sbyor ba'i/ yang na spyi'u tshugs gyur pa ni/ sdig pa can gyis bar ma do lta bu ste/ gong gi khro bo gnyis kyi rkang pa gnyis nas gzung ba'o/ /rdo rje ni/ zhes pa go sla/ sum skor 'od kyi sbyor ba yis/ zhes pa ni rang gi 'od kyis ye shes 'khor lo phrog ste/ de las rdo rje byung bas spyi bo'i bar la thug go /'od zer snying la sogs pa sreg /ces pa ni rdo rje las 'od me lta bu byung bas lus sa bon dang bcas ba sreg par bya'o// zhes pa'i don to/ /yang na 'od zer nag po 'am/ zhes pa la sogs pa'i don ni/ rang las 'od nag po spros pas gdul bya'i lte ba'i me 'bar te/ spyi bo na sa bon bkug nas rdo rje'i lam du phyung ste/ khro bo za byed kyi khang song bar bsam mo/ yang na rdo rje'i yi ge gsal/ zhes pa la sogs pa'i don ni 'khor lo bzhis gsal bar byas te/ rdo rje rab tu 'bar bas spyi bo nas bshad ba'i lam la thug par thal te/ sa bon thams cad bshig pa dang bsreg pa dang dbyung bar bya'o// zhes pa'i don to/ /gzhan go sla/ yang na 'khor lo nag po'i steng/ zhes pa ni/ tsa nag po las byung ba'i 'khor lo'i steng du'o/ /de'i steng du bsgrub bya bzhag la snying gi nang du zhes pa la sogs pa'i don ni rang gi sa bon las phu spros te/

  538. 269b

    de las sprul nag po bsam gyis mi khyab pa bskyed cing bkug la sbrul nag po'i tshogs kyi sha zos pas srin po dang sbrang bu byung nas za bar bsam mo/ /lte ba'i yi ge bsams nas kyang/ zhes pa ni a thung ngu'o/ /raM las byung ba ni me 'bar ba'o/ /yi ge bkrug pa la sogs pa'i don ni bshad zin to/ /gzhan go sla/ yang na dbang phyug mthu chen gyi/ zhes pa la sogs pa'i don to/ /gang gis drag po'i las kyi sbyor ba 'di rnams kyang thog ma nyid du rang gi cho ga yongs su rdzogs par bya ste/ yan lag dang bcas pa'i skyed pa'i ting nge 'dzin brtan pas so/ /yan lag ni gang bskyed pa la bstan pa ni gang zhe na/ 'dir yan lag ni sdom pa phun sum tshogs pa dang/ dbang thob pa dang/ tshogs yongs su rdzogs pa'o/ /bskyed pa la brten pa ni bskyed pa las su rung ba ste 'di ltar shin tu gsal ba dang/ yun thub pa dang/ khams la gnod pa med pa dang sna tshogs par 'gyur ba'o/ /des kyang gdul bya zhing du gyur pa la bsgrub par bshad do// //gdul bya zhing du gyur pa/ zhes bya ba ji lta bu zhig /ce na yul dam pa khyad par du gsod pa dang/ bsgom pa la sogs pa la sogs pa mi 'dzin pa dang/ gang gis thabs gzhan gyis mi 'dul ba'o/ /drag po las kyi bsgrub pa bshad zin to// //de ni rdzas lhag par gnas pa'i cho ga bshad par bya ste/ de'i phyir gzhan yang dngos grub sbyor ba rnams zhes bya ba la sogs pa smos te/ las bzhi'i rgyu las byung ba ni/ /dngul la sogs pa las byas pa'o/ /gang ltar 'dod pa'i dbyibs su bsgyur/ /zhes pa ni/ rtse mor 'dus pa dang gdeng po la sogs pa'o/ /'od du zhu/ zhes pa la sog pa'i don ni rdo rje dag pa las hUM/ de'i 'od kyi rdo rje las la sogs pa bskyed pa'i rim pa bzhin no/ /'od du zhu ba las de las rdo rje kha dog lnga/ zhes pa zhi ba la sogs pa'i dbang du'o/ /sngags dngos su bas/ de'i bsam gtan ni ye shes rtags rnams bkug

  539. 270a

    bya ste/ zhes pa las kyi dbang du rdo rje dkar po la sogs pa bkug cing bstim mo/ /gzhan go sla/ dril bu phreng ba la sogs pa'ang/ zhes pa la sogs pa'i don ni/ dril bu dang phreng ba la sogs pa'i mtshan ma thams cad dang lugs ma dang/ bris sku la sogs thams cad byin gyis brlabs pa dang dbang bskur ba dang bsgrub pa byas na nus pa phun sum tshogs par 'gyur ro/ /zhes pa'i don to// //de nas khrus kyi cho ga bstan par bya ste/ de'i phyir ji srid khrus kyi sbyor ba ni/ /zhes bya ba la sogs pa smos te/ de la gang gis bum pa sbyangs nas/ zhes pa ni stong pa nyid las b+h+ruM las bum pa gzhal yas khang du gyur pa'o/ /pad+ma bzhi/ zhes pa la sogs pa ni bskyed pa'i rim pa bzhin no/ /dag pa'i sngags ni 'og nas ston to/ /ye shes chu bo ni byang chub sems te gang gis der byin gyis brlabs pa de la de skad ces bya'o/ /dam pa'i don ni stong pa nyid do/ /lha mo rgyun 'bab ni byang chub sems kyi chu'o/ /khrus 'di dag la rdzas ? rten pa'i khrus kyang yod do/ /'di skad smos pa'o/ /gnyen por gyur pa'i khrus kyang yod de/ gang dang gang 'gal bar 'gyur ba'i 'gal ba de yod de/ med par 'gyur ba'o/ /yongs su dag pa bla na med pa'i khrus kyang yod de/ de bzhin nyid lta bu'o/ /thun mong gi khrus kyang yod de/ ji skad smos pa de nyid do/ /thun mong ma yin pa'i khrus kyang yod de/ bdud rtsi rnam pa lnga la sogs pa'o/ /'dir rnam bar byad ba'i chos thams cad kyang khrus kyi ngo bo nyid la khrus kyang chos thams cad kyi ngo bo nyid do/ /khrus kyi cho ga bshad zin to// // da ni sngags kyi cho ga bshad par bya ste/ oM na mo la sogs pa'i ni bsnyen pa'i sngags so/ /'og ma ni bcing ba'o/ /mo hA pa ya ni rmongs pa'o/ /shAn ting ku ru ni zhi ba'i 'o/ /puSh+TiM ku ru ni rgyas pa'o/ /wa shang ku ru ni dbang gi'o/ /mar

  540. 270b

    ya ni bsad pa'o/ /stam b+ha ya ni mnan pa'o/ /ba lI/ zhes bya ba la sogs pa ni/ gtor ma sbyin zhing las bcol ba'i sngags so/ /oM ra ta tri sha ma/ zhes pa la sogs pa ni lta'i gdon bzlog pa'i sngags te las kyi sngags ni gzhan la yang sbyar bar bya'o/ /nA ga rA dza/ zhes pa la sogs pa ni/ klu so so'i ming gi sngags so/ /a pasma ra/ zhes pa ni lto 'phye bzlog pa'o/ /sarba pre ta ni yi dags thams cad bzlog pa'o/ /shud+d+he/ zhes bya ba la sogs pa ni/ sdig pa dag par byed pa ste khrus kyi'o/ /grih+Na la sogs pa ni las kyi sngags bsdus pa'o/ /ba ra phi twan/ zhes pa la sogs pa ni/ rigs sngags bdag po dang bcas pa ste/ gong gi mdza' dang bcas pas 'joms par byed do/ /sngags kyi bsgrub pa bshad zin te// //da ni rdzogs pa'i rim pa bshad par bya ste/ de'i phyir gang zhig dngos grub mchog 'dod pa/ zhes pa la sogs te/ de la mchog gi don ni/ mchog gi dngos grub ste/ sku gsum mo/ /de sgrub pa ni/ bsgrub par 'dod pa dang/ de yis nor bu bzhin sgrub phyir/ zhes pa ni nor bu dang 'dra par thogs pa med par 'byung ba'i phyir ro/ /de nyid rgyan ni bshad par bya/ zhes pa ni/ rdzogs pa'i rim pa gsal bar bshad par bya ste/ de la rdzogs pa/ zhes pa ni sku gsum ste/ chos thams cad 'bras bur gyur pa nyid do/ /de'i dngos kyi rgyur gyur pa ni/ rdzogs pa'i rim pa ste/ gang gis bsgom pa'i rim pa nyid do/ /'dir yang rdzogs pa'i sa la dmigs pa'i phyir te/ 'bras bu'i tshul du dang dmigs pa'i tshul du'o/ /dmigs pa'i tshul yang rdzogs pa'i rim pa zhes bya ste/ yod pa dngos su bsgoms pa nyid kyi phyir ro/ /snying gar bcu drug brgyad dang bzhi/ /dbus na thabs dang shes rab bar/ /dkar zhing zlum

  541. 271a

    pa'i thig le bsam/ /zhes pa ni/ snying gi nang du rtsa pad+ma 'dab ma brgyad pa gnyis dang/ bzhi ba gnyis kyi dbus su zla ba nyi ma kha sbyar du byas te/ de'i dbus su byang chub sems kyi thig le sgra'i tshad tsam dkar zhing zlum pa bsam par bya'o/ /'byung gzhi'i dang po yi ge brgyad/ /ces pa ni ya ra la wa bzhis nang gi pad+ma la brgyan pa/ a ka tsa Ta ta pa ?? brgyad kyis phyi'i pad+ma la brgyan pa/ rtsa dang yi ge thams cad mdog dkar por bsam par bya'o/ /yi ge rnams kyang 'od kha dog lnga dang ldan pa rtse mo las ba thag phra mo dbugs kyi rjes su 'brang ba/ rkeng pa rtse mo'i cha la gnas pa/ ting nge 'dzin gyi mig gis bltas pas gang gi rtse mo byed pa dang zhu ba'i rnam pa can du bsam par bya'o/ /de las 'byung ba lnga 'am b? dbang po rgyu ba dgag par bya/ zhes pa ni/ dbus kyi mdud pa las rtsa lngar byung nas gsung gi tshad du byung ba dang/ dbang po lnga la gzugs te/ bcur 'gyur ro/ /gang gi tshe rtsa de la dmigs nas rlung la brlab par bya'o/ /'byung ba dang ni 'jug pa dang/ gnas pa gnyis kyi bdag nyid can/ zhes pa ni/ snying gar sa bon las ba dag byung gang gis rtse mo'i thig le la 'jug pa dang/ bcas pas rtse mo dang rtsa ba'i bar du gnas pa gnyis la bslab par bya'o/ /de nas ni gnyis su med pa'i gnas la bslab par bya'o/ /de nas ni stong pa nyid kyi ting nge 'dzin gyis bsam gyis mi khyab pa'i gnas pa la bslab par bya'o/ /bsam gtan gyi sbyor ba gzhan yang gsungs pa/ khrag dang chu dang byang chub sems/ mdung dang ral gri'i sbyor ba can/ mgrin pa'i pad mar kha bye bsal/ /zhes pa dbus na ni/ byang chub sems so/ g.yas dang g.yon ni/ khrag dang chu'o/ /mdun rgyab na ni/ mdung dang ral gri lta bu ste/ 'di dag las khrag dang chu dang/ byang chub sems dang dbugs dang drod kyi

  542. 271b

    dangs ma gnas te/ kun gyi dbus na ni snying po'i sa bon can no/ /rlung la bslab pa snga ma bzhin no/ /ji ltar slob ce na/ re re la 'byung ba la sogs pa dang/ gnyis gnyis la slob pa dang/ thams cad la slob pa yang ngo/ /snang ba mdza' yas kyi gnas dag na/ zhes pa ni longs spyod kyi gnas su'o/ /bzhi bcu 'am ni/ zhes pa bcu drug dang bzhi ba'i rnam pa gyen dang thur du lta ba'o/ /sum cu gnyis zhes pa ni/ bzhi las gzhan pa'o/ /'byung bzhi ni snga ma bzhin no/ /A li bcu drug ni/ a A/ i a'i/ u a'u/ ri rI/ li lI/ e i/ o aau/ aM a(rgyud 'grel): zhes pa thabs dang shes rab kyi dbye bas/ g.yas dang g.yon du bskor ba'o/ /gang zhig spyi bo'i khang pa ru/ zhes pa ni/ bde ba chen po'i gnas su'o/ /sum cu gnyis dang bzhi/ zhes pa ni/ rtsa pad+ma'i tshul can ni/ de las gyen du lta ba dang thur du lta ba'i bye brag gis grangs su 'grang bar bya ba'o/ /A li gnyis ni nyis bskor ro/ /kA li gcig ni sde lnga pa dang/ an ta s+tha dang/ uSh+ma Sha'i phyogs gcig go /lte ba ni lte ba'i gnas su'o/ /dpa' bo gsang ba ni byang chub sems kyi bdag nyid can te/ thams cad la sbyor ro/ /brgya dang nyi shu brgyad pa'am/ zhes pa drug cu bzhi nyis 'gyur ro/ /phyed bcas ni drug cu bzhi nyid do/ /yi ge ni snga ma bzhin te/ kA li nyis bskor dang/ A li bzhi bskor ro/ /gzhan go sla kha cig slob pa'i dus dag tu/ nyi ma rdo rje'i sbyor ba ste/ zhes pa ni rab gtum gyi lte bar nyi ma'i steng du rdo rje me lta bu bsams la rlung bsdus pas dbab/ ces bshad do/ /la la yi ge thig ler 'dod/ ces pa ni/ thig le dkar dmar gyis dbab pa ni/ bde ba'i rgyan no/ /a thung ngu na gyis dbab pa ni/ ?? ? bzhin ? slob pa ste zhes pa ni gong du bshad pa nyid do/ gcig ni mdud par slob pa'o/ /ces pa ni/ 'og nas ston to/ /gzhan go sla/ gang gis rdo rje'i sbyor ba yis/ /zhes pa ni gsang ba'i 'khor

  543. 272a

    lo la slob pa'o/ /sum cu gnyis dang/ zhes bya ba la sogs pas ni/ rtse mo dang rked pa dang de'i cha dang rtsa bar bsam pa'o/ /bzhi po kho na/ zhes pa ni/ rtse mo la sogs par rlung gi 'gro ldog gis bsdu'o/ /brgyad ni steng 'og gnyi ga'i sbyor ba'o/ /gnyis ni bde ba chen po gnyis la ste dbab pa dang/ zlog pa'i bye brag go /dbab pas dga' ba skye ba dang/ zhes pa la sogs pa ni/ byang chub kyi sems gnas pa'i bye brag gi dbang du byas pa'o/ /de ni rnal 'byor ma la brten pa'i cho ga bshad pa/ gang tshe rang gi rigs mthun pa/ zhes pa ni/ rang la mdzes pa'i brgyan yod pa'o/ /byin gyis brlabs nas gnyis med sbyor/ /zhes pa ni/ gsang ba'i snying po byin gyis brlab nas rdo rje zhugs pa'o/ /des dga' ba rnams rim gyis bskyed pa'o/ /shes rab ma'i dbye ba bstan pa/ las las skyes pa ni/ khu khrag dang bcas pa las skyes pa'i bu mo'o/ /ye shes kyi bu mo ni bde bar gshegs pa la sprul pa'o/ /g.yon gyi yum ni g.yon gyi yum nyid do/ /snying gar byung ba ni sa bon las sprul pa'i bu mo'o/ /rked pa the gus bcing ba ni/ lag pa dam 'khyud de bsdams pa'o/ /dbugs kyi lcags kyu bzlog pa ni dbugs gyen du drangs pa'o/ /gzhan go sla/ nyi ma'i me ni lte bar sbar/ zhes pa ni/ gang gis lte ba nas ting nge 'dzin gyis gtum mo sbar te/ sa bon bkug pa'o/ /yang na 'byed 'dzum sbyor ba yis/ zhes bya ba la sogs pa ni 'byed 'dzum gyis rlung sngon mo bskyod pa la sogs pa'i bde ba chen po nas/ byang chub kyi sems bkug ste/ 'khor lo rim gyis gang bar bsam pa'o/ /rnal 'byor ma/ zhes pa la sogs pa'i don ni/ longs spyod dang sbrul pa'i gnas su sa bon bsam pa'o/ /thabs ni/ zhes pa la sogs pa'i don ni/ bde ba chen po dang chos kyi 'khor lo sa bon gyis

  544. 272b

    rgyas pa'o/ /sbrul gyi zhags pa/ zhes pa la sogs pa'i don ni/ ting nge 'dzin la sogs pas haM las sa bon byung ba zhu ba nas kun du 'khyil par bsam pa'o/ /de nas 'khor lo rgyas pa'i dus bstan pa ni/ gang gis gtso bo'i sbyor ba la/ zhes pa la sogs pa ste/ gtso bo'i ting 'dzin gsal nas/ de las gzhan du zhu bar gyur pa'o/ /yang na rnal 'byor bde chen por/ /gsal nas khyab pa'i spu ldang zhing/ snang ba gsum ni byung par 'gyur ba ni/ gang gis haM las blo gting gsal ba dang/ smig rgyu la sogs pa'i rtags 'byung ba dang/ spu ldang ba dang/ 'dar ba dang/ 'phar ba la sogs pa byung nas haM las sa bon phab ste/ dga' ba gsum bskyed par bya'o/ /yang na 'khor lo'i sbyor spangs pas/ zhes pa la sogs pa'i don ni/ mdud pa bcu drug la sogs par byang chub sems kyis rim par dag pa'o/ /gang zhig 'di la rtag gnas na/ zhes pa la sogs pa'i don ni/ dus nges bskyed pa yongs su rdzogs pa la/ 'bras bu dam pa thob par 'gyur ro/ /gzhan go sla/ bdud dang gnod sbyin la sogs pa/ zhes pa la sogs pa'i don ni/ gang zhig gis thog ma nyid du byang chub tu sems bskyed pa nas gzung ba'i dge ba'i stobs kyis gnod par gyur pa thams cad zil gyis gnon pa'i phyir ro/ /da ni sgrub pa'i thabs gtad pa'i yul mi mthun pa'i phyogs dang bcas te/ bstan pa gang zhig don 'di/ zhes bya ba la sogs pa smos te/ de dag gi don yang kha phyir bltas pa dang/ nyon mongs pa mang ba dang/ ched du mi byed par gyur pa la spel na/ tshe 'di dang tshe rabs phyi ma thams cad du sdug bsngal sna tshogs nyams su myong bar 'gyur ro/ /'o na gang zhig la bstan par bya zhe na/ snod ldan zhes bya ba la sogs pa'i don ni/ gzhan la mi spel ba dang/ khro ba chung ba dang/ ma chags pa dang/ mos pa dang/

  545. 273a

    dad pa dang ldan pa dang/ nga rgyal chung ba dang/ sems kyi don la dga' ba la byin na legs pa thams cad kyi rgyur 'gyur ro/ /zhes pa'i don to/ /da ni nyes pa sbyang bar bstan pa/ bdag 'dra ma rig/ ces bya ba la sogs pa'i don ni/ shes rab gzhan pa dang/ gting dpag dka' bas brtsam bar bya ba ma yin kyang rang bas dman pas rtogs par sla ba'i phyir bstan to/ /zhes bya ba'i don to/ /bla na med pa'i byang chub chen por bsngo ba ni/ bdag gis bsgrub 'di/ zhes pa'i don ni/ dge ba'i rtsa ba 'dis bstan pa/ yun ring du gnas pa dang/ sems can rnams mngon par mtho ba dang/ nges par legs pa thob par smon to/ /zhes bya ba'i don to/ /de ltar bzod par gsol ba dang/ nyes pa bshags pa 'dis ni/ bstan bcos dman par gyur pa'i nyes pa dag pa dang/ dge ba'i rtsa ba mi zad cing/ shin tu 'phel bar yang bstan to/ /nges bar legs pa thob par smon to/ /zhes bya ba'i don to/ /de kho na nyid sgron ma'i 'grel pa slob dpon dpa' bos byin gyis mdzad pa rdzogs so// mang+ga laM// bkra shis// //