Text

ff. 1a–359a · 709 folio sides

  1. 1a

    rgyud ma lus pa'i don nges par skul bar byed pa dpal gsang ba sgrub pa bzhugs so/ /

  2. 1b

    rgya gar skad du/ sa ka la tan+t+ra sa b+ha bA sany+tso ta ni sh+rI gu hya sid+d+hi nA ma:/ bod skad du/ rgyud ma lus pa'i don nges par skul bar byed pa dpal gsang ba grub pa zhes bya ba/ dpal rdo rje sems dpa' la phyag 'tshal lo/ /'jam dpal gzhon nur gyur pa la phyag 'tshal lo/ /dngos po med cing khyab pa mchog tu zhi ba'i go 'phang 'jig rten spyod pa dag las rnam grol ma/ /gang zhig rtag 'byung zhi la rgyal ba dam pa khyu mchog rnams kyis phyag byas bsam gtan dang bral ba/ /ci

  3. 2a

    yang rung ba'i gnas gyur dpal ldan rgyal ba'i sku yi dam pa rnam dag nang gi bdag nyid kyis 'jug pa/ /sangs rgyas kyis kyang rtogs par bya ba min zhing dri ma rnams dang bral ba'i de nyid de la phyag 'tshal nas/ /go 'phang mchog tu 'gro ba tshol byed pho nya mchog gyur sangs rgyas thob pa'i rgyur gyur cing/ /spyod pa sna tshogs dang 'brel rtsod pa'i dri ma'i bgegs kyis byas pa'i g.yeng ba spong byed pa'i/ /dngos grub rnams kyi skye sa rgyal ba rnams kyi yon tan brgya phrag mang po'i gnas gyur ma lta bu/ /mchog tu legs

  4. 2b

    spyod thar pa ster byed rin chen gyur pa dpal ldan gsang ba grub pa bshad/ /yon tan dpag med gzhir gyur pa/ /mi phyed rdo rje gsum gyi sku/ /gang gi spyod yul las 'das pa/ /dang por bde chen phyag byas nas/ /gsang ba grub pa bla med pa/ /sgrub pa po la phan gdags phyir/ /sems ni snying rje'i dbang gyur pas/ /pad+ma rdo rje bdag gis bshad/ /rgyud gzhan du ma nyid du yang/ /sangs rgyas mgon pos ma gsungs pa/ /nges pa'i man ngag dang ldan pas/ / de ni da ltar bdag gis bshad/ /rdzogs pa'i rim pa'i rnal 'byor gyis/ /'bad pa thams cad spang bar bya/ /bskyed pa mang zhing ring ba dang/ /dang po'i las can bsgom pa'i phyir/ /rgyud kyi dam pa'i dngos brten nas/ /dngos grub bsdu ba'i mtshan nyid can/ /bsgom pa yi ni bar chad can/ /rgyas

  5. 3a

    pa thams cad rnam spangs la/ /sangs rgyas dngos grub legs ster ba/ /shes rab thabs kyi cho ga yis/ /gsang ba grub pa bla med pa/ / bzang pos mdor bsdus bshad par bya/ /dge 'byung nyon mongs med pa dang/ /bgegs rnams thams cad 'jigs mdzad cing/ /dngos grub kun gyi rten gyur pa/ /yid bzhin nor bu mchog lta bu/ /sangs rgyas thams cad skyed byed cing/ /g.yeng ba'i dgra rnams 'joms byed pa/ /don rnams thams cad grub byed pa/ /mngon par byang chub mtshan nyid do/ /gang dang gang der gnas na yang/ /thabs bzang dag dang ldan pa yis/ /bsgom pa dag la rab gnas na/ /sgrub po gang de dngos grub 'gyur/ /sbas pa'i brtul zhugs dang ldan pas/ /chos rnams dang yang 'gal med par/ /rdor gsum dbye ru

  6. 3b

    med gzugs can/ /byang chub mchog ni thob par 'gyur/ /dus kyi nges pa yongs spangs nas/ /bla med gnas su 'gro bar 'gyur/ /srog chags gsod cing khro ba dang/ /gang yang khro ba'i las dga' zhing/ / rdzun gyi tshig gis spros pa yis/ /mi gang rmongs pas 'tsho ba yi/ /mi de dag kyang myur bar 'dir/ /spyod pa 'dis ni 'grub par 'gyur/ /gzhan gyi chung ma spyod pa dang/ /gzhan gyi nor la rku ba dang/ /dman pa'i las can smad pa gang/ /rtag tu spyod par byed pa dang/ /gang la spyod pas 'dod khams kyi/ /steng gi pha rol 'gro bar 'gyur/ /sbas pa'i rtul zhugs ngo bo nyid/ /sgrub pa po la bdag gis brjod/ /gsang ba'i spyod pa mchog bzang po/ /dngos grub kun ster thabs bcas pa/ /rdo rje sems dpa' i gnas gang yin/ /tshe 'dis la las thob par 'gyur/ /gang zhig mchog tu zhi ba nyid/ /sangs rgyas rnams kyis rtogs pa'i gnas/ /thob par 'dod pas mchog zhi ba/ /gsang ba grub pas bsgrub par bya/ /rdzogs pa'i rim pa'i rnal 'byor nyid/ /de nyid ldan pas bsgom par bya/ /gzhan du de nyid dman pas ni/ / dngos grub thob par mi 'gyur ro/ /de nyid brtags pa rnams las gzhan/ /khyad par thams cad rnam spangs shing/ /mtshan ma med cing snang ba med/ /gnyis med mchog tu zhi ba nyid/ /lung

  7. 4a

    dang bstan bcos lugs rim pas/ /ji srid rtog pa dang bcas pas/ /de srid bar du rgyas 'gyur te/ /chu la 'bru mar thim pa bzhin/ /re zhig rtogs des dgos med chog /rnam rtog sna tshogs byed pa yi/ /bstan bcos de nyid tshol mi dgos/ /bskyed pa'i rim pa'i ngo bo nyid/ /dang por de nyid shes byas la/ /de nyid bsgrub phyir nyes gnas bya/ /de nas bsgom la 'bad pa yis/ /nyams su myong ba bskyed par bya/ /de nyid gsal bar gyur sems kyis/ /phyi nas spyod pa yang dag spyad/ /rig pa dang ldan brtul zhugs kyang/ /de yi rjes la spyad par bya/ /gcig pu brtan pa'i sems kyis ni/ /gsang ba'i spyod pa spyad nas ni/ /de ni mthar thug skyes gyur nas/ /phyi nas rig pa'i brtul zhugs spyad/ /gzhan du de nyid dman pa yi / / 'tsho ba'i rgyu can nyid gyur pa/ /dmyal ba 'thob par byed pa'i rgyu/ /brtul zhugs kyis ni ci zhig bya/ /grub po de nyid la gnas pas/ /brtul zhugs med par 'grub par 'gyur/ / brtul zhugs brgya phrag la spyad kyang/ /de nyid dman na 'grub mi 'gyur/ /de nyid ldan na thams cad kyis/ /dri med de ni 'grub par 'gyur/ /sgrub po sgom pa dang ldan zhing/ /sdig pa kun las rnam

  8. 4b

    grol bas/ /brtul zhugs kyis ni chags med thob/ /dngos grub rgyal bas thob ma gsungs/ /dngos grub de nyid shes gyur nas/ /'thob kyi brtul zhugs kyis ni min/ /chags pa kun las log gyur cing/ /slongs mo gtso bor bya ba ste/ /de tsam brtul zhugs kyis khyab 'gyur/ /de nyid spangs nas dngos grub med/ /'bab? stegs? lha rten sbyin pa'ang min/ /khrus dang dka' thub de bzhin te/ /'di kun bden pa ma yin gyi/ /'di nyid gcig pu bden pa nyid/ /gnod pa skyed par byed pa yi/ /ngan pa'i las dag sngon byas pas/ /de nyid dman pa'i lus can gyis/ /brtul zhugs ngo bo ma lus myong/ /mtshams med lnga po byed pa dang/ /srid bar ngal bar byas pas kyang/ /de nyid ldan na 'grub 'gyur te/ /nor rnams phun tshogs bdag nyid kyi/ /de nyid rin chen sgom byed na// brtul zhugs med kyang de nyid ni/ /nges par bla na med par 'gro /lung gi spyod pa las gsungs pa'i/ /brtul zhugs gang zhig 'dir gnas ba/ /nor rnams sgrub par mi nus pas/ /'tsho ba'i phyir ni brtag pa nyid/ /phung po lnga yi rang bzhin gzugs/ /rnam par shes pa'i gzhir gyur ltar/ /de ltar de nyid ldan brtul zhugs/ /de nyid las ni 'jug par brtan/ /'dul ba'i thabs kyi rgyu phyir dang/ /nor la sogs pa bsgrub phyir dang/ /sems can don du de nyid bcas/ /brtul zhugs zhal gyis bzhes pa yin/ /'tsho ba yis ni thabs tsam du/ /so so'i skye bos gtsor byed pas/ /ji ltar mtshan ma'i che ba nyid/ /de nyid bral na dngos grub med/ /nor gyi 'byor pa ldan pa'i bdag /rtag tu bsgoms par ral byas pa'i// smyon pa'i gzugs nyid la brten cing/ /gsang ba grub par rnam gnas nas/ /de nyid rdo rje 'chang bla ma/ /bsgom dang ldan pas 'grub par 'gyur/ /gzhan du de nyid ldan gyur kyang/ /dngos grub 'bras bu'i snod mi 'gyur/ /de ltar

  9. 5a

    phyi rol yongs bcad la/ /de nyid bla med shes byas nas/ /sangs rgyas nyid du nges bya ste/ /blo ldan gsang ba grub par spyod/ /rnam par g.yeng ba kun gyi gzhi/ /brtul zhugs spangs shing de nyid shes/ /shes rab thabs kyi cho ga yis/ /go 'phang mchog ni bsgrub par bya/ /de nyid de yang rgyud gnas pas/ /dpal ldan gsang ba 'dus par gsal/ /spros pa du ma rgyas gyur pas/ /gzhan du sbas nas bstan pa yin/ /bya ba spyod pa'i dbye ba dang/ /mdo sde'i sde snod la sogs su/ /mchog tu dag pa gcig pu nyid/ /rnam pa du mar rnam par gnas/ /phung po rin chen snod nyid du/ /sems can bsam pa'i bye brag gis/ /de nyid 'bad pas sba mdzad nas/ /sangs rgyas mgon pos rnam par bzhag /byang chub sems mchog rnam par dag /bla ma'i zhabs kyi bka' drin gyis/ /rang gi lus la rab gnas pa/ /de ni 'bad pas rig par bya/ /de nas spyod pa bya ba 'am/ /khyim du gnas te bsgom par bya/ /de nyid rin chen rnam dag bdag /rtsod pa thams cad rnam spangs pa/ /thabs bzangs po ni rnam spangs nas/ /'gal ba'i dam tshig la sogs la/ /gzhan du gang zhig sgrub gyur pa/ /de ni du 'bad sogs par 'tshed/ /ji ltar me ni 'bar gyur pa/ /de ni rtsa shing phung po dag /bcug nas thal ba nyid du 'gyur/ /myu gu sogs pa'ang 'byung mi 'gyur/ /de bzhin de nyid med bzhin du/ /ngo mtshar che ba ltar byed pa/ /ji srid nam mkha' gnas bar du/ /shi ba'i 'og tu dmyal bar 'gro /ji ltar 'ga' zhig sbrul gdug la/ /sman dang sngags sogs mi ldan par// rmongs pa bdag nyid gang rtse ba/ /gshin rje'i gnas 'gro 'dod pa yin/ /ji ltar mdza' med rgya mtsho la/ /gru med gzhan zhig 'jug 'gyur ba/ /thabs dang rten med gyur nas ni/ /skad cig gis ni 'chi bar 'gyur/ /de bzhin dza yi mdza' can

  10. 5b

    rgyud/ /yang dag rab sbyin spangs gyur pa/ /smad cing dman pa'i las rnams ni/ /byas na mnar med 'gro bar 'gyur/ /rnyed dka' bla med go 'phang mchog /de nyid ces byar mngon brjod pa/ /gang gis dag pa de thob pa/ /de yi thabs ni bdag gis brjod/ bla ma dang ni rdo rje 'dzin/ /gang gis gnyis su med par mthong/ /dngos grub bsdus pa'i mtshan nyid can/ /de nyid de ni 'dir thob 'gyur/ /gang yang khro zhing nga rgyal can/ /bslus pa byis dang spros la dga' / /'dod cing chags pa'i sems can gang/ /gang las rnyed cing gang las min/ /g.yo sgyus bla mar phyag byed cing/ /skyon rtog pa la ched du byed/ /brdzun pas nga rgyal gdug pa can/ /tshig gis rtsod la rtag tu gnas/ /rdo rje spun dang bla ma la/ /bslu pa'i bsam pa brtan pa can// sems can des ni dngos grub kun/ /ster ba'i go 'phang de mi thob/ /'dir ni 'di 'dra gzhan yang mthong/ /ji srid 'dod pa thob bar du/ /phyag 'tshal mchod dang bsnyen bkur gyis/ /brtan par bla ma mnyes byas nas/ /go 'phang mchog ni thob nas ni/ /mdun nyid na ni gnas na yang/ /su zhig gang nas ji ltar 'ongs/ /rang bzhin ngan pas mi shis so/ /gcig pu mthong nas ring po nas/ /gus par phyag ni 'tshal byed cing/ /de yang mang po'i nang du ni/ /bde bar byon nam tsam gyis phongs/ /de lta bu yi sems can gang/ /mya ngan 'das mchog go 'phang mchog /yang dag gsung pas gang gsungs pa/ /de yi thob par mi 'gyur ro/ /gzhan yang sems can 'di lta bu/ /bla ma smod dang dag kyang mthong/ /ngo tsha spangs shing spyod pa ring/ /yang dag rim pa sun 'byin pa/ /rgyud ni bsdu ba tsam nyid kyis/ /de yi dngos la kha phyir ltas/ /dbang bskur rjes gnang med par yang/ /slob ma dag ni sdud par byed/ /glegs bam mthong bas dga' 'gyur nas/ /gsang

  11. 6a

    sngags rang nyid len par byed/ /slob dpon las ni shes min pa/ dam tshig spyod pa rnam par spangs/ /sems can rnams ni sdud pa na/ /glegs bam bka' yi byed pa yin/ /de nyid shes pa ma yin par/ /gang phyir yang dag gsungs pas bstan/ /de lta bu dang de dag nyid/ /kun kyang sdig pa'i las can de/ /dam pa min pa'i lam zhugs nas/ /dmyal ba dag tu 'gro bar gcig /sdug bsngal 'bongs dang nyon mongs dang/ /sna tshogs nang kyis gtses pa'i mthar/ shi nas dmyal bar 'gro bar 'gyur/ /skye gnas ngan par skye bar 'gyur/ /bde gshegs dngos grub 'dod na ni/ /dam tshig spyod pa spangs pa yis/ /sgrub dka' de dang lhan cig tu/ /gnas pa nyid duAng mi bya'o/ /dngos po kun gyi slob dpon la/ /ji srid mnyes par gyur bar du/ /lus ngag yid kyi brtan pa ru/ /dus ni ring por mnyes byed pa'i/ slob ma shin tu dri med pa'i/ /de nyid yang dag rab sbyin gnas/ /bla ma'i zhabs kyis bka' drin gyis/ /de nas bgegs med thob 'gyur ba/ /rdo rje gsum dbyer med pa'i dngos/ /de nyid rgyal po yangs pa ste/ /nyin dang mtshan du bsgoms pa yis/ /dngos grub myur du des 'thob 'gyur/ /sngags dang phyag rgya rgyas gyur pa'i/ /dngos grub sgrub pa'i dbang po la/ /rgyud rnams du mar gsungs pa yi/ /bzlas dang sbyin bsregs brtul zhugs sogs/ /thun mtshams bzhi yi cho ga yi/ /yul dang dkyil 'khor bri la sogs/ kha dog gzugs sogs dbye ba yi/ /rig rnams su ni rnam brtags dang/ /khrus dang lha mchod smyung ba dang/ /phyag rgya 'ching ba'i rigs de bzhin/ /sku gzugs la sogs cho ga dang/ /mchod rten las ni rgyas pa dang/ /de ltar rnam pa sna tshogs pa'i/ /rnam rtog sna tshogs byed pa yi/ /grub pa sems can bsam rim

  12. 6b

    bzhin/ /dpal 'byung ba yi mgon pos gsungs/ /de ltar rnam rtog 'bum phrag gi /yang dag gsung ba grub gsungs pa/ /der ni dngos grub gang grub pa'am/ /'on kyang 'dir ni de mi 'grub/ /lo gcig la sogs bskal ba dang/ /gcig dang gnyis su srid pa'i mthar/ /sgrub po gang gis 'grub 'gyur ba/ /chos kyi rnam grangs rgyas gyur pa/ /skye ba grangs med du ma ru/ /bsgom la brtan zhing chags med pas/ /sgrub pa'i dbang po grub pa ru/ /'gyur bar gang zhig sdang gsungs pa/ /de ni re zhig 'dir mi dgos/ /thob par 'gyur ba dgos ma yin/ /grub pa'i bde ba las lhag pa'i/ /lus gdungs sdug bsngal gyi mi 'thob/ /dpal ldan 'dus pa zhes bya 'dir/ /spros pa thams cad rnam spangs nas/ /rdzogs pa'i rim pa'i rnal 'byor gyis/ /tshe 'di nyid la 'grub par 'gyur/ /dpal ldan 'dus las mchog gzhan med/ /'jig rten gsum gyi rin chen gyur/ /snying po las kyang snying po mchog /rgyud kun gyis ni bla ma'i bla/ / bstan dang bshad pas rnam gnas pa/ /rdzogs pa'i rnal 'byor rim pa nyid/ /'dus pa gang gis mi shes pa/ /de yi dngos grub ji ltar 'grub/ /the tshom thams cad gcod byed cing/ /mi shes rab rib sel byed pa/ /sangs rgyas rin chen za ma tog /dpal ldan 'dus pa yongs spangs nas/ /rnam rtog du mas brtags pa yis/ /rmongs pa dngos grub 'dod gyur pa/ /mkha' la khu tshur rdeg pa dang/ /smig rgyu'i chu la 'thung ba bzhin/ /dang po'i las can bsgom pa yi/ /spros pa'i rgyud rnams spang byas shing/ /thabs dang shes rab shes byas nas/ /ji lta ba bzhin rnam par mnos/ /de phyir nges byas sems gcig pa/ /blo dang ldan pas bsgom par bya/ /nyin dang mtshan du bsgom byas na/ /'grub 'gyur 'di la the tshom

  13. 7a

    med/ /tshes grangs med cing rgyu skar med/ /'di la smyung ba bshad pa med/ /gnyis med ye shes dang ldan na/ /bde bar gshegs pa'i dngos grub 'gyur/ /yon tan gter gyur rdo rje 'chang la dri med rdo rje gsum gyis rtag tu gus byas la/ /skya ba'i rgya mtsho sdig pa'i rlabs dag mang ldan pa la grub gyur gcig pu mchog /gsang ba'i yon tan 'byung 'gyur dri ma bral zhing don kun sgrub cing rab tu sbyin par byed pa yi/ /rgyud nas gsungs pa'i lam dang ldan pa'i sgrub pa blo dang ldan pas deng nas brtsam par bya/ /don dam pa'i yi ge gsum dang ldan pa'i rgyud kyis dam pa'i don nges par bsdus pas dpal gsang ba grub ba zhes bya ba dpal rdo rje sems dpa' mnyes par bya ba dang brtul zhugs dang de kho na nyid nges par bstan pa zhes pa'i le'u ste dang po'o// //rgyud gzhan rim pa ma yin pa'i/ /cung zad sdus pa'i lam nyid las/ /gsang ba las byung sgrub pa'i thabs/ /de las yang dag bshad par bya/ /phyi rol de nyid bya ba'i lam/ / shin tu ring ba kun spangs la/ /lugs bcas rnal 'byor rim pa yis/ /ji lta ba bzhin bdag gis brjod/ /slob dpon phal cher 'di skad brjod/ /dpal ldan 'dus pa mdangs chen gyi/ /rgyud kyi sdud par byed pa po/ /dpa' bo 'jig rten dbang phyug zer bla ma zhabs kyi bka' drin gyis/ /dpal ldan 'dus pa'i sdud pa po/ /gzhan dag yod pa ma yin zhes/ /bdag nyid 'ba' zhig smra bar byed/ /rgyud mdzad pa ni thugs rje che/ /gsung ba po de brjod pa'ang de/ /de las gzhan dag yod min pas/ bde chen las gzhan gsung pa med/ /'di skad thos pa'i tshig gang dang/ /bzhugs zhes bya ba'i tshig gnas pa/ /thugs kyi rdo rje bdag nyid kyis/ /sangs rgyas kun la bstan pa yin/ /dpal ldan bde chen mgon po yis/ /bzhugs zhes bya ba'i tshig bzang por//

  14. 7b

    ji ltar bzang po gang bstan pa/ /de bzhin bdag gis cung zhig brjod/ /dus gcig mchog tu mdor bstan pa/ /gang tshe gtso pos gsungs pa na/ /sangs rgyas rnams kyi rgyud bden don/ /bde ba chen po bdag nyid yin/ /rgyal ba'i sras po thams cad kyis/ /rgyud don bden pa de thos nas/ /'dar zhing 'jigs pa dang ldan pas/ /dbang phyug mchog la de nyid zhus/ /dpa' bo chos nyid 'di lta bu/ /gtso bo gsung bar dka' ba gsung/ /sangs rgyas kun kyang thams cad du/ /shin tu 'jigs pa skyed byed pa// rdo rje theg pa bla na med/ /shin tu gsang ba 'byed par byed/ /chos kun mnyam nyid gcig la nyid/ /gang yin gtso bo khyed kyis gsungs/ /'di skad brjod par gyur pa na/ /sangs rgyas grags chen thams cad kyang/ /'dar zhing brgyal bar gyur ma kyang/ /byang chub sems ni thugs la bzhag /e ma'o gsang pa las gsang ba/ /rdo rje theg pa'i bshad pa 'di/ /ngo bo med cing dag gyur la/ /gang las dpe yang yod min pas/ /sangs rgyas thams cad brgyal gyur pa/ /rdo rje sems dpas de gzigs nas// bde ba chen po'i bdag nyid kyang/ /ting 'dzin bzang po la gnas nas/ /de nas sangs rgyas rdo rje dang/ /pad+ma'i snyoms 'jug sbyor ba mdzad/ /mchog tu dga' ba'i gzugs can gyi/ /'jam po'i gsung gis gsung bar mdzad/ /kye kye rgyal ba thams cad gzigs/ /byang chub sems kyi rnam 'phrul yin/ /gang du lus ngag sems med pa/ /der ni gzugs su rab tu mthong/ /byang chub sems kyi sbyor ba yis/ /ji srid 'bad pas rtogs 'gyur ba/ /sangs rgyas kun gyi gnas shis pa/ /chos 'byung mi 'gyur zhi ba nyid/ /shes rab rang gi dngos de srid/ /kun tu bzang po'i ye shes kyis/ /spros pa med cing dag pa las/ /'di dag thams cad rnam par 'phrul/ /mchog tu shis shing rnam dag gang/ /sangs rgyas kun gyis phyag

  15. 8a

    byas pa'i/ /brjod min kun la khyab par gnas/ /thams cad de yi rnam 'phrul yin/ /bzang po de nyid gnas pa yang/ /mkha' dbyings zhes bya'i sgrib bral la/ /mchog tu dga' ba'i gzugs can gyis/ /sems can kun gyi bde 'byung byed/ /rnam dag shes rab lus las byung/ /sangs rgyas kun gyi gnas zhi pa/ /lha rdzas chos 'byung mi 'byung ba/ /glo yis de ni bdag gis brtan/ /a'i cha byad bzang po la/ /dbus su baM gis rnam par brgyan// bde ba kun gyi gnas gyur pas/ /sangs rgyas rin chen za ma tog /rgyud kyi dang por gang gnas pa/ /de phyir de ni bshad par bya/ /dpa' bo bde chen 'di skad du/ /de bzhin gshegs pa kun la gsungs/ /gang zhig sangs rgyas thams cad kyis/ /sku gsung thugs kyi tshul dag gis/ /gnas shing dngos grub bzang ster ba/ /shes rab ces bya'i ming gi gnas/ /de la gnas pa gang yin pa/ /b+ha ga zhes bya'i yi ge gnyis/ /dag pa'i de nyid ces bya ste/ /don dam pa de bdag gis brten/ /sangs rgyas byang chub sems dpa' dang/ /bcas pa'i sku gsung rdo rje nyid/ /dag pa de lang gnas nas/ /ji ltar 'dod pa bzhin du spyod/ /chos kyi 'byung gnas spangs pa yis/ /chos gnas dag pa gzhan dag med/ /gang la sangs rgyas kun 'byung zhing/ /sangs rgyas byang chub rab gnas pa'o/ /dag pa de nyid gnas med pas/ /'jig pa nyid du ma byed cig /chos 'byung mi 'gyur zhi ba nyid/ /rdo rje btsun mo nyid la gnas/ /dud 'gro la sogs 'gro ba kun/ /de las thams cad 'byung bar 'gyur/ /rgyal bar ci yi phyir na yang/ /khyod ni 'jigs pa nyid du 'gyur/ /sangs rgyas snying po las byung ba/ /de ni de yi chos nyid mchog /snying po'i ye shes mdza' gcig pu/ /ma byung 'byung bar mi 'gyur ro/ /de nyid 'di skad thos 'gyur

  16. 8b

    te/ /sangs rgyas byang chub la gnas nas/ /bye ba kun gyi bstod byed cing/ /phyag 'tshal gzugs kyi 'byung bar 'gyur/ /sems can kun la phan ston pa'i/ /snyan pa'i tshig rnams smra byed pa/ /thub chen dpa' bo chen po ni/ /'gro ba'i mgon gyis bshad du gsol/ /sangs rgyas kun gtso yongs dag pa/ /rdo rje theg pa skor mdzad cing/ /'gyur ba med cing snang ba med/ /gnas med de nyid bshad du gsol/ /dpa' bo nyon mongs mtsho chen las/ /rgyal bas ji ltar nges grol ba'i/ /de nyid mchog ni bshad du gsol/ /de nyid kun gyi mchog gi mchog /bzhugs zhes bya ba'i tshig gi 'gor/ /e baM tshig gis rnam brgyan pa/ /gang zhig shes ba tsam gyis ni/ /bde gshegs dngos grub 'byung 'gyur ba'o/ /dpal ldan bde chen rdo rje 'chang/ /de ltar gsol 'debs gsan gyur nas/ /sangs rgyas byang chub sems dpa' la/ /go 'phang mchog ni gsung bar mdzad/ /'di ltar sangs rgyas thams cad la/ /rdo rje snying po kun bsdus pa/ /shin tu gsang ba phyed mdzad nas/ /rdo rje thugs kyi bstan pa ltar// 'di ltar rnam par gnas pa bzhin/ /de bzhin bdag gis bshad par bya/ /bla ma zhabs kyi bka' drin gyis/ /gsal por thams cad shes byas nas/ /dngos grub thams cad kun bsdus pa/ /bzang po de nas bshad par bya/ /rgyud kyi dang por rnam gnas pa/ /snying po las ni snying po mchog /de nyid bde chen mgon po yis/ /gsang ba de nyid ces byar gsungs/ /sangs rgyas byang chub sems dpa' dang/ /sems can kun gyi bde 'byung ba/ /gsang ba'i rtog pa'i dbang rgyal po/ /dpal ldan 'dus par rnam par gnas/ /e baM rnam dag yi ge la/ /khams gsum po kun gus phyag 'tshal/ /gang de dpal ldan 'gro mgon gyis/ /phyag rgya'i mchog gyur brtags pa nyid/ /de ni shes rab ces byar grags/ /thog ma bar mdza' dri ma med/ /ye shes

  17. 9a

    rdo rje gsum 'byung? ba/ kun rdzob gzugs su rnam par gnas/ /sems can rjes su bzung ba'i phyir/ /las kyi phyag rgya zhes byar grags/ /mi mo'i lus la brten nas ni/ /sems can kun la phan par mdzad/ /kun khyab dge ba thams cad pa/ /shes rab lha mo bla na med/ /gcig pu bzang po 'byung 'gyur ba/ /sems can mgon gyis bsten pa yin/ /mkha' dbyings pho brang nyams dga' na/ /sna tshogs thugs rje can gnas pa/ /de la bya ga zhes brjod dang/ /e baM? zhes bya'i mig? gnyis la/ /lus ngag yid kyi sbyor ba yis/ /sangs rgyas kun gyi de nyid gnas/ /de phyir de nyid mdor bstan dang/ /rgyas par bstan pa'i tshul gyis gnas/ /dpal gsang ba 'dus pa rje btsun gyi nang na gnas pa yang/ /de'i gzhung lugs nyams pa spas pa las shin tu sbas pa'i don dam pa'i bdag nyid can gyi rgyud kyi ngo bo nyid dbang du byas nas brjod par bya'o/ /'di lta ste/ bsam gyis mi khyab pa'i brten pa dang/ g.yo ba'i dngos po thams cad kyi ngo bo de bzhin nyid kyi ye shes sgyu ma'i rang bzhin gyi rjes su byed pa'i gzugs can thugs rdo rje'i skyes bu chen po'i mtshan sum cu rtsa gnyis kyi brgyan pa'i skur gyur nas/ dpal gsang ba 'dus pa e baM zhes bya ba la sogs pas don dam pa'i de kho na nyid sangs rgyas dang byang chub sems dpa' rnams la don dam pa'i ngo bo nyid kyi nges par ston to/ /don dam pa'i bsam gyis mi khyab pa'i lha'i gzugs de nyid rgyud kyi rim pa ji lta ba bzhin du byang chub sems dpa' bcu bdun gyi go rims kyi nges par rdzogs par gyur nas do rab tu ston par mdzad de/ dang po gleng gzhi'i le'u las/ /byang chub sems dpa' bcu bdun gyi med brjod pa'i mdza' na/ ji ltar chos kyi dbyings kyi ngo bo mngon par bsgom pa'i rdo rje zhes bya ba'i byang chub sems

  18. 9b

    dpa' sems dpa' chen po dang zhes bya ba la sogs dbang du byas nas brjod de/ /'di ni re zhig dang po'i lha rnal 'byor yin te/ chos kyi dbyings kyi ngo bo nyid dngos po med pa'i gzugs can yin pa'i phyir ro/ /lus dang ngag dang yid kyi bdag nyid can du gyur nas/ dam tshig dang/ ting nge 'dzin dang/ bzlas pa'i cho ga'i lugs sngon du 'gro bas/ sa la sogs pa'i ma bzhi'i rigs dang lhan cig nam mkha' i khams su rnam par gnas nas 'dod pa'i yon tan lnga'i longs spyod kyi sgo nas/ brjod du med pa'i yang brjod du med pa'i dud 'gro la sogs pa'i sems can gyi rim pa ma lus pa'i byin gyis brlabs pa'i sngags kyi sku mchog du dga' ba'i gzugs can/ bde ba mchog gi gtso bo'i dpal pad+ma'i dkyil 'khor byin gyis brlabs pa/ sangs rgyas dang byang chub sems dpa' rnams kyi don dam pa'i chos nyid kyi dam tshig gi de kho na nyid sgra thos pa na/ brgyal bar gyur pa'i de bzhin gshegs pa rnams slang bar bya ba'i phyir/ e baM zhes bya ba la sogs pas don dam pa'i de kho na nyid gang yin pa de 'dod brjod par bya'o/ /rgyud kyi dang por gang gnas pa/ /sbas pa de phyir bshad par bya/ /rdo rje btsun mo las byung ba/ /e baM rnam dag yi ge nyid/ /e baM nam mkha' i khams su brjod/ /ma ya phyag rgyar rjes su thob/ /gang zhig de ni ston byed pa/ /thos pa zhes bya 'dir brjod do/ /rtog med kun mkhyen ye shes nyid/ /dus cig pa yang de yin no/ /b+ha ga'i gzugs can gang yin te/ /nam mkha' i khams zhes bya bar brjod/ /dus gcig na zhes gang bstan pa/ /de mdor bstan pa zhes brjod do/ /nam mkha' i khams zhes bde 'byung ba/ /gang yin bdag gis der brten to/ /sna tshogs dril bu rnga yab phreng/ /dril bu rin chen gyis nyer brgyan/ /sangs rgyas rang bzhin kun bzang po/ /gnas kyi mchog der mchod par byed/ /bcom ldan 'das zhes nyer bstan pa/ /gtso bo bdag po thugs

  19. 10a

    nyid do/ /rdo rje btsun mo zhes brjod pa/ /shes rab rgyal ba kun dngos te/ /thams cad ces bya sgra brjod pa/ /mi bskyod la sogs de bzhin gshegs/ /de yi sku gsung thugs gang yin/ /thugs nyid du ni rnam par gnas/ /rnam dag btsun mo'i b+ha ga der/ /bde ba chen po rnam par bzhugs/ /dngos po kun gyi ngo bo yis/ /mchog tu dga' bas rnam rol cing/ /e yi cha byad bzang po la/ /dbus su baM gis rnam par brgyan/ /der ni rdo rje 'dzin mchog gnas/ /shes rab las byung zhi ba nyid/ /der ni sangs rgyas kun 'byung zhing/ /de nyid du ni rnam par gnas/ /ri rab rdul phran grangs snyed kyi/ /mdza' med bskal ba bye ba ru/ /sangs rgyas byang chub sems dpa' dang/ /bcas pa'i pad+ma'i dkyil 'khor de/ /dpal ldan bde chen rdo rje 'chang// dpal dang ldan de de na bzhugs/ /nam mkha' i khams zhes bya ba der/ /til gyi gang bu gang zhig mthong/ /gang gA'i klung gi bye snyed kyi/ /de bzhin gshegs pas yongs gang pa/ /yi ge de yi de kho na/ /brten par byas pa'i thabs nyid kyis/ /sangs rgyas byang chub sems dpa' rnams/ /bla med go 'phang thob par 'gyur/ /de ltar bzhugs zhes bya ba'i tshig /don dam nyid du rnam par gnas/ /gzhan du de nyid rnal 'byor pa'i/ /nyams su myong ba skye mi 'gyur/ /rdo rje thugs sam gzhan yang rung/ /dpal ldan bde chen rgyal po ni/ /'dus pa zhes bya'i byed po gang/ /de ni e baM 'di rab gnas/ /e baM zhes sogs rnam dag dang/ /sh+ru ta zhes bya'i yi ge gnyis/ /gsang ba'i tshig gnas nges par yang/ /rgyud kyi dang por brjod par bya/ /'di dang 'chad par 'gyur ba yis/ /de ni byed pa por 'dod do/ /'di ni yi ge gnyis po ni/ /rgyud kyi dang por med mi 'dod/ /mchog tu dri med go 'phang ni/ /de ltar rnam dag shes gyur nas/ /dpal ldan 'dus par gang gsungs pa/ /sangs rgyas kun gyi gnas zhi ba/ /dngos grub mchog gyur

  20. 10b

    dang shes nas/ /rgyud pas khyab par brjod par bya/ /dge ba'i bshes gnyen bzhin gsungs pa/ /dam tshig spyod pa ston pa po/ /dag cing brjod du med pa yi/ /byang chub sems ni thams cad du/ /rab tu rgyas pa'i rgyud thams cad/ /lam nyer ston par rnam par gnas/ /chos 'byung yi ge zhi nyid du/ /brjod du med par rnam par gnas/ /de yi dbye ba mdza' med pas/ /sna tshogs khyab nas rnam par gnas/ /'di ni spun pa 'dra ba yi/ /de yi dbye ba kun spangs pa/ /de ni rnam dag ngo bo nyid/ /sgrub pa'i thabs ni bdag gis brjod/ /dngos po med pa de nyid ni/ /thabs bcas pad+ma rdo rje skyes/ /dga' bral mchog dga' i bar nyid du/ /mtshon nas gang zhig rnam gnas par/ /rtag tu ? btang yid nyid kyis/ /gang zhig der gnas 'grub par 'gyur/ /sgrub po sgom pa ldan pa yis/ /lha yi ye shes nyams myong 'gyur/ /don dam pa'i yi ge gsum dang ldan pa'i rgyud kyi dam pa'i don nges par bsdus pa dpal gsang ba grub pa zhes bya ba dpal rdo rje sems dpa' mnyes par bya ba las bzhugs pa'i tshig nges par bstan pa zhes bya ste le'u gnyis pa'o// //de nas gsang ba bshad par bya/ /shes rab thabs ni rnam sgom pas/ /thugs ni rdo rje dran pa nyid/ /gsang ba las kyang gsang ba mchog/ rang gi lus la gnas pa yi/ /dag pa gang zhig shes gyur nas/ /gnas bzang por ni gnas par 'gyur/ /de ni bdag gi yang dag bshad/ /dpal ldan 'dus pa'i rjes 'brangs pa'i/ /dngos grub bzang po sgrub pa'i phyir/ /mkha' dbyings lha yi gzhal yas na/ /ji lta ba bzhin yang dag gnas/ /bzang po rang gi sbyer byed pa/ /thog ma dbus mthar dri ma med/ /dang po'i las can sems can rnams/ /mtshon cing yid ches byed pa'o/ /mkha' dbyings rdo rje kun sbyor ba'i/ /reg las ngo mtshar chen po nyid/ /bde ba gang zhig 'byung 'gyur te/ mchog tu dga'

  21. 11a

    bar byed pa'o/ /de zad nas ni dga' bral te/ /gang gi mdza' na dga' bral can/ /rang gi ngo bo bstan med pa'i/ /bdag nyid cung zhig 'byung bar 'byung/ /dbang po kun las rnam grol zhing/ /gnyis med mchog tu zhi ba nyid/ /khyab cing rang bzhin med pa yi/ /rtogs pa de ni go 'phang mchog /lha rdzas kun bzang zhes bya ba/ /dga' bral mdza' na rnam par gnas/ /mchog 'di sgrub po rnams kyi ni/ /grol ba'i gnas su rab tu grags/ /dpal ldan 'dus pa de nyid gang/ /bde gshegs dam pas gang gsungs pa/ /dngos med mchog tu rnam par dag /byang chub sems ni bla med pa/ /rang bzhin dag pa de nyid ni/ /bdag gis rgyas par bstan par bya/ /nam mkha' i khams kyi dbus gnas par/ /zla ba'i dkyil 'khor bsgom par bya/ /zhes bya ba la sogs pas bstan par bya'o/ /gang zhig mkha' dbyings steng du rin chen 'gyur/ /bde ba kun gyi rang bzhin rnam par gnas/ /dbus su yon tan gyis brgyan sems gyur pa/ /de 'dir skyes bu'i sna rtse zhes byas bstan/ /rtog pa dang bcas sems zhes bya bas der/ /zla ba'i gzugs dang sangs rgyas sku yis khyab/ /longs spyod rdzogs sku bde ba'i ngo bo nyid/ /kun rdzobs byang chub sems zhes de la brjod/ /kun rdzob byang chub sems ni nub gyur cing/ /der ni dga' bral zhes bya 'byung gyur nas/ /mnyam med sprul pa'i sku yi brgyan gyur cing/ /sangs rgyas sna tshogs du ma spro bar byed/ /gnas skabs gang la dga' bral zhes bya ba'i/ /skad cig b+ha ga'i dbus su 'byung 'gyur te/ /yungs kar zhes bya'i ming gi rnam gnas pa/ /de la sprul pa'i sku zhes rgyal bas gsungs/ /bde ba'i dngos 'dir longs spyod rdzogs sku dang/ /sprul pa'i sku yang 'gags shing bzhugs gyur pa/ /bdag med rdo rje rim gyis cho ga bzhin/ /kun rtog rnam par rtog pa nges par spangs/ /bdag med rdo rje shin tu dri ma med/ /de nas dga' bral bde ba rnam par spangs/ /mar

  22. 11b

    la mar bzhag bzhin du skad cig gis/ /byang chub gnas dang lhan cig gcig tu byas/ /der ni dga' bral bde ba son gyur nas/ /bdag med rdo rje shin du brtan par bzhugs/ /der ni brjod med shes byar gang gnas pa/ /rnam dag byang chub go 'phang kun 'gro ba// shes bya'i bdag nyid dpag med mdangs ldan pa'i/ /de nyid bdag nyid lhan cig gzugs bsgom bya/ /dga' bral zhes bya gang gis brjod min pa/ /de yi mtshon rdzogs bsam mi khyab pa'i gzugs/ /kun tu dri ma med pa'i ngo bo nyid/ /yid bzhin nor dang bum pa bzang zhes pa/ /so so rang rig lugs bzhin rig gyur pas/ /don dam rnam dag rgyal ba rnams kyi sku/ /byang chub dam pa mchog gtso de nas bsgom/ /bzang po bde ba'i sar gyur kun 'gro ba/ /gsang gsum dri med rin chen de nyid bcas/ /rtag tu sems can don du lugs rig pas/ /dbang po gnyis sbyor mchog tu rab brtags nas/ /'od zer du ma de nas sgro bar bya/ /gcig dang du ma'i ngo bo khams gsum 'di/ /dngos po rang bzhin med par rnam par dpyad/ /de nyid de ni bzung ba la/ /'bad pa'i thabs gzhan spyod min pas/ /bla ma zhabs kyi bka' drin gyis/ /shes nas blo dang ldan pas bsgom/ /bdag nyid dri med zhi ba yi/ /de nyid de dang ldan gyur pas/ /las kyi phyag rgyas bsgom pa yang/ /'dir ni 'grub 'gyur the tshom med/ /las kyi phyag rgya mnyam ldan pas/ /rdo rje pad+ma mnyam sbyor bas/ /bden pa gsung bas mngon sum du/ /'di 'dra'i bsgom pa gang gsungs pa/ dang po'i las can sems can la/ /las kyi phyag rgya gang spangs nas/ /byang chub sems ni rab bstan pa/ /gzhan gyi mtshon pas mi 'thob ste/ /dang po'i las pas rig bya ba/ /thog ma bar mdza' dri med pa/ /gnas te gzhan du nus ma yin/ /de lta'i de nyid mchog zhi ba/ /mkha' dbyings zhes byar gnas pa ni/ /rdo rje pad+ma mnyam sbyor dang/ /yang dag rang bzhin

  23. 12a

    gyis thob 'gyur/ /kun tu 'gro ba de nyid ni/ /dang po'i las pas bzung ba'i phyir/ /mkha' dbyings pho brang bzang po ru/ /sgrub po mchog gis thob par 'gyur/ /mya ngan 'das mchog gang yin te/ /bde ba'i ngo bo dngos med pa// de ni phyag rgya la brten nas/ /rang gi rig pa'i ngo bor gnas/ /shes rab thabs dag rnam bsgoms pas/ /de ltar de nyid shes byas la/ /chos 'byung mi 'gyur zhi ba nyid/ /ji lta ba bzhin rnam par gnas/ /ngo mtshar mchog gyur rdo rje can/ /de yi tshe na sgrub par bya/ /rang lus thabs dang ldan pa'am/ /yang na las kyi phyag rgyas so/ /las kyi phyag rgyas pad+mar gnas/ /mtshon du med par gang gnas pa/ /gong nas gong du bsgom pa yis/ /zhi dpal rdo rje 'dzin par mtshon/ /de ni bdag gis thams cad bstan/ /gzhan yang bdag gis bstan par bya/ /las kyi phyag rgya dang ldan pas/ /de nyid ldan pas bsgom par bya/ /phyag rgya med par lha rdzas nyid/ /de bzhin sgrub pas 'thob par 'gyur/ /mya ngan 'das pa'i go 'phang mchog /mdor bsdus bdag gis bshad par bya/ /las kyi phyag rgya khro rgyu can/ /ye shes phyag rgya yang de bzhin/ /rnam rtog mang ba spangs byas la/ /phyag rgya chen po rnam sgom bya/ /rnam par g.yengs pa kun 'byung ba'i/ /bud med phyag rgya rnam spangs la/ /rang lus thabs dang ldan pa yi/ /phyag rgya chen po bstan par bya// rang gi rig pa'i lha rdzas de/ /phyag rgya chen po mchog tu dge/ tha mal lus la brten nas gnas/ /shes rab chung bas mthong mi 'gyur/ /mi 'gyur ba yi rang lus de/ /mchog gcig gis ni shes par 'gyur/ /bla ma'i bka' drin gnang ba la/ /ji lta ba bzhin rnam par gnas/ /rtswa shing 'khri shing la sogs la/ /kun tu gnas par gyur pa yang/ /mi yi thabs dang bral ba yis/ /me ni mthong bar 'gyur ma yin/ /thabs dang bral na nam du yang/ /lha rdzas yon tan kun 'byung ba/ /gnyug ma'i lus

  24. 12b

    po gnas na yang/ /shes rab de bzhin mthong mi 'gyur/ /ji ltar bud shing khu ba dang/ /til la til mar ji bzhin pa/ /de bzhin lus la thams cad du/ /shes rab pha rol phyin pa gnas/ /lha rdzas mchog de thams cad la/ /rnam par gnas par shes par bya/ /sangs rgyas kun gyis skyed byed pa/ /shes rab lha mo bla na med/ /khams gsum ma lus pa 'di dag /gang gis thams cad gsal byed pa/ /mya ngan 'das pa gnas dngos kyi/ /thog ma bar mdza' rnam par mdzes/ /de ltar shes nas 'bad pa yi/ /shes rab pha rol phyin zhi ba/ /rdzogs pa'i rim pa'i rnal 'byor gyis/ /dbang phyug mchog gis khyab par 'gyur/ /gang zhig sems la 'dod gyur pa/ /da ni de nas bsgom par bya/ /thabs dang ldan pa'i rnal 'byor gyis/ /sangs rgyas dngos grub rab tu stsol/ /de dang lhan cig tshol byed pas/ /de nyid bdag gis rtag tu rig /nyin dang mtshan du bsgom 'gyur na/ /'di ni thob 'gyur the tshom med/ /smyon pa'i gzugs la brten nas ni/ /bsal por skye ba smad byed cing/ /thabs bzang dag dang ldan pa yis/ /byang chub yangs pa bsgom par bya/ /mchog tu mya ngan 'das gsungs pa/ /dag cing rang bzhin dri ma med/ /rang lus de nyid blo ldan gyis/ /de dang ldan pas bsgom par bya/ /dngos grub kun sbyin sgrub pa'i thabs/ phung po lnga yi bdag lus nyid/ /ji ltar gsang ba gnas gyur pa/ /de nas yang dag bshad par bya/ /phyag rgya chen po rtogs byas pas/ /dpa' bo ji ltar rdzogs 'gyur ba/ /mchog tu gyur pa'i rang gi lus/ /shin tu gsang ba bdag gis bshad/ /blo ldan dngos po mi bsgom zhing/ /dngos med pha rol ring du spangs/ /gcig gis rtag par 'dzin gyur cing/ /gzhan dag gis ni stong nyid du'o/ /rtag dang chad pa'i sbyor ba las/ /mchog tu 'dzin pa zad pa gang/ /ye shes ci zhig 'byung 'gyur ba/ /thog ma dbus mdza' dri ma med/ /gtso bo rtag

  25. 13a

    pa mchog tu zhi/ /rgyu dang dpe ni rnam spangs pa/ /dngos dang dngos med rnam par spangs/ /rtag tu 'byung zhing 'gyur ba med/ /mi gnas mya ngan 'das pa nyid/ /sdig pa thams cad rnam spangs pa/ /der gnas bsgom dang ldan gyur pa// sangs rgyas kyis kyang spyod yul min/ /de mi bgrod dang bgrod bya med/ /bgrod par 'gyur ba 'ga' yang med/ /sgom dang bsgom bya sgom pa po/ /don dam par na yod ma yin/ /dpe las 'das shing brjod du med/ /bzung dang 'dzin pa rnam par spangs// mtshan ma med cing rdul dang bral/ /mya ngan 'das zhes de la bshad/ /gang la mchog ces brjod bya ste/ /phyag rgya chen po mngon par gnas/ /lha rdzas longs spyod grol steng ba/ /mya ngan 'das pa'i go 'phang mchog /bzang po'i gnas de sems can la skal ba ji bzhin rab tu bstan/ /gcig nyid gnyis su rnam par gyur/ /bsam pa'i dbye bas mchog nyid de/ /lha rdzas mya ngan 'das pa'i gzugs/ /dag cing rang bzhin dri ma med/ /bud med skyes ba sogs gzugs kyis/ /thams cad du ni rnam par gnas dbang po las 'das zhi ba gang/ /rjod med kun tu 'gro ba mchog /'phel zhing 'grib las rnam grol ba/ /dpal ldan bde chen zhes brjod pa/ /cung zad rdzas su 'du shes gang/ /thams cad de las kun tu 'byung/ /khams gsum pa yi lam bzang po/ /kun tu de ni rnam par gnas/ /de ni dngos grub sa bon te/ /dngos grub rnams kyi go 'phang mchog /sangs rgyas rnams kyi gnas mchog ste/ /bde ba can zhes mngon par brjod/ /lha dang lha mi na mir bcas pa/ /thams cad 'di las nges par 'byung/ /khams gsum ma lus pa 'di dag /thams cad bde ba nyid du gnas/ /gang gis gzugs ni shes min zhing/ /gang zhig tshig dang blo spangs la/ /sgra dang dri dang ro las 'das/ /blo yi yul las gang 'das pa/ /de ni 'jig

  26. 13b

    rten las 'das pa/ /mchog tu bden pa'i gzugs gang zhig /rang gis dbang gis 'jug 'gyur ba/ /chos kyi 'khor lo bskor bar gyur/ /gsang sngags bye ba grangs med kyang/ /de yi nges par 'byung bar 'gyur/ /bden pa gsungs pa'i lung gis 'ba' / /bde par gyur pa'i rim ston pa'i/ /bla ma'i zhabs kyi bka' drin gyis/ /de ltar de nges shes byas la/ /thabs gang gis ni de yi dngos/ /mchog tu brjod med gang thob pa/ /blo ldan de nyid rang lus la/ /sngags pas de nyid sgrub par bya/ /dngos po med pa dang bsres la/ rtse gcig sems dang ldan pa yi/ /thabs bzang po dang ldan byas nas/ /yang dang yang du ral bar bya/ /gnyis pa thams cad rnam spangs pas/ /dus mi ring par 'grub par 'gyur/ /shin tu sbas pa'i rab sbyin dang/ /rig pa yis ni gang shes dang/ /'dod pa'i yon tan lnga ldan pa'i/ dag pa'i bdag nyid gang sgom bya/ /gsang ba grub pa la gnas pa'i/ /dngos grub des ni gdon mi za/ /las kyi phyag rgya ldan pa'am/ /yang na phyag rgya chen po yi/ /sangs rgyas rnams kyi thugs gyur pa/ /'di ni chos nyid mchog yin no/ /snying po'i ye shes gcig bsdus pa/ /ma byung 'byung bar mi 'gyur ro/ /bdag med gnas 'di ma gtogs pa'i/ /rnam dag dngos grub gzhan dag med/ /rnam par mi rtog dmigs med pa/ /gang las sangs rgyas 'byung 'gyur ba'i/ /shes rab lha mo bla na med/ /'di na pha rol zhes byar brjod/ /gal te shes nas sgoms gyur na/ /sems can kun gyi grol ster 'gyur/ /sngar bstan cho ga'i rim pa yis/ /dag pa'i de nyid gang bsgoms pa/ /rang bzhin 'od gsal rnam dag pas/ /bdag nyid rdo rje kun las skyes/ /mtshan rnams kun gyis rnam par brgyan/ /rnam pa kun gyi mchog ldan pa'i/ /tha mal pa yi lus spangs nas/ /lha rdzas nga rgyal ldan yid kyis/ /thabs dang yang dag ldan pa dang/ /ting 'dzin

  27. 14a

    mchog la rnam gnas nas/ /pad+ma rdo rje tshig bzhin du/ /de ni 'grub 'gyur the tshom med/ /gang zhig phyag rgya chen ldan pas/ /bde ba chen po myong gyur pa/ /ye shes bdud rtsi mchog bzang po/ /de ni brjod par nus pa yin// rang gis rig pa'i de nyid de/ /gzhan gyis brjod par nus mi 'gyur/ /gus dang bsgom pas rtogs 'gyur gyi/ /de ni gzhan du rtogs mi nus/ /de nyid shes nas nyin mtshan du/ /gus pas bsgom par bya ba yin/ /mya ngan 'das pa'i go 'phang mchog /bde ba zhi ba bla med deng/ /der ni gus pa'i stobs nyid dang/ /bsgom pa'i stobs kyis gang sprul pa/ /der ni 'byung bar 'gyur ba'i gzugs/ /kun dga' las byung ci yang mchog /spro zhing sdud par byed pa can/ /gsal por yud kyis byung gyur pa/ /sa 'og sa bla sa stengs 'di/ /rgyu dang rgyu min snang bar byed/ /de nyid bsgoms pa'i stobs nyid kyis/ /thabs dang shes rab dngos zhi ba/ /nyon mongs kun las rnam grol zhing/ /mtshan rnams kun gyis rnam brgyan pa/ /stong nyid ye shes las byung zhes/ /gnyis med mchog tu zhi ba nyid/ /rnam pa kun tu mchog ldan zhing/ /gzung dang 'dzin pa rnam par spangs/ /rnam dag ye shes sgyu ma'i dngos/ /gsal zhing rang bzhin dri ma med/ /sgra dang dri dang ro las 'das/ /de bzhin reg pa rnam par spangs/ /ting 'dzin ye shes mig nyid kyis/ /mchog gcig pu de mthong bar 'gyur/ /bzang po grib ma'i sgyu 'dra yis/ /'du byed bzang po dang ldan pa/ /me yis thag pa bsregs pa bzhin/ /nyon mongs 'ching ba las grol ba/ /rnam pa sna tshogs lus rnams ni/ /ye shes rlabs kyi phreng ba spros/ /dbang po'i gzhu dang 'dra ba'i sku/ /de nyid bsgoms pas thob par 'gyur/ /rnal 'byor bsgom pa'i nus pa dang/ /dam tshig rnams ni bskyed byas pas

  28. 14b

    rgyal ba yis kyang brjod med pa'i/ /de 'dra'i gzugs ni thob par 'gyur/ /gang du lus ngag sems med pa'i/ /gnas gang kun 'gro mchog gyur pa'i/ /der ni yang dag bstan dbang gis/ /rang bzhin bsgom par gyur la ltos/ /e ma'o ngo mtshar byed pa'o/ /e ma'o zhi ba dbang po las/ /e ma'o mchog tu zhi ba nyid/ /byang chub sems kyi rnam 'phrul yin/ /lha yi rnal 'byor mchog nyid kyis/ /rim gyis 'di 'dra thob par 'gyur/ /sangs rgyas go 'phang bsgrub pa'i phyir/ /de nas spyod pa spyad par bya/ /nyon mongs kun dang bral ba'i gnas/ /brjod dang brjod bya rnam spangs la/ /'bad pa nyid kyi mngon sum du/ /sgrub pa pos ni yang dang yang/ /brtan pa'i sems kyis nges par yang/ /gsang ba'i spyod pa spyad par bya/ /rdzogs pa'i rim pa'i rnal/ 'byor gyis/ /nyes pa thams cad rnams spangs la/ /lha rdzas gar dang rgod sogs kyis/ /ji ltar skyo ba mi skye bar/ /sangs rgyas spyod pa la mos pas/ /brtul zhugs can gyis gsang ba spyad/ /brtul zhugs dang ldan der gnas nas/ / der gtad bsgom pa dang ldan pas/ /nyon mongs thams cad mthar byas la/ /go 'phang mchog ni 'grub par bya/ /rgyun tu mchog tu gsang ba ste/ /bla ma'i zhabs la rab gnas pas/ /sangs rgyas dngos grub bzang ster ba/ /de ni thams cad bdag gis bshad/ /don dam pa'i yi ge gsum dang ldan pa'i rgyud kyi dam pa'i don nges par bsdus pa dpal gsang ba grub pa zhes bya ba las dpal rdo rje sems dpa' mnyes par bya ba las mngon par byang chub pa bstan pa'i le'u ste gsum pa'o// //dang po'i las pa'i sems can gyis/ /bskyed pa'i rim pa'i bsgom pa nyid/ /cung zhig rgyas pa'i mtshan nyid can/ /de nas da ni bshad par bya//

  29. 15a

    dpal ldan 'dus par yongs gsal bar/ /'gro ba'i mgon pos gang gsungs pa/ /gong ma gong ma'i lam nyid kyis/ /bsgom par bya ba bzhi po nyid/ /dang po yi ge dgod par bya/ /bskyed pa'i rim pa la gnas pas/ /sgrub po'i dbang pos bsgom bya ba/ /gnyis pa rang gi rang bzhin nyid/ /gsum pa bzang po mchog gyur pa/ /ye shes phyag rgya rnam par bsgom/ /bzhi pa gong mar gang gsungs pa/ /phyag rgya chen por rnam par bsgom/ /de ltar de nyid bzhi po ni/ /'di dag la ni yang dag gnas/ /bsgom pa dag gis gang bstan pa/ /de dag bdag gis so sor bshad/ /yi ge dgong pa'i sbyor ba yis/ /bsgom par bya ba gang gsungs pa/ /sems can dang po'i las can rnams/ /gzhug par bya phyir gang gsungs pa/ /ji lta ba bzhin rnam gnas pa'i/ /dang po re zhig bstan par bya/ /bskyed pa'i rim pa'i lam nyid du/ /gcig nyid rnam pa lnga ru 'gyur/ /mngon par byang chub rnam lnga yi/ /ye shes mchog tu dge ba nyid/ /ji ltar bstan par shes gyur nas/ /rtag tu gnas ta 'dir bshad bya/ /gong ma gong ma'i rim nyid kyis/ /thugs kyi rdo rje gang gsungs pa/ /yi ge dgong pa'i sbyor ba yi/ /chos kyi dbyings kyi bdag nyid bdag /bzang po nam mkha' i mtshan nyid can/ /kun rtog thams cad spangs pa yi/ /kun 'gro'i ye shes rnam dag pa/ /thog ma bar mdza' dri ma med/ /chos rnams kyis ni ngo bo gang/ /so so'i gzugs su gang gnas pa/ /bdag med gnas pa'i rnal 'byor gyis/ /'bad pa nyid kyi so sor brtag /spros pa thams cad las grol ba'i/ /gzugs gang mchog ni zhi ba nyid/ /chos kyi dbyings kyi ngo bo shes/ /ye shes 'di la 'di rab grags/ /gnas bzang po der gnas nas ni/ /nyon mongs thams cad rnam spangs la/ /sems can rnams kyi don bya gang/ /gzugs kyi mchog nyid

  30. 15b

    dmigs par bya/ /thabs bzang dag dang ldan pa yi/ /shes rab dang ni bcas pa'i gzugs/ /gsal po rnam pas byung gyur pa/ /mtshan rnams kun gyis rnam par brgyan/ /rgyan rnams thams cad yongs su rdzogs/ /bzung med mchog tu zhi ba nyid/ /dang zhing skyon bral dri ma med/ /phyag rgya chen por rjes rig bya/ /gzugs de las ni 'byung 'gyur ba/ /de yi gzugs brnyan ltar byed pa/ /sgyu ma'i rjes grub bzang po gang/ /rnal 'byor phyag rgya gzugs ldan pa'i/ /dngos po med pa'i rang bzhin gyis/ /gzugs brnyan yid kyi rang bzhin nyid/ /yon tan mdza' med 'byung 'gyur ba/ /sangs rgyas kyis kyang mi mkhyen pa'i/ /dpal ldan me long ming can du/ /ye shes de la brjod par bya/ /dngos po med pa'i rang bzhin du/ /der ni 'gog pa'i ye shes gang/ /de yi rang bzhin rnal 'byor ldan/ /mnyam nyid ye shes zhes brjod do/ /rgyas pa spyan zhes bya ba gang/ /lha rdzas bud med dkyil 'khor ro/ /'bad pas so sor rtogs gyur pa/ /de bzhin gshegs pa kun gyi gnas/ /bdag med gnas kyi rnal 'byor pa/ /dngos po med pa'i rang bzhin can/ /lha rdzas nam mkha' i khams kyi ngor/ /sangs rgyas kun gyi pho brang mchog /phra mo'i rnal 'byor sbyor gcig pas/ /ji srid de la rtogs 'gyur bas/ /rtog pa cung zhig bskul gyur ba/ /de srid de ni mthong bar 'gyur/ /sangs rgyas byang chub sems dpa' dag /srid gsum gnas na gang gnas pa/ /gang zhig gnas pa de dag kun/ /til gyi gang bu bzhin 'dir mthong/ /gang gA'i klung gi bye snyed kyi/ /de bzhin gshegs pas yongs gang ba/ /sangs rgyas gzugs ni 'od chen po/ /bzang po de ni mthong gyur nas/ /nam mkha' i dbyings kyi gnas bzang por/ /rnal 'byor 'di ni brtag par bya/ /der ni de bzhin gshegs pa kun/ /da ltar bzhugs

  31. 16a

    dang gang 'das dang/ /gang dang 'byung bar gyur ba dag /de dag kun gyi gnas mchog ni/ /dag cing dang pa dri med de/ /de bzhin gshegs pa kun gyi mchod/ /ye shes de ni mdor bsdus na/ /so sor rtog pa zhes byar brjod/ /de bzhin gshegs pa'i pho brang du/ /'bad pas so sor rtog pa nyid/ /de yi phyi nas nyams len pa/ /rdo rje pad+ma'i rnam 'phrul pas/ /lha yi rnal 'byor kun 'gengs shing/ /mchog tu dga' ba'i gzugs can gyis/ /sa la sogs pa'i rim pa yis/ /byang chub sems ni yang dag spro/ /gang 'dod lha yi rnal 'byor ni/ /der ni nges par sgrub par bya/ /rtag dang mi skyod rin chen tshe/ /rigs la sogs par gang gnas pa/ /'khor los sgyur ba'i rnal 'byor gyis/ /rig ma'i skyes bu bsgom par bya/ /bzang po'i rgyan dang yang dag ldan/ /phyag rgya chen po rjes rig pa/ /rdo rje pad+ma mnyam sbyar bas/ /mchog tu dga' ba'i gzugs can gyis/ /rnam pa sna tshogs gzugs ldan pa'i/ /ye shes rlabs kyi phreng ba spros/ /bya ba nan tan ye shes zhes/ /mchog tu gyur pa de la brjod/ /gang la rgyal ba rnams 'byung bas/ /gang du phyag rgya byin rlabs pas/ /ting 'dzin lnga po 'dir gnas pas/ /gang zhig yang dag 'byung 'gyur bas/ /mngon par byang chub rnam lnga yi/ /ye shes zhes ni 'di rab grags/ /bskyed pa'i rim pa la gnas par/ /de yi khyad par brjod pa yin/ /lha dgong rnal 'byor ldan pa yi/ /ji lta ba bzhin rnam par gnas/ /khams drug pa dag mnyam ldan pa'i/ /rgyud las gsungs pa'i 'khor los sgyur/ /rim gyi yum gyur bzhi po dang/ /khro bo sems dpa' de dang mtshungs/ /'khor bcas pa yi byang chub sems/ /bcu drug dag dang mnyam ldan pa'i/ /mtshan ni sum cu rtsa gnyis

  32. 16b

    dang/ /de bzhin dpe byad brgyad cur ldan/ /mngon par byang chub rnam lnga zhes/ /de bzhin gshegs pas bstan pa yin/ /rtag dang mi skyod rin chen gyis/ /rigs la sogs par yang dag gnas/ /de ltar rnam pa sna tshogs pa'i/ /rnam par rtog pa'i rgyas gang ba'i/ /dang po'i las can sems can gyi/ /bsgom par bya bar gsungs pa yin/ /'khor lo'i rim par bsgom bcas pa/ /'di ni phyi rol zhes bshad de/ /yi ge dgod pa'i rnal 'byor gyis/ /dang po nyid du gang gnas pa'o/ /sems can dang po'i las can la/ /las kyi phyag rgya bsgoms pa yi/ /rnam par gnas pa'i pad gnas gang/ /gong ma mchog gi go 'phang yin/ /byin gyis brlabs pa'i gnas bsgoms te/ /de nyid mchod pa rab tu brtag /de nyid dpal ldan 'dus par ni/ /rdo rje 'dzin pas mchog tu gsungs/ /bskyed pa'i rim pa nyung ldan pas/ /rdo rje pad+ma mnyam sbyor bas/ /'di ni bsgom pa gnyis pa ste/ /rang gi ngo bo yin zhes grags/ /gsum pa de ni bstan pa ste/ /nang gi go 'phang bsgom pa yin/ rnam pa kun ni mchog ldan pa'i/ /ye shes phyag rgya rab brtag pa'o/ /bzhi pa gong na med pa'i rgyu/ /mngon par byang chub byed pa po/ /phyag rgya chen po rnam bsgom pa/ /de yi gong na gzhan med pa'o/ /dbang po kun las rnam grol zhing/ /'byung ba'i spyod pa sbas gyur pa/ /zhi zhing grub pa myur ster la/ /bla ma'i zhal las rab gnas pa'o/ /gcig min du ma ma yin zhing/ /rlabs med snang ba med pa dang/ /thams cad kyis ni bde gnas pa/ /mchog tu dga' ba byed pa po/ /rang sems tsam du shes pa bya/ /nyon mongs tshogs ni 'gag 'gyur zhing// dam pa'i shes rab gyur pa'i lus/ /de ltar rgyud kyi rim shes nas/ /lha yi rnal 'byor mchog nyid dang/ /gong ma gong ma'i lam nyid kyis/ /drang po min pas gang 'ongs pa/ /de dag thams cad des btang la/ /rim pa bzhin du bsgom par bya/ /phyag

  33. 17a

    rgya chen por 'bad pa yis/ /sngags pas rtag tu bsgom par bya/ /grub pa thams cad rab sbyin zhing/ /thabs kyi mchog dang bcas par ni/ /de dag bsgom pa dang ldan na/ /tshe 'di nyid las grub par 'gyur/ /gang zhig sems ni bla med pas/ /skye ba med par gang rtogs pa/ /de yi dngos med shes rab ste/ /thabs kyi rab tu bskul ba nyid/ /de ltar de nyid shes pa la/ /phyag rgya chen po rnam par bsgom/ /de nas thabs dang bcas gyur pas/ /gang 'dod pa yi brtul zhugs bya/ /sangs rgyas gos med zhi ba 'am/ /de bzhin nor gyi bdag po 'am/ /yang na brtul zhugs chen po'am/ /yang na sems la 'dod pa'o/ /bshad par gyur pa shes byas la/ /brtul zhugs mo yin shes pa nyid// blo dang ldan pas shes bya ba/ /rgyu las gzhan dag bshad pa yi/ /dor ba'i brtul zhugs kun mi bya/ /mchog tu gyur pa yin par 'dod/ /de las yid la gang 'dod pa/ /spyad pa med par spyad par bya/ /dpal ldan 'dus pa'i rjes su 'brel gyur pa/ /lam mchog dpe med 'bad pas shes byas la/ /brtan pa'i blo yi dam pa de nyid gcig /phyi rol dri ma ma lus spangs byas nas/ /bde ba'i rdzu 'phrul dang ldan gnyug ma'i gzugs/ /'du 'dzi dri ma spangs la bsgom par bya/ /ye shes rang bzhin rjes 'brel nyin mtshan du/ /sangs rgyas thar pa'i rgyur gyur bstan pa nyid/ /dga' ba'i dbang phyug dang ldan dga' ba'i sems/ /rtag tu byang chub la bzhugs bsgom pa'i sems 'brel ba/ /dri ma ma lus zad par gyur pa yis/ /'khor ba'i 'chid ba rnams ni spang bar bya/ /bde ba'i go 'phang mchog gyur brtan pa'i sems kyis bsgom/ /rtag tu goms par byas pa'i rnal 'byor dang/ /bdag nyid de nyid rnal 'byor ldan pa yi/ /dri ma'i rab rib spangs dag mthong ba bzang/ /gcig

  34. 17b

    tu gsang ba'i sa phyogs yon tan rgya'i gzhir gyur ri 'am khyim stong dam/ /skyed cha la rnying dang brag phug dur khrod dag gams phug nyams dga' 'am/ /de ltar dri med byas pa'i sa phyogs dag tu bzang po mtshon cing bzung/ /yul gyi bde ba skyed byed de nyid rin chen rdo rje can gyi 'du 'dzi spangs la bsgom/ /rnal 'byor pa ni thams cad kyang/ /de nyid lam la rab chags pas/ /thabs dang bcas pa'i rnal 'byor gyis/ /de ni 'grub 'gyur gzhan du min/ /bskyed pa'i rim pa lam gyis ni// gzhan dag tu yang 'gyur ba yin/ /skye ba du ma dag gis kyang/ /'dir ni gcig gis 'byung bar bshad/ /de ltar the tshom med shes nas/ /shes rab thabs kyi bsgom pa yis/ /phyi rol rnam pa sna tshogs kyi/ /bya ba'i bye brag yongs spangs la/ /dpal ldan 'dus pa'i lam 'bras bcas/ /sangs rgyas dngos grub rab ster ba/ /thabs bzang dag dang ldan pa yi/ /blo ldan gsang ba grub par spyad/ /yul dang dus dang gza' rnams dang/ /rgyu skar phyi rol dkyil 'khor rnams/ /med par gsang ba rdo rje can/ /sgrub pa'i thabs 'di bshad par bya/ /nges pa brtul zhugs gso sbyong sogs/ /yi ge brjod pa'i bsgom pa yis/ /'di ltar dngos grub gang brtags pa/ /spyod pa dka' bas brtags pa yin/ /yi ge brtags pa'i ngo bo nyid/ /kha dog dbye bas mtshon bya ba/ /sems can kun gyi gsang dbang gis/ /dpal ldan gsang bar gang gsungs pa/ /dkyil 'khor dag ni gang gsungs pa/ /rigs nyid so sor so so dang/ /phyag rgya'i dbye ba sna tshogs dang/ /de bzhin sngags kyi dbye ba rnams/ /mchod dang bsnyen bkur byed pa dang/ /rigs kyi dbye ba du ma nyid/ /ting 'dzin dbye ba phye ba yi/ /lha rnams su ni brtags pa dang/ /dus nges pa yi bye brag rnams/ /bskyed pa'i rim pa bsgom pa yi//

  35. 18a

    spro ba dang ni bsdu ba dang/ /sbyor ba du ma nyid dang ni/ /'dod chags la sogs dri ma rnams/ /sna tshogs gzugs kyi gang gnas pa/ /'khor bar rab tu 'chi ba byed pa'i/ /khams gsum pa yi bstan pa'i lam/ /de kun dngos pa med gyur pa'i/ /ye shes mchog gi rnam 'phrul yin/ /rtog med rnam par dag pa ni/ /rgyu dang mi rgyu kun tu song/ /'dod chags zhe sdang gti mug dang/ /de bzhin gzhan yang yod ma yin/ /dang po'i rnal 'byor ngo bo yis/ /ji srid kun la rnam par spyod/ /chos dang chos min mtshan nyid kyi/ /thams cad mngon du brtags pa can/ /bdag med gnas kyi sbyor ba yis/ /ji srid brtan par ma brtags pa'o/ /rnam par mi rtog gnas pa med/ /dag cing par bzhin dri ma med// srid pa'i rtse mo'i mthar thug pa/ /khams gsum 'di dag thams cad nyid/ /lam gyi so sor brtags byas nas/ /phung po'i bden pa yod ma yin/ /su zhig gis ni so sor rtog /'dir ni gang la brtag par bya/ /'bad pas de nyid de kho na/ /ji srid bar du brtag byas pa/ /de srid thams cad 'od gsal te/ /rnam dag rang bzhin dri ma med/ /dngos dang dngos med las grol zhing/ /spros pa med pa'i ngo bo nyid/ /sangs rgyas kyis kyang rtogs min na/ /skye bo gzhan gyis smos ci dgos/ /rtag dang chad pa las grol zhing/ /kun 'gro mchog tu zhi ba nyid/ /dngos med snang ba med pa yi/ /byang chub sems dpas phyag byas pa'o/ /yon tan med cing nga rgyal med/ /mtshan ma med cing sgrib pa med/ /'grib dang 'phel las rnam gral ba/ /ngag gi spyod yul dag las 'das/ /de la 'gro dang 'ong ba dang/ /'dir ni 'gro ba po 'ga' med/ /sgom dang sgom pa sgom bya ngag /don dam par na yod ma yin/ /de nyid mchog gyur gcig pu nyid/ /byang chub sems zhes rab tu brjod/ /dbye ba sna tshogs

  36. 18b

    bsam mi khyab/ /bye ba snyed du rab rgyas pa/ /bzang po kun 'gro rnam dag ste/ /ming gcig nyid kyi gnas pa min/ /sems can bsam pa'i bye brag gis/ /khams gsum kun tu rab tu khyab/ /zhi ba rnams kyi de nyid mchog /rig byed smra ba tshangs pa zer/ /sangs rgyas pa rnams byang chub mchog /gos med pa rnams srog ces zer/ /grangs can rig pa can la sogs/ /dbye ba gang zhig rnam brtag pa/ /de dag brjod pa ga la nus/ /sna tshogs nyid la khyab gnas nas/ /rnam pa sna tshogs ngo bo rnams/ /des ni smra bar nus ma yin/ /bzang po'i dbye bas gang gnas pa/ /yang dag mdza' nyid du mar bstan/ /kun mkhyen ye shes mi rtog pa/ /rdo rje can mchog gang yin te/ /khams gsum ma lus 'di dag ni/ /thams cad 'di pas kun tu 'byung/ /zhi zhing dag pa'i gnas gang de/ /sangs rgyas kun gyis phyag byas pa/ /brjod med kun 'gro'i gnas yin te/ /'di kun de yin ma 'phrul yin/ /cung zad dngos grub mtshan nyid gang/ /thams cad de la rnam par gnas/ /spros pa'i tshul gyis ngo bo nyid/ /chos kyi 'khor lo rnam par skor/ /khams gsum rnam dag 'di thams cad/ /sa bon shes rab las byung kun/ /mtshan ma med cing mchog tu zhi/ /ye shes sgyu ma'i rjes 'jug pa/ /mang po dag ni gcig pa nyid/ /ji srid yod pa'i bud shing kun/ /stong pa'i me yi ma bsreg par/ /sgrub pa po yi ji ltar mthong/ /lta ba'i bud shing phung po rnams/ /stong nyid me yi bsreg byas nas/ /'dir ni mnyam nyid la gnas na/ /de bzhin nyid kyi me yang 'gag /bsam gtan shes rab mig sman gyis/ /ji srid bskur ba ma byas pa/ /de srid lta ngan rab rib rnams/ /dri ma med par ji ltar 'gyur/ /dngos po brten dang g.yo ba kun/ /'bad pas de ltar rnam sbyangs nas/ /bdag med go 'phang la gnas la/ /da nas

  37. 19a

    sgrub pa brtsam par bya/ /bdag gi gang du gang smras pa'i/ /lha'i rnal 'byor shes byas la/ /de ni 'dad pas bsgom byas na/ /'di ni 'grub 'gyur the tshom med/ /sangs rgyas nges par sgrub par byed pa yi/ /cho ga rkang gnyis mchog gis nges par gang bstan pa/ /spyod pa du mas mdzes shing yid du 'ong bar 'gyur ba'i rgyud du gsal/ /de srid de ni ma bstan yon tan ldan pa'i dngos grub 'byung bar mi 'gyur bar/ /shes nas mkhas pa rnams kyis spyod pa dang ldan cho ga bzhin du sgrub pa rtsom/ /don dam pa'i yi ge gsum dang ldan pa'i rgyud kyi don nges par bsdus pa dpal gsang ba grub zhes bya ba dpal rdo rje sems dpa' mnyes par bya ba las mngon par byang chub pa lnga bstan pa'i le'u ste bzhi pa'o// dpal ldan gsang ba rdo rje 'dzin/ /rdo rje sems dpa' sgrub pa'i thabs/ /yang dag spyod pa sbas gyur pa/ /de nas yang dag bshad par bya/ /rdzogs pa'i rim pa'i rnal 'byor gyis/ /rnam par g.yeng ba'i dgra gsod cing/ /dge bzang gsang ba'i sgrub thabs kyis/ /rol mo'i las kyi sgrub par bya/ /dbang bskur ba ni mchog bzang po/ /dpal ldan 'dus par rjes 'gro bas/ /phyag rgya chen po dbang bskur nas/ /bzang po dngos grub rab tu bsgrub/ /de bzhin 'dod chags rab gnas nas/ /lha'i rnal 'byor der gnas pas/ /gsang ba grub par rab gnas na/ /sgrub po gang phyir 'grub par 'gyur/ /bzang po ye shes goms byas shing/ /spyod pa thams cad rnam spangs nas/ /gnyis pa thams cad las grol bas/ /gang du 'dod pa de ru gnas/ /sgrub pa po la phan gdags phyir/ /gsang ba grub pa mdor bsdus nas/ /dngos grub rnams kyi go 'phang mchog /de ni bdag gis bshad par bya/ /gang zhig skye ba bu ma yi/ /dngos grub thob par

  38. 19b

    'dod 'gyur ba/ /des ni gsang ba'i brtul zhugs kyis/ /gnyis pa thams cad spang bar bya/ /dge ba thams cad 'byung ba'i rgyud/ /'dus pa zhes bya'i dbang bskur bas/ /bzang po dngos grub sbyin byed pa'i/ /phyag rgya chen po'i dbang bskur pas/ /de nas rang 'dod la gnas shing/ /dang po'i rnal 'byor gcig gtad pas/ /bla ma'i zhal nas 'byung ba yis/ /rnal 'byor rin chen goms par bya/ /dpal ldan bde ba'i mgon po yis/ /mchog tu gsang zhing sbas pa yis// shin tu sbas pa'i dbang bskur ba/ /de nas yang dag bshad bar bya/ /gzugs bzang yon tan 'byung 'gyur ba/ /phyag rgya 'bad pas rnyed gyur nas/ /rgyud kyi spyod pa dang ldan pas/ /slob dpon la ni dbul bar bya/ /phyag rgyar bcas pa'i rdo rje 'dzin/ /gus pa'i 'o ma mar me dang/ /dri dang phreng ba rgyan chen gyis/ /de nas blo dang ldan pas mchod/ /de la gus pas mchod bya zhing/ /blo dang ldam pas cho ga bzhin/ /bla ma phyag rgyar ldan mthong nas/ /rtog pa'i cho ga'i rim pa bzhin/ /bus mo g.yas pa'i lha ra ni/ /sa 'bar? tu btsugs byas la/ /bstod pa'i rgyal po rdo rje can/ /cho ga bzhin du brjod par bya/ /kun mkhyen sa kun dbang phyug pa/ /kun gyi dbang phyug 'gro ba'i bdag /thugs kyi bdag po dpa' bo che/ /dpa' bo gtso la phyag 'tshal bstod/ /'byung po kun bdag bdag nyid gnas/ /rdo rje ye shes gsum 'byung ba/ /rdo rje hUM mdzad hUM mdzad pa/ /nyon mongs mthar mdzad phyag 'tshal bstod/ /sangs rgyas kun mchog phyag 'tshal 'dud/ /rdo rje gsum dbyer med pa'i sku/ /chos bdag med pa las byung ba/ /ye shes bdud rtsi phyag 'tshal 'dud/ /kun mkhyen ye shes phung po can/ /srid pa'i 'khor lo rnam sbyong ba/ /dpa' chen ye shes chen po ba/ /gzi brjid chen po phyag 'tshal bstod/ /phyag chen dpa' bo chen po ste/ /stobs chen mchod

  39. 20a

    pa chen por/ /'dud mthar byed pa dpa' chen po/ /dpa' bo dbang phyug phyag 'tshal bstod/ /skye dang gnas dang sdud pa yi/ /byed pa por 'gyur 'gro ba'i gtso/ /dngos dang dngos med rang bzhin nyid/ /ngo mtshar mchog gyur phyag 'tshal bstod/ /ye shes rnam shes zhes bya ba'i/ /lam du 'jug 'gyur phyag 'tshal bstod/ /'gro ba'i mgon la phyag 'tshal bstod/ /pad+ma las byung phyag 'tshal 'dud/ /bstod pa'i rgyal po 'di yis ni/ /cho ga bzhin du gsol btab nas/ /sems can kun la phan 'dod pas/? snyan pa'i tshig ni rjod par bya/ /khyod kyi zhabs kyi bka' drin gyis/ /ye shes bla med bya ba shes/ /de ltar dbang skur rin chen gyis/ /mgon pos bdag ni dbang skur mdzod/ /dpal ldan bde ba'i mgon po yis/ /dpal ldan chos kyi rdo rje la// gsang ba de nyid bstan pa ltar/ /mgon pos de bzhin bka' drin gsol/ /sdug bsngal kun gyi gnas gyur pa/ /dmyal ba nas ni gtso bos drongs/ /sdug bsngal thams cad thar mdzad pa/ /mgon med bdag la thugs rje mdzod/ /khyod zhabs pad+ma spangs nas ni/ /gtso bo gzhan la skyabs ma mchis/ /'gro ba'i dpa' bo thub chen gyis/ /de phyir sangs rgyas mchog gnang mdzod/ /gsol ba 'debs pa'i cho ga mchog /bzang po de ltar thob gyur nas/ /snying rje slob ma la bskyed ni/ /bla ma dpal ldan yon tan mtshos/ /bzhin ni rab tu dang gyur pas/ /rjes su rtse phyir rab dga' bas/ /gsang zhing mchog tu gsang gyur pas/ /dam tshig de nas thob par bya/ /bu yi srog chags gsang bar bya/ /brdzun gyi tshig kyang smra bar bya/ /ma byin par yang blang bar bya/ /gzhan gyi chung ma brten par bya/ /'di ni cho ga mdor bsdus pa'i/ /phyag rgya chen po des brten pas/ /'di ni rtag tu bya ba yin/ /dam tshig bzhi po 'di nyid ni/ /bzang po khyod kyi rtag tu brten/ /de ltar dam tshig thos gyur nas/ /bzang po dngos grub

  40. 20b

    kun ster ba/ /phyag rgya dang ni ldan gyur pa'i/ /slob dpon thugs rje ldan pa yi/ /rdo rje pad+ma snyoms 'jug cing/ /yang dag rab sbyin la gnas nas/ /lha yi rnal 'byor skyed gyur pas/ /ji lta ba bzhin rnam par gnas/ /'bad pas gsung gi rdo rje yi/ /pad+ma pas byung blang bar bya/ /khrag dang khu ba rnams bsres la/ /slob dpon mchog gis mchod pa'i phyir/ /mi yi thod par blangs nas ni/ /bshang gci rdo rje char/ /?? de nas slob ma kun gyis la/ /sangs rgyas kun gyis byin brlabs nas/ /gnyug ma'i? phyag rgya dang bcas pas/ /dam tshig de ni sbyin par bya/ /dngos grub kun gyi gnas gyur cing/ /sangs rgyas byin brlabs lam gyur pas/ /rdo rje slob ma de nyid rig /chogs de ltar gtang byas pas/ /rang gi phyag rgya dam tshig ni/ /bzang ldan rgyud nas gsungs pa nyid/ /shin tu bzhin bzangs mig yangs ma/ /rtag tu byang chub sems la dpa' / /mA ma kI ltar yongs dag pa/ /rab dga' gos ni rnam spangs ma/ /'di ni yang dag mchod byas nas/ /phyag rgya'i pad+ma rnam gnas pa/ /sngon bzhin spyod pa'i slob ma ni/ /rdo rje 'dzin pa gnyis pa la// bkra shis brjod pa'i tshig gis ni/ /dbyangs ni rnam pa sna tshogs dang/ /rnga yab rgyal mtshan gdugs las so/ /phreng ba tsandan la sogs mchod/ /phyag rgya'i dbang bskur rin chen gyis/ /dam tshig la gnas brten par bzhag /khams gsum pa yi dbang bskur nas/ /slob mas thal mo sbyar byas la/ /de la rjes gnang sbyin bya ste/ /rgyud las ji skad gsungs pa bzhin/ /chos kyi rdo rje gang 'dod par/ /chos kyi 'khor lo bskor bar gyis/ /sangs rgyas byang chub sems dpa' yi/ /chos kyi 'khor lo bla na med/ /rdo rje sems dpas gsungs gyur pa/ /sangs rgyas mchog gis bshad par gyis/ /de ltar bstan pas slob ma la/ /yang dag par sbyin rab sbas dang/ /phyag rgya rin chen dbang bskur dang/ /rjes su gnang ba'i khyad par gyis/ /rgyud kyi don la nges byas nas/ /rdo rje theg pa'i rim

  41. 21a

    'byung ba'i/ /byang chub sems dpa' rnams kyis bstan/ /sems can mchog gis bshad par gyis/ /'di lta bu yi dbang bskur bas/ /sgrub pa'i nges pa byas gyur nyid/ /de nyid bsgom pas ngal gyur pas/ /nges par mchog ni thob par 'gyur/ / rdzogs pa'i byang chub nges byas nas/ /lugs bcas rim pa'i rnal 'byor gyis/ /gnyis pa thams cad rnam spangs la/ /rdo rje sems dpa' zhes bya sgrub/ /lugs bcas rim pa de nyid nges pa'i blo ldan sgom gyur rdo rje can/ /'dod pa'i yon tan bzang po rab dga' i yid can dngos grub don kun sgrub/ /mo yis tshe 'di nyid la 'grub 'gyur dpal ldan gsang grub la gnas nas/ /thabs bzangs dag dang ldan pas brjod med mchog gyur go 'phang ngam par 'gro /de ltar thams cad shes byas la /rim pa ji bzhin gnas byas te/ /dpal ldan 'dus pa'i rim pa yes/ /ji ltar yang dag bstan pa ltar/ /de nas rang 'dod la gnas pa'i/ /gsang ba grub pa la gnas pa'i/ /dngos grub bzang po la 'bad pas/ /rigs kun la ni kun tu spyod/ /yang na phyag rgya ldan pa yis/ /'bod pa'i yon tan lnga ldan pas/ /rgod dang phreng la sogs bzang po/ /sems ni spro bar byed pa can/ /chags med gsang ba grub pa yis/ /go 'phang mchog ni bsgrub par bya/ /gnyis pa thams cad rnam spangs la/ /mchog tu dga' ba spel bar byed/ /don dam pa'i yi ge gsum dang ldan pa'i rgyud kyi don nges par sdud par byed pa dpal gsang ba grub pa zhes bya ba dpal rdo rje sems dpa' mnyes par bya ba las sgrub pa phyag rgya chen po mngon par bstan pa'i le'u ste lnga pa'o// //gsang ba'i spyod pa dge 'byung zhing/ /sangs rgyas thams cad skyed byed la// g.yeng ba'i sgra rnam zad byed pa/ /de nas yang dag bshad par bya/ /rkang pa rkyang ba spangs nas ni/ /'khor ba'i mngag gzhug dor nas ni/ /rtag tu brtson dang ldan yid kyis/ /rdo rje sems dpa' rtag tu sgrub/ /rgod dang 'gyod dang gnyid la sogs/ /'bad pas rab tu spang bar

  42. 21b

    bya/ /gzhan du bskal? ba bye ba ni/ /brgyar yang dngos grub 'byung mi 'gyur/ /mgon po rdo rje slob dpon la/ /dngos po kun gyi phyag byas nas/ /rdo rje gsum dbyer med pa'i gzugs/ /gsang ba'i dngos grub yang dag sbyar/ /mtshan ma med cing snang ba med/ /rang gi lus kyi thabs ldan pa'i// rdo rje sems dpa' bde ba'i mchog/ 'bad pas rab tu bsgom par bya/ /'bad pas de ltar shes byas nas/ /rdo rje'i rang bzhin kun dbang po/ /sngags pas rang lus de nyid dang/ /rdo rje can dngos dbyer med pa'i/ /sna tshogs spyod pa gsal gyur pa'i/ /gsang ba'i brtul zhugs/ bzang po spyod/ /thabs bzang dag dang ldan pa yis/ /mchog tu dga' bas yongs su dgang/ /rnam rtog yid las byung ba yi/ /'jig rten pa yi gang smad pa'i/ /de de gzugs su gnas byas la/ /gsang ba'i brtul zhugs brtul zhugs can/ /ji ltar dpal ldan 'dus spyod pa'i/ /gsang ba zhes byar rab gnas pa/ /bshang gci zas su byas gyur na/ /sgrub pa'i snod du nges par 'gyur/ /dam tshig bzang po gzhan dag kyang/ /gsal byed la sogs khyad par dang/ /phyag rgya'i 'ching ba byin brlabs nas/ /rgyud nas gsungs pa'i bzang po kun/ /rdo rje'i tshigs ni bzang po 'di/ /rdo rje thugs kyis gsungs pa yis/ /gsang ba'i spyod pa bla med pa/ /de ni bdag gis bshad par bya/ /rdo rje thugs kyis gang sbas pa/ /de ni bdag gis bshad par bya/ /sangs rgyas 'bras bu 'dod pa yi/ /sgrub pa po la phan gdags phyir/ /mnyam gzhag mi smra gyur pa yi/ /smyon pa'i gzugs su bzhag par bya/ /rang 'dod lha yi rnal 'byor gyis/ /sha za bzhin du kun tu 'khyam/ /yang dang yang du ngal byas la/ /rdo rje sems dpa' zhes bya bsgom/ /rtag tu bsgom dang ldan gyur pa'i/ /rig pas rang gis rtogs byas la/ /grong dang yul 'khor grong khyer dang/ /tshal la sogs par 'khyam par bya/ /bzhi mdo dag dang dur khrod dang/ /lha rten pho brang khyad par du/ /dor ba rnying pas mgo bcings la/ /tshogs bcas gnas su 'jug na yang/ /mchog tu bde ba bsgom par bya/ /'bad med rol

  43. 22a

    mo brdung ba der/ /gang dang glu yi g.yeng bar bya/ /'o ma sgron mar ldan pa de'i/ /rgyal mtshan can gyi gnas 'jug bya/ /la lar rgod cing la lar smra/ /la lar glu yang blang bar bya/ /la lar gar bya la lar brdab/ /la lar sna tshogs brjod bya ba/ /ji ltar skyo bar mi 'gyur ba/ /thams cad rim gyis rim gyis bya/ /skyo bar gyur nas sangs rgyas nyid/ /nam yang 'grub par mi 'gyur ro/ /'jig rten spyod pa rnam spangs la/ /rigs rnams kun la kun tu spyang/ /'dus shing tshogs pa thams cad du/ /gcig tu 'o ma goms byed par/ /rol la sogs pa'i dam tshig la/ /shin tu sred par mi bya'o/ /nga rgyal spang bar bya ba'i phyir/ /bdag nyid kyis kyang goms par bya/ /mchog tu dga' ba'i sems nyid ni/ /ji ltar myos par mi 'gyur bar/ /dam tshig thams cad sngon 'gro ba/ /sngags pas de ltar bya ba nyid/ /glu dang gar gyi dga' ba ni/ /ji ltar yid ni mi nyams par/ /ji srid mngon sum gyur gyi bar/ /de ltar de nyid la sems bzhag /bdud rtsi lnga la gcig gus pas/ /de nyid nges par byas nas ni/ /rnam par snang mdzad blang byas nas/ /smyon pa'i brtul zhugs kyis brgyan pa'i/ /smyon pa'i mtshan ma gang yin pa/ /de ni rtag tu brten par bya/ /sngags pas gsang ba'i spyod pa ni/ /cho ga bzhin du spyang par bya/ /srog chags kun lus las byung ba'i/ /sgron ma rtag tu cho ga bzhin/ /lha yi dngos grub thob bya'i phyir/ /'bad pas bza' bar bya ba nyid/ /sbrang ma'i skyug pa 'dres pa dang/ /bshang dang gci ba bsres byas nas/ /sgron ma lnga dang bsres pa yi/ /rtag tu bdag nyid mchod pa bya/ /dngos med mchog tu zhi ba yi/ /dpal ldan bde chen rdo rje can/ /rang rig tsam zhig bskyed byas la/ /go 'phang mchog de sgom par bya/ /sngags pas 'di ltar bsgom byas la/ /rang gi lus mchog bsgom par bya/ /smad par gyur pa ma lus pa/ /dpyad pa med par bya ba nyid/ /btsun mo'i rang byung me tog ni/ /byang chub sems dang gcas gyur pa//

  44. 22b

    ? la gsung gi rdo rje can/ /bde ba chen po yang dag mchod/ glang po khyi rta rnga mo yi/ /sgron ma mi las byung ba dag /sngags pas rtag tu bza' bya zhing/ /gzhan du bza' bar mi bya'o/ /de nyid rnal 'byor 'di yis ni/ /gang zhig rtag tu goms byed pa/ /rdo rje pad+ma'i ting nge 'dzin/ /de ni 'grub 'gyur the tshom med/ /slongs mo spyod pa bya ba'i phyir/ /brtul zhugs can gyis snod mi bzung/ /grong pas zos shing por ba yi/ /gyo dus la sogs dar bza' zhing/ /gang du bor zhing byin par bza' / /des ni gang du zos gyur nas/ /tshim par gyur nas de yang dor/ /de yi smad g.yogs dum bu yang/ /rnying zhing dum bur gyur pas bya/ /yang na phyogs kyi gos can gyis/ /gong du 'gro bar 'dod par bya/ /til 'bras tsam gyi dngos po yang/ /yongs su bzung bar mi bya'o/ /yongs su 'dzin las sdug bsngal 'byung/ /sdug bsngal gyis ni sems 'khor 'gyur/ /'khor bas sems ni zhum 'gyur te/ /zhum pas dngos grub nyams par 'gyur/ /dngos grub med na 'khor ba ste/ /'khor bas dmyal bsgrub par byed/ /dmyal bar nyon mongs sdug bsngal gyis/ /grangs med bskal par gnod par 'gyur// bzhin skabs sdug bsngal gyur pa dang/ /gzhan gyi bran la sogs par skye/ /rnam dag legs par 'dod pa yi/ /skye ba slar yang thob mi 'gyur/ /de ltar bdag gis bdag nyid kyis/ /gsang ba'i spyod pa rnam bsgoms nas/ /khams gsum rnam pa gcig gyur pa/ /rnam dag thabs bzangs? la gnas pas/ /rnam dag legs par 'dod pa yis/ /skye ba slar yang thob par 'gyur/ /gsang ba grub pa la gnas nas/ /de nas seng ge bzhin du spyod/ /smyon pa'i gzugs 'dzin gyur pa yis/ /kun spyod thams cad rnam spangs la/ /gsang gsum dri med rnal 'byor gyis/ /bza' ba kun la spyod par bya/ /shing rdos yi rang bzhin gyis/ /lha rnams la yang phyag mi bya/ /lus nyid la ni mchod pa dang/ /bla ma gus pas phyag bya'o/ /sa rdo'i rang bzhin mchod rten dang/ /glegs bam la sogs mi bya zhing/ /rmi lam

  45. 23a

    du yang dkyil 'khor sogs/ /lag pa'i phyag rgya mi bya'o/ /theg pa gsum la zhugs rnams la/ /phyag la sogs pa mi bya'o/ /sangs rgyas dam par mi 'dzin na/ /rnal 'byor pa gzhan smos ci dgos/ /bsgom la chags gyur sems kyis ni/ /ngag gi rtsod pa mi bya'o/ /dam tshig dag ni nyams par 'gyur/ /nyams 'gyur yid ni g.yengs gyur pas/ /sbyor ba la sogs 'bad pa yis/ /de nyid rig par rtag tu spang/ /rdo rje sems dpa' i nga rgyal nyid/ /spangs nas gzhan du mi bya'o/ /dag pa de nyid la gnas pas/ /sbyor ba rnams kyang mi bya ste/ /dam tshig dag ni nyams par 'gyur/ /nyams pas yid ni sdug bsngal 'thob/ /bdag med rnal 'byor ldan pa yi/ /ji srid de la rtogs gyur pas/ /dngos med go 'phang la gnas nas/ /thabs bzang dag dang ldan pa yi/ /rtog las gang zhig 'byung ba rnams/ /ma brtag par ni 'byung bar 'gyur/ /bsgom bya'i sbyor ba'i stobs kyis ni/ /dngos grub mtshan nyid gang ci rang rung/ /de kun skad cig tsam la ni/ /rang nyid gnas par 'gyur ba yin bsgom pa 'di ni bar chad can/ /sngags pas gsang sngags mi bzla zhing/ /dkyil 'khor dag kyang mi bya la/ /phyag rgya mi bcing phyag mi bya/ /lus nyid dkyil 'khor zhes gsungs te/ /shes rab phyag rgya zhes byar grags/ /dpal ldan rdo rje sems dag sngags/ /de bsten pa ni phyag yin no/ /nang gi bdag nyid de byas nas/ /mkhas pas phyi rol thams cad spangs/ /gsang ba'i spyod pa dang ldan pas/ /de nyid rig pas rtag tu spyad/ /dpal ldan rdo rje sems dpa' i bdag /rnam par rtog med sngags pa yis/ /gsang ba'i spyod pa dang ldan pas/ /de ltar 'gyur med 'grub par 'gyur/ /spro zhing de la rab sbyor bas/ /dam tshig dag ni skyong ba dang/ /dge ba'i bshes gnyen bsten pa yis/ /shes rab thabs dag rnam par bsgom/ /gar dang glu sogs sbyor ba yi

  46. 23b

    pad+ma rdo rje rnam rol zhing/ /bur chang sgron ma gus pa dang/ /dri dang phreng sogs rgya chen dang/ /gling bu rnga zlum sgra dag dang/ rdza rnga'i sgra la sogs pa dang/ /lha rdzas lus bzangs dri bzangs ma/ /rdo rje sems dpa' rab tu bsgrub/ /lha rdzas bzang po mchog 'di dang/ /nang gi bdag nyid bsgoms pa yis/ /rdo rje sems dpa' 'grub 'gyur ba/ /spyad par bya ba ma yin no/ /rdo rje pad+ma mnyam sbyor ba/ /mchog tu dga' ba'i gzugs can gyis/ /byang chub sems ni rab spros pas/ /chu skyes khyad par bza' bar bya/ /rtag tu chags pa dang ldan zhing mchog tu dga' ba la sred pas/ /rdo rje sems dpa' 'grub par 'gyur/ /mang du smras pa ci zhig dgos/ /rtag tu ngo tsha spangs gyur pas/ /dam tshig spyod la ci zhen pa/ /smyon pa'i gzugs kyis mi smra ba/ /dur khrod la sogs gar gnas nas/ /mA ma kI dang spyan la sogs/ /rgyan rnams la sogs kyis brgyan pa'i/ /phyag rgya'i tshogs dang lhan cig tu/ /rdo rje sems dpa' zhes bya bsgom/ /rdo rje nam mkha' i khams sbyor bas/ /der ni thams cad bsgom par bya/ /zhal gsum pa yi rnal 'byor gyis/ /ye shes rgya chen rlabs spro bya/ /dbang po gnyis kyi sbyor ba yis/ /rang dngos rig pa bskul byas na/ /sangs rgyas ye shes gzugs can rnams/ /rab tu bsdus pa dag kyang bya/ /phyogs bcu dag tu rgyug byed pa'i/ /rang sems gal te 'dzin par 'dod gyur na/ /sangs rgyas thob pa'i rgyur gyur rang gi sems/ /de tshe yang dag sbyor ba mchog tu bya/ /gong du nyams myong phyag rgya rjes bsam bya/ /rtser ldan rjes 'gro bzang dga' chags pa can/ /chag pas thob gyur de las sems gtad nas/ /slar yang rim pa'i khyad par gsal bar bsgrub/ /bsam gtan 'di la sbyor ba yi/ /rin chen sems ni brtan gyur nas/ /sangs rgyas byang chub rab gnas de/ /byin gyis brlab pa mdzad par 'gyur/ /de lta de nyid shes gyur nas/ /der gtad nas ni bsgom par bya/ /ji srid yid ni mi skyo bar/ /blo bzang sems ni mnyam gzhag pas/ /skyon ji ltar

  47. 24a

    'dod pa yi/ /sems kyis kun tu khyab par bya/ /cung zad mig ni rgyal 'gyur bas/ /byang chub rin chen bsgom par bya/ /la la rgod dang smra ba dang/ /la lar gar dag byed pa na/ /ji ltar skyo bar mi 'gyur bas/ /bsgom pa la chags sems kyis so/ /rnam par rtog med sngags pa yis/ /da lta'i ting 'dzin dang ldan pas/ /dus kyi nges pa yongs spangs nas/ /bla med go 'phang thob par 'gyur/ /bzang po'i rigs lnga las byung ba'i/ /dam tshig rtag tu bza' bar bya/ /khyad par gzhan dang ldan pa yi/ /dam tshig brten pa'i mchod par bya/ /rtag tu bde gshegs bsam gtan pas/ /spyan ni rgyas par gyur nas su/ /byang chub sems ni rnam bsgoms pas/ /ye shes rgya mtsho bsgom par bya/ /spyod pa rin chen la gnas shing/ /rdo rje ye shes la mos pas/ /bde gshegs go 'phang 'dod na ni/ /mi dge'i sems su mi bya'o/ /khams gsum tu mi 'byung 'gyur ba'i/ /btsun mo kun la 'dod par bya/ /dman las skyes dang 'gyur ba can/ /de nyid rnal 'byor bas mchod bya/ /rnam par snang mdzad las byung dang/ /srog chags kun lus las byung ba'i/ /srog chags rnams ni rnal 'byor pas/ /dngos grub 'dod na sgrub par bya/ /bshang gci sa bon la sogs pa/ /sna yi nang nas byung ba yis/ /rang lus rdo rje bsgoms nas ni/ /sngags pas rtag tu mchod par bya/ /khams gsum pa las byung ba yi/ /rtag tu dam tshig la mchod pas/ /de nyid rin chen la rab sbyar/ /gzhan du 'grub par mi 'gyur ro/ /'dir ni mang du smra ci dgos/ /gang dang gang zhig dmigs 'gyur ba/ /de kun de nyid rnal 'byor du/ /rig pas rtogs shing blta bar bya/ /rdo rje sgrub par gang gsungs pa/ /shes rab thabs kyi cho ga yis/ /dam tshig bzang po dang ldan pa'i/ /de nyid gsum dbyer med pa'i sku/ /sngags pas rtag tu mchod par bya/ /kun kyang rtog pa sngon 'gro bas/ /khams gsum 'di

  48. 24b

    dag rnam par dag/ ma rig de bas yang dag bsgribs/ /rmi lam rtsed mo rjes su 'gro /phung po khams sogs mtshan nyid rnams/ /de ltar 'bad pas dpyad na ni/ /mtshan ma med cing snang med pa'o/ /thabs dang bcas pa rnam par bsgom/ /de ltar chog ldan shes pas/ /sems ni de nyid byin brlabs nas/ /ji ltar thos pas 'tsho byed cing/ /dam tshig ma lus la rab sbyor/ /tshong dpon bram ze rde'u rigs dang/ /shi ba sogs kyi 'gron bos na/ /zos shing tshem nas bor gyur pa'i/ /gcig tu bsdus pa'i dman pa rnams/ /khyi dang wa yi smad pa dang/ blangs nas de ni bza' bar bya/ /de nyid bsgom pa'i rnal 'byor pas/ /gzhan du 'grub par mi 'gyur ro/ /cung zhig smyon pa'i sems ldan pa'i/ /rigs rnams kun la mnyam par sbyor/ /bzang po'i dbyangs dang ldan pa'i gar/ /rdo rje gar gyis gom par gnas/ /glu rnams len par byed pa yi/ /rdo rje glu ni mi gsal bar/ /khams gsum dag tu grags pa yi/ /gzhan dag gsal ba nyid du len/ /sna tshogs skad bsres glu len cing/ /sha za bzhin du kun tu 'khyam/ /las dag gang gis skye bo rnams/ /gang dang gang du 'ching 'gyur ba/ /thabs dang bcas na de nyid kyis/ srid pa'i 'ching las grol bar 'gyur/ /khyad par thams cad spangs pa yi/ /de nyid zhi ba thob gyur nas/ /thabs bzang dag dang ldan pa yi/ /go 'phang mchog ni bsgrub par bya/ /'byung po kun gyi de nyid gang/ /bzung dang 'dzin pa rnam spangs pa/ /'gro kun mchog tu zhi ba nyid// khyad par gnas pa'i bzang po gang/ /rang lus thabs dang bcas pa yi/ /de nyid rtag tu bsgom par bya/ /dus pa kun la thal mo'i sgra/ /rim gyi gang ni bzang po bya/ /kun rtog thams cad spangs pa yi/ /byang chub mchog tu 'gro bar 'gyur/ /bzang po go 'phang der gnas nas// gang dang gang du gnas na yang/ /byang chub mchog tu nges byas pas/ /sbyong ban? can yang 'grub par 'gyur/ /smyon pa'i brtul zhugs la brten nas/ /yid ni de nyid byin brlabs nas/ /gsang spyod mchog gi rol pa yi/ /tshe 'di nyid la 'grub par 'gyur/ /gal te rgya chen khyim/

  49. 25a

    rnams ni/ /spong bar nus pa ma yin yang/ /dpal ldan gsang 'dus las bstan pa'i/ /byang chub 'byung ba'i spyod pa rnams/ /khyim de nyid du gnas byas nas/ /'jig rten spyod pa la gnas nas/ /ji ltar rig pa mi 'gyur bar/ /gsang ba'i dam tshig spyad par bya/ /mtshan mo gsal por byas nas ni/ /'o ma gcig tu goms byas pas/ /phyag rgyar bcas pas bya ba ste/ /yid ches pas yin gzhan gyis min/ /dri chu la sogs dam tshig rnams/ /rtag tu spyad par bya ba nyid/ /gcig tu dam tshig goms byed na/ /de nyid bla med 'grub par 'gyur/ /shin tu gsang ba'i grogs dag nyid/ /de nyid shes shing mchog gyur pa/ /de dang lhan cig dam tshigs rnams/ /rgyud las gsung ba spyad par bya/ /bud med bzang dang longs spyod bzang/ /de bzhin gnas mal bzang sogs kyis/ /de nyid bsgom pas ngal gyur pa'i/ /ye shes ldan pas 'grub par 'gyur/ /dam tshig spyod pa der gtad par/ /khyim nyid du yang 'grub par 'gyur/ /dam tshig spyod pa dman gyur na/ /spyod pa min zhing khyim duAng min/ /de ltar dam tshig mngon ldan zhing/ /ye shes bzang po la dga' ba/ /cho ga 'dis ni bskul byas nas/ /rdo rje sems dpa' 'grub par 'gyur/ /nyams su blangs bya thams cad ni/ /'gal ba'i dam tshig la sogs pa/ /smad par gyur pa sngon 'gro ba'i/ /ma lus pa dag gang bstan pa/ /dngos grub bzang po'i rgyu yi phyir/ /de dag thams cad bya ba nyid/ /'di kun mngon sum nyid du ni/ /byed pa'i char ni dbye bya ste/ /gsang ba spyod pa ldan pa yi/ /de nyid shes yin gzhan ma yin/ /'gal ba'i dam tshig la sogs pa'i/ /gsang ba grub pa zhes byar brjod/ /rtags can gzugs la gnas gyur nas/ /'jig rten spyod las 'das gyur te/ /smad pa rnams la gsal po ru/ /nyams su len par byed gyur cing/ /nus pa dag ni ma skyes par/ /kun rdzob nyid du 'jug 'gyur ba'i/ /dman pa'i rigs la sogs pa la/ /rtag tu dam tshig

  50. 25b

    sogs spyod cing/ /'dod dang bcas pa'i sems nyid kyis/ /thab khung dkyil 'khor sogs byed pa/ /rtag dang chad pa smra ba yi/ /gang zhig cho ga 'dir gnas pas/ /de ni bstan pa 'jig byed gsungs/ /gal te rtags dang ldan gyur pas/ /sgrub pa 'di ni byed 'gyur na/ /de ni mtshan mo dam tshig spyad/ /nyin mo shin tu gsang bar bya/ /dman pa'i 'gro ba nyan thos sogs/ /ji ltar gzhan gyis mi rig pa/ /de ltar sngags pas bya ba ste/ /bdag nyid sgrub phyir shin tu spang/ /'jig rten kun gyis mi gnod cing/ /'jig rten kun la mi gnod par/ /de bzhin sngags pas 'dir bya'o/ /bde gshegs dngos grub 'dod gyur na/ /gsang ba grub pa la gnas shing/ /sgrub pa po la nus pa zhig /ji srid 'byung bar ma gyur ba/ /de srid brtul zhugs rtags mi bzung/ /nus pa zhig ni skyes 'gyur pa/ /de nas gsang ba'i spyod pa spangs/ /de rjes rig pa'i brtul zhugs bzang/ /de dag rtag tu blang bar bya/ /go 'phang nyams dga' der gnas pas/ /rnal 'byor der gtang bsgom par bya/ /'du 'dzi thams cad der bral nas/ /go 'phang mchog ni 'grub par 'gyur/ /'du 'dzi ring du spangs shing rang bzhin g.yo ba'i sems nyid rab sbyar nas/ /dngos dang dngos med rang bzhin bde ba'i mchog ldan de nyid la gnas bsgom par bya/ /nyon mongs pa yi dgra tshogs mang po las rgyal mi nyams bzang por gyur pa yi/ /sems can don ldan sems kyis rtag tu rnal 'byor pa rnams 'jig rten gsum na spyod/ /spyan ni cung zhig phye nas srid pa'i sdug bsngal bsal ba'i sems dang ldan pa yi/ /cho ga shes par gyur pas sna tshogs ma lus brdzun pa'i blo dang sgra spangs la/ /mchog tu legs par spyod pa'i sems can don ldan 'jig rten gsum na grags par byed/ /dngos rnams dpag med byang chub go 'phang mchog gyur mnyam med sems can mchog gyur rol pa gang/ /khyim gyi 'dzin pa rtsa bzhin ma lus sgyu ma bzhin lta ba/ /spre'u dang rlung dang glog bzhin g.yo ba'i sems zhes bya la dbang du gyur pas gzhag /dngos po'i de nyid bsgoms pa'i lus can dam pa'i bde ba de nyid mchog /sems can don la spro ba'i de nyid sems la nges

  51. 26a

    par rnal 'byor dbang phyug rol bar byed/ /don dam pa'i yi ge gsum dang ldan pa'i rgyud kyi don nges par bsdus pa dpal gsang ba grub pa zhes bya ba dpal rdo rje sems dpa' mnyes par bya ba las/ /sgrub pa'i thabs kyi mnyam pa nyid kyi sems dri ma med par byed pa'i gsang ba'i spyod? pa'i rim pa ma lus par bstan pa zhes bya ba'i le'u ste drug pa'o// /dag cing rang bzhin dri ma med/ /sna tshogs gzugs rnams phun sum tshogs/ /'ching dang mya ngan rnam spangs pa/ /lha yi phyag rgya mchog rnyed nas/ /lha mo klu mo gnod sbyin mo/ /de bzhin lha min bu mo'ang rung/ /dri za'i bu mo gzugs ldan pa'i/ /grub pa'i rnal 'byor ma yang rung/ /'di lta'i bu mo rnal 'byor ma'am/ /de nyid rnal 'byor ldan pa dang/ /zhags pa lcags kyu'i sbyor ba yis/ /bkug nas longs spyod nyid du bya/ /lha rdzas grub pa gang yin de/ /dam tshig sbyor bar rab tu brjod/ /bsgrubs na ma dag gzhug par 'gyur zhing/ /gang 'dod pa de byed par 'gyur/ /des ni sems ni rnam g.yeng bar/ /nam yang byed par mi 'gyur ro/ /mi yi bu mo mthu chen gyis/ /dam tshig bzang po 'grub par 'gyur/ /'dod pa'i rdzu 'phrul che ldan zhing/ /chu dang chu? bdag rnam par spangs/ /sna tshogs gzugs dag rab ston pa'i/ /lha rdzas btsun mo bsten par bya/ /de dang lhan cig mnyam ldan pa'i/ /skye bo med pa'i tshal song la/ /'jigs pa thams cad rnam spangs nas/ /seng ge bzhin du rnam par spyad/ /lha rdzas btsun mo 'gugs pa yi/ /nus pa gal te med gyur na/ /'dod pas gnod pa nyid gyur la/ /des ni mi yi bu mo bsten/ /longs spyod bzang po dang ldan pa'i/ /g.yeng ba'i myos pa zhi bya'i phyir/ /de phyir sgrub pa'i dbang po la/ /mi las byung ba'i bu mo bsten/ /rnam g.yeng khro ba mnga' dang/ /skyon rnams thams cad 'byung 'gyur zhing rgas shing mya ngan gyis non pa'i/ /mi yi bu mo shin tu spang/ /de lta'i lha rdzas med gyur nas/ /dngos grub bzang po'i rgyu yi phyir/ /rgyud kyi bya ba'i rim pa yis/ /mi yi bu mo bstan par bya/ /de ltar tha mal byang chub nyid/ /sngags kyi cho ga bzhin byas nas/ /mchog tu dga' ba'i

  52. 26b

    yid can gyis/ /byang chub mchog ni bsgrub par bya/ /tha mal pa yi rim pa yi/ /phyag rgya de nyid bshad par bya/ /mthar skyes dang por byas pas ni/ /gang gi dngos grub thob 'gyur ba'o/ /mthar skyes mi srid bu mo dang/ /de bzhin tshos ma'i bu mo dang/ /smad pa'i rigs las byung gyur dang/ /gang yang bde ba rnyed pa dang/ /rgyud nas gsungs pa'i rig byas pa'i/ /khyad par du ni bu mo nyid/ /dam tshig spyod pa thams cad la/ /byis pa nyid nas rim gyis brlab/ /byang chub sems la dga' zhing mkhas/ /chos nyid la ni bzod byas pas/ /mkhas pas cho ga ji bzhin du/ /rdo rje gsum dbyer med par bsgrub/ /rgyud nas ji skad gsungs pa yi/ /mchod pa de la gnas nas brtsam/ /gus pas 'o ma sgron ma dang/ /phreng ba la sogs rgyan rnams dang/ /thal ba bzang po bsdu? bya zhing/ /ral pa'i cod pan gyis brgyan par/ /sngags pas rang gi gzugs nyid dang/ /de yi gzugs kyang bya ba nyid/ /stag gis bags pas gos byas shing/ /sna tshogs rgyan gyis rnam par brgyan/ /rdo rje kha TwAM ga blang zhing/ /dril bu cang te'us rnam par brgyan/ /de bzhin rna ba mgrin dpung? pa/ /rus pa'i dum bus rnam par brgyan/ /mi yi thod pa g.yon pa sta/ /de bzhin g.yas par DA ma ru/ /bdag dang phyag rgya de bzhin du/ mA ma kI 'am spyan dag gam/ /bdag nyid rdo rje mchog 'dzin pas/ /'di 'dra'i gzugs su byas nas ni/ /rgyud las byung ba'i cho ga yis/ /rig pa'i brtul zhugs bzang po spyad/ /gnyis med nges par byas nas ni/ /tshe 'di nyid la 'grub par 'gyur/ /don dam pa'i yi ge gsum dang ldan pa'i rgyud kyi don nges par bsdus pa dpal gsang ba grub pa zhes bya ba las rig pa'i brtul zhugs nges par bstan pa zhes bya ba ste le'u bdun pa'o// //mthar skyes ngo mtshar chen po las/ /rgyud las sgrub thabs gang gsungs pa/ /ji ltar nges par des 'thob pa/ /de nas yang dag bshad par bya/ /skyob pa'i nges pa yongs spangs la/ /tshogs kyi dbang phyug gzugs byas nas/ /gang dus sus

  53. 27a

    kyang mi shes par/ /mthar skyes nang du 'jug par bya/ /tshogs kyi mtshan ma blangs nas ni/ /mgo bo'i skra ni bregs nas kyang/ /ral pa sbom po gcig bzhag nas/ /gtsug phud gcig ni bzung bar bya/ /ru rag sha dang shel bzang po/ /tshan tshan dag tu spal byas pa'i/ /phreng ba'i do shal 'phyang po dag /mgul ba'i rgyan du bzung bar bya/ /dpung rgyan gdu bu bzang po dag /'od zer 'phro zhing 'khrug gyur dang/ /'bad pas mtshan gsum byas nas ni/ /mdzub mo la ni zangs ma'i rgya/ /mdun gyi phyogs su 'phyang gyur pa'i/ /smad g.yogs dum bu de nas bzung/ /lcags mdung la btags me tog snod/ /phrag pa dag la dgal bar bya/ /yan lag thams cad rnam brgyan nas/ /tshogs kyi dbang phyug gzugs su bya/ /phrag pa gnyis ni dag ba byas nas/ /mthar skyes khyim du 'jug par bya// bzang po de ltar gsang byas nas/ /de nas bsgrub par bya phyir dpyad/ /gang zhig sus kyang mi shes par/ /bzang po'i yul du 'khyam par bya/ /grong khyer sum brtsegs nye ba'i mthar/ /mthar skyes nang du 'jug par bya/ /yang dag tu na lta gzhan ni/ /des ni shes par mi 'gyur ro/ /rtag tu khrus dang lha mchod cing/ /rtag tu rang gi grub mthar bsgom/ /yi ge las ni cung zhig gis/ /rang byung lta la chags gyur pas/ /gdol pa'i gzugs kyi tshogs nyid gyi/ /de ltar de yi nang zhugs la/ /byang chub mchog ni bsgom par bya/ /chos dang grub mdza' sngon 'gro bas/ /de nas de la ston par byed/ /dus kyi phyi ma la sogs pa'am/ /yang na dbugs kyi sgom pa ston/ /de nas rgyud nas gsungs kun gyis/ /yid brtan pa nyid 'grub bar 'gyur/ /dbang dang dkyil 'khor sngon 'gro bas/ /bdag nyid kyis ni slob mar byas/ /de yi byin pa'i rdzas rnams dang/ /snga mo? yod pa dang bcas pas/ /de ni de la gtad byas la/ /de yi bla ma mchod phyir byin/ /de yi bkas gnang blang bya ste/ /shin tu bzhin bzang mig yangs ma/ /de ni rgyud don bden pa la/ /mkhas shing dam tshig 'dod

  54. 27b

    byas nas/ /sangs rgyas nyid du nges byas la/ /blo ldan rig pa'i brtul zhugs spyad/ /nges par rgyud gsungs dam tshig gis/ /tshe 'di nyid la 'grub par 'gyur/ /ri 'am rgya mtsho'i 'gram dag gam/ /skyon rnams spangs pa'i yul 'khor dang/ /dgon pa chen po'i sa phyogs sam/ /phug dang grong khyer rnying pa dag /dri med chu mi? gu'i? ba dang/ /me tog 'bras bu sogs pas brgyan/ /ljon shing 'khri shing gis brgyan pa khyad par du ni dben gyur pa/ /der ni phyag rgya dang bcas par/ /sgrub po brtan zhing nges pa yis/ /sgom pa'i sbyor ba der gtad pa'i/ /rtag tu nags su bsod snyoms blang// byang chub sems la dga' zhing mkhas/ /lus ni nus pa can byas nas/ /yang dag rim pas der gnas nas/ yang dang yang du goms par bya/ /ljon shing rgyal po de dag kun/ /sgrub po dbang po mdangs ldan pas/ /de nyid sbyor bas bkug byas nas/ /zhal zas bzang po steng? bar 'gyur/ /blo bzang rtag tu 'dod med cing/ /blo yis rtag tu goms par bya/ /rdo rje theg pa la dga' zhing/ /rtag tu bde gshegs bsam pa can/ /bstan bcos ma lus la goms shing/ /de bzhin gtong ldan dpa' zhing gsal/ /phongs par gyur pa'i tshe na yang/ /mnyam pa'i sems nyid gcig tu bsgom/ /phyag rgya 'ang de 'drar shes bya ste/ /chags med zhen pa med pa dang/ /zab mo'i chos dang ldan pa dang/ /sgrub po 'dod bzhin rjes su 'phrang/ /bzhin bzang mig ni dkyus ring ma/ /gzugs dang lang chos rnam par brgyan/ /byang chub sems la dga' zhing gsal/ /rdo rje sgrub la shin tu gsal/ /ci ltar bu bzhin brtse ba dang/ /de bzhin spun dang pha ma ltar/ /rtag tu sgrub po mthong ba na/ /brtse bas shin tu goms byed na/ /bud med sgyu bral yid du 'ong/ /skal pa bzang zhing snyan par smra/ /phrag dog spangs shing rjes su mthun/ /sgrub pa po yi bka' bzhin byed/ dmar ser lus phra gzugs bzang ma/ /tshul khrims yon tan gyis brgyan pa/ /mdog snum cho ga shes pa dang/ /ring min thud pa ma yin pa/ /lo grangs bcu gnyis lon pa

  55. 28a

    'am/ /yang na de bzhin bcu drug gam/ /de nyid rig pa dang ldan pas/ /mur gong mdza' ni rnam par mdzes/ /yan lag thams cad yongs su rdzogs/ /skra yi rtse kun cung zhig 'khyil/ /skad snyan shin tu dga' ba can/ /lta ba bzang po rnam rgyas ba// 'bad pas bu mo 'di 'dra ba/ /dngos grub don gnyer gyur nas su/ /rtogs las ji skad gsungs pa bzhin/ /de nas rig pa'i brtul zhugs brtsam/ /'bad pas de ni bzung byas nas/ /go 'phang mchog ni sgrub par bya/ /rang gi rdo rje mchod nas ni/ /byang chub sems ni btang bar bya/ /de nas sku yi rdo rje bsgom/ /ngag gi rdo rje kun nas bzung/ /de yi b+ha gar byung ba'i khus/ /sems kyi rdo rje rab tu mchod/ /de la gus pas mchod nas ni/ /cho ga bzhin du sbyor ba las/ /de nyid sbyor la bsgom par bya/ /tsun da 'am ni mA ma kIr/ /dang po'i rnal 'byor rnam bsgoms nas/ /thams cad bya ba kho na yin/ /dam tshig gi ni khyad par dang/ /bud med mchog ni bsten par bya/ /b+ha gar ling ga bzhag nas ni/ /byang chub sems ni btang mi bya/ /der bskyed pa yi dga' ba yis/ /sems ni bkang bas bsgom par bya/ /ji srid rnal 'byor byang chub sems/ /gtong bar byed pa ma yin pa/ /de srid kun dga' las byung bde/ /ci yang rgyun mi 'chad par 'thob/ /bde ba de yi ngo bo dang/ /yang dag ldan pa'i byang chub mchog /bdag nyid rtag tu bsgoms nas ni/ /'grub 'gyur 'di la the tshom med// dngos grub kun gyi rten gyur pa/ /byang chub sems ni der lhung bas/ /phung po rnam shes brgyal gyur nas/ /ma smad dngos grub ga la yod/ /phyag rgya ma la dam 'khyud nas/ /yang dang yang du 'o byas la/ /gnas de ru ni bskyod pa yis/ /byang chub sems ma rab 'bab pas/ /phyag rgya chen po rnam bsgoms la/ /lha mo de la 'o yang bya/ /mig gnyis dag ni rgyas gyur nas/ /bde ba chen po'i ros gang ba/ /ma mchu cung zhig rgyas pa yis/ /nu ma cung zhig dam par 'dzin/ /brla gnyis dri ma med pa mchog /mig kyang cung zhig rgyas pa dang/

  56. 28b

    rdo rje theg par ngal byas pas/ /der gtang pa yi bsgom dang ldan/ /sangs rgyas chos dang dge 'dun la/ /rtag tu dir gtang bsam pa can/ /'o ma byin nas yang dang yang/ /khyad par du ni rab tu mchod/ rdo rje can gyi phyag rgya bzhin/ /de nyid sbyor bas bsgom par bya/ /yid 'ong bcos ma'i zas dang ni/ /dri dang me tog sogs bsnyen bkur/ /nya dang sha dang dur chang sogs/ /sems ni spro bar byed pa can/ /'bad pas de lta bus mchod nas/ /de nyid ched du bsgom par bya/ /cho ga 'di yis bskul nas ni/ /rdo rje sems dpar bdag 'grub 'byung?/ /byang chub sems dang ldan pa yi/ /bdud rtsi me tog myang bar bya/ /mkha' dbyings rdo rje dbus gnas pa/ /de ni rdo rje 'dzin pa mchod/ /bsgom dang dam tshig nyams len pas/ /de lta'i dngos grub myur du thob/ /sems kyi dam tshig sdang pa la/ /rgyal bas gsungs pa'i dngos grub med/ /lha yi rnal 'byor bsgom pa dang/ /dam tshig bsrung bar bya ba ni/ /shes pas 'bad pas bsgoms byas na/ /'grub 'gyur 'di la the tshom med/ /ji skad gsungs pa'i sa phyogs su/ /rig pa'i brtul zhugs spyad na ni/ /sdig pa ma lus sbyangs nas ni/ /rig ma dang bcas grol bar 'gyur/ /grong dang grong khyer dag tu 'am/ /sems ni rab tu dga' ba der/ /der ni rig pa'i brtul zhugs spyad/ /dgag pa dang ni bsgrub pa med/ /dpal ldan 'dus rab yongs gsal ba'i/ /sgrub thabs rgyud las gang gsungs pa/ /rig pa'i brtul zhugs ldan pa yi// gsang ba'i spyod pas rnam brgyan pa/ /de ni dngos grub myur thob par/ /rdo rje sems dpa' i zhal nas gsungs/ /dam tshig spyad pa dang ldan par/ /rtag tu goms par bya ba yin/ /don dam pa'i yi ge gsum dang ldan pa'i rgyud kyi don nges par bsdus pa dpal gsang ba grub pa zhes bya ba las tshogs kyi brtul zhugs nges par bstan pa zhes bya ba'i le'u ste brgyad pa'o/ /me dang chu dang dug sogs la/ /thabs ni gang gis mi shes pa/ /de ni tshig dang nub pa dang/ /'chi bar 'gyur bar the tshom med/ /de

  57. 29a

    bzhin gsang 'dus rgyud kyis ni/ /shes rab thabs ni spangs gyur pa/ /'gal ba dag ni spyod byed pa'i/ /bsam ngan de ni brlag par 'gyur/ /gang gis de yi de nyid shes/ /yang dag rab sbyin la gnas nas/ /dpal ldan 'dus pa la dga' ba'i// sems can de ni steng du 'gro/ gsang ba'i spyod dang brtul zhugs dang/ /phyag rgya rgyas pa gang gsungs pa/ /'di dag thams cad rtog don yin/ /bsgom pa 'ba' zhig tsam yin te/ /gang yang rgyas pa'i bdag nyid can/ /kun kyang sems can bsam pas gsungs/ bsgom pa la ni rab gnas pa'i/ /ye shes ldan pas 'grub par 'gyur/ /rnam rtog du ma rgyas gyur pa/ /'di ni thams cad spangs byas nas/ /phyag rgya chen po la 'bad bas/ /shes rab ldan pas rtag tu bsgom/ /'du 'dzi thams cad spangs nas ni/ /gnyis pa thams cad rnam spangs nas/ /yang dang yang du goms byas nas/ /pad+ma rdo rje'i tshig bzhin du/ /dus mi ring bas 'grub par 'gyur/ /dam tshig dag ni thams cad las/ /bla ma mchod pa mchog yin te/ /sangs rgyas rin chen za ma tog /dpal ldan 'dus pa 'am gzhan du bstan// bzung min brjod pa ma yin pa/ /sems can kun la yang dag gnas/ /lus ngag yid kyi bde ba yin/ /rnam rtog med cing gnas med pa/ /dag cing ngo bo nyid med pa/ /byang chub sems zhes dran par bya/ /bla ma'i zhabs kyi bka' drin gyis/ /de ni myur du thob par 'gyur/ /khams gsum rin po cher gyur pa/ /slob dpon las ni mchog gzhan med/ /gang las bka' drin thob pa yi/ /mkhas pas dngos grub du ma 'thob/ /yang dag gsungs pas spyod pa gang/ /dpal ldan mnyam nyid gnyis med gsungs/ /des ni slob dpon bya ba ste/ /gzhan gyis 'grub par mi 'gyur ro/ /gos dang rgyan dang longs spyod dang/ /rang gi phyag rgyas brgyan byas nas/ /bla ma mchod cing phul byas pas/ /sangs rgyas dngos grub 'thob par 'gyur/ /rang gi phyag rgya phul nas ni/ /rgyud nas gsungs pa'i dngos grub 'grub/ /gzhan dag phyi rol

  58. 29b

    dam tshig gis/ /bsgrubs kyang 'grub par mi 'gyur ro/ /'di ni rgyud kyi bden don gyis/ /dam tshig gtso bo mchog yin no/ /sgrub pa po la phan gdags phyir/ /dpal ldan rdo rje mngon gsungs pa'i/ /dam tshig dag ni thams cad las/ /gnyug ma'i phyag rgya dbul ba mchog gzhan du phyi rol tshul dag gi/ dam tshig 'grub par mi 'gyur go /de phyir 'bad pa thams cad kyis/ /gus pas bla ma mchod par bya/ /rang gi phyag rgya pad+ma yi/ /mchod mchog mgrin pa'i dbyangs dag dang/ /brla brdab pa yi rol mo dang/ /rdo rje 'jug pa'i spyod pa dang/ /rig ma'i ma mchu'i ro myang dang/ /cung zhig 'khyud par spro ba yi/ /bza' ba chos pa sna tshogs gang/ /nya dang khung ba la sogs dang/ /sha dang bur chang bzang po dag/ /rgyud nas gsungs pa sna tshogs dang/ /phyag rgya gnyug ma phul byas nas/ /de nas dngos grub 'grub par 'gyur/ /'di lta'i gzugs su ma byas nas/ /gzhan du dngos grub 'byung mi 'gyur/ /rdo rje ston la gang gus pas/ /'di lta'i tshul du byed 'gyur ba/ /de nyid rig pa'i las nyid kyis/ /dri med rdo rje gsum dbyer med/ /yang dag rab sbyin gsang 'gyur ba/ /sems can des 'dir thob par 'gyur/ /bla ma rdo rje mnyes 'gyur bas/ /dngos grub bzang po kun sbyin byed/ /rgyud nas gsungs pa'i dam tshig bzang/ /de ltar rtag par rab bsgrub pas/ /rdo rje slob dpon thugs rje mchog/ man ngag myur du thob par 'gyur/ /'di lta'i tshul gyis 'ongs gyur pa'i/ /de nyid gsal por yongs shes nas/ /gus pa'i dngos po 'phel 'gyur bas/ sangs rgyas nyid ni 'grub par 'gyur/ /mchod pa'i dus su 'bad pa yis/ /gus pas bla ma phyag byas nas/ /phyi nas sangs rgyas dngos grub gtso/ /rab sbyin rtse gcig sems kyis bsgom/ /slob dpon mchog la dmod pa dang/ rdo rje sems dpa' khyad par du/ /dkon mchog gsum la dmod pa dang/ /'di dag 'bad pas spangs par bya/ /gang gi sangs rgyas rnams kyi chos/ /nam mkha' lta bu mi shes pas/ /theg pa mchog 'di thos gyur nas/ /sems can de ni skrag 'gyur na/ /rdo rje theg pa dmod pa dang/ /ngan 'gro

  59. 30a

    dag tu 'gro bar 'gyur/ /dman la mos pa'i sems can rnams/ /bskal pa brgya yi bar du yang/ /ngan 'gro dag tu 'gro bar 'gyur/ /ngan 'gro dag nas byung nas yang/ /de ni 'khor ba'i sdug bsngal 'gyur/ /sangs rgyas chos dang dge 'dun la/ /gang zhig gus par mi byed pa/ /sdug bsngal 'phongs pa kun 'byung bar/ /sdig pa'i las kyi 'gro 'gyur te/ /bde gshegs mtshan ma la brten nas/ /mnar med par ni 'gro bar 'gyur/ /gang zhig gus pa dang ldan pas/ /chos nyid bsgom par byed 'gyur bas/ /de ni sdig pa kun spangs nas/ /gtso bo'i gnas su 'gro bar 'gyur/ /bla med rdzogs pa'i byang chub tu/ /'dod pa'i yon tan lnga ldan pas/ /'khor ba'i rgya mtsho 'jigs pa las/ /sems can rnams ni des grol 'gyur/ /sangs rgyas byang chub mchog gnas/ /bla na med pa'i chos rnams ni// 'jig rten kun la ston pa por/ /dus mi ring bar 'grub par 'gyur/ /mi shes sgrib pas ldongs gyur pa'i/ /sems can rnams la don dam gyis/ /ye shes snang bar byed 'gyur te/ /mun pa la ni mar me bzhin/ /bde chen mgon po gcig pu nyid/ /gang zhig rtag tu dran byed cing/ /zhabs kyi pad+ma gnyis gus pa'i/ /sdig pa thams cad zad gyur nas/ /sems can de nyid de yi mthus/ /pad bsnams 'jig rten mgon po ltar/ /dngos grub kun gyi gter gyur pa/ /dus mi ring bar 'gyur ba nyid/ /gang zhig dag pa'i de nyid sems// gus pas lcags kyus brtan bkug nas/ /dpal ldan rdo rje sems dpa' yi/ /gsang ba'i sgrub thabs gang byas pa/ /gal te de ni bzang gyur na/ /bzang zhes ci phyir rjod par byed/ /gal te dman dang 'dres gyur na/ /slob dpon rnams kyi de bzod mdzod/ /gang zhig rgyud kyi rjes 'brengs nas/ /brjod pa dag gis ma shes pa'i/ /rang gi bu bzhin 'phags pa rnams/ /ma lus pa dag bzod par mdzod/ /dpal ldan mgon po bde chen gyis/ /zhabs kyi pad+mas nyer 'tsho ba/ /pad+ma rdo rjes sems can kun/ /rjes su bzung phyir byas pa yi/ /gsang ba grub pa

  60. 30b

    zhes bya ba/ /dngos grub kun gyi bla ma'i bla/ /grol bar 'dod pa'i sgrub pa po/ /'bad pa nyid kyis bsten par bya/ /blo bzang rtogs pa'i cho ga bzhin/ /gsang ba grub par gang spyod pa/ /mi yi tshe 'di nyid la ni/ /dngos grub ma lus 'thob par 'gyur/ /sems can kun dang dus gcig du// gsang ba'i spyod pa gang grub pa'i/ /legs pa ma lus gang yod pas/ /dpal ldan slob dpon zhabs grub shog /sangs rgyas thob pa'i rgyur gyur pas/ /yul gzhan la ni sems zhen pas/ /sgrub dka' yul dang lan cig tu/ /kun rtog thams cad spang bar bya gnas skabs lnga ni gnod gyur na/ /skad cig gis ni 'khor bar ltung/ /snyoms dang gnyid dang 'gyod pa dang/ /rgod dang the tshom zhes bya ba'i/ /sgrib pa lnga po sangs rgyas dang/ /byang chub sems dpa' mi bzhed do/ /lnga po de ni yongs spangs nas/ /sangs rgyas nyid du nges byas nas/ /smyon pa'i brtul zhugs kyis rol na/ /tshe 'di nyid la 'grub par 'gyur/ /gsang ba de nyid mchog de nyid/ /grub pa gang zhig de brten pa/ /der ni rgyal ba kun 'byung ba/ /gsang ba grub pa zhes byang brjod/ /ces bya'o/ /dgu bcu rtsa lnga pa bcas pa'i/ /tshigs su bcad pa lnga brgyar ni/ /dngos grub thams cad bsdus pa'i phyir/ /gsang ba grub pa zhes byar brjod/ /pad+ma rdo rje'i dga' bas thob gyur bsod nams gang yin pas/ /sangs rgyas 'byung ba'i sar gyur 'jig rten gyur pa yon tan rgyan gnas pa/ /sangs rgyas thob pa'i rgyur gyur gsang ba grub pa gtan du nyin dang mtshan su sbyor gyur cig /sems can 'di kun ma lus byang chub snying po'i bar du legs par spyod gyur cig /gang zhig rgya mtsho dang bcas sa gzhi ri dang ljon shing sogs pas brgyan pa rnams de dag de nyid gzugs brnyan bzhin du chen por gyur pa'i khongs su chud par snang gyur pa/ /rdzogs pa'i byang chub dri med zla ba'i 'od zer dpal ldan gsang ba grub pa mchog /mdzad pa thugs rjes gzhan gyi dbang gyur dpal ldan pad+ma rdo rje gtso la phyag 'tshal lo/ /

  61. 31a

    don dam pa'i yi ge gsum dang ldan pa'i rgyud kyi don nges par bsdus pa dpal gsang ba grub pa zhes bya ba dpal rdo rje sems dpa' mnyes par bya ba las/ don dam pa'i slob dpon gyi mchod pa nges par bstan pa zhes bya ba'i le'u ste dgu pa'o// //lha dang lha min la sogs pa ma lus pas/ zhabs kyi pad+ma zung la me tog gi phreng bas mchod pa dpal mgon po bde ba chen po pad+ma badzras mdzad pa rdzogs so// //rgya gar gyi mkhan po kriSh+Na paN+Di ta dang/ /lo tsa ba dge slong tshul khrims rgyal bas bsgyur cing zhus te gtan la phab pa'o// (//gnyis su med par grub pa'i sgrub thabs zhes bya ba dpal mor mdzad pa bzhugs so//) //rgya gar skad du/ pradz+nyo pa ya bi ni shtsA ya sid+d+hi/ bod skad du /thabs dang shes rab rnam par gtan la dbab pa sgrub pa/ thugs rje chen po 'phags pa spyan ras gzigs dbang phyug la phyag 'tshal lo/ /rang bzhin dri med cing thabs dang shes rab rang bzhin sems gang las ni sangs rgyas kyi// yang dag ma yin kun rtog mdza' dag dri mas ma gos chos sku dang ni mtshungs med pa'i/ /dam chos char gyi gzhir gyur longs spyod dang ni sna tshogs pa yi gzugs dang spyod ldan pa'i/ /yang dag sprul pa skye 'gyur de la gus par phyag byas nas ni de nyid bshad pa bya/ /de yi rang bzhin mi shes pa'i/ /skye bo ma lus la phan phyir/ /dpal ldan yan lag med rdo rje/ /bdag gi de nyid mdor bsdu bya/ /byis pas 'khrul pa'i bden min pa'i/ /kun tu rtogs pa las byung dngos/ /kun tu rtogs pa'i bdag nyid can/ /de ni srid pa mkhas pas bshad/ /de las bzod dka' rgyun chags pa'i/ /nyon mongs ma lus tshogs rnams dang/ /rnam pa sna tshogs rgya che ba'i/ /las kyi tshogs ni skye bar 'gyur/ /de gnyis las ni skye ba dang/ /'chi ba la sogs rab rgyas

  62. 31b

    ?/ /mi bden la zhen sems ldan pa'i/ /shin tu sdug bsngal 'khor mor 'byung/ /shes rab nyams chung de dag ni/ /ji srid dngos 'dzin chen po yod/ /de srid srid pa'i btson rar gnas/ /bdag dang gzhan phan ga la yod/ /de phyir 'gro ba gsum po dag /dga' bar byed 'dod rang gi ni/ /'khrul pa gsal bar 'dod pa yi/ /bshes gnyen can gyi dngos 'dzin spang/ /gal te ming tsam tha dad kyang/ /rtog pa nyid du dbyer med phyir/ /mkhas pas dngos 'dzin yongs btang ste/ /dngos med bar yang mi brtag go /mar me 'bar ba bsad rung gi /shi na ci yang byar med par/ /dngos por 'dzin pa nyid rung gi /dngos med 'dzin pa de ltar min/ /yang dag dngos po med rtog pa/ /de yi dngos po mtshon 'gyur te/ /gang phyir nam mkha' zhig pa ni/ /med pas dang po bral ba min/ /thabs dang bral bar gyur pa yi/ /dngos med tsam zhig sgrub gyur kyang/ /med phyir nam mkha' i me tog bzhin/ /bdag gzhan don ni nus ma yin/ /mig 'phrul lta bur 'khrul ba'i phyir/ /de ltar dngos po yongs su btang/ /sangs rgyas 'bras bu 'dod pa yi/ /med phyir dngos med de bzhin no/ /de gnyis ji ltar yongs btang dang/ /btang nas gang du gnas pa ni/ /'khor min mya ngan 'das min pa/ /de ni mkhas pas mnyan par gyis/ /shes dang shes bya rab phye ste/ /sbyor bas yongs su brtags nas ni/ /chos rnams rang bzhin med pa nyid/ /shes rab de nyid du ni brjod/ /ma lus sdug bsngal rgya mtsho dang// sdug bsngal las 'don gang yin pa/ /snying rje sems can la chags pas/ /'dod chags zhes ni bya bar grags/ /rtag tu rjes mthun sbyor ba yi/ /skye bo mngon par 'dod pa yi/ /'bras bu gang yin nyer sbyin pas/ /de nyid thabs zhes bya bar bsgrags/ /chu dang 'o ma 'dres pa bzhin/ /gnyis med rnam par sbyor ba yis/ /gnyis po 'dus pa gang yin pa/ /shes rab thabs zhes bya bar brjod/ /de ltar gang la bzhag pa dang/ /gsal bar nus pa ma yin zhing/ /bzhag dang bsal ba spangs pa ni/ /chos rnams de bzhin nyid ces brjod/ /bzung

  63. 32a

    dang 'dzin pa dang bral ba/ /yod dang med pa'i phyogs spangs shing/ /mtshan gzhi dang ni mtshan nyid grol/ /rang bzhin dag pa dri ma med/ /gnyis dang gnyis med zhi ba dang/ /thams cad la gnas dge ba ste/ /so so rang rig mi g.yo zhing thabs dang shes rab mi 'khrugs pas/ /de nyid sangs rgyas thams cad kyis/ /mchog tu ngo mtshar gyur pa'i gnas/ /legs dang lha yi phun tshogs byed/ /chos kyi dbyings su rab tu grags/ /dus gsum sangs rgyas kyis bsten pa'i/ /mi gnas mya ngan 'das pa ste/ /yid 'ong bdag byin brlabs pa'i gnas/ /shes rab pha rol phrin dge ba/ /theg pa gsum dang sku gsum dang/ /bye ba grangs med sngags dang ni/ /phyag rgya'i dkyil 'khor 'khor lo dag/ /'jig rten pa dang de las 'das/ /lha dang lha min mi dang ni/ /yi dags la sogs de bzhin gzhan/ /de nyid las ni byung nas su/ /de nyid du na thim par 'gyur/ /ma lus pa yi 'gro rnams la/ /yid bzhin nor ltar kun tu gnas/ /shes rab thabs kyi rang bzhin gyis/ /spyod dang grol ba yang dag gsol/ /de nyid yang dag rtogs nas su/ /sngon gyi bde gshegs sangs rgyas la/ /thams cad du ni sangs rgyas zhing/ /'gro la phan phyir sangs rgyas 'gyur/ /dpag med bde ba'i rang bzhin phyir/ /dpal ldan bde chen zhes bya la/ /kun tu bzang po mdog nyid dang/ /mngon par byang chub byed pa po mtshungs pa med pa'i thugs rjes 'gro ba gsum yi sdug bsngal ma lus pa/ /'joms par byed pa gcig pu rab 'jug dang ni dpag med sna tshogs pa'i/ /tshogs la chags pa las ni rnam grol blo mchog mnyam 'dus pa/ /bdag gzhan phan dang bde rgyud de nyid du ni thub pa'i dbang pos gsungs/ /de dag ni thabs dang shes rab rnam par gtan la dbab pa bsgrub pa las/ /shes rab dang thabs rnam par spros pa'i rim par phye ba ste dang po'o// /

  64. 32b

    pa gzhom dka' 'khrul ba yi/ /nad kyis gzhom pa dag la phan pa dang/ /de nyid rin chen thob bya'i phyir/ /de nas 'di la cung zad bshad/ /dpal ldan yan lag med rdo rje/ /snying rjer zhugs pa'i sems kyis ni/ /sngon gyi sangs rgyas kyis gsungs pa'i/ /thabs ni ji bzhin mdor bsdu bya/ /de 'di yin zhes rgyal bas kyang/ /de ni brjod par nus ma yin/ /so so rang rig rang bzhin phyir/ /dag gi lam ni bzung bya min/ /de lta na yang dus gsum gyi/ /sangs rgyas 'gro rnams dag mdzad pas/ /mdo sde du ma gsang sngags kyi/ /spyod pa la sogs rim gyis bshad/ /sgra dang don dag 'brel med phyir/ /thos pa la sogs shes pa yis/ /yul du nam yang 'gyur ma yin/ /bstan bcos mtshan nyid ston pa yin/ /de phyir skyes bu dam pa yi/ /bla ma dam pa bsten pa'i rigs/ /de ma gtogs par de nyid ni/ /bskal pa bye bas thob mi 'gyur/ /zhing bzang shin tu sbyangs pa las/ /sa bon med pa'i myu gu bzhin/ /de nyid rin chen ma rnyed par/ /nam yang dngos grub 'gyur ma yin/ /rnam par mi rtog lam la gnas/ /thabs dang shes rab don ston pa'i/ /man ngag ldan pa 'ga' tsam ste/ /yid bzhin nor bu bzhin du 'byung/ /sa steng gi ni slob dpon te/ /nges par yongs su shes byas la/ /dngos grub mchog ni bdag sgrub phyir/ /de ni 'bad pas bsnyen bkur bya/ /gang zhig gis ni gzi brjid kyis/ /khams gsum brtan dang g.yo bcas pa'i/ /'byung po kun gyi dge legs dang/ /dpag med byang chub bde mchog thob/ /ltos pa med par thugs brtse ba'i/ /thugs rje'i sku can de la ni/ /bsam ngan rgyu yi dri bcas pa'i/ /sems kyis ci phyir 'dud par byed/ /ji srid 'dod pa rnyed par du/ /kun tu phyag dang bkur sti dang/ /'bad de 'chang la sogs pas mchod/ /bsnyen bkur sri zhu bla mar byed/ /sangs rgyas kun gyi yon tan gnas/ /rin chen de nyid thob gyur nas/ /sdang las skyon rnams rtog byed cing/ /'dri med tsam yang byed mi 'gyur/ /de bzhin gzhan yang ngan pa'i bdag /bla ma rdo rje can bsten nas/ /tso 'dri bar ni byed pa'i bdag /bsam ngan rang la tsa 'dri 'am/

  65. 33a

    dkon mchog gsum gyi bskor dang ni/ /bla ma'i phyag rgya 'phrog par byed/ /rnal 'byor pa yi dam chos la/ /ma spyad pas na dmod par byed/ /dam tshig ngo mtshar che gyur la/ /rtag tu smod byed blo ldan la/ /nga yang shin tu skrag byed ces/ /dpal ldan rdo rje mgon pos gsungs/ /bsnyen bkur med par myur ba ru/ /bdag ni rjes su bzung 'tshal brjod/ /sdang ba'i sems kyis gzhan brten te/ /kha cig nyes pa sgrogs la brtson/ /sangs rgyas don du mi gnyer zhing/ /rnal 'byor pa dang slob dpon zhes/ /bdag ni ci nas ? 'gyur ba/ /de tsam la ni zhugs pa yin/ /brgya la ye shes rnyed 'gyur na/ /khengs pa bla ma las sdang bar/ /sngags kyi rim pa las 'ongs pa/ /'di ni bdag gis shes zhes brjod/ /slar la 'bul gyi yas dang bzung/ /de nas brtsams te yas kyis ni/ /slob ma nga min slob dpon min/ /khro bcas sma ba gzhan dag yod/ /bla ma slu ba'i bsam pa yi/ /co 'dri byed cing khyad byed pa/ /tshe 'di bde ba yod min na/ /de dag ji ltar 'grub par 'gyur/ /de lta bu yi sems can gang/ /rang gi don la rgyab phyogs yin/ /de ni ngan 'gro kun snod du/ /dpal ldan rdo rje mgon pos gsungs/ /bdag nyid sun 'byin byed pa de/ /dmyal las 'gro ba gzhan yod min/ /shin tu mi zad? las rnams kyis/ /sdug bsngal rnam pa mang pos 'tshed/ /de bas dam pa don gnyer ba'i/ /skyes bus dngos po thams cad kyis/ /dpag med 'bras bu rab ster ba'i/ /slob dpon kun tu bsten par bya/ /byang chub tu ni nges byas pas/ /phrag dog nga rgyal ser sna dang/ /de bzhin g.yo dang sgyu dang ni/ /skyo dub 'du shes yongs spangs te/ /rtag tu du yi spyod pa bzhin/ /mi g.yo ba yi sems kyis ni/ /dngos grub kun don ster ba'i bla/ /'gro ba'i mgon po bsnyen bkur bya/ /shin tu gus pas dus gsum du/ /zhabs la spyi bos phyag byas shing/ /rang gi lus la'ang ltos med par/ /maN+Dal sngon 'gro mchod pa bya/ /de nas bla ma'i bka' drin gyis/ /dus gsum

  66. 33b

    sangs rgyas kyis gsungs pa'i/ /de nyid dam pa bgegs med par/ /slob ma yis ni thob par 'gyur/ /rtag tu 'od gsal dag pa ste/ /rgyal ba'i gnas 'gyur byang chub sems/ /gsal ba chos kyi dbyings kyi dngos/ /phun tshogs ma lus bde par 'gyur/ /mun pa'i tshogs ni 'joms byed pa'i/ /nyi ma dang ni nye ba yi/ /me shel gyi ni nor bu las/ /rab 'bar me lce 'byung ba bzhin/ /slob ma'i sems ni nor bu la/ /'gro ba gzigs pa nyer 'gyur na/ /dri ma 'joms byad rnal 'byor gyi/ /ma lce rno 'bar de bzhin no/ /dpal ldan de nyid rin chen ni/ /rab tu rtogs pas 'bar rjes la/ /phyogs bcu na bzhugs sangs rgyas rnams/ /thugs rjes thugs ni 'phangs nas su/ /myur du byin nas slob ma ni/ /sangs rgyas byin rlob gdon mi za/ /sangs rgyas kun gyis byin rlabs pas/ /sangs rgyas kun gyi rang bzhin 'gyur/ /brtan pas g.yo dang zol dang nga rgyal sgrib pa thams cad yongs su spangs nas ni/ /man ngag ldan pa'i bla ma mtshungs pa med pa dang pas 'dir ni bstan par bya/ /nges de nges par rgyal ba'i yon tan bter 'gyur de nyid rin chen rnyed gyur nas/ /bde gshegs gnas gyis brnyes pa'i byang chub mchog ni 'thob par 'gyur/ /de dag ni thabs dang shes rab rnam par gtan la dbab pa'i sgrub pa las rdo rje slob dpon bsnyen bkur nges par brtan pa'i rim par phye ba ste gnyis pa'o// //rdo rje sems dpa' i gnas 'dod pa'i/ /sgrub pa po la phan gdags phyir/ /dbang bskur srid gsum phun tshogs gnas/ /de nas 'di la yang dag bshad/ /bde gshegs gnas kyi dkyil 'khor du/ /rgyud kyi lam gyi rjes 'brangs nas/ /mkhas pas gang tshe dbang bskur na/ /sangs rgyas thams cad mngon sum yin/ /dpag med 'jig rten khams dbang phyug /bdag phyin brlab pa'i dbang thob pa/ /dam tshig nyams kyi 'jigs pas na/ /blo ldan de dag gis kyang 'dzin/ /sangs rgyas rnams kyis don dam du/ /sngags kyi lam las de bzhin gsungs/ /rdo rje sems dpa'

  67. 34a

    la sogs lha'i/ /dam tshig shin tu 'da' dka' ba'i/ sngags kyi laM du de bzhin gsungs/ /de bas do kun la 'bad pas/ /dbang bskur don gnyer rgyal bdag sras/ /rdo rje slob dpon yon tan mtsho/ /ji ltar rig pas bsnyan par bya/ /gzugs dang lang tsho phun sum tshogs/ /mig bzad? phyag rgya rnyed nas ni/ /gos dang tsandan phreng sogs kyis rab tu brgyan te dbul bar bya/ /dri dang phreng sogs bsnyen bkur dang/ /chang dang ston mo rgya chen dang/ /phyag rgyar bcas pa'i gtso bos ni/ /gus pas 'bad de yang dag mchod/ /slob mas dad pas pus lha nga/ /sa la legs par btsugs nas ni/ /thal sbyor bcas pa'i bstod pa 'dis/ /ston pa la ni gsol gdab bya/ /rnam rtog thams cad spangs pa yi/ /stong nyid snying po bstod phyag 'tshal/ /kun mkhyen ye shes phung po can/ /ye shes sku khyod phyag 'tshal la/ /'gro ba'i mi shes gcod pa po/ /bdag don de nyid ston mdzad pa/ /chos bdag med las yang dag byung/ /rdo rje sems khyod la phyag 'tshal/ /sangs rgyas byang chub sems rnams dang/ /sa dang pha rol phyin yon tan/ /rtag tu mgon po khyod las byung/ /byang chub sems khyod la phyag 'tshal/ /dkon mchog gsum dang theg chen gyi/ /de nyid brtan dang g.yo bcas pa/ /khams gsum 'di dag thams cad kyi/ /'gro ba'i sa bon khyod la 'dud/ /'gro don sna tshogs grub pa'i phyir/ /yid bzhin nor bu bzhin du 'byung/ /dpal ldan bde gshegs bka' bzhin mdzad/ /sangs rgyas sras po khyod la 'dud/ /yon tan rgya mtsho bka' drin gyi/ /de nyid bla med shes par 'tshal/ /kun mkhyan ye shes dbang bskur ba// da ltar bka' drin mdzad du gsol/ /dpal ldan thugs kyi rdo rje yi/ /sangs rgyas kun gyi gsang chen po/ /rdo rje chos la bstan pa bzhin/ /de ring mgon pos bka' drin gsol/ /khyod zhabs pad+ma spangs nas ni/ /bdag la gzhan ni skyabs ma mchis/ /

  68. 34b

    'khor ba'i dgra las rab rgyal ba'i/ /mgon pos de phyir brtse bar mdzod/ /da nas dpal ldan slob dpon ni/ /phan pa'i bsam pas rjes brtse bas/ snying rje slob ma la bskyed de/ /'dod pa'i yon tan lngas gang ba'i/ /dril bu sil snyan sgra dang bcas/ /bla re 'bar ba bres ba ru me tog bdug pa nyams dga' 'khrigs/ /phreng ba dri zhim mchog tu bde/ /rdo rje sems dpa' lan gyi lha/ /rnal 'byor ma ni rnal 'byor ldan/ /mchog tu rmad byung gnas gyur pa'i/ /tshogs kyi 'khor lor bkug nas ni/ /de nas slob dpon bskal bzangs kyis/ /phyag rgya dang ni sbyar byas te/ /rgyal ba'i gnas gyur byang chub sems/ /pad+ma'i snod du bzhag nas ni/ /bkra shis glu yi tshigs bcad dang/ /gdugs dang rnga yab rgyal mtshan bcas/ /phyag rgyad ldan pas slob ma ni/ /'gro pa'i gtso bor dbang bskur bya/ /slob dpon dbang phyug mchog gis ni/ /dbang bskur rin chen byin nas su/ /rang bzhin gsal zhing mngon sbyangs pa/ /dam tshig nyams dga' sbyin par bya/ /rin chen chen po ga bur bcas/ /tsandan dmar po sbyar ba dang/ /rdo rje yi ni chu dang bcas/ /lnga pa dag las yang dag byung/ /'di ni bu khyod dam tshig ste// sangs rgyas kun gyis 'thun par gsungs/ /bzang pos rtag tu bskyang bar byos/ /de ni ston pa mnyan par gyis/ /srog chags gsad par mi bya zhing/ /bud med rin chen spang mi bya/ /khyod kyi slob dpon yong mi spang/ /sdom pa shin tu 'da' dka' ba'o/ /byang chub sems kyi dbang bskur bas/ / slob ma sdig dang bral bar 'gyur/ /sangs rgyas sras mchog de la ni/ /rjes su gnang ba de nas sbyin/ /byang chub snying po'i mthar thug par/ /phyogs kyi 'khor lo kun tu ni/ /chos kyi 'khor lo bla med pa/ /sems can mchog gis bskor ba gyis/ /shes rab thabs kyi rang bzhin bdag yid bzhin nor ltar rgya che ba/ /chags dang bral zhing mi skyo bas/ /da ni sems can rnams don gyis/ /rjes gnang bcas pa'i dbang bskur thob/ /bya ba byas shing rab dga' bas/ /'gro kun dga' bar byed pa yi/ /'jam pa'i tshig ni brjod par bya/ /de ring bdag gson

  69. 35a

    'bras bu yod/ /de ring skye ba 'bras bu yod/ /de ring sangs rgyas rigs su skyes/ /de ring sangs rgyas sras por gyur/ /skye la sogs pa'i rba rlabs dang/ /nyon mongs 'dam ni rgal dka' ba'i/ /rtog pa'i rgya mtsho 'jigs chen las/ /mgon pos de ring bdag bsgral to/ /khyod zhabs bka' drin shes nas su/ /byang chub gang gis bdag 'tshal ba'i/ /bag chags thams cad spangs nas su/ /rdzogs pa'i bzhin du bdag 'gyur ro/ /mig mdangs 'dzum dang bcas pa yi/ /gus pas zhabs la btud nas su// 'dzin pa med pa'i sems kyis ni/ /rdzas ni gang dang gang bzhed pa/ /de dang de ni dbul bar bya/ /bla ma thugs rje can gyis kyang/ /slob ma'i 'dzin pa spang ba'i phyir/ /de la phan phyir blang bar bya/ /bla ma'i yon ni phul nas su/ /de nas mchod de phyag byas la/ /mngon par 'dod pa'i gnas thob nas/ /slar yang 'di yi mkhyen par gsol/ /de ring sangs rgyas mchog khyod kyis/ /bka' drin bdag gis thob par 'gyur/ /de mthus bla med byang chub ni/ /ji bzhin bdag gis sgrub par bgyi/ /mchog kun gyis ni mchod pa'i gnas/ /bla med byang chub thob nas ni/ /srid gsum gnas pa'i sems can gnas/ /de nyid la ni dgod par bgyi/ /cho ga 'di dag nyid kyi dbang bskur byin nas ni/ /slob ma'i lhag par mos pa'i yid kyis brtag byas la/ /zab cing rgya che ba la lhag par mos na ni/ /tshig gi rin chen dbang bskur sbyin par bya/ /dbang bskur mchog ni ma lus thob par gyur pa de/ /rdo rje mchog 'dzin rnyed dka' mtshungs pa med pa'i gnas/ /longs spyod rdzogs pa dang ni dpal gyi zhing gyur pa/ /byang chub sems chen dbang bskur blang bar bya/ /thabs dang shes rab rnam par gtan la dbab pa sgrub pa las/ byang chub sems kyi dbang bskur ba nges par bstan par rim par phye ba ste gsum pa'o// //gzhan don la phan brtson 'grus can/ /sgrub pa po la phan

  70. 35b

    pa'i phyir/ /shes rab thabs kyi bsgom pa mchog /de nas 'di las gsal bshad bya/ /gang zhig bsgoms pas 'khor ba yi/ /'jigs rung rgal dka' i rgya mtsho min/ /rang don tsam gyis mya ngan 'das/ /der yang rnal 'byor pa mi gnas/ /gang zhig rab kyi mthar phyin pas/ /dri med rmad byung sangs rgyas nyid/ /'phel dang 'grib las rnam grol ba'i/ /bla med byang chub skye 'gyur ba'o/ /phung po lnga la sogs chos rnams/ /gang yang dor bar bya min zhing/ /nam yang gzung bar bya ba'ang min/ /chos kun mi mnyam mnyam pa nyid/ /stong nyid sgom par bya min la/ /stong nyid min pa'ang mi sgom mo/ /stong nyid rnal 'byor pas mi gtang/ /stong nyid min pa'ang yongs mi btang/ /stong nyid stong min nyid 'dzin pa/ /rtog pa rab rgyas skye bar 'gyur/ /yongs su btang ba'ang rtog pa ste/ /de bas de gnyis yongs su spangs// 'dzin pa gnyis ka yongs btang na/ /chags bral rnam par grol ba'i gnas/ /de dang 'brel bdag ces pa yang/ /kun rtog de phyir de gnyis spang/ /chags pa med cing 'gyur ba med/ /sdig pa dang bral mngon zhen med/ /thog ma tha ma'i rtog las grol/ /mkhas pas nam mkha' lta bur bsgom/ /snying rjer ldan pas sems can la/ /rgyab kyis phyogs par mi bya'o/ /sems can yod dang med ces par/ /rnam rtog nyid ni mi bya'o/ /spros pa med pa'i rang bzhin gang/ /shes rab ces byar rab tu grags/ /yid bzhin nor bu ji bzhin du/ /ma lus 'gro don byed snying rje/ /mi dmigs gnas kyi shes rab dang/ /mi dmigs snying rje chen po ste/ /nam mkha' la ni nam mkha' bzhin/ /blo ldan lhan cig gnyis su med/ /gang na'ang bsgom pa po med cing/ /rnam par bsgom pa'ang ci yang med/ /bsgom bya nyid kyang yod min pa/ /de ni de nyid bsgom par bshad/ /bya ba'ang cung zad yod min la/ /dpyad par bya ba nyid kyang med/ /byed po dpyod pa las grol ba/ /don dam rnam par bsgom pa yin/ /gtong bar byed pa'ang yod min zhing/ /'gog par byed pa'ang ci yang med//

  71. 36a

    des na dor bar bya med cing/ /'di la blang bya gang yang med/ /gzugs rnams kun tu blta ba dang/ /de bzhin sgra rnams nyan pa dang/ /rgod dang rtsed mo byed pa dang/ /ro rnams sna tshogs myang ba dang/ /las rnams thams cad byed ba ni// sems ni mi g.yo gnas byas nas/ /de nyid rig pa'i rnal 'byor pa'i/ /rnal 'byor rgyun tu skye bar 'gyur/ /de nyid gnyis med brtan pa ste/ /byang chub sems mchog 'di yin no/ /dpal ldan rdo rje sems dpa' dang/ /rdzogs sangs rgyas kyi byang chub nyid/ /pha rol phyin pa kun dngos kyi/ /shes rab pha rol phyin 'di nyid/ /'di ni mnyam nyid brjod pa ste/ /sangs rgyas kun gyi bsgom pa'i mchog /byang chub sems dpa' mdza' yas dang/ /rdzogs sangs rgyas dang nyan thos sogs/ /brtan dang g.yo ba'i bdag nyid kyi/ /'gro ba thams cad 'di las skyes/ /dngos dang dngos med dang bral ba'i/ /rnal 'byor pas ni de nyid bsgom/ /dngos dang dngos med las grol ba/ /bsgom pas myur du 'grub par 'gyur/ /nyes pa ma lus dang bral zhing/ /nges par sdug bsngal ldog 'gyur na/ /dpal ldan bde gshegs yon tan ni/ /mdza' yas de las 'byung bar 'gyur/ /kun rtog mun pa sdug bsngal ba/ /stug pos mngon par zil gnon cing/ /'dod chags la sogs bzlog bka' i dri mas g.yogs gyur pa'i/ /rab tu 'thor rlung gis skyod glog ltar g.yo ba yi/ /sems ni 'khor ba yin par rdo rje can gyis gsungs/ /rtog pa las ni rnam par grol zhing 'od gsal ba/ /'dod chags la sogs dri ma'i sgrib g.yogs rab tu spangs/ /bzung ba dang ni 'dzin pa med na de nyid e ni/ /mya ngan 'das pa'i don du sems can mchog gis gsungs/ /de bas sdug bsngal mang po chogs? kyi rgyur gyur pa/ /'di las gzhan pa gang yang yod pa ma yin la/ /thar 'dod 'phags pa khyed kyi bde ba dpag med pa/ /skye ba'i rgyur yang 'di las

  72. 36b

    bshad pa gang yang med/ /sdug bsngal ma lus zad bya'i go cha bgos nas ni/ /rdzogs sangs rgyas kyi bde mchog thob par 'dod pa yi/ /sems ni brten byas de la 'bad de dpyad byas la/ /de yi rang bzhin bdag gi rang bzhin nyid du bya/ /skye ldan rnams kyi yid 'di ji srid rtog pa'i mun pa snam bu 'thug pos dkris gyur pa/ /de srid sdug bsngal dpag tu med yin de nas de ni ji srid bshus par gyur pa na/ /de srid bde ba rgya chen mtshungs med yin pas 'phags mchog de la nan tan gyis shig dang/ /de zad nas ni de nyid la gnas yon tan rgyas pa rang nyid kyis ni snang bar 'gyur/ /de dag ni thabs dang shes rab rnam par gtan la dbab pa'i sgrub pa las de kho na nyid bsgom pa'i rim par phye ba ste bzhi pa'o// //chos kun mnyam nyid rmad byung ba/ /de nyid spyod pa bla na med/ /rnam rtog dgra rnams gsod byed pa/ /shes rab pha rol phyin pa gzhan rdzogs sangs rgyas la gnas pa'i/ /sangs rgyas la phan bya'i phyir/ /de nyid yan lag med rdo rjes/ /de nas 'di las gsal bshad bya/ /rga ba la sogs rba rlabs 'khrigs/ /skye ba'i rgya mtshor cher 'jigs las/ /'byung po thams cad sgrol ba'i gru/ /nyes med par ni 'gro ba'i gru/ /yid 'ong yon tan kun gyi gnas/ /myur du dngos grub bzang po byed/ /'dod pa'i don kun rab sgrub pa/ /yid bzhin nor bu bzhin du 'byung/ /ma lus pa yi sangs rgyas rnams kyi yon tan rgyur 'gyur rdo rje 'dzin pas rab tu bsngags pa ste/ /'di ma gtogs par dngos grub skye bar 'gyur ba min/ /de phyir thar pa 'dod pas spyod pa mnyam med 'di spyad bya/ /lha min sgra dang brgya byin grong khyer gsum dgra nor sbyin tshangs sogs rnams kyi zhabs kyi pad+mar mched byas pa/ /bde bar gshegs pa'i go 'phangs mchog ni myur du thob byed sdig pa zad byed 'di ni mkhas pas spyad par bya/ /dpal rdo rje sems dpas 'gro la phan phyir yang dag spyod pa 'di gsungs te/ /sna tshogs gzhan dag ma lus gdul bya'i skye bo du ma'i dbang du byas nas ni/ /ji skad gsungs

  73. 37a

    pa'i spyod pa sna tshogs bla med dngos grub ma lus rab sgrub min/ /kun bzang mtshungs med spyod pa 'di las 'grub 'gyur bcom ldan rdo rje can gyis gsungs/ /dpal ldan slob dpon rdo rje can/ /mgon la kun nas phyag byas la/ /bya ba byas pa'i blo can gyis/ /gsang ba'i spyod pa brten par bya/ /de nas rang 'dod nges byas la/ /'du 'dzi kun la rgyab phyogs te/ /seng ge'i bdag nyid kun rgyu ba/ /de nyid ldan pas spyad par bya/ /'gro ba 'don pa'i bsam pa yis/ /ji bzhin yang dag don rig pas/ /yang dag ldan pas 'jug pa bdag /gnas med sems ni brtan par bya/ /khams gsum 'di dag de nyid de/ /phung po khams la sogs mtshan nyid/ /thams cad sgyu ma rmi lam bzhin/ /mdor bsdus 'di ltar shes byas las/ /'gyod dang rmugs dang gnyid la sogs/ /longs spyod rgya chen 'du 'dzi dang/ /de bzhin 'jig rten chos brgyad po/ /shin tu thag ring spang bar bya/ /gnyis med nges par byas nas ni/ /rtag tu g.yo ba med pa yis/ /pha rol phyin drug sbyor ba ni/ /sangs rgyas dngos grub sgrub par bya/ /sems can rnam par mi rtog bzhin// sems can don la shin tu chags/ /sems ni byang chub nges byas la/ /de nyid spyod pa la brten bya/ /shes rab thabs su ldan pa yis/ /chags pa kun la rgyab bstan te/ /de nyid goms pa la 'bad pas/ /tshe 'di nyid la 'grub par 'gyur/ /bdag byin brlab par rab gsal bas/ /sems ni ji ltar rjes mthun par/ /sngags kyi lam las rab bshad pa'i/ /dam tshig dag ni kun spyad bya/ /bgegs dang bdud tshogs zhi bya'i phyir/ /bdud rtsi lnga po byin gyis brlabs/ /bshang gci la sogs rnams gnas pa/ /'di ni bsrung ba bla med yin/ /rims dang dug dang dbyig dug nad/ /mkha' 'gro ma dang gdon gyi 'tshe/ /bdud dang log 'dren nyid dag ni/ /'di yi rab tu zhi bar 'gyur/ /mi dang rnga mo las byung dang/ /rta dang glang po las byung ba/ /lnga pa khyi las byung ba ste/ /sgron ma

  74. 37b

    shes rab can gyi bza' / /sems ni dga' bar byed pa yi/ /dam tshig chen po gzhan dag kyang/ /rlung ni 'khrug bzhi bya'i phyir/ /thugs kyi rdo rje can mnyes bya/ /thams cad du ni thar 'dod pas/ /shes rab pha rol phyin bsten bya/ /dam pa'i don du gang gnas pa/ /kun rdzob dag pa'i lus bzung nas/ /bud med mdzes pa'i gzugs kyis ni/ /thams cad du ni kun tu gnas/ /de bas phyi rol don las byung/ /rdo rje mgon pos don de gsungs/ /bram ze rigs sogs las byung dang/ /mdza' las skyes dang phyag rgya dang/ /gzhan gyi chung ma tshul nyams dang/ /dman dang cha lugs mi sdug dang/ /skyed ma dang ni sgyug mo dang/ /rang gi bu mo sring mo dag /de nyid sbyor bas don sbyor na/ /sgrub po myur du 'grub par 'gyur/ /sems ni tshim par byed pa yi/ /gling bu sogs las byung ba mnyan/ /phyi rol phyag rgya ka ri na/ /ro ni sna tshogs tshim byed bya/ /rang gi lha yi sbyor ba yis/ /'dod pa'i yon tan mchog rnams kyis/ /sems ni rin chen dag bya'i phyir/ /rtag tu bdag nyid mchod par bya/ /chu skyes rdo rje chu dang ni/ /sgron ma'i 'o ma rab rgyas mchod/ /phreng dang tsandan gos bzang sogs/ /sems ni skyo ba med par bya/ /bgrod dang bgrod min sogs pa ni/ /'dir ni nam yang bya ba min/ /sgyu ma lta bu sogs sbyor bas/ /thams cad la ni longs spyod bya/ /chos kyi dbyings las byung bas na/ /mi mthun phyogs ni gang yang med/ /dogs pa med pa'i sems kyis ni/ /ji ltar 'dod bzhin rab spyad bya/ /sgrub pa po la phan gdags phyir/ /khams gsum pa ni ma lus pa/ /'di dag thams cad longs spyad phyir/ /rdo rje sems dpa' sprul pa yin/ /ye shes mdza' yas rnyed pa yi/ /de bzhin gshegs la 'ang phyag min na/ /rtag tu bsgom la 'grus pa yis/ /lugs ma la sogs smos ci dgos/ /dngos po kun gyi rang bzhin 'di/ /byang chub sems kyi rang bzhin te/ /de nyid bcom ldan rdo rje can/ /de bas bdag nyid lha yin no/ /smyung ba dang ni dkyil 'khor 'bri/ /phyag rgya bcing dang mchod rten las/ /sbyin

  75. 38a

    sreg dang ni gsang sngags bzlos/ /po ti klog pa la sogs pa/ dpal ldan rdo rje mgon po yis/ /mos pa'i dbang du mdzad nas ni/ /gzhan dag la ni bstan pa ste/ /de nyid rig pa'i sems kyis min/ /mar sar 'dod pas snying po ni/ /blangs te dar ba 'dor bar byed/ /de ltar chos kyi snying thob pas/ /rtog pa ma lus spang bar bya/ /rnam par mi rtog gnas blo can/ /gnas min dags pa spang byas na/ /thugs kyi rdo rje bka' bzhin du/ de nas 'grub 'gyur the tshom med// phyag rgya sbyor bas kun tu 'khyud/ /rdo rje bcug ste bskyod pa dang/ /ma mchu'i sbrang mchog btung bya zhing/ /de yi mgrin pa'i sgra gsal ba/ /glang zhing dul bas longs spyad na/ /nges par dga' ba rgya chen gyis/ /rdo rje sems dpa' 'dod pa'i rgyal/ /ring por mi thogs 'grub par 'gyur/ /ji ltar yid 'khrugs mi 'gyur bas/ /de lta de ltar spyad par bya/ /sems kyi rang bzhin 'khrugs gyur na/ /nam yang dngos grub 'gyur ma yin/ /de bas dngos grub mchog 'dod pa'i/ /grub pa pos ni 'dzin pa spang/ /sems dang rjes mthun sbyor ba yis/ /dngul chu bzung bar bsgrub ji bzhin/ /thabs kyi gzhi yi sbyor ba yis/ /de bzhin sems kyi dngul chu bzung/ /sbyor ba dag ni gang yin pa/ /de ru de yi gnas par bya/ /dus dang grangs ni yongs spangs nas/ /de nyid rig pas 'grub par 'gyur/ /gnyis med mtshungs pa med pa gang yin nyin re zhing/ de nyid mchog ni rgyun tu rjes su bsten par bya/ /'di yi dri ma med cing rdo rje lta bu dang/ /grib ma lta bu sku ni mtshungs med thob par 'gyur/ /blo dang ldan pas shes rab kyis ni chos rnams kun/ /mchog gi go 'phang sgrub par bya/ /rang bzhin gyis ni dri ma med par rnam 'byed de/ /'jig rten gsum gyi sdug bsngal zad par bya ba'i phyir/ /nyin rar brtson 'grus go cha chen po bgos nas su/ /dngos po kun gyi rang bzhin dpal ldan rdo rje sems//

  76. 38b

    yon tan ma lus pa yi gter gyur bsgom par bya/ /sems ni byang chub ngo bor gzhag nas yul gyi ni/ /bde la dga' bas tshe 'di nyid la 'grub par 'gyur/ /rang bzhin gyis ni ma lus 'di dag rnam dag ste/ /tha mal yul rnams bdag med sgyu ma lta bu dang/ /mig 'phrul dang ni mig yor dag dang mtshungs pa ste/ /gnas med rtog pa'i tha snyad dag las rnam par grol/ /gang tshe skyes bu dag pa rgya che bsam pa dang/ /'dzin pa med pa'i sems ni kun tu rtogs 'gyur ba/ /de tshe lhan cig skyes pa'i rtog pa zil mnon te/ /yul 'di rnams kyi nus pa 'ching bar nus ma yin/ /gang rnams rnyed dang ma rnyed grags dang ma grags dang/ /bde ba dang ni sdug bsngal rab tu rgyas pa dang/ /bstod dang smad pa'i dri ma rab tu ma lus pa/ /zad pa rang gi sems ni mnyam pa nyid du bya/ /chags pa med dang 'gro la snying ni brtse ba yi/ /rnam par rtog pa thams cad las grol sbyor ba dang/ /ldan pa de yi phyag na bde gshegs go 'phang ni/ /gnas pa yin zhes rdo rje sems dpa' rab tu gsungs/ /gzhan la gnod par byed pa'i blo can gyi/ /skye bo gshis ngan kha yi du ga ni/ /zab mo gya? gyu nas byung tshig ngan sprul/ /rtsub mo'i las kyi su zhig 'jigs mi 'gyur/ /shin tu dri med dga' byed 'od kyi phreng can gyi/ /'od zer 'tsho skyes kyis ni bzod par mi nus ltar/ /yid 'phrog byed pa'i bdud rtsi mang du bshad pa yang/ /skye po 'dzangs min yid ni chags par byed pa min/ /zla ba'i 'od zer de nyid chu shel nor bu dang/ /shin tu nye bar 'dus nas bdud rtsi chu 'dzag bzhin/ /de nyid skye bo bzang yid bdud rtsi rol brlan zhing/ /mi gnas mchi ma 'dzag bzhin chags par byed/ /de bas bdag ni chos nyid gnas pa'i skye bo bzang/ /'phags pa shes ldan khyod la thal mo sbyar nas ni/ /bdag gis mdo du bsdus te gsal bar bya ba ni/ /rab mchog gang yin de ni khyod la dbul par bgyi/ /dpal ldan rdo rje sems dpas ji skad gsungs pa ni bdag gis kyang ni 'di ru

  77. 39a

    de bzhin nges par bstan/ /ci ste nyes par smras pa yod gyur pa/ /de lta na yang 'phags pa bzod par zhu/ /bla ma zhabs kyi pad+mar bsten pas rnam sprul pa'i/ /bdud rtsi dge ba rnams kyi 'byung gnas zhes bya ba/ /gang yin can de 'gro ba rnams kyi thun mong yun ring du/ /phan byed ma lus brtse bas bdag gis byas pa ste/ /dpal ldan 'jig rten gsum gyi rgya mtsho yon tan mtsho/ /rab mchog lha dang lha min dbang po'i cod pan gyis/ /sgrub thabs de nyid rig pa rnams la myur du ni// 'bras bu ster ba gang yin 'di ni byas pa las/ /bsod nams dri ma med pa rgya chen thob gyur pa/ /'di yis 'gro rnams rtog pa'i dgra yi tshogs las ni/ /rgyal bar 'gyur te blo ldan yon tan rgyur 'gyur ba/ /byang chub sems dang de dag shin tu ldan gyur cig/ de dag ni thabs dang shes rab rnam par gtan la dbab pa'i sgrub pa las/ /de kho na nyid kyi spyod par nges par bstan pa'i rim par phye ba ste lnga pa'o// //thabs dang shes rab rnam par gtan la dbab pa'i sgrub pa slob dpon chen po yan lag med pa'i rdo rjes mdzad pa rdzogs so// //paN+Di ta chen po shAn+ti b+ha dra dang/ zhu chen gyi lo tsa ba 'gos lha btsas kyis bsgyur cing zhus te gtan la phab pa'o// (//ye shes grub pa zhes bya ba'i sgrub thabs dbang po'i blos mdzad pa bzhugs so//) //rgya gar skad du/ dz+nyA na sid+d+hi nA ma sA d+ha no pi kA/ bod skad du/ ye shes grub pa zhes bya ba'i sgrub thabs/ bcom ldan 'das rdo rje sems dpa' la phyag 'tshal lo/ /sangs rgyas kun dang dngos grub ni/ /nam mkha' lta bur khyab gyur pa/ /rgyal mchog mchod dang bcas pa yi/ /thams cad mkhyen pa'i rdo rje mchog /sems can kun la kun gsol ba'i/ /'gro ba'i mgon la phyag 'tshal te/ /dngos grub kun la bdag gus pas/ /sgrub pa'i rim 'di bshad par bya/ /ma

  78. 39b

    lus sbyong rgyud las gsungs pa'i/ /rdo rje ye shes bla na med/ /rmongs pa gang gis mi shes pa/ /de ni 'khor ba'i rgya mtshor 'khyam/ /gang zhig rtog pa kun spangs pa'i/ /de nyid la ni yang dag gnas/ /sgrub pa po de tshe 'di yis/ /byang chub dam par gnas par 'gyur/ /sngags dang phyag rgya dkyil 'khor sogs/ /bzlas dang bsgom la 'bad pa yis/ /bskal pa bye ba grangs med duAng/ /dngos grub mchog ni thob mi 'gyur/ /gzugs dang lang tsho phun sum tshogs/ /longs spyod dbang phyug stobs rnams dang/ /rigs de brgyud dang gtso bar 'gyur ba'i/ /sems can nga rgyal bcang mi bya/ /bdag ni blo ldan mkhas pa dang/ /bzo dang sgyu rtsal thams cad la/ /mkhas pa dag ni rgyal po zhes/ /sems ni bskyed par mi bya'o/ /tshul khrims ldan zhing thos ldan brtan/ /sbyin pa la sogs yang dag ldan/ /bshad dang gzhan yang ma bshad? pas/ /bdag tu dmigs par mi bya zhing/ /sems can kun gyi yid khyab par/ /rdo rje sems dpa' rang nyid zhugs/ /de ltar bsams nas rnal 'byor gyis/ /dbang pos gang la'ang brnyas mi bya/ /byis pa blun dang dbul po dang/ /tshul khrims 'chal cing nad kyis gzir/ /de la sogs pa dpag med dang/ /yang dag ldan yar brnyas mi bya/ /dkon mchog gsum la dad cing gus/ /byang chub sems kyis rnam par brgyan/ /sems can kun la rjes su brtse/ /dam tshig dang ni sdom la gnas/ /dri chen dmar dang sha nyid dag/ /byang chub sems dang rab sres la/ / chu chen dang ni yang dag ldan/ /de nyid rig pas rtog tu bza' / /mi khyi rta dang ba lang sgron/ /sna can dang ni khur skyed kyi'ang/ /rtog pa thams cad rnam spangs la/ /de nyid grub phyir bza' bar bya/ /srid gsum las byung bsad bya zhing/ /pha rol nor ni 'brog pa dang/ /gzhan gyi bud med la 'dod spyod/ /brdzun gyi tshig ni smra bar byed/ /las gang gis ni sems can rnams/ /bskal pa bya ba brgya phrag tuAng/ /mi zad dmyal bar 'tshed 'gyur pa/ /des ni rnal 'byor pa 'grel 'gyur/ /thabs chen yang dag ldan pa yi/ /rnal 'byor 'jig rten don

  79. 40a

    sgrub pa/ /sems can kun gyis smad pa yi/ /bya ba de la mi bya med/ /shes rab thabs dang ldan pa la/ /sdig par grags pa yod med ces/ /rdo rje sems dpa' i sprul pa las/ /rdo rje lan ni nyid kyis gsungs/ /bza' dang bza' min las 'das dang/ /btung dang btung min rnam par spangs/ /bgrong dang bgrong min rnam grol bdag /rnal 'byor pa ni mnyam 'jog 'gyur/ /rten 'brel las byung yang dag dngos/ /dngos po thams cad rnam par brtag/ 'gro 'ong dag las rnam grol zhing/ /skye ba med pa bdag med can/ /sgyu ma 'dra sogs dpe yis ni/ /de rnams sbyor bar rab shes pas/ /nga dang bdag ni rnam rtog dag/ de nyid shes pas der mi bya/ /rdo rje chen pos kun khyab cing/ /nam mkha' kun la rab tu zhugs/ /sems can kun gyi yid khyab cing/ /bsod nams thams cad 'byung ba che/ /phan tshun khyab mdzad rdo rje ni/ /kun rig 'jig rten 'dren pa po/ /de ni rdo rje 'dzin rgyal pos/ /rgyud rnams kun tu gsungs pa yin/ /gang la bla ma'i drin yod pa/ /de yi de nyid mchod rten 'gyur/ /gzhan du byis pas yun ring du/ /rnam par rmongs pas nyon mongs 'gyur/ /bla mas sangs rgyas chos 'gyur cing/ /dge 'dun yang ni de bzhin te/ /de yi drin gyis shes 'gyur bas/ /de bas dkon mchog gsum yin no/ /mi shes rab rib kyis ljongs la/ /'di ni lam rab ston byed yin/ /bde ba kun gyi mchog 'gyur dang// 'dod pa thams cad rab ster yin/ /zab mo'i chos la nges pa'i bdag/ shin tu snying rje'i bdag nyid can/ /dkon mchog gsum rnams don du gnyer/ /chos sbyin pa la zang zing med/ /bla ma de ni slob ma sdud/ /sangs rgyas kun rjes sgrub byed cing/ /'gro ba'i mgon gyis bka' stsal te/ /gzhan dag bla ma min par bshad/ /de bas de dang mnyam pa yi/ /mchod bya po chen yod ma yin/ /des na 'bad pa thams cad kyis/ /brtul zhugs can ni bla mchog mchod/ /de snyam 'gro ba 'jig rten na/ /khams gsum na ni gzhan med de/ /rdo rje sems nyid

  80. 40b

    'jig rten na/ /phun sum tshogs kun phyir zhugs yin/ /slob ma phun tshogs mchog 'dod cing/ /bsod nams mi zad 'dod pa dang/ /bgegs kun rnam par bzlog byed pas/ /rnam pa du mas mnyes par bya/ /dam tshig dag ni thams cad kyis/ /bla med dam tshig 'di yin te/ / phun sum tshogs kun ster ba'o/ /brtson ldan rnams kyis rtag tu bsrung/ /rtog pa thams cad rnam spangs pa'i/ /ye shes mchog bzang thob pa yi/ /rdo rje ye shes dbang bskur bas/ /dngos grub mchog ni bsgrub par bya/ /yang dag ye shes kun ldan na/ /bris pa'i dkyil 'khor logs gzhan du/ /dbang bskur ba ni len tsa na/ /'di ni dam tshig nyams par 'gyur/ /dam tshig nyams pas sdug bsngal ni/ /lus dang de bzhin yid dang ni/ /de yi don rnams nyams 'gyur zhing/ /myur ba nyid du shi bar 'gyur/ /shi nas dmyal ba'i sdug bsngal ni// bskal pa bye ba brgya phrag tuAng/ /myong nas gnas las 'phos gyur na yang/ /gdol pa 'am dman pa'i rigs su skye/ /lkugs pa 'am yang na 'on pa 'am/ /skye zhing skye bar dmus long du/ /skye bar 'gyur bar the tshom med/ /de bzhin gshegs kun ye shes ni// rdo rje ye shes zhes byar bshad/ /blo ldan de yi dbang bskur na/ /dbang bskur bar ni shes par bya/ /rnal 'byor sangs rgyas kun bdag nyid/ /'gro ba'i bdag po lha sogs pa'i/ /tshogs kyis thal mo sbyar nas ni/ /byas nas mngon par phyag byed 'gyur/ /byang chub sems dpa' stobs chen dang/ /bdag nyid chen po sangs rgyas kyang/ /dpal chen bsrung ba mdzad gyur te/ /rdo rje sku yi rtag tu bzhugs/ /bden pa'i chos 'dzin mi 'khrug cing/ /sangs rgyas gdung ni rab 'jug pa/ /byin gyis brlabs dang ldan pa rnams/ /gus dang bcas pas bsngags par mdzad/ /'jig rten skyong dang de bzhin gzhan/ /stobs chen pha rol gnon pa rnams/ /gnas rnams kun tu rtogs pa na'ang/ /bsrung bzhin du ni rab tu gnas/ /gang yang sems can thams cad la/ /bdud dang bgegs su gnas pa rnams/ /de

  81. 41a

    yang de la mi byed de/ /bgegs rnams skrag nas 'byer bar 'gyur/ /lha la sogs dang grub pa rnams/ /mkha' la rgyu dang mi rgyu kun/ /ngan 'gror 'gro bas 'jigs pas na/ /de yang de la 'jigs mi byed/ /gal te rmongs pa'i dbang gis ni/ /rnam par rmongs rnams mgon byed na/ /brtson dang ye shes rnam shes dang/ /dngos grub dag kyang nyams par 'gyur/ /kun mkhyen mchog sbyin gsungs pa'o/ /dbyibs kun dang ni rnam bral zhing/ /'gro dang 'ong las rnam grol bdag /rlung kun gyis kyang bskyod mi nus/ /me yi phung pos mi tshig cing/ /chu rnams kyis kyang g.yengs mi 'gyur/ /rab tu 'bad pas mtshon cha ni/ /rnon pos kyang ni chod mi 'gyur/ /ji ltar mi gnas nam mkha' ni/ /khyab cing mtshan nyid rnams dang bral/ /'di ni don dam de nyid de// rdo rje ye shes bla med yin/ /kun tu bzang po zhes bshad cing/ /phyag rgya chen po zhes kyang bya/ /'di ni chos skur shes bya ste/ /me long ye shes zhes kyang bya/ /ji ltar gzugs brnyan me long la/ /rang nyid nges par snang ba ltar/ /de bzhin chos skur ye shes ni/ /snang bas me long zhes bya'o/ /de bzhin gshegs kun ye shes dang/ /rang gi dang ni 'gro ba'i yang/ /dngos nyid gcig pur thugs su chud/ /mnyam nyid ye shes zhes bya'o/ /gdod nas dag cing skye ba med/ /rang bzhin gyi ni 'od gsal pa// phan tshun khyab pa'i ye shes pas/ /so sor rtog pa can zhes bshad/ /kun tu kun nas sangs rgyas kyis/ /mdzad pa thams cad la 'jug pa/ /sangs rgyas thams cad mdzad gcig pas/ /bya ba sgrub pa zhes bshad do/ /gang tshe nyon mongs shes bya'i sgrib/ thams cad las grol de yi tshe/ /rnal 'byor pa mchog rdo rje can/ /shin tu rnam dag ces bshad do/ /ji ltar gdul bya'i chos rnams dang/ /'dod yon kun las sangs rgyas rnams/ /thams cad longs spyod gcig pas na/ /longs spyod rdzogs pa'i skur 'dod do//

  82. 41b

    mtshan rnams kun dang yang dag ldan/ /sna tshogs sku ste mtshan nyid med/ /sangs rgyas rnams kyi sprul ba bas/ /sprul pa'i skur ni bshad pa yin/ /phyag rgya chen po rab sgrub phyir/ /shes nas rnal 'byor bas de bsgom/ /kun rtog thams cad rnam spangs na/ /tshe 'di nyid la 'grub par 'gyur/ /sangs rgyas kun gyi phyag mdzad pa/ /phyag rgya che zhes shes par bya/ /grub sde du ma'i rgyud rnams su/ /rnal 'byor mchog rnams la bstan te/ /mngal 'byung rig pa gang yin dang/ /zhing dang zhing du so sor brtul/ /de bzhin gshegs pa thams cad ni/ /der ni yang dag brtul zhugs 'dzin/ /gzhon nu'i rol pa thams cad dang/ /de bzhin bzo gnas yang dag bstan/ /btsun mo'i 'khor las mngon 'byung zhing/ /bdud rnams 'dul bar mdzad nyid dang/ /lha yul nas ni 'bab pa dang/ /chos kyi 'khor lo bskor ba dang/ /mya ngan 'das chen yang dag bstan/ /gang yang rol pa gzhan rnams dang/ /thams cad rdo rje'i rang bzhin las/ /rnal 'byor pas ni rtag tu bsgom/ /'dir ni sngon chad ma byung med/ /sngon gnas pa ni sbyor mi bya/ /de bzhin gshegs kun mdzad pa ni/ /thams cad rdo rje'i dngos bzhi pa/ /dus gsum lam gyi mthar thug pa/ /thams cad de bzhin lta bar bya/ /'og gi spyod yul kun las 'das/ /mtshan nyid thams cad rnam spangs pa/ /sangs rgyas nyid kun ster ba po/ /rnal 'byor 'di ltar bsam par bya// sa kun las ni rnal 'byor zhing/ /rgyu dang 'bras bu rnam spangs la/ /grub pa bzhin du rnal 'byor bsgom/ /tshe 'di nyid la 'grub par 'gyur/ /rdo rje can kun rnal 'byor pa/ /thabs kyi cho ga kun shes nas/ /rdo rje sems dpa' i gsung bzhin du/ /bla med de ni grub par 'gyur/ /'dug dang nyal dang gnas pa dang/ /yang na 'chag pa dag la yang/ /rdo rje tshig ni smra byed na/ /rdo rje sems dpa' nyid thob 'gyur/ /gzugs dang sgra dang ro dang reg /brtul zhugs can ni rtag sbyong tshe/ /sangs rgyas thams cad mchod pa ni/ /bya'o zhes ni yang

  83. 42a

    dag spyod/ /de bzhin bza' dang gos sogs sam/ /gzhan yang ci yang rung ba dag /sems can rnams la ci ster ba/ /cho ga de bzhin spyad par bya/ /glu gar de bzhin rol mo dang/ /me tog phreng sogs rgyan rnams dang/ /chun 'phyang rnga yab gdugs rnams kyis/ /pha rol bdag nyid mchod par bya/ /dri bzangs dri yi byug pa sogs/ /cho ga bzhin du byugs pa dang/ /sangs rgyas thams cad rjes dran zhing/ /rnal 'byor bas ni thams cad mchod/ /brtul zhugs can nam mgo bregs pa'am/ /khyim pa'am bsnyen bkur ba dag gam/ /rgyal po 'am sde dpon rnams kyang rung/ /brtul zhugs can gyis ji bzhin spyad/ /rnal 'byor pa ni ci spyod pa/ /thams cad du ni smad mi bya/ /rtog pa kun las rnam grol bas/ /ji ltar 'dod par bya ba byed/ /de ni dngos kun ngo bo ste/ /khyab bdag sangs rgyas kun rang bzhin/ /rang nyid ji ltar 'dod par spyod/ /sems can kun gyi snying la bzhugs/ /de nyid thams cad bla med pa/ /de nyid rnal 'byor dbang pos bsgom/ /rdo rje'i rang bzhin kun 'grub pa/ /rdo rje nyid ni myur thob 'gyur/ /'dir ni bgegs med bdud kyang med/ /thams cad kyang ni dbang du 'gyur/ /sdug bsngal kun las rnam par grol/ /brtul zhugs can gyi bdag nyid sgrub/ /bdag nyid thams cad yang dag ldan/ /brtul zhugs che ldan gang tshe mthong/ /nyin zhag dang ni tshang bral bar sangs rgyas thams cad nyid 'grub 'gyur/ /mchod pa kun gyi khyad par gyis/ /bdag nyid la ni rtag tu mchod/ /rdo rje sems dpa' bla med pa/ /phan tshun du yang de bzhin sbyin/ /sems can kun lus las byung dang/ /phyi sa las byung srog chags rnams/ / rnal 'byor chen pos legs blangs la/ /de nyid grub phyir bza' bar bya/ /sgron ma che dang yang dag ldan/ /smad pa'i dam tshig gzhan rnams dang/ /bdud rtsi lnga rnams rtag bza' zhing/ /de bzhin gshegs pa rnams kyang mchod/ /yan lag kun ni smad pa dang/ /brnyas pa dag

  84. 42b

    tu mi bya ste/ /bud med rigs kun las byung ba/ /rdo rje can gyis mchod par bya/ /ma skyes me tog yang dag ldan/ /byang chub sems dang ldan pa dag /mi rtog cho ga la gnas te/ /de nyid grub phyir bza' bar bya/ /sme sha can gyi rigs las byung/ /sme sha can dang khyad par du/ /smad pa'i rigs las byung ba rnams/ /brten ma dngos grub thob par 'gyur/ /bram ze la sogs rigs las byung/ /bu mo rnal 'byor pas spyad de/ /ji ltar sems sun yi 'byin pa/ /de ltar shin tu mdzes par bya/ /sbrang ma skyugs pas 'dres pa dang/ /bshad la sogs dang bsres pa yi/ /rnam par mi rtog sems kyis ni/ /rdo rje sems dpa' i bdag nyid mchod/ /ci 'dod bya ba byed pa dang/ /ji dga' bar ni spyod pa yis/ /rdo rje sems dpa' bsgrub bya ste/ /gzhan du nges par nyon mongs 'gyur/ /brtul zhugs ? bsdom pa dang/ /sna tshogs phyag rgya dang ldan pa'i/ /lha yi gzugs su bsgom pa yi/ /sgrub pa 'grub par mi 'gyur ro/ /'dzam gling rdul phran mnyam pa yi/ /gsang sngags bzlas dang bsgom pa la/ /brtson pa che dang ldan gyur kyang/ /sangs rgyas nyid ni 'grub mi 'gyur/ /de la sogs pa'i dpag med pa'i/ /byis pa rnams kyis brtags tshul gyis/ /bde 'gro skye ba rnyed dka' na/ /rdo rje sems dpa' ji ltar 'gyur/ /phyag rgya dkyil 'khor gzugs la sogs/ /bcom ldan thub pas gsungs pa ni/ /yang dag ye shes mnyam sbyor gyis/ /skal pa dang bral bdag nyid la'o/ /gang zhig rang rig ngo bo nyid/ /de nyid rin chen bla med pa/ /lung dang rig pa'i tshul gyis ni/ /gang zhig 'dzin par mi nus pa/ /mi shes rmongs pas kun tu khebs/ /spyod pa med pa'i blo can rnams/ /dang po'i las can rnal 'byor te/ /dman pa'i chos kyi snod yin te/ /'gro ba mgon gyis de don du/ /rdo rje sems dpa' sogs bsgom pa/ /sku mdog phyag mtshan kun ldan zhing/ /phyag rgya'i dkyil 'khor de bzhin gsungs/ /gang yang gzhan rkyen khar ma las/ /zab mo'i ye shes dag gi snod/ /sdig pa'i grogs dang bdud dang bgegs/ /leg 'dren rnams kyis mi

  85. 43a

    bskyong pa/ /de la de nyid dag pa ni/ /rtog pa thams cad rnam spangs pa/ /sems can kun dang tshangs sogs kyis/ /rnam pa kun tu mi rtog pa'i/ /shin tu rmad 'byung ye shes ni/ /sangs rgyas kun dngos zhi ba dag /tshe 'di nyid la grub byed pa/ /'jig rten mgon gyis gsungs pa yin/ /ye shes grub pa las/ /phyag rgya chen po bstan pa'i le'u ste dang po'o// //sangs rgyas lnga yi ngo bo las/ /phung po lnga ni rgyal bar bshad/ /khams rnams spyan la sogs yin te// de bas sangs rgyas skur 'dod do/ /de lta yin na srog chags kun/ /srid gsum rtag tu rdzogs sangs rgyas/ /sangs rgyas nyid phyir bya kun dang/ /thos dang bsgom pa don med do/ /'jig rten thams cad sangs rgyas na/ /phongs pa kun kyang mi 'byung la/ /bde dang sdug bsngal bsgom la sogs/ /gnod pa de la yod ma yin/ /gal te sangs rgyas skur gyur na/ /mngon shes drug la sogs pa yi/ /sangs rgyas yon tan 'byor pa yang/ /ci phyir de dag med par 'gyur/ /gang yang de ltar mi shes pa/ /de ni rdzogs sangs ji ltar 'gyur/ /'ga' zhig de ltar shes pa ni/ /'di ni sangs rgyas 'gyur ba yin/ /gang zhig rims kyis bslabs pa yi/ /sbyor bas sems ni 'jug 'gyur ba'i/ /rnal 'byor pa ni sangs rgyas 'gyur/ /gzhan dag sangs rgyas 'grub pa min/ /gal te dang gis sangs rgyas na/ /bslab pa dgongs pa ci zhig yod/ /rig par bcas pa'i goms bya yin/ /rig pa med par goms bya yin/ /gal te mgon med skye bo 'ga' / /rgyal por 'gyur zhes bsgoms pas/ /bskal pa bye ba brgya yis kyang/ /'di ni rgyal po thob mi 'gyur/ /gang zhig log pa'i rtog pas ni/ /gang la rgyal po yong min ltar/ /de bzhin log par bsgoms pa yis/ /sangs rgyas nyid du 'gyur ma yin/ /rdzogs sangs rgyas kyi rgyud rgyal du/ /phung po skye mched la sogs pa/ /de nyid dam tshig skad ces pas//

  86. 43b

    de dang de ming gis bstan pa/ /dri chen rnam snang zhes bshad de/ /gci ba de bzhin rdo rje chu/ /ji ltar mo dbang pad+ma ste/ /ji ltar pho dbang rdo rje yin/ /gang phyir lung dang rig pa yi/ /rjes 'brang smra bar mi nus pas/ /de bas gang gis lha yi sku/ /smra bar nus pa ma yin no/ /gal te byas pa'i lha yi gzugs/ /rdo rje sems dpa' gyur na ko /gang phyir 'dus byas las byung bas/ /bum pa la sogs bzhin du 'jug/ de bas byang chub spyod pa ni/ /du ma 'ang 'bras bu med par 'gyur/ /gal te byung nas zhig 'gyur na/ /bsgom pa nyid ni don cing 'gyur/ /yid kyi rang bzhin byas pa'i gzugs/ /ji ltar 'dus byas yin zhes bshad/ /de dang de ni ji ltar 'jig /rmongs pa'i rgya mtsho khyod nyon cig /'di rnams sems kyis brtags pa ste/ /de yang 'dus byas mtshan nyid na/ /yid kyis brtags pa gang yin de/ /mi 'jigs par ni ji ltar 'gyur/ /phyag dang sku mdog yang dag ldan/ /ji ltar sngon nas rnam bzhugs pa/ /ma byas pa yi lha yi sku/ /gal te de nyid du bsgom bya/ /ma skyes ngo bor gnas pa ste/ /bsgoms pas dgos pa ci zhig yod/ /de 'dra'i gzugs su ma gyur pas/ /de 'dir bdag ces bsgom pas na/ /rnal 'byor pa rnams gzugs bsgom pa/ /de 'dra'i gzugs su gyur pa 'am/ /de ni bdag yin zhes sgom bya/ /bsgom pa gnyis su 'di rnams brtag /de 'drar bdag ni 'gyur ro zhes/ /gang tshe bsam gtan gyis brtags pa/ /gang tshe bsam gtan gsal gyur pa/ /lha rnams su yang de snang 'gyur/ /khyod kyi ras ris sogs gzugs ltas/ /gang tshe bsam gtan rnams bsgoms pa/ /de ni 'ong 'gyur bsam gtan gyis/ /de bzhin skyes par 'gyur ma yin/ /ma skyes pa yi lha yi sku/ /khyod kyis bsam gtan gyis byin na/ /mngon shes thams cad 'byung 'gyur zhing/ /de gzugs kyang skad cig des/ /de ltar khyod la yang dag med/ /bsam gtan gyis ni gang du 'ongs/ /khyed nyid kyis ni bskyed pa'i sku/ /bcos ma yin par bcos ma rtogs/ /

  87. 44a

    bdag nyid de yin zhes phyogs kyang/ /gnyis pa der ni yod min te/ /grub pa'i sgrub pa min min na/ /bsam gtan brtag pa ji lta bu/ /kun mkhyen nyid ni thams cad mkhyen/ /slar yang thob par med bzhin no/ /sangs rgyas mdzad pa khyad byed na/ /sangs rgyas nyid pas byed bcug mod/ /de ltar yang dag khyed la med/ /ji ltar log par rtag par byed/ /ma byas sangs rgyas sku gang yin/ /de bdag yin zhes bya don med/ /ma byas pa yi lha yi sku/ /de ni de ltar rnam par dpyad/ /gzugs ni yin pas ? sogs yin/ /ma byas de smra nus ma yin/ /de bas 'gro ba'i mgon po yis/ /byis pa rnams kyis rtogs pa'i phyir/ /sku yi mi rtag ston mdzad pas/ /mya ngan 'das pa gnyis bstan mdzad/ /de bas sangs rgyas skur ldan par/ /'jig rten gang yang lus ma yin/ /sangs rgyas skur ni rab sgrub phyir/ /gzugs kyi bsgom par bya ba min/ /ji ltar sangs rgyas gzugs med pa'i/ /rig pa bems po'i bdag nyid nyon/ /yul na gnas gyur gzugs can ni/ /mngon shes drug tu ji ltar 'gyur/ /'jig rten khams ni thams cad na/ /gzugs la sogs pa'i skye mched rnams/ /mig gi skye mched la sogs pa/ /ded rnams der ni 'ongs ma yin/ /gang tshe mig la sogs pa yi/ /'gro ba dmigs par mi 'gyur na/ /de rnams ji ltar phreng bar 'gyur/ /ma phrad na ni kun rig min/ /song nas shes par 'gyur zhe na/ /rims kyis shes par ji ltar nus/ /shes bya du ma'i ngo bo bas/ /thams cad mkhyen pa de 'dra med/ /sangs rgyas spyan la sogs pa yi/ /de bas dgongs pa yod ma yin/ /mig sogs dbang po ma gtogs pa// lus gzhan dmigs par mi 'gyur ro/ /gzugs brnyan lta bur sems med par/ /sangs rgyas sku ni shes byas na/ /gang phyir yang dag rigs med pas/ /sangs rgyas sku ni kun mkhyen min/ /rtser ldan rnams kyi lha yi spyan/ /sangs rgyas rnams la mnga' bar bshad//

  88. 44b

    lha yi snyan ni thams cad mnga' / /ji ltar thams cad mkhyen te min/ /gal te ye shes kyis mkhyen na/ /de tshe sangs rgyas skus ci bya/ /skur gnas ye shes der rig pas/ /de bas sku ni sku mkhyen yin/ /sku las tha dad tha dad min/ /sangs rgyas rnams kyi ye shes ni/ /sku dang yan lag ldan zhe na/ /mya ngan 'das na de yang 'jig /lus ni 'jig pa'i chos can pas/ /ye shes kyang ni 'jig par 'gyur/ /de bas sangs rgyas ye shes sku/ /'jig par rig pa ma yin no/ /sku med pas na sku mkhyen min/ /rten 'brel las byung ye shes de/ /de bas 'jig pa nyid du 'gyur/ /nyams 'gyur ye shes sku rnams ni/ /thams cad mkhyen nyid mi rigs so/ /de bas sangs rgyas sku dag ni/ /thams cad mkhyen par bya ba min/ /ye shes las gzhan phyogs la yang/ /sangs rgyas skur ni ji ltar 'gyur/ /'di ltar sangs rgyas gzugs brnyan du/ /de ltar rnal 'byor smra ba'i rigs/ /gang zhig 'jig rten rmongs pa rnams/ /gzugs gang bsam par 'dod pa ni/ /sangs rgyas ye shes rab sgrub phyir/ /nam mkha' za bar 'dod pa yin/ /'gro snying rje dman ba dang/ /thabs dang shes rab rnam spangs pa/ /zab cing rgya che'i chos rnams la/ /de rnams blo gros yod pa yin/ /de lta'i chos dang bral ba ni/ /phan tshun dag ni rgyug pa na/ /chos la rmongs rnams smyon pa bzhin/ /g.yang sa dag tu btung 'gyur ba/ /de dag kun la khyad par du/ /snying rje chen po bya ba ste/ /yang dag ye shes nyer shes pas/ /de la brnyas par rigs ma yin/ /ye shes grub pa las gzugs su bsgom pa dgag pa ste le'u gnyis pa'o// //de ltar gzugs su bsgom pa yi/ /rdo rje sems dpa' mi 'grub ste/ /rnam bcas rtog pas kyang de bzhin/ /rdo rje sems dpa' mi 'grub bo/ /rnam nyid ye shes de yin pas/ /rnam pa las ni tha dad 'gyur/ /'on te rnam pa ye shes 'gyur/ /de ltar 'di ni mi rigs so

  89. 45a

    rnam pa ye shes de min te/ /shes la rnam pa nyid med de/ /dper na bum pa mkhar mi 'gyur/ /mkha' yang bum par mi 'gyur ro/ /gzugs med gzugs su mi 'gyur te/ /gzugs med gzugs can yod ma yin/ /ye shes gzugs ni med par grags/ /rnam pa gzugs can yin par bshad/ /ji ltar de gnyis gzhan min nyid/ /'gyur ba yin zhes brtag par bya/ /rnam par ye shes nyid yin zhes/ /rtog pa 'di yang mi rigs so/ /nges par gzhan du thal 'gyur ba/ /mdo tsam du ni mnyan par bgyi/ /gal te rnam de shes yin na/ /'dus byas nyid du thal bar 'gyur/ /ngo bo 'dus ma byas 'gyur pa/ /byis pa rnams la yang ma yin/ /byas pa nyid dang rnam 'jig nyid/ /sangs rgyas ye shes ji ltar 'gyur/ /thog mdza' med cing zhi ba zhes/ /de bzhin gshegs pa rnam gsungs la/ /de sras rgyal ba chen po yang/ /ye shes 'dus byas min zhes gsungs/ /de kun sgyu ma lta bu dang/ /mig yor lta bur nges bshad de/ /skye dang 'gag pa med pa dag /ye shes su de cis mi 'gyur/ /mig gi rnam shes zhes bya dang/ /ye shes su ni de mi rtag /'gyur ba nyid du thal 'gyur na/ /sangs rgyas ye shes gzhan du min/ /ye shes de ni mi 'gyur bar/ /sangs rgyas kun gyis rab gsungs te/ /de bas gcig pa nyid duAng/ /nges par smra ba rigs ma yin/ /shes pa'i rab tu snang de yin// ye shes dag tu de mi rtag /so sor snang ba dgag ba las/ /ye shes ci phyir dgag mi 'gyur/ /de bas gcig pa nyid mi 'grub/ /tshig de shin tu nges yin na/ /ci phyir de dag gcig nyid du/ /khyed ni yongs su rtog par byed/ /lung dang rigs pa dang 'gal bas/ /rnam pa kun tu 'bras bu med/ /ye shes de nyid rnam par shes/ /de ltar yang ni mi rigs so/ /rnam pa las ni tha dad med/ /shes pa'i shes nyid mi rigs te/ /shes bya las ni shes 'gyur gyi/ /shes bya med par ma yin no/ /gal te shes pa tha dad 'gyur/ /ye shes su

  90. 45b

    ni brtag mgo /rnam pa tha dad gyur pa ni/ /ye shes nyid las gnas med yin/ /ye shes 'byung ba'i dus su yang/ /rnam pa kun tu mi 'byung la/ /rnam pa'ang kun tu 'byung ba na/ /ye shes nyid ni mi rigs so/ /dper na bum pa rdzogs pa la/ /snam bu 'byung ba med pa bzhin/ /tha dad pa yi chos rnams ni/ /ji ltar 'jig rten dag na snang/ /bu ni ma skyes pa dag ni/ /gzhan dag gis ni gang yin pas/ /mo gsham bu ldan 'jig rten na/ /rgyu dang mi rgyu gang yang med/ /bu dang bcas pas lha bzhin ni/ /gang tshe rang gi bur bcas na/ /gzhan dag gi ni bu yin kyang/ /bu dang bcas pa'i rigs ma yin/ /de bzhin ye shes gnas med ni/ /rnam bcas yin par ji ltar 'dod/ /gang la ltos nas ye shes ni/ /gang gis de ni rnam bcas 'gyur/ /ye shes rnam bcas yin zhes pa/ /rnam pa dang bral ma yin te/ /rnam pa dang bral ye shes ni/ /rnam bcas nyid du ji ltar 'gyur/ /rnam pa dang bcas gang yin pa/ /de ni rnam bcas nyid yin na/ /rnam pa kun las rnam grol ba'i/ /ji ltar sangs rgyas ye shes 'gyur/ /gal te rnam pa med kyang ni/ /'di ni rnam bcas nyid 'gyur na/ /sangs rgyas ye shes med par yang/ /sangs rgyas su khyed cis mi 'gyur/ /kun mkhyen min te ye shes min/ /ye shes tha dad par rab brtags/ /de bas rnam bcas ye shes la/ /dngos grub rigs pa ma yin no/ /gal te rnam pa bcas pas ni/ /rnam pa dang bcas nyid 'gyur na/ /sangs rgyas gdung la rab 'jug pas/ /de dang phrad par ma mthong ngo/ /gzugs can yang dag mi sbyor te/ /gzugs med pa la rnam kun min/ /dper na nam mkha' bum pa dang/ /yang dag sbyor bar mi 'dod ltar/ /de ni rnam pa dang ldan yang/ /de ni rnam bcas 'gyur ma yin/ /ltos dang bcas pas rnam 'jig nyid/ /tshogs pa med pa dag tu 'gyur/ /tshogs pa las byung gang yin te/ /sangs rgyas ye shes 'gyur ma yin/ /gang tshe ye shes 'dus byas pas/ /rnam bcas yin par mi 'grub bo/ /gal te rnam pa

  91. 46a

    ye shes dag /gzhan nyid dag tu 'gyur na ni/ /de ltar phan tshun ltos pa dag /ye shes su ni ji ltar 'gyur/ /rnam pa shes las tha dad par/ /gal te de ltar rtogs na ni/ /de rnam shes pa las gzhan pas/ /shes med nyid du thal bar 'gyur// gang zhig rnam pa las gzhan nyid/ /de bas rnam pa med 'gyur na/ /shes te rnam pa med par ni/ /ci phyir de ltar rtogs mi byed/ /ye shes grub pa las rnam pa dang bcas pa'i ye shes dgag pa ste le'u gsum pa'o// //ji ltar rig pas rnam brtags pa/ /rnam pa dang bcas rab bkag nas/ /rnam med nyid kyang mi 'grub pa/ de ltar du ni brjod par bya/ /gal te rnam pa med na yang/ /ye shes 'gyur bar rnam rtog na/ /rnam pa dang ni rnam bral ba/ /'dis ci rig nas kun rig yin/ kun mkhyen de la yod min zhing/ /ye shes zhes bya rtog pa nyid/ /rnam pa thams cad ma gzigs pas/ /bems po nyid du thal bar 'gyur/ /bems med rtogs pa'i ngo bo ni/ /rnam pa med pa yin par bshad/ /gang zhig bden na thams cad rig /yang dag ma yin ji ltar rig /rnam rtog kun las nges grol zhing/ /chos rnams thams cad bdag med par/ /de ltar mkhyen na ye shes de/ /brdzun pas ji ltar rig par 'gyur/ /sgyu ma 'dra sogs dpe rnams kyis/ /chos rnams thams cad rab rtogs te/ /'gro la phan phyir de dang der/ /sangs rgyas thams cad ston par mdzad/ /sgyu ma la sogs dpe gang zhig /log par rtog pas brtags pa ste/ /ngo bo nyid kyis od min na/ /kun mkhyen de ni ji ltar mkhyen/ /ri bong rwa dang de bzhin du/ /mo gsham bu ltar mi rigs te// dngos po med pa ji ltar rig /de bas rnam pa med par 'gyur/ /sgyu ma la sogs dpe rnams ni/ /sras bcas rgyal bas bstan mdzad pa/ /dngos po med pas brtags pa tsam/ /thams cad du ni 'gog pa min/ /dpe nyid dang ni mtshungs pa ru/ /rnam pa kun tu ches

  92. 46b

    bshad na/ /bsgrub bya yin pas thams cad du/ /dpe nyid du ni mi 'gyur ro/ /dper na skyes bu seng ge yi/ /dpe ni 'jig rten la yod na/ /dpal sogs yon tan ldan pa ste/ /mjug ma la sogs yod ma yin/ /de bas dngos po thams cad ni/ /ngo bo nyid kyi thams cad min/ /lung dang rigs pa'i rjes 'brangs te/ /skyes bu mchog gis rtogs par bya/ /de nas khyed kyis gang smras pa/ /byis pa drang ba'i thabs yin gyis/ /'gro ba 'dul ba'i bsam pa yis/ /bden par smras ba de ma yin/ /ji ltar ri bong rwa dang ni/ /de bzhin mo gsham bu lta bur/ /dngos po thams cad gang du yang/ /rgyal bas dngos med ma gsungs so/ /gal te gzugs sogs dngos po rnams/ /rnam pa kun tu yod min na/ /sangs rgyas thugs rje'i bdag nyid kyis/ /lha yi spyan ni ji ltar 'grub/ /lha yi snyan sogs thams cad kyang/ /de bzhin du ni yod med pas/ /mngon par shes pa med pa'i phyir/ /de bas kun mkhyen med par 'gyur/ /rnam pa med pa'i ye shes ni/ /sangs rgyas sku la yang dag ldan/ /mngon shes thams cad 'jug 'gyur ba/ /thams cad rig pa ji ltar med/ /gzugs la sogs pa'i skye mched ni/ /mig la sogs pas shes pa ste/ /sems dang bcas pas rjes myong ba/ /de ltar 'jig rten dag na gnas/ /gzugs sogs yod pa ma yin te/ /khyod nyid kyis ni ma smras sam/ /gal te dngos po med pa yin/ /phrad pa ji ltar rab tu/ brtag /gal te dngos med phrad gyur na/ /'di 'dra khyed smra rigs ma yin/ /'di nyid rnam kun dngos po med/ /de dang phrad pa ji ltar 'dod/ /sbyor med gyur kyang ye shes ni/ /smon lam dbang gis de bzhin du/ /gdul bya'i dbang gis ji bzhin du/ /sems can rnams kyi don mdzad do/ /gang tshe 'di yang mi mkhyen na/ /'gro ba'i don ni ji ltar mdzad/ /rig pa med pa kun mkhyen min/ /sems can sdug la thugs rje med/ /yid bzhin nor bu mchog bzhin du/ /smon lam dbang gis sems can don/ /mdzad ces pa ni rigs ma yin/ /'di

  93. 47a

    ni yod pa snang bar 'gyur/ /sems can kun don legs sgrub phyir/ /gang che des pa nyid 'gyur bas/ /ye shes yid bzhin nor bu bshad/ /bems po'i bdag nyid ma yin no/ /gang du ma mthong ma byas kyang/ /rang gi ye shes kyis brtags pa/ /bdag ni kun mkhyen 'gro ba'i bdag /'gyur zhes pa de ci phyir bya/ /yang dag byang chub sems bskyed pas/ /legs par tshogs kun bsags na ni/ /spro chen rtogs dang brtson 'grus kyis/ /bsgom dang bsam pa la sogs pas/ /dam chos mnyan la sogs pa la/ /sdug bsngal rnams kyis dgos med de/ /sngon med pa ni 'byung ba med/ /sngar gnas pa yang 'jig par 'gyur/ /sangs rgyas nyid ni 'di 'dra na/ /ma lus thams cad don med do/ /'chi la sogs pa'i 'jigs las grol/ /dmyal sogs gnod pa rnams las thar/ /sdug mi sdug sogs sdug bsngal sogs// bral ba bems po'i bdag min gang/ /chos kun ngo bo nyid mkhyen pa/ /kun mkhyen zhes ni nges par bshad/ /rang bzhin mkhyen pas kun mkhyen zhes/ /rdzogs pa'i sangs rgyas nyid bshad ces/ /thams cad mngon sum mkhyen pas na/ /des na kun mkhyen zhes bshad do// nyis na 'khor bar 'khor 'gyur zhing/ /dmyal ba'i sdug bsngal dag dang ni/ /'khor lo sgyur sogs bde ba rnams/ /'di ni nges par thob kyang bla'i/ /ye shes grub pa las rnam pa med pa dgag pa ste le'u bzhi pa'o// //de ltar nyes pa'i tshogs gyur pas/ /de bas rnam med de ma yin/ /de nas sems med de nyid ni/ /da ni rab tu bshad par bya/ /shin tu rmongs skabs ye shes ni/ /rnal 'byor pa ni la la 'dod/ /rmongs pa bsgoms pas rmongs pa ni/ /tshul ngan rnams kyis thob par 'gyur/ /thams cad rgyu dang mtshungs pa yi// 'bras bu 'jig rten las spyod de/ /ko Ta pa las 'bras skye ba/ /gang la'ang yod pa ma yin no/ /de bas mi rtog ye shes ni/ /ldan pa med par shes par bya/ /ye shes nyid kyi mi rtog nyid/ /gzhan du rig pa ma yin no/ /ye shes mi rtog nyid du ni/ /de bzhin gshegs pas bden

  94. 47b

    gsungs te/ /ye shes kyis ni rmongs pa dag /mi rtog nyid du ma gsungs so/ /sangs rgyas ye shes lhun grub pas/ /de bas mi rtog par bshad de/ /bsam pa'i dbye ba yod min gyi/ /sems med 'gyur ba ma yin no/ /mi rtog 'di ni mi shes par/ /gang du yang ni ma gsungs so// ches la nyes pa yod min pas/ /de nyid gzhan du rtog pa yin/ /kun mkhyen thams cad gzigs pa dang/ /sems can kun don grub pa po/ /thugs rje ldan pa'i 'gro mgon gyis/ /de dang der ni ston mdzad pa/ /rnam par mi rtog tsam nyid do/ /gal te dran pas byas na ni// gang che 'di dag thams cad kyang/ /ci yi phyir na dran ma gyur/ gnyis ka'i don dang ma bral bas/ /shes min kun mkhyen pa'ang yin/ /log pa'i shes pa rmengs rnams kyis/ /ye shes 'dir ni rab tu bkag /ye shes grub pa las rmongs pa bsgom pa dgag pa ste le'u lnga pa'o// //dbugs 'byung ma yin rdub min na/ /de nyid grub pa rig pa min/ /de gnyis dbus na'ang yod ma yin/ /rlung gi de nyid ji ltar 'gyur/ /dbus na'ang cung zad yod min na/ /ji ltar de nyid dag tu 'gyur/ /gal te rlung ni de nyid 'gyur/ /sdud pa yang ni 'gyur du 'ong/ /ji ltar 'ga' zhig spud 'bud pa/ /spud pa rlung gis 'thor ba dang/ /de bzhin 'dren pa dag kyang byed/ /lus kyang yid kyi de bzhin no/ /rlung las 'bud pa 'ga' med cing/ /de bzhin rlung yang 'bud pa yin/ /lus kyi 'bud pa gang yin dang/ /spud pa 'bud par byed pa dag / dag khyad par ma mthong ste/ /de nyid mthong ba'i rnal 'byor pas/ /'bud pa yin byi ba min/ /ming dang yid kyang mtshungs pa yin/ /dbugs rdub dbugs 'byin rlung dag gis/ /rlung dang spud pa mtshungs pa yin/ /spud ldan de nyid ji bzhin du/ /lus kyi rlung yang de bzhin 'gyur gang tshe lus kyi rlung de nyid/ /sgo rnams kun nas 'byung 'gyur ba/ /de nyid yin pas bshad rigs na/ /rlung dang khyad par med pa yin/ /mngon par rmengs shing lam las nyams/ /log pa'i don ni rab bsgoms pa/ /de dag bde 'gror mi skye ste/ /dmyal bar gcig pur? 'gro

  95. 48a

    pa nyid/ /ye shes grub pa las/ dbugs rdub pa dang 'byung ba'i de kho na nyid dgag pa ste le'u drug pa'o// //dbang po 'byung ba bde ba yin/ /de nyid yin zhes skye ngan smra/ /de ni bde ba che yin zhes/ /rgyal ba mchog gis ma gsungs so/ /rten cing 'brel 'byung las skyes pa/ /gang duAng de nyid shes mi 'grub/ /gang phyir bde de thams cad du/ /ngo bo nyid kyi yod ma yin/ /bde gshegs kun gyi ye shes ni/ /rang nyid ngo bo nyid mkhyen pa'i/ /bde ba kun gyi gtsor gyur pa'i/ /bde ba chen po zhes bshad do/ /bde chen mi rtag ma yin te/ /bde ba chen po rtag tu rtag /mchan khung g.ya' phrugs las byung ba'i/ /ci'i phyir na bde chen min/ /chags pa mnyam pa'i bde med de/ /de ni rgyal ba rnams la phul/ /'dod pa'i don kun longs spyod cing/ /smad pa dag tu mi bya zhes/ rnal 'byor rgyud ni thams cad las/ /rdo rje sems dpas gsungs pa ni/ /rnal 'byor pa sems bde ba'i phyir/ /don dam pa yi de nyid min/ /ye shes grub pa las bde ba chen po smra ba dgag pa ste le'u bdun pa'o// // bde ba myang ba bkag pas na/ /de bas yang dag ye shes med/ /rmongs bcas rnams kyis brtags pa yi/ /de nyid thams cad log pa yin/ /mkhas pa yis ni thams cad kyang/ /rang blo nyid kyi bkag pa yin/ /ji ltar yang dag de nyid rnyed/ /de dag da ni bshad par bya/ /sems can blo gros chung ba dang/ /bsod nams chung zhing brtson zhan nyams/ /de bzhin gshegs pa thams cad kyi/ /ye shes mchog rnams ji ltar 'thob/ /sangs rgyas kun gyis gsungs pa dag /de 'dir rim gyis bshad par bya/ /pus mo gnyis ni sa dag la/ /legs par rab tu bzhag nas su/ /lus srang thal mo sbyar byas te/ /dad pas 'di skad brjod par bya/ /ston pa 'jig rten 'byung gyur dang/ /ma 'ongs pa na 'byung 'gyur dang/ /da ltar byung bar gtogs pa nyid/ /dam chos ston par mdzad pa

  96. 48b

    dang/ /gang yang de nyid ston mdzad pa'i/ /sangs rgyas kun la bdag phyag 'tshal/ /de la bdag ni nyin mtshan du/ /mchod cing bsnyen bkur las kyi phyir/ /sangs rgyas kun gyi bdag nyid ni/ /gtso bos gzhes par mdzad du gsol/ /mchod pa'i khyad par thams cad kyang/ /nam mkha' i khams kyi mthas gtugs pa/ /tshad med pa ni yongs bzung ste/ /chos kyi dbyings las yang dag 'byung/ /bsam gyis mi khyab sna tshogs mchog /'das dang ma 'ongs pa kun dang/ /rdo rje sems dpa' i rnam 'phrul gyis/ /'gro ba'i bla ma mchod par bgyi/ /sdig pa rnams ni kun 'byung ba/ /'gro la phan phyir thams cad kyang/ /so sor bshags shing slar yang ni/ /mi bgyi sdom pa slar yang nod/ /sangs rgyas kun gyi bsod nams gang/ /de sras blo gros ldan pa dang/ /rang rgyal rnams dang nyan thos dag /gang gzhan lus can thams cad kyi/ /skye ba kun tu gang byas pa/ /bdag gi dang ni gzhan rnams kyang/ /yang dag dga' ba'i sems kyis ni/ /bsod nams kun la rjes yi rang/ /phyogs bcu kun na yang dag bzhugs/ /chos kyi de nyid shing rtar bzhugs/ thugs rje che dang ldan pa'i thugs/ /chos ston pa la mkhas pa rnams/ /de rnams chos ni stan par mdzad/ /bdag ni rab tu skul ma 'tshal/ /'gro kun sangs rgyas gyur pa ni/ /thams cad ji srid gnas gyur pa/ /sems can kun don mdzad pa po/ /mgon po de srid zhugs nas ni/ /nam yang mya ngan mi 'da' bar/ /thal mo sbyar nas gsol bar 'tshal/ /lus ngag yid kyi bsod nams ni/ /bgyis sam bgyid du stsal ba'am/ /rjes su yi rang ci yang rung/ /des ni 'jig rten kun mkhyen shog /sangs rgyas kun gyi dkyil 'khor dang/ /byang chub sems dpa' nyid la'ang/ /dus gsum du ni ci nus par/ /me tog la sogs rnams kyis mchod/ /bdud rtsi lnga dang bsres byas pa'am/ /gal te ma sres brtags pa rnams/ /rtog kun rnam grol bdag nyid can/ /dam tshig la

  97. 49a

    sogs bzung bar bgyi/ /de nyid sdus sogs rgyud rnams las/ /gsungs pa'i dam tshig sdom pa rnams/ /srog chags gsad bar mi bya'o/ /ma byin par yang mi blang zhing/ /'dod pa log par mi spyod la/ /brdzun du smra bar mi bya'o/ /nyes pa kun gyi rtsar gyur pa'i/ /char ni rnam par spang bar bya/ /phra ma de bzhin dag rtsub dang/ /khyab pa'i tshig rnams smra ba dang/ /ma rig sems can la sdang dang/ /log par lta ba 'ang kun tu spang/ /sngon du sems ni bskyed bgyi zhing/ /mya ngan 'das la bgod par bgyi/ /ting 'dzin yan lag de thams cad/ /sdom pa'i mchog ni bzung bar bgyi/ /bsod nams kun gyi 'byung gnas che/ /byang chub sems kyang de bzhin bskyed/ /bdag gi sems can 'di dag kun/ /kun mkhyen sa la bzhag par bgyi/ /'di kun sdug bsngal sel mdzad cing/ /phun sum tshogs pa kun ster ba/ /byang chub lam ni ston pa pa/ /thugs rje can du bdag gyur cig /lus can kun la mnyam nyid kyi/ /yang dag sems ni legs bskyed pa/ /byang chub sems su 'di zhes bya/ /gzhan du na ni log par 'gyur/ /gang tshe mi mnyam nyid gnas pa/ /byang chub sems shes de mi bya/ /thog mdza' dbus dang bral ba yi/ /ye shes de ni skye mi 'gyur/ /sangs rgyas rdo rje 'dzin bcas kun/ /de la byin gyis rlob mi mdzad/ /lta la sogs pa thams cad kyang/ /de bas thabs shes rnal 'byor pas/ /sems can kun gyi gnyen gcig pas/ /rnam par bslu ba med pa'i sems/ /des na brtan pas bskyed par bya/ /'di byas pa ni rdzogs sangs rgyas/ /dgyes pa'i bdag nyid can kun mnyes/ /stobs chen pha rol gnon pa rnams/ /byin gyis rlob pa rab tu mdzad/ /bdud dang bgegs la sogs pa yang/ /glags skabs tshol bar mi byed cing/ /phyag na rdo rje la sogs pa/ /dgyes pas brtag tu bsrung bar mdzad/ /sdig pa thams cad rnam dag pa/ /mi yi skyes bus thob par 'gyur/ /bsod nams thams cad skyed pa dang/ /gzhan du de nyid

  98. 49b

    'byung ba ni/ /rnam pa kun tu mi 'gyur ro/ /de bas thog mar sbyor shes shing/ /ye shes thob par 'dod pa dang/ /tshe 'di nyid la grub don du/ /'tshe ba med pa nyid phyir dang/ /bgegs rnams thams cad zhi phyir dang/ /tshe dang nad med 'phel ba ni/ /'bras bu 'dod pa'i rnal 'byor pas/ /de bas nges par bya ba yin/ /sangs rgyas rdo rje 'dzin kun gyis/ /sna tshogs rgyud du bstan pa ni/ /lam 'dir gnas pa'i rnal 'byor pas/ /yar ngo'i zla ba ji bzhin du/ /rim gyis yang dag 'phel 'gyur gyi/ /nam yang zad par mi 'gyur ro/ /brtson 'grus dman pa la zhig /sangs rgyas nyid thob mi 'gyur na/ /'khor lo sgyur rgyal bde ba ni/ /skye ba kun tu thob par 'gyur/ /sangs rgyas kun gyi bsod nams gang/ /phyogs dus kun na yod pa rnams/ /de yi ba spu'i khung gnas zhes/ /rgyal ba mchog gis rab tu gsungs/ /ye shes grub pa las/ bsod nams kyi tshogs dang ye shes kyi tshogs rab tu 'phel ba zhes bya ste le'u brgyad pa'o// //ji ltar bshags pas sdig pa ni/ /shin tu mi bzad zad 'gyur zhing/ /de bzhin rjes su yi rang bas/ /ji ltar bsod nams yang dag rdzogs/ /srog gcod pa la sogs pa ni/ /bya'o zhes ni yang dag bshad/ /rgyud rnams la lar min zhes par/ /de dag ji ltar 'gal mi 'gyur/ /bdud rtsi lnga sogs thams cad kyang/ /de bzhin bza' dang bgrong min sogs/ /btung mi bya sogs du ma rnams/ /de yang ji ltar dge bskyed yin/ /blo dman skye bos rtogs bya'i phyir/ /sangs rgyas rdo rje 'dzin bcas pas/ /rgyud dang rgyud du nges gsungs pa/ /de ni rim gyis bshad par bya/ /las gang bya ba ci yang rung/ /lus dang ngag dang yid kyis te/ /zhi ba gzhan dag yod min pas/ /de rnams 'di ltar rnam par dpyod/ /sems med par ni lus ngag gis/ /ci yang byed par nus ma yin/ /de med par ni tshig gis kyang/ /nam yang nus 'gyur ma yin no/ /de bas lus

  99. 50a

    dag las rnams ni/ /yid dag nyid las gyur pa yin/ /'gro ba thams cad sems nyid kyis/ /dge dang mi dge gang byed pa/ /phan don gyur pa'i las rnams gang/ /thams cad legs par spyad par 'gyur/ /bzlog pa'i bsod nams ma yin zhes/ /rgyal po mchog gis rab tu gsungs/ /de bas dge dang mi dge kun/ /sems nyid kyis ni byed pa dang/ /sems nyid kyis ni 'jigs 'gyur zhes/ /'gro ba'i bla mas gsungs pa yin/ /sems can gnod byas rdzogs pa yi/ /bdag gis sdig pa yongs bshad pa/ /phan sems yang dag bskyed nas ni/ /kun tu bsgrags pas bshags par bya/ /gnod pa shin tu sbyar ba yis/ /spro zhing sngon chad gang byas pa/ /gnyen po yis ni 'jigs 'gyur te/ /gang phyir de nyid kyis de byas/ /gang zhig bum pa skyed byed pa/ /rang nyid kyis ni da bshig pa/ /de phyir sdig pa kun 'byung ba/ /gang zhig bdag nyid kyis 'jig 'gyur/ /phyi nas bshags par bya'o zhes/ /rmongs rnams gal te byed 'gyur na/ /de ni bshags par mi rigs shing/ /sdig byed de'ang 'jig mi 'gyur/ /de bzhin bsod nams 'jigs pa'ang/ /de bzhin du ni 'gyur bas na/ /bsod nams byas kyang mi dga' bas/ /'jig par 'gyur bar the tshom med/ /gang tshe sems la mi sbyin nyid/ /sbyin 'dod pa la rab 'jug pa/ /sbyin du zin kyang bsod nams ni/ /rnam pa kun tu 'byung mi 'gyur/ /thams cad las ni lhag pa'i gnas/ /gang du thams cad 'jig pa ste/ /bskal pa bye ba stong du yang/ /yang dag bskyed pa'i bde ba che/ /byang chub sems ni bskyed pa yi/ /bsod nams tshogs ni bsags pa'o/ /bskal ba bye bar 'byung ba ni/ /skad cig nyid na rnam 'jig pa/ /de dang 'dra ba'i sdug ba'i mi/ /gnyis pa la ni sdang byed pa'o/ /de bas srung ba'i don gyi phyir/ /'di skad de bzhin gshegs pas gsungs/ /de las gnod byas chung du yang/ /sdig pa'i phung po chen por 'gyur/ /de

  100. 50b

    las gnod byas chung ngu yang/ /sdig pa'i phung po chen por 'gyur/ /de la phan byas chung ngu yang/ /bsod nams phung po cher 'gyur te/ /bde ba dag ni thams cad kyi/ /yon tan rgya mtshor gnas phyir ro/ /rab rmongs byis pa la la ni/ /lung dang rigs pa ma mthong ba/ /rtog nyid sdig pas 'gyur yin zhes/ /bdag nyid 'jig pa po rnams smra/ /rtog dang bral ba'i rnal 'byor pa/ /gal te sdig pas mi gos na/ /zhe sdang skye ba'i rgyu la'ang/ /rnam par 'gyur nyid mi rigs so/ /'jig rten pa yi tshul spangs nas/ /gzhan du ci yang mi 'gyur te/ /mgo dang rgyug par byed pa dang/ /de bzhin rdo yang bza' ba'i rigs/ /rlung dang grangs dang sgom sogs kyis/ /gnod pa de la ma rigs so/ /mchod brus gnod par byas kyang ni/ /skyo ba nye bar skye mi 'gyur/ /gal te rang gi bya ba la/ /chags sogs drangs te spang dka' ba/ /rnam par mi rtog rab rtogs pa/ /de ltar gzhan du der mi 'gyur/ /ma skyes pa ni zin min te/ /'di ni sdig pa'i las can gyis/ /khro dang nga rgyal ldan pa yi/ /sdig pa yongs su dag mi 'gyur/ /lha nyid kyis ni de thams cad// byas so zhes ni rab rtog na/ /sngon nyid 'di ni byung ba la/ /ji lta bzhin du byas pa yin/ /lha nyid kyis ni byas zhes pa/ /yongs su rtog pa log pa yin/ /gang phyir chags pas zil gnon pa'i/ /bya ba nyid ni byed 'dod do/ /rjes su yi rang la sogs kun/ /thams cad sems ni kho na las/ /bsod nams tshogs dang ldan par ni/ /blo dang ldan par shes par bya/ /lus ngag bcas pa'i dman pa ni/ /bsod nams de la spyod mi 'gyur/ /drag po'i sems ni gcig cig gi /bsod nams sangs rgyas gang gsungs pa/ /srog gcod la sogs las rnams gang/ /chags pa rgya che ba yi sems/ /thams cad dge min mi 'gyur te/ /bsod nams snying rje las byung yin/ /gzhan phyi ni las rnams gang/ /snying rje can gyi gang byas pa/ /de kun bsod nams yin zhes ni/ /'gro ba'i bsam pa rdzogs

  101. 51a

    mdzad gsungs/ /snying rje bsam pa gdol ba la/ /bkag pa rnams kyang rjes gnang gi /rang gi don la rjen 'gyur zhing/ /lus can snying rje bral ba min/ /bsod nams byas kyang gnod pa'i phyir/ /skye bo 'ga' la rnam sdang ba/ /de ni sdig pa nyid 'gyur zhes/ /rgyal ba mchog gi rab tu gsungs/ /gang 'di dge dang mi dge rnams/ /byang chub sems dpa' kun rtogs pas/ /thams cad dge ba nyid 'gyur te/ /gang phyir de rnams yid dbang yin/ /ye shes grub las bsod nams dang sdig skyed pa dang 'jig pa yongs su shes pa'i le'u ste dgu pa'o// //bdud rtsi lnga ni mi shes phyir/ /sems ni yang dag sbyang phyir dang/ /glang po sha sogs kyang de bzhin/ /rnal 'byor pa ni rgyal bas gsungs/ /srog chags thams cad bsad nas ni/ /ba? ru zin kyang sangs mi rgyas/ /sems dang bral ba'i sems can rnams/ /rmongs pa rnams kyis mi shes so/ /thams cad kyang ni gang ba'i phyir/ /re zhig lus la gtsang ba med/ /dri 'dzag za ba la la ni/ /des ni thams cad kyis ma zos/ /ji ltar 'o ma la sogs kun/ /lus can 'di dag thams cad kyis/ /bza' dang bza' min rab grags pa/ /rang gi sems la yod ma yin/ /zas dang gos la sogs pa kun/ /mi gtsang bar ni rab shes na/ /gang phyir chu la yongs dag pas/ /de rnams 'di na rab tu 'jug/ chag gyi tshogs ni 'bab pa yi/ /smad pa thams cad bkru ba dang/ /'bru sna thams cad bskyed nas ni/ /de nas rgya mtshor 'bab par 'gyur/ /mi gtsang rnams dang ldan pa yi/ /chu yi klu yis blangs nas su/ /chu ni gang dang gang yin pa/ /thams cad de bzhin char du 'bab/ /rdzing bu la sogs kun rgyas shing/ /thams cad kyis ni thams cad 'khrud/ /de bas gtsang dang mi gtsang sogs/ /thams cad 'dir ni yod ma yin/ /gtsang ba nyid ni yod 'gyur na/ /mi gtsang nyid ni 'byung bar 'gyur/ /dag pa med pas mi gtsang nyid/ /rnam pa kun tu mi rnyed do/

  102. 51b

    dper na pha rol tshul rol bzhin/ /de ni phan tshun ltos pa ste/ /gtsang dang mi gtsang la sogs rtog /rtog 'di 'jig rten pa yi yin/ /ye shes grub pa las gtsang ba dang mi gtsang bar rtog pa las grol ba ste le'u bcu pa'o// // ji ltar rnal 'byor ba rnams kyis/ /bgrod min pa la bgrod gyur pa/ /yang dag rjes me snang 'gal ba/ /da ni rnam par dpyad par bya/ /'di ltar lus can thams cad ni/ /sems las skye dang 'jig pa ste/ /de yang las rnams dbang nyid kyis/ /srid dang ? thams cad du/ /pha dang ma yang bur 'gyur cing/ /bu dang ma yang phar 'gyur la/ /bran mo chung ma 'ang phar 'gyur zhing/ /chung ma yang ni ma ru 'gyur/ /de la sogs pa'i tshul rnams ni/ /shin tu rgya che du mar ni/ /srid par bzod nas gyur te zhes/ /rdo rje sems dpas gsungs pa yin/ /de ltar gnas shing 'khor bar ni/ /yun ring dus su 'jug pa dang/ /pha dang mar ni ma gyur pa'o/ /sems can gang yang yong ma yin/ /de bzhin bu mo la sogs kun/ /'gro ba drug tu ston byung nas/ /de bas snying rje chen po ni/ /bya zhes rgyal ba'i mchog gis gsungs/ /de bas rdo rje sems dpa' sogs/ /mgon po'i mchog ni de rnams kyis/ /rnal 'byor ba yi sems sbyang phyir/ /bu mo la sogs rjes su gnang/ /rtog pa'i chus ni gal ba yi/ /'khor ba'i rgya mtsho chen por ni/ /rdo rje theg lam zhen par/ /su zhig pha rol 'gro bar 'gyur/ /log pa'i shes pa thams cad ni/ /lung dang rigs pa legs ldan pas/ /nyes pa kun gyi 'byung gnas ni/ /de rnams rims kyis bkag pa yin/ /ye shes grub pa las bgrod pa dang bgrod pa ma yin pa dang bral ba ste le'u bcu gcig pa'o// //rdo rje theg pa rab rtogs phyir/ /rnal 'byor pa ni mchog don du/ /rnal 'byor rgyud gsungs dpe dang ni/ /rig pas kyang ni de bshad bya/ /gzugs sku la sogs dngos rnams ni/ /de nyid ngo bo ji

  103. 52a

    bzhin min/ /de bkag sngar ni byas zin pas/ /de bas gzugs med duAng gnas/ /nyes pa kun tu thal 'gyur bas/ /dngos po de nyid 'gyur ma yin/ /sdug bsngal kun gyi 'byung gnas mchog/ med pa de yang de nyid min/ /dngos dang dngos med de nyid min/ /gzhan du gyur pa'ang rnam spangs yin/ /de bas phyogs yod rigs min te/ /de tshe kun mkhyen 'gyur ma yin/ /yang dag ye shes rig pa las/ /khyab dang rdo rje'i sku nyid dang/ /'gyur ba med pa nyid dang ni/ /kun mkhyen nyid ni de yi 'grub/ /gzugs? can khyab pa nyid dang ste/ /de bas rdo rje sku ma yin/ /de la mi 'gyur yid min pas/ /thams cad mkhyen par 'gyur ma yin/ /rims kyis shes gang ci yang rung/ /'di ni thams cad rtog min te/ /shes bya rnams la ched med pas/ /kun mkhyen du ni 'di mi 'dod do/ /gang zhig shes byar rab bshad pa/ /phyogs kyi tsha ni gcig pur nyid/ /'di ni bskal pa stong phag dag/ bye bas kyang ni shes mi 'gyur/ /gal te skyes nas 'jig 'gyur na/ /de bas bskyed par bya ba min/ /shin tu gnas pa'i ye shes nyid/ 'khrud? pa tsam zhig rnam par 'jig /gang zhig 'gro dang 'od 'gyur ba/ /de la khyab pa yod ma yin/ /g.yo zhing phyogs gcig la gnas pas/ /de ni 'jig par thal bar 'gyur/ /gang zhig kha dog med gyur chos/ /nga ni gang gis 'jig par 'gyur/ /mtshon dang dug? me dang chu/ /gnod pa bskyed par mi 'gyur ro/ /nam mkha' kun nas gnas bdag nyid/ /mi 'gyur mkha' dang mtshungs pa ste/ /nyon mongs med cing 'gyur med la/ rnam pa thams cad dus kun la/ /gang zhig dus kun pa min pa/ /de yang kun mkhyen 'gyur ma yin/ /des dus rnams kun tu yang/ /'gyur ba min par shes par bya/ lus can dag ni thams cad la/ /ye shes che gnas nyid yin na'ang/ /mi shes rab rib kyis khebs pa'o/ /byis pa rmongs pas mi shes so/ /ji ltar khyi ni bod ba la/ /snyeg cing 'phen par byed la min/ /de

  104. 52b

    bzhin sems kyis gang bsam bya/ /snyeg gi sems nyid la ma yin/ /gang zhig sems kyi bsam bya yang/ de nyid la'ang ngas rtog gi/ sems nyid de nyid ji 'dra zhes/ /sems pa la ni 'jug mi byed/ /ye shes grub pa las de nyid gnas pa bzhag pa zhes bya ba ste le'u bcu gnyis pa'i// //shin tu rmongs pa'i 'jig rten rnams/ /gal te gzhan gyi rab bskul na/ /thar pa'i don du bdag gi bdag/ g.yang sar yang ni 'dod par mdzad/ /rmongs par gyur pa mang po yang/ /spyod pa dag ni 'di 'dra bas/ /bde gshegs lam ni kun spangs te/ /dmyal ba'i lam ni sten pa snang/ /long ba'i mi ni la la zhig /gzhan dag la ni lam ston byed/ /gang dang gang brtags de dang de/ /'dri bar byed rnams de mi 'dri/ /gal te rmongs pa'i dbang gis lam/ /mi mthong de ni ston byed kyang/ /sdig can gyi ni lam de yis/ /bgrong ba nyams pa thob par 'gyur/ /rang nyid kyi lam mi mthong bar/ /ji ltar shin tu gzhan bdag 'dren/ /long ba gnyis ni 'grogs 'gyur na/ /gnyi gas sdug bsngal the tshom med/ /ji ltar dmus long bya ba yi/ /'brog dag tu ni zhugs gyur pa/ /gnyis ka'ang de 'dra la la zhig /ji ltar grong du 'jug par 'gyur/ de bzhin dmus yong gyur pa des/ /yang dag ye shes ma mthong bas/ /gnas de thob par mi nus na/ /ji ltar de ni gzhan grol byed/ /de bas bla ma bsten pa ni/ /yang dag dang ldan slob ma yis/ /yongs su brtags par bya'o zhe/ /rgyal ba'i mchog gis rab tu gsungs/ /dkon mchog gsum la dang gis dang/ /sems can kun la snying rjer ldan/ /brtan zhing gtong sogs yon tan ldan/ /bsod nams thams cad cher bskyed la/ /byang chub sems ni yang dag bskyed/ /blo bzangs rab dang yon tan ldan/ /khro ba med cing spro ba che/ /zab mo'i chos la lhag par mos/ /de ni chos kyi sbyin pa dag /zang zing med la rtag par dga' / /de ni rtag tu 'dod pa chung/ /tshogs gnyis yang bdag bsags pa po//

  105. 53a

    de ni bla mar sangs rgyas dang/ /rdo rje 'dzin bcas kun gyis gsungs/ /de nyid sems can thams cad kyi/ /ston pa 'jig rten 'dren pa yin/ /gang gzhan bla mar bshad pa dag /log shes mngon pa'i nga rgyal can/ /chags sogs don du chos rnams ni/ /mchog dag ston par byed 'gyur ba/ /'gro ba'i sdig pa'i grogs po ru/ /'jig rten na de rab tu gnas/ /bdud kyi phyogs kyi rigs can te/ /bdag gzhan phung bar byed pa yin/ /'gro ste rtag tu spang bya zhing/ /de la bsnyen bkur bya ba min/ /de la khong khro mi bya zhing/ /shin tu nye bar mi bya'o/ /ji ltar nyan thos rnams dang ni/ /lhan cig bde gshegs bzhed min ltar/ /de bzhin de 'dra dang lhan cig /gnas par shin tu mi bya'o/ /ye shes grub pa las slob dpon gyi mtshan nyid kyi le'u ste bcu gsum pa'o// //sngar bshad pa yi mtshan nyid las/ /slob dpon du ni bshad pa yin/ /slob ma yis ni mtshan nyid kyang/ /ji ltar gyur pa bshad par bya/ /ji ltar 'ga' ni grur zhugs pa/ /skya ba 'dzin la legs slob na/ /mtsho chen pha rol 'gro 'gyur zhing/ /gzhan du pha rol bgrod mi 'gyur/ /de bzhin bla ma dkon mchog gsum/ /byang chub sems la'ang dang ldan zhing/ /'jig rten la ni snying rjer ldan/ /'di ni gru zhes bya bar bshad/ /bla ma mkhas pa skya pa 'dzin/ /gru ni thams cad rang ston pa/ /'khor ba'i pha rol 'gro rnams la/ /rdo rje sems dpas gsungs pa yin/ /skya ba 'dzin pa med par ni/ /gru ni pha rol bgrod mi nus/ /yon tan thams cad rab rtogs kyang/ /bla ma med par srid mthar min/ /de bas nges pa nyid du 'di/ /brtul zhugs brtan pas de bzhin du/ /phyi nang bdag nyid can rnams kyi/ /rtag tu rnal 'byor pa mchod bya/ /phyag la sogs pa'i bya ba kun/ /dus rnams kun tu rab tu bya/ /shes rab dad par yang dag ldan/ /skye bo rnams la snying rjer ldan

  106. 53b

    khro ba med cing slu ba med/ /gtong sogs yon tan rnams kyis brgyan/ /spro chen rang gi brtson 'grus ldan/ /rtag tu bla ma'i bka' bzhin byed pa/ /ma bsgo yang ni rang gi blos/ /yo byad la sogs dngos po rnams/ /ci snyed pa dang ci nus dang/ /de bzhin bza' dang bca' sogs dbul/ /ji ltar brnyas par gyur kyang ni/ /yid ni zhum pa med par bzod/ /lung dang rigs pa rtogs pa po/ /slob ma yon tan kun ldan yin/ /mi rtog pa yi rang bzhin can/ /gang yang 'dri ba med pa ni/ /rlob par bya ba mi nus zhes/ /sangs rgyas nyid kyis rab tu gsungs/ /ji ltar byis ba 'dag gong gis/ /ji dga' bar ni 'phen pa ltar/ /de bzhin gang zhig gzhan dbang gyur/ /dam pa chos kyi snod ma yin/ /ye shes grub pa las slob ma'i mtshan nyid kyi le'u ste bcu bzhi pa'o// //yang da de nyid ji lta bar/ /rig par bcas pas sngar bshad pa/ /de nyid rgyud kun la gnas pa/ /de rnams las ni cung zad bshad/ /'jig rten na ni rkun ma'i sgra/ /'bras can don du ston par byed/ /la la rkun ma nyid la smra/ /rgyud kyang de dang 'dra ba yin/ /sems can phan mdzad sangs rgyas rnams/ /mchog dang 'bring dang tha mal/ /yi ge de dang de yi bstan/ /chos ni de nyid gsung bar mdzad/ /de nyid 'ba' zhig gsung ba dang/ /de bzhin la la tshig gnyis dang/ /dbang po gzhan pa 'ga' la chos/ /'ga' zhig gsung gi gzhan du min/ /dpal ldan gsang ba 'dus pa las/ /thog ma tha ma med zhi ba/ /dngos dang dngos med rnam par spangs/ /stong dang snying rje mi phyed pa/ /byang chub sems zhes bshad pa yin/ /zhes gsungs te/ thog ma tha ma med ces bya ba ni skye ba dang 'jig pa med pa ste/ /'dis ni khyab pa nyid dang/ gzugs can ma yin pa nyid dang/ mi 'gyur pa nyid dang/ dus thams cad pa nyid du yang ston te/ phyogs na gnas pa dang/ gzugs can dang/ 'gyur ba dang dus rgyun chad pa rnams ni/ rnam par 'jig pa yin

  107. 54a

    pa'i phyir/ gal te gzugs can ma yin pa rnams kyang yul na gnas par 'gyur na/ 'jig pa nyid du 'gyur te/ dper na gla rtsi la sogs pa dri zhim pa rnams ni gzugs can ma yin na'ang yul na gnas pa gla rtsi la sogs pa 'am/ des bsgos pa'i rdzas rnams med na/ rnam par 'gyur pas 'jig par 'gyur ro/ /zhi ba zhes bya ba ni nyon mongs pa thams cad ni blo bur ba yin pa'i phyir rab tu zhi ba'o/ /sngar bshad pa'i yon tan dang ldan pas na/ de nyid dngos dang dngos med zad pa'i gtso bo ste/ 'jig rten dang 'jig rten las 'das pa thams cad kyi don rnams rdzogs par mdzad pa'i phyir gtso bo 'am bdag po'o/ /stong pa dang snying rje mi phyed pa zhes bya ba ni/ chos thams cad ngo bo nyid med pa nyid kyis de bzhin gshegs pa thams cad kyi ye shes yongs su rdzogs pa'i stong pa nyid de dang/ thugs rje chen po mi phyed cing gcig tu gyur pa'i sems gang yin pa de ni snying rje zhes bya ba ste/ sems can thams cad ye shes kyi rgyal po 'di nyid la rab tu bzhag par bya zhing/ bde ba'i yo byad thams cad kyis phan gdags par bya'o zhes bya ba ni yang dag pa'i bsam pa'o/ /'di skad ston par gyur te/ chos thams cad kyi ngo bo nyid shes pa'i rnal 'byor pa ni de bzhin gshegs pa thams cad kyang lhan cig phan tshun khyab pa dang khyab par byed pa'i ngo bo nyid kyi gnas shing sangs rgyas kyi mdzad pa mdzad pas sems can thams cad la thugs rje chen pos gces par 'dzin par rtogs pa/ byang chub sems rdo rje zhes bya ba'i don te/ 'dis ni bsgom pa yang de ltar bya'o zhes ston pa yin no/ /byang chub sems zhes bya ba ni/ rnal 'byor gyi rgyud ma lus pa rnams las dgongs pa 'di nyid yin no/ /las dang po pa rnams la yang byang chub sems ni sems can thams cad bla na med pa yang dag par rdzogs pa'i byang chub la bzhag par bya'o zhes bya ba'i sems yin

  108. 54b

    par gsungs so/ /yang de nyid las sangs rgyas kun zhes bya ba ni/ /'dus pa 'dres par bshad pa yin zhes gsungs so/ /gzugs can rnams ni thog ma dang tha ma med pa mi srid pas/ sangs rgyas rnams ni chos kyi sku can yin te/ de rnams kyi 'dres pa ni de bzhin gshegs pa thams cad kyi ye shes te/ rdo rje 'chang ba nyid yin par ston gyi gzhan du na gzugs kyi sku ji ltar 'dres par 'gyur/ rdul phra rab tsam gyi tshad kyis kyang de bzhin gshegs pa thams cad dang 'dres na yang rab tu gang zhing de bas lhag par 'gyur te/ thams cad kyi sgras ni ma lus pa'i tshig yin pas nyung dus kyang 'dres par mi rigs so/ /yang de nyid las/ bskyed pa yis ni rim nyid dang/ de bzhin rdzogs pa'i rim pa ste/ /rdzogs pa zhes bya ba/ /yang dag ye shes de nyid de/ /ma bcos pa zhes bya ba nyid/ /de nyid las ni yang dag bshad/ /gang gis thog mdza' med pa'i dngos/ /rnam dag yid kyis bsgom byed pa zhes bya ba la sogs pa'o/ /le'u dang po las de nas nam mkha' i dbyings 'di thams cad de bzhin gshegs pa thams cad kyi rdo rje'i ngo bor gnas par gyur to zhes gsungs pa dang/ yang ma skyes pa'i chos rnams la/ /dngos po med de bsgom pa'ang med/ /nam mkha' i tshul du sbyor ba yis/ /dngos po 'di dag rab tu bsgrags/ /yang chos rnams rang bzhin 'od gsal ba'i/ /gzod nas dag pa mkha' dang mtshungs/ /byang chub med cing rtog pa'ang med/ /byang chub tshul 'di bstan pa'o zhes gsungs pa dang/ le'u dgu pa las/ rigs kyi bu 'di lta ste/ dper na nam mkha' ni thams cad kyi rjes su song ste/ chos thams cad nam mkha' i khongs su gtogs pa'o/ /chos de dag thams cad kyang/ 'dod pa'i khams na'ang mi gnas/ gzugs kyi khams na'ang mi gnas/ gzugs med pa'i khams na'ang mi gnas 'byung ba chen po bzhi la yang mi gnas so/ /rigs kyi bu chos thams cad kyang de ltar rjes su rig par bya'o de

  109. 55a

    bzhin gshegs pa rnams kyi ni don gyi dbang de lta bu mkhyen cing/ sems can rnams kyi bsam pa mkhyen nas chos 'chad do/ /rigs kyi bu de ltar nam mkha' i tshig nges par brjod pas/ de bzhin gshegs pa'i dam tshig de dag rjes su rig par bya'o/ /rigs kyi bu 'di lta ste/ dper na gtsub shing dang gtsub stan dang mi'i lag pa skyod pa'i rkyen gyis du ba rab tu byung zhing/ me chen po 'byung bar 'gyur mod kyi/ me de yang gtsub stan la yang mi gnas/ mi'i lag pa bskyod pa la yang mi gnas so/ rigs kyi bu de bzhin gshegs pa thams cad kyi dam tshig dang 'gro ba dang 'ong ba la sogs pa rjes su rig par bya'o/ /le'u bcu pa las/ lus ngag sems rnams bsgom pa ni/ /rnam par mi rtog mi dmigs pa/ /gang la'ang mi gnas mnyam pa nyid/ /sku gsung thugs kyi rdo rje bsgom/ /le'u bcu gnyis pa las/ /nam mkha' i khams dang mnyam gyur cing/ /rnam par mi rtog ngo bo nyid/ /rang bzhin dag pa'i chos rnams la/ /rol mo 'di dag rab tu bsgom/ /le'u bcu drug pa las/ rdo rje thig ni gdab pa dang/ /tshon rtsi dag kyang dgye ba ni/ /sngags kyi sems dpa' mi bya ste/ /byas na byang chub rnyed pa dka' zhes gsungs te/ dkyil 'khor thig gdab dang tshon rtsi dgye ba la sogs pa mi bya'o/ /sngags kyi sems dpa' zhes bya ba ni/ yid skyo bar byed par bya ba'i phyir sngags ni ye shes yin te/ yang dag pa'i ye shes mthong ba zhes bya ba'i don to/ /gal te rmongs pas de ltar byed na ni byang chub rnyed par dka' bar 'gyur te/ byis pa'i skye bo las dang po sems can gyi bya ba byed pas sangs rgyas nyid dang/ rdo rje 'dzin pa nyid rnyed par dka' bar 'gyur ro zhes bya ba'i don to/ yang dag pa'i ye shes kyi mngon par dbang bskur ba dang ldan pa'i rnal 'byor pa de la ni dkyil 'khor bri ba dang/ 'jug pa dang dbang bskur ba la sogs pa ni bkag pa yin no/ /rdo rje sems dpa' i snang ba yis/ /rang rang ngo bo gsal bas na/ /de bzhin gshegs

  110. 55b

    pa'i ye shes dang/ /rnam snang mdzad du de bshad do/ /skye bo mi 'dod pa kun dang/ /log shes slob dpon skye bo yis/ /mi bskyod pa yi ngo bo bas/ /'di ni mi skyod yang dag bshad/ /gang phyir nges par sangs rgyas sogs/ /rin chen rnams ni rang 'byung nyid// ye shes sems can don ldan pas/ /rin chen 'byung ldan zhes bshad do/ /mi gnas pa yi mya ngan 'das/ /srid dang mya ngan 'das ma gos/ /grangs med yon tan yang dag ldan/ /'od dpag med par de bshad do/ /sems can kun don bya ba rnams/ /rang nyid kyis ni rang bsgrubs pas/ /don yod ye shes chen po ste/ /don yod grub pa zhes bshad do/ /phra ba dang ni rgya che'i tshul/ /'jig rten gsum po yongs mkhyen cing/ /zhing rnams kun nas gnas gzigs pas/ /des na spyan zhes bshad pa yin/ /de bzhin gshegs kun ye shes ni/ /nyid kyi nyid kyi thugs su chud/ /phan tshun du ni khyab nyid pas/ /des na mA ma kIr bshad do/ /kun mchog de bzhin gshegs pa ni/ /nyes pa kun sel ye shes ni/ /sems can yang dag sbyor bar brtson/ /gos dkar mo zhes bya bar bshad/ /thugs rje chen pos rtag tu ni/ /'gro ba 'don pa'i dgongs pa ni/ /sems can sgrol ba mkhas pas na/ /ye shes sgrol mar rab bshad do/ /khams gsum pa la sogs pa ni/ /sangs rgyas ye shes nyer longs spyod/ /'dod pa'i longs spyod thams cad ni/ /spyan la sogs par rab tu bshad/ /kun mchog de bzhin gshegs pa yi/ /bsod nams 'jigs pa las grol bas/ /rab gdug 'dul ba'i ye shes te/ /de bas gshin rje gshed du bshad/ /log pa'i shes pa rnam sel ba'i/ rmongs pa'i sems can rab ston can/ /yang dag ye shes rab mchog ste/ /ldan pas shes rab mthar byed bshad/ /'gro ba kun gyi dga' ba rnams/ /rnam par brtags shing mi 'dzin la/ /srid pa dri med thugs chud pas/ /des ni pad+ma mthar byed bshad/ /bgegs

  111. 56a

    sogs pa las rnam grol bdag /ye shes kun don bsgrub pa po/ /sangs rgyas kun gyi rang bzhin 'grub/ /des na bgegs ni mthar byed bshad/ /shes dang shes bya zad gyur pa/ /snyoms par zhugs pa zhes bshad do/ /srid gsum mngon phyogs ye shes ni/ /chags sogs gsum ni sbyong ba ste/ /sangs rgyas sun gyi rang bzhin dag /zhal gsum du ni de yongs bshad/ /gtsang zhing rnam dag ngo bo pas/ /sku mdog dkar po rab tu ston/ /sbyin pa kun kyang ser po nyid/ /dmar po dag tu thugs rjes mtshungs// dkon mchog gsum la gnod byed sogs/ /'dul bar mdzad par brtson gyur pa/ /'gro ba'i don ni mdzad pa'i mchog /ye shes de ni nag por bshad/ /sna tshogs thabs ni rnam dag gang/ /sku mdog ljang gur rab tu bshad/ /gang phyir gzugs sogs skye mched rnams/ /'di ni rab tu spyod mdzad de/ /des ni de bzhin gshegs ye shes/ /thugs chud phyag ni drug par bshad/ /byang chub sems ni rdo rje 'gyur/ /shes rab dril bu yin par bshad/ /'khor lo mi shes yang dag gcod/ /rin chen de pas kyang rnyed dka' / /srid pa'i nyes pas ma gos phyir/ /ye shes de ni pad+mar bshad/ /ral gri nyon mongs dgra nges gcod/ /utpal steng du gyur ba ste/ /'khor ba'i chur ni nub pa yi/ /shes pa gang phyir skyes pas so/ /sangs rgyas rjes gnang sems can rnams/ /rdeg pas tho ba yin par bshad/ /dpyig pas chad pa 'dul ba ste/ /ye shes 'gro ba 'dul ba po/ /pad+ma skyes pa rnam dag phyir/ /rnam rtog dri ma spyod byed pa'o/ /phan tshun khyab pa byed pa'i phyir/ /sna tshogs rdo rje yin par bshad/ /'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku dang gsung dang thugs rdo rje'i snying po btsun mo'i b+ha ga la bzhugs te zhes pa las/ 'di skad bdag gis dus gcig kho na'i tshe na thos te/ bcom ldan 'das ni dbang phyug la sogs pa'i yon tan dang

  112. 56b

    ldan pa'i phyir ro/ /de bzhin gshegs pa thams cad kyi snying po ni ye shes so/ /de nyid rdo rje btsun mo ste/ mi phyed pa'i ye shes rang gi ngo bo yin pa'i phyir ro/ /nyon mongs pa thams cad 'jig pas b+ha ga ste/ de bzhin gshegs pa thams cad kyi sku dang gsung dang thugs kyi snying po rdo rje btsun mo'i b+ha ga de rnams la bzhugs so/ /'di skad ston pa yin te/ de bzhin gshegs pa thams cad kyi ye shes phan tshun khyab par bya ba dang khyab pa por gyur pa rnams su rnal 'byor pa'i ye shes de'i nang du chud pa yin no// thams cad nyid do zhugs so zhes bya ba ni/ de yang ye shes thams cad la rim gyis mi bzhugs te/ cig car nyid du ye shes thams cad la bzhugs so zhes bya ba'i don to/ /brjod kyis mi lang ba'i yang brjod kyis mi lang bzhes bya ba la sogs pa ni byang chub sems dpa' tshad med par 'dod pa dang lhan cig ces bya ba'i don to/ /de rnams kyang tshul 'di nyid kyis bzhugs so zhes bya bar dgongs so/ /rgyud kyi rgyal po de kho na nyid 'dus pa las kyang gsungs te/ de bzhin gshegs pa thams cad kyi byang chub chen por sems brtan pa dang zhes bya ba nas brtsams te/ bcom ldan 'das thog ma dang tha ma med pa byang chub sems dpa' chen po'i thugs byang chub sems dpa' chen po rdo rje kun tu bzang po de bzhin gshegs pa thams cad kyi thugs la gnas so/ /de nas de bzhin gshegs pa thams cad kyis bka' stsal pa/ rigs kyi bu khyod gang gi phyir de bzhin gshegs pa thams cad kyi de kho na nyid mngon par rtogs par dka' ba spyod pa thams cad la spro ba skyed cing/ ji ltar bla na med pa yang dag par rdzogs pa'i byang chub mngon par rdzogs par bya snyam/ /byang chub sems dpa' chen po don thams cad grub pas gsol ba/ bcom ldan 'das de bzhin gshegs pa thams cad kyi de kho na nyid ji lta bu lags/ ji ltar sgrub par bgyi/ bka' stsal bar gsol/ de bzhin gshegs

  113. 57a

    pa thams cad kyis bka' stsal pa/ rigs kyi bu rang gi sems la rtog cing mnyam par gzhog la/ rang bzhin gyis grub pa'i sngags ni ci dgar bzlas shing sgrub par gyis/ swa tsit+ta be taM ka ro mi/ byang chub sems dpa' chen pos gsol pa/ bcom ldan 'das de bzhin gshegs pa thams cad rang gi sems zla ba'i dkyil 'khor du gda' bar 'tshal ba lags so/ /de bzhin gshegs pa thams cad kyis bka' stsal pa/ sems 'di ni rang bzhin gyis 'od gsal bas na zla ba lta bu ste/ zla ba'i dkyil 'khor ni rang bzhin gyis 'od gsal ba'i ye shes de nyid do/ /dper na zla ba'i dkyil 'khor ni rims kyis rdzogs par 'gyur te/ de bzhin du rang bzhin gyis 'od gsal ba'i bsam pa rin po che yang rdzogs par 'gyur ro/ /dper na zla ba'i dkyil 'khor ni glo bur gyi dri ma rnams dang bral zhing/ nyi ma'i dkyil 'khor gyi 'od zer dang bral bas rim gyis rdzogs par snang ngo/ /de bzhin du rang bzhin gyis yongs su dag pa'i sems kyi rin po che yang nyon mongs pa thams cad kyi dri ma'i nag nog dang bral zhing/ sangs rgyas kyi yon tan yongs su rdzogs par snang ngo/ /gnyis su med par mnyam par rnam par rgyal ba las kyang/ oM sarba ta thA ga to dz+nyA na badzra swa b+hA ba at+ma ko haM/ /yang le'u dgu pa las/ dngos po du mar ma gos pa/ de nyid ces bya de bsgoms ba/ /sangs rgyas sku yi cho ga zhes/ /de bzhin nyid du nye bar spyod/ /gzhan du sngags la sogs pa kun/ /dge ba grub par mi 'gyur ro/ /yang le'u bcu gsum pa las/ sangs rgyas kun gyi dkyil 'khor ni/ /de nyid shes pa'i dkyil 'khor te/ /'di ni de nyid sgrub pa yin/ /yid bzhin nor bu lta bur bshad/ /zla gsang nor bu'i thig le'i rgyud kyi rgyal po las gsungs te/ yan lag kun bsgom las 'das shing/ /rtog dang brtag bya rnam spangs la/ /gug skyed thig le yang dag 'das/ /'di ni dkyil

  114. 57b

    'khor dam pa yin/ /yang de nyid las/ thog mdza' med pa'i sems dpa' ni/ /rdo rje sems dpa' bde ba'i mchog /de nyid dngos po thams cad kyis/ /thams cad du ni yang dag bzhugs/ /yang/ byang chub sems las ma gtogs pa'i/ /bde gzhan srid pa gsum na med/ /byang chub sems dngos bde ba ni/ /bde ba thams cad skyed byed pa'o/ /'dus pa'i dam tshig gi de kho na nyid las bstan te/ /nga yang 'dod dang gzugs mchog tu/ /sangs rgyas kun gyis byin gyis brlabs/ /ngas kyang chos kyi sku mchog tu/ /sangs rgyas thams cad byin gyis brlabs/ /'dra dgyes bcom ldan rtag par ni/ /rdo rje sems dpa' bde ba che/ /gang phyir de rnams skyes pas na/ /'di ni de nyid yin par 'dod/ /yang/ sems dpa' chen po rdo rje che/ /rdo rje sems dpar de bshad do/ /de yi sems dpa' thog mdza' med/ /rdo rje sems dpa' dga' chen yin/ /kun tu bzang po kun bdag nyid/ /sangs rgyas byang chub khams gsum pa/ /mi rgyu thams cad 'di yin no/ /rdo rje chen po mchog chen po/ /rgyu ba sems kyi 'dus byas te/ /kun mdzad thams cad 'di yin no/ /sgyu 'phrul dra ba las kyang gsungs te/ /ye shes mig gcig dra ma med/ /ye shes lus can de bzhin gshegs/ /mi 'gyur kun 'gro khyab pa po/ /phra zhing zag med sa bon bral/ /le'u bdun pa'i byang chub sems dpa' i le'u las/ chos rnams skye ba med pa ste/ /'gyur ba med cing gnas pa med/ /rtog dang bral ba'i tshul spangs 'di/ /bskyed par bya zhes rab tu gsungs/ /yang de nyid las/ chos rnams rang bzhin 'od gsal bas/ /gzod nas dag cing rtog pa med/ /sems can med cing srog kyang med/ /sangs rgyas nyid kyang byang chub sems/ /dpal rdo rje dkyil 'khor gyi rgyan las gsungs pa/ thams cad du ni khams kun dang sems can kun la thams cad du/ /lus kun la ni mnyam par khyab/ /sems can khams bzhin yang dag gnas/ /zag

  115. 58a

    pa med kyang bsam mi khyab/ /dri med nga med rang bzhin dang/ /stong dang mkha' dang mnyam nyid dang/ /dngos dang dngos med rnam spangs pa'o/ /thog ma tha ma med zhi ba'o/ /chos kun gyi ni dbang phyug sku/ /gzugs rnams kun gyi 'byor pa ste/ bden pa gnyis la yang dag gnas/ /mchog yin dam pa'i don gyis na/ /de ni chos kyi sku zhes bshad/ /dbang po kun dang rnam shes dang/ /sems can kun las yang dag tu/ /yid dang rnam shes zhes bshad cing/ /shes rab blo dang blo gros ldan/ /lhag mthong kun mkhyen ye shes ni/ /shes bya nyon mongs thar pa nyid/ /rtag dang chad pa'i mdza' las grol/ /mdza' gnyis dag ni rnam par spangs/ /kun rdzob dang ni don dam las/ /de ni rnam pa gnyis su brtag /dper na bud shing la gnas te/ /me yi sa bon kun tu gnas/ /dper na til la til mar dang/ /bu ram shing la khu bar brtag /dper na me tog la dri dang/ /dper na zho la mar sar bzhin/ /kun tu sems can thams cad dang/ /rgyu ba dang ni mi rgyu dang/ /gzugs dang gzugs med rtog pa la/ /phyag rgya chen po rab tu gnas/ /yang/ ye shes 'di mi 'jigs pa dang/ /mi bzad pa dang/ mi g.yo ba dang/ bzod ma nas dag pa dang/ dri ma med pa dang/ 'od gsal ba dang/ brjod du med pa'o zhes gsungs so/ /bde mchog gi rgyud las kyang gsungs te/ /gzugs brnyan lugs ma la sogs las/ /rnal 'byor skye bar mi 'gyur gyi/ /byang chub sems la rab brtson na/ /sems las rnal 'byor lhar 'gyur ro/ /byang chub sems ni rdo rje ste/ /sangs rgyas kun gyi bdag nyid ni/ /de bas thams cad bdag 'byor pas/ /sangs rgyas thams cad thob par 'gyur/ /mthong ba dang ni reg pa dang/ /thos pa dang ni dran pas kyang/ /de ni sangs rgyas thams cad dang/ /mthong zhing mtshang ba byas par 'gyur/ /'di dang sangs rgyas thams cad la/ /mthong ba dang ni reg pa yi/ /dkyil 'khor dag

  116. 58b

    tu ma zhugs dang/ /bde ba dag kyang mthong bas na/ /mthong ba dang ni reg pa dang/ /thos pa dang ni dran pa yin/ /sdig pa kun las rnam grol zhing/ /sangs rgyas dngos grub thams cad 'grub/ /'di dag sangs rgyas thams cad la/ /rnal 'byor thams cad mnyam sbyor ba'i/ /bud med dag kyang rnam grol zhing/ /sangs rgyas byang chub reg par 'gyur/ /kun tu kun nas thams cad kun/ /bdag nyid rnam pa thams cad du/ /sangs rgyas thams cad dngos grub par/ /de yis bdag nyid mthong bar 'gyur/ /'di yi bdag nyid kun gnas pa/ /mchod pa'i sprin chen thams cad kyi/ /bkod pa'i rab 'byams mchog dag gis/ /de bzhin gshegs pa mchod par mdzad/ /rnal 'byor kun gyi longs spyod kyis/ /ji ltar bde ba bsten byed cing/ /rang gi lha mi rnal 'byor gyis// bdag nyid rab tu mchod par bya/ /yang sna tshogs las kyi sbyor ba yis/ /sna tshogs 'dul ba'i bdag nyid ni/ /sems can rnams ni 'dul ba'i phyir/ /gzhan pa thams cad sgrub par bya/ /gang phyir rdo rje sems dpa' mchog /thog mdza' med pa'i sems dpa' ni/ /sangs rgyas phyag rgya'i brda' yis ni/ /skal bzangs shes nas rnam par grags/ /yang/ cho ga sna tshogs 'dod rnams la/ /las kyi sbyor ba sna tshogs kyis/ /sangs rgyas rdo rje 'dzin la sogs/ /gdul ba'i phyir ni byas pa yin/ /dpal mchog dang po las kyang/ /gsang ba'i pad+ma'i tshogs mthong ba la sogs pa ni gzhung mangs kyis dogs nas ma bris so/ /ye shes grub pa las gsungs pa'i de kho na nyid kyi yi ge'i tshogs nges par bstan pa ste le'u bco lnga pa'o// //de ltar shes mchog thams cad ni/ /bcas pa yang dag bsgom pa ni/ /shin tu drag po'i bdag nyid can/ /skye ba gcig gis 'grub par 'gyur/ /thabs dang snying rje'i rtse ba can/ /byang chub sems ni legs bsags la/ /sems can kun la snyoms pa dang/ /dkon mchog gsum mi

  117. 59a

    dad pas mchod/ /stong nyid mngon du ye shes shing/ /'dod pa kun las chags bral zhing/ /longs spyod rnams kyang mchod pa'i phyir/ /de bzhin gshegs pa thams cad 'chang/ /phyag la sogs pa rnam dag ni/ /bsngo ba'i bar du bya ba ni/ /thabs 'di rdzogs pa'i sangs rgyas kyis/ /snying rje la sogs rab tu gsungs/ /de ltar thabs shes rnal 'byor pa/ /sangs rgyas kun 'dra gnyis pa yin/ /de la 'tsho ba cung zad kyang/ /rtag par kun tu yod ma yin/ /sngags dang phyag rgya'i sbyor ba yis/ /gang zhig bsrung bar yongs bsgrags pa/ /sangs rgyas kun dang de sras kyis/ /lung kun tu ni nges gsungs pa/ /sangs rgyas sras bcas de rnams kyis/ /bskal pa bye ba brgya bar du/ /bsrung ba mdzad pa gang yin pa/ /de ni ye shes de bsgom pa'i spyod lam bzhi dang ldan pa ru/ /bsgom pa ru ni gsungs pa yin/ /bde ba thams cad ster byed pa'i/ /rnal 'byor ba yi gnas ma gsungs/ /rnal 'byor smyung la mi gnas shing/ /gcer bu rnam rtog dag pa min/ /sna tshogs rtogs las rnam grol bdag /rnal 'byor mchog gi bdag nyid bsgom/ /lus dang yid kyi sdug bsngal dang/ bskal ba bye bar mi bya'o/ /bde ba kun dang yang dag ldan/ /'grub par 'di nyid the tshom med/ /sems can thams cad skye ba ni/ /'gro drug las yod gzhan yod min/ /de bas gang duAng gzung bya min/ /khyad par spyan ni rnyed mi 'gyur/ /gnas dang yul dang khyim dang ni/ /glegs bam sku yi gzugs brnyan la/ /'dzin pa kun las rnam grol ba'i/ /rnal 'byor pa rnams sangs rgyas bsngags/ /ye shes grub pa las thabs nges par bstan pa'i le'u ste bcu drug pa'o// //yang dag ye shes yang dag bskyed/ /rnal 'byor pa ni rtag gsal 'debs/ /khams gsum pa yi phyag byas pas/ /dbang bskur ba ni rab sbyin bya/ /yo byad kun dang nyer ldan zhing/ /mos

  118. 59b

    pas thams cad legs bsags pas/ /yon tan kun gyi gnas gyur pa'i/ /rdo rje slob dpon mchog mnyes bya/ /bza' dang bca' la sogs pa yis/ /dkyil 'khor yang dag mchod byas la/ /thal mo sbyar ba byas nas brjod/ /thugs rje'i bdag nyid drin can gyis/ /yang dag ye shes mchog thob ste/ /rang rig pa yi ngo bo la/ /bdag ni shin tu nges pa skyes/ /gnyis med ye shes 'di nyid ni/ /'gro ba gzhan la yod ma yin/ /chos kyi bdud rtsi 'di 'thung phyir/ /bla ma che la gsol ba 'debs/ /sems can kun gyi bya ba ni/ /ci nus par ni bdag bgyid cing/ /ltos med chos kyi sbyin pa ni/ /bdag nyid ji ltar stsol 'gyur ba/ /dbang bskur ba yi rin chen mchog /gal te drin gyis thob 'gyur ba/ /bdag gis legs par 'tshal lags na/ /'jigs pa med pa'i bka' drin gsol/ /gal te 'gro ba shes rab ldan/ /bla mas kyang ni dga' ba yis/ /sangs rgyas kun gyis rjes gsungs pa/ /de ltar rab tu sbyin par bya/ /bcom ldan thugs rje ldan pa yis/ /gsung gi don kun phun tshogs pas/ /chos kyi rgyal po dbang bskur gsol/ /dbang bskur ba ni bla med yin/ /de nas nyin zhag nges byas te/ /slob ma la ni tshig bsgo ba/ /de nas nyin zhag gang gi tshe/ /bu mo thams cad rdzogs pa yi/ /yid du nges par gyur pas na/ /de bas sems ni brtan par gyis/ /ji ltar gangs dkar mi 'gyur ba/ /blo gros chen po de ltar gyis/ /de nas nyin zhag nges thob pa/ /sangs rgyas thams cad rab tu mchod/ /'phags pa dge 'dun mchod bstod ni/ /yon dang bcas pa sbyin par bya/ /tshogs kyi ston mo rgya chen dang/ /khyad par bu ni bla ma la/ /mgon med la yang ci nus sbyin/ /cho ga thams cad kun tu spyad/ /sangs rgyas kun gyis bsngags pa yi/ /bla ma la ni yon dbul zhing/ /kun tu sna tshogs bla ma la/ /yon dbul ba ni dam pa 'grub/ /gang la gang ni btang dka' ba/ /de ni mchog tu bshad pa

  119. 60a

    yin/ gang dang gang ni sdug pa'i mchog /yang na shin tu khyad par ni/ /de dang de ni bla ma la/ /de nyid mi bzang 'dod pas dbul/ /yang na de bzhin 'dod 'gyur bar/ /'on te sems la dgos pa dag /de bzhin yang na dgos pa bya/ /de ni chung yang mchog yin no/ /gal te de la mchog yod la/ /de la ngan pa'i yon phul na/ /kun gyi slob dpon brnyas pas na/ /de ni rtag tu sdug bsngal thob/ /'di ni rgyud kyi rgyal po bde mchog gi yin no/ /bdag nyid kyang ni phul nas su/ /slar yang rin gyis slu ba ni// sna tshogs rgyud du gsungs pa yin/ /yon ni bla na med pa yin/ /de nas sangs rgyas kun dbang bskur/ /rgyud rnams kun tu sbas pa yin/ /sangs rgyas kun dngos rnal 'byor ni/ /thams cad yang dag bde ba skyed/ /sems can kun gyis ma rtogs pa/ /'jig rten mgon pos gsungs pa ni/ /de bzhin gshegs pa kun gyi thugs/ /sku dang gsung ni thams cad 'dus/ /de ltar gnyis ka shes nas kyang/ /byin gyis brlabs pa brjod par bya/ /'di dag thams cad yid dang ni/ /lus dang ngag las yang dag 'byung/ /sangs rgyas kun gyi byin brlabs phyir/ /rjes gnang de la sbyin par bya/ /rdo rje 'dzin pa kun gyi phyir/ /rdzogs sangs rgyas kyi dbang bskur zhing/ /'das dang ma 'ongs rnams dang ni/ /rdo rje 'dzin kun gyis kyang ngo/ /nga ni blo gros chen po khyod/ /sangs rgyas kun dang sku gcig ste/ /chos dang zang zing sbyin pa yis/ /sems can rjes su bzung bar gyis/ /ci nus par ni dkon mchog gsum/ /bde ba skyed par bsrung bar bya/ /rdo rje sems dpa' i bya ba ni/ /sangs rgyas kun gyis nges gsungs te/ /rdo rje'i 'dzin mchog khyod kyis ni/ /brnyas pa dag kyang mi bya'o/ /yang ba ni ma spangs pas/ /dus byas shin tu mi bzad pa'i/ /nga rgyal ba'i sdug bsngal 'jigs pa'i tshogs/ /bskal pa brgyar ni myong bar 'gyur/ /gang yang 'jig rten sun 'byin dang/ /log pa'i chos ni kun spyod dang/ /dam chos spong

  120. 60b

    par byed pa'o/ /de dang kun tu gnas mi bya/ /rmongs shing chos bral de dag ni/ /rang gi bde ba rtson yid ldan/ /tshul ngan bsod nams bral ba yis/ /byang chub mchog thob mi 'gyur gyi/ /'khor ba ru ni phan tshun du/ /'gro ba drug tu shin tu 'khor/ /'jig rten rmongs pa'i ngang tshul can/ /rab tu 'dre bar byed mtshungs shing/ /de 'dra ba yi dri ma yang/ /'khrul ba'i chos la kun tu gnas/ /de rnams bde 'gror mi skye zhing/ /sangs rgyas kyang ni rnyed par dka' / /blo gros chen po khyod kyis ni/ /de rnams la ni rtag srung bya/ /de ltar bdud kyi zhags pas bcings/ /gzhan rnams kyang ni phung ba yin/ /sangs rgyas kun bdag rang nyid do/ /da ni sems can don rnams kyis/ /ji ltar 'dul ba rnams la chos/ /'gro ba kun la rab tu shod/ /da ni khyod kyi chos rnams la/ /som nyi dag ni mi bya'o/ /slar ni dbang bskur mi rlab bo// gzhan du dam tshig nyams par 'gyur/ /yang dag chos mchog 'dzin pa ste/ /khams gsum kun gyis phyag byas pa/ /dbang bskur khyod kyi thob pas na/ /'di las mchog gzhan yod ma yin/ /de bzhin gshegs pa thams cad kyis/ /ye shes mchog gi dbang bskur ba'i/ /rnal 'byor pa rnams kyis bdag nyid chen po ni dpal gsang ba 'dus pa las gsungs te/ /'di ltar bcom ldan 'das de bzhin gshegs pa thams cad kyi sku dang gsung dang thugs rdo rje gsang ba mngon par rtog pa'i dbang bskur ba'i slob dpon la de bzhin gshegs pa dang/ byang chub sems dpa' thams cad kyis ji ltar blta bar bgyi/ de bzhin gshegs pa thams cad kyis bka' stsal pa/ rigs kyi bu byang chub kyi sems rdo rje lta bur de bzhin gshegs pa thams cad dang byang chub sems dpa' rnams kyis blta bar bya'o/ /de ci'i phyir zhe na/ byang chub ykyi sems rdo rje dang slob dpon 'di nyid gnyis su med cing gnyis su dbyer med do/ /rigs kyi bu mdor byas nas bstan par bya ste/ phyogs bcu 'jig rten gyi khams na sangs rgyas dang byang chub sems dpa' ji snyed

  121. 61a

    cig 'khod cing 'tsho ba dang skyong ba de dag thams cad dus gsum du lhags nas/ /slob dpon de la de bzhin gshegs pa thams cad kyi mchod pas yang dag par mchod de/ sangs rgyas kyi zhing der yang 'gro'o/ /dag rdo rje'i yi ge de yang 'di skad brjod de/ bdag cag de bzhin gshegs pa thams cad kyi pha'o/ /bdag cag de bzhin gshegs pa thams cad kyi ma'o/ /zhes pa nas/ bdag cag de bzhin gshegs pa thams cad kyi ston pa'o zhes pa'i bar du'o/ /'di lta ste dper na rigs kyi bu sangs rgyas bcom ldan 'das phyogs bcu na ji snyed bzhugs shing rab tu spyod pa'i sangs rgyas bcom ldan 'das de rnams kyi sku dang thugs rdo rje'i bsod nams kyi phung po bas kyang slob dpon gyi ba spu'i khung po gcig 'phags so/ /de ci'i phyir zhe na/ rigs kyi bu byang chub kyi sems ni sangs rgyas thams cad kyi ye shes kyi snying por gyur pa dang/ skye ba'i gnas su gyur pa dang/ thams cad mkhyen pa'i ye shes kyi 'byung gnas yin pa'i bar du'o/ /ye shes grub pa las/ ye shes rdo rje'i dbang bskur ba'i cho ga'i le'u ste bcu bdun pa'o// //rdo rje ye shes chen po rab tu bsgoms pa'i rnal 'byor gyi dbang phyug chen po'i mthu ni bskal pa bye ba brgyar yang brjod par mi nus mod kyi/ dpal bde mchog las bshad pa cung zad gcig brjod par bya ste/ kun tu kun nas thams cad du/ /bdag nyid rtag tu rnam pa kun/ /sangs rgyas thams cad brtan g.yo kun/ /kun tu dngos po de 'gyur ro/ /sangs rgyas zhing ni ma lus par/ /sangs rgyas sprul pa sgrub par byed/ /sangs rgyas sprul pa sgyu ma yis/ /sangs rgyas rnams kyi mdzad pa ston/ /sangs rgyas rdo rje 'dzin la sogs/ /sna tshogs gzugs byed rig pa yis/ /'gro ba mdza' dag mgu bar byed/ /khams gsum pa yi rgyal srid che/ /'joms 'du mas g.yul

  122. 61b

    la byed grub pa dag /rgyal srid sgyu ma rnam sprul pas/ /bya ba thams cad ston par byed/ /khams gsum pa yi rgyal srid che/ /bdag brtul phod pas mnan nas ni/ /'gro ba thams cad rab 'joms pa/ /rta ni gar gyis ston par byed/ /de la sogs pa mdza' yas mchog /chos dbyings mnyam dang mi mnyam pa/ /nam mkha' i dbyings kyi mdza' klas pa'i/ /sna tshogs kun gyi mchog gis ni/ /nam mkha' kun gyi skabs na dpal/ /rdo rje sems dpa' de bzhin gshegs/ /dpal dgyes rol pa rnam 'phrul ba/ /sna tshogs kyis ni rnam par grol/ /rnam pa sna tshogs skal bzang po/ /rnam pa sna tshogs bde mchog gis/ /'dul ba rnam pa sna tshogs kyis/ /sems can khams ni rab tu sdud/ /de la sogs pa mdza' yas mchog /chos dbyings mnyam dang mi mnyam pa'i/ /nam mkha' dbyings kyi mdza' klas pa'i/ /sangs rgyas thams cad 'byung ba'i mchog /nam mkha' kun gyi skabs na dpal/ /rdo rje sems dpa' rab tu gsungs/ /grub pa'i dbang phyug rab grags pas/ /lus can gang der rab grags pa/ /thams cad bdag nyid grub bar byed bcom ldan 'das dpal rdo rje sems dpas de skad gsungs so/ /sangs rgyas kun tu mes pa yis/ /sdig med stobs kyis ngo mtshar du/ /pha rol gnon pa'i rtsal dag gis/ /shin tu gdug cing khro gtum pa/ /sems can rnam pa mang po'i khams/ /'jig rten thams cad rab tu 'jig /shin tu gdul dka' 'dul ba rnams/ /byis pa rkun po chom po yis/ /thams cad rnam par spyod par byed/ /bris pa dang ni sgyu dag dang/ /ngo mthon stobs dang de bzhin du/ /dgra cha lnga yi rgal nas ni/ /de tshe 'jig rten gsum las rgyal/ /skye 'gro'i gnas dang 'gro ba rnams/ /'dul ba'i thabs rnams sna tshogs kyis/ /mdza' dag brtul nas grub par 'gyur/ /'dul ba'i thabs rnams sna tshogs kyis/ /rang gi rgyal srid rtag tu skyong/ /g.yem pa rnams la g.yem par 'gyur/ /khro ba

  123. 62a

    rnams la khro ba'i mchog /zhi ba rnams la zhi ba'i mchog /drag shul can la drag por gnon/ /sdig med stobs kyi ngo 'thon du/ /dbang phyug dam pa rab mnan nas/ /lha mo dbu ma phrogs nas ni/ /de tshe longs spyod rang gi spyod/ /sdig med stobs kyi ngo 'thon du/ /mthu bo che la? rab mnan nas/ /du phi ni yang phrogs nas ni/ /de tshe longs spyod rang gis spyod/ /sdig med stobs kyis ngo 'thon du/ /skye dgu'i bdag po rab mnan nas/ /lha mo rab tu zhi ba phrogs/ /de tshe longs spyod rang gis spyod/ /sdig med stobs kyi ngo 'thon du/ /'dod pa'i lha ni rab mnan nas/ /dga' sdug ma yin dbang phyug ma/ /phrogs nas de tshe bdag rang spyod/ /de la sogs te mdza' yas mchog /chos dbyings mnyam dang mi mnyam pa/ /nam mkha' i dbyings kyi mthas klas par/ /rdo rje las mchog rnam par gnon/ /de la sogs te rnam 'phrul ba/ /sna tshogs rgyud las bstan pa yin/ /ye shes grub pa las mthu nges par bstan pa dang dbang po mchog rnams legs par spyad pa ste le'u bco brgyad pa'o// // gang zhig yang dag ye shes med/ /'di ltar log shes sbyor bar ldan/ /dbang po gang ma zhes bshad de/ /de yi bya ba rab bshad bya/ /gang zhig sngar ni rab bshad pa'i/ /phyag la sogs pa thams cad dang/ /de bzhin 'dus pa'i tshig tu bshad/ /de dag kun kyang bya ba yin/ /rnam pa kun mchog ldan pa yi/ /rang gi lha yi skad cig gis/ /bskyed la mngon bzhin rnal 'byor pas/ /lam la gnas te bzlas brjod brtsam/ /mthar yang 'di skad brjod par bya/ /sras bcas sangs rgyas thams cad ni/ /thams cad thugs rje'i bdag nyid can/ /bdag la bka' drin mdzad du gsol/ /thog med dus nas 'di bar duAng/ /bdag ni 'khor bar 'khor gyur te/ /yang dag ye shes ma mthong bas/ /sdug bsngal rnams kyis rtag tu dub/ /ji ltar ye shes skye 'gyur bas/ /gang

  124. 62b

    gi ye shes mchog thob nas/ /sems can kha lo bsgyur 'gyur ba/ /khyed kyis de ltar bdag la mdzod/ /ji ltar 'das pa'i rdzogs sangs rgyas/ /de bzhin de ltar ma byon pas/ /sems can don mdzad ces grags pa/ /de ltar bdag ni bgyid par brtson rim pa 'di dang legs ldan pa/ /gal te yang dag 'jug 'gyur ba/ /de ni ye shes mchog 'gyur te/ /log pa'i lam du 'gro mi 'gyur/ /ye shes grub pa las/ /dbang po 'bring po bstan pa'i le'u ste bcu dgu pa'o// //phyag rgya'i dkyil 'khor sku mdog sogs/ /phyag dang gdan ni rnam bsgom dang/ /ting 'dzin gsum dang phyag rgya bzhi/ /zhal gsum dang ni phyag drug rnams/ /sgom 'gyur de ni phyi shun can/ /sna tshogs spros pa'i man ngag rnams/ /de kun dman pa'i yin par bshad// de rnams la yang de bzhin thabs/ /de la gtan tshigs bshad par bya/ /mchog dang bar ma'i lam dag las/ /ji bzhin chung ngu gzhan bya ba/ /lha dang sngags ni rnal 'byor pas/ /rgyud las gsungs pa kun tu bya/ /gang las mnyam pa'i sems yod pa// de la ye shes skye 'gyur gyi/ /gzhan du bskal pa bye ba ni/ /brgyas kyang de thob mi 'gyur ro/ /kun tu sems dang ldan pa yi/ /rtsa ba cher ldan blo gros bzang/ /sngar bshad mtshan nyid ldan pa yi/ /rnal 'byor ye shes mchog thob 'gyur/ /gang zhig bar mdza' gnyis po nyid/ /bsgom pa gsum po gtso bo bas/ /yang dag ye shes 'byung ba'i don/ /yang dag bya ba dbang du 'gyur/ /de nyid med par 'tshang mi rgya/ /lam la bgrod pa de nyid min/ /de bas lam la gnas bdag nyid/ /bsgrubs nas ye shes thob par 'gyur/ /gang zhig lam las nyams pa dang/ /snying rje dang bral sems ldan zhing/ /chags sogs don la spro bdag nyid/ /de rnams la ni 'byung mi 'gyur/ /ye shes grub pa las dbang po tha ma bstan pa'i le'u ste nyi shu pa'o// //

  125. 63a

    rnal 'byor pa ye shes grub phyir/ /bdag gis yang dag shin tu bshad/ /rgyud kun du ni sbas gyur pa'i/ /gsang ba 'di ni bshad mi bya/ /gang la ye shes mchog gi mi/ /rnal 'byor mchog ni med gyur pa/ /lha yi gzungs ni bsgom pa la/ /sems ni brtson pa dag tu bya/ /glegs bam tsam zhig bstan pa yang/ /sbyin mi bya bar shes bya ste/ /rdo rje ye shes rab spangs pas/ /rmongs pa dmyal bar 'gro bar 'gyur/ /de yi dmyal ba'i rgyur gyur pas/ /mi de mnar med 'thob par 'gyur/ /de bas bdag gzhan phud ba ni/ /'byung bas nges par bsrung bar bya/ /gzhan du ston par 'gyur na ni/ /dam tshig dag kyang nyams par 'gyur/ /rnal 'byor rgyud ni dam pa ru/ /brtse ldan sangs rgyas thams cad kyis/ /rtog ma'i dra ba rnam spangs pa/ /rdo rje ye shes 'di mchog yin/ /rdo rje sems dpa' i sgrub pa yi/ /lung dang rig pa las shes byas/ /sgrub pa'i thabs ni byas pa la/ /bdag gis dge ba gang bsags pa/ /des ni sems can thams cad kyang/ /rdo rje sems dpa' mchog thob shog /dpal dbu rgyan nas byung ba/ ye shes grub pa zhes bya ba'i sgrub thabs/ slob dpon in+d+ra b+huA tis mdzad pa rdzogs so// //rin chen bzang pos bsgyur/ /slad kyis nag tshos bcos so// // gnyis su med par grub ba'i sgrub thabs zhes bya ba dpal mos mdzad pa bzhugs// //rgya gar skad du/ a dwa ya sid+d+hi sA d+ha na nA ma/ bod skad du/ gnyis su med par grub pa'i sgrub thabs zhes bya ba/ 'jam dpal gzhon nur gyur pa la phyag 'tshal lo// mgon po'i rang bzhin gsal ba ni/ /khams gsum las byung thams cad mkhyen/ /rdo rje che la mgos phyag 'tshal/ /dgos pa'i don gyi 'bras bu 'byin/ /yul dus tshes dang gza' skar dang/ /dkyil 'khor brtag pa mi dgos pa'i/ /rdo rje sems dpa' i

  126. 63b

    sgrub thabs bshad/ /bsdus te sgrub pa sgrub pa'i mchog /dam bcas dka' thub smyung ba dang/ /snying po bsgom pa smra ba la/ /'di nyid med par gyur na ni/ /bskal pa 'bum phrag brgyar mi 'gyur/ /che chung sa bon la sogs tshogs/ /sna yi nang nas 'byung ba dang/ /sngags pa rtag tu mchod pa byed/ /bdag nyid de nyid bsgoms te mchod/ /ma dang sring mo bu mo dang/ /de bzhin tsha mo nyid dang ni/ /shes rab thabs su bya ba ste/ /rnal 'byor pas ni rtag tu mchod/ /yan lag gcig med rigs ngan dang/ /gzo !bo khyi sha can sogs kyi/ /bu mo rtag tu mchod par bya/ /ye shes rdo rje bsgom pa che/ /de kho na nyid kyi sngags kyi 'bras bu ni 'di yin no/ /oM A(rgyud 'grel): hUM/ ji ltar sems can 'ching ba ni/ /drag po'i las kyi sems can rnams/ /thabs kyi 'khor ba dag las grol/ /dam tshig nyin mtshan rtag tu ni/ /rigs lnga las? byung bzang po dang/ /gsal ba'i tshogs kyis mchod pa byed/ /'o ma 'bab pas sna tshogs 'byung/ /sngags pa rab dga' i mig gis ni/ /rtag tu mig gi mdangs phyung ste/ yang dag sems ni brtan po yis/ /ye shes rgya mtsho sgom par byed/ /ji ltar g.yo dang mi g.yo ba/ /khams gsum thams cad ma lus pa/ /thams cad de nyid rnal 'byor ni/ /rdo rje 'dzin pa nyid du mthong/ /gzhan du kha cig smra ba dang/ /mtshan ma'i bye brag 'dug pa la/ /de la brnyas par mi bya ste/ /rdo rje sems dpa' i rdzu 'phrul nyid/ /thams cad mnyam pa nyid gnas te/ /ma lus dngos po med pa ni/ /sngags pa rtag tu sgom par byed/ /phung po'i rang bzhin dag pa nyid/ /dri dang gos dang me tog sogs/ /spos dang lha bshos de bzhin du/ /glu dang ral mo gar sogs kyi/ /thabs kyi bdag po dga' bar 'gro /dka' thub ngan pas gzir mi bya/ /smyung ba yis ni las mi bya/ /khrus dang gtsang sbra mi bya ste/ /blo gros chung ngu'i spyod mi bya/ /lugs ma la sogs phyag mi bya/

  127. 64a

    sa shing rdo sogs de bzhin no/ /bdag gi lus la rgyun tu mchod/ /rtag tu sems gcig kho nas mchod/ /sbrang bu bsre ba'i skyugs pa yis/ /che chung tshegs kyi sbyang bar bya/ /gsal ba lnga dang ldan par byed/ /rdo rje 'dzin pa mchod par byed/ /bud med rang byung me tog ni/ /byang chub sems dang ldan par bya/ /rtag tu lha mo mchod par bya/ /phung po'i de nyid bsgom par byed/ /gzhan gyi nor dag dbrog par bya/ /gzhan gyi bud med rgyu bar bya/ /rdzun gyi tshig kyang smra bar bya/ /sangs rgyas thams cad gsad par bya/ /rdo sogs mchod rten mi bya ste/ /glegs bam dag kyang bklag mi bya/ /rmi lam tsam du dkyil 'khor ni/ /lus kyi bya bar mi bya'o/ /thams cad dag ni kun la yang/ /rtog pa dag ni mi bya ste/ /rdo rje sems dpa' i bdag nyid du/ /dngos po ma lus gyur bar bsam/ /sngags pa 'gro dang 'dug pa dang/ /de bzhin za dang mi za dang/ /'thung dang mi 'thung ba dag la/ /sems ni rtog par mi bya'o/ /rnam par snang mdzad byung ba la/ /sems can thams cad yan lag tu/ /mkhas pas sems can kun blangs te/ /dngos grub rgyur ni bza' bar bya/ /thams cad rigs nas byung ba yi/ /bud med dag la brtag mi bya/ /de nyid bcom ldan pha rol phyin/ /kun rdzob tsam gyis gzugs nyid do/ /tshes grangs skar ma mi dgos te/ /smyung bar yang ni gnas mi bya/ /gnyis med ye shes ldan pa yi/ /bde bar gshegs pa'i dngos grub 'gyur/ /mang po smras te ci zhig bya/ /ji lta ji ltar mthong ba dag /de dag thams cad rnal 'byor gyis/ /mthong zhing rig pas shes par bya/ /ba lang rta bong rnga mo dang/ /ba dang khyi las byung ba las/ /gsal bar che ba bsres byas te/ /rnal 'byor mkhyen pas rtag tu bza' / /gcig la chags par mi bya ste/ /gang yang blang dor mi bya'o/ /rnal 'byor mnyam pa'i sems kyis ni/ /'khor ba'i

  128. 64b

    rgya mtsho rgal bar byed/ /'byung dang 'dug dang 'gro ba dang/ /kun gyis mang po spros pa dang/ /de dag med na 'khor ba med/ /skye ba dang ni 'byung ba med/ /bcom ldan rdo rje nyi mas ni/ /shes rab mtshan mos bshad pa ste/ /de 'dra'i rnal 'byor bsgom byed na/ / myur du dngos grub thob par byed/ /thams cad sems kyi chos nyid ni/ /dngos por ma grub brtag dka' ba/ /de nyid slob dpon zhal nas ni/ /thob par 'gyur bar the tshom med/ /mi gnas mya ngan 'das pa yin/ /mtshan ma med pa gnas ni med/ /de shes byang chub mchog tu 'gro /de ltar shes pa'i rnal 'byor ni/ /blo can rtag tu brlab par bya/ /de nyid 'grub par the tshom med/ /bsod nams med pa'ang 'grub par 'gyur/ /khams gsum na ni slob dpon las/ /che bar gyur pa gzhan med na/ /de nyid kyis ni bka' drin gyis/ /dngos grub mang po thob par 'gyur/ /de nyid rdo rje sems dpa' nyid/ /sangs rgyas thams cad phyag kyang 'tshal/ /slob dpon mchod pa bla na med/ /ci tsam nus pas mchod par bya/ /de ni de bzhin gshegs pa nyid/ /sems can rnams kyi don kyi phyir/ /gzugs su snang ba kun rdzob ste/ /rnal 'byor bdag nyid gdan la bzhugs/ /'chi bdag de ni rtag pa che/ /thams cad ma lus stong pa nyid/ /rang gi rtog pas mi snang la/ /gzhan dag de la dka' bar byed/ /gnyis su med par grub pa'i sgrub thabs zhes bya ba 'di ni u rgyan gyi skye ba rnal 'byor gdan gyi sgrub pa'i lta'i gnas nas byung ba bcom ldan 'das ma lak+Sh+mI'i zhal snga nas byung ba rdzogs so// //rgya gar skad du/ sh+rI o Ti yan bi ni gu hya mahA gu hya tat+tA u pa de sha/ bod skad du/ dpal u rgyan nas byung ba gsang ba chen po de kho na nyid kyi man ngag /dpal rdo rje sems dpa' la phyag 'tshal lo/ /thugs rje chen po la phyag 'tshal lo lus gnas cha shas bcas par rtogs/ /nges 'byung de bzhin cha shas med/ /cha shas

  129. 65a

    can dang cha med pa/ /shes nas 'di grol the tshom med/ /dngos po thams cad mnyam pa nyid/ /myur du 'jug par dka' ba nyid/ /dpe dang gtan tshigs rnam par spangs/ /rang bzhin gyis ni 'od gsal zhing/ /gnyug ma ru ni gnas pa ste/ /dpyad pa'i yul las 'das pa yin/ /rtsod med zhi ba mtshon cha med/ /nges pa'i chos kyi dbyings la gnas/ /bskul ba med cing rgyu ba med/ /shin tu stong zhing rdul med pa/ /sgra las 'das shing yon tan spangs/ /dngos po kun gyi rang bzhin gnas// gang zhig 'gro la rnam gnas pa/ /de ni sangs rgyas sku ru brtags/ /dpe med brtag pa med pa ru/ /mkhas bsam lus bsgom par bya/ /mi brtags par ni gang rtog pa/ /de yis thams cad brtags pa yin/ /rtog pa bde dang sdug bsngal 'khor/ /nga yi rgyud du gsal ma byas/ /shes nyen can la de yi chos/ /so so ru ni bstan pa yin/ /nyon mongs sgrib pa med pa dang/ /las rnams thams cad rnam par spangs/ /de nyid 'dir ni rab shes na/ /srid pa'i rtog las rnam grol 'gyur/ /dngos rnam rang bzhin dag pa la/ /rang bzhin nyid du rtog byed pa/ /de yi don dam shes min te/ /las kyi zhags pas bcings pa yin/ /kha cig dkyil 'khor las byed yin/ /kha cig 'gying zhing gsang sngags zlos/ /kha cig dag ni gsang sngags 'chang/ /kha cig sbyin sreg mchod sbyin byed/ /kha cig nga rgyal gyis ni gnas/ /kha cig 'dod chags zhe sdang bsten/ /de kun las kyi 'khor bar gnas/ /gang du 'gro ba gnas gyur pa'i/ /gsang chen 'di ni she gyur na/ /gang la'ang sdig pa yod min cing/ /dgag par bya ba ci yang med/ /las rnams thams cad byas kyang ni/ /gos med skur ni rnam par grol/ /las rnam thams cad de la gnas/ /las rnam skun gyi gtso byi/ /sku gsung thugs la sogs pa dang/ /dbang po'i yid bcas shin tu gnas/ /rtag tu

  130. 65b

    legs par dpyad pa ste/ /lus kyi nyes pas gos med pa/ /rang bzhin dag pas sku gsum gnas/ /kun rtog yid kyi shes pa ni/ /de bas dngos po thams cad ni/ /nyin mtshan bcas te de la gnas/ /mthong sogs de yi rang bzhin nyid// thams cad mkhyen pha rol cing bzhugs/ /shes rab thab kyi cho ga yis/ /las dang chos ni mnyam nyid du/ /rnal 'byor pa yi sbyang par bya/ /mnyam dang mi mnyam snyam sems pa/ /chos dang las ni mnyam nyid du/ /rnal 'byor pa yi sbyar bar bya/ /yon tan ldan dang yon tan med/ /rang nyid byed po sdud po gtso/ /gsang chen 'gro ba la gnas pa/ /mngon pa'i nga rgyal can gyis min/ /sems dang sems byung rang bzhin gyis/ /bde ba chen po rang nyid sang/ /'khor bar med pa'i dngos po gang/ /byang chub sems kyi rang bzhin bsgom/ /gnyi ga'i rang bzhin dbyer med pa/ /sems kyi rang bzhin shes nas ni/ /sems kyi rgyu ba kun spangs te/ /mnyam pa'i rom la gnas par bya/ /gsang ba chen po gnas med pa/ /rnal 'byor pa yi gsang chen sbyor/ /dpal u rgyan nas byung ba/ /gsang ba gsang ba chen po de kho na nyid kyi man ngag ces bya ba slob dpon chen po dA ri rka pas mdzad pa rdzogs so// //rgya gar skad du/ /bya ga ta b+hA ba a nu ga ta taN+tA sid+d+hi/ bod skad du/ dngos po gsal ba'i rjes su 'gro pa'i de kho na nyid grub pa/ dkon mchog gsum la phyag 'tshal lo/ /dpal rdo rje sems dpa' la phyag 'tshal lo/ /bcom ldan 'das 'jig rten dbang phyug la phyag 'tshal lo/ /'gro ba rnam kyi bde chen rgyal po gcig pu nyid/ /rgyu rnams dang bral rtag tu 'byung bar gyur pa ste/ /gang zhig gis ni nye bar brjod pa'i dus dag tu/ /thams cad mkhyen pa tshig gi dbul gyur rgyal gyur cig /bla ma dam pa'i zhabs la yun rungs su/ /rtag tu grub pas bkas gnang khyad par gyi/ /bdag nyid dran phyir bdag nyid bris 'di

  131. 66a

    la/ skye bo mkhas pa su zhig sdang bar byed/ /'dir gnyis su med cing rang bzhin gyis rnam par dag pa'i lhan cig skyes pa'i gnas skabs su/ bdag nyid kyi don de rtogs par bya ba'i phyir/ bdag nyid skyes pa dang/ bud med kyi gzugs su mngon par sprul te/ rang gi ngo bo nyid 'byin pa po'i rang bzhin du/ dngos po gsal ba'i rjes su ston par mdzad de/ lhan cig skyes pa'i rnam par sprul pa'i nyams dga' ba'i bu mo la kun tu bltas nas/ dga' ba dang bde ba'i 'dod pa'i yid gyur nas/ bcom ldan 'das shin tu chags pa dang bcas pas rol pa dang bcas kun tu gzigs par mdzad do/ /de nas shin tu 'jam zhing des pa'i gsung gis thugs 'dzin par mdzad cing/ de'i 'og tu de la dri zhim pos 'thug por byugs pa'i dri bsung chags pa bsnams pas thugs tshim par mdzad do/ /de nas thugs nyams su lon pa'i bdud rtsi'i bum pa brgyas bkrus pa bzhin du/ dga' ba dang bde ba chen po thob nas/ cham tshom med par bde ba'i bye brag ngag gis khyud do/ /de nas bdag nyid don byas pa bzhin du yid la sems shing/ dpe med pa'i ro myang ba'i phyir/ 'o bya ba'i ram pa dag mdzad do/ /de las kyang sos 'debs pas mchod pa dang/ 'bigs pa la sogs pa'i bye brag dag khyad par du mdzad do/ /de'i rjes la yang shin tu bde ba skyes pas rmongs pa bsal ba'i phyir/ skabs skabs su shin tu 'jam pa'i sen mo 'debs pas sad par byed do/ /de nas kyang mgrin pa nas gya gyu'i sgra zab mo sgrog pa la sogs pa rol pa'i rang bzhin gyis rnam pa ? rmi lam lta bu la bdag nyid gar mkhan lta bus kun tu rtse bar mdzad do/ /de dag gis ni de'i sems kyi khyad par thob par bya ba'i phyir/ rab tu spyod pa'i sgrub pas spyod pas rjes su spyod par mdzad par gyur pa yin no/ /mdza' bos chags pas kun tu lta zhing de'i rjes su sbrang rtsi 'dzag 'dra'i tshig 'ji

  132. 66b

    dang /de nas dga' ba'i char 'bebs lag pa'i mtsho skyes skyong bas de la kun 'khyud pa'i/ rim gyis chag pa'i ra yis de ni su yin bdag cir gyur pa ma shes te/ grogs rnams sngar med bde ba tshig gis brjod du mi btub pa cig skyes par 'gyur/ /'dzin pa dang bcas pa'i spyod pa la 'jug go /yid las byung ba las skyes pa'i spros pa'i rgyun gyi 'ching ba 'dis gnyis ka bcings te/ gang gi gnyi ga'i sems kyi 'jug pa ji srid du gzhan mi dran zhing dga' ba'i dran pa la phyogs pa ste/ 'jug pas dga' ba'i gdung bas chags te zhu bar gyur nas chu dang 'o ma 'dres pa bzhin du ltos pa med par rgyun mi 'chad par 'gyur ro/ /de'i 'og tu nang du gyur pa'i sems kyi 'jug pa'i stobs kyis brtson 'grus la 'jug par 'gyur ro/ /ma bsams par ka ra na'i bye brag dag las gsal bar byed cing/ gnyis ka yang sdig ces zer zhing thams cad la cher ltos pa med cing tsham tshom med pa dang bcas pas shin tu rgya che ba'i dga' ba'i sgrub pa spel bar gyur to/ /de las kyang bde ba'i bya ba shin tu goms pas longs spyod kyi thogs pa sad par byas te/ dga' ba dang bde bas yang dag par spel ba 'jug pas bskyed pa ni/ dbang po las 'das shing rang gi rtogs pa'i spyod yul 'khor ba'i snying por gyur pa bde ba'i phung po bskyed par gyur to/ /'gro ba rnams kyi bde ba mtshan mar bcas pa ni/ /gang yin de nyid mtshan ma spangs par gyur pa na/ /rang 'byung ye shes nyid kyi ngo bor gyur pa ste/ /rtog pa rnams kyi stong pa'i bde ba chen po yin/ /bag chags dang bcas pa'i sems kyi de kho na nyid kyi 'byung ba'o/ /de lta bu 'di las sgyu ma lta bu thog ma med pa nas rang gi byas pa'i 'khor ba ni bag chags kyi rgyun shin tu phra bas shin tu g.yo zhing bzung du med pa'i sems kyi rgyun gyi 'jug pas nyams pa'i gnas skabs kyi dus blangs par

  133. 67a

    gyur pas/ /phyi rol tu bzhag pa'i rtog pa mdza' dag gi sgrib pas g.yogs te/ mi mngon par gyur pa'i bde ba'i bdag nyid dag pa'i rang bzhin skye 'gro'i gtso bo gang yin pa de rlung dang bcas pa'i khu ba'i thigs pa rnams dang lhan cig tu btsun mo'i tshig la bab pa rnyed pa na/ lte ba'i 'og tu kha thur la ltas pa'i pad+ma dmar po 'dab ma brgyad pa'i nang du khrag 'dzag pa'i lhag ma kun tu bzung ba ste/ de'i rjes la yang dag par pad+ma kha zum par gyur to/ /de yang khrag dang khu ba gnyis ka yang chu dang 'o ma 'dres pa bzhin du gyur nas gong bu gcig tu gyur te/ rang gi rang bzhin rtsom par byed do/ /de nas rjes su 'gro ba'i rim gyis nur nur bu la sogs pa yongs su brgyud pas rim gyis skye ste/ 'byung ba mdza' dag tshogs nye bar bsags pa rnyed nas gang du sa la sogs pa lnga po 'dus pa dang de'i tshor ba des dngos po gsal ba'i de kho na nyid 'di ston par byed cing/ phung po nga dang ldan pa'i bdag nyid kyi lus su 'gyur ro/ /nang gi tshor ba de so sor nye bar 'gro ba 'brel pa shin tu nges pa thams cad la khyab cing thams cad du 'gro ba yang shin tu g.yo ba yid dang/ 'byung bar yang dag par ldan pas de phyogs gcig par gyur nas/ phyi rol dbang po lnga'i grong gi rjes su 'gro zhing yid kyis brtags pa'i phyi rol tu gyur pa'i gzugs la sogs pa gzung ba dang/ 'dzin par gyur pas mngon par zil gyis mnan te/ nga rgyal dang gti mug dang ser sna dang/ 'jigs pa dang/ mya ngan dang/ phrag dog dang/ brtse ba dang/ sred pa dang/ sdug pa dang/ mi sdug pa la sogs pa shin tu yid du mi 'ong ba'i 'khor lor 'khyams par 'gyur ba yin no/ /skye ba snga mar byas pa'i las kyi rgyu las ni/ /sems de 'di ru skye ba 'ongs su len cing 'gro /de yi rgyu yis ma lus 'di dag thams cad ni/ /bag chags bcas pa'i sems kyis byed par

  134. 67b

    'gyur ba nyid/ /'khor ba'i gnas skabs so/ /de ltar 'khor ba'i rgya mtsho 'jigs su rung zhing rgal dka' ba/ nga rgyal chu bo gting zab pa yul gyi rlung shin tu drag pas gcig na gcig tu phan tshun rlabs pas brla rlabs shin tu 'khor zhing 'khrigs pas steng du 'gro ba dang 'og tu 'gro ba gcig nas gcig tu brgyud pas rgyun chags pa'i 'khor ba'i las shin tu sgrol bar byed pa'i gru thugs brtse ba'i bdag nyid can/ /mchog tu mnyes shin pa'i bdag nyid rang bzhin thugs rje chen po dang ldan pa/ sman lam rgya chen por btab pa'i bla ma dam pa zhabs kyi pad+ma dag la 'khor ba pa gang zhig mchog tu gus pas phyag 'tshal bar mi byed/ bstod par mi byed rten par mi byed/ /mnyes par mi byed pa de dag ni brgal dkar ba'i 'khor ba'i rgya mtsho phun sum tshogs pa ma yin pa las rgal bar mi 'gyur bas yongs su brtag par bya'o/ /de bas na rnam pa thams cad kyi thams cad du bla ma dam pa'i zhabs kyi pad+ma dag la nges par legs pa don du gnyer bas bsten par bya ba kho na yin no/ /shin tu 'jigs su rung ba 'khor ba'i rgya mtsho mdza' med yul dang gdul dka' i dus kyi gang/ /rnam rtog tshogs kyi sprul sogs mang pos kun tu 'khrugs las skye bo 'di dag ni/ /ji ste gru dang 'dra ba'i bla ma dam pa skyob pa de ni med gyur na/ /mchog tu bde ba gcig bu'i gnas gyur sangs rgyas 'di ni 'di ru ji ltar 'thob/ /bla ma dam pa'i dbang bskur ro// //'di ltar rnam par shes pa'i bdag nyid rlung shin tu g.yo zhing cing mi nus pa/ /dbang po'i grong khyer mdza' dag zil gyis mnan pa/ dpe med pa'i yul gyi bde bas brel zhing zin pa/ dper na ri mo mkhan gyis rang gis bris pa'i ri mo shin tu 'jigs su rung ba mthong nas/ bdag nyid 'jigs shing dngang ste rta babs nas brgyal bar gyur pa de bzhin du/ 'dir yang rang nyid kyi bde ba ma yin pa'i rtog

  135. 68a

    pa'i tshogs kyis yongs su brtags pa'i 'dod pa dang/ mi 'dod pa la sogs pa'i rgyur gyur pa las byas pa'i chags pas zil gyis non pa'i dbang gis rang gi rang bzhin ma mthong ste/ 'khor lo lta bu'i 'khor ba'i 'khor 'khyam zhing 'byung ba'i dbang po gang yin pa'i rnam par shes pa 'byung pa 'di la gnas shing sna tshogs bzung ste gnas so/ /de yongs su mnyes pa las de'i bka' lung gis de lta bu'i rlung dbang po rnams las bkug ste/ rgyun 'jug pa dang 'byung ba'i bya ba byed pa'i lam la rnal ma nyid du gnas par byed do/ /des ni yang dag pa ma yin pa'i rtog pa'i tshogs mdza' dag gi 'bas kyis bskor ba'i nan du dri ma dang bcas pa'i srid pa'i chu'i tshogs kyis bkang ste/ srid pa'i shing spangs gtor bas bskyed de/ shin tu ring bar skyes pas 'dod pa'i 'bras bu mi dga' ba bskyed pa dang/ dri zhim pa dang/ ro zhim pa dang/ mkhrang zhing sbom la sna sogs pa rnam pa mang po nyams su myong bar byed pa'i rgyu gsar du skye ba'i srid pa ldog par 'gyur ro// de yang lhan cig skyes pa'i rjes su tshol te/ der gnas nas phyi rol thams cad spong mod kyi/ de yang lhan cig skyes pa'i bya ba 'od de/ de nyid kyi 'brel zhing nyams su myong ba g.yo ba'i bdag nyid rnam par gnas so/ /der yang khyad par ma dmigs pas/ nyams su myong ba'i dngos po slar yang nyams su myong bar bya ba'i rjes su chags pa'i 'jug pa lhod par byed do/ /mang pos ci zhig bya ste/ gang gi tshe na phyi rol tu gyur pa'i brtags pa'i rang bzhin rnam par gcad pa de'i tshe/ 'di rang gi ngo bo la gnas par 'gyur ro/ /der yang gnyug ma'i yul phra mo 'jug pa la rjes su chags pa zad bas 'bad pa bcom nas/ bdag nyid kyi gnas la mngon par phyogs par 'gyur ro/ /des ni yon tan mdza' dag dang ldan par 'gyur bas/ brtan par yon tan

  136. 68b

    dang ldan par 'gyur te/ brtan pas na gzhan gyi yon tan du 'gyur ro/ /dper na nam mkha' i dngos su khyab pa'i chu 'dzin gyi tshogs stug po dengs par gyur pa na/ gang du song ba mi shes pa de bzhin du/ /rlung 'di yang sngar rgyun ma chad pa 'byung ba las/ de ltar thin par gyur na/ mchog tu sdog cing tshim par thob pas gang du yang 'gro bar mi 'gyur ro/ /lhan cig skyes pa'i rlung rang gi gnas su gnas pas rtags par 'gyur ro/ /lhan cig skyes pa la rlung rang gi gnas su gnas pas rtog? pa'i tshogs las grol zhing/ stong pa nyid kyi rang bzhin gyis thugs tshim par byed pa ci zhig ltar skye ste/ 'di las 'khor ba 'dir thabs thugs rje chen po mang du rgyun mi chad par goms par byas pas/ mdza' yas pa'i sems can rnams kyi don ? pa'i ?? sems brtan par bya'o/ /'di ltar nyon cig /g.yo ba dang ldan pas dbang por mngon par 'gro ba/ dbang por mngon par 'gro bas/ dbang po dang don phrad par gyur la/ dbang po dang den? phrad pas dngos por dmigs par 'dod pa dang/ mi 'dod pa la sogs pa mngon par zhen pa shin tu mang ba'i don gyis zin pas shin tu rgal dka' ba'i 'khro bar 'khor lo/ /bstan pa las ni spros pa'i khyad par skyes pa rnams spangs te/ gnyug ma'i rang bzhin byang chub kyi ngo bo shin tu gzi brjid dang ldan pa'i blo rjes su 'tshol te/ gang gi tshe des kun tu 'khyud par gyur na/ de'i tshe nam mkha' dang nam mkha' bzhin du 'dres par gyur te/ sngar yul rnams la dga' ba dang/ chags pa dang ldan pa'i rnam par g.yeng ba'i khyad par skye ba rnams med cing/ nam mkha' dang mtshungs par rtog pa dang bral bas phyag rgya thams cad kyis byin gyis brlabs shing/ dbang po las 'das pa skye ba med pa dang ldan pa rang gi rig pa'i spyod yul can/ tha snyad las 'das pa sngar mngon sum byas pa'i ? dang/ shes rab kyi rang bzhin

  137. 69a

    bde ba'i bdag nyid gtso bor gyur pa skye bar 'gyur ro/ /rlung gis blo ni rjes su btsal bas na/ /bde ba dam pa'i ngo bo rang sems ni/ /tshim byed de dag las gzhan mi g.yo ba/ /shes rab thabs kyi rang bzhin 'ga' zhig yin/ /thabs dang shes rab kyi rang bzhin gsal ba de kho na nyid du sems gnas so/ /des sngon yongs su btang ba'i dbang po de yang yid dang bral bas byed pa med par 'gyur te/ a mas bor ba'i be'u ma nyid rjes su tshol ba de bzhin du/ de yang dbang po rnams ni yid kyi rjes su 'brangs par 'gyur ro/ /gang du yid 'jug pa der rab tu 'jug ste/ gang gi phyir ma gtogs par de dag rab tu sbyor pa med pa yin no/ /'dir bye brag ni 'di yin te/ 'di ni thabs dang shes rab las skyes pa'i bde ba chen po'i snang ba gnas pa yin te/ rnam par rtog pa'i chogs mdza' dag spangs nas/ bla na med pa'i longs spyod du nye bar 'gro zhing byed pa'i grong khyer rnams rjes su zhugs pa dang ldan pas/ 'gro ba 'di dag nyid bde ba chen po'i rnam par ro gcig par 'gro bar 'gyur te/ dper na nyi ma'i 'od zer gyi tshogs kyis phog pa'i zla ba'i dkyil 'khor gyi gzugs bzhin du 'gro ba rnams snying po med par snang ngo/ /de ltar byed pa'i grong khyer rnams 'dzin pas stong zhing sems dang lhan cig 'dres pas/ g.yo ba dang mi g.yo ba sna tshogs mdza' dag 'di mnyam pa med pa'i mnyam pa'i ro bde ba phun sum tshogs pa skye ba med pa'i dpal bde ba chen po'i rang rnam par 'gyur ro/ /de dag gis 'di skad du bstan par 'gyur te/ dbang po'i grong khyer mi snang bar gyur nas/ ro dang 'dra ba rjes su 'thun par lhan cig tu 'jug pas 'gro ba rnams kyi gtso bo nyid 'thob ste/ blo'i dbang phyug gi gtso bo rang dbang can gang du 'jug pa der 'dzin steng ba'i dbang po rnams dang/ skyes pa'i dbang po dang 'dra bar

  138. 69b

    'jug ste/ de'i rjes su 'brang ba'i spyod pa rnams mdzes shing rjes su 'thun par nye bar spyod la/ gsal ba nyid du ston cing nye bar brten pas rnam par rtog pa thams cad spangs pa'i gtso bo rang bzhin gyis rnam par dag pa'i ye shes kyi rnam pa gang yin pa der byed pa'i grong khyer 'di dag khyad par can du gyur nas rjes su 'gro zhing zhugs pas 'brang bar 'gyur te/ rnam pa de ltar byed pa'i grong khyer rnams sems kyis med par 'gyur ro/ /gal te sems med par 'gyur na de'i tshe sna tshogs 'di dag nye bar zhig pas na/ gang du gnas par 'gyur/ de bas na sems las gzhan pa'i mchog tu gyur pa yod pa ma yin no/ /dbang po'i tshogs rnams thim zhing rnam rtog ni/ /zad pa srid pa'i sa bon mi mthun bral/ /dga' dang gsal ba'i rang bzhin bsil gyur pa'i/ /'di ni nam mkha' lta bur shin tu mtshar/ /dbang po'i grong khyer rnam par zhugs pas shes rab thabs kyi rjes su 'gro ba bde ba chen po'i sems so/ /yang thog ma med pa'i bag chags kyi tshogs kyi zil gyis mnan pa'i byis pa rnams 'byed par byed pas ci zhig bya ste/ gal te sems nyid dngos po'i rang bzhin du ma gyur na/ de ltar na ni gang las phyi rol gyi don shes/ ji ste sems nyid dngos po'i bdag nyid du gyur na/ de ltar yang 'di dag sems nyid yin pas rnam pa thams cad du phyi rol gyi don skye ba yong pa ma yin te/ 'di ltar ma lus pa 'di dag brtags pas stong pa'i sems nyid de skye ba dang/ 'gag pa dang bral zhing rang bzhin dag pa'i gnyis su med pa'i ye shes kyi rnam par yongs su gsal ba yin no/ /de dag gis 'di skad du bstan par 'gyur te/ rang bzhin gyis dag pa'i byang chub kyi sems gang yang lhan cig skyes shing rnam par sprul pa'i yan lag bskyod pa ji snyed pa de dag phyag rgya rab tu dbye bar 'gyur la/ gang yang dag gi brjod pa'i ji snyed pa de snyed sngags kyi rnam pa'o/ /gang yang lhan cig skyes pa las byung

  139. 70a

    ba'i rgyun mi 'chad par rnam par g.yo ba mngon par 'dus ma byas la ris su chad pa med cing dpag tu med pa rnams sna tshogs pa'i ro dang ldan pa dgongs pa dang/ bya ba rnams 'di ltar sgeg pa dang/ dpa' ba dang/ 'jigs su rung ba byed pa dang/ snying rje dang/ dam pa dang/ zhi ba la sogs pa'i 'dod chags dang/ zhe sdang dang/ dregs pa dang/ ser sna dang/ phrag dog la sogs pa cung zad skyes pa de dag ma lus par rang bzhin dag pa'i ye shes kyi rnam par yongs su rdzogs pa yin no/ /khams gsum sna tshogs 'di dag thams cad sems kyi rang bzhin du gnas pa'o/ /spyod pa yang nges brjod du bstan to/ /de ltar la lar snying rje'i bdag nyid do/ /la lar kha cig tu mi srin po dang mtshungs par ro/ /la lar ni smra bar mdzad do/ /la lar ni mu cor smra bar ro/ /la lar ni srid par ro/ /la lar ni yid bzhin nor bu dang mtshungs par ro/ /la lar ni gnyid log par ro/ /la lar ni gnyid sad cing bsdams par ro/ /la lar ni zhim pas tshim par ro/ /la lar ni ral pa la sogs pas srid par ro/ /la lar ni chags shing zhen par ro/ /la lar ni gcig pu 'dod chags dang bral bar gnas par ro/ /la lar ni tshul khrims kyi gnas par ro/ /la lar ni tshul dang spyod lam ngan par ro/ /la lar ni brtan par gnas par ro/ /la lar ni rab tu g.yo bar ro/ /la lar ni rol pa tshigs bar ro/ /la lar ni dgod pa gcig pu la'o/ /la lar ni du bar ro/ /la lar ni rang dga' i bdag nyid do/ /la lar ni gzhan gyi dbang du gyur pa'o/ /la lar ni mi gtsang bar gnas par ro/ /la lar ni shin tu gtsang sbra'i spyod pa'i lus su'o/ /'khor ni chad pa la 'khor ba la'o/ /la lar ni rmongs shing glen par ro/ /la lar ni cung zad kyi tshim par ro/ /la lar ni tshim pa med par ro/ /la lar ni gar bya ba'i lus glod pa

  140. 70b

    med kyis 'jug par ro/ /la lar ni glu len pa'i gsang mthon po la'o/ /la lar ni bde ba'i gnas su'o/ /la lar ni gcig pu sdug bsngal gyi gnas su gyur par ro/ /la lar ni rgyal po rgyan rtse ba la goms shing dga' bar ro/ /la lar ni rdul gyis goms par ro/ /la lar ni khrus kyis gnas pa dang skal pa bzang por ro/ /la lar ni gcer bur ro/ /la lar ni ri mo can gyi gos bkos par ro/ /la lar ni sbyin pa po dang longs spyod par ro/ /la lar ni shin tu phongs par ro/ /la lar ni shin tu nges par ro/ /la lar ni rdzun du smra bar ro/ /la lar ni bden pa gcig pu smra bar ro/ /la lar ni chos kyi bkod pa dang ldan par ro/ /la lar ni sdig pa chen po byed par ro/ /la lar ni sbyin pa por ro/ la lar ni dul zhing nges par ro/ /la lar ni rgyu'i gnas par ro/ /la lar ni blo bzang zhing dag par ro/ /la lar ni snang bar ro/ /la lar ni mi mthong zhing mi snang bar ro/ /la lar ni bdag nyid chen por ro/ /la lar ni mngon par shes par ro/ /la lar ni de nyid thim par ro/ /la lar ni 'byung ba la gnas par ro/ /la lar ni 'byung ba dang bral bar ro/ /la lar ni rnam pa dang ldan par ro/ /la lar ni dag gi yul las 'das par ro/ /de ltar gang zhig lhan cig skyes pa'i rnam rtog dang bral dmigs med par/ /sna tshogs 'di dag rang dags spyod pa'i dgongs ldan mkhas pa ni/ /de yi lag na bde gshegs go 'phang bdag chen rtsom pa cher ldan pa/ /rab dags gzhan don la dga' mchog gi bde ba dam pa legs par gnas/ /skye ba med cing dga' ba gcig pu'i ro dang ldan pa'i sems/ /dngos po kun gyi rang bzhin mchog /chos kun mnyam dang mi mnyam pa/ /kun mkhyen kun 'gro thams cad la/ /chos rnams kun gyi rang bzhin 'dzin/ /mi gnas mya ngan 'das pa po/ /mnyam nyid 'gro ba'i don mdzad pa/ /gcig dang du ma'i rang bzhin gnas/ /tshor mi g.yo ba rang bzhin med/ /bcom ldan so so rang rig pa/ /gtso bo dpe dang bral ba ste/ /bdag

  141. 71a

    po kun 'gro kun khyab pa/ /byed pa po dang 'phrog pa yin/ /'di ni dpal ldan rdo rje sems/ /dngos po gsal ba gsal mdzad yin/ /dpal u rgyan gyi rdo rje chen po mchog gi gnas su rang byung gi ye shes phun sum tshogs pa'i dpal rnal 'byor ma rnams 'dus nas/ yang dag pa'i don la gzigs mo las byung ba'i ma nor ba'i chos kyi de kho na nyid kyi mos pa byin gyis rlob par byed pa/ sa gsum rdo rje lta bu'i ting nge 'dzin la snyoms par zhugs pa'i dus su/ nem nur mi mnga' bar zhal gyi pad+ma rab tu rgyas pa las bde ba phun sum tshogs pa'i sbrang rtsi'i rgyun 'bab par gyur pa/ dngos po gsal ba'i rjes su 'gro ba de kho na nyid grub pa rdzogs so// //de ltar 'di ni bcom ldan 'das de'i bka' bsgo ba'i rjes su 'gro bas don chen po 'di rnams kyis yang dag par bsdus nas/ skye bo nyan 'dod pa rnams la ji ltar de rnams kyi mig gi yul du gyur pa'i gzugs snang zhing gsal bar mdzad nas/ sngar ji ltar nyams su myong ba bzhin du gsal bar mdzad de/ /? par bstod pa yin no/ /gang zhig 'byung ba'i tshogs su bgrang bar mchud pa des kyang bdag nyid 'ba' zhig dag par byed pa'i blos/ dka' ba 'di ni grags par gyur pa rnam par rig pa'o/ /bdo ba dam pa thob gyur 'di ni ngo mtshar che/ /rnal 'byor ma tshul mtsho chen gyi grur gyur pa/ /bde ba dam pa'i gnas su sgrol byed gang yin pa/ /de nyid grub pa bris pa 'di yis ni/ /skye 'gro gsum po rnams kyi dngos grub 'grub par shog/ dngos po gsal ba'i rjes su grub pa de kho na nyid grub pa zhes bya ba/ lhan cig skyes pa'i rnal 'byor ma ci tos mdzad pa rdzogs so// //paN+Di ta chen po zhi ba bzang po dang/ zhu chen gyi lo tsa ba 'gos lhas btsas kyis bsgyur cing gtan la phab pa'o// //rang rig tsam gyi ye shes ni/ /nam mkha' 'dra

  142. 71b

    bar mtshan nyid med/ /'on kyang de la dbye yod de/ /bar mtshams nyid dang mtshan mo'i bar/ /snang ba dang ni snang ba mched/ /de bzhin snang ba thob pa can/ /sems ni rnam pa gsum du bshad/ /de yi gzhi ni bshad par bya/ /phra ba'i gzugs can rlung dang ni// ye shes dag ni 'dres gyur pa/ /dbang po lam nas byung nas ni/ /yul rnams la ni smin par 'gyur/ /gang tshe snang ba ldan gyur pa/ /rlung ni gzhon par gyur pa yin/ /de tshe rang bzhin de thams cad/ /ma lus lus pa med par 'byung/ /rlung ni gang dang gang gnas pa/ /rang bzhin de dang de rjes spyod/ /ces dgongs pa lung ston pas so// //rgya gar skad du/ sh+rI sa ha dza sid+d+hi nA ma/ bod skad du/ dpal lhan cig skyes pa grub pa zhes bya ba/ dpal rdo rje mkha' 'gro la bya ba 'chi'o// sems can rnams la phan gdags phyir/ /lhan cig skyes grub rab bshad bya/ /sbyin bsreg mchod sbyin dka' spyod 'das/ /dang po las can spangs pa rnams/ /lhan cig skyes pa'i dngos rang bzhin/ /rtag nyid grub pa dag tu bshad/ /lhan cig skyes 'gyur de yi phyir/ /brjod bral lhan cig skyes par shes/ /mkha' dbyings la yang b+ha ga bsam/ /'khor lo sngon 'gro go rims bzhin/ /lha nyid ji ltar 'byung ba dag /dbus su rnam par bsgom par bya/ /mkha' dbyings zhes bya pad+ma la/ /ye shes b+ha gar shes par bya/ /bsgom pa zhes bya snyoms 'jug ste/ /de yi bde ba 'khor lor brjod/ /go rims rang gi rig pa ste/ /lha nyid byang chub sems yin no/ /ji ltar 'byung 'gyur dag phyir ro/ /de phyir lhan cig skyes rnam gnyis/ /shes rab bud med ngag tu 'gyur/ /skyes bu thabs su shes par bya/ /'di dag phyis ni don dam dang/ /kun rdzob dbye bas rnam gnyis so/ /de la skyes bu'i rnam gnyis te/ /khu ba dang ni yid bde ba'o/ /shes rab la yang skyes bu ltar/ /khu ba dang ni de yi bde bo'i

  143. 72a

    de lta bas na bdag nyid kyang/ /rab tu dbye ba rnam bzhi yin/ /gang phyir lhan cig skyes rnams zhi/ /yang dag rdzogs sangs rgyas kyis gsungs/ /dga' ba cung zhig bde ba ste/ /rab dga' de las lhag pa yin/ /dga' bral dga' ba chags bral te/ /lhan cig skyes dga' lhag ma nyid/ /dang po reg par 'dod pa ste/ /gnyis pa bde bar 'dod pa yin/ /gsum pa chags pa nyams nyid phyir/ /bzhi pa der ni bsgom bya yin/ /dang po shes rab dro ba ste/ /gnyis pa du bar ldan pa yin/ /gsum pa me stag 'phro ba ste/ /de bzhin bzhi pa 'bar ba yin/ /lte bar gtum mo sbyar nas ni/ /de bzhin gshegs pa lnga bsregs shing/ /spyan la sogs pa bsregs nas ni/ /bsregs pa'i haM las ri bong 'dzag /snga ma bzhin du byang chub sems/ /rnam pa gnyis su rgyal bas gsungs/ /shes rab rdo rje mnyam sbyor ba/ /de bzhin de las blta bar bya/ /gzugs sgra de bzhin dri dag dang/ /ro dang reg bya nyid de bzhin/ /chos kyi dbyings kyi rang bzhin la/ /ji ltar 'dod pas spyod pas na/ /skye mched re re la dga' ba/ /bzhi bzhi dag tu blta bar bya/ /lhan cig skyes gzhan gyis brjod min/ /gang gis thob par 'gyur ba'ang min/ /bla ma'i bsod nams tshogs bsten las/ /bdag nyid kyis ni shes par 'gyur/ /dpal DoM bi he ru kas mdzad pa'i lhan cig skyes pa grub pa las/ lhan cig skyes pa bstan pa ste le'u dang po'o// //dman pa bar ma mchog nyid dang/ /gzhan gang yin pa de dag la/ /de rnams thams cad mnyam nyid ces/ /de nyid bsgoms pas blta bar bya/ /dman pa'i dngos don phra ba ste/ /dngos po dag ni mchog ces bya/ /gnyis spangs bar ma dag yin te/ /gzhan zhes bya ba dbang po drug /brtan dang g.yo ba gang de zhes/ /de kun yod min bdag med min/ /mnyam dang mtshungs

  144. 72b

    par g.yo ba rnams/ /de nyid bsgom par mtshungs pa yis/ /mnyam dang mtshungs pa dag tu gsungs/ /de yang ro gcig shes par bya/ /mnyam par ro gcig bsgom par bya/ /don 'di yis ni gsungs pa yin/ /'jig rten rigs rnams brten pa yin/ /grangs lngar gyur par byas pa dag /rigs rnams bsten pas 'grub 'gyur te/ /'dod pa thams cad rab rtsol mdzad/ /sems can dngos grub rgyu dag gis/ /mi bskyod 'od dpag med dag dang/ /rin chen 'byung ldan rnam snang mdzad/ de bzhin don yod grub rab gsungs/ /mi bskyod rdo rje zhes brjod cing/ /'od dpag med ni pad+mar bshad/ /rin chen 'byung ldan rin po che/ /rnam par snang mdzad de bzhin gshegs/ /don yod grub pa las zhes gsungs/ /rigs rnams de dag mdor bsdus pas/ /rigs bstan pa yis 'grub 'gyur zhes/ /yang dag rdzogs sangs rgyas kyis gsungs/ /ha la sogs pa'i rigs dag la/ /'jig rten mi 'dod skrag par 'gyur/ /rmongs pa rnams la brten na yang/ /rab tu 'khrugs 'gyur zhi mi 'gyur/ /dad pa 'am thos pa yod gyur na/ /dgyes pa rdo rje des shes 'gyur/ /skal dan kun la sbas pa ste/ /sems can skal ldan dag la bstan/ /bcu yis grangs su byas pa yi/ /dam tshig dag ni bsten par bya/ /lhan cig skyes pa'i phyir dbye gnyis/ /tha dang tha dad lnga lnga ste/ /dang po'i ga dang theg ma'i ha/ /mdza' yi shwa dang dang po'i shwa/ dang po'i na ste 'jigs pas kyang/ /'jig rten skur bar sba bar bya/ /phyi yi mdog gnag dkar po dang/ /dmar dang sngo dang ser po dang/ /kha dog dbye ba de lnga yin/ /de dag de bzhin gshegs par shes/ /gang zhig srid gsum 'gyur ba yi/ /'gro kun lhan cig skyes par ldan/ /'gro ba'i don gzhan bzhin mi snang/ /thams cad de nyid kyis khyab yin/ /

  145. 73a

    de ltar shes nas rnal 'byor pas/ /nges par bdag nyid de 'dra zhes/ /lhan cig skyes pa'i bde ba bzhin/ /blo chen ldan pas rnam par dpyad/ /bza' dang btung ba de bzhin khrus/ /'gro ba'i rmi lam na yang sems/ /bde ldan mngon par 'dod pas ni/ /rtag pa nyid ni de las thob/ /dpal DoM bi he ru kas mdzad pa'i lhan cig skyes pa grub pa las dam tshig gi de kho na nyid bstan pa'i le'u ste gnyis pa'o// //gang du phyi rol gang gsungs pa/ /bde ba'i stobs ldan ldan pa'i mchog /dgyes pa'i rdo rje ma rgyud las/ /dang po dpa' bas gsungs pa yin/ /slob sbyong slob sbyong spyod pa dang/ /bram ze na yang gtsang sbra nyid/ /rtag tu gtsang sbra spyad par bya/ /sems la gnod par mi bya'o/ /bsod nams ye shes gtsang sbra yin/ /rang gi rig pa'i bde ba yis/ /rang gi bdag nyid dag par 'gyur/ /gzhan gyis dag par mos mi bya/ /sman pa sman la 'jug pa yi/ /spyod pa bsten par bya zhes gsungs/ /rten pa rten pa'i spyod pa yis/ /spyad par bya zhes yang dag shes/ /slob ma gang zhig grub rnyed na'ang/ /gus pas mngon par phyag mi byed/ /bla ma'i bka' las 'das pa yis/ /skad cig gis ni yang sos 'gyur/ /gang phyir yid kyis ma bsgoms pa/ /'gro ba thams cad bsgoms par 'gyur/ /bsgoms pa med pa'i bsgoms nyid kyis/ /chos rnams thams cad yongs shes 'gyur/ /brtan dang g.yo ba'i dngos po gang/ /rtsa dang nags la lcug ma sogs/ /bdag gi rang gi ngo bo nyid/ /de nyid mchog ni des bsgom bya/ /de dag rnams las mchog ni med/ /so so rang rig bde chen po/ /gang zhig so so rang rig bsgom/ /rang gi dngos grub 'byung bar 'gyur/ /so so rang rig las 'di ni/ /gnod pa las 'di skye bar 'gyur/ /rang gi byed po rang rig sdud pa po'o/ /bdag nyid rgyal po

  146. 73b

    bdag nyid gtso bo yin/ /'dod chags zhe sdang de bzhin nges par ni/ /gti mug dang ni phrag dog nga rgyal rnams/ /rig pa'i rgyal po bde chen las/ /nyon mongs lnga po dag tu blta/ /bkres pa dang ni skom pa yi/ /gnod par ma gyur gang de tshe/ /bshad dang gci sogs 'jug pa med/ /de tshe grub pa dag tu bsgrags/ /de phyir bde ldan thob 'gyur zhing/ /dpa' bo bde chen thub pa yi/ /don chen bde ba la brten nas/ /rnam pa kun tu dngos grub dag /nye bar rab tu gnas 'gyur zhing/ /mngon shes lnga yang 'byung bar 'gyur/ /lha yi mig dang lha yi rna ba dang/ /lha yi sna dang lha yi ro dag dang/ /lha'i reg dang yid kyi lus kyi gzhan du gnas pa rnams des longs spyod par 'gyur ro/ /dpal DoM bi he ru kas mdzad pa'i lhan cig skyes pa grub pa las/ spyod pa'i de kho na nyid bstan pa'i le'u ste gsum pa'o// //dpal dgyes pa'i rdo rje'i rgyud kyi lhan cig skyes pa grub pa las/ lhan cig skyes pa bstan pa slob dpon chen po dpal DoM b+hi he ru ka'i zhal mnga' nas mdzad pa rdzogs so// // rnal 'byor gyi dbang phyugs ra ha'i zhabs kyis mdzad pa'i da ha mdzod kyi glu bzhugs// // */ /rgya gar skad du/ do ha ko Sha ga'i ti/ bod skad du/ do ha mdzod kyi glu/ 'jam dpal gzhon nur gyur pa la phyag 'tshal lo/ /dug sprul lta bu'i skal med ni// nges par skye bo dam pa la/ /skyon gyis dri mas dgod pa'i phyir/ /mthong ba tsam gyis 'jigs par byos/ /de nyid mi shes bram ze ni/ /gyi na rig byed bzhi dag 'don/ /sa chu ku sha dag byed dang/ /khyim na gnas shing me la bsreg /don med sbyin sreg byed pa ni/ /du bas mig la gnod par bas/ /dbyu gu dbyug gsum legs ldan gzugs/ /tha dad pa dang dad pas bstan pa dag /chos dang chos min shes par mi mnyam zhing/ /'gro ba rnams ni rdzun pa nyid du gol/ /i ri thal bas lus la byugs nas su/ /

  147. 74a

    mgo la ral pa'i khur bu khur bar byed/ /khyim du mar me btang nas gnas/ /mtshams su 'dug nas dril bu 'khrol/ /skyil krung bcas nas mig btsum ste/ /rna bar shub shub skye bo slu bar byed/ /khyo med skra med 'di 'dra gzhan la ston/ /dbang rnams bskur zhing bla ma'i yon rnams len/ /sen mo ring zhing lus la dri mas g.yogs /gos dang bral zhing skra ni 'bal bar byed/ /nam mkha' i yid can gnod byed lam gyi gzugs/ /thar pa'i ched du bdag nyid 'gro byed sdu/ /gcer bus gal te grol 'gyur na/ /khyi dang wa sogs cis mi grol/ /spu btogs pas ni grol 'gyur na/ /bud med spu btogs grol bar 'gyur/ mjug? spu bslang bas grol 'gyur na/ /rma bya g.yag sogs grol par 'gyur/ /langs te za bas grol 'gyur na/ /rta dang glang bo ci phyir min/ /mda' bsnun na re nam mkha' i yid can la /thar pa nam yang yod pa ma yin zer/ /bde ba'i de nyid dang mi bral gyur zhing/ /lus kyi dka' thub 'ba' zhig tsam ldan pas/ /dge tshul dge slong gnas brtan zhes bya ba'i/ /ban da rnams ni de ltar rab byung nas/ /kha cig mdo sde 'chad par byed cing 'jug /la la ro gcig sems kyi tshul 'dzin mthong/ /kha cig theg chen de la rgyug byed cing/ /de ni gzhung lugs tshad ma'i bstan bcos yin/ /gzhan yang dkyil 'khor 'khor lo ma lus bsgom/ /kha cig bzhi pa'i don 'chad pa la zhugs/ /la la nam mkha' khams la rtog par snang/ /gzhan yang stong nyid ldan par byed pa de/ /phal cher mi mthun phyogs la zhugs pa yin/ /lhan cig skyes bral gzhan gang gis/ /mya ngan 'das gang bsgom byed pa/ /de dag 'gas kyang don dam ni/ /cig shos 'grub par mi 'gyur ro/ /gang zhig gang la mos par gyur pa des/ /bsam gtan gnas pas thar pa thob baM ci/ /mar me ci dgos lha

  148. 74b

    bshos de ci dgos/ /de la ci bya gsang sngags brten pa gang zhig gis/ /'bab stegs 'gro dang dka' thub mi dgos te/ /chu la zhugs par thar pa thob bam ci/ /snying rje dang bral stong pa nyid zhugs gang/ /des ni lam mchog rnyed pa ma yin no/ /'on te snying rje 'ba' zhig bsgom na yang/ /'khor ba 'dir gnas thar pa thob mi 'gyur/ /gang yang gnyis po sbyor bar nus pa des/ /'khor bar mi gnas mya ngan 'das mi gnas/ /kye lags gang smras brdzun zhing log pa de bor la/ /gang la zhen pa yod pa de yang thob/ /rtogs par gyur na thams cad de yin te/ /de las gzhan pa sus kyang shes mi 'gyur/ /klog pa de yin 'dzin dang bsgom pa de yin te/ /bstan bcos snying la 'chad pa'ang de yin no/ /de mi mtshon pa'i lta ba yong min te/ /'on kyang gcig bu bla ma'i zhal la ltos pa yin/ /bla mas smras pa gang gi snying zhugs pa/ /lag pa'i mthil du gnas pa'i gter mthong 'dra/ /gnyug ma'i rang bzhin byis pas ma mthong bar/ /'khrul pas byis pa slus shes mda' bsnun smra/ /bsam gtan med cing rab tu 'byung ba med/ /khyim na gnas shing chung ma dag dang lhan cig tu/ /gang zhig yul gyi dga' bas bcings las mi grol na/ /mda' bsnun don de nyid shes pa yin zhes smra/ /gal te mngon du gyur na bsam gtan ci/ /gal te lkog tu gyur na mun pa 'jal/ /lhan cig skyes pa'i rang bzhin de nyid ni/ /dngos dang dngos po med pa ma yin te/ /mnga' bsnun 'o dod rtag tu 'bod par byed/ gang zhig blangs nas skye shi gnas gyur pa/ /de nyid blangs nas bde chen mchog grub ces/ /skad gsang mthon pos mda' bsnun smra byed kyang/ /byol seng 'jig rten mi go ji ltar bya/ /bsam gtan bral bas ci zhig bsam byar yod/ /brjod du med gang ji ltar bshad du yod/ /srid pa'i phyag rgyas 'gro ba ma lus bslus/ /rang bzhin gnyug ma sus kyang blangs pa med

  149. 75a

    rgyud med sngags chen bsam bya bsam gtan med/ /de kun rang nyid 'khrul par byed pa'i rgyu/ /rang bzhin dag pa'i sems la bsam gtan dag gis mi bslad de/ /bdag gi de nyid bde la gnas shing gdung ba ma byed cig / za zhing 'thung la gnyis sprod kyi dga' zhing/ /rtag tu yang dang yang du 'khor lo 'gengs/ /chos 'di lta bus 'jig rten pha rol 'grub 'gyur te/ /rmongs pa 'jig rten mgon por rdog pas mnan nas song/ /gang du rlung dang sems ni mi rgyu zhing/ /nyi ma zla ba 'jug pa med gyur pa/ /mi shes pa dag gnas de dbugs phyung zhig /mda' snun gyis ni man ngag thams cad bstan nas song/ /gnyis su mi bya gcig tu bya ba ste/ /rigs la bye brag dag tu ma 'byed par/ /khams gsum ma lus 'di dag thams cad ni/ /'dod chags chen po gcig tu kha dog sgyur cig dang/ /der ni thog ma dbus mdza' med/ /ji srid mya ngan 'das pa min/ /bde ba chen po mchog 'di la/ /bdag dang gzhan du yod ma yin/ /mdun dang rgyab dang phyogs bcu ru/ /gang gang mthong ba de de nyid/ /de ring nyid du mgon pos de ltar 'khrul pa chang/ /da ni su la'ang dri bar mi bya'o/ /dbang po gang du nub gyur cing/ /rang gi ngo bo nyams par 'gyur/ /grogs dag de ni lhan cig skyes pa'i lus/ /bla ma'i zhal las gsal bar dris/ /yid ni gar 'ching rlung gar dengs/ /sa steng 'di na yan lag gnas/ /de ni rmongs pas mtshams su yongs shes bya/ /gti mug rgya mtsho 'chad pa gang shes pa/ /'di ni bde chen mchog yin te/ /sa ra ha yi bstan nas 'gro /kye ho 'di ni rang rig yin pa ste/ /'di la 'khrul par ma byed cig /dngos dang dngos med bde bar gshegs pa'i 'ching ba ste/ /srid dang mnyam nyid tha dad ma 'byed par/ /gnyug ma'i yid ni gcig tu sdod dang rnal 'byor pa/ /chu la chu bzhag bzhin du shes par

  150. 75b

    byos/ /bsam gtan brdzun pas thar pa rnyed min no/ /sgyu lus dra bas ji ltar pang du 'khyud/ /bla ma dam pa'i bka' yi bde bar yid ches par/ /nga yis brjod du yod min zhes ni mnga' bsnan smra/ /gdod nas dag pa nam mkha' i rang bzhin la/ /bltas shing bltas shing mthong ba 'gags par 'gyur/ /de lta bu nyid dus su 'gog par 'gyur/ /gnyug ma nyid la skyon gyis byis pa bslus/ /skye bo ma lus lhag par sun 'byin cing/ /nga rgyal skyon gyis de nyid mtshon mi nus/ /'jig rten ma lus bsam gtan gyis rmongs 'gyur/ /gnyug ma'i rang bzhin sus kyang mtshon du med/ /sems kyi rtsa ba mi mtshon te/ /lhan cig skyes pa rnam gsum gyi/ /gang la de skyes gang du nub/ /gang du gnas 'gyur gsal bar mi shes so/ /rtsa ba bral ba'i de nyid gang sems pa bla ma'i man ngag mthong ba de yis chog /'khor ba'i rang bzhin sems kyi ngo bo nyid yin zhes/ /rmongs rnams mda' bsnun gyis smras tsa ni shes par byos/ /gnyug ma'i rang bzhin tshig gis mi brjod kyang/ /slob dpon man ngag mig gis mthong bar 'gyu// chos dang chos min mnyes nas zos pa yi/ /'di la nyes pa rdul tsam yod ma lags/ /gnyug ma'i yid ni gang tshe sbyangs gyur pa/ /de tshe bla ma'i yon tan snying la 'jug par 'gyur/ /'di ltar rtogs nas mda' bsnun glu len te/ /sngags dang rgyud rnams gcig kyang ma mthong ngo/ /'gro rnams las kyi so sor bcings gyur te/ /la las grol na yid ni thar pa yin/ /rang rgyud grol na nges par gzhan med de/ /mchog gi mya ngan 'das pa thob par 'gyur/ /sems nyid gcig pu kun gyi sa bon te/ /gang la srid dang mya ngan 'das 'phro ba/ /'dod pa'i 'bras bu ster bar byed pa yi/ /yid bzhin nor 'dra'i sems la phyag 'tshal lo/ /sems bcings pas ni 'ching 'gyur te/ /de nyid grol na the tshom med/ /blun po gang gis 'ching 'gyur ba/ /mkhas rnams de yis

  151. 76a

    myur du grol/ /sems ni nam mkha' 'dra bar bzung bya ste/ /nam mkha' i rang bzhin nyid du sems bzung bya/ /yid de yid ma yin par byed 'gyur na/ /des ni bla med byang chub thob par 'gyur/ /mkha' 'drar byas na rlung ni rnam par 'ching/ /mnyam nyid yongs su shes pas rab tu thim/ /mda' bsnun gyi smras nam zhig nus ldan na/ /mi rtag g.yo ba myur du spong bar 'gyur/ /rlung dang me dang dbang chen 'gags pa na/ /bdud rtsi rgyu ba'i dus su rlung ni sems la 'jug / nam zhig sbyor bzhi gnas gcig la ni zhugs pa na/ /bde chen mchog ni nam mkha' i khams su mi shong ngo/ /khyim dang khyim na de yi gtam smra yang/ /bde chen gnas ni yongs su shes pa med/ /'gro kun bsam pas sun 'byin mda' bsnun smra/ /bsam gyis mi khyab sgrub pa 'ga' yang med/ /srog chags thams cad kun la yang/ /de nyid yod de rtog pa med/ /thams cad ro mnyam rang bzhin pas/ /bsam pas ye shes bla med pa'o/ /kha sang de ring de bzhin sang dang gzhan/ /don dam phun sum tshogs par skye bo 'dod/ /kya ho bzhin bzangs snyim pa chus bkang ba/ /'dzags pa bzhin du nyams pa ma tshor ro/ /bya ba byed dang bya ba mi byed pa/ /nges par rtogs na 'ching dang grol ba med/ /yi ge med las 'chad par yod 'dod pa/ / gang zhig rnal 'byor brgya la 'ga' yis mtshon/ /'jur bus bcings pa'i sems 'di ni/ /glod na grol bar the tshom med/ /dngos po gang gis rmongs pa 'ching/ /mkhas rnams de yis rnam par grol/ /bcings pa dag ni phyogs bcur 'gro ba rtsom/ / thongs sar gyur na mi g.yo brtan par gnas/ /go bzlog rnga mo lta bur bdag gis rtogs/ /bu khyod rnams kyang rang la char te ltos/ /kye lags dbang po ltos shig dang/ /'di las ngas ni ma rtogs so/ /las zin pa yi skyes bu yi/ /drung du sems

  152. 76b

    thag gcad par byos/ /rlung bcings pa la rang nyid ma sems kye/ /shing gi rnal 'byor sna rtser ma 'dug cig /e ma'o ma yin lhan cig skyes pa mchog chags byos/ /srid pa'i sna rtser 'ching ba yang dag spang/ /'di na yid 'dus pa la rlung gi rlabs/ /g.yo zhing 'phyar la shin tu mi bsrun 'gyur/ /lhan cig skyes pa'i rang bzhin rtogs gyur na/ /de yi bdag nyid brtan par gyur pa yin/ /gang tshe yid ni nye bar 'gags gyur na/ /lus kyi 'ching ba rnam par 'chad par 'gyur/ /gang tshe lhan cig skyes dang ro mnyam pa/ /de tshe dman pa'i rigs dang bram ze med/ /'di ni zla ba rgya mtsho nyid dang ni/ /'di na gang ga'i rgya mtsho nyid dang ni/ /ba ra Na se sra ya g+ha ya ti/ /'di ni zla ba gsal byed nyid/ /zhing kun gnas dang nye ba'i gnas sogs pa/ /phyin te ltas pas rtogs par gang smra ba/ /lus dang 'dra ba'i mu gnas gzhan na med/ /dge ba nga yi nges par yang dag mthong/ /'dab ldan pad+ma'i sdong po ge sar gyi dbus na/ /shin tu phra ba'i rnal ma dri dang kha dog ldan/ /bye brag longs shing rmongs pa mya ngan gyi/ /gdungs pas 'bras bu med par ma byed cig /gang tshe tshangs pa khyab 'jug mig gsum 'jig rten ma lus gzhir gyur pa/ /mig med de la mchod na las kyi mdza' yi tshogs ni yang dag zad par 'gyur/ /kye he bu nyon rtsod pa'i ro ni dag par yang dag gnas shes pa/ /'gro ba 'chad cing 'don la sogs pas de ni shes par nus ma yin/ /kye ho bu nyon de nyid sna tshogs kyis/ /ro 'di bstan par nus pa ma yin te/ /bde ba'i gnas mchog rtog spangs te/ /'gro ba nye bar skye ba nyid bzhin no/ /blo ni rnam 'gags yid ni pham gyur pa// gang du mngon pa'i nga rgyal chad pa'o/ /de nyid rgyu ma'i rang bzhin mchog tu rtogs pa ste/ /de la bsam gtan 'ching ba des de ni ci byar yod/ /dngos por skye ba mkha' ltar rang bzhin na/ /dngos po rnam spangs phyi nas ci zhig skye/ /gdod nas skye med rang bzhin yin

  153. 77a

    pa la/ /de ring dpal ldan bla ma bstan pas rtogs/ /mthong dang thos dang reg dang dran pa dang/ /za snom 'khyam dang 'gro dang 'dug pa dang/ /cal col gtam dang lan smra gyur pa la/ /sems so zhen gcig gi rnam pa las mi bskyod/ /gang zhig bla ma'i man ngag bdud rtsi'i chu/ /gdung sel bsil ba ngoms par mi 'thung bar/ /de ni bstan bcos don mang mya ngan gyi/ /thang la skom pas gdungs te 'chi bar zad/ /bla mas bstan pa brjod min na/ /slob mas go ba ma yin te/ /lhan cig skyes pa bdud rtsi'i ro/ /gang gis ji ltar bstan par bya/ /gang gis tshad mar 'dzin pa'i dbang gis su/ /blun pos bye brag rnyed pa ste/ /de tshe gdol pa'i khyim du rol/ /'on kyang dri mas mi gos so/ /gang tshe slong na srang kha'i kham por gyis spyod de/ / bdag ni rgyal po yin na slar yang ci byar yod/ /dbye ba rnam par spangs nas de nyid gnas pa la/ /rang bzhin mi g.yo btang snyoms lhun gyis grub/ /mya ngan 'das pa la gnas srid par mdzes/ /nang gzhan dag la sman gzhan btang mi bya/ /bsam dang bsam bya rab tu spangs nas su/ /ji ltar bu chung tshul du gnas par bya/ /bla ma'i lung la bsgrims te rab 'bad na/ /lhan cig skyes pa 'byung bar the tshom med/ /kha dog yon tan yi ge dpe bral ba/ /smra ru mi btub de ni bdag gi gyi na mtshon/ /gzhon nu ma yi bde ba snying bzhen pa bzhin/ /dbang phyug dam pa de ni su la bsten nus sam/ /dngos dang dngos med yongs su bcad pa dang/ /der ni 'gro ba ma lus rab tu thim par 'gyur/ /gang tshe yid ni mi g.yo rang gnas brtan pa de/ /de tshe 'khor ba'i dngos po las ni rang grol 'gyur/ /gang tshe bdag gzhan yongs su shes min/ /de tshe bla med lus ni thob bar 'gyur/ /de ltar brtan pa nyid las nges par ma 'khrul bar/ /rang gis rang la legs par shes par byas nas ni/ /rdul min rdul bral ma yin khams? kyang

  154. 77b

    min/ /dngos po de dag gdod nas zhen pa med/ /mnga' bsnun gyis smras de tsam zhig tu zad/ /kye ho ma lus dri med don dam shes par byos/ /khyim na gnas pa phyi rol song nas tshol/ /khyim bdag mthong nas khyim tshes dag la 'dri/ /mda' bsnun gyis smras bdag nyid shes par byas/ /blun pos bsam gtan bsam bya bzlas brjod min/ /gang tshe bla mas brtan ni thams cad shes byas kyang/ /bdag gis yongs su brtags pas thar la thob bam ci/ /yul rnams bsgrod cing gdung bas nyen byas kyang lhan cig skyes pa mi rnyed sdig pas 'dzin/ /yul rnams bsten pas yul gyis mi gos so/ /utpal 'dang mchu yi ma reg bzhin/ /gang ltar rtsa ba rnal 'byor skyabs su 'gro /dug gi sngags can dug gis ga la tshugs/ /lha la mchod pa khri phrag byin nas kyang/ /bdag nyid de yi 'chir 'gyur ci zhig bya/ /de 'dras 'khor ba 'di ni 'chad min te/ /gnyug ma'i rang bzhin ma gtogs rgal mi nus/ /mig ni mi 'dzums sems 'gog dang/ /rlung 'gog pa ni dpal ldan bla mas rtogs/ /gang tshe rlung rgyu de ni mi g.yo ste/ /'ching ba'i tshe na rnal 'byor pas ci bya/ /ji srid dbang po yul gyi grong la lhung/ /de srid dang nyid las med rab tu rgyas/ /khyed cag da lta ci byed sems dang kye/ /de ni shin tu dka' ba'i dgongs pa 'jug /gang zhig gang la gnas pa ni/ / de ni de ru mi mthong ste/ /mkhas pa thams cad bstan bcos 'chad pa yis/ /lus la sangs rgyas yod pa ma rtogs so// //glang chen lam nas sems tshags chud pas na/ /der ni 'gro 'ong chad dang ral pa ste/ / 'di ltar rtogs na gang duAng dri sa med/ /mkhas pa ngo tsha med pas de ma rtogs/ /gson pa gang zhig rnam par ma gyur pa/ /de ni rgas shing 'chi bar 'gyur ram ci/ /bla mas bstan pa dri med blo gros ni/ /de nyid gter yin gzhan pa gang zhig lo//

  155. 78a

    yul nyid rnam par dag ste bsten bya min/ /stong pa 'ba' zhig gis ni spyad par bgyi/ /ji ltar gzings las 'phur ba'i bya rog bzhin/ /skor zhing skor zhing slar yang de ru 'bab/ /thag pa nag po'i dug sbrul bzhin/ /mthong ba tsam gyis sdangs par 'gyur/ /grogs dag skye bo dam pa ni/ /yul gnyis skyon gyis bcings par 'gyur/ /yul la zhen pas 'ching bar ma byed cig /kye ho rmongs pha mda' bsnun gyis smras pa/ /nya dang phye leb glang chen bung ba dang/ /'di ni ri dags bzhin du bya bar byos// //gang zhig sems las rnam 'phros pas/ /de srid mgon po'i rang bzhin te/ /chu dang rlabs dang gzhan yin nam/ /srid dang mnyam zhing nam mkha' i rang bzhin no/ /gang zhig bsten te gang thos pa/ /dgongs pa gang yin dam par skyol ba na/ /nyi zer skugs sa rdul bzhin brlag /snying ga nyid du nub par gyur pa yin/ /ji ltar chu la chu bzhag na/ /de snyed chu ru ro mnyam 'gyur/ /skyon dang yon tan mnyam ldan sems/ /mgon po sus kyang mthong mi 'gyur/ rmongs pa dag la gnyen po gang yang med/ /nags la mched pa'i me lce bzhin/ /gdong du bab pa'i 'di ltar snang ba kun/ /khyod kyi rtsa ba stong pa nyid du lhan cig byos/ /gal te yid du 'ong ngam snyam pa'i sems/ /snying la bab pa gces par byas na ni/ til gyi shun pa tsam gyi zug rdus kyang/ /nams kyang sdug bsngal 'ba' zhig byed par zad/ /de ltar yin te de ltar ma yin no/ /grogs po phag dang glang chen ltos/ /ji ltar yid bzhin nor bu'i dgos pa bzhin/ /'khrul pa zhig pa'i mkhas pa ngo mtshar che/ /rang la rang gis bde ba chen po'i bag chags gzugs/ /thams cad de tshe mkha' mnyam byed par 'gyur/ /ka la ku Ta smos su ci rung ste/ /rang bzhin mkha' mnyam yid kyis 'dzin pa yin/ /yid de yid ma yin par byed 'gyur na/ /

  156. 78b

    rang bzhin lhan cig skyes pa mchog tu mdzems/ /khyim dang khyim na de ni brjod min te/ /bde chen gnas ni yongs su shes pa min/ /'gro kun sems khral khur bar mda' snun 'dra/ /de ni bsam med sum kyang rtogs ma yin/ /bde gsang yan lag yongs su stangs pa na/ /bsgom dang mi bsgom dbyer med bdag gis mthol/ /yul gyis mtshon pas gzhan dag bsam par byed/ /de nyid bsam pas ma gtogs rang bzhin 'gags par 'gyur/ /gal te sems kyis sems ni mtshon du 'gro /rnam rtog dang ni mi g.yo brtan par gnas/ /ji ltar lan tsha chu la thim pa ltar/ /de ltar sems ni rang bzhin la thim 'gyur/ /de tshe bdag dang gzhan ni mnyam par mthong/ /'bad de bsam gtan byas pas ci byar yod/ /lhan cig la ni lung rnams ma lus mthong/ /rang gi 'dod pa'i mang po gsal bar snang/ /mgon po bdag nyid gcig pu gzhan rnams 'gal/ /khyim dang khyim na grub mdza' de grub po/ /gcig zos pas ni thams cad 'chig /phyi rol ?? khyim bdag tshel/ /'ongs kyang ma mthong phyin kyang med/ /'dug par gyur kyang ngo ma shes/ /rba rlabs med pa'i dbang phyug mchog /rnyog pa med pa'i bsam gtan 'gyur/ /chu dang mar me rang gsal gcig tu zhog /'gro 'ong nga yi mi len mi 'dor ro/ /gang yang snga na med pa'i sgeg mo dang phrad nas/ /nyal ba'i sems ni gzhi med pa la brten/ /rang gi gzugs dang tha dad ma lta cig /de ltar sangs rgyas lag tu gtod pa yin/ /gang tshe lus dang ngag yid dbyer med pa/ /lhan cig skyes pa'i rang bzhin de tshe mdzes/ /khyim bdag zos nas khyim bdag mo longs spyod/ /yul ni gang zag mthong ste spyad par bya/ /nga yi rtsed mo byas pa la/ /bus pa rnams ni a thang chad/ /a ma gzhag nas bu de skye mi 'gyur/ /des ni

  157. 79a

    rnal 'byor spyod pa dpe dang bral/ /bdag po bya zhing rang bzhin mdzes/ /chags pa'i spyod des gang ba'i sems de nyid/ /chags dang chags bral spangs nas dbu mar zhugs/ /sems nyams pas na rnal 'byor ngas ma mthong/ /za zhing 'thung la bsam du med/ /grogs mo 'di ni sems la gang snang ba/ /phyi rol sems la mtshon med bdag gis 'dzin/ /sgyu ma'i rnal 'byor pa ni dpe dang bral ba ste/ /sa gsum duAng dri med mi gnas mi 'byung ste/ /me ni pra ba nyid la rkyen gyis 'bar/ /zla ba chu 'dzag nor bu rang dbang med/ /thabs kyis rgyal srid kun la dbang sgyur ba/ /sems nyid de ni grub pa'i rnal 'byor ma'o/ /lhan cig skyes pa'i sdom par shes par bya/ /yi ge 'gro ba'i ma lus pa/ /yi ge mad pa gcig kyang med/ /ji srid yi ge med gyur pa/ /de srid yi ge rab tu shes/ /snag tsha mnyes pas klag tu med/ /rig byed don med 'don pas nyams/ /dam pa sems dang cig shos mi shes na/ /gang nas shar cing gang du nub/ /ji ltar phyi rol de bzhin nang/ /bcu bzhi pa yi sa las rgyun du gnas/ /lus med lus la spas pa med/ /de shes de yi grol bar 'gyur/ /sgrub yig bzhi la dang po bdag gis ston/ /khu ba 'thungs pas nga ni brjed par gyur/ /gang gis yi ge gcig shes pa/ /de yis ming ni mi shes so/ /rkyen bral gsum ni yi ge gcig /zag med gsum gyi dbus na lha/ /gang zhig gsum po zag pa ni/ /gdol pa rig byed de bzhin no/ /ma lus rang bzhin mi shes pas/ /kun tu ru yi skabs su bde chen bsgrub pa ni/ /ji ltar sgom pas smig rgyu'i chu snyegs bzhin/ /skom nas 'chi yang nam mkha' i chu rnyed dam/ /rdo rje pad+ma gnyis kyi bar gnas pa/ /bde ba gang gis rnam par rol pa ni/ /ci ste de bden nus pa med pas na/ /sa gsum re ba gang gis

  158. 79b

    rdzogs par 'gyur/ /yang na thabs kyi bde ba skad cig ma/ /yang na de nyid gnyis su 'gyur ba ste/ /bla ma'i drin gyi slar yang ni/ /brgya la 'ga' yi shes par 'gyur/ /grogs dag zab pa dang ni rgya che ba/ /gzhan med bdag nyid ma yin no/ /lhan cig skyes dga' bzhi pa'i dus/ /gnyug ma nyams su myong bar shes/ /mun nag chen por zla ba nor bu bzhin/ /ji ltar 'char bar byed pa bzhin/ /mchog tu bde chen skad cig gcig la ni/ /bsam pa'i sdig pa ma lus phan par byed pa'o/ /sdug bsngal snang byed nus pa na/ /skar ma'i bdag po gza' dang mnyam du shar/ /'di ltar gnas pas sprul pa sprul/ /de ni dkyil 'khor 'khor lo dam pa'o/ /kye ho rmongs pa'i sems kyis sems la brtags na ni/ /lta ba ngan pa thams cad las ni rang grol 'gyur/ /mchog tu bde ba chen po'i dbang gis na/ /de na gnas na dngos grub dam pa'o/ /sems kyi glang po yan du chug /de ni bdag nyid dris la gcig /nam mkha' i ri bo chu 'thung dang/ /de yi 'gram du zhog cig rang dngos med/ /yul gyi gla po'i dbang po lag pas blangs nas su/ /ji ltar gsod par rang dbang snang bar 'gyur/ /rnal 'byor ba ni glang po skyob pa bzhin/ /de nyid nas ni ldog par 'gyur ba bzhin/ /gang zhig 'khor ba de ni mya ngan 'das par nges/ /dbye ba gzhan du sems dpa' ma yin te/ /rang bzhin gcig gi dbye ba rnam par spangs/ /dri ma med pa nga yi rab tu rtogs/ /yid kyi de nyid dmigs dang bcas/ /dmigs pa stong pa nyid yin la/ /gnyis la skyon ni yod pa ste/ / rnal 'byor gang gis sgom pa min/ /sgom pa dmigs bcas dmigs med de/ /sgom dang mi sgom tha snyad med/ /bde ba'i rnam pa'i rang bzhin no/ /rab tu bla med rang 'byung ba/ /bla ma'i dus thabs bsten pas shes/ /nags su ma 'gro khyim du ma

  159. 80a

    'dug par/ /gang yang de ru yid kyis yongs shes nas/ /ma lus rgyun tu byang chub rtogs par gnas/ /'khor ba gang yin mya ngan 'das pa gang/ /yid kyi dri ma dag na lhan cig skyes pa ste/ /de tshe mi mthun phyogs kyi 'jug pa med/ /ji ltar rgya mtsho dang bar gyur pa la/ /chu bur chu nyid yin te de nyid thim par 'gyur/ /nags dang khyim na byang chub gnas pa med/ /de ltar dbye ba yongs su shes nas su/ /dri ma med pa'i sems kyi rang bzhin gyis/ /ma lus mi rtog pa ru rten par 'os/ /de ni bdag yin gzhan yang de yin no/ /gang bsgoms yongs su bsgom pa gang/ /dbye ba de nyid 'ching dang bral bar bya/ /'on kyang bdag nyid rnam par grol ba'o/ /bdag dang gzhan du 'khrul pa ma byed dang/ /ma lus rgyun tu gnas pa'i sangs rgyas te/ /de nyid mchog gi go 'phang ngo/ /sems ni ngo bo nyid kyis dag pa na/ /gnyis med kyi sdong po dam pa ni/ /khams gsum ma lus kun tu khyab par song/ /snying rje'i me tog gzhan phan 'bras bu 'dzin/ /ming ni mchog tu gnas la phan pa'o/ /stong pa'i sdong po 'dab ma me tog rgyas/ /snying rje dam pa sna tshogs du mar ldan/ /lhun gyis grub pa phyi ma'i 'bras bu ste/ /bde ba 'di ni gzhan pa'i sems min no/ /stong pa'i sdong po dam pa snying rje min/ /gang la slar yang rtsa ba me tog lo 'dab med/ /de la dmigs par byed pa gang yin pa/ /der lhung bas ni yan lag med par 'gyur/ /sa bon gcig la sdong po gnyis/ /rgyu mtshan de las 'bras bu gcig /de yang dbyer med gang sems pa/ /de ni 'khor dang mya ngan 'das rnams srol/ /gang zhig 'dod pa can gyi skye bo 'ongs ba'i tshe/ /de ni re ba med na gal te 'gro ba ni/ /phyi sgor bor ba'i kham por blangs nas su/ /de bas khyim thab bor nas bsdad pa rung/ /gzhan la phan pa'i don ni mi byed pa/ /'dod pa'i

  160. 80b

    la sbyin pa mi ster ba/ /'di ni 'khor ba'i 'bras bu gang yin lo/ /de bas bdag nyid bor bar byas na rung/ /rnal 'byor gyi dbang phyug chen po dpal sa ra ha chen po'i zhal snga nas mdzad pa do ha mdzod ces bya ba de kho na nyid rnal du mtshon pa don dam pa'i yi ge rdzogs so// //*/ (/phyag rgya bzhi gtan la dbab pa zhes bya ba 'phags pa klu sgrub snying pos mdzad pa//) //rgya gar skad du/ tsa turmu drA ni shtsA ya/ bod skad du/ phyag rgya bzhi gtan la dbab pa/ bcom ldan 'das 'jam dpal gzhon nur gyur pa la phyag 'tshal lo/ /rnam dag ye shes de bdag nyid/ /rdo rje sems dpa' phyag byas nas/ /phyag rgya dgod pa mdor bsdus pa/ /bdag nyid go bya'i don du bri/ /'di na phyag rgya dgod pa la yid rnam par 'khrul cing rmongs pas srid pa'i rgya mtshor sdug bsngal zhing 'khyams pa de dag gis bde blag tu phyag rgya bzhi'i don khong du chud par bya ba'i phyir rgyud kyi rjes su 'brangs nas/ bde ba chen po'i sgrub pa'i thabs rab tu bsgrub par bya'o/ /phyag rgya bzhi zhes bya ba ni las kyi phyag rgya dang/ chos kyi phyag rgya dang/ phyag rgya chen po dang/ dam tshig gi phyag rgya'o/ /de la las kyi phyag rgya brtag par bya ste/ las kyi lus dang/ ngag dang yid kyi bsam pa ste/ gtso bo'o/ /phyag rgya ni brtag pa'i rang bzhin no/ /las kyi phyag rgya de las skad cig ma'i dbye bas phye ba'i dga' ba dag skye bar 'gyur ro/ /skad cig shes pa'i de ye shes/ /e baM la ni rab tu gnas/ /dga' ba bzhi ni dga' ba dang/ /mchog tu dga' ba dang/ lhan cig skyes pa'i dga' ba dang/ /dga' bral lo/ /gzhan du na mchog dang dga' bral dag gi dbus/ /mtshon byar brtags pas brtan par bya/ /zhes gsungs pa de 'thad par mi 'gyur ro/ /skad cig ma bzhi ni rnam pa sna tshogs pa dang/ rnam par smin pa dang/ mtshan nyid bral ba dang/ rnam par nyed nges pa'o/ /mtshan nyid dang bral

  161. 81a

    ba dbus su bstan pa ni dbang las shes par bya'o/ /dbang btsan thabs kyi sbyor ba ni mtshan nyid dang bral ba dang/ lhan cig skyes pa tha mar gnas par rtogs so/ /bcom ldan 'das kyi dbang btsan thabs kyi sbyor bas bstan to/ /de thams cad ni lhan cig skyes pa ste/ lhan cig skyes pa'i grib ma'i rjes su byed pa lhan cig skyes pa zhes bya'o/ /lhan cig skyes pa'i grib ma ni lhan cig skyes pa'i rgyu 'thun pa'i ye shes khong du chud par byed pas/ shes rab ye shes ni lhan cig skyes pa'o/ /de'i phyir nges par shes rab ye shes las/ lhan cig skyes pa 'byung ba ma yin te/ gang gi phyir lhan cig skyes pa zhes bya ba'i rang bzhin ni chos thams cad ma bcos pa'i rang gi mtshan nyid ces bya ba'i bar du'o/ /de'i phyir las kyi phyag rgya la brten nas rgyu 'thun pa'i 'bras bu thob par byed do/ /rgyu 'thun pa ni rgyu dang 'dra bar 'byung bas na rgyu 'thun pa ste/ ji ltar me long dang bzhin la brten nas byad bzhin gyi gzugs brnyan 'byung ba ni bzhin nyid ma yin te/ sngon du grub pa ma yin la/ de ltar yang grub pa ma yin pa'i phyir ro/ /de ni nges par bzhin gyi gzugs brnyan rgyu 'thun tsam mthong ba la 'on kyang 'jig rten pa rnams rang gi bzhin mthong zhes 'khrul bas dga' bar 'gyur ro/ /de bzhin slob dpon blo gros dman pa rnams kyang/ shes rab ye shes bsgrubs na lhan cig skyes pa'i rang bzhin nyams su myong zhes brjod cing/ dga' ba skye bar 'gyur ro/ /de la dga' zhing mgu bas ni chos kyi phyag rgya'i gtam yang mi shes so/ /chos kyi phyag rgya ma shes pas las kyi phyag rgya bcos ma 'ba' zhig las lhan cig skyes pa'i rang bzhin bcos ma ma yin pa ji ltar 'byung zhing skye bar 'gyur/ rigs 'thun pa'i rgyu las rigs 'thun pa'i 'bras

  162. 81b

    bu skyo bar 'gyur gyi/ rigs mi mthun pa las ni ma yin no/ /ji ltar sA lu'i sa bon las sA lu'i myu gu skye bar 'gyur gyi/ drug cu pa las ma yin no/ /de bzhin du ma bcos pa'i chos kyi phyag rgya'i rang bzhin las/ ma bcos pa'i lhan cig skyes pa 'byung ngo/ /de'i phyir chos kyi phyag rgya'i rgyu nyid la dbyer med par spyod pas phyag rgya chen po'i rgyur 'gyur ro/ /de ltar na gang gi phyir bcom ldan 'das kyis gsungs pa/ e yi cha byad bzang po la/ /dbus su baM gyis rnam par brgyan/ /bde ba thams cad kyis ni gnas/ /sangs rgyas rin chen za ma tog /ces pa ni sangs rgyas kyi grib ma'i rjes su byed pa'i phyir ro/ /za ma tog ni gnas sam gzhi'o/ /de'i phyir las kyi phyag rgya yan lag can las dga' ba yid du 'ong ba ni rin chen 'byung gnas dang mtsho skyes kyis te/ de ni rdo rje dang pad+ma bsrub cing bsrubs pa'i yang dag pa'i sbyor bas/ kun rdzob byang chub kyi sems a ba d+hU ti nas ji srid nor bu'i nang du song ba de ni/ de'i skad cig ma zhes bya ste/ de lhan cig skyes pa zhes bya ba'i ye shes skad cig tsam skye bar 'gyur gyi/ de lhan cig skyes pa ni ma yin te/ rgyu mi mthun pa'o/ /de'i rang bzhin shes rab ye shes kyi dga' ba gsum dang/ skad cig ma bzhi dang ldan pa'o/ /dbang btsan thabs kyi sbyor ba las ni las kyi phyag rgya'i rgyu mthun pa'i 'bras bur gsungs so/ /las kyi phyag rgya'i dbang nges par bstan pa ste dang po'o// //oM chos kyi phyag rgya ni chos kyis dbyings kyi rang bzhin te/ spros pa dang bral ba/ rnam par mi rtog pa ma bcos pa/ skye ba dang bral ba/ snying rje'i rang bzhin mchog tu dga' bas gcig tu mdzes pa'i thabs su 'gyur ba/ rgyun gyi rtag pa lhan cig skyes pa'i rang bzhin gyi shes rab dang lhan cig pa las 'byung ba/ dbyer med pa gang yin pa de ni chos kyi phyag rgyar rig

  163. 82a

    par bya'o/ /gzhan yang de'i mtshan nyid ni dper na mun pas kun tu 'khrugs pa la/ nyi ma'i 'od zer dang 'dra bar bla ma'i man ngag nyid kyi mi shes pa'i mun pas kun nas 'khrugs pa'i 'khrul ba rtsa rdul tsam gyi zug rngu rnam par spangs nas rtogs pa'o/ /sa dang chu dang me dang rlung ste/ khams bzhi'i nus pas bcings pa'i 'jig rten gsum po ma lus pa gcig gi rang bzhin/ /rba rlabs med pa'i stong pa nyid dang snying rje dbyer med par shes par bya'o/ /bcom ldan 'das kyis kyang gsungs pa/ mdzes ma shes rab rang bzhin la/ /ro ma thabs kyi yang dag gnas/ /sdig spangs ma ni dbus nyid du/ /gzung dang 'dzin pa rnam par spangs/ /de ltar rab tu 'bad pas kyang/ /de bzhin nyid kyi rnam pa nye ba'i rgyur gyur pa de ni lam du shes par bya'o/ /lam du shes pas gus pas rgyun mi 'chad pa ni lam mo/ /'gog pa ni lhan cig skyes pa'i rang bzhin mngon du byed par gyur pa'o/ /de bzhin du gsungs pa/ 'di la bsal bya ci yang med/ /gzhag par bya ba cung zad med/ /yang dag nyid la yang dag lta/ /yang dag mthong nas rnam par grol/ /mdzes ma rom dag gi dbus su gnas pa ni sdig spangs ma'o/ /de nyid la lhag par mos pas lhan cig skyes pa'i rang bzhin gyi don go 'phang ma lus bar sems rtsa gcig pa dang/ bla ma dam pa'i man ngag gis rtogs par 'gyur ro/ /chos kyi phyag rgya ni phyag rgya chen po'i dbyer med pa'i rgyur gyur pa'o/ /chos kyi phyag rgya rnam par smin pa'i 'bras bur nges par bstan pa ste gnyis pa'o// // A(rgyud 'grel): phyag rgya chen po zhes bya ba ni phyag rgya yang yin la/ /chen po yang yin pas phyag rgya chen po ste/ rang bzhin med pa nyid shes bya ba la sogs pa'i sgrib pa spangs pa/ ston ka'i nyi ma phyed kyi nam mkha' ltar dri ma med pa/ phun sum tshogs pa mdza'

  164. 82b

    dag gi gzhir gyur pa/ 'khor ba dang mya ngan gyi mdza' las 'das pa gcig pa'i rang bzhin/ dmigs pa med pa snying rje'i lus bde ba chen pa'i rang bzhin no/ /de bzhin du yid la byed pa med pa'i chos dge ba'o/ /yid la byed pa'i chos mi dge ba'i zhes gsungs pa dang/ kun tu rtog pa ma brtags pa/ /rab tu mi gnas pa yi yid/ /dran pa med cing yid byed min/ /dmigs pa med la phyag 'tshal 'dud/ /ces bya ba gang yin pa de phyag rgya chen po yin par rig par bya'o/ /de'i phyir phyag rgya chen po bsam gyis mi khyab pa'i rang bzhin las/ dam tshig gi phyag rgya mchog gi 'bras bu skye bar 'gyur ro/ /phyag rgya chen po dri ma med pa'i 'bras bu nges par bstan pa ste gsum pa'o/ /hUM dam tshig gi phyag rgya zhes bya ba ni longs spyod rdzogs pa dang sprul pa'i sku'i rnam pa'i rang bzhin dang po'i ngo bo nyid sems can gyi don gyi phyir rdo rje 'dzin pa he ru ka'i rnam par spros pa de ni dam tshig gi phyag rgyar 'dod do/ /dam tshig gi phyag rgya blangs te zhes bya ba ni 'khor lo'i rnam pa ye shes lnga'i chog yongs su brtag pa ni me long lta bu dang/ mnyam pa nyid dang/ so sor rtog pa dang/ bya ba nan tan dang/ chos kyi dbyings shin tu rnam par dag pa rnams dang/ sbyor ba dang po dang/ dkyil 'khor rgyal mchog dang/ las rgyal mchog dang/ thig le'i rnal 'byor dang/ phra mo'i rnal 'byor gyis dam tshig gi phyag rgya'i 'khor lo bsgom pa'i slob dpon des ni bsod nams byas par 'gyur ro/ /des kyang chos kyi phyag rgya'i 'bras bu thob par mi 'gyur te/ nges pa'i don gyi rgyu las nges pa'i 'bras bu de nyid skye bar 'gyur ro zhes bya ba'i tha tshig go /de'i phyir brtan pa dang g.yo ba'i dngos po gang byis pas kun tu brtags pa de dag lhan cig skyes pa'i ros phug na de byang chub kyi gser du 'gyur ro/ /'dir ni 'jig rten gsum gyi 'khor lo yang dag par bsgoms

  165. 83a

    par 'gyur te/ de skad du yang sngags bzlas med cing dka' thub med cing sbyin sreg med/ /dkyil 'khor med de dkyil 'khor ba yang yod ma yin/ /de ni sngags bzlas de ni dka' thub sbyin sreg de'o/ /de ni dkyil 'khor yin te dkyil 'khor ba yang de'o/ /mdor bsdus na ni sems su 'dus pa'i tshul can no zhes bcom ldan 'das kyis gsungs so/ /mdor bsdus pa ni chos thams cad gcig gi rnam pa ste/ gang zhe na bde ba chen po'i rang bzhin no/ /sems ni byang chub kyi sems so/ /'dus pa'i tshul ni chos kyi phyag rgya dang/ phyag rgya chen po'i dbang gis/ ye shes gang yin pa de nyid 'dus pa'i tshul mngon par brjod do// //dam tshig gi phyag rgya skyes bu byed pa'i 'bras bur nges par bstan pa ste bzhi pa'o// //phyag rgya bzhi gtan la dbab pa slob dpon chen po klu sgrub snying pos mdzad pa rdzogs so// //bla ma d+ha ri sh+rI dz+nyA na'i zhabs dang/ bod kyi lo tsa ba rma ban chos 'bar gyis bsgyur cing zhus te gtan la phab pa'o// /bkra shis par gyur cig/ //shes rab ye shes gsal ba zhes bya ba lha'o zla bas mdzad pa bzhugs/ mtshan gzhan pad+ma badzra zhes kyang grags/ /rgya gar skad du/ pra dz+nyA dz+nyA na pra ka sa/ bod skad du/ shes rab ye shes gsal ba/ bla ma dam pa la phyag 'tshal lo/ /gang zhig nyi ma'i 'od zer shar bas pad+ma zum pa'i nags rnams 'byed par byed pa bzhin/ /thams cad mkhyen pa'i bde ba ma lus 'dzin pa'i mdzes pas go 'phang skad cig nyid tsam gyis/ /skye ba nyid mtshams sbyor ba'i 'ching ba gcod cing 'gro ba'i ling tog skyon rnams sel bar byed pa gang/ /rgyal ba'i bka' lung dge ba'i bshes gnyen las 'ongs de yi rgyal ba'i 'gro ba rtag tu

  166. 83b

    zhi bar shog /'jam pa'i rdo rje la sogs rgyal ba'i sras rnams kyis/ /shes rab phun sum tshogs pa rtogs pa'i lam ni su la yod/ /so so skye bo dman pa bdag 'dra'i blo gros la/ /ji srid dran pa brjod pa 'di la bzod par 'os/ /ston pa dpal ldan ri khrod dbang phyug nyi ma 'chang ka'i ri las rnyed de 'ongs pa'i lam/ /'di ni bla ma gsal byed rgyal ba can gyis bdag la mngon sum nyid du bstan/ /de ni dri ma med pa'i yid kyis 'di ru bshad kyis skye bo dad par byos/ /'dir ni gang dang lus dang rig pas mi 'thad ba de mkhas pa rnams kyis spang bar gyis/ /phung po khams dang skye mched rnams/ /da dag yod med brtags pas stong/ /shes rab ye shes nyid de bzhin/ /des na shes rab ye shes bshad/ /'di ni bcom ldan 'das phul du byung ba dmigs pa med pa'i snying rje chen pos rnam pa thams cad kyi mchog dang ldan pa'i de bzhin nyid bla na med pa zhes bya ba gzhan gyi ming can rang bzhin med pa yin yang/ sngon gyi smon lam gyi shugs kyis nus pas 'bad pa med par zung du 'jug pa/ sems can thams cad la gcig tu phan pa'i sku legs par 'dzin pas/ bde ba chen po'i 'byor ba zab pa dang rgya chen po bstan yang srid par 'khrul pas 'khyams pa'i sems can mdza' yas pa la phan 'dogs pa'i bsam pas/ sems can mang po sgel? ba'i thabs sna tshogs dang ldan pa rnam pa sna tshogs pa'i bkas/ nyan thos dang rang sangs rgyas dang/ theg pa chen po mtshungs par mdzad pas/ shin tu dang bas bla ma dang/ sangs rgyas dang byang chub sems dpa' la bsnyen bkur byed pa'i tshangs par spyod pa can blo shin tu dag pa'i shes rab can/ mdo sde dang/ chos mngon pa dang/ 'dul ba dang/ skyes pa'i rabs rtogs pa legs par bcos pa'i blo gros can/ /sbyangs shing dul bas mi dge ba'i las spangs pa/ dge ba'i

  167. 84a

    las la gnas shing snying rje 'jug pa'i yid can/ 'khor ba la zhen pa las rgyab kyis phyogs pa'i slob ma'i phyir/ dge ba'i bshes gnyen dam pa la brten pa'i rang bzhin gyis/ myur du bla na med pa yang dag par rdzogs pa'i byang chub thob par bya ba'i phyir/ dkyil 'khor du 'jug pa nas chu dang dbu rgyan la sogs pa sngon du 'gro bas/ mchog tu gyur ba'i shes rab ye shes ston par mdzad do/ /'o na ci'i phyir 'di ston te/ 'dod chags la sogs pa 'khor bar yun rings su ngan 'gror 'khyams pa'i rgyu yin la/ de yang sems can rnams yun rings su zhen nas yang bar skye ba rmongs par gyur nas chags te sdang bar byed pa'i sdig pa mi dge ba'i las byed par gyur nas/ dud 'gro dang/ yi dags dang/ dmyal ba la sogs par sdug bsngal chen po nyams su myong bar 'gyur zhing/ 'dod chags la sogs pa la sbyor ba de lta bu dug 'dzin pa dag la 'o ma blud pa bzhin du dug 'phal bar mthong ba ma yin nam zhe na/ 'di ni bden te dge ba'i bshes gnyen dang bral ba rnams 'dod chags la sogs pa de dag chags pa dang bcas nas gcig tu sdug bsngal bar 'gyur ro/ /de nyid kyi phyir na/ nyan thos dang rang sangs rgyas kyi theg pa la sogs pa mang po bstan pa yin no/ /gzhan yang shin tu 'dod chags dang bral ba rnams 'dod chags la sdang bas/ de shin tu sdug bsngal bar byed de/ de dag gi don du 'dod chags par ma bstan te/ /de yang/ gang gis 'dod chags chags bral ba/ /slar yang the tshom za bar 'gyur/ /de dag 'dod chags spangs pa'i phyir/ /'dod chags bral yang reg mi bya/ /zhes gsungs pa dang/ 'dod chags bral ba lta bu'i sdig /khams gsum na ni gzhan med do/ /de phyir 'dod la chags bral bar/ /khyod kyi nam yang mi bya'o zhes bcom ldan

  168. 84b

    'das kyis gsungs so/ /gang la 'dod chags dang bral ba ma yin pa de dag la 'dod chags chen po bstan te/ de skad du yang/ 'dod chags 'ga' zhig spyod de yul/ /'dod chags bral bas 'ga' spong ste/ /dri med blo yi rnal 'byor bas/ /mi len spong ba ru mi byed/ /ces gsungs so/ /dpal mnga' snun gyi zhal snga nas kyang/ /kha cig yul rnams 'dor byed cing/ /kha cig yul gyis 'chid bar byed/ /la la yul de nyid kyis ni/ /mi mchog byang chub 'thob par byed/ /ces gsungs so/ /de pas na 'dod chags kyi sems can rnams 'dod chags bral ba la 'dzud la/ 'dod chags bral ba rnams 'dod chags bar ma la'o/ /'dod chags par ma pa rnams 'dod chags chen po la dgod do/ /de bas na sems can mchog tu gyur pa'i dbang du mdzad nas bla na med par shin tu zab mo'i shes rab ye shes 'di bstan to/ /'dir yang bcom ldan 'das kyis/ dug gi dum bu 'ga' zhig gis/ /skye bo thams cad 'ching 'gyur ba/ /dug gi de nyid shes gyur na/ /dug gis de nyid sel bar byed/ /ces gsungs so/ /gzhan nas kyang 'dod chags ni byang chub kyi yan lag go /zhe sdang ni byang chub kyi yan lag go zhes bya ba la sogs pa 'byung/ /ye shes grub pa las kyang/ dper na bcud kyi phug pa'i zangs/ /mdzes pa'i gser du 'gyur ba bzhin/ /ye shes bcud kyi phug pas na/ /nyon mongs dge bar byed pa yin zhes gsungs so/ /de bas na phung po lnga po ste/ /gzugs dang/ tshor ba dang/ 'du shes dang/ 'du byed dang/ rnam par shes pa zhes bya ba yin la/ rnam par snang mdzad dang rin chen 'byung ldan dang/ snang ba mdza' yas dang/ don yod grub pa dang/ mi bskyod pa rnam par dag pa'o/ /skye mched bcu gnyis ni/ dbang po drug dang/ yul drug go /khams bco brgyad ni/ /mig gi khams dang/ mig gi rnam par shes pa'i

  169. 85a

    khams dang /de bzhin du rna ba'i rnam par shes pa'i khams la sogs pa yang shes par bya'o/ /'byung ba chen po bzhi ni/ sa'i khams dang/ chu'i khams dang/ me'i khams dang/ rlung gi khams te/ rang gi mtshan nyid 'dzin pa'i phyir khams so/ /yod pa dang med pa'i rtog pas stong pa'i phyir mdza' bzhi dang bral ba ste/ ma skyes pa dang/ mi 'jigs pa dang/ rang bzhin med pa shes pa la shes rab ces brjod do/ /de yang/ gang zhig rkyen las skyes pa de ma skyes/ /de la skye ba'i rang bzhin yod ma yin/ /rkyen la rag las gang de stong pa nyid/ /gang gis stong nyid shes de bag yod yin zhes gsungs pa dang/ de kho na nyid la 'jug pa las kyang/ /gang zhig spros bcas kun gyi yul min pas/ /de ni dag gi yul yang ma yin no/ /rdo rje 'dzin pas rig pa de nyid la/ /shes rab ces byar yongs su bsgrags pa yin zhes gsungs so/ /de nyid kyi phyir rten cing 'brel bar 'byung ba'i sems sna tshogs pa/ bde ba chen po rang gi rig pa tsam ste/ dmigs pa med pa'i snying rje chen po zhes bya ba ming gzhan pa can gyi ye shes yin no/ /shes rab kyang de yin no/ /ye shes kyang de yin pas tshig bsdus pa'o/ /bla ma dam pa'i zhal snga nas kyang/ mkhas pa kun rtogs spangs nas ni/ /rnam kun bde ba'i de nyid min/ /stong nyid bde ba'i de nyid min/ /bsam mi khyab min bde ba min/ /zhes gsungs pa dang/ rnam pa mngon sum byang chub ste/ /bsam pa med pa'i blo chen po/ /gzhan yin na ni long par 'gyur/ / gzhan ma yin na bems por 'gyur zhes gsungs so/ /bcom ldan 'das kyis kyang/ 'byung ba che las byung bde ba/ /bde ba de nyid kho na min/ /zhes gsungs pa dang/ gzhan yang bde ba dkar po bde bar gnas/ /kun tu ru skyes bde ba dran/

  170. 85b

    bde ba dngos po dngos med pa'o zhes bya ba la sogs pa rgyas par gsungs so/ /de nyid rnam pa thams cad kyi mchog dang ldan pa'i stong pa dang/ bcom ldan 'das ma shes rab kyi pha rol tu phyin pa ste/ las kyi yan lag ma'i gzugs kyi thams cad du gnas pa yin no/ /de skad du yang/ kun tu thar pa 'dod pa yis/ /don dam dag la gang gnas pa/ /kun rdzob kyis ni lus 'dzin pa'i/ /shes rab pha rol phyin bya'o zhes gsungs pa dang/ e yi cha byad bzang po gang/ /dbus su baM gis rnam par brgyan/ /bde ba kun gyi gnas yin te/ /sangs rgyas dkon mchog za ma gtog /ces bcom ldan 'das kyis gsungs pa'i phyir 'di ni yang dag par rdzogs pa'i byang chub kyi sgrub pa'i thabs dam pa dang por bya ba yin pas/ /dgos pa med pa'i yid kyis 'gro ba thams cad 'don pa'i bsam pas/ snying rje chen po'i ros chags pa bde ba yang dag pa'i dbang bskur zhing rjes su gnang ba dang/ ji skad gsungs pa'i shes rab dam tshig ? man ngag ji lta ba bzhin brten par bya'o/ /de skad du yang thabs gzhan gyis ni sangs rgyas min/ /'gro ba gsum ni dag pa nyid/ /de phyir yid kyi bral ba ru/ /khyod kyi nam yang mi bya'o/ /zhes gsungs pa dang/ 'di de sangs rgyas thams cad kyi/ /rig pa'i brtul zhugs bla na med/ /rmongs pa gang zhig 'da' byed na/ /de la mchog gi dngos grub med/ /ces gsungs so/ /'o na 'di ji ltar 'thad par 'gyur te/ las kyi phyag rgya khro rgyu can/ /sdig ldan g.yon ma 'jigs rung? ma/ /thag rings yongs su spang bar bya/ /gzhan yang a ra li las kyang/ /mi yi bud med 'jigs tshul can/ /de yi ye shes 'jigs par nges/ /zhes gsungs pa dang/ ye shes grub pa las kyang/ dbang gnyis byung ba'i bde ba ni/ /de nyid yin zhes skye ngan smra/ /de yang bde ba chen po ru/ /rgyal ba mchog

  171. 86a

    gis ma gsungs so/ /zhes bya ba la sogs gsungs pas/ las kyi phyag rgya ni lhan cig skyes pa'i rang bzhin ma yin pas spang bar bya ba'i phyir ro zhe na bden te las kyi phyag rgya bcos ma yin pa'i phyir ro/ /'di ltar las ni bya ba ste/ /lus dang ngag dang yid kyi bsam pa'i mtshan nyid can te/ des mtshon pa'i phyag rgya brtags pa'i ngo bo nyid la las kyi phyag rgya zhes brjod de/ chos kyi phyag rgya ni bcos ma ma yin pa'i phyir/ mtshan nyid tha mi dad pas tha dad pa ma yin no/ /phyag rgya chen po rang bzhin med par rtogs pa'i mtshan nyid can te/ de ni ma bcos pa'o/ /de ni bcos ma'i shes rab ye shes tsam gyis/ chu rgyun bzhin du rgyun mi 'chad pa'i bde ba chen po'i ngo bo nyid rnam pa thams cad du bla na med pa'i de bzhin nyid kyi de kho na nyid 'jig pa med pa thams cad mkhyen pa'i ye shes skye ba ma yin pa kho na'o/ /de nyid kyi phyir/ klu sgrub kyi zhal snga nas kyang/ rgyu mthun pa'i 'bras bur bstan to/ /lhan cig skyes pa'i bstan pa yang lhan cig skyes pa'i grib ma'i rjes su byed pa'i phyir ro/ /de yang kho bo'i bla ma'i zhal lnga snga nas kyang/ phyag rgya chen po ma shes par/ /las kyi phyag rgya gcig sgrub pa/ /de nyid rgyud pa las nyams nas/ /rnal 'byor pa de du 'bod 'gro zhes gsungs so/ /'o na ji ltar thabs gzhan gyis ni 'tshang mi rgya/ zhes las kyi phyag rgya 'di nyid las gdon mi za bar sangs rgyas dkon mchog gi za ma tog tu bstan ce na/ de ni mi 'thad pa ma yin te/ chags pa chen po zhes bya ba ni/ phyag rgya chen po bde ba mdza' yas pa'i rang bzhin dngos po thams cad kyi ngo bo nyid chags pa chen po ste/ stong pa dang snying rje gnyis zung du 'jug pa'i ngo bo nyid 'dod chags nyid la/ 'dod chags nyid gsal ba rab kyi mthar thug pa nyid la bde zhing chags pa ste/ de yang las kyi phyag

  172. 86b

    rgya ma rtogs par nyams su mi myong bas mngon sum bstan par mi nus la/ chen po rab kyi mthar phyin pa yang de goms pa dang/ bla ma dam pa'i man ngag gis thob par 'gyur ba'i phyir/ dang po las kyi phyag rgya bstan pa la 'gal ba med do/ /bla ma dam pa'i man ngag 'di yang/ /las kyi phyag rgya legs bsgrubs nas/ /chos kyi phyag rgya rnam par bsgom/ /de'i steng phyag rgya chen po ste/ /gang las dam tshig 'byung ba po zhes gsungs so/ /dga' ba tsam pa de la rgyu mthun pa'i 'bras bu dang/ de ltar slob dpon gyis ni gang zhig gsungs pa dang/ rnam par smin pa dang/ dri ma med pa'i 'bras bu dang/ /de nas rims kyis skyes bu byed par 'gyur ro/ /bla ma dam pas kyang/ las kyi phyag rgya rnam sna tshogs/ /rnam smin las byung chos phyag rgya/ /mtshan nyid bral ba phyag rgya che/ /rnam rnyed dam tshig phyag rgya yin/ /zhes bya ba gsungs so/ /de la phyag rgya chen po ma gtogs pa'i phyag rgya re la dga' ba bzhi bzhi 'byung ba'i phyir/ las kyi phyag rgya yan lag ma dang dga' ba bzhi dang/ skad cig ma bzhi grangs bzhin man ngag gi rtogs par bya'o/ /sna tshogs pas ni mgrin sna tshogs/ /nor bu'i nang du bde smin pa/ /bla mar de nyid shes par bya'o/ /dga' bral rnam pa nyed pa'o/ /zhes gsungs pa dang/ gsung rab las kyang/ 'khyud dang? 'o byed la sogs pa/ /rnam pa sna tshogs du ma brjod/ /rnam smin de las bzlog pa ste/ /bde ba'i ye shes spyod pa'o/ /bdag ni bde ba spyod do zhes/ /rnam par nyed pa spyod par bshad/ /ces gsungs so/ /de lta bas na mchog dga' dang/ dga' bral gyis? na gnas pa/ /btsan thabs pa'i dbang dang/ log pa'i dbang spangs pa/ 'dod chags dang 'dod chags bral bas dben pa'i stong pa nyid dang/ snying rje dbyer med pa'i lhan cig skyes pa de bla ma dam pa'i zhal nas nyams su myong ba'i khong du chud par bya'o/?

  173. 87a

    de lta bu las gzhan du su zhig gis rtogs par nus te/ /'di ltar chos thams cad rang bzhin med par ni sgrub par bya'o/ /de yang gzugs stong pa'o stong pa nyid gzugs so/ /de bzhin du tshor ba dang zhes bya ba la sogs pa'i lung dang/ gang zhig rten cing 'brel 'byung ba/ /de yi rang bzhin skye ba med/ /gang gi ngo bo ma skyes pa/ /de la skyes shes ji ltar bya/ /zhes bya ba la sogs pa dang/ /tshad ma'i tshig gsungs pa ni/ /gang dang gang ci 'byung ba'i shes pa de ni rang bzhin med pa'o/ /de lta bas na/ chos thams cad ngo bo nyid kyis yongs su dag pa yin gyi/ las kyi phyag rgya 'ba' zhig gis ni ma yin no/ /de ni de bzhin gshegs pa'i dag pa sngon du 'gro ba shes rab kyi yan lag ma'i ye shes bstan pas chog gi tshig du ma spros pas ci dgos/ de nas yang pha rol tu phyin pa'i theg pa pa rnams kyi grub mdza' ni 'di yin te/ gang dag bskal pa grangs med pas rdzogs pa'i sangs rgyas su 'gyur ro/ /sngags kyi tshul gyis ni tshe 'di la sangs rgyas sam/ rdo rje sems dpar 'gyur ro zhes rtog pa rnams yan lag bdun dang ldan pa'i bsgrub byar yod de/ longs spyod rdzogs la kha sbyor bde chen rang bzhin med pa dang/ /snying rjes nges gang rgyun mi 'chad dang 'gag pa med pa ste/ /yan lag bdun dang ldan pa 'di ni bdag gi bsgrub byar 'dod/ /tshad mar blo sbyangs pa yis 'di dag rab tu bsngags pa yin zhes gsungs pa yin no/ /de yang las kyi phyag rgya yan lag ma med par nyams su myong bar shes par nus pa ma yin no/ /'di yang mdzes pa ma yin te/ phyi rol gyi phyag rgya ni rgyu mthun pa'i 'bras bur brjod kyi/ /de ni kho na nyid ma yin no/ /yan lag bdun dang ldan pa yang stong pa nyid dang/ snying rje dbyer med pa'i ye shes

  174. 87b

    la 'thad par 'gyur te/ 'di ltar longs spyod rdzogs pa ste/ nyams su myong ba rten cing 'brel bar 'byung ba las rnam pa thams cad du snang ba yin no/ /kha sbyor ni stong pa nyid dang snying rje yang dag par sbyor ba'i phyir ro/ /bde ba chen po ni yod pa dang med pa la sogs pa'i rtog pa thams cad spangs pa'i phyir ro/ /rang bzhin med pa ni skye ba med pa'o/ /snying rjes nges gang ni snying rje chen po'i bdag nyid yin pa'i phyir ro/ /rgyun mi 'chad pa ni rgyun gyi rtag pa yin pa'i phyir ro/ /'gag pa med pa ni chad pa med pa'i phyir ro/ /las kyi yan lag ma'i ye shes la ni khyad par can du gyur pa de dag yod pa ma yin no/ /gang yang tshe 'di nyid kyi sangs rgyas nyid dam/ /rdo rje 'chang nyid du 'gyur ro zhes gsungs pa gang yin pa de yang bus pa'i tshig bzhin du snang bar 'gyur te/ 'di ltar bsnyems pas kho bo ni rdo rje sems dpa' o zhes smras pa 'di rang nyid kyis rang la sems dang ldan pa rnams ci ste smod par byed/ dper na shing thun dag kho bo ni rgyal po'o zhes smra ba bzhin/ rgyal po ma yin pa gcig pur ma zad kyi rlung can du yang smras pa ma yin nam/ de'i phyir pha rol tu phyin pa'i theg pa las sngags la khyad par ma mthong ngo/ /'di skad du brjod pa de yang ma yin te/ don gcig na yang ma rmongs dang/ /thabs mang dka' ba med pa dang/ /dbang po rnon pos dbang byas pas/ /sngags kyi bstan bcos khyad par 'phags/ /shes gsungs pa de yang/ chos rnams thams cad nyid kyi ni/ /dag pa de bzhin nyid du 'dod/ /ces sngags kyi theg pa las gsungs pa'i phyir/ /gnyis kas de bzhin sgrub par byed par don gcig ? ni bden pa kho na ste/ ma rmongs pa'i gtan tshigs pha rol tu phyin pa la yang mtshungs pa'i phyir khyad par ci yod/ 'dir rmongs pa'i skyes bu'i skyon yin nam/ 'on te theg pa 'di'i skyon yin/ de la re zhig rang bzhin med par

  175. 88a

    byed pa'i mtshan nyid can gyi theg pa la ni rmongs pa yod pa ma yin te/ gnyis ka la thal ba mtshungs pa'i phyir ro/ /skyes bu don la ngos pa'i rmongs pa yin no zhe na/ de ltar 'dra mod kyi sngags kyi theg pa la yang skyes bu'i rmengs pa snang ba yin/ /thabs mang ba nyid kyang 'khor gsum mi dmigs pa'i sbyin pa'i pha rol tu phyin pa la sogs pa'i thabs dang/ kun brtags dang/ gzhan dbang dang/ yongs su grub pa ste/ mtshan nyid gsum bsgoms pas kyang de bzhin nyid mthong bar 'gyur ba'i phyir ro/ /dga' ba la sogs pa'i thabs khyad par kho na yod pas na chags pa la 'jug pa tsam gyis ni rigs pa ma yin te/ shes rab kyi pha rol tu phyin pa'i thabs mkhas pas zin pa'i byang chub sems dpa' sems dpa' chen po rnams myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes gsungs pa'i phyir ro/ /dka' ba med pa yang gnyis ka la mtshungs te/ 'di ltar yang gang dag sngon po dang ser po la sogs pa'i dngos po thams cad ngo bo nyid kyis rnam par dag pa rtogs pa'i phyir ro/ /de dag la dka' ba zhes bya ba ci zhig yod/ dbang po rnon pos dbang byas pa yang mtshungs pa nyid de/ gang gi phyir chos thams cad rkyen? las skyes pa ni ngo bo nyid kyis ma skyes shing mi 'gag pa'i phyir ro/ /dbang po rnon po dag gi mos pa byed kyi/ dman pa dag gis ni ma yin no/ /gzhan yang rang rang gi ngo bo nyid las rnam par dpyad na/ pha rol tu phyin pa'i bstan bcos kho na nges pa'i don yin pa'i phyir lhag par 'gyur ba ste/ drang ba'i don ni gzhan dag yin no/ /dper na gtsub gtan dang/ gtsub shing la sogs pa las me byung ba'am/ pi wang las sgra byung ba bzhin du/ gzugs rnam par snang mdzad de/ de yang mi bskyos?

  176. 88b

    pa'i ming can gyis rnam par shes pas rgyas btab pa'i ngo bo nyid yin pa'i phyir spros pa tsam te/ yang dag par sna tshogs nyams su myong ba tsam gzod mnas 'od gsal bsgrub par bya'o/ /'di ha cang spros pa la dga' bas/ bsdus pas mchog gis bkrus pa nyid dkru dgos pa'i las kyi phyag rgya nyid dgos pa med par 'gyur te/ nga yang mgon pos 'dir ni brjod med dam/ /rgyab ces bya ba su yi bstan/ /dbu gtsug g.yas su 'khyil ba yis/ /lag pa dkyogs pas ston byed dam/ zhes gsungs pa lta bu'o/ /gzhan yang gang las kyi phyag rgya'i bde ba 'dod pa de dag ni nyi tshe ba'i rnam par dag pa ste/ phung po dang khams dang skye mched kyi rang bzhin can gyi shes rab kyi spyad par bya'o/ /de dngos su dngos po thams cad rnam par dag pa nyid ci'i phyir goms par mi byed/ 'on te 'dod chags chen po'i theg pa 'dir/ /'dod pa'i yon tan lnga la longs spyod pas zag pa med pa'i bde ba'i rnam pa rdzogs pa'i sangs rgyas 'grub par 'gyur te/ dbang po gnyis kyi sbyor ba yis/ /bde ba chen po rab sgrub phyir/ /sangs rgyas byang chub go 'phang mchog /bla med 'di ni 'grub par 'gyur zhes gsungs na pha rol tu phyin pa'i theg pa las kyang shin tu 'jigs pa'i tshul gyis 'dod pa lnga la longs spyod par bya'o/ zhes gsungs pa'i phyir ro/ / 'jigs shing skrag pa'i bde bas byang chub 'thob par byed pa ma yin no/ /zhe na de yang mdzes pa ma yin te/ sems can ni dman pa dang/ 'bring dang rab kyi dbye ba rnam pa gsum yin no/ de la dman pa dang/ 'bring la 'di dag bstan pa yin gyis rab dmigs pa med pa spyod pa rnams kyis ni 'phags pa chos 'phags bzhin bag tsha ba med par bud med stong phrag drug cu rtsa brgyad dang lhan cig tu 'dod pa'i longs spyod lnga rnams la rol bas/ 'dod pa'i yon tan lnga la longs spyod pas 'od

  177. 89a

    ba ma yin pa'i phyir ro/ /gzhan yang de bzhin gshegs pa'i sku ni chos kyi dbyings la yang dag par gyur bar bstan la/ de yang/ 'dod chags dang bral bar 'gyur ba ma yin zhing/ /bde ba dang sdug bsngal zhes bya ba ni/ ma rig pas yid bslang pa rnams 'di ltar mngon par zhen pa/ de ltar yang skad cig gi ma thang gcig gi bya ba myur du nyams par 'gyur te/ gsal bar byed pa'i zla bas bred par byed pa/ de dag kyang skar mangs kyang gdung bar byed pa bzhin/ kho bo cag ni bred pa yang med pa dga' ba yang med de/ de bas gnyis ka nyams par 'gyur bas/ grang ba yang med cing dro ba yang med do/ /don dam pa kun tu rtog pa med pa'i phyir ro/ /'o na bsgrub bya'i rang bzhin gang yin zhe na/ dbang po gnyis kyi sbyor ba ni/ 'dod chags can gyi 'dul ba'i don du bcom ldan 'das kyis bstan te/ de bas na pha rol tu phyin pa ni thag pa nyid kyi don du gzung bar bya'o/ /las kyi phyag rgya dang bral na/ /phyag rgya chen po yod ma yin/ /rang gi tshig la nyams dga' bas/ /rtog ldan gus par mi 'os te/ /las kyi phyag rgya la sogs kyang/ /med na phyag rgya chen po min/ /zhes gsungs so/ /de bas na las kyi phyag rgya la sogs pa'i sgom pa yang gzod ma nas dag pa nyid de rgyu dang 'bras bu'i bye brag de sems can 'jug pa'i phyir brjod kyi phyag rgya chen po'i bye brag gis/ las kyi phyag rgya la sogs gnas/ /phyag rgya chen po ma rtogs pa/ /nam yang las la sogs pa med/ /de kho na nyid la 'jug pa las kyang/ /las kyi phyag rgya sogs sgom pa/ /phyi ma phyi ma mchog yin te/ /de phyir snga ma spang bar bya/ /bla ma dam pa 'di ltar gnas/ /zhes bstan pa dang/ de kho na dam pa zhes bshad do/ /chad pa ma yin nam zhe na/ de dag ni rig pa mang ste/ rkyen las

  178. 89b

    skyes pa rten 'brel nyid ni skye ba med pa ste/ de yang/ gang zhig rten cing 'brel 'byung ba/ /de nyid rang bzhin med par 'dod/ /de lta bu ni dam chos te/ /de bzhin gshegs pa de dang mtshungs/ /zhes gsungs pa dang/ /gzhan yang gang zhig rten cing 'brel pa mthod ba de ni chos mthong ba ste/ gang gi chos mthong ba de bla na med pa'i sangs rgyas kyi sku mthong bar 'gyur ro zhes gsungs pa dang/ tshangs pa khyad par sems kyis zhus pa theg pa chen po'i mdo las kyang/ /gang gis rten cing 'byung ba shes/ /des ni chos nyid 'di rtags las/ /gang gis chos nyid shes pa ni/ /de kyis stong nyid de rtogs so/ /gang gis stong par shes gyur pa/ /de dag 'dren par mthong ba yin zhes gsungs so/ /rten cing 'brel pa de yang nyams su myong ba ste/ /mdza' yas bde ba'i rang bzhin gyis/ /bde ba chen po'i bdag nyid do/ /de yang yan lag med pa'i rdo rje'i zhal snga nas kyang/ /mdza' yas bde ba'i ngo bo'i phyir/ /dpal ldan bde mchog ces bya'o/ /zhes gsungs so/ /sngon po dang ser po la sogs pa'i rnam pa ma lus pa rnam pa sna tshogs pa ni mi lam dang dri za'i grong khyer bzhin snang ba yin gyis/ rtag pa ni ma yin te/ dngos po med pa'i phyir ro/ /de skad du yang/ rten cing 'brel bar 'byung ba nyid/ /dri za'i grong khyer bzhin du gsal/ /sna tshogs rang bzhin gyis mi gnas/ /nam mkha' i me tog lta bu 'ang min/ /zhes gsungs so/ /de lta bas na lhun gyis grub pa zung du 'jug pa gnyis su med pa'i rgyun rten cing 'brel par 'byung ba sna tshogs pa ni bde ba chen po nyams su myong ba ste/ gzod ma nyid nas rang bzhin med pa nyid du bsgrub par bya'o/ /de nyid kyi phyir gang gang rten cing 'brel par 'byung ba/ /sna tshogs sems ni gnyis su med/ /tha dang stong la sems sna tshogs/ /chos dang longs spyod sprul pa nyid/ /ces

  179. 90a

    gsungs so/ /de la gang zhig gis stong pa nyid 'ba' zhig gam/ chad pa'i rang bzhin nam/ rten cing 'brel par 'byung ba dang/ stong pa tha mi dad pa'am/ rnam pa med pa'am/ rnam bcas sam/ btang snyoms kyi rnam pa can gyi sgom par byed pa de dag gis ni nam yang bde ba chen po'i ngo bo nyid grub pa ma yin te/ dbang po gnyis snyoms par 'jug pa med par bde ba'i rnam pa can nyid mi rtogs pa'i phyir ro/ /de med par ni bde ba chen po'i ngo bo nyid can gyi longs spyod rdzogs pa'i sku 'grub par mi 'gyur ba nyid de/ 'di ltar gang rgya mtsho'i chu rlabs bzhin du/ /phung po dang/ khams dang/ skye mched kyi bye brag thabs dang shes rab bsgoms pas rtogs pa med pa'i bdag nyid chen po'i bde ba'i ye shes rtogs pas de sgom par bya ste/ sgom pa rab phyin na dngos po thams cad kyi ngo bo nyid du gyur pa'i bde ba chen por 'gyur gyi/ gnyen po bsgom pa ni ma yin no/ /de'i phyir las kyi phyag rgya la sogs pa'i ye shes bsgoms pas/ bde ba chen po'i ngo bo nyid kyi yang dag par rdzogs pa'i sangs rgyas 'grub bar 'gyur gyis/ rtog pa thams cad spangs pas bde ba cung zad tsam yang nyams su myong ba ma yin no/ /de bas na rgyu dang mthun pas 'bras bu mthong ba'i phyir ro/ /gzhan yang bde ba'i ngo bo nyid yin du chug na yang/ rnam par mi rtogs pa ni 'dod pa'i yon tan lnga la bag tsha bas/ gnyen po dang/ de kho na nyid dang 'bras bu'i rtog pa ji ltar 'grub par 'gyur/ de yang da gnyen po'i phyogs la mi gnas shing/ /de nyid la yang ma zhen gang/ /'bras bu la ni srid min par/ /phyag rgya chen po de yis mthong zhes gsungs pas/ de ni gdon mi za bar yid brtan pa 'am/ g.yo bar 'gyur yang/ 'dod pa'i yon tan lnga la dogs pa med par brten par bya ste/ de nas nyon mongs

  180. 90b

    pa yang ngo bo nyid yongs su dag pa'o snyam du sems pas/ nyon mongs pa'i 'chid pa'i 'jigs pa med do/ /'di ltar/ byang chub nyon mongs las gzhan min/ /nyon mongs byang chub las mi 'byung/ /'khrul pas nyon mongs rtogs pa ste/ /'khrul pas ngo bo dri ma med/ /ces gsungs pa dang/ de lta bu la ni nyon mongs pa'i glags skabs med de/ rnal 'byor gyi kun rdzob kyi so so skye bo'i kun rdzob la gnod pa'i phyir ro/ /dge ba ni rtag tu goms pas sems can gyi don du/ byang chub sems bskyed pa nyid kyis/ yid bzhin du sems can thams cad kyi mngon par 'dod pa'i don la 'jug par byed pas na/ nyams par mi 'gyur ro/ /gzhan yang rang bzhin med pa la mos kyang/ /gal te 'jigs shing bag tsha ba 'byung na yang/ de'i tshe ji bzhin pa'i don rtogs par mi bya ste/ de yang/ nyan thos rnal 'byor sgom pas gdungs/ /skyon rtogs lus la zon dang ldan/ /theg pa chen po 'jigs shing skrag /nyon mongs lnga dag sngags kyi tshul/ /zhes gsungs so/ /de'i phyir pha rol tu phyin pa'i lugs la de lta de ltar brjod na yang/ las kyi phyag rgya la sogs pa med par de lta bur gyur pa rtog pa dang bral bas yan lag bdun dang ldan pa'i sangs rgyas mngon sum du byed pa ma yin no/ /gzhan yang e ma'o skye bo 'di dag ni phyin ci log gis bcom pas/ rang gi bdag nyid mya ngan las 'das pa'i ngo bo nyid kyi lha'i rang bzhin ma rtogs pa dang/ rab rib can bzhin mngon pa'i nga rgyal can dang/ ji bzhin pa'i lha'i nga rgyal can shing thun rnams dang brtsad par mi rigs kyi snying rje ? 'os so/ /de nyid kyi phyir byang chub sems dpa' rnams ni/ /sems can gti mug chen po'i rab rib kyis bcom pa rnams la rnam par gzigs nas snying rje chen po'i thugs skyes te/ stong pa sna tshogs gzugs

  181. 91a

    'di ni/ /sems can don ni byed pa'o/ /rang gi lus ni lha rnams yin/ /'di lta bu ni cis mi 'dod/ /gro rnams rgyal pa'i bdag nyid ma yin nam/ /rang nyid ngo bo nyid kyi dri ma med pa dag ste/ /'on kyang shin tu byis pa'i tshul can te/ /'dir seng ge phru gu dogs pa chung bas rang gi mthu stobs mi shes na yang/ gzhan pha rol gzhom pa'i nus pa yod pa bzhin/ skye bo zhal gcig la lag pa gnyis dang ldan pa la sogs pa'i tshul gyis/ so so'i skye bo thab tshad? pa ma yin te/ phyag gnyis pa rdo rje can yang ma yin/ /blang zhing dor ba cung zad ma yin te/ /byad kyi rang bzhin legs mthong byang chub yin/ /de ltar skyed pa'i rim pa dang mi 'gal bar rang byin gyis brlabs pa bsgoms? na/ sna tshogs nyid lha'i bdag nyid kyi dkyil 'khor 'khor los lhan cig skyes ba grub pa yin de skad du yang/ klu sgrub kyi zhal snga nas kyang/ 'di ni gzhal yas khang yin khams gsum po min yul min dbang po min te 'byung? ba la sogs? min/ /gzugs la sogs pa ma yin srog chags min zhing mi min rgyal ba ste/ /'khor lo gtso bo chos nyid bdag nyid yin te nges ni dkyil 'khor ba yin la/ khams gsum po 'di sna tshogs 'khor lor shes na sems ni ci ste 'khrul par byed/ /ces gsungs pa dgyes pa'i rdo rje las kyang/ sngags bzlas med cing dka' thub med de sbyin sreg med/ /dkyil 'khor pa med dkyil 'khor nyid kyang med/ /de ni sngags bzlas dka' thub sbyin sreg de/ /de nyid dkyil 'khor ba dang dkyil 'khor nyid/ /mdor bsdus sems su 'dus pa'i tshul can no/ /zhes gsungs pa dang/ gzhan nas kyang/ yan lag kun bsgoms las 'das shing/ /rtog dang brtags pa rnam par spangs/ /gug skyed theg le las 'das pa/ /'di ni dkyil

  182. 91b

    'khor dam pa yin/ /zhes gsungs so/ /de nyid bsgoms pa yis ni gang 'di 'bad pa med par rten cing 'brel par 'byung pa la goms par bya ste/ mnyam par gzhag pa dang mnyam pa las langs pa las kyang/ 'gro ba shin tu rnam par dag par phyin ci ma log par lta ba yin no/ /de yang yan lag med pa'i rdo rje'i zhal snga nas/ gang la sgom pa po med cing/ /rnam par bsgom pa ci yang med/ /bsgom bya nyid kyang yod man pa/ de ni de nyid bsgom par bshad/ /ces gsungs so/ / bcom ldan 'das kyis lang kar gshegs pa las kyang/ /sems dpa' bsam gtan bsam bya dang/ /spong dang bden pa mthong ba dang/ /'di dag rtog pa tsam nyid de/ /gang gis shes pa de grol 'gyur/ /zhes gsungs pa dang/ dpal gsang ba 'dus pa'i rgyud las kyang/ sgom du med pa sgom pa dngos/ /sgom pa nyid ni sgom pa min/ /de ltar dngos po dngos med pas/ /bsgom pa dmigs su med pa'o/ /zhes gsungs so/ /de bas na/ dgos med spyod pa bsam gtan te/ /yod dang med ces mi brjod do/ /rtag tu shar ba'i ro de bzhin/ /rten cing 'brel par 'byung ba'i phyir/ /zhes gsungs so/ /de nyid tshul bas yod pa ru/ /'du shes can la bsam gtan brjod/ /goms pa las gzhan bsam gtan med/ /de phyir bsam gtan 'bad par bya/ /des na las kyi phyag rgya ma rtogs par skye ba med par mngon sum du byed pa bsam gtan zhig ste/ de'i rgyu mthun par bstan pa yang mi nus pa'i phyir/ pha rol tu phyin pa'i theg par nye bar bstan pas de ltar brjod kyang bsam pa rdzogs par mi 'gyur ro/ /'di ltar mngon du de mthong dang/ /mthong dang thos dang de bzhin du/ /smra ba'i tshul la khyad med kyang/ /snga ma'i 'dod pa zad pa yin/ /de kho na nyid de yang rgyal ba'i dbang pos pha rol tu phyin pa'i tshul du lung dang/ rigs pa

  183. 92a

    dag gis gsungs pa'i phyir ro/ /'o na rang rig pa'i sgrub pa'i thabs kyi de kho na nyid ni/ /sngags kyi tshul las mngon du byed pa ma yin nam/ de nyid kyi phyir don gcig yin na yang/ bcom ldan 'das kyis rgyu bstan bcos zhes pha rol tu phyin pa'i theg pa logs su bstan to/ /rdo rje theg pa 'di ni 'bras bu'i bstan bcos te/ 'bras bu ston pa'i phyir ro/ smra mkhas pas gnyis ka la rmongs pa 'byung ngo zhes zer ba de yang/ gang gi phyir dug gi de nyid shes pas dug dang bsres te bza' ba dang/ sbrul gyi rgyan cha byed pa dang/ kha cig dug gis mi tshugs pa bzhin no/ /don dam pa de rtogs pa las gzhan med do snyam pa'i yid can rmongs par mi 'gyur ro/ /de bzhin du lung dang/ rig pa dag gis dug ces bya ba 'di ni ci yang med pa yin yang don med yin pa'i som nyi yod pa'i phyir 'jug par mi 'gyur ro/ /ma rig pa'i dug zhi bar byed pa'i sngags dang bcas pa'i gnyen po med pas/ dug gi rdul myangs nas de las gzhan du 'joms par mi byed do/ /zhes brjod par mi nus so/ /gang yang pha rol tu phyin pa goms pa la kun tu brtags pa dang/ gzhan gyi dbang dang/ yongs su grub pa ste/ mtshan nyid gsum sgom pa'i thabs kyis/ thabs mang po mtshungs so zer ba yang/ brtags na tshul ngan pa nyid de/ dmar na dmus long la gzugs dmigs pa'i nyams su myong bas stong ba la/ mig dang ldan pas phan par bstan par 'dod nas/ gzugs de'i rang bzhin 'di lta bu zhes blo bzod de/ thos pa la sogs pa'i sgo nas mos pas bsgoms kyang/ myur du gzugs mngon du mi byed do/ /de bzhin du pha rol tu phyin pas kyang gang dag rnam pa sna tshogs pa la sogs pa'i skad cig ma bzhi dang ldan pa'i dga' ba bzhi nyams su myong ba dang bral

  184. 92b

    ba'i phyir/ mtshan nyid dang bral ba'i skad cig ma mngon du ma gyur pas/ lhan cig skyes pa'i ngo bo nyid ma shes par mngon par byang chub pa chen po mngon sum du byed par mi nus kyi/ sngags kyi theg pa ni de bzhin gshegs pa'i rnam par dag pas so so'i skye bo'i bag chags dang bral ba'i phyir ro/ /lha'i nga rgyal dang ldan pa'i rnal 'byor dam tshig thams cad la spyad pas ro mnyam pa mngon du byas nas/ phyag rgya bzhi la sogs par sgrub thabs kyi yan lag bdun dang ldan pa'i yang dag par rdzogs pa'i sangs rgyas rang rig pa'i mngon sum du tshe 'di nyid la mngon byed pa'i phyir/ las kyi phyag rgya la sogs pa'i bdag byin gyis brlabs pa mi ? mang ba'o/ /bcom ldan 'das kyis kyang thabs gzhan gyis ni sangs mi rgya zhes gsungs/ /gsang ba'i mdzod kyi mdo las kyang/ rdo rje sems dpa' nyon cig dang/ gsang sngags kyi theg pa mchog gi dbang bskur ba gsang ba chen po 'das sangs rgyas thob par nus kyi/ theg pa gzhan gyis ni bskal pa grangs med pa bye bas kyang sangs rgyas thob par mi 'gyur ro/ /zhes gsungs so/ /sangs rgyas thams cad mnyam par sbyor ba'i rgyud las kyang/ /bskal ba bye ba grangs med kyis/ /sangs rgyas kun dngos mi 'thob ste/ /phyag rgya 'di yi cho ga yis/ tshe 'di nyid la 'thob par 'gyur zhes gsungs te/ de'i dgongs pa ni 'di yin te/ gzhan gang gis kyang sangs rgyas tsam las/ yang dag par rdzogs pa'i sangs rgyas ? pa ma yin te/ phyag rgya chen po bde ba'i ngo bo nyid kyi kha sbyor med pa'i phyir te/ 'jam dpal la sogs pa'i byang chub sems dpa' chen po rnams kyi ye shes kyi ros longs spyod rdzogs par 'gyur pa'i longs spyod pa'i sku mi 'thad pa'i phyir ro/ /stong pa nyid dang snying rje sbyor ba ni ba sbyor ma yin/ bskyed pa'i rim pa tsam gyis sam/

  185. 93a

    de lta bu la sogs pa yis/ /rang rig pas stong pa nyid du bde ba'i rnam pa can gyi ye shes dbang po gnyis sgoms par 'jug pa las skyes pa bzhin du/ gang las kyang myong bar mi 'gyur ba'i phyir ro/ /de'i phyir na goms pa med pa'i de kho na nyid kyis/ bde ba chen po'i bdag nyid rdo rje sems dpa' i go 'phang mi mthong ba'o/ /des na 'dod chags chen po'i tshul 'dir rdo rje sems dpa' 'grub par bya ba'i phyir kha sbyor bstan pa yin no/ /de nyid kyi phyir sangs rgyas nyid 'dir khyad par yod pa'i phyir rdo rje 'chang zhes bya'o/ /'o na pha rol tu phyin pa'i tshul la yang longs spyod rdzogs pa'i sku 'grub pa ste/ 'phags pa mgon po byams pas de gsungs pa/ mtshan mchog sum cu rtsa gnyis dang/ /dpe byad bzang po'i bdag nyid 'di/ /theg chen nye bar longs spyod phyir/ /thub pa'i longs spyod rdzogs skur bzhed/ /ces bya ba'ang gsungs pa 'di yod pa la ci lto zhe na/ kho bo ni longs spyod rdzogs pa'i sku 'gegs pa ni ma yin gyi/ yang dag par rdzogs pa'i sangs rgyas med pa yang ma yin te/ gang yang 'gro ba 'di dag sangs rgyas 'gyur/ /'di na snod dang mi ldan gang yang med/ /ces gsungs pa'i phyir ro/ /gzhan yang 'khor gsum mi dmigs pa'i sbyin pa'i pha rol tu phyin pa la sogs pa rnams la goms pas sa thob nas bskal pa grangs med pa gsum gyis sa bcu'i bar bsgrubs nas/ rang bzhin med pa mngon sum du byas nas/ bsod nams dang ye shes kyi tshogs bsags/ rtsed mo tsam du sangs rgyas kyi dngos po brten te/ yang dag par rdzogs pa'i byang chub 'thob pa'i phyir dus mi ring bar nus par 'gyur ro/ /de bzhin gshegs pa thams cad byon nas/ rjes su 'dzin par mthong nas/ de dag las kyi tshul gyi nye bar bstan pa thob ste/ se gol

  186. 93b

    gtogs pa'i yud tsam gyis yang dag par rdzogs pa'i sangs rgyas mngon du byed pa yin no/ /sngags kyi theg pa ni mtshams med pa lnga byed pa yang rigs la sogs pa'i rkyen dang ldan na yang/ de'i dge ba'i bshes gnyen dam pa brten pa las / las kyi phyag rgya'i thabs kyis ji bzhin pa'i don bsgrubs nas/ ji bzhin pa'i man ngag can sdig pa mi dge ba'i las spangs pa des/ dge ba spyad pa dang thabs la mkhas pa'i khyad par gyis/ se gol gtogs tsam gyi sbyin pa la sogs pa bla na med pa'i bsod nams kyi tshogs rdzogs te/ tshe 'di nyid la sangs rgyas nyid rdo rje 'chang nyid thob par 'gyur pa ni khyad par ro/ /de skad du dgyes pa'i rdo rje'i rgyud las kyang/ /mtshams med lnga po byed pa dang/ /srog chags gsod la dga' ba dang/ gzhan yang skye ba dman pa dang/ /khro zhing rmongs pa'i skye ba gang/ /gzugs ngan yan lag mtshang bar/ /des kyang bsgoms na skye bar 'gyur/ /zhes gsungs pa dang/ rdo rje a ri la las kyang/ /'dod chags zhe sdang gti mug kyang/ /theg pa che la longs spyod 'gyur zhes gsungs so/ /yang de nyid las theg pa chen po 'di ni 'di lta bu ste/ rgyu dang 'bras bu'i dngos po pha rol tu phyin pa'i theg pa dang/ sngags kyi theg pa gnyis bstan to zhes gsungs pa ste/ theg pa gnyis ka de kho na nyid la spyod do zhes bya bar dgongs so/ /sbyin pas sa dang po rab tu dga' ba la gnas so/ /zhes bya ba la sogs pa bstan pa'i phyir/ pha rol tu phyin pa drug goms pas de dang de thob par gyur nas phyir mi ldog pa 'grub par 'gyur te/ myur du bla na med pa yang dag par rdzogs pa'i sangs rgyas 'grub par 'gyur ba nyid do/ /dang po sa ni mchog tu grub pa zhes gsungs pas/ pha rol tu byin pa'i theg par bstan pa'i phyir/ pha rol tu phyin pa'i theg pa chen pos de las

  187. 94a

    spyod pa 'grub par ci'i phyir mi 'gyur zhe na/ de lta na ni ma yin te/ yin du chug kyang de lta bu de yun ring por 'gyur la/ de ltar mi 'gyur ba yang srid pa ste/ las kyi phyag rgya la sogs pa bde ba chen po sgrub pa'i thabs dang bral ba'i phyir dang/ de dag gis sa thob pa yang theg pa dman par ltung ba srid pa'i phyir ro//de ltar na yang bcom ldan 'das kyis rgyal po'i sras kyis thob kyang/ bla brtan pa ni ma yin te/ /ji srid sa brgyad pa yi bar/ /de dag theg pa dman pas 'jigs/ /gsang ba'i 'khor lo chen po 'dir/ /zhugs pa'i rgyal ba'i bdag nyid gang/ /theg pa chen po la zhon nas/ /dbugs phyin pa ru gyur pa yin zhes gsungs so/ /de'i phyir gtso bo ma yin par 'gyur ba'i thabs cung zad tsam gyis las kyi phyag rgya la sogs pa khyad par can gyi thabs dang bral nas/ /thabs med la gnyis ka la mtshungs pa ma yin no/ /de kho na dka' ba med par gang 'di 'dod pa'i yon tan lnga la longs spyod pa nyid kyis yun mi ring bar rdo rje 'chang gi ngo bo nyid 'bras bu chen po 'thob par 'gyur ba'i phyir/ /dka' thub brtul zhugs kyis brtul bas/ /sdug bsngal gyur nas lus skams te/ /sdug bsngal nyid kyi sems g.yengs te/ /g.yengs pas byang chub gzhan du 'gyur/ /zhes gsungs pa dang/ gzhan nas kyang/ dka' thub dka' spyod drag po yis/ /bsten na 'grub par mi 'gyur te/ /'dod pa lnga la longs spyod cing/ /bsten na myur du 'grub par 'gyur zhes gsungs pa dang pha rol phyin pa'i tshul la yun rings dka' bas 'bras bu smin/ /sngags tshul dka' ba med par myur du byang chub 'thob par 'gyur zhes bstan pas so/ /chos thams cad ngo bo nyid kyis rnam par dag pa'i snyam du rtogs pa de yang ras

  188. 94b

    rig ma rtogs pa med pa la/ rang rig pa yang bde ba chen po'o zhes bya zhing/ de yang sngags kyi bstan bcos nye bar bstan pa ma rtogs par nam yang 'byung bar mi 'os te/ shin tu spros pas chog go /dbang po rnon po ni sngags kyi theg pa 'di la so so skye bo nyid kyis kyang sngags kyi de kho na nyid rtogs par nus te/ dgyes pa'i rdo rje dang 'jam pa'i rdo rje la sogs pa'i nga rgyal la gnas pa slob bzhin pa'i gnas skabs su yang/ de lta bu la bstan par 'gyur ba srid pa'i phyir/ rgyu dang 'bras bu 'dus par byas nas phyir mi ldog pa thob par 'gyur ro/ /gang gi phyir pha rol tu phyin pa'i theg pa'i rjes su 'brang ba rnams ni sa brgyad pa nyid la ni phyir mi ldog pa ste/ de skad du phyi nas sa brgyad pa la ni/ dogs pa ldog par 'gyur ba yin zhes gsungs so/ /pha rol tu phyin pa'i theg pa la ni de lta bur 'gyur ba nyid yin na zhes zer yang/ de lta bu nyams su myong ba med pa'i phyir/ so so'i skye bor 'gyur ba las phyir mi ldog par zhes brjod par mi nus te/ 'di ni ji srid dus brgyad pa mthar thug pa'i dbugs phyin pa ma yin no zhes bstan pa'i phyir ro/ /grogs dag nyon cig theg pa chen po bas/ /gal te yul la spyod kyang mos la skrag /e ma'i 'khor ba 'di dag kun/ /yul gyi ngo bo rtog pa nyid kyis su/ /de bzhin nyid kyi de dag rnam dag pa/ /yin nam snyam du de dag dran byed kyang/ /dpe'u 'gu 'dzi'i phung po la re bzhin/ /'jigs pas nyug par byed cing snyom pa yin/ /gang yang chos thams cad skye ba med pa dang 'gag pa med par mos pa'i dbang po rnon po yod do zhe na/ de ma yin te/ rdo rje theg pa'i man ngag med na mi rung ba'i phyir shin tu rgyas pa 'dis chog go /gang yang 'phags pa chos 'phags sa bcu thob pa la 'dod pa nye bar longs spyod pa bag tsha ba med par smra ba 'di ni rig pa kho na yin

  189. 95a

    te/ 'dir ni de bzhin du khyad par can gyi thabs yod pa'i dbang gis slob bzhin pa khyad par du 'gyur ro/ /gzhan slob pa'i dbang du byas nas lam stobs can dang stobs med pa dpyod pa'i skabs su byang chub sems dpa' sa bcu pa'i dbang phyug dper byed pa ni/ rig pa med pa kho na'o/ /gzhan yang de bzhin nyid tsam la brten nas theg pa chen po'i don gang smras pa de ni rig pa med pa ste/ sngags kyi de kho na nyid khong du chud pa ma rtogs par de mngon par byed pa med pa'i phyir ro/ /de yang dngos po thams cad stong pa nyid du mi 'dod pa su zhig yod/ dngos po kun gyi ngo bo 'di/ /so sor rtogs pa dka' ba yin zhes gsungs/ /gang yang bde ba dang sdug bsngal ba'i rtog pa dang bral ba zhes zer ba de ni bden te/ kho bo cag ni mchog dang dga' bral dag gi dbus su rang gi rig pa grub pa la/ sdug bsngal lam bde bar rtogs pa ma yin no/ /bcom ldan 'das kyis kyang/ 'dod chags ma yin chags bral min/ /dbu mar dmigs par mi 'gyur te/ /gsum po spangs pa de nyid ni/ /lhan cig skyes pa'i byang chub 'dod/ /ces gsungs so/ /'on kyang kun tu rtog pa med pas rang rig rten cing 'brel par 'byung ba grub pa yang med do zhes gang smras pa de mngon sum du 'gal ba ste/ chad par smra bar thal bar 'gyur ba'i phyir ro/ /de skad du yang/ rang rig ma rtogs ye shes su/ /gal te spyod par byed na ni/ /sangs rgyas ye shes dag pa min/ /de dag mkhas pas spang bar bya/ /zhes gsungs so/ /dpal mnga' bsnun gyi zhal snga nas kyang/ /rtog pa zhi bas blo de'ang zhi bar 'gyur/ /blo gros dman pa kha cig smra zhes grag /blo bzangs nyid ni blangs nas ci yang rung/ /mkha' las lhag par ci ste mi 'gyur ro/ /rtog pa thams cad bcos pas gyur pa'i blo/ /gang

  190. 95b

    yin de ni bde ba dam par gsal/ /de ni bya ba byas pa mkhas pa ste/ /gzhan pa gang de rkang gnyis phyugs yin no zhes gsungs so/ /gzhan dag 'dod chags kyis 'dul ba gang yin pa'i don du 'di bstan gyi/ de kho na nyid ma yin no zhe na/ de ni sangs rgyas pa'i tshig ma yin no/ /'dod chags can 'dul ba'i don du ni 'dod chags chen po bstan par mi rigs te/ de dag gi 'dod chags zhi bar bya ba'i phyir/ mi sdug par bstan pa ma yin nam zhe na/ 'dod chags 'dod pa zhi bya'i phyir/ /gtso bo mnyam par dgod par mdzad/ /chags bral chags pa dar ma la/ /'dod chags tshan po 'joms pa yin/ /de yi theg pa ni gcig nyid de/ /gang 'di theg pa chen po'o/ /bstan pa yang ni gcig bu ste/ /gang 'ang 'dod chags chen po bstan pa'o/ /de skad du yang/ bcom ldan 'das kyis/ gang phyir theg pa gcig cir tshul yang gcig /'dren pas bsten pa 'di yang gcig pa ste/ /gang yang thag pa gsum du bstan pa ni/ /nga yi thabs la mkhas pa'i rang bzhin nyid ces gsungs pa dang/ gzhan yang/ ji srid sems ni 'jug pa'i bar/ /theg pa'i mdza' la thug pa med/ /sems ni yongs su gyur pa ni/ /theg pa med cing 'gro ba'ang med/ /ces gsungs so/ /gzhan yang nor bu dang sngags dang// sman gyi mthu bsam gyis mi khyab ste/ /mtshams med pa lnga'i las byed pa yang/ gang zhig thob nas/ tshe 'di nyid la mchog gi dngos grub thob par 'gyur te/ bde ba'i lha bzhin du 'gyur ro/ /lam 'di ring du bgrod pa ste/ /rtog ge skam po'i bya dag gi/ blo yi rgya mtsho pha rol 'gram/ /mdza' yas mthong nas song ba ldog /blo yi yul min de kho na/ /skye ba med pa rkyen las skyes/ /sna tshogs de ni rang rig ste/ /bla ma dam pa med par min/ /gsang sngags theg pa 'di la ni/ /bla?

  191. 96a

    ma dam pas skya ba 'dzin/ /de ltar kho bos skye bo dag /nyon mongs rgya mtsho rgal bar mthong/ /de la sngags kyi theg pa chen po bstan pa ni gnyis te/ bskyed pa'i rim pa dang/ rdzogs pa'i rim pa'o/ /bskyed pa'i rim pa la rnam pa gnyis te/ phyi rol bskyed pa'i rim pa dang/ zab mo bskyed pa'i rim pa'o/ /rdzogs pa'i rim pa la gsum ste/ rdzogs pa dang/ yongs su grub pa dang/ ngo bo nyid kyi rim pa'o/ /rnam pa lnga po de dag ni rim pa gnyis su so sor mngon par sbyor ro/ /de la bskyed pa'i rim pa ni bdag med ma gsal ba las bstan pa ste/ ji skad du gsungs pa'i bdag med ma'i 'khor lo bsgom pa yang/ bla ma dam pa'i zhal snga nas kyi bka' drin las khong du chud par bya'o/ /de yang gzhung mangs kyis dogs pas ma bris so/ /rdzogs pa'i rim pa gang zhe na/ de yang bcom ldan 'das kyis 'dod pa na spyod pa'i lha rnams kyi don du/ dgod pa dag la slob dpon ste/ /de bzhin lta ba gsang ba nyid/ /lag bcangs pas ni shes rab ste/ /de yang gnyis 'khyung rgyu yin no/ /zhes gsungs pa gang yin pa dang/ gzhan nas kyang dbang bskur ba drug ni/ /de bzhin gshegs pa'i dbugs dbyung ba'o zhes gsungs pas/ phyi rol bskyed pa'i rim pa'o/ /zab mo'i rim pa ni/ las kyi phyag rgya ma'i ye shes ni/ rdo rje 'dzin pa'i dbugs dbyung ba'o/ /rdzogs pa'i rim pa ni/ chos kyi phyag rgya ste/ ngo bo nyid kyi bde ba gang thob pa/ /de nyid 'di yin zhes pas mthong ba'i shes pa gang yin pa'o/ /skad cig la dmigs pa med pa'i snying rje chen pos mngon sum du byed pa'i phyir/ gzung ba dang/ 'dzin pa nyams na/ mchog tu bde ba nyid du brjod do/ /sngon po la sogs pa'i rnam pa can gyi chos rnams thams cad kyi phyag rgya ni sdom pa ste/ ro gcig pa'o/ /ngo bo nyid ma yin pa

  192. 96b

    yang ngo bo nyid kyi rang bzhin yin pas/ chos kyi phyag rgya zhes brjod do/ /dga' ba la sogs pa'i rnam par gzhag pa yang/ 'dir dge ba'i bshes gnyen dam pa bsten pa las shes par bya ste/ bla ma dam pa'i zhal snga nas kyang/ las kyi phyag rgya rnam pa sna tshogs zhes bya ba la sogs pa bstan to/ /dam tshig gi phyag rgya ni yongs su grub pa'i rim pa ste/ sems can gyi don bya ba'i phyir/ shes rab dang thabs kyi bdag nyid mtshan sum cu rtsa gnyis la sogs pa'i yon tan thams cad rang ldan pa'i dgyes pa'i rdo rje dang/ 'jam pa'i rdo rje la sogs pa'i rnam pa can gyi longs spyod rdzogs pa dang/ sprul pa'i sku dang/ dkyil 'khor 'khor lo'i rang bzhin du gsal ba gang yin pa de ni dam tshig gi phyag rgya ste/ dga' ba la sogs pa ni las kyi phyag rgya bzhin bla ma dam pa'i man ngag las rtogs par bya'o/ /de yang las kyi phyag rgya nyid bzhin du zhes bya ba la sogs pa gsungs so/ /ngo bo nyid kyi rim pa yang gang kun tu bzang por gyur pa ste/ bsam gyis mi khyab pa'i bsod nams dang ye shes kyi khyad par las/ bla ma dam pa'i man ngag gi 'bad pa med par skad cig ma gcig la mngon par byang chub pa'i rnam pa thams cad mkhyen pa nyid do/ /'di phyag rgya chen po zhes brjod do/ /chen po yang yin zhing/ phyag rgya thams cad la rgyus 'debs pa'i phyir ro/ /de nyid kyi phyag rgya 'dis rgyas btab pas thams cad kyis kyang phyag rgya chen po'i go 'phang 'thob pa yin no/ /bcom ldan 'das kyis kyang gsungs pa/ lhan cig skyes pa brjod du med ces gsungs so/ /phyag rgya chen po brtag tu med pa'i ngo bo nyid yin gyi/ lung bstan par sla ba ni ma yin pas 'dir dpyad par mi bya'o/ /blo yis dpyad nas de 'di'o zhes/ shes rab rgyal bas kyang mi dpyod do/ /'on kyang

  193. 97a

    de yi bdag nyid ni/ /de nyid 'di yin snyam du gsal ba ni/ /blang dang dor bas stong pa'i phyir/ /bdag cag lta bus mi brtan pas/ /bskal pa bye ba brgyar brtags kyang/ /mi rtog ji ltar rnam rtog pa/ /byang chub nye ba ring bar 'gyur/ /dpyod pa min pa'i ngo bo nyid/ /chos nyid de bzhin nyid sna tshogs/ /rnam pa kun gyi mchog ldan pa/ /snying rje bdag nyid blangs pa ni/ /stong nyid snying rje dbyer med pa/ /byang chub bla ma bsten pa las/ /de phyir bla ma dam pa'i zhabs/ /pad ma nyid las 'bab brten dang/ /dngos por 'khrul pa'i mun pa ni/ /nyi ma brgya yi 'od bzhin 'jam/ /dge ba'i bshes gnyen dam pa'i zhabs kyis ni/ /pad+ma'i rdul gyi bka' drin nyid thob pas/ /mngon sum pa yi lam son ji lta bzhin/ /thos pa'i lam las gnas pa gang yin pa/ /srid dang zhi ba ro mnyam rang rig de la bdud/ /ma 'ongs pa yi de bzhin gshegs pa nyid ni bdag gis bya ba'i phyir/ /gang gi sems nyid glog gi 'od bzhin gsal gyur ba/ /dge ba'i lus can brten bya de yi zhabs kyi pad+ma gnyis/ /rab tu gus pas thab cig tsam yang spyi bos len ba yin/ /bla ma'i zhabs kyi rdul ni rin chen 'od 'bar ba/ /yid kyi mun pa 'joms par skad cig tsam gyis byed/ /rnam ba thams cad kyis brgyan de bzhin nyid 'di ni/ /'jig rten 'di dag kun gyis nye bar mthong gyur cig /theg pa chen po'i gsang sngags thams cad dang 'brel ba/ /bla ma dam pas bstan pa nyams su myong ba ni/ /gang zhig bdag gis bstan pas dge ba bsags pa des/ /'gro ba thams cad rgyal ba mchog gi go 'phang thob par shog /shes rab ye shes gsal ba 'di/ /sems can kun la phan don du/ /dam pa'i lam ni thob bya'i phyir/ /mkhas pa pad+ma rdo rjes byas/ /shes rab ye shes gsal ba zhes bya ba/ /mkhas pa

  194. 97b

    chen po de ba tsan+d+ra'i zhal? lnga nas mdzad pa rdzogs so// //paN+Di ta badzra pA Ni dang/ lo tsA ba d+harma kIrt+tis bsgyur ba'o// (//gnas pa bsdus pa dpal lhan cig skyes pa'i rdo rjes mdzad pa bzhugs//) //*/ /rgya gar skad du/ s+thi ti sa mu ts+tsha ya/ bod skad du/ gnas pa bsdus pa/ bcom ldan 'das dpal 'jam pa'i rdo rje la phyag 'tshal lo/ /mdo sde bye brag smra rnams rig /dbu ma'i rim bzhin gsal ba yi/ /chos dang gang zag bdag med la/ /btud de de nyid bshad par bya/ /kha cig gang zag ces bya smra/ /rtag min mi rtag ma yin zer/ /nam mkha' dang ni 'gog pa gnyis/ /'dus ma byas gsum rtag pa yin/ /'dus byas thams cad mi rtag ste/ /'gro ba phung po lnga bdag nyid/ /srid pa sdug bsngal bden pa ste/ /de ni 'bras bu shes par bya/ /rgyu ni kun 'byung bden pa ste/ /las dang nyon mongs bdag nyid do/ /bden pa de gnyis zag bcas te/ /phyi ma gnyis ni zag pa med/ /las dang nyon mongs yongs zad nas/ /shin tuAng 'gog par gyur pa na/ dam ba'i rnam thar mngon sum don/ /zhi ba sdug bsngal zad pa yin/ /'phags lam yan lag brgyad de ni/ /goms pas nges par 'byin pa'i mchog /yang dag bstan pa la sogs zhes/ /yan lag brgyad lam thub pas gsungs/ /de nyid nyan thos mya ngan 'das/ /rang sangs rgyas kyi bsgom pa yang/ /lung bstan pa la mi ltos par/ /rang gi sngon gyi smon lam gyis/ /don mngon byas nas mya ngan 'das/ /lhag mar bcas pa'i lus 'dis su/ /bdag nyid chen po de kun nas/ /bdag dang gzhan don nus pa nyid/ /rang gi 'dod pas bstan nas su/ /mar me ltar yongs mya ngan 'das/ /'di ni 'bring po'i sangs rgyas te/ /bye brag smra ba'i gnas pa'o/ /phung po khams dang skye mched rnams/ /'dus byas thams cad skad cig ma/ /de dag bdag med

  195. 98a

    pa ru ni/ /yang dag shes pa'i yul du byas/ /dam pa'i shes pa gnyis kyi tshul/ /mngon sum dang ni rjes dpag ste/ /yul gyi rang gi mtshan nyid la/ /mngon sum lkog tu gyur pa'o/ /yul dang dus ni nyi tshe ba// phra rab rdul dang skad cig mas/ /don gyi bya ba nus pa'i phyir/ /de nyid don dam dngos po yin/ /nam mkha' la sogs lta zhog gi /bya ba'i don kun 'dod pa yis/ /tshad ma'i yul du byas nas su/ /de nyid 'dir ni yongs su brtag /'di ltar bum pa la sogs gzugs/ /rtag tu don gyi bya byed pas/ /so so'i skad cig de nyid la/ /rang gi dngos po nyid byed pa'o/ /bya ba'i don cig byas nas ni/ /de nyid byed pa ma yin la/ /byed pa byed par mi sbyor te/ /byas na de nyid gzhan du 'gyur/ /snga ma'i rang bzhin rnams kun tu/ /skad cig gzhan gyi rjes mi 'jug /skad cig ma yi rgyun 'dra bas/ /mngon shes la sogs so sor gnas/ /da lta mngon sum gyur pa'i don/ /yongs su spyod pa de bzhin yang/ /de ni rnam par gcod pa ste/ /mngon sum las byung bsgom pa yin/ /snang ba rnam par nyams nas ni/ /rgyud gzhan dgos pa ma yin te/ /bskyed pa gzhan ni 'jigs pas na/ /rang rig rgyu yi nyams par 'gyur/ /phra rab rdul ni 'dus pa las/ /rags pa'i gzugs su mthong ba yi/ /lus la shing dang sa la sogs/ /rags pa cung zad gcig pa min/ /ji ltar de bzhin bde dang sdug /bum pa la sogs so sor ro/ /gcig la bskyod dang dmar bas so/ /kun bskyod pa dang dmar por 'gyur/ /gcig la g.yogs par gyur pa yis/ /lus kun khyab 'gyur de bzhin no/ /'on kyang cha shas bskyod sogs pas/ /yan lag can la min zhe na/ /yan lag can nyid mi bskyod na/ /ji ltar yul gzhan thob par 'gyur/ /rdul phran 'dus par phyi rol gyi/ /snang ba skad cig gang yin pa/ /shes

  196. 98b

    pa rang gi rnam pa ni/ /skyes pas yul nyid thob par 'gyur/ /de nyid tsam gyi spyod yul gyis/ /thams cad mkhyen pa thob min te/ /tshogs pa gcig la rag las pas/ /rgyu ni dbang po dang mnyam 'gyur/ /phye dang ma phye rnam rtags pas/ /shes pa'i bye brag skyes don med/ /bems po sems min rnam brtags pas/ /kun nas skye ba yod ma yin/ /'phags pa'i bden pa bzhi po yang/ /'di la blo dang ldan pas bsgom/ /yang dag rdzogs pa'i byang chub sems/ /tshogs ma rdzogs na yod ma yin/ /mngon du byed pa mi bya ste/ /byas na theg pa dman par 'gyur/ /zab mo'i rim la goms pa yis/ /byang chub rtsa ba snying rje yin/ /snying rje rtsa ba rab sbyor bas/ /bye brag smra ba'ang de bzhin te/ /theg chen rim pas goms pa yis/ / rdzogs pa'i byang chub ces mi 'gyur/ /gzhan du mdo sde rtogs pa yi/ /blo de ji ltar theg chen yin/ /gang phyir dbu ma dang bral bas/ /de la'ang sangs rgyas yod ma yin/ /gnas pa tsam gyi bye brag gis/ /theg pa nges pa med pa'i phyir/ /shes rab 'ba' zhig dgra bcom dang/ /dbu ma bas kyang mthong ba'o/ /theg chen snying rje sbyor ba las/ /sbyin sogs lam ni lhag par 'gyur/ /sdug bsngal la sogs bden pa rnams/ /gnas pa'i dbye ba gzhan du 'gyur/ /gal te chung ngu 'bring sogs pa'i/ dbye ba phye ste rab brtags nas/ /de ni so so rnam pa dgu /de ni theg pa gnas par phye/ /mdo sde pa'i gnas pa bsdus pa'o// //rdul phran cha shas med pa'i phyir/ /phan tshun yang dag sbyor ba med/ /thams cad 'brel med bdag nyid pas/ /rags pa cung zad tsam yang med/ /dbang po las 'das rang rgyud pas/ /'dus pa yang ni de bzhin no/ /gal te rags pa'i chos kyi don/ /shes pa ji ltar dngos med 'gyur/ /phye dang ma phye rab brtags pas/ /don gyi chos de med pa ste/ /phra

  197. 99a

    mo'i dbye ba phye ba ni/ /rdzas de ji ltar rags pa yin/ /dngos dang dngos med 'gal bas na/ /phye dang ma phye gcig pa med/ /'gul dang mi 'gul sogs skyon pas/ /gcig la'ang cha shas yod ma yin/ /phyogs dang snam sogs bye brag gis/ /bsgrub pa'i don la nges pa med/ /gang phyir 'di don dngos med de/ /rmi lam gzugs brnyan la sogs bzhin/ /sngon po la sogs don med phyir/ /rnam par shes pa 'thad ma yin/ /sna tshogs rnam par snang bas na/ / ji srid sngo sogs gcig pa min/ /phan tshun 'thad pa ma yin pas/ /rnam shes sna tshogs ma yin no/ /bag chags stobs kyis bzung ba dang/ /'dzin pa lta bur phye ba'i phyir/ /snang ba'i bye brag sngon po sogs/ /bden min 'khrul pas rnam pa med/ /'gro ba rnam rig tsam du ni/ /de bzhin bcom ldan 'das kyis gsungs/ /de ltar bus pas rnam brtags pa'i/ /bag chags kyis ni dkrugs pa'i sems/ /don du rab tu snang bar 'jug /rnam pa med par mos pa yin/ /gsum po dmigs pa med pa ste/ /sbyin dang tshul khrims bzod brtson 'grus/ /so sor 'khor gsum rtsa gcig bya/ /thos dang bsam pa las byung dang/ /bsgom pa las skyes shes rab ni/ /bsam gtan las skyes rnal 'byor gyis/ /zhi gnas dang ni lhag mthong ngo/ /bcom ldan 'das kyis de gsungs pa/ /sems tsam la ni brten nas su/ /phyi rol du ni mi rtag go/ de bzhin nyid la gnas bcas nas/ /sems tsam las kyang 'da' bar bya/ /sems tsam nyid la 'das nas su/ /snang ba med las 'da' bar bya/ /snang med gnas pa'i rnal 'byor pa/ /des ni theg pa chen po mthong/ /'jug pa lhun gyis grub cing zhi/ /smon lam rnam par dag nas ni/ /ye shes dam pa bdag med pa/ /snang ba med pa mthong ba yin zhes gsungs

  198. 99b

    so/ /sna tshogs gsal ba de nyid kun tu brtags pa sdug bsngal te/ /kun 'byung gis ni bag chags gzhan gyi dbang gi rang bzhin no/ /sbyin pa la sogs lam nyid yongs su rdzogs pa 'gog pa ste/ /rdzogs par yongs su grub pa rnams med rnam par rig pa tsam/ /rnal 'byor spyod pa'i lam rnam pa med pa'i gnas pa bsdus pa'o// //gang gang cung zad snang ba ni/ /de de sems la shin tu gsal/ ji ltar de bzhin rmi lam sems/ /gzugs la sogs pa so sor snang/ /ji ltar so sor snang ba'i sems/ /bag chags la ni rnam gnas pa/ /ci ste don med rnam shes ni/ /ji ltar gzhan las shes par 'gyur/ /don gyi snang ba'i phyi rol na/ /bse ru lta bur thub pas gsungs/ /gzung dang 'dzin pa stong par ni/ /snang med pa dag 'dod pa yin/ /rnam shes so sor snang bas na/ /sngon po la sogs don med de/ /de phyir kun gyi rnam pa bsgom/ /mi rtog snying rje chen po yin/ /kun 'byung bag chags bstan pa ni/ /sbyin pa la sogs bag chags spangs/ /sdug bsngal thams cad 'gog pa yang/ /sna tshogs gnyis su med pa mthong/ /rnam pa kun gyi mchog ldan pa'i/ /gzung dang 'dzin pa stong pa nyid/ /gsal bar byed pa'i chos sku las/ /longs spyod rdzogs dang sprul pa 'phro/ / gzung ba la sogs med pa'i dngos/ /snang ba'i bag chags yod ma yin/ /de bzhin gnyis ka yang ma yin/ /gzugs las gzhan du mi brtag go /mdza' bzhi las ni rnam grol ba'i/ /dngos po 'di ni med pa min/ /rnam par mi rtog rang bzhin yang/ /ye shes rang rig nyams myong yin/ /rnal 'byor spyod pa'i las rnam pa dang bcas pa'i gnas pa bsdus pa'o// //mu stegs sangs rgyas par ma btus/ /gsum ni med par mi 'dod pas/ /lags shing mdzes

  199. 100a

    pa dam pa'i chos/ /med par gnas pa'i sdig pa yin/ /dbu ma chen po'i rang bzhin nyid/ /gnas pa thams cad rnam spangs pa/ /btud de gnas pa zad byed nyid/ /lung dang rig pas bshad bar bya/ /khams rnams nyid las grub pa gang/ /rkyen las skyes pa skad cig ma/ /gcig dang dum dang bral bas/ /de nyid dngos po med pas yin/ /de yang lus la rkang lag dang/ /mgo dang rgyab sogs phye ba las/ /lag pa la sogs gcig kyang med/ /so sor phye bas byung ba yin/ /ji srid de yi cha phye ste/ /rdul phran rnam par dpyad pa ni/ /lus po nyid na bshad pa las/ /rten dang brten pa la sogs shes/ /gcig gi dngos po bkag pas na/ /du ma 'ang yod pa ma yin no/ /rmi lam dang ni mnyam gnas par/ /sngon du bkag pa nyid kyi min/ /shes pa'i rang bzhin med pa'i phyir/ /rig pa nyid dang 'gal ba min/ /gang phyir spyi yi gtan tshigs kyis/ /brjod pa dam pa'i chos yin no// //kun rdzob don byed nus pa yi/ /sna tshogs 'di ni rang bzhin med/ /de ni shes dang shes bya nyid/ /kho bos ci zhig yongs su brtag /gzugs sogs so sor snang ba la/ /de nyid rnam par shes pa la/ /de ltar sgrub thabs lta byas te/ /blo ldan rig pas mi 'grub med/ /kun rdzob du ni skye ba gang/ /de ni skye ba med pa'i don/ /de phyir skye ba med pa'i sems/ /rang bzhin med pa'i phyir bzhin no/ /skye ba grub pas yod pa yin/ /yod pa yin pas med pa'ang med/ /rgyu yi dngos po med pas na/ /rang bzhin gzhan las skye ba min/ /ji ltar gzugs brnyan 'byung ba ltar/ /bden min brdzun pa ma yin gzugs/ /de nyid chos rnams thams cad de/ /rang bzhin rig pa rnams kyi lugs/ /'dus pa mkhar dang gos la sogs/ /brtsams pa kun rdzob dngos po ste/ /'di ni

  200. 100b

    rang bzhin ma skyes pas/ /'dus pa nyid kyang de bzhin no/ /de phyir bcom ldan 'das nyid kyis/ /'gro ba 'di dag ming tsam gsungs/ gzhan gyis smras pa 'di dag kun/ /bdag gis legs par brjod pa yin/ /phyogs ni snga mar brjod pa dag /de yi blo gros bsal nas su/ /rang gi phyogs ni bdag gis bshad/ /ji ltar me long la gzugs brnyan/ /gcig dang gzhan nyid spangs pa ltar/ /snang las gzhan na yod min te/ /de ltar dngos po'i rang bzhin no/ /'jig rten sgyu ma rmi lam bzhin/ / rgyu dang rkyen ni rnam par spangs/ /rtag tu rgyu med par snang pas/ /rnam par rtog pa mi 'jug go /gang la dngos po yod min pas/ /sems tsam du ni rtogs par bya/ /ji ltar dngos po med pa'i sems/ /sems tsam du ni rigs pa min/ gzung dang 'dzin pa'i bye brag gis/ /gal te sems ni 'jug pa ni/ /'jig rten pa yi sems 'di dag /sems tsam du ni mi rigs so/ /lus? dang longs spyod dbang po ni/ /gal te rmi lam ltar skyes na/ /sems ni gnyis su 'gyur ba ste/ /sems kyi mtshan nyid gnyis min no/ /gang phyir ji ltar ral gri'i so/ /ji ltar rang gi mdzub rtse yi/ /mi chod pa dang mi reg pa/ /de bzhin sems nyid rang snang ba'i/ /gzugs brnyan bzhin du snang ba'i sems/ /sngon du goms par gyur pa'i blos/ /ji ltar 'byung ba rnam par mthong/ /don gyi rnam pa don yod min/ /gang zag rgyun dang phung po dang/ /de bzhin rkyen dang rdul phran dang/ /gtso bo dbang phyug byed pa po/ sems tsam po la rnam par brtags/ /phyi rol don mthong log pa ste/ /don gzhan med pa'i sems nyid do/ /rig pas yid la brtags nas ni/ /gzung dang 'dzin pa 'gog pa'o/ /blo yi rnam par gzhigs na ni/ /rang bzhin nges par gzung du med/ /de ni brjod du med pa'i phyir/ /dngos po med par bstan pa yin/ /yid la blo yi rnam brtags na//

  201. 101a

    gzhan dbang med cing kun brtags med/ /yongs su grub pa'i dngos med na/ /ji ltar blo yi rnam par dpyad/ /rang bzhin med cing rig byed med/ /dngos med gzhi yang yod ma yin/ /nus pa ro dang mtshungs pa'i phyir/ / rtog ge ngan pas 'di dag brtags/ /dngos po mtshan ma rnam rig go /yid log g.yo ba gang yin las/ /nga yi lus rnams 'das nas su/ /rnam par mi rtogs pa yi spyod/ /de bzhin nyid dang stong nyid mdza' / /mya ngan 'das dang chos kyi dbyings? skye ba med pa'i chos rnams ni/ /dam pa'i don gyi rang bzhin no/ /phyi rol dngos dang dngos med de/ /sems kyi yongs su bzung ba med/ /lta ba thams cad spangs pa gang/ /skye ba med pa'i mtshan nyid do/ /gang phyir tshogs pa'i rkyen yod na/ /'jug pa dang ni ldog par 'gyur/ /tshogs pa so sor gyur na ni/ /skye ba med cing 'gag pa med/ /yod med dngos po skye ba med/ /sems ni yod min med pa min/ /gang phyir las gzhan 'dus pa las/ /'jug pa dang ni ldog pa min/ /gang tshe 'jig rten 'di dag kun/ /'dus pa nyid ni mthong ba ste/ /tshogs pa tsam po 'di nyid ni/ /de tshe sems la mnyam par gnas/ /gang la cung zad skye med pas/ /dag pa cung zad yod ma yin/ /de ni yod dang med min te// 'gro 'di brjod du med par lta'o/ /zung du 'jug pa yongs shes na/ /byang chub sems dpa' snying rje che/ /mkhas pas kun rdzob de nyid kyang/ /mi spang bar ni spyad par bya/ /gang phyir kun rdzob log na ni/ /de phyir de nyid ci yang med/ / kun rdzob nyid kyis skye ba gang/ /de nyid skye ba med pa'i don/ /'di ni zung 'jug de nyid de/ /rkyen las skyes pa'i mtshan nyid do/ /de bzhin nyid dang chos kyi dbyings/ /shes rab pha rol phyin pa'i mchog /yang dag mdza' dang skye ba med/ /mi dmigs pa

  202. 101b

    dang mya ngan 'das/ /stong nyid mtshan ma med pa dang/ /smon pa med dang 'dus ma byas/ /rmi lam sgyu ma la sogs dpe/ /de nyid rgyal ba rnams kyis bsgrubs/ /theg chen 'di ni mchog yin te/ /nges don mdo sder bsdus pa yi/ /mdo sde lta zhing nyan pa la// 'di ltar 'bad pas bsam par bya/ /snying rje sems can la bskyed de/ /byang chub sems ni brtson byas nas/ /byang chub sdom gnas brtson chen pos/ /rang bzhin med pa bsgom par bya/ /'phags pa'i lam brgyad la gnas te/ /sbyin dang tshul khrims sogs la 'bad/ /mkhas rnams gang phyir bden gnyis gnyis med 'dis/ /ji ltar de nyid don de chad pa lta bur ni/ /mngon sum grub pa skye dang 'gag pa'i snod yin te/ /gal te don skyes rnam par nyams pa'i skyon yin no/ /gang phyir ni/ /ra me long nang du gzugs pas? mthong/ /rig pas brtags pa'i stobs kyis de med de mthong med/ /phyi yi don med 'di med rnam pa sna tshogs sems/ /'on kyang rten 'brel dag la rig pas 'gal ba med/ /'di ni dbu ma'i gnas bsdus pa'i/ /de ltar mdza' bzhi rnam spangs pa/ /brtags te brtan par byas nas su/ /skye ba med cing gnas pa med/ /'gag pa med cing mtshan nyid med/ /rang rig rkyen las skyes ba ste/ /de nyid pha rol phyin pa'i tshul/ /phyag rgya bzhi yi rang bzhin lung/ /sngags kyi tshul la brten nas su/ /bla ma'i khyad par myong ba yis// ma brtags par yang so ma nyi med/ /stong pa nyid ni rang rig ste/ /thabs dang shes rab bde chen po/ /'bras gnas bzhin du rtsod pa med/ /byang chub sems ni rnam par bsgom/ /de skad du yang/ gsang sngags tshul de shes pa yis/ // /sngags kyi lugs kyi khyad par gsungs/ /don gcig na yang ma rmongs dang/ /thabs mang dka' ba med pa dang/ /dbang po rnon po'i dbang byas nas/ /sngags kyi bstan bcos khyad par 'phags/ /gang phyir stong pa rigs pa nyid/ /ye shes rang bzhin

  203. 102a

    skad cig ma/ /gang phyir rdo rje sems dpar nges/ /phung po de bzhin gshegs par rtogs/ /rig pa'i stobs kyis gzhag pa gang/ /ma brtags pa ru sbyor ba don/ /ci ste yongs su brtag bral ba/ /sngags kyi tshul dang bral na ni/ /rnam pa kun tu dpe med ni/ /zag pa med pa'i bde ba tshe/ /lha yi nga rgyal lta byas pa/ /ji lta stong nyid nyams su myong/ /las kyi phyag rgya legs grub nas/ /chos kyi phyag rgya rab phye bas/ /phan tshun re ba med na ni/ /dam tshig 'bras bu ji ltar yin// thabs ni mang po rnams kyis su/ /nyams su myong ba'i khyad par dang/ /las dang chos dang phyag rgya che/ /dbye ba gzhan du ji ltar yin/ /shin tu dbang po rnon po yis/ /stong nyid nyams su myong ba 'am/ /bde chen mngon par byang chub la/ /'dod pa kun la longs spyod pas/ /der ni shin tu bde ba nyid/ /de ltar thabs kyi dngos po yis/ /dbang po'i dus la goms pa las/ /gzhan du ji ltar dka' ba min/ /pha rol phyin pa kun bdag nyid/ /bsgom pa'i stobs ni rdzogs pa ni/ /rdzogs pa'i byang chub sgrub pa la/ /dbang po rnon pos cis mi 'grub/ /lhan cig skyes dga' rtogs pa'o/ /e baM la ni phyag byas nas/ /phyag rgya'i rang bzhin mdor bsdus pa/ /sngags kyi theg pa bshad par bya// //shes rab sprul pa'i gzugs can ma/ /las kyi phyag rgya bdag med nyid/ /lus dang ngag dang sems kyi las/ /ye shes gtso bo'i rang bzhin no/ /gang phyir de las shes pa gang/ /dga' ba la sogs rim skyes pa/ /dbus su rnam par shes pa ste/ /de ni shes rab ye shes brjod/ /rnam bcas dang ni rnam pa med/ /de bzhin dbu ma'i rtogs pa'o/ /ji ltar mos pa'i ye shes ni/ /man ngag gis ni thob par 'gyur/ /gsum pa'i lhan cig skyes par rtogs/ /btsan thabs dbang gis bzhi pa ste/ /rlung gi bkod pas sna rtse

  204. 102b

    la/ /mi 'gyur ba yi sbyor ba yin/ /ji lta ji ltar bde ye shes/ /thabs kyis rab tu bsgrub pa yin/ /de lta de ltar rtogs pa ste/ /rtog pa lhan cig skyes pa mchog /gang phyir 'bras bu 'dra ba'i dbang/ /btsan thabs lhan cig skyes par 'dod/ /yun rings dus su 'bral med gnas/ /ma bcos pa yi tshogs yin no/ /de gsungs pa/ /dga' ba khu ba 'bab pa ste/ /btsug tor smin phyag pad+ma'i tshad/ /mgrin pa snying gar mchog dga' ste/ /de nas dga' ba bral bar 'gyur/ /sna tshogs rol mos lte ba nas/ /ji srid gsang ba'i pad+mar son/ /de srid gsang ba'i nor bu nas/ /ma 'phos bar du lhan cig skyes/ /mi gnas pa yi mya ngan 'das/ /'dod chags chen po'i khyab bdag gtso/ /ma 'phos bde ba chags bral te/ /'di ni mya ngan 'das par gnas/ /chags bral las ni sdig pa med/ /bde ba mchog las bsod nams med/ /de phyir mi 'gyur bde ba'i sems/ /rtag tu nges gnas mos par bya/ /'pho ba las ni chags bral 'byung/ /chags bral las ni sdug bsngal 'byung/ /sdug bsngal bas ni khams zad de/ /khams zad pas ni 'chi bar 'gyur/ /shi nas de dag gzhan duAng 'byung/ /srid par 'ching zhing skye ba skye/ /de phyir 'bad pas thams cad kyis/ /chags pa dor ba rnam par spangs/ /chags bral 'dod ldan ma yin te/ /'dod pa'i sbyor thabs mi 'dod na/ /nga yi bstan pa rgyun tu yang/ /ci ste rnal 'byor sdug bsngal bskyed/ /bde ba mi 'gyur rang bzhin gyis/ /mi 'gyur mchog ni bsgrub par bya/ /rten ni shor bar gyur pa yis/ /brten pa chags dang bral ba yin/ /spyi bor rgyas pa'i thig le ni/ /shes rab chags las zhu bar 'gyur/ /gang bar gnas pa'i go 'phang ni/ /bcings pa dam pa'i don yin no/ /ji ltar zla ba 'char ba'i rims/ /'phel ba'i dus kyis rdzogs par 'gyur/ /de bzhin sems bskyed rim pa ni/ /'phel ba'i dus kyis rdzogs pa yin/ /de ni gtsugs nas byung nas su//

  205. 103a

    rdo rje nor bur gang bar 'gyur/ /de ni chags dang bral na nyams/ /rdo rje rtse mor rab rgyas 'gyur/ /bde chen rang bzhin 'di nyid ni/ /rdzogs pa'i sgra yis bstan pa yin/ /rdzogs pa mi bskyod gyur pa yis/ /skad cig gcig mngon rdzogs byang chub/ /ji ltar chu bo'i chu sna tshogs/ /rgya mtsho chen po ro mnyam 'gyur/ /de bzhin dngos po sna tshogs kyang/ /mi 'gyur ba der nyams par 'gyur/ /ji ltar khams rnams 'dus pa nyid/ /gang zhig dngul chus phug pa ltar/ /dngos po sna tshogs 'di dag kyang/ /mi 'gyur mchog gis za ba yin/ /mi 'gyur mchog gi bdag nyid kyis/ /rnam pa kun gyi rang bzhin 'dzin/ /stong pa las skyes dngos po rgyu/ /mi 'gyur las skyes bde 'bras bu/ /rgyu las 'bras bu bde rgyas btab/ /'bras bu la yang rgyus rgyas btab/ /stong nyid dngos po 'dzin pas rgyu/ /mi 'gyur snying rje 'dzin pas 'bras/ /byang chub sems de ma 'phros na/ /stong nyid snying rje dbyer med pa/ /ngo bo nyid kyis ma skyes pas/ /'byung ba zad par mi 'gyur te/ /sna tshogs 'di ni rang bzhin med/ /dngos dang dngos med mtshan nyid gcig /yul dang dbang po'i sgo yis su/ /sems ni rdzogs pa'i rang bzhin te/ /gzhan du sprul gyis zos pa yi/ /sdug bsngal tshor ba rig pa min/ /ji ltar lcags kyi phyogs gcig na/ /gang phyir gser 'gyur rtsi gnas pa// 'bar ba'i me yi bsregs na ni/ /thams cad gser du 'gyur ba yin/ /de bzhin sems kyi phyogs gcig tuAng/ /mi 'gyur bde la legs gnas pa/ /'dod pa'i me yis rab bsregs nas/ /thams cad bde bar gyur pa yin/ /ji ltar lcags ni gser gyur na/ /nam yang nag por 'gyur ba min/ /de bzhin sems nyid rtogs pa yang/ /nam yang bag chags 'gyur ba min/ /gang phyir me yi sbyangs pa'i gser/ /lcags su gyur pa ma yin no/ /de bzhin phyir zhing phyir zhing sems/ /'dod

  206. 103b

    chags me yi dri ma med/ /'dir mang smra ba ci zhig dgos/ /'jig rten kun rdzob bden pa la/ /lcags ni 'gyur bar byed pa yi/ /rtsi yi rang bzhin bsam mi khyab/ /don dam par ni rab brtags na/ /glo bur dri mas bsgos pa yi/ /sems nyid rtogs par gyur pa na/ /ye shes rang bzhin smos ci dgos/ /ji ltar rtsi yi bsgyur ba'i lcags/ /lcags kyi rjes su 'gro ba min/ /de bzhin bde bas bsgyur pa'i sems/ /sdug bsngal nyid du 'gyur ba min/ /zhes so/ /yang gsungs pa/ rdo rje dbyings phyug ma yi rtsa/ /b+ha ga'i dbus na rnam par gnas/ /'bad pas nye bar thob nas su/ /bla ma'i bka' la goms pa yis/ /mdzub mo cung zad skyong ba yis/ /phyi nas lce dang rdo rje yis/ /rtsa de rgyas par gyur pa las/ /mchog tu bde ba rab tu 'bab/ /pha rol phyin bcu rdzogs pa ste/ /stobs dang dbang po rnams dang ldan/ /sa bcu las ni 'das nas su/ /de las rtags su gyur pa med ces so/ /yang gsungs pa/ gang tshe ye shes mthong ba ni/ /rnal 'byor pa ni bde bar gnas/ /'gyur med thun nas zhag gcig gam/ /zla phyed zla ba lo gcig gam/ /bskal pa 'am bskal pa stong duAm/ /ye shes mngon par sbyor bas gnas/ /yang gsungs pa/ ji srid rnal 'byor byang chub sems/ /gtong bar byed pa ma yin pas/ /de srid rgyun mi 'chad pa 'thob/ /dga' ba las skyes bde ba yi/ / byang chub sems de lhung gyur na/ /dngos grub kun gyi gter yin pas/ /rnam shes phung po brgyal 'gyur nas/ /dngos grub ma smad ga la yod ces gsungs so/ /las dang dam tshig phyag rgya yi/ /dus su lhan cig skyes pa rtogs/ /chos kyi phyag rgya phyag rgya che/ /gnyis ni lhan cig skyes pa mchog /byang sems bral na bde ba ni/ /brgya lam na yang mi 'thob bo/ /bde chen nyid ni ma rtogs pa/ /nam yang gsang sngags theg pa med/ /shes rab ye shes thob pas na/ /las kyi phyag rgya lhan cig skyes/ /tha

  207. 104a

    ma 'bring sogs dbye ba yi/ /de nyid rang bzhin dkyil 'khor bsgom/ /las kyi phyag rgya snyoms zhugs pas/ /dam tshig dkyil 'khor bsgom par bya/ /tha mas bskyed pa bsgom pa ste/ /las kyi yan lag dang bral 'bring// rab kyis kyang ni bsam bya ba/ /myur du rdzogs pa'i dkyil 'khor ro/ /chos kyi phyag rgya bsgom pa ni/ /tha mas rtsa dang yi ge rim/ /gtum mo'i bye brag 'bring gis so/ /mi shigs pa ni rabs kyis te/ /thig le phra sogs rnal 'byor pas/ /bsdus pa rig par 'dod pa yin/ /rab kyi tha mas bsgom bya na/ /khams gsum po ni gzhal yas khang/ /sems can rnams ni dkyil 'khor ba/ /rnal 'byor pa ni dkyil 'khor bdag /de bshad pa/ 'di ni gnas gsum ma yin gzhal yas khang pa yin/ /srog chags ma yin 'di ni rgyal ba yin/ /'khor lo'i bdag po nga yin dbang po ma yin te/ /sa la sogs pa'ang ma yin gzugs la sogs pa'ang min/ /chos nyid bdag nyid de nyid des na dkyil 'khor ba yang yin/ /sna tshogs dkyil 'khor 'khor lor shes na ci ste 'khrul par byed/ /ces bstan to/ /khams bzhi dang ni phung po dag /lha mo ye shes he ru kas/ /'khor lo rgyas btab de bzhin nyid/ /rab kyi 'bring po'i bsgom bya ba/ /sna tshogs bdag med de bzhin nyid/ /thabs dang shes rab stobs kyis su/ /zung 'jug lhun gyis grub pa ste/ /dkyil 'khor snying po bsdus pa nyid/ /sems ni rtog med sbyor bas kyang/ /sems de nyid ni brtag mi bya/ /kun nas thams cad mchog yin te/ /rnam shes dbang po'i yul las 'das/ /dngos dang dngos med rang bzhin nyid/ /dngos dang dngos med rnam par spangs/ /mdza' bzhi las ni rnam grol zhing/ /mdza' bzhi dag ni mnyam par brten/ /sna tshogs sgro btags gnas pa med/ /chags med bde ba

  208. 104b

    chen po nyid/ /'bras bu de nyid mi mthun phyogs/ /brtags pa de nyid ma brtags pa'o/ /de rkyen thob pas skye ba ste/ /skye ba med pa'i rang bzhin te/ /bem po med de rang rig pas/ /mi shes pa dang ma mthong ba/ /brtags pas nam mkha' dngos med de/ de ni mi 'gyur brtan pa'o/ /chad pa min pas dngos med min/ /skye ba med par rang bzhin nyid/ /kun rdzob las skyes dngos po ste/ /chos rnams thams cad lhan cig skyes/ /gnyug ma'i dga' ba'i rang bzhin nyid/ /bdag byin rlabs pas rang byung ste/ /mi nyams pas na mi shigs pa'o/ /chos kyi phyag rgya phyag rgya che/ /gnyis med mos pas ldan pa'o/ /dbang po mchog gi rnal 'byor pa/ /rab kyi yang ni rab yin no/ /rgyu dang 'bras bu dbyer med pas/ /bsgom pa'i rim pa bdag la med/ /ji ltar bskyed pas nyams myong bas/ /dran dang dran pa nyams pa med/ /ma skyes pa yi ro tshor bas/ /de bzhin bsgom pa'ang rtogs pa'o/ /gang phyir shes rab bsgom pa yis/ /stong nyid so sor rtogs pa yin/ /dpal ldan dgyes rdor sogs rgyud du// bcom ldan 'das kyis gsal bar gsungs/ /chos rnams thams cad yongs shes nas/ /bsgom pa nyid ni sgom pa min/ /gang phyir bdag byin brlab rim nges/ /zung 'jug rim pa'ang de bzhin no/ /bde chen mngon par rdzogs byang chub/ /de bzhin phyag rgya chen po mchog /chos kyi de nyid rig pa yis/ /ngal bar gyur pa ma yin no/ /chos kyi de nyid la bzhugs phyir/ /de yi 'byed par rab tu bstan/ /bla ma dam pa'i man ngag gis/ /gsal bar 'gyur gyi gzhan du min/ /'di la gzhan gyis bstan pa yis/ /don rtogs pa ni ma yin no/ /chos 'byung las skyes ye shes ni/ /ji bzhin 'di la rtogs pa gsungs/ /rang gi mos gas tshig gi don/ /gzung ba dngos nyid ma yin no/ /de bzhin bzhi po thams cad kyang/ /'di la sogs pa

  209. 105a

    gsungs pa ni/ /ji ltar de bzhin sku bzhi pa'o/ /bla ma dam pa'i thabs kyis gsal/ /stong nyid bde ba dngos po ste/ /bde ba bde ba chen por 'dod/ /bde ba ro mnyam bde ba nyid/ /lhan cig skyes pa chos kyi sku// de nyid bde ba'i don byed pas/ /longs spyod rdzogs dang sprul pa yang/ /rnam pa lnga yi ro de nyid/ /thams cad gnyug mar bye brag med/ /chos pa dang/ sangs rgyas sku lnga'i bdag nyid can/ /zhes pa la sogs gsungs pa yang/ /sku lnga thob par byung ba ni/ /de nyid ro gcig pa yi sprul sku bzhi du ni rnam phye ba/ /? med pas na rnam lnga'o/ /de nyid tsam du gcig pa 'di/ /sku yang de ltar 'dod pa yin/ /ji ltar 'di ni bdag gi blos/ /so sor rig pa nyams par 'jug /dam chos yul la shes rab kyis// ji ltar blo gros kyis thob ltar/ /'di ni cung zad brjod pa las/ /ji ltar byung ba'i don rtogs pa/ /'gro rnams de ni snod du shog/ gnas pa bsdus pa rdzogs so// //slob dpon chen po dpal lhan cig skyes pa'i rdo rjes mdzad pa/ bla ma d+ha ri sh+rI dz+nyA na'i zhal snga nas dang/ bod kyi lo tsa ba rma ban chos 'bar gyis bsgyur ba'o// //phyis bar ston gyis zhus nas bla ma rgya gar ba dang/ mtshur lo tsa bas dpe phyi mo la gtugs te gtan la phab pa'o// mang+gA laM// // */ (/bsam gyis mi khyab pa'i rim pa'i man ngag ces bya ba tog rtse zhabs kyis mdzad pa bzhugs so//) //rgya gar skad du/ a tsin+ta kra ma u pa de sha nA ma:/ bod skad du/ bsam gyis mi khyab pa'i rim pa'i man ngag ces bya ba/ dpal rdo rje sems dpa' la phyag 'tshal lo/ /bcom ldan 'das 'jig rten dbang phyug la phyag 'tshal lo/ /shes rab mchog gi mngal nas 'byung/ /gdod nas gnyis med gnas pa la/ /phyag 'tshal bzang po'i zhal snga yi/ /yang dag

  210. 105b

    rim 'ong bri bar bya/ /thabs dang shes rab gsang ba che/ /snying rje bsam mi khyab mtshan nyid/ /ngag gi spyod yul bsam las 'das/ /ye shes rang las 'char bar 'gyur/ /rang bzhin bde ba'i 'byung gnas nyid/ /rang 'byung gnyis su med pa'i mchog /de ni dngos po'i rang bzhin du/ /bltas te bsgom pa dmigs su med/ /byang sems rdo rje can bcas pas/ /dngos po med pas gzigs mi 'gyur/ /rtag dang chad pa'i bye brag dag /don dam du ni gnyis med gzigs/ /dngos po dang ni stong pa nyid/ /gnyis su med par mnyam par bsgom/ /gnyis po 'di dag yod min pas/ /rnam pa thams cad gnyis su med/ /gnyis po dag ni rnam spyad na/ /gnyis med ye shes 'chang bar 'gyur/ /mnyam pa ro mnyam mnyam pa ste/ /bsam gyis mi khyab ye shes mchog /rtog dang brtag pa'i sbyor ba yis/ /gnyis med mchog ni bsgom pa min/ /bde ba'i rdo rje mi rtog pa/ /bsam gyis mi khyab kyis thob 'gyur/ /bskyed pa rnam par rtog pa'i rgyu/ /mi skye ba yang de bzhin no/ / gnyis kyi rnam pa dang bral bas/ /bag chags bag chags ldan par spangs/ /ye shes bag chags dang bral bas/ /bzang po'i zhabs kyis rim gyis 'ongs/ /rang byung khrem gnyer med pa ni/ /rtog pa thams cad yang dag spangs/ /dngos dang dngos med rang bzhin gyis/ /gnyis kyi bag chags 'ching ba nyid/ /mi rtog pa yi rang bzhin gyi/ /bsam gyis mi khyab nyid kyis gcod/ /rtog pa'i dri ma dra ba yis/ /rin chen sems ni drin can byas/ /gnyis su med pa'i ye shes nyid/ /dri ma bral phyir sangs rgyas brjod/ /thams cad rtogs med bdag nyid du/ /rnal 'byor pa yi rtag tu blta/ /ting 'dzin bsgom pa 'di nyid ni/ /bzang po'i zhal snga nas kyis bstan/ /gang gi rang bzhin ma skyes la/ /'jig pa nyid ni yod ma yin/ /ye shes

  211. 106a

    de ni gnyis med min/ /rtog pa thams cad rnam par spangs/ /dpal ldan bde chen rdo rje can/ /mi rtog don bskyed byed pa po/ /phyi rol nang gi rnam rtog gi /'jig rten thams cad yang dag brten/ /sangs rgyas rdo rje 'dzin sogs kyis/ /rtog pa phyi rol nyid du bstan/ /gnyis med gnyis las rnam grol ba/ /ye shes rang nyid skye bar 'gyur/ /dngos po med par bsgom pa min/ /dngos por yang ni bsgom pa min/ /'jig pa med pa'i bde bsams na/ /bsam gyis mi khyab gnyis med gnas/ /sems can kun gyi bsam pa gang/ /shes rab mngal na rnam par gnas/ /snying rje sad pa'i mnga' yis ni/ /bde ba chen po'i 'ben la 'bigs/ /dogs pa kun las rnam par grol/ /gnyis su med cing mchog tu zhi/ /mkha' mnyam rnam rtog las grol ba/ /de nyid gnyis su med par brjod/ /bsam gyis mi khyab rnal 'byor gyis/ /dngos po thams cad rnam par bsgom/ /chos kyi zhal snga'i rim 'ongs ni/ /bzang po'i zhal snga nas kyis gsungs/ /rnam pa'i dbye ba gnyis med la/ /dpal ldan mgon po bde ba che/ /gcig tu gyur pa'i rang bzhin las/ /'gro ba rnams ni rnam par sprul/ /stong pa dmigs pa smra ba yis/ /brdzun du smra ba bslus pa rnams/ /rnam rtog rmongs pa'i 'ching ba yis/ /bde ba dam pa gnyis mi rtogs/ /thabs dang shes rab rnam dag las/ /phyi rol rtog pa ngan pas brtags/ /gnyis med ye shes rnal 'byor che/ /bde ba chen po gcig nyid do/ /bstan par g.yo ba'i dngos po kun/ /gnyis su med pa'i rnam par gnas/ /de rnams rang bzhin rnam dag cing/ /mkha' ltar dri med gnyis med la/ /nga rgyal gyis ni tha snyad brtags/ /tha snyad de yang yod ma yin/ /tshor dang tshor po mtshon cha bral/ /gnyis med bde ba chen po nyid/ /gang yang bsam med rang bzhin phyir/ /sangs

  212. 106b

    rgyas blo yi spyod yul min/ /thams cad de yi rang bzhin nyid/ /rang 'byung bsam pa rnams las 'das/ /sa stengs srog chags thams cad ni/ /rtog pa'i dra bas nyams par 'gyur/ /ye shes gcig pu gnyis med pa/ /rnam par rtog pa rnam spangs pa/ /rtag dang chad pa ji snyed pa'i/ /phung po gnyis ni yod min pas/ /dbu mar yang ni mi dmigs pa'i/ /gnyis su med pa'i ye shes mchog /gnyis dang gnyis med rnam rtog ste/ /thabs dang shes rab rnal 'byor che/ /ro gcig gnyis su med par brjod/ /'dod chags 'dod chags bral ba spangs/ /dbu mar dmigs par mi 'gyur ro/ /rang rig pa yi bde ba nyid/ /de ni gnyis su med par brjod/ /mtshan gzhi mtshan nyid rnam par grol/ /rig pa po dang rig bya spangs/ /bdag med so sor rtogs pa yis/ /rin chen sems ni rab rtogs byas/ /dngos po rang bzhin med pa'i phyir/ /dngos med nyid kyang mthong mi 'gyur/ /dbang po'i shes pas rtogs pa yis/ /gnyis med ye shes ngo mtshar che/ /spros pa thams cad rnam bral zhing/ /nam mkha' lta bur dri ma med/ /rtog pa'i dri ma rnam gcod cing/ /bsam gyis mi khyab gnyis med mchog /gnyis med bcud kyi phug pa na/ /rdo dang shing yang de yi dngos/ /lha yi rnam par 'gyur ba ni/ /bzang po'i zhal snga nas kyis gsungs/ /thabs dang shes rab snying rje che/ /gcig tu ro gcig rnam pa nyid/ /der ni ye shes skye bar 'gyur/ /gnyis med bde ba chen po nyid/ /gzugs dang sgra dang ro las 'das/ /dri dang reg bya la sogs spangs/ /chos dbyings rang bzhin rnam par dag/ gnyis su med pa'i ye shes mchog /dogs pa kun las rnam par grol/ /gzung dang 'dzin pa rnam par spangs rang bzhin rnam dag ma gos pa/ /gnyis med don ni dam pa'o/ /ma skyes pa dang mi 'jigs pa/ /mi 'gyur ba dang mi gnas pa/ /gnyis

  213. 107a

    su med pa'i ye shes mchog /'di ni phyag rgya chen po nyid/ /yon tan rnams dang skyon rnams ni/ /sems kyi rnam par brjod pa ste/ /de la dmigs pa ye shes mchog /khrem gnyer med pa'i rang bzhin can/ /ye shes rang las skye bar 'gyur/ /cung zad kyang ni bsgom pa med/ /gang phyir bsam med chos 'di nyid/ /gnyis med sangs rgyas rnams kyi gnas/ /shin tu dri med ches dag cing/ /sgom pa po dang bsgom bya spangs/ /dpal ldan bde ba'i 'byung gnas kun/ /rnam rtog med pas nges mthong 'gyur/ /lha yi gzugs ni du ma dang/ /rdo rje sems dpa' la sogs sku/ /sangs rgyas gzugs brnyan thams cad dang/ /rnal 'byor ma yi dkyil 'khor tshogs/ /khro bo'i rgyal po thams cad dang/ /de bzhin rig pa'i lha mo nyid/ /dkyil 'khor 'khor lo bzang po ru/ /snang ba'i rnam pa dri med nyid/ /de bzhin mdo sde sde snod dang/ /gzhan yang pha rol phyin rim dang/ /sngags dang phyag rgya rig pa dang/ /de bzhin snying nyid bskul ba dang/ /sngags kyi smra ba ma lus pa/ /dkyil 'khor dang ni sbyin sreg dang/ /bzlas dang mchod pa'i cho ga rnams/ /gnyis med las ni rang nyid skyes/ /zhi ba nyi ma pa lta ba/ /de bzhin mchod 'os khyab 'jug pa/ /rig byed tshad mar smra ba dang/ /gzhan yang rang nyid skye bar 'gyur/ /kun mkhyen gnas kyi sbyor ba 'di/ /bsam gyis mi khyab mi rtogs pa/ /kun tu bzang po zhes bya'i lha/ /yid bzhin nor bu bzhin du 'byung/ /sa 'og ral gri ril bu dang/ /shing lham bum pa gnod sbyin mo/ /bcud dang mig sman bzang po yang/ /rang nyid 'grub ste gzhan du min sngags pas dngos po bsgom bya min/ /dngos med nyid kyang bsgom bya min/ /rnam par mi rtog mos pa yis/ /thams cad rang nyid skye bar 'gyur/ /sangs rgyas kyis kyang 'grub 'gyur na/ /zhi ba khyab 'jug sogs ci smos/ /de la tha snyad yod ma yin/ /

  214. 107b

    gzugs dang kha dog mtshan nyid med/ /sgyu ma'i rnam 'dzin bzang po nyid/ /dang ba'i rang bzhin dri ma med/ /rang bzhin 'od gsal rnam dag ste/ /rtag tu dga' bde'i 'byung gnas nyid/ /sku dang gsung dang thugs dang bral/ /me long me lce 'bar ba 'dra/ mchog dga' i bde ba rnam pa ste/ /rtag tu bde chen 'byung ba'o/ /yi ge dang ni ming brjod pa/ /sbyor bas tshig tu rab tu bstan/ /gzhan du dag gi lam 'das phyir/ /smra ba nyid de mi nus so/ /bya ba'i tshul la zhugs pa yin/ /'dod pa'i don la rol pa yin/ /mchod pa'i mchog gi dus su ni/ /bzang po'i zhal snga nas kyis bstan/ /shes rab gnyis su med pas ni/ /gcig pu'i rnam pa'i rang bzhin las/ /bag chags zad par gyur bas ni/ /sangs rgyas nyid ni nges par 'thab/ /sna tshogs rigs kyi mthu yis ni/ /lta ba sna tshogs sbyor pa las/ /bag chags dri ma bsags pas na/ /gnyis med nyid ni rtogs pa min/ /thog mdza' dbus dang tha ma bral/ /bskyed pa dang ni rdzogs pa spangs/ /bsam dang sems pa dang bral ba/ /gnyis su med pa'i ye shes mchog / gnyis med ces bya sangs rgyas su/ /bzang po'i zhal snga nas kyis gsungs/ /de phyir sangs rgyas rtogs pa las/ /sgrub po dam pa sangs rgyas 'gyur/ /tshig gi sbyor ba bstan pas na/ /sangs rgyas dang ni gnyis med rtags/ /don dam tha dad med tshul gyis// gnyis med sangs rgyas gnyis su med/ /bstan pas ye shes 'char bas na/ /rtog pas rtog pa ring spangs te/ /dngos po la sogs rtog pa kun/ /de nyid las ni lkog tu gyur/ /bzang po zhal lnga'i bka' drin gyis/ /nyan pa goms pa'i sbyor ba las/ /gnyis med ming du bzung ba la/ /bdag la 'byor bas bzod par gsol/ /mkhas pas rab tu 'bad pas kyang/ /bag chags rnams ni zad par byas/ /gzhan du bskal pa grangs med du/ /bye ba sangs rgyas nyid ma yin/ /ye shes gnyis med mgon pos ni/ /bag chags

  215. 108a

    rnams ni zad par byed/ /bag chags zad par gyur pa na/ /gnyis su med pa'i sangs rgyas brjod/ /bag chags bral ba'i gnas skabs na/ /skyes bu tha ma 'bring po dag /gang la phyogs ni yod min pas/ /de ni sangs rgyas brjod par bya/ /rang bzhin med pa'i rang bzhin gyis/ /shes rab cha ni yang dag gnas/ /thabs ni dngos por spyod pa po/ /bzang po'i zhal snga nas kyis bstan/ /de dag 'dus pa'i bdag nyid can/ /ro gcig rnam par sbyor ba las/ /'di ni gnyis su med pa'i mchog/ bzang po'i zhal snga nas kyis gsungs/ /bsam dang bsgom pa por bstan med/ /mchog tu dga' ba'i gzugs can ma/ /sangs rgyas nyid ni thob bya'i phyir/ /bzang pos bzang po gsungs pa nyid/ /dpe ni chos rnams thams cad la/ /gzhag pa nyid du de mi nus/ / mig sogs yid kyi rnam shes kyis/ /dpe yi dngos po rnam par spangs/ /gcig nyid thog ma med pa dang/ /mdza' med rnam pa de yang dag gnas/ /bla ma'i zhal snga'i bka' drin las/ /mchog cig gis mi shes par 'gyur/ /rnal 'byor skyes bur bshad pa ste/ /rjes su rnal 'byor rig pa'i mchog /gnyis 'das shin tu rnal 'byor te/ /gnyis med ye shes rnal 'byor che/ /rnal 'byor pa nyid sangs rgyas 'gyur/ /nyi zla gza' yi zin pa na/ /shes rab rdo rje'i sbyor ba las/ /zhu bas gnyis med ye shes kyis/ /skye ba 'dir ni sangs rgyas nyid/ /don dam dga' ba'i rang bzhin te/ /gzung dang 'dzin pa rnam par spangs/ /grub pa'i gzugs su the tshom med/ /snying rje gnyis su med pa'i mchog /gang yang mig gis mthong 'gyur ba'i/ /gzugs kyi thog ma 'bring po ni/ /gang yang mig gis mthong 'gyur ba/ /don dam don gyi rang bzhin gyis/ /gnyis med dam par lta bar bya/ /gang yang rna bas thos 'gyur ba'i/ /sgra dang sgra ngan rnam phye ba/ /sgra las 'das pa'i ye shes gtso/ /thos pa gnyis su med pa'i mchog /gang yang lci yi myong 'gyur ba'i/ /ro mchog

  216. 108b

    ro ni ngan pa yi/ /ro drug gcig tu gyur pa yi/ /gnyis med mchog ni rtogs par bya/ /sna yi dri ni rnam shes pa'i/ /ri dags lte ba la sogs dri/ /gcig tu gyur pa'i rang bzhin gyis/ /gnyis med mchog ni shes par bya/ /lus kyi reg bya'i rang bzhin rnams/ /rigs bzang rigs ngan rnam phye ba/ /thabs dang shes rab sbyor ba yis/ /snyoms 'jug gnyis su med pa'i mchog /mdza' med thams cad khyab pa'o/ /ye shes snang ba'i 'od zer las/ /byang chub mchog tu dga' ba nyid/ /gnyis med sangs rgyas dam pa ste/ /'du byed tshor ba 'du shes dang/ /gzugs dang rnam par shes pa nyid/ /ye shes lnga yi rang bzhin sku/ /lnga med gnyis su med pa'i bdag /rtag pa mi skyod rin chen dang/ /tshe dpag med dang don yod bdag/ lnga bdag gyur pa'i ril bu ni/ /drug pa bde ba chen po nyid/ /sa dang chu dang de bzhin me/ /rlung dang nam mkha' nyid dang ni/ /'byung lnga lhan cig skyes pa ni/ /byang chub gnyis su med par 'gyur/ /me long mnyam nyid bya nan tan/ /so sor rtog pa chos dbyings rnams/ /rnam par rtog pa'i rkyen gyis brtags/ /rang 'byung gcig pu gnyis su med/ /sems can bsam pa'i dbang gis ni/ /lta ba la sogs rnam par phye/ /zhi sogs khyab 'jug tshangs pa dang/ /kun mkhyen gcig bu gnyis su med/ /mig las byung sogs ma lus dang/ /yid kyi spyod yul las 'das pa/ /don dam gnyis med ces bya ba/ /ngag gi spros pa kun rdzob kyis/ /gnyis su med la kun tu brtags/ /don dam gnas skabs dbyer med pa/ /gnyis su med la sangs rgyas med/ /rtog pas nam mkhar sbyor bas ni/ /ngag gi spros pa bstan pa yin/ /bstan bcos rim pas tshig tu ni/ /rnam par phye ste bshad pa yin/ /gnyis med las gzhan sangs rgyas ni/ /smra ba nyid du mi nus so/ /stong pa bcu drug bshad pa dang/ /shes rab bcur ni brtags

  217. 109a

    pa dang/ /sangs rgyas lngar yang bshad pa dang/ /rnam rig brgyad ni gnyis su med/ /me long snang ba'i gzugs bsnyan ni/ /ji ltar kun tu snang 'gyur ba/ /de bzhin gnyis med ye shes 'dir/ /sangs rgyas byang chub bsam mi khyab// khams gsum dag ni thams cad du/ /skye dang gnas pa'i rgyu rnams kyis/ /de kun gnyis med ye shes las/ /skye bo thams cad 'byung bar 'gyur/ /rgya mtsho ri dang shing dang ni/ /rtse lcug gel pa la sogs pa/ /gnyis med ye shes las 'byung ba/ /'di la the tshom yod ma yin/ /pha dang ma yang gcig pa ste/ /'di la gnyis yod ma yin no/ /gnyis med ye shes rang bzhin las/ /gzhan yang thams cad skye bar 'gyur/ /'di ltar thabs dang sbyor ba yis/ /shes rab gnyis med rang bzhin las/ /skye ba 'dir ni rnal 'byor pas/ /sangs rgyas nyid ni 'phral du rnyed/ /ye shes dag gi rang bzhin mchog /bla ma rgyud pa'i rim pa'i gzhung/ /snyan nas snyan dang zhal nas zhal/ /bzang po'i zhal snga nas kyis gsungs/ /bzang po'i zhal snga'i bka' drin las bsam med bsgom pa'i rnal 'byor pa/ /rdzogs pa'i rnal 'byor 'di yis ni/ /sangs rgyas nyid ni nges par thob/ /rta mchog bi na'i zhal snga nas/ /in+d+ra b+hU ti lak+Sh+mi? bcas/ /sgeg pa'i rdo rje 'gun di ri/ /slob dpon pad+ma snying rje che/ /chos kyi zhal snga'i rim pa las/ /bzang po'i zhal sngar phrad pa nyid/ /gnyis su med pa'i ye shes mchog /thams cad kyi ni dgongs pa gcig /sngags kyi smra ba ma lus dang/ /de bzhin pha rol phyin pa'i lugs/ /mdo sde sde snod la sogs pa/ /'dir gcig gnyis med bde chen pos/ /mchod 'os zhi ba nyi ma sogs/ /so ma'i grub pa'i mdza' nyid dang/ /khyab 'jug dang ni shed bu'i chos/ /gnyis su med par bstan pa'o/ /gnyis med phyi rol yod min pas/ /lha dang lha min bam ni/ /thams cad gnyis med ye shes las

  218. 109b

    so sor snang ba gsal bar 'gyur/ /stong pa'i bye brag tu phye ba/ /snying rje dang ni gnyis med 'dres/ /thabs dang shes rab mnyam par ldan/ /sangs rgyas rang bzhin kun bla ma/ /'di ni bzang po'i zhal snga'i gzhung/ /ye shes rgya mtsho dam pa nyid/ /'o ma'i rgya mtsho bsrubs pa las/ /dam pa thams cad skye 'gyur zhing/ /tshangs pa khyab 'jug dbang phyug che/ /gang yang sangs rgyas sogs grags dang/ /nyi zla gza' skar bcas pa yang/ /ye shes rgya mtsho las byung zhing/ /legs smin dang ni dbyangs can nyid/ /ro yi mchog ni myang ba dang/ /tshangs bcas lha min mi rnams ni/ /bdud rtsi las ni thams cad langs/ /rdo rje 'dzin pa'i sa dge ba/ /bcu gsum du yang rnam bshad pa/ /gru gsum rnam par 'byung ba ni/ /'di ni chos kyi 'byung ba ni/ /'di ni chos kyi 'byung gnas brjod/ /nyi zla chu yis gang ba yis/ /shes rab gzugs ni cher 'bar ba/ /de las bde ba chen po kun/ /sangs rgyas nyid ni thob byed ma/ /pad chen 'dab ma bye ba nyid/ /de yi dbus na rnam par gnas/ /rtag tu gsar bcas pa'i nang/ /A li kA li yang dag ldan/ /zla ba nyi ma'i gos kyis bkab/ /shes rab dgu dang yang dag ldan/ /'dzag cing 'bar ba'i rnam pa nyid/ /thig le zla ba 'char ba'i mchog /dga' ba skyed byed bzang mo ste/ /ma lus don gyi 'bras ster ma/ /dang ba'i bdud rtsi shin tu gang/ /nor bu rin chen mnyam par ldan/ yon tan mdza' yas pa yi gzhi/ /bde dpal rdo rje can gyi gnas/ /thams cad tshim par byed pa mo/ /'byin byed skyed par byed pa mo/ /lha yi gzugs ni du ma dag /gnyis med rgya mtsho las ni 'byung// chos dang longs spyod rdzogs gzugs dang/ /sprul pa yi ni sku nyid kyis/ /sems can du ma kun gyi don/ /phyogs bcu'i 'jig rten khams rnams kyi/ /mdza' yas mthar thug thams cad du/ /chos kyi 'khor lo bskor ba po/ /stobs bcu yi ni ye shes

  219. 110a

    ldan/ /shes rab gtso bo dam pa nyid/ /mkha' 'gro pad+ma nges par rig/ lam mchog bzang po'i rim las 'ongs/ /snying ga lte ba'i pad+ma dang/ /de bzhin lkog ma'i pad+ma nyid/ /dril can skyes gnas pad+ma yi/ /dngos su 'dzag pas rnam par gnas/ /bshad gci khu ba 'pho ba dang/ /ta dang snom dang nyan pa dang/ /ro mchog rnams ni rig par 'gyur/ /sgo dgu dag nas rgyu ba yi/ /sa bon pad bsnol rnam pa mtshungs/ /'og dang steng du rnam par gnas/ /'di ni shes rab ces bshad pa/ /sangs rgyas kun gyi yul nyid do/ /de yi dbus na gnas pa'i lha/ /mchog gi dbang phyug gnyis med pa/ /pad+ma gsum du rol par 'gyur/ /thams cad mkhyen pa'i bde chen po/ /me dang chu dang dbang chen dang/ /rlung gi rnam par brgyad pa nyid/ /dal bus 'khor ba sbyor ba yis/ /bye brag gsum du 'dren par byed/ /dril can bu ga'i lam gyis ni/ /sna yi rtse mor sbyor ba las/ /srol gong rdo rje'i bu ga ru/ /sangs rgyas 'phreng ba gnyis su med/ /'khor bas yongs su nyon mongs na/ /dril can rtse mor ngal so nas/ /rdo rje lce yi rab sbyor bas/ /bdud rtsi btung bar bya ba nyid/ /de nas lus ni rnam dag pa/ /rang bzhin dri ma med par 'gyur/ /shes rab bzang zhing yid gzhungs pa/ /rgas dang 'chi ba nyams par byas// bzang po'i zhal snga'i rnal 'byor gyis/ /bdag la rnam par rol par gsungs/ /ting 'dzin bdud rtsi zhes bya ba/ /bde ba'i mchog de gzhan du min/ /sna nas rdub pa'i bye brag gis/ /taM gi rnam par mi shigs pa/ /drin can bu ga'i lam du ni/ /rtsa rnams sum cu rtsa gnyis gnas/ /so ni sum cu rtsa gnyis brjod/ /cha dang cha min gnyis su med/ /sna yi rdub pa'i bye brag gis/ /haM gi rnam pa mi shigs pa/ /dril can bu ga'i lam gyis ni/ /nges par 'dren pa lam gyi mchog/ //

  220. 110b

    de la sgo rung la so zhing/ /dag pa'i rnam par 'od gsal ba/ /thog ma med nyid ces bya ba/ /bde dpal rnam par yang dag gnas/ /de nas rlung gis phul ba dang/ /dbang chen yang ni gsal bar 'gyur/ /des pa'i lam yang gsal 'gyur ba/ /mchog gi dbang phyug mi shigs pa/ /sa ni bcu gsum dbang phyug mchog /thog ma med par grub pa'i gzugs/ /chos kyi 'khor lo bskor bas so/ /bzang po'i zhal snga'i man ngag ste/ /snying po brgyud pa'i rim pa'o/ /gang yang thos pa kun bzung nas/ /de thos bsam pas bsgom pa yin/ /bzang po'i zhal snga'i bka' drin gyis/ /nyan pa goms pa'i sbyor ba yis/ /dge can tog tse? zhes bya bas/ /gzhung 'di dag ni yang dag bsdus/ /bdag ni bzang po'i zhal snga dang/ /slob dpon gzhan dang rnal 'byor pa/ /sems can rnams ni ma lus pa'i/ /bran du skye dang skye gyur cig /bsam pa 'di yi sgo nas ni/ /gal te bdag ni sangs rgyas 'gyur/ /'on te dmyal bar 'gro srid na/ /dmyal nyid bde ba can du shog /bsam med gnyis med rdzogs pa yi/ /rim pa'i man ngag mkhyen pa bla/ /lha yi rang bzhin ma lus sngags gzhung rnal 'byor mchog /rnal 'byor rgyas pa mdza' yas bla ma las 'byung dri med 'di/ /glen pa blo zhan bdag nyid dran pa tsam gyis bris pa yin/ /bsam gyis mi khyab pa zhes bya ba phyag rgya chen po thob pa'i slob dpon tog rtse zhabs kyis mdzad pa rdzogs so// //bde ba'i myu gu dang 'gos kyi 'gyur ro// //*/ /tha snyad du chos spyod yod par ston pa lta ba ngan sel zhes bya ba bzhugs// // rgya gar skad du/ ku driSh+Ti ni rga ta nA ma(rgyud 'grel): /bod skad du/ lta ba ngan pa sel ba zhes bya ba/ 'jam dpal gzhon nur gyur pa la phyag 'tshal lo/ /sangs rgyas la phyag 'tshal lo/ /gang zhig 'di la gnas gyur na/ /rgyal ba'i go 'phang thob 'gyur

  221. 111a

    ba/ /dang po las pa'i cho ga nyid/ /lta ngan sel ba bshad par bya/ /'dir ni sems can ni rnam pa gnyis te/ /slob pa dang/ mi slob pa'o/ /de la lhag pa'i bsam pa bas mos pa'i sbyor ba dang/ sa la zhugs pa'i sbyor ba dang/ lnga la dbang thob par mthar thug pa'i bar rgyu'i gnas skabs la gnas pa'i slob pa rnams shin tu rnam par dag pa'i las bar do'i cho gas tshogs gnyis bsags nas yang dag par rdzogs pa'i byang chub yang dag par 'thob bo/ /mi slob pa yang de kho na nyid dang/ 'bras bu rnam par rtog pa ni gnyen po'i phyogs kyi bsal la shAkya thub pa ltar sngon gyi smon lam gyi shugs kyi nus pas zung du 'jug pa nyid sems can gyi don byed pa ni/ mtshan nyid rgyun mi 'chad par dang po'i las la 'jug go zhes bya bar gnas so/ /de yang mgon po sems pa mi mnga' zhing/ /rnam rtog g.yo ba mi mnga' yang/ /khyod nyid rang gis 'jig rten la/ /sangs rgyas mdzad pa 'jug par 'gyur/ /gzhan don phun tshogs sangs rgyas kyis/ /'bras bu gtso bo gzhan ma yin/ /des na sangs rgyas 'bras bur brjod/ /kun rtag rlung dmar thams cad kyis/ /dpag bsam shing ltar mi bskyod pa/ /de ltar sems can thams cad kyi/ /bsam pa ma lus yongs rdzogs byed/ /'bras bu de nyid mi mthun phyogs/ blang dang dor ba rnam spangs nas/ /blo ldan rdzogs pa'i byang chub rtogs/ /dang po las 'bad pas bsam/ /zhes bstan pa yin no/ /'on te las dang po pas ni slob pa'i cho ga nyid rigs na yang mi slob pa rang bzhin med pa bsgom par gyur pa rnams la las dang po pa'i rtsom pa yod pa ji lta bu/ /dper na 'dir yang gser gyi sgrog gis bcings pa lta bu nyid do zhen bden te/ shes rab kyi pha rol tu phyin pa rtogs pa dang ma bral ba'i phyir ro/ /shes rab kyi pha rol tu phyin pa ni pha rol tu

  222. 111b

    phyin pa lnga'i bdag nyid do/ /de lta bas na/ rnam pa thams cad kyi mchog dang ldan pa'i stong pa nyid do zhes bstan pa yin no/ /de yang bcom ldan 'das shes rab kyi pha rol tu phyin pa dang bral ba'i pha rol tu phyin pa lngas ni pha rol tu phyin pa'i ming mi 'thob bo/ /zhes gsungs pa dang/ 'phags pa dri ma med par grags pas bstan pa zhes bya ba theg pa chen po'i mdo las kyang/ shes rab dang bral ba'i thabs ni 'ching ba'o/ /thabs dang bral ba'i shes rab kyang 'ching ba'o/ /shes rab dang bcas pa'i thabs ni thar pa'o/ /thabs dang bcas pa'i shes rab kyang thar pa'o zhes gsungs so/ /'di dag ni 'di'i bdag nyid ni bla ma dam pa'i man ngag nyid las sgron ma dang snang ba bzhin du lhan cig skyes pa drug pa bzhin du rtogs par bya'o/ /de lta bas na/ stong nyid snying rje dbyer med pa/ /sangs rgyas ye shes 'dod pa gang/ /rnal 'byor pa kun bya ba nyid/ /dang po'i las can bstan pa gang/ /pha rol phyin lngar gang bstan pa/ /dang po'i las can zhes bya ba/ /shes rab pha rol phyin pa yis/ /ngo bo nyid ni dpyad mi bya/ /de bzhin du/ sbyin dang tshul khrims bzod brtson 'grus/ /bsam gtan shes rab la gus pas/ /rtag tu blo ldan gyis bsten na/ /bde bar shes rab kyang 'byung 'gyur/ /longs spyod rdzogs dang sprul pa'i sku/ /sbyin dang tshul khrims bzod pa gsum/ /bsam gtan shes rab chos kyi'o/ /brtson 'grus gnyis kar 'dod pa yin/ /zhes bstan pas na/ byang chub sems dpa' las dang po pas/ shin tu rnam par dag pas gnas par bya'o/ /bzlog pa ni med par smra bar thal bar 'gyur/ / de yang/ dge dang mi dge gtan tshigs gang phyir dngos med kyang/ /de ltar dge ba nyid bya mi dge min/ /'jig rten kun rdzob chu yi zla 'dra yang/ /de las yid 'ong sdug bsngal yid mi bde zhes bstan pa yin na/ /de ltar na slob pas smyon pa'i brtul

  223. 112a

    zhugs la gnas nas/ rnam par mi rtog pa myong bar 'dod pas/ las dang po la 'jug pa ji lta bu zhe na/ brjod par bya'o/ /lus sbyin par gtong ba dang ldan pa'i spyod pa ste/ lus ni sbyin par btang byas la/ /phyi nas spyod pa brtsam par bya/ /zhes bya ba'i tha tshig go /lus gtor pa'i sbyin pa dang/ lus dang ngag dang yid kyis sems can thams cad kyi don mdzad pa'i tshul khrims dang/ drag po'i che ba dang/ sog las gshegs pa la bzod pa'i bzod pa dang/ 'jig rten gyi chos brgyad kyi gnod pa las mnyam pa nyid kyi brtson 'grus dang/ dngos po thams cad kyi rjes su zhugs pa'i 'bad pa med pa'i rang gi dang gis 'byung ba'i bsam gtan dang/ chos thams cad mi dmigs par rjes su brtag pa'i mtshan nyid kyi shes rab ste/ 'bad pa med pa'i ro gcig pa'i dang gis thams cad du ro gcig par 'dod pa'i pha rol tu phyin pa thams cad kyi mchog go /de lta bas na/ smyon pa'i brtul zhugs la gnas pa yang dang po las la 'jug pa nyid yin no/ /tshu rol mthong ba grags pa nyams pa 'jig rten pha rol bslus pa thams cad du rigs pa tsam ma yin pa smra ba ltar ni ma yin no/ /de la slob ma brtul zhugs can byang chub sems dpa' la/ dang por gso sbyong sbyin par bya/ /phyi nas bslab pa sbyin par bya/ /zhes dgyes pa'i rdo rje las gsungs so/ /dang por gso sbyong sbyin pa ni/ /btsun pa'am slob dpon dgongs su gsol/ /bdag dge bsnyen ming 'di zhes bya ba/ byang chub kyi snying po la mchis kyi bar du/ sangs rgyas dang chos dang dge 'dun la skyabs su mchi'o/ /de ltar lan gnyis lan gsum gyi bar du bya'o/ /bdag gsum la skyabs su song bar btsun pas bzung du gsol /slob dpon dgongs su gsol/ /bdag dge bsnyen ming 'di zhes bgyi ba/ dus 'di nas nye bar bzung nas/ nyi ma ma shar gyi bar du/ srog chags gsod

  224. 112b

    ba dang/ gzhan gyi nor rku ba dang/ mi tshangs par spyod pa dang/ brdzun du smra ba dang/ de bzhin du myos par 'gyur pa'i btung ba 'thung ba dang/ dus ma yin par za ba dang/ phreng ba dang kha dog dang/ glu dang gar dang/ rtse 'jo dang/ khri stan dang/ khri stan chen po las ldog par bgyi'o/ /bdag yon tan brgyad kyis dgra bcom pa'i tshul du gnas par bgyi'o/ /zhes bya ba ni gso sbyong sbyin pa'i tshig ste/ byang chub sems dpa' khyim pa dkon mchog gsum la skyabs su 'gro bas/ srog gcod pa dang/ ma byin par len pa dang/ 'dod pas log par g.yem pa la spyod pa dang/ brdzun du smra ba dang/ rang bzhin gyis kha na ma tho ba dang bcas pa'i myos par 'gyur ba'i btung ba ched 'thung ba dang lnga las log par bgyi'o/ /mos pa dang spyod pa dang ldan pa'i byang chub sems dpa' khyim pas mi dge bcu yongs su shes par byas la/ yang mi bya bar yongs su bsdam par bya zhing/ dge ba'i las rnams ni bya'o/ /tho rangs kyi thun la langs la gdong bkru ba la sogs byas nas/ dkon mchog gsum rjes su dran pas/ oM A(rgyud 'grel): hUM zhes pas/ bdag dang gnas dang/ rnal 'byor bsrung ba byas la/ rtogs pa ji lta ba bzhin du bsam gtan dang/ bzlas pa dang/ bstod pa la sogs pa bya ba/ mtshan yang dag par brjod pa yang lan gsum du brjod par bya'o/ /de'i rjes la oM dzam+b+ha la dza len+d+rA ya swAhA zhes pa'i brgya rtsa brgyad bzlas pa'i chu khyor ba brgya rtsa brgyad dpal gnod gnas la dbul bar bya'o/ /de nas na ma(rgyud 'grel): saman+ta bud+d+ha nAM sarba ta thA ga ta a ba lo ki te/ oM sam+b+ha ra sam+b+ha ra hUM phaT swAhA/ zhes bya ba'i gtor ma'i sngags lan bdun bzlas shing/ lag pa g.yas pa'i sor mo lnga brkyang ba las/ bdud rtsi lngas sgo drung na 'dug pa'i gtor ma'i zas chu dang bcas pa zan 'bru gcig gis kyang/ yul ma ga d+ha'i bre bo cher re 'byung bar gyur par bsams la/ yi dags kyi tshogs ma lus pa la se gol lan gsum gtogs pas sbyin par bya'o//

  225. 113a

    de na sems can thams cad la bu gcig pa'i rnam pa ltar blta ba'i byams pa dang/ sdug bsngal dang sdug bsngal gyi rgyu 'khor ba'i rgya mtsho las 'byin pa bsam pa'i ngo bo nyid kyis snying rje'i bsam pa dang/ dkon mchog gsum la skyabs su 'gro bas spro bar gyur pa'i yid las byung ba'i dga' ba dang/ mi bden pa la sogs pa yongs su spong ba'i mtshan nyid kyis btang snyoms bsgoms la/ /sems can thams cad kyi don la spro ba'i sems kyis ba'i lci ba gtsang ma blangs la/ chu gtsang ma dang bsres la/ oM badzra re khe hUM zhes bya bas dkyil 'khor byin gyis brlabs la/ sa'i cha gru bzhi pa la sogs pa gang yang rung par 'dod pa maN+Dal byas la/ de'i steng du sna tshogs pad+ma 'dab ma brgyad pa'i zla ba dang/ nyi ma'i dkyil 'khor gyi steng du/ hUM sngon po las yongs su rdzogs pa'i mi bskyod pa sa gnon gyi phyag rgya 'dzin pa sku mdog sngon po'o/ /de'i rjes la yi ge oM dkar po las rdzogs pa'i byang chub mchog gi phyag rgya 'dzin pa'i rnam par snang mdzad dang/ de nas lho phyogs kyi ? ma la yi ge TaM ser po las yang dag par byung ba'i sku mdog ser po mchod sbyin gyi phyag rgya 'dzin pa'i rin chen 'byung ldan no/ /de nas nub phyogs kyi 'dab ma la/ yi ge h+ri dmar po las yang dag par byung ba'i ting nge 'dzin gyi phyag rgya 'dzin pa'i snang ba mdza' yas sku mdog dmar po'o/ /de nas byang phyogs kyi 'dab mal yi ge khaM ljang gu las byung ba'i sku mdog ljang gu mi 'jigs pa'i phyag rgya 'dzin pa'i don yod grub pa bsgoms la/ oM badzra puShpe hUM zhes pa la sogs pa/ mngon par zhen pa'i sngags pa 'dod pa thams cad kyi mchog tu gyur pa dbul bar bya'o/ /de bzhin gshegs pa lnga po 'di dag ni/ na bza' ngur smrig bsnabs pa/ gtsug tor dang bcas pa'o/ /nyi ma'i dkyil 'khor dang bcas pa ste/ rnam par snang mdzad ni zla ba'i dkyil 'khor

  226. 113b

    la'o/ /de la bzhi po ni mi bskyod pa la phyogs pa'o/ /mi bskyod pa ni sgrub pa po la phyogs pa'o/ /de dag gi mdun na gsum la skyabs su 'gro ba'i tshigs su bcad pa'i rtogs pa'i don ji lta ba bzhin du/ mngon du byas nas gdon par bya'o/ /de la gsum la skyabs su 'gro ba'i tshigs su bcad pa ni 'di yin te/ /sangs rgyas gtso la phyag 'tshal lo/ /skyabs pa'i chos la phyag 'tshal lo/ /dge 'dun che la phyag 'tshal lo/ /gsum la rtag tu phyag 'tshal lo/ /dkon mchog gsum la skyabs su mchi/ /sdig pa thams cad so sor bshags/ /'gro ba'i dge la rjes yi rang/ /sangs rgyas byang chub yid kyis bzung/ /sangs rgyas chos dang tshogs kyi mchog rnams la/ /byang chub bar du bdag gis skyabs su mchi/ /bdag dang gzhan don rab tu bsgrub pa'i phyir/ /bdag gis byang chub mchog tu sems bskyed cing/ /sems can 'di dag thams cad 'gron gnyer nas/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog /sdig pa thams cad bshags par bgyi/ /bsod nams kun la rjes yi rang/ /gso sbyong 'phags pa'i yan lag brgyad/ /snyungs bar bya ba spyad par bya/ /zhes bya'o/ /de nas tshul khrims tsandan lus la byugs/ /bsam gtan gyis ni gos kyis g.yogs/ /byang chub yan lag me tog brgyan/ /ji ltar bde ba nyid du gnas/ /zhes brjod nas/ oM badzra maN+Dal hUM mu(rgyud 'grel): zhes bya bas gshegs su gsol lo/ de bzhin du 'jam dpal la sogs pa yang/ man ngag ji lta ba bzhin mchod par bya'o/ /dkyil 'khor gyi cho ga'o/ /lci ba chu dang bcas pa sbyin pa ste/ /legs par byugs pa tshul khrims bzod pa ni/ /srog chags phra mo sel bar byed pa yin/ /brtson 'grus bya ba dag la 'jug pa'o/ /bsam gtan de dus rtse gcig byed pa'i sems/ /shes rab mtshon sogs legs par mdzes

  227. 114a

    pa yin/ /thub pa rnams kyis dkyil 'khor byas pa yis/ /pha rol phyin pa drug ni nges thob shog/ nad kun las grol gser gyi mdog tu 'gyur/ /lha dang mis mchod zla ba bzhin 'bar mdangs/ /nor dang gser phyug rgyal po'i rgyud skye bar/ /bde gshegs gnas mchog lus kyis byas bar 'gyur zhes bya ba ni/ /dkyil 'khor gyi phan yon gyi tshigs su bcad pa'o/ /lci ba chu dang me tog gis/ /rtag tu dkyil 'khor byas nas ni/ /cung zad phul nas bla ma la/ /dus gsum du ni gus phyag bya/ /gzhan dag gis ni sems mgu zhing/ /rang gi sems kyang 'phel bar byed/ /bde zhing tshad med nor dang ldan/ /bde ba can du skye bar 'gyur/ /pha rol phyin drug rdzogs par 'gyur/ /sangs rgyas sogs kyis byin gyis brlabs/ /dkyil 'khor rab tu byed pa'o/ /dpag med yon tan rdzogs par 'gyur/ /zhes bya ba la sogs pa phan yon rgyas par 'byung ba yin no/ /dkyil 'khor la sogs cho ga yis/ /yang dag shes rab pha rol phyin/ /rtag tu mchod cing bklag bar bya/ /de yi don yang rtags par bya/ /tshigs bcad gcig dang tshigs bcad bzhi/ /tshigs bcad gnyis dang sgo drug pa'i/ /gzungs dang bzang po spyod pa dang/ /phung po gsum pa dus gsum du/ /yi ge gcig nas nyer bzung nas/ /gsum gyi bar du mnyam gzhag pas/ /yi dam nyams pa med pa yi/ /blo ldan ji ltar rnyed pa bklag /sangs rgyas dang byang chub sems dpa' i ras ris dang/ glegs bam dang/ lugs ma la sogs pa mchod par bya'o/ /ras ris dang/ glegs bam dang sku gzugs la mchod pa'i cho ga'o/ /de ni dkyil 'khor chen po bkod pa'i rjes su 'brangs nas/ tsha tsha gdab pa'i cho ga bshad par bya ba/ na massa man+ta bud+d+hA nAn/ oM badzra a yu She swAhA/ 'jim pa blang ba'i sngags so/ /oM badzro rb+ha bA ya swAhA/ 'bi 'bi bya ba'i sngags so/ /oM ar dze bi re dze swAhA/ ? sku ba'i

  228. 114b

    sngags so/ /oM d+harmA d+hA tu garbe swAhA/ rgyar gzhug pa'i sngags so/ /oM badzra mung+ga ra a ko Ta ya swAhA/ gdab pa'i sngags so/ /oM d+harma A yu She swAhA/ spyan drang ba'i sngags so/ /oM badzra su pra tiSh+Tha badzra ye swAhA/ bzhugs su gsol ba'i sngags so/ /oM sarba ta thA ga tA ma Ni sha ta dwi swa te dzwa la dzwa la d+harma d+hA tu garb+he swAhA/ rab tu gnas pa'i sngags so/ /oM swa b+hA ba bi shud+d+he a ha ra a ha ra a gats+tsha a gats+tsha d+harma d+hhA tu garb+ha swAhA/ gshegs su gsal ba'i sngags so/ /oM A kaM sha d+harma d+ha tu garb+he swAhA/ bzod par gsol ba'i sngags so/ /de lta bu ni tsha tsha gdab pa'i cho ga'o/ /na mo b+ha ga ba te be ro nA ya/ pra b+ha rA dzA ya/ ta thA ga tA ya/ arha te samya ksaM bud+d+hA ya/ tadya thA/ oM su k+Sh+me su k+Sh+me/ sa ma ye pra sa ma ye/ shAn+te dAn+te/ sa ma ro pe/ a na a lam be/ pra ban be ya sho ba ni mahA te dzi nir ku le/ ni nir b+ha nak tshe ni/ sarba bud+d+hA ya d+hiSh+TA? na a d+hi Sh+TI te swAhA// //zhes bya ba'i gzungs 'di 'jim pa'am/ bye ma la lan nyi shu rtsa gcig gi bar du bzlas te/ mchod rten byas nas/ de la rdul phra rab ji snyed yod pa de snyed kyi bye ma snyed kyi 'gyur gyi mchod rten byas pa'i bsod nams thob par 'gyur ro/ /sa bcu'i dbang phyug tu 'gyur ro/ /myur du bla na med pa yang dag par rdzogs pa'i byang chub tu 'gyur ro zhes bcom ldan 'das rnam par snang mdzad kyis gsungs te/ gzungs 'di ni phan yon dpag tu med pa/ /ye d+ha rmA he tu pra g+ha bA he tun+te ShAn+ta thA ga to hya ba dang/ te ShAny+tsa yo ni ro d+ha e baM bI dA mahA sh+ra ma Na:/ /tshigs su bcad pas rab gnas byas la/ na mo b+ha ga ba te ratna ke tu rA dzA ya ta thA ga tA yArta te samya ksaM bud+d+ha ya/ tadya thA/ oM ratne ratne ma hA ratne/ ratna bo d+hi swAhA/ zhes bya ba'i gzungs la sogs pa 'di brjod cing mchod rten la phyag 'tshal la sogs pa byas nas/ mchod rten gcig la phyag byas pas mchod rten bye ba la phyag la sogs pa byas par 'gyur ro/ /'jim ba la sogs pa la mchod rten bya ba'i cho ga'o/ /'di dag thams cad khyad par can du yongs su

  229. 115a

    bsngo ba las ni khyad par can gyi 'bras bu skye zhing 'byung bar 'gyur ro/ /zhes bya bar shes rab kyi pha rol tu phyin pa las gsungs pa'i yongs su bsngo ba chen pos yongs su bsngo bar bya'o/ /de yang 'di ltar bya ste/ ji ltar de bzhin gshegs pa dgra bcom pa yang dag par rdzogs pa'i sangs rgyas rnams kyi sangs rgyas kyi ye shes dang/ sangs rgyas kyi spyan gyis mkhyen cing gzigs pa'i dge ba'i rtsa ba 'dis rigs gang yin pa dang/ sde gang yin pa dang/ mtshan nyid ji lta ba dang/ rang bzhin gang yin pa dang/ chos nyid gang yin pas yang dag par gnas pa de dag gis ji ltar mkhyen pa de ltar bdag kyang rjes su yi rang ngo/ /de dag gis ni dge ba'i rtsa ba bla na med pa yang dag par rdzogs pa'i byang chub tu bsngos pa ltar/ /bdag gis kyang yongs su bsngo bar bgyi'o/ /zhes brjod do/ /gzhan yang dge ba'i las 'di bdag gis byas pa yis/ /ring por mi thogs 'jig rten sangs rgyas nas/ /'gro la phan phyir chos ni ston byed cing/ /sdug bsngal mang pos mnar ba'i sems can grol gyur cig /bsod nams la rjes su yi rang ba dang/ yongs su bsngo ba'i cho ga'o/ /gang dang gang gis gang 'tsho ba/ /'tsho ba dag pa de rgyal ba/ /bkres dang skom sogs zhi bya'i phyir/ /sman bzhin du ni bsam par bya zhes bya bas de'i rjes la/ ji ltar snyed pa'i zas la/ oM a k+Sha ro mu khaM sarba d+harmA NAM a dyA nut pan ta twat/ oM A(rgyud 'grel): hUM phaT swAhA zhes bya bas gtor ma sbyin bar bya'o/ /de'i rjes la/ oM a sarba bud d+ha bo d+hi satwa b+hyo badzra ne bi dyA hUM zhes bya bas bshes gtsang dbul lo/ /oM ha ri ti mahA yak+Shi ni ha ra ha ra sarba pA paM na sh+ri ni swAhA/ zhes brjod la zan chang bu gnyis sbyin bar bya'o/ /oM a gra pa Ni DA si b+hya(rgyud 'grel): swAhA/ zhes bya bas ni zan gyi

  230. 115b

    chang bu gsum pa sbyin bar bya'o/ /de'i rjes la/ oM A(rgyud 'grel): hUM zhes bya bas/ rang gi snod kyi zan byin gyis brlab cing/ /dug la sogs pa rnams zhi bar gyur gyi bar du dang po mthe bong dang srin lag gis bza' bar bya'o/ /de'i rjes la ji ltar bde bar zos ba'i zas lhag ma la/ oM u ts+tshi swa binda a saM b+hya(rgyud 'grel): swAhA/ zhes bya bas lhag ma'i chang bu sbyin par bya'o/ /lhag la gzhan byin gyis ma brlabs pa ni yongs su dor bar bya'o/ /de yang gtor ma btang zhing bshos gcing dbul/ /'phrog ma dang po chang bu dang lha bo lhag ma'i btang ba ste/ 'bras bu longs spyod chen por 'gyur zhes bstan pas so/ /de'i rjes la/ 'thor 'thung la sogs pa byas la/ blo bde bas yongs su dag cing/ khyad par can gyi bde ba dang ldan pas/ sems can thams cad la phan pa dang bde ba'i phyir/ lan gsum gyi bar du 'di brjod par bya ste/ rgyal po dang ni yon bdag dang/ /sems can phung po gzhan dag kyang/ /tshe dang nad med phun sum tshogs/ /rtag tu bde ba thob gyur cig ces bya'o/ /de'i rjes la/ yongs su dag pa'i lus dang ngag dang yid kyi las ji ltar 'dod par gnas par bya'o/ /de'i rjes la dge ba'i bshes gnyen bsten nas lhan cig spyod pa dang/ skyes pa'i rabs sam/ /gtam rgyud dam/ gleng gzhi'am/ rtogs ba brjod pa'i gtam gyis nyin dang mtshan du yid shin tu gnas pas gnas par bya'o/ /de nas phyi dro'i dus su yang bzlas pa bstod pa la sogs pa ji lta ba bzhin du skyo ba med pa'i yid kyis byas la/ yi ge a la sogs pas gtor ma sbyin la rnal 'byor gyi gnyid kyis nyal bar bya'o/ /u sangs rgyas mchod la rtag tu 'jug /nye bar zhi bas dge bsnyen te/ /sems can rnams la nye bar phan/ /thams cad nye bar phan gyur pas/ /rtag tu sdig pa spong bar byas

  231. 116a

    sdig pa can dang 'gogs pa spang/ /skyes bus sdig pa spong bar byed/ /kun tu sdig pa bshags byed pa'o/ /?? ? las rnam par grol/ /ting nge 'dzin la legs mnyam 'jog /kun tu mchog tu dga' ba yis/ /mkhas pas rdzogs pa'i byang chub bsgrub/ /dus kun tu ni 'bad med pas/ /snying rjes yongs su skyong pa nyid/ /sdug bsngal byung kyang ma 'dor min/ /phan pa mchog ni byed par 'gyur zhes bya ba'i tshig gis yi ge bzhi dang ldan pa'i tshig gis ni dge bsnyen no/ /dge ba'i las ni yongs su byas/ /bsod nams tshogs ni nya bar bsags/ /goms pa'i dbang gis bsad pa bzhin/ /dge ba rmi lam nyid na'ang byed/ /'gro ba thams cad dri med pa'i/ /gzugs brnyan bzhin du mthong 'gyur na/ /thams cad smra ba'i skyes bu ltar/ /rjes su mi dmigs bzhin du byed/ /de lta bas na phyir mi ldog ba zhes brjod do/ /de ltar nyin dang mtshan du rgyun mi 'chad par/ /bsod nams kyi tshogs nye bar bsags pa byang chub kyi snying po'i bar du sems can la phan pa dang/ bde bas yang dag par gnas so zhes bya ba yin no/ /dbu ma'i don la mchog gzhol ba/ /nam mkha' i snying po zhes bya bas/ /dang po las la mnyam 'jog cing/ /yi dam nyid du 'di byed pa/ /rdo rje gdan nas 'ongs 'gyur te/ /bram ze'i rigs pa zhi ba'i sems/ /de yi gsol btab dang po'i las 'di dag gis byas/ /nam mkha' i snying pos gsol btab bdag gis dngos po yi/ /cho ga'i tshig 'ga' tsam zhig bstan pa yis/ /byang chub goms par byas nas myur du nyon mongs pa'i/ /sdig pa'i blo yis dri ma'i rab rib 'dis sel shog/ dang po las ba'i cho ga yis/ /bdag gis bsod nams gang thob pa/ /dang po'i las can de dag dang/ /'gro bas gnyis med thob par shog /slob dpon mkhas pa chen po nges par sbyangs ba/ /gnyis su med pa'i rdo rjes mdzad pa lta

  232. 116b

    ba ngan pa sel ba zhes bya ba rdzogs so// //mkhan po bla ma badzra pA Ni'i zhal snga nas dang/ bod kyi lo tsa ba mtshungs ston ye shes 'byung gnas kyis bsgyur ba'o// //*/ /rgya gar skad du/ ma b+hya? ma ShaT/ bod skad du/ dbu? ma drug pa/ sangs rgyas la phyag 'tshal lo/ /mdza' bzhi las ni rnam grol ba'i/ /shes pa skad cig ma yod de/ /rtog pas stong zhing dmigs pa med/ /rnam bcas smra bar shes par bya/ /chad pa ma yin rang rig ni/ /sngon po la sogs par snang ba/ /de ni mtshan nyid kyis ma skyes/ /dbu ma pa yi lam du 'dod/ /mdza' bzhi las ni rnam grol ba'i/ /gsal ba brdzun pa'i mtshan nyid de/ /de ni sgyu mar ltar gnyis med/ /tshad mar ldan pa'i grub mdza' o/ /dngos po stong par rig pa gang/ / snang ba med cing sgrib g.yogs med/ /de nyid dbu ma pa yi lam/ /rjes thob dag pa'i kun rdzob yin/ /gsal ba 'am ni mi gsal ba/ /de nyid la ni dmigs su med/ /rnam kun ma skyes pa rang bzhin/ /gzhan dag bdun pa ru 'dod/ /mdza' bzhi las ni rnam grol ba'i/ /gsal ba lha yi bdag nyid can/ /gnyis med mchog tu bde ba'i dngos/ /rten cing 'brel 'byung tsam bdag nyid/ /dbu ma drug pa zhes bya ba slob dpon mkhas pa me tris mdzad pa rdzogs so// // bla ma badzra pA Ni dang/ nag tshos bsgyur ba'o// // */ (/lta ba ngan pa sel ba'i drang zhes bya ba gnyis med rdo rjes mdzad pa bzhugs so//) //rgya gar skad du/ ku driSh+Ti nirga ta ti ba/ bod skad du/ lta ba ngan pa sel ba'i dran pa/ /rdo rje 'dzin la phyag 'tshal lo/ /de la gnas skabs ni rnam pa gsum ste/ /rgyu'i gnas skabs dang/ 'bras bu'i gnas skabs dang/ sems can don byed pa'i gnas skabs so/ /de la slob pa ni rgyu'i gnas skabs so/ /'bras bu'i gnas skabs dang/ sems

  233. 117a

    can gyi don byed pa'i gnas skabs ni de bzhin gshegs pa'o/ /de la rgyu'i gnas skabs zhes bya ba ni/ /byang chub mchog tu sems bskyed pa nas bzung nas byang chub kyi snying po la gnas kyi bar ro/ /'bras bu'i gnas skabs zhes bya ba ni/ yang dag par rdzogs pa'i byang chub kyi ye shes skyes pa/ nyon mongs pa thams cad spangs pa/ yon tan thob pa'i gnas skabs so/ /sems can gyi don byed pa'i gnas skabs zhes bya ba ni/ dang po chos kyi 'khor lo bskor ba nas bzung ste bstan pa ma nub kyi bar ro/ /de la rgyu'i gnas skabs ni gsum ste bsam pa'i gnas skabs dang/ sbyor ba'i gnas skabs dang/ dbang gi gnas skabs so/ /de la bsam pa'i gnas skabs ni sems can nges par thar ba'i smon lam ma/ /de'i nye ba'i dka' pa bzhi ni 'di lta ste/ sdug bsngal nye bar gsal ba las so sor rtogs pa dang/ dgos pa las so sor rtogs pa dang/ grogs las so sor rtogs pa dang/ longs spyod las so sor rtogs pa'o/ /de la thabs su 'gro ba byang chub tu smon pa ste/ de'i rjes su tshol ba bzhi ni 'di lta ste/ rigs dang bshes gnyen dam pa dang snying rje dang sdug bsngal la ji snyam pa'i bzod pa dang/ rkyen bzhi bzhi rnams las byang chub kyi sems skye bar 'gyur te/ zhes bya ba'i tshig bcu po 'di dag gis ston te/ lhag pa'i bsam pa'i gnas skabs so/ /lhag par mos pa'i sbyor bas sbyor lam pha rol tu phyin pa bcu dang/ sa thob pa'i pha rol tu phyin pa bdun no/ /de la lhag par mos pa'i pha rol tu phyin pa bcu ni/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes te/ de ni pha rol tu phyin pa bcu'o/ /sa thob pa'i phun sum tshogs pa bzhi ni/ bsam pa dang/ sbyor ba dang/ yongs su 'dzin pa dang/ sbyin pa phun sum tshogs pa ste/ sbyin pa dang/ tshul

  234. 117b

    khrims dang/ bzod pa dang/ brtson 'grus dang/ bsam gtan dang/ shes rab dang/ thabs te/ de dag ni pha rol tu phyin pa bdun no/ /lhag par mos pa'i sbyor bas pha rol tu phyin pa dag bye brag tu 'gyur ro/ /rnam pa gnyis po 'di dag ni sbyor ba'i gnas skabs so/ /de la dbang lnga ni 'di lta ste/ nyon mongs pa dang/ skye ba dang/ las dang/ thabs dang/ sems can yongs su smin pa la dbang ba rnams so/ /de'i rgyu'i gnas skabs gnas pa las dang po pa rnams kyis thams cad bya'o/ /de la 'bras bu'i gnas skabs dang/ sems can gyi don byed pa'i gnas skabs la gnas pa rnams kyis/ shAkya thub pa ltar 'bad pa med pa las dang po pa la rab tu 'jug go /'dis ni lta ba ngan pa sel ba rgyas par shes par bya'o/ /lta ba ngan pa sel ba'i dka' 'grel lam dran pa dpal ldan nges par sbyangs pa gnyis su med pas mdzad pa rdzogs so// //badzra pA Ni dang mtshung gyis bsgyur ba yin no// // */ /rgya gar skad du/ sa ha dza Sha Ta ka /bod skad du/ lhan cig skyes pa drug pa/ rdo rje 'dzin pa la phyag 'tshal lo/ /rtag dang chad las nges grol ba/ /da nyid bde gshegs rnams kyis bzhed/ /rang bzhin las skyes chos rnams la/ /sgrub dang sel bar phyugs ni brjod/ /yod par smra ba rnams la brjod/ /thams cad rnam par dpyad na med/ /med par smra ba la brjod pa/ /rnam par dpyad na thams cad yod/ /ji lta ji ltar sgro btags pa/ /de nyid rnal 'byor pa rnams skye/ /de lta de ltar sgro btags pa/ /rnal 'byor de nyid kyis ni 'joms/ /gang phyir lhan cig skyes ma bcos/ /de phyir dogs med lhan cig skyes/ /bde bas lhan cig skyes gzhan min/ /bde ba dogs pa med mtshan nyid/ /shes phyir dogs pa med pa'i bdag /dbyer med rtogs pa dam pa bde/ /sna tshogs rang rig rtogs byas pas/ /lhan cig skyes

  235. 118a

    pa'i rgya mtshor nub/ /sngags kyi de nyid rnal 'byor pas/ /dogs med don la rab tu gnas/ /srid pa yang 'di bla mar byas/ /dogs pa med pa'i yul gyis ston/ /lhan cig skyes pa drug pa bla ma mai tri pas mdzad pa rdzogs so// // bla ma badzra pA Ni dang/ mtshur gyis bsgyur ba'o// //rgya gar skad du/ swapna? ni ra de sha /bod skad du/ rmi lam nges par bstan pa/ sangs rgyas la phyag 'tshal lo/ /'dul ba dang ni chos mngon dang/ /mdo las rgyal ba skyes mchog gis/ /rmi lam lta bur chos gsungs pa/ /gsal bar 'dir ni bstan pa yin/ /rmi lam bden pa 'am brdzun pa 'am/ /sna tshogs sems sam rnam med sems/ /sgyu ma 'am yang na mi gnas las/ /dam pa ltar ni gang zhig 'dod/ /ma rtogs pa na rmi lam bden/ /rtogs na de ni brdzun 'gyur te/ /dang por rtag par shes bya ste/ /gnyis pa chad par gyur pa yin/ /rab tu sad pas rtog pa sel/ /nyams su myong ba sel ma yin/ /sems bcas sna tshogs sel bdag nyid/ gang zhig nyams su cher myong ba/ /skad cig 'jug pa kun gzhi rtsa/ /sna tshogs snang ba 'jug pa rnams/ /de dang der ni rnam par brtag /sems 'di nyid ni de ltar 'dod/ /gal te rmi lam rmi lam nyid/ /sems dngos sna tshogs de tshe brdzun/ /yod dang med pa 'jug med pa/ /gsal ba la ni chad pa med/ /ci ste ming med la ming btags/ /ming ni sgyu ma nyid du dogs/ /ming la ming ni rigs ma yin/ /ming ni mi gnas pa yin no/ /'dir ni drug las gnyis der byos/ /bzhi ni rtogs par bya ba'o// sna tshogs 'di dag rmi lam mtshungs/ /de ltar rgyal ba mchog gis gsungs/ /mi gnas gzhur ni rtogs bya ste/ /sangs rgyas pa kun nor yin pas/ /rang rig dang ni bla ma'i bka' / /lung gi khyad par gyis shes so/ /rmi lam nges par bstan pa slob dpon

  236. 118b

    gnyis med rdo rjes mdzad pa rdzogs so// //bla ma badzra pA Ni dang dge slong tshul khrims rgyal bas bsgyur ba'o// //rgya gar skad du/ mA yA ni ru k+ta ti nA ma/ bod skad du/ sgyu ma nges par bstan pa zhes bya ba 'jam dpal gzhon nur gyur pa la phyag 'tshal lo/ /'gro rnams sgyu ma ji bzhin du/ /dngos med tshe na mngon sangs rgyas/ /mkhas pas bde ba'i bsam pa yis/ /'gro 'di ci phyir grol ma byas/ /sgyu ma mkhan byas sgyu ma ni/ /khyim ni rab tu 'bar ba la// kha cig la ni bden par snang/ /sgyu ma mkhan bzhin mkhas pas rig /sgyu mar mthong bas 'bad med par/ /'dod pa gang de rang 'ong 'gyur/ /'di la thams cad sgyu ma spyod/ /gang kun sgyu mar rtogs pa'i phyir/ /khyod kyis brdzun par ma rtogs par/ /sgyu ma rtag par smra bar gyis/ /chos dbyings ma skyes pa yi phyir/ /chad par thal bar mi 'gyur ro/ /chos rnams ma skyes mi 'gog phyir/ /bems por gyur pa ma yin no/ /chos rnams stong nyid las skyes pa'i/ /stong las chos nyid gzhan ma yin/ /de yi phyir na kun mkhyen gyis/ /sangs rgyas nyams par mi mdzad do/ /'bad med dbang gis thams cad du/ /chos kyi 'khor lo bskor ba'ang 'jug /rkang pa brkyang pa spangs nas ni/ /nga rgyal la sogs btang nas kyang/ /gnas med gnas la legs gnas te/ rnal 'byor pa yi chos la sbyong/ /bza' dang btung ba'i ro rnyed nas/ /dag pa nyid kyi gtam smra zhing/ /gang zhig spyad pa mi spyod pa/ /rdzogs pa'i byang chub spyod 'di min/ /skye bo de nyid gtam smra zhing/ /spyod pa 'di la yi rang byed/ /rig pa bsgrub pa nyams len pa'i/ /'byor pa'i skye bo rnyed par dka' / /sa yi mal la phyogs kyi gos/ /slongs mo'i zas ni za ba dang/ /skye med chos la bzod pa dang/ /'bad med brtse ba 'jug pa'o/ /chos gang skye bo las rgyal ba/ /de las rgyal ba de spyod pa/ /de yi 'bras bu tshe 'dir ltos//

  237. 119a

    bla med 'bras bu smos ci dgos/ /sgyu ma bstan pa'i bsod nams gang/ /dge ba'i sems kyis gang thob des/ /gnyis med 'jig rten las 'das pa/ /go 'phang 'jig rten gyis thob shog /sgyu ma nges par bstan pa slob dpon gnyis med rdo rjes mdzad pa rdzogs so// //rgya gar gyi mkhan po badzra pA Ni dang/ lo tsa ba dge slong tshul khrims rgyal bas bsgyur ba'o// //rgya gar skad du/ a pra sa ta pra ka sa nA ma/ bod skad du/ rab tu mi gnas pa gsal bar ston pa zhes bya ba/ 'jam dpal gzhon nur gyur pa la phyag 'tshal lo/ /shes pa rab tu mi gnas pa/ /sangs rgyas pa nor thams cad 'dod/ /'on kyang 'bad med sbyor ba yis/ /gang tshe sems can don byed na'o/ /gal phyir gzhan sel sgrub las skyes/ /de ni rtag dang chad la gnas/ /rtag tu ma skyes mi 'gag nyid/ /skyes dang 'gag pa byol song tshig /gal te rang rig par ma na/ /rig de sems can 'dod pa yin/ /snang ba thams cad spangs pa'i phyir/ /sems can bden pa ma yin no/ /rjes la sems can 'dod ce na/ /de tshe sems can rdzas yod min/ /dam bcas gcod pa'i gnod pa'i don/ /rjes su btags pa zhes brjod do/ /dngos gzhi la yang rig pa yod/ /rjes la de ltar snang ba'i phyir/ /dang po mi rtog par 'gyur zhing/ /de las 'dzin pa'i shes pa por/ /'das dang ma 'ongs la sogs pa'o/ /sems ni gnas pa yod ma yin/ /des na de dag med par ni/ /'gro la 'gro ba'i mgon pos bstan/ /chos rnams kyis ni skye ba nyid/ /rang nyid gnyug ma bsam mi khyab/ /de nyid stong pa nyid ces brjod/ /chad pa'i rjes 'gro ma yin no/ /rab tu mi gnas sa bon las/ /'bras bu rab tu mi gnas 'byung/ /skyob pa'i de nyid dam pa ste/ /bcos ma'i bcos ma de bzhin no/ /de

  238. 119b

    bzhin bsam gtan yod med ces/ /chags med spyod la brjod du med/ /gang phyir brten nas 'byung ba rnams/ /nyams myong de bzhin rtag tu skye/ /brten nas 'byung ba gang dang gang/ /de de gnyis med sna tshogs sems/ /stong dang sna tshogs sems dbye bas/ /chos dang longs spyod sprul pa nyid/ /bdag gis mi gnas brjod pa las/ /dge ba bsags pa gang yod des/ /nye bar spyod pa thams cad dang/ /'gro rnams mi gnas thob par shog /rab tu mi gnas pa gsal bar bstan pa/ /slob dpon gnyis med rdo rjes mdzad pa rdzogs so// //badzra pA Ni dang/ nag tshos bsgyur ba'o// // */ /rgya gar skad du/ tat+twa da sha ka nA ma/ bod skad du/ de kho na nyid bcu pa zhes bya ba/ 'jam dpal gzhon nur gyur pa la phyag 'tshal lo/ /yod dang med pa'i sbyor bas kyang/ /spangs pa gang zhig dri med pa/ /byang chub rang bzhin rtogs pa gang/ /de bzhin nyid de phyag 'tshal 'dud/ /de bzhin nyid ni shes 'dod pas/ /rnam bcas ma yin rnam med min/ /bla ma'i ngag gis ma brgyan pa'i/ /dbu ma'ang 'bring po tsam nyid do/ /dngos po 'di ni byang chub 'gyur/ /chags pa spangs pa'i rang bzhin nyid/ /'khrul pa las ni chags med 'gyur/ /'khrul ba'ang gnas pa med par 'dod/ /de nyid ci na dngos rang bzhin// dngos po dngos med gang yin pa'o/ /dngos po med pa'ang dngos por 'gyur/ /rgyu dang 'bras bu'i rang bzhin gyis/ /de ltar chos rnams ro gcig ste/ /thogs pa med cing gnas med par/ /ji lta ba yi ting 'dzin gyis/ /'di dag thams cad 'od gsal te/ /ji lta ba yi ting 'dzin yang/ /rab tu 'jug pa'i sems nyid kyis/ /gang phyir de yi gnas rig pas/ /de nyid rgyun mi 'chad las skyes/ /shes dang shes bya rnam bral ba'i/ /'gro ba nyid ni gnyis med 'dod/ /gnyis dang bral ba rlom pa yang/ /de

  239. 120a

    ltar 'od gsal ba nyid do/ /de lta'i de nyid nges rtogs na/ /ji lta de ltar gang de na/ /rnal 'byor mig ni rgyas 'gyur bas/ /kun tu seng ge ji bzhin no/ /'jig rten chos la rnam log 'dis/ /smyon pa'i spyod pa la brten nas// bdag byin brlab pas rnam brgyan nas/ /dmigs pa med par thams cad byed/ /dri med de nyid gang bstan cing/ /gnyis su med par gang smras pa/ /mnyam dang mi mnyam 'di spangs nas/ /blo chen rnams kyis rtogs bya'i rigs/ /de kho na nyid bcu pa/ slob dpon gnyis su med pa'i rdo rjes mdzad pa rdzogs so// //bla ma phyag na dang/ mtshur gyis bsgyur ba'o/ /phyis lo tsa ba tshul khrims rgyal bas bsgyur ro// //rgya gar skad du/ dzu ga na dwa pra ka sa nA ma/ bod skad du/ zung du 'jug pa rab tu gsal ba bstan pa zhes bya ba/ 'jam dpal gzhon nur gyur pa la phyag 'tshal lo/ /gang dang gang snang de dag par/ /rtogs par gyur na mi 'gyur nyid/ /rkyen las skyes pa de 'gyur ba/ /de yang rkyen las de ma skyes/ /gzugs las gzungs ni yod ma yin/ /mig la yang ni yod ma yin/ /de skyes rnam shes la yang min/ /ji ltar gtsub shing mi stan bzhin/ /gtsub shing dang ni gtsub gtan dang/ /skyes bu'i lag pa ma brten par/ /sngon du ma ni grub pa med/ /de ni 'di dag brten nas 'byung/ /bdag gi bu bas sngar rmongs sam/ /'on te bu las rmongs par 'gyur/ /bu nyid la ni sngar zhen pa/ da ni rdzas su yod ma yin/ /de ltar rkyen nyid 'ba' zhig phyir/ /chos rnams rang bzhin med pa nyid/ /de la gnas pa'i rnal 'byor pas/ /bde mchog las ni nyams mi 'gyur/ /thams cad blang dang dor med kyang/ /tha snyad du ni 'jug par 'gyur/ /'di dag sgyu ma bzhin dngos med/ /rkyen las byung bar rtogs pa'i phyir/ /ma skyes phyir na rang bzhin med/ /rkyen las byung ba mi 'gag nyid/ /dngos dang dngos

  240. 120b

    med nyams pas na/ /zung du 'jug pa snang bar 'gyur/ /stong pa snying rje gcig gyur pa/ /rang gi rtog pas byas pa min/ /stong pa nyid dang rab gsal ba/ /rang bzhin zung du 'jug pa nyid/ /rnam pa kun mchog rgyas ldan pa'i/ /zab mo gnyug ma'i snying po nyid/ /mngon sum rig pa sangs rgyas kyis/ /mchod pa legs sbyor byed pa yin/ /lus dang ngag dang sems kyis ni/ /rtag tu blo bzang rab gnas na/ /spyod pa byed dang mi byed kyang/ /de la spyod pa byed ces brjod/ /zung du 'jug pa rab tu gsal ba bstan pa zhes bya ba/ slob dpon a ba d+hU tIs mdzad pa rdzogs so// //badzra pA Ni dang/ nags tshos bsgyur ba'o// // */ /rgya gar skad du/ pri Na pany+tsa ka /bod skad du/ dga' bcugs lnga pa/ sangs rgyas la phyag 'tshal lo/ /snang ba mchog tu bcugs pa ni/ /rten cing 'brel 'byung tsam nyid de/ /med par 'gyur na stong pa nyid/ /'dod pa mo dngos 'ching bar 'gyur/ /stong nyid shin tu mchog gyur pa'i/ /mdza' bo dpe med gzugs ldan gang/ /de dang rgyal byed na ni/ /dga' ba de yi gtso bo brlag par 'gyur/ /de phyir dogs pas khyo shugs gnyis/ /bla ma dam pa'i spyan sngar gnas/ /de yis de dag sngon bzhin du/ /dga' bas lhan cig bcugs par mdzad/ /e ma'o bla ma mchog mkhas ni/ /'di lta bu la mkhas pa mtshar/ /rang bzhin gnyis med dmigs pa med/ /bla na med par gnyis ka skyes/ /mtshan nyid thams cad yang dag rdzogs/ /mdza' gnyis rnam par spangs pa ste/ /dngos po kun gyi ngo bo nyid/ /rang bzhin med par rtag tu shar/ /dga' bcugs lnga pa/ slob dpon mai tri pas mdzad pa rdzogs so// //bla ma phyag na'i zhal snga nas dang/ lo tsa ba rma ban gyis bsgyur ba'o// //rgya gar skad du/ ni pre te pany+tsa ka /bod skad du/ mi phyed pa lnga pa/ sangs rgyas la phyag 'tshal lo/ /sangs rgyas rtogs

  241. 121a

    na 'gro ba dag /sangs rgyas rtogs pa can rtsa lag /e ma'o sangs rgyas bzod nas dag /sangs rgyas bstan pa ji ltar rtogs/ /'dis ni gnyen po dang de kho na dang/ 'bras bu la rnam par rtog pa bzlog pa ni/ /rang bzhin gyis dbyer med pa can te/ ngo bo nyid bstan pa'o/ /ye shes rnyog med stang pa ste/ /lhun grub snying rje'i bdag nyid can/ /de yang rkyen las skyes pa ste/ /dngos dang dngos med rnam bar spangs/ /'dir ni dbyer med rtogs pa'i rang bzhin bstan pa'o/ /chos rnams stong pa ya mtshan che/ /snying rje shin tu ngo mtshar che/ /'khor lo sdom pa'i nus pa mtshar/ /kun rdzob dag pa shin tu mtshar/ /'dis ni shin tu 'jungs bas lhan cig skyes pa'i mthu bshad pa'o/ /ha ci brjod pa ji ltar bshad/ /bshad na skye bo su yi go/ rtogs par gyur na mi 'gyur nyid/ /lhun gyis grub pa nyid du snang/ /'dis ni snying rje rab tu mi gnas pa'i chos zab mo'i tshul la mos pa'i skyes bu rnyad par dka' bar bstan pa nyid do/ /rang gi las kyi sa bon skud/ /gnad gcod pa yi 'bras bu gang// bdag gis gzhan la gtsa ste/ /e ma'o de nyid kyis ni bzod/ /'dis ni rang gi las kyi skud pa'i mdud pas bkris pa'i blo dang ldan pa'i sems can thams cad byang chub sems dpa' yongs su 'dzin par byed cing thugs la dgongs pa'o/ /mi phyed pa lnga la slob dpon mai tri pas mdzad pa rdzogs so// //rgya gar gyi mkhan po badzra pA Ni dang/ lo tsa ba rma ban gyis bsgyur ba'o// //rgya gar skad du/ mahA su kha pra ka sa/ bod skad du/ bde ba chen po gsal ba/ sangs rgyas la phyag 'tshal lo/ /thabs shes ngo bo nyid can gyi/ /rdo rje sems dpa' la btud nas/ /dngos po de nyid mdor bsdus pa/ /bde ba chen pa bdag gis bshad/ /bskyed rim bsgom pa gcig yin te/ /gnyis pa rdzogs pa'i mi bsgom pa'o/ /de phyir gnyi ga

  242. 121b

    bsgom pa ni/ /de ni bdag gis 'dir brjod bya/ /chos rnams rkyen med pa ru ni/ /gsang sngags kyi theg pa zhes bya'o/ /de la pha rol tu phyin pa'i theg pa la gsum ste/ mdo sde pa dang/ rnal 'byor pa dang/ dbu ma la gnas pas spyad par bya'o/ /gsang sngags kyi tshul la yang gnyis ta/ rnal 'byor pa dang/ dbu ma la gnas pa'o/ /rnal 'byor spyod pa la yang rnam pa gnyis te/ rnam pa dang cas pa dang/ rnam pa med pa'i dbye bas so/ /de bzhin du dbu ma la yang rnam pa gnyis te/ sgyu ma lta bur gnyis su med par smra ba dang/ chos thams cad rab tu mi gnas par smra ba'i dbye bas so/ /de la nyan thos kyang rnam pa gsum ste/ tha ma dang/ 'bring dang/ mchog gi dbye bas so/ /de la tha ma dang 'bring ni bye brag tu smra ba'i phyi ma'o/ /mchog ni kha che bye brag tu smra ba'o/ /de la nyan thos tha ma'i dpyad par bya ba ni sngon po dang/ ser po la sogs pa'i phyi'i don khas len pa sngon du 'gro bas/ gang zag ni rtag pa dang/ mi rtag pa nyid dang bral ba'o/ /zhes rnam par dpyad pa'o/ /de yang sngon po la sogs yod par ni/ dngos 'dzin gdon gyis zin pa rnams/ /zab mo'i lugs kyi 'jigs pa yi/ /'gro ba shin tu rmongs pa la'o zhes bya ba dang/ khur khur ba'i gang zag kyang yod do/ /rtag pa zhes kyang mi brjod/ /mi rtag pa zhes kyang mi brjod do/ /gang zag 'dod chags dang bcas pa ni 'khor bar 'gyur bas/ 'dod chags rab tu spang ba'i phyir /mi sdug pa'i bsam gtan bsgom par bya'o/ /mi sdug pa bsgom pa yang lus kyi gshang ba dang/ gci ba dang/ khu ba dang/ khrag dang/ ngar snabs dang/ rgyu ma dang/ gzhag dang/ glo ba dang/ snying dang/ mkhal ma dang/ mcher pa dang/ pho ba la sogs tshogs pa la nges par spyod do/ /de yang gsungs pa/ re zhig pags pa'i kha sbyor 'di/ /rang gi bla yi tha dang dbye/ /sha dang rus pa dra ba las/ /she rab mchog gyis dbye bar bya/ /rus pa rnams

  243. 122a

    kyang dbye byas nas/ /rkang gi bar du blta byas na/ /'di la snying po ci yod ces/ /bdag nyid kyis ni brtag par bgyi zhes bstan pas/ gang zag gi rtag par blta ba sngon du song ba ni ting nge 'dzin gyi dri ma'o/ /ji srid 'tsho'i bar du sangs rgyas dang chos dang/ dge 'dun la skyabs su mchi'o/ /bde bar gshegs pa dang/ rgan po gnyis la phyag bgyi'o/ /dge ba'i rtsa ba ci bsags pa/ /bdag nyid gcig pu dul bar bgyi'o/ /bdag nyid gcig pu zhi bar bgyi'o/ /zhes bya ba ni lta ba'o/ /'bring po'i lta ba dang/ dpyad pa ni snga ma bzhin no/ /'di ni gzhan gyi don cung zad bye bar 'dod pa dang/ dbubs dbyung ba dang/ dbugs rdub pa'i ting nge 'dzin gyis rtag pa nyid dang bral ba'i gang zag la lta ba'i bsam gtan dang/ rlung gi bum pas sems med pa'i rang bzhin ni ting nge 'dzin gyi dri ma'o/ /bem por gyur pa'i phyir ro/ /mchog ni phyir don khas len cing/ lus la bdag med pa nyid du rnam par gzhi tsing dpyad pa'o/ /'phags pa'i bden pa bzhi yongs su shes pas stong pa nyid du blta ba ni bsam gtan no/ /'dir ni sdug bsngal ni phung po lnga'i rang bzhin te shes par bya'o/ /kun 'byung ni rnam par brtog pa ste spang bar bya'o/ /'gog pa ni lhag mthong ste mngon du'o/ /lam ni stong pa nyid de bsgom par bya'o/ /stong pa nyid kyang rtag tu zhi ba'i rnam pa nyid du sgro btags pa ni bsam gtan gyi dri ma'o/ /yang 'di'i lta ba ni gzhan don byed pa'i khyad par ro/ /yang 'dir nyan thos tha ma ni rigs nges pa nyid kyi phyir dang/ snying rje dang bral ba'i phyir nyan thos kyi byang chub nyid du 'gyur ro zhes kha cig 'dod do/ /gzhan da ni thams cad sangs rgyas nyid du 'gyur/ /'di na skal med 'ga' yang med ces bya bas/ bdag gis yang dag par rdzogs pa'i byang chub bsgrub pa la sgyid lug pa mi bya'o/ /snyam sems shing/ nyan

  244. 122b

    thos tha ma yang dag par rdzogs pa'i sangs rgyas su 'gyur ro zhes zer ro/ /rigs nges pa yang sangs rgyas 'ga' zhig la bsten nas 'gyur ro snyam sems so/ /'bring po sangs rgyas nyid du 'gyur ba'o/ /skye ba min par nges pa ste/ /rten cing 'brel 'byung rang bzhin phyir/ /hUM skyes ma skyes des ci min/ /stong nyid byang chub las sa bon/ /sa bon las ni gzugs skyes 'gyur/ /gzugs pa'ang dgod dang de dgod bya/ /da phyir thams cad rkyen las skyes/ /phyi rol gnyis ni snyoms 'jug pa/ /thub pa yis ni nye ba bstan gang/ /de ni nang gi rtogs don du/ /rgyud du gsal bar shes par bya/ /bde ba ngo bo nyid 'dod gang/ /bde ba med na byang chub min/ /yod na'ang chags pa chen po ste/ /'khor bar skye ba'i rgyud nyid do/ /rten cing 'brel 'byung bde ba gang/ /bzod nas zhi ba'i bde bar rtogs/ /de phyir dngos po med par brjod/ /bde ba yod min med pa'ang min/ /re zhig de ni ma skyes pa/ /chos rnams kyis ni don dam nyid/ /bde ba brdzun pa gsal ba ni/ /dag pa'i kun rdzob tu shes pas/ /bden pa nyid 'di rnam par dag/ kun rdzob stong nyid rnal 'byor pa/ /gnyis po gnyis med bsgrub bya ste/ /don dam par spangs byas so/ /sngags dang dbyibs kyi sbyor bdag nyid/ /blo ldan bde ba der song nas/ /de nas sna tshogs sgyu ma bzhin/ /gnyis su med par de ltar mthong/ /de nas yang dag mthar 'jug cing/ /zung 'jug go 'phangs rtogs par 'gyur/ /zung 'jug la gnas rnal 'byor pa/ /sems can don la gcig tu brton/ /bde sems lha yi rnal 'byor pa/ /sna sogs 'khor lo thabs yin te/ /shes rab stong pa nyid du brjod/ /de ni bdag nyid sgrub byar 'dod/ /phyi nang dag pa de nyid ni/ /shes rab thabs kyi bdag nyid de/ /bde ba gnas med rnal 'byor pas/ /mdor bsdus 'di ltar shes par bya/ /rten cing 'brel 'byung tsam nyid phyir/ /yod pa ma yin stong nyid min/ /rang bzhin med pa'i rang bzhin ?

  245. 123a

    snang ba lha yi rnal 'byor yin/ /ji lta ji ltar snang gyur pa/ /de lta de ni stong nyid bdag /gnyis dang gnyis med shes pa gang/ /de ni de yi bag chags 'bras/ /he ru ka yi rnam byed pas/ /dngos 'di bla mar byas nas su/ /seng+ge lta bur sa stengs rgyu/ /gang zhig rgyal ba rnams kyi dag pa rnam pa sna tshogs 'di dag kun nas rtag tu snang/ /gzod nas ma skyes mi 'jigs bskal ba bye bar rang dang gzhan du rtog pa spangs pa yi/ /bde ba brdzun par snang ba srid dang zhi ba mnyam pa nyid du gnyis med rang bzhin phyir/ /'di ni 'khor lo'i bdag po rgyal ba'i yon tan du gyur thub dbang rdo rje mkha' 'gro nges par 'gyur/ /bde ba chen po gsal ba slob dpon a ba d+hU ti pa dpal gnyis su med pa'i rdo rjes mdzad pa rdzogs so// // bla ma badzra pA Ni dang/ rma ban gyis bsgyur ba'o// //rgya gar skad du/ ta t+twa ratna a ba li nA ma/ bod skad du/ de kho na nyid rin po che'i phreng ba zhes bya ba/ /'jam dpal gzhon nur gyur pa la phyag 'tshal lo/ /ston ka'i zla ba dri med 'od/ /rdo rje sems dpa' i zhabs gnyis kyis/ /chu skyes la ni phyag 'tshal nas/ /de nyid rin chen brjod par bya/ /brgyud pa'i gzhung lugs las nyams shing/ /rab rib kyis ni mig bkab pa'i/ /skyes bu rnams la yang dag pa'i/ /de nyid rin chen rnam bshad bya/ /de la theg pa ni gsum ste/ /nyan thos kyi theg pa dang/ /rang sangs rgyas kyi theg pa dang/ theg pa chen po zhes bya'o/ /gnas pa ni bzhi dag ste/ bye brag smra ba dang/ mdo sde pa dang/ rnal 'byor skyong ba dang/ dbu ma ba'i dbye bas so/ /de la bye brag tu smra ba'i gnas pa ni/ /nyan thos kyi theg pa dang/ rang sangs rgyas kyi theg pa zhes bya'o/ /theg pa chen po yang rnam pa gnyis te/ pha rol tu phyin pa'i theg pa dang/ mchog ni bskal pa grangs med pa bzhis sangs rgyas nyid du 'gyur ro zhes zer ro/ /rang sangs

  246. 123b

    rgyas rnams kyi dpyad pa ni/ nyan thos mchog rnams kyi bzhin no/ /'di la zhugs pa'i gang zag ni stong pa nyid dang/ bsam du med pa'i mtshan nyid dang/ slob dpon med pa dang/ rang byung gi ye shes dang/ lhag mthong dang zhi gnas so/ /de la lhag mthong ni dbang po rnams 'gog pa dang/ gan zag mi dmigs pa'o/ /zhi gnas ni lus dang ngag dang yid yang dag par sdom pa ste/ 'di ni 'di'i bsam gtan no/ /'di la gnyis kyi sems bsdus pa'i bde ba'i gnas skabs kyi sems kyi bsam gtan dang/ sems las byung ba shin tu 'gags pa'i gnas skabs ni bsam gtan gyi dri ma'o/ /de la snga ma ni nyi ma'i gzhung bzhugs pa rnams kyi ste/ de 'ang/ 'ong bar gyur pa'i gnyid dag ni/ /phyi yi spyod yul nyams pa na/ /yid kyi spyod yul gang gyur pa/ /de ni 'bad bas bsgom par bya zhes bya ba dang gzhan yang bye brag pa'i gzhung gis rjes su 'brang ba rnams kyi yang/ klu sgrub kyi zhal snga nas/ shes pa med pa'i ye shes gang/ /gnyid kyi dpe yi bsgrubs pa ni/ /dbang po'i 'gags pa'i shes pa ste/ /bye brag pa yi 'dod pa yin/ / bcom ldan 'das kyi gsung rab las kyang/ rgyal byed tshal ni nyams dga' bar/ /bdag nyid wa ru gyur yang bla'i/ /bye brag pa yi thar pa ni/ /nam yang go tam ma 'tshal lo/ /zhes bstan pa yin no/ /'di yang bskal pa grangs med pa bzhi 'das nas sangs rgyas su 'gyur ba'o/ /nyan thos dang rkyen rtogs 'di dag gi snying rje yang sems la dmigs pa ste/ sdug bsngal gyi sdug bsngal nyid dang/ 'gyur ba'i sdug bsngal dag la nyin re zhing/ sems can la dmigs nas snying rje gang skye ba de ni/ sems can la dmigs pa'i snying rje'o/ /nyan thos ni dag gi ston pa'o/ /rkyen rtogs ni lus kyi ston pa'o/ /de yang rdzogs sangs rgyas rnams mi 'byung zhing/ /nyan thos rnams kyang zad pa na/ /rang sangs rgyas kyi ye shes nim/ /rtog pa med par rab tu 'byung zhes bstan pa'o/ /da ni pha rol tu phyin pa'i

  247. 124a

    rnal 'byor pa rnams kyo brjod par bya'o/ /de la chung ngu ni mdo sde pa'o/ /yang 'di'i don ni rdul phra rab bsags pa'i ngo bo rnam pa dang bcas pa'i shes pa skyed par byed pa'i ngo bo'o/ /de yang 'di'i ngo bo nyid ni/ gang gi phyir rnam pa dang bcas pa'i shes pa skyed pa nyid ces bya'o/ /de yang tha dad dus su ji ltar gzung zhe na/ mkhas pas bzung bar bya ba nyid/ /rig pa'i shes par gtan tshigs nyid/ /shes pa rnam la len bzod pa'o zhes bya ba ni brtag pa'o/ /dbang po yul gyi grong las yongs su ldog ba'i bsam gyis mi khyab pa'i bsam gtan no/ /de'ang 'di ni goms par bya ba'i dus yin gyi/ mngon sum du bya ba'i dus ni ma yin no zhes gsungs pas de'i phyir goms par bya ba kho na'o/ /goms par bya ba'ang sems kyi sems med rtogs pa yi/ /gang tshe goms par byed pa na/ /gang nas gang du song gyur pa/ /de tshe sems mthong mi 'gyur ro/ /skad cig skad cig la brten nas/ /rdo rje skyil krung bcas nas ni/ /sna rtsar g.yo ba'i yid gtad la/ /khyim par gyur kyang bsgom par bya ting nge 'dzin 'di'i dri ma ni snga ma bzhin no/ /'khor gsum mi dmigs pas shes rab kyi pha rol tu phyin pa lnga la kun tu spyod cing 'bras bu la re ba med par sems can yongs su smin par byed pa ni lta ba'o/ /'bring po rnal 'byor spyod pa'o/ /de la rnam pa dang bcas pa'i shes pa smra ba ni/ drug gi cig car sbyar ba na/ /phra rab cha shas drug gu 'gyur/ zhes bya ba la sogs pa'i rig pas rdul phra rab kyang dmigs par mi 'gyur gyi/ 'di dag thams cad ni sems tsam ste/ sems nyid bzung ba dang/ 'dzin pa'i rnam pa'i ngo bo dang bral ba/ gsal ba nyid gsal ba rab tu ston pa'o/ /zhes rab tu rtogs pa'o/ /'di'ang kye rgyal ba'i sas dag khams gsum po 'di dag ni sems tsa mo zhes gsungs pa dang/ de bzhin du chos kyi grags

  248. 124b

    pa'i zhal snga nas kyang/ /sngo sogs ngo bo blo nyid na/ /phyi yi don gyi rgyu ci zhig /blo nyid sngo sogs ma yin na'ang/ /phyi yi don gyi rgyu ci zhig/ ces bstan pa yin no/ /gzhan dag nas kyang/ dbang po'i don gyi ngo bo nyid/ /sems las gzhan yod ma yin te// gzugs la sogs pa snang ba ni/ sems nyid rab tu snang ba'o zhes bstan pas/ da'i phyir sems kho na sna tshogs kyi rnam par gzhag pa gzhan la mi ltos pa rab tu gsal ba zhes bya ba ni/ rnam pa dang bcas pa'i shes pa smra ba'i rnal 'byor sbyed pa'i rnam par brtags pa yin no/ /rnam pa med par smra ba'i rnal 'byor spyod pa ni yang/ 'di dag thams cad sems nyid de/ /rnam pa med pa'i rang rig pa'i ngo bo sems zhes bya'o/ /de yang/ ji ltar byis pa rnam brtags pa'i/ /phyi rol don ni yod ma yin/ /bag chags kyis ni dkrugs pa'i sems/ /don du snang pa rab tu 'byung/ /gang zhig ji srid snang gyur pa'i/ /de srid sgyu ma bzhin du snang/ /snang ba med pa'i de nyid ni/ /nam mkha' med dag pa bzhin/ /thub? pa chen po chos sku ni/ /spros pa med cing snang pa med/ /de las byung ba'i gzugs kyi sku/ /rjes la sgyu ma bzhin du gnas/ /zhes bstan pa ni rnam par brtags pa'o/ /rnam pa dang bcas pa'i bsam gtan ni rnam par rtog pa ma lus pa spangs shing/ sna tshogs dang bcas pa gnyis su med par mngon sum du byed pa'o// de yang shes bya gang dang gang dag la/ /yid kyi 'gro ba der sbyar na/ /gang du 'gro zhing g.yo bar 'gyur/ /thams cad de yi rang bzhin no zhes bstan pa yin no/ /rnam pa med par smra pa'i bsam gtan ni/ /bden pa gnyis su med cing bsam gyis mi khyab pa/ spros pa med pa/ snang ba med pa'i ye shes ni mngon sum du byed pa'o/ /de'ang 'di'i ngo bo gsal bar 'dod/ /rnam pa med cing ma gos pa/ /'di ni mkhas pa ma yin pas/ /rnam yang shes par mi nus so/ /'di dag thams cad sems tsam zhes/ /??

  249. 125a

    yang dmigs nas su/ /ci yang rung ste mdun 'jog na/ /de nyid tsam la mi gnas so/ /gang tshe shes pas dmigs pa rnams/ /nye bar mi dmigs pa yi tshe/ /sems tsam la ni gnas pa ste/ gzung ba med pas der 'dzin med/ ces bstan pas so/ /rnam pa dang bcas par smra ba'i ting nge 'dzin gyi dri ma ni/ don dam par rtag par 'dod pa ste/ bcom ldan 'das kyi gzhung la gnas nas rig byed pa'i rjes su 'jug pa ste/ de yang don dam par btags pa rang gi sems kyi ngo bo la tshang ba las gzhan ma yin pa yongs su gyur pa'i ngo bor 'gro ba rnams 'dod do/ /de yang cung zhig gang dang gang mthong ba/ /de dang de ni tshangs par rtag /sems ni de las gzhan pa med/ /tshangs pa nyid la nges par gnas/ zhes bya ba ni/ rnam pa dang bcas pa ting nge 'dzin gyi dri ma'o/ /de bzhin du rnam pa med par smra ba'i bsgom pa'ang/ /rtag pa snang ba med pa'i spros pa rang rig pa'i shes pa ste/ nyi ma'i gzhung gi rjes su zhugs par thal bar 'gyur te/ de yang ming dang gzugs ma lus pa dang bral ba/ spros pa'i 'khrul pa ma lus pa rnam par dag pa rab tu gsal ba mdza' med pa/ bar mtshams med pa/ rtag pa'i tshangs par khas len par byed do/ /de yang bdag gi rtog pa rgya mtsho dangs pa la/ /sna tshogs chu bur gsog 'di 'byung bar 'gyur/ /'char ba dang ni nub par 'gyur ba yang/ /rnam par rtog pas kun tu ma rtogs pa'o zhes bya ba ni rnam pa med par smra ba'i ting nge 'dzin gyi dri ma'o/ /'di'i lta ba yang snga ma bzhin no/ /rab ni dbu ma pa'o/ /de la sgyu ma lta bu gnyis su med par smra ba'i spyad pa ni/ /yod min med min yod med min/ /gnyis kyi min pa'i? ma yin pa/ /mdza' bzhi las ni rnam grol ba/ /de nyid dbu ma pa yis rig /'di yi don ni 'di yin te/ /yod pa ma yin pa ni sbyor bas gnod pas so/ /med pa ma yin pa yang bag chags kyi dbang gis mi bden par snang ba'o/ /gnyis ka la yang skyon gnyis

  250. 125b

    yod pas ma yin no/ /gzhan yang sngon dang da ltar dpyad pa med par sna tshogs ji ltar snang ba de ltar rdzas su bden pa ci zhig gang du thal bar 'gyur/ de ni sgyu ma lta bu gnyis su med pa'o zhes brtag pa'o/ /'di nyid ni sgyu ma lta bu gnyis su med pa'i bsam gtan no/ /'di la'ang chad pa la mngon par zhen pa ni bsam gtan gyi dri ma'o/ /sgyu ma lta bu gnyis su med par ltag par mos pa dang/ pha rol tu phyin pa drug yongs su rdzogs par byed pa ni lta ba'o/ /chos thams cad rab tu yi gnas par smra ba'i rtag pa ni 'di yin te/ sna tshogs rtag pa ma yin te/ /chad par yang ni khas mi len/ /rtag dang chad pa gnyis ka yang/ /gnyis ka min pa'ang ma yin no/ /'di ni thams cad mi gnas pas/ /dngos po'i de nyid mkhas pas rig /des na/ 'di lta bu'i rnam rtog gis/ /sems ni sems kyis rig ma yin/ /ji srid sgro btags thams cad ni/ /de kun thams cad du med pas/ /dbu ma'i don la sgro btags med/ /des na dgag dang sgrub pa med/ /shes pa gang zhes lhun grub pa/ /de la bsam mi khyab ces brjod/ /bsams bzhin du ni mi sems pa/ /de la bsam mi khyab mi brjod/ /bdag gis 'gro ba ma skyes zhes/ /blo ni dag pa rtogs pa nyid/ /'gro ba'i gnyug ma bden pa nyid/ /blo dang ldan pas 'bad pa med/ /de yang/ sgro btags kun las nges grol ba/ /bdag gis de nyid du brjod do/ /stong pa la sogs mngon brjod dang/ /de la sgro 'dogs gcod pa'o/ /zhes bstan pa yin no/ /brtags pa 'di'i don ni/ /sgro ma btags pa'i don gyi rang bzhin la/ /mngon par zhen pa med par mngon du byed pa med pa ni bsam gtan no/ /don thams cad chad par lta ba dang/ bems po'i rang bzhin du gyur pa ni ting nge 'dzin gyi dri ma'o/ /sgro 'dogs pa med par pha rol tu phyin pa drug yongs su rdzogs par byed pa ni lta ba'o/ /'dir dman pa dang 'bring po'i snying rje ni chos la dmigs pa ste/ /chos rnams kyi mi rtag pa

  251. 126a

    nyid kyi rlung gis bskyod pa'i chos thams cad la dmigs nas skye bar 'gyur ba rtogs par bya'o/ /rab ni dmigs pa med pa ste/ rang bzhin med pa'i chos yid la byed pas/ mngon par rtogs pa ni dmigs pa med pa'i snying rje'o/ / 'dir sku gsum rnam par bzhag pa ni mgon pa byams pas gsungs so/ /de yang/ gang gis srid pa ji srid par/ /'gro la phan pa sna tshogs dag /mnyam nyid mdzad pa'i sku de ni/ /thub pa'i sprul sku rgyun mi 'chad/ /mtshan ni sum cu rtsa gnyis dang/ / dpe byad brgyad cu'i mtshan nyid zhing/? /theg zhen nye bar longs spyod phyir/ /thub pa'i longs spyod rdzogs skur 'dod/ /zag med chos rnams rnam kun tu/ /rnam par dag 'gyur gang dag yin/ /'di dag rang bzhin mtshan nyid can/ /thub pa'i ngo bo nyid sku yin/ zhes bstan pa yin no/ /'dir kho bas gsang sngags kyi gzhung ma bshad do/ /shin tu zab? pa'i phyir dang/ /zab mo'i theg pa lhag par mos pa'i skyes bu'i spyod yul yon pa'i phyir dang/ phyag rgya bzhi la sogs pa'i sgrub pa rab tu bstan pa rgyas pa'i phyir ro/ /de yang/ don gcig nyid na'ang ma rmongs dang/ /thabs mang dka' ba med pa dang/ /dbang po rnon pos dbang byas pa/ /sngags kyi bstan bcos khyad par 'phags/ zhes bstan pas so/ /de'ang kho bos dbang nges par bstan pa zhes bya ba na bstan to/ /gal te theg pa chen po nas don 'di nges par bstan na/ don dam pa la goms par bya ba'i phyir/ nyan thos dang/ rang sangs rgyas kyi theg pa bcom ldan 'das kyis ci'i phyir bstan zhe na/ de blo dman pa yin te/ thob par bya ba'i theg pa chen po thob par bya ba'i phyir 'di dag skas kyi rim pa lta bur bstan pa yin no/ /de yang/ sems can dang po'i las can rnams/ /dam pa'i don la 'jug pa la/ /thabs 'di rdzogs pa'i sangs rgyas kyis/ /skas kyi rim pa lta bus gsungs zhes bstan

  252. 126b

    pa dang/ dam pa'i chos pad+ma dkar po las kyang/ theg pa gcig cing lugs kyang gcig /gtso bos bstan pa 'di'ang gcig /gang yang theg pa gsum bstan pa/ /nga yis thabs la mkhas pa'i dngos/ /zhes gsungs pa dang/ klu sgrub kyi zhal snga nas kyang/ chos kyi dbyings la dbyer med phyir/ /gtso bos theg dbye ma mchis kyang/ /khyod kyis theg pa gsum gsungs pa/ /sems can gzhug pa'i ched du lags/ /zhes bstan pa dang/ gzhan dag nas kyang/ stong pa nyid kyis grol bar 'gyur/ /de ma shes pas 'ching bar 'gyur/ /bsgom pa lhag ma de don yin/ /zhes bstan pa yin no/ /de lta bu'i theg pa gsum rab tu bstan pa yang/ rtogs pa dang bcas pa dang/ rtog pa med pas stong pa snyam sems pa'i don rtogs par bya ba'i phyir ro/ /de yang/ gtso bos khyod kyi bka' zhig tu/ /yi ge gcig kyang ma gsungs so/ /gdul bya'i 'gro ba ma lus la/ /chos kyi char gyis tshim pa'ang mdzod/ /ces pa dang/ kun tu rtog pa ma lus pas/ /yid bzhin nor ltar ma g.yos kyang/ /de ltar sems can thams cad kyis/ /bsam pa ma lus yongs rdzogs byed/ /'khor lo bskor ba'i sbyor ba yis/ /mi rtog bzhin du skyob pa ni/ /tshogs kyi dbye ba nus pa yis/ /bstan pa rab tu 'jug par 'gyur/ /ji srid sems ni 'jug par du/ /theg pa'i mdza' la thug pa med/ sems nyid yongs su gyur pa na/ theg pa med cing 'gro ba med/ /dam chos las grub rin po che/ /dri med dag gi skud pas brgyud/ /dga' ba skyed byed rin chen phreng/ /brtan pas snying gang gdags par bgyi/ /bdag ni snying po la mos pas/ /rgyas par bstan pa ma lags pa/ /rgyas la dgyes pa'i mkhas pa rnams/ /bdag la thams cad bzod par mdzod/ /skal ldan gyis ni gsol btab bdag gis ni/ /'bad pas bla med don ldan 'di brtsams pas/ /bdag gis bsod nams thob par gyur pa nges/ /ma 'ongs

  253. 127a

    sems can de bzhin gshegs par shog /de kho na nyid rin po che'i phreng ba zhes bya ba/ slob dpon a ba d+hU ti pa gnyis su med pa'i rdo rjes mdzad pa rdzogs so// //nag tshe tshul khrims rgyal bas bsgyur ba'o// //rgya gar skad du/ tat+twa pra ka sa nA ma/ bod skad du/ de kho na nyid rab tu bstan pa zhes bya ba/ 'jam dpal gzhon nur gyur pa la phyag 'tshal lo/ /sangs rgyas sku gsum ngo bo can/ /gang gi mthu las skyes gyur pa/ / srid dang mya ngan 'das pa mchog /shes rab thabs bdag phyag 'tshal lo/ /skye bo rab rib can dag la/ /mkha' la skra shad snang ba ltar/ /de bzhin ma rig mun sgribs pa'i/ /byis pa rnams ni 'gro snyam sems/ /'khrul pas mkha' la mtshon pa yis/ /skra la dag pa'i mig gis lta/ /mthong ba dag pa'i rnal 'byor pas/ /srid pa thams cad de ltar rtogs/ /kye legs nam mkha' i dkyil ltos dang/ /skra shad 'dzings pa bdag gis mthong/ /dag pa'i mig can des smras pa/ /yod min khyod kyi blo gros 'khrul/ /rab rib kyis 'khrul bsal ba'i phyir/ /phyi nas yod min zhes brjod kyi/ /gsal dang mi gsal stong pa'i phyir/ /de nyid du ni dgag sgrub med/ /de bzhin zag pa med chos rnams/ /longs spyod sprul pa'i sku dag gis/ /rten 'brel smon lam dag gis ni/ /sa ni don du rab tu 'jug /de dag de las tha dad min/ /de dag de yi rang bzhin phyir/ /de dag rang bzhin ma bcos grub/ /de dbyes sems kyi dogs pa sel/ /gal te skye med min 'dod na/ /ldog pas dngos la tha dad pas/ /rnal 'byor spyod gzhung las gzhan ba'i/ dbu ma'i don du ji ltar 'gyur/ /gal te mdza' bzhi rnam spangs pas/ /dbu ma'i don ni khyad 'phags na/ /rnam rig la yang thal bar 'gyur/ /de yang 'di dag rnam spangs phyir/ /mdza' bzhi las ni rnam grol ba'i/ /shes pa gnyis med rdzas bden pa/ /brtags

  254. 127b

    pas stong zhing gnyis su med/ /rnam rig smra ba'i mkhas pas rig /yang dag mdza' las sna tshogs 'di/ /rten cing 'brel las 'byung bar 'gyur/ /de ni ma skyes rdzas kyis stong/ /ma 'dres ming tsam pa nyid do/ /bdag byin rlabs dang 'od gsal ba'i/ /dbye ba kun mkhyen gyis gsungs pa/ /gang tshe de dag gcig bstan pa/ /des ni chad pa lta ba spangs/ /'bras bu de nyid mi mthun phyogs/ /gang la chags pa yod min pa/ /'bad med sbyor ba de yis ni/ /sangs rgyas go 'phang nges rdzogs byed/ /de bzhin gshegs pas lung bstan pa'i/ /'phags pa klu sgrub kyis bzhed pa/ /sangs rgyas chos kyi rjes 'brangs nyid/ /chos kyi de nyid ma skyes pa'o/ /de nyid rab tu bstan byas las/ /bdag gis bsod nams gang thob pa/ des ni 'jig rten ma lus pa/ /zung du 'jug pa'i snod gyur cig / de kho na nyid rab tu bstan pa zhes bya ba/ slob dpon gnyis med rdo rjes mdzad pa rdzogs so/ //paN+Di ta badzra pA Ni dang/ lo tsa ba rma pan chos 'bar gyis bsgyur/ // */ (/de bzhin gshegs pa lnga'i phyag rgya rnam par bshad pa zhes bya ba bzhugs//) //rgya gar skad du/ ta thA ga ta pany+tsa mu drA bi pa ra/ bod skad du/ de bzhin gshegs pa lnga'i phyag rgya rnam par bshad pa/ rdo rje sems dpa' la phyag 'tshal lo/ /rkyen las skyes pa kun brtags stong pa ste/ /rang bzhin stong pas dngos po yod ma yin/ /chad min sna tshogs gcig pa'i sems rang bzhin/ /gzugs sogs rgyal ba lnga ru rgyal gyur cig /phung po lnga ni de bzhin gshegs pa lngar?/ /de la bzhi ni? rnam par shes pa tsam du rtogs par bya ba'i phyir/ mi bskyod pas rgyas btab pa'o/ /de ltar na phyi rol gyi rnam pa ni sems tsam yin pas/ gzung ba'i dngos po med la/ 'dzin pa yang stong pa ste/ gzung ba dang 'dzin pa spangs pa'i don dam pa yod pa/ mchog tu nyams su myong ba tsam gyis rnam par rig par gnas so/ /de nyid ston

  255. 128a

    ka'i nam mkha' rnam par dag pa'i dkyil ltar rnam pa med par smra bas dngos gzhi rnam par shes par smra bar grub po/ de gsungs pa/ brtags pas stong pa'i rang bzhin ni/ /snang ba med cing rnam pa med/ /bden pa rang gi bde ba tsam/ /rjes thob rnam pa'i tshogs 'khrul pa'o/ /de yang phyis ni gzugs kyi sku/ /gnyis thob po zhes gsungs pa dang/ 'di ltar spros pa med cing snang ba med/ /thub pa chen po chos kyi sku/ /de las gzugs sku gnyis 'byung ba/ /rjes thob sgyu ma bzhin du gnas/ /zhes gsungs so/ /ci ste mi bskyod pa'i phyag rgya nyid kyi grub pa yin na/ 'o na ci'i phyir mi bskyod pa la rdo rje sems dpa' i phyag rgya btab po zhes gsungs pa'i lung ni ji srid du rtogs pa'i rnam pas stong pa'i byed do zhe na ma yin te/ dang po phyag rgya nyid kyi grub pa'i phyir ro/ /de bas na mi bskyod pa'i phyag rgya ye shes kyi dngos gzhi rang rig las rjes thob gzhan yin la/ de bzhin du rdo rje sems dpa' i phyag rgya rnam par shes pa ni rjes thob ste/ /rdo rje ni dngos gzhir 'gyur ro/ /rdo rje rtse mo las kyang/ snying po brtan zhing khong stong med/ mi chod mi byed mtshan nyid de/ mi shigs pa dang mi nyams dang/ /stong nyid rdo rje zhes brjod do/ /zhes gsungs so/ /dngos gzhi ye shes mi bskyod rgyas/ /gzugs sogs rjes thob yin na ni/ /de ni rdo rje'i phyag rgya yis/ /rjes thob sems dpa' cis mi 'thob/ /'o na snying rje dngos med pa'i/ /chad par smra ba thal bar 'gyur/ /zhe na de yang 'dod de/ rdo rje stong pa nyid du brjod/ /sems dpa' ye shes tsam nyid de/ /de dag bdag nyid sgrub pa 'dis/ rdo rje sems dpa' i rang bzhin no/ /stong nyid snying rje dbye ba ni/ /mar me dang ni snang ba bzhin/ /stong nyid snying rje gcig pa yang?/ /mar me snang ba ji bzhin no/ /dngos nyid stong nyid gzhan med de/ /de dang bral na dngos yod min/

  256. 128b

    mi byad dngos po nges pa ste/ /byas pa mi rtag pa bzhin no/ /med na mi 'byung nges phyir ro/ /ji ltar de nyid ston pa la/ /ma chad pa nyid kun rdzob ste/ /kun rdzob dang ni bral ba la/ /de kho na nyid dmigs mi 'gyur/ /zhes bya ba la sogs pas rgyas par gsungs so/ /de ltar na mi bskyod pa dang/ rdo rje sems dpa' gcig par 'gyur ro zhe na/ 'o na ni rnam par shes pas gzugs la sogs pa yongs su ma btang bas/ sna tshogs gnyis su med pa'i mchog tu 'gyur ro de gsungs pa/ sna tshogs dang bcas sems tsam ma lus rtogs pa yis/ /stong pa'i dngos po rnam bcas pa yi gzhung gis 'dod/ /'gro tshe rtsa la reg pa bzhin du mnyam pa ste/ /dbu ma'i don du skyes bus rab tu smras pa'o/ /sna tshogs gnyis su med par smra ba yang/ /don dam pa yi bden pa zhes zer te/ /rnam par shes pa la dman pa'o/ /gzung ba dang 'dzin pas stong pa sna tshogs gnyis su med pa nyid/ mi bskyod pa'i rang bzhin gyis rang rig pa las/ /rdo rje sems dpas rgyas btab pas/ dngos po'i bden pa gsal to zhes gsungs pa/ gzugs sogs rtogs pas stong pa yi/ /ye shes mi bskyod phyag rgya la/ der ni rdor sems rgyas btab pas/ /dngos po yod pa bkag pa yin/ /rnam par rig pa tsam gyis ni/ /rdo rje sems dpa' mi bya ste/ /dang po nyid nas mi gnas pas/ /brtags pa thams cad stong pa nyid/ /de ltar don dam pa yod pa'i zug rngu spangs pa ste/ thams cad du mi gnas pa'i rang bzhin lhun gyis grub pa'i zug rngu 'jug pa gnyis su med pa'i rgyun rang rig par grub pa ni/ dbu ma'i grub pa'i mdza' bul? du byung ba'o/ /'di yang bla ma dam pa'i zhal snga nas kyi bka' drin las rtogs? par bya'o/ /ci ste zhes rang rig pas grub na ni sgyu ma lta bu gnyis su med par smra bar thal bar 'gyur te/ thams cad du rab tu mi gnas pas ni ma yin no zhe na/ 'di ni

  257. 129a

    ma yin te/ ji ltar rten cing 'brel 'byung ba/ /de yi rang bzhin ma skyes pas/ /ngo bo nyid kyi ma skyes gang/ /de la skye zhes ji ltar bya/ /zhes pas nyams su myong ba yang rkyen las skyes pa ste/ de'i phyir/ nyams su myong ba mi gnas pas/ /ma skyes pa yi go 'phang ngo/ /de ltar yang/ nyams su myong ba ma skyes pa/ /dngos po yod pa'ang de bzhin no/ /rdo rje sems dpa' rang bzhin du/ /'gro ba nyid ni thub pas gsungs/ /yang 'di ltar 'jam dpal la/ de bzhin gshegs pas dris pa/ 'di bsam gyis mi khyab pa'i dbyings gang yin/ 'jam dpal gyis gsol pa/ khams gang bsam du med pa'i sems de bgrong du med pa dang/ sems kyi gzhal bya ma yin pa dang/ sems kyi sems pa med pa rab tu bsam par bya ste/ 'di ni bsam gyis mi khyab pa'i dbyings zhes bya'o/ /de ltar na bcom ldan 'das sems nyid bsam gyis mi khyab pa'i dbyings so/ /ci'i phyir zhe na/ bsam gyis mi khyab pa'i dbyings la sems pa yod ma yin te/ gang gi sems ni bsam du med pa'i don ji lta ba bzhin du rtogs pa'i sems so/ /'on kyang bcom ldan 'das rnam pa thams cad bsam gyis mi khyab pa'i dbyings so/ /gzhan du yang gsungs pa/ kun tu rtog pas ma brtags pa/ /rab tu mi gnas pa yi yid/ /dran pa med cing yid byed med/ /dmigs pa med la phyag 'tshal 'dud/ /ces so/ zla ba sgron ma las kyang/ gang zhag rkyen las skyes bde ma skyes/ /de la skye ba'i rang bzhin yod ma yin/ /rkyen las rag las gang de stong pa yin/ /gang zhig stong nyid shes te bag yod yin/ /zhes pa dang 'phags pa lang kar gshegs pa las kyang/ gang phyir 'khrul pa kun spangs nas/ gal te mtshan ma skyes na ni/ /de nyid 'khrul par 'gyur ba ste/ /rab rib ma dag pa bzhin no zhes gsungs so/ /de bzhin du yang/ rig

  258. 129b

    pas sgro btags ma skyes pa/ /de nyid kyis ni rgyal ba 'joms/ /chos rnams phye ste bstan pa ni/ /brjod dang brjod pa stong pa yin zhes pa dang/ dgyes pa'i rdo rje las kyang/ ngo bo nyid kyi ma skyes pa/ /bden pa ma yin brdzun pa min zhes gsungs so/ /gang yang thad mnyam pa nyid du gzhag nas su/ /blo ldan phra bas lta ba'i grub pa'i mdza' / /sangs rgyas pa dang phyi rol dbye ba byas/ /gang tshe 'dir cig stong pa nyid du brjod/ /'di dag gis stong pa nyid chad pa bsal nas bshad pa ste/ /gang mthong de ni de bzhin nyid/ /dbu ma'i don gyi rjes 'brangs nas/ /de nyid rig pa de nor ldan/ /gang tshe mngon sum rtogs pa'o/ /mkha' 'gro ma dra ba'i sdom pa las kyang/ /stong nyid stong nyid snying rje dbyer med pa/ /sems gang gis ni rtogs gyur na/ /gang phyir de sangs rgyas dang chos/ /dge 'dun du yang bstan pa'o zhes gsungs so/ /de'i phyir ni phung po lnga ni rten cing 'brel par 'byung ste/ de bzhin gshegs pa lnga'i rang bzhin yin pa'i phyir/ ngo bo nyid kyi stong pa dang snying rje dbyer med pas/ 'gro rnams stong pa dang/ snying rje dbyer med par gnas so/ /de dag nyid bla ma'i man dag gis rgyun mi 'chad par bsam gtan bya ste/ chu'i rlabs 'bab pa'i gzhung dang ni/ /mar me 'bar ba'i rgyun bzhin du/ /sngags kyi de nyid rjes 'brangs nas/ /rgyun mi 'chad pa'i bsam gtan thob/ /de bzhin du glu sgrub snying po'i zhal snga nas gsungs pa/ 'di ni gzhal yas khang min yul min dbang po min te/ 'byung ba la sogs min/ /gzugs la sogs pa ma yin srog chags min zhing mi min 'di dag rgyal pa'o/ /'khor lo'i gtso bo 'di ni chos nyid yin te des na dkyil 'khor ba yin la/ /khams gsum 'di dag sna tshogs 'khor lor shes na sems ni ci ste 'khrul par byed/ /ces so/ /rkyen las byung ba'i lha rnams ni/ /dri za'i grong khyer lta bur gsal ba/ spros pa sna tshogs rang bzhin gyis gnas pa med de/ nam mkha' me tog bzhin du gtan med pa ni ma yin no/ /de yang dgyes

  259. 130a

    pa'i rdo rje las gsungs pa/ /chos 'di dag ni mya ngan 'das/ /gti mug las ni 'khor ba'i chos/ /zhes gsungs so/ /de bzhin gshegs pa lnga'i phyag rgya rnam par bshad pa slob dpon gnyis med rdo rjes mdzad pa rdzogs so// // rgya gar gyi mkhan po phyag na rdo rje dang/ lo tsA ba smra ba na chos 'bar gyis bsgyur ba'o// //rgya gar skad du/ She ka ta karyaM saM bra ha/ bod skad du/ dbang gi dgos pa mdor bsdus pa/ sangs rgyas la phyag 'tshal lo/ /'jam dpal gzhon nur gyur pa la phyag 'tshal lo/ /dge ba'i bshes gnyen bka' ni rtogs dka' bas/ /tshig gi lam ma yin pa gang yin pa'i/ /de nyid lag pa'i mthil du son pa bzhin/ /che ba'i bdag nyid gang yin de ni rgyal gyur cig /rdo rje slob dpon tshe? ye? shes pas/ /dbang bskur dgos pa mdor bsdus pa/ /dbang bskur gzhung ni du ma las/ /ji ltar rtogs pa bzhin du bya/ /bum pa'i dbang ni dang po ste/ /gsang ba mchog ni gnyis pa yin/ /shes rab ye shes gsum pa ste/ /de ltar de bzhin bzhi pa yang/ /zhes bya ba'i don ni 'di yin te/ /bum pa'i dbang ni dang po ste zhes bya ba ni chu dang cod pan dang/ rdo rje dang dril bu dang/ ming dang slob dpon gyi mtshan nyid can/ /drug po 'di dag ni bum pa'i dbang ngo/ /phyi rol gyi chus ni phyi rol gyi dri ma 'khrud pa ltar ma rig pa'i dri ma 'khrud pa'i phyir dang/ dag par bya ba 'di yis ni dbang bskur ba zhes bya'o/ /de dag nyid la yang phyir mi ldog pa'i dbang zhes kyang bya ste/ de bzhin gshegs pa drug gi ngo bo yin pa'i phyir ro/ /de yang chu'i dbang ni me long lta bu'i ye shes kyi bdag nyid mi bskyod pa'i ngo bo nyid do/ /cod pan gyi dbang ni mnyam pa nyid kyi ye shes kyi bdag nyid rin chen 'byung ldan gyi ngo bo nyid do/ /rdo rje'i dbang ni so sor rtog pa'i ye shes kyi bdag nyid snang ba mdza' yas kyi ngo bo nyid do/ /bdag

  260. 130b

    po'i dbang ni bya ba nan tan gyi ye shes kyi bdag nyid don yod grub pa'i ngo bo nyid do/ /ming gi dbang ni ma rig pa 'gog pa'i rig pa'i ye shes rjes su 'gro ba'i chos kyi dbyings shin tu rnam par dag pa'i ye shes kyi bdag nyid rnam par snang mdzad kyi ngo bo nyid do/ /slob dpon gyi dbang ni rdo rje sems dpa' i ngo bo nyid do/ /'di dag las dbang bskur ba lnga ni rig pa'i dbang bskur ba zhes bya ste/ sangs rgyas spyan la sogs pa rig ma lnga'i bya ba yin pa'i phyir ro/ /'dir ma rig pa'i dri ma 'khrud pa'i phyir rdo rje slob dpon mi bskyod pa'i gzugs su gnas pas/ slob ma rnam par snang mdzad gyi gzugs su dmigs pa la chu'i dbang bskur sbyin par bya'o/ /de lta bu'i nga rgyal thams cad du bya'o/ /ma 'ongs pa na sangs rgyas kyi dbu gtsug tor gyi ngo bo sa bon du gyur pa'i cod pan gyi dbang bskur ba'o/ /rten cing 'brel par 'byung ba'i ngo bo yan lag bcu gnyis rnam par dag pa sor bcu gnyis pa'i chad tsam gyi rdo rje dbus kyi lte ba zlum po'i nang du bla na med pa'i chos nyid mtshon par byed pa'i yi ge hUM ngo/ /'di'i don ni 'di yin te/ ha zhes bya ba ni rgyu dang bral ba'o/ /u zhes bya ba ni rtog pa dang bral ba'o/ /oM zhes bya ba ni chos thams cad rab tu mi gnas pa'o/ /'dis yang srid pa'i mtsho skyes kha nas 'phros pa'o/ /rtse lnga pa'i gzugs can ni phung po lnga rnam par dag pa las nges par 'byung ba'i srid pa'i gzugs can no/ /'dir yang phyogs kyi rtse mo rnams dbus kyi rtse mo la phyogs pa ni/ gzugs la sogs pa thams cad rnam par shes pa'i bdag nyid du mtshon par byed pa yin no/ /de ltar thams cad kyang thams cad kyi bdag nyid du shes par bya ba'i phyir kun kyang zur bzhi pa nyid do/ /de lta bas na rdo rje chos rtogs pa'i mkhas pas hUM gi sgra nges par sgrog pa'i rang gi gzugs kyis rnam par grol ba sku lnga'i mthar thug pa so sor kun tu yang spro bar byed pa'o/ /stong pa nyid

  261. 131a

    dang mtshan ma med pa nyid dang/ smon pa med pa nyid du rtogs par bya ba'i phyir/ kun la yang me tog gsum gsum mo/ /de ltar na me long lta bu dang mnyam pa nyid dang/ so sor rtog pa dang/ bya ba nan tan dang/ chos kyi dbyings shin tu rnam par dag pa'i mtshan nyid can gyis ye shes lnga'i bdag nyid can du bla ma'i man ngag las shes par bya'o/ /dbyer med pa'i ye shes mtshon pa zhes bya ba ni bsdus pa'i don yin no/ /de yang snying po brtan zhing khong stong med// mi tshang mi phyed mtshan nyid can/ /mi 'tshig pa dang mi nyams pa'i/ /stong pa rdo rje zhes brjod do/ /zhes pa dang/ dgyes pa'i rdo rje las kyang mi phyed rdo rje zhes bshad do zhes gsungs pa dang/ rdo rje'i dbang bskur ba'i cho ga 'dis ni dbyer med pa'i ye shes skyed pa'i sa bon gyi gnas dang 'dra ba nyid ster ba'o/ /de bzhin du dril bu'i yang dgos pa snga ma bzhin sor bcu gnyis kyi tshad tsam ste/ pad+ma yin pas kha thur du bltas pa'o/ /sgra sgrogs pa ni rdo rje dang snyoms par 'jug pa ste/ chos thams cad rang bzhin med par rab tu rtogs par bya ba'i phyir ro/ /dbyer med pa'i ye shes kyi gnas chos kyi 'byung gnas rtogs par bya ba'i phyir/ steng dang 'og gi cha la rdo rje'i phreng ba zung gis mdzes par byas pa yin no/ /khams gsum pa'i ngo bo nyid kyi gzhal yas khang nyid du bstan par bya ba'i phyir/ dra ba dang dra ba phyed pa'i rnam pa'o/ /de'i phyir de bzhin gshegs pa lnga'i mtshan pa'o/ /stong pa nyid dang snying rje dbyer med pa'i ye shes kyi byed pa nyid kyi dbyer med par bstan pa'i phyir/ de'i steng du shes rab kyi gdong bstan pa yin no/ /'di yang chos kyi dbyings kyi ye shes kyi bdag nyid rnam par snang mdzad la sogs pa de bzhin gshegs pa lnga'i rang bzhin dang/ gzugs la sogs pa phung po lnga'i rang bzhin dang/ sa la sogs pa khams lnga'i rang

  262. 131b

    bzhin du bstan pa'i phyir/ steng rtse mo lngas mdzes par byas pa yin no/ /de la dbus la phyogs pa'i dgos pa snga ma bzhin no/ /de lta bas na 'di ltar brjod pa'i sgra dang/ bla na med pa'i chos nyid ma lus pa rtogs par byed pa'i rgyur gyur pa'i dril bu'o/ /'di yang gtsor bstan par bya ba'i phyir dang/ rgyu nyid du bsgrub pa'i phyir byed rgyur gyur pa yin yang/ dril bu'i dbang bskur ba bzhag nas dang por rdo rje'i dbang bskur ba sbyin par bya'o/ /chos thams cad ming med pa nyid du rab tu rtogs par bya ba'i phyir dang/ phyis 'byung ba'i thub pa'i dbang po'i ming thob par bya ba'i phyir/ sngar gyi ming gzhag nas rang gi rigs kyi lha nyid kyi rigs dang rjes su 'thun pa'i rjes su 'brengs nas ming gi dbang bskur ro/ /slob dpon gyi dbang bskur ba ni/ rdo rje'i dam tshig dang/ bril bu'i dam tshig dang/ phyag rgya'i dam tshig dang/ snod du bya ba dang/ rjes su gnang ba dang/ brtul zhugs dang/ lung bstan pa dang/ dbugs dbyung ba'i mtshan nyid do/ /legs par lus 'dus byas pa 'di nas bzung nas/ 'dus ma byas pa dbyer med cing zung du 'jug pa rtogs pa ni khyod kyi dam tshig go /zhes rtogs par bya ba ni rdo rje'i dam tshig go /chos kyi phung po brgyad khri bzhi stong khyed kyi bsgrags par bya'o zhes rtogs par bya ba ni dril bu'i dam tshig go /khyed nyid rang gi 'dod pa'i lha'i ngo bo nyid do zhes rtogs par bya ba ni phyag rgya'i dam tshig go /dkyil 'khor gyi de nyid dang/ dkyil 'khor gyi rnam par dag pa'i mtshan nyid dang/ lha'i de nyid dang/ lha rnam par dag pa'i mtshan nyid dang/ slob dpon gyi las dang/ dkyil 'khor gyi sgrub ba'i thabs kyi ye shes dang/ sgron ma lnga dang bdud rtsi lnga bza' ba ni snod du bya ba'o/ /rdzogs pa'i rim pa'i phyogs la ni de dag nyid dngos por med par nges par byas pa'o/ /rjes su snang ba ni chos kyi 'khor lo bskor bar bya ba'i don to/ /phyi rol gyi brtul zhugs

  263. 132a

    spang bar bya ba'i phyir ni brtul zhugs sbyin pa'o/ /sa la sogs pa'i ngo bo nyid du mtshon par bya ba'i phyir ni lung bstan pa'o/ /de la b+hur ni sa 'dzin pa la sogs pa'o/ /sa ni rang gi ngo bo ste b+hu ba ste/ b+hur b+ha swa zhes bya ba 'di'i don yin no/ /sgrib pa kun las nges par grol ba/ sangs rgyas dang byang chub sems dpa' thams cad kyis khyod bzhed pa'o/ /'di nas bzung nas zhes bya ba da ni rtogs par bya ba'i don de dbugs dbyung ba'o/ /shes rab dang dad pa'i zhing du bya ba'i phyir dang/ dam tshig bsrung bar bya ba'i phyir gnyis kas dus mnyam du bsrung ba'i byang chub kyi sems rab tu sbyin pa ni gsang ba'i dbang bskur ba ste/ thabs dang shes rab kyi gsang ba dag sbyin par bya'o zhes khyod kyi khong du chud par bya'o/ /shes rab ye shes ni 'dir gnyis su med par shes par bya ste/ shes rab kyi ye shes sam/ shes rab nyid ye shes so/ /de la bzung ba dang/ 'dzin pa'i rnam par rtog pa'i blos khams bzhi dang/ phung po lnga dang/ gzugs la sogs pa yul drug gi bdag nyid can gyi yan lag dang/ yan lag can gyi ngo bo ni shes rab ste/ de rgyu mtshan du gyur pa las byung ba byang chub kyi sems so zhes khong du chud par bya'o/ /gzhan dag ni de nyid rnam pa gnyis pos stong pa nyid stong pa nyid don dam pa'i rnam par shes pa khong du chud par bya'o zhes zer ro/ /shes rab ye shes kyi mtshon par gyur pa yan lag bdun dang ldan pa'i bsgrub par bya ba bzhi pa'i don yin no zhes gzhan dag 'dod do/ /gzhan dag ni shes rab ye shes nyid goms par byas pa las ston ka'i dri ma med pa'i nam mkha' i dkyil lta bu ni bzhi pa'i don yin no zhes zer ro/ /yang gzhan dag ni shes rab ye shes kyi rang bzhin gnyug mar ni rnam par gyur pa'i gzugs/ rten cing 'brel bar 'byung ba'i bdag nyid can gyi zung du 'jug

  264. 132b

    pa 'byung bar shin tu rnam par dag pa'i rang bzhin ni bzhi pa'i don yin no zhes zer ro/ /phyogs gzhan dang gzhan ni gzhung mangs pa'i 'jigs pas ma brjod do/ /shin tu dbang bskur cho ga bsdus pa las/ /bdag gi bsod nams gang rnyed thob pa des 'gro ba kun gyi bde bar gshegs pa yi/ /dri med gsal ba'i bzod pa thob par shog /dbang gi dgos pa mdor bsdus pa mkhas pa chen po nges par sbyangs pa gnyis su med pa'i rdo rjes mdzad pa rdzogs so// //shu b+haM/ rgya gar gyi mkhan po bla ma badzra pA Ni'i zhal snga nas dang/ lo tsa ba mtshur ston gyis bsgyur ba'o// // */ (/dbang gi bya ba mdor bsdus pa a ba d+hU tI zhabs kyis mdzad pa bzhugs so//) //rgya gar skad du/ saM k+Shi b+hwa? re ka pra kri ya/ bod skad du / dbang gi bya ba mdor bsdus pa/ dpal rdo rje sems dpa' la phyag 'tshal lo/ /thub pa'i sku ni bde chen po/ /thog ma med par rtag shar ba'i/ /lhan cig skyes dga' phyag 'tshal te/ /dbang gi tshig gsal bar bshad/ /de la go rims ji lta ba bzhin du dbang bskur zhing gnang ba thob pa'i ting nge 'dzin gsum la mkhas shing/ bzlas pa rig pa'i rnal 'byor pas/ /rang gi slob ma legs par brtags pa rjes su bzung bar 'dod pas/ rgyal po dang rkun po la sogs pa'i nye bar 'tshe ba rnams dang bral ba'i dkyil 'khor gyi khang pa la sags par cho ga ji lta ba bzhin du bris pa'i rdul tshon gyi dkyil 'khor ram/ thad ka'i dkyil 'khor la sogs pa la lnga yis mchod de/ dgongs ka'i dus su bum pa lhag par gnas par bya'o/ /bcu dgu 'am/ dguAm/ lnga'am/ gcig la rdo rje sems dpa' dang/ de bzhin gshegs pa dang/ rin po che dang pad+ma dang/ las kyi rigs rnams dang/ gti mug dang/ zhe sdang dang 'dod chags dang/ rdo rje dga' ma rnams dang/ gzugs dang/ sgra dang/ dri dang/ ro dang/ reg bya dang/ chos kyi rdo rje rnams dang/ gshin

  265. 133a

    rje gshed dang/ shes rab mthar byed dang/ pad+ma mthar byed dang/ bgegs mthar byed rnams kyis go rims ji ltar thob pa'i mtshan ma bri bar bya'o/ /sna tshogs rdo rje dang/ rdo rje sngon po rtse lnga gdengs pa dang/ 'khor lo dkar po rtsibs brgyad pa dang/ nor bu ma ra ka ta che dgu pa dang/ pad+ma dmar po dang/ ral gri sngon po dang/ mig 'bras sngon po'i spyan dkar po zung dang rdo rje nag po rtse lnga pa dang/ yal ga dang bcas pa'i pad+ma dang/ utpa la sngon po dang/ me long dkar po dang/ dri za'i phi? bar sngon po dang/ dung ser po dang/ ro'i lhung bzed dmar po dang/ gos sna tshogs pa dang/ chos 'byung dkar po dang/ rdo rje tho ba nag po dang/ dbyug pa dkar po dang/ pad+ma dmar po dang/ rdo rje sngon po gdengs pa'o/ /rdo rje sems dpa' dang/ rnam par snang mdzad dang/ lha mo bcu ni sna tshogs pad+ma dang zla ba la'o/ /lhag ma rnams ni sna tshogs pad+ma dang/ nyi ma'i gdan la gnas pa'o/ /las thams cad pa la ni rdo rje sems dpa' 'am/ bdud rtsi 'khyil ba bri bar bya'o/ /de la rnam par rgyal ba'i bum pa ni mchu yo ba med pa rtsa ba nag po med pa/ gsus pa che ba/ mgrin pa ring ba/ mtshan ma legs par bris pa/ gos gtsang mas mgrin pa dkris pa/ bu ta ta ba ba la sogs pas kha brgyan pa/ gser dang/ dngul dang/ dur tsa ba ra ti dang/ mu tig dang/ byu ru dang/ nas dang/ gro dang/ so ba dang/ til dang/ ma sha dang/ pri ha ti dang/ kaN+Da ka ri dang/ sbe ta a par tsi ta dang/ daN Do ta pa la dang/ ha sa de ba dang/ rin chen lnga dang/ 'bru lnga dang/ sman lnga bum pa'i nang blugs la/ /dri'i chus yongs su bkang ste/ de la dkyil 'khor bsam te/ mchod yon dang zhabs bsil la sogs pa phul te/ ye shes kyi bdud rtsi zhu ba'i gzugs su bzhug go /de'i rjes la me tog gi phreng bas nye bar mdzes pa'i rdo rje steng du yang dag par gzhag ste/ rang rig lhag pa'i

  266. 133b

    lha'i sngags brgya rtsa brgyad dam/ bdud rtsi 'khyil? ba'i sngags kyis mngon par bsngag go /bum pa gzhan rnams ni ji lta ba'i rnal 'byor dang/ dkyil 'khor pa'i sngags kyis so/ /me tog dang spos la sogs pas yang dag par mchod pa dang/ gtor ma phul te/ mi bskyod pa ni rdo rje che/ /zhes bya ba la sogs pas bstod/ dri sngon du 'gro bas dril bu dkrol bar bya'o/ /bum pa lhag par gnas pa'i cho ga'o/ /de'i rjes la rdo rje slob mas maN+Dal byas la/ me tog gi phreng ba 'dzin pas bus mo'i lha nga sa la gzhag ste/ sngags kyi theg pa'i skal pa dang ldan pa la/ sngags kyi dngos grub gnyer ba gang/ /dkyil 'khor 'dir ni gzhug par bya/ /bsod nams 'dod pas 'di las gzhan/ /gzhan du 'jig rten pha rol gnyer/ /'jig rten pha rol la dmigs te/ /slar yang dad pa ldan pa yis/ /khro? ldan dkyil 'khor 'jug par bya/ /'di yi 'bras bu mi rnyed de/ /'jig rten pha rol 'grub mi 'gyur/ /de bzhin pha rol don du ni/ /'jig rten pha rol don gnyer na/ /'bar med bar ni 'bras bu 'grub/ /de'i rjes su dang pa'i slob ma blos rang gi lus la bcug ste/ /rdo rje nas phyung nas rang gi gsang ba'i rig ma'i pad+ma'i nang du gnas ba la de bzhin gshegs zhu bas dbang bskur bar bltas te/ dkyil 'khor gyi shar gyi sgor nye bar gnas par gzhag par bya'o/ /dga' chen khyod bdag ston pa ni/ /mA ma kI dang lhan cig khyod mgon po chen po bdag 'tshal lo/ /byang chub chen po'i tshul brtan pa'i/ /dam tshig de nyid bdag la gsol /byang chub sems kyang bdag la gsol/ /sangs rgyas chos dang dge 'dun te/ /skyabs gsum dag kyang bdag la gsol/ /thar pa chen po'i grong mchog tu/ /mgon pos bdag ni gzhug tu gsol/ /zhes pa ni slob ma'i gtso bo gcig gis bya'o/ /bu tshur theg pa chen po la gsang sngags spyod pa'i cho ga'i tshul/ /khyod la yang dag bstan par bya/ /khyod ni tshul chen snod yin te/ /sku gsung thugs kyi rdo rje can

  267. 134a

    dus gsum 'byung ba'i sangs rgyas rnams/ /rdo rje dbang bskur mthu stobs kyis/ /ye shes mnyam pa nyid thob pa/ /gsang sngags sbyor ba mnyam med pas/ /shAkya seng ge mchog sogs kyis/ /drag po chen po bdud kyi sde// stobs chen dag kyang des bcom nas/ /'jig rten mthun par gshegs nas kyang/ /'khor lo bskor nas mya ngan 'das/ /de bas kun mkhyen thob bya'i phyir/ /bu'i blo gros 'di gyis shig /ces brjod la/ dkon mchog gsum la bdag skyabs mchi// sdig pa thams cad so sor bshags/ /'gro ba'i dge la rjes yi rang/ /sangs rgyas byang chub yid kyis gzung/ /zhes pas gsum la skyabs su 'gro ba'i tshigs su bcad pa slob mas bklag par bya'o/ /oM a big+ha nAn+ti kri ta hUM/ zhes pas bdud rtsi 'khyil pa'i sngags kyis bsrung ngo/ /de dag gi snying ga dang/ mgrin pa dang/ spyi bo la zla ba la gnas pa'i rdo rje dang/ pad+ma dang/ 'khor lo'i lte ba rnams la/ A(rgyud 'grel): hUM oM bsam par bya'o/ /de la lag pa g.yas pa'i khu tshur gyis 'dzin pa lags te/ slob dpon gyis slob ma rnams kyi snying ga dang/ mgrin pa dang mgo bo la reg ste/ hUM A(rgyud 'grel): oM zhes brjod pa ste/ me tog ni mgo bo la'o/ /bdug spos ni mdun du'o/ /de bzhin du dri dang mar me ni snying gar sbyin no/ /de'i rjes su bdud rtsi 'khyil pa'i sngags mngon par bzlas pa'i ma gas pa dang/ 'bus ma zos pa'i a shwad tha'i shing la sogs pa sor bcu gnyis pa'i tshad la/ rtse mo du me tog gi phreng bas bcings pa'i so shing slob ma dag la sbyin par bya'o/ /de dag gis kyang rtse mo'i cha kha shar ram byang du bltas pas bca' bar bya'o/ /ba lang gi pags pa tsam byugs pa'i sa la dor bar bya'o/ /de la zhi ba la sogs pa'i las bstan te/ gang la mngon par phyogs lhung ba/ /de yi dngos grub mchog tu shes/ /de yi shar phyogs rtse

  268. 134b

    mo ni/ /dngos grub 'bring du rab tu grags/ /byang du ltas dang de bzhin logs/ /'jig rten pa yi dngos grub bzhed/ /gal te lho ru mngon phyogs pas/ /shin tu drag pa de nas 'gyur/ /nub tu mngon par bltas pa/ /phra mo'i dngos grub de la yod/ /de bzhin du ni so shing dor/ /gal te 'og tu kha ltas 'gyur/ /de yi sa 'og dngos grub 'gyur/ /nges par 'di la dpyad pa med/ /de'i rjes su 'thor 'thung dri'i chu khyor ba gsum gyi btung ba/ oM h+ri(rgyud 'grel): bi shud+d+ha d+harma sarba pA pa ni tsA sya saM sho b+ha ya bi kalpa a pa na ya hUM/ zhes pa 'di'i sngags kyis kha bkru bar bya'o/ /de ltar nye bar btang de ku sha la bdud rtsi 'khyil pa'i sngags kyis mngon par bsngags te/ de dag stan dang sdas su sbyin par bya'o/ /de'i mngon par sngags pa'i skud pa sum sgril mdud pa gsum byas la srung pa'i don du ? pa g.yas par bcing bar bya'o/ /chos ston pa brjod de/ 'jig rten du ni kun mkhyen dag /u dum ba ra'i me tog bzhin/ /brgya lam na ni reg 'ga' zhig/ 'byung 'gyur yang na mi 'byung srid/ /gsang sngags spyod pa'i tshul 'byung ba/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /bskal pa bye ba du ma ru/ /sngon du sdig pa byas pa gang/ /dkyil 'khor 'di ni mthong ma thag /de ma thag zad 'gyur ba yin/ /gang gis spyod pa mchog 'di la/ /blo gros shin tu dri med la/ /sdug bsngal thams cad 'byung ba yi/ /ngan 'gro de yi gcod par 'gyur/ /bdag nyid chen po khyed rnams kyis/ /rnyed pa bla med de ring rnyed/ /gang gis khyod rnams rgyal ba kun/ /sras bcas 'di yi bstan pa la/ /thams cad kyis ni yongs 'dzin pa'i/ /bdag nyid thams cad 'gro bar 'gyur/ /de phyir khyed rnams theg chen du/ /legs pa nyid du 'gro bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams der na gong bas na/ /'jig rten thams cad mkhyen pa yi/ /de bzhin gshegs pa nyid du ?

  269. 135a

    zhes pa'i chos ston pa rnams mnyam par bya'o/ /de ltar bdud rtsi 'khyil pa'i sngags kyi yang dag par bsrungs te/ sdom pa'i khyad par yongs su bzung bar bya'o/ /'khor lo mi ldog pa yi dbang/ /mgon po de dag bdag la gsol/ /'khor lo lha yi de nyid dang/ /slob dpon gyis ni las dang yang/ /sangs rgyas kun gyi dam tshig rnams/ /gsang ba yi ani sdom pa mchog /slob dpon chen po rtag tu ni/ /sems can kun gyi don bya'o/ /de nas slob ma ku sha bkram pa la nyal bar bya'o// gang cung zad rmi lam du mthong ? bar nga la sgrogs shig ces brjod do/ slob ma lhag par gnas pa'i cho ga'o/ /slar dkyil 'khor gyi khang par zhugs te/ slob dpon gyis bsrung ba'i don du bdud rtsi 'khyil ba'i sngags kyis bzla? bar bya'o/ /gtor ma sbyin no/ /tho rangs kyi slob ma rnams bkug ste/ dge ba dang mi dge ba'i rmi lam blta'o/ /gal te slob mas mi dge ba'i rmi lam mthong na/ bdud rtsi 'khyil pa'i sngags kyis yang dag par bsrung bar bya'o/ /de'i rjes su bris pa'i dkyil 'khor rgya chen po 'di mchod par byas la rang gi lha'i rnal 'byor sngon du 'gro bas/ rang gi slob ma'i cho ga bzhin du rang 'jug go /'jug pa ni 'chad par 'gyur ba'i rjes su gnang ba dang/ dbang la thug pa'i bar du bcom ldan 'das bdag po la blos thob par gyur pa'o/ /de nas slob ma rnams gzhug par bya ba'i phyir bden pa brjod par bya'o/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu las de bzhin yang dag byung/ /de bzhin de nyid nges par 'byung/ /bde ba 'di yis dkyil 'khor ni/ /gzugs brnyan gsal bar slob ma rnams/ /dri med thams cad thob par shog/ ces pa la sogs pa brjod pas/ /yol nga'i phyi rol tu slob mas yon phul te/ slob ma dbang

  270. 135b

    bskur ba'i skal ba dang ldan pa rnam par snang mdzad kyi gzugs su dmigs pa la/ a khaM bI ra hUM zhes pa'i sngags brjod cing me tog gi phreng ba dang/ gdong g.yogs bcings te bum pa'i chu yi bsams te/ dkyil 'khor du 'jug pa'i phyir dri bar bya'o/ /bu khyod ci la dga' zhes pa'o/ /des kyang brjod bar bya ba ni/ bde chen skal bzang bdag la gsol zhes pa'o/ /slob ma'i snying gar rdo rje yang dag par bzhag la/ oM badzra yo ga tsit+ta u ta pA da ya da ya mi/ oM su ra te sa ma ya stwaM/ bo d+hi tsit+ta badzra ya thA su khaM zhes pas byang chub tu sems bskyed par bya'o/ /deng khyod de bzhin gshegs pa thams cad kyis byin gyis rlob par 'gyur gyi/ de bzhin gshegs pa thams cad kyi gsang ba mchog 'di khyod kyis dkyil 'khor du ma zhugs pa rnams la smra bar mi bya zhing ma dad pa rnams la yang ma yin no/ /oM A dza hUM zhes pa 'di yis bkug ste/ yol ba'i nang du bcug la/ dkyil 'khor gyi shar gyi sgor yang dag par bzhag la/ 'di skad ces brjod par bya ste/ deng khyod de bzhin gshegs pa thams cad kyi rigs su zhugs kyis/ ye shes gang gis de bzhin gshegs pa thams cad kyi dngos grub kyang thob par 'gyur na/ dngos grub gzhan lta smos kyang ci dgos/ 'di lta bu'i ye shes ngas khyod la bskyed par bya yis/ khyod kyis dkyil 'khor ma mthong ba rnams kyi mdun du smra bar mi bya'o/ /khyod dam tshig nyams bar gyur ta re/ slar mgo bor rdo rje yang dag par gzhag ste 'di skad brjod par bya'o/ /dga' bar khyod kyis 'di smras na/ dam tshig rdo rje 'di yis ni/ /mgo bo rnam par 'gems 'gyur zhing/ /de ma thag tu bral te gshegs/ /'dis ni mna' bsgag par bya ste/ bdud rtsi lnga pad+ma'i snod du yang dag par bzhag ste/ yi ge gsum gyis yang dag par byin gyis brlabs la/ oM badzra a mri to da ka Tha zhes lan gsum gyis bar du 'di bzlas pa ste/ 'di ni khyod kyi dmyal ba'i chu/ /dam tshig nyams na bsreg par byed//

  271. 136a

    dam tshig bsrungs na dngos grub thob/ /'thungs shig rdo rje bdud rtsi'i chu/ /zhes bklags pa ni dam tshig go /de nas 'di skad brjod par bya ste/ deng phan chad khyod kyi phyag na rdo rje nga yin gyis/ ngas ci gyis shig ces bsgo ba de khyod kyis bya dgos la/ nga la brnyas par yang ma byed cing/ /byas na yang ba ma spangs par 'chi ba'i dus byas nas dmyal bar 'gyur ta re zhes bya ba ni dam tshig gi chu sbyin pa'o/ /de nas slob mas 'di skad brjod do/ /de bzhin gshegs pa thams cad dang rdo rje sems dpa' i byin gyis brlabs kyis/ bdag la byang chub kyi sems phob cig ces bya'o/ /de nas slob ma'i snying gar laM ser po las byung ba'i rdo rje rtse gsum pas mtshan pa/ sa'i dkyil 'khor gru bzhi pa la gnas pa'i yi ge hUM ngo// spyi bor baM las byung ba'i bum pas mtshan pa'i chu'i dkyil 'khor zlum po la gnas pa'i yi ge ha'o/ /mgrin par yaM las skyes pa'i g.yo ba'i ba dan gyis mtshan pa'i rlung gi dkyil 'khor gzhu'i dbyibs la gnas pa'i yi ge a'o/ /rkang pa'i 'og tu rlung gi dkyil 'khor 'bar ba raM gyi yi ge las skyes pa'i kha dog dmar po rdo rjes mtshan pa/ 'od zer 'phro ba me'i dkyil 'khor grub gsum pa la gnas pa'i dzhaiM gyi yi ge 'od zer dang bcas pa bsams la/ bsnyems tshul dang bcas pa'i dril bu dkrol bar bya'o/ /A be sha ya staM b+ha ya ra ra tsa la ya hUM ha a dzhaiM zhes brjod do/ /lce la yi ge a dmar po bsgoms/ 'od dpag med kyi gzugs su bsgom par bya'o/ /phebs par gyur na smros shig bu yi dge mi dge zhes brjod par bya'o/ tiSh+Tha badzra zhes brjod pas brtan par bya ste/ mig dag la ci snang zhes dri bar bya'o/ /de nas de'i dmar po dang/ dkar po dang/ ser po dang/ nag po snang zhes pa'o/ /zhi ba dang/ rgyas pa dang/ dbang dang/ mngon spyod rnams grub pa'i snod du 'gyur ro zhes brjod do/ /bden pa'i

  272. 136b

    byin gyis brlab par bya'o/ /yang dag dkyil 'khor zhes bya 'dir/ /bdag gi slob ma gzhug par bya/ /lha rnams kyi rigs ji bzhin/ /ji ltar bsod nams de bzhin shog /'di yi dngos grub 'grub pa dang/ /rigs ni gang gis grub pa dang/ /gang 'dir bsod nams rjes 'byung ba/ /dkyil 'khor 'dir ni de bzhin shog /de nas me tog gi 'phreng ba dkyil 'khor du pra tIts+tsha badzra ho zhes ba 'dis dor ro/ /de nas me tog lhung bas dman pa dang/ 'bring dang mchog gi dngos grub mtshon par bya'o/ /de la gal te sangs rgyas rnams kyi dbu 'am/ mdzod spu 'am/ gtsug tor la lhung na phyag rgya chen po'i dngos grub ster ro/ /mchog gi yan lag las ni mchog go /'bring gi yan lag las ni 'bring ngo/ /tha ma'i yan lag las ni mdza' o/ /gzugs brnyan dang ring ba las ni shin tu yun ring ba na'o/ /nye ba las ni myur ba'i dngos grub po/ /lha rnams kyi rang gi gnas de mig la sogs pa rnam par bcad pa las shes par bya'o/ /gal te lha gnyis po'i bar dag tu lhung na de yang gang gi nye ba de'i rigs su 'gyur ro/ /dkyil 'khor gyi ?? tu lhung na dman pa'i dngos grub bo/ /gal te re ga la lhung na slar 'phang ngo/ /lan gsum gyi bar du de nyid la ma lhung na dngos grub med do/ /rdo rje ra ba'i phyi rol tu lhung na dngos grub med do/ /snying po la lhung ba shin tu dka' o zhes pa ni me tog dor ba'i cho ga'o/ / de nas phreng ba gzung ba mgo la bcing ba ni/ sems can stobs chen khyod kyis ni/ /'di ni rab tu bzung bar bgyi shes brjod do/ /mig gnyis dag la yang yi ge oM bltas te/ oM rdo rje sems dpa' deng khyod kyi/ /mig 'byed par ni brtson par mdzad/ /phye bas thams cad mthong bar 'gyur/ /rdo rje'i mig ni bla na med ces brjod la mig ras bsal bar bya'o/ /de nas dkyil 'khor nye bar bstan par bya'o/ /dbus kyi rnam shes phung po ni mi bskyod pa'o/ /shar la sogs pa'i phyogs su ni gzugs ni rnam par snang

  273. 137a

    mdzad do/ /tshor ba ni rin chen 'byung ldan no/ /'du shes ni 'od dpag tu med pa'o/ /'du byed ni don yod grub pa'o/ /me la sogs pa'i mtshams rnams su sa ni spyan ma'o/ /chu'i khams ni mA ma kI'o/ /me ni gos dkar mo'o/ /rlung ni sgrol ma'o/ /dkyil 'khor gyi phyi rol gyi me la sogs pa'i mtshams su shar gyi ngos gnyis su gzugs rdo rje dang/ sgra rdo rje dri rdo rje ro rdo rje/ reg rdo rje/ chos kyi dbyings kyi rdo rje rnams so/ /gshin rje mthar byed dang/ shes rab mthar byed dang/ pad+ma mthar byed dang/ bgegs mthar byed rnams shar la sogs pa'i sgo rnams su gnas pa'o/ /dkyil 'khor du 'jug pa'i cho ga'o/ /yid ches pa'i dpang brjod par bya'o/ /byang chub rdo rje sangs rgyas rnams/ /mchod rten ji ltar stsal ba ltar/ /bdag la drang ba'i don gyi phyir/ /nam mkha' i rdo rje deng bdag stsol/ /zhes gsol ba 'debs pa dang ldan pa'i slob ma mi bskyod pa'i gzugs su dmigs la/ rig pa'i skyes bu dang bcas pa'i chu rnam pa thams cad kyi bu blugs par bya'o// hUM las rdo rje bltas te/ rdo rje sems dpa' i mthu stobs kyis rdo rje dang bcas khu tshur gyis bum pa'i chu blugs te/ dbang bskur ba ni rdo rje che/ /khams gsum pa yi phyag byas la/ /gsang ba gsum gyi gnas las byung/ /sangs rgyas kun gyis sbyin par bya/ /oM badzra a b+hi Shiny+tsa mi staM zhes brjod pas/ slob ma 'khor lo sgyur ba lta bu la dbang bskur bar bya'o/ /chu'i dbang gis cho ga me long lta bu'i ye shes so/ /de nas bstan ma thag pa'i rim pas gser ram gos la sogs pa las byas pa'i cod pan slob ma la byin te/ rin chen 'byung ldan gyi sbyor ba ste/ sangs rgyas kun gyi dkyil 'khor mchod/ /ma hA ma ku TaM pra hIts+tsha badzra ho(rgyud 'grel): zhes brjod pas nam mkha' i dkyil 'khor du son pa'i de bzhin gshegs pa thams cad rang gi rig can gyi cod pan du

  274. 137b

    rnam par bsam mi zhes pa ni cod pan gyi dbang gi cho ga'o/ /mnyam pa nyid kyi ye shes so/ /de nas rdo rje lnga pa chen po snying gar lag pa bzhag /slob ma 'jig rten dbang phyug tu byas pa la/ rdo rje sems grags chus btab par bya'o/ /sangs rgyas kun gyi rdo rje'i dbang/ /de ring khyod la bskur bar bya/ /'di de sangs rgyas thams cad de/ /rab tu sgrub phyir rdo rje zung/ /zhes brjod pas rdo rje snying ga la sogs par reg pas/ rdo rje lag pa g.yas par sbyin par bya'o/ /zhes pa ni rdo rje'i dbang bskur ba'i cho ga'o/ / de nas don yod grub pa'i gzugs su dmigs la/ lag pa g.yon par dril bu sbyin te/ rdo rje dang dril bu dang/ slob ma dag ldan pa'i lag pa dag mngon par 'khyud pa'i tshul gyis lag par byin la/ oM badzra a d+hi pa ti stwaM a b+hi Shiny+tsa maM tiSh+Tha badzra sa ma ya stwaM zhes brjod de zhes pa ni dril bu'i dbang gi cho ga'o/ /bya ba nan tan gyi ye shes so/ /de nas rnam par snang mdzed du bltas la ming gi dbang bskur bar bya'o/ /mgor rdo rje dang dril bu mnyam par bzhag ste/ oM badzra satwa stwaM a bi Shiny+tsa maM badzra nA ma ma d+hi she ka ta/ kye dang la gti mug rdo rje/ kye dpal 'dod chags rdo rje/ kye dpal phrag dog rdo rje/ kye dpal zhe sdang rdo rje zhes pa la sogs pa rigs kyi rjes su mthun pa'i ming bya'o zhes pa ni ming gi dbang gi cho ga'o/ /chos kyi dbyings rnam par dag pa'i ye shes so/ /dbang bskur ba 'di rnams kyi rgyud mnyan pa dang/ bshad pa dang/ sngags sgrub pa'i snod du 'gyur ro/ /dbang po 'di dag nyid rig pa'i dbang zhes brjod de/ /thams cad la spyan ma la sogs pa rnams kyi bya ba 'jug pa'i phyir ro/ /de'i rjes su/ rdo rje slob dpon dbang bskur ba/ bdag dang gzhan gyi don gyi phyir/ /thugs rje can gyi bka' drin gyis/ de rang bdag la stsal du gsol/ /de ltar gsol ba 'debs pa dang ldan pa'i slob ma rgyan thams cad kyis brgyan pa steng du gdugs dang bla ris brgyan pa shar gyi sgor seng ge'i khri la gnas so/

  275. 138a

    rnams rnam pa sna tshogs pa'i pad+ma 'dab ma brgyad pa'i steng du rdo rje sems dpa' i gzugs dmigs la/ yi ge hUM las rdo rje bltas te/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag po'i bdag /bcom ldan dpal mchog dang po'i skyes bu'o/ /zhes bya bas de nyid blang ngo/ /de'i rjes su yi ge a las bskyed pa'i dril bu'o/ /'di de sangs rgyas thams cad de/ /shes rab dbyangs kyi rjes 'gror bshad/ / khyod kyis kyang ni rtag tu bcang/ /byang chub mchog tu rgyal ba bzhed/ /srid pa ngo bo nyid kyi bdag /ngo bo nyid kyi gnyis med byas/ /rang bzhin dag pa'i sems dpar ni/ /srid pa dam pa byed par 'gyur zhes brjod pas/ slob mas dkrol bar bya'o/ /de'i rjes su yid kyi lus ni brtan pa'i phyir/ /phyag rgya dam tshig ces brjod do/ /gang phyir yid kyi lus ni brtan pa dang/ /de phyir phyag rgyar rab tu grags/ /zhes pa 'di'i rang gi 'dod pa'i lhar dmigs la/ /bdag nyid phyag rgya chen por byin gyis brlabs la 'khyud par bya'o/ /de'i rjes su slob dpon rang gi snying ga'i sa bon las yang dag par byung ba'i lha mo'i tshogs nam mkhar gnas pas dbang bskur bar yud tsam bsam mo/ /dbang bskur ba ni rdo rje che/ /khams gsum pa yis phyag byas pa/ /gsang ba gsum gyi gnas las byung/ sangs rgyas kun gyis sbyin par bya/ /zhes pas dbang bskur ro/ /'di skad du/ shes rab bcu drug lon pa la/ /lag pa gnyis kyis 'khyud nas ni/ /rdo rje dril bu rab sbyar ba/ /slob dpon gyis ni dbang du bzhed/ ces pa'o/ /de'i rjes su mdor bsdus pa'i dkyil 'khor gyi de kho na nyid dang/ dkyil 'khor gyi rnam par dag pa bshad par bya'o/ /pad+ma'i dkyil 'khor zhes su bstan/ /yid kyi dkyil 'khor gyis ni mchog /khang bu brtsegs pa ye shes so/ /sems ni gzhal yas khang gi dngos/ /phung

  276. 138b

    po lnga la mnyam brten nas/ /sangs rgyas sngar ni yongs su grags/ /zhes pa la sogs pa'o/ /de nas rnam par snang mdzad la sogs par dmigs pa'i slob ma la rjes su gnang ba sbyin te/ /sems can kun la phan pa'i phyir/ 'jig rten khams ni thams cad du/ /ji ltar 'dul ba sna tshogs pa'i/ /chos kyi 'khor lo rab tu bskor zhes pas chos kyi gnas su rdo rje dang/ nor bu dang/ pad+ma dang/ las kyi sgra bcug ste/ tshigs su bcad pa'i rim pas rjes su gnang ba sbyin no/ /de'i rjes su mi bskyod pa'i gzugs su dmigs la/ rdo rje brtul zhugs sbyin te/ 'di de sangs rgyas thams cad de/ /rdo rje sems dpa' i phyag na gnas/ /khyod kyis kyang ni rtag tu bcad/ /phyag na rdo rje brtul zhugs brtan/ /zhes pa 'di'i yi ge hUM las byung ba'i rdo rje sbyin te/ oM sarba ta thA ga sid+d+hi badzra sa ma ya tiSh+Tha e Sha stwaM d+ha ra yA mi/ hi hi hi hi hUM zhes brjod de/ slob mas rdo rje bzung ngo/ /rdo rje brtul zhugs sbyin pa'o/ /de'i rjes la bdag nyid sangs rgyas kyi gzugs su dmigs la snying gar lag pa g.yon pas chos gis snying gar bzung pa'i tshul du byas la g.yas pas mi 'jigs pa'i phyag rgyas bcings la/ slob ma gang gis kyang rigs de'i gzugs su dmigs par byas la/ de la lung bstan par bya ba ni/ oM de ring khyod la ngas lung bstan par bya ba ni/ rdo rje sems dpa' de bzhin gshegs/ /srid dang shin tu dga' bas na/ srid dang ngan 'gro dag las bton/ /he mahA mu ka nA ma ta thA ga ta/ sid+d+hi sa ma ya stwaM/ b+hur b+hu ba swa zhes pas lung bstan pa gang tshigs su bcad pa dang phyag rgya 'di dag gis lung bstan par bya ste/ de bzhin gshegs pa thams cad dang/ byang chub sems dpa' 'khor dang bcas pa thams cad dkyil 'khor pa mgrin gcig tu bla na med pa yang dag par rdzogs pa'i byang chub tu lung ston to/ /'di nyid shin tu phyag rgya'i mthus 'di'i sngags kyi stobs kyis dad par bya zhes slob ma la brjod do/ /lung

  277. 139a

    bstan pa'o/ /de'i rjes su ma hA sa ma ya hUM ha na ha na hUM hUM phaT phaT ces brjod pas dbugs dbyung bar bya ste/ gsang chen mchog gi dkyil 'khor du/ /bcug pa dang ni mthong ba yis/ /sdig pa kun las rnam grol te/ /de ring khyod ni bde bar gnas/ theg chen theg pa 'di la ni/ /phyin chad 'chi ba yod min pas/ /srid pa shin tu dag pas na/ /srid pa'i sdug bsngal bton pa'o/ /rdo rje zhes bya'i phyag rgya dang/ /byang chub sems ni spangs mi bya/ /gang zhig skyes pa tsam gyis ni/ /sangs rgyas nyid du the tshom med/ /dam pa'i chos ni mi spang zhing/ /nam yang spang bar mi bya'o/ /mi shes pa'am rmongs pa la/ /de ni bstan par mi bya'o/ /rdo rje dril bu'i phyag rgya ni/ /nam yang spang bar mi bya'o/ /sangs rgyas kun dang mnyam pas na/ /slob dpon nam yang smad mi bya/ /rang gi bdag nyid yongs btang nas/ /dka' thub kyis ni gdung mo bya/ /ji ltar bde bas bde ba bzung/ /'di ni ma 'ongs rdzogs sangs rgyas/ /de'i dkyil 'khor slob dpon gyur/ /sngags dang rgyud rnams 'dzin gyur pas/ / sangs rgyas byang chub sems dpa' dang/ /lha rnams kyang ni bzhed pa yin/ /sems can rnams ni rjes bzung phyir/ /dkyil 'khor cho ga bzhin du ni/ /khyod kyis nan tan bzhin du bris/ /sgrub pa po rnams rgyud la sbyor/ /dbugs dbyung ba sbyin pa'o/ / 'di la rjes su gnang ba sbyin te/ rig pa'i dbang lnga'i rjes dang slob dpon gyis dbang gi rjes su sbyin par bya'o/ /slob dpon gyi dbang ni phyir mi ldog pa'i dbang zhes bya'o/ /thams cad la dum pa'i bya ba 'jug pa'i phyir ro/ /dbang bskur ba 'di dag ni rgyud thams cad dbang mi 'gal ba'o/ /'di dag ni slob dpon gyi dbang bskur ba'i sku rdo rje rnam par sbyor ba'o/ /de'i rjes su sgrib g.yogs pas dben par byas pa'i phyogs su slob ma dang yid du 'ong ba'i gzugs dang lang tsho dang ldan pa/ dam tshig dang sdom pa

  278. 139b

    dang ldan pa'i shes rab gsang ba'i dbang bskur ba'i phyir bla ma la phul te/ 'gro ba'i gnas skabs kyis gsol ba gdab par bya'o/ /byang chub rdo rje sangs rgyas rnams/ /mchod rten ji ltar stsal ba ltar/ /bdag kyang drang ba'i don gyi phyir/ /nam mkha' i rdo rje dib? bdag gsol/ /bla mas kyang ting nge 'dzin gsum mngon du byas pas? rig par byas te/ nam mkha' i khams nas spros pa'i shes rab kyi pad+ma nas blangs nas/ shes rab gdong ni bcing ba dang/ /thabs kyi gdong yang de bzhin no/ /rgan po dang ming med dag gis ni slob ma'i khar lhung bya/ a ho na hA su kha zhes pas longs spyod kyi gnas su gzhag par bya'o/ /rnam par snang mdzad bdag nyid do/ /de nas langs nas 'di dag nyid du sbyin no/ /gsang ba'i dbang bskur ba ni ngag gi rdo rje sbyong ba'o/ /gsang ba'i dbang bskur ba'i cho ga'o/ /de'i rjes su phyag rgya gcig gam/ de las tha dad pa gzhan la so so rang gis rig pa'i chos kyi sku rtogs pa'i phyir/ gang sngar bstan pa'i tshigs su bcad pas gsol ba 'debs pa dang ldan pa'i slob ma la/ de'i lag par de'i lag pa rab tu gtad do/ /lan cig de bzhin gshegs pa'i sku'i rdo rje gzhag ste/ bla ma rdo rje 'dzin pas 'di skad brjod do/ /yid du 'ong ba'i gzungs ma 'di/ /brten par sangs rgyas kun gyis bsngags/ /'khor lo'i rim pa'i sbyor ba yis/ /dam pa'i bde ba nyams su myong/ /'gro gsum de yi dag pa ni/ /thabs gzhan las ni byang chub med/ /de bas khyod kyi nam yang ni/ /'di dang bral bar mi bya'o/ /'di ni sangs rgyas thams cad kyi/ /rig pa'i brtul zhugs bla na med/ /blun po 'ga' zhig 'di spong ba/ /de la mchog gi dngos grub med ces brjod pas sbyin no/ /des kyang gur gum dang tsandan dag byugs te dri zhim po dang me tog gi phreng bas mdzes par byas te/ gos dang bral bas legs pa'i pad+ma gsal bar bstan te/ 'di skad ces brjod do/ /gshang gci la sogs bza' ba dang//

  279. 140a

    khrag dang khu ba de bzhin sha/ bu khyod ci dgar spro gyur tam/ bud med mchog la 'di bzhin gus/ /b+ha ga pad+ma 'o byed dam/ /bu yi ji ltar bde ba smros zhes pa dang/ des kyang lha mo ci phyir bdag mi spro/ /khu ba khrag sogs bza' ba dang/ /rtag tu bud med gus par byed/ /b+ha ga nyid la'o byed do zhes brjod do/ /de nas dga' ba'i bsam pa dang/ rtse bas lhag par blta bas khyod bzhin du rnam par bltas te/ /legs pa'i pad+ma bstan te/ 'di skad ces brjod do/ /kye ma bdag gi pad+ma 'di/ /bde ba thams cad yang dag ldan/ /gang gis cho ga bzhin du bsten/ /nga ni de yi mdun na gnas/ /ji ltar pad+ma'i bya ba gyis/ /rdzogs pa'i sangs rgyas bsnyen bkur lhag /rang nyid bde chen rgyal po ste/ /'di nyid du ni yang dag gnas/ /b+ha dza hUM mok+Sha ho zhes pa'o/ /des kyang rang gi lha'i rnal 'byor gyi bdag nyid kyis/ /mgo bo dang/ snying ga dang/ lte ba dang gsang ba dang/ rkang ba rnams su go rims ji lta bar/ oM hUM swa a ha zhes pas rigs lnga yang dgod par bya la/ de'i rjes su yi ge hUM las pad+ma dang rdo rje a dang yi ge oM dag yi ze 'bru dag gi nang du yi ge phaT rnam par bsgom mo/ /rdo rje dbyings kyi dbang phyug ma'i rtsa g.yon gyi ngos na gnas pa sor mo bskyod de/ cung zad shes pas so/ /'di yang bla ma'i man ngag las so/ /de'i rjes su oM sarba ta thA ga ta a nu rA ga Na badzra swa b+hA ba At+ma kohaM zhes pas dga' ba brtsam par bya'o/ /rdo rje pad+mar rab gzhag nas/ /byang chub sems ni shor mi bya/ /dga' ba yis ni dkrugs pa yi/ /sems ni gang bas sgom par bya'o/ /byang chub sems ni gshegs gsol bas/ /ji srid rnal 'byor pa mi byed/ /gang yang dga' ba las skyes 'di/ /de srid rgyun mi chad thob pa/ /byang chub sems ni lhung ba yi/ /phung po rnam shes rgyal gyur nas/ /ji srid dngos grub smad pa yin/ /mkha' dbyings

  280. 140b

    rdo rje yang dag sgyur/ /reg las kyang me rmad byung tshe/ /bde ba skye bar 'gyur ba gang/ /de ni mchog dga' dam pa'o/ /dga' bral gyi ni nang dag tu/ /mtshon zhing ltos la brtan par gyis/ /pad+ma'i nam mkhar nor bu'i ze 'bru dang/ /rdo rje skyil mo krung gis mnan pa'i gnas dag tu/ /sems kyi nor bu'i nang du chung pa blta/ /ye shes gang skyes ye shes gzugs kyis brgyan/ /'dod chags ma yin chags bral min/ /dbu mar dmigs par mi 'gyur ro/ /rnal 'byor ye shes mthong ba gang/ /bde bar gnas pa mtho ba med/ /thun phyed dam ni? yang? gcig /nyin dang zla ba zla phyed lo/ /? ? pa stong phrag tu/ /ye shes kyis ni rnal 'byor gnas/ /slob mas snyoms par 'jug pa ltas la/ /bla ma'i snying gnas? 'byung ba'i/ /gti mug 'ga' ? mal sogs bzhi/ /de yi sems nyid la dgod do/ /slob ma'i mtshan nyid legs par gyis/ /pad+ma'i nang du 'gyur par bya/ /de nas bcud kyi len gyis sems/ /byang chub mngon du 'gro bas blang/ /zhes pa ni shes rab ye shes kyi dbang bskur ba'i cho ga'o/ /sems kyi rdo rje rnam par sbyong ba'o/ /shes rab ye shes kyi dbang bskur ba'i cho ga'o/ /ji skad bshad pa'i cho gas shes rab kyi dbang yongs su 'dzin pa la de bzhin du mngon par brjod pa bzhi pa 'bras bur gyur pa'i dbang bskur ba rin po che brjod par bya ste/ gzhan du dam tshig la sogs pas 'phags pa gsungs pa/ gzhan du dbang ni ma bskur bar/ /gang zhig rnal 'byor ba nyid 'dod/ /mkha' la khu tshur rdeg pa dang/ /smig rgyu'i chu la 'thung ba mtshungs/ /de'i phyir de kho na nyid kyi dbang cho ga ji lta ba bzhin du byin pas slob ma'i mos pa yid brtas te/ /zab cing rgya che ba la lhag par mos na/ /tshig gi dbang bskur ba rin po che sbyin no/ /gzhan du ni ma yin no/ /'o na ji ltar rang bzhin rgya che la mos par rig ce na/ de skad du yang du ba las ni mer shes te/ chu skyar las

  281. 141a

    ni chu yin no/ /byang chub sems dpa' blo ldan gyi/ /rigs ni mtshan ma rnams las shes/ /bzhin ni rab tu dang bas ston/ /lus kyis kyang ni pad+ma spro/ /khyod rgyas pa yi de nyid mthong/ /mkhas pa yis slob ma de ni rjes su bzung zhes pa'o/ /ji skad du/ bcom ldan 'das kyis dbang bskur ba ni rnam pa gsum/ /rgyud 'di ru ni rab tu grags/ /slob dpon gsang ba shes rab dang/ /de ltar de bzhin bzhi pa yang zhes pa'o/ /rgod dang bltas dang lag bcangs dang/ /de ltar slar yang gnyis sprod rgyud/ /dga' ba dang ni mchog dga' dang/ /bral ba de bzhin lhan cig skyes/ /rnam pa sna tshogs rnam smon dang/ /rnam par shes dang mtshan nyid bral/ /dbang bskur ba yi rim pa kun/ /thams cad shes rab lus las skyes/ /yang gsungs pa e yi cha byad bzang po la/ /dbus su yi? kyis rnam par brgyan/ /bde ba thams cad kyis ni gnas/ /sangs rgyas rin chen za ma tog /de la dgong pa dag ni slob dpon te/ /lta ba de bzhin gsang da'o/ /'khyud pa dag la shes rab dang/ /bzhi pa de bzhin gnyis sprod rgyud/ /dga' ba cung zad bde ba ste/ /mchog tu dga' bde bas lhag /dga' bral dga' ba chags bral 'gyur/ /lhan cig skyes dga' lhag ma'o/ /dang po reg pa 'dod pa ste/ /gnyis pa bde bar 'dod pa yin/ /gsum pa 'dod chags 'jig par 'gyur/ /de bas bzhi pa bsgom par bya/ /dga' ba dang po rnam sna tshogs/ /mchog tu dga' ba rnam par smin/ /dga' bral dga' ba rnam nyid dang/ /lhan cig skyes dga' mtshan nyid bral/ /rnam pa sna tshogs sna tshogs brjod/ /mkhyud dang 'o byed la sogs pa/ /rnam par smin pa de las bzlog /bde ba'i ye shes bra ba'o/ /rnam par nyid pa dpyod par brjod/ /bdag gi bde ba spyod do zhes/ /mtshan bral dga' ba gsum las gzhan/ /chags dang chags bral rnam spangs pa'o//

  282. 141b

    de dag nyid kyis gsungs pa/ /'dod chags ma yin chags bral min/ /dbu mar dmigs par mi 'gyur ro/ /dga' ba gsum po spangs pa nyid/ /lhan cig skyes pa zhes brjod do/ /don 'di nyid bcom ldan 'das kyis dpal gsang ba 'dus pa las bstan te/ bsgrub bya sgrub pa'i yang dag sbyor/ /gang de bsnyen pa zhes byar brjod/ /rdo rje pad+ma mnyam par sbyor/ /nye bar sgrub pa zhes bshad do/ /bskyod pa sgrub pa ru ni bshad/ /yi ge hUM phaT mnyam par ldan/ /rang bzhin rang gi bde zhi ba/ /sgrub pa chen po zhes bshad do/ /bsgrub bya shes rab sgrub pa thabs/ /de dag sbyor ba bsnyen pa yin/ /pad+mar rdo rje 'jug pa nye bar bsgrub pa/ /bskyod pa sgrub pa rang bzhin gyis/ /rang gi bde zhi sgrub pa chen por bshad/ /bsgrub bya sgrub? pa'i rdo rje gang/ /rab 'jug mthar thug dga' ba'o/ /shin tu bskyod pa byang chub kyi/ /mthar thug mchog tu dga' ba'o/ /'phos pa yis ni dga' bral lo/ /'di dag nang du gnas pa yi/ /bde ba bzhi par gang gsungs pa/ /de ni lhan cig skyes pa'o/ /sgrub pa shes pa'i don to/ /de dag nyid gsungs pa/ thog ma dbus dang tha ma med/ /srid med mya ngan 'das pa med/ /'di ni bde chen mchog yin no/ /bdag dang gzhan yang yod ma yin/ /mchog dga' srid par bshad pa ste/ /mya ngan 'das pa'ang 'dod chags bral/ /dga' ba gsum po tsam nyid ni/ /lhan cig skyes dga' rnam par spangs/ /sna tshogs spangs pa'i skad cig gis/ /mchog tu dga' ba yang dag rnyed/ /bla mas bka' stsal sems dpa' che/ /bde ba chen po yang dag bzung/ /ji srid byang chub ma thob par/ /sems can don gyi rdo rje 'dzin/ /ces pa la sogs pa'o/ /ji ltar zhe na/ gang phyir dbye bas gsum bstan pa/ /rgyu la 'bras bu gzhan med phyir/ /dbye ba gsum ni sngar rab grags/ /bral dang dga' ba nang dag tu/ /rab tu gsal bar byed pa bzhi/ 'o na ji ltar yid dag nang du rab gsal

  283. 142a

    zhes pa ji ltar zhe na/ mchog gi mdza' la bral ba'i dbus/ /stong las stong min rdo rje 'dzin/ /ces pa la sogs pa'i tshig go /stong las stong min ji ltar zhe na/ thog ma tha ma med zhi ba/ /dngos dang dngos med khyab pa'i bdag / stong nyid snying rje dbyer med pa/ /byang chub sems dpa' zhes byar brjod/ /ces pa ni grub pa'i mdza' o/ /'di dag gang gi thabs kyis bskyed/ /dkyil 'khor la sogs thabs kyis dang/ /rang byin brlab pa'i rim pas kyang/ /zhes pa rgyas par sbyar ro/ /de dag bdag gis ni ma bshad do/ /ci'i phyir zhe na/ gang rang rig pa'i ye shes 'di ni ngag gi spyod yul gyi lam las 'das pa'i phyir/ /byin brlabs goms pas gang de yi/ /thams cad shes pa de rang bzhin/ /gzhan yang gsungs pa/ /gzhan du lhan cig skyes bshad med/ /gang las kyang ni rnyed mi 'gyur/ /bla ma'i dus thabs bsten pa las/ /rang gi bsod nams kyis shes 'gyur/ /bla ma'i zhabs kyis bka' drin gyis/ /rang gi bsod nams chen por 'gyur/ /skad cig shes pa'i ye shes gang// ngag gi spyod yul lam las 'das/ /de skad gsungs pa/ bde chen rgyal po gcig pu shes/ /'gro brgyud la rtag shes par/ /gang gis kyang ni ston pa'i dus/ /thams cad mkhyen pa'ang tshig phongs 'gyur/ /sa ra pa yis gsungs pa/ de ni tshig gi bla mas mi ston pas/ /slob mas go bar ma gyur te/ grogs dag ma lus 'di dag lhan cig skyes pa yis/ /bdud rtsi'i ro 'gyur su ci zhig gis bstan/ /blo yi spyod yul ma yin ngag gi rgyu ba med/ /bla ma'i brjod pa dngos po las ring gtan las 'jug /de yang rim gyis snying rje la sogs rim gyi yon tan 'phel/ /dad ldan snying gi gnas su rang nyid ster bar 'gyur/ /'o na byang chub sems kyi mtshan nyid ci yin zer na/ /des gsungs pa/ dbang po rnams ni gnyid log dang/ /yid ni nang du rnam gnas dang/ /sems

  284. 142b

    ni nyams pa lta bur snang/ /lus ni dam pa'i bde bas rgyal/ /dbang po'i tshogs rnams rnam par nub/ /rnam par rtogs nyams 'khor ba'i sa bon med/ /dga' ba'i snang ba 'di? ni kha'i dang/ /mnyam pa'i ngo mtshar bsil ba'i nyams/ /dbang po rnams kyang nub 'gyur zhing/ rang gi ngo bo yang nyams par 'gyur/ /lhan cig skyes dga' mchog 'di ni/ /bla ma'i zhal la gsal bar dris/ /de nyid gsungs pa/ gang zhig nyams pa'i dus su shar bas 'dud/ /yul dang dbang po mnyam par nub 'gyur ba/ /gang yang mngon dga' rgyal bas mdzes pa gcig pa'i lus/ /snying la myur du 'chang ba mi ldog mkhas pa yin/ /rnam par rtog pa mdza' dag spangs pa'i blo/ /gang de bde ba dam pa'i stobs su 'gyur/ /de yang bya ba byas pa'i mkhas pa'o/ /gang gzhan phyugs ni rkang gnyis pa zhes pa'o/ /de'i phyir yang dag pa'i bla ma'i bsnyen bkur slob ma dam pas bya'o/ /sku gsum rjes su 'jug pa'i bde ba chen po'i ngo bo rang gis rig par bya'o/ /dbang bskur ba thob pa'i bya ba byas pas 'di skad brjod par bya ste/ di ring bdag skyes 'bras bur bcas/ /bdag gi rtsol ba 'bras bur bcas/ /di ring sangs rgyas rigs su skyes/ /sangs rgyas sras su 'gyur te/ /de nas bla ma dam pa dag la dbul/ /de bzhin gshegs pas gsung mtshan nyid/ /sna tshogs rgyan ni gos la sogs/ /rang gi lus ni khyad par 'phags/ /zhes so/ /de'i rjes su sbyin sreg byas te// gtor ma byin la skye bo 'dul ba dang bcas pa'i dge 'dun la chos ston de nas bya'o/ /sdug bsngal mgon med pa rnams tshim par bya'o/ /dbang chog mdor bsdus byas pa las/ gang yang bsod nams las byung de yi gzhal med pas/ /de yis gnyis med bsam mi khyab pa yis/ /bde ba chen po'i bdag nyid thob par shog /skye bo rdo rje 'dzin par gang gyur cig /dbang gi cho ga mdor bsdus pa rdzogs so// //dpal gnyis med rdo rjes mdzad pa'o// // */ (/dpal gnyis med rdo rjes mdzad pa'i rang bzhin lnga pa zhes pa'o/)

  285. 143a

    rgya gar skad du/ pany+tsa swa b+hA ba/ bod skad du/ rang bzhin lnga pa/ dpal rdo rje sems dpa' la phyag 'tshal lo/ /spros pa med cing bla na med/ /rdo rje sems dpa' la phyag 'tshal/ /mdor bsdus slob mas rtogs bya'i phyir/ /rnam pa lnga ni bdag gis bshad/ /oM A(rgyud 'grel): hUM zhes pa 'dis bdag dang gnas dang rnal 'byor bsrung bar byas la/ dri zhim po las sogs pa'i byugs pa'i sa'i? cha gru bzhi pa la sogs pa'i dkyil 'khor gyi dbus su/ de bzhin gshegs pa lnga dang/ rnal 'byor ma lnga rnams mchod de/ de la dbus su kha dog sna tshogs pa'i paM yongs su gyur pa las sna tshogs pad+ma 'dar ma brgyad pa kha bye ba'i lte ba'i steng du ra? dmar po yongs su gyur pa las nyi ma'i dkyil 'khor la gnas pa'i hUM sngon po las mi bskyod pa zhal gcig phyag gnyis sa mnon gyi phyag rgya 'dzin pa/ rdo rje skyil krung bcas pa/ mtshan sum cu rtsa gnyis dang dpe byad bzang po brgyad cus brgyan pa'i sku stobs bcu dang mi 'jigs pa la sogs pa'i yon tan gyi tshogs kyi gnas bu ga dang sha dang rus pa spangs pa/ rab tu snang ba tsam ste me long gzugs brnyan dang mtshungs pa/ bden pa ma yin brdzun pa ma yin pa/ byams pa chen po'i bdag nyid yin pa'i phyir kha dog nag po/ rdo rje nag po'i phyag mtshan can chos kyi dbyings rnam par dag pa phung po lnga'i rang bzhin te/ skra dang kha spu bregs pa chos gos gyon pa'i sku/ spyi bor rdo rje sems dpas mtshan pa/ rdo rje sems dpa' i rang bzhin stong pa nyid dang/ snying rje dbyer med pa'o/ /de nyid rgyu dang 'bras bu'i bdag nyid rnam pa thams cad mchog dang ldan pa'i stong pa nyid kyi mtshan nyid 'dus ma byas shing de bzhin nyid kyi bdag nyid yin pa'i phyir chos kyi sku'o/ /rab tu snang ba tsam yin pa'i phyir longs spyod rdzogs pa'i sku'o/ /brtags pa'i rnam par shes pa'i ngo bo yin pa'i phyir sprul pa'i sku'o/ /de skad du gsungs pa/ 'dus ma byas sems chos kyi sku/ /brtags

  286. 143b

    pa longs spyod rdzogs mtshan nyid/ /sna tshogs de nyid sprul pa'o/ /gnyug ma kun gyi rang bzhin no zhes pa'o/ /rnam par rtog pa la sogs pas mi reg pa'i phyir rdo rje rigs can dang/ rdo rje'i rigs de 'jig rten pa rnams kyis mi reg pa'i phyir ro/ /zhe sdang dang/ rdo rje chu dang/ drang ba dang/ nyi ma phyed dang/ ro tsha ba dang/ thos pa dang/ nam mkha' dang/ sgra dang ce'i sde tshan te/ 'di dag ni mi skyod pa'i rnam par dag pa/ phyi rol dang nang gi bdag nyid kyi rnam par gzhag pa'o/ /'dir yang sku bzhi'i rnam par bzhag pa ni snga ma bzhin no/ / oM A(rgyud 'grel): badzra d+h+rika hUM/ 'di ni bzlas pa'i sngags so/ /rdo rje sems dpa' yang hUM las skyes pa/ dkar po zhal gcig phyag gnyis pa rdo rje dril bu 'dzin pa/ yid kyi rang bzhin ro ska ba'i lus/ stong pa'i rgyas btab pa'i yid kyis rang bzhin ro sko ba'i lus/ ston ka'i dus kyi rnam par dag pa/ ya ra la wa la sogs pa'i bdag nyid nam phyed nas nam langs pa'i bar te/ chos kyi dbyings shes bya ba ming gzhan no/ /shar gyi 'dab ma la zla ba'i dkyil 'khor gyi steng du/ oM las skyes pa'i rnam par snang mdzad mdog dkar po 'khor lo dkar po'i phyag mtshan dang/ byang chub mchog gi phyag rgya can/ gzugs kyi phung po rang bzhin dang/ gti mug gi rang bzhin dang/ bshad pa'i rnam par dag pa dang/ de bzhin gshegs pa'i rigs can dang/ me long lta bu'i ye shes rab tu gnas pa dang/ rgun gyi dus rnam par dag pa dang/ ro mngar ba'i lus dang/ ka'i sde tshan dang/ snga dro'i thun gyi bdag nyid dang/ lus kyi rang bzhin no/ /oM A(rgyud 'grel): dzi na dzik hUM zhes bya ba 'di ni sngags so/ /lho'i 'dab ma'i nyi ma'i dkyil 'khor gyi steng du hUM? las skyes pa'i rin chen 'byung ldan kha dog ser po rin po che'i phyag mtshan dang/ mchog sbyin gyi phyag rgya 'dzin pa/ tshor ba'i phung po'i rang bzhin/ /phra ma'i rang bzhin khrag gi bdag nyid rin po che'i rigs mnyam pa nyid kyi rang bzhin dang ldan pa/ /dbyings?

  287. 144a

    dus kyi rang bzhin lan tsha'i lus kyi rang bzhin Ta'i sde tshan gyis khyab pa/ thun tshod gsum pa'i bdag nyid do/ /'di'i sngags ni oM A(rgyud 'grel): ratna d+h+rika hUM zhes pa'o/ /de'i nub kyi 'dab ma la nyi ma'i dkyil 'khor gyi steng du/ h+rI(rgyud 'grel): dmar po las yang dag par byung ba'i 'od dpag med kha dog dmar po pad+ma'i phyag mtshan dang ting nge 'dzin gyi phyag rgya 'dzin pa/ 'du shes kyi phung po'i rang bzhin dang/ 'dod chags kyi lus dang/ khu ba'i bdag nyid dang/ pad+ma'i rigs can dang/ so sor rtogs pa'i ye shes kyi mtshan nyid dang/ sos ka'i dus kyi rang bzhin dang/ ro skyur ba'i lus/ ta'i sde tshan gyi bdag nyid do/ /nub mo'i thun dang po'o/ /'di'i bzlas pa'i sngags ni/ oM A(rgyud 'grel): a ro li ka hUM zhes pa'o/ /de'i byang gi 'dab ma la nyi ma'i dkyil 'khor gyi steng du khaM ljang gu las skyes pa'i don yod grub pa ljang gu sha'i ring bzhin ral gri'i phyag mtshan dang/ mi 'jigs pa'i phyag rgya 'dzin pa/ 'du byed kyi phung po'i bdag nyid dang/ las kyi rigs dang/ phrag dog gi rang bzhin bya ba nan tan gyi ye shes dang/ char gyi dus kyi rang bzhin/ ro kha ba'i rang bzhin/ pa'i sde tshan gyi rnam par dag pa dang/ nam phyed kyi dus bzhin no/ /'di'i bzlas pa'i sngags ni/ oM A(rgyud 'grel): pradz+nyA d+h+rika hUM zhes pa'o/ /de dag ni rdo rje'i skyil krung can/ zhal gcig phyag gnyis pa gtsug tor can skra dang kha spu dregs pa/ chos gos gyon pa mtshan sum cu rtsa gnyis dang dpe byad brgyad cus brgyan pa/ /stobs bcu dang mi 'jigs pa la sogs pa'i yon tan gyi gzhir gyur pa bu ga dang/ sha dang rus pa spangs pa me long gi gzugs brnyan lta bu ste/ bden pa dang brdzun pa la sogs pa'i mdza' dag dang bral ba dri ma med pa rab tu snang ba tsam ste longs spyod rdzogs pa'i sku'o/ /sku gsum ro gcig pa ngo bo nyid kyi sku'o/ /'dus byas pa'i de bzhin nyid kyi bdag nyid chos kyi sku'o/ /brtags

  288. 144b

    pa'i rnam par shes pa'i sku tha mi dad pa'o/ /gzugs dang tshor ba dang 'du shes dang/ 'du byed kyi phung po'i bdag nyid rnam par snang mdzad dang rin chen 'byung ldan dang 'od dpag med dang don yod grub pa rnam par shes pa tsam du rtogs par bya ba'i phyir mi bskyod pas rgyas btab pa yin te/ mi bskyod pas dbul brgyan pa'o/ /rnam par shes pa'i rang bzhin med pa stong pa dang snying rje'i bdag nyid du rtog par bya ba'i phyir mi bskyod pa la yang rdo rje sems dpa' i rgyas btab pa yin te/ de dag gi rgyu dang 'bras bu'i bdag nyid srid pa dang mya ngan las 'das pa ro gcig pa tsam du 'gro ba 'di dag rtogs par 'gyur ro/ /de ltar yang/ stong nyid snying rje dbyer med pa/ /gang la sems ni rnam bsgoms pa/ /de ni sangs rgyas dang ni chos/ /dge 'dun du yang bstan pa'o/ /bu ram mngar zhing me tsha ba/ /ji bzhin pa yi rang bzhin te/ /chos rnams thams cad stong pa nyid/ /de bzhin rang bzhin 'dod pa yin/ /de ltar yang/ srid pa dag ni yongs shes na/ /mya ngan 'das zhes de la brjod/ /me'i mtshams kyi 'dab ma la zla ba'i dkyil 'khor gyi steng du laM dkar po las skyes pa'i spyan ma kha dog dkar mo/ /mig gi mtshan ma can sa'i khams kyi rang bzhin de bzhin gshegs pa'i rigs las byung ba/ gti mug dga' ma'o/ /'di'i sa bon dang sngags ni oM A(rgyud 'grel): laM hUM swAhA zhes pa'o/ /bden bral du zla ba'i dkyil 'khor gyi steng du lam nag po'i sa bon las yang dag par byung ba/ mA ma kI kha dog mo rdo rje nag mo'i mtshan ma can chu'i khams kyi rang bzhin rdo rje'i rigs zhe sdang dga' ma'o/ /'di'i sa bon dang sngags ni oM A(rgyud 'grel): maM hUM swAhA zhes bya'o/ /rlung gi phyogs su zla ba'i dkyil 'khor gyi steng du paM gyi sa bon las yang dag par byung ba/ /gos dkar mo zhes bya ba'i ming can kha dog dmar po pad+ma'i mtshan ma can me'i khams kyi rang bzhin pad+ma'i rigs 'dod chags dga' ma'o/ /'di'i sa bon dang

  289. 145a

    sngags ni oM A(rgyud 'grel): paM hUM swAhA zhes pa'o/ /dbang ldan gyi phyogs su zla ba'i dkyil 'khor gyi steng du sngo bsangs traM yongs su gyur pa las sgrol ma kha dog sngo bsangs utpa la sngon po'i mtshan ma can/ rlung gi khams kyi rang bzhin las kyi rigs phrag dog dga' ma'o/ /de'i sa bon dang sngags ni oM A(rgyud 'grel): tAM hUM swAhA zhes pa'o/ /de la lha mo bzhi ni lo bcu drug lon pa thun mong ma yin par mdzes pa/ gzugs dang lang tsho dang ldan pa ji ltar mdzes par yang dag par gnas pa'o/ / sku bzhi'i bdag nyid sngon bzhin yid du 'ong ba rgyal ba'i yon tan thams cad kyi rang bzhin du gyur pa/ de bzhin gshegs pa lnga'i rang bzhin can de dag gi dbus su A li'i rang bzhin rdo rje sems dpa' i gzugs 'di ni rdo rje dbyings dang po nas grub pa'o/ gzhung 'di byas pa'i dge ba rtogs phyir 'bad pa cung zad mdor bsdus slob mas rtogs bya'i phyir/ cho ga 'dir ni bsdus pas sems can rnams la phan pa yun ring du rgyal ba kun gyi lung dang rigs par ldan pa'i phyir/ ma lus dag pa 'di ni bdag gi thob pas 'gro ba rnams ni rgyal gyur cig /'di ni rdo rje sems dpa' i rang bzhin lnga pa/ dpal gnyis med rdo rjes mdzad pa rdzogs so// //a mri de bas zhus te gsol ba btab nas brtsams/ //rgya gar skad du/ pradz+nya pA ya be ya pany+tsa bod skad du/ thabs dang shes rab brtse ba lnga pa/ dpal rdo rje sems dpa' la phyag 'tshal lo/ /rab tu snang ba'i mchog rtse ba/ /rten cing 'brel bar 'byung ba tsam/ gal te med gyur 'chid 'gyur nyid/ /stong nyid yod pa'i 'dod tsam ma/ /stong nyid shin tu mchog rtse ba'i/ /gang gi lus ni dpe med pa/ /gal te brgya la tha dad gyur/ /rtse ba'i gtso bo tha dad 'gyur/ /de phyir dogs pa khyo shug gnyis/ /bla ma dam pa'i spyan sngar gnas/ /gnyug ma'i rtse ba ded dang de'i/ /lhan cig skyes pa'i

  290. 145b

    brtse bar mdzod/ /e ma'o bla ma dam pa mkhas/ ngo mtshar 'di 'dra'i thabs mkhas pa/ /gnyug ma dbyer med dmigs pa med/ /bla na med par gnyis ka skye/ /mtshan nyid thams cad yang dag rdzogs/ /mdza' gnyis dag ni rnam par spangs/ /dngos po kun gyi rang bzhin ni/ /rang bzhin med par rtag tu shor/ /thabs dang shes rab brtse ba lnga pa slob dpon a ba d+hU tI pa gnyis su med pa'i rdo rjes mdzad pa rdzogs so// //rgya gar gyi mkhan po badzra pA Ni dang/ bod kyi lo tsa ba mtshur dz+nyA na A ka ras bsgyur cing zhus te gtan la phab pa'o// // */ /rgya gar skad du/ do hA ti nA ma tat+two pa de sha/ bod skad du/ do hA ti zhes bya ba de kho na nyid kyi man ngag /dpal he ru ka la phyag 'tshal lo/ /theg pa gsum ni gnas pa zhes bshad de/ /bye brag smra ba gnyis su shes par bya/ /nyan thos dman dang 'bring po nub phyogs pa/ /mchog dang rang rgyal dag ni kha che ba'o/ /phung po lnga ni kun gyi grub mdza' yin/ /gang zag brjod med nub phyogs pa gnyis 'dod/ /thams cad ji srid 'tsho bar gsum skyabs 'gro /bdag nyid dul ba'i snying rje lhag par 'byung/ /theg pa dman pa mi gtsang bam pa de/ /lus gtsang blo de dri mar shes par bya/ /'byung dang 'bring 'jug 'bring po'i sgom pa ste/ /de yi dri ma bum par nyam sbyor yin/ /rab kyi sgom pa bden pa bzhi pa ste/ /yan lag brgyad lam gang zag stong pa nyid/ /sdug bsngal 'khor ba kun 'byung chags pa ste/ /'gog pa mya ngan pa gang zag med la/ /rtag pa bzhi pa la dmigs dri ma med/ /rang gi bsam mi khyab sgom rang sangs rgyas/ /mnyam gzhag 'di yi dri ma gnyis shes te/ myos dang sems med pa ru shes par bya/ /phra ba 'dus pa mdo sde ba yi lugs/ /bsam mi khyab sgom dri ma sngon dang 'dra/ /'di yi lta ba pha rol phyin drug nyid/ /snying rje'i stobs kyis yongs su bsngo ba'o/ /'gro ba sems tsam yin te rdul

  291. 146a

    phran med/ /rnal 'byor spyod pa rmi lam lta bu ste/ sngon po ser po la sogs sna tshogs snang/ /gang zhig 'dod pa thams cad rang bzhin te/ /thams cad rang gis rig pa'i bsam gtan no/ /rtag par lta bsgom pa'i dri mi shes/ /gzhan yang srid pa'i bag chags 'dod pa'o/ /rnam pa thams cad mi mthun phyogs su gnas/ /gnyis su med mnyam bsam yas rnam par dag /snying rje'i rang bzhin rnam med rdzogs sangs rgyas/ /gzugs kyis gnyis rtsa ba las 'phros te/ /bsam gtan lta ba'i dri ma sngon rang bzhin/ /mdza' bzhi spangs nas rang gi rig pa tsam/ /chu zla sgyu ma rmi lam lta bu nyid/ /lta ba 'di yi bsam gtan de gsungs pa'o/ /rang rig spangs pa'i chad pa dri ma yin/ /rnam chad rang bzhin dag pa ste/ /'di ni rab tu mi gnas pa'o/ / bsam gtan lta ba'i dri ma mdza' dag rig /rnam pa de phyir pha rol phyin theg pa'o/ /bde ba'i rang bzhin nyams myong gsang sngags che/ /rdo rje dang ni mtsho skyes sbyor ba'i sems/ /mchog tu chags pa'i nyi zla yang dag sbyor/ /snying rje'i thabs kyi stobs kyis 'gro ba kun/ /gdod ma'i bde ba der ni de bzhin nyid/ /gang du ro mnyam byang chub sems/ /de ni lhan cig skyes bde ba'o/ /de tshe gnyis ni sngon du de lhung ba/ /gzhan yang stong dang snying rje der mnyam gyur/ 'gro kun lhan cig skyes pa'i rnam pa ru/ /bla ma mchog gi bka' gsal ji ltar rtogs/ /do ha ti zhes bya ba de kho na nyid kyi man ngag rdzogs so// //a ba d+hU ti pas mdzad pa/ rje btsun d+hi ri sh+rI dz+nyA nas bsgyur ba'o// (//'di ni dpal gnyis med rdo rjes mdzad pa'i theg chen nyi shu pa zhes bya ba'o/) rgya gar skad du/ ma hA ya na biM sa ti/ bod skad du/ theg pa chen po nyi shu pa/ /snying po sku la phyag 'tshal lo/ /zung 'jug go 'phang yang dag son/ /rnam pa kun gyi mchog ldan pa/ /mtshan nyid med cing 'dus ma byas/ /gnyug ma'i sku la phyag 'tshal lo/ /'di

  292. 146b

    ni chos dang longs spyod sbrul/ /snying po de yi rang bzhin pas/ /de la 'di mthong ldan pa yis/ /yang dag rdzogs pa'i byang chub 'grub/ /'di la mthong bar gyur pa yis/ /sgro ma btags pas lhag par mthong/ /gsang sngags theg pa'i rjes 'brangs nas/ /de 'dir de ltar bshad par bya/ /sna tshogs rtag pa'i gzhung ni med/ /chad par sems pa'ang med pa ste/ /rtag dang chad pa'ang gnyis ka med/ /gnyis po med pas gnyis min te/ /mdza' bzhi rnam grol de nyid ni/ /de nyid rig pa mkhas pas shes/ /mdza' bzhi rnam par dag pa nyid/ /mdza' bzhi la ni rnam par brten/ /nam mkha' dang mnyam zhi ba dang/ /thog ma dbus dang tha ma spangs/ /bsam gyis mi khyab sems nyid ni/ /dngos po kun gyi rang bzhin no/ /'gro ba ro gcig par rtogs na/ /rtog pa med cing 'od gsal ba'o/ / kun tu rtog pas 'jigs med na/ /ji ltar bde ba khyod gnas byos/ /byang chub nyon mongs tha dad med/ /nyon mongs byang chub las mi 'byung/ /'khrul pas nyon mongs rtog pa ste/ /'khrul pa'i ngo bor dri ma med/ /lus kyi las su spyod lam ste/ /ngag gi las ni chos ston te/ /yid kyi las su yang dag 'dzin/ /rnam par mi rtog blo ldan pa'o/ /'gro ba sgyu ma sgyu ma 'di/ /sgyu mas sgyu ma mi bya ste/ /sgyu ma rmongs pas 'khrul pa che/ /'khrul 'gyur 'khrul ba dam pa'i lugs/ /ji ltar rang bzhin rnam shes na/ /sangs rgyas la sogs bsdus pa ste/ /kun nas kun tu longs spyod na/ /de nyid rig par rab tu 'grub/ /chos kyi phung po stong phrag gis/ /rtogs pa zhes bya stong pa nyid/ /rtogs pa 'di ni sbyad pa min/ /bla mas spyad pa min par 'gyur/ /skyes bu rnam rtog bral ba ni/ /rnam kun bde ba'i de nyid do/ /stong nyid bde ba'i de nyid min/ /bsam mi khyab min bde ba min/ /des na sangs rgyas sgro ma btags/ /de ni don dam mthong ba med/ /gang la spyod pa ji ltar bde/ /de lta rig pa mthong ba med/ /gnyis su med pa gnyis med min/ /byang chub dag pa'i

  293. 147a

    mtshan nyid med/ /re ba med 'di rnal 'byor che/ /rnam pa thams cad rtogs pa'o/ /ji ltar gsungs pa dang po'i las/ /rnal 'byor kun gyi bya ba yin/ /stong dang snying rje dbyer med pa/ /de ni sangs rgyas ye shes 'dod/ /stong pas snying rje gzhan min te/ /snying rje yis ni ming gzhan yin/ /bdag gis 'dus byas su mi brjod/ /brjod pa zung du 'jug par ro/ /bum pa la sogs 'dzin gang la/ /rnal 'byor kun gyi bsam gtan bya/ /'dis ni sangs rgyas chen por 'gyur/ /rnam pa kun gyi lus gcig pa'o/ /'dus ma byas sems chos yin te/ /rtogs pa'i longs spyod rdzogs mtshan nyid/ /sna tshogs sems ni sprul pa'o/ /gnyug ma kun gyi rang bzhin no/ /de ltar 'di yis thob pa ni/ /bsod nams ldan pa'i bsod nams kyis/ /de ni 'jig rten ma lus pa/ /sangs rgyas byang chub thob par shog /theg pa chen po nyi shu pa slob dpon gnyis med rdo rjes mdzad pa rdzogs so// //pa ri pa ta prany+dzA? sho ra sa ma d+hya na/ rgya gar gyi mkhan po de pA ka ra tsan+d+ra dang/ bod kyi lo tsa ba dge slong shAkya brtson 'grus kyis bsgyur cing gtan la dbab pa'o// //rgya gar skad du/ a mA na si ka ra u da ra nA ma/ bod skad du/ yid la mi byed pa zhes bya ba/ dpal rdo rje sems dpa' la phyag 'tshal lo/ /yid la mi byed pa zhes bya ba 'di ni phal cher log par rtogs pa ste/ de la kha cig 'di skyon can gyi tshig tu smra ste/ bsdus pas yid la mi byed pa zhes rtogs par 'gyur ro/ /de la brjod par bya ste/ de ni skyes bu byas pa'i la zhes bya ba'i tshig gis bdun pa phyis pa ste/ la phyis pa bsdu ba byas pas yid la mi byed pa dang/ yid mi byed pa dang/ yid la mi byed pa ste/ pags pa'i snying po dang/ pags pa'i snying po'o/ /g.yul ngo la brtson pa zhes bya bas de dag gi gzugs grub pa'o/ /de'i phyir 'di skyon

  294. 147b

    can gyi tshig ma yin no/ /gzhan yang tshig 'di mtshan nyid kyis grub pa yin te/ 'on kyang sangs rgyas pa'i ma yin no/ /de ni ma yin te/ mdo sde du mar mthong ba'i phyir ro/ /'phags pa sangs rgyas thams cad kyi yul la 'jug pa ye shes snang ba'i dam pa rgyan zhes bya ba theg pa chen po'i mdo las/ yid la mi byed pa'i chos rnams dge ba'o/ /yid la byed pa'i chos rnams mi dge ba'o/ /zhes pa dang/ de bzhin du kun tu rtog pas ma brtags pa/ /rab tu mi gnas pa yi yid/ /dran pa med cing yid byed med/ /dmigs pa med la phyag 'tshal 'dud/ /de bzhin du rnam par mi rtog pa la 'jug pa'i gzungs las/ byang chub sems dpa' sems dpa' chen po rnam par rtog pa thams cad kyi mtshan ma ni snang ba la rtogs pa ste/ yid la mi byed pas yongs su spangs pa'o/ /mdo sde gzhan dang gzhan gyi gzhung mangs kyis dogs pas 'dir ma bris so/ /da ni gzhan brjod pa tshig 'di ni mdo sde pa'i tshig nyid de/ /sngags kyi ma yin no/ /ci'i phyir zhe na/ mdo sde rnams las mthong ba'i phyir ro zhes de ni ma yin te/ he badzra las gsungs pa/ ngo bo nyid kyi sems med cing/ /sems byung ba'ang med pa'o/ /de bzhin du gang phyir yid kyis ma bsgoms na/ 'gro ba thams cad bsgom par bya/ /zhes pa'i don gyis yid la mi byed pa'o zhes rtogs par bya'o/ /gzhan yang brjod pa rgyud na'ang yod de/ med par dgag pa ni med pa'i yul yin pa'i phyir/ dngos po med pa brjod par bya'o/ /de ni ma yin te/ yod pa'i dngos po 'gog pa ni med par dgag pa'o/ /yang na thal ba med pas thal bar 'gyur ba 'gog pa'o zhes pa ni med pa dgag pa'o/ /ji ltar rgyal po'i btsun mo nyi ma ma mthong ba ni 'di'i don to/ /'di lta bu mi min zer zhes pa yang rgyal po'i chung ma de shin tu sbas pas nyi ma yang mi mthong ba'o/ /'dir bkag pas nyi ma med par ma byas pa'o/ /gang zhe na/ rgyal po'i chung ma rnams gang gis nyi ma mthong

  295. 148a

    ba yod na de 'gog pa ste/ yid la mi byed pa la yang yid la byed pa gang bzung ba dang 'dzin pa la sogs par yod pa de 'gog pa ste/ yid ni ma yin te/ 'di la skyon med do/ /gang gi tshe la la 'di skad 'chad de/ rtag pa dang chad pa'i mtshan nyid ni yid la byed pa'o/ /snyam sems na de'i phyir brjod ba rtag pa dang chad pa la sogs par yid la byed pa yid la mi byed na/ /de dag gis ni chags pa thams cad la gnod par byed pa ste yid la mi byed pa'i sgra yis so/ /de ltar yang bcom ldan 'das kyis rnam par mi rtog pa la 'jug pa'i gzungs las/ /rigs kyi bu rgyu gang gis rnam par mi rtog pa'i dbyings la yid la mi byed pa zhes brjod/ rnam par rtog pa thams cad kyi mtshan ma las yang dag par 'das na blangs pa'o// de dag gis ni rnam par rtog pa thams cad las yang dag par 'das pa bstan par 'gyur te/ yid la mi byed pa'i sgra yis so/ /ma yin pa dgag pa'i phyogs kyang skyon med de/ bram ze ma yin pa khrid la shog ces pas bram ze dang 'dra ba'i rgyal po la sogs pa khrid la shog ces par gsal gyi/ rigs mi mthun shing shing rta mkhan la sogs pa ni ma yin no/ /'di la yang rang bzhin med pa'i rig pa la gnas par byas ba ste de dag gis ni sgyu ma lta bur gnyis su med par smra bar gnas par 'gyur ro/ /gang las chad par lta bar 'gyur/ 'on kyang med pa'i tha snyad tsam ste/ tshig 'di ni gnyis brjod par bya'o/ /sgyu ma 'am yang dag par grub pa med pas yod pa 'gegs pa ni ma yin te/ de med par yang ma yin no/ /rig pa 'di yis 'gro ba 'gegs pa'i don ni nyams par 'gyur/ /'dir brjod pa tsam byas pa'o/ /a yig gtso bor gyur pa'i yid la byed pa ni yid la mi byed pa ste/ lo ma'i rgyal po bzhin tshig dbus ma phyis pa'i bsdus pa'o/ /de gang gis ni yid la byed pa gang thams cad ni a

  296. 148b

    ste skye ba med pa'i don to/ /bcom ldan 'das kyis gang bstan ce na/ /skye ba med pa zhes bya ba'i tshig gis a yig ces bya ba 'di lta ste/ /dgyes pa'i rdo rje'i sngags kyi le'u las kyang/ a kA ro mu khaM sarba d+harmA NaM a dyA nud pan na twat/ ces pa la sogs pa gsungs te/ 'di'i don yang chos thams cad thog ma nas skye ba med pa'i phyir a'i sgo gtso bor gyur pa ste/ a zhes ma skyes pa'i mtshan du sbyar ro/ /de ltar yang mtshan yang dag par brjod pa las/ a ni yig 'bru kun gyi mchog /don chen yi ge dam pa yin/ /khong nas 'byung ba skye ba med/ /tshig tu brjod pa spangs pa ste zhes pa ste/ /yang 'dir a ni bdag med pa'i sa bon no/ /de skad du yang dgyes pa'i rdo rje las a li dang pa ni bdag med ma'o/ /de dag gis ni yid la byed pa thams cad bdag med pas rang bzhin med pa zhes brjod par 'gyur ro/ /dang po dbyangs yig rang bzhin te/ /blo zhes pa ni shes rab brtags/ /de nyid bcom ldan 'das shes rab/ /rdzogs pa'i rim pa'i sbyor ba nyid/ /yang na a zhes pa ni 'od gsal ba'i tshig la yid la byed pa ni bdag la byin gyis brlabs pa'i tshig ste/ 'di yang a yang yin la yid la byed pa yang yin pas yid la mi byed pa'o/ /'dis ni yid la mi byed pa'i gnas bsam gyis mi khyab pa 'od gsal ba bdag la byin gyis brlabs pa'i bdag nyid stong pa nyid dang/ snying rje dbyer med pa zung du 'jug pa gnyis su med pa'i rgyun yang dag par rig pa bskyed par 'gyur ro/ /yid la mi byed pa ston pa bdag med pa gsal ba rdzogs so// //slob dpon chen po gnyis med rdo rjes mdzad pa rdzogs so// //rgya gar gyi mkhan po badzra pA Ni dang/ bod kyi lo tsa ba gnyan chung gis bcos pa rdzogs so// // */ /rgya gar skad du/ tAt+twa ma hA yA na bi sa ti/ bod skad du/ de kho na nyid theg pa chen po nyi shu pa/ rje btsun

  297. 149a

    sangs rgyas la phyag 'tshal lo/ /shes rab sna tshogs rnam par smin/ /snar med dang ni rnam nyed bral/ /de yi de nyid shes rab 'dod/ /gang phyir 'gro ba khyab pa'i bdag /shes rab srid dang mnyam bdag nyid/ /sku gsum theg pa'i gsum pa 'di/ /de nyid 'khor lo bde ba'i thabs/ /de ni rnal 'byor bdag dang gzhan/ /'jam pa'i rdo rje sgyu ma che/ /rdo rje mkha' 'gro de bzhin gzhan/ /snang ba'i bye brag shes rab nyid/ /de nyid rgyal ba'i bdag nyid grol/ /bsam gyis mi khyab sems dpa' nyid/ /gnyis dang gnyis med de bzhin no/ /rnam pa kun gyi mchog ldan pa/ /dngos dang dngos med gzung dang 'dzin/ /rnam par shes pas bor ba'i sems/ /dmigs pa med cing bla na med/ /dag cing zhi ba snang ba med/ /rig par ? ces su grags/ /'di la zhugs par gyur pa ni/ /gsang sngags chos kyi rnam par gsal/ /gang phyir sna tshogs pa yi thabs/ /'di la chung 'bring chen po yis/ /las dang dam tshig phyag rgya dag /'khor lo rdzogs par bsgom pa nyid/ /tha ma'i byang chub bsam gtan de/ /dag pa'i de nyid kha phyir ltas/ /ye shes phyag rgya snyoms 'jug pas/ /'jam pa'i rdo rje la sogs gtso/ /bden min brdzun gyi rnam pa min/ /'bring po'i rnal 'byor bdag nyid yin/ /bdag byin brlabs pa'i go 'phang shes/ /gang phyir de nyid nus pa med/ /de rnams la ni yang dag bstan/ /rim gyis byang chub grub pa'o/ /lha rnams mngon par dgod ce na/ /'di la bag chags ci ste med/ /bag chags nyid ni rnam dag na/ /thams cad du yang de bzhin no/ /slar yang rnal 'byor de nyid mthong/ /phyag rgya che la mchog tu gzhol/ /dngos po kun gyi rang bzhin gyis/ /dbang po mchog gis gnas par bya/ /ngo bo nyid kyis bde thob pas/ /rnam par rtog pa thams cad spangs/ /gang phyir 'gro ba de nyid yin/ /de phyir thams cad rtog pa med/ /

  298. 149b

    phyi rol dngos yid kyis bzung la/ /gang la 'khrul pa snang mi 'gyur/ /rmi lam bud med gsal ba nyid/ /sems can don ni byed pa ste/ /thams cad dngos po'i rang bzhin 'di/ /sems tsam du 'gyur byang chub po/ /sems kyi 'dod pa sems ma yin/ rang gis rig pa sems min te/ /rig pa bla ma la ltos 'gyur/ /dngos med kun gyi stong pa nyid/ /ming 'di mi 'dod pa ni gang/ /dngos po kun gyi rang bzhin 'di/ /so sor rtogs par dga' ba yin/ /de la sogs pa 'dus pa na/ /ji ltar 'di ni 'bras las zan/ /de ltar de bzhin nyid dag la/ /ma rig pa ni rig par 'gyur/ /gang la bsam pa bsam gtan yin/ /de la bsam mi khyab kyis min/ /bsam gyis mi khyab rnal 'byor pa/ /sangs rgyas kyis ni grol bar bstan/ /'di ni 'khor lo'i rnal 'byor yin/ /gang phyir phyag rgya che de nyid/ /chos dang yongs spyod sprul pa ste/ /gang phyir de ni rnams kun yin/ /bya ba byas pas bsam dang bral/ /dogs pa kun la kha phyir bltas/ /spyod lam rnam pa bzhi ldan pa/ /sangs rgyas 'di ni sangs rgyas bzhed/ /gnyis med gnyis su med pas byas/ /bdag gis thob pa'i bsod nams kyis/ /de ni 'gro ba gnyis med nyid/ /de yi bde ba chen por shog /a ba d+hU ti pa gnyis med rdo rjes mdzad pa rdzogs so// //rje btsun d+hi ? sh+rI dzA ni zhal snga nas dang/ lo tsa ba seng kar shAkya 'od kyis bsgyur ba'o// //bla ma dam pa rnams la phyag 'tshal lo/ /bsam gyis mi khyab rnal 'byor pas/ /snying rje'i rang sems glo bur sad/ /shes rab skye ba med rgyas btab/ /gnyis med bsam mi khyab mtshan nyid/ /snang bas skye ba med pa dran/ /dran pa'i rang bzhin bzung ba med/ /gzugs sogs dngos po'i rang bzhin gyis/ /bde ba chen po'i ro myong bas/ /bsam du med pa'i rnal 'byor rtogs/ /de yang bla ma'i drin gyis

  299. 150a

    slar yang ni/ /so sor rtogs pa'i rang bzhin no/ /de yang ji ltar myong bas bskyed pas na/ /dran pas bzung dang ma bzung med/ /rgyu dang 'bras bu dbyer med pas/ /sgom pa'i rim pa bdag la med/ /stong pa nyid kyi ro tshor bas// sgom pa yang ni rtog pa'o/ /gang phyir shes rab sgom pa yis/ /thams cad phyag rgya chen po la/ /gang zhig mi mthun phyogs su yang/ /de nyid phyag rgya chen po la/ /rang bzhin lhug pa bsam du med/ /ji srid bye brag gnyis 'byung ba/ /de las byung nas de ru thim/ /de las bde ba'i ye shes pas/ /'bras bu dag la re ba med/ /yid la mi byed rnal 'byor pas/ /stong nyid snying po bsam du med/ /gnyis med shes rab rang so la/ /mnyam gzhag rjes thob rig pa med/ /bsam med rgyun gyi rnal 'byor pas/ /gnyis su mi byed rang so nyid/ /ma skyes pa nyid dngos por sad/ /dngos po skye ba med par thim/ /dngos su gnyis med rdo rjer mthun/ /nyes pa dbang sogs glo bur ba/ /des na drang thang so ma ste/ /de dang de nyid thad kar spyad/ /skye ba med mthong rnal 'byor pas/ /shes pa mi bzung dang thang zhog /skye pa med pa'i sems nyid la/ /ci zhig bsdu zhing ci zhig spro/ /u pa de sha pa ra ma pa a/ /gsang ba dam pa rdzogs so// //mang+gA laM b+ha wan+tu// //shub+haM dbang nges par bstan pa zhes bya ba slob dpon rgyal ba'i bshes gnyen gyis mdzad pa bzhugs// //rgya gar skad du/ Sho ka ni rje sha nA ma/ bod skad du/ dbang nges par bstan ba zhes bya ba/ 'jam dpal gzhon nur gyur pa la phyag 'tshal lo/ /gang las kun dga' skye 'gyur zhing/ /skad cig ma bzhi'i rgyur gyur gang/ /dbye bas byang chub sgrub pa'i phyir/ /e baM rnam par phyag 'tshal lo/ /drag po'i sbyor ba spangs pa yis/ /sna tshogs de nas rnam par smin/ /gsum pa mtshan nyid bral ba ste/ /rnam par

  300. 150b

    nyed pa de nas shes/ /rnam nyed kun tu dpyod ce na/ /gsum par ji ltar 'dod par byed/ /gang phyir de tshe dpyod med de/ /mtshan nyid med par rig par 'gyur/ /de phyir mtshan nyid bral bar rig /de phyir gsum pa de nyid yin/ /rang rig nyid de dngos grub 'gyur/ /lung don dang yang ldan pa yin/ /'o dang 'khyud pa sna tshogs nyid/ /srub pa rnam par smin pa nyid/ /nor bu mtshan nyid bral zhes zer/ /de nas dbang bskur yang dag rig /de ni dbang bskur ngan pa yin/ /rin chen dkyil du rang rig pa/ /gal te de nyid de yin na/ /zhi ba rig byad de nyid 'gyur/ /'di ni sangs rgyas pa mi bzhed/ /de yang zhi ba rig byed nges par bsgrags pa lha mos zhus pa'i rgyud las/ lha mo rin chen grong khyer 'di/ /pad+ma'i ze 'brur zhu bar 'gyur/ /mnyam 'dus drag po zhi ba mchog /de nyid nus pa mchog gi mchog /mtshan nyid mtshon pa rnam bral ba/ /ngag gi mtshon pa rnams dang bral/ /zhi ba mchon pa mnyam sbyor bas/ /rmad du byung ba'i bde ba mchog /nus pa'i yul du bsgom bya na/ /srid pa de nyid du na med/ /sgro btags thams cad nyams pa yin/ /stong par mthong ba nus pa yin/ /zhes 'byung ba dang/ uts+tsha ma'i rgyud las kyang/ zhi ba nus pa mnyam sbyor ba'i/ /dam pa bde ba mchog gnyis med/ /zhi mi nus pa ma yin pa/ /rin chen dkyil du gnas pa'o// rnal 'byor brtag pa las kyang/ /bya ba byas pa'i rnal 'byor pas/ /ye shes bdud rtsi ngoms gyur nas/ /bya ba cung zhig yod ma yin/ /yod na de nyid rig ma yin/ /rig byed kyi mdza' gsang bar smra ba las kyang/ dbang po yul 'das tshor min pa'i/ /ye shes nyi ma'i gzhung gis 'dod/ /tshor ba kun dga' tsam nyid de/ /legs ldan smra ba'i gzhung gis 'dod/ /nus dang phrad cing sbyor ba las/ /nub pa dbang gyur mthar gyur pa/ /tshangs pa'i bde ba de nyid gang/ /bde des mngon sum

  301. 151a

    grol bar 'gyur/ /der ni bde ba rgyun mi 'chad/ /sdug bsngal 'byung ba med pa yi/ /kun tu dga' ba tshangs pa'i gzugs/ /de la thar pa zhes brjod do/ /cung zhig gang dang gang mthong ba/ /de dang de ni tshangs par brtag des na sems ni gzhan mi 'gyur/ /tshangs pa nyid la rnam par gnas/ /gang gis mya ngan 'das mthong ba/ /chags pa chags pa'i sems nyid kyang/ /sdug pa mthong ba nyid gcig pus/ /mthong ba gzhan gyis ci zhig bya/ /chos dang chos min spangs nas ni/ /bden dang brdzun pa gnyis ka spangs/ /bden dang brdzun gnyis spangs nas su/ /gang zhig spangs pa de yang spangs/ /zhes 'byung ba dang/ legs ldan gyi glu las kyang/ dngos po bden pa yod ma yin/ /mi bden dngos kyang yod ma yin/ /de dag gnyis ka'i mdza' mthong ba/ /de yis de nyid mthong ba'o/ /zhes 'byung ba dang/ gzhan yang/ gzung ba gzugs kyi stong pa'i sems/ /mi bskyod pa zhes brjod ce na/ /rang gis lung gi gnod pa yin/ /rdo rje sems dpa' i rgya ldan par/ /ci phyir 'di ltar nges pa ru/ /ston pa pos ni bstan pa yin/ /'di ni de bzhin gshegs pa yi/ /dbugs dbyung blo yis dang por bstan/ /rdo rje nang gi rnam bcas skye/ /de yi rtse mor rnam med skye/ /dbu mar gnas zhes gang smra ba/ /kho bo'i bla ma de mi 'dod// rdo rje'i nang dang de rtse dang/ /thod pa'i nang du lhung ba dang/ /bar na 'dug pa'ang mi 'dod la/ /de nyid bla ma'i kha las rig /dga' ba sna tshogs nyid du brjod/ /de la sogs pa legs gnas pa/ /nor bu'i nang du chung la sogs/ /bla mas bstan pa ji ltar sbyar/ /dgod la sogs pa'i dga' ba dgang/ /slob dpon la sogs 'dod pa gang/ /de yi rnam gzhag bskyed rims la/ /rdzogs pa'i rim pa ma yin no/ /sna tshogs pas na mgrin sna tshogs/ /bde ba smin pa nor bu'i rtser/ /bla mas de nyid zhes shes

  302. 151b

    bya/ /rnam nyed rnam bral dga' ba nyid/ /las kyi phyag rgya la brten nas/ /chos kyi phyag rgya rnam par bsgom/ /de yi steng du phyag rgya che/ /gang las dam tshig yongs 'byung ba'o/ /dga' ba phyag rgya so so la/ /phyag rgya chen po ma gtogs par/ /lung dang dag gi rig pa dang/ /bla ma dam pa'i man ngag gi /sna tshogs las kyi phyag rgya nyid/ /rnam smin 'gro ba'i bdag nyid do/ /de las mtshan bral bstan pa nyid/ /rnam nyed 'gro ba rnam lta ba/ /kun la rab tu mi gnas pa/ /phyag rgya che zhes grags pa yin/ /dri ma med n phyir rang rig phyir/ /rnam pa sna tshogs sogs 'byung min/ /ye shes gang zhig 'bad med pa/ /bsam du med ces de brjod do/ /bsams nas gang zhig bsam med byed/ /de ni bsam du med mi 'gyur/ /dbu ma'i don gyi rjes 'brangs nas/ /gang zhig de bzhin nyid mthong nas/ /mngon sum gang tshe rig gyur pa/ /de nyid rig de de nor ldan/ /ji snyed sgro btags thams cad ni/ /thams cad kun tu med gyur na/ /sgro btags med pa dbu ma'i don gyi rjes/ /der ni dgag sgrub gang zhig yod/ /shes dang shes byar ming 'dogs pa/ /snyam pa de ni gzhan ma yin/ /ji ltar de ltar kun sngon na/ /ji ltar blo bzhin de ltar min/ /ma skyes 'gro bar gang yin blo/ /dag par sangs rgyas kyis nges bstan/ /'gro kun de yi rang bzhin 'dren/ /blo dang ldan pas 'bad med par/ /rnam rtog 'di nyid rten cing 'byung/ /'brel pa bsgom pa ma yin na/ /'di nyid mya ngan 'das pa ste/ /sems nyid 'khrul par ma byed cig /gnyen po'i phyogs la mi gnas shing/ /de nyid la yang mi chags pa/ /gang gi 'bras buAng mi 'dod pa/ /de yi phyag rgya chen po shes/ /ji ltar las kyi phyag rgya la/ /dga' ba la sogs bstan pa ltar/ /de bzhin dam tshig phyag rgya la/ /rdo rje slob dpon nye bar ston/ /las kyi phyag rgya sna tshogs nyid/ /chos kyi phyag rgya rnam smin skyes/ /mtshan nyid bral

  303. 152a

    ba phyag rgya che/ /rnam par shes pa dam tshig 'gyur/ /phyag rgya chen po mi shes par/ /las kyi phyag rgya gcig bsgrub pa/ /brgyud pa'i de nyid las nyams nas/ /rnal 'byor pa de ru 'bod 'gro /ji srid du gtso bo ri khrod pa'i/ /zhabs kyi rdul la ma reg par/ /de srid phyag rgya bzhi dang ni/ /skad cig ma bzhi mi shes so/ /yang dag dbang bskur cho ga'i don/ /drag po'i dbang bskur ngan spangs pas/ /bdag gis byas pa'i bsod nams des/ /'gro ba rnams ni bde gyur cig /dbang bskur ba nges par bstan pa zhes bya ba/ slob dpon rgyal ba mai tri pas mdzad pa rdzogs so// //rgya gar gyi mkhan po kriSh+Na paN+Di ta dang/ lo tsa ba tshul khrims rgyal bas bsgyur// //rgya gar skad du/ She ka ni rde sha pany+dzi kA/ bod skad du/ dbang bskur ba nges par bstan pa'i bka' 'grel/ 'jam dpal gzhon nur gyur pa la phyag 'tshal lo/ /byang chub sems dpa' i spyod yul nyid/ /chos kyi dbyings kyi bdag nyid mgon/ /'gro don mdzad pa'i bla ma ni/ /bla na med pa gus phyag 'tshal/ /skye bo dam chos gzhung 'chad pa'i/ /mchog 'dzin thabs mkhas bdag la med/ /bla ma'i bkas bskul bshad pa ni/ /bri bar byed pa 'thob 'os yin/ /de lta na yang gzhan don min/ /bdag nyid dren bde kho na'i phyir// don du gnyer ba gzhan dag kyang/ /bdag 'dra'i don du cung zad bri/ /'dir mkhas pa chen po nges par sbyangs pa dpal byams pa mgon pos bya ba dang/ spyod pa dang/ rnal 'byor dang/ rnal 'byor bla na med pa dang/ rnal 'byor gong na med pa'i rgyud rnams la/ bla na med pa'i bla ma klu sgrub kyi zhal snga nas kyis mdzad pa'i phyag rgya bzhi'i rjes su 'brangs pa dbang nges par bstan pa byed par 'dod na/ dang por re zhig brjod par bya ba smra bar 'dod pas/ gsung rab rnams kyi gleng gzhi'i tshig gam /mdor bsdus

  304. 152b

    pa rnams kyi don dang por gyur pa/ thabs dang shes rab kyi ngo bo nyid/ e baM gyi rnam pa la rab tu 'dud pa ni/ e baM rnam par zhes bya ba la sogs pa ste/ yi ge e dang baM ni sgra'i rang bzhin gyi yi ge gnyis chos kyi phyag rgya'i ngo bo la phyag 'tshal ba ni/ lus dang ngag dang yid kyang rab tu bdud ba'o/ /ci'i don du zhe na/ byang chub sgrub pa'i phyir te/ yang dag par rdzogs pa'i sangs rgyas nyid thob par bya ba'i phyir ro/ /e baM gyi rnam pa ni don che ba dang/ phan yon che ba yin te/ 'di skad du bcom ldan 'das la lha'i dbang pos zhus pa las/ gang phyir thams cad gzigs pa yis/ /dang po 'di skad ces gsungs pa/ /de ni go rims ji bzhin du/ /lha yi dbang pos mnyan par byos/ /chos kyi phung po brgyad khri dang/ /bzhi stong gis ni grangs rnyed kyi/ /kun gyi gzhi dang pha ma ni/ /yi ge gnyis su de bzhin bstan/ /yi ge e ni mar gyur la/ /ba ni pha zhes bya bar grags/ /thig le de ni sbyor ba ste/ /sbyor de shin tu rmad byung ba'o/ /e ni pad+ma zhes bya ba/ /paM ni rdo rje nyid yin no/ /thig le der ni sa bon te/ /de las 'gro ba gsum rnams te/ /e ni shes rab nyid gyur la/ /ba ni rab dga' i bdag po'o/ /thig le mi shigs de nyid de/ /de las yi ge nyid kyang skyes/ /chos kyi phyag rgya yi ge gnyis/ /de nyid shes pa gang gis shes/ /de ni sems can thams cad la/ /chos kyi 'khor lo bskor byed 'gyur/ /'gro ba gang gis yi ge gnyis/ /mi shes rtag tu 'don pa dag /de ni sangs rgyas chos rnams la/ /sbyor spangs phyi rol thub pa bzhin/ /e baM yig gnyis sgyu ma la/ /thams cad mkhyen pa 'dir bzhugs pas/ /dam chos bstan pa'i thog mar ni/ /e baM de phyir rab tu bshad/ /de bas brgya byin lha yi bdag /gal te brtag pa'i gnas 'dod na/ /yig gnyis sgyu mar dran bya zhing/ /dam pa'i chos la bla mar gyis/ /zhes gsungs pas/ skabs la babs pa'i brjod

  305. 153a

    par bya ba yin pas de'i phyir rnam par bshad par bya'o/ /skad cig ma bzhi'i rgyur gyur gang zhes bya ba la/ bzhi ni rnam pa sna tshogs pa dang/ rnam par smin pa dang/ rnam par nyed pa dang/ mtshan nyid dang bral ba'i skad cig ste/ rgyu gang yin pa de ni byed pa'o/ /gang gi phyir e baM gyi yi ge ni chos kyi phyag rgya'i ngo bo'o/ /chos kyi phyag rgya goms par byas na nyon mongs pa bag chags dang bcas pa spong bar byed do/ /de spong ba'i khyad par dang 'brel ba'i skad cig ma'i khyad par ro/ /de'i phyir skad cig ma rnams kyi rgyur gyur pa ni/ e baM ngo/ /yang de bzhin du bshad par bya ba'i phyir/ gang la kun dga' skye 'gyur zhing/ /zhes bya ba ste/ shes rab dang thabs kyi bdag nyid gang kho na las lam gyi ye shes dga' ba dang/ mchog dga' dang dga' bral dang/ lhan cig skyes pa zhes bya ba dga' ba'i skad cig bye brag nyid ma 'dres pa skye bar 'gyur ro/ /de nas gang gi phyir skad cig ma bzhi'i rgyur gyur pa gang kho na las dga' ba'i dbye ba nyid skye bar 'gyur ba de ni e baM gi rnam pa ste/ byang chub sgrub pa'i phyag 'tshal lo/ /zhes bya ba ni bsdus pa'i don te/ sgra'i rang bzhin gyis bshad pa'o/ /da ni bris? pa'i gzugs bshad par bya ste/ bla ma'i man ngag nyid kyi e baM gi rnam pa bris pa ni yi ge ste/ dbyibs a e baM gyi rnam pa chos kyi 'byung gnas kyi ngo bo la phyag 'tshal lo/ /yang na nye bar sgyur ba phyis nas e baM gi rnam pa ni e baM gi rnam pa ste/ sangs rgyas thams cad kyi za ma tog chos 'byung gi phyag rgya la phyag 'tshal ba'o/ /de lta bu'i rnam pa can ni chos kyi 'byung gnas so/ /zhes bcom ldan 'das kyis bsngags te/ e yi cha byad bzang po gang/ /dbus su baM gi rnam par brgyan/ /bde ba thams cad kyi ni gnas/ sangs rgyas rin chen za ma tog ces bya bas so/ /gal te 'di la phyag byas pas cir 'gyur zhe na/ de'i phyir/ skad cig ma bzhi'i rgyur gyur gang zhes

  306. 153b

    bya ba smras te/ skad cig ma bzhi ni rnam pa sna tshogs pa dang/ rnam par smin pa dang/ rnam par nyed pa gang/ mtshan nyid dang bral ba rnams so/ /rgyu ni byed pa'o/ /rgyu de yang rnam pa sna tshogs pa ste/ de yang bskyod pa mthar thug pa nyid kyi bar du'o/ /de ltar na yang gsung rab ni rgyas par bshad par bya'o/ /'bras bu la lhag par mos pas rgyu la phyag bya ste/ de skad du/ ji ltar rgyu yi de nyid mthong/ /'bras bu'i de nyid de bzhin no/ /zhes gsungs pa yin no/ /gzhan phyag 'tshal ba'i rgyu mtshan gnyis pa bstan pa'i phyir/ gang la kun dga' skye 'gyur zhing/ /dbye bas zhes bya bas smras te/ dga' ba dang/ mchog dga' dang/ dga' bral dang/ lhan cig skyes ba zhes bya ba ni dga' ba'i dbye ba'o/ /gang las phan tshun ma 'dres par skye ba de ni skye bar byed pa'i rang bzhin zhes bya bas lnga pa rnyed pa yin na yang gang la zhes bdun par bstan pa ni gnas nyid du bstan pa ste/ der gang las skyes pa rab tu gnas par 'gyur bas so/ /de yang skad cig ye shes bde ye shes/ /e baM rnam par rab tu gnas/ /zhes pa dang de bzhin du/ sangs rgyas kun gyi sdom pa ni/ /e baM rab tu rnam par gnas/ /zhes pa dang/ de bzhin du/ oM pad+ma su kha d+ha ra mahA rA ga su khaM dad tsa tur a nan da b+ha ga bi shwa hUM hUM hUM karyaM ku ru shwa me zhes bya ba ni rten la phyag 'tshal ba ste/ bde gshegs gang du bzhugs pa dang/ /'chag pa dang ni bzhengs pa dang/ /seng ge lta bur gzims pa yi/ /gnas de la ni bdag phyag 'tshal/ /zhes bya ba'i tshig gis so/ /ci'i phyir phyag 'tshal zhe na/ byang chub sgrub pa'i phyir te/ yang dag pa ji lta ba bzhin du yongs su shes pa sgrub pa'i phyir dang/ de yang yang dag par rdzogs pa'i sangs rgyas kyi bar du'o/ /skad cig ma bzhi'i rgyur gyur ba gang zhes byas pas phyag 'tshal ba'i rgyu bstan to/ /de las gang zhig skye zhe na/ skad cig ma bzhi'o/ /de'i go rims ji ltar zhe na/ de'i phyir sna tshogs zhes bya ba la sogs

  307. 154a

    smra ste/ gal te 'dir rgyud nas bstan pa'i go rims por nas/ mtshan nyid dang bral ba gsum par ji ltar 'dod ce na/ de'i phyir/ drag po'i sbyor ba spangs pa yis/ /zhes bya bas smras te/ de la drag po'i sbyor ba ni 'di yin te/ sna tshogs ni rnam pa sna tshogs te/ gzung ba dang 'dzin pa'i ngo bo 'khyud pa la sogs pa'o/ /rnam par smin pa ni de las bzlog pa ste/ rnam pa sna tshogs ma yin pa gzung ba med pa'i 'dzin pa mgrin pa'i yang dag ye shes la longs spyod pa'o/ /rnam par nyed pa ni rnam par mi rtog pa mi mthong ba'i bde ba ste/ rin po che'i mthar thug pa khyab pa'i bar ro/ /gzhan ni mtshan nyid dang bral ba ste/ 'dod chags rnam par spangs pa bde ba dang bral bas nges par gang ba nyid de/ 'dod chags med pas yang ma yin te/ nyams su myong ba'i bde ba dran pa'i phyir ro/ /'dod chags yod pa yang ma yin te/ lhung ba'i phyir ro/ /de skad du yang/ sna tshogs rnam pa sna tshogs brjod/ /'khyud dang 'o byed la sogs pa/ /rnam par smin pa de las bzlog /bde ba'i ye shes za ba'o/ /rnam par nyed pa dpyod par brjod/ /bde ba'i ye shes dpyod pa zhes/ /mtshan nyid bral ba gsum las gzhan/ /chags dang chags med rnam par spangs/ /zhes gsungs pa yin no/ /da ni rnam pa med par smra ba'i gzhung gis rin po che nyams su myong ba 'di nyid la ston ka'i dri ma med pa'i nyi ma phyed kyi nam mkha' i dkyil lta bur bde ba rang rig pa tsam sngon po la sogs pa'i rnam pa kun gyi rnyog ma dang bral bar nges par gnas so/ /rnam pa la gnod pa gcig dang du ma dang bral ba'i tshad ma ni gzhung mangs pa'i 'jigs pas ma spros so/ /de skad du yang/ de phyir don gyi ye shes la/ /de yi bdag nyid rigs snang med/ /gcig ni rab tu bkag pa yis/ /mang po'ang 'byung bar mi 'gyur ro/ /phyi rol ltar gnas

  308. 154b

    cha la ni/ /gang gi khyad par ltar yongs gcod/ /ye shes dbyer med khyad par las/ /rab tu gna' ba bslad pa yin zhes bya'o/ /'di nyid ni chos kyi sku'o/ /de'i rjes la dkyil 'khor gyi 'khor lo la sogs pa'i rnam pa'i ye shes ni longs spyod rdzogs pa'o// 'byung ba dang 'byung ba las gyur ba shAkya thub pa la sogs pa ni rnam par sprul pa'o/ /de rnams kyi ngo bo gcig pa nyid ni ngo bo nyid kyi sku'o/ /de'i bzhin du rnam par nyed pa ni chos so/ /rnam par smin pa ni longs spyod rdzogs pa'o/ /rnam pa sna tshogs ni sprul pa'o/ /mtshan nyid dang bral ba ni ngo bo nyid kyi sku'o/ /de yang theg pa chen po rgyud bla ma las kyang/ gzugs kyi sku ni phyi ma'o zhes bstan pa yin no/ /ji srid du mi dmigs par gyur pa de srid du sgom par bya'o/ /zhes bstan pas/ dpe 'di dag nyid kyis mtshon pa gus pa dang bcas pas rgyun mi 'chad par yun ring por goms par byas shing bsgoms pa dang/ sngon gyi smon lam gyi dbang gis dkyil 'khor gyi 'khor lo la sogs pa'i rnam par longs spyod rdzogs pa dang/ sprul pa'i sku nges par rdzogs par 'gyur ro/ /yang na bde ba zhes bya ba ni nyams su myong ba ste/ gus pa dang bcas pa la sogs pa bsgoms pa las gsal bar rang nyid 'byung bar 'gyur ba ste/ ji skad du/ de phyir yang dag yang dag min/ /gang dag gang de bsgoms pa las/ /sgom pa'i stobs ni rdzogs pa na/ /de gsal mi rtog blo 'bras bu/ /zhes bstan pa yin no/ /'dir yang sngon gyi smon lam gyi bye brag gi dbang gi gzugs kyi sku gnyis yin no/ /'di nyid la 'jug pa'i thabs ni gnyis te/ ji skad du/ dkyil 'khor 'khor lo sogs thabs dang/ /rang byin gyis brlabs pa'i rim pas kyang zhes gsungs pa yin no/ /'di lta bu nyid ni dbu ma'i don te zhes kyang brjod par bya ste/ rang rig rgyun ni mi 'chad cing/ /sngon po la sogs mi snang zhing/ /mtshan ma rnams kyang

  309. 155a

    mi 'byung bas/ /dbu ma la ni zhugs pa yin zhes bya'o/ /'dir mtshan ma rnams mi 'byung ba ni mngon par zhen pa med par bstan te/ yod pa dang med pa la sogs pa la mngon par zhen pa med pas mu bzhi dang bral ba nyid do/ /'dir bzhi pa yang/ de ltar de bzhi pa yang zhes bya ba'i tshig gis te/ de la de ltar zhes bya ba ni shes rab ye shes kyi dus su nyams su myong ba de ni rnam pa med pa'i tshor ba'o/ /yang zhes bya ba ni sngon po la sogs pa'i 'khor lo'i rtog pa dang bral ba'o/ /de bzhin zhes bya ni shes rab ye shes bzhin du rtogs par bya'o/ /gal te rnam pa dang bcas par smra ba rnams ni rnam pa med pa'i shes pa ni rmi lam du yang nyams su myong ba med do/ /zhes zer te/ ji skad du/ rnam pa'i 'khor lo spangs pa'i blo ni 'jug pa med/ /de la gnod pa'i stobs chen dbu ma'i tshul rgyas dpal/ /gal te smod smin 'di ni gnyis med nyid ni sna tshogs te/ /sems ni rnam pa med par 'dod pa'i gnas skabs gang las gsal/ /zhes pa'o/ /de ltar rtogs par mi bya ste/ rnam par rab tu gsal ba med pas rnam pa sngar med pa nyid do/ /zhe na/ de med par gsal bar mi nus pa la nyams su myong ba'i rjes la snang ba nges pa'i phyir/ sngon po la sogs pa yod pa yin no/ /gang de ji srid snang ba'i shes pa gang/ /de ni de ltar nyams su myong/ /sna tshogs rnam pa'i sems nyid de/ /gcig pu'i ngo bo zhes bya 'di/ /zhes bya bas/ de ltar sems las gnyis su med pa'i tshor ba mchog nyid ni yod do/ /'dir yang gzhung mangs pa'i 'jigs pas sgrub par byed pa dang/ gnod par byed pa'i tshad ma'i dpyad pa ni ma byas pa'o/ /de ltar yang mu bzhi dang bral ba'i dbu ma'i don 'grub par 'gyur te/ de yang gsal ba'i dngos po med min de las gzhan pa yod ma yin/ /gcig min gnyis min gnyis dang gnyis ma yin pa de dag min

  310. 155b

    de ltar 'gro ba gal te mu bzhi las grol ba/ /rnam bcas gzhung dang dbu ma'i tshul la bye brag ci zhes bya ba'o/ /longs spyod rdzogs pa la sogs pa'i ldog pas tha dad de/ rnam par nyed pa ni chos so/ /rnam par smin pa ni longs spyod rdzogs pa'o/ /rnam pa sna tshogs ni sprul pa'o/ /mtshan nyid dang bral ba ni ngo bo nyid kyi sku'o/ /mtshon par gyur pa shes rab ye shes de bzhin du goms par bya ba ni/ yang gi sgras brjod par bya ba bzhin/ yan lag bdun dang ldan pa ni bsgrub byar 'dod par 'gyur ro/ /de la yan lag bdun ni longs spyod rdzogs pa tshor ba dang/ kha sbyor snyoms par 'jug pa dang/ bde ba chen po bde ba'i ngo bo nyid dang/ med pa brtags pa dang bral ba dang/ snying rje nges par gang ba sngon gyi smon lam gyi dbang gis longs spyod rdzogs pa la sogs pas sems can gyi don mdzad pa dang/ rgyun mi 'chad pa bar du rgyun chad pa med pa dang/ 'gog pa med pa rgyud rgyun chad pa med pa'o/ /de yang/ longs spyod rdzogs dang kha sbyor bde chen rang bzhin med/ /snying rje nges gang rgyun mi 'chad dang 'gog pa med/ /yan lag bdun pa nyid dang ldan pa'i sgrub bya 'di/ /tshad mas yongs bsgoms blo dang ldan par sngags pa rang nyid 'dod ces bstan pa yin no/ /ci ste yan lag bdun gyis bsgrub pa'i rnal 'byor gyis ci zhig bya/ 'dir nges pa med do/ /gang gi phyir bdag med ma'i rnal 'byor ma'i 'khor lo bsgoms pa yang sangs rgyas nyid kyi rgyu ma yin nam/ 'dir yan lag bdun gyi sgrub thabs kyi rnal 'byor ma yin te/ kha sbyor med pa'i phyir ro/ /de skad du/ yan lag bdun ldan sgrub bya 'di/ /de nyid gal te sgrub bya na/ /bdag med rnal 'byor ma 'khor lor/ /rtogs par ci yi phyir mi 'dod ces? bya'o/ /gal te 'di snyam du sems te/ de la yang kha TAM ga'i thabs dang kha sbyor yod do/ de skad du/ kha TAM ga dang sbyod lha mo/ /longs spyod rdzogs pa la sogs ldan/ /bdag med rnal 'byor ma 'khor lor//

  311. 156a

    rtogs par ci yi phyir mi 'grub ces bstan pa'o/ /de yang mdzes pa ma yin no/ /pha rol phyin pa'i theg par yang/ /ji skad bstan pa'i kha sbyor med na yang/ /thabs dang shes rab kyi bdag nyid can byang chub kyi sems kyi kha sbyor yod pas/ gsang sngags kyi tshul ltar yan lag bdun dang ldan pa'i bsgrub bya 'grub par thal bar 'gyur ro/ /khyad par can gyi kha sbyor bor nas gal te gzhan du rtog na/ theg pa gzhan gyi stong pa nyid dang/ rang bzhin gyi kha sbyor la yang thal bar 'gyur ro/ /de lta bas na 'dir yang sgrub par byed pa yan lag bdun dang ldan pa nyid rig pa yin te/ gang gi phyir nu ma spangs na rdo rjer 'gyur/ /pad+ma'i dkyil du rnam par gnas/ /'gram gnyis dril bur bsgyur nas ni/ /ze 'bru nyid ni rdo rjer 'gyur zhes bya ba de yang mdzes pa ma yin te/ gang gi phyir 'di dag thams cad grub pa'i gnas skabs na ni yin te sgrub pa'i dus na ma yin no/ /de'i phyir de lta bu'i sgrub par byed pa med par yang sgrub par bya ba yan lag bdun dang ldan pa 'grub par thal bar 'gyur ro/ /pha rol tu phyin pa'i theg par yang bzlog par dka' ste/ dang por kha sbyor med par rdzogs pa na de yod par 'gyur ro/ /de lta bu ni kho bo cig kyang 'dod na yang sgrub pa'i thabs ni gzhan nyid yin no/ /'di dag nyid las gzhan dag ni/ /sgyu ma lta bu gnyis su med pa'o/ /zhes brjod par byed de/ ji ltar rmi lam nyams su myong ba'i 'dod pa can gyi dga' ba nyams su myong ba'i rjes thogs la rmi lam gtang ba'i rmi lam gyi dngos po yang dag par myong bar 'gyur bas ni/ /nyams su myong bas brdzun pa yang ma yin no/ /bden pa yang ma yin te/ sad pa'i dus na nye bar dmigs pa'i don bya ba byed pa'i bdag dang gzhan yang dag par rig pa'i rdzas bzhin du mi slu ba med pa'i phyir ro/ /de skad du/ gal te rmi lam

  312. 156b

    rmi lam ltar/ /sems nyid sna tshogs brdzun 'gyur te/ /bden pa ma yin mi rig las/ /chad pa ma yin gsal 'gyur bas/ /zhes bstan pa yin no/ /de ltar na yang sna tshogs 'di shin tu brdzun pa ma yin te/ rig pa'i phyir ro/ /don dam pa'i bden pa yang ma yin te/ yod pa dang med pa'i skye ba dang mi ldan pa zhes bya ba la sogs pas/ rten cing 'brel par 'byung ba nyid la mngon par zhen pas don dam par shin tu ma skyes pa nyid la ma skyes pa'i sems ni med pa'i phyir ro/ /ji skad du/ rten cing 'brel bar gang byung ba/ /ngo bo nyid kyis de ma skyes/ /ngo bo nyid kyis gang ma skyes/ /de la skye zhes ji ltar brjod ces gsungs pa yin no/ /'dir yang bzhi pa nyid dang/ chos kyi sku la sogs pa dang ldan pa nyid du rnam par bzhag pa ni snga ma bzhin du rtogs par bya ba nyid do/ /gal te drag po'i dbang bskur ba'i stobs kyis byas pa rig pa dang bral ba'o zhes bya ba'i bar gyis 'di rig pa dang bral ba nyid ji lta bu zhe na/ brjod par bya ste/ lung dang 'gal ba nyid du bstan pa'i phyir/ rnam nyed ces bya ba la sogs pa smras te/ mchog dang dga' bral dbus dag tu/ /mtshon cing ltos la brtan par gyis/ /zhes bya bas 'dir gnyis ka'i dbus su 'dod pa nyid do/ /de khyod kyis zhung gis ni med do/ /de ni ma yin te/ 'di'i don ni gzhan yin no/ /de lta na yang 'di ni nges par bzung ba'i drug pa ste/ de nas don ni 'di yin te/ gnyis kyi dbus su gang gtso bor gyur pa de 'dir bzung bar bya ste/ gtso bo nyid ni dga' bral nyid do/ /mi legs pa cung zad kyang med do zhes de lta na ni/ dga' bral dang po mchog gi mdza' / /stong las stong min he ru ka /zhes bya ba dang yang mi 'byor ro/ /nges na 'dir ni dga' bral gyi dang po mchog tu dga' ba'i mdza' zhes bya ba'i gzhung lugs so/ /'on te de ni ma yin te/ gang phyir de'i don yang gzhan te/ dga' bral yang dang po yang yin pas dga' bral dang po ste/ dang po nyid ni lhan cig skyes pa

  313. 157a

    la bltos pa'i phyir ro/ /des na 'di nyid legs par gnas pa yin no zhe na/ de ltar na dga' bral dang po mtshon par bya/ de ni dag pa gsum bral nyid/ /ces bya ba ji ltar yin/ 'dir yang dga' bral yang yin pa la dang po yang yin pas zhes bya ba ni snga ma yin no/ /de ltar na yang rnam par nyed pa dpyod par brjod/ rang gi bde ba za ba nyid/ /ces bya ba ji lta bu/ 'dir yang rnam par nyed pa la sogs pa'i tshig rnams ni rnam par rtog pa'i ngo bo yin par gsal po nyid du rtog par bya'o/ /de ltar na yang 'dir gang gi phyir rnam par mi rtog pa zhes mngon par brjod pa ji ltar 'gyur/ de lta bas na 'jig rten gyi grags pas gnod pa yin no/ /de yang 'jig rten ni rnam par nyed pa dang/ rnam par rtsod pa dang/ rnam par bskyod pa dang/ dpyod pa dang/ de'i dgos pa la sogs pa'i rnam par sems pa'o/ /gzhan yang/ dga' ba dang po sna tshogs nyid/ /mchog tu dga' ba rnam par smin/ /dga' bral dga' ba rnam par nyed/ /lhan cig skyes pa mtshan nyid bral zhes bya ba yin te/ 'dir yang dga' bral nyid ni rnam par nyed pa zhes bya bar nges pa yin no/ /gzhan yang/ dga' ba dang po 'gro ba nyid/ /de bzhin mchog dga' yang 'gro ba nyid/ /dga' bral ba'ang 'gro ba nyid/ /lhan cig skyes pa gsum mi dmigs// zhes bya bas dga' bral dang 'gro ba'i ngo bo nyid yin pa'i phyir/ 'khor ba'i ngo bo nyid du bstan pa yin no/ /'di ni 'khor ba'i rnam par rtog pa tsam du bstan pa yin no/ /rnam par rtog pa dang bcas pa nyid du bstan par 'gyur ro/ /'on te lhan cig skyes pa'i rnam par mi rtog pa nyid du 'dod pa'ang 'grub par mi 'gyur ro/ /de yang/ lhan cig skyes dga' i ngo bo gang/ /mchog mdza' dga' bral dang po can/ /zhes bya bas so zhes zer ba de yang mi 'thad de/ rnal 'byor ma'i rgyud du bsgrub par bya ba de yang lhan cig

  314. 157b

    skyes pa zhes bya ba bde ba chen po mchog tu dga' ba'i mdza' dga' bral gyi dang por 'bad pas mtshon par bya ba nyid do/ /zhes bya ba la sogs pa yang mi 'thad do/ /de yang/ bum pa'i dbang ni dang po ste/ /gsang ba mchog ni gnyis pa yin/ /shes rab ye shes gsum pa ste/ /de ltar de bzhin bzhi pa yang/ /zhes bya bas/ shes rab ye shes kyi dbang bskur ba ni/ lhan cig skyes pa'i dbang bskur ba yin no zhes bya ba de yang des na nyams par 'gyur ro/ /de'i phyir gzhung gi gtso bo nyams par 'gyur ba dang/ lung dang yang 'gal bas rnam par nyed pa rnam par rtog pa yin pas gsum par 'dod par mi bya'o/ /gang gi phyir de la rnam par mi rtog pa nyid kyi tshor ba yod pas de nyid 'khor dang bcas pa legs par bsdus pa yin no/ /de phyir mtshan nyid bral bar rigs// zhes bya ba la sogs pa ni go sla'o/ /gal te 'jig rten gyi grags pas gnod pa ma yin pa'i phyir/ ji ltar rnam par nyed pa brjod ces bya ba la sogs pa'i gnod pa ston ce na/ khyod kyi de lta bu de yang bdag gis bsam pa ma shes pa'i 'bras bu yin te/ gang gi phyir/ dga' bral dga' ba 'gro ba nyid/ /ces bya bas rnam par nyad pa 'gro ba'i ngo bo nyid du skabs la bab pa'i gnod pa ji ltar bstan pa'i lung thams cad mi 'grub pa nyid do/ /rnam nyed kun du dpyod ces bya ba la sogs pas ni gnod pa bstan pa yin no/ / de nyid kyi phyir 'phags pa nA gA rdzu na'i zhal snga nas kyis kyang/ /phyag rgya bzhi'i rjes su bkod pa las kyang/ mchog tu dga' ba dang/ dga' bral dag gi dbus su mtshan cing ltos la brten par gyis zhes bya ba la sogs pas gnod pa bstan pa yin te/ de yang khyod kyi gzhung la med do/ /dga' ba'i bde ba cung zad bde/ /mchog tu dga' ba de bas lhag /dga' bral dga' ba chags bral 'gyur/ /lhan cig skyes dga' lhag pa nyid ces bya ba ji ltar zhe na/ de yang 'di ltar shes par bya ste/ dga' ba dang/

  315. 158a

    mchog dga' dang/ dga' bral nyid ni cung zad bde ba ste/ de bas na lhag pa'i 'dod chags 'dzin pa'i phyir lhag min shin tu lhag mar 'gyur bas/ gsum las gzhan pa lhan cig skyes pa'i dga' ba yin par shes par bya'o/ /yang dga' ba dang/ mchog dga' dang/ dga' bral dang/ lhan cig skyes pa zhes bya ba go rims kyi dbang gis gzhag pa yin la/ rtags par bya ba ni lhan cig skyes pa gsum par ro/ /gang yang 'di skad du/ bcom ldan 'das kyis legs par dbang bskur ba nyid gang las kyang ma bstan par/ ci'i phyir nyon mongs pa mang ba rnams la drag po'i dbang bskur ba dgos pa'i tshig dga' ba dang/ mchog dga' dang/ dga' bral dang/ lhan cig skyes pa zhes bya ba'i rim pas bstan ce na de ni ma yin te/ glegs bam gyis mkhas par byed cing dge ba'i bshes gnyen la ltos pa dang bral ba dgag pa'i phyir/ go rims 'di ltar bshad pa yin te/ de yang byang chub ni dge ba'i bshes gnyen la rag las pas zhes bya ba dang/ gzhan las kyang/ bla ma mnyes pa las thob pa zhes bya bas so/ /'dir cung zad lung dang 'gal bas/ drag po'i dbang bskur ba dang/ dbang bskur ngan pa dgag pa nyid yin te/ rnam par nyed pa la sogs par gzhag pa dgag pa nyid ma yin te de dang kun tu sbyar ba dang 'gal ba tsam nyid kyi phyir ro/ /de nas rdo rje 'chang gi dbugs dbyung ba'i ngo bo dbang bskur bzang po'i grub pa'i mdza' nyid ma lus par rnam par bzhag par rig par bya'o/ /drag po'i dbang bskur ba smra ba rang gi grub pa'i mdza' de skad du smra bar byed pas de dag gi phyir de ltar bstan nas/ de'i rjes thogs su dbang bskur ngan pa bstan pa'i phyir/ 'o dang zhes bya ba la sogs pa smras te/ lta ba nas brtsams nas/ ji srid du phyi rol gyi bya ba ni rnam pa sna tshogs so/ /rdo rje dang pad+ma sbyor ba nas/ ri bong can

  316. 158b

    nor bur byung ba'i bar du bskyod pa de ni rnam par smin pa'o/ /rin po cher bkag pa nas chad par 'gyur bar gnas kyi bar du mtshan nyid dang bral ba'o zhes gang de ltar sems pa des ni dbang bskur yang dag par rig ces bya ste/ yang dag rig ces bya ba ni gzhad gad do/ /de bzlog par bya ba'i phyir/ rin chen zhes bya ba la sogs pa smras te/ 'di zhi ba yin pas na zhi ba'o/ /'di rig byed yin pas na rig byed do/ /gal te ci 'di zhi ba la sogs pa la 'di lta bu yod dam zhe na/ de'i phyir/ rin chen grong khyer zhes bya ba smras te/ rin chen ni nor bu'o/ /de'i grong khyer ni gnas gang yin pa ste/ gang bde ba'i ngo bor mngon par 'dod pa de ni rin chen grong khyer ro/ /ze 'brur lhung ba ni zhu bar gyur pa ste/ snying po med pa nyid de/ drag po ni legs ldan no/ /mnyam 'dus ni snyoms par 'jug pa'o/ /zhi ba ni dge ba 'byung bar byed pa'o/ /de nyid kyi phyir mchog go /de nyid ni de kho na nyid do/ /nus pa ni sems kyi gzugs so/ /mchog ni gtso bo ste de nyid do/ /de'i rang gi ngo bo ni mtshan nyid ces bya ba la sogs pa smras te go sla'o/ /de nyid kho na sna tshogs kyi ngo bor yod pa nyid do zhes bstan pa'i phyir/ srid pa'i de nyid du na med ces bya ba la sogs smras te/ srid pa ni phyi rol gyi gzugs la sogs pa'o/ /de nyid du zhes bya ba ni don dam pa nyid do/ /de ltar na sngon po la sogs pa'i snang ba ji lta bu zhe na/ de'i phyir nus pa'i gzugs su bsgoms byas na zhes bya ba smras te/ sems nus pa'i ngo bor gyur pa ste/ sems kyi ngo bor gyur pa zhes bya ba'i don to/ /de ltar na yang de nyid dag par yod par 'gyur ro zhe na/ de'i phyir de dag dgag par bya ba'i phyir/ stong par mthong ba nus pa yin zhes smras te/ go sla'o/ /de lta bu de yang mu bzhi dang bral ba'i dbu ma yin no/ /zhes bstan pa'i phyir/ bar ga'i rtse mo yal ga'i nus pa'i rgyu las/ bden min brdzun min bden brdzun min/ /de dag gnyis ka spangs pa'ang

  317. 159a

    min/ /de'i gnas skabs rtogs dka' ba/ 'di las mchog gzhan ci zhig yod ces bstan pa yin no/ /rnam pa gzhan gyis kyang de nyid bstan pa ni/ zhi ba zhes bya ba la sogs pa gsungs te/ rin chen dkyil du gnas pa'o zhes bya ba ni nor bu'i dkyil na gnas pa'o/ /rnal 'byor pa'i de lta bur rig pa'i ye shes kyi mthar thug par bstan pa ni/ ye shes bdud rtsi zhes bya ba la sogs pa smras te go sla'o/ /da ni rig byed kyi mdza' 'chad par 'gyur ba'i gzhung lugs kyi rim pa 'ongs pa nyid kyis gal te smra bar byed na/ de'i phyir de dag gis bde ba rtogs par bya ba'i phyir dang/ de dor ba'i phyir phyed snga ma/ dbang po yul 'das zhes bya ba la sogs pa smras te/ dbang po rnams las gzhan mchog smra ba ni/ /dbang po dag las mchog ni yid/ /yid las pha rol gyur pa blo/ blo las pha rol gang de de/ /zhes bya ba'o/ /lhag ma ni go sla'o/ /legs ldan gyi grub pa'i mdza' ni rig byed kyi dpes nye bar mtshon pa'i phyir sngar bstan pa nyid rgyas par bstan pa'i phyir/ nus dang phrad ces bya ba la sogs pa smras te/ nus pa ni rkyang ma'o/ /de dang phrad pa ni sbyor ba'o/ /bskyod pa ni de nas bsgul? bskyod do/ /nus pa dbang bskur mthar thug pa'o/ /zhes bya ba la nus pa'i yan lag dang ldan pa'o/ /dbang bskur ba ni mngon par zhen pa ste/ gong nas gong du rjes su chags pa'o/ /de'i mthar thug pa ni de'i mthar thug pa'i bde ba gang yin pa'o/ /tshangs pa'i de nyid ni ye shes kyi de nyid do/ /bde des zhes bya ba ni rang gis te/ bdag gi zhes brjod pa'o/ /de dag ltar na ni rdo rje'i dkyil dang/ de'i rtse mo dang bar dang thong pa la gnas pas/ de dag dang mtshungs par 'gyur te/ rkyang ba kun las byung ba shin tu dga' ba'i dga' ba mi zad pa'i dus na 'byung ba'i yang dag par rig pa ni de srid du rig byed las byung ba'i gzhung lugs las byung ba yin zhes bya ba'i tha tshig

  318. 159b

    gis so/ /de dag rang gi ngo bo bstan pa'i phyir/ sdug bsngal 'byung ba med pa yi/ /zhes bya ba smras te go sla'o/ /'di dag gis ni 'gro ba'i ngo bo gcig par bstan pa'i phyir/ cung zhig gang dang gang mthong ba zhes bya ba la sogs pa smras te go sla'o/ /de'i rjes la ye shes kyi byed pa rkyang ma nyid bsngags pa'i phyir sdug pa mthong ba zhes bya ba la sogs pa smras te/ sdug pa mthong ba ni mthong ba ste/ 'di dang mngon par 'dod pas thar pa zhes bya bas so/ /lhag ma ni go sla'o/ /'di dag gis ni de las gzhan pa'i bshad pa spangs nas rkyang ma nyid kyi dpe bstan pa nges par mthong ba'i don mngon par 'dod pa nyid do zhes bstan par 'gyur ro/ /de ltar zhugs pas da ni mngon par zhen pa thams cad spangs pa'i phyir/ chos dang chos min spangs nas ni/ /zhes bya ba la sogs pa smras te go sla'o/ /mu bzhi dang bral ba nyid du bstan pa'i phyir/ dngos po bden pa yod ma yin zhes bya ba la sogs pa smras te go sla'o/ /de ltar gzhan gyi gzhung dang mtshungs par smras nas/ rang gi gzhung dang 'gal bar bstan pa'i phyir/ gzhan yang zhes bya ba la sogs pa smras te/ 'dir dbu ma pa la sogs pa'i rnam par dpyad pa'i don ni/ gsang sngags kyi tshul gyi 'bras bu lha'i rnal 'byor gyi bstan pa yin te/ de'i phyir/ gang la gang gis rgyas btab pa/ /de dang de'i ngo bor 'gyur/ /zhes bya bas bzung bar bya ba'i gzugs la sogs pa'i phung po bzhi'i ngo bo gzung ba spang ba'i phyir rnam par snang mdzad la sogs pa 'dzin pa bzhi po gzhan gyi dbang gi ngo bor bstan te/ de dag gi rgyas btab pa'i don du yongs su grub pa'i ngo bo gzung ba dang 'dzin pas stong pa mi bskyod pa'o/ /zhes brjod do/ /de lta na ni lung las bstan pa'i rdo rje sems dpa' i phyag rgya dang 'gal te rin po che'i dkyil na gnas pa'i byang chub kyi sems yongs su grub pa'i ngo bo mi bskyod pa'i ngo bor gyur pa la rdo rje sems dpa' i phyag rgya med par sangs rgyas kyi

  319. 160a

    mdzad pa'i grub pa'i mthar mi 'gyur te/ ji ltar zhen phyi rol pa'i grub pa'i mdza' dang mtshungs pa'i phyir ro/ /de yang la ba'i na bza' can gyis zhal snga nas/ thams cad mtshungs par rab tu dpyad byas nas/ /phra bar lta ba'i blo yi mthar byas te/ /sangs rgyas pa dang phyi rol rnam phye na/ gcig kyang mi dmigs de phyir stong par smra/ /rnam rig la nas mi 'gyur zhes/ /de phyir 'jigs la thug pa yi/ chos rnams tha dad bstan nas ni/ /stong pa'i chos rnams yang bstan to// zhes gsungs pa dang/ gsung rab las kyang ma lus rig byed grub mdza' dang/ /dbang phyug la sogs kyis byas kyang/ /sangs rgyas rnams kyi sngags rgyud kyi/ /stong pa nyid la bye brag yod/ /ces bya bas gzhan dag gis yongs su brtags pa'i stong pa nyid du smra ba dang/ de bzhin gshegs pas bstan pa'i stong pa nyid la ldem por dgongs pas byas pa'i khyad par ni gsal bar ma smras so/ /gal te de ltar yin na 'di ltar ci phyir bshad ce na/ /de'i phyir/ ci'i phyir 'di ltar zhes bya ba la sogs pa smras te de bzhin gshegs pa'i dbugs dbyung ba ste/ de bzhin gshegs pa ni rnam par snang mdzad do/ /des nye bar mtshon pa rin chen 'byung ldan la sogs pa yang bzung ste/ rin chen 'byung ldan dang/ snang ba mdza' yas dang/ don yod grub pa yang bzung ngo/ /de dag gi dbugs dbyung ba ni/ mi bskyod pas rgyas btab pas rnam par shes pas shes par bya ste/ /de ltar rig par bya'o/ /da ni gnas gang dang gang du rgol ba gang dang gang 'byung ba de bstan pa'i phyir/ rdo rje nang gi zhes bya ba la sogs pa la/ rdo rje nang gi rnam bcas te/ /de yi rtse mor rnam bcas nyid/ /yang na de'i rtse mo rnam pa dang bcas pa'o/ /de'i nang gi ni rnam pa med pa'o/ /'di lta bu gang yin pa nyid dbu ma'o zhes bsngags pa de ni kho bo'i bla ma mi 'dod de/ gang gi phyir

  320. 160b

    mi 'dod pa nyid gang zhe na/ rdo rje'i nang dang de'aM rtse mo dang zhes bya ba la sogs pa smras te/ de lta bu gang yin pa de nyid rtag tu mi bskyod pa'i gzugs kyis yod pa'i phyir/ rdo rje sems dpa' i rgya dang bral ba yin no/ /bar dang thod pa 'di dag la re zhig rdo rje sems dpa' i rgya dang bral ba lta zhong/ /mngon par 'dod pa'i bde ba dam pa yang med pa nyid do/ /gzung ba la sogs pa yod pa'i phyir mi bskyod pa'i rgya dang yang bral ba nyid do/ /de dag gis sngar smras pa'i rdo rje sems dpa' i phyag rgya dang bral ba'o zhes shugs kyis rnyed par 'gyur ro/ /de ltar na de kho na nyid gang las shes par bya/ de nyid bla ma'i zhal las rig ces bya ba la/ 'dir ni bcu drug phyed phyed thig le 'chang ba'i bcom ldan 'das ma 'di'i gnas skabs su man ngag yin no/ /de yang/ gnyis 'das nas ni gnyis mnyam pa/ /rdo rje nas lhung pad+ma reg /mi bskyod rdo rje nas lhung ba/ /rdo rje pad+ma la reg pa/ /'bras bus rgyu la rgyas btab pa/ /'bras bu la yang rgyus rgyas btab/ /'di ni bde chen rgyal po yin zhes bya bas/ 'di dag ni rdo rje'i ngo bo dang/ sems dpa' i ngo bos rdo rje sems dpa' ste/ stong pa nyid dang/ snying rje dang/ shes rab dang/ thabs dang/ mya ngan las 'das pa dang/ srid pa la sogs pa'i ming gis rtogs par bya'o/ /'di nyid kyi don ni bskyed pa'i rim par yang 'dod chags chen po zhu ba'i zla ba dang/ nyi ma'i bar na gnas pa'i thig le gnyis kyi gzugs kyis steng dang 'og tu 'byung ba de dang/ der bcom ldan 'das bstan to/ /rdzogs pa ni ji skad du bstan pa'i dbang gi don to/ /yongs su rdzogs pa ni zhu ba'i gzugs nyi mar gnas pa shes rab dang thabs kyi bdag nyid can/ stong pa nyid dang snying rje'i ngo bo chos kyi dbyings kyi rang bzhin du rig pa'i gnas skabs kyi dus kyi ngo bo mtshon pa'i phyir/ bcom ldan 'das zhabs kyi mthe bong gcig gis gdan la reg par bzhengs pa'o/ /gal te rdo rje lte ba'i dkyil 'khor na gnas pa'i hUM gi de nyid

  321. 161a

    kyang bsgom par bya'o zhes bstan pa ma yin nam/ 'dir rdo rje'i lte ba'i dkyil na gnas pa zhes bya ba'i don mi 'grub po zhe na/ 'di'i don ni gzhan yin no/ /de ltar na yang rdo rje dang ze 'bru ngag tu shes rab dang thabs kyi yan lag gi mchog gi dbus na gnas pa'i de kho na nyid hUM zhes bya ba ste/ ha zhes bya ba ni rgyu stong pa'o/ /u zhes bya ba ni rnam par rtog pa dang bral ba'o/ /a zhes bya ba ni rab tu mi gnas pa'o/ /bsgoms zhes bya ba ni rtogs par bya'o/ /de ltar na nor bu'i nang du chud pa la nor bur rtogs par bya zhes bya ba ji ltar zhe na/ brjod par bya ste/ 'di'i don kyang gzhan yin no/ /de yang nor bu dag tu ste/ 'dam skyes dang rdo rje'i bar du rtogs par bya zhes bya ba'o/ /'di yang legs par gnas par 'gyur ro/ /gal te 'di yang ji ltar shes par bya/ /gang gi phyir 'dir gnyi ga'i don brjod par bya zhe na/ brjod par bya ste/ pad+ma'i nam mkhar rdo rje'i ze 'bru dag /rdo rje'i skyil mo krung gis mnan pa'i gnas dgug sems kyi nor bu'i nang du chud par blta/ /ye shes gang skyes brjod med ye shes gzugs zhes dpal mchog dang po las gsungs so/ /'di'i don ni 'di yin te/ pad+ma'i nam mkha' i pad+ma'i dkyil gyi yul stong pa'o/ /nor bu ze 'bru dag ces pa ni/ 'jam skyes dang rdo rje dag gi dbus so/ /mnan pa'i gnas zhes bya ba ni bskyod pa'i gnas so/ /rdo rje'i skyil mo krung gi zhes bya ba las/ rdo rje yongs su khyab ste thams cad du'o/ /oM a ka ta zhes bya ba ni mtshan nyid du'o/ /lnga par byas ni ni rdo rje phyi rol tu reg pa tsam brjod par 'gyur ro/ /sems ni nor bu'i nang du chud par bltas pa na/ rnam par shes pa skye bar 'gyur te/ de ni rnam par shes pa'i rang gi ngo bo zhes bya ba'i don to/ /de yang rdo rje bdud rtsi las/ ge sar gyi bka' spyod yul gyi/ /lte ba'i dkyil na lha mo gnas/ /bu ba'i gzugs kyis byung ba yi/ /b+ha ga

  322. 161b

    ling ga'i dbus na gnas zhes gsungs pa'i phyir ro/ /dgyes pa'i rdo rje las kyang/ A li zla ba kA li nyi/ /sa bon skyil na gnas par 'gyur/ /zhes gsungs pa yin no/ /de ltar yang/ ji srid ma lhung 'od gsal rang bzhin bsil ba'i 'od zer khu ba'i rgyun/ /lha mo pad+ma'i 'dab ma'i nang du ro mnyam ro gcig rgyal ba'i tshogs/ /rdo rje rtse mor spros pas snying rje dbyer med 'gro ba'i rgyu/ /de srid snying po'i dpal gyi stobs kyis lhan cig skyes pa'i gzugs shes khyab pa'i bdag /ji srid rdo rje nor bur rdo rje gsum bsregs zla ba'i nyams 'gyur rlung gi gnas/ /pad+ma'i bu ga'i khyim gyi nang du thim par 'dod pa de yi tshe/ /ji srid 'byung ba rang bzhin la sogs spangs pas bya ba dman pa'i yid/ /de nyid lhan cig skyes pa'i yin zhes de yang lung dang rig pas gsal/ /shes rab 'dam skyes rdo rje sbyor ba mchog dga' i lhag mar gnas/ /gnas 'dzag dag pa'i thig le mi rgyu ji srid zla bar 'dod/ /de tshe yid mi mi g.yo 'gro ste rlung rgyu nyams par 'gyur/ /rna bas mi thos mig ni bstan 'gyur phyag rgya chen por mos/ /de ltar na gzhan gyis brjod min lhan cig skyes/ /gang nas kyang ni rnyed mi 'gyur/ /bla ma'i dus thabs bston pa las/ /rang gis shes bya bsod nams kyis/ /zhes gsungs pa ji lta bu zhe na/ 'dir yang bla ma'i dus thabs ni rdo rje'i dus thabs so/ /rten zhes bya ba'i don dang sbyor bar mi 'gyur te/ nye bar brten pa med pa'i phyir ro zhe na/ ma yin te/ nye ba zhes bya ba'i sgra ni/ drung na 'dug pa'i tshig nyid kyis/ /rdo rje las phyi rol gyi drung brten pa zhes brjod pa nyid do/ /de ltar na rdo rje skyed thabs nyid kyis/ /rdo rje'i bde ba phyag rgya che zhes bya ba de ji lta bu zhe na/ 'dir yang rdo rje bde ba gang yin pa de ni phyag rgya chen po'o/ /rdo rje nyid kyi skye mched ni/ /gnas te thabs zhes bya ba'i don dang mi sbyor ba'i phyir ro

  323. 162a

    zhen ma yin te/ rdo rje'i bde ba phyag rgya chen po dang/ rdo rje skye mched gyi gnas gang na yod pa de ni mchog tu dga' ba ste/ de ni thabs shes bstan pa nyid do/ /gzhan yang kho bo cag gi gzhung ltar na de nas gsang ba bshad bya ba/ /mdor bsdus pa ste rgyas par min/ /gsang ba mchog gi zhes bya ba la sogs pa legs par gnas par 'gyur ro/ /de yang gsang ba ni gsang ba bshad bya ba zhes bya ba dang sbyar te/ ra ha sya zhes bya ba'i ra dang ha dag ni rdo rje dang/ pad+ma dang gnyi ga'i bar dag go /sa zhes bya ba ni rnam pa thams cad du'o/ /ye zhes bya ba ni yang dag pa ji lta ba bzhin no/ /a zhes bya ba ni gnyis su med pa'o/ /i zhes bya ba ni 'di zhes bya ba las 'das pa'o/ /de yang ? ni rdo rje zhes bshad do/ /yi ge ha ni pad+mar bshad/ ces gsungs pa yin no/ /da ni rnam pa sna tshogs pa legs par gnas par bya ba'i phyir dga' ba sna tshogs zhes bya ba la sogs pa smras te/ bla ma zhes bya ba la sogs pas bla ma dam pas nye bar bstan pa nyid ni 'dir bla ma dam pas man ngag bstan par bya ste/ rnam pa sna tshogs brjod/ 'khyud dang 'o byed la sogs pa zhes bya ba bstan pa yin no/ /'dir yang sogs pa zhes bya ba'i sgras bsdus pa la bskyod pa'i mthar thug pa'i bar du/ rnam pa sna tshogs su brjod pa yin no/ /'on te bskyod pa'i mthar thug pa'i bar zhes bya ba yang ji ltar rtogs par bya zhe na/ shes rab bcu drug lon pa la/ /rdo rje dril bu mnyam sbyar ba/ /lag pa gnyis kyis 'khyud nas ni/ /slob dpon dbang du shes par bya/ /zhes bya ba bstan pas/ 'di yang rdo rje dang pad+ma mnyam par sbyor ba las/ rdo rje pad+ma reg pa zhes bstan to/ /gal te slob dpon gyi dbang bskur ba yin na/ dang por slob dpon gyis rnam pa sna tshogs shes bya bar gang las shes she na/ dbang bskur ba'i

  324. 162b

    bzhi yi grangs/ /dga' ba la sogs rims shes bya zhes bya ba ni shin tu rgyas par bstan to/ /de'i dga' ba la sogs pa bzhi po slob dpon dang/ gsang ba dang/ shes rab dang/ de ltar de bzhin bzhi pa yang zhes pa dang/ grangs ji lta ba bzhin shes par bya'o/ /dga' ba ni rnam pa sna tshogs pa nyid kyi skad ces bya ba ste/ bskyod pa'i mthar thug pa rnam pa sna tshogs so/ /rnam par smin pa ni de las bzlog pa ste/ bde ba'i ye shes za ba zhes bya bas mdor bstan to/ nor bu'i rtse mo'i bar du de bde ba'i ngo bo ni mchog tu dga' ba'o/ /gal te mchog tu dga' ba bde ba'i ngo bo nyid du ji ltar shes par bya zhe na/ sna tshogs spangs pa'i skad cig la/ /mchog tu dga' ba yang dag rnyed/ /bla mas bka' stsal sems dpa' che/ /bde ba chen po yang dag zung/ /zhes rgyas par bstan pas so/ /'dir yang sna tshogs spangs pa'i skad cig nyid la zhes bya ba la sogs pa'i don ji ltar 'byung ba bzhin du thams cad legs par gnas pa yin no/ /nor bu'i nang du chung la sogs zhes bya ba'i don ni bshad zin to/ /gal te bskyod pa'i mthar thug pa ni dga' ba ste/ de yang slob dpon gyi dbang yin no/ /nor bu'i nang ni mchog tu dga' ba ste/ /de yang gsang ba yin no/ de ltar na/ rgod pa dge slob dpon te/ blta ba de bzhin gsang ba'o/ /'khyud pa dag la shes rab ste/ /de yang gnyis kyi gnyis sprad? rgyu/ /zhes bya ba de ji lta bu zhe na/ 'di ni phyi rol bskyed pa'i rim pa yin no/ /de ltar na chu'i dbang bskur ba la sogs pa slob dpon gyi dbang du bstan pa gang yin pa de ni ji lta bu yin zhe na/ de yang phyi rol bskyed pa'i rim par shes par bya'o/ /zab mo bskyed pa'i rim pas ni dga' ba slob dpon gyi dbang ste/ de bzhin gshegs pa'i dbugs dbyung ba'o/ /rdzogs pa'i rim par dga' ba ni rdo rje 'chang gi dbugs dbyung pa'o/ /phyag rgya bzhi'i phyogs

  325. 163a

    la ni/ /yongs su grub pa nyid slob dpon nyid de/ las kyi phyag rgya las rtogs par bya'o/ /gal te drug gis bum pa'i dbang du gsungs pa yin te/ thams cad du bum pa'i bya ba 'jug pa'i phyir zhes bya ba de ji lta bu yin zhe na/ bum pa'i sgra ni chu 'dzin pa'i sgra nye bar mtshon pa nyid kyis chu 'dzin pa'i bya ba nyid yin pa'i phyir 'di mtshams pa yin no/ /de dag thams cad bstan pa'i phyir/ rgod la sogs pa'i dga' ba gang zhes bya ba la sogs pa ste/ don ni bshad zin to/ /nga ni dga' ba bzhi rnam par gzhag pa'i phyir/ sna tshogs rnam pa sna tshogs phyir/ /zhes bya ba la sogs pa smras te/ sna tshogs nyid ni bzung ba dang 'dzin pa'i ngo bor yod pa ni sna tshogs te dga' ba'o/ /bsrung tshe zhes bya ba la bsrub pa'i mthar thug pa ni bsrung ba'o/ /byang chub kyi sems ni nor bur nye ba'i bar ni reg pa'o/ /'di dag gis ni nor bu'i grong gis mchog gi dga' ba zhes bya ba rnyed par 'gyur ro/ /bde bas nye bar gang ba'i bde ba yod pa ni smin pa'o/ /mchog ni nor bu'i grong du ste/ rin po che'i rtse mo'i bar du'o/ /bla ma'i de nyid ces bya ba'i don bshad zin to/ /dga' bral ni rnam par bral pa'o/ /rnam bral ni byang chub sems lhung ba'o/ /rnam nyed ni bde ba spyad pa'o/ /bdag gi bya ba ni dpyod pa ste/ 'di lta bu ni dga' bral lo/ /de ltar de bzhin bzhi pa yang zhes pa la/ de lta ba ni shes rab ye shes kyi ngo bo nyid kyi rang bzhin no/ yang zhes bya ba ni rnam par 'gyur ba'i ngo bo rten cing 'brel bar 'byung pa'i bdag nyid can no/ /de bzhin zhes bya ba ni rnam pa de lta bu ste snga ma bzhin shes par bya'o// de ni bzhi bar 'gyur te/ de dag gis ni phyi rol gyi yan lag can las kyi phyag rgya'i dga' ba bzhi ni/ phyag rgya bzhi ni rnam par bzhag pa las/ dga' ba rnams gcig tu gnas pa la las kyi phyag rgya zhes bya'o/ /'di yang rnam pa med par smra ba'i rnam par

  326. 163b

    gzhag pa'i drag po'i dbang bskur ba'i gnas skabs nas bstan pa bzhin shes par bya'o/ /da ni rgyu dang 'bras bu'i rnam par gzhag pa bstan pa'i phyir/ las kyi phyag rgya zhes bya ba la sogs pa smras te/ las ni lus dang ngag dang yid kyi bya ba lhan cig skyes pa'i ngo bo nyid do/ /phyag rgya ni mtshon pa dang mtshan nyid de/ las kyi phyag rgya'o/ /de'i rten gang la btags pas nye bar mtshon pa'i don de nyid kyis rkyang ma la yang brjod par bya'o/ /gang las kyi phyag rgya la brten nas shes rab ye shes kyi rang bzhin gyi ngo bo nye bar bsngags te/ de yang 'gyur ba'i rdzas kyi ngo bo nyid 'ba' zhig go /lhan cig skyes pa'i gzugs brnyan gyi rjes su byed pa zhes bya bas/ lhan cig skyes pa'i rgyu 'thun pa'i 'bras bur brjod do/ /de lta bu'i rgyu mthun pa'i rnam pa sna tshogs zhes bya ba dga' ba nyid do/ /de nas sngon po dang ser po la sogs pa'i chos mngon par byang chub pa lnga dang/ lha'i rnam par dag pas gzung ba nyid la sogs pa dang bral ba nyid mchog tu dga' ba gcig tu mdzes pa'i thabs su gyur pa chos kyi dbyings kyi ngo bo spyad pas 'ongs par rab tu mi gnas pa'i ngo bo de ni chos kyi phyag rgya'o/ /'di ni phyag rgya chen po dbyer med pa'i rgya nyid yin pas lam yin pa'i phyir/ khyad par can du smin pa nyid ni rnam par smin pa'i 'bras bu'o/ /rnam par smin pa'i skad cig ma de ni mchog tu dga' ba'o/ /de nas phyag rgya gsum pa rgyas gdab pa'i phyir/ 'di chen po yang yin la phyag rgya yin te/ dpyad pas 'ongs pa mi gnas pa'i ngo bo nyid lam gyis ye shes gus pa dang bcas shing rgyun mi 'chad par goms par byas pas mngon du byas pa dngos po med pa/ shes bya la sogs pa'i sgrib pa spangs pa/ phun sum tshogs pa ma lus pa'i gzhir gyur pa/ srid pa dang mya ngan las 'das pa ngo bo nyid kyis gcig pa/ dmigs pa med pa'i snying rje chen po'i ?

  327. 164a

    can bde ba chen po'i sku gcig pu ni phyag rgya chen po'o/ /'di ni sgrib pa thams cad dang bral ba dri ma med pa'i 'bras bu'o/ /de ni mtshan nyid dang bral ba'i skad cig ste/ lhan cig skyes pa'i dga' ba'o/ /de nas dam tshig gi brda' dang/ sems can gyi don gyi phyir longs spyod rdzogs pa dang/ sprul pa'i ngo bo he ru ka la sogs pa rdo rje 'chang gi rnam par sprul pa gang yin pa de ni dam tshig gi phyag rgya'o/ /de'i skyes bu byed pa'i 'bras bu'o/ /de la rnam par nyed pa ni dga' bral gyi dga' ba'o/ /de la phyag rgya rnams snga ma snga ma la bltos nas snga ma de nyid rgyu nyid do/ /phyi ma phyi ma la bltos nas 'bras bu'o/ /de ni phyag rgya so so la dga' ba bzhi'i ngo bo nyid du bstan pa'i phyir/ dga' ba phyag rgya so sor zhes bya ba la sogs pa smras te/ phyag rgya so so la zhes bya ba ni/ phyag rgya so so la dga' ba bzhi po shes par bya'i/ phyag rgya chen po la ni ma yin no/ /'di dag gi don nyid lung dang rang gi rig pa zhes bya ba la sogs pa rgyu gsum bstan te/ de la lung gi bstan pa ni/ dga' ba dang po sna tshogs nyid/ /mchog tu dga' ba rnam par smin/ /dga' bral ba rnam nyed pa/ /lhan cig skyes dga' mtshan nyid bral/ /zhes bya ba la sogs par dgyes pa'i rdo rje la sogs pas/ rnam pa sna tshogs dga' ba dang por byas nas gsungs pa yin no/ /de lta bas na/ gang du rnam pa sna tshogs la sogs pa 'byung ba de nyid du dga' ba la sogs pa rnam par gzhag go /de dag kyang phyag rgya gsum po nyid la 'byung bar 'gyur gyi /phyag rgya chen po la ni ma yin no/ /rang gi rig pa'i ngo bo ni gsal ba nyid do/ /bla ma dam pa'i man ngag ni/ /sna tshogs zhes bya ba la sogs pa 'chad par 'gyur ro/ /las kyi phyag rgya lus kyi las nyid la/ dga' ba bzhi'i rang bzhin brjod nas/ ngag chos kyi phyag rgya la dga' ba bzhi po'i ngo bo nyid bstan pa'i phyir/ sna tshogs zhes bya ba la sogs pa smras te/

  328. 164b

    las kyi phyag rgya'i rgyu mtshan dang/ bla ma dam pa'i man ngag ston pa'i tshig gis rab tu rtogs pa'i sna tshogs pa 'gro ba'i bdag nyid du snang ba'i phyir rnam pa sna tshogs so/ /de nyid bsgom pa las nges par byed pa mngon par phyogs pa sna tshogs su snang ba nub par gyur pa ni rnam par smin pa'o/ /de la 'gro ba'i bdag nyid du bsgom pa rab kyi mthar thug pa snang ba med pa la brtan pa de ni mtshan nyid dang bral ba'o/ /de ltar rnam pa thams cad kyi mchog dang ldan pa'i stong pa nyid ces bya ba 'gro ba'i bdag nyid brtan pa la yang rnal 'byor pa bsgom pa pos rab tu mi gnas pa la mos pa brtan pa de bzhin nyid du tha snyad la gnas nas/ gang 'gro ba la lta ba ni dpyod pa ste/ /de ni rnam par nyed pa'o/ /rnam pa sna tshogs la sogs pa 'di dag la dga' ba bzhi po yang go rims bzhin du sbyor bar bya'o/ /'dir yang de ltar de bzhin bzhi pa yang zhes bya ba snga ma bzhin no/ /gang gi phyir rab tu dga' ba gcig pu yang grangs bzhin nges par bcad do/ /zhes bya ba'i tshig gis thams cad lhan cig skyes pa'i ngo bo yin pa de'i tshe chos kyi phyag rgya'i dga' ba bzhi po gcig tu gyur pa ni mchog tu dga' ba'o/ /chos kyi phyag rgya bstan nas/ lhan cig skyes pa'i ngo bor gcig pa'i yid kyis rang bzhin phyag rgya chen po bstan pa'i phyir/ kun la rab tu mi gnas la zhes bya ba la sogs pa smras te/ kun la zhes bya ba ni rten cing 'bral bar 'byung ba phung po dang/ khams dang/ skye mched la sogs pa'o/ /rab tu mi gnas pa ni yid la byed pa med pa sgro brtags pa med pa'o/ /de skad du yang/ yid la mi byed pa'i chos dge ba dang/ yid la byed pa'i chos mi dge ba dang zhes gsungs rab las gsungs pa dang/ de bzhin du/ kun tu rtag pas ma brtags pa/ /yid la rab tu mi gnas pa/ /dran med yid la byed pa med/ /dmigs pa med la phyag 'tshal bstod/ /ces bstan pa yin no/ /'dir rims nad sel ba'i tak+Sha

  329. 165a

    ka'i gtsug gi nor bu rin po che'i rgyan gyi man ngag bzhin du nyams su blang bar mi nus so zhes kyang gsal bar mi bya ste/ bla ma dam pa'i zhabs kyi drin gyi nges par rnam pa thams cad kyi mchog dang ldan pa'i mtshan nyid can gyi phyag rgya chen po mngon sum du byed par nus pa'i phyir ro/ /'on te 'dir ji ltar skad cig ma bzhi'i ngo bo ma yin zhe na/ dri ma med phyir rang rig phyir/ /zhes bya ba smos te/ dri ma med pa ni rnam pa sna tshogs la sogs pa'i skad cig ma gsum dri ma dang bcas pas 'dir mi 'byung ngo/ /de bzhin du dga' ba gsum yang mi 'byung ngo/ /gal te rab tu mi gnas pa ni bsam gyis mi khyab pa ni nyid yin la de yang bsam par 'gyur na/ sgrib pa nyid yin pas dri ma dang bcas par 'gyur ro zhes the tshom za ba bzlog pa'i phyir/ ye shes gang zhig 'bad med pa/ /zhes bya ba la sogs pa smras te/ de yang gnas med pa bsam gyis mi khyab pa'i ye shes de dpyad pa las mi 'byung ngo/ /ji lta zhe na 'bad pa med pa ste/ rang gi dang gis 'byung ba'o/ /ji ltar zhe na/ bsam par bya ba rnam par dpyad pa/ gang gi tshe mi sems pa de'i tshe gang gi byed bar bsam pa mi 'byung ba yin no/ /de yang ye shes grub pa las/ sangs rgyas ye shes lhun grub pas/ /de phyir rnam par mi rtog brjod/ /bsam pa'i byed rgyu med pas na/ /bsam pa med pa'ang med ma yin/ zhes gsungs pa yin no/ /da ni rnam par rig par smra ba'i 'dod pa gsal ba dang chad par lta ba'i 'dod pa bzlog pa'i phyir/ gang zhig de bzhin nyid mthong nas/ /zhes bya ba la sogs pa smras te/ de bzhin nyid ni yang dag pa'i mdza' o gang gis mthong ba ste/ gang gis mngon du byed pa'o/ /dbu ma'i don gyi rjes 'brangs nas/ /zhes bya ba ni/ mu bzhi dang bral ba'o/ /de nor ldan de de kho na nyid rig pa'o/ /de yang chad par 'gyur ram zhe na/ ma yin te/ rigs de zhes bya ba rang rig pa'o/ /gang

  330. 165b

    rnam par rtog pa ma lus pa yongs su spangs pa nyid de ni/ de kho na nyid mngon du nyams su myong ba yin no/ /de lta bu'i rnam par bden pa gnyis kyi bdag nyid can/ mdza' gnyis dang bral ba/ stong pa nyid dang snying rje dbyer med par shes rab dang thabs kyi rang bzhin/ bla ma dam pa'i zhabs kyi bka' drin gyis rig par shes par bya'o/ /de nyid dbu mar bsdus pa bstan pa'i phyir/ ji snyed sgro btags zhes bya ba la sogs pa smras te/ gang gi phyir ji snyed sgro btags pas brtags pa de thams cad med pa ste dbu ma'i don yin na/ 'di lta bu'i sgro btags pa med pa rnam par rig pa yang 'dod do zhe na/ de'i phyir thams cad kun tu zhes bya ba la sogs pa smras te/ de yang rnam par rig pa'i rdzas bden par sgro btags shing brtags pa yod la/ 'dir ni med de de la sgro btags pa thams cad med pa'i phyir ro/ /'dis ni sgyu ma lta bu'i mdza' yang sgro btags par rab tu bstan pa yin no/ /ji ltar zhe na/ rnam par rtogs pa thams cad kyis mngon par zhen pa sel ba'i zhes bya ba'i ngo bo ltar re zhig zhog rnam pa bden pa sgro btags pa dang/ rnam par rig par smra bas brtags pa nyid ni yod pa'i phyir ro/ /des na dbu ma'i don ni sgro btags pa med pa ste/ spros pa dang bral ba'o/ /'on kyang khyad ni 'di yod de/ rnam par shes par smra ba yis ni rnam par mi rtog pa brtan pa'i rnam par shes pa dngos po yod la/ ma rig pa'i dbang gis snang ba yod pa de lta bu'i rnam par mi rtog pa'i sems te/ de nyid rang rig tu 'dzin pa'i phyir ro/ /rjes la tshor ba 'dzin pa ni gsal ba nyid do/ /gal te khyod kyang 'di ltar 'dod de/ rjes thogs la rnam par rtog pa thams cad yod pa nyid do zhe na/ ma yin te gnas med pa nyid yin na yang/ khyad sems can gyi ngor kun rdzob kyi tha snyad kyis so/ /des na de la sel ba dang/ sgrub pa gang la yod de med do zhes bya ba'i don to/ /de ltar na rab tu gsal ba'i dngos po ji ltar shes par bya zhe na/ de'i phyir shes

  331. 166a

    dang/ zhes bya ba la sogs pa smras te/ de yang shes pa dang shes byar sgro btags pas stong pa'i bdag nyid can ni 'gro ba'o snyam na yang rnam par rtog pa dang bcas na yang ngo rnam par rtog pa dang/ rtog pa med pa las gzhan ma yin no/ /de yang ji lta bu zhe na/ ji ltar thams cad de kho na mi shes pa de ltar de kho na nyid shes pa na yang ngo/ /de yang/ 'di la bsal bya ci yang med/ /gzhag par bya ba ci yang med/ /yang dag nyid la yang dag blta/ /yang dag mthong na rnam par grol zhes gsungs pa yin no/ /de ltar gzhan dag nas kyang/ srid pa yongs su shes pa nyid/ /mya ngan 'das zhes brjod pa yin zhes bstan pa yin no/ /yang na/ ji ltar de ltar kun sngon nas/ /zhes bya ba ni ji lta ba lhan cig skyes pa'i ngo bo rtog pa med pa yin pa de bzhin du de kho na nyid kyi ngo bor 'gro ba thams cad de bzhin du rtogs par bya'o/ /ji skad du/ ji ltar sngon bzhin phyis/ /de bzhin nyid la yid sangs rgyas zhes bstan pa dang/ gzhan las kyang/ chos thams cad lhan cig skyes par rtogs pa ste/ des na de'i 'khor ba 'dor bar mi 'gyur ro zhes bya ba dang/ de bzhin du/ sangs rgyas thams cad ma skyes pa'i/ /chos nyid de lta bu la gnas/ /zhes bya ba la sogs pa rgyas par 'byung ba yin no/ /'on kyang khyad par 'di yod do/ ji ltar gzung ba dang 'dzin pa mngon par zhen pa'i blo de bzhin du phyi nas med do/ /de yang chos 'di dag ni mya ngan 'das/ /rmongs pas 'khor ba'i rnam pa can/ /zhes brtan pa yin te/ /'dir rmongs pa ni gzung ba dang 'dzin par mngon par zhen pa'o/ /de bzhin du gzhan dag nas kyang/ mnga' bsnun gyis smras sgom pa dag /ji ltar de ltar yin de/ ji ltar rtogs pa de ltar min zhes pa'o/ /de ltar ye shes kyis rnam par rig nas 'gro ba la ji lta bzhin du ston pa ni/ /ma skyes 'gro ba gang

  332. 166b

    yin blo/ /zhes bya ba la sogs pa smras te/ yod pa dang med pa la skyes par mi 'thad pa zhes bya ba la sogs pa'o/ /gang gi phyir 'gro ba ma skyes par shes pa de nyid ni rten cing 'brel par 'byung ba'i blo sbyangs pa nyid do/ /blo zhes bya ba ni nges par 'gyed pa'o// des na de ni blo dang ldan pa'o/ /'bad med par zhes bya ba ni 'bad pa dang bral ba'o/ /rang bzhin ni lhan cig skyes pa'o/ /'gro kun bden zhes bya ba ni brdzun pa ma yin pa'o/ /de ni rnam par rtog pa yin kyang mya ngan las 'das par bstan pa'i phyir/ 'brel pa bsgom pa zhes bya bar smras te/ 'brel pa bsgom pa med pa de ni 'brel pa mi shes pa ste/ rnam par rtog pa ste/ rten cing 'brel par 'byung pa'o/ /de lta bas na de nyid mya ngan las 'das pa zhes bya'o/ /de'i phyir sems nyid 'khrul par ma byed cig / de yang/ rten cing 'brel par gang 'byung ba/ /de nyid khyod ni stong par bzhed/ /ces bstan pas stong pa nyid ni mya ngan las 'das pa zhes bya'o/ /ma skyes pa rtog pa'i ye shes ni phyag rgya chen po ji lta ba bzhin du rnyed pa'o/ /zhes bstan pa'i phyir/ gnyan po'i phyogs la zhes bya ba la sogs pa smras te/ gnyen po'i phyogs zhes bya ba ni rang bzhin dang/ yon tan dang/ snying po la nges par spyod pa ste/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab can gyi bdag nyid can/ gnyen po'i phyogs la dpyod pa'i rnam par rtog pa'i tshogs yid la byed pas spong ba'o/ /mi gnas shing zhes bya ba ni gnyen po'i phyogs la nges par dpyod pa'i rnam par rtog pa'i tshogs rab tu spangs pas zag pa dang bcas pa'i gzugs nye bar len pa'i phung po lnga la sogs pa'i bdag nyid mi mthun pa'i phyogs la dpyod pa'i rnam par rtog pa'i tshogs rab tu spong bar yang blta bar bya'o/ /de med pa'i phyir 'di dang nges par med pa nyid do/ /de nyid la yang ma chags pa zhes bya ba ni/ ngo bo nyid la sogs

  333. 167a

    pa nges par dpyad pa nyid kyis stong pa nyid de bzhin nyid kyi bdag nyid la de kho na nyid du nges par dpyod pa'i rnam par rtog pa'i tshogs kyi ting 'dzin la yang ma chags pa gang yin pa'o/ /gang gi 'bras buAng 'dod med pa/ /zhes bya ba ni/ sa dang po la sogs pa rnam pa thams cad mkhyen pa nyid de thob pa la nges par dpyod pa'i rtog pa'i tshogs kyi ngo bo 'bras bu la 'dod pa ste/ de la re ba 'ga' yang med pa'o/ /de yi phyag rgya chen po shes/ /zhes bya ba ni thob pa'o/ /de dag gis ni 'gro ba'i bdag nyid mi gnas pa sgro ma btags pa/ mi mthun pa dang gnyen po dang/ de kho na dang/ 'bras bu'i tshogs spangs pas/ chags pa thams cad las rnam par grol ba ni phyag rgya chen po thob pa zhes bya'o/ /gal te de ltar na phyag rgya chen po la sbyin pa la sogs pa'i pha rol tu phyin pa med pa zhig gam zhe na/ ma yin te/ de ni pha rol tu phyin pa la sogs pa'i bdag nyid can bsod nams dang ye shes kyi tshogs gnyis kyi ngo bo yin pa'i phyir ro/ /de skad du yang/ tshangs pa khyad par sems kyis zhus pa theg pa chen po'i med las/ gang nyon mongs pa thams cad spangs pa de ni sbyin pa'o/ /gang mngon par 'du byed pa nas de ni tshul khrims so/ /gang mtshan nyid dang bral ba de ni bzod pa'o/ /gang rnam par spyod pa med pa de ni brtson 'grus so/ dang rab tu mi gnas pa de ni bsam gtan no/ /gang spros pa med pa de ni shes rab po/ /de ltar gnas med pa spros pa med pa'i ngo bo nyid ni shes rab kyi pha rol tu phyin pa'o zhes bstan pa dang/ de skad du yang bdun brgya pa las kyang/ bcom ldan 'das kyis bka' stsal pa/ 'jam dpal khyod gang gi tshe shes rab kyi pha rol tu phyin pa sgom par byed pa de'i tshe ci zhig la gnas nas/ shes rab kyi pha rol tu phyin pa sgom par byed/ 'jam dpal gyis gsol ba/ bcom ldan 'das gang gi tshe shes rab kyi pha rol

  334. 167b

    tu phyin pa bsgom pa de'i tshe/ bdag gnas pa med par shes rab kyi pha rol tu phyin pa bsgom par bgyid do/ /bcom ldan 'das kyis bka' stsal pa/ 'jam dpal gnas pa med pa de la shes rab kyi pha rol tu phyin pa ga la yod/ 'jam dpal gyis gsol pa/ bcom ldan 'das gang ci yang mi gnas pa nyid ni shes rab kyi pha rol tu phyin pa bsgom pa'o/ /bcom ldan 'das kyis bka' stsal pa/ 'jam dpal khyod gang gi tshe shes rab kyi pha rol tu phyin pa sgom pa de'i tshe/ dge ba'i rtsa ba ji snyed cig 'phel ba 'am 'grib par 'gyur/ 'jam dpal gyis gsol pa/ bcom ldan 'das de'i tshe dge ba'i rtsa ba cung bar kyang 'phel bar 'gyur ba 'am/ 'grib par 'gyur ba ni ma mchis so/ /bcom ldan 'das shes rab kyi pha rol tu phyin pa bsgom pa de la chos gang cung zad 'phel ba'am/ 'grib par 'gyur ba ni ma mchis so/ /bcom ldan 'das de ni shes rab kyi pha rol tu phyin pa sgom pa ma lags te/ so so'i skye bo'i chos kyang mi spong la/ sangs rgyas kyi chos kyang yang dag par mi len to zhes bya ba la sogs pa gsungs pa yin no/ /phyag rgya chen po bstan nas/ dga' ba bzhi'i rang bzhin kun tu 'gro ba'i dam tshig gi phyag rgya bstan pa'i phyir /ji ltar las kyi phyag rgya la/ zhes bya ba la sogs pa smras te/ rdo rje slob dpon bka' drin gyis zhes bya ba ni/ bla ma dam pa'i man ngag gis zhes pa'i don to/ /de la man ngag ni 'di yin te/ phyag rgya chen po skyes bu byed pa'i 'bras bu'i ngo bo ru bcom ldan 'das shes rab dang lhan cig tu longs spyod pa'i ngo bor bzhengs pa'i spyod pa ni dga' ba'o/ /nor bu'i grong ni mchog dga' o// 'dod chags chen po zhu bar 'gyur ba'i shes rab dang thabs kyi ngo bo zla ba dang nyi mar kho yang dag par sbyar ba'i dbus na gnas pa/ steng dang 'og dang thig le'i gzugs kyis thig le gnyis kyi ngo bo nyid ni lhan cig skyes pa'o/ /de skad du yang/ der ni

  335. 168a

    thog mdza' dbus med de/ /srid med mya ngan 'das pa med/ /'di ni bde chen mchog yin no/ /bdag dang gzhan yang yod ma yin zhes gsungs pa yin no/ /'di'i don yang rnam pa gnyis te/ drang ba'i don dang nges pa'i don no/ ni de nyid kyi tshe cho ga de lta bu nyid kyis mtshan nyid dang bral ba'i skad cig la rnam par mi rtog par rig pa'o/ /drang ba'i don ni thog ma ste/ /thig le snga ma ma yin pa'o/ /mdza' med pa ste mdza' med pa'o/ /dbus med ces bya ba ni rgyun mi 'chad pa'i phyir dbus med pa ste/ de la dbus med pa'o/ /srid med ces bya ba ni srid pa'i ngo bo ma yin pa'o/ /thabs nyi ma dang yang dag par 'dus pa las thig le ni srid pa ste/ de ni kho na nyid ma yin no/ /mya ngan las 'das pa med ces bya ba ni/ mya ngan las 'das pa'i ngo bo ma yin te/ shes rab zla ba dang yang dag par 'dus pas so/ /de ltar na/ gang zhig ce na/ brjod par bya ste/ gnyi ga ro gcig pa'i ngo bo/ /'di nyid ni mchog tu bde ba chen po ste/ bdag dang gzhan du mi bsam par mi bya'o/ /'dir yang sngar bstan pa'i las kyi phyag rgya las lhan cig skyes pa rnam par bzhag pa ltar rdo rje sems dpa' la sogs pa'i rnam par bzhag pa yang shes par bya'o/ /de nas puk+ka si la sogs pa'i lha mo bzhi'i klus bskul ba'i rjes thogs la rmi lam las sang ba bzhin du/ longs spyod pa'i gzugs kyis bcom ldan 'das gdan las bzhengs nas sems can gyi don du dag pa 'jig rten pa'i ngor dngos por rtogs pa mngon du mdzad nas gang la spyod pa de ni dga' bral lo/ /'dir yang de ltar de bzhin bzhi ba yang de nyid de/ de ltar zhes bya ba ni rnyed pa'i lhan cig skyes pa'o/ /yang zhes bya ba ni rnam pa thams cad kyis so/ /de bzhin zhes bya ba ni lhan cig skyes pa bzhin du rtogs par bya ba nyid do/ /shin tu dga' ba nyid gcig pu grangs

  336. 168b

    bzhir res par bya'o zhes bya ba'i tshig gi gang gi tshe thams cad lhan cig skyes pa'i ngo bor gyur pa de'i tshe/ dam tshig gi phyag rgya ngo bo gcig pa nyid dga' bral gyi dga' ba'i ngo bo'o/ /'o na 'dir thig le'i gzugs nyid kyi phyir rnam par rig pa nyid gsal ba nyid du bstan pa yin no zhe na/ ma yin te/ de ltar na yang bde ba'i ngo bo brjod du med pa nyid kyi phyir/ 'gro ba ma lus pa'i rnam par spros pa na/ rnam pa la gnod pa yin no/ /de ltar na yang las kyi phyag rgya las rnyed pa'i bde ba bzhin thig le'i gzugs su bskyed pa ci'i phyir zhe na/ 'dir yang phyag dang zhabs la sogs pa'i rnam par shes rab dang thabs kyi bdag nyid bstan par rigs so zhe na/ brjod par bya ste/ thig le'i gzugs kyi yod pa'i phyir/ 'jim pa'i rnam pa la bum pa'i rnam pa bzhin du/ gnas gyur pa rnam pa dang bcas par brjod pa'i phyir ro/ /de skad du yang/ bcom ldan 'das thig le'i gzugs kyis gnas so zhes gsungs pas so/ /de nyid brjod par bya ste/ kun rdzob kun da lta bu ste/ /sgrib bral bde ba'i ngo bo nyid/ /ces bya bas so/ /las kyi phyag rgya la brten pa'i kun rdzob ni don dam pa ma yin pa'o/ /sgrib bral ni sgrib pa med pa ste/ mya ngan las 'das pa'o/ /'dir bde ba ni tha dad pa nyid do zhe na/ de yang ma yin te/ bde ba spangs nas/ de ma yin zhes bya bas bde ba dang thig le dag de'i bdag nyid dag las tha dad pa'i bde ba med pa'i phyir ro/ /de skad du yang/ gang phyir 'byung ba che bde ba/ /bde bas bde ba de nyid min zhes bya bas shes par bya'o/ /yang 'di snyam du sems na sems nyid sna tshogs thig le'i gzugs su 'byung bas rnam pa med pa nyid po zhe na/ de lta ba yang mi 'gyur te/ gal te rnam pa med pa'i bsam pas 'di ltar yin no zhe na/ de ltar na rnam pa'i rtog pa las yid gnyis dgos pa med pa nyid de/ thig le spangs pas bde ba tsam nyid nges par bstan par 'gyur ro/ /ji skad du bstan pa'i 'bad pa

  337. 169a

    de lta bu ma yin pas ci zhig bya/ de lta bas na thig le nyid kyang rnam pa med pa smra ba la med pa nyid do/ /bstan ma thag pa'i phyag rgya re re la dga' ba nyid re re gsal ba nyid do zhes bya ba'i phyir/ las kyi phyag rgya sna tshogs nyid/ /ces bya ba la sogs pa'i don ni bshad zin to/ /gal te gzhung 'di nyid ni phyag rgya bzhi'i rjes su bstan pa'i rjes su 'jug pa yin la/ de yang rnal 'byor ma'i rgyud kyi rjes su 'brangs pa yin gyi/ rnal 'byor gyi rgyud kyi rjes su 'brangs pa ni ma yin no zhe na/ de ltar ni ma yin no/ /brjod par bya ste/ 'dir gsang ba 'dus pa'i rjes su 'brangs nas slob dpon klu sgrub kyis bstan pa yin no/ /gang gi phyir rgyud nas rim pa lnga phyag rgya bzhir bstan pa yin la/ rim pa dag kyang sngags kyi gzugs yin pa'i phyir rim pa ji lta ba bzhin du nges par sbyangs pa'o/ /de yang 'dir ston pa'i phyag rgya gcig la yang/ sngags kyi gzugs la yid gnas na/ gang gi phyir chos chos kyi phyag rgya'i bde ba ni kun rdzob kyi bden pa ston pa'o/ /bden pa'i yang dag pa'i mdza' nyid ni phyag rgya chen po zhes brjod do/ /'bras bu dam tshig gi phyag rgya ni/ gnyis su med par rig pa'o/ /rig pa rnams 'dus pa ni lha rdzas te/ sangs rgyas kyi 'bras bu ster ba'o/ /de'i mdza' drug gis bshad pa sgron ma gsal ba zhes bya ba las/ slob dpon zla ba'i grags pas/ gsang sngags sku ni rab sgrub byed/ /bskyed pa'i rim pa dang po yin/ /sems la dmigs pa tsam zhig ni/ /rim pa gnyis pa zhes brjod do/ /kun rdzob bden pa bstan pa ni/ /yid 'ong rim pa gsum pa'o/ /kun rdzob bden pa dag pa ni/ /rim pa bzhi pa zhes brjod do/ /bden gnyis sbyor ba gang yin pa/ /zung 'jug ces bya lnga pa ste/ /'di ni sgrub pa'i yan lag mchog /rgyud kun gyi ni don bsdus pa'o/ /rim pa 'di ni dbye ba yang/ /smos pa'i rim pa rnam pa mang/ /de rnams yang dag bsdus pa ni/ /gang

  338. 169b

    gi shes pa rgyud de rig /ces gsungs pa dang/ sngags dang sems dang lus dang ni/ /rnam dag dang ni zung 'jug dang/ /rim pa lnga yi bsdus pa'i don/ /shes nas mdza' drug la 'jug yin/ /zhes gsungs so/ /de bzhin du 'phags pa lha'i zhal snga nas kyang/ mdo rgyud rtog bsras las/ sngags kyi de nyid dang/ phyag rgya'i de nyid dang/ bdag gi de nyid dang/ chos kyi de nyid dang/ lha'i de nyid dang zhes bya bas rim pa lngar mdor bstan pa yin no/ /da la sngags kyi de nyid ces bya ba ni/ yi ge hUM la sogs pa las byung ba'i dgyes pa'i rdo rje la sogs pa'i gzugs so/ /phyag rgya'i de nyid ces bya ba ni/ drang ba'i don du grangs bgrangs pa'i rim pas de nyid sems sbyangs pa tsam mo/ /des pa'i don ni las kyi phyag rgya las so/ /bdag gi de nyid ni 'gro ba sna tshogs sems ngo bo med pa'i rang bzhin no/ /chos kyi de nyid ni chos ma skyes pa'o/ /lha'i de nyid ces bya ba ni bdag gi de nyid dang/ chos kyi de nyid dag de'i bdag gi nyid du byas pas tha mi dad pa zhes bya ba'i bar du'o/ /de nyid lnga po de dag ni bla ma'i man ngag gi phyag rgya bzhi dang sbyar bar bya'o/ /rim pa lnga yang rim pa bzhin du'o/ /gal te bskyed pa yis ni rim pa dang/ /rdzogs pa yi ni rim pa nyid/ /rim pa gnyis la brten nas ni/ /rdo rje 'chang gis chos 'chang ngo/ /zhes bya ba ni rgyud kyi tshig yin no/ /rim pa lngar bstan pa ni ji lta bu zhe na/ brjod par bya ste/ bskyed pa'i rim par yang mdor bsdus pa'i rim pa dang rdo rje bzlas pa'o/ /ming gzhan phyi ma bskyed pa'i rim pa dang/ nang gi bskyed pa'i rim pa zhes bya'o/ /rdzogs par yang bdag byin gyis brlabs pa dang/ mngon par byang chub pa dang/ zung du 'jug pa ste/ ming gzhan rdzogs pa dang/ yongs su rdzogs pa dang/ ngo bo nyid kyi rim pa zhes bya ba bstan pa yin no/ /de nyid phyag rgya bzhi'i yang dag pa'i ngo bo'i rang bzhin te/

  339. 170a

    thams cad gsang ba'i rgyud las bstan par shes par bya'o/ /de yang phyag rgya chen po yid kyis te/ /dam tshig phyag rgya kun tu 'gro /chos kyi phyag rgya dag las te/ /las kyi phyag rgya lus kyi'o zhes bstan pa yin no/ / da ni las kyi phyag rgya gang las de bzhin gshegs pa'i sngags dbyung ba dang/ rdo rje 'chang gi dbugs dbyung ba nyid shes pas tshims dag dgag pa'i phyir/ phyag rgya chen po mi shes par zhes bya ba la sogs pa smras te/ bla ma gcig nas gcig tu rgyud pa'i gzhung lugs kyi de nyid gang yin pa de la nyer bar sdad bas/ las kyi phyag rgya de nyid yin no/ /chos kyi phyag rgya la sogs pa bla na med pa yang dag par rdzogs pa'i sangs rgyas kyi chos la skur pa 'debs pa'i rnal 'byor pa ni ngu 'bod du 'gro'o/ du 'bod ces bya ba ni mtshon pa ste/ gzhan mnar med pa'i dmyal ba la sogs pa'i yang bzung ngo/ /ngu 'bod la sogs pa'i dmyal bar 'gro ba yang/ dam pa'i chos spong ba sgrub pa ni/ 'phags pa brgyad stong pa la sogs pa'i mdo las gsal bas rgyas par ma bstan to/ /'on te las kyi phyag rgya de kho na nyid du mi 'gyur ba ji ltar zhe na/ las kyi phyag rgya khro chu can/ /sdig can shin tu 'jigs rung ba/ /shin tu ring par spang bar bya/ /zhes bya ba dang/ de bzhin du mi mo nyams 'gyur shes rab ni/ /de yi bde ba'ang nyams par 'gyur/ /zhes bya ba la sogs pa rgyud kyi tshig gis so/ /mchog tu dga' ba ma mthong bar/ /bud med bde ba snyam du sems/ zhes bya ba'i tshig dang/ ji ltar me long du byung ba'i bzhin gyi gzugs brnyen la/ bzhin ni 'byung ba ni med la/ mngon du yang ma grub la/ de ltar grub pa yang med pa'i phyir ro/ /bzhin gyi gzugs brnyan gyi 'dra ba tsam 'byung ba yin no/ /de ltar na yang 'jig rten pa ni bdag gi bzhin mthong zhes 'khrul pas byas pa'i dga' ba skye bar

  340. 170b

    'gyur ro/ /de bzhin du slob dpon blo dman pa dag kyang shes rab ye shes bsgrubs nas lhan cig skyes pa nyams su myong ngo zhes yang dag par dga' ba skyes par 'gyur ro/ /dka' ba skye bar gyur kyang chos kyi phyag rgya'i gtam yang mi shes so zhes bya ba la sogs pa phyag rgya bzhi'i rjes su bstan pa las slob dpon klu sgrub kyis gsungs pa yin no/ /ye shes grub pa las kyang/ dbang po gnyis byung ba de ba ni/ de nyid yin zhes skye ngan smra'i/ /de ni bde ba chen yin zhes/ /rgyal ba mchog gis ma gsungs so/ /zhes bya ba'i tshig gis bstan pa yin no/ /'on te de ltar rgyud du ma nas gsungs pa'i las kyi phyag rgya la smad pas khyod ni dmyal bar 'gro bar 'gyur ba dang phrad pa yin no zhe na ma yin te/ de de kho na nyid kyi gtso bo ma yin par lung las gsungs pas bkag pa yin no/ /de yi dgongs pa yang/ las kyi phyag rgya la brten nas/ zhes bya ba la sogs pas byed rgyu'i ngo bo nyid du bstan pa'i phyir smras pa yin na/ de la bskur pa btab pas ga la yin zhes 'dir mang du brjod mi dgos so/ / lhag ma ni go sla'o/ /phyag rgya rnams rtogs par bya ba dang/ /rang gi 'dod pa'i lha'i mthu bstan pa'i phyir/ de srid phyag rgya bzhi dang ni zhes bya ba la sogs pa smras te/ ri khrod pa ni snying po can te/ dpal ri khrod pa'i zhabs kyi dngos grub thob pa'o/ /lhag ma ni go bla'o/ /da ni bsod nams yongs su bsngo bas mjug bsdu ba'i phyir/ yang dag dbang bskur cho ga yis/ /zhes bya ba la sogs pa smras te go sla'o/ /dpal ldan ri khrod dbang phyug bcom ldan gang yin de yis mngon sum rjes bzung ba/ /bla med chos nyid rin chen bdud rtsi chen po'i 'byung gnas zab mo nyid la ni/ /gal te bem po rmongs pas de dag smod par byed pa kho bo ci byar yod/ /bdag 'dra ba stong pa rtsom par byed pa ngo mtshar brtse ba'i phyir/ /dbang bskur bzang dang ngan pa'i rim dang drag po'i rim dka' ba/ /

  341. 171a

    mgon pos gsungs pa de bzhin blo chung rnams kyi yul min ngo mtshar che/ /de yi rjes su gnang ba bsgoms pas de yi rnam par dpyad pa dag/ nus pa ji bzhin blo yi gsung rab dran nas brjod par byas/ /dbang gi nges par gyur pa zab mo rgya mtsho yi/ /'grel pa gsal po 'di na byas pa las/ /bdag gis dge ba skad cig bsags pa des/ /skye bo ma lus pa dag rgyal gyur cig /bzhi pa'i rim la rmongs pa yi/ /dpung gi tshogs gang 'jig byed pa/ /dbang bskur nges bstan dka' 'grel 'di/ /dga' ba'i dpal ldan mgon pos bris/ /dbang bskur ba nges par bstan pa'i dka' 'grel /slob dpon dga' ba skyong gis mdzad pa rdzogs so// //sa man+ta b+ha dra dang/ nag tshos bsgyur ba'o// (lhan skyes rdo rjes mdzad pa'i de kho na nyid bcu pa'i 'grel pa bzhugs//) //rgya gar skad du/ tat+twa da sha ka TI kA/ bod skad du/ de kho na nyid bcu pa'i rgya cher 'grel pa/ dpal rdo rje sems dpa' la phyag 'tshal lo/ /gang dag ngo bo dam pa bla ma'i cha yi snying rje'i mthu las ni/ /zung du 'jug pa'i dngos po de bzhin nyid du rdzogs pa'i byang chub 'gyur/ /de dag nyid las gus par phyag byar 'os shing rtag tu bsten par rigs/ /de la btud de de nyid bcu pa'i rnam bshad yang dag brtsom par bya/ /de nas slob dpon 'di'i zhal snga nas tshad ma dang dbu ma dang lung gi grub pa'i don la 'jug pa'i rim pa rgyas par bstan nas sngags kyi lugs kyi rjes su 'thun pa'i pha rol tu phyin pa'i man ngag mdor bsdus pa mdzad par bzhed pas rab tu byed pa'i brjod par bya ba bsgrub par bya ba dang sgrub par byed pa dang/ de kho na nyid kyi bdag nyid gzhan shes rab kyi pha rol tu phyin pa zhes bya ba'i ming can chos nyid kyi bdag nyid kyis sku gsum gyi ngo bo nyid kho na la dang por phyag bya ba'i phyir/ /gang zhig yod med sbyor ba spangs/ /de bzhin nyid

  342. 171b

    la phyag 'tshal 'dud/ /ces bya ba smos te/ chos rnams ji lta ba bzhin du yod pas de bzhin nyid de/ de bzhin nyid dang/ chos nyid dang/ chos kyi dbyings dang/ yang dag pa'i mdza' dang/ don dam pa dang/ stong pa nyid ces bya ba la sogs pa ni rnam grangs so/ /mgon po byams pas kyang/ stong pa nyid ni mdor bsdu na/ /de bzhin nyid dang yang dag mdza' / mtshan ma med dang don dam ste/ /chos kyi dbyings ni rnam grangs so/ /zhes ji skad gsungs pa lta bu'o/ /yod pa dang med pa dag tu zhen pa ni yod pa/ dang med pa'i sbyor ba ste/ de dag spangs pa ni bral ba'o/ /de nyid la phyag 'tshal zhing 'dud pa ste/ lhag par mos pas lan gnyis brjod de/ /de la yod pa'i sbyor ba ni yod pa ste/ bden pa dang/ dngos po dang 'khor ba dang/ skye ba dang rtag pa zhes bya ba la sogs pa don gcig go /med pa'i sbyor ba ni med pa ste/ mi bden pa dang/ dngos po med pa dang/ ma skyes pa dang/ mya ngan las 'das pa dang/ chad pa zhes bya ba la sogs pa don gcig go /de bzhin nyid la ni yod pa dang med pa'i sbyor ba dang bral bas 'gro ba rten cing 'brel par 'byung ba'i mtshan nyid can no/ /dngos po ngo bos skye ba med/ /ma skyes nam mkha' i me tog bzhin/ /ma skyes pa yi rang bzhin gyis/ /skye ba de bzhin nyid du 'dod/ /de phyir dngos po yod pa min/ /srid min mya ngan 'das pa min/ /bde ba ma yin mi bde min/ /rtag pa ma yin chad pa'ang min zhes bya ba ni bsdu ba'i tshigs su bcad pa'o/ /de nyid klu sgrub kyi zhal snga nas kyang/ blo gros dman pa 'ga' zhig gis/ /yod pa'am ni med mthong ba/ de yi dngos rnams nyer zhi zhing/ /dge ba'i blta bya nyid ma mthong/ /yod pa zhes bya rtag par lta/ /med pa'o snyam na'ang chad pa ste/ /mdza' de gnyis las rnam grol bar/ /chos 'di rgyal bas bstan pa yin/ /blo gang yod dang med pa las/ /rnam par 'das shing mi dmigs pa/ /de dag dmigs

  343. 172a

    med zab mo'i blos/ /rten cing 'brel 'byung don sgom byed/ /dngos pos grol ba ma yin la/ /de las dngos med kyis kyang min/ /dngos dang dngos med yongs shes nas/ /bdag nyid chen po grol par 'gyur/ /'khor ba dang ni mya ngan 'das/ /gnyis pa nyid ni yod ma yin/ /'khor ba nyid ni yongs shes na/ /mya ngan 'das pa zhes byar brjod ces gsungs so/ /yod pa dang med pa'i sbyor ba zhes bya ba ji lta bu zhe na/ smras pa/ re zhig 'gro ba 'di dag ni/ /gcig dang du ma bral phyir med/ /ri dang rgya mtsho sa gzhi dang/ /khyim la sogs pa tha dad par/ /sna tshogs 'di dag rab snang phyir/ /rang bzhin gcig par rig pa min/ /ri la sogs pa so so yang/ /so so'i cha yis rig pa min/ /de lta mod kyi rdul phra rab dag mi phyed pa'i lus can so so re re ba yin no zhe na/ de dag kyang yod pa yin te /phyogs cha'i bye brag gi tha dad pa'i phyir ro/ /de skad du yang klu sgrub kyi zhal snga nas kyis/ phyogs kyi cha shas tha dad pas/ /rdul phran la yang tha dad snang/ /cha shas cha shas can brtags gang/ / de la rdul phran ji ltar yod/ /ces gsungs pa dang/ gzhan las kyang/ drug gis gcig car sbyar ba yis/ /rdul phran cha shas drug po nyid/ /drug po rnams ni yul gcig na/ /gong bu rdul phran tsam du 'gyur/ /zhes bshad pa yin no/ /rdul phran rnams ma grub par ni gcig pa cung zad kyang mi 'grub la/ gcig pa nyid ma grub par yang de bsags pa'i ngo bo nyid du ma yang mi 'grub bo/ /gcig dang du ma dang bral ba'i dngos po gang zhig yod par 'gyur na mthong ba 'am 'dod par rung ba ma yin te/ de yang/ dngos po gang la rnam dpyad na/ /de dang de la gcig med pa/ /gang la gcig pa nyid med pa/ /de la du ma'ang yod ma yin/ /zhes bshad do/ /gcig dang du ma dang bral ba'i gtan tshigs 'di ni gsung rab dang ldan pa ma yin no zhe na/ ji ltar me long la ni gzugs//

  344. 172b

    gcig dang gzhan pa rnams spangs pa/ /snang yang de na yod ma yin/ /de bzhin dngos po dngos rnam nyid ces bya ba la sogs pa bcom ldan 'das nyid kyis shin tu gsal bar bstan pa'i phyir ro/ /'gro ba gang la yod pa ma grub pa de la med pa yang ma yin te/ med pa ni yod pa med pa'i rang bzhin yin pa'i phyir ro/ /de yang bcom ldan 'das kyis yod pa'i sngon 'gro med pa ste/ mer pa yod pa'i sngon 'gro yin/ /de phyir med par mi bsam ste/ /yod pa rung yang mi brtag go zhes gsungs la/ klu sgrub kyis kyang/ stong pa nyid du khas blangs na/ /rtag dang chad pa'i lta pa ste/ /yod par khas mi len pa la/ /chad pa med cing rtag pa med/ /med pa yod na yod par 'gyur/ /yod pa yod na med pa nyid/ /dper na ring thung yod pa bzhin/ /ring po la brten thung du bzhin/ /me nyid la brten yod pa'o/ /de phyir gang la gnyis ka med/ /ces pa'o/ /yod pa dang med pa'i sbyor ba dang bral ba'i tshig gis mdza' bzhi dang bral ba de bzhin nyid du bstan pa yin no/ /yod pa dang med pa nyid rnam par bsregs pa dgag pa'i bdag nyid yin pa'i phyir phyogs gzhan dag go /kye skyes bu de ltar na yod pa bkag pa de nyid med pa bkag par yang 'grub par 'gyur te/ ci'i phyir gnyis ka bkag ce na/ de bzhin du yang bcom ldan 'das kyis yod pa bkag pa nyid kyis 'gro ba dngos po med pa tsam du gsungs pa ting nge 'dzin gyi rgyal po la sogs pa las chos thams cad dngos po med pa/ mtshan ma med pa/ mtshan nyid med pa zhes bya ba la sogs pa'i tshig gis so/ /'dir kha cig gis lan smras te/ 'dir chad par smra ba'i yang yod pa'o/ / de yod pa bkag pas med pa nyid de/ 'gro ba rnams chad pa'i dngos por khas blangs par 'gyur bas de bsal bar bya ba'i phyir gnyis ka bkag par bstan to zhes zer ro/ /de'i lan 'di rig pa ma yin te/ gnyis ka dang gnyis ka ma yin pa'i smra ba'i yang

  345. 173a

    yod pa dag de dgag pa'i 'thad par thal bar 'gyur ro/ /'di las gzhan nyid ni stong pa 'ba' zhig tu smra ba gang gi phyir yod pa bkag pas med pa nyid nam mkha' i me tog ltar 'gro bar 'gyur bar khas blangs par 'gyur te/ de'i 'dod pa bsal bar bya ba'i phyir zung du 'jug pa 'di bstan pa nyid do/ /de yang rtogs par bya ba nyid do/ /gang la yang stong pa 'ba' zhig tu bstan pa ni de la yang shes kyi cha gtso bo bstan pa nyid kyi phyir ro/ /bden pa gnyis zung du 'jug pa'i dbral bar bya ba'i phyir ni ma yin no/ /gzhan dag ni gzhan du bzlog par byed do bstan pa'i dbye ba 'dir skyon med de/ kha cig gis dngos po bkag ste dngos po med tsam bstan to/ kha cig dngos po dang dngos po med pa dang bral ba'o/ /kha cig gis mdza' bzhi dang bral pa'o/ /yang de bzhin nyid tha dad pa ni med do/ /de ltar ni 'gyur mod kyi/ /ci'i phyir de bzhin nyid kho na la phyag 'tshal te/ sangs rgyas bcom ldan 'das la ma yin zhe na/ zhes bya ba de'i phyir/ /gang la rtog pa med pa nyid/ /byang chub rtogs pa'i rang bzhin can zhes smras te/ gang la ni gang gi phyir te/ de nyid de bzhin nyid do/ /rtog pa ni khong du chud pa'i sgo nas so/ /rnyog pa med pa ni dri ma med pa'o/ /byang chub rang bzhin ni yang dag par rdzogs pa'i sangs rgyas nyid kyi ngo bo yin pa de'i phyir de nyid la phyag bya ba yin te/ tha dad pa med pa'i phyir ro/ /yang gang gi phyir chos kyi rang bzhin gyis dri ma med pa dang rnyog pa med pa nyid ma 'khrul ba'i de bzhin nyid do/ /de ltar rang gi ngo bo ma rtogs pas phyin ci log gi ngo bor bzhag pa yang nyon mongs pa dang las dang skye ba rnams kyi 'khor bar 'byung ba'i phyir rnyog pa rnams so sor snang bar 'gyur ro/ /'di rnams kyi rang gi ngo bo ma rtogs pa ni glo bur gyi dri ma zhes brjod do/ /glo bur 'di dag shin tu spangs pa ni rnam par dag pa zhes bya'o/ /de

  346. 173b

    skad du mgon po byams pas kun nas nyon mongs med rnam dag/ de ni drir bcas dri ma med/ /chu khams gser dang nam mkha' bzhin/ /dag pa bzhin du dag par 'dod/ /gal te nyon mongs de ma gyur/ /lus can thams cad grol bar 'gyur/ /gal te rnam dag de ma gyur/ /'bad pa 'bras bu med par 'gyur/ /zhes pa'o/ /de ltar thams cad 'dir bsgrub par bya ba dang sgrub par byed pa'i tha snyad rnams ni kun rdzob nyid do/ /sangs rgyas nyid dang rdo rje 'dzin pa nyid ni kun rdzob la rab tu sgrub par bya'o zhes gsung rab las so// don dam pa ni de la de bzhin nyid ni nyon mongs pa dang ldan pa ma yin la rnam par dag pa yang ma yin te/ de skad du yang de nyid kyis/ nyon mongs ma yin mi mongs min/ /de nyid dag dang ma dag min/ /zhes pa'o/ 'dis ni rab tu byed pa'i brjod par bya ba'i dngos po gsum bstan te/ yod pa dang med pa'i sbyor ba spangs pa 'di dag nyid kyi chos nyid kyi bdag nyid kyi dngos po'o/ gang la rnyog pa med pa nyid rtog pa zhes bya ba dag ni rtogs par bya zhing bsgom par bya ste/ de nyid sgrub par byed pa'i dngos po'o/ /byang chub rang bzhin zhes bya ba 'di ni mngon sum du bya ba'i don sgrub par bya ba'i dngos po'o/ /de ltar ni 'gyur mod kyi tshad ma dang gzhal bya dag gi dngos po gang yin pa'i phyir dngos po lnga sbyar bar mi bstan zhe na/ de ni bden te/ /'on kyang de dag sngar gnas pa'i yod par tshad mas rab tu grub pa'i de bzhin nyid 'dir man ngag go sgo nas zung du 'jug pa rab tu sgrub pa yin te/ de dag ni 'di dam bstan to/ /gcig dang du ma dang bral ba'i phyir zhes bya ba la sogs pa'i yang rab tu sgrub pa'i rig pa nyid dran pa'i phyir ro/ /gang gi phyir sbyod pas rab tu grub pa nyid de bzhin nyid de kho na nyid la sogs pa'i dngos po ma yin te/ bla ma dam pa'i man ngag dang bral bas shes kyi cha 'ba' zhig ni thabs dang bral ba'i phyir ro/ /gang dag 'chad par 'gyur ba yi/ /bla ma'i

  347. 174a

    dag gi ma rgyan pa'i/ /dbu ma'ang 'bring po tsam nyid do/ /zhes pas gzhan du ni dngos po gsum po 'di dag bstan to/ /'dir dbu mas ni tshad ma dang gzhal bya 'jug pa ma yin te/ rang dang gzhan zhes bya ba la sogs pa'i rnam par dpyod pa mi bzod pa'i phyir ro/ /zhes snyam du sems so/ /de ni 'thad pa ma yin te/ tshad ma med pa'i phyir bsgrub par bya ba dang sgrub par byed pa'i dngos po gnas pa dka' o/ /de rnams kun rdzob nyid yin gyi don dam par ni ji ltar 'gyur zhes bya ba'i tshig gis so/ /tshad ma dang gzhal bya med pa rnams kyang kun rdzob du yod pa nyid yin na/ de ji ltar rang dang gzhan las zhes bya ba la sogs pa brtog ce na/ ji ltar 'gyur ba da ltar khas len pa yin te/ phal cher lam 'dir tshad ma rnams gtsug gi nor bu chos kyi grags pa'i rjes su 'brangs te/ de la brten nas de'i lam gyi rjes su 'brangs nas 'di thams cad kyi rnam par bzhag pa sbyar ba yin te/ rang gi yid kyis de dag sgeg pa ni ma yin no/ /de'i lam gyi rjes su 'brangs pas yang rang bzhin grub par 'gyur ro zhe na/ ma yin te/ ji lta bu zhe na/ re zhig phyi rol gyi don rgyas pa rnam par bzhag pa dgos pa'i dbang gis byas kyang gong ma gong ma'i rigs pas brtsad nas phyung ba yin no/ /de nyid kyi skabs dbye bar bya ste/ gang gis dngos por dpyad bya ste/ /de nyid la ni dngos de med/ /gang phyir gcig dang du ma dag /rang bzhin de la yod ma yin/ /'di dag de nges las 'ongs pa/ /gang yang mkhas pa rnams kyis smras/ /ji lta ji ltar don bsams pa/ /de lta de ltar rnam par nyams/ /des na mtshan nyid stong pa'i phyir// rang bzhin med par bstan pa'i phyir/ /zhes bya ba la sogs pa shin tu gsal bar brjod do zhes shin tu spros pas chog go /skabs su bab pa'i rjes su 'brel pa brjod par bya ste/ rab tu byed pa 'di'i brjod par bya ba ni de bzhin nyid kyi de kho na nyid do/ /de yang

  348. 174b

    phyag 'tshal bdag gtso bo yis bstan to/ /rjod par byed pa ni rab tu byed pa nyid do/ /'di dag gis ni yang brjod par bya ba dang rjod par byed pa'i mtshan nyid kyi 'brel pa don gyis bstan to/ /rab tu byed pa'i dgos pa yang brjod par bya ba'i don rtogs pa'o/ /de'i dgos pa'i gtso bo ni sems can gyi don byed pa'o/ /gtso bo ma yin pa ni de nyid bsgoms pas sangs rgyas la sogs pa'o/ /de skad du/ gzhan don phun tshogs sangs rgyas rnams/ /'bras bu'i gtso bo lhag par 'dod/ /sangs rgyas nyid sogs gzhan gang ni/ /de yi don phyir 'bras bur 'dod/ /ces pa'o/ /de lta bur gyur pa'i zung du 'jug pa'i de bzhin nyid yongs su shes pas 'dod pa don du gnyer ba khas blang bar bya bar 'gyur ba dag yin zhes pa la/ de bzhin nyid ni shes 'dod pas/ /rnam bcas ma yin rnam med min/ /zhes bya ba smras te/ rnam pa dang bcas pa'i 'jug pa ni rnam pa dang bcas pa'i shes pa'o/ /rnam pa gsal ba ni rnam pa med pa'o/ /rnam pa dang bcas pa zhes bya ba'i sgras mdo sde ba dang/ rnal 'byor spyod pa ba dag gzung ba'o/ /rnam pa med pa zhes bya ba yang bye brag tu smra ba dang/ rnal 'byor spyod pa'i bye brag dag bsdus pa'o/ /'di dag gis ni rnam pa bcas pa dang rnam pa med pa'i 'dod pa bsdus pa'o/ /de bzhin nyid ni shes 'dod pas skyes bu dag gi blang bya nyid dag tu mi 'gyur te/ gnyis kas kyang rang bzhin du khas blangs pa'i phyir ro/ /de yang dpyad mi bzod pas kho na nyid kyi mtshan nyid dang bral ba yin no/ /ji ltar yang gang gi phyir theg pa chen po la sems can rnams 'jug pa'i phyir gnas pa'i khyad par bstan par mdzad de/ de ltar na theg pa chen po'i nges don ni ma yin te/ drang ba'i don yin pa'i phyir ro/ /gtso bo'i nges don ni rang bzhin med pa nyid de/ de nyid

  349. 175a

    thos pa dang bsam pa dag gis bsgom par byas pas nges par 'bras bu 'byung bar 'gyur ro/ /ji skad du ting nge 'dzin gyi rgyal po las/ nges pa don gyi mdo sde'i bye brag shes/ /bde gshegs ji skad bstan pa'i stong pa nyid/ /slar yang gang zag sems can skyes bu rnams/ /chos rnams thams cad drang ba'i don du shes/ /chos bdag med la so sor rtog par byed/ /so sor rtog pas gal te sgom par byed/ /de yi rgyu yis mya ngan 'das thob 'gyur/ /gang yang gzhan dag zhi ba'i rgyur mi 'gyur/ /chos kun rang bzhin rtag tu stong pa nyid/ /rgyal sras dngos po rnam par bsgom pa ni/ /kun gyis kun tu thams cad stong par 'gyur/ /nyi tshe'i stong nyid mu stegs can rnams kyi zhes gsungs pa'o/ /dbu ma la 'jug pa las gsungs pa/ de ltar gang phyir shin tu zab mo'i dngos po ni/ /gang gis mi shes de ni rab tu bstan bya ba/ /kun gzhi yod cing gang zag stong nyid yod/ /phung po 'di dag nyid ni 'ba' zhig dang/ /'jig tshogs lta ba spangs pa'i sangs rgyas kyis/ /nga dang bdag ces ji ltar ston pa ltar/ /de ltar dngos po thams cad rang bzhin gyis/ /med pa'i drang ba'i don ni ston par 'gyur zhes pa'o/ /yang rnam bcas ma yin rnam med min/ zhes bya ba ni rnal 'byor spyod pa pa gang dag gi 'dod pa nyid blang bar bya ba ma yin pa de nye bar len pa'o/ /de dag gi gzung ba dang 'dzin pa'i dngos po stong pa'i bdag nyid de bzhin du khas blangs pa'i phyir gang gi phyir rang bzhin stong pa nyid khas len pas rang bzhin med pa'i mtshan nyid de bzhin nyid med pa'i phyir drang ba'i don du sems tsam du bstan pa yin no/ /ji skad du klu sgrub kyi zhal snga nas kyang/ 'di dag thams cad sems tsam zhes/ /thub pa chen pos bstan pa yin/ /'jig pa yongs su spangs phyir te/ /rang gi mtshan nyid de nyid min zhes pa'o/ yang na/ rnam bcas ma

  350. 175b

    yin rnam med min zhes bya ba ni rnam pa dang bcas pa'i dbu ma dang/ rnam pa med pa'i dbu ma bsal bar bya ba'i gtso bo 'di dag go /gang gi phyir zhi ba 'tsho'i zhal snga nas la sogs pa rnam pa dang bcas pas dbu ma nyid khas len par byed de/ de skad du/ bdag dang gzhan smras dngos po yi/ /chos 'di dag ni rang bzhin med/ /gcig dang du ma'i rang bzhin nyid/ /bral ba'i phyir na gzugs brnyan bzhin/ /dngos po gang gang rnam dpyad na/ /de dang de yi gcig nyid med/ /gang la gcig nyid yod min pa/ /de la du ma nyid kyang med/ /gcig dang du ma rnam spangs pa'i/ /rnam pa gzhan dang ldan pa yi/ dngos po mi rung de gnyis ni/ /phan tshun spangs te gnas phyir ro/ /de phyir dngos po 'di dag ni/ /kun rdzob pa nyid mtshan nyid 'dzin/ /gal te 'di dag don 'dod na/ /de la bdag gis ci byar yod/ /ma brtags gcig pu nyams dga' ba'i/ /skye dang 'jig pa'i chos can la/ /rang bzhin kun rdzob pa yin rig /rig pa'i lam gyi rjes 'brangs nas/ /dngos po kun gyi rang bzhin ni/ /gzhan dag 'dod pa 'gog pa yin/ /rtsod pa ngan pa'i gnas med do/ /ma brtags pa na nyams dga' ba'i/ /bdag rgyud snga ma snga ma la/ /brten nas phyi ma phyi ma yi// 'bras bu de dang 'dra ba yin/ /de phyir kun rdzob rgyu med na/ /rung min zhes pa rung ma yin/ /gal te 'di yi nyer len pa/ /yang dag yin na de smos shig /de phyir yang bdag nyid du na/ /dngos po gang yang grub pa med/ /de phyir de bzhin gshegs rnams kyis/ /chos rnams thams cad ma skyes gsungs/ /dam pa'i don dang mthun pa'i phyir/ /'di ni dam pa'i don zhes bya/ /yang dag tu na spros pa yi/ /tshogs rnams kun las de grol yin/ /rgyu dang 'bras bu'i dngos po 'di/ /kun rdzob nyid du ma bzlog pas/ /kun nas nyon mongs rnam byang sogs/ /rnam par bzhag pa 'khrugs pa med/ /rgyu dang 'bras bur gyur pa yang/ /shes pa 'ba' zhig kho na ste/ /rang gis grub pa gang yin pa/ /de ni shes par nus ma yin/ /rang nyid grub pa'i rang bzhin yang/ /rmi lam sgyu ma'i ngo bo bzhin/ /de yi

  351. 176a

    phyir na gzugs sogs sems/ /phyi rol tu yang 'dod pa min/ /sems tsam la ni brten nas su/ /phyi rol dngos med shes par bya/ /tshul 'dir brten nas de la yang/ /shin tu bdag med shes par bya/ /tshul gnyis shing rta zhon nas su/ /rig pa'i srab skyogs 'dzin byed pa/ /de dag de phyir ji bzhin don/ /theg pa chen po pa gnyis 'thob/ ces pa'o/ /rnam pa med pa'i dbu ma yang la ba'i na bza' can la sogs shes pas khas len te/ de skad du de yis nyer len las skyes dri ma yis/ /bdag nyid dbyer med pa bsgribs te/ /blo ni shel sgong dag pa ltar/ /gzhan gyi gzugs su snang ba yin/ /ji ltar shin tu mkhas pa yis/ /de ltar 'di nyid gnyis su snang/ /sems kyi rnam pa 'khrul pa'i phyir// gzung dang 'dzin pa tha dad do/ /brtags sogs bdag nyid ma lus pa/ /de phyir bya ba gsum du snang/ /don du 'dzin dang don dang ba/ /stong pa nyid dang ldan pa dag /don ston don snang rang bzhin dang/ /log pa'i don 'dzin dngos po ni/ /gcig tu glang chen gcig pu yi/ /sgyu ma'i rnam pa 'phrul byed de/ /glang chen don dang de snang ba/ mkhas pa la ni de dngos med/ /rang bzhin brtags pa la sogs pa/ /ji ltar grangs bzhin shes par bya/ /yongs su rdzogs pa'i ye shes ni/ /thams cad ro gcig bdag nyid de/ /thog mdza' med cing cha med pa/ /rnam pa med pa gzungs med pa/ /rang rig rnam par rtog par snang/ /rnam par rtog pa gzhan gyi rgyu/ /de nyid don dam pa yin te/ /rnam par rtog pa bzlog pa'o/ /don dam nyid la rnam rtog gi /mkhas pas rnam rtog gos pa med/ /dge ba 'am ni mi dge ba'i/ /gang phyir rnam rtog tha dad pa'i/ /de dag bsal bar bya phyir dmigs/ /slar yang bde la stong pa nyid/ /gang phyir lta kun byas pa rnams/ /stong pa nyid kyi rab dbye ste/ /bzung dang 'dzin pa spangs pa'o/ /gal te stong

  352. 176b

    pa nyid du bstan/ /de ni dbyu gu gcig lugs dang/ /khyad par yod par ji ltar 'gyur/ /rang rig la gnas ma gyur zhes/ /de phyir 'jigs la thug pa yi/ /chos rnams mdza' dag bstan nas ni/ stong pa'i bdag nyid bstan pa yin/ /thams cad mtshungs par rab tu dpyad byas na/ /phra bar lta bas blo yis thar byas te/ /sangs rgyas pa dang phyi rol rnam phye ba/ /gcig kyang mi dmigs stong par smra bar byed/ /ces bya ba la sogs pa'o/ /rnam pa med par smra ba'i rnal 'byor spyod pa rnams kyang yongs su grub pa'i shes pa de nyid khas len par byed de/ gzung ba dang 'dzin pa dag gis stong pa'i rang rig pa'i ngo bo ni med pa ma yin no/ /rnam pa med par smra ba'i dbu ma pas ni yongs su grub pa yang rnal 'byor gyi kun rdzob kyi ngo bo yin te/ /don dam par ma skyes pa nyid 'di ni bye brag go /de'i phyir rnam pa dang bcas pa dang rnam pa dman pa'i phyir/ de bzhin nyid ni shes 'dod pas/ bla mar bya ba ma yin no/ /gang gi phyir dbum pa yang rnam pa dang bcas pa nyid dam/ rnam pa med pa 'byung ba nyid ni ma yin te/ rnam par shes pa la brten pa'i phyir ro/ /'di dag ni nges pa'i don ston pa'i shes rab kyi pha rol tu phyin pa la sogs par shes pa cung zad kyang bstan pa yod pa ma yin no/ /gang gi phyir gzugs la sogs pa med pa'i rnam par shes pa stong pa nyid du gsungs so/ /'on kyang ji ltar rnam par shes pa ni rnam par shes pa'i rang bzhin gyis stong ngo/ /de bzhin du gzugs la sogs pa yang gsungs so/ /gang la sems tsam du bstan pa 'di la yang gzugs ni thams cad las rags pa yin pas gzugs su zhen pa bzlog pa'i phyir de ni drang ba'i don nyid do/ /de skad du mdo las/ las rnams sna tshogs sems kyis mthong ba dang/ /gang la phyi rol dngos po mthong ba med/ /gzugs su shin tu zhen gang bzlog pa'i phyir/ /de yang drang ba'i don phyir 'di nyid do/ /ston pa yis ni drang ba'i don yang

  353. 177a

    bstan/ /mdo dang gzhan nas kyang ni rnam par phye/ /drang ba'i don bstan phyir ni lung 'di dag /ji ltar nad kyi na ba la/ /sman gyi rdzas ni rab sbyor ltar/ /de bzhin sangs rgyas sems can la/ /sems tsam du ni bstan pa yin/ ces pa'o/ /de'i phyir phung po dang khams dang/ skye mched dang/ khams rnams dbye bas tha dad pa yin no/ /rang las ma yin gzhan las min/ /gnyis ka las min rgyu med min/ /dngos po gang dang gang la yang/ /skye ba nam yang yod ma yin/ /rang bzhin yod min ma skyes phyir/ /ji ltar rang las 'byung bar 'gyur/ /rang bzhin grub pa med pa'i phyir/ /gzhan las kyang ni 'byung mi 'gyur/ /rang nyid la brten gzhan nyid 'gyur/ /gzhan nyid las ni rang nyid do/ /ltos pa'i don ni de dag 'grub/ /tshu rol pha rol bzhin du bstan/ /rang dang gzhan dag mi rigs phyir/ /gnyis las byung ba yod ma yin/ /rgyu dang bral bar skye bar ni/ /'ga' zhig gang na 'ang yod ma yin/ /de nyid kyis na yod med min/ /rkyen gyi don la sbyor ba ni/ /med pa dag ni gang gi rgya/ /yod pa yang ni ji ltar skye/ /dngos po kun gyi rang bzhin nyid/ /skyes pa du ma'ang yod ma yin/ /de nyid dngos po thams cad kyis/ /dgag pa dag ni rigs ma yin/ /de zhig gnas pa'i dngos po ni/ /dgag pa ru ni rigs ma yin/ /mi gnas pa yi dngos po gang/ /'gag pa ru ni rigs ma yin/ /dngos don las gzhan 'jig pa med/ /don gzhan ma yin par yang 'dod/ /don gzhan dngos po rtag par 'gyur/ /don gzhan min yang dngos po med/ /gang du skyes pa de des 'thob/ / ma skyes de yi rang bzhin yin/ /rang gi rang bzhin ma skyes pa/ /de la skyes zhes ji ltar bya/ /skye ba dang ni 'gag pa dag /'du byas kyis ni rnam par brtags/ /rten cing 'brel ba'i 'khor lo yi/ /ngo bo nyid des rtogs pa med/ /de ltar des na dbu ma 'bags

  354. 177b

    pa klu sgrub dang/ 'phags pa lha dang/ zla ba grags pa la sogs pas bzhed pa rten cing 'brel par 'byung ba'i mtshan nyid de/ de bzhin nyid ni shes 'dod pas yin par 'gyur ro/ /bcom ldan 'das kyis kyang de nyid don yin par mnyam par bzhag pas gsungs te/ gang zhig rkyen las skyes pa de ma skyes/ /de la skye ba'i rang bzhin yod ma yin/ /rkyen la rag las gang de stong par bshad/ /gang zhig stong nyid shes de bag yod yin/ /gang zhig rten cing 'brel 'byung ba/ /de la rang bzhin cung zad med/ /gang la rang bzhin yod min pa/ /de la skye ba na ma yang med/ /gang gi skye bar 'gyur ba yi/ /chos ni nam yang yod mi 'gyur/ /ma skyes pa yi chos rnams la/ /byis pa rnams ni skye bar 'dod/ /ces bya ba la sogs pa'o/ /de'i phyir/ bla ma'i ngag gis ma brgyan pa'i/ dbu ma'ang 'phreng po tsam nyid de/ /zhes bya la smras te/ bye brag rnams bkag nas/ lhag ma khas blangs pa'i yul yin pa'i phyir ro/ /'dir bcom ldan 'das ma bla ma dam pa'i man ngag gis rgyan gyis brgyan pa'i zung du 'jug pa'i de bzhin nyid kyi dgongs pa ni mkhas pa rnams kyi yid 'phrog par byed pa nye bar bstan te/ gang gi phyir yang chos thams cad ni ma skyes pa'i de kho na nyid do/ /de ltar na yang de ni rten cing 'brel bar 'byung ba'i bdag nyid yin pa'i phyir ro/ /nam mkha' i me tog ltar shin tu med pa'i chos ma yin no/ /dngos po las gzhan stong pa min/ /stong pa las kyang de bzhin min/ /de phyir rten cing 'brel 'byung dngos/ /khyod kyis stong nyid rab tu bstan/ /kun rdzob stong pa nyid du bstan/ /stong pa nyid ni kun rdzob po/ /med na mi 'byung nges pa'i phyir/ /byas pa dang ni mi rtag bzhin/ /zhes pa'i tshig gis so/ /skyes pa dang ma skyes pa dag gi zung du 'jug pa nyid na de kho na nyid du rtogs par bya ste/ ma skyes pa tsam ni ma yin no/ /ma skyes pa yi sbyor ba yis/ /skye ba 'dir ni rab tu bshad/ /ces gsungs rab

  355. 178a

    las so/ /de phyir rab rib tsam gyis mthong ba bzhin du chos thams cad mthong ba ni mi shes pa'o/ /rab rib gsal ba ltar rnam pa thams cad du mthong ba med pa ni rgyal ba yin no/ /yang thams cad du mthong ba med pa ni rgyal ba ma yin no/ /yang thams cad du mthong ba med pa la ni kun rdzob kyi bden pa 'byung ba med de/ de med pa'i phyir zung du 'jug par ji ltar 'gyur/ byas pa nyid dang mi rtag pa ltar gnyi ga med na mi 'byung ba'i bdag nyid yin te/ shing dang shing sha pa ltar ni ma yin no/ /shing sha pa med kyang rA? ba la sogs pa yod pa'i phyir ro/ /byas pa nyid dang mi rtag pa nyid dag ni phan tshun spangs pa ma yin no/ /de'i phyir de dag bsgrub par bya ba dang sgrub par byed pa nyid du skyes bu'i bye brag gis so sor gnyis ka yang ma spangs pa nyid ni yod do/ /de bzhin du kun rdzob dang don dam pa dag kyang ngo/ /de'i phyir chos kyi dbyings mngon sum du byas pa'i dus su bcom ldan 'das la kun rdzob 'gog pa dag kyang med do/ /de'i phyir ji ltar brjod pa/ dngos rnams rang bzhin bral te rang bzhin gnyis ka las/ /skye ba yod min rgyu la mi ltos gang las min/ /gang gi gti mug mang po sprin gyi tshogs mtshungs pa/ /'jig rten pa ni yul des log par nges par snang/ /'ga' zhig ji ltar log pa'i rab rib kyis/ /sgra zla gnyis dang rma bya'i 'jug ma sbrang bu sogs/ /'dzin pa de ltar ma lus pa yang gti mug sbyon gyis shes/ /gang phyir 'dus byas pa ni rnam pa sna tshogs 'gyur/ /rnam rtog gang gis rab rib stobs kyi skra shad sogs/ /gzugs kyi 'khrul pa de nyid gang gis mthong ba med/ /dag pa'i ming gis de nyid 'dir shes te/ de ltar blo yi 'od zer gsal ba'i stobs kyis ni/ /de ni lag mthil skyu ru ra bzhin rtogs/ /ma lus srid gsum 'di dag ma skyes pa/ /tha snyad bden pa'i stobs kyis 'gog par 'gyur zhes pa'o/ /skad cig skad cig nyid la 'gog pa

  356. 178b

    'di dag ni/ /ring du song bas 'di ni thob par 'gyur ba yin/ /thabs kyi pha rol phyin thob 'bar ba snang ba 'dis/ /sngar gyi dge ba la sogs kyis thob mi g.yo ba/ /phyir mi ldog pa'i bdag nyid chen por 'gyur ba 'dis/ /rtogs pa de yang rgyal ba'i 'gog pa la sogs pa/ /ma lus phung po'i bud shing sgam po 'di zhi ba/ /bsreg pa'i rang bzhin rgyal ba rnams kyi chos kyi sku/ /skye med 'gag pa med pa'i dus 'dir sems 'gag pa/ /'di la sogs pa'i sku ni mngon sum byas pa yin/ /de yang kho bo cig la sogs pa zung 'jug pa smras pas 'dod pa gang gis kyang ma gtogs te/ de ltar sa bdun pa dang/ sangs rgyas kyi sas ni kun rdzob pa 'gog pa dang/ /sems 'gog pa'i tshogs rnams ni kun rdzob pa bkag pas de la zung du 'jug pa de nyid 'thad par mi 'gyur ro/ /de la gzugs brnyan gyi tshul gyis mthong ba nyid 'gog na de 'gal ba med do/ /gang gi phyir bcom ldan 'das kyis rang bzhin med par rtogs te/ gzugs brnyan mthong ba tsam bkag pas ni ma yin no/ /'on kyang rang bzhin gyis gnas skabs so/ /ji ltar mthong ba de la yod pa min/ /zhes gsungs so/ /de la mthong zhes bya ba ni so so'i skye bo'i 'o/ /de la yod pa ma yin zhes bya ba ni sangs rgyas kyi ye shes pa'o/ /de yang 'thad pa ma yin te/ 'jig rten 'khor kyang 'dir gzugs brnyan rtogs pa nyid ni rang gi ngo bo rtogs pa'o/ /ji ltar gzhan du gzugs brnyan mthong ba zhes ji ltar bya zhes gnyis ka grub pa nyid kyi dpe yin pa'i phyir ro/ /de'i phyir sangs rgyas kyi rang bzhin nyid kyang 'gro ba'i rang bzhin med pa nyid de/ gzugs brnyan bzhin du rab tu snang ngo/ /zhes bya ba'i tshig gis so/ /yang bden pa gnyis mi 'thad pa rig pa ma yin te/ des na de nyid brjod par bya ste/ kun rdzob kyi bden pa las don dam pa'i bden pa tha mi dad pa'i phyir zung du 'jug par rnam par bzhag pa bcom ldan 'das kyis dkon mchog

  357. 179a

    brtsegs pa la sogs pa las/ stong pa nyid kyi chos rnams stong pa nyid du mi byed de/ chos nyid stong pa nyid do zhes bya ba la sogs pa'i tshig gis so/ /kun rdzob kyi bden pa 'gog pa yang kun rdzob kyi bden pa las tha mi dad pa'i phyir ro/ /yang 'gog pa zhes bya ba kho bo cag gi ma yin te/ gzhan nyid kyi rang bzhin gyi gnas skabs ni kun rdzob 'dzin pa la med do/ /'on kyang kun rdzob pa 'di nyid ji lta ba bzhin du de yang ma skyes pa nyid de/ de nyid kyang 'gog pa yin no/ /de ltar na kho bo cag gi yang zung du 'jug pa mi 'thad pa ma yin no zhes pa'o/ /de yang 'thad pa ma yin te/ gang gi phyir skyes pa nyid rten cing 'brel bar 'byung ba nyid de/ de yang 'gag pa'i dus su med do/ /mo gsham gyi bu la sogs pa med pa'i phyir mo gsham gyi bu la sogs pa skyes pa'i rang bzhin du 'gyur ba ni med do/ /de rten cing 'brel bar 'byung ba khyim dang gos la sogs pa ni ma yin no/ /khyim la sogs pa dang gzugs brnyan la sogs pa la brten nas skyes pa de nyid zung du 'jug pa de nyid ni spong ba ma yin no/ /mo gsham gyi bu la sogs pa ni spong bar 'gyur ro/ /de bzhin du kun rdzob 'gog par gyur pa yang yin te/ ji ltar ni 'thad pa ma yin te/ 'di'i yang chad pa'i mthar ltung ba gzhan nyid du gsungs te/ chad pa las ni byas pa med/ / chad pa yang ni rab tu gsal zhes gsung rab las so/ /gzhan dag ni slar yang bla ma'i man ngag gis brgyan brjod par byed de/ ji ltar shin tu g.yer bas phung po dang/ skye mched dang/ khams rnams stong pa nyid du mthong ste/ de ltar yang sems tsam nyid la brten nas su/ /phyi rol don la mi brtag go /zhes bcom ldan 'das kyis bstan te/ bsgom par bya ba dang/ rjes su 'thun pa'i phyir ro/ /gsang sngags kyi tshul bstan pa'i de bzhin gshegs pa'i rgya'i rigs yin pa'i phyir dang/ gsal bar 'gyur

  358. 179b

    pa'i rig pa'i stobs kyis rnam par shes pa nyid phung po dang/ khams dang/ skye mched kyi bdag nyid rnams rig pas de yang phal cher rnam pa dang bcas pa dang/ cung zad rnam pa med pa yang stong pa nyid kyi ting nge 'dzin nyams su myong bar 'gyur ro/ /de yang ye shes rten cing 'brel par 'byung ba'i phyir dang/ rab tu gsal bar 'gyur ba'i phyir med pa la ma yin no/ /don dam par dngos po'i ngo bo ma skyes pa'i phyir yod pa ma yin no/ /'o na ji ltar gcig la yod pa dang med pa dag 'dir dgag ce na bden te/ yod pa nyid dang dngos po'i brten pas 'gal ba'i phyir ro/ /de skad du/ gang yang dngos por skye 'gyur ba'i/ /de la tshad ma la sogs 'gyur/ zhes pa dang dngos po 'di ni rnam rtog 'gyur zhes pa'o/ /de ltar yang tshad mar bya bar 'gyur ba'i tshul gyis 'di dag gis de ltar yang rnam pa thams cad kyi rang rig pa'i ye shes yod pa nyid rab tu bsgrub pa yin te/ ma dag pa nyid ni rang bzhin med pa ma yin te/ ma skyes pa'i rig pas kyang ye shes yod pa bsal ba'i phyir ro/ /de ltar phan tshun 'gal bar gyur pa dag rig pas ma yin no/ /bla ma dam pa'i man ngag gis brgyan pa ni tshad mas nye bar gtang pa dag ni ye shes rang bzhin med pa dag gi de'i bdag nyid nye bar bstan pa ni 'gal bdag nye bar bsdus nas rig par byas pa yin no/ /de ltar yang rnal 'byor spyod pa'i slob dpon gsal ba'i ro yi rang rig yod pa'i mchog yod pa spangs pas tshad ma'i bdag nyid chen po dpal ldan 'dir yang gzhan/ de lta phan tshun 'gal ba sel bar byed pa gcig pu brtan pa gzhan/ /dpal ldan zung 'jug bcings pa rtogs pa'i rgyal sras de ni rgyal gyur cig /de ltar yang gang gi phyir dbu ma'i grub mdza' spangs pa dag log par gnas par 'gyur ro/ /dbu ma'i sgrub par byed pa dag ji srid 'khor ba rgyun ma chad kyi bar du thabs kyi cha legs par gnas pa nyid do/ /

  359. 180a

    de dag kyang ma skyes pa'i stong pa nyid kyi 'bad pa med pa'i shes rab kyi cha yang legs par gnas pa'i phyir ro/ /yung ba dang rdo rgyus kyi spyod pa ltar zung du 'jug pa zhes bya ba'i de kho na gzhan ni dngos po dang dngos po med pa'i bdag nyid de/ de skad du bcom ldan 'das kyis/ dngos dang dngos med bdag nyid de/ /dngos dang dngos med rnam par spangs pa zhes pa'o/ /klu sgrub kyi zhal snga nas kyis gsungs pa/ /dngos dang dngos med gnyis las 'das/ /'ga' zhig ji ltar ma 'das 'dod/ /shes pa ma yin shes bya min/ /yod pa ma yin med min gang/ /gcig nyid ma yin du ma min/ /gnyis ka ma yin gnyis med min/ /gnas pa med pa gsal ba med/ /sems pa med pa mthong ba med/ /skye ba med pa 'jig pa med/ chad ba ma yin rtag pa yin/ /de ni nam mkha' dang 'dra mtshungs/ yi ge ye shes spyod yul min/ /gang gis rten cing 'brel 'byung ba/ /de phyir khyod kyis stong par bzhed/ /dam chos ngo bo de bzhin du/ /de bzhin gshegs pa de dang mtshungs/ /de yi de nyid don dam par/ /de bzhin nyid kyi rdzas su bzhin/ /yang dag slu ba med pa'i don/ /de rtogs sangs rgyas su ni brjod/ /sangs rgyas rnams dang sems can khams/ /don de nyid la tha dad med/ /bdag nyid dang ni gzhan yang 'di/ /des na khyod kyis mnyam par bzhed ces pa'o/ /'dir ni tshul gnas pa tsam nye bar bstan te/ bla ma dam pa'i man ngag nyid las kyang zung du 'jug pa'i de bzhin nyid gsal bar rtogs par bya'o/ /da ni de bzhin nyid kyi ngo bo nye bar bstan nas sngar bstan pa'i dbu ma'i bdag nyid byang chub kyi rang gi ngo bo nye bar bstan pa'i phyir/ dngos po 'di ni byang chub 'gyur/ /chags pa spangs pa'i rang bzhin nyid/ /ces bya ba smras te/ 'di ni zhes bya ba ni mngon sum tshad ma rab tu grags pa'o/ /dngos po zhes bya ba ni phung

  360. 180b

    po lnga'i bdag nyid do/ /'o na dngos po zhes bya ba ni bden pa'i rnam par rtog pa las byung ba rnam par rtog pa'i bdag nyid kyi 'khor ba nyid de/ de ji ltar byang chub tu 'gyur/ de skad du/ mi bden rtog pa las byung ba/ /dngos po rtog pa'i bdag nyid de/ /byis pa rnams ni rmongs pa'i blo/ /'khor bar 'di nyid bshad pa yin/ zhes pa'o/ /de'i phyir chags pa spangs pa'i zhes bya ba smras te/ gzung ba dang 'dzin pa'i dngos po ni chags pa zhes kha cig go /rnam par rtog pa tsam ni chags pa zhes bya ba ni gzhan dag go /de skad du/ dge ba 'am ni mi dge yang/ /gang gi rnam rtog tha dad pa/ /tsan dan la sogs gang dag 'byung/ /me yi bsreg pa nyid du 'gyur/ zhes pa'o/ /de ltar de'i phyir gnyis ka yang 'dir chags pa ma yin no/ /de'i phyir rang bzhin zhes bya ba smras te/ gang 'ga' zhig yod pa dang med pa la sogs pa'i rang bzhin no/ /de yis gang chags pa ni mngon par zhen pa'o/ /de dag spangs te bzung ba dang 'dzin pa'i dngos pos stong pa'i yang rnam par rtog pa'i rang bzhin gyi chags pa yod pa ma yin pa'i phyir de zhes bya ba ni bsam pa'o/ /dngos po zhes bya ba ni rten cing 'brel par 'byung ba tshogs pa las thob pas bya ba yin te/ de yang rnam par rtog pa'am/ thams cad kyang byang chub bo/ /ji skad du/ bla ma dam pa nyid kyi zhal snga nas/ bsten nas skyes pa brtags pas dngos su sdod/ /dngos po yod pa ma yin stong pa ma yin ngo bo nyid/ /tshad pa ma yin sems nyid sna tshogs 'di ni ngo bo gcig /gzugs la sogs pa rgyal ba lnga ni rgyal gyur cig /rnam rtog 'di nyid rten cing 'byung/ /'brel pa sgom pa ma yin no/ /de nyid mya ngan 'das pa ste/ /sems kyi 'khrul pa ma byed cig /kun rtog ces pa 'brel ba ltar/ /ji ltar bde ba bzhin du gnas/ /zhes bya

  361. 181a

    ?? pa la sogs pa'o/ /de nyid rang bzhin kun gyi chags pa yin na gang las skyes par 'gyur ba de'i phyir/ chag pa las ni 'khrul pa 'byung ba zhes bya smras te/ 'khrul pa ni rang gis kyang sgro btags pa'o/ /chags pa ni mngon par zhen pa'o/ /'khrul pa ni yod pa dang med pa la sogs pa'i dngos po'i rang bzhin du sgro btags pas yang nas yang du mngon par zhen te/ 'dir chags pa dang sdud pa dang/ rmongs pa nyid do/ /'khrul pa de gang las spang bar bya zhes bya ba de'i phyir/ /'khrul pa gnas ni med par 'dod ces bya ba smras te/ 'dir 'di'i don ni cung zad 'dir skye ba dang 'gag pas tsher ma dbyung ba lta bur ni ma yin no/ /'on kyang rang bzhin yong su shes pa'o/ /rang bzhin yang ma skyes pa nyid yin no/ /ji skad du bcom ldan 'das kyis/ 'jam dpal ma rig pa ni yod pa ma yin pa'i don no zhes pa'o/ /'di la bsal ba ci yang med/ /mnan par bya ba cung zad med/ /yang dag nyid la yang dag lta/ /yang dag mthong nas rnam par grol zhes bya ba'i tshig gis so/ / de bzhin nyid dang de kho na nyid dag tha dad pa'o snyam du byang chub rtogs te/ de yang de kho na nyid dang bral ba'o zhes 'dri ba ni/ de nyid cis na zhes pa'o/ /dngos rang bzhin zhes bya ba ni lan no/ /dngos po ni rab tu snang bar 'gyur ba'o/ /de ltar sems nyid rab tu spros pa'i rnam pa'i de'i bdag nyid kyi de kho na nyid do/ /dngos po'i rang bzhin yang de kho na nyid yin no/ /rtag par lta ba nyid la brten par 'gyur ba'i phyir/ dngos po dngos med gang yin pa'i/ /zhes bya ba smras te/ gang gis gang la gang gi phyir dngos po ni rang gi ngo bo yin pa dang/ dngos med ni stong pa nyid du rab tu bstan pa'o/ /de'i phyir dngos po'i rang bzhin gi ngo bo nyid ni de kho na nyid do/ /de skad du bcom ldan 'das kyis/ gzugs ni gzugs kyi rang bzhin gyis stong ngo zhes bya nas rnam par shes pa'i

  362. 181b

    bar du 'o/ /sems de yang sems ma yin zhes pa'o/ /'o na gzugs la sogs pa stong pa nyid kyi phyir chad par lta'o zhe na/ dngos po med par yang dngos por 'gyur zhes bya ba smras te/ rab tu bstan pa 'di ni dngos po ste zung du 'jug pa'i de bzhin nyid kyi de kho na nyid de/ gzhan bu ma yin no zhes bstan to/ /bcom ldan 'das kyis chos thams cad kyi rang bzhin gang zhe na/ gang rang bzhin med pa'o/ /rang bzhin dang rang bzhin med pa dag gi gnyis su med pa 'di ni gnyis su med pas gnyis su mi 'gyur ba'o/ /de ltar ni 'gyur mod kyi/ byang chub nyid ni bsgrub byar gyur pa dngos po'i rang bzhin du byas la/ da ni dngos po'i rang bzhin du de kho na nyid ji ltar brjod ce na/ de'i phyir rgyu dang 'bras bu'i rang bzhin gyis zhes bya ba smras te/ gang de bzhin bstan pa'i rig pas bsgrub par bya ba dang sgrub par byed pa dang de kho na nyid kyi bdag nyid kyis nyes pa med do zhes bya ba ni dgongs pa'o/ /yang na 'bras bu zhes bya ba ni dngos po'i ngo bo yin te/ rang bzhin ni rten cing 'brel par 'gyur ba nyid kyi rang rig pa zhes pa'o/ /rgyu dang zhes pa ni de bzhin nyid don dam par ma skyes pa ni lhan cig skyes pa yin pa'i phyir/ dngos po'i ngo bo'o/ /de skad du/ chos kyi dbyings las yang dag byung/ /mi mthun phyogs ni cung zad med ces pa'o/ yang bcom ldan das kyis gsungs pa/ chos rnams thams cad dngos po med/ /chos min mtshan nyid rnam par spangs/ /chos bdag med las yang dag btung/ /byang chub tshul ni bstan pa'o zhes pa'o/ /rgyu dang 'bras bu'i rang bzhin zhes pa la rang bzhin ni gnyug ma ste/ zung du 'jug pa'i ngo ba'o/ /de'i phyir dngos po'i de bzhin nyid ni de kho na nyid du bstan pa'o/ /de dag ni pha rol tu phyin pa'i man gag bla ma'i man ngag gis brgyan pa'o/ /de yang yang dag par shin tu mnyes par byas pa'i bla ma'i zhal gyi pad+ma nyid la gsal bar ro//

  363. 182a

    gzhan du ni ma yin no/ /da ni dngos po kun gyi rang bzhin gyis/ /dag pa de bzhin nyid du 'dod ces bya ba'i tshul gyis de bzhin nyid kyi chos thams cad legs par gnas pa yin/ /de bzhin nyid kyi de kho na nyid bsgom par bya ba sgrub par byed pa'i thabs shes nye bar bstan pa'i phyir /de ltar chos rnams ro gcig ste/ /thogs pa med cing gnas med par/ /ji ltar 'byung ba'i ting 'dzin gyis/ /'di dag thams cad 'od gsal te/ /zhes bya ba smras te/ de ltar ni 'di'i rim pas so/ /ro gcig pa ni de bzhin nyid du ro gcig pa'o/ /chos ni phung po dang/ skye mched dang khams rnams so/ /gzugs la sogs pa'i mtshan nyid ni gzugs la sogs pa rang gi mtshan nyid 'dzin pa'i phyir ro/ /thogs pa med cing zhes bya ba ni rang bzhin sgro btags med pa'o/ /gnas med par zhes bya ba ni ma skyes pa ste/ yod pa dang med pa'i rang bzhin la rab tu mi gnas pa'i phyir ro/ /'od gsal zhes bya ba ni rang bzhin gyi dri ma spangs pas rang rig pa'o/ rab tu 'od gsal ba'i phyir ro/ /de ltar gyur pa'i de bzhin nyid kyi bdag nyid kyi de kho na nyid kyi chos rnams ji ltar mthong zhe na/ de'i phyir ji ltar 'byung ba'i ting nge 'dzin gyis zhes bya ba smras te/ zhi gnas dang lhag mthong zung du 'jug pa dang ldan pa'i lam ni ji ltar 'gyur ba'i ting nge 'dzin no// 'di nyid ni sgrub par byed pa'i dngos po'o/ /'di ltar dngos po gsum du bstan to/ /ji ltar 'byung ba nyid kyi ting nge 'dzin kyang mngon par 'byung ba ni ji ltar 'byung ba'i ting nge 'dzin yang rab tu 'byung ba'i sems kyis 'gyur/ gang phyir de yi gnas rig pas/ /de nyid rgyun mi 'chad la skye/ /zhes bya ba smos te/ 'di lta re zhig bsgom pa rab tu grags pa sems can la snying rje chen po nye bar bzhag pas byang chub tu sems bskyed par bya'o/ /de yang rnam pa gnyis te/ dang po ni 'dod pa rnams la sman pa'i mtshan

  364. 182b

    nyid do/ /gnyis pa ni 'dod pa'i rnam pa yang pha rol tu phyin pa la sogs pa'i rab tu 'jug pa rnams 'jug pa byang chub kyi mtshan nyid do/ /de skad du /sems bskyed pa ni gzhan don byed/ /yang dag rdzogs pa'i byang chub 'dod/ /smon dang gnas pa'i bya ba 'di/ /de yi dbye ba rnam pa gnyis/ /de ni mgon pos yang dag bshad/ /dang po 'dod pa'i rnam pa ste/ /sbyin pa la sogs rnam 'jug pa/ /gnyis pa ru ni rnam par grags zhes pa'o/ /'dod pa'i rnam pa yang gsum ste/ 'dun pa dang bcas par 'jug pa'i dam pa'i chos kyi mngon par byang chub pa 'dod pa'i mtshan nyid dang/ bsam pa dang bcas par 'jug pa'i pha rol tu phyin pa'i spyod pa la 'dod pa'i mtshan nyid dang/ lhag pa'i bsam pa dang bcas par 'jug pa'i byang chub kyi phyogs kyi chos sum cu rtsa bdun bsgom par 'dod pa'i mtshan nyid de/ de la yang sems gsum ni chung ngu dang 'bring po dang chen po ste/ las dang po pa'i sas bsdus pa pha rol tu phyin pa'i tshul ni mngon par rtogs pa'i rgyan la sogs pa las bstan to/ /de las gzhan 'jug pa'i sems ni gnas skabs rnam pa gsum ni/ de la dang po 'jug pa'i lam gyis bsdus pa'i sbyor ba'i gnas skabs te/ de yang nges par 'byed pa'i cha dang 'thun pa zhes bstan to/ /de la rgyu'i gnas ni sa bcus gsungs pa mthong ba dang bsgom pa'i lam gyi spyod yul lo/ /de nas khyad par can gyi lam gyis bsdus pa ni 'bras bu'i gnas skabs so/ /de skad du/ mdza' dag la ni gnyis kyis khyab/ /de las gnas skabs rnam pa bzhi/ /'bras bu rgyu sbyor dang po yi/ /lam gyi gnas skabs tha dad pas/ /zhes bya ba'o// gang nas gzung nas yang sdom pa 'dzin pa sngon du 'gro bas sbyin pa la sogs pa'i bsod nams dang ye shes kyi tshogs la rab tu 'jug pa de ni 'jug pa'i sems so/ /de skad du/ 'gro bar 'dod dang 'gro ba yi/ /bye brag ji ltar shes par ltar/ /de bzhin grangs

  365. 183a

    bzhin tha dad pa/ /mkhas pa yis ni shes par bya zhes pa'o/ /de la shes rab kyi pha rol tu phyin pa spangs pa ste sbyin pa la sogs pa'i dge ba mdza' dag mngon par 'byung ba'i chos yang dag par bsdus pa'i thabs ni bsod nams kyi tshogs so/ /shes rab nyid ni de nyid kyi thabs kyi dngos po yongs su gcod pas ye shes kyi tshogs so/ /de lta bas na yang dag pa'i thabs kyi rig pa phyin ci ma log pas ji ta ba bzhin du rang dang gzhan gyi don byed do/ /de ltar na thabs dang shes rab kyi de nyid bsten par bya ste/ sa la bzhugs pas kyang ngo/ /de skad du bcom ldan 'das kyis/ rmongs pa'i skye bo de ni 'di skad smra bar byed/ /tshul gcig nyid kyis byang chub thob par 'gyur/ /gang stong pa nyid kyi tshul yin te /zhes pa'o/ /'di'i yang thabs dang shes rab kyi rang bzhin rtogs pa sgro 'dogs pa dang skur pa 'debs pa dag spangs pa'i dbu ma rab tu mi gnas pa rtogs pa'o/ /shes rab kyis ni sgro 'dogs pa spangs pa'i phyir ro/ /thabs kyis ni skur pa 'debs pa spangs pa'i phyir ro/ de la dang po thos pa las byung ba'i shes rab bskyed par byas te lung gi sa don la nges par bya'o/ /de nas bsam pa las byung ba'i rig pa dang lung dag so sor brtags te nges pa dang drang ba'i don la nges pas yang dag pa'i don bsgom par bya'o/ /yang dag par ma skyes pa nyid do/ /de yang bstan pa'i rig pas rtogs par bya'o/ /de'i phyir rnal 'byor pas dang po sems brtan par bya ba'i phyir zhi gnas grub par bya'o/ /zhi gnas kyi yang rnyed pa la sogs pa la ltos pa dang bral bas tshul bzhin du gnas te/ sdug bsngal la sogs pa la bzod pas rtsom pas brtson 'grus bskyed par bya'o/ /ji skad du/ tshul khrims gang ldan de ni bzod pa yin/ /gang la rtson 'grus brtan pa bag yod pa/ /gang la yang dag rab tu ldan pa yi/ /de yi ting 'dzin myur du rdzogs par 'gyur zhes pa'o/

  366. 183b

    de'i phyir tshul khrims la sogs pa'i zhi gnas kyi tshogs la gnas pas yid dang 'thun pa'i sa phyogs su lus bsrang ste bde ba'i bstan la 'dug nas snying rje chen po mngon du bya ste sems rtse gcig pa bskyed par bya'o/ /de la re zhig dang por rnal 'byor pas ji ltar nus pas phung po dang/ skye mched dang kham dang gzugs can nam/ gzugs can ma yin pa thad pa'i chos thams cad kyi 'di nyid dmigs par bya ste/ gcig dang du ma'i rang bzhin gyis stong pa nyid du nges par byas la/ 'di nyid kyi rgyun la yang nas yang du sems bslan par bya'o/ /ji srid du sems dang lus sbyangs pa thob par gyur pa de nyid du'o/ /shin tu sbyangs pa thob par gyur pas zhi gnas rdzogs par 'gyur ro/ /de skad du/ dngos po mdza' dag nye bar dmigs par bya phung po la sogs tha dad des bzung stong pa nyid/ /de la rab tu 'jug pa'i yid ni ji bzhin du/ /de srid rab tu ting nge 'dzin dpal ldan zhes pa'o/ /de nas slar yang ting nge 'dzin la gnas pas shes rab kyi mig gis chos thams cad dbyang bar bya'o/ / dpyad nas slar rim par bsgom par bya'o/ /de yi the tshom gyi sa bon sel bar 'gyur ro/ /de bzhin du yang gang zhig gnas la dmigs pas ni sems brtan par 'gyur ro/ /de shes rab kyis dpyad pa las yang dag pa'i ye shes kyi snang ba skye bar 'gyur te/ de la mun pa la snang ba bzhin du ste/ de yi sgrib pa rnams spong bar 'gyur ro/ /de nyid kyi phyir 'di dag mig gis snang ba bzhin no yang dag pa'i ye shes skye ste/ phan tshun so so'i yon tan gyis nges par gnas pa'i phyir ro/ /snang ba dang mun pa bzhin phan tshun 'gal ba dag ni ma yin no/ /ji bzhin mnyam gzhag gyur pa'i shes rab ces bya ba'i tshig gis so/ /gcig tu shes rab kyi rjes su 'thun pa zhi gnas so/ /de'i don ni zhi gnas dang lhag mthong zung du 'jug pa dang ldan pa'i

  367. 184a

    lam sbyin pa dang tshul khrims la sogs pa thabs dang 'jug pa'i sems pha rol tu phyin pa'i tshul la rab tu grags ba'o/ /de nyid phul du byung bas snang ba la sogs pa'i ting nge 'dzin gyi rim pas drod la sogs pa'i nges par 'byed pa'i cha dang 'thun pa ni sbyor pa'i gnas skabs so/ /de nas mthong ba'i lam thob pa rgyu'i gnas skabs so/ /de nas bsgom pa'i rim gyis 'bras bu'i gnas skabs so/ /de ltar de nyid 'jug pa'i sems pha rol tu phyin pa'i tshul gyi rab tu dbye ba rnams ni kA ma la shI la sogs pas bsdus pa dang rgyas pa la sogs pa'i sgo nas bstan te/ de nyid du rtogs par bya'o/ /'dir rgyas pa'i 'jigs pas ma bris so/ /'di lta bur gyur pa'i 'jug pa'i sems ni 'dir dgongs pa ma yin no/ /'dir de dpyad pa las byas pas yongs su ma dag pa'i phyir ro/ /'dir dpyad pa med pa'i sems kyi sngon du bsgom bya ba nyid do/ /gang yang pha rol tu phyin pa'i man ngag ni bla ma'i man ngag gis brgyan pa dang bcas pa'i zung du 'jug pa'i dbu ma nges par rtogs pa'o/ /da ni don dam pa'i stong pa nyid rnam pa thams cad kyi mchog dang ldan pa'i shes rab nyid lhun gyis grub pa rgyan gyis 'jug par 'gyur ba ni zhi gnas te/ gzhan du ma yin no/ /chos rnams thams cad shes nas/ /bsgom du med nyid bsgom pa yin/ /zhes bya ba'i tshig gis so/ /de lta bur gyur pa'i zhi gnas dang lhag mthong zung du 'jug pa dang ldan pa'i lam mo/ /'bras bu thob pa la mos par gyur pa'i 'jug pa'i sems ni 'dir dgongs pa ma yin no/ /de skad du/ chos kyi phung po stong phrag rnams/ /rtogs pa zhes bya stong pa nyid/ /rtogs pa'i don ni dpyad pa yin/ /bla ma dam pa'i dpyad pa med/ /ces pa'o/ /gang gis bum pa la sogs 'dzin/ /bsam gtan de ni de la sbyar/ /rnam pa kun gyi lus gcig po/ /'di rtogs rtog pa chen por

  368. 184b

    'gyur/ /zhes bya ba yang ngo/ /'di dag ni gsal bar bya ba'i phyir/ gang phyir de yi gnas rig pas/ /de nyid rgyun mi 'chad las skye zhes bya ba bstan te/ de ni 'jug pa'i sems kyi gnas zung du 'jug pa de bzhin nyid bdag nyid/ bla ma dam pa'i man ngag gi rig pa/ de nyid stong pa snying rje dbyer med pa don dam pa byang chub sems kyi mtshan nyid do/ /rgyun mi 'chad ba ni skad cig ma so so la skye bar 'gyur ba'o/ /de'i bdag nyid kyi phyir rnal 'byor pa zhes bya'o/ /de la 'jug pa byang chub kyi sems gang zhe na/ shes dang shes bya rnam bral bas/ /'gro ba nyid ni gnyis med 'dod/ /ces bya ba smras so/ yang gnyis med ces bya ba ni rig byed smra ba ltar rtag pa gcig pu ni ma yin no/ /'on kyang gang gcig kyang ma yin du ma yang ma yin pa'i gnyis med pa ni dgongs pa'o/ /de ltar gyur pa ni yang 'gro ba nyid yang dngos po dang dngos po ma yin pa dang/ 'dod ba zhes bya ba la sogs pa bstan te/ de nyid ji ltar 'gyur zhes bya ba la sogs pa la she rab shes bya rnam bral ba /shes bya bas smras te/ dang zhes bya ba ni gang gi phyir gyi don te/ gang gi phyir shes dang shes bya rnam bral ba ni 'gro ba bdag nyid yin pa'i gnyis su med pa'o/ /de la shes dang shes bya rnam bral ba ni rnal 'byor spyod pas rab tu bsgrub pa ste/ 'gro ba ye shes tsam du rab tu bsgrubs par byas ba'i phyir ro/ /de'i yang shes pa tsam 'gro ba la gsal ba ni ma skyes pa'i phyir med pa ma yin no rang bzhin med pa'i phyir yod pa ma yin no/ /zhes pa'o/ /shes pa'i rang bzhin der bral ba'i 'gro ba'i bdag nyid ni dbum pas rab tu bsgrub pa'o/ /'di lta bu thabs dang shes rab kyi bdag nyid kyi shes pa gnyis med pa'i de kho na nyid byang chub kyi sems so/ /de ltar mi 'gyur mod kyi/ /'gro ba nyid gnyis su med pa'i de bzhin nyid kyi byang chub kyi sems zhes bya ba de kho na nyid stong pa

  369. 185a

    rnam par rtog pa'i rgyu mtshan yin pa'i phyir dang/ ji bzhin 'byung ba'i ting nge 'dzin zhes bya ba yang gnyen po'i phyogs la dpyod pa rnam par rtog pa'i rgyu mtshan no/ /de nyid byang chub rtog pa'i rang bzhin can zhes pas 'bras bu la dpyod pa'i rnam par rtog pa'i rgyu mtshan gyi phyir ro/ /'di dag ni yang rgyu mtshan gzhan gyi mngon du gyur par gzhan du snang bar 'gyur la/ gzhan ni yid la mi byed pas yongs su spang bar bya zhes bcom ldan 'das kyis bstan te/ rnam par mi rtog pa la 'jug pa las bstan pa dang ji ltar mi 'gal zhe na/ de la re zhig kha cig 'di skad smra ste/ bsgom pa 'byung ba'i tshogs pas dang por brjod pa nyid de/ bsgrub par bya ba dang sgrub par byed pa dang de kho na nyid do/ /gzhan du na bstan pa 'bras bu med par thal bar 'gyur ba'i phyir ro/ /phyi nas goms par gyur nas ni bsgrub bya la sogs pa'i rgyu mtshan spangs par bstan pa yin no/ /rgyu mtshan yang ni shes pa'i sbyor ba spangs pa'i phyir zhes pa'o/ /de'i shes pa'i dang por bya ba nyid ji ltar 'gal bar 'gyur/ /'di ni rab rib kyi lam ma yin te/ 'dis mi bzod pas lan ni gzhan/ /gnyis dang bral bar rlom pa yang/ /gang phyir de ni 'od gsal 'dod ces bya ba smras te/ 'dir ni 'dir dgongs pa yin te/ de yongs su shes pas de kho na nyid do/ /de kho na nyid rtogs par bya ba'i phyir dpyod pa gsum rnam par spang bar bya ba bstan pa yin te/ mdza' bzhi yongs su spong ba bzhin no/ /gnyen po'i phyogs la ma gnas shing/ /de nyid la yang mi chags pas/ /gang gi 'ang 'bras bu mi 'dod pas/ /de yi phyag rgya chen po shes/ /zhes bya ba'i tshig gis so/ /'dir yang phyag rgya chen po zhes bya ba ni phyag rgya chen po'i de kho na nyid kyi man ngag ste

  370. 185b

    dngos po'i de kho na nyid yongs su shes pa'o/ /yang dpyad pa gsum po 'di rnams kyang ste/ mdza' bzhi la ni mnyam brten nas/ /mdza' bzhi las ni rnam par dag /ces bya ba nyid kyi de kho na du ma ma yin pas 'gal ba ma yin no/ /gnyis dang bral ba ni/ gnyis med pa'o/ /rlom sems ni de kho na nyid du dpyod pa'i rnam par rtog pa'o/ /'di yang 'od gsal ba'i rang bzhin las med pas rang bzhin gyis rnam par dag pa'i phyir ro/ /de ltar sgrub par bya ba dang sgrub par byed par yang 'od gsal gyi rang bzhin du rtogs par bya'o/ /yang 'dir rgyu mtshan yongs su spangs pas yid la mi byed pa zhes bya ba ni 'dir mig btsum pa ltar bum pa dang snam bu la sogs pa ci yang mi mthong ba ni yid la byed pa med pa ni med do/ /yang ni rnam par dpyad pa'am/ bla ma'i man ngag gis dngos po mi dmigs pa nyid ni yid la mi byed pa'o/ /de skad du/ 'gro dang gnas dang 'dug pa dang/ /nyal ba na yang mnyam par bzhag /nyan dang lta dang de bzhin bsgom/ /reg pa dang ni myang ba dang/ /shes rab mig ni dgra pa yis/ / rnam par dpyad dang man ngag las/ /chos rnams thams cad ma skyes phyir/ /mthong ba yang ni mi mthong 'gyur zhes pa'o/ /de'i phyir rgyu mtshan gyi yid la mi byed la/ rgyu mtshan med par yongs su shes pa nyid do/ /yang ni rgyu mtshan la dpyod pa'i rnam par rtog pa zhes pa mtshan mar 'dzin pa'i rnam par dpyod pa'o/ /de yang ma skyes pa nyid de rnam par dag par bcom ldan 'das kyis bstan to/ /ji skad du bcom ldan 'das kyis ting nge 'dzin gyi rgyal po las/ gang dag shes phyir mtshan mar 'dzin// nye bar 'dzin par nges par bstan/ /mtshan mar 'dzin pa med pa'i dang/ /rnam par nges na bstan pa yin/ /mtshan ma'i rang bzhin shes na yang/ de ltar mtshan ma 'byung med 'gyur/ /mtshan ma 'di ni spang bar bya/ /mtshan ma med mthong la 'jug 'gyur

  371. 186a

    mtshan ma spros pa la spyod pas/ /mtshan ma las ni grol ba med/ /gang 'di mtshan ma skyes pa na/ /gang gis mtshan ma skyes pa yin/ /mtshan ma gang la gang gis reg /gang gis mtshan ma 'gog par byed/ /gang gis mtshan ma skye 'gyur ba/ /blo yi chas rnams thob pa med/ /sems 'di yis ni de bzhin sems/ /de phyir mtshan ma 'byung mi 'gyur/ /gang la mtshan ma ma skyes pa/ /ji ltar mtshan ma 'gag par 'gyur de zhes pa'o/ /de ltar gyur pa'i sems pa med pa dang/ rnam par rtog pa med pa zhes bya ba ni sems dpa' dang rnam par rtog pa 'di nyid dag ni rang bzhin med pa'i shes pa de dag med pa ni ma yin no/ /de skad du/ zung du 'jug pa'i dbu ma las/ sems pa'i rnam rtog sbyor ba yang/ /de ni bsam med rtog pa med/ /rnam pa kun mchog thams cad kyi/ /dbang po las 'das rnam pa med/ /dngos dang dngos med bdag nyid de/ /dngos dang dngos med rnam par spangs/ /mdza' bzhi dang ni mnyam ldan pas/ /mdza' bzhi las ni rnam par grol/ /sna tshogs gzhag pas sna tshogs med/ /dogs pa med pas bde ba che/ /'bras bu de nyid rnam rtog rnams/ dpyad pa nyid ni dpyad pa med/ /de dang de skyes thob pa rnams/ /ma skyes pa yi rang bzhin no/ /de phyir rang rig ma skyes phyir/ /gang gi ma skyes 'dod pa yi/ /dpyod pa'i mdza' la mi gnas so rtog pa'i mdza' la 'gyur ba med ces pa'o// yang bla ma'i zhal snga nas gsungs pa/ /rnam rtog 'di ni rten cing 'byung/ /'brel pa bsgom pa ma yin no/ /de nyid mya ngan 'das pa ste/ /sems ni 'khrul par ma byed cig/ ces pa'o/ /yang/ kun rtogs dogs pa kun bral nas/ /ji ltar bde ba bzhin du rgyu/ /zhes pa'o/ /de ltar yang bcom ldan 'das kyis/ gang gis de nyid 'dod pa yis/ /sems dpa' kun la mi sems pa/ /gang sems gang gi bsam du med/ /de ni

  372. 186b

    bsam du med par 'gyur/ /ji ltar sems can de bzhin sems/ /ji ltar sems pa de bzhin rgyal/ /gang gi blo yi bsam du med/ /sems 'di nyid ni rab tu brtan/ /gang gi rgyud 'dir sems pa ni/ /nam yang 'byung bar 'gyur ba med/ /gang la sems pa bsam med pa/ /sems pa thams cad rnam par bral/ /sems pa nyid ni bkug nas sems/ /ring po'i dus su rnam sems na/ /sems pa nyid ni yid byed pas/ /sems pa zad par 'gyur ba med/ /sems pa 'di ni sems pa che/ /chos kyi sems pa bla na med/ /chos kyi sems pa 'di yis ni/ yang dag sems la 'jug par 'gyur/ /'di dag nyid la dgongs nas bla ma rdo rjes gsungs pa/ ye shes gang zhig 'bad med par/ /bsam du med ces de la brjod/ /bsams nas gang zhig bsam med byed/ /de ni bsam du med mi 'gyur zhes pa'o/ /yang na thabs dang shes rab kyi gnyis su med pa de nyid gnyis su med pa'i rnam par dbyer med pa gcad du med pa de nyid ni 'gro ba nyid do/ /de'i phyir thabs dang shes rab kyi bdag nyid ni dngos po dang dngos po med pa dag ro mnyam pa'i dngos po na gnyis su med pa'i ye shes so/ /'di nyid kyang mchog gi rnal 'byor de'i rnal 'byor nyid ni rnal 'byor pa ste/ de'i spyod pa nye bar bstan pa'i phyir te/ de lta'i de nyid nges rtogs nas/ /ji lta de ltar gang de na/ /rnal 'byor mig ni rgyas 'gyur bas/ /kun tu seng ge de bzhin rgyu/ /zhes bya ba smras te/ 'di'i sngar bstan pa'i gnyis su med pa'i de kho na nyid ni bla ma dam pa'i man ngag gis nges par rtogs pa'i rnal 'byor pas so/ /gsung bar byas pa na de kho na nyid nges par rtogs pa'i rgyu nyid do/ /rang 'dod pa'i spyod pa'i rgyur yang bstan pa yin te/ gang zhig dngos med shes rab ste/ /thabs ni dngos po'i mtshan nyid do/ /thabs dang shes rab snyoms 'jug pa/ /rnal 'byor zhes ni bya bar bshad ces bya ba gsung rab las so/ /rnal 'byor gang la yod pa de ni

  373. 187a

    rnal 'byor pa'o/ /rgyu zhes bya ba ni rang 'dod pa'i gnas pas rgyu bar bya'o/ /gang des zhes bya ba ni zas kyis so/ /bza' dang bza' min de bzhin du/ /ji ltar rnyed pa bza' bar bya/ /'dod dang mi 'dod rnam rtog rnams/ / 'dzin pa 'dir ni mi bya'o/ /zhes gsung rab las so/ /ji lta de ltar zhes bya ba ni gang dang de'i lus dang ngag dang yid kyi rnam pas so/ /ji skad du bcom ldan 'das kyi rkang pa 'khru ba dang/ so rtsi za ba dang/ 'thor 'thung bza' ba dang/ /dril phyis dang/ lag pa nyed pa dang/ gos kyis smad 'gebs pa dang/ 'byung ba dang skad smra ba dang/ 'gro ba dang/ dgod pa dang/ khro ba dang/ ma rig pa dang sdang ba'i sems/ /skad cig kyang ni gzhan sems med/ /grub phyir dngos grub 'dod pa yis/ /gang gis blo ni gzhag mi bya/ zhes pa'o/ /mig ni rgyas pa zhes bya ba ni chos thams cad de bzhin nyid kyi bdud rtsi'i rang bzhin gyis gnyen po'i phyogs med pa dang/ dbang po ma bsdams pa med pa de 'dod pa'i longs spyod thams cad kyi sgo nas so/ /de skad du/ dka' thub sdom pa mi bzad pas/ /bsnyen kyang grub par mi 'gyur gyi/ /'dod pa'i longs spyod thams cad la/ /bsnyen na myur du 'grub par 'gyur zhes pa'o/ yang/ lus ngag yid ni yongs dag pas/ /thob po byang chub thob par 'gyur zhes pa'o/ 'o na gsang sngags kyi tshul gyi rnal 'byor pa dang bye brag ci yod ce na/ /phyag rgya bzhi'i rjes su 'gro ba med pa'i phyir dang/ lha'i nga rgyal gyi bde ba chen po'i ro med pas/ /btang snyoms kyi rnam pas mngon par byang chub pa dus ring pos rdzogs pa'i phyir bsgrub par bya ba dang sgrub par byed pa nyid kyi rnam pa bye brag nyid shin tu che'o/ /gzhan gyi pha rol tu phyin pa'i tshul gyi rnal 'byor pa las 'di khyad par yod de/ bla ma dam pa'i man ngag gis dpyad pa'i stong pa nyid zung du 'jug pa'i de bzhin

  374. 187b

    nyid nges par rtogs pas shin tu khyad par 'phags pa'i phyir ro/ /de'i phyir 'di nyid dka' ba'i spyod pa med pa 'di nyid stong pa nyid du ro gcig pa'i de kho na nyid shin tu shes pa dag ni yul gyi grong gi sprul 'dzin pa ltar sprul la rtse yang de'i 'bigs par mi 'gyur ro/ /'di nyid la de kho na nyid kyi ye shes phyag rgya chen po zhes kha cig brjod/ ji skad du thabs dang shes rab mnyam sbyor ba/ /bsgom pa nyid ni rnal 'byor mchog /phyag rgya chen po mnyam sbyor ba/ /bsgom pa ru ni rgyal bas bshad/ /ces pa'o/ / thabs dang shes rab mnyam par sbyor ba bsgom pa tsam ni phyag rgya chen po bsgom pa ma yin te/ pha rol tu phyin pa'i tshul dang/ sngags kyi tshul tha dad pa med par thal bar 'gyur ba'i phyir ro zhes sngags pa dag go /sbyin pa la sogs pa'i bya ba'i sgo nas pha rol tu phyin pa'i theg pa dman pa ma yin te/ dbang po rab kyi de'i yang sbyin pa la sogs pa'i sems tsam yin pa'i phyir ro/ /de skad du/ 'bras bur bcas pa'i nor thams cad/ /skye bo kun la btang sems pa/ /de phyir sems nyid de nyid ni/ /sbyin pa'i pha rol phyin par bshad ces pa'o/ /yang ni mig ni rgyas gyur pas zhes bya ba ni de bzhin nyid kyi rang bzhin chos thams cad rtogs par mig 'bru tshugs so/ /de skad du/ /stong pa nyid kyi stong gsum lta/ /mig ni 'bru tshugs byed par 'gyur/ /mgo ni dma' bar byed pa dang/ /sems dang sems byung blang bar byed ces pa'o/ /seng ge ji bzhin zhes bya ba ni seng ge bzhin du'o/ /kun tu zhes bya ni thams cad 'jig pa med pa'o/ /rjes su rnal 'byor ba rgyu bar bya zhes bya ba ni spyod lam bzhir spyod pas rgyu bar bya'o/ /de skad du/ lus kyi las ni spyod lam yin zhes bya ba la sogs pa'o/ /de skad du/ bcom ldan 'das kyis/ brgya byin dang mtshungs lha min yang/ /mdun na nges par gnas gyur kyang/ /de la 'jigs par mi bya ste/ /seng ge'i tshul du rgyu bar bya zhes pa'o/ /slar yang de nyid kyi

  375. 188a

    spyod pa/ /'jig rten chos las rnam log 'dis/ /smyon pa'i brtul zhugs la brten nas/ /dmigs pa med pas thams cad byed/ /rang byin brlabs pas rnam brgyan pa'o zhes bya ba smras te 'jigs pas na 'jig rten phung po lnga'o/ /de'i chos ni rang bzhin no/ /de las rnam par log pa ni shin tu 'das pa'o/ /rang bzhin dman pa de nyid kyi nyi tshe ba'i bde ba dang/ sdug bsngal dang/ rnyed pa dang/ ma rnyed pa dang/ grags pa dang/ ma grags pa dang/ bstod pa dang/ smad pa zhes bya ba 'jig rten pa'i chos kyang shin tu mnan pa yin no/ /de skad du/ gang 'dir 'jig rten la brten nas/ /phung po 'jig rten ngas bshad do/ /gang 'dir brten par byas pa'o/ /'jig rten chos las rnam par grol/ /byang chub sems dpa' mkhas pa gang/ /'jig rten rang bzhin shes pa nyid/ /phung po nyid kyang yang dag bstan/ /'jig rten chos dang mi ldan pas/ /rnyed pa dang ni ma rnyed pa/ /de bzhin grags dang ma grags pa/ /bstod dang smad dang bde dang sdug /'jig rten 'di rnams kyis ma g.yo/ /de ni der bstan shes rab che/ /'jig rten pa yi chos mkhas pa/ /'jig rten pa yi 'jig par mthong/ /'dis ni g.yo bar yang mi 'gyur/ /'jig rten gnyis las kun tu byung/ /phyin ci log la kun tu gnas/ /de las 'jig rten 'gro shes nyid/ / mkhas pas 'gro ba 'gro bar 'gyur/ /'gro ba drug ni 'jig rten bdag /'gro ba de 'dir rnam shes bya/ /de yi 'jig rten 'gro ba thob/ /mi bden skye bo 'gro ba gang/ /dpa' bo de ni 'jig rten rgyu/ /gang gis mi dgos pad+ma bzhin/ /'jig rten pa yang nyams mi 'gyur/ /chos dbyings gang phyir legs par gnas/ /'jig rten chos rnams mi shes pa/ /de nyid 'jig rten la spyod do/ /de nyid la ni blo ldan spyod/ /'jig rten khams nyid med par shes/ /'jig rten nam mkha' i mtshan nyid de/ /des na de rnams 'gro

  376. 188b

    bar shes/ /'jig rten chos kyi mi gos so/ /ji ltar 'jig rten rab shes pa/ /de ltar srog chags rnams la 'tshe/ /'jig rten pa yang mi nyams par/ /chos rnams kyi ni rang bzhin shes/ /'jig rten chos ni 'di nyid la/ phung po'i rang bzhin yod ma yin/ /gang zhig de ltar rab shes na/ /de rnams 'jig rten dag tu gnas/ /gang gis phung po yongs shes na/ /ma skyes pa gang mi 'byung ba'o/ /'jig rten de yang spyod pa yi/ /'jig rten la yang mi brtan no/ /'jig rten chos ni ma shes pa'i/ /mi mkhas pa ni rtsod par byed/ /'di dag bde ba 'am brdzun pa min/ /gang gis gnyis med ming gi gnas/ /rtsod pa 'di ni yod ma yin/ /de bzhin 'jig rten pa yi chos/ /nga yi shes nas yang dag bstan/ /gang la rtsod pa med pa'i mchog / gang phyir chos ni sangs rgyas bstan/ /'jig rten mnyam pa nyid shes na/ /'di la brdzun med bden pa'ang med/ /bden pa'am gal te brdzun pa'am/ /gal te bstan pa thob pa na/ /nga yi mdza' ru 'dzin par 'gyur/ /mi stegs dang ni khyad par med/ / ji bzhin chos ni 'byung ba'i don/ /de bzhin bden dang brdzun pa min/ /de phyir 'jig rten pa yi chos/ /gang phyir nga yis gnyis med bstan/ /gang gis 'jig rten 'di shes pa/ /ji bzhin 'jig rten 'di yi ches/ /da ni bden dang brdzun pa yis/ / mkhas pas lta ba mi len to zhes pa'o/ /smyon pa'i brtul zhugs ni yid kyis bsam pa med par byed pa nyid do/ /de la brten pa'o/ /de skad du/ 'gro ba bsam pa med par 'gro ste/ bgegs dang bral ba la 'jug pa yongs su ngal ba med pas ngal sos pas skye bo yongs kyis gnas sprul pa med/ 'dod pa dang mi 'dod pa la 'jug pa rnams la 'gro ba dang 'ong ba rnams gus pa ni lha'i bu bzhin du gyur te rol pas 'khor bar spyod ces pa'o/ /thams cad ces pa ni 'jig rten pa'i chos shin tu mnan pas yang

  377. 189a

    mya ngan las 'das pa ma yin/ /yang de nyid 'jig rten las la spyod pa'o/ /bza' ba la sogs pa dang skye ba yongs su 'dzin pa la sogs pa rnams bstan pa'i rig pas byed pa'o/ /dmigs pa med pas zhes bya ba ni dngos po'i de kho na nyid yod pa dang med pa la sogs pa'i dmigs pa med pas dus thams cad du rang rig pa'i bdag nyid ni dmigs pa med pa ste/ rang rig pa yang ma skyes pa'i phyir ro/ /de skad du/ ma skyes pa de nyid blo yi gang skyes skye ba dang bral te zhes pa'o// rang byin brlabs pas rnam brgyan pa'o zhes bya ba ni rang nyid gnyug ma'i de kho nyid kyi bdag nyid du 'byor ba'i sems kyi rgyun de'i bdag nyid du byin gyis brlabs pa'o/ /de bzhin nyid kyi rang bzhin las 'phro ba rang bzhin gyis rgyan pa ni brgyan no/ /de ltar na de nyid kyis 'jig rten chos las rnam log ces bya ba la sogs pa las khyad par byas pa'i phyir ro/ /'on kyang bdag nyid chen po sbyar bar bya'o/ /da ni skabs su bab pa'i don nye bar bsdu ba'i phyir/ /rnyog med de nyid gang bstan cing/ /gnyis su med par gang smras pa/ /mnyam dang mi mnyam spangs pa'o/ /blo gter rnams kyi shes byar rig ces bya ba smras te/ de kho na nyid nges par rtogs pa'i bdag nyid yin pa'i phyir rnyog pa med pa nyid kyi chos rnams kyi dngos po'i bdag nyid de/ de yang thabs dang shes rab tha mi dad pa'i gnyis su med pa'o/ /'dir gzhu mkhan po'i ming gi phyogs gcig bstan pas ni rang gi ming gi gzhu mtshon pa'o/ /de lta bur gyur pa'i yang 'di de kho na nyid kyi snying por gyur pa nyid bstan pa'o/ /de'i phyir mnyam pa dang mi mnyam pa spangs pa ste/ mya ngan las 'das par 'dzin pa dang/ 'khor bar 'dzin pa btang ba'o/ /blo gtar rnams kyi shes byar rigs zhes pa ni mkhas pa rnams kyis te/ gzhan dag gis spyod yul ma yin pa'i phyir ro/ /dge slong dag gam mkhas rnams

  378. 189b

    kyis/ /bsregs bcad bdar ba'i gser bzhin du/ /yongs su brtags nas nga yi bka' / /blang bar bya yi gus phyir min/ /zhes gsung rab las so/ /mkhas pas yang 'dir dpyod pa de yis kyang dam pa'i chos kyi rjes su 'gro bas rab tu 'dzin par bstan to/ /yang rtog ge skam po 'ba' zhig byis pa'i dmigs pa ni ma yin te/ de kho na nyid shes pa'i skal ba med pa'i phyir ro/ /de nyid yang 'dir rtog ge ngan pas zhes bya bar bstan to/ /de skad du/ yang bcom ldan 'das kyis/ rang bzhin ma yin brtags pa min/ /gang la byis pa'i rtog pas brtags/ /rtog ge ngan pas ro dang 'dra zhes bya ba la sogs pa'o/ /de phyir rtog ge'i dpyod pa yang ma yin no/ /rtog ge skam po rnam par spangs pa zhes bya ba la sogs pa'o/ /de kho na nyid bcu pa'i rgya cher bshad pa paN+Di ta chen po slob dpon lhan cig skyes pa'i rdo rjes mdzad pa rdzogs so// //rgya gar gyi mkhan po badzra pAN+Di las mnyan te/ slad kyi paN+Di ta kA lya warma dang/ lo tsa ba shAkya'i dge slong dz+nyA na a kA ra mtshur gyis bsgyur ba'o// // gzhung nyung don mang rgya che rab zab mgon po'i gzhung/ /snying po len la gzhung mang sbun pas ci zhig bya/ /rdo yi rang bzhin mchid bu yin te rin thang chung/ /rin chen dbyig gi snying po chung yang rin thang che/ /glen pa blo gros zhan pas snying po len mi nus/ / gzhung mang spros la dga' zhing gzhung mang don du gnyer/ /snying po'i don la skyon brjod log pa'i lam la zhugs/ /nyon mongs snying re rje la kho bos ci byar yod/ /legs sbyar sgra yi 'brel pa bod skad la med phyir/ /sgra dang don mi 'gal ba bsgyur ba shin tu dka' / /bla ma rdo rje'i spyan sngar yun rings sbyangs pa yi/ /shAkya'i dge slong dz+nyA na A kar mtshur gyis bsgyur/ /log pa'i nga rgyal ldan zhing sdang bar zhugs pa rnams/ /bsgyur ba smad par byed cing phyag sgrogs pa na/ /'di lam brten rang gi logs shig bsgyur//

  379. 190a

    'di la 'chos shing bsgyur na bsam ngan khyed rang shes/ /bdag gi lhag pa'i bsam pa rnam par dag pas bsgyur/ /rnam dag las byung bsod nams dri med bsags pa des/ /'jig rten mdza' dag 'khrul pa rnam spangs snying po'i don/ /zung 'jug dbu ma'i don ni yang dag rtogs par shog/ //dge zhing bkra shis par gyur cig/ (//badzra pA Ni'i rdo rje'i tshig bzhugs pa lags//) //rgya gar skad du/ badzra pA da la nA ma/ bod skad du/ rdo rje'i tshig ces bya ba/ rdo rje 'dzin pa la phyag 'tshal lo/ /dngos po kun gyis bdag gus pas/ /dang po bla ma mchog phyag 'tshal/ /slar yang ri khrod pa de bzhin/ /dgyes pa'i rdo rje ma rgyud du/ /de bzhin gshegs pas sbas pa gang/ /rnam bshad phyag na rigs ldan pas/ /las kyi phyag rgya sogs sgrub thabs/ /slob ma yis ni rtogs phyir bri/ /sangs rgyas kun bdag sdom pa ni/ /a baM rnam par rab tu gnas/ /yang dag dbang bskur shes bya ba/ /gcig pu'i rnam pa bde chen po/ / bum pa'i dbang ni dang po ste/ /gsang ba mchog ni gnyis pa yin/ /shes rab ye shes gsum pa ste/ /de ltar de bzhin bzhi pa yang/ /e yi cha byad bzang po dang/ /dbus su baM gyi rnam par brgyan/ /bde ba thams cad kyis ni gnas/ /sangs rgyas rin chen za ma tog /de las dga' ba skye bar 'gyur/ /skad cig dbye ba tha dad pas/ /skad cig ye shes bde ye shes/ /e baM rnam par rab tu gnas/ /rnam pa sna tshogs rnam par smin/ /rnam nyed de ni mtshan nyid bral/ /skad cig ma bzhi yang dag rtogs// 'di ltar rnal 'byor mas su shes/ /sna tshogs rnam pa sna tshogs brjod/ /'khyud dang 'o byed la sogs pa/ /rnam par smin pa de las bzlog /bde ba'i ye shes za ba'o/ /rnam par nyed pa dpyod par brjod/ /bdag gis bde bde spyad do zhes/ /mtshan nyid bral

  380. 190b

    ba gsum las gzhan/ /chags dang chags bral rnam par spangs/ /dang por dga' ba rnam sna tshogs/ /mchog tu dga' ba rnam par smin/ /dga' bral dga' ba rnam par nyid/ /lhan cig skyes dga' mtshan nyid bral/ /dga' ba dang po 'gro ba nyid/ /mchog tu dga' ba 'gro ba nyid/ /dga' bral dga' ba 'gro ba nyid/ /lhan cig skyes pa gsum mi dmigs/ /pad+ma'i nam mkha' rdo rje'i ze 'bru dag /rdo rje skyil mo krung gis mnan pa'i gnas dag tu/ /sems ni nor bu'i nang du chud pas blta/ /ye shes gang skyes ye shes brjod med gzugs/ /shes rab bcu drug lon pa la/ /lag pa gnyis kyis dam 'khyud nas/ /rdo rje dril bu mnyam sbyor bas/ /slob dpon dbang du bzhed pa yin/ /slob dpon gsang ba shes rab dang/ /de ltar de bzhin bzhi pa yang/ /dbang bzhi yi ni grangs kyis kyang// dga' ba la sogs rims bzhin shes/ /rgod pa'i dga' ba slob dpon te/ /lta ba de bzhin gsang ba'i dbang/ /'khyud pa shes rab ye shes te/ /de yang gnyis kyi gnyis sprod rgyud/ /sems can rnams akyi dngos grub rgyur/ /dbang bskur rnam pa bzhi ru bshad blugs shing dkrus pa 'di yis ni/ /dbang bskur zhes byar mngon par brjod/ /sna tshogs spangs pa'i skad cig la/ /mchog tu dga' bas yang dag rnyed/ /ston pas bka' stsal sems dpa' che/ /bde ba chen po yang dag bzung/ /ji srid byang chub ma thob par/ /sems can don gyi rdo rje 'dzin/ /'di de nyid kyi ye shes che/ /lus kun la ni rnam par gnas/ /byang chub sems ni zla bar gyur/ /bco lnga'i cha yi bdag nyid can/ /A li'i gzugs kyi bde chen po/ /rnal 'byor ma ni de yi cha/ /don gyi bya ba mi byed phyir/ /thams cad mdza' ni 'bad pas spangs/ /bcu drug gi ni cha ma yin/ /lhan cig skyes pa'i ngo bo gang/ /dga' bral dang po mchog gi mdza' / /stong mas stong nyid he ru ka /sh+rI ni gnyis med ye shes te/ /he ni rgyu sogs stong pa'o/ /ru ni tshogs dang bral ba nyid/ /ka ni gang duAng mi gnas pa//

  381. 191a

    khu ba'i rnam pa bcom ldan 'das/ /de yi bde ba 'dod mar brjod/ /'di ni gcig dang du ma bral/ /skad cig gcig la mchog tu dga' / /gnyis su med dang gnyis kyi tshul/ /dngos dang dngos med bdag nyid gtso/ /brtan dang g.yo ba khyab ste gnas/ /sgyu ma'i gzugs ni nyid du gnas/ /dkyil 'khor 'khor lo sogs thabs dang/ /de ni rtag tu nges par grol/ /dkyil ni snying por brjod pa ste/ /byang chub sems ni bde chen por/ /len par byed pas dkyil 'khor te/ /'dus pas dkyil 'khor du ni bshad/ /'khor lo'i tshogs ni nam mkha' i khams/ /yul la sogs pa rnam spyod pa'o/ /rdo rje pad+ma sbyor ba'i thabs/ /de yi bde ba rtogs par byed/ /nam mkha' khams su b+ha ga bsam/ /dbus su bsgom par bya ba ni/ /'khor lo sngon 'gro tshul ji bzhin/ /lnga rnams ji ltar 'byung ba bsam/ /mkha' dbyings shes bya pad+ma la/ /b+ha ga 'dir ni ye shes brjod/ /bsgom pa 'dir ni snyoms 'jug pa/ /de yi bde bas 'khor lor brjod/ /phyag rgya chen por dbang bskur ba/ /ji ltar bde ba chen po yi/ /de nyid 'di yi mthu stobs kyis/ /dkyil 'khor gzhan du mi 'byung ngo/ /bde ba nag po bde ba ser/ /bde ba dmar po bde ba dkar/ /bde ba ljang gu bde ba sngo/ /bde ba rgyu dang mi rgyu kun/ /bde ba shes rab bde ba thabs/ /de bzhin kun tu ru skyes bde/ /bde ba dngos dang dngos med bde/ /rdo rje sems dpa' bde chen brjod/ /dngos dang dngos med gnyis kyang ngo/ /dngos po rtog phyir sangs rgyas pa/ /le los nye bar bcom pa dang/ /rmongs pa rnams kyi nga mi shes/ /rdo rje btsun mo'i b+ha ga mchog /bde ba can nang gnas te/ /e yi cha byad can gyi gzugs/ /sangs rgyas rin chen za ma tog /'chad pa po nga chos kyang ba/ /rang gi tshogs ldan mnyan pa dang/ /'gro ba'i ston pa bsgrub bya ba/ /'jig rten 'jig rten 'das pa ba/ /lhan cig skyes gzhon

  382. 191b

    rang bzhin nga/ /mchog mdza' bral ba dang po ste/ /bo la ka ko la sbyor bas/ /reg pa las ni sra ba'i rdzas/ /sa ni de las skye bar 'gyur/ /byang chub sems ni zhu ba las/ /chu yi khams su yang ni 'byung/ /bskyod pa las ni me yin te/ /'gro ba rlung du rab tu grags/ /bde ba yang ni nam mkha' i khams/ /lnga po rnams kyis yongs su bskor/ /de phyir bde ba de nyid min/ /gang phyir 'byung ba che bde ba/ /lhan cig skyes pa'i ngo bo gang/ /lhan cig skyes par nges par bshad/ /las kyi phyag rgya bstan pa'o/ /rang bzhin nyid ni ma bskyed na/ /bden pa ma yin brdzun pa min/ /thams cad chu zla lta bu ste/ /rnal 'byor ma rnams shes par 'dod/ /'di lta ste/ gtsub stan dang/ gtsub shing dang/ skyes bu'i lag pa bskyod pa las glo bur du me mngon sum du 'byung ste/ / me de ni gtsub shing la yang mi gnas/ gtsub stan la yang med/ skyes bu'i lag pa la yang ma yin te/ rnam pa thams cad du yongs su btsal na gcig la yang gnas pa med do/ /me de yang bden pa yang ma yin/ brdzun pa yang ma yin te/ de ltar chos thams cad yid la gyis shig /de ltar 'khor ba de nyid do/ /'khor ba ma rtogs gzhan du ni/ /mya ngan 'das pa mi shes so/ /'khor ba gzugs dang sgra la sogs/ /'khor ba tshod pa la sogs te/ /'khor ba dbang po rnam nyid do/ /'khor ba zhe sdang la sogs pa/ /chos 'di dag ni mya ngan 'das/ /rmongs pas 'khor ba'i gzugs can nyid/ /'khor ba gti mug med pa dag/ byang chub sems ni mya ngan 'das/ /don dam kun rdzob rang bzhin no/ /'dod chags zhe sdang med cing gti mug med/ / phrag dog med cing ser sna med/ /nga rgyal med cing lta ba med/ /bsgom pa po dang bsgom pa med/ /sna tshogs lhan cig skyes pa rlabs bral ba/ /rang bzhin lhan cig skyes zhes brjod/ /thams cad gcig pa'i sdom pa ni/ /rnal 'byor snying rje'i thabs su 'gyur/ /?

  383. 192a

    rgya rgyu dang rnam par bral/ /stong nyid snying rje dbyer med pa/ /byang chub sems zhes bya bar brjod/ /chos kyi phyag rgya bstan pa'o/ /sngags bzlas dka' grub med cing sbyin bsreg med/ /dkyil 'khor med cing dkyil 'khor ba yang med/ /de ni sngags bzlas dka' thub sbyin bsreg yin/ /de ni dkyil 'khor ba dang dkyil 'khor nyid/ /mnyam pa nyid du sems ni 'dus pa'i rang bzhin no/ /dam pa'i dga' ba dngos dang dngos med dngos por ldan pa med/ /lus po med cing gzung ba med dang 'dzin pa med// sha dang khrag kyang med cing gshang dang gci ba med/ /mi gtsang ba dang rmongs med gtsang sgra dag pa med/ /rang bzhin gzugs med lta pa med/ /sgra med pas na nyan pa med/ /dri yang med cing snom pa med/ /ro med myong ba po yang med/ /reg bya med cing reg pa med/ /sems med sems las byung ba med/ /dpal ldan de bzhin nyid gshegs shing/ /slar yang de bzhin nyid gshegs pa'o/ /shes rab rig pa 'di yis ni/ /de bzhin gshegs par mngon par brjod/ /sgom pa po dang bsgom bya med/ /lha med sngags kyang yod ma yin/ /spros dang bral ba'i rang bzhin du/ /sngags dang lha dag gnas pa dag /rnam snang mi bskyod don yod dang/ /rin chen 'khor 'das snying stobs can/ /tshangs pa khyab 'jug zhi ba kun/ /rnam par sad dang de bzhin brjod/ /tshangs pa mya ngan 'das sangs rgyas/ /'jug pas khyab 'jug nyid du brjod/ /rtag tu dge bas zhi ba ste/ /thams cad bdag nyid gnas pa kun/ /rang rig pa yi ye shes 'di/ /ngag gi spyod yul lam las 'das/ /byin gyis rlobs pa'i rig pa gang/ / kun mkhyen ye shes de rang bzhin/ /ji ltar pha las bde thob pa/ /de yi bde ba rang gi spyod/ /gang phyir 'chi ba'i bde ba 'di/ /de yi bde ba bsam gtan brjod/ /sems can sangs rgyas gcig pa las/ /'on kyang glo bur grib mas bsgribs/ /de dag

  384. 192b

    spangs lha lha nyid kyis/ /sangs rgyas nyid du the tshom med/ /de ltar de nyid bden pa rdzun min/ /gzhan gyis brjod min lhan cig skyes/ /gang las kyang ni rnyed mi 'gyur/ /bla ma'i dus thabs bsten pa las/ /rang gi shes bya bsod nams kyis/ /phyag rgya chen po bstan pa'o/ /mi shes pa yi 'jig rten gang/ /btsan dug zos pas rgyal bar 'gyur/ /gti mug rnam spangs de nyid shes/ /de yi mya ngan yongs gcod 'gyur/ /de bzhin thar pa'i thabs shes pa/ /dgyes pa rdo rje shes byas nas/ /ma rig sogs pas brdung mi nus/ /gti mug la sogs kyis mi 'ching/ /rang rig gis ni yang dag rtog /sangs rgyas ma yin sems can med/ /dmyal ba yi dags byol song dang/ /lha dang lha min mi rnams dang/ /gshang gci'i srin bu la sogs pa/ /rtag tu bde ba'i rang bzhin las// lha dang lha ma yin gyis kyang/ /de ltar bde ba mi shes so/ /'jig rten khams ni gang nas kyang/ /gzhan du sangs rgyas mi rnyed de/ /sems nyid rdzogs pa'i sangs rgyas yin/ /sangs rgyas gzhan du bstan du med/ /? pa smyug mkhan la sogs pa/ /gsod pa don du sems pa rnams/ /de yang dgyes rdor rje shes nas/ /'grub ste 'di la the tshom med/ /byis pa mi shes pas bsgribs pas/ /bgrod pa 'di mi shes pa yin/ /rmongs pa de ni 'khor ba ste/ /'gro drug srid pa'i brtson rar chud/ /rdo rje snying po snying rje che/ / dgyes pa'i rdo rje'i thugs rnyed pa/ /gang zhig yul rnams rnam spyod ba/ /bla med go 'phang thob par 'gyur/ /dngos po'i 'ching bas bcings pa ni/ /de yongs shes pas grol bar 'gyur/ /dngos po med par yongs shes pas/ /dngos po bsgom med shes rab can/ /dngos po bsgom pa yongs shes bya/ /de ltar he ru ka bsgom pa/ /ye shes chen po lus la gnas/ /rtog pa thams cad yang dag spangs/ /dngos po kun la khyab pa ste/ /lus la gnas kyang lus skyes min/ /chos 'byung las skyes ye shes yin//

  385. 193a

    mkha' mnyam de yi thabs dang ldan/ /de las 'jig rten gsum po skyed/ /thabs dang shes rab rang bzhin te/ /dman dang 'bring po mchog dang ni/ /gzhan rnams gang rnams de rnams ni/ /de dag thams cad mnyam nyid du/ / de nyid bsgom pas blta bar bya/ /dman pa phra ba'i dngos po ste/ /mchog ni srid par brjod pa yin/ /'bring po gnyis ni spangs pa pas/ /gzhan rnams shes pa'i dbang po drug /gang rnams du rnams g.yo dang brtan/ /mnyam pa mtshungs pa'i rang bzhin te/ g.yo mnyam de nyid bsgom par bya/ /mnyam pa mtshungs par brjod pa ste/ /de yi 'khor lo ? bshad do/ /ro mnyam pa yi ngo bo ru/ /don 'di yis ni brjod pa yin no/ /'gro ba thams cad de las skyes/ /nga las gnas gsum po yang byung/ /nga yis 'di dag dga' ? par khyab/ /de las gzhan pa'i 'gro ma mthong/ /de ltar nges shes rnal 'byor pa/ /shin tu mnyam gzhag gang goms na/ /bsod nams chung ba'i mi yis kyang/ /de nyid 'grub 'gyur the tshom med/ /yan lag ji snyed bsgyur pa'am?// rab tu rgyal bar smra ba rnams/ /de snyed sngags dang phyag rgya rnams/ he ru ka dpal go 'phangs nas/ /bza' dang btung dang de bzhin khrus/ /'gro ba'am nyal bas bsam par bya/ /de snyed de ni rgyun mi 'chad/ /phyag rgya chen po mngon 'dod pa/ /gang phyir brtan dang g.yo ba'i dngos/ /rtse lcug khri shing la sogs pa/ /bdag gi dngos po'i rang bzhin las/ /dam pa'i de nyid nges par bsgom/ /rang rig pa yi bdag nyid dag /dag pa gzhan gyi rnam mi grol/ /yul rnams dag pa'i rang bzhin pas/ /rang rig pa yi bde ba mchog /gzugs sogs yul dang gzhan dag kyang/ /rnal 'byor pa la gang snang ba/ /de kun dag pa'i rang bzhin te/ 'gro ba sangs rgyas rang bzhin nyid/ /gang dang gang gis 'jig rten bcings/ /de yis bcings pa las grol 'gyur/ /

  386. 193b

    de nyid shes pas 'jig rten grol/ /de nyid rnam spangs grol ba min/ /de phyir gzugs med sgra yang med/ /ro med sems med rnam par dag /reg med chos med rnam par grol/ /dag pa'i rang bzhin 'gro la grol bas shes/ /dug gi dum bu gang nyid kyis skye bo thams cad 'chi ba ste/ /dug gi de nyid shes pa des/ /dug gis dug ni 'joms par byed/ /ji ltar rlung gis bzung de la/ /ma shi bza' ba sbyin par bya/ /rlung gis rlung ni 'joms byed de/ /bzlog pa'i sman du brtag par bya/ /srid pa nyid kyi srid dag byed/ /rnam rtog so sor rtog pa yin/ /ji ltar rnam par chu blug pa/ /chu gzhan gyis ni dbyung bar bya/ /de bzhin dngos po'i rnam rtog kyang/ /rnam par nges par sbyong ba byed/ /ji ltar me yi tshig pa la/ /slar yang me yis gdung bar bya/ /de bzhin 'dod chags mes tshig pa/ /'dod chags me yis gdung bar bya/ /skye bo mi bzad pa yi las/ /gang dang gang gis 'ching 'gyur ba/ /thabs dang bcas na de nyid kyis/ /srid pa'i 'ching ba las grol 'gyur/ /'dod chags kyis ni rnam par grol/ /bzlog pa'i bsgom pa 'di lta bu/ /sangs rgyas mu stegs kyis mi shes/ dam tshig gi phyag rgya bstan pa'o/ /las kyi phyag rgya la sogs ldan/ /rdo rje tshig ni btu byas la/ /bdag gis bsod nams gang thob pa/ /de yis 'jig rten rdor 'dzin shog /rdo rje slob dpon badzra pA Ni'i zhal snga nas mdzad pa/ rdo rje'i tshig rdzogs so// //rgya gar gyi mkhan po de nyid dang/ lo tsa ba mtshur ston dge slong dz+nyA na yA ka ras bsgyur cing zhus te gtan la phab pa'o// (//do ha mdzod kyi dka' 'grel a ba d+hU tI pas mdzad pa bzhugs so//) //rgya gar skad du/ do ha ko Sha pany+dzi kA /bod skad du/ do ha mdzod kyi dka' 'grel/ dpal rdo rje sems dpa' la phyag 'tshal lo/ /rtag tu gus pas bla ma ni/ /'gro ba'i mgon la phyag 'tshal te/ /do

  387. 194a

    ha mdzod kyi dka' 'grel ni/ /sa ra ha pa'i rgyud la bri/ /pad+ma rdo rje zhabs kyis ni/ /des byas lung gi rjes 'brangs nas/ /bcom ldan 'das kyis sngon gsungs las/ /sngon med cung zad med pa med/ /bstan pa drug gi de nyid la// de la brten pas mi shes so/ /rigs la rtsod pa sogs brten nas/ /bram ze la sogs don med yin/ /bdag lta thar pa las nyams shing/ /'gro ba drug gi 'khor bar 'khor/ /mngon sum dang ni rjes dpag gi /tshad ma gnyis kyis phyir spangs shing/ sdig pa'i grogs po brten pa yis/ /yang dag lam las nyams pa yin/ /de phyir bla ma bsten pa ni/ /legs 'dod rnams kyis rtag tu bya/ /de mnyes pa las thar pa dang/ /'jig rten 'di dang pha rol 'byung/ /de bzhin gshegs gsungs bden pa kun/ / mnyes byed slob ma dag la ster/ /'dir re zhig bsten pa rnam drug ni tshangs pa pa dang/ dbang phyug pa dang/ gcer bu pa dang/ rgyang pan pa dang/ grangs can pa dang/ sangs rgyas pa'o/ /de rnams go rims dang/ go rims las bzlog pa'i sgo nas gzhung mkhan pos bstan pa ni/ bram zes bye brag mi shes par/ zhes bya ba la sogs pa nas/ chos dang chos min mnyam dang mnyam mi shes zhes bya ba'i bar ni bram ze sun dbyung ba'i phyir brjod de/ bram zes bye brag mi shes par zhes bya ba ni bram ze ni mi shes pa ste/ so so'i bye brag mi shes pa'o/ /de la so so'i bye brag mi shes pa de ji ltar yin zhe na/ dang po rigs kyi bye brag la de dag gi lung las kyang rigs bzhi'i nang nas mchog tu gyur pa ni bram ze yin zhes smra ba de lung dang rigs pa dang ldan pa sun dbyung bar bya ste/ khyod kyi lugs las bram ze ni tshangs pa'i kha nas skyes so zhes zer ba'i phyir/ gang gi tshe rigs kyi bram ze'i zhes zer na/ sngon gyi dus na bram ze yin gyi da ltar gyi dus na bram ze ma yin par thal te/ sngon gyi 'das zin pas da ltar 'dir ni mngon

  388. 194b

    sum gyi tshad mas bram ze rnams bud med kyi skye gnas las byung ba'i phyir sngon gyi bram ze ni med do/ /de'i phyir rigs gcig med pa bzhin du gzhan bye brag mang po yang med do/ /de rnams bdag gi lung gis tshangs pa'i kha las skyes so zhes zer ba de yang/ sgyu can gyi tshig yin pas brdzun tshig go /yang na/ 'dus byas la bram ze yin par 'dod na/ de yang ma yin te/ rigs ngan yang 'dus byas te/ ma yin te yin no/ /de'i phyir rigs ma grub pas rig byed rang byung ji ltar 'grub ste/ mi 'grub ces pa'o/ /gyi na rig byed bzhi dag 'dod ces gsungs te/ rigs kyi bye brag mi shes pa rnams kyi rang rang gi rig byed bzhi 'don te/ snyan ngag gi rig byed dang/ srid srung dang/ nges brjod dang/ mchod sbyin gyi rig byed do/ /'di nyid gleg? pa la sogs pa ni rigs ngan rnams dang yang 'gal ba med de/ bram ze dang rigs ngan gnyis kyis kyang klog pa las don mi shes par 'dra ba'i phyir ro/ /yang na gal te bram ze rnams kyis sgra tsam rtogs so zhe na/ de ltar na ni sgra tsam gyis rtogs pa ni thams cad kyi thun mong yin te/ ji ltar sgra'i nang na rig byed kyi sgra grub pa ni sgra tsam nyid de/ 'jig rten pas brjod pa'i mtshan nyid yin gyi/ don dam par ni brjod pa cung zad kyang med do/ /sgra mi rtag pa'i ngo bo nyid yin pas sgra rtag pa dang rang byung du ji ltar brjod de mi rjod do/ /ji ltar 'jig rten pa rnams ni yod pa ma yin te/ mi rtag pa nyid yin pa'i phyir ro/ /de bzhin du rig byed la tshad ma med do/ /byas pa ni nyams pa yin gyi rig byed la nyams pa med do/ /grong gtan med pas grong gi mtshams gsal bar yod ces zer ba bzhin no/ /ji ltar na byed pa po med pa yin zhes dris pa la lan du rang gi grub pa'i ngo bo nyid yin pa'i phyir/ skyes bus byas pa nyid ni ma yin no zhes zer na de ni ma yin te/ mngon sum gyis kyang phung po rnams 'jig pa yod par dmigs te/ rten 'brel yin pa'i phyir/ rgyu med pas 'bras

  389. 195a

    bu med de/ sgyu ma lta bu'i ngo bo nyid du mthong ba'i phyir ro/ /rgyu dang rkyen tshogs pa tsam las 'khrul ba 'byung ba'i phyir/ de ltar 'khor ba ma lus pa 'khrul ba tsam du mi shes pa rnams 'gro ba drug gi 'khor bar 'khor ro/ /de la 'khrul pa de 'gags nam lus pa bde ba la gnas par 'gyur ro/ /'thad pa 'dis kyang rig byed ni bya ba tsam ste rgyu med pa'i 'bras bu brtags pas/ 'bras bu gang las skyes te/ /brdzun pa nyid de zhes rgyas par sbyar ro/ /de'i phyir brdzun pa ma lus pa byed pa ston pa ni/ khyim na gnas shing me la bsreg /don med sbyin bsreg byed pa ni/ /du bas mig la gnong par bas/ /zhes bya ba gsungs te/ sa chu ku shas dag par byed/ /ces bya ba la sogs pa smos te/ me la bsreg pa ni me la bsreg pas don ci yod ces bya ba ste/ don med pa'i mar la sogs pa'i sbyin sreg gis ni mchog gi don ma shes na 'bras bu med do/ /gal te 'bras bu yod na rigs ngan gyis kyang de lta bu byas pas 'bras bu yod par 'gyur te/ nges par de 'ba' zhig gis ni du pas mig la gnod par byas te/ shing rlon pa'i du bas mig gdungs pas na zhing sdug bsngal bar 'gyur ro/ /de lta na de kun gyi de nyid gang yin zhe na tshangs pa dang mchog gi tshangs pa yin no/ /zhes zer te/ de yang tshangs pa'i ye shes ni rnam pa sna tshogs su smra ste/ mchog gi tshangs pa ni mchog sbyin pa gcig bu'i tshig ste/ sbyin sreg gi sgo nas thob par 'dod do/ /mtho ris kyi longs spyod la nye bar longs spyod par 'bras bu 'dod pa'o/ /'dod pa nges pa dkar mo bsad nas mchod sbyin byas pas bsad pa dmyal ba la sogs pa'i sdug bsngal nyams su myong ste/ dgongs pas gsungs pa'i don mi shes pa'i phyir ro/ /de'i phyir kun tshangs pa'i rang bzhin yin pas tshangs pa bsad pa ste/ thams cad du tshangs pa'i rang bzhin yin no zhes bram ze'i lung

  390. 195b

    las snang ba'i phyir ro/ /de ltar tshangs pa'i ye shes gang yin pa de yang mi 'grub ste/ bzhi pa mchod sbyin gyi rig byed ni rnal 'byor gyi spyod pa mi shes pas/ rig byed gsum du mchod sbyin byed kyi tshig brjod pa tsam yang bkag go /de ltar rgyun chad pas mchod sbyin byed kyi tshig 'di ni brdzun pa'o/ /'di mchod sbyin gyi nang na tshangs pa'i ye shes las gzhan thams cad med do/ /zhes zer bas de ltar yin pas rig byed gsum yang tshad ma ma yin te/ des na bkag pa'i phyir ro/ /de ci'i phyir zhe na/ rig byed gsum nas kyang bkag pa'i phyir ro/ /de lta na ni bzhi pa mchod sbyin byed med de/ rig byed gsum ga bkag pa'i phyir ro/ /de'i phyir lung gi tshig med pas tshangs pa'i ye shes ga la 'grub ste/ mi 'grub po zhes bya ba'i don to/ /gal te tshangs pa'i ye shes nyams su myong ba yod do zhe na/ shin tu yang brdzun gyi tshig ste/ dngos po thams cad stong pa nyid yin pas mi dmigs na de'i ye shes ji ltar yod de med do/ /nyams su myong ba yang rnam pa dang bcas pas dmigs pa nyid yin na/ de'i tshe de nyid shes pa yin pas phyi rol gyi dngos po thams cad mi dmigs pa'i phyir ro/ /dngos po ni 'jig rten pas brtags pa ste/ mi shes pa'i rang bzhin yin pas don dam par mi 'gyur ro/ /kho bo cag gi lugs kyi don dam pa ni bla ma'i zhal las rnyed pa yin no/ /de ltar bram ze'i bye brag kyang bzhi ste/ tshangs par spyod pa dang/ nags na gnas pa dang/ khyim du gnas pa dang/ dka' thub po'o/ /de yang rig pa ma yin te/ ci'i phyir zhe na/ byis pa'i dus ni bsrung ba dang bza' ba la sogs pa mi shes pas/ tshangs par spyod pa ni brtan pa thams cad kyi lugs kyi ji srid 'tsho'i bar du dam bcas pa brtan po nyid yin par byas pa yin pas/ 'dir byis pa rnams la ni de lta bu'i nges pa med de/ yang ba ga ma la sogs pa byas pa'i sgo nas khyim la brten pa yin no/

  391. 196a

    de la yang nges pa med de/ yang tshangs par spyod pa la sogs pa srid pas so/ /nags na gnas pa yang de nyid la brten nas bsam gtan dang bzlas pa la sogs pa byed de/ mi byed pa yang srid pa'i phyir ro/ /gal te dka' thub tu mngon par 'dod na yang thams cad mchod phyir thogs par 'chang ba dang/ bza' ba gnyis kyis bram ze dang rigs ngan gnyis bye brag med do/ /gnas skabs kha cig tu bram ze nyid rigs ngan nyid de/ ji ltar bram ze mo rkun ma dang rigs ngan gyi spyod pa byed pas/ de'i tshe bram ze rnams kyi rig byed kyi lung ltas nas/ bram ze'i mtshan ma mar dang ku shas bskus nas bram zes 'thungs pas bram ze dag par 'dod pa ni rigs ngan gyi bya ba de nyid do/ /yang dka' thub la gsum ste/ dbyu gu dbyu gu gsum dang ldan zhes gsungs te/ de ltar dbyu gu gcig pa dang/ dbyu gu gsum pa dang/ legs ldan pa'i cha lugs can no/ /yang des de lta bu'i dka' thub spangs nas gzhan la rten pa ston pa ni 'dul ba pa dang/ dad pa'i cha lugs can dag gi zhes gsungs te/ ji srid mchog gi dad pa'i cha lugs su ma gyur pa de srid du ye shes mi rnyed de/ bya ba kun nas spangs pa'i phyir ro zhe na/ de yang ma yin te/ ci'i phyir zhe na/ ma rig pa'i bag chags kyis bzung ba'i phyir ro/ /mngon sum du mthong ste/ khyim spangs nas dka' thub byed pa'i dus su ji snyed rang gi nor la sogs pa yod pa de thams cad bu dang tsha'o la sogs pa la ster zhing/ sems can kun la mi ster te rang gi rigs rgyud 'ba' zhig la chags pas/ rang gi rigs rgyud nyams par mi 'dod do/ / de'i phyir nyams shing rmongs pa ye ni lus/ /rtag tu legs smin la smra ba/ /bden pa nyid ni de mi shes/ /sngon gyi las kyi rmongs par byas/ /de dag gis ni rang yang nyams shing gzhan yang nyams par byed do/ /de nyid bstan pa'i phyir 'gro ba rnams ni

  392. 196b

    'khrul pa nyid du bkol zhes gsungs te/ 'gro ba rnams ni rmongs pa lam ngan pa la zhugs pa rnams so/ /'khrul pa ni brdzun pa'i ngag gis so/ /gzhan yang chos dang chos min mnyam dang mi mnyam shes zhes gsungs te/ 'dir chos ni dngos po'i chos thams cad de/ sems can gyi rigs la sogs pa'i ngo bo snying rje'i yul du gyur pa rnams so/ /gzhan de dang bral ba ni chos ma yin pa ste/ bya ba ma yin pa byed pa'i mtshan nyid dang ldan pa rnams so/ /mnyam pa ni de dang gnyis su med pa'o/ /mi shes pa ni khyad par gyi lam mi shes pa ste/ mdor bsdus na khyad par can gyi grub mdza' mi shes zhes pa'o/ /rgyas par ni gzhan du shes par bya'o/ /dge ba dang sdig pa gnyis mnyam pa ni ma yin no/ /da ni dbang phyug la brten pa rnams sun dbyung ba'i dbang du byas nas/ e ri'i lus la zhes bya ba la sogs pa nas/ bla ma'i yon rnams len zhes bya ba'i bar gyis gsungs te/ de la e ri lus la thal bas byugs zhes bya ba ni/ lho phyogs pa'i mu stegs pa'i slob dpon gyis thal bas lus la byugs pa ni phyi rol gyi thal bas lus g.yogs pa ste/ legs ldan gyi lus la nges pa ma rnyed pa'i phyir ro/ /de yang/ mgo la ral pa'i khur bu khur zhes gsungs te/ mgo la skra sna tshogs kyis byas pa'i ral ba'i khur bu khur ba'o/ /gzhan yang 'jig rten pa la tshul 'chos byed cing/ rang gi khyim du zhugs shing mang me spar nas 'dug pa'o/ /mtshams su 'dug nas dril bu 'khrol zhes pa ni dbang ldan du 'dug nas dril bu dkrol ba'o/ /skyil krung bcas nas mig btsum ste zhes bya ba ni tshul 'chos kyi rab chen po ni 'di nyid de/ mig bar par du blta zhing btsums nas skyil krung bcas pa ni rdo rje'i skyil mo krung ngo/ /de nas rna bar shub shub skye bo slu ni de ltar sngon du bstan pa'i e ri'i slob dpon gyis mtshan nyid mthong nas rmengs pa'i skye bo blang bya dang dor bya mi shes pa rnam kyi rna bar phan tshun shub shub gang la dag gnas pa'i lam 'di ni khyab

  393. 197a

    par can yin pas khyed rnams nyon cig zer ba'o/ /yugs sa mo dang co rag mo/ /'di 'dra'i cha lugs gzhan 'ongs la/ /zhes pa ni yugs sa mo ni khyo dang bral ba'o/ /co rag mo ni zla ba gcig la 'khor gcig za pa'o/ /gzhan ni sna tshogs kyi cha lugs kyis gnas pa'i dka' thub rnams so/ /de rnams rang gi lam de 'jug cing ngo ston pa'o/ /de lta bu'i bla med la khyad par ci yod ce na/ dbang rnams bskur zhing bla ma yi/ /yon rnams len par byed pa yin zhes pa ni rang gi don du yon blang ba'i ched du dbang bskur zhing sems can rnams nyon mongs pa la sbyor bar byed pa ni rang nyid mi shes pa'i phyir ro/ /de ni dbang phyug la brten pa rnams sun dbyung ba'o/ /da ni gcer bu pa rnams yin te/ sen mo ring zhing zhes bya ba la sogs pa nas/ lus kyi dka' thub tsam gyi gdungs zhes bya ba'i bor gyi ston te/ sen mo ring zhing ni de'i lus dri ma'i cha byad can zhes pa ni lus can dang/ sgyu dang g.yo la brten nas rang gi 'dod pa gang yin pa de la ni thar pa'i lam med do/ /ci'i phyir zhe na/ dngos po gcig la rtag pa yang ma yin/ mi rtag pa yang ma yin zer zhing lam mi shes pa'i phyir ro/ /gang dag de la brten pa ni/ thar pa thob pa'i ched du bdag nyid bkol/ zhes la la bsam khral mang pos bskams pa mthong zhes gsungs te/ kha cig ma thos pa'i chos la lta rtog mang po byed pa de yang rigs pa ma yin no/ /dge spyod kha cig lung gi po ti mang po bltas nas zhu gtug byed de/ lung gi don mi shes pas sdig pa'i 'gro bar 'gro bar 'gyur ro/ /de ltar bsam khral mang po byas pas lus bskams te nad dang ldan par 'gyur ro/ /kha cig theg pa che la rgyug byed cing zhes gsungs te/ dge slong kha cig theg pa chen po'i don la 'jug cing/ de nyid kyi theg pa chen po la sbyor bar byed de/ gzhan dag dkyil 'khor 'khor lo ma lus sgom zhes gsungs te/ 'dis ni

  394. 197b

    theg pa chen po sngags kyi nga rgyal la brten nas de yang dmyal ba la sogs par 'gro ba'o/ /gzhan yang kha cig bzhi pa'i don 'chad pa la zhugs zhes gsungs te/ dge slong kha cig bzhi pa'i don 'chad pa ni/ bye brag tu smra ba dang/ mdo sde pa dang/ rnal 'byor spyod pa dang/ dbu ma la sogs pa de yang tshig gi brjod pa mang tsam ste/ de nyid med pa'i phyir don med do/ /yang na bzhi pa ni lhan cig skyes pa ste/ de'i man ngag 'chad pa la zhugs te/ de po ti bltas pa'i nga rgyal tsam gyis 'chad cing rang gi don mi shes so zhe na yang/ de'i tshe bshad pas ci zhig bya ste/ de ltar na phan tshun 'gal ba spyod pas dmyal bar 'gro ba'o/ /kha cig dpyad cing bltas pas lam las nyams zhes pa ni/ kha cig blta zhing dpyad pas rang gi 'dod pa las rnam par nyams te/ lam ni rtog dpyod kyi yul las 'das pa'i phyir ro/ /de yang snying rje dang bral bas mya ngan las 'das pa rnams su ltung ngo/ /la la nam mkha' i khams la rtog par byed ces gsungs te/ la la dag gi nam mkha' i khams la rtog cing dpyad pas rang gi 'dod pa mi 'grub ste/ brtags pa'i phyi rol gyi yan lag can la mngon par zhen pas so/ /lhan cig skyes pa bor nas ni/ /mya ngan 'das pa gzhan la rgyug ces gsungs te/ lhan cig skyes pa dor nas mya ngan las 'das pa'i mtshan nyid gzhan med do/ /de ma shes pas ming gi rnam grangs tsam gyi sgo nas 'khrul pa'i phyir gzhan gyi mya ngan las 'das pa la 'jug par 'gyur bas de ltar 'khrul pas ngan 'gror 'gro bar 'gyur ro/ /de'i phyir 'khrul pa ni rnam par rtog pa ste/ de spangs pas grol ba'o/ /de ltar de dag don dam pa gcig gi mi 'grub ces gsungs te/ des ni dge ba la sogs pa rnams kyis rig pas dpyad bzhin pa'i nyan thos la sogs pa'i mya ngan las 'das pa gcig kyang mi 'grub po/ /'tsho ba'i ched du brtul zhugs dang spyod pa 'ba' zhig la zhugs pa'o/ /de la bsdus pa'i

  395. 198a

    don ni/ gang zhig gang la mos pa des/ /theg pa der zhugs thar pa thob bam ci zhes gsungs te/ gang dang gang mthong bas mos pa gang yin pa de ni nyan thos kyi theg pa'i lam tsam ste/ bcom ldan 'das kyis bstan te/ theg pa de la zhugs pa rnams kyis thar ba ni mi thob ste/ brjod bya dang rjod byed kyi mtshan nyid can yin pa'i phyir ro/ /ji srid du bla ma la bsnyen bkur ma byas pa de srid du rnyed par dka' o zhes bya ba'i don to/ /de ltar phyi rol mu stegs pa la sogs pa de nyid dang bral ba thun mong pa rnams la ston pa ni/ mar me lha bshos nges ci bya zhes gsungs te/ ci zhig mthong ba dang phyag byas pas ci zhig bya zhes pa'o/ /sngags kyi bzlas brjod ci zhig bya zhes gsungs te/ de nyid dang bral ba'i mar me dang/ lha bshos dang sngags? bzlas pa la sogs pas ci bya ste/ dgos pa cung zad med do zhes dgongs so/ /gsang sngags bsten pa de ci dgos zhes pa ni sngags brten pa ste/ sngags kyi bzlas pas ci bya zhes pa'o/ /yang na ye shes kyi de nyid dang bral ba'i mar me dang lha bshos kyis ni dgos pa cung zad kyang med do zhes pa'o/ /de ltar yang/ 'bab stegs 'gro dang dka' thub dang/ /nags la 'gro bas ci zhig bya zhes gsungs te/ 'bab stegs ni bA ra Na si la sogs pa dang/ nags su 'gro ba la sogs pas ci zhig bya zhes pa'o/ /chu la khrus byas tsam gyis ni/ /thar pa rnyed par 'gyur ram ci zhes gsungs te/ 'dis ni khrus stegs la brten nas chu la khrus byas pas thar pa ci la thob ste/ mi thob ces pa'o/ /kye ho brdzun zhing log pa de bor la zhes gsungs te/ kye skyes bu rnams brdzun pa'i 'ching ba log pa'i bshes gnyen gyis smras pa'i khrus stegs la sogs pa 'di thong zhes pa'o/ /'jig rten rgyang pan la sogs pa'i 'dod pas dmyal ba la sogs par 'gro ba gang yin pa 'di thong zhes pa'o/ /sbyin pa med do/ /sbyin sreg

  396. 198b

    med do/ /dge sbyong med do/ /bram ze med do/ /'jig rten pha rol med do/ /ma shi bar du bde ba 'tsho/ /shi nas de yi spyod yul med/ /lus kyang thal ba bzhin song nas/ /slar 'tsho ba lta ga la yod/ /ces bya ba la sogs pa spang bar bya ba nyid yin te/ chang par lta ba yin pa'i phyir ro/ /yang grangs can pa rnams na re/ rtag tu 'gro ba rnams kyi rgyu/ /grangs can gtso bo yin par 'dod/ /ces bya ba la sogs pa rtag par khas len no/ /de yis dge ba ci yi phyir mi byed ce na/ gang gis 'ching bar byed pa thod zhes gsungs te/ mdor bsdus na khyad par can gyi lam ston te/ dam pa'i chos la mos par gyis dang/ de la mos par byas pa gang gis rang gi don dang gzhan gyi don 'grub po/ /rigs pa ma yin pa'i lam bor cig /gang gis rang gi blo rmongs par gnas pa de thod zhig ces pa'o/ /des log pa'i lam dang bral nas lhan cig skyes pa nyid rnyed par 'gyur te/ gzhan gyis ni ma yin no/ /de nyid yongs su shes na gzhan med de zhes bya ba ni/ de nyid lhan cig skyes pa'i ye shes te/ de yongs su shes na gzhan yang thar ba ni cung zad kyang med do zhes pa'o/ /gzhan gyi rnams pa kun kyang 'di nyid yin te/ gzhan thams cad kyi thar pa'i tshogs gang yin par brtags pa de kun kyang lhan cig skyes pa 'di nyid yin pas gzhan ni med do/ /de lta yin na lhan cig skyes pa brjod bya rjod byed kyi 'brel ba'i sgo nas mi rnyed do/ /brjod bya rjod byed 'brel pa ste/ /gsum gyi lhan cig skyes mi rnyed/ /bstan pa'i tshig gi sbyor ba yi/ /bcom ldan 'das kyis cung zad gsungs/ /glegs bam mthong ba tsam gyis te/ /sems can rnams kyis ma rtogs phyir/ /gang dang gang gis dngos mthong ba/ /rang bzhin 'khrul zhing rtogs pa ste/ /de dang de yi dngos mi mthong/ /'khrul med bla ma'i brgyud pas so/ /de'i phyir klog pa de yin/

  397. 199a

    zhes bya ba la sogs pa gsungs te/ klog pa dang 'don pa cung zad ci byed pa thams cad 'jig rten las 'das pa'i lhan cig skyes pa'i ngo bo nyid yin no/ /'jig rten las 'das pa 'ba' zhig ni ma yin te/ 'jig rten pa'i yang bstan bcos rnying pa 'chad pa'ang de yin no zhes gsungs te/ gang cung zad bstan bcos rnying pa la sogs pa 'chad ba de thams cad lhan cig skyes pa nyid yin te/ gzhan ni ma yin no/ /yang de lta bu yi lta ba ni/ /mtshon par nus pa yod min te zhes pa ni/ de ltar lhan cig skyes pa bstan pa'i rim pas ji srid du skyes bu lam ma mtshon na de srid du thar ba mi 'thob ste/ gang gi de'i dus nyid du nyon mongs pa zad par byed pa'o/ /de ji ltar rtogs she na/ 'on kyang gcig tu zhes bya ba la sogs pa gsungs te/ 'di ni bla ma mchog gi zhabs la gus pas rnyed do/ /de gsal bar bya ba'i don du gal te bla mas gsungs pa ni gang gi snying la zhugs pa ni zhes gsungs te/ gal te bla mas gsungs pa'i lam snying la zhugs shing rtogs pa de'i tshe/ lag pa'i mthil du bzhag pa'i gter mthong ba dang 'dra ba'o zhes gsungs te/ ji ltar skyes bu kha cig gis yid bzhin gyi nor bu rnyed na de'i tshe de'i stobs kyis nges par sbyin pa la sogs pa byed do/ /de bzhin du 'dir yang lhan cig skyes pa'i ngo bo nyid thob na/ yid bzhin gyi nor bu yin pas sems can thams cad lhan cig skyes pa'i ngo bo nyid du byed pa dang/ nor la sogs pa'i dngos po thams cad yongs su gtong bar byed do/ /'di lta bu'i lam mi shes pas gzhung mkhan po mnga' snun na re/ 'di skad smra zhes mi shes pa'i yul la yid gdung bar byed pa'o/ /'gro ba rnams ni 'khrul pas bslus/ /zhes pa ni 'gro ba thams cad 'khrul pa ste/ mu stegs pa'i lam la sogs pas bslus pa'o/ /gnyug ma'i yang rang bzhin ni byis pa rnams

  398. 199b

    kyis ma mtshon no zhes bya ba ni byis pa'i skye bo rnams kyis gnyug ma'i rang bzhin lhan cig skyes pa ma mtshon pa ni/ bla ma dam pa mnyes par ma byas pas so/ /de'i phyir de rnams 'gro ba rigs drug gi sdug bsngal nyams su myong bar 'gyur ro/ /skyon 'di rnams ni mu stags pa 'ba' zhig gi ma yin gyi/ dge sbyong la yang yod pa yin par bstan pa'i phyir/ bsam gtan med cing rab byung med ces gsungs te/ gang gi tshe yang dag pa'i ye shes dang bral ba'i dge sbyong nges rab tu byung ba blangs te/ 'dul ba las byung ba'i mtshan nyid kyi bslab pa la slob kyang de rnams la 'bras bu med do/ /de ci'i phyir zhe na/ khyim na gnas pa'i chung mdag dang lhan cig tu zhes gsungs te/ gang gi tshe khyim la sogs pa la brten par gyur pa de'i tshe spyod lam phun sum tshogs pa nyams pas tshul khrims nyams pa dang/ dam bcas pa gcig nyams pas thams cad nyams par 'gyur ro/ /ji ltar skyes bu gcig gis dug zos nas shi ba mthong ba las skyes bu gzhan kun kyang dug la 'jigs pa skye ste/ de'i tshe gang cung zad zas legs par brtags te za bar byed pa 'am/ dug gi de nyid la bslab par bya'o/ /de'i phyir dang po nyid nas legs par dpyad cing brtag par bya'o/ /de ltar ma byas na nyams par 'gyur ro/ /de ltar gang cung zad spyod lam dang dka' thub la sogs pas blangs pa de thams cad dam bcas pa brtan pa'i sgo nas bsrung bar bya'o/ /yang/ gang zhig 'dod pa'i yon tan rnams/ /spyod pa yis kyang mi grol na zhes gsungs te/ gal te legs shing brtan pas yul bden pa'i dga' ba mi gtong na/ de'i tshe mnga' snun na re de nyid ni/ /yongs su shes pa min zhes smra zhes gsungs te/ de'i tshe gzhan yongs su brjod pa la dgos pa ci yod de/ /skad cig ma'i bde ba ma spangs pa'i phyir gang gis sdug bsngal nyams su myong ba nyid du byed pa'o/ /yang na yul gyi bde ba 'dod

  399. 200a

    pa'i yon tan lnga la de nyid shes pas longs spyad kyang grol bar mi 'gyur na/ de'i tshe ye shes skam po brjod pas grol lam ste/ mi grol lo zhes bya ba'i don to/ /gal te mngon du gyur pa na/ /bsam gtan gyis ni ci zhig bya// gal te lkog tu gyur na yang/ /mun pa yis ni bkol ba'o zhes gsungs te/ gal te mngon sum du gyur na de'i tshe bsam gtan gyi ci bya/ gal te lkog tu gyur pas ma mthong na mun pa 'jal ba dang 'dra bas ci yang mthong bar mi 'gyur ro/ /'dis ci bstan zhe na/ brtul zhugs la rab tu byung ba la sogs pa brtul zhugs ma lus pa ci'i phyir byed de/ mun pa nang 'jal ba dang 'dra bar 'jig rten pha rol gyi 'bras bu ma mthong ba'i phyir ro/ /mngon sum gyi shes pa de ji lta bu yin zhe na/ mda' snun ngas ni bos pa yin zhes gsungs te/ bsangs nas bzlas pa ni ma yin te/ sems can thams cad la skad chen pos gsal por bdag gi de nyid bstan pa'o/ /de yang gang yin zhe na/ lhan cig skyes pa'i rang bzhin ni/ /dngos dang dngos med ma yin no/ /'dir dngos po ni mig la sogs pa la snang ba'i dngos po gang yin pa dang/ yid kyis brtags pa'i dngos po rnams so/ /gang gi phyir de dag thams cad lhan cig skyes pa'i ngo bo nyid sna tshogs su bskyed pa'o zhes de ltar rtog par byed na/ de yang grol bar mi 'gyur ro/ /de bas na so so rang gi rig par bya ba yin pas dngos med ma yin no de ltar yang/ 'di la bsal bya ci yang med/ /gzhag par bya ba cung zad med/ /yang dag nyid la yang dag lta/ /yang dag mthong nas rnam par grol zhes gsungs so/ /de ji ltar zhe na/ rig pa bstan par bya ste/ 'dir rkang gnyis la sogs pa bde ba las skyes shing bde ba 'dod pa'i pha dang ma'i sbyor ba las skye bar 'gyur ro/ /ma rtogs pa de cis lan zhe na/ de'i phyir so so rang gi rig par

  400. 200b

    bya ba yin pas dngos med ma yin no/ /de ci'i phyir zhe na/ de'i rang bzhin brjod du med pa'i phyir 'chi ba mdza' i bde ba zhes ston to/ /de nyid kyi phyir/ gang la brten te 'chi ba dang/ /skye dang gnas dang 'ching 'gyur ba/ /de la brten nas mchog gi ni/ /bde ba chen po mchog 'grub po/ /zhes gsungs te/ bde ba gang gis 'ching bar 'gyur ba de nyid kyis skyes nas gnas shing 'ching ste/ de nyid phal pa'i bde ba la chags pa'i phyir ro/ /de nyid kyang yang dag pa'i bla ma'i brgyud pas blangs na mchog gi bde ba chen po 'grub po zhes bya ba'i don to/ /skad gsang zhes bya ba la sogs pa ni go sla'o/ /de so sor bshad pa ni/ bsam gtan dag dang bral bas na/ /bsam gtan gyis ni ci zhig bya/ /rnal 'byor lung gang brjod du med/ /de la ji ltar bshad du yod ces gsungs te/ 'dir dang por re zhig sems ni brjod bya dang rjod byed kyi mtshan nyid dang bral ba'o/ /de gang yin zhe na/ lhan cig skyes pa'i ye shes te/ /de ni rtogs par byas pas ma yin te/ rgyu dang 'bras bu dang bral ba'i phyir/ 'bras bu'i rnam par bzhag pa med do/ /de'i phyir gang brjod du med pa de la ji ltar bshad du yod ces pa'o/ /da ltar yang/ 'di ni re zhig brdzun kun te/ /ji srid ji srid rtogs gyur pa/ /ji ltar gyur pa de de bzhin/ /de nyid gang du mi rtog pa'o/ /gzhan yang/ 'di yi rang bzhin dang ba ste/ /rnam pa med cing rdul bral ba/ /sangs rgyas ma gtogs gzhan gyis ni/ /de ni rtogs par mi nus so/ /cig shos skye 'gros rtogs pa ltar/ /sangs rgyas kyis kyang mi rtogs so/ /de nyid rten cing 'brel 'byung nyid/ /de nyid sangs rgyas kho nas shes/ /zhes gsungs so/ /de'i phyir mi shes pas g.yogs pa rnams kyis de nyid rtogs par mi nus zhes pa'o/ /mi shes pa de gang yin zhe na/ srid pa'i phyag rgyas 'gro ba rnams/ /ma lus pa ni khol bor byas/ /gnyug ma yis ni rang bzhin ni/ /sus kyang blangs pa yod

  401. 201a

    ma yin/ /zhes gsungs te/ srid pa'i phyag rgyas 'gro ba ma lus pa dbang du byas pa yin te/ srid pa'i phyag rgya ni yan lag can ma ste/ sems sdig che ba dang rgyu dang ldan pa des 'gro ba rnams khol por byas pas/ /gal te 'dod na 'dod pa'i srid pas srog gcod pa la sogs pa thams cad byed pa la 'jug ste/ 'dod pa'i bde ba des 'gro ba kun smyon pa ltar byed pa'i phyir ro/ /de'i phyir rang bzhin gnyug ma ni yang dag pa'i de nyid do/ /sus kyang blangs pa med pa ni sus kyang rtogs pa med pa'o/ /gzhan yang nor gyi srid pas sngags dang rgyud la sogs pa bshad pas 'gro ba rnams rmongs par byed par 'gyur ba ni/ rgyud med sngags kyang med pa ste/ /bsam bya dang ni bsam gtan med/ /ces gsungs te/ 'di ni gzhung byed pa pos snying rje'i dbang gis gsungs te/ rgyud dang sngags tsam pas ni thar pa thob pa ma yin no/ /de dag gis ni/ kye rmongs pa de kun 'khrul pa'i rgyu zhes gsungs te/ kye rlung po rgyud dang sngags de dag ni srid pa thams cad phun sum tshogs pa'i 'byor pa'i rgyu'o/ /yang na 'khrul pa ni gang gis sdug bsngal nyams su myong bar byed pa'o/ /de'i phyir /dri ma med pa'i sems la ni/ /bsam gtan gyis kyang bslang mi bya zhes gsungs te/ dri ma med pa'i sems mi shes bsam bslad cing mang cings zhes bya ba'i don to/ /ci'i phyir dri ma med ce na/ sems zhes bya ba ni gnyis te 'jig rten dang 'jig rten las 'das pa'o/ /'jig rten pa'i rnam par rtog pa'i mtshan nyid can ni sngon du sun byung zin to/ /'jig rten las 'das pa gang yin pa de ni lhan cig skyes pa'i ngo bo 'am chos kyi sku'i mtshan nyid nyid do/ /de'i phyir/ bdag nyid bde gnas gdud ma byed ces gsungs te/ 'dis ni rnam par mi rtog pa'i bde ba chen po'i ngo bo nyid du khams gsum rnam par gnas pa'o/ /de bas na bdag nyid brlag par

  402. 201b

    ma byed cig ces sdug bsngal ma gnas zhes bya ba'i don to/ /bde ba'i rang bzhin du gyis shig ces pa'o/ /de ji ltar bya zhe na/ za zhing 'thung la zhes bya ba la sogs pa nas mnan nas 'gro ba'i bar gyis ni spros pa dang bcas pa'i spyod pa ston te/ ji ltar rgyal po in b+hU tis byas pa lta bu za ba dang 'thung ba dang 'dod pa'i yon tan lnga la longs spyod cing gnyis sprod pa'i bde ba gyis shig ces pa'o/ /yang dang yang du 'khor lo 'gengs zhes pa dang/ yang thod pa la sogs pa blangs la gtor ma sbyin zhing tshogs kyi 'khor lo ba'i gang zag rnams lha'i gzugs kyis gnas pa'o/ /'dis ni 'grub par 'gyur te/ skal ba dang ldan pa'i 'jig rten pa rnams ye shes grub pa ste/ phyag rgya chen po'i dngos grub 'grub pa'o/ /rmongs pa'i 'jig rten ni mu stegs pa la sogs pa'i 'jig rten pa bsten pa ste/ de'i mgo bor bdog pas mnan nas 'bro ba ni de thams cad 'dul bar byed pa'o/ /'dis ni phyag rgya chen po 'grub pa ste/ de'i gdams ngag gang yin zhe na/ gang du rlung dang sems mi rgyu/ /nyi ma zla ba 'jug med pa/ / de la rmongs pas sems ngal sos/ /mda' snun gyis ni man ngag bstan/ /zhes gsungs te/ gang bla ma'i man ngag gis skye 'gro thams cad kyi de kho na nyid rang gis nyams su myong ba de la sems ngal sos pa dang bdag nyid chen po thob par 'gyur ro/ /de lta bu'i gnas pa de la rlung dang sems mi rgyu zhing/ de nyid la nyi ma dang zla ba 'jug pa med do/ /rnam par rtog pa med pa tsam ni ma yin te/ dngos po thams cad 'gags par 'gyur ro/ /ji ltar byis pa rnams kyis dgongs te bstan pa'i skad mi shes pas/ yid dang rlung mnyam par 'gag pa la brten nas sdug bsngal bar 'gyur ro/ /de bas na 'dir 'gog pa zhes bya ba ni 'gag pa'i tshig ste/ rlung 'gog pa rba rlabs kyi dgos pa ci yod ces pa'o/ /ji srid du lus yod par rlung rgyu ste/ de srid du rlung 'gag pas 'gro

  403. 202a

    pa'i snyoms 'jug gam 'ching bar gyur pa ste/ de'i phyir bla ma dam pa'i man ngag las shes par bya'o/ /mda' snun zhes bya ba ni sogs pa ni go sla'o/ /'on kyang rlung ni byang chub kyi sems so/ /de nyid bdud rtsi yang yin te yid bde ba'i ngo bo'o/ /de ltar nyi ma dang zla ba ni 'dod chags dang 'dod chags dang bral ba'o/ /de dag gis brtags pa ma yin pa'i lhan cig skyes pa gang yin pa de blang bar bya'o/ /de lta bu'i gdams pa ni thob nas gnyis su mi bya gcig tu bya zhes bya ba nas rigs la bye brag med par ni/ /khams gsum lus 'di thams cad la/ /'dod chags chen po gcig tu 'gyur/ /de ni thogs bar mdza' med/ /srid min mya nga 'das pa min/ /bde ba chen po mchog 'di la/ /bdag dang gzhan du yod ma yin/ /mdun dang rgyab dang phyogs bcu ru/ /gang gang mthong ba de de nyid/ /de ring da ltar 'khrul pa chad/ /da ni su la yang dri mi bya/ /dbang gang du nub gyur tsam na/ /rang gi ngo bo nyams par gyur/ /gegs dag de ni lhan cig skyes/ /bla ma'i zhal nas gsal bar dris/ /zhes bya ba'i bar ni go sla'o/ /'on kyang thams cad bla ma'i gdams ngag gis khyab pa'o/ /de'i phyir de thams cad lhan cig skyes pa'i rang bzhin du gyis shig ces pa'o/ /kha cig tu gal te 'khrul pa yod na de'i tshe/ bla ma'i zhabs kyi gang du gsal por dri bar gyis shig dang/ /nges 'khrul pa med par 'gyur ro/ /des na de'i tshe bla ma'i bka' lung gi gdams ngag sten pa'i tshul gsungs te/ yid ni gang shi rlung gar dengs/ /zhes gsungs te gang gi phyir yid shi ba dang rlung yang zad cing dengs par 'gyur ro/ /de gnyis 'ba' zhig ni ma yin te/ gzhan yang 'di ni bde chen mchog yin te/ spangs nas gar yang mi 'gro'o zhes gsungs te 'dis 'di ltar ston te/ mchog gi bde ba chen po gang gis ma thob pa de spangs pa ste/ yang dag pa'i bla ma'i

  404. 202b

    gdams pa dag med pas brjod bya dang brjod byed kyi 'brel pa ston pa'i sgo nas cung zad kyang mi rnyed do zhes pa'o/ /gar yang mi 'gro'o zhes pa ni gang du yang mi 'gro ba ste/ ngag gi spyod yul ma yin zhes dgongs so/ /de skad du yang/ blo yi spyod yul ma yin ngag gi spyod yul dag las 'das/ /bla mas bstan pas dngos po brjod cing 'jug pa dag la ring/ /de yang rigs kyi snying rje dag sogs yon tan med pa'o /dad ldan sems kyi go 'phang la ni rang nyid kyis ni 'char zhes gsungs so/ /kye hor rang gi 'di la ma 'khrul cig/ dngos po dngos po med pa ni/ /bde bar 'gro ba'ang 'ching ba ste/ zhes gsungs te/ rang rig pa ste thog ma med pa'i dus nas brtags pa'i bde ba zhes grogs po dag rtogs par ma byed cig /gal te byed na rmongs par 'gyur ro zhes pa'o/ /de'i phyir dngos po ste gong du bstan pa'i mtshan nyid dang dngos po med pa'i mtshan nyid ni bde 'gro'i rnam par rtog pa ste/ kye rmongs pa de thams cad 'ching ba yin no/ /gser gyi sgrog dang lcag kyi sgrogs la 'ching bar bye brag med de/ de'i phyir 'di thams cad bor bar bya'o/ /de ltar dam par yang rtog ste/ /'jug par mi 'gyur mkhas pa yin/ /dge ba dang ni mi dge yang/ /rtog pa nyid du bye brag med/ /mes ni sreg par byed pa la/ /bud shing khyad gyi bye brag med/ /reg bzhin pas na de sreg ste/ /tsan dan la mar me yang ngo/ /'di ji ltar bya zhe na/ kye ho rnal 'byor gnyug ma yin/ /yid la nan tan gyis la ltes/ /ji ltar chu la chu 'dres bzhin/ /zhes gsungs te/ kye rnal 'byor pa gcig tu sdong dang gnyug ma'i yid dngos po dang dngos po med pa spangs pa 'am/ 'od gsal gyi ngo bo nyid la ltos shig ces pa'o/ /gcig tu sdod pa'i rnal 'byor ni sems kyi 'jug pa dmigs pa la sems rtse gcig pa'am shes pa dang shes bya'i mtshan nyid do/ /de yang gang chu la chu gzhag pa bzhin du gzhag ste 'dres pa de lta

  405. 203a

    bur gyur na rnal 'byor du 'gyur ro/ /brdzun pa'i bsam tan dag gis ni/ /thar pa nyid ni ji ltar rnyed/ /sgyu 'phrul gyis ni zla ba dag /ji ltar pang du blang bar bya zhes gsungs te/ brdzun pa'i sgra shad ni rab rib can gyi lta bur thar pa rtogs par ga la 'gyur te mi 'gyur ro/ /de'i phyir de lta bu'i dka' thub des shin tu rnyed par dka' o/ /ci'i phyir zhe na/ sgyu 'phrul dra ba ni khams gsum ma lus pa'o/ /ji ltar pang du blang bar bya ba ni de lta bus rtog par mi nus zhes pa'o/ /'on kyang bla ma mchog gis gsungs pa rnams/ /thams cad la ni yid ches kyis/ /mda' snun nga yi dag gis bstan/ /zhes gsungs te/ gal te re zhig bla ma'i bkas/ /bden par yid ches de yi tshe/ /bla ma mtsho skyes rdo rje mchog gi zhabs kyis gsung gis ngas 'dir do ha ko Sha'i 'brel pa byas so/ /gdod nas dag pa'i nam mkha' la zhes gsungs te/ de ltar bla ma'i gdam ngag gis yid ches par byas nas srid pa thams cad kyi ngal las gang yin pa de thams cad dag par 'gyur ro/ /ci'i phyir zhe na/ bltas shing bltas shing mthong ba 'gag /ces gsungs te/ ji ltar thag ring ba la smig rgyu la chur mthong ba yang dang yang du bltas pas mdza' i 'gag par 'gyur ro/ /de bzhin du 'dir yang dpyad bzhin pas thams cad khyad par can gyi chos sku'i rang bzhin du 'gyur te/ gzhan du ni ma yin no/ /ji ltar dpyad ce na/ bla ma dam pa'i gdams ngag mngon du byas pa'i rgyun gyis ni/ de yang rnam par rtog pa'i sgom pa ni rmig rgyu'i chu bzhin no/ /gal te de nyid kyis sangs rgyas 'grub bo zhes zer na/ de'i tshe sangs rgyas rten 'brel du 'gyur te/ mun pa med pa'i snang ba bzhin no/ /grib ma med pa dang nyi 'od bzhin du khyad par can gyi sprul pa'i sku 'di las 'byung ngo/ /yang dag 'gog pa las ni khyad par can

  406. 203b

    gyi chos sku'i rang bzhin du 'gyur ro/ /de yang thams cad kyi rang bzhin no/ /zhes dgongs te/ yang de la yid shi zhing 'gag pa zhes ni mi bya'o/ /de lta bu mi shes pa rnams la 'di lta bu'i nam mkha' la/ /gang zhig gi ni dus su 'gog / gnyug ma'i yid kyi skyon gyis ni/ /byis pa rnams kyis mgo'o zhes gsungs te/ de lta bu'i nyon mongs pa dus su 'gog pa ni ma skyes pa'i dus te thams cad kyi 'jig pa'i dus zhes dgongs so/ /de'i tshe nges par srid pa la mngon par zhen pa'i skyon gyis byis pa mu stegs pa rnams bslus te ma rig pa'o/ /de nyid kyi phyir nga rgyal gyis ni skyon gyis ni/ /de nyid mtshon par mi nus so/ /zhes gsungs te/ log pa'i shes pa'i nga rgyal gyis de nyid mtshon par mi nus so/ /theg pa ma lus sun 'byin cing zhes gsungs te/ de skyon dang ldan pas ma lus pa'i theg pa ngang lam sun 'byin cing/ ma rungs pa'i skyes bu bzhin no/ /'jig rten pa kun theg pas rmongs zhes gsungs te/ 'jig rten pa kun rang rang gi theg pa mu stegs pa kun rang rang gi theg pa ste rmongs pa'o/ /gnyug ma'i rang bzhin gang yin pa/ /de ni su skyang ma rtogs so/ /zhes gzhung byed pa'i mkhan po ha las pa'o/ /yang sems kyi rtsa ba mi mtshon te/ /lhan cig skyes pa de nyid gsum/ /de dang der skyes de ru nub/ /de na gsal por gnas pa'o zhes gsungs te 'dis ni gdams ngag gsal por ston te/ sems kyis ni gdams ngag sems pa ste gcig /de bzhin du rtsa ba mi mngon pa ni bla ma'i gsung gis bstan pa'i don mtshon byed dang gnyis/ lhan cig skyes pa'i rang bzhin gyi ngo bo nyid mtshon byed kyis me mtshon pa dang de nyid rnam pa gsum gyis de ltar mtshon bya dang mtshon byed dang mtshon pa po gsum brdzun zhing log pa ste/ de ltar yin na cig skyes pa ni brjod bya dang rjod byed kyi 'brel pa'i sgo nas mi rnyed

  407. 204a

    de/ brjod bya rjod byed 'brel pa ste/ /gsum gyis lhan cig skyes mi rnyed/ /sten pa'i tshig gi sbyor ba yis/ /bcom ldan 'das kyis cung zad gsungs/ /glegs bam mthong ba tsam gyis ni/ /sems can rnams kyis mi rtogs so/ /gang dang gang gis dngos mthong ba/ /rang bzhin 'phrul cing rtogs pa ste/ /de dang de yi dngos mi mthong/ /'khrul med bla ma'i brgyud pas so/ /zhes gsungs so/ /gal te bzung nas kyang de'i gsungs te/ bdag nyid la las ngan pa dang lam ngan pas gnod par byed cing/ thar pa'i ched du byas kyang thar pa ni mi 'grub ste/ 'og nas 'chad pa'i phyir ro/ /gcer bus gang zhig grol 'gyur na zhes gsungs te/ gal te gcer bu tsam gyis grol ba yin na/ khyi dang ce spyang la sogs pa cis mi grol te grol bar 'gyur ro/ /yang spu btogs pas ni grol 'gyur na zhes gsungs te/ gal te spu btogs pas grol ba yin na/ bud med gzhon nu ma spu ngan rtag tu btogs pas bud med grol bar 'gyur ro/ /mjug spu g.yabs pas thar thob na zhes gsungs pa ni gcer bu pa gang zhig gis rma bya'i sgro'i chun po blangs shing lag pa g.yabs pas grol ba yin na/ rma bya dang g.yag la sogs pa grol bar 'gyur ro/ /langs te za bas grol 'gyur na zhes smos te/ gal te langs te za bas grol na rta dang glang po la sogs pa ci'i phyir mi grol te grol bar thal lo/ /de la mda' bsnun na re gcer bu pa'i/ theg pa'i thar pa nga mi 'dod/ /ces ni sa ra ha'i zhal na re/ nam mkha' i gos can rnams kyi thar pa gang yin pa de ni/ kho bo cung zad kyang mi 'dod do zhes pa'o/ /de nyid dang ni bral ba yi/ /lus kyi dka' thub tsam gyis gdungs shes gsungs te/ de kho na nyid dang bral zhing ci yang ma shes pas 'jig rten pa gzhan yang don med pa la sbyor zhing ltung bar byed do/ /da ni nyan thos rnams ston te/ dge tshul zhes bya ba la sogs pa nas/ de dag

  408. 204b

    don dam pa ni gcig mi 'grub des bya ba'i bar du'o/ /dge tshul dge slong gnas brtan gzugs/ /ban de 'di ltar rab byung nas zhes smos te/ dge tshul ni bslab pa'i gnas bcu pa'o/ /dge slong ni bslab pa'i gnas nyis brgya lnga bcu'o/ /gnas brtan ni bsnyen par rdzogs nas lo bcu lon pa'o/ /ban de ni de rnams la gzhan dang gzhan gyis phyag 'tshal ba'i ched du/ rab tu byung bar khas blangs nas bsod snyoms dang bslab pa la slob kyang mchog ni ma yin te/ de nyid mi shes pa'i phyir dang/ sgyu dan chu la 'chos kyi gzugs kyi sems can rnams kyi smod pa'i phyir ro/ /de ltar bcom ldan 'das kyis nga yongs su mya ngan las 'das nas/ phyi ma'i tshe phyi ma'i dus na snyigs ma lnga dang ldan pa'i dus su nga'i bstan pa la dge slong gang zhig 'byung ba rnams ma lus par sgyu dang tshul 'chos la dga' bar 'gyur ro/ /de bzhin du khyim la rtson zhing rmo ba dang tshor byed pa la sog pa la dga' zhing sdig pa'i las byed pa la dga' bar 'gyur ro/ /bstan pa la gzhan dang byed par 'gyur te/ de rnams ni sngon gyi dus na bdud kyi rigs kyi lha yin te/ da ltar ni dge slong gi gzugs kyis 'ongs nas gnas so/ /de rnams kyi nang nas gnas brtan kha cig gis dge 'dun gyi longs spyod thams cad phrogs shing/ rang gi dbang du byas nas longs spyod ces bya ba la sogs pa rgyas par gsungs so/ /de'i phyir de rnams la byang chub med do/ /gang nyan thos kyi theg pa la brten pa sngon du bstan pa'i mtshan nyid dang ldan pa de rnams ni gal te bslab pa zhig na dmyal bar 'gro ba'o/ /yang na bslab pa ma zhig cing bsrungs pa tsam po des ni mtho ris kyi longs spyod tsam thob kyi/ byang chub mchog ni med do/ /gal te theg pa chen po la brten to zhe na/ de la yang nges pa med de/ sngon bdud kyi rigs kyi lha yin pa'i phyir ro/ /gal te legs par gnas pa yin na

  409. 205a

    yang de lta na yang nges pa med do/ /de nyid bstan pa'i phyir kha cig mdo sde 'chad par byed la zhugs zhes gsungs te/ dge slong kha cig rdzas kyi sred pa'i dbang gis sngon gyi ma thob pa'i mdo sde la sogs pa'i de nyid 'chad pa ni dmyal bar 'gro'o/ /tshe thams cad sems las byung ba'i ngo bor 'gyur te/ des ni gdams ngag gi brgyud pa rgyun chad par 'gyur ro/ /de lta bu'i gnas la rnal 'byor pa dpa' bo 'ga' tsam grol bar 'gyur ro/ /de'i phyir bu 'di lta bu'i gnas par bya'o/ /de la chos thams cad 'jug par byed pa ni don dam pa zhes bya'o/ /de nyid bde ba chen po gcig tu rgyal gyur cing/ /'gro ba rnams la rtag 'chad rgyu rkyen bral 'gyur ba/ /gang zhig gis ni de nyid brjod pa'i dus dag na/ /thams cad mkhyen pa dag kyang tshig gis phongs/ /zhes gsungs so/ /rtsa ba bral ba'i de nyid ni/ /gang gis sems pa bla ma yi/ /man ngag gis ni de nyid rtogs/ /zhes gsungs te/ gang kha cig rtsa ba dang bral ba'i de nyid sems pa ni bla ma'i man ngag ste/ de nyid skyes bu rin po ches rtogs pa'o/ /chos rnams mda' snun gyis smras zhes par byos/ /gang zhig 'khor bar 'joms pa ni/ /sems kyi ngo bo nyid yin no/ /zhes gsungs te/ 'di ni gzhung mkhan pos gsal por ston te/ gang kha cig sems kyi ngo bo nyid bsgom pa des ni 'khor ba 'jig pa'i rgyur 'gyur ro/ /bla ma dam pa'i gdams ngag gis de nyid nges pa brtan pos mchon pa des sems kyi 'khor ba de 'jigs par 'gyur ro zhes gsungs so/ /de'i phyir gnyug ma'i rang bzhin de nyid ni/ /dag gi brjod du yod ma yin zhes gsungs te/ rang bzhin gnyug ma ni rab byung gi shes pa'i ngo bo nyid do/ /gzhan gyis brjod bya ma yin pa ni mu stegs pa la sogs pa rnams kyis so/ /'o na de gang gis ston zhe na/ bla ma'i gdams ngag mig mthong zhes gsungs

  410. 205b

    te/ sa ra ha bdag gis bla ma sangs rgyas la brten pa'i gdams ngag gi rtog pa yin gyi gzhan gyis ni ma yin no/ /bla ma'i gdams ngag gis nyams su myong ba'o/ /de ltar 'di lta bu la yon tan ci yod ce na/ 'di la skyon ni rdul tsam med ces gsungs te/ 'di la sngon gyi gnas rdul tsam yang med do/ /chos dang chos min mnyes nas zos zhes gsungs te/ bla ma dam pa'i gdams ngag gis sngon du bstan pa'i chos dang chos ma yin pa dag par byas nas za zhing longs spyod par byed do/ /de'i nye bar spyod pa ni/ /gang gi tshe na gnyug ma'i yid/ /thams cad sbyangs pa de yi tshe zhes gsungs te/ de ltar chos thams cad yid la byed pa med pa ste/ ngo bo nyid kyi ma skyes pas gzhan rgyu la sogs pa la ltos pa med pa'o/ /gang gi tshe yid la 'khrul pa yod pa spangs pa de'i tshe/ chos thams cad dag par 'gyur ba yin te/ de'i rang bzhin yin pa'i phyir ro/ /bla ma'i yon tan snying la 'jug ces pa ni bla mas byin pa'i man ngag gi yon tan rang gi snying la zhugs shing rtogs na de la dag par byed pa dang/ za ba'i dus su lus la sogs pa gtong bar byed pas yid ches pa'o/ /bla ma'i gdams ngag rtogs nas kyang gzhan la mi ster na/ des gdams ngag ma rtogs zhes bya ste/ shin tu 'dzin chags dang ldan pa'i phyir ro/ /'di lta bu yi yid med pa/ /thub pa mda' snun nga yi rtogs zhes gsungs te/ 'di lta bu yid med par mtshon pa'am/ yang na yid med thub pa ste/ bcom ldan 'das so/ /de ni slob dpon mtsho skyes rdo rje'i zhabs yin te/ des don dam pa'i ngo bo nyid chos kyi dbyings kyi mtshan nyid gsungs pa'o/ /yid med ni ri bong rwa lta bu ci yang med pa ni ma yin no/ /de ltar de yi gnas skabs su/ /ye shes kho bo lta bus stong par brjod/ /yang ni 'jig rten grags pa yi/ /med pa ltar rjes 'breng

  411. 206a

    ba min/ /don ni med pa'i ngo bo nyid/ /tha snyad tsam du yod pa nyid/ /rang bzhin med pa'i chos rnams la/ /yod nyid med nyid ga la yod/ /khyed nyid dran par mi bya ba/ /bkag pa nyid de dran par byed/ /ji ltar de bzhin med sgra las/ /zhi ba dag ni sgrub par byed/ /ces rgyas par gsungs so/ /gal te sgrib pa dang bcas pa'i yid 'gags pas khyad par can gyi yid sangs rgyas su 'grub tsam na/ sngags rnams gdang ni rgyud rnams ni/ /gcig kyang bdag gis ma mthong ngo/ /zhes gsungs te/ rgyud ni rnam pa mang po/ de las gsungs pa ni sngags te/ de rnams kyi grub pa'i mdza' dang/ gzhan gyis brtags pa'i lta ba dang/ sgom pa dang bsgom bya dang/ sgom pa po la sogs pa'i mtshan nyid bdag gis gcig kyang ma mthong ngo/ /ci'i phyir zhe na/ de ni 'jig rten pa 'dul ba'i phyir gsungs te/ khyad par can gyi 'bras bu ni ma mthong ngo/ /rnal 'byor goms pas ci zhig bya/ /gdod nas dag pa'i ngo bo nyid/ /rang bzhin gyis ni grub pa ste// rtog las de bzhin nyid mi skye/ /dngos med mtshan nyid byang chub ste/ /chos rnams ma lus de dngos nyid/ /de phyir spyod pas bskul ba ni/ /rang gi phung po gzings bzhin no/ /de'i phyir/ 'gro rnams las kyi 'ching 'gyur te/ /las las grol yid thar pa yin/ /zhes gsungs te/ las gang gis skye bo rnams 'ching de nyid btang na yid kyi thar pa yin no/ /thar pa ni bdag dang bdag gir 'dzin pa'i rnam par rtog pa dang bral ba'o/ /legs par bsgom pa'i yid kyi mtshan mar 'dzin pa nyid 'ching ba yin no/ /de ltar chags pa de yongs su shes pa ni yid kyi thar pa yin no/ /zhes dgongs so/ /yid kyi thar pa gzhan du mi rnyed de/ /de ni mchog gi mya ngan 'das pa yin/ /zhes gsungs te/ yid kyi thar pa de yid dang thar pa

  412. 206b

    de phan tshun du ma spangs pa ni nges par mchog gi mya ngan las 'das pa'i mtshan nyid do/ /sems nyid gcig pu kun gyi sa bon te/ /gang las srid dang mya ngan 'das pa rnams 'phro ba/ /zhes gsungs te/ de ltar gong du bstan pa'i mya ngan las 'das pa'i mtshan nyid ma thob na de'i phyir ji ltar bsam zhe na/ sems de las ma lus pa'i ma rig pa'i sa bon las byung ba 'khor pa dang mya ngan las 'das pa'i mtshan nyid dag par mi nus par snang zhing 'phro'o/ /de dag kyang srid pa'i ngo bo nyid du rnam par bzhag par mi nus so/ /de'i phyir/ 'dod pa'i 'bras bu ster bar byed pa yi/ /yid bzhin nor 'dra'i sems la phyag 'tshal lo/ /zhes gsungs te/ mchog gi mya ngan las 'das pa'i khyad par ni yid bzhin gyi nor bu'o/ /de la phyag 'tshal lo/ /de ci'i phyir zhe na/ 'dod pa'i 'bras bu ster ba'i phyir ro/ /'dod pa ni snying rje chen pos 'gro ba'i don byed pa'i bdag nyid de/ de ni lhun gyis grub pa'i 'bras bu gang gis ster ba'o/ /de nyid bla ma'i yid bzhin gyi nor bu lta bu'o/ /de ltar sems bcings na ni bcings pa yin no/ /grol bas grol bar the tshom med/ /ces gsungs te/ sems bcings pa ni rnam par rtog pa la sogs pas bcings pa'o/ /de ltar de dag shes pas grol ba thob par 'gyur te/ grol ba ni gnyis su med pa'i ye shes te/ des grol ba la the tshom med do/ /de ltar ma shes na byis pa'i skye ba rnams 'khyam par 'gyur ro/ /de'i dbang du byas nas blun po gang gis 'ching 'gyur pa/ /mkhas pa de yi rnam par grol zhes gsungs/ gang gis 'dod pa'i yon tan lnga la longs spyod pas rmongs pa'i 'jig rten pa rnams 'ching bar 'gyur ba de nyid kyis bla ma'i gdams ngag rtogs pa yod pa'i mkhas pa rnams myur du 'khor ba las grol bar 'gyur ro/ /de ltar yang bcings pa rnams ni phyogs bcur rgyug /btang na mi g.yo brtan par gnas zhes gsungs te/ ji ltar skye 'gro bdag dang bdag gis

  413. 207a

    'dzin pa'i rtog pas bcings pa 'gro ba drug gi 'khor bar 'khor zhing 'khyams te/ skye 'gro de nyid yang dag pa'i lam gyis grol ba na/ de'i tshe sna tshogs su lhag par mos pa las mi g.yo ba'i gnas la gnas pa ni chos kyi sku'i bdag nyid yin no zhes dgongs so/ /grogs dag 'di ni rnga mo bzhin/ /go bzlog pa ni nga yi rtogs zhes gsungs te/ 'dir bsdus pa'i don ni/ ji ltar rnga mo la khal chen po bkal na nus tshad kyi rgyug ste/ sus kyang bzung bar mi nus pa de nyid khal phog pa'i dus nas gzhi la brtan pa de bzhin du/ de lta bu'i rnga mi dang 'dra ba'i sems rang gi rnam pa can du sdang ngo/ /'di'i dgos pa ni/ rlung spangs rang nyid ma sems shig /shing gi rnal 'byor dag gis kyang/ /sna yi rtse mor rab btug cing/ /zhes gsungs te/ rlung ni sna bug nas 'byung ba dang 'jug pa'i mtshan nyid kyis rlung ste/ spangs pa ni rang nyid med cing shi'o zhes bya'o/ /ci'i phyir zhe na/ ji srid du rlung gnas pa de srid du lus gnas la/ rlung med na lus gang du gnas te mi gnas so/ /de ltar bla ma'i man ngag gi rlung dang lus kyi bdag nyid du byas nas de la lus dmigs te/ gzhan ni lus mi dmigs so/ /shing gi rnal 'byor ni rnam par rtog pa'i bdag nyid kyi rnal 'byor la chags par mi byed ces pa'o/ /nges par ji ltar bya zhe na/ e ma'o skye bo rmongs pa rnams/ lhan cig skyes pa'i mchog tu son/ /srid pa'i bag chags 'ching ba spongs zhes gsungs te/ kye rmongs pa'i skye bo bsam pa chung ngu thong la bsam pa rgya chen po gyis shig /de gang yin zhe na/ lhan cig skyes pa tshol cig /de la zhugs la don chen po la lhag par mos par gyis shig pa'o/ /srid pa'i bag chags ni bar do'i skye ba'o/ /de nas srid par 'gro ba dang 'ong bas srid pa'i 'ching ba ste/ mgal me'i

  414. 207b

    'khor lo bzhin du 'gyur ba'i phyir de la chags par ma byed par spongs zhes bya ba'i don to/ /'di na yid dang rlung ni g.yo zhing 'phyar/ shin tu mi bsrun pa yi rta 'dra thong/ /lhan cig skyes pa'i rang bzhin rtogs gyur pa/ /de yis yid ni brtan par 'gyur ba yin/ /zhes gsungs te/ 'di lta bu'i yid dang rlung ni shin yang mi thub cing g.yo ba'i rta lta bu ste/ de btang ngo/ /'di bzung bar bya ste gang zhe na/ lhan cig skyes pa'i rang bzhin gyis gnas bla ma dam pa'i gdams ngag la brten nas mi g.yo zhing brtan par 'gyur te/ rang gi bsod nams dbang gis rtogs zhes bya ba la sogs pa gsungs pa'i phyir ro/ /'di'i khyad par ni/ gang tshe yid ni nye bar nub gyur na/ /de'i tshe na 'ching ba thams cad chad/ /gang la lhan cig skyes pa ro mnyam pa/ /de la dmangs rigs dang ni bram ze med/ /ces gsungs te/ rnam par rtog pa'i yid gang gi tshe 'gags pa'i tshe bcings pa thams cad spong bar byed do/ /bdag nyid 'ba' zhig 'ching ba med pa ni ma yin gyi/ de'i tshe khyad par du lhan cig skyes pa'i ro mnyam pa la skye 'gro thams cad 'jug par byed do/ /de'i tshe dmangs rigs dang bram ze'i rigs la yang khyad par med do/ /des don 'di 'grub ste/ 'jig rten pa lhan cig skyes pa'i ngo bor rigs gcig go zhes dgongs so/ /de'i phan yon ston pa ni lhan cig skyes pa las ma rtogs pa'i grub mdza' gzhan med par bstan pa'i phyir/ 'di na chu bo ya mu na/ 'di na gang gA rgya mtsho phrad/ /'di na pa ya g+ha yin te/ /'di na ba ra Na se nyid/ /'di na nyi ma zla ba yin/ / zhes gsungs te/ 'dir lha'i chu bo 'di rnams ni rang bzhin gyi lhan cig skyes pa'i rgyun mi 'chad pa la ro gcig pa'o/ /'di nyid la gang+gA? dang/ ya mu na la sogs pa'i ming btags pa yin gyi khrus byed pa'i rten gyi chu bo ni ma yin no/ /'on kyang ya mu na ni thog

  415. 208a

    pa thams cad 'di la brten pa'i phyir ro/ /gang+gA ni de nyid du rtogs shing 'gro ba'i ngang tshul can yin no/ /gang gA dang rgya mtsho phrad pa ni stong pa dang snying rje ro gcig pa la 'gro ba ma lus pa 'jug pa'o/ /rgya mtsho ni ting nge 'dzin gyi gdams ngag thams cad kyi rgya mtsho yin pa'i phyir ro/ /pra yaM g+ha ni gnyis su med pa'i phyir ro/ /ba ra Na si yang gnyis su med pa ste/ gnyis 'gog pa'o/ /zla ba nyi ma gza' rA hus bzung ba'i dus su gdams ngag gi dus kyi me hu'i ngo bo nyid kyi bram ze'o zhes pa'o/ /khrus stegs la sogs pa 'ba' zhig lhan cig skyes pa gnas par ma byas kyi/ gnas dang nye ba'i gnas la sogs pa yang lhan cig skyes pa'i ngo bor bstan pa'i phyir ro/ /zhing kun gnas dang nye gnas sogs/ /zhes bya ba gsungs te/ zhing dang nye ba'i la sogs pa'i gnas nyi shu rtsa bzhi ni 'dir lhan cig skyes pa'i ngo bo nyid yin pas phyi rol tu 'khyams pa la sogs pa mi bya'o/ /ngas ni 'khyams shing bltas shing rtogs zhes gsungs te/ bdag gi phyir te/ bltas shing rtogs pa ni rnal 'byor ma'i gdams ngag gi rnam par bzhag ste/ phyi dang nang gi bsdus pa'i sna tshogs bde ba chen po'i rang bzhin yin no zhes dgongs pa'i don to/ /'dis ni 'di ston te/ rang gi lus ni bde ba'i ngo bo de'i khams gnas la sogs pa'i rang bzhin yin pa'i phyir phyi rol tu 'jug par mi bya'o/ /de'i phyir lus dang 'dra ba'i bab stegs/ bde ba gzhan ni ma mthong ngo zhes gsungs te/ rang gi lus dang 'dra ba'i khrus stegs bde ba'i rgyu ni ma mthong ngo/ /de'i phyir rnal 'byor pas gnyis su med par gnas par bya'o/ /de ltar gzhan yang nang gi bdag nyid kyi gnas la sogs pa la kun tu spyod pas rtogs par bya ste/ de rnams la bde ba'i rang bzhin gyi kun tu spyod pa yin gyi lus 'ba' zhig tsam ni gnas pa

  416. 208b

    ma yin no/ /de'i phyir mchog gi bde ba chen po gnas la sogs pa'i rang bzhin du grub pas/ 'di ltar nang gi bdag nyid kyi gnas la sogs pa la lha rnams kyi byin gyis brlabs pa'i rdzogs pa'i rnal 'byor pa phyi rol gyi yul du 'gro ba la dgos pa med do/ /ji ltar nyi shu rtsa bzhi'i bye brag gis gnas la sogs pa 'di la gnas/ /de'i phyir de nyid shes pa yi/ /'khyam zhing ngal bar mi bya'o/ /gal te de nyid bral gyur na/ /'khyams pas dgos pa cung zad med/ /de phyir gnyis su med pa'i ngo bo nyid gnas yin no zhes dgongs so/ /de nyid bstan pa ni/ 'dab ldan par sdong ge sar dbus/ /snal ma dri dang kha dog ldan/ /zhes gsungs te dpe'i sgo nas pad+ma'i 'dab ma la sogs pa'i bye brag tha dad pa spang bar bya ste/ thams cad kyang pad+ma'i ngo bo nyid du gcig go /de ltar bye brag ngo bor cig rmongs rnams/ /log par 'dzin pas ma gdung zhig ces gsungs te/ kye rmongs pa pad+ma'i bye brag re re'i rnam grangs kyi sgo nas pad+ma tha dad pa yin no zhes sems gdung bar ma byed cig/ 'di lta bu'i mi shes pa'i ngag sna tshogs kyi bstan bcos las nye bar bstan pa bde ba las phyi rol tu gyur pas bsten par mi bya'o/ /de ltar yang/ 'dod pa'i sngags kyi bstan bcos ni/ /zad phyir dris na rigs med phyir/ /tshangs pa khyab 'jug 'jig rten gsum// ma lus gang du song nas zhi zhes gsungs te/ lhan cig skyes pa las phyi rol tu gyur pa'i sngags kyi bstan bcos la dgos pa med de/ lhan cig skyes pa med na sngags kyi bstan bcos thams cad nyams shing zad par 'gyur ro/ /yid mi ches nas dris pa dang/ rigs med pa'i bus pa'i nor mi dbang ba bzhin no/ /ji ltar rigs brgyud bsrung ba'i bu ma yin pa'i pha shi na nor thams cad rgyal po la sogs pas khyer ba bzhin no/ /de ltar de kho na nyid dman na bstan bcos ma lus pa 'am/ chos rnams

  417. 209a

    ma rig pas bzung bas nyams shing zad par 'gyur ro/ /bsdus pa'i don ni/ lhan cig skyes pa nam mkha' lta bur byas te spangs nas rnam par rtog pa'i rnam par rtog pa la brten nas/ de bzhin gshegs pa'am/ gzhan gyi ming tsam yang mi thob pa'i phyir/ bstan bcos de thams cad zad par 'gyur ro/ /de ltar de bzhin gshegs pa rigs lnga la sogs pa thams cad lhan cig skyes pa'i ngo bor zhi bar 'gyur zhing/ gzhan yang de la tshangs pa dang/ khyab 'jug dang/ bde byed dang/ 'jig rten pa thams cad kyang zhi bar 'gyur/ de med na thams cad la de nyid rig pa med cing byas pa thams cad 'bras bu med ces pa'o/ /thub pa chen pos chos phung po/ /brgyad khri bzhi stong grangs snyed de/ /gang gis de nyid mi shes pa/ /de dag thams cad don med yin/ /zhes gsungs so/ /'di nyid kyi phyir kye/ dngul chu'i bcud len mi shes pa'i/ /sa bcings dbyer mi phyed pa spongs/ /'gro ba 'chad cing 'dod pa yis/ /de shes par ni nus ma yin/ /zhes gsungs te/ skyes na dngul chu'i bcud len sgrub pa'i dus su de dag par byed pa'i thabs gsal por mi shes pa ji ltar nyams pa de bzhin du 'dod chags la sogs pa dag par mi shes na rang nyams par 'gro ste/ khyod kyi 'di lta bu ma byed ces pa'o/ / 'dod chags kyi dbang gis mngon par 'dod pa'i yul lnga la de nyid dang bral bas rol ba gang yin de ni shin tu yang ma rig pas bzung pa kho na'o/ /khyed 'ba' zhig ni ma yin te/ skyes bu gzhan dag 'chad par byed par gang 'dod pa de dag ni 'bras bu med do/ /de ci'i phyir zhe na/ skye 'gro 'khor ba de nyid kyi dag par mi shes pa'i phyir ro/ /yang de nyid shes pa'i dbang du byas nas/ skyes bu de nyid sna tshogs kyis/ /ro 'di rdzas su bstan mi nus/ /bde ba'i gnas mchog rang bzhin spangs/ /'gro ba nye

  418. 209b

    bar skye ba der/ /zhes gsungs te/ skyes bu slob ma gang gis de nyid rnam par bsams pa de'i ro nyams su myong ba dang bcas pa brjod par mi nus te/ dngos po 'di ni ser po'o zhes bstan par nus pa bzhin du ni ma yin no/ /de ston pa ni/ blo ni rnam 'gag yid zhi ba/ /gang du mngon pa'i nga rgyal chad/ /de ni sgyu ma'i rang bzhin nyid/ /mchog gi cha rtogs de yi tshe/ /bsam gtan 'ching ba des ci bya/ /zhes gsungs te/ de ltar bla mas lhan cig skyes pa mngon du byas pa'i tshul bstan cing byin pa ste/ mngon du byas na ji srid rnam par rtog pa 'gags pa ni mi dran pa'o/ /rnam par rtog pa'i yid zhi bas phyi rol la sogs pa'i dngos por mtshon cing 'dzin par mi byed de/ /de lta bu'i gnas la mngon pa'i nga rgyal dang bdag dang bdag gir 'dzin pa'i rnam pa rtog pa ? cing zad de/ de nyid sgyu ma'i rang bzhin mchog gi cha ste/ cha ni bcu drug pa'o/ /de lta bu'i don gyi bya ba gang ci yang mi byed pa'o/ /de'i phyir 'dir bsam gtan gyi 'ching ba des ci bya ste/ yid kyis brtags pa la dgos pa ci yang med do zhes bya ba'i don to/ /'di khyad par ston pa ni/ /srid pa las skyes mkha' la zad/ /dngos po spangs nas gang las skye zhes gsungs te/ gnas gang srid pa zos pa de kho na la dngos po med pa'ang med do/ /de ltar dngos po dang dngos med na spangs pas yang skye bar ga la 'gyur te/ skye ba med ces pa'o/ /de ltar smras pas chad par lta bar yang mi 'gyur te/ sangs rgyas la sogs pa'i mtshan sgyu ma lta bur dngos po dang dngos po med pa'i rnam par rtog pas bzung nas brjod pa'i phyir ro/ /de ltar yang/ dbye ba spangs nas gang skyes pa/ /dpal ldan bla ma mgon po yis/ /bstan pa 'di la gnas par bya zhes gsungs te/ dbye ba spangs pa ni gnyis su med pa'i ye shes te/ gang dbus su nye bar dmigs pa'o/ /spangs zhes pa ni mchog dang dga' bral

  419. 210a

    gyi dbus su de nyid spangs nas nye bar dmigs so zhes dgongs so/ /thams cad gnyis su med pa nyid yin pas de thams cad spangs nas dpal ldan bla mas gsungs pa spyi bor blang bar bya'o/ /de'i phyir rig pa 'dis gnas par bya ste/ mthong dang thos dang reg pa dang/ /zas snom 'chag dang gnas su gnas/ /zhes gsungs te/ 'dir gang chung zad mthong ba dang/ rna pas sgra thos pa de dang reg pa ste/ gos gyon pa dang khar za ba dang/ snar snom pa dang/ gnas su gnas pa ni stan la gnas pa'o/ /cal col gtam dang lan smra la/ /sems ni rnam gcig las mi bskyod ces gsungs te/ cal col gyi gtam ni nyo tshong la sogs pa'i gtam mo/ /sems gcig gi rnam pa ni gnyis su med pa'i rnal 'byor bas mi 'da' ba' o/ /de'i phyir bla ma dam pa'i gdams ngag dran par ston pa ni/ bla ma'i man ngag bdud rtsi'i ro/ /gang gis ngom par mi 'thung ba/ /ji ltar 'gron po mya ngam gyi/ /thang la skoms gdungs shi ba bzhin/ /zhes gsungs te/ bla ma dam pa'i gdams ngag gi bdud rtsi'i ro mgyogs pa chen por song ste mi 'thung ba de ni sna tshogs kyi sems can gyi don las nyams pa yin te/ ji ltar mya ngam gyi thang la tshong pa mang po skoms pas gdungs pa la tshong don gyi phyogs gcig tu chu sbas nas yod pas shes pa bstan pa las brtson 'grus dang ldan pa der song ste chu 'thungs bas 'tsho'o/ /brtson 'grus med pa rnams ni shi'o/ /gdams ngag gi rang gi mtshan nyid ston pa ni/ bsam dang bsam min spangs nas ni/ /bu chung bzhin du gnas par gyi/ /bla ma'i lung la brtan gus na/ /lhan cig skyes pa skye bar nges/ /zhes gsungs te/ bsam pa ni shes bya bsam pa'o/ /bsam min ni rang bzhin med pa la sogs pa ste gnyis spangs pa'o/ /nges pa dang bla ma

  420. 210b

    dam pa'i man ngag la brtan por gus par gyis la bu chung gi tshul du gnas par mdzod cig dang des lhan cig skyes pa de ji ltar skye bar 'gyur te/ de la goms pas de'i rang bzhin yang lhan cig skye bar 'gyur ro/ /de'i rang bzhin yang sgrib pa thams cad dang bral ba brjod du med par ston te/ kha dog yi ge yon tan mchog /dpe spangs brjod du mi nus par/ /de ni bdag gis bstan pa yin zhes gsungs te/ kha dog dang yi ge gnyis mi dmigs so/ /yang na yi ge ni don dam pa'i yi ge ste/ kha dog ni bde ba chen po'i rang bzhin yin pas gzung bar bya ba ma yin pa nyid du brjod do/ /de ltar dpe med pa ni gang gcig nas gcig tu brgyud pas mtshon pa'i sgo nas mi rtogs pa'o/ /bdag gis mtshon ni bdag sa ra has 'di skad du smras pa'o/ /de ltar yang ji snyed rnam par rtog pa'i yid las byung ba de ni thams cad yang dag par bya ste/ bde ba'i ngo bo gang de nyid kyang snying la bde ba bskyed de yang rnam par rtog pa tsam/ gang yang 'dod bral rgyur gyur de yang gnyis ka gang min de yang srid pa'i gtso bo'i rgyu/ /rnam par mi rtogs bdag nyid las ma gtogs pa'i yul la mya ngan 'das pa cung zad med/ ces gsungs so/ /de ci'i phyir zhe na/ dbang phyug mchog de su la bstan/ /gzhon nu'i bde ba snying zhugs bzhin/ /zhes gsungs te/ sems can gyi ris la ci yod ni 'khrul pa ste/ de la gnas su zin gyi dbang phyug dam pa ni mchog gi de nyid do/ /de gzhan gyi grub mdza' la med pa'i phyir ro/ su la ni so so'i skye bo'i gnas skabs su ci la brjod par bya/ brjod pa tsam gyis mi 'jug pa'i phyir ro/ /ci'i phyir zhe na/ gzhon nu ma'i bde ba skyes pa gzhan la brjod par mi nus pa'i phyir ro/ /de dang 'dra bas bla ma dam pa'i gdams ngag med par rtogs par bya bar mi nus so/ /de ston pa ni dngos dang dngos med gang spangs pa/ /der ni 'gro ba ma lus thim zhes

  421. 211a

    gsungs te/ gang gi tshe bsam gyis mi khyab pa ni mchog gi de nyid yin te/ dngos po dang dngos po med pa dag pa'i stong pa dang snying rje dbyer mi phyed pa yin pas de dang 'dra ba'o/ /de la 'gro ba ma lus pa ni/ brtags pa'i sangs rgyas dang rdo rje 'chang la sogs pa ste/ thim pa ni de'i rang bzhin yin pas mi dmigs pa'i phyir ro/ /gang tshe der yid brtan par gnas/ /de yi tshe na 'khor ba dang/ /mya ngan 'das las grol bar 'gyur zhes gsungs te/ gong du bstan pa'i rim pas gal te yid brtan par gnas pa ni bdag dang bdag gir 'dzin pa dang bral ba de'i tshe/ 'gro ba rigs drug gi 'khor skyon las grol bar 'gyur ro/ /de ltar ma byas na skyon ni/ /gang gi tshe na bdag dang gzhan/ /ngo mi shes pa de yi tshe/ /bla med lus ni ga la rnyed/ /ces gsungs te/ ji srid bdag gi phul du byung ba de kho na nyid ma rtogs pa de srid du rang gi lus sprul pa'i sku'i bdag nyid dam/ chos kyi skus khyab pa'i ngo bo nyid bla na med pa'i bde ba chen po de kho na nyid ci la thob ste/ mi thob par 'gyur ro/ /de ltar/ bstan pa 'di la ma 'khrul bar/ /rang gis rang la legs par rtogs/ /zhes gsungs te/ de ltar sa ra ha bdag gis bstan pa 'di la 'khrul bar ma byed cig /'di bor nas gzhan cung zad kyang med do zhes bya ba'i/ /de nyid rang gis rang la legs par rtogs par 'gyur ro/ /rdul dang rdul bral ma sems shig /dngos po rgyun tu zhen med 'phro zhes gsungs te/ rdul dang rdul bral gnyis sems kyis ma bsam pa la rgyun mi 'chad pa'i bde ba chen po gcig tu snang ngo/ /mda' snun gyis smras pa de tsam zhig ces gsungs te/ rtog pa thams cad dang bral ba'i rnam par mi rtog pa'i de kho na nyid yin na zhes pa'o/ /de lta bu'i rnal 'byor la sems log par mi bya ste/ bdag gis yang dag par bstan pa'i phyir ro/ /kye ma

  422. 211b

    lus don dam shes par gyis zhes gsungs te/ kye grogs po rmongs pa ma lus pa ni rtsa ba med pa dang rigs med pa ste/ thams cad sa bon dang rten dang gnas la sogs pa dang bral ba gang yin pa de nyid la don dam pa zhes go bar bya'o/ /de ltar yang/ rtsa ba med pa gzhan sems bdag /bsgom pa'i bdag nyid rtsa ba med/ /bden pa'i shes bya rtsa ba med/ /rigs med de bzhin gshegs pa'o/ /zhes gsungs so/ /de'i phyir rang gi ngo bo nyid kyi snang zhing 'dod pa ni ma yin te/ de la zhen pa med pas legs zhes pa'o/ /de lta bu'i don ni/ khyim na yod pa phyi rol tshol/ /khyim bdag khyim tshes dag la 'dri zhes gsungs te/ bud med kha cig rang gi khyim na skyes bu bzhag nas khyim tshes la 'dri ba de bzhin du rang gi lus la de nyid gnas pa bor nas gzhan la 'dri ba de ni mi shes pa'i rang bzhin no/ /yang bla ma dam pa'i gdams ngag gis nyams su myong bzhin du gzhan la 'dri ba de ni mi shes pa nyid du gzung bar bya'o/ /gang gi phyir chos thams cad rang bzhin med pa nyid yin pas de la ji ltar skye ba yod de med do/ /'di yang bstan pa'i phyir/ mda' snun na re rmongs pa rnams/ /rang nyid rang gis shes par gyis/ /de yi tshe na bsam gtan dang/ /bsam pa dang ni bzlas brjod med/ /ces gsungs te/ bstan pa'i de nyid thams cad rang nyid la rang gis legs par rtogs par bya ste/ yang de ni rnam par rtog pa'i bdag nyid bsam gtan dang/ bsam bya ba la sogs par brtags pa ni ma yin no/ /gang gi tshe na bla ma yis/ /bstan pa tsam gyis thams cad shes/ /de med thar pa ga la shes zhes gsungs te/ 'di skad ston pa ni kha cig bla mas bstan pa thams cad ni mi shes te/ de ji ltar shes na goms pa las shes so zhe na/ goms pa tsam gyis shes pa ni ma yin te/ bdag tu 'dzin pa dang bcas pa'i

  423. 212a

    phyir ro/ /de nyid bstan pa'i phyir yul rnams bgrod cing goms pas ni/ /lhan skyes mi shes sdig pas 'dzin zhes gsungs te/ 'dir skyes bu rnal 'byor pa kha cig rang gi gnas por nas yul thams cad du 'khyam ste/ bza' bya dang bza' bya ma yin pa la sogs pa'i don ched du byed pa de ni rang gi lus nyon mongs kho nar zad kyi/ goms par bya ba ni ci yang med do/ /de'i phyir bla na med pa'i lhan cig skyes pa mi shes pas 'dzin te/ ci dran dran tsam la yang rtog pa goms pa ni med do zhes dgongs so/ /de ltar yang/ shing gi nang na me yod pa/ /ma gtsubs bar du 'byung ba min/ /de bzhin bla med byang chub ni/ /ma bsgrub par du skye ba min/ /zhes gsungs te/ gal te re zhig bsgom par bya ba med na/ 'o na bsgom pa dang bzlas pa la sogs pa gsungs pa ji ltar yin snyam pa la de nyid bstan pa'i phyir/ yul rnams bstan pas yul gyis na/ /gos par 'gyur ba ma yin te/ /ji ltar chu las utpa la/ /blangs kyang chu yi ma reg bzhin/ /zhes gsungs te/ ji ltar chu'i nang du grul zhugs nas utpal blangs kyang chu las ma gos pa bzhin du/ de kho na nyid du shes pa'i rtogs pa yod na/ 'dod pa'i yon tan lnga la longs spyod kyang nyon mongs pas gos par mi 'gyur ro/ /de ltar goms pa'i rnal 'byor ni/ /'di lta bu yi bdag nyid kyi/ /rtsa ba'i rnal 'byor skyabs 'gro ba/ /dug gi sngags can dag la ni/ /dug gis tshugs par ga la 'gyur/ /zhes gsungs te/ 'di lta bu'i rnal 'byor bas rtsa ba ste bla ma dam pa'i gdams ngag rnam pa thams cad kyis bsgoms na de yul gyi nyes pas mi gos so/ /de'i phyir yul rnams kyi dri mas mi gos te/ phyi rol gang yin de med de/ /shes pa phyi rol don ltar snang//

  424. 212b

    mkhas pa rnams kyis stong brtags pa/ /de yang stong nyid du mi 'dod/ /'di ni shes na dngos po dngos med pa/ /de nyid med pa de nyid gcig pu blo/ /sgyu ma mkhan dang gar byed mkhan po ni/ /de bzhin rnal 'byor dbang phyug rol par byed/ /ces gsungs so/ /lha la mchod pa 'byor byas kyang/ /bdag nyid 'ching 'gyur des ci bya/ /zhes gsungs te/ gal te re zhig lha'i gzugs su mchod cing grub pa mngon du mngon/ yang par nyid 'ching na de'i lha'i dgos pa ci yod de/ cung zad kyang med do zhes pa'o/ /de 'dras 'khor ba de chad min/ /'dir goms med pas 'byung mi nus zhes gsungs te/ lha'i gzugs kyi rnam pa rang gi dngos su mngon du byas kyang 'khor ba ni nyams par mi 'gyur ro/ /ci'i phyir zhe na/ sems can rnams nye bar len pa'i phung po lnga dang bral nas kun gzhi rnam par shes pa 'ba' zhig tu 'jug pa na bar ma do'i srid pa'i bdag nyid de/ sngon gyi las kyi dbang gis yang 'khor bar 'jug go /lha'i rnam pa yang de dang 'dra ba yin te/ rnam par shes pa dmigs pa'i phyir ro/ /de bas na 'khor ba nyams par mi 'gyur te/ chu zon gyi 'khrul 'khor dang 'dra bar 'khor zhes dgongs so/ /lha bsgom pa la sogs pa la dgos pa med do/ /'o na bsgom pa dang bzlas pa la sogs pa gsungs pa ji ltar yin snyam pa la/ 'on kyang de nyid kyi ye shes kyi rtog pa yod pa yin no/ de'i tshe goms pas 'khor ba las 'byung ba ma gtogs pa gzhan gyis ni grol bar mi 'gyur ro snyam du dgongs so/ /de bas na bla ma dam pa'i gdams ngag gis phrin tsam yang khyod kyis ma thos te/ de ji ltar yin pa bstan pa'i phyir/ mig ni mi 'dzum pa dag dang/ sems 'gogs pa dang rlung 'gags pa/ /dpal ldan bla ma'i man ngag yin zhes gsungs te/ 'dir blo ngan pa rnams kyis rnam par rtog pa'i bdag nyid bla ma'i gdams ngag

  425. 213a

    yin no zhes brtags pa ni bla ma'i gdams ngag ma yin no/ /ji ltar mi 'dzum pa ni cung zad phye zhing mi 'gul pa'o/ /sems 'gags pa ni nam mkha' la sogs par thim pa'o/ /des rlung 'gags par 'gyur te/ 'di ni/ dpal ldan bla ma'i gdams ngag yin no/ /ci'i phyir zhe na/ gang tshe rlung rgyu mi g.yo ba/ /de yi tshe na rnal 'byor pa/ /'chi bdag gis ni ci zhig bya/ zhes gsungs te/ gang gi tshe yid kyi bzhon par gyur pa'i srog brtan par gyur pa de'i tshe/ kye rmongs pa'i skyes bu rnal 'byor pa 'chi bdag gis ci bya ste/ 'chi bar mi 'gyur zhes bya ba'i don to/ /ji srid dbang po rnam grong zhe na/ /de srid ra ba med par 'phro/ /zhes gsungs te/ de srid du rnal 'byor pa dbang po yul gyi grong khyer la zhen pa de srid du bla ma dam pa'i gdams ngag mi shes so/ /ji srid du dbang po yul gyi grong khyer la lung dang rigs pas dpyad nas stong pa nyid du ma rtogs pa de'i tshe rang bzhin gyis de ltar snang zhing 'dzin pa de sku yis bzlog par nus te/ mi nus zhes bya ba'o/ /de ni goms pa las nges par ston te/ 'di ltar shin tu dka' ba yi/ /dgongs pa la ni su zhig 'jug /gang zhig 'di ru yod pa nyid/ /de ni 'di ru ma mthong ste/ /zhes gsungs te/ gong du bstan pa 'di lta bu'i shin tu dka' ba'i dgongs pa la skyes bu ji ltar 'jug par 'gyur te mi 'gyur ro/ /ci'i phyir zhe na/ dngos po gang zhig gong na med pa'i bla ma'i gdams ngag gis ji srid du 'jug par mi 'gyur ro/ /sgom pa dang bsgom bya la sogs pa med do zhes pa'o/ /de ltar mi shes pa la ston te/ mkhas pa ma lus bstan bcos 'chad/ /lus la sangs rgyas yod mi shes/ /'ong dang 'gro ba gcad mi nus/ /mkhas pa ngo tsha med par smra/ /zhes gsungs te/ mkhas pa thams cad kyis sna tshogs pa'i bstan bcos 'chad par byed kyang/ ngag gi spros pa tsam nyid yin pa'i phyir

  426. 213b

    nor don du gnyer bas dmyal bar 'gro ba'i rgyu kho na'o/ /rang gi lus la yod pa'i sangs rgyas nyid bla ma dam pa'i gdams ngag mi shes shing/ yi ge tsam la brten nas bla ma'i rgyud pa med par 'chad par byed pa dag ni rang nyams shing gzhan yang nyams par byed do/ /ci'i phyir zhe na/ skye ba dpag tu med par 'gro ba dang 'ong ba'i 'khor ba'i rgyu nyid yin pa'i phyir ro/ /de ltar yang/ la ba can gyi zhal snga nas/ /yi ge tshig dang ngag rnams ni/ /gzung bar bya ba'i chos rnams la/ / mkhas pa'am ni gzhan yang rung/ /sgra ni yongs su sgrub pa la/ /rgan po 'jig rten ci phyir bslad/ /sgra ni gang yin dris pa la/ /thad sor ston pa por nas ni/ /kha cig mgo la bskor nas ston zhes so/ /gson po rgas par ma gyur par// de ni rgas med 'chi med yin zhes gsungs te/ 'di ni gong du bstan pa'i don gyi dpe ste/ gal te ma shi bar rgas pa la sogs par ma gyur na/ de'i tshe de ni rgas shing 'chi bar mi 'gyur ba de lta bu ni gang du yang ma mthong ngo/ /yang na ji ltar dngul chu'i rigs gsad pa du ma bzhus shing bsregs pa tsam gyis/ lcags bsrad brgya gser du sgyur bar byed do/ /de bzhin du sems can rnams rgas pa dang 'chi ba med par byed do/ /dang po nyid nas blo gros dag pa'i rnal 'byor na bza' ba la sogs pa ji srid du klas par 'gyur bas su zhig rgas pa dang 'chi ba med pa mthong zhe na/ bla mas bstan pa'i dri med do/ /de ni gter dang ldan pa'o zhes gsungs te/ bla ma dam pa'i gdams ngag gis dri ma med pa'i blo gros kyi rnal 'byor grub pa'i skye ba dang 'chi ba med pa ni chos dang/ longs spyod rdzogs pa dang/ sprul pa dang/ bde ba chen po'i sku bzhi'i ngo bo nyid do/ /zag pa dang bcas pa thams cad des 'gog ste/ gzhan gyis ni ma yin no/ /de'i phyir skyes bu de

  427. 214a

    ni gter ldan mchog yin no zhes bya ba'o/ /yul rnams rnam dag mi sten zhing/ /gang gis stong pa 'ba' zhig spyod/ /gzings la 'phur ba'i bya rog bzhin/ /bskor zhing slar yang de ru 'bab/ /ces gsungs te/ skyes bu gang zhig rnam par dag pa'i yul 'dod pa'i yon tan rnam pa lnga bla mas gnang ba gang gis thob pa la mi spyod cing/ de dang bral ba'i stong pa nyid tsam sgom zhing tha mal pa'i yul 'ba' zhig bsten par byed pa des ni cung zad kyang sgrub par mi byed do/ /dper na rgya mtsho chen po'i gru la gnas pa'i bya rog 'bur nas gzhan du 'bab sa ma rnyed tsam na slar yang der 'ong ba bzhin du/ de ltar byis pa'i skye bo rnams 'khor ba'i las kyi 'khor ba nyid du ltung ste/ gzhan nyi tshe ba'i stong pa nyid la brten pa'i phyir ro/ /de'i phyir yul la zhen pas 'ching bar ma byed/ kye rmongs pa mda' snun gyis ni smras/ /nya dang phye ma leb dang ni/ /glang po che dang bung ba dang/ /ri dags bzhin du lta bar bya/ /zhes gsungs te/ yul la zhen pa'i 'dod pa'i yon tan rnam pa lnga la longs spyod pas 'ching bar ma byed cig ces mda' snun gyis smras pa'o/ /gal te byed na nya ro la chags pas gnam chu 'dod pas gzhan du 'gro ba gzhan gyis gsod pa dang/ phye ma leb gzugs la chags pas mar me la shi ba dang/ glang chen reg pa la chags pa dang/ bur ba bri la chags pa dang/ ri dags sgra snyan la chags pas 'chi ba bzhin du thams cad kyang chags pa sngon du 'gro ba'i phyir ro/ /gang zhig sems la rnam 'phrul ba/ /de ni rang bzhin med pa ste/ /zhes gsungs te/ gang sems kyi rnam 'phrul bza' ba dang bgrod pa la sogs pa de ni rang bzhin med pa ste/ mi shes pa las byung ba nyid kyi phyir ro/ /sred pa can ni nya bas nya la sogs pa'i sems can

  428. 214b

    srog gcod par byed pa dang/ 'dod pa can gyi skyes bus de ring bud med 'di lta bu spyad do zhes mi shes pas bsam pa'i phyir ro/ /gzhan yang gzhung mkhan pos snying rje'i dbang gis ston pa ni/ chu gzhan rlabs kyang gzhan yin nam/ /srid pa zhi ba mkha' rang bzhin/ /zhes gsungs te/ ji ltar chu rlung gang yin pa de nyid rlabs dang bcas pa de bzhin du/ 'khor ba rnam par dag pa nyid mya ngan las 'das pa'o/ /'dis ci bstan ce na/ bla ma dam pa'i gdams ngag shes pa rnams la 'khor ba gang yin pa de nyid mya ngan las 'das pa'o/ /mi shes pa rnams ni de nyid mi mthun par rtog go /de lta bu'i ye shes ni gang la bstan cing gang la nyan/ /don 'di la ni gang zhig zhugs/ /gdug pa'i khung bu'i rdul bzhin du// sems ni de ru nub pa yin zhes gsungs te/ mchog tu zab pa'i lam ni mi shes pa'i gang zag la ji ltar bstan cing de bstan du rung ba'i skyes bu ga la yod de/ med ces pa'o/ /gang zhig zhugs ni mkhas pa de'i don gzung bar byed pa ni su zhig yod de med ces pa'o/ /de lta bu'i dam pa'i skyes bu ni kha cig tsam mo/ /ji ltar kha cig gzhan gyi mkhar gzhom pa'i ched du thag ring por sa'i 'og nas sa brkos te/ de lta bu'i rko ba de ni sngon goms pa can gyi gang zag gis nus kyi/ gzhan gyis ni mi nus so/ /de ci'i phyir zhe na/ shin tu khung dog mor rko bas de'i nang gi shin tu gdug pa'i rdul gyis srog snyi ba rnams de ma thag tu 'tshubs nas 'chi ba'i phyir ro/ /sems brtan pa rnams ni gong gi gdug pa'i rdul des 'chi bar mi 'gyur te/ sa brkos pa rnams ni khung bu de nyid du thim par 'gyur zhing dang po rko pa'i dus su cung zad phyir phyung bas so/ /de ltar skyes bu sngon du goms pas 'khor ba las byang chub chen po 'grub ste/ de dag gis ni snod yin pa'i

  429. 215a

    phyir ro/ /de'i yon tan ston pa ni/ ji srid chu la chu zhugs na/ /de srid chur ni ro mnyam 'gyur/ /skyon dang yon tan sems dang ni/ /blun po 'di la mi mthun med/ /ji ltar rgya mtsho chen po yi/ /chu la chu gzhan zhugs na chu ro mnyam pa bzhin du 'khor ba la sogs pa'i skyon dang yon tan yongs su shes pa dang ldan pa'i skyes bu chen po la ni mi mthun pa'i phyogs gang yang med do/ /ci'i phyir zhe na/ skyon ni 'dod pa'i yon tan rnam pa lnga ste/ de dag par byed pa ni bla ma sna tshogs pa'i bka' i gdams pa ste de dran pa'i phyir/ yang de nyid bsal bar bya ba'i phyir/ khyed kyi stong par ma zhen cig /grogs dag sems ni mnyam par gyis/ /til phub tsam gyi zug rngus kyang/ /sdug bsngal nges par 'byin pa bzhin zhes gsungs te/ stong pa nyid 'ba' zhig la ni zhen par ma byed cig /des chad par smra bar thal bar 'gyur ro/ /gang dang gang dngos po med dang dngos po med pa de dang de la sems mnyam par gyis shig /de ltar bdag dang gzhan sna tshogs kyi dngos pos bsdus pa sna tshogs med par gyis shig /gal te sna tshogs su byed na skyon du 'gyur te/ ji ltar til gyi shun pa tsam mig gi nang du zhugs kyang sdug bsngal skye ba bzhin du rnal 'byor gyi dbang phyug gis stong pa nyid la zhen na yang de dang 'dra'o/ /gal te stong pa dang stong pa ma yin pa dang/ gnyis ka dang gnyis ka ma yin pa mi sgom na/ ji lta bu bsgom zhe na/ de ltar yin te de ni ma yin no/ /ji ltar yid bzhin nor bu'i dgos pa bzhin zhes gsungs te/ 'di lta bu'i sngon po dang ser po la sogs pa'i rnam pa 'am/ nyams su myong ba'i ngo bo nyid du mtshan pa yin yang de lta bu ni ma yin te/ dmigs pa dang bcas pa

  430. 215b

    dang dmigs pa med pa dang sems dang sems med pa'i rnam par rtog pa gnyis dang/ zag pa dang bcas pa'i chos thams cad ni rten med pa yin pa'i phyir ro/ /ji ltar zhe na/ yid bzhin gyi nor bu rin po che dang 'dra bas 'bras bu 'byung ba ni/ ji ltar yid bzhin gyi nor bu rin po che la dngos po thams cad 'byung ba mthong yang lag pa na yod pa dang 'dra bar bems po yin yang rang rig gis ci bsam pa'i dgos pa byed pa de bzhin du rnal 'byor pa yang bla ma'i gdams ngag gi nor bu rin po che lag pa na yod pas 'dod na yang dag par rdzogs pa'i sangs rgyas sgrub par byed do zhes dgongs so/ /de lta bu mi shes par mkhas par rlom pa rnams kyi gnas lugs ston te/ 'khrul pa zhig mkhas pa ngo mtshar che/ /rang rig bde chen bag chags kyis/ /zhes gsungs te/ ngo mtshar che ni bzhad gang du byed pa'o/ /mkhas pa ni dbyangs dang gsal byed la sogs pa la brten nas 'khrul pa gzhig par 'dod de/ dngos po la ni mi 'jig go zhes pa'o/ /ci'i phyir zhe na/ gang gi phyir dang rig pas dngos po thams cad nang du rtogs pas de yang mi dmigs shing mi rig go zhes dgongs/ 'khrul pa de yang/ 'di ltar bshad pa 'dis sems dang sems med pa'i rang bzhin gyis 'di ni rang rig pa'i bde ba chen po'o/ /phyi rol gyi yan lag la rig pa'i bde ba de ni kun rdzob tu gsungs so/ /yang phyi rol la brten pa'i bde ba de nyid bstan pa'i phyir/ chos kun nam mkha' i rang bzhin te/ /sems kyang nam mkha' i rang bzhin bzung zhes gsungs te/ gzugs la sogs pa thams cad kyi yul de yang nam mkha' dang mnyam par bya ba dang/ yid kyang nam mkha' i rang bzhin du bzung bar bya'o/ /de ltar byas nas/ sems de yid med par byas nas/ lhan cig skyes pa mchog tu mdzes zhes gsungs te/ nam mkha' i rang bzhin gyi sems

  431. 216a

    de la yid med par bya ste/ de ltar gang byed pa de ni skyes bu'i mchog ste lhan cig skyes pa mchog tu mdzes pa de la rol zhes bya ba'i don to/ /de ltar mi shes pas/ khyim dang khyim na de yi gtam/ /brjod pas bde ba chen po yi/ /gnas ni yongs su shes pa min/ /zhes gsungs te/ 'dir blo ngan pa rnams kyis khyim dang khyim du sems can rnams bslu bar byed pa'i ched du bshad par byed kyang/ de ni kha gtam snying ba tsam du pas so/ /de ltar yang/ chu la chu sprul rjes mthong dang/ /nam mkha' i me tog phreng rgyan dang/ /snal ma med pa'i snam bu rnams/ /'jig rten ngo tsha med pa yin/ /zhes gsungs so/ /de lta bu dman pa mthong nas gzhung mkhan po ngo mtshar nas ston pa ni/ mda' snun na re 'gro kun sems khral khur/ sems med sus kyang rtogs pa med/ /ces gsungs te/ mkhas pa mngon pa'i nga rgyal can dang/ rmongs pa'i 'gro ba rnams gong du bstan pa'i sems sna tshogs kyis sems khral khur ba ni khol por byas pas so/ /bdag gis gdams ngag gis de lta bu'i sems de mthong na sems med pa'i ngo bo nyid mthong bar 'gyur ro/ /sems mthong ba dang sems pa des ci mtshon zhe na/ mtshon par mi nus zhes bya ste/ gdod ma nas sems rang bzhin med pa'i phyir ro/ /lha cig lung ni mang por mthong/ /rang dgar bzhag na gsal por snang zhes gsungs te/ lha cig gi rnam pa'i ming tsam gyis rang rang gi bstan pa'i lung mang po las mthong ste/ de ni rang rang gi 'dod pa nyid kyi de dang de'i rnam par snang ste/ gzhan du ni ma yin no/ /de ltar yang dpal dgyes pa'i rdo rje las/ rang gis byed cing rang gis 'phreg /rang nyid rgyal po rang gtso bo/ /zhes bya ba la sogs pa gsungs so/ /de nyid bstan pa'i phyir/ mgon po bdag dang gzhan rnams 'gal//

  432. 216b

    khyim dang khyim na grub pa'i mdza' / /'di ni rab tu grags pa min/ /zhes gsungs te/ bdag dang bdag gir 'dzin pa'i sgo nas 'dod pas rang nyid 'ching bar byed pa ni ngan pa ste/ rnam par rtog pas yongs su bzung ba'i phyir ro/ /gzhan yang dngos po gzhan rnams 'gog pas 'gal ba yin te/ dang po skyes pa nyid yin pa'i phyir ro/ /khyim dang khyim ni grub pa'i mdza' skyes nas 'jig pa 'di rab tu grags pa yin te/ ci'i phyir zhe na/ skye nas 'jig pa'i phyir ro/ /'gal ba ni gal te skyes pa yin na 'jig par ji ltar 'gyur zhes pa'o/ /de'i phyir gnyis ka mi bden pa zhes pa'o/ /dpe ngan pa'i sgo nas ston pa ni/ gcig nas zos shing gzhan kun sreg /phyi rol song nas khyim bdag tshol/ /zhes gsungs te/ kha cig rang bza' ba za zhing bza' ba gzhan po thams cad nyams par byed de/ gzhan rnams la snying po med pa'i phyir ro/ /yang khyim bdag mos rang gi khyim por te phyi rol tu khyo gzhan po tshal ba ni sems ngan pa yin pa'i phyir skyes bu ngan pa rnams kyi sems kyang de dang 'dra'o/ /'ong ba dag kyang mi mthong zhing/ /'dug pa yang ni mi mthong ngo/ /dpa' rlabs med pa'i dbang phyug mchog /rnyog pa med pa bsgom par bya/ /zhes gsungs te/ 'di ni sngon du bstan pa'i tshigs bcad kyi rjes su 'brangs nas blo gros bzang po dag gi bsam gtan 'di lta bu yin no zhes ston te/ ji ltar khyim bdag mos rang gi khyim bdag la bza' ba byin nas khyim bdag gzhan gyi yang bza' bsgrub pas rang gi khyim nas byung ste khyo gzhan pa tshol ba de ni song ba yang mi mthong 'ong ba yang mi tshor/ 'dug par 'gyur ba yang mi shes so/ /de dang 'dra bar rba rlabs med pa'i ye shes ni rang gi yid kyi dbang phyug gi mchog rnyog pa med cing sdig pa spangs pa de yongs su bzung bar bya'o/ /de yis ci brjod ce na/ 'dir zhing skyes ki rnal 'byor ma rnams

  433. 217a

    ni rang bzhin gyi ye shes skye'o/ /de yang cung zad mi rigs te/ thams cad kyi rang bzhin du bdag nyid mthong bas bdag gis byas shing bdag gis bskyed do zhes bya bar sems so/ /de ltar bla ma dam pa'i gdams ngag gi shes par bya'o/ /gzhan yang/ 'go dang 'ong ba mi 'dor ro/ /sngar med sgeg mo ga la rnyed/ /ces gsung ste/ 'gro zhing 'ong ba la rang gi rigs kyi chung ma yang ma yin khyod 'dri bar yang byed do/ /de lta bu ni kam pa ru la sogs pa'i gnas rnams ni rab tu grags nas yod pa'o/ /ji ltar skyes bu kha cig rang gi khyim nas yul gzhan du 'gro ste/ song nas kyang lam phyir 'ong ba de lta bu ni rnal 'byor ma'i nus pa yin no/ /ci'i phyir 'di ltar byed ce na/ song nas kyang sngar na med pa'i sgeg mo dang phrad nas 'dug par 'dod de/ de dang mi phrad pas phyir log pa'o/ /ci'i phyir zhe na/ byang sems dpral ba'i klad rgyas son/ /rang gi gzugs dang tha mi dad ces gsungs te/ gang gi tshe rnal 'byor pa'i bde ba'i sems dpral ba'i klas rgyas su phyin nas mdzes te/ mi 'dod kyang rang gi gzugs dang tha mi dad par 'gro ste /lus dang bde ba gnyis tha mi dad par 'gyur ro/ /gang tshe lus ngag yid dbyer med/ /lhan skyes rang bzhin de tshe mdzes/ /zhes gsungs te/ ye shes 'dis so so'i skye bo'i lus dang ngag dbyer med par chud pa ni/ bla ma dam pa'i gdams ngag gis der thim par gyur pa'o/ /ji srid zag pa dang bcas pa'i chos med par ma gyur pa de srid du lhan cig skyes pa'i rang bzhin mi mdzes te/ gang gi bla na med pa'i rnal 'byor ma'i tshul ji ltar thob par 'gyur/ rnal 'byor ma'i tshul de gang yin zhe na/ khyim bdag khyim bdag mo yis zos/ /yul de gang mthong dpyad mi bya/ /zhes gsungs te/ gnas la sogs pa'i yul gang zhig na

  434. 217b

    khyim bdag khyim bdag mo'i de lta bu'i yul gang mthong ba de la dpyad par mi bya'o/ /de'i dgos pa ni/ kye/ gzhan po de ru ga la 'du/ /rnal 'byor ma spyod mi mthun pas/ /zhes gsungs te/ gang du rang gi khyod yang gsod na/ /gzhan po ga la 'du ste/ 'on kyang gzhan rnams kyi mchod pa byas na rnal 'byor ma ye shes kyi bdag nyid pas de ni mi gsod do/ /gzhan ngan pa rnams kyis sha'i mig gsang bar mthong ste/ rnal 'byor ma rnams kyis gsang pa yang ma yin zos pa yang med do/ /'on kyang lhan cig skyes pa'i ngo bor thim par byas so zhes bya ba'i don to/ /de ni rnal 'byor ma rnams kyi spyod pa'i lung thams cad 'jig rten pa'i tha snyad dang mi mthun pa ste/ bsam gyis mi khyab pa'o/ /de nyid gsal bar bya ba'i phyir/ /bdag po za zhing lhan skyes mdzes/ /chags dang chags bral byas nas ni/ /gnyug ma'i drug gnas sems nyams pa'i/ /rnal 'byor ma ni nga yi mthong zhes gsungs te/ rang gi khyim bdag zos nas lhan cig skyes pa'i rang bzhin du mdzes par bya ste/ gzhan yan 'dod chags dang 'dod chags dang bral bar byed do/ /khyi gzhan yang ste/ sngon gyi khyod dang 'dra ba'i sgo nas mya ngan yang byed de/ rang gi yid du 'ong ba'i gnas na yan dug par byed do/ /de lta bu'i rnal 'byor ma de ni sems nyams pa ste/ rnal 'byor gyi dbang phyug bas ni bsam gyi mi khyab par mthong ngo/ /de la bsdus pa'i don ni rnal 'byor ma'i ye shes ni gnyis su med pa yin te/ bya ba dang byed pa'i rnam par snang zhing/ dge ba dang sdig pa'i rnam pa byed kyang des gnod par mi 'gyur te/ phal pa rnams la ni de ltar snang ba'i phyir ro/ /yang na thams cad sems kyi rnam 'phrul yin pa'i phyir ro/ /khyim bdag sems dbang du gyur pa'i phyir sems ni lus kyi rnam pa ste/ gnas dang nye ba'i gnas

  435. 218a

    la sogs pa'o/ /rnal 'byor ma ni rang bzhin te/ /de bkag bas ci'ang dmigs par mi 'gyur ro/ /de ni bla ma dam na'i gdams ngag gis shes par bya'o/ /za zhing 'thung la bsam mi bya/ /ji ltar sems las ci 'byung ba/ /phyi rol par sems sdug bsngal 'dzin/ /sgyu ma'i rnal 'byor ma dpe bral/ /zhes gsungs te/ gang cung zad za ba dang 'thung ba la sogs pa'i bya ba byed pa la de ni rgyun mi 'chad par byed de/ gang dang gang sems las byung ba de bya'o/ /'on kyang sems la gnod pa ni mi bya'o/ /sgyu ma'i rnal 'byor mas mtshon par dka' ba'i ye shes dang 'dra ba lhan cig skyes par thim pa ni sngon bzhin no/ /rnal 'byor ma'i la ni thun mong ma yin pa dka' ba'i lam yin pas de'i bdud rtsi thams cad bde bar gyur na/ thams cad legs par gnas pa yin te/ gzhan du ni ma yin te/ 'di ru nyin mtshan dbyer med blo/ /sa gsum gang gis sprul pa des/ /sems nyid grub pa'i rnal 'byor ma/ /lhan skyes sdom par shes par bya/ /zhes gsungs te/ gang de ltar nyin mo mi shes shing mtshan mo yang mi shes pas lus ngag yid gsum dbyer med pa'i ye shes kyi rang bzhin sa gsum sprul pa gang yin pa'i sems de ni grub pa'i rnal 'byor ma ste/ lhan cig skyes pa'i sdom pa ni ye shes su gyur pa'am/ dngos su mngon du byed pa'o/ /yi ge'i 'gro ba ma lus pa/ /yi ge med pa gcig kyang med/ /ji srid yi ger shes pa/ /de srid yi ge med par 'gyur/ /zhes gsungs te/ yi ge'i 'gro ba ma lus pa la gnod de/ /'di ni khyod do/ /'di ni bum pa'o/ /'di ni snam bu'o zhes mkhas pa rnams brjod de/ don dam par ni cung zad kyang med do/ /gang gis sangs rgyas nyid grub par byed pa'i yi ge med pa ni gcig kyang med do/ /de'i phyir yi ge rab tu shes pa ni yongs su dpyad nas ngag gi

  436. 218b

    spros pa'i dri ma bcom nas brdzun par byas pas ji srid du yi ge med par gyur pa'o/ /ji srid de ltar ma bya pa de srid du mchog gi don mi thob pa'o/ /de gang yin zhes 'dri na/ ji ltar phyi rol de bzhin nang/ /bcu bzhi pa yi sa la rgyun tu gnas/ /zhes gsungs te/ rnal 'byor gyi dbang phyug la ji ltar phyi rol bzhin du nang yang ye shes kyi snang ba yin pa'i phyir/ nges bcu bzhi pa la rgyun tu thog ma dang tha ma med par gnas te/ mchog gi cha med pa'i phyir ro/ /de yang cha ni bcu drug ste/ /gnam stong gi mthar zla ba'i cha med pa bzhin du lus med pa'i phyir ro/ /de stong pa ni/ lus med lus la gab pa ni/ /gang gis de shes de grol 'gyur/ /zhes gsungs te/ lus med ba ni dngos su nub par song bas gab pa ste/ de gang gis shes pa des ni grol bar 'gyur ro/ /ji ltar so so rang gis rig par bya ba'i lhan skyes de ltar 'jig rten pa rnams kyi med pa ste/ lus med pa dang/ gdod ma nas ma skyes pa'i phyir ro/ /'dir brjod pas gzhung mkhan pos rang dang gzhan gyi dngos po ma mthong ba de ston pa ni/ grub par gyur cig nga yi ston/ /khu ba 'thungs bas rjed par gyur/ /gang gis yi ge gcig she pa/ /de yi ming ni mi shes so/ /zhes gsungs te/ ji ltar byis pa'i dus su yi ge slob pa na/ slob dpon gyi mdun du yig shing la yi ge'i pha ma la sogs pa slob pa'i dus su/ dang po 'di grub par gyur cig ces bya ba la sogs pa dang/ sgra'i rtsa ba dang skad kyi byings la sogs pa slob cing/ dpyod pa la sogs pa thams cad kyi yi ge rnams la bras bu ni gcig kyang ma mthong ba yin te/ don mi shes pa'i phyir ro/ /gzhan yang dam pa'i dge ba'i bshes gnyen las/ /don yongs su shes pa skye zhing 'dir dpyad tsam na/ /dang po'i grub par gyur cig ces bya ba de bden pa blags kyis

  437. 219a

    gzhan yang snying po med pa blags pa'o/ /ji ltar zan 'tshed pa'i dus su snying po khu ba blangs nas 'thung ste/ gzhan ni snying po med pa'o/ /'dir grub par gyur cig ces bya ba'i yi ge bcu gcig po de bdag gi shes kyis/ de'i ming mang bas de'i ming mi shes te/ 'di lta bu min zhes brjod du med pa'i phyir ro/ /ji ltar byis pa'i dus su 'di grub par gyur cig ces bya ba'i ming shes kyang/ don mi shes pa bzhin du cher skyes pa'i dus na don shes kyang ming mi shes pa'o/ /ma lus rang bzhin mi shes gang zhig gis zhes gsungs te/ lhan cig skyes pa mi shes pas khams gsum du lhung ste/ rang byung gi ye shes sam/ brjod du med pa'i rang bzhin du mi rtogs pa'i phyir ro/ /gzhan yang de'i rang nyams shing gzhan yang nyams par byed do/ /de ji lta bu zhe na/ kun tu ru'i skad cig la/ /bde ba chen po sgrub pa ni zhes gsungs te/ kun tu ru'i sgo nas bde chen sgrub ces zer ba ni rmongs pa'i phyir ro/ /ji ltar ri dags skom pa yis/ /smig rgyu'i chu la rgyug pa ni/ /skom 'chi nam mkha' i chu rnyed dam zhes gsungs te/ ji ltar ri dags skom pas gdungs pas smig rgyu la chur mthong nas/ de'i gnas su rgyug pa las chu ma rnyed nas skom pas 'chi ste/ nam mkha' i chu ji ltar rnyed par 'gyur te/ mi rnyed ces pa'o/ /gzhan du dbang po gnyis sbyor gyi bde bas ni de nyid mi rnyed de/ rmongs pa'i 'jig rten pa rnams ni 'di las de nyid rnyed par 'dod do/ /de nyid bstan pa'i phyir/ rdo rje pad+ma gnyis par gnas/ /bde ba gang gis rnam rol pa/ /ci ste de bde nus med pas/ /sa gsum re ba ji ltar rdzogs/ /zhes gsungs te/ 'di ni las dang po pa dang/ dbang po tha ma'i rnal 'byor pa 'dod chags la zhen pa rnams la 'dod chags chen po rol ba'i thabs 'dis sangs rgyas bsrubs par bcom ldan 'das

  438. 219b

    kyis bstan to/ /de bzhin du bdag gis de phyung ste/ 'di bstan pa'o/ /rdo rje pad+ma gnyis kyi sbyor ba'i bde bas dbang po tha ma'i skyes bu rol par byed pa gang yin pa des ni sa gsum gyi bde ba yongs su rdzogs par ci ste mi byed de/ thams cad de'i rang bzhin gyis thams cad kyi bsam pa rgya chen po yongs su rdzogs par byed de/ snying rje chen po mngon du byed pa'i phyir ro zhes dgongs so/ /yang na thabs de skad cig ma/ /yang na de gnyis gnyis med de/ /bla ma'i drin gyi bsod nams kyis/ /brgya la 'ga' yis shes par 'gyur zhes gsungs te/ skad cig ma ni dga' ba bzhi'i skad cig ma'i bye brag yin pa'i phyir ro/ /yang na gnyis su med pa'i dus su de nyid mtshon pa'o/ /de yang mchog dang dga' bral gyi dbus su yin pas tha dad pa ni mgo rtsom pa'i skad cig ma ste /rnam pa sna tshogs pa sogs skye pa'i dus so/ /tha dad med pa ni lhan cig skyes pa'i ngo bo nyid de/ bla ma dam pa'i gdams ngag gi drin gyis skyes bu kha cig gshegs kyi 'jig rten pa thun mongs pas ni ma yin no/ /de'i phyir bdag gi bla ma dam pa'i gdams ngag gi sgo nas gong du bstan pa'i rigs pas skye 'gro thun mong pa rnams la gsal bar byas pa yin no/ /kye grogs dag zab dang rgya che ba/ /'di la bdag gzhan yod ma yin/ /lhan cig skyes dga' bzhi pa'i skabs/ /gnyug ma nyams su myong ba shes/ /zhes gsungs te/ zab mo ni dpyad pa'i stobs kyis rgyun mi 'chad par dran pas phyogs dang phyogs ma yin pa nub par 'gyur ro/ /de ltar mchog tu zab pa de la ni bdag dang gzhan thams cad nyams te gdod ma nas skye ba med pa'i phyir ro/ /'di lta bu'i lhan cig skyes pa dga' ba bzhi'i dus su dbus su lhan cig skyes pa nyams su myong ba rtogs par bya'o/ /'di'i phan yon ston pa ni/ /mun nag chen po zla shel gyi/ /ji

  439. 220a

    ltar gsal bar byed pa bzhin/ /mchog tu bde ba skad cig la/ /sdig pa ma lus pham byed pa'o/ /zhes gsungs te/ 'di mun nag chen po'i nang du zla shel gyi nor bu'i snang bas gsal bar byed pa'i dus su rigs ngan rkun ma la sogs pas gzhan gyi rnol sku bar byed pa bzhin du/ mchog tu bde ba chen po'i mtshan nyid dang bral ba'i skad cig ma'i dus 'khor ba'i sdig sbyong thams cad nyams par byed do/ /de ltar/ sdug bsngal snang byed nub pa na/ skar ma pa wa sangs ni 'char/ /'di ltar gnas pas sprul pa sprul/ /'di ni dkyil 'khor 'khor lo'o/ /zhes gsungs te/ ji ltar so ga'i dus su sdug bsngal gyi nyi tshan de nub nas shin tu bsil ba'i gtso bo skar ma pa wa sangs 'char te/ 'di lta bu'i dkyil 'khor gyi 'khor la sogs pa bsgoms zhing gnas pa gang gis sna tshogs sangs rgyas kyi sku kun rdzob kyi sprul pa sprul te/ de'i ngo bo nyid du dkyil 'khor 'khor lo ye shes par bya'o zhes pa'i don to// yang rnal 'byor pa'i bya ba ston te/ rmongs sems kyi sems la rtogs/ /lta ba nga pa kun las grol/ /mchog tu bde chen 'di yin te/ /de la dngos grub dam pa yod ces gsungs te/ /khyod kyi sems kyi sems dpyod dang/ /ci sems dang sems med pa sngon du bstan pa'i rigs pas de gnyis ka yang med do/ /de ltar yang/ sems nyid dam pa sems med nyid/ /gnyis ka med cing cung zad med/ /'gro ba ma lus 'khrul pa'o/ /de lta bu'i lta ba ngan pa bor te/ ma lus pa'i bdag dang skyes bu dang/ /srog la sog pa bya ba nga pa thams cad ni kun rdzob tsam yin pa'i phyir ro/ /de ltar bde ba chen po'i rang bzhin du thams cad dag par gyis shig dang/ 'jig rten las 'das pa'i mchog thob pa ni de la rag las pa'i phyir ro//

  440. 220b

    de'i phyir/ sems kyi glang po yang du chud/ /de ni rtog pas ma 'dris shig /nam mkha' i ri bo chu 'thung dang/ /de yi 'gram du rang dgar zhog /ces gsungs te/ 'khor ba'i nang du dga' ba'i sems kyi glang po rol du chug /ci'i phyir zhe na/ dngos po thams cad de nyid la brten pas de nyid du thim pa'i phyir ro/ /'on kyang mu stegs pa thams cad kyi srog gcod pa la sog pa byas pas dmyal bar ltung ngo/ /snying rje can dge ba bcu'i las kyi lam la yongs su gnas pas mtho ris su 'gro zhing bde bar gnas so/ /sems kyi glang po thams cad la khyab pa'i tshul gyis nam mkha' i chu 'thung zhig /de'i gram du ni bde ba chen po'i chu 'gram mo/ bde ba chen po yin yang mngon par zhen par ma byed ces dgongs so/ /yul gyi glang po'i snas blangs nas/ /ji ltar gsod par ltar snang yang/ /rnal 'byor glang po skyong ba bzhin/ /de tshe byung nas song ba yin/ /zhes gsungs te/ de bzhin du yul gyi glang po ni dngos po thams cad de/ /yul dang dbang ba lta bur mchu yis blangs nas gsod pa lta bur snang yang mi 'chi ste/ glang po dang rtse mkhas pas so/ /rnal 'byor gyi dbang phyug gis phyir byung nas gnas su 'gro zhes bya'o/ /de ltar bza' bya ma yin pa de mi rigs so zhes dgongs so/ /de ltar yang/ gang zhig srid de mya ngan 'das pa'o/ de la dbye ba ma sems shig /rang bzhin gcig pas rnam par spongs/ /dri med de ni nga yis rtogs/ /zhes gsungs te/ ji ltar 'phags pa klu sgrub kyi zhal snga nas/ zung du 'jug pa'i rim pa las/ /'khor ba dang ni mya ngan 'das/ /zhes bya ba la sogs pa gsungs pa de bzhin du 'khor ba dang mya ngan las 'das pa gnyis su med pa de ni dbyer med pas zung du 'jug pa zhes bya'o/ /de nyid gsal bar bstan pa'i phyir/ khyim du ma 'dug nags ma 'gro /gang na 'dug kyang sems la ltos/ /ma lus rgyan tu byang chub gnas/ /srid gang mya ngan 'das

  441. 221a

    gang yin/ /zhes gsungs te/ khyim dang nags gnyis ka la yang nges par gnas par mi bya ste/ gnas gnyis po la zhen na rnam rtog skye ba'i phyir ro/ /'o na ji ltar bya zhe na/ gang dang gang za ba dang/ 'chag pa dang nyal ba la sogs pa'i dus su de la sems yongs su chags par ma byed cig /brdzun pa'i rnam par rig pa tsam du gyis shig ces bya'o/ /de'i phyir mkhas pa ma lus pa rtag tu rgyun mi 'chad par byang chub gnas pa ste/ gang cung zad kyang skye ba ni med de/ rang byung gi ye shes kyi phyir ro/ /de ltar yang/ mya ngan 'das dang 'khor ba nyid/ /de nyid ma mthong rtog par byed/ /'khor ba mya ngan 'das pa med/ /de nyid ma mthong rtog par byed/ /'khor ba dang ni mya ngan 'das/ /gnyis ka yod pa ma yin te/ /'khor ba yongs su shes pa nyid/ /mya ngan 'das zhes de la bya/ /zhes gsungs te/ de'i phyir byang chub kyi ngo bo nyid ni gnyis su med pa'i ngo bo mchog yin par grub pa'o/ /de ston pa ni/ byang chub khyim dang nags na gnas/ /'di yi dbye ba shes par gyis/ /dri med sems kyi rang bzhin la/ /de ni rtog pa med par bya/ /zhes gsungs te/ gong du bstan pa'i mtshan nyid kyis byang chub ni khyim dang nags na med pa de lta bu'i dbye ba dgongs pa'i tshig gis shes par bya'o/ /khyim ni rang gi lus so/ /nags ni bum pa dang snam bu la sogs pa'i gzugs so/ /de la byang chub med do/ /'di ni bdag dang 'di ni gzhan/ /gang gi de ni yongs sems pa/ /dbye bas 'ching dang bral bar bya/ / des ni bdag nyid grol ba'o/ /zhes gsungs te/ gang gis 'di ni bdag /'di ni gzhan zhes gang zag de'i phyin ci log tu yongs su bsgoms pa de dbye bas 'ching ba med kyang 'on kyang bdag nyid bcings pa'o/ /de'i tshe bdag nyid

  442. 221b

    grol yang ma grol zhes bya ste/ de'i phyir bdag dang gzhan gyi char mi rtog go zhes dgongs so/ /de ltar yang bdag dang gzhan du 'khrul ma byed/ /ma lus rgyun tu sangs rgyas yin/ /'di nyid dri med go 'phang mchog /sems kyi rang bzhin dag pa'o/ /zhes gsungs te/ sems can gyi rigs rnams dang po nyid nas sangs rgyas yin te/ de nyid dang po nyid nas glo bur gyi rnam par rtog pas dgos pas ma rtogs te/ rang nyid sangs rgyas yin par ma shes so/ /de nyid dri ma med pa'i mchog sems kyi ngo bo nyid byang chub kyi rang bzhin yin te/ dngos po thams cad 'dzin pa spangs pa'i phyir ro/ /gnyis med sems kyi sdong po mchog /sa gsum ma lus khyab par son/ /snying rje'i me tog 'bras bu 'dzin/ ming gis gzhan la phan pa'o/ /zhes gsungs te/ de ltar mchog gi don bstan nas gzhan la phan pa ston te/ rnal 'byor pa'i sems gang gnyis su med pa ni dpag bsam gyi shing bzhin du khams gsum ma lus pa khyad par so na pa ste/ thams cad gnyis su med pa zhes bya ba'i don to/ /de'i snying rje'i me tog gi 'bras bu'i ming ni gzhan la phan pa ste/ thams cad kyi thams cad du sangs rgyas kyi byang chub la sogs pa rgyas par byed pa'i phyir ro/ /stong pa'i sdong po me tog skyes/ /snying rje rnam pa sna tshogs 'byung/ /lhun grub gzhan gyi 'bras bu ste/ /bde ba 'di ni sems gzhan min zhes gsungs te/ de ltar ston pa'i 'bras bu snying rje rnam pa sna tshogs kyis mi 'dod bzhin du yang bsam pa sna tshogs yongs su rdzogs par byed pa'i phyir ro/ /'on kyang yongs su rdzogs pa'i snying rje ston pa ni/ stong pa'i sdong po snying rje min/ /gang la rtsa ba lo 'dab med/ /de la dmigs byed gang yin pa/ /de ni lhung nas yal ga chag /ces gsungs te/ stong pa'i sdong po snying rje min pa ni stong pa dang snying rje dbyer med

  443. 222a

    pa'i phyir 'dir dmigs pa med pa'i snying rje la snying rje min pa zhes bya'o/ /stong pa nyid kyi sdong po de la rtsa ba dang lo 'dab med do/ /sgom pa dang sgom pa bo dang/ bsgom bya gdod ma nas med pa'i phyir ro/ / de la dmigs par byed pa gang yin pa de ni lhung nas yal ga chag pa ni khams gsum gcig pa'i ngo bo nyid yin pas so/ /de nyid bstan pa'i phyir/ sa bon gcig la sdong po gnyis/ /ltos pa med pas me tog cig /'dir ni dbyer med gang mthong de/ /srid dang mya ngan 'das las grol/ /zhes gsungs te/ sa bon gcig la sdong po dang yal ga'i bye brag gnyis skye ste/ de ltar rgyu dang 'bras bu rnam pa gnyis su 'gyur te/ de yang 'bras bu las tha mi dad do/ /rgyu de lta bu las 'bras bu'o zhes gsungs pa'i phyir sangs rgyas dang 'khor ba dbyer med par mthong ba de ni thar par 'gyur te/ gnyis su med par rtogs pa'i phyir ro/ /gang zhig 'dod pa can 'ongs tshe/ /de ni re ba med song nas/ /kham phor dum bu blangs nas ni/ /kye ho rang khyim bor la song/ /zhes gsungs te/ gong du bstan pa'i don mdza' dag 'khor ba'i longs spyod la chags pa med pa de'i tshe rtogs par 'gyur ro/ /longs spyod la chags pa dang bu dang tsha bo la sogs pa yang dag par rgyas pa ni sprul gyi dug dang 'dra bar gnod pa byed pa'i phyir ro/ /de'i phyir snying rje dang ldan pas 'dod pa can slong ba'i mi 'ongs pa'i tshe bdag nyid srid pa'i dbang gis cung zad kyang mi ster na nga la dngos grub mi 'byung ngo zhes bsams nas rang gi khyim nas thon te phyir bor ba'i kham phor blangs nas longs spyod la chags par mi bya'o zhes bya ba'i don to/ /de bstan pa'i phyir gzhan la phan pa ma byas shing/ /'dod pa la ni mi ster ba/ /'di ni 'khor ba'i 'bras bu gang

  444. 222b

    de bas ring por byas na rung zhes gsungs te/ gzhan la phan pa ma nus na khyim dang longs spyod kyi dgos pa ci yod/ gal te gser la sogs pa'i nor yod pa sbyin par mi gtong na 'khor bar gnas pa la nor des 'bras bu ci yod de/ 'bras bu med ces bya'o/ /de'i tshe rang nyid por ba byas na rung gi khyim nas thon la lus dang srog la mi lta bar gnas so zhes bya ba'i don to/ /byis pa'i skye bo rnams kyi ngor do ha mdzod kyi TIka dka' dka' i don 'grel byas pa'o/ /rang gis go bar bya ba'i phyir dka' 'grel byas pa 'di yis ni/ /ming ni bdag nyid go byed pa/ /bla ma brgyud rim gsal byed pa'o/ /gang tshe gzhan gyis bltas nas kyang/ /de tshe de la phan gyur na/ /de ni sems can don gyur yin/ /de lta min na bzod par zhu/ /rang gi don dang gzhan don du/ /bdag gis 'di byas bsod nams kyis/ /de yis 'jig rten thams cad kun/ /rang byung ye shes thob par shog /do ha mdzod kyi dka' 'grel slob dpon chen po dpal gnyis su med pa'i rdo rjes mdzod pa rdzogs so// //rgya gar lho phyogs yul ko sa lar sku 'khrungs pa'i rnal 'byor pa chen po sh+rI bai ro tsa na badzras bsgyur ba'o// //do ha ni d+hi ka Sha gA ti nA ma pa ri pUr? pra sha stra min ti yo TIka'i dza ha ra/ mi zad pa'i gter mdzod yongs su gang ba'i glu zhes bya ba gnyug ma'i de nyid rab tu ston pa'i rgya cher bshad pa bzhugs so// //rgya gar skad du/ do ha ni d+hi ko Sha gI ti nAM pa ri pUr pa shastra min ti yo TIkA/ bod skad du/ mi zad pa'i gter mdzod yongs su gang ba'i glu zhes bya ba gnyug ma'i de nyid rab tu ston pa'i rgya cher bshad pa/ bcom ldan 'das 'jam dpal smra ba'i skyes mchog la phyag 'tshal lo/ /bla ma dam pa rnams la phyag 'tshal lo/ /skyes

  445. 223a

    bu mchog rnams de nyid thugs su chud pa'i ngo bo dang/ /shes rab ral gris nyon mongs gcod par byed pa'i rje btsun pa/ /dam pa'i skyes mchog de nyid ston par byed pa'i bla ma la/ /bsam gyis mi khyab don gyi yang dag bstod byas te/ /sangs rgyas nyid las sangs rgyas rtogs pa'i ngo bo dpal/ /mi shes gnyug ma'i ngo bo tha mal shes pa de dag ni/ /dam pa rnams kyi gdams ngag ji lta bu'i don nyid du/ /tha dad rtog pa dpyad phyir mnyam 'di me tres bshad// de la chos kyi sku dang de'i dgongs pa tha mi dad pa dag rje btsun pa dpal gyi ri bo pa bdag gi rtog pa'i don glur blangs te bsam gyis mi khyab pa'i don de dag bdag gis rab tu rnyed do/ /de yang mkha' 'gro ma dag gis rjes su dpag pas nye bar mi rnyed pa'i phyir lkugs pa'i skad brjod de/ du ma me li'o/ /de'i don ni/ mu stegs sgra dang tshad ma dang/ /mngon sum rjes dpag rig pa'i mdung/ /blo rab mngon shes phra mos kyang/ /rtogs par mi nus man ngag yin/ /zhes bya'o/ /de bas na 'di ni tug kan tsa ma na zhes bya'o/ /de'i don ni 'byung pa 'byung/ /min 'byung ba 'byin/ /len pa len med len long ba/ /smra ba smra min smra med brda/ /don min med don med min no zhes bya ste/ bla ma dag las nges par rnyed pa'i don to/ /de bas na hi ma hUM mangs ra hUM ho zhes bya ste/ de dag gi don ni/ mgo bcad nam mkha' dag la 'phangs/ /nang grol tshogs kyi ston mo byas/ /rkang mthil spyi gtsug dag tu bkur/ /lte ba'i 'khor lo bskor bar bya/ /de ni nges par sbyar ba'i cha'o/ /de bas na rtag la a ri ta zhes te/ de dag gi don ni/ grub pa med phyir rmi lam ston/ /brgyud pa yin phyir glu len te/ /gsang ba yin phyir mkha' 'gro'i skad/ /gdams ngag yin phyir nyams su blang/ /zhes bya ba ni gnas par bya ba'i yan lag go /

  446. 223b

    de bas na e ka na zhes bya ste/ skye ba med pa de dag gi don ni/ /skye med mkha' las thig le shar/ /rgyud gzhan 'bras bu'i thigs pa ste/ /sgra ni dus chen 'gyur dus ston/ /mu rig tshal du bram zes so/ /zhes pas ni thos pa can la sbyar bar bya'o/ /de bas na ha hi ha ma ni zhes bya ste de dag gi don ni/ gzhan gsal snying po'i khyad par dang/ /bla ma bzang las de rtogs te/ /gnyug mar sbyangs pa'i spyod pa yin/ /'dir ni nyams su blang ba ste/ /'bras bu de las 'byung ba'o/ /de dag go bar bya ba'i don nyid du sbyar ro/ /de bas na ma ki'u k+Sha na re zhes bya ste de dag gi don ni/ /g.yas pa gzhan dang gzhan der min/ /g.yon pa gsal ba brtags phyir min/ /de nyid de nyid rtog pa min/ /min pa rgyal po'i shes pa min/ zhes bya ba ni khyad par gyi don brjod pa'o/ /de bas na do ha zhes bya ste/ de dag don ni rang la med pa a i'o/ /rang dang ldan pa ni e u'o/ /phan tshun gnyis la mi smra ba ni a i e'o/ /ngo bo ni li ra a'o/ /gzhan gcod par byed pa ni aau la'o/ /mtshan nyid kyi don ni i aM ra'o/ /gnas brtan par bya ba ni o li i'o/ /nyams su myong ba ni a ra'o/ /de nyid kyi brjod pa ni a aM i'o/ /de ni mkha' 'gro ma'i sgra'i don dang po'o/ /sgra'i tshig mang po bzang po'o can la sbyar ba ni/ khur chen khyer dang 'gro ba mgyogs/ /phyin pa med de dang po'i sa/ /gshog pa spar bas nam mkha' i mtsho/ ri rab nor bu gling na bde/ /zhes bya ba'i don to/ /sgra'i tshig bka' la sbyar ba'i ni/ /chu srin gdug pa'i khang 'gro dang/ /rus sbal rgyab na gnas pa dang/ /nyi mad chen po'i lto ba ni/ /nyi ma'i dkyil na mdzes pa che zhes 'byung ba'i phyir ro/ /bstan pa'i sgra sbyar ba ni/ /me yis skams pa'i bdud rtsi dang/ /dur khrod tshogs kyi rus pa btung/ /rgya mtsho'i steng na gzhon nu mo//

  447. 224a

    rgyal pos sa 'dzin gdol pa'i mchog /ces 'byung ba'i phyir ro/ /sgra mkhas pas sbyar ba ni/ /rkang mthil spyi gtsug snying du bsnyam/ /kha rkub brgyud pa khyi yi zas/ /srin bu me khyer chu bo'i rgyun/ /thal mo brdabs pa nam mkha' i sgra/ /zhes 'byung ba'i phyir ro/ /bstan pa thun mong pa'i sbyar ba ni/ /bar su ne gi ha ta ko sha bu ha sa na gi ta na ma'o/ /de dag gi don ni/ ma zad mi zad zad pa med/ /mthar thug rdo rje nyid kyi rang/ /sangs rgyas sangs rgyas rtogs pa min/ /lag pa'i nor bu mthong ba'o/ /bde gshegs snang ba sems kyi rang/ /nges pa'i don smra nga yi snying/ /rtogs par byed pa nor bu rten/ /de yang sa bon chu yi skyed/ /gdol pa lta bu'i smyon pa las/ /nor bu chen po lag tu 'ongs/ /sangs rgyas dam pa rnam kyis gsungs/ /mkha' la mi smra smra ru med/ /thams cad chos kyi 'khor lo che/ /phyag rgya chen po gnyug ma'i dang/ /bde dang bral ba chos kyi sku/ /gsal dang mi rtog longs spyod rdzogs/ /snang dang stong pa sprul pa ste/ /rang bzhin lam la shin tu gnas/ /smras kyang grub pa med pa ni/ /rmi lam gyis ni nor bzhin du/ /mtshan nyid bral ba rdo rje'i glu/ /bla ma'i zhal las nges par blangs/ /de bas na a i u e ra li o zhes bya ste/ de dag gi don ni/ dang po bzang po mchog gi stobs so/ /gnyis pa glu blang bar bya ba nyid do/ /gsum pa ni mtshungs pa'o/ /bzhi pa ni longs spyod do/ /lnga pa ni grub par byed pa'o/ /drug pa ni de bzhin nyid do/ /bdun pa ni gnas pa'o/ /brgyad pa ni spros pa'o/ /de bas na brda'i don 'di dag ni rje btsun dpal gyi ri bo dang/ bdag dang bdag gi cha las sbyar ba dag gis rtogs par bya ba nyid du zad do/ /de ci'i phyir zhe na/ mkha' 'gro ma lam dang du ma di ri ni ni de bzhin gshegs pa'o/ /kang ka dang gtum mo dang phag mo dang ro langs

  448. 224b

    ma dang 'jig pa'i gdong can ma ni 'phags pa chen po dag gi yum mo/ /yaN Da ro hi dang/ pi ta li ni rje btsun pa'i yum mo/ /rdo rje dpal mo su kha mahA sid+d+hi ni bdag byin gyis rlob pa'i mar gyur pa ste/ 'di dag ni gzhan dang ma 'brel ba'i phyir ro// der yang ma zad de/ gnas pa chen po na bdag nyid gnas pa de'i tshe tsin da ma dang stobs mchog ma dang dkar mo ma dang bshan pa mo dag gis ro'i brda bstan par gyur to/ /de bzhin gshegs pa'i 'byung gnas dam pa dag tu yang he ru ka ni dang dur khrod ma dang rnal 'byor ma chen mo sna chen ma dag gis/ bsod nams kyi 'khor lo'i brda bstan par 'gyur ro/ /rdo rje rje btsun mo'i spyan sngar yang sa 'og ma dang 'phar ma dang/ brtul zhugs ma dang spyod pas rgyu ba dag gis kyang byis pa'i brda bstan par 'gyur ro/ /de bas na rnal 'byor pa dag gis brda'i don la mkhas par bya ste/ 'di dag gi don ni bdag gis kla klo'i skad du brjod do/ /ho sa ra na a sa ra na/ e ta a sa ra/ he dus dbul/ a ta ka ta/ mu lu sa/ la hi mus ras tris/ tra sa ra/ aM tsa ba ma/ a tsa pa ma/ a tsa pa ma/ a a ti ma/ a i su mig /po li/ ka'i snig /sha ho sa ra/ ki pi tsa ta/ yo pi/ tsan he tran/ he ho ma he/ hi ma ri/ ta ma be/ a sig /ma la po yi ha/ bo yi na la/ ha hi ho/ /e na sa sug do yi la/ do pa na/ ru mig sa ra ha hi ho/ i pa ta na/ ha hi/ i pa na ha/ bo tsa na to yi la/ du ma hau la/ tsan do/ /smi ri su pa ri/ smi ri ka'i la/ tsan do pa yi la/ da ki sa/ pheM pheM pheM ha ha ho zhes pa ste/ 'dir ni srid pa'i 'khor lo'i brdar gyur pa thams cad de/ rje btsun ni pa mnyam pa la bzhugs pa ste/ bdag 'ba' zhig gi shes pa kho nar zad do/ /de yang mdor bstan pa'i tshul ni/ dang po pa nyid rnam par

  449. 225a

    zhi ba'o/ /de dag ni can no/ /'byung ba chen po'o/ /byin gyis brlabs pa'o/ /gter ro/ /bzhi'o/ /dag pa'o/ /bzang po'i spyod pa'o/ /yang dag par spyod pa'o/ /chen po'o/ /stobs so/ /rnam par rgyal ba'o// phyag rgya'o/ /snyom par zhugs pa'o/ /'od gsal ba'o/ /bde ba chen po'o/ /sbyor ba bzlog pa'o/ /sngon du gyur pa'o/ /lnga'o/ /gsum mo/ /gcig go /thams cad pa'o/ /thams cad pa med pa'o/ /gzung ba'o/ /gzung ba med pa'o// thams cad pa'o/ /dus mtshungs pa'o/ /stegs so/ /dge ba'o/ /rnam par dge ba'o/ /smra ba'o/ /tha snyad do/ /'khor lo'o/ /ce spyang ngo/ /rgyan no/ /sku'i 'khor lo'o/ /gsung gi 'khor lo'o/ /thugs kyi 'khor lo'o/ /mnyam pa nyid kyi 'khor lo'o/ /'dis ni brda'i don rnam par phye ba'o/ /de yang rje btsun pa dpal gyi ri bo bdag gis snying rje chen po dag gi blang ba'i sangs rgyas kyi ye shes kyi spyod yul rnam par phye ba'i don de dag bdag gis dgrol zhing gsal ba'i bdag nyid du bshad par bya ste/ de yang dang po snying po'i don dngos kyi mtshan nyid la tha dad kyis yang dag pa'i don gtan la phab cing de bzhin nyid ji lta ba de dag la bsam gyis mi khyab pa'i mchod pa brjod nas /bshad par dam bca' bya ste/ 'di dag ni spros pa dang bcas pa'i tha snyad kyi dben pa yin te/ de ci'i phyir zhe na/ 'di dag ni rnal 'byor gyi dbang phyug chen pos rtogs pa'i don yin no/ /de yang rab tu mi gnas pa'i rgyud las/ dbang phyug chen po dag gis nyams su myong ba 'di ni dam pa rnams kyi gdams ngag go /zhes 'byung ba'i phyir 'di dag gi don nges par shes par byed pa yang gnyis med brjod bya dang bral ba ston pa'i lung dang/ dam pa rnams kyi rtogs pa las byung ba'i

  450. 225b

    zhal gyi bdud rtsi dang/ sems nyid bsam mi khyab pa chen por rtogs pa'i lus te/ glegs bam tha dad pa la ltos pa ni ma yin no/ /de yang rgyud de nyid las/ /'di ni gnyis med rab tu sbyor ba'i lung/ /dam pa rnams kyis rnam par sprel ba'i ngag /bsam gyis mi khyab sems kyi klong rnams ni/ /dbang phyug chen po rnams kyi dbang po'o/ /zhes 'byung ba'i phyir/ /don de nyid nyams su myong bar byas la thams cad bde ba chen po'i rig par sbyar bar bya'o/ /yang rgyud de nyid las rnal 'byor rnams ba rig pa che/ /dbang phyug rig pa bla na med/ /nyams su myong ba don gyi gtso/ /thams cad bde ba chen por sbyor/ /zhes 'byung ba'i phyir/ /man ngag gi thogs pa de nyid snying gi padmo ze 'bru la thim pas rang bzhin gyis 'od 'byung bar 'gyur te/ 'dis ni rtog pa'i 'ching ba thams cad grol bar 'gyur ro/ /de yang bsam gyis mi khyab pa'i rgyud las/ snying gi pad+ma'i tha mal shes pa dag /mnyam nyid rtsi yis kun nas khyab pa ste/ /sems kyi bung ba dag gis 'jigs gyur na/ /? nyid ma bcos bde ba chen po'i sku/ /zhes 'byung ba'i phyir dang/ yang de nyid las/ tha mal shes pa nang nas sgro 'dogs gcod/ /gcad du med de chos dbyings 'khor lo che zhes 'byung ba'i phyir/ snang ba thams cad chos kyi sku/ /gnyug ma'i ngo bo nyid du shes par bya zhing dus thams cad du phyag rgya chen po 'ba' zhig tu blta'o/ /de yang rab tu mi gnas pa'i rgyud las/ snang srid phyag rgya chen po ste/ /bde ba chen po kun tu bzang/ /'di ni sems kyi 'khor lo ste/ /rnal 'byor dbang phyug lta bar byos zhes 'byung ba'i phyir dus thams cad du lhan cig skyes pa gnyis su med pa ye shes kyi tshul du spyad par bya'o/ /de yang rgyud de nyid las/ bdag tu mi rtag gzhan du min/ /gnyis ka dag tu brtag mi bya/ /lhan cig skyes pa'i ye shes ni/ /gnyis med sbyod

  451. 226a

    pa chen po'o zhes 'byung ba'i phyir/ chos kyi sku de dag ni gzhan du brtag par mi bya ste rang gi sems ji bzhin pa la bya'o/ /yang de nyid las/ sangs rgyas grub pa med cing gzhan mi rtag /grub med sems ni rdo rje lta bu ste/ /sems can kun gyi rgyud la de gnas shing/ /gnas pa med pa rdo rje'i snying po che/ /zhes 'byung ba'i phyir de dag ni 'bad rtsol gyi bsgrub pa dang 'grub pa yang ma yin te/ gnyug ma'i don phyin ci ma log pa de dag goms pa mthar phyin pa las ni skye ba 'di las sangs rgyas zhes bya ba 'byung bar 'gyur ro/ /de yang bsam gyis mi khyab pa'i rgyud las/ 'bad dang rtsol bas de nyid 'grub pa min/ /rtog pa'i don la goms par gyur pa na/ skye ba 'di yis sangs rgyas 'bras bu thob/ /bzang po he ru ka sna rnam par smras/ /zhes 'byung ba'i phyir dus de dag kyang thun mong du rnam par bshad par bya'o/ /khyad par gyi don tha mal gyi shes pa 'di dag ni bla ma dam pa'i drin gyi bdud rtsi khu ba 'thungs pas rang gi de kho na nyid rtogs te/ skad cig la mngon par rdzogs par 'tshang rgya bar 'gyur ro/ /de yang bsam gyis mi khyab pa'i rgyud las rtogs dang goms pa mthar phyin pa/ /'di la yod pa ma yin te/ /rtogs pa'i skad cig de nyid la/ /bcu bzhi sa la nges par gnas/ /zhes 'byung ba'i phyir de nyid kyi don gsal bar bya ba ni/ /kun ldan kun min ldan pa yi/ /lhan cig skyes pa'i ngo bo dpal/ /bde dang stong pa dbye med sku/ /gnyug ma'i don la phyag 'tshal te/ /bdag gi de nyid bdag 'dra ba/ /bdag 'dra gzhan la de nyid gzhan la ston/ /brda las shes shing myong ba nyid/ /smrar med don ni der bshad bya zhes bya ba'i don ni/ bla ma rnams kyi gdams pa'i don de dag smos par bya ste/ de yang kun ldan zhes pa ni snang grags kyi chos thams cad do//

  452. 226b

    de dag gang dang ldan zhe na/ sems sangs rgyas kyi bdag nyid la ldan pa'o/ /kun min zhes bya ba ni de la zhen shes kyi rtog pa ji snyed pa de dag min no/ /ldan pa'i zhes bya ba ni sems gnyug ma'i ngo bo phyin ci log pa dag la dus gsum gyi sangs rgyas thams cad kyi sku gsum dang ye shes lnga'i bdag nyid ldan pa'o/ /lhan cig skyes pa zhes bya ba ni chos kyi sku la bya ste/ snang ba lhan cig skyes pa dang/ sems nyid lhan cig skyes pa'o/ /de bas na de dag glo bur ba ma yin te/ /thog ma nyid nas chos kyi sku'i ngo bo rtogs pa dpal du gyur pa dag go /de dag ni bde ba chen po'i rang bzhin yin te/ zag pa dang bcas pa'i bde ba dang zeg pa med pa'i bde ba'o/ /de dag kyang lus dang sems dag las 'byung ba ste/ de la brtags pa'i 'khrul pa med pa ni stong pa'o/ /de ltar bde ba dang stong pa dbyer med pa ni chos sku yin te/ de nyid tha mal gyi shes pa'i ngo bo 'gyur ba med pa ni mchog ste sku/ de ni sems ma bcos pa gnyug ma'i don nyid yin te/ de yang mar la mar bzhag pa dang chu la chu bzhag pa'i tshul du sems la snang ba bzhag pa 'di dag ni chos kyi dbyings kyi ye shes te/ kun la gnas shing don dang ldan pa yin pa'i phyir phyag 'tshal zhing btud par rigs so zhes bya ba ni lhag ma dang bcas pa'i don te/ gang gi mchod par brjod pa'i gnas bsam gyis mi khyab pa'i don ji bzhin par gsal bar bya ba'i tshig go /de yang bdag gi zhe bya ba ni tha snyad kyi blo la brjod par bya ste/ rje btsun pa nyid do/ /de nyid ces bya ba ni thugs gnyis su med pa'i ye shes so// bdag 'dra zhes bya ba ni snang grags kyi chos thams cad la bya ste/ de dag tha mal gyi shes pa bdag nyid kyi dbang du gyur cing de dus thams cad du mtshungs par de las mi g.yeng ba'o/ /de ltar don de nyid kyang su la ston zhe na/ bdag 'dra zhes bya

  453. 227a

    ste/ rje btsun ba de dang mtshungs pa'am/ gang zag skal ba dang ldan pa dbang po rab tu gyur ba don gnyis su med pa 'di dag la mos shing gzhol ba 'tshogs pa'i mthu las nges par grub pa'o/ /gzhan la de kho na nyid bstan pa 'am ston pa'o/ /de dag kyang bstan du yid dam zhen ma yin te/ e du ba ka dang/ ka la mu su da dang/ tsi trid ka ni ka dang/ ni ba lo bi ka dang/ /hasta ni ma da ra la sogs pa'i brda las shes shing slob pa po la myong du med pa'i myong ba nyid ston to/ /de dag nyams su myong ba dang smrar med de med pa'i don de nyid ni rtog ge bsnams la gsal bar bya ba'i phyir sgro btags te bshad par bya ba'i don to/ /de yang ji ltar bshad par bya zhe na/ log par rtogs pa gsal ba dang// snying po'i don gyi khyad par dang/ /bla ma bstan la rtogs par bya zhing/ gnyug ma la sbyangs pa'i gang zag gi spyod yul yin pa dang/ de nyid nyams su blang ba dang/ 'bras bu 'byung ba'i rim pa bstan pa'o/ /de yang dang por mi mthun zhing log pa'i gang zag dang mi 'grogs par ston te/ dug sbrul lta bu'i skal med kyi/ /nges pa'i skye bo dam pa la/ /skyon gyi dri mas gos byed cing/ /sman tshig mngon par sgrub pa la/ /ro snyoms ldan pa'i skyes bu yis/ /mthong ba tsam gyis 'jigs par byos/ /zhes bya ba'i don ni log par rtog pa'i sems can thams cad kyi bag chags 'thug pos non pa dag la bya ste/ dug sbrul zhes bya ba ni sbrul dug can la bya ste/ de dag mthong bas ni skyes pa dang bud med dag 'jigs par 'gyur la/ reg pas ni sdangs par 'gyur te/ bsngags shing sos btab pas ni skrangs pa dang 'chi bar 'gyur/ de lta bu'i gang zag skal pa med pa dag gis rnal 'byor gyi dbang phyug chen po dag la skur par gyur te/ mthong ba'i dus su yang khong khro ba dang

  454. 227b

    bcas pas blta bar byed cing lhan cig tu gnas pa na yang de dag gis sangs rgyas kyi gnyug ma nyams su myong ba'i slu ba med pa'i don nges par sbyar ba'i skye bo dam pa dag la rnam par rtog pa'i skyon gyis de kho na nyid la mi 'jug ci zhugs pa dag kyang phyir zlog par byed la the tshom skyed pa ste/ de la sogs pa dri mas gos par byed cing 'di sangs rgyas kyi chos ma yin no/ /'di ni ston pa'i bstan pa ma yin no/ /'di la dam pa rnams kyis gdams pa ma yin no zhes pa'i smad pa'i tshig mngon par sgrub pa rnams la bde ba dang stong pa dbyer mi phyed pa'i ro snyoms dang ldan pa'i skyes bu dam pa de yis mi mthun pa'i gang zag de dag mthong ba na de tsam gyis 'jigs par bya ba nyid yin te/ rnal 'byor gyi dbang phyug chen po rnams kyis ni sems nyid gnyug ma'i rang bzhin du blta ba dang/ de ma yin pa don gyi gzhi nyams su myong ba'i rnal 'byor pa rnams kyis ni gzhan dang gzhan du 'gro bar byos shig /de ci'i phyir zhe na/ sems la gnod pa'i phyir te/ de nyid rnam par smin pa ma yin pa myong zhing skyed par byed do/ /da ni bram ze'i brtul zhugs kyis mi grol bar ston te/ de nyid la 'khrul mu stegs ni/ /bram ze'i spyod pa la gnas shig/ /sgyu ma'i rig byed bzhi dang ni/ /thun bzhis rnam par gnas shing 'don/ /sgyu ma'i dngos po gcod par byed/ /lta ba skye nyid rnam par 'dzin/ /zhes bya ba'i don ni gnyug ma dang bral ba'i tshangs par spyod pas mi grol bar ston te/ de yang de nyid ces bya ba ni chos nyid ma bcos pa'i rnal ma ji lta ba la bya'o/ /de nyid la 'khrul pa ni mu stegs lo ma can rnams te/ de dag ni bram ze lta bu'i spyod pa la gnas par byed cing rtag tu gtsang sbra dang khrus la brtson par byed pa ste tshangs pa'i skud pa dang 'gu ste

  455. 228a

    'chang ba yang byed do/ /de dag gis bya ba'i rim pa ni nus pa mi 'byin cing yid brtan du mi rung ba ste sgyu ma'o/ /rig pa ni thun mong gi dngos grub skyed par byed do/ /de la yang pho'i rig byed dang mo'i rig byed dang mtshungs pa'i rig byed dang las kyi rig byed de dag ni 'ba' ri ha dang/ ru na ha ta dang ki haM na dang/ pu ru ha na'o/ /de dag gis ni sa 'og gi dngos grub dang mkha' spyod kyi dngos grub dang mig sman gyi dngos grub dang rkang mgyogs kyi dngos grub 'grub par byed do/ /de yang snga dro dang phyi 'phreng dang sod dang tho rangs dang thun bzhi'i rnam par rig pa dang ldan pa'i lo mang ba bcu gcig gi rdo rje'i skyil mo krung la gnas shing 'don par byed do/ /de yang sgyu ma'i dngos po skyes pa dang bud med dang byol song gi tshogs ji snyed pa byung na 'phro gcod par byed do/ /lta ba ni dbang phyug tu 'dzin pa ste/ de dag gi 'dod pa yang dang po nam mkha' la rlung gi rdul phra rab lha dbang phyug chen po'i thugs rje dang sems can gyi las kyi mthul byung bar gyur te/ de gnyis phrad cing 'dus pa las rlung gi dkyil 'khor chen po sra zhing rngams 'thug la 'byung bar 'gyur ro/ /de'i steng du sa'i rdul phra rab gnyis 'grub par 'gyur te/ de gnyis phrad cing 'dus pa las gser gyi sa gzhi chen po 'byung bar 'gyur ro/ /de'i steng du chu'i rdul phra rab gnyis 'grub par 'gyur ro/ /de gnyis phrad cing 'dus pa'i skad cig ma de nyid las chu'i dkyil 'khor chen po 'byung bar 'gyur ro/ /de'i steng du me'i rdul phra rab gnyis 'grub par 'gyur te/ de gnyis phrad cing 'dus pa'i skad cig ma de nyid la me'i sgo nga chen por 'gyur ro/ /de dag gin dang nas mes po ral pa can zhes bya ba tshangs pa gdod bzhi pa byung ste/ de dag gi gdong bzhi las

  456. 228b

    mngal nas skyes pa dang/ drod gsher las skyes pa dang/ sgo nga las skyes pa dang rdzus te skyes pa 'byung bar 'gyur ro/ /de la mchod pas mnyes shing mgu bar gyur pa las ni legs pa dang dngos grub thams cad skye ba nyid du byed do/ /de dag mnyes par ma byas pa dag gis ni 'bad pa dang rtsol ba ji snyed cig byas kyang 'grub par mi 'gyur ro zhes mngon par log pa'i lta ba 'dzin par byed do/ /de dag gi 'khrul gzhi gang las 'khrul zhe na/ yul bA ra Na se'i grong khyer chen po lig tan zhes bya ba na bram ze'i rigs su skye ba bzhes pa'i tshangs par spyod pa'i rnal 'byor pa sing ha pa na ha zhes bya ba zhig gis 'jam dpal dpa' bo rig pa'i rgyal mtshan gyi rgyud la brten nas bya ba'i rgyud dang kri ya'i brtul zhugs nye bar spyod pa la gnas pa tshul nye bar spyod pa ni rgyud de dag dang mi 'gal bar sgrub pa ste/ de yang lung de nyid las/ rtag tu tshangs par spyod par bya/ /khrus dang gtsang spras gnas byas te/ /sha chang sgog btsong rnam par spangs/ /rtag tu bram ze'i spyod pa ni/ /mu tig shel skud dang ldan pa/ /de bzhin mgo bo rkang pa rked/ /lus kyi rnam par dkri bya'o/ /lha dang lha mo'i rig pa dang/ /mchod dang rig pa'i bzlas pa ni/ /tshangs par spyod pa dang ldan pa'i/ /bcu gcig dag ni thun bzhir bzlas/ /rdo rje skyil krung gnas byas te/ /lha yi nga rgyal ldan par bya/ /smra dang rgod dang g.yeng ba dang/ /bar du gcod pa'i mi rnams ni/ /spangs nas nges par 'grub par 'gyur/ /zhes bya ba'i don de dag la brten te bsgrubs pas las khyim bdag rgyal mtshan gyi dbang por skyes te/ der longs spyod thams cad dang ldan te de nas skye ba 'phos nas sum cu rtsa gsum gyi lha 'od kyi rgyal mtshan 'bar ba bya bar skye ba mthong ngo/ /de dag las 'khrul nas mu stegs lo ma pa ste/ lo tan ta zhes bya bas brtul zhugs de la nye bar zhugs te de dang mtshungs par spyod pa ni de'i rjes su 'dzin

  457. 229a

    pa rnams so/ /da ni ri khrod kyi mu stegs rnal 'byor pa rnams kyi spyod pas mi grol ba bstan te/ sbrang bu la la'i brtul zhugs ni/ /sa chu ku sha pa yu yis/ /gdan dang zas dang 'khrud par byed/ /tsan dan shing la me sbar te/ /rlangs pa yin zhes lus la gdung/ /don med sbyin sreg byed pa ni/ /du bas mig la gnod par zad/ /ces bya ba'i don ni 'khrul pa'i brtul zhugs pa dag ston te/ de yang sbra zhes bya ba'i don ni ri khrod kyi 'jigs pa'i gnas la bya'o/ /bu zhes bya ba ni mu stegs kyi mkha' 'gro ma tshogs pa'i sa'o/ la la zhes bya ba ni log pa'i bsam gtan don du gnyer ba la bya ste/ brtul zhugs ni tha mal gyi spyod pa la brtul nas drag po'i brtul zhugs la 'jug pa ste de dag ni bye ma dag pa'i sa'i tshom bu gsum gyi lus kyi stod dang smad dang rked pa 'khru bar byed do/ /mtsho dag gi nang du song ste/ spyi gtsug nas brtsams te khrus la rtsan par byed pa pa dang/ ba yu rnam pa lngas maN+Dal byas pa'i steng du rtswa ku sha dag legs par bting ste 'dug pa dang/ ba spos kyi rtswa yid du 'ong ba dag zos pa'i ba yu rnam pa lngas zas byed pa dang/ de yang rus pa'i khad pa dag tu gnas te yang dang yang du ku sha'i gdan dang/ ba yu za ba dang sa dang chu'i 'khrud pa la brtson par byed do/ /nyi ma phyed kyi dus dag na yang tsan dan gyi shing la gu gul gyi dud pas bdugs pa dag la me sbar te/ ras kyi kha tshar mang po dag gis g.yabs pa'i dud pa lho phyogs su 'bud par byed do/ /de dag la brtul zhugs pa dag gis lus nye bar bsnyen te 'di ni lha dang dbang phyug chen po'i kha'i rlangs pa yin no zhes lus la bdug par byed cing de yang lus kyi phyi nag por nam song ba na bdag sgrib pa thams cad 'dag par byed

  458. 229b

    pa ste/ chos nyid mi 'gyur ba'i rtags thob pa yin no zhes don med par sbyin sreg byed pa de ni du bas mig la gnod pa kho nar zad do/ /grong khyer ba rnams kyi me dang khyad med par 'gyur ro/ /de yang 'khrul gzhi gang las 'khrul zhe na/ rnal 'byor pa chen po te lo pa zhes bya ba dpal he ru ka bzang po'i brtul zhugs la zhugs te ri khrod dag na nye bar gnas pa de yang rgyud de dag na gnas pa'i spyod pa la gnas te de yang ci zhe na/ he ru ka mchog sangs rgyas grub 'dod pas/ /dur khrod sgom pa'i phyogs nyid dam pa ru/ /phyi nang zang zing g.yeng ba rnam spangs te/ /ku sha sngon po'i gdan la 'dug nas kyang/ /ba yu rnam lnga zas su bza' bya la/ /tho rangs dus su sa dang chu yi bkru/ /maN+Dal bzang po yid du 'ong ba'i steng/ /me tog chal pa legs par bkram nas kyang/ /tsan dan dkar po'i shing ni legs brtsigs te/ /bde gshegs mnyes phyir rtag tu sbyin sreg dbul/ /haM ti ta dang byil pa'i snying po dang/ /asma ka dang kre ya a karU/ sbyar ba'i khu bas lus la byug phar bya/ /des ni thun mong mchog gi dngos grub rnams/ /myur du ster zhing dam par 'gyur ba'o/ /zhes 'byung ba'i phyir/ tshul de bzhin du gnas pa dag skye ba 'phos nas rgyal po chen po stobs kyi glang por skye bar 'gyur ro/ /der tshogs gnyis yongs su bsags pa dag gis phung po lhag ma med pa'i rig 'dzin gyi sar tshogs kyi 'khor la song ba mthong ngo/ /de dag la mu stegs pa la kin ti zhes bya ba 'khrul nas ri khrod kyi brtul zhugs de dag la zhugs te/ de dag gi tshul 'dzin pa ni de dag gis rjes su 'brang ba dang bcas pa'o/ /da ni mu stegs rgyang pan pas mi grol ba ston te/ spre'u brtul zhugs 'dzin pa ni/ /gtsugs dang dbyu gu gnyis la gnas/ /sos ka'i rtsal shing rtse la btab/ /zags pas nyon mongs bcom zer te/ legs ldan dag gis nga rgyal gnas/ /mngon pa'i nga rgyal tha dad

  459. 230a

    med/ ces bya ba'i don ni mu stegs nags khrod pa'i brtul zhugs 'dzin pa ste/ spre'u zhes bya ba ni shing kha na gnas pa dag gi tshul la gdags pa'o/ /brtul zhugs zhes bya ba ni bag yangs pa la brtul nas sdug bsngal gyi bag la brten pa la zhugs pa'o/ /de yang nags tshal dag tu sa gzhi legs par snyoms par byas te/ de dag gi steng du shing stag sha na'i sdong po chen po btsugs te/ shing kha te ra'i rgya sprel ba 'khor lo'i tshul du dbyu gu gnyis bres pa'i sna la spre'u bzhi gnas par byas te de dag gi stengs su gnas nas gsal shing shin tu rno ba dag la snum byugs nas legs par brdar bas rno bar byas pa dag gis rtse mos khrag rgyu ba'i phyir rtsa thams cad la btab ste/ /khrag dang chu ser zags pas bdag gi nyon mongs pa bcom pa yin no zhes zer te/ seng ldeng gi brgya ma dag la nyi ma re re zhing 'jal bar byed do/ /de yang ji bzhin du yang du song ba ltar bdag ni lha legs ldan chen po dag dang khyad med pa yin no zhes nga rgyal gnas pa'o/ /bdag ni 'bras bu thams cad kyi bdag nyid yin no zhes mngon pa'i nga rgyal byed cing/ sangs rgyas dang tha dad med par smra'o/ /de dag kyang 'khrul gzhi gang las 'khrul zhe na/ lho phyogs kyang kyi yul ngag na slob dpon DoM bi he ru ka'i slob ma shes rab kyi rgyud la blo gnas par byed pa'i rnal 'byor pa 'da' snya ru ba zhes bya ba zhig gis rgyal po chen po dpa' bas byin pa la 'di skad ces smras so/ /rgyal po chen po khyod gsang sngags kyi theg pa la rab tu gzhol bar gyis shig / de ci'i phyir zhe na/ skye ba 'di nyid la dngos grub chen po dang ldan par 'gyur ro zhes pa dang/ rgyal pos smras pa/ ri khrod pa khyod la nus pa ci yod bdag la ston cig dang bdag dang par 'gyur ram mi 'gyur blta bar bya'o zhes pa dang/ rnal 'byor pas

  460. 230b

    smras pa/ kye rgyal po bdag gis ni gsang sngags kyi theg pa 'di dag la zhugs nas ring po ma lon te/ de ltar yin yang lus kyi khrag dang chu ser thams cad ni 'o mar 'gyur ro zhes pa dang/ rgyal pos smras pa/ de bdag gis blta bar bya'o/ / rnal 'byor pas smras pa/ zhag nyi shu snyed na sbyon cig ces nas dur khrod du phyin te/ lus kyi khrag dang chu ser la srog chags mi 'jug pa'i phyir shing gi skong bu legs par byas pa'i steng du 'dug ste/ gsal shing gi rtse mos lus phug nas khrag dang chu ser zags nas 'o ma 'thungs so/ /de nas rigs bzhi'i mkha' 'gro ma bzhis rnal 'byor pa de dag la bsrung ba byed pa dang/ 'jig rten pa'i mi rnams kyis spre'u bzhir mthong bar gyur to/ /de nas rgyal ba de dag gis phyir te rnal 'byor pa'i lus dum bu dum bur gcod do/ /bcad kyang de dag la khrag dang chu ser ma byung ste 'o ma 'dzag par gyur to/ /de nas rgyal po dag ngo mtshar nas rnal 'byor pa dag la skyabs su song ste/ rgyal srid thams cad bor nas ting nge 'dzin la zhugs so/ /de nas skye ba de nyid la thun mong gi dngos grub dpag tu med pa 'byung bar 'gyur nas mu stegs ha la bkag go zhes bya bas de dag gi tshul du spyod de/ de dag nye bar 'dzin pa ni de'i rjes su 'brang ba dang bcas pa rnams so/ /da ni spyod pa'i brtul zhugs kyis mi grol ba ston te/ rgyu ba dur gyi ngang pa'i skad/ /bstan pas gzhan 'dul chos ston pa/ /snying po'i don dang gzhan ma sel/ /de ltar mngon par zhen pa yis/ /'gro ba brdzun pa nyid du gol/ /zhes bya ba'i don ni mu stegs ro langs pa dag gi spyod pa ste/ grong khyer du bsod snyoms la rgyu ba'i dus su dur khrod na gnas pa'i dad pa dag gi skad kyis rgyu bar byed do/ /kang ka dang zhes bya'o/ /de yang mngon par 'dod pa'i sgras phye ba ni/ kang brtul

  461. 231a

    zhugs so/ /ka ra dbang phyug gi nga rgyal lo/ /nga de dag gi mchod pa'o/ /zhes li ka ru'i mchod pa chen po la gtogs pa'i mi rnams la don de bstan pas mu stegs kyi bstan pa la 'jug cing gzhan 'dul bar byed pa de gong ma lta bu'i chos ston pa'o/ /gzhan dag ni chos ma yin ston pa'i bstan pa ma yin no zhes snying po'i don 'di dag dang nang pa sangs rgyas kyi chos gzhan ma sel bar byed do/ /de ltar bdag dang bdag gir 'dzin pa la mngon par zhen pa'i mu stegs kyi 'gro ba de dag ni don gyi 'bras bu 'byin par mi nus te/ slu bar byed pa'i phyir brdzun pa nyid du gol ba'o/ /nga ni phyi rol pa'i bsam gtan gyi brtul zhugs kyi mi grol bar ston te/ bsam gtan tshul byed mu stegs ni/ /gun te e re thal bas bkang/ /nyal dus thal byugs ral pa 'grol/ /bsod snyoms thig le spyi bor sdud/ /gtsang ma la ba'i stong nyid du/ /bdugs nas tshangs pa'i nga rgyal byed/ /e ran mar mes dbang phyug mchod/ /mtshams su gtor gtong dril bu dkrol/ /skyil krung bcas nas mig btsum ste/ /brda me tshig gi g.yo sgyu byed/ /skra med rgyan bral rig ma ston/ /thod pas dur khrod dbang bskur byed/ /bla ma'i nga rgyal yon tan len/ /zhes bya ba ni phyi rol gyi brtul zhugs kyi spyir mi 'grol ba ston te/ de yang bsam gtan zhes bya ba ni sangs rgyas kyi dgongs pa dngos gzhi'o/ /de dag pa rtogs pa'i bsam gtan ni bsam gtan gyi tshul du byed pa ste log par rtogs pa'o/ /de dag la gnas pa'i mu stegs ni 'gun de 'phrag par bkal te/ bram ze'i ro bsregs pa'i thal ba ni e ri'o/ /mu stegs de dag 'gun de'i nad thal bas bkang ste nyal ba'i dus su yang lus po la thal ba byugs te ral ba spyi gtsug nas bkol nas lus

  462. 231b

    la gon par byed do/ /grong gseb dang dur khrod thams cad du bsod snyoms la rgyu ste/ /khrag dang zhag gi thig le dag gi lus thams cad la 'god par byed do/ /sbrul gyi chun po dang bcas pa'i ral pa'i spyi bor bsdus te/ spa dang snyug ma las btags pa'i stan la rta'i gzugs bris te shin tu gtsang bar byas pa la tsandan dang gur gum la sogs pa dris bsgos pa'i steng du 'dug nas kha shar phyogs su bltas te/ tshangs pa gdong bzhi pa'i nga rgyal byed do/ /e ran zhes bya ba ni sbrul gdug pa can la bya ste/ de dag gi tshil bus thod pa'i nang du mar me btang ste des dbang phyug chen po'i rten rdo las byas pa lha srid pa'i gdong can la mchod par byed do/ /shar phyogs mtshams su nyi ma re re la gtor ma bcu bcu gtong ste/ dur khrod kyi ka pA la rnying po la kha ti ri'i khu bas pad+ma brgyad pa bris pas dbus su srid pa'i mes po btags te dril bu dkrol bar byed do/ /rdo rje skyil mo krung bcas nas mig btsums te shes pa'i tshogs drug ma 'gags pa dag la ting nge 'dzin med do zhes rna ba yang 'gegs par byed do/ /da ri ha zhes brda med pa'i tshig de dag gis yon bdag rnams la 'debs par byed cing g.yo sgyur byed do/ /chung ma skra med rgyan dang bral ba srid pa'i mes po sbral bar bris nas 'di dag gsang sngags kyi rigs ma yin no zhes ston cing bdag ni chags pa dang bral ba ste/ de ci'i phyir zhe na/ rig ma 'di dag la blta bar bya'o zhes so/ /dur khrod kyi thod pa dag la dbang phyug chen pI gzugs bris te skra shad kyi dra bar bcug nas dur khrod du song ste/ skyes pa dang bud med gzhon nu dag gi ro bshas nas za bar byed cing thod pa de dag mgo bo la gzhag nas dbang bskur byed do/ /'di dag ni lha chen po dag gis snang ba'i dngos grub yin no zhes zer ro/ /de nas stan

  463. 232a

    mthon po la 'dug cing nga ni khyed rnams kyi bla ma chen po yin no zhes nga rgyal bas slob mas phul ba'i yon rnams len par byed do/ /'di dag gis 'khrul gzhi ni rnal 'byor pa dan ta ko la zhes bya ba sgyu 'phrul chen mo la nye bar gnas pa dag gis de'i tshul du sgrub par byed do/ /de yang rgyud de nyid nas/ rtag tu dur khrod dag tu gnas/ /he ru ka yi nga rgyal dang/ /mkha' 'gro rnams la gtor ma sbyin/ /kang rag ra dang 'bod par bya/ /dpa' bo chen po'i nga rgyal bas/ /dur khrod chas dang thig le mgo /ral pa spyi gtsug dag tu bkur/ /gdug pa'i mar me rtag tu mchod/ /dur khrod gnas su gtor ma skyal/ /gcer bu rgyan bral skra grol ba'i/ /mtshan dang ldan pa'i rig ma la/ /dbang bskur bde ba bskyed par bya/ /de ni srid gsum dag pa'i don/ /mi zad rgyan gyi 'khor lo'o/ /zhes 'byung ba'i phyir de dang 'thun par spyad de/ de dag skye ba 'phos pa las/ /rnal 'byor pa shA ting dar ma kar skyes par gyur te/ de la mkha' 'gro ma thams cad kyis dbang bskur nas srid pa gsum gyi 'khor lo thams cad sgyur bar nus so/ /de dag mu stegs gcer bu pa legs srung zhes bya bas mthong nas brtul zhugs la zhugs so/ /de dang nye bar mtshungs pa ni de'i rjes su 'brang ba rang bcas pa rnams so/ /da ni phyi rol ba brtul zhugs kyi cha dang 'thun pa dag gis kyang grol bar mi 'gyur te/ skra sen ring zhing dri ma bsku/ /gos bral skra ni rnam par 'bral zhes bya ba'i don ni/ gsang sngags kyi tshul dag dang cha 'thun par spyod pa ste/ skra shin tu ring ba la rtsa ba klu shing gi me tog chus byugs te/ ser skyar byas pas de dag spyi gtsug tu sbrul gyis 'ching bar byed do/ /sen mo 'ang shin tu ring bzhin lus po la thang chu dang bdud rtsi bsres pa'i dri mas skud

  464. 232b

    par byed do/ /gcer bu'i tshul gyis gnas par byed de dus rtag tu gos dang bral ba'o/ /skra'i mdza' thams cad kyang 'bal bar byed de/ nga ni chags pa dang bral ba yin no zhes smra bar byed do/ /de dag ci las 'khrul zhe na/ byang phyogs 'dam bu'i tshal rnal 'byor pa dpal gyi zhabs chen po zhes bya ba bcom ldan 'das dga' ba'i rdo rje'i nga rgyal du zhugs nas/ lo bcu dgu'i bar du shing lo'i stan cig gi steng nas ma langs te/ bza' ba dang btung ba ni dri chen dang dri chu'i rgyun log pas 'tsho bar byas so/ /de yang gcer bu'i tshul gyi gnas par byas te/ skra dang sen mo thams cad kyang ring bar gyur to/ /de nas lha'i bu rnams kyi nam mkha' la tshigs su bcad de smras pa/ skyes bu mchog ldan dpa' bo he ru ka /rje btsun bzhes shing bsam gtan la bzhengs la/ /lhung ba'i las can rnams kyi tshogs bsags phyir/ /sum cu rtsa gsum 'khor los sgyur bar gshegs/ /zhes nas nam mkha' la rol mo'i tshogs dpag tu med pas bsu ba dang blta ba byas nas song ngo/ /de dag gdol pa u ri ta na zhes bya bas mthong nas de'i rjes su brtul zhugs spyad do/ /de dang nye bar mtshungs pa ni de'i rjes su 'brangs pa dang bcas pa rnams so/ /de dag thams cad kyang tshul 'di lta bu dag yin te/ yid ni nam mkha' i khams la rtog /bstan la gnod byed lam gzugs ston/ /bdag ni grol 'dod thar la mngon par dga' / /gnas min bzod pa can la gnas/ /theg chen rnams kyi gzha'i sa/ /zhes bya ba'i don ni/ de thams cad 'thun pa'i bdag nyid ston par byed pa ste/ de yang de dag gis yid kyi rnam par shes pa nam mkha' i khams la ston cing nam mkha' bsgom par byed do/ /sangs rgyas kyi bstan pa la gnod par byed de bdag ni sangs rgyas kyi bstan pa 'dzin pa'o zhes brjod pas so so'i skye bo blo chung ba

  465. 237a

    thos su rig par bya'o/ /de dag gi bdag nyid nye bar spyod pa rnams ni slob pa po dgul zhugs pa rnams te/ theg pa chung dun gyi rgyas par gnas pa 'od kyi mdo dang 'phags pa las brgya pa'i mdo dang ston kau dI n+ya'i mdo la sogs pa la slob par byed cing/ sdug bsngal dang kun 'byung dang 'gog pa dang lam gyi bden pa bzhi la brtags pa nyid kyi 'khrul pa ste/ mngon sum du rmongs pa kho nar zad do/ /de dag ni rtog bcas 'ba' zhig la spyod pa kho na yin no/ sde pa zhes bya ba ni dge slong dang dge tshul gyi bdag nyid 'dzin pa bzhir tshogs pa dang de las lhag pa'o/ /de yang bye brag tu phye nas bstan pa ni bco brgyad/ de yang rtsa ba'i sde bzhi ni dang po dge 'dun phal chen sde dang/ thams cad yod par smra ba'i sde dang/ gnas brtan pa'i sde dang/ mang pos bskur ba'i sde'o/ /dang po la yang shar gyi ri bo'i sde dang/ nub kyi ri bo'i sde dang/ gsang ri ba'i sde dang/ 'jig rten las 'das par smra ba'i sde dang/ rtag par smra ba'i sde rnams su gyes so/ /gnyis pa la yang gzhi thams cad yod pa smra ba'i sde dang/ 'od srungs sde dang/ mang du thos pa'i sde dang/ gos dmar ba'i sde dang/ rnam par phye sde smra ba'i sde rnams su gyes so/ /gsum pa la yang rgyal byed che la gnas sde dang/ 'jigs med na gnas sde dang/ gtsug lag khang chen sde rnams su gyes so/ /bzhi pa la yang sa sgrogs rigs pa'i sde dang/ bsrung ba'i sde dang/ gnas ma bu'i sde rnams su gyes so/ /de thams cad kyang spyod pa'i sgo? mi mthun te sun 'byin cing gzhan du dor bar byed do/ /lta ba ni nyan thos bye brag tu smra ba dang/ mdo sde pa gnyis su gzhi mthun no/ /de yang gzung ba rang bzhin med par shes pas gang zag la bdag med par rtogs la/ 'dzin pa rang bzhin du gnas pas

  466. 237b

    chos la bdag tu 'dzin par gnas so/ /shes pa yang 'das pa dang ma 'ongs pa dang/ da ltar gyi dus gsum du bsags pa'i rdzas rdul phra rab tu grub par 'dod de/ de yang ne gsing dang g.yag rda'i tshul du sil bu phrag can sdud byed kyi rlung gis bsdus pa go 'gegs pa'i ngo bor 'dug pa 'am gong po bar mtshams med cing ma 'byar bar smra bar byed cing yang snang ba gzugs kyi gzhi dang/ gtso bo sems kyi gzhi dang/ 'khor sems las byung ba'i gzhi ni kun rdzob kyi bden par smra la/ gnas skabs dang mi ldan pa'i gzhi dang/ chos nyid 'dus ma byas kyi gzhi ni so sor brtags min gyi 'gog par smra ste/ de bzhin nyid dang nam mkha' zhes mthar thug byed do/ /de la nyan thos mdo sde ba blo rab tu gyur pa ni rang sangs rgyas nyid yin te/ de yang rten cing 'brel par 'byung ba bcu gnyis kyi rgyu las 'khor ba 'byung ba dang/ lugs de dag la bkag cing bzlog pas ni thar pa'i 'bras bu thun mong ma yin pa thob par 'dod do/ /dbus pa bye brag tu smra ba dag ni theg pa chen po la rgyu byas pas 'bras bu dag nyid 'di lta bu dag 'thob par 'gyur ro smra bar byed cing/ gzhi dang gzhi yongs su grub par byed pa dang/ mngon sum dang rjes su dpag pa dang tshig gi mtshon cha dang smra ba'i mtshon cha dang/ dbang por gyur pa'i tshad ma dang/ tshad ma phan pas grub cing rjes su phan pa'i sgras khas len par 'dod pa ste/ de dag gis mngon par brtags pa'o/ /shes pa phra rab kyi rdul du rang nyid kyi 'dod pa'i blos grub pa la des shing 'bad kyang dgra bcom pa'i 'bras bu rdol bskos pa'i ri mo lnga bu ma yin te chu la bris pa bzhin no/ /de las gzhan ma yin no/ /de ci'i phyir zhe na/ bde ba chen po bsam gyis mi khyab pa nyid dang bral ba'i phyir ro/ /de ni sngags kyi rnal 'byor pa rnams kyis thar pa mi thob pa bstan par bya ste/ rtog ge

  467. 238a

    blo chung gang zag dag /brtags nas lha yi dkyil 'khor bsgom/ /mu stegs bdag bzhin 'grub par rtog /bum gsang shes rab ye shes dang/ /mthar thug man ngag tshig tu 'don/ /don gyi rnam pa de dang bral/ /'bad cing 'khor la rnam par zhe na/ /stong pa mkha' bzhin gzhan du rtog /ces bya ba'i don ni/ kun tu brtags pa 'ba' zhig la zhen pa'i shes pa'i rnam pa mtshan ma'i rtog gis yid dkrugs pa'i phyir blo chung ba ste/ de dag ni shin tu sgrub par byed pa'i gang zag dag ni bdag nyid rten dang brten pa'i ngo bor brtags te lha'i dkyil 'khor bsgom pa dang/ de yang nga rgyal dang ldan pas grub par smra ste/ de dag ni mu stegs kyi bdag dag dang khyad med pa ste/ de bzhin du grub pa rtogs pa'o/ /de yang dbang gi rang bzhin ji ltar ma shes pa las byung ste/ de yang bum pa'i dbang ni ma rig pa'i nyon mongs pa las log nas/ /rig pa'i ye shes lnga skyed par byed pa ste chos kyi dbyings so/ /de nyid las spros pa'i rnam par rtog par 'dzin pa'o/ /gsang ba'i dbang ni zag pa med pa'i ye shes skyed par byed pa ste byang chub kyi sems so/ /de la 'jug pa'i rnam par rtog par 'dzin pa'o/ /shes rab ye shes dang zhes bya ba ni shes rab las kyi phyag rgya la brten nas/ /lhan cig skyes ba'i ye shes nyams su myong bar byed pa ste chos kyi sku'o/ /de dag la 'dod pa'i zhen par rtog pa'o/ /mthar thug pa'i don ni pradz+nyA a mu sni'o/ /de dag gi don ni shes rab chen po ste/ gsal ba dang mi rtog pa dang bde ba'i rang bzhin dang ldan pa ste gnyug ma'i de kho na nyid do/ /de dag ni man ngag ste tshig tsam du 'don par byed do/ /de pas na don sems gnyug ma'i rang bzhin dang de nyams su myong bar byed pa'i tshul gyis rnam par de dang bral ba ste/ tshogs ma bsags shing dam pa dang

  468. 238b

    nye bar mi ldan pa dag gis bcad cing rtul phong la gnas kyang tha dad kyi rtog pa dang bral ba'i phyir 'khor ba dang 'khor zhing rnam par zhen pa'o/ /de dag gi stong nyid ni 'jig rten pa dag gis bltas lta bu ste/ nam mkha' bzhin gzhan du rtogs par byed de/ de yang ci'i phyir zhe na/ rnal ma la bde ba chen po'i ros tshim par ma byas pa'i phyir ro/ /nga ni dbu ma pas thar pa mi thob par bstan par bya ste/ kha cig stong nyid la lta 'ching zhes bya ba ni stong pa nyid mi rtog pa'i cha la gnas pa dag la mngon par zhen pa ste/ de dag la dam pa nyid du lta bas 'ching ba nyid du zad do/ /de ci'i phyir zhe na bltar med pa'i phyir ro/ /de nyid kyi don ni lhan cig skyes pa'i ngo bo ni/ /rtogs pas mngon par gyur pa ste/ /rang nyid mngon grub ces bya ba smos te/ de dag gi don ni la ha ra na ka ste sems so/ /de ni lhan gyi rnam pa'o/ /pa na sa ka ri ste gcig go /de ni sems kyi rnam pa'o/ /a na as bu ta ste bla ma'i gdams dag las skyes pa'o/ /de ni thog ma nyid nas sangs rgyas pa'i ngo bo'o/ /e i thar te rtogs pa'o/ /de ni tha mal gyi shes pa nyid do/ /e bud tog ka'o de ni nyams su myong bas mngon par grub pa ste/ de thog ma nyid nas sangs rgyas pa'i ngo bo'o/ /e i ad ma ki ti ste rang nyid la mngon par grub pa'o/ /de ni kun tu bzang po nyid/ de bas na don khyad par du gyur pa nyid do/ /gzhan dag ni 'di dang mi ldan pa dag yin te/ ji ltar zhe na/ gzhan la lta rgyu 'bad pa legs byas bas/ mya ngan 'das pa thob gyur smra zhes bya ba'i don ni 'bras bu gzhan du rtog cing lta ba lta ba la re ba'i phyir rtog pa'o/ /rtog pa de yang rtog pas grub par 'dod de/ rgyu bsod nams kyi tshogs la 'bad pa legs par byas pas rnam par rtog pa rdang nas mya ngan las 'das pa'i don 'thob par 'gyur par smra ste rtog pa'o/ /rtog pas rtog pa nyid slu ba kho nar byed

  469. 239a

    de 'khor ba'o/ /'khor ba nyid kyi rtog pa mi slu bar byed de sdug bsngal lo/ /de yang ci las byung bar brtag par bya zhe na/ tshig dang lus kyi rnam pa la/ shin tu mkhas pa ltar snang yang/ /ci shos de la rnam med phyir/ /nus bar 'gyur ba ma yin no/ /zhes bya ba ni/ tshig gi tha snyad kyis rnam par rtog pa bslang ste/ de nyid mdza' med pa la rtog go /snang ba dang grags pa'i lus kyis rnam pa gtan la phab nas don med pa la rtog go /de dag cha shas kyi rnam pa la bdag ni shin tu mkhas pa yin no/ /zhes nga rgyal bar byed de 'khor ba'o/ /de ci'i phyir zhe na/ mkhas pa ltar snang yang mkhas pa ni ma yin no/ /rgyal po'i bar mdzod dang 'dra bas rang bzhin gyi nor du rin po che'o/ /cig shos de la med cing de'i rnam pa yang med pa'i phyir ka ka ra ste/ nub par mi 'gyur pa'i don to/ /de dag ni 'khrul par brtags pa'i phyir de kho na nyid ma yin no/ /'di nyid kyi don ni/ gdams ngag bzhi ru grub pa'i phyir/ gong mas smra tshul mi rigs min zhes bya ba'i don ni u ba ha ra ste/ de ni myong bas don skye bar byed pa'i don to/ /de yang 'gu re u pir ste gdams ngag go /de ni bla ma dam pa'i gdams ngag bzhin nyams su myong bas chos kyi sku'o/ /de dag kyang ci zhe na/ rgyu med pa dang ma ning gi spyod yul du rung ba dang/ so sor rtog pa'i shes rab yang ba dang/ rgyu 'bras dus mtshungs shing chu bo ltar gnas pa ste/ de yang thog ma nyid nas sangs rgyas pa yin pa dang/ thams cad la chos kyi sku gnyug ma'i rang bzhin gnas pa dang/ thams cad bde ba'i phyag rgyar re gcig pa dang/ rgyu 'bras dus mtshungs shing dus thams cad bzhin du grub pa'i phyir/ is a ra ste gong ma ste nga yis so/ /'og ma rnams la thar pa mi thob pa smra ba'i tshul mi rigs pa min te rig pa'o/ /de bas na

  470. 239b

    de thams cad thabs dang yang bral shes rab dang yang bral ba ste/ tha mal gyi shes pa dang/ de'i rang bzhin med pa'i phyir thar pa mi 'thob pa bshad par bya ste/ gang zhig don la mos 'gyur na/ /spyad pas 'bras bu thob par 'dod ces bya ba'i don ni rigs gang zhig go /don dam pa'i lta ba zhes de la mos shing gzhol bar 'gyur te zhen nas de 'grub par byed pa yang tshangs pa'i spyod pa la spyad pas 'bras bu dam pa thob par 'dod pa'i phyir/ dgag sgrub dang bcas pa nyid du zad de de nyid ma yin no/ /gang zhig gnyis med myong brel na/ /rkang dang dman pa'i bsam gtan ni/ /dgos pa med phyir phyir bsal te/ snying po'i don mchog rtogs pa na/ /mar me lha bshos de ci dgos/ /gnyis med ldang dang mjug med na/ /spyod pa ci byed sngags ma smra/ /las dang bya ba gtsor gyur pa'i/ /'bab stegs chu la khrus byed cing/ /bsnyung ba'i dka' thub ci dgos te/ /de nyid don dang ma 'brel na/ /khrus la sogs pas grol mi 'gyur zhes bya ba'i don ni snying po'i don rtogs pa'i gnyis med la gnas shing ldang 'jug med pa na sprod pa 'di dag shugs kyis dgag cing rtogs pas 'ching ba'i phyir mi dgos pa ston pa dang spyod na yang de nyid dang 'brel bar shugs kyis ston pa ste/ de yang gang zhig ces bya ba ni rten gyi gang zag khyad par du gyur pa rnams so/ /gnyis med ces bya ba ni tha mal gyi shes pa nyid do/ /myong zhes bya ba ni gsal ba dang mi rtog pa dang bde ba'o/ /bral zhes bya ba ni myong du med pa'i myong ba ste ci yang ma yin pa nyid do/ /de nyid kyi bdag nyid can bdag la dka' ba'i mu stegs kyi brtul zhugs dang/ dman pa'i nyan thos kyi sbyod pa dang ldan pa lta ba dang sgom pa dang/ rnam par rig pa dang dbu ma'i dgag sgrub dang bcas pa'i bsam gtan ni dgos pa med pa'i phyir bsal ba ste snying po'i

  471. 240a

    don mchog tu gyur pa 'di rtogs pa na sogs nas sangs rgyas grub pa med pa'i phyir/ mar me dang me tog dang bdug pa dang dri dang lta bshos la sogs pa de ci dgos bsgrub tu med pa'i phyir ro/ /gnyis su med pa'i ngang de las mi g.yo zhing ldang ba dang 'jug pa la khyad med na/ sbyin pa btang ba la sogs pa'i spyod pas ci byed pa de don med pa'i phyir ro/ sngags kyang mi smra ste 'bras bu grub tu med pa'i phyir ro/ /bla ma gnyes par bya ba la sogs pa'i las dang/ tshogs bsog pa'i bya ba gtsor gyur pa'i chu 'bab pa'i stegs su 'dug ste/ chu la khrus byed cing gtsang bar spyod pa dang/ smyung ba'i dka' thub dang dka' spyad rnams ci dgos te de dag nyid kyis 'ching ba'i phyir ro/ /de yang rnam par gcad pa lta bu ni ma yin te/ shugs kyis 'gags pa yin pa'i phyir ched du sgrub pa lta bu ni ma yin no/ /de bas na de kho na nyid kyi don dang ma 'drel na khrus la sogs pa gong du smos pa'i spyod pas grol bar mi 'gyur ro/ /'brel na don dang ldan par 'gyur ba ni shugs las shes par bya'o/ /ma rtogs pa dang ldang 'jug yod pa dang don dang ma 'brel ba rnams kyis kyang de ltar bya ba yin nam zhe na/ las dang po pa'i skyes bu yis/ /de nyid nyams su myong 'gyur te/ /ma rtogs bar du de mi gtang/ /rtogs na gnyug ma'i lam yin no zhes bya ba'i don ni las dang po pa'i gang zag skal pa rab tu gyur pa de dag la skyes bu dam pa'i gdams ngag gis nye bar 'gyur te/ de kho na nyid nyams su myong ba'i rnam pa de kho na nyid dang mi 'bral yang gnyis su med pa glong du ma gyur gyi bar du de bzhin nyid ma yin te/ ma rtogs bar du mi btang de/ /rtogs na bsod nams kyi tshogs de dag kyang sems gnyug ma'i ngo bo nyid kyi mnyam pa'i lam chen po yin no/ /de dag kyang man ngag gi

  472. 240b

    stobs gang las skye zhe na/ shes rab dang snying rje zung du 'jug pa la skye ste/ de dag bye brag tu gnas pa las mi 'grub cing dbyer mi phyed pa'i ngo bo bstan par bya ste/ snying rje bral ba'i stong nyid ni/ /snying po rtogs par mi 'gyur te/ /laM mchog mngon par bor nas kyang/ /nyan thos sa la nges par gnas/ /snying rje 'ba' zhig bsgoms na yang/ /lus dang sems ni gdung 'gyur bas/ /mu stegs dag dang khyad med de/ /bdud kyi las su rig par bya/ /skyes bu mchog ldan gang zhig gis/ /gang yang gnyis po sbyor nus pa/ /'khor dang mya ngan 'das spangs te/ /mi gnas mdza' la mngon par gnas/ /zhes bya ba'i don ni/ snying rje dang bral ba'i stong nyid kyang bdud kyi las su rig par bya'o/ /stong nyid dang bral ba'i snying rje yang bdud kyi las su rig par bya'o/ /gnyis su med pa'i don 'di ni sangs rgyas kyi dgongs par rig par bya'o/ /de dag gsal bar bya ba ni rnal 'byor ba thams cad kyi las nges par bstan pa'i rgyud las bcom ldan 'das kyis gsungs te/ lho phyogs i sha na'i yul grong khyer mchod rten brtsegs pa zhes bya ba nas yod de/ des yul gzhan gyi bram ze mo legs sbyin me tog ces bya ba zhig khyim thab tu blangs par gyur to/ /gzhon nu de yang bzhin mdzes pa blta na sdug pa yid du 'ong ba skye bo thams cad kyi blo mos par gyur pa zhig ste/ de yang tshangs par spyod pa'i sgom pa la gnas pa dam pa'i chos dkar po la gzhol ba pha ma la sri zhu che ba/ 'khor 'bangs rnams yongs su skyong ba/ bran dang g.yog rnams la byams pa'i snying rje chen pos dge slong bzhin du tshangs par sbyor ba zhig ste/ de nas zla ba bzang po'i tshes bcu bzhi la gtsug lag khang du mchod pa la phyin te/ dag pa'i dge slong dam pa rnams mthong ste /

  473. 241a

    shin tu yid dang bar gyur te/ bdag la yang bu dam pa dag bcas par gyur te/ de nas rab tu byung ste bstan pa'i lam dang mthun par gyur cig ces smon lam btab po/ /de nas de'i nub mo bram ze mo nyal ba'i rmi lam na ral gri gsum spyi gtsug tu skyes par gyur te/ ral gri gcig ni g.yang sa chen po la ltung bar gyur to/ /gcig snum du btsos nas dar shi bar gyur to/ /gcig nas 'od dpag tu med pa byung ste/ nam mkha' i khams thams cad khyab pas me tog tu gyur nas char gyi rgyun chen po phab pas sems can thams cad tshim par byas shing 'bras bu gcig tu smin par rmis so/ /de nas nang bar langs nas khrus byas te bram ze la 'di skad ces smras so/ /kye khyim bdag bdag la dgongs su gsol/ /bdag gi nyal ba'i rmi lam na/ /spyi gtsug ral gri gsum skyes te/ /g.yon pa g.yang sa chen por lhung/ /g.yas pa snum btsos dar dang bral/ /dbus ma'i gri las 'od byung ste/ /nam mkha' i khams kun me tog rgyas/ /char gyi rgyun babs sems can tshim// 'bras bu gcig tu smin par gyur/ /'di dag bzang dang ngan pa'i ltas/ /gang yin kho mos mi shes te/ /'di dag ci rigs smra bar gyis/ /zhes smras pa dang/ de nas bram zes btsun mo dam pa de la 'di skad ces smras so/ /kye kye btsun mo dam pa khyod rtag tu tshangs par spyod la gnas/ /rmi lam dam pa 'di dag ni/ /ngan par mi 'gyur gzhan la dris/ /zhes nas yul ba Na se nas bram ze a sha ta na zhes bya ba'i mtshan mkhan bkug go /bram zes smras pa/ kye gtsang ma yab yum bdag la gson cig /ltas de dag ni sras gsum btsas par 'gyur ba lags te de yang gcig stong pa la mngon par zhen pas chad pa'i gnas sa la lhung bar 'gyur ro/ /gcig snying rje la mngon par zhen pas snying rje'i snum gyi shin tu gdung bar gyur te/

  474. 241b

    bdud kyi byin gyis rlob par 'gyur ro/ /gcig shes rab dang snying rje dbyer med pa'i dang las 'od gsal chen po ngang gis skye bar 'gyur te/ longs spyod rdzogs pa'i sku'i me tog dang sprul pa'i sku'i char gyi rgyun phab ste/ chos kyi sku 'bras bu gcig tu 'grub par 'gyur ba'i rtags so/ /'di gsum yang 'thun par sangs rgyas kyi chos la gzhol ba ste/ smon lam dang dge ba'i bshes gnyen gyi stobs kyis de ltar 'gyur te/ de dag gi ming yang chen po'i stobs dang snying rje stobs dang bla med stobs zhes bya bar gdags par bya'o zhes so/ /de nas go rims kyi tshul gyi mtshan dang ldan pa'i bu gsum btsas par gyur to/ /de nas phu po 'phags pa ga ya te zhes bya ba la rnal 'byor gyi lam la yun ring du brten nas gsol ba btab pa las bdag tu lta ba las mngon par zhen nas stong pa nyid kyi de bzhin nyid bstan pas khyad par du zhen par gyur to/ /de dag gis 'khor ba'i bde ba ma yin par mya ngan las 'das pa'i bde ba mi 'thob cing 'thob pa'i rgyur yang mi 'gyur ro/ /de nas 'od ma'i tshal na gnas pa'i tshe rnal 'byor pa 'dus pa'i dus su mkha' 'gro ma blo gros ma dang legs sbyin ma gnyis kyis tshigs su bcad de smras pa/ stong pa nyid la zhen pa ni/ /mya ngan mi 'da' 'da' mi 'gyur/ /gzugs med khams su skyes nas kyang/ /'gro ba'i don bral 'khor bar lhung zhes so/ /de nas de dag tshe 'phos nas kyang gzugs med kyi khams su skyes so/ /nu bo rnal 'byor pa 'dus pa rang na zhes bya ba la lo dpag tu med par brten cing gsol ba btab pa las zhe sdang che bar mthong nas snying rje bsgom du bcug pa las snying rjes khyad par du gdungs te sems can rnams mthong ba'i dus su du zhing 'dre log par gyur to/ /de nas rnal 'byor pa 'dus pa'i dus su mkha' 'gro ma tsin da ma dang lam gnyis kyi nam mkha'

  475. 242a

    la tshigs su bcad de smras pa/ snying rje che bas yid gdungs te/ /sems ni ngal gso'i gnas dang bral/ /bdud kyis byin gyis brlabs pa'i phyir/ /shi 'phos dga' rab dbang phyug go zhes pa dang/ de nas shi 'phos nas bdud dga' rab dbang phyug dag tu skyes par gyur to/ /de nas bu bar ba de dag rnal 'byor pa srid ra zhes bya ba la lo dpag tu med par bsten cing gsol ba btab pa las/ shes rab snying rje zung du 'jug pa'i ye shes de kho na nyid bstan pas nyams su myong bas zla ba tshes gcig pa dang nya gang ba'i tshul du 'phel bar gyur te/ bla ma dam pa de dag gis kyang ci yang ma yin pa'i stong pa nyid dang/ gdung ba dang bral ba'i snying rje'i rnam pa blo la mngon par sbyangs shing nyams su myong bar byas so/ /de nas rnal 'byor pa 'dus pa'i dus su mkha' 'gro ma sin da hi dang nye ba can gnyis kyis tshigs su bcad de smras pa/ shes rab snying rje zung 'jug pas/ /rtogs pas mya ngan 'das pa ste/ /'khor dang mya ngan 'das spangs nas/ /mi gnas sa la mngon 'tshang rgya/ /zhes phung po lhag ma med pa'i mya ngan las 'das par gyur to/ /de bas na rigs kyi bu rnams kyis dge ba'i bshes gnyen dam pa yun ring du bsten cing thabs dang shes rab gnyis su med pa'i don ston par bya bar rigs so zhes 'byung ba'i phyir bshad par bya ste/ snying rje zhes bya ba ni phrag dog med pa'i dge ba'i rtsa ba ste/ ngo bo sems can thams cad sdug bsngal dang bral bar 'dod pa'o/ /de yang rang gi klad nad dang bral bar dga' ba bzhin du ste/ bde ba dang bral ba stong pa nyid kyis ni theg pa chen po dge ba'i rtsa bar yang mi 'gyur la/ snying po'i chos kyi sku rtogs par yang mi 'gyur te/ lam gnyis su med pa mchog tu gyur pa mngon par bor nas kyang zhi ba phyogs gcig tu bgrod pa'i nyan thos kyis

  476. 242b

    la nges par gnas so/ /stong pa dang bral ba'i snying rje 'ba' zhig bsgom na yang kyi bung zhes byed pa dang ba spu ldang ba dang skra rtsa zing zhes byed pa la sogs pas mi bzod pa'i phyir/ lus gdung bar 'gyur te/ lus sems ni brten pa'i tshul du gnas pas sems gdungs par 'gyur ro/ /de bas na phyi rol gyi mu stegs pa dag dang khyad med de/ sems sangs rgyas kyi bdag nyid zad par byas pa'i phyir bdud kyi las su rig par bya'o/ /skyes bu bsod nams kyi rgyu las grub pa bla ma mchog dam pa dang ldan pa gang zhig gis/ gang yang stong pa dang snying rje dbyer mi phyed pa gnyis po yid la mi byed pa'i tshul du sbyor bar byed de 'khor ba la chags pa dang mya ngan las 'das pa la zhen pa yang spangs te/ shes rab kyis 'khor ba la mi gnas shing snying rjes mya ngan las 'das pa la mi gnas pa ste/ tha mal gyi shes pa'i mdza' sangs rgyas kyi dgongs pa la mngon par gnas so/ /de bas na de lta bu'i don de dag la gdams par bya ste/ kye ho bdag tu 'dzin pa thong/ /log par zhen pa brdzun du smros/ /brdzun la nges par chags ma byed/ /zhen pa'i rnam rtog ma byed par/ /re dogs rtsol ba'i sems de thong/ /zhes bya ba'i don ni khams gsum pa thams cad la kye ho zhes bos nas yin pa'i don la gdams par bya ba'i tha tshig go / de dag kyang ci zhe na/ bdag ces bya ba ni tha dad kyi rtog pas rtags pa'i bdag nyid la zhen pa'o/ /de bdag tu 'dzin pa las 'khor bar snang zhing sdug bsngal 'byung ba'i phyir thong zhes pa'o/ /de'i mdza' la rtogs pa ni log par zhen pa ste/ des ni slu ba dang bcas pa yin pa'i phyir yid brtan du mi rung ste/ chags pa dang bral ba nyid kyis brdzun du smros zhes bya'o/ /bdag ni chags pa dang bral ba yin no zhes brdzun pa bzlog pa'i don de nyid la yang nges par chags par ma byed cig ces gdams so//

  477. 243a

    ji ltar gnas par bya zhe na/ tha dad du zhen pa'i rnam par rtog pa mi byed par gnyug ma'i de kho na nyid la gnas par ste/ 'bras bu re ba dang 'khor ba la dogs pa dang mnyam pa'i don la rtsol bar byas pa'i sems de dag thong la cir yang ma yin pa'i sems rang dga' rnal ma 'di nyid dam pa'o/ /de ltar gnyis med kyi don bstan nas/ da ni rtogs na thams cad de'i ngo bo yin pa bshad par bya ste/ rtogs par gyur nas thams cad de yin te/ de las gzhan zhig sus kyang shes mi 'gyur/ /klog 'dzin bsam dang bsgom pa de nyid yin/ /bstan bcos sems la bshad cing go bar nges/ /yin min mtshon pa'i lta ba yod min te zhes bya ba'i don ni/ gnyug ma'i don rtogs par gyur na snang zhing grags pa thams cad de'i ngo bo nyid yin te/ de las gzhan pa'i mdza' zhig ni thams cad mkhyen pa nyid dang rje btsun pa la sogs pa sus kyang shes par mi 'gyur ro/ /de yang rab tu mi gnas pa'i rgyud las/ sems nyid klong du gyur pa kun tu bzang/ /tha mal shes pa de nyid nyams su myong/ /dam pa dag gis de nyid rtogs pa na/ /'di ni he ru ka ste kun gyi bar?/ /zhes 'byung ba'i phyir ro/ /de bas na klog pa dang 'dzin pa dang bsam pa dang sgom pa thams cad kyang de nyid kyi bye brag gis 'dod pa yin te/ de'i ngo bo las ma 'das pa'i phyir ro/ /de yang rgyud de nyid las/ nam mkha' ngo bo dag pa'i rang bzhin las/ sprin sogs glo bur du ma byung gyur yang/ /de nyid yin te nam mkha' nyid kyi dang/ / sems nyid gnas pa rdo rje ye shes ni/ /sna tshogs snang yang gnyug ma'i ngo bo nyid/ /byed sgo tha dad rnam pa'i tshul snang yang/ /de nyid don las gzhan pa yod ma yin/ 'di ni rang bzhin nyid de bde ba che zhes 'byung ba'i phyir thams cad de

  478. 243b

    bzhin nyid kyi rang bzhin du shes par bya'o/ /de bas na brda dang tha snyad kyis 'di dag gzhan las bstan par mi nus te/ bstan pa'i chos dam pa rnams kyi zhal gyi bdud rtsi las 'byung ba 'di dag /sems ci yang min pa sems ci yin pa la bshad cing de nyid du go bar byas te 'di ni nges pa'o/ /de'i ngo bo de yang yin pa dang min par mi rtog ste/ mtshon par nus pa'i lta ba yang yod pa ma yin no/ /de bas na 'di dag la gzhal bar bya ba ni ma yin te/ rtogs na rtogs su med pa nyid do/ /de ltar snying po'i don gyi khyad par bstan nas/ de yang bla ma dam pa las rtogs par bya ba ston te/ bdag gi de nyid rtogs pa'i man ngag de/ /nya gcig bla ma'i zhal la ltos pa yin/ /bla mas smras pa gang zhig snying zhugs pa// lag mthil dag tu skyu ru rlon bzhag dang/ /nor bu rin chen mi rtog gsal lta 'dra zhes bya ba'i don ni sems can thams cad kyi bdag tu 'dzin pa'i shes pa de nyid kyang chos kyi sku dag las mi gzhan te/ de nyid rtogs par bya ba'i man ngag de dag kyang srid ta sna e ga ri ste bla ma nyag gcig gi zhal la bltos par bya ba yin no/ /de dag kyang ci zhe na/ a smi ra ga tra na zhes bya ste/ de dag gi don ni mgon po gang gi lung bstan nus/ /ring ba'i bla ma nyid yin no/ /de nyid nyams su myong ba ni/ /nye ba'i bla ma nyid yin te/ /dus gsum sangs rgyas skye ba'i phyir/ /bla na med pa'i ma yin no/ /dam pa'i zhal la gus pa dang/ /sgra la nges par byed pa ste/ /ltos pa spangs na the tshom med/ /bsgrub dang bde bral de yin no/ /zhes sgra'i don du nges par 'byung ngo/ /de bas na bla ma dag gis smras pa'i rnal ma'i shes pa de dag shugs kyis go ba ste de nyid kyi ngo bos bde ba lus la 'gyel ba dang/ sems la 'gyel ba dag gi tshul gyi gang bar 'gyur la/ de la yang zhen pa

  479. 244a

    med pa'i phyag rgya chen pos bde ba zhig cing snying po gnyug ma'i ngo bo nyid la goms pas mnyam pa nyid kyi don snying la zhugs par gyur te/ ji bzhin pa'i don de bzhin par rtogs so/ /de dag kyang dper na lag pa'i mthil dag tu skyu ru ra dang a 'bras la sogs pa rlon pa bzhag pa na de dag phyi nang bar med par gsal ba'i ngo bor shes par 'gyur ba bzhin dang/ nor bu rin po che a smri sar me long steng du bzhag ste bltas na 'od mi rtog cing gsal ba'i ngo bor lta ba dang/ ltos pa med par 'byung ba dang 'dra bar gnyug ma'i don 'di dag rtogs na snang grags kyi chos thams cad sems kyi ngo bo nyid du rtogs shing bde ba chen po'i ris thams cad nga bdag med pa'i mnyam pa'i don la shugs kyi 'jog /don de nyid kyang rtag par mi nus shing brtag par yang dka' gzhan la ltos par bya ba yang ma yin te/ mi rtog cing gsal la rang bzhin grub par med pa ni dpe gong ma lta bu dang mtshungs so/ /don de nyid kyang dbu ma la sogs pa gzhan gyis mi rtogs pas de dag la smra bar bya ba ni gnyug ma'i rang bzhin byis pas mtshor bas/ 'khrul bas byis pas bslus zhes snying pos smras/ /zhes pa'i don ni/ gnyug ma'i rang bzhin de kho na nyid byis pa lta bu'i rtog pa dang ldan pa rnams kyis mtshor te/ de kho na nyid las log par 'khrul pas byis pa de dag bslus te sdug bsngal bar gyur to/ /zhes snying pos smras so/ /de nyid tshul ji lta bu yin zhe na/ bsam gtan med cing rab tu byung ba med ces bya ste/ de dag gi don ni bsgom bya dang sgom byed du rtogs pas bsam par bya ba ldan te/ de dag ni zug rngu'o/ /de ci'i phyir zhe na/ bsam gtan la zhen cing chags pa dang de las gzhan pa la zhe sdang ba'o/ /de bas na chags sdang mngon par 'phel ba ni 'khor ba 'ba' zhig tu zad do/ /'di ni bza' gtad dang bral ba'i phyir

  480. 244b

    bsam gtan med cing rtogs pas tshang rgya ba'i phyir rtsol ba'i bdag nyid thams cad kyi gzhir gyur pa'i brtul zhugs rab tu byung ba la sogs pa yang med do/ /'o na khyim na gnas shing 'jig rten pa phal pa dang 'thun pa'i spyod pa las 'grub bam zhe na/ ma yin pa'i phyir bshad par bya ste/ khyim gnas chung ma 'khor dang lhan cig tu/ /gang zhig yul chags dga' bcings mi grol na/ /snying po'i don mchog ldan pa ngas smras pas/ /de nyid don la reg pa ma yin no zhes bya ba'i don ni/ ri khrod dang dgon pa dang chu 'gram dang phug stong dang nags la sogs pa dben pa'i gnas dor nas khyim na gnas shing yo byad dang chung ma dang 'khor rnams dang lhan cig tu mtshungs par spyod pa gang zhig bdag ni bsam gtan pa yin no zhes de de bzhin nyid sgom yang yul la chags pa dang/ 'dod pa'i yon tan la dga' ba'i bcings pas grol bas na de'i rgyus chags sdang mngon par 'phel bar 'gyur te/ snying po'i don mchog dam pa dang ldan pas smras pa/ de kho na nyid kyi don la reg pa ma yin no zhes so/ /da ni de nyid kyi don de dag brtags pas mi 'thob pa bshad par bya ste/ gal te mngon du gyur na bsam gtan gang/ /gal te lkog na yod na mu tshod dpog /ces bya ba'i don ni kho bos dbu ma pa dag la smras pa ste/ shes bya nang du 'dod pa dag ni snang ba sems las byung ba yin no zhes smras pa dag la gal te sems las byung ba yin na sems sangs rgyas yin pa'i phyir mngon du gyur pa thams cad kyang chos kyi sku ste/ bsgom du med pa'i phyir bsgom par bya ba'i don khyod kyi bsam gtan ni gang yin smros shig /gal te phyi rol na snang pa de dag ni lkog na skyed par byed pa yod pa ste/ shes pa'i rnam pa yin par smra na tha dad pa'i phyir khyod kyi gzhal bar yang mi

  481. 245a

    nus te/ mun pa la tshod dpogs pa dang 'dra ba'i phyir bsgoms kyang don med par 'gyur ro/ /da ni de kho na nyid kyi rang bzhin bstan par bya ste/ lhan cig skyes pa'i 'gro ba'i ye shes de/ /rang bzhin nyid kyi dngos dar dngos med par/ /snying po'i don ni 'o dod rtag tu 'bod/ /ces bya ba'i don ni lhan cig skyes pa'i ye shes 'gro ba thams cad kyi rgyud la yod pa'i gnyug ma'i ye shes de dag thog ma dag nas rang bzhin nyid kyi dngos por rtog pa dang dngos po med par rtog pa dang bral bas snying po'i don 'di ni tha mal gyi shes pa yin/ rtogs pas sangs rgyas pa yin no/ /thams cad bde ba chen po'i rang bzhin no zhes snyam pa'i 'o dod dang bde ba'i 'o dod dang/ grags pa'i 'o dod rtag tu 'bod/ 'di dag gis nges par 'tshang rgya bar ji tsam na nus she na/ lta ba'i khyad par bstan par bya ste/ gang zhig blangs nas skye 'chi gnas gyur pa/ /de nyid blangs nas bde chen mchog grub ces/ /skad snyan grags pas snying po smra byed kyang/ /byol song 'jig rten mi go ji ltar byas zhes bya ba'i don ni/ bla ma'i gdams ngag de nyid nyams su myang ba las gang zhig gis rgyas gdab ste/ tha mal gyi shes pa blangs nas rtag chad kyi skye 'chi gnas gyur pas/ de kho na nyid 'bras bu thams cad kyi mchog bdag nyid kyis bdag nyid la blangs te/ de nas skad cig ma de nyid la bde ba chen po de kho na nyid kyi mchog grub ste mngon par rdzogs par sangs rgyas so zhes skad snyan par bsgrags pas snying po'i don gyis smra bar byed kyang tshogs ma bsags pa'i gang zag rtog pas rmongs pas byol song gi 'jig rten dang 'dra ba rnams kyis mi go ba'i phyir da ji ltar bya zhes pa'i don to/ /da ni phyin ci ma log pa'i don bstan par bya ste/ bsam gtan bral bas ji zhig bsam byar yod/ /

  482. 245b

    brjod du med la gang zhig bshad du yod do/ /srid pa'i phyag rgyar 'gro ba ma lus zhugs/ /rang bzhin gnyug ma sus kyang rtogs pa med/ /rang bzhin snying po nyams su myong dus su/ /rgyud med sngags med sems dang bsam gtan med/ /mnyam dus de kun rang bzhin 'khrul pa'i rgyu/ /rang bzhin shes pas 'khrul pa snying po'i don/ /rang bzhin dag pa'i sems kyi padmo la/ /rtog ge bsam gtan dag gis mi bslad de/ /bdag nyid bde la gnas kyang ma zhen cig /ces bya ba'i don ni de kho na nyid gnyug ma'i don de dag la sgom du med pa'i phyir bsgom par bya ba ma yin te/ gnyis 'dzin gyi bsam gtan dang bral bas ci zhig bsam du yod de med do/ /bsam gtan gyi ngo bo sgrub par byed pa'i tshig dag kyang yul grub pa med pa'i phyir gang zhig gis bshad du yod pa ma yin te med do/ /de ltar ma rtogs pa'i sems can rnams kyis bsgom par bya ba'i yul dang de nyams su blangs pa'i thabs kyi tha snyad kyi thig brjod du yod pa'i phyir srid pa ste khams gsum pa'o/ /de ni rtogs pa las byung ba yin pa'i phyir dam pa rnams kyi gdams ngag dang nye bar ma 'brel bas rnam rtog gi phyag rgyar 'gro ba ma lus pa thams cad zhugs so/ /rang bzhin gnyug ma'i de kho na nyid ni sus kyang rtogs pa med de rang bzhin gnyug ma'i snying po'i don de nyams su myong ba'i dus su rgyud med de de bzhin gshegs pa'i bkar grub pa med do/ /sngags med de de la brten pa'i bstan bcos su grub pa med do/ /de dag gis bsgrub pa'i sems nyid dang nyams su myong ba'i bsam gtan du grub pa med do/ /de kho na nyid nyams su myong ba'i mnyam pa nyid kyi ye shes kyi dus su gong du bshad pa de kun thams cad chos nyid kyi don rnal ma'i rang bzhin 'khrul ba'i rgyu'o/ /de dag kyang 'khrul du yod dam

  483. 246a

    zhe na/ snang srid chos kyi sku phyag rgya chen po'i ngo bo nyid du rtogs shing tha mal gyi shes pa'i don ci yang med pa'o/ /rang bzhin shes pa rnams kyis ni/ /'khrul pa'i logs su mi rtog ste/ /de nyid snying po'i don yin pa'i phyir ro/ /de ltar rang bzhin gyis dag pa'i sems kyi rang bzhin rtog pa'i dri mas ma gos pa'i padmo la rtog ge ba'i bsam gtan dag gis bslad par mi bya ste/ rang bzhin gang dga' ba'i tshul du gzhag pa de nyid nyams su myong ba'i bde ba lus dang sems la gnas kyang de la ma zhen cig /ces dam pa rnams kyis gdams pa'i don to/ /da ni rang bzhin de kho na nyid kyi gnas lugs bstan par bya ste/ bdag nyid bde yid dag la 'dug mi bya/ /bdag nyid za zhing 'thung la gnyis sbyor te/ /dga' ba'i yid kyis sprod par byed pa ni/ /rtag tu yang dang yang du 'khor lo 'gengs/ /chos 'dis 'jig rten pha rol 'grub 'gyur te/ /rmongs pas 'jig rten 'gror rtog gzhag nas so/ /zhes pa'i don ni rnal ma'i don gnyug ma'i de nyid nyams su myong ba ni rnal 'byor pa bdag nyid la bde ba skyes kyang yid de dag la 'dug par mi bya'o/ /'o na bsgom par bya ba ma yin nam zhe na/ rnal 'byor pa bdag nyid gnyug ma'i ting nge 'dzin de dag gi zas za zhing bla ma'i gdams ngag dam pa'i skom 'thung la bde ba dang stong pa gnyis de nyid du sbyor bar byed pa ni rang dga' i tshul gyis te/ dran pa rgyun chags kyi yid kyi sems sems su sprod par byed pa ni snang ba sems la ma thim par du rtag tu yang goms par bya ste/ lus bde ba chen po'i 'khor lo la sems sangs rgyas kyi bdag nyid kyis 'gengs shes bya'o/ /de bas na rang bzhin gyi chos 'dis ni yang dag par rdzogs pa'i sangs rgyas su 'tshon pa'i 'jig rten pha rol 'grub par 'gyur te/ de ni sems

  484. 246b

    nyid du 'grub cing rtogs pa'o/ /tha dad kyi sgribs pa'i rmongs pas 'jig rten gyi khams rnam par rtog pas brtags pa'i mgor sems rnam rtog tu brtags gzhag nas song ngo/ /de dag gis ni 'bras bu la nye bar byed pa yang ma yin no/ /da ni dman pa'i bsam gtan dag gis don med par 'gyur ba bshad par bya ste/ gang du rlung dang sems ni mi rgyu zhing/ /thabs dang shes rab 'jug pa med gyur pa/ /skyes bu mi shes pa dag gnas dor ni/ gnas shing gnas skabs sems ni dbugs dbyung zhing/ /zhes bya ba'i don ni rmongs pa'i bsam gtan pa dag gi steng 'og gi rlung bsdams shing mnan pa dang/ rtsa'i nA da thig le'i rnam pa la blo zhen du 'jug pa dang/ shes pa kha nang du bltas pa'i zhi gnas bsgom pa dang/ phyi rol gyi yul sku dang phyag rgya la sogs pa la dmigs pa nye bar 'dzin pa ste/ de dag gi dus su yul gang du yang rlung dang sems mi rgyu ba ste/ 'phros par gyur na yid kyi zhing de dag la rang ldog par 'gyur ro zhes smra bar byed kyang shes pa khugs su bcug nas shes pa de dag nan gyis sdud par 'gyur te/ sdug bsngal 'ba' zhig kho na skyed par zad do/ /de ci'i phyir zhe na/ thabs tha mal gyi shes pa dang/ shes rab gsal ba dang mi rtog pa dang bde ba dang 'jug pa'i chos kyi sku bde ba chen po'i rang bzhin dang bral te med par 'gyur bas thabs zhi gnas la nan tan byas pas 'bras bu lhag mthong gi shes rab skyed par 'dod de/ de dag kyang bsgom bya dang sgom byed du brtags pas skyes bu mi shes pa dag gnyis 'dzin gyi shes pa'i gnas der ni mnyam par gzhag pa la shing rjes la thob pa'i gnas skabs su sems kyi ngo bo ni dbugs dbyung zhing gnas par byed pa ste/ 'di dag la ni bye ma la mar brtsir ba bzhin no/ /slob dpon chen po dag gi

  485. 247a

    zhal gyi bdud rtsi gnyis pa rje btsun pa las thos pa ni man ngag tu gnas pa ste zhal las shes par bya'o/ /da ni ji ltar bsgom par bya ba yin zhe na/ snying po'i don gyi ye shes de kho na/ /bdag med mas ni man ngag bstan nas song/ /gnyis su mi bya gcig tu rtog na rnal 'byor spros pa'i lam zhes bya ba'i don ni sems gnyug ma'i rang bzhin snying po'i don de nyid kyi ye shes kyi cho 'phrul dpag tu med par snang ste/ de thams cad kyang rnal ma'i de kho na nyid kyis nyams su myong bar byed de/ de nyid kyang sems nyid kyi ngo bo ste nga bdag gi cha dang bral ba'i phyir bdag med ma yin la 'bras bu thams cad skyed par byed pas na ma yin ste/ des de nyid la ni ci yang min pa'i man ngag bstan nas song de 'dzin par byed pa'i man ngag gis bsgom bya dang sgom byed gnyis su mi bya zhing ngo bo gcig tu bya ba ste/ bdag nyid kyi ngo bo yin no zhes gcig tu rtogs na rnal 'byor pa'i rtog pa dang spros pa'i lam ste/ 'brs bu zad pa byed pa nyid do/ 'di dag gi byed pa'i tshul ni 'di lta bu yin te/ rigs la bye brag bzang ngan ma 'byed par/ /khams gsum ma lus 'di dag thams cad ni/ /'dod chags rnam spangs 'dod chags nyid yin te/ /'dod chags chen pos gcig tu kha dog bsgyur zhes bya ba'i don ni snang grags kyi chos 'di dag thams cad de bzhin gshegs pa'i rigs te nam mkha' dang 'dra'o/ /de la bye brag dang bzang ngan ma 'byed par chos kyi skur blta bar bya'o/ /de nyid la rigs gsum du snang ste/ 'dod pa'i khams ni rin po che'i rigs so/ /gzugs khams pad+ma'i rigs so/ /gzugs med pa'i khams ni rdo rje'i rigs te/ de yang rab tu mi gnas pa'i rgyud las/ khams gsum sems can bde gshegs rigs/ /thams cad chos kyi sku ru blta/ /

  486. 247b

    'dod khams rin chen rigs yin te/ /'dod pa'i yon tan rnam par 'byung/ /gzugs khams pad+ma'i rigs yin te/ /lus rnam dag cing dri ma med/ /gzugs med rdo rje'i rigs yin te/ /mtshon gyis bcad kyang bsnyad mi nus/ / rigs gsum sku yi 'khor lo 'di/ /rigs gcig dag las nges par 'byung zhes 'byung ba'i phyir khams gsum pa ma lus 'di dag thams cad ni tha dad kyi 'dod chags rnam par spangs te/ spang du med pa'i don sems nyid gnyug ma'i ngo bo nyid yin pa'i phyir ro/ /de bas na 'dod chags spang du med de tha mal gyi shes pa'i 'dod chags chen po nyid yin te/ de yang nges pa'i 'dod pa dang ci yang ma yin pa'i chags pa chen pos chos kyi sku nyag gcig tu kha dog bsgyur bar bya'o/ /da ni mtshan nyid kyi rnam pa brjod par bya ste/ de la thog mdza' dbus ni yod min te/ /srid dang mya ngan 'das pa gnyis mi rtog /ma bcos bde ba chen po mchog 'di la/ /bdag dang gzhan du grub pa yang ma yin/ /mdun dang rgyab dang g.yas g.yon phyogs bcu ru/ /gang du rtog dang myong ba de dag ni/ /de ni 'khrul pa'i lam la mngon par gnas/ /rang bzhin mtshon cha chen po rtogs pa na/ /da ni su lang dri bar mi bya'o zhes bya ba'i don ni gong du smos pa'i gnyug ma'i ngo bo de dag la thog ma dang mdza' yod pa ma yin te nam mkha' dang 'dra'o/ /dbus ni ci yang ma yin pa'i phyir yod pa min te bdag gis smra bar mi nus so/ /de ltar nyams su myong ba'i don de nyid la srid pa dang mya ngan las 'das pa gnyis su mi rtog ste dbyer mi phyed pa'i phyir ro/ /de ltar rang bzhin ngo bo ni sems ma bcos pa yin te/ de nyid kyi khyad par ni thams cad bde ba chen po'i rang bzhin pas rtog pa mchog tu gyur pa 'di la bdag dang gzhan du grub pa yod pa ni ma yin te/ /de'i phyir rnal 'byor pa rnams

  487. 248a

    kyi sems nyid rtogs pa dang/ bskyed pa'i rim pa brtags pa'i thob cing de nyid la 'byung ba dang/ rtsa ba'i rgyal po dang/ blon po dang dmangs rnams dang steng du rgyu ba'i rlung dang thur la rgyu ba'i rlung dang 'phred la gnas pa'i rlung dang gnas pa'i byang chub kyi sems dang 'pho ba byang chub kyi sems dang 'gyur ba byang chub kyi sems la bde ba bskyed cing blo gnas shing brtan pa dang shes pa mi rtog pa 'ba' zhig la gnas pa dang/ bum pa'i dbang me long lta bu'i ye shes su blta ba dang/ gsang ba'i dbang mnyam pa nyid kyi ye shes su blta ba dang/ shes rab ye shes kyi dbang so sor rtog pa'i ye shes su blta ba dang/ mdza' i dbang bya ba nan tan gyi ye shes su blta ba rnams dang/ de thams cad rten par byed pa yang dam tshig las 'byung ba yin pa dang/ de thams cad kyang chos kyi dbyings kyi ye shes las ma 'das so/ /zhes mdun dang rgyab dang g.yas g.yon phyogs bcu ru brtags dpyad de gang du rtogs pa dang nyams su myong ba de dag gi zug rngu ste/ skyes bu de ni 'khrul pa'i lam las mngon par gnas pa kho na'o/ /gnyug ma'i don phyin ci ma log pa mi mthun pa'i phyogs skad cig ma de nyid la zhi bar byed pa'i rang bzhin gyis mtshon cha chen po 'di rtogs na da ni bdag gi su la yang dri bar mi bya'o/ /de ci'i phyir zhe na/ brtags pa thams cad sdug bsngal yin pa'i phyir ro/ /da ni rtogs pa'i tshad bstan par bya ste/ snang ba'i dbang po gang du nub 'gyur zhing/ /rang gi ngo ma nyams dngos nyams 'gyur/ /zhes bya ba'i don ni gnyug ma'i ngo bor bzhag pa la khyad med kyang rnam pa la yod pa'i phyir dang por myong du med pa'i myong ba dang/

  488. 248b

    goms dang mthar phyin pa'i dus su snang ba dang dbang po yul du gyur ba thams cad gnyug ma'i ngo bo nyid du nub par 'gyur zhing/ de yang rang bzhin gyi ngo bo ma nyams te ji bzhin par rtogs pa'o/ /byis pa rnams kyis brtags pa'i dngos po nyams par mi 'gyur ro/ /da ni de nyid kyi don de dag bla ma ma yin pa gzhan las mi rtogs par bya ste/ kye he grogs dag lhan cig skyes pa ste/ /gzhan nas mi rnyed bla ma'i zhal las dris/ /don dam zhal gyi ngo bo de rtogs na// yid ni 'ching med rlung yang 'chad pa med/ /khams gsum 'di ni thams cad de yi bdag /de ma rtogs pas 'ching dang 'chad par 'gyur zhes bya ba'i don ni kye ho zhes bya ba ste bla ma la brten pa la gdams pa yin pa'i don te/ grogs dag ces bya ba'i don ni blo shin tu chen por 'gyur ba'i gang zag rje btsun pa rnams dang mtshungs par spyod nus pa rnams la'o/ /de dag sbyangs pa'i don ni lhan cig skyes pa'i ye shes de dag gzhan nas rnyed pa ma yin te mi rnyed pa'i phyir ro/ / de bas na bla ma'i zhal gyi bdud rtsi la dris nas don dang ldan par 'gyur ro/ /de bas na dam pa'i gdams ngag de dag rtogs na yon tan dang ldan par 'gyur la/ ma rtogs na dug tu 'gyur ba'i phyir gnyis med kyi don dam pa de dag bla ma'i zhal gyi ngo bo de las rtogs na yid 'ching ba med de/ shes pa rnal ma chos kyi sku yin pa'i phyir ro/ /rtog pa yang chad pa med pa ste snang grags kyi chos sku phyag rgya chen po yin pa'i phyir ro/ /de bas na khams gsum pa 'di dag thams cad ni bde ba chen po'i bdag yin te/ de nyid kyi ngo bo la rtogs pas rtogs par 'dod pa'i phyir yid 'ching ba dang rlung bzlog cig 'chad par 'gyur te/ sems bsad cing dgag sgrub byas pa'i phyir ro/ /da ni rtogs pa'i don las

  489. 249a

    snying po logs na med par bshad par bya ste/ khams gsum 'di na yan lag dngos po gnas/ /de ni rmongs pas rab tu shes par gyis/ /ma rig mi rig gti mug rgya mtsho che/ /chad pa'i tshul snang de la ma zhen pa'i/ /'di ni snying po bde chen mchog yin no/ /'di ni sangs rgyas dgongs pa sangs rgyas nyid/ /gzhan gyi spyod min sa ra pa yi bstan/ /rjes su 'gro ba glu yi gang blang bya/ /zhes bya ba'i don ni khams gsum pa 'di na gsal ba dang mi rtog pa'i yan lag dang/ bde ba chen po'i dngos po gnas te de ni shes pa med pa'i phyir rmongs pa yin pas don de nyid rab tu shes par gyis shig ces bya ba'i don dang khams gsum pa 'di dag yan lag can gyi rdzas dang bsags pa dang 'dus pa'i dngos po dang/ sems las byung ba dang rnam pa yin par 'dod pa smra ste/ de ni kun nas dkris pa'i phyir rmongs pas 'khor ba'i bdag nyid la gnas pa kho na ste/ de ni g.yang sa yin pa'i phyir rab tu shes par gyis shig pa'i don to/ /de ni nyon mongs pa dang de kho na nyid tha mi dad pa yin te/ khams gsum pa thams cad kyi ma rig pa ni ye shes nyid yin te rig tu med pa'i phyir ro/ /de bas na mi rig pa'i don de nyid gti mug chen po ste mi shes shing shes pa med pa'i phyir ro/ /de ni zab cing dpag dka' ba'i phyir rgya mtsho chen po dang 'dra'o/ /de bas na ci yang ma yin pa'i phyir chad pa'i tshul du snang ste/ ma yin zhes de la ma zhen pa'i bdag nyid du bya'o/ /don 'di ni snying po yin te de rtogs pa na bde ba chen po mchog gis rab tu non pa yin no/ /'di ni phyogs bcu dus gsum gyi sangs rgyas kyi dgongs pa yin te/ tha mi dad pa'i phyir sangs rgyas nyid kyang de nyid yin no/ /don 'di dag gang zag

  490. 249b

    gzhan gyi spyod pa 'am smra bar nus pa ma yin te/ rje btsun pa'i sprul ba'i sku sa ra ba'i bstan pa kho na'o/ /skal ba dang ldan pa gang zag de'i rjes su 'gro ba rnams kyis ni rang bzhin thams cad 'grub pa med pa'i phyir glu'i tshul du shes par bya ba dang/ nyams su myong ba brtag tu med pa'i phyir gang gyi tshul du blang bar bya'o/ /nga ni rnal 'byor pa rnams kyi rang gi blo la gdams par bya ste/ kye ho 'di ni rang rig ye shes de/ /'di la the tshom rtog par ma 'khrul cig / dngos dang dngos med bde gshegs 'ching ba ste/ /gnyug ma'i yid la ltos dang rnal 'byor ba/ mar la mar gzhag chu la chu bzhag bzhin/ /dpes mtshon don de de bzhin shes par gyis/ /bsam gtan gzhan rtags dman la de med de/ /dngos gzhi 'khrul pas thar pa mi rnyed do/ /sgyu 'phrul dra bas ji ltar nyams su len/ /rang gi blo la bos nas gdams pa'i don 'di yin no zhes pa ni/ kye ho de ltar gong du bstan pa'i don 'di ni rang rig pa'i ye shes rang byung ba ste/ 'di la ni ma yin no/ /de'i phyir rnal 'byor pa rnams kyi sems nyid du rtogs pa dang bskyed pa'i rim pa brtan pa thob cing de nyid las byung ba dang/ rtsa'i rgyal po dang blon po dang/ 'bangs rnams steng du rgyu ba'i rlung dang/ thung du rgyu ba'i rlung dang/ 'phreng la gnas pa'i rlung dang gnas pa byang chub kyi sems dang/ 'pho ba byang chub kyi sems/ 'gyur ba byang chub kyi sems la bde ba bskyed cing blo gnas shing brtan pa dang/ shes pa mi rtogs pa 'ba' zhig la gnas pa dang/ bum pa'i dbang me long lta bu'i ye shes su lta ba dang gsang ba'i dbang mnyam pa nyid kyi ye shes su blta ba dang/ shes rab ye shes kyi dbang so sor rtog pa'i ye shes su blta ba dang/ mdza' i dbang bya ba nan tan gyi ye

  491. 250a

    shes su blta ba rnams dang/ de thams cad brten par byed pa yang dam tshig las byung ba yin pa dang/ de thams cad kyang chos kyi dbyings kyi ye shes las ma 'das so/ /zhes mdun dang/ rgyab dang/ g.yas dang g.yon dang/ phyogs bcu ru brtags shing dpyad de gang du rtogs pa dang/ nyams su myong ba de dag gis zug rngu ste/ skyes bu de ni 'khrul pa'i lam la mngon par gnas pa kho na'o/ /gnyug ma'i don phyin ci log pa mi mthun pa'i phyogs skad cig ma de nyid la zhi bar byed pa'i rang bzhin mtshon cha chen po 'di rtogs pa na/ de ni bdag gis su la'ang dri bar mi bya'o/ /de ci'i phyir zhe na/ brtag pa thams cad du sdug bsngal yin pa'i phyir ro/ /da ni rtogs pa'i tshad bstan par bya'o/ /snang ba'i dbang po gang du nub gyur cing/ /rang gis ngo bo ma nyams dngos nyams gyur zhes bya ba'i don ni gnyug ma'i ngo bo la bzhag pa la khyad med kyang/ rnam pa la yod pa'i phyir/ dang po myong du med pa'i myong ba dang/ goms pa dang/ mthar phyin pa'i dus su snang ba dbang po'i phul du gyur pa thams cad gnyug ma'i ngo bo nyid du nub par gyur zhing/ de yang rang gi ngo bo ma nyams te/ ci bzhin par rtogs pa'o/ /byis pa rnams kyis brtags pa 'di dngos po thams cad nyams par 'gyur ro/ /da ni de nyid de dag bla ma ma yin pa gzhan las mi rtogs par bstan par bya ste/ kye ho grogs dag lhan cig skyes pa de/ /gzhan las mi rnyed bla ma'i zhal las dris/ /don dam zhal gyi ngo bo de rtogs na/ / yid ni 'chi med rlung dang 'chad pa med/ /khams gsum 'di na thams cad de yi bdag /de ma rtogs par 'ching dang 'chad par 'gyur/ /zhes bya ba'i don ni/ kye ho zhes bya ste/ bla ma la bsten pa la gdams pa yin pa'i don to/ /grogs dag zhes

  492. 250b

    bya ba ni blo shin tu chen por gyur pa'i gang zag rje btsun pa rnams dang mtshungs par spyod nus pa rnams la'o/ /de dag la spyad pa'i don de ni lhan cig skyes pa'i ye shes de dag gzhan nas rnyed pa ma yin te/ mi rnyed pa'i phyir ro/ /de bas na bla ma'i zhal gyi bdud rtsi la dris nas don dang ldan par 'gyur ro/ /de bas na dam pa'i gdams ngag de dag rtogs na yon tan dang ldan par 'gyur la ma rtogs na bdug tu 'gyur ba'i phyir gnyis med don dam pa de dag bla ma'i zhal gyi ngo bo de rtogs na yid ni 'chi ba med de/ shes pa rnal ma chos kyi sku yin pa'i phyir ro/ /'di la the tshom dang tha dad kyi rtog pa 'khrul par ma byed cig /rnam par rtog pa ni 'khor ba thams cad kyi rtsa ba ste/ de bas na sems dngos po yod par rtogs pa dang/ dngos po med par rtogs kyang/ bde bar gshegs pa chos kyi sku'i 'ching ba ste/ sngon gyi 'bras bus bskyed par mi nus so/ /de bas na sems gnyug ma'i rang bzhin ci yang ma yin pa yid la de nyid kyis tshul gyi ltos pa dang/ rnal 'byor pa kun gyis so/ /de yang ji ltar zhe na/ mar gyi khu ba la mar gyi khu ba bzhag pa dang/ chu la chu bzhag pa bzhin dpes mtshon pa'i don dag kyang sems la sems bzhag pa ste/ de bzhin du gnyis su med par shes par gyis shig /rtog pa dang ldan pa'i gang zag gis ni bsam gtan bsgom byar gzhan du rtogs pa'i phyir de'i phyir blo dman pa ste/ de la de kho na nyid med de/ /de ci'i phyir zhe na/ bde ba chen po dngos gzhi yis/ /'khrul pas thar pa mi rnyed do/ /snang ba 'di thams cad sems nyid snang ba ste/ ci yang ma yin bzhin du snang bas sgyu ma dang 'phrul gyi rnam pa lta bu ste/ de la tha dad du brtags pa ni sdug bsngal gyi rnam pa ste/ de ji ltar nyams su len zhes gdams pa'o

  493. 251a

    da ni bde ba chen po bla ma'i zhal las rtogs su med pa'i rtog pa bshad par bya ste/ bla ma dam pa'i bka' las yid ches pa'i/ /nyams myong myong med ye shes snying po ste/ /nga yis brjod du yod pa ma yin zhes/ /snying po don mchog dag ni de skad smra/ /zhes bya ba'i don ni bla ma dam pa'i bka' dag las slong pa pos yid ches par bya ba'i tha mal gyi shes pa nyams su myong ba de dag ni myong du med do/ /de ci'i phyir zhe na/ snying po sku gsum dang ye shes rnam pa lnga'i bdag nyid de/ de dag ni brtag par mi nus pa'i phyir nga'i zhes bya ste/ rje btsun pa dag gis kyang brjod par nus pa'am brjod du nus pa ma yin no zhes snying po gnyug ma'i don gyi mchog de dag gi shugs kyis de skyad smra bar 'gyur ro/ /da ni dpe khyad par can gyi sgo nas bstan par bya ste/ gdod nas dag pa'i rang bzhin nam mkha' la/ /bltas shing brtags kyang mthong bar mi 'gyur te/ /lhan cig skyes pa'i ngo bo de dag la/ /skyes 'gags mthong med smra ba'i brda dang bral/ /zhes bya ba'i don ni gdod ma nas dag pa'i rang bzhin gyis cir yang ma yin pa'i nam mkha' de dag la rtog ge dang ldan pa dag gis 'bad pa dang brtsol bas bltas shing brtags kyang mthong bar mi 'gyur te/ sdug bsngal lo/ /mkhas pa shes rab can dag gis ni nam mkha' i ngo bo ye nas dag pa yin pa de dag la bltas nas mi rnyed pa yin pa'i phyir 'bad pa dang rtsol bas ma brtags he bde ba dang ldan no/ /de'i rang bzhin du lhan cig skyes pa'i ngo bor rang byung gi ye shes de dag dang/ dang por skye ba dang/ bar du gnas pa dang/ tha mar 'gag par yod pa ma yin te/ nyams su myong ba'i de nyid rnam rtog gi blos mthong ba yang med do/ /de'i phyir de brjod par bya ba'i smra ba'i brda dang tha snyad gdags pa dang bral ba'o/ /de ni bde ba chen

  494. 251b

    po'i rang bzhin te de dag la rtsol zhing bsgrubs pa ni sdug bsngal lo/ /da ni chos kyi sku la 'khrul pa mi rig pa bstan par bya ste/ gnyug ma'i ngo bo sna tshogs par snang yang/ /gcig tu ma shes tha dad yul la brtags/ /ma rtog nga rgyal skyon gyis skye bo bslus/ /tshig gi mtshon chas gzhan dag sun 'byin kyang/ /rnam rtog skyon gyis de nyid mtshon mi nus/ /zhes bya ba'i don ni thams cad sems gnyug ma'i rang bzhin chos kyi sku nyid yin te/ de dag gi cho 'phrul snang grogs sna tshogs par snang ba la so so'i skye bo rtog pa dang ldan pa rnams kyis dus thams cad bde ba chen po'i ro gcig tu ma shes pas tha dad kyi yul la brtags pa'i phyir rnam par rtog pa'i nga rgyal gyis skyon de dag gis so so'i skye bo rnams bslus so/ /mngon sum dang rjes su dpag pa'i tshig gi mtshon chas gzhan dag sun 'byin par byed kyang rnam par rtog pa'i skyon de dag gi de kho na nyid mtshon par mi nus so/ /da ni de kho na nyid gzhan gyis mi rtogs pa bstan par bya ste/ 'jig rten log pa'i bsam gtan gyis rmongs te/ /rang bzhin gnyug ma sus kyang mtshon ma yin/ /sems kyi rtsa ba rang bzhin 'bras mi mthong/ /skye 'gag gnas par shes pa ma yin no/ /lhan cig skyes pa'i ngo bo de nyid ni/ /bstan du med kyi rang bzhin chos su khyer// zhes bya ba'i don ni 'khor ba mi rtag pa'i mtshan nyid 'jig cing rten pa'i ngo bo la gnas pa'i sems can de dag de bzhin nyid kyi don las log pa'i bsam gtan gyis rmongs te/ de ci'i phyir zhe na/ bla ma dam pa dang bral baM ste/ rang bzhin gnyug ma'i de kho na nyid sus kyang mtshon pa ma yin no/ /de bas na rang gis brtags pas kyang mi rnyed de/ sems kyi rtsa ba de dang po gang nas byung ba dang gnas pa dang rang bzhin ji lta bu yin pa dang/ de bsgoms pa'i 'bras bu thob pa'i don ma

  495. 252a

    mthong ste/ skye ba dang 'gag pa dang gnas pa med par 'byung ba'i ngo bo nyid yin kyang de nyid shes pa ma yin no/ /de ltar rtogs pa rnams kyis ni sems de kho na nyid du khyer bar bya ste/ lhan cig skyes pa'i gnyis su med pa'i ngo bo de nyid ni bla ma dam pa rnams kyis kyang bstan du med cing/ slob pa pos kyang nyams su myong du med kyis de bas na shes pa rnal ma rang bzhin gyis chos su khyer bar bya'o/ /da ni de ltar shes nas rtogs pa brtan par bya ste/ rtsa ba bral ba'i de nyid gang sems pa/ /bla ma'i man ngag de yi thob pa ste/ /rgyu med sems la bral ba mchog tu gsungs/ /'khor ba snang ba sems kyi ngo bo ste/ /de ltar shes nas rnal 'byor snying po che/ /rmongs rnams mda' snun ngas smras shes par byos/ /rang bzhin gnyug ma brjod bya ma yin te/ /slob dpon man ngag mig gi de mthong 'gyur/ /de la chos dang chos min rtog pa dang/ /lam dang gnyen pos bcos pa ma yin no/ /'di la nyes pa rdul tsam yod ma yin/ /gnyug ma'i yid ni gang tshe sbyangs gyur pa/ /de'i tshe bla ma'i yon tan snying la 'jug /ces bya ba'i don ni gnyug ma'i yid la yun ring du sbyangs pa'i gang zag gi spyod pa yin pa ston te/ rtsa ba zhes bya ba ni rnam par rtog pa ste/ de dang bral ba ni sems so/ /de nyid nyams su myong bar bya ba ni shes pa rnal ma ste/ de'i mthus zag pa dang bcas pa'i bde ba dang zag pa med pa'i bde bas lus dang sems gang bar 'gyur te/ de dag thams cad la zhen pa med pa'i sems de ni dran pa rgyun chags nyid do/ / de ltar rtogs pa de ni bla ma dam pa'i zhal gyi man ngag de yis thob pa ste/ de ci'i phyir zhe na/ lhan cig skyes pa'i ye shes tha mal gyi shes pas nyams su myong bar byas pa la nges pa'i shes pas brgyan te dran pa'i grogs dag gis mnyam pa

  496. 252b

    nyid thob pa'o/ /de dag kyang ci'i phyir zhe na/ de nyid kyi ngo bo la rgyu med pa dang/ sems mdza' dang dbus su mi gnas pa dang/ de la sems can thams cad kyi sems kyi ngo bo de ltar gnas shing rgyu dang 'bras bur dbyer mi phyed pa'i mchog tu dam pa rnams kyis gsungs pa'o/ /de srid du 'khor ba'i rnam par snang ba de srid thams cad ni sems kyi ngo bo ste/ de ltar shes nas rnal 'byor pa rnams kyis snying po'i de kho na nyid kyi ngo bo chen po rtogs pa'o/ /de ltar ma rtogs pa'i rmongs pa rnams la mda' snun ngas smras pa de dag shes par byos shig /de dag kyang shes su med pa ste/ rang bzhin gnyug ma de dag gi don ni brjod bya thams cad kyi mdza' las 'das pa'i phyir shes par bya ba'ang ma yin te/ mi shes pa nyams su myong ba'i slob pa po de nyid kyis ni slob dpon gyis man ngag dam pa mig gis des mthong bar 'gyur ro/ /de ltar nyams su myong ba'i don de dag la mdza' gnyis kyi chos dang mtshan ma'i chos min par rtogs pa dang/ bgrod par bya ba'i lam dang/ nyon mongs pa'i gnyen pos go rims kyi tshul du blo bcos par bya ba ma yin no/ /de ci'i phyir zhe na/ gnyug ma'i ngo bo 'di dag la rtogs pa'i nyes pa rdul tsam yang yod pa ma yin no/ /gnyug ma'i ngo bo de dag slob pa po'i yid la de nyid kyi don ni gang gi tshe myong zhing sbyangs par gyur pa de'i tshe bla ma'i yon tan dam pa snying la 'jug cing zhugs pa'o/ /de lta bu'i don de nyid kyang rtogs pas 'grub pa yin pa bstan par bya ste/ de ltar rtogs na snying po glu len te/ sngags dang rgyud rnams kun la 'bad byas kyang/ rtog ge de bral gcig la mthong lam med/ /'gro rnams las kyis so sor 'ching 'gyur te/ /las dang sdig las grol nas yid mthong ste/ /rang yid rtogs nas grol ba gzhan med do/ /mya ngan 'das pa mchog ni thob par 'gyur/ /thob ces

  497. 253a

    mtshon kyang rtogs pa'i dus nyid yin/ /zhes bya ba'i don ni gong du bstan pa'i ngo bo de ltar rtogs na rnal 'byor pa chen po dag byang chub kyi snying por 'khor ba'i sems can thams cad la gdams pa'i don glur len te/ 'phags pa'i gang zag rnams kyis bstan bcos kyi rig pa dang/ de bzhin gshegs pa'i bka' dang rgyud rnams la rigs pa dang 'brel pa kun la 'bad par byas kyang tha dad kyi rtog ge'i de dag dang ma bral na gang zag gcig la yang mthong ba'i lam skye ba'i skal ba med do/ /de ci'i phyir zhe na/ 'khor ba pa'i 'gro ba rnams tha dad du brtags pa'i dge ba dang sdig pa'i las kyi rnam par smin pa'i don mi slu bas so sor 'ching bar gyur te/ gang dag gis dge ba dang sdig pa'i las dang tha dad kyi rtog pa'i zug rngu'i sdug las tha mal gyi shes pas rang grol bar 'gyur te/ de ltar na rang gi yid sangs rgyas kyi bdag nyid du mthong ste/ de ltar rang gi yid rtogs na grol ba'i 'bras bu gzhan med do/ /de bas na de nyid la goms shing ? phyin pas ni mya ngan las 'das pa'i mchog gnyis su med pa ni thob par 'gyur ro/ /de dag kyang thob du yod dam zhe na/ thob po zhes slob pa po'i blo las mtshon du zad kyang rtogs pa'i dus de nyid kyi ngo bo mtshon pa yin no/ /da ni chos thams cad sems nyid yin pa bstan par bya ba ste/ sems nyid gcig bu kun gyi sa bon te/ /de las 'khor dang mya ngan 'das snang ngo/ /srid pa sna tshogs de las 'phros pa yin/ /'phros pa de nyid chos kyi sku yin te/ /chos kyi sku las snang ba gzhan med do/ / rtogs pas mya ngan 'das pa nyid yin te/ /zhes bya ba'i don ni sems chos kyi sku rnam par dag pa'i ngo bo de las thams cad kyi bdag nyid rnam par 'phel te skyed par byed pa'i sa bon gzhan grub pa med pa'i phyir de bas na sems nyid gcig tu snang grags

  498. 253b

    kyi chos kun gyi sa bon yin te/ de bas na de las 'khor ba rnam par rtog pa'i bdag nyid dang zhi ba mya ngan las 'das pa'i ngo bor snang ste/ khams gsum gyi srid pa'i mya ngan sna tshogs kyi rnam pa thams cad nyi ma'i 'od zer bzhin ngo bo de lam 'phros pa yin no/ /nyi ma dang zer gnyis tha mi dad pa ltar 'phros pas snang grags kyi chos de nyid dang/ sems nyid dang chos kyi sku gnyis tha mi dad pa yin te/ chos sku'i rnam pa de nyid las snang ba gzhan zhig grub pa med do/ /de nyid rtogs pas mya ngan las 'das pa nyid yin pa ste/ gzhan du brtag par mi bya'o/ /de ltar rtogs pa'i don de nyid la bstod par bya ste/ 'dod pa'i 'bras bu ster bar byed pa yi/ /yid bzhin nor bu mchod legs 'byung ba bzhin/ /man ngag mchod 'bul sems la nor bu'i tshul/ /rnal 'byor khyad par sems la phyag 'tshal lo/ /zhes bya ba'i don ni dper na sems can gyi 'dod pa'i don mi slu bar mkho ba'i yo byad kyi 'bras bu ster bar byed pa ni yid bzhin gyi nor bu rin po che ste/ de la mchod pa dag legs par phul nas gsol ba btab na/ mchod pa'i don 'dod pa legs par 'byung ba bzhin du khams gsum gyi sems can thams cad kyi dbul ba sel bar byed pa ni sems nyid de kho na nyid yin te/ de dag la rten gyi gang zag skyes pa dang bud med kyi tha mal gyi shes pa'i mchod pa'i rdzas dag bla ma'i gdams ngag gi mchod pa phul nas sems nyid kyi don la nges pa'i shes pas gsol ba btab nas nor bu'i tshul du sangs rgyas kyi 'bras bu 'byung ngo/ de ltar rtogs pa'i rnal 'byor pa'i sems la phyag 'tshal lo zhes bya ba'i don to/ /de nyid kyi ngo bo de sems rang dga' i tshul gyis sgrub par bstan par bya ste/ sems bcings nas ni 'khor bar 'ching 'gyur te/ /de ma bcings na grol zhing thar par 'gyur/ /blun po gdams pa bral bas

  499. 254a

    bcings 'gyur bas/ /bla ma mkhas pa dag gis myur du grol zhes bya ba'i don ni rnal 'byor pa'i sems nyid de dag bcings na ni 'khor bar 'chings bar 'gyur te/ sems ma bcings pa'i tshul gyis rang dgar glong de gzhag na grol cing thams cad mkhyen pa'i sangs rgyas su thar bar 'gyur ro/ /blun po gang zhig bla ma dam pa'i gdams ngag dang bral bas yid 'ching bar 'gyur te/ de dag las bde bar byed pa ni bla ma mkhas pa dag gi zhal gyi bdud rtsi dag gi shes pa glang po che smyon pa'i tshul du gar dgar btang bas myur du grol bar 'gyur ro/ /da ni sems yangs par gzhag par bstan par bya ste/ sems ni nam mkha' 'dra bar blta bya ste/ /lus ni de nyid yin pas chags mi bya/ /chos rnams kun dang sems nyid mnyam pa ste/ /sems de bsam gyis mi khyab bsam byas nas/ /des ni bla na med pa thob par 'gyur/ /zhes bya ba'i don ni rnal 'byor pa'i sems kyi ngo bo nyid nam mkha' dang 'dra bar blta bar bya ste/ de ni mi shes shing mnyam la smrar med de ci yang ma yin pa'i phyir de dang mtshungs pa'o/ /de bas na lus kyi ngo bo nyid ni de kho na nyid kyi ngo bo las ma 'das pa ma yin pas chags par mi bya ba kho na'o/ /de bas na lus sems thams cad dogs pa med pa'i rnam pas bag yangs pa'i tshul du bzhag ste/ de ci'i phyir zhe na/ snang grags kyi chos kun dang sems nyid kyi ngo bo mnyam pa ste/ sems de chos kyi sku yin pa'i phyir bsam gyis mi khyab pa'i ngo bo ste/ de nyid ci yang ma yin pa'i tshul du bsam par byas na des ni bla na med pa'i 'bras bu thob par 'gyur ro/ /da ni thams cad sems su shes par bstan par bya ste/ nam mkha' la sprin byung rlung gis thim/ /sems kyi de nyid rtog bya brtags pas thim/ /snying pos smras

  500. 254b

    pa nam zhig nus ldan na/ /mi rtag g.yo ba myur du spong bar 'gyur zhes bya ba'i don ni/ nam mkha' i rang bzhin dag pa las glo bur gyi sprin byung ste/ de dag rlung gi g.yo bas thim pa bzhin du sems nyid kyi ngo bo rnam par dag pa nyid la phyi nang gi rnam par rtog pa du ma phyung ste bla ma'i gdams ngag gis sems skye med rtogs par byas nas brtags pa'i bdag nyid rtog pa thams cad rang zhi zhing thim par 'gyur ro/ /de nyid du shes pa'i phan yon ni snying po gnyug ma'i ngo bo sems la smras pa ni tha mal gyi shes pa de nyid la goms nas nam zhig nus pa dang ldan pa na rtog pa de 'khor ba mi rtag pa'i rnam pa dang mtshan ma'i g.yo ba thams cad myur du shugs kyis spong bar 'gyur ro/ /da ni sangs rgyas pa'i dus bstan par bya ste/ rlung dang me chu dbang chen 'gags pa na/ /bdud rtsi'i dwangs ma rlung chen la zhugs pas/ /d+hU tI rlangs pa sems la 'jug 'gyur te/ /srid pa'i sa ru rdzogs pa'i sangs rgyas nas/ /sbyor ba bzang po 'di la snang ba thim/ /nam zhig sbyor bzhi gnas 'gyur tshul gyis ni/ /sems zhugs dus su bde ba che rgyas te/ /nam mkha' i khams su shong min myong ba'i tshul/ /zhes bya ba'i don ni rnal 'byor pa de nyid goms par bya ba la brtson pa rab dang 'bring du gnas pa'o/ /da dag gis ni gnyug ma'i de kho na nyid la goms pas mda' ka ma'i ye shes de kho na nyid bsgoms te/ de yang dang por sa chu la zhugs pa dang chu me la zhugs pa dang me rlung la zhugs pa dang rlung rnam par shes pa la zhugs pa dang/ rnam par shes pa 'od gsal bde ba chen po la zhugs pa de chos kyi sku'o/ /de ltar g.yo ba dang bcas pa'i rlung dang smin par byed pa'i me chu sra ba'i bdag nyid kyi dbang chen de dag rtogs pa'i dri ma ste/ shugs kyis 'gags pa na/ bdud rtsi rnam pa lnga'i dangs ma de dag g.yas g.yon gyi la la dang ra sa'i rlung chen po la

  501. 255a

    zhugs pas de nyid kyi rtsa ba dbu mar rims kyis 'jug par 'gyur te/ shes pa bar ma do'i sa ru mngon par rdzogs par sangs rgyas nas/ bde ba chen po dang ldan par 'gyur ro/ /brtson pa'i sbyor ba dang ldan pa bzang pos ni skye ba de nyid la snang ba sems la thim par 'gyur ro/ /bde ba 'di lus la brten pa ste bar ma do'i shes pa de dag lus dang bral ba'i phyir bde ba dang ldan par mi 'gyur bas chos kyi sku phyag rgya chen po gnyug ma'i ngo bo nyid rtogs pa ma yin no zhe na/ de kho na nyid gnyug ma la goms pa'i shugs kyis nam zhig 'pho ba'i dus kyi tshe/ sa chu la zhugs pa dang chu me la zhugs pa dang me rlung la zhugs pa dang/ rlung rnam par shes pa la zhugs pa dang/ rnam par shes pa 'od gsal bde ba chen po la zhugs pa'i sbyor ba bzhi gnas 'gyur ba'i tshul gyis sems 'od gsal gyi bde ba la zhugs pa'i dus su zag pa med pa'i bde ba chen por rgyas te/ gzugs shig yod na ni nam mkha' i khams su yang shor ba med de/ myong ba'i yul du yang rung ngo/ /gong ma'i tshul de dag bden na ni chos kyi sku bde ba chen po dang mi ldan par 'gyur ba'i phyir bsgrub par yang mi rigs la/ rang bzhin can dang de nyid kyi ngo bo yang tha mi dad par thal to chos lhag go /da ni rtogs pas khyad par du gyur pa bstan par bya ste/ gnas dang khyim na de yi gtam smra yang/ /bde chen gnas ni yongs su shes pa min/ /'gro kun bsam pas sun 'byin mda' bsnun smras/ /bsam gyis mi khyab sgrub pa 'ga' yang med/ /ces bya ba'i don ni sems can thams cad rang gi de kho na nyid la brtags pas 'khrul pa'i dri mas bsgribs pa'i phyir/ de bzhin gshegs pa'i bka' dag gi gnas dang mkhas pa'i gang zag rnams kyi khyim na brjod du med pa'i de

  502. 255b

    kho na nyid kyi gtam smra yang snang srid bde ba chen po'i phyag rgya'i gnas ni yongs su shes pa min te/ 'gro kun rang gi bsam pa las byung ba'i rtog pas rang nyid sun 'byin to zhes mda' bsnun gyis smras so/ /bsam gyis mi khyab pa'i don bde ba chen po gnyis su med cing ci yang ma yin pa'i zhal gyi bdud rtsi tha mi dad pa'i tshul du bsgrub pa ni gcig kyang med do/ /da ni thams cad la khyab pa'i bdag nyid bstan par bya ste/ srog chags thams cad kun la yang/ /de nyid yod de rtogs pa med/ /thams cad ro mnyam rang bzhin pas/ /bsam yas ye shes bla med pa'i/ /dpa' bo rnams kyis brtags pa'i rigs/ /zhes bya ba'i don ni ta ka hi han ste srog chags so/ /de dag gi don gyi khyad par ni snang ba'i ngo bo gsal ba'i rnam pa dang gnas skabs kyi mi rtogs pa'i rang bzhin dang 'dod pa nyams su myong ba'i bde ba ste de ltar sangs rgyas kyi dgongs pa de dag rang bzhin gyis ldan pa'i don to/ /de bas na sems can thams cad la de kho na nyid kyi ye shes rang khyab tu gnas su ste snang grags kyi chos kun la yang til dang mar gyi tshul du de nyid kyi ngo bo yod de gyad kyi nor bu dang 'dra bar rtogs pa med do/ /de bas na thams cad chos kyi skur ro mnyam pa'i rang bzhin yin pas bsam yas pa'i nam mkha' dang 'dra ba'i ye shes bla ma'i gdams ngag gis nyams su myong bar byas pa'i rnal 'byor pa'i dpa' bo rnams kyis brtag cing mnyam pa la bzhag pa'i rigs so/ /da ni brtson 'grus kyi stobs bskyed pa bstan par bya ste/ di ring sang tsam las 'di snyam/ /skyes bu phun sum tshogs 'dod pas/ /kye ho snyim pa chus bkang bzhin/ /'dzags pa mthong ngam skyes bu rnams/ /zhes bya ba'i don ni/ snying po'i don 'di dag rtogs pas 'tshang rgya ba yin no zhes ming la zhen pa'i skyes bu dag gi brtson 'grus kyi stobs bskyed cing bsgom par bya ba kho na ste/ tshe 'di yun

  503. 256a

    thung zhing bya ba'i rnam pa mang pos 'di nyid la goms par 'gyur pa yang shin tu dka' ba'i phyir rnal 'byor pa rnams kyis di ring sang tsam las 'di byas la de nas bde ba bsgrub par brtag par mi bya ste/ da lta nyid nas brtun te bsgrub par bya'o/ /phyi ma'i dus la bde bar 'dod pa'i skyes bu le lo dang ldan pa phun sum tshogs par 'dod pas de dag la skye ho zhes gdams par bya ste/ snyim pa chu sa bkang ba de dag gi dus de nyid nas zas la thug gi bar du 'grib pa bzhin te 'dzags pa dang mtshungs par khyed kyi tshe 'di dag kyang rtag tu 'grib pa mthong ngam skyes bu rnams mthong ngo zhes rtogs pa rnams ni 'bad de bsgrub par rigs so/ /de la rtogs pa med pa'i skyes bu rnams ni blun pa ste rtag tu sdug bsngal zhing 'khor ba na gnas pa kho nar zad do/ /de nyid kyi phyir mnyam la bzhag par bya ba bstan te/ bya ba byed dang bya min mi byed pa/ /nges par rtogs na 'gro rnams 'ching mi 'gyur/ /yi ge med la chad pa'i yid 'jug pa/ /gang zhig rnal 'byor brgya la 'ga' yis mthong/ /zhes bya ba'i don ni bya ba byed pa'i rtog pa'i rnam par snang ba thams cad dang/ bya ba mi byed pa sems kyi ngo bo gnas pa thams cad gnyug ma'i ngo bo ste de nyid nges par rtogs na 'gro ba rnams rang grol bar 'gyur te 'ching bar mi 'gyur ro/ de bas na 'di dag ni thun mong ma yin pa ste/ ta ya shTa ni zhes pa ste/ yi ge med pa'i tha tshig go /de dag gi don ni brjod bya dang rjod byed kyi ngo bo dang bral ba ste bems rig rnam pa gnyis las grol ba'o/ /de dag nyams su blang bar bya ba ni chad pa ste tha mal gyi shes pa'o/ /de dag kyang dran pa rgyun chags kyi yid la 'jug par 'gyur te/ don de dag kyang bla ma gang zhig gis nye bar gdams kyang skal ba dang ldan pa dag la mtshungs pa'i phyir/ /brtags pa'i ming tsam du sbyar ba'i rnal 'byor

  504. 256b

    pa dpag tu med pa ji snyed cig gnas kyang don 'di dag ni gcig tsam gyis mtshon pa'i don nyams su myong ba las mi srid do/ /da ni de nyid kyi grogs bstan par bya ste/ shin tu bsdams pa'i sems de ni/ /klod de gzhag na grol bar 'gyur/ /rmongs pa gang gis bcings pa'i ngos/ /mkhas rnams de yi rnam par grol/ /bcings pa dag ni phyogs bcu yis/ /grol bar brtsol ba byed pa rnams/ /mthong bar 'gyur ba'i dus nyid du/ /mi g.yo mi 'gyur brtan par gnas/ /go bzlog pa dag bdag gis rtags/ /bu khyod snying po len pa rnams/ /de ltar rang la mtshon te ltos/ /zhes bya ba'i don ni khams gsum pa rnams kyi blo ni rtsa'i bon lta bu ste/ rnam par rtog pas rnam par rtog pa shin tu bsdams shing bcings pa ste/ de lta bu'i sems 'di ni bla ma dam pa'i zhal gyi bdud rtsis klod de bzhag na rang grol bar 'gyur ro/ /tha dad kyi rmongs pa la gnas pa'i sems can gang gis yid bcings pa'i dngos po de dag bla ma mkhas pa de nyid nyams su myong ba rnams kyis rnam par grol bar 'gyur ro/ /tha dad kyi rtog pas bcings pa dag ni ye shes lnga dang rigs lnga'i ngo bos bdag nyid rnam pa bcu blo la gnas par bya ste/ de yis spang bya dang spong byed kyi tshul gyis bcings pa las grol bar brtsol ba byed pa rnams de nyid kyi nyams su myong bas mthong bar 'gyur ba'i dus nyid du sems mi g.yo ste/ mtshan ma la 'pho bar mi byed do/ /mi 'gyur te glo bur gyi rkyen gyis gnod par mi 'gyur ro/ /brtan par gnas shes bya ste/ shes pa shin tu yun ring zhing gzhan du bsgyur bar mi nus pa'o/ /de nyid ni blo chung ba ste 'ching ba dang bcas par zad do/ /de la go bzlog pa dag ni bdag ste rje btsun pa dag gis rtogs so/ /de dag kyang ci zhe na/ zhen pa bzlog par bya ba ni ma yin te/ snang srid chos kyi sku phyag rgya chen po yin pa'i phyir ni mi g.yo bar 'gyur ro/ /de nyid la

  505. 257a

    brten par bsgom pa ma yin te/ bsgom du med par tha mal gyi shes pa rnal mar bzhag pas phyi nang gi g.yeng pas gnod pa mi 'gyur ro/ /de ltar shes pa phyir zhing yun ring ba dag la yon tan du lta bar mi bya ste/ gar yang 'gyur zhing de la zhen pa med pa ni dran pa yang dang yang du bsten pa ste brtan par gnas so/ /de bas na rje btsun pa dag gi zhal nas bu zhes bos te/ khyed snying po chos kyi sku len par 'dod pa rnams de ltar rang la mtshon te ltos shig ces bya ba'i don to/ /da ni dpe nye bar bsgrub par bya ba bstan par bya ste/ kye lags dpa' bo ltos shig dang/ /'di la nga ni mi rtogs so/ /las zin pa yi skyes bu yis/ /drung du sems thag gcad par byos/ /zhes bya ba'i don ni rnal 'byor pa rnams la kye zhes bos te ci yang ma yin pa'i don de dag lags so zhes bya ba'i don to/ /dpa' bo zhes bya ba ni de nyid don du gnyer ba'i rnal 'byor pa'o/ /ltos shig don zhes bya ba ni gong gi ngo bo nyid la'o/ /sdug bsngal thams cad ni nga bdag gi rnam pa las skyes pa'o/ /de dag la gnas pa rnal 'byor pas de nyid kyi drung du rtog pa'i sems kyi thag shugs kyis gcod par byos shig ces bya ba'i don to/ /da ni gnyis med kyi don de dag la gdams par bya ste/ rlung bcings pa la rang nyid ma sems kye/ /shing gi rnal 'byor sna rtser ma sems shig /kye ma ho ma yin lhan cig skyes pa yin/ /gnyis med dang du mnyam pa'i 'dod chags byos/ /zhes bya ba'i don ni rnam rtog gi rta rlung gi rnam pa de dag bcings pa'i don mi rtogs pa 'ba' zhig la zhen na ma sems kye zhes gdams so/ /de bas na shing zhes bya ba ni zag pa med pa'i ye shes gnyug ma'i rang bzhin te de dag ni 'phel zhing skye ba'i 'di nyid kyi 'bras bu smin par byed pa ste/ dang po'i cha ma yin pa'i rnal 'byor gyi

  506. 257b

    shes pa mnyam pa nyid de dag sna rtse la sogs pa rnams su rnam par rtog pa gtad de ma sems shig /de bas na de ltar rtog pa rnams kyi ting nge 'dzin gyi kye ma'o ma yin zhes bya'o/ /lhan cig skyes pa'i ye shes de dag ni bde ba chen po'i ngang du mnyam pa nyid kyi 'dod chags byos zhes bya'o/ /da ni bzung ba'i skyon bstan par bya ste/ srid pa'i sna rtser 'ching ba yongs su spangs/ /'di ni yid 'dus pa la rlung gi rlabs/ /g.yo zhing 'bar bas shin tu mi bsrun 'gyur/ /zhes bya ba'i don ni yid bcings pa dag ni srid pa ste 'khor ba'i rnam pa yin no/ /de'i phyir sna rtser 'ching ba la sogs pa yongs su spang ngo/ /de'i mi rtogs pa 'di ni yid 'dus pa ste 'phred la gnas pa'i rlung zin pa'o/ /de la steng 'og gi rlung gis brlabs na sems g.yo zhing lus 'phar bas shin tu mi bsrun bar 'gyur te/ smyon pa dang mtshungs pa'i phyir don med par 'gyur ro/ /de ltar ma bcings pa'i phan yon bstan pa'i phyir/ lhan cig skyes pa'i ye shes gnas gyur na/ /de yi bdag nyid brtan par 'gyur ba ste/ /gang zhig yid ni nye bar 'gags gyur na/ /lus ni 'ching ba rnam par 'chad par 'gyur/ /zhes bya ba'i don ni snang ba dang sems lhan cig skyes pa'i rang bzhin ci yang ma yin pa'i ngo bor gnas gyur na/ chos kyi sku de'i bdag nyid brtan par 'gyur ba'i phyir/ gang gi tshe gnyug ma la goms par 'gyur ba de'i phyir yid kyi rtog pa ni nye bar 'gags par 'gyur bas na/ lus kyi 'ching ba 'phyar bar 'gyur ba dang/ /bde ba la zhen pa la sogs pa rnam par 'chad par 'gyur ro/ /da ni nyams myong gi rtags bstan par bya ste /dbus su lhan cig skyes dang ro mnyam pas/ /de tshe dmangs rigs dag dang bram ze med/ /ces bya ba'i don ni sems dang snang ba gnyis kyi dbus su lhan cig

  507. 258a

    skyes pa'i ye shes kyi de kho na nyid ro mnyam par 'gyur bas ro dogs med pa'i don de nyid rtogs shing gnyis 'dzin med cing gza' btad dang bral pa'i ngo bo nyams su myong ba las blang dor med pa'i spyod pa dag 'byung bar 'gyur te/ de'i tshe nyams bar 'gyur ba med pa'i phyir tha dad kyi rtog pa dang bral bas dmangs rigs dang bram ze med do zhes bya'o/ /da ni grags pa'i dpe'i sgo nas don mtshon par bya ste/ 'di nas zla ba'i rgya mtsho nyid dang ni/ /'di nas gang+ga'i'i rgya mtshor bar dag dang/ ba ra Na se 'khor yug par dag ni/ /'di ni zla ba rgyas pa gsal byed nyid/ /byang chub sems kyi ri bong gis/ /sems can rgya mtsho gsal bar byed/ /dran pa gang gis mtsho dag gis/ /yul chen ba ra Na ser gsal/ /zla ba 'grib dang rgyas pa dang/ /zla bar 'gyur ba ma yin te/ /nyi ma'i rkyen gyis 'phel 'grib snang/ /zla ba lta bu'i sems nyid la/ /'phel dang 'grib pa yod med de/ /rtog pa'i dbang gis de ltar snang/ /de phyir rtog pa gsal ba'i phyir/ /gnyug ma'i grogs dang bcas pa 'bad/ /'bad pa ra la med 'gyur te/ /kye ho dang po'i rten la smos zhes bya ba'i don ni dpe dag gis nye bar mtshon pa'ang/ gnyug ma'i de kho na nyid brjod par bya ste/ 'di nas zhes bya ba ni de bzhin gshegs pa thams cad kyi 'byung gnas so/ /zla ba'i rgya mtsho zhe bya ba ni lho phyogs kyi ngos dpag tshad bcu gnyis pa dag na'o/ /de dag ni chu zheng du dpag tshad bcu gnyis yod pa khor yug tu dpag tshad bzhi bcu rtsa brgyad yod pa ste/ de dag gi nang na nor bu rin po che hu lu in+d+ra zhe bya ba chu las dpag tshad gcig gyen du 'phags pa yod de/ de dag la zla ba'i 'od kyis phog pa'i dus su chu'i rgyun 'byung bar 'gyur zhing 'od kyang phyogs bcur 'phro'o/ /'di nas gang ga'i rgya mtshor

  508. 258b

    dpag tshad bcu gnyis te/ de dag gi bar dag tu rin po che'i 'od kyis khyab cing khyad par du chu de dag gsal bar byed do/ /'od de dag dang 'brel ba'i gangA'i chu'i nad na rin po che a smra gar pa zhes bya pa yod de de'i 'od kyis yul ba ra na se'i grong khyer gyi dbus na mchod rten dag shaka zhes bya ba yod de/ de dag gi rtse mo la nor bu rin po che mu sa la gar pa zhes bya ba gnas te/ de dag la khyab par byed do/ /de'i 'od kyis ba ra Na se'i 'khor yug gi bar thams cad 'od kyis gang bar byed cing khyad par du yo byad thams cad kyi mdog kyang gsal bar byed do/ /de bas na grong khyer 'di ni zla ba rgyas pa gsal bar byed pa ste zla ba nyid kyi mthu yin pa'i phyir ro/ /de bzhin du don dam pa'i byang chub kyi sems chos kyi sku'i ri bong gis sems can gyi rgya mtsho thams cad la gsal bar byed do/ /de dag la ye shes kyi nor bu rin po che rang 'byung du gnas so/ /de'i 'od len par byed pa yang dran pa rgyun chags te gang gA'i mtsho lta bu'o/ /de dag gi nang na chos kyi sku rtogs par byed pa'i nor bu gnas te/ skal ba dang ldan pa'i yul tshogs chen po bsags pa'i gang zag ba ra Na ser gsal lo/ /de dag ni tha mal gyi shes pa'i mchod rten gyi rtse mo la nyams su myong ba'i nor bu rin po che gnas so/ /snang srid bde ba chen po'i 'od 'byin par byed do/ /de'i 'od kyi khyad par du sna tshogs du ma'i yo byad thams cad ro gcig tu mdog 'byin to/ /de yang rtog pa dang ldan pa'i gang zag rnams la mi snang ba'i phyir dper brjod par bya ste/ zla ba nyid la 'grib pa dang rgyas pa ni yod pa ma yin te zla ba 'gyur ba ma yin pa'i phyir ro/ /de ltar 'phel 'grib kyi rnam par snang ba yang nyi ma dang nye ba'i rkyen gyis 'phel ba dang 'grib par snang ngo/ /dpe de bzhin du zla ba lta

  509. 259a

    bu'i don dam pa byang chub kyi sems de nyid la ni thog ma nyid nas ma bcos pa rnal ma'i rang bzhin yin pa'i phyir skal pa dang ldan pa rnams 'phel ba dang skal pa med pa rnams la 'grib pa ni yod med de/ blo chung ba'i gang zag rnams kyi tha dad kyi rtog pa'i ngo bor brtags pa'i dbang gis de ltar snang ba dang/ chos thams cad ci yang ma yin pa'i ngo bo tha mal gyi shes pas nyams su myong bar bya ba rtogs pas 'phel 'grib kyi tshul du snang ste/ de ltar ma rtogs pa rnams kyis ni rtogs par bya ba'i phyir rtogs pa gsal bar bya ste/ de nyid kyi phyir gnyug ma'i de bzhin nyid bsgom zhing de'i grogs bsod nams kyi tshogs dang snying rje dang bcas pa la 'bad par bya'o/ /brtsol sgrub dang bcas par thal lo zhe na/ byis pa'i ngang tshul can rnams la rtogs par bya ba'i yan lag tu smras pa ste chen po pa rnams la ni 'bad pa nga la med 'gyur te zhes bya ba ste rtsol bar bya ba ma yin pa'i tha tshig go /de bas na thabs khyad par can la gdams pa'i phyir kye ho zhes bya'o/ /dang po'i rten zhes bya ba ni tha mal gyi shes pa ste de dag nyams su myong bar bya ba la smos zhes bya'o/ /da ni grogs dang bcas pas de kho na nyid mthong bar 'gyur bar bya ba bstan par bya ste/ zhing kun gnas dang nye ba'i gnas tshogs su/ /phyin te bltas pas rtogs par ngas smras pa/ /lung dang dran pa'i mu nas bzung ba'i tshe/ /dge ba nga yi yan dag nges par mthong/ /nga yi rmi lam du yang mthong ba te/ /ri bo'i khrod du gnas te bag yod byos/ /zhes bya ba'i don ni ta na ta ha ra zhes bya ba ste de dag ni zhing dang nye ba'i zhing ngo/ /de'i don bsnyad par bya ste/ rab tu mi gnas pa'i rgyud las/ slob ma skal ldan mtshungs pa dang po zhing/ /bla ma nyams myong gnyis med zhi zhes 'byung ba'i phyir skal pa nye

  510. 259b

    bar mtshungs pa dang ldan pa'i slob ma dang/ de kho na nyid nyams su myong bar byed pa'i bla ma ste de dag la sbyar bar bya'o/ /de la ji ltar zhe na/ keng ri pa ha na tsa na ra zhes bya ste/ dur khrod dang nye ba'i dur khrod do/ /de dag gi don ni rgyud de nyid las/ slob ma'i dur khrod nges pas gsol ba 'debs/ /rdzogs pa'i sangs rgyas 'byung ba lus kyi khrod/ /bla ma de yi nye bar smin par byed/ /dag pa'i gdams ngag dag gis nye bar ston zhes 'byung ba'i phyir slob pa po dag gis gus pa dang ldan pas bla ma la gsol ba btab ste/ btab pa'i don de nyid mi slu ba'i don du zhal gyi bdud rtsi dag gi rgyud yongs su smin par byas te dag la sbyar bar bya'o/ /de yang ji ltar bsgrub par bya zhe na/ 'gi swa ra na sU ha zhes bya ste/ tshan do ha dang nye ba'i tshan do ha'o/ /de dag gi don ni yang rgyud de nyid las/ tha mal shes pas brgyan pa mtshan do ha/ /de nyid goms par gyur pa nya ba'i mchog ces 'byung ba'i phyir / bla ma las thos pa'i don de dag tha mal gyi shes pa nyams su myong bar byas shing dus thams cad du goms par byed pa ste de dag tu sbyan par bya'o/ /de dag kyang gang dang ldan par 'grub ce na/ u Ni laM mahA po hi ha ra Ni zhes bya ste/ gnas dang nye bar gnas so/ /de nyid gsal bar bya ba ni yang rgyud de nyid las/ snang srid bde chen bla ma dran pa dang/ /sems nyid bla ma mchog ste gnod mi byed/ /gnas dang nye ba'i gnas la rnyed nas kyang/ /skad cig gcig la rdo rje chos kyi sku/ /zhes 'byung ba'i phyir dus rtag tu bla ma mi brjed par bya ba dang/ snang srid thams cad chos ste gnyug ma'i ngo bo nyid du rtogs par bya ba ni gnas so/ /dus rtag tu sems nyid bla ma la dam pa'i tshul du bskur bar byed cing sems la mo gnod pa las kyi dus thams cad du chu bo lta bur sems chos kyi skur gzhag pa ni nye ba'i gnas so

  511. 260a

    de dag kyang ji lta ba'i tshul du bcas par bya zhe na/ ka na to bi ha'i na ra ste 'du ba dang nye ba'i 'du ba'o/ /de yang rgyud de nyid las gsal dang mi rtogs bde ba dang/ /dpyer mi phyed kyi de nyid ni/ /spyod lam bzhi la khyad med ba/ goms pa'i gnas te 'du ba'o/ /dur khrod grong khyer tshogs rnams su/ /'jigs pa med par rgyu byed cing/ /tshigs pa med par slongs ma byed/ /kha TwAM 'dzin cing mu cor smra/ /'di ni nye ba'i 'du ba ste/ /dam pa rnams kyi lam yin no zhe bya ba'i don ni zhing kun gnas dang nye ba'i gnas dang chags su zhes sbyar ro/ /phyin nye zhes bya ba ni go rims de nyid kyi tshul lo/ /bltas pas zhes bya ba ni/ de dag gi tshul nyams su blangs pa'o/ /de nyid kyi chos kyi sku gnyis su med pa'i ye shes kyi de kho na nyid rtogs par 'gyur ro zhes rje btsun pa dag gis gsungs so/ /de nyid kyis kyang bla ma dam pa'i lung dang dran pa rgyun chags kyis gnyug ma'i mu nas bzung ste/ ci snang chos kyi sku phyag rgya chen po'i ngo bor snang ba'i tshe de ni thun mong ma yin pa'i dag par yang dag pa'i mngon par shes pas nges par gzigs so/ /de dag la rgyu 'bras kyi tshul du 'thob par 'gyur ba yod dam zhe na/ nga yis zhes bya ste/ rje btsun pa dag gis kyang de nyid mi srid pa'i phyir ro/ /rmi lam du yang mtho ba med do/ /dngos su rgyu 'bras kyi tshul du 'byung bar lta smos kyang ci dgos/ 'o na 'bras bu de dag 'thob par 'gyur ba ma yin nam zhe na/ lus kyi ri bo'i khrod du thal gyi shes pa'i rnal 'byor pa gnas te/ dran pa rgyun chags kyi bag yod par byos shig ces pa'am/ las dang po pa rnams kyi ri bo dang dgon pa dang chu 'gram dang dur khrod du gnas te spyod lam thams cad du de kho na nyid las mi g.yeng bar bag yod par byos shig dan rtog pa'i skad cig de nyid la sangs rgyas

  512. 260b

    par 'gyur ro/ /da ni gnyug ma'i don de nyid kyi rten mtshon par bya ste/ 'dab ldan par sdong ge sar gyi dbus na/ /shin tu phra ba'i rnal ma'i kha dog ldan/ /bya brag bor cig rmongs pa mya ngan gyis/ /gdungs pa 'bras bu med par ma byed cig ces bya ba'i don ni/ 'dab ces bya ba ni shing brtsegs pa'i 'dabs ma ste de dang ldan pa ni keng rus kyi rus pa'i tshogs so/ /pad+ma'i ces bya ba ni mdangs nye bar 'dzin pa ste/ /khrag go/ sdong zhes bya ba ni lus brtan par byed pa ste/ rtsa'i rgyal po a ba d+hU tI la sogs pa'i nang na gnas pa'i byang chub kyi sems so/ /ge sar zhes bya ba ni 'khor lo rnam pa drug gi pad+ma'o/ /de dag gi dbus na gnas pa'i thig le ste/ snying ga chos kyi 'khor lo'i dbus na gnas pa na rtog pa med pa'i thig le'o/ /de yang bsam gyis mi khyab pa'i rgyud las/ sha yi 'dab ma yongs su rdzogs pa'i nang/ /keng rus tshogs kyis yongs su gang bar byas/ /pad+ma khrag gi mdangs kyis drod 'dzin te/ /rtsa rtsegs sdong po'i tshul du nges par gnas/ /ge sar 'khor lo drug gi rnam par bkram/ /sdong po byang chub sems kyi lung bstan te/ /chos kyi 'khor lo'i dbus na thig le mchog /shin tu phra ba rnal ma'i kha dog ldan/ /zhes 'byung ba'i phyir rtog pa med pa'i thig le de dag ni gnyug ma'i de kho na nyid skye bar byed de/ de dag ni shin tu brtag dka' ba'i phyir zab cing phra ba'i rnam ba ste rgya mtsho lta bu'o/ /de yang tha mal gyi shes pas gsal ba dang mi rtog pa dang bde ba dang nyams su myong bar byed pa ste chos kyi sku nyid yin pa'i phyir rnal ma'i kha dog dang ldan zhes bya'o/ /de nyid kyi ngo bo nyams su myong ba la ni re dogs gnyis 'dzin blang dor gyi rnam pa yod pa ma yin te/ 'bras bu thams cad kyi mchog go /de bas na de ci'i phyir zhe na/ tha dad kyi rtog pas

  513. 261a

    sgribs pa'i rmongs pa de dag la 'khor ba'i mya ngan gyis gdungs pas sdug bsngal bar 'gyur te/ de kho na nyid kyi 'bras bu med par ma byed cig ces bya ba'i don to/ /da ni spyi dang mtshungs pa'i dpe brjod par bya ste/ gang du tshangs pa khyab 'jug mig gsum pa/ /'jig rten ma lus zhi bar 'gyur zhes pa/ /rig med dag la mchod gnas las kyi mdza' / /rtog pa de nyid yang dag zad par 'gyur/ /zhes bya ba'i don ni/ gnyug ma'i de kho na nyid ma yin pa'i phyi rol pa dag gis kyang 'di dag nye bar mtshungs par gyur kyang don med par 'gyur ro/ /de dag kyang ci zhe na/ gang du zhes bya ba ni phyi rol pa rnams kyi rigs so/ /tshangs pa khyab 'jug mig gsum pa zhes bya ba ni lha dbang phyug chen po'i rten la bya'o/ /de dag gi smra ba'i tshul ni lha chen po dag la mchod pa phul nas de dag mnyes par gyur pas/ 'jig rten ma lus thams cad zhi ba mya ngan las 'das par 'gyur ro zhes bya ba ste/ 'bras bu rdzogs par sangs rgyas kyi rigs med pa de dag la mchod pa la/ lus kyi mdza' i rtog pa de nyid zad par 'gyur zhes te 'gyur ba ma yin te don med do/ /de bas na bdag dang gzhan du 'dzin pa thams cad kyang tha dad du rtog pa'i phyir de dang mtshungs pa nyid do/ /de ni mi thun pa de nyid dper bsgrub par bya ste/ gang du zhes bya ba ni rnal 'byor pa gang gis so/ /tshangs pa zhes bya ba ni tha mal gyi shes pa ste/ de dag la rtog pa'i skyon gyis ma gos pa'o/ /snang grags kyi chos thams cad la de'i ngo bor khyab pa'o/ /bla ma dam pa dag gis bstan pa'i de nyid la 'jug par nus pa na gsal ba rang mi rtog pa dang bde ba'i mig gsum dang ldan pa ste de ltar rtog pa ni 'jig rten gyi rnam par rtog pa thams cad ma lus par zhi bar 'gyur ro zhes pa ni bla ma dam pas gdams pa'o/ /de dag la rigs

  514. 261b

    med de ci yang ma yin pa'i phyir ro/ /de dag la snang grags kyi chos thams cad la mchod pa phul te/ gnyug ma'i ngo bo nyid la gnas na las kyi mdza' i rtog pa thams cad de nyid du yang dag par zad par 'gyur ro/ /da ni rtogs par dka' bas gdams ngag la rag las pa bstan par bya ste/ kye ho bu nyon mchod pa'i cho gas dang bya ba ma smra dang/ /yang dag gnas shes pa zhes zer ba ste/ 'gro la mchod cing 'don pa la sogs pas/ /de ni shes par nus pa ma yin no zhes bya ba'i don ni/ dam pa rnams kyi gdams ngag la gdams par bya zhing tha snyad tsam du don du gnyer bar mi bya ste/ de dag la gdams pa'i don ni/ bu zhes pa ni khams gsum pa rnams la bos nas yang dag pa'i don la gzhol ba la 'dod pa'i phyir nyon zhes bya'o/ /mchod pa'i tshogs dang zhes bya ba ni bdun rnam par dag pa'i bsod nams kyi tshogs bsags pa la sogs pa'o/ /bya ba mang smra dang zhes bya ba ni don chung du don med pa'i bstan bcos 'chad pa dag go /yang dag gnas zhes bya ba ni rmongs pa'i bsam gtan pa dag ste/ 'gro ba tha dad kyi brjod pa dag 'chad cing pha rol po 'don pa la sogs pas bla ma dam pa'i gdams ngag dang bral ba'i phyir/ de kho na nyid kyi don ni shes nus pa ma yin no/ /de bas na yang dag pa'i don las ma yengs shing ji bzhin pa'i don de nyid la bsgom par bya'o/ /da ni snying po'i don de shin tu rtogs par dka' ba bstan par bya ste/ kye ho bu nyon de nyid sna tshogs kyi/ /ro 'di brtan par brjod pa ma yin te/ /bde ba'i gnas mchog rtogs pa spangs pa ni/ /'gro ba nye bar skye ba ji bzhin no/ /blo ni rnam 'gags yid ni rang zhi bas/ /gang du mngon pa'i nga rgyal 'chad pa ni/ /sgyu ma'i rang bzhin mchog tu rtogs pa ste/ /de bas bsam gtan 'ching ba des ci bya/ /

  515. 262a

    dngos por skyes pa mkha' ltar rab zhi na/ /dngos po spangs na phyi nas ci zhig bya/ /de ring dpal ldan mgon pos bstan pa yis/ /dbye ba rnam spangs de la gnas par byos/ /zhes bya ba'i don ni/ brjod par dka' ba'i don de nyid la gdams pa'i phyir kye ho zhes bya'o/ /bu nyon zhes bya ba ni smos pa kho nar zad do/ /de nyid ces bya ba ni rang bzhin gnyug ma ji lta ba la bya'o/ /de nyid sna tshogs kyi ngo bor snang ste bde ba chen por gyur pa'i ro 'di cir yang grub pa med pa'i phyir rje btsun pa rnams kyis kyang brtan par brjod pa ma yin te/ bde ba chen po rang bzhin gyis rtog pa dang bral ba'i gnas ni tha mal gyi shes pa nyid do/ /de nyid goms shing mchog tu gyur pas ni rtog pa ma lus pa thams cad spangs pa'o/ /de dag ni 'gro ba dag nye bar skye ba ji bzhin pa ste byis pa dang/ gzhon nu dang lang tsho la babs pas stobs yongs su rdzogs par 'gyur ba bzhin du de nyid kyi don 'di dag kyang mthong ba dang myong ba dang rtogs pa dang mthar phyin pa las chos kyi sku'i stobs yongs su rdzogs nas sprul pa'i sku dang longs spyod rdzogs par 'gyur ro/ /skyes bu dag gi rtog pa la blo gtad de spros pa'i g.yeng ba ni rnam par 'gags nas yid ni mi rtog pa 'ba' zhig la rab tu zhi bar 'gyur bas 'jig rten pa'i gnas gang du gnas shin 'dug pa de dag tu bdag ni bsam gtan pa yin no zhes mngon pa'i nga rgyal 'chad pa de ni sgyu ma'i rang bzhin snang yang med pa tsam mchog tu rtogs pa ste/ de dag la gnyis 'dzin gyi rnam pas zhen pas 'khor bar 'khor zhing sdug bsngal 'ba' zhig gi rgyu byed pa ste/ de bas na bsam gtan gyi 'ching ba des ci zhig bya'o/ /de dag gi don ji ltar yin zhe na/ dngos por snang zhing skyes pa de thams cad sems nyid nam mkha' i ngo bo lta bu las ma 'das pa

  516. 262b

    yin te/ de ltar ngo bo gcig pa de dag lhan cig skyes pa'i ye shes kyi rab tu zhi na dngos po thams cad bde ba chen po'i chos kyi sku ste de dag spangs nas gzhan zhig nas de bzhin nyid 'thob pa ma yin pa'i phyir dngos po'i rnam par 'khrul par brtags nas phyi nas de ma yin pa'i ye shes skye zhes pa ni don med de log pa yin pa'i phyir des ci zhig bya'o/ /bdag nyid skal ba dang ldan pa'i dus de ring yin pa'i tshe/ dpal ldan sangs rgyas dang bla ma dam pa'i mgon pos bstan pa'i don yid la byar med pa de dag la nges pa'i sgo sgo nas nyams su myong na dbye ba ni rnam pa thams cad ro gcig ste/ shugs kyis spangs pa'i don de la gnas par byos shig ces bya ba'i don to/ /nga ni rnal 'byor gyi spyod lam bstan par bya ste/ mthong dang thos dang reg dang dran pa dang/ /zas rnam pa dang mchan na gnas pa dang/ /cal col gtam dang lan smrar gyur pa la/ /sems so zhes ni gcig gi ngo bo dang/ /rnal ma de bzhin rnam pa la mi 'da' / zhes bya ba'i don ni rnal 'byor pa dag gis 'dod pa'i yon tan mi dgag cing longs spyod par bya ste/ de dag kyang ma zhen pa'i tshul du chos kyi sku gnyug ma'i rang bzhin du shes par bya'o/ /de yang mig dang rna ba dang lus dang yid dang lce dang sna la sogs pas mthong ba dang thos pa dang reg pa dang dran pa dang zos pa dang snom pa thams cad la chos kyi sku bde ba chen po'i rang bzhin dang de bzhin nyid kyi sgra dang/ ci yang ma yin pa'i reg bya dang dbyer mi phyed pa'i dran pa dang/ gnyis su med pa'i ro dang/ tha mal gyi shes pa'i dri dang/ de dag thams cad kyang sems nyid du longs spyad par bya'o/ /mchan na gnas pa dang zhes bya ba ni rnam par rtog pa ste phyi nang gi byung tshor thams cad la dran pa de bzhin nyid du shes par bya'o/ /gzhan dag chags

  517. 263a

    pa dang zhe sdang ba dang btang snyoms kyi cal col gyi gtam dang bya ba dag la yang de bzhin du shes par bya'o/ /bdag nyid kyi lan smra bar gyur ba la yang sems so zhes mi gcig gi ngo bo dang rnal ma'i de bzhin gyi rnam pa las mi 'da' bar bya'o/ /da ni bla mas bstan pa'i don la 'bad par bya ba bshad de/ gang zhig bla ma'i man ngag bdud rtsi'i chu/ /gdung sel bsil ldan ngoms par mi 'thung na/ /de ni bstan bcos don med mya ngan gyi/ /thang la skom pas gdungs te shi bar zad/ /ces bya ba'i ngan ni skal ba dang ldan pa'i gang zag skyes pa dang bud med kyi ngo bor snang ba gang zhig gis 'bras bu khyad par can thob par byed pa'i bla ma dam pa dag gi don nye bar 'dzin pa de man a sa ra zhes bya'o/ /de dag gi don ni shes rab dang snying rje'i bdag nyid 'brel ba ste/ gnyis med kyi ye shes de kho na nyid do/ /de dag ni dam pa'i dag las shes par bya ba nyid de/ /de dag gis mi mthun pa'i phyogs sangs rgyas kyi ye shes bdud rtsi ma rungs par byed pa'i rtsir gyur ba ste/ dper na chu lta bu'o/ /de dag gis ni nyon mongs pa'i than pas gdungs pa'i gdung ba sel cing bde ba chen po'i bsil dang/ ma bcos pa dang ba'i don gnyis su med pa'i tshul gyis ngoms par mi 'thung ba de 'jig rten pa'i bstan bcos don med pa sdug bsngal gyi khang bu de dag la gnas pas 'khor ba'i mya ngan gyi thang la bde ba chen po'i skom gyis shin tu gdungs te rnam par rtog pa la sogs pas bskyed pa'i gnas su de kho na nyid shi bar zad do/ /nga ni don de kho na nyid bstan par bya ba'i thabs bshad par bya ste/ bla mas bstan pa mi shes na/ /slob mas go bar yong min te/ /lhan cig skyes pa bdud rtsi'i ro/ /gang zhig ji ltar bstan par bya/ /zhes bya ba'i don ni bla ma dam

  518. 263b

    pas bstan pa'i thabs ni tha mal gyi shes pa ste/ mi shes pa bstan pas na mchog go /slob mas rtogs pa'i bdag kyang go bar bya ba yod pa ma yin te/ min pa nyid ni yongs su dag pa'o/ /de nyid yin nam zhe na/ yin du med pa yin te/ lhan cig skyes pa'i bdud rtsi'i ro ni sems nyid ma bcos pa rnal ma ste gang zhig yin te min na/ /min pa'i don de nyid ji ltar bstan par bya ste bstan du med do/ /dam pa dag gi gdams ngag pas 'byung ba ni bla ma dag gi tha snyad dpag tu med pa brjod cing de kho na nyid go phang ma nus na bstan par mi shes pa nyid do/ /de lta bu'i zug rngus slob mas go ba dang rtogs pa yod pa min te/ de bas na lhan cig skyes pa'i ye shes kyi bdud rtsi'i ro 'di dag ni gang zhig ji ltar bstan par bya zhe na/ nges par byas shing tha mal ba nyid do/ /nga ni de ltar ma rtogs pa dag gi skyon bstan par bya ste/ gal te tshang mar 'dzin pa'i dbang gis su/ /blun pos bye brag rnam par 'byed pa ste/ /de tshe de ni gdol ba'i khyim du rol/ /'ongs kyang de la dri mas mi gos so/ /zhes bya ba'i don ni/ gal te 'am brgya lam na rtog ge pa'i gang zag dag gis rjes su dpag pa tshad mar 'dzin pa'i dbang gis su rtog pa de dag gis gnyis med kyi ye shes dkrug pa'i phyir blun pa ste/ ci'i phyir zhe na/ bdag gzhan gyi bye brag rnam par 'byed pa ste/ dper na bram zes gang gi tshe gtsang ma dang bcas pa de'i tshe gdol ba'i khyim du rol bas skyon dang bcas pa bzhin/ rnal 'byor pa brtul zhugs kyi spyod pa la zhugs pa dag gam gdol pa dag gis de nyid kyi khyim du 'ongs kyang de la skyen gyis dri mas mi gos so/ /nga ni nan tan dang bcas pas the tshom med par bsgrub pa bstan pa ni/ gang tshe slong ba srang kha'i kham phor gyis/ /bdag nyid rgyal po slar yang ci byar yod//

  519. 264a

    mya ngan 'das pa la gnas srid par mdzes/ /nad gzhan dag la sman gzhan btang mi bya/ /bsam dang bsam bya rab tu spangs nas su/ /ji lta bu yi tshul la gnas byas shing/ /bla ma'i lung la bsgrims te gus 'bad na/ /lhan cig skyes pa 'byung bar the tshom med/ /ces bya ba'i don ni gang gi tshe grong khyer ba dag gi rigs ngan gyi spyod pas rgyu pa na slong ba'i zas kyi bya ba byed pa'i srang khar bor ba'i kham phor gyi dum bu dgos pa yin gyi de dag gis bdag nyid rgyal por gyur pa'i ma lus bsod nams kyi bdag nyid yongs su dag pa dag rnyed pa'i phyir zas kyi bya ba byas zin pa de bar ba'i kham phor gyi dum bu de dag gis bdag nyid rgyal po la slar ci byar yod de med do/ /de bzhin du tha dad kyi rtog pa'i bdag nyid kyis brtags pa'i las dang bya ba dag gis bde ba chen po'i rol dang bral ba'i phyir rmongs pa'i sbyor bas rgyu ba dag la 'khor ba'i bde ba cung zad tsam bskyed pas dgos pa ste/ bdag nyid re ba dang dgos pa dang bral ba'i don de kho na nyid rtogs nas tha snyad kyi rnam par bzhag pa ni mi dgos te/ de ni zug rngu yin pa'i phyir de ltar rtogs pa de dag ni mya ngan las 'das pa la gnas pa ste/ de nyid gzhan du brjod cing srid par mdzes pa'o/ /de la gzhan du brjod par ni mi bya ste/ dper na nang gzhan te tshe ba lta bu dag la sman gzhan te tsha ba btang bar mi bya rnam par rtog pa'i nang dag la thad kyi rtog pa bzhag par mi bya ba nyid do/ /de dag ji ltar gzhag par byed ce na/ bsam pa dang bsam bya'i gnyis 'dzin gyi rtog pa rab tu spangs nas su/ sems rnal ma ji lta ba'i tshul du gnas par bya zhing sems ma bcos pa bla ma'i mchog dang snang srid bde ba chen po'i lus la dran pas sgrims te spyod lam rnam bzhi'i tshul lam yengs pa'i rnam pas gus par 'bad na lhan

  520. 264b

    cig skyes pa'i ye shes 'byung bar the tshom med do/ /da ni ji ltar mtshon par mi nus pa bstan te/ kha dog yon tan yi ge dpe spangs nas/ /smra ru mi btub de ni gang gis mtshon/ /gzhon nu bde ba snying la zhen pa bzhin/ /dbang phyug bde ba rang bzhin med pa ste/ /de ni su la bstan par bya nus sam/ /zhes bya ba'i don ni tha mal gyi shes pa dngos kyi mtshan nyid de dag kha dog med de mtshan ma dang bral ba'o/ /yon tan med de re ba dang bral ba'o/ /yi ge med de brjod pa dang bral ba'o// dpes mtshon par mi nus te bsgrub bya dang bral ba'o/ /de dag thams cad shugs kyis spangs nas don chen po de dag smrar mi btub ste/ de ni gang gis kyang mtshon par nus pa ma yin no/ /nyams su myong du yang yod pa ma yin nam zhe na/ bu mo lo bcu drug lon pa'i bde ba snying la zhen pa bzhin du myong du yod kyang brjod pa'i tha snyad kyi gtan la dbab pa yod pa ma yin no/ /de ltar rtogs pa de ni sa bcu'i dbang phyug dam pa ste/ de'i ngo bo ni rang bzhin med pa'o/ /de'i phyir de ni su la yang bstan par bya bar nus sam ste mi nus pa nyid do/ /nga ni brtags pas brtag bya thim zhing dang bral ba bstan pa ste/ /dngos po dngos med yongs su bcad pa gang/ /des ni 'gro ba ma lus zab? thim 'gyur/ /gang tshe yid ni bcos pa med pa yi/ /mi g.yo brtan pa dran zhing gnas pa der/ /de ni 'khor ba'i dngos po rang grol 'gyur/ /gang tshe bdag gzhan yongs su shes med na/ /de tshe bla ma'i lus su 'grub pa nyid/ /de ltar brtan pa nyid la nges rtogs par/ /ma 'khrul pa yi ngo bor rdzogs sangs rgyas/ /rang gi rang la legs par shes par bya/ /dngos dang zhes bya ba'i don ni bems po'i rnam pa dag go /dngos po med pa ni rig pa'i rnam pa'o/ /bems rig rnam pa gnyis yongs su bcad pa gang yin pa de

  521. 265a

    nyid do/ /de ltar rtogs pa'i bar? der ni rnam par rtog pa las 'byung ba'i 'gro ba ma lus pa rab tu thim par 'gyur ro/ /gang gi tshe rnal 'byor pa'i yid ni bcos pa med pa'i bdag nyid yongs su rdzogs pa med pa de'i tshe phyi nang gi rnam par rtog pas mi g.yo ba dang/ de kho na nyid klong du gyur pa brtan pa dang spyod lam rnam pa bzhi khyad med pa rang bzhin gyi gnas pa der de'i tshe 'khor ba'i dngos po thams cad rang grol bar 'gyur ro/ /de ltar nyams su myong ba'i rtags ni bdag dang gzhan du rtogs pa yongs su shes pa med pa ste/ de ltar rtogs na bla ma chen po'i lus su grub pa nyid do/ /de ltar bla ma dam pas bstan pa nges par rtogs na ma 'khrul pa'i ngo bor mngon par rdzogs par sangs rgyas pa nyid do/ de yang gzhan la rag las pas go ba ma yin te/ rang gi sems nyid kyis rang gi sems nyid la bstan la legs par shes par bya ba nyid do/ /da ni ji ltar yang ma yin pa bstan par bya ba ste/ rdul bde? rdul bral ma yin sems kyang min/ / dngos po de dag gdod nas zhen pa med/ /mda' bsnun gyis smras de tsam zhig tu zad/ /kye ho ma lus dri med don dam shes pa byos zhes pa'i don ni de kho na nyid gnyug ma'i ngo bo la rnam par rtog pa'i rdul med do/ /rdul de dang bral ba ma yin no/ /snang ba dang sems kyang ma yin no/ /'di ltar snang ba'i dngos po'o/ /'di dag ni gdod ma nas zhen pa med pa nyid do/ /de ni ci yang ma yin pa'i don nyams su myong bar nus su/ bdag ni rang bzhin gyis mtshon cha can te mda' bsnun gyis smras te tsam zhig tu zad/ de bas ngo mtshar ba'i don te kye ho zhes bya'o/ /de dag kyang ci zhe na/ snang ba ma lus pa ni lhan cig skyes pa'o/ /sems la dri ma med de de nyid do/ /lhan cig skyes pa'i ye shes ni don dam pa ste de dag shes par byos

  522. 265b

    shig /da ni brtags pas mi rtogs pa bstan par bya ste/ khyim na yod pa phyi ru song nas tshol/ /khyim bdag mthong nas khyim tshes dag la 'dri/ /mda' bsnun gyis smras bdag gis legs par byos/ /blun po'i bsam gtan bsam bya brjod pa min/ /gal te bla mas bstan cing rtogs pas brtags/ /bden par thams cad shes par byas gyur kyang/ /bdag gis yongs su brtags pas de ma rtogs/ /ma rtogs rtogs pas thar pa thob bam ci?/ /yul nas bgrod cing gdung bas nyen byas kyang/ /lhan cig skyes pa mi rnyed sdig par 'dzin zhes bya ba'i don ni snang srid thams cad kyi khyim gyi bdag po ni gnyug ma'i sems te/ de ni rang gi khyim na yod pa'o/ /de ltar ma rtogs pa'i phyir phyi rol tu song nas tshol lo/ /de ston par byed pa'i bla ma dam pa ni khyim bdag ste/ des bstan pa'i zhal gyi bdud rtsi de dag mthong zhing myong nas 'bras bu dang don chen por 'gyur bar bor te/ khyim tshes pa lta bu'i phyi rol pa dang de dang mtshungs pa dag la 'dra'o/ /mda' bsnun gyis smras pa ni gzhan la drir yod pa ma yin te/ bdag nyid kyis bdag nyid las shes par byos shig /'di dag ni gti mug chen po yin pas blun po'i bsam gtan te/ bsam bya dang brjod bya min pas don de ston par byed pa'i tshig gis gtan la mi 'bebs shing ma 'brel ba'i phyir mi shes so/ /gal te blo dman pa dag gis bla mas bstan du yod pa bstan cing slob pa pos brtag tu yod pa'i rtog pas brtags pas gtan tshigs kyi sgo nas rnam par rtog pa'i bsam gtan bden pa dang thams cad shes par byas gyur kyang de ni bdag dang gzhan du 'dzin pa dang ma bral ba ste/ de dag gis yongs su brtags pas de ma rtogs so/ /ma rtogs pa'i don ni de nyid rtogs pa chen po ste/ de dag yongs su dor nas

  523. 266a

    gzhan zhig rtogs pas thar pa bde ba 'thor pa 'am ci ste mi 'thob bo/ /de ci'i phyir zhe na/ rnam par rtogs pas yul nas rtog pa nyid du 'khor te spang bya dang spong byed kyi sgo nas bgrod cing tshul khrims dang brtul zhugs kyi sgo nas gdung ba dang gnyen por byas kyang lhan cig skyes pa'i ye shes mi rnyed de/ de ci'i phyir zhe na/ rnam rtog gi sdig par 'dzin pa'i phyir ro/ /de ni dpe khyad par can gyis bstan par bya ste/ yul rnams bsten pas yul gyis mi gos te/ utpal blangs kyang chu yis mi 'chags bzhin/ /'di ltar rtsa ba rlung gi skyabs su 'gro /rlung rnams de nyid yin pas zhi bar nus/ /zhi ba med de de nyid rtogs pas 'grub/ /rtogs dus grub pa med de tshig tu zad/ /dug gi sngags can dug gis ga la tshugs/ lha las mchod pa khri phrag sbyin byas kyang/ /brtags te 'bras bu gzhan du 'grub 'dod pas/ /de nyid bdag la 'bras bu de med de/ /bdag nyid 'ching 'gyur des ni ci zhig bya/ /de la goms pas grol bar mi 'gyur zhing/ /de 'dras 'khor ba 'di 'dra 'chad min te/ /'dir goms ma rtogs ma lus rgal ma yin/ /mig ni mi 'dzum sems ni 'gags pa dang/ /rnam shes rlung 'gog pa ni bla mas rtogs/ /zhes bya ba'i don ni dper na 'jig rten pa dag gi shes pa ni chags sdang la mngon par zhen pa ste/ dbang po rnam pa lnga yul rnams la brten cing bltas pas yul gyi gos par 'gyur te/ khyad par du zhen cing chags pas mi gos te mi 'bral bar 'gyur ba bzhin du snang srid thams cad bde ba chen po'i ros khyab pa'i phyir/ de dag la tha mal gyi shes pas bltas shing brtags na khros par mi 'gyur te shin tu spro ba'o/ /de dag 'khor ba la chags pa'i skyon du mi 'gyur ram zhe na/ dper na utpal chu'i nang na blangs kyang chu'i nyes pas mi chags pa bzhin du de nyid kyang de'i

  524. 266b

    ngo bo dang mtshungs so/ /rmongs pa dag gi rtsa byang chub kyi sems 'di dag rtogs pa'i rta rlung bcings te de dag gi skyabs su 'gro bar byed do/ /de ni ma yin te 'di dag gi tshul ni rtog pa dang rlung rnams kyi tha mal gyi shes pa de nyid kyi ngo bo yin pas de la gnas na dang gis zhi bar nus so/ /zhi bar bya ba ni 'di skyon dang bcas pa'o zhe na/ zhi ba ni med de/ de kho na nyid rtogs pas 'grub pa'o/ /de dag kyang grub tu yod pa ma yin te/ gnyis med kyi ye shes rtogs pa'i dus nyid la smras pa ste/ dngos po rang gi mtshan nyid la ni grub pa med de slob pa po'i blo la brjod par bya ba'i phyir tshig tsam du zad do/ de dag la rtsod de 'khor ba ni zas dug can gyi rnam pa lta bu ste/ gnod pa 'ba' zhig byed pa'i phyir rtogs pa tsam gyis grub pa ni mi rigs so/ /de lta yin na ni sems can thams cad kyis kyang skad cig ma tsam rtogs su rung ba'i phyir sangs rgyas par thal lo/ /de ltar ma yin na ni chos kyi sku gnyug ma'i sems can gyi rgyud la yod ces pa dang 'gal lo/ /med na ni ma thong bar byed pa yin pa'i phyir 'khor ba yongs su dor ba las mya ngan las 'das pa thob par rigs so/ /de lta yin na ni dka' thub dang dka' spyad kyi 'grub par 'gyur ro/ /de dag ni ngo bo gcig ba ni mi rigs te mun pa dang snang ba bzhin no/ /de bas na 'di dag skyon dang bcas par 'gyur ro/ /zhe na ma yin te/ dper na dug gis sems can 'chi bar gyur pa nga dug gis sngags can de dag dug gis ga la tshugs te de nyid sman du 'gyur ro/ /de bas na ngo bo gcig pa la 'gal ba med de/ dug logs su song ba'am sman gzhan nas byung ba med de/ de nyid de'i ngo bor gyur pa bzhin rnam par rtog pa logs su dor zhing bde ba chen po gzhan nas thob pa ma yin te/ bla ma dam pa'i gdams ngag gis tha mal gyi shes pa nyams su myong bas de nyid

  525. 267a

    de'i ngo bor gyur te/ de bas na sems can thams cad kyi rgyud la ye shes de kho na nyid du gnas te de dag gi mthus skad cig ma nyams su myong srid kyang ji bzhin pa'i myong bas grol bar mi nus pa dag go /de nyid nyams su myang bas na/ /skad cig ma de nyid la sangs rgyas par nus so/ /de ltar ma rtogs pa rnams kyi brtags pa'i lha la mchod pa la phrag 'bum rnams su mchod cing sems can thams cad la sbyin par byas kyang rnam par rtog pas brtags te 'bras bu logs su 'grub par 'dod pa'i phyir ro/ /de nyid dang bral te brtags pa'i bdag la mngon par zhen pas chos kyi sku'i 'bras bu de med de mi 'byung ngo/ /de bas na gnyis 'dzin dang bral ba de kho na nyid rtogs pa ste/ gnyis 'dzin dang bcas pa ni bdag nyid 'ching bar 'gyur ba'i phyir de'i ci zhig bya'o/ /de bas na de la goms pas grol bar yang mi 'gyur zhing de dang 'dra ba'i spyod lam 'khor ba'i sdug bsngal 'di 'dra bar 'chad pa med do/ /'di la 'dis 'di nyid 'dir goms par byas bas ma rtogs pa'i rnam par rtog pa'i 'khor ba pa ma rtogs pa'i bdag nyid ma lus pa rgal dka' ba 'di dag rgal bar 'gyur ba ma yin no/ /ji ltar spyad par 'gyur zhe na/ ming ni mi 'dzums te cir snang phyag rgya chen po'i bdag nyid dang/ tha mal gyi shes pa nyams su myong bas sems ni ngang gis 'phags pa dang phyi nang gi byung tshor zhi bar 'gyur te/ skad cig ma de nyid la rnam par shes pa'i rta rlung gi bdag nyid kyis 'gog par byed pa'i bla mas bstan pa'i bla ma chen po dag las rtogs so/ /da ni 'du shes bcings pas mi grol bar 'gyur bar bstan par bya ste/ gang gi tshe rlung rgyu ba de mi g.yo ste/ gang gi tshe na 'ching bar ci byar yod ces bya ba'i don ni dus gang gi tshe bla ma dam pa de nyid bral ba'i tshe rnam par rtog pa de dag ste/

  526. 267b

    steng 'og gi rlung rgyu ba bkag ste/ de rtog pa la mi g.yo ste mi rtog pa 'ba' zhig la gnas pa'i phyir sgom bya dang sgom byed du rtog cing thabs dang 'bras bu thob par 'dod pa gang gi tshe na 'ching bar 'gyur te/ de dag gi tshe ci byar yod do/ /da ni de nyid du shes pas grol bar 'gyur ba bstan par bya ste/ /ji srid dbang po yul la lhung ba dang/ /de srid rang nyid las ni rab tu rgyas/ /khyed pa cag ci byed da lta sems la ltos/ /gang 'gro sems dang kye hod pa'o rnams/ /de ni shin tu dga' ba'i dgongs pas gzhug /gang zhig gang na gnas pa'i mi rnams ni/ /de srid rang nyid de yi ma mthong ste/ /mkhas pa thams cad bstan bcos 'chad pa yis/ /lus la sangs rgyas yod pa ma rtogs so/ /zhes bya ba'i don ni rnal 'byor pa dag gis ji srid dbang po yul la lhung zhing zhen pa na de srid du snang ba la sogs pa'i de thams cad rang bzhin gyi sems nyid las ni rab tu rgyas par shes par bya'o/ /de ltar snang grags thams cad sems gnyug ma yin pa'i phyir/ khyed cig gi sems rang bzhin gyis gnas pa de dag da lta ci byed de mi byed do/ /byed na sems la ltos shig dang ngo/ /de dag gar 'gro sems dang steng 'grongs med do/ /de ci'i phyir zhe na/ de nyid kyi ro yin pa'i phyir de bas kye ho rnal 'byor pa'i dpa' o rnams rang bzhin gyi sems dag pa de ni shin tu dga' ba'i dgongs pas de nyid la zhugs par bya'o/ /skyes pa dang bud med gang zhig rnam par rtog pa'i gnas gang na gnas pa'i mi rnams ni de kho na nyid rang la gnas pa de'i mthong ste de thams cad ni rmongs pa nyid du zad do/ /de bas na tshig dang tha snyad la mkhas pa thams cad bstan pa'i chos kyi bye brag ma lus pa 'chad pa'i rang bzhin gyi lus la chos kyi sku'i sangs rgyas yod pa ma rtogs so/ /da ni ngal ba dang bde ba'i dpe'i sgo nas

  527. 268a

    bstan par bya'o/ /glang chen lam nas sems tshags tshud pa ni/ /de ni 'gro 'ong bcad nas ngal ba ste/ /de ni 'di ltar rtogs so chos ci dgos/ /zhes bya ba'i don ni lumpi'i tshal na khyim bdag ag sho da na la glang po che bas tro ta zhes bya ba shin tu myo ba zhig yod pa las de dag btul ba las bya ba la dge ba dang ldan par bya ba'i phyir zhi bar 'dod pa las de ltar ma gyur te/ de dag 'ong ba dang 'gro ba dang gnas pa dang rtsa za ba dang chu 'thung ba dang 'tsho gnyer byed pa'i dus su shin du sdug bsngal bar gyur te/ 'tsho ba'i stobs zil gyis mnan par ma nus shing bdag nyid shin tu ngal bar gyur te 'tsho ba dang bral ba'i sdug bsngal gyis gdungs par gyur to/ /de nas pad sa'i bu ga ya mgo zhes bya bas smras pa/ kye stobs chen glang po 'di dag btsongs na bde/ /bya ba'i las dang la ba rnams las bral/ /'chi bar byed pa'i rkyen gyis gnod pa min/ /dge ldan zhi bar 'dod pas de mi thul/ /de ltar ma gyur ku sha'i rtsa nyid la/ /re ba ma skyed yangs pa nyid du thong/ /zhes nas glang po che de dag tshong 'dus su btsongs so/ /de lom par gyur nas sems tshigs su chud pa na de ni 'gro bar yang mi byed 'ong bar yang mi byed ngal zhing dub par ang mi 'gyur 'cho ba dang bral ba'i sdug bsngal gyis rnam par bcad nas ngang gis ngal ba ste bde ba dang ldan no/ /de nas smras pa/ kye kye bdag ni shin tu bde dang ldan/ /bde 'dod glang chen bdag gis sdug bsngal 'gyur/ /glang chen btang bas ngal ba'i mchog dang ldan/ /kun kyang bya ba btang na bde bar 'gyur zhes bya ba ni khyim bdag ma ga ta na zhes bya bas thos nas rang gi rang nyid la bsams pa ni bdag gi sems ni glang po che smyon pa lta bu ste/ 'di dag btul ba la sogs dang ldan par

  528. 268b

    yang 'gyur te thul ba yang ma yin pa'i phyir/ btsong bar bya ba'i yul ni bdag gis mi rnyed de 'di na gar dgar btang bar bya'o zhes lhod de bsdad pas sems de dag 'gro bar yang mi byed/ 'ong bar yang mi byed/ gnas par yang mi byed/ 'dzin rtog byung tshor gyi rnam par dang gis 'gags te bde ba chen po ci yang ma yin pa'i rang bzhin shin tu rtogs so/ /de nas de dag gis dur khrod chen po keng ri ya na zhes bya bar phyin te/ rnal 'byor pa'i tshogs la smras pa/ dpa' bo rnams kyis gdams ngag stsal du gsol/ /bdag la byin gyis brlabs shing gnang bar mdzod/ /khyed ni chos sku'i bdag nyid stobs dang ldan/ /rmongs pa dag gi sgrib pa dag par mdzod/ /ces pa dang/ rnal 'byor pa rnams kyis de la smras pa/ chos nyid dam pa'i ye shes de dag ni/ /'di ltar khyod nyid kyis ni shin tu rtogs/ /rtogs so zhes ni smra ru med pa'i don/ /'di dag nyams su myong bas chos ci dgos zhes nges pa'i shes pa skyes pas skad cig ma de nyid la grol bar gyur to/ /de bas na blo dang ldan pa dag gis de bzhin nyid shes par bya'o/ /da ni chags pa dang bral bas 'bras bu mi 'gyur ba bstan par bya ste/ de ltar ngo tsha med smra mkhas pa de/ /gson po gang zhig rnam pa ma gyur pa/ /des ni rgas shing 'khogs par 'gyur ram ci/ /bla mas bstan pa'i dri med blo gros ni/ /de nyid gter yin gzhan yang gang yin lo/ /yul nyid rnam par dag par brten yang min/ /ston pa 'bar zhig gis ni bshad par bya zhes bya ba'i don ni de ltar gong du smros pa'i tha mal pa'i shes pa rang gi mtshan nyid de dag dogs pa dang 'jigs pa dang ngo tsha ba med de smra ba ni mkhas pa nga zhes bya ba ste rje btsun pa ri bo pa nyid do/ /de dag kyang ci zhe na/ shes pa som ma bcos pa gson po'i tshul de dag nyams su myong bas

  529. 269a

    lus dang sems bde bas gang zhig stong pa rgyas de nyid zhi bar byed de/ bde ba stong pa dbyer med pa'i rnam pas mnyam pa nyid kyi don las ma gyur pa de ni rtog pa mi ldang bas rgas par yang mi 'gyur te/ 'khor bar yang mi ltung ba nyid kyi 'khogs par yang ma yin te sdug bsngal gyis rnam pas 'gyur ram ci ste mi 'gyur ro/ /de ltar bla mas bstan pa'i don de bzhin nyid la ni dri ma med de/ de dag ni blo gros kyi mthar thug pa'i shes rab kyi de bzhin nyid do/ /de nyid zad mi shes pa'i gter yin te de las gzhan pa'i gter gang yin lo ste med do/ /yul dang yul can du brtags pa dag ni de nyid rnam par dag pa'i ye shes yin no zhes brjod kyang de kho na nyid kyi rten tsam du yang mi rung ste min no/ /de dag kyang ci zhe na/ stong pa nyid la stong pa nyid 'ba' zhig gis de nyid ni bshad du med pa'i tshul gyis bshad par bya'o/ /da ni rtog pa'i sems pha rol tu phyin pa drug gi ngo bor snang ba bshad par bya ste/ dngos po ma chags sems su shes pa dang/ /shes pa brda ru grags kyi de nyid tshul/ /tshul khrims de nyid ngo bor bsrung byed cing/ /ngo bo tsam du rtogs med snying po che/ /sems kyi rdo rje nang du khro 'joms te/ /rlom med rdo rje mkha' la gnad mi 'gyur/ /sems nyid rang bzhin dal dang myur min yang/ /rtog pa bsam phyir cho 'phrul myur du brtsam/ /rang bzhin sangs rgyas lhan cig skyes pa ste/ /rtog par byed pa mnyam gzhag tshul du bya/ /bla ma'i man ngag mtshon cha shes rab ste/ /rtogs nas rnal mar sbyor ba rdzogs sangs rgyas/ /zhes bya ba'i don ni dngos po snang grags kyi chos thams cad lam chags pa ni sbyin pa ste/ de nyid sems su shes pa ni pha rol tu phyin pa'o/ /de dag gi shes su yod dam zhe na/ shes pa de dag slob pa po'i blo la brda'

  530. 269b

    tsam du zad kyi /don la sems ma bcos pa de kho na nyid kyi tshul lo/ /sbyin pa rnam pa de nyid la tshul khrims su brjod par bya ste/ de yang sems can la gnod pa'i las mi byed pa dang/ de yang de nyid kyi ngo bor srung bar byed cing ngo bo tsam du yang rtog pa min te/ don la ni snying po'i don che ba'i bdag nyid do/ /de nyid ngo bo de dag bzod par bsgom par bya ste/ sems chos kyi sku rdo rje gnyug ma de dag gi dang du bdag gzhan gyi 'khor ba rnam par 'joms te/ de la yang rlom sems med pa'i rdo rje ste/ nam mkha' dang 'dra ba'i phyir de la gnod pa mi 'byung ngo/ /de nyid kyi ngo bor brtson 'grus brtsam pa bya ste/ sems nyid kyi rang bzhin ni dal ba dang myur ba gnyis kar rtag tu mi 'dod pa yin yang ma rtogs rnams kyis rtogs pas bsal bar bya ba'i phyir dang rtogs pa gdeng du gyur par bya ba'i phyir bsod nams kyi tshogs nyi ma'i 'od zer lta bu'i cho 'phrul myur du brtsams par bya'o/ /de nyid ngo bor bsam gtan la mnyam par bzhag par bya ste/ sems nyid rang bzhin gyi sangs rgyas lhan cig skyes pa'i ye shes ye nas gnas te de dag la sangs rgyas su med kyang bla ma'i gdams ngag nye bar bstan pa'i don rtogs par byed pa'i bdag nyid la mnyam gzhag gi tshul du bya'o/ /de nyid ngo bor shes rab bsgom par bya ste/ bla ma'i gdams ngag mtshon cha dam pa de dag gis bdag gi rnam pa yongs su gcod par byed pas na shes rab ste/ slob pa po'i blo de dag rtogs nas don dang rtags rnal mar sbyor ba ni mngon par rdzogs par sangs rgya ba ste chos kyi sku'o/ /de ltar sbyin pa dang tshul khrims dang bzod pa dang/ brtson 'grus dang bsam gtan dang shes rab mthar thug pa'i ngo bo de dag chos thams cad 'dus pa'i tshul du bshad par bya ste/ ji ltar gzings la 'phur ba'i bya rog ni/ /bskor zhing bskor zhing slar yang de ru 'bab zhes bya ba'i

  531. 270a

    don ni rin po che len par 'dod pa'i phyir rgya mtsho'i steng du gzings bcas te/ rig pa'i ltas brtags pa'i phyir bya rog dag bzung ste 'o ma la bring nas 'jim bam gyi rnga yab phyar te bya rog de dag spur ba las gzhan du 'gro bar mi 'gyur te/ bskor zhing bskor zhing slar la gzings kyi gnas de nyid du 'bab pa bzhin du/ bla ma dam pa'i gdams ngag rgya mtsho lta bu ni steng du chos kyi sku'i nor bu thob par bya ba'i phyir/ tha mal gyi shes pa'i gzings bcas nas snang srid phyag rgya chen po'i skur brtag pa'i phyir dran pa rgyun chags kyi don lo ma lta bu la blo brid de shes pa'i bya rog gar dgar yan du bcug pa las slar la bskor zhing de nyid kyi ngo bor babs so/ /da ni 'dod pa'i yon tan la chags pa de bzhin nyid kyi dper sbyar ba bstan par bya ste/ yul la zhen pas 'ching bar ma byed cing/ /kye ho rmongs pa mda' bsnun gyis smras pa/ /nya dang phye leb glang chen bung ba dang/ /'di ni ri dags bzhin du lta bar byos/ /mchil ba ro la chags bzhin myang ba dang/ /reg bya bde la dang por gnas pa'i tshul/ /stong pa dri yi khyab par bya ba ste/ /snang ba'i me tog rab tu dang ba dang/ /dbyer med glu la myur du rgyug pa'i rigs/ /shes bya ba'i don ni rnal 'byor pa 'dod pa'i yon tan gyi yul zhen pa dang tha dad kyi rtog pa bcings par ma byed cig /de bas na ngo mtshar ba'i don te 'khor ba'i sems can thams cad la kye ho rmongs pa zhes bos te/ de dag gi ci byed ce na/ mda' bsnun gyi smras pa la nyon ces bya ba'i tha tshig go /de dag kyang ci zhe na/ nya ro la chags pa dang phye ma leb reg bya la chags pa dang glang po che a ka ru nag po'i dri la chags pa dang/ bung ba me tog gi kha dog la chags pa dang/ ri dags e Ne ya glu snyan la chags pa bzhin du de nyid kyi don la lta

  532. 270b

    par byos shig /de dag ni skyon dang bcas pa ste/ chags pa mngon par 'phel ba'i phyir 'khor ba'i rgyur 'gyur ro zhe na ma yin te/ nya 'chil ma'i ro la chags pa bzhin du rnal 'byor pa de bzhin nyid kyi ro myong ba dang/ phye ma leb reg bya'i bde ba la chags pa bzhin du rnal 'byor pas dang por lus dang sems kyi bde ba la gnas pa'i tshul dang/ glang po che dri la chags pa bzhin du rnal 'byor pa bde ba la chags shing stong pa'i dri yis khyab par bya ba dang/ bung ba kha dog la chags bzhin du rnal 'byor pas snang srid chos kyi sku phyag rgya chen po'i me tog rab tu dang bar shes pa dang/ ri dags glu la rgyug pa bzhin du rnal 'byor pas bde ba dang stong pa dbyer med pa'i glu la myur du rgyug pa'i rigs so/ /da ni snang stong dbyer med pa bstan par bya ste/ gang zhig sems la rnam par 'phro bar snang/ /de srid mgon po la ni rang bzhin te/ /chu dang rlabs dag kyang ni gzhan yin nam/ /srid dang mnyam nyid nam mkha' i rang bzhin no/ /zhes bya ba'i don ni rnal 'byor pa gang zhig gi sems ni sems la rnam par 'phro bar snang ste ji srid du 'phro ba de srid du bla ma dam pa'i mgon po dang phrad pa yin te/ de las ni rang bzhin gzhan du mi rtog pa'i de kho na nyid do/ /de bas na rang bzhin rnal ma de las gzhan du 'gyur ba lta bu ni ma yin no/ /dper na chu'i rgya mtsho chen po dag la chu dang rlabs dag dpag tu med pa cig yod kyang de nyid las gzhan yin nam ste ma yin no/ /de bas na ngo bo tha mi dad pa'i phyir srid pa'i ngo bo dang mya ngan las 'das pa'i mnyam pa nyid nam mkha' i ngo bo ltar rang bzhin gyi dang ba yin no/ /da ni khyad par gyi nus pa bstan par bya ste/ gang zhig ston te gang gis thos pa yi/ /dgos pa gang yin dam pa skyong ba na/ /gdug pa'i skugs sa rdul bzhin rlag par byed/ /snying ga nyid du nub par gyur pa yin/ /

  533. 271a

    zhes bya ba'i don no/ /bla ma dam pa gang zhig gis ston pa yang dag pa'i don de dag slob pa po gang gis thos pa'i dgos pa de dag gang yin zhe na/ tha mal gyi shes pa'i dam pa'i ste /de dag dran pa rgyun chags kyis skor ba na rnam par rtog pa'i gdug pa skugs sa de dag rdul bzhin rlog par byed do/ /rtog pa'i bye brag dpag tu med pa dag ni snying ga thal gyi shes pa nyid du nub par gyur pa yin no/ /nub pa de yang mtshon cha tsam du zad de/ don la ji bzhin pa de kho na nyid rtogs pa la bya'o/ /da ni de kho na nyid kyi ngo bo'i tshul du mtshon par bya ste/ ji ltar chu la chu bzhag na/ /de nyid chu ? ro mnyam 'gyur/ /ji lta mar la mar gzhag mtshungs/ /sems dang snang ba de bzhin smra/ /skyon dang yon tan rnams dang ldan pa'i sems/ /mgon po sus kyang mtshon par mi 'gyur ro/ /zhes bya ba'i don ni dper na chu'i thigs pa la chu'i thigs pa gzhag na ji snyed du gzhag pa de snyed du chu ru ro mnyam par 'gyur ro/ /ji srid mar gyi khu ba la mar gzhag pa de dang mtshungs pa ste mar du ro mnyam par 'gyur ro/ /sems snang ba la gzhag pa dang snang ba sems la gzhag pa'i ngo bos lhan cig skyes pa'i ye shes kyi de kho na nyid rtogs par byed pa ste/ de dag ni gnyis su med par ro mnyam pa ste bde ba chen po'i ngang du yongs su rdzogs par 'gyur ro/ /de bas na rje btsun pa ri bo pa'i zhal snga nas de bzhin du smra bar 'gyur ro/ /de bas na sems nyid kyi ngo bo ni cir yang ma yin pa'i don la cir yang snang ba ste/ snang ba la rtog na skyon du 'gyur ba dang/ de nyid ma bcos par gzhag na sangs rgyas kyi yon tan rnams rtogs par byed pa dang/ de dang ldan pa'i sems 'di ni mgon po sangs rgyas bcom ldan 'das la sogs pa sus kyang mtshon par mi nus shing mtshon par yang mi 'gyur ro/

  534. 271b

    da ni de nyid kyi mdza' la gdams pa bstan par bya ste/ rmongs pa dag la gnyen po gang yang med/ /khyod ni stong pa nyid la zhen tam ci/ /nags la mched pa'i me lce ji bzhin du/ /gong du bab pa 'di ltar snang ba kun/ /ji ltar snang dang grags pa'i dngos po rnams/ /rtsa ba stong pa nyid dang lhan cig byos/ /zhes bya ba'i don ni tha mal gyi shes pa ni rmongs pa chen po ste/ de dag la ni gnyen po gang yang med do/ /de bas na sems khyod ni sems nyid stong pa nyid cir yang ma yin pa la zhen tam ci/ dbang po'i spyod yul du 'gyur ba thams cad kyang nags la me mched de bzhin du gong du bstan pa'i don ci yang ma yin pa la 'bab pa'o/ /ji ltar snang ba kun kyang de bzhin ni ji ltar snang ba dang grags pa'i dngos po ma lus pa rnams rtsa ba chos kyi sku yin pa'i phyir stong pa nyid dang lhan cig tu byos shig pa'o/ /da ni mnyam pa'i don la zug rngu'i tsher mas gnod pas de gsal ba bstan par bya ste/ gal te yid du 'ong ba mnyam pa'i sems/ /snying la gces spas byams pa'i sems nyid la/ /til gyi shun pa tsam gyi zug rngus kyang/ /nam yang sdug bsngal 'ba' zhig byed par zad/ /ces bya ba'i don ni rnal 'byor pa dag ni gal te 'am brgya lam na gsal ba dang mi rtogs pa dang bde ba dang yid du 'ong ba'i ngo bo ci yang ma yin pa'i mnyam pa'i sems dang ldan te de ltar rtogs pa de ni rnal 'byor pa rnams kyi bla ma'i mchog ste/ snying de la gces spras dang byams pa'i sems nyid bya bar rigs la g.yeng ba dang gnod pa'i zug rngu dang bral bar bya'o/ /de ci'i phyir zhe na/ til gyi shun pa tsam gyi zug rngu yang rnal 'byor pa de dag gi sems la gnod pa'i phyir nams kyang sdug bsngal 'ba' zhig skyed par byed par zad do/ /da ni dpe lta ba'i spyod pa bstan par bya ste/ grogs po phag dang glang po smyon pa ltos/ /de ltar yin pa de ni ma yin no/ /rtog bral brtan dang

  535. 272a

    chags pa'i gza' gtad bral/ /rnam rtog klong dang dmag bzlog sdig par bral/ /zhes bya ba'i don ni rnal 'byor pa rnams la grogs po zhes bos te/ grong khyer gyi phag dang rgyal po'i glang po che dang gnod sbyin gyis zin ba'i smyon pas ltos shig pa'i don to/ /de dag gis ci byed ce na/ rnal 'byor pa dang chos 'thun pa'i spyod pa de ltar yin te mi mthun pa'i phyogs dgag par bya ba'i phyir de dang mi mthun no/ /de dag kyang ci zhe na/ phag pa rtog pa dang bral ba bzhin rnal 'byor pa dag kyang zas la gtsang rtog med cing rtog pa dang bral ba'o/ /glang po che yid bkur bar mi nus shing brtan pa bzhin du rnal 'byor pa dag la yang bdud dang mu stegs dang phyir rgol ba dang phyi nang gi g.yeng ba dag gis bslad par mi nus shing brtan pa'o/ /smyon pa ni chags pa'i gza' gtang dang bral ba ste/ rnal 'byor pa dag gis kyang su la yang chags par mi bya zhing spyod pa gza' gtad dang bral bar spyod pa'o/ /de dag dang mtshungs pa'i phyir mthun pa'i dpe nye bar bsgrub pa'o/ /rnal 'byor pa dag gis rnam par rtog pa'i sa klong ba dang pha rol pa'i dmag bzlog pa dang srog gcod pa la sogs pa'i sdig ba dang ni bral bar bya'o/ /de ci'i phyir zhe na/ tha dad kyi rtog pa dang bcas kyi bar du rnam par smin pa mi slu bar 'byung ba'i phyir ro/ /da ni nor bu'i dpe'i sgo nas sems can la phan par bya ba bstan par bya ste/ ji ltar yid bzhin nor bu'i dgos pa bzhin/ /'khrul pa zhig pa'i mkhas pa ngo mtshar che/ /ngang las rang rig bde chen bag chags gzugs/ /thams cad de tshe mkha' mnyam de ltar gyur/ /ka la ku ta smos su mi rung ste/ /rang bzhin mkha' mnyam yid kyis 'dzin pa yin/ /yid de yid ma yin par byed 'gyur te zhes bya ba'i don ni ji ltar yid bzhin gyi nor bu rin po

  536. 272b

    che la snod bzang po'i nang du gzhag nas mchod pa phul te gsol ba btab pas dgos pa'i don ji lta bar 'byung ba bzhin du bla ma'i gdams ngag gis nor bu rin po che de dag rten gang zag gi snod bzang po'i blo la bcug ste/ tha mal gyi shes pa'i mchod pa phul nas nges pa'i shes pa'i gsol ba btab na skad cig ma de nyid la 'khrul pa ma lus pa zhi bar 'gyur ro/ /de dag gi don la mkhas pa ste ngo mtshar che'o/ /de dag kyang gzhan las 'thob pa ma yin te/ rang la rang rig pa'i bde ba chen po 'di ni snang ba dang sems kyi tshul du bag chags kyi gzugs su snang ngo/ /tha mal gyi shes pa rtogs pa na brtags pa thams cad de'i tshe nam mkha' dang mnyam par 'gyur ro/ /ka la ku ta zhes bya ba ni/ ka ka ba a i ta dang/ la pa ni ha ri ha dang/ ku ku pa ra na te dang/ ta ta pa shi na ke dang ste brda'i don to/ /de dag gsal bar bya ba ni/ nyams su myong ba tha mal nyid/ /nam mkha' lta bu'i ngo bor gsal/ /re dogs gnyis 'dzin blang dor med/ /'di rtogs kun tu bzang po'o/ /ma rtogs nang dang phyi ru lta/ /nges pa skyes nas go rims nyid/ /bsod nams tshogs sog la brtson ba/ /'di ni dam pa'i lam yin no/ /snang srid thams cad chos kyi sku/ /chu bo lta bu'i ngo bo nyid/ /dbang po yul phrang bde ba'i mchog /dran pa brten pa mchog yin no/ /spyod lam bzhi la sngon 'gro ba'o/ /dran pa de bzhin nyid du bsten/ /sems nyid bla ma dam par bkur/ /dgag par dor zhing ci bder spyad/ /ces bya ba ni thun mong gi tshul lo/ /sems nyid ma bcos chos kyi sku/ / snang ba bde chen longs spyod rdzogs/ /'gro 'ong sems can sprul pa'i bdag /dam pa dag las rtogs pa'o/ /'di dag ni khyad par gyi tshul lo/ /sems nyid rnal ma'i ngang gnas na/ /spyod pa drug gis ci byar yod/ /bde ba chen po'i ro myong nas/ /dag

  537. 273a

    dang sdig pa'i bye brag med/ /'di ni bla na med pa'i tshul lo/ /rnal ma rtogs pa rdzogs sangs rgyas/ /sdig pa'i rnam par smin mi myong/ /dge bas bde ba'i 'bras bu min/ /rmi lam bzhin lta ci bder spyod/ /'di dag ni de kho na nyid kyi tshul lo/ /ka ni rtsol sgrub bral pa ste/ /la ni ma bcos don gyi gtso/ /ku ni rnam rtog mdza' dang bral/ /mi shes smrar med mnyam nyid te/ /zhes bya ba 'di ni bsam gyis mi khyab pa'i tshul du bshad pa'o/ /de bas na smos su mi rung ba ste rang bzhin rnal mi 'di dag nam mkha' dang mnyam pa'i phyir dran pa'i yid kyi 'dzin par byed pa yin no/ /yin pa de yang rtog pa'i zug rngu yin te/ yid de dag dang dran pa rtog pa ma yin par shugs kyis byed par 'gyur te 'di ni dam pa'i/ /da ni bsam gyis mi khyab pa'i rang bzhin bstan par bya ste/ rang bzhin gyis mdzes skyes pa'i mchog tu mdzes/ /khyim dang khyim na de ni brjod pa ste/ /bde chen gnas ni yongs su shes pa min/ /'gro kun sems kyi sprul par mda' bsnun smras/ / de ni bsam med rtogs pa ma yin no/ /kye ma rnal 'byor bsgom pa rang la dris/ /snying po rang bzhin dag pa'i rtogs pa la/ /rang bzhin gnas pa'i sems kyis blta bar rigs/ /zhes bya ba'i don ni sems kyi rang bzhin bla ma dam pa'i gdams ngag gis mdzes par byas pa'i sems rnal ma gnyis su med pa skyes pa'i bde ba dang stong pa dbyer med pa las mchog tu gyur pa'i dag nyid dran pa rgyun chags kyis mdzes par byas pa'i don 'di dag theg pa 'og ma rnams kyi khyim dang tshig dang tha snyad kyi khyim na de nyid brjod pa ste/ lo khri phrag dpag tu med pa dag tu bshad zin nas kyang dam pa rnams kyi gdams ngag la rag las pa'i bde ba chen po'i gnas yongs su shes pa min na/ /'gro ba kun gyi shes pa na snang ba

  538. 273b

    thams cad sems kyi 'khrul par 'dod pa'am/ de la rnam pa gzhan du yod par 'dod pa ste/ de dag ni ma yin par mda' bsnun smras/ de dag kyang ci zhe na/ snang grags kyi chos thams cad bde ba chen po gnyug ma'i rang bzhin yin pa'i phyir de ni bsam du yang med de/ rtogs pa yang ma yin no/ /kye ma rnal 'byor pa kun de kho na nyid kyi sgom pa ni rang la dri par bya'o/ /de ci'i phyir zhe na/ rang ma yin pa gzhan mi snang ba'i phyir ro/ /rang de dag kyang ci zhe na/ ye nas rnam par dag pa'i phyir snying po'o/ /de yang rang bzhin gdod ma nas dag pa'i rnal 'byor pa las rtog pa'i cir yang snang ngo/ /de dag ni sems tha mal gyi shes pa rang bzhin du gnas pa'i sems kyi blta ba'i rigs so/ /da ni don de nyid la gdams pa bstan par bya ste/ de nas phyi nang mnyam par shes pa dang/ /shes byed de 'gog par ni bla ma'i lung/ /mgo snying lte gsang rkang lag spangs pa ste/ /ngas mthong bsam pa'i yul ni mchod par byed/ /gzhan dag bsam pa'i yul ni 'gags par 'gyur/ /gal te sems la sems kyis mtshon du 'gro /rlung dang yid ni mi g.yo brtan par 'gyur zhes bya ba'i don ni rnal 'byor pa de dag gis nyams su myong nas mthong ba'i rtags ni phyi dang mnyam par shes shing yang ci yang mi lan pa nyid du mthong bas se ci yang ma yin pa'o/ /de ltar shes par byed pa de shugs kyis 'gog pa la ni bla ma dam pa'i lung bstan te de nyid do/ /de nyid mngon sum du rtogs pas ni dge ba thams cad kyi sngon du 'gro ba sbyor ba snying rje chen po nyid dang bsod nams dang ye shes kyi tshogs kyi dngos gzhi dang sems can thams cad yongs su smin par bya ba'i phyir 'jug bsngo zhing smon lam rgya chen po gdab pa dang/ de dag kyang dbang rnam pa bzhi go rims kyi tshul du gnas par byed dam tshig srung ba dang/ de bsten par byed pa'i bsod

  539. 274a

    nams tshogs yan lag shugs kyis spang ba ste de dag la gnas kyang don med par 'gyur ro/ /don dang ldan pa ni gang zhig yin ce na/ nga mthong zhes pa ste tha mal gyi nga'o/ /de dag bsam pa'i yul ni don dam pa'o/ / bsod nams kyi tshogs khyad par can rdzogs par byed pa ni mchod par byed pa'i nges shes so/ /de dag ni nyams su myong ba dang gzhan dang gzhan du brtags pa'i bdag nyid dag bsam pa'i yul rtog pa can de dag ni dang gis 'gags par 'gyur ro/ /gal te slob pa po dag gi blo la brjod par bya ba'i phyir sems kyis sems ni mtshon du 'gro ste/ de tsam du zad pa nyid yin te/ gzhan ni skyon dang bcas pa'o/ /mtshon pa'i don la rtogs pa ni yin na rlung dang yid kyi rnam par shes pa ni 'gags par 'gyur te/ mtshan ma la mi yongs shing mi rtogs pa la brtan pa kho nar 'gyur ro/ /da ni rnal ma'i don phyin ci ma log pa bstan par bya ste/ ji ltar lan tshwa chu la thim pa ltar/ /de ltar sems ni rang bzhin nyid dag la/ /dngos por rtogs pa'i mtshan nyid thim par 'gyur/ /de tshe bdag dang gzhan ni mnyam par mthong/ /'bad de bsam gtan byas pas ci byar yod/ /rtags gcig la ni lugs rnams mang po mthong/ /'ongs pa ma mthong phyis kyang de mthong med/ /rang 'dod pa yis rang rig gsal bar smra/ /rang bzhin 'jig cing gzhan dang 'gal ba yin/ /mgon po bdag nyid gcig pu bzhin dang ldan/ /khyim dang khyim nas grub mdza' de grub pa'i/ /gcig zos pas ni gzhan kun tshim par 'gyur/ /nang gzhag phyi rol song nas khyim bdag tshol/ /btsal kyang ma mthong phyis kyang de med de/ /'dug par gyur kyang de yis ma shes so zhes bya ba'i don ni ji ltar lan tshwa chu dag gi nang du bcug na de la thim zhing lan tshwa'i ror 'gyur

  540. 274b

    ba ltar sems rang bzhin nyid nas dag pa'i tshul dag la dngos por rtogs pa'i tshul dag la lan tshwa dag gzhag na dngos po thim zhing bde ba chen po'i ror 'gyur ro/ /de'i tshe bdag dang gzhan du mnyam par mthong ste tha mi dad do/ /de dag ma rtogs pa'i rtsol sgrub dang bcas pa'i don de nyid la 'bad de bsam gtan byas pas 'ching ba'i phyir ci byar yod do/ /gnyug ma'i don de kho na nyid kyi rtags gcig la ni tha dad kyi rtog pas brtags pa'i lus rnams mang por mthong ngo/ /mthong du yod dam zhe na/ byis pa'i tshul can nam mkha' la tshad byed pa dang 'dra ba rnams kyis brtags par zad kyi don de kho na nyid la 'ongs par yang ma mthong phyis kyang de mthong ba med do/ /sems tsam dag gi 'dod pa ni rang gi 'dod pa'i shugs kyis rang rig rang gsal ba'i ngo bo grub par smras te de ni mu stegs kyi bdag dang 'dra/ de'i phyir rang bzhin 'jig cing dbu ma la sogs pa'i gzhan dang yang 'gal bar 'gyur ba yin no/ /dgag sgrub dang bral ba'i don ni chos kyi sku'i mgon po bde ba chen po'i bdag nyid tha mal gyi shes pa gcig pu rang bzhin gyi bzhin dang ldan no/ /de dag kyang bla ma dam pa'i gdams ngag gi khyim dang bdag nyid kyis nyams su myong ba'i khyim nas grub pa'i mdza' 'gag sgrub dang bral ba de grub pa'o/ /de ni ma bcos pa'i don te/ de gcig pu rnal ma nyams su myong ba'i tshul gyis zos pa ni grub pa'i mdza' ma lus pa gzhan kun yang tshim par 'gyur ro/ /de ni rang byung gi ye shes te khyim gyi bdag po de dag bdag nyid kyi blo'i gting gi nang du gzhag ste/ phyi rol tu song nas tha snyad la rnam par brten pa'i mthus khyim bdag tshol lo/ /btsal ba'i don de dag kyang rnyed pa ma yin no/ /ci yang ma yin pa'i phyir ma mthong ngo/ /phyis kyang de dag la

  541. 275a

    mthong ba med de rang nyid la ngang gis 'dug par gyur kyang rnam par rtog pa'i rtog ges bslad pa'i phyir de yis ma shes so/ /de bas na rab tu mi gnas pa'i rgyud las/ bla ma'i gdams ngag khyim mchog dam pa dang/ /nyams myong khyim nas dgag sgrub med par rtogs/ /ma bcos rnal ma'i zas shig za 'gyur bas/ /grub mdza' ma lus kun kyang tshim par 'gyur/ /rmongs pa ma rtogs tha snyad tshig la brten/ /btsal kyang ma rnyed 'dug kyang de ma shes/ /da ni bde stong dbyer med bstan par bya/ /rba rlabs med pa'i dbang phyug chen po mchog /rnyog pa med pa'i bsam gtan ci ma gzhag /chu dang mar me rang gsal gcig bu zhog /'gro dang 'ong ba ro gcig mi dor ro/ /snga na med pa'i sgeg mo dang phrad na/ /nyal ba'i sems ni gzhi med pa la brten/ /rang rig gzugs dang tha dad med lta cig /'di ltar sangs rgyas lag tu gtod pa yin zhes bya ba'i don ni sems nyid gnyug ma'i ngo bo de dag la sems bcos pa'i rba dang rnam par rtog pa'i rlabs dag gis gnod pa med pa'i don de nyid ni sa bcu'i dbang phyug chen po ste mchog go /de bas na don de nyid ni rnyog pa med pa ste/ khyad par gyi bsam gtan yin pa'i phyir mnyam pa'i don de la sems ci'i phyir mi bzhag ste gzhag go /chu ma rnyogs pa'i rnal ma dangs pa dang mar me ma bslang pa dang gsal ba bzhin du sems ma bcos pa gcig pu kho na nyid du zhog cig /khams gsum gyi sems can thams cad kyi 'gro ba dang grub pa'i mdza' dbu ma la sogs pa thams cad kyi 'ong ba thams cad kyang 'di nyid du ro gcig pa'i phyir mi dor ro/ /de dag ched du sgrub pa yang med de/ sri pA paM li bri zhes bya'o/ /de dag gi don ni bla ma dam pa las snga na med pa'i don rtogs te/ chos thams cad bde ba chen po ror bgegs pa'i

  542. 275b

    tshul dang/ shes rab chen po'i rang bzhin yin pa'i phyir ngo bo de dag dang phrad nas mthar phyin pa dag go /de dag gi don yang snga na med pa yin nam zhen/ ma yin te/ paM li praM pa pri zhes bya ste/ chos sku gnyug ma'i ngo bo dag /bdag nyid la ni yod pa ste/ /dgag sgrub med pa sgeg pa la/ /dus gsum sangs rgyas 'byung ba'i mo/ /zhes bya ba'i don ni de dag kyang praM li praM pri ba zhes bya ste/ /nyams myong bde ba chen po'i ru/ /nyams su myong bar shin tu bde/ /bdag gis smra bar ma nus kyis/ /'di la smras na skyon du 'gyur zhes byung ba dang/ de nyid kyi phyir pA baM li praM pri zhes bya ste/ de dag gi don ni chos su bde chen smra ru med/ /zab cing tshad dang rgya tshad med/ /de nyid ngo bo shes mi nus/ /rtogs par gyur pa ma yin no/ /nyams myong bde ba chen po'i ro/ /shes rab chen po'i rang bzhin yin/ /zhes 'byung ba'i phyir dang/ de nyid gsal bar bya ba'i phyir/ pA praM la paM praM lam zhes pa ste de dag gi don ni bde stong dbyer med mnyam pa nyid/ mnyam pa phyogs cha cha dang bral/ /nam mkha' i ngo bo nyid mtshungs phyir brjod pa tha snyad mdza' las 'das/ /zhes 'byung ba'i phyir snga na med pa dang yod pa dang snga na smrar med pa dang mi shes pa dang mnyam pa nyid kyi sgeg mo ste/ 'di dag ni zhi bzhin pa'i shes pa 'ba' zhig la brjod pa'o/ /de yang shes pa bag yangs kyi spyod pa rnal mas 'grub pa'i phyir nyal ba'i sems ni gzhi med pa la brten zhes pa'o/ /de bas na sems rang rig pa'i ye shes dang snang ba yul gyi gzugs dang de sgrub par byed pa'i tshad ma dang/ des brtags pa'i don rnams su tha dad pa'i rtogs par ma lta zhig /'di ltar rtogs pa de ni chos kyi sku sangs rgyas lag tu gtod pa yin no/ /da ni dran pa rgyun chags kyi bdag nyid bstan par bya ste/ lhan cig skyes pa'i rang bzhin de tshe mdzes/ /gang tshe lus dang ngag yid dbyer med pa/ /de tshe

  543. 276a

    thams cad mkhyen pa thob pa ste/ /dbyer med dpal gzhag pa thob med kyang/ /brda ru mtshon nas gzhag dang thob par smras/ /smras pa'i tshig tu zhog la de don bsgoms/ /bsgom par bya ba rdul tsam med pa ste/ /med pa'i dang la gzhag tu med pa'i ngang/ /de la gnas na rnal 'byor snying po'i lam/ /snying po med du brjod pa ma yin gyi/ /dngos dang sems su shes shing shes pa med/ /med pa'i rdo rje de la 'jug par bya/ /zhes bya ba'i don ni lhan cig skyes pa'i ye shes kyi rang bzhin ni gang gi tshe don rnal ma nyams su myong ba'i tshe chos kyi sku mdzes pa'o/ /gang gi tshe rnal 'byor pa dag gi lus dang ngag dang yid dbyer med cing mnyam pa nyid kyi dang la gnas pa de'i tshe thams cad mkhyen pa'i sangs rgyas thob pa ste/ /de ni bde ba dang stong pa dbyer med pa'i dang la gnas pa'o/ /de ltar rtogs pa'i don la mnyam par gzhag pa dang rjes la thob pa med do/ /de ltar med kyang ma rtogs pa'i slob pa po'i blo la brda' ru mtshon nas mnyam par bzhag pa dang rjes las thob par smras so// brjod bya de tshig tsam du shugs kyis zhog la de'i don brjod bya dang bral ba sgoms shig pa'o/ /bsgom du yod dam zhe na bsgom par bya ba ni rdul phra rab tsam yang med pa ste/ de dag gi ngang la ni gzhag tu med pa'o/ /gzhag tu med pa'i dang? la gzhag na mchog go /don de dang gnas na rnal 'byor pa snying po'i lam mo/ /snying po'i lam la brtags shing gnas pa'o/ /snying po zhes bya ba'i ngo bo nyid kyang gzhan du brjod du yod pa ma yin gyi dngos por snang ba thams cad sems su shes shing shes pa med pa'o/ /med pa'i don de ni ye shes rnam pa lnga ste/ de nyid kyang tha mal shes pa'i ngo bo yin pa'i phyir rdo rje ste de la r'jug par bya'o/ /da ni gnyis su med pa'i mtshan nyid bstan par bya ste/ /de phyir snying po brtags dka' dang bral/ /khyim bdag dang ni

  544. 276b

    khyim bdag mo longs spyod/ /yul ni gang mthong dang? bshad par bya'o zhes bya ba'i don ni chos nyid ma bcos pa rnal ma'i de kho na nyid la tshad gzung bar mi nus pa'i phyir snying po de brtag dka' o/ /bskal ba dang ldan pa'i gang zag gis tha mal gyi shes pas nyams su myong ba nyid yin pa'i phyir dka' ba dang bral ba'o/ /de nyid kyi dus na kun gzhi byang chub kyi sems kyi khyim bdag dang chos nyid ma bcos pa rnal ma'i khyim bdag mo gnyis longs spyod de de yang 'dod pa'i yon tan mi 'gogs shing rang dga' i tshul du'o/ /yul gang mthong ba de chos sku'i ngo bor bshad par bya'o/ /da ni ngo mtshar gyi glu bstan par bya ste/ nga yi rtsed mo byas pa la/ /byis pa rnams ni sha thang chad/ /me byung ba ni spra ba ste/ /me ni spra ba nyid la 'bar/ /zhes bya ba'i don ni sems nyid kyi don gyi glur blangs pa na nga yis zhes pa ni sems nyid do/ /rtsed mo byas pa la zhes bya ba ni nyi ma'i zer bzhin du snang ba'i snang srid kyi tshogs kun la bya'o/ /nus pa rnams shes bya ba ni bde ba chen po'i ro ma myangs pa rnams so/ /sha thang chad ces bya ba ni dgag sgrub dang bral ba'i don gyis bslus pa'o/ /de dag kyang ji ltar spyang bar bya zhe na/ dpes mtshon par bya ste/ me 'byung ba'i rgyu ni spra ba ste byung ba'i me de nyid kyis ni spra ba nyid la 'bar zhing bsreg go /de bzhin du sems la snang ba'i chos de dag byung ste/ 'byung ba'i sems nyid de dag snang ba la rab tu thim mo/ /da ni dngos po rang gi mtshan nyid la gdams pa bstan par bya ste/ kye ma ho gzhan yid ma yin gzhan ma yin/ /rnal 'byor spyod pa skye dang bral ba ste/ /bdag po bzang zhing rang bzhin mdzes chags pa/ / yus kyis gang ba'i sems de rnal ma nyid/ /chags dang chags bral med pas gnyug mar bzhugs/ /sems nyams pas na rnal 'byor ngas ma mthong/ /za zhing 'thung la bsam pa gang yang med/ /grogs mo de ni sems pa gang gnas pa/ /phyi rol par sems sdug

  545. 277a

    bsngal dag gis 'dzin/ /sgyu ma'i rnam pa dang ni dpe dang bral/ /bya ba 'di tsam zhig tu ma sems kye/ /brtsol ba gang la dbyer med pa yi klong/ /klong ni sgo gsum gang duAng dri ma med/ /zla ba chu 'dzag nor bu rang bang min/ / thabs kyis rgyal srid kun la dbang sgyur ba/ /sems nyid de ni grub pa'i rnal 'byor pa/ /lhan cig skyes pa'i sdom pa shes par bya/ /yi ge pa yis 'gro ba ma lus khyab/ /kun la yi ge med pa gcig kyang med/ /ji srid yi ge med par gyur pa na/ / de srid yi ge dam pa rab tu shes/ /yi ge dag par shes pas snag tsha yal/ /gtsol med rig byed 'don pa don de nyams/ /dang po sems dang cig shos mi shes na/ /gang nas shar ba gang du nub par byed/ /ji ltar phyi rol de ltar rab shes na/ /bcu bzhi pa yis sa la rgyun tu gnas zhes bya ba'i don ni 'khor ba'i sems can thams cad la snying rje chen po'i tshig pos te/ de kho na nyid ni gzhan gyi yid ma yin te/ gzhan gyi yid ma yin na mtshungs pas tha dad par yang mi 'gyur te/ gzhan yin na thob par yang mi 'gyur ro/ /don rnal ma de nyid ni thog ma nyid nas 'byor pa ste/ 'di nyid kyi spyod pa ni rnam par dag pa'i de kho na nyid do/ /'di dag skye ba dang bral ba ste 'gags pa de bzhin no/ /don de'i bdag po ni ma bcos pa ste bzang po yin zhing chos kyi sku rang bzhin dang ldan no/ /de dag kyang bsod nams kyi tshogs kyis mdzes par bya zhing snying rje chen po chags pa la gnas par bya'o/ /tha dad kyi rnam par rtog pas brtags pa'i sems ni lus kyis gang ba ste/ sems de dag gdungs shing sdug bsngal ba'i phyir ro/ /sdug bsngal thams cad skad cig gis gcod par byed pa ni rnal ma nyid do/ /de dag gi ngo bo nyid ni chags pa dang bcas pa dang chags pa dang bral ba gnyis su med pas de kho na nyid kyi

  546. 277b

    don gnyug mar bzhugs shig pa'i tha tshig go /gang gi sems nyams pas na chos kyi sku'i mthu zad par byas pa ste/ de dag la de kho na nyid kyi rnal 'byor pas ma mthong ngo/ /de yang bsam gtan la rab tu gzhol ba'i rgyud las sems nyams pas ni 'bras bu thams cad nyams/ nyams pa med de chos sku zad par byas/ /skad cig gcig la nus pa'i mthu phrogs te/ /dbyer med bsam gtan 'byung ba ma yin no zhes 'byung ba'i phyir de bas na sems nyams par mi bya'o/ /las kyi phyag rgya tsam gyis chog par byed par ni za zhing ste/ de'i bde ba la zhen pa'i shes par 'thung la lhag par zhen pa ni 'khor ba'i bde ba skyed par byed pa ste/ mya ngan las 'das pa'i bsam pa gang skad cig kyang med do/ /grogs mo zhes bya ba ni rang bzhin bdag med ma'o/ /de dang bral ba'i shes pa 'di dang 'di na rtog cing shes pa gang gnas pa de ni phyi rol mu stegs pa dang khyad med de/ /de kho na nyid kyi sems sdug bsngal dag gis 'dzin par nges pa'o/ /'di dag ni sgyu ma tsam du yang mtshon par mi bya'o/ /rnal ma nyid dang de nyid kyi ngo bor gdams par mi bya'o/ /dpes mtshon par yang mi bya'o/ /de dang bral bar yang mi brtag go /de yang bya ba btang ba ste bya ba 'di yin no zhes tshig tsam du yang ma sems kye zhes gdams so/ /de dag ni rtsol bas btsal te zag pa med pa'i bde bas gang zag pa dang bcas pa'i bde ba dang stong pa dbyer med pa'i klong ngo/ /'di dag ni lus dang ngag dang yid gsum gyi brtags pa dang bral ba ste dri ma med pa'o/ /de dag kyang rtsa dang rlung dang thig les nyams su myong bar byas pa ni ma yin no/ /de dag thams cad kyang 'di nyid kyi ngang yin te dri ma med do/ /tha mal gyi shes pa nyid kyi phyir 'dod chags chen po dang ma bcos pa'i don zhe sdang gi bdag nyid dang/ chos thams cad mi shes

  547. 278a

    pa'i gti mug chen po ste 'di dag gi ngo bo nyid yin te dri ma med do/ /de dag nyams su myong bar bya ba ni dang po shes pa rtsol sgrub dang bral bar bya ba dang/ de nas ma bcos pa'i bdag nyid yongs su shes par bya ba dang/ tha mar nyams dang rtogs pa dang bral ba ste/ 'di dag thams cad ni gnyug ma'i ngo bo la brjod pa yin pa'i phyir 'jug pa'i sgo tsam du zad kyi gang du yang dri ma med do/ /de dag rtogs pa las sgrib pa rnam pa gnyis skad cig mi gcig pa gcod par 'gyur te/ dper na zla ba'i rgya mtsho dag gi nang na chu'i nor bu gnas pa de dag la zla ba'i 'od kyi phog pa'i dus su chu 'byung ste rang dbang yod pa ni ma yin no/ /dper na rgyal po dag gi stan la thabs kyis de dag gi steng du phyin na rgyal po'i srid kun la dbang sgyur ba bzhin du sems de kho na nyid de ni bla ma'i gdams ngag gis grub par byas pa'i rnal 'byor pa dag gis lhan cig skyes pa'i ye shes kyi sdom pa ci yang ma yin par shes par byas nas sku gsum gyi 'khor lo thams cad la dbang sgyur bar 'gyur ro/ /de dag rtogs par 'gyur ba yin nam zhe na/ pa ta ra te yi ge'o/ /de dag gi don ni nus pa dang ldan pa'i tha tshig go /de dag ni chags pa dang bral zhing ma 'dres pa'i don rnam par dag pa'i phyir de dag gis 'gro ba ma lus pa thams cad la khyab bo/ /de bas na snang grags kyi chos kun la yi ge med pa gcig kyang med do/ /yi ge de nyid kyang yod pa ma yin nam zhe na/ ji srid du yi ge yod par gyur pa de nyid du gnas pa ji srid yi ge med par gyur te/ med pa ni yod pa yin pa'i phyir de srid yi ge dam par rab tu shes so/ /de'i brda' tha snyad dang bal ba la ni yi ge dag par shes pa ste nyams su myong du med pa'i phyir snag tsha yal lo/ /gzhan dag ni gcol med pa'i phyir mu stegs kyi rig

  548. 278b

    byed dang mtshungs te/ 'gro ba 'don par 'dod pa des rang nyid kyi don de nyid kyang nyams par 'gyur ro/ /de bas na sangs rgyas thams cad kyi dgongs pa dam pa tha mal gyi shes pa 'di dag soms dang/ cig shos bde ba chen po'i rang bzhin de kho na nyid mi shes na snang ba'i chos 'di dag thams cad gang nas shar ba yin la gang du nub par byed do/ /de bas na ji ltar phyi rol gyi snang grags kyi chos de dag thams cad sems nyid gnyug ma'i ngo bo de ltar rab tu shes nas phung po lnga la rigs lnga'i rgya dang/ de la mi bskyod pa'i rgya dang/ de la rdo rje 'dzin pa'i rgya dang/ de la bde ba chen po'i rgya dang/ ci yang ma yin par rtogs pa ste bcu bzhi pa'i sa la rgyun tu gnas so/ /de ni bdag nyid rnam par dag pa bstan par bya ste/ lus med lus la sbar med spas pa ste/ gang gis shes pa de grol grol bar 'gyur/ /nga yis grub pa'i yi ge nag po ston/ /khu ba 'thungs pas ngan brjod par 'gyur/ /gang gis bltar med yi ge gcig shes na/ /de yis ming gi bdag gis mi shes so/ /zhes bya ba'i don ni gnyug ma'i de kho na nyid la snang ba 'grub pa med pas lus med do/ /sems nyid du grub pa med pas lus la sbar med do/ /de yang dam pa'i gdams ngag la rag las pas sbas pa ste/ skal ba dang ldan pa dag gis bla ma'i zhal gyi bdud rtsi 'thungs te/ gnyug ma'i de kho na nyid shes na bdag nyid grol zhing gzhan grol bar 'gyur ro/ /gang gi tshe bdag tu gnas pa de ni chos sku ste/ nga'i tha mal gyi shes pa grub pa'i yi ge mi 'gyur ba'i phyir nag pa ste/ de dag khyad par du 'gyur ba'i gang zag la ston pa'i phyir khu ba'o/ /de dag ni ci yang ma yin pa'i tshul du 'thungs pas nga bdag ni brjed par 'gyur ro/ /yi ge nag po de nyid kyang sangs rgyas la sogs pa gang gis kyang bltar med do/ rang bzhin gyi kha dog can

  549. 279a

    gyi yi ge gcig shes na de'i ming ni bdag gis mi shes pas dngos por grub pa lta ga la yod de med do zhes rje btsun pa dag gis gsungs so/ /da ni de kho na nyid rab tu gsal ba bstan par bya ste/ nags khrod gsum na yi ge nag po gcig /yi ge gsum gyi dbus nas blta bar bya/ /gang zhig gsum la bab pa'i ngo bo ni/ /gdol ba'i rig byed bzhi yang de yin no/ /zhes bya ba'i don ni/ /nags shes bya ba'i don ni sha'o/ /khrod ni rus pa'i tshig ma lus pa'o/ /gsum na zhes bya ba ni rtsa rlung thig le'o/ /yi ge ni bde stong dbyer med do/ /nag po ni mi 'gyur ba'i don to/ /gcig ces bya ba ni sangs rgyas nyag gcig go /de dag la yi ge gsum du gnas te/ 'dod pa'i khams dang/ gzugs kyi khams dang/ gzugs med pa'i khams so/ /de dag kyang sna tshogs gsum du brjod de/ lus dang ngag dang yid gsum mo/ /de dag kyang gti mug chen po dang sems nyid kyi ngo bo yin pa'i phyir dbus so/ /de yang tha mal gyi shes par gzhag nas mnyam pa dang mi shes pa dang bltar med pa'i ngo bo gsum du blta bar bya'o/ /skal ba dang ldan pa gang zhig gis yi ge gsum la gnas pa'i rang bzhin de dag la bab pa na de'i ngo bo ni kyi ha ra ta'o/ /de dag gi don ni thams cad dang ldan zhing khams len pa ste/ de dag gi gdol pa'i rig byed dur khrod kyi bltas dang ro'i mtshan nyid dang 'degs pa'i go rims dang/ 'degs pa'i dus bzhi yang de nyid yin te/ gzhan dag la lta spros ci dgos so/ /da ni bde ba las byung ba'i lam bstan par bya ste/ kun tu ru skabs bde chen grub pa ni/ /ji ltar skoms pas smig rgyu snyegs pa bzhin/ /skom nas 'chi ste nam mkha' i chu rnyed dag /rdo rje pad+ma gnyis kyi dbus gnas pa/ /bde ba gang gis rnam par

  550. 279b

    bskyed pa ni/ /ci ste de bstan nus pa med pas na/ /sa gsum gang du rdzogs su re ba legs/ /yang na thabs kyi bde ba skad cig ma/ /yang na de nyid gnyis su 'gyur ba ste/ /bla ma'i drin gyi slar yang nyid la ni/ /brgya lam 'ga' yis shes par gal 'gyur/ /zhes bya ba'i don ni kun tu ru ste sems can thams cad kyi sems chos kyi sku yin pa'i phyir dbang po'i sgo mnyan par sbyar ba las lhan cig skyes pa'i dga' ba skyes pa de dag bla ma'i man ngag gis skabs phye ste/ bde ba chen po rgyas btab nas de kho na nyid grub pa ni nyams su myong du yod kyang thob du med pa ste/ ji ltar skom pa dag gis smig rgyu mthong zhing snyegs pa bzhin du chu'i don byed ma nus te thob tu med pas skom nas mchi'o/ /de dag rnyed par yang mi rigs te nam mkha' i chu dang 'dra ste/ rnyed dam ste mi rnyed do/ /man ngag las byung ba gzhan dag ni 'bras bu rnyed par yang mi 'gyur ro/ /kun tu ru zhes bya ba ni drag po'i sbyor ba'o/ /de dag gis skad cig ma gcig gi skabs la nyams su myong srid kyang phyag rgya chen po'i bde ba grub pa'i rnal ma ni mi 'byung ste/ dper na skom pa dag gis smig rgyu'i snyegs pa bzhin du don byed par mi nus te skom nas mchi'o/ /de dag kyang bde ba chen po nam mkha' lta bu'i bla ma'i gdams ngag gi chu mi rnyed do/ /'dod pa dag la zhen pa'i phyir bla ma dag gi bstan par bya ba yang ma yin no/ /de bas na 'bras bu chen por mi 'gyur ro/ /de bas na stong pa dang bde ba dbyer med pa'i 'byung gnas sam rdo rje dang pad+ma snyoms par zhugs pa'i dbus dag na lhan cig skyes pa'i ye shes kyi thig le gnas te/ de dag lam du khyer ba'i bde ba de dag la zhen pas bde ba las kyi phyag rgya gang gis gnas nas bskyed pa de ni ci ste de dag la de kho na nyid kyi don bstan du yod dam/ rnyog pa 'ba' zhig la longs spyod pa'i phyir med pas na'o/ /de'i phyir nyan thos dang rang rgyal ba dang?

  551. 280a

    theg pa chen po'i sa gsum gang du rdzogs su re ba lags so/ /de dag ni bslab pa dang mi ldan zhing bye brag gi cha ma rtogs pa dang/ 'khor ba mi rtag pa'i rnam pa la yid byung ba med pa dang/ bden pa rnam pa gnyis zung du 'jug pa med pa dang/ bde ba chen po'i don ma rtogs pas 'bras bu sku gsum gyi bdag nyid thob pa ma yin no/ /de bas na thams cad kyi rten byed pa ma yin nam zhe na/ yang na lhan cig skyes pa'i ye shes ngos 'dzin pa'i thabs su lhan cig skyes pa'i ye shes kyi bde ba skad cig ma de dag la brten nas zag pa med pa'i bde ba de yang na 'am phyis kyi dus su de dag la zhen pa med pas zag pa med pa'i bde ba dang/ stong pa chen po bsam gyis mi khyab pa gnyis su med par 'gyur bas stong pa dang bde ba dbyer mi phyed pa de dang bla ma dam pa'i bka' drin gyi zhal gyi bdud rtsi gdams ngag dam pa de dag nyams su myang ba slar yang bstan pa'i don de nyid la ni brjod par bya ba gang zag brgya 'am gcig gis kyang shes par ga la 'gyur ro/ /de ltar nyams su myong bas rnam par bstan nas/ da ni 'bras bu phun sum tshogs pa'i bdag nyid bshad par bya ste/ grogs dag zab mo dang ni rgya che ba/ /gzhan gyi bdag nyid rtogs pa ma yin te/ /lhan cig skyes pas zhi ba'i dus kyi tshe/ /gnyug ma nyams su myong ba'i rab tu shes/ /mun nag chen por zla ba'i nor bu ni/ /ji ltar 'char bar byed pa bzhin du mdzes/ /mchog tu bde chen skad cig gcig la ni/ /sdug bsngal ma lus pham par byed pa'o/ /sdug bsngal snang byed sems la nub pa na/ /sgrol ba'i bdag po bzang dang mnyam du shar/ /'di ltar sprul ba'i bdag nyid sprul pa ni/ /de ni dkyil 'khor lo dam pa'o/ /zhes bya ba'i don ni skal ba dad ldan pa'i gang zag la grogs dag ces bos

  552. 280b

    te/ don zab mo rgya mtsho lta bu dang/ nam mkha' lta bu'i rgya che ba'i rnam pa de dag bdag tu 'dzin pa dang bcas pa'i shes pa gzhan dag gis de kho na nyid kyi bdag nyid rtogs pa ma yin te/ lhan cig skyes pa'i ye shes kyi de kho na nyid skyes bas nyon mongs pa rnam par rtogs pa zhi ba'i dus de nyid kyi tshe na gnyug ma'i de kho na nyid myong bas rab tu shes so/ /dper na mun nag chen po'i gnas su chu shel gyi zla ba'i nor bu'i 'od ni ji ltar 'char bar byed pa de nyid kyi dus na mun pa thams cad nges par bcom ste/ bsil zhing dang la 'od kyi rgyun gsal bar byed pa bzhin du de kho na nyid de yang de ltar mdzes pa'o/ /de ltar yon tan thams cad kyi mchog tu gyur pa'i bde ba chen po skad cig ma gcig la ni sdug bsngal ma lus pa bam par byed pa'o/ /sdug bsngal 'byung ba'i rgyu snang ba'i rnam pa byed pa'i ngo bo thams cad sems la nub par 'gyur te de ni chos kyi sku'o/ /sa la gnas pa'i byang chub sems dpa' rnams grol ba'i bdag po ni longs spyod rdzogs pa'i sku'o/ /gza' skar gyi rnam pa lta bu sprul pa'i sku ste de dag dang mnyam du shar bar 'gyur ro/ /der yang ma zad de khams gsum thams cad ni sku gsum pa'o/ /de ltar sprul pa'i bdag nyid ci yang ma yin pa dang/ sprul pa'i sku 'gro 'ong gi rnam pa can dang de thams cad ni bde ba chen po'i 'khor lor ro/ /dkyil 'khor gyi sku dang bcas pa ste 'khor lo dam pa'o/ /de'i phyir chos kyi sku ni rtog pas grub pa yin te/ gzug sku rnam pa gnyis ni shugs kyis grub pa yin no/ /de bas na yongs su rdzogs pa'i 'khor lo 'di ni skad cig ma gcig dang skye ba 'di dang bar do'i gnas su thob par byed pa'o/ /da ni 'bras bu khyad par can du grub pa bstan par bya ste/

  553. 281a

    kye ho rmongs pas sems kyi sems rtogs na/ /lta ba ngan pa thams cad rang grol te/ /mchog tu bde chen de tsam zhig tu bas/ /de yi dbang gis dngos grub dam pa'o/ /zhes bya ba'i don ni/ kye ho zhes khams gsum pa rnams la gdams pas de tha dad kyi rtog pas bsgribs pa'i rmongs pa rnams kyis rang gi sems kyi rang gi de kho na nyid rtogs nas bdag tu lta ba la sogs pa'i lta ba ngan pa thams cad rang grol bar gyur te/ mchog tu bde ba chen po'i rang bzhin chos kyi sku de dag ni thob tu med pa ste grol ba'i de tsam zhig tu bas so/ /dper na skyes bu nad sos pa tsam la nad med pa thob po zhes pa dang 'dra'o/ /grol ba tsam gyi thob pa dang dngos grub yin nam zhe na/ de nyid thob pa'i dbang gis dngos grub mchog tu gyur pa ste dam pa'o/ /da ni de kho na nyid kyi skyon bsal bar bya ste/ rdo rje sems dpa' yod dang med mi rtog /rtog dang rtog byed 'phags dang sangs rgyas min/ /ma rtags rang dgar bzhag pa kun tu bzang/ /bcos dang bsgrims pas de nyid de ma rtogs/ /gzhag dang ma sgrims de med rtog med mthong/ /gal te nyams myong dang po'i dus skyes kyang/ /de la myong bar 'dzin pa de med de/ /sangs rgyas ye shes de dag dag la yang/ /'phags pa rnams dang sangs rgyas bdag nyid ni/ /grub pa med de dgos pa'i don du brtags zhes bya ba'i don ni badzra satwa ste rdo rje sems dpa' o/ /de ni kun tu bzang po'i ngo bo nyid yin pa'i phyir sems nyid ma bcos pa gnyug ma'i ngo bo nyid ji lta ba la bya'o/ /de la yod pa dang med pa yang mi rtog go /gang la rtog pa dang gang gis rtog par byed pa ste/ de dag thams cad ni 'phags pa yang ma yin la sangs rgyas kyang min no/ /rang gi shes pas ma brtags shing rang dgar bzhag pa 'di ni kun tu bzang po'o

  554. 281b

    bcos dang bsgribs pas ni mdza' ngan pa la bdags pa ste/ de nyid de yis mi rtogs so/ /de yang shes pa rnal ma la bzhag pa dang glod cing ma bsgrims pa de nyid kyis rtogs su med pa'i don mthong bar 'gyur ro/ /gal te rnal 'byor pa dag gi shes pa la nyams su myong ba'i bde ba dang po'i dus su skyes kyang de la myong ba dang zhen par 'dzin pa de min te/ sangs rgyas kyi ye shes de kho na nyid la yang sems can du grub pa yod pa ma yin no/ /'phags pa rnams su grub pa dang/ sangs rgyas kyi bdag nyid du grub pa ni med de/ ci'i phyir zhe na/ yid la byar med cing ci yang ma yin pa'i phyir ro/ /de dag gis ci byed ce na/ ma rtogs pa'i sems can rtogs par bya ba'i phyir dgos pas don de dag tu brtags shing khas blangs pa ste/ de bzhin nyid la na zug rngu kho nar zad/ /da ni dpes mtshon pa bstan par bya ste/ /gyad kyi gtsug na nor bu de yod kyang/ /nor bu ma mthong mchog ston skyes bu de/ /bdag las gzhan na rdzogs sangs rgyas med kyang/ /rtog pa gsal phyir 'phags pa bstan te bsgrub/ /de bsal dus na rdzogs pa'i sangs rgyas te/ /'bras bu de nyid bdag las thob pa'o/ /'khrul pas brtags nas logs nas grub pa 'bra/ /nga phyir sems dang 'khrul rtog der shes dang/ /shes pa med pa mnyam pa de dang bral/ /de ni bla ma dag las mngon par rtogs/ /rtogs pas mtshon dang gong dang ldan pa min/ /sems kyi glang po gar dgar yan du chug /de'i mtshan nyid bdag gis bdag la dris/ /dris pa'i don de rjes su dran pa na/ /de ni de la rtogs pas ma dris shig /ces bya ba'i don ni dper na gyad kyi stobs po che'i spyi gtsug na nor bu rin po che de dag yod kyang nor bu de dag ma mthong ste gyad sdug bsngal bar 'gyur ro/ /nor bu rin po che mchog ston par byed pa ni me long dang ldan pa'i skyes bu ste/ skad cig ma de nyid la

  555. 282a

    phongs pa'i sdug bsngal dang bral lo/ /de bzhin du chos kyi sku'i nor bu dam pa dag rang nyid la yod de/ bdag las gzhan na rdzogs pa'i sangs rgyas de lta bu med kyang rnam par rtog pa'i bag chags mthug po bsal ba'i phyir bla ma dam pa dang 'phags pa la sogs pa'i yul la brten te/ me long lta bu'i gdams ngag las sangs rgyas kyi de kho na nyid rab tu bsgrub par bya'o/ /de lta bus rnam rtog de dag bsal zhing grol ba'i dus na rdzogs pa'i sangs rgyas yin te sdug bsngal ma lus pa dang bral lo/ /de ltar phun sum tshogs pa'i 'bras bu de nyid bdag las thob pa ste/ tha dad kyi 'khrul pas logs nas grub pa kho na 'dra'o/ /de'i phyir sems dang 'khrul par rtog pa thams cad gnyug ma'i ngo bo nyid der shes pa dang de yang shes pa med pa'i don gyis mnyam par bzhag go /de yang nyams su myong ba dang tha snyad kyi rnam pa dag dang bral lo/ /de ni bla ma dam pa dag gi zhal gyi bdud rtsi las mngon par rtogs so rtogs pa de dag slob pa po'i blo las mtshon du zad kyang mtshon pa dang gong gi tha snyad kyi rnam pa dang ldan pa yin no/ /ji ltar zhe na/ sems kyi glang po che gar dgar yan chug gcig pa'o/ /de dag gi mtshan nyid ni brjod pa dang tha snyad kyi gtan la 'bab par mi nus te/ bdag nyid kyi blo yis bdag nyid la dris shig pa'o/ /dris pa'i don de dag ci yang ma yin par 'dug pa dang don de nyid dus thams cad du rjes su dran pa na bla na med pa'i rtog pa yin pa'i phyir/ de la de kho na nyid kyi don de dag rtogs pas zug rngu gyur pa'i phyir ma 'dri zhig pa'o/ /da ni sems grub pa med pa'i tshul gyis mtshon pa de nyid bstan par bya ste/ nam mkha' i ri bo chu 'thung ba dang 'dra ba'i sems/ /de'i 'gram du zhog cig rang dga' bar/ /yul gyi dbang po

  556. 282b

    lag pas blangs nas su/ /de ni ji ltar gsod par snang par 'gyur/ /rnal 'byor pa ni glang po skyong ba bzhin/ /de nyid las ni ldog par 'gyur yid bzhin/ /'khor ba de nyid mya ngan 'das par nges/ /dbye bas gzhan du sems pa ma yin te/ /rang bzhin gcig gis dbye ba rnam par spangs/ /dri med nga yis rab tu rtogs yid kyi/ /de nyid dmigs bcas dmigs med stong nyid yin/ /gnyis las skyon ni yod pa ma yin te/ rnal 'byor pa ni gang zhig bsgom pa yin// bsgom pa dmigs dang bcas par dmigs med de/ /bde ba'i rnam pa'i rang bzhin de yin no/ /rab tu bla med ye shes rang 'byung ba/ /bla ma'i man ngag dus thabs bsten par shes/ /shes bya'i don ni nam mkha' i chos kyi sku'i rnam par brjod pa'o/ /de bas na thams cad de nyid yin pa'i phyir ri bo nam mkha' la bzhag pa bzhin rnal 'byor pa'i sems rten med par bya ba kho na'o/ /dam pa dag gi gdams ngag gi chu 'thungs shing goms par bya ba dang/ de 'dra ba'i sems de dag dran pa rgyun chags kyis dus rtag tu khyed pa'i phyir/ gsal ba'i rnam pas dran pa'i 'gram du zhog cig pa'o/ /de yang rang dga' i tshul gyis so/ /de yang dbang po dang yul thug pa'i dus yul gyi bdag nyid dbang po'i rnam pa thams cad kyang dran pa'i lag pas blangs nas su yul dang dbang po de ni rang bzhin gnyug ma'i ji lta bar gsod par snang bar 'gyur ro/ /rnal 'byor pa dag gis ni shes pa glang po che lta bu dag bde ba chen po'i rtsal gar dgar brkyang bar bya ba ste/ rgyal po'i glang po che bzhin no/ /yang snang srid thams cad gnyug ma'i ngo bo nyid yin pa'i phyir shes pa de dag de nas ni dang gis ldog par 'gyur ro/ /de yang ched du brtul ba lta bu ni ma yin te/ yid bzhin du

  557. 283a

    ldog par 'gyur ro/ /de bas na 'khor ba de nyid mya ngan las 'das par skye ba'i phyir rnam par rtog pa'i tha dad kyi dbye bas gzhan du shes pa ni ma yin te/ bde ba chen po'i rang bzhin gcig gis rtogs pa'i dbye ba rnam par spangs par bya ste/ 'di dag ni shugs kyis 'gyur ba kho na'o/ /snying po'i don dri ma med pa yis rab tu rtogs te de ni yid kyi ye shes de kho na nyid do/ /de nyid ni dmigs bcas so/ /dmigs med do/ /stong pa nyid yin no/ / de dag skyon dang bcas pa ma yin nam zhe na/ lta ba de kho na nyid rab tu mi sgrub pa'i phyir dgag bya rnam par mi gcod do/ /gnyis las gzhan pa gcig khas blangs kyang skyon ni yod pa ma yin te/ rnal 'byor bdag gi de nyid ni thams cad dang ldan zhing gang du yang khas mi len pa'i phyir gang du yang bsgom pa yin te min no/ /de'i phyir bsgom par bya ba ni dmigs pa dang bcas pa dang/ dmigs pa med pa ni ma yin te/ bde ba chen po'i rnam pa'i rang bzhin de dag gzhan du brjod pa yang ma yin no/ /de nyid kyi ngo bo de ni chos kyi sku ste rab tu gyur pa bla na med pa'o/ /de yang gdod ma nas gnas pa'i phyir ye shes te/ bcos ma ma yin pa na rang 'byung ba'o/ /de yang bla ma'i man ngag de dag nyams su myong ba'i dus kyi goms par bya ste thabs dran pa rgyun chags kyi dus thams cad du brten pas rab tu shes so/ /da ni sgrub par byed pa'i glu bstan par bya ste/ nags su ma 'gro khyim du ma 'dug cig /bde ba la gnas gnas dag nyon mongs rgyu/ /dang po'i dus su btsal phyir de 'grub bya/ /btsal bas ma rnyed rnyed pas de 'dug min/ /'khor los 'khor ba'i nags khrod dag tu rgyus/ /khyim du gnas na chags sdang 'phel 'gyur te/ /de phyir khyim spangs bde dang sdug

  558. 283b

    bsngal dor/ /sems kyi khyim du lta ba 'jug mi bya/ /bcug nas bde chags stong la zhen pas ldang/ /de spang dbyer med mnyam pa'i rang bzhin gnas/ /gang yang de ru yid kyis yongs shes nas/ /ma lus rgyun tu rtogs pa de ni gnas/ / zhes bya ba'i don ni rab tu mi gnas pa'i rgyud las bshad pa lta bu ste/ kye rnal 'byor stobs chen glang po seng ge yul/ /nags khrod dgon pa dag tu mi gnas par/ /grong khyer khyim gyi gnas su ma 'dug cig /chags pa'i nags la mngon par ma zhen par/ /khyim gyi zhe sdang dag la ma 'dug cig /gzung ba'i nags tshal dag tu ma 'gro bar/ /'dzin pa'i khyim gyi rtags la ma 'dug cig /phyi rol nags kyi yul la ma lta bar/ /rang rig 'dzin pa'i khyim la ma rtog cig / ces 'byung ba lta bu la bya'o/ /de dag nyams su myong ba'i bdag nyid kyis lus dang sems kyi bde ba la gnas na gnas pa de dag nyon mongs pa'i rgyu yin no/ /las dang po'i dus su de kho na nyid btsal ba'i phyir bde ba dam pa 'grub par bya'o/ /bde ba de dag gi rang bzhin btsal bas ma rnyed de ma rnyed pa de dag rnyed pa'i mchog yin pas de dang ldan pa dag la ni der 'dug pa yang yin no/ /ji ltar gnas shing 'grub par bya zhe na/ sems grub pa med par rtogs pa dang/ lus chags pa med par 'gro ba'i rnam pas chos kyi sku 'khor los 'khor ba'i nags khrod dag tu bde ba chen po'i blos rgyu bar bya'o/ /khyim dag tu gnas na chags pa dang zhe sdang 'phel bar 'gyur te/ de'i phyir khyim spangs te bde ba la mngon par zhen pa dang/ sdug bsngal dor bar 'dod pas sems kyi khyim du bdag tu lta bar mngon par gnas pas de dag thams cad dor la lta ba la mi 'jug par bya'o/ /bcug nas bde ba la chags shing stong pa la zhen pas zhe sdang 'phel bar 'gyur

  559. 284a

    te/ de dag thams cad shugs kyis spangs la bde ba stong pa dbyer med pa la mnyam par gzhag cing/ sems rnal ma rang bzhin gyis gnas par bya'o/ /gang yang de kho na nyid dag ni blo yi gting de ru yid kyi ye shes kyis yongs shes na/ phyi nang gi g.yeng ba ma lus pa rgyun tu chos kyi sku'i rtogs pa nyag gcig las mi mthun pa de'i gnas so/ /da ni mnyam pa'i don gyi sku? bstan par bya ste/ 'khor ba gang yin mya ngan 'das pa gang/ /yid ni dri med lhan cig skyes pa yi/ /gnas skabs dgra bo'i rigs la 'jug pa med/ /de tsam zhig la nges par gnas pa ni/ /de'i rgyal po yin te bye brag med/ /rtogs pa nags dang khyim na gnas pa min/ /'di ltar bya ba de nyid shes gyur na/ /dri ma med pa'i de sems rang bzhin gyis/ /ma lus mi rtogs par ni shes par byos/ /de ni bdag yin gzhan yang de nyid do/ /yang bsgoms yongs su bsgoms pa'ang de nyid yin/ /bde ba'i de nyid dang ni bral bar byas/ /'on kyang bdag nyid rnam par grol ba'o/ /zhes bya ba'i don ni dam pa'i don de dag nyams su myong ba na 'khor ba gang yin mya ngan 'das pa gang yin te gnyis su med do/ /'di dag gi yid ni dri ma med pa ste/ lhan cig skyes pa'i ye shes kyi ngo bo nyid do/ /de dag nyams su myong ba'i rnal 'byor pa de dag la ni gnas skabs kyi dgra bo chags sdang gi rigs la skye ba med do/ /de tsam zhig la nges par gnas pa ni de ni chos kyi sku'i rgyal po yin te/ mi gnas pa'i phyir bye brag med do/ /de ltar rtogs pa de ni mnyam par gzhag pa dang rjes las thob pa med de nags dang khyim na gnas pa yang min no/ /ji ltar spyad par bya zhe na/ gnas skabs kyi spyod yul gyi mtshan nyid dag

  560. 284b

    la gnas skabs kyi rnal 'byor pas 'jug par byas par ut pa la sngon po rtsa ba gcig pa dag gi kha phye ba'i tshul dang btsum pa'i tshul dang bdud rtsi thigs pa nam mkha' la dor ba'i tshul dang/ rtsa ba gcad pa'i tshul du bya'o/ /de dag kyang gang zhe na/ don mthong ba'i dus su sems can la gsal ba'i de kho na nyid ston pa dang/ lkugs pa'i spyod pas 'jig rten thams cad du rgyu ba dang/ skal ba dang ldan pa la don nyung ngu tsam ston cing gnas pa dang/ rnam par shes pa mthong ba'i tshul gyis sa nas sa la gnas shing sangs rgyas kyi don de kho na nyid du gnas pa'i bde ba chen po'i yang dag pa la gnas pa'o/ /'di ltar gong du bstan pa'i bya ba de nyid rab tu shes par gyur na dri ma med pa'i de sems rang bzhin gyis rnam par dag pa'o/ /de bas na snang grags kyi chos ma lus pa thams cad mi rtog pa'i de kho na nyid yin par ni shes par byos shig /de bas na thams cad tha mi dad pa yin te/ bdag nyid rnam pa de nyid gzhan la/ gzhan gyi rnam pa de yang bdag gi de nyid do/ /gang dang gang gi gang bsgoms pa de nyid chos kyi sku yongs su bsgoms pa las ma 'das pa yin te/ de yang de kho na nyid kyi don la logs gcig pa ma yin yang/ tha dad pa la zhen pa'i bde ba chen po'i de kho na nyid dang ni bral bar byas so/ /'on kyang de dag gis kyang bdag nyid cung zad tsam rnam par grol bar nus pa'o/ /da ni dri ma med pa'i glu bstan par bya ste/ /ji ltar rgya mtsho yi ni mthong byed bzhin/ /bdag dang gzhan du 'phrul bar ma byed cig / thams cad snga na med pa'i sangs rgyas te/ /de nyid dri med mchog gi go 'phang ngo/ /sems ni ngo bo nyid kyis dag pa yi/ /gnyis med sems kyi sdong po dam pa dang/ /sa gsum ma lus thams cad khyab par gnas/ /grags pa'i sa dang gdams dang gsang

  561. 285a

    ba yi/ /snying po'i sa ni ngo bo kun dang mtshungs/ /de phyir khyab pa snying po de nyid de/ /dper na ri rab gling sogs nyi zla gsal/ /rtogs dang ma rtogs nyi zla mthong long ste/ /ma bstan par du blo chung shar nub 'gro /mkhas pa rnams la shar dang nub med de/ /snang grags sems su shes shing der mi 'dzin/ /mtshan nyid shes med shes pas 'ching mi dgos/ /de phyir blo ldan rnams la ngang gis 'byung/ /de rtogs de ma rtogs shes brtag tu med/ ces bya ba'i don ni/ ji ltar rgya mtsho dag gi nad na gzugs brnyan gyi rnam pa ji snyed cig snang yang rgya mtsho'i ngo bo las mi 'das pa'i mthong byed bzhin du/ phyi rol snang ba'i tshogs dpag tu med pa cig snang yang gzugs brnyan dang 'dra ba nyid de dag gzhan du 'khrul bar ma byed cig /thams cad kyang log par rtogs pa'i bag chags kyis bsgribs pa'i phyir/ sngon chad ma rtogs te rtogs pa tsam la snga na med pa'i sangs rgyas te zhes bya'o/ /de nyid ni dri ma med pa mchog tu gyur pa dag gi go 'phang ste 'byung gnas so/ /de lta bu'i sems ni ngo bo nyid kyi dag pa yin te chos kyi sku'o/ /gnyis med kyi sems de dag las mtshan gyi me tog gis brgyan pa'i sdong po lta bu gzugs sku dam pa gnyis 'byung ba yin no/ /sa gsum pa ma lus pa thams cad chos kyi skus khyab par gnas so/ /de dag kyang gang zhe na/ grags pa'i sa dang bsdams pa'i sa dang gsang ba'i sa'o/ /de yang nyan thos dang rang rgyal ba dang theg pa chen po pa'o/ /de nyid la yang mthong ba'i sa dang rtogs pa'i sa dang khong du chud pa'i sa'o/ / de nyid kyang gong du smos pa'i rgyas gdab pa'i tshul gyis bcu gsum pa dang bcu bzhi pa'i sa ste/ snying po de kho na nyid kyis ni ngo bo kun dang mtshungs so/ /de'i phyir bde ba chen po ni khyab pa'i bdag nyid dang snying po chos kyi sku de nyid kyi thugs so/ /de dag

  562. 285b

    kyang kun gyis rtogs pa ma yin te/ dper na ri rab dang gling la sogs pa ni nyi zla gsal bar byed pa ste/ de las yang 'od rtogs pa dang ma rtogs pa gnyis so/ /de yang nyi zla la khyad dang bye brag tu gyur pa med kyang mig ma long ba rnams kyis mthong zhing long ba rnams kyis ma mthong ste/ mthong ba yang blo chung ba byis pa'i ngang tshul can dag la mtshan nyid ma bstan gyi bar du sa 'og dag nas shar zhing sa 'og dag tu nub par rtogs pa dang 'dra'o/ /de kho na nyid kyi don snying po gnyug ma de dag thams cad la khyab kyang rtogs pa dang ma rtogs pa'i rim pas mthong ba dang long ba lta bu gnas shing blo chung ba dag la ting nge 'dzin 'phel 'grib tu snang ngo/ /don de kho na nyid la mkhas pa rnams la ni nyams su myong ba la shar ba dang nub pa med snang grags thams cad sems su shes shing sems ci yang ma yin pa'i ngo bos der mi 'dzin pa'o/ /de bas na dngos po rang gi mtshan nyid ni shes pa ste shes pa dang bcas pa'i rnam pa 'ching mi dgos so/ /de'i phyir blo dang ldan pa'i gang zag rnams la gnyug ma'i don de dag ngang gis 'byung ngo/ /de dag gi mtshan nyid kyang de ni rtogs pa yin te de ni ma rtogs pa yin no zhes brtag tu med do/ /da ni thugs rjes gnang ba mi 'gog pa'i glu bstan par bya ste/ snying rje me tog gzhan phan 'bras bu 'dzin/ /de yi ming ni gzhan la phan pa'o/ /snying po nyid kyi sdong po yal 'dab rgyas/ /snying rje rnam pa sna tshogs du mar ldan/ /lhun gyis grub pa phyi ma'i 'bras bu ste/ /bde ba 'di ni gzhan pa'i sems yin no/ /stong pa'i sdong po dam pa'i snying rje min/ /gang la slar yang rtsa ba'i lo 'dab med/ /de la dmigs par byed pa gang yin pa/ /der lhung bas ni yan lag chag par 'gyur/ /sa bon gcig las snying po gnyis 'byung ba/ /rgyu mtshan de las 'bras bu gcig tu

  563. 286a

    'byung/ /de yang dbyer med don mchog gang sems pa/ /de ni 'khor dang mya ngan 'das rnams grol/ zhes bya ba'i don ni ma rtogs pa'i sems can la snying rje chen po bskyed pas de'i me tog gzhan la phan par byed pa'i 'bras bu gzugs sku rnam pa gnyis 'byung bar 'gyur te de ni snying rjes 'dzin pa'o/ /nges sems can smin par byed pa'i phyir de'i ming ni gzhan la phan pa zhes bya bar brjod de/ de yang snying po de kho na nyid nyams su myong ba nyid kyis longs spyod rdzogs pa'i sku'i sdong po la mtshan gyi yal ga dang dpe byad bzang po brgyad cu'i 'dab mas rgyas pa dag 'byung bar 'gyur ro/ /sprul pa'i sku ni snying rje'i yul la rnam pa sna tshogs pa'i thabs du mar ldan pa dag gis smin par byed do/ lhun gyis grub pa chos kyi sku'i 'bras bu ni 'jig rten pa la ltos nas phyi ma'i 'bras bus gzhag pa ste de ni gnyug ma'i 'ba' zhig skyed par byed do/ /'khor ba'i bde ba 'di dag ni snying po las gzhan pa'i sems de dag las dge ba rnams kyis kyang bskyed nus pa yin no/ /chos kyi sku de dag la mnyam par gzhag pa dang rjes las thob pa yin nam zhe na/ sdong po chos kyi sku gnyug ma'i de kho na nyid nyams su myong bas dam pa rnam pa gnyis me long gi gzugs brnyan ltar shugs kyis 'byung bar 'gyur ro/ /longs spyod rdzogs pa'i sku'i sdong pa dang sprul pa'i sku dam pa rnam pa gnyis gzhan gyi don smin par bya ba'i phyir btang ngo zhes snying rjes kun nas slang ba 'am ye shes kyi rgyun las btang ba ni min no/ /de'i phyir rjes las thob ni mi mnga' bar nges te/ gal te rjes las thob pa yod par 'dod na ni mthar thug pa'i 'bras bu rang rig rang gsal bar 'dod pa ste 'bras bu chos kyi sku mi 'byung ngo/ /de dag las slar

  564. 286b

    yang 'bad pa ji snyed cig byas kyang rtsa ba chos kyi sku mi 'byung zhing gzugs sku rnam pa gnyis kyi lo 'dab kyang med do/ /de lta bu'i don la dmigs par byed pa gang yin pa de ni mdza' i rnam par rtog pa der lhung ba yin pas des ni chos kyi sku mi thob la gzugs sku rnam pa gnyis kyi yan lag kyang chag par 'gyur ro/ /'di dag ni shugs kyis 'byung ba yin te/ sa bon chos kyi sku gnyug ma'i ngo bo nyid kyi sa bon gcig nyams su myong ba la stong pa dang snying rje gnyis po'i rnam pa lta bur gnas la/ de'i don la gzugs sku gnyis 'byung ba'o/ /de dag thams cad kyang bde ba chen po'i rang bzhin gyi rgyu mtshan yin pas 'bras bu chos kyi sku gcig tu 'byung ngo/ /de yang ma 'ongs pa'i dus su 'thob pa lta bu ni ma yin no/ /'di nyid kyi rnam pa la bde ba dang stong pa dbyer med pa'i don rnal ma mchog tu gyur pa zag pa med pa'i bde bas gang ba rdo rje sems dpa' chen po de dag rtogs pas ni 'khor ba dang mya ngan las 'das pa rnams grol te mi gnas so/ /da ni cha dang mthun pa'i don bsten par bya ste/ gang zhig 'dod pa can ni 'ong ba'i tshe/ /de ni gal te 'gro na re ba med/ /zas phyir phong pas bdungs pa'i skyes bu zhig /kha phor dum bus slong bar 'dod pa la/ /phyi sgor bor ba'i kham phor blangs nas su/ /gzhan la ster ba'i don ni mi byed pa/ /'dod pa po la de dag mi ster ba/ /'dis ni 'khor ba'i 'bras bu gang yin pa/ /nges par skyed pas rnal 'byor sman pa'i lam/ /de dag bzlog ste rang bzhin lam khyer na/ /de bas rnam rtog por ba byas na'ang rung/ /zhes bya ba'i don ni rnal 'byor pa dag gi snang ba sems la ma thim zhing tha mi dang ma grub kyi bar du rnam par smin pa la mdzem par bya ste/ gang zhig ces bya ba ni rigs kyi bu skal pa dang ldan pa gang zhig go /de dag gnyis su med pa'i don khyad par can 'dod pa

  565. 287a

    blo bzang po can ngag 'ongs pa'i che rnal 'byor pa dag de ni gal te phan mi 'dogs shing 'gro na pha rol gyi sems bsad pa yin te rdzogs sangs rgyas kyi re ba med do/ /de bas na gzhan mi dga' bar 'gyur ba'i sbyor ba phra mo tsam yang mi bya ste/ /tha na za 'dod pa'i phyir phor pas gdungs pa'i gdol ba zhig gis skyes bu zhig la kham phor gyi dum bu 'am kham phor nyid slong bar 'dod pa la kham phor ji bzhin pa nyid dam/ phyi rol gyi sgo rtsar bor ba'i kham phor gyi dum bu blangs nas su gzhan la ster ba'i don mi byed dam/ 'dod pa po de dag la mi snyan par brjod cing mi ster ba 'di dag ni 'khor ba'i rnam par smin pa'i 'bras bu gang yin pa nges par skyed par byed pas rnal 'byor pa'i blo dman pa yin zhing lam log par rig par bya'o/ /de dag las bzlog ste rang bzhin lam du khyer nas dus thams cad du spyod lam rnam pa bzhi la khyad med par 'jug pa na mtshan ma'i rnam par rtog pa bor bar byas na'ang rung ste/ rnam par smin pa phra mo dag gis ldang bar mi nus so/ /da ni don gyi glu bdun pa bstan par bya ste/ e ma 'o DA kI gu hya kaM /e yi d+harma d+hA tu yo yin/ a yi ko /d+hi ka pa sa ri/ khre dan aM pa ko yi la /dza ha pa ka /si ran tran tra/ a yi ka yi ra po lis/ g+hu hye tan tra khe ma la kang/ ri sa naM/ su zhes bya ba ste 'di dag ni rje btsun pa dag gis rtogs pa brjod pa ste de dag gi don ni/ /e ma'o mkha' 'gro gsang ba'i skad/ e ni chos kyi dbyings yin te/ /ma ni de nyid kyis bskyed do// dper gzhag pa yi nam mkha' ste/ /'gro ba tshogs bsags rgyud la ngos/ /ma ni dor 'dzin de las skye/ /gsang ba rgyud las rag las gsal/ /skad ni mchon pa tsam du zad/ /ces bya ba'i don ni a i ho zhes bya ste de dag gsal bar bya ba ni/

  566. 287b

    chos kyi dbyings ni rnam pa gsum/ /bde dang gsal dang mi rtogs pa'o/ /skyed pa'i ma ni de bzhin te/ ma bcos rnal ma dran pa'o/ /mtshon pa'i dpe ni nam mkha' ste/ /slar med mnyam dang ma shes so/ /tshogs bsags gang zag rten yin te/ / spyangs dang tshogs med bla ma bsten/ /shugs kyi ma ni nyams myong ste/ /tha mal goms dang rgyun du'o/ /gsang pa'i don ni brgyud pa ste/ /byin rlabs nyams te ldan pa'o/ /thams cad brda yi rnam pa ste/ /nga yi smra bar mi nus pa'o/ /zhes bya ba ni bsdus pa'i don no/ /da ni dge ba'i rtsa ba bsngo bar bya ste/ /gnyis su med pa rdo rje'i glu/ /de nyid ye shes mtshon byed pa'i/ /don dam gnyis med yi ge yi/ /'gro rnams rang la glur len shog /ces bya ba'i snang ba dang sems gnyis med pa bde ba chen po rdo rje'i glu 'di dag gis sems can gyi rgyud la de kho na nyid kyi ye shes yod pa de dag mtshon par byed pa ste/ 'di dag ni don dam gnyis su med pa'i ye shes te/ de yi skal ba dang ldan pa'i 'gro ba rnams rang la glur len cing rtogs par shog cig pa'i don to/ /nga ni rje btsun pa dpal gyi ri bo pa'i dgongs pas bdag gis rnam par phye zhing gsal bar byas pa'i don bsngo bar bya ste/ sems nyid lhan cig skyes pa chos kyi sku/ /snang ba lhan cig skyes pa chos sku'i 'od/ /? stong dbyer med lhan cig skyes pa ste/ /de nyid chos sku'i dgos pa chos sku nyid/ /bdag nyid nyams myong mthu las byung ba yi/ /rtogs pas rje btsun dgongs pa gsal bar byas/ /dri ldan mgon po khyod la phyag 'tshal te/ /drin mchog glang phyir 'di byas dgyes par mdzod/ /'di las byung ba'i bsod nams tshogs dag gis/ /sems can thams cad bde ba che rtogs shog /rnam gsum slob ma dag pa'i phyir/ /de nyid gsal bar byed pa'i don /gnyis med rtogs pa mai tris bshad/ /'di

  567. 288a

    la gzhol ba don ldan shog /mi bzad pa'i gter mdzod yongs su gang ba'i glu zhes bya ba'i rgya cher bshad pa rnal 'byor gyi dbang phyug chen po dpal sa ra ha pa'i dgongs pa mkhas par grags pa dpal ldan gnyis su med pa'i rdo rjes mdzad pa rdzogs so// //rnal 'byor pa bsod snyoms pa pradz+nyA sh+rIdz+nyA na kIrt+tis rang 'gyur du mdzad la'o// (//do ha mdzod kyi dga' 'grel zhes bya ba thar pa'i 'byung gnas spas pas mdzad pa bzhugs//) //rgya gar skad du/ do ha ko Sha pany+tsi kA nA ma/ bod skad du/ do ha mdzod kyi dka' 'grel zhes bya ba/ 'jam dpal gzhon nur gyur pa la phyag 'tshal lo/ /stong pa snying rje ro mnyam pa/ /lhan cig skyes pa de la 'dud/ /gang zhig zhal gyi bdud rtsi yi/ /'gro ba'i 'chi bdag 'joms mdzad pa/ /bla ma'i zhabs la phyag 'tshal te/ /do ha mdzod kyi dka' 'grel ni/ /rmongs pa'i blo gros sad byed pa/ /'gro la phan phyir bri bar bya/ / sngags kyi theg pa 'dir rdzogs pa'i byang chub ni bla ma la rag las pa yin no/ zhes gsungs pas dang por bla ma brtag par bya'o/ /de la bla ma dam pa ma yin pa brten pa ni bdag nyid nyams par byed pas de'i skyon bstan pa ni/ dug sbrul zhes bya ba la sogs pas bstan te/ dper na so ka'i tshad pas nyen pas dug sbrul la grib mar 'khrul te drung du phyin na bdag nyid gsod par byed pa bzhin du/ bla ma ngan pa rnams la bla mar 'du shes nas sdug bsngal gyis nyan nas de'i drung du phyin nas/ de bsten pas de'i skyon lta ba ngan pa dang/ spyod pa ngan pa 'gos pas/ de dag sprul bzhin du bltas te spang bar bya'o/ /sbrul lta bu'i bla ma de gang yin snyam pa la/ de nyid mi shes bram ze zhes pa nas/ /thun

  568. 288b

    pa nyid du gol zhes pa'i bar gyi bram ze pas bstan te/ gyi na rig byed ces pa nas me la bsreg gi bar ni khyim na gnas pa'o/ /dbyug gu nas tshig gzhan gyis ni dka' thub la gnas pa bstan te/ dbyu gu ni brtul zhugs so/ /'dul ba dang dad pas bstan pa'ang de nyid do/ /e ra'i thal pa nas gzhan la ston gyi bar gyis ni dbang phyug pa sten te go sla'o/ /sen mo ring zhing thar pa nam yang yod pa ma yin zer ba'i bar gyis mchod 'os pa bstan te go sla'o/ /lus kyi dka' thub 'ba' zhig tsam nas sangs rgyas kyi tshul 'dzin gyi bar gyis ni theg pa chung ngu la zhugs pa'o/ /theg pa chen po de la rgyu phyed ces nas/ tshad ma'i bstan bcos yin gyi bar gyis ni rgyu'i theg pa la zhugs par bstan to/ /kha cig dkyil 'khor 'khor lo ma lus sgom ni 'bras bu'i theg pa la zhugs pa rtog pa'i rnal 'byor la gnas pa bstan to/ /nam mkha' i khams la rtog par snang ba ni phyi rol ba dang yang thun mong ba ste/ nam mkha' la lta ba dang/ dus la lta ba dang/ phyogs la lta ba'o/ /de la dang po ni nam mkha' sprin med pa la glo bur sprin byung bas de mi rtag par lta ba dang/ /dus kyi 'gyur bas mi rtag par lta ba dang/ phyogs ni nyi ma shar nub kyi mi rtag par lta'o/ /bzhi pa'i don 'chad pa ni bzhi pa gsum pa'i don du go nas sangs rgyas pa'i bde ba la brten pa'o/ /de dag las kha cig ni de kho na nyid dang bral ba'o/ /kha cig de nyid ma nor ba dang bral ba'o/ /de ltar bla ma dam pa ma yin pa de dag shes nas spangs la/ /de dag las bzlog pa'i dam pa'i bla ma'i de kho na nyid ma nor ba la zhugs shing de ston par nus pa rnams brten par bya'o/ /de nas de kho na nyid kyi don btsal bar bya'o/ /de la dang por de kho na nyid ma yin pa shes par bya ba'i phyir de'i mi mthun pa dmigs pa dang bcas pa'i

  569. 289a

    bsam gtan kun shes nas spang bar bya ba ni/ gang zhig gang la zhen pa la sogs pas ston to/ /de la gang zhig ni gang zag go /gang la ni yi dam gyi lha lta bu de la'o/ /mos par gyur pa ni des bdag grol bar byed do/ /zhes lhag par dad pa'o/ /bsam gtan gnas pa ni de la bskyed rims kyi sgo nas bsgom pa'o/ /thar pa mi thob pa ni sangs rgyas nyid du mi 'gyur ba ste/ dpal dgyes pa'i rdo rje las/ /lha med sngags kyang yod ma yin/ /zhes gsungs pa dang/ mtshan yang dag par brjod las/ bdag gir mi 'dzin par mi 'dzin zhes gsungs pas so/ /mar me ci dgos lha bshos de ci dgos/ /de la ci bya gsang sngags brten pa ci dgos zhes pa ni mchod pa dang bzlas pas mnyes pas mi grol ba'o/ /'bab stegs nas thob bam ci'i bar gyis lha rten lta bas mi grol ba ste/ 'o na de kho na nyid ji lta bu yin snyam pa la/ snying rje dang bral ba zhes bya ba la sogs pa smos te/ de'i don ni 'di yin te/ stong pa dang snying rje ro mnyam pa'o/ /de la stong pa gang zhe na/ sgyu ma'i rnam par snang ba ste/ dngos pos stong pa'o/ /de ni rnam pa thams cad kyi mchog dang ldan pa'i stong pa'o/ /de yang mtshan yang dag par brjod pa las/ gzugs med gzugs bzang dam pa ste/ /sna tshogs gzugs can yid las skyes/ /zhes gsungs pa dang/ 'di nyid las sgyu ma'i rnal 'byor ma ni mchog tu rtogs zhes gsungs pas so/ /de ni mngon sum du mthong ba yin gyi chad pa'i stong pa 'am rtag pa'i stong pa lta bus mngon du ma mthong ba ni ma yin te/ rdo rje gur las/ gal te stong pa nyid thabs yin na/ /de tshe sangs rgyas mi 'byung ngo/ /rgyu las 'bras bu gzhan min pas/ /zhes gsungs pas so/ /snying rje ni mi 'bral ba ste/ zag med kyi bde

  570. 289b

    ba'o/ /de ni sdug bsngal dang bral ba tsam yang ma yin gyi/ mi dmigs pa'i bde ba'o/ /de yang bde mchog las/ lha dang mi yi bde ba yis/ /bsdus byas rdo rje 'dzin pa yis/ /bcu drug char yang mi phod do/ zhes pa dang/ 'di nyid las gang yang brten nus med pas na/ zhes gsungs so/ /snying rje dang bral nas thob mi 'gyur gyi bar gyis ni/ kha yang ba lam ma yin pa dang/ gang yang gnyis po la sogs pa ni ro nyams pa lam du bstan te/ 'bras bu dang mthun pa'i lam bsgom dgos pas so/ /de nyid ma bcos pa'i lha ste/ thams cad kyi don gyi snying por ston pa ni/ kye lags gang smras pa zhes pa la sogs pa ste/ kye lags ni bod pa'o/ /gang smras ni bla ma dam pa ma yin pa rnams kyis gong du bstan pa'o/ /brdzun pa ni don med do/ /log pa ni gnyug ma mi mtshon pa'o/ /gang la zhen pa yod pa de yang thong/ zhes pa ni yi dam gyi lha yin zhes 'dzin pa de thong zhes pa'o/ /rtog par gyur na thams cad de yin te/ zhes pa ni lhan cig skyes pa de rtogs na brtan g.yo thams cad de yin te/ lhan cig skyes pa'i rang bzhin 'ba' zhig yin pa'o/ /de las gzhan gyi sus kyang shes mi 'gyur zhes pa ni lhan cig skyes pa las gzhan logs nas lha gang gis kyang mi shes pa'o/ /'o na gzhan thams cad spang ngam snyam pa la/ klog pa zhes pa la sogs pa smos te/ lhan cig skyes pa de ye nas kun la gnas pas rtogs na thams cad de rang las ma 'das pa'o/ /de lta bu'i de kho na nyid de thabs gang gis rtogs par bya snyam pa la/ de mi mtshon pa'i lta ba yong min te/ zhes pa la sogs pa smos te/ /de ni lhan skyes so/ /mi mtshon pa ni mtshon pa'i lta ba grub mdza' gang yang med de/ kun nas ston kyang bla mas mtshon na mi rtogs te/ de dag ni mdza' drug gis rgyas btab

  571. 290a

    pas so/ /bla ma'i man ngag gis ji ltar mtshon na/ lag gi nor dang 'dra bas mngon sum du gsal por mthong ste/ bla ma yis ni gang gis de mngon sum du 'gyur ba'i thabs ston gyi/ don de dngos su brjod nus pa ni ma yin te/ brjod du med/ gang 'di ltar bshad du yod ces pa dang/ bla mas bstan pa ma yin zhing zhes gsungs pa'i phyir ro/ /de ltar na dbang bzhi pa kho nas rtogs so/ /ma mtshon par mi rtogs pa ni gnyug ma'i rang bzhin zhes bya ba la sogs pa ston te/ lhan skyes de ye nas gnas kyang rtog pa'i bag chags bzhi pos dkrugs pa'i phyir mi rtogs so/ /de rtogs pa'i gang zag ni shes pa ci la yang mi dmigs shing spyod pa gang la yang blang dor med do/ /zhes ston pa ni bsam gtan med cing zhes pa la sogs pa ston te go sla'o/ /lhan skyes de dbang gsum pa'i nyams myong gis mi rtogs sam snyam pa la de dag dgag pa'i phyir/ gal te mngon sum gyur na zhes bya ba la sogs pa smos so/ /gal te mngon sum gyur na bsam gtan ci zhes pa ni gsum pa'i dus su lhan cig skyes pa de mngon sum du mthong na sgom ci dgos zhes pa'o/ /gal te lkog tu gyur na mun pa 'jal zhes pa ni gal te ma mthong na sgom du med de rtog pas mos par zad do/ mun khung gi gzugs lta ba bzhin no/ /yang na gsum pa'i bde ba de lhan skyes de rnal ma ma yin te/ rnal ma de ni dngos po ma yin te/ rdul phra rab las 'das pa dang/ dngos med min te/ mig sngar snang bas so/ /yang na dngos dang dngos med ming min ni/ dngos po ni bde ba'i nyams so/ /dngos med ni stong pa'o/ /ming ni tha dad min te ro mnyam pa'o/ /'di ni de las bzlos pa ste/ 'di ni dngos po'i rtog pa'o/ /de

  572. 290b

    yang he badzra las gang phyir 'byung ba che bde ba/ /des na bde ba de nyid min/ zhes pa dang klu sgrub kyis bcos ma las ma bcos pa ji ltar 'byung ste/ zhes gsungs pa'i phyir ro/ /yang na gal te mngon sum gyur na bsam gtan ci/ zhes pa la sogs pa'i don ni mngon sum gyur na ste/ dngos po ni sgom mi dgos te/ mngon du gyur pas so/ /dngos med ni sgom du mi rung ste ma mthong bas so/ /de ni lkog tu gyur na mun pa 'jal te/ mun khung gi gzugs la sems pa bzhin no/ / de bas na lhan cig skyes pa nyid ni dngos dang dngos med min te/ stong pa dang snying rje ro mnyam pa'o/ /de ltar lhan cig skyes pa de spyir bstan nas/ da ni de nyid bye brag tu phye ste bstan pa'i phyir gang zhig slangs nas zhes bya ba la sogs pa smos te/ de la gang zhig nas ji ltar bya ba'i bar gyis ni rgyu'i lhan skyes te/ gang zhig ni rtsa ba'i 'od gsal mi shigs pa'i thig le'o/ /blangs pa ni de la brten nas rtogs pa skye ba'o/ /de'i dbang gis skye zhing 'ching bar byed pas so/ / yang na ye shes kyi rlung gis sems can skye zhing des srog zad par byas nas 'chi ba ster ro/ /de nyid blangs nas bde chen mchog grub ces pa ni rtsa ba'i 'od gsal de ma dag na 'khor bar skye la/ de dag na nyi ma lta bur 'char la de shar na de na rbad med kyi bde ba 'grub pa'o/ /gzhan ni go sla'o/ /nga ni rgyu'i lhan skyes de rtogs par bya ba'i phyir/ lam gyi lhan cig skyes pa ston par bzhed nas bsam gtan bral ba ni bsam pa'i yul las 'das pa dang/ brjod du med pa ni tha snyad las 'das pa'o/ /ma brjed na rtogs sam zhe na ma yin te/ srid pa'i phyag rgya ste/ rtog pa'i rgyu rlung zhugs pa'i dbang gis lhan skyes de mi rtogs pas/ bla ma dam pa'i gdams ngag la ltos dgos iso/ /gdams ngag kyang rtogs pa'i bsgom pa ma yin

  573. 291a

    par ston pa ni/ rgyud med sngags med ces bya ba la sogs pa'o/ /gdams ngag de gang yin na/ za zhing ni bde ba'o/ /'thung ba ni shu kra'o/ /gnyis sprod ni steng 'og gi rlung 'thabs pa'i drod kyis so/ /rtag tu yang dang yang du 'khor lo 'gengs zhes pa ni rtsa dbu ma'i steng byang chub kyi sems smad khrag gis gang bas byang sems phyir shor bas lus sems nyams pa la sogs pa'o/ /de nas byang sems kha gyen du 'dren pa'o/ /shu kra la gyen du bltas te 'khor lo drug rims kyis 'gengs pa'o/ 'jig rten pha rol la sogs pa ni go sla'o/ /de ltar bde ba'i bsam gtan bstan nas/ stong pa bstan pa'i phyir gang du rlung dang sems ni zhes bya ba la sogs pa smos te/ rlung mi rgyu ba ni dbu mar rlung bcings pa'o/ /de yang sems ma bcings na mi 'grub pas sems ni mi rtogs pa la gzhag pa'o/ /nyi zla ni g.yas g.yon gnyis kyi rlung ngo/ /'jug pa med 'gyur ni dbu mar zhugs pa'o/ /gzhan ni go sla'o/ /gnyis med kyi bsam gtan ni gnyis su mi bya ba la sogs pas ston te/ de la gnyis su mi bya gcig tu bya ba ste/ zhes bya ba ni g.yas g.yon gyi rlung a ba d+hU tIr gcig tu byas pa'o/ /rigs ni kha dog lnga'i rlung tha dad du mi bya bar ye shes kyi rlung kha dog gcig tu byas pa'o/ /yang na rigs las bye brag ni thabs kyi rigs dang/ shes rab kyi rigs tha dad du mi bya bar e baM ro mnyam du bya'o/ /khams gsum ni lus ngag yid gsum mo/ /'dod chags chen po ni bde ba chen por ro mnyam pa'o/ /bde ba chen po de ji lta bu yin zhe na/ des ni thog ma ste dga' ba dang/ bar ni mchog tu dga' ba dang/ tha ma dga' ba ste de rnams spangs pa'o/ /srid min ni dga' ba dang mchog tu dga' ba ste/ 'khor ba

  574. 291b

    dang mya ngan las 'das pa ni dga' bral lo/ /ma yin na de gnyis spangs pa'i lhan cig skyes pa'o/ /de ni zag bcas kyi bde ba'o/ /yang zag med kyi bde ba'i dbang du byas nas/ thog ma ni skye ba/ bar ni gnas pa'o/ /tha ma ni 'jig pa ste/ zag med kyi bde ba ni rgyu las ma skyes pa'o/ /srid min ni ma zhu ba dang/ dpral ba na gnas pa ma yin pa'o/ /mya ngan 'das pa min ni/ rdo rje nor bu nas 'phos pa'o/ /de ltar phab la ma pho ba'o/ /gzhan ni go sla'o/ /gnyis med kyi dus der gzung 'dzin gyi 'brel pa chad pa ni/ mdun na zhes pa la sogs pas ston te/ mdun ni rtog pa'o/ /rgyab ni ye shes so/ /phyogs bcu ni phyi'i phyogs so/ /gang gang mthong ba de de nyid ces pa ni/ ci snang ba de de nyid de bde chen nyid do/ /de ring mgon po da ltar 'khrul pa chad/ ces pa la/ de ring ni rtogs pa'i dus so/ /mgon po da ltar ni nang du rtogs pa'i nyams bzhin phyi'i bzung ba'i 'khrul pa chad pa'o/ /da ni su la'ang dri bar mi bya'o zhes bya ba ni 'khrul ba chad pas na bde ba'i don gzhan la mi 'dri ba'o/ /dbang po gang du la sogs pas ni 'dzin pa'i 'brel pa chad pa ston te/ dbang po ni 'dzin pa'i rtog pa'o/ /gang du ni lhan cig skyes pa gang du'o/ /nub pa ni 'brel pa chad pa'o/ /de yang ji ltar chad na/ rang gi ngo bo nyams bas 'gyur zhes pa ste/ rang gi ngo bo grub pa med par shes pa'o/ /gzung 'dzin gyi 'brel ba chad pas mthong ba de ni ming ci yin na/ lhan cig skyes pa'i lus te sku'o/ /de ni bla ma'i zhal las shes so/ /bla ma'i zhal las thob pa de'i tshe yid 'ching ste mi rtogs pas so/ /rlung dengs pa de dbu mar thim pa'o/ /gar shes pa ste thabs shes pa'o/ /lhan skyes de la 'khrul pa bsal ba'i phyir/ /sa gsum zhes bya ba la sogs pa smos te/ de las gsum ni snang ba gsum mo/ /'di la zhes pa ni

  575. 292a

    'dir zhes pa'o/ /yan lag thams cad ni 'khor 'das so/ /gnas ni gzhi'o/ /de ltar snang ba gsum po de ni rmongs pa'i rgyu yin pas gzhag la snang ba gsum dang ldan pa'i sems kyi rnam pa 'khor ba yin pas spangs pa dang/ sangs rgyas kyi snang ba stobs yin te/ de ltar mi thob pas de gnyis ni dbang po'i rim pas mtshams te rnal 'byor pas 'od gsal bsgom zhes pa'o/ /mtsham ni gzhi 'od gsal gyi bdag nyid yongs su shes pa'o// 'od gsal de'i gti mug ste/ mi shes pa'i mtsho chad par byed pa'o/ /gal te 'od gsal gang yin pa de shes na'o/ /des ni sems can gyi rig pa'i shes ba myong ba ni rtog pa yin pas de lhan skyes ma yin par bstan to/ /'o na snang ba 'di nyid lhan skyes yin snyam pa la/ /lan du kye ho zhes pa la sogs pa smos te/ kye ho ni kye mas te ngo mtshar ba'o/ /'di ni rang gi rig pa ste/ 'di la 'khrul par ma byed cig ces pa ni snang ba 'di nyid ni gong gis gsum zhes pa snang ba dang/ mchod pa dang/ nye bar thob pas te 'khor ba brgyud mar 'gro ba rtog pa'i snang ba ste/ 'di la lhan cig skyes pa yin no zhes 'khrul bar ma byed cig ces pa'o/ /de ci'i phyir zhe na/ de dngos dang dngos med kyi rtog pa gnyis ka 'ching ba nyid du bde bar gshegs pas gsungs so/ /de lta bu lam ma nor ba de la blo ji ltar gzhag snyam pa la gnyug ma'i yid ni zhes pa la sogs pa smos te/ gnyug ma'i yid ni lhan skyes so/ /gcig tu sdod dang zhes pa ni bsgom bya sgom byed gnyis spangs la/ mi dmigs pa la gzhag pa'o/ /dpe ji ltar gzhag na chu la chu gzhag bzhin du ste/ /chu rgyu 'od gsal stong pa la/ /chu gzhag ste mi rtog par gzhag pa'o/ /bcos ma'i rnal 'byor gyis mi grol bar

  576. 292b

    bstan pa'i phyir/ bsam gtan brdzun pa zhes pa la sogs pa smos te/ bsam gtan brdzun pa ni rtog pa'i rnal 'byor ro/ /sgyu 'phrul dra ba ni las kyi phyag rgya'o/ /ji ltar spang du 'khyud de ma 'khyud par spongs zhes pa'i don to/ /de nyid spangs pa'i 'thad pa bstan pa'i phyir/ bla ma dam pa'i zhes bya ba la sogs pa smos te/ bla ma dam pa'i bka' i bden par yid ches pa de yis ni sa ra ha yis so/ /brjod du yod pa min zhes mda' snun smra zhes pa la/ sgra dang yi ge'i yul ma yin pas na/ yul ji lta bu la gzhag snyam pa la/ gdod nas dag pa'i zhes bya ba la sogs pa smos te/ gdod nas dag pa'i nam mkha' ni sprin med pa'i nam mkha' o/ /bltas shing bltas shing mthong ba 'gag par 'gyur zhes pa ni khengs pa'i lta stangs kyis bltas na mthong ba 'gag pa ni gzung 'dzin gyi 'brel pa chad pa'o/ /de lta bu'i dus su 'gog byed cing zhes pa'i rlung bzhi rims kyis 'gag pa'o/ /de yang dang po sangs rgyas kyi rgyud las/ nam mkha' sprin bral las ni khengs pa'i lta bas lta zhes gsungs pas so// de'i don ni 'di yin te/ nyin par bla gab med par 'dug ste/ sprin med pa'i nam mkha' la khengs pa'i lta bas lta zhing/ yid mi rtog pa la bzhag na rlung rims kyis 'gags nas rtags 'chad ba'o/ /'di ni gdams ngag dam pa ste/ /gsal bar bla ma'i zhal las shes par bya'o/ /de lta bu lhan skyes de rang la gnas na mi rtogs pa'i rgyu ci yin snyam pa la/ gnyug ma'i yid ces bya ba la sogs pa smos te/ gnyug ma'i yid ni lhan skyes ma bcos pa'o/ /nga rgyal skyon ni de dang ngar 'dzin pa'i skyon gyis bsgribs pa'o/ /gzhan gyi skyon gyis mi rtog par ston pa ni/ 'jig rten ma lus bsam gtan gyis rmongs te zhes pa la rtog pa'i rnal 'byor mtshan bcas ston pa bla ma'i skyon gyis mi rtog pa dang/ gzhan yang stong pa nyid rtog pa'o

  577. 293a

    ston pas kyang mi rtogs te/ lhan skyes de skye 'gags rnams kyi brtags na de'i rang bzhin mi shes so/ /lhan cig skyes pa de rtogs pa las ci 'byung snyam pa la/ de'i phyir don gyis lhan skyes rnam par dag pa'i 'bras bu bstan par bzhed nas/ rtsa ba zhes bya ba la sogs pa smos te/ de la rtsa ba bral ba ni/ rgyus ma bskyed/ rkyen gyis mi 'gag /ngo bo gang la yang mi rten pas so/ /de nyid mi 'gyur ba ste lhan skyes so/ /gang sems pa ni lhan skyes gang yin pa de bsgoms na/ 'khor ba'i rang bzhin ni sems nyid kyi rnam rtog tsam yin pas/ sems mtshon pa'i bla ma'i gdams ngag des chog pas gzhan gyi ci bya zhes pa'o/ /lhan skyes de gang gis kyang brjod par bya ba ma yin na/ bla mas ji ltar mtshon snyam pa la/ de'i phyir rang bzhin gnyug ma brjod bya ma yin te/ slob dpon man ngag mig gis mthong bar 'gyur zhes bya ba la sogs pa smos so/ /de'i don ni brjod bya ma yin du zin kyang/ thabs bstan pas dang po dbang po'i mngon sum gyis sgyu ma lta bu'i lus mthong bar 'gyur te/ dper na mun khung gi rdzas brjod pas mi mthong ba'i thabs mar me ston pa lta bu'o/ /dpes ni 'bras bu'i lhan skyes mngon sum du gyur par bstan te/ de nyid nyes pa dang bral bar bstan pa'i phyir chos dang chos min zhes bya ba la sogs pa smos te/ de la chos ni dge ba'i chos dang/ chos min ni mi dge ba'o/ /mnyes par khyad par med par ro/ /zos pa ni rtog pa'o/ /de ltar de ni las rgyu 'bras dang bral ba'o/ /yang de la sangs rgyas kyi yon tan 'byung bas bstan pa'i phyir/ gnyug ma'i zhes bya ba la sogs pa smos te/ gnyug ma'i yid ni lhan skyes so/ /sbyangs pa ni rtog pa'i rlung dag par byas pa'o/ /bla ma'i yon

  578. 293b

    tan snying la 'jug pa ni/ gong ma mchog gi yon tan stobs dang mi 'jigs pa la sogs pa rang la 'char ba'o/ /glu len ni dga' nas so/ /sngags dang rgyud rnams gcig kyang ma mthong ngo zhes pa ni ma mthong mod don rtogs pas mchog ces pa'o/ /de lhan cig skyes pa de mdor bstan nas/ de nyid rgyas par bshad pa'i phyir 'gro ba rnams las kyi zhes bya ba la sogs pa smos te/ de la 'gro rnams thams cad las kyi so sor bcings gyur te/ zhes pa la dge mi dge'i las ni rang gi rnam rtog tsam ste/ des na rang gi rtog pas sprul pa yin gyi/ las rgyur smra ba ni ma yin no/ /de skad du yang rdo rje phreng ba las khams gsum rlung gi sprul pa ste/ rmi lam rmi ba bzhin du lta zhes gsungs so/ /rnam par rtog pa de nyid ni rtsa ba'i 'od gsal te/ de dag na rtog pa kun 'gags te/ de dag pa'i gnas skabs la mya ngan las 'das pa zhes bya'o/ /de skad du yang 'khor ba yongs su shes pa na/ /mya ngan 'das zhes de la bya zhes gsungs so/ /de ltar na sems nyid gcig pu kun gyi sa bon te zhes bstan to/ /sems nyid gcig pu de nyid dpyad par bya ste/ rang rig rtog med la bya 'am 'on te gzhan zhig yin de ni lta ba'i gnas lugs yin te/ des ni 'khor ba 'am mya ngan las 'das pa gang yang ma byas pa ma yin te byed pa dang bral bas so/ /gzhan ni ma yin te/ rgyud du ma las bkag pas so/ /'o na gang la bya na mi shigs pa la ste/ de ni rtsa ba'i 'od gsal zhes bya/ rnam rtog byang chub sems zhes bya/ /ma dag pa'i dus na ma rig pa zhes bya'o/ /de ni rgyud rnams su a zhes bya ba'i brdas bstan te/ mtshan yang dag par brjod pa las/ /rdzogs pa'i sangs rgyas a las byung/ /a ni yig 'bru kun gyi

  579. 294a

    mchog /don chen yi ge dam pa yin/ /srogs chen po ste skye ba med ces pas so/ /a zhes pas kyang sems skye med mtshon no snyam na/ de ma yin te rdo rje snying po rgyan gyi rgyud las/ snying ga'i dbus na mi gshigs pa/ /'bar zhing mar me dag dang mtshungs/ /a ni mi 'gyur dam pa'o zhes pa dang/ he badzra las lte bar phyag rgya chen po ni/ dbyangs yig dang rang bzhin te/ blo chen sangs rgyas rnams kyis brtags zhes gsungs pas/ skye med la a'i brda' bstan pa ma yin te/ skye med ni thun mong du grags pas/ brda don med du 'gyur ro/ /de ltar rgyu'i lhan cig skyes pa bstan nas/ da ni de mngon du bya ba'i phyir thabs kyi lhan cig skyes pa ston te/ sems bcings pa ni zhes bya ba la sogs pa smos te/ sems ni mi shigs pa'i thig le'o/ /bcings pa ni rtog pa'i rlung rgyu bas so/ /'ching 'gyur ni 'khor bar 'gyur ba'o/ /de nyid grol ni mya ngan las 'das par 'gyur ro/ /'ching ba'i rgyu gang yin zhe na/ blun po gang gis 'ching 'gyur ba/ /mkhas pa de yi myur du grol zhes gsungs te/ blun po ni mi shes pa'i 'gro ba'o/ /gang gis 'gyur ni rlung gis so/ /thabs shes pa'i mkhas pa ni/ rlung de nyid kyi myur du ste/ tshe 'di nyid la sangs rgyas ster ba'o/ /de yang ha badzra las gang dang gang gis 'jig rten 'ching 'gyur ba/ /de dang de yis mkhas pa yongs su grol zhes gsungs so/ /'chi ba las thar ba'i thabs de gang yin snyam pa la/ sems ni zhes bya ba la sogs pa gsungs te/ sems ni nam mkha' lta bur bzung bya ste zhes pa ni sems rtog med du bzhag pa'o/ /chos rnams kun kyang nam mkhar mnyam par blta zhes pa ni/ chos thams cad sems kyi snang ba yin pas nam mkha' dang mnyam pas te/

  580. 294b

    de gdong ma nas ma grub pa'o/ /rtog med de las cir 'gyur na sems de bsam gyis mi khyab pa ste/ mi rtog lhun grub tu gzhag na/ bla med sgyu ma'i rang bzhin du rtogs par 'gyur ba'o/ /de yang dpal gsang ba 'dus pa las/ dngos po med par bsgom pa'i dngos/ /bsgom par bya ba sgom pa min/ /de bas dngos po dngos med pas/ /bsgom pa dmigs su med pa yin zhes pa'o/ /he badzra las kyang/ sgom pa po med bsgom bya med/ ces gsungs pa dang/ 'di nyid las bsam gtan dag gis ma bslad ces gsungs pas so/ /sems mi rtog pa la gzhag na rlung gang du 'ching snyam pa la/ mkha' 'drar byas nas zhes pa la sogs pa gsungs te/ mkha' 'drar byas nas ni sems ni mi rtog par byas nas so/ /de cis byas na rlung ni rnam par rtog pas bcings pas so/ /de ltar 'ching na mnyam nyid de/ /yul dang yul can ro mnyam pa'o/ /de shes pas rab tu thim zhes pa ni/ rlung gcig la gcig thim nas 'od gsal du 'jug pa'o/ /mda' snun gyis smras sogs ni phan yon te go sla'o/ /rlung dang zhes bya ba la sogs pa smos te/ rlung ni 'og gi dri chu'i rtsa'o/ /me ni steng gi g.yas pa'o/ /dbang chen ni 'og gi dbus ma dri chen gyi rtsa na gnas pa'i rlung ngo/ /steng du d+hU tI'o/ /bdud rtsi rgyu ba ni steng du zla ba'i bdud rtsi rgyu ba'i rlung 'og tu g.yas byang chub sems kyi rtsa'o/ /dus mi 'da' ba' o/ /de lta bu'i sems de 'od gsal du 'jug pa'o/ /yang na sa'i rlung chu la thim/ /me la me rlung la rlung/ sems 'od gsal du 'jug go /chu ni kha bskang ste bstan pa'o/ /bdud rtsi rgyu ba'i dus su zhes pa ni snyoms 'jug gi dus su yang rlung sems de rtsa dbu mar bzhug go /yang na de ltar rlung dbu mar zhugs na/ srog rtsol gyi me dang dpral ba'i haM bzhu nas/ bdud rtsi byang chub kyi sems

  581. 295a

    'dzag ste/ de las bde ba skye'o/ /de ltar yang gsungs pa/ sa ni chu la thim pa ste/ chu ni me la thim par 'gyur/ /me ni rlung la thim pa ste/ /rlung ni rnam par shes la 'jug /rnam shes de ni 'od gsal ba'o zhes pa'o/ /de ltar bcings pa las bde ba skye bar bya ba bstan pa'i phyir/ nam zhig ces bya ba la sogs pa smos te/ de la nam zhig ni gang gi che'o/ /sbyor ba bzhi ni steng 'og gi rlung bzhi'o/ /yang na 'byung ba bzhi'i rlung ngo/ /gnas gcig ni a ba d+hU tIr zhugs pa'o/ /yang na sbyor ba bzhi ni dga' ba bzhi'o/ /gnas gcig la zhugs pa ni lhan cig skyes pa la'o/ /nam mkha' i khams su mi shar ba ni/ bde ba des chos thams cad la khyab par shes pa'o/ /de rtogs dka' par bstan pa'i phyir/ khyim dang zhes bya ba la sogs pa smos te/ 'gro kun bsam pas sun 'byin zhes pa ni rang gi rnam rtog gis bsgribs nas sun 'byin pas de mi rtogs pa'o/ /yang na rang gi rnam rtog ngan pas gzhan dam pa'i lam ston pa sun 'byin cing 'dug pas so/ /gzhan ni go sla'o/ /des ni rtogs par dka' yang bsgrub par nus pa ma yin par bstan pa'i phyir/ sems can thams cad kun la yang zhes bya ba la sogs pa smos te/ thams cad ro mnyam rang bzhin ni lhan cig skyes pa yod par khyad par med pa'o/ /de'i ming ni bsam yas ye shes bla med pa'o/ zhes pa'o/ /gzhan ni go sla'o/ /sgrub pa la zhugs pa rnams kyang le lo'i dbang du gyur pas mi rtogs par bstan pa'i phyir/ de ring zhes bya ba la sogs pa smos te go sla'o/ /de ltar na de nyid rtogs pa'i gang zag dkon pas/ sgrub pa la 'bad par byos shig ces bstan pa'i phyir/ bya ba byed dang zhes bya ba la sogs pa smos te/ go sla'o/ /de ltar rlung bcings pa de

  582. 295b

    yang sems ma bcings na mi 'grub pas sems rtogs pas bcings par bstan pa'i phyir 'jur bus bcings pa'i sems 'di ni zhes bya ba la sogs pa smos te/ de la 'jur bus bcings pa ni rtog pas sgribs pa'i sems de'o/ /slod na grol bar the tshom med ces bya ba ni/ mi rtog pa la gzhag na rtog pa'i bcings pa las grol bar gdon mi za'o/ /rtog pa'i rtsa ba gang yin zhe na/ gang gis rmongs pa zhes smos te/ gang gis ni rlung gis so/ /rmongs pa ni thabs dang bral ba'o// 'ching ba'i dngos po ni de las byung ba'i rtog pa'o/ /mkhas rnams ni thabs dang ldan pa'o/ /de yis zhes pa ni rtog pa de yi sgom pa yi rnam par grol ba ni rtog pa'i rtsa ba'i rlung dbus su 'jug par 'gyur ro/ /bcings pa dang grol ba'i grol ba de dpe'i gsal bar bstan pa ni/ bcings pa rnams ni zhes bya ba la sogs pa smos te/ dper na bcings pa rnams 'grol bar brtsol la/ ma bcings pa rnams 'grol bar mi rtsol lo/ /de bzhin du bcings pa ni rtog pa yis bzung na'o/ /thongs par gyur ni mi rtog pa la gzhag go /go bzlog pa'i chos ni bcings na 'grol la/ thongs na sdod do/ /bdag gis bzlog pa'i gdams ngag rtogs pa'o/ /rang la chor te ltos zhes pa ni/ sems 'dzin 'dod na zhen pa'o// de ltar bcings pa dang grol ba'i rgyu bstan nas/ da ni thabs bstan par bya ste/ kye lags zhes bya ba la sogs pa smos te/ de la dbang po ltos shig ces pa ni khengs pa'i lta bas nam mkha' sprin med pa la ltos shig pa'o/ /'di la ngas ni ma rtogs zhes pa ni yid kyis mi brtag go zhes pa'i don to/ /las zin pa'i skye bo yis/ zhes pa ni rtog pa bkag pa yis so/ /drung du ni nam mkha' sprin med du'o/ /sems thag gcad pa ni rtog pa thag gcad pa'o/ /des ni 'di skad ston pa yin te/

  583. 296a

    nyin mo'i sbyor bas bla gab med pa'i nam mkha' dri ma med pa bltas pas/ me 'bar ba dang/ glog dang/ zla ba dang/ nyi ma dang/ sgra gcan gyi rnam pa mthong la/ mtshan mo'i rnal 'byor gyi mtshan ma lnga 'byung ste du ba dang/ smig rgyu dang mkha' snang dang/ mar me dang/ nam mkha' lta bu'o/ /de dag ni rlung dbu mar zhugs pa'i rtags yin no/ /de yang he badzra las/ bsam pa thams cad yongs spangs te/ /nyi ma gcig tu yongs su rtogs/ /gal te mtshan ma ma byung na/ /de tshe nga yi brdzun tshig yin/ /zhes pa dang/ dang po sangs rgyas kyi rgyud las kyang/ sprin med nam mkha' la ni khengs pa'i blta bas blta/ zhes pa la sogs pa gsungs so/ /'di nyid las 'og nas/ mig ni mi 'dzum sems 'gog na/ /rlung 'gog pa ni dpal ldan bla ma'i rtogs/ /zhes pa dang/ gdong nas rang bzhin dag pa'i nam mkha' la/ /bltas shing bltas shing mthong ba 'gag par 'gyur zhes gsungs te gsal por bla ma'i zhal las shes par bya'o/ /da ni thabs dang thabs ma yin pa'i khyad par bstan pa'i phyir/ /rlung bcings pa la rang nyid sems kye zhes pa la sogs pa gsungs te/ de la rlung bcings pa ni rlung bgrangs pa lta bu'o/ /mi gang shing gi rnal 'byor ni nges don med pa'o/ /sna rtse ni rtog pa'i rnal 'byor steng 'og gi sna rtser sems 'dzin pa'o/ /ma 'dug kye zhes pa ni ma sgom zhig ces pa'o/ /'o na gang sgom na/ e ma'o yin zhes pa ni rtog pa'i rnal 'byor thabs ma yin gyis zhog la/ lhan cig skyes pa mchog mi rtog pa la gnas par gyis shig ces pa'o/ /rtog pa'i rnal 'byor de thabs ma yin par bstan pa'i phyir/ srid pa'i sna rtser zhes pa la sogs pa smos te/ srid pa'i sna rtser bcings pa yongs su spang zhes pa ni/ srid pa sna rtser

  584. 296b

    gtad pa 'ching bas de yongs su spang zhes pa'o/ /spang ba de ci'i phyir zhe na/ 'di ni yid yongs su 'dus pa las rlung gis brlabs pas g.yo zhing 'phyar la shin tu mi bsrun par 'gyur ba'i phyir ro/ /lhan skyes de bsgrub pa ci'i phyir zhe na/ lhan cig skyes pa'i rang bzhin gyi rtog pa la gnas na brtan par 'gyur ba'i phyir ro/ /yid mi g.yo ba la dgos pa ci yod snyam pa la/ /yid ni nye bar 'gags gyur na/ /lus kyi bcing ba rtogs pa dang/ /sdug bsngal 'chad par 'gyur ba'o/ /der ma zad kyi bde stong ro mnyam du 'gyur bar bstan pa ni dbus su lhan cig skyes dang ro mnyam pa ste/ dbus ni mdza' dang bral ba ste stong pa dang lhan skyes bde dang ro mnyam na gdol ba ste/ ma rig pa na stong pa dang/ bram ze ste bde ba tha dad med pa'o/ de ltar srid pa'i sna rtser thabs ma yin zhing lhan skyes thabs su bstan nas/ lhan skyes de ni phyi rol na mi gnas shing/ rang gi lus la gnas par bstan pa'i phyir/ 'di na zla bzhes pa la sogs pa smos te/ lus dang dran pa'i mun gnas pa'i mtsho/ /zhes pa la/ lus ni lus la gnas pa'o/ /dran pa ni man ngag la gnas pa'o/ /mtsho ni bde ba mi zad pa'o/ /gzhan ni go sla'o/ /lhan skyes de rang la yod pas gzhan las mi btsal bar bstan pa'i phyir/ /'dab ldan zhes pa la sogs pa smos te/ 'dab ma dang ldan pa'i ge sar gyi dbus na gnas pa ni/ kha ga mu kha'o/ /shin tu phra ba ni a ba d+hU tI'i rtsa'o/ /dri ni utpal gyi dri lta bu'o/ /kha dog ni dmar ba'o/ /dri dang kha dog dang ldan pa'i bye brag ste/ las kyi phyag rgya dang/ rang 'od kyi rig ma la brten par mi bya'o/ /lhan skyes de nyid ma bcos pa'i lha yin pas phyi'i lha mchod pa la mi ltos par bstan pa'i phyir/ gang du tshangs pa zhes bya ba la sogs pa smos te go sla'o/ /lhan skyes de rtogs pa'i yon tan bstan pa'i phyir/

  585. 297a

    kye ho zhes bya ba la sogs pa smos te/ bde ba'i gnas mchog rtog pa spangs pa de ngas mthong zhes pa la/ bde ba'i gnas ni rgyu ste stong pa'o/ /rtog pa spangs pa ni mi rtog pa'i lam de ngas mthong zhes pa ni mngon sum du'o/ /'gro ba nye bar skye bar byed pa nyid bzhin no/ /zhes pa ni mal bu skye ba dang 'dra bar zag med kyi bde ba skye'o/ /blo rnams 'gags ni yul gyi rtog pa'o/ /yid rang bzhin ni yul can gyi rtog pa'o/ /gang du mngon pa'i nga rgyal chad pa ni de gnyis kyi zhen pa chad pa'o/ /de nyid sgyu ma'i rang bzhin mchog tu rtogs pa zhes bya ba ni de ltar yul dang yul can gyi 'brel pa chad na chos thams cad sgyu ma ltar mthong ba'o/ /rtog pa chad pa'i tshul bstan pa ni/ dngos po zhes bya ba la sogs pa smos te/ dngos po skye ba ni yul du snang ba'i rtog pa'o/ /mkha' ltar gyi rtog pa gang zhe na/ zhes pa'o/ /dngos po rnam spangs phyi nas ci zhig skye/ /zhes pa ni yul gyi rtog pa 'chad na yul can gyi rtog pa 'chad pa'o/ /de'i phyir bla mas bstan pa'i dbye ba rnam spangs ni yul dang yul can gyi dbye ba tha dad spangs pa mi bral ba ste/ mi rtog pa la gnas par byos shig ces pa'o/ /yang na sgyu ma lta bu la gnas par byos shig ces pa'o/ /de la ji ltar rnam par gnas par bya snyam pa la/ mthong dang zhes bya ba la sogs pa smos te/ sems so zhe na gcig gi rnam pa las mi 'da' / zhes pa ni spyod lam la sems 'jug pa ni gcig gi rnam pa ste sgyu ma la sems ma g.yos pa'o/ /da ni de lta bu ston pa'i bla ma la brten par bstan pa'i phyir/ gang zhig bla ma'i man ngag ces bya ba la sogs pa smos te/ de la bla ma'i man ngag bdud rtsi la sogs pa dang bral ba ni sdug bsngal gyi 'dzin par bston te go sla'o/ /bla mas bstan pa zhes bya

  586. 297b

    ba la sogs pas ni lhan cig skyes pas ni rtogs par bstan te go sla'o/ /tshig 'di ni 'og ma dang 'brel te bla mas bstan du med cing/ slob mas mi go ste/ 'on kyang bla ma'i gdams ngag la bden par 'dzin pa'i dbang gis bye brag rnyed pa ste/ blun pos kyang mngon sum du mthong bar 'gyur ro/ /de mthong na bzang ngan dang/ che chung dang/ gtsang mi gtsang gi rtog pa thams cad spangs pa ste/ gdol pa'i khyim ste de la rol yang dri mas ma gos pa ni de'i nyes bas ma rig pa'o/ /de ltar blun pos kyang mngon sum du byed pa'i yon tan bstan nas dman pa mchog tu gyur pa bstan pa ni/ gang tshe zhes pa la sogs pa smos te/ srang khar por ba'i kham phor slong ba po'i spang por yin yang man ngag thob pa'i rnal 'byor pa de ni rang la dbang che bas rgyal po yin no/ slar yang ci byar yod na dman pa'i spyod pas gnas med de lhan skyes rtogs pas 'gal zhes pa'o/ /de yang gzhi mal stan chen po lag pa'i sngas ni 'bol la khrid/ zhes pa la sogs pa nas/ /rnal 'byor pa nyid rgyal po yin/ zhes bya ba'i bar du gsungs pas so/ /mya ngan 'das la mi gnas srid par mdzes zhes pa ni 'khor ba na 'dug mod sems sangs rgyas su 'dug pas so/ /de lta bu'i rnal 'byor des 'khor ba na gnas na ci'i tshul gyi gnas snyam pa la/ ji ltar bu chung tshul du gnas bya zhing zhes gsungs te/ bu chung gi tshul ji lta bu zhe na/ bsam dang bsam bya rab tu spangs nas su zhes pa'o/ /bsam pa ni rtog pa'o/ /bsam bya ni brtags pa'o/ /de ltar rab tu spangs pa ni rtog pa mdza' dag spangs pa'o/ /rtog pa spangs pa de ci'i phyir zhe na/ nang gzhan dag la sman gzhan btang mi bya/ zhes gsungs te/ de'i don ni ngan pa spong ba la ngan par brtags pas mi spong ste/ ci yang ma brtags par bzhag na ngan pa'i rtog pa spong pa'o/ /'o na

  587. 298a

    bsgoms pas spang bar bya'am snyam na/ bla ma'i lung la bsgrims te gus 'bad na/ zhes gsungs te/ bla ma'i lung bzhin du gus par 'bad par bya'o/ /de las lhan cig skyes pa 'byung bar 'gyur ro/ /lhan skyes smra ru mi btub pa de ji ltar 'byung ba bstan pa ni/ kha ton zhes pa la sogs pa ste/ kha ton mi byed yi ge mi 'dri/ yon tan mi chol/ dpe mi bshad do/ /gzhan ni go sla'o/ /lhan skyes de gzhan la bstan du mi btub pa ni/ gzhon nu ma'i zhes pa la sogs pa smos te go sla'o/ /de lta bu'i rnal 'byor pa ni rtog pa dang sdug bsngal las grol bar bstan pa'i phyir/ dngos dang zhes bya ba la sogs pa smos te/ dngos po ni yod pa dngos med ni med pa/ spangs pa ni de las 'das pa'o/ /des ni 'gro ba ma lus rab thim 'gyur zhes pa ni der mnyam pa'o/ /gang tshe yid ni mi g.yo brtan pa ni mi rtog pa la'o/ /de tshe 'khor ba'i dngos po rang grol 'gyur zhes pa ni rtog pa dang sdug bsngal las so/ /sdug bsngal dang bral bar ma zad kyi yon tan khyad par can 'byung bar bstan pa'i phyir/ gang che zhes bya ba la sogs pa gsungs te/ bdag gzhan yongs su shes min na zhes pa ni/ bdag gzhan gyi rtog pa spangs pa'o/ /bla ma'i lus su grub pa nyid ces pa ni gong ma'i sku thob pa'o/ /de ltar bstan pa nyid la zhes pa la sogs pa ni bla ma'i man ngag las yon tan de dag 'byung ba de la 'bad par bya'o zhes gdams pa'o/ /bla mas bstan pa'i lam nyams su blangs pa'i phan yon ni rdul med ces pa la sogs pa smos te/ de la rdul med ni rdul phra rab kyi bsdus pa ma yin pa'o/ /rdul bral min ni gzugs su snang ba med pa ma yin no/ /sems kyang min ni gzugs su snang ba'o/ /de ltar na dmigs par bya ba'i yul ni sgyu ma lta bu'i lus so/ /de bas na dngos po 'di

  588. 298b

    dag ni 'di ltar snang ba kun gdod nas ma grub pas mthong yang zhen pa med pa'o/ /gzhan ni go sla'o/ /de lta bu de rang la yod kyang bla mas ma bstan na mi go bar bstan pa ni khyim na yod pa zhes bya ba la sogs pa ste/ khyim na yod pa zhes bya ba ni rang la yod pa'o phyi rol song nas tshol zhes pa ni gzhan du'o/ /dpe bstan pa ni khyim bdag mthong nas khyim bdag de rang la khyim bdag che ge mo mthong ngam zhes 'dri'o/ /bla mas bstan kyang rang gi ma bsgoms na mi rtog par bstan pa ni/ blun po'i zhes pa la sogs pa smos te go sla'o/ /rang gis bsgoms pa yang bde bar gnas pas 'grub par bstan pa ni yul rnams bgrod cing zhes bya ba la sogs pa smos te/ de la yul rnams bgrod cing gdung bas nyen byas kyang ni/ thos pa btsal ba'i yul rnams su 'phyan cing dka' bas gdungs kyang zhes bya ba'i don te/ de ni mtshon pa tsam ste/ dka' thub gzhan yang gzung ngo/ /gzhan ni go sla'o/ /'o na gdags 'grub na bde ba la longs spyod pas 'grub bo zhes kha bskang ngo/ /des mi 'ching ngam snyaM ba la yul rnams bsten pas yul gyi ma gos te yul dang yul can ro mnyam par shes pas so/ /dpe ji lta bu snyam pa la/ utpal blangs kyang zhes pa ste ge sla'o/ /mi 'ching pa'i rgyu ci snyam pa la/ 'di ltar zhes bya ba la sogs pa smos te/ gang 'di zhes pa ni bsgrub pa'o/ /'di ltar zhes pa ni gang gi phyir zhes pa ste/ rtsa ba rlung gi skyabs su 'gro bas de'i phyir ro/ /de la rtsa ba ni rgyu lus so/ /rlung gi skyabs su 'gro ba ni/ rlung dag pa la rgyu lus 'byung ba'o/ /mi 'ching pa'i dpe bstan pa ni dug gi zhes smos te go sla'o/ /de ltar rang la yod pa ma bcos par sgyu ma lta bu nyid mi 'ching ba'i rgyu ru bstan nas/ gzhan dad pa lha la mchod pas mi grol bar bstan pa ni/ lha la mchod pa zhes pa la sogs pas ston te go sla'o/ /

  589. 299a

    da ni sgyu ma'i lus mngon sum du bya ba'i phyir thabs kyi dam pa lta stangs skyon med dang bcas par bstan pa'i phyir/ mig ni zhes pa la sogs pa gsungs te/ de la mig mi 'dzum pa ni khro bo'i lta ba'o/ /sems 'gags pa ni de'i stobs kyis rtogs pa 'gags pa'o/ /rlung 'gags pas ni rlung lnga rim gyis a ba d+hU tI'i lam la zhugs pa'o/ /rlung ma 'gags na skyon ci yod ce na/ gang tshe rlung rgyu de ni mi g.yo ste/ zhes pa ni rlung ni 'khor ba'i rtsa ba yin pas ji srid du rlung rgyu ba do srid du 'khor ba las ma 'das pa'o/ /'chi ba'i tshen zhes pa ni 'chi ka'i dus su'o/ /rnal 'byor mas ni ci bya zhes bya ba la/ /rnal 'byor ma ni sgyu ma'i rnal 'byor ma'o/ /ci bya zhes pa ni rang la yod kyang phan ma thogs zhes pa'o/ /'khor ba las ji ltar mi 'da' snyam pa la/ ji srid dbang po yul gyi zhes pa la sogs pa smos te/ don ni 'di yin te/ thur sel gyi rlung rgyu ba'i stobs kyis shu kra thur bu lhung la/ rak+ta gyen du smin na des dbang po'i sgo sad par byed do/ /de nas shes pa srog la zhen pas rtog pa kun skyed do/ /de ltar yang dgongs pa lung ston las/ ji srid 'jig rten brtags pa dang/ /'jig rten brtags pa sna tshogs pa/ /rnam rtog byang chub sems zhes pa/ /rlung las rtag tu 'byung ba yin zhes gsungs so/ /de ltar na 'khor ba'i rtsa ba ni rlung yin pas de dgag par bya dgos la/ de yang yid bcings pa la dag lus so/ /yid bcings pa yang rnam par mi rtog pa bsgom pa la dag lus pas/ phan yon gyi tshul gyis yid mi rtog par gzhag pa gsungs pa ni/ /khyed cag ces pa la sogs pa ste/ de la de lta ci byed ces pa ni bya rgyu med rang du gcig ces pa'o/ /gar 'gro som dang kye zhes pa ni/ 'gro sa rang du gcig ces pa ste de ltar na bya byed spangs la mi rtog par

  590. 299b

    gzhag go /de ni shin tu dka' ba'i dgongs pas 'jug ces pa la/ shin tu dka' ba ni bya byed spong ba ste dka' ba'o/ /dgongs pas 'jug ces pa ni/ thabs dang ldan na mi rtogs par dang gis 'jug pa'o/ /de ltar rtogs med la zhugs nas rang gi rang bzhin mi rtog par bstan pa ni/ gang zhig ces pa la sogs pa ste/ gang zhig ni sangs rgyas so/ /gang la ni rang las so/ /de ni sangs rgyas so/ /de ru ni rang la'o/ /ma mthong zhes pa ni rgyu lus med na mi mthong ba'o/ /gzhan ni go sla'o/ /da ni nyams su glang ba'i thabs de nyid dpa' i sgo nas rgyas par bstan pa'i phyir/ glang chen lo mas nas zhes bya ba la sogs pa smos te/ glang po che 'tsho ba'i ri khrod pas glang chen lo ma na slo bde bar gnas pa bzhin du sems kyi rtog pa btang na sems tshigs su chud de sems ni g.yo bas deng ni zhes pa ni rtsa dbus ma dor ro/ /'gro 'ong ni rlung 'gro 'ong ste/ de bcad na rtsa dbus su dal ba'o/ /de ni sems mi rtog pa la rnal du gzhag pa dang/ rlung dbu mar rnal du bzhag pa'o/ /chos ci dgos zhes pa ni rtog pa'i rnal 'byor mi dgos pa'o/ /ngo tsha med smras mkhas pa dang/ zhes pa ni 'jom pa med par smra ba'i mkhas pa zhes pa'o/ /gson po gang zhig ces pa la sogs pas ni/ rnal ma'i bdud rtsi 'thungs nas 'chi ba med pa thob par ston te/ gson po ni gzhon nu'i gnas skabs lta bu khyod kyis rnam par ma gyur ni mi rgas mi 'chi'o/ /gzhan yang gson po gang zhig ni srog rlung ngo/ /rnam par ma gyur pa ni/ khyad kyis khyad kyis dbu mas ma brkus na ste/ srog thams cad dbus su bcug pas rku rgyu med na skye 'chi med par 'gyur ro/ /de nyid las 'od gsal ye shes skye bar bstan pa ni/ bla mas bstan pas zhes bya ba la sogs pa ste/ dri med blo gros ni 'bras bu 'od gsal ba'o/ /de nyid gter yin te/ de skyes pa'i dus na

  591. 300a

    gter te rin po che'o/ /de ltar sems rnal du bzhag pa phan yon dang bcas pa bstan nas/ /sems bcos pa'i thabs bstan pa'i phyir/ yul nyid rnam par dag pa ste/ zhes pa la sogs pa gsungs te/ de la yul nyid ni rnal ma la blo gzhag pa'i phyir/ yul gzhan gyi rnam par rtog pa mi 'byung ba'o/ /rnam par dag pa ste/ zhes pa ni rnal ma'i rnal ma'i don te/ bsten bya min zhes pa ni tshur la bkug pa slar rnal mar bzhag pa ma yin zhes pa'i don to/ /'o na ji ltar bya mnyam pa la/ stong pa 'ba' zhig gis ni dpyad par bya zhes gsungs te/ yul gang du 'phros pa de yang stong pa yin pas tshur la dgug mi dgos zhes par dgongs pa'o/ /de'i dpe bstan pa'i phyir/ ji ltar gzings las 'phur ba'i bya rog ni zhes pa la sogs pa gsungs te/ de'i don ni dper na gzings la gzhag pa'i bya rog gzung bas mi thub par 'gro ba la/ de btang bas gar phyin kyang tshur song 'chags ma rnyed de/ slar la der 'bab pa bzhin du yul la 'phros pa'i sems kyang de dang 'dra'o/ /gar 'phros kyang de nyid las ma g.yos pas so/ /yul gcig la dmigs pas ma zhen par shes pa glong la bzhag pa'o/ /yul gcig la zhen pa'i nyes pa bstan pa'i phyir/ yul la zhen pa la sogs pa smos te go sla'o/ /yang na tshig 'dis ni rnal 'byor pas 'dod yon la zhen pa'i skyon bstan pa'o/ /gzhan yang lhan skyes de nyid las 'byung bar shes pas/ sems bcos pa'i thabs bstan pa'i phyir/ gang zhig sems las zhes bya ba la sogs pa smos te/ gang zhig ni rtog pa'o/ /sems las rnams 'phros pas zhes pa ni rtog pa byung ba kun no/ /de nyid mgon po'i rang bzhin te zhes pa ni rtsa ba'i 'od gsal ba nyid rtog par shar ba ste/ dper na chu dang rlabs bzhin no/ /srid dang mnyam

  592. 300b

    nyid nam mkha' i rang bzhin no zhes pa ni/ don de srid srid pa ni 'khor ba'i rtog pa'o/ /mnyam nyid ni mya ngan las 'das pa ste rtsa ba'i 'od gsal lo/ /nam mkha' i rang bzhin gnyis ba skye med do/ /de ltar shes pa'i phan yon bstan pa'i phyir/ gang zhig bstan te zhes bya ba la sogs pa gsungs te/ de la gang zhig bstan pa ni man ngag gang zhig bla mas bstan pas gang zhig thos gyur zhes pa ni slob mas thos pa'o/ /dgos pa gang yin na grub pa'o/ /dam par skyol ba ni mthar phyin pa na'o/ /gdug pa ni nyon mongs so/ /skug sa ni rtsa ba'i sems so/ /rdul bzhin brlag ni rtsa ba nas dag pa'o/ /de gang du dag na snying ga nyid du nub ste/ mi shig thig le'o/ /der ji ltar thim par 'gyur zhe na/ ji ltar chu la chu bzhag pa/ /de rnyed chu ru ro mnyam 'gyur/ /zhes pas ston te/ dper na chu nang du chu blug pa ni/ chu ro gcig pa bzhin du/ rtsa ba'i sems su thim par 'gyur ba'o/ /yang na 'dis ni gnyis med ro mnyam ston te/ chu stong pa'o/ /chu bzhag pa ni snying rje'o/ /chu de mnyam pa ni gnyis med du bya ba'o/ /de nyid ye nas ro gcig tu bstan pa'i phyir skyon dang zhes bya ba la sogs pa smos te/ de la skyon ni rtsa ba'i sems mi shigs pa'o/ /yon tan gyi ngo bo sems mi shigs pa'o/ /yon tan gyi ngo bo ni sems kyi ngo bo 'od gsal ba'o/ /mnyam ldan ni gnyis po'i ro mnyam pa'o/ /sus kyang mtshon ma gyur zhes pa ni thabs dang bral ba gang gis kyang ma rtogs pa'o/ /gzhan ni go sla'o/ /da ni lhan skyes de dang ye nas ro mnyam du gnas pas spyod lam ci snang yang thug phrad du myong bar bstan pa ni /nags la ma mched pa'i me bzhin zhes pa la sogs pa ste go sla'o/ /lhan skyes de ma rtogs pa'i skyon bstan pa'i phyir/ gal te yid du 'ong ba pa smos te/ de la yid du 'ong ba ni yid dang ni 'gal ba'i

  593. 301a

    dngos po la'o/ /mnyam pa'i sems ni stong pa dang ro mnyam pa'i sems ma skyes na/ de la dngos por zhen pas sdug bsngal bskyed do/ /tshig gi don la go sla'o/ /stong par shes pas mi 'ching ba'i phyir/ stong na gang yang 'dra snyam pa la/ grogs dag phag dang glang po ltos/ /de ltar yin te de ni ma yin no zhes gsungs pa ste/ phag dang glang po ni phyogs 'gas 'dra yang/ phag ni glang po ma yin no/ /de bzhin du stong par 'dra yang theg pa gzhan gyi brtags pa'i stong pa ni lam ma yin no zhes pa'i don to/ /stong pa ngos 'khrul pa ji ltar spong zhe na/ ji ltar yid bzhin nor bu zhes pa la sogs pa smos te/ dper na smyon ma'i lus la rin po che brtags pas smyon ma'i 'khrul pa bshig pa bzhin du/ stong pa'i rtog pas kyang dngos po'i 'khrul pa bshig pa'o/ /stong pa de bde ba'i gnas su bstan pa'i phyir/ rang rig pa zhes bya ba la sogs pa smos te/ rang la rang rig bde ba chen po'i bag chags gzugs de bde ba'i rgyu'o/ /yang na de ma dag na bag chags te/ ma rig pa zhes bya/ de nyid dag na gzugs te stong pa'i gzugs su gyur pa'o/ /de rtogs pa las cir 'gyur zhe na/ thams cad ces pa la sogs pa smos te/ thams cad ni phyi nang ngo/ /de tshe ni stong pa rtogs pa de'i tshe'o/ /mkha' mnyam byed par 'gyur ba ni nam mkha' dang mnyam par mthong ba'o/ /stong gzugs nyams su myong ba de ni tshig gis mtshon mi nus par bstan pa'i phyir kA la ku Ta zhes bya ba la sogs pa smos te/ kA la ku Ta ni nyams su myong ba'i ming ngo/ /smos su mi rung ba ni tshig gis mi mtshon pa'o/ /'o na gang gis mtshon na rang bzhin nam mkha' ni stong pa de rtog dang bral te/ yid kyis 'dzin pa yin zhes pa ni des myong ba'o/ /'o na yid yod dam zhe na/ yid de yid med

  594. 301b

    byed 'gyur te/ rang bzhin lhan cig skyes pa mchog tu mdzes zhes gsungs so/ /yid de zhes pa ni dag pa'i yid do/ /yid med byed ces pa ni ma dag pa'i yid do/ /dag pa'i yid de gang yin na/ rang bzhin lhan cig skyes pa mchog tu mdzas te stong gzugs so/ /de nyid rtogs dka' bar bstan pa'i phyir/ khyim dang khyim na de ni brjod pa ste/ zhes pa sogs pa gsungs te/ khyim na gnas pa ni khyim mo/ /gnas na gnas pa na khyim min no/ /de'i don brjod pa ni stong pa'o/ /bde chen gnas ni bde ba'i rgyu stong pa ste/ de'i drin gyis bde ba 'char ba'o/ /de'i phyir de rnams kyis stong par ma shes na/ 'gro kun sems 'khrul gyur pa ste/ /sems 'khrul nas dngos por zhen par gyur pa'o/ /de ni bsam med sus kyang rtogs ma yin zhes pa ni bsam med kyi lhan skyes de/ thabs gang dang bral ba'i gdams ngag gis kyang mi rtogs pa'o/ /stong pa de 'gro bas ma mthong na/ rnal 'byor pas ji ltar mthong snyam pa la/ kye ma zhes pa la sogs pa smros te/ mgo snying lte gsang spangs pa ste/ ngas mthong ste zhes pa ni gzugs med pa'i gzugs te ngas mthong pa'o/ /de yang gzugs med gzugs bzang dam pa ste/ /sna tshogs gzugs can yid las skyes/ /zhes pas gsungs so/ /stong pa de thabs gang gis mthong bar 'gyur snyam pa la/ bsam pas yul ni zhes pa la sogs pa gsungs te/ bsam pa ni mi rtog pa'i sgom pas yul ni mtshon par byed ces pa'o/ /yul du snang ba stong pa'i gzugs mtshon par byed pa ste/ mthong bar 'gyur ba'o/ /stong gzugs de mi rtog pa'i dbang gis ji ltar mthong bar 'gyur ba snyam pa la gzhag dag bsam pa rlung 'gag 'gyur zhes smos te/ gzhan dag ni mi rtog pa'o/ /bsam pa ni blo de la gzhag pa'o/ /rlung 'gag 'gyur zhes pa ni rlung dbus su 'jug par 'gyur ro/ /

  595. 302a

    'dis ni 'di skad du ston pa yin te/ 'khor ba'i rtsa ba ni rlung yin pas de dbus su zhugs te dag par byas na bzung 'dzin gyi 'brel pa chad nas stong pa'i gzugs mthong par 'gyur ro/ /rlung 'gag pa'i thabs de nyid gsal bar bya ba'i phyir/ gal te sems kyis zhes bya ba la sogs pa smos te mi rtog pa'i sems kyis stong pa'i sems mtshon du 'gro ba ni/ mthong ba rgyu nges rlung dang/ yid ni brtan par 'gyur te/ rang bzhin du thim pa'o/ /yid kyi rtog pa rang bzhin gnyug ma la thim pa'i dpe bstan pa ni/ ji ltar lan tshwa chu la zhes pa la sogs pa gsungs te go sla'o/ /bsam gtan mi dgos na/ sangs rgyas kyi bsam gtan mang po ci'i phyir bstan snyam pa la/ lha gcig la ni lung rnams mang po mthong zhes pa la sogs pa gsungs te/ de la lha gcig la zhes pa ni/ de kho na gcig pa'o/ /lung rnams mang po mthong pa ni de kho na nyid de brda du ma'i sgo nas bstan pa'o/ /rang 'dod pa yis so sor snang zhes pa ni/ dper na sna rtser yungs kar zhes pa lta bu ni rtog pa la dga' ba rnams kyis steng 'og gi sna rtser thig le bsgoms pas mthong la/ de kho na la mos pa rnams kyis rlung byang chub sems su mthong ba'o/ /des ji ltar mthong ba'o/ /des ji ltar mthong ba de ltar mthar thug pa ma yin te/ mgon po ni lhan skyes te nges sa ra ha gcig po dang mthun gyi/ rtog pa la gnas pa gzhan rnams dang ni 'gal lo/ /don la 'gal na de thams cad nor ram snyam na khyim dang zhes smos te/ rang rang gi skal ba dang mthun pa tsam gyis grub mdza' ni ma nor ba nyid do/ /de ltar sangs rgyas kyis ci dang ci bstan pa rnams ni de kho na nyid las brtsams te bstan gyi/ rtog pa'i bsgom pa las brtsams te ni ma yin no/ /nga ni sems de ci bde bar rtogs

  596. 302b

    pas chos thams cad rtogs pa'i bde ston pa ni/ gcig zos pas ni gzhan kun tshim zhes pa ste/ de la gcig ni rnams shes so/ /zos pas ni bde ba'i ros bsgyur ba'o/ /gzhan kun ni phung po gzhan no/ /tshim pa ni bde ba'i ros tshim pa'o// yang na gzhan kun tshig ces pa ni/ dper na shing me tshig pas 'phro zos nas gzhan nags tshal tshig pa bzhin du'o/ /lhan skyes de ngo ma mtshon btsal bas mi rnyed par bstan pa ni/ phyi rol song nas zhes pa la sogs pa smos te/ de la phyi rol song nas zhes pa ni rang la yod pa 'o ma shes par ro/ /khyim bdag ni lhan skyes so/ /tshol ba ni btsal bas mi rnyed pa zhes pa'o/ /de nyid bshad pas ni 'ongs kyang ma mthong zhes pa la sogs pa smos te go sla'o/ /gang gis rnyed snyam na rba rlabs med pa zhes bya ba la sogs pa smos te/ rba rlabs med pa ni rtog med do/ /rtog pa ni sdug bsngal gyi rnyog ma'o/ /de dang bral ba ni bsam gtan rnam par mi rtog pa'i bsgom pa'o/ /bsam gtan de nyid kyi dpe bstan pa ni chu dang zhes pa la sogs pa smos te go sla'o/ /chu dang ba dang mar me dang gsal pa bzhin du rtogs pa ma slad par zhog ces pa'o/ /'gro 'ong nga yis mi len mi 'dor ro zhes pa ni de'i tshe spyod lam gang yang mi dgag par gzhag pa'o/ /de yang dgyes pa'i rdo rje las/ yid kyang dgag par mi bya zhing/ /dbang po rnams ni dgag mi bya zhes gsungs so/ /nga ni stong pa'i gzugs de nyid kyi dpe bstan pa'i phyir/ snga na med pa zhes bya ba'i la sogs pa gsungs te/ dper na mi zhig rmi lam na gzhon nu ma dang nyal bar rmis na/ de ni rang gi sems nyid der snang ba ste logs na med do/ /de bzhin du sgyu ma'i lus 'di rang gi sems nyid der snang pa'o/ /yang na rmi lam gyi gzhon nu ma la brten pa'i bde ba ni/ gzhon nu ma

  597. 303a

    dang tha mi dad de ro gcig pa'o/ /de bzhin du rang gi sems ni yul can bde ba gzugs ni yul sgyu ma'o/ /tha dad ma lta zhig ces pa ni bde stong mnyam par gyis zhes pa'o/ /de yang dang por sangs rgyas kyi rgyu las kyang/ gzhon nu ma'i pra las ni/ sngon med pa'i gzugs mthong zhes gsungs pa dang/ byang chub pa'i rgyu las kyang/ 'ja' tshon lta bu'i lus nyid ni/ /de nyid bsgoms pas thob par 'gyur zhes gsungs pa dang/ klu sgrub kyis kyang/ 'di nyid rdzogs pa'i rim pa ste/ sgyu ma lta bu'i ting 'dzin de zhes pas so/ /rang gi sems ni gzugs dang/ zhes pa ste/ gzugs de nyid gsal bar ston pa ni gal te lus dang zhes pa la sogs pa ste/ rdo rje gsum dbyer med pa ni stong pa'i gzugs te/ de yang he badzra las sems dpa' srid pa gsum gcig pa/ zhes gsungs pas so/ /yang na 'dis bde ba bstan pa yin te/ lus ngag yid gsum gyi rtog pa 'gag pa ni lhan skyes kyi dga' ba'o/ /stong nyid rtogs pa ni yul snang ba thams cad thug phrad du stong par mthong bar bstan pa ni/ khyim bdag ces pa la sogs pa ste/ dper na khyim bdag pho mo bag tsha med par longs spyod pa bzhin stong par brtag mi dgos par yul du snang ba rnams spyod pa'o/ /yang na rtogs med du yul la spyod pa bstan pa'o/ /da ni gong gi don de dag bstan kyang/ gzhan gyis mi go bar bstan pa ni/ nga yis zhes pa la sogs pa ste/ nga yis rtsed mor byas pa la zhes pa ni smyo ba'i tshig tu smras pa la 'od byas pa rnams ni sha thang chad de mi rtogs pa zhes pa'o/ /me ni spra ba nyid la 'phang zhes pa ni rang kho nas rtogs par zad ces pa'o/ /yang na da yi rtsed mo byas pa la/ byis pa rnams ni sha thang chad ces pa ni/ lhan cig skyes pa nga yis rtsed mor

  598. 303b

    byas pa ni/ rnam par 'phrul pa la byis pa ma rtogs pa rnams 'khor bar khrid pa'o/ /me ni spra? ba nyid la 'bar zhes pa ni mkhas pa rnams ni rtogs pa'i spra ba nyid la me ye shes 'bar ba'o/ /de ltar bcings pa bstan nas/ nga ni byang chub sems ma bcings na mi 'gyur ba'i bde ba med la/ de med na sangs rgyas mi 'byung bas mi 'gyur ba'i bde ba bsgyur pa'i phyir byang chub sems bcings bstan pa ni/ e ma zhes pa la sogs pa gsungs te/ gzhan ni yod ma yin zhes pa ni/ gzhan yin nam 'on te rang yin zhes pa'o/ /'on te gzhan na gnas sam ci zhes pa ni/ gzhan na yod dam/ 'on te rtag tu yod ces pa'o/ /lan du rnal 'byor 'di ni dpe dang bral ba ste zhes pa ni/ yod min med min zhes bya ba la sogs pa'i spros pa dang bral ba'o/ /de gang las byung zhing rang bzhin ji lta bu zhe na/ bdag po za zhing rang bzhin mdzes zhes smos te/ bdag po za zhes pa ni ye shes kyi rlung ngo/ /rang bzhin mdzes zhes pa ni/ de dag ni sgyu ma'i rnam pa yid du 'ong ba'o/ /des ci byed na chags pa'i yul gyis gang ba'i sems de nyid ces smos te/ chags pa'i zhes pa zag bcas kyi bde ba'o/ /yul gyis gang ba ni yul yid du 'ong ba'i bde ba'o/ /sems nyid ba zhes pa ni rtog pa'i bde ba ste spong ba'o/ /ji ltar spong zhe na/ chags dang chags bral byas nas gnyug mar zhugs/ zhes smos te/ de la chags pa ni dpral bar gnas pa'o/ /chags bral ni thig le mkha' la ltung ba'o/ /byas nas zhes pa ni phab la ma pho ba ni ro mnyam pa ni/ /gnyug mar zhugs pa ni de las 'bras bu'i lhan skyes su 'gyur ba'o/ /sgyu ma'i rnal 'byor ma thabs cis mthong zhe na/ sems mnyam pas na rnal 'byor ma ngas mthong zhes smos te/ sems nyams pa ni gzung 'dzin gyi rtog pa 'gags

  599. 304a

    na/ rnal 'byor pa ni sgyu ma'i rang bzhin mthong ngo/ /za zhing 'thung la bsam pa'ang med ces pa ni/ /bsam pa 'di gnyis tsam las ma gtogs pa gzhan spangs la bsgom par bya'o zhes pa'o/ /de'i tshe sems la snang ba rnams ji ltar lta snyam pa la/ grogs mo 'di na zhes pa la sogs pa smos te/ rang gi sems la snang ba'i phyi rol tha dad du rtogs na sdug bsngal gyis 'dzin no zhes pa'o/ /sgyu ma'i rnal 'byor 'di ni dpe dang bral zhes pa ni/ sems la gang snang ba de sems sgyu ma'i snang bar lta'o/ /bya ba 'di tsam zhig tu rab bsams la zhes pa ni/ snang ba'i bya ba sgyu ma tsam du bya'o/ /rtsom pa gang la dbyer med pa'i blo zhes pa ni/ brtsam rgyu med pas rtsom pa spang la glod la gzhag pa'o/ / sa gsum gang du dri ma med ces pa ni des lus ngag yid gsum rnam par dad par 'gyur ro/ /de ltar byang chub kyi sems bcings pa'i thabs stong pa nyid bstan nas/ nga ni des ji ltar 'ching ba'i dpe bstan pa'i phyir/ zla ba chu 'dzag ces pa la sogs pa gsungs te/ zla ba chu 'dzag nor bu rang dbang med ces pa ni/ dper na chu shel ni zla ba'i 'od dang phrad nas rang dbang med par 'dzag pa'o/ /thabs kyi rgyal srid kun la dbang sgyur ba zhes pa ni/ dpe de bzhin du stong pa'i thabs kyis rgyal srid kun ni mi 'gyur ba'i bde ba'o/ /dbang sgyur ba ni ji ltar 'dod pa rang dbang du byed pa'o/ /sems nyid de ni grub pa'i rnal 'byor ma zhes pa ni shes rab stong pa'o/ /lhan cig skyes pa'i thabs bde ba'o/ /sdom par shes par bya zhes pa ni de gnyis ro mnyam du sdom par shes par bya'o/ /da ni mi 'gyur ba'i bde ba'i mtshan nyid bstan pa'i phyir/ yi ge pa'i zhes pa la sogs pa smos pa ste/ de la yi ge tha snyad de tha snyad dam brda''am mtshan ma'o/ /'gro ba ma lus zhes pa ni

  600. 304b

    'gro ba thams cad do/ /yi ge med pa gcig kyang med ces pa ni/ sems can la mtshan ma med pa gang yang med do/ /ji srid yi ge med gyur pa/ /zhes pa ni mtshan ma'i rtog pa 'gags na zhes pa'o/ /de srid yi ge rab tu shes zhes pa ni/ mtshan ma 'gags na tha snyad kun shes pa'o/ /yi ge med pa yi ge yin zhes pa ni/ brda yi ge ste brda med na yi ge a ste stong pa'i gzugs su rigs ces pa'o/ /yang na de srid yi ge rab tu shes zhes pa ni/ yi ge ni ak+Sha ra ste mi 'gyur ba'i bde ba shes pa'o/ /yi ge gang zhe na/ yi ge med pa yi ge yin zhes smos te/ yi ge ni rtog pa ste med pa'o/ /yi ge yin zhes pa ni/ mi rtog pa'i bde ba'o/ /dang po sangs rgyas las kyang/ mi 'gyur las skyes 'gyur ba spangs pa'i bde ba nyid/ /ces gsungs so/ /phyi rol pa'i yi ge la zhen pa dgag pa'i phyir/ /bcol med rig byed 'dod pa nyams/ /zhes pa ni/ /nges don dam pa'i oM zhes 'don pa de nyams pa ste/ 'khor bar sdug bsngal bar 'gyur ro/ /de ltar yi ge med na yang rang gi lus la rang bzhin gyis gnas pas rtogs su rung bar bstan pa'i phyir/ dam pa sogs dang zhes pa la sogs pa smos te/ dam pa soms dang cig shos mi shes na zhes pa la cig shos ni stong gzugs te mi shes pa mi rtogs na rtog pa rnams kyang gang nas skye ba dang gnas pa dang/ gang du 'gag pa mi shes so/ /de shes na ji ltar phyi rol gyi rtog pa de bzhin du nang ste stong gzugs so/ /bcu bzhi pa'i sa la gnas zhes pa ni/ snying ga'i dbus na gnas pa'o// de ni gzugs med kyang lus su gnas pa'o/ /gang gis de shes pa'i mi de grol bar 'gyur ro/ /yang na bde ba dang sbyar na cig shos bde ba'o/ /gang na shar pa ni dpral ba nas so/ /gang du nub pa ni nor bu 'das pa'o/ /ji ltar phyi rol de

  601. 305a

    bzhin nang zhes pa ni/ shu kra de ni phyi rol gyi zla ba ni tshes gcig shar ba'i yar ngo nas tshes bco lnga nya gang ba'o/ /yar ngo'i tshes gcig shar nas gnam stong la zla ba zad pa'o/ /de bzhin du shu kra yang dpral bar dkar po'i tshes gcig shar nas nor bu'i nang du nya gang ba'o/ /de nas nor bu'i gnas nas bcu drug gi cha nag po'i tshes gcig nor bu shar nas gtsug tor du gnam stong rdzogs pa'o/ /bcu bzhi pa'i sa la gnas zhes pa ni rang bzhin gyi gnas lugs te/ go bzlog pa ni lam du 'gro ste/ shu kra de 'pho ba'i bag chags spang ba ni/ kha gyen du bltas nas 'khor lo drug dang bar drug ste bcu gnyis rin po che'i 'khor lo dang/ pa ra Ta ka rtog med kyis ste bcu bzhir rim gyis 'grims nas sa bcu dag par 'gyur ro/ /de yang he badzra las/ bde ba chen po a li'i gzugs/ /de yi cha ni rnal 'byor ma/ /gang phyir bcu drug cha med pas/ /'bad pa kun gyi lhag ma spang/ zhes gsungs so/ /lus med lus la gnas pa ni/ de yi dbang gis ma skyes pa ste/ de yang he badzra las/ lus gnas lus las ma skyes pa'o/ /zhes gsungs pas so/ /gang gis de shes de yid grol zhes pa ni sa bcu bgrod pa'i ye shes de'o/ /bde ba de gang las ji ltar byung snyam na/ nga yis sgrub pa'i yi ge dang po bton zhes pa la sogs pa gsungs te/ sgrub pa'i yi ge dang po ni stong gzugs so/ /bton pa ni rig pa'o/ /khu ba 'thungs pas ngas ni brjod par gyur zhes pa ni/ stong pa'i drin gyis khu ba 'thungs pa ni 'pho ba spangs pas nga ni brjed par gyur zhes pa ni/ sems kyi rtog pa 'gags nas bde bar gyur pa'o/ /de'i rang bzhin ji lta bu zhe na/ gang gis zhes pa la sogs pa gsungs so/ /yi ge gcig shes pa zhes pa ni ma 'gyur ba'i bde ba'o/ /

  602. 305b

    yang na a ste stong gzugs so/ /de'i ming ni mi shes so/ /zhes pa ni mtshan ma 'am 'du shes kyi chos nub pa'o/ /nags khrod gsum ni lus ngag yid gsum mo/ /yi ge gcig ni a ste gzhom med do/ /yi ge gsum gyi dbus na lha zhes pa ni/ rlung dgang dgug rongs gsum ni yi ge oM A(rgyud 'grel): hUM gsum gyi gzhom med dag gi dbus na lha stong gzugs su 'gyur ro/ /gang zhig gsum la 'bab pa ni/ /zhes pa ni lus ngag yid gsum las 'byung ba'i chags pa de stong pa'i drin gyis gdol pa'i rig byed ces pa ni rtog med dga' ba bzhi 'char ba'o/ /de ltar zag med kyi bde ba bstan nas zag bcas 'gyur ba'i bde ba spangs pa'i phyir/ ma lus rang bzhin mi shes gang/ /zhes pa ni/ 'od gsal gyi rang bzhin mi shes pas/ kun tu ru ni las brgya las/ bde chen ni zag med kyi bde ba'o/ /ji ltar skom pas smig rgyur snyegs pa bzhin/ /skom nas 'chi ste nam mkha' i chu rnyed dam zhes pa ni bde ba'i rnam pa 'dra yang don mi 'dra ba la 'dra bar 'khrul nas skom par mchi ste/ sdug bsngal gyis bzung nas bde chen mi rnyed de/ ci ste mi rnyed ce na/ rdo rje pad+ma gnyis kyi bar gnas pa/ /zhes gsungs te/ rdo rje pad+ma gnyis kyi bar du gnas pa'i bde ba'o/ /bde ba gang gis rnam par bskyed pa ni zhes pa ni de gnyis bde bar rnam par rang 'thun yang zhes pa'o/ /ci ste de bskyed nus pa med pas na zhes pa ni zag med kyi bde ba de bskyed pa'i nus pa med pas na/ sa gsum re ba gang gis rdzogs par 'gyur/ zhes pa ni lus ngag yid gsum po de ji ltar 'dag ces pa'o/ /yang na rdo rje pad+ma'i bde ba de med na yang/ zag med kyi bde ba de ji ltar skye ste mi skye zhes pa'o/ /kun tu ru'i bde ba de ci ste/ rnal ma'i bde ba ma yin zhe na/ thabs kyi bde ba skad cig ma zhes pa gsungs te/ skad cig ma yin pa dang/ yang na de nyid gnyis su 'gyur

  603. 306a

    ba ste zhes pa ni/ shes rab ma las skyes pa'i ye shes de shes rab ye shes yin na/ thabs las skyes pa'i ye shes kyang shes rab thabs kyi ye shes su 'gyur ro/ /bla ma'i drin gyis slar yang ni/ /brgya la 'ga' yis shes par 'gyur/ /zhes pa la slar yang zhes pa ni shes rab ye shes de sems can kun la skye yang thig le gsum po'i mthar skyes pa'i lhan cig skyes pa ngo bo shes pa ni brgya lam na 'ga' tsam gyi shes par 'gyur ba'o// de bas na slar yang zhes pa ni phyi nas te thig le gsum gyi mthar ro/ /da ni bde stong zung du 'jug pa bstan pa'i phyir/ grogs dag ces pa la sogs pa smos te/ grogs dag ni bod pa'o/ /zab mo ni bde ba'o/ /rgya che ba ni stong pa'o/ /gzhan min ni tha dad min pa'o/ /bdag nyid ma yin pa ni gcig nyid kyang ma yin te/ gnyis ma grub pas so/ /yang na stong pa nyid ces gcig pu la sbyar te zab pa ni rtogs dka' bas so/ /rgya che ba ni stong nyid gcig pu rtogs na chos kun rtogs pa'o// gzhan min ni rang gi rig pas so/ /bdag nyid min ni rtogs pa'i bdag nyid ma yin pa'o/ /de lta bu de dus nam skye na/ lhan cig skyes dga' bzhi pa'i dus/ /zhes pa la sogs pa smos te/ lhan cig skyes pa'i dga' ba ni bzhi pa'i dus te/ snang ba gsum la ltos pa'i bzhi pa'i dus kyi 'od gsal gyi ngo bo nyid do/ /gnyug ma nyams su myong bas shes zhes pa ni/ dus rtag tu yod pa'i lhan skyes bde'o/ /de shar ba'i yon tan bstan pa'i phyir/ mun nag ces pa la sogs pa smos te/ ji ltar mun pas g.yogs pa la/ /zla ba shar ba mun pa'i tshogs dus gcig la 'joms pa ltar bde ba chen po shar ba'i dus gcig na/ sdig pa ma lus pham par byed/ /ces pa ste/ rtogs pa thams cad 'joms par

  604. 306b

    byed do/ /sdug bsngal snang byed ni rtog pa nub pa'o/ /sgrol ba'i bdag po ni mi rtog pa'i ye shes so/ /gza' dang mnyam du shar zhes pa ni/ nang gi gza' ye shes kyi rlung dang dus gcig tu shar ba'o/ /des cir 'gyur zhe na/ 'di ltar rang gnas pas sprul pa sprul pa dang/ zhes pa ni sprul pa 'byung ba dang/ de ni dkyil 'khor 'khor lo dam pa'o/ /zhes pa ni ci yang ma yin na sgro 'dogs skur 'debs kun las grol bar 'gyur ba'o/ /mchog tu bde ba chen po'i dbang gis ni/ zhes pa ni/ mchog tu bde ba chen po ni zag med kyi dga' ba ste/ de'i dbang gis ni mthus so/ /dngos grub dam pa ni sangs rgyas kyi go 'phang grub pa'o/ /de ltar bde stong dbyer med kyi yon tan bstan nas/ da ni stong ba dang bde ba la sems gzhag pa'i thabs bstan pa'i phyir/ sems kyi glang po zhes bya ba la sogs pa smos te/ sems kyi glang po yan du chug /ces pa ni/ nan tshir du mi dgag ces pa'i don to/ /da ni bdag nyid la dris shig ces pa ni/ /sems rang lugs su zhog cig ces pa'o/ / de la rtogs pas ma 'dri zhig ces pa ni/ de'i tshe mtshan ma yid la mi bya'o/ /da ni sems bde ba la gzhag pa'i thabs bstan pa'i phyir nam mkha' i ri bo/ /zhes pa la sogs pa smos te/ de la nam mkha' ni spyi bo/ /ri bo ni lugs so/ /chu 'thung ni shu kra'i bde ba myong ba'o/ /de'i 'gram du zhog /ces pa ni gnyug ma'i dbang po'i rtsar bzhag pa'o/ /rang dga' ba ni ci bde bag yangs su'o/ /ji ltar bzhag snyam pa la/ yul gyi dbang po zhes pa la sogs pa smos te/ yul gyi zhes pa ni phyi rol gyi glang po che rgyal po'i lag pas khrid nas ji ltar skyod par snang yang/ zhes pa ste/ rang gang dga' bar skyod pa ltar rnal 'byor pa yang sems kyi glang po la dbang byed do/ /rnal 'byor ba ni glang po bskyod pa bzhin/ zhes pa ni mi

  605. 307a

    bsgribs gtad pas so/ /de nyid nas ni ldog par 'gyur ba yin zhes pa ni rang log tu 'gyur ba'o/ /dbyer med du bzhag par bya ba'i thabs bstan pa'i phyir/ gang zhig 'khor ba zhes bya ba la sogs pa smos te/ gang zhig 'khor ba de ni mya ngan 'das par nges/ /zhes bya ba ni 'khor ba rang la thar pa'o/ /yul gyi dbye bas gzhan du sems pa ma yin te/ zhes pa ni/ yul lnga'i dbye bas phyi rol tu mi lta'o/ /de ci'i phyir zhe na/ rang bzhin gcig pa zhes pa la sogs pa smos te/ rang bzhin gcig pa ni yul dang yul can tha mi dad du'o/ /dbye ba rnams spangs pa ni tha dad kyi dbye ba spangs pa'o/ /dri med ni gnyis 'dzin med pa'o/ /dbyer med kyi 'thad pa bstan pa'i phyir yid kyi de nyid ces pa la sogs pa smos te/ dmigs bcas ni snying rje'o/ /dmigs med ni stong pa'o/ /gnyis la skyon yod ni ma 'dres na'o/ /bde ba'i rang bzhin ni ro mnyam du'o/ /rab tu bla med rab 'byung ba/ /ces pa ni/ gang dang yang ma 'grogs par byung ba'o/ /gzhan ni go sla'o/ /da ni gnyis med la gnas pa la gnas la nges pa med par bstan pa'i phyir/ nags su ma 'gro zhes pa la sogs pa smos te/ gang yang de ru zhes pa ni nags dang khyim du yod shes pa ni mnyam par ro/ /ma lus rgyun tu rtogs pas gnas/ /zhes pa ni gnyug ma'i rang bzhin no/ /gzhan ni go sla'o/ /de la gnas pa'i yon tan bstan pa'i phyir/ de tshe dgra'i zhes pa la sogs pa smos te/ mi rtog pa de rtog pa'i rigs la mi 'jug pas na/ dgra'i rigs la mi 'jug pa'o/ /'di ltar dbye ba yongs shes na/ /zhes pa ni bzang ngan mnyam par ro/ /dbye ba ni yongs su 'ching ba dang bral bar byas/ /zhes pa ni gnyis kyi 'du shes spangs pa'o/ /tha dad du

  606. 307b

    snang ba de ji ltar yin zhe na/ ji ltar rgya mtsho mthongs phye bzhin/ /zhes pa ni chu dangs pa'i nang du byad kyi gzugs brnyan snang ba bzhin no/ /bdag dang gzhan du 'khrul par ma byed dang zhes pa ni gcig la gnyis su 'khrul pa'o/ /de ltar thabs kyi lhan cig skyes pa bzhi bstan nas/ da ni 'bras bu'i lhan cig skyes pa rgyas par bstan pa'i phyir/ thams cad snga na med pa'i zhes bya ba la sogs pa smos te/ sems ni ngo bo nyid kyi bdag ces pa ni ye nas so/ /gnyis med ni ro mnyam du'o/ /ma lus khyab par song ni sems can gyi don du'o/ /ming ni gzhan la phan pa'o/ /zhes pa ni don la gzhan med ces pa'o/ /sna tshogs du ma dang ldan zhes pa ni 'phrin las sna tshogs pa'o/ /lhun gyis grub pa ni ma btsal bar ro/ /phyi ma'i 'bras bu ni thams cad la'o/ /bde ba 'di ni gzhan pa'i sems mi mngon no/ /zhes pa ni zag bcas min pa'o/ /bzlog pa'i sgo nas bstan pa'i phyir/ /stong pa'i sdong po dam pa zhes pa la sogs pa smos te/ stong pa'i sdong po med na snying rje'i yal 'dab med do zhes pa'i don to/ /da ni dmigs par 'dzin pa'i skyon bstan pa'i phyir/ de la dmigs par byed pa gang yin pa zhes pa la sogs smos te/ de la dmigs par byed pa ni gnyis med de la rtog pas mtshan mar 'dzin pa'o/ /der lhung ba ni zhes pa mtshon mar 'dzin pas lhung ba'o/ /yan lag tshang bar 'gyur zhes pa ni/ 'khor bar nyon mongs pa'o/ /mtshan med rtogs pa'i yon tan bstan pa'i phyir/ sa bon zhes pa la sogs pa smos te/ sa bon gcig pa ni rang gi sems/ /sdong po gnyis zhes pa ni bde stong gnyis so/ /rgyu mtshan de las 'bras bu gcig ces pa ni ro mnyam du'o/ /de yang dbyer med ni 'dres pa'o/ /gang sems pa ni sgom pa'o/ /de ni 'khor ba dang mya ngan las 'das par grol zhes pa ni/ mi gnas pa'i mya ngan las 'das pa

  607. 308a

    thob pa'o/ /de lta bu'i gang zag de la 'dod pa can ni don du gnyer ba'o/ /slong po 'ongs pa'i tshe/ de ni gal te 'gro na de ba med/ /ces pa ni/ 'gro ba gang la yang lan re ba med par ster ba'o/ /rang don med par gzhan don mi 'grub par bstan pa ni/ kham phor dum bu zhes bya ba la sogs pa smos te/ ji ltar slongs mo pa ni/ gzhan gyi don mi byed pa ni gzhan la phan pa mi 'dogs pa'o/ /'dod pa po la mi ster ba ni sbyin pa mi gtong ba'o/ /'khor ba'i 'bras bu gang yin la'o/ /zhes pa ni 'khor bar skyes pa don med du byas pa'o/ /de bas rang nyid dor bar byas na rung zhes pa ni bdag don du gnyer ba bor na rung zhes pa ste gzhan don bya'o zhes pa'o/ /yang na bdag gzhan gyi don med kyang ma zhen na 'khor ba'i nyes pas mi gos par ston te/ gzhan gyi don ni mi byed pa zhes pa ni phan 'dogs pa'i 'du shes mi byed pa'o/ /'dod pa po la mi ster ba ni sbyin pa'i zhen pa med pa'o/ /'khor ba'i 'bras bu gang yin la'o/ /zhes pa ni de la 'khor bas mi gos pa'o/ /de bas rang nyid bor byas na rlung zhes pa ni ngar 'dzin gyi zhen pa spangs pa'o/ /kham por dum bu la sogs pa ni dper na slong ba po la byin pa'i lan la mi re ba bzhin du lta bar bya'o zhes pa'o/ /bla ma'i zhal gyi bka' drin gyi/ /cung zad snying po'i don bshad pa/ /bdag gis dge ba gang bsags pas/ /'gro kun snying po'i don rtogs shog /do ha mdzad kyi bka' 'grel slob dpon chen po thar pa'i 'byung gnas spas pas mdzad pa rdzogs so// // rgya gar gyi mkhan po rgyal ba'i lha dang/ rgya lo tsa bas bsgyur ba'o// (//phyag rgya bzhi'i rgya cher 'grel ba rin po che'i snying po zhes bya ba bzhugs//) //rgya gar skad du/ mu drA tsa ri ta TI kA ra ta na h+ri da ya nA ma /

  608. 308b

    bod skad du/ phyag rgya bzhi'i rgya cher 'grel pa rin po che'i snying po zhes bya ba/ bcom ldan 'das smra ba'i skyes mchog 'jam pa'i dbyangs la phyag 'tshal lo/ /chos dbyings ye shes rtogs par dka' ba 'byung ba lnga rang bzhin/ /rdo rje snying po'i snying po ye shes snying gi pad+ma dang/ /mchog gi byin rlabs dkyil 'khor dam pa 'di nyid gtsor 'gyur pa/ /bla ma dam pa dag las snying po len pa'i gzhi yin phyir na legs btud de/ /e baM ma pa'i bdag nyid las dang chos dang phyag rgya dam tshig dang// gnyis med sbyor bas bdag don gzhan dang nges par phun tshogs pa/ /slob dpon blo bzang lta bu bdag gis legs par bshad par bya/ N/'di ni ku mu ta'i phreng ba lta bur rigs dang ldan par mnyam par rigs/ /'dod chags zhe sdang gti mug dang/ /nga rgyal phrag dog skyon bcas pas/ /bdag ni mi shes blun gyur te/ /nges 'byed sbyangs par mi rigs kyang/ /bla ma dam pa'i bkas bskul dang/ /lnga yi rtog pa lnga skyes phyir/ /rgyud rgyal dag dang rje btsun las/ /mthong ba'i don 'di bdag gis bri/ /de la nyes 'khrul ji snyed pa/ /rje btsun mchog dang dpa' bo'i tshogs/ /bdag byin rlob pa'i rnal 'byor mas/ /bzod pa chen po mdzad par 'os/ /de la bcom ldan 'das de bzhin gshegs pa gnyis su med par sbyor ba he ru ka /sku dang gsung dang thugs gsang ba zad mi shes pa'i ye shes mnga' bdag gis/ /rgyu smin par byed pa'i thabs las 'bras bu phyag rgya chen po'i dngos grub gdod nas gnas pa dag nges par bstan te/ de yang rgyu'i rgyud ni bsgrub pa po rten gyi gang zag /bskal pa rab kyi yang rab dang/ rab dang 'bring dang tha ma dag la go rims su bab pa'i gdams ngag bya ba'i rgyud dang/ spyod pa'i rgyud dang/ rnal 'byor gyi rgyud dang/ rnal 'byor bla na med pa dang/ gong na med pa'i rgyud dag la legs par sbyangs pas//

  609. 309a

    'bras bu sku bzhi dbyer med pa dag 'chad par 'gyur ro/ /de yang skyed pa yi ni rim dag dang/ /rdzogs pa yis ni rim pa gnyis/ /rim pa gnyis la brten nas ni/ /rdo rje 'chang gi chos bshad pa'o/ /zhes gsungs pa'i phyir ro/ /bskyed pa'i rim pa la phyi bskyed pa'i rim pa dang nang bskyed pa'i rim pa'o/ /rdzogs pa'i rim pa la/ rdzogs pa'i rim pa dang/ yongs su rdzogs pa'i rim pa dang/ ngo bo nyid kyi rdzogs pa'i rim pa'o/ /de dag kyang sgyu ma lta bu dang/ sems la dmigs pa dang/ rdo rje'i bzlas pa dang/ 'od gsal dang/ zung du 'jug pa'i bdag nyid du shes par byas la/ e baM ma ya'i mtshan nyid can gyi las kyi phyag rgya dang/ chos kyi phyag rgya dang/ phyag rgya chen po dang/ dam tshig gi phyag rgya rnams kyi bdag gi don dang gzhan gyi don phun sum tshogs par bya'o/ /de ltar rtog pa dang ldan pa dag gis thun mong gi don khong du chud par bya ba ste/ de yang brjod par bya ba dang/ ngo bo dang mtshan nyid dang/ skyabs su bab pa'i tshig gi brgyan par bya'o/ /de la brjod par bya ba ni dbang ste/ gsung rab las bum pa'i dbang ni dang po la/ gnyis pa gsang ba'i dbang yin te/ gsum pa shes rab ye shes so/ /de ltar de bzhin bzhi pa yang zhes gsungs pa'i phyir/ dbang gi don gyi gtso bo ni lhan cig skyes pa ste/ de yang sangs rgyas kun gyi sdom pa ni/ /e baM la ni rab tu bzhugs/ /zhes pas so/ /de yang dper na nor bu thams cad kyi mchog tu gyur pa ni/ yid bzhin nor bu rin po che su brtan 'bar ba yin pa bzhin du/ lhan cig skye ba yang de bzhin no/ /de bas na gsung rab las/ lhan cig skyes pa'i rang bzhin ni/ /mchog mdza' dga' bral dang po can/ /mun pa la ni mar me bzhin/ /de bzhin bus kyang yid ches kyis//

  610. 309b

    zhes gsungs pa'i phyir ro/ /ngo bo ni thabs dang shes rab ste/ /de yang gsung rab las/ /nyams su myong dang rang bzhin med/ /phan tshun res kyi rgyas btab pa/ /gnyis pa mi gnas thabs shes rab/ /he ru ka yi ngo bo yin/ /zhes gsungs pa'i phyir/ thabs dang bral ba'i shes rab kyang/ /chang ba'i mdza' dang bcas pa'o/ /shes rab dang bral ba'i thabs kyang rtag pa'i mdza' dang bcas pa'o/ /zung du 'jug pa ni dbyer mi phyed pa ste/ dpa' bo dang/ dpa' mo dang/ pad+ma dang/ rdo rje dang rgyu dang/ 'bras bu dang/ mi bskyod pa dang/ rdo rje 'chang dang/ nyams su myong ba dang/ rang bzhin med pa dang/ bskyed pa dang/ rdzogs pa dang/ 'khor ba dang/ mya ngan las 'das pa dang/ dngos po dang/ stong pa dang/ e dang/ baM dang/ a dang/ hUM dang/ nyi ma dang/ zla ba dang/ A li kA li dang/ kun rdzob dang/ don dam pa'i sgras thabs dang shes rab la rab tu sbyor bar bya'o/ /de yang 'jam dpal sgyu 'phrul dra ba las/ shes rab kyis ni 'khor ba min/ /snying rjes mya ngan 'das mi gnas/ /mdza' gnyis rnam par dor nas kyang/ /zung 'jug mi gnas pa nyid do/ /zhes gsungs pas kyang ngo/ /mtshan nyid ni snang ba dang stong pa ste/ stong par rtogs pa'i mtshan nyid du snang ba 'byung la/ /snang ba shar ba'i mtshan nyid du stong pa byung ste/ de bas na snang stong gsung rab tu gyur par shes par bya'o/ /de yang gsung rab las/ snang ba stong pa lhag 'gyur te/ /stong pa nyid kyi snang ba lhag /lhag pa stong pa nyid kyi phyir/ /snang stong bcom ldan 'das su bshad/ /ces gsungs so/ /gzhan yang stong par rtogs pa skye ba'i bla mar gyur pa ni shes bya sna tshogs su shar ba 'di dag ste/ sna tshogs ro gcig tu rtogs par byed pa'i bla ma ni stong pa nyid de/ de bas na snang stong slob dpon du gyur bar shes par bya'o/ /de

  611. 310a

    yang gsung rab las rnal 'byor pa yi bla ma btsal mi bya/ /shes dang shes bya bla ma mchog gyur nyid/ /rtogs pa gnyis don phyir na dam pa ste/ /'di bas mchog 'gyur bla ma gzhan ma mchis/ zhes gsungs pas so// gzhan yang snang ba'i tshe na ni nyams su myong la/ myong ba'i dus na skye ba med pa ste/ /de bas na snang ba sna tshogs pa 'di dngos grub pa ma yin te/ gcig dang du mas dpyad na rang bzhin med pa nyid/ /gtan med pa ri bong gi rwa lta bu ni ma yin te/ snang ba stong par 'grub pa'i rig pa yod la/ stong pa stong par bsgrubs pa'i rig pa dang bral ba'i phyir/ stong pa la snang ba ste/ de bas na snang ba'i tshe nyams su myong la/ /myong ba de nyid rkyen las skyes pa'i phyir skye ba med pa ste/ de yang 'phags pa zla ba sgron ma'i mdo las/ gang zhig rkyen las skyes par ma skyes/ /de las skye ba'i rang bzhin yod ma yin/ /rkyen las skyes pa gang de stong pa ste/ /gang gis stong nyid shes de bag yod yin/ /zhes gsungs pas so/ /de'i phyir nyams su myong ba ni bde bar nyams su myong ba dang/ stong par nyams su myong ba dang/ gnyis ming du myang ba las mi mda' ste/ de yang dbu ma spyan ras gzigs brtul zhugs la/ gang de nyams su myong ba ni 'gags te nus pa ma yin no zhes gsungs pas so/ /de bas na snang stong gis nyams myong skyed pa'i phyir gdams ngag tu shes par bya'o/ /de dag la gzhan dag ni/ thabs kyi rgyud sde rnam pa lnga mi dgos par 'gyur ba dang/ brgyud pa dang ldan pa'i bla ma bsten pa la don med par 'gyur ba dang/ rdo rje lu gu rgyud za ma tog zad mi shes pa dag la brtsal mi dgos so snyam pa la/ /de ltar ma yin te 'di dag ni chos kyi phyag rgya'i lam pa rtogs pa dang ldan pa'i gang zag gi dbang du byas pa'o/ /de bas na gsung

  612. 310b

    rab las/ khrus dang gtsang sgra 'dir mi dgos/ /dka' thub dka' spyad 'dir mi dgos/ /sangs rgyas rnams dang sems dpa' cher/ /rtag tu sbyor bas 'grub par 'gyur/ /gzhan du na las dang po pa rnams kyis ni/ /de bzhin gshegs pa'i rgyud dag las 'byung ba'i tshul gyis bla ma dam pa brten te/ de'i zhal gyi bdud rtsis rab tu brlan par bya'o/ /skabs su bab pa'i tshig ni e dang baM ste/ de yang phyag rgya bzhi'i go rims kyis pad+ma dang/ rdo rje dang/ sgra spyi dang don spyi dang/ bde ba dang stong pa dang/ yul dang yul can gyi khyad par gyis/ dbyibs dang sgra dang don dang mtshon pa'i dbye ba las gzhi blang bar bya'o/ /de yang gsung rab las/ rdo rje gdan la snyoms par bzhugs nas ni/ /byang chub sems kyi snying po de rtogs bya/ /zhes gsungs pa'i phyir mtshan dang ldan pa'i rig ma dang/ snang ba dang/ sems dang snying rje dang bcas pa'i smon lam ste/ 'di dag ni gdan no bye brag gi don ni/ las kyi phyag rgya lus la ste/ /chos kyi phyag rgya'i dag las so/ /phyag rgya chen po yid kyis te/ /dam tshig phyag rgya kun tu 'gro zhes pa'i phyir/ gsang sngags kyi theg pa rnams ni/ bla ma sngon du song ba las/ dngos grub rnam pa gnyis 'byung ba yin pas/ bla ma gtsor gyur pa yin pa'i phyir/ dag sngon du 'gro dgos pas chos kyi phyag rgya gtan la dbab par rigs so/ /de dag gis ni 'bras bu dang las kyi phyag rgya gnyis ga la snyeg par nus so/ /de la brjod par bya ba dang/ skabs su bab pa'i tshig ste/ ngo bo dang/ mtshan nyid dang/ phan yon du shes par bya'o/ /brjod par bya ba ni/ sgra'i rang bzhin bla ma'i gdams ngag ste/ /de yang rang gi tshig dang tshad ma dang/ /de don lus dang mi 'gal ba/ /de don spyod dang mthun pa ni/ /bla ma'i gdams ngag yin par gsungs zhes bya bas/ chos thams cad rkyen gzhan las skyes pa dang/ de nyid kyi ngo bo ma skyes pa dang/ tha mi dad par

  613. 311a

    rtogs par bya'o/ /skabs su bab pa'i tshig ni e dang baM ste/ bcom ldan 'das la lha'i dbang pos zhus pa'i mdo las/ chos kyi phung po brgyad khri dang/ /bzhi stong dag gi grangs snyed kyi/ /kun gyi gzhi dang pha ma ni/ / yi ge gnyis ni yang dag bstan/ /zhes bya bas/ bcom ldan 'das kyi gsung rab rnams kyi gleng gzhi tshig gam don mdor bsdus pa ni de nyid do/ /ngo bo ni snang ba dang stong pa ste/ de yang de nyid las/ yi ge e ni mar gyur la/ /baM ni pha zhes bya bar grags/ /thig le de gnyis sbyor ba ste/ /sbyor de shin tu smad byung ba'o zhes bya bas gnyis su med par sbyor ba'o/ /gang la gnyis kyi 'du shes med par sbyor ba ni lhan cig skyes pa'i ye shes so/ /mtshan nyid ni brjod par bya ba dang/ rjod par byed pa ste/ de yang e stong pa'i ngo bor brjod par bya ba yin la/ baM bde ba'i ngo bor rjod par byed pa'o/ /de yang bla ma'i gdams ngag sgra spyi'i rnam pa ni rjod byed du shes par bya ste/ des bstan pa'i rtogs pa bde stong don spyi'i rnam pa ni/ brjod byar rtogs par bya'o/ /de dag la byang chub sgrub pa'i thabs yod dam zhe na/ de yang dang po sgra dang don gyi e baM las/ skad cig ma bzhi rims kyis 'byung la/ de las dga' ba bzhi skyes pas nyon mongs pa bag chags dang bcas pa spong ste/ 'bras bu phyag rgya chen po rang chags su 'char ba ni don che ba'o/ /de dag las smon lam dang snying rje'i stobs kyis gzugs sku rnam pa gnyis sems can gyi snang ba la 'byung ba ni phan yon che ba ste/ de yang chos kyi phyag rgya'i yi ge gnyis/ /de nyid shes pa gang gis shes/ /des ni sems can thams cad la/ /chos kyi 'khor lo bskor bar 'gyur zhes pa'o/ /de lta bu'i chos kyi phyag rgya la 'jug pa'i nus pa med pa dag gi gang gis/ las kyi phyag rgya la 'jug par bya ste/ de yang dpe'i ye shes su

  614. 311b

    rig pa dang/ chos kyi 'byung gnas su rig pa dang/ btsan thabs kyi rnal 'byor sun byung la/ yang dag pa'i dbang dper gzhag pa dang/ 'phel bar byed pa 'brel ba'i tshul gyis nyams su blang ba'o/ /de la yang chos kyi phyag rgya la skad cig bzhi dang dga' ba bzhi ji ltar rtsi ba bzhin/ las kyi phyag rgya la yang yod pa'i phyir dang/ 'dra ba'i phyir na dngos ma yin te/ mtshon cha mtshon par nus la/ mtshon byed nyams su myong ba'i phyir dang/ thabs kyis ma zin na 'khor ba 'byung ba la/ thabs kyis zin na mya ngan las 'das pa 'byung ba ni/ e ni pad+ma nyid 'gyur la/ /baM ni rdo rjer bshad pa ste/ /thig le de ni sa bon yin/ /de las 'gro ba rnams gsum skyes/ /zhes bya ba dang/ e yi cha byad bzang po la/ /dbus su paM gyis rnam par brgyan/ /zhes bya ba la sogs pa bstan pa'i phyir dang/ drag po'i dbang bskur ni rtog pa dang go rims gnyis la 'khrul la/ dbang bskur ngan pa ni rtog pa las 'khrul pa nyid kyi phyir dang/ yang dag gi dbang bskur ni/ rtog pa dang go rims la ma 'khrul ba'i phyir dang/ de yang dbyibs kyi e baM pad+ma dang/ rdo rje snyoms pa dang/ skad cig ma'i bye brag gis nyon mongs pa bag chags dang bcas pa rim gyis spangs pa las/ mtshon byed nyams su myong la mtshon bya mtshon par nus pa'i phyir ro/ /de lta bu'i las kyi phyag rgya la rjes su 'jug par mi nus pa rnams ni dam tshig gi phyag rgya la 'jug par bya ste/ de yang sbyor ba rnam pa gsum dang/ skye ba bzhi'i tshul dang/ rnal 'byor rnam pa bzhi dang/ sgrub pa po'i dbang du dran pa gcig gi rdzogs pa dang/ cho ga gsum dang lngas bskyed pa ni/ kun tu brtags pa dag par byed pa'i gzhan dbang gi blos sbyod bar byed pa nyid do/ /de yang dam tshig gi phyag rgya'i lhan cig skyes pa ni/ /thabs dang shes rab kyi nyi zla kha sbyar ba'i dbus na/ bde ba dang stong pa'i ngo bo can gyi

  615. 312a

    thig le gnyis gnas pa ni/ kha dog dang dbyibs su grub kyang/ rang gi mtshan nyid nyams su myong ba dag la/ shes rab ye shes bstan par bya'o/ /des dpe nyams su myong yang don gyi spyi'i rnam par rtog pa dang bral zhing nyams su ma myong ba dag la skyes pa dang ma skyes pa dang tha mi dad par bstan par bya'o/ /de nyid la goms na don rang gi mtshan nyid du 'gyur ro/ /de dag gi thun mong gi don mdor bsdus te bstan pa'o/ /de ltar thun mong gi don de dang ldan pa rnams ni pha rol tu phyin pa'i theg pa chen po las khyad par du 'phags pa ste/ de yang sgron ma gsal ba'i rgyud las/ don gcig na yang ma rmongs dang/ /thabs mang dka' ba med pa dag /dbang po rnon pos dbang byas kyang/ /sngags kyi theg pa khyad par 'phags/ /zhes gsungs pa'i phyir/ don rab tu mi gnas pa'i dbu ma'i gnas lugs dang/ /phyag rgya chen po gnas lugs la/ dgag sgrub dang bral ba'i phyir/ gcig gis kyang bsgrub pa'i dus kyi gang zag gi lam la khyad par yod do/ /dbu ma ni lung dang rig pas gtan la phab pa ste/ rmongs pa yin la 'di dag ni gdams ngag gi khyad par du byas pa'i phyir ma rmongs pa ste/ de yang gsung rab las/ brgyud pa byin brlabs cher ldan zhing/ /dbang gi man ngag dang bcas pa/ /brda yis go bar byas pa nyid/ /mtshan nyid myong phyir ma rmongs pa'o/ zhes bya bas kyang ngo/ /pha rol tu phyin pa'i theg pa ni tshogs gnyis kyi rang bzhin sbyin pa dang tshul khrims dang/ bzod pa dang/ brtson 'grus dang/ bsam gtan dang/ shes rab thabs su gyur pa yin la/ 'di ni dam tshig gi phyag rgya kun brtags la rgyas 'debs par byed pa dang/ las kyi phyag rgya nyon mongs pa lam du slong bar byed pa dang/ chos kyi phyag rgyas rtog pa ye

  616. 312b

    shes su 'bar bar byed pa'i lam rnams thabs su 'gyur ba'o/ /pha rol tu phyin pa ni dka' ba dang bcas pa ste/ spang bya'i nyon mongs pa spong bar 'dod la/ spong byed kyi gnyen po bsten par 'dod pas bzhi spong ba'i lam pa ste/ bskal pa grangs med pa gsum gyis 'tshang rgya bar gsungs so/ /'dir ni dbang gis rab tu byed pas mngon par zhen pa dang bcas pa'i blo'i bdag nyid spangs te/ gnyis med kyi ye shes ci yang ma yin pa nyid rtogs pas 'tshang rgya ba'i phyir dka' ba med pa'o// pha rol tu phyin pa'i theg pa la ni dbang po 'bring dang tha mas kyang 'jug par nus la/ 'dir ni dbang po rab 'ba' zhig gi spyod yul yin gyi gzhan gyi spyod pa ma yin pas khyad par du gyur pas te/ de dag gis ni thun mong ma yin pa'i don brjod pa'o/ /da ni tshig go don bshad par bya ste/ dang por rje btsun pa nyid la yang rabs kyi tshul dang mthun par bya ba'i phyir dang/ bkra shis par bya ba dang/ gzhung bsdu ba dag la bar du gcod pa nye bar zhi bar bya ba'i don du/ bya ba la 'jug pa'i sngon rol du yul rang gi 'dod pa'i lha la mchod par brjod pa ni/ rnam dag ye shes de rang bzhin/ /rdo rje sems la phyag 'tshal te/ zhes bya ba ste/ de yang dang por don gyi rang bzhin la mchod par brjod pa dang/ de'i tshig gi don gsal bar bya pa'o/ /de la chos kyi sku ni rnam par dag pa'i ye shes te/ yod pa dang med pa dang/ gnyis dang gnyis ma yin pa'i mdza' las 'das pa/ dri ma dang bral ba'i cha/ sgro skur gyi dben pa shes shing brjod pa'i yul las 'das pa blos yul du ma byas pa ste/ phyag rgya chen po'o/ /de las longs spyod rdzogs pa dang sprul pa'i sku snang ba ni/ sems can gyi blos gzhag pa la/ /gnyug mas bsdus pas dbyer mi phyed pa'i phyir/ ngo bo nyid kyi sku de'i rang bzhin no/ /de yang bde ba stong pa

  617. 313a

    dbyer mi byed pa'i bde ba chen po ste/ rdo rje sems dpa' o/ /de yang rdo rjes ni stong pa nyid mtshon pa yin la/ sems dpas ni snying rje mtshon pa dang bcas pa'i bde ba bstan par shes par bya'o/ /de yang gsung pa las/ sra zhing brtan la mkhregs pa ste/ /gcad med gzhig tu med mtshan nyid/ /bsreg tu med cing gzhom du med/ /stong nyid rdo rje zhes byar brjod/ ces gsungs pas so/ /gzhan yang/ stong nyid myong pa bde sems pa/ /sems dpa' de yis gzhan sems nyid/ /bde dang snying rje dbyer med pa/ /de ni snying po'i sems dpa' o/ /de dag la gnyis med kyi tshul du phyag 'tshal ba ni/ /mchod pa thams cad kyi phul du gyur ba ste/ ji ltar chu la chu bo zhag dang/ /ji ltar mar la mar/ bzhag bzhin/ /rang rig yid kyi ye shes kyi/ /de rtogs pa ni 'dir phyag yin zhes 'byung bas so/ /tshig gi don gsal bar bya ba ni/ rnam dag ces bya ba ste/ de'i mtshan nyid rnam par gzhag pa ni/ phung po lnga rnam par dag pas/ rigs lnga'i bdag nyid du bltas la/ de nyid rnam par dag pas mi bskyod pa rnam par shes pa'i ngo bor mthong par bya ste/ de yang rang rig ye shes su blta ba dang/ rnam pa thams cad de'i rang bzhin du zhes pa dag la/ rnam par thar pa'i sgo stong pa nyid dang/ mtshan ma med pa dang/ smon pa med pa'i stong pa nyid kyi rdo rje las/ dmigs pa med pa'i snying rje chen po'i sems dpa' longs spyod rdzogs pa dang/ sprul pa dang/ bla ma rje btsun pa dpal mgon gyis tshogs su gyur pa rnams la/ thun mong dang mchog gi dngos grub nye bar rnyed pa'i don du phyag 'tshal po'o/ /te zhes bya ba ni bya ba ma 'ongs pa la ltos pa'i tha tshig ste/ bsod nams kyi mthus zhing khyad par gyi byin brlabs kyi mi mthun pa'i phyogs gsal te/ brtson

  618. 313b

    'grus kyi stobs kyis bshad par dam bca' ba'i don to/ /de yang rgyas gdab pa'i bdag nyid kyis rnam par dag pa byed pa ni dbang la rag las te/ de yang rim gyis 'jug pa'i tshul la bum pa'i dbang sngon du 'gro ba'i phyir/ dam tshig gi phyag rgya rgyur gnas pa zhan du bshad par bya'o/ /de la yang dbang dkyil 'khor la brten pa ste/ de yang bum pa rtog pa rags pa'i gang zag gi spyod yul yin pa'i phyir/ rdul tshon gyi dkyil 'khor bsam par bya ste/ de la bsnyen pa dang sgrub pa rnam pa gnyis pa/ /bsnyen pa yang dus dang grangs dang mtshan mar shes par bya'o/ /bsgrub pa la slob dpon las kyi cho ga dang slob ma 'jug pa'i cho ga'o/ /de la sa'i cho ga dang/ sta gon dang/ thig bre ba dang/ tshon bri ba dang/ dkyil 'khor byin gyis brlab pa dang/ bum pa dgram pa dang/ dkyil 'khor zhag gi cho ga dang/ slob dpon bdag nyid 'jug pa'o/ /gzhan la ni 'jug pa dang/ dbang bskur ba ste/ dang po la ni gsol ba gdab pa dang/ mi gdab pa dang/ khyad par gyi don dri ba dang/ yon dbul ba dang/ nang du 'jug pa dang/ dam bsgrags pa dang/ mna' bsgrag cing mna' chu blud pa dang/ dka' bsgo ba dang/ ye shes dbab pa dang/ me tog dor ba dang/ mthong ba dri ba dang/ gdong g.yogs dgrol pa dang/ rang gi rigs kyi lhar dbang bskur ba dang/ lha ngo bstan pa'o/ /gnyis pa dbang bskur ba la ni/ rdo rje slob ma dang slob dpon gyi dbang bskur ba'o/ /de la chu dang cod pan dang rdo rje dang bdag po dang/ ming gi dbang rnams ni ma rig pa'i nyon mongs pa yid kyi rnam par shes pa dang/ sgo lnga'i rnam par shes pa dang/ nyon mongs pa can gyi yid dang/ kun gzhi rnam par shes pa dang/ bzung ba dang 'dzin pa bcom nas/ rig pa'i ye shes me long lta bu dang/ mnyam pa nyid dang

  619. 314a

    so sor rtog pa dang/ bya ba nan tan dang/ chos kyi dbyings kyi ye shes rtogs la/ rigs lnga'i dbu rgyan du byung ba'i phyir rig pa dang dbu rgyan du rigs la 'brel pa'i phyir bum pa'i dbang dang bsgrub pa las gzhan ma bshad pa'i phyir slob ma'i dbang du yang rigs so/ /de ni de dag gi rtog pa rnam par 'gyur ba bshad par bya'o/ /de yang gsung rab las/ blugs shing dag par byas pa yis/ /rtogs dang ldan pa'i dbang du brjod ces gsungs pa'i phyir rang gi lhag pa'i lha'i dkyil 'khor gnyis su med pa'i sbyor bas/ zhu ba'i ye shes kyi bdud rtsi'i chus spyi gtsug tu blugs pa tsam nyid kyis/ byin brlabs dang ting nge 'dzin dang/ sngags kyi nus pas sgrib pa rnam pa gnyis kyi dri ma 'khru bar byed do/ /gnyis pas ni phyag rgya chen po'i dngos grub ma thob kyi bar du gzhan don dpag bsam gyi shing lta bur byed pa dang/ che ba'i yon tan nor bu rin po che lta bur 'byung ba/ dbu'i gtsug tor ltar mi mthong pa thob pa'o/ /gsum pa ni brdar shes par bya ste/ brda de dag gis mtshon pa'i don rtogs par bya'o/ /de la lte ba ni chos kyi dbyings mdza' thams cad dang bral ba ste/ rgyu mad pa dang/ rnam rtog gi tshogs dang bral ba dang/ rtag chad kyi mdza' gang la yang mi gnas pa'i brdar yi ge hUM gis mtshan pa ste/ de rtogs par bya ba la ni pad+ma las 'bras bu 'byung ba bzhin/ 'khor ba'i pad+ma las phung po rnam pa lnga'i 'bras bu 'byung ba'o/ /de la rigs lngas rgyas gdab pa'i phyir rwa lnga'o/ /de la rnam par shes pa'i ngo bo mi bskyod pa'i rgyas gdab pa'i phyir/ rwa bzhi dbus la 'dud pa'o/ /de la rdo rje 'chang gis rgyas gdab pa'i phyir/ rwa'i rtse mo la rnam thar sgo gsum gyi bdag nyid me tog kha phye ba gsum gsum gyis mtshan pa'o/ /bzhi pa ni yi

  620. 314b

    ge a las bskyed pa'i phyir chos thams cad skye ba med pa yin la/ sor bcu gnyis su gnas pa ni/ de rtogs pas ma rig pa la sogs pa rten 'brel bcu gnyis zad par byed pa'o/ /nad khong stong du gnas pas gsal ba ma yin te/ ngo bo stong pa nyid yin pa'i phyir ro/ /khor yug la rdo rjes bskor ba ni/ 'khor ba ji srid pa de srid la/ chos kyi sku'i rgya dang bcas pa'i don to/ /pad+mas steng g.yogs pa ni de bzhin nyid rtogs na/ 'dod yon rten kyang 'khor ba'i skyon gyis mi gos pa'i don to/ /de la nyams su myong ba'i mgrin pa dang/ the tshom med pa'i bum pa dang/ sgro ma btags pa'i pad+ma dang/ ye shes rnam pa lnga'i rwas brgyan pa'i don to/ /sgra 'byung ba ni rtogs pa de dang ldan pa'i bsgrub pa po dag la/ dus rtag tu stong pa nyid kyi sgra dang mi 'bral ba'i don to/ /lnga pas ni go 'phang dang/ skal pa dang ldan pa dang/ snga ma'i ming dor ba la rtogs pa gsum ste/ spyod pa'i gdung ba dang/ dmigs pa dman pa dang/ 'bras bu'i ni smod pa dor ba'i tha tshig go /phyi ma ming btags pa ni dus thams cad du rigs kyi mos pa dang mi 'bral bar byas pa'i don to/ /de dag ni rdo rje slob ma'i dbang gi bshad pa'o// //slob dpon gyi dbang bskur ba la ni/ dam tshig gsum dang/ snod du bya ba dang/ rjes su snang ba dang/ rdo rje brtul zhugs dang/ lung bstan pa dang/ gzengs bstod cing dbugs dbyung ba'o/ /de yang thugs kyi dam tshig /thugs rdo rjer byin gyis brlab pa dang/ gsung gi dam tshig dril bu gsung rdo rjer byin gyis brlabs pa g.yas g.yon du byin pa dang/ sku'i dam tshig rang gi rigs kyi lha'i nga rgyal du bsgom par gnang ba byin pa'o/ /dkyil 'khor gyi de kho na nyid dang/ lha'i de kho na nyid ni/ byang chub kyi phyogs kyi chos sum cu rtsa bdun la sogs pa dang sbyar ro/ /dkyil 'khor dang

  621. 315a

    bsgrub pa'i thabs ni bsnyen pa dang bsgrub pa'o/ /slob dpon gyi las ni dbang bskur ba dang/ rab tu gnas pa dang/ sbyin sreg la sogs pa'o/ /bdud rtsi rnam pa lnga bsten pa ni/ go rims spyad thabs mkhas par bya'o/ /rjes su gnang bas ni/ gzhan ma smin pa dang/ ma grol ba ni/ smin pa dang grol bar byed pa'o/ /rdo rje brtul zhugs kyis rtag tu byang chub sems dang mi 'bral bar bya'o/ /lung bstan pa dag gi phyir mi ldog pa go bar bya'o/ /gzengs bstod cing dbugs dbyung bas ni/ sngags kyi theg pa 'di dag gzhan las khyad par du ston pa'am/ go 'phang dang skal ba dang ldan zhes bya ba'i tha tshig go /de thams cad kyang chu dang ldan par bya ste/ gsung rab las/ sems can rnams kyi dngos grub rgyur/ /dbang ni rnam pa bzhi ru brjod/ /blugs shing bkrus pa 'di yis ni/ /dbang zhes bya bar nges par brjod/ ces gsungs pa'i phyir ro/ /de dag gi rtog pa yang dus rtag tu rang bzhin med pa'i nyams dang mi 'bral ba dang/ chos kyi phung po brgyad khri la sogs pa shod cig pa dang/ lha'i nga rgyal dang mi 'bral bar bya ba dang/ brtan pa dang g.yo ba'i zhen pa bzlog pa dang/ 'bras bu lam du khyer ba'i gzhan don thog ma nas grub par bya ba dang/ kun tu brtags pa la gzhan dbang gis rgyas gdab pa dang/ mi rtogs pa 'bel bar bya zhing rtog pa zhi bar bya ba dang/ zhi ba dang/ rgyas pa dang/ dbang dang/ drag? po dag gi phrin las kyis sdig pa zhi ba dang/ bsod nams rgyas pa dang/ gzhan dbang du 'gyur ba dang/ mi mthun par tshar gcad par nus pa ste/ de gzhan don du 'gyur ro/ /dbang bskur ba'i las de dag la nus pa khyad par can 'byin par byed na ni/ 'di de sangs rgyas thams cad kyi/ /phyag na rdo rje'i lag na 'dug /khyod kyis kyang

  622. 315b

    ni rtag tu bcad/ /phyag na rdo rje'i brtul zhugs brtan zhes bya bas so/ /gzhan dag la ni 'khor ba las gzhan pa dang/ de ma yin pa'i sar mi ltung ba dang/ des don du 'gyur bar bya ba'o/ /gzhan ni nan tan dang bcas pas bsgrub ces bya ba'i tha tshig go /bdag nyid nga rgyal dang ldan pa'i phyir rdo rje sems dpa' dbang yin pa dang/ nus pa'i phyir slob dpon gyi dbang dang 'brel ba'i phyir/ bum pa'i dbang dang khyad par gyi phyir log pa'i dbang dang/ bya ba sna tshogs la 'jug pa'i phyir 'khor los sgyur ba'i dbang zhes bya ba'o/ /de dag gi rgyud dam tshig phyag rgya ste/ bum pa'i dbang mdor bsdus te bstan pa'o// //da ni brtul zhugs kyi de nyid kyi bshad par dam bca' ba ston te/ phyag rgya bzhi'i rim mdor bsdus pa/ /bdag nyid go cha'i don du bshad/ ces bya ba las/ phyag rgya ni 'debs pa'i don dang/ mi mda' ba' i don te/ lus ngag yid gsum la lhan cig skyes pas 'debs pa dang/ chos snang zhing grags pa la skye ba med pas 'debs pa dang/ nyams su myong ba la yid la mi byed pas 'debs pa dang/ gzhan gyi don la smon lam dang snying rje'i mthus 'debs pa'o/ /bde ba dang stong pa dang shar ba gnyis med las mi 'da' ba' o/ /bzhi ni grangs nges par bzhag pa ste/ de yang gang zag bzhi la shis shing/ dbang bzhi dkyil 'khor bzhi la brten pa'i tshul gyis gnas bzhir bskur bas/ mi mthun pa bzhi dag cing sdams pa bzhi dang ldan pas/ 'bras bu sku bzhi rang chas su 'char ba'i phyir ro/ /rim pa ni rim gyis 'jug pa'o/ /don ni rgyud sde rnam pa lnga'i don te/ de gang zag gi lam du bsdus pa'o/ /de yang gzhan dbang po shin tu zhan zhing bskal ba dang mi ldan pas mi reg pas/ rtogs pa skye bar mi 'gyur yang/ rje btsun pa bdag nyid go bar bya ba'i don du'o/ /skal ba dang ldan pa gzhan dag bkag pa ni med de/

  623. 316a

    de dag gi don du 'gyur par bya ba'i phyir yang bshad do/ /de yang/ don med ma yin brjod bya dang/ /dgos med ma yin yang dgos dang/ /'brel dang bcas pas bshad par bya/ /zhes bya ba'i tha tshig brjod par bya ba dang/ dgos pa dang dgos pa'i dgos pa dang 'bres ba'o/ /de la dang po la ni brjod bya dang rjod byed do/ /de yang sgra spyi rnam pa dang/ don spyi'i rnam pa dang/ sgra rang gi mtshan nyid dang/ don rang gi mtshan nyid kyis gsang sngags kyi rgyu lam 'bras bu dang bcas pa'o/ /de yang thun mong ma yin pa'i nges shes dang/ sde stong spyi'i rnam pa nyams su myong ba dang/ de rang gi mtshan nyid du gyur pa las/ gzhan gyi don 'byung ba dang 'brel pa dang/ 'bris pa dang/ khyad par can gyi don ston nus pa de dag med na mi 'byung ba tsam nyid kyi don to/ /de bas na/ bsgrub mi nus dang don med dang/ /dman pa la sogs ma yin pas/ /don dang ldan pa'i chos 'di ni/ /brtsoms par yang ni rigs pa yin/ zhes bya bas kyang ngo/ /da ni gzhung nye bar bsdu bar bya ba ston te/ gzhan dag ni chos 'di dag bstan pas/ dgos pa khyad par can med do snyam pa la bstan par bya ste/ 'dir blun po dag ni phyag rgya bzhi go rims la 'khrul cing rmongs pa dang/ shin tu rmongs pa dang/ dka' ba can dag dang srid pa'i rgya mtshor shin tu sdug bsngal bar gyur cing 'khyams pa la/ bde bar phyag rgya bzhi'i don rtogs shing khong du chud par bya ba'i phyir zhes bya ba la/ 'dir ni khyad par gyi lam 'di dag du'o/ /blun po dag ni mi shes shing 'og nas 'byung ba rnams so/ /phyag rgya bzhi bshad zin no/ /skad cig bzhi'i go rim la 'khrul cing/ rtog pa la rmongs pa phyi rol pa dang khyad med pa'i phyir/ drag po'i dbang bskur ro/ /shin tu rmongs pa dang zhes bya ba ni dbang bskur ngan pa rnam te/

  624. 316b

    go rims la ma 'khrul ba'i rjes la/ mi rigs pa'i phyir ro/ /dka' ba can dag zhes bya ba ni/ rnal 'byor spyod pa bdag dang dbu ma pa ste/ bskal pa grangs med pa gsum gyi sangs rgyas zhes gsungs pa'i phyir ro/ /srid pa'i rgya mtshor shin tu sdug bsngal bar gyur cing zhes pa ni/ nub phyogs pa dang/ kha che bye brag tu smra ba ste/ de dag ni khams gsum gyi srid pa rgal dka' ba'i rgya mtshor bdag tu lta ba'i nad kyis shin tu sdug bsngal bar gyur cing bde bas dben pa'o/ /'khyams pa la zhes bya ba ni/ phyi rol dang so so'i skye ba ste/ don med pa'i phyir ro/ /de lta bu dag la rgyu lhan cig skyes pa dang/ lam skye ba med pa dang/ 'bras bu bde ba chen po las/ 'byung ba tha mi dad pa ni bde bar 'byung ba'o/ /phyag rgya bzhi'i don rtogs nas zhes bya ba ni/ las kyi phyag rgya dbang gi dus su dang/ chos kyi phyag rgya don ci'i rnam pa 'tshar ba'i dus su dang/ phyag rgya chen po don rang gi mtshan nyid ji lta bu'i dus dang/ dam tshig gi phyag rgya mngon du gyur cing smin pa'i dus su'o/ /khong du chud par bya ba'i phyir zhes bya ba ni/ dang pos bde ba khong du chud par byed do/ /gnyis pas stong pa khong du chud par byed do/ /gsum pas dbyer mi phyed pa khong du chud par byed do/ /phyir zhes bya ba ni dgongs pa ste/ blun po shes rab can du bya ba'i tha tshig go /de la dbang po rab 'ba' zhig gi spyod yul yin zhes pa dang 'gal lo zhen ma yin te/ blo chung byis pa lta bu la/ /ma lta bu'i bla ma yis/ /gdams ngag bcud kyi spyad byas nas/ /bla med theg pa'i rten du 'gyur zhes bya bas rten cing 'brel te/ blo sbyangs pa la yin gyi/ ma sbyangs pa la ni ma yin no/ /de yang rang ? ma yin te/ tshad ma dang ldan par bya ba'i phyir/ rgyud bzang po dag gis rjes su 'brangs nas shes bya ba ston te/ de la rgyud ni rgyun te/ de rnam pa gsum du 'gyur ba ni

  625. 317a

    rim pa gnyis kyi mtshan nyid can de/ phrog tu med cing gzhan gcod par byed pa'o/ /bzang po ni pa'i rgyud gsang pa 'dus pa dang/ ma'i rgyud bde ba mchog gi 'khor lo dang/ rtog pa sum cu rtsa gnyis pa dag gi rjes su 'brangs nas mdzad pa'o/ /rgyud de dag dang ldan yang thun mong ma yin pa'i don ston par mi 'gyur ram snyam pa la/ bla na med pa'i khyad par can bstan par bya ste/ bde ba chen po dngos grub bsgrub pa'i thabs zhes bya ba la/ bde ba chen po ni sgro skur dang bral ba ste/ don gzhan la mi ltos pa ci yang ma yin pa'i ye shes ma bcos pa'o/ /de yang/ rang bzhin bcos ma ma yin pas/ /don gzhan la ni ji ltar ltos zhes pas so/ /gal te dngos po rnams rang bzhin med pa yin na/ rnam pa sna tshogs pa'i phyir snang ba zhe na/ nyes pa med de so so'i skye bo ma rig pa'i rab rib kyis mig nyams par byas pas so/ /dngos po rnams rang bzhin med pa la/ rang bzhin sna tshogs su rtags su zad kyi/ rnal 'byor pa ma rig pa'i dri ma dang bral ba'i blo gros kyi mig can la ni ma yin no/ /de yang gsungs rab las/ e ma kun tu bzang po yis/ /sku dang gsung thugs rdo rje can/ /skye ba med pa'i tshul gyis so/ /skye ba 'di ni rab tu bsgrags zhes bya bas/ skye med sna tshogs su shar ba la/ tshu rol mthong ba'i gang zag gis/ mdun du snang ba tsam gyi 'jug tu zad kyi/ don la mkhas pa dag gis skye ba med pa nyid do/ /de rtogs nas de tsam du mi 'dzin pa ni bde ba chen po'o/ /dngos grub ni mchog gi dngos grub ste bcu bzhi pa'i sa'o/ /de yang 'di ltar myur du bsgrub pa ni lnga pa dang ldan pa'i thabs so/ /gal te rgyud dang gdams ngag gis de kho na nyid yod kyis kyang/ brtsam pa'i tshad dang mi ldan no snyam pa dag la bshad par bya'o/ /don rab dang ldan par brtsams te

  626. 317b

    zhes bya ba ni/ chos thams cad de kho na nyid/ sngar ma mthong ba'i don rab mthong ba ni/ mthong ba'i lam ste stong pa nyid kyi ye shes so/ /de yang gsung rab las/ dngos po thams cad dang bral ba/ /phung po khams dang skye mched dang/ /gzung dang 'dzin pa rnam spangs pa/ /chos bdag med pa'i mnyam nyid las/ /rang sems bzod nas ma skyes pas/ /stong pa nyid kyi rang bzhin no zhes bya ba de dang ldan pa brtsams pa ste/ rje btsun gyi 'di dag don med pa'i bstan bcos su mi 'gyur ro/ /de dag la gang zag gyis sgrub par bya zhe na/ dbang po mchog gis rnyed pa'i phyir/ dam pa dang mtshungs pas shin tu sgrub par bya'o zhes bya ba ni sngon du song ba'i mthu las grub pa ste/ de yang dge ba'i bshes gnyen bsten pa dang/ tshogs gnyis su bsags pa dang/ gnyug ma la sbyangs pa dang/ smon lam chen po btab pa dag gis bla ma la gus pa dang/ gdams pa la nges pa dang/ gdams ngag nyams su myong ba dang/ zab mo la mi skrag pa ni dbang po mchog ste/ de dag gis bsgrub bya rnyed pa'i phyir bsgrub pa'o/ /de yang bla ma dang mi ldan na dngos grub nye bar rnyed par mi 'gyur te/ bla ma dam pa rgyud pa dang byin gyis brlabs sman lta bu dang/ mkhas pa rnyog pa med pa mtshungs pas shin tu bsgrub par bya'o/ /de dag gis ni dgos pa tshad ma dang bcas pa bstan pa'o/ /da ni rtog pa lta bar bya ba'i phyir mdor bstan par bya ste/ de la phyag rgya bzhi zhes bya ba ni/ las kyi phyag rgya dang/ chos kyi phyag rgya dang/ phyag rgya chen po dang/ dam tshig gi phyag rgya'o/ /zhes bya ba la/ las ni bde ba ste/ phyag rgya ni dus kyi sna rtse tshad du 'dzin pa'o/ /chos ni phung po la sogs pa skye med du rtogs pa ste/ phyag rgya ni bla ma'i gdams ngag gi tshad du 'dzin pa'o/ /chen po ni bde stong gnyis med de/ phyag rgya ni yid la mi byed pas lta ba 'dzin pa'o

  627. 318a

    dam tshig ni phun sum tshogs pa'i don te/ phyag rgya ni gzugs sku rnam pa gnyis kyis gzhan don chad du 'dzin pa'o/ /da ni de nyid rgyas par bshad pa ni/ de la las kyi phyag rgya rang gi ngo bo brtag par bya ste/ las ni lus ngag yid gsum mnyam pa ste/ bsam pa gtso bo yin la/ phyag rgya ni bla ma'i gdams ngag gi rang gi ngo bo brtags pa'o/ zhes bya ba la/ las kyi phyag rgya rang gi ngo bo ni lhan cig skyes pa ste/ der spyod pa gzhan gyis brtag par bya ste/ sbyor ba ni las su shes par bya'o/ /de la mig lta ba dang/ lce pa zhib pa dang/ ma mchu so yis bzung ba dang/ 'o bya zhing 'khyud pa dang/ nu ma mnyel ba dang/ g.ya' bslang ba dang/ ka ko lar po la bskyod pa ni las so/ /chags? pa ni gtam gleng ba dang/ rdo rje'i bzlas pa ni ngag go /rdo rje pad+ma'i byin gyis brlabs pa dang/ rdzogs pa'i sangs rgyas kyi blo yod pa ni yid kyi las te/ de dag ni gsang ba nang gi dbang la yang shes par bya'o/ /nang la ltos nas phyi yod dam zhe na/ phyi la ltos nas ma smin par bya ba yang yod do/ /gsung rab las/ khru gsum mtheb sor gsum lhag pa/ /dkyil 'khor dag gis bya ba yin/ /rigs lnga dag las byung ba ni/ /rig ma der ni gzhug par bya/ /zhes gsungs pa ni/ gong du bshad pa'i bum pa'i dbang ngo/ /ma smin pa la yang gsang ba'i dbang mi thob pa ni ma yin te/ de nyid las yang na gang de ji ltar rnyed/ bcu drug lo lon de bzhin duAng/ /ji srid shu kra ldan 'gyur pa/ /de srid bu ni phyag rgya bsten/ zhes bya bas shes par bya'o/ /gsang ba phyi dbang ni/ slob dpon yab yum snyoms par zhugs pa'i/ e baM ma ya yongs su gyur pa'i byang chub kyi sems pad+ma rdo rje las dag gi rtse mos blang bar bya ste/ lan gsum gyi sbyor bas zag pa med pa'i ye

  628. 318b

    shes skye ba'i rgyur 'gyur ro/ /de yang gsung rab las/ phyag rgya'i gdong ni g.yogs pa dang/ /thabs kyi gdong yang de bzhin te/ /de la brten pas gang byung ba/ /slob ma'i khar ni sbyin par bya/ /zhes bya ba'i tshul gyis so/ /skal ldan slob ma de dag gis kyang 'di ltar shes par bya ste/ shu kra phyag rgyas mi sbyin zhing/ /nya phyis dung chos dag tu min/ /pad+ma rdo rje gnyis dag las/ /'chi med lce yis blang bar bya zhes bya ba'i don las mi nyams par bya'o/ /gsang ba nang gi dbang ni/ rnam par smin pa'i skad cig ma mchog gi dga' ba pad+mar nyams su myong bar byas la/ rang rig pa'i ye shes dang bcas pa'i ro gcig pa'i de nyid mthus bzlog par bya'o/ /de yang gsung rab las/ der yang slob ma'i spyod yul ni/ /ro gcig par yang bya ba nyid// ces bya bas rab tu rtogs par bya'o/ /bsam pa gtso bo yin la zhes bya ba ni dga' ba gsum lhan cig skyes pa'i ngo bor byed cing/ lhan cig skyes pa shes pa dang tha mi dad pa'i phyir bsam pa yin pas gtso bor gyur pa ste/ de yang gsung rab las/ rang rig las byung ye shes te/ /bdag dang gzhan yang rig pa spangs/ /mkha' mnyam brtul zhugs stong pa ste/ /dngos dang dngos med bdag nyid mchog /thabs dang shes rab dang 'dres shing/ /chags dang chags med rnam 'dres pa/ /de nyid srog chags rnams kyi srog /de nyid srog tu mi spong pa/ /de nyid kyis ni kun la khyab/ /lus kun la ni rnam par gnas/ /dngos dang dngos med de las 'byung/ /zhes bya ba ni yi ge hUM gi ming can la rab tu rtogs par bya'o/ /phyag rgya ni sku gsung thugs kyi rig ma'o/ /man ngag gi zhes bya ba'i 'dod chags las log pa'i 'dod chags chen po'i sbyor ba bla ma'i gdams ngag gi zin pa'o/ /de dag gis ni lhan cig skyes pa rang gi ngo bor brtags pa'o// //gal te lhan

  629. 319a

    cig skyes pa de dag go rims ji lta bur skye snyam pa la bstan par bya ste/ las kyi phyag rgya de las skad cig ma'i dbye bas phye ba'i dga' ba bzhi skye bar 'gyur ro/ zhes bya ba ni/ skad cig ma'i dbye ba ni bzhi ste/ de yang phan tshun ma 'dres par skye bas/ dus des phye ba'i dga' ba bzhi'i ye shes skye bar 'gyur ro/ /de yang gang las skye? snyam pa la bstan par bya ste/ phyag rgya'i bzhi mtshungs pa ni/ gsung rab las/ bcu drug po lon mdzes pa'i dbyibs/ /lhan cig skyes pa smin gyur nas/ zhes 'byung ngo zhes bya ba ni/ bcu drug ni lo ste/ de dag la stong par skye ba'i nus pa yod de/ /mdzes pa ni yid du 'ong ba ste/ de dag la bde ba skye ba'i nus pa yod de/ /dbyibs ni zhi ba dang dul ba dang nges pa dang gdams ngag 'dzin pa'i rtags can gyi phyag rgya dag gis byin brlabs skye bar 'gyur ba ste/ lhan cig skyes pa'i ye shes gnyis su med par smin par 'gyur ba'i gnas su gsungs so/ /de yang bdud kyi dbye ba ji ltar yin snyam pa la/ skad cig ma bzhi bstan par bya ste/ skad cig bzhi ni rnam pa sna tshogs pa dang/ rnam par smin pa dang/ mtshan nyid dang bral ba dang/ rnam par nyed pa'o/ /rnam pa sna tshogs pa zhes pa ni/ 'gro ba drug tha dad du zhen pa dang/ gzung 'dzin gyi rnam pa stong par smin pa dang/ rang la bde ba dang stong pa gnyis kyis mtshan nyid dang bral ba gnyis med du nyams su myong ba dang/ rang gi rnam pa ni med la gong la spyod pa'i phyir/ 'jig rten pa'i shes pa dang tha mi dad pa'o/ /de yang rtog pa la skye 'gag yod pa'i phyir skad cig mar bzhag la/ nyon mongs pa'i sgo nas mi 'dra ba'i phyir khyad par rigs so/ /dus des bsdus pa'i ye shes ji ltar skye mnyam pa la bstan par bya ste/ dga' ba bzhi ni dga' ba dang/ /mchog tu dga' ba

  630. 319b

    dang/ lhan cig skyes pa'i dga' ba dang/ /dga' bral lo zhes bya ba la/ dga' ba ni gzung bas stong pa dang/ mchog tu dga' ba ni dga' bas shes lhag ste/ gzung 'dzin gyi stong pa dang/ lhan cig skyes pa'i dga' ba ni/ rtag chad kyi mdza' las log ste/ chos kun dang lhan cig skyes pa'o/ /dga' bral ni rang gi phyogs nas dga' ba dang bral la/ gong gi ye shes ngos 'dzin par byed pas/ blo dang bcas pa nyid do/ /de yang pad+ma dang rdo rje las skye bas te/ pad+ma dang rdo rje las skye bar mi 'gyur snyam pa dag la de yang skad cig ye shes bde ba che/ /e baM la ni rab tu gnas zhes bya ba nges par bya'o/ /gal te rgyud dag las rnam pa med pa'i skad cig ma gsum par gzhag la/ 'dir bzhi par gzhag pa ni/ bla ma dam pa dag gi zhal gyi bdud rtsis btsan thabs kyi rnal 'byor sun phyung ste/ mtshan nyid dang bral ba'i skad cig ma dbus su bstan pa ni mchog tu gyur pa'i phyir yang dag gi dbang du shes par bya'o/ /de yang drag po'i sbyor ba spangs pa yis/ /sna tshogs de nas rnam par smin/ /gsum pa mtshan nyid bral ba ste/ /rnam pa med pa de nas shes/ /zhes bya bas rigs so/ /de yang ma yin na/ mchog dang dga' bral dbus su ni/ /mtshon cha shes nas brtan par gyis/ /zhes gsungs pa de 'thad par yang mi 'gyur ro/ /rnam par nyed pa gsum par 'dod do zhe na/ rnam nyed kun tu spyod ce na/ /gsum pa ji ltar 'dod par byed/ ces bya ba'i tshig gis gsal to/ /de bas na btsan thabs kyi rnal 'byor ni/ rigs dang bral zhing lung dang 'gal ba'o/ /gal te 'di ni nges par 'byung ba drug pa'i sgra ste/ dga' ba dang lhan cig skyes pa la ltos pa'i chog gi dga' bral gyi dga' ba ni dbus ma ste de nyid gtso bor gyur pa ni gsum pa yin pa'i phyir/ dga' bral gyi dga' ba ste rigs so zhe na/ gsung rab las

  631. 320a

    dga' bral dang po mchog gi mdza' / /stong dang stong min he ru ka/ /zhes bya bas bsal to/ /de la gsum pa dga' bral yin la/ lhan cig skyes pa la ltos pa'i dang po ste/ mchog gi mdza' o zhe na/ ma yin te dga' bral gyi dang po mtshon par bya/ /de ni dga' ba gsum bral nyid/ ces bya bas gsal to/ /de yang snga ma bzhin no zhe na ma yin te/ rnam par nyes par spyod par brjod/ /rang gi bde ba za ba nyid/ /ces bya bas bsal to/ /de bas na rtog pa mi rtog par ji ltar 'gyur te mi 'gyur ro/ /de de bas na 'jig rten pa'i grags pas kyang gnod la/ nges par byed pa dang yang 'gal ba yin no/ /gzhan yang dga' ba dang po sna tshogs nyid/ /mchog tu dga' ba rnam par smin/ /dga' bral dga' ba rnam par nyed/ /lhan cig skyes pa mtshan nyid bral/ /zhes bya bas dga' bral ni rnam nyed do/ /gzhan yang/ dga' ba dang po'i 'gro ba nyid/ /de bzhin mchog dga' 'gro ba nyid/ /dga' bral dga' ba 'gro ba nyid/ /lhan cig skyes dga' gsum mi dmigs/ /zhes bya bas dga' bral 'khor bar bstan to/ /'on te dga' bral gsum pa yin na/ lhan cig skyes pa mi rtog pa bstan pa'i rgyud dang 'gal te/ lhan cig skyes dga' i ngo bor?// mchog mdza' dga' bral dang po can/ /zhes bya ba dang 'thad par mi 'gyur ro/ /de bas na dga' phyir de tshe dpyod med de/ /mtshan nyid med par rig par 'gyur/ /de phyir mtshan nyid med par rigs/ /bde ba gsum pa de nyid yin/ /rang rig nyid de dngos grub 'gyur/ /lung gi don dang mtshams ma yin zhes bya bas lhan cig skyes pa gsum par rtogs par bya'o/ /de bas na dman pa ni rtogs pa dang mi? ldan te/ go rims gnas kyang yang dag ma yin no/ /drag po'i dbang

  632. 320b

    ni mtshan nyid dang bral ba dang/ lhan cig skyes pa'i dga' bas mthar 'dod do/ /zhes bya ba la dman pa ni ngan pa ste/ rgyas 'debs pa med pa'i phyir nyams su myong ba tsam las gnyis med kyi rtog pa dang mi ldan pas skad cig ?dga' ba'i go rims kyi mi gnas kyang/ don dang mi ldan te/ gdol pa la rgyal por brjod pa bzhin du yang dag pa ma yin no/ /drag po ni stobs kyis byas pa ste/ dbang ni mtshan nyid dang bral ba'i skad cig ma dang/ lhan cig skyes pa'i dga' ba mthar 'dod pa'i phyir/ go rims kyang 'khrul la rtogs pa yang gong lta bu ste/ bzang po ma yin pa nyid/ de las gzhan pa'i 'dod pa yang/ kho bos dgag par bya ba nyid do/ /rdo rje nang gi rnam bcas te/ /de la rtse mor rnam med nyid/ /dbu mar gnas shes gang smra ba/ /kho bo'i bla ma de mi 'dod/ /ces bya bas bsal to/ /de ci'i phyir zhe na/ de dag ni mngon du zhen pa 'ba' zhig gtso bor gyur pa'i phyir dang/ de las 'das pa'i ni chad pa'i mdza' la ltung ba'i phyir/ rdo rje'i nang du de'i rtse dang/ /thod pa'i nang du lhung pa dang/ /bar du 'dug pa mi 'dod la/ /de nyid bla ma'i kha la rig /ces bya ba ni/ bcu drug phyed phyed thig le 'chang gi bcom ldan 'das so/ /de yang bla ma'i zhal las rtogs par bya ba ni/ gnyis 'das nas ni gnyis mnyam pa/ rdo rje nas lhung pad+mar reg /mi bskyod rdo rje nas lhung ba/ /rdo rje pad+ma la reg pa/ /rgyu la 'bras bus rgyas gdab cing/ /'bras bu la yang rgyus rgyas gdab/ /'di ni bde chen rgyal po yin zhes bya bas nor bu lta bu'i don rnyed par rig par bya'o/ /gal te rgyun ni nges pa'i don te/ 'dir drang ba'i don du 'gyur ba 'am/ yang na brtsams pa la don med 'khrul par 'gyur ro zhe na/ ma yin te sngags kyi theg pa ni bla ma'i zhal la rag las pa'i phyir dang/ gzhan shes rab kyis nga rgyal pa'i blos 'jug pa spangs pa'i phyir zhal las shes par bya ba'i don to/ /gal te yang dag gis

  633. 321a

    'grub pa'i phyir/ btsan thabs dgon par mi rigs so zhe na/ ma yin te/ nges shes ni ltos par 'grub pa yin pa'i phyir/ /bden pa gsung bas bstan pa ltar rje btsun pas kyang ston te/ dbang nges pa dang de dang rjes su mthun pa dag ni bcom ldan 'das kyis bstan pa ltar/ bdag gis 'dir rgyas par bshad do/ zhes bya ba ni go sla'o// //nga ni lhan cig skyes pa grib mar gyur par bya ste/ nyams su blang ba ni bla ma'i zhal las shes par byas? la rtogs pa'i don bshad par bya'o/ /de yang phyag snga ma gnyis dang 'dod pa de dag thams cad kyang lhan cig skyes pa'i ye shes ma rnyed pa'i phyir grib ma'o zhes bya ba la/ mtshon byed nyams su myong ba la/ mtshon bya mtshon par nus pa'i phyir lhan cig skyes pa ste/ 'dra ba tsam nyid kyi phyir dngos ma yin pas/ ye shes ma rnyed pa ste/ chos kyi phyag rgya grib ma'o/ /'dra ba tsam gyis mtshon par mi nus snyam pa la/ /grib ma'i lhan cig skyes pa ni/ lhan cig skyes pa dang 'dra ba'i ye shes khong du chud par byed pa'i phyir ro/ /de yang mtshon par lhan cig skyes pa'i chu'i zla ba lta bur khong du chud pas don gyi lhan cig skyes pa nam mkha' i zla ba lta bu mtshon par nus pa'i phyir ro/ /de yang dpe las kyi phyag rgya'i ye shes la grib mar gzhag pa'i rgyu mtshan gang zhe na/ de bas na lhan cig skyes pa grib mar smra ba ni shes rab bo/ zhes bya bas bstan te/ shes rab kyi las kyi phyag rgya ste/ de las skyes pa'i ye shes ni rkyen gzhan las skyes pa dang/ 'dod chags kyi spu gri dang khad nye ba dang/ ched du bcos pa yin pa dang/ mi'i bu mo las byung ba'i rigs so/ /de bas na shes rab la brten pa'i ye shes ni shes rab ye shes so/ /nges don gyi ye shes mtshon par nus sam zhe na/ don gyi ye

  634. 321b

    shes chos kyi phyag rgya ji lta bu mtshon par nus so/ /don gyi ye shes ji lta bu zhe na/ de'i phyir na bstan par bya ste/ shes rab ye shes kyis bstan pa'i lhan cig skyes pa'i ye shes ni skye ba med pa nyid do/ /gang gi phyir chos kyi phyag rgya la lhan cig skyes par gdags she na/ gang gi phyir lhan cig skyes na chos thams cad kyi rang bzhin te ma bcos pas ji srid pa rang gi mtshan nyid dag pa'o/ /zhes bya ba gang gi phyir zhes bya ba ni rgyu mtshan dang ldan par gzhag par rigs pa'o/ /de yang skye ba med pa spros pa dang bral ba de dag phung po la sogs pa dang/ lhan cig skyes pa na chos thams cad rang bzhin te/ de yang sna tshogs su snang ba de nyid kyi tshe chos yin te/ spyad pas skye ba med pa'i phyir/ lhan cig skyes pa'o/ /de yang nyams su ji ltar blang zhe na/ ma bcos pas na zhes bya ba ste/ de yang lus ngag yid gsum gyi 'bad pa'i shes pa gzhan du brjod med pa/ gzhan gyi brjod du med pa gzhan la brjod pa med pa/ ji srid pa de srid kyi chos kyi phyag rgya lhan cig skyes pa ste/ dbyer med pa'i phyir rang gi mtshan nyid dag pa'o/ /de yang gsung rab las/ gzhan gyi brjod med lhan cig skyes/ /gang las kyang ni rnyed mi 'gyur/ /bla ma'i dus tshigs bsten pa yis/ /bsod nams las ni rang bzhin shes/ /zhes gsung pa'i phyir/ de dag ni don gyi ye shes so/ de bas na las kyi phyag rgya de dag gis/ mtshon cha mtshon par nus pa de'i phyir/ las kyi phyag rgya thob nas rgyu 'thun pa'i 'bras bu skyed par byed do/ /de dag gis ni go ba yang ci zhe na/ rgyu 'thun pa'i 'dra bar 'byung bas na'o/ /zhes bya ba ni go sla'o/ /de dag kyang ji ltar 'byung snyam pa dag la/ de'i phyir e'i cha byad bzang po gang/ /dbus su bam gyis rnam par brgyan/ /bde ba thams cad kyis ni gnas/ /sangs rgyas rin

  635. 322a

    chen za ma tog /ces 'byung ba'i phyir ro/ /zhes bya ba la/ e ni e d+harma d+hA tu ste/ rnam par thar pa'i gru gsum la chos 'khor ba dang mya ngan 'das pa ste/ de dag kun 'byung ba'i dbyings yin pa'i phyir ro/ /cha byad ni rigs lnga las byung ba'i brtul zhugs dang lo grangs tshad dang 'thun no/ /bzang po gang zhes bya ba ni/ mtshan nyid dang ldan pa ste/ de dag kyang/ dkar sham sngo bsangs skra ser li/ /nu ma sra mkhregs der pa phra/ /b+ha ga 'khyil ba yangs pa'i tshul/ /bzhin mdzes byed mkhas pa yi dri/ /dad dang snying rje tshogs sogs brtson/ /rgyud 'jam byang chub sems gang zhes/ /ha cang ring min thung ba min/ /khro dang nyon mongs nyes spangs pa/ /gzhon zhing ting nge 'dzin dang ldan/ /dpa' bo dag la gus byed cing/ /'dod la ma chags phan sems ldan/ /de ni mtshog gi grogs su 'gyur/ zhes gsungs pa la bya'o/ /dbus zhes bya ba ni/ stong pa bde bas gang ba'i bdag nyid bde ba la bde ba chen po dag gis thig les smin pa'i gnas ni e'i bdag nyid ka ko la'o/ /de nyid nyams su myong bar 'gyur ba ni/ baM gyi bdag nyid bo la'o/ /de dang gnyis su med pa'i rnam par sbyor ba las/ skad cig ma la dga' ba'i ye shes kyis brgyan pa skye'o/ /bde ba ni 'bras bu ste/ thams cad ces bya ba ni ma lus pa'i don te/ sku bzhi dang ye shes rnam pa lnga'i ngo bo nyid can gyi la ni/ de dang rgyu dang 'bras bu nye bar mtshungs pa ste/ dga' ba sprul ba'i mchog longs spyod/ /lhan cig skyes pa chos sku la/ /dga' bral ngo bo nyid can no/ /zhes bya ba dang/ chags pa ma yin chags bral min/ /bar ma la ni yod pa min/ /gsum po spang phyir lhan cig skyes/ /yang dag byang chub nyid du brjod/ ces bya bas/ ye shes lnga gzung bar bya'o/ /sangs rgyas ni sems can 'byung ba'i don

  636. 322b

    gyis so/ /rin po che'i don tshul nus pa nyid kyis so/ /za ma tog ni nyams su myong bar 'byung ba'i don gyis so/ /de yang sems can thams cad la phyag rgya chen po rang chos su yod pa dang 'dra ba'i phyir dang/ mngon du bya ba nyid kyis so/ /gal te de dag la phan yon de lta bu yod de'i phyir/ chog par 'dzin na de dag ni dag par bya ste/ de ltar blo dman pa'i slob dpon rnams shes rab ye shes bsgrubs nas rtogs pa dang mi ldan pas/ 'bras bu nye bar rnyed par mi 'gyur yang lhan cig skyes pa myong zhes zer nas/ /dga' ba skye bar 'gyur te/ de dag ni dper na me long la brten nas bzhin gyi gzugs brnyan byung ba de bzhin du mi 'gyur ba dang 'dra'o/ /de ni mngon du yang ma grub la da ltar yang ma grub pa'i phyir ro/ /zhes bya ba bstan te/ blo dman pa ni blo'i shes rab ste/ chos thams cad nges par 'byed pa'i don gyis skye ba med par byed pa'o/ /de dang mi ldan pa ni dman pa ste/ de lta bu'i slob dpon rnams kyis bum pa dang/ gsang ba dang shes rab ye shes bzhi'i man ngag dang bcas pas slob ma la bsgrubs nas/ rtog pa chos kyi phyag rgya dang mi ldan pas/ dbang bzhi dang bral te/ 'bras bu phyag rgya chen po rnyed par mi 'gyur yang/ dus kyi sna rtse dpe'i lhan cig skyes pa'i ye shes nyams su myong bas dbugs dbyung ba dang rgyas gdabs pa dang ldan pa'i phyir 'di ni mchog gi zhes zer nas/ mthar phyin pa'i nga rgyal skye bar 'gyur te/ de dag ni dper na bzhin dang me long dang bar gyi nam mkha' snang ba'i 'od rnams la brten nas bzhin gyi gzugs ci 'dra zhig byung ba ste/ rkyen gyi dbang gis snang du zad kyi de ni de bzhin du mi 'gyur ro/ /de bzhin du dpe'i ye shes de dag kyang rkyen tshogs pa las myong du zad kyi/ de nyid kho na skye ba med pa nyid kyi don gyi ye shes su ma 'gyur ba dang 'dra'o/ /de dag ni 'das pa dang ma

  637. 323a

    'ongs pa dang/ da ltar gyi sangs rgyas dang des bstan pa'i rgyud rnams dang/ dbang gsum pa'i dus su yang ma grub la/ mkhas pa dag gis de ltar gyi dus su yang don gyi ye shes su lung dang rigs dang bla ma'i gdams ngag dang/ nyams su myong ba las kyang ma grub pa'i phyir ro/ /gal te de lta bu dag dper yang mi rigs so zhe na/ de ltar bzhin gyi gzugs brnyan ni 'dra ba tsam du rtogs par bya'o/ /zhes bya bas bstan te/ me long gi nang na bzhin gyi gzugs brnyan gnas pa ni bcos ma yin yang ma bcos pa'i bzhin gyi dri ma sel bar nus pa ni/ dran pa tsam nyid du gnas pas so/ /de bzhin du las kyi phyag rgya dus kyi sna rtse bcos ma de dag gis chos kyi phyag rgya'i ngo bo ston par nus te/ 'dra ba de kho na nyid kyis rtogs par bya'o/ /de bas na nges par byed pa bzhin gyi gzugs brnyan rgyu mthun pa tsam mthong ba la/ 'jig rten pa rnams rang gi bzhin mthong zhes 'khrul bas dga' bar 'gyur ro/ /zhes bya ba la/ de nyid kyi chos dang chen po ste/ bde stong spyi'i dang rang gi mtshan nyid do/ /don de dag nges par byed pa ni las kyi phyag rgya ste/ rkyen gzhan las skyes pas na gzhan gyi'o/ /dngos ma yin phyir gzugs brnyan no/ /mtshon byed yin pa'i phyir rgyu mthun pa nas te/ dpe tsam mthun pa la 'jig rten pa rnams rang gi bzhin mthong zhes 'khrul pas dga' bar 'gyur ba ni rmongs pa ste/ tshu rol mthong ba 'ba' zhig la 'jig rten pa zhes bya la/ phal cher skal ba chung ba'i phyir rnams so/ /de yang phyag rgya chen po rang la yod pa/ rang gi rang bzhin rang gi mthong zhes/ dngos po'i gnas lugs la 'khrul bas zag bcas kyi bde ba la dga' bar 'gyur ba ni blun pa'o/ /de la dga' zhing mgu bas ni chos kyi phyag rgya'i gtam tsam yang mi 'dri'o/

  638. 323b

    chos kyi phyag rgya mi shes na/ /las kyi phyag rgya bcos ma 'ba' zhig la zhen pas/ ma bcos pa'i lhan cig pa'i ye shes ji ltar 'byung bar 'gyur te/ mi 'gyur ro zhes bya ba la/ de la zhes bya ba ni las kyi phyag rgya ste/ dga' zhing zhes pas 'dod pa rjes su gzhol ba'o/ /de bas mgu ba ni bla ma ste? cing bla ma'i gdams ngag gtso bor yi 'dzin te/ chos kyi phyag rgya'i rten tsam yang mi 'dri'o/ /de bas na rtogs pa dang ldan pa dang mi ldan te/ zhes bya ba longs spyod du mi 'gyur ba'i phyir chos kyi phyag rgya ma shes pas na/ las kyi phyag rgya byas pa'i phyir mi rtag pa dang/ rkyen las skyes pa'i phyir ma skyes pa dang/ bde ba tsam nyid kyi phyir mdza' dang bcas pa ste/ de lta bu rtogs pa dang bral zhing rgyu bcos ma 'ba' zhig la zhen pas phyag rgya chen po ma bcos pa'i lhan cig skyes pa'i ye shes lam dang bral ba'i phyir ji ltar 'byung par 'gyur te mi 'gyur ro/ /da ni dpe'i sgo nas bcos ma yin pa'i phyir mi 'thad pa ston to/ /de ci'i phyir zhe na/ rigs mthun pa'i rgyu las rigs mthun pa'i 'bras bu skye bar 'gyur gyis/ mi mthun pa'i las ni ma yin no/ /de yang sa lu'i sa bon las sa lu skye ba yin gyi/ drug cu pa las ni ma yin no/ zhes bya ba ni go sla'o/ de'i phyir na chos kyi phyag rgyas ma bcos pa las/ bcos pa'i lhan cig skyes pa'i ye shes so zhes bya ba la/ gal te chos dang chen po gnyis ma bcos pa'i phyir lam dang 'bras bu gnyis mi rigs te/ gcig nyid do zhe na ma yin te/ don gyi ye shes su gcig pa 'am/ nyams su myong ba la gcig rtag go /don du gcig pa ni bden de snang stong dbyer med pa nyid kyis/ bde stong dbyer med pa nyid do/ /nyams su myong ba ni/ spyi rang rang gi mtshan nyid kyis khyad par bzhag par rigs so/ /de nyid du bzhag pa'i rgyu mtshan gang yin zhe na/ de'i phyir chos kyi phyag rgya

  639. 324a

    ma bcos pa ni/ ro mnyams pa dang ldan pa'i ma bcos pa ste/ spya'i mtshan nyid do/ /de las phyag rgya chen po'i ma bcos pa'i lhan cig skyes pa'i ye shes skye ba na ro mnyam dang bral ba'i rang gi mtshan nyid do/ /gal te chos kyi phyag rgya la ji ltar sbyangs pas phyag rgya chen po mi 'byung snyam pa dag la/ bstan par bya ste/ de'i phyir chos kyi phyag rgya nyid la mi phyed par spyad na 'bras bu phyag rgya chen po 'byung bar 'gyur ro zhes bya ba la/ chos kyi phyag rgya la mi phyed par spyad pa ni/ dga' ba bzhi pa'i man ngag gis nyams su myong ba'i phyir/ bde ba stong pa nyid la gnyis med kyi/ ro mnyam gyis mi phyed par byas shing ma yengs pa nyid kyis spyad na/ 'bras bu phyag rgya chen po dang chos su 'byung zhing 'chang bar 'gyur ro/ /'o na sngar bshad pa dang 'gal lo zhe na/ de dag ni khyod kyis khyad par ma gsungs te/ e'i cha byad bzang po gang zhe na/ bya ba la sogs pa ni/ dpe'i yon tan bstan pa ste/ 'di dang yang mi 'gal ba'i don ni sangs rgyas rin chen za ma tog ces bya bas bshad zin to// //da ni las kyi phyag rgya chos kyi phyag rgya dang ldan na/ mtshon byed dper rig pa ston te/ phyag rgya ni sangs rgyas kyi grib ma ste/ ye shes rin po che gnas dang bzhi'o zhes bya ba la/ phyag rgya ni rig pa nyid do/ /sangs rgyas kyi zhes bya ba ni don to/ /grib ma ste zhes bya ba ni 'jig rten 'das pa'i ye shes so/ /ye shes rin po che zhes bya ba ni/ /des mtshon pa'i mchis bya'o/ /de bas na mthong ba'i gnas yin la/ myong ba'i gzhi nyid do/ /de'i rjes su byed pas grib mar 'gyur ro zhes bya ba ni/ chos kyi phyag rgya dang bral bas 'khor bar 'gyur ro zhes bya ba'i tha tshig go /dpe'i ye shes de dag ni mchog gi ye shes skyes pa'i rgyur gyur ba'i phyir/ las kyi phyag rgya'i pad+ma'i sangs rgyas thams

  640. 324b

    cad kyi 'byung gnas rin po che las dga' ba'i tshogs skye bar 'gyur ro zhes bya ba la/ pad+ma'i dri ma med pa'i don te/ bde ba 'dzin par byed pa'o/ /de yang oM pad+ma su khaM d+ha ra/ ma hA ru ka su khaM da/ tsa tu ra a nan da bA gi shwa ra ya? /hUM hUM hUM karyaM ku ru sha me zhes bya bas/ ye shes lnga'i bde 'dzin cing/ /chags pa chen pos bde ster ba/ /dga' ba bzhi'i dbang phyug ni/ /pad+mar bsdus pa'i 'bras bu'o zhes bya bas so/ /sangs rgyas thams cad kyi zhes bya ba ni/ snying po don gyi sangs rgyas so/ / 'byung gnas zhes bya ba ni rtogs pa tsam la rag las pa'i phyir/ sems can 'byung ba'i gnas la gdags so/ /rin po che ni 'byung ba'i don to/ /dga' ba'i tshogs ni bzhi'o/ /skye bar 'gyur ro zhes bya ba ni go rims kyis tshul gyis nyams su myob pa'o/ /de yang bde gshegs gang du bzhugs pa dang/ /'chags pa dang ni bzhengs pa dang/ /seng ge lta bur gzims brtags pa'i/ /gnas de la ni bdag phyag 'tshal zhes gsungs pas kyang shes par bya'o// //da ni las gyi phyag rgya'i dka' ba bzhi bstan par bya ste/ da la e bi gyi phyag rgya bo la dang ko ka la bsrub cing bsgrub pa'i sbyor ba las/ a ba d+hu ti nas kun rdzob byang chub kyi sems la tha mi dad pas khyab pa'i don dam pa dang/ gnyis su med par nor bu'i nang du son pas/ skad cig ma'i dus kyi bsdus pa'i dga' ba'i ming can lhan cig skye ba'i ye shes skye bar 'gyur ro zhes bya ba la/ e ni shes rab ste stong pa skye ba'i gnas so/ /baM ni thabs te bde ba'i gnas so/ /phyag rgya'i dbyibs so/ /bo la dang ka ko la ni brdar smras pa'o/ /bsrub cing bsrub pa'i sbyor ba la ni bskyod pa dang khyad par bskyod pa'o/ /a ni ma skyes pa la ni bde ba ste/ d+hU tI ni gnyis med gnyis kyi stong pa ste/ kun rdzob ni kun da lta bu'o/ /byang chub kyi sems ni ye shes kyi nus

  641. 325a

    pas so/ /tha mi dad pas khyab pa ni lus gang na gnas pa na rtsa/ de la thig le/ de la shes pa de la ye shes kyis khyab cing gnyis su med pa ste/ 'khor lo bzhi nas 'byung ba bzhi'i rang bzhin du rig pa bzhi'i ngo bo la/ phyag rgya bzhi'i chos 'thun dga' bzhir gnas pa ni/ don dam pa dang kun rdzob gnyis su med pa ste/ de yang e ni sa ru shes par bya ste/ las kyi phyag rgya spyan ma nyid/ /'dab ma drug cu bzhir ldan pa'i/ /lte ba sprul pa'i 'khor lor gnas/ /baM na chu ru shes bya ste/ /chos kyi phyag rgya nA ma kI/ 'dab ma brgyad ldan 'dam skyes ma/ /snying ga chos kyi 'khor lor gnas/ /ma ni me ru bstan pa ste/ /phyag rgya chen po gos dkar mo/ /bcu drug 'dab ldan chu skyes la/ /mgrin pa'i longs spyod 'khor lor ldan/ /ya ni rlung du rab tu bstan/ /zhes bya bas rab tu rtogs par bya'o/ /nor bu'i nang du son pas zhes bya ba ni dga' ba gnyis te/ gnyis pa dang gsum pa yang shugs kyis go bar bya'o/ /skad cig ma'i dus kyi bsdus pa'i zhes bya ba ni skad cig ni bzhi ste/ rnam pa sna tshogs pa dang/ rnam par smin pa dang/ mtshan nyid dang bral ba dang/ rnam pa med pa'o/ /dus ni phyi rol gyi 'o bya ba nas brtsams te/ nor bu'i mgrin pa'i bar dang/ nor bu'i nang du khyab cing mthar thug pa dang/ gnyis shor bas 'dod chags kyi dad yal zhing gnyis gnas pas zung du 'jug pa dang/ ma lus pa'i 'phros pa'i dus kyi bsdus pa'i dga' ba dang/ mchog dga' dang lhan cig skyes pa'i dga' bral gyi ming can la/ bzhi pa'i man ngag gis zin pa'i dus su lhan cig skyes pa chos thams cad dang mtshungs pa'i ye shes so/ /phyogs snga ma btsan thabs kyi rnal 'byor dag /dpe'i ye shes kyi rgyu 'thun par mi 'gyur ram zhe na/ 'gyur ba bstan par bya ste/ de yang lhan

  642. 325b

    cig skyes pa'i rgyu 'thun par 'gyur ba ni/ shes rab dang dga' ba la 'khrul pa'i dga' ba bzhi dang skad cig ma bzhi ni/ dman pa dang drag po'i sbyor ba la yang yod pa'i phyir/ phyogs snga ma'i tshul gyis las kyi phyag rgya bsten kyang/ byang chub kyi sems su rgyu 'thun pa tsam dor bar mi nus pas na/ ltos pa'i gzhag pa'i rgyu mthun pa'i 'bras bu rnam par smin pa dang 'dra ba ste/ las ni lhan cig skyes pa skye bar gsungs pas na/ ched du byas pa ni dgag par rig pas so/ /shugs las byung ba ni ma yin no/ /las kyi phyag rgya la brten nas rgyu 'thun pa'i 'bras bu skyes par gsungs so/ /gal te lhan cig skyes pa'i ye shes de dag sna rtse'i dus su nyams su myong ba de dag phyis 'byung ba yin nam zhe na/ dus de nyid gtso bor gyur pa las gzhan ni ma yin te/ de bas na dga' bral nas rjes su 'gro bar zad kyi/ ye shes tsam nyid yin pa'i phyir ro/ /zhes pa ni dngos por gyur pa'i tha tshig go /des nges par byed pa yang/ gsung rab las/ bag chags kyis ni bkrugs pa las/ /stong nyid ye shes dngos por 'gyur/ /rlung gi shugs kyis chu dag ni/ /chab rom gyur pa ji bzhin no/ /zhes bya ba ni bag chags ni tha dad du brtags pa'o/ /de dag gi gnyis med kyi ye shes dgug pa'i phyir/ stong pa nyid kyi ye shes dran pa nyams su myang yang tha ma'i dus su dngos por 'gyur ro/ /dper na rlung gi shugs kyis rgyun gyis chu dag ni chab rom gyi gong bur gyur pa ji bzhin no/ /de bas na chos kyi phyag rgya'i lam dang ldan pa la rab tu 'bad par bya'o// las kyi phyag rgya'i rgyu 'thun pa'i 'bras bu zhes bya ba ni/ rgyu rten cing 'brel te 'byung ba'i stobs kyis/ bcom ldan 'das ma don gyi shes rab la longs spyod pa ste/ de yang 'dra ba'i rgyu 'thun pa'i lta ba bzhin du'o/ /nges par bstan pa ste zhes

  643. 326a

    bya ba ni/ btsan thabs kyi rnal 'byor bkag pa'i phyir ro/ /de yang las kyi rlung gis 'phangs pa yi/ /bcom ldan shes rab ma la spyod/ /ji ltar byas pa de bzhin mthong/ /rgyu 'thun zhes ni grags pa yin/ /zhes bya bas so/ /dang po zhes bya ba ni rim gyis 'jug pa la bdag don du 'gyur ba'i dang po'o/ /byang chub kyi sems de dag thabs gang gis bsgom zhe na/ bdag lus thabs ldan dang gzhan lus tshad ldan gnyis te/ de yang las kyi phyag rgya dam tshig dang 'brel pa dang/ ye shes kyi phyag rgya chen po dang 'brel pa'o/ /de yang gsung rab las/ dkyil 'khor la sogs thabs dang ni/ /rang byin brlab pa'i rim pa yis/ /sgrib byed sgrib can tshul can gyis/ /byang chub sems ni bskyed par bya/ /de dag gi khyad par ci zhe na/ sgrib byed kun d+ha lta bu ste/ /sgrib bral bde ba'i rang bzhin can/ /gzhan lus gang du bsgom zhe na/ bud med pad+ma'i bde ba can/ /e baM rnam pa'i rang bzhin gyis/ /de dag tu bde ba 'byung ngam zhe na/ bde ba srung ba nyid kyis ni// bde ba can zhes mngon par brjod/ /bde ba dang ldan pa nyid ci'i phyir zhe na/ sangs rgyas byang chub sems dpa' dang/ /rdo rje 'chang gi gnas yin no/ /'khor bar skye ba'i gnas de dag tu mi 'gyur ram zhe na/ de bzhin du ni 'khor ba dang/ /mya ngan 'das pa de bzhin te/ /'khor ba ma gtogs gzhan du ni/ /mya ngan 'das pa bstan du med/ /'khor ba mya ngan 'das par mi 'gyur ro zhe na/ 'khor ba gzugs dang sgra la sogs/ /'khor ba tshor ba la sogs yin/ /'khor ba dbang po nyid yin te/ /'khor ba zhe sdang la sogs yin/ /chos 'di rnams ni mya ngan 'das/ /gti mug 'khor ba'i rang bzhin te/ /rmongs med 'khor ba dag pa yin/ /'khor ba mya ngan 'das bzhin spyod/ /ji ltar spyad ce na/ sgrib bral sgrib byed rang bzhin can/ /byang chub

  644. 326b

    sems ni mya ngan 'das/ /bde ba gang la brten nas 'bar zhe na/ /bzhin sdug mig ni dkyus ring zhing/ /gzugs dang lang tshos rnam par brgyan/ /sngo bsangs brtan cing rigs ldan dang/ /lha rdzas go bur yang dag ldan/ /rang gi dbang skur kye rdo rje/ /skra bzang sgrub pa po la dga' / /bde ba gso ba'i rdzas ji lta bu zhe na/ de la chang ni sbyin bya zhing/ /brtul zhugs can dang btung bar bya/ /gang gi don du bsgom zhe na/ /bdag gzhan don ni rab bsgrub phyir/ /de nas phyag rgya rjes phyag bya/ /nyams su ji lta bu dag gis blang zhe na/ pad+ma rdo rje rab sbyar te/ /brtul zhugs kyis ni legs bdag spyad/ /sbyor ba de las yang dag 'byung/ /ga bur blo ldan gyis mi spang/ /ji ltar ma spang zhe na/ de las lag pas mi blang zhe na/ nya phyis dung chos dag ma yin/ /stobs kyis bskyed par bya ba'i phyir/ /'chi med lce yis blang bar bya/ /dus rgyun tu btang ngam zhe na/ rnam lnga ro snyoms dus min par/ /byang chub sems ni btang mi bya/ /rdzogs pa'i rim pa'i rnal 'byor la/ /gang ltar spyad kyang de bden 'gyur/ /zhes bya bas gus pa dang bcas shing/ rgyun mi 'chad par bsgoms na bde ba chen po'i mchog gi dngos grub mngon du 'gyur ro/ /thabs dang shes rab gnyis sbyor ba/ /mthe bo gnyis snol sor mnyam bsgreng/ /mthe bo srin lag lce la gnas/ /mnyam su bkag pa mkhas pas bya/ /e baM bo la ka ko la/ /he dang/ i kaM/ a aM/ de dag ni las kyi phyag rgya'i bshad pa'o// //de ltar mtshon byed dpe'i lhan cig skyes pa bstan nas/ /nga ni lam chos kyi ye shes bstan par bya ste/ chos kyi phyag rgya ni zhes bya ba la/ oM ni ye shes lnga pa ste/ de yang sems dang snang ba dang/ /gnyis su med pa'i rnam grangs ngo bo gcig tu byas pa ni/ /sems rang rig cing nyams su myong ba la rten 'brel las skyes pa'i phyir skye ba med pa

  645. 327a

    dang/ rang rig pa gzhan la mi ltos par gsal ba dang/ de nyid mu bzhi dang bral ba dang/ gzung 'dzin gyi skyon gyis ma gos pa dang/ de dag rtogs pa ni yongs su grub pa ste/ rnam pa med pa'i bdag nyid do/ /de las gzhan pa yang skye med dang/ rnam pa dang sems gnyis med du gsal bar nyams su myong ba dang/ sna tshogs su snang ba dang/ gnyis med pa dang/ sems la sna tshogs su snang ba dang/ snang ba la yang dag gi kun rdzob tu don byed nus pa ni rnam pa dang bcas pa'i bdag nyid do/ /snang ba rten cing 'brel 'byung ba las skyes pa skye ba med pa dang/ sna tshogs pas skye ba med la goms pa med pa dang/ skyes pa dang skye ba med pa gnyis tha mi dad pa dang/ skye ba med pa nyid kyis sna tshogs su shar ba dang/ gong gi mtshan nyid la gdams ngag gi nan tan du byas pa ni gnyis pa'o/ /gnyis med sgro skur dang bral ba dang/ dang gis gsal ba dang/ phyogs cha dang bral ba dang/ gsal ba dang/ stong pa dang/ bde ba dang/ mngon du byas nas rtogs na sangs rgya ba de gsum pa'o/ /de las mi gzhan pa bstan pa'i phyir chos kyi phung po dang khams dang/ skye mched rten cing 'brel par 'byung ba dang/ 'byung bzhi ste/ de dag las rgyas 'debs pa'i phyag rgya ni/ bla ma'i zhal las rtogs pa'i lhan cig skyes pa'i ye shes so/ /de'i mtshan nyid kyang chos kyi dbyings kyi rang bzhin zhes bya ba bstan te/ /chos kyi dbyings ni bde ba dang stong pa gnyis su med pa ste/ kun tu 'gro ba'i mtshan nyid can no/ /de yang gsung rab las/ chos rnams rang bzhin 'od gsal ba/ /gdod nas dag pa nam mkha' bzhin/ /byang chub med cing mngon rtogs med/ /byang chub tshul 'di bstan pas so/ zhes bya bas so/ /rang bzhin zhes bya ba ni/ bde ba dang stong pa spyi'i rnam

  646. 327b

    la bya'o/ /de dag kyang gang gis rtogs par bya zhe na/ dga' ba bzhis rtogs par bya ste/ spros pa dang bral ba/ mi rtogs pa ma bcos pa/ snying rje'i rang bzhin mchog tu rtogs pa zhes bya ba la/ spros pa dang zhes bya ba ni/ lhan cig skyes pa la sna tshogs su shar ba ni/ rnam pa sna tshogs pa'i skad cig ma ste dga' ba'o/ /bral ba ni gnyis su brtags pa dang bral ba ste/ sna tshogs su shar ba'i lhan cig skyes pa mi rtog pa nyid du shes pa ni rnam par smin pa'i skad cig ma ste/ mchog tu dga' ba'o// ma bcos pa ni gnyis snang 'gags la gnyis med du nyams su myong la/ myong ba tsam du yang mi 'dzin pa ni/ mtshan nyid dang bral ba'i skad cig ma ste/ lhan cig skyes pa'i dga' ba'o/ /snying rje'i yul khams gsum pa ste/ de dag la lhan cig skyes pa gnyug mar gnas kyang/ sna tshogs su snang ba la 'khrul te/ ma rtogs par 'khrul pa nyid kyis snying rje'i phyir ro/ /rang bzhin ni rjes thob sna tshogs su snang ba/ lhan cig skyes pa snang ba ste/ rnam pa med pa'i skad cig ma ste dga' bral lo/ /mchog tu rtogs pa ni bzhi pa'i man ngag gis/ mchog lhan cig skyes par dga' ba gsum tha mi dad par rtogs pa ste/ de dag gis 'khor ba'i sems can snying rje'i rgyu mtshan gyis 'khrul pa mchog tu rtogs pa'o/ /de dag gi lam la ji ltar bslab ce na/ skye ba med pa zhes bya ba bstan te/ thams cad nas thams cad du skye med kyi nyams dang mi 'bral ba la bya ste/ de yang gsung rab las/ ma skyes pa'i chos rnams la/ /ngo bo med de bsgom pa med/ /nam mkha' i khams su sbyor ba las/ /de ltar dngos po rab tu bsgrags/ /zhes bya bas so/ /skye med kyi lam de dag gi 'bras bu gang zhe na/ gcig tu mdzes pa zhes bya ste/ gcig ni gnyis med kyi ye shes phyag rgya chen po nyid do/ /mdzes pa ni longs spyod rdzogs pa dang sprul pa'i skus mdzes pa'o/ /de

  647. 328a

    bas na thabs su gyur pa nyid do/ /de ltar rtogs pa du dang ldan pa zhig tu 'gyur zhe na/ mtshan nyid bdun dang ldan pa ste/ snang ba skye med du thim pa longs spyod kyi yan lag dang/ snang stong tha mi dad pa kha sbyor yan lag dang/ tha mi dang nyams su myong ba bde ba'i yan lag dang/ rang la yod cing gang 'dod skye la/ /nam 'dod pa'i dus na 'byung ba ni/ snying rjes yongs su gang ba'i yan lag dang/ bde stong gzhan la mi ltos pa dang rdzogs su yod pa ni dngos po'i yan lag dang/ rtag tu nyams myong dang mi 'bral ba ni rgyun mi 'chad pa'i yan lag dang/ nyams su myong ba'i dus na snang ba mi 'gog pa ni 'gog pa med pa'i yan lag ste/ de lta bu rtogs shing ma yengs pa nyid kyis myong ba la/ rgyun gyi rtag pa nyid de zhes bya'o/ /chos kyi phyag rgya'i lhan cig skyes pa de dag gang gis mtshon la/ gang gis nyams su myong bar bya zhe na/ lhan cig skyes pa'i rang bzhin ni/ shes rab kyi sbyor ba las byung ba dang tha mi dad pa gang yin pa de ni chos kyi phyag rgya'i zhes bya bas bstan te/ lhan cig skyes pa'i rang bzhin ni gong du bshad pa kho nar zad do/ /shes rab kyi sbyor ba las byung ba dang zhes pa dang/ shes rab ni las kyi phyag rgya ste/ sbyong ba ni ka ko la dang po la'o/ /de las byung ba ni mtshon byed kyis mtshon pa'i mtshan bya'i don to/ /don de dang tha mi dad par ston par byed pa ni bla ma'i man ngag bde stong ston par byed pa'i sgra spyi'i rnam pa'o/ /de las rtogs pa bde stong don spyi'i rnam pa gang yin pa de ni chos kyi phyag rgya'o/ /bla ma'i gdams ngag gi 'khrul pa sel bar mi nus so snyam pa la bstan par bya ste/ de las gzhan pa ni dper na mun pas kun nas dkrugs pa la nyi ma'i 'od zer dang 'dra bar mi shes pa'i 'khrul pas kun nas dkrugs shing rtog pa'i dra ba

  648. 328b

    dpag tu med pa gnas pa dag la/ bla ma'i gdams ngag 'brel pa rjes su slob ma'i gdams pas/ 'khrul pa rdul tsam gyi zug rngu yang bcad de/ blo yi bdag nyid spangs nas rtogs pa'o zhes bya ba la/ de las gzhan pa ni/ ngo bo las gzhan pa'i nus pa ston par byed pa'i tha tshig go /dper na mun pas kun nas dkrugs pa la zhes pa ni/ mun pa ni snang ba nub pa'i dus su shugs kyi 'byung la/ lag pa brkyang pa dang bskum pa tsam yang mi mthong ba ni kun nas dkrugs pa'o/ /de la nyi ma'i 'od zer shar bas mun pa'i ngo bo dag cing rab tu bsal bar 'gyur ba'i dus su/ mun pa bsal bar byas pa dang/ /snang ba grub par bya ba med pa dang 'dra bar thog ma med pa nas/ mi shes pa'i dbang gis tha dad du brtags pa'i 'khrul pas kun nas non cing gnyis med kyi ye shes phyogs tsam yang ma mthong la/ rtog pa sna tshogs kyis dkrugs shing rtogs pa'i dra ba las byung nyon mongs pa dpag tu med pa dag gis rnam par smin pa dag la/ bla na med pa yang dag par rdzogs pa'i sangs rgyas de bskyed par byed pa'i mar gyur pa'i man ngag brgyud pa dang ldan pa dang/ de yang sgrar 'brel ba dang lus kyi byin gyis brlabs pa rjes su slob pa'i gdams pa ni nyi ma lta bu ste/ de dag gi nus pas mun pa lta bu 'khrul pa rdul tsam gyi zug rngu bcad do/ /snang ba dang stong pa yul du byas pa'i blo'i bdag nyid spangs nas/ snang ba dang stong ba dbyer med pa nyid du rtogs pa'o/ /blos gzhag gi dngos po dngos med du ji ltar 'gyur zhe na/ gsung rab las/ srid pa gsum po yongs gyur pa/ /gzung dang 'dzin pa rnam spangs pa'o/ /yang na thabs ni thams cad kyis/ /dngos po dngos med mtshan nyid rtogs/ /zhes bya ba'i phyir rtogs pa kho na'o/ /gal te dngos po thams cad ni ye nas

  649. 329a

    dngos po med pa ste/ dngos po zhes bya ba gang zhe na/ bstan par bya ste/ sa dang chu dang me dang rlung gcig tu gyur pas zhes bya ba la/ sa ni sra ba ste rten par byed pa'o/ /chu ni gsher ba ste bskyed par byed pa'o/ /me ni tsha ba ste smin par byed pa'o/ /rlung ni g.yo ba ste yang zhing skyed par byed pa'o/ /de dag thams cad ni rang bzhin du grub pa ma yin yang/ bag chags kyi stobs kyis 'khrul ba'o/ /de la dngos po zhes bya ste/ gcig tu gyur pa ni skye med kyi rgyas gdab pa'o/ /gal te rgyas btab pas rtogs pa de dag dngos po nyid kyi rtogs na ni dug gis dug sel bar mi nus pa dang 'dra'o/ /dngos med kyis sel la/ rtog pa dang bral ba'i phyir rgyas gdab par yang mi rigs so zhe na/ ma yin te dngos po nyid kyi dngos po sel te/ dper na dri mas dri ma 'khru ba dang 'dra'o/ /de yang gsung rab las/ rdo rje snying po snying rje che/ /dngos po nyid kyi rnam par grol/ /zhes gsungs pas so/ /de bas na dngos pos dngos po la brtags pas dngos po sel to/ /gal te khams gsum pa thams cad sangs rgyas par rigs te/ dngos po la longs spyod pa'i phyir ro zhe na ma yin te/ de dag gis ni dngos po yongs su ma shes pa ste/ brtags pa'i phyir grol bar mi 'gyur te/ gang gis yongs su shes pa de nyid grol bar 'gyur bas na/ gsung rab las/ dngos po bcings pas bcings gyur pa/ /yongs su shes pas grol bar 'gyur zhes gsungs pa'i phyir ro/ /gal te yongs su shes pas ji ltar rtogs she na bstan par bya ste/ 'jig rten gsum dbyer med pa'i rang bzhin ni lhan cig skyes pa'i ye shes te zhes bya ba la/ 'jig rten ni 'jig cing brten pa'i brtan pa dang/ g.yo ba'i bdag nyid do/ /gsum ni 'dod pa dang gzugs dang gzugs med pa'o/ /de dag gi

  650. 329b

    rtogs pa ni nyon mongs pa bag chags dang bcas pa'o/ /de spong ba ni bla ma las 'ongs pa'i skad cig bzhi dga' ba dang bcas pa'o/ /dbyer med par byed pa ni bzhi pa'i gdams ngag ste/ bde ba dang stong pa dbyer med pa'i rang bzhin lhan cig skyes pa'i ye shes so// //gal te bzhi pa bstan pa tsam gyis de ltar 'gyur ram zhen ma yin te blugs shing dkrugs pa zhes bstan pa'i phyir dang/ ngag gi spyod yul las 'das pa'i phyir dang/ de kho na nyid bstan par mi nus pa bla ma'i gdams ngag gis bstan kyang thos pas mngon du bya bar mi nus pa'i phyir ro/ /de bas na gsung rab las/ smras pa bos myong de kho na nyan pas mngon sum mthong ste/ 'on kyang sgra las skyes pa ste/ rnam rtogs gzugs brnyan nyid yin no/ /zhes gsungs so/ /de dag dpyad pa rtogs pa'i gdeng dang ldan pa dang/ man ngag gi nyams su myong bar byas nas 'bad pa med pa'i ting nge 'dzin dang ldan no/ /bcos ma'i rtog pa mi sbyong zhing/ /byas pa'i rlabs ma lngar ste med de/ /de yang bdag nyid ji lta bu zhe na bstan par bya ste/ de'i bdag nyid ni gzhan du mi 'gyur te/ stong pa dang snying rje dbyer mi phyed pa'i zhes bya ba la/ de'i zhes bya ba ni lhan cig skyes pa'o/ /bdag nyid ni gnas thabs so/ /gzhan ni yul du byas pa'o/ /mi 'gyur ba ni rtag chad kyi dbang du mi 'gyur ba'o/ /stong pa ni chos thams cad skye mang du rtogs pa'o/ /snying rje ni rgyu mtshan gyi sgo ste/ /sems can 'khrul pa'i rgyu mtshan dang/ bdag nyid kyi nyams su myong ba'i rgyu mtshan no/ /dbyer mi phyed pa ni ma bcos pa ste gnyis med do/ /de dag gsal bar bya ba ni// bcom ldan 'das kyis gsung rab las/ rkyang ma shes rab rang bzhin te/ /rom thabs kyi yang dag gnas/ /sdig spangs pa ni dbus nyid du/ /gzung dang 'dzin pa rnam par spangs/ /de ni gnyis min gnyis mtshungs pas/ /smra ba'i brda min phyag rgya che/ /grub

  651. 330a

    par byed pa'i rgyu dang lam/ /zhes bya ba la/ bcom pa bdud bzhi'o/ /yon tan drug mnga' ba ni ldan pa'o/ /rtogs pa de bzhin nyid du thugs su chud pa ni 'das pa'o/ /gsung ni bka' o/ /rab ni bden pa gsung pa ste slu ba med pa'o/ /las zhes pa ni gdams pa tshad ma dang ldan pa'i don du lung 'bras bu'i gtan tshigs su bsgrub pa'o/ /rkyang pa ni rtsa ste khrag 'bab pa'o/ /de dag ni shes rab 'byed pa'i bdag nyid rtsa ba'i las rno ba'i rlung gi byed pa'o/ /A li bcu drug gi nus pa gnas pa dang/ g.yon na gnas pa dang/ rig ma las bde ba'i ye shes myong ba ni 'di dag gtsor gyur pa'i phyir shes rab bo/ /rang bzhin ni nus pa dang bcas pa'o/ /ro ma ni khu ba 'bab pa'o// thabs ni mngon du rgyu zhing rig pa'i tshul gyis nyams su myong ba'o/ /kA li bzhi bcu'i nus pa gnas pa dang/ g.yas su rgyu ba dang/ kun rdzob kun da lta bu'i bde ba de dag gis gtsor myong ba dang/ dpa' bo la rag las pa'i don gyis na'o/ /yang dag gnas pa ni bde stong gi rten byed pa'o/ /sdig ni mdza' o/ /spangs pa ni mdza' dang bral ba'o/ /ma ni yon tan gyi 'byung gnas so/ /dbus ni a ba d+hu tI'o/ /nyid ni dbyer mi phyed pa'i rlung ngo/ /gzung ba ni phyi'o/ /'dzin pa nang ngo/ /rnam par spangs pa ni gnyis las grol ba'o/ /grol ba de ni bde ba dang stong pa gnyis su min no/ /gnyis spangs pa yang ma yin te/ dbye mi phyed pa'i phyir mtshungs pa'o/ /de tsam du yang ma 'dzin pas na sgro skur dang bral ba'i phyir smra ba'i brda gtan la dbab par mi nus pa'i phyag rgya chen po ste/ de don du grub pa'i rnam par smin pa'i rgyu dang lam mo/ /de la yang ji ltar 'bad par bya zhe na/ de ltar rab tu 'bad pas 'bras bu nye bar rnyed pa'i rgyur gyur pas lam du

  652. 330b

    shes par bya'o/ zhes bya ba la/ de ltar ni gong du bstan pa de ltar ro/ /rab tu 'bang pas ni ma yengs pa'i nges pa dang bcas pa'o/ /'bras bu ni phyag rgya chen po'o/ /nye bar ni skye ba 'di'o/ /rnyed pa ni mi slu ba'o/ /rgyur ni ma bcos pa'o/ /gyur pa ni rigs mthun pa'i rgyu'o/ /de las goms par bya ba'i tha tshig tu lam du shes par bya'o/ /zhes pa'o/ /lam de yang ji lta bu zhe na/ bstan par bya ste/ lam rab tu mkhas pas rtogs par 'gyur te/ de dag la goms par byas pas 'gog pa dang lhan cig skyes pa'i rang bzhin dbyer mi phyed par mngon du byed par 'gyur zhes bya ba la/ lam la rab tu mkhas pa ni shes rab kyis thabs la rgyas btab pa dang thabs kyis shes rab la rgyas btab pa dang/ gnyis med kyi rgyas gdab pa'o// de la yang snang ba thugs phrad dang/ du ma ro gcig dang/ sna tshogs don mthun pa'i mtshan ma rang sar grol ba dang/ goms pa dang khong du chud pa'o/ /gnyis pa ni lus kyi sna rtse bskul ba dang/ bdag byin gyis brlabs pa bskul ba dang/ yid kyi sna rtse bskul ba'o/ /gsum pa ni bde ba dang stong pa dang gnyis su ro mnyam pa'o/ /des 'bras bu 'byin pas na rtogs par gyur te/ de dag la goms par byas pas zhes bya'o/ /'gog pa ni snang zhing grags pa'i chos rnams so/ /lhan cig skyes pa'i rang bzhin dbyer mi phyed pa ni chos kyi phyag rgya mthar phyin pa ste/ shes pa rnal mas sngon du byed par 'gyur ro/ /de yang nges par bya ba ni de bas na yang gsungs pa ni/ 'di la gsal bya ci yang med/ gzhag par bya ba cung zad med/ /yang dag nyid la yang dag lta/ /yang dag mthong na yang dag grol/ /zhes bya ba la/ 'di la ni chos kyi phyag rgya'o/ /gsal bar ni snang ba chos kyi sku yin pa dang/ bla ma yin pa dang/ gdams pa yin pa dang/ glegs ba ma yin pa dang/ med pa zhig lags pa

  653. 331a

    yang mi dgos/ /yod na gsal yang mi sol ba'i phyir bsal bar bya ba med do/ /de bas na gsung rab las/ gzugs ni rang gi ngo bo med de/ mthong ba po yang med do/ /sgra med de thos pa po yang med do/ /dri med de snom pa po yang med do/ /ro med de myong ba po yang med do/ /reg med de reg pa po yang med do/ /sems med de bsam par bya ba yang med do zhes gsungs pas so/ /gzhag pa ni bsgom pa ste/ de yang gnyis yod na de'i phyir bsgom par rigs pa las gnyis med pa'i phyir bsgom par bya ba cung zad med do/ /de bas na gsung rab las/ bsgom bya med cing sgom byed med/ /gsang sngags med cing lha yang med/ /spros pa med cing rang bzhin du/ sngag dang lha ni yang dag gnas shes bya bas so/ /de bas dmigs par bya ba cung zad kyang med do/ /de'i phyir snang ba skye ba dang sems skye ba gnyis mi phyed pa ni/ yang dag nyid la zhes bya'o/ /de yang ci yang ma yin pa'i tshul gyis lta ba la yang dag lta zhes bya'o/ /de mngon du byung ba ni yang dag mthong ba ste/ de ma thag tu skad cig nas rnam par grol bar ro zhes bya ba'i phyir na rkyang ma dang ro ma gnyis kyi dbus ni sdig spangs ma ste lhan cig skyes pa'i ye shes so zhes bya ba ni go sla'o/ /gal te grol ba de dag goms pa las byung bas na gom pa ji lta bu zhe na/ de nyid la rtag tu goms pa ni tsa na ra tsa ba bzhin no zhes bya ba la/ yul ra ma la'i rgyal po tsa na ra tsa ba bsnyung? bas/ drang srong rig pa mkhan la brtags pa dang/ rgyal po'i blon po bram ze mdun na 'don/ tsa nar tsa la 'bru mar ka to ra gang bskur bas/ lho phyogs gzhi rab tu 'dar ba la btang ste/ rgyal bu stobs dang ldan pa gnyis kyis ral gri rab tu rna ba thogs te/ 'di dag dpag tshad gcig tu ma skyol bar bo na/ khyod lus dum bu brgyad btubs

  654. 331b

    te/ yab rgyal po yang 'da' bar 'gyur ro zhes pas/ rkang pa gnyis rab tu brtan nas/ /lag pa gnyis kyi g.yas g.yon nas bzung ste/ shes pa dam du brtan par bcas te/ mig mar khu las gzhan du ma yengs par byas pas mthar phyin te/ rgyal po snyun dangs nas/ blon pos rgyal pos srid rab tu sgyur ba'i dbang thob bo/ /dpe de bzhin du chos kyi sku'i rgyal po/ rnam par rtog pa'i nad kyis bzung ba dag la/ bla ma'i rig pas brtags te/ tha mal gyi shes pa'i blon pos bde ba chen po'i sa gzhi la mnyam pa'i rtog pa dang ldan pa'i phyogs su bltas te/ thabs dang shes rab kyi rkang pa nges pa'i shes pas bstan par byas nas/ bde ba dang stong pa'i lag pa g.yas g.yon gyis/ gnyis med kyi ka tor khyer te/ nyams su myong ba'i mar khu 'khor bar mi 'gyur bar dam bcas nas/ ma yengs pa dang yid la mi byed pa'i mig gnyis kyis bltas te/ 'on te skye med kyi nyams dang bral te/ mngon par zhen pa'i rgyal bus rtag chad kyi mtshon btab ste/ mdza' gnyis su gsod par 'gyur snyam pas goms par byas nas/ chos kyi sku'i rgyal po rtog pa'i nad dang bral zhing/ sku gsum dbyer med pa'i rgyal srid la dbang bar 'gyur ro/ /de dag gi thabs de dag gnag las 'byung zhe na/ de rtogs pa dang/ don thams cad lhan cig skyes pa'i rang bzhin gnyis su med de/ sems rtse gcig par 'jug pa ni bla ma dam pa'i gdams ngag nyid las so zhes bya ba la/ gong du bstan pa de rtogs pa dang/ nyams su myong ba 'di lta bu 'char bar 'gyur te/ phyi rol gyi don sngon po la sogs pa thams cad lhan cig skyes pa'i rang bzhin gnyis su med de bsam gyis mi khyab par 'gyur ro/ /de la dang po lhan cig skyes pa la gom pa dang/ rtog pa dang tha mi dad par gzhag pa dang/ rtog pa nyams su myong ba la

  655. 332a

    thim pa dang/ yid la mi bya bar gzhag go /de las rtog pa skyes nas/ sngar gyi yid la mi byed pa dang tha mi dad par gzhag pa'o/ /de lta bu'i sems rtse gcig par 'jug pa ni/ bla ma dam pa'i gdams ngag slob ma la bshad pa spros pa med pa'i don lan du mar gsol ba btab pa dang/ tshogs kyi 'khor lo'i dus su byung ba dang/ nyams su myong ba 'bar ba'i shugs kyi sbyong ba'i dus su ched du ma gtad par byung ba nyid las mngon du byed par 'gyur ro/ /do bas na mos kyi phyag rgya ni phyag rgya chen po bsam gyis mi khyab pa'i rgyur gyur pa'o zhes pa ni go sla'o/ /gal te mnyam pa la gzhag na gnyis med du myong yang/ rjes thob sna tshogs su snang bas nyams su myong ba dang bral lo zhes na/ bstan par bya ste/ de yang gsung rab las/ gzugs dang sgra sogs skye ba med/ /gang gis lhan cig skyes rig na/ /gzugs sogs blo yis myong dus su/ /skye med bcos myong ma yin nam/ /gang zhig star bu myong ba yis/ sgyur ba mthong tsam nyid na yang/ /star bu'i ro dang bcas myong bzhin/ /snang stong gnyis med bder ro gcig ces 'byung bas so zhes bya ba la dang por bla ma'i zhal las thos pa'i don bdag nyid kyi blos dpyad pas gzugs dang grags pa la/ sogs pa'i chos thams cad skye med du rtogs par byas la/ don de dag gnyis med du nyams su myong ba ni/ gang gis lhan cig skyes par rig pa ste/ de dag la goms na tha na rmi lam gyi gnas skabs na yang/ gzugs la sogs pa blo'i gang nyams su myong ba'i dus su skye ba med pa dang bcas par myong ba nyid ma yin nam/ dper na skyes ba dang bud med gang zhig gis sngon du star bu myong ba'i rgyu mtshan gyis/ phyis sgyur ba gzhan

  656. 332b

    mthong tsam nyid na /yang de ltar? bu las myong ba'i ro dang khyad med de/ /de dang bcas par myong ba bzhin no/ /de bas na snang ba sna tshogs su shar ba'i rjes thob kyis snang bar mi 'gyur te/ stong pa dang gnyis su med pa rtogs pa'i grogs su 'gyur ro/ /chos kyi phyag rgya rnam par smin pa'i 'bras bu zhes bya ba ni/ phyag rgya chen po skyer rung ba dang/ tshogs bsags pa'i rnam par smin pa dang/ bla ma dam pa bsten pa'i gdams pa'i rnam par smin pa dang/ las chung la 'bras bu che ba nyid kyis so/ /de yang gsungs rab las/ rnam smin de las bzlog pa ste/ /las chung 'bras bu che ba'i phyir zhes pas so/ /nges par bstan pa ni bde stong spyi'i rnam pa ma bcos pa nges par bstan pa'o/ /gnyis pa ni dang po ltos pas so// de dag gis ni chos kyi phyag rgya mdor bsdus te bstan pa'o/ /nu ma gnyis te lag mthil gnyis/ /thal mo gdab ste mnyam du gzhag /o ta ra ta/ du nga i/ a aM sa ra// //da ni 'bras bu phyag rgya chen po bstan par bya ste/ a phyag rgya chen po ni/ phyag rgya yang yin pa chen po yang yin pa'i phyir phyag rgya chen po'o/ /zhes bya ba la a ni a ka ma ta sa A ste/ rgyu lam 'bras bu gsum du skye ba med pa'o/ /de yang rten 'brel las skyes ba dang ma skyes pa dang tha mi dad pa'o/ /phyag rgya ni mi 'da' ba' i don te/ dpe dang yod pa dang yin pas mi 'da' ba' o/ /de yang nam mkha' lta bu dang/ gyad kyi nor bu lta bu dang/ dug sngags kyis btul ba lta bu yang yin la/ /chen po ni las dang chos dang dam tshig dang gsum gyi mchog tu gyur pa'i phyir yang yin pas na phyag rgya chen po'o/ /phyag rgya chen po la 'bras bur bzhag pa'i rgyu mtshan ci yod ce na bstan par bya te/ de yang rang bzhin med pa'i ngo bo nyid/ /sgro skur gyi dpen pa zhes bya ba la phyag rgya chen por rig

  657. 333a

    ba dang/ de la yang rang bzhin med pa ni rnam pa sna tshogs pa'i skad cig ma 'dzin pa dang bcas pa dang/ rnam par smin pa brtag dpyad dang bcas pa dang/ rnam pa med pa gzung 'dzin dang bcas pa'i dri ma ste/ de dag gi yang rang bzhin med pa ni dri ma dang bral bar rigs so/ /de dag gi ngo bo nyid ni sgro skur dang bral ba ste/ dper na shing sna tshogs pa las me bus pa me lce gcig tu gyur te/ shing zad pa'i dus su me mi gnas pa bzhin du/ snang grags sna tshogs pa las skyes pa'i me lce gcig tu gyur te/ skye med rtogs kyi rjes la skye med tsam du yang mi 'dzin te/ de dag gang du yang mi 'dzin pa ste/ de dag gis rtogs pa de yang sangs rgyas pa ste/ rtogs pa tsam la rag las pa'o/ /de bas na skad cig gcig gis rdzogs sangs rgyas zhes pa'i phyir dgag sgrub dang bral bar rigs so/ /dben zhes pa stong pa'i tha tshig go /phyag rgya chen po nyid ji lta bu zhen re ba bcad pa ste/ shes bya'i sgrib pa la sogs pa spangs pa zhes bya ba la shes bya'i sgrib pa ni nyon mongs pa dang/ nye ba'i nyon mongs pa spang dka' ba shin tu phra ba rnams so/ /sogs pa ni nyon mongs pa dang nye ba'i nyon mongs pa shin tu rags pa rnams so/ /spangs pa ni spang bya ser sna dang/ 'chal pa'i tshul khrims dang/ gnod sems dang/ le lo dang/ rnam par g.yeng ba dang/ 'chal pa'i shes rab rnams la sbyin pa la sogs pa spong bar 'dod pa med pa ni gnyen po la re ba med pa'o/ /bskyed pa'i dang rdzogs pa 'di gnyis kyis legs pa la sbyangs pas 'bras bu zhig thob snyam pa med pa ni/ de kho na nyid la re ba med pa'o/ /'bras bu rdzogs pa'i sangs rgyas shig logs nas 'thob po snyam pa med pa ni 'bras bu la re ba med pa'o/ /de yang nyon mongs pa dbang du slong ba dang/ chos thams cad kyi de bzhin nyid

  658. 333b

    bsgom du med pa dang/ bde ba chen po rang chas su yod pa'i phyir ro/ /de yang chos rnam pa lnga dang ldan te/ ston ka'i nyi phyed kyi nam mkha' ltar dri ma med pa zhes bya ba bzhi la/ ston ka'i dus kyi nyi phyed kyi nam mkha' ni sprin dang/ 'ja' tshon dang/ na bun dang/ khug sna dang/ rlung gis ma dkrugs pa dag ni ma skyes shing rang bzhin la/ 'das pa dang/ ma 'ongs pa dang/ da ltar gyi dus su khyab pa dang/ gdod ma nas mi 'gyur ba dang/ 'khor ba thams cad la khyab bzhin du/ phyag rgya chen po de dag kyang ngo bo nyid kyis ma skyes pa dang/ yod pa dang med pa dang gnyis dang gnyis med pa'i rang bzhin med pa dang/ 'khor ba'i dus dang sbyangs pa dang/ khyad par du sbyangs pa dang/ bla na med pa dang/ mngon du gyur pa'i dus rnams la yang phyag rgya chen po nyid do/ /de nyid las sna tshogs su snang yang 'gyur ba cung zad kyang med de/ dper na nam mkha' la sprin dang 'ja' tshon la sogs pa snang ba yang nam mkha' las mi 'gyur ba dang/ chu la rlabs dang rnyog ma dang/ sbu ba dang/ gnyer ma la sogs pa chu nyid las mi 'gyur ba bzhin no/ /de yang yungs kar la mar gyis khyab pa bzhin du 'khor ba'i bdag nyid la khyab pa'o/ /de yang phyag rgya chen po nyid snang du zad kyi khyab bya khyab byed kyi tshul ni ma yin no/ /de de bas na gsung rab lag pa ni ston pa nga ni chos/ /nga ni tshogs ldan nyan pa nga'o/ /'gro ba'i ston pa sgrub bya ba/ /'jig rten pa nga 'jig rten nga/ /mchog dga' i mdza' ste bral pa'i mdun/ /lhan cig skyes dga' i ngo bo nga/ /mun pa la ni sgron me bzhin/ /bu gang de bzhin shes byed gang/ /zhes bya bas shes par bya'o/ /de la sku'i bye brag ji ltar gzhag ce na/ bstan par bya ste/ yon tan thams cad kyi 'byung gnas zhes bya ba la/ yon tan ni chos dang longs spyod dang sprul pa dang ngo bo nyid de/ de yang rang gi nyams su myong ba la gnas te/ sgro skur

  659. 334a

    dang bral ba dang/ nyams su myong ba dang/ sna tshogs su shar ba dang/ gnyug ma'i ngo bo gcig pa'o/ /de yang so ma dang rang dga' dang lhug pa'o/ /de yang rje btsun gyi zhal snga nas/ kye ho grogs dag lhan cig skyes pa de// gzhan nas mi rnyed bla ma'i zhal la dris/ /don dam zhal gyi ngo bo ma rtogs na/ /yid ni 'chi byed rlung ni 'chad pa med ces pa ni skad cig ma skyes la ma 'gag pa'i ngo bo ji lta ba'o/ /gnyis pa ni rje btsun pa'i zhal snga nas/ ji ltar gzings la 'phur ba'i bya rog bzhin/ /bskor zhing bskor zhing slar yang de ru 'bab ces bya bas bsam gyis mi khyab pa'o/ /gsum pa ni rje btsun pa'i zhal snga nas/ /glang chen lo ma nas sems tshags chud pa ni/ /'di ni 'gro 'ong bcad nas dal ba ste/ /de ni 'di ltar rtogs so chos ci dgos/ /zhes bya ba ni bde zhing ngal ba rgyun du'o/ /de ni thams cad kyi 'byung gnas so/ /de bas na de ltar ngo tsha med smra mkhas pas zhes bya bas so/ /de lta bu'i ye shes ni phun sum tshogs pa thams cad kyi gzhir gyur pa zhes bya ba la/ phun sum tshogs pa ni ji ltar 'dod pa'i bde ba tshogs pa'o/ /thams cad kyi zhes pa ni 'khor ba'i bde ba dang mya ngan las 'das pa'i bde ba chen po'o/ /gzhir gyur pa ni nor bu lta bu ste/ 'byung ba'i gzhir gyur pa'o/ /de yang ji ltar blta zhe na/ dag pa dang/ dam pa dang/ bsam gyis mi khyab pa/ 'khor ba dang mya ngan las 'das pa gnyis su med pa'i rang bzhin zhes bya ba la lhun gyis grub pa ste/ gdong ma nas sangs rgyas pa ni dag pa'o/ /bde ba dang stong pa zung du 'jug pa ni rtag pa dang chad pa'i mdza' las bral ba ste/ dam pa'o bsam gyis mi khyab pa ni yengs pa'i mu dang bral ba'o/ /de yang gsung rab las/ sangs rgyas kun gyi ye shes ni/ /bya ba cung zad med pa ste/ /'di la yengs pa'i mu dang bral/ /bsam mi khyab gyi?

  660. 334b

    dus nyid do/ /de lta bu'i ngo bo dag gi 'khor ba dang rnam par rtog pa'i bdag nyid ye shes skye ba med pa 'bar bas mya ngan las 'das pa gnyis su med pa'i rang bzhin las rtogs na bcu bzhi pa'i sa lam rtogs na 'khor ba nyid kyi phyir ro/ /de yang rje btsun pa shar phyogs kyi dur khrod pa'i zhal nas rgyu med pas gdod ma nas sangs rgyas te/ dag pa dang sems can thams cad la rang chas su yod pas dam pa ste/ min ngag gi spyod yul du rung ba dang so sor rtogs pa'i shes rab yong pa'i phyir mu thams cad bral ba ste bsam gyis mi khyab pa'o/ /nyams su myong ba de nyid chu bo ltar dus thams cad du nyams su myong bas/ gnyis kyis mi phyed pa ste/ 'khor ba dang mya ngan las 'das pa gnyis su med pa'i rang bzhin no/ /de dag las gzhan don 'byung ngam zhe na bstan par bya ste/ dmigs pa med pa'i snying rje chen po'i lus zhes bya ba la/ dmigs pa med pa'i snying rje chen po dang/ smon lam thun mong ma yin pa'i stobs kyis/ lus gzugs sku rnam pa gnyis/ snang ba shin tu dag pa dag /dag pa las 'byung ngo/ /lus de kho na nyid las gzhan nam zhe na bstan par bya ste/ bde ba chen po rang bzhin gang yin pa'i ngo bo nyid do/ /zhes bya ba ste/ bde ba chen po'i ni sgro skur dang bral ba la/ yid la mi byed pa nyid kyi sku'o/ / de dag gi rang bzhin yin pa ni gzugs kyi sku ste/ ngo bo nyid do/ /gal te yid la byas pas 'gal tshabs can du 'gyur ba su zhig yod ce na bstan par bya ste/ gsung rab las/ de ltar yid la mi byed pa'i chos ni dge ba'o/ /yid la byed pa'i chos ni mi dge ba'o/ zhes bya ba la/ a ma na si zhes bya ste/ brda dang sgra'i bye brag gis shes par bya'o/ /de la yang a ni skye ba med pa/ ma ni yid de rtog pa/ se na byed pa'o/ /de bas na rtog pa dang byed pa ni a 'gegs par byed pas de nyid

  661. 335a

    du bkag pa'i phyir/ yid la mi byed pa'o/ /de'i phyir mi byed pa byed pa byed cing/ byed pa mi byed pa'i phyir dge ba'o/ /gzhan mi mthun pa'i phyogs la ni ma na skye zhes bya ste/ rtog pa med pa'o/ /de dag ni yid la byed pa'i chos te/ mi dge ba 'byung ba'i phyir 'khor bar brtag par bya ste/ gal te klu dag sha ka'i gtsug gi nor bu bzhin du bstan par mi nus so/ /ma yin te/ bla ma dam pa'i zhabs kyi bka' drin gyis rnam pa thams cad kyi mchog bka' drin nyams su myong par nus so/ /gal te phyag rgya chen po la skad cig ma bzhir mi gzhag pa ci zhe na/ dri ma med pa dang rang rig pa yin pa'i phyir ro/ /'o na bsams na dri mar 'gyur ba'i phyir/ bsam par mi rigs so zhe ne/ gnas pa med pa 'bad pa dang bral ba'i ye shes bsam gyis mi khyab pa ste/ dpyad pa las ma byung bar bsgom mo/ /de dag kyang bsam par bya ba dpyad nas/ mi sems pa de'i tshe bsam pa mi 'byung ba'i ye shes lhun gyis grub pa'i mi rtog par brjod do/ /de bas na bsam par byed pa'i rgyu med pas/ rgyu med pas bsam bya med pa ma yin te yod do/ /chad par 'gyur ro zhe na ma yin te/ de bzhin yang dag pa'i mdza' sngon du byas pas nyams su myong ba'i phyir mi 'gyur ro/ /'o na rnam par rig pa dang khyad med do zhe na/ 'dir ni sgyu ma lta bu yang sgro btags pa ste/ dbu mar sgro btags par zhen pa med do/ /rnal 'byor spyod pa dang/ dbu ma la khyad ci yod ce na/ rnam rig ni rnam par rtog pas brtags pa'i shes pa dngos su yod par rig la/ ma rig pa'i bag chags kyi dngos po yod pa ni rjes thob po/ /rnam pa gnyis med kyi tshogs nyams su myong pa ni gsal ba ste ma rtogs pa'o/ /dbu ma ni sems can gyi don gyi phyir kun rdzob tu tha snyad brtags pa/ byis

  662. 335b

    ba dag la don dam zhes mthong bar bya ba'i phyir ji srid du blos yul du byas pa thams cad ni kun rdzob tu brtags la/ de yang mthun pa'i rkyen tshogs pa tsam la snang zhing/ snang ba'i rgyun slu pa'i chos can yin pas/ sgyu mar mthong par byas te/ de yang bdag la ltos nas skad cig mar bzhag la/ cha shas dang bcas pa'i phyir rang bzhin med pa ste/ de yang rtag pa dang chad pa gnyis med pa las 'das pa ste/ rnam grangs ma yin pa'i don dam pa'i bden pa dri ma med pa'i cha blo yul du ma byas sgro skur dang bral ba'o/ /de yang smig rgyu la chur 'du shes pa'i dus nyid nas/ chu med de chur 'dus shes pa dang chu med pa gnyis tha mi dad pa nyid la/ smig rgyu bsal bar bya ba nyid dam chu bsgrub pa cung zad kyang med pa bzhin du/ 'khor ba gsal bar bya ba 'am/ mya ngan las 'das pa bsgrub par bya ba med do/ /de yang zung du 'jug pa ste/ /gang la gnyis kyi 'du shes med pa'o/ /de yang mthar thug pa'i don ni/ gsung rab las/ kun tu rtog pas ma brtags par/ rab tu mi gnas pa yi sku/ /dran pa med pa yid la byed/ /dmigs pa med la phyag 'tshal lo/ /zhes bya ba la/ de dag ni lta ba dang bsgom pa dang spyod pa dang/ dbyer mi phyed pa gsum du shes par bya'o/ /de yang kun tu rtog pas ma brtags pa'i dpyad pa gnyis dang bral ni spyod pa'o/ /bde ba dang stong pa rab tu mi gnas shing/ 'dod pa gnyis dang bral ba ni bde ba chen po ni sku ste/ lta ba'o/ /sbyor ba dang/ dngos gzhi dang mjug gi go rims kyi dran pa med pas yid la byed pa ni bsgom pa'o/ /gsum du brtags pas dbyer mi phyed pa ni/ dmigs pa med pa ste/ de dag la goms par med pa ni phyag 'tshal pa'o/ /zhes bya ba gang yin pa de dag gi phyag rgya chen po rig par bya'o/ /de lta bu'i phyag rgya chen

  663. 336a

    po ci yang ma yin pa'i bde ba chen po las dam tshig phyag rgya mchog gi 'bras bu skye bar 'gyur ro/ /zhes bya ba ni go bla'o/ /gal te phyag rgya chen po lhan cig skyes pa las/ dga' bral dam tshig phyag rgya 'byung bar mi rigs so zhe na/ de la yang gsung rab las/ gang zhig rgya gro d+ha 'dod pas/ /ma rig sha dag srun 'gyur na/ /de ni ma rig sha nyid do/ /rgyu dang 'bras bu dbyer med bzhin/ /bde bas gang bar 'dod pa la/ /phyag rgya chen po thob gyur nas grub pa med par rmi lam lta/ /gzugs ni snang bar 'gyur ba yin/ /zhes bya ba la rgyal po gang zhig bsil ba la mos pas/ shing n+ya gro d+ha 'dod pa'i phyir shing ma ri sha dag bskrun par gyur na n+ya gro d+ha skye bar 'gyur te/ rgyu ma ri shi las n+ya gro d+ha skyes pa ni ma yin no/ /n+ya gro d+ha de dag shugs kyis 'byung bar zad kyi/ ma ri sha las 'byung ba de ni ma ri sha nyid de/ rgyu dang 'bras bu dbyer med pa bzhin du grags chen gyis dang/ de las gzhan pa'i sems can rnams la bde ba gang bar 'dod pa la/ phyag rgya chen po mchog thob par gyur nas longs spyod rdzogs pa dang sprul pa'i sku grub pa med par rmi lam lta bu'i gzugs ni shugs kyis snang bar gyur pa yin no/ /a de dag ni phyag rgya chen po dri ma dang bral pa'i 'bras bu nges par bstan pas te/ gnyis pa la ltos pa'i phyir gsum pa'o// //de ltar bdag don yongs su rdzogs par bstan nas/ da ni gzhan don phun sum tshogs par bya ste/ hUM dam tshig gi phyag rgya ni zhes bya ba la/ /hUM ni de bzhin gshegs pa thams cad kyi thugs gnyis su med pa'i yi ge ste/ ha ni de bzhin gshegs pa thams cad kyi ye shes te de dag yod pa dang med pa dang gnyis dang gnyis med pa las mi skye ba'i phyir rgyu med pa'o/ /u ni rtag pa dang chad pa dang/ bem

  664. 336b

    po dang rig pa dang/ 'khor ba dang mya ngan las 'das pa'i rnam par rtog pa'i tshogs dang bral ba'o/ /a ni mdza' thams cad dang bral ba ste bde ba chen po'o/ /ye shes lnga'i tshul nyid kyang shes par bya'o/ /de bas na mar gyur pa'i phyir bskyed pa dang/ sna tshogs su 'char ba'i spro ba dang de nyid las gzhan pa'i phyir bsdu ba dang/ rang rig mtshan nyid yin pa'i phyir 'bras bu dam tshig gi phyag rgya'o// //dam tshig ni snying rje chen pos kun nas bslang pa'i bsam pas slob dpon ni dkon mchog gsum gyi spyan sngar gzhan gyi don khas mches pa dang 'jig rten pa'i sa nyid la gzhan gyi don smos pa dang chos kyi phyag rgya nyams su myong nas gzhan gyi spyod pa nyid do/ /phyag rgya ni de lta bu'i smon lam gyi stobs kyis sa bcu'i byang chub sems dpa' la rten gzhal yas khang brten pa lha'i 'khor lo dang bcas pa/ mtshan dang dpe byad kyis rab tu spras shing dbang po'i spyod yul du gyur pa ste/ skus chos ston pa rnams dang/ sgrub po dag la rang gi lhag pa'i ltar gnas pa dag la chos ston pa dang/ mthun par snang ba la shAkya seng ge lta bu dang/ thun mong sna tshogs su shar ba ni/ /gzhan gyi don phun sum tshogs pa'i 'bras bu ste/ phyag rgya chen po rnam par dag pa'i chos sku'i gtso bo las/ snang ba shin tu dag pa dang/ snang ba dag pa dang/ snang ba thun mong pa rnams la longs spyod rdzogs pa dang sprul pa'i sku'i rnam pa 'byung bar 'gyur ro/ /de bas na slob dpon d+harma kIr ti'i zhal snga nas/ de phyir yang dag yang dag min/ gang gang shin tu bsgoms pa las/ /bsgoms pa'i stobs kyis rdzogs pa dang/ bde gsal mi rtog blo 'bras can/ /zhes bya bas rtogs par bya'o/ /de yang phyag rgya chen po nyid snang ba'i phyir/ rang bzhin te zhes bya ba la/ de yang rnam med rjes thob lta bu ni ma yin te/ nor bu rin po che dang dpag bsam gyi shing dang/ buM

  665. 337a

    pa bzang po bzhin no/ /de bas na 'bras bu dam tshig gis phyag rgyar rigs pa'o/ /sems can gyi phyir 'das pa'i rgyun nye bar gzung bas rdo rje 'dzin pa he ru ka la sogs pa zhes bya ba ste/ gzhan gyi rtog pa dang mthun par 'phros pa ni spra? ba dam tshig gi phyag rgya'o/ /rgyu'i dus su ji ltar bslab par bya zhe na bstan par bya ste/ dam tshig gi phyag rgya rdo rje slob dpon gyi dbang blangs te/ zhes bya ba ni bshad zin to/ /de dag gi lam ji lta bu zhe na/ lha'i 'khor lo lha'i rnam pa ye shes lnga'i rang bzhin cho ga lngar brtags pa ni/ me long lta bu dang/ mnyam pa nyid dang/ so sor rtog pa dang bya ba nan tan dang/ chos kyi dbyings rnam par dag par 'gyur ba dang/ snod pa'i tshul du bsgom pa de yang sbyor ba dang po dang/ dkyil 'khor rgyal mchog dang/ las rgyal po mchog go /rdzogs pa'i rim pa rnam par brtags pa ni/ thig le'i rnal 'byor dang/ phra mo'i rnal 'byor dam tshig phyag rgya bsgom pa'i slob dpon gyis ni bsod nams chen po byas par 'gyur ro/ /zhes bya ba ni bum pa'i dbang ni lus ngag par byed pa ste/ dam tshig gi phyag rgya nyid yin pas/ spros pa sna tshogs pa'i phyir skal pa tha ma dag gis bsgrub par bya ste/ rdo rje slob dpon gyi dbang blangs la/ bdag dang gzhan grol ba dang/ dgrol ba dang bcas pa ste/ de yang dang por phyag rgya chen po bar gyur pa'i phyir snying rje dang/ sangs rgyas pa'i brtags nyid kyis phyir khrus dang byug pa dang/ skal pa dang ldan pa'i phyir lha'i nga rgyal dang bkra shis par bya ba'i phyir tshogs bsags pa dang/ don du 'gyur bar bya ba'i phyir tshad med pa bzhi dang/ chos thams cad kyi ngo bo bstan pa'i phyir stong pa nyid dang/ bar chod zhi bar bya ba'i phyir bsrung ba'i 'khor lo dang/ chos thams cad rnam par

  666. 337b

    thar pa'i sgo gsum gyi bdag nyid do/ /chos dbyings las skye ba'i phyir nam mkha' byin gyis brlab pa dang/ rten gyi zhen pa bzlog pa'i phyir gzhal yas khang dang/ gnas khang gi zhen pa bzlog pa'i phyir gdan pad+ma dang/ bzhon pa'i zhen pa bzlog pa'i phyir nyi zla'i gdan dang/ gos gyi zhen pa bzlog pa'i phyir glang po che dang stag gri pags pa dang/ rgyan gyi zhen pa bzlog pa'i phyir dur khrod kyi rgyan dang/ byug pa'i zhen pa bzlog pa'i phyir thal ba'i byug pa dang/ ltos pas 'jig pa'i zhen pa bzlog pa'i phyir gcer bu'i stangs dang/ 'khor gyi zhen pa bzlog pa'i phyir lha'i tshogs dang/ lus ngag yid kyi zhen pa bzlog pa'i phyir de nyid gsum dang/ skye mched kyi zhen pa bzlog pa'i phyir sems dpa' drug dang/ 'byung ba'i zhen pa bzlog pa'i phyir lha mo bzhi dang/ lus kyi zhen pa bzlog pa'i phyir dkyil 'khor du blta ba dang/ 'dod chags pa'i don du bde chen gyi sbyor ba dang/ zhe sdang dag pa'i don du he ru ka'i sbyor ba dang/ gti mug dag pa'i don du mi shes pa'i de kho na nyid dang/ nga rgyal dag pa'i don du skye ba med pa'i myong ba dang/ phrag dog dag med pa'i don du mnyam pa la ma yengs pa'i ye shes dang/ srog gcod pa'i nyes pa dag pa'i don du rtsa ba'i 'khor lo dang/ ma byin par len pa dag pa'i don du rlung 'byung 'jug gi gnas dran pa dang/ mi tshangs pa'i spyod pa dag pa'i don du phra mo'i thig le dang/ brdzun du smra ba dag pa'i don du rdo rje'i bzlos pa dang/ phra ma dag pa'i don du bla ma la bstod pa dang/ tshig 'khyal pa dag pa'i don du rdo rje sems dpa' i yi ge brgya pa dang/ ngag btsub mo dag pa'i don du bzlas pa dang/ chags sems dag pa'i don du sems la lta ba dang/ gnod sems dag pa'i don du yul la lta ba dang/ log lta

  667. 338a

    dag pa'i don du stong pa snying rje'i snying po can dang/ ser sna dag pa'i don du ma chags pa dang/ 'chal pa dag pa'i don du blo rlabs po che dang mi 'brel ba dang/ khong khro ba dag pa'i don du kun la rang gi lhar blta ba dang le lo dag pa'i don du thob par dka' ba'i 'chi bar myur bar blta ba dang/ g.yeng ba dag pa'i don du dgon pa bsten pa dang/ mtshan ma'i rnam par rtog pa dag pa'i don du gang dang gang skyes pa de dang de la dpyad par bya ba dang/ zas kyi zhen pa bzlog pa'i phyir bdud rtsi rnam pa lnga bsten pa dang tshigs su gyur par yang bya ste/ mi mthun pa dag par bya ba'i don du brda'i rab tu dbye ba la mkhas par bya'o/ /de las khyad par gyi don ni phyag rgya chen po dngos grub thob par bya ba'i phyir skyed pa'i rim pa dang/ mchog gi dngos grub thob par bya ba'i phyir rdzogs pa'i rim pa dang/ lha nye bar bya ba'i bzlas pa dang las nye bar grub par bya ba'i phyir gtor ma dang/ bsod nams kyi tshogs khyad par can la sogs par bya ba'i phyir/ tshogs kyi 'khor lo dang/ dngos grub myur du thob par bya ba'i phyir sbyin bsreg dang/ bla ma mnyes par bya ba'i phyir maN+Dal dang/ bkra shis par bya ba'i phyir mchod pa dang/ bar chad bzlog par bya ba'i phyir mchod rten gyi las dang/ shes pa dang bral bar bya ba'i phyir glegs bam bklag pa dang/ slob ma bsdu bar bya ba'i phyir dbang bskur ba'i dkyil 'khor gyi cho ga dang bya ba'i cha mkhas par bya ba'i phyir rgyud la sogs pa blta ba ste/ de dag thams cad kyang bdag la bltos pa'i gzhan gsal bar bya ba yin gyi bdag dag par bya ba la ni lha'i rnam pa phung po lnga la rigs lnga'i rgyas gdab par bya ste/ gzugs rnam par snang mdzad do/ /tshor ba ni rin chen 'byung ldan no/ /'du shes ni snang ba mdza' yas so/ /'du byed

  668. 338b

    ni don yod grub pa'o/ /rnam par shes pa ni rdo rje mi bskyod pa'o/ /de yang ye shes lnga'i rang bzhin te/ sna tshogs su shar ba ni/ me long lta bu dang/ rang gi ngo bo mnyam pa nyid dang/ rigs lngar snang bas so sor rtog pa dang/ phrin las kyi sgo nas bya ba nan tan dang/ sgro skur dang bral ba'i sgo nas chos kyi dbyings su rtogs par byas la/ de la mi bskyod pa dang/ rdo rje 'chang gi bshad pa kho nar zad do/ /cho ga lngar brtags pa ni mngon par byang chub pa lnga ste/ de nyid nyi ma dang zla ba dag la A li ka lis rgyan pa dang/ ro mnyam pa'i gong bu dang/ thugs kyi yi ge dang/ rdo rje rtse lnga pa dang/ sku yongs su rdzogs pa rnams la/ byang chub kyi mchog tu sems bskyed pa dang/ sems so sor rtogs pa dang/ gsungs rnam par dag pa dang/ thugs zad mi shes pa dang/ sku 'khor lo dam pa'i byang chub pa'i bdag nyid can me long lta bu dang/ mnyam pa nyid dang/ so sor rtog pa dang/ bya ba nan tan dang/ chos kyi dbyings kyi ye shes dang sbyar bar bya'o/ /rnam par dag par 'gyur pa ni/ me tog las 'bras bu 'byung ba lta bu'o/ /rnon pa'i tshul ni brtsegs pa slob dpon dag gi 'dod pa'o/ /de lta bu nyid du bsgom pa de yang rigs te/ phung po lnga ni mdor bsdus na/ sangs rgyas lngar ni rab tu grags/ /rdo rje skye mched nyid dag kyang/ /mkha' 'gro ma'i dkyil 'khor nyid/ /ces bya bas so/ /yang sbyor ba dang po ni rnal 'byor dang/ rjes thob kyi rnal 'byor ro/ /dkyil 'khor rgyal po mchog ni shin tu rnal 'byor ro/ /las rgyal po mchog ni shin tu rnal 'byor chen po'o/ /de lta bu'i lam de dag kyang 'di ltar shes par bya ste/ /grogs dag chu'i zla ba ni/ /bden pa ma yin brdzun pa min/ /de bzhin dkyil 'khor 'khor lo yang/ /rang bzhin med lus gsal ba nyid/ /ces bya ba gsung rab

  669. 339a

    las so/ /de dag kun tu brtags pa'i phyir bskyed pa'i rim pa'o// //de ni yod pa gsal bar byed pa bstan par bya ste/ rdzogs pa ni rang la'o/ /rim pa ni 'khor lo bzhi'i rim pa'o/ /rnam par btags pa ni e baM ma ya'o/ /thig le ni byang chub sems kyi khu ba ste/ kha dog dang dbyibs so/ /bde ba dang yid tha mi dad par byed pa ni rnal 'byor ro/ /phra mo ni rlung dang rtsa'o/ /rtsa ni 'khor lo rnam bzhi'o/ /de dag yid sbyor bar byed pa ni rnal 'byor te/ spros pa'i mdza' dang bral ba'i phyir dam tshig gi phyag rgya'o/ /bsgom pa ni dmigs pa'o/ /slob dpon ni dbang gi rnam par phye ba'i gzhan gyi don ni/ /bsgrub pa po des nyon mongs pa bcom phyir bsod nams chen po byas par 'gyur ro/ /mchog gi 'bras bu ma yin nam zhe na/ de ltar yin yang chos kyi phyag rgya'i bdag nyid dang/ 'bras bu rtogs par mi 'gyur te/ nges pa'i rgyu las nges pa'i 'bras bu 'byung bar 'gyur ro/ zhes bya ba la/ bsod nams kyis nyon mongs pa'i sgrib pa dag par byed pa de ltar yin yang/ /chos kyi phyag rgya bde stong spyi'i rnam pa'i bdag nyid dang/ 'bras bu phyag rgya chen po bde stong rang gi mtshan nyid rtogs par mi 'gyur te/ de ci'i phyir zhe na/ dam tshig gi phyag rgya spros pa sna tshogs pa rtogs pa can gyi spyod yul zhen pa dang bcas pa 'khor ba'i rgyu de bcos ma'o/ /de bas na nges pa ma bcos pa'i rgyu las nges pa'i 'bras bu rtogs par 'gyur ro zhes gsungs pas so/ /gal te bcos ma yin pa'i phyir lam tsam du yang mi rigs so zhe na/ byis pa blo chung ba rnams kyis ni/ bdag med la sogs go bya'i phyir/ /dge shes dam pa mchog bsten nas/ /rim par de bzhin bstan par bya zhes bya ba'i phyir dang gsung rab las/ 'di

  670. 339b

    dag thams cad sems tsam du/ /thub pas gang zhig gsungs pa rnams/ /byis pa skrag pa spang ba'i phyir/ /gsungs kyi de bzhin nyid du min/ zhes 'byung ba nyid kyis/ de bas na don dam pa rang bzhin med pa nyid de/ bskyed pa dam tshig gi phyag rgya'o/ /'dis ni dngos po rnams ni de kho na nyid bstan pa'o/ /dngos po de kho na nyid du ji ltar bsdu zhe na/ bstan par bya ste/ de'i phyir rnal 'byor pa dag gis/ gang gyis pa rnams kyis brtags pa'i/ /brtan g.yo'i dngos po thams cad lhan cig skyes pa'i nyams su myong ba'i ro gnyis su med pas/ de nyid du phug ste/ tha mi dad pa de nyid byang chub bla na med pa'i ster du gyur pa'o/ /des ni 'jig rten gsum gyi 'khor lo sgyur yang dag par sgoms par gyur te/ lhan cig skyes pa'i dga' ba dang/ de nyid nyams su myong ba lam gyi rtogs pa dang/ sgro skur dang bral bas bsam gyis mi khyab pa'i bdag nyid du gyur te/ /'gyur ro/ /mngon par rnyed pa'i dngos grub mchog bsgoms pas 'thob bo/ zhes bya ba la/ gang de kho na nyid la rmongs pa ni byis pa ste/ de lta bu rnams kyis tha snyad du btags pa'i ma rig pa bag chags rab tu stug po las/ /rnam par rtog pa'i dbang gis brtan pa dang/ g.yo ba'i dngos po thams cad la mngon zhen du bltas pas sdug bsngal du gyur ba dag la dpe'i lhan cig skyes pa'i las kyi phyag rgya nyams su myong ba'i ro chos kyi phyag rgya lhan cig skyes pa'i gnyis su med pas brtags pa thams cad de nyid du phug ste/ spang bya dang blang bya tha mi dad na/ dper na gser 'gyur gyi rtsis lcags gser du 'gyur ba bzhin du/ dngos po de nyid byang chub bla na med pa'i gter du gyur pa'o/ /las 'dis ni 'dod pa dang gzugs dang/ gzugs med pa'i 'jig rten chos dang longs spyod rdzogs pa dang/ sprul pa gsum gyi 'khor lo dbyer mi

  671. 340a

    phyed par yang dag par bsgoms par 'gyur te/ rtogs pa'i dus de nyid na dpe'i lhan cig skyes pa'i dga' ba dang/ des mtshon pa'i ye shes de dag nyams su myong ba don lam gyi rtogs pa dang/ sgro skur dang bral ba'i phyag rgya chen po'i 'bras bu rnams bsam gyis mi khyab pa'i bdag nyid du gyur pa ste/ de dag gis rtogs pa de dag sngon snying po don gyi sangs rgyas su gyur to/ /ma 'ongs pa rnams 'gyur ro/ /de ltar mngon par rnyed pa'i dngos grub mchog /gang gis bsgoms pas 'thob po/ /de dag nges par sgrub par nus sam zhe na/ bstan par bya ste/ de bas na gsung rab las/ 'di ni gzhal yas khang min las min dbang po min te 'byung ba la sogs min/ gzugs la sogs pa ma yin srog chags min zhing mi dang gzhan ma yin te rdzogs sangs rgyas/ 'khor lo'i gtso bo dag ni chos sku yin te/ dkyil 'khor pa dang lha dag dang/ khams gsum 'di dag thams cad sna tshogs ma yin 'khor lor rtogs na ji ltar 'khrul par byed/ ces bya ba la/ brtags pa 'di ni gzhal yas khang ste/ bde ba chen po nyid gzhal yas khang du shar pa'i phyir/ /gzhal yas khang rtogs pas phyag rgya chen por rig par bya ste/ gzhal yas khang gsal bar bya ba 'am/ bde chen bsgrub par bya ba ni med do/ /bdag dang gzhan gyi lus kyang de bzhin te yin no/ /mig dang rna ba dang sna dang/ lce dang lus dang yid rnams kyang dbang po gzhan min te gong bzhin no/ /'byung ba sa dang chu dang me dang rlung dang de dag la sogs pa ni rten 'brel bcu gnyis gzhan min no/ /gzugs la sogs pa ni sgra dang dri dang ro dang reg bya ste de dag kyang gzhan ma yin no/ /srog gi rlung dang bcas pa bde sdug dang bcas pa skye shi dang bcas pa ste/ de la srog cha zhes bya ba la/ de yang gzhan min

  672. 340b

    zhing mi dang de las gzhan pa lha dang lha ma yin dang dud 'gro dang yi dags dang dmyal ba rnams kyang gzhan ma yin te/ de nyid las gzhan pa dang de nyid sbyar ba ni/ de dang bral ba'i phyir gdod ma nas rdzogs pa'i sangs rgyas so/ /lha'i 'khor lo dkyil 'khor gyi gtso bo rnal 'byor pa bdag nyid kyang chos sku yin te/ de bas na rten gyi dkyil 'khor dang bsgrub pa po dang/ lha dag dang khams gsum 'di dag thams cad dang/ sna tshogs su snang ba de dag gzhan ma yin te/ gnyis med kyi 'khor lor rtogs na ji ltar yang gzhan med pa'i phyir 'khrul par byed pa med cing 'khrul par yang mi 'gyur na/ 'khrul pa las gzhan ma yin zhing 'khrul bar mi 'gyur bar yang phyag rgya chen po la snyeg la/ mar las kyi phyag rgya la snyeg ste/ de yang ji ltar snyeg na/ phyag rgya chen po ma bcos pa bzhin/ chos rgya yang ma bcos pas snyeg la/ las rgya la dga' ba bzhi yod pa bzhin du chos rgyal yang dga' ba bzhi yod pas mar snyeg go /gzhan yang gsang sngags kyi lugs kyis bla ma'i dag sngon du song bas dngos grub rnam pa gnyis 'byung ba yin pas bla ma'i gdams ngag sngon du 'gro dgos pas chos rgya gtan la dbab par rigs te/ de yang las kyi phyag rgya lus la ste/ chos kyi phyag rgya dag la'o/ /phyag chen po yid la ste/ /dam tshig phyag rgya kun la 'gro zhes bya bas kyang shes par bya'o/ /de la lta ste/ brjod par bya ba dang/ skabs su bab pa'i tshig dang/ ngo bo dang mtshan nyid dang/ phan yon no/ /de la brjod par bya ba ni/ bde stong spyi'i rnam pa'o/ /de yang phyag rgya chen po las ltos spyi'i rnam pa yis/ chen po ni rang gi mtshan nyid do/ /skabs su bab pa'i tshig ni e baM ste/ dbyangs kyi yi ge dang gsal byed kyi yi ge'o/ /de yang rab tu mi gnas pa

  673. 341a

    las byin brlabs bla ma'i ngag chen po/ /chos kyi phung po brgyad khri dang/ /bzhi stong grangs kyi rtsa ba ni/ /yi ge pha ma gnyis yin te/ /kun gyi yang ni ? 'gyur pa'o/ /zhes pas rgyud sde lnga la sogs pa ji snyed cig yod pa de dag thams cad dbyangs dang gsal byed gnyis su 'dus/ de yang e baM gnyis su 'dus so/ /ngo bo ni bla ma'i gdams ngag sgra'i rang bzhin brjod pas slob ma'i blo la brjod bya don spyi'i rnam pa bde stong du shar ba'o/ /mtshan nyid ni snang stong gnyis su med pa ste/ de yang snang ba shar ba'i mtshan nyid du stong pa byung la/ stong pa rtogs par byed pa'i mtshan nyid du snang ba byung ste de yang snang stong bcom ldan 'das su bshad ces pa dang/ yang sna tshogs snang ba'i chos rnams la/ /skye ba med pa nyid gnas pa/ /stong pa snang ba mtshan nyid cig ces pas so/ /phan yon la gnyis te/ don che ba dang/ phan yon che ba'i don che ni/ bla ma'i gdams ngag sgra'i stobs las slob ma'i blo la rtogs pa shar ba ni skad cig mas bsdus pa'i dga' ba bzhi skye ste/ de yang snang ba sna tshogs su shar ba dga' ba/ de ltar shar yang lhan cig skye ba yin snyam ba mchog dga' / /lhan skyes yin par yid ches pa lhan cig skyes pa'i dga' ba/ /rjes la rags snang du shar ba dga' bral lo/ /de ltar chos thams cad la lhan cig skyes pas rgyas gdab kyin bsgoms pas rang gi don du chos kyi sku phyag rgya chen po thob pa ni don che ba'o/ /de nas sems can gyi don gyi smon lam gyi dbang gis gzugs sku gnyis sems can gyi snang ba dag pa dang ma dag pa'i bye brag gis longs sku dang sprul sku snang ba ni phan yon che ba'o/ /de lta bu la 'jug par mi nus pa la las kyi phyag rgya bstan pa la bzhi ste/ chos 'byung du bzhag pa'i rgyu mtshan

  674. 341b

    dang/ de nyid dpe'i ye shes su rigs pa dang/ dman drag gnyis sun gton la yang dag pa'i ye shes dpe'i ye shes su rigs pa dang/ 'phel bar byed pa 'brel pa'i tshul gyis nyams su blangs pa'o/ /de la chos 'byung du gzhag pa ni rtogs shing bla ma'i gdams ngag gis zin na mya ngan las 'das pa 'byung ste/ e yi cha byad bzang pos/ /dbus su baM gyis rnam par rgyan/ /bde ba thams cad bskyed pa'i gnas/ /sangs rgyas rin chen za ma tog ces /gsungs pas so/ /ma rtogs shing bla ma'i gdams ngag gis ma zin na 'khor ba 'byung ste/ de yang yi ge e ni mar gyur la/ /baM ni pha zhes bya bar grags/ /thig le de ni byang chub sems/ /de las srid pa thams cad skye zhes 'byung ba'i phyir chos 'byung du rigs so/ /de nyid dpe'i ye shes su rigs te/ chos kyi phyag rgya la dga' ba bzhi yod pa bzhin du las kyi phyag rgya la yang dag pa bzhi nA da pas so/ /de yang dper na chu'i zla bas nam mkha' i zla ba mtshon nus pa bzhin du/ mtshon byed dpe'i lhan cig skyes pa ni nyams su myong la/ mtshon bya don gyi lhan cig skyes pa ni mtshon par nus la dngos ni ma yin te/ 'dra ba'i phyir na dper rigs so/ /de yang don gyi 'dra ba gang yin pa/ dpe dag las ni brten par 'gyur zhes pas so/ /dman drag gnyis sun phyung ba yang dag pa'i dbang skur ba dper gzhag par bya ste/ de yang drag po'i dbang ni go rims dang/ gnas dang rtogs pa gsum las 'khrul te/ de yang go rims las 'khrul pa ni/ mtshan nyid dang bral ba'i skad cig ma dang/ lhan cig skyes pa'i dga' ba mthar 'dod la/ /rnam par nyed pa'i skad cig pa dang/ dga' bral gyi ye shes gsum par 'dod do/ /gnas las 'khrul pa ni rdo rje nor bur byang chub kyi sems kyis khyab pa lhan cig skyes pa ngos 'dzin pas 'khrul lo/ /rtogs

  675. 342a

    pa la 'khrul pa ni/ rdo rje nor bu la byang chub sems kyis khyab pa ni mchog dge'i ye shes te rang rig pa tsam rtogs pa ste de la dngos po'i gshis yin zer bas 'khrul lo/ /dbang bskur ngan pa ni go rims mi 'khrul yang/ gnas dang rtogs pa las 'khrul te rtogs pa ni nor bu'i nang du byang sems kyis khyab pa la dngos po'i gshis rtogs par 'dod pa'o/ /gnas ni rdo rje bum pa la khyab pa la ngos 'dzin pas so/ /des na de gnyis ni dper mi rigs so/ /yang dag pa'i dbang dpe'i ye shes su gzhog pa ni/ byang chub kyi sems ma nor ba ste/ dang po'i byang 'khyud pa nas brtsams nas rdo rje'i mgrin pa man chad du khyab pa la dga' ba/ nor bu'i nang du khyab pa la mchog dga' / gnyis shor gnyis gnas pa de ni lhan cig skyes pa'i dga' ba ste/ gnyis shor bas 'dod chags kyi nged? yal/ gnyis gnas pa de la rigs kyi bdag po'i kha na gnas pa de ni rdo rje 'chang gi thig le stong pa/ mdzes ma'i spyi bo na gnas pa de ni mi bskyod pa'i thig le ste bde ba/ de gnyis kyang rgyu 'bras su byas na rdo rje 'chang gi thig le des ni rang bzhin med par byas pas rtag pa'i mdza' gsal/ mi bskyod pa'i thig les rdo rje 'chang gi thig le rgyas btab pas rang bzhin med pa nyams su myong bar bya ste/ chad pa'i mdza' gsal lo/ /rtag chad gnyis las 'das pa ste/ lhan cig skyes pa'o/ /de yang rgyu la 'bras bus rgyas gdab cing/ 'bras bu la yang rgyus rgyas gdab/ /'di ni bde chen rgyal po yin zhes pa dang/ gzhan yang rab tu mi gnas pa las/ lhan cig skyes pa'i rang bzhin ni/ /mchog dga' i mdza' dang dga' bral gong/ /dbus su gang zhig rig 'gyur ba/ /mi bskyod rdo rje nas lhung zhing/ rdo rje 'chang chen

  676. 342b

    pad+ma ra reg /rgyu la 'bras bu rgyas btab pas/ rig byed mdza' i 'dod pa dgag/ 'bras bu la yang rgyus rgyas gdab/ /gsang bar smra ba'i 'dod pa dag /gnyis la gnyis med rgyas gdab pas/ /la ba can gyi gdod pa dgag /ces gsungs pas/ 'phel bar byed pa 'brel pa'i tshul gyis nyams su blangs pa ni/ /dga' bral gyis lhan cig skyes pa la spyad pas dga' ba gsum lhan cig skyes par 'gyer te/ de yang chos rnams kun gyi ngo bo ni/ /lhan cig skyes par bsgom par bya zhes pas so// //de lta bu la 'jug par mi nus pa'i gang zag gis dam tshig gi phyag rgya la bslab par bya ste/ de la yang dga' ba bzhi brtsi ste/ dang po bsod nams tshogs bsag pa nas gzung nas byang chub pa rnam pa lngas lha bskyed pa ni dga' ba'o/ /dkyil 'khor gang yin pa spyan drangs nas zhal du zhugs te/ lha zhu ba'i khu bas lus gang ba ni mchog dga' o/ /rang yang zhu nas thig le gnyis su gnas pa ni lhag cig skyes pa'i dga' ba'o/ /lha mo bzhis gsol ba btab nas sku ru bzhengs pa ni dga' bral lo/ /de yang dga' ba bzhi tha mi dad du khyer ba ni/ bzhi pa'i man ngag go /de yang rab tu mi gnas pa las/ /phyag rgya chen po'i byang chub lnga/ /dga' ba'i ye shes nyid yin no/ /chags pa chen po'i 'od zer gyis/ /sangs rgyas rnams ni bsdus nas kyang/ /khu ba'i ngo bor gyur gzugs pa/ /khyad par gyi ni dga' ba'o/ /thabs dang shes rab kha sbyor ba/ /thig le dkar dmar thog mdza' can/ /yi ge gsum gyi bdag nyid do/ /lha yi 'khor lo sna tshogs pa/ /bral ba'i dga' bar rab shes bya/ /zhes gsungs pas so/ /de lta bu'i dam tshig gi phyag rgya'i thig le gnyis kyis dbyibs dang kha dog tu nyams su myong yang/ thig le gnyis kyis mtshan nyid nyams su ma myong ngo zhes

  677. 343a

    the tsom bskyed nas de'i mtshan nyid nyams su myong bar bya ba'i phyir/ /las kyi phyag rgya bstan la/ lhan cig skyes pa nyams su myong bar bya'o/ /des dpe'i ye shes nyams su myong yang/ /don bde stong spyi'i rnam par rtag pa dang bral zhing nyams su myong ba dag la chos rgya bstan te/ chos thams cad skyes pa dang tha mi dad par bstan pas/ bde stong gnyis med du nyams su myong ba de ni chos kyi phyag rgya'o/ /de la yang dga' ba bzhis lam du bgyer te/ sna tshogs su shar ba dga' ba la sogs pa gong du bstan pa bzhin no/ /phyag rgya chen po bstan la dbab pa ni gnyis te/ rten gyi gang zag dang de la gdams pa'o/ /chen gyi gang zag ni sngon smon lam khyad par can btab pa/ tshogs khyad par can bsags pa/ gnyug ma la yun ring du sbyangs pa/ bla ma'i dus thabs bsten pa la mkhas pa/ phyogs las rnam par rgyal ba'i spyod pa la 'jug nus pa'o/ /de yang lhan cig skyes pa'i ye shes te thabs gzhan gyis ni mi rnyed de/ bla ma'i dus thabs bsten pa 'am/ bsod nams kyis ni bdag nyid shes zhes pas so/ /de la gdams pa ni phyag rgya chen po brdas bstan par bya ste/ de la gsum ste/ chos thams cad skyes pa'i brda' dang ma skyes pa'i brda dang/ skyes ma skyes gnyis su med par nyams su myong ba'i brda'o/ /de la dang po ni chos thams cad rol ba sna tshogs su shar ba ni skyes pa'i brda'o/ /de nyid rang bzhin med par rtogs pa ni ma skyed pa'i brda'o/ /rol pa 'gag med dang/ rang bzhin med pa gnyis su med par myong ba ni tha mi dad kyi brda'o// //de lam du khyer pa'i man ngag la lnga ste/ rgyu mtshan gyi man ngag dang/ de nyid rjes su 'gro ba'i man ngag dang/ nyams

  678. 343b

    su blang ba'i man ngag dang/ gdams ngag la nges shes skyes pa'i man ngag go /de la rgyu mtshan gyi man ngag ni/ phyag rgya bzhi kho nar gzhag pa'i rgyu mtshan ni gang zag bzhi la dgongs pa ste/ gang zag skal ba tha ma bskyed rims la mos pa dang/ bskal pa 'bring rtsa rlung thig le la mos pa dang/ bskal ba rab bla ma'i gdams ngag la nges shes skyes ba dang/ skal ba yang rab gnas lugs nyams su lan nus pa'o/ /de rnams la phyag rgya bzhi nyams su nus pa'o/ /de la phyag rgya bzhi bstan te/ dam tshig gi phyag rgya thabs sna tshogs pa rtog pa can gyi yul du gyur pa dang/ las kyi phyag rgya bde ba nyams su myong ba rtogs pa'i yul du gyur pa dang/ chos kyi phyag rgya steng pa nyams su myong ba zhen shes med pa'i yul du gyur pa dang/ phyag rgya chen po rnal ma nyams su myong ba ci yang ma yin pa'i yul du gyur pa bstan par bya'o/ /de yang rgyud las/ las kyi phyag rgya rnam par bsgom/ /de yi steng du phyag rgya che/ de nyid dam tshig phyag rgya rnams bsgom bya/ /de yi steng du phyag rgya che/ /de nyid dam tshig phyag rgya'o/ /zhes pas so/ /de yang dbang bzhi dang 'brel te/ bum pa dang/ gsang ba dang/ shes rab ye shes kyi dbang dang/ mthar thug pa man ngag gi dbang ngo/ /de yang chu dang 'brel phyir bum pa'i dbang/ gsang ba las byung gsang ba ste/ shes rab ma'i gzugs dag las/ /ye shes skye phyir de nyid dbang/ /kun gyi ngo bo mi gnas shing/ /mthar thug pa ni bzhi pa'i dbang/ /zhes pas so/ /dbang de dag kyang dkyil 'khor bzhi dang 'brel te/ rdul chen gyi dkyil 'khor dang? mkha' gsang gi dkyil 'khor dang byang chub sems kyi dkyil 'khor dang/ bden pa dbyer med kyi dkyil 'khor ro/ /de yang gsang ba'i dkyil 'khor bzang po dag /thig le don dam dbyer med dkyil/ /snying po ye

  679. 344a

    shes rab sbyin gnas zhes so/ /dbang de dag la yang bskur ba'i gnas bzhi ste/ bum pa'i dbang spyi bor bskur ba dang/ byang chub kyi sems lce la sbyin pa dang/ gsum pa sems la bskur ba dang/ bzhi pa lus ngag yid gsum dbyer med la bskur ba'o/ /de yang lus kyi rtse mor chu blugs shing/ ngag gi rtse mor bsam mi khyab/ ces pas so/ /de dag gis kyang sgrib pa bzhi dag ste/ lus kyi sgrib pa dang/ ngag gi sgrib pa dang/ yid kyi sgrib pa dang/ sgro skur thams cad gcod pa'o/ /de yang srog gcod pa dang ma byin len/ /mi tshangs spyod dang rdzun smra dang/ /phra ma dag 'khyal tshig rtsub mo/ /chags sdang gnod sems log lta dang/ /gzung 'dzin sgro 'dogs skur 'debs mdza' / /ma lus gcod pa nus pa'i mchog ces so/ /'o na dbang bzhi pa kho nas chog mod/ /gsum pa man chad la dgos pa med do zhen bzhi ba rgyud la skye ba'i gang zag cig car ba dka' ba dang/ bzhi pa rgyud la skye ba'i thabs yin pas dgos par bstan to/ /de la gdams pa bzhi bstan te phyi bskyed pa'i rim pa ste/ bskyed rims dang/ zab mo bskyed pa'i rim pa ste rtsa rlung sgom pa ste/ yongs su rdzogs pa'i rim pa ste/ snang grags stong pa nyid du rtogs pa dang/ ngo bo nyid rdzogs pa'i rim pa ste/ rgyu rkyen las rag ma lus par lhun gyis grub pa la'o/ /de yang bskyed pa yi ni rim pa dang/ /rdzogs pa yi ni rim pa gnyis/ /phyi dang nang gi rnam pa can/ /yongs su gang dang ngo bo nyid/ /ces pas so/ /de las 'bras bu bzhi 'byung ste /sprul pa'i sku dang/ longs sku dang/ chos kyi sku dang/ ngo bo nyid kyi sku'o/ /de yang sna tshogs pa las sna tshogs skye /bde ba can ni gzhan mos pa/ /mdza' med pa las yon tan 'byung/ /dbyer med cig pu ngo bo nyid ces

  680. 344b

    pas so// //de nyid rjes su 'gro ba'i man ngag ni bzhi ste/ las kyi phyag rgya de nyid rjes su 'gro ba'i man ngag dang/ phyag rgya chen po dang/ dam tshig gi phyag rgya rjes su 'gro ba'i man ngag go /de la las kyi phyag rgya de nyid rjes su 'gro ba'i man ngag la bdun te/ las dang rgyas gang gi 'debs pa dang/ gang gis sgrub pa dang/ gang 'grub pa dang/ nges par gang gis byed pa dang/ ming gang yin pa dang/ 'bras bu gang thob pa dang/ de la las ni lus ngag yid gsum la bsam pa gtso bas te/ de yang lus kyi las chags pa bskyed pa'i sbyor drug dang/ bsrub pa dang bsrub pa'i sbyor ba'o/ /gong ma ni drug ste/ sen mo gdab pa dang/ nu ma mnye ba dang/ 'khyud pa dang/ lce bzhib pa dang/ ma mchu sos bzung ba dang/ g.ya' bsgag ba'o/ /dag la gnyis/ thun mong du chags pa'i gtam gleng ba dang/ khyad par du rdo rje'i bzlas pa bya ba'o/ /yid kyi las la gsum ste/ dga' ba bzhi ngos bzung ba dang/ rdo rje pad+ma byin gyis brlab pa'o/ /de dag kyang bsam pa gtso bo'o/ /rgyas ni bla ma'i gdams ngag gis 'debs te/ de yang gnyis sbyor dam pa dang/ thabs khyad par can no/ /gong ma lnga ste/ lus ngag yid gsum mnyam pa/ 'dod pa mnyam pa/ byin gyis brlab pa mnyam pa/ phyag rgya dag pa/ bla ma'i gdams ngag gis zin pa'o/ /dang po ni lus lha/ ngag rdo rje'i bzlas pa/ yid lhan cig skyes pa nges gzung snyam par mnyam pa'o/ /gnyis pa ni skye ba 'di la phyag rgya chen po'i dngos grub thob par bya'o snyam pa'i 'dod pa mnyam pa'o/ /gsum pa ni hUM las rdo rje a las pad+mar byin gyis brlab par mnyam mo/ /phyag rgya dag pa ni/ sku'i bcu drug /ngag gi nyi shu/ thugs kyi nyer lnga ma'o/ bla ma'i gdams ngag zin pa ni nyon mongs pa'i rjes su gzhol ba ma yin pa dang/ rang bzos zhugs pa lta bu ma yin pa'o/ /de yang

  681. 345a

    rgyud las/ lus ngag yid gsum rgyal bar mnyam/ /bsam pa'i stobs ni rab bang bya/ /shes rab thabs kyi rnam pa las/ /dpa' bo dpa' mo byin gyis brlab/ /sku rig gsung rig thugs rig pa/ /stong dang 'jig tshogs lo'i grangs de stengs mda'i grangs can mchog /dbang skur ba ni gang la yang/ /bla ma gces spras bya ba mchog ces pas so/ /thabs khyad par can la bzhi ste/ dus nges par bya ba'i phyir skad cig ma bzhi dang/ ye shes nges par bya ba'i phyir na dga' ba'i phyi bzhi dang/ rtags pa nges par bya ba'i phyir na gnas bzhi dang/ mtshan nyid nges par bya ba'i phyir na chos bzhi'o/ /de la skad cig ma bzhi ni /rnam pa sna tshogs pa'i skad cig ma dang/ rnam par smin pa'i skabs cig ma dang/ mtshan nyid dang bral ba'i skad cig ma dang/ rnam pa med pa'i skad cig ma'o/ /de yang rnam pa sna tshogs rnam par smin/ /rnam par nyed pa'i mtshan nyid bral/ zhes pas so/ /dka' ba bzhi ni/ dga' ba dang/ mchog dga' dang/ lhan cig skyes pa'i dga' ba dang/ dga' bral lo/ /de yang dga' ba dang ni mchog tu dga' / /dga' bral lhan cig skyes dga' ba zhes pas so/ /gnas bzhi ni rdo rje'i mgrin pa dang/ rdo rje'i rtse mo dang gnyis shor gnyis mnyam pa dang/ thams cad shor ba dang/ de yang chags pa chen po snyoms 'jug gis/ /rab tu sbyor zhing bsrubs pa las/ /nor bu'i mi phran dang rtser khyab pa/ /gnyis bzlas nas ni gnyis mnyam ste/ /lhag ma 'das nas dga' bral lo zhes pas so/ /chos bzhi ni dga' ba la gzung 'dzin thams cad kyi rtog pa yod/ /mchog dga' la zung ba yod la 'dzin pa med/ /lhan cig skyes pa'i dga' ba la gzung 'dzin rtag chad kyi mdza' thams cad las 'das pa'o/ /dga' bral la yang rag snang gi rtogs

  682. 345b

    pa sna tshogs dang bcas pa'o/ /yang dga' ba 'dzin pa dang bcas pa/ /mchog dga' ba de las lhag 'gyur nyid/ /rnam nyid gzung 'dzin rtog pa can/ /lhan cig skyes pa gsum mi dmigs so/ /gang gis 'grub na rig ma mtshan dang ldan pas 'grub ste/ de yang rig ma ces pas/ rig pa ni ye shes lnga rigs te/ skad cig ma'i ye shes te sgro skur thams cad dang bral bas chos kyi dbyings kyi ye shes rang gi rang gsal bas me long lta bu/ phyogs cha med pas mnyam pa nyid kyi ye shes /cir yang snang bas so sor rtog pa'i ye shes/ de nyid rtogs pas don thams cad 'grub pas bya ba nan tan gyi ye shes so/ /ye shes lnga dang ldan pa'i skad cig ma'i ye shes de mtshan ldan gyi lus la brten nas skye bsam zhes bya'o/ /'o na mtshan ldan gyi rig ma de rgyu gang las 'grub ce na/ dang po gnas pa'i rgyu gsum dang ldan te/ sngon smon lam khyad par can btab pa/ de yang da ltar bla ma la gus pas shes rigs bzang po nas bzang por rgyud pa/ bla ma dang ldan zhing bla ma'i gdams pas zin pa'o/ /bzhin mdzes pa dang/ zab mo la mi sred pas shes so rim pa bzhin du sbyar ro/ /de las da ltar gnas pa'i rgyu bdun dang ldan pa 'byung ste/ bzhin mdzes pa dang/ skra ser la ling kha nas pA la'i dri bro ba/ nu ma rgyas pa dang/ rkang pa phra ba dang/ b+ha ga rub pa dang/ byang chub kyi sems kyis gang ba'i ngang tshul can no/ /de lta bu des 'grub ste/ de yang gnas pa med pa'i ye shes ni/ phyag rgya la ni brten pas 'grub ces pa'o/ /gang 'grub na lhan cig skyes pa'i ye shes skad cig ma ste 'grub ste/ lhan cig skyes pa snang grags kyi chos thams cad dang lhan cig skyes pa ste/ de yang snang ba lhan cig skyes pa ni snang stong dbyer med/ sems nyid lhan cig skyes pa ni bde stong dbyer

  683. 346a

    med/ de nyid gnyis su med pa ni lhan cig skyes pa'i ye shes so/ /de yang gzugs sogs blo yis myong dus su/ /skye med bcas myong ma yin nam zhes so/ /nges par gang gi byed na rgyud kyi gzhung gis byed de/ /de bzhin gshegs pa thams cad kyi sku dang gsung dang thugs rdo rje btsun mo'i b+ha ga bzhugs so zhes pas/ sku bzhugs te lha thams cad de nas skyed/ gsung bzhugs te rgyud sde thams cad der 'dus /thugs bzhugs te lhan cig skyes pa'i ye shes der rtogs pa'o/ /ming ni dbyigs kyi e baM ste/ e na ki ko la ste shes rab kyi bdag nyid stong ba mtshon pa/ baM ni 'bol ste thabs kyi rang bzhin bde ba mtshon ba'o/ /bde ba stong pa'i rang bzhin can de thabs dang shes rab dbyer med de tha mi dad pa'o/ /'bras bu ni rgyu mthun pa'i 'bras bu ste/ dga' ba bzhi'i thig le ru rgyu mthun te thig le byang chub sems su mthun no/ /phyag rgya bzhi skad cig mar mthun te/ mtshan nyid dang bral ba'i skad cig mar mthun no/ /sems can sangs rgyas su mthun te/ rgyu sems can gyi rgyu dang/ sangs rgyas kyi dgongs pa gnyis tha mi dad pas so// //chos kyi phyag rgya de nyid rjes su 'gro ba'i man ngag ni bdun te/ chos dang rgyas gang gis 'debs pa dang/ gang 'grub pa dang/ gang gis 'grub pa dang/ nges par gang gis byed pa dang/ ming gang yin pa dang/ 'bras bu gang yin pa'o/ /de la chos ni gnyis te shes pa dang shes bya'o/ /shes bya la rtog bcas dang/ rtog med do/ /rtog med la gnyis/ dag pa'i de bzhin nyid dang/ ma dag pa'i de bzhin nyid do/ /rgyas ni lhan cig skyes pas 'debs te/ de la gsum thabs la stong pas rgyas gdab pa dang/ stong pa la thabs kyi rgyas btab pa dang/ tha dad la gnyis med kyi rgyas gdab pa'o/ thabs la

  684. 346b

    stong pas rgyas gdab pa la gsum ste/ snang ba thug phrad du bya ba ste/ snang ba gang phrad pa lhan cig skyes pas rgyas 'debs/ sna tshogs don mthun du bya ba ni/ rtsir snang ci srid sems skye med du don gcig pa'o/ /du ma ro gcig tu bya ba ni cir snang thams cad lhan cig skyes pa'i ros khyab par bya'o/ /de yang rgyal po dang phrad pa lta bu dang/ chu snod du mar zla ba shar ba lta bu dang/ bu ram gyis gzugs kyi bye brag ltar du shes par bya ste/ dpe rim pa bzhin sbyar ro/ /ston pa la thabs kyis rgyas gdab pa la bzhi ste/ chos thams cad lhan cig skyes par bsgom pa dang/ de nyid nyams su myong pa'i zhen pa btang ba dang/ byung tshar dran pas bzung ba dang/ goms pa'i rtags so/ /lhan cig skyes pa bsgoms pa ni lhan cig skyes pa bsgom pa'i dus su 'khor 'das kyi chos thams cad lhan cig skyes pa gal btab la bsgom mo/ /de yang chos rnams kun gyi ngo bo ni/ /lhan cig skyes par bsgom par bya zhes pas so/ /de nyid nyams su myong ba'i zhen pa btang ba ni/ de ltar bsgoms pas chos thams cad lhan cig skyes pa la thim dang/ lhan cig skyes pa nyams su myong bar 'dzin pa'i zhen pa yang btang ste gang yang yid la ma bya'o/ /de yang nyams su myong ba gang dang gang/ yid la med par bya ba nyid ces pas so/ /byung tshor dran pas bzung ba ni/ de ltar yid la mi byed pa'i ngang las/ yang blo bur gyi rtog pa skye srid na/ sngar gyi yid la mi byed pa dang/ glo bur gyi rtog pa gnyis tha mi dad par gzhag ste/ lhan cig skyes pa'i nyams dran pas gzung bar bya'o/ /de yang glo bur rtog pa gang skyes pa/ /thams cad de'i ngo bor bsgom zhes gsungs pas so/ /goms pa'i rtags la gsum ste/ thun mong gi rtags dang/ thun mong ma yin gyi rtags dang/ khyad par gyi rtags so/ /thun mong gi rtags ni bzhi ste/ zas la phyogs med de mnyam pa dang/

  685. 347a

    gos la phyogs med de mnyam pa dang/ gnas la phyogs med de mnyam pa dang/ grogs la phyogs med de mnyam pa'o/ /de yang bgrod pa dang ni bgrod min dang/ /bza' ba dang ni bza' min dang/ /btung dang gos sogs de bzhin nyid/ /thams cad mnyam pa nyid du'o/ /thun min gyis mnyam gzhag dang/ rjes thob dang/ gdab gsal ba dang/ gnyis sad pa bzhin du mnyam pa'o/ /de yang mnyam gzhag dang ni rjes thob min/ /rgyud 'di la ni rgyun chad med/ /'di bsgoms rnal 'byor chen po yang/ dum bur gyur pa ma yin no/ /zhes pa so/ /khyad par gyi rtags ni/ de ltar rtogs pa'i rnal 'byor du la re dogs med do/ /bsod nams bsags pas sangs rgyas thob du re ba med la/ sdig pa byas pas ngan song du 'gro rgyu dogs pa med pa'o/ /gnyis med kyi rgyas gdab pa ni/ spyod lam bzhi la khyad med de rnal ma las ma yengs pa'o/ /de yang 'gro 'chag nyal dang 'dug sogs la/ /rjes dran bzang po bsam par bya/ /zhes pas so/ gang gis 'grub na gdams ngag gis 'grub ste/ de la gsum ste bshad bya'i dbang byas pa gdams pa rang gi ngo bo dang/ bshad lungs kyi dbang du byas pa'o/ /bshad bya la gsum ste/ tshogs la bshad pa dang/ slob ma la bshad pa dang/ bu la sbyin pa gsum las bu la sbyin pas 'grub po/ /gdams pa rang gi ngo bo'i dbang du byas nas gsum ste/ spros bcas dang spros med dang/ shin tu spros med dang/ gsum las shin tu spros med kyis 'grub/ dus kyi dbang du byas na bzhi ste/ yang dang yang du gsol ba gdab pa dang/ tshogs kyi 'khor lo'i dus dang/ bsnyen bkur stong byas pa'i dus dang/ spyod pa'i dus bzhi las/ spyod pa'i dus su gsungs pas 'grub pa/ gang 'grub na snang ba skye med du 'grub ste/ skye med kyi rna laM

  686. 347b

    gyi dus tshod na yang skye med du rtogs pa'o/ /nges par gang gis byed na/ snang ba ro snyoms kyis byed de/ /de la gnyis te bde bar ro mnyam pa dang/ stong par ro mnyam pa'o/ /gong ma la gnyis te/ phyi'i bde ba ro mnyam pa dang/ nang gi bde ba ro mnyam pa'o/ phyi ni snang ba la brtags pas zhen pa med pa'o/ /nang gi dbang gsum pa'i nyams dran par byed pa'o/ /stong par mnyam pa la gnyis /mnyam pa'i tshul du mnyam pa dang/ gdab pa'i tshul du mnyam pa'o/ /gong ma ni gnas lugs sems ci yang ma yin pa de'i ngang du thams cad mnyam pas so/ /des snang ba la rgyas 'debs pa'i tshul du mnyam pa'o/ /ming gi sgra ni e baM ste/ de la bzhi ste/ brgyud pa dang brgyud par 'brel/ /brgyud pa dang sgrar 'brel/ sgra dang lus su 'brel /lus dang byin brlabs su 'brel pa'o/ /'bras bu ni rnam par smin pa'i 'bras bu ste/ de la gsum/ 'das pa rnam par smin pa dang/ da ltar rnam par smin pa dang/ ma 'ongs pa rnam par smin pa dang/ de la 'das pa rnam par smin pa ni/ sngon tshogs bsags pa las da lta chos rgya bsgom pa'i skal pa dang ldan pa'o/ /da ltar rnam par smin pa ni da ltar bla ma bsten pa las gdams ngag da ltar rang gnas nas nyams su len pa'o/ /ma 'ongs pa rnam par smin pa ni chos kyi phyag rgya lam du khyer ba las 'bras bu phyag rgya chen po 'grub pa'o// //phyag rgya chen po de nyid rjes su 'gro ba'i gdams ngag ni bdun te/ phyag rgya dang chen po dang/ gang gis 'grub pa dang/ gang 'grub pa dang/ nges par gang gis byed pa dang/ ming gang yin pa dang/ 'bras bu gang 'grub pa'o/ /de la phyag rgya ni mi 'da' ba' i don gyis na phyag rgya'o/ /de la bzhi ste/ don gyi zung 'jug las mi 'da' / dpe'i zung 'jug las mi 'da' / /gnas pa'i zung 'jug las mi 'da' / /yin pa'i zung 'jug las mi 'da' o/ /de yang

  687. 348a

    don gyi gzung 'jug ni/ 'od gsal ba dang stong pa gnyis su med par zung du 'jug pa ste/ de yang 'od gsal ba ni nyams su myong ba la bya'o/ /stong pa ni de nyid rang bzhin med par rtogs pa'o/ /'on gtan med du song ba zhe na/ de nyid nyams su myong ba'o/ /'o na myong ba'i phyir na de nyid ma yin zhe na/ ci yang ma yin par myong ba'o/ /des na 'od gsal ba dang stong pa nyid dbyer med du zug du 'jug pa'o/ /zung du 'jug pa yang gzhan gyi gnyis su snang ba'i zhen pa dgag pa'i phyir gsung pa yin no// //rang gi gnas lugs la zung du 'jug pa dang gnyis su med pa tsam du yang mi gnas te/ de bas na 'di la ming dam ngos bzung ngam 'di zhes bstan du med do/ /dpe'i zung 'jug ni/ dpe las phyag rgyas mtshon pa'i bde stong dbyer med don yin pas de las mi 'da' bas so/ /gnas pa'i zung 'jug ni/ lhan cig skyes pa'i ye shes de/ sems can thams cad kyi rgyud la khyab nas gnas pa de las mi 'da' bas so/ /yin pa zung 'jug las mi 'da' /yin pa'i zung 'jug ni/ 'khor 'das thams cad gnyis su med pa'i bde ba chen po nyid yin pas de las mi 'da' ba' o/ /chen po ni rgyu mngon sum dang ldan pas che ste/ gsum las mchog tu gyur pas na/ yang chen po phyag rgya chen po de rtog pa tsam la rag las pa'i phyir na/ yang chen po/ phyag rgya chen po de rten gang la yang mi 'cha' bas na yang chen po'o/ /gang gis 'grub na shes pa so ma btsas pas 'grub ste/ de la gnyis te/ brtags pa'i so ma dang/ bsgoms pa'i so ma'o/ /brtags pa'i so ma ni/ chos thams cad rkyen gzhan las skyes pa brtags pa dang/ rkyen gzhan las skyes pa de nyid skye ba med par brtags pa dang/ skye med de nyid ci yang ma yin par brtags pa'o/ /de yang

  688. 348b

    blo ni thams cad rkyen las byung/ de phyir skye med par shes bya/ /dbyer med sangs rgyas kun gyi sdom/ /zhes so/ /sgom pa'i sems ni gsum ste/ dang po brtsal bsgrub dang bral te lus sems khong blod de/ ras bal 'dab mar skur mar gzhag pa lta bu dang/ bar du the tshom dang bral te/ sems ma bcos par bzhag pa dang/ tha ma'i nges pa'i shes pas gyur tshor thams cad skye med du stim pa'o/ /de yang ras pa la lta bu'o thabs la gnas/ /'bad pa kun gyis ma bsgrubs pa/ yid gnyis pas? phyir spangs te/ dpal mchog dang po'i skyes bu sgom/ /sna tshogs myong ba'i chos 'phrul ni/ /rtsa ba nges pa der shes bya/ /zhes pas so/ /gang 'grub na dgag bsgrub dang bral ba de 'grub ste/ de yang lta ba mi 'gogs grub mdza' thams cad de nyid bsgom pa mi 'gegs brtags pa thams cad de nyid yin pas so/ /spyod pa mi 'gegs bcos ma thams cad de nyid yin pas so/ /lta ba mi sgrub/ lhun grub ras chas sgom pa mi sgrub so ma rang chas su yod pas spyod pa bsgrub/ rang byung rang chos su yod pas so/ /de yang gnyis med dgag bsgrub bral ba che/ /'bras bu phyag rgya chen po'o zhes pas so/ /nges par gang gis phyed na nyams su myong ba ci yang ma yin pas byed de de la gsum ste/ lta ba ci yang ma yin 'dod pa gnyis dang bral ba/ sgom pa ci yang ma yin go rims gsum dang bral ba/ spyod pa ci yang ma yin/ dpyad pa gnyis dang bral ba'o/ /de yang ci yang ma yin ye shes ni/ yid la mi byed phyag rgya che zhes pas so/ /ming gang yin na/ don naM e ? ste/ de la gsum ste/ re ba gsum dpyad de/ chos lnga dang ldan pa/ sku bzhi dag gis rdzogs pa'o/ /de la re ba gsum dpyad pa ni/ gnyen po'i re ba dang/ de kho na nyid kyi re ba dang/ 'bras bu'i re ba'o/ /de yang gnyen po yang ni phyogs

  689. 349a

    kyang min/ de gnyis 'bras la gzhan mi skye/ /zhes pas so/ /chos lnga dang ldan pa ni/ lnga ste ngo bo nyid kyis ma skye ba dang/ rang bzhin med pa dang/ kun ma khyab pa dang/ mi 'gyur ba dang/ dus thams cad pa'o// ngo bo nyid kyis ma skyes pa la rgyu mtshan gsum ste/ chos thams cad rkyen gzhan las skyes pa dang/ /skyes pa'i ngo bo la 'di zhes bstan du med pa dang/ rgyu rkyen gzhan la dag ma lus pa'o/ /de yang thog mdza' med pa'i dang po nyid/ skyes de rdo rje kun tu bzang/ /zhes pas so/ /rang bzhin med pa ni/ yod pa dang med pa dang gnyis dang/ gnyis med kyi rang bzhin med pa'o/ /de yang bdag tu mi brtag gzhan mi brtag /gnyis ka dag dang brtag mi bya/ /zhes pa dang/ yang rang bzhin kun nas kun tu med/ /rang las byung zhing rang gis khyab/ /ces pas so/ /rkun la khyab pa ni/ snang zhing srid pa'i chos thams cad phyag rgya chen pos ma khyab pa med pas kun la khyab po/ /de yang nam mkha' ltar kun la khyab pa'o// thams cad rgyud la rab tu rdzogs/ /rkun kyang de nyid gzhan mi 'gyur zhes pas so/ /mi 'gyur ba ni 'khor ba'i dus dang/ sbyangs pa'i dus dang/ khyad par du sbyangs pa'i dus dang/ mngon du gyur pa'i dus rnams su/ phyag rgya chen po nyid las 'gyur ba med do/ /de yang dus rnams kun tu de nyid 'byung/ /'pho 'gyur med pa ye shes mchog /ces 'byung bas so/ /sku bzhi ngang gis rdzogs pa ni/ /gnas lugs de sgro skur thams cad dang bral ba chos kyi sku dang/ de nyid nyams su myong ba longs spyod rdzogs pa dang/ de nyid las ming gzhan yang sna tshogs su snang ba sprul ba'i sku dang/ tha snyad de ltar brtags/ don la de dag thams cad ma bcos pa nyid yin pas ngo bo nyid do/ /de yang gnyis spangs pas ni

  690. 349b

    gnyis su med de/ myong ba chen po sku gnyis pa/ sna tshogs pas ni gsung ba nyid/ /ngo bo nyid gcig pa can/ /zhes pas so/ /'bras bu dang dri ma dang bral ba'i 'bras bu ste/ de la brgyad de/ spyad pa las ma 'ongs pa de bzhin nyid kyi ye shes rang gi ngo bo ma skyes pa/ lam gyi ye shes grub pa dang bcas pas rgyun mi 'chad pas/ rang bzhin med pa shes bya ba sogs pa'i sgrib pa spangs pa phun sum tshogs pa thams cad bzhir gyur pa 'khor ba dang mya ngan las 'das pa nyid kyi gcig pa/ dmigs pa med pa'i snying rje chen po'i lus can bde ba chen po'i sku gcig pus so/ de ltar brgyad kyi dri ma dang bral bar rigs so/ /gzhan yang skad cig ma gsum las dga' ba gsum gyi dri ma dang bral te phyag rgya chen po ni lhan cig skyes pa dngos yin pa'i phyir ro// //dam tshig gi phyag rgya chen po de nyid kyi rjes su 'gro ba ni/ gzhan don gtso bor bstan pa ste/ de yang zla bsgron ma las/ gzhan don phun tshogs sangs rgyas nyid/ /'bras bu gtso bor bstan pa yin/ /sems can rnams kyi don spangs nas/ /chen po'i don ni gzhan ma mchis pas so/ de la bdun te/ dam tshig dang phyag rgya dang/ gang gis 'grub pa dang/ gang 'grub pa dang nges par gang gis byed pa dang/ ming gang yin pa dang/ 'bras bu gang thob pa'o/ /dam tshig ni rgyu dam tshig gi phyag rgya ste/ gzhan don phun sum tshogs par khas mches dam tshig gi phyag rgya ni dang por sems bskyed pa'o/ /gzhan don phun sum tshogs pa dam tshig gi phyag rgya ni tshogs gnyis bsags pa'i dge ba gzhan don du gdod pa'o/ /gzhan phun sum tshogs par spyod pa dam tshig gi phyag rgya ni pha rol tu phyin pa'i dbang du byas na sbyor ba'i lam nas sa bcu man chad do/ /gsang sngags kyi dbang du byas na/ chos kyi phyag rgya nas phyag rgya chen po sgom pa'i dus so/ /rgyas gang gis 'debs na

  691. 350a

    gzugs sku gnyis kyis 'debs te/ de yang snang ba shin tu dag pa la snang ba ni/ sa bcu'i byang chub sems dpa' la brten pa'i gzhal yas khang gi nang/ rten pa lha'i gtso bo dang/ 'khor gyi tshul khro bo'am zhi ba'i bdag nyid du snang ba ste/ spros bcas dang spros med kyi lha mang nyung gi bye brag tu snang ba ni/ shin tu dag pa la snang ba'o/ /snang ba dag pa sbyor ba'i lam pa la sprul pa'i shAkya thub la sogs par snang ba'o/ /snang ba thun mong ba la sman dang sman pa'i tshul lam/ mkhan po dang slob dpon gyi tshul du snang nas don byed pa'o/ /gang gis 'grub na gnyis te/ thun mong du byas na/ dbang po rab 'bring gsum gyis 'grub/ khyad par gyi dbang du byas na/ bskal pa yang rab dang/ rang dang 'bring dang tha ma bzhis 'grub/ phyag rgya chen po'o/ /chos kyi phyag rgya dang/ las kyi phyag rgya dang/ dam tshig gi phyag rgya rnams 'grub bo/ /gang 'grub na thun mong du so so'i lta bsgom spyod 'bras 'grub po/ khyad par du phyag rgya bzhi dbang po rab 'bring bzhes rab kyis 'grub po/ nyes pa gang gis byed na/ pha rol tu phyin pa'i dbang du byas na theg pa gsum gyi bka' 'am bstan bcos kyis byed do/ /sngags kyi dbang du byas na rgyud sde lnga'am de la rten pa'i man ngag gis byed do/ /ming mtshon pa'i e ba ste/ rgyu dang 'bras bu dang/ thabs dang shes rab bam/ bon dam dang/ kun rdzob dang skyed rims dang/ rdzogs rims la sogs par mtshon no/ /'bras bu ni go rims gong du 'phel ba'am/ skyes bu byed pa'i 'bras bu'o/ /go rim 'phel ba ni phyag rgya bzhi 'am sbyor ba dgu mas zhar rim gyis zhugs pa'o/ /skyes bu byed pa'i 'bras bu ni gsum ste/ skyes bu byas pa'i 'bras bu dang/ skyes pa'i 'bras bu dang/ skyes bus byed pa'i 'bras bu'o/ /skyes

  692. 350b

    bus byas pa ni/ rgyal bu don thams cad 'grub pa lta bu ste/ mngon bskal pa grangs med gsum du tshogs bsags na/ gzugs sku rnam pa gnyis gzhan don la gnang na/ de la longs spyod pa'o/ /skyes bu'i 'bras bu ni sngon tshogs bsags pas da lta rten khyad par can grub nas rgyu dam tshig gi phyag rgya sgom pa'i skal pa dang ldan pa'o/ /skyes bu byed pa'i 'bras bu ni lam rim pa la zhugs pas/ phyis dam tshig gi phyag rgya gzhan don la snang bar 'byung ngo/ /yang rgyu skyed rims bsgoms pa'i 'bras bu'i dus su gzugs sku gnyis gzhan don la 'byung ngo/ /gsungs so/ /nyams su blang ba bzhi ste/ rgyur snang ba dam tshig gi phyag rgya dang/ dpe las kyi phyag rgya dang/ lam chos kyi phyag rgya dang/ 'bras bu phyag rgya chen po dang/ gzhan don dam tshig gi phyag rgya'o/ /rgyu dam tshig gi phyag rgya ni/ bskyed rims bsgom pa la bya ste/ gzhan don du shes par bya'o/ /las kyi phyag rgya nyams su blang pa la lnga ste/ rtogs par bya ba dang/ bdag byin gyis rlab pa dang/ bde ba sbyang ba dang/ yi ge'i sbyor ba dang/ gnas par bya ba'o/ /de la rtogs par bya ba la gnas te/ gang du rtogs par bya ba dang/ gang rtogs par bya ba'o/ /gang du na/ mtshan nyid dang bral ba'i skad cig ma'i dus su rtogs pa'o/ /gang rtags na lhan cig skyes pa'i ye shes bde stong dbyer med rtogs par bya'o/ /bdag byin gyis brlab na/ bdud rtsi lnga'i manDal byas la bla ma yab yum spyan drangs la de la phul la/ de nas bdag gi spyi bor nyi ma'i dkyil 'khor bug pa rnga 'bru tsam yod pa'i stong du spyan drangs la gsol ba btab pas yab yum gyi sbyor mtshams nas byang chub kyi sems bab pas bdag gis tshangs pa'i bu gar zhugs pas lus phril gyis khengs par sgom zhing/ dbang gsum pa'i nyams myong yid la dran par byas

  693. 351a

    shing/ bde ba khyad par can bsgom par bya'o/ /bde ba spyad pa la gnyis te/ snang bas ye shes bskul ba dang/ ye shes kyi snang ba la rgyas gdab pa'o/ /snang bas ye shes bskul ba ni/ mig gis gzugs mthong ba dang/ rna bas sgra thos pa dang/ snas dri tshor ba la sogs pa dang/ de bzhin du yid la rtogs pa ni skyes tshad kyi dbang gi nyams myong bskul nas dran rtog thams cad bde stong dbyer med du bsgom par bya'o/ /ye shes kyi snang ba la rgyas gdab ba ni/ mig gis gzugs mthong yang bde stong gis rgyas gdab/ de bzhin sgra dang/ dri dang ro la sogs pa rtogs shing skye ba la bde steng gis rgyas gdab po/ /yi ge'i sbyor ba ni/ dbang gi nyams myong gar skyes pa'i sar/ e dmar po lag pa'i ri mo tsam gcig gi dbus su baM gis brgyan pa gcig bsgom par bya'o/ /der bde ba skyes pa dang/ lte bar sgom der bde ba skyes pa dang/ snying gar bsgom/ der bde ba skyes pa dang/ mgrin par sgom der bde ba skyes pa dang/ spyi bor sgom mo/ /de ltar bde bas gang tsam na/ nA da gnas par bya ste/ de yang gsum ste/ 'tshor ba'i rkyan dang/ de bsrung thabs dang/ gnas pa'i thabs so/ /de la rkyen ni brgyad de/ bde bas gang bas 'tshor ba dang/ rkyen dang phrad nas 'tshor ba dang ? nad kyis 'tshor ba dang/ spyod lam gyis 'tshor ba dang/ mi ma yin gyis 'tshor ba dang/ kha zas mi mthun pas 'tshor ba dang/ dam tshig nyams pas 'tshor ba dang/ byin brlabs yal bas 'tshor ba'o/ /de bsrung thabs la brgyad de/ gang bas 'tshor ba la gi gang gi thag pas po la'i mgrin par dkris te/ rked pa la bcings te/ rkang pa sprugs pa dang/ shes pa lte bar bltad pa dang/ h+ri'i sgras gyen du bgrang ba dang/ mi drag par bcag pa'o/ /rkyen dang phrad pas 'tshor ba dang/ rkang pa

  694. 351b

    sprug pa dang/ 'og sgo bsdam pa dang/ 'gyur ba drug gis bzlog pa'o/ /nad kyis 'tshor na/ skyil mo krung bcas na/ g.yas g.yon gyi grub mong gis gar slebs pa'i sar me btsa' nyi shu rtsa lnga lnga sreg pa dang/ gcan gzan gyi dri chings bya ba dang/ zas gsar pa bcud che ba bza' ba dang/ lto stong la tsha ba gsum gyi gam phye ba gam pa dang/ gos dro bar bgo ba dang/ a ru ra 'o mas btsos pa bza' ba'o/ /spyod lam gyis 'tshor ba ni/ 'gros dal bar bya ba dang/ 'og sgo ras kyis bcings la/ tsog por 'dug la nyin mo gnyid mi log nub mi dgag par nyal lo/ /mi ma yin gyis 'tshor na/ tshil chen gu gul yungs dkar gyi thal ba/ mi'i klad pa pad+ma rak+ta/ de lnga sbyar bas byug /sreg bu sngon po gcig la rdo rje phag mo'i sngags bzlas la rked pa la dkris/ /lcong zhi la yi dam gang yang rung ba'i sngags bzlas la rdo rje'i mgo la phyug pa bya'o/ /bcas mi mthun pas 'tshor na/ bdud rtsi lnga'i bdud bzlog byas la/ sgog pa bza' / ba'i 'o ma du bar bdugs la btung/ byin brlabs nyams pas 'tshor na/ tshogs bsag cing tshogs 'khor bskor/ bla ma'i byin brlabs zhu'o/ /dam nyams pas 'tshor na/ bla ma la dbang bzhi nod/ /bshags pa bya'o/ /bde ba gnas par bya ba la bcu ste/ nyams kyi bde ba gnas par bya ba'i phyir/ dus kyi sna tshe dang mi 'bral bar bya ba dang/ smad kyi bde ba gnas par bya ba'i phyir spyod lam dal bar bya ba dang/ stong kyi bde ba la gnas par bya ba'i phyir/ lkug pa'i brtul zhugs kyis gnas par bya ba dang/ khyab pa'i bde ba la gnas par bya ba'i phyir te rlung spyad bar bya ba dang/ rjes thob kyi bde ba la gnas par bya ba'i phyir/ snang ba bde bar ro mnyam pa dang/ mi rtog pa'i bde ba la gnas par bya ba'i phyir/ bdud rtsi rnam pa lnga la spyad par bya ba dang/ byin rlabs kyi bde ba gnas par bya ba'i phyir/ chogs kyi 'khor

  695. 352a

    lo bskor ba dang/ zag bcas kyi bde ba gnas par bya ba'i phyir/ /las kyi phyag rgya bsten pa dang/ rtogs pa'i bde ba la gnas pa'i phyir/ bla ma bsnyen bkur zhing/ bla ma la gdams ngag zhu ba dang/ 'bras bu'i bde ba gnas par bya ba'i phyir/ man ngag la nan tan bya ba'o/ /chos kyi phyag rgya nyams su blang ba la lnga ste/ rtogs par bya ba dang/ sgom pa dang grogs dang mtshan dang/ ngo snyoms so/ /de la rtogs par bya ba ni/ bde stong dbyer med de/ de yang dga' ba'i zhes lam du 'gyur te/ de yang snang grags sna tshogs su snang ba de dga' ba/ de las bde bar 'dug stong bar 'dug snyam pa de la mchog dga' / brtags pa thams cad dang bral ba ste lhan cig skyes pa'i dga' ba mnyam gzhag la de ltar 'dug kyang/ rjes thob la sna tshogs su snang ba na/ dga' 'bral lo/ /chos rgya sgom pa ni de ltar rtogs nas ci sgom zhen/ dang por chos thams cad lhan cig skyes par sgom par bya'o/ /des rtog pa lhan cig skyes pa la thim pa dang/ lhan cig skyes pa tsam du yang yid la mi bya bar sgom mo/ /yid la mi byed pa las rtog pa ci skyes pa de yang sngar gyi yid la mi byed pa dang/ gnyis tha mi dad par bsgom mo/ /grogs la lnga ste/ chu shas chen rlung du ri mnyam pa dang rlung shas chen sar ngo/ /mnyam pa dang/ sa shas chen me ru ro mnyam pa dang/ me shas chen nam mkha' ro mnyam pa dang/ de la chu shas chen shes pa lci zhing ldar na/ rlung du ri mnyam pa ste/ snang ba la dpyad cing skye med du bzhag/ shas pa rlung la bskyod nas shes pa zeg bkur ro/ /rlung shas chen sar ro mnyam pa ni/ lhan cig skyes pa ste/ 'gro 'ong med par brtan par bzhag ste/ bde stod dbyer med la gzhag go /sa shas che ste lus sems thogs pa chen mor re mnyam ste

  696. 352b

    dus kyi sna rtse dran par bya zhing phyi nang med par bde bar ro mnyam mo/ /me shas che na shes pa dga' ba dang/ bde ba gtso chen/ /nam mkha' ro mnyam pa ste/ ci yang yid la mi byed par gzhag cing/ rang 'byung gi spyod pa mi dgag par rang yan du btang ngo// //mtshan nyid la bdun te/ snang ba skye med du longs spyod kyi yan lag dang/ snang stong tha mi dad du rtogs pas/ kha sbyor gyi yan lag dang/ tha mi dad nyams su myong ba'i bde ba'i yan lag dang bde stong de dang po nas rang lo yod/ nam 'dod na 'byung/ ci 'dod skye ba'i snying rje'i yan lag dang/ bde rang la rang chas su dngos su longs spyod du yod pas dngos po'i yan lag dang/ don de chu bo bzhin rgyun mi 'chad pas rgyun mi 'chad pa'i yan lag dang/ snang ba mi 'gog pas 'gog pa med pa'i yan lag go /don la snang ba mi 'gegs la btags pa 'gegs pa'o/ /ro mnyam la gsum ste/ nyams su myong ba 'gribs na snang ba bde bar ro mnyam /rtogs pa 'gribs na snang ba skye med du ro mnyam/ spyod pa 'gribs na snang ba yid la mi byed par ro mnyam mo/ bya ba? rgya chen po nyams su blang ba lnga ste/ gnas lugs dang sgom pa dang/ bsgrub pa dang spyad pa dang/ bsam gyis mi khyab pa'o/ /gnas lugs la gsum ste rgyu mtshan gyi gnas lugs dang/ lta ba'i gnas lugs dang/ ngo bo'i gnas lugs so/ /rgyu mtshan gyi gnas lugs la gsum ste/ phyag rgya chen po'i rigs pa dang/ dri ma dang bral ba'i 'bras bur rigs pa dang/ dgag bsgrub dang dral ba rigs pa'o/ /phyag rgya chen por rigs pa'i gnyis te/ phyag rgya dang/ chen po'o/ /phyag rgya ni mi 'da' ba' i don gyis na phyag rgya ste/ de yang gsum ste gnas pa'i zung 'jug dang/ khyab pa'i zung 'jug dang/ yin pa'i zung 'jug las mi 'da' bas so/ /chen po ni gsum po las

  697. 353a

    mchog tu gyur pas na chen po'o/ /de yang dri ma dang bral bar rigs pa ni gnyis te/ skad cig ma gsum dang/ dga' ba gsum gyi dri ma dang bral ba'o/ /gong ma gsum ni/ sna tshogs pa dang/ rnam par smin pa dang/ rnam med dang gsum gyi dri ma dang bral lo/ /gnyis pa ni/ dga' ba dang/ mchog dga' dang/ dga' bral gyi dri ma dang bral ba'o/ /dgag bsgrub dang bral bar rigs pa ni/ rang gi lta ba mi bsgrub cing/ /gzhan gyi lta ba mi 'gegs pas so/ /lta ba'i gnas lugs la gsum ste/ re ba gsum dpyad pa dang/ chos lnga dang ldan pas sku bzhi rang gis rdzogs pa'o/ /re ba gsum dpyod pa ni/ gnyen po'i re ba dang/ de kho na nyid kyi re ba dang/ 'bras bu'i re ba'o/ /chos lnga ni skye ba med pa dang/ rang bzhin med pa dang/ kun la khyab pa dus thams cad pa dang/ mi 'gyur ba'o/ /sku bzhi rang gis rdzogs pa ni/ ci yang ma yin pa'i shes pa sgro skur gyis dben pa ni chos sku/ de nyid nyams su myong ba longs sku de nyid sna tshogs su snang ba sprul sku/ /de gsum dbyer med ngo bo nyid kyi sku'o/ /ngo bo nyid kyi gnas lugs la gsum ste/ lhun gyis grub pa'i dus dang/ zung du 'jug pa'i dus dang/ bsam gyis mi khyab pa'i dus ni/ de yang lhun gyis grub pa'i dus ni/ gdod ma nas ngas pa ni/ gdengs rnyed pa ste/ re dogs dang bral ba'o/ /bsam gyis mi khyab pa ni lhun gyis grub pa de nyams su blangs pas mnyam rjes gnyis brgyan 'dren nas bsgom mi dgos pa la bya ste/ ye shes pa'i mu dang bral ba'o// zung du 'jug pa'i dus ni/ snang ba sems la thim pa'i dus de gzugs sku gnyis 'char kam de'o/ /sgom pa la gnyis te/ dang por sbyor ba dang/ nyams su blangs pa'o/ /spyad pa la gsum ste/ rtogs pa thams cad rkyen gzhan la brten nas

  698. 353b

    skyes par dpyad pa dang/ rkyen las skyes pa de yang/ skye ba med par dpyad pa dang/ skye med de yang ci yang ma yin par spyad pa'o/ /nyams su blang ba la gsum ste/ dang po rtsol bsgrub dang bral te/ lus sems khong glod pa dang/ bar du the tshom med do/ /sems ma bcos bar gzhag pa dang/ /tha ma byung tshor thams cad skye med du shes par bya'o/ /bsgrub pa la gnyis te/ bsgrub pa dang de'i brtags so/ /bsgrub pa la gnyis te/ sgrub pa dang bsgrub pa'i khyad pa ro/ /sgrub pa la gsum ste/ rtog pa ci skyes pa thams cad/ skye ba med pa nyid skyes pas shes pa mi dgag pa dang/ bde ba de dbyer med nyams su myong bas/ nyon mongs dang/ gnyen por mi bsam zhing 'bras bu la re ba med par gzhag pa dang/ cir snang phyag rgya chen po yin pas chu bo bzhin du rgyun mi 'chad par sgom pa'o/ /sgrub pa'i khyad par ni gsum ste/ bde stong dbyer med nyams su myong bas btang snyoms kyi rnyog pa gcad pa dang/ lung dang rigs pa'i steng du/ bla ma'i gdams ngag yod pas ma rmongs pa'i khyad par dang/ rgyu tha mal gyi dus na 'bras bu ye shes la sogs pa rang chas su yod pa ma rmongs pa'i khyad par ro/ /rtags la gsum / snang ba stong par myong ba'i rtags chab rom mthong ba lta bu/ de nas bde stong dbyer med du myong ba'i rtags chab rom chu ru 'dug pa lta bu dang gsum pa snang ba sems la thim pa'i rtags chab rom chu ru zhu ba bzhin du/ bde chen du ro gcig go /spyod pa la lnga ste/ 'gras 'gris med pa lam po che lta bu dang/ phyogs cha med par rten po sa gzhi lta bu dang/ dge sdig med ba glang po che smyon pa lta bu dang/ re dogs med pa seng ge lta bu dang/ khyab la ma zhan pa nyi ma lta bu'o/ /bsam gyis mi khyab pa la gnyis te/ nyams su myong ba bsam gyis mi khyab pa dang/ nyams su mi myong ba'i shes pa bsam gyis mi khyab pa'o/ /de

  699. 354a

    la gsum lhun gyis grub pa'i ngos mi 'dzin pa/ nyam mi nga ba'o/ /bsam gyis mi khyab pa la dngos so/ /dngos ni rgyu bsam du med pa/ thabs bsam gyis mi khyab pa/ /'bras bu ma bsams shing rang 'byung ba'o/ /nyams su myong ba bsam gyis mi khyab pa la dpe lta bu'i rtog pa nyi shu ste/ gang zhe na/ 'di lta ste /dper na thams cad gser gyi sa gzhir gyur nas/ ra gan dang/ gser gnyis dbyer med pa ltar/ thams cad bde stong chen por rtogs tsam na/ /kun rdzob dang/ don dam du mi dbye/ 'jur bu glod na grol ba bzhin/ /rnal 'byor gyi sems glod na grol/ /khri mo nas shar ba'i btson de gang dgar 'gro ba bzhin/ /rnal 'byor gyi sems gang dgar btang/ /gzings las 'phur ba'i bya rog bzhin du yul las 'phros pa'i sems mi dgug /glang po smyon pa'i sna la lcags kyus btab ba longs spyod du btab pa bzhin du sna tshogs la skye med kyi lcags kyus btab la/ /'dod yon du longs spyad/ /glang po che smyon pa lom pa'i/ /sems de bde zhing dal pa bzhin du rnal 'byor gyi sems bde zhing dal bar gzhag/ pra ba la me mched pa bzhin du/ snang ba skye med du me sbar gzhon nu ma'i bde ba bzhin du/ nyams su myong ba la smrar med/ lan tshwa chu la thim pa bzhin du/ rtog pa ci skyes pa skye med du stim/ mar me rang gis rang gsal pa bzhin du/ /bde ba chen po de rang gis rang gsal byas sri ko ne de rten gang la yang mi 'cha' ba bzhin du/ phyag rgya chen po de rten gang la yang mi 'cha/ srog chags la ltar la blang dor med pa bzhin/ rnal 'byor pa la blang dor med par bya/ sman b+ha ta ri bzhin rgyu'i dus na 'bras bu rang chas su yod/ /byis bdag gi mtshon cha'i 'khor lo bzhin du/ nyams su myong ba pa la gnyis 'dzin med/ chu bo rgyun mi 'chad pa bzhin/ nyams

  700. 354b

    myong la rgyu chad pa bsgom/ /'dod yon zas kyi snod bzhin du/ 'dod yon la zhen pa med par bya/ bya rgod phung po'i ri bo bzhin/ /shes pa la 'byung 'jug med par gzhag /nam mkha' stong pa'i dkyil bzhin du/ grub mdza' la zhe 'dod med par bya/ rgya mtsho chen po de mi g.yo ba ltar/ zab cing rgya che ba'i don de ma g.yo bar bya'o/ /chu'i gzugs ltar du/ rnal 'byor pas gzugs brnyan ltar rtogs par bya'o// //gdams pa la nges shes skyes pa'i tshul la bzhi ste/ phyag rgya bzhi'i ngo bo dang/ rgyus dgos par go ba dang/ de nyid brdar shes pa dang/ bdag nyid gzhung du bstan pa'o/ /gsum pa brdar shes par bya ba la bzhi ste/ las kyi phyag rgya byang chub kyi shing ji ltar bshad pa dang/ chos kyi phyag rgya gser gyi 'khor lo ltar bshad pa dang/ phyag rgya chen po shing n+ya gro d+ha ltar bshad pa dang/ dam tshig gi phyag rgya a ru ra'i snying po ltar bshad pa'o/ /de yang byang chub kyi shing dang/ las kyi phyag rgya la 'brel pa ci yod ce na/ he ru ka bzang po'i rgyud las/ rig ma mtshan dang ldan zhing lang tsho gzhon/ byang chub sems kyi gang ba'i ngang tshul ni/ /byang chub shing sdong po yal 'dab la/ shin tu 'jam zhing mnyen la 'o mas gang/ /dkar po lnga tshan gsum du skye 'gyur te/ nag po'i ngos gnyis dkar po gcig tu 'bar/ /bcu tshan bcu dang lnga ni 'bras bur gnas/ /nag po'i the ma thig le gcig 'bab pa/ /gang gis 'thungs pa'i nad kun rnam par 'joms/ /de ltar las kyi phyag gya rtogs pa can/ /bsten cing lhan cig skyes pa dran pa yis/ /las kyi phyag rgya bde bar cher skyes te/ /sbyang la gnas pa'i 'bras bu smin pa ni/ /rtogs dang ldan pa'i he ru ka nyid phyir/ /rnal 'byor brda la rab tu mkhas rnams kyis/ /spyod yul yin phyir byang chub shing bzung bya/ /zhes 'byung ba'i phyir ro/ /'khor lo dang/ /chos rgyal 'brel

  701. 355a

    pa ci yod ce na/ slob dpon ka ma la'i zhal nas gsungs te/ dga' bzhi rnam par rtogs pas gzung 'dzin rnam rtog gcod/ /mu khyud lta bu'i rtogs pa nyams su blangs/ /rtsibs rnams mnyam par rtogs pa ro mnyam ste/ /mtshan nyid gser gyi rang bzhin dang 'dra la/ /bde stong gnyis med shes pa cha snyams pa/ /'khor lo'i ngos gnyis khor yug mnyam pa bzhin/ /zhes 'byung bas so/ /phyag rgya chen po dang shing n+ya gro d+ha la 'brel ba ci zhig yod ce na/ 'jam dpal lung bstan pa las/ n+ya gro rtse mthon shing rnams yal ga dang/ /sdong po dri ma dag gis dben pa ste/ /thang chu rtsi 'thungs tsha grang gnyis ka sel/ /rtsa bzangs sbom dang yan lag du ma brgyan/ /sa phyogs dug sel dus rnams kun tu gsar/ /mchu zheng gab pa dbyar dgun med par skye/ /sa phyogs khor yug rnams kun tu gsar/ /chu zhang gab pa dbyar dgun med par skye/ /sa phyogs khor yug dri yis khyab pa ste/ /'bras bu me tog bsil ma'i chu 'bab par yal ga gcig las gong gsum mnyam du 'char/ /de dag rgyas par skye zhing me tog 'bras/ /mnyam du 'char ba'i shing de ro yis skyed/ /ro de bskyed par nus pa ma yin te/ /de gnyis tshogs pa rgyu rkyen rnal ma ste/ /lus dang ma 'dres chu yis ma bsgrubs pa'o/ /de dag gang yin zhe na/ bstan par bya ste/ 'khrul dang ma 'khrul gnyis med cir yang min pa'i rtogs pa lhun gyis grub na bde/ 'di la brtag mi dgos pas las dang bya ba ma sems thams cad btang na phyag rgya che zhes bya ba la/ 'khrul dang zhes pa ni nyon mongs pa ste/ spang du med pa'o/ /ma 'khrul zhes pa ni ye shes te/ bsten du med pa'o/ /gnyis med nyams su myong ba ste/ yid la byar med pa'o/ /cir yang min pa'i rtogs pa ni 'bras bu ste

  702. 355b

    re ba dang bral ba'o/ /de dag thams cad kyang lhun gyis grub pa'i bde ba nyid kyis so/ man ngag gi phyag rgya chen po 'di la gang du yang brtag mi dgos pa'o/ /khyad par ni dge ba'i las dang/ sdig pa'i las kyi rgyu dang rnam par smin pa dang bral ba'o/ / thabs ni bya ba dang bral ba ste /ma sems shig pa'o/ /'bras bu'i mngon par zhen pa dang/ gnyis pa brtags thams cad btang na phyag rgya chen po ste/ bcu bzhi pa'i sa'o/ /gang ste de kho na nyid/ bcu pa la sogs pa la/ don med par 'gyur ro zhen ma yin te/ bsgrub bya bsgrub pa'i dus bkag pa yang med de/ lam du 'gyur bar bshad do/ /bsgrub bya bsgrub pa'i dus su ni/ /dri ma yin pa'i phyir ched du mi bsgrub la thams cad de kho na nyid du 'dus pa'i phyir ro/ /de yang bstan par bya ste/ gzhan yang lha dang sngags med dka' thub sbyin bsreg yod ma yin/ /dkyil 'khor ma grub dkyil 'khor ba yang de bzhin te/ /zhes bya ba ni gong du bshad par zad la ldan pa'i don to/ phyag rgya che po de dag lha dang sngags dang dka' thub ste/ sbyin sreg dkyil dkyil 'khor ba yang de nyid do/ /mnyam pa gnyis med ji bzhin par ni 'dus pa'i bdag /gang gi rtogs pa grol 'gyur grol bar rdo rje 'chang gis bshad/ /ces bya ba la/ rgyud kyi tshogs gzhan gyis gtan la dbab par bya ste/ gsung rab las/ sku bzhi dbyer med phyag rgya che/ /chos sku de dag lhan cig skyes zhes pa dang/ gzhan yang shes rab snying rje nyer bcas dang/ e baM kA li a'i li sngags/ zhes pa dang/ gzhan yang sangs rgyas kun gyi sdom pa ni/ e baM la ni rab tu zhugs/ zhes pa dang gzhan yang sems la bde ba chen 'byin pa yis/ /'khor ba de ma thag tu sregs ces dang/ /gzhan yang bde stong gnyis med snying po la/ /yid la mi byed kyi len byed/ ces pa dang/ gzhan yang

  703. 356a

    gnyis su med pa'i dkyil bcas pa/ /ro snyoms gsum bcas sgrub pa po/ /zhes pa dang/ gzhan yang chu rnams kyi rgya mtshor lan tshwa'i ro/ /chos rnams bde chen mnyam pa nyid ces pa dang/ gzhan yang chu dang chu gnyis dbyer med ltar/ /'khor ba nyid nas rdzogs sangs rgyas/ zhes pa dang/ gzhan yang/ byang chub sems kyis chu bo nyid/ /ji bzhin par gzhan rgyud mi 'chad ces pa dang/ /gzhan yang/ las dang chos dang dam tshig rnams// bzhi pa'i dbang thob myong bar 'dus/ /gang gis bdag nyid de rtogs pa/ /'das pa grol zhing gnyis grol 'gyur/ /rdo rje 'chang mchog he ru ka /nges pa'i rgyud rgyal bshad pa yin/ zhes bya bas gsal ba'i phyir rtogs par bya'o/ /tshogs tha ma'i dang po gsal bya ba ni/ chos rnams thams cad bde ba chen por ro gcig pa mnyam pa gnyis su med pa nyid do/ /ji bzhin pa ni byang chub kyi sems so/ /'dus pa'i bdag nyid chos kyi phyag rgya dang/ phyag rgya chen po'i dbang bzhi pa'i dus kyi ye shes gsum 'dus bas so/ /zhes bya ba ni bsdu ba dam tshig gi phyag rgya'o/ /dam tshig gi phyag rgya skyes bu byed pa'i 'bras bu ni/ sngon gyi skyes bu rnams kyis byas pa dang/ ma 'ongs pa'i dus skyes bu'i 'bras bur bcas pa dang/ nges par sbyang ba'i mthu las byung ba'i skyes dus byed pa ste/ 'bras bu ni gzhan gyi don to/ /nges par bstan pa ste/ zhes pa ni rgyu 'bras kyi 'brel pa ma bslus pa'i don to/ /bzhi pa ni gsum pa la ltos pa'o/ /byang chub mchog rgya 'dzin pa dang/ /sa gnon mchog sbyin ting 'dzin skyabs/ /gzhan dang mthun las grub pa yi/ /'gro na mchog tu 'dzin pa'o/ /nre ro e h+rI /sa ma do ka e bo b+hA b+hu ha/ de dag ni dam tshig gi

  704. 356b

    phyag rgya'i bshad pa'o/ /de ltar phyag rgya bzhi'i bye brag de dag skad cig bzhi dang dga' ba bzhi dang/ dbang bzhir sbyor bar bya'o/ /phyag rgya chen po ma yin gsum gyi re re zhing skad cig ma bzhi bzhir shes par bya'o/ /de bskyed pa'i rgyu 'bras ni/ ma yin la ltos pa'i rgyu 'bras su shes par bya'o/ /de ni phyag rgya bzhi shin tu bsdus pa'i don to/ /de ltar gzhung gi don bshad nas/ mtshan mjug gi don du bshad pa ni/ haM phyag rgya bzhi rjes su 'gro ba drug pa zhes bya ba la/ haM ni lhan cig skyes pa'i nus pa dang bcas pa ste/ a ba d+hU tI'i rtse mo bde chen gyi 'khor lo'i dkyil na gnas te/ lus thams cad der 'dus shing de'i nus pa las mi 'da' ba bzhin du/ /nor bu la nor bu'i phyag rgya bzhir rgyud sde rnam pa lnga 'dus shing de nyid las mi 'da' ste/ de dag ni mchog tu gyur pa gces par bya ba'i tha tshig go /sangs rgyas gsung las rab tu lung bstan pa'i/ /nA ga rdzu na mchog las rnyed pa'i don/ /sa ra ha dang rgyal ba mchog las 'das/ /rje btsun mchog gi 'di skyon bzod pa mdzod/ /pha dang ma'i rgyud las 'di rtogs shing/ /shes rab snying rje bcas pas don 'di rtsams/ /rin chen snying po zhe bya'i 'grel pa 'dis/ /yid 'pham ngal bsos mngon par rgyal gyur cig /chos 'di byas pa'i bsod nams kyis/ /'khor gnas 'di ni 'khyams gyur pa'i/ /'gro rnams lam 'dis sbyangs gyur te/ /bcu bzhi'i sa la gnas par shog /phyag rgya bzhi'i rgya cher 'grel pa rin po che'i snying po zhes bya ba/ rgya gar gyi mkhan po mkhas par grags pa/ bla ma b+hi ta kar mas mdzad pa rdzogs so/ /rnal 'byor pa bsod snyoms pa pradz+nyA sh+rI ra tis rang 'gyur du byas pa'o/ /rgya gar gyi mkhan po mkhas par

  705. 357a

    grags pa/ rje btsun b+hi ta karmas mdzad pa'o// //mtshan nyid mdzad pa'i skabs su slob dpon chen po ka ro pa zhes kyang grags so/ /rnal 'byor mdzad pa'i skabs su da ka ro zan zhes bya bar grags so/ /spyod pa mdzad pa'i skabs su phyogs kyi gos can zhes bya bar grags so// //rgya gar skad du/ sapta mi sid+d+hun+ta nA ma/ bod skad du/ grub mdza' bdun pa zhes bya ba/ dpal rdo rje sems dpa' la phyag 'tshal lo/ /shes rab chu skye rdo rje sbyor ba dga' ba bzhi po ma lus pa yi gnas/ /bla ma'i bka' yis rgyas btab lus ni rnal 'byor gter yin phyi rol 'gro ma yin/ /de yi dus su yid kyi g.yo ba med 'gyur rlung gi rab tu 'bab pa chad/ /ma sgribs rna bas thos shing gsal ba 'di ni phyag rgya la ni mos pa'i gnas/ /sangs rgyas kyi gsung ngo/ /ji srid 'od gsal ngo bo ma shar bsil ba'i 'od zer gyi ni rgyun gyi rdzas// lha mo'i pad+ma 'dab ma'i khongs su ro mnyam gyur pa rgyal ba'i tshogs rnams kyis/ /sgro byed rdo rje'i rtse mo'i drung du snying rjes yis ni dbyer med 'gro byed pa/ /de srid khyab bdag gzugs sra ni dpal ldan snying rje'i stobs kyis lhan skyes shes par gyis/ /dge ba'i mgon po'i 'o/ /ji srid rdo rje nor bur rdo rje gsum bsregs ltung ba'i zla ba'i rlung gis ni/ /gnas pa chu skyes kha sbyor gnas can nang gi khang bur thim pa'i skad cig der/ /gang zhig 'byung dang rang gzhan la sogs rtog bral tha snyad kyis dman bdag yid kyis/ /shes pa'i lhan skyes de nyid gang phyir rigs pa mchog dang lung las gsal ba yin/ /bi ru wA yi'o/ /rdo rje'i nang du rnam zhugs rol pa dang bcas

  706. 357b

    dga' ba'i rnam pa dri ma med/ /yangs par kun du song ba'i sems kyi yid skye dang bcas dga' thob ngal bu yis/ /ji srid g.yo med ma thob yun ring de srid du ni de bzhin yang dag gnas/ /kun phan byed pa rab tu 'byung ldan skar ma'i bdag po'i snang bar mi 'dor ro/ /b+hu su ku'i'o/ /dga' ba gnyis po bcings pa'i rgyun du gyur pa rdo rje rtse mo'i mdza' la gnas/ /gnas nas rab 'pho thig le dkar po'i tshogs kyis ji srid mkhas pas 'dod pa yi/ /skad cig 'di ni chu skyes rgyas pa'i ze 'brur mkhas pa de srid bsam gtan byed/ /kye ho de nyid mkhas pas shes kyi mchog ste 'di la gnyis su 'khrul pa med/ /nag po spyod pa'i 'o/ /ji srid cung zad yid kyi rnam rtog rang 'byung spang bya yin te gang gi phyir/ /de srid dga' ba'i byed po gang 'di snying ni bde byed de yang kun rtog tsam/ /gang yang chags bral dngos po der rjes gnyis po gang de srid pa'i rgyu yi mchog /yul la rnam rtog bdag nyid sems las gzhan du mya ngan 'das pa 'gar yang med/ /sa ra ha'i zhabs dang bar ma chad pa/ /dpal klu sgrub zhabs kyis rgya mtsho las phyung ba'o/ /brjid bag dang bcas rdo rje nor bu 'khyil pa'i khang bu'i mthar/ /skyil krung las ni ji srid pad+ma'i mdzod kyi mthil las ni/ /thub pa'i dbang po'i go 'phang yang dag thob pa de srid du/ /pad+ma'i sbrang rtsi stug po la sred zla ba thob par byed/ /lak+Sh+mI chen mo'i 'o/ /rab tu 'dzag byed nor bu'i rtsa bar sems kyi dga' ba tsam/ /slar yang nor bu'i dbus su ma lus kun rtog la sred pa/ /de las steng du rtse mo'i mdza' ni 'khrul pa'i rtog pa med/ /chu skyes gnas su lhan skyes rigs ni ci yang rgyas par byed/ grub pa dA ri ki'i 'o/ grub mdza' bdun pa rdzogs so// /paN+Di ta chen po nags kyi rin chen dang/ gzhon nu dpal gyis bsgyur ba'o// //

  707. 358a

    */ (/dbang bzhi pa'i rab tu byed pa bzhus so/) /rgya gar skad du/ tsa turthA b+hi She ka prA kA ra NA/ bod skad du/ dbang bzhi pa'i rab tu byed pa/ dpal rdo rje sems dpa' la phyag 'tshal lo/ /de'i rjes su ji skad gsungs pa'i cho gas shes rab ye shes kyi dbang mngon sum du byas pa la/ 'bras bu'i dbang bskur ba rin po che bzhi pa sbyin par bya ste/ de yang gsung pa/ ji skad gsungs pa'i cho gas dbang bskur zhing/ /yid kyis slob ma'i mos pa brtags nas ni/ /zab cing rgya che'i tshul la mos gyur na/ /dbang bskur rin chen tshig gis sbyin par bya/ /'o na 'di rgya che ba la mos pa dang/ yang na ma yin pa zhes ji ltar rtogs par bya zhe na/ du ba las ni me shes dang/ /chu skyad las ni chu shes ltar/ /byang chub sems dpa' i rigs dag ni/ /blo ldan gyis ni mtshan mas shes/ /gzhan gyi pad+ma rab dang zhing/ /dga' ba rgyas pa'i spu long can/ /mthong nas mkhas pas de nyid kyis/ /slob ma dam pa rjes bzung bya/ /myu gur gyur pa'i byang chub sems de kho na shes rab ye shes te/ bsgoms pas rab tu 'phel bzhin/ sa sgrib pa med pa nyid thob pa ni de kho na nyid dang/ chos thams cad bsam gyis mi khyab pa'i rang bzhin dang/ yan lag bdun dang ldan pa dang/ phyag rgya chen po'i bdag nyid dang/ rdo rje 'chang chen chen po'i rang bzhin dang bzhi pa zhes bya'o/ /yang gsungs pa/ der ni thog ma dbus mdza' min/ /srid min mya ngan 'das pa min/ /'di ni bdag min gzhan ma yin/ /'di de mchog tu bde chen po/ /yang gsungs pa/ 'gro ba rnams la rtag tu shar zhing rgyal gyur pa'i/ /bde ba'i rgyal po gcig pu de ni byed pa bral gang zhig dus su nges par gsal bar brjod pa na/ /thams cad mkhyen pa yang ni tshig gis dbul bar gyur/ /de ni bla mas brjod par bya ba 'am/ /de ni slob mas go bar bya ba min/ /lhan skyes bdud rtsi'i bde ba thob pa de/ /su la su zhig

  708. 358b

    gis ni brjod par bya/ blo yi spyod yul ma yin pas ni tshig gi dpyod pa med/ /bla ma'i brjod pa las ring gtam gyi dngos pos 'jug pa ste/ de ni rim gyis snying rje la sogs yon tan dag pa dang/ /dad can rnams kyi snying la rang gi 'phang byed yin/ /'o na byang chub kyi sems skyes pa'i mtshan nyid ci zhe na dbang po rnams ni gnyid log lta bu dang/ /yid ni nang du zhugs pa 'dra ba ste/ /bya byed med pa lta bur snang ba dang/ /lus ni dam pa'i bde bas rgyal gyur pa'o/ /dbang po'i tshogs rnams 'jug pa med pa dang/ /srid pa'i sa bon rnams rtog rdzogs par nyams/ /dga' ba'i rang bzhin nam mkha' dang mnyam yang/ /bsil ba'i ro myong 'di ni a la la/ /dbang po ngang ni thim par son/ /bdag gi rang bzhin nyams pa de/ /nges par lhan skyes dag pa'i sku/ /bla ma'i zhabs la gsal bar dri/ /de nyid gsungs pa/ gang zhig shar bas dus mnyam du ni dbang po rnams/ /yul dang mtshungs par nub cing gang yang mkhas rnams kyi/ /snying la mngon dga' ci yang sang cing rgyas gyur pa/ /rgyal ba'i mdzes sku gcig pu de la phyag 'tshal lo/ /de bas na/ 'dir ni gang blo dam pa'i bde ba yis/ /stobs su gyur pa rnams rtog mdza' dag 'joms/ /de yang mkhas pa bya ba byas pa ste/ /gzhan pa de rnams rkang gnyis phyag yin no/ /gang du dngos dang dngos po med pa 'ba' zhig nyid dang rnam bral rang nyid mdzes pa ste/ /sdug por gyur pa'i dga' ba'i rang bzhin rab tu rtogs pa chen po nam mkha' i gnas khyab cing/ /rgya che'i rnam pa sna tshogs can dang dri med nyid kyis me long dkyil 'khor 'phro 'dra ba/ /bde ba kun gyi gzhir gyur lhan cig skyes pa'i dga' ba de ni bzhi pa yin par brjod/ /de yi phyir the tshom med pa las sku

  709. 359a

    gsum gyi rjes su 'jug pa mchog tu mi 'gyur ba'i bde ba chen po phyag rgya chen po nyid ni bzhi pa yin par bya'o/ /dbang bzhi pa'i rab tu byed pa dkyil 'khor chen po'i slob dpon dpal nags kyi rin po che'i zhal snga nas mdzad pa'o// //zhal snga de nyid du legs par mnyan nas dge slong chos smra ba bsod nams rnam par rgyal bas bsgyur ba'o/ //bkra shis sarba mang+gA laM//