Text

ff. 1a–382a · 763 folio sides

  1. 1a

    sgyu 'phrul thal ba'i rgyud chen po zhes bya ba bzhugs so//

  2. 1b

    sgyu 'phrul thal ba'i rgyud chen po zhes bya ba/ dpal kun tu bzang po la phyag 'tshal lo// dpal ldan thugs kyi dkyil 'khor mchog/ thabs chen thig le bde ba'i don// sku 'phrul dra ba mngon rdzogs pa'i// ma lus 'dus pa'i 'khor lo'i tshogs// lha mos bzhad dang rol pa yis// gnyis med bde bas tshim pa yi// lhan cig skyes pa'i ngo bor gsal// ma lus bde chen rang bzhin du// snang zhes thig le'i ngo bor ldog/ thun mong thun mong ma yin pa'i// brtags par rang gi rtog tsam nyid// thabs chen gsang ba'i ye shes gsal// nyi zla 'dres pa'i gar thabs kyis// gsang ba'i 'khor la dbang bskur bas// nam mkha' gang ba'i skye bo rnams// ma lus thig ler gsal 'gyur zhing // rol pa'i

  3. 2a

    gsang ba'i nyams ldan pa'i// thabs dang bcas pa'i bdag nyid kyis// thabs dang mdzad pa'i dgongs pa dag/ dus bzhir mnyam pa'i tshul du bzhugs// de nas gsang bdag sprul pa'i skus// 'dod lnga chags dang thabs sbyor bas// thabs kyis gsang ba'i don ston pa// ma lus dgongs pa'i don thob pas// thog mtha' med pa'i thabs la gnas// 'khor las thabs kyis pha rol phyin// 'khor ba thabs kyis bder son pa// thal bas brgyan pa'i 'jig rten du// 'dod pa lnga la ma chags par// gdul dka' ma lus kun 'dul te// gsang ba'i don la smin mdzad pa// de ni thal ba'i dbyangs zhes bya// dus mthar snyigs ma'i 'gro ba rnams// gang dang bral bas ma smin pa// gang dag de dang ldan

  4. 2b

    bzhin du// 'gro 'ong med pa'i thabs chen pos// 'khor ba gnyis med don sbyor ba// 'di ni thabs chen rol pa'i rgyud// zhus dang de la dgongs pa'i phyir// 'di ni gsang chen thal ba'i rgyud// de tshe gsang bdag mnyam 'dus pas// 'khor gyi rig sngags rgyal po yis// 'khor lo'i bdag po gtso bo la// 'dod dang mnyes dang tshogs kyi mchog/ dgyes pa chen po'i rol pas mchod// gsang ba'i don gzigs zab 'i dbyangs// 'dod chags rol pa'i stobs kyis zhus// e ma ho gar mkhan 'khor lo bde// rtag tu bde bas bde ba'i mchog/ bde stong rtog pa gnyis min zhing // gsang ba gsang chen gsang ba'i mchog/ 'dus pa'i 'khor lo sbyong mdzad pa// mtha' dbus la stsogs dus med pas// lhan cig skyes pa'i ngo bor gnas// thabs chen sgyu 'phrul dra ba'i rgyud// thun mong thun mong ma yin pa'i// gleng gzhi mchog ni ji ltar lags// rol pa'i gsang ba las byung ba'i// sems kyi khyad par ci lta bu// gsang ba'i thabs mchog las byung ba'i// lha dang rtogs pa'i khyad par ci// sgyu 'phrul dra ba'i sku gsung thugs// rang bzhin thabs las rang snang ba'i// dkyil 'khor mchog ni ji ltar lags// phyi nang gzugs brnyan byang chub sems// rig pa'i thig le mngon snang ba// khyad par rim pa ji ltar lags// gsang ba gsang chen

  5. 3a

    mthar thug pa'i// rim pa gang lags khyed kyis gsungs// 'dul ba'i skye bo snod ldan la// gsang ba'i dam tshig ji ltar sbyin// thabs chen rol pa'i dbang mchog gang // rig pa mchog la gnas sbyor ba'i// rig pa'i brtul zhugs ji ltar lags// 'jug pa'i khyad par ji ltar bde// thabs bral log pa'i gang zag rnams// nges pa'i thabs kyis ji ltar dgrol// sngags dang snying po ji lta bu// 'dod pa can la rol spyad pas// 'gro ba chags can ji ltar dgrol// zhe sdang can gyi gang zag la// rig pa'i bag chags ji ltar bsdu// las kyi khyad par ji ltar lags// rdo rje dril bu mnyam sbyor bas// tshad dang dgrol ba'i tshad ni gang // thabs dang bral ba'i rnal 'byor pas// gsang ba spyad pas ji ltar 'gyur// thabs mkhas rol pa'i rnal 'byor pa// spyad pas lhun gyis ji ltar grub// 'das dang ma 'ongs rnal 'byor yid ches bstan pa gang la snang // thabs ldan theg pa'i che ba gang // 'dul ba'i gang zag rgyal sras la// thabs kyi theg pa ji ltar sbyin// 'di dag thabs chen gsang ba'i don// ma lus bsdus par zhus pa ni// dus gsum the tshom sel ba ste// rgyud kyi phyi mo zab mo mchog/ 'dod chags brtul zhugs mchog chen po// 'dus pa kun gyi rjes su gsungs// de nas rgyal po rdo rje 'chang // lha mo'i tshogs dang gnyis med

  6. 3b

    cing // rol pa'i gar dgu rtse dang bcas// ma lus bde bas tshim mdzad nas// 'khor lo rol pa'i tshogs dang bcas// thabs kyis rol pa'i bde chen gyis// lus kyi dkyil 'khor dbab mdzad cing // bzhin 'gyur ngag chad re dogs med// rnal 'byor pho mo rdul snyed bcas// rtse gcig bde ba 'bar bar byed// bde chen thig le'i tshul nyid kyis// rdo rje'i tshig tu 'di gsungs pa// 'di zhes nye bar mtshon pa ni// e sogs rnam bzhi'i dbyibs can gnas// skad ces gsal byed las ming can// baM dbyibs thig ler bcas ston pa'o// ma da ma nus sdom byed yid// las can rnam shes de dag la// thabs chen tshig bral nyams ldan pas// gsal bar go bas bshad par 'dod pa sgra don dam nges pa'i rgyud// yA na theg chen 'di yin no// dus ni bsam gyis mi khyab dus// nA ma de ming zhes bya'o// gzhan yang khyad par bshad bya pa// thabs dang shes rab mnyam pa yi// sna tshogs bde ba'i thig le yis// de bzhin nyid du gshegs pa yang // sna tshogs zhen las grol bar bshad// bye brag brgyad cu bcu gsum pa// ma lus bde chen ngo bo yi// bcud 'dus thig le chen po nyid// snang dang stong pa la sogs pa// brjod bya ma lus rdzogs par snang // rtog tshogs sangs rgyas bzhi bcu lnga// snang bas phye phyir gnyis su med// shes rab b+ha ga gsang ba'i

  7. 4a

    gnas// de dkyil pad+ma'i rim gsum po// gnyis gsum brgyad kyi khyad par can// mtha' ma gnas dang yon tan gyis// mngon par mtho bas 'og min te// las dang bcud kyis mtha' bral ba// ye shes bzhi la dpag mi rigs// dgos pa 'byung ldan rin po che// ye shes lnga yi 'khor lo bskor// sangs rgyas ngo bo snang bcud kyi// spyi bor shin tu 'khyil bar gnas// nyung dkar sor gyis spags pa ni// sa ya bcu gsum bde bas brgyan// sna tshogs ro dang ldan pa yi// 'dod yon khyad par can gyis mdzes// bde ba chen pos kun khyab pa'i// gang yang bde byed phyi nang bral// 'bras bu'i chos rnams rdzogs par ldan// byang chub mchog tu nyi zla 'bar// de nyid bzhugs gnas yin par bshad// bcud lnga ye shes kho na'i phyir// dwangs snyigs med par kun tu gsal// sgra dbyangs gsung gi gnas bzhi yi// dbye bas gsum gsum ngos gnyis dang // bzhi bcu gnyis su gyur pa yin// sa ya bcu gsum las rdzogs par// skye 'gag med pa'i ngo bos yang // rten can ji bzhin rten de bzhin// nyi zla thabs dang shes rab kyi// ro/ gnyis mnyam pa dus gsum bzhugs// dwangs ma'i thig le chen po yi// bde ba'i dngos por ye shes snang // thabs dang shes rab mi phyed pa'i// thig le gsang ba'i ro ldan pa'i// mtshan nyid kun bcom bde

  8. 4b

    chen po// rang gi ngo bo ma grub pas// rang bzhin lhan cig skyes pa'i phyir// bcom ldan de bzhin gshegs shes bya// gzugs stsogs lhag pa'i thig le ni// las dang yon tan sngon ldan phyir// rig pa'i rgyal po nyid du brjod// bcud lnga 'dus pa'i thig le ni// rgyu dang gnas kyi kha dog ldan// ro dang las kyang de bzhin te// rang gi mtshan nyid kun tu snang // gang phyir 'byung sogs rang bzhin nyid// chen po'i bdag nyid ltar snang ba// mkha' stsogs snying la gang gnas pa// nyams dang sbyor ba'i khyad par gyis// zab mo dag gi stobs las snang // khyad par rim bzhin shes par bya// mkha' sogs nang gi 'byung la snang // ye shes 'byung lnga las dag gis// bskyed phyir dbyings su brjod pa ste// btsun mo'i dngos por de 'dod do// 'byung lnga sbyor ba'i thabs mkhas pas// thig le snod kyi khyad par gyis// til gang lta bu mkha' gang ba// dkyil 'khor tshogs chen brjod mi lang // gang phyir thig les byin brlabs pa'i// rig pa'i tshul bzhi bsam mi khyab// rig pa'i rnam shes bde chen nyid// rang gi nyams kyis gnas pa'o// gsang ba'i thabs ldan yul bzhi dag/ gang sbyor bde skyed btsun mo ste// bde ba chen por rgyas btab pas// lha mo nyid du bstan pa yin// dmigs sogs rang gi thig le ni// thabs chen thig ler mnyam sbyor

  9. 5a

    bas// las dang ngo bo 'bras bu'i phyir// sems dpa' chen po nyid du brjod// nyes zad byed phyir rdo rje ste// ma lus mi phyed bde chen las// rang gi gnas kyis phye ba'o// gzugs sogs nang phyir rab spangs te// rang gi rtsa bcud bcas pa ltar// zag med thabs kyi rang bzhin gyis// bde ba bskyed phyir btsun mo'o// dus ni rlung gi go phye ste// byams pa la sogs ye shes bzhi// de bde rim pas skye ba yang // ting 'dzin dbang du nges par gsungs// thabs dang shes rab mi phyed pa// gsang bar mnyam sbyor thabs kyi phyir// gsang yul dbang po'i rnam shes reg/ lus kyi chos bzhi 'dus spyad pas// ma lus 'joms phyir khro bo ste// mtshan nyid las kyis phye ba yin// gsang gsum thabs kyi spyod pa nyid// rtag sogs mtshan ma las bskyed phyir// btsun mo zhes su bstan pa ste// las kyi skabs kyis mi gnas pa'o// gsang chen thabs kyi rol pa'i rgyu// ma lus thig ler rang 'char ba// skal ldan thams cad spyod yul te// rigs chad dman pa'i yul ma yin// sgyu 'phrul thal ba'i rgyud chen po las/ gsang ba'i gleng gzhi bshad pa'i le'u ste dang po'o// // de nas gzhan yang bshad bya ba// thabs dang shes rab rol pa yi// sems lnga'i khyad par snang ba ni// thal ba'i rgyud 'dir bshad par bya// thabs kyi rol par gang

  10. 5b

    bskur bas// shes rab chags par gyur pa nyid// de bzhin shes rab thabs bskul bas// rol pa'i bde bas zhen pa sel// gnyis med rol pa'i sems lnga yis// rdo rje 'chang ba nyid du 'gyur// gzhan yang rgyas par bshad par bya// thabs dang shes rab dbyer med pa'i// thig le mi phyed rang bzhin gyi// rdo rje phung po'i yan lag ni// rdzogs pa'i sangs rgyas lnga ru gsal// skye mched khams sogs ngo bo nyid// sems dpa' sems ma'i rang bzhin no// sa chu spyan dang mA ma kI// me rlung gos dkar sgrol ma ste// nam mkha' dbyings kyi dbang phyug ma// gsang yul dbang po rnam shes reg/ ma lus 'joms pas khro bopo ste// rtag sogs mtshan nyid las skyes pa// yum ste las kyi mi gnas bshad// yid chos bzang po bzang mo mkha'// chags sogs yang dag nyon mongs drug/ 'dul phyir sprul pa zhes gsungs so// thabs chen snang ba rab bskul bas// shes rab thabs la gang bskul ba// phyogs bcu dus bzhi ma lus pa'i// snang grag gnas pa'i chos rnams kun// dra ba shes rab zab mo'i dbyings// gang la gang gis mi mtshon zhing // mi shes byis pa'i yul las 'das// thabs la mi gnas de bzhin nyid// khyad par thabs chen sgyu 'phrul 'dis// skal med ma sbyangs skye bo dang // byis pa'i log zhen dge slong dang // mtshan ma'i rnal

  11. 6a

    'byor yul ma yin// thabs dang shes rab rol pa ni// dga' dang bgad dang chags pa dag/ blta dang 'khyud dang 'dzin dang mnye// 'brad dang steng dang zhal sbyor dang // brtse dang gzhi ba dang rtsang dang 'cha'// chags pa'i gar thabs sna tshogs kyis// tha mal snang ba bde bar thim// dzaHbaM hUM hoH'i phyag rgya yis// bzung dang 'khyud dang bsdams bskyod pas// gsang ba'i 'byung lnga la brten pas// rim pa lnga ldan sems kyi ro// rim par 'byung ste gzhan du min// bde ba'i thig le las byung ba'i// skad cig zhen pa las 'das pa// bde ba'i ro ni gang skye zhing // rtsa dang thig ler bcas pa dang // thig le'i bde ba nyams su 'char// gang tshe zhen bral bdes gang bas// yul sems bde ba 'gags pa yis// lhan cig skyes pa kun ldang ba// 'gags shing ldang bar bshad pa yin// rten las 'byung la ma brten pa// bde dang mi rtog gnyis med pa// gang dang gang du rtag gnas pa// gnas pas de ni gnas pa ste// dus yun tshad las ma nges shing // rang gi rlung dang 'tsho ba dang // sbyor ba thabs kyi yan lag gis// rnal 'byor pho mo rnam par mdzes// thabs chen thabs las byung ba yi// rig pa'i nyams la dmigs pa ni// gang du zhen pa kun bral ba'i// bde chen rang bzhin bsam mi khyab// 'di ni yul dang dbang po dang // rnam shes

  12. 6b

    dmigs pa'i yul las 'das// thabs dang shes rab 'dres pa las// rang rig bde bar rang gsal bas// ma lus thabs chen rgyal po nyid// rlung sems rten gyi thig le la// phyi nang dwangs snyigs rgyu ba dag/ 'gro 'od med par gsal ba na// re dogs 'gro 'ong las grol ba// mthar phyin ye shes sems nyid ni// bde chen mi dmigs bsam yul 'das// bde ba'i thig le bcu drug pa// nyi zla 'dres pa'i gar thabs las// phyi nang yul sems bcas pa dag/ ma skyes mnyam la gnas 'gyur zhing // thig le zung 'jug bde ba las// gsang ba'i nyams ni 'byung bar 'gyur// rten 'brel bde ba'i zung 'jug las// mkha' ltar rang byung ye shes skyes// bde chen thig le rgyu rkyen 'das// rang byung ye shes gnas med las// sgyu ma'i cho 'phrul rang bzhin 'char// sgyu 'phrul dra ba bde chen po// rang byung rang rig yul las 'das// skye 'gag gnas dmigs las 'das shing // 'gro 'ong bya byed las 'das pas// rang byung ye shes de bzhin nyid// sems kyi mtshan nyid gzhi rtsa 'das// mtshon pa'i yul la mi gnas pa'o// sgra 'phrul thal ba'i rgyud chen po las/ sems lnga bstan pa'i le'u ste gnyis pa'o// // de nas gzhan yang bshad bya ba// thabs dang shes rab gnyis med pa// thig le nyi zla 'dres pa las// 'byung ba'i lta ba

  13. 7a

    bshad par bya// rdo rje dbang gi stobs ldan zhing // sngar byas thabs kyi bcud ldan pa'i// thabs ldan rnal 'byor nges pa yis// tsakra bzhi dang ka ba gsum// thabs ldan me rlung sbyor ba ni// man ngag stobs kyis shes par bya// thabs ldan thig le 'byor pa yis// ye shes nam mkha' lta bur mthong // bskyed pa rlung gi phyag rgya yis// phyi nang drangs snyigs 'dres pa'i rlung // bzung dang mi bzung sbyor ba yis// gsang ba'i thabs kyi rol pa las// ma skyes mnyam pa'i ngo bor mthong // steng 'og thabs la brten pa yi// zhu bas gnas thim bde ba'i ros// ma lus rgyas btab mnyam sbyor ba// bde chen thig le stobs la gyur// gang de thabs las byung ba ni// nyi zla gnas bcud rang 'bar bas// gnas bcud thig le mi dmigs pas// spyi dang rang gi mtshan nyid gsal// gang du thabs chen las byung ba'i// steng 'og/ rlung gi sbyor ba ni// thabs lam bde ba'i gnyer dag gis// brtags pa rang gis rtog pa bzlog/ dngos po rnams kyi ngo bo la// bzlog bya nges kyang mi dmigs so// phung sogs rtog pa'i 'jig rten kun// log rtog sgyu ma snang tsam las// nyi zla bden gnyis la nyid kyis// ma skyes mnyam la gnas 'gyur zhing // phung sogs lha yi dkyil 'khor du// rang snang rang gi mngon sum gsal// phyi nang nyams la brten pa

  14. 7b

    yi// kun rdzob thabs la mnyam sbyor bas// rang byung thig le rtogs byed cing // skye med bde chen klung du 'jug/ ma skyes bde ba'i thig le nyid// ma skyes pa dang bde chen dang // gnyis med 'dres pa'i thig le nyid// yi ge gsum gyi brdas mtshon nas// byin rlabs thabs kyi sbyor ba yang // bde chen rang rig mngon sum gsal// thabs dang shes rab thig le ni// ma 'dres gcig dang du ma bral// thabs kyi bde chen gsal gyur cing // bde chen gsal zhing mi rtog pas// zug kyang // seng 'khrug byin rlabs mi g.yo bas// ma lus dam pas byin rlobs mthong // thabs la goms pa'i man ngag gis// dngos po bde bar nyams myong bas// rang rig phyi dang nang med nang // mi dmigs brjod med gang bsgom pa// 'du shes klung du zhugs gyur na// brjod pa med pa de nyid mthong // nyi ma zla ba rkyen phrad las// drod dang rlan la thogs med cing // rnal 'byor thabs kyi rim bskul na// bde chen ye shes thogs pa med// gnas bzhi bcud ldan rang bzhin la// rkyen dang dmigs pa la brten pas// sems lngas thig le sngon sbyangs te// ye shes nam mkha'i gzugs su skye// rtsa dang rnam shes rgyu ba las// thabs kyi gsal byed de goms nas// 'byung lnga bcud lnga phung por bcas// mi zad rgyan gyi 'khor lor mthong // tsit+ta snying po kha sbyor

  15. 8a

    dbus// chos nyid ye shes g.yas g.yon la// dbu ma dbyer med thabs bzung bas// sems lngas thig le mngon sbyangs te// phung po 'byung ba rnam shes bcud// grangs las 'das pa'i ye shes kyang // mnyam pa lnga ru gsal bar mthong // rang byung mi shigs thig le ni// drangs ma ye shes lnga ldan la// sgron ma'i thabs kyis gang bskul ba// dngas ma bde ba'i rtags 'byung zhing // ma bslad ye shes 'char bar 'gyur// phyi rol rgyu ba rlung bcad cing // drangs ma rim par zhugs pa na// rtsa bzhir snying po thim pa las// dngos po phyi nang yul 'gags pas// bde chen sgyu ma las byung zhing // ma skyes ye shes gsal bar mthong // drangs ma'i nyams kyi rtags 'byung ba// 'dzag dang 'dar dang 'phar ba dang // rgyug dang glu dang sgra sgrog dang // 'bar dang bde ba 'byung ba dang // thar dang 'ching med mngon shes dang // skye mched nam mkha'i rang bzhin gsal// thabs dang shes rab mngon sbyar ba'i// nyi zla 'dres pa'i gar thabs kyis// thig le 'khor lo bskur ba'i tshe// thabs ldan gnyis med bsal bar 'gyur// thabs chen thabs la gnas pa yis// pad+ma rdo rje sbyor ba yi// gsang ba'i thig le zung 'jug pas// drangs te ma lus gang ba yis// phung po rnam shes lnga ru gsal// thig le thabs kyis zin pa la// lhan cig skyes par

  16. 8b

    rang snang bas// rtog pa'i bye brag rang 'gags shing // las dang skyon bral pad+ma can// bde ba'i thig le ma skyes pas// ma rig gnyis 'dzin la sogs pa'i// phyi nang bde ba chen po gsal// bde chen sgyu mar rang snang bas// phyi nang bdag gzhan log pa'i sems// bde chen rang byung thig ler gnas// rang byung rten gyi thig le la// man ngag thabs kyi bde rgyas pas// dman pa'i mtshan ma ring spangs nas// rang byung ye shes mngon du gsal// 'di ni 'jigs bral tshad ma ste// ngo bo nyid kyi bden mthong zhing // rang byung ye shes mngon sum pas// dman pa'i tshad ma rnam par 'jig/ 'khor ba mun pa'i phung po la// thabs chen snang bas gsal byas nas// rang byung bde ba thog mtha' med// da lta nyid du gsal bar byed// thig le zung 'jug bde ba ni// sems mtha' ldog pas go phye nas// dkyil 'khor drug gi yul rnams su// sprul pa'i thig le rang shar ba'i// snang ba'i mdzad pa bsam mi khyab// chags sogs nyon mongs la rtog ril// gdul phyir sprul pa zhes su bshad// sgra dbyangs gsung gi bstan pa rnams// nges par grags pa kho na nyid// phung sogs rtog pa'i 'jig rten kun// log rtog sgyu ma snang tsam las// nyi zla bden gnyis la nyid kyis// ma skyes mnyam la gnas 'gyur zhing // phung sogs lha yi dkyil 'khor du// rang

  17. 9a

    snang rang rig mngon sum gsal// dus gsum du'ang mi 'gyur phyir// theg 'dir zabs dang snying rjer bshad// gang phyir 'jig rten mtha' yas par// mos pa bsam yas phyir gsungs pa// bstan pa mtha' yas bstan pa ni// 'gro ba'i bsam pa ji bzhin no// gang phyir theg chen gsang ba'i don// thal ba'i rgyud chen bstan pa 'di// 'gro ba chags chen 'dul ba'i phyir// dug gis dug nad bsal ba ltar// sgyu 'phrul chen po 'di dag yin// skyes bu thabs kyis bder 'jug pa// gang gis 'di dag bder sel ba// ma rmongs thabs la mkhas pa yis// pad+ma la ni 'dam bzhin no// sgyu 'phrul thal ba'i rgyud chen po las/ thabs chen lta ba'i le'u ste gsum pa'o// // de nas gzhan yang bshad bya ba// thabs dang shes rab gnyis med pa'i// bde chen sku gsung thugs dkyil 'khor// 'di dag legs par bshad par bya// 'gro drug ma bcos rang byung sku// lus gnas rtsa dang 'khor lor bcas// ma lus kun la khyab gnas pa// rang byung bde ba'i 'khor lo'i sku// rang byung rtsa yi 'khor lo na// so so'i yi ge gang gnas pa// gsung gi dkyil 'khor kun dang 'brel// rang byung gsung gi 'khor lor bshad// gang du bcud kyi thig le yis// bde ba chen po'i ro ldan pas// ma skyes lhun grub rang gsal ba// khyab

  18. 9b

    pa thugs kyi 'khor lor bshad// thabs dang shes rab 'brel ba yi// gsang dbang pad+mar ldan gyur pa// thabs bzhi nyi zla 'dzag 'bar bas// sa yang bcu gsum bde gang ba// rang snang sku yi dkyil 'khor nyid// steng 'og thabs kyi sbyor ba las// sprul pa'i thig le yang 'dug yi ge 'od thim pas// sgra dang bcas pa'i bde ba ni// rang snang gsung gi dkyil 'khor nyid// steng 'og dngas snyigs phye ba las// g.yas g.yon gnyis med gsang ba'i lam// dgug dang bkug pa'i thabs nyid ni// byed pa sdom pa'i thabs kyis mtshon// rang byung ye shes lnga yi ro// khyab pa'i tshul gyis snang bar byed// nyi zla gsang sbyor thig le las// gnas dang bstims nas dbyer med pas// ma lus bde chen lhan cig skyes// rang rig ma bcos mngon sum gsal// gnas dang 'byung ba ma lus pa// rang rig ye shes gzugs su skye// de nyid bde/ bar rang gsal ba// rang snang thugs kyi dkyil 'khor yin// rang byung thig le nyams skyes pa// dbab dang rten gyi phyag rgya las// bzung ba'i rlung la 'gro 'od med// bzlog pa thugs kyi sa bon can// 'di ni thabs ldan gang zag la// 'khor ba'i bag chags ma lus pa// pad+ma rdo rje'i man ngag gis// nyi 'od mun pa bzhin du sel// bskyod pa thabs bzhis 'od zer gyis// thig le a la cung zad phog/ rang byung /

  19. 10a

    gsal ba'i lam du 'dri la// ha yi pad+mar 'byung ba la// thugs kyi sa bon zabs bcas pas// rang rang 'khor lor thim pa ni// chu la chu ltar gnas par byed// lan tshwa chu la thim pa ltar// ma lus bde chen snying por thim// ma lus rang rig bde chen te// tha dad gnyis pa'i chos med de// sems med bde chen snying por gsal// skye med stong pa'i thig ler thim// 'gro ba ma lus thams cad dag/ gnas pa'i stobs ni zad pa na// 'dus pa lnga yi rim pa yis// bag chags snying por rang zad nas// 'od gsal stong par snang bas na// re dogs med pa nam mkha' bzhin// bar mar sgyu ma'i lus thob nas// ma 'ongs longs spyod rdzogs par bshad// nyi zla 'dres shing zung 'jug pas// sprul pa gzugs kyi skur 'gyur ro// gnas pa thabs kyis gsal byas pas// rang byung sku gsum lhun gyis grub// gsang sngags rdo rje'i thabs chen gyis// 'khor ba'i rgyu 'bras zag pa rnams// gser 'gyur 'od dang bdud rtsi ltar// bde ba chen por byin gyis brlab// sku gsung thugs kyi thig le nyid// thabs dang shes rab las byung nas// nyi zla yi ge'i stobs dag gis// brjod bral rang gi mtshan nyid mthong // a las byung ba'i gsang thig le// rang snang 'khor lor gnas brgyud pa// chu las byung ba'i thig le ltar// a las byung zhing a

  20. 10b

    la thim// rol pa sgyu 'phrul dra ba las// ma brjod gsung nyid rang snang bas// ma lus brjod bral bde ba'i gsung // skal ldan rnams la rang bzhin snang // nam mkha' rin chen phog pa ltar// thig le bde bas rgyas btab nas// phyogs bcu dus bzhi'i sku gsung thugs// bde chen zag med rgyas par 'gyur// rang snang sku yi 'khor lo la// rang bzhin gsung gi dkyil 'khor nyid// g.yas dang g.yon gyis dbye ba yis// sde tshan brgyad dang byed pa dang // khyab 'jug gsum yang de bzhin te// rim par bkod pas rang snang bas// 'jig rten 'das dang ma 'das pa'i// ji snyed bsgyur ba'i las rnams 'byung // rgyal ba bzhi bcu rtsa lnga yi// ngo bo nyid du nges pas na// khu ba rtsa yi gzugs dag gis// sku gsung thugs dang ye shes lngar// ma btsal lhun gyis grub pa'o// rten gyi dkyil 'khor gang brten pa// sku dang gsung thugs yon tan ni// rgyu dang lam dang 'bras bu dang // lus can khyab pa'i rang bzhin te// chu yi 'khor lo dbyibs kyi tshul// gang la thabs kyi rkyen gyur cing // bde ba bskyod dang smin pa las// dbyibs dang tshul ni dbang drag yin// gyen du 'dren dang thur du bskul// 'khor lo bzhi la rgyas 'debs yin// gsang ba'i lam nas thabs bskul ba// brgyud pa'i lam ni sku gsung thugs// sum cu rtsa gnyis khyab pa'i rtsa// 'byung

  21. 11a

    ba'i thig le gnas pa'i sa// yi ge so so mdangs dang ldan// ngo bo nyid de ma bcos pa// bzhi gnyis 'dab ma'i snying po la// chos nyid ye shes yon tan rtsa// rang rgyud bzhi la yan lag brgyad// 'od bzhi drangs snyigs sa bon drug/ snying po rang bzhin sku gsung thugs// gnyis med 'brel ba'i rang bzhin gnas// brgyad gnyis ldan pa'i ge sar la// AM gnas 'dab ma A li can// gsung gi 'khor lo rten dang yul// pad+ma kha phye lta bu la// 'dus pa'i snying po sbyor ba'i tshul// lus can sgra rnams gsal bar 'byung // sprul pa drug cu bzhi gnas pa// sum cu rtsa gnyis rang bzhin ni// thig le 'phro 'du gnas dang ldan// rdo rje'i pad+ma'i rtse dang 'brel// zin dang ma zin khyad par las// bde ba zag pa yod med 'byung // steng 'og thabs kyi rang bzhin la// 'phel dang sdud par shes par bya// lus can kun la pho brang ste// thig le 'khyil ba lha nyid do// ro lngas kun la rgyas btab pas// sku gsung thugs su smin par byed// sgyu 'phrul rol pa thabs kyi rgyud// lhag pa'i thal rgyud chen po 'di// dbang dang skal med ske bo la// 'chad cing ston pa ltung bar 'gyur// yab yum gsang ba'i thig le la// rang byung thabs kyi snying pos brtags// de ni kun gyi snying po ste// goms pas thams cad grub par 'gyur// gsang ba thabs chen

  22. 11b

    mngon snang ba// bdag nyid stobs ldan nus goms pas// phyi nang spyod yul bcas pa dag/ bde chen ngo bo nyid du nub// rang rgyud dag pa'i skye bo la// dbang bskur man ngag las goms na// longs spyod ldan pa'i tshe 'di yis// bde ba chen po lhun grub 'gyur// lhag pa'i byang chub sems bde ba// ma lus snying por gsal thim pas// byed spyod ldan pa'i thabs chen gyis// rigs bdag rdo rje 'dzin pa 'grub// bde bas bde ba gang goms na// bdag nyid chen po bde ba la// dngas snyigs med cing 'phel 'grib med// rgya mtsho'i chu lhar ro gcig pas// bde ba chen po gcig tu gnas// sgyu 'phrul thal ba'i rgyud chen po las// rang byung sku gsung thugs kyi le'u ste bzhi pa'o// // de nas gzhan yang bshad bya ba// thabs dang shes rab rol pa las// bde ba chen po rang snang ba'i// sgrub pa'i cho ga bshad par bya// dman dang bde ba med pa la// mtshan ma'i spros pa zhen pa yis// bde chen nyams la mi gnas pas// thun mong dman pa 'byung 'gyur gyi// mchog la reg zad reg pa med// 'di ni zab mo gsang ba ste// gsang ba las kyang 'byung 'gyur zhing // mchog gi snying po sbas pa'i don// gsang ba'i gter ni rab 'byin pa// 'gro ba chags pa can don du// dug gis dug nad sel ba ltar// thabs mchog dbang las byung ba yi// dngos

  23. 12a

    grub bzang po mchog 'byung ba'o// gang du yo byad mchog gyur pa// rtsa ba gnyis las lngar gyur pa// mchog tu gyur pa kun 'grub cing // gal te nyams na 'jig par 'gyur// rang byung bde ba'i thig le ni// gsang ba bcud las 'byung ba ste// zag pa med pa'i thig le la// re dogs mtshan ma'i yul las 'das// kha dog gnas dbyibs 'dzin med pas// bde chen chos dbyings rtog dpyod bral// thabs dang shes rab yongs rdzogs pa'i// phyi nang snod bcud ma lus pa// dngos dang dngos med dbyer med par// rtog pa thabs kyis dbang bsgyur ba// dbyer med bde ba lhun gyis grub// rten dang brten pa dbyer med pa'i// bde ba'i thig le de bzhin nyid// 'du 'phro 'byung bzhi de bzhin nyid// bde chen sems kyi rtsa bar bshad// rang byung bde ba chen po ni// rtogs las goms pa gsal ba las// bde chen bsam yas 'bras bu 'byung // ngo bo min la rang snang ba// lus dang rtsa dang bcud rnams la// thig le bye brag bsam yas 'phro// bde bas 'jig bral nyams pa med// rang byung rol pa'i bde ba yang // sku ma bde ba'i mchog tu gsungs// thabs dang shes rab gnyis med pa'i// rol pa sngags te phyag rgya'i gar// thabs dang ldan pas brten goms pas// dngos grub ji ltar 'dod pa 'byung // thabs dang shes pa

  24. 12b

    byin rlabs pas// phyag rgya chen por bstan pa yis// b+ha ga'i rgyan dang nam mkha'i khams// rdo rje thig le mnyam sbyar bas// gsang ba'i mkha' lnga 'byung bar 'gyur// de las ye shes skye bar 'gyur// sra ba dang ni gsher dang drod// go 'byed bskyod pa'i rang bzhin la// nyi ma zla ba 'dzag pa las// lhan cig skyes pa'i bde ba 'byung // bcud dang bde la goms 'gyur zhing // gar thabs rlung la dbang bskur bas// rtsa ba yan lag nad 'tsho zhing // bde chen bdud rtsis ring du 'tsho// lus dang rtsa dang sems kyi snod// gsang ba longs spyod lnga yis tshims// mun pa la ni snang ba bzhin// dngos po bde ba chen por 'gyur// thog ma med par las bsags pas// rtog pa'i bag chags sel ba yis// thams cad skye mched dbyings su gsal// gang du thabs kyis zin pas na// gzugs dang nyi zla'i thig ler bcas// thabs dang bskyod pa'i rang bzhin gyis// rten ni gnas su dgug pa dang // de btang ba ni skabs kyis te// dgang dang dgang bas bcing bya zhing // rten dang thig ler rig par bcas// thabs kyis leg par dgrol bar bya// lus bcud nyams dang thig ler bcas// thabs kyi cho gas gso byas na// las dang nyon mongs sdug bsngal ba// bsad pas 'pham rten rgyal bar 'gyur// dngos grub kun 'byung snying po'i thabs// rang byung rgyal po

  25. 13a

    gsal bya'i phyir// thabs chen gsang ba'i man ngag gis// gser 'gyur sman dang mun sel bzhin// bcud kyi bdag nyid rgyas pa yis// gnyis med gsal bar ldan pa ni// bzang dang bdud rtsir ldan pa des// bde chen ngo bo mi 'gyur ba// dpal ldan skyob pa'i phyag rgya yis// ma lus thebs par gnas pa yin// gang nus med dang dka' thub dang // dbang dang mi ldan sgro skur dang // thabs bral rig pa thabs chen rdzogs// bdag gzhan gnyis ka dmyal bar ltung // de las gzhan yang bshad bya ba// rang byung 'khor lo bcud dang bcas// dngas ma thig le lnga 'bar ba// lus can kun la rang gnas kyang // thabs dang bral bas mthong ba med// rang byung rten can dkyil 'khor drug/ gsang ba'i thabs kyis gnas pa yin// bcud 'dus thig le chen po ni// bde chen kun gyi snying po ste// thabs kyi nyams su ngas pa las// 'bras bu yid bzhin nor bu bzhin// 'di nyid sgyu 'phrul dra ba ste// dkyil 'khor kun gyi ngo bo yin// gnas pa sgrol ma rlung gis bskyod// 'bar ba de steng rkyen gyis te// chu khams 'khor lo rim zhu bas// mi tshugs ye shes nam mkha'i gzugs// thabs dang bcas pas rten thig le// sgrol ma rlung la goms pa yis// gsang ba'i las la thogs pa med// lus la sdug bsngal mi 'byung zhing // phyi nang

  26. 13b

    lus bcud bdud rtsi yis// rim pa ye shes ngoms pa med// bde chen longs spyod phongs pa med// rtsa ba yan lag sbyor zad pas// 'khor ba ngan song 'jigs pa med// lus de bde dang rdo rje'i sku// ye shes longs spyod rdzogs par 'gyur// drag da la 'jam pa'i mtshan nyid ni// snyigs ma zad pa'i thabs yin te// phyi nang rgyu ba'i khyad par gyis// 'pho ba bcu drug shes par bya// snyigs ma dwangs mar ma zhugs na// nad dang sdug bsngal gdung ba dang // bde chen nyid la bar chad 'byung // snyigs ma drangs ma la 'jug pa// rtags ni sna tshogs 'byung bar 'gyur// brtan na bar chad med par skye// gsal na dngos po bde/ bar thim// gnas ni rnam pa bzhir bshad de// skyon dang bde ba 'byung ba'i rtsa// mngon shes chos nyid stong pa'i rtsa// phyi nang gong 'og rim par 'gyur// bdud rtsi'i bcud ni rim zhugs pas// log pa'i nyams dang bde ba khyab// mngon shes lnga sogs 'byung 'gyur zhing // bde ba skyed byed nam mkha' bzhin// sgyu 'phrul thabs kyi rang bzhin gyis// dra ba ma skyes shes rab gsal// dbyer med don la goms pa yis// lhun grub dkyil 'khor gsal bar 'gyur// pad+ma 'dus pa'i snying po la// rdo rje thig le shor ba med// gsang ba thabs kyi bde gnas la// 'chi ba'i bag chags nub par 'gyur// thig le 'gro 'od med

  27. 14a

    pa la// bde ba 'phel 'grib mi 'byung bas// thams cad bde chen dkyil 'khor mchog/ nam mkha'i mtha' bzhin khyab par gsal// gang du 'phel ba gsal byed pa// ma thob pa dang rgyun bcas pa// mi 'phel ba dang chags pa dang // lam log pa ni rnam par spangs// gang yang thams cad 'dus pa na// rig pa'i snying po bde ba rten// ji ltar lan tshwa chur 'jug ltar// thabs dang man ngag ldan pa yis// dngos po bde chen snying por thim// bskal pa bye ba grangs med du// sdug bsngal ba dang bar chad dag/ sna tshogs mang po gang byung ba// yengs dang bral bas chu bzhin no// sgyu 'phrul thal ba'i rgyud chen po las/ rang snang la thabs kyis sgrub pa bstan pa'i le'u ste lnga pa'o// // de nas gzhan yang bshad bya ba// rang snang byang chub sems nyid ni// sna tshogs gzugs brnyan khyad par dag/ de nas rim par bshad par bya// thabs dang shes rab las byung ba'i// rten dang brten pa las byung ba// rang byung byang chub sems nyid ni// thig le bde chen ngo bo nyid// ma lus 'dus pa'i rang bzhin no// khams lnga bcu gnyis 'dus pa yi// gsang ba 'dus pa'i rang bzhin te// lus can kun la rang bzhin gnas// rang bzhin thig le chen po ni// snod bcud bde ba'i mtshan nyid kyis// ma byas bde bas kun khyab pas// gang la gang brten

  28. 14b

    mtshan nyid do// 'byung lnga dwangs ma'i bcud las byung // bde chen bcud kyi ngo bor dag/ bde chen thig le'i ngo bor gnas// rtogs pas thabs chen pha rol phyin// ma lus phyag rgya chen po'i dbyings// gsang ba'i thig le chen po nyid// rtsa dang thig le'i tshul dag gis// thams cad khyab pa'i tshul gyis gnas// gnyis su med pa bde ba'i rgyu// nyi zla khu bar gnas pa yi// sems lnga skyed pa 'brel ba yi// bde ba'i ro/ dang bcas pa yi// mi shigs thig le bde chen po// dngas ma ye shes lnga yi ro// khyab kyang thabs la rag lus pas// rang bzhin mngon sum snang mi nus// thig le snod bcud rang bzhin ni// thabs kyis khyab dang ma khyab las// phyi nang snod bcud ma lus pa// dag dang ma dag khyad par snang // 'byung lnga bcud lnga ye shes lnga// ma lus gnyis med 'dus pa yi// bye brag thabs kyi khyad par las// rten pa'i nyams ni gsal bar 'byung // gsang ba'i thig le sku mchog des// rgyal ba dus gsum bzhugs pa'i gnas// las dang ngo bo'i tshad med pa'i// gnyis drug brgyad gnyis sor nyung spang // bcu drug bcu gnyis nyi shar gsal// de nyid 'dres shugs ston pa nyid// nang zhugs las kyis snang bar byed// thabs dang shes rab gnyis med pa'i// 'khyud pa gang gi phyag rgya las// bde ba'i 'bru tshogs gsal 'byung ba// bskyod pa

  29. 15a

    rlung gi phyag rgya yis// nyi zla'i thabs kyis zin pa las// lhan cig skyes pa'i ye shes skye// skyes bu'i lus la thabs kyi rtsa// pad+ma 'dus pa'i snying po can// gnyis med thig le bcud 'dus pa// ma 'dres 'brel pa'i stobs las byung // brag gdung lta bur gnas pa las// goms pa'i rtogs pas ye shes skye// 'byung lus bde ba'i bcud gyur cing // bde ba lung sel thig ler thim// ma lus dbyer med mi g.yo ba// rang byung thig le rten dang bral// gsang ba'i thig le 'gro 'od med// bde chen nam mkha' rgyu 'bras 'das// gsang ba'i thig le dam nyams na// 'khor ba zag cing sdug bsngal bas// gsang ba'i lam nyid bar chad gnas// cho ga'i lam gyis skyong mi 'gyur// gsang ba'i cho ga las byung ba// thig le dbab dang bzung ba dang // bzlog dang sbyangs sogs thabs las byung // khams gnyis 'dus pa'i stobs las skyes// lnga bzhi bye brag chas bskul bas// gnas nas ldang zhing bde g.yo ba// rang gi lam 'jug rtog 'gags shing // rang gi 'pho bas sa gnas che// phyi ma'i bde ba skye bar 'dod// goms pa'i rlung mthus slar bskyod sems// mthar phyin thabs kyi byang chub sems// sa gsum bde bar rang gsal bas// khams gsum las kyis thob pa'i phyir// thabs la yon tan kun rdzogs pas// yi ge'i sa dang bla

  30. 15b

    ma'ang rdzogs// thabs kyi zla ba shar ba'i tshe// gnyis med gsum la bder goms pas// thig le bsnol dang brkyangs pa dang // 'dres pa la ni thabs goms pas// mi zad 'khor lor rang snang bas// rgyu 'bras gdod nas lhun grub pa// chu rlabs lta bur shugs kyis 'grub// tha dad med pa'i rang bzhin ni// thabs kyi mchog tu 'di bshad do// rten dang brten pa'i sbyor ba las// rang byung gzugs brnyan gsal bar skye// snang srid phyi nang snod bcud kun// bde chen gzugs brnyan gsal bar 'byung // 'khor dang mya ngan 'das pa rnams// dag dang ma dag khyad par rnams// thabs kyis zin dang ma zin pa'i// thams cad bde chen gzugs brnyan yin// gang du thabs las gyur pa yi// yab yum gzugs brnyan thabs chen po// lha mo brgyad dang phyag rgya bzhi// ma lus bde ba'i gzugs brnyan snang // bde ba chen po'i rang bzhin ni// dngos po ma yin dngos med min// dbu ma tsam du mi dmigs pas// bde chen phyag rgya chen por bshad// thabs dang shes rab 'khor lo yi// ma lus sku gsung thugs kyi ngang // snang grags bde ba'i rang bzhin dang // lus dang rtsa dang bde bar bcas// rnal 'byor gcig la snang ba yi// khyad par chos su bshad pa yin// thabs kyis gzung dang gnyis 'khyud dang // bsdam dang 'khyud pa'i rang bzhin ni//

  31. 16a

    sgo 'byed bde bar 'jug pa ni// sgo bzhi phyag rgyar shes par bya// nyi zla hUM phaT/ yab yum thabs// thig le bskyod 'dres bde bar tshims// snod bcud thig le rlung gis bsdus// thig le mu tig brgyus pa ltar// thabs kyi rlung gis shes par bya// sngags kyi bdag po phyir mi ldog/ nyi zla gsal ba'i gar dang ldan// bskyod pa thabs kyi bder gnas shing // dbab bskyod gzung dang dus gsum du// dbye ba med par rang bzhin gnas// lus dang rtsa dang snang ba yang // nam mkha'i rim pa rgyas btab pas// mthar thug med par rgyas chen snang // pad+ma thabs phye thabs kyis bzhu// gsang ba'i thig le rang byung ba// dga' bzhi bcu drug las byung nas// me tog kun+da rA ga'i mdog/ dkyil 'khor bsam yas la rol pas// mtha' gnyis med pa'i ye shes la// ma bral dus gsum mnyam par zhugs// bde ba chen po thugs su brjod// gang du gnyis las bzhi byung bas// bzhi las brgyad ni bcu drug ste// myong ba sum cu rtsa drug las// ji snyed bde ba'i ngo bo ni// nyams ni mi phyed nam mkha' ltar// gzugs can ye shes lnga ru brjod// phyag rgya chen po tshogs pa las// thabs kyi lhan cig skyes pa gsal// rtag tu gsal ba goms pas ni// thams cad bde ba chen po ste// thabs dang ting 'dzin yo byad kyis// bar chad med par

  32. 16b

    goms pa yis// 'bras bu nyi ma'i snying po bzhin// rgyu nas 'bras bu mthar phyin thun mong las// thabs dang shes rab mnyam thob nas// rtse nas thig le rim bzlog pa'i// phyi nang zhen pa rgyu 'bras chos// bcu drug mthar phyin dbye ba med// gang gis bskal pa grangs med par// dka' thub sdug bsngal spyad pa yis// 'bras bu gnyis med mi thob pa// dga' bdes tshe 'dir 'grub par 'gyur// skal ldan dbang phyug rgyal po yis// gsang ba'i rgyu 'bras rim bzlog pas// 'khor ba pad+ma'i 'dam bzhin du// sdug bsngal med par pha rol phyin// gsang chen mi ldog rigs su nges// byang chub sems la rab sbyor bas// bde chen thig le mi g.yo ba// gsang chen 'bras bu rdzogs pa'i sa// mthar phyin yon tan lhun rdzogs pa'o// rgyud kyi rgyal po thal rgyud chen po las/ byang chub sems kyi gzugs can snang ba'i le'u ste drug pa'o// // de nas gzhan yang bshad bya ba// rdo rje mi phyed sgrub pa'i don// de ni bde chen yod min te// gsang ba'i don ni bshad par bya// rgyal ba'i byin rlabs mchog gyur pa// sangs rgyas kun gyi bde chen las// thabs kyis chags pa gdul bya'i phyir// gsang sngags yid bzhin nor bu bshad// gsang sngags thig le'i bde ba ni// yab yum gnyis med rol pa ni// thams cad thabs la bcu drug brgya// bcu

  33. 17a

    gnyis bzhi bzhir rol pa'i chos// rak+ta byang chub dus gcig 'bar// lhun grub dkyil 'khor rang las 'char// rgyal ba'i sems dpa' mi rtog ste// thabs chen thun mong ma yin pas// dman pas rnyed par ga la 'gyur// phyag rgya chen po nam mkha'i dbyings// de ni rnam thar rang bzhin te// thams cad 'byung ba'i rang bzhin pas// zab mo shes rab pha rol phyin// b+h+rUM yig b+ha gar sna tshogs 'dus// las dang ngo bor dag pa nyid// byin rlabs skyob phyir yum du brjod// tsit+ta'i khams lnga'i gshi ra la// rdo rje rgyal ba rin chen chos// shes rab rigs ldan bcud kyi gzugs// nges pa 'dzin pa gsang ba'i sngags// de nyid drangs ma ye shes lnga// ma rig gnyis sogs bzhi po dang // mi phyed phrag dog rdo rje sngags// dbyibs su skyob pa dga' mar brjod// mig sogs rang gi thig le ni// rang gi rtsa bcud thig le bzhi// sku gsung thugs su gnas pa ni// thugs kyi sems dpa' bzhi ru bshad// thabs dang shes rab la brten pa'i// gsang ba thabs kyis bde bskyed pa'i// chags pa'i bde bas bgad pa ni// chags pa'i dam tshig dus yin no// slar yang lan gyis 'brel pa ni// gnyis ka dgyes pa'i mchog tu bshad// ha dang si yi bde sgra dag/ bdag gis chags pa thob pa'o// shin tu bskyod pa'i bde ba nyid// kun nas

  34. 17b

    bskyod pa rlung zhes bya'o// gang du yul la dbang byed pa'i// bde ba bskyed pa'i nus pa ni// byams sogs tshad med rang bzhin no// nges par skyob pa gsang ba'i sngags// gnyis 'dren 'dzin pa zhes bya ste// de nyid phye ba las byung ba'o// me tog bsdus pa'i ngo bo nyid// bdag po'i zhal du thim par bshad// shin tu bsdam pa'i rigs las byung // gsal ba'i ye shes bde ba che// kun gsal brjod dang 'dra ba'i sgra// gnyis med thugs su shes rab sgra// lus kyi chos nyid bde bskyed pa// las bzhi 'jigs pa khro bo ste// rang rang las kyi phye ba yis// rig pa'i rgyal ba nyid du 'dod// dgug pa dzaHyis las byed cing // 'khyud dang gnas pa hUM du 'dod// bsdams shing mi mthong baM yin te// bskyod dang 'bebs pa hoHyin no// rnam shes gsum 'das rdo rje ni// ye shes lnga rdzogs thugs nyid do// dbyings gsum rnam dag 'dus ma byas// kun tu de bzhin gnas byed pa'i// rang nyid 'khor lo'i rtsa 'dod dang // sa bon zung gsum de bde ba'i// nges skyes rang rig gyur pa yis// gnyis 'byung rang rig thub par gsungs// drangs ma lnga dang nyi zla la// ye shes lnga yi ro gnas pa// gsang ba'i thabs kyis nyams myong ba// gnyis su med par zhugs pa yin// ye shes nam mkha'i 'khor lo de// gsang ba'i thabs kyis 'gugs pa

  35. 18a

    yin// gsang ba'i ye shes bskyod pa'i phyir// rim nas rim par thim par bya// thabs kyis rang byung bde skyes pa// ma skyes rang byung brjod du med// bde chen rang rig mi rtog pa// nges skyes phyir mi ldog par bstan// 'khor lo gsang ba'i gzhal yas khang // lha nyid thig le chen po ste// sku gsung thugs ni bde ba'i mchog/ thams cad zab mo'i rang bzhin no// thabs dang shes rab dbyer med pa// snod bcud rang bzhin sku gsung thugs// gsal zhing thim par gang mthong ba// dbyer med sku gsung thugs thob pa'o// theg chen gsang sngags rang bzhin no// thams cad bde chen thig le'i mchog/ spang grub med pa'i rang bzhin nyid// shes phyir skyob pas sngags zhes bya// phyogs bcu'i sangs rgyas thams cad kyi// ye shes thig le mngon phyung ba// 'khor lo la ni thim mdzad nas// ye shes lnga yi rgyas btab po// mi bskyod byed po yum dang bcas// rdo rje 'dzin pa'i phyag rgya ldan// byams pa sa snying de bzhin no// gzhan dag rang gi phyag rgya ste// gshin rje gshed la rtag par bshad// thub chen rdo rje 'dzin 'chang ba// zla dang bral ba dpa' bo che// rang rang rigs kyi cho ga dag/ rig pa ji bzhin mkhas pas brtags// thun mong thun mong ma yin pa// skye zhing 'byung bas rtsa ba ste// gang skye'i rkyen te de yi sngags// 'jig rten 'das te 'jig

  36. 18b

    rten pa'i// rang rang mthu can byin brlabs pa// brjod dang 'das pa don byed pa/ 'di ni 'das pa don gyi sngags// rang sngags gsang ba gsang chen 'di// kun gyi spyod yul ma yin te// dbang dang man ngag ldan pa yis// yid bzhin nor bu bzhin du 'grub// gnas gsum khyab 'jug yi ge las// 'od zer 'phro ba'i tshogs chen po// khams gsum byin rlabs gzi byin bsdus// rang bzhin rdo rje gsum gnas pa// rgyu gnyis tshul gyis rang bzhin gnas pa'o// rang bzhin thabs kyis byin rlabs pa// gnas gsum gsang ba'i 'phro 'du yis// ma lus khyab pa byin rlabs pa// rdo rje gsum du byin gyis brlabs// lte ba rnam gnyis zla ba la// sngo ljang yi ge swA hA nyid// rjes mthun 'od kyi yon tan las// yan lag rdzogs pa'i gzi byin ldan// rang sems dwangs ma'i thig le nyid// ma lus 'phro 'du'i rtsa ba ste// dpal be'u'i snying po 'od kyi mchog/ ye shes snying po'i rang bzhin no// dam pa'i thabs chen kun 'dus pas// rnal 'byor gang yang rung ba yis// bla ma slob dpon mnyes byas shing // dam tshig cho ga ldan pa yis// ji ltar bsgrubs kyang 'grub par 'gyur// dus gsum rgyal bas byin rlabs pa// thams cad bde chen 'khor lo mchog/ gsang chen thugs kyi snying po ste// sgyu 'phrul rol pa thal pa'i rgyud// gsang ba'i dam tshig la

  37. 19a

    zhugs shing // slob dpon bsten cing dbang thob pa// chags pa can gyi gang zag la// rgyud chen 'di dag bstan par bya// gsang ba thabs kyi me long ste// zab mo mngon phyung bshad du gsol// thabs dang shes rab rnal 'byor pa'i// bde ba mchog la gnas 'dod pas// de yi spyod yul bstan pa yin// sgyu 'phrul thal ba'i rgyud chen po las/ gsang ba sngags kyi le'u ste bdun pa'o// // de nas gzhan yang bshad bya ba// gsang ba gsang chen mthar thug pa// de dag khyad par gang yin pa// bdag nyid chen pos bshad par bya// sangs rgyas sku dang gsung dang thugs// gsang ba gsum du bstan pa ste// nyan thos la sogs skal dman pas// yul min ma rtogs don phyir ro// thams cad rang bzhin gang yin pa// bde chen thig le'i ngo bo ste// thog ma tha mar dri med pa// rang byung gsang bapab nyid du bshad// gang phyir dman la sbas pa yi// thabs chen gsang ba zab mo yis// thabs chen dngos nyid gsal 'gyur ba// gsang chen thugs kyi rgyas btab pa'o// thabs dang shes rab ldan pa yi// dbyer med bde ba chen po ni// gang gis gang la rgyas btab pa// de dang de yi ngo bor 'gyur// mtha' dang dbus bral rang rig nyid// de bzhin bde ba chen po nyid// gnyis med zung du 'jug pa

  38. 19b

    ni// mthar thug ye shes nyid du bshad// rang gnas thabs kyis goms pa las// dgyes pa chen po'i ngo bo ni// gsang ba yum gyi bdag nyid de// dman pa rnams kyi spyod yul min// rang bzhin phyag rgya chen po ni// bye brag du ma gnyis gnas pa// rang byung rten gyi thig le nyid// lus can kun la rab gnas pa// bde ba chen po'i rgyas btab pa'o// thabs chen spyi yi mtshan nyid ni// steng 'og thabs las 'byung ba yi// rlung dang thig le goms pa yis// rnal 'byor rnams la rgyas btab pa'o// rang byung bde chen dam tshig ni// thabs dang shes rab ldan pa yi// thugs kyi ngo bo mi g.yo ba// phyag rgya chen por yang dag bshad// gsung mchog chos kyi phyag rgya ni// gnyis med bcud las thig le'i rgyun// phyed 'byung brtan pa rang gsal ba// ma skyes don gyi gsung sgrogs pa'o// thabs dang shes rab gnyis med pa'i// rkyen dang thabs kyi phyag rgya yis// ye shes skyes pa'i lam yin te// bskyod cing rgyas 'debs don du 'dod// thabs kyi phyag rgya chen po ni// ma lus lha yi rang bzhin la// thabs kyi bde chen rgyas btab pas// mtha' dbus med par gsal ba las// rang byung thabs dang bcas pa yi// rang rig bde chen 'bar ba yis// thams cad ma lus khyab pa yi// rang rig bde chen phyag rgyar gsal// 'dul ba'i skye bo dpag med

  39. 20a

    la// thabs mchog mos dang 'tshams pa bzhin// bya byed med par rang snang ba// bde ba chen po'i mdzad pa yin// bskul ba'i tshul gyis lan blan pa// 'dus pas sbyar bas nyams skyes pa// thun mong ma yin steng 'og thabs// bskul ba'i rang bzhin bstan pa yin// 'gro ba chags can gang zag la// thabs chen gsang ba 'di bstan pas// me tog la ni chu bzhin du// bde chen 'bras bu the tshom med// rang bzhin dman dang theg pa dman// dbang dang man ngag med pa la// bskal pa bye bar ci bstan kyang // don med ngan 'gror ltung bar 'gyur// gsang yum thabs kyi spyod pa yis// shes rab gsum la nyams sbyar na// skal ldan rnal 'byor pho mo rnams// chos 'dis grol bar the tshom med// tha mal phyag rgya rang 'gyur zhing // lus can thabs kyis mngon sbyar bas// phyi nang snod bcud ma lus pa// bde chen phyag rgyar the tshom med// bde chen las byung 'byung bzlog rnams// bde chen thig les bgrod pa'i lam// gsang ba'i 'bras bu mngon thob lam// bcu drug cha la rang gnas pa'o// nyi zla 'bar ba'i drod gsher las// lus sems zhing sa sa bon las// dngos grub lo thog phun sum tshogs// ma lus kun gyi gzhir 'gyur ba// thig les phyogs cha kun khyab pa// lus can rtsa la rgyu ba nyid// thabs chen ldan pas mngon

  40. 20b

    sum ste// thabs bral lam rgyas btab pa yin// steng 'og lam la goms byas shing // me rlung sems la gsal brtan na// rnam smin snyigs mar bcas pa 'di// rdo rje'i lus 'gyur the tshom med// 'byed dang sdud dang g.yo dang bskyod// 'bebs dang 'dren dang khyab pa dang // gnod dang 'byung sogs las byed pa// bskyod pa rlung gi phyag rgyar 'dod// 'bar dang smin dang bzhu ba dang // gsang dang bde ba zad byed cing // lus gnas la sogs las byed pa// sbyor ba me yi phyag rgya bshad// snga ma'i lam ni goms pa las// 'khor lo 'byung ba'i phyag rgya mchog/ 'dzag dang bsil dang 'byung ba dang // gang dang myang dang 'gags la sogs// bcud kyi gso ba'i thig le'i chu// ma lus bde ba chen po ste// khyab pa rang rig mi rtog pa// rang byung ye shes rgyu 'bras 'das// bde ba chen po nam mkha'i khams// ma lus 'dus pa'i thig le ni// dwangs ma'i snying po bde chen po// gsang ba'i thabs la brten pa yin// ma lus bde ba chen por 'gyur// drangs snyigs phye ba'i thig le yis// khu ba rtsi yi tshul dag gis// khyab pas bde chen dngos med par// rang byung nam mkha' lta bur bshad// gsang yum snying po 'dus ma byas// bde ba rang rig dngos med gsal// gnyis med thig le 'phro 'du med// mnyam pa chen po chos kyi dbyings// thabs

  41. 21a

    dang shes rab gnyis med pa'i// 'byung ba gsang ba'i thig le ni// mi bskyod rdo rje rtse lnga pa// nyi ma thig le yi ge dngos// rin chen par bu'i nyi lnga la// zla ba'i thig le yi ge nyid// thig le zabs shes lnga gnyis rnams// phrad pa'i dus la rang snang ba'i// phyag rgya chen po'i dngos grub 'byung // dbyings dang ye shes bdag po nyid// oM dang mAM du bdag po gnas// rang rang 'dab ma'i thig le rnams// rang gi gnas kyis bsnol mar 'gyur// rab tu 'dres par 'gyur ba las// rgyal ba'i ye shes bde chen po// myang phyir thob pa zhes su gsungs// gang du thabs chen las byung ba'i// 'brel ba'i thabs chen mngon snang ba// thig le bzhis bsdus gcig tu 'gyur// rlung gis bsdus par bkan par brjod// zhal gyi lam dag rgyas pa ni// phyag rgya 'bar ba zhes bya'i sgra// zla ba nyi ma bsgribs pa yis// chu skyes rab tu rgyas pa yi// dril bu sgra dang ldan pa'o// phyed phyung tshul gyis gar bskyod pa// ltung ba med phyir brtan par bshad// zla ba thig le rjes mthun par// dril bu phyed kyis 'byor dgyes pa// mtha' gnyis bral ba'i byang chub sems// phyag rgya chen por 'di brjod de// e la baM gyis brgyan pa'o// thabs chen phyag rgya bsam mi khyab// bcu drug bde chen 'gro 'od med// thig le bde bas rgyas btab pa'o// gsang ba'i thig le chen

  42. 21b

    po ni// yon tan rdzogs pa'i bdag nyid de// ma lus bde bar rgyas thebs pas// thams cad gcig pa'i phyag rgyar gsal// bde chen thig le'i phyag rgya 'dis// ji snyed phyi nang dngos po dag/ nam mkha'i dbyings dang mnyam pa dag/ ma thebs pa ni yod ma yin// sgyu 'phrul thal ba'i rgyud chen po las// gsang ba gsum bkod cing rgyas btab pa'i le'u ste brgyad pa'o// // de nas gzhan yang bshad bya ba// thun mong thun mong ma yin pa'i// gsang ba'i dam tshig khyad par dag/ de nas rim par bshad par bya// gang zhig gang gis gang thob pa// lus dang ngag sems ci 'tshams par// bsrung bya ma lus 'dir 'dus pa// de dag dam tshig mdor bshad pa'o// 'khor ba thabs kyis gnyen po sel// sangs rgyas 'khor lo bstod byed cing // dbang bskur thabs kyis thob pa dang // bdud rtsi snying la 'jog pa dang // dam pa gsal bar ston pa dang // slob dpon sangs rgyas mnyam par bshad// mi 'bral srog gis bsdus pa yi// dang po nas gsung mthar thug par// me dang 'od dag gcig pa ltar// rig par sgo gsum bkur bar bya// bla na med pa byang chub sems// rim pa bzhin du bskyed par bya// blangs bstan mthar rdzogs snying po'i bar// brtan zhing nges par gzung bar bya// gsang ba thabs kyi rgyas btab nas// ma lus phyag

  43. 22a

    rgya rang gi lha// sgo gsum bar chad med pa ni// gsung gi dam tshig gsang ba'o// ma lus dam par byin rlob pa'i// rdo rje 'dus pa'i chu bo 'di// skal ldan 'ga' yi spyod yul te// spel na dam tshig nyams par 'gyur// zhing bcu thabs kyis sgrol ba dang // ma byin par ni len pa dang // rdzun du smra bar bya ba dang // gzungs ma dag la sbyar ba dang // blang ba'i dam tshig spyad pa ni// rnal 'byor skyes bur shes par bya// nyon mongs lnga dang 'dod yon lnga// rten dang shes pa la sogs pa// rnal 'byor skyes bus nyams su blangs// 'di ni thun mong dam tshig ste// rnal 'byor pa yis bsrung bar bya// bdud rtsi lnga dang sha lnga dang // 'byung lnga lus kyi bdud rtsi dag/ 'khor lo thabs kyi khyad par dag/ bcud ni gsang bar brten par bya// dka' thub can dang tha mal dang // 'jig rten grags pas spangs pa yi// spyad pa dang ni rten pa dang // rang nyams thabs dang ldan pas spyad// rang lus bcud kyi bdud rtsi yis// rang rig bde chen mi rtog pa// gsang ba thabs chen ldan pa yis// bdud rtsi'i bcud kyis yid tshim bya// nam mkha'i bdud rtsi myang ba las// zag med bde bas khyab pa na// tshe dang mngon shes rdzu 'phrul dang // dngos grub mchog ni 'byung bar 'gyur// bskyod pa rlung gi phyag rgya las// thams cad ldan pas bskul bskyod pas// steng

  44. 22b

    'og rang bzhin drod bskul bas// 'byung ba drod ldan 'byung ba yis// rang byung bde ba'i 'khor lo rim// thogs med 'byung bar the tshom med// rang byung 'khor lo bzhi'i yul la/ ting 'dzin blta bas gang bskul ba// gnas bzhi thig le bde ba'i ro// gsal 'grub mnyam pa chen por mthong // d+har+m+ma tsakra snying 'khor lo// drangs ma lnga dang sa bon drug/ rtsa bzhi 'od dang snying po gsum// thugs las 'od byung rim bskul bas// bsreg bzhu rim thim gnas thig le'i// nam mkha'i ye shes gsal bar mthong // rang byung ye shes thig le'i dbyings// rkyen bral thig le med pa ste// thabs ldan 'dzag pas bde ba bskyed// de nyid bde bas thig le'i dbyings// lus ni lha ste bde chen po// dka' thub gdug stsogs bya ba min// 'dod lnga thabs kyi bcud chen gyis// rtag tu thabs kyis mchod par bya// rnal 'byor skabs kyi las ldan la// lus dang dbang po dar ba dang // 'dod rten brtul zhugs ldan pa yi// gang zag pho mo spyod yul yin// thun mong min pa'i dam tshig 'di// dman dang dka' thub dran pa dang // rgas dang rgud dang bya ba mang // 'dod pa bral mtha'i btang snyoms pa// ma rabs rnams kyi spyod yul min// sgyu 'phrul thal ba'i rgyud chen po las// gsang ba dam tshig gi le'u ste dgu pa'o// // de nas gzhan yang bshad bya

  45. 23a

    ba// skal ldan rnal 'byor lam gzhag phyir// rim pa lnga las rim 'byor ba'i// dbang gi khyad par bshad par bya// 'di ni sangs rgyas thams cad ni// dbang bskur gnas pa rmad byung ba// dkyil 'khor slob dpon slob ma dag/ byin rlabs ting 'dzin las tshogs kyis// skal ldan rim par dbang bskur bas// gong nas gong du smin par byed// brgyud pa'i rim pa dang bral na// 'jug pa'i rim pa nyams par 'gyur// 'khor ba'i rgya mtshor ltung bar 'gyur// phyi nang gsang ba'i khyad par dag/ bcud kyi thig le nyams pa yin// ji snyed pha rol bshad pa yis// 'dzin bral rang rig nyid du mnyam// thig le rtsa dang thabs ldan na// rigs dang na tshod lo grangs dang // rab 'bring tha ma khyad par dang // thig le skye ba'i zhing du mnyam// gong du bzhi yi khyad par brtags// rigs dang dad pa lus ngag sems// rim pa ji bzhin brtag par bya// de nas rigs kyi bdag po la// rtsod pa med par blang bar bya// thabs kyi cho gas nan tan gyis// bdag nyid dbang du gyur par bya// phyi nang gsang ba'i sngags rdzas dag/ skyon med dag par sbyang bar bya// lus ngag gsang ba'i gnas dag ni// cho ga ldan par byin gyis brlab// gang du dgos pa'i chos mthun ltar// gzung ba'i tshul du brtsam par bya// bar chad ma lus zhi/

  46. 23b

    ba'i phyir// bsrung ba'i cho ga brtsam par bya// lus dang rtsa dang lo grangs sogs// ji bzhin ma yin thabs mtshon pas// sor bzhi nam mkha' dbyings kyi bar// nyams kyi tshad kyang bstan pa yin// gru bzhi tshad ldan dkyil 'khor la// ji ltar rgyu ba'i rang bzhin dag/ 'di dag dkyil 'khor mtshon pa ste// mi 'grub mtshon pa legs par bshad// lus ngag phung khams skye mched dag/ bde chen lhar bcas sku gsung thugs// b+ha ga dkyil 'khor rgyan dang bcas// ye shes lnga mtshon bdag nyid do// cho ga sngags dang phyag rgya yis// rang lhar gsal nas gnas lnga dag/ gsal ba'i khyad par ji bzhin du// bdag gam gzhan gyis byin gyis brlab// rang lus ngag sems sku gsung thugs// bskyed pa'i dkyil 'khor rang gsal ba// nam mkha' khyab pa'i byin bsdus te// lus kyi dkyil 'khor byin gyis brlab// gsang ba gnyis kyi dkyil 'khor du// bde ba'i thig le bcud sbyar te// me lha gnyis kyi zhal du bstab// dgyes pa phun sum tshogs par 'gyur// shes rab thabs kyi rtsa gnas su// dra ba'i thig le yi ge nyid// sgyu 'phrul dkyil 'khor gnyis su brlab// b+ha ga 'dus pa'i nyung 'bru ru// khams gsum 'gro rnams bsdus byas te// rtog tshogs dkyil 'khor mngon du bya// phyogs bcu dus bzhi spyan drangs te// sangs rgyas thig ler

  47. 24a

    gyur pa yis// rtse thim bcud kyi thig le yis// bde ba chen por byin gyis brlab// thabs dang shes rab 'dus pa yis// nyi zla rten gyi thig le dag/ sten pa rlung gi zabs bskur bas// thogs med lhan cig skyes par 'byung // sa bon rim par 'phel ba'am// tshes nas zla ba bcu drug ltar// bar chad bsal bas goms gyur na// bde chen nam mkha' lta bur 'gyur// rlung gis zin dang ma zin las// chags dang ma chags bde ba 'byung // dug la thabs dang ldan bral ltar// 'ching dang grol bar snang ba yin// gang zhig thabs kyis ma zin par// chags pa'i bde ba gang bsten pa// thar med 'khor ba'i sa bon te// bskal pa bye bar srin bur ltung // ma chags thabs bral 'khor ba ste// chags pa thabs bral 'khor ba nyid// thabs chen ldan pa'i rnal 'byor la// thams cad bde ba chen por gnas// thig le chen po'i rang bzhin la// ji ltar yon tan kun 'dus pas// thabs zin ros ni nam mkha' ltar// thams cad khyab pa'i tshul du snang // rang byung bde ba'i thig le nyid// zin nas gsang ba'i mthar phyin pas// dang po rten can dbang po lnga// bde ba'i thig les rgyas btab la// de nas rten med nyams myong gis// thabs dang 'dzin pa bsam yas pas// thams cad bde chen ngo bor gsal// ji snyed chos kun ma

  48. 24b

    lus pa// rgya mtsho la ni chu klung ltar// tha dad snang ba ma yin te// bde chen thig le'i ngo bor thim// rang byung nyams la brtan thos pas// phyi nang bde chen rang rig pas// shes pa 'jug pa'i yul las 'das// rig pa'i thig le skye ba med// bde chen thig le khyab pa la// rlung dang thig le 'gro 'od med// 'phel ba med cing 'grib pa med// rgyu 'bras med cing rim pa med// nam mkha' la ni rang snang bzhin// rtog pa'i dbang po dag pa las// dbang yul la sogs gang snang ba// bde ba chen po'i rang bzhin gsal// 'dis ni nam mkha'i mthar thug par// chos dbyings mnyam dang mi mnyam par// bde ba chen po chos kyi dbyings// gsang ba gnyis med dag pa'o// sangs rgyas kun gyi bsngags pa yi// gsang ba'i dam tshig chen po 'di// mu stegs can dang dka' thub can// dman pa'i rigs can yul ma yin// bde ba med pa'i chags bral 'di// nam mkha' la ni myu gu ltar// bde ba chen po thig le nyid// 'byung bar nus pa ma yin no// thig le thabs kyis ma zin pa// gang gis zhen pas de spyad pas// tha mal pa dang mu stegs kyi// log pa'i lam du ltung 'gyur bas// zag pas rgas dang rgud pa dang // nyams dang brgyal dang nad gzir dang // log pa'i gdung bas gzir ba dang // rigs ngan mngal du skye bar

  49. 25a

    'gyur// rtag tu 'dod la zhen pa ni// de bzhin zhen pas sel bar byed// spong dang 'geg pa sred 'phel te// dbul po yo byad bral ba bzhin// bde chen thig le'i man ngag 'di// rig pa so sor gnas su bstim// bskyod pa ha yis bskul ba yis// bdag nyid chen po lnga yi rgyun// steng sgo nas byung bde ba'i bcud// so so'i bzhi bcu gnyis la thim// kun nas bde ba'i ye shes che// rgyal ba mnyes pa'i mchog tu gsungs// bco brgyad phrag gnyis bum pa dang // drug gnyis gzer gyis sbyangs nas ni// dbang bskur byin rlabs bde thob pa// theg pa chen por dbugs phyung ba'o// dbul ba'i khyad par dang sbyar nas// dkyil 'khor gnyis la brten goms nas// phra ba'i khyad par nas bsam nas// nam mkha'i mthar zug bar du bya// phyi nang gsang ba'i dkyil 'khor du// bya ba'i las rnams mthar phyin nas// 'jug dang nyams rnyed bla ma yis// slob ma'i rim pa smin pa'i phyir// 'jug pa'i cho ga tshul bzhin bya// dkyil 'khor gang dang 'tshams pa la/ 'jug pa'i cho ga rgyas byas pas// bdag gzhan nus pa mthar phyin pas// bde chen lhun gyis grub par 'gyur// bla med dbang phyug mnyes bya'i phyir// rigs sam yang na 'byor pa yi// ser sna spangs pa'i zang zing dag/ phongs pa med pa'i sems kyis dbul// gang

  50. 25b

    du dad dang brtson 'grus dang // brtul zhugs gsum dang ldan pa la// sa bon 'jug dang nus byed nas// bde ba'i dbang ni rim bzhin sbyin// phyag rgya chen po nam mkha'i dbyings// sor bzhi tshad du rang bzhin gnas// bde ba ye shes thugs dkyil 'khor// kha dog dbyibs dang ldan par bya// thabs kyi rang gnas cho gar ldan// 'jug pa pos kyang gsol ba gdab// thabs dang shes rab nyi zla'i 'bru// phra mo gsal ba'i rang bzhin la// rgyal ba'i dkyil 'khor lhun rdzogs pa// gsal bar gnas pa bris pa yin// thal mo zhes bya sdebs pa'i sgra// dbang po yul du rab sbyor bas// phyag rgya chen po nam mkha'i dbyings// brtul zhugs chen po'i dang du blangs// rdo rje mdzub mo'i rtse dag tu// til 'bru nam mkha'i gzhal yas su// ri rab gcig gi phyag rgya dgod// thabs kyi cho ga rab gnas bya// gsang ba'i cho ga lugs su dbul// dbang bsgyur phyag rgya la gnas pas// rang byung thig le rgya tshigs 'grub// bcu drug tshul gyis 'grub pa ni// gsang ba'i yo byad ldan pa yi// gsang ba'i gnas la sbyar brtson pas// zla ba 'phel ba'i rim pa bzhin// bde ba chen po rdzogs par 'gyur// ma nyams thabs dang nyams ldan pas// lo zla tshes grangs rab 'bring gis// dbang bsgyur phyag rgya la gnas pas// rang byung thig le sna tshogs

  51. 26a

    'grub// bcu drug tshul gyis 'grub pa ni// bdag gzhan bya ba mthar phyin pa// bde chen stong nyid thig le la// rol pa'i thig ler rang shar ba// dgag bsgrub med pa'i tshul gyis snang // bde 'dus ye shes thig le la// mtha' yas ye shes rang snang ba// rang byung thig le bde chen las// ma btsal lhun grub rig 'dzin mchog/ bde chen rig pa las byung ba'i// zhing khams gzhal yas sku gsung thugs// gcig dang du ma las 'das pa// gsang ba chen po'i mtshan nyid do// de nas gzhan yang bshad bya ba// thun mong byin rlabs dkyil 'khor du// rigs ldan brtson 'grus can dag la// rgyal po lta bu gang byin pa// khams bcud bde ba'i lam nyid du// dbu ma bcud ldan mtshan ldan pa// dra ba'i rtsa dang dbang po dang // phung sogs ye shes bde 'khor lo// hUM gi bde ba ye shes bcas// tshogs brgyad rang bzhin ye shes lnga// sngags rdzas dgongs pas gang bslangs pa// kun nas ldan zhing skyob pa yis// sdug bsngal las grol rigs su nges// spyi mgrin snying dang yan lag sogs// rang byung rten gyi thig le las// rigs kyi phyag rgya gsal ldan pa// gnyis med thim pa'i byin rlabs kyis// nus pa lnga ldan phyag rgyar smin// thabs kyi cho ga dbang bskur bas// rgyal mchog rgyas btab phyag rgya'i mchog/ rgyal mchog

  52. 26b

    nyid du grub pa yin// thabs dang shes rab byin rlabs kyis// mi spyod yab yum rol pa las// bde ba gsal zhing dmigs pa la// shes rab thabs kyi phyag rgya'o// rdo rje ye shes hUM tshogs kyis// pad+ma ye shes bsdus 'khyil ba'i// nyung dkar tshad tsam rdo rje sems// rtse nas rtse ru phyin pa yis// rang bzhin chos khams dkyil 'khor gyis// sa bon zung gsum gnyid dang bcas// gnas ngan len pa gsum sbyangs te// dmigs med sems kyi ye shes lnga// gsal bas sa bon tshig pa bzhin// mi skye thabs kyis dbugs phyung ba'o// de nas gzhan yang bshad bya ba// rjes su 'jug pa'i phyag rgya nyid// zil ba'i thig le sngon lam bzhin// bcu drug phyed phyed thig le gcig/ phan tshun bkod pa'i sdom gyis bsdam// bde ba gnyis pa'i ngo bo nyid// gsum pa ye shes dkyil 'khor du// gsal ba'i bshad pa gyur pa'i sgra// rang bzhin 'od gsal dkyil 'khor ro// de nas gzhan yang bshad bya ba// rdo rje nyi ma thabs kyi rgya// phung sogs phyag rgya'i tshogs dang ldan// de zla bsil byed shes rab dngos// dus gcig ro mnyam thig le che// sum cu rtsa gnyis mtshan rdzogs shing // zla ba ye shes lnga bcu drug/ dpe byad la sogs dpag tu med// sems shes mngon par shes dang ldan// sems mtha' 'gro yi rdzu 'phrul che// gnas nas log par thim pa'i

  53. 27a

    sgras// mtha' gnyis ma gos pad+ma can// sprul pa'i gnas nas skye ba yis// bzhi bcu rtsa lnga rdzogs mtha' yas// kun dang gzhan nyid rang gsal bas// bcu gsum yi ge 'khor lo brjod// rgyal ba kun gyi sku gsung thugs// dbyer med thig le ngo bo nyid// dbang bskur lnga yi khyad par te// skal ldan rnams la bstan pa yin// gong du bskal pa bye ba yi// thun mong thun mong ma yin pa'i// sdig pa byas pa gang yin dang // dka' thub sdom pas lus gdungs shing // sdug bsngal nye bar gzir ba kun// dbang bskur thabs kyis tshe 'dir grol// sgyu 'phrul thal ba'i rgyud chen po las/ dbang bskur bar bshad pa'i le'u ste bcu pa'o// // de nas gzhan yang bshad bya ba// thabs dang shes rab gnyis med pa'i// gsang chen lam la zhugs pa yi// lam gyi don gyi brtul zhugs bshad// dpag tu med pa'i log rtog dang // mos pa'i spyod pa'i khyad par ltar// brtul zhugs mtha' yas 'di gsungs so// 'di ltar thabs ldan bde bar gsal// thal ba'i dbyangs la sogs pa yi// ji snyed gdul bya ma lus pa// chags pa can dang log sred can// 'dul ba'i don du bstan pa yin// rang bzhin mnyam pa'i don gcig kyang // rkyen gyis tha dad sna tshogs pa'i// las dang spyod pa mtha' yas kyang // rang bzhin nyid la ldan bral

  54. 27b

    med// rang bzhin ma bcos chos kyi dbyings// log dang ma log mtha' yas pa// gnyis med gsang bar gsal bas na// spyad dang mi spyad mtshan nyid gcig/ nam mkha' rang bzhin khyab pa la// so so'i rang bzhin ma bkag pa// rang rig sems nyid cir yang snang // ngo bo nyid la dbyer med do// ngo bo mi rtog log pa ste// bag chags bkrus pa'i rang bzhin nyid// log spyod 'jig rten zhen pa can// 'di dag log pa'i brtul zhugs pa'o// spang len can dang dgag bsgrub can// gnyen po can dang dka' thub can// khrus dang gtsang sgra gang spyad pa// mnyam nyid bde chen rtul zhugs spyod pa 'di// theg dman log rtog spangs pa yi// byang chub rdo rje can sogs pa'i// bde chen sras dang bcas pa'i don// lta spyod gol zhing log pa ni// rtsi sman rang gi srog gcod ltar// thabs bral spyod pas grol 'dod pa'i// rnal 'byor bdud kyis bslus par 'gyur// gang du rnal 'byor skal ldan pas// thabs bral rnams kyis gang spangs pa'i// dug lnga 'dod lnga la sogs pa// skyes bu thabs kyi pha rol phyin// mi mthun thabs kyis mthun 'gyur bzhin// thabs chen gsang ba'i rnal 'byor pas// sgo gsum bya ba'i spyod pa la// bde chen stong gsum 'gyur med pa// rang lus rdo rje phyag rgya che// gnas shing rtogs te goms pa la// sgo gsum rang bzhin dri

  55. 28a

    med de// thams cad rgyal ba'i mdzad par snang // 'gro dang 'dug dang za dang nyal// gar dang stabs glu bro la sogs// mdzes dang chags dang drag shul spyod// thabs ldan skyes bu'i brtul zhugs nyid// de nas gzhan yang bshad bya ba// rten dang bde ba myang 'dod pas// thabs dang shes rab gnyis med pa'i// thig le don la gnas pa yi// rkyen zla snang ba'i ye shes kyis// thabs kyi bde ba nyams thob nas// gang de gsal brtan bya ba'i phyir// lus ni bcud kyis 'tsho bar bya// rdzas ni thabs dang ting 'dzin gyis// ci bde bar ni gnas par bya// sha lnga dang ni bdud rtsi lnga// bcud dang sbyar ram dngos kyang rung // bza' btung mur ba la sogs pa// 'di dag rtag tu bsten par bya// rgyal ba rnams kyi dam tshig ste// mchod dang longs spyod 'byung ba dang // bsten dang mos pa tsam gyis kyang // sdug bsngal las grol bde chen thob// de nas gzhan yang bshad bya ba// 'dod chags bral ba bde thob cing // bde ba'i thig le rgyas bya'i phyir// 'dod chags thabs kyi spyod pa ni// ma lus thabs kyi 'dul ba dang // rig pa'i 'khor lo bskor ba dang // skyes pa'i yo byad ldan pa yis// rigs bzhin chad pa nus mthu dang // rim pa bzhin du brtag par bya// bcu gnyis bcu bzhi bcu drug ma// bcwa brgyad nyi shu gnyis lnga sogs// yid

  56. 28b

    'ong lus mdzes kha dog legs// dul zhing blo gros ldan pa dang // rol pa'i zabs la mkhas shing brtson// 'di ni rkyen las me byung ltar// rig pa bzhin du nan tan bya// mdzes shing chags pas blta ba ltar// bzung ba dang ni 'khyud pa dang // sbyor ba dang ni mnye ba dang // 'bud dang dang ba'i sgra 'byin dang // rtog dang 'bebs dang rdebs spyod dang // 'dod dang 'jib dang 'cha' ba dang // rtse dang 'bab dang zhon pa dang // btsugs dang 'byung dang 'jug pa dang // rol pa sna tshogs spyad pa yis// dbang bskur lam la goms 'dod pas// tha mal spyod yul ma lus pa// ma chags pa rnams chags byed cing // de bzhin yid ni rtse gcig 'gyur// de nas yid ni rmongs pa dang // snga ma'i bag chags don la 'jug/ dag pa dang ni 'dus pa dang // chags dang 'dar dang 'dod pa dang // yid gcig pa dang rmongs pa dang // tshims pa 'di ni yan lag brgyad// bde ba chen po 'bar byas nas// rang lus thig les rgyas btab la// gsang ba'i thabs kyis bsten byas la// rang byung lhan cig skyes pa'i nyams// bar chad med par bsgom par bya// thig le dbab dang bzung ba dang // bzlog pa dang ni 'dren pa dang // khyab pa dang ni brtan pa dang // rgya che yun ring spel ba dang // sbyangs pa'i bde chen gsang ba'i lam// shes pa dang ni spyad pa

  57. 29a

    dang // bde chen thig le 'bar 'jug pas// thabs dang shes rab tshogs thams cad// 'byed pa dang ni 'jug pa dang // 'bar dang 'dzag dang thim pa dang // khyab cing rgyas par bstan pa las// rnam smin bde chen yid kyi lus// rdo rje ye shes lus thob pas// thabs ldan lam la bar chad med// rdo rje 'dzin bdag rigs kyi gtso// bdag po'i rigs la tha dad med// gang du dbye ba sna tshogs pa// mos pa gdul bya'i don du snang // ngo bo bde ba chen por snang // de nas gzhan yang bshad bya ba// thig le 'gro 'ong med pa'i lam// lam gyi khyad par gang bstan pa// dpa' bo zabs kyi lam rnyed nas// bar chad nyams kyis bsal nas kyang // mthar phyin lam la gnas kyi bar// bde chen 'phel 'grib med par bsgom// shes rab thabs kyi nyams ldan la// rang rig thabs kyi bde thob nas// gnas thabs kyi bar chod byed// thig le rlung la dbang thob pas// 'gro 'ong 'phel 'grib cha dang bral// bcu drug cha shas 'phel ba ltar// rig pas mthar phyin lhun gyis grub// thabs dang shes rab gnyis med pas// dbang gi nyams la brtan pa yis// nyi zla 'gro 'ong brtan gyur na// ma lus lhan cig skyes par gsal// re re gzung dang bsgyel ba dang // thig le'i rkyang dang zung sbyor du// 'dren dang bzlog pa'i khyad

  58. 29b

    par ni// byed pa sdom pa'i thabs kyis gsal// yab yum thabs kyi dbye ba dang // yang na thabs kyis 'dus pa dang // blta dang snyan dang brtse ba dang // rol pa nyams dang sbyar ba ste// rang nyams slob dpon dag gis bstan// gdul bya chags can log sred can// mthun pa'i thabs kyis 'dul ba'i phyir// thal ba'i dbyangs sogs 'dus pa la// thabs chen brtse ba'i tshul gyis ni// sgyu 'phrul dra ba mngon rdzogs pa'i// thal rgyud chen po bshad pa yin// 'di ni brtul zhugs chen po yi// thabs dang shes rab ldan pa yis// rtogs goms thabs la nyer gnas shing // rdzas dang yo byad bcud ldan pas// nyams ldan par chad med par brtsam// lhun gyis grub pa nyid du 'gyur// sgyu 'phrul thal ba'i rgyud chen po las/ rig pa brtul zhugs bstan pa'i le'u ste bcu gcig pa'o// // de nas gzhan yang bshad bya ba// sgyu 'phrul dra/ ba mngon rdzogs pa'i// gsang chen thabs la nges 'jug pa// 'di ni yang dag bshad par bya// sgyu 'phrul thabs kyi rang bzhin te// dra ba shes rab zab mo'i dbyings// gnyis med 'brel ba'i bde chen po// rgyud kun gyi ni rgyal po nyid// phyi nang snod bcud ma lus pa// bde chen thig ler rang gnas pa// lung dang man ngag ldan pa yis// dngos po ji bzhin rtogs par bya// dad dang dam tshig kun ldan

  59. 30a

    zhing // slob dpon mnyes shing dbang thob pas// brtson 'grus thabs la mkhas pa yis// sgyu 'phrul dra ba'i las la 'jug/ thabs kyi bdag po phun sum tshogs// 'gro ba rnams ni bde ba'i phyir// longs spyod chen po kun ldan pas// rgyal mtshan chen por bzhugs pa yin// de la mnyes pa kun byas nas// thabs chen gsang ba'i don thob pas// sna tshogs bya ba kun spangs nas// bde ba chen por don 'jug pa// log lta can dang dka' thub can// dbang po ma tshang ma smin dang // dbang po rgud pa kun spangs te// 'dod pa longs spyod lnga ldan pas// dga' ba dang ni spro ba dang // dka' thub 'tsho ba med pas 'grub// bsam pa'i yul ni sna tshogs te// sems can bsam pa'i bye brag gis// bsam gyis mi khyab gang bstan pas// de phyir thabs ni sna tshogs yin// rang bzhin thig le kun gyi bcud// thabs dang na gyi sbyor ba yis// tha mal ba dang 'jig rten pa// thar pa'i bde bar snang bar mdzad// lus can kun gyi bcud yin no// brten pa lus kyi rang bzhin la// rgyu ba gzhi snod rtsar bshad de// gnas pa thig le bcud nyid de// bskyod pa rlung du shes par bya// 'bar ba'i me yis gsal byas na// bde chen byang chub sems su 'gyur// rang rgyud pa dang log pa dang // mi shes pa dag kun spangs te// thabs kyi sbyor ba

  60. 30b

    goms pa yis// tshe 'dis sangs rgyas thob par 'gyur// gzhan yang bskal pa bye bar yang // gsang ba'i lam du mi 'grub ste// chags pa med pas dbang mi thob// dbang med bde ba mi 'byung ste// bde ba med pas sangs rgyas kun// mi 'grub nam mkhar myu gu bzhin// bde bas 'khor lo bzhi dag la// bya ba gzhan spangs rtse gcig gnas// 'byung ba lus dang rig pa sems// brten pa'i snang ba'i chos nyid rgyud// thog ma tha ma med pa'i bar// mthar thug par ni nan tan bya// dam tshig dbang ldan rnal 'byor pas// chags lam dbang thob rab 'bring gis// mos pa'i tshad dang sbyar nas ni// ji lta bar ni nan tan bya// gnas pa dang ni rgyu ba dang // dwangs snyigs dbye bas shes bya ste// gnas pa'i srog gi rten can ni// mi shigs thig le shes pa'i gnas// gang gnas rab tu gnas pa ste// gzhi zhes dang ni bshad pa yin// rgyu ba dngas ma nan can dang // phyi rol snyigs mar shes par bya// phyi nang 'phro ba bcu gsum te// dus tshod dbye bas shes pa yin// gnas pa gcig dang rgyu ba bdun// shes pa'i bye brag bstan pa yin// snyigs ma tha ma rlung nyid ni// bde dang sdug bsngal btang snyoms pa// gang du khyab dang chags pa dang // dpa' bo sel bar byed pa ste// gyen dang thur dang zad ka dang // mnyam par rgyu ba shes pa yin//

  61. 31a

    nang du rgyu ba gcig yin te// lhag ma phyi rol shes par bya// thabs kyi dngas ma zhes bya ba// rlung gsum thabs kyis nang bzung cing // steng 'og rgyu ba gcod par bya// rlung gis snod kyi sgo phye nas// thig le rlung du 'dres pa des// snyigs ma'i rtse mo nas brtan pas// dngas ma'i rtsar zhugs bde ba 'phel// bde ba chen pos lus gang nas// mngon shes rdzu 'phrul snang bar byed// rlung sems bde ba thig ler thim// thog ma tha ma med par thim// bde chen de bzhin nyid du snang // rang byung 'khor lo bzhi brtas pas// nyi mas 'khyags pa bzhu ba ltar// thig les lus kun khyab byas pas// gsang ba'i ye shes mngon du 'char// me rlung thabs kyi sbyor ba yis// g.yas g.yon thabs kyi thig le bskul// sprul pa'i 'khor lor bzlog bzung bas// nam mkha'i ye shes cir yang gsal// nam mkha'i dkyil 'khor bzhu yis// bdag lus khyab par byin brlabs pas// thams cad bde ba chen por gsal// thabs dang shes rab tshad ldan pas// byin rlabs thabs la mkhas bya ste// dbang po lnga yi sbyor ba yis// thabs kyis khyad par ci rigs par// rang rig nyams kyi bde chen ni// 'phel 'grib med par bsgom par bya// chags pa dang ni med pa dang // 'dzin pa la sogs spang bar bya// gang du thabs kyis sbyangs pa las// sprul

  62. 31b

    pa'i bde ba lus su smin// lus de bsam pas rtse gcig bsgom// ma goms bde ba rkyen gyis bskyed// chu rgyun bzhin du nyin mtshan bsgom// dus gsum nyin mtshan lo zla ru// sems ni thig le brtan pa ni// rten gyi thig le mi 'dzag cing // 'byung 'jug med par bde bar gsal// thams cad ro gcig thim par 'gyur// gang phyir snang ba'i rang bzhin ni// nyi 'od chu rlabs ji bzhin du// ma lus bde ba chen po ru// thams cad gsal bar brtan pa dang // de nyid bde bar thim gyur na// bde chen thig le spros med brten// lo dang zla grangs kyis gnas na// slob dpon gong mas thabs sbyor bas// yun ring rgya che zag med pas// rnal 'byor byin gyis rlob par 'gyur// bskal pa brgya stong khri 'bum dang // bye ba zer 'bum la sogs par// 'khor yug stong gsum brgya stong phrag/ gang gA'i klung sogs mtha' yas shing // nam mkha' mthar zug bar du ni// bsgom dang ma bsgoms bar chad med// lhun gyis grub par gsal bar 'gyur// thabs dang shes rab dbang rol gyis// seng phrug lta bur byin brlab pas// rang rig bde chen bsam mi khyab// nam mkha'i mtha' mnyam me long la// bde chen yon tan rang shar ba// rang byung rang snang 'ba' zhig las// bya dang byed pa cung zad med// rig pa'i me long stong pa la// sna

  63. 32a

    tshogs chos rnams shar bar zad// rang rgyud dag pa'i rang rig la// che ba'i yon tan rang snang ba// 'phel 'grib res 'jog mi gnas te// thog mtha' med pa'i sems dpa' che// nam mkha' dag dang mnyam pa'i gnas// rdo rje sems dpa' rtag tu bzhugs// thog ma tha ma'i dus med par// mnyam gzhag med cing rjes thob med// bde ba chen por rtag tu brtag/ sgyu 'phrul thal ba'i rgyud chen po las// gsang ba thabs la 'jug pa'i le'u ste bcu gnyis pa'o// // de nas gzhan yang bshad bya ba// thabs bral log par 'khyams pa rnams// gsang ba'i thabs kyis grol bya'i phyir// rim pa bzhin du bshad par bya// sangs rgyas kun gyi thabs 'chang zhing // zhi zhing dul ba snying rje ldan// zab mo thabs kyi gter dang ldan// dbang dang man ngag ldan pa dang // rgyu dang 'bras bu la sogs pa// khyad par bye brag ma rmongs pa/ 'di ni sangs rgyas bcom ldan 'das// 'gro ba 'dul phyir bzhugs pa yin// dad pa dang ni dam tshig dang // shes rab snying rje phun sum tshogs// brtson 'grus gtong phod che ba ni// pad+ma'i rigs su shes par bya// bud med chags pa che ba dang // de bzhin skyes bu dar la bab// lang 'tsho bde ba phun sum tshogs// gsang ba thabs kyi snod mchog yin// 'dod pa bral dang ma ning dang // ma smin pa dang dka' thub

  64. 32b

    can// log par 'khyal zhing mi 'jug pa// gsang sngags thabs las 'das pa yin// gzhan yang dad pas sgor 'jug na// rigs ngan dag dang kun tu rgyu// zhe sdang can dang gti mug can// 'dod chags rgyal phrag dog can// mtshams med pa dang rkun po spyod// ma byin len dang mi tshangs spyod// rdzun du sgra dang ngag 'khyal can// phyin ci log pa spyod pa rnams// 'dod chags can gyi gsang sgo 'dir// spyad pas gnyis med 'grub par 'gyur// thabs chen gsang ba'i nges sgo 'dir// ngan song ngan par spyod pa yang // tshe 'dis 'bras bu thob 'gyur na// gzhan lta smos kyang ci zhig dgos// 'on kyang dam tshig nyams pa dang // gsang ba'i don la skur pa 'debs// snying nas slob dpon spangs pa dag/ brtson 'grus thabs kyis ci bsgrubs kyang // tshe 'di'i bde ba yod min na// thar pa'i go 'phang ji ltar thob// gsang ba'i gsang chen rgyud 'di ni// dbang bskur thabs kyi don mtshon nas// rin chen gter dang sgron ma bzhin// ma lus ye shes snang bar gsal// dbang dang thabs kyi don bral na// dka' thub dman pa'i tshad ma dang // mtshan ma'i cho ga la brten pas// bskal pa bye bar 'grub mi 'gyur// thabs chen gsang ba la gnas pa'i// dbyer med don la gnas goms na// dka' thub gdung ba bya mi dgos// khrus dang gtsang sbra

  65. 33a

    de bzhin min// slong mos 'tsho ba rnam par spang // thun mong thun mong ma yin pa'i// gsang ba thabs kyis bder bsgrub na// tshe 'dir sangs rgyas 'grub par 'gyur// 'khor ba'i ma rig mun khang na// bde chen rmad byung gter gnas pa// dbang dang man ngag bdud rtsi yis// mngon du 'char bar mthe tshom med// rgyal ba kun gyi thabs ldan pas// sgyu 'phrul dra ba'i don chen po// ji ltar dug gis dug sel ltar// dman la thabs de yod ma yin// phyi rol thun mong gang zag la// nyi mas mun pa sel ba ltar// dad ldan rigs nges gang zag la// thun mong thabs kyis 'grub pa yin// ji ltar nang gi btson khang la// nyi mas mi snang sgron mes sel// bskal pa bye bar bsags pa yi// sgrib pa thabs kyis mngon du sel// 'khor ba'i las dang nyon mongs kun// thig le nyams dang ldan dus su// gang yang gnas pa ma yin te// thams cad lhan cig skyes pa nyid// bde chen 'gro ba kun khyab cing // 'gro ba kun gyi snying la bzhugs// lus gnas lus la mi gnas shing // ngo bo nyid la tha dad med// bde ba chen po thig le nyid// rgyu dang 'bras bu las 'das pa'i// rtag min chad min kha dog bral// mtshon pa'i dbyings brjod kun dang bral// gzhi rtsa 'das pa'i snying po ni// dngos dang dngos med gnyis ka min// de bzhin nyid kyi snying po

  66. 33b

    ste// rtog ge pa yi yul ma yin// gsang chen thabs lam bcud kyi mchog/ thabs dang shes rab ldan gyur cing // thig le thabs kyis bder zin pas// ma lus bde chen gang bar 'gyur// ma lus bde ba chen po'i dbyings// chos nyid gsang ba'i rang bzhin la// 'phel ba med cing 'grib pa med// stongs dang bde ba las 'das shing // rang rig byang chub sems nyid de// rtsa bcud thig le don dang 'brel// gsang ba don gyi dbyings las 'byung // rten gyi thig le 'gro 'od med// des na sems kyi thig le la// phyi nang steng 'og cha shas med// thig le bde ba chen po nyid// ci la yang ma gnas mi gnas pas// bsam brjod shes pa'i yul las 'das// sgyu 'phrul thabs kyi rang bzhin te// dra ba shes rab tu bstan pa// gnyis med 'brel ba gang ma yin// thabs chen theg pa gang bshad do// bye brag sum cu rtsa gnyis kyi// ngo bo bsdus pa'i snying po bzhin// steng dang 'og gi tshul gnas shing // thabs dang shes rab tshul dag gis// sku dang gsung thugs rang gnas pa'i// lus can kun la khyab par gnas// bcud dang ldan pa'i snying po 'di// rten pa thabs kyi sbyin pa yis// gsang ba le lo med bsgrubs na// bde ba'i ye shes 'char bar 'gyur// ma lus gsang bas don mthong na// dngos por gnas pa ma yin te// chu shing snying po ltar gnas

  67. 34a

    shing // de bas thig le rang bzhin med// lus med thig le ma dmigs te// bde ba chen po rang bzhin med// gang la dngos med de bzhin nyid// thog ma tha ma med pa yi// rang byung dngos po byang chub sems// ma nor rtog pas 'khrul pa zad// bde ba chen po gsang ba'i don// rtogs nas mngon du goms byed pa'i// rang lus gnas pa'i mtshan dpe ltar// gzhan du tshol ba 'khor bar 'gyur// rang gnas thabs kyis mtshon pa'i lung // snying po nyi ma thabs kyis shes// gzung 'dzin bde chen ngang la nub// rang lus thabs kyi gter gyur pas// dbang dang man ngag med pa yis// smig rgyu chu la 'dzin pa ltar// rtog ge dman pas shes mi 'gyur// thabs chen theg pa'i don 'di dag/ slob dpon thugs la gnas pa'i phyir// lus dang longs spyod rgyal srid kyis// bsten dang don 'di shes par bya// le lo spangs pa'i brtson 'grus kyis// gang la chags pa med bzhin du// 'dod pa'i longs spyod med pa bzhin// bde ba chen po ldan bzhin du// rig 'dzin sa la gnas bzhin du// sa bcu'i dbang phyug lhun grub la// thabs chen 'brel bar dbang bskur na// rgya mtsho dngas pa'i gza' skar ltar// byin rlabs yon tan rang la 'char// gsang ba'i gsang ba lhag pa'i rgyud// zab mo rgyud kyi phyi ma ste// dman pa'i dngos grub

  68. 34b

    cho ga spangs// 'di ni gsang chen snying po'o// sgyu 'phrul thal ba'i rgyud chen po las/ gang zag thabs kyis gzung ba'i le'u ste bcu gsum pa'o// // de nas gzhan yang bshad bya ba// 'dod pa can la chags spyad pas// dngos po zhen pa las grol ba'i// g+ha na'i rim pa bshad par bya// gang zhig gang la dga' ba ste// log pa'i thabs kyis mi 'dul te// rnal 'byor thabs ldan skyes bu yis// cha mthun thabs kyis gdul bar bya// gang la chags pa'i klong 'chang ba// de nyid thabs mkhas blo ldan pas// chags pa sbyor ba mkhas pa yis// blo ldan rnam par grol bar 'gyur// gsang ba sbas pa thabs mkhas pas// blo ldan mun pa'i mar me ltar// gsang ba'i thabs chen sgyu 'phrul gyis// ma lus bde chen snang bar 'gyur// phyogs bcu'i sangs rgyas thams cad ni// sgyu 'phrul dra bar shes bya ste// thabs dang shes rab rang bzhin gyis// skyes pa bud med ngo bor btags// 'di ni bde skyed btsun mo ste// lha mo dang ni rig ma dang // mi yi bu mo blo ldan pas// tha mal rtog pa zhi byed cing // thabs chen lam la mkhas pa yis// ye sasnang ba 'byed par 'gyur// bltas pa dang ni brtags pa dang // thos dang reg dang 'grogs pa yis// zhen dang log cing bde bskyed de// dran pas sdug bsngal sel bar byed// de byed mu dra rigs brtags

  69. 35a

    pa// pad+ma nI yi mtshan nyid ni// dmigs pas bshad pa 'di lta ste// bzhin dang spo yang bzang ba ste// mig rtsa dmar zhing so yang dmar// sen mo zangs kyi mdog ltar dmar// sna legs rtse mo zur phyin cing // mig mchu ring la ngang pa'i sgros// sku mdog mthing ga lcang lo can// ngo mtshar mdzes shing spyod lam mkhas// rkang lag mthil dmar kha dog bzang // pad+ma'i dri can pad+ma dga'// dkar 'dzin phra la zlum pa ste// che chung med par mnyam pa'o// baR+Ya chung sdong po bzhin du sra// mig tshigs zlum la mi mngon zhing // lus smad dze phra 'dug pa'o// hasti nI yi rigs smos pa// brtags pas mtshan ma shes bya na// gdong pa chung la zlum pa dang // ro stod che zhing mnyam pa'o// brla 'jing byin pa sbom pa'o// skra yang sbom la skad che ba// so rags mtho la ring ba dang // kha nas ban glang ngad ldang zhing // kha zas che bar za nus pa// nga rgyal can la smra ba nyung // dkar 'dzin rtse mo g.yas g.yon dgye// rtse mo brlang zhing 'jigs pa med// mig phra gting ring 'gying bag can// shang kha ni yi rigs bshad pa// legs par brtags shing mnyam blangs pa// byad ngo chung la mig ring ba// so mnyam rno la dam pa'o// nu ma 'bur la rtse mnyam pa// lus kyi sha yang che chung ran// mgrin pa rna rgyud ring ba ste// rkang lag sgra yang ring ba ste// mtshan

  70. 35b

    khung sbom la zlum pa ste// gos dang rgyan sogs dmar la dga'// kha zas sha dang nya la sred// sha ta nI yi rigs sbom pa// legs par mtshon cing brtag bya ba// lus kyi dbyibs chung tshang ra chung // dkar la sha srab bzhin 'dod la// dkar 'dzin shrI pha la 'dra// lus ran bzhin lus g.yas su yo// b+ha ga chung la rub pa ste// sna tshogs ri mos mtshan la dga'// khro la 'thab cing brlang tshig smra// sngags dang rdzas dang thabs stsogs pas// dgon pa bar chad med pa'i gnas// snga dro phyed dang snar dman dang // dgongs ka'i dus su dgug par bya// nang lus b+ha ga pho brang dbyibs// spyi dang khyad par brtag par bya// gang du bde skyed rten gyi dbyibs// yo ba dang ni sla ba dang // rtsa ngan 'phel kha che ba dang // rtsub gang zlum mtho 'dzag pa dang // 'gyur dang mi legs dman po dag/ de bzhin spang bar shes par bya// rtsa med pa dang shes pa dang // rtsa ngan pa dang yo ba dang // kham pa dang zung ba dang // phra dang nub pa med pa yang // spang bar bya ba rab tu bshad// sra ba dang ni 'phang mtho dang // rtsa ldan drod che ska ba dang // mi 'gyur ba dang zlum pa dang // gting ring 'jam zhing cung zad dam// pad+ma'i snying po bzhin du zlum// shin tu chung la skra nyung ba// bzang po'i rigs dang mtshan du bshad// 'gugs dang bskrad dang gsang ba dang // rgyas pa'i ro

  71. 36a

    dang sbom pa dang // rang bzhin bzang dang nus pa che// bcos su med pa bzang por bshad// gong du gzhan gyis dbang byas dang // dka' thub can dang ngo tsha can// gtsang sme can dang rang bzhin dan// g.yangs pa yis ni 'grangs pa dang // gnad dang gnyid dang snyings migs kyad pa dag/ nus pa med pas spang bar bya// gal te bde bskyed chags 'dod na// chags pa'i glu dang gar dag dang // bza' btung blta dang chags pa'i gtam// ci legs pa yis spyad par bya// steng 'og 'khyud pa gnyis yin te// blta dang gzhi ba dang 'dzin pa gnyis// reg pa de bzhin shes par bya// thabs dang shes rab tshul gyis so// nu ma de bzhin mig gnyis dang // sna dang 'gram pa chu so dang // brla dang lte ba b+ha ga la// dgyes pa bskyed phyir 'o bya'o// mchu dang nu ma'i gong gnyis dang // mchan khung 'bur gnyis mkhur tshos la// bud med ga' ba bskyed pa'i phyir// mi drag par ni sos gdab bo// mchu gnyis bar du mchu gnyis dag/ blta bzhin yun ring gzhib par bya// nu ma gnyis dang 'bur gnyis dang // brla dang nu ma mkhur tshos sked pa ru// brtse dang chags pa bskyed pa'i phyir// sen thabs bcas pas reg par bya// gsang ba'i stod kyi gnas gsum du// sked pa'i gnas gsum bcu gnyis dang // mchan khung rtsib logs rgyu zhabs su// tha mal

  72. 36b

    tshul gyis drud par bya// srin lag thabs kyis bskyod par bya// reg dang 'phro bas yid 'pham pa// de tshe rtags ni 'byung bar 'gyur// rtse gnyis 'phrad pas bde ba che// gang la rang dbang med par ni// 'khor ba'i srid pa rang thim 'gyur// b+ha ga pad+ma'i snying po la// rdo rje thabs chen bskyod pa yis// gsang ba'i thig le bcud kyi 'bru// rtse nas bzung bzlog sbyangs pa yis// dbang po yul dang rnam shes kun// bde ba chen po'i gzugs su skye// 'di tshe bar chad med pa yis// mthar thug gsang ba'i ye shes 'grub// dbang dang man ngag sngon song bas// yon tan bcu dang rab ldan zhing // yid 'ong rigs bzhi thig le ni/ pad+ma ni dang hasti ni// shang ka ni dang tsa ta ni// lo grangs bcu drug lon pa la// nub phyogs 'og min bde ldan du// ma chags pad+ma gdan bting ba// nyi ma shar ba'i gzhal yas khang // nyung dkar tshad kyi bum pa ni// yon tan tshad med gter dang ldan// las dang ngo bo tshad dang bral// bdag nyid ngo bo can ldan pas// bcu drug bzhi chas bde bskul bas// gnyis ka'i gnas su yab yum dag/ phyag rgya dgu gnyis tshad mas gdab// sa ya bcu gsum gnyis kyi bcud// bskyod bskul bro gar thabs kyis gdags// nyi zla dus gcig 'dres shar ba// de nyid bzhi la slar bsdus na// dang po spyod yul thams cad

  73. 37a

    kun// bcu gsum phyag rgya'i dkyil 'khor gsal// rgyu ba yid dang dran rtog chad// thig le bde chen 'gro 'ong med/ sgyu 'phrul thal ba'i rgyud chen po las/ b+ha ga bshad pa'i le'u ste bcu bzhi pa'o// // de nas gzhan yang bshad bya ba// zhe sdang can gyi gang zag la// gnyen po thabs kyis mi 'dul ba// thabs chen gsang ba bshad par bya// nongs par spyod dang log sred can// dam nyams log dang 'khu ba dang // bla ma mchod dang dkon mchog dgra// dam dgra ngan pa'i ngang tshul can// yongs la gnod dang 'dus par 'ongs// bla ma grogs kyi yum phrog cing / tshogs kyi yo byad rku 'phrog byed// gsang ba 'jigs pa'i las byed pa// dam tshig dam chos dmod pa dang // lha dang mi dang ngan 'gror bcas// thams cad bsgral ba'i zhing du gsungs// bdag dang gzhan la phan pa'i phyir// chos kun ro gcig nyid gnas shing // mnyam nyid rig pa'i rnal 'byor pas// sdug bsngal rgyu 'bras gcad par bya// byams dang snying rje ldan pa yis// thar pa chen por dgod par bya// drag shul thabs kyi sbyor ba yis// mnyam nyid zhi la dgod par bya// thabs dang ldan pa'i lcags kyu yis// 'khor ba'i phung po bkug nas ni// thugs rje'i lcid dang ldan par gnan// shes rab mtshon cha ldan pa yis// nyon mongs 'khor ba'i rgya dral te// chu

  74. 37b

    shing sdong po kha phye ste// ma rig mun pa snang bar byas// de nyid ye shes 'od kyis sbyang // 'byung ba gsum gyi thabs kyis sbyangs/ raM yaM khaM/ ma bskyed nam mkha'i rang bzhin la// 'byung ba'i rkyen gyis mi 'jig ltar// skye med sems kyi rang bzhin la// mtshan ma'i rkyen gyis 'jig pa med// gsal ba nyi zla'i gdan steng du// a las hUM gi sbyor ba yis// tshon gang 'od kyi sems dpa' che// sbyor ba rlung gi cho ga yis// 'og min gnas su sgra ra yaM// dbyings su bskul bas the tshom med// gnyis med thim pas 'dres 'gyur te// rgyal ba'i sras 'gyur rdo rje sems// gnyis su med par dbang bskur te// bdag dang gzhan don mthar phyin to// phung lnga 'dod pa'i yo byad lnga// dur khrod sna tshogs las grub pa// mchod pa'i sprin ni rab 'byams kyis// ma lus khyab par spro bar bya// bdag dang gzhan la phan pa'i phyir// byams dang snying rje ldan pa yis// dpag med log par 'khyams pa rnams// thabs kyis ma skyes sa la bkod// 'chi ba med pa'i chos skur zim// bde chen sa la sbyor bar rigs// bde lam 'di las gzhan med do// a yi rang bzhin thog mtha' med// ta la pa yi mngon mtshan pas// rtog pa 'dod pa'i spyod pa yis// ma lus mnyam pa nyid du sbyor// a las dbyug btags dkar ldan sgras// ma lus mnyam pa nyid du

  75. 38a

    sbyar// gsang ba de nyid nges pa yis// phyag rgya snying po ting 'dzin gyis// sgyu 'phrul dra ba gnyis med pa'i// go 'phang tshe 'dir 'grub par nges// chags pas sdang ba grol byed pa// mun 'gyur sman dang bdud rtsi ltar// dka' thub tshegs dang bral ba yi// thabs dang shes rab 'brel ba yi// gsang ba'i thabs la legs goms pas// nyi zla 'dres dang rtse zin par// thig le zhe sdang bde bar thim// gsang ba de dag gnas pa na// nyon mongs dran rtog ma lus pa// mun pa la ni snang ba bzhin// gsang ba thabs kyi snang bar 'gyur// 'dod chags sdang ba'i gang zag gis// thal ba'i rgyud la legs goms pas// 'dod chags ma la 'dod spyad pas// zhing khams bde ba 'phel bar 'gyur// sangs rgyas kun dang mnyam pa yi// bde chen thig le khyab par ro// lus gnas lus las ma skyes pas// thams cad ldan ga skyes par gsal// phra las shes rab pha rol phyin// skyes bu thabs dang nus pa yis// rigs nges gsum dang ldan pa la// thabs kyi sbyor ba de bzhin brtsams// chags pa skud dang rlung gi thabs// dang po'i las can dga' bya'i phyir// mi yi bu mo la spyod pa// 'di dag thig le bzung phyir bsten// ting 'dzin ye shes lha mo la// brten pas sems kyi bde ba 'byung // rgyu 'bras zag pa khu ba med// rtsa dang rlung

  76. 38b

    dang thig le la// brten pa med cing 'dzin pa med// yid dang ting 'dzin ye shes kyi// gang yin lha mo la sbyar bas// bud shing me ltar rang tshig cing // zag pa med pa'i bde chen po// snang ba 'di las sa khams dang // dus khams zhing khams nam mkha'i khams// bde ba chen pos khyab par 'gyur// nam mkha'i dbyings kyi mthar thug par// gsang ba'i sa gsum ma lus pa// thabs kyis zin dang ma zin las// 'phel 'grib zag pa yod min dang // 'ching grol khyad par sna tshogs snang // thabs dang skyes bu'i khyad par las// ma lus bde mchog sgyu ma'i phyir// gang yang mi bya ba med de/ thams cad rgyal ba'i mdzad par gnas// pad+ma thabs dang 'dus pa las// dbang po rnam shes yul las sogs// tha dad grol bas rang log ste// lhan cig skyes pa'i ngo bor gsal// lus dang sems dang ye shes kyi// brten pa gsum la mnyam sbyor bas// 'du shes kun las rab grol te// thams cad bde ba chen por smin// shes rab pad+ma'i me long la// rdo rje gsang ba'i thabs bltas pas// bde ba chen po'i gzugs brnyan tshogs// mtha' dbus med par rang bzhin snang // bde ba chen po'i rang bzhin ni// snang ba ma yin mi snang min// mtha' dbus zhen pa las 'das nas// thams cad bde chen mnyam pa nyid// shes rab gsal ba'i me long

  77. 39a

    la// skyes bu zabs kyis bde gnas shing // skyes bu zabs kyis bzla ba la// shes rab mig gis gang bltas pa// zhen btags snang ba'i mun pa rnams// thabs chen snang bas khyab par 'gyur// sbyor bas snang ba kun bsgral zhing // bsgral bas skye med dbyings su sbyor// gnyis med rtogs pa'i rnal 'byor pa// pad+ma la ni 'dam bzhin no// gang du nyams dang ldan pa yis// gang du bskul lam mi gsal na// rang gi tshad dang ldan par du// glu dang rtsed mo gar dag dang // phyi rol chags pas 'bar byas te// bde chen yid kyi yul la blta// 'grogs pa dag dang dmigs pa dang // goms las ye shes phyag rgya gsal// lhan cig bde chen rim skyes pas// gnyis med bde ba thabs kyi ro// bcu drug rgyun dang 'bab chu ltar// goms pa'i stobs kyis mthar phyin 'gyur// gsang ba'i thabs ldan gang zag ni// 'khor ba thabs kyi zhing gnas kyang // rtogs goms thabs kyis gang zin pa// mi ldog de nyid pha rol phyin// thabs chen sgyu 'phrul dra ba las// thabs chen gsang ba 'di gsungs so// skal ldan mchog gi spyod yul te// dman dang rigs chad yul ma yin// sgyu 'phrul dra ba'i rgyud chen po las/ thabs chen po bstan pa'i le'u ste bco lnga pa'o// // de nas gzhan yang bshad bya ba// rang bzhin thabs kyis mngon byas

  78. 39b

    pa'i// las kyi khyad par snang ba yi// rim pa 'di ni bshad par bya// thams cad rang byung byang chub sems// kun gyi gzhi rtsa stong pa nyid// ma skyes pa nyid skye ba ste// 'di la phyogs ris kun las 'das// kun/ nas cha shas spang bral ba'i// ma dmigs mi dmigs dmigs su med// byang chub sems kyi rang bzhin nyid// phrin las kun gyi ngo bor snang // thams cad thig le chen po'i ngang // phyogs med rang byung thig le la// mi mthun dri ma rdul med pa// ma bcos zhi ba chen por bshad// dngos med rang rig byang chub sems// rang byung rang snang ngo bo nyid// mtha' dbus med pa'i ngang tshul gyis// nam mkha'i khams ltar gnas pa'o// thabs cig tu ni gnas pa na// bya dang mi bya la sogs pa// gnyis med thig ler rang gnas pa// rig pas rang rgyud nyid du 'dus// ma skyes stong pa'i rang bzhin la// dngos dang dngos med 'jigs med 'jig pas na// thogs pa med par pha rol phyin// ma lus par ni 'jig par 'gyur// rang rig stong pa'i gzugs brnyan ni// mi shes thig le'i rang snang ni// drangs ma rtsa bzhi 'od dang bcas// rang bzhin las dang nus par bcas// tha dad med pas nang du bshad// 'jig rten 'jig rten 'das pa yi// spyod yul bral ba'i gsang ba ste// b+ha ga bde ba chen po nyid// yi ge bzhi ltar rang gnas pa// thabs dang ldan

  79. 40a

    pas rtogs 'gyur gyi// dman pas rtogs par ga la 'gyur// gang du yul dang phrad pa'i tshe// dngas ma dga' ba chags pa dang // rtsol ba re dogs chad pa'i sems// mi mthun pa nyid mthun 'gyur yang // thabs bral rnams la rgyas btab bo// thabs dang shes rab ldan pa yis// dga' ba'i rol pa sna tshogs pa// rtse gcig par ni 'gyur ba'i tshe// sna tshogs dran bsam zhi bar 'gyur// rol dang 'khyud dang zhal sbyor dang // stegs dang 'jo ba blta dang rtse// sna tshogs phyi nang sbyor ba yis// lus sems phyi nang rgyas par 'gyur// gang du phyi nang rol pa'i tshe// thabs dang shes rab ldan pa la// phyi nang dran bsam ma lus pa// zhen pa ldog cing dbang du 'du// re dogs chad pa'i dus nyid ni// gang la 'jug pa'i yid spangs pas// rang byung thig le bsam mi khyab// de nyid ma rig la sogs bcom// thams cad 'dus pa'i snying po ni// ji snyed phrin las ngo bo ste// so sor dbye ba mi gnas kyang // rin chen sems la rang bzhin rdzogs// gang phyir thabs dang sbyor ba yis// rdzas las bcud kyis bsgyur ba ltar// skal ldan dbang po yang rab la// gang phyir bsgrub pa de bzhin snang // gsang chen thabs kyi rol pa'i rgyud// chags pas chags pa grol ba ltar// gang 'dir thabs dang bral ba yis// nam mkha' la ni me tog

  80. 40b

    bzhin// rgud dang ngo bo nyid dag dang // mthar phyin thabs kyi rgyud dag gis// ma lus kun la khyab gnas pa// phrin las rol pa thabs kyi rgyud// rdo rje pad+ma nu ma sprad// rkan dang lce dang thabs sbyar bas// me long la ni gzugs brnyan bzhin// pad+ma'i bde ba mngon du snang // thig le mngon du 'byung ba na// thabs dang shes rab gnyis med pas// 'dren pa dang ni 'dzin pa dang // rtse dang sked pa rtsa ba dang // lte ba snying mgrin skra mtshams su// thig le 'ong ba'i tshul gyis ni// bya ba'i thabs ni gang la yang // phrin las bzhi ni kun 'chang ste// thabs dang ldan pas rnam dbye ba// ma nor don dang ldan pa yis// bdag dang lha dang sgyu ma dang // nam mkha' lta bur mthar phyin pas// bde chen rig pa rang gsal ba// phyogs dang bral bar rang bzhin snang // shes rab med pa'i rnal 'byor pas// bdag nyid bde bar ldan pa'i phyir// rig pa'i lha mo bsten pa dang // brda' dang gzhib pas bde ba bskyed// de nas stong zhing mi rtog pas// dbang po yul sems las gos chos// rang byung rang rig byang chub sems// dbyer med bde ba chen por bsgom// gang dang gang du phrad pa las// de ni de yis der snang ltar// thabs chen rig pa mnyam sbyor las// rang byung bde chen gsal bar 'byung // dgug dang bkug dang 'thab pa dang // 'dren dang 'dzin

  81. 41a

    dang bskyil ba dang // sbyang dang spel dang las brtsams pas// bar chad med pa'i bde ba 'byung // gong du thabs chen ldan pa yis// yid 'ong mtshan ldan bu mo la// blta dang snyan dang 'grogs la sogs// bde chen bar chad med par gnas// gsang chen thabs kyi me long 'di// kun la gnas kyang mi snang ste// long ba gzugs dang 'phrad pa bzhin// ji ltar bltas pas mthong ba med// thig le rim nas rim gnas pa// dang po nas brtsams mthar phyin par// goms dang rkyen gyis gong nas gong // lam gyi khyad par mthar phyin 'gyur// las dang rim pa byin rlabs dang // ye shes rnal 'byor ma yi tshogs// dngos dang ting 'dzin bde thob pa// pad+ma gsum pas rim sbyor bas// yul dang rgyan dang yun la sogs// rim pa rang bzhin 'phel ba yis// mthar thug lam la gnas par 'gyur// sangs rgyas lha mo rol pa yis// skal ldan rigs la dbang bskur bas// bcu gsum mthar phyin lhun grub pas// rig pa'i me tog stong pa la// bya byed med pa'i rang bzhin gyis// yon tan sna tshogs gsal bar snang // phyogs bcu ma lus sangs rgyas sras// mthar phyin dbang gi sbyor ba ste// mthar thug bde ba'i nam mkha' la// nyi ma bye ba brdal ba ltar// ye shes nam mkha' mtha' dbus med// rang byung ye shes

  82. 41b

    bde chen po// rang rig stong pa yul las 'das// rgyu rkyen rim pa kun dang ldan// dpag bsam shing dang nor bu la// zhing khams nam mkha'i mthar thug pa// nyi 'od chu rlabs char bzhin du// 'phel 'grib med pa'i tshul du gnas// gang la bde stong dbyer med pa// gnyis ka ma yin gnyis med min// mtha' dbus rgyu 'bras re dogs sogs// spang thob med par rtag tu gnas// gsang ba'i yang gsang snying po ste// gsang ba mngon phyung thabs kyi rgyud// sgyu 'phrul thabs chen gsang ba'i lam// lus dang man ngag thabs kyi mchog/ bskal par sbyangs kyang mi rnyed la// bla ma'i man ngag thabs chen rgyud// da lta nyid du mngon par snang // sgyu 'phrul thal ba'i rgyud chen po las/ phrin las bshad pa'i le'u ste bcu drug pa'o// // de nas gzhan yang bshad bya ba// thabs dang shes rab ldan pa yi// rdo rje dang ni dril bu'i tshad// de nas legs par bshad bya ba// nam mkha'i dbyings dang mnyam pa yi// rdo rje thabs chen ye shes te// dril bu shes rab pha rol phyin// tshad dang bral bar bshad pa yin// zabs chen bde ba'i rdo rje yis// nam mkha'i dbyings dang mnyam pa yi// bde ba ye shes tshad med pa// dpag med thig le bde ba'i mchog/ gsang ba chen po bdag nyid can// gang du bde bas khyab pa'i gnas// dngos med shes rab

  83. 42a

    pha rol phyin// sangs rgyas kun gyi rang bzhin te// nam mkha' lta bur rang bzhin gsal// chos nyid dbyings dang mnyam pa yi// bde ba chen po tshad las 'das// gang gis dpag par mi nus pa// bde chen dbyer med bsam las 'das// bdag gzhan bya bsam las 'das pa// yul dang dbang po sems la sogs// ji srid snang grags las 'das pa// de srid bde chen chos kyi sku// dngos dang dngos med gnyis las 'das// thabs dang shes rab bde ba'i mchog/ sgyu 'phrul dra ba thabs kyi lam// gsang mchog thig le dbyings la rdzogs// 'gro 'ong dmigs rtog kun la 'das// dbang po rdo rje gsang ba'i bdag/ thams cad 'dus pa'i rang bzhin te// ma lus gcig pu gsal ba la// yul med bde bar rang bzhin gsal// shes rab dril bu pad+ma ste// chos dbyings b+ha ga gsang ba'i yum// gzhan yang thams cad 'dus pa ni// bde bskyed pa'i zhing du bshad// gsang dbang tshad ni mdzub gang ste// brgya phrag bye ba 'dus pa'i rtsa// thig le phra rags khyab byed pa// lus can thabs la rang bzhin gnas// yul ni pad+ma sor bzhi ste// shes rab rang bzhin dri med de// bskal pa dpag med rdul snyed kyi// bag chags bsal nas bde ba bskyed// rdo rje thabs kyi thig le nyid// phyogs bcu dra ba'i rang bzhin

  84. 42b

    te// thabs la brten pa'i nyams myong gis// thams cad bde chen rang bzhin gsang // gsang ba'i pad+ma'i rtsa thig le// bye brag brgya bcu kun 'dus pa// ma lus 'dus pa'i rtsa thig le// phyogs bcu kun nas byin gyis rlobs// gang phyir nyi zla 'gro 'ong gis// gsang ba'i nyams la gang gnas pa// lo zla tshad dang 'grangs bral bar// mi 'gyur bde chen 'grub par 'gyur// thig le ro yis khyab pa yis// mtha' dbus gzhi rtsa med pa'i dbyings// rgya dbyibs tshad dang dral ba de// rang bzhin rtogs nas goms par 'grub// lus dang rtsa dbyibs tshad ldan pas// thabs kyis rang snang mngon sum pa// thig le'i rang bzhin ma skyes pas// ma lus dag rtogs pad+ma can// thams cad bde chen mi rtog pa// thabs la shes rab sbyor ba dang // shes rab la ni thabs sbyor zhing // gnyis med 'brel pa las byung ba'i// bde chen sems la sgom pa'o// rdo rje zla ba'i thig le ni// gong gi zabs la brten pa yis// rim nas rim par mngon byas pa// ma chags thabs kyi rol pa mdzad// gnyis med rol pa phyi rol yul// mngon mkhyen zad ka'i dmigs yul bral// shes rab nyi ma la brten pas// ma lus bde chen thig ler gsal// lus gnas lus las ma skyes pa'o// thams cad thabs chen lam gnas pas// mi 'grub pa dang tshegs chen

  85. 43a

    dang // dka' thub gdung ba las 'das shing // re dogs bral 'dod yon tan lngas// dka' thub med par tshe 'dis 'grub// gsang chen thabs kyis bsgyur ba ltar// snyigs mar bcas pa'i lus nyid ni// spangs pa med par bde chen 'grub// thig le chen pos gsang ba yi// phyi nang snod bcud 'jig rten kun// ma lus bde bar rang gsal bas// rtags zhes thabs kyis rang sar grol// bde ba la ni gang brten pas// rang lus thabs kyi rang bzhin las// me long bzhin dang 'phrad pa ltar// rang lus mngon du snang bar 'gyur// thabs dang shes rab rol ba las// rtse nas rtse ru sbyar ba la// 'gro 'od med pa'i thig le yis// lus sems bde bas rgyas btab pas// thams cad mnyam pa'i dbyings su gnas// khams dang bral ba'i bde ba ni// chos kyi dbyings dang mnyam pa ste// ngo bo tshad med pa nyid de// rim pa dbang gi stobs las byung // shes rab rang byung dri med la// b+ha ga thabs la ma brten par// dus gsum rgyal ba mi 'byung ste// nam mkha' la ni me tog bzhin// pad+ma me tog rgyas pa la// rtag tu mchod bstod pa dang // blta dang bsnam dang gzhi ba dang bsten// rtag tu bdag dang mnyam sbyor bas// bde chen rang nyams rtag 'phel cing // nam mkha' lta bu'i bde chen 'grub// dang po cung zad bde ba ste// rtse

  86. 43b

    gcig rig pa las byung ba// phyag rgya bzhi ldan rab sbyor bas// thabs kyi thig le smin pa'i tshe// re dogs 'jigs pa'i rnam rtog dag/ thams cad bde ba chen por 'bar// de bas yon tan kun ldan pa// rnam g.yengs 'du byed gcod byed cing // chags pas chags pa sel byed pa// mi yi bu mo bsten par bya// lus kyi nus pa brtan thob pa// ting 'dzin brtan pa las byung ba// rgas 'chi zag pa las byung ba'i// rig pa'i bu mo bsten par bya// lo zla bskal pa grangs med par// zag med bde ba rgyas bya zhing // mthar zug bde bsgrub bya ba'i phyir// ye shes sangs rgyas btsun mo bsten// 'di la dga' dang mi dga' med// 'jigs dang bag tsha cung zad med// bya ba med cing brten pa med// sha rus rkang dang khrag med cing // khu ba med cing gshang gci med// nam mkha'i 'ja' dang gzugs brnyan ltar// snang ba bde ba 'phel byed cing // rgya mtsho chu bo ji bzhin du// gnas pas bde chen nam mkha' ltar// 'byung 'jug rgyu rkyen cha las 'das// mtha' dbus med pa'i byang chub sems// dus kun bde chen dbyer med pas// rang byung ye shes yul bral ba// gnyis med ma yin gnyis pa min// bzhi bcu lnga sogs dus gsum chos// kun mkhyen ldan bral gnyis ka min// thog ma tha ma dbus med cing // spang len shes dang mi shes

  87. 44a

    bral// gnyis med rang rig byang chub sems// thams cad ma bcos thig le ste// gsang ba gsang chen dman yul min// zabs chen ldan pa 'ga' yi yul// bcud 'dus ye shes thig le che// 'phro 'du med pa'i rang bzhin las// phyogs bcu rgyal ba'i dkyil 'khor snang // snang stong bsam pa'i yul brtags la// tha snyad mtshan ma ci yang rung // bde ba gnyis su mi phyed pa'i// ngo bo nyid kyi gsang mchog bde// gzhan gyis ma byas mi g.yo ba'i// rang rig bde chen sgyu 'phrul la// ngo mtshar rmad byung snang ba ste// ngo bo nyid kyi yul las 'das// don dam ma bcos ma bslad pa'i// de bzhin gshegs pa'i spyod yul te// dman dang tha mal dka' thub can// gang dag rnal 'byor spyod yul min// rdo rje nyi ma gsang ba'i bcud// zla ba thig le thabs kyis bzung // phyogs cha khyab par gsal ba na// rang lus snyigs ma bde bar gsal// gdams te dang po 'og gi snod// thig le 'gro 'ong bcas pa rnams// mi 'gro rang la thim pa ltar// rtog pa lhan cig skyes par gsal// chags sdang zhen pa phrag dog rnams// dug gis de nyid sel ba ltar// thabs chen dbang gi man ngag gis// nyi 'od mun pa bzhin du sel// sangs rgyas rnams kyi gsang ba yi// gsang ba thabs lam snang ba ste// rdo rje'i tshig lam snang byed 'di// rtog ge/

  88. 44b

    dman la mi bstan te// dbang dang man ngag ldan pa la// byin rlabs nan tan chen por bya// nyi zla rgya mtsho phog pa sbyang // thig le 'gro 'od med par bcings// rgya mtsho nam mkha'i mthongs la gtad// gling bzhi ri rab gcig tu bsdu// thabs la mkhas pa'i rnal 'byor pas// chags sdang lnga sogs mi dge chos// spyad pas mi ldog pha rol phyin// bde chen thabs su bshad pa yin// sgyu 'phrul thal ba'i rgyud chen po las// dbang po yul 'dus pa'i le'u ste bcu bdun pa'o// // de nas gzhan yang bshad bya ba// ji snyed chos rnams mtha' yas pa// yid dang chos su 'dus pa'i don// 'di ni nges par bshad par bya// gang du phyi nang bcas pa yi// glo yul cir yang snang ba ste// 'khor dang mya ngan 'das pa nyid// chos su snang bar 'dus pa yin// de yi rjes su 'brang ba yis// dran rig gsal bar gang gyur pa// rang rig blo la mngon/ snang ba// de la yid ches brjod pa yin// gang du snang ba thams cad kun// sems las gzhan na med pa'i phyir// nyi 'od rgya mtsho'i rlabs bzhin du// rang las byung zhing nyid la gnas// rtogs pa'i bye brag thams cad kun// gnyis med ngang la rang bzhin 'dus// ma lus yid dang chos 'dus pas// de yang ma skyes rang bzhin nyid// chos kyi dkyil 'khor mtha' yas pa// rang byung ye shes dkyil 'khor

  89. 45a

    snang // rang byung ye shes gnas med la// phyogs dang rgya dbyibs las 'das pa// ma rig ma skyes de bzhin nyid// sgyu 'phrul shes rab gsal bar snang // gang du rtogs dang ma rtogs las// 'khor dang mya ngan 'das par snang // kun 'byung yid kyi dkyil 'khor te// chos kyi yid der 'dus pa yin// dngos po med las dngos por snang // dngos snang de bzhin yid kyi dbyings// thabs dang shes rab dbyer med pa// ma bcos rgyun gyi byang chub sems// yid kyi 'khor lo sgo phye bas// chos kyi dkyil 'khor rang bzhin gsal// mkha' la 'byams shing sprin phung bzhin// ma skyes sems las rnam par snang // sna tshogs dkyil 'khor phyag rgya dang // sku dang gzhal yas 'du 'phro yang // ma skyes rang rig byang chub sems// dbye ba med par rang bzhin gnas// ji snyed tha snyad dmigs rtog kun// chu la chu bur rnam pa ltar// rang bzhin med la gnas pa yi// yid dang chos su yang dag 'du// nang gi dkyil 'khor chos kyi gnas// 'od bzhi e sogs dbyibs su gnas// rtsa ba bzhi la yan lag brgyad// dngas ma lnga dang snyigs mar bcas// rnam shes rgyu ba'i rkyen du bshad// sa bon drug ste 'od bzhir ldan// snying pos mtshams sbyar 'od du 'bar// thig le gcig la thim pa yis// zag pa med pa'i ye shes skye// chos

  90. 45b

    nyid yon tan ye shes rtsa// rang rgyud kun la gnas pa ni// dman pa rnams kyi yul min pas// gab cing sbas par shes par bya// ting 'dzin gsum dang bsnyen bsgrub bzhi// dkyil 'khor la sogs pa gang gis// sgo gsum khyab par ci spyad pa// zhen pa mtshan ma'i dbang gis na// 'khor ba'i mtha' mar ltung bar 'gyur// rang bzhin ngan dang ma sbyangs dang // dka' thub can dang dam med dang // zhen chags can dang phrag dog can// log sred can dang le lo can// log pa'i gang zag dbang sogs pa'i// dam pa min par shin tu spangs// 'di ni 'khor ba'i gzhol phyogs te// rang bzhin log pa'i mthu ldan pas// gsang ba'i don la log pa yis// bdag gzhan gnyis ka ltung bar 'gyur// gsang chen sgyu 'phrul dra ba ste// thabs chen mngon phyung bstan pa ste// ma lus bde chen rang snang ba// mngon snang gzhan gyi spyod yul min// thabs dang shes rab gnyis med pa// mnyam pa dbyer med theg pa 'di// gang ltar spyad pas pha rol phyin// gsang ba'i mchog tu 'di bshad do// thabs dang shes rab ldan pa yis// 'dod chags la brten bde ba yis// spyod yul bde ba chen por snang // de nyid rang byung nyid ces bya// ma lus rol pa thabs kyi rgyud// gsang ba 'di ni bshad pa yis// thabs dang shes rab thams cad kun//

  91. 46a

    chags pa'i bde ba bskyed mdzad de// blta dang blta zhing 'dzum pa dang // la lar zhal sbyor 'dzin pa dang // la lar dam du 'khyud par byed// brla gnyis dam par 'khyud pa yis// gsang dbang pad+mar bcug bskyod pas// phyi nang sems dang sems byung rnams// rang byung bde bar zhen pa rnams// thig le rtsa slor byung ba la// byed pa sdom pa thabs mtshon pas// phyi nang yul sems ma lus pa// lhan cig skyes pa'i rang bzhin gsal// rtsa yi sgra bzhin mthong med pas// ma skyes a yi rang bzhin la// thabs chen rang gis mtshon pa ni// thams cad ma hA su kha'i klong // gsang ba thabs kyi nyams ldan pas// phyi nang snod bcud gang yang rung // a la dbyug btags dkar ldan nyid// de nyid sgyu 'phrul dra bar bshad// thams cad gcig gi rang bzhin la// thabs dang shes rab mngon phyung bas// dbang po yul sems ldan pa bcu drug ye shes gsal ba skye// gnas dang gnas pa'i dbyibs can dang // rten dang brten pa'i thig le dag/ mkha' dbyings gsang bar brten pa las// rang byung ye shes thogs pa med// gsang ba thabs kyi thig le nyid// rang byung ye shes chags med pas// mkha' ltar kun la khyab gyur kyang // rang bzhin dman pas rtogs mi 'gyur// gang la gsang ba'i thabs ldan pas// mun pa la ni snang ba

  92. 46b

    ltar// bcos bsgyur med par rang snang ba// skyes bu mchog gi don du bshad/ sgyu 'phrul thal ba'i rgyud chen po las/ thabs dang bral bas mi grol bar bstan pa'i le'u ste bco brgyad pa'o// // de nas gzhan yang bshad bya ba// gang du dag pa'i rnal 'byor pa// bla ma byin rlabs thabs ldan pas// grol ba'i tshul 'di bshad par bya// thabs dang shes rab ldan pa yis// phyogs kun mnyam pa nyid 'gyur zhing // ma lus thabs can snang ba ste// rang byung gsang ba'i me long nyid// dbang po yul sems me long la// gsang ba'i thabs kyis ma zin pa// thams cad ye shes rang snang ba// thabs ldan rnams la snang bar zad// rdo rje me long bstan pa'i mdzod// thabs chen lus la rang bzhin rdzogs// me long bzhi la srog shing gsum// bskyod pa rlung sems sbyor ba yis// gsal ba ye shes re dogs bral// myur du 'byung bar the tshom med// thabs ldan rkyen gyis gsal gyur na// las dang nyon mongs gsal ba dang // ji ltar me la shing bsnan ltar// lhag pa'i ye shes gsal bar 'gyur// thabs lam gsal ba'i mar me 'di// rang byung lhan cig skyes pa mthong // ma chags thabs kyi sbyor ba yis// goms pa'i stobs la gnas gyur na// ma lus ye shes chen po ste// lhun grub ye shes thogs pa med// thig le shum gyi 'od ldan

  93. 47a

    pas// gang gis byed pa'i thabs ldan pa// de yis der 'dzag bde ba'i sems// snying por thim pas ye shes skyed// gnas bzhi gar thabs ye shes las// sems mtha' 'gro 'ong la gnas pas// ma skyes sems la gnas 'gyur zhing // ma lus dag par byin gyis rlobs// phyogs bcu snod bcud thig le kun// gsang ba thabs la mnyam sbyor bas// sprul pa'i thig le bsam mi khyab// 'dzin dang dbab pa'i thabs las byung // gsang gsum thabs kyi spyod pa 'di// thabs ldan rnams la mngon sum ste// skal med man ngag bral ba la// bskal pa bye bar snang mi 'gyur// bskal pa zhing gi rdul snyed du// rgyal ba bla ma mnyes byas shing // dbang dang man ngag la sbyangs pas// ci dgar spyad pas bde bar 'gyur// 'dod pa'i longs spyod lnga ldan zhing // na so lang tsho dar la bab// pho mo chags pa brtan pa dang // gsang ba'i las 'dir myur du 'grub// thabs dang shes rab ldan pa yis// 'dod chags rol pa'i stobs ldan pas// bskyod pa rlung gi thogs med cing // rdo rje rtsa la 'jug pa yis// gsang ba'i thig le 'gro 'ong med// rgyu ba'i rlung la rang chad nas// spyod yul bde ba chen por thim// 'dod chags ldan pa'i gang zag la// skabs dang rim pa'i bye brag gis// btsun mo gsum du bstan pa ste// snang ba'i zhen pa

  94. 47b

    ldog par byed// gang la snang ba'i zhen pa dag/ ma lus bde chen rang rig ste// bsam brjod zhen pa kun las 'das// thogs med ldan pa'i gang zag la// thogs med 'od gsal byang chub sems// dbang yul thig le rtsar phrad pas// gzung ba med cing gtong ba med// rang byung rig pa bder gnas pas// thams cad ma skyes ngo bo nyid// rdo rje nyi zla'i thig le la// ye shes lnga yi ro ldan pas// spyod yul mtshan ma snye pa// lhan cig skyes pa 'char bar 'gyur// gang du thabs dang ldan pa la// phyi nang spyod yul bcas pa kun// bde chen gsang ba mngon sum ste// 'khrul dang log pa'i spyod yul min// b+ha ga gsum la mnyam sbyar bas// rig par byed pa chen po skye// rig pa rtog rtogs kyis kyang gis zil mnan pas// mkha' ltar bde ba chen po 'grub// bsam pa'i longs spyod kun ldan pa'i// bde chen rang rig snying po la// ma lus bde chen gsal ba la// spang len dgag sgrub kun dang bral// thig le las ni nyams bskyed zhing // de nyid bde chen mi rtog pa// rang byung ye shes nam mkha' nyid// rtogs goms gsal bas lhun gyis grub// nam mkha' lta bur bdag med cing // bya byed mtshan ma'i yul las 'das// bde ba chen po 'pho 'gyur med// rgyu rkyen zag pa 'du 'phro med// thig le chen po kun khyab pas// rang bzhin 'phro 'du kun

  95. 48a

    dang bral// ma skyes rang bzhin dbyer med la// gcig dang du ma'i cha shas med// gsal ba'i yid kyi thig le la// rang drag gsal bas gnas pa'i tshe// phyi nang snod bcud ma lus pa// rang byung ye shes gsal bar skye// rang byung ye shes dbyer med pa// nam mkha' lta bur dpag med cing // brjod cing bstan par mi nus pa// byin rlabs nyams kyis gsal bar mthong // gsang chen thabs kyi nyams myong bas// rgyu ba phyi nang rang bzhin 'chad// re dogs 'du shes stong par thim// rgyu rkyen bral ba'i ngo bor smin// gsang ba'i thabs kyis gang sbyar ba// g.yo dang mi g.yor bcas pa dag/ ma lus bde chen rang bzhin te// thams cad mnyam pa nyid du gnas// phyi nang snod bcud ma lus pa// gsang ba'i snod bcud thig le yis// thabs dang nyams la brtan goms na// bde chen sku gsung thugs su gsal// yon tan rdzogs pa'i rang bzhin la// bla ma'i stobs kyis rang rig pa// bde chen thig le mnyam sbyor bas// zag pa med pa'i bde chen gsal// skyob pa thabs kyi bder gnas shing // gar thabs rlung la dbang bsgyur bas// ma lus lhan cig skyes pa ste// rgas dang rgud dang dman pa dang // ma ning la sogs bcad pa yis// thabs dang man ngag la gnas pas// ji ltar bsgrubs kyang tshe 'dis 'grub// rang lus thabs kyi

  96. 48b

    mchog nyid de// so so ngo bor rnam par bstan// gzhan du dman pa'i rnal 'byor pas// nam yang 'grub par mi 'gyur ro// bde ba chen po gsal 'gyur zhing // dbang bskur man ngag la gnas pas// dka' thub gdung ba spangs pa yin// bar chad med par 'grub 'gyur te// gsang sngags thabs kyi rgyal po 'di// sku gsung thugs la rtag gnas shing // 'dod lnga bde la gnas pa yi// sgyu 'phrul dra bar thabs kyis 'grub// sangs rgyas kun gyi rang bzhin 'di// lus gnas thabs kyis ma rtogs pa// bsam pa'i sgyu 'phrul la brten cing // cho ga thabs chen ldan pas 'grub// rnal 'byor thabs dang shes rab ldan// dbang la brten nas goms pa yis// thams cad bde chen rgyas btab pas// bdud dang zhen pa kun las 'das// kun 'byung ba yi sgyu 'phrul che// mnyam la mnyam par mi gnas pa'i// ma skyes bde chen thig le 'di// sna tshogs snang zhing nyid la rdzogs// sgyu 'phrul thal ba'i rgyud chen po las/ skal ldan grol ba'i le'u ste bcu dgu pa'o// // de nas gzhan yang bshad bya ba// chags pa'i thabs chen las byung ba// gsang ba'i sgyu 'phrul dam pa 'di// sangs rgyas kun gyi bshad pa yin// dus gsum gdul bya'i khyad par rnams// 'dod dang 'khrig pa la mos pas// rdul snyed sangs rgyas thams cad kun// lha

  97. 49a

    mor snang nas rol bar 'gyur// 'das pa'i sangs rgyas rdul snyed pa// zhing khams bye ba rdul snyed du// zhing dang longs spyod dga' bar bcas// thabs kyis rol pa mdzad pa yin// gang du thabs dang shes rab kyi// thig le dga' bder bcas pa yi// zhing khams phyi nang snod bcud bcas// bde chen lhan cig skyes par gsal// ma lus ji snyed snang ba kun// dri med thig le las 'byung zhing // tha dad med pa'i rang bzhin gyis// gsang ba'i thig ler rang bzhin 'jug/ rgyal ba rdul snyed btsun mor bcas// lha dang lha mo 'khor lor bcas// bde ba rim gyis gang ba yis// dga' dang blta dang 'khyud pa dang // 'o dang 'khor dang 'bud 'jo dang // zhal sbyor brtse dang mnye ba dang // 'jib dang b+ha ga gar 'dzin ston// rol pa'i gar ni sna tshogs ston// gsung ni 'jam zhing mnyen pa yis// phra zhing dal ba'i glu ngas te// 'jam zhing chags pa'i tshig dag gis// gzhan yang yid 'pham rmongs par byed// bde ba chen po rang 'bar bas// nam mkha' mtha' ltar mi gnas pa'i// rang byung thig le mi g.yo ba// tha ma zhen pa kun las 'das// re dang dogs pa kun zhi ba'i// rang byung ye shes gnas pa yi// bde tshogs rgyu 'bras kun dang bral// gsang chen bde ba'i ngo bo nyid// gsang chen rig par rang gsal ba// stong dang bde

  98. 49b

    bar mi phyed pa'i// mkha' ltar rdul bral mi gnas pa// bde ba chen po'i ngo bor gnas// rdo rje thig le mi phyed gzugs// rang byung bde bar kun snang nas// 'jug dang mi 'jug yul las 'das// dus gsum 'jug pa yongs kyis med// sangs rgyas kun gyi ngo bo nyid// bskal pa mi 'gyur thog ma la// skal ldan mngon rdzogs rgyal po yis// rdul snyed rdo rje 'dzin pa la// 'dod 'dzin zhen pa grol ba'i thabs// man ngag dbang gi thabs kyis bstan// thog mtha' med pa'i bde ba che// rang byung thig le bsam mi khyab// chags bral chags chen 'dul ba'i phyir// thabs chen grol ba sna tshogs kyis// 'gro ba thabs kyis grol mdzad phyir// rdo rje 'chang ba'i 'khor tshogs la// 'das pa'i rgyal ba kun gyis bshad// sgyu 'phrul rol pa chen po 'di// ma lus 'dus pa'i thabs yin te// gsang ba nyams las mngon snang gis// rtog ge dman pa'i spyod yul min// gang du thabs kyi snang ba 'di// snga rabs 'das pa'i sangs rgyas kyis// 'dod chags bde bar rgyas byed pa// gsang ba'i thabs chen rgyud 'di bshad/ de dag thabs kyis gsal bar byed// de dag gang la thabs mtshon pa// mi 'dul log par 'jug par 'gyur// bde chen rol pa'i rang bzhin 'di// thabs chen dbang gi rang bzhin la// ting 'dzin rgyud pa'i thabs kyis

  99. 50a

    gsal// gzhan du sus kyang rtogs mi 'gyur// bskal pa grangs med rdul bral du// theg dman dka' thub rtog ge yi// byis pa rnams kyis mi rtogs pa// gsang ba'i thabs kyis mngon du 'char// ye shes dag dang ting 'dzin rgyud// las kyis gang la gsal byas pa// dngos po ji snyed ma lus pa// bde ba chen po nyid du 'gyur// 'di la khrus dang gtsang sbra med// cho ga sngags dang phyag rgya med// 'jigs dang ngo tsha zhen pa med// rang byung bde ba nyid du gsal// sgyu 'phrul dra ba thabs chen po// ma lus bcud 'dus thig le la// ye shes rdzogs pa'i ro ldan pa// gsang sngags thabs kyis mngon sum gsungs// thog ma med pa'i rgyal ba rnams// thabs dang shes rab rol pa yis// bde ba chen po las byung ba'i// zhing khams rgyal ba nyid du snang // gsang ba'i ye shes bde ba'i mchog/ ma lus thig le gcig 'dus pa// thabs dang ldan pa'i snod bcud pas// ma lus lhan cig skyes par gsal// ma lus rol pa bde mchog ste// rgyal ba rnal 'byor chen po rnams// bde ba chen po ro gcig pa// sangs rgyas kun gyi dgongs pa nyid// rang byung sgyu 'phrul dra ba las// nyi zla thabs kyis gang mtshon pa// zhing khams lus su bcas pa dag/ zag med bde bar snang ba dag/ thabs dang shes rab gnyis med pa// gang

  100. 50b

    yin thabs kyi sa bon rnams// rdul snyed grangs las 'das pa rnams// rdo rje ye shes hUM tshogs kyis// 'dres dang 'dzag pa'i thig le can// phyag rgya lnga dang bcas pa yis// thams cad rang rig gzugs su snang // bcud gsum las skyes bde ba la// rig pa bzhin du nyams gsal ba// phyi nang thig ler brtan 'gyur na// mi shigs thig le 'pho 'gyur med// mi 'gyur 'gro 'ong gnas dmigs bral// rten gyi thig le gnas gsum du// byed pa sdom pa thabs dang bral// snod bcud bde bar snang byed pa// mun snang gser 'gyur lta bur bshad// bskal pa grangs med 'das pa yi// bye brag brgyad cu la sogs pa// zhing khams rdul snyed ma lus pa// thabs mchog rol pa'i rgyud 'di gsungs// gsang ba'i gsang snying don 'di gsungs// ye shes mngon snang thabs kyi lung // ma lus bde ba rgyas byed pa// skal ldan rnams kyi blo la snang // sangs rgyas bde ba chen po 'di// byang chub rdo rje bcas pa la// thabs ldan gsang chen 'di gsungs te// gzhan pa dag la ma gtogs so// dpal ldan thabs kyi rgyal po 'di// slob dpon dam par mi 'dzin cing // dam dang man ngag med pa la// sangs rgyas rnams kyi bde chen 'di// bskal par mtshon kyang mi mthong ngo // rig pa thabs kyi brtul zhugs 'di// gang gis spangs te mi spyod do// ji ltar nam

  101. 51a

    mkha'i mtha' 'tshol ltar// byang chub 'bras bu cung zad med// 'das dang da ltar ma byon pa'i// sangs rgyas kun gyi sku gsung thugs// bde ba chen po mngon phyung ba'i// gsang ba'i thig le thabs kyi rgyud// 'gro ba zhen cing chags pa dang // thabs kyis mngon par grol byed pa// lhag pa'i lta ba gsal byed cing // spyod pa rmad byung mthu yis ni// ma lus byin rlabs bde 'byung zhing // ye shes lnga yi 'khor lo bskor// ma lus bde chen snang ba la// mi mthun tha dad yod ma yin// sgyu 'phrul thal ba'i rgyud chen po las/ 'das pa'i rgyal ba thabs kyi grol ba'i le'u ste nyi shu pa'o// // de nas gzhan yang bshad bya ba// da ltar phyogs bcu rdul snyed kyi// zhing khams phyi nang snod bcud bcas// sangs rgyas kun gyi dgongs pa bshad// 'di ni sangs rgyas thams cad kyi// rmad byung gsang ba bla na med// sgyu 'phrul dra ba chos kyi dbyings// gang du dmigs pa med pa ni// bde ba chen pos khyab pa ste// dbang dang man ngag la brten pa'i// dgongs pa thabs kyi khyad par gyis// gsang ba'i gsang ba mngon du 'char// kun tu sgyu 'phrul zab mo 'di// dbyer med dra ba don chen po// thog mtha' med pa'i don chen po// rang bzhin thabs kyi stobs las snang // thig le snod bcud bcas pa yi// ma lus thams cad dkyil 'khor nyid// rang la gnas

  102. 51b

    pa'i bde ba ste// sA lu'i khrod dang mar me bzhin// thabs dang shes rab gnyis med pa'i// phyi nang gsang ba'i dkyil 'khor nyid// rgyal ba kun gyi ngo bor bshad// rnam dag bla na med pa yi// sa dang rnam thar ji snyed par// ma lus pa yi thabs las byung // dngos dang dngos med rang bzhin mchog/ sgyu 'phrul thal chen rang bzhin las// dra ba shes rab gsal bar 'gyur// gnyis med thig le las byung ba// gsang chen thig le las kyi mchog/ sangs rgyas kun gyi sku gsung thugs// ma lus thig le bde chen po// phyogs bcu rgyal ba'i rang bzhin nyid// rang byung thabs kyi ngo bor gnas// gnyis med thabs las byung ba yi// byang chub thig le bcud las byung // zla ba nyi ma rtsegs pa las// dra ba bcas pa'i ye shes nyid// rang snying thig le bcas pa yi// 'bab 'dzegs gang las dbang bsgyur ba'i// ye shes rang byung thogs pa med// gsang ba'i thabs dang log rtog nyid// nyi zla phrad pa'i bzung bzlog gis// bar chad med pa'i lam las byung // gsang ba'i sa dang sems nyid rdzogs// log rtog 'gro 'ong thig ler bcas// gsang ba'i gnas nas gnas spyod pa// rtse nas rtse ru thogs pa med// bcu gsum sa la the tshom med// phyogs bcu rnal 'byor pho mo dag/ bde ba chen po dbugs phyung bas// rlung dang thig le sems su bcas// ma

  103. 52a

    rtogs skyes la dbang thob pas// rdzogs pa'i thig le gang bskul bas// nyi zla 'dres pa'i gar las byung // gsang ba'i byang chub thig le ni// zag pa med pa'i thabs kyis mtshon// thabs kyi rdzu 'phrul mthar phyin pa// mthong ba'i don nyid ye shes rdzogs// phyag rgya mtshon pa'i ngo bo las// bde ba chen por rgyas btang bas// gang yang mtshon pa las 'das pas// lhan cig skyes pa'i ngo bor gsal// de ltar phyogs bcur mtha' yas pa// rang byung thig le rang snang bde// me long dang ni gzugs brnyan ltar// gsang ba'i thabs la brten pa mthong // gsang chen thabs kyis sgyu 'phrul pas// ma bcos dra ba mtshon par snang // rgyal ba kun gyi dgongs pa ni// ma lus gcig dang tha dad min// gsang gsung thabs la brten pa yis// skye ba 'di yis rnam par grol// dwangs ma'i thig le bcud 'dus pa// thabs kyi snying por goms pas na// rang byung rig pa bde chen po// 'gro 'ong re dogs med pas gsal// bdag nyid ma lus kun snang ba// zhen pa rang gi ngo bor ldog/ zhen pa ma bcos rang snang bas// thams cad lhan cig skyes par gsal// pad+ma rdo rje la brten pa'i// thabs kyi lam la brten pa yis// rig pa phyi nang bcas pa'i sems// ma lus bde chen ngo bor grol// thams cad bde ba chen po la// zhen pas brtags pa rang snang

  104. 52b

    ba// dngos med dngos min gnyis ka min// thabs dang shes rab sbyor med pa'o// gang du rig pa dbyer med na// bde chen stong pa'i thig le la// mkha' ltar dngos dang dngos med spangs// 'di nyid sgyu 'phrul dra ba'o// sangs rgyas kun dang dbyer med pa'i// thig le gsang ba'i bdag nyid ni// thams cad bde chen dbyer med de// thams cad khyab pa'i tshul du snang // rang byung thig le bdag nyid ni// phyi nang gsang ba'i rang bzhin gyis// shes pa gang la goms pa yis// da lta nyid du 'grub par 'gyur// phyogs bcu'i rnal 'byor dbang phyug rnams// sgyu 'phrul dra ba brtan goms shing // thabs chen thig le gsal brtan na// mi g.yo rab tu dang ba'i yid// sangs rgyas kun gyi bdag nyid 'grub// gsang mchog thabs kyi rol pa yi// bde chen mnyam pa'i ngo bo nyid// skal ngan dman pa'i yul min te// rdo rje 'chang chen bcas pa'i yul// nyi zla gnas pa'i thig le nyid// dus gsum rgyal ba'i bcud yin te// man ngag thabs dang 'brel pa yis// sdug bsngal med par rtogs shing 'grub// rang lus thabs kyi rgyal po la// chags bas ldan gang zag gis// 'dod lnga rol pas bder sprad na// tshe 'di nyid la 'grub par 'gyur// bde chen rol pa'i thabs med na// tha mal zhen pa'i snang ba la// khyad par bye brag ci bsten kyang // lhan

  105. 53a

    grub rdo rje 'chang dang bral// rdo rje pad+ma ldan 'gyur zhing // byin rlabs thabs kyis gang spyod na// pad+ma la ni 'dam bzhin du// 'khor ba bde ba chen por 'gyur// zab cing rgya che mtshungs med pa'i// gsang ba'i rgyud kyi phyi ma 'di// dug gis dug nad sel ba ltar// thabs chen mchog tu shes par bya// skal med dman dang dbang med pa'i// log par gyur pa'i gang zag gis// bskal pa bye bar ci bsten kyang // log pa'i lam du ltung bar 'gyur// rang byung bde ba'i 'khor lo ni// sku dang gsung thugs gang gnas pa// bcud dang bde chen thabs mtshon pa// man ngag ldan pas shes par bya// rang byung bde ba chen po'i rten// 'khor lo gdugs dang srog shing gsum// dwangs ma thig le ye shes bcas// lnga ltar gsal zhing gcig tu thim// bde bas bde ba gsal byed pa// dka' thub 'jig rten chos dang bral// gang zag chags dang bral ba'i yig/ bde chen rol pa'i thabs 'jug cing // man ngag thabs kyis bde spyad na// thams cad bde chen bzhin du sbyor// sangs rgyas kun gyi gsung mchog ste// lhan cig skyes pa'i ye shes 'di// sgra dang tshad ma kun spangs nas// rol pa'i thabs chen ldan pas gsungs// de nas gzhan yang bshad bya ba// gsang ba'i thig le chen po ni// mngon pas mthong bas gong min te// las

  106. 53b

    dang yon tan mtha' bral zhing // dwangs ma ye shes 'khor lo bskor// 'dod pa lnga yis brgyan par gnas// nyi zla gsang ba'i pad+mar ldan// dga' zhing ldan pas gang 'jug na// thig le gong 'og 'bab pa la// dga' ba brgyad dang mtshungs par gnas// phra rags bcu drug shes par bya// gsang ba'i ye shes lnga ldan pas// kun tu khyab cing bar ma chad// thun mong thun mong ma yin pas// sprul pa'i phreng ba rgyun ma bcad// gsang ba rang byung snying po la// rang bzhin thabs kyi khyad par gyis// bcings gyur rnam par grol ba'i thabs// ma lus 'dir ni shes par bya// de nas gzhan yang bshad bya ba// thabs dang shes rab ldan pa yi// lha dang lha mor gnas spyad pa'i// skyes bu thabs kyi rang bzhin te// bud med shes rab shes par bya// gsang ba'i thig le 'og min gnas// las dang yon tan cher ldan zhing // ro dang nyams dang ye shes nyid// snying po thig le kun nas zlum// dga' bzhi thig le kun dang bral// nyi zla pad+ma'i rang bzhin kyang // gnas te sku gsung thugs nyid du// rang bzhin thabs dang 'brel bar bshad// tha mal zhen pa kun sdud cing // bde chen ye shes rgya mtshor 'khyil// gsang ba'i thabs dang mnyam sbyor bas// gsang ba'i nyi zla pad+mor bcas// thogs pa med par 'byung 'gyur te// sa dang pha rol phyin pa dang // las dang

  107. 54a

    yon tan dus gcig rdzogs// gsang mchog pad+ma'i dkyil 'khor du// bde chen rol pa 'di gsungs te// de las gzhan dang 'brel pa yis// bskal pa bye bar shes mi 'gyur// sgyu 'phrul thal ba'i rgyud chen po las/ da ltar rnal 'byor thabs kyis grol ba'i le'u ste nyi shu gcig pa'o// // de nas gzhan yang bshad bya ba// thabs chen gsang ba'i thig pa ste// gsang ba brtul zhugs rol pa 'di// kun gyi phyi ma rig pa mchog/ ma lus kun las mchog 'gyur zhing // thabs mchog bde chen phyag rgya mchog/ ma lus thabs kyi byin rlabs kyis// bdag gzhan bde chen phyag rgya sems// rgyal ba kun gyi sku gsung thugs// ma lus rol pa thugs nyid 'di// skal ngan dman dang rigs chad dang // byis pa rgan po ma ning dang // dka' thub lha ngan rnam par spang // thabs chen yid bzhin nor bu 'di// zab dang 'phel 'grib mi gnas dang // thabs chen skal ldan spyod yul de// gzhan la mi gnas spyod yul min// bskal pa bye bar mi 'byang ba'i// las dang nyon mongs sdug bsngal dang // sgrib pa bag chags thams cad kun// thabs chen gsang bas mngon du sel// dka' thub gdung bas lus gzir cing // lus sems sdug bsngal dbang bsgyur ba'i// sangs rgyas sras su gyur pas kyang // phyogs tsam reg par nus ma

  108. 54b

    yin// kun gyis spangs pa'i chags sdang lnga// 'dod lnga dran rtog phra rags bcas// thabs kyis de dag zil mnan nas// rnal 'byor bde ba'i pha rol phyin// tshad ma gzhan dang bral ba yi// rang rig bde chen byang chub sems// ngo bo rtog dpyod las 'das pa// 'gro 'ong mi yul bsam las 'das// thams cad byang chub snying po mchog/ gang phyir bde ba ye shes ni// cho ga thabs las shes par 'gyur// thabs bral thabs las rnam par 'jog/ rang bzhin thabs kyi pha rol phyin// thabs chen bde bas gang rtogs pa// bde bas dka' thub zil gyis gnon// sgyu 'phrul dra ba mngon rdzogs pa// thabs chen gsang ba'i thig le ni// rtogs shing goms par grol 'gyur te// gzhan gyis nam yang 'grub ma yin// rang bzhin rtogs goms byin rlabs kyis// dper na nyi 'od rin chen bzhin// las dang bsod nams rkyen dag las// chu dang me long gzugs brnyan ltar// dngos po ji ltar gsal ba ltar// thabs dang man ngag stobs kyis 'grub// sgyu 'phrul chen po thig le nyid// thabs dang shes rab gsal 'gyur bas// bde ba gsal la mi rtog pa// thams cad mkhyen pa'i stobs su snang // rang nyid phyag rgya stobs chen gyis// mi mthun gnyen po bral ba las// thabs chen gsang ba mthar phyin pas// man ngag ldan pas 'grub 'gyur

  109. 55a

    te// rang rig yon tan mngon snang bzhin// bye brag brgyad cu la sogs pa// bstan pa'i khyad par ci snyed pa// 'dul ba'i dbang gis snang ba ste// gsang ba 'dis ni rtogs par 'gyur// gang med de nyid mi 'byung phyir// dper na lus dang yan lag bzhin// dus gsum sangs rgyas bstan par bcas// rang byung bstan pa rgya mtshor 'dus// bskal pa bye ba bsam yas par// thabs dang dka' bas gang btsal bas// zab mo'i thabs rgyud mi mthong ste// zab mo rgyal ba'i dgongs par bshad// phyi nang gsang ba la sogs pa// thabs chen bstan pa gang gsungs pa// thams cad yan lag snang ba ste// kun gyi snying po 'di gsungs pa'o// zhing khams phyi nang bsam yas par// gleng gzhi gleng bslang rtog pa dang // cho ga'i dkyil 'khor grangs med par// thams cad 'dir gnas pa nyid do// 'das dang ma byon da ltar ba'o// sangs rgyas rnal 'byor thams cad kyi// lam mchog gsang ba 'di yin te// 'byung gnas 'byung nyid de phyir ro// khyad par thabs chen sgyu 'phrul 'di// gsang ba'i gsang mchog dam pa 'di// gzhan dang dbang po dman pa dang // ma dag pa la ma gnang ngo // rnal 'byor gsang bar zhugs rnams kyis// gsang chen rol pa'i thal rgyud las// dbang dang man ngag stobs kyis brtag/ tshe 'di nyid la 'grub par

  110. 55b

    'gyur// dka' thub gdung ba kun bral zhing // longs spyod lnga ldan cho ga yis// 'dus pa med pa'i spyod pa yis// 'jigs pa med par rnam par grol// nam mkha' lta bur gang rtogs pas// rgyal po'i spyod pa la brten na// bar chad med par gsal goms pas// yid bzhin nor bu lta bur 'gyur// gzhan yang gsang chen thig le ni// gsang ba'i yid 'phrog thabs kyi rgyud// ma lus thabs kyis rol spyad na// skad cig tsam gyis grol bar 'gyur// ma lus 'ching ba yul gyi dug/ rgyal ba'i dgongs pas dbang bsgyur nas// phyi nang yul sems snod bcud bcas// thabs chen bde bar mngon du gsal// bye ba brgya phrag mang po'i tshogs// lha rnams dang ni klu rnams dang // 'gro ba skal ldan thams cad kyis// 'dod pa'i yon tan lnga rnams la// ci 'dod par ni spyod bzhin du// dag pa dang ni bde ba dang // yid bde ba dang sems bde bas// ma lus gsang ba nyid du blta// rnal 'byor pho mor 'brel ba yis// ma lus tshogs la longs spyod cing // blta dang bgad dang 'khyud pa dang // dbang po thug dang zhal la sogs// phrad dang spyad pa la sogs pas// dga' zhing nyams dang thig le bzhi// lus sems dga' bar grol bar 'gyur// byin rlabs thabs kyi nyams ldan pas// nyams dang re dogs med pa yis// glu dang gar dang rol

  111. 56a

    pa'i thabs// sna tshogs thabs ni ston par mdzad// ma dag pa dang mi 'tshams shing // dag pa la 'tshams re dogs med// thabs spyod bye brag mtha' yas pa// ma bcos thabs kyi spyod par gnas// gsang chen rnal 'byor spyod pa 'di// dga' dang sbyangs pa'i rang bzhin las// gzhan dang byis pa tha mal dang // sgro skur ya gar gnas la sogs// byin na bar chad 'byung 'gyur te// dmyal ba yi/ dwags byol song sogs// bskal pa rdul snyed gnas 'gyur te// bde bas phongs pa nyid du 'gyur// bskal pa zhing gi rdul snyed du// sbyangs dang bsags pa gang yin pa// skal ldan 'ga' yi spyod yul te// bsgrub bya'i 'bras bu snying po nyid// gsang ba chen po thal ba'i rgyud// ma lus dag pa'i 'jig rten du// skad cig byin rlabs snang mdzad pa// gsang chen rmad byung theg par bshad// sgyu 'phrul thal ba'i rgyud chen po las/ gsang ba theg chen bstan pa'i le'u ste nyi shu gnyis pa'o// // de nas gzhan yang bshad bya ba// rtog pa kun las rab 'das pa// brtag pa kun gyi ngo bo nyid// sgyu 'phrul dra bas mngon snang ba// sangs rgyas kun gyi rang bzhin ni// dag dang ma dag khyad par gyis// phyi nang yul sems dbang por bcas// ma bcos rang rig dbyings su 'dus// 'khor dang mya ngan 'das pa yang // gzhi rtsa med

  112. 56b

    dbyings skad cig ma// mi gnas tshul gyis gnas 'gyur te// de la gnas pa gang yang med// 'byung ba lnga dang phung po lnga// khams dang skye mched la sogs pa// thabs dang shes rab ldan gyur pa'i// gnyis su med par rang bzhin gnas// rgyal ba'i dkyil 'khor rdul snyed pa// zhing dang longs spyod mdzad pa dang // ma lus gnyis med snang ba ste// dbyer med rig pa rang snang ngo // phyi dang nang dang yul sems dang // ji snyed spyod yul 'gyur ba kun// nam mkha' la ni gza' skar ltar// chos kyi dbyings las don 'byung ste// bya byed med par ngang gis snang // phyi nang gsang bar bcas pa yi// kun gzhi thabs kyis gsal byas pas// ma lus rang snang 'jig rten pas// spang dang spang bar bya ba med// dbang po yul dus rnam shes tshogs// ma lus gnyis med rang snang ba// skyes bu thabs kyi spyod yul te// skal ldan dag gis shes par bya// thugs kyi bde ba chos kyi dbyings// rang rig bsam pa'i yul las 'das// de nyid ji ltar gsal ba ltar// thabs kyi rdzu 'phrul sna tshogs 'dzin// gang dag gang la dbang ba ni// 'di ni dbang po mchog tu gsungs// brten pa'i shes rab bcas pa yi// dmigs par bya ba'i yul nyid do// ji snyed chos rnams bsam yas pa// thun mong thun mong ma yin pa'i// rten gyi bya ba thams cad

  113. 57a

    kyang // dbang po yul du 'dus par bshad// ji snyed chos rnams rdul snyed pa// 'jig rten 'jig rten 'das pa yis// nang dang phyi ru bstan pa kun// rang rig ye shes mchog tu gsungs// thabs mkhas bye brag cir bstan pa// thabs kyi khyad par snang ba yin// e ma gar mkhan 'khor lo bde// ma skyes stong pa'i rang bzhin las// sgyu 'phrul dra ba bde ba'i mchog/ gsang dbang pad+mar 'brel ba na// bde ba mchog tu 'byung 'gyur te// skad cig tsam gyi bde ba yis// bag chags thams cad zil gyis gnon// rang byung las kyi sgyu 'phrul las// gsang ba'i thabs dang ldan pa yis// bde chen gsang bar gyur pa na// spyod yul pad+ma lta bur 'gyur// rdo rje dbang yul 'dus pa las// phyi nang yul sems bcas pa'i chos// nyi zla thabs kyi 'gro 'ong la// ma lus 'dir ni 'dus pa nyid// gsang ba thabs kyis sgyu 'phrul las// ji snyed chos kun rang bzhin 'char// thams cad thig le bde chen la// yul dbang phyi nang spro bsdu med// rang byung thabs kyi sgyu 'phrul ni// dkyil 'khor kun gyi thabs bcud de// thabs dang shes rab 'brel pa las// 'bras bu rang bzhin gsal bar 'char// thabs la stong pas rgyas btab cing // stong pa la ni bde bas btab// ro gcig bde ba chen po rgyas// phyi nang yul sems kun tu btab// ma lus

  114. 57b

    bde chen thig le ste// dngos po nam yang yod ma yin// nam mkha'i dbyings kyi mtha' klas par// gnyis med bde ba rol pa'i mchog/ gsang ba dbang gi cho ga las// bde chen lam la bar chad med// dbang po mchog gi yul du gyur// de bas gzhan gyi spyod yul min// sangs rgyas kun gyis byin brlabs pa'i// rang rig bde chen gnyis med 'di// man ngag thabs kyis mtshon pa las// tshig dang yi ge'i spyod yul min// ma lus gsang ba'i rang bzhin la// gsang ba thabs kyis gang mtshon na// bag chags bsal ba'i ye shes kyis// thams cad mnyam pa nyid du gsal// thabs chen rol pa mngon bstan pa'i// gsang ba kun 'dus thabs kyi rgyud// skal ngan dman la sbas pa ste// thabs chen ldan pas shes par bya// skye med sgyu 'phrul dra ba las// thabs chen rol pa'i cho 'phrul gyis// 'gro ba chags pa can don du// sna tshogs 'gro ba 'dul bar mdzad// sna tshogs bcud ldan thig le yis// 'khor lo yul dang dbang po chos// thabs chen las byung bde ba yis// rig pa'i 'khor lo khengs pa yis// phyi nang yul sems chos rnams kun// ngo bor bde chen mya ngan 'das// thabs dang shes rab 'brel pa yi// dbang po yul sems ldan pa la// lus dang sems las byung ba kun// rgya mtsho'i rlabs dang tshwa chu ltar// rang bzhin bde ba chen

  115. 58a

    por thim// brtags pa'i bye brag sna tshogs pa// ngo bo nyid ni cir snang yang // rang bzhin ngang la dbyer med de// thams cad ma bcos ngang du zhi// ma byas rang byung rang snang bas// yul dang dbang por bcas pa kun// ngo bo gcig tu gsal bar gnas// ma lus ye shes brda' las 'das// ma lus ye shes rang snang zhing // sgyu 'phrul thabs kyi me long la// dra ba gzugs brnyan rang bzhin 'char// sku 'phrul thal ba'i rgyud chen po las/ rdo rje dril bu tshad bstan pa'i le'u ste nyi shu rtsa gsum pa'o// // de nas gzhan yang bshad bya ba// gang dag don la 'gal byed cing // thams cad log pa'i dbang song ba'i// spyod pa de yi 'bras bu bshad// rang bzhin dbyer med don gcig las// log pa'i rtog la zhen dbang gis// dbyer med mnyam pa'i rang bzhin las// bdag gzhan bde sdug sna tshogs snang // log rtog rgyu 'bras zhen brtags pa// dngos med log rtog brtags dbang gis// bag chags zhen goms dbang gis na// 'khor ba'i rang bzhin brtags par gyur// thams cad gsang ba'i rang bzhin las// rig pa'i khyad par cir snang ba// rang rig ye shes de bzhin nyid// dngos med dngos snang de bzhin nyid// ma mthong tha dad dbang dang ldan// rang bzhin don las spangs don ci// dgag bsgrub don la nges brtson

  116. 58b

    nas// gnyen po'i thabs kyis gang sbyangs pa// rang rig rang la bcings pa yin// dka' thub sdom pas gzir ba yis// las dang bya ba la brten pas// gnyis ka rnal 'byor la brten pas// 'bras bu thob/ par 'dod pa yin// gsang ba thabs kyi rnal 'byor pas// gang la brten nas rtogs goms pas// dka' thub rtsol ba kun spangs nas// tshe gcig 'bras bu rang las 'byung // slob dpon thabs la mkhas pa dang // cho ga'i rim pa dang ldan pas// gang ltar brtsam pa de bzhin du// nges par 'byung bar the tshom med// log pa'i dbang du zhugs pa dang // gang du sbyangs min rang bzhin ngan// le lo g.yengs pas bslus pa dang // 'khor ba na ni yun ring gnas// byang chub sems ni ma skyes shing // dad dang dam tshig ring spangs shing // bla ma dag la rgyab kyis phyogs// dbang dang man ngag mi ldan par// gsang sngags rang bzos 'jal bar byed// log pa'i spyod pa'i dbang song ba// 'di lta bu yi sdig can ni// rdo rje dmyal bar skye bar 'gyur// bla ma mnyes par ma byas shing // zhe sdang la sogs nyon mongs ldan// bag chags ngan pas rang bzhin bcings// log rtog zhen po'i mthur ldan pas// gang ltar bgrod pas log pa'i lam// log pa la ni gzhol bar 'gyur// gsang ba'i don mchog 'di dag ni// dam pa rnams kyi yul yin

  117. 59a

    te// dman pa rtog ge la sogs pa'i// yul du nam yang 'gyur ma yin// gang du 'ching ba'i las rnams kyang // thabs dang ldan pas grol bar 'gyur// gang du thabs dang mi ldan pas// thams cad 'ching ba'i mdud par 'gyur// de bzhin gshegs pa'i gsang chen 'di// thabs dang man ngag mi ldan par// dregs dang nga rgyal dbang song bas// thams cad 'khor ba'i rgya mtshor ltung // gang du thabs dang mi ldan pas// 'dod lnga chags pas rol spyod na// thar pa'i bde ba spangs nas ni// 'khor ba las ni thar mi 'gyur// gang du dngos po'i rang bzhin la// bde sdug zhen par mi gnas kyang // las dang nyon mongs zhen pa la// thams cad log pa'i stobs su snang // gang du gang med de bzhin nyid// de la de snang ngo bo nyid// gang la de yi rang bzhin ni// gang ma yin te de bzhin nyid// 'gro 'ong gnas pa las grol ba'i// mtshan nyid zhen pa las 'das pa// ngo bo log pa'i rkyen gyis bsgyur// tha mar log pa'i grong khyer brgyud// dngos 'dzin log pa'i dug nad kyis// dngos bral dngos por rang btags pa// mthong ba log pa'i stobs ldan pas// 'khor ba'i grong khyer thar pa med// chags dang chags bral ltung ba'i gnas// zhan dang spang dang 'geg dang sbyang // bsgyur sogs mtshan ma'i dbang song bas// nam mkha' la ni

  118. 59b

    'phyos pa bzhin// sdug bsngal rgya mtshor ltung bar 'gyur// theg pa mchog la mi chags shing // 'dod lnga chags pa spangs pa dang // bu mo mtshan ldan spangs pa ni// thabs bral 'khor ba'i rtsa ba yin// thabs dang bral ba rang bzhin gnas// tshangs pa bde ba'i skar khung nas// thig le 'bar nas rgyu ba ni// thabs kyi bsam pa'i lam gang bcad// 'bar ba brgyad po thim par bya// shar ba rdo rje hUM gi bdag/ rtsa ba lo mas gang bsdus pa// yid ni smin mtshams gyen la gtad// gsang ba'i gter la longs spyod bya// gsang ba'i yid ni 'pho 'gyur na// bya ba la sogs rang dor nas// rnam shes sa la thim 'gyur te// sa yang chu la thim par 'gyur// chu ni me la thim gyur pas// de nyid rlung la thim par 'gyur// rlung ni snying po'i thig ler te// de las me long gzugs bzhin du// ma skyes stong pa'i grong du 'pho// skye ba med cing 'gag pa med// rgyu ba med cing zag pa med// sha khrag gshang gci khu ba med// nam mkha' lta bur gnas pa nyid// gsang ba'i dkyil 'khor gnas chen la// rgyal ba kun gyi gzhal yas khang // til 'bru lta bu'i pho brang ste// rtsa gsum 'dus pa'i rtse mo ste// bam dbyibs gnyis med phrad pa las// nyi zla phrad pa'i thig le las// rim par skye ba'i ye shes ro// gnas nas gnas su 'pho ba yin// bcu drug skye bar the tshom

  119. 60a

    med// thig le zung 'jug bde ba ni// sangs rgyas kun gyi rang bzhin phyir// bag chags mtha' yas kun sel te// 'bras bu lhun grub rang la 'char// rang byung thig le rten dang bcas// lus can kun la khyab pa ste// zag pa yod med kun dang bral// thig le chen po g.yo ba med// thabs dang shes rab thams cad ni// sbyor ba'am rang gi stobs las byung // nyi ma zla ba rgyas pa ni// rang gi stobs kyis bzung ba ni// gnas dang gnas min khyab pa'i bar// gsal brtan nges las ye shes skye// gsang ba'i thabs kyis nges skye na// mun pa la ni mar me ltar// bcu drug rim par 'phel bar 'gyur// rang gi nyams las shes par bya// phyi nang bde ba'i thig le la// ma lus chos kun rang gnas pas// rnal 'byor rig pa'i thabs tshul gyis// gzhan du ma yengs tshul gyis blta// sangs rgyas kun gyi bde ba ni// 'gro 'ong 'phel 'grib med pa ni// dus gsum bral ba'i thig le ste// nam mkha' lta bur 'gyur 'jig med// lus sems yid byed med pa yi// bde ba rang rig bsam mi khyab// rgyu rkyen zag pa'i yul las 'das// thig le 'gro 'ong rgyun dang bral// nga rgyal phrag dog ldan pa dang // yo byad yod dang med pas kyang // thabs 'dis grol 'gyur the tshom med// gsang ba'i thabs la gang gnas pa// rigs dang na tshod

  120. 60b

    gang yang rung // phyi nang yul sems chos thams cad// bde ba chen po'i ngo bor ldog/ dbang dang man ngag byin rlabs kyis// sgra dang bral ba'i bstan pa nyid// snying gi dkyil nas byung 'gyur te// bde chen thig le 'phel 'grib med// rang rig sems kyi bde ba la// rgyu 'bras dang ni zag pa dang // 'byung 'jug yengs dang ma yengs med// bde chen khyab pa rang bzhin gnas// gsang ba yid gnyis med pa yis// thabs kyi bye brag bskul gyur na// ye shes nam mkha' mtha' thug med// thams cad myur du 'grub par 'gyur// gsang chen rol pa'i spyod pa las// tha mal pa dang dman pa med// dka' thub gtsang sbra zhum pa med// lha dang sngags dang phyag rgya med// dkyil 'khor sbyin bsreg 'phro 'du med// de bas sgyu 'phrul thabs chen po// sangs rgyas kun gyi gnyis med bde chen dbyer med pa// thabs dang shes rab mi phyed pa// 'di ni sangs rgyas rang bzhin nyid// nyi zla thabs dang shes rab kyi// ro gnyis 'dus pa'i stobs las skyes// de la mi rtog rtogs pa'i bdag/ rdo rje sems dpa' bde ba'i mchog/ drangs ma'i bde ba la brten nas// rten med bde ba nges par skye// ma skyes nam mkha' lta bu ni// rtogs dang goms pa'i stobs kyis 'grub// ma skyes bde chen ma rtogs par// mtshon pa'i thabs la bder gnas na// dngos po

  121. 61a

    zhen pa'i 'du shes kyis// ngan 'gro'i rgya mtshor ltung bar 'gyur// bud med rigs la gang brtags pa// lam dang nus pa'i khyad par gyis// 'ching grol khyad par de bzhin te// zag pa yod med don gyis brtags// gsang ba'i bud med bsten par bya// lus can yid can ye shes can// gang du thabs dang goms pa dang // mthar phyin lhun gyis grub par sbyor// tshogs bsags las rgyud dag pa dang // thabs lam mchog la rngon sbyangs dang // dam pa mchog gi spyod yul te// gzhan dang bskal pa bye bas min// gang dang bral ba'i bya ba thams cad ni// srid pa'i rgya mtshor sdug bsngal zhen pa ni// tha ma dman dang log pa'i dbang song bas// sgyu 'phrul dra ba'i thabs dang bral ba yin// 'khor ba'i dug 'joms thabs mchog rnams spangs nas// zhen chags mtshan ma dka' thub lam spyod pa// long ba bde bor g.yang sa stsogs pa ltar// sgo gsum zabs chen bral ba ltung ba'i rgyu// gang du dbang dang dam tshig brtul zhugs can// gsang ba'i spyod pa dga' zhing rigs ma bsten// lus dang sems kyi 'khor lo bde ba'i khu bas 'gengs// 'jig rten zil gnon 'khor ba'i mun pa sel// ye shes sgron mes bde chen gsal bar byed// thabs chen ldan pas pad+ma la bzhugs nas// lus nyid bde bas sems kyi don bstan

  122. 61b

    nas// rang rig byang chub sems ni bde chen 'khor lo can// sdug bsngal mtshan ma med par myur du 'byung // bskal pa brgya phrag du mar rab brtan pa'i// mun nag 'jigs su rung ba'i khang pa dag/ thabs la mkhas pa'i sbyor bas brtsams pa yis// the tshom med par myur du sel bar byed// thog ma med pa'i bag chags thun mong dag/ thabs dang theg pa gzhan gyis gsal dka' ba// dbang dang man ngag thabs kyi mar me yis// skal ldan snying gi mun pa myur du sel// rang sems bde chen rten byed sems kyi rin po che// 'dod lnga longs spyod dga' dang bde bas gus brten na// 'bras bu lhun grub ya mtshan rmad byung ba// gzhan la rag ma lus par rang las 'byung bar 'gyur// thabs chen thabs las byung ba'i sku gsung thugs// bde chen zag med nam mkha' lta bu nyid// slob dpon mthu las 'dod pa 'grub 'gyur gyis// dman dang log pa'i thabs kyis 'grub pa med// gsang chen rol pa'i thabs la mkhas pa ni// dus gsum rgyal bas byin gyis rlabs pa ste// dman pa mtshan ma'i rnal 'byor dpag med du ma yis// de yis ba spu'i bu gar char mi nus// sgyu 'phrul thal ba'i rgyud chen po las/ thams cad yid dang chos su 'dus pa'i le'u ste nyi shu bzhi pa'o// // de nas gzhan yang bshad bya ba// gang du thabs ni med pa

  123. 62a

    yi// brtags pa'i sgyu 'phrul du ma las// bsdus pa'i thabs ni bshad par bya// rtog pa'i bye brag thams cad ni// bzhi bcu rtsa gnyis 'dus pa ste// sku gsung thugs su bsdus pa nyid// rang rig chos kyi dbyings su thim// phyogs bcu'i rgyal ba rdul snyed pa// bzhi bcu rtsa gnyis ngo bo ste// de nyid sku gsung thugs kyi bdag/ de nyid ma skyes chos kyi dbyings// phyag rgya dang ni sngags dag dang // bzlas pa dang ni mchod pa dang // dkyil 'khor sbyin bsreg la sogs pa// dang po'i las can la bshad de// rgyud kyi phyi mo 'dir mi 'dod// spros pa can la bshad pa yin// gsang ba las kyang gsang gyur pa// rang lus dkyil 'khor phyag rgya dang // lha yi dkyil 'khor grangs med dang // mchod dang bzlas pa sbyin bsreg dag/ thabs kyi cho ga mkhas pa yis// rang gi lus la bskyed par bya// rang lus bde ba chen po'i dbyings// mkhas pas thabs la gnas pa yis// khrus dang dka' thub mi bya ste// longs spyod kun gyis tshim par bya// bdud rtsi lnga dang bcud dag dang // mi mo mtshan ldan bcu drug ma// mtshan ldan lus rgyas yid 'ong ba// 'dod pa'i yon tan lngar ldan pas// bdag gi lus sems mchod par bya// gtsang sme'i rtog pa mi bya zhing // bslang mo'i bya ba sbyang gnas min// lus sems bde bas brgyan byas nas// bde bas

  124. 62b

    bde ba myur du 'grub// tsit+ta'i dkyil 'khor rin po che// bye phrag thig le mang po rnams// kun las 'dus par gyur pa ni// dngas snyigs thig ler 'dus pas na// bcud kyi thig ler gsal ba la// ro lnga'i khyad par kun rdzogs pas// ma lus 'dus pa'i ngo bor gnas// tshangs pa bde ba chen po yis// sems kyi bum pa rgyas pa yis// lus kyi bde ba rgyas byas nas// rang la dgongs pa lhun gyis grub// 'dul bar bya bas kun kyang spyad// gsang spyod bde ba'i thig le la// yon tan ma lus lhun rdzogs shing // zhen pa ma lus rang log nas// lhan cig skyes pa'i ngo bo gsal// bde ba rang gi gsal ba la// mtshan ma thams cad kun zhi nas// sgyu 'phrul dra bar gnas pa ni// dus gsum sangs rgyas thams cad do// rang lus thabs kyi bder gnas pa// rim pa dbang gis byin brlabs pa'i// thabs kyi ye shes mngon thob pa// bcu gsum sa rdzogs yon tan thob// rang byung ye shes dkyil 'khor la// rgyu dang 'bras bu kun rdzogs pas// sku dang gsung thugs yon tan las// ma lus bdag nyid las byung ba// dpag bsam shing dang rin chen bzhin// dang por mtshon pa'i dbang thob pas// zhen med bde ba chen po skye// rig pa ma skyes bde ba'i sems// thabs la mkhas par 'byung bar 'gyur// zhen cing 'dzin pa grol bar

  125. 63a

    'gyur// bde ba chen por rab gnas pa// thabs dang ldan pa'i rim nas rim// bde ba chen por mthar zug med// ji ltar tshes nas bcu drug ltar// rang gi yon tan rdzogs par 'gyur// ting 'dzin nyams kyi drod ldan la// rig pa'i lha mo rol dbang gis// dang po nas ni sa brgyad par// sa yi rim pa 'phel bar 'gyur// de nas phyogs bcu dag pa'i zhing // rin chen mdzes pa'i gzhal yas su// sa bcu'i dbang phyug rtsal rdzogs la// phyogs bcu'i rgyal ba kun 'dus la// ye shes lha mor rol dbang gis// zhen pa tha ma rang dag nas// nam mkha' mtha' dbus med pa la// nyi ma rdul med shar ba ltar// sems dang sems las byung ba kun// thog ma tha ma med pa yi// lhun gyis grub pa'i ye shes shar// rig pa rdo rje 'dzin pa ni// dang po rnam par smin pa ste// de nas ting 'dzin yid kyi lus// de nas sprul pa'i lus su ste// tha ma ye shes lus mthar phyin// dang po lha yi dbang po ste// gnyis pa rigs bzhi sems dpa'i tshul// gsum pa rgyal ba lngar gnas pa// mthar thug kun bzang rdo rje 'chang // ye shes rigs dang dkyil 'khor dang // sangs rgyas dkyil 'khor kun 'dus shing // cho ga'i mtshan ma phyag rgya sogs// ma lus rtog pa 'dus pa ste// rtogs pa'i rgyal po bla na med// thabs mchog ma lus 'dir 'dus

  126. 63b

    pa// dman pa'i grong khyer bcom pa yis// rang byung ye shes 'phel bar 'gyur// ji snyed theg pa'i bye brag dang // sngags dang phyag rgya dkyil 'khor dang // sbyin bsreg 'khor lo lha dang bcas// ji snyed rnam par ma bshad pa// 'di nyid mtshon pa'i thabs yin te// gzhan ni dgongs pa yod ma yin// de bas thabs mchog 'di nyid ni// rtog pa bsdus par bshad pa yin// phyogs bcu mtha' yas ma lus pa'i// rdul snyed sangs rgyas thams cad kyang // thabs chen sgyu 'phrul dra ba ste// 'bras bu kun kyang 'dir bsdus pa'o// gang phyir dngos po 'dir mthong bas// blta ba thams cad 'dir 'dus pa'o// rnal 'byor thabs chen rtogs pa la// gtsang sme blang dor mi gnas pas// dpa' bo seng ge bzhin du spyad// spyod pa cho ga mdor bsdus pa'o// dkyil 'khor dpag med mtha' yas pa// byang chub sems kyi dkyil 'khor te// bde ba chen po'i dkyil 'khor 'dir// dkyil 'khor ma lus 'dus pa'o// bden gnyis dbyer med byang chub sems// mkha' ltar gnas pa'i don rtogs nas// dbang mchog nyid du 'di gsungs te// dbang gi cho ga 'dir 'dus pa'o// sgo gsum mnyam par rtogs pa las// thams cad bde ba chen po nyid// ma lus skyon bral dam pa la// bsrung bya ma lus 'dir 'dus pa'o// dngos grub kun gyi snying po mchog/ bde chen

  127. 64a

    mchog las gzhan med de// sku gsung thugs sogs dngos grub mchog/ grub pa kun gyi snying po mchog/ zhi ba rgyas pa dbang drag dang // las kyi bye brag mtha' yas pa// byang sems bde ba la gnas pas// ma lus 'dir ni 'grub par 'gyur// gsang ba'i lam mchog sems lnga ste// thabs mchog steng 'od las byung ba// g.yo ldang 'jug gnas mthar phyin pas// mi ldog thabs kyi pha rol phyin// mdor na bsdus dang lam dag dang // bsgrub dang las tshogs mtha' yas pa'i// rtogs pa mtha' las bsdus pa ste// zab mo phyi ma mchog gi yul// snga ma dag tu ma gsungs pa// dbang dang dam tshig dman pa dang // mtshan ma dag la mos dga' ba'i// blo dang rig pa'i spyod yul min// gsang ba zab mo'i thugs kyi rgyud// rol pa spyod cing dga' bder gnas// rigs chad dka' thub ldan pa spangs// dga' bde ldan pas gang spyad pa// ma lus yid bzhin nor bu bzhin// gsang sngags byin rlabs thabs kyis 'grub// bya ba ma lus mdor bsdus pa// bya ba med par yang dag 'grub// gsang ba thal rgyud chen po 'di// yon tan che ba kun gyi gnas// sgyu 'phrul thal ba'i rgyud chen po las/ rtog pa bsdus pa'i le'u ste nyi shu lnga pa'o// // de nas gzhan yang bshad bya ba// gsang ba chen po rab nges pa// snying po las

  128. 64b

    kyang snying po mchog/ sgyu 'phrul zal rgyud chen po 'di// phyogs bzhi dus bzhi ma lus pa'i// nam mkha'i mthar zug rgyal ba rnams// gsang ba gang la zhugs pa na// 'gro ba chags pa can don du// 'dul ba'i gang zag la dgongs nas// thal chen bde ba gsang ba'i mchog/ 'gro ba snyigs ma la dgongs nas// gsang ba 'di ni bstan par mdzad// byang chub sems dpa' lha mo'i tshogs// bde ba chen po nyams ldan pas// dgyes pa'i brtse ba'i rol pa yis// thabs chen lam la gnas par mdzad// mkha' 'gro ma mo phra men ma// rgyal po 'khor du 'dus pa rnams// kun kyang thig le yid g.yos nas// blta dang chags pas 'khyud byas dang // brtse dang gzhi ba dang zhal sbyor dang // dkar 'dzin 'gying ba'i tshul gyis ston// sems dpa' lus 'dar mig dngas nas// chags pa'i gar ni sna tshogs byed// dga' ba'i tshul gyis tshig/ bshad brjod// kye kye rgyal ba thams cad gzigs// rgyal ba thams cad dgongs pa yi// thig le chen po thabs kyi mchog/ 'gro ba lam mchog bder ston pa// sgyu 'phrul dra ba lam gyi phugs// thabs dang shes rab dbyer med pa'i// bde chen rig pa bsam mi khyab// dngos nyid bde gsal thog mtha' med// nyon mongs kun las rab grol ba'i// 'khor ba bder gnas thabs kyi mchog/ 'dod chags chen po bde ba

  129. 65a

    che// 'dod chags chags bral chags pa 'joms// tha mal mtshan ma rnams 'jig cing // dga' zhing bde bar ldan pa yis// gdung zhing dka' thub sdug bsngal med// thun mong zhen pa log pa des// gang ltar bsam pa 'grub par 'gyur// rig pa brgyud par grags pa 'di// thabs ldan rig pa 'dzin pa can// sa mthar pa tra ru tra lus// 'dod lnga thabs kyis don rtogs nas// chags can zabs kyis grol mdzad phyir// snying gi dkyil 'khor sgo phyes nas// mchog dga' bde ba lhan cig skyes// 'khor ba pad+ma'i sdong po ltar// ma spangs thabs su sbyar bas na// thal bas khengs pa'i 'jig rten du// thal ba'i dbang por lung bstan thob// sgyu 'phrul thabs kyi gsang rgyud 'di// dbang phyug rgyal po'i gter 'dzin cing // dgongs dang dbang phyug dam tshig ldan// chags thung thugs brtse 'gro ba skyob// gzi brjid che la nogs thub pa// 'di la gsang ba bstan pa gtad// 'gro ba skal ldan dad pa can// lus dang srog la mi blta zhing // brtul zhugs shes rab bstan par ldan// slob dpon bzung dang grogs dag la// srog dang mig ltar blta bya zhing // lus dang 'tsho ba longs spyod dang // bu dang chung ma rta la sogs// bdag gi lus kyang dbul bar bya// sangs rgyas kun gyi rang bzhin du// bla ma dus gsum blta bya ste// 'gal dang

  130. 65b

    nyams par 'gyur ba'i las// rdul cha tsam yang mi bya'o// dbang phyug rgyal pos gnyer gtad pa'i// gsang ba thugs kyi rgyud chen 'di// rgyal sras rigs nges bder spyod cing // 'khor ba'i tha ba kun spangs shing // bde ba chen po 'phel byed pa// 'dzin pa 'dzin par byed pa la// gsang ba dam par nges par gtad// yid bzhin nor bu 'chang ba ltar// bsam pa yongs su rdzogs byed pa// gsang ba'i snying po nges pa 'di// rig 'dzin rgyal sras kun la gtad// sgyu 'phrul thal ba'i rgyud las/ sgyu 'phrul chen po bstan par gzung ba'i le'u ste nyi shu drug pa'o// // sgyu 'phrul thal ba'i rgyud chen po rdzogs so// rgya gar gyi mkhan po bi ma mai tra dang / d+ha na kumA ras 'phan yul du bskur cing gtan la phab pa'o// @#// rgya gar skad du/ gu h+ya gar+b+ha ta tra bi ni sh+tsa ya ma hA kro d+ha ba la yo gi shwa ra sid+d+ha mA yA dz+wa la tan+ta/ bod skad du/ gsang ba'i snying po de kho nyid nges pa'i khro bo chen po stobs kyi rnal 'byor dbang phyug grub pa'i sgyu 'phrul dra ba'i rgyud/ dpal 'jam dpal rnon po la phyag 'tshal lo// 'di skad bdag gis bshad pa'i tshe/ 'jig rten gyi bdag po bcom ldan 'das 'dod chags chen po/ zhe sdang chen po// gti mug chen po de'i gzhal yas khang na/ dbyer med pa'i bde ba dang ldan pa/ de'i tshe de'i dus na byang chub sems dpa' chen po sa'i snying po la sogs

  131. 66a

    pa du ma dang thabs cig tu bzhugs te/ de ltar til gyi gang bu bzhin gang nas khyab par bzhugs so// de nas bcom ldan 'das kyis de'i tshe 'di skad gsungs so// bsgrub pa'i don chen gang bsgrub pa// kro d+ha nye ba'i lha bsam ste// rnal 'byor srog dang rtsol ba la// zhi gnas lhag mthong bsgrub par bya/ de nas bcom ldan 'das de dag dang / byang sems de dag thams cad kyis/ gsungs pa'i don yang dag par zhu ba'i phyir gsol pa/ kye kye bcom ldan 'das legs chen po// rnal 'byor lam la legs brten tshe// ji ltar khro bos phyogs dgang srung // srog rtsol bden gnyis ji ltar bskyed// de nas bcom ldan 'das des bka' stsal pa// yid 'ong bde ba'i phyogs dag tu// las dang dgos pa ldan pa yis// rnal 'byor bar chad bzlog pa'i phyir// srung ba'i 'khor los bsrung bar bya// zhe sdang rdo rje sems dpa' che// rang gi gnas la dga' ba'i phyir// bka' sdod gnod mdzes bdun du bskyed// gnod mdzes khro bo'i hUM gi sgras// las rnams bsgrub par bya ba'i phyir// bdag nyid 'khyil ba khro bo che// rang las phyung ba gnas su bzhag/ sprul pa chen po'i byin rlabs ni// zhal nas 'gugs pa'i khro bo'i rgyal// las dag myur bar bya ba'i phyir// las las las byung hUM gi sgras// gang dag 'gugs pa'i las byas

  132. 66b

    nas// gsum gyi mthar ni gnas byed pa'o// chos sku bde ba'i longs spyod dang // sprul pa'i byin rlabs skur sprul pa// gnas pas gnas ni dga' bar byed// de la bgegs 'gugs pa'i khro bo hUM gi sngags ni// oM suM b+ha ni suM b+ha hUM/ gr-ih+Na gr-ih+Na hUM/ gr-i h+NA pa ya gr-i h+NA pa ya hUM/ A na ya ho// b+ha ga wAn/ bid+yA kro d+ha hUM phaT/ de nas bsrung bar bya ba'i phyir// 'dod las gnod pa bkug ma thag/ rim par gnas su bsdu bar bya// de la bsdu ba'i snying po ni// sang ha ra Na hUM/ de nas bsdus pa'i chos kun las// hUM gi sgras bskyed hUM las ni// hUM las bskyed pa'i khro bo che// rnam rgyal gshin rje rta mgrin dang // bdud rtsi 'khyil pa dbyug sngon can// mi g.yo mgon po 'dod pa'i rgyal// khams gsum rnam rgyal karmA kuN+Da li// gnod mdzes rgyal pos steng 'og phyogs mtshams bsrungs// gnod sbyin sngags kyi rgyal po la// mi g.yo mi 'gyur brtan par byos// zhes bsgo'o// de'i tshe gnod sbyin 'dul mdzad bdud rtsi khro bo che// phur pa blangs nas byin brlabs sder mo'i tshig/ rta mgrin rim bzhin 'dod pa'i rgyal po gdab// 'dod pa'i rgyal po a mr-i kun+da li// gnod mdzes rgyal pos steng 'og rang byin brlab// de la byin gyis brlab pa'i sngags ni// oM g+ha g+ha g+hA ta ya g+ha ta ya sarba duSh+TAn phaT phaT/ kI li kI la ya/ sarba pA paM/ phaT phaT phaT/ hUM hUM hUM/ badz+ra kI la ya//

  133. 67a

    badz+ra d+ha ro Adz+nyA pA ya ti kA ya wA ka tsit+ta nan/ hUM phaT phaT/ gzhan du bgegs bskrad pa ni/ las thams cad pa'i sngags 'di'o// oM ts+tshin+da ts+tshin+da/ ha na ha na/ da ha da ha/ dip+ta badz+ra tsakra hUM phaT/ de nas gzhan du bgegs bskrad pa ni/ bdud rtsi 'khyil ba'i las kyi sngags 'di'o// na maHsa man+ta ka ya wA ka tsit+ta badz+ra NAM/ na mo badz+ra kro d+hA ya/ ma hA daMSh+To t+ka Ta b+hai ra nA ya/ a si mu sa la/ paR+YA pA sha hastA ya/ oM a mr-i ta kuN+Da li// kha kha kha khA hi khA hi/ hu lu hu lu/ tiSh+Tha tiSh+Tha/ b+han+na b+han+na/ ha na ha na/ da ha da ha/ pa tsa pa tsa/ gar+dz+dza gar+b+ha/ bi s+pho Ta ya bi s+pho Ta ya/ sarba bis+t+raM/ bi na ya kAn/ ma hA ga Na pa ti/ dzI bi tAn+ta ka rA ya hUM phaT swA hA/ de nas gnod bral rnal 'byor pas// gang du rnal 'byor bsgom par bya// rnal 'byor zhes bya'i rim pa ni// rgyud 'dir rnal 'byor rnam pa gnyis// de rgyu srog dang rtsol ba ste// gnyid dang bya ba spangs nas bsgom// srog gi rgyu ni rnam bzhi ste// sa dang chu dang me dang rlung // lte ba gsang gnas snying ga mgrin// gnas bzhi dag na gang gnas par// dpyid dang dbyar dang ston dang dgun// nam zla dus bzhi 'khor ba'i rgyun// sa dang rlung dang chu dang me// rlung dang rim bzhin 'byung byed pa// 'jug pa bag la zha bar byed// gyen dang mthur dang 'byung bar byed// gyen du g.yas g.yon gnyis ka nas// dkyil 'khor drag rim

  134. 67b

    rgyu ba ni// khri phrag gnyis dang stong phrag dang // drug brgya nyin mtshan 'byung byed pa// 'jug pa bag la zha bar bya// thun brgyad thun phran nyi shu bzhi// snga dro dang po phyi ma gnyis// srod kyi dang po tha ma gnyis// tho rangs dang po tha ma gnyis// sa chu me rlung rim bzhin du// dus kyi lha mo re re 'byung // lha mo de dag brgya la yang // srog gi rgyu ba nyis stong dang // brgya phrag bdun du 'byung bar byed// lha mo re rer lha mo gsum// lha mo nyi shu rtsa bzhir 'gyur// nyi shu rtsa bzhi dag la yang // lha mo bzhi bzhir 'byung 'gyur te// lha mo bcu phrag dgu dang drug/ dbugs ni nyis brgya bcu phrag gnyis// rtsa lnga dag ste rgyu ba'i grangs// thun gcig thun gnyis thun phrag gang // dbyig gu lha mo'i nus pa gang // nus pas dbugs bgrang grangs bzung nas// ngal ba med pa dbugs la brten// yang na dbugs kyi rgyu ba la// ngal ba med par dbugs bgrangs pa// bgrang phreng dag kyang mi dgos te// g.yas par me 'byung dmar zhing 'tsher// g.yon par rlung 'byung gnag la drangs// gnyis kar ngal rgya chu rlung dkar// gnyis kar thub rngubs sa rlung ser// 7 mo bdag mo dang ldan pa'i// ye shes bzhi nyid 'byung bar byed// gcig min du mar ma grub phyir// g.yas dang g.yon du gnyis kar yang // g.yas dang g.yon du brtag par bya'o// skya rengs dang po shar ba

  135. 68a

    nas// dros kyi bar ni dus dang po// dros kyi mtshams nas phyed kyi bar// gnyis ka yin te sa dang chu// nyi ma phyed nas myur smad mtshams// phyi dro dang por shes par bya// myur smad mtshams nas chal tshil mtshams// nyin dus bzhi par shes par bya// chal tshil srod mtshams dus dang po// srod nas phyed bar dus gnyis par// phyed nas thor chung dus dang po// tho rangs skya rengs dus gnyis par// dbugs kyi grangs kyis dus phyes nas// gzhan du gzhan dag rim pa bzhin// dbyar dang ston dang dgun dag dang // dus dang dus phran gang byung ba// de dag dang po gtsor 'byung ngo // grangs dang dus tshad snga ma bzhin// mi 'phro rlung nyid 'byung rngub rang dbang thob// sems 'dul de gsal de tshe shes rab bskyed// gzhan nas ma yin 'byung ba nyid dag dang // rtsol ba dbyer med rang don ci bzhin spyad// yun ring tshe na zhi gnas brtan bya zhing // dbyer med cha mnyam 'dod pa'i go 'phang thob// nus pa drag po bskyed pa'i thabs yin no// thams cad thig le ma bcos 'byung 'jug med// ces gsungs so// de nas byang chub sems dpa' de dag gis// rang gi don rdzogs rig nas bstod pa/ e ma ho/ legs so legs so yang dag legs// thams cad bdag po khyod re mtshar// snang stong nam mkha'i dbyings la phyag 'tshal

  136. 68b

    lo// gzung 'dzin brtan pa'i sa la phyag 'tshal lo// rin chen 'bar ba'i me la phyag 'tshal lo// mtha' yas chos kyi chu la phyag 'tshal lo// don yod bskyed pa'i rlung la phyag 'tshal lo// rlung lnga bde bar gshegs la phyag 'tshal lo// gsang ba'i snying po de kho na nyid nges pa/ khro bo stobs kyi rnal 'byor dbang phyug grub pa'i sgyu 'phrul dra ba'i rgyud rdzogs so// // rgya gar mkhan po bi ma la mi tra dang / lo tsA ba slob dpon be ro tsa nas bsgyur cing zhus te gtan la phab pa'o// // @#// rgya gar skad du/ g+hA h+ya gar+b+ha ta tA bi ni sh+tsa ya ma hA kro d+ha ba la rA dza tan+ta/ bod skad du/ gsang ba'i snying po de kho na nyid nges pa'i khro bo chen po stobs kyi rgyud rgyal/ dpal kun tu bzang po la phyag 'tshal lo// 'di skad bdag gis thos pa'i dus gcig na/ 'og min gyi gnas kun tu bzang mo'i b+ha ga yangs pa'i klong na/ phyogs bcu dus gsum kyi de bzhin gshegs pa thams cad kyi bdag po kun tu bzang po nges par 'brel to// nyid kyi skyes bu chen po rdo rje sems dpa' bka' nod do// de'i tshe de'i dus na/ 'dul ba'i dus la babs pa gsang bdag nyid kyis zhus pa/ rgya che rab zab dpag dka' ba// rang bzhin che la nges don can// rgyal ba rnams kyi spyod yul 'di// gsang ba bzhis chod don mdzad pa// rtog tshogs log par zhen pa

  137. 69a

    rnams// rmad dang rtsa ba gang gis spyad// log pa'i lam du zhugs pa rnams// yang dag lam du ji ltar gzud// shin tu gsang ba'i man ngag don// snod ldan kun la ji ltar sbyin// zhes ched du brjod do// de nas rdo rje 'chang chen pos dgongs pa gsang ba'i ting nge 'dzin gyis 'di gsungs so// dkyil 'khor bzhi dang srog shing gsum// sum cu gnyis dang bcu drug dang // brgyad dang drug cu rtsa bzhi yi// dkyil 'khor ldan pa'i dkyil 'khor la// thabs dang shes rab gnyis med pas// A li kA li'i sgra dbyangs ldan// rgya mtsho gting nas sgrol ma g.yos// me lce srid pa gsum la khyab// nam mkha'i ba bzhos bde ba che// 'phags pa 'gro drug mchod sbyin phul// bde ba ye shes rol mo yis// dus gsum dgyes pa'i mchod pa 'bul// zag pa med pa'i bsod nams kyis// ye shes sgyu ma rang snang ba'o// yid chos kun bzang yab yum dang // nyon mongs dbang gis bskyed pa ni// rtsa ba phung po'i rlung lnga dang // yan lag skye mched rlung lnga yis// phung sogs bzhi bcu rtsa gnyis sku// tshig la khyab byed rlung gnas pa// gzugs kyi phung po rnam snang sku// nam mkha' la bskyod dbyings phyug yum// snang lnga kha dog mthing ga'i bdag/ mched snang rnam shes nyer thob thim// mthar phyin ye shes chos kyi dbyings// srog 'dzin rlung

  138. 69b

    ni snying gar gnas// rnam shes phung po mi bskyod pa// sa la spyod pas sangs rgyas spyan// de zhes rgyu ba bum pa'i bdag/ dkar ba'i sa ni chu la thim// me long ye shes ngang du gnas// thur sel rlung ni gsang bar gnas// tshor ba'i phung po rin 'byung sku// chu la spyod pas mA ma kI// ser po chu nyid me la thim// mnyam nyid ye shes srog tu gnas// gyen du rgyu ba lkog mar gnas// 'du shes phung po snang mtha' yas// me la spyod pas gos dkar mo// rna ba g.yas nas rgyu byed pa// me nyid rlung la rnam 'du zhing // so sor kun rtogs ye shes nyid// mi mnyam rlung ni lte bar gnas// 'du byed phung po don yod grub// rlung la spyod pas dam tshig sgrol// rna ba g.yon nas nges 'byung ba// rlung nyid rnam par shes la thim// ljang ser bya ba grub pa'i ngang // sa chu spyan dang mA ma kI// me rlung gos dkar sgrol ma lnga// rdo rje phung po'i yan lag kun// rdzogs pa'i sangs rgyas lnga ru grags// rgyu ba'i gnas ni spyan yin te// rnam par rgyu ba rna ba la// yang dag rgyu ba sna dang ni/ rab tu rgyu ba lce la gnas// nges par rgyu ba lus nyid de// mig dang rna ba sna dang lce// sa snying la sogs sems dpa' brgyad// rnam shes dbang po phyi nang phye// yul brgyad 'dzin pa rnam bzung la// phyi nang sems ma brgyad du shar// gzugs sogs yul la rnam par spyod// lus kyi rnam shes

  139. 70a

    reg bya bzhi// spyod pa'i dus nas dga' ba bzhi// gdul bya 'dul phyir khro bzhir shar// spyad cha zhen pa rtag chad bzhi// grol ba'i dus na khro mor shes// thabs kyi 'dzin la yum la spyod// shes rab yum la thabs gnas phyir// dra bar 'brel dang nyon mongs 'dul// de phyir thub drug sprul pa spro// rang bzhin gsang ba'i snying po 'di// 'gro ba'i rgyud la yongs gab pa// lam rkyen rgyud du ston pas sbas// skyon yod ma yin snod ngan gsang // rang bzhin bde gshegs gdul bya yis// 'khrul pa'i snang ba bsal ba'i phyir// thabs dang shes rab ma ning rgyud// 'dul ba mdo sde chos mngon dang // sku dang gsung dang thugs kyi rgyud// phyogs bcu'i 'jig rten rdul snyed du// 'gro ba'i ched du spros pa rnams// 'di nas 'phros nas 'dir 'du bas// sde snod kun gyi rtsa bar bshad// de phyir rgyud lung man ngag mtshan// rab 'bring tha ma 'gror 'jug pa// rgyal ba kun gyi nges pa'i don// ta na ga Na spyod pa rlabs po che// lta spyod dkyil 'khor dbang dam dang // phrin las sgrub mchod ting nge 'dzin// dbang bcu dbang ldan che ba po// sems dpa' sangs rgyas kun gyi dngos// log sel dad pa'i mchog lus can// 'dul ba'i dus dag gsang sngags med// ces brjod pas/ de bzhin gshegs pa'i dgongs pa zab mo thugs su chud

  140. 70b

    par gyur to// de nas de bzhin gshegs pa btsun mo'i tshogs dang bcas pas 'di brjod do// e ma ho// e baM ma ya dgyes pa che// skye mched khams rnams mang po kun// byang chub sems dpa'i dkyil 'khor nyid// phyogs bcu'i rdul snyed sprul pa spro// spros med bsdu med spros pa nyid// thugs drug ye shes ngang du 'ub// ces brjod pas/ de dag 'dul bar de bzhin gshegs pa nyid kyis mkhyen to// de nas gsang ba'i bdag pos/ bstod de rjes su yi rang nas bsdus te gtad pa/ phyogs bcu dus gsum bde gshegs bdag/ gti mug chen po'i rang bzhin can// 'dod chags chen po'i bdag po ste// zhe sdang chen po'i bo nyid// dag pa rnam dag sku gsung bdag/ gsal bar bde ba dgyes pa ho// zhes brjod do// de nas ngag tu 'di brjod do// log lha yongs su gtad de bskrad pa ni// oM sum+b+ha ni sum+b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ A na ya ho/ b+ha ga wAn bid+yA rA dza hUM phaT/ oM g+ha g+ha g+hA ta ya g+hA ta ya/ sarba duSh+TA na phaT/ kI li kI la ya/ sarba pA paM phaT/ phaT phaT hUM hUM badz+ra kI la ya/ badz+ra d+ha ro Adz+nyA pa ya ti ka ya wAka tsit+ta badz+ra ki la ya hUM phaT/ ces snod ma yin rnams bskrad cing mi ldang bar byas te/ bud med kyi tshogs gang yin pa la yongs su gtad cing chos kyi mig can la spro bar gyur to// stobs kyi dbang phyug bsgrub pa/ dka'

  141. 71a

    ba spyod pa man ngag gi snying po zhes bya ba'i rgyud rdzogs so// // @#// rgya gar skad du/ sarba bud+d+ha sa ma yo ga tan+t+ra rA dza nA ma/ bod skad du sangs rgyas thams cad mnyam par sbyor ba zhes bya ba rgyud kyi rgyal po// bcom ldan 'das ye shes dbugs 'byin gyi rgyal po shin tu rnam par grol ba nyid la phyag 'tshal lo// 'di skad bdag gis go ba nyid kyi thos pa'i dus na/ dus gsum sangs rgyas 'dus pa'i sku// sna tshogs snang ba gcig pu nyid// 'di ni rang byung bcom ldan 'das// gcig pu rab tu che ba'i lha// rmongs pa gdung ba sel ba'i 'od// rang rig dkyil 'khor 'od gsal zhing // brjid mdangs gzi chen rab tu che// rdo rje sems dpa' bde ba'i mchog/ dpal ldan dgyes pa ye shes sku// ngo bo nyid las ma g.yos bzhin// gcig ni kun tu snang ba de// sems dpa' sangs rgyas kun gyi dngos// so sor rang rig 'dus pa'i dpal// sku dang gsung dang thugs dang sku// yon tan phrin las phyogs dus kun// ma lus mi lus lus med gnas// 'og min rang byung chos kyi dbyings// gsang ba mchog gi dgyes pa na// dus gsum bdag po rdo rje 'chang // rnam par thar pa'i dbu mnga' zhing // pha rol phyin drug phyag rgya 'bar// brtul zhugs mnyam nyid skyil mo krung // ye shes sku ni zang thal zhal// gti mug

  142. 71b

    gdung dang zhe sdang gdung // shin tu gdug pa 'dul ba'i gdung // ser sna'i gdung dang 'dod chags gdung // phrag dog gdung dang shin tu spro// sprin phung 'khrigs pa'i dam tshig can// thams cad bdag nyid rtag tu bzhugs// yang dag bsgrub pa gcig pu nyid// sangs rgyas bde chen kun 'dus pa// mkha' 'gro sgyu ma bde mchog bde// sangs rgyas thams cad mnyam sbyor ba// rnal 'byor zab mo sku gsum rdzogs// dam tshig las dang chos dang ni// sku nyid phyag rgya chen po ste// dga' dang mchog dga' dga' ba dang // lhan cig skyes dga'i rang bzhin can// sgyu ma chen po chos kyi sku// gsang ba shes rab bde chen po// bstan par bzhed nas dkyil 'khor spro// stong pa ye shes rab snang ba// tshogs pa'i dus na rnam par dag/ de nas nyid kyi bde 'byin mas// glu yi rnam par bskul mdzad do// mi 'da' stong nyid gar gyi bdag/ g.yar dam snying po dngos grub mdzod// dam tshig chen po ngo bo nyid// ye shes can du grub par mdzod// ho/ e ma ngo mtshar ya mtshan can// rig pa'i rnam pa stong nyid thugs// ye shes rol pa rnam par rol// rol pa'i ngang nas dam tshig 'byin// pad+ma rgyas par gar mdzad de// rig pa nyid du mjal bar byed// ces de bzhin gshegs pa nyid la ched du gleng ngo // rgyud kyi rgyal po sangs rgyas mnyam sbyor

  143. 72a

    las// rgyud 'byung ba'i gzhi rnam par bkod pa ste/ rtog pa dang po'o// // de nas de bzhin gshegs pa thams cad kyis gsang ba bka' bgros pa zhes bya ba'i/ sprul pa rnam par phyung ste 'dul bar dgongs nas/ thugs rjes spro ba 'di gsungs so// rig pa nyid las skyes pa'i phyir// sku gsum yon tan phrin las thugs// rig pa shes pa rnam drug che// chos nyid ngang du ye shes gnas// mi skye'i chos can skye tshul ston// thabs dang shes rab mnyam sbyor mdzad// dug lnga ye shes lnga yis 'joms// ci yang mi gsung mnyam par gnas// 'khor ba phyung nas skam sar 'don// dbyings la ye shes rol rtsed mdzad// nam mkha' lta bur sna tshogs ston// bdud rtsi dam pa'i chu bo 'bebs// ma rig sel ba'i sgron me mdzad// 'khor ba'i nang nas byung tshul ston// rdo rje'i gdan la rdo rje 'jog/ bye ba phrag khrig gdul bya la// de dang mthun par sprul pa 'gyed// dpa' bor mos la dpa' bo dang // dpa' mor mos la dpa' mo dang // mthun byas mthun pas don mdzad pa// pad+ma 'dam skyes skyon ma gos// 'ja' tshon 'dra ste dngos med gsal// zhes gsungs so// de nas gdul bya gdul dka' ba dag dbugs dbyung ba'i phyir/ bcom ldan 'das de bzhin gshegs pa thams cad kyi dgongs pa dam pa gsang ba bkod pa zhes bya ba'i ting

  144. 72b

    nge 'dzin la snyoms par zhugs nas 'di gsungs so// mthun byas sku yi don mdzad pa// rigs drug dam tshig las sbyang phyir// ye shes dang las dam tshig chen pos bskul// bde gshegs thams cad rnam par bka' bgros mdzad// de nas de bzhin gshegs pa rnams kyis rdo rje zhe sdang chen po la bskul ba// rjes su chags pa rnam mang pad+mo rnam dag pa// mchod pa gsal bar rjes su mchod byas nas// mchog tu rtag pa'i rnal 'byor bde bas bde ba grub par mdzod/ bde mchog dam tshig nyid/ mchog tu bde ba'i rnal 'byor shin tu skal bzang mchog mnyes pa// rang gi dam tshig skyon med par rol cig/ ho e ma ho/ bde mchog bde drongs rnam par sprul// dzaHhUM baM hoHhUM gnang bar mdzod// a la la ho// de nas de bzhin gshegs pa rnams kyis 'khor gti mug chen po la bskul ba/ e ma ho// mchog tu gsang ba'i dam tshig yin/ pa'i phyir// rab tu gsang ba'i lha mo mchog rnams so// 'gro ba'i rgyun ni rnam pa sna tshogs 'dul ba rab gsal mkhyen// dam tshig thams cad dngos po'i brtan g.yo kun gyi ngo bor 'gyur// rgyal ba kun gyi bdag nyid rnal 'byor bde ba'i mkha' 'gro sgyu ma rnam sprul ho// kye ma dam pa rtag pa'i dngos grub chen po rab tu bsgrub pa ston// e ma ho// bde mchog bde drongs rnam par sprul// hUM rnam par snang mdzad a la

  145. 73a

    la ho// dzaHhUM baM so/ de nas de bzhin gshegs pa rnams kyis shin tu khro gtum gdug pa chen po la bskul ba/ rnam pa mang po khro bo'i rgyud kyis sems can ma lus pa// lus pa med par thugs rje'i thugs kyis 'dul mkhas pa// de bzhin gshegs pa kun gyi sgyu ma yi// bde mchog sgyu ma thams cad rnam sbrul rnam par sprul// ru lu ru lu hUM b+h+yo hUM/ de nas de bzhin gshegs pa rnams kyis rin chen ser sna chen po la bskul ba// rnam pa mang po rab tu dga' ba'i rgyud kyi sems can la// ma lus lus pa med par 'dul mkhas pa// de bzhin gshegs pa kun gyi sgyu ma la// sgyu ma bde mchog sgyu mas rnam sbrul rnam par sprusbrul// hUM hUM hUM/ de nas de bzhin gshegs pa thams cad rnams kyis pad+ma 'dod chags chen po la bskul ba/ rnam pa mang po 'dod chags rgyud kyi sems can la// ma lus lus pa med pas 'dul mkhas pa'i// de bzhin gshegs pa kun gyi sgyu ma yi// bde mchog sgyu mas thams cad rnam par sprul// te na te te hUM/ de nas de bzhin gshegs pa rnams kyis phrag dog rgya gram chen po la bskul ba// rnam pa mang pos srog gi rgyud kyis sems can la// ma lus lus pa med pa 'dul mkhas pa// de bzhin gshegs pa kun gyi sgyu ma yi// bde mchog sgyu mas rnam sbrul rnam par sprul// hUM bi shra bi sh+ya hUM/ de nas bcom ldan 'das

  146. 73b

    'gro drug sbyong ba'i rgyal po rnams sku rnam par sprul cing phyung ba// 'das pa'i dus na sngon byung ba// bdag nyid chen po rtag pa yis// de bzhin gshegs pa'i gsung rab la// 'gro ba'i tshul du sngon byung ba// de tshe sems can thams cad ni// mngon par zhen cing ltung bar gyur// de bzhin gshegs pa'i rnam sbrul gyis// cho ga sna tshogs 'dod rnams la// las kyi sbyor ba sna tshogs kyis// sangs rgyas rdo rje 'dzin la gas// 'dul ba'i phyir na sprul pa yin// sangs rgyas la sogs brtan g.yo kun// kun gyi dngos por 'di 'gyur ro// sangs rgyas thams cad mnyam sbyor ba// mkha' 'gro sgyu ma bde ba'i mchog/ sgyu ma sbyor ba 'di yis ni// rnam pa sna tshogs kun gyi mchog/ sems can kun gyi don mchog rnams// sangs rgyas mdzad pa'i 'dul bas 'grub// ces dpal rdo rje sems dpas dbugs phyung ba'o// 'das pa'i dus na sngon byung ba// bdag nyid chen po rtag pa yis// de bzhin gshegs pa'i gsung rab la// 'gro ba'i tshul du sngon byung ba// de tshe sems can thams cad ni// shin tu stong pa nyid la brtson// 'gog pa'i chos nyid la sbyor bas// 'gog shing yongs su mya ngan 'das// rnal 'byor de nyid bcom ldan 'das// rdo rje sems dpa' de bzhin gshegs// 'gro ba thams cad rnam sbyang phyir// sangs rgyas sprul pa kun tu 'gyed// stong pa ma

  147. 74a

    yin mi stong min// dbu mar yang ni mi dmigs te// shes rab pha rol phyin sbyor ba// thabs kyi snying rje'i bdag nyid rnams// de bas de ni snying rje'i thabs// shes rab pha rol phyin par gsal// rtog pa med pa'i chos rnams las// sems can don du yang rtog pa// rnam par mi rtog la mos pas// thams cad rtog pas rtag par bya// zhes rnam par snang mdzad kyis dbugs phyung ba'o// 'das pa'i dus na sngon byung na// bdag nyid chen po rtag pa yis// de bzhin gshegs pa'i gsung rab la// 'gro ba'i tshul du sngon byung ba// de tshe sems can thams cad kun// shin tu khro gtum gdug par gyur// shin tu gdug cing khros pa yis// 'o dod 'bod cing ltung bar gyur// shin tu gdug cing khro ba la// zhi bas phan par mi 'gyur te// shes rab thabs kyi rnal 'byor pas// khro bor de bzhin gshegs kun mdzad// khro po'i tshul can khros pas kyang // 'jig rten gsum dag bsreg byed na// sangs rgyas thams cad khros pa yis// khams gsum ma lus smos ci dgos// rdo rje sems dpa' de bzhin gshegs// dam tshig la sdang rnam sbyang phyir// dur khrod gar gyi phyag rgya gsal// thar pa nag po dregs ldan dang // tshangs chen 'jug sel lha chen dang // gu lang dbang chen nye dbang bcas// nyi zla gshin rje tshangs pa rnams// bsgral

  148. 74b

    nas thal ba rdul du bshig/ rdo rje kha T+wAM dril bsil shing // thal bar gyur pa 'tsho bar byas// sems can khams ni rnam sbyangs nas// dag pa'i sangs rgyas zhing rnams su// sangs rgyas byang chub dag la bkod// rdo rje 'dod khro la sogs kyi// rtog pa bla med thams cad ni// nam mkha'i dbyings kyi mkha' klas pa'i// sems can khams ni rnam par sbyangs// zhes he ru kas dbugs phyung ba'o// 'das pa'i dus na sngon byung ba// bdag nyid chen po rtag pa yi// de bzhin gshegs pa'i gsung rab la// 'gro ba'i tshul du sngon byung ba// de tshe sems can thams cad ni// log par blta la gnas par gyur// lta ba shin tu ngan pa yis// 'o dod 'bod pa chen por gyur// rnal 'byor de nyid bcom ldan 'das// byang chub sems ni rnam sbyang phyir// chags pa'i pad+mo rdo rje chos// he ru kar gnas nyes skyon bral// khams gsum nyes sbyangs spyan ras gzigs// pad+ma gar dbang phyag rgyar gsal// 'dod chags thams cad dag pa na// pad+mar sbyor ba'i 'dod chags kyis// 'dul bar gsal bas don la sbyor// pad+ma gar gyi dbang phyug gis// nam mkha'i mtha' klas rtog pa rnams// sems can khams rnams sbyang ba'i phyir// chags pa'i don gyis rnam par sbyang // zhes pad+ma gar gyi dbang phyug gis dbugs phyung ba'o// 'das pa'i dus na sngon phyung ba// bdag nyid

  149. 75a

    chen po rtag pa yi// de bzhin gshegs pa'i gsung rab la// 'gro ba'i tshul du sngon byung ba// de tshe sems can thams cad ni// shin tu gdug cing brkam par gyur// brdungs shing brkam pas yi dwags lhung // de nas 'phos nas dbul por skyes// de yi skyon gyis gsod par byed// shin tu gdug pa sbyang ba'i phyir// rnal 'byor de nyid bcom ldan 'das// dam pa'i don chen nyi ma byung // nam mkha'i snying po'i rin chen gyi// re ba kun yang yongs rdzogs mdzad// khro gtum zhi bas mi 'dul phyir// shes rab thabs kyi rnal 'byor pa// rdo rje nyi ma'i phyag rgyar gsal// 'jig rten gsum sogs rtog pa kun// sbyangs nas yon tan rgyas shing 'phel// rdo rje nyi mas dbugs phyung ba'o// 'das pa'i dus na sngon byung ba// bdag nyid chen po rtag pa yi// de bzhin gshegs pa'i gsung rab la// 'gro ba'i tshul du sngon byung ba// de tshe sems can thams cad ni// brtson 'grus shin tu chung bar gyur// shin tu brtson 'grus chung ba yis// mnar med pa yi dmyal bar ltung // rnal 'byor de ni bcom ldan 'das// rdo rje sems dpa' de bzhin gshegs// drag shul sbyor ba'i tshul dag tu// rta mchog dpal du rnam par snang // shin tu khro shing gtum pa la// zhi bas phan par mi 'gyur te// khro bo de bzhin gshegs pa yis// sdig med stobs kyis ngo mthon

  150. 75b

    du// dregs pa po ni mnan nas su// de tshe yum rnams rang gis spyad// zhi rgyas dbang drag lhun grub kyis// rta mchog rnam par 'phrul pa yis// ma lus lus pa med pa yi// sems can rnams kyi don yang byed// rta mchog dpal gyi rgyal po yis// nam mkha'i dbyings kyi mtha' don bsgrubs// zhes dpal rta mchog gis dbugs phyung ba'o// rgyud kyi rgyal po sangs rgyas mnyam sbyor las// rigs drug gi 'gro ba la sprul pa rol pa'i lo rgyus bkod pa'i rtog pa ste le'u gnyis pa'o// // de nas de bzhin gshegs pa thams cad kyi gsung rnam par rol pa zhes bya ba'i ting nge 'dzin la snyoms par zhugs te/ sku dang gsung dang thugs dang yon tan dang phrin las 'dus pa las 'di dag phyung ngo // IM ma hA shU n+ya tA dz+nyA na badz+ra sA b+ha wa At+ma ko&haM/ d+harma d+hA tu badz+ra swa b+ha wa At+ma ko&haM/ hUM tsit+ta pra be s+tha ra Na phaT/ e A ka sha maN+Da la/ yaM karma rak+Sha haM/ baM mA ma ki ri/ su ru me suM laM tiSh+Tha maN+Da la/ raM dz+nyA n+yai maN+Da la/ rag ta mAM sa kai raM b+h+yAM tsakra maN+Da la/ b+h+raM badz+ra maN+Da la/ b+h+r-i rat+na maN+Da la/ b+h+rUM pad+ma maN+Da la/ b+h+yAM badz+ra bi shra maN+Da la/ b+h+yAM e maN+Da la/ ka kha ga g+ha nga/ tsa tsha dza dz+ha nya/ Ta Sha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ a A/ i I/ u U/ r-i r-I/ l-i l-I/ e ai/ o o/ aM AHhUM/ au he hrIHtAM A/ sngags rnams sor bzhag/ oM ma hA su kha

  151. 76a

    badz+ra satwa a dzaHhUM baM ho/ su ra ta b+h+rUM dza badz+ra dr-iSh+Ti sa ye ka maH/ hUM badz+ra ki li ki li hUM/ baM badz+ri nirma ra ra ta hoH/ badz+ra ka le shwa ri tri/ oM A ma d+ha badz+re g+haM g+h+raM/ oM badz+ra me g+ha ga g+hu lu g+hu lu b+h+yAM/ oM sha ra sta badz+re ni i i/ oM khaM badz+ra shi shi ri hUM hUM/ oM b+hu khaM oM badz+ra sar shaM/ oM badz+ra ra tA raM/ oM badz+ra d+harmA baM/ oM badz+ra karma thaM/ haM sarba badz+ra tshe badz+ra ta tre/ traM badz+ra pA daM/ d+hi be sha badz+ra/ oM he ru ka badz+ra sa ma ya hi/ sarba duSh+Ta sa ma ya mu dra pra b+hany+dza ka hUM phaT/ oM badz+ra gu h+ya sid+d+hi pa ra ma yo gI sha ri hrI hUM hUM/ badz+ra tsa re shwa ri kha DaM gi ma hi/ badz+ra ka pa lA ma ku De ru lu ru lu hi na/ hUM badz+ra na da la ni dza d+hi/ oM badz+ra sa twa ke dzaM hUM badz+ra pra ha ra Na ma d+ha/ aM badz+ra shu lI gra b+hi d+ha hUM phaT/ hUM badz+ra yo she tsin+d+ra ma Na/ hUM badz+ra me la da she ma Da/ he badz+ra ra ti paM/ pa ma hA ra ta badz+ri ho/ oM badz+ra lo tsa na yaM/ raM ma hA shrI badz+ra hi/ oM sid+d+h+ya b+hu sid+d+h+ya b+ha ba si d+hu/ ma hA badz+ra rat+na ba ba Da Da raM/ badz+ra satwa dzaHbadz+ra rat+na hUM/ badz+ra d+harma baM/ badz+ra karma hoH/ oM pri ti badz+ra ni ma Da sa/ oM badz+ra pri ti hri// oM badz+ra tsi hra ma ni ho// oM badz+ra ma hA ma ho huM/ oM swa b+ha wa shad+d+ha pad+ma na te ba sha hrIH sarba ta ka gA ra pad+ma dz+dza hUM/ badz+ra pad+ma/ hi pad+ma pad+mi baM/ ho pad+ma Ni ra dza/ hUM pad+ma tsa de shwa ri hUM phaT/ he ma hA bi sha pad+ma mu te sid+d+hi hUM phaT/ hrIHpad+ma pad+mi hUM aM/ ho pad+mi bi shwa ki ma kra ma hUM dza/ oM sum+b+ha ni sum+b+ha ni hUM/

  152. 76b

    bi shwa badz+re d+harmA badz+rI/ oM bi shwa badz+ra satwa ha/ oM he ra ti badz+ra bi lA si ni dra Da/ he ra ti badz+ra gi te te te te/ he ra ti badz+ra ha se ha ha baM/ he ra ti badz+ra nr-i t+ye pi ba be ba d+ha/ oM shAn+ti grI ba hUM/ a badz+ra puSh+pe/ a badz+ra d+hU pe/ a badz+ra A lo ke/ a badz+ra gan+d+he/ IM ha ya grI ba s+phuSh+Ti hUM/ girti hrIH/ lA s+ye hUM/ mA le traM/ nr-i t+ye A/ au hu lu grI ba ba shaM hUM/ ru pa hAM/ he ra ti hAM/ dzi bi hAM/ tsi pi ti hUM/ aM e ma ra hu lu hUM/ oM badz+ra aM ku sha dzaHau badz+ra pA sha hUM/ IM badz+ra s+pho Ta baM/ au g+haN+De hoH// IM pa na so/ se nu ru su ta// ti phu sa ra mu// ta thA ga ta sid+d+hi bu/ sarba si ti bu sa ma yo ta mu// ma hA su kha si ti bu// zhes de bzhin gshegs pa thams cad kyis gsungs pas/ stong gsum thams cad skus gang / rab tu gang / kun tu gang ngo // de nas de bzhin gshegs pa thams cad kyi sku'i snying po zhes bya ba 'di phyung ngo // oM bo d+hi tsit+ta ma hA su kha dz+nyA na d+hA tu AH/ zhes gsungs pas zhi ba'i tshogs thams cad dgyes par gyur to// de nas de bzhin gshegs pa thams cad kyi gsung gi snying po 'di phyung ngo // oM hrIHha ha hUM hUM phaT/ ces gsungs pas gsung gi tshogs thams cad dgyes par gyur to// de nas de bzhin gshegs pa thams cad kyi thugs kyi snying po 'di phyung ngo // oM ru lu ru lu hUM b+h+yo hUM/ zhes gsungs pas khro bo'i tshogs thams cad dgyes par gyur to// de nas de bzhin

  153. 77a

    gshegs pa thams cad kyi yon tan gyi snying po 'di phyung ngo // oM AHhUM sarba pany+tsa a mr-i ta hUM hrIHthA/ zhes gsungs pas yon tan gyis rab tu gang ngo // de nas de bzhin gshegs pa thams cad kyi phrin las kyi snying po 'di phyung ngo // oM sum+b+ha ni sum+b+ha hUM/ gr-ih+Na gr-ih+Na hUM/ grih+NA pa ya gr-ih+NA pa ya hUM/ A na ya ho/ b+ha ga wAn/ bid+yA rA dza hUM phaT/ ces gsungs pas phrin las yongs su grub bo// de nas de bzhin gshegs pa thams cad kyis yongs su gsang ba zhes bya ba 'di gsungs so// dzaHhUM baM hoH/ e h+ye hi b+ha ga wAn/ ma hA ka ru Ni ka/ dr-i sh+ya ho/ sa ma ya ho/ sa ma la s+t+waM// oM sarba ta thA ga ta tsha ya tiSh+Tha lhan/ oM sarba ta thA ga ta kA ya wA ka tsit+ta pra Na me na badz+ra ban+d+ha naM ka ro mi/ oM na ma te hUM/ na ma me hUM/ na mo na maHhUM/ oM ma hA shu n+ya tA dz+nyA na oM AHhUM swA hA/ ma sarba ta thA ga ta a b+hi She ga ta sa ma ya shri ye hUM/ oM sarba ta thA ga ta u gta b+hi Shiny+tsa me/ oM sarba ta thA ga ta ka ya bA ka tsit+ta hUM/ e A ra li hrI/ dzaHhUM baM hoH/ badz+ra DAk+ki ni sa ma ya haM dr-i sh+ya ho// oM badz+ra DAk+ki ni i daM ba li gr-ih+Nan+ta sa ma ya rak+Shan+tu/ oM bud+d+ha DAk+ki ni i daM ba li ta gr-ih+Nan+ta sa ma ya rak+Shan+ta/ oM rat+na DAk+ki ni i daM ba li gr-ih+Nan+ta sa ma ya rak+Shan+ta/ oM b+han+na ya b+han+na ya/ char gnyis 'dug do sha ya do sha ya/ mo ha ya mo ha ya/ sarba DAk+ki ni e A ra li hI// oM pad+ma DAk+ki ni i daM ba liM gr-ih+Nan+ta/ sa ma ya

  154. 77b

    rak+Shan+ta// oM karma DAk+ki ni i daM ba liM gr-ih+Nan+ta sa ma ya rak+Shan+ta/ oM sarba DAk+ki ni i daM ba liM gr-ih+Nan+ta sa ma ya rak+Shan+ta/ oM sh+ma sha na DAk+ki ni i daM ba laM gr-ih+NaSh+TA sa ma ya rak+Shan+ta/ zhes gsungs pas thams cad mnyes par gyur to// rgyud kyi rgyal po sangs rgyas mnyam sbyor las gsung gi 'khor lo'i rtog pa ste le'u gsum pa'o// // de nas de bzhin gshegs pa rnams kyis 'di gsungs so// sangs rgyas 'di tshe bsgrub bya'i phyir/ sku gsum pa la goms par bya// dang po chos kyi dbyings nyid las// dmigs pa med pa'i don gyis bsgom// bsgrub med yum gyi b+ha ga la// brjod med sems kyi ngang du gsal// chos kyi dbyings kyi ye shes kyis// thams cad kun la khyab par bya// rtsol med ma bsgrubs ji ltar las// kun snang nam mkha'i ngang nyid 'byung // med pa'i rgyu las mngon gsal ba// sems kyi rang bzhin ye shes gsal// dam pa'i yi ge oM las ni// ye shes sems dpa' gsal bar shar// 'byung lnga'i dam pa rin chen dbyings// stong gsal g.yo zhing sdud pa'i chu// sra mkhregs sreg byed 'bar ba'i me// b+h+yAM/ cir yang 'gyur ba'i yig 'bru bsam// bzhugs gnas 'bar ba chos kyi dbyings// ye shes drug gi gzhal yas khang // rang gnas mdzes pa'i dbyings dang ldan// hUM 'bar sgeg pa'i nyams can zhal// rdo rje kha T+wAM dril bu 'khrol// thabs

  155. 78a

    dang shes rab mda' gzhu 'dzin// mthing ga mtshan dang dpe byad rdzogs// bde mchog dkar mo dza las skyes// thabs dang shes rab mda' gzhu 'dzin// hUM skyes gser mdog e ma bde// 'khrug 'gying rdo rje rin chen bsnams// baM snang mdzad dmar po rdo rje thod// thabs kyi kha TaM rab tu 'khrol// ho skyes ljang gu slob ma mo// 'khyud cing bdud rtsir rab tu gsol// shar phyogs rim bzhin byang du 'khor// oM sangs rgyas byang chub dkar mo che// dus gcig tshangs mgo mda' gzhu 'phen// b+h+rUM/ chos kyi 'khor lo dkar ser ma// dmar skya rnam rgyal ha las byung // tri shul rdo rje gsum lnga 'dzin// khaM/ 'dod pa'i dbang mo ljang gu zhal// dpag bsam lcug ma rlung gis bskyod// shar lho nub byang rim skyes so// rdo rje 'dzin rgyal 'khor lo che// dkar 'bar snang mdzad dge slong can// chos kyi 'khor lo glegs bam dang // 'khar gsil lhung bzed mtshan dper ldan// k+ShaM/ sngo sang sangs rgyas byang chub ma// rdo rje lce yi rnam par bsgom// raM/ dpa' mo gser mdog cha lang 'khrol// traM/ kun bzang dmar mo rin 'dzin// daM/ mi bzad ljang gu dung 'dzin ma// dbus kyi 'khor lo shar nas 'khod// k+ShaM/ sprin chen dmar mo sprin chen 'bebs// daM/ nam mkha'i spyan ma pad+ma dkar// haM/ sangs rgyas dbyangs ma ser mo

  156. 78b

    zhags// tsha skyes dbang mo pad+ma ldang // dkyil 'khor re'u mig phyogs bzhir rdzogs// de bzhin gshegs mdzad kun du 'khril// hi skyes he ru mthing ga'i sku// g.yas pa zhi la g.yon pa chags// rmongs byed zhal ni rgyab na 'byung // rdo rje kha T+wAM dril bu 'khrol// g.yang gzhi 'jigs byed pags pa brdeg/ mda' gzhu thod pa snying khrag bkang // gar gyi nyams dgu 'gying ba'i zhal// hrIH/ dkar mo mda' 'dzin ko'u rI ma// hi skyes tso'u rI dmar mo zhal// lcags kyu kha T+wAM chos 'khor brgyad// dziH/ be ta ba dan kham phor dkar// dziH/ pra mo dmar mo phyag bzhi ma// rdo rje kham phor 'khor lo 'degs// dzi/ puk+ka sna tshogs lcug ma 'dzin// hUM/ tsaN+Da nag mo rdo rje 'phen// ba dan tri shul rab tu khros// ta/ g+hasma nag mo ral gri me// hUM/ sme sha sngon mo thod khrag gsol// rdo rje kha TaM thod pa zhags// 'gying mdzes khro bas phyogs su 'khod// ha/ dkar mo mtshon cha mda' gzhu dkar// baM/ ser mo kha T+wAM dril bu 'khrol// yaM/ dmar ser 'khor lo rtsibs brgyad bskor// raM/ sna tshogs ljang gu ba dan 'dzin// 'di dag 'khyud tshul mdun nas 'khod// he ru ka yi zla gam rdzogs// traM/ nyi ma ser po mda' gri g.yas// gzhu pad nyi ma rdo rjes mtshan// AM/ dbang bskur dkar mo dbu rgyan 'dzin// hrIH/ gser ldan ser mo rin chen sgom// hoH/ rgyal mtshan dmar mo

  157. 79a

    rin chen rgyal// haM/ mchod chen ljang gu rin chen snod// gtso la 'khor zhing phyogs bzhir gnas// dza/ mda' 'dzin dmar ser mda' gzhu can// hUM/ sngon mo kha T+wAM ral gri 'dzin// wa/ dmar ser nyi ma'i dkyil 'khor can// rdo rje ldang ser mchod sdong can// rdo rje nyi ma rin chen rdzogs// hrIH/ gar dbang dmar po pad+ma 'dzin// zhal gcig phyag gnyis rnam par mdzes// yang na rdo rje dril mtshan pa// nyi shu gcig dang lnga bcu gnyis// dzaH/ rnam gzigs dkar po pad+ma 'byed// hUM/ sgrol ma dmar skya ut+pal sku// waM/ sa 'dzin dkar mo 'khor lo 'dzin// hoH/ khro gnyer rdo rje ut+pal ldang // hUM/ gtum po pad+ma rdo rje mthing // he/ sna tshogs pad+ma 'khor lo sngo/ AH/ pad+ma chu srin rgyal mtshan dkar// ho/ pad+ma ljang gu pad+ma bsgrub// phyed phyed phyi nang re'u mig rdzogs// pad+ma gar dbang chu skyes rdzogs// AH/ ljang ser rta mchog rta gdong ljang // ba dan gsum pa sna tshogs thugs// ral gri mda' ni bzhi par 'chang // sna tshogs pad+ma mdung rtse gsum// be con gzhu ni bzhi par 'dzin// 'gying brjid gar gyi skur ldan dgyes// sna tshogs pad+ma dkar ldang g.yas// ha/ sngo ldang rdo rje sna tshogs g.yas// las bzhi rta mchog rim par sbyar// rgya gram rta yi 'khor lor rdzogs// hUM skyes dkar po rta zhal 'gugs// a skyes sngon mo gling bu

  158. 79b

    'bud// taM/ ser mo rdo rje pi wang 'dren// baM/ rnga chen dmar mo rnga rings brdungs// dz+ha/ rdza lnga ljang gu rdo rje mtshon// zlum zhing 'khyil nas gra la rdzogs// dz+ha skyes ser po rta zhal zhags// a/ dmar ser rdo rje me tog snod// spos snod dkar mo a skyes ma// AH/ dmar skya mar me ba dan 'dzin// a/ g+han+d+he ljang gu dung chos 'dzin// mchod pa'i dkyil 'khor thig le rdzogs// baM skyes dmar mo rta zhal lcags// hUM skyes dkar mo la sogs gzugs// mA le phreng ba traM skyes sngo// girti dmar mo glu len hrIHa skyes ni rti ljang gu gar// dbang mchog rgyal po gra la rdzogs// hUM skyes byung ba ljang gu dril// ru skyes dkar mo me long gzugs// hi skyes ser mo dri snod ma// dzi skyes dmar mo dri bsung snod// tsi skyes ljang gu zhal zas so// dkyil 'khor e yi 'khor lo rdzogs// dkar mo rta gdong lcags kyu shar// dzaHlas byung bas 'gugs byed byams// phag gdong nag mo zhags thog lho// hUM las skyes pa snying rje bdag/ seng dmar thabs shes lcags sgrog nub// baM las byung ba dga' ba dmar// ljang gu thal byed spyang dril byang // hoHlas skyes pa btang snyoms las// rig pa las skyes ye dag phyir// rdzogs chen rnal 'byor dus gcig rdzogs// kun tu dmigs la rig par ldan// gti mug can la gti mug ste// zhe sdang can la zhe yang sdang // gdug pa khro

  159. 80a

    gtum 'dod pa bzhin// ser sna can la ser snas bsdams// 'dod chags can la 'dod chags sbyor// phrag dog la yang phrag dog go/ 'dul phyir rigs su bsdus pa dang // bye brag rnams la bye brag ston// rgyal ba rdzogs pa'i dkyil 'khor la// bsam yas 'dod pa kun ster phyir// rig pa'i sprul pa rgya chen mchod// gdung ba'i glu dang mdzes pa'i gar// rol mo las kyi karmas dbul// zhes gsungs so// rgyud kyi rgyal po sangs rgyas mnyam sbyor las/ lha rnam par bkod pa'i le'u ste rtog pa bzhi pa'o// // de nas de bzhin gshegs pa thams cad kyi sku dang gsung dang thugs dang yon tan phrin las kyi dkyil 'khor thams cad yongs su mnyes par byed pa kun tu rnam par sprul pa'i rol pa chen po rol mo'i rgyan zhes bya ba 'di gsungs so// rig pa rig pa nyid la gnas// de phyir rig pa rig pa'i sprul pa ste// dmigs med mkha' ltar dag pas khyab pa'i skra// spyan drangs gshegs su gsol bar mi dmigs kyang // thugs rje'i ngang chen chos sku dag pa las// ye shes sgyu mar rol cing gshegs su gsol// bsnyengs pa mi mnga' stobs bcu'i shugs mnga' ba// ma 'dres sangs rgyas chos rnams rab tu rdzogs// dpal chen longs spyod rdzogs pa'i sku// rngams pa'i zhal nas 'brug sgrog cing // seng ge'i nga

  160. 80b

    ros kyang ni bskyod du med// gdug pa'i tshogs rnams zil gyis gnon mdzad pa// bcom ldan 'gro la brtse slad gshegs su gsol// mkha' 'gro kun dang thabs cig gshegs su gsol// sgyu ma gar gyi rol pas 'dren// rig pa nyid la ye shes 'jug/ mthu ldan nus pa rtog pa sel// mchod pa'i rnam pa thams cad la// mAM sa chu dang zil pa dang // grub pa bzhi yis rab brgyan pa// ting 'dzin mthu dang ngo bos grub// sangs rgyas rnams la tsan dan spros// rdo rje can la gur gum yin// spyan ras gzigs la tsan dan dmar// ga bur rdo rje nyi ma la// me tog kun dang bdug pa kun// de bzhin mar me thams cad dang // spos rnams thams cad ji snyed pa// rdo rje 'chang la dbul du rung // smin dang g.yo ba'i dkyil 'khor du// yag sha 'bar ba'i mgo thod bzhag/ rang byung bi mu ma ra shu// go ku da dang ha na'i rgyan// hUM b+h+rUM AM dz+ri khaM zhes pa// dbus shar lho nub byang du gnas// ye shes 'od lnga kha dog 'bar// dag shur spel bas kha dog dril// hrIHlas byung ba ye shes me// stong nyid rdo rje khong seng can// khams gsum tshe 'dzin rgya mtshor 'khyil// sangs rgyas sprin tshogs sbyin pas bstim// lus ngag mthu ldan nus pa che// bgegs rnams 'joms pas mtshams kyi mchog/ shangs kyi 'od zer rlung sgom nas// 'khyil zhing spro ba gsal byed

  161. 81a

    dbyangs// keng zhes rus sbal kha 'dra ba// kha ni bum pa 'bab pa ste// ga ni bse yi kha dang mtshungs// g+ha ni bum pa lta bu ste// nga ni kang ka nyid dang 'dra// tsa ni tsa sha nyid dang mtshungs// tsha ni gdugs kyi sba ba 'dra// dza ni rnga mo'i mgo bo bzhin// dz+ha ni rnga chen gzugs lta bu// Ta ni sked nyag lta bu ste// Sha ni pu shud 'gro ba 'dra// Da ni thi ba'i kha nyid ste// DA ni mkha' 'gro nyid du go/ Na ni sbyin bdag dang 'dra ba// ta ni sdang dang 'dra ba ste// pha wang kha 'dra yi ge za// da ni mche ba can dang mtshungs// d+ha nyid gzhu yi ngo bo nyid// na ni ma he'i kha 'dra ba// ri skegs 'gros ni pa zhes bya// pha ni khrung khrung mgo dang mtshungs// 'dam bya ba ste skye ga b+ha// ma ni spre'u'i tshul pa'i gzugs// phug ron ngur pa ya dang ra// khu byug bya rog la dang wa// sha Sha ri bong zhi ba'i spyan// sa ha sbrang ku 'phrog ma dang // k+Sha ni srin bu'i kha lta bu// de rnams kha dang 'gros kyis dbyibs// mtshon pas phrin las rnam bzhi bsdus// a ni khyim bya'i mgo bo'i gzugs// A nyid de dang cung zad 'dra// i ni glang chen sna lta bu// I ni dbang phyug chen po 'dra// u ni rnga mo'i mgo bo bzhin// U ni sha ba'i kha 'dra ba// r-i ni ri bong mgo bo 'dra// yi ge r-I ni seng mgo bzhin// yi ge l-i ni glang chen la// l-I ni dbang ldan zhal dang mtshungs// e ni ma he'i kha 'dra

  162. 81b

    ba// ai ni rma bya'i kha dang mtshungs// o ni byi la'i kha dang mtshungs// oM ni khyim bya'i kha bzhin no// aM ni chu srin mgo bo 'dra// tsheg drag aHni rta mgo bzhin// spyir na bsam yas dbyibs gsungs pa// rang bzhin nyid kyis rnam bzhir 'dus// thabs dang shes rab 'thab pa yis// ring thung gar dang lcong du 'byung // de nyid sgra yi 'byung gnas su// ha ba lngar ka sor rga rta// sha ra pa dang gar ra pa// breng nge ba dang dung nge ba// bang gi de'u dang cang ka de'u// de bzhin gshegs dang rdo rje 'dzin// rdo rje he ru nyi ma dang // pad+ma gar dang rta mchog dpal// tshangs pa'i dbyangs kyis 'dren pa dang // mthun cing gdungs pa'i sgra 'byin cing // rdo rje srin po'i ngur sgra 'don// rdo rje drag po gad mo che// 'khur ba dbugs kyi rlung 'byin cing // 'brug gi sgra ltar zab pa yis// ru lu ru lu'i sgra phyung nas// glu drug blangs pas don drug rdzogs// yon tan rnam bcu re rer ldan// gsung dbyangs yan lag drug cu yis// 'gro drug rigs dang bye brag la// dkyil 'khor 'dul zhing don mdzad pa// sgra yi bye brag ji snyed pa// rol mo'i sgra las 'byung ba ni// snying po phyag rgya sngags rigs dang // rigs pa'i sgra ni ngang gis 'byung // dzaHhUM baM hoH/ dung rta mad ra rma ra tad ra/ ru lu ru lu/ pra pir+ya ta ki hU dzaH/ ki ni du ni hUM druM/ ta ki hUM dzaH/ hu lu hu lu/ a la la ho/

  163. 82a

    shud+d+ha sid+d+ha ra ri sha ya/ sarba na ta g+he na ge/ ta ta ge ge/ ta ta g+he g+he/ ta gaM gaM/ ta g+he ta g+he/ g+he g+he ta ta ge ta g+he he na/ don ha ki hAM dza/ g+he ta g+he/ don ta ki hAM dza/ dran a la la ho/ ru ta ma ta/ thal ma brdab pa'i rtag pa'o// ta g+he g+he/ ta g+he g+he/ ta b+he ta g+he na/ ta g+he na ta g+ne na/ g+hen g+hen/ rgyun gyi rnga'o// a a a/ \u0f7fhaha/ ba ba ba/ d+ha d+ha d+hi/ dam tshig gsung ba lnga'o// de kong de kong de kong te badz+ra/ badz+ra bye byar kong / kau ko kaM/ nAb+h+yots+tsha b+h+yo/ nA b+h+yo hA b+h+yo/ ru lu ru lu hUM b+h+yo/ d+h+ye kau kau gong gong / de ga~M gau gau dpal he ru ka'i rnga'i phyag rgya'o// pad+ma b+han+d+ha ding / pad+ma b+han+da tring // pad+ma pad+ma tring / dpal pad+ma thal mo brdab pa'i rdodza'o// tr-i tr-i tr-i traM/ ba ba ba ba/ ba ba ba ba/ Ta Ta Ta/ Ta Ta Ta Ta/ tra tra tra tra tran+ta te/ Da du ra tra rud tra tra/ rgyal po'i rnga'o/ ta ki hAM dza ta ki hAM dza/ snyems pa'i 'gros so// tre tr-i tr-i traM tra tra tra/ mur zhing rab tu mur ba'o// ba ta ba ta tu tun ta Ta pa Ta/ ta Ta ta ba ta ba ru 'un ta Ta ba ta/ ta Ta be ta ba he don/ dpal rnam par rol pa'o// ba ta ba ta ba ta phaT tra Ta/ shin tu myur ba'i rnga'i phyag rgya shes pa ste// sil snyan gyi phyag rgya shes pa'o// sil snyan don la brag cha'i sgra// rang bzhin med par gsan zhugs pa// sems can don phyir nan tan mchog bskyed cing // ye shes thugs rjes bdag la dgongs nas kyang // ye shes ngang du mi

  164. 82b

    gnyis gcig pas na// 'du 'bral med pa'i ngang gsal chos nyid du// mi gnyis don phyir mchog gi dngos grub rnams// bdag la stsol cing brtan par bzhugs su gsol// glu yi phyag rgya 'di dag gis// glu yi phyag rgya gar bya'o// bdag med phyogs bral don dam thugs chud cing // byams dang snying rje dgra zun mi mnga' yang // gdug pa 'dul phyir dus la mi 'da' bas// mnyam nyid ngang gis khro la phyag 'tshal lo// khros pas longs spyod mdzad la phyag 'tshal lo// rdo rje 'du 'phro mdzad la phyag 'tshal lo// 'dod pa'i yon tan lnga dang rin chen bdun// ma rmongs rmongs pa kun grol rgyal ba'i gnas// rab tu dga' ba'i bdag la phyag 'tshal lo// dga' rab mdzod cig dam tshig dam pa grub// sgyu ma nyid la sgyu ma spyod// sgyu ma chen po rigs kyi yum// sgyu mas sgyu ma dga' mdzad ma// tsan+dan dkar dmar nyi zla'i skad// pad+ma rdo rje thabs las byung // dga' dang mchog tu dga' dang bral// skyes pa lhan cig dga' ba'i ro// rang bzhin dngos po rnam gnyis kyis// myur du dngos grub skyed byed de// 'phral du yid ches byed pa yin// yid ni nang du chud pa yis// 'dod pa'i dngos grub bsgom par bya// rang rdzas thig le phyir phyung nas// sangs rgyas byang chub sems dpa' mchod// he ni bde chen las byung ba// ru ni rin chen chags dang bral// ka/

  165. 83a

    ni rab tu rmongs pa spangs// he ru ka sogs dgyes mchod rol// skye ba bdun pa dag pa'i zhing // zhing bcu bsgral ba bstan pa'i dgra// ngan song gsum ni snying rje'i gnas// ting 'dzin brtan thob rnal 'byor pas// thugs rje'i dam tshigs snying rjes bzung // longs spyod phung po tshogs la rol// dag pa 'od gsal chos skur sbyor// 'og min b+ha ga ling+gar btab// bsod nams ye shes tshogs 'gyur ba// gsang ba'i dam tshig mi bcag phyir// dngos grub snying rje mchod pas rol// gzugs med dang ni gzugs snang ba// gzugs kyi mtha' ni rnam par rig/ sgra med sgra ni brag cha'i sgra// rig stong sgra ni chos nyid gsung // dri med dri bral stong pa'i dri// rang bzhin sbyor ba sna yi yul// myong ba med pa myong ba'i ro// med par myong ba bdud rtsi'i chu// reg med reg na bde 'jam zhing // reg pa bzhi bsdus lus kyi gnas// chos med chos te chos kyi mchog/ yod med 'khor 'das bsdus pa'i chos// kun tu bzang po'i spyod yul la// yum gyi b+ha ga chos kyi dbyings// dam tshig dri med yon tan drug/ thugs dam bzhin du longs spyod rol// zhes gsungs so// rgyud kyi rgyal po sangs rgyas mnyam sbyor las/ mchod pa'i sprin rnam par bkod pa'i phyag rgya'i le'u ste rtog pa lnga pa'o// // de nas de bzhin gshegs pa thams cad kyi

  166. 83b

    dkyil 'khor kun tu 'gro ba zhes bya ba 'di gsu phungs so// skal bzang bsgom pa'i rnal 'byor pa// mchod rten dben gnas skyed mos tshal// gtsug lag kun dga' ra ba ru// sems dpa' rdo rje dpa' bo bsgrub// dgon pa mchod rten gtsug lag khang // der ni rnam par snang mdzad bsgom// rgyal po'i pho brang pad+ma'i tshal// rdo rje nyi ma rab tu bsgom// pad+ma'i tshal lam chu 'dab tu// pad+ma 'dzin pa rab tu bsgrub// sna tshogs mkhar ram mchu bo'i 'gram// rgyal khams gzhan du rta mchog bsgrub// dur khrod lha rten ma mo'i gnas// he ru ka ni rab tu shis// nyams dga' yid 'ong bsam gtan 'phel// pad+ma 'khor lo rnam pa'i dbyibs// skyon rnams bral zhing yon tan ldan// tshom bu rgyas pa bsgrub par shis// shis pa'i 'khor rdzas dus 'dzom na// phun sum tshogs pa rab tu gces// mtho dman gseg ma gyo mog dang // tshwa sgo shing dum ro lnga bral// blang brtag bzung dang sbyar ba dang // bskrad bsrung sbyor bas cho ga rdzogs// nyis 'gyur dkyil 'khor tshad yin te// mdzes shing 'tshams pa rab tu shis// sems dpa'i skyil kruklung la gnas nas// rdo rje sems dpa'i gar byas te// sngags dang phyag rgya ldan pa yis// bgegs rnams thams cad gzhig par bya// rdo rje pus mo gnyis bcings te// rdo rje skyil mo krung bcas nas// bdag

  167. 84a

    nyid stan la 'dug nas ni// bgegs rnams thams cad gzhig par bya// drag shul can la drag shul sbyor// zhal bzhi pa la phyag bzhi pa// zhabs bzhi pa la rmig pa bzhi// rta mgrin rgyal po bgegs rnams 'joms// pad+ma'i skyil krung bcas nas ni// lag pa pad+ma bskor ba dang // sngags dang phyag rgya ldan pa yis// bgegs rnams thams cad gzhig par byed// rdo rje nyi ma g.yon brkyang bas// rgyas btab rmongs byas thal bar byas// khams gsum pa yang 'tsho bar byed// bgegs rnams thams cad gzhig par bya// he ru ka ni rdo rje'i 'gros// gdug pa thams cad sba yang bkod // rdo rje sems dpa' sgeg pa ste// dpa' la dpa' bo de bzhin gshegs// rdo rje 'dzin pa snying rje'i bdag/ rgod pa 'jig rten dbang phyug mchog/ rdo rje nyi ma khro bo'i nyams// rta mchog dregs pa 'jigs par byed// shAkya thub pa mi sdug pas// ngo mtshar la ni a la la// rab tu zhi ba sangs rgyas so// 'khrul 'khor 'phang ba mda' dang ni// ma 'phangs ral gri'i phyag rgya dang // lag pas 'phangs pa mdung zung sogs// 'phangs nas slar bzung zhags pa dang // rkang pa gyad kyi stobs 'gyed pas// rkang pa gshibs pas sa gnon cing // rkang pa bskyed pas sa mnan la// dkyil 'khor gru bzhi mnan pa dang / brkyang bskum tshul gyis gnas gsum

  168. 84b

    mnan// dbyibs kyi phyag rgya shes par bya// mi lhod pa la sran gzugs dang // mnyes zhing yan lag bstan pa dang // rgya cher sa bzhi rnam par dag/ lus kyi phyag rgya bde blag can// rkang pa mnan cing rmig pa mnan// mda' gzhu 'dren pa'i phyag rgya yis// khams gsum rgyal srid chen po dag/ rnam par btul nas dga' bar spyod// nyung dkar gu gul rdzas dag dang // rgyal chen mnga' gsol phyogs skyong mnan// khro bcu bkod de dam sri mnan// chos rgyal mnga' gsol sgo byang gdags// bgegs dang lan chags sbyin pa dgye// sa yi ri mo bya ba dang // dur khrod thal ba'i ri mo bya// dkyil 'khor sna tshogs dris byugs te// me tog dri ni lha grangs mthun// mchod sogs lha yi lhag par gnas// sgrub pa'i bum pa lha grangs mnyam// gang ba'i bum pa dag dang ni// thams cad las kyi bum pa dang // rnam par rgyal ba'i bum pa'o// sbyangs nas bsangs te gzhal yas khang // bskyed drang bstim mchod bstod pa dang // bsnyen pa nye ba'i bsnyen pa dang // bsgrub pa bsgrub pa chen po bzhi// dkyil 'khor rab tu bsgrub par bya// gtso dang 'khor gyi bsnyen pa bsgyur// sbyin bsreg bya zhing las sgrib bshags// skal ldan bu mchog la sogs pa// rtags gdab dam tshig bsre bsnan bya// sems bskyed sdom pa bzung ba dang // bdun po rnam dag spro ba

  169. 85a

    bskyed// sku gsung thugs su byin brlabs shing // rdo rje'i khu tshur gnas gsum gtug/ spyi bos bdun dmigs snying mchod dbul// maN+Dal pad+ma 'dab brgyad la// rnam lnga pa ko tsam byugs te// u dum wa ra las byas pa// sdig spangs bcu gnyis me tog thod// dor te pra brtags srung skud gdags// dag pa'i sngags kyi khyod chus bkru// rigs lngar ku sha rmi lam brtags// zhi ba rgyas pa dbang drag dang // rdzas dang mchod pa'i rim pa yis// ngan pa'i ltas la bsregs sbyangs shing // sar ba'i rgyu las kha bsgyur te// lnga'am nyi shu'i kha dog can// rdo rje rgyun zag la sogs pa// gsang ba'i sngags kyis bsgril nas ni// mtshan ldan mdzes ma ltar gsal nas// dzaHdzaHzhes ni gtad par bya// nam mkha' gang ba'i bde gshegs rnams// khyed kyi 'gro don mdzad dus lags// thig gi sgra 'dis bskul nas kyang // de rnams 'dir ni gshegs su gsol// gsang ba'i sngags dang phyag rgyas dang // dkyil 'khor thig gdab shes rab can// phyogs kun mnyam pa nyid dmigs nas// shar lho nub byang phyogs rnams su// thig bzhi btab pas dkyil 'khor dgu// dkyil 'khor zlum po sangs rgyas kyi// 'dus pa'i bdag po 'khor lo can// rdo rje can gyi zla gam dgu// pad+ma dbang gi chu skyes brgyad// rdo rje nyi ma rin chen dbyibs// sna

  170. 85b

    tshogs rdo rje rgya gram can// rta yi rgyal po yang dag gnas// ji srid 'dod pa ci 'byor ba// ji ltar dus dang ci bde ba'i// dkyil 'khor kun tu gnas pa dpal// phrin las karma'i rigs yin phyir// rta mchog phyag rgya cir yang gsal// mtshams bzhi las bzhi dkyil 'khor du// las bzhi'i rigs kyi rgyal po la// lha mo bcu drug 'khor lo che// rta babs brgyad ldan tA ra na// mdzes pa'i rgyan bzhi 'debs pa'i tshul// phyogs mtshams steng 'og mnyam gnas pas// dur khrod brgyad kyis yongs su bskor// ma mo brgyad dang lha chen brgyad// zhing skyong shing dang klu chen brgyad// shAkya thub mdzad mthar phyin cing // mchod rten brgyad ni bsgom tshul mdzad// ye shes me brgyad rab tu 'bar// byams pa'i chu chen brgyad 'bab cing // snying rje'i brag brgyad mdzes par brtsegs// dga' ba'i sprin brgyad kun tu 'thibs// btang snyoms rlung brgyad rab tu 'bud// phyogs skyong bcu ni rab tu gnas// rab 'bring tha ma'i tshon phye la// sngags kyis byin rlabs pra brtags te// rigs kyi mdog la gnas 'gyur tshon// tshom bu dgu pa'i dkyil 'khor ni// rigs bsdus chen por bri ba dang // gdul bya 'dul phyir re re bzhengs// rab gnas rdzogs pa'i dkyil 'khor dang // sku gsung thugs kyi phyag rgya dang // 'byor pa'i longs spyod gang yin pa// rgyan dang

  171. 86a

    mtshon cha rig pas sbyar// slob dpon zhugs nas slob ma 'jug/ gangs la babs pa'i rigs kyi lha// spyan dbye gsang ba'i dkyil 'khor ltos// rigs dang sbyar nas dbang yang rdzogs// rgyud kyi rgyal po sangs rgyas mnyam sbyor las/ dkyil 'khor rnal 'byor spros pa'i le'u ste drug pa'o// // de nas de bzhin gshegs pa thams cad kyis gsang ba sbyin pa zhes bya ba 'di gsungs so// lus kyi dkyil 'khor gru bzhi la// rdo rje mchu dang rdo rje bcas// mtshon can po dag bsgrub pa ni// mthu yis rab tu grub pa ste// pad+ma'i snod kyi nang du gzhug/ chags pa chen po bcom ldan 'das// rdo rje sems dpa' de bzhin gshegs// sangs rgyas kun gyi rdo rje'i thugs// dam tshig 'di ni 'da' bar dka'// de yi mtshal dang khu ba dang // mtshal chen po yi bsgrub pa dag/ chags pa chen po las byung bas// dmar chen po zhes bya bar bshad// dmar chen po dang ga bur bcas// tsan+dan dmar po sbyar ba dag/ tshogs kyi dbus su bzhag pa ni// ra sa ya na kun slong bas// rang gi lha yi sbyor ldan pas// srin lag mthe bo'i rtse mo yis// zhim pa'i btung ba bzhin myangs na// rtag pa yi ni dngos grub thob// b+ha ga pad+ma'i dkyil 'khor du// skal ldan gsol btab dam tshig sbyin// de nas khrus byas dris lus byug/ ci 'byor ba yi gos dang rgyan// sna tshogs

  172. 86b

    gos dag bgos nas ni// kha dri zhim pa'i me tog phreng // sna tshogs skal pa bzang po can// slob ma dal gyis dal gyis su// gos dag bkab pa'i sbyor ba yis// bdag gi 'byung ba bskul bar bya// rdzogs pa'i sangs rgyas nyi zla rnams// shar ba dag ni mthong ba yis// sdig pa kun las grol 'gyur zhing // bsod nams thams cad 'grub par 'gyur// rnal 'byor bde chen dbang 'dod pa// chos kyi dbyings kyi dkyil 'khor du// rim dang cig char 'jug pa yis// de nyid yang dag bsgom pa ni// rig pa rang bzhin 'od gsal ba// dngos med rtog pa'i bag chags dag/ sgyu ma me long gzugs brnyan 'dra// sgyu mas sgyu ma stong pas na// sgyu ma'i rang bzhin mi dmigs phyir// chos kyi sku 'dir shes par gyis// ji ltar nam mkha' drangs pa la// rang bzhin med ltar rang sems zhog/ 'od gsal chos sku rtog med la// bslad pas dri mas gos 'gyur phyir// ma bslad bu gcig rang sar zhog/ brjid pa chen po'i khri steng na// skal ldan chen po bzhag nas ni// gdugs dang rgyal mtshan ba dan dang // rol mo rnams kyis rnam brgyan nas// bdud rtsi rnam rgyal bum pa'i chu// rigs kyi cod pan mdzes par bcing // khams gsum kun gyis phyag byas pa// gsang ba gsum gyi gnas las byung // dbang bskur ba yi rdo rje che// mi ldog pa yi dbang bskur ro// sku

  173. 87a

    dbang mda' gzhu gtad pa dang // shes rab dril bu gsung gi dbang // thugs kyi dbang du me long brtan// yon tan yangs pa mig zur dbang // phrin las brtul zhugs chen po'i dbang // gdams ngag 'debs pa tshig gi dbang // gsang ba'i mtshan rtags ming gi dbang // nyan dang 'chad dang bsgrub pa dang // phrin las dbang rnams rdzogs par bskur// 'khor lo rkang par bzhag byas nas// lag pa g.yas par dung sbyin te// g.yon par lce ni sbyin par bya// 'jig rten kun la thams cad du// sems can kun la phan pa'i phyir// ji ltar sna tshogs 'dul gyur pa// rdo rje'i 'khor lo rab tu bskor// khro bo'i 'khor lo rab tu bskor// nor bu'i 'khor lo rab tu bskor// pad+ma'i 'khor lo rab tu bskor// sna tshogs 'khor lo rab tu bskor// bya spyod rnal 'byor rgyud rnams la// 'khor lo rab tu bskor ba dang / bla med rnal 'byor chen po la// ma hA a nu a ti la// blo dang mthun sbyar 'khor lo bskor// 'gro drug sems can dbyangs phyung zhig/ dri ldan ye shes mnyes bya'i phyir// gang la yongs su btang dka' ba// gang yin de ni mchog tu bshad// gang dang gang la yid 'ong mchog/ de dang de ni bla mar dbul// yang na shin tu khyad par can// bla ma'i sems la dgos pa gang // de dbul yang na zho sha dbul// dngos

  174. 87b

    po chung la mnyes pa mchog/ rdo rje sems dpa'i yon dbul ba'o// bu mo shin tu brgyan pa'am// de bzhin chung ma sdug pa gang // phul nas yon gyis bslu ba yin// sangs rgyas byang chub mchog yin no// rdo rje rigs la bdag nyid dbul// slar yang rin gyis bslu bar bya// rdo rje 'dzin pa dpal sbyor ba'i// 'bul ba yon gyi mchog yin no// mu tig bzang po nor bu dang // shin tu dkar ba'i ras zung dang // de bzhin rta ni dkar po dag/ pad+ma can gyi yon mchog yin// rgyal rigs longs spyod gter rnams dang // gos dang rgyan gyi tshogs rnams dang // de bzhin mchod pa thams cad ni// rdo rje nyi ma'i yon yin no// shin tu brgyan pa'i rta dag dang // glang po shin tu brgyan pa yang // shing rta rin chen gang ba dang // rta dag rta mchog yon yin no// bla ma mnyes par gang byas pa// de ni chung yang mchog yin te// che ste rin chen ri rab tsam// chung ste khab skud yan chad la// bla ma mnyes pa gang 'bul ba// dkyil 'khor dgu yi yon yin no// rgyud kyi rgyal po sangs rgyas mnyam par sbyor ba las/ dbang bskur phyag rgya'i le'u ste rtog pa bdun pa'o// // de nas thabs yod par byin gyis brlabs pa zhes bya ba 'di gsungs so// bla med gsang zhugs skal bzang po// ji ltar rgyud 'phel grub 'dzin pa// rtsa ba sku gsung thugs rnams bsrung // dus

  175. 88a

    bzhir rigs drug skur bsgom zhing // gsang sngags phreng ba ngag la 'chang // rdzogs pa'i rim pa sgom byed pa// sbyor lam kun las nyams pa med// zhing dang sngags dang las skyes ma// mtshan bzang gang yin bde ba skye// dam tshig gsang ba kun tu bsrung // zhing bcu'i tshogs la gnas spor cing // 'gal ba dag la mtshon cha'i char// phab nas bde bar gshegs la 'bul// yum drug dam tshig la gnas phyir// dam tshig dam pa sngags kyi sgra// na mo b+hA sarba b+hud+d+he b+h+yaH// zhes pa'i phyag rgya la gnas na// las dang mchod pa ma lus pa// lus pa med pa thams cad 'grub// rab byung rnams kyi grub pa kun// chos dbyings mnyam dang mi mnyam pa// nam mkha' dbyings kyi mtha' klas pa'i// lan gcig brjod pas 'grub pa'i phyir// dam tshig chos kyi phyag rgya 'dis// gang dag byas par ma gyur cig/ spel ba dag kyang ma gyur cig/ dam pa rgya chen de dag med// oM ru ru s+phu ru dza la tiSh+Tha sid+d+ha lo tsa na sarba ar+tha sA d+ha ni swA hA/ chos kyi phyag rgya mchog 'di ni// sems can thams cad bya byed pa// stobs kyis myur du bkug nas ni// bran bzhin de ni byed du 'jug/ d+hU pa b+ha ga ta ma hA de bi hi ri mi ri ni shre ya/ chos kyi dam pa phyag rgya 'di// 'dod pa bde ba kun sbyin pa'o// au tA re tu tA re tu re swA hA/ chos kyi phyag rgya la gnas

  176. 88b

    pa// sangs rgyas byang chub rab bsgrub nas// bud med gzhan lta ci zhig smos// traM ba ba ta ta Ta Ta Ta/ re ba thams cad kun rdzogs pa// chos kyi phyag rgya dam pa 'di// re ba thams cad rdzogs byed pa'o// shrI badz+ra pad+ma ba ta ba mu kha yo gI shwa ri hi hi hi hi hi/ chos kyi phyag rgya dam pa 'di// 'jig rten thams cad rab tu 'jig/ 'di rnams dam tshig mchog yin te// chos kyi phyag rgya shes pa'o// zhe sdang chen pos zhe sdang ba// gti mug chen pos gti mug che// nga rgyal nga rgyal dag la gnas// 'dod chags can la 'dod chags sbyor// de bzhin phrag dog phrag dog nyid// khong khro rab tu gtum gdug can// drag po 'jigs byed 'jigs par byed// rigs kyi dam tshig chen po ni// rigs drug 'gro drug thabs kyis 'dul// dam tshig rnam pa cir snang yang // chos nyid ngang las ma yengs par// rtsa ba yan lag mi 'da' bar// grub pa thams cad yongs su rdzogs// slob dpon la ni rtag tu gus// mched la gdung zhing gsang ba thub// sngags dang phyag rgya rgyun mi gcad// rig pa nyid de skyes pa'o// zhes gsungs pa'o// rgyud kyi rgyal po sangs rgyas mnyam sbyor las/ thams cad yod pa dam tshig gi le'u ste rtog pa brgyad pa'o// // de nas de bzhin gshegs pa rnams kyis sna tshogs rab tu gsal ba zhes bya ba 'di gsungs so// 'gro ba'i 'khor lo

  177. 89a

    mchod pa ni// yongs grub 'dod yon lha skur gsal// gzhan yang 'dod yon lha mor bcas// rigs drug lnga tshogs rnam par mchod// 'dug pa'i 'khor lo bsgom pa ni// dpral ba mgrin pa snying ga spyi// lte ba lkog ma gsang ba ru// rnal 'byor 'khor lo drug bsgom ste// lag pa gzar bu rnam gnyis kyis// lus kyi dkyil 'khor mchod nas ni// ye shes mes ni bag chags bsreg/ thal ba bshad lam las phyung ba// nang gi sbyin sreg mchod pa'o// phrin las 'khor lo bsgom pa ni// dge dang mi dge lung ma bstan// lus ngag spyod pa rnam dag pa// 'od gsal chos sku bsgom par bya// phrin las sgrib dag mchod pa'o// nyams chags skong ba'i 'khor lo bskor ba ni// rigs drug lha yi thugs ka ru// rta mchog 'khor lo nyid bsgoms nas// de la dbang lnga bskur byas na// nyams pa dag par byed pa ste// dam tshig nyams pa dbang bskur mchod pa'o// rtog pa 'khrul pa'i 'khor lo bsgom pa ni// rnam rtog shas che'i rnal 'byor pas// khrus kyi 'khor lo bsgom pa ste// rigs drug mdun du 'khor lo drug/ bum pa drug ni rdzas dang ldan// lha bsgoms sngags ni grangs rdzogs nas// bkrus pas 'dag pa'i mchod pa'o// le lo gzhom pa'i 'khor lo ni// le lo shas che'i rnal 'byor pas// rgyun chad med pa thun bzhi ru// lha yi 'khor lo spro

  178. 89b

    bsdu bsgom// ldang ba sprul pa'i sku yin ste// rmi lam longs spyod rdzogs pa'i sku// gnyid log chos skur bsgom par bya// le lo 'joms pa'i mchod pa'o// yid skyo gsang ba'i 'khor lo ni// yid ni skyo ba'i rnal 'byor pas// rgyun du lha yi rnal 'byor goms// dang po'i las kyi rnal 'byor pas// grangs dus mtshan ma'i bsnyen pa skyol// yid skyo bseng ba'i mchod pa'o// mi brtan pa yi 'khor lo ni// mtshan ma thob pa'i rnal 'byor pas// mtshan ma brtan par bsgom par bya// brtan pa thob pa'i mchod pa'o// brtan pa yang dag sbyor ba'i 'khor lo ni// mtshan thob mngon shes skyes pa'i rnal 'byor pas// mchog gi dngos grub yang dag ye shes bsgom// yang dag dbang bar bsgom pa'i mchod pa'o// 'di ltar gnas pa'i rnal 'byor gang yin pa// rab ni sku lnga lhun grub thob// 'bring ni rig 'dzin rnam bzhi'i lus// tha ma lha mi'i mtshan rdzogs pa// 'grub par 'gyur ba gdon mi za// zhes gsungs so// de nas de bzhin gshegs pa thams cad kyis 'di gsungs so// rang gi lha yi rnal 'byor pas// gdong rgyan gon te bsgrub pa ni// gsang sngags brjod na 'grub pa ste// oM TaM ki hUM dza/ lhar gsal nyin re de brjod na// rdo rje sems dpa'i dngos grub thob// rdo rje mkha' 'gro'i dngos grub ni// bde mchog ma yi ting 'dzin gyis// ts+tshir

  179. 90a

    bzlas bsgrub bya'i snying gcod 'gyur// rdo rje mkha' 'gro'i rnal 'byor gyis// tsi gis bsgrub bya'i snying bcad nas// oM ts+tshi daM ts+tshi daM hUM phaT/ bzlas na bsgrub bya gang yin pa// ma shi'i bar du 'gugs par byed// khrag 'thung chen po sme sha ni// bsgoms te 'di nyid ngag tu brjod/ oM shuSh+Ti mu/ bzlas na mkha' 'gro thams cad 'grub// byin rlabs mngon sum lam mkhas pa// rnal 'byor can gyi sgrub pa pos// oM DAk+ki ni hUM dza/ bzlas na nyes pa kun las grol// rigs drug bsgom pa'i rnal 'byor pas// dge ba'i brtul zhugs byas nas ni// sro bsdams lce rtse rkan gtad nas// oM AHhUM zhes brjod na// rdo rje'i bzlas pa de yis ni// rgyal ba kun gyi sku gsung thugs// thig le stong pa yi ge gsum// kun dang mthun pa de nyid thob// bzhengs bzhugs spyod lam thams cad du// hUM las byung ba'i he ru ka/ mthing nag zhal gcig phyag bzhi pa// stong nyid rdo rje thabs kyi mda'// sku yi kha T+wAM shes rab gzhu// rang gi phyag tu rnam par 'dzin// ko'u ri la sogs ma mo brgyad// zla gam dgu pa'i dkyil 'khor mchog/ 'bru brgyad bsnyen pa ngag tu brjod// sngags 'dis yongs rdzogs chu bur ba// oM badz+ra shrI he ru ka ma d+ha sarba duSh+TAn// skur gsal rnal 'byor de nyid la// bka' nyan go bsgos bcings pa na// bgegs kyi sbyor ba kun dang

  180. 90b

    bral// kaM las rdo rje go khrab ste// haM zhes rdo rje rgyun zag bsdams// oM las rin chen hUM rin chen// zag gnyis mdzub gu la bcing ngo // rat+na mA le a b+hi Shiny+tsa/ rin chen phreng bas bcing ba dang / pa Ta laM/ dar dpyangs dkar po g.yas su 'phur// a b+hi Shiny+tsa laM/ dar dpyangs dmar po g.yon du 'phur ba'o// dur khrod thod pa'i khang pa ru// hUM yig rdo rje yongs gyur pas// oM shrI he ru ka hUM zhes pa/ brjod 'gying nag po rdo rje 'phyar// dung dmar ba dan kha TAM bcas// oM badz+ra he ru ka k+Sha pa ru lu ru lu hUM b+h+yo hUM/ gsang sngags 'di la gnas gyur na// da lta nyid du sangs rgyas pa'o// zhes gsungs so// rgyud kyi rgyal po sangs rgyas mnyam sbyor las/ las sna tshogs par las kyi phreng ba'i le'u ste rtog pa dgu pa'o// // de nas de bzhin gshegs pa thams cad kyi yon tan yongs su brjod pa zhes bya ba 'di gsungs so// oM mnyam nyid mi g.yo mnyam nyid mchog gi chos nyid can/ thugs rje'i bdag nyid 'gro ba'i sdug bsngal sel bar mdzad// yon tan mtha' yas dngos grub thams cad sbyin mdzad pa// dri med mi g.yo mnyam nyid dam pa'i mchog chos can// yon tan shin tu phra ba'i cha la'ang tshad med de// dpe ni nam mkha' la yang kun tu yod pa min// dngos grub mtha' yas mnyam med dpe dang bral ba'i rnams// sems can khams la dngos grub

  181. 91a

    mchog rnams nges par stsol/ rtag tu dri ma med pa thugs rje'i shugs las byung // smon lam 'grub pa 'gag pa med pa'i chos nyid can// 'gro ba'i don grub rab tu brtson pa mtha' yas pa// thugs rje chen po'i bdag nyid rtag tu rnam par snang // tshad med tshad dang bral ba shin tu rdzogs pa yi// bde bar gshegs pa'i go 'phang dam pa shin tu mnyes gyur kyang // khams gsum rnams la dngos grub mchog stsol mdzad pa yi// thugs rje'i spyod pa mi g.yo 'gag par yang mi 'gyur// e ma ho shin tu bzang po'i chos nyid mchog dang ldan// mchog sbyin rnams kyi nang na go 'phang mchog mnyes pas// khams gsum kun la dngos grub mchog stsol mdzad pa yi// mgon po dus gsum sgrib pa med par rab mkhyen pa// dam tshig mchog gsum dngos grub dam pa bdag la stsol// zhes gsungs so// de nas de bzhin gshegs pa thams cad kyis shin tu gdug pa 'dul ba'i tshogs rnams la yon tan bsngags pa 'di gsungs so// sgeg pa dpa' ba 'jig su rungs pa dang // rgod dang gshe dang rngams pa'i nga ro dang // snying rje rngam dang ngo mtshar chen po dang // sku yi dngos po shin tu 'gyur ba'i gar// dur khrod rus pa'i rgyan rnams rab tu mdzad// theg mchog glang chen ko ba brjid dang ldan// thabs mkhas zhing chen pags pa mdzes

  182. 91b

    pa'i rgyan// 'jo sgeg stag gi pags pa chos nyid rgyan// rak+ta thal chen zhag gi mi srin dbang du sdud// bdud dang srin po tshar gcod rA tra sgrol// dpa' rtags mtshon cha thabs kyi ye shes me// bdud kyi bdud 'joms bdud dpung thal bar rlog/ drag po drag chen drag rgyal he ru ka/ mtshan dpes rgyan ldan 'gro ba'i don mdzad pa// sku yi gar mdzad gsang sgor 'gro ba 'jug/ tug chom 'brug sgra stang khams bgegs sa sgrogs// gad rgyangs gad mos gsang ba'i bshugs glu len// rtag chad mu stegs 'gog pa nyan thos bu// dman pa'i theg pa log lta 'byung po 'dul// seng ge'i nga ros gcan gzan gdug pa 'dul// tshangs pa'i dbyangs kyis skal ldan rnal 'byor skyong // chos 'chad log lha tshar gcod bdud dregs 'dul// ngan song stongs mdzad thar pa'i lam la 'god// thugs rjes 'dren pa snying rje'i rgyun zag can// smon 'jug sems lnga bskyed cing nyon mongs 'dul// zhi des byams pa'i gsang ba kun la sgrogs// 'dul sbrul ma nges nges pa'i skur ston cing // ngo mtshar gzugs snang khang stong nam mkha'i 'ja'// sems can don mdzad 'dul sgo nyon mongs zhi// rig pa'i rgyal po bla med he ru ka/ rig 'dzin rnal 'byor dngos grub mchog stsol mdzad// rnam dag sku lnga 'jigs pas nam mkha' 'dra// sha dang khrag med stong pa ye shes

  183. 92a

    !// gnas bcas drug 'jams dpa' ba 'jigs pa bral// klu gsung ldan grub brdal ba zag la rba// skang kyang dbyar med shes rab thabs ldan sa// 'bar dang mya ngan 'das pa rdzogs par rol// rgyud kyi rgyal po chen po sangs rgyas mnyam sbyor las// yon tan yongs su brjod pa'i le'u ste rtog pa bcu pa'o// // de nas de bzhin gshegs pa sras sangs rgyas byang chub skal ldan ma dang / zhal bzang ma dang / kun bzang ma dang // mi bzang ma dang / sprin chen ma dang / nam mkha' spyan ma dang / sangs rgyas dbyangs ma dang / dbang mo dang / bde mchog ma dang / e ma bde ba dang / sgrol ma dang / zla ba mo dang / sangs rgyas byang chub ma dang / chos kyi 'khor lo ma dang / kun bzang ma dang / kau ri ma dang / tsau ri dang / phra mo ha dang / be tA li dang / puk+ka si dang / g+hasma ri dang / tsan+da li dang / sma sha ni dang / mda' 'dzin ma dang / kha T+wAM 'dzin ma dang / 'khor lo 'dzin ma dang / sna tshogs pa dan 'dzin ma dang / dbang skur ma dang / gter ldan ma dang / rgyal mtshan mchog dang / mchod rten ma dang / mda' gzhu 'dzin ma dang / ral gri 'dzin ma dang / nyi ma 'dzin ma dang / sbyin sreg ma dang / rnam gzigs ma dang / sgrol ma ri mi dang // sa 'dzin ma dang / khro gnyer ma dang / gtum pa'i dbang phyug ma dang / sna tshogs pad+ma dang / pad+ma'i na

  184. 92b

    bza' ma dang / 'dod pa'i dbang mo dang / sna tshogs pad+ma rgya gram ma dang / sna tshogs rdo rje ma dang / gling bu ma dang / bi wang ma dang / rnga chen ma dang / rdza rnga ma dang / me tog ma dang / bdug pa ma dang / mar me ma dang / dri chab ma dang / la ste ma dang / mA le ma dang / gIrti ma dang / nirti ma dang / gzugs rdo rje ma dang / sgra rdo rje ma dang / dri rdo rje ma dang / ro rdo rje ma dang / lcags kyu 'dzin ma dang / zhags pa 'dzin ma dang / lcags sgrog 'dzin ma dang / dril bu 'dzin ma dang / gzhan yang dpa' bo thams cad dang // dpa' mo thams cad dang // rig 'dzin thams cad dang // byang chub sems dpa'i rigs su gyur pa thams cad dang / gsang ba'i rigs su gyur pa thams cad kyis// mnyes pa chen po'i mchod pas mchod do// rtog pa'i rgyal po nyid la rjes su yi rang bar mdzad pa'i phyir/ nyid la nyid snang ngo // nyid la nyid spyod do// nyid la nyid gnas so// nyid la nyid sdud do// nyid la nyid spel lo// nyid la nyid sgrogs so// yongs su spro'o// shin tu spro'o// yongs su shin tu spro'o// spro ba de nyid dbyer med par gyur te/ gzhi 'dus pa'i rgyud bstan to// lam spros pa'i rgyud du ston to// 'bras bu yongs su 'dus pa'i rgyud du ston to// mang du bskyed pa'i rgyud du bstan to// nyung du sdud pa'i rgyud du bstan to// yongs su 'dus pa rtsa bar bstan to// yongs su

  185. 93a

    bkod pa bshad par bstan to// lkog tu gyur par ston pa kha skong bstan to// mdud pa dgrol bar dka' ba gcod par bstan to// des de bzhin du gsungs so// de nas de bzhin du mkhyen to// de rnams de bzhin du yi rang bar gyur to// mngon par 'dud par gyur to// de nyid de bzhin du gyur to// de nyid de bzhin sdud do// de nyid de bzhin bsdus nas de bzhin du gsungs so// yongs su gsungs so// rnam par gsungs so// de nyid gsungs pa bzhin 'dzin/ yongs su 'dzin to// rnam par 'dzin to// rgyud kyi rgyal po sangs rgyas mnyam sbyor las/ yongs su bkod pa'i rtog pa la rjes su yi rang zhing bstan pa gtad pa'i le'u ste rtog pa bcu gcig pa'o// // sdud pa'i rgyud dam pa gsang chen gyi rtog pa/ sangs rgyas thams cad dang mnyam par sbyor ba zhes bya ba/ mkha' 'gro sgyu ma bde mchog/ dus gsum sangs rgyas thams cad kyi sku 'dus pa chen po'i rang bzhin sangs rgyas mnyam sbyor gyi rgyud rdzogs so// rgya gar gyi paN+Di ta g+hA h+ya gsang ba dang / bod kyi lo tsA ba 'brog mi dpal gyi ye shes kyis bal yul du bskur cing zhus te gtan la phab pa'o// //

  186. 93b

    rgya gar skad du/ shrI sarba bud+d+ha sa ma yo ga DA ki nI dzA la sam+ba ra nA ma ut+ta ra tan+ta/ bod skad du/ dpal sangs rgyas thams cad dang mnyam par sbyor ba mkha' 'gro ma sgyu ma bde ba'i mchog ces bya ba'i rgyud phyi ma/ dpal rdo rje sems dpa' la phyag 'tshal lo// sems dpa' sangs rgyas kun gyi dngos// rdo rje sems dpa' bde ba'i mchog/ gsang ba mchog gi dgyes pa na// thams cad bdag nyid rtag tu bzhugs// 'di ni rang byung bcom ldan 'das// gcig pu rab tu che ba'i lha// sangs rgyas thams cad mnyam sbyor ba// mkha' 'gro sgyu ma bde ba'i mchog/ chags med chags dang bral ba'ang min// dbu mar yang ni mi dmigs so// bud med kun gyi sgyu ma'i rgya// 'di ni gnyis med theg pa'i mchog/ sgyu ma dag ni thams cad pas// bud med sgyu ma khyad par che// ngo bo nyid kyi mthu dag gis// rang bzhin gyis ni de 'grub pa'o// 'jig rten gsum 'dir bud med 'dis// gus par byed pa dag tu 'gyur// rnyed dang bde dang dga' kun gyis// ngan par spyod pa'ang 'grub par 'gyur// rang gi ngo bo yongs bsgyur na// bud med kun gyi sgyu mas 'grub// ngo mtshar sgyu ma'i phyag rgya 'dis// mkha' 'gro ma zhes brdar bstan to// DA ni nam mkhar 'gro ba zhes// khams las mngon du btags pa ste// nam mkha' kun tu spyod 'grub

  187. 94a

    pas// mkha' 'gro ma zhes rab tu grags// thams cad ma lus phyag rgya yi// thams cad ma lus bde mchog gis// sangs rgyas thams cad mnyam sbyor ba// mkha' 'gro ma zhes rab tu grags// de ni nam mkha' 'gro ba zhes// sangs rgyas khams las rnam par brtags// kun tu 'gro bar grub pa ni// sangs rgyas kun bdag mkha' 'gro ma'o// shaM zhes bya ba bde bar bshad// sangs rgyas kun gyi bde chen yin// sgyu ma thams cad rab sbyor ba// mchog tu bde bas bde ba'i mchog/ kun tu kun nas thams cad ni// bdag nyid rtag tu rnam pa kun// sangs rgyas la sogs brtan g.yo kun// kun gyi dngos por bdag gyur to// sems dang sems dpa'i ting 'dzin dang // byang chub spyod pa sna tshogs nyid// de bzhin bdud dang bdud las rgyal// de ni byang chub sangs rgyas yin// rdo rje rdo rje 'dzin nyid dang // de bzhin pad+mo pad+mo 'chang // nor bu nor bu 'dzin nyid dang // de dag gi yang rigs yin no// de nyid 'dod chags 'dod chags bral// 'dod pa dang ni grol ba'ang yin// dus gsum srid gsum mchog gsum dang // 'jig rten gsum dang khams gsum dang // rnam pa sna tshogs tha dad pa'i// gnas pa thams cad de nyid do// 'gro ba dag ni ma lus kun// thams cad du ni 'di 'gyur ro// de la sogs pa mtha' yas mchog/ chos

  188. 94b

    dbyings mnyam dang mi mnyam pa// nam mkha'i dbyings kyi mtha' klas pa'i// dngos po thams cad de yin te// nam mkha' kun gyi skabs na dpal// rdo rje sems dpa' de bzhin gshegs// sangs rgyas thams cad mnyam sbyor ba// mkha' 'gro sgyu ma bde mchog go/ bskal pa bye ba grangs med par// sangs rgyas thams cad ma thob pa// phyag rgya'i cho ga gang dag gis// tshe 'di nyid kyis thob 'gyur ba// de nyid bdag gis brtag par bya// sangs rgyas kun bdag bde ba'i mchog/ bdag nyid shin tu bsgrubs pa las// sangs rgyas kun bdag bde mchog go/ rnal 'byor yang dag ma yin sems// lha la dmigs par byed pa dang // rnal 'byor gzugs brnyan rang bzhin te// lugs ma la sogs rnal 'byor skye// yang dag mchog sems rnal 'byor pa// lha la dmigs par byed pa dag/ rang gi dam tshig mnyam sbyor ba// mi 'gyur dam pa 'grub par 'gyur// gzugs rnyan lugs la sogs pa la// rnal 'byor skye bar mi 'gyur gyi// byang chub sems la rab brtson na// de las rnal 'byor lhar 'gyur ro// byang chub sems ni rdo rje ste// sangs rgyas kun gyi bdag nyid yin// de bas thams cad bdag sbyor bas// sangs rgyas thams cad thob par 'gyur// bdag nyid sangs rgyas thams cad dang // dpa' bo thams cad bdag yin no//

  189. 95a

    bas bdag nyid ltar sbyor bas// bdag nyid rab tu bsgrub par bya// de yis sangs rgyas thams cad dang // dpa' bo rnams kyang thams cad dang // rdo rje 'dzin pa thams cad du// tshe 'di nyid la 'grub par 'gyur// zhes bcom ldan 'das dpal rdo rje sems dpas de skad gsungs so// sangs rgyas thams cad dang mnyam par sbyor ba mkha' 'gro sgyu ma bde ba'i mchog las de kho na nyid snang ba dam pa'i yul la 'jug pa ye shes kyi phyag rgya'i rtog pa ste dang po'o// // 'di ni rnal 'byor bcom ldan 'das// rdo rje sems dpa' de bzhin gshegs// sangs rgyas thams cad mnyam sbyor ba// mkha' 'gro sgyu ma bde ba'i mchog/ rdo rje sems dpa' bdag sbyor bas// dbab pa thams cad rab tu 'grub// sangs rgyas thams cad mnyam sbyor ba// rnal 'byor dbang phyug bde ba che// de bas bde ba nyid kyis ni// sangs rgyas bde ba kun 'thob po// sangs rgyas thams cad mnyam sbyor ba// rnal 'byor dbang phyug bde chen po// 'di la khrus dbang sdom mi dgos// dka' thub dka' ba spyad mi dgos// dka' thub sdom pa med pa dang // bde ba dang ni dga' bas 'grub// de bas ji ltar 'dod spyod cing // kun za de bzhin thams cad sbyong // spyod pa ji ltar 'dod par byed// g.yo ba dag kyang ci dgar byed// langs pa dang ni 'dug

  190. 95b

    pa'am// 'chag gam ji ltar gnas kyang rung // dgod dam rab tu smra yang rung // gang na ji ltar spyod kyang rung // dkyil 'khor du yang ma zhugs pa'am// sgrib pa kun dang ldan pa'ang rung // rang gi lhar ni bdag sbyor na// bsod nams chung yang 'grub par 'gyur// de nyid rnal 'byor 'di yis ni// thams cad 'grub par byed pas na// ngan zos ngan spyod thams cad kyis// nyes pa dag tu yongs mi 'gyur// bskal pa bye bar mi thob pa// sangs rgyas dam pa thams cad de// phyag rgya'i cho ga dag gi ni// bsgrub na kun tu thob 'gyur ba// bdag nyid grub par byed pa'i mchog/ 'di ni bdag gis brtag par bya// sangs rgyas thams cad mnyam sbyor ba// mkha' 'gro sgyu ma bde ba'i mchog/ rdo rje sems dpa' bdag sbyor ba// cha lugs ji bzhin sbyor ba yis// thams cad sna tshogs phyag rgya'i bdag/ bsod nams chung yang 'grub par 'gyur// rgya 'di bsgrub pa tsam gyis ni// sangs rgyas thams cad byin gyis rlob// shin tu byin gyis brlabs nas ni// sangs rgyas thams cad 'du bar 'gyur// sangs rgyas kun dang mnyam sbyor bas// sangs rgyas kun dang mnyam par 'gyur// sangs rgyas kun dang mnyam pa'i phyir// sangs rgyas thams cad 'grub par 'gyur// gang gis ldan pa 'di mthong zhing // rnam pa kun tu mchod byed na// de yis

  191. 96a

    sangs rgyas thams cad kyang // mthong zhing mchod pa byas par 'gyur// 'di dang sangs rgyas thams cad la// mthong ba dang ni reg pa yis// dkyil 'khor dag tu ma zhugs pa'ang // bden pa dag kyang mthong bar 'gyur// mthong ba dang ni reg pa dang // thos pa dang ni dran pa yis// sdig pa kun las rnam grol zhing // sangs rgyas dngos grub thams cad 'grub// 'di dang sangs rgyas thams cad la// rnal 'byor thams cad mnyam sbyor bas// bud med dag kyang rnam grol zhing // sangs rgyas byang chub reg par 'gyur// kun tu kun nas thams cad ni// bdag nyid rnam pa thams cad du// sangs rgyas thams cad dngos grub par// de yi bdag nyid mthong bar 'gyur// 'di ni bdag nyid kun gnas pas// mchod pa'i sprin chen thams cad kyi// bkod pa rab 'byam tshogs dag gis// de bzhin gshegs pa mchod pa mdzad// thams cad bdag nyid sbyor mchod dpal// rdo rje sems dpa' mchog gyur pa// sangs rgyas kun gyi rang bzhin te// bde ba'i mchog ni thob par 'gyur// rnal 'byor kun la nyer sbyor bas// dpal ni gzhir 'gyur 'grub par 'gyur// rnal 'byor kun ni bcom ldan 'das// rdo rje sems dpa' de bzhin gshegs// de yi nye bar sbyor ba ni// khams gsum ma lus thams cad do// rnal 'byor kun gyis

  192. 96b

    longs spyod kyis// ji ltar bde bar bsten byed cing // rang gi lha yi rnal 'byor gyis// bdag nyid rab tu mchod par bya// rjes su sbyor bas mchod byed cing // rnal 'byor kun gyi bde ba dang // bdag nyid kun tu myong byed na// shin tu sbyor bas 'grub par 'gyur// sangs rgyas kun gyi bdag nyid kyi// ra sa ya na bde ba 'dis// rdo rje sems dpa'i dpal tshe dang // lang tsho nad med bde mchog 'grub// kun tu kun nas thams cad du// sangs rgyas thams cad mnyam sbyor ba// mkha' 'gro sgyu ma bde ba'i mchog/ rtag tu des ni 'grub par 'gyur// zhes bcom ldan 'das dpal rdo rje sems dpas de skad ces gsungs so// sangs rgyas thams cad dang mnyam par sbyor ba mkha' 'gro sgyu ma bde ba'i mchog las dpal rdo rje sems dpa' kun tu sbyor ba'i rtog pa ste gnyis pa'o// // 'di ni rnal 'byor bcom ldan 'das// rdo rje sems dpa' de bzhin gshegs// sangs rgyas thams cad mnyam sbyor ba'i// mkha' 'gro sgyu ma bde ba'i mchog/ rdo rje sems dpa'i rnal 'byor pa// dpal ldan rang gi dam tshig bde// sangs rgyas thams cad mnyam sbyor ba'i// rnal 'byor dbang phyug bde ba che// rdo rje sems dpa' dpal sbyor ba'i// mthu nyid kyis ni thams cad du// phyag rgya bde ba chen po kun// so so rjes su rab 'grub 'gyur// rdo rje sems dpa'

  193. 97a

    dpal sbyor bas// mthu nyid kyis ni thams cad du/ rnal 'byor bde ba mos pa kun// so so'i rjes su rang 'grub 'gyur// rdo rje sems dpa' dpal sbyor bas// mthu nyid kyis ni thams cad du// bde ba mos pa'i dngos grub kun// so so'i rjes su rang 'grub 'gyur// rdo rje sems dpa' dpal sbyor bas// mthu nyid kyis ni thams cad du// bde ba mos pa'i dbang phyug kun// so so'i rjes su rang 'grub 'gyur// rdo rje sems dpa' dpal sbyor bas/ mthu nyid kyis ni thamams cad du// nam mkha'i dbyings kyi mtha' yas pa'i// bud med mchog rnams skye bar 'gyur// de yi dam tshig de byung ba// sdug pa'i dam tshig bdag rjes 'brang // shin tu sbyor dang sbyor chen po// thams cad bdag nyid dam tshig mchog/ gcig bzhin du ni gcig spyod pa// lhan cig spyod pas rjes spyod sdug/ sangs rgyas thams cad mnyam sbyor ba// mkha' 'gro sgyu ma mchog tu 'bar// thams cad dga' ba ma lus pa'i// phyag rgya thams cad bde ba che// rtag pa dam pa lha mo yi// rgyal mos mchod pa thams cad mchog/ rdo rje sems dpa' sbyor ba dang // thams cad lha mo 'dus pas ni// ma lus skal pa bzang po kun// bde bas so so rjes su 'grub// phyag rgya 'di yis btab pa las// rdo rje sems dpa' che ba'i lha// nam mkha'i dbyings kyi mtha' klas

  194. 97b

    pa'i// lha mo bde ba chen mo kun// thams cad rnal 'byor bde bas myos// sdig med stobs kyis ngo 'thon du// phan tshun du ni rab dga' bas// skyes bu'i tshul gyis dga' bar byed// dbang de kun nas byung ba yis// mchod pa'i sprin chen thams cad kyi// bkod pa rab 'byam tshogs rnams kyis// thams cad bdag nyid mchod par byed// rnal 'byor bde ba thams cad kyi// dbang bskur bde chen las byung ba// rin chen tshogs rnams thams cad kyis// rab tu rmongs pas dbang bskur 'gyur// lha ma kun gyi longs spyod la// ci bde bar ni bsten bya ba// bdag ni che ba'i lhar sbyor bas// bdag la bdag gis rab tu mchod// rnal 'byor thams cad bde ba yi// rjes su sbyor bas mchod byed cing // rtag tu myong bar byed pa na// shin tu sbyor bas rab 'grub 'gyur// sangs rgyas thams cad bdag nyid kyi// ra sa ya na bde ba des// rdo rje sems dpa'i dpal tshe dang // lang tsho nad med bde mchog 'grub// sangs rgyas kun gyi sku chen dang // sangs rgyas kun gyi gsung snyan pa// sangs rgyas kun gyi thugs chen po// sangs rgyas kun gyi mchod pa che// sangs rgyas kun gyi rgyal chen po// rdo rje 'dzin pa kun gyi bdag/ 'jig rten dbang phyug kun gyi gtso// rin chen dbang phyug kun gyi bdag/ de dag dang ni dga' spyod na// 'dod pa bzhin du 'gro/

  195. 98a

    'od lding // lha mo thams cad grub chen po// 'khor los sgyur ba rab tu 'grub// chos dbyings mnyam dang mi mnyam pa// nam mkha'i dbyings kyi mthas klas par// dngos grub kun gyi bde myos pa// de las rgya cher mchog gzhan med// sangs rgyas thams cad mnyam sbyor ba// rnal 'byor dbang phyug bde chen des// 'di la tshe 'di nyid kyis ni// rnam pa kun tu mi 'grub pa'i// dngos grub kun gyi bde myos pa// chos dbyings mnyam dang mi mnyam pa// nam mkha'i dbyings kyi mtha' klas pa'i// dbang phyug kun gyi bde myos pa// dam pa rgya chen gang yang med// sangs rgyas thams cad mnyam sbyor ba// mkha' 'gro sgyu ma bde mchog des// 'di la tshe 'di nyid kyis ni// rnam pa kun tu mi 'grub med// ces bcom ldan 'das dpal rdo rje sems dpas de skad gsungs so// sangs rgyas thams cad dang mnyam par sbyor ba mkha' 'gro sgyu ma bde ba'i mchog las/ lha mo thams cad dang mnyam par sbyor ba skal pa mchog bzang po dpal rdo rje dam tshig gi rtog pa ste gsum pa'o// // 'di ni rnal 'byor bcom ldan 'das// sems dpa' de bzhin gshegs// sangs rgyas thams cad mnyam sbyor ba// mkha' 'gro sgyu ma bde ba'i mchog/ lha mo kun dang mnyam sbyor ba// skal pa bzang mchog 'dod pa ste// yang dag sbyor ba'i bde myong

  196. 98b

    ba// 'dod chags ther zug brtan pa'o// sangs rgyas kun gyi gzugs chen dang // dbyangs dang dri dang ro dag dang // sangs rgyas kun gyi reg bde mchog/ rang gi spyod par rab spyod do// sangs rgyas pha rol phyin drug dang // gzungs dang sa rnams de bzhin du// dga' bar spyod na lha dang mi'i// skal bzang bud med ci zhig smos// lha yi dngos grub dga' ba dang // sangs rgyas byang chub bde chen po// skal pa bzang po bde myong bas// so sor rjes su rang 'grub 'gyur// dngos grub thams cad las byung ba// de bzhin gshegs pa kun gyi dpal// skal pa bzang po'i longs spyod kun// rang gi spyod par de spyod do// rdo rje can gyi grub mchog dang // 'jig rten dbang po mchog gi dpal// sangs rgyas dga' bas bde dam pa// phrogs nas nye bar spyod par byed// khams gsum dag na ma lus pa'i// sangs rgyas rgyal srid chen po kun// rtsal gyi stobs kyis ngo 'thon du// phrogs nas nye bar spyod par byed// sangs rgyas kun gyi grub chen po// mchog gi dbang phyug dam pa dag/ kun nas phrogs nas de spyod na// longs spyod gzhan lta ci zhig smos// mthu chen las ni bkra shis brtan// phrogs las grub dang dran las dga'// ngo 'thon stobs gyis phrogs nas kyang // de ni dad la sbyin par byed// ma lus 'jig rten gsum rgyal srid// 'jig rten

  197. 99a

    dbang phyug kun dang bcas// ngo 'thon stobs kyis phrogs nas kyang // de ni dad la sbyin par byed// tshangs pa 'jug sel dbang chen gyi// mchog gi dbang phyug dam pa dag/ kun nas phrogs myur sbyin na// longs spyod gzhan lta ci zhig smos// de yi mi sbyin ci yang med// sangs rgyas don du bya ba kun// mi bya ba ni gang yang med// sbyin pa dang ni byed pa'ang yin// sangs rgyas byang chub sems dpa' yang // phrogs nas kyang ni sbyin byed na// las mchog dang ni rab 'byam dang // dngos grub gzhan lta ci zhig smos// dngos grub mchog ni gdon mi za// sde rnams thams cad rab 'joms pa// sangs rgyas kun gyi grub chen po// 'khor los sgyur ba rab grub pa// sangs rgyas thams cad mnyam sbyor ba// mkha' 'gro sgyu ma bde mchog gis// sangs rgyas kun gyi rdzu 'phrul che// rnam par 'phrul pa rab tu 'jug/ la lar byang chub sems chen po// la lar spyod pa mthun par 'gro// la lar dga' ldan lha dag las// dam pa shin tu 'pho ba'o// la lar skye ba rnam par dag/ la lar nges par 'byung bar gsal// la lar byang chub chen por gshegs// sa lar bdud las rab tu rgyal// la lar byang chub mngon 'tshang rgya// la lar chos kyi 'khor lo bskor// la lar pha rol mu stegs rnams// chos dang mthun par tshar gcad

  198. 99b

    do// la lar 'jig rten gsum rgyal ba// grub pa kun gyi dbang phyug nyid// la lar rtog pa thams cad mchog/ grub pa'i dbang phyug bla na med// de la sogs pa mtha' yas mchog/ sangs rgyas kun bdag bde mchog gis// 'dul ba'i thabs su nges pa'i gar// rnam par sprul pas dgyes shing rol// dngos grub chen po kun gyi mchog/ brtan pa dbang phyug chen po'i bdag/ gzugs dang tshe dang kha dog stobs// dpal ldan rdo rje sems dpa' bzhin// 'gro ba dag gis bsnyen bya zhing // de bzhin gshegs pa kun gyis mchod// lha mo kun gyi dpal ldan mchog/ rdo rje sems dpa' rab tu 'grub// sems can khams ni du ma dag/ ma lus par ni phyag rgyas 'debs// lha dang byang chub dga' ba rnams// brtan par sems can dag la smin// sangs rgyas kun bdag bde mchog gis// sems can kun gyi don byed cing // ma lus lus pa med pa yi// bskal pa kun tu srid par gnas// zhes bcom ldan 'das rdo rje sems dpas de skad gsungs so// sangs rgyas thams cad dang mnyam par sbyor ba mkha' 'gro sgyu ma bde ba'i mchog las sna gas thams cad kyi skal pa bzang po mchog gi dngos grub ces bya ste/ dpal dam tshig gi rtog pa ste bzhi pa'o// 'di ni rnal 'byor bcom ldan 'das// rdo rje sems dpa' de bzhin gshegs// sangs

  199. 100a

    rgyas thams cad mnyam sbyor ba// mkha' 'gro sgyu ma bde ba'i mchog/ yang dag grub pa gcig pu nyid// ji ltar 'dod pa bzhin du sbyar// rtog pa'i cho ga thams cad la// grub pa dam pa mchog gi mchog/ sna tshogs las kyi sbyor ba yis// cho ga sna tshogs 'dod pa yi// sems can rnams ni 'dul ba dang // bde ba thams cad 'grub pa'i phyir// bcom ldan rnal 'byor de nyid ni// sangs rgyas thams cad rnam 'phrul bas// sems can kun don rnam 'phrul na// myur du shin tu 'grub par 'gyur// nyin re'am yang na zla re'am// yang na de bzhin lo re ni// ci bzhin byin gyis brlabs nas kyang // sangs rgyas bde mchog gar bya'o// khams kyi ngo bo thams cad dang // de bzhin srog dang rtsol las 'byung // rang gi lha yi cha lugs su// bsgrub pa'i phyag rgya rab tu bya// dkyil 'khor gang dang gang bsten pa// sna tshogs phyag rgya'i mchod pa yis// slob ma'i tshogs kun de dang der// mchod pa byas nas des bsgrub bo// de las gzhan yang rtog kun gyi// sangs rgyas thams cad rnam sprul pa// ci rigs par ni sprul byas pa'i// gdams ngag rab tu bshad par bya// sems dpa' sangs rgyas kun gyi dngos// rdo rje sems dpa' bde ba'i mchog/ gsang ba mchog gis dgyes pa na// thams cad bdag nyid rtag tu bzhugs// 'di ni rnal 'byor

  200. 100b

    bcom ldan 'das// rtag pa dam pa brtan pa ste// rtag tu ltar 'byung ba bzhin// ngo bo nyid ni 'da' bar dka'// cho ga sna tshogs 'dod rnams la// las kyi sbyor ba sna tshogs kyis// sangs rgyas rdo rje 'dzin la sogs// 'dul ba'i phyir ni byas pa yin// sangs rgyas la sogs brtan g.yo kun// kun gyi dngos por 'di 'gyur ro// sangs rgyas thams cad mnyam sbyor ba// mkha' 'gro sgyu ma bde ba'i mchog/ sgyu ma'i sbyor ba 'di yis ni// rnam pa sna tshogs kun gyi mchog/ sems can kun gyi don mchog rnams// sangs rgyas la sogs 'dul bas 'grub// dpal rdo rje sems dpas dbugs phyung ba'o// // 'das pa'i dus na sngon byung ba// bdag nyid chen po rtag pa yi// de bzhin gshegs pa'i gsung rab la// 'gro ba'i tshul ni sngon byung ba// de tshe sems can thams cad ni// shin tu stong pa nyid la brtson// 'gog pa'i chos nyid la sbyor bas// 'gags shing yongs su mya ngan 'das// rnal 'byor de nyid bcom ldan 'das// rdo rje sems dpa' de bzhin gshegs// grol ba thams cad rnam sbyang phyir// sangs rgyas sprul pa kun tu bskyed// stong pa ma yin mi stong min// dbu mar yang ni mi dmigs te// shes rab rol phyin sbyor ba// thabs dang snying rje bdag nyid rnams// de bas de ni snying rje'i thabs// shes rab pha rol phyin par gsal// rtog pa med

  201. 101a

    pa'i chos rnams la// sems can don du yongs brtags pa// rnam par mi rtog la mos pas// thams cad rtog pas brtag par bya// brag cha yi ni sgra 'dra ba// chos kyi tshig tu de 'gyur te// de las theg pa chen po yi// yang dag yon tan rgyas pa'i glus// dus gsum pa yi dam tshig gsum// de bzhin gshegs pa thams cad bstod// mnyam med mi g.yo mnyam med mchog gi chos nyid can// thugs rje'i bdag nyid 'gro ba'i sdug bsngal sel bar mdzad// yon tan mtha' yas dngos grub thams cad sbyin mdzad pa// dri med mi g.yo mnyam med dam pa'i mchog chos can// yon tan shin tu phra ba'i cha la'ang tshad med de// dpe ni nam mkha' dang yang bskrun du yod ma yin// dngos grub mtha' yas mnyam med dpe dang bral ba rnams// sems can khams la dngos grub mchog rnams nges par stsol// rtag tu dri ma med pa'i thugs rje'i shugs las byung // smon lam grub pa 'gag pa med pa'i chos nyid can// 'gro ba'i don sgrub rab tu brtson pa mtha' yas pa// thugs rje chen po'i bdag nyid rtag tu rnam par snang // tshad med tshad dang bral bas shin tu rdzogs pa yi// bde bar gshegs pa'i go 'phang dam pa brnyes gyur kyang // khams gsum kun la rtag tu dngos grub mchog stsol mdzad// thugs rje spyod pa mi g.yo 'gag par yod

  202. 101b

    mi 'gyur// e ma'o shin tu bzang po'i chos nyid mchog dang ldan// mchog sprin rnams kyi nang na go 'phang mchog brnyes pas// khams gsum kun la stag tu dngos grub mchog stsol mdzad// mgon po dus gsum sgrib pa med par rab mkhyen pa// dam tshig mchog gsum dngos grub dam pa bdag la stsol// 'di ni sangs rgyas thams cad kyi// yang dag yon tan rgya chen te// lan cig tsam ni brjod pas kyang // sangs rgyas thams cad 'grub par 'gyur// sangs rgyas kun bdag nyid sbyor bas// bstod pa'i rgyal po 'di nyid kyis// dus gsum pa yi rgyal ba kun// dam tshig gsum gyis 'grub par 'gyur// sku ni lta bas mi ngoms pa// thams cad bdag nyid bstan nas kyang // legs so zhes nas dngos grub ni// mchog rnams kun ni rab sprin mdzad// thams cad bdag nyid 'grub dga' dang // bsam pa thams cad yongs su rdzogs// sangs rgyas 'grub pa mchog kun dang // rnal 'byor dam pa'i sbyin par mdzad// de nas de yis bsgrub pa dang // shin tu rtag pa'i dngos grub dag/ gang gis srid pa 'di nyid la// dngos grub shin tu rtag thob bshad// rdo rje se gol gtogs pa yis// sangs rgyas thams cad bsdu bar bya// thal mo legs par sbyar ba yis// thal mo lan gsum rnam par brdab// dbang po gang dang gang lam gyur// de dang de

  203. 102a

    yi ngo bor bya// shin tu mnyam gzhag sbyor ba yis// sangs rgyas kun dang mnyam sbyor zhing // ji ltar mos pa'i chags pa dang // Sha Da pa la sogs pa yis// ci nas yongs su ma skyo bar// rtag tu tshad med bzlas par bya// kun tu kun nas thams cad ni// bdag nyid rtag tu rnam pa kun// sangs rgyas kun tu dngos grub pa// rab tu mthong zhing mchog grub pa'o// 'di yis sangs rgyas thams cad dang // de bzhin dpa' bo thams cad dang // rdo rje 'dzin pa thams cad du// tshe 'di nyid kyis 'grub par 'gyur// sangs rgyas kun gyi yon tan bsngags pa rgya che ba// bstod pa'i rgyal po mchog ni lan cig glur blangs pas// kun tu 'gro ba'i rnal 'byor dam pa rtag pa'i mchog/ dngos grub mi zad bde ba'i mchog nyid thob par 'gyur// bstod pa'i rgyal po 'di yis ni// thams cad bdag nyid dbang phyug mchog/ sna tshogs kun gyis rnam 'dul ba// de bzhin gshegs pa kun grub ste// de bas dam tshig gsum la sogs// rtog pa bla med thams cad kyis// nam mkha' dbyings kyi mtha' klas pa'i// sems can khams ni rnam par grol// dpal rnam par snang mdzad kyis dbugs phyung ba'o// // 'das pa'i dus na sngon byung ba// bdag nyid chen po rtag pa yi// de bzhin gshegs pa'i gsung rab la// 'gro ba'i tshul du sngon byung ba// de tshe

  204. 102b

    sems can thams cad ni// shin tu khro gtum gdug par 'gyur// shin tu gdug par khro ba yis// 'o dod 'bod par ltung bar 'gyur// de nas 'phos nas sems can de// bag chags kyis ni mtshams sbyor bas// shin tu gdug pa chen por gyur// blo ni bdud kyis byin brlabs nas// rims dang dug dang dbyig dug nad// phra men ma dang gnod sbyin gdon// bdud dang rnam par log 'dren nyid// shin tu gdug pa chen por 'gyur// gnas gsum po ni 'jigs byed cing // sgrub pa po rnams la yang za// lha la sogs pa'ang 'pho bar byed// bstan pa dag kyang 'jig par byed// de nas dbang por bcas pa'i lha// tshangs pa'i drung du nye bar dong // tshangs pa'ang lha dang dbang por bcas// 'jug sel la yang skyabs su dong // tshangs dang 'jug sel lha rnams kyang // lha chen drung du nye bar dong // tshangs pa 'jug sel dbang chen yang // rdo rje can la skyabs su dong // de nas bcom ldan rdo rje can// rdo rje sems dpa'i sbyor ba yis// rdo rje se gol phyag rgyas ni// sangs rgyas thams cad bsdu bar mdzad// rdo rje sems dpa'i sbyor ba yis// dpung pa gnyis ni rdo rjer bcings// rdo rje se gol brdabs pa yis// sangs rgyas thams cad bsdu mdzad nas// de yi bka' tsam gyis skrag nas// 'khor dang 'khor lo'i tshogs bcas pa// sangs

  205. 103a

    rgyas thams cad gshegs 'gyur na// gzhan lta smos kyang ci zhig dgos// rdo rje se gol gtogs pa yis// 'jig rten khams ni ma lus par// sangs rgyas rdo rje 'dzin bcas pa// kun gyis til 'bru bzhin du rgyas// shin tu gdug cing gtum po la// zhi bas phan par mi 'gyur te// shes rab thabs kyi ngo bo yis// khro bor de bzhin gshegs kun mdzad// khro bo'i tshul can khros pas kyang // 'jig rten gsum dag sreg byed na// sangs rgyas thams cad khros pa yis// khams gsum ma lus smos ci dgos// de nas sna yi rtse mo la// yid ni brtan par yang dag gzung // sna'i dbugs ring dro ba las// rgyal bas phyag rgya'i sbyor ba byung // bcom ldan de nyid rnal 'byor pa// rdo rje khro bor gyur nas byung // dpal chen rdo rje he ru ka/ 'bar bas thal bas rab tu 'jig/ sems dpa' sngon por 'bar ba'i ngang // 'od kyi kyil 'khor dmar por 'bar// 'jig pa chen po'i dus ltar drag/ dur khrod kyi ni me dang 'dra// 'bar ba chen po skra 'bar ba// thod pa mang po'i dbu rgyan can// 'jig pa chen po'i dus ltar drag/ dur khrod bzhin du rab tu 'jigs// khro la sogs pa'i tshul ldan pa// zhal rnams sna tshogs 'gyur ba dang // smin ma khro gnyer bcas par 'gyur// 'bar ba'i lta bas gar byas pas// gu lad dbang chen nye dbang

  206. 103b

    bcas// nyi zla gshin rje tshangs par bcas// gnas gsum dag ni 'bar byas nas// thal ba bzhin du rab tu bshig/ rdo rje rdo rje kha T+wAM ga/ dril bu'i sgra ni gsil ba yis// thams cad phab nas slar yang ni// thal bar gyur pa'ang 'tsho bar byed// de yi 'bar ba'i nyi ma las// byung ba'i grib ma mi bzad pa// bskyed nas ma lus bdud la sogs// gdug pa rnams kyi khrag za nus// rgyal po de ni de dag dang // lhan cig dur khrod rnam par rol// thams cad rdo rje mnyam sbyor ba// mkha' 'gro dkyil 'khor 'bar ba yis// shin tu gdug cing khro drag pa'i// sems can khams ni rnam sbyangs nas// dag pa'i sangs rgyas zhing rnams su// sangs rgyas byang chub dag la bkod// rdo rje 'dod khro la sogs kyi// rtog pa bla med thams cad kyis// nam mkha'i dbyings kyi mtha' klas pa'i// sems can khams ni rnam par sbyangs// dpal he ru kas dbugs phyung ba'o// // 'das pa'i dus na sngon byung ba// bdag nyid chen po rtag pa yi// de bzhin gshegs pa'i gsung rab la// 'gro ba'i tshul ni sngon byung ba// de tshe sems can thams cad ni// log par lta la gnas par gyur// shin tu lta ba ngan pa yis// 'o dod 'bod pa chen por lhung // rnal 'byor de nyid bcom ldan 'das// byang chub sems ni rnam sbyang phyir// pad+mo chags par

  207. 104a

    sbyor ba yis// rdo rje chos su gnas par gyur// ji ltar pad+ma dmar po 'di// tshon gyi nyes pas mi gos pa// de bzhin bag chags khams gsum gyi// nyes pa sna tshogs rnam par dag/ 'dis ni kun tu gzigs pas na// rgyal ba dbang phyug nyid du 'gyur// dpal ldan spyan ras gzigs kyi dbang // rdo rje sems dpa' de bzhin gshegs// 'dod chags thams cad dag pas na// mchog sbyin dam pa bcom ldan 'das// 'dul ba'i thabs ni sna tshogs kyis// sna tshogs pa ni 'dul bar spro// kun tu spyan ras gzigs dbang rgyal// pad+ma gar gyi dbang phyug gyur// pad+mo'i rgyal po mnyam sbyor ba// mkha' 'gro sgyu ma bde mchog des// pad+ma gar dbang la sogs kyi// rtog pa bla med thams cad kyis// nam mkha'i dbyings kyi mtha' klas pa'i// sems can khams ni rnam par sbyangs/ dpal pad+ma gar gyi dbang phyug gis dbugs phyung ba'o// // 'das pa'i dus na sngon byung ba// bdag nyid chen po rtag pa yi// de bzhin gshegs pa'i gsung rab la// 'gro ba'i tshul ni sngon byung ba// de tshe sems can thams cad ni// shin tu gdug cing brkam par 'gyur// shin du 'jungs par gyur pa yis// yi dwags rnams dang dmyal bar lhung // de nas 'phos nas slar yang ni// shin tu dbul por skyes par gyur// bkres dang skom pa'i skyon

  208. 104b

    rnams kyis// de dag phan tshun gsod par byed// shin tu gdug pa sbyang ba'i phyir// rnal 'byor de ni bcom ldan 'das// dam pa'i don ni nor chen po// rdo rje nyi ma byung bar gyur// nam mkha'i snying pos thams cad phyogs// kun gyi re ba yongs rdzogs mdzad// bud med la sogs rin chen mchog/ mkha' las rin chen thams cad 'bebs// shin tu gdug cing khro ba la// zhi bas phan par mi 'gyur te// shes rab thabs kyi nyi ma ni// rab tu gdung ba kun bsgrubs pas// bya ba dang ni zlog pa dang // dbrog pas kyang ni khyad par du// rgyal bar byas nas gnas gsum gyi// nor gyi tshogs kun sdud par byed// 'jig rten gsum rgyal la sogs kyi// rtog pa bla med thams cad kyis// nam mkha'i dbyings kyi mtha' klas pa'i// sems can khams ni rab tu dgrol// dpal rdo rje nyi mas dbugs phyung ba'o// // 'das pa'i dus na sngon byung ba// bdag nyid chen po rtag pa yi// de bzhin gshegs pa'i gsung rab la// 'gro ba'i tshul ni sngon byung ba// de tshe sems can thams cad ni// brtson 'grus shin tu chung bar gyur// shin tu brtson 'grus chung ba yis// mnar med pa yi dmyal bar lhung // rnal 'byor de nyid bcom ldan 'das// rdo rje sems dpa' de bzhin gshegs// drag shul sbyor ba'i tshul dag tu// rtag mchog dpal ni byung bar

  209. 105a

    gyur// thams cad dag par mos pa yis// sdig med stobs kyis ngo 'thon du// pha rol gnon pa'i rtsal dag gis// shin tu gdug cing khro gtum pa'i// sems can rnam pa mang po'i khams// 'jig rten thams cad rab tu 'jig/ byi ba rkun po chom po yis// thams cad rnam par sbyong bar byed// brid pa dang ni sgyu dag dang // ngo 'thon stobs kyis de bzhin du// dgra cha lnga yis brgal nas ni// de tshe 'jig rten gsum las rgyal// skye 'gro gnas pa 'gro ba rnams// mtha' dag btul nas 'grub par 'gyur// 'dul ba'i thabs rnams sna tshogs kyis// rang gi rgyal srid rjes su skyong // g.yem pa rnams la g.yem par 'gyur// khro ba rnams la khro ba'i mchog/ zhi ba rnams la zhi ba'i mchog/ drag shul can la drag pos gnon// sdig med stobs kyis ngo 'thon du// dbang phyug dam pa rab mnan nas// lha mo b+hi mo phrogs nas ni// de tshe longs spyod rang gir spyod// sdig med stobs kyis ngo 'thon du// mthu bo che yang rab mnan nas// rug mi ni yang phrogs nas ni// de tshe longs spyod rang gir spyod// sdig med stobs kyis ngo 'thon du// skye dgu'i bdag po rab mnan nas// lha mo rab tu zhi ba 'phrogs// de tshe longs spyod rang gir spyod// sdig med stobs kyis ngo 'thon du// 'dod pa'i lha ni rab mnan nas// dga' sdug mi yi

  210. 105b

    dbang phyug ma// phrogs nas de tshe nye bar spyod// de la sogs pa mtha' yas mchog/ chos dbyings mnyam dang mi mnyam pa// nam mkha'i dbyings kyi mtha' klas par// rdo rje las mchog rnam gnon pa// nam mkha' kun gyi skabs na dpal// rdo rje sems dpa' rab tu gnas// thabs dang rtsal gyi grub pa yis// drag shul sbyor bas bsgrubs na ni// khams gsum rgyal srid ma lus par// rdo rje 'dzin pa des thob nas// byang chub sems ni mtha' yas mchog/ drag shul sbyor bas grub par byed// thams cad dag par mos pa yis// sdig med stobs kyis ngo 'thon du// rtsal gyis pha rol gnon pa yis// sangs rgyas byang chub rab tu 'brel// lha yi dngos grub dka' ba dang // sangs rgyas byang chub bde chen po// go 'phang mchog ni rtag pa dag/ rang gi rnal 'byor gyis thob nas// sems can khams ni du ma dag/ ma lus par ni rgyas 'debs shing // 'chi med byang chub dka' ba dag/ sems can rnams la brtan par sbyin// rta mchog rnam par sprul pa yis// ma lus lus pa med pa yi// bskal pa kun tu srid par gnas// sems can kun gyi don kyang byed// de ltar rta mchog dpal la sogs// rtog pa bla med thams cad kyis// nam mkha'i dbyings kyi mtha' klas pa'i// sems can khams rnams rab tu bsgrubs// dpal rta mchog gis

  211. 106a

    dbugs phyung ba'o// // de las sogs pa mtha' yas mchog/ chos dbyings mnyam dang mi mnyam pa// nam mkha'i dbyings kyi mtha' klas pa'i// rang byung rnams kyi gtam gyi rtags// nam mkha' kun gyi skabs na dpal// rdo rje sems dpa' rab tu gnas// grub pa'i dbang phyug rab grub pas// thams cad bdag nyid 'jug par byed// zhes bcom ldan 'das dpal rdo rje sems dpas de skad gsungs so// sangs rgyas thams cad dang mnyam par sbyor ba mkha' 'gro sgyu ma bde ba'i mchog las gtam gyi phyag rgya zhes pa rtog pa ste lnga pa'o// // de nas gzhan yang thams cad du// rnam pa sna tshogs mchog 'byung ba'i// sangs rgyas thams cad mnyam sbyor ba// mkha' 'gro sgyu ma'i bde mchog bshad// dpal ldan sangs rgyas kun gyi dngos// rdo rje sems dpa' bde 'byung ba// gsang ba mchog gi dgyes pa na// thams cad bdag nyid rtag tu bzhugs// sangs rgyas kun gyi dam tshig dpal// rdo rje sems dpa' snang ba bde// de bzhin gshegs pa'i lha rdzas mchog/ rin chen rgyan la sogs pas spras// dril bu rgyal mtshan mchog ldan pa'i// bla re dam pa bres pa na// rdo rje glu dang mchod la sogs// glu dang sil snyan rnam par 'phrul// me tog 'dug pa'i sbyor ba dang // mar me dri dang sogs ldan pa// sangs rgyas thams cad

  212. 106b

    mnyam sbyor ba// mkha' 'gro sgyu ma bde mchog bsgrub// yang na bdag gi gnas dag gam// skyed mos tshal la sogs par bsgrub// der ni dang por gdan bshams te// 'jam zhing reg na bde 'gyur ba// sna tshogs pad+ma ras kyis g.yogs// de ni thams cad dag pa'i gdan// sangs rgyas thams cad mnyam sbyor ba// sbyor ba'i dbang phyug rnam 'phrul bas// rdo rje sems dpa' dpal gyi lha// des na rnam par 'phrul pa mdzad// stan de dag ni thams cad la// ci ltar gnas pa bzhin du dgod// gru bzhi pa la sgo bzhi pa// rta babs bzhi yis mdzes par byas// rdo rje rin chen pad+ma sogs// sgo srung dang ni ldan par byas// rang gi lha dang 'dra ba yi// bud med dag ni legs bsgrubs pa// skal bzang rang gi phyag rgyas mtshan// tshogs kyi dkyil 'khor brtag par bya// mi yi mtshal ni grub pa la// dmar chen po zhes bya bar bshad// ngo bo nyid kyi mthu dag dang // rang bzhin gyis ni de grub pa'o// rdo rje'i chu dang rdo rjer bcas// mtshal chen po dag bsgrub pa ni// mthu yis rab tu grub pa ste// pad+ma'i snod kyi nang du bzhag/ chags pa chen po bcom ldan 'das// rdo rje sems dpa' de bzhin gshegs// sangs rgyas kun gyi rdo rje'i thugs// dam tshig 'di ni 'da' bar dka'// de yi mtshal dang khu ba dang // mtshal chen po ni bsgrub pa dag/ chags pa chen po

  213. 107a

    las byung bas// dmar chen po zhes bya bar bshad// dmar chen dang ni ga bur bcas// tsan+dan dmar por sbyar ba dag/ tshogs kyi dbus su bzhag pa ni// ra sa ya na kun slong ba// rang gi lha yi sbyor ldan pas// srin lag dang ni mthe bo'i rtses// zhi ba'i btung ba bzhin myangs na// rtag pa yi ni dngos grub thob// sangs rgyas kun gyi bdag nyid kyi// ra sa ya na bde ba 'dis// rdo rje sems dpa'i tshe dang gzhon// nad med pa dang bde mchog 'grub// sangs rgyas thams cad mnyam sbyor ba// mkha' 'gro sgyu ma bde mchog gis// 'dus pa der ni zhugs pa dag/ 'dod pa bzhin du 'gro 'od lding // kun tu kun nas thams cad ni// bdag nyid rtag tu rnam pa kun// sangs rgyas la sogs brtan g.yo kun// kun gyi dngos por de 'gyur ro// 'dis ni bsrung ba byas pas dpal// rdo rje sems dpa' bzhin du 'gyur// rnal 'byor mkha' 'gro bde mchog gis// sangs rgyas thams cad bdag nyid 'grub// de nas khrus byas dri zhim lus// ci 'dod pa yi gos dang rgyan// sna tshogs gos bzang bgos nas ni// me tog phreng ldan kha dri zhim// sna tshogs kun gyis skal bzang pos// slong bas dal gyis dal gyis su// gos dgab pa yi sbyor ba yis// bdag gi 'byung ba bskul bar bya// rdzogs pa'i sangs rgyas nyi zla rnams// shar ba dag ni

  214. 107b

    mthong ba yis// sdig pa kun las grol 'gyur zhing // bsod nams thams cad 'grub par 'gyur// nges pa'i lam dang kun ldan pa// rnam par 'das pas rnam par brgyan// brtan zhing grub pa slong byed pa// kun nas slong ba'i bde ba ni// stong pa shin du rnal 'byor yod med mthus// nam mkha' bzhin du dam tshig nye bar gnas// bde gshegs bde bar gshegs pa bzhengs su gsol// rdo rje sems dpa' skal bzang dpal khyod bdag/ rgyal ba nyid kyi glur blangs na// shin tu mya ngan yongs 'das pa'i// shi ba'ang slar ni slongs 'gyur na// yang srid pa lta ci zhig smos// lam bzhi dang ni mnyam ldan pa// rnam par ldan yang 'das pas mdzes par byas// sna tshogs 'brang bar rab tu 'grub// 'jig rten gsum ni rab bsgrub pa// 'jig rten gsum gyis phyag byas pa// 'jig rten gsum gyi ston pa'o// 'jig rten gsum la sgyid sbyin pa// 'jig rten gsum po bdag la bsgrubs// rdo rje sems dpa' dpal sbyor ba// lha mo kun dang 'grogs pa yis// sna tshogs kun gyi skal bzang po// a ra li ni kun 'grub 'gyur// nam mkha'i dbyings kyi mtha' klas pa'i// lha mo kun dang bde myos pa// rdo rje sems dpa' yang dag rdzogs// nyi ma zla ba gsal bar 'char// rdo rje sems dpa' yang dag sbyor// mkha' 'gro sgyu ma bde mchog

  215. 108a

    'byung // lan cig dmigs pa tsam gyis kyang // bde ba'i dngos grub kun 'byung ba// brtan zhing grub pa slong byed pa// sna tshogs 'brang bas de bzhin du// gan d+harba dang Sha Da ba'i// glu dbyangs sna tshogs glus bsgrub bo// de nas de nyid dam pa yis// thar pa thams cad rmongs pa yi// rdo rje sems dpa'i bdag nyid dpal// glu 'di yis ni bskul bar bya// rjes su chags pa'i rnam mang dga' ba'i pad+ma ni// rnam dag mchod pas gsal bar rjes su mchod byas nas// mchog tu rtag pa'i rnal 'byor bde bas bde grub mdzod// kye ma'o mchog tu bde ba'i dam tshig ngo bo nyid// mchog tu bde ba shin tu rnal 'byor skal bzang mchog dgyes pa// rang gi dam tshig skyon med dag la rol cig rol cig ho// kye ma mchog tu gsang ba'i bdag po rang gi dam tshig ni// yin pa'i phyir na rab tu gsang ba'i lha mo mchog rnams so// 'gro ba'i rgyud ni rnam pa sna tshogs 'dul ba'i thabs ni gsal bar mkhyen// dam tshig thams cad dngos po brtan dang g.yo ba kun gyi ngo bor gyur// rgyal ba kun gyi bdag nyid rnal 'byor bde ba mkha' 'gro sgyu ma ho// kye ma dam pa rtag pa'i dngos grub chen po rab tu sgrub pa ston// dzaHhUM baM hoHe ma'o bde mchog bde bar drongs// rnam par sprul pa hUM snang bar mdzod// a la la ho// de bzhin gshegs

  216. 108b

    pa thams cad kyi// mkha' 'gro sgyu ma sna tshogs kyis// slob ma dag ni gzhug tu gsol// glu yi rgyal po 'di dag ni// rdo rje sems dpa' dpal la gnas// kun gyi sgyu ma bde ba'i mchog/ ma lus lus pa med par 'grub// glu 'di dag ni len pa na// dkyil 'khor sna tshogs thams cad du// sangs rgyas thams cad rnam 'phrul pa// ma lus lus pa med par snang // rnam pa mang po'i 'dod chags rgyud kyi sems can ma lus lus pa med par 'dul mkhas pa// de bzhin gshegs pa kun gyi sgyu ma'i bde mchog sgyu mas thams cad rab sbrul rnam par sprul// te na te te hUM/ rnam pa mang po rab tu dga' ba'i rgyud kyis sems can ma lus lus pa med par 'dul mkhas pa// de bzhin gshegs pa kun gyi sgyu ma bde mchog sgyu mas thams cad rab sbrul rnam rol sprul cig sprul/ hUM hUM hUM/ rnam pa mang po khro bo'i rgyud kyis sems can ma lus lus pa med par 'dul mkhas pa// de bzhin gshegs pa kun gyi sgyu ma bde mchog sgyu mas thams cad rab sbrul rnam par sprul// ru lu ru lu hUM b+h+yo hUM/ rnam pa mang po srog gi rgyud kyis sems can ma lus lus pa med par 'dul mkhas pa// de bzhin gshegs pa kun gyi sgyu ma bde mchog sgyu mas thams cad rab sbrul rnam par sprul// hUM shi Sh+ya b+hi Sha hUM/ de la sogs te mtha' yas mchog/ chos dbyings mnyam dang mi mnyam

  217. 109a

    pa'i// nam mkha'i dbyings kyi mtha' klas pa'i// rang byung rnams kyi klu yi rgya// nam mkha' kun gyi skabs na dpal// rdo rje sems dpa' la ni gnas// grub pa'i dbang phyug rab grub pas// thams cad bdag nyid grub par 'gyur// glu 'di dag ni blangs pa dang // lha mo kun gyis rab bskul nas// mkha' 'gro sgyu ma bde mchog gis// sangs rgyas kun gyi bdag nyid 'grub// dbang po kun las byung ba yi// mchod pa'i sprin chen rnam bkod pa// rab 'byam tshogs rnams thams cad kyis// kun gyi bdag nyid mchod par byed// sangs rgyas thams cad mnyam sbyor ba// mkha' 'gro sgyu ma bde mchog gis// dngos po kun gyi bdag nyid lus// ma lus lus pa med par 'grub// ston pa'i phyag rgya phab pa yang // bud med dag kyang bsgrubs nas ni// rdo rjer bcas pa'i mtshan ma 'dzin// rnal 'byor mar ni rab tu 'gyur// de dag rang gi lha rnams dang // 'dra bar byin gyis brlabs bsgrubs nas// sngon ming rol mo'i sil snyan gar// rnam par 'phrul pas 'grub par 'gyur// lha yi gzugs dang sgra dang dri// ro dang reg bya bde myos pas// bdag nyid rang gi lhar mthong zhing // mchod pa dag kyang byed par 'gyur// lha yi mchod pa mnyam sbyor ba// skal bzang mchog gi 'dod chags can// rnam pa kun tu skal bzang

  218. 109b

    ba'i// bde ba yang dag sgrub par byed// sangs rgyas sgyu mas byin brlabs pas// rdo rje sems dpa' mnyam sbyor ba'i// dngos grub kun gyi bde ba rnams// dkyil 'khor mthong bas myong bar 'gyur// rdo rje sems dpa'i mnyam sbyor ba'i// mthu nyid kyis ni thams cad du// sna tshogs kun gyi skal bzang po// rang gi bde ba nyid kyis 'grub// sangs rgyas kun gyi gzugs chen dang // dbyangs dang dri dang ro bde bas// rdo rje sems dpa'i bdag nyid du// de yis rab mthong mchod par byed// mchod pa thams cad mnyam sbyor ba// skal bzang mchog gi 'dod chags can// sangs rgyas thams cad bdag nyid kyi// dngos grub ma lus lus med 'grub// sangs rgyas thams cad mnyam sbyor ba'i// mkha' 'gro sgyu ma bde mchog gis// sangs rgyas kun gyi bdag nyid gar// rnam par rol pa mchog tu snang // de nas yang dag rab gsang bas// bud med dag ni bzhi rnams dang // gar gyi phyag rgya mchod pa yis// mchod pa thams cad dbul bar bya// rab tu dga' ba'i lha la phyag 'tshal lo// de bzhin gshegs pa'i dam pa grub par mdzod// oM hUM/ dam tshig dam pa grub par mdzad du gsol// oM hUM/ mchod pa chen po thams cad dag par mdzod// oM hUM/ mchod pa chen po thams cad grub par mdzod// glu yi phyag rgya 'di ni dpal// rdo rje

  219. 110a

    sems dpa' la gnas te// mchod pa ma lus lus med pa'i// rab 'byams las la'ang sbyar du rung // gang dag grub par ma gyur dang // mchod pa dag ni mi 'byor pa// phyag rgya 'di yis mchod byas na// mchod pa thams cad myur du 'grub// mchod pa'i sbyor ba 'di dag dang // lha mo bzhi po dag gis ni// me tog la sogs mchod byas nas// slob ma thams cad gzung bar bya// dngos grub 'dod pas ci 'dod par// snyim pa'i gar ni kun bskyod nas// de dag gdong ni mdzes pa yi// ras kyis g.yogs te gzung bar bya// dngos grub ji ltar 'thob 'dod par// slob ma me tog 'thor du gzhug/ lha mo gang la lhung ba ni// lha de de la 'grub par 'gyur// de nas gdong ni bkrol nas kyang // yon gyi mchog ni blang bar bya// sangs rgyas rin chen dbang bskur bas// ci lta bar ni dbang bskur ro// dmar chen po dang ga pur bcas// tsan+dan dmar po sbyar ba rnams// tshogs kyi dbus su bzhag pa la// g.yon pa mtshan 'dzin rdo rje bcas// rang gi lha yi rnal 'byor ldan// srin lag dang ni mthe bong rtses// zhi ba'i btung ba bzhin myangs na// rtag pa'i dngos grub thob par 'gyur// sangs rgyas thams cad mnyam sbyor ba'i// mkha' 'gro sgyu ma'i tshogs kyis kyang // rgyas mi thebs shing mi rmongs te// de la gnod par mi 'gyur ro// de nas

  220. 110b

    mna' ni bsgrags byas nas// sangs rgyas thams cad mthun pa yis// mchog tu rtag pa'i bka' stsal pa// dam tshig sdom pa sbyin par bya// sangs rgyas thams cad mnyam sbyor ba'i// sdom pa nyams par khyed byed na// ji snyed sangs rgyas thams cad dang // byang chub sems dpa' rdo rje 'dzin// lha dag dang ni mi rnams dang // de bzhin rnal 'byor grub pa po// de dag la ni snying rings nas// snying las khrag chen 'thungs pa bzhin// sems can khams ni ma lus don// srid pa shin tu dag bya'i phyir// mi 'gog chos nyid sbyor ba yis// rtag pa nyid du bsgrub par bya// bdag gi ngo bo yongs spangs shing // dka' thub gyis ni gzir mi bya// ci bde bar ni bde bar spyad// 'di ni phyi dus sangs rgyas yin// rnal 'byor longs spyod thams cad la// cis kyang mi 'jigs dga' bar gyis// sdig pa med kyis khyed ma 'jigs// dam tshig 'da' bar dka' ba'o// grub pa gcig pu gcig la spyod// lhan cig spyod dang rjes spyod sdug/ sangs rgyas byang chub bla med yin// yang dag nyid kyis rtag tu bsten// rdo rje sems dpa' de bzhin gshegs// de skad bka' stsaskul dpal ldan gyis// yang dag rdzogs pa'i sangs rgyas dang // rdo rje can gyis bka' stsal to// rnal 'byor bcas dang gsang bcas pa'i// bdag gi ye shes rgya bsgrubs nas// ci lha'i tshul bzhin gar byed

  221. 111a

    pas// slob ma rnams la bde bar sbyin// slong ma dam pas de phyin chad// phyag rgya'i ye shes rjes bzung nas// rnam par snang mdzad mchog bzhin du// sangs rgyas kun gyi bdag nyid grub// de nas ro dang zas dang gnas// glu dang sil snyan la sogs pa// de dag mgon po rnams la dbul// rdo rje bla ma chen po dang // bdag dang gzhan la 'dod dgus mchod// 'dod don 'bras bu phun tshogs 'grub// de nas bdag nyid rab bsgrubs nas// kun gyi slob dpon rab gnas pa// ci lta'i tshul bzhin 'jug pa yis// bden pa'i chos ni brjod par bya// rdo rje sems dpa' dpal gyi tshul// rtog pa thams cad rab bsgrubs shing // rtog pa kun la rab sbyor ba'i// ngo bo nyid phyir chen po'i mchog/ sna tshogs lam gyi sbyor ba dang // 'dul ba'i bdag nyid sna tshogs pas// sems can rnams ni 'dul ba'i phyir// de las gzhan pa'i tshul du bstan// rnal 'byor de nyid bcom ldan 'das// rdo rje sems dpa' de bzhin gshegs// thar pa thams cad rnam sbyang phyir// 'gro ba'i mkha' 'gro byung bar 'gyur// rang gi lha dang 'dra ba yis// rang gi byin rlabs bsgrub pa'i rgyas// phyag rgya ci bzhin rjes mthun pa'i// sangs rgyas sprul pa bsgrub par bya// gzhan yang rnal 'byor bcom ldan 'das// dam tshig la sdang rnam sbyang phyir// thams cad

  222. 111b

    rnal 'byor dbang phyug mchog/ rdo rje mkha' 'gro 'byung bar 'gyur// gzhan yang shin tu rnal 'byor pa// ma lus pad+ma rnam sbyang phyir// skal bzang dam pa mi 'gyur ba// pad+ma sgyu ma 'byung bar 'gyur// gzhan yang rnal 'byor bcom ldan 'das// nor gyi mchog gis rnam sbyang phyir// nam mkha' kun gyi bdag po che// rdo rje nyi ma dpal 'byung 'gyur// rnal 'byor de nyid bcom ldan 'das// drag shul sbyor ba sbyar ba'i phyir// rta mgrin pha rol rab gnon pa// rta mchog rab tu 'byung bar 'gyur// rang gi lha dang 'dra ba yis// rang gi byin rlabs bsgrub pa'i phyir// gzugs brnyan ngo bor sbyor ba yi// phyag rgya'i sbyor bas gar bya'o// dam tshig rnam pa sna tshogs kyis// de ltar rnam par spyod na ni// sangs rgyas thams cad mnyam sbyor ba// mkha' 'gro sgyu ma bde mchog grub// kun tu kun nas thams cad ni// sangs rgyas 'phrul pa thams cad kyis// bdag nyid rtag tu rnams pa kun// sangs rgyas la sogs brtan g.yo kun// kun gyi dngos por de 'gyur ro// kun tu sangs rgyas thams cad kyi// sangs rgyas sprul pa thams cad kyis// bdag nyid ma par 'phrul pa ston// lha mo kun dang 'dus pa yis// sangs rgyas zhing ni ma lus par// sangs rgyas sprul pa grub par byed// sangs rgyas sprul pa sgyu ma yis// sangs rgyas rnams kyi mdzad pa'o// sangs

  223. 112a

    rgyas thams cad mnyam sbyor ba'i// mkha' 'gro sgyu ma gar phyed pas// khams gsum dag na ma lus par// dngos po kun tu de 'gyur ro// pad+ma sgyu ma rnam 'phrul bas// sangs rgyas rdo rje 'dzin la sogs// sna tshogs gzugs byed rim pa yis// 'gro ba thams cad mgu bar byed// khams gsum pa yi rgyal srid che// mjal dum g.yul 'gyed grub pa dag/ rgyal srid sgyu ma rnam 'phrul bas// bya ba thams cad ston par byed// khams gsum pa yi rgyal srid che// bdag rtul phod pas mnan nas ni// 'gro ba thams cad rab 'joms par// rta yi gar gyis ston par byed// de la sogs pa mtha' yas mchog/ chos dbyings mnyam dang mi mnyam pa// nam mkha'i dbyings kyi mtha' klas pa'i// sna tshogs kun gyi bde mchog gis// nam mkha' kun gyi skabs na dpal// rdo rje sems dpa' de bzhin gshegs// dpal dgyes rol pa rnam 'phrul pa// sna tshogs kyis ni rnam par rol// rnam pa sna tshogs skal bzang po// rnam pa sna tshogs bde mchog gis// 'dul ba rnam pa sna tshogs kyis// sems can khams ni rab tu bsgrub// de la sogs pa mtha' yas mchog/ chos dbyings mnyam dang mi mnyam pa// nam mkha'i dbyings kyi mtha' klas pa'i// sangs rgyas thams cad 'byung ba'i mchog/ nam mkha' kun gyi skabs na dpal// rdo rje sems

  224. 112b

    dpa' la gnas te// grub pa'i dbang phyug rab bsgrubs pas// thams cad bdag nyid grub par byed// ces bcom ldan 'das dpal rdo rje sems dpas de skad gsungs so// sangs rgyas thams cad dang mnyam par sbyor ba mkha' 'gro sgyu ma bde ba'i mchog las sangs rgyas thams cad mnyam par sbyor ba mkha' 'gro sgyu ma'i dkyil 'khor gyi rtog pa ste drug pa'o// // de nas gzhan yang bshad bya ba// rdo rje sems dpa' dpal gyi lha// rnam pa sna tshogs kun gyi mchog/ 'khor lo thams cad rnam sprul pa'o// gsang ba mchog gi dgyes pa na// thams cad bdag nyid rjes su bsgrub// dben pa yi ni gnas dag gam// rang gi skyed mos tshal sogs par// kun tu sna tshogs skal bzang po// kun tu sna tshogs bde mchog gis// kun tu sna tshogs dgos pa rnams// ci bde bar ni bsgrub par bya// rten dang dgon pa gtsug lag khang // ri yi rtse rnams thams cad du// rnam pa du ma sna tshogs pa// sangs rgyas dgos pa bsgrub par bya// dur khrod dang ni lha rten dang // ma mo'i gnas la sogs 'dug na// rdo rje 'dzin pa'i dgos pa dag/ rnam pa du mar 'grub par 'gyur// pad+mo'i skyed mos tshal dga' dang // chu bo dag gi mdo dag tu// pad+ma 'dzin pa'i dgos pa rnams// yang dag par ni 'grub par 'gyur// rgyal po'i pho brang dga' ba dang // rgyal po'i skyed

  225. 113a

    mos tshal dag tu// rnam pa sna tshogs du ma yi// rgyal po'i dgos pa bsgrub par bya// mkhar ni rnam pa sna tshogs dang // de bzhin chu bo'i 'gram dag gam// rgyal khams gzhan las grub pa ru// rdza rje rta ni bsgrub par bya// cha lugs rnam pa sna tshogs dang // sgrub pa rnam pa sna tshogs kyis// rdo rje sems dpa'i dgos pa la// dkyil 'khor la sogs rab tu sgrub// sangs rgyas rnams kyi pad+ma dmar// phyag na rdo rje sna tshogs la// 'jig rten dbang gi kha dog dkar// rdo rje nyi ma dpal gyi gser// kha dog kun dang ci 'byor pa// bla re rgyal mtshan rgyan gyi rnams// thams cad rab tu sgrub pa dpal// rta mchog rdo rje can gyi'o// gnas dang 'khor rnams ci 'dra dang // bkod dang 'gro ba ci 'dra dang // 'khor rnams bkod pa ci 'dra bar// de 'dra'i 'khor lo mchog gis mdzad// rdo rje sems dpa'i lha rnams kyis// 'khor lo mngon sum mthong ba las// bsod nams brtag pa ci 'dra ba// phyis bris pa yang de bzhin no// dkyil 'khor thig btab shes rab can// phyogs kun mnyam pa nyid bsgrub cing // shar nub byang gi phyogs dag tu// thig bzhi btab pas dkyil 'khor brgyad// dkyil 'khor yang dag ci 'dra bar// rab tu rtag par su zhig nus// rang gis lha yi rang bzhin gyis// dkyil 'khor brtag pa 'grub par 'gyur// bdag nyid

  226. 113b

    rang gis lhar sbyor bas/ dngos grub thams cad bsgrub par bya// cho ga lhag gam ma tshang na'ang // nyes pa med de 'grub par 'gyur// kun tu sna tshogs skal bzang po// kun tu sna tshogs 'khor lo can// kun tu sna tshogs grub pa'i phyir// dkyil 'khor kun tu sna tshogs pa'o// dkyil 'khor zlum po sangs rgyas kyi// rdo rje can gyi zla gam bzhin// pad+ma'i dbang gi pad+ma'i dbyibs// rin chen mchog gi rin chen dbyibs// ji ltar 'dod pa ci 'byor pa// ci lta'i dus dang ci bde bar// dkyil 'khor kun tu gnas par dpal// rta mchog phyag rgya rdo rje'i 'o// dkyil 'khor du ni ma zhugs shing // dam tshig rnams ni spangs pa dag/ gsang ba yang dag mi shes pas// bsgrubs kyang ci yang mi 'grub bo// srog chags gsad par mi bya zhing // dkon mchog gsum ni yong mi spang // byang chub sems ni mi gtang ste// slob dpon skal bzang yong mi gtang // kun tu sna tshogs skal bzang por// bdag rang bsgrubs pas skal ba bzang // bdag ming chos nyid dang ldan pa// dam tshig la sdang skal pa ngan// srid pa shin tu bsgrubs pas na// skal bzang sangs rgyas bcom ldan 'das// skal ngan nyan thos 'jig rten na// shin tu yongs su mya ngan 'das// rtog pa thams cad bsgrub pa'i phyir// skal bzang phyag na rdo rje dpal// stong pa nyid la rab sbyor

  227. 114a

    bas// rang rgyal rnams ni skal ba ngan// 'dod chags thams cad rnam dag pas// skal bzang spyan ras gzigs kyi dbang // log par lta dang ldan pas na// skal ngan 'jig rten mu stegs na// dam pa'i nor mchog sdud pa'i phyir// skal bzang rdo rje nyi ma dpal// bdag gi bu yang ma chags pas// skal ngan dka' thub spyod pa kun// rgyal srid mchog rnams kun bsdus pas// rta mchog dpal ni skal ba bzang // bdag med yongs su 'dzin med pas// thub pa thams cad skal ba ngan// bde ba thams cad bdag sgrub phyir// kun gyi slob dpon skal ba bzang // lta ngan dam tshig la sdang ba'i// slob ma thams cad skal ba ngan// gsang ba'i don ni yang dag nyid// 'di ni gsal bar shes pa yis// sangs rgyas kun gyi bka' bzhin du// sangs rgyas kun tu 'grub par gyur// kun gyi slob dpon la gnas pas// 'khor lor 'jug par byed pa na// dkyil 'khor 'dod pa'i slob ma la// gsang ba yang dag mtha' yas mchog/ thog ma nyid du gsal brjod pa// kye khyod ci la dga' zhes dri// skal ba bzang la bdag dga' zhes// 'jug pa pos kyang smra bar bya// gsang ba'i yang dag 'di shes na// ci ltar 'dod par rab tu gzhug/ gsang ba yang dag mi shes na// g.yas pa yis ni gzhug par bya// de ltar dkyil 'khor du

  228. 114b

    zhugs nas// de bzhin shin tu yon dbul te// gsang ba'i cho ga nyid shes pas// mi 'gyur ba yi mchog 'grub bo// kun tu sna tshogs bla ma la// yon mchog dag ni dbul bar nges// gang la yongs su gtang dka' gang // de ni mchog tu bshad pa yin// gang dang gang ni sdug pa'i mchog/ yang na shin tu khyad par can// de dang de ni bla ma la// de nyid mi zad 'dod pas dbul// yang na de ni 'dod 'gyur ba'am// 'on te sems la dgos pa dag/ de sbyin yang na dgos pa bya// de ni chung yang mchog yin no// de la gal te mchog bdog la// de yang ngan pa'i yon 'bul na// kun gyi slob dpon brnyas pas na// de ni rtag tu sdug bsngal 'thob// bu mo shin tu brgyan pa'am// de bzhin chung ma sdug pa dag/ phul nas rin gyis blu ba ni// sangs rgyas byang chub mchog gi yon// ma chen dag ni phul nas su// slar yang rin gyis zla ba ni// rdo rje 'dzin dpal sbyor ba yi// yon de mchog gi yon yin no// mu tig bzang dang nor bu dang // shin tu dkar ba'i ras zung dang // de bzhin rta ni dkar po dag/ pad+ma can gyi yon mchog yin// rgyal srid longs spyod gter rnams dang // gos dang rgyan gyi tshogs rnams dang // de bzhin mchod pa thams cad ni// rdo rje nyi ma'i yon yin no// shin tu brgyan pa'i rta dag dang // glang po shin tu brgyan pa dang // shing

  229. 115a

    rta rin chen gang ba dag/ rta yi rgyal po'i yon yin no// khams kyi rang bzhin thams cad dam// srog dang rtsa ba'i de bzhin te// sangs rgyas rin chen dbang bskur ba// mkhas pas rnam pa sna tshogs brtag/ spyi bo dang ni dpral ba dang // 'gram pa gnyis dang lhag pa ru// sangs rgyas rin chen thams cad kyi// dbu rgyan mi 'gyur dam pa'o// khams kyi rang bzhin thams cad dam// srog dang rtsa ba'i de bzhin te// thod pa rin chen dbu rgyan nam// sangs rgyas gtsug gi nor bu dag/ kun tu sna tshogs bla mar ni// kun gyi slob dpon kun la bya// rgyal srid thams cad rnam dag la// ma lus lus pa med par 'grub// rin chen ngo mtshar gcig las byas// de bzhin sna tshogs rgyan gyis spras// sangs rgyas pad+ma'i dbang bskur bas// slob ma thams cad dbang bskur ro// sangs rgyas rin chen rdo rje byed// rdo rje rigs la rdo rje yin// spyan ras gzigs kyi sangs rgyas sku// nor bu 'dzin gyi nor bu yin// sangs rgyas rin chen pad+ma dang // rdo rje nor bu de bzhin du// thams cad mchog ni rta mchog la// rang gi dbang bskur bsdus pa'o// blugs pa dang ni byas pa'am// brdungs pa'am yang na bris pa'ang rung // sna tshogs rab tu legs pa yi// mtshan ma'i phyag rgya rab tu brtag/ kun tu sna tshogs skal bzang po// rang byung rnams kyi

  230. 115b

    mtshan ma'i rgya// nam mkha'i dbyings kyi mtha' klas pa'i// lha mo rnams kyi bde ba'i mchog/ gzhu dang mda' dang de bzhin du// skal ldan de bzhin skal ba bzang // thod pa dang ni kha T+wAM ga/ rdo rje rgya gram de bzhin no// pad+ma rgya gram dpag med che'i// sangs rgyas kun gyi tshe bsgrub pa// lha mo tshogs rnams thams cad kyi// mtshan ma'i phyag rgya tshogs sgrub bzhin// mda' dang de bzhin tshangs pa'i mgo/ de bzhin 'khor lo'i phyag rgya dang // rdo rje tri shUl phyag rgya'i mchog/ dpag bsam shing dang lcug ma dang // pad+ma rta mgrin 'phang mtho ba// rta mgrin ljang gu de bzhin no// phag gi mche ba grub pa dang // zla ba nyi ma de bzhin no// rin chen sna tshogs snod chen du// sangs rgyas gzugs kyi ra sa ya// thams cad bdag nyid myong skal bzang // mtshan ma'i phyag rgya'i tshogs bzhin no// gling bu dang ni pi bang kun// ku maN+Da dang mu ra dza// me tog bdug pa mar me dang // sna tshogs dri rnams de bzhin no// de la sogs pa mtha' yas mchog/ chos dbyings mnyam dang mi mnyam pa// nam mkha'i dbyings kyi mtha' klas pa'i// mtshan ma'i phyag rgya dam pa'i tshogs// nam mkha' kun gyi skabs na dpal// rdo rje sems dpa' nyid la gnas// grub pa'i dbang phyug rab grub pas// thams cad bdag nyid grub par 'gyur// chos gos dang ni lhung bzed

  231. 116a

    dang // de bzhin du ni 'khar gsil dang // dam pa'i chos kyi glegs bam dag/ mtshan ma'i phyag rgya'i tshogs gzhan no// de bzhin lce yi phyag rgya dang // cha lang dang ni rnga dag dang // rdo rje dang ni rin chen snod// mtshan ma'i phyag rgya'i tshogs gzhan no// de bzhin sangs rgyas gzugs brnyan dang // me long dang ni rlung yab dang // rdo rje ser ba sprin dang bcas// de bzhin mig gi phyag rgya dang // rdo rje 'bar ba kha T+wAM ga/ thod pa kham phor de bzhin no/ dmar chen dang ni snying chen dang // sha chen po dang rkang chen dang // rnon po mda' dang de bzhin 'dren// chang dang chu dang de bzhin te// lcug ma rlung gis bskyod pa dang // ras dang de bzhin me dang ni// rdo rje khro bo rgyal po'i dpal// gdug pa thams cad za ba yi// mtshan ma'i phyag rgya grub pa'i tshogs// rnal 'byor dngos grub rab sgrub pa'o// pad+ma sna tshogs dmar po dang // ljang gu de bzhin dkar po dang // mthing ga ser po le brgan dag/ pad+ma mtshan mchog rnam pa bdun// pad+ma snying po bud med rgya// de bzhin chos kyi 'khor lo dang // gsal shing dpal bskyed rdo rje dang // pad+ma mtshan ma'i tshogs gzhan no// gzhu dang mda' dang ral gri dang // de bzhin du ni 'bar ba'i me// dbang bskur gter dang rgyal mtshan dag/ mchod pa'i mtshan ma bsdus pa'o// de bzhin sna tshogs

  232. 116b

    pad+ma dang // rdo rje rgya gram de bzhin te// mtshan ma'i phyag rgya grub pa yis// rgyal srid thams cad 'joms pa ste// sangs rgyas thams cad la sogs pa// dngos po brtan g.yo ma lus kun// rang byung rnams kyi mtshan ma'i rgya// nam mkha'i dbyings kyi mtha' zlas pa'o// de skad bcom ldan de bzhin gshegs// rdo rje sems dpa' dpal gyis gsungs// sangs rgyas thams cad dang mnyam par sbyor ba/ mkha' 'gro sgyu ma bde ba'i mchog las dkyil 'khor thams cad kyi phyag rgya shes pa'i rtog pa ste bdun pa'o// / de nas gzhan dag bshad pa ni// rdo rje sems dpa' dpal gyi lha'i// rnam pa kun tu sna tshogs mchog/ mchod pa thams cad rnam sprul pa'o// lag pa g.yas g.yon gnyis dag gis// mdzub mo mthe'u chung mdzes par bsgyur// dpal ldan g.yon pa 'gying ba'i thabs// g.yas pa ba dan gsum pa bya// sri zhur bcas pa'i bteg pa'i mchog/ bdag nyid rdo rje sems dpa' dpal// 'dzum dang bcas pa'i mig gis blta// bsam pa g.yos pa'i phyag rgya'o// sangs rgyas rdo rje pad+ma 'dzin// rdo rje nyi ma khams gsum pas// skad cig gis kyang phyag byed na// khengs pa gzhan lta ci zhig smos// drag po dbang po nya dbang bcas// nyi zla gshin rje tshangs par bcas// btud de rab tu phyag 'tshal nas// las rnams thams cad byed par

  233. 117a

    'gyur// rdo rje dpal gyi thal mo bsgyur// bsam pa g.yos pas phyag byas pa'i// sangs rgyas mchod pa legs byas na// ma lus lus pa med par 'grub// smin ma g.yon du 'deg tshul gyis// ru lu ru lur bcas bgang na// tshangs pa nye dbang drag por bcas// khams gsum pa rnams phyag byed 'gyur// thal mos pad+mo kha 'bus bzhin// rang gi sbyor ldan snying gar bcing // mthe bo ze'u chung 'dab ma bzhin// rgyas pa btud pa'i phyag kyang bya// lus kyi yan lag thams cad ni// sa la bsnyal te phyag bya ba// snying ga kha dang spyi gtsug tu// thal mo sbyar te phyag bya'o// dpal ldan rdo rje 'gying ba'i thabs// 'dzum pa'i mig gis phyag byas na// khams gsum pa yang phyag byed na// mthu snyam gzhan lta ci zhig smos// phyag 'tshal ba'i phyag rgya shes pa'o// gar gyi rgyud rnams ji snyed dang // de bzhin bya ba'i tshul ston kun// de dag rdo rje sems dpa'i rgya// rang gi don rnams sgrub byed pa'o// 'gying dang bcas pa'i tshul byas nas// ci lta'i tshul bzhin gang byed cing // bskor ba'i gar rnams sna tshogs kyis// mchod pa thams cad dbul bar bya// lag pa g.yas g.yon gnyis dag gis// mdzub mo mthe'u chung mdzes bsgyur te// g.yon pa'i mdzub mo khu tshur bcang // g.yas pa ba dan gsum par bya// phyag rgya 'di yis btab na ni// sangs rgyas

  234. 117b

    kun dang 'grogs pa dang // dngos grub chen po mchog kun gyi// dbang phyug chen po 'grub par 'gyur// sangs rgyas thams cad dang 'grogs pa// dpal skal pa bzang po zhes bya ba'i phyag rgya'o// snyems 'dzin chen por bcas pa yi// sbyor bas de nyid bteg nas su// 'gram pa'i phyogs su yongs bskur nas// spyi bo'i mtshams su gzhag par bya// thams cad 'bebs pa'i gar byed pas// gar byas de nas phab nas su// skal bzang hUM zhes bya ba'i glus// mchod pa thams cad dbul bar bya// sangs rgyas thams cad dang mnyam par sbyor ba skal pa bzang po bde ba chen po zhes bya ba'i phyag rgya'o// lag pa g.yas g.yon gnyis dag gis// mdzub mo mthe'u chung mdzes bsgyur ba'i// rdo rje thal mo sbyar nas su// de bzhin g.yon du bsgyur bar bya// de ni sbyor bas bteg nas su// spyi bo'i mtshams su gzhag par bya// skal bzang oM zhes bya ba'i glus// mchod pa thams cad dbul bar bya/ dpal rdo rje thal mo sbyar ba sangs rgyas kyi mchod pa'o// lag pa g.yas g.yon gnyis dag gis// mdzub mo mthe'u chung mdzes bsgyur te// rdo rje thal mo gyen du dgrol// mchod pa'i gtor ma kun gyi tshul// dur khrod cha lugs gar byed pas// phyag rgya 'di yis gar byed cing // skal bzang rdo rje drag por dgod// mchod pa thams cad dbul bar bya/ dpal rdo rje he ru

  235. 118a

    ka'i zod pa'i thal mo ste mchod pa'i gtor ma thams cad kyi cho ga'o// lag pa g.yas g.yon gnyis dag gis// mdzub mo mthe'u chung mdzes bsgyur te// g.yas g.yon thal mo brdabs pa yis// mchod pa thams cad dbul bar bya// dpal pad+ma gar gyi dbang phyug gi thal mo'o// lag pa g.yas g.yon gnyis dag gis// mdzub mo mthe'u chung mdzes bsgyur te// rdo rje rin chen thal sbyar nas// mchod pa thams cad dbul bar bya/ re ba thams cad yongs su rdzogs par byed pa dpal rdo rje rin chen zhes bya ba'i phyag rgya'o// gyen du 'thor zhing thur du 'bebs// bskor zhing de bzhin nyug pa dang // me tog bdug pa mar me mchog/ dri yi mchod pa 'byung ba'o// gang ba'am 'on te stong pa'ang rung // yang na ci 'byor pa yis kyang // dam tshig mnyam par bsgrub pa yis// mchod pa thams cad 'grub par 'gyur// phyag rgya 'di rnams bcings nas ni// sangs rgyas thams cad mchod par 'gyur// dngos grub dbang phyug grub pas kyang // kun gyi bdag nyid mchod par 'gyur// chos dbyings mnyam dang mi mnyam pa// nam mkha'i dbyings kyi mtha' klas pa'i// rang byung rnams kyi mchod pa kun// gang dag de yis ma byas shing // spel bar yang ni ma gyur pa'i// rlabs chen dam pa gang yang med// sangs rgyas thams cad

  236. 118b

    mnyam sbyor ba// sbyor ba'i dbang phyug bde chen dang // dngos grub las dang bde ba dag/ 'di yis mi 'grub gang yang med// mchod pa rab 'byam grub pa rnams// ma lus lus pa med pa 'grub// bcom ldan rdo rje sems dpas gsungs/ sangs rgyas thams cad dang mnyam par sbyor ba'i mkha' 'gro sgyu ma bde ba'i mchog las mchod pa thams cad dang mnyam par sbyor ba dpal skal pa bzang po'i dam tshig gi rtog pa ste brgyad pa'o// // de nas gzhan yang bshad pa ni// rdo rje sems dpa' dpal gyi lha// kun tu sna tshogs mchog rnams kyi// phyag rgya thams cad rnam sprul pa'o// sems dpa' sangs rgyas kun gyi dngos// rdo rje sems dpa' bde ba'i mchog/ gsang ba mchog gi dgyes pa na// thams cad bdag nyid rtag tu bzhugs// bde ba kun la zhen pa dang // dngos grub thams cad rnam dag phyir// rdo rje sems dpa' bde ba'i mchog/ zla ba nya ltar rtsa dmar sgra// 'dod chags kun la chags pa'i phyir// chags pa chen po bcom ldan 'das// rdo rje sems dpa'i phyag rgya 'di// dmar po sna tshogs 'bar ba'i 'od// khams gsum dag na rin chen gzhan// sangs rgyas rin chen lta bu med// sangs rgyas kun gyi rin chen che// dbu rgyan can ni bde ba'i mchog/ gzhan gyi nor min 'di mi 'phrogs// lha yi chu 'dis dag pa ste// mthu dang ngo bo nyid

  237. 119a

    dag dang // rang bzhin gyis ni de 'grub bo// thod pa'i phreng ba'i dbu rgyan dang // sangs rgyas gtsug gi nor bu can// kun nas nyon mongs 'jig rten dbang // mi mjed la sogs de 'grub bo// rdo rje sems dpa' dpal sbyor ba// lha mo kun dang 'dus pa yis// kun tu sna tshogs skal bzang po// mkha' 'gro ma ni thams cad 'grub// sangs rgyas rdo rje pad+ma 'dzin// rdo rje nyi ma khams gsum pa// rgyas btab rmongs pas bslang nas ni// las rnams kun la sbyor bar byed// phyag rgya 'di yis btab pa ni// 'dod pa bzhin du 'gro 'ong lding // lha mo kun mchog dpal dang ldan// rdo rje sems dpa' rab tu 'grub/ mchog tu dga' ba la rab tu sbyor ba skal pa bzang po dpal rdo rje sems dpa' bde ba'i mchog rol pa zhes bya ba mchog gi phyag rgya'o// g.yas dang g.yon gyi sbyor ba yis// bde ba'i cha lugs gar byed cing // sems dpa'i skyil mo krung bcas nas// dpung rnams thams cad rab tu 'joms// dpal rdo rje sems dpa'i skyil mo krung ngo // zla ba'i kha dog 'dzum pa'i zhal// dngos grub thams cad dag pa dang // pad+ma'i 'dod chags rnam dag phyir// brla yi dbus ni dmar la dkar// phyag mchog lo ma sngon po 'dra// de bzhin bde ba'i dbang phyug dang // bde bar reg pa'i dbang phyug pas// dkar zhing ser ba'i

  238. 119b

    brla dang ldan// lha rdzas sna tshogs kha dog mchog/ 'bar ba sna tshogs 'khrigs pa'i 'od// pad+ma sna tshogs la gnas pa// thams cad dag par rab tu gnas// sangs rgyas pad+ma la sogs mchog/ rin chen sna tshogs rgyan dang gos// sangs rgyas thams cad 'du ba yin// mi mjed la sogs brgyan pa bzhin// bya ba dang ni bzlog pa dang // 'phrog pa dag kyang lhag par mdzad// bdag la 'khyud pa'i phyag rgya yis// yan/ lag thams cad 'phrog par 'grub// phyag rgya 'di yis btab na ni// 'dod pa bzhin du 'gro 'ong lding // dpal ldan 'dod pa kun la dbang // rdo rje sems dpa' rab tu 'grub/ mchog tu dga' ba la rab tu sbyor ba skal ba bzang po dpal rdo rje mda' bde ba'i mchog rol pa zhes bya ba'i phyag rgya'o// rnam pa sna tshogs dam tshig chags// bde ba'i 'bebs pa'i gar byed pas// bdag la 'khyud pa'i phyag rgya mchog/ dbus kyi lha mchog chen po'o// phyag rgya 'di yis rnal 'byor pa// 'dod pa bzhin du 'gro 'ong lding // bde chen dbang phyug dpal dang ldan// rdo rje sems dpa' rab tu 'grub// mchog tu dga' la rab sbyor ba/ skal ba bzang po dpal rdo rje sems dpa'i dam tshig bde ba'i mchog rol pa zhes bya ba'i phyag rgya'o// se ral kha yi tshul dag tu// rdo rje kha T+wAM ga bzung ste// bdag la khyud pa'i phyag rgya ni// bad bcas

  239. 120a

    rdo rje rgya gram mchog/ phyag rgya 'di yis btab na ni// 'dod pa bzhin du 'gro 'ong lding // rnal 'byor kun gyis dbang phyug rgyal// rdo rje sems dpa' rab tu 'grub/ mchog tu dga' ba la rab tu sbyor ba skal ba bzang po dpal rdo rje rnal 'byor bde ba'i mchog rol pa zhes bya ba'i phyag rgya'o// rdzogs sangs rgyas kyi kham por 'grub// bdag la 'byung ba'i phyag rgya yis// rdo rje sems dpa' dpal sbyor ba// dbus kyi lha mchog chen po'o// phyag rgya 'di yis rnal 'byor pa// 'dod pa bzhin du 'gro 'ong lding // dpal ldan tshe dang gzhon 'grub pa// rdo rje sems dpa' rab tu 'grub// mchog tu dga' ba la rab tu sbyor ba skal ba bzang po dpal rdo rje tshe bde ba'i mchog rol pa zhes bya ba'i phyag rgya'o// de la sogs pa mtha' yas mchog/ chos dbyings mnyam dang mi mnyam pa// nam mkha'i dbyings kyi mtha' klas pa'i// rang byung phyag rgya sna tshogs rnams// nam mkha' kun gyi skabs na dpal// rdo rje sems dpa' la gnas te// grub pa'i dbang phyug rab grub pas// thams cad bdag nyid 'bab par 'gyur// sangs rgyas thams cad dang mnyam par sbyor ba'i mkha' 'gro sgyu ma bde ba'i mchog gi rtsa ba'i phyag rgya'i tshogs so// gtsug lag ci lta'i rjes mthun pa'i dpal rdzogs rgya chen gar dag gis// mda' bzhi yongs su

  240. 120b

    'phangs na ni// bdud bzhi dag las rgyal bar 'gyur// tshangs pa chen po'i mgo dpal rdo rje mda' zhes bya ba'i phyag rgya'o// rkang pa bdeg cing phab pa dang // gshibs te mchongs pa'i stabs dag gis// 'khor lo'i phyag rgyas bstod nas ni// khams gsum dag las mchongs par 'gyur// dpal rdo rje mthu bo che zhes bya ba'i phyag rgya'o// bya ba dang ni bzlog pa dang // phrogs pa dag gi khyad par du// sna tshogs phyag rgyas gar byed cing // khams gsum dag ni bsdu bar bya// dpal rdo rje gar gyi dbang phyug ces bya ba'i phyag rgya'o// lcug ma gang yang rung bzung nas// bdag la 'khyud pa'i phyag rgya yis// bud med thams cad bsten na ni// dpag bsam shing ltar rtag tu 'grub// dpal rdo rje 'dod pa'i lha mo zhes bya ba'i phyag rgya'o// myang ba btung ba ltar byas pas// drag po dbang po nye dbang bcas// nyi zla gshin rje tshangs bcas pa'i// 'jig rten gsum dag skams par byed// dpal rdo rje rta gdong zhes bya ba'i phyag rgya'o// sna yi myang ba'i rngub pa yis// drag po dbang po nye dbang bcas// nyi zla gshin rje tshangs bcas pa'i// khams gsum yang ni sprad par byed// dpal rdo rje phag mo zhes bya ba'i phyag rgya'o// mig tshugs zhen par blta ba yis// drag po dbang po nye dbang bcas// nyi zla gshin rje tshangs bcas pa'i// 'jig rten gsum yang za

  241. 121a

    bar byed// dpal rdo rje spyan nyi zla zhes bya ba'i phyag rgya'o// thams cad bdag nyid myangs pa yis// drag po dbang po nye dbang bcas// nyi zla gshin rje tshangs bcas pa'i// thal bar gyur pa'ang 'tsho bar byed// dpal rdo rje kun gyi bdag nyid khams gsum slar 'tsho ba zhes bya ba'i phyag rgya'o// gling bu len pa'i tshul ston cing // ji ltar 'bab pa'i gar byed pas// tshangs dang nye dbang drag por bcas// 'gro ba gsum dag dbang du byed// dpal rdo rje gling bu'i dbang byed ces bya ba'i phyag rgya'o// pi bang len pa'i tshul ston cing // ji ltar 'bab pa'i gar byed pas// las rnams grub par rab 'byam dang // dngos grub ma lus myur du 'grub// dpal rdo rje pi bang bde bas rmongs par byed pa zhes bya ba'i phyag rgya'o// cang te'u tshul ston rnal 'byor pa// ji ltar babs pa'i gar byed pas// rims dang gdon dang dus zhen pa'i// sdug bsngal thams cad myur du sel// dpal rdo rje cang te'u sdug bsngal thams cad sel bar byed pa zhes bya ba'i phyag rgya'o// rdza rnga'i tshul ston rnal 'byor pa// ji ltar babs pa'i gar byed pa// gnas gsum dag ni ma lus pa// skad cig tsam gyis 'bebs par byed// dpal rdo rje rdza rngas myos par byed pa zhes bya ba'i phyag rgya'o// phyag rgya gar gyi mchod pa yis// mchod pa thams cad byas na

  242. 121b

    ni// rang byung gar gyi mchod pa rnams// ma lus lus pa med par 'grub// rims dang dug dang dbyig dug byed// phra men gdon gyi gnod pa rnams// bskong ba'i gang rnams sna tshogs kyis// skad cig tsam gyis zhi bar 'gyur// drag po dbang po nye dbang bcas// nyi zla gshin rje tshangs bcas pa'i// rgyas btab rmongs byas zos pa dag/ skad cig tsam gyis 'tsho bar byed// de la sogs pa mtha' yas mchog/ chos dbyings mnyam dang mi mnyam pa'i// nam mkha'i dbyings kyi mtha' klas pa// rang byung lha mo phyag rgya rnams// nam mkha' kun gyi skabs na dpal// rdo rje sems dpa' la gnas te// dngos grub dbang phyug rab grub pas// thams cad bdag nyid babs par 'gyur// sangs rgyas thams cad mnyam sbyor ba// mkha' 'gro sgyu ma bde mchog gi// rab tu grub pa'i glu rnams kyis// bla med pa yi dngos grub 'thob// de nas phyag rgya ye shes 'di// dpal ldan rdo rje mchog gi glu// las rnams thams cad rab grub cing // srid pa shin tu bsgrub pa ni// kye kye rdo rje sems dpa' bde chen skal bzang dpal khyod bdag lags bdag cag bsgrub la rtogs par mdzad du gsol// kye de bzhin gshegs pa kun gyi bdag nyid bde ba mkha' 'gro sgyu ma sna tshogs bde ba'i mchog/ 'gro ba'i rgyud rnams rnam pa sna tshogs 'dul mchog sgrub pa dag la sgrub

  243. 122a

    par mdzad du gsol// a la la ho/ de bzhin gshegs pa'i sbyor ba rnam pa sna tshogs gar rnams bstan du gsol// dzaHhUM baM hoH/ kye bde mchog bde bas zung la rnam par sprul// hUM snang bar mdzad du gsol/ a la la ho// de bzhin gshegs kun sna tshogs mkha' 'gro sgyu mas slob ma gzung du gsol// sangs rgyas thams cad mnyam sbyor ba// mkha' 'gro sgyu ma bde ba'i mchog/ kun tu kun nas thams cad du// 'di nyid kyis ni myur du 'grub// sangs rgyas thams cad dang mnyam par sbyor ba mkha' 'gro ma'i rnal 'byor gyi dkyil 'khor gyi phyag rgya zhes bya'o// rnal 'byor de nyid bcom ldan 'das// rdo rje sems dpa' de bzhin gshegs// thar pa thams cad rnam dag phyir// sangs rgyas phyag rgya dpal du gnas// don dam rnam par dag pa'i phyir// btso ma gser gyi kha dog bzhin// chags med la sogs chags chen phyir// dkar zhing sna tshogs gsal ba'i mdangs// chos kyi rgyal srid rab bsgrubs pas// rin chen chos las lhag pa med// de bas theg chen byang chub sems// rgyal ba rdo rje rin chen dag/ g.yas pa'i mthe bo gung mo gnyis// g.yon pa'i khu tshur bcangs pa yi// sor mo kun la reg pa ni// rtsa ba'i phyag rgya yin par grags// 'di ni sangs rgyas thams cad kyi// shes rab pha rol phyin gsal

  244. 122b

    yin// byang chub sems chen skye ba dang // chos kyi 'khor lo bskor ba ste// phyag rgya 'di yis btab na ni// shes rab pha rol phyin pa'i tshul// nam mkha'i dbyings kyi mtha' klas par// rab tu bsgrags par 'gyur ba yin// byang chub sems chen bskyed pa dang // chos kyi 'khor lo bskor ba ste// sangs rgyas nyid du rig par bya// mchog tu rtag pa'i sangs rgyas so// gang gis ldan pa 'di mthong zhing // rnam pa kun tu mchod byed pa// de yi sangs rgyas brtag pa'i mchog/ mthong zhing mchod pa byed par 'gyur// sems ni bskyed ma thag tu yang // chos kyi 'khor lo legs par bskor// dpal dam tshig ces bya ba'i phyag rgya'o// g.yas pa'i yan lag gnon pa yis// g.yon pa'i yan lag kun las rgyal// sems dpa'i skyil mo krung bcas na// bdud rnams thams cad rab tu 'joms// dpal rdo rje sems dpa'i skyil mo krung ngo // rdo rje khu tshur bcangs nas su// lag pa g.yon pas bkab pa ni// sangs rgyas kun blo dngos grub rnams// ma lus lus pa med par 'grub// de bzhin dpal ldan he ru ka'i// rdo rje khu tshur chen po dgab// dpa' bo 'dod pa'i dngos grub rnams// ma lus lus pa med par 'grub// pad+mo'i bud med khu tshur ni// de bzhin g.yon pas bkab na yang // byang chub spyod rab 'grub pa rnams// ma lus lus pa

  245. 123a

    med par 'grub// rin chen 'dzin pa'i khu tshur yang // lag pa g.yon pas bkab na ni// sangs rgyas nor kun dngos grub pa// ma lus lus pa med par 'grub// sangs rgyas khu tshur bcangs nas su// lag pa g.yon pas bkab na ni// sangs rgyas kun gyi tshe 'grub pa// ma lus lus pa med par 'grub// bud med phyag rgya bcings nas su// lag pa g.yon pas bkab na ni// dngos grub thams cad myur 'grub pa// ma lus lus pa med par 'grub// rta gdong dpal gyi khu tshur yang // lag pa g.yon pas bkab na ni// thams cad 'gugs par rab grub pa// ma lus lus pa med par 'grub// dpal grub spyan gyi khu tshur yang // lag pa g.yon pas bkab na ni// snang ba thams cad rab grub pa// ma lus lus pa med par 'grub// dang po sangs rgyas kun snod pa// gnyis pa de bzhin dpa' bo yin// gsum pa kun tu bzang po'i 'o// bzhi pa mi zad snod yin no// sangs rgyas yan lag kun ldan dpal// de bzhin zhal bzang gzungs ma yin// sprin chen mo ni bdun pa ste// brgyad pa nam mkha'i spyan yin no// gzungs ma thams cad kyi phyag rgya'o// phyag rgya shes pa 'di dag gi// sangs rgyas sprul pa'i glu mchog ni// 'grub par 'gyur ba byed pa'i mchog/ las rnams thams cad rab sgrub pa// slong bar byed pa brtan sgrub pa// de

  246. 123b

    bzhin sna tshogs rgyas pa dag/ drug pa'i dbyangs kyi glu blangs nas// de ba ta yi glu blang ngo // 'jig rten khams mang rdul phran grangs snyed khyab par 'phros pa yi// rgyal ba'i don rnams rab tu phra ba'i rdul gyi grangs snyed pa// sprul pa yi ni sku rnams phra ba'i rdul gyi grangs snyed ni// srid pa bde chen de bzhin gshegs kun rnam 'phrul sna tshogs kyis// rdul phran grangs snyed de bzhin gshegs pa'i rnam par sprul mdzod ho// rnam snang sbyor ba a la la ho de ring grub par mdzod// glu 'di dag ni blangs pa yis// nam mkha' thams cad mnyam sbyor ba// mkha' 'gro sgyu ma bde ba'i mchog/ grub par 'gyur ba gdon mi za// de nas bud med bzhi rnams dang // rang gi yang dag gsang ba yis// cho ga rgyas pa'i tshul bzhin du// me tog la sogs mchod pa bya// de bzhin gshegs pa'i phyag rgya shes pa'o// rnal 'byor de nyid bcom ldan 'das// rdo rje sems dpa' de bzhin gshegs// dam tshig la sdang rnam sbyang phyir// dur khrod dpal gyi phyag rgyar gsal// shin tu gdug cing gtum pa la// zhi bas phan par mi 'gyur te// shes rab thabs kyi rnal 'byor gyis// rnal 'byor bde mchog dam par 'gyur// sangs rgyas khros byung khro bo ni// thal bar 'jig pa mchog yin te// sems dpa' sngon po 'bar ba can// 'bar ba'i dkyil 'khor dmar por

  247. 124a

    snang // gzhan gyis ma yin mi 'phrogs pa// lha rdzas chu yis dag pa ste// 'di ni rang bzhin nyid dag dang // mthu dang ngo bo nyid kyis 'grub// gos chen po dang blugs pa che// sha chen po dang sbrang rtsi che// dur khrod kun gyi 'byung po yi// phyag rgya dpal ldan dbang phyug mchog/ shin tu khro gdugs gtum po yi// sems can khams rnams rnam sbyang phyir// 'di ni dpal ldan he ru ka'i// rdo rje rgyal chen dbang phyug mchog/ thod pa'i phreng ba'i dbu rgyan dang // sangs rgyas gtsug gi nor bu dang // rgyal srid thams cad rab bsgrub pa// ma lus lus pa med par 'grub// rdo rje kha T+wAM rdo rjer bcas// dril bu dkrol ba'i sgrar bcas pa// dpal ldan he ru ka 'bab pa'i// phyag rgya sna tshogs rnam sprul pas// sangs rgyas rdo rje pad+ma 'dzin// rdo rje nyi ma khams gsum pa// rgyas btab rmongs byas de zos nas// thal bar gyur pa'ang 'tsho bar byed// dpal ldan rdo rje he ru ka rdo rje 'bab pa rnam par 'phrul pa// pad+ma gar gyi dbang phyug ces bya ba'i phyag rgya'o// se ral kha yi tshul dag tu// kha T+wAM ga la rgyab rten byas// lag pa g.yon na thod pa thogs// g.yas pa ba dan gsum par bya// nam mkha'i phyag rgyas rnal 'byor pa// nam mkha' kun tu 'gro bar 'gyur// bud med la sogs rin chen mchog/ dngos po thams cad mkha' las 'byin// phyag rgya

  248. 124b

    'di yis yongs btab nas// bde bar lhag pa'i tshul ston pas// nam mkha' las ni kun lhags te// bdag gi spyod par de spyod do// drag po dbang po nye dbang bcas// nyi zla mkha' 'gro mi bzad tshogs// mkha' las sgyu ma kun lhags nas// lus pa med par de za'o// nam mkha' thams cad mnyam sbyor ba// skal ba bzang po dpal rdo rje mkha' 'gro ma'i bde ba'i mchog ces bya ba'i phyag rgya'o// g.yas dag g.yon pa'i sbyor ba yis// bde ba 'bab pa'i gar byed pas// skyil mo krung ni phyed bcas la// rkang pa rang gis brlas bsdams na// drag po dbang po nye dbang bcas// nyi zla gshin rje tshangs bcas pa// rgyas btab rmongs byas blangs nas su// gar byed cing ni de za'o// de nyid kyi ni sbyor ba yis// de las bde bar brla bsdams pas// legs par bsdams te cher btags nas// rab tu bkram ste btung bar bya// sgyu ma de dag nyid kyis ni// de nas brla phrag bskyod pa yis// skal bzang lha dang mi rnams kyi// bud med kun la de spyod do// bde bar reg pa thams cad mnyam pa sbyor ba skal pa bzang po dpal rdo rje drag po gnas pa zhes bya ba'i phyag rgya'o// de nas gzhan yang rab bshad pa// sangs rgyas mkha' 'gro'i dkyil 'khor du// dpal ldan he ru ka bcas pa'i// phyag rgya sna tshogs gnas pa'o// zhi dang drag po

  249. 125a

    rmongs pa mchog/ dga' ba'i gar byed 'gyur bar bcas// shi ba ldang ba'i sbyor ba yis// bde ba'i phyag rgya rab tu gnas// zhi dang drag po rmongs byed dang // gyen du dbugs 'byin gar byed lus// lta ba'i phyag rgya grub pa'i mchog/ gsang ba'i sbyor ba bde mchog gis// me tog bdug pa'i sbyor ba mchog/ chang dang chu dang lcug ma dang // ras dang me gtong grub pa yis// khyad par du ni rgyas 'debs so// rtse gcig mnyam par sbyor ba yis// sbyor ba'i gnyer ba bde ba sbyin// mngon par gtong zhing se gol gtogs// dal bus gyen du dbugs 'byin pas// g.yon du blta zhing lag pas drangs// 'o byed 'khyud pa de bzhin te// gar byed rab tu rmongs pa dang // za dang gsang ba'i lus rnams dang // tshangs pa chen po'i mgo dang ni// de bzhin 'jig rten gsum las rgal// de bzhin sa las 'dren pa dang // rang gi phyag rgya'i tshul ston dang // dur khrod dag gi gar byed dang // de bzhin rlung gi dkyil 'khor dang // rab tu 'jigs par sreg pa'i me// las kyi phyag rgya rab tu gnas// dang po rgyas 'debs ma yi rgya// snying 'dren ma yi gnyis pa'o// gsum pa shin tu rmongs byed ma'o// de bzhin bzhi pa 'degs byed ma'o// lnga pa gar byed pa yi rgya// drug pa gsod ma'i yin par bshad// bdun pa za ba mo yi rgya// brgyad pa las kyi

  250. 125b

    phyag rgya yin/ de nas phyag rgya 'di kun gyis// phyag rgya'i las rnams bla na med// phyag rgya'i bdag nyid kun 'joms pa// khyad par du ni bshad par bya// dpal ldan rdo rje pad+ma slong // gar dag byed cing byas na ni// rgyas btab rmongs byas zos pa dang // thal bar 'gyur ba'ang 'tsho bar byed// de nas phyag rgya shes pa 'di// dpal ldan rdo rje sbyor ba'i glu// las rnams thams cad rab bsgrub pa// khyad par du ni bshad par bya// gzigs pa rnam pa sna tshogs 'gyur ba'i rgyas thob la// rnam pa sna tshogs 'o byed 'khyud par rmongs mdzad de// rnam pa sna tshogs bde ba'i mchod ston kun gsol la// rnam pa sna tshogs bde mchog ngo mtshar bstan du gsol/ rgyas btab rmongs byas mnabs su gsol// bde mchog ngo mtshar bde bar bzhugs// hUM a la la ho snang bar mdzod// rnal 'byor bde mchog sgyu mas sprul// dam tshig dag la 'jug tu gsol// nyon mongs kun las rgyal bar mdzod// ma lus pa dag mnabs su gsol// nyon mongs thams cad bsal bar mdzod// glu 'di dag ni blangs pa yis// rdo rje thams cad mnyam sbyor ba// mkha' 'gro sgyu ma bde ba'i mchog/ gdon mi za bar 'grub par 'gyur// dpal he ru ka'i rdo rje'i phyag rgya zhes bya'o// rnal 'byor de nyid bcom ldan 'das// rdo rje sems dpa' de bzhin gshegs// 'dod

  251. 126a

    chags thams cad rnam dag phyir// pad+ma'i phyag rgya dpal du gnas// mi 'gyur dam pa grub pa'i phyir// shel sgong shin tu dag pa 'dra// 'dod chags thams cad bsal ba'i phyir// 'bar ba sna tshogs 'khrigs pa'i 'od// sangs rgyas tshe yi rin chen spras// gos dang sna tshogs rgyan gyis brgyan// sangs rgyas thams cad 'dus pa yis// bde ba can bzhin dam par 'gyur// gar stabs rnam pa sna tshogs kyis// yongs su bsgyur zhing gar byas pas// pad+mo'i mtshan mchog pad+mor bcas// phyag ni rgya rnams 'khor lo bskor// sangs rgyas rdo rje pad+ma 'dzin// rdo rje nyi ma khams gsum pa// pad+ma sgyu mas rnam sbyangs nas// sangs rgyas byang chub sgrub par mdzad// 'dul ba'i thabs ni sna tshogs pa'o// skal ba bzang po dpal pad+ma gar gyi dbang phyug ces bya ba'i phyag rgya'o// g.yas dang g.yon pa'i sbyor ba yis// skyil mo krung ni phyed mar gnas// rgyal po'i skyil mo krung bcas nas// sdug bsngal thams cad sel bar byed// dpal pad+ma rgyal po gnas pa zhes bya ba'i phyag rgya'o// bsnyems pa'i lag pa g.yon pa yis// pad+ma dmar po ci bder bzung // rang gi snying gar 'dren pa'i tshul// pad+ma 'dab ma kha 'byed pa'o// bsnyems pa'i lag pa g.yon pa yis// pad+ma sngon po ci bder bzung // rang gi snying gar 'dren tshul gyis// bud med phyag rgya

  252. 126b

    bcing bar bya// bsnyems pa'i lag pa g.yon pa yis// pad+mo dkar po ci bder bzung // 'khor lo'i phyag rgya bcings nas ni// chos kyi 'khor lo rab tu bskor// bsnyems pa'i lag pa g.yon pa yis// pad+ma mthing ga ci bder bzung // g.yas pas rab tu gar byed pa// dpal gyi phyag rgya ba dan gsum// bsnyems pa'i lag pa g.yon pa yis// pad+ma ser po ci bder bzung // g.yas pa rab tu gar byed pas// chu srin tshul du bsgreng bar bya// bsnyems pa'i lag pa g.yon pa yis// pad+ma le brgan mchog bzung ste// rang gi snying gar 'dren tshul gyis// rdo rje'i phyag rgya bcing bar bya// rnam par gzigs pa'i rnam dag dpal// sgrol ma'i byang chub mchog yin no// rgya chen ma yi 'khor lo bskor// khro gnyer ma ni phyag rgya'i lan// pad+ma gnas pa'i dpal chen yin// 'dod pa'i dbang mo'i 'gro ba gsum// dpal pad+ma'i rgyal po'i rig pa'i lha mo chen mo rnams so// de nas phyag rgya shes pa 'di// pad+ma rgyal po dpal gyi glu// las rnams thams cad rab sgrub pa// khyad par du ni bshad par bya// de bzhin gshegs pa kun la sogs pa'i gzugs mchog sna tshogs 'dzin// sems can rnam pa sna tshogs 'dul mchog dngos grub mchog mnga' ba// kye sems dpa' pad+ma dga' mchog sgyu ma'i dga' ba bstan du gsol// a la la la ho/ kye gar

  253. 127a

    dbang thar dga' dga' ba'i gar mdzod cig/ sangs rgyas rdo rje 'dzin bdag tshangs pa 'jug sel dbang phyug bdag/ nyi zla bdag lags a la la ho/ pad+ma sgyu ma dpal rnam pa sna tshogs 'dul mdzad dag pa'i tshul gyis gar mdzad pa// pad+mo dam tshig dbang phyug sangs rgyas gar rnams mdzad du gsol// 'dod chags rnam par sbyong ba thams cad du ni rnam par sbyongs// pad+ma 'dzin pa de yi spyan sngar gar mkhan gar mdzod cig/ glu 'di dag ni blangs pa yis// sna tshogs pad+ma mnyam sbyor ba// mkha' 'gro sgyu ma bde ba'i mchog/ gdon mi za bar 'grub par 'gyur// dpal pad+ma gar gyi dbang phyug gi phyag rgya'o// rnal 'byor de nyid bcom ldan 'das// rdo rje sems dpa' de bzhin gshegs// nor mchog rnam par sbyang ba'i phyir// dpal ldan nyi ma'i phyag rgyar gnas// nam mkha'i snying po thams cad phyogs// re ba thams cad rdzogs mdzad pa// bud med la sogs rin chen mchog/ rin chen thams cad mkha' las 'bebs// shin tu gdug cing gtum po la// zhi bas phan par mi 'gyur te// shes rab thabs kyi nyi ma ni// dam pa'i don du drag por gyur// drag pos 'dul ba'i 'jig rten rnams// drag po nyid kyis sgrub par byed// nyi ma'i gzugs dang spyod lam dang // tshul dang gzi brjid chen por ston// rdo rje gzhu dang

  254. 127b

    mda' mchog dag/ shin tu legs par 'gengs pa ste// mdangs gsal 'dzum dang bcas pa'i spyan// g.yon pa 'byed cing gyen du 'deg/ drag po dbang po nye dbang bcas// nyi zla gshin rje tshangs pa yi// 'jig rten gsum po ma lus par// drag shul nyid kyis 'dul bar mdzad// dpal khams gsum las rnam par rgyal ba zhes bya ba'i phyag rgya'o// rdo rje pus mo gnyis bcings te// rdo rje skyil mo krung bcas nas// bdag ni stan la 'dug nas ni// bgegs rnams thams cad gzhig par bya// dpal rdo rje skyil mo krung ngo // dbang bskur ba dang gter bdag dang / rgyal mtshan mchog ldan mchod pa che// ci lta'i tshul dag ston pa dag/ rang gi don rnams sgrub pa'o// de nas phyag rgya shes pa 'di// rgyal po'i sgyu ma mchog gi glu// las rnams thams cad rab sgrub pa// khyad par du ni bshad par bya// khams gsum kun gyi rgyal srid sna tshogs mchog gi nor ldan pas// mjal dum g.yul 'gyed rnam mang khyad par sangs rgyas 'dul ba ste// rnam pa sna tshogs mjal dum rnam par rgyal ba'i rgyal mtshan can// rdo rje nyi ma rgyal po bde mchog sgyu ma bstan du gsol// sems can sprin las byang chub mchog sprin sna tshogs char 'bebs pa// bdag gi re ba kun sgrubs myur ston a la la la ho// mi zad gter gyi dbang bskur khyad par bdag la stsal du

  255. 128a

    gsol// khyad par rin chen 'di dag thams cad bud med rin chen rnams kyi phyir// rin chen tshogs kun nang na bud med rin chen gcig pu mchog/ bud med rin chen dag pa dam pa'i don du thams cad 'gro// glu 'di dag ni blangs pa yis// rgyal srid thams cad mnyam sbyor ba// mkha' 'gro sgyu ma bde ba'i mchog/ gdon mi za bar 'grub par 'gyur// dpal rdo rje nyi ma'i phyag rgya shes pa'o// rnal 'byor de nyid bcom ldan 'das// rdo rje sems dpa' de bzhin gshegs// drag shul sbyor ba rnal 'byor dpal// rta yi phyag rgya rab tu gnas// thams cad dag par mos pa yis// sdig med stobs kyis ngo 'thon du// rab tu gdon pa'i rtsal dag gis// 'jig rten thams cad rab tu 'joms// 'dod chags can la g.yem par ston// gdug pa rnams la gdug par ston// zhi ba rnams la zhi bar 'gyur// drag shul can la drag shul sbyor// zhal bzhi pa la phyag bzhi pa// zhabs bzhi pa la rmig pa bzhi// rta mgrin rgyal po chen po ste// dbang phyug dam pa grub par 'gyur// g.yon pa'i mdzub mo khu tshur gyis// dpal ldan pad+ma sna tshogs 'dzin// rdo rjer bcas shing slong ba sgrub// g.yas pa ba dan gsum par bya// phyag rgya 'di yis btab na ni// shin tu lhung bar gyur pa yang // de ma thag tu kun bslangs nas// ldang ba thams cad rab

  256. 128b

    tu 'grub// thams cad dag pa mnyam par sbyor ba skal pa bzang po/ dpal rdo rje slong ba zhes bya ba'i phyag rgya'o// g.yas dang g.yon pa'i sbyor ba yis// brkyang bskum pa yi tshul byas nas// khro bo'i skyil mo krung bcas te// 'jig rten thams cad rab tu bshig/ dpal rdo rje khro bo gnas pa'o// de nas phyag rgya shes pa 'di'o// rta mchog dpal dang ldan pa'i glu// las rnams thams cad rab sgrub pa// khyad par du ni bshad par bya// myos byed stong las lhag par bde ba 'dod pa'i gzugs ston pa// 'dul ba'i dbang gis gshin rje stong las lhag par rab tu 'jigs// zhi ba'i sku yang tshangs pa stong pas shin tu lhag par ston// dkyil 'khor kun gyi mchog tu de bzhin gshegs kun 'grub par mdzod// thams cad rnam par dag pas ngo 'thon stobs kyis gnon pas non// hi he he he he dbang phyug thams cad rab shig rab tu shig/ rab kyi rtsal gyis gnon pa'i stobs kyis ngo 'thon dbang phyug non/ sbyor chen hu lu hu lu mig gsum pa las gsum grub drongs// rab kyi rtsal gyis gnon pa'i stobs kyis ngo 'don mthu chen non/ mnyam sbyor ru Ta ma Ta snying las dpal mo drongs shig rab drongs shig/ rab kyi rtsal gyis gnon pa'i stobs kyis ngo 'thon tshangs pa non// sbyor chen tshangs las grol ma drongs shig sma ra Ta/ rab kyi rtsal gyis gnon

  257. 129a

    pa'i stobs kyis ngo 'thon dga' dbang non// mnyam sbyor kun gyi bdag la dag 'drongs a la la la ho// gdug cing khro la rab tu gtum pa'i sems can bsgral ba'i phyir/ sgrub zhugs a la la la ho/ oM sum+b+ha ni sum+b+ha hUM phaT phaT/ mdza' bo mi la bya'am mi bya yongs rtog de dag med kyang sla// de 'dra'i mdza' bo sgyu ma yin pas de la mdza' bshes su zhig zer// rgol ba la yang bya'am mi bya yongs su rtog pa med kyang sla// de 'dra'i rgol ba sgyu ma yin pas de la dpa' zhes su zhig zer// glu 'di blangs pa tsam gyis ni// rta mchog mnyam par sbyor ba yi// mkha' 'gro sgyu ma bde ba'i mchog/ gdon mi za bar 'grub par 'gyur// thams cad 'byung ba'i phyag rgya shes pa'o// mdzub mos mthe bo mnan nas ni// rang gi mthe bos mdzub mo mnan// dpal grub spyan gyi phyag rgya ste// mdzub mo mig gi 'bras bur bya// rdo rje thal mo mnyam sbyar nas// rdo rje spyan ni gnyis dag tu// khong stong du ni sbyor bar bya// dpal grub rdo rje'i spyan yin no// 'dis ni sangs rgyas thams cad dang // de bzhin dpa' bo thams cad dang // rdo rje 'dzin pa thams cad du// tshe 'di nyid la 'grub par 'gyur// dpal grub spyan ni grub pa ste// sems can thams cad dbang byed pa// las kyi dngos grub rab 'byams rnams// ma lus dngos grub myur du 'grub// rdo

  258. 129b

    rje thal mo mnyam sbyar te// mdzub mo gnyis kyi rtse mo dgug/ mthe bo'i rtse mo mnyam par gzhag/ khong stong mi 'gyur dam pa'i rgya// spyi bo'i mtshams su rab bzhag nas// 'di yis bsrung ba byas na ni// sangs rgyas dngos grub ma lus pa// lus pa med par 'grub par 'gyur// sems dpa'i gtsug tor gyi phyag rgya'o// rdo rje thal mo gyen du dbye// mdzub mo gnyis kyi rtse mo dgug/ mthe bo gnyis kyi mche ba gtsigs// 'jigs pa'i rdo rje gnod sbyin ma// 'grub pa bdud la sogs pa za// de bzhin du ni rmongs par byed// dbab pa thams cad rab tu 'grub// de bzhin rnam par shes pa sgrub// gter rnams 'byin par byed pa dang // de bzhin nor kun 'phrog par byed// ngal gso bo ni dpal mnan te// dpal mo dag kyang phrogs nas ni// mngag gzhug mar ni byed pa dang // gnod sbyin ma dang dga' ba spyod// gnod sbyin dag gi sde dpon du// 'dis ni myur du 'grub par 'gyur// dpal rdo rje gnod sbyin gyi phyag rgya'o// rdo rje thal mo mnyam sbyar nas// gung mo mnyam par rab tu bsgrub// mthe bo mthe'u chung 'dab ma bzhi// pad+ma dri med rab tu rgyas// 'dis ni sdig rnams 'byang bar 'gyur// sdig pa byang na rab tu 'grub// sangs rgyas byang chub mngon sangs rgyas// rdo rje sems dpa' nyid du 'gyur// dpal ldan pad+ma'i phyag

  259. 130a

    rgya'o// rdo rje thal mo mnyam sbyar ba// mdzub mo mnyam par phyir bkug ste// mthe bo rdo rje g.yogs pa ni// rdo rje dpal gyi nor bu ste// phyag rgya 'di yis btab na ni// nam mkha' thams cad rab 'grub ste// bud med la sogs rin chen mchog/ mkha' las dngos rnams thams cad spyod// rdo rje thal mo mnyam sbyar nas// mthe'u chung srin lag mnyam par brkyang // mdzub mo rtse mnyam bkug pa ni// dpal mchog rta zhes grags pa ste// phyag rgya 'di yis btab na ni// sangs rgyas byang chub rab 'brel na// thams cad dga' bar byed pa'i dpal// lha yi skal bzang smos ci dgos// dam tshig gi phyag rgya shes pa'o// lus dang ngag sems rdo rje yi// mtshan ma'i phyag rgyar ldan byas te// thams cad 'byung ba'i sbyor ba yis// bdag gi lhar ni bdag nyid bya// 'dis ni sangs rgyas thams cad dpal// de bzhin dpa' bopo thams cad dang // rdo rje 'dzin pa thams cad du// tshe 'di nyid la 'grub par 'gyur// sangs rgyas kun bdag dngos grub ni// chos dbyings mnyam dang mi mnyam pa// nam mkha'i dbyings kyi mtha' klas pa'i// sangs rgyas thams cad mnyam sbyor ba'i// mkha' 'gro sgyu ma bde mchog 'dis// ma 'grub 'byor par mi 'gyur ba'i// dam pa rgya chen gang yang med// dam tshig chen po'i phyag rgya shes pa'o// rdo rje sems

  260. 130b

    dpa' dpal sbyor ba'i// ji lta'i gzugs dang dbyibs su ldan// bde ba nyid kyis kun gyi bdag/ kun gyi bdag la zhugs par bya// phyag rgya 'di yis rnal 'byor pa// 'dod pa bzhin du 'gro 'ongad lding // rgyal po sangs rgyas kun dang 'dra// rdo rje sems dpa' rab tu 'grub// sangs rgyas thams cad dang mnyam par sbyor ba skal ba bzang po'i dpal rdo rje sems dpa' zhes bya ba'i phyag rgya'o// chags pa med cing ma chags med// dbu mar yang ni dmigs su med// bud med kun gyi sgra sbyor 'di// gnyis su med pa'i theg pa'i mchog/ phyag rgya 'di yis btab na ni// 'dod pa bzhin du 'gro 'ong lding // dpal ldan sgyu ma kun gyi bdag/ rdo rje sems dpa' rab tu 'grub// sgyu ma thams cad kyi lha mo'i phyag rgya shes pa'o// yod pa ma yin med pa'ang min// dbu mar yang ni dmigs su med// shes rab pha rol phyin sbyor ba// sangs rgyas byang chub rab 'grub pa'o// thams cad nam mkha'i mtshan nyid de// nam mkha' la yang mtshan nyid med// khams gsum dag ni ma lus pa// thams cad sgyu ma lta bu ste// ji ltar sgyu ma thams cad du// mthong ba dang ni reg par 'gyur// dmigs su yod pa'ang ma yin te// de bzhin 'gro ba kun gyi tshul// phyag rgya 'di yis rnal 'byor pa// 'dod pa bzhin du 'gro 'ong lding // bud med la sogs rin chen mchog/ mkha'

  261. 131a

    las dngos rnams thams cad spyod// dngos po med par bdag sbyor bas// nam mkha' kun dang mnyam sbyor ba// mkha' 'gro sgyu ma bde ba'i mchog/ shin tu rtag par 'grub par 'gyur// ji ltar pad+ma dmar po 'di// chags pa'i nyes pas mi gos pa// rnal 'byor ldan pa'ang de bzhin du// gnas kyi nyes pas yong mi gos// shin tu gdug cing drag po la// zhi bas phan par mi 'gyur te// shes rab thabs kyi sbyor ba ni// rnam par rgyal phyir rab tu drag/ thams cad dag par mos pa yis// sdig med stobs kyi ngo 'thon du// drag shul sbyor bas mnyam sbyor ba// 'jig rten thams cad gzhom par bya// sbyor ba'i phyag rgya shes pa'o// sbyor ba ji snyed yod kun dang // byed pa rnam pa sna tshogs la// rdo rje sems dpa' dpal gyi rgya// dngos grub thams cad rab sgrub pa'o// byed pa'i phyag rgya 'di rnams kyis// 'dod pa bzhin du 'gro 'ong lding // chags pa chen po dbang phyug dpal// rdo rje sems dpa' rab tu 'grub// kun tu sna tshogs skal ba bzang po dpal dam tshig ces bya ba'i phyag rgya'o// bya ba dang ni bzlog pa dang // khyad par du ni 'phrog pa dang // yan lag kun tu byed pa yis// de ni nor rnams kun kyang phrogs// 'o byed 'khyud la sogs pa yis// khams gsum pa yang rgyas 'debs so// thar bar byed cing gsod par byed// shi yang

  262. 131b

    mod la sos par byed// sbyor ba'i longs spyod thams cad kyis// gnas gsum po ni ma lus par// rgyas btab rmongs byas bslang nas su// gar byas nas ni za bar byed// sbyor ba kun gyi bde myong bas// khams gsum pa ni ma lus pa// rgyas btab rmongs byas zos pa dang / thal bar gyur pa'ang 'tshe bar byed// sbyor ba thams cad kyi phyag rgya shes pa'o// lha mo kun gyi bde ba'i mchog/ mdzes pa'i zhal ni rnam bsgyur zhing // bde ba myong ba rab sbyor ba// mdzes par lta ba'i gar byed pas// sangs rgyas rdo rje pad+ma 'dzin// rdo rje nyi ma khams gsum pa// rgyas btab rmongs byas zos pa dang // thal bar gyur pa'ang 'tsho bar byed// bud med mkhas pa sgyu ma che// mdzes pa'i bzhin ni rnam bsgyur ba// rim gror bcas shing steg pa'i mchog/ mdzes par blta bas gar byas pa// sangs rgyas pad+ma rdo rje 'dzin// rdo rje nyi ma khams gsum pa// rgyas btab rmongs byas bslang nas ni// zos nas slar yang 'tsho bar byed// sangs rgyas byang chub mnyam sbyor ba// rab tu dga' bas blta zhing 'dzum// shin tu srid pa yang dag sgrub// gsang bar blta la gnas na ni// drag po dbang po nye dbang bcas// nyi zla gshin rje tshangs bcas pa'i// srid pa kun tu kun bsgrubs nas// rigs gsum dag ni sgrub par byed// steg la sogs pa'i nyams dang

  263. 132a

    ldan// mdzes pa'i bzhin ni rnam bsgyur zhing // rim gror bcas shing steg pa'i mchog/ steg pa'i blta bas gar byed cing // mdzes pa'i tshul dang thabs rnams kyis// drag po dbang po nye dbang bcas// nyi zla gshin rje tshangs bcas pa'i// 'jig rten gsum dang sgrub par byed// mche ba cung zad gtsigs pa'i kha// khro zhing 'dzum dang bcas pa'i bzhin// khro la 'gyur bar bcas shing 'dzum// gsal bar blta zhing legs par gnas// drag po dbang po nye dbang bcas// nyi zla gshin rje tshangs bcas pa// rgyal po sgyu mas rnam rgyal nas// khams gsum dag ni sgrub par byed// 'dod chags myos pas g.yem spro/ ba// mdzes pa'i bzhin ni rnam par bsgyur// 'di ni bzhin gyi phyag rgya mchog/ khams gsum dag kyang dga' bar byed// drag po mche ba rnon po gtsigs// gdug pa za ba 'jigs 'jigs lha// g.yas pa'i bzhin gyi phyag rgya yis// khams gsum dag kyang za bar byed// dngos grub kun gyi bde ba'i mchog/ rab tu dga' bar blta zhing 'dzum// g.yon pa'i bzhin gyi phyag rgya yis// khams gsum dag kyang thar bar byed// spyi bor rta mgrin gsang mtho ba// rta gdong ljang ser kha dog gsal// so gtsigs pas ni mchu mnan na// 'jig rten thams cad 'jigs par byed// bzhin gyi phyag rgya shes pa'o// lha mo kun gyi bde ba'i

  264. 132b

    mchog/ mdzes pa'i ma mchu sos mnan te// 'dzum pa'i phyag rgya mchog 'di ni// sangs rgyas thams cad dgyes par byed// 'dod chags bde bas g.yem spyo ba// steg pa'i ma mchu sos mnan pa'i// 'dzum pa'i phyag rgya mchog 'di ni// khams gsum dag kyang dga' bar byed// sbyor ba kun gyi bde ba mchog/ mdzes pa'i ma mchu g.yo bar byed// 'dzum pa'i phyag rgya mchog 'di ni// khams gsum dag kyang dga' bar byed// sha chen gyi ni ro myong zhing // ma mchu so yis mnan pa yis// 'dzum pa'i phyag rgya mchog 'di ni// khams gsum dag kyang za bar byed// bde ba kun gyi ro myong zhing // ma mchu rnam par mdzes byas pa// 'dzum pa'i phyag rgya mchog 'di ni// thal bar gyur pa'ang 'tsho bar byed// 'dzum pa'i phyag rgya mchog shes pa'o// bde ba myong bar rab sbyor ba// zam zim lta ba rnam 'gyur bas// rgyas btab rmongs byas zos pa yis// khams gsum dag kyang 'tsho bar byed// bud med mkhas pa sgyu ma'i mchog/ mdzes par blta ba'i gar byas pas// rgyas btab rmongs byas bslang nas ni// khams gsum dag kyang sgrub par byed// sangs rgyas gsang ba'i mnyam sbyor ba// lta ba rab zhi bde bar gnas// lta ba'i phyag rgya mchog 'di ni// bud med thams cad dbang du byed// smin mtshams khro gnyer 'gyur bcas pas// lta ba rab

  265. 133a

    'bar rnam par bsgyur// lta ba'i phyag rgya mchog 'di ni// khams gsum dag kyang 'bar bar byed// khro zhing 'gyur bar bcas pas 'dzum// lta ba gsal la bde ba gnas// lta ba'i phyag rgya'i mchog 'di ni// khros pa thams cad rab tu sgrub// steg la sogs pa'i ro dang ldan// steg bcas lta ba'i gar byed pa// lta ba'i phyag rgya mchog 'di ni// khams gsum dag kyang gar byed 'jug/ lta ba'i phyag rgya shes pa'o// na mastu sar+b+ba bud+d+he b+h+yaHzhes pa'i phyag rgya la gnas na// las dang mchod pa ma lus pa// lus pa med pa thams cad 'grub// rang byung rnams kyi mchod pa kun// chos dbyings mnyam dang mi mnyam pa// nam mkha' dbyings kyi mtha' klas pa// lan cig brjod pas 'grub pa'i phyir// dam pa'i chos kyi phyag rgya 'dis// gang dag byas par ma gyur cing // spel ba dag tu ma gyur pa'i// dam pa rgya chen de dag med// oM ru ru s+phu ru dza la tiSh+Tha sid+d+ha lo tsa ni sarban+ma sA d+ha ni swA hA/ chos kyi phyag rgya mchog 'di ni// sems can thams cad dbang byed pa// stobs kyis myur du bkug nas ni// bran bzhin du ni byed du 'jug/ su b+ha gA s+t+waM ma hA na de bi hi ri/ mi ri/ ri ti/ ni ri shri ye swA hA/ chos kyi phyag rgya dam pa 'di// 'dod pa'i bde ba kun sbyin pa'o// oM ta re tu t+tA re tu re swA hA/ chos kyi phyag rgya la gnas pa// sangs rgyas byang chub rab

  266. 133b

    bsgrubs na// bud med gzhan lta ci zhig smos// tAM b+ha ba Ta Ta/ tra Ta tra Ta/ re ba thams cad kun nas rdzogs// chos kyi phyag rgya dam pa 'di// re ba thams cad rdzogs byed pa'o// shrI badz+ra pad+ma b+har+b+ba b+ha mu kha yo ge shwa ra hi hi hi hi hi/ chos kyi phyag rgya dam pa 'di// 'jig rten thams cad rab tu 'jig/ chos kyi phyag rgya shes pa'o// skad kyi gsang ni mtho dman dang // gre sgur bcos shing bzlas pa dang // dus rab zhi ba mchog rnams kyis// hUM la sogs pa'i glu blang zhing // tshig rnams kun gyis ci 'dod par// ji ltar spro bar glu kun gyis// hUM gi glu yi phyag rgya dpal// rdo rje sems dpa' rab sgrub pa'o// lha mo kun gyi lha mo mchog/ cha lugs bzhin du gar bya zhing // ka ka la shang b+ha la sogs// glu rnams thams cad rjes su blang // au gyi glu yi phyag rgya ni// tshangs pa'i dbyangs kyis ci dgar blangs// ma lus lus pa med pa yi// sems can thams cad thar bar byed// rdo rje drag po gad mo che// mkhur ba'i dbugs kyis rlung 'byin cing // 'brug gi sgra ltar zab pa yi// ru lu ru lu'i sgra byung na// phyag rgya 'di yis rnal 'byor pa// khams gsum dag kyang rgyas 'debs shing // thar bar byed cing gsod par byed// shi ba mod la 'tsho bar byed// rdo rje drag tu bzhad pa zhes bya ba'i phyag rgya'o// Te zhes bya ba'i glu yi rgya// thams cad dag

  267. 134a

    par sgrub pa'o// hi zhes bya ba'i glu yi rgya// khams gsum rnam par rgyal bar byed// ka ka la lce dang tso ra'i dbyangs// de bzhin rab tu gdangs snyan dang // ka ha sha yi glu yi rgya// 'joms pa thams cad grub pa'o// glu yi phyag rgya shes pa'o// gling bu dang ni rgyud gcig dang // de bzhin rgyud mangs rgyud stug dang // sil snyan phyag rgya bshad pa rnams// las rnams thams cad rab bsgrub pa'o// cha lugs bzhin du gar byed pas// ma brdungs par yang rab tu 'grub// las rnams kun la mchog tu ni// brdungs na dpal ni bzhi 'gyur 'grub// snying po phyag rgya sngags rig dang // bya ba rnam pa sna tshogs dang // rnam par sel la sogs pa'i thabs// dngos grub thams cad rab sgrub pa'o// dzaHhUM baM hoH// ru N+ya ma D+ha/ sma rA ra Ta/ hu lu hu lu/ pra sid+d+ha/ Tak+ki hUM dzaH/ kI ni d+hA ni hUM druM/ Tak+ki hUM dzaH/ hu lu hu lu/ a la la la ho/ shud+d+ha sid+d+ha/ da ri ShA ya sar+b+ba na Ta g+he g+he/ Ta Ta g+he g+he g+he/ Ta g+he Ta ke gai gai gai/ Ta ta kai/ Ta ge hau To Na/ Tak+ki hUM dzaH/ ge te ge d+ho na/ Tak+ki hUM tAM/ a la la la ho/ ru D+ha ma D+ha/ thal mo brdab pa brtag pa'o// Ta g+he Ta g+he/ Ta g+he g+he/ Ta ge na Ta/ g+he g+he g+he/ Ta g+haM g+hai Ta g+haM/ rgun gyi rnga'o// AM AM AM/ haM haM hUM/ b+haM b+haM b+haM/ d+haM d+haM d+haM/ dam tshig gsum gyi rnga'o// d+he k+saM k+saM k+ShaM g+haM/ d+he badz+ra badz+ra N+yar/ kong kong kong kong / hUM b+h+yo hUM

  268. 134b

    b+h+yo hUM b+h+yo hUM b+h+yo/ ru lu ru lu hUM b+h+yo d+haM/ klong klong stong / D+he/ k+saM k+saM k+saM k+saM/ De Na ko ko kau/ dpal rdo rje he ru ka'i rdo rje rnga'i phyag rgya'o// pad+ma pad+ma hri/ pad+ma pad+ma shi/ pad+ma pad+ma drang / dpal pad+mo brdabs pa'i rnga'o// Sh+T+r-i tAMtraM/ b+ha b+ha b+ha b+ha b+ha b+ha b+ha/ ta Ta ta Ta Ta Ta Ta Ta/ tAM tA tA ta/ trA tA tA tA tA/ traM TaM ke tad+YAd tra/ tuSh+Ta D+ha/ rgyal po'i rnga'o// Tak+ki hUM dzaH/ Tak+ki hAM dzaH/ Tak+ki hUM dzaH/ snyems pa'i 'gros so// trA D+ha tA tA tA tA tA/ mUr zhing rab tu myur ba'o// ta Ta b+ha ta/ ba trun/ ta thA ga te/ pa hUM/ ta Ta b+ha ta ta b+ha hi na dpal rta mchog rnam par rol pa'o// ta tA b+ha Ta Ta b+ha tA da t+yA/ shin tu myur ba'i rnga'i phyag rgya ste/ sil snyan gyi phyag rgya shes pa'o// rdo rje sems dpa' bdag sbyor bas// lag gnyis rdo rjer bcings pa yis// rdo rje se gol brdabs pa yis// sangs rgyas thams cad bsdu bar bya// de yi bka' tsam gyis skrag nas// 'khor gyi dkyil 'khor dang bcas pa'i// sangs rgyas kun kyang 'du 'gyur na// gzhan lta smos kyang ci zhig dgos// g.yon pa'i se gol brdabs pa dang // thal mo dal bus brdabs pas 'grub// g.yas pa'i thal mo yin par gsungs// gnyis ka kun tu sdud pa yin// thal mo'i sbyor ba rab sbyor bas// las kyi tshul bzhin 'brang ba dang // thal mo dal bus bsdu ba dang // glu dang sil snyan gar byed pas// steg dang dpa' dang snying rje

  269. 135a

    dang // rgod dang khro dang 'jigs pa dang // mi sdug ngo mtshar zhi ba yi// nyams kyis phyag rgya dang don sgrub// steg la sogs pa'i nyams dang ldan// sna tshogs phyag rgya'i gar byas pas// thams cad bdag nyid rgyar sbyor bas// dbab pa thams cad rab tu 'grub// rdo rje sems dpa' steg pa la// dpa' la dpa' bo de bzhin gshegs// rdo rje 'dzin pa snying rje la// rgod pa 'jig rten dbang phyug mchog/ rdo rje nyi ma khro ba la// rdo rje drag po 'jigs pa la// shAkya thub pa mi sdug pa// ngo mtshar la ni a ra li// rab tu zhi la sangs rgyas rtag/ sdug bsngal thams cad zhi ba'i phyir// dngos po kun gyi rang bzhin gyis// nye bar gnas shing byin gyis rlobs// lta bas mi ngoms pa yi gzugs// thams cad bdag nyid ston par mdzad// legs so zhes bya 'grub pa yi// mchog tu gyur pa rab tu stsol// thams cad bdag nyid grub pa'i mchog/ re ba thams cad yongs rdzogs pa// sangs rgyas kun tu 'gyur ba'i mchog/ rnal 'byor dam pa ster bar 'gyur// phyag rgya'i sbyor ba 'di dag gis// rang gi mchod pa rab tu sbyar// rdo rje sems dpa' dpal gyi lha'i// sbyor ba thams cad rnam 'phrul dang // phyag rgya phyag rgya'i lan rnams dang // sna tshogs phyag rgya rnam sprul pas// yid la bsams pa kun rdzogs phyir// mchod pa dam pa sbyar bar bya// kun tu sna

  270. 135b

    tshogs skal bzang po// kun gyi slob dpon bdag nyid bsgyur// kun 'byung la sogs sbyor ba yis// rgol ba bdag dang gar byas te// de nas rgol ba ci rigs pa// sangs rgyas thams cad 'byung bar 'gyur// de nas slar ni rgol ba yang // rdo rje 'dzin pa chen por bsgyur// rgol ba'ang de nas tshul bzhin du// pad+ma gar 'byung mchog tu bsgyur// de nas slad du rgol ba yang // rdo rje nyi ma mchog tu bsgyur// de nas phyir yang rgol ba ni// rta mchog 'byung bar bskur bar bya// de nas slar ni rgol ba yang // bdag nyid 'byung bas rab tu 'grub// de nas phyag rgya shes pa 'di// sdom pa thams cad rab ston pa// rdo rje sems dpa' dpal gyi glu/ khyad par du ni bshad par bya// la lar dri med zla ba'i dkyil 'khor stong las mdzes pa'i gzugs su rnam par snang // la lar rab tu 'jigs pa'i nyi ma bye ba phrag dgu'i 'od zer mchog pas 'jigs// la lar mdangs bzang gzi che bde dang zhi bar ldan par rgyal ba'i gzugs su snang // la lar 'gro ba thams cad mnyam par 'jog pa'i gzugs ldan gsung mchog ldan par ston// rdo rje sems dpa' 'grub phyir 'dul la mkhas pa ma lus bde ba'i mchog rnams las// A ra li rnams mnyam sbyor grub mdzod ru Ta ma Te a la la la ho// rnam pa mang po 'dul bar mdzad pa'i tshul la gar mkhan

  271. 136a

    mchog gis gar mdzad pa// dam tshig gar gyi dbang phyug sangs rgyas gar mdzod a la la la ho// rnam mang bde mchog rab tu gar mdzad pa yis thar pa'i bde ba'ang thob par mdzod// 'di dag glur ni blangs pa yis// sangs rgyas thams cad mnyam sbyor ba'i// mkha' 'gro sgyu ma bde ba'i mchog/ 'grub par 'gyur bar gdon mi za// de ltar rab tu gar byas te// de las gang zhig pham gyur pa// tshogs de yis tshogs kyi zas// yon dang bcas par dbul bar bya// mchod pa'i cho ga 'di dag gis// sdig pa kun las thar bar 'gyur// bsod nams thams cad 'phel bar 'gyur// de bzhin rtag par bsrung ba rar 'gyur// rims dang dug dang dbyig dug dang // mkha' 'gros gtso dang gdon rnams dang // bdud dang sems can dmyal ba rnams// 'di yis rab tu zhi bar 'gyur// dngos grub rnams dang phun sum tshogs// dga' dang de bzhin bdag po dang // sangs rgyas dam pa thams cad dang // phyag rgya'i mchog rnams 'grub par 'gyur// gar gyi phyag rgya shes pa'o// rab tu dga' ba rjes su rab chags dga' ba'i mda' gzhu rab tu phra ba'i rgyas btab pas// rab tu dga' bar sbyor ba'i bde bas myos pa bde ba thams cad bdag la grub par mdzod// rab tu bde mchog rnam pa sna tshogs rnam par rgyal ba'i rgyal mtshan

  272. 136b

    bsgreng ba'i longs spyod dang // rab tu dga' ba'i dbang phyug tshe mchog grub pas de bzhin gshegs pa bzhugs ho rta mchog ho// rab tu sna tshogs bde ba'i mchog la rol cig ho// bde bas slong la rnam par rol hUM snang bar mdzod// a la la la ho// de bzhin gshegs pa kun gyi mkha' 'gro sgyu ma sna tshogs kyis// slob ma rab tu gzung du gsol// kye ma'o bde mchog grub par mdzod// kye ma'o bde ba bde ba stsol// dam par rab tu zhugs par mdzod// bdag la rab tu dgyes par gyur// a la la la ho// e ma'o// shin tu zhugs shig zhugs shig/ mkha' 'gro bde mchog yongs bskor kun tu zhugs// 'di dag glur ni blangs pa yis// sangs rgyas thams cad mnyam sbyor ba// mkha' 'gro sgyu ma bde ba'i mchog/ grub par 'gyur bar gdon mi za// rdo rje sems dpa' sdud pa dang // rdo rje rin chen bla med pa// rdo rje chos ni gsungs pa dang // rdo rje las ni byed par 'gyur// hUM rdo rje las kyi mda' gzhu la phyag 'tshal lo// dpal rdo rje chags pa'i dam tshig la phyag 'tshal lo// rdo rje kha T+wAM ga rab tu 'jigs pa la phyag 'tshal lo// dpal rdo rje dril bu rab tu 'khrol ba la phyag 'tshal lo// la lar rab tu drag cing skye bor drag pa drag pa'i bud med sku ltar rab tu snang // 'gro ba mtha' yas sdug bsngal gcod phyir la lar rab tu rno ba'i

  273. 137a

    'khor lo phyag na bsnams pa'i sku// la lar rab tu des zhing zhi ba mi 'gyur sbyin pa tshangs pa'i skur yang ston par mdzad// la lar rab tu 'bar ba'i chags pa pad+ma rgyal po'i dam tshig bdag la grub par mdzod// thams cad dbang bskur dbang phyug dam pa mi zad gter mchog bdag la grub pa mdzad du gsol// kun mchog rgyal mtshan rnam rgyal bsgreng ba'i rdo rje rin chen shin tu che ba bdag la grub par mdzod// la lar mkhas pa'i gzugs kyang 'dzin// la lar dus mtha'i dus ltar drag/ la lar rgya ba'i dbang po bzhin du zhi// la lar rta mchog sbyor bas 'dod pa sgrub// rdo rje glu yi mchod pa'i phyag rgya sa pa'o// me tog dkar dang dmar ba dang // mthing ga ser po kun bsdus pa// me tog phyag rgya mchog 'di ni// 'dod pa'i yon tan lnga la sgo// rgya skegs mthing ga ljang gu'i mdog/ tshon sna bzhi yis btsos pa dang // dkar po lnga yi phyag rgya dag/ snga ma bzhin du mnyam par sgrub// khams las byung ba thams cad dang // srog dang rtsa ba'i de bzhin te// rnam par mdzes shing dri zhim pa// snga ma bzhin du mnyam par bsgrub// tsan+dan gnyis dang gla rtsi dang // ga pur na ga sha la ki/ bdug pa bu ram dang sbyar ba// las rnams thams cad rab sgrub pa'o// gan d+ha ra dri dang gu gul dang // sardza ga pur gla rtsi dang // rdzas 'di dag

  274. 137b

    las btsos pa'i mar// me mar byas na snang ba skye// tsan+dan gur gum s+thi ka dang // ga bur dang ni gla rtsi dang // btsos pa'i bdug pa grub pa ste// spos kyi phyag rgya spos mchog 'gyur// gak+ko la dang sug smel da nga// gla sgang ga pur gla rtsi dang // 'di rnams zhib tu btags pa ni// seng ldeng bu ram dag kyang sbyar// shing tsha ba ta lo drA dang // na le sham dang ga bur sbyar// sa ha ka re shing mngar gyis// sbrus pa kha yi spos yin no// dpal rdo rje sems dpa'i phyag rgya sbyor ba'o// me tog dmar po sangs rgyas la// rdo rje can la sna tshogs pa// 'jig rten dbang la me tog dkar// ser po mkha' las byung ba la// tsan+dan bdug pa sangs rgyas la// rdo rje can la ru ru ska// spyan ras gzigs dbang ka pi ta// ce pog rdo rje nyi ma la// mar me phreng ba sangs rgyas la// rdo rje can la mar me bdun// spyan ras gzigs la mar me brgya// stong ni rdo rje nyi ma la// sangs rgyas rnams la tsan+dan spos// rdo rje can la gur gum yin// spyan ras gzigs la tsan+dan dmar// ga pur rdo rje nyi ma la// me tog kun dang bdug pa kun// de bzhin mar me thams cad dang // spos rnams thams cad ji snyed pa// rdo rje rta la dbul du rung // mchod pa thams cad kyi phyag rgya shes pa'o// sgeg mo dang ni na chung dang // myos dang de bzhin bdud rtsi dang // gcig tu dpa' dang 'dod

  275. 138a

    chags sra// g.yon can bran mo de bzhin te// lan tshwa la sogs ro kun dang // kha ra la sogs bdud rtsi bzhin// bdag nyid kyi ni ro sgrub pa// ma lus lus pa med par 'grub// sha dang chang du ldan pa yi// bza' ba sna tshogs grub pa ni// dga' ba'i longs spyod skal mchog ste// tshe yi dam pa rab tu 'grub// a mra sman dang rgun 'brum dang // pa na sa dang le ka ra// a ru ra sogs 'bras bu yi// phyag rgya'i mchog ni 'di rnams te// dngos grub 'bras bu thams cad 'thob// kha ra sbrang rtsi byugs pa yis// a mra la sogs tshig gus byug/ sa ha ka ra'i mar la sogs// mnyam pa'i dri yis bsku bar bya// yungs dang rgya skegs la sogs pa'i// tshon gyis mthun par kha bsgyur nas// shun pa gro ba la sogs byas// mchod pa'i tshe na dbul bar bya// 'bras bur bcas pa'i phyag rgya shes pa'o// sangs rgyas rnams la bshos dbul bar// sha dang chang ni rnam par spangs// glu dang sil snyan grub pa dang // gdugs dang rgyal mtshan ba dan dang // sha dang chang du bcas pa ni// gtor ma'i mchog ste sna tshogs pa'o// bdag gi phyugs chen skal bzang po// rdo rje'i las ni dpal grub pa'o// bshos dang gtor ma dkar po dang // pad+ma'i me tog ldan pa ni// spyan ras gzigs dbang gtso bo la// phul na dgos pa thams cad 'grub// rgyal po'i kha

  276. 138b

    zas sna tshogs pa// sha dang chang du ldan pa dang // glu dang sil snyan skal bzang dag/ rdo rje nyi ma'i 'khor la dbul// kha zas kun gyi ro rnams dang // sha dang sha yi mchog rnams dang // sha yi sbyor dang / skam dang // bshos dag rdo rje rta la dbul// mchod pa dang gtor ma thams cad kyi cho ga'i phyag rgya'o// mthe bo sems dpa'i skyil mo krung // mdzub mo gnyis kyi rtse mo dgug/ gung mo gnyis ni mnyam par sbyar// lhag ma rdo rje thal mor sbyar// sangs rgyas rin chen phyag rgya 'di// rang byung rnams kyi dbang bskur ba// rgyal srid thams cad ma lus pa// lus pa med par myur du 'grub// spyi bo dang ni dpral ba dang // 'gram pa gnyis dang lhag par ni// sangs rgyas kun gyi rin chen mchog/ dbu rgyan kun tu brgyan par bya// dbu rgyan bcings pas bcings nas ni// 'gying zhing mtha' mas dgrol bar bya// dar gyi mtha' ma dpyangs pa ltar// byas nas thal mo brdab par bya// sangs rgyas pad+mo rdo rje 'dzin// rdo rje nyi ma khams gsum pa// de yis dgra med sdig med par// bdag gi longs spyod nyid du spyod// 'di yis bsrung ba byas nas ni// rje sems dpa' dpal dang 'dra// sangs rgyas kun gyi dngos grub che// 'khor los sgyur ba rab tu 'grub// de bzhin gshegs pa thams cad kyi// nor bu rin po che'i dbu rgyan mnyam par sbyor ba skal ba bzang

  277. 139a

    po dpal gyi phreng ba zhes bya ba'i phyag rgya'o// sor mo thams cad nang du bsnol// sor mo rtse mo kun sprad nas// mthe bo rdo rjes mnan pa ni// sna dang mig phugs lta bu ste// pad+mo'i rin chen phyag rgya 'di// bdag nyid chen por dbang bskur ba// rgyal srid thams cad ma lus pa// lus pa med par myu du 'grub// spyi bo dang ni dpral ba dang // 'gram pa gnyis dang lhag par sbyar// thod pa'i phreng ba'i dbu rgyan te// sangs rgyas gtsug gi nor bu 'bar// dbu rgyan bcings pas bcings nas ni// 'gying ba'i mtha' nas dgrol bar bya// dar gyi mtha' ma dpyangs pa ltar// byas nas thal mo brdab par bya// 'di yis bsrung ba byas na ni// rdo rje sems dpa' dpal dang 'dra// khams gsum dag ni rgyal srid che// 'khor los sgyur ba rab tu 'grub// dpal rdo rje he ru ka pad+ma nor bu rin po che'i dbu rgyan mnyam par sbyor ba skal bab bzang po dpal gyi phreng ba zhes bya ba'i phyag rgya'o// rdo rje thal mo mnyam sbyar te// lag gnyis nor bu rin chen du// ji ltar rigs par mnyam sbyar nas// mdzub mo mthe bo rtse mo bzhi// yongs su bsgyur te bteg nas su// dpral bar legs par gzhag na ni// khams gsums bdag po rgyal ba dag/ ma lus lus pa med par 'grub// dpal rdo rje rin chen gyi phyag rgya'o// lag pa shin tu brkyang ba yi// mdzub mo

  278. 139b

    gnyis pa'i mdud par bcing // gung mo mthe bo'i rtse mo can// rdo rje'i phyag rgya yongs su bskur// yongs su bsgyur te bteg nas kyang // khro gnyer du ni legs bzhag na// rgyal srid thams cad legs 'grub pa// ma lus lus pa med par 'grub// 'di yis bsrung ba byas na ni// rdo rje las kyi dpal dang 'dra// rnal 'byor dbang phyug rab bsgrubs pa// ma lus lus pa med par 'gyur// ma mo dang ni byad ma dang // mkha' 'gro ma yang lhag par 'grub// dur khrod dngos grub thams cad dang // las rnams thams cad byed par 'gyur// dpal rdo rje he ru ka'i phyag rgya'o// mthe bo dpa' bo'i skyil mo krung // mdzub mo gnyis kyi rtse mo dgug/ gung mo gnyis ni mnyam par sbyar// lhag ma rdo rje thal mo'o// rdo rje rin chen phyag rgya 'di// rang byung rnams kyi dbang bskur ba'o// 'jig rten dbang po dam pa kun// ma lus lus pa med par 'grub// 'di yis bsrung ba byas na ni// rnam par snang mdzad dpal dang 'dra// sangs rgyas kun gyi tshe 'grub pa// ma lus lus pa med par 'grub// tshe dang ye shes dpag tu med pa rnam par nges pa zhes bya ba'i phyag rgya'o// rdo rje thal mo mnyam sbyar la// mdzub mo bsnyams te phyi rol dgug/ mthe bo gnyis ni rab tu brkyang // rdo rje nor bu zhes kyang bya// dpral bar myur du bzhag pa ni// bsam pa thams cad yongs

  279. 140a

    rdzogs shing // rgyal srid thams cad rab sgrub pa// ma lus lus pa med par 'grub// dpal nor bu rin po che dbang bskur ba'i phyag rgya'o// sangs rgyas rin chen pad+mo dang // de bzhin rdo rje rin chen dang // yid bzhin nor bu rin chen mchog/ rta mchog rab tu 'grub par 'gyur// phyag rgyas rab tu dbang bskur ba'i phyag rgya shes pa'o// sor mo phan tshun bsnol ba ni// rdo rje thal mo yin par bshad// sor mo thams cad bsdams pa ni// rdo rje bsdams pa yin par bshad// rdo rje bsdams pa byas nas ni// mdzub mo mthe bo'i mngal dag tu// g.yas pa'i mthe bo'i mtshan ma 'di// rtse mo bcug la bsdam par bya// dga' chen dpal gyi phyag rgya ste// phyag rgya thams cad rang byung ba// rab 'byam las rnams dngos grub ni// ma lus lus pa med par 'grub// dga' ba'i rdo rje bcings nas ni// gung mo bcings pa'i nang du gzhug/ mthe bo mthe'u chung rtse mo can// rdo rje'i phyag rgya yongs su bskur// 'di yis sangs rgyas thams cad dang // de bzhin dpa' bo thams cad dang // rdo rje 'dzin pa thams cad ni// tshe 'di nyid la 'grub par 'gyur// dpal bde ba chen po rdo rje'i phyag rgya'o// de las gung mo lcags kyu ni// bdag gi snying gar sbyar bar bya// 'di ni thams cad 'gugs pa'i rgya// de ma thag tu phyag rgya

  280. 140b

    'dis// sangs rgyas pad+mo rdo rje 'dzin// rdo rje nyi ma khams gsum pa// bkug ste dbang du byas nas ni// las rnams kun la sbyor bar byed// dpal bde ba chen po rdo rje lcags kyu zhes bya ba'i phyag rgya'o// rdo rje bsdams pa byas nas ni// gung mo bcings pa'i nang du gzhug/ mthe'u chung mthe bo rtse mo can// rdo rje'i phyag rgyar yongs bsgyur nas// sangs rgyas byang chub sems dpar yang // sbyor ba 'di yis mi dka' na// dngos grub gzhan dang las kyi mchog/ rab 'byams gzhan lta ci zhig smos// de bzhin gshegs pa thams cad kyi dpal rdo rje'i phyag rgya'o// rdo rje'i phyag rgya bcings pa las// sbyor ldan thal mo khong stong sbyar// khams gsum dag ni ma lus pa// de ma thag tu 'bebs par byed// dpal rdo rje dbab pa'i phyag rgya'o// rdo rje'i phyag rgya bcings pa las// gung mo de bzhin bkug nas ni// rdo rje rdo rje zhes brjod de// gung mo nam mkha'i rdo rje mchog/ phyag rgya 'di yis btab na ni// 'dod pa bzhin du 'gro 'ong lding // dpal ldan 'dod pa kun gyi bdag/ rdo rje sems dpa' rab tu 'grub// dpal rdo rje snying po'i phyag rgya'o// rdo rje bsdams pa la gnas te// mthe bo'i rtse mo de bzhin mnyam// mdzub mo gnyis kyi rtse mo dgug/ rdo rje'i phyag rgya bcing bar bya// phyag rgya 'di yis rnal 'byor pa// dag pa kun la rab tu gnas// byang

  281. 141a

    chub sems ni mtha' yas mchog/ dngos grub thams cad rab tu 'grub// dpal rdo rje rab tu gnas pa rdo rje'i phyag rgya'o// rdo rje'i pad+mor byas pa las// gung mo bcings pa'i dbus na gnas// mthe'u chung mnyam pa'i rtse mo mde'u// rdo rje mda' ni yongs su 'phang // phyag rgya 'di yis btab na ni// tshangs pa nye dbang dga' byed bcas// mthu yis myur du brgyal byas nas// khams gsum dag ni sgrub par byed// dpal rdo rje mda'i phyag rgya'o// rdo rje'i phyag rgya yongs bcings nas// gung mo bcings pa'i phyi rol gzhag/ rdo rje sna tshogs dpal gyi rgya// ldang ba thams cad rab grub pa'o// rdo rje'i phyag rgya thams cad shes pa'o// A li kA li mnyam byas nas// kha yi zad kar mdud par bya// de yi 'og tu ri mo rnams// yi ge thams cad dgod par bya// gug skyed dag gis lcug mar bya// yi ge ra ni myu gur // klad kor zla ba kham pa dang // tshe gnyis zla ba gnyis phra za// 'di ni sangs rgyas thams cad kyi// phyag rgya mi 'gyur dam pa rtse// sangs rgyas dpal gyi ri mor bshad// yi ge dag kyang mi 'gyur mchog/ rdo sems dpa' dpal gyi lha'i// bstod dang bcas pa'i mtshan bris na// sdig pa kun las thar bar 'gyur// bsod nams thams cad rab tu 'grub// rdo rje sems dpa' dpal sbyor zhes// rab tu drag pa'i

  282. 141b

    mtshan bris na// sdug bsngal kun las thar bar 'gyur// bde ba thams cad rab tu 'grub// chags chen grol ba dpal zhes bya'i// chags pa'i mtshan dag bris na ni// sdig pa kun las thar bar 'gyur// grol ba kun la rab tu gnas// snying rje dri med 'gro dpal zhes// bstod dang bcas pa'i mtshan bris na// sdig pa kun las thar bar 'gyur// dngos grub kun gyi mchog kyang 'grub// pad+mo chags pa dpal dag ces// chags pa'i mtshan dag bris na ni// sdig pa kun las thar bar 'gyur// dag pa thams cad rnam par dag/ rdo rje nyi ma'i dpal mdangs zhes// bstod dang bcas pa'i mtshan bris na// sdig pa kun las thar bar 'gyur// longs spyod kun la rab tu gnas// rta mchog pha rol gnon dpal zhes// chags pa'i mtshon dag bris nas ni// sdig pa kun las thar bar 'gyur// dbang phyug thams cad rab tu 'grub// bris na bsod nams che ba ltar// brjod pa dag kyang de bzhin te// las kyi dngos grub rab 'byam dag/ ma lus par ni myur du 'grub// lhag pa'i lha ni gang gang gis// slob dpon gang dang gang yin pa// de dang de yi mtshan dag ni// dpal gyi tshig dang ldan par brjod// slob ma dkyil 'khor btsud nas kyang // yon gyi mchog dag blangs nas ni// rdo rje ming gi dbang bskur bas// de bzhin gshegs par de

  283. 142a

    lung bstan// phyag rgya'i sbyor ba 'di dag gis// byang chub snying po'i bar du ni// rdo rje'i ming du rab tu gnas// de nas sangs rgyas su yang 'gyur// bstod pa dang bcas pa'i ming gi phyag rgya shes pa'o// spyi bor nyug pa gang yin pa// phyag 'tshal bar ni ston pa yin// dpral bar reg par byed pa ni// phyag lan yin par shes par bya// smin ma bskul ba gang yin pa// sangs rgyas thams cad gnas pa'i brda// g.yas pas nam mkhar 'gro ba 'grub// g.yon pa rnam par rgyal ba yi// rang byung rnams kyi brda yi rgya// mig gnyis g.yo bar 'grub pa ste// g.yon pa bud med bzang mo yin// g.yas pa skyes pa bzang po'o// rna ba dag la reg pa'i brda// g.yas g.yon gnyis ka de bzhin te// g.yon pa legs par blangs pa'i glu// g.yas pa legs par smras pa'o// sna yi bu ga gnyis kyi brda// sangs rgyas thams cad gnas pa ste// g.yas pa bdag la bdug pa slong // g.yon pa bdag la dri slong pa'o// lce ni ldag pa ltar byed pa// brda yi phyag rgyar gnas pa ste// g.yas pa sha yi phyag rgya yin// g.yon pa chang gi phyag rgya yin// mche ba g.yas dang g.yon pa yi// bar du ma mchu mnan pa ni// g.yon pa bud med reg na bde// g.yas pa de bzhin skyes pa'o// lkog mar reg pa'ang de bzhin te// brda yi phyag rgyar gnas pa ste// theg pa chen po bla

  284. 142b

    med pa'i// rtog pa thams cad smra ba'i mchog/ snying gar gyen du 'dren pa ni// rang byung phyag rgya'i brda grub pa// rdo rje thams cad 'dren pa ste// 'khor ba shin tu sdud pa'o// lte ba'i dkyil du reg pa ni// brda yi phyag rgyar gnas pa ste// dbu ma'i nan tan bsgrubs pa yis// chos kyi 'khor lo chen po'i dkyil// rang gi dbang po bsgreng ba ni// rang byung rnams kyi brda yi rgya// de las de bzhin bde ba yis// sangs rgyas thams cad thob par 'gyur// phrag pa gnyis ni kun bstod pa// brda yi phyag rgyar gnas pa ste// g.yas pa 'gugs pa'i phyag rgya yin// g.yon pa slad du gtong ba'o// dpung pa g.yas g.yon gnyis ka yin// bdag la shes rab 'khyud pa yi// g.yas pa thams cad 'grub pa yin// g.yon pa dbang phyug thams cad 'grub// khu tshur g.yas g.yon gnyis ka yis// khu tshur bcangs dang dgrol ba dag/ g.yas pa rgyas 'debs phyag rgya yin// g.yon pa mi rnams thong shig pa'o// brla gnyis rab tu bsdams pa ni// g.yas dang g.yon pa de bzhin te// g.yon pa 'dod la rab tu brtson// g.yas pa chos la brtson pa'o// pus mo lha nga'i brda dag kyang // g.yas dang g.yon pa de bzhin te// g.yon pa 'dud pa'i phyag rgya ste// g.yas pa rab tu phyag 'tshal ba'o// pus mo g.yas g.yon gnyis dag gis// brda yi phyag rgyar rab tu

  285. 143a

    gnas// g.yas pa bcing ba'i phyag rgya ste// g.yon pa thams cad rnam par dgrol// rkang pa gnyis kyis sa gnon pa// g.yas dang g.yon pa de bzhin te// g.yon pa thams cad gnod par byed// g.yas pa thams cad rab tu 'joms// dngos grub las dang bde ba dag/ 'di yis mi 'grub gang yang med// rang don las rnams rab grub pa// ma lus lus pa med par 'grub// brda yi phyag rgya shes pa'o// oM a ti pu zhes bya ba'i brda// 'di ni phyag 'tshal ba zhes pa'o// pra ti pu zhes bya ba ni// phyag lan yin par shes par bya'o// sems dpa' sngon dang mtha' med pa// rdo rje sems dpa' bde ba'i mchog/ sangs rgyas phyag rgya bde ba yis// e ma'o bde ba yin par bshad// e ma'o bde ba dpal gyi mtshan// rdo rje sems dpa' gang brjod pa// sdig pa kun las thar bar 'gyur// bde ba thams cad rab tu 'grub// bde mchog e ma'o bde ba dang // sgron ma de bzhin shi shi dag/ rgyas 'debs ma dang rmongs byed dang // za ba mo dang tshe 'phel ma// sangs rgyas byang chub chos 'khor lo// de bzhin khams gsum rnam par rgyal// 'dod pa'i lcug ma thams cad kyang // phyag rgya brda yi phyag rgya'o// rta gdong rdo rje'i zhal dag dang // de bzhin rdo rje snang ba dang // thal bar rlog pa'i ro langs ma// sangs rgyas kun gyi brda yin

  286. 143b

    no// gling bu dang ni rgyud mangs dang // de bzhin du ni rgyud gcig dang // stug po dang ni rdza rnga dag/ sangs rgyas brda yi phyag rgya'o// me tog mchod dang bdug pa'i mchod// de bzhin mar me'i mchod pa dang // spos kyi mchod pa gla rtsi dag/ longs spyod phyag rgya'i brda yin no// de la sogs pa mtha' yas mchog/ chos dbyings mnyam dang mi mnyam pa// nam mkha'i dbyings kyi mtha' klas pa'i// lha mo kun gyi brda yin no// smin ma bskyod pa brda bzhi yin// b+ha ga ling ga e ma'o bde// thod pa pad+ma yin par bshad// kha T+wAM ga yang rgyal mtshan che// sangs rgyas phyag rgya pad+mar gnas// bde ba kun gyi bdud rtsi yin// sangs rgyas brda yi phyag rgya yis// shi shi sangs rgyas kun tu bshad// dkyil 'khor la ni 'khor lor bshad// de nyid dam tshig yin par bshad// lha rnams thams cad tshogs pas na// skye bo dam pa kun tshogs pa// tshogs kyi 'khor lo dam pa ni// mdza' ba thams cad 'dus pa ste// sangs rgyas kun gyi brda dag gis// de bzhin mdza' bar 'dus par gsungs// rdo rje sems dpa' dpal sbyor bas// dkyil 'khor thams cad yin par bshad// lha mo thams cad kun 'dus pas// thams cad sna tshogs bskal pa bzang // rdo rje sems dpa' dpal sbyor ba// sangs rgyas kun tu bdag sbyor bas// rnam pa kun mkhyen

  287. 144a

    shes pa'i phyir// kun gyi slob dpon yin par bshad// kun gyi slob dpon rab gnas pa// lha mo thams cad 'dus pas na// sangs rgyas kun gyi mchog dag gis// kun du sna tshogs skal bzang po'o// de yi slob ma grub pa ni// grub pa'i rjes su grub pas na// sangs rgyas brda yi gsang ba yis// rgyal mtshan yin par rnam par bshad// de las gzhan pa'i slob ma kun// mchog dang 'bring dang tha ma'i rnams// sangs rgyas kun gyi brda dag gis// byang chub sems dpa' yin par bshad// sangs rgyas thams cad rin chen mchog/ dbu rgyan mi 'gyur dam pa yin// sangs rgyas kun gyi rgyal srid mchog/ yin par rang byung rnams kyis gsungs// thod pa'i phreng ba'i dbu rgyan dang // sangs rgyas gtsug gi nor bu dag/ sangs rgyas brda yi phyag rgya yis// dpal gyi pad+ma'i tshul du bshad// sangs rgyas rang bzhin grub gcig dang // de bzhin pad+ma'i rang bzhin gcig/ thams cad dbang bskur dbang bskur che// yin par don kun grub pas gsungs// yon gyi dam pa grub pa ni// nor gyi dbyig tu bshad pa ste// snying yang nor gyi mchog yin par// sangs rgyas brda yi phyag rgyar bshad// ga pur tsan+dan dmar po dang // sbyar ba khrag chen yin par bshad// tshogs kyi dbus su bzhag pa dpal// thams cad ldang ba'i ra sa yan// bag zan

  288. 144b

    las ni byas pa'i phyugs// tsan+dan dmar pos bskus pa dang // bag phye'i zan las byas pa'i sha/ rgyal po'i zan zhes gang bshad pa'o// de nas grub pa'i mna' bsgrag pa// dam tshig ces par bshad pa'o// bde mchog bde mchog ces gsungs pa// sangs rgyas bde mchog thams cad kyis// phyag rgya'i bde ba mchog tu gsungs// de bzhin e ma'o bde ba dang // snang ba shes pa'ang rab tu gnas// shi shi srid pa'ang srid pa'o// de bzhin gshegs pa kun gyis kyang // 'da' bar bya ba'ang ma yin pas// sangs rgyas brda yi phyag rgya yis// phyag rgya dam tshig yin par bshad// phyag rgya'ang sbyor ba yin par bshad// sbyor ba'ang phyag rgya yin par bshad// rdo rje sems dpa' dpal sbyor ba// sbyor ba thams cad yin par bshad// da ni sna tshogs dam tshig ste// rdo rje sems dpa' bde ba che// sangs rgyas brda yi phyag rgya yis// sbyor ba thams cad yin par bshad// de yi nye ba'i longs spyod ni// khams gsum thams cad ma lus pa'o// de yi gzugs dang sgra dang dri// ro dang reg pa bde myos pa'o// gzugs ni ri mo yin par gsungs// sgra ni glu yin zhes bshad do// dri ni rab tu tshim par gsungs// ro ni ra sa ya na yin// reg pa bde ba yin par bshad// rab tu reg pa dga' ba'i bde// sangs rgyas brda yi phyag rgya yis// chos ni sbyor ba yin par bshad// sbyor

  289. 145a

    ba'i longs spyod thams cad kyis// ji ltar bde bar sten byed cing // bdag gi lhag pa'i ltar sbyor ba// rang gi mchod pa'i dam tshig yin// rjes su sbyor bas mchod na ni// sbyor ba kun gyi bde ba'i mchog/ sangs rgyas brda yi phyag rgya yis// bde ba chen po yin par bshad// lha mo kun dang mnyam sbyor ba// sangs rgyas thams cad 'dus pa'o// ye shes tsam la snyoms 'jug pa// rnal 'byor zhes ni bshad pa yin// sangs rgyas brda yi phyag rgya yis// ting 'dzin rab tu sbyor ba'ang bshad// lha mo kun dang mnyam sbyor ba// sangs rgyas thams cad 'dus pa'o// sangs rgyas thams cad mnyam sbyor ba// sangs rgyas kun gyis byin brlab bo// dga' bar spyod pa grub par bshad// rjes su sbyor ba rjes su grub// skyes pa ltar byed dga' spyod pa// slar yang rjes su grub par mdzad// lha mo kun la bde 'jug pa// spyod pa kun la mos pa ni// kun tu sangs rgyas kun gyi bdag/ ra sa ya na bde bar bshad// thams cad ldan pa kun 'gro ba// dngos grub dam par rab tu bshad// dngos grub chen po ldang ba cher// sangs rgyas brda yi phyag rgyar bshad// dngos grub chen po kun gyi mchog/ dbang phyug chen po bla na med// sangs rgyas dam pa kun gyi mchog/ sangs rgyas kun gyi brda yis bshad// dngos grub chen po kun gyi mchog/ dbang phyug

  290. 145b

    chen po bde ba'i mchog/ sangs rgyas thams cad mnyam sbyor ba// sbyor ba'i dbang phyug bde chen po// phrag ni me tog yin par bshad// mdangs ni bdug pa yin par bshad// sha chen dag ni mar me ste// thal ba dag ni spos su bshad// chang ni sgeg mo yin par bshad// rab tu myos pa sbrang rtsi'o// bu ram chang ni myos byed gsungs// rgurkun chang dag ni bdud rtsi yin// bdud rtsi lam gyi yan lag brgyad// sangs rgyas kun gyi brda yin no// rgun dang sbrang rtsi mchog tu dmar// tshwa ni 'dod chags sra ba yin// skyur po'i khu ba g.yon can yin// kam+b+hi la ni bran mor bshad// chur ba zla ba nya ba yin// sha ni sman gyi mchog yin/ te// dbang phyug dam pa kun gyi mchog/ sangs rgyas kun gyi brda yis bshad// dngos grub chen po kun gyi mchog/ chang ni ra sa ya nar bshad// zas ni tshe zhes bya bar bshad// bza' ba sna tshogs grub pa ni// sha dang chang du ldan pa dag/ dga' ba'i longs spyod skal bzang po// tshe yi dam pa yin par bshad// a mra rgun 'brum pa na sa// na li ke ra a ru ra// 'bras bu chen po'i khyad par dag/ bdud rtsi'i 'bras bu yin par bshad// a mra smin pa grol bar bshad// de bzhin bde bar nyal ba dang // bde bas rab tu myos pa dag/ sangs rgyas kun gyi brda yin no// 'bras bu chen po pa na sa// rgun 'bru'i khu ba khu ba'i

  291. 146a

    mchog/ na li ke ra'i dngos grub che// dam chos 'bras bu a ru ka/ glu yi tshig tu brjod par bshad// dar dir dag ni sil snyan yin// sangs rgyas brda yi phyag rgya yis// gar ni rnam par rol par bshad// rdo rje sems dpa' dpal sbyor ba'i// glu dang sil snyan gar byed pa// brda yi dam par bshad pa ni// sangs rgyas kun gyi rnam sprul pa'o// rab tu zhi ba'i sil snyan glu// dur khrod glu dang sil snyan dang // gar ni shin tu rnam sprul pa'o// chags bcas glu dang sil snyan dang // gar ni shin tu rnam sprul pa'o// me yi dbang po'i sil snyan glu// gar ni shin tu rnam sprul pa'o// rab tu dpa' ba'i sil snyan glu// rang gi rtsal gyi gar byas pa// rta mchog rnam par sprul pa ni// brda yi dam pa rab tu bshad// TI zhes bya ba mkha' 'gro yi// khams gsum 'dir ni rnam par brtags// nam mkhar 'gro ba'i phyag rgya dang // mkha' 'gro zhes ni rab tu grags// kun tu sna tshogs phyag rgya ni// thams cad nam mkha' 'gro ba ste// sangs rgyas thams cad mnyam sbyor ba// mkha' 'gro ma zhes rab tu grags// sgyu ma'i gar dbang grub pa ni// a ra li zhes ming du btags// mkha' 'gro ma yang a ra li// sangs rgyas brda yi phyag rgya'o// sangs rgyas thams cad mnyam sbyor ba// sgyu ma kun gyi gar byed pa// sangs rgyas thams cad mnyam

  292. 146b

    sbyor ba'i// mkha' 'gro ma yi dam tshig mchog/ bcom ldan rdo rje sems dpa' dpal// rdo rje a ra li zhes bshad// sangs rgyas thams cad mnyam sbyor ba// mkha' 'gro sgyu ma bde ba'i mchog/ sems dpa' sngon dang mtha' med pa// rdo rje sems dpa' dga' ba'i mchog/ sangs rgyas brda yi phyag rgya yis// de ni skal ba bzang por bshad// gang zhig rdo rje sems dpa'i mtshan// skal ba bzang po zhes brjod na// shin tu srid pa kun 'grub cing // de ni dbang phyug chen po 'grub// DAk+ki 'dod pa yin par bshad// dga' ba ki yi ki la yin// byams pa chu srin yin par bshad// 'dod pa'i dbang po dbang phyug mchog/ rdo rje dril bu phyag rgya dag/ dam tshig gsum gyi dam pa yin// oM dang b+hu khaM kun bshad pa// sangs rgyas brda yi phyag rgya yin// drangs te bcug nas bcings pa dang // zhugs nas dbang du gyur pa ni// dzaHhUM baM hoHbshad pa ste// sangs rgyas kun gyi brda yin no// e hi ya hi zhes bshad pa// tshur spyon par bzhud ces bsgrags pa'o// ti tiSh+Tha ha yang ha ha zhes gsungs pa ni// longs la drongs shig drongs shig pa'o// kha kha khA hi zo shig pa'o// a bi zhes pa 'thung zhig pa'o// da ra da ra byin zhes pa'o// ru ta ma ta rol cig pa'o// hu lu hu lu zhugs shig pa'o// a ra ra rar skul cig pa'o// e ma'o bde mchog ngo mtshar

  293. 147a

    ni// a la la ho zhes bshad pa'o// bde mchog rgyas 'debs phyag rgya yin// e ma'o bde ba rmongs byed ma'o// snang ba zhes pa za ba mo// hUM shi shi ni tshe 'phel ma'o// shin tu brtan dang rab tu brtan// kun tu brtan dang cher brtan pa// sangs rgyas rdo rje 'dzin pa dang // 'jig rten dbang dang mkha' las skyes// shes 'gyur dag 'gyur grub par 'gyur// zhugs la dbang du 'gyur bar mdzod// aM aM a A kun bshad pa// sangs rgyas brda yi phyag rgya yin// thams cad mkhyen par gyur pa dang // de bzhin bde bar mkhyen pa ni// oM sarba bi da ces bshad pa ste// sangs rgyas brda yi phyag rgya yin// oM ru ru s+phu ru dza la tiSh+Tha sid d+ha li tsa ni sar+b+ba ar+tha sA d+ha ni swA hA/ 'khor lo dngos grub mkhyen pa dang // don dam nye bar zhi ba'i phyir// sangs rgyas rang byung bcom ldan 'das// rnam snang mdzad chen gtso bo ni// sangs rgyas brda yi phyag rgya yin// skal ba bzang po zhes bshad pa'o// ko Ta k+Sha/ ko Ta ba/ ko Ta bash+tsa/ ko Ta ri ka/ ko la ga k+Sha/ ko la ba/ ko la/ ko la bash+tsa/ ko la b+hasta thA/ phyag na rdo rje rang don gyi// mtshan 'di rnams ni gang brjod pa// de la rgyal po rdo rje 'dzin// bran bzhin dngos grub ster bar 'gyur// rgyal srid dang ni longs spyod dang // gter gyi rnams kyang lhag par ster// dgos pa thams cad byed par 'gyur// de bzhin

  294. 147b

    dgra yang med par byed// mig dang rna ba sna dag dang // lce dang lus kyang de bzhin te/ gzugs dang sgra dang dri dag dang // ro dang reg kyang bdag gi don// rdo rje mtshon cha be di dang // dgra bo dag tu rab grags pa// de yis phyag rgya rdo rjer 'gyur// lag na rdo rje zhes kyang bya// nyon mongs thams cad gang zag dang // dgra rnams kyang ni gang zad pa// phyag na rdo rjes 'dul ba'i phyir// de ni yak+Sha yin par bshad// he ru dpal ni rdo rje che// thal bar 'jig pa'i mchog yin te// sangs rgyas kun gyi khro bo che// brda yis rab tu bshad pa yin// rdo rje 'bar ba rab tu 'jigs// kha T+wAM ga ni rgyal mtshan che// thod pa kham phor pad+ma'i snod// khrag chen dang ni sbrang rtsi che// dkar mo rku byed rab rmongs dang // ro langs dang ni spos byed dang // gtum mo dang ni sme ma dang // lha mo bdun ni brda yin no// srungs shing myur du rnam rgyal dpal// thal ba bzhin du rab tu rlogs// haM haM hrI hUM kun bshad pa// sangs rgyas brda yi phyag rgya yin// rol cig dgongs shig de bzhin du// rol du chug cig gsod du chug/ mA ra Ta phaT phaT ces bshad pa/ sangs rgyas kun gyi brda yin te// rgyal po chen po rdo rje 'dzin// dbang phyug dam pa'i rig pa ni// sangs rgyas brda yi phyag rgya yis// skal ba bzang po yin par bshad// rgyal po spyan ras gzigs dbang phyug/ 'jig

  295. 148a

    rten dbang phyug ces bshad de// sangs rgyas kun gyi brda dag gis// de yang skal ba bzang zhes bshad// dag dang grub dang de bzhin blo// rdzu 'phrul 'phel dang 'byor pa dang // rnam par lha dang sgrol ma dang // rgya chen ma dang khro gnyer ma// pad+mar gnas zhes bya ba dang // rdo rje pad+ma'i dbang phyug ma// pad+ma lha mo rigs chen te// sangs rgyas brda yi phyag rgyas bshad// nam mkha'i snying po thams cad phyogs// re ba thams cad rdzogs mdzad pa// skal ba bzang zhes rnam par grags// rdo rje nyi ma nor bu che// tAM dang ba ba Tu Ta dang // tra Ta tra Ta kun grags pa// sangs rgyas kun gyi brda yin te// dbang bskur ba dang gter dag dang // rgyal mtshan rtse mo mchod chen po// sna tshogs pad+ma thams cad spyan// de bzhin 'jig rten thams cad la// byang chub kun gyi sems chen po// sna tshogs rdo rje bla na med// thams cad dag par mos pa yis// 'jig rten thams cad rab 'jigs pa// rta mchog pad+ma dpal dang ldan// skal ba bzang zhes brda yis bstan// brda yi phyag rgya 'di rnams kyis// dkyil 'khor sbyor bas nges pa ni// grogs po mkhas par bcas pa yis// dngos grub thams cad 'grub par 'gyur// brda yi phyag rgya shes pa'o// rjes su chags par bya'o zhes// cha lugs shes pa bzhin byed cing // dngos grub kun la rjes

  296. 148b

    chags pas// mi 'gyur dam pa 'grub par 'gyur// kun tu kun nas thams cad ni// bdag nyid rtag tu rnam pa kun// las kyi dngos grub rab 'byam dag/ ma lus par ni myur du 'grub// rjes su chud par bya'o// zhes// cha lugs shes pa bzhin byed pas// sku gsung thugs kyi rdo rje mchog/ cho 'phrul dag ni ston par byed// rjes su chud par bya'o zhes// cha lugs shes pa bzhin byed pas// mkha' 'gro sgyu ma bde ba'i mchog/ ma lus lus pa med par 'grub// rjes su spyad par bya'o zhes// cha lugs shes pa bzhin byed pas// sgrib sbyang thams cad dngos grub rnams// ma lus lus pa med par 'grub// rjes su yi rang bya'o// zhes// cha lugs shes pa bzhin byed pas// bud med la sogs rin chen mchog/ mchod pa'i las kun myur du 'grub// rjes su gzhom par bya'o zhes// cha lugs shes pa bzhin byed pas// rtul phod las rnams thams cad ni// ma lus lus pa med par 'grub// ye shes kyi phyag rgya shes pa'o// rdo rje sems dpa' dpal sbyor ba// dbyibs dang gzugs ni ci 'dra ldan// thams cad bdag nyid rgyar sbyor bas// mi 'gyur dam pa 'grub par 'gyur// kun tu kun nas thams cad ni// bdag nyid rtag tu rnam pa kun// pra se na yi dngos grub mchog/ ma lus lus pa med par 'grub// sangs rgyas thams cad mnyam sbyor

  297. 149a

    ba// mkha' 'gro sgyu ma bde mchog gis// yang dag bden pa tshul bzhin du// mthong ba dang ni thob par byed// sa chu me rlung nam mkha' gang // khams rnams kun ni thams cad las// thams cad mthong zhing thos par byed// rnam par shes pa kun 'grub cing // kun tu thams cad kun gyi bdag/ 'dod pa'i yon tan thams cad dang // rnam par shes pa'i las kun la// thams cad mthong zhing shes par byed// pad+ma chags par rjes chags shing // sna tshogs pad+mar kha 'byed pas// pra se na ni sna tshogs pa// mthong ba dang ni thos par byed// me tog bdug pa mar me mchog/ spos dang mchod pa thams cad la// rnam par shes pa kun grub pa// thams cad mthong zhing zos par byed// reg dang ma reg rdo rje che// ral gri me long mda' gzhu dang // shing dang chu dang 'bab chu brag/ gzugs brtan byung ba'i khyim bdag las// bya dang de bzhin mi bya dang // stor ba dang ni ma stor dang // phrogs pa dang ni ma phrogs dang // de bzhin rnyed dang ma rnyed dang // gson pa dang ni shi ba dang // de bzhin rgyal dang pham pa dang // don yod dang ni don med dang // de bzhin grub dang mi grub dang // bde dang mi bde cho ga bzhin// lha yul dag gi don rnams dang // sangs rgyas zhing gi don rnams kyang // kun tu kun nas thams cad ni// bsams pa mthong

  298. 149b

    zhing thos par byed// rnam par shes pa'i phyag rgya shes pa'o// rdo rje sems dpa' dpal sbyor ba// ci lta'i dbyibs dang gzugs ldan pas// dur khrod lha yi gnas rnams dang // ma mo gnas kyi thal ba mchog/ thams cad dpral ba'i bsrung ba ni// thig le sor ris gsum du bya// phyogs mtshams nam mkha' sa bcings na// bsrung ba kun gyi bla med pa'o// dpal rdo rje thal ba'i dam tshig ces bya ba'i bsrung ba'o// rdo rje sems dpa' dpal sbyor ba// ci lha'i dbyibs dang gzugs ldan pas// rgya mtshor 'bab pa'i 'bab chu'i 'gram// lha rdzas zhi ba'i chu mchog gis// gtor ba dang ni blugs pa dang // khrus byas pa dang 'bogs pa yis// phyogs mtshams nam mkha' sa bcings na// bsrung ba kun gyi bla med pa'o// dpal rdo rje bdud rtsi dri ma med pa'i rgya mtsho zhes bya ba'i phyag rgya'o// rdo rje sems dpa' dpal sbyor ba// ci lha'i gzugs dang dbyibs ldan pas// mi yi zod pa'i nang du ni// yungs kar bskyed nas blang bar bya// lo ma yungs kar zas su bza'// mgor bskus de bzhin 'bras bu yis// phyogs mtshams nam mkha' sa bcings na// bsrung ba kun gyi bla med pa'o// dpal don thams cad grub pa zhes bya ba'i phyag rgya'o// rdo rje sems dpa' dpal sbyor ba// ma mchu so yis legs mnan nas// dpal ldan g.yon du 'gying dang

  299. 150a

    bcas// gsal bar phyogs su 'khor lo'i tshul// bla 'og tu ni byin brlabs na// gnas gsum dag ni rgyas 'debs so// gzhug dka' bdag nyid ngan pa rnams// sangs rgyas kun gyi ngo bor 'grub// thams cad kyi mchog gnas kyi dbang phyug byin gyis brlabs pa dpal skal ba bzang po zhes bya ba'i phyag rgya'o// rdo rje sems dpa' dpal sbyor ba// lha mo kun dang 'dus pa yis// kun tu sna tshogs skal bzang po// bde bar rab tu 'grub par 'gyur// rgya 'dis btab ma thag tu ni// sangs rgyas kun gyis byin brlabs 'gyur// shin tu byin gyis brlabs 'gyur las// sangs rgyas kun dang phrad par 'gyur// sangs rgyas kun dang mnyam sbyor bas// sangs rgyas kun dang mnyam par 'gyur// sangs rgyas kun dang mnyam pas na// sangs rgyas thams cad rab tu 'grub// sangs rgyas thams cad mnyam sbyor ba// dpal skal ba bzang po'i dam tshig ces bya ba'i bsrung ba'o// rdo rje sems dpa' dpal sbyor ba// sangs rgyas kun bdag sbyor ldan pas// phyogs su legs par 'khor lo'i tshul// bla dang 'og tu byin brlabs nas// 'di yis bsrung ba byas na ni// khams gsum dag ni ma lus par// gzhug dka' bdag nyid ngan pa rnams// sangs rgyas kun gyis byin brlabs 'gyur// thams cad kyi mchog gnas kyi dbang

  300. 150b

    phyug dpal zhes bya ba'i phyag rgya'o// rdo rje sems dpa' dpal sbyor ba// he ru dpal gyis rnam sprul pas// thams cad kun tu kun gyi bdag/ thams cad bsrung ba mi 'gyur che// rims dang dug dang dbyig dug nad// mkha' 'gros gtse dang gdon rnams dang // bdud dang ngan khrid thams cad ni// mod la rab tu zhi bar 'gyur// dpal rdo rje he ru ka dbab pa rnam par sprul pa zhes bya ba'i phyag rgya'o// rdo rje sems dpa' dpal sbyor ba// ci lta'i dbyibs dang gzugs ldan zhing // sna tshogs pad+ma kha 'byed pas// sgrib pa med par 'grub par 'gyur// sgrib pa kun las rnam par grol// dag pa thams cad thob par 'gyur// dag pa thams cad rnam dag na// mi 'gyur dam pa 'grub par 'gyur// chos thams cad la sgrib pa med pa'i ye shes rdo rje'i pad+ma zhes bya ba'i bsrung ba'o// rdo rje sems dpa' dpal sbyor ba// 'bar ba blta ba'i tshul zhugs na// rdo rje rab tu 'bar ba'i me// rab tu 'jigs pa mi bzod 'gyur// 'di yis bsrung ba byas na ni// bskal pa yi ni me ltar 'bar// 'di yis ngan 'gro rnams gsum dang // khams gsum dag kyang thal bar rlog/ rdo rje chen po'i me rab tu 'jigs pa 'bar ba mi bzad pa'i dam tshig chen po'i dpal zhes bya ba'i phyag rgya'o// rdo rje sems dpa' dpal sbyor ba// ci lta'i tshul bzhin byed pa yis// rdo rje khu

  301. 151a

    tshur gnyis bcings nas// go cha bgo ba'i thabs su bya// spyi bo dang ni dpral bar gnyis// glo gnyis dang ni rgyab tu gnyis// rdo rje phreng ba bcing ba dang // sangs rgyas gtsug gi nor bu dag/ dar dpyangs thabs su bcings nas ni// 'gying dang bcas par mtha' nas dgrol// dar dpyangs pa yi thabs byas nas// thal mo brdabs pas brtan par bya// 'di yis bsrung ba byas na ni// rdo rje sems dpa' dpal dang 'dra// mi chod pa dang mi phyed pa'i// rdo rje'i sku ni rab tu 'grub// rims nad dug dang dbyig dug nad// mkha' 'gros gtse dang gdon rnams dang // yan lag ma rung byed pa kun// 'di yis bsrungs na yong mi tshugs// dpal rdo rje go cha zhes bya ba'i phyag rgya'o// bsrung ba thams cad kyi phyag rgya zhes pa'o// chos sems dpa' yi tshul ston cing // rdo rje khu tshur gnyis dag dang // zhi ba'i lta bas bltas nas ni// rims dang dug rnams thams cad sel// rdo rje khu tshur gnyis bcings nas// mthe'u chung lcags kyu lta bur bcing // mdzub mo mnyam pa'i rtse mos mnan// nad rnams thams cad zlog par byed// yongs su bskur te bteg nas ni// dpral bar bde bar gzhag par bya// ma lus lus pa med pa yis// sdug bsngal thams cad sel bar byed// dpal rdo rje smin mtshams lus kyi nad gso ba'o// rdo rje bsdam pa byas pa

  302. 151b

    las// mdzub mo phan tshun mngon phyogs pa// ma lus lus pa med pa yi// zug rngu kun las grol bar 'gyur// bu nad lhog rgal skran dag dang // dmu rdzings la sogs kun las thar// 'di nyid grub par gyur nas ni// nad rnams kun gyis gnod pa med// zug rngu thams cad med par byed pa'o// grub pa dbul gyi spyan bcings te// 'di yis mig gnyis phyis na ni// phyag rgya grub pa mchog 'di yis// long ba dag kyang mthong bar 'gyur// bdag nyid sbyor bas ldan byas la// rdo rje khu tshur dam po yis// drang ba'i tshul du klad pa nas// kha phyogs drang zhing btung bar bya// rims dang dug dang gdon rnams kun// rdo rje khu tshur dpal gyis bzung // bdag gi lhar ni sbyor ldan pas// 'thungs na thams cad med par 'gyur// klad pa'i sman no// ta thA ga ta gar+b+ha sta si ho// 'di ni rna bar bzlas pa'i mchog/ zug rngu thams cad 'byin pa'o// g.yas pa yi ni lag pa yis// sems dpa'i gtsug tor bcangs na ni// byis pa nad med 'tsho bar 'gyur// thams cad bsrungs shing bde ba thob// gzhon nu gso ba'o// g.yas pa yi ni lag pa yi// klu yi gdengs ka lta bur bya// 'bar ba'i tshul ston 'bebs bcas na// dug gi las rnams bsgrub par bya// 'bar dang 'dul dang bcings pa dang / za ba'i dug rnams med par byed// gdug pas zin dang lu ta

  303. 152a

    dang // shi ba sos par byed pa'i mchog/ gdengs ka'i phyag rgya'o// g.yas pa'i mthe bo gung mo gnyis// g.yon pa'i khu tshur bcangs pa yi/ gung mo la ni reg byas na// gdon rnams kun las thar bar 'gyur// dug gso ba dang gdon gyi cho ga'o// ba dan gsum po gnyis bcings nas// gung mo gnyis ni mdud par bcing // mdzub mo mthe'u chung rtse mo can// rdo rje'i phyag rgya mos bcings la// yongs su bsgyur te brteg nas su// smin ma'i mtshams su bzhag pa ni// mkha' 'gro'i las rnams ma lus pa// lus pa med pa thams cad 'grub// phyag rgya 'di yis btab na ni// gnas gsum po ni ma lus pa// rgyas btab rmongs byas zos pa dang // thal bar gyur pa'ang 'tsho bar byed// dpal rdo rje he ru ka'i khro gnyer zhes bya ba'i phyag rgya ste ma mo shes pa'o// rdo rje sems dpa' dpal sbyor bas// rta rnams thams cad zhon na ni// rta rnams nad med sos pa dang // nyam skye mtha' zhing mgyogs par 'gyur// dpal rta mchog gi phyag rgya'o// rdo rje sems dpa' dpal sbyor bas// glang po kun la zhon na ni// glang po thams cad nad med sos// nyam skye sgro ldan mos par 'gyur// shra badz+ra sa twa staM si ho// 'di ni rnam par bzlas pa'i mchog/ bya rnams nad med 'tsho ba dang // mi yi skad du smra bar 'gyur// bya gso ba'i phyag rgya'o// rdo rje sems dpa'

  304. 152b

    dpal sbyor bas// 'byor pa kun la rjes chags na// shing rnams nad med mi bskams shing // rtag tu me tog 'bras bur ldan// shing rnams bskyed pa'i gtsug lag las// sbyor ba'i cho ga gang bshad pa// phyag rgya 'di yis thams cad ni// yid la bsams pa bzhin du 'grub// shing bskyed pa'i phyag rgya shes pa'o// 'khrul 'khor gyis 'phangs ma 'phangs dang // de bzhin lag pas 'phangs pa dang // 'phangs nas slad du bzung ba dang // stobs su 'gyed pa lnga yin te// rang byung rnams kyi dgra cha'i dpyad// phyag rgya lnga la rab tu gnas// rdo rje sems dpa' dpal gyis bshad// dam pa de dag bshad par bya// dbyibs dang bde blag sbyor ba dang // kun tu sbyor dang 'dren dang myur// 'gengs dang 'phen dang gsal ba'o// rkang pa gshibs pas sa mnan cing // rkang pa 'gyed pas sa gnon te// dkyil 'khor dag kyang mnan par bya// brkyang bskum gyis kyang gnas gsum gnon// dbyibs kyi phyag rgya'o// me lhod pa dang sran gzugs dang // mnyan zhing yan lag bstan pa dang // rgya cher 'gengs shing rnam par dag/ lus kyi phyag rgya bde blag can// 'di yis lus la mnan pa dang // rims dang dug dang dbyig dug dang // mkha' 'gros gtse dang gdon rnams kyis// nams kyang tshugs par yong mi 'gyur// rgya cher

  305. 153a

    'gengs pa'i phyag rgya'o// rang gi snying gar 'dren tshul du// bde blag can gyis gzhug zung nas// g.yas pa rab tu gar byed cing // mda' 'phangs na ni 'grub par 'gyur// dpal khams gsum rnam par rgyal ba'i'o// lag pa g.yon pa legs bgrang la// skyon med pa yis g.yas pa dgug/ gzhu rgyud ma lus drangs nas ni// 'gro ba thams cad dgug par bya// thams cad dgug pa'i phyag rgya'o// rna drung bar du zlum por ni// ji ltar rigs par legs bkang la// yi ge oM tsam rang gi khar// bzung na 'gro ba 'dzin par 'gyur// 'dzin pa'i phyag rgya'o// ji ltar rigs pas drangs nas ni// cho ga bzhin du gzung nas kyang // der ni cung zad dbye bar bya// 'gengs pas thams cad 'grub par 'gyur// 'gengs pa'i phyag rgya'o// chang bas 'ben ni 'grib par bya// 'dzum dang bcas pa'i mig gis blta// lta ba chad pa la btad nas// myur du 'phangs na dam pa 'grub// mda' gzhus rgyal bar bya ba'i phyag rgya'o// gru bzhi pa la rno ba dang // de bzhin kun nas bskor bar bya// g.yas phyogs nas ni mda' bskor nas// snad de de bzhin bstod pa dang // rkang pas mnan cing rmig par gnon// 'bigs pa bcu yi rgya mchog gis// khams gsum rgyal srid chen po dang // bde bar thub nas nye bar spyod// dpal khams

  306. 153b

    gsum rnam par rgyal ba'o// rab tu 'phangs dang mnyam par 'phangs// de bzhin glog ltar 'phangs pa dang // glog ltar 'khyug pa de bzhin te// phyag rgya thabs rnams sgrub pa'o// thabs thams cad kyi phyag rgya'o// nyam nga lag dang bde phyogs dang // thad ka de bzhin gyen du 'debs// 'di dag bzlog pa'i phyag rgya ste// gnas gsum dag ni bzlog par bya// nges par bzlog pa thams cad kyi phyag rgya'o// thams cad 'debs dang nges par 'bebs// kun 'debs gyen du 'debs pa'i gar// 'di dag 'phrog pa'i phyag rgya ste// gnas gsum dag kyang 'phrog par byed// 'phrog pa thams cad kyi phyag rgya'o// kun tu kun nas thams cad kyi// rtag tu bdag nyid rnam pa kun// mda' gzhu'i dpyad kyi phyag rgya'i mchog/ mi 'gyur dam pa 'grub par 'gyur// dgra cha thams cad kyi phyag rgya shes pa'o// srin lag gnyis kyi nang du ni// mthe bo legs par gzhag par bya// de nas khu tshur bcangs nas ni// mdzub mo legs par dgug par bya// rdo rje khu tshur dpal gyi rgya// rdo rje sems dpa' dpal la gnas// las kyi dngos grub rab 'byam rnams// ma lus par ni myur du 'grub// dpal rdo rje khu tshur gyi phyag rgya'o// rdo rje khu tshur legs bcangs la// bdag gis mthe bo'i nang du gzhug/ zhi ba'i las rnams rab bsgrubs pas// ma lus lus

  307. 154a

    pa med par 'grub// de bzhin gshegs pa thams cad kyi khu tshur ro// rdo rje khu tshur legs bcangs la// mthe'u chung gnyis ni rab brkyang nas// mkha' 'gro'i las rnams thams cad ni// ma lus lus pa med par 'grub// dpal rdo rje he ru ka'i khu tshur gyi phyag rgya'o// brdeg pa'i khu tshur bcangs pa las// mthe bo dag la gung mo bzhag/ dpal pad+mo'i khu tshur grub pa ste// thams cad dag pa'i las la sbyar// dpal pad+mo'i khu tshur ro// khu tshur rdo rje rin chen mchog/ 'bebs pa thams cad yongs rdzogs pa// rang don las rnams bsgrub pa ni// ma lus lus pa med par 'grub// dpal rdo rje rin po che'i khu tshur gyi phyag rgya'o// rdo rje khu tshur dpal bcangs la// sor mo thams cad yongs su bzung // rtul phod las rnams thams cad ni// ma lus lus pa med par 'grub// las thams cad kyi phyag rgya shes pa'o// rkang pa brkyang dang gnod pa dang // bskum nas bteg pa'i stabs dag dang // g.yas dang g.yon gyi sbyor ba yis// gzugs rnams thams cad gnon par bya// sdig med stobs kyis ngo 'thon du// rnam par snang mdzad dpal mnan nas// kun tu byang chub yongs bkug ste// bdag gi spyad par de spyod do// sdig med stobs kyis ngo 'thon du// rdo rje 'dzin pa dpal mnan nas// kun tu grub pa yongs bkug ste// bdag gi spyad

  308. 154b

    par de spyod do// sdig med stobs kyis ngo 'thon du// spyan ras gzigs dbang dpal mnan nas// kun tu dpal mo yongs bkug ste// bdag gi spyad par de spyod do// sdig med stobs kyis ngo 'thon du// rdo rje nyi ma dpal mnan nas// kun tu longs spyod yongs bkug ste// bdag gi spyad par de spyod do// sdig med stobs kyis ngo 'thon du// rta mchog dam pa dpal mnan nas// thams cad dbang phyug yongs bkug ste// bdag gi spyad par de spyod do// byang chub pha rol phyin pa dang // grub dang gzungs dang sa rnams dang // rig dang phyag rgya rnams mnan nas// bdag gi spyad par de spyod do// sdig med stobs kyis ngo 'thon du// dbang phyug dam pa mnan nas ni// mig gsum pa las gsum grub bkug/ bdag gi spyad par de spyod do// sdig med stobs kyis ngo 'thon du// mthu bo che yang mnan nas ni// snying las dpa' mo yongs bkug ste// bdag gi spyad par de spyod do// sdig med stobs kyis ngo 'thon du// skye dgu'i bdag po mnan nas ni// mos pas grol ma yongs bkug nas// bdag gi spyad par de spyod do// sdig med stobs kyis ngo 'thon du// rab dga'i dbang phyug mnan nas ni// kun gyi bdag las dga' bar bkug/ bdag gi spyad par de spyod do// 'jigs la sogs pa'i lha mo dang // ma mo byad ma'i ma mo dang // mkha' 'gro ma

  309. 155a

    rnams mnan nas ni// bdag gi spyad par de spyod do// de bzhin ku be ra la sogs// rig pa 'grub pa spyod pa dang // mi yi rgyal po la sogs kyang // mnan nas bdag gi spyad pa spyod// 'gro ba dang ni mi 'gro ba'i// dbang po thams cad ma lus pa'ang // rnal 'byor bdag nyid des mnan nas// bdag gi spyad par de spyod do// dpal rdo rje gnon pa'i phyag rgya shes pa'o// khu tshur snying gar bcangs pa ni// bud med phyag rgyar de bshad de// bud med sbyor ba ma lus pa// lus pa med pa'ang thams cad 'grub// g.yon pa 'gying ba'i tshul byas nas// lag g.yas bdag gi snying gar ni// gyen du drang ba'i tshul byas nas// bud med thams cad dbang du 'gyur// dpal rdo rje 'gying ba'o// dpal ldan sna tshogs pad+mo 'dzin// g.yon pa brdeb pa'i khu tshur dang // g.yas par ldang bar gyur pa dang // sangs rgyas dbang phyug ting 'dzin bya// sangs rgyas thams cad rab tu 'phar ba'o// g.yon pa dril bu'i sgra sgrogs shing // g.yas pa yi ni lag pa yis// rdo rje gyen du gsor zhing bskor// sgyu ma thams cad 'byung bar bya// dpal rdo rje sbru ma'i dbang phyug ma'o// g.yon pa g.yon pa'i brla la bzhag/ lag pa g.yas pa'i mdzub mo yi// rtse mos pad+ma dam pa 'dzin// g.yas pa'i brla la lag ngar bzhag/ mi dga' ba thams cad sel ba'i phyag

  310. 155b

    rgya'o// bdag gi snying gar 'dren tshul du// g.yon pa nor bu rin chen 'dzin// g.yas pa re ba kun rdzogs pa'i// bud med la sogs rin chen 'dzin// bsam pa thams cad yongs su rdzogs par byed pa'o// bdag gi snying gar 'dren tshul du// pad+ma sna tshogs dam pa 'dzin// g.yas pa rdo rje 'gying ba yis// dbang phyug dam pa thob par 'gyur// dngos grub kun gyi dbang phyug gi phyag rgya shes pa'o// zhes bcom ldan 'das rdo rje sems dpas de skad gsungs so// sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las kun tu rnam pa sna tshogs kyi dam tshig gi phyag rgya'i rtog pa ste dgu pa'o// // de nas kun tu sna tshogs 'di// phyag rgya shes pa'i sgrub pa ni// kun tu sna tshogs sbyor ba yis// kun tu sna tshogs bshad par bya// smin ma mig dang so dang mchu// kha dang lus dang rkang lag gis// cha lugs bzhin du gar byed pas// phyag rgya thams cad yongs su dgrol// rdo rje sems dpa' dpal sbyor bas// lha mo kun dang 'dus pa ni// kun tu sna tshogs skal bzang po// rab tu bde bar 'grub par 'gyur// phyag rgya 'di yis btab na ni// sangs rgyas thams cad byin gyis rlobs// legs par byin gyis brlabs nas ni// sangs rgyas thams cad 'dus par 'gyur// sangs rgyas kun dang mnyam sbyor

  311. 156a

    bas// sangs rgyas kun dang mnyam par 'gyur// sangs rgyas kun dang mnyam pas na// sangs rgyas thams cad rab tu 'grub// rdo rje sems dpa' dpal sbyor ba'i// mthu nyid kyis ni thams cad du// mdor na phyag rgya thams cad ni// so so dag nas grub pa ste// blta bas mi ngoms pa yi sku// thams cad bdag nyid ston par mdzad// legs so legs so zhes grub pa'i// dam pa dag kyang rab tu stsol// bsam pa thams cad yongs rdzogs pa'i// grub pa kun mchog nyams dga' ba// ji ltar 'dod pa'i longs spyod du// thams cad kyi ni bdag nyid stsol// dang po kun las byung ba yi// mchod pa'i sprin chen thams cad kyi// bkod pa rab 'byam tshogs rnams kyis// thams cad bdag nyid mchod pa mdzad// dpal ldan g.yon pa 'gying dang bcas// dpal ldan lag pa g.yas pa yi// pad+mo khu tshur dpral bar bzhag/ bdag gi mig ni gyen du blta// 'di ni rdo rje sems dpa' yi// phyag rgya thams cad rab sgrub pa'o// gyen du 'phar ba'i dngos grub dang // rab 'byam las rnams myur du 'grub// phyag rgya 'di yis btab na ni// khams gsum pa dag ma lus pa// rgyas btab rmongs byas zos pa dang // thal bar gyur pa'ang 'tsho bar byed// bcom ldan 'das rdo rje sems dpas de skad gsungs so// kun tu sna tshogs skal

  312. 156b

    bzang po// dpal rdo rje pad+ma gyen du 'phar ba'i spyan zhes bya ba'i phyag rgya ste/ rnam pa sna tshogs thams cad kyi phyag rgya dang phyag rgya'i lan zhes bya'o// sangs rgyas thams cad 'dus pa yis// rtag tu dpag med tshe dang ldan// nam mkha'i dbyings kyi mtha' klas pa'i// bden pa'i tshig ni rab tu smra// mtha' yas pa dang mu med pa'i// rtog pa kun dang 'di yi ni// mthu dang yon tan bsngags pa'i mtha'// brjod pa dag tu yongs mi nus// mthu dang rang bzhin dag gis grub// ngo bo nyid kyis rtag tu 'grub// so sor rjes grub bde ba ster// 'di ni gsang mchog mchog gi mchog/ sems can don phyir las rnams sbyong ba dang // rnam par sbyor ba rgyal ba yong mi mdzad// 'di la bgegs med bdud kyang yod ma yin// rtog pas mi 'grub thar bar yong mi nus// mi brtan pa dang bdud du nga mi 'gyur// brtan par bya ba'i phyir yang nga mi 'doms// gang zhig rang gi bde bas bde bsgrub pa// dngos grub mchog gis da ni brtan par mdzad// kun tu sna tshogs pas ni de skad gsungs// bcom ldan de bzhin gshegs pa rtag tu dgyes// rdo rje sems dpa' dpal gyis legs gsungs la// mngon par bstod cing rab tu dgyes par gyur// kun tu sna tshogs skal ba bzang po dam tshig gi rtog pa ste le'u bcu pa'o// // rnam mang rjes chags dga'

  313. 157a

    ba'i pad+ma rnam dag mchod pa dang // rta mchog rnal 'byor bde bas gsal bar rjes su mchod na ni// rab tu bde ba'i rnal 'byor dam pa skal bzang dga' ba'i mchog/ rab mchog bde ba'i rang bzhin dam tshig bde bas rjes grub 'gyur// bcom ldan 'das dpal rdo rje sems dpas de skad gsungs so// sangs rgyas thams cad dang mnyam par sbyor ba mkha' 'gro sgyu ma bde ba'i mchog ces bya ba'i rtog pa/ rtog pa thams cad kyi 'khor lo bskor ba chen po bde ba chen po'i sku'i rgyud sangs rgyas mnyam sbyor rdzogs so// // rgya gar gyi mkhan po badz+ra ha s+ya dang / sgyu 'phrul gyi lo tsA ba rma rin chen mchog gis 'grel pa bzhi'i gzhung dang bstun te zhu chen gyis gtan la phab pa'o// // slar yang de lam rgya 'grel dang bstun nas zhus dag par byas so// /

  314. 157b

    @// rgya gar skad du/ sarba kalpa sa muts+tsha ya nA ma sarba bud+d+ha sa ma yo ga DA ki nI dzA la sa mA ra ut+ta ra tan+ta/ bod skad du/ rtog pa thams cad 'dus pa zhes bya ba sangs rgyas thams cad dang mnyam par sbyor ba mkha' 'gro sgyu ma bde ba'i mchog gi rgyud phyi ma'i phyi ma/ dpal rdo rje sems dpa' la phyag 'tshal lo// sangs rgyas thams cad phyag 'tshal te// ma lus lus pa med par grub// rnam rtog med pa'i sems la ni// de kho na nyid nges par gnas// sems dpa' sangs rgyas kun gyi dngos// rdo rje sems dpa' bde ba'i mchog/ gsang ba mchog gi dgyes pa na// thams cad bdag nyid rtag tu bzhugs// 'dod chags na po bde chen po// bde chen rdo rje chen po bas// rdo rje 'dzin dang lhan cig pa'i// bde gshegs mgo khyod rnams kyis bzhugs// thams cad mchog gyur 'dod chen gyis// dngos grub dbang phyug rab grub phyir// sangs rgyas thams cad mnyam sbyor las// rtog pa 'dus pa bka' stsal 'tshal// rnam par mi rtog chos dag las// rtog pa'i don 'di gang la gsungs// ci yi slad du'ang rgyud phyi ma// dang po'i sa cho ga ji ltar lags// gdod ma tha ma med nyid yang // rdo rje sems dpa' de bzhin te// yig 'bru ji ltar gsungs pa lags// sngags phyung ba yang ci 'dra ste// shin tu dga' dang bzang nyid de// rdo rje snying po gtso bo

  315. 158a

    che// sems dang sems dpa'i ting 'dzin yang // de bzhin rdo rje rdo rje 'dzin// rdo rje 'dzin nyid chen po yang // byang chub spyod pa rnams ci ltar// bdud dang bdud las rgyal ba yang // sangs rgyas byang chub ji ltar lags// rdo rje gtum po mthar byed dang // phyag na rdo rje yang ji ltar// dang po rigs bskyed ji ltar lags// 'dod pa'i thar pa rnam pa ci// mgon po rnam gsum ji ltar 'tshal// thams cad yang nyid ji ltar lags// ji ltar dang po snying po 'byung // nye ba'i snying po de ji ltar// bde ba chen po rdo rje che// don yod dam tshig ji ltar lags// dkyil 'khor ji ltar gsungs par gyur// de yi rnam smin ci 'dra ste// thig gdab de bzhin rtog pa yi// dngos grub ji ltar bshad pa lags// gsang ba lnga dang de nyid che// gang lags ci 'dra de bzhin te// dkyil 'khor gtso bo rnams dang ni// rigs rnams kyang ni ji ltar lags// thams cad dbang bskur de nyid dang // de nyid tshogs kyi phyag mtshan yang // thams cad dgug dang mchod chen dang // rang gi byin rlabs sogs sgrub pa// de rnams de nyid gsang chen dang // dam pa dang ni don dam pa// dam pa'i yi ge grub don du// thams cad mi gsung 'os ma lags// sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las de kho nyid thams cad nges

  316. 158b

    tshig gi rtog pa ste bcwa brgyad pa'o// // de nas ston pa rdo rje 'dzin// rtog pa kun gyi gtso chen pos// the tshom dag gi tshogs gsan nas// don dam 'dzin pas bka' stsal pa// de la ji ltar rtog pa'i don rgyud yin zhe na/ rnam par mi rtog chos dag las// sems can don du yongs su rtog/ de phyir rtog par yang dag bshad// rtog pa yongs su dag phyir ro// 'di la ji ltar rgyud phyi ma yin zhe na// rgyud ni rab tu 'brel bar bshad// phyi ma gong du phyung ba yin// de nyid gsang ba gsang chen rnams// de yang rgud ni phyi mar 'dod// de la ji ltar dang po'i sa'i de bzhin nyid kyi ye shes yin zhe na// nam mkha' kun tu rab gnas pa// rdo rje kun gyi dngos po mchog/ bde chen bgyis pa chen po de// dam pa'i yi ge gzhal yas khang // zhes bcom ldan 'das dpal rdo rje sems dpas gsungs so// de la ji ltar gdod ma dang tha ma med pa'i rdo rje sems dpa' yin zhe na/ yi ge ka sogs d+ha yig mtha'// nga nya spangs nas 'jug par bya// yi ge da sogs k+Sha yi mtha'// phreng ba gnyis po yang dag bri// dbus gnas par ni a yig phreng // zla ba'i dkyil 'khor la bkod de// thig le zla tshes dang ldan par/ tsheg drag zla ba gnyis yin te// a yig mi 'gyur bsgom par bya// dbus su rdo rje'i ngo bor gnas// de'i dbus rtag tu bsgom pa ni// 'dod chags

  317. 159a

    chen po bde ba che// 'di de sangs rgyas thams cad kyi// sangs rgyas ri mor grags pa yin// de las 'gro ba g.yo mi g.yo// thams cad yang dag 'byung bas ni// nam mkha' las byung mtshan nyid phyir// gdod ma tha ma med mchog yin// rdo rje chen po dngos sems ni// rdo rje sems dpa' zhes 'dod do// de la bcom ldan 'das de gang zhe na// dngos grub chen po kun gyi mchog/ dbang phyug chen po rig pa'i lha// rgyal po chen po rdo rje 'dzin// dga' ba dam pa zad med yin// de la ji ltar yi ge rtog pa yin zhe na// yi ge a sogs k+Sha mtha' ni// yi ger yang dag bshad pa ste// mi zad dga' ba'i rdo rje can// de nyid kun don mtshan nyid phyir// de la ji ltar sngags 'byung ba yin zhe na// rdo rje sems sogs 'khor lo la// gang rnams sngags su cher bshad pa// de rnams 'byung ba'i don du ni// rdo rje can gyis yang bka' stsal// gur gum la sogs byugs pa la// bris sku la sogs rnams brgyan nas// bla re la sogs bres nas su// rtag tu re'u mig bzhi brtsams nas// gru bzhi gzhal yas khang byas te// re'u mig phyogs bzhir 'bar bar byas// re'u mig sum cu tham pa la// bcu dgu dang ni ldan par bya// brgya phyed stan la gnas pa la// sde pa lnga mtha' thig le yis// spyi bo gtsug la rtag pa yi// yi ge kA zhes bya ba ni// dbus kyi re'u

  318. 159b

    mig la bri'o// de yi phyi rol gnas brgyad dag/ mtshams dang phyogs kyi re'u mig la// dbang ldan la sogs rim pa ru// ya dang sha yi sde bkod de// me mtshams la sogs re'u mig la// ma yi yig 'bru bzhi po dang // a yig sa bon la brten nas// sa bon bcu gnyis dgod par bya// dbang ldan la sogs re'u mig la// ka yig la sogs rim par dgod// de ltar bzhi la rim par ni// thams cad rnam par gnas byas te// ka sogs re'u mig bzung nas su// yig 'bru dam pa phyung bar bya// shin tu dga' chen rgyal po ni// sbyor ba thams cad dbang phyug gtso// re'u mig gnyis shu rtsa bzhi la// gnas pa zla phyed gtsug phud zhal// de 'og sum cu rtsa gnyis ni// dga' ba rdo rje can gyis phyung // re'u mig bcu bzhi zhes pa las// gnas pa tshig drag dang ldan pa// re'u mig nyi shu rtsa bzhir gnas// sum cu rtsa bzhi zla dang ldan// re'u mig/ sum cu rtsa gcig la// gnas pa nga ro thig le ldan// re'u mig nyi shu rtsa bzhi la// gnas pa tsheg drag sbyor ba bya// sum cu rtsa brgyad sbyor ba yis// de ni bzhi par rnams par bshad// bde ba chen po rgyal chen po// lha mo dam pa brtag pa'o// re'u mig bcu gcig la gnas pa// thig le nga ror yang dag ldan// re'u mig brgyad pa la gnas pa// bcu dgu dag ni ldan pa ste// de 'og sum cu rtsa bzhi dang // thig le nga ros

  319. 160a

    brgyan pa'o// re'u mig nyi shu rtsa bzhi la// gnas pa tsheg drag sbyor ba'o// re'u mig gnyis pa la bkod pa'i// thig le nga ro ldan pa'o// gling bu ma la sogs btus pa'i// sngags phyung ba ni mchog yin te// re'u mig sum cu rtsa brgyad la// gnas pa'i thig le nga ro ldan// dbus na nyi shu rtsa gcig la// dbus nas bcwa lnga zla ba can// re'u mig sum cu rtsa gcig gnas// dbus nas bcwa lnga zla ba can// re'u mig nyi shu rtsa gcig gnas// bcu gcig zla ba dang ldan te// lha mo gling bu ma sogs kyi// sngags phyung rmad du byung ba'o// re'u mig bcu pa la gnas dang // bcu gcig pa yang de bzhin te// re'u mig sum cu rtsa gsum gnas// bcu drug pa yang de bzhin te// me tog la sogs bsdus pa yi// 'di ni sngags phyung mchog yin no// rta mgrin 'phang mtho lcags kyu sogs// dang po phyung ba'i sa bon nyid// rdo rje sems dpa'i dkyil 'khor gyi// sgo la nan tan gyis sbyor ro// zhes dpal rdo rje sems pas gsungs te/ dpal rdo rje sems dpa'i dkyil 'khor gyi chos kyi yi ge 'byung ba'i phyag rgya shes pa'o// re'u mig gnyis pa can kho na// zla tshes gtsug dang ldan pa'i zhal// rnam par snang mdzad rgyal chen po// kun mchog sa yi dbang phyug yin// re'u mig bcwa lnga gnas pa la// thig le nga ro ldan pa'o// re'u mig bcu dgu la gnas pa// thig

  320. 160b

    le nga ros brgyan pa'o// re'u mig nyi shu rtsa lngar ldan// thig le nga ros brgyan pa'o// dbus nas nyi shu pa nyid la// thig le nga ros brgyan pa'o// chos gos ma tshogs bzhi dag gis// sa bon 'byung ba mchog 'di yin// re'u mig nyi shu rtsa bzhir gnas// thig le nga ros brgyan pa'o// re'u mig bdun pa de bzhin yang // dbus nas bcwa lnga pa dang ldan// thig le nga ro ldan pa ni// byang du sil snyan cha lang ngo // dbus nas nyi shu rtsa gcig la// gnas pa bcu dgu dang ldan pa// thig le nga ro ldan pa ni// rdo rje rin chen cher brjod do// dbus nas bco brgyad pa dag nyid// thig le nga ros brgyan pa ste// sangs rgyas kun gyi dkyil 'khor la// chos kyi dung gi phyag rgya che// zhes bcom ldan 'das rdo rje sems dpas gsungs pa rnam par snang mdzad kyi chos kyi yi ge 'byung ba'i phyag rgya shes pa'o// nyi shu rtsa bzhi re'u mig la// gnas pa nyi shu pa ldan ni// khrag 'thung zhes pa'i rgyal po che// tsheg drag lhag chad gyur pa'o// re'u mig nyi shu rtsa bzhi la// gnas pa 'og na bcu dgur ldan// re'u mig nyi shu gnas pa dang // sbyor ba tsheg drag ldan pa'o// tsheg drag dang ni rtsa bzhi la// gnas pa dbus nas bcu gcig ldan// re'u mig bcu gnyis pa sbyor ba'i// tsheg drag ldan par 'dod pa'o// re'u mig bcu bzhi la gnas pa// 'og gi 'dren pa nyi shu gcig/ bcu gnyis pa

  321. 161a

    dang tsheg drag can// gsum pa can de bshad pa'o// re'u mig bcu bzhi la gnas pa// bcu gnyis pa dang ldan pa la// tsheg drag dang ni mnyam sbyor ba// lha mo snod chen ma yi 'dod// re'u mig nyi shu rtsa bzhi la// gnas pa dbus nas gnyis pa can// de bzhin thig le nga ror ldan// thig le 'byung gnas gsum pa ste// dbus nas bcu pa gang yin pa// rtag tu tsheg drag ldan pa ni// dmar chen sogs pa'i lha mo yi// bzhi pa dag ni phyung ba'o// re'u mig nyi shu rtsa lnga pa// gnas pa'i thig le bcas pa'o// dbus las drug pa gang yin pa// thig le nga ro ldan pa'o// re'u mig de bzhin bcu bdun pa// thig le nga ros brgyan pa'o// re'u mig bcu dgu la gnas pa// thig le nga ros brgyan pa'o// lha mo mda' rnon 'dzin sogs kyi// sa bon byung ba de ngo mtshar// lha mo me tog ma sogs kyi// sa bon byung ba sngon bstan yin// gang dag sgo srung bstan pa yang // gzugs mi mthun pa kho na'o// zhes bcom ldan 'das dpal rdo rje sems dpas de skad ces gsungs so// mkha' 'gro sgyu ma'i dkyil 'khor gyi chos kyi yi ge 'byung ba'i phyag rgya shes pa'o// re'u mig nyi shu rtsa bzhi la// gnas pa bcu dgu'i gdan la gnas// nyi shu tshig drag sbyor ba ni// pad+ma gar gyi dbang phyug yin// re'u mig bcu bzhi la gnas pa'i// tshig gnyis sbyor ba de bzhin

  322. 161b

    no// re'u mig nyi shu rtsa bzhi la// gnas nas dbus nas dgu pa ldan// rtag par thig le dang ldan ni// gnyis pa yi ni yongs grags pa// re'u mig sum cu rtsa gcig la// gnas par nga ro thig les brgyan// re'u mig nyi shu rtsa bzhi la// gnas pa dbus nas bcu gsum ldan// tsheg drag can ni bzhi pa yi/ khro gnyer ma yi rgyud las grags// re'u mig nyi shu rtsa bzhir ldan// dbus nas dgu pa'i thig ler bcas// re'u mig nyi shu rtsa bzhir gnas// dbus nas bcwa lnga dang ldan no// re'u mig bcu gcig la gnas pa// tshig drag gis ni sbyor ba'o// re'u mig nyi shu rtsa bzhir gnas// sum cu rtsa brgyad pa dang ldan// tsheg drag mnyam por sbyor ba ni// pad+ma gar dbang mchog yin no// lha mo gling bu ma sogs nyid// de bzhin lha mo me tog sogs// lha mo lcags kyu ma sogs kyang // rdo rje sems dpa' la sogs pa'i// dkyil 'khor la ni bskyed pa yin// zhes bcom ldan 'das rdo rje sems dpas gsungs te// pad+ma gar gyi dbang phyug gi dkyil 'khor gyi chos kyi yi ge 'byung ba'i phyag rgya shes pa'o// dbus nas nyi shu rtsa gcig pa// bcu gcig pa dang ldan pa ste// bcu dgu zla ba gtsug lnga ni// rdo rje nyi ma 'byung ba yin// dbus nas bcu gsum gang yin pa// zla tshes thig le gtsug gi zhal// re'u mig nyi shu rtsa bzhi la// gnas pa

  323. 162a

    bcu dgu dang ldan pa// re'u mig nyi shu gnas dang sbyor// tsheg drag ldan pas gnyis pa'o// re'u mig nyi shu rtsa bzhir gnas// dbus nas bcu gsum pa dang ldan// tsheg drag lhan cig can dang ni// gsum pa yi ni grags pa yin// re'u mig nyi shu rtsa bzhir gnas// bcu gcig dang ni thig le ldan// re'u mig bcu bzhi la gnas pa// tsheg drag ldan pa 'dod pa'o// re'u mig nyi shu rtsa bzhir gnas// dbus gnas dgu dang zla ba'o// re'u mig sum cu rtsa gcig gnas// thig le nga ros brgyan pa'o// re'u mig nyi shu rtsa bzhir gnas// dbus nas bcu gsum pa dang ldan// tsheg drag mnyam par ldan pa ni// rdo rje nyi ma lha dag yin// lha mo gling bu ma sogs kun// rtsa ba'i dkyil 'khor sbyor skyes yin// zhes bcom ldan 'das dpal rdo rje sems dpas gsungs te/ rdo rje nyi ma'i dkyil 'khor gyi chos kyi yi ge 'byung ba'i phyag rgya shes pa'o// re'u mig nyi shu rtsa bzhir gnas// nyi shu rtsa bdun zhes sbyor ba ste// zla tshes thig le gtsug can ni// yul 'khor thams cad 'dul ba'o// re'u mig bcu bzhi la gnas pa// dgu pa dang ldan pa ste// nyi shu tsheg drag sbyor ba ste// sna tshogs pa yi brjod pa yin// re'u mig nyi shu rtsa bzhir gnas// gnas pa tsheg drag ldan pa 'dod// rta yi rgyal po'i dkyil 'khor la// rdo rje rgya gram zhes

  324. 162b

    grags so// zhes bcom ldan 'das dpal rdo rje bde ba chen po rdo rje sems dpas gsungs te/ rta mchog gi chos kyi yi ge 'byung ba'i phyag rgya shes pa'o// sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las chos kyi yi ge 'byung ba'i rtog pa ste bcu dgu pa'o// // ri mo gnyis kyi dkyil 'khor gyi// phyi rol pad+ma 'dab brgyad bri// de yi nang du rnal 'byor pas// a yig sogs kyang bri bar bya// shar phyogs 'dab mar ka yi sde// lho phyogs 'dab mar tsa yi sde// nub phyogs 'dab mar Ta yi sde// ta yi sde ni de bzhin byang // sde pa lnga yi dbus su ni// yi ge k+Sha dang lhan cig dgod// dbang ldan 'dab ma nas brtsams te// ya ra la wa rnam par gzhag/ dbang ldan 'dab ma'i phyi rol tu// yi ge sha ni 'jug par bya// me mtshams 'dab ma'i phyi rol tu// yi ge Sha ni 'jug par bya// bden bral 'dab ma'i phyi rol tu// yi ge sa ni 'jug par bya// rlung mtshams 'dab ma'i phyi rol tu// yi ge ha ni 'jug par bya// zhes bcom ldan 'das dpal bde ba chen po rdo rje sems dpas gsungs so// dbus kyi mtha' ru gang yin pa// thig le dang ldan yi ge au// rlung mtshams phyi rol gnas pa gang // skra yig a ni sbyor bar bya// bden bral phyi rol gnas pa la// 'og tu sgra yig u sbyor ro// shar gyi 'dab ma gnyis pa

  325. 163a

    ni// dbus las dbu ma de bzhin no// lho nas de bzhin dbu ma la// me mtshams 'dab ma de bzhin no// bden bral phyi rol gnas pa gang // de nas byang gi dang po'o// dbus nas dbu ma'i sbyin gnas su// de tshe 'od kyi gong bur 'gyur// o yig tsheg drag dang ldan pa// de yi mtha' ru de tsher 'gyur// lho nas dbus ma gang yin pa// tsheg drag dang ni ldan pa'o// rlung mtshams phyi rol gang yin pa// u yig thig le sbyor bar bya// dbus kyi dbu ma gang yin pa// thig les mgo nas mnan pa dang // rlung mtshams phyi rol gang yin pa// o yig tshig drag sbyor bar bya// bden bral mtshams kyi phyi rol tu// sgra yig/ u ni sbyor ba ste// me mtshams 'dab mar gang yin pa// byang gi dang por de bzhin yang // bden bral phyi rol pa bzung nas// byang gi dang po pa yang yin// dbus nas dbus ma bzung nas su// 'od kyi gong bu mtha' ru 'gyur// de nas thig le sbyin byas nas// rdo rje sems dpa' 'grub par 'gyur// zhes bcom ldan 'das chags pa chen po rdo rje sems dpas gsungs so// lho nas dbu ma gang yin pa// tsheg drag dang ni ldan par bya// dbus nas dbu ma de bzhin du// lho nas dbu ma yang yin no// me mtshams 'dab ma dang ldan pa// rtag tu brjod par 'gyur ba yin// byang nas dbu ma bzung nas su// me mtshams dang ni shin

  326. 163b

    tu sbyor// sgra yig a dang sbyar nas su// rtag par zhi bar 'gyur ba yin// me mtshams phyi rol bzung nas su// nub kyi dang po ldan par bya// sgra yig i dang sbyar nas su// 'od kyi gong bu lnga pa yin// bden bral phyi rol gnas pa la// sgra yig a dang ldan par bya// de bzhin dbang ldan 'dab ma dang // sgra yig i ni sbyor ba'o// shar gyi dang po pa dang ni// de nas dbu ma'i tha ma dang // nub kyi dang po pa bzung nas// a med rtag tu 'gyur bar bya// de dag bzlas pa byas pa yis// mda' ru rab tu grub pa yin// zhes bcom ldan 'das dpal rdo rje sems dpas gsungs so// rlung mtshams phyi rol pa bzung nas// sgra yig u ni sbyor bar bya// thig le nga ro gnon nas su// de nas dbus nas dbu ma'o// lho nas dbu ma bzung nas su// me mtshams pa dang sbyor bar bya// shar nas dang po bzung nas su// sgra yig e dang ldan par bya// bden bral 'dab mar gnas pa gang // sgra yig e ni sbyor bar bya// shar gyi dang po bzung nas su// sgra yig e ni sbyor ba'o// bden bral 'dab mar gnas pa la// sgra yig e ni sbyor ba'o// rlung mtshams phyir rol pa bzung nas// sgra yig u ni sbyor bar bya// thig le nga ros mnyam sbyor na// skal bzang skal bzang 'gyur ba yin// zhes bcom ldan 'das dpal rdo rje sems dpas gsungs so// dbus nas dbu ma

  327. 164a

    bzung nas su// thig le yis ni brgyan par bya// de bzhin dbus nas dbu ma yang // lho nas dbu ma de bzhin te// me yi mtshams dang mnyam par ldan// yi ge a yis bsdu bar bya// nub nas tha ma bzung nas su// sgra yig o ni sbyor bar bya// bden bral phyi rol pa bzung nas// dbu ma'i tha ma dang ldan par// ma mtshams lan gnyis brjod nas su// nub nas dang por ldan 'gyur bya// rtag tu a med brgyad pa ni// rdo rje kha T+wAM 'dzin ma yin// zhes bcom ldan 'das dpal rdo rje sems dpas gsungs so// rlung mtshams phyi rol pa bzung nas// tsheg drag oM ni sbyor bar bya// dbus nas dbu ma de bzhin du// me mtshams pas ni ldan pa yin// lho nas dbu mar 'gyur ba'o// shar nas dang po bzung nas su// sgra yig a ni sbyor bar bya// dbus nas tha mar bzung nas su// sgra yig e ni sbyor bar bya// dbang ldan phyi rol ba bzung nas// dbus las dbu ma gzung bar bya// me mtshams 'dab ma la gnas pa// skra yig i ni sbyor bar bya// byang nas dang po bzung nas su// yi ge a dang ldan par bya// me mtshams 'dab ma sbyor nas su// thig le nga ros bsdu bar bya// sna tshogs pad+ma lha mo che// rdo rje sems sogs lha yi yin// zhes bcom ldan 'das dpal bde ba chen po rdo rje sems dpas gsungs so// rdo rje mtshon cha dang / rdo rje

  328. 164b

    rol ma dang / rdo rje dran ma dang / rdo rje snying po ma dag rdo rje sems dpa' la sogs pa'i lha mo bzhi yin no// oM yig thig le dang ldan par// e yig thig le yang dag ldan// dbus la tha ma bzung ba dang // yi ge u dang ldan par bya// byang nas de bzhin bzhi pa'o// dbus nas dbu ma bzung nas su// lho nas dbu ma de bzhin du// me mtshams 'dab ma dang sbyar nas// sgra yig i dang a bsdu bya'o// shar nas bzhi pa gang yin pa// thig le u dang ldan bya ste// nan tan du ni lan gnyis bzla// rtag tu dang po'i 'gyur ba yin// o yig thig le dang ldan pa// dbu ma las ni dbu ma yang // me mtshams 'dab ma dang ldan pa'i// lho nas dbu mar 'gyur bar bya// dbus nas tha ma bzung byas te// sgra yig e dang sbyor bar bya// shar las bzhi pa gang yin pa// sgra yig e dang sbyar ba'o// shar nas gsum pa gang yin pa// sgra yig u dang sbyor ba'o// bden bral 'dab ma la gnas pa// sgra yig u dang sbyor ba ste// nan tan lan gnyis bzlas pa'o// dbus las bzhi pa gang yin pa// u yig me mtshams pa dang ldan// thig le nga ro gnyis pa'o// o yig thig le dang ldan pa// rlung mtshams phyi rol la gnas pa// tsheg drag dang ni mnyam por ldan// dbang ldan phyi rol la gnas dang // me mtshams 'dab ma can de bzhin// byang nas gsum pa gang

  329. 165a

    yin pa// dbus las dbu mar gyur par bya// lho nas dbu ma pa la yang // me mtshams 'dab ma can dang ldan// sgra yig i dang ldan sbyor ba// e yig thig le dang ldan pa// lan gnyis gsum ni brjod byas te// lha mo gsum po'i kho na'o// sngags 'byung bar ni grags pa yin// oM yig thig le dang ldan par// shar nas gnyis pa gang yin pa// zla tshes thig le gtsug gi zhal// dbus nas dbu ma de bzhin du// lho nas dbu ma pa la yang // me mtshams 'dab ma can sbyor dang // dus rnams thams cad sbyor bar bya// dbang ldan phyi rol pa de bzhin// sgra yig e ni sbyor bar bya// de nyid phyi rol pa bzung nas// sgra yig i dang ldan byas te// me mtshams 'dab ma gnas pa yi// sgra yis i yig brgyan par bya// rlung mtshams phyi rol pa bzung nas// thig le u yig sbyor byas te// lan gnyis su ni brjod pa'o// de ni dpag bsam shing sogs lha// rdo rje snying po ma dang / rdo rje sred med kyi bu mo dang / rdo rje gar gyi dbang phyug ma dang / 'dod pa'i dbang mo rnams shes pa lha mo bzhi yin no// oM yig thig le dang ldan pa/ ge e yis sbyor bar bya// rlung mtshams phyi rol la gnas pa// me mtshams 'dab ma can de bzhin// yi ge e yis mnyam ldan pa'i// byang nas dang por 'gyur byas te// dbus las dbu ma de bzhin du//

  330. 165b

    mtshams 'dab ma can sbyor ba'i// lho yi dbu ma pa yang de// yi ge e yis mnyam ldan bya// dbus las dbu ma ldan 'gyur dang // bden bral 'dab ma la gnas pa// sgra yig i ni sbyor byas te// bden bral phyi rol la gnas pa// sgra yig i ni sbyor byas te// byang nas tha ma gang yin pa// sgra yig a ni sbyor bar bya// byang nas dang po gang yin pa// me mtshams pa yi gdan dang ldan// nub nas dang po gang yin pa// rtag par a med 'gyur bar bya// gdod ma tha ma med pa'i mchog/ lha mo rdo rje pi wang ma'o// rlung mtshams phyi rol pa bzung nas// sgra yig e ni sbyor bar bya// me mtshams 'dab ma gnas pa nyid// sgra yig i dang ldan byas te// byang nas dang por 'gyur bar bya// dbus nas dbu ma bzung nas su// lho nas dbu ma gzung bar bya// me mtshams 'dab ma dang sbyor nas// bsdu bar bya ba yang yin te// shar nas gsum pa gang yin pa// sgra yig i ni sbyor bar bya// byang nas dang po bzung nas su// sgra yig e ni sbyor byas te// nga ro bzhi po dang ldan pa// rtag par lan gsum brjod bya'o// rlung mtshams phyi rol pa bzung nas// sgra yig e ni sbyor bar bya// me mtshams 'dab ma pa la yang // sgra yig e ni sbyor bar bya// byang nas dang po 'gyur bar bya// dbus nas dbu ma bzung nas su// me mtshams 'dab ma can lhan cig/ lho nas dbu ma

  331. 166a

    'gyur byas te// rlung mtshams phyi rol la gnas pa// sgra yig a ni sbyor bar bya// de bzhin bden bral phyi rol pa// sgra yig e ni sbyor ba'i phyir// rlung mtshams phyi rol pa nyid ni// lan gnyis ched du brjod par bya// dbus nas dbu ma bzung nas su// thig le e yig sbyor bar bya// mkha' 'gro sgyu ma bde mchog la// rnga chen lha mor grags pa yin// rlung mtshams phyi rol pa bzung nas// sgra yig i ni sbyor bar bya// me mtshams 'dab ma gnas pa yang // byang nas dang po pa bzung ste// sgra yig e ni ldan par bya// dbus las dbu ma de bzhin du// me mtshams 'dab ma dang sbyor ba'i// lho nas dbu ma pa dang yang // byang nas mtha' ma bzung byas te// me mtshams 'dab ma ldan byas nas// sgra yig i ni sbyor bar bya// byang nas dang po bzung byas te// dbang ldan 'dab ma can sbyor nas// de tshe de ni yang brjod de// de bzhin dbus las dbu ma yang // sgra yig e ni sbyor bar bya// dbus las dang po de bzhin du// de ni lan gnyis brjod par bya// lho nas bzhi pa bzung nas su// nga ro a yig ldan par bya// rdo rje sems dpa'i dkyil 'khor la// rdza rnga ma zhes grags pa yin// zhes bcom ldan 'das dpal rdo rje sems dpas gsungs so// gling bu ma dang pi wang kun// rnga chen de bzhin rdza rnga kun// rdo rje sems dpa'i dkyil 'khor

  332. 166b

    la// gra yi lha mos mchod bsgrub pa'o// a yig dang po byas nas su// dbus nas dbu ma pa la yang // me mtshams 'dab ma can ldan par// lho nas dbu ma 'gyur bar bya// dbus las dang po de bzhin du// sgra yig u ni sbyor bar bya// me mtshams phyi rol pa bzung nas// dbus las dang po yang yin te// e yig dang ni mnyam por ldan// dbus nas me tog ma phyung ngo // a yig dang por byas nas su// dbus las dbu ma sa yang ste// me mtshams 'dab ma dang ldan pa'i// lho nas dbu ma yang yin te// byang las bzhi pa gang yin pa// sgra yig u dang sbyar bar bya// dbus las dang po bzung nas su// rdo rje spos me rnam grags so// a yig dang po byas nas su// dbus las dbu ma pa yang ste// me mtshams 'dab ma can ldan pa'i// lho las dbu mar 'gyur bar bya// yi ge a las mnyam ldan te// bden bral 'dab ma gnas pa la// sgra yig o ni sbyor bar bya// shar gyi dang po de bzhin du// e yig ldan par gsungs pa'o// a yig dang po byang nas su// dbus las dbu ma de bzhin yang // me mtshams 'dab ma dang ldan par// lho las dbu ma 'gyur byas te// shar gyi gsum pa de la yang // thig le dang ni sbyor bar bya// byang nas bzhi pa gang yin pa// yi ge e yig lhan cig 'gyur// zhes bcom ldan 'das dpal rdo rje sems dpas rdo rje me

  333. 167a

    tog ma dang / rdo rje 'dug spos ma dang / rdo rje mar me ma dang / rdo rje dri chab ma zhes bya ba phyi'i lha mo bzhi gsungs so// oM yig thig le dang ldan par// dbus las dbu ma pa yang ste// me mtshams 'dab ma dang lhan cig/ lho las dbu ma 'gyur ba ste// a yig thig le mnyam gnon par// rtag par brjod par bya ba ste// shar las dang po bzung nas su// sgra yig u ni sbyor bar bya// dbang ldan phyi rol pa bzung nas// sgra yig i ni sbyor bar bya// tsheg drag mnyam por ldan pa ni// lho las dbu mar 'gyur ba'o// zhes bcom ldan 'das dpal rdo rje sems dpas gsungs so// o yig thig le dang ldan par// dbus las dbu ma 'gyur byas te// me mtshams pa dang mnyam ldan pa'i// lho las dbu ma pa yang ste// dbus las dang po bzung nas su// sgra yig a ni sbyor bar bya// dbang ldan phyi rol pa bzung nas// sgra yig a ni sbyor bar bya// rlung mtshams phyi rol pa bzung nas// thig le u yig sbyor ba'o// zhes bcom ldan 'das dpal don yod shin tu dga' ba'i sems dpas gsungs so// o yig thig le dang ldan par// dbus las dbu ma 'gyur bar byas// me mtshams 'dab ma can ldan zhing // lho las dbu ma 'gyur bar bya// dbang ldan phyir rol pa bzung nas// thig le nga ros brgyan byas te// shar gyi dbang po

  334. 167b

    bzung nas su// sgra yig e dang mnyam ldan zhing // bden bral 'dab ma can du 'gyur// dpral bar thig les brgyan pa'o// zhes bcom ldan 'das dpal rdo rje sems dpas gsungs so// oM yig thig le dang ldan par// dbus las dbu ma pa yin te// me mtshams 'dab ma can lhan cig/ lho nas dbu ma 'gyur bar bya// shar las bzhi pa gang yin pa// thig le nga ros rnam par brgyan// nub las dang po bzung nas su// sgra yig e ni sbyor bar bya// rlung mtshams phyi rol pa bzung nas// tsheg drag dang ni mnyam ldan zhing // oM yig lhan cig 'gyur ba'o// zhes bcom ldan 'das 'de ba chen po dpal rdo rje sems dpas gsungs so// rta mgrin 'phang mtho'i lcags kyu ma dang / phag mgo mche zhags ma dang / nyi zla lcags sgrog ma dang / shi ba gso ba'i dril bu ma zhes bya ba sgo srung ma bzhi gsungs pa ste/ dpal rdo rje sems dpa'i dkyil 'khor la sngags kyi tshogs kyi phyag rgya shes pa'o// oM yig thig le dang ldan par// dbus las bzhi pa gang yin pa// tsheg drag u yig ldan pa ste// shar las gnyis pa can la yang // thig le nga ro gnon pa ni// thub chen rnam snang mdzad kyi'o// oM yig thig le dang ldan par// dbus las dbu ma yang yin te// me mtshams 'dab ma dang ldan pa'i// lho las dbu ma 'gyur byas te// bden bral phyi rol pa bzung

  335. 168a

    nas// byang nas dang po pa yang ste// dbus nas dbu ma pa ldan pa// dbang ldan phyi rol la gnas pa// thig le dang ni ldan pa'o// zhes bcom ldan 'das dpal rdo rje sems dpas gsungs so// o yig thig le dang ldan par// dbus las dbu ma yang yin te// me mtshams 'dab ma dang lhan cig/ lho las dbu ma 'gyur byas te// me mtshams 'dab ma can de bzhin// byang las dang por 'gyur byas te// byang las tha ma dang ldan pa// mjug tu me mtshams 'dab ma can// zla tshes thig le gtsug gi zhal// zhes bcom ldan 'das dpal rdo rje sems dpas gsungs so// oM yig thig le dang ldan par// dbus las dbu ma par 'gyur te// me mtshams 'dab ma can lhan cig/ lho las dbu ma yang yin te// byang nas bzhi pa gang yin pa// dbus las dbu ma pa yang ste// me mtshams pa yi mgo gnon bya// dbus las tha ma gang yin pa// zla tshes thig le gtsug gi zhal// zhes bcom ldan 'das dpal rdo rje sems dpas gsungs so// o yig thig le dang ldan par// dbus las dbu ma 'gyur byas te// me mtshams 'dab ma dang ldan pa'i// lho las dbu ma 'gyur byas te// shar las dang po bzung nas su// me mtshams can gyis gnon pa yi// dbus las dbu ma pa yang 'dod// byang las gnyis pa gang yin

  336. 168b

    pa// zla tshes thig le gtsug gi zhal// zhes bcom ldan 'das dpal rdo rje sems dpas gsungs so// rlung mtshams phyi rol pa bzung ste// thig le nga ro ldan par bya'o// bden bral phyi rol pa bzung ste// dbus las dbu ma dang ldan pa'i// byang las dang po 'gyur bar bya// las dbu ma de bzhin du// i yig me mtshams ldan pa ste// lho las dbu ma 'gyur bar bya'o// zhes bcom ldan 'das dpal rdo rje sems dpas gsungs so// lho las gnyis pa gang yin pa// thig le e thig sbyor bar bya// dbu las dbu ma de bzhin du// me mtshams 'dab ma ldan pa yi// lho las dbu ma 'gyur byas shing // me mtshams 'dab mar gnas pa nyid// byang las dang po de bzhin du// byang las tha ma dang 'byor pa// sgra yig e dang sbyor ba'o// zhes bcom ldan 'das dpal don yon shin tu dga' ba'i rdo rje sems dpas gsungs so// byang nas dang po bzung nas su// thig le me mtshams yang dag ldan// dbus las dbu ma de bzhin du// me mtshams pa dang ldan pa la// lho las dbu ma 'gyur bar bya// dbus las dang po bzung nas su// byang las dbu ma yang yin te// dbus las tha ma dang ldan la// yi ge lhan cig 'gyur ba'o// zhes bcom ldan 'das dpal rdo rje sems dpas gsungs so// byang las bzhi pa gang yin pa// thig le nga ro ldan par bya// dbus

  337. 169a

    las dbu ma de bzhin du// sgra yig i ni sbyar byas te// dbang ldan phyi rol pa bzung nas// dbus las dbu ma pa dang ldan// de bzhin dbus las dbu ma yang // i yig me mtshams dang ldan pa'i// lho las dbu ma pa 'gyur ro// zhes bcom ldan 'das bde ba chen po rdo rje sems dpas gsungs so// dang po sangs rgyas dbyangs ma dang // de bzhin gnyis pa dpa' bo ma// kun tu bzang mo gsum pa ste// bzhi pa zad med sgron ma'o// dpa' mo sangs rgyas sku ldan ma// de bzhin gzungs ma zhal mdzes ma// sprin chen ma ni bdun pa ste// brgyad pa nam mkha'i spyan ma'o// gling bu la sogs bsdus pa dang // sgo srung ma sogs yang bsdus te// me tog ma sogs bsdus pa ni// dang po'i dkyil 'khor la bskyed 'dod// ces bcom ldan 'das 'dod chags chen po dpal rdo rje sems dpas gsungs te/ de bzhin gshegs pas dkyil 'khor la sngags 'byung ba'i tshogs kyi phyag rgya shes pa'o// oM yig thig le dang ldan pa// yi ge e yis ldan pa yi// rlung mtshams phyi rol gnas pa dang // me mtshams 'dab ma gnas pa nyid// skra yig u dang sbyor bar bya// shar las dang po de bzhin du// dbus las dbu ma yang yin te// me mtshams 'dab ma dang ldan pa'i// lho las dbu ma 'gyur byas te// bden bral phyi rol pa bzung nas// dbus

  338. 169b

    las tha ma pa yang bzung // dbang ldan 'dab mar gnas pa nyid// yi ge e dang mnyam ldan pa'i// rlung mtshams phyi rol gnas pa la// tshig drag gis ni mnyam par ldan// de ni bcu par yongs grags te// bden bral phyi rol gnas pa la// me mtshams 'dab ma can dang ldan// dbus las dbu ma 'gyur nas su// byang las dbu ma de bzhin te// sgra yig u ni sbyor bar bya// me mtshams phyi rol pa de bzhin// nub las dang po pa dang ldan// bden bral phyi rol pa la yang // dbu ma'i mtha' yang de yin te// dbang ldan 'dab mar gnas pa nyid// yi ge u dang mnyam ldan pa'i// dbus las tha ma pa 'gyur nas// me mtshams 'dab ma dang ldan pa// byang las dbu ma 'gyur byas te// 'dren pa a yig dang lhan cig/ dbus las dang po bzung nas su// me mtshams stan dang ldan par bya// dbus las bzhi pa gang yin pa// thig le dang ni yang dag ldan// lho las dbu ma de bzhin du// shar las dang po pa yang yin// rlung mtshams phyi rol pa bzung nas// thig le u yig ldan par bya// dbus las gnyis pa gang yin pa// nub kyi dang po a med par// zhes bcom ldan 'das dpal rdo rje sems dpas gsungs so// rlung mtshams phyi rol bzung nas su// thig le u yig dang ldan te// dbus las dbu ma de bzhin du// me

  339. 170a

    mtshams stan dang ldan pa yi// lho las dbu ma pa 'gyur te// shar las gsum pa gang yin pa// sgra yig u dang ldan par bya// rlung mtshams phyi rol gnas pa la// sgra yig e yis brgyan pa ste// dbang ldan 'dab ma'i gdan can ni// lnga par yongs su grags pa ste// bden bral phyi rol gnas pa la// sgra yig i dang sbyor bar bya// byang las bzhi pa gang yin pa// sgra yig i dang sbyor bar bya// dbus las dang po bzung nas su// me mtshams 'dab ma can dang 'dra// dbus las tha ma yang yin te// dbang ldan 'dab mar gnas pa la// sgra yig o ni sbyor bar bya// shar las gsum pa gang yin pa// sgra yig o ni sbyor bar bya// dbang ldan phyi rol gnas pa yang // dbus las dbu ma dang ldan te// me mtshams 'dab mar gnas pa la// sgra yig i ni sbyor bar bya// rlung mtshams phyi rol gnas pa ni// me mtshams gdan dang ldan pa ste// tsheg drag yi ge i ldan pa// dang po yongs su grags pa'o// rlung mtshams phyi rol gnas pa la// thig le yi ge u sbyor te// mkhas pas lan gnyis brjod par bya// dbus las ma yang bzung ste// lho las dbu ma de bzhin la// me mtshams 'dab ma can dang ldan// lho las dang po bzung nas su// thig le dang ni mnyam por ldan// nub nas dbu ma bzung nas su// yi ge e dang

  340. 170b

    mnyam ldan bya// dbang ldan phyi rol gang yin pa// dbus las dbu ma dang ldan te// me mtshams 'dab mar gnas pa la// sgra yig i ni sbyor bar bya// shar las gnyis pa gang yin pa// nub las dang po bzung nas su// dbus nas dbu ma ldan pa ste// thig le a yig ldan pa bya// bcu par yongs su grags pa ste// shar las gsum pa gang yin pa// sgra yig i dang sbyor bar bya// dbus las tha mar bzung nas su// rlung mtshams phyi rol pa la yang // yi ge a dang ldan par bya// dbus nas dbu ma bzung nas su// lho las gsum par 'gyur byas te// me mtshams gdan ni sbyor byas nas// shar nas dang po bzung nas su// yi ge a yig ldan pa yi// dbus las dang po 'gyur byas te// bden bral 'dab mar gnas pa la// sgra yig e dang sbyor ba yi// dbus las tha ma yang yin te// shar nas dang po bzung nas su// sgra yig u yis sbyor bar bya// nub kyi dang po bzung nas su// dbyangs yig e dang sbyor bar bya// me mtshams 'dab mar gnas pa la// sgra yig u dang sbyor ba ste// bden bral 'dab mar gnas pa la// sgra yig u yis brgyan byas te// me mtshams 'dab mar gnas pa yang // sgra yig u dang sbyor bar bya// bden bral 'dab mar gnas pa la// sgra yig u yis brgyan pa ste// bden bral 'dab mar gnas pa ni// gnyis

  341. 171a

    brtsegs yi ge u dang ldan// rlung mtshams phyi rol gnas pa la// byang las tha ma ldan byas te/ tsheg drag mnyam por ldan pa la// sgra yig i dang sbyor bar bya// zhes bcom ldan 'das dpal rdo rje sems dpas gsungs so// rlung mtshams phyi rol pa bzung nas// thig le u yis sbyor bar bya// dbus las dbu ma bzung ba dang // me mtshams stan dang ldan pa yi// lho nas dbu mar 'gyur bar bya// byang las tha ma bzung nas su// sgra yig a ni sbyor bar bya// me mtshams 'dab mar gnas pa la// sgra yig a yis brgyan par bya// dbang ldan 'dab mar gnas pa la// sgra yig i dang ldan pa yi// nub kyi tha mar 'gyur bar bya// lho yi dbu mar de bzhin du// lho las bzhi pa gang yin 'byor// tsheg drag yi ge i ldan pa// 'dus pa gsungs pa yin pa'o// rlung mtshams phyi rol pa bzung nas// thig le u yis sbyor bar bya// dbus las dbu ma de bzhin yang // me mtshams stan dang ldan pa yi// lho yi dbu ma 'gyur bar bya// dbus las dang po bzung nas su// sgra yig gnyis pa ldan pa yi// byang gi dang po yang yin te// shar las dang po bzung ba la// sgra yig e ni sbyor bar bya// lho las dbu ma de bzhin du// tsheg drag yi ger ldan pa'o// zhes rdo rje rnal 'byor ma rnams kyi'o// rlung mtshams phyi rol pa bzung nas// thig le u yig

  342. 171b

    sbyor byas te// dbus las dbu ma bzung ba dang // me mtshams stan dang ldan pa yi// lho las dbu ma 'gyur bar bya// dbus las dang po bzung ba la// me mtshams stan dang ldan par bya// rlung mtshams phyi rol pa bzung nas// de 'og me mtshams pa yin te// nub kyi tha ma de bzhin du// sgra yig i dang sbyor bar bya// dbus las tha ma yang yin te// nub las dang po bzung nas su// a yig med par gyur pa'o// rlung mtshams phyi rol pa bzung nas// thig le u yis sbyor bar bya// dbus las dbu ma de bzhin te// me mtshams stan dang ldan pa yi// lho las dbu ma 'gyur bar bya// dbang ldan phyi rol can nyid la// sgra yig u dang sbyor bar bya// bden bral 'dab mar gnas pa yang // sgra yig a ni sbyor bar bya// shar las gsum pa gang yin pa// e yig me mtshams pa dang ldan// dbus las bzhi pa gang yin pa// thig le i yig ldan par bya// byang nas dbu ma phul nas su// de nas dbus nas tha ma ste// nub kyi dang po rtag tu ni// a yig med par brjod par bya// zhes bcom ldan 'das dpal rdo rje sems dpas gsungs so// rlung mtshams phyi rol pa bzung nas// thig le u yig sbyor bar bya// dbus las dbu ma de bzhin du// me mtshams stan dang ldan pa yi// lho las dbu ma 'gyur bar bya// shar las dang po gang yin pa// skra yig e

  343. 172a

    yis brgyan pa ste// dbang ldan phyi rol gang yin pa// sgra yig e ni sbyor bar bya// lho las dang po gang yin pa// gnyis pa ru ni sbyor byas la// thig le i yig ldan par bya// de yang drug par 'gyur ba ste// byang las dbu ma de bzhin du// dbu ma'i tha ma yang yin te// nub las dang po rtag tu ni// a yig med par 'gyur ba'o// zhes bcom ldan 'das dpal rdo rje sems dpas gsungs so// rlung mtshams phyi rol pa bzung nas// thig le e yig ldan par bya// dbus las dbu ma bzung ba dang // me mtshams stan dang ldan pa yi// lho las dbu ma 'gyur byas te// yi ge a dang ldan par bya// dbus las tha ma bzung nas su/ bden bral 'dab mar gnas pa yang // dbus las dang po bzung nas su// sgra yig a ni sbyor bar bya// dbang ldan phyi rol pa nyid la// sgra yig e dang sbyor bar bya// dbus las tha ma bzung nas su// nub las dang po yang bzung ste// a yig med par byas pa ni// mkha' 'gro ma ru grags pa'o// go rI tso rI pra mo ha// bai tA lI zhes bya ba bzhi// rdo rje rnal 'byor ma dag yin// puk+ka sI dang tsaN+Da lI// g+hasma khrag 'thung 'dra ba bzhi// rdo rje mkha' 'gro ma dag yin// rlung mtshams phyi rol pa bzung nas// sgra yig e dang ldan par bya// dbus las dbu ma de bzhin te// me mtshams 'dab ma stan ldan

  344. 172b

    pa'i// lho las dbu ma 'gyur bar bya// me mtshams 'dab mar gnas pa nyid// sgra yig i dang ldan pa yi// byang las dang po 'gyur bar bya// dbus las dang po de bzhin du// thig le yang dag ldan pa'o// zhes bcom ldan 'das dpal rdo rje 'dzin pas gsungs so// dbus las dbu ma de bzhin du// thig le nga ro yang dag ldan// dbus las tha ma bzung ba dang // yi ge a dang ldan pa yi// rlung mtshams phyi rol gnas par 'gyur// me mtshams 'dab mar gnas pa nyid// byang las dang po yang yin te// dbus las dbu ma pa yang bzung // e yig me mtshams dang ldan pa'i// lho nas dbu ma 'gyur bar bya// rlung mtshams phyi/ rol pa bzung nas// tshig drag o yig sbyor bas so// zhes bcom ldan 'das dpal bde ba chen po rdo rje sems dpas gsungs so// oM yig thig le dang ldan pa'i// dbus las dbu ma yang yin te// me mtshams 'dab ma can ldan pa'i// dbus las dbu ma 'gyur ba'o// o yig dang ni ldan pa yi// bden bral 'dab mar gnas de bzhin// lho las dang po de bzhin du// yi ge i yig ldan pa yi// byang las tha ma yang yin te// dbang ldan 'dab mar gnas pa la// zla tshes thig le gtsug gi zhal// zhes bcom ldan 'das dpal thogs pa med pa'i shin tu dga' ba'i rdo rje sems dpas gsungs so// me mtshams 'dab

  345. 173a

    mar gnas pa la// zla tshes thig le gtsug gi zhal// dbus las tha ma yang de bzhin// sgra yig a dang sbyor ba yi// rlung mtshams phyi rol par 'gyur te// dbang ldan phyi rol gnas nyid la// me mtshams stan dang ldan pa ste// sgra yig oM dang sbyor bar bya// bzhi par yongs su grags pa yin// dbus las dbu ma pa nyid dang // me mtshams stan dang ldan pa yi// skra yig e dang sbyor nas su// lho las dbu ma 'gyur bar bya// rlung mtshams phyi rol gnas pa yang // sgra yig i dang sbyor byas te// tsheg drag lhan cig 'dod pa'o// de dag/ 'di'i bar ma dpe la dogs pa yod/ mda' rnon 'dzin ma la sogs pa gra'i lha mo la sogs bzhi rnams kyi'o// me tog ma sogs 'dus pa dang // sgo srung ma sogs 'dus pa ste// rtsa ba'i dkyil 'khor tshul gyis ni// ji bzhin yang dag 'byung ba'o// zhes bcom ldan 'das dpal thogs pa med pa'i shin tu dga' ba'i rgyal po rdo rje sems dpas gsungs te/ rdo rje mkha' 'gro ma yi dkyil 'khor la/ sngags 'byung ba'i tshogs kyi phyag rgya shes pa'o// oM yig thig le dang ldan par// dbus las dbu ma bzung byas te// bden bral phyi rol pa la sogs// dbus las bzhi pa gang yin pa// sgra yig a dang sbyor bar bya// dbus las dbu ma bzung ba dang // dbang ldan phyi rol gnas pa la// sgra yig u dang sbyor

  346. 173b

    bar bya// byang las bzhi pa gang yin pa// rtsegs mar de bzhin lci bar 'dod// dbus las dang po bzung ba dang // byang nas dbu ma yang yin te// dbus las tha ma dang sbyor ba// brgyad par yongs su grags pa yin// byang nas tha mar de bzhin du// oM yig me mtshams dang ldan pa// byang nas dang po yang yin te// dbus las dbu ma dang sbyor te// dbang ldan phyi rol gnas pa yang // me mtshams 'dab ma bzung nas su// rlung mtshams phyi rol gnas pa la// me mtshams pa stan ldan byas te// tsheg drag i yis sbyor bas so// zhes bcom ldan 'das dpal rdo rje sems dpas gsungs so// o yig thig le dang ldan par// bden bral phyi rol gnas pa yang // me mtshams pa yi gnon pa yi// dbus las dbu ma 'gyur bar bya// byang las dang po bzung nas su// sgra yig a dang ldan pa yis// byang nas gnyis pa gang yin pa// shar las gsum pa gang yin dang // byang nas dang po yang yin te// dbus las dang po bzung nas su// byang nas dbu ma pa la yang // dbus las tha ma dang sbyor te// yi ge i dang gcig par 'dod// lho nas dbu ma bzung nas su// tsheg drag lci ba kho na'o// zhes bcom ldan 'das dpal rdo rje 'dzin pas gsungs so// rlung mtshams phyi rol pa bzung nas// thig le u yig sbyor bar bya// dbus las dbu ma pa

  347. 174a

    bzung ba// me mtshams pa stan ldan pa yi// lho las dbu ma 'gyur bar bya// dbus las dang po bzung nas su// byang nas dbu ma pa la yang // dbus las za ma dang sbyor la// sgra yig i dang ldan par bya'o// zhes bcom ldan 'das dpal rdo rje 'dzin pas gsungs so// rlung mtshams phyi rol pa bzung nas// sgra yig e dang sbyor bar bya// dbus las dang po bzung ba dang // byang nas dbu ma pa la yang // dbus las tha ma pa sbyor la// sgra yi i dang ldan par bya// de ni lan gnyis brjod byas te// dbus las dbu ma 'gyur ba la// thig le nga ro ldan byas la// de ni drug por yongs grags so// zhes bcom ldan 'das dpal rdo rje sems dpas gsungs so// rlung mtshams phyi rol pa bzung nas// tsheg drag o yig sbyor bar bya// dbus las dang po bzung nas ni// byang las dbu ma dang ldan pa'i// dbus kyi tha ma bzung ba dang // nub las tha ma bzung ba la// sgra yig e ni sbyor bar bya// me yi 'dab mar gnas pa la// sgra yig a dang sbyor bar bya// lho las dbu ma bzung nas su// thig le nga ro ldan par bya// zhes bcom ldan 'das shin tu dga' ba'i rdo rje sems dpas rnam par gzigs ma dang // sgrol ma dang sa 'dzin ma dang khro gnyer ma zhes pa'i pad+ma'i gtso mo'i lha mo bzhi gsungs pa'o// rlung mtshams phyi rol pa bzung

  348. 174b

    nas// thig le u yig sbyor bar bya// dbus las dang po bzung ba dang // byang nas dbu ma gang yin pa// dbus las tha ma dang sbyor te// de ni rtag par lci bar 'gyur// lho las dang po bzung nas su// thig le dang ni mnyam por ldan// nub nas dbu ma pa nyid la// i yig dang ni ldan par bya// dbang ldan phyi rol pa bzung nas// dbus las dbu ma dang sbyor bya// me mtshams 'dab mar gnas pa nyid// sgra yig u yis rnam par brgyan// rlung mtshams phyi rol pa la yang // yi ge u dang mnyam ldan la// thig le nga ro yang dag ldan// dbus las gnyis pa gang yin pa// a med nub kyi dang po'o// zhes bcom ldan 'das dpal rdo rje 'dzin pas gsungs so// rlung mtshams phyi rol pa bzung nas// sgra yig e ni sbyor bar bya// dbus las tha ma bzung ba dang // sgra yig e dang ldan pa yi// rlung mtshams phyi rol pa 'gyur te// dbus las dbu ma pa nyid la// sgra yig i ni sbyor bar bya// dbang ldan phyi rol pa la yang // dbus las dbu ma dang ldan bya// dbus las dang po bzung ba dang // byang nas dbu ma pa la yang // dbus las tha ma dang sbyar te// de ni rtag tu lci bar 'gyur// de bzhin dbus las tha ma yang // sgra yig u dang sbyor bar bya// e yig me mtshams can ldan pa'i// byang las dang po 'gyur bar bya// bden bral phyi rol pa bzung

  349. 175a

    la// sgra yig i ni sbyor bar bya// byang las bzhi pa gang yin pa// dbang ldan 'dab ma can gyi stan// rlung mtshams phyi rol pa bzung nas// thig le u yig sbyor bar bya// dbu ma'i gnyis pa gang yin pa// nub kyi dang po 'gyur bar bya// de la a yig med ces pa// bdag gis thams cad du ni bshad// ces bcom ldan 'das dpal rdo rje sems dpas gsungs so// rlung mtshams phyi rol pa bzung nas// me mtshams pa yi stan dang ldan// tsheg drag i yig ldan pa ni// spras pa dag gi yi ge ste// dang po par ni yongs su grags// dbus las dang po bzung ba dang // byang nas dbu ma yang yin la// dbus las tha ma dang sbyor te/ sgra yig i dang sbyor ba yi// mkhas pas lan gnyis brjod par bya// rlung mtshams phyi rol pa la yang // thig le u yig gis brgyan te// tha mar yi ge a la yang // thig le dang ni ldan par bya// zhes bcom ldan 'das dpal rdo rje sems dpas gsungs so// rlung mtshams phyi rol pa bzung nas// tsheg drag o yig sbyor bar bya// dbus las dang po bzung ba dang // byang las dbu ma pa la yang // dbus las tha ma dang sbyar te// sgra yig a yis brgyan par bya// dbus las dbu ma pa nyid la// sgra yig i dang sbyor bar bya// dbus las dbu ma nyid la yang // dbang ldan phyi rol pa bzung

  350. 175b

    nas// dbus las dbu ma dang sbyar te// sgra yig e dang ldan pa ni// rtag par lci bar gyur pa yin// shar las dang po bzung nas ni// me mtshams pa yi gdan dang ldan// dbus las tha ma bzung ba la// skra yig a dang sbyor bar bya// shar las dang po bzung nas su// me mtshams pa yi gdan dang ldan// dbus las tha ma pa yang yin// rlung mtshams phyi rol pa bzung la// thig le u yig sbyor bar bya// lho nas dbu ma de bzhin du/ tsheg drag lci ba can ldan no// zhes bcom ldan 'das dpal rdo rje 'dzin pas pad+ma'i na bza' dang / snang 'gro ma byung // rdo rje pad+ma'i dbang phyug ma dang / pad+ma gar gyi dbang phyug ma dang / sna tshogs pad+ma zhes bya ba pad+ma rigs kyi lha mo bzhi gsungs so// gling bu ma tshogs 'dus pa dang / sgo srung ma tshogs 'dus pa ste// me tog ma tshogs 'dus pa yang // pad+mas mtshan ma 'dzin par zad// dang po'i dkyil 'khor tshul gyis ni// ji bzhin yang dag 'byung ba'o// zhes bcom ldan 'das dpal rdo rje 'dzin pas gsungs te/ dpal pad+ma gar gyi dbang phyug gi dkyil 'khor la sngags byung ba'i tshogs kyi phyag rgya shes pa'o// oM yig thig le dang ldan par// sgra yig i dang ldan pa'o// bden bral phyi rol pa la yang // byang las bzhi pa gang yin pa// dbang ldan 'dab ma can dang ldan// dbus las bzhi pa gang yin pa// tsheg drag u

  351. 176a

    mig sbyor bar bya// bden bral gyi rol pa bzang nas// sgra yig ma yis brgyan pa ze// byang las bzhi pa gang yin pa// dbang ldan 'dab ma can dang ldan// dbus las bzhi pa gang yin pa// yig u dang sbyor bar bya// de bzhin dbus las dbu ma la// tsheg drag dang ni mnyam por ldan// bden bral phyi rol pa bzung nas/ sgra yig i dang sbyor bar bya// byang las bzhi pa gang yin pa// dbang ldan 'dab ma can dang ldan// bden bral phyi rol pa bzung nas// tsheg drag mnyam por ldan pa yi// dbus las tha ma pa dang ldan// de bzhin bden bral phyi rol pa// sgra yig i dang sbyor bar bya// byang las bzhi pa gang yin pa// dbang ldan 'dab ma can dang ldan// dbus las bzhi pa gang yin pa// yi ge a dang mnyam ldan pa'i// rlung mtshams phyi rol pa 'gyur bya/ de bzhin dbu las dbu ma yang // me mtshams pa yi stan na pa'i// lho las dbu ma 'gyur bar bya// me mtshams 'dab ma de bzhin dang // byang las dang po sbyor ba yis// byang las tha ma 'gyur bar bya// dbus las dbu ma de bzhin du// lan gnyis par ni brjod par bya// de bzhin nub kyi dang po yang // lan gnyis par ni brjod par bya// me mtshams pa yi stan ldan pa// byang las dang po 'gyur bar bya// thig le a yig ldan pa yi// nor chen rdo rje nyi ma yin// zhes

  352. 176b

    bcom ldan 'das dpal rdo rje 'dzin pas gsungs so// dbus las dbu ma bzung nas su// me mtshams 'dab ma'i stan ldan pa'i// lho las dbu ma 'gyur bar bya// bden bral phyi rol gnas pa dang // byang las dang po gang yin dang // dbus las dbu ma sbyor ba dang // tsheg drag mnyam por ldan pa yi// lho las dbu ma 'gyur bar bya// me mtshams 'dab ma can de bzhin// zhes bcom ldan 'das dpal rdo rje sems dpas gsungs so// dbus las dbu ma de bzhin du// me mtshams pa yi stan ldan pa'i// lho las dbu ma 'gyur bar bya// me mtshams 'dab ma can de bzhin// byang las dang po sbyor ba yi// byang las tha ma 'gyur bar bya// rlung mtshams phyi rol pa bzung la// thig le u yig sbyor ba'o// zhes bcom ldan 'das dpal rdo rje sems dpas gsungs so// dbus las dbu ma bzung ba dang // me mtshams pa yi stan ldan pa'i// lho las dbu ma 'gyur bar bya// byang las bzhi pa gang yin dang // me mtshams 'og tu ldan pa yi// dbus las tha ma 'byung bar bya// dbus las dbu ma de bzhin du// thig le dang ni mnyam ldan no// zhes bcom ldan 'das dpal rdo rje sems dpas gsungs so// dbus las dbu ma de bzhin du// me mtshams pa yi gdan sbyor ba'i// lho las dbu ma 'gyur bar bya// shar las dang po bzung ba dang // me

  353. 177a

    mtshams pa yi mgor sbyor ba'i// dbus las tha ma 'gyur bar bya// rlung mtshams phyi rol pa bzung nas// tsheg drag e yig sbyor ba'o// zhes bcom ldan 'das dpal rdo rje 'dzin pas dbang bskur ma dang / mdzod gter ma dang / rgyal mtshan mchog ma dang / mchod chen mo zhes bya ba lha mo bzhi gsungs so// oM yig thig le dang ldan pa// i yig me mtshams can ldan pa'i// dbus las dang po 'gyur bar bya// yi ge e dang mnyam ldan pa'i// byang las dang po yang yin te// dbus las dbu ma de bzhin dang // e yig me mtshams can ldan pa'i// lho las dbu ma 'gyur bar bya// nub nas tha ma bzung nas su// dbus las dbu ma yang yin te// sgra yig i dang sbyor bar bya// dbus las tha ma bzung nas su// nub kyi dang po de bzhin te// rtag par a med 'gyur ba'o// zhes bcom ldan 'das dpal rdo rje 'dzin pas gsungs so// oM yig thig le dang ldan par// dbus las dbu ma yang yin te// me mtshams pa yi stan ldan pa'i// lho las dbu ma 'gyur bar bya// i yig me mtshams pa ldan pa'i// dbus las dang po 'gyur bar bya// yi ge e dang mnyam ldan pa'i// byang las dang po yang yin te// me mtshams pa yi stan ldan pa'i// rlung mtshams phyi rol la gnas pa// tsheg drag yi ge i dang sbyar// de ni 'gyur bar the tshom

  354. 177b

    med// ces bcom ldan 'das dpal rdo rje sems dpas gsungs so// oM yig thig le dang ldan dang // thig le e yig ldan pa yi// lho las dang po 'gyur bar bya// yi ge a dang mnyam ldan pa'i// de nas byang gi dang po ste// dbus las tha ma de bzhin du// i yig dang ni sbyor ba yi// nub kyi tha ma 'gyur bar bya// tsheg drag o yig dang ldan pa'i// rlung mtshams phyi rol par gyur pa'o// zhes bcom ldan 'das dpal rdo rje sems dpas gsungs so// o yig thig le dang ldan pa// dbus las dbu ma yang yin te// me mtshams pa yi stan ldan pa'i// lho las dbu ma 'gyur bar bya// dbus las tha ma de bzhin du// yi ge e dang mnyam sbyor ba'i// me mtshams phyi rol par 'gyur te// de bzhin dbus nas tha ma dang // yi ge a dang mnyam ldan pa'i// rlung mtshams phyi rol 'gyur bar bya// thig le u yig dang ldan pa'i// me mtshams phyi rol par 'gyur ro// zhes bcom ldan 'das dpal rdo rje sems dpas mda' gzhu 'dzin ma dang / rdo rje kha T+wAM ma dang / rdo rje nyi ma mo dang / rdo rje bsreg bya za ba mo zhes bya ba'i rdo rje nyi ma'i lha mo bzhi gsungs so// gling bu ma sogs 'dus pa dang // sgo srung ma sogs 'du ba ste// me tog ma sogs 'dus nas kyang // rtsa ba'i dkyil 'khor la bskyed 'dod// ces bcom ldan 'das dpal bde ba chen po rdo rje sems

  355. 178a

    dpas gsungs so// rdo rje nyi ma'i dkyil 'khor las// sngags 'byung ba'i tshogs kyi phyag rgya shes pa'o// oM yig thig le dang ldan pa// de bzhin bden bral phyi rol pa// thig le u yig sbyor bar bya// dbus las bzhi pa gang yin dang // yi ge i dang mnyam ldan pa'i// byang gi tha mar 'gyur bar bya// yi ge u yig dang ldan pa'i// bden bral phyi rol pa yin te// dbus las bzhi pa gang yin dang // thig le u yig dang ldan pa'i// rlung mtshams phyi rol pa 'gyur te// rta mchog rgyal po'i gsang sngags te// thams cad dus su bzla bar bya// las rnams thams cad 'grub pa ni// 'joms pa las grub dran las dga'// zhes bcom ldan 'das dpal rdo rje sems dpas gsungs so// o yig thig le dang ldan par// de bzhin dbus las dbu ma pa// sgra yig i dang sbyor bar bya// dbang ldan phyi rol de bzhin te// dbus las dbu ma dang ldan bya// dbus las dbu ma de bzhin te// me mtshams pa yi stan ldan pa'i// lho las dbu ma yang yin te// byang las bzhi pa gang yin dang // me mtshams pa yi mnyam gnon pa'i// dbus las tha ma 'gyur ldan bya// lho las dbu ma yang yin te// tsheg drag i yig ldan pa ni// sna tshogs pad+mo zhes su grags// zhes bcom ldan 'das dpal rdo rje sems dpas gsungs so// o

  356. 178b

    yig thig le dang ldan par// i yig dang ni mnyam ldan pa'i// dbus las dbu ma yang yin te// dbang ldan phyi rol pa bzung nas// dbus las dbu ma ldan par bya// dbus las dbu ma de bzhin te// me mtshams pa yi stan ldan pa'i// lho las dbu ma 'gyur bar bya// bden bral phyi rol bzung ba dang // dbus las dbu ma ldan pa yi// byang las dang po 'gyur bar bya// tsheg drag dang ni mnyam ldan pa'i// rlung mtshams phyi rol pa yang yin// rta yi rgyal po'i dkyil 'khor la// sna tshogs rdo rje zhes grags so// gang dang gang gi dbus la ni// rta mchog 'di ni gzhag byas na// de nyid de yi dkyil 'khor yin// yul 'khor thams cad 'dul ba'o// zhes bcom ldan 'das thogs med shin tu dga' ba dpal rdo rje sems dpas gsungs te// rta mchog gi dkyil 'khor la sngags 'byung ba'i tshogs kyi phyag rgya shes pa'o// sangs rgyas thams cad dang mnyam par sbyor ba mkha' 'gro sgyu ma bde ba'i mchog las sngags thams cad 'byung ba'i rtog pa ste nyi shu pa'o// // de la ji ltar shin tu dga' ba nyid yin zhe na/ skyon med rtag pa gtan du ni// 'dod chags thams cad rjes chags phyir// de nyid gsang ba bcom ldan 'das// 'dod chags chen po dga' ba che zhes so// ji ltar bcom ldan 'das kun tu bzang po yin zhe na/ gtan du dga' ba

  357. 179a

    kun gyi mchog/ gdod nas grol ba de bzhin gshegs// kun tu bzang po kun gyi bdag/ byang chub sems mchog cho ga'o// de ji ltar bcom ldan 'das dpal rdo rje snying po yin zhe na// dngos grub chen po kun gyi mchog/ dbang phyug che mchog phyag rgya yin// rdo rje dbang chen thugs par 'dren pas kyang kar bsgyur// rdo rje snying po gtso bo'i gtso// dam pa dang po'i skyes bu'o// de la ji ltar bcom ldan 'das thams cad kyi sems nyid yin zhe na// bsam med rgya chen zab pa ni// dngos grub thams cad zad med bde// kun gyi dri ma med pa ni// byang chub sems bdag brtan pa yin// de nas de'i yongs su las kyi khyad par ni// sems brtan nyid kyis sems dpa' ste// ting 'dzin sems dpa' bsgom pa'o// rnam par shes pa sems dpa' ste// rdo rje nyid yin rdo rje las// rdo rje 'dzin pa 'byung ba'o// rdo rje rdo rje zhes gsungs ni// nyon cig rdo rje gang gsungs pa// zla ba 'dra bar yang dag blo// rdo rje zhes su rnam par bshad// de la ji ltar bcom ldan 'das rdo rje 'dzin pa chen po yin zhe na/ ting 'dzin la sogs rnam bzhi yis// gang gi bskyed pa yod pa ni// bsgoms na thams cad bdag nyid du// tshe 'di nyid la 'grub par 'gyur// sems dpa'i byin gyis brlabs phyir yang // rang byin brlabs 'di sgrub mchog ste// de nyid nyin

  358. 179b

    re grub pa ni// rdo rje sems dpa' nyid thob bo// de la ji ltar bcom ldan 'das kun tu bzang po'i spyod pa yin zhe na/ gsungs pa/ snying stobs rdul dang mun pa yang // ci phyir sems can don du 'gyur// de phyir kun tu bzang po yi// ci bzhin byang sems spyod rjes 'gro// de la ci ltar bcom ldan 'das bdud dang bdud las rgyal ba yin zhe na/ sems de kho na bdud yin te// sems de kho na de bzhin gshegs// rang sems 'dul ba'i don du ni// bdag ni bdud nyid nye bar 'gro/ de la ji ltar bcom ldan 'das// mngon par byang chub pa dang sangs rgyas yin zhe na// rang sems so sor rig pa ni// byang chub sems mchog rdo rje nyid// de nyid de las de sangs rgyas// rang byin brlabs mchog 'grub phyir ro// de la ji ltar bcom ldan 'das rdo rje gtum po mthar byed dang / phyag na rdo rje yin zhe na// dbyer med so sor rtogs pa ni// sdang ba thams cad nges par gnon// sangs rgyas kun dngos rdo rje ni// byang chub sems bdag brtan pa yin// brtan pa thams cad 'grub don du// rgyal ba bdag gis kun bzang gi// phyag la phyag mtshan de byin te// des de phyag na rdo rje yin// de la ji ltar dang po'i rigs 'byung ba yin zhe na/ ma ni shes rab pha rol phyin// pha ni thabs la mkhas pa ste// 'dul phyir rdo rje sems dpa' ni// skye ba dag

  359. 180a

    ni rigs yin no// de la ji ltar bcom ldan 'das 'dod pa'i thar pa yin zhe na/ dngos grub thams cad rjes chags phyir// 'dod chags chen po bcom ldan 'das// kun grub zad med bde ba yin// bde ba chen po zhes 'dod do// gsang ba khrag 'thung zhes bya ste// phyag rgya chen po 'grub pa'i phyir// mchog ni pad+ma 'dzin rgyal po// dam tshig dam pa shes ldan phyir// dgyes pa dam pa nyi ma ste// sbyin pa la sogs mchog sgrub phyir// thams cad bdag nyid rtag tu bzhugs// rdo rje rta mchog las nyid phyir// sangs rgyas kun dngos sems dpa' ste// rdzogs sangs rgyas phyir rnam snang mdzad// rdo rje sems dpa' rgyal chen po// ye shes rdo rje 'dzin mchog phyir// de la ji ltar bcom ldan 'das rnam pa gsum nyid yin zhe na/ 'jig rten gsum dag mtha' yas phyir// 'dul phyir srid gsum mchog gsum bdag/ thams cad nyid phyir dkon mchog gsum// 'jig rten gsum bdag khams gsum yin// de la ji ltar bcom ldan 'das thams cad nyid yin zhe na/ sems can bsod nams cher 'phags phyir// mi g.yo thams cad kho na bdag/ sems 'du byed phyir g.yo ba ste// kun byed thams cad kho na'i phyir// mkha' 'gro ma dag lha mor gsungs// thams cad mdzad pas skal ba bzang // rnam par rtog pa skal ngan par// brda yis

  360. 180b

    mtshan mar gsungs pa'o// de la ji ltar bcom ldan 'das dang po'i snying po dbyangs 'byung ba'i ye shes kyi rgyu yin zhe na/ gtan du srid pa yang dag 'grub// dbang phyug chen po 'grub don du// dpa' bo'i dngos grub kun don du// bskal pa'i dang po bcom ldan gsungs// 'dod chags chen po'i phyir bcom ldan// dam pa zad med shin tu dga'// gsang nyid phyir na snying po'i dbyangs// hUM yig dam pa zad med pa'o// de la ji ltar nye ba'i snying po de nyid kyi ye shes yin zhe na/ dkyil 'khor dag ni dman pa dang / dam tshig dag ni spangs pa dang // de nyid gsang ba mi shes na// rdo rje sems dpa' 'grub pa min// 'dod pa bcom ldan sems dpa' ste// de kho na ni 'dod chags yang // rdo rje phyag na rdo rje ni// 'dod chags de dang mi 'bral 'gyur// ling ga 'greng bar rang 'byung ste// brla yi steng du bzhugs byas nas// ling ga mchod rten byin brlabs te// rdo rje dbyings ni rang bdag 'gyur// ling ga 'greng bar rang byung ste// brla yi steng du bzhugs nas su// ling ga rdo rjer byin brlabs te// rdo rje sems dpa' gnod med skye// ling ga 'greng ba rang byung ste// brla yi steng du bzhugs nas su// ling ga rdo rjer byin brlabs te// khrag 'thung zhes bdag sngon skye'o// ling ga 'greng bar rang byung ste// brla yi steng du bzhugs nas su// ling ga pad+mar

  361. 181a

    byin brlabs te// dag pa'i chos bdag sngon skye'o// ling ga 'greng bar rang byung ste// brla yi steng du bzhugs nas su// ling ga rin chen byin brlabs te// rdo rje nyi mar bdag sngon bskyed// ling ga 'greng bar rang byung ste// brla yi steng du bzhugs nas su// ling ga sna tshogs byin brlabs te// rta mchog dag ni sngon skye'o// b+ha gar ling ga bcug byas te// der ni khaM yig bsgom par bya// rnam par snang mdzad gzugs dag 'od// sku gnyis ldan pa spro bar bya// b+ha gar ling ga bcug nas su// de la hUM yig bsgom par bya// shin tu dga' 'dra'i gzugs dag ni// sku gnyis ldan pa'i spro bya'o// b+ha gar ling ga bcug nas su// de la hrI yig bsgom par bya// khrag 'thung 'dra ba'i gzugs dag ni// sku gnyis ldan par spro bya'o// b+ha gar ling ga bcug nas su// de la b+ha yig bsgom par bya// pad+ma 'dzin 'dra'i gzugs dag ni// sku gnyis ldan pa spro bya'o// b+ha gar ling ga bcug nas su// de la traM yig bsgom par bya// nyi ma 'dra ba'i gzugs dag yod// sku gnyis ldan pa spro bya'o// b+ha gar ling ga bcug nas su// de la hUM yig bsgom par bya// hUM mdzad 'dra ba'i gzugs dag ni// sku gnyis ldan par spro bar bya'o// zhes bcom ldan 'das dpal rdo rje sems dpas gsungs so// de nyid gsang ba gsang chen yang // snying po yongs su

  362. 181b

    grags pa yin// snying pos rjes su 'grub pa ni// nye ba'i snying por yongs grags so// sangs rgyas thams cad dang mnyam par sbyor ba mkha' 'gro sgyu ma bde ba'i mchog las gsang ba bsgrub pa'i rtog pa ste nyi shu rtsa gcig pa'o// // de la ji ltar bcom ldan 'das bde ba chen po dang / rdo rje don yod pa'i dam tshig gi rgyud yin zhe na/ kun 'grub zad med bde ba ni// bde ba chen po zhes su grags// de ni rdo rje 'grub pa ste// don yod dam tshig 'da' dka' yin// de la ji ltar bcom ldan 'das dkyil 'khor gyi don yin zhe na/ ji ltar gnas su khaM 'khor lo// de ltar sde dang 'gro ba bzhin// 'khor dang yang dag 'jug 'gyur ba// de 'dra'i dkyil 'khor skyed mchog yin// de la ji ltar bcom ldan 'das rnam smin gyi rgyu yin zhe na/ rdo rje sems dpa' sogs lha yi// dkyil 'khor mngon sum mthong ba las// bsod nams brtag pa ci 'dra ba// phyis byas pa yang de bzhin no// de la ji ltar bcom ldan 'das thig gdab pa'i cho ga shes pa yin zhe na/ mkhas pas dkyil 'khor bri bya na// mtshams kun mnyam por 'dren par bya// shar dang nub dang byang sogs phyogs// thig skud bzhi pa re'u mig brgyad// dkyil 'khor zlum po sangs rgyas kyi// rdo rje can gyi zla gam bzhin// pad+ma pad+ma'i tshul yin te// rin chen tshul ni rin chen gyi// sna tshogs kyi

  363. 182a

    ni zlum por gsungs// ci ltar 'dod pa ci bde bas// nang gi dkyil 'khor dang ldan pa// re'u mig brgyad par 'dod pa'o// phyi yi dkyil 'khor dbus gnas par// nang gi dkyil 'khor du ni 'dod// re'u mig brgyad kyi dbus gnas pas// gtso bo dkyil 'khor 'dod pa yin// zhes dpal rdo rje sems dpas gsungs so// de la ji ltar bcom ldan 'das rtog pa'i dngos grub dam pa yin zhe na// ji ltar bden par dkyil 'khor dag/ gang gis rtogs par nus pa ni// gang gis yi dam lhar sbyor bas// grub pa'i dkyil 'khor brtag pa yin// 'dir sku bris pa'i sbyor ba yis// rang sems bris par sbyor ba yin// lhag chad cho gar gyur na yang // bsgrubs te skyon du mi 'gyur ro// de la ji ltar bcom ldan 'das gsang ba lnga'i de nyid yin zhe na// sems dpa' gdod ma tha ma med// rdo rje sems dpa' dga' ba che// kun tu bzang po kun gyi bdag/ rdo rje snying po gtso bo'i gtso// gdod ma tha ma med phyir yang // dam pa'i dang po zhes 'dod do// 'khor lo kun gyi gtso phyir ni// dam pa dam pa'i dbang phyug yin// de la ji ltar bcom ldan 'das gang lags ci 'dra ba yin zhe na/ 'dod pa chen po kun gyi mchog/ yid bde bas ni 'dzum pa che// rtag par 'dzum pa'i bde ba des// dam pa bcom ldan 'gyur ba yin// de nas de yi zla

  364. 182b

    mdog ni// dam pa yig 'bru grub nyid phyir// chos rnams thams cad dag phyir dang // gsang ba de nyid rnam dag phyir/ rdo rje 'dzin de zla ba'i mdog/ de nas sna tshogs 'od 'bar ni// ci phyir bcom ldan 'dod chags che// 'dod chags kun la rjes chags phyir// rdo rje sems dpa' de nyid kyang // sna tshogs dmar po 'bar ba'i 'od// de la ji ltar dbang bskur ba'i shes pa yin zhe na/ thod phreng dbu rgyan las gzhan ni// khams gsum la ni dbu rgyan med// thod pa'i phreng ba'i dbu rgyan ni// rdo rje sems dpa' bdag mngon bskyed// khams gsum las ni rin chen gzhan// sangs rgyas rin chen 'dra ba med// sangs rgyas thams cad rin chen ces// dbu rgyan de yis rdo rje 'dzin// de nas ji ltar sems dpa'i skyil mo krung yin zhe na/ yan lag g.yas pas mnyam gnan pas// g.yon pa'i yan lag gzir nas su// de yi sems dpa'i skyil krung can// rdo rje snying po gtso bo'i gtso// de nas ji ltar rdo rje sems dpa'i lha mo la sogs pa'i de bzhin nyid kyi shes pa yin zhe na/ kun mchog shin tu 'bigs pas na// dngos grub thams cad bde ba'i mchog/ kun mchog rnam rgyal bkra shis pas// thams cad dbang phyug che ru 'phags// grub rnams de bzhin phun sum tshogs// dga' ba de bzhin gtso mo bdag/ rdo rje lha mo tshogs phyag rgya// rdo rje

  365. 183a

    sems dpa' mchog gzugs yin// de nas ji ltar de bzhin gshegs pa thams cad kyi gsang ba chen po'i de nyid lnga yin zhe na/ me long khrag 'thung zhes bya rnams// mnyam pa nyid la gar dbang mchog/ so sor rtog la nyi ma ste// bya ba la ni rta mchog dang // chos kyi dbyings la sangs rgyas ni// thub chen rnam par snang mdzad do// ye shes lnga yi bdag nyid ni// 'dod chags chen po bde ba che// gzugs dang sgra dang de bzhin dri// ro dang reg bya de bzhin yang // rdo rje sems dpa' 'dra bar ni// de rnams de bzhin nyid kyis bsnyen// chos kyi dbyings la 'byung ba yis// rgya cher dngos grub ster bar 'gyur// zhes bcom ldan 'das dpal rdo rje sems dpas gsungs so// de nas ji ltar phyag rgya dang phyag rgya'i yan lag gi shes pa yin zhe na/ 'phrog byed ma dang 'dzin byed ma// gzung thar ma dang tshe sbyin ma// nam mkhar 'gro dang lha mo dag/ mkha' 'gro ma drug rab tu grags// gang gis sgra ni bstan gyur na// de la dpral ba bstan par bya// mig la ston pa gang yin pa// de la lte ba bstan par bya// gang gis lte ba bstan pa na// de la mchu ni rab tu bstan// gang gis ma mchu rab bstan na// de la so ni rab tu bstan// gang gis lce ni bstan 'gyur na// de la gsus pa bstan par 'gyur// gang gis b+ha ga bstan gyur na// de la ling

  366. 183b

    ga bstan par bya// gang gis rje ngar bstan na ni// de la brla ni bstan par bya// gang gis brla ni bstan gyur na// de la rkang mthil bstan par bya// gang gis skad mthil bstan na ni// de la sen mo bstan par bya// gang gis mkhyen khung bstan gyur na// de la smin ma bstan par bya// gong gis se gol gtogs byed na// de la mig ni btsum par bya// gang gi kha yang bstan na ni// de la zhags pa bstan par bya// gang gis gsal shing bstan gyur na// de la mdung zung bstan par bya// gang gis sen mo bstan na ni// de la nu ma rab tu bstan// gang gis khu tshur bstan na ni// de la mtshams ni bstan par bya// gang gis lce ni bstan gyur na// de la bshang gci bstan par bya// gang gis mi sdug gzugs byed na// de la mdzes pa'i gzugs bya'o// gang gis ha skad byed gyur na// de la lag pa bstan par bya// zhes bcom ldan 'das dpal rdo rje sems dpas gsungs so// de nas ji ltar mkha' 'gro ma rnams kyi mtshan ma yin zhe na/ ri dwags mig gi 'bras 'dra ba// dpral bar tri shUl te mdung zung / phyin log mig dang khro gnyer can/ nu ma dag ni mi sdug pa/ sna ni rnam par nyams pa dang / gtsug gis bskor ba zhes bya te/ ri mo gsum gyis yongs su bskor/ de yi khyim gyi mtshan ma ni/ tri shUl tshul dang me long dang // ral gri tshul dang rgyal

  367. 184a

    mtshan dang // rtse gcig khyim gyi mtshan mar bstan// 'gro bar gyur na mkha' 'gro ma// 'di 'dra'i mtshan ma bstan par bya// glo bur mi dga' bya ba dang // don med par yang 'jug pa'o// rkang pas ral gri 'dri ba dang // tri shU la dang 'dra ba'i tshul// skad kyang bya rog 'dra ba yi// de ni rtag par gyur pa'o// mtshan nyid de dag dang ldan pa// dam pa'i mkha' 'gro ma zhes bya// zhes bcom 'das dpal rdo rje sems dpas gsungs so// de la ji ltar thams cad 'gugs pa'i rgyu yin zhe na/ rtog pa thams cad gsang chen po// rdo rje lcags kyu dril bcas pas// bkug nas de nas bya ba ni// dril bu rjes su dkrol ba'o// de la ji ltar mchod pa chen po thams cad kyi cho ga yin zhe na/ rtog pa thams cad gsang chen gyi// gang gis dga' nas mchod pa ni// rjes su mchod pa dang gzhan yang // dbyangs dang sil snyan gar gyi yin// de la ji ltar rang gi rig pa'i lha thams cad bsgrub pa chen po'i rgyu yin zhe na// rtog pa kun las bsgrub bya kun// g.yo dang mi g.yo 'gyur ba ste// rang gi yi dam lha sbyor nas// thams cad de ni 'grub par bya// de nas ji ltar thams cad rjes su 'grub pa'i rgyu yin zhe na// rdo rje dril bu 'dzin 'gyur nas// bzlas pa'i dril bu dkrol bar bya// rtog pa thams cad rjes grub pa'i// mchog gi dang po 'grub

  368. 184b

    pa'o// de la ji ltar rjes su sbyor ba dang ldan pa'i bsgrub pa thams cad kyi rgyu yin zhe na/ oM yig thig le dang ldan pa'i// nub nas dang po yang yin te// shar nas dang po bzung nas su// lci bar i yig ldan par bya// rlung mtshams phyi rol pa bzung nas// thig le u yig sbyor bar bya// lho las dbu ma bzung ba la// tsheg drag yang dag ldan par bya// the tshom med par de las 'dis// rjes su sbyor bar ldan par 'grub// lho las dang po bzung nas su// gnyis pa la ni ldan par bya// nan tan gyis ni i yig sbyor// skad cig ma las gcod 'gyur ro// de nyid thig le dang ldan pas// byang las dbu ma yang yin te// de nyid lan gnyis brjod par bya// rlung mtshams phyi rol pa la yang // thig le u yig ldan par ni// drug par yongs su grags pa yin// dbus las gnyis pa gang yin pa// nub las dang po yang yin te// de ni a med shes bya ste// skad cig mas ni bdud rtsi 'grub// o yig thig le dang ldan par// yi ge u yig mnyam ldan pa'i// dbang ldan phyi rol pa yang bya// me mtshams phyi rol pa bzung nas// yi ge e dang mnyam ldan pa// shar gyi dang po ldan par bya// tsheg drag u yig ldan pa yi// dbus kyi tha ma ldan par bya// thams cad kyi ni sgrub byed pa// khrag 'thung zhes pa 'byung ba'o// ji ltar 'dod pa bsgrub bya 'grub// de

  369. 185a

    nas phyin ci log 'dod par// ci 'dod 'dod pa'i bya ba yis// kun bzang kun byed de bzhin te// langs pa'am ni 'dug pa'am// 'gro ba yis sam 'greng ba'am// bzhad pa dang ni smra ba la// gang dang de ru ci de bzhin// gang gang dbang po'i lam nyid du// gang gang de de'i rang bzhin du// rang gi mnyam gzhag med sbyor bas// rang gis rig pa'i lha 'dren no// de nyid sbyor ba de yis ni// thams cad kho na 'grub pa'o// sangs rgyas kun dngos thams cad ni// rtag tu mthong na rab tu 'grub// sangs rgyas thams cad mnyam sbyor ba// mkhas pa gang zhig dad pas klog/ de ni nyes pa rnam grol te// dngos grub thams cad dbang phyug 'gyur// sangs rgyas thams cad dang mnyam por sbyor ba mkha' 'gro ma sgyu ma bde ba'i mchog las rjes su sbyor ba dang ldan pa sgrub pa'i rtog pa ste nyi shu rtsa gnyis pa'o// // de ltar sna tshogs rjes su chags pa'i dga' ba pad+ma rnam dag phye ba yis// gsal bar rjes su gtsang ba dam pa rtag par sbyin pa yis// dam pa bde ba'i dngos pos dam tshig bdag la bde ba rjes su bsgrub// dam pa'i dga' ba shin tu sbyor ba skal bzang dam pa shin tu dga'// rang bzhin gyis ni rang bzhin dag pa rtag tu rjes su 'grub pa'i rang bzhin dngos// dam pa dga' ba la sogs sbyor ba'i skal bzang dam pa shin

  370. 185b

    tu dga' ba'i rang bzhin 'grub pa'o// dga' ba rjes su 'grub pa'i rang bzhin kho na so so rjes su grub pa bde ba las dam pa'i gsang chen rgyud phyi ma'i phyi ma 'di yongs su rdzogs so// // bdag gi 'di ni dang ba'i snying po mchog/ bde ba chen po'i mchog gi mchog 'gyur mthu chen po// kun mchog 'byung ba'i sems can rtag pa ci yi phyir// kun mchog sa yi dbang phyug nyid ni sbyin pa'o// mtha' yas thub med thogs pa med pa'i phyir// tshul chen po yi chen po thams cad kyi// mkha' dang 'dra ba'i mchog gi dngos grub 'phel bar sbyin// gdod ma tha ma med pa gang dag gis// rdzogs phyed med pa nus pa ma yin no// sems can le lo can dang nyung tsam 'dod pa dang // mi dad pa dang lkog smra ba dang ma dag pa// rtag tu rjes su chags dang chags bral dga' ba yang // de rnams phan pa'i don rdzogs pa'i don 'di yin no// gang gis khyim gzung ba gang gis 'grub pa dang // bdag gis ji ltar ston pa sgrub par byed pa'am// mthu yis thams cad so sor mngon du gyur pa ste// dngos grub mchog gis rgyas pa'i las dag mi 'grub pa'o// gang gis grub pa rdo rje 'dzin zhes sogs pa dang // gzugs sogs thams cad 'di la ji ltar mos pa bzhin// yi ge hUM yang ji ltar rab tu 'dod par bris byas na// des ni rang 'dod dngos grub

  371. 186a

    cho ga bzhin du 'thob// sems can don du las dag byed pa ma yin pas// rgyal ba dag gis rnam par dag pa 'di la ni// bgegs med de bzhin du ni bdud kyang med pa ste// rtog pa yis kyang dngos grub 'phel stobs byin gyis rlobs// gang gi rtog pa mchog chen 'di sgrub byed pa la// bdud nyid du ni mi 'gro mi brtan nyid kyang min// brtan pa'i rgyu ni bdag gis ston par mi byed de// myur bar mchog gi mchog nyid 'grub phyir bstan par 'gyur byed do// gang gis bdag gi snying pos bdag la rtag tu grub byed ni// mchog chen dngos grub dang ni rtag par bde chen dang // chags dang shin tu dga' dang brtan dang rgyas pa dang // yig chen yang ni rtag par bdag gis bgrub par byed// de nas mchog skyed rgyal ba thams cad dga' nas su// 'dzum pa chen pos thams cad khyab par rnam par byed// kun bdag dbyings kyi rdul phran mchog chen gzugs dag gis// kun nas de la legs pa'i sgra ni dbul bar byed// bdag gis dbyings kun rjes su che mchog gzugs kyis su// pha mchog gyur pa sangs rgyas kun gyis legs so legs// mchog gi rdo rje las byung khyod ni legs so legs// dam pa'i chos nyid chos kyi bdag nyid legs so legs// dam pa'i las can mchod pa'i bdag nyid legs so legs// rtogs pa'i byin

  372. 186b

    rlabs mdzod cig mnyam par byin brlabs kyis// don yod dngos grub rtag tu yig 'bru chen po yi// grub pas phyi na mi 'dul ba yi dus su ni// de dag gi yang ji ltar dam pa'i bder 'gyur phyir// de ltar ngag chen zhus nas su// sras bcas sangs rgyas thams cad kyis// rdo rje sems dpa' chen po yis// gsungs pa la ni mngon par bstod// sangs rgyas thams cad dang mnyam par sbyor ba'i mkha' 'gro sgyu ma bde ba'i mchog ces bya ba khri brgyad stong pa las// rtog pa thams cad kyi rgyal po brgyad cu bdun pa rdzogs so// // rgya gar gyi mkhan po smr-i ti dz+nyA na kIrti nyid kyis bsgyur/ yon bdag bod kyi mkhan po gzhon nu grags pas zhus te bshad nas gtan la phab pa// // slar yang de lam slob dpon kun dga' snying po'i 'grel pa la bstun nas kyang bcos pa'o// // zla gsang thig le// dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa dang / rdo rje dang rin po che dang pad+ma dang / las kyi rigs thams cad mchog tu gsang ba chen po'i dam tshig sdom pa gnyis su med pa'i bde ba chen po'i dbang brnyes pa/ thabs dang shes rab kyi rnal 'byor gyi dbang phyug chen po/ khams gsum thams cad kyi bdag po chen

  373. 187a

    po/ de bzhin gshegs pa thams cad kyi gsang ba chen po'i pha rol tu phyin pa'i skal ba dang ldan pa/ nam mkha'i dbyings thams cad du mnyam par 'jug pa/ mtha' med pa'i pha rol tu phyin pa'i gsang ba/ zla gsang thig le'i ye shes kyi dbang bskur ba/ de bzhin gshegs pa thams cad kyi sku dang / gsung dang thugs rin po che rdo rje mchog tu gsang ba zla gsang thig le chen po'i bud med kyi dkyil na gsung brjod pa med par bzhugs so// sangs rgyas kyi zhing nam mkha'i dbyings su rdul phran dang mnyam pa/ rdo rje rnal 'byor gyi dbang phyug chen po dang / rdo rje nam mkha' la 'gro ba dang / nam mkha' la 'gro ma chen mo dang / skal ba dang ldan pa dang / 'jigs par byed pa'i gsang ba chen po'i g.yog dang / 'byung ba chen po lnga dang / 'byung ba las gyur pa'i lha'i tshogs 'bum phrag brgya stong gis kun tu khyab pa ni 'di lta ste/ snying po rdo rje zhes bya ba'i rnal 'byor gyi dbang phyug chen po dang / chos kyi dbyings rnams par dag pa'i ye shes rdo rje zhes bya ba'i rnal 'byor gyi dbang phyug chen po dang // me long lta bu'i ye shes rdo rje zhes bya paba'i rnal 'byor byi dbang phyug chen po dang // so sor kun tu rtog pa'i ye shes rdo rje zhes bya ba'i rnal 'byor gyi dbang phyug chen po dang / mnyam pa nyid kyi ye shes rdo rje zhes bya ba'i rnal 'byor gyi dbang phyug chen po

  374. 187b

    dang / bya ba nan tan gyi ye shes rdo rje zhes bya ba'i rnal 'byor gyi dbang phyug chen po dang / nam mkha' ye shes rdo rje zhes bya ba'i rnal 'byor gyi dbang phyug chen po dang / rlung gi ye shes rdo rje zhes bya ba'i rnal 'byor gyi dbang phyug chen po dang / me'i ye shes rdo rje zhes bya ba'i rnal 'byor gyi dbang phyug chen po dang / chu'i ye shes rdo rje zhes bya ba'i rnal 'byor gyi dbang phyug chen po dang / sa'i ye shes rdo rje zhes bya ba'i rnal 'byor gyi dbang phyug chen po dang / thabs dang shes rab kyi ye shes chen po'i rdo rje zhes bya ba'i rnal 'byor gyi dbang phyug chen po dang / gzugs kyi dbang po'i ye shes rdo rje zhes bya ba'i rnal 'byor gyi dbang phyug chen po dang / sgra'i dbang po'i ye shes rdo rje zhes bya ba'i rnal 'byor gyi dbang phyug chen po dang / dri'i dbang po'i ye shes rdo rje zhes bya ba'i rnal 'byor gyi dbang phyug chen po dang / ro'i dbang po'i ye shes rdo rje zhes bya ba'i rnal 'byor gyi dbang phyug chen po dang / reg gi dbang po'i ye shes rdo rje zhes bya ba'i rnal 'byor gyi dbang phyug chen po dang / sku'i ye shes rdo rje zhes bya ba'i rnal 'byor gyi dbang phyug chen po dang / gsung gi ye shes rdo rje zhes bya ba'i rnal 'byor gyi dbang phyug chen po dang / thugs kyi ye shes rdo rje zhes bya ba'i rnal 'byor gyi dbang phyug chen po dang / bde ba chen po'i ye shes rdo rje zhes bya ba'i rnal 'byor gyi dbang phyug chen

  375. 188a

    po dang / kun tu bzang po'i ye shes rdo rje zhes bya ba'i rnal 'byor gyi dbang phyug chen po dang / gsung gi dbang po'i ye shes rdo rje zhes bya ba'i rnal 'byor gyi dbang phyug chen po dang / gnyis su med pa'i ye shes rdo rje zhes bya ba'i rnal 'byor gyi dpag phyug chen po dang / zhi ba ye shes rdo rje zhes bya ba'i rnal 'byor gyi dbang phyug chen po dang / gdul dka' ba'i ye shes rdo rje zhes bya ba'i rnal 'byor gyi dbang phyug chen po dang / rgyal ba 'dren pa'i ye shes rdo rje zhes bya ba'i rnal 'byor gyi dbang phyug chen po dang / me tog gi mtshon cha'i ye shes rdo rje zhes bya ba'i rnal 'byor gyi dbang phyug chen po dang / rab tu dga' ba ye shes rdo rje zhes bya ba'i rnal 'byor gyi dbang phyug chen po dang / dbang gi ye shes rdo rje zhes bya ba'i rnal 'byor gyi dbang phyug chen po dang / nyi ma'i khro bo'i ye shes rdo rje zhes bya ba'i rnal 'byor gyi dbang phyug chen po dang / rgyal mtshan bsgreng ba'i ye shes rdo rje zhes bya ba'i rnal 'byor gyi dbang phyug chen po dang / rdo rje rdo rje sgra chen bzhad pa'i ye shes rdo rje zhes bya ba'i rnal 'byor gyi dbang phyug chen po dang / 'gro ba 'dul ba'i ye shes rdo rje zhes bya ba'i rnal 'byor gyi dbang phyug chen po dang / gzhon nu'i ye shes rdo rje zhes bya ba'i rnal 'byor gyi dbang phyug chen po dang // rgyu'i ye shes rdo rje zhes bya ba'i rnal 'byor gyi dbang phyug chen po

  376. 188b

    dang / gsung med pa'i ye shes rdo rje zhes bya ba'i rnal 'byor gyi dbang phyug chen po dang / sna tshogs kyi ye shes rdo rje zhes bya ba'i rnal 'byor gyi dbang phyug chen po dang / go cha'i ye shes rdo rje zhes bya ba'i rnal 'byor gyi dbang phyug chen po dang / yang dag par za bar byed pa'i ye shes rdo rje zhes bya ba'i rnal 'byor gyi dbang phyug chen po dang // 'dus pa'i ye shes rdo rje zhes bya ba'i rnal 'byor gyi dbang phyug chen po dang / bde ba chen po ye shes rdo rje zhes bya ba'i rnal 'byor gyi dbang phyug chen po dang / byang chub kyi sems ye shes rdo rje zhes bya ba'i rnal 'byor gyi dbang phyug chen po dang / pad+ma dmar po ye shes rdo rje zhes bya ba'i rnal 'byor gyi dbang phyug chen po dang / dam tshig gi ye shes rdo rje zhes bya ba'i rnal 'byor gyi dbang phyug chen po dang / mchod pa'i ye shes rdo rje zhes bya ba'i rnal 'byor gyi dbang phyug chen po bsam gyi mi khyab pa rnams dang / rnal 'byor ma chen mo'i tshogs g.yog dang bcas pa tshad med pa rnams la 'di lta ste/ shin tu dga' ba ye shes rdo rje sems dpa'i dbang mo zhes bya ba'i rnal 'byor ma chen mo dang / rmongs par byed pa'i ye shes rdo rje'i dbang mo zhes bya ba'i rnal 'byor ma chen mo dang / gdung bar byed pa'i ye shes rdo rje'i dbang mo zhes bya ba'i rnal 'byor ma chen mo dang / myos par byed pa'i ye shes rdo rje'i dbang mo zhes bya ba'i rnal 'byor ma

  377. 189a

    chen mo dang / gsod par byed pa'i ye shes rdo rje zhes bya ba'i rnal 'byor ma chen mo dang / rdo rje dbyings phyug ma zhes bya ba'i rnal 'byor gyi dbang phyug chen mo dang / ye shes dbyings phyug ma zhes bya ba'i rnal 'byor gyi dbang phyug chen mo dang // rin chen dbyings phyug ma zhes bya ba'i rnal 'byor gyi dbang phyug chen mo dang / pad+ma dbyings phyug ma zhes bya ba'i rnal 'byor gyi dbang phyug chen mo dang / las kyi dbyings phyug ma zhes bya ba'i rnal 'byor gyi dbang phyug chen mo dang / rdo rje nam mkha' la 'gro ba chen mos nam mkha'i dbyings kun tu khyab pa ni/ 'di lta ste/ gnon par byed pa zhes bya ba'i nam mkha' la 'gro ba chen mo dang / 'dzum par byed pa zhes bya ba'i rdo rje mkha' 'gro ma chen mo dang / rmongs par byed ces bya ba'i rdo rje mkha' 'gro ma chen mo dang / rgyas 'debs par byed ces bya ba'i rdo rje mkha' la 'gro ma chen mo dang / 'dren par byed ces bya ba rdo rje mkha' la 'gro ma dang / gsod byed ces bya ba rdo rje mkha' la 'gro ma dang / 'bigs byed ces bya ba rdo rje mkha' la 'gro ma dang / gcod byed ces bya ba rdo rje nam mkha' la 'gro ma dang / sdigs byed ces bya ba rdo rje nam mkha' la 'gro ma dang / tshig byed ces bya ba rdo rje nam mkha' la 'gro ma dang / yan lag thams cad 'phrog byed ces bya ba rdo rje nam mkha' la 'gro ma dang / 'jigs

  378. 189b

    byed ces bya ba rdo rje nam mkha' la 'gro ma dang / khrag la dga' ba rdo rje nam mkha' la 'gro ma dang / gcod byed ces bya ba rdo rje mkha' la 'gro ma dang / 'phyan ma zhes bya ba rdo rje mkha' la 'gro ma dang / ngag 'phrogs pa zhes bya ba rdo rje nam mkha' la 'gro ma dang // zas su sha rlon pa za ba zhes bya ba rdo rje nam mkha' la 'gro ma dang / srin mo zhes bya ba rdo rje nam mkha' la 'gro ma dang / gnod sbyin mo zhes bya ba nam mkha' 'gro ma dang / gnod byed mo zhes bya ba nam mkha' la 'gro ma dang / sbrul dang / seng ge dang / stag dang / ri dwags dang / phag dang / spre'u dang / khyi dang / byi la dang / ra dang / bya rog dang / khwa da dang / bya rgod dang / sre mo dang / mi'i keng rus dang / 'bu chen po'i ro dang / yi dwags dang / sha za dang / glang po che dang / bong bu dang / rta dang / ma he dang / ba glang dang / 'ug pa dang / rdo rje 'phrog par byed pa chen mo dang / de dag la sogs pa mtha' yas pa mchog mi mnyam pa dang mnyam pa/ chos kyi rdo rje mkha' la 'gro chen mo'i tshogs g.yog dang bcas pa bye ba phrag brgya stong mang po rnams/ sgra ca co 'byin cing / nam mkha'i dbyings rab 'byams chen po'i tshogs rnams kyi mchod pa byed pa na bzhugs so// de nas bcom ldan 'das bde ba chen po kun tu bzang po rdo rje sems dpa' shin tu dgyes pa gdon mi za ba'i dam tshig

  379. 190a

    rdo rje 'dod pa'i dbang mo zhes bya ba'i ting nge 'dzin la snyoms par zhugs te/ rnam pa sna tshogs pa'i rol pa chen po'i rab tu rnam par rol pa dang / spro ba chen po'i gar dang / glu dang / sil snyan dang / gzugs dang sgra dang dri dang ro dang / reg pa'i bde ba chen po bde ba khyad par 'phags par gyur pa dang / rol pa la sogs pa'i reg pa'i dga' ba de la spyod pa'i gar nye bar ston cing / rnam pa sna tshogs pa'i tshul chen pos 'phags par gyur pa dang / rnam pa sna tshogs kyis gnon pa dang / rnam pa sna tshogs kyis 'khyud pa dang / rnam pa sna tshogs kyis brod pa dang / rnam pa sna tshogs kyis gar byed pa dang / rnam pa sna tshogs kyis za bar byed pa dang / rnam pa sna tshogs kyis kun tu 'jigs par byed pa dang / rnam pa sna tshogs kyis dpa' bar byed pa dang / rnam pa sna tshogs kyis zlog par byed pa dang / rnam pa sna tshogs kyis myong bar byed pa dang / rnam pa sna tshogs kyis 'gyur bar byed pa dang / rnam pa sna tshogs kyis 'phrog par byed pa dang / rnam pa sna tshogs kyis rtsom par byed pa dang / rnam pa sna tshogs kyis dus kun tu 'debs par byed pa dang / rnam pa sna tshogs chen po shin tu dge ba'i bde ba nye bar stobs shing reg pa bde ba'i ros bskal pa brgya stong mang po bye phrag stong tshad med pa nam mkha'i dbying kyi rdul phran las 'das par

  380. 190b

    mnyam par 'jug pas nye bar gnas shing 'tsho skyong ste/ 'das pa dang ma 'ongs pa dang / da ltar byung ba'i de bzhin gshegs pa thams cad mi gzigs mi dgongs dgongs pa yang nye bar mi 'jog/ thams cad thabs dang shes rab stong par yang mi mdzad/ shin tu dga' ba phyin ci log nye bar 'jog par yang mi mdzad/ ma dad pa rnams dad par yang mi mdzad/ ma dul ba rnams dul bar yang mi mdzad/ nye bar gtses pa rnams 'tshe ba zhi bar yang mi mdzad/ ma 'gags pa rnams 'gog par yang mi mdzad/ ma bskul ba bskul bar yang mi mdzad/ ma rgyas pa rgyas par yang mi mdzad/ rnam par rmongs pa sel bar yang mi mdzad/ dga' bar gyur pa mi 'gyur bar yang mi mdzad/ dga' bar ma gyur pa dga' bar yang mi mdzad/ ma khros pa khros par yang mi mdzad/ mi gdug pa gdug par yang mi mdzad/ 'jigs byed chen po la sogs pa dang / drag po ma rungs pa chen po dang / gtum po chen po dang / lha dang lha ma yin dang / log 'dren dang / yi dwags dang / sha za dang / gnod sbyin dang / srin po dang / shin tu gdug pa'i dug chen po dang / tsha ba'i gdon dang / nad dang / sbrul dang / sems can thams cad la 'tshe bar byed pa rnams nye bar zhi bar mi mdzad/ rnam par 'dul bar yang mi mdzad do// de nas de bzhin gshegs pa thams cad

  381. 191a

    'dus nas dgongs pa nye bar bzhag ste/ spyan gnyis mi 'dzums pas gzigs shing / bcom ldan 'das rdo rje 'dzin pa chen po/ de bzhin gshegs pa thams cad kyi bdag po la bskor te/ sku dang gsung dang thugs rdo rje'i phyag gis phyag byas nas/ de bzhin gshegs pa thams cad kyis rdo rje chen po'i dbyangs kyi bskul zhing gsol ba btab pa/ rdo rje sems dpa' dpal khyod sangs rgyas thams cad kyi ni bde ba grub pa ste// rnam dag byang chub sems dpa' rgya che sras su bcas pa rnams// yun ring stong pa nyid bsgom pas ni shin tu gdungs pa la// dga' ba'i yid 'ong bde ba chen po nyid kyis mnyes par mdzod// kye/ 'dod chags de ni dri med spyod pa kun tu bzang po spyod pa ste// dag pa rdo rje 'dod par dam tshig mchog ni phyed mdzad nas// dka' ba rnam pa drug po spyod pas shin tu gdungs pa yis// rab tu dges dbang 'dod pa med la nyid kyis 'jog par mdzod// rnam dag rdo rje las byung ba yi ye shes chus// rin chen 'bar ba byang chub sems ni rnam byung nas// rgyal ba thams cad kun gyi dbu ni bsgoms pa la// dri med rin chen char gyis spyi bor dbang bskur mdzod// mnyam dang mi mnyam 'dod chags tshul dag pas// pad+ma'i gnas su rdo rje mdzad mthong bas// sna tshogs sems dpa' sems can brlag 'gyur

  382. 191b

    ba// sbyor ba gzhan med ma thogs bshad par gsol// rdo rje sems khyod dag mchog bde bar byed pa'i mdzod// rdo rje pad+ma dbye ba'i tshul gyis sbyor mdzad de// rgyal ba kun gyi gzungs kyi sku ni rab mthong ba// thams cad bde ba'i bsgrub pa nyid kyis mnyes par mdzod// de nas bcom ldan 'das de bzhin gshegs pa thams cad kyis shin tu dgyes pa bde ba chen po'i kun tu bzang po dpal rdo rje sems dpa'// de bzhin gshegs pa thams cad kyi dbyangs des bskul ba thugs su chud nas bzhengs te/ brjid dang bcas pas gar mdzad cing / zhal 'dzum pa 'dor ba dang / bskum pa dang / 'gying ba dang / spyan 'dzes pas smin ris bskyod cing bsgyur ba dang / pad+ma'i phyag gis sor mo g.yas g.yon gar gyi phreng ba'i tshul gyis sa'i ngos la zhabs 'phen cing bsgyur ba dang / 'dor zhing bskum pa dang / 'jog cing ldog pa'i rnam par gnon pas/ nam mkha'i dbyings 'di thams cad kun tu khyab par mdzad de/ rlung gi khams chen po kun tu khyab par mdzad/ rlung la kun tu khyab nas me'i khams chen po kun tu khyab par mdzad/ de yang kun tu khyab par mdzad nas/ chu'i khams chen po kun tu khyab par mdzad/ chu'i khams kun tu khyab na/ sa'i khams chen po kun tu khyab par mdzad/ de yang kun tu khyab nas/ bcom ldan 'das byang chub kyi sems la

  383. 192a

    kun tu khyab par mdzad de/ ri dang sems dang / sna tshogs dang / phra ba dang / sdom pa dang / bud med dang / gzhon nu dang / rgan po dang / skyes pa dang / skyes pa ma yin pa dang / lha dang / klu dang / gnod sbyin dang / skar ma dang / gshin rje dang / chu bdag dang / brgya byin dang / 'byung po dang / 'byung po las gyur pa thams cad/ bcom ldan 'das bde ba chen po kun tu bzang po dpal rdo rje 'dzin gyis/ kun tu rgyas par byas te yang dag par gnas so// de nas bcom ldan 'das de bzhin gshegs pa thams cad ngo mtshar cher gyur nas yang 'dus nas/ phyag gar dang bcas pas thal mo khong stong du sbyar nas// bcom ldan 'das kun tu bzang po chen po la gtsug gis 'dud pas gsol ba btab pa// dpa' bo kun gyi gsang ba yi// zla gsang thig le dga' byed pa// gnyis med ye shes yang dag 'byung // bcom ldan khyod kyis bshad du gsol// sems can kun gyi ma skyes pas// skyes dang ma skyes rnam spangs pa'i// 'byung dang 'byung 'gyur rab sbyor ba'i// mchog tu rtag par sbyor ba'o// rin chen thams cad 'byung gnas dag/ dri med nam mkha' dang 'dra ba'i// rgyal mtshan chen po bsgreng byas te// nyi ma chen pos dbang bskur ba'o// chos kyi longs spyod yang dag 'byung // pad+ma dmar po mchog gi mdog/ 'dod chags de nyid

  384. 192b

    gsang chen po// thams cad bde byed bdud rtsi mchog/ la dang ar ni yang dag ldan// yang dag mdzes pa'i 'gying ba'i ros// sna tshogs ye shes sna tshogs che// zla gsang thig le mchog nyid do// de nas bcom ldan 'das de bzhin gshegs pa thams cad kyi bdag po kun tu bzang pos de bzhin gshegs pa thams cad kyi gsang ba'i gsol ba btab pa mkhyen nas/ 'gog pa chen po'i ye shes rdo rje zhes bya ba'i ting nge 'dzin la snyoms par zhugs nas cang mi gsung bar bzhugs so// de nas de bzhin gshegs pa de dag thams cad ngo mtshar rmad du gyur to// yang 'dus nas/ bcom ldan 'das kun tu bzang po la de kho na nyid kyi dbyangs kyis bskul te/ bsngags sor bzhag/ oM AHhUM ma hA su kha a la la ho// ma hA su ma taSh+TaM su ra ta su ra ta/ a ta b+ha ya g+ha su ra tod ta ma bo d+hi su ka su ka ma nu sid+d+hi he// su ra ta a te ba so kya ma ya/ oM hUM a ho/ b+ha ga bAn ma hA su kha/ ud+d+ha ud+d+ha ra/ sa rbod ta ma so// k+Sha ya ma hUM/ a la la hUM/ ma hA su kha sha D+haM/ ba ra ma hA su ka ma len du byi byo to ga ta ma/ dza le su khe na/ a la la ho// su ra ta so'u khya kun// oM hU~M aM/ mi skye ye shes bde ba'i mchog dang ldan pa'i ro la mnab tu gsol/ a la la ho// sems dpa' bde mchog de nyid 'gog pa rnams las bslang ba'i phyir// chags pa med pa'i bde mchog kun tu myong mdzad

  385. 193a

    bzhengs nas man pas// mchog tu gsang ba'i bde la rol cing dam bcas 'jig rten sgrol// byang chub skye gnas bde mchog dbyings las mi nyams dga' ba'i gar mdzod cig/ ho// sngon gyi zhen pa'i mtha' dang nyon mongs sngo skams gzir ba yis// rmongs med bde mchog rgyan dang ldan pa'i thabs kyis bskul te go bar mdzod// 'gro kun tshangs par spyod pa'i sgo mor byang chub lam ston cing // bde chog bdud rtsi khyad par med par 'dus pa'i tshogs la bka' stsol cig/ a la la ho// de nas bcom ldan 'das kun tu bzang po nam mkha'i dbyings thams cad du khyab pa'i bdag nyid chen pos// de bzhin gshegs pa thams cad kyi snying po chen po zla gsang thig le skul bar byed pa zhes bya ba'i ting nge 'dzin la snyoms par zhugs te/ rang gi thugs kyi gsang ba'i thig le 'di las shin tu dgyes pa chen po'i bde ba zhes bya ba'i 'od zer gyi tshogs phyung ste/ de bzhin gshegs pa thams cad kyi gsang ba'i snying po zla gsang thig le'i dbus su rgyas par byas te/ nam mkha'i dbyings thams cad du yang snang bar byas te/ steng dang 'og tu yang zhugs te/ ma lus lus pa med pa'i ri dang sems can rnams la gsal bar byas nas/ shin tu dgyes pa chen po'i bde bas mnyes par byas te slar de nyid du log nas/ bcom ldan 'das shin tu

  386. 193b

    mnyes pa chen po'i bde ba'i bdag po snying po'i gsang ba mchog zla ba'i thig le'i dbus na bde bar bzhugs so// de nas bcom ldan 'das de bzhin gshegs pa thams cad 'od zer gyi tshogs kyi phreng ba mchog tu bde ba chen por gyur pa'i snying po des bskul ba na/ gar mdzad cing rang rang gi ting nge 'dzin du dmigs nas/ bcom ldan 'das kun tu bzang po chen po'i thugs ka'i zla ba'i thig le'i dbus su mchog tu gsang ba shin tu dgyes pa chen po'i bde bar gcig tu stug por gyur par bsgrubs te/ rang rang gi sku bud med kyi tshul du bskyed nas/ bcom ldan 'das kyi thugs ka nas mngon par phyung bar gyur to// de nas la la ni spyan pad+ma 'bar ba rgyas pa ltar bsgyur cing bzlog ste/ smin ris g.yo bas// sangs rgyas tshul gyis gar mdzad cing / sangs rgyas rnal 'byor ma dkyil du// rdo rje rab dgyes gdon mi za// sems dpa' che la dgyes mdzad cing // sangs rgyas bde ba'i bde ba yis// bcom ldan sangs rgyas bzhugs par gyur// smin ma bsgyur cing zhabs bsgyur ba// spyan bsgyur shin tu gnan pa yis// sor mo tha ma rnams bsgyur bas// rdo rje'i tshul gyis gar mdzad de// rdo rje che la mnyes mdzad cing // rdo rje rnal 'byor ma dkyil du// skad cig skad cig bskul ba yi// bcom ldan rdo rje gnas par gyur// brjid pa'i zhabs dang rin chen

  387. 194a

    dbu// dri med spyi bos gar mdzad cing // zhal gyi dkyil 'khor rnam bskur bas// bde byed chen po myang bar mdzad// dur khrod yon tan tshogs dag gis// pad+ma'i spyan gyis gzigs mdzad cing // bde chen bdag po chen po la// rin chen tshul gyis mnyes par mdzad// shin tu dgyes gsal bde dam pa// pad+ma dmar la phye mdzad de// 'dod chags bral dgyes rnam bsgyur bas// pad+ma dra bas gar mdzad cing // pad+ma rnal 'byor ma dkyil gyis// brjid pa'i spyan gyis kun gzigs te// bde ba che la mnyes mdzad cing // bcom ldan pad+ma gnas par gyur// phyag gi rtse mo sor mo'i mtha'// rnam par bskur bas gar mdzad cing // phyag sbyar khong stod pad+ma yis// glog bzhin dpal dang spyi gtsug tu// mchod pa'i sprin gyis long long pos// sna tshogs bde byed gtso nyid la// las kyi tshul gyis mnyes mdzad cing // sna tshogs bcom ldan gnas par gyur// de nas bcom ldan 'das bde ba chen po dpal rdo rje sems dpa' kun tu bzang po chen pos de bzhin gshegs pa thams cad kyi mchog tu gsang ba zla gsang thig le chen po zhes bya ba'i ting nge 'dzin la snyoms par zhugs nas yang de bzhin gshegs pa dang / rdo rje dang / rin po che dang / pad+ma dang / las kyi gsang ba chen po thams cad kyis bzhed pa bde ba

  388. 194b

    chen po zhes bya ba/ 'od zer chen po'i sprin gyi tshogs nyid kyi sku dang gsung dang thugs rdo rje mchog las phyung ngo // de nas de bzhin gshegs pa'i sku 'di dag thams cad la snang bas snang bar byas te/ nyid kyi thugs kyi zla ba'i thig le la stug po gcig tu gyur nas bzhugs te/ thugs kyi zla ba thig le'i dbus su 'od zer des dgyes pa bskyed cing / drangs bcug bcings dbang du byas/ nyid kyi sku dang gsung dang thugs shin tu dgyes pa chen po gdon mi za bar rnam par rgyal ba zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi mchog tu gsang ba zla gsang thig le zhes bya ba'i dkyil 'khor gyi rgyal po chen po shin tu dgyes pa'i bde ba chen po nyid kyi sku dang gsung dang thugs rdo rje las phyung ngo // dkyil 'khor nyid kyi tshul gyis su// cho ga sbyor bas spro byas te// thig dang mthun pa'i dkyil 'khor don// sbyor ba'i gar gyis gar bya zhing // ji ltar yang dag brtag par bya// ji ltar dkyil 'khor de kho na// zla gsang thig le'i dkyil 'khor ni// rdo rje sems dpa' dpa' bos kyang // brtag par nus pa ma yin no// dkyil 'khor ye shes kyis brtags pa// snying po phyag rgya sngags rigs kyi// lha yi sbyor bas rgyas btab pa// cho ga shes par bri bar bya// gru bzhi pa la sgo bzhi pa// rta babs bzhi dang

  389. 195a

    yang dag ldan// thig bzhi yongs su bris pa ste// ka ba brgyad mchog yang dag gnas// kun tu yongs su zlum pa yi// zla ba de yi dbus bcas pa// bde ba chen po mi phyed pa// gtso bo de steng bri bar bya// der ni tsheg drag bcas pa ste// yi ge bcu gsum ldan pa yi// yi ge mchog tu bde ba ste// rlung gi dkyil 'khor yang dag 'byung // shes rab can gyis de'i mdun du// mi phyed yid phyung bri bya ste// drag por tshig dang 'dren par bcas// bzhi yi gtsug tu byas pa'o// de yi lho yi phyogs su ni// mi smra ba yi yi ge'i mchog/ phyag rgya ye shes mchog thams cad// sgrub par byed pa'i yi ge bri// ha dang rar ldan tsheg drag bcas// bzhi pa yis ni dbur byas pa// sngags kyi gzugs kyi yi ge ni// nub kyi phyogs su bri bar bya// khro bo yi ge ye shes che// yi ge phyag rgya rmad byung ba// brjod du bcas pa dgod pa'i yid// byang gi phyogs su bri bar bya// sems can thams cad mchog dag dang // dgyes pa chen po rab 'grub phyir// nga yis de nyid gsung gis ni// dkyil 'khor de nyid bstan pa yin// sangs rgyas byang chub bde chen po// gang gis chud pas rdzogs sangs rgyas// sems can mchog gi rten byed na// de nyid sangs rgyas byang chub 'grub// de nas bcom ldan 'das de bzhin gshegs pa thams cad gcig tu yang 'dus nas//

  390. 195b

    bcom ldan 'das shin tu dgyes pa chen po'i bdag po rdo rje 'dzin pa chen po la gar mdzad cing / rab tu spros pa spyan gdangs nas// zhabs dang zhabs kyis gnon pa yis// sdud cing 'dor ba 'jug par mdzad// g.yas dang g.yon pa'i phyag gnyis kyis// brjid pa rtse mo mtha' nas dgrol// cung zad zur gyis gdangs pa'i spyan// mdzes pa'i smin tshugs rnam bskur ba'i// spyan gyi phyag rgyas gar mdzad pas// 'gro la rgyas btab 'dud par 'gyur// sems dpa' chen po dpa' bo la// dbyangs 'di yis ni bskul mdzad cing // shin tu dgyes che'i dkyil 'khor du// rnal 'byor ma kun gnas par gyur// shin tu dgyes chen rdo rje'i bdag/ sangs rgyas kun gyis bde chen po// dkyil 'khor mchog tu dgyes pa yi// de nyid bcom ldan gyis bshad do// sngags sor bzhag lan d+ha'u pha'i su ra a ma hA su hu ag gu/ a la la ho// ma hA su hu pa ya lu ta thA ga tu di pu/ rnam pa kun tu skye ba med pa bde bas rol cing chub par mdzad pa yi// bdag cag gzungs kyi ngam dang bcas pa rnam dpyod 'gyur ba med pa'i yid// bde mchog byang chub sems ni rnam pa kun tu sdug bsngal yang bral te// che ba'i ye shes lhun grub mchog ldan bde spyod bde la rol par mdzod// a la la ho// 'di ni glu ru blangs pa yis// shin tu srid las mya ngan 'das//

  391. 196a

    dga' chen de bzhin gshegs pa rnams// dkyil 'khor 'di la byin gyis rlobs// de nas bcom ldan 'das rdo rje bde ba chen po zhal 'dzum pa dang bcas pas rgyas pa'i spyan ut+pa la kha phye ba bzhin du smin ma dang sku rnam par 'gyur ba glog dang chu rlabs bzhin du 'gyur ba'i rnam par gnon pas/ nyid kyi sku dang gsung dang thugs rdo rje las de kho na nyid 'di gsungs so// dkyil 'khor dkyil 'khor zhes bya ba// rdo rje ye shes thugs la gnas// dkyil 'khor rdo rje mchog nyid ni// bdag nyid sbyor bas btags pa yin// rdo rje dgyes pa chen po yi// dkyil 'khor zla ba gang 'dra ba// 'od zer dkar po'i phreng bas mdzes// byang chub sems mchog 'dra ba yin// rdo rje dpa' bo'i dkyil 'khor ni// mdzes pa'i zla ba kham pa la// mthing ga'i 'bar ba kun rgyas pa// me dang rlung gis bus pa bzhin// shin tu dgyes pa'i mchog bsgrub pa// rdo rje rin chen dkyil 'khor ni// dga' byed dkyil 'khor cha brgyad kyi// 'bar dang bcas pa nyi ma bzhin// dkyil 'khor rgyas mchog 'gyur byed pa// pad+ma'i dbang po pad+ma 'dra// 'dab ma brgyad pa gyes pa yis// ge sar ze bas mdzes byas pa'o// thams cad las ni grub byed pa// rdo rje las kyi dkyil 'khor ni// dga' byed dkyil 'khor gru gsum ste// rab tu 'bar ba'i me dang bcas// de la

  392. 196b

    sogs pa mtha' yas pa'i// dkyil 'khor rnams ni brtag par bya// skyong ba rdo rje sems dpa' yis// ji ltar de nyid sprul pa yin// de nas bcom ldan 'das de bzhin gshegs pa thams cad kyang bzhengs nas brjid pa'i rdo rje'i gang dag gis gar mdzad nas/ glu dang / sil snyan dang / gling bu dang / pi wang dang / rdza rnga dang / dun+d+ha b+hi dang / ba na ba dang / ba li ka dang / zhi ba'i thal mo la sogs pa dang / rnam pa sna tshogs kun tu brdung ba dang / sil snyan sna tshogs pas rnam par rol pas/ lha'i ro dang / ro'i zas dang / bza' ba dang / bca' ba dang / btung ba dang / theg pa dang / stan dang / gos dang / ldag pa dang gzhib pa dang 'jams la sogs pa rnam pa sna tshogs kyis/ bcom ldan 'das bde ba chen po dpal rdo rje 'dzin la bstabs nas/ gus pa dang bcas pas pad+ma'i sor mo khong stong du mdzad de/ g.yon du 'dud papa'i tshul gyis 'dzum pa dang bcas pa'i spyan gdangs te/ yang de kho na nyid skul bar byed pa'i dbyangs 'dis bskul bar mdzad do// sngags sor bzhag ho pa ta su kha wa/ ha khra pu ka mad tA ya su'u kya ma ya/ sa ma ya ta ma ta ma ho// su ra ta so'u kya sa ste/ sham tsa ra di traM su ga ta sha na ta ma ya ma pra b+hi ku rarba ku rarba/ su ra tA tib ba/ badz+ra dza le/ phra bi badz+ri ma badz+ri ma ba/ su rtod su kha rat+na dza lo// phra ba ni ra ta ni ra ta/ su ka

  393. 197a

    sa ta na badz+ra dza le/ pra bi mad+ha ma r+ha su ra ta b+hI sha b+hI sha dza li/ ho ha hAM d+hi ho ho dzA ya ma ha su ka ti tsa ma ya/ ra ma ra ma ho// su ra ta ka ru su ka ba hu b+hI te tse mu tra dza ya te tsa d+ha ra/ ha ha ha ho// ba ra ha sa su kha ho// hUM ho ho su ra ta d+ha ra ga su kha/ ra ti ra ti ra ti ta pa ra ma shrI d+ha ti ho ho pa ra ma he du/ ma hA su ka ho// su ka ma nu mo'u na pa ra mo shwa ra ho b+ha ga bAn ma hA su ka hUM ho ho// ba hu bi bi ta bi shwa dza la rad ti b+hi/ sha ma ho su ra ta su khaM ga tsi tra pa ra ma/ ma hA su ka ho// su kha ma nu krin na ho// su ra to ta ta ma pan ti su ka hUM/ badz+ra lA li hUM ma hA su ka grin na ho// ho shin tu bde ba'i byams pas kun tu gzigs pa'i thugs rje'i spyan mnga' ba// byang chub chen po'i snying por 'gro ba sgrol bas skyo yid mi mnga' ste// mthun pa'i lam bstan nyon mongs dug las bsgral ba'i phyir// nam mkha'i tshul du gzungs kyi rang bzhin bder gshegs kun la stob// e ma ho bde ba kun tu rgya yis btab pas che ba'i ye shes 'dren cing mnapas// sa yi khyad par bde bas rdzogs pa'i sku nyid stong pas tshogs pa'i rgyal po bzhin// chos nyid ji bzhin bde la reg pas sku nyid che ba kun ston te// snying po byang chub bgrod phyir 'gro la thabs kyi sgo mo bsam gyis mi khyab bstan// dpal gyi snying po gzungs su bstan te rigs lnga'i gtso rnams mnyes mdzad

  394. 197b

    cing // dgyes pa drongs la mnabs shing rab tu dgyes pas rol mo mdzod// de bzhin gshegs pa'i bde mno bas bying ba'i gnas nas bslang ba'i phyir// gnod sbyin cha lugs skye 'gag med pa'i tshul dang rnam par ldan// snying rje chen po'i rgyun dang bcas nas bde ba chen po ston pa'i chos nyid nam mkha' bzhin// dgyes pa mchog gi ngang las sprul pa'i lha mo bskyed pa dang // rol pas 'dus pa'i tshogs la bde mchog stsol bar mdzod// ha ha ha ho bde la gnas shing bde mnobs hUM// dgyes pa mchog dang ldan pa'i mi skye bde mchog de nyid char pa rab tu dbab tu gsol// rnam pa kun tu mtha' dang bral ba'i dbyings la bde gshegs slob ma gzung du gsol// dpal gyi rgyal po'i tshul bzhin ji ltar bzhugs pa'i gnas ni mnab tu gsol// ngo mtshar byang chub che ba 'di nyid 'gro ba rten bzhin bde thob pa// pha rol phyin drug dngos nyid gang la'ang mi rten par// mi skye mya ngan 'das pa'i gzungs dang rtag tu rnam par ldan// mtha' dang bral ba'i bde bas chos kyi dbyings la gnas pa yi// rmongs pa'i bde bas bying zhing gnas pa'i 'gro la snying rje'i chus khrus mdzod// ho shin tu dgyes mchog mi chags pa// 'di ni glu ru blangs pa yis// yid dang 'thad pa'i bde chen po// dngos grub myur du 'thob par 'gyur// de nas bcom ldan 'das kun tu

  395. 198a

    bzang po chen po bde ba chen po dpal rdo rje sems dpa'/ de bzhin gshegs pa thams cad kyi bdag po la gsol ba'i dbyangs kyis bstod pa nye bar gsan nas/ yang chu skyes kyi 'dab ma dri ma med pa dang 'dra ba'i spyan gnyis kyis kun tu gzigs shing / 'dzum pa dang bcas pa'i zhal dgyes par gyur nas/ yang tshad med pa mtha' yas pa'i sangs rgyas kyi zhing gi rdul phran gyi tshogs kyi 'jig rten gyi khams mang po bskal pa rgyas pa sprin gyi rgya mtsho ma lus lus pa med pa'i de bzhin gshegs pa dang / rdo rje dang / nor bu rin po che dang / pad+ma dang / las kyi rigs thams cad las byung ba'i de bzhin gshegs pa dang / rdo rje 'dzin dang / rin chen 'dzin dang / chos 'dzin dang / sna tshogs rdo rje 'dzin chen po thams cad dang / rnal 'byor gyi dbang phyug gi tshogs chen po dang / thugs las byung ba dang / mtshon dang / dga' ba dang / sgeg mo la sogs pa'i rnal 'byor ma'i dbang phyug chen mo'i g.yog gi tshogs tshad med pa 'dren par byed pa dang / 'gugs par byed pa dang / 'jib par byed pa la sogs pa'i rdo rje nam mkha' la 'gro ba dang / nam mkha' la 'gro ba chen mo'i tshogs dang / grangs med pa'i rdo rje 'phrog par byed pa'i tshogs dang / gzhan yang phyi rol gyi rdo rje dang / rin po che dang / pad+ma dang / las kyi rigs las byung ba'i rnal

  396. 198b

    'byor dang / rnal 'byor kyi dbang phyug chen po dang / nam mkha' la 'gro ba'i tshogs rnams la rnam par bde ba chen po gyur pa dang bcas pa'i kun tu gzigs pa'i spyan gyis gar mdzad pa dang / rnam par 'gyur ba dang bcas pa'i rnam par gnon pas kun tu gnon pas/ rnam par 'gyur ba dang bcas pas 'degs shing tshems kyis 'debs pa dang / rnam par 'gyur ba dang bcas pa'i kun tu 'brel pa'i phyag gis gar mdzad pa dang / rnam par 'gyur ba dang bcas pa'i sgeg pas 'gying ba dang / spyod pa dang mi spyod par bcas pa rnams dang / kun tu 'dor ba'i rnam par gnon pas 'khor gyi tshogs kyi dkyil 'khor chen po la byin gyis brlabs nas dgyes pa chen po rdo rje gdon mi za ba zhes bya ba dkyil 'khor gyi rgyal po chen po nyid kyi sku dang gsung dang thugs rdo rje las phyung ngo // bdag nyid de nyid mnyam gzhag dang // de bzhin lha yi de nyid dang // sngags dang phyag rgya'i de nyid ni// de yi dkyil 'khor mchog tu 'gyur// yan lag thams cad bsgom las 'das// rtog dang mi rtog rnam spangs pa// 'dren dang tshig las yang dag 'das// 'di ni dkyil 'khor mchog ces bya// chos dang chos min rnam dpyod pa// chos rnams thams cad brtag par bya// rnam dag nam mkha' 'dra ba yi// dkyil 'khor 'di ni bstan pa yin// 'dod chags mi chags 'dod

  397. 199a

    chags mnyam// chu yi pad+ma dmar ba 'dra// rang sems 'dod chags shin tu chags// 'di ni dkyil 'khor mchog yin no// gzugs dang gzugs min dri med pas// gang khams kun la 'jug 'gyur ba// sems ni chu dang skul byed pa// dkyil 'khor dkyil 'khor zhes bya'o// de nas de bzhin gshegs pa rnal 'byor gyi dbang phyug chen po g.yog dang bcas pa dang / pho nya dang pho nya mo dang / nam mkha' la 'gro ba chen po dang // nam mkha' la 'gro ba chen mo'i tshogs kyi dkyil 'khor de dag thams cad yang bcom ldan 'das dpal kun tu bzang po rdo rje 'dzin gtso bo chen po la phyag 'tshal nas 'di skad ces gsol to// kye ma'o rab dgyes sems dpa' mchog/ kye ma'o rab dgyes phyogs bsgyur ba// rnal 'byor ma yi tshogs mchog gi/ dkyil 'khor gsang ba nyid kyis gsungs// sangs rgyas sbyor ba sbyor che ba// rdo rje sbyor ba bla na med// 'jigs gsum bde mchog thob 'gyur bas// gsang ba'i dkyil 'khor nyid kyis gsungs// rin chen pad+ma sna tshogs che// sna tshogs sbyor ba'i gar mdzad pa// rnam grangs thig le'i 'jig rten du// rnam dag dkyil 'khor nyid kyis gsung // de nas bcom ldan 'das la rnal 'byor ma thams cad gar dang bcas pa'i phyag pad+ma'i sor mo'i 'dab ma kun tu 'brel ba'i rdo rje'i thal mo dang /

  398. 199b

    gar rnam par 'gyur ba'i brjid bag tu bcas pas mtha' 'grol zhing ma mchu tshems kyis mnan nas chu skyes sar ba'i 'dab ma bzhin gzigs pas bzhad pa/ glu'i phyag rgyas dbyangs len pa dang / gcig la gcig bskul ba dang / bdag nyid kyi dpung pa la 'degs shing g.yas dang g.yon pa'i rnam par gnon pa'i tshul gyis/ au hUMhAM a la la la ho/ sngags sor bzhag/ ag ku'u ra a ma hA su hu/ ag gu'u/ a la la ho// ma hA su hu a ga'u ra a ma hA su hu tud du// kun tu snang zhing mi chags par// mi chags pa yi bde mchog gis// bde ba'i rnal 'byor gzugs kyi rnam// stobs shing bde ba sbyin mdzad pas// a la la ho// bsam gyis mi khyab nam mkha'i rang bzhin te// bzhengs shing gzhan la stobs la grub par mdzod// chags pas mi gos dngos po yi// bde ba kun la reg par mdzad cing dgongs su gsol// de nas kun tu bzang po shin tu dgyes pa chen po rdo rje'i bdag po de kho na nyid kyis dbyangs chen po'i bskul bas thugs sad par gyur te// shin tu dgyes pa chen po kun tu longs spyod pa rdo rje dpal zhes bya ba'i ting nge 'dzin la snyoms par zhugs te/ shin tu dgyes pa chen po'i rdo rje gdon mi za ba'i rnal 'byor ma'i tshogs kyi dkyil 'khor chen po 'dir sna tshogs shin tu dgyes pa chen po'i rnam par gnon par gar mdzad/

  399. 200a

    shin tu dgyes pa chen po'i rdo rje'i dbyangs kyi glu len/ rdo rje rnam par rol pa chen pos rnam par rol/ shin tu dgyes pa chen po'i rdo rje bzhad pa chen pos bzhad cing nyid kyi sku dang gsung dang thugs rdo rje'i zla ba'i thig le'i dkyil nas/ oM ma hA su kha hUM zhes brjod nas/ de bzhin gshegs pa thams cad kyi bdag mo ye shes dbyings phyug ma phyung ngo // steng du zla gam ldan pa yi// gnyis pa yi ge ma lta bu// mtshan du thig le ldan byas pa// ye shes gsal ba'i rnal 'byor ma'o// A li kA li 'dren bya ba// dbus su ri mo brtag byas te// de yi mgo dang mjug dag tu// khro bo gnyis po mchog bsam bya// 'di ni btsun mo'i rab gsal pa// dkyil 'khor rdo rje rnal 'byor ma'o// 'di ni dran pa tsam gyis kyang // bsod nams kun gyis byin rlob 'gyur// A li gnyis dbus ri mo bri// ldan pa 'dren pa yang dag ldan// de steng zla gam thig le dag/ mgo mjug gnyis su gzhan yang tAM// 'di ni don dam gsal ba ste// rin chen rnal 'byor ma dbang sbyin// dran pas bsod nams thob 'gyur te// sdig pa rnams kyang 'jig par byed// A li gnyis dang ldan byas te// tsheg drag yi ge gnyis su bshad// 'di ni rab dga' kun tu chags// chu srin ma zhes bstan pa yin// dang po skal ba chen po yi// tsheg drag po dang bcas pa

  400. 200b

    gzhan// sangs rgyas kun gyi A li 'di// sangs rgyas byang chub rab sbyin byed// bdag nyid la'am yang na gzhan// phyag rgya 'di yis rgyas btab ste// bsgrub bya'i dkyil 'khor bsgrub byas na// dngos grub myur du thob par 'gyur// 'di ni dkyil 'khor rnams kyi mchog/ yi ge'i phyag rgya mngon gnas pa'i// 'dzin pa'i bsod nams ci 'dra ba// bris pa yis kyang khyad par 'gyur// e ma'o bde ba ye shes che// de yi ye shes tshe 'di la// 'dod byed bde ba sten byed cing // 'di yi tshul gyis thob par 'gyur// khams gsum mchog gi dkyil 'khor 'dir// 'di las rgya che mchog gzhan med// sgrub pa po yi sems can kun// tshe 'di nyid la sangs rgyas 'grub// zla gsang thig le'i gsang ba'i rgyal po chen po shin tu dgyes pa rdo rje gdon mi za ba'i dam tshig gi dkyil 'khor chen po rgyas pa mchog tu gsang ba las/ de bzhin gshegs papathams cad kyi rdo rje btsun mo rnams kyi gsang ba chen po rnal 'byor ma'i dbang phyug chen po rnams kyi mchog tu gsang ba'i ye shes kyi dkyil 'khor te dang po rdzogs so// // de nas bcom ldan 'das de bzhin gshegs pa thams cad ngo mtshar du gyur te/ dgyes pa'i yid bde ba dang / mgu ba dang / yid dga' ba bskyed nas gar dang shin tu dgyes pa chen po'i rdo rje bzhad pa mdzad cing yang shin tu dgyes pa chen

  401. 201a

    po'i bde ba gnyis su med pa'i ye shes rdo rje zhes bya ba 'du ba mdzad nas/ bcom ldan 'das la gsol ba 'debs par gyur to// bde byed chen po bshad pa shod// bde ba chen po bshad pa shod// gsang ba chen po bshad pa shod// dgyes pa chen po bshad pa shod// khyod las 'dod chags yang dag 'byung // khyod las zhe sdang chen po sde// khyod las sdig byed sdug bsngal dang // khyod las khams gsum thams cad 'byung // khyod las skyes pa ma ning dang // khyod las 'dod gzir bud med dang // khyod las 'dod las rnams grol dang // khyod las byang chub bla med 'byung // khyod las nam mkha' rlung dag dang // khyod las gzi brjid me yi khams// khyod las de bzhin chu dang sa// khyod las spyod dang mi spyod kun// khyod las sangs rgyas dpa' chen po// yang nas yang du 'byung bar 'gyur// khyod las chos dang dge 'dun dang // khyod las pha rol phyin pa'i tshogs// byang chub sems dpa' chen po dang // ri dang skye bo thams cad 'byung // khyod las rdo rje sems dpa' dang // khyod las dri med pad+ma dang // khyod las rin chen tshad med che// de bzhin rdo rje sna tshogs 'byung // khyod las phyag rgya sngags kyi rnams// khyod las rig pa'i snying po 'byung // de nas bcom ldan 'das spyan mi 'dzums pas smin ma brkyang ste de bzhin gshegs

  402. 201b

    pa thams cad dang / byang chub sems dpa' pha rol tu phyin pa la sogs pa chen po dang / rnal 'byor ma chen mo'i tshogs dang / rdo rje nam mkha' la 'gro ma dang / nam mkha' la 'gro ba'i tshogs dang / 'jig rten dang 'jig rten las 'das pa dang / gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa kun 'dus pa thams cad la skad cig skad cig tu kun tu gzigs nas brjid pa dang bcas pa'i phyag 'jam pos nyid kyi snying ga'i rdo rje gsor zhing / nyid kyi mtshan ma'i phyag rdo rje rjes su chags pa rab tu rgyas pa chen po'i blta bas 'khor thams cad zil gyis mnan te/ nyid kyi thugs pad+ma zla ba'i dkyil 'khor yi ge'i thig le'i dkyil nas 'od zer phyung ste kun tu snang bar byin gyis brlabs nas/ shin tu dgyes pa gdon mi za ba'i rdo rje zhes bya ba'i gsang ba'i dkyil 'khor chen po 'di nyid kyi sku dang gsung dang thugs rdo rje las phyung ngo // dang po'i yi ge bcu gsum pa// thig ler bcas pa bsam byas te// bde chen tshul bzhin gzhag byas la// gzhan gyis mi phyed thig ler bcas// yi ge drug pa 'dren pa ru// tshul bzhin 'og tu yongs su brtag/ 'di ni gsang ba chen po ste// rmad byung yi ge'i phyag rgya'o// bde chen bde bar bskyed pa'i

  403. 202a

    phyir// sangs rgyas kun gyis bsgrags pa yin// ye shes kyi ni phyag rgya 'dis// skad cig snying pos rgyas btab na// dkyil 'khor rnams kyi 'chad pa po// ston pa rdo rje 'dzin par 'gyur// bde ba chen po skul byed pa'i// sangs rgyas rnams kyi rtogs par byed/ yi ge'i ye shes grub pa yis// ye shes dbang phyug nyid du 'gyur// 'phrul gyi mig dang shes rab che// mi shes sdig pa 'joms par byed// rdo rje sems dpa' nyid 'dra bar// tshe 'di nyid la 'thob par 'gyur// bde ba chen po rig pa che// sdug bsngal 'dod pa 'joms byed pa'o// shes rab ye shes dngos grub che// byang chub myur du 'thob 'gyur te// rig ma 'bum phrag brgyas bskor cing // sems dpa' chen po de dang rtsen// rdo rje pad+ma mnyam sbyor bas// thal mo brkyang ste rol pa yis// tshe dang lang tsho skal dang ldan// dran pa tsam gyis 'thob par 'gyur// 'dod pa yi ni dgos pa rnams// myur ba nyid du 'grub par 'gyur// 'og dang steng gi nam mkha' la// bdag 'dod bzhin du 'gro 'ong byed// sa yang rnam par phug nas su// stobs chen de 'dir 'ong bar byed// sangs rgyas kun la gnod byed de// byang chub par ni gdon mi za// bde ba chen po'i rnam mdzad pas// gzhom zhing de bzhin myang ba yi// rdo rje blo yis bdud kyi rnams// rnam par 'gyur bas thams cad

  404. 202b

    bsgral// bde ba chen po gtong ba yis// skad cig nyid du gso bar bya// grub pa'i rdo rje 'dzin pa che// dpa' bo chen pos dgug par bya// rnal 'byor ma rnams ci 'dod par// rnam gnon tshul gyis gnon par bya// dbang po nye dbang dbang chen po// gnod byed stobs kyis mngon par ni// rab tu rnam 'joms gnon pa yis// gzhom pa'i tshul gyis bsgral bar bya// mtshon cha lnga yis rnam gnon pas// gzhan gyi bud med rtsen par bya// kye ma'o bde ba bde gnas pa'i// sems can chen pos grol byas te// byang chub sems ni bde 'byung bas// sems dpa' bdag nyid mchod par bya// dam tshig rjes su ldan pa yis// rnal 'byor rtag pa'i ngo bor 'gyur// skad cig mtho ris 'gro bar byed// skad cig bde ldan 'gro bar byed// rdo rje'i shugs kyis thams cad du// sems can skad cig 'di ru'o// sangs rgyas kun gyi gnas su 'gyur// sems can rnams dang grags chen po// thams cad kyi ni rigs rnams dang // pha rol phyin rnams skye gnas te// de bzhin rigs dang pha rol phyin// de dag 'di la rab tu gnas// dbang por gyur pa brtan chen po// yon tan tshogs ni nam mkha' bzhin// de nyid dngos po thams cad la// thams cad dus gsum mnyam gnas te// rdo rje sems dpa' mchog tu bde// sems dpa' thog ma tha med

  405. 203a

    yin// bcom ldan 'das dpal rdo rje sems dpa'i shin tu bde ba chen po'i rdo rje chos kyi yi ge zhes bya ba yi ge chen po'i phyag rgya'i ye shes so// bcu gsum gyi ni yi ge che// ye shes thig le ldan pa ste// rdo rje yid 'byung lhags pa yi/ lha mo yi yang / ha la ra btags dbu bskor bya// 'di ni yid las skyes pa ste// shin tu dgyes che mdzes pa yi// yi ge'i phyag rgya phyag rgya che// gtso bo'i spyan sngar gnas pa yi// gsang ba'i snying gi pad+ma la// phyag rgya 'di yis rgyas btab pas// de ni de ma thag nyid du// shin tu dgyes pa'i mnyes par 'gyur// gtso chen rdo rje sems dpa' la// de yi bde bas mnyes byas te// dbang po yi ni sbyor ba yis// de dang rol pas myur du 'grub// de gnyis phan tshun dgyes pa las// shin tu dgyes pa'i gzhir gyur te// rig 'dzin mchog gi gzugs ldan dang // lha mi kun gyis mchod par gyur// de dang lhan cig rol pa na// lha chen tshangs pa gtogs 'dod rnams// phyag rgya sbyor ba'i tshul gnas pa'i// bdag nyid che la phyag byed pa'o// nyes gsum dri ma spangs pa yi// shin tu sbyor ba'i rgyas btab pa// sems can gar ni byed pa dang // sems dpa' che la mnyes par byed// de ni sa dang nam mkha' la// bde bar gnas shing 'gro bar byed// sna tshogs lha mo bde che ba'i// sna tshogs bde bas

  406. 203b

    nyer spyod do// phyag rgya'i gar gyis gar mdzad cing // sems can myur du rtogs par byed// ral grir gyur pa gzi chen po// nam mkha' kun tu phan tshun 'gro// lha mo 'phrul gyis 'gro ba dang // lha min klu yi bu mo dang // gzhan yang 'phrul ldan mi'i bu mo// de yi bud med kun bsgrub bya// phyag rgya'i ye shes rab gnas pas// de nyid kun tu 'gro byed de// ji tsam 'dod par dkyil 'khor du// rdo rje sems dpa' nga yis tshe yang che gnas so// sangs rgyas thams cad myur du 'grub// thams cad chos ni bde chen po// dge 'dun chags med thams cad rnams// de dag thams cad de yin no// dbang po nye dbang dbang chen gyi// thogs med stobs kyis bkug nas su// rdo rje sems dpa'i thabs gnas pas// gzhan gyi bud med rtsen par bya// de la sogs pa mtha' yas pa// phyag rgya ye shes bsgrub bya ste// skad cig skad cig bsten pa yis// bdag gi sbyor bas 'grub par 'gyur// gnyis med sbyor ba 'di yis ni// de ni dngos grub kun 'gyur te// bdag med nga rgyal med 'gyur te// snang ba med cing yi ge med// shin tu dgyes pa chen po'i yid dang rjes su mthun par mdzad ma'i yi ge'i phyag rgya'i ye shes so// lha mo rdo rje kI li ni// dang por oM gyis rnam brgyan pa// bgegs mthar byed dang ldan pa ni// dbang mchog sbyin par mdzad ma ste// de yis

  407. 204a

    bud med snying ga ru// bdag nyid kyis ni byin brlabs te// dbang po gnyis ni sbyor ba yis// mkhas pas tshul bzhin bsgom par bya// de nas rnal 'byor chen po de// rnal 'byor dbang phyug byin brlabs pas// nam mkha'i dkyil 'khor mtha' dag tu// mdzes pa'i spyan dang rol cing 'gro// bdag gam 'on te gzhan dag la// phyag rgyas de yis rgyas btab ste// rdo rje pad+ma phye ba yis// sgrub pa pos ni myur du bsgrub// pad+ma rnam par phye byas te// phyag rgya sbyor bas rol pa yi// phyag rgya 'di yis rgyas btab na// 'gro dang 'ong ba gdon mi za// g.yas dang g.yon pa'i tshul gyis su// lag pa'i phyag rgya bzung byas te// sbyor ba chen po bsgom byas na// de ma thag tu nam mkhar 'gro// bdag nyid gan rgyal gnas byas te// nyid kyi steng du phyag rgya bzhag/ nyid kyis byin brlabs phyag rgya la// sngags pas tshul bzhin bskyod par bya// g.yas dang g.yon gyi glo dag tu// dgyes dang mdza' ba gnyis bzhugs par// mi g.yeng phyag rgya bzhag byas te// bdag nyid shin tu dgyes par bsgom// 'di yis dngos grub thob 'gyur te// 'di dag lhan cig 'grogs pa yis// gzungs ma kun gyi dkyil 'khor du// sangs rgyas la sogs thams cad 'gyur// 'di dang lhan cig sbyor ba yis// nam mkha' bdag po sangs rgyas bzhin// sangs rgyas kun

  408. 204b

    gyis byin brlabs pas// de ni sangs rgyas ngo bor 'gyur// dbang po gnyis ni rab sbyor bas// nub gcig bdud rtsi dbyung byas te// gzungs ma'i phyag rgya la brten nas// rmad byung nyid ni 'thob ces bshad// mtshan gyi mtha' dang nyin gyi mtha'// dang por gnyis ka 'dus byas na// sngags kyi dbyings phyug gar 'gro ba// de dang lhan cig dngos grub 'gro// phyed dam yang na nam phyed na// rig ma'i dbyings su reg bya zhing // myur bas khros pa'i sgra sgrogs pas// gyad kyi 'gyed pas brtsam par bya// bkye ba'i mjug tu de ma thag/ 'o ma mchog ni btung byas nas// de nas de ni rdo rje 'grub// zla gsang dkyil du 'gro bar byed// bya ba de bzhin bzlog pa dang // ci bder bsten pa byas pa las// byang chub sems ni 'char ma thag/ 'phrog ma yi ni dngos grub bo// 'di yis rin chen gtsug nyid du// mi g.yeng mtshan mo byas gyur na// sangs rgyas dngos grub 'phrog byed de// sangs rgyas dngos grub nyid kyis thob// 'di yis snying gi zla gsang la// thig le nyid du brtag byas na// de ni de ma thag tu yang // zla gsang thig le'i mchog 'drar 'gyur// 'di yis reg pa tsam gyis kyang // dngos grub gang dag 'thob byed de// rdo rje'i phyag rgya gzi chen po// rgyal po 'di ni rnam par rgyu// 'di ni sgrub pa'i dus su yang // rnam par rtog pa yong mi bya// rtag tu

  409. 205a

    mi rtog 'gyur ba yis// nan tan gyis ni bsgrub par bya// sdug bsngal ba yi sems can la// sbyin pa bzhi ni rtag tu sbyin// de la bde ba sbyin byas te// mi snyan nam yang sbyin mi bya// shin tu dgyes pa'i sems ma chen mo dpe med pa dang ldan ma zhes bya ba'i rdo rje ki li kI li shin tu dgyes pa'i bde ba chen po 'thob par byed pa'o// thog ma oM ste mdza' chen mo// rdo rje shin tu dgyes dang 'brel// 'di ni 'dod chags thams cad la// 'dod chags bde byed snyoms par 'thob// rol pa'i sbyor bas bud med la// 'di ni rtag tu mnyes par bya// 'di yis 'gro ba gsum dag tu// dngos grub myur du 'thob par byed// pad+ma kha che rgyas pa'i spyan// sngags mkhan de ni skad cig 'gyur// gtso bo yi ni bde mchog gis// A li kA li mnyam sbyor bya// sprod pa'i phyag rgyas rgyas btab ste// skad cig skad cig spyad par bya// dus dag tu ni reg pa dang // gzhug pa yang ni rtag tu bya// bskyod dang mnye ba de bzhin du// mnyam du 'grogs pa'i cho ga bya// bskyed pa dang ni sbyang ba dang // skad cig skad cig bsnyen par bya// gar dang kun nas bskor ba dang // 'jib dang de bzhin btung ba dang // the tshom med pa'i sems kyis ni// dam tshig dang ni bsgrub par bya// phyag rgya 'di yis rnal 'byor pa// mi g.yo tshe 'dir dngos grub ste// sangs rgyas byang chub dngos

  410. 205b

    grub dang // bskal par gnas pa smos ci dgos// 'di ni dngos grub 'thob ma zag/ pad+ma 'dzin pa'i rjer gyur te// lag na pad+ma 'bar khyer bzhin// blo ldan mi g.yeng bskal par gnas// brjid pas dpal dgyes lhan cig tu// bde ldan zhing du 'gro 'gyur te// rnal 'byor chen po der phyin nas// bde ldan gyi mchog gtso bo yi// pad+ma'i gzugs kyi dkyil 'khor du// de ni bde bar gnas par 'gyur// bde ldan rtag tu 'grogs 'gyur ba// dngos grub ye shes bde myong 'gyur// yi ge yi ni phyag rgya 'dis// pad+ma las skyes gzungs bzung ste// byin gyis brlabs nas bde myangs na// pad+ma bde ba'i bdag por 'gyur// gzhan gyi bud med bdag nyid kyis// phyag rgya 'di yis rgyas btab ste// bsten byas 'dod pa'i gzugs nyid du// sngags mkhan 'gyur bar gdon mi za// sdug cing lang tshos brgyan pa yi// nyi ma'i 'od zer gsar byung bzhin// dri med yangs pa'i blta ba yis// pad+ma sems dpa'i tshe 'grub bo// ji tsam nam mkha' nye bar ni// dpa' bo chen po 'phur byed de// rig ma 'bum phrag brgya tshogs kyi// lha mo yis ni chod par byed// sangs rgyas sras dang bcas kun gyis// sangs rgyas kun gyi bdag nyid mchod// 'khor ba nyid na gnas pa'i tshe// 'khor ba'i dri mas mi gos so// phyag rgya 'di yis rgyas btab na// rtag tu

  411. 206a

    nyon mongs dag 'gyur te// sman gyi phye ma'i sbyor ba yis// sbrul ni gsod par 'gyur ba bzhin// zla gsang thig le'i dga' byed 'di// tshe 'di nyid la 'thob 'gyur te// 'di yi mthu yi ngo bo yis// dgos pa thams cad dngos grub po// gang 'dod dngos grub don yod pa// 'khor ba 'di dang pha rol gyi// mthu chen phyag rgya 'di nyid kyis// dran pa tsam gyis de dngos 'grub// shin tu dgyes pa pad+ma'i phreng ba zhes bya ba'i yi ge'i phyag rgya ye shes so// // dang por oM dang yang dag ldan// tha mar bsgyings pa'i hUM nyid de// dbus su rab dgyes rdo rje bzhag/ yi ge 'di ni rmad byung ba'o// phyag rgya 'di yis rgyas btab pas// sdig pa skad cig med par 'gyur// khams gsum 'di ni dngos grub che// dpal gyi bsgrengs pa 'thob par 'gyur// bdud dang bdud las rjes 'jug pa// mi thogs par ni brgyal byed de// sna tshogs rdo rje mnyam sbyor bas// de yis khams gsum 'phrog par byed// bdag gi mthu yis rnam rgyal te// de yis khams gsum longs spyod do// phyag rgya 'di yis rgyas btab ste// pad+ma rdo rje rab ldan bya// phreng byed byed pa'i yang // phreng byed phreng ba'i tshul gyis su// phreng ba bskums te 'dzin pa bzhin// 'di yis byin gyis brlabs byas te// bsnyen na myur du dngos grub bo// g.yas dang g.yon gyi smin bsgyur bas// chu

  412. 206b

    skyes spyan ni sbyar byas te// phyag rgyas btab ste rol byas na// bla ma'i dngos grub 'thob par byed// rdo rje rnal 'byor nye ba yis// rdo rje'i bdag nyid mchod byed de// de dag kun gyis bskor byas nas// dkyil 'khor du ni dbang bskur ro// rdo rje sems dpa' dpa' bo yis// 'jigs shing skrag pas 'byin byed pa// rang nyid kyi ni phyag rgya'i gzugs// nyid kyi dngos grub stobs par byed// gzhan ni yang dag pha rol phyin// sangs rgyas rnams kyi yon tan rgyan// de yang de la 'jigs skrag nas// rang gi dgyes mchog stobs par byed// bdag nyid chen po dmigs gsum dang // che ba'i pha ni ngo bzhi dang // rdo rje 'dzin dang gtogs 'dod rnams// rang gi sdug pa stobs par byed// gshin rje sha ka rgyal po yang // rdo rje 'dzin de dngos grub la// 'ongs nas bdag gi sdug pa rnams/ srog gi phyir yang stobs par byed// gzhan gyi 'phrul gyi lus kyi rnams// khams gsum lam la gnas pa dag/ myur du nye bar 'ongs nas kyang // bdag nyid dngos grub sbyin par byed// sna tshogs gnyen ni rgyal po che// dbang phyug dam pa sna tshogs byed// de yang nyer 'ongs gtsug btud de// rnal 'byor sna tshogs ma sbyin byed// gnod sbyin srin po'i gzugs la sogs// sha za yi dgas bu mo rnams// sbyor ldan phyag rgya blang byas te// brtag pa mchog gis brtag par

  413. 207a

    bya// thams cad las byed dge ba yi// 'di yis dngos grub myur du 'grub// lha dang klu yi bu mo dang // lha min lha yi mngal skyes pa// phyag rgya 'di yis byin brlabs na// grub pa myur du dngos grub bo// gzugs bzang yang na ngan yang rung // gang de bud med bzung byas pa// rim pa 'di yi tshul gyis su// phyag rgya'i sbyor ba brtag par bya// 'di yis sangs rgyas thams cad dang // de bzhin dpa' bo kun nyid du// skad cig skad cig rgyas btab pas// tshe 'di nyid la thob par 'gyur// shin tu dgyes pa chen po sna tshogs dpe med pa'i phreng ba zhes bya ba'i yi ge'i phyag rgya'o// // nga ro bcu gsum steng nyid du// de bzhin thig le'i rgyal po ste// rab dgyes rdo rje lha che bde// mtha' ni yi ge hi sbyar ba'o// 'di ni sangs rgyas thams cad kyi// bde chen spyan ni dga' byed yin// phyag rgya'i yi ge 'di yis ni// mkhas pas byin gyis brlabs byas na// de ni de ma zag tu yang // bla med 'phrul gyi spyan du 'gyur// stong nyid ye shes gnas pa yi// sangs rgyas shin tu dra ba mthong // smin ma rnam pa sbyar pa yis// lta ba'i phyag rgyas gar byed cing // 'gugs byed sangs rgyas thams cad dang // dpa' bo rdo rje 'dzin kun dang // pha rol phyin pa thams cad dang // de bzhin gzungs ma'i tshogs rnams dang // rnal 'byor ma dang mkha' 'gro

  414. 207b

    dang // phyi dang nang gi tshogs rnams dang // lha mo klu mo gnod sbyin mo// lha min dngos grub lus kyi mchog/ grul bum mi'am yi dgas sam// sha za 'phrul gyi mi bu mo// 'di ni snying gar bzhag pa yis// rdo rje 'dzin du bdag nyid 'gyur// sangs rgya yang na nyi ma dang // pad ma dra ba sna tshogs blo// lha dang lha min mi dag dang // gzhan yang gnod sbyin srin po dang // bdud dang bdud kyi tshogs rnams kyi// gzhan gyis 'phrog par yong mi nus// lha dang lha min gyis mchod cing // dngos grub khams gsum 'gro bar byed// lha dang lha min sten byed cing // skad cig nyid du 'gro bar byed// sangs rgyas rnams kyi mkhyen pa'i yul// sangs rgyas rnams kyi zhing kun tu// rig pa'i rigs ni brgya dag dang // de ni rtsen zhing 'gro bar byed// 'jigs med yan lag kun spangs pa// thog ma tha ma med 'gyur te// sangs rgyas rnams kyis mkhyen sbyor bas// dgyes pa'i rmad mchog gcig tu 'gyur// rdo rje'i nang na rdo rjer 'gyur// rin chen nang na rin chen 'gyur// pad+ma'i nang na pad+mar 'gyur// sna tshogs nang na sna tshogs mchog/ de la sogs pa mtha' yas mchog/ mnyam dang mi mnyam chos kyi dbyings// phyag rgya'i ye shes byin brlabs pas// dam pa sna tshogs nyid du 'gyur// gzugs mi sdug pa'ang gzugs mchog 'gyur// mig med pa yang mig ldan

  415. 208a

    'gyur// rna 'on pa yang sgra thos te// glen pa yang ni yid rnor 'gyur// de la sogs pa dpag med pa// mig gi phyag rgyas btab par 'gyur// de yi lus la yon tan ni// yon tan dam pa mdangs cher 'gyur// ji tsam de ni nam mkha'i mthongs// 'phur zhing 'og tu 'bab par byed// de ni ri yang phug nas 'gro// sa dang sa yi 'og tu ni// sna tshogs rdzu 'phrul rnams byed pas// de ni skad cig 'gro bar byed// sna tshogs mkha' 'gro'i dkyil 'khor du// sngags mkhan 'gying ba gar byed pa// bde ba chen po bskyed pa yis// sems can de ni 'jug par byed// mi g.yeng blta ba'i bsgyur ba yis// las rnams thams cad de yis byed// 'degs pa dang ni lta ba yis// gar dang rnam par bskor ba dang // 'gro ba thams cad 'bab byed de// ri dang sems can thams cad la// smra ba dang ni sgra 'byin dang // ci dga' ba ni mngag par byed// gdug pa'i blta bas srog chags rnams// rdeg pa dang ni sgrol bar byed// gtum dang gdug 'jigs che ba dang // khro bo'i lta bas sgrol bar byed// shin tu dgyes pa chen po'i rdo rje spyan dang ldan pa zhes bya ba 'dod pa'i yon tan thams cad 'grub par byed pa'i yi ge'i phyag rgya ye shes kyi mthu chen po'o// // dang por oM gyis rnam par brgyan// tha mar 'brug gi sgra 'byin pa// rdo rje rab

  416. 208b

    tu dgyes pa'i sku// bde ba skyed byed bshad pa yin// phyag rgya 'di ni phyag rgya che// sangs rgyas rdo rje dpa' bo yi// gang gis 'di ni bsgoms ma zag/ rdo rje gsum gyis byin rlob 'gyur// bdag gam yang na gzhan yang rung // 'di yis nyid kyi snying ga ru// bsgoms te gnyis med sbyor byas na// sangs rgyas sku ni rab tu 'grub// bsgrubs na sangs rgyas thams cad kyi// bud med kun dang rtsen byed de// A li kA li mnyam sbyor bas// sems can dman pa'ang dngos grub bo// shin tu skal ldan thams cad dang // sangs rgyas skal ldan 'thob 'gyur te// skal dang ldan pa thams cad kyis// chu skyes zhabs la bsnyen par byed// lha dang lha min bu mo de'i// rig mas mthong na dga' byed de// phyag rgya'i ye shes brgyan pa yi// sna tshogs 'dod pa'i gzugs su 'gyur// spyod dang mi spyod mi dag dang // lha dang klu dang gnod sbyin dang // mi'am ci dang skyes bu yi// dngos grub pas ni 'phrog mi nus// de la sogs pas stod byed de// 'jigs par 'gyur ba'i sems kyis ni// bla ma bzhin du mchod byed cing // kun gyis bstod mchod bsti stang byed// de la sogs pa mtha' yas mchog/ nam mkha'i mtha' klas lha rnams dang // nyi ma bcu yi 'od zer bzhin// rnal 'byor chen po 'grub pa 'gro// sangs rgyas kun gyi zhing kun du// 'od kyis thams

  417. 209a

    cad mnyes byed cing // sangs rgyas byang chub sems dpa' rnams// zil gyis mnan te gnas par 'gyur// sangs rgyas kun gyi bdag nyid la// sras rnams 'dud cing phyag byed de// lha dang lha min grul bum dang // tshangs pa gtogs 'dod lha chen po// phyag rgya'i ye shes byin brlabs der// 'jigs shing skrag pas 'ong bar byed// bcom ldan dngos grub bka' stsal stsol// ji ltar thugs la dgongs pa bzhin// spyi bos bka' blangs gdul dka' rnams// de dag thams cad bsgrub par bgyi// mdor bsdus rnam pa bzhi po yi// dam pa rnams kyang bskyang bar bgyi// zla gsang thig le'i mchog nyid kyi// dbang bskur ba yang blang bgyi ste// rigs lnga rnams kyi sdom pa nyid// rnam pa bzhi po thams cad blang // chu skyes dngos grub khyod zhabs drung // 'tsho ba'i ngang du bdag cag 'bangs// khyod kyi spyan sngar zham ring du// ci bgyi zhes ni bka' nod do// phyag rgya 'di yis rgyas gdab na// spyod bcas mi spyod dga' byed de// rtag tu sangs rgyas rnams kyi mchog/ shin tu bde dang mdza' ba myong // rdo rje shin tu dgyes pa'i sku chen mo bde ba dpe med pa dang ldan pa zhes bya ba'i phyag rgya'i ting nge 'dzin to// // dang por oM steng thig le ste// gzhan gyis mi phyed khros bcas pas// gnyis kyi dbus su bzhag pa ni// gsung gi rdo rje shin du

  418. 209b

    dgyes// bde gsang sangs rgyas thams cad kyi// mchog tu ro ni myong byed pa// dam chos sgra yis gang byas pa'i// gsung gsal rna ba dga' bar byed// yi ge'i phyag rgya chen po 'di// byang chub chen por 'grub byed de// yon tan yon tan sdug mtho ba'i// tshad med yon tan 'dzin pa'o// dpal ldan phyag rgya 'dis btab na// dpal kun bdag po de ma thag/ bdag dang bdag gir 'dzin spangs pa// sangs rgyas kun gyi bdag nyid 'thob// phyag rgya 'di yis bdag gam gzhan// rgyas btab 'dod pa spyad byas na// dngos grub rmad du byung ba yi// de yis myur du 'thob par 'gyur// sangs rgyas rdo rje 'dzin rgyal po// sgrub pa po yi bka' nyan te// ci ste rmongs pas 'da' byed na// de yi srog ni tha ma yin// de yi bsrung ba byas na dpal// tshe dang lang tsho bde ba'i mchog/ rdo rje gsung gis bstan pa bzhin// gdon mi za bar 'thob par 'gyur// phyag rgya ye shes rjes bsdus pas// sgrub pa mi byed cung zad med// bdag nyid thams cad sprul pa ni// mchog gi ye shes dngos grub 'gyur// phyag rgya'i ye shes byin brlabs la// sangs rgyas byang chub mi ldog dang // chos dbyings mi mnyam rab klas pa// dngos grub bdag nyid gshegs nas kyang // shin tu 'das pa'i sangs rgyas kyis// sems dpa' chen po de khrid do// rang gi ting 'dzin ldang ba'i tshe// dam

  419. 210a

    tshig mchog tu bsrung bya ba// ji snyed nam mkha'i dkyil 'khor du// 'dod pa thams cad de spyod de// rnal 'byor chen po mi 'da' zhing // ngan song gsum yang mi 'gro byed// de ni cung zad 'og sdug bsngal// 'gro ba thams cad myong mi 'gyur/ rdo rje gsum de rmad 'byung bas// sangs rgyas kun gyis bsngags byed de// bag chags mtshams sbyor rnam grol bas// nam mkha'i rim pas 'gro 'ong byed// lha yis rtag tu mchod byed de// mchod par byas pas shin tu mchod// sems dpa' chen po 'gro 'dug kyang // bde byed kun gyis bdag nyid dge// gnas dang zas dang btung ba sogs// nam mkha' las ni skad cig rnyed// bud med rin chen mchog mkha' las// bsam pa tsam gyis 'grub par 'gyur// las kyi dbyings rnams ma lus pa// de yis khams gsum 'thob par byed// rnal 'byor sbyor ba dngos grub kyi// rnal 'byor grub chen 'phrog par 'gyur// 'di las brtul zhugs drag pa med// dka' thub 'di dang 'dra med de// bud med mchog tu bde ba las// 'dod pa'i longs spyod spyad pas 'grub// dge ba'i pad+mo'i rigs kun tu// sems dpa' chen po ngag dbang 'gyur// gzungs ma kun gyis bde chen po// rgyal po chen por de 'gyur ro// gsungs thams cad kyi rdo rje dpe med pa dang ldan pa zhes bya ba rdo rje shin tu

  420. 210b

    dgyes pa chen po'i bde ba chen po 'thob par byed pa khams gsum kun tu snang bar grags pa pad+ma'i rigs kyi tshogs zhal gyi gsung gis dgongs pa thams cad 'grub par byed pa'o// // oM bcas mi phyed tha mar te// rab tu sems ni bde ba ste// rdo rje rab dgyes bde byed che// dbus su ming ni sbyar bar bya// phyag rgya 'di yis dngos grub che// byang chub sems ni rab bsgrubs pa// 'di yis byin gyis brlabs ma thag/ bdud rtsi'i mchog ni chud par 'gyur// thams cad 'dod pa ldan byas na// de ste thams cad sems kyang rung // bde ba chen pos sems thams cad// sngags mkhan reg pa'i rgyas btab na// 'di yis rdo rje 'dzin nyid dang // rdo rje dpa' bo nyid du yang // lha mo'i phyag rgyas byin brlabs pa// skad cig tu ni 'phob par 'gyur// lha mo rnams dang gar byed cing // de ni rab dgyes bdag po khrid// pho brang dga' byed rab dgyes che// rab tu chen po bde 'thob tu// seng ge'i gdan rab 'jog byed do// bzhi dang bzhi yi mchog nyid kyi// rdo rje pad+ma sbyor ba yis// de ni khrid nas dbang bskur ro// de nas rdzogs sangs tshe dpag med// byang chub sems dpa' brtson 'grus che// yod dang med pa'i 'dod spangs pa// de la phyag ni byed par 'gyur// rdo rje sems mchog 'jog byed de// rang gi spyod pa'i tshul gyis ni//

  421. 211a

    pha rol phyin pa thams cad dang // sangs rgyas kun gyis mdun du bskor// sa gsum thams cad kun tu ni// sems dpa' chen pos ston byed pa// ris 'ga' shin tu dga' spyod pa// res 'ga' khab nas 'byung ba dang // res 'ga' byang chub res 'ga' lhums// res 'ga' skye dang res 'ga' 'pho// res 'ga' spyod chen rol pa dang // res 'ga' bdud las rgyal bar mdzad// res 'ga' byang chub mngon byang chub// res 'ga' 'khor lo skor mdzad de// res 'ga' sna tshogs 'jug par mdzad// res 'ga' dus su shin tu mdzes// res 'ga' bud med skyes pa dang // res 'ga' lha dang skyes dgu'i bdag/ res 'ga' 'dod dbang rgyal po ste// res 'ga' 'dod la rgyab kyis phyogs// res 'ga' zhi la res 'ga' drag/ res 'ga' gdon chen bgegs mdzad de// de la sogs pa mtha' yas pa// phyag rgya 'di yis rgyas btab pa// ci dgar dngos grub 'dod pa la// bdag gis ngo bor ston par byed// mi phyed cho ga sbyor ba yis// 'dren pa mi phyed nye byas te// phan tshun reg pa chen po yis// rdo rje can gyis de 'bigs te// gzungs ma mang po tshogs kyi rnams// bde byed chen po gzhan ci smos// spyod bcas mi sprod bde dam pa// 'bad pa mi dgos thob par 'gyur// brjid pas byang chub snying po ru// rtag pa ru ni

  422. 211b

    gnas 'gyur te// phyag rgya 'di yis rnal 'byor pa// sbyor ba rjes sdud ldan pas so// thams cad cha ni rnam bral ba// byang chub sems ni mchog bzhin de// yi ge 'dis ni sbyor ba yis// bdag nyid chen por de 'gyur ro// rdo rje shin tu dgyes pa chen mo tshim pa'i yid las skyes pa dpe med pa dang ldan pa zhes bya ba'i yi ge'i phyag rgya ste/ las thams cad grub par byed pa'o// // dang por oM ni sbyor ba ste// tha mar gnyis po rdza rnga'i sgra// rab dgyes rdo rje byin rlabs pa'i// lha mo mngar byed dbus su gzhag/ 'di ni sangs rgyas thams cad kyi// rab dgyes thob pa rmongs byed ma// rdo rje ye shes thugs gnas pa// dngos grub thams cad bsgrub par bya// sngags mkhan yi ge phyag rgya 'dis// bdag gam gzhan la rgyas btab ste// rdo rje 'dam skyes bcug byas na// de nas de myur dngos grub po// thams cad las byed dpal dang ldan// tshe dang lang tsho skal ldan pa'i// rdo rje 'dzin dang 'dra 'thob ste// rdo rje sems dpa' rab tu 'grub// sangs rgyas rnams dang dpa' bo yi// sangs rgyas kun dang rtsen byed cing // sde dbang rnams dang lha rnams kyi// 'phrul gyi bud med 'phrog byed do// rdo rje rab tu dgyes pa chen mo mngar byed kun tu myang ba me tog gi rgyal mtshan dang ldan pa zhes bya ba'i yi ge'i phyag rgya ste/ sgrib pa thams cad rnams par sel

  423. 212a

    ba las thams cad byed pa chen mo gdon mi za ba'i gzhan gyis mi phyed ma'o// // tshangs pa'i gsung gi nga ror bcas// tha mar dril bu'i nga ro gnyis// dbus su ming gi phreng ba ste// mi ge 'di ni chu 'dzin mchog/ 'di ni sangs rgyas thams cad kyi// yid kyi dngos grub thob byed de// 'dod pa yi ni thams cad rnams// yi ge skad cig 'grub par byed// 'di yis rgyas btab bud med rnams// bdag dang rang gi slob ma'ang rung // de nyid sbyor bas bsten byas na// rdo rje 'dzin dpal 'dra bar 'gyur// rnal 'byor ma rnams bdag por ni// myur du mkha' la 'gro byed de// tshangs pa gtogs 'dod dbang chen dang // lha rnams kyis ni mchod par 'gyur// lha mo'i tshogs dang rtsen byed cing // lha mo kun gyi bdag por 'gyur// 'phrog byed la sogs bdag po che// 'jigs par byed dang rku byed pa// sems can kun gyi mchog dam pa// sems dpa' chen por de 'gyur ro// sdug pa'i tshogs kyi dbus su ni// brjid la sogs pa'i spyod pas 'gro// brjid che pad+ma chen mo la// thams cad kun tu brjid pa yis// bde byed chen po myong byed de// rab tu dgyes pas sgeg pa bzhin// rab tu skal ldan mgrin 'khyud pas// rnal 'byor chen por de gnas te// 'di ni snying la bris pa yis// ci 'dod par ni 'dod

  424. 212b

    pa thob// phyag rgya chu skyes btab byas te// de ltar byas na phyag rgya dgyes// rdo rje shin tu dgyes pa chen mo'i dri ma med pa'i mdog dang ldan pa zhes bya ba'i yi ge'i phyag rgya ste thams cad las byed pa dge ba'o// // dang po nyid du oM bya ste// thig le'i rgyal pos nye bar brgyan// tsheg drag bcas pa 'dren pa gnyis// ldan pa mtha' mar gzhag byas te// rdo rje rab dgyes brgyan byas pa// rdo rje ston ka dbus su bsam// 'di ni sangs rgyas thams cad kyi// ye shes snang ba rab sgrub pa// yi ge yi ni phyag rgya 'dis// nyid kyi snying gar rgyas btab na// sangs rgyas ye shes mchog byed pa// de yis ston ka ma dngos grub// sde dbang lhar bcas lha rnams dang // gnod sbyin srin por bcas pa dang // sbrul dang mi'am ci gnas pa// thams cad 'di yi g.yog tu 'gyur// 'di ni 'od zer rab tu 'bar ba yis// sangs rgyas mchog/ gi thugs ldan de 'gro ste// sna tshogs rab 'byung dpal gyis yang dag khyab// chos mchog dam pa byed pa gtong byed cing // spyod bcas mi spyod 'jig rten snang byed de// sprin dang bral ba'i zla ba'i 'od mchog byed// mkha' dbyings rnam par bsgyings pas rab dga' bas// A li kA li pad+ma bde mchog la// myong zhing mchog byas bskal bar gnas par 'gyur// 'di yis sdig pa 'phrog byed de// 'di yis myur du dga'

  425. 213a

    bar 'gyur// 'dis ni bde ba'i ngo bo de// 'di yis dngos grub grub par 'gyur// skye ba'i sdug bsngal rgyab phyogs pa// tshe 'di nyid la thob par 'gyur// de bzhin gshegs pa thams cad kyi rdo rje shin tu dgyes pa ye shes kyi snang ba dang ldan pa zhes bya ba'i phyag rgya chen mo ste thams cad mkhyen pa'i ye shes 'grub par byed pa'o// / dang po oM dang yang dag ldan// tha mar dgyes pa'i yi ge gnyis// rdo rje shin tu dgyes pa che// dbus su gsal ba'i yi ge bsam// 'di ni sangs rgyas thams cad kyi// sna tshogs chen mo'i mdun du 'gro// sna tshogs chen mo 'di yis ni// sna tshogs ye shes dngos grub bo// sngags mkhan nyid kyis byin brlabs pa// sna tshogs bdag po chen por 'gyur// sdig pa'i yan lag kun spangs te// bsod nams kun gyi yan lag dge// kun tu 'gro ba'i dngos grub ni// 'di nyid kyis ni rab tu 'grub// sna tshogs sgyu ma'i bde chen gyis// sna tshogs chen po'i bskal par gnas// rdo rje'i bdag nyid brgyan pa yi// bud med kun dang rtsen par 'gyur// de nas de yi chos dbyings gnas// dbang phyug mchog gi dngos grub bo// pad+ma'i mdun du thog ma'i lha// byas te rdo rje bsgrub par bya// mthe bong srin lag de phyung ste// kha yi nang du gzhag par bya// chang bzhin myang bar byas na ni// mod la 'dod pa'i gzugs su

  426. 213b

    'gyur// A li kA li rab sbyor bas// bud med rnams dang rtsen par byed// blo ldan rdo rje sems dpa' yi// 'di ni shin tu dgyes zhes bya// bsil ba dga' byed chen mo ste// sna tshogs 'di ni 'gro la gnas// dang po oM ni gnas pa ste// tra ta dang ldan tha mar bya// rdo rje shin tu dgyes che ho// sgeg mo dbus su bskul ba'o// 'di ni sangs rgyas thams cad kyi// sgeg par bya ba sprul pa yin// 'di dag mnyam par sbyor ba yis// sgeg mos ye shes bskyed par bya// rdo rje blo ldan brtan po yis// bde bar 'dod pa'i pad+mar gtugs// 'dod pas 'dod pa spyad par bya// myur du 'dod pas dngos grub bo// de nas rdo rje 'dod dpal te// bde byed thams cad nye bar sgrub// sems can kun gyis 'dod bskyed pa// bde ba chen por de 'gyur ro// mthu yis pha rol phyin pa'i mchog/ pad+mo'i tshul du sgeg pa yis// rdo rje sbyor thabs la gnas pas// rdo rje chen po de dngos grub// ci dga' 'dod pa'i 'dod chags kyis// rtag pa'i lam dang yang dag ldan// rtag pa'i chos kyis rjes mthun spyod// bsgrubs na brtag pa rtogs par 'gyur// 'di yis kun tu bzang zhes bya// de ni dngos po kun yin te// 'dod pa med cing nyon mongs med// nga rgyal med cing 'dzin med pa// sangs rgyas mchog tu brtag pa yi// sangs rgyas chen po de yi dngos// dpal

  427. 214a

    ldan thog ma tha ma med// chos rnams kun gyi rjes mthun pa'i// 'dis ni dngos po thams cad kyi// sangs rgyas bdag por bdag nyid 'gyur// sangs rgyas rnam par snang mdzad dang // 'di la khyad par cung zad med// shin tu dgyes pa chen po rdo rje bdag po'i dpal shin tu dgyes pa sgeg mo dpe med pa dang ldan pa'i yi ge'i mchog gi sku'o// // dang po oM bcas lha mo yi// tha mar tsheg drag mi phyed gnyis// de gnyis dbus kyi phyogs nyid du// he zhes bya bas rnam brgyan te// shin tu dgyes pa rdo rje che// bzhad pa nyid ni rab tu sbyar// yi ge yi ni phyag rgya 'dis// nyid kyi snying la rgyas btab na// phreng ba'i rgyan gyis rnam brgyan par// dpal ldan de ma thag tu 'gyur// yid kyis ji ltar bsams pa bzhin// de ni sangs rgyas yul du 'gro// de ni de phyir sangs rgyas mthong // chu skyes de dang rtsen par byed// de nas 'dus pa dgyes 'gyur te// sangs rgyas yang dag zhing nyid nas// sangs rgyas rnams kyis bde ba che// dngos grub rnal 'byor de la sbyin// byed pa dang ni bzlog pa dang // bde ba chen po 'phrog pa yis// rnal 'byor gsang ba'i dbang phyug la// gsang ba chen pos mgu bar byed// thabs bcas shes rab chen po la// rgyal ba nyid kyis stobs byed de// A li kA li mnyam sbyor bas// bde ba chen po mgu bar byed// bde

  428. 214b

    ba'i thabs kyi dngos grub rnams// sgyu ma'i tshul gyis bsgrub par bya// yi ge yi ni phyag rgya 'dis// shin tu dngos grub mchog tu brtag/ rdo rje shin tu dgyes pa'i bde ba'i phreng ba rgyas pa dpe med pa dang ldan ma zhes bya ba'i phyag rgya ste/ las thams cad kyi don gyi dngos grub sbyin pa'o// // oM ni dang por gtsug tor bya// te de skad snyan tha mar te// dbus su he dga' zhes bya ba// bde chen dga' ba rdo rje dbyangs// rdo rje shin tu dgyes che yi// phyag rgya 'di ni rab dgyes 'brel// bris pa dang ni 'dzin pa dang // dran pa yis kyang dngos grub ster// sdig pa kun las grol byed cing // bsod nams thams cad nye bar 'gro// mi dge thams cad ma lus spong byed cing // sems ni phyag rgya'i yi ges brgyan te 'gro// 'jig rten thams cad kun tu bkur sti byed// rig ma stong gis mngon par mchod byed cing // rig 'dzin mu sman bud med rnams kyis ni// g.yag rnga dkar po'i tshogs kyis g.yo ba byed pa'i// 'jig rten dbang po bde mchog 'brel pa 'thob// blo ldan nam mkha'i ngos ni thams cad du// rdo rje 'dzin gyi dgyes pa'i rnal 'byor ma// yid du 'ong ba'i spyan ni rgyas pa dang // rnal 'byor spyod pa'i bde bas 'bigs pa yis// mgul nas 'khyud pa'i rtsen pas rol par byed// pi wang gling bu ya mtshan sgra snyan gyis// glu blangs dngos

  429. 215a

    grub rgya che thob par byed// ji snyed yid du 'ong ba'i glu dag ni// 'jig rten grags pa'i bde ba'i bde ba dag/ bde ba'i sgra yis bskyed par rnam bsgyur ba'i// de dang mthun pa'i dbyangs 'dis sgrub par byed// kha Ta ba dag ra dza'i dbyangs// glu ru blangs pas pad+ma gnas// dngos grub myur du 'thob par byed// 'di yis byin rlabs dag pa dang // 'di yis byin rlabs bde ba'i rnams// sbyor ba 'di yis sbyor ba yis// 'dod byed thams cad 'thob par 'gyur// shin tu dgyes pa chen po rdo rje sems dpa' mchog tu dgyes pa chen mo'i dbyangs dpe med pa dang ldan pa'i yi ge'i phyag rgya'o// // de bzhin oM ni dang por te// dbus su he dgyes bde ba che// rdo rje gar byed bde ba gnyis// 'di ni thams cad bde byed de// sangs rgyas rnams kyis rab dgyes nyid// rnal 'byor yis ni rgyas btab na// bde dang ldan par byed cing 'gro// 'og min gyi ni gnas chen du// sangs rgyas rnams dang thabs cig 'grogs// bde byed chen po'i dbang chen dang // chos kyi rgyal po bde chen thob// ji snyed gar gyi gtsug lag las// sbyar bar byed pa bshad pa dang // ji snyed de snyed phyag rgya'i rnams// gnyis min 'dus pas 'di dngos grub// kye ma'o dgyes pa bde byed che// kye ma'o bde ba bde chen po// kye ma'o 'dod pa 'dod chags che// kye ma'o sna

  430. 215b

    tshogs bdag nyid che// de la sogs pa tshad med pa// 'jig rten gyi ni yo byad rnams// pad+ma gsal ba gar gyis ni// rnal 'byor gar byas dngos grub bo// sangs rgyas kun gyi phyag rgya 'di// sna tshogs gar ni ston byed pas// myur du gar ni med byas pas// gar gyi gtsug lag dngos grub bo// rdo rje shin tu dgyes pa chen po'i dpal bde ba chen po dga' byed gar zhes bya ba'i yi ge'i phyag rgya phan tshun bcu pa rgyal mtshan dang ba dan gsum pa'o// // bcu gsum yi ge dang po nyid// spyi bor thig le ldan pas te// rdo rje shin tu dgyes pa che// rdo rje'i sgra ni sna tshogs che// tha mar 'bar dang 'dra ba'i dza// nam mkhar zla skar 'dra ba yi// phyag rgya'i ye shes rmad byung ba'i// 'di yis thabs kyis mnyam gzhag ste// gzung ba gsal bar gzung ba yi// tsha ba'i gser gyis gzi brjid 'dzin// ye shes snying gar bsam par bya// nam mkha'i nyi ma 'bum 'dra bar// de ni de ma zag tu 'gyur// 'di ni sangs rgyas thams cad nyid// shin tu rmad byung thob par 'gyur// rnal 'byor kun gyi bde 'brel ba// rdo rje blo mchog dngos grub bo// sangs rgyas rdo rje 'dzin dge yi// sna tshogs chen po thob 'gyur nas// 'dod pa'i chos kyis mi gos blo// 'dod pa chen po sten par byed// de bzhin gshegs pa thams cad kyi bdag po shin tu dgyes pa chen po dpal rdo

  431. 216a

    rje sems dpa'i rdo rje ma lus pa lus pa med pa'i rdo rje'i sku dpe med pa dang ldan pa zhes bya ba'i yi ge chen po'i phyag rgya'o// // de bzhin oM ni gzhag bya ste// rdo rje shin tu dgyes pa che// rdo rje'i sgra ni bde 'brel ba// tha mar khri bcas sbyar bar bya// phyag rgya 'di ni bde mchog ste// bar bcad pa yang thos par 'gyur// khams gsum ngo bo thams cad ni// sgra yi thos pa dngos grub po// 'di yis sangs rgyas thams cad nyid// tshe 'di nyid la dngos grub ster// bud med pad+me ut+pal dang // ma lus rgyal ba rnams dang rtsen// rdo rje pad+mar sbyar bas na// dga' byed myur du dngos grub bo// rab tu dgyes pa chen po dpal rdo rje sems dpa'i tshad med pa'i yon tan gyi sgra dpe med pa dang ldan pa zhes bya ba'i don gyis dpal thams cad grub par byed ma'o// // oM ni spyi gtsug thig ler babs// rab dgyes chen mo rdo rje can// rdo rje dri bder 'brel ba yi// tha mar gnas shes rab sbyar bya// 'di ni sangs rgyas thams cad kyi// sna tshogs chen mo mdun du 'gro// sna tshogs chen mo 'di yis ni// sna tshogs ye shes grub par 'gyur// bdag nyid rdo rje brgyan pa yi// de ni mtshan ldan kun dang rtsen// de nas chos dbyings gnas pa des// A li kA li mnyam sbyor bas// dga' byed lhan cig rtsen byas na// dbang phyug dam pa dngos

  432. 216b

    grub 'gyur// 'di ni rdo rje sems dpa' yi// blo ldan rab tu dgyes zhes bya// rdo rje'i dri dpe med pa dang ldan ma zhes bya ba'i yi ge'i phyag rgya'o// // oM mchog gtsug tor rnams byas te// shin tu dgyes che dbus nyid du// rdo rje ro ni sbyor che ba// tha mar ho ste thig le gnyis// 'di yis rab tu dgyes par 'gyur// dpal ldan dpe med bde ba dang // bcom ldan rdo rje sems dpa' nyid// sna tshogs sbyor ba sna tshogs bdag/ sangs rgyas kun gyi rol ba yis// mchod pa mi zad byed par 'gyur// sangs rgyas rnams kyi gnas thams cad// nam mkha' mnyam pa nyid thob bo// rab tu dgyes pa'i dbang po shin tu dgyes pa chen po'i ro mchog gi rgyal mtshan dang ldan pa zhes bya ba sems can thams cad kyi don thams cad grub pa'o// de bzhin gshegs pa thams cad kyi sku dang gsung dang thugs rdo rje'i bdag po zla gsang thig le bshad pa'i rgyal po las/ chos kyi 'khor lo ste gnyis pa'o// // de nas bcom ldan 'das shin tu dgyes pa chen po dpal rdo rje sems dpa' kun tu bzang po nyid kyi sku dang gsung dang thugs rdo rje las shin tu dgyes pa chen po gdon mi za ba'i rgyal po zhes bya ba'i dkyil 'khor chen po bshad nas cang mi gsung bar gyur to// de nas nam mkha'i dbyings thams cad kyi rdul phran dang mnyam pa'i de bzhin gshegs pa de

  433. 217a

    dag thams cad gsang ba'i gzungs dang g.yog tu bcas pa rnams kyis yongs su bskor ba/ byang chub sems dpa'i 'khor chen po dang bcas pa rnams kyis mdun du byas pa ma lus pa lus pa med pa'i nam mkha' la 'gro ba dang / nam mkha' la 'gro ba'i tshogs dang ldan pa/ phyi nang gi pho nya dang pho nya mo rab tu rgyas pa rnams shin tu ngo mtshar rmad du gyur te/ dgyes shing spyan ni rgyas pa yis// bzhengs nas dgyes pa chen po yi// brjid pa'i phyag gis gar mdzad cing // thal mo sbyar nas gtsug nyid du// bzhag pa yis ni 'dud par byed// skul pa yis ni dbyangs 'di yis// de dag gtso la mnyes par byed// kye ma'o chos ni ngo mtshar che// kye ma'o spyod pa ngo mtshar che// kye ma'o sbas pa ngo mtshar che// kye ma'o bde ba yang dag 'byung // kye ma'o kun tu bzang po'i don// kye ma'o rab dgyes yang dag 'grogs// kye ma'o bde ba dag pa che// kye ma'o bde ba bde mchog ste// kye ma'o sngags kyi yang dag sbyor// kye ma'o snying po yang dag bsdus// kye ma'o phyag rgya mnyam par bzhugs// kye ma'o sgrub pa rmad 'byung ba'o// kye ma'o pha rol phyin ma yin// kye ma'o ji ltar mthur rig ma'i// kye ma'o sna tshogs dgos pa che// kye ma'o dag pa gsum sbyar ba// kye ma'o rdo rje mnyam sbyor ba'i// kye ma'o pad+ma rnams phye bas// kye ma'o dbang po gnyis sbyor ba'o// kye

  434. 217b

    ma'o mchog dang mnyam pa'o// skye ma'o gar ni dag pa che// kye ma'o glu rab dri ma med// kye ma'o sil snyan rnam par 'brel// kye ma'o brda' 'ang brdab dang mun pa sel// kye ma'o dag byed me tog phreng // kye ma'o spos snod dge ba ste// kye ma'o mar me mun pa sel// kye ma'o dri ni shin tu bsil// kye ma'o rnal 'byor mnyam par sbyor// kye ma'o sgyu ma nam mkha' 'dra// kye ma'o sangs rgyas rdo rje mchog/ kye ma'o rin chen bde mchog skyed// kye ma'o sna tshogs pad mchog ldan// kye ma'o sna tshogs sgyu ma mdzad// kye ma'o ngo mtshar sangs rgyas dang // kye ma'o ngo mtshar dpa' bo rnams// kye ma'o ngo mtshar sems dpa' rnams// kye ma'o ngo mtshar lha yi rnams// shin tu dgyes che rdo rje la// rgyal ba kun gyis bstod byas te// rdo rje sems dpa'i 'gying ba yis// dga' dang bde byed skyes par 'gyur// de nas pha rol phyin thams cad// 'khor gyi dkyil 'khor dgyes 'gyur te// sems dpa' che la phyag byas nas// mchog gi dbyangs kyis bstod par byed// chu skyes zhal ni 'dzum bcas pa// yangs pa'i spyan gyis gar mdzad de// phyag dang zhabs ni bsgyur ba yis// rab tu dgyes ldan smin ma bsgyur// yid tsam 'dzum pa'i spyan zur gzigs// sha rgyas brla ni nu mar 'dud// sked pa'i dbyibs ni rnam par yangs// snams kyi ngos kyang che la mdzes// chags pa cung

  435. 218a

    zad tshems kyis gnon// tshems kyi phreng ba kun+da zla// mig drag zlos pa'i dbugs 'byin cing // rab tu dga' che dgyes pas bstod/ sngags sor bzhag/ ra la ra ma na ho// ma hA su hu ma dzu ma hA su ra An sen ho// pa I adz+dza a la la ho// sa ra mu ma hA su hu/ hud+d+ha na ha mu ha da ha/ na Na ma i kha dza pa ang dzu ho// b+ha ga bAn ma hA su khe du sh+ya ho// oM badz+ra sa twa su ra s+t+waM/ sarba ra sa ra sa gra/ ma hA su ra su/ kha shu me/ sid+d+ha nid+d+han/ ra ma ra ma/ sarba ra ma sarba yo gi nIn/ rA gA ya he// b+ha ga wAn ma ka ma hUM/ a la la ho// b+ha ga wAn ka ma ru ra ta staM/ ka ma hi ma man+tha/ b+hI a pi/ a ba ra ma hu ma/ a la la ho// ba ta g+hu la sha sa ha ra sa a la su ha/ e ru bi a si/ a ma hu pa hu ma sa ra ma hu ma/ ba ra ka ya bi bo ha n+ya ma lu sa ru/ ma hu ra ra ma a ho// ma hA su hu a dzu/ pe sa he ku li sit+ta mu/ su ra ha sangadz+dza/ ki dza hi pa tsa lu su rA ga mu gadz+dza/ bo d+hi pa ma ga mu la/ bi pa i adz+dza a la la ho// sa ma a ot+ta mu ka dz+nyA/ a la la ho// su ra a o da ta mu sadz+dza/ bde bas bde la longs spyod mchog tu bde ba'i rang bzhin bsam gyis mi khyab bstan// dgongs pa'i dbang dang ldan pas 'gro ba ya mtshan chen po'i sgo nas 'dul mdzad cing // gsang ba'i thig le 'jig rten gsum po 'dir ni dngos grub gtsor bstan te// thams cad mkhyen pa'i ye shes

  436. 218b

    rtsen pas dga' bas spyad pa stsol// a la la ho// dam tshig rjes su chags pa'i bdag nyid sdug bsngal zhi mdzad cing // 'jig rten gsum po sbyang bar bya ba'i chos de bde gshegs don du mdzad// ngo mtshar yon tan ldan pa dam tshig bde las 'byung // bde mdzod bde spyod dga' la rol pa tshul bzhin mdzod// thams cad dga' ba'i ngang nyid thig le'i dkyil du bskyed mdzad de// byang chub snying po 'gro ba'i lam 'di bde bar bskul la bsnyen par mdzod// ngo mtshar de bzhin gshegs pa'i dam tshig rig pa che la dgyes shing bzhugs// bdag cag 'du shes rnams dang bral ba nyid kyang bzhugs spyod mdzem mdzes kyang bcas pas// tshangs pa'i rgyal po dbang dang ldan pas kyang ni de la rag lus so// a la la la ho// yangs pa'i spyan can drangs shing bcug ste rol pa tshul bzhin mdzod// rnam dag ye shes chu des 'gro ba rnams kyi sdig pa khrus// byams ma'i gzungs ma bdag nyis che dang rab tu brtson mdzod la// thugs rje chen po rang bzhin dag pa'i chu des bdag cag dbang bskur cig/ mi g.yo mnyam pa nyid kyi rang bzhin ye shes thob 'dod phyir// dam tshig chen po gsum po gsum po 'di la gnas nas ni// zla gsang thig le'i dbyings su bdag cag dogs med 'gro bar bgyi// dbyangs kyi rgyal po 'di yis ni// shin tu srid pas

  437. 219a

    skyo ba yis// sangs rgyas kun kyang 'dod pa bzhin// glu blangs myur du bskul bar 'gyur// de nas bcom ldan 'das la dbyangs kyi rgyal po 'dis bstod pas shin tu dgyes te de bzhin gshegs pa dang byang chub sems dpar bcas pa dang / rdo rje dang rin po che dang / pad+mo dang las kyi rigs kyi btsun mo de dag thams cad la rdo rje shin tu dgyes pa'i bde ba chen pos mnyes par mdzad de/ de bzhin gshegs pa thams cad dang / rnal 'byor gyi dbang phyug chen po'i tshogs rnams dang / byang chub sems dpar bcas pa dang / nam mkha' la 'gro ba dang / nam mkha' la 'gro ma'i tshogs su bcas pa rnams dang / phyi nang gi rdo rje'i rigs las skyes pa rnams la shin tu dgyes pa chen po'i gar dang dbyangs dang / brdung ba dang zhi ba'i thal mo la sogs pa rnam par mdzad pa chen pos rab tu mdzad nas/ dam tshigs chen po rdo rje shin tu dgyes pa 'dod pa'i dbang mo dpal zhes bya ba'i ting nge 'dzin la snyoms par zhugs nas bde bar cang mi gsung bar gyur to// de nas de dag kun dgyes nas// shin tu dgyes pa nyid byas te// thal mo sbyar nas sa steng du// pus mo'i lha nga btsugs mdzad de// chos kyi phyir ni gsol ba 'debs// dkyil 'khor dam tshig bdag nyid la/ bcom ldan dgyes pas bshad du gsol// gang gi sems can bde nyid

  438. 219b

    kyi// bde bas dkyil 'khor bsgrub par bgyi// de nas bcom ldan 'das dam tshig 'dod pa nye bar longs spyod pa'i dpal zhes bya ba'i ting nge 'dzin la snyoms par zhugs te/ dkyil 'khor bshad par mdzad do// phyag gnyis gar dang bcas pa yis// mdun du thal mo bkan bar bya// sor mo kun gyi rtse mo la// pha rol phyin pa'i tshogs rnams bsam// de dag ming gi brda yis ni// sor mo thams cad brtag par bya// sbom po phan tshun bsnol byas te// shes rab mchod rten du ni brtag/ rdo rje mchod rten phyir byas te// lhag ma 'od bzhin spro bar bya// 'di ni sangs rgyas thams cad kyi// shes rab pha rol phyin ma dge/ gang gis bcings pa tsam gyis kyang // sangs rgyas byang chub byin rlob bo// phyag rgya 'di yis rgyas btab pas// rtag pa'i pho brang 'gro 'ong byed// sangs rgyas snang mdzad dpal dang ldan// btso ma'i gser gyi kha dog 'dzin// shes rab ldan pas sbyor byas na// 'di yis myur du dngos grub bo// skal ldan 'phrul gyi bu mo la// 'di yis byin rlabs gar byas te// rdo rje pad+mor gzhug byas nas// sems ni bzhugs pas bsgrub byas la// de nas sems de blang byas te// blo ldan de yis btud byas na// grub pa gzungs kyi dkyil 'khor du// yang dag dngos grub 'gro bar byed// shes rab dang ni 'phrul gyi'am// de bzhin gshegs pa

  439. 220a

    'phrul brtag 'thob// sangs rgyas rdo rje blo ldan gyis// kun tu 'phrog par yong mi nus// shin tu dgyes pa kun tu longs spyod pa'i bde ba zhes bya ba'i shes rab kyi pha rol tu phyin ma'o// // thal mo de nyid khro skyes pa// sbom po skyil krung gzhag byas te// sna tshogs phreng ba 'bar byed pa// rnal 'byor gyis ni lhag ma spro// 'di ni rdo rje thams cad kyi// shes rab pha rol phyin ma gsal// phyag rgya 'di yis rgyas btab pas// rdo rje ye shes bla na med// 'di yis myur du 'thob par 'gyur// phyag rgya 'di yis rgyas btab pas// 'di ni bcings pa tsam gyis kyang // ring du sdig pa 'jig par byed// tshe dang dpal dang ye shes skal// rdo rje 'dzin gyis thob par 'gyur// 'di ni dbang bskur tsam gyis kyang // rdo rje 'dzin rjer de 'gyur te// rdo rje dkyil gyis mtshan btab pas// sa chen 'ong zhing 'gro bar byed// 'di ni dga' byed rdo rje rigs// rdo rje bud med 'grogs pa dang // rdo rje gzungs kyi dkyil 'khor du// rdo rje sems nyid 'thob par 'gyur// ji ltar dngos grub 'dug pa dang // sangs rgyas rdo rje dpa' bo rnams// skad cig gcig gis 'dren par byed// bsgral dang mnyes par bya ba dang // rgyas btab de bzhin rmongs pa dang // gso bar byed dang za ba dang // phan tshun du ni skyed par byed// de bzhin gshegs

  440. 220b

    pa thams cad kyi rdo rje chen po'i dbang bskur ba rdo rje'i phreng ba zhes bya ba shin tu dgyes pa bde ba thob par byed pa dpe med pa'i rdo rjer byed pa'i phyag rgya'o// // rdo rje'i thal mo de nyid las// khro mo rgyab ni bskum byas te// sor mo lhag ma snga ma bzhin// phyag rgya 'di ni dbang bskur ba'o// rims dang gdon dang dug la sogs// de ma thag tu 'phrog par byed// 'di ni bcings pa tsam gyis kyang // sangs rgyas kyi ni dgyes pa thob// 'di nyid kyis ni dbang skur dang // 'di nyid kyis ni bde dam pa// 'di nyid kyi ni rgyal po che// 'di nyid kyis ni dpal dam pa// 'di yis rtsen pa byas pa yis// rab dga' 'gugs pa dngos grub bo// mi la 'di yis byin brlabs te// nyi ma phyed na spyad byas na// 'di ni de ma thag tu yang // dpal ldan rdo rje gzi brjid 'dzin/ nyi ma bcu gnyis 'od 'dra bar// zhag bdun gyis 'gyur gzhan gyis min// sangs rgyas kun gyis 'dul ba dang // dge ba thams cad dbang du byed// grol 'dod rnams kyi mun pa sel// blo ldan phyag rgya mchog tu 'gyur// de bzhin gshegs pa thams cad kyi bde ba chen po gzi brjid dpe med pa dang ldan pa'i phreng ba zhes bya ba ba dan gsum pa'i 'jig rten gsum du bde ba chen po thob par byed pa'i dam tshig gi phyag rgya chen po'o// // pha rol phyin pa'i phyag rgya nyid// dge ba'i khro

  441. 221a

    mo dang bral ba// pha rol phyin pa'i chos yin te// tshig dang tshig tu rnam bral ba'o// phyag rgya 'di ni bcings pa yis// chos kyi dbyings nas rje ru 'gyur// sangs rgyas kun gyis dbang bskur bas// dbang phyug dam pa de 'gyur te// thams cad dag pa mos pa yis// pad+mo dmar po mchog 'dzin 'gyur// pad+mo sgyu ma rnam mdzad pas// sna tshogs chen por de 'gyur ro// sdug bsngal thams cad 'phrog par byed// sems can kun la thams cad sbyin// 'dod chags chen po nyes spangs te// de ni bdud rtsi 'dra bar 'gyur// 'di ni myur du gar byas pa// bsgrub par mi byed cung zad med// 'di ni pad+mo sbyor ba yis// bde mchog rtag pa thob par 'gyur// shin tu dgyes pa chen po'i myos par byed pa'i dpal pad+ma'i phreng ba zhes bya ba thams cad kyi don dpal shin tu dgyes par byed pa'i phyag rgya'o// // 'di nyid gnyis pa'i spyi gtsug tu// bsgyur nas gzhag par byas pa ni// ma lus dri ma 'phrog byed pa// sna tshogs chen por de 'gyur ro// 'di yis dbang ni bskur ma thag/ khams gsum sna tshogs byed par 'gyur// sna tshogs dbang po rgyal po che// sna tshogs gzugs dang sna tshogs bdag/ sgrub po thams cad bde dam pa// 'dod pa kun gyi dbang phyug rgyal// 'dod pa'i don kun sgrub byed pa// thams cad 'di yis dngos grub

  442. 221b

    bopo// bud med 'di yis byin rlabs nas// sngo bsangs mkhur tshos dkar mo dang // de dang lhan cig gar byas pas// sna tshogs bdag po chen por 'gyur// sngo bsangs zhing ma phreng ma dag/ byin gyis brlabs nas dus gnas gsum du// mtshan gyis mthar ni bsnyen byas nas// las kyi dngos grub thob par 'gyur// rigs ngan can dang sme ma dang // gar mkhan de bzhin gar byed dag/ phyag rgya ye shes byin brlabs te// bsnyen dang dngos grub thob par 'gyur// shin tu dgyes pa sna tshogs bde ba sbyin par byed pa zhes bya ba 'dod par byed pa thams cad kyi mchog sgrub par byed pa'i phyag rgya'o// // phyag rgya de dag bstan pa rnams// gar gyi tshul gyis rang gi gnas// dam tshig mchog gi dam tshig gis// dngos grub chen po'i mthur 'gyur ro// thal mo de nyid sbyar byas te// rdo rje bcings pas bcing par byed// de nas dga' byed dbang bskyed de// mda' yi tshul gyis gzung bar bya// 'di ni rab dgyes gtso bo yis// pha rol phyin mchog sdug sdud pa yin// sangs rgyas rnams kyi myos byed pa// dpa' bo rnams kyang rmongs par byed// 'di ni bcings pa tsam gyis kyang // mi shes byed pa 'jigs par byed// las kyi don ni bka' bzhin du// dga' nas bran bzhin byed par 'gyur// 'di yis byin gyis brlabs pa yis// bde chen rgyal po 'dra bar

  443. 222a

    'gyur// dga' dang lhan cig gar byed cing // 'dod dbang sar ni 'gro bar byed// dpal rdo rje sems dpa' shin tu dgyes pa kun tu bzang mo'i dgyes pa chen mo'i bde ba gnyis su med pa dang ldan ma zhes bya ba sbyor ba'i phyag rgya chen po'o// snying gar gzung ba'i sbyor ba yis// 'di yis las kun byed 'gyur te// bdud rnams thams cad 'bigs par byed// rgyal ba 'dod chags bral spyod pa// bde gshegs mya ngan 'das kun dang // thams cad 'di yis slong bar byed// sangs rgyas thams cad mnyes byas nas// myur du las la sbyor bar byed// dbang po nye dbang dbang chen gyi// gdug pa thams cad 'joms byed de// 'jigs byed drag po chen po yis// gdug pa thams cad gdung bar byed// rdo rje pad+mar bcug pa yis// mche bas ma mchu bzung byas te// sor mo phan tshun bsnol ba yis// dpung pa brkyang ste gar du bya// sna tshogs chen po rab rgyas pas// bde chen po yi bde 'thob bo// 'di ni sangs rgyas thams cad kyi// 'dod dang thar pa 'grub byed de// phyag rgya 'di yis rgyas btab na// 'dod pa bzhin du 'phur bar byed// rab dgyes 'brel pas gar byas shing // nam mkha' gzungs ma'i thabs nyid kyis// phan tshun gcu pa'i gnan pa yis// bcings na 'di yis dngos grub bo// de ni de ma thag tu yang // lha

  444. 222b

    dang lha min mchod byed de// dbang po nye dbang dbang chen dang // nyi zla gshin rje chu dbang rnams// spyi bo yis ni phyag byas nas// rang gi dpal mchog stobs byed de// rdo rje 'dzin pa thams cad kyang // nyid kyis dpal can stobs pa yis// brtan pa de la mgu byed cing // sangs rgyas dgos pa rab sgrub byed// 'di yis las kyi tshul gyi rnams// las dang rjes su mthun 'gyur te// rnal 'byor dbang phyug rnam mdzad pas// sangs rgyas kun dang mnyam sbyor te// gzungs dang gnyis med sbyor ba yis// yid la 'dod pa'i las kun byed// 'dzum dang gnas dang sbas pa dang // spyod pas gar gyis byas pas so// gzhan dag kyang de dngos grub che// pad+ma'i 'dab ma rnams phye bas// byang chub sems ni rab sgrub pa// sgrub pa pos ni pad+ma sgrub// de bzhin gshegs pa thams cad kyi// bde ba gnyis su med pa'i dpal// shin tu dgyes pa'i pad+ma 'dab ma zhes bya ba shin tu dgyes pa chen po'i bde ba thob par byed pa'o// // thal mo de nyid bcings pa yis// bcings pa gyen du bzung byas te// mthe'u chung gnyis ni bsgreng byas te// de bzhin sbom po gnyis kyang bya// phyag rgya 'di ni chu srin zhes// rgyal mtshan ldan par bshad pa yin// rdo rje sems dpa' sprul pa ste// 'dod bral chags par bsgrub pa yin// phyag rgya 'di yis bde ldan gyi// pho

  445. 223a

    brang chen por 'gro bar byed// der phyin chos kyi 'khor lo dag/ bla med par ni skor bar byed// sangs rgyas pha rol phyin mas bskor// sdig spang rnams ni bkug nas kyang // spyod pa drag po'i tshul gyis ni// bskal pa bye bar bsnyen par byed// yang dag byang chub gnas pa yi// sangs rgyas 'di yis mnyes par byed// de nas dgyes te sna tshogs che// sna tshogs ye shes skye ba yi// rang gi dam tshig gsungs pa yi// sems dpa' chen po sgrub par byed// bla med dngos grub thams cad kyang // 'di yis thams cad 'grub par byed// sbyor dang ldan pas byin rlabs te// snying gar nye bar bsam byas na// las kyi ngo bo tshul 'di yis// thams cad las ni byed du gzhug/ gar dang dbyangs kyi ro dga' dang // sil snyan brdung ba rnam byed dang // pi wang gling bu rdza rnga yi// phyag rgya 'di yis bsgrub par bya// dpal rdo rje shin tu dgyes pa chen po'i thugs kyi dgyes pa dpe med pa dang ldan ma zhes bya ba'i phyag rgya'o// // thal mo de nyid mnyam bzung nas// 'gying zhing 'gying bas gar byas te// bcing ba chen pos bcings byas nas// sbyor ba chen po gnyis su bya// khu tshur gnyis po dku nyid du// g.yon du 'gying bas brtan par bya// phyag rgya 'di ni rgyal la sogs// bde ba dam pas mchod byas te// 'gying ba'i sbyor bas gar byas

  446. 223b

    na// dngos grub thams cad 'grub par byed// 'gying ba tsam gyi sbyor ba yis// 'gying ba thams cad 'phrog par byed// lha dang lha min rig ma yis// 'bum phrag brgya yis mchod par byed// rab tu dgyes pa bde mchog che// kun tu gar byas gnas par 'gyur// klu mo lha dang lha min dang // de bzhin mi'am bdag por 'gyur// nam mkhar 'gro ma'i khyor 'gyur te// rnal 'byor ma kun bde ba che// gzungs ma rnams kyi dag pa bdag/ gsang ba pha rol phyin pa'i rje// las kyi sbyor ba 'di yis ni// thams cad las ni byed par bshad// sangs rgyas kun gyi gsang ba che// gsang chen sbyor bas dngos grub bo// dpal shin tu dgyes pa bde ba chen mo sems can thams cad sgrol bar spras pa zhes bya ba'i phyag rgya thams cad 'grub pa'o// // phyag rgya de nyid mnyam bzung ste// lag pa'i 'dab ma gar dang bcas// myur bar steng du dor ba yis// mgyogs su 'gro ba dngos grub bo// 'di yis sangs rgyas thams cad kyi// rmad byung dam pa mchod byas pa// sbyor ba gar gyis mchod byas na// thams cad las byed dngos grub bo// gang dag dngos grub med pa dang // gang dag bde ba med pa rnams// de dag phyag rgya 'dis btab na// nam mkha'i dkyil 'khor 'gro bar 'gyur// de yis thams cad las rnams ni// rmad byung dam pa 'grub par

  447. 224a

    byed// btsun mo chen po de bzhin gshegs// 'di yis de ni 'grub par byed// gzhan yang mchog tu rgya che ba// mnyam dang mi mnyam chos kyi dbyings// btsun mo dam pa de bzhin gshegs// phyag rgya'i sbyor bas dngos grub bo// dpal bde ba chen po rdo rje rab tu dgyes pa'i me tog gi phreng ba zhes bya ba'i phyag rgya'o// // de nyid 'og gi ngos su dor// steng du cung zad bsgyur bar bya// 'di yis sangs rgyas thams cad kyi// bde mchog yid ni tshim byed pa// 'dis ni bcings pa tsam gyis kyang // bdud rnams shin tu ring par 'gyur// phyag rgya bcings te bsdigs pa yis// skrag nas dngos grub sbyin par byed// sangs rgyas dam tshig gsum gnas pa'i// 'di yis mchod pa byas par 'gyur// de nas gtso bo 'dis mnyes nas// mchog gi zabs ni stobs par byed// phyag rgya bcings pa'i sbyor ba yis// 'di yis thams cad byed par 'gyur// rgyun du byas na rnal 'byor pa// dgos pa thams cad byed par 'gyur// sdig pa thams cad 'phrog byed de// bde ba dam pa 'thob byed cing // tshe 'di dang ni pha rol tu// phyag rgya'i gnas su de 'gro'o// dpal shin tu dgyes pa chen po'i bde ba tshim par byed pa zhes bya ba'i phyag rgya ste// dri ma thams cad spong ba dpal shin tu dgyes ma'o// // thal mo de nyid sbom po bsgreng // lhag ma

  448. 224b

    gsal ba'i nyi ma bzhin// 'di ni sangs rgyas thams cad kyi// ye shes mchog tu snang byed pa'o// thog ma med nas dri mas bsgos kyang bskor ba yi/ 'di yis gti mug 'phrog byed de// mnyam par bzhag nas bcings ma thag/ sangs rgyas kun gyis byin gyis rlob// mnyam nyid ye shes dri med dang // pad+ma dra ba dga' ba che// sna tshogs dra ba dpal chen po// bde byed chen po 'thob par 'gyur// rdo rje dgyes pa chen mo'i dpe med pa'i dpal dang ldan ma zhes bya ba'i phyag rgya'o// // g.yas dang g.yon pa'i lag pa yis// brjid pa'i gar gyis gar bya zhing // thal mo de nyid mnyam sbyar te// g.yon gyi khu tshur spyi bor gzhag/ rgyal ba rnams kyi phyag rgya 'di// mchod pa thams cad grub byed do// thams cad don rnams grub pa dge/ bkra shis rgyal ba 'thob par byed// gang zhig bcings pa tsam gyis kyang // mchod pa'i sprin nyid rgyas pa che// mtha' yas dri med gzi brjid dang // sangs rgyas zhing ni dngos grub bo// phyag rgya sbyor bas sbyar byas te// skad cig gcig gis sbyar byas na// rdzogs sangs rgyas dang sras mchog dang // 'di yis thams cad 'bab par 'gyur// sna tshogs kyi ni sbyor ba yis// sna tshogs gar gyis gar byas na// dpa' bo thams cad kun tu 'gro// phun sum tshogs pa 'dis 'grub bo// dpal shin tu dgyes pa chen po

  449. 225a

    bde ba'i sems 'phel bar byed ma zhes bya ba'i phyag rgya'o// // de bzhin gshegs pa thams cad kyi sku dang gsung dang thugs kyi bdag po dpal kun tu bzang po shin tu dgyes pa chen po bde ba'i bdag nyid rnam par snang mdzad chen po bshad pa mthas klas pa de bzhin gshegs pa thams cad kyi mchog tu gsang ba zla gsang thig le mchog tu pha rol tu phyin pa/ gsang ba chen po dam tshig gi phyag rgya'i ye shes kyi dkyil 'khor shin tu dgyes pa rdo rje gdon mi za ba'i dkyil 'khor chen po bskal pa'i mtha' klas pa zhes bya ba gsum pa rdzogs so// // de nas bcom ldan 'das kun tu bzang po chen po gsang ba'i pha rol tu phyin pa'i dam tshig gi ye shes kyi phyag rgya'i dkyil 'khor 'di bshad nas slar yang bde bar cang mi gsung bar gnas par gyur to// de nas de bzhin gshegs pa de dag thams cad dang / pha rol tu phyin ma rnal 'byor ma chen mo'i tshogs thams cad dang / nam mkha' la 'gro ba dang / nam mkha' la 'gro ma'i tshogs thams cad ngo mtshar du gyur nas phyi nang gi rdo rje'i rigs su gtogs pa 'phrog par byed pa'i tshogs thams cad la slar dbugs phyung ste/ de las bzhengs nas gar mdzad cing rab tu dgyes pa'i spyan rgyas pas bcom ldan 'das la yang dang yang du lta zhing dbyangs kyi mchog bde ba 'di glu blangs te

  450. 225b

    dgyes par byed do/ sngags sor bzhag/ a ti nar ta hi sur/ a ma ha su hu bar ta a ni ma hA dzA lA i/ ku la ba pa tu dza lu b+hi a i/ a ka ma la pi pa si/ a id tsa ho// pha ri ud dzA na/ i dzi ti dzi i ni man Ta lud tha na i Na Ta hi Nad Ta hi/ Nad Ta nu pu ru g+ha na ad dza tha/ i b+ha ma a te na/ man da la pha ri e sa he/ pha ra ma a e hi na i sarba dz+nyA i dzo i ni ma a 'un dza ba na si ba pa ma ni ma u d+he hi de/ de a dza ho man d+ha la dzo'i ni su rung a mu a ras/ a nu sog khu'i pa ru ra ma ra ma ra na a i ra a ra a pa rig kha hi ra mar ma mye sa tu sa tu/ rnam mang bde ba'i rol pas bdag nyid chen po yis// skye dang mi skye'i chos nyid ya mtshan rmad dag dpal bstan pa// shin tu bde ba'i dkyil 'khor 'jig rten 'dir byung ste// rang bzhin dag pa'i gzungs ma'i dkyil nas bskyed par mdzod// ngo mtshar rmad du byung ba'i chos nyid bde bas rol mdzad cing // bdud rtsi'i rang bzhin 'dus pa rnams la dbugs 'byin cing // gsang ba'i thig le'i dngos nyid nam mkha' 'dra ba rnams spyad de// bde ba phun sum tshogs pa'i longs spyod rgyu la dbang mdzad pas// byang chub mchog gi lam 'di nyon mongs mtha' dang rnam bral zhing // bde ba'i 'byung gnas skye shi med pa'i sgo mor pad+mo rnam dag pa// nyon mong mi gos sgyu mar gnas pa chu zla'i dkyil 'khor

  451. 226a

    bzhin// e ma'o kun tu bzang po rig pa rgya chen bsam gyis mi khyab pa// dngos nyid med pas chos la dga' ba'i rol pas gzungs su 'gyur// sangs rgyas kun gyi bde mchog bdud rtsi ra sna yan// ji ltar bde la brten cing kun tu gnang bar mdzad// kye ma bde mchog bde bas rol pa tshul bzhin mdzod// sdug bsngal 'gro ba'i las can bde bas tshim par mdzod// byams pa'i spyan can thugs rje nyi mas 'gro ba kun la shar mdzad nas// gti mug thibs po'i mun nag byang chub sems kyis gsal bar ston// de ni 'dus pa'i tshogs la bde sbyin rol pa'i rgyal pos gsungs// byang chub mchog gi sems des snying po mchog tu dbang skur cig/ dbyangs kyi phyag rgya 'di yis ni// skad cig skad cig bskul byas na// rab tu dgyes pa'i bdag nyid kyis// mdun du gnas te dngos grub sbyin// de nas bcom ldan 'das shin tu dgyes pa chen po'i bde ba'i bdag po kun tu bzang po chen po rdo rje zla gsang thig le chen po la/ rdo rje nam mkha' la 'gro ba gsang ba chen po tshad med pa dang / mchog tu pha rol tu phyin pa'i rnal 'byor dang / rnal 'byor ma'i tshogs chen mo de rnams kyis bstod cing bskul ba bya ba dang / gsang ba thams cad kyi bde ba chen po shin tu dgyes pa longs spyod pa'i dpal zhes bya ba'i ting nge 'dzin gyi rgyal po

  452. 226b

    'di la snyoms par zhugs nas/ shin tu dgyes pa chen po gdon mi za ba'i dam tshig ces bya ba rnal 'byor ma'i dkyil 'khor chen po 'di rang gi sku dang gsung dang thugs rdo rje las phyung ngo // // gru bzhi pa la sgo bzhi pa// rta babs rnams pa bzhi yis brgyan// dar dang dril bu'i chun po dang // nyi ma zla bas rnams par brgyan// rin chen mu tig 'bras bus spras// do shal gdu bu rnams kyi brgyan// sna tshogs gdugs ni rnam bres pa// sna tshogs phreng ba gos kyis brgyan// srad bu bzhi dang ldan pa ste// ka ba brgyad mchog yang dag gnas// dbus kyi dga' byed stan la ni// dngul la sogs pas rnam par brgyan// sna tshogs pad+ma dar gyis g.yogs// thams cad stan de dag ces bya// dbus su rdo rje shin tu dgyes// stan de la ni gzhag par bya// tshad med pad+ma dmar 'dra ba'i// sna tshogs rgyan gyis rnam par bklubs// yid bzhin nor bu dbu rgyan ldan// rin chen gtsug gis rnam par mdzes// tshad med dar ni dpyangs pa yis// dbu la chun pos mdzes par bya// sna tshogs sangs rgyas kun gyi bdag/ sna tshogs ye shes rab tu gnas// chu skyes spyan ni yid tsam rgyas// dga' byed yid tsam g.yon du 'dud// g.yas pa'i phyag gis rdo rje che// snying gar gsor la shin tu brtson// de la sogs pa'i yon tan ldan// thog ma nyid du rnam par gzhag/ slob

  453. 227a

    ma'am yang na gzhan yang rung // mtshan kun gyis ni rnam brgyan pa// tshul bzhin byin gyis brlab bya ste// dbus kyi dkyil du gzhag par bya// bdag nyid kyang ni mnyam gzhag ste// de la sogs pa yon tan gtso// dbus kyi stan la 'dug pa na// bdag ni rab dgyes zhes su smra// des ni slob ma byin brlabs te// thams cad las byed phun sum tshogs// rdo rje pad+ma las byung ba'i// gsang ba yis kyang dbang bskur ro// rab dgyes la sogs yon tan ldan// yid 'ong bu mo btsal byas te// mgrin pa dpral ba snying spyi bor// lha la sogs pa'i 'bru bsgoms te// mtshan ma phyag rgyar rab 'bar ba// rdo rje pad+mor mnyam sbyor ba'i// rang la 'khyud pa'i phyag rgya yis// tshul bzhin thams cad gzhag par bya// mdun du lha mo smyo byed ma// ma mchu 'dzin pas ro la dgyes// dkar dmar kha dog 'dres pa yi// thams cad rgyan dang yang dag ldan// lo ni bcu drug lon pa'i mchog/ shes rab can gyis mdun du gzhag/ g.yas su lha mo gsod byed ma// mtshon cha'i mda' ni 'dren par brtson// do shal rkang gdub dag gis brgyan// lo grangs nyi shu lon pa ste// gser gyi ri bo zhu ba 'dra// chu skyes spyan ni yid tsam sngo// sems dpa' che la dgyes mdzad cing / 'di ni tshul bzhin gzhag par bya// rgyab tu lha mo rmongs byed ma// pad+ma dmar po mdog gi

  454. 227b

    'od// chu srin rgyal mtshan mdzes ma'o// sku tshe'i tshad ni nyi shu gcig/ dga' byed 'dod pa'i ro la dgyes// sna tshogs na bza' yang dag gsol// sna tshogs rgyan gyis rnam par bklubs// sna tshogs pad+mo sbyor la sogs// gar gyi bya ba rab bslabs gzhag/ g.yon du sna tshogs chen mo ste// sna tshogs dgos pa'i rjes bslabs pa// sku che'i tshad ni bcu gnyis ldan// rnal 'byor la ni shin tu brtson// lha dang lha min mi yi rnams// 'gro ba thams cad myos mdzad ma// sna tshogs rgyan gyis rnam par bklubs// sna tshogs dar gyi na bza' gsol// grwa rnams kyi ni thams cad du// gzugs sgra dri ro reg gi rnams// bdug pa me tog bsung ldan pa// gzi brjid chen po 'od dang ldan// ci rigs par ni gzhag par bya// sgo yi phyogs rnams thams cad du// rang gi las kyi phyag rgyar ldan// skal ldan dga' la rnam mos pa// sgo srung bzhi ni gzhag par bya// gzhan yang rnam pa sna tshogs rnams// pi wang gling bu brdab pa dang // rdza rnga rnga chen mu ku dang // mu ra dza dang da rang pa// gar dang dbyangs dang bzhad pa che// rol mo'i yo byad sna tshogs rnams// dga' byed dkyil 'khor gzhag par bya// phyi yi dkyil 'khor thams cad do// dkyil 'khor 'di yi phyi rol du// rdo rje nam mkhar 'gro ma gzhag/ yi dgas rgyal po yang dag zhon// dpa' bo 'jigs

  455. 228a

    byed gzugs 'dzin te// skal ldan rang gi lag char ldan// gdug pa'i sems kyis sdigs byed cing // sha khrag dang ni rgyu ma dang // rkang dang tshil bu za spyod pa// dkyil 'khor byas te 'dug pa ni// tshogs kyi dkyil 'khor gzhag par bya// dga' bar byed dang 'dren par byed// gsod par byed dang spro bar byed// rdo rje mkha' 'gro tshogs kyi rnams// shar gyi phyogs su gzhag par bya// gzi brjid che dang 'bar byed ma// 'jigs byed bong bu lho ru ste// gtsug lag mthong ba'i rgyu yis ni// mkhas pas tshul bzhin gzhag par bya// chags chen mo dang chags bral dang // 'khor lo mo dang rgyas 'debs mo// rab tu sbyor bas sbyor byas te// ci rigs nub tu gzhag par bya// sna tshogs lus dang bsrung ba dang // gnod sbyin ma dang yang dag 'phrog/ sngags dang phyag rgyas byin brlabs te// sngags mkhan ci rigs byang du gzhag/ shar gyi gra ru gzhag pa ni// bya rog gdong ste mig 'bru zhing // 'jigs pa'i mig dang 'jigs pa'i gdong // ji ltar rjes su mthun byas te// yi dgas stan la yang dag 'dug/ sna tshogs mchog gi mdog 'dzin te// lag pa gri dang mkhar gzhong thogs// mchog tu sha dang khrag za ba'o// nub dang lho yi mtshams gzhag pa// bzhad dang 'ug pa'i gdong ring ma// khros pa'i khyi dang phag gi gdong // gsus po che

  456. 228b

    la lto 'phyangs ma// nub byang gi ni mtshams dag tu// rnga mo bong bu'i gdong 'dzin dang // khros pa'i ra dang byi la'i gdong // rgyu ma'i mgo nas za byed rnams// shar dang byang gi mtshams dag tu// keng rus dkar po 'dzin pa ste// khros pa rus pa'i phreng bas bklubs// lto 'phyangs mo la bum pa 'dzin// phan tshun 'thab par brtson pa yi// ce spyang gi ni 'khor gyi rnams// 'jigs byed gdong ni mche ba 'byin// rnam par 'gyur bas gzugs 'dzin pa'o// sgo srung gi ni phyogs kun du// sgo bzhi rnams su gzhag bya ba// byang gi phyogs su 'bod sgrog ste// bum pa'i rna ni shar nyid du// nub tu rnam par 'jig pa'o// lhor ni gshen rje'i rgyal po gzhag/ de dang gzhan yang rgyal po mchog/ nam mkha' 'gro bas kun tu bskor// bum pa rnam pa sna tshogs te// gser dang dngul las byas pa la// sna tshogs gos kyis yang dag dkris// me tog/ 'bras bu rnams kyis brgyan// bdud rtsi lnga yis gang byas pa// sman lnga dang ni yang dag ldan// rin chen lnga dang ldan byas pa// 'bru sna lnga yis brgyan byas pa'i// bum pa bcu drug gzhag byas te// bcu gnyis brgyad dam yang na phyed// tha na chung ngu gcig tsam yang // ji ltar rim bzhin gzhag byas te// dbus su bum pa ro yi mchog/ dam tshig chus ni gang byas pa// gser ram dngul lam zangs kyang rung // lcags

  457. 229a

    sams las byas pa la// zla ba nyi ma dri chu dang // btung ba snam por ldan pa yi// dbang po kun las byung ba rnams// sha srang gcig gis rab bsres pa// kun las 'phags pa ma mchog/ tshogs kyi dbus su bsgrub byas te// btung ba bzhin du myangs pa yis// rdo rje blo ldan bskal par gnas// rnam pa sna tshogs nye ba'i zas// bza' ba dang ni bca' bas mchod// mchod pa nye ba'i zas lnga dang // tshad med 'dod pa'i yon tan lngas// tshad med rnal 'byor ma tshogs la// skad cig skad cig mchod par bya// sngags mkhan tshul bzhin mnyam gzhag ste// 'byung po rnams la gtor ma sbyin// lha rnams kyi ni thams cad la// he ru ka yi phyag rgya yis// nyid kyi gtor ma byin brlabs te// spyan drang gtsang sbra byas pa dbul// gzugs kyi tshogs ni de rnams la// mnyes par byas nas slar gshegs so// rnal 'byor ma chen dkyil 'khor du// slob ma'i mchog ni gzhug par bya// mtshungs par spyad pa rab mdzes ma// sna tshogs gos kyis yang dag dkris// lag pa g.yon gyis gzung byas te// rab dgyes longs spyod phyag rgya yis// bcug nas sgo yi gra nyid du// blo ldan dam tshig bsgrag par bya// 'di las mi bya cung zad med// thabs dang shes rab sems nyid kyis// rtag tu dogs pa med byas te// 'dod pa lnga yi yon

  458. 229b

    tan spyod// gzhan yang dam tshig nyams pa dang // skye bo gang dag dam la gnod// brtul zhugs spyod pas de drangs te// khrag chen po ni btung bar bya// gang dge slob dpon smon byed dang // gang dag bka' rnams mi byed pa// de dag khros nas khrag chen po// blo ldan snying las btung bar bya// dkon mchog gsum la gnod byed dang // slob dpon la yang gnod byed pa// rdo rje khro bo bsdus pa yis// dam tshig bsgoms te bsgral bar bya// de nas dam chu blud byas te// rdo rje bdud rtsi ro yi mchog/ dung chen por ni gzhag par bya// rdo rje bdud rtsi'i chu blud do// kye ma dmyal ba yi ni chu 'di ste// khyod kyi snying la kun du gnas// dam tshig bsrungs pas dngos grub ster// rdo rje bdud rtsi'i chu 'di 'thung // oM badz+ra u da ka hUM Tha// dam tshig 'di ni brgyar bzlas pa'i// byin gyis brlabs te 'thung du gzhug/ gzhan du dam tshig mi 'gyur te// dngos grub nyid du'ang 'di 'gyur ro// bdag ni dam tshigs skal dga' zhes// slob ma sngags ni brjod du gzhug/ sgo grar gnas nas dri bya ba// kye khyod dga' ba ci la dad// 'jug pa yis kyang sgra bya ba// bdag ni skal ldan bde mchog la// rab dgyes 'phrul la bdag dga' ste// mchog tu dga' la bdag dga'o// de nas rnal 'byor ma mchog gi/ dkyil 'khor me tog bor byas te// me tog gang la lhung

  459. 230a

    ba yi// lha nyid du ni dngos grub bo// dbang bskur ba yi phyag rgya yis// de nas spyi bor dbang bskur bya// bum pa rnam pa bzhi yis kyang // mnyam par bzhag ste lnga po yis// pad+ma'i dkyil 'khor gzhug bya ste// de nas yang ni dbang bskur bya// ci rigs par ni gzungs ma rnams// bdag nyid skal ldan zhes su smra// gang dag 'go bar gyur pa yi// lha de nyid ni bsten par bya// dga' bar byed pa'i gzungs ma 'di'i// khyod kyis rtag tu bsgrub par gyis// de nas rgyal dbang slob dpon des// nang gi sbas pa sdus pa yi// gsang ba mnyam par 'jug pa yis// sbyor dang ldan pas dbang bskur bya// rdo rje pad+ma las drangs pa// sbom po dang ni dbang gis blang // rdo rje dkan du gzhag byas la// rtag pa dge ba bde ba che// kye ma'o dam tshig bde brjod cing // kye ma'o bde ba blang bar bya// 'di ni gsang ba zhes bya ste// dbang bskur ba yi thabs mchog go// rdo rje slob dpon bdag nyid ches/ rang gi khar ni rdo rje gzhag/ sems dpa' chen po drangs byas na// sems kyis byang chub bde ba 'thob// 'di ni mchog tu gsang ba ste// dbang bskur ba yi bde ba'o// slob ma mi shes pa rnams la// 'di dag thams cad bsgrag mi bya// rdo rje slob dpon gyis bya ba// yang nas yang du brtag par bya// 'di yis dbang ni bskur ma thag/ slob ma

  460. 230b

    tshogs kyi bdag por 'gyur// sangs rgyas rdo rje 'dzin pa yi// slob dpon nyid du bde bar 'gyur// gzungs ma rnams kyis dga' ba'i bdag/ sangs rgyas rnams kyi rjer bshad do// mkha' 'gro ma yi khyor 'gyur te// ri rang dang yang dang 'gro ba kun gyi bdag/ de nas shes rab ye shes dbang // slob ma mchog la sbyin par bya// gzungs ma de ni bdag nyid la// bla ma nyid kyis byin brlabs te// dngos grub 'bras bu myur 'thob phyir// slob ma la ni sbyin par bya// dbang bskur shin tu sbas pa yis// rdo rje slob dpon tshul ji bzhin// blo ldan the tshom med pa'i phyir// rnam pa bzhi po 'di sbyin no// de tshun cad ni slob ma la// rgyud kun las ni gang chud zad// yi ge'i tshul gyis sbas pa rnams// gsang ba mchog ni bstan par bya// de nas de nyid langs byas te// slob dpon rkang par gtugs byas nas// rgyal po dbang phyug bde dam pa// thams cad yon ni dbul bar bya// gzungs ma dag ni thams cad la// ci dga' bar ni yon yang dbul// slob dpon cung zad gang 'dod pa// yid la bsams pa'i yon yang rung // dam tshig 'da' bas 'jigs pa yis// de dag thams cad dbul bar bya// slob dpon la ni yon gyi mchog/ rigs kyi khyad par dbul bya ste// seng ge'i gdan la nyid kyi ma// sangs rgyas byin ni yon mchog yin// glang po

  461. 231a

    rin chen gser dag dang // sring mo bla ma'i yon mchog yin// rdo rje sems dpa'i rigs yin te// yon de mchog gi yon yin no// rin chen pad+ma'i chung ma dang // shing rta rta ni shin tu brgyan// sna tshogs rin chen rnam dag pa// mu tig phreng bas shin tu mdzes// bu mo rin chen dra ba yis// brgyan te sna tshogs rdo rje la'o// rgyal po yi ni dbang phyug dang // chung ma bla ma dbul bar bya// 'phrul gyi bzhon pa rnam sna tshogs// glang po rta ni shin tu brgyan// de bzhin gshegs pa kun gyi rje// nan tan bla ma dbul bar bya// bla ma'i yon gyi phyag rgya 'di// rdo rje blo ldan slob ma yis// ci ste bde byed kun 'dod na// dga' dang mos pa'i sems kyis bya// de la sogs pa'i sbyor ba yis// rab dgyes gdon mi za ba'i bde// gang gis myur du thob 'gyur te// slob dpon gtso mchog nyid du 'gyur// chos rnams kun gyis dbang phyug rgyal// rdo rje blo ldan mchog tu 'gyur// rin chen kun gyi rigs kyi rgyal// de bzhin sna tshogs rigs kun tu// pad+ma'i rigs kun dpal dang ldan// rdo rje rigs kun bdag por de// sangs rgyas kyi ni rigs kun dang // rgyal ba'i gtso bo mchog tu 'gyur// dkyil 'khor gyi ni 'khor lo'i gur// nyid dang slob ma'i tshogs gyur pas// rdo rje sems dpa' bde ba che// sems dpa' bdag nyid mchod par bya// phan tshun

  462. 231b

    la sogs tshul gyis ni// shes rab mchod pa'i sbyor ba yis// rdo rje che yi thabs gnas te// mkha' 'gro kun la mchod par bya// phyi yi sbas pa gsang la sogs// nang gi mchod pa mchog gi rnams// phyag rgya'i sbyor ba tshul gnas te// tshul bzhin rgyas btab dbul bar bya// lus dang ngag sems bde byed kyis// mchod pa'i bdag nyid mchod par bya// 'dod pa'i rol pa myong ba yis// myangs na mchod pa 'thob par 'gyur// mchod pa kun gyi cho ga yis// rang rig khyad par shes byas te// sgrub pa thams cad bsgrubs byas na// dngos grub thams cad myur du 'thob// dkyil 'khor 'khor lo 'di mthong bas// dga' mgu rangs pa'i yid kyis ni// rdo rje sems la phyag byed cing // rang gi dkyil 'khor gsol ba 'debs// bde byed chen po'i dkyil mo brgya// rigs kyi khyad par kyis ni lnga// lha rnams kyang ni ro re yang // sems kyi khyed par mchog mtha' yas/ sngags sor bzhag/ de ba hi na hu ma ha su hu ad dzu dze la ba b+ha'i so ka khu ma hA su hu ka dzu sa sa ra yi ka ma lu ba ra na ma dzu bse hi gu li sa ba tu dzu dzes ni hi badz+ra/ 'das pa'i dus ni ma byung ba// mtha' yas chos ni yangs pa bstan// 'dod chags rnams kyis dkris pa yi// sdug bsngal gzir ba'i mtha' yas 'gro// 'dod pa'i mchog gi longs spyod rnams// mos pa'i rjes su zhugs

  463. 232a

    shing sprod// kun tu chags par mi 'gyur zhing // bde bas longs pa'i yid dang ldan// byang chub snying por bgrod pa ni// dam bcas rnams dang sems kyis so// de nas bcom ldan 'das shin tu dgyes pa thams cad kyi bdag po kun tu bzang po chen po// rab tu bzhad cing spyan zur gyis gzigs pa'i thugs kyis shin tu dgyes pa/ kun tu longs spyod pa'i skyil mo krung gi dpal zhes bya ba'i ting nge 'dzin la snyoms par zhugs nas// skyil mo krung chen po'i dpal zhes bya ba rang gi phyag rgya'i ye shes nyid kyi sku dang gsung dang thugs rdo rje las byung ngo // // g.yas dang g.yon gyi tshul gyis ni// rkang pa gnyis ka bteg byas te// bdag nyid brla ni mi snang bzhin// rtsa ba'i skyil mo bcing bar bya// sbyor ba gar mkhan tshul gyis ni// gar gyis sbyor bas gar bya'o// rdo rje gdan gyi bde ba che// 'di yis bdud las rgyal bar 'gyur// gdug pa dang ni dgra thams cad// skad cig gis kyang smos ci dgos// rab tu dgyes pa'i stan 'di yis// yang dag byang chub myur du 'thob// mi phyed pi ni thig ler bcas// 'og gi phyogs su yi ge drug/ shes rab can gyis bskyod cing bzlas// byung ba'i tshe ni phaT ces bshad// pad+mo mi phyed 'dren pa dang // thig ler bcas pa'i sbyor ba bya// mi phyed oM dang yang dag ldan// tsheg drag bcas pa bde 'byung

  464. 232b

    na'o// bud med la ni zhag bdun du// 'di yis rtsen par byas pa na// nam mkha' thams cad gang ba yi// sangs rgyas rnal 'byor chen po mthong // rab dgyes longs spyod gnas pa yi// sems dpa' che la slong mdzad de// gzungs kyi pad+mo las byung ba// bde byed mchog gi dbang bskur ro// de nas rab dga' bde thob pa// sems dpa' de ni dngos grub bo// thog ma dang ni mtha' med par// 'dod pa thams cad de longs spyod// tshe dang dpal dang phun sum ldan// gdon dang dug dang tsha ba'i nad// mkha' 'gros nye bar gtses pa dang // sdig can 'khor ba las grol te// sa rnams kun la rnam par rgyu// gzi brjid nyi ma shar dang 'dra// sna tshogs dra ba 'bar byed pas// sna tshogs thams cad snang byed cing // de yis sems can thams cad kyi// nad dang mya ngan 'jigs chen 'phrog/ phyag rgya 'di yi sbyor ba yis// ye shes lnga ni bstan par bya// rtsa ba'i skyil mo krung zhes bya ba phyag rgya chen po'i las kyi don thams cad sgrub par byed pa'o// / bdag gi rkang pa dbus su bsdu// de yis rkang pas bcings byas te// sems dpa'i skyil mo bzhin du 'brel// 'di ni bcings pa tsam gyis kyang // khams gsum sgrub par bzhed pa yin// yi ge rnams ni snga ma bzhin// rang gi lhar ni sbyor brtson pas// bsgoms sam yang na bskyod kyang rung // sngags

  465. 233a

    pa 'di yis dngos grub ste// sngags kyi sems 'dzin gtsang ma yi// zhag bdun bsgom pa bsgom byas pa// yang dag dngos grub nyid du 'gyur// phyag rgya 'di yis rgyas btab ste// sbyor ba shin tu bsten byas na// gdon mi za bar rgyal po 'thob// yid bzhin dgos pa thams cad byed// rdo rje'i skyil mo krung ngo // gzungs ma bzung ste bcing ba ni// rin po che ltar sbyar byas te// rang gi rkang pa mi snang bya// rin chen kun gyi skyil mo krung // 'di ni rin chen thams cad kyi// dbul zhing phongs pa 'joms byed de// sdig pa thams cad 'phrog byed ma// gnod pa'i dug kun 'phrog par byed// gdug pa thams cad rmongs byed de// dgra rnams thams cad 'joms par byed// khro bo thams cad 'dzum byed de// gdug pa rnams kyi rgyas 'debs ma// mi g.yeng zla ba gcig gis ni// 'di yis rgyal po dngos grub po// yid bzhin las rnams thams cad byed// ci ste bdag nyid rgyal po ru// mchog tu rmad byung bsgrub 'dod na// rin chen sems kyi rin chen mtshan// gsang ba'i phyag rgya tshul gnon pa// rgyal po khams gsum rgyal byed pa// zla phyed tsam gyis 'grub par 'gyur// rin po che yi skyil mo'o// de bzhin rkang pa gnyis bzhag pa// pad+ma 'dra ba sbyar byas te// bdag gam de bzhin gzhan yang rung // blo ldan pad+ma bde bsgrub bya// 'di

  466. 233b

    yis sems can thams cad dang // mdor na sangs rgyas rnam dag dang // rdo rje nyi ma ma lus kyang // dbang du 'gyur ba gdon mi za// bde ldan pho brang chen po yi// bde byed 'di yis thob par byed// sems can khams rnams thams cad du// sems dpa' chen po 'gro 'ong byed// pad+ma'i skyil mo'o// de bzhin skyil mo rgyas byas te// sna tshogs tshul gyis sbyor ba bya// sngags mkhan chen po'i sbyor ba yi// sngags mkhan yi ge shin tu brtson// zlos pa byed cing rnams bsgoms na// dngos grub rtag pa thob par 'gyur// mi g.yeng sngon gyi bdug pa yi// las rnams thams cad 'phrog par byed// sna tshogs dkyil du gnas pa yis// bla med dngos grub 'thob par 'gyur// sna tshogs kyi ni skyil mo'o// de nas mkha' 'gro'i skyil mo rgyas// thams cad khrag ni 'phrog byas te// gzungs ma yi ni rkang pa gnyis// nyid kyis gnya' bar rkang pa bteg/ rdo rje mkha' 'gro'i sbyor ba yi// bsnyen pas khrag rnams 'phrog par byed// mnyam par bzhag nas gzungs ma yi// rkang pa gcig ni mgul nyid du// sbyor dang ldan pas bteg byas na// zas rnams thams cad 'phrog byed de// btung ba bza' ba bca' ba dang // gos kyi rgyan gyis bklubs pa yis// de bzhin zhag bdun nyid kyis kyang // thams cad las byed gdon mi za// tshangs pa gtogs 'dod

  467. 234a

    dbang po yi// dpal chen mchog ni 'phrog par byed// lag pa bsgreng ba'i tshul gyis ni// khams gsum rim par rgal bar byed// mig ni btsums par byed 'gyur ba// 'gro ba gsum po rnam par 'jig/ ru sbal bzhin du mnyam bzhag ste// mi g.yeng skad cig bcing byas na// gdug pa'i srog chags thams cad dang // dgra dang spyod bcas mi spyod phrog/ sbal ba bzhin du mnyam gzhag ste// dkyil 'khor tshul gyis bskor bar bya'o// ma lus rnams kyang rmongs byed de// khams gsum rnams kyang rgal bar byed// rtogs 'dod kyis ni mnyam gzhag ste// sa gsum rnams kyi rgyas gdab bya// gar dbang gis ni mnyam bzhag ste// sa gsum rnams ni gar byed gzhug/ dril bu yis ni mnyam gzhag ste// sa gsum rnams ni gdab par bya// gzhon nu'i skyil mo bcings pa yis// sangs rgyas bde chen 'thob par byed// skyil mo phyed ni mnyam gzhag nas// gnyis pa mnyes pa yang yis ni mnan byas na// khams gsum thams cad gnon 'gyur zhing // 'dod byed thams cad dngos grub bo// dga' byed ma yi mnyam gzhag pas// skyil mo rab tu dga' thob ste// dga' byed ma yi yid 'ong ma// khams gsum thams cad dngos grub bo// rig 'dzin rnam par gzhag byas te// khams gsum skad cig gnan par bya// khams

  468. 234b

    gsum rnam par rgyal pa yi// mdor bsdus gzungs ma'i bcings pa yis// 'jig rten gsum na rnam rgyal te// skad cig khams gsum bdag por 'gyur// rtag par phan tshun 'brel ba yis// dpung pa gnyis ni bskum byas te// thams cad sgo ni 'gegs pa yis// mche ba sbom po rab tu sbyar// g.yas kyi brkyang bskum tshul gyis ni// gnon pa'i mnan pas bsdigs byas te// mi phyed sbyor bas bskul bya ba// khros pa'i sems kyis myang bar bya// g.yon pa'i brkyang bskum sbyar ba yis// myur du gnon pas bteg bya zhing // mthe'u chung bde ba'i lcags kyu yis// mdzub mo lce la reg byas te// sa bon tsheg drag hri ldan pa'i// thig le'i spyi bor brgyan byas pas// bdud rtsi'am rig ma drang bar bya// lce yi thog mar spro byas te// 'dren pa'i tshul gyis drang bar bya// rdo rje gnod sbyin mnyam bzhag ste// kha yi phyogs su mche ba yi// sbom po lce dang 'dra byas te// khros pas mche ba'i sbyor ba yis// sor mo thod pa bzhin byas nas// khrag mang po ni btung bar bya// yi ge dang po o dang ldan// spyi bor thig le ldan byas te// 'og gi phyogs su ra yis gdags// u 'dren nga ros brgyan par bya// 'di ni khro bo'i snying po ste// mchog tu thams cad las byed pa'o// gsod pa dang ni 'dren pa kun// dbang dang dbang rnams byed la sogs// de la sogs pa'i las

  469. 235a

    gzhan yang // tshul bzhin sbyar bas byed par 'gyur// shi ba bzhin du mig btsums nas// rang gi lus ni bskum byas te// bum pa lnga mtha'i sbyor ba yis// dgra rnams thams cad gsad par bya// nga ro dang po yang dag ldan/ bdag nyid ngo bo thams cad bya// sangs rgyas chen po bsgom byas te// zhi ba'i 'od zer sprin phung spro// de yis lus ni zhi bar 'gyur// de yis sems can thams cad kyi// tsha ba gdon dang dug la sogs// sdug bsngal mkha' 'gro'i gtse ba dang // 'jigs pa thams cad bral bar byed// shes rab pha rol phyin mnyam gzhag/ bdag nyid kyis ni tshul bzhin du// 'di yis thams cad nang gi rnams// sdug bsngal dogs pa 'phrog par byed// de la sogs pa mtha' yas pa// nam mkha' sa steng las kyi rnams// snying gar rdo rje sems dpa' gzhag/ yid bzhin thams cad byed par 'gyur// myur du rdo rje slob dpon la// sngags kyi dngos grub don 'dod pas// gus la zhe sar bcas pa yis// shin tu lhag par phyogs par bya// nam yang rdo rje slob dpon gyi// sems ni dkrug par mi bya ste// ci ste shes rab 'chal pas byed// myur du na rag ltung bar 'gyur// nad dang 'tshe ba dgra dag dang // gdon dang tsha ba dug nyid kyis// slob dpon zhabs la smod byed pa// gti mug chen por de 'chi'o// bla ma las ni dngos

  470. 235b

    grub thob// bla mas mtho ris bla mas bde// de bas nan tan thams cad kyis// bla ma'i bka' las 'da' mi bya// de bzhin gshegs pa thams cad kyi sku dang gsung dang / thugs rdo rje'i bdag po kun tu bzang po chen po dpal shin tu dgyes pa chen po'i bde ba chen po rdo rje sems dpa' shin tu dgyes pa chen po'i bde ba gdon mi za ba'i rdo rje dam tshig gi dbang bskur ba'i ye shes kyi dkyil 'khor chen po de bzhin gshegs pa thams cad kyi sku dang gsung dang / thugs rdo rje mchog gsang ba sbas pa chen po zla gsang thig le'i rgyud kyi rgyal po shin tu dgyes pa chen po'i rdo rje rnal 'byor ma chen mo'i tshogs kyi dkyil 'khor te bzhi pa'o// // de nas bcom ldan 'das de bzhin gshegs pa 'khor dang bcas pa'i 'khor lo'i tshogs dang / rdo rje rnal 'byor pha dang / rnal 'byor ma dang / rnal 'byor gyi dbang phyug chen po'i tshogs dang / rdo rje nam mkha' la 'gro ba dang / nam mkha' la 'gro ma'i tshogs kyi g.yog rnams mchog tu dga' ba chen po skyes te/ ca co 'byin cing dbyangs chen po brjod par gyur te// kye ma'o rdo rje sems dpa' yi// rdo rje shin tu dgyes pa che// sna tshogs thabs ni bde byed che// sna tshogs ye shes bde ba che// kye ma'o kun tu bzang po yi// dge ba'i ye shes bde ba che// gang bde phyir ni rig ma yi// pad+ma las ni gnas pa

  471. 236a

    mdzad// kye ma'o rig pa shin tu zab// shes rab pha rol phyin pa bde// sems can kun la shes rab kyis// mun pa thibs po sel bar mdzad// kye ma'o thams cad ngo mtshar che// mkha' 'gro'i dra bas gar mdzad cing // snom par mdzad dang myang ba dang // mnye ba dang ni 'phrog pa'i mchog/ e ma'o shin tu rab tu dgyes// skal ldan skal la sprod pa dang // sna tshogs skal ba bde byed che// sna tshogs rdo rje shin tu mdzes// de nas bcom ldan 'das kun tu bzang po chen po shin tu dgyes pa chen po kun tu longs spyod pa'i 'dod pa'i lha shin tu dgyes pa bde ba chen po la gnas pa la rnal 'byor ma thams cad dang // mchog gi pha rol phyin ma la sogs pa rnal 'byor gyi dbang phyug chen mo thams cad rang gi gdan las bzhengs te/ shin tu dgyes pa bde ba chen po'i 'gying ba'i 'dud pas phyag byas te/ shin tu dgyes pa chen po'i bde ba 'thob par byed pa'i dbyangs kyi phyag rgya chen po 'dis mnyes par mdzad do/ sngags sor bzhag/ phra ba tu ma hA su hu pra i ki a pu Na ba a lu ra tha ka ru ma an b+hig tha lu ra mu ka ti bi a ba pa nu ra ma nu dze ma ma nu phra sad ta na tu re e aM b+ha nu/ sgyu ma'i bde bas nam mkha' kun tu gang ba yi// sprul pa'i rang bzhin skye ba mchog gi bde ston te// rjes su chags pa'i pad+ma dga' bas kun khyab cing // chos kyi

  472. 236b

    bde ba nyid kyang kun tu btang snyoms mdzad// e ma'o 'di lta'i gzungs ma bde mchog dpal dang rnam ldan ma// byams ma'i phyogs su mi gtong ye shes nyid kyis 'jug/ 'dod pa'i yon tan 'di rnam chos nyid rnam par dag/ dug gsum dbang du mdzad cing mos pa rnams mi bskyod// ngo mtshar phyogs dang ma bral byang chub snying por bgrod// de nas bcom ldan 'das dpal kun tu bzang po 'dzum pa dang bcas pa'i spyan rgyas pas 'khor de dag thams cad la yud tsam yud tsam kun tu gzigs te/ rdo rje pad+ma dang gnyis su med pa'i sbyor ba'i dpal chen mo zhes bya ba'i ting nge 'dzin la snyoms par zhugs te/ cang mi gsung bar mnyam par bzhugs te/ dbugs mi rngub dbugs mi 'byin/ dbugs rab tu gtong bar mi mdzad/ kun tu mi gzigs/ kun tu rnam par mi gzigs/ bzhengs par mi mdzad/ bzhugs par mi mdzad/ gshegs par mi mdzad/ gsung bar yang mi mdzad/ rnam par rtog par yang mi mdzad bzhin du bcom ldan 'das shin tu bde ba chen pos nam mkha'i dbyings thams cad du shin tu khyab par shin tu dgyes pa chen po'i bde ba las btsal te rgyas par mdzad pa na/ der de bzhin gshegs pa thams cad drangs bcug bcings dbang du byas te/ 'dod pa lnga'i yon tan gyis mnyes par byas te bzhugs par gyur to// de nas

  473. 237a

    bcom ldan 'das de bzhin gshegs pa thams cad yang 'du ba mdzad nas/ yang nas yang bcom ldan 'das la gzigs te/ bde ba chen po shin tu dgyes pa dang gnyis su med par longs spyod pa dpal chen po zhes bya ba'i ting nge 'dzin la snyoms par zhugs te/ bskul nas bcom ldan 'das kyi thugs kar zhugs te/ byang chub kyi sems chen po la yang thim par gyur pa na/ khams gsum 'dir dam pa'i chos ston pa dang / 'jug par byed pa dang / bstan pa la gnas par byed pa 'ga' yang med/ sangs rgyas dang / chos dang / dge 'dun la 'jug par byed pa yang med/ khros pa dang gtum po chen po dang / rngam pa dang / rab tu gdug pa chen por sems pa dang / 'dod chags dang / zhe sdang dang / gti mug gi mun pas bsgribs pa dang / gtum 'khrugs chen po dang / gzhan gyi srog phrog pa dang / gzhan gyi sems phrog pa dang / bud med kyi 'chums pa dang / rdzun dang phra ma dang / tshig rtsub mo la sogs pa'i nyon mongs pa dang / nye ba'i nyon mongs pas gzhan la gtses pa dang / gcig gi sha gcig gis za ba dang / thabs med pa'i lam la gnas pa rnams kyis/ kye ma'o 'jig rten gsum po 'di brlag go zhes sngon gyi smon lam las kyi stobs la gnas pa'i de bzhin gshegs pa rnams kyis gzigs so// thabs dang shes rab kyi thugs

  474. 237b

    rje'i smon lam chen po nam mkha'i dbyings kun tu 'jug pa'i yang dag par gnas pa 'di lta bu'i 'jig rten gyi khams thams cad rab tu brlag par gzigs nas/ de bzhin gshegs pa thams cad kyi bdag po shin tu dgyes pa chen po'i bde ba la yang dag par zhugs pa kun tu bzang po chen po dpal rdo rje sems dpa' la dbyangs kyi rgyal po 'dis bskul ba mdzad do/ sngags sor bzhag/ ho phra i pra bi a u hri bu ba na so ga khung / a la la ho// ka ma la ka ru mun tsa hi badz+ra sa tu/ ma hA su hu dzi na sa ma ba tu a la la ho// phra mun tsa ta tha ga tu/ da ha de ha ba tu ba yi sad sa sa ba bu hi/ sa ra ka na d+ha b+ha ru/ a sa ma ga mu tri b+hu ba nu pa ru a la la ho// su ra a ti b+hU mun tsa sa mun tsa ma ho// tsa ya dzA na ri ba ho ho// ho rang bzhin dag pa dag pa pad+ma bde ba'i mchog mnga' ba// thugs kyi yid bzhin rin chen gzhan la dgongs nas bzhengs mdzad de// bskal pa'i mtha' nas bsgrubs pa'i byams pas gzugs kyis brjid pa dang // byang chub snying po'i chu des 'gro ba rnams kyi rang bzhin khrus// a la la la ho// pad+ma'i 'byung gnas bder gshegs kun gyi skal ba mchog dang ldan// sdug bsngal nad kun sel ba'i thugs rje'i 'jig rten gsum la gzigs// dga' ba'i rol pas gar dang bcas te bzhengs shing dbang du mdzod// a la la ho// sngon gyi rgyal

  475. 238a

    ba rnams kyis ma bsgrags pa yi gsang ba yi// 'gro ba kun gyi yid dang 'thad pa'i gsang chen 'di phyung ste// rnam dag spyod yul gzhan gyis mi 'phrogs nam mkha' la// dngos med rol mo'i gzhan las 'phags pa bzhengs shing mdzad du gsol// a la la ho// skad cig ma yi spyod yul 'dis// mun pa thams cad sel ba'i phyir// gzhan la thugs rjes dgongs nas su// lha rnams byin gyis brlab tu gsol// dbyangs kyi rgyal po 'di yis ni// dgyes mchog dam pa bskul byas na// pad+mo dra ba rdo rje dang // bde bar sbyor bar bzhengs su gsol// bde ba chen po bde gnas pa// gtso la 'di yis bskul ba yis// sems can kun don bzhengs 'gyur te// rgyal ba thams cad gdon par mdzod// de nas bcom ldan 'das bde ba chen po kun tu bzang po dpal rdo rje 'dzin yang dag pa dang ldan pa'i bde ba chen pos brgyan pa'i dpal zhes bya ba'i ting nge 'dzin la snyoms par zhugs te/ bzhengs nas phyogs bcu mtha' yas rab 'byams mtha' klas pa'i 'jig rten gyi khams kun gzigs nas ngo mtshar du gyur te/ kye ma'o// khams gsum 'di stongs so// de bzhin gshegs pa thams cad kyi phyag rgya chen po rnams dang bral bas gdug pa thams cad kyis 'di dag nye bar gtses/ gnod sbyin dang srin po thams cad dang / nad dang /

  476. 238b

    'tshe ba dang / gdon chen po dang / nyon mongs pa dang / nye ba'i nyon mongs pa thams cad kyis yang dag par zos zhes dgongs pa na bcom ldan 'das kun tu bzang po de bzhin gshegs pa thams cad/ mthong ba'i yang gtong ba'i rdo rje ye shes kyi bde ba chen po'i dpal zhes bya ba'i ting nge 'dzin la snyoms par zhugs te/ nyid kyi sku dang / gsung dang / thugs rdo rje ye shes bde ba chen po'i rang gi rdo rje dang pad+ma las byang chub kyi sems nye bar bsdu bar byas te/ nyid kyi sku dang / gsung dang / thugs rdo rje las 'di phyung ngo // // thog mar oM ni thig ler bsam byas pa'i// rdo rje sems dpa' bcas pa 'brug gi sgra 'byin pa// mi phyed 'dren pa yang dag gnyis dang ldan pa ste// 'di ni ston pa'i mchog ste rdo rje'i rigs nyid do// phyung nas nam mkha'i dbyings thams cad du gang ba'i spro bas snang bar byas te/ slar yang 'dus nas rdo/ rje lta bur gnas so// yang spro ba dang bsdu ba byas nas slar 'dus pa las de bzhin gshegs pa thams cad kyi sku dang / gsung dang / thugs rdo rje sems dpa' lta bur gyur nas shar gyi dkyil 'khor dbus su bzhugs par gyur pa na/ hUM hUM hUM zhes bzhad pa chen por bzhad cing a zhes brjod nas bzhugs te/ rang gi sems dpa'i skyil mos g.yon du yid tsam 'gying bas 'dud pa/ g.yas kyi rdo rje gsor zhing 'dzum pa

  477. 239a

    dang bcas shing spyan rgyas pa/ che ba'i chen po dbu lnga pa/ phyag ni bcu drug rnams dang ldan// sna tshogs sku ni mchog 'dzin pa// dpa' bo thams cad las byed pa// kha dog rnam lnga gzi brjid che// mtshon cha rnam pa sna tshogs 'dzin// rdo rje sgyu mar rab tu gnas// mkhas pa gang gis snying ga nyid// mnyam par bzhag ste 'dzin byas na// rdo rje pad+ma bde chen yis// rdo rje sems dpa' bde myur 'thob// de nas bcom ldan 'das nam mkha' 'gro ma kun longs spyod pa'i dpal zhes bya ba'i ting nge 'dzin la snyoms par zhugs te/ nyid kyi sku dang / gsung dang / thugs rdo rje las mchog tu gsang ba de bzhin gshegs pa thams cad kyi zla gsang thig le las/ nam mkha' shin tu dgyes pa 'thob par byed pa'i bde ba chen po zhes bya ba de bzhin gshegs pa thams cad kyi snying po 'di phyung ngo // // oM yi gtsug tu thig le ste// mi phyed thig ler bcas pa yi// 'og tu gzi brjid yang dag bcas// mthar ni dral te tsheg drag bcas// 'di ni rin chen thams cad kyi// snying po mchog tu rmad byung ba'o// phyung ba yis ni nam mkha' dang // sangs rgyas kyi ni zhing kun dag/ 'od zer sprin phung rgyas byas te// slar yang de nyid bzhugs par 'gyur// de yi thugs kar zhugs nas kyang // brda yi tshul gyis bzhugs par 'gyur// rgyal ba kun gyis

  478. 239b

    dbang bskur nas// sems dpa'i tshul gyis sprul pa ni/ kha dog rnam lnga yangs pa'i spyan// chu skyes bzhad pa 'dzum dang bcas// nyi ma'i gzi brjid mdzes pa che// phyag rgya la sogs sna tshogs brgyan// skyil mo 'gying ba g.yon du 'dud// g.yas kyi snying gar rin chen 'dzin// brgyad gnyis phyag gi ngo bo yis// dri ma gsum spang brgyan pa ste// rang gi dkyil 'khor gang byas nas// sna tshogs lho ru gnas par gyur// rnam pa kun mkhyen mngon rigs pa'i// nad kyis grongs pa 'jig par 'gyur// 'di ni sangs rgyas thams cad kyi// gzi brjid chen mo mdangs che ba// dbul dang nad dang gdon chen po// sems can kun gyi 'phrog par byed// nyi ma 'char ba'i dus nyid dang // nyi ma phyed pa'i dus nyid du// nyid kyi snying gar 'di byas te// nor bu rin chen bsgom byas na// zhag bdun gyis ni nges par yang // dngos grub nor mang sbyin mdzad de// dbang po gnyis kyi sbyor ba yis// kye ma'o bde bas dbang bskur bya// de nas bcom ldan 'das kun tu bzang po chen po mchog tu bde ba chen po dpal rdo rje sems dpa' shin tu dgyes pa'i 'dod pa'i dbang gi dpal zhes bya ba'i ting nge 'dzin la snyoms par zhugs te/ pad+ma chen po kun tu gzigs pa'i longs spyod pa'i dpal zhes bya ba'i snying po chen po nyid kyi sku dang gsung dang thugs kyi ye shes mchog tu

  479. 240a

    gsang ba zla gsang thig le las 'di phyung ngo // // dang por mo dang ldan byas te// mi phyed ra btags 'dren par bcas// tsheg drag pa ni sngags yin te// bsam pa thams cad yongs su bskor// sngags mkhan gang gis mnyam bzhag ste// snying gar 'di ni sbyar byas nas// bdag ni 'dod chags zhen sems shing // pad+ma sbyar bas bsgom par bya// mtshams kyi mtha' ma dus dag tu// dam tshig 'di ni spyad byas na// zla ba phyed kyi nang logs su// dbang phyug mo ni dngos grub 'thob// pad+ma che las byung nas kyang // thams cad du ni rgyas 'gyur te// 'di nyid du ni slar zhugs nas// pad+ma'i tshul gyis gnas par 'gyur// kun tu snang bas khyab byas na// sems dpa'i tshul gyis sprul pa ni// de nas 'dod chags phabs nas kyang // pad+ma'i dbus su bzhugs par 'gyur// dkyil 'khor du ni gang ba yis// rgyab nas rjes su mnyes mdzad cing // 'dzum bcas pad+ma phye ba yis// thugs kyi dbus su yid tsam 'dud// dpal dang ldan pa zhal lnga 'dzin// phyag ni nyi shur bzhis ma gtams// mtshon cha rnams pa sna tshogs 'dzin// sna tshogs rgyan gyis bklubs pa yis// zla ba bzhin du rnam grol ba// brjid pa'i gar ni mdzad cing bzhugs// 'di yis pad+ma'i gnas nyid du// tshe 'di nyid la thob par 'gyur// dpal ldan gar dbang 'thob

  480. 240b

    'gyur te// 'dod chags kun gyi thabs gnas pas// 'jam pa'i phyag ni stong rnams kyis// gang du mdzad cing 'gro ba 'dul// de nas bcom ldan 'das shin tu dgyes pa chen po'i bde ba chen po kun tu bzang pos yang sna tshogs chen po kun tu longs spyod pa'i rnam par 'gyur ba zhes bya ba'i ting nge 'dzin la snyoms par zhugs te/ nyid kyi sku dang gsung dang thugs rdo rje'i ye shes mchog tu gsang ba zla gsang thig le chen po las 'di phyung ngo // // sna tshogs chen po oM chen po// steng du thig ler yang dag ldan// 'di ni dbus te lha 'og khro// sngags kyi mchog ni gzhag par bya// sna tshogs 'di ni thugs kar grags// sna tshogs phyung nas kun gnang bas// sangs rgyas tshul bzhin kun mnyes byas// de nyid slar 'khor rab zhugs te// sna tshogs rdo rje gzugs mchog gnas// skad cig sems dpa' sku gnas pa// rnam pa sna tshogs bzhad pas brgyan// 'gying bcas thugs kar sna tshogs 'dzin// sna tshogs gzi brjid 'bar ba gtong // phyag ni brgyad gnyis gnyis kyis phyogs// kha 'byed sna tshogs mtshon cha gtong // zhal lnga sna tshogs yangs che ba// bgegs spong thams cad dngos grub mdzad// dkyil 'khor gang bar bzhag nas byang du gnas// sna tshogs rdo rje bdag mor rdo rje yang dag gis// thugs kar mdzad nas bde bar yang

  481. 241a

    dag gnas// sngags mkhan zhag bdun du ni bsgom byas na// sna tshogs 'gyur te sna tshogs de la bab// sna tshogs las ni sna tshogs byed par 'gyur// de nas bcom ldan 'das de bzhin gshegs pa thams cad mchog tu ngo mtshar du gyur te/ dbyangs chen po len cing dkyil 'khor chen po'i dbus kyi bcom ldan 'das la mnyes par mdzad do// gtso bos byin gyis brlab pa'i phyir// ye shes lnga yi ngo bo dag/ rgyal ba nyid kyis bshad par mdzod// sangs rgyas sku la bstod phyag 'tshal// sngags rig phyag rgya yan lag bcas// lha yi de nyid pha rol phyin// bdag gi de nyid sna tshogs che// sna tshogs ye shes bstod phyag 'tshal// gzungs kyi pad+ma yang dag ldan// 'dod byed thugs kyi mchog yin te// shes rab pha rol phyin sbyor ba// sbyor ba'i ye shes bstod phyag 'tshal// chos kyi don ni gnyis med tshul// stong pa nyid kyi lam rig pa// yangs pa'i spyan ni so sor gzigs// me long ye shes yang dag 'byung // bya ba nan tan sems can don// rang gi yon tan mi mnyam shod// de nyid rim pas kyang rig pa'i sems can kun// rdo rje gsum gyis byin rlabs pa// gang gis byin gyis brlabs ma thag/ sangs rgyas gsum ni dbang du 'gyur// de nas bcom ldan 'das dpal kun tu bzang po gnyis su med pa'i mnyam pa nyid kyi rdo rje ye shes

  482. 241b

    zhes bya ba'i ting nge 'dzin la snyoms par zhugs te/ de bzhin gshegs pa thams cad kyis byin gyis brlabs pa'i yig 'bru 'di nyid kyi sku dang gsung dang thugs rdo rje las phyung ngo // oM b+h+rUM/ stong pa chen po'i snying po'o// oM badz+ra tsit+ta hUM/ oM badz+ra kA ya oM// oM badz+ra bAka AH/ oM badz+ra a b+hi Shiny+tsa tAM/ oM badz+ra sa ma ya hoH/ de nas bcom ldan 'das de bzhin gshegs pa thams cad shin tu mgu/ rab tu dgyes pa'i yid kyis bcom ldan 'das la phyag byas te 'di skad ces gsol to// de bzhin gshegs pa thams cad kyang rang rang gi snying po bcom ldan 'das la 'bul lo// de nas bcom ldan 'das kun tu bzang po chen pos de bzhin gshegs pa thams cad la dge'o zhes bde ba chen po'i tshul gyis rab tu spro bar mdzad do// dge'o dge'o rgyal ba kun// dge'o dge'o rgyal ba mchog/ dge'o dge'o legs pa'i las// dge'o dge'o sngon 'gro ba// dge'o dge'o sna tshogs che// nyid kyi snying gar drangs byas te// rang gi gsang ba bshad par mdzod// gang gis ma 'ongs sangs rgyas rnams// bde ba'i yid ni chud par 'gyur// de nas bcom ldan 'das stong pa nyid kyi ye shes rdo rje chen po// de bzhin gshegs pas rang gi snying po nyid kyi sku dang gsung dang thugs rdo rje las phyung ngo // oM sarba ta thA ga ta ma hA shA n+ya tA dz+nyA na badz+ra swa b+ha wa At+ma ko& haM/ de nas

  483. 242a

    bcom ldan 'das me long gi ye shes rdo rje de bzhin gshegs pas rang gi snying po nyid kyi sku dang gsung dang thugs rdo rje las phyung ngo // oM sarba ta thA ga ta ma hA A daR+sha dz+nyA na badz+ra swa b+hA wa At+ma ko&haM/ de nas de bzhin gshegs pa so sor kun tu gzigs pas ye shes rdo rje de bzhin gshegs pas rang gi snying po nyid kyi sku dang gsung dang thugs rdo rje las phyung ngo // oM sarba ta thA ga ta ma hA pra t+ya bek+Sha Na dz+nyA na badz+ra swa b+hA wa At+ma ko&haM/ de nas bcom ldan 'das mnyam pa nyid kyi ye shes rdo rje de bzhin gshegs pas rang gi snying po nyid kyi sku dang gsung dang thugs rdo rje las phyung ngo // oM sarba ta thA ga ta ma hA sa ma tA dz+nyA na badz+ra swa b+ha wa At+ma ko& haM/ de nas bcom ldan 'das bya ba nan tan gyi ye shes rdo rje de bzhin gshegs pas rang gi snying po nyid kyi sku dang gsung dang thugs rdo rje las phyung ngo // oM sarba ta thA ga ta kr-i t+ya a nuSh+TA na dz+nyA na badz+ra swa b+hA wa At+ma ko&haM/ de nas bcom ldan 'das kun tu bzang po chen pos yang dge ba'i tshul sbyin par mdzad de// oM dge'o dge'o stong pa che// oM dge'o dge'o thugs chen po// oM dge'o dgo'o sku chen po// oM dge'o dge'o gsung chen po// oM dge'o dge'o rin po che'o// oM dge'o dge'o sna tshogs che// de nas bcom ldan 'das de bzhin gshegs pa thams cad 'du bar mdzad nas bcom ldan 'das la rang

  484. 242b

    gi dkyil 'khor bshad par gsol ba 'debs te/ dkyil 'khor sangs rgyas rdo rje yi// dga' byed bcom ldan nyid kyis shod// gang gis sems can bde nyid kyis// dkyil 'khor rab tu 'thob par 'gyur// dkyil 'khor dkyil 'khor zhes bgyi ba// rgyal ba'i bdag pos gsang ba gsungs// gang gis dkyil 'khor myur bris nas// dkyil 'khor gyi ni rgyan du 'gyur// dkyil 'khor bde ba'i gzhi nyid ni// gsang ba'i dkyil 'khor zhes bgyi'o// dkyil 'khor brgyan pa'i bdag nyid de// gsang ba bcom ldan nyid kyis gsungs// dkyil 'khor mnyam pa'i ye shes ni// dkyil 'khor snying po zhes bgyi ba// dkyil 'khor gyi ni ci rigs par// gtso bo chen po nyid kyis shod// dkyil 'khor mi mnyam ye shes ni// dkyil 'khor gsang ba pad+mo ste// dkyil 'khor rab dgyes 'thob byed pa'i// tshad med dkyil 'khor bshad par mdzod// de nas bcom ldan 'das kun tu bzang po rab tu dga' ba'i ye shes kyi dkyil 'khor rdo rje'i 'byung gnas zhes bya ba'i ting nge 'dzin la snyoms par zhugs te/ de bzhin gshegs pa thams cad kyi dam tshig gi dkyil 'khor chen po 'di nyid kyi sku dang gsung dang thugs rdo rje las phyung ngo // gzugs dang lang tshos brgyan pa yi// bu mo mig yang sa gzung bya ste// shes rab can gyis byin rlabs

  485. 243a

    'brus// mnyam par bzhag ste byin brlabs nas// shes rab pha rol phyin pa'i bdag/ de bzhin gshegs kyi btsun mo gzhag/ gnyis pa mdun du gzhag byas pa// brtson 'grus pha rol phyin pa'i gnas// rdo rje sems dpa'i btsun mo ste// thugs ni dgyes par byed pa yin// gsum pa lho ru bsam bya ba// dge ba sbyin pa'i bdag nyid gzhag/ rin chen 'byung ldan btsun mo che// dbang bskur yon tan 'thob byed pa'o// bzhi pa tshul khrims chen mo ste// de nyid chos don yang dag gnas// rdo rje chos kyi btsun mo ste// de sbyin dga' byed ma yin no// bzod pa chen mo byang du ste// gsod pa'i bdag nyid zad pa sbyin// btsun mo rdo rje gdon mi za// dam tshigs gnas ni skyong byed ma'i// gru bzhi dag ni thams cad du// snga ma bzhin du mchod la sogs// sgo yi phyogs rnams thams cad du// sgo srung rnams ni rnam pa bzhi// ci 'dod par ni mchod byas te// slob ma mchog ni gzhug par bya// phyag rgyas lag pa brgyan byas te// 'dzum dang bcas pa'i 'dod chags mig/ rgyan kun gyis ni rnam par bklubs// spro ba che bas gar bya zhing // lha mo 'gying ba'i 'dud pa yis// dga' byed dkyil 'khor gzhug par bya// mig ni dar gyi gos nyid kyis// g.yogs te lag pas bzung nas kyang // sgo yi grar yang gzhag bya ste// smon lam mchog/

  486. 243b

    ni sgra ru gzhug/ rdo rje chen mo bdag ces bgyi// rang gi lha rnams phyag bgyi ste// rab dgyes gnas las byung ba yi// bde byed chen mos mnyes par bgyi// ji lta bzhin du mnyam nyid 'thob// me tog phreng ba dor byas te// lha mo chen mo bzhengs su gsol// khyod kyi dkyil 'khor bdag 'tshal lo// lha mo gang la ltung ba yi// de yi lag nas bskor ba bya// lha mo 'di ni khyod dang mthun// sems che khyod kyis 'dod par gyis// de nas slob ma de yis ni// bdag gi rab dgyes smra bya zhing // de la 'dod pa spyad par mdzod// khro bo rnams kyi mi phyed phaT// mtha' ni hoHzhes sbyar bar bya// 'byung ba'i dus su bya ba ni// a ho su kha bde zhes smra// de nas rdo rje phyung ba yi// mkhas pas de ni blang byas te// bde ba chen po'i dngos grub rdzas// bla ma la ni dang por dbul// de nas de nyid kun la yang // ci bde bar ni dbul bar bya// spyi bos zhabs la gtugs byas te// bla ma la ni dbang blang bya// shin tu sbas pa 'phags pa'i dbang // bcom ldan bdag la stsal bar mdzod// de nas sbyor ba chen po yi// snyoms par zhugs te de'i bde ba// slob dpon rdo rje phyung byas te// spyi bor rab tu gzhag par bya// lag pa yis ni ma reg par// kha la rab tu sbyin par bya// khyad par du ni drang byas te// ci bde bar ni btung bar bya// gzungs ma de dag thams cad

  487. 244a

    la// rdo rje yis ni sbyin par bya// de nas slob ma mchog nyid kyis// bla ma la ni yon dbul bya// ma dang sring mo bu mo dang // chung ma dang ni rang gi bu// bdag nyid dang ni rgyal srid dang // de bzhin longs spyod dbang phyug dang // rdzas dang nor dang gter rnams dang // glang po rta dang shing rta dag/ bla ma la ni yon mchog ste// dga' ba'i yid 'gyur dbul bar bya// phyi yi sbas pa gsang ba dang // de bzhin gshegs pa thams cad dang // rdo rje dang ni gzungs ma'i rnams// 'dod pa'i dngos grub dri bar bya// snying po yang dag shes gyur nas// dngos grub mchog ni bsgrub par bya// de bzhin gshegs pa thams cad kyi// gsang ba yi ni dkyil 'khor 'di// ci ste rmongs pas smra byas na// slob dpon gyi ni dam tshig nyams// myur du zla phyed tshun chad du// bstan pas rnam par 'jig par 'gyur// dang por dam tshig gzhag byas te// phyi nas dkyil 'khor bstan par bya// gzhan du byas na dpa' bo'i rnams// dmyal bar bskal par grangs med smin// de bas blo ldan rdo rje yis// nan tan dam tshig bsgrag mi bya// sngags kyi dngos grub don 'dod pas// dam tshig bsrung la brtson par bya// gzhan du byas na sngags mkhan gyi// sngags la sogs pa'i don mi 'grub// lha rnams kyang ni dam tshig gi/ gsol yang bzhes su mi gnang ste// 'jig rten

  488. 244b

    'di ru sdug bsngal che// 'jig rten pha rol dmyal ba rnams// dam tshig spyod pa 'das pas so// rmongs pa'i bdag nyid des 'thob bo// slob ma de yang de bzhin du// blo zhan sdug bsngal 'thob gyur te// des ni sngags kyi don mi smin// lha rnams kyi ni mchog tu bde// dam tshig med pa'i slob ma la// nams kyang sbyin par mi 'gyur ro// de bas dam tshig gtso yin te// thog mar dam tshig sbyin par bya// sngags rnams dang ni phyag rgya yang // de bzhin thabs dang shes rab rnams// dam tshig de rnams thams cad kyang // sngags pas gsang ba sbyor ba yis// dmyal ba ngan song zlog pa'i phyir// bu dang slob ma sbyin par bya// sngags kyi dngos grub bsod nams byed// gtsang sgra dogs pa med pa 'gyur// de bzhin gshegs pa kun gyis dal// dkyil 'khor tshul bzhin bri byas te// gzhon nu'i tshad ni bcu drug lon// dam tshig slob ma'i dkyil 'khor du// bzhag nas cho ga 'dis gzhug bya// dam tshig rnams ni 'di yin te// sbrang rtsi sha dang dri chen po// nyi ma zla ba'i blo chen dang // rdo rje las byung chub sgrubs rnams// dkyil 'khor la sogs tshul bzhin gzhag/ dam tshig yi ge gzhag pa yis// myur du dam tshig bsgrub byas na/ dga' byed dam tshig dngos bgrub ste// dngos grub thams cad 'thob par 'gyur// dam tshig 'di ni sna tshogs te// 'dzin pa yis ni

  489. 245a

    mthu ru 'gyur// ma 'ongs sangs rgyas chen po dang // rdo rje sems dpa' bdag po che// blo ldan dbang bskur blangs pa yis// dbang bskur phun sum tshogs pa kun// sangs rgyas kun gyis 'thob 'gyur te// dbang bskur ba yi yid du 'gyur// de bzhin gshegs pa thams cad kyi dam tshig rdo rje ye shes chen po zhes bya ba mchog tu gsang ba chen po'i dkyil 'khor te lnga pa'o// // de nas bcom ldan 'das de bzhin gshegs pa thams cad mchog tu dgyes pa chen po yid bde bar gyur te/ bcom ldan 'das la gsol ba 'debs so// gdug pa thams cad rnam 'dul ba// 'jigs par byed pa chen po 'di// rdo rje khro bo chen po yi// dkyil 'khor chen po rnam bshad phyir// 'jigs byed chen po rnams 'dul ba// dkyil 'khor rdo rje thams cad kyi// khro bo dam tshig ded dpon gyis// gsang ba chen po nyid kyis shod// de nas bcom ldan 'das bde ba chen po dpal rdo rje sems dpa' de bzhin gshegs pa thams cad 'dren pa'i khro bo'i dam tshig ces bya ba'i ting nge 'dzin la snyoms par zhugs te/ nyid kyi sku dang / gsung dang / thugs rdo rje ye shes las 'di phyung ngo // oM badz+ra ma hA tsaN+Da sar+b+ba duSh+TAM ta ka ha na da ha pa tsa hUM phaT/ 'di phyung ma thag tu stong gsum gyi stong chen po'i 'jig rten gyi khams 'di thams cad khro bo chen po'i

  490. 245b

    mthus rnam pa drug tu g.yos/ kun tu g.yos/ lha dang / klu dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / gnod sbyin dang / srin po thams cad 'khrug pa chen por gyur to// de nas 'jigs pa chen pos nyen pas de dag brgya byin gyi thad du lhags nas brgya byin bdag nyid kyang skyabs med par mthong nas tshangs pa'i thad du phyin/ tshangs pa yang gtogs 'dod kyi gan du phyin/ gtogs 'dod kyang dbang phyug chen po'i thad du phyin te/ de nas dbang phyug chen po bdag nyid kyi mthu 'jigs byed chen po'i gzugs su byas te/ 'jig rten gyi khams 'di dag thams cad rang gi rdzu 'phrul gyi mthus kun tu snang bar byas te/ lha rnams ma 'jigs shig/ klu rnams ma 'jigs shig/ gnod sbyin rnams ma 'jigs shig/ lha ma yin rnams ma 'jigs shig/ dri za rnams ma 'jigs shig/ lha dang 'jig rten du bcas pa rnams ma 'jigs shig/ nga'i rdzu 'phrul gyi khyad par 'di lta bu gzhan 'gas kyang rab tu brdzi nus sam/ khyed rnams ci dgar spyod pas gnos shig ces dbugs phyung ngo // de nas bcom ldan 'das kyis kyang de bzhin gshegs pa thams cad kyi gzi brjid dpal zhes bya ba'i ting nge 'dzin la snyoms par zhugs te/ de bzhin gshegs pa thams cad kyi khro bo'i khro gnyer chen po zhes bya ba/ khro bo

  491. 246a

    chen po'i snying po nyid kyi sku dang gsung dang thugs rdo rje ye shes las phung ngo // oM badz+ra b+h+r-i ku Ti/ ma hA kro d+ha ha na ha na/ greh+Na gr-i h+Na/ mA ra mA ra/ b+hany+dza b+hany+dza/ da ha da ha/ pa tsa pa tsa hAM/ b+h+re b+h+re/ b+hA d+ha b+hAb+ha d+hA ya/ b+h+r-i kur+tha sar+b+ba mA rA na sar+b+ba duSh+TAM ma Ta ma Ta/ mo Ta mo Ta/ hUM b+h+yAM/ hUM traM/ tra Ta tra Ta/ b+h+re hAM traM hAM tr-i tra Ta/ 'di brjod ma thag tu de dag snga ma bzhin du skrag nas dbang phyug chen po'i zad du nye bar lhags so// de nas dbang phyug snga ma bzhin du bdag gi che ba nye bar ston cing gtogs 'dod la smras pa/ khyed kyang mthu chen po'i lha chen po ste gdug pa thams cad kyi tshogs kyi bdag po yin na/ rang gi mthu rgya chen po'i rdzu 'phrul nye bar ston pas gdug pa de rnams dbugs dbyung bar mdzod cig de nas gtogs 'dod de ma thag tu rang gi mthu 'jigs byed kyi gzugs 'khor lo'i nag po chen por bsgyur nas rdo rje'i skad drag po chen po'i bgad pa'i gdangs 'byin pas 'jig rten thams cad la nye bar ston cing gnas par gyur to// de nas bcom ldan 'das kun tu bzang po chen po yang khro bo chen po'i pad+ma 'byung ba zhes bya ba'i ting nge 'dzin la snyoms par zhugs te/ snyoms par zhugs ma thag tu pad+ma'i dra ba 'char ba'i khro bo thams cad slar ldog ste/ bcom ldan 'das kyi thugs kar zhugs so// zhugs nas khro bo chen po'i snying por

  492. 246b

    bdag nyid byin gyis brlabs nas/ bcom ldan 'das kyi sku dang gsung dang thugs rdo rje'i thugs ka nas phyung ngo // oM pad+ma ma ha dz+wa la ma hA kro d+ha ba da ba mu kha kha kha/ sar+b+ba duSh+TAM/ khA hi khA hi/ sar+b+ba duSh+TAM/ pra duSh+TA nAM/ 'i da ma da ma/ badz+ra daM Sh+Tok+ka Ta ma tA ma Ta ma Ta/ k+Sho Ta k+Sho Ta/ badz+ra kha ra/ tsa pa la dur ga beg/ tra sa tra sa/ ma hA badz+ra ba Da ba mu kha/ pra ma tha pra ma tha hUM phaT/ hrI ha ha hi hi/ tsa tu rmu kha/ be sha prA Na sha na/ hUM hrI hUM hU~M/ d+hIHha/ de nas 'di gsungs ma thag tu tshangs ris chen po 'dar yid yed zhing khas bub tu 'gyel te/ brdab 'chos so// de nas tshangs pa chen po ngo mtshar du gyur te/ dbang phyug chen po la dris pa/ lha 'di ni shin tu ngo mtshar du snang ngo // de nas dbang phyug chen pos tshangs pa la bskul ba/ khyod ni sems can kun gyi gtso bo/ lha'i tshogs thams cad kyi bdag po/ khyod ni 'jig rten gsum na gtong ba dang byed pa'o// rdzu 'phrul chen po dang ldan pa de'i phyir khyod kyis gdug pa'i sems can dang / gdug pa'i lus can thams cad brlag par gyis shig/ de nas tshangs pas rang nyid kyi mthu dang / tshangs pa chen po'i srin po'i gzugs su mngon par sprul nas/ 'jigs byed chen po lta bur gdong bzhi pa/ me lce stong gi gzi brjid can gyi lus 'gul ba dang bcas pas bgad pa chen po 'byin pas lha'i tshogs kyi gdug pa thams

  493. 247a

    cad la nye bar ston cing gnas so// de nas bcom ldan 'das kun tu bzang po chen po yang lha thams cad rab tu 'joms pa zhes bya ba khro bo chen po'i ting nge 'dzin la yang dag par snyoms par zhugs te/ rdo rje chen po'i 'jigs byed ces bya ba'i khro bo chen po'i snying po 'di nyid kyi sku dang gsung dang thugs rdo rje'i ye shes kyi thugs ka nas phyung ngo / oM badz+ra b+hai ra ba/ ma hA kro d+ha/ sar+b+ba duSh+TAM/ saM b+ha k+Sha ya hUM hUM phaT phaT/ badz+ra yak+Sha ha na ha na hUM phaT/ de nas 'di phyung ma thag tu brgya byin gyi khang pa 'di thams cad dum bu brgyar rnam par bshig ste/ ri rab kyi rtse mo yang ches 'gul zhing kun tu 'khor nas gnas par 'gyur/ brgya byin 'khor dang bcas pa yang khas bub tsam du 'gyel te brgyal bar gyur to// de nas langs te dbang phyug chen po la bltas pa dang / dbang phyug chen pos kyang bskul ba/ khyod ni lha'i tshogs thams cad kyi bdag po ste/ mthu che ba yin la sum cu rtsa gsum gyi lha gdug pa'i tshogs thams cad kyang khyod la mnyes par byed pa yin na de ltar bdag nyid kyi rdzu 'phrul gyi mthu nye bar ston cig/ de nas lha'i rgyal po chen po brgya byin de rang nyid kyi mthu gnod sbyin dang / srin po chen po'i gzugs nye bar ston cing gdug pa'i tshogs thams cad la gdug pa dag ma 'jigs shig/ nga'i rdzu 'phrul 'di lta bu dag mthong na sus

  494. 247b

    kyang zil gyis gnon mi nus so zhes dbugs 'byin par byed do// de nas bcom ldan 'das kun tu bzang po chen po yang sngags kyi lha thams cad 'dren pa'i rdo rje zhes bya ba'i ting nge 'dzin la snyoms par zhugs te lha de dag thams cad nyid kyi sku dang gsung dang thugs rdo rje'i ye shes las 'jug par mdzad de/ bcug nas kyang khro bo chen po thams cad phyag rgya chen por mngon par bsgyur nas bdag nyid kyang khro bo thams cad 'byin pa'i khro bo chen po'i gzugs su dmigs te mche ba chen po 'byin pa/ zhal mi sdug pa/ spyan stong pa/ nyi ma chen po stong gi gzi brjid can rab tu mi bzad par byed pa'i me rlung gis bdas pa'i mdog sngon po'i sku/ dur khrod chen po'i dpal chen gyi phyag rgya mi'i keng rus dang / khrag dang / sha dang / klad pa dang / rkang dang / tshil rnams zas su gsol ba/ mi'i pags pas snam logs rgyab la g.yogs te bsdams pa/ mi'i mgo bo'i phreng ba dbu la 'dzin pa/ seng ge dang / glang po che dang / bong bu dang / rnga mo dang / ma he dang / phag dang / ce spyang dang / ra dang / khyi dang / 'ug pa dang / bya rog dang / bzhad dang / byi la dang / gzig dang / stag la sogs pa'i khro bo byol song gi gdong brgya stong mang po rang gi ba spu'i bu ga nas phyung ste/ dkyil 'khor chen po'i tshul gyis shar phyogs na 'jigs byed chen po 'dul ba rnam par

  495. 248a

    gnyer ba'i 'jig pa lta bu'i spyan dang / zhal rdo rje'i mche ba chen po gtsugs pa/ 'jigs par byed pa'i khro bo chen po brgya stong gi g.yog dang bcas te/ shar phyogs kyi dkyil 'khor du 'khyil bar gyur te gnas so// lho'i dkyil 'khor du yang rdo rje khro gnyer can khro bo brgya stong mang po'i g.yog dang bcas pas 'khyil bar gyur te gnas so// nub kyi dkyil 'khor du yang pad+ma chen po rta gdong khro bo brgya stong mang po'i g.yog dang / nub kyi dkyil 'khor du 'khyil par gyur te gnas so// byang gi dkyil 'khor du yang rdo rje 'ur 'ur chen po'i khro bo brgya stong mang po'i g.yog dang 'khyil par gyur te gnas so// bcom ldan 'das rdo rje shin tu dgyes pa khro bo chen po yang khro bo chen po'i tshogs brgya stong mang pos bskor nas dkyil 'khor gyi dbus su bzhugs te/ khro bo chen po'i tshogs de dag dang shin tu dgyes pa chen po'i bde ba chen pos kun tu spyod cing khro bo chen po'i rnam par brgya stong mang po'i ri rab kyi rdul phran dang mnyam pa snyed phyung nas/ nam mkha'i dbyings rab 'byams thams cad du gang bar byas te/ stong gsum gyi stong chen po'i 'jig rten gyi khams 'di thams cad kyang gang bar byas so// de nas gdug pa'i tshogs thams cad kyis de dag mthong nas 'jigs dngangs skyabs ma mthong nas/ rang rang gi bdag po'i thad du song ste/

  496. 248b

    rje gcig rje gcig nyid kyis bdag la skyobs shig/ de nas dbang phyug chen po la sogs pa'i lha'i bdag po de dag bdag nyid kyi mthu sprul nas ma 'jigs shig/ ma 'jigs shig ces dbugs 'byin par byed do// de nas bcom ldan 'das rdo rje shin tu dgyes pa khro bo chen pos khro bo'i tshogs kun la bka' stsal pa// na mo rat+na tra yA ya/ ma hA tsaN+Da badz+ra pA Na ye/ ma ma hA yak+Sha se na pa ta ye/ tad+ya thA/ oM bo d+ha bo d+ha/ ma hA b+he ra pa da ra pa pa hA ri ha ra ha ra/ gr-ih+Na gr-i h+Na/ mA ra mA ra/ b+hany+dza b+hany+dza/ shI g+h+raM ma hA badz+ra/ tsaN+Da sarba duSh+TaM/ ta ka ha na ha na/ da ha da ha/ pa tsa pa tsa/ ma tha ma tha hUM phaT/ 'di gsungs ma thag tu 'jigs byed chen po'i 'dul bar byed pas rang gi sku nam mkha'i dbyings kyi tshad du bskyed do// khro bo brgya stong mang po rnam par bsnyer ba'i zhal mche ba gtsigs te/ 'khyil zhing bsgyur ba/ phyag brgya stong mang po la mtshon cha sna tshogs 'dzin pa zhal sna tshogs mang po brgya stong me lce bzhin du rab tu 'bar ba'i sgra brgya stong rnams 'jigs byed chen po ga na ba der song ste/ rdo rje drag po'i gad mo cher 'byin pas bzhad cing mdun na gnas so// oM ma hA badz+ra he ru ka badz+ra aT+TAr+b+ha hA sa hA sa ra ha ha ha ha hUM ha i ti/ de nas dbang phyug chen pos rdo rje drag po bzhad pa chen po thos nas g.yog dang bcas par khas bub tu 'gyel te brgyal bar gyur nas slar yang

  497. 249a

    bslang ste 'jig rten gsum po yongs su bskor du bcug nas 'jigs byed gdug pa nga la skyabs su song zhes bsgo yang skyabs su 'gro ba mi len cing // slar yang rang gi rgyud kyi nga rgyal bskyed de/ 'jigs byed chen po brgyad pa zhes bya ba phyung nas ri rab tsam gyi bdag nyid chen po nye bar ston cing / bgad pa chen po'i nga ro 'byin par gyur to// oM ma hA b+he ra ba be ShI Sh+Ti/ Ta Ta Ta ta Ta ta/ ha ha i ti/ 'on kyang ba spu'i rtse mo cung zad tsam yang ma 'gul to// de nas yang 'jigs byed chen po 'dul bar byed pa'i khro bo des he ru ka'i nga ro 'byin cing mgo bor mnan nas bsnun te he ru kas bdag nyid kyi mthu chen pos 'jigs byed chen po'i nga ro 'byin cing rgyu ma'i sbu gu drangs nas khrag dang rus pa dang rkang rnams za zhing chems chems mdzad pas/ de'i 'khor la rab tu ston par mdzad de/ u ma dang 'ga' 'ga' yang rnam par bcom mo// ma mo'i tshogs thams cad kyang sgren mor byas te dma' phab nas/ khro bo bdag nyid kyi mthu nye bar spel cing 'khor thams cad kyang btul/ skyabs len du yang bcug/ dam tshig la yang gnas par byas de yang dag par zhugs so// de nas bcom ldan 'das rdo rje shin tu dgyes pa chen po khro bo chen po drag po'i bzhad pa bzhad cing rdo rje'i khro gnyer khro bo chen pos mgo la zhabs kyis bsnun te gtong bar

  498. 249b

    mdzad do// oM badz+ra b+h+r-i ku Ti/ ha na ha na/ gr-ih+Na gr-i h+Na hUM/ ma ta ma ta kiny+tsi rA ya si sUr+ya sa ha sra ha sti/ re ke ba su rA dza la la rtsi pra dzA li ta/ ma hA mArti A kam+ba h+ya a kam+ba h+ya a bya wa ma bya wa ma/ kri Na pa tsakra b+he ra ba hr-i da yaM hUM b+h+rU~M/ de nas rdo rje khro gnyer chen po'i khro bo chen pos bzhad pas bzhad cing 'gro ba thams cad la khyab pa'i gzugs su mngon par sprul nas 'khor lo can gyi mdun du ston to// de nas 'khor lo can gyi 'khor 'jigs pa chen pos nyan te/ khas bub tu 'gyel te rab tu brgyal zhing rje gcig bdag cag la skyob shig ces smra zhing / skyabs med par bdag nyid kyis mthong nas 'khor lo can la skyabs su song ngo // de nas biSh+Tas kyang bdag nyid kyi mthu mang po rab tu nye bar ston cing shin tu dgyes pa chen po'i mdun du gnas te rgyab la zhugs so// ka ye kA ye gdug pa nye ba'i khro gnyer gyis snying dral te ji srid ma 'thungs kyi bar du de srid rang gi gnas su song shig/ de nas rdo rje khro gnyer chen po de rab tu 'khrugs gtum por gyur nas/ de drangs te bsdams nas snying dral te/ de'i khrag la nyi ma'i khro gnyer chen po gnod sbyin chen ba'i gangan gyi bdag med yang dag par byam par bdad da// tshe brda ba sam bya sa po tu ma bya thas par btur ba/ bya ste/ byas med brjeg/ sh+tha Sh+Ta b+h+yAMts+tshab+ha/ de nas 'bar ma can de sems

  499. 250a

    tu brlag par gyur te gnas so// de'i chung ma rug mi ni dang / ma hA shrI dang / lag+ni yang g.yog dang bcas par rnam par bcom ste/ sna tshogs rnams rnam par btul nas bzhugs so// de nas bcom ldan 'das kyis rta gdong chen po khro bo chen po'i rgyab tu gcig bsnun nas gtong bar mdzad do// oM badz+ra ba Da ba mu kha kha khA hi khA hi/ tsa tur+m+ma khA pi ba pi ba/ a s+ya ru d+hi ra ma/ A kam+ba h+ya A kam+ba h+ya/ hri da yaM tA na/ da ma he/ badz+ra ba Da ba mu kha/ hi hi Sha ma hA shra shre shre ra hI hi/ de nas rdo rje rta gdong chen po rta skad chen po mdzad cing tshangs pa'i mdun du gnas par gyur to// de nas tshangs pa tshangs pa'i srin po bdag nyid kyis nam mkha' bkang nas rgyu bar byed de/ de nas tshangs pa chen po'i 'khor khas bub tu 'gyel nas/ rje gcig skyobs shig/ rjes gcig skyobs shig ces smras so// de nas tshangs pa de tshangs pa'i srin po'i bdag nyid kyi nam mkha' bkang nas rgyal bar byed de/ kA ye ka ye gdug pa'i gdong myur du song song / khyod kyi rgyab tu zhon te ma btul re zhes smras so// de nas rdo rje rta gdong chen po rab tu 'khrugs gtum por gyur nas/ tshangs pa chen po de'i mgor brdzis te/ snying drangs nas khrag btung ba la zhugs te/ sha dang / klad pa dang / tshil bu dang / rus pa rnams myangs nas phyogs bcur gtor to// de'i chung ma

  500. 250b

    shi ri ma dang / swa ra swa sti dang / shan+ti rnams kyang rnam par bcom/ de'i 'khor gyi tshogs rnams kyang btul nas/ dam tshig gi sdom pa la gnas par byas te bzhugs so// de nas bcom ldan 'das shin tu dgyes pa chen po'i khro bo chen pos khros pa dang bcas pa'i blta bas gzigs te gtong bar mdzad do// oM gu lu gu lu badz+ra ma hA kro d+ha/ A kaR+Sha ya/ A kaR+Sha ya sha kra hr-i da yaM/ ma hA badz+ra daM Sh+TA ya/ hUM b+hak+Sha ya b+hak+Sha ya hUM/ de nas rdo rje gnod sbyin chen po'i sku chen pos nam mkha'i ngos kun bkang ste/ brgya byin gyis mdun du bzhugs par gyur to/ de nas brgya byin 'gying ba chen pos 'gyings te/ mi bzad par khros pas gnod sbyin chen po khyod su'i bran yin zhes de la smras so// de nas rdo rje gnod sbyin chen po khros 'khrugs rngam par gyur te/ snying nas gtsug gi nor bu phyung snying yang dral te/ de'i sha dang / khrag dang / klad pa dang tshil bu dang / rus pa dang / bza' ba rnams bza' bar zhugs so// de nas de'i 'khor rnams 'jigs shing dngangs pa'i yid du gyur te/ skyabs su nye bar gyur to// de'i lha mo'i tshogs rnams kyang bcom nas de'i gnas na gnas par gyur to// de nas bcom ldan 'das shin tu dgyes pa chen po khro bo chen po rdo rje'i rnal 'byor ma rnams dang / rol cing shin tu dgyes pa'i kun tu longs spyod pa'i khro bo chen po'i dkyil 'khor

  501. 251a

    chen po na bzhugs so// de nas bcom ldan 'das de bzhin gshegs pa thams cad yang 'du bar mdzad nas bcom ldan 'das la bskul bar mdzad do// oM ma hA su ra ta badz+ra ma hA kro d+ha saM haH pa saM ha ra/ sarba kro d+ha ma/ sha ma sha ma/ pra sha ma pra sha ma/ sarba kro d+ha/ ut+ti ma kro d+ha/ swa sa ma ya ma hA maN+Da le/ s+thA pa ya s+thA pa ya/ sarba kro d+ha ma duSh+Ta pra duSh+Ta bi ba ya/ bi dza ya bi dza ya sha kra prah+ma biSh+Ta ra ma he shwa ra ma ho b+ha ga wAn/ su ra Ta/ so khya kro d+ha/ sarba ta thA ga ta satwA na sa ma yany+tsa he/ su ra ta sa ma ya i hi/ de nas bcom ldan 'das rdo rje shin tu dgyes pa chen po khro bo chen pos khro bo thams cad 'dren pa dang / gzhug pa dang / bcing ba dang / dbang du bya ba'i phyir/ nyid kyi sku dang gsung dang thugs rdo rje las byung ngo // oM dzaHhUM baM hoHTak+ki hUM dz+dzaHTak+ki hUM dz+dzaHhUM Tak+ki hUM dz+dzaH/ hUM Tak+ki hUM dz+dzaH/ A kaR+Sha ya/ A kaR+Sha ya/ b+han+na ya/ ba shaM ku ru/ sarba kro d+ha/ sa ma yaM/ dzaHhUM baM hoH/ Tak+ki hUM dz+dzaH/ hUM Tak+ki hUM/ de nas khro bo chen po'i dam tshig de dag thams cad 'ongs nas/ rang gi dkyil 'khor chen po'i 'khor lor 'khyil par gyur te/ kye bcom ldan 'das nyid kyis bka' stsal du gsol zhes smra zhing gnas par gyur to// de nas bcom ldan 'das khro bo thams cad kyi bka'i 'khor lo'i rdo rje dam tshig ces bya ba'i ting nge 'dzin la snyoms par zhugs te/

  502. 251b

    khro bo thams cad kyi bka'i 'khor lo chen po phyung ngo // oM sum+b+ha ni sum+b+ha ma hA kro d+ha sha hUM phaT/ de nas de dag la khyod kyis dbang phyug chen po la sogs pa gdug pa'i sems can chen po rnams gsos shig ces bka' stsal to// de dag gis bcom ldan 'das nyid kyis rab tu gdug pa rnams gsos zhes gsol nas/ de nas cang mi gsung bar bzhugs par gyur to// de nas bcom ldan 'das rdo rje shin tu dgyes pas khro bopo'i phyag bsnol te btsir nas rdo rje bdud rtsi khro bo'i dbang mo chen mo phyung ngo // oM badz+ra a mr-i ta/ ma hA kro d+he shwa ri/ u ta shrI dzaH/ u ta shrI dzaH/ badz+ra a mr-i ti hUM AH/ de nas bcom ldan 'das ma bdud rtsi chen mo de dag kun tu khros te smin ma bsgyur ba'i gzigs pa'i zhal bzhad pa/ ru lu ru lu/ zhes pa'i sgra 'byin cing rang gi pad+ma la bcom ldan 'das kyi rdo rje bcug nas bdud rtsi yang dag par bsgrub pa'i rig pa 'di phyung ngo // oM a mr-i ta sany+dzi pa ni ma hA mr-i ta mu She/ pra be sha ya pra be sha ya/ sarba na badz+ra pad+ma sad+mo ge// ma hA bo d+hi tsit+ta pi Sha bi Tha/ mUn+te A/ de nas dbang phyug chen mo la sogs pa gdug pa de dag thams cad snga ma bzhin du bdag nyid kyi lus sos par gyur te/ sems dran pas de bzhin gshegs pa'i 'khor lo thams cad mthong nas ngo mtshar du gyur te/ bcom ldan 'das rdo rje shin tu dgyes pa khro bo la skyabs su dong nas/

  503. 252a

    phyi'i dkyil 'khor ji lta ba bzhin du khro bo'i 'khor rnams gnas par gyur to// de nas de dag rab tu mgu ba'i yid kyis bcom ldan 'das la bstod par byed de/ khyod ni sems can kun gyi yab// phan byed de bzhin yum yin te// gtso bo 'dus pas bdag cag rnams// 'jigs pa che las skyob pa ste// rje bo sdug bsngal thams cad sel// khyod ni 'gro ba'i dbang po rje// khams gsum 'di ni byed dang gtong // che ba che khyod skye bo skyong // thog ma med khyod nga ro thigs// nga ro'i steng ni cha yang med// gtso bo yig med bdud rtsi yi// rab dgyes bde byed gtong ba yi// 'gro ba kun la phan bya'i phyir// de ni sangs rgyas thams cad rnams// rab dgyes 'gro la bde ba'i phyir// mgon po khyod kyis gtong bar mdzod// sems can 'dam gyis mi gos shing // bla na med pa byang chub lam// sna tshogs sdug bsngal zhi mdzad pa// sems can skom pa ngoms mdzad cing // 'khor ba rba klong grol mdzad de// myur du bde la dgongs pa mdzad// dngos po kun gyis thams cad du// rgyal ba kun gyis mi dpogs te// zhi ba'i rnam pas zhir gyur pa// rdul dang bral bas mdzums pa spangs// nam mkha' bsgom las rnam 'das pa// rnam rtog dri mas ma gos te// sgyu ma kun las yang dag 'das// 'dod pa kun la rgyab phyogs pa// gtso bo khyod la

  504. 252b

    bdag phyag 'tshal// dregs pa med pa 'jigs byed la// byang chub mchog ni thob kyi bar// bdag cag skyabs su rab tu mchi// ji srid 'tsho ba mchis pa dang // dmyal ba rtsub mo'i 'jig rten du// ltung bar gyur pa ji srid pa// khyod kyi dam tshig bskyang bar bgyi// byang chub mchog tu bdag cag kyang // dri med skal bar gyur pa yi// gtso bo bdag cag dbang bskur ba// bde ba chen pos stsal du gsol// de nas bcom ldan 'das rdo rje shin tu dgyes pa chen pos de dag gi gsol ba'i tshig nye bar gsan nas mnyam pa nyid kyi bde ba'i gnas zhes bya ba'i ting nge 'dzin la snyoms par zhugs te/ zhugs ma thag tu bcom ldan 'das kyis bde ba dang yid bde ba sgrub pa'i thabs mang po nyid kyi sku dang gsung dang thugs rdo rje las phyung ste/ bde ba chen po'i spro ba'i cho 'phrul chen pos lha'i 'khor thams cad dbang bskur te/ de nas dbang phyug chen po la sogs pa'i lha chen po de dag bde ba chen po'i spro ba'i cho 'phrul gyis dbang bskur bas yid bde bar gyur te/ bcom ldan 'das kyi zhabs la yang dang yang du gtugs nas bskor ba byas te/ ji lta ba bzhin du kun tu yongs su bskor nas gnas so// de nas bcom ldan 'das rdo rje shin tu dgyes pa chen po de bzhin gshegs pas yang rdo rje gzungs ma shin tu dgyes pa bde ba chen mo'i dam tshig dang sbyor

  505. 253a

    ba'i thabs zhes bya ba'i ting nge 'dzin la snyoms par zhugs te/ cang mi gsung bar bzhugs nas/ de ma thag tu de bzhin gshegs pa thams cad kyi rdo rje'i khro mo dbang mo chen mo zhes bya ba nyid kyi sku dang gsung dang thugs rdo rje las phyung ngo // oM sarba ta thA ga ta ma hA badz+ra kro d+hi shwa ri sarba duSh+Ta ni mu drA Ni ma hA pra la yA na yash+ma sha na b+hi Sha Ne/ badz+ra ma ha kro d+ha daMSh+Ta ka rA lo gra ta ba ta ne/ sarba sha tAM/ pra sha ma ni// hUM hUM ma ha kro d+hi shwa ri hUM phaT phaT/ 'dis ji lta ba bzhin du byin gyis brlabs nas/ dbus kyi dkyil 'khor du bzhag ste/ dpung pa bcu drug la phyag na mtshon cha sna tshogs bsnams pa/ zhal gsum pa mdog in+d+ra ninI la'i 'od 'bar ba/ 'dra ba/ rdo rje dang / thod pa'i 'khar ba dang / thod pa dang / mdung dang / sta re dang / zhags pa dang / rtse gsum pa dang / be con dang / mu su ra dang / 'khor lo dang / ka na ya dang / to ma pa dang / gzhu dang / mda' dang / shag ti dang / gri rnams phyag na 'dzin pa/ zod pa'i phreng bas dbu rgyan byas pa/ nyi ma brgya dang me'i 'od 'dra ba'o// de'i mdun du rdo rje khrag 'thung chen mo de dang 'dra ba'i gzugs dang cha lugs 'dzin pa rig pa 'dis gzhag par bya'o// oM ma hA badz+ra d+ha ra ma ha kro d+hi shwa ri ma hA shwa sha na b+hi Sha ni nI la dzA la sa ha sra pra dza li ta mUrti d+ha re ka pA la mA lA b+hA Shi ta ma gu te/ na ra rA ti ra ra

  506. 253b

    tra/ pa ri pu ri ta ka pA la/ a ste kha T+wAM ga/ badz+ra tri shU la g+han+ta ma hA kro d+he na/ hUM hUM hUM hUM hUM hUM/ he he run+ta mun+ta pri ye hUM phaT/ de nas bcom ldan 'das rdo rje shin tu dgyes pa khro bo chen po'i gzi brjid chen po'i mchog dang ldan pa zhes bya ba'i ting nge 'dzin la snyoms par zhugs te/ rdo rje nyi ma khro mo'i dbang mo chen mo nyid kyi sku dang gsung dang thugs rdo rje las phyung ngo // oM hUM tAM ma hA sUr+ya badz+ra kro d+hi shwa ri bi da ma/ ma tha ma tha/ grA sa grA sa/ sarba duSh+TAM/ pra duSh+TAM/ hUM phaT/ oM hUM traM traM/ tra tra tra/ khro mo chen mo 'dis lho phyogs kyi rin chen 'byung ldan gyi dkyil 'khor du gzhag par bya ste// gzi brjid chen por rab gtong zhing // shin tu 'jigs pa me bzhin 'bar// dpung pa bcu drug rno ba ste// dpung rgyan thod pas brtseg par bya// spyan ni rab dmar sngo bsangs mdog/ mtshon cha'i tshogs ni bsnams par brtson// gdug pa thams cad 'cha' byed cing // yi dwags chen po'i stan la zhon// rang gi g.yog gis mdun du bskor// de nas bcom ldan 'das pad+ma 'byung gnas bkod pa'i 'od kyi phreng ba chen po zhes bya ba'i ting nge 'dzin la snyoms par zhugs te/ pad+ma'i dra ba khro mo'i dbang mo chen mo nyid kyi sku dang gsung dang thugs rdo rje las phyung ngo // oM hrIHbadz+ra pad+ma ma hA ban+d+ha mu khe/ kha kha khA hi khA hi/ ma hA ma ho// d+ha ra bi ko pe hUM he hUM hUM ha ha/ hUM hUM hrIH/ hi sha hi sha

  507. 254a

    ma hA badz+ra ba da ba mu la mi ho t+yo t+ye/ hUM hUM/ hi hi hUM hrIHhUM/ dkyil 'khor nang gi dbus nyid du// 'di ni rgyab tu gzhag par bya// rno ba chen po zhal gsum pa// rta gdong gyen du ston pa ste// khro mo chen mo dpung bcu drug/ rnam par bsgyur ba'i mi sdug gdong // mi ro'i rta la yang dag zhon// khrag mang po la 'thung byed pa// mtshon cha sna tshogs 'dzin pa ste// khros pa'i dbu rgyan thod pas brtsegs// 'od zer rnon po gtong byed cing // g.yog bcas dkyil 'khor brgyan te gnas// de nas bcom ldan 'das yang gdon mi za ba'i ye shes kyi khro mo gnyis su med par 'du ba'i thabs zhes bya ba'i ting nge 'dzin la snyoms par zhugs te/ gdon mi za ba'i drag po dang ldan ma chen mo zhes bya ba'i khros pa'i dbang mo chen mo 'di nyid kyi sku dang gsung dang thugs rdo rje las phyung ngo // oM sarba a mo g+ha ma hA bi shre shwa ri hUM hUM hUM/ haM haM haM/ ma hA kro d+he gra mra khe/ ma hA bi she ba da ri Ni/ sarba duH/ pra sha ma ni ts+tsha hU~M phaT// 'di nyid kyis ni ci rigs par// rdo rje gdon mi za ba yi// dkyil 'khor g.yog bcas rnam pa bzhi// sna tshogs dam chog gzhag byas te// sna tshogs gzugs dang khyad par ldan// kun tu yongs su bskor nas gnas// bsnyer ba dang ni btsums pa'i gdong // rab tu drag la ro myong zhing // gdong gnyer thod pa'i rtse mor byas// dpung pa bcu

  508. 254b

    drug gis brgyan pa'i// khro mo chen mo gdong gsum pa// za byed mi bzhin lta ba yi// de yi ngo bo thams cad kyi// g.yog ni rnam pa bzhi rnams kyis// bskor bar shes rab can gyis gzhag/ rang gi phyag rgya mtshan mar ldan// dpung pa brgyad dang ldan pa yi// de nas cho ga ji bzhin du// 'byung mo'i phyag rgya yang dag zhon// dur khrod bzhin du 'jigs byed pa// phyi yi rnal 'byor ma tshogs rnams// de dag kun tu yongs su bskor// gzhag gam bri bar bya yang rung // de ni de lta'i stan la gnas// bzhin mi sdug pa dpung bzhi mo// gdug pa'i khro mo rnam bsgyur bcas// de la sogs pa'i rim par ldan// mkhas pas dkyil 'khor bri bar bya// de nas rnal 'byor gyi dbang phyug chen mo de dag bcom ldan 'das la phyag 'tshal te/ yang dang yang rang rang gis mngon par gar byas pas mngon par mchod nas gsol ba 'debs so// rnal 'byor ma yi sngags tshogs dang // phyag rgya ma ni ci rigs par// gsang ba'i gar ni bde chen mo// bcom ldan de nyid nyid kyis gsungs// de nas bcom ldan 'das rnal 'byor ma thams cad rnam par spro ba'i rdo rje zhes bya ba'i ting nge 'dzin la snyoms par zhugs te/ rnal 'byor ma thams cad kyi sngags dang phyag rgya dang sbas pa dang / de kho na nyid dang // gsang ba rnams nyid kyi sku dang gsung dang thugs rdo rje las phyung ngo // oM sarba

  509. 255a

    badz+ra d+ha ra sa twa a nu ra gi NaM ma hA kra d+ha hA phaT/ oM sarba badz+ra d+ha ra a kar+Na Ni ma hA kro d+hA shwa rar+thA thA/ dzA dzAr+thA rtA/ oM sarba badz+ra d+ha ra ku la a nA ra gi Ni ma hA kr-i d+haM shwa rban+na ha ha hUM phaT/ oM sarba badz+ra d+ha ro gra ma hA kro d+hi shwa ri hUM swa swa hUM phaT/ oM sarba badz+ra d+ha ra ma hA te dza a b+hi She ke hUM taM hUM/ oM sarba badz+ra d+ha ra ma hA sUr+ya b+h+r-i ku te ka ro ke tra ta Ta ta hUM phaT/ oM sarba badz+ra d+ha ra ma hA ke tu kro d+hi shwa ri/ ma hA bi dza yo t+ta men+tan+dan+da tra~M phaT phaT/ oM sarba badz+ra d+ha ra ma hA badz+ra kro d+ha gar+tha ya sarbAn+damAr+tha tra~M TA ya tra~M Ta ya hr-id ya hA phaT/ oM sarba badz+ra d+ha ra ma ha kro d+ha b+ha k+Shi Ne hAM hA Thak+Sha thAk+Sha trA mAM/ oM sarba badz+ra d+ha ra ma ha tig+ha krod+hA hA n+da s+t+raiH/ s+ya s+t+ra badz+ra tISh+Thaha p+te d+hA da ya hA hUM ma Ta ma Ta/ oM sarba badz+ra d+ha ra tsakra d+ha ri Ni sa tsa gra du ba ni d+hAt+ta/ pa ta ya pa ta ya/ ma hA badz+ra tsakr-i Na/ s+'uHsa sh+tsar+Na ya hA hA phaT/ oM sarba badz+ra d+ha ra ma hA thA ga pra d+hA na~M hUM ma ta ma ta phaT/ oM sarba badz+ra d+ha ra ma hA bi shwa mu khi hUM hUM phaT/ oM sarba badz+ra d+ha ra ma hA badz+ra pA Ni hUM hUM haM haM phaT phaT/ oM sarba badz+ra d+ha ra ma hA badz+ra yak+Shi Ni hUM hUM kha kha khA hi khA hi A bi b+ha A bi b+ha hUM phaT/ oM sarba badz+ra d+ha ra ma hA badz+ra b+hA ni d+ha ni ma hA ke d+he/ b+han+na ya b+han+na ya/ oM sarba badz+ra d+ha ra ma hA kro d+ha ma hA badz+ra pA sh+ya pra be sha ni hUM hUM/ bi ta ya bi ta ya hUM phaT/ sarba badz+ra d+ha ra ha la da ni ma hA kro d+he shwa ri hUM hUM/ oM sarba badz+ra d+ha

  510. 255b

    ra ma hA kro d+ha ma la ni ts+tsha hAM g+hA g+h+na/ oM sarba badz+ra d+hA ra ma hA kro d+he gar+b+ha pa hi thA ga gr-i// oM sarba badz+ra d+ha ri ma hA kro d+ha shwa ri ma hA lo ka d+hA ra NaM/ dI pa pa dI pa ya ts+tsha tAM/ oM sarba badz+ra d+ha ra ma hA kro d+hi shwa ri mA hA la s+ya hUM/ oM sarba badz+ra d+ha ra ma hA kro d+he mA li d+hA ri Ni hUM/ oM sarba badz+ra d+ha ra ma hA gI ti ni hUM he he/ oM sarba badz+ra d+ha ra ma hA kro d+ha ni rta ke hUM hUM/ oM sarba badz+ra d+ha ra ma hA kro d+ha A kaR+Sha ya dz+nyA dz+dza hUM hUM dzaH/ oM sarba badz+ra d+ha ra ma hA kro d+ha b+han+d+ha b+han+d+ha hUM baM/ oM sarba badz+ra d+ha ra ma hA kro d+he ma hA badz+ra ba shi ni hUM hUM/ oM sarba badz+ra d+ha ra ma hA kro d+he sh+ya sh+ye hUM hoH/ oM hUM trAM hrIHAH/ de nas rnal 'byor ma de dag mgu rangs dga' bar gyur te/ yang dbyangs 'dis gsol ba 'debs so// bde ba mchog gi rgya chen dgongs su gsol// bsam gyis mi khyab bde mchog dbyings dang ldan// mi g.yo gsung dang bral ba'i dbyangs snyan pas// gzungs la rol ba'i bde ba bzhes su gsol// ngo mtshar chen po cho 'phrul snang mdzad cing // snying po byang chub 'grod pa rnams kyi lam ston te// rgyud rnams yang dag gang la'ang mi rten par// bde ba mchog gi gzungs kyis grol bar mdzod// ra mu ma hA su hA dzo hi ni dzA la su hUM pU mU/ ma hA su hA dzo i ni/ dz+wa la su hU ba b+h+rUM dzA ma hA su hA/ i ni dza la su hA u dzi/ u ma hA su hA dzo/ dza i ni dza su hU a la la la ho/ ma hA su hA ra ma ra ma ma hA su hA/

  511. 256a

    a la la la ho/ ma hA su tre Na/ de nas bcom ldan 'das rdo rje nam mkha' la 'gro ma chen mo dam tshig ces bya ba'i ting nge 'dzin la snyoms par zhugs te/ rdo rje nam mkha' la 'gro ma thams cad kyi snying po 'di nyid kyi sku dang gsung dang thugs rdo rje las phyung ngo / oM sarba ta thA ga ta ma hA badz+ra d+ha ra hUM phaT/ oM badz+ra kro d+ha gi ni hUM phaT/ oM badz+ra DA ki nI ma hA he ma pa ti hUM phaT/ oM badz+ra DA ki nI ku mA ra pri ye hUM/ phaT/ oM badz+ra DA ki ni dr-i sh+ye mA ra ya hUM phaT/ oM badz+ra DA ki nI ma hA badz+ra muSh+Ti ta na/ b+hI ta ya b+hi ta ya/ sum+b+ha ni sum+b+ha hUM phaT/ oM badz+ra DA ki nI ma hA badz+ra kro d+ha ya d+ha ra la li hUM phaT/ oM badz+ra DA ki nI ma hA kro d+ha tsakre ni// ts+tshin+da n+dan+da hUM phaT/ oM badz+ra DA kAM ni ma hA ya pre tod pa ta kaM hAM phaT/ yaM badz+ra DA ki ni ma hA so ma kro d+ha hUM phaT/ oM badz+raDA kaM ni ma hA badz+ra tan+te dz+nyA phaT/ oM badz+ra DA ki ni ma hA ma ra Ni d+hA phaT/ oM badz+ra DA kai nI ma hA mr-i te ka pA la hA se hUM phaT/ oM badz+ra DA ki nI ma hA so mya kro d+ha shwa ri hUM phaT/ oM badz+ra DA ki nI ma hA a mr-i te pu da na d+ha ri hUM phaT/ oM badz+ra DA ki nI badz+ra ping+ga li hUM phaT/ oM badz+ra DA ki nI pi ba bi ka ru d+hi raM/ ma hA badz+ra ba li hUM phaT/ oM badz+ra DA ki nI ma hA badz+ra sha ni b+hak+Sha b+hak+Sha hUM phaT/ oM badz+ra DA ki nI ma hA badz+ra sha ni hUM phaT/ oM badz+ra DA ki nI ma hA badz+ra pA she hUM phaT/ oM badz+ra DA ki nI ma hA a nA ya a nA ya hUM phaT/ oM badz+ra DA ki nI

  512. 256b

    ma hA badz+ra be b+hi ni gu gu ma ra ya hUM phaT/ oM badz+ra DA ki nI ma hA badz+ra dza la ya b+hasmiM ku ru hUM phaT/ oM badz+ra DA ki nI ma hA badz+ra pi ga ta hUM phaT/ oM badz+ra DA ki nI ma hA badz+ra daM Sh+pe hUM phaT/ oM badz+ra DA ki nI ma hA badz+ra ki li pra bi sha pra bi sha hUM phaT/ oM badz+ra DA ki nI ma hA puSh+Ti mAM sA sha ni hUM phaT/ oM badz+ra DA ki nI ma hA ka ra badz+ra d+hA ra ni hUM phaT/ oM badz+ra DA ki nI AR+Sha Ni ma hA pi ga rA li mu ku hUM dz+dzaHdz+dzaHhUM phaT/ oM badz+ra DA ki nI A be sha ne hUM hUM hUM phaT/ oM badz+ra DA ki nI ma hA ban+d+ha hUM hUM baM baM hUM/ oM badz+ra DA ki nI ma hA to Sha Ni sa ma ye hUM hUM A A/ oM badz+ra ma hA rak+Sha sa mAM sa ru d+hi ra me da pri ya/ ma hA kum+b+ha kar+Na hUM hUM hUM hUM k+ShaH/ oM badz+ra ma hA rAk+Sha sa A kaH be sha ya/ sar+b+ba badz+ra kA la shi ni ban+d+he hUM hUM hUM hUM phaT phaT/ oM badz+ra rAk+Sha sa ban+d+ha ya ban+d+ha ya/ bi Sha ya bi bi Sha na/ sarbA na hUM hUM phaT/ oM badz+ra ma hA rak+Sha sa/ b+han+na ya b+han+na ya/ sarba na ma hA bi kr-i tA na na/ ha ya grI ba hUM phaT/ de nas rdo rje nam mkha' la 'gro ma rnal 'byor gyi dbang phyug chen mo de dag thams cad rab tu mgu nas// yid dga' bar gyur te/ dbyangs chen mo 'di 'byin par gyur to// kye ma ho rdo rje sems dpa' yi// rdo rje sbyor ba rab bstan pas// mkha' la 'gro ba sangs rgyas nyid// ci bde bas ni sgrub par byed// de nas bcom ldan 'das kun tu bzang pos yang rdo rje nam mkha' la 'gro ma de dag kun mgu ba dang

  513. 257a

    dga' bar bsgrub par bya ba'i snying po 'di nyid kyi sku dang gsung dang thugs rdo rje las phyung ngo // oM DA ki ni A kaR+Sha ya gra be sha ya/ ban+d+ha ya to Sha ya A sarba na badz+ra DA ki nI hr-i da yaM hUM dz+dzaH/ dzaHhUM baM hoH/ Tak+ki hUM dz+dzaH/ oM he ru ka ma hA badz+ra/ kaD+ga h+ya/ A kaD+ga h+ya/ pra be sha ya/ pra be sha ya/ b+han+na ya b+han+d+ha ya/ to Sha ya to Sha ya/ hUM hUM phaT/ oM badz+ra pad+ma ma hA pa Da ba mu kha/ A kaD+D+h+ya/ pra be sha ya/ b+han+na ya/ mo ha ya to Sha to Sha ya/ ha ha hi/ khro bo'i sngags kyi tshig 'dis rdo rje rnal 'byor ma dang / mkha' la 'gro ma dang / nam mkha' la 'gro ba dang / rdo rje 'phrog par byed ma de dag la sogs pa de dag dgug pa dang / gzhug pa dang / dbang du bya ba la sogs pa'i las byas te/ gtor mas mchod pa la sogs pa'i dam tshig he ru ka'i phyag rgya dang / Tak+ki rgyal po'i phyag rgya dang / rta mgrin gyi phyag rgya sbyin te/ las thams cad la sbyor ro// rdo rje'i thal mo ji lta ba bzhin bcings te/ khro bo gnyis lcags kyu ltar bya/ sbom po gnyis phan tshun rtse sbyar zhing / zhi ba gnyis kyang rab tu bsgreng / lhag ma gnyis brkyang ste 'od zer ltar gtang ba 'di ni phyag rgya'i mchog yin no// phyag rgya 'di ni gzi brjid che// lha dang lha min phyag byas pa// sangs rgyas rdo rje 'dzin la sogs// bsngags shing mchod pa byas pa yin// bcings pa de nyid 'bebs pa dang // thams

  514. 257b

    cad tshogs ni 'dzud par byed// gdug pa thams cad gsod byed ma// srin mo thams cad za bar byed// rnal 'byor dam la gnas pa yis// 'di yis las rnams thams cad byed// las rnams thams cad sgrub pa po// mi ldan dngos grub mi 'gyur te// 'dod chags zhe sdang gti mug rnams// bsnyen pas dngos grub myur du 'thob/ rdo rje bcings pa gnyis su byas te/ rgyab gnyis rgyab sbyar te/ mthe'u chung gnyis brkyang ste/ phan tshun bsnol khros pa gnyis gyen du bsgreng ste snying gar bstan nas/ brkyang bskum gyi tshul du gnas pa 'di las thams cad byed pa'o// 'di yis thams cad las kyi rnams// ji tsam yid 'dod byed par 'gyur// tshe 'dir sdig pa gang byas pa// 'di yis thams cad 'phrog par byed// de dag thams cad myur 'gyur te// dngos grub yid bzhin rin chen no// ji snyed nam mkha'i lam dag tu// rnal 'byor 'di yis 'phur bar byed// rig 'dzin mchog ni mtshon par yang // cho ga grub pa slar yang 'ong // thal mo mnyam par sbyar te sbom po gnyis dbus sbyar/ lhag ma 'dab ma kha bye ba ltar byas pa ni pad+ma'i gdan no// sbom po gnyis rtse mo thur du bstan pa ni rta gdong gi'o// gang gis sbyor byas skad cig tu// de yis dngos grub chen por 'gyur// bcings ma thag tu 'phur 'gyur ba// 'dod pa bzhin du nye bar 'gro// sa 'og dngos

  515. 258a

    grub 'dod pa bzhin// myur du slar yang ldog par 'gyur// de la sogs pa mtha' yas pa// phyag rgya 'di ni sbyor ba dge// nga ni bstan te rgyal ba rnams// rnal 'byor pa yis drang bar bya// rnal 'byor ma rnams thams cad kyang // phyag rgya'i yan lag mchog des sbyar// de nas nam mkha' la 'gro ma chen mo de dag sogs 'dod pas gzir ba rnams rangs te/ rang gi gzugs ni bsgyur ba yis// bzhengs te gar ni rab mdzad cing // dur khrod kyi ni sa chen du// mgu ba chen pos brtags par byed// phyag na thod pa gri dag dang // rdo rje kha T+wAM rnam par 'dzin// skal ldan rang gi phyag rgyas mtshan// dbus smug rnam par bsnyer ba'i zhal// bde ba'i cha lugs sbyar ba yis// bde ba dam pa longs spyod myong // rab tu rmongs pas bsnyen byed cing // rab dgyes khro la gsol ba 'debs/ sngags sor gzhag/ ra ma ra ma ho na ta na ba ra a ma hA su hu badz+ro i ni// ka ma la su hu a la la ho/ su ra o ta mu hAM a hu sid dza'u wa ra dzo i ni dza la ma ho a yi ha a ra ho/ a ru he byi su b+ha d+ha a na ha a su ra a su hu de ni ba ra Ta i ni dza la su hu sis/ sa sa nad ra pa nad tA nu nad tad/ e ma re hi ma hA su hu mad dzu mug khu/ sa lag khang hUM kud du sa dun i su hu tsad dzi'u/ mug khu su hu/ na be dug khel ba b+ha'i mug khu su hu sa sa ri hUM/ sang ka'u mad dzu ra nu/

  516. 258b

    ne ba ra a pa rad he'u ru dz+nyA tA nu mun dza ma hA su hu a li pa ra pa a'u ma hu ba ra ba asmi a'u mo pa ri/ zla ba dri med stong rab rdzogs pa'i spyan// thugs rje'i dbyings rum nyid du bdag cag bskyed// 'gro ba'i sdug bsngal tsha bas gdungs pa yi// byang chub des ni kun tu tshim par mdzod// a la la la ho// mchog gi rol pas yang dag sgo 'byed cing // byang chub mchog lam snying po nyid 'di ston// gsang ba'i bdag nyid bde bas zil gnon te// rmongs shing bying ba'i rnams la thugs rjes sgrol// a la la la ho// che ba'i ye shes lhun gyis mngar ldan pa// phyogs kyi thugs rjes ma zin snyoms par dgongs// bde ba mchog gis gsang ba'i gnas nyid du// mya ngan 'da' ba'ang longs spyod bstan pas 'grub// 'jig rten gsum po 'dir ni dngos bstan kyang // rmugs pa'i 'gro bas bdud rtsi'i dngos ma mthong // kye ma'o ma skyes chos te snying po las byung ba// bsam gyis mi khyab nam mkha'i mtha' dang mnyam// rab tu dgyes pa'i bde mchog 'bar ba'i gtso// rin chen sna tshogs kun 'dus 'di la gzigs// sngon med rol mo 'di la rol mdzad cing // dur khrod chen po'i dngos grub stsal bar mdzod// 'dul ba'i dbang gi grub pa'i cha lugs mi zad ma// rnal 'byor mkha' 'gros gzi brjid 'bar ba 'dis// sdug bsngal gsum pos

  517. 259a

    'thoms shing rmongs pa la// bde ba'i spyod pas gnas nas spyod mdzad de// thugs rjes pad+ma'i dbyings las bskyed par mdzod// a la la la ho// ji ltar pad+ma 'di la chags med bzhin// sdug pa'i bcings pas ma zin rnam grol te// rol pas chub pa'i sa la gnas shing rnam mdzad pa// 'jig rten gsum po 'di la gzigs nas rol mo mdzod// bdag cag dam tshig 'di la 'dus shing snang ba'i rnams// mnyes mdzod shin tu bde ba bzhengs su gsol// 'gal ba'i yid dang ma chags rdo rje la// nam mkha' ji bzhin mi 'gyur tshul bzhin gnas// khams kyi rang bzhin mnabs shing rnam khro yang // byams pa'i thugs rjes kun tu gnas khyab mdzod// e ma'o bde bas bde sbyin phyag 'tshal lo// rang bzhin grub pa'i bde ba dngos grub gsol// chags med chags dang ldan pa'i longs spyod kyis// dam tshig skyon med bdag cag rol pa mdzod// thugs rje gsal ba'i byang chub sems chen des// 'gro ba kun gyi bag chags rnam par sbyongs// rgyu dang rkyen la ma brten rang bzhin grub// ma chags dri med yongs gsal zla ba bzhin// 'jig rten gsum po 'dir ni mnga' mdzad de// thams cad mkhyen pa'i ye shes kun tu bde bas rtsen// 'di yis gtso la bskul byas na// dkyil 'khor nyid du dngos grub

  518. 259b

    bo// yid gdung mnyen pa'i nga ro yis// dpyid kyi rgyal po glu blangs te// mkha' 'gro dra ba dri med pa'i// dgongs pa thams cad bstan byas te// rdo rje pad+ma yid 'ong ba'i// dngos grub thams cad sbyar bar bya// bde byed chen po 'di yis ni// bskul bas dgyes pa sbyin par byed// rdo rje can gyi yi ger ldan// dus gsum rab tu sbyar bar bya// de nas bcom ldan 'das kyis rdo rje nam mkha' la 'gro ma thams cad kyi shin tu dgyes pa'i longs spyod dpal gyi bde ba zhes bya ba'i ting nge 'dzin la snyoms par zhugs te/ de dag thams cad la rjes su mgu bar mdzad do// g.yon gyi lag pas gzung byas te// gsang skyes pad+ma phye ba las// rdo rje chen po g.yas nyid kyis// bcug na mchod pa 'thob 'gyur te// mkha' la 'gro ba dra ba 'dis// mnyes pas 'di nas dngos grub 'thob// oM dang oM dang mi phyed rdo rje bde// mtha' ru phaT kyis stobs rab sbyor ba yis// kye ma'o bde ba mkha' 'gro dra ba che// rab dgyes dbang mo bde byed bde stabs mdzod// rnal 'byor ma tshogs gsal rnams la// 'di yis rtsen pa rnam byas na// bde chen bde ba dgyes pa yi// rab dgyes dngos grub 'grub par 'gyur// rnal 'byor ma'i che ba'i che ba rjes su mnyes par byed pa'i ye shes kyi phyag rgya ye shes so// mgo la thal mo byed sbyin te// chu skyes la ni yongs su

  519. 260a

    rdzogs// rdo rje bcing ba yang dag ldan// pad+ma'i skyil mo bcing bar bya// 'di yis rtsen par byas na ni// bud med mchog ni 'grub par 'gyur// bde ba chen pos gar byed cing // rab dgyes bde byed gnod byed dang // kun tu 'khyud dang sprod byed dang // sna tshogs gar gyis gar byas te// thams cad zas dang ros dngos 'grub// mchog gi bde bas dngos grub 'gyur// rtsa ba'i phyag rgya bcing byas te// sangs rgyas sbyor ba bde chen po// myur ba'i thal mos bsgrub par bya// gsum gyis mtshams su rab bya zhing // mkhur tshos so yis btab byas te// ma mchu yang nas yang du gzung // 'o ma 'dzin pa phyir zhing mnye// g.ya' 'byed pad+ma rnam bzhi bya// pad+ma phyi phyir rab mnye zhing // ze ba mtshan pas rab tu sbyar// sen mos mchan khung sum mdo dang // rna ba gnyis su rab tu gzugs// dal bus rdo rje gzhug bya zhing // khro bopo'i rgyal pos bskyod par bya// g.yas kyis shin tu bskyod byas nas// g.yon pa yis ni gtang bar bya// sbyor ba 'di yis rtsen pa yis// mkha' 'gro'i 'khor lo mchod par bya// kye ma'o bde zhes rab brjod de// bde ba chen po dbyangs kyis bskul// yang dang yang du 'dzin pa na// blo ldan sgrub pas bsgrub par bya// rnal 'byor ma thams cad kyi mchod pa chen po'i spro ba'i ye shes so// de dag thams cad mgu nas

  520. 260b

    ni// rdo rje 'dzin la gsol ba 'debs// nye ba'i zas ni thams cad dang // de bzhin nye ba'i yo byad rnams// bde ba bsgrubs pas sgrub pa po// sna tshogs chen po bsgo bar gsol// bsgrub pa thams cad sgrub byed pas// gdon mi za dka' rtag bgyid pas// gang gis myur du mnyam sbyor bas// dkyil 'khor rab tu rnam bskur bgyi// de nas bcom ldan 'das kyis nye ba'i yo byad kha zas thams cad kyi phyag rgya gsungs pa/ yo byad phyi yi thams cad dang // gos dang rgyan la sogs pa'o// nye ba'i kha zas rnams la ni// sha dang khrag las yang dag bsgrub// 'bras bu rtsa ba tshad med do// mchog tu bde ba yid tshim pa// 'di yis mchod pa byas pa na// mkha' 'gro ma ni dngos grub 'gyur// bus pa'i sha las rab bsgrub pa'i// 'o ma dam pas thod pa dgang // mkha' 'gro ma kun dbul byas na// dkyil 'khor 'dir ni dngos grub 'gyur// gtor ma'i mchod pa'i yo byad kyi ye shes so// de nas de bzhin gshegs pa thams cad dang / rdo rje 'dzin thams cad bzhengs te phyag 'tshal nas yang gcig tu stug por 'du ba mdzad de bcom ldan 'das la gsol ba 'debs so// rnal 'byor kun gyi ye shes mtshan// rdo rje rnal 'byor ma rnams kyi// thams cad brda rnams dran gyur pa// bcom ldan 'das kyis bshad du gsol// de nas bcom ldan 'das

  521. 261a

    shin tu dgyes pa chen po'i ro myong ba dang 'brel ba'i dpal zhes bya ba'i ting nge 'dzin la snyoms par zhugs te// rdo rje nam mkha' la 'gro ba dang // mkha' la 'gro ma thams cad kyi brda'i phyag rgya 'di gsungs so// ka ni 'dod pa byed 'dod phyir// bdag ni 'dod can smras yin te// gti mug ldongs pas ma byin na// myur du dam tshig de nyams so// dam tshig dam tshig can mthong na// lag pa g.yas pa brkyang byas te// des kyang g.yon pa brkyang ba yis// rang gi nu ma rab bsdams nas// mgo bos g.yon du 'dud byas nas// phyag byed bde ba dris pa yin// lag pa g.yon pa dkur brten na// de yis phyag ni byas par 'gyur// g.yon pa mgo ru gzhag pa yi// g.yon du 'dud pas phyag len no// g.yon gyi smin ma bskyod pa yis// myur du phyag ni byas par 'gyur// sbyor ba shin tu brtson pa yis// g.yas kyi smin mas phyag lan bya// g.yas kyi lag pas snying ga ru// sbyor dang ldan pas mnye byas na// 'di ni rdo rje slob dpon mchog de yi mtshan mar shes par bya// g.yon gyi khro mo bsgreng ba yi// nam zhig de ltar bstan byas na// lus che de ni khros gyur zhes// rnal 'byor pa yi rtags zhes bya// g.yon du 'gying ba bsgyings pa yi// lag pa snying gar brkyang bya ste/ dbong mo gyen du rnam bstan na// de tshe mdza' bar rab tu brtag/ chung ngu

  522. 261b

    rtse mor byas pa yi// nam zhig bskyod pa mthong ba na/ de tshe rig ma rnal 'byor dbang // rdo rje pad+ma rtsen par 'dod// sbom po nam zhig mthong 'gyur na// de la ston mo sbyin par bya// gang tshe shin tu mthor ston na// mngon pa'i nga rgyal rab tu brtag/ khro mo lcags kyu 'dra byas te// gang tshe sngags mkhan gyis bsten na// de tshe nges par 'o byas te// gzhan du na ni dmyal bar ltung // de nyid rnam par bzlog pa ltar// sngags mkhan gyis ni ma bsten na// de tshe myur du 'gro byas te// gzhan du byas na dam tshig nyams// gzhan rnams kyi ni phyag rgya yis// rnal 'byor pa yis rnam bskul na// las kyi sbyor ba shes pa yis// las de dag ni brtsam par bya// brda yi phyag rgya'i ye shes so// 'dren pa med pa'i yi ge kun// rnal 'byor pa yis rab tu brtag/ rtag tu tshig drag rnam bral ba// 'dren tshul rnal 'byor ma yi'o// oM ni thig ler bcas pa'i brda// sbyor ba sngags 'dzin rnal 'byor brtag/ de la sogs pa mtha' yas mchog/ sbyor ba'i dkyil du brtag par bya// rdo rje pad+ma mnyam par sbyor bas rjes su mnyes par byed pa dpal dam tshig ma zhes bya ba'i phyag rgya'i ye shes so// de nas bcom ldan 'das de bzhin gshegs pa thams cad kyi bdag po kun tu bzang po chen po yang kun tu rgyas 'debs pa'i ye shes rdo rje zhes bya ba'i ting nge

  523. 262a

    'dzin la snyoms par zhugs te/ rdo rje pha rol tu phyin ma'i gsang ba rnal 'byor ma chen mo thams cad kyi phyag rgya'i ye shes 'di nyid kyi sku dang / gsung dang / thugs rdo rje las phyung ngo // rdo rje thal mo mnyam gzhag ste// sbom po skyil mo bcing bar bya// khro mo gnyis ni sbyar bya ste// lhag ma 'od bzhin gtang bar bya// snying gar phyag rgya 'di bzhag nas// thams cad las ni rab sbyar te// sna tshogs mkha' 'gro'i dkyil 'khor du// gdon mi za ba'i dngos grub byed// thal mo de gnyis mnyam sbyar te// mchog dang rdo rje mnyam du sbyar// chung ngu gnyis kyang gdong sprad de// snying gar de bzhin sbom po sbyar// 'di yis rdo rje thams cad rnams// dam tshig 'jigs byed rab mdzad cing // sems can thams cad phan mdzad ma// de ni dngos grub 'grub par 'gyur// de nyid las ni rdo rje dang // mchog nyid bsgreng ba'i tshul byas te// rdo rje thal mo gnas pa yis// drang ba'i tshul gyis drangs byas na// mi g.yeng de nas dngos grub bo// gnod byed yang dag ldan pa 'dis// rgyal ba mchog kyang 'dren 'gyur na// lha dang mi yi bu mo dag/ lha min la sogs smos ci dgos// ji ltar yid la 'dod pa bzhin// 'di nyid kyis ni dngos grub ste// sngags kyi bzlas pa mnyam sbyor bas// mchog tu myur du 'dren par 'gyur// thal mo de nyid las byung khro// rtse

  524. 262b

    mo yid tsam bkug byas te// lhag ma 'od zer rtse mo bzhin// des ni myos byed thob pa yin// 'di ni bcings ma thag tu yang // bde bar gshegs kyang dbang bsgyur na// yid las skyes pa 'dod chags can// gti mug chos gnas smos ci dgos// ci dgar 'dod chags sbyor ba yis// de yis las rnams byed 'gyur te// yang dag sbyor ba thams cad 'grub// sbyor dang mi ldan dngos grub med// snying gar 'di/ nyid kyis byas te// mgu ba'i sbyor ba bde chen pos// rgyal ba mchog ni mnyes par 'gyur// mchog gi bcing ba 'di kun dang // 'di yis las rnams thams cad dang // yid la bsam pa byed pa 'thob// phan tshun du ni mgu byed cing // mgu bas dngos grub myur du 'thob// rdo rje thal mo mnyam sbyar te// rdo rje bkug nas sbom por sbyar// lhag ma 'od kyi tshul du gtang // dga' byed mchog ni phyag rgya 'di// sangs rgyas 'bras bu dngos grub 'thob// rgyal srid nor dang 'bru yi rnams// de bzhin nor bu 'di dngos grub/ de ni de ma thag tu yang // lha dang lha min mchod par 'gyur// bdag nyid kyis ni 'di bcings te// mkhas pa yis ni dus mtshams phyir// gnas lngar rab tu sbyor ba yis// spyi bor dbang ni bskur byas na// rdo rje 'dzin pa kun gyi dbang // de nas de ni nges par 'gyur// lo gcig tsam du mnyam sbyor bas// phan tshun du

  525. 263a

    ni dbang bskur bas// khams gsum rab dgyes bdag po ru// blo ldan rdo rje mi g.yeng 'gyur// de nyid 'khor lo bskor byas te// snying gar 'khor lo bzhin du bskor// zla ba gcig tsam mnyam sbyor bas// 'khor lo bskor ba rab tu bsgrub// de nyid g.yon par rab sbyar te// rgyal mtshan tshul du yang dag spro// zhag bdun du ni mnyam gzhag pas// 'jig rten du ni rgyal bar 'gyur// de nyid kha nas bgad par sbyar// mnyam gzhag zla ba gcig tsam gyis// las rnams thams cad rab grub pa// bgad pa tsam gyis byed par 'gyur// thal mo de nyid mnyam bzhag ste// rtse mo kha phyed rnam bsgyur bas// sbom po ze bar rnam byas te// lo ma lhag ma rgyas par bya// rnal 'byor 'di ni bcings pa yis// sdig pa kun las rab tu grol// bsod nams chen pos byin rlob ste// bde byed thams cad grub par 'gyur// thal mo de nyid snying gar sbyar// mchog dang khro mo gnyis sbyar te// de gnyis tshigs gsum rab tu dgug/ sbom po skyil mo tsam du bya// rnal 'byor dag tu sbyor ba yis// 'di yis zla ba gcig byas na// 'jig rten gsum las rnam rgyal rjer// dpa' bo chen por de 'gyur ro// thal mo de nyid mnyam sbyar te// rang gi snying gar bskor bar bya// de nas sngags mkhan chos ston par// mi g.yeng sems kyis de 'gyur ro// sbom po lce yi

  526. 263b

    tshul bzhag pas// de nyid khar ni rnam bzhag na// 'jig rten kun gyi thams cad dag/ mdor na zhag bdun tsam gyis kyang // dbyig dang gser dang gos la sogs// bdud rtsi btung ba mchog gi rnams// 'di yis thams cad 'phrog byed de// 'grub par 'gyur bar gdon mi za// thal mo de nyid mnyam sbyar te// mchog rab gnyis ni 'og tu gzhug/ chung ngu gnyis dang sbom po gnyis// sbyar te snying gar rab tu gzhug/ yid la dga' ba'i las rnams thams cad byed// sgyu ma'i mthu dang srid pa mthar byed pa// rtag tu blo ldan lo ni phyed gnyis kyis// khams gsum rgyal srid mthu chen thob par 'gyur// thal mo de nyid mnyam sbyar te// rang gi ma mchu dbus nyid nas// sbom po ro 'thob tshul gyis ni// khro mo 'khor lo yang dag spro// zhag bdun du ni bsgrims pa yis// 'di yis khrag 'dren dngos grub ste// sha zas bza' ba las kun byed// thal mo nyid ni bcings byas nas// rdo rje gnyis ni pad+mor sbyor// sbom po'i zur ni sbrel nas kyang // chung ngu gnyis kyang de bzhin te// mgrin pa nas ni rtse mo brkyang // thams cad las ni sbyar byas te// 'di yis gdug pa thams cad dag/ rab tu sbyar bas 'jigs par 'gyur// thal mo de nyid mnyam bzhag nas// bcing ba dam pos bcing bar bya// sbom po gnyis ni nang du gzhug/ khro mo gnyis kyang

  527. 264a

    bskum par bya// 'di yis gdug pa thams cad dag/ 'dzums par rab tu byas par 'gyur// skad cig tu ni gnon byed de// de bzhin bsdus dang btsir bar 'gyur// phyag rgya 'di yis rgyas btab pas// de ni dngos grub thams cad kyi// dngos grub chen po'i bdag po dang // thams cad las don 'grub par 'gyur// phyag rgya 'di yis rgyas btab pas// rim par myur du 'gro 'ong byed// lo gcig gi ni sbyor ba yis// las rnams thams cad sgrub par byed// rdo rje rnal 'byor ma rnams kun gyis las thams cad byed pa'i phyag rgya'o// de nas rnal 'byor ma de dag thams cad rab tu mgu nas ngo mtshar du gyur te/ rnam par 'gyur bas gar mdzad cing // hi hi zhes pas glu ru len// ha ha zhes pas rab tu mgu// ho ho zhes pas mnyes par byed// he he zhes pas 'bod par byed// hUM hUM zhes pas gad par byed// hA hA zhes par spyod par byed// phaT phaT zhes pas gsod par byed// hUM hUM zhes pas phur bus 'debs// dzA dzA zhes pas 'dren par byed// sa sa zhes pas dam par byed// dge ba dbang phyug nga ro mchog/ hUM b+h+rUM zhes pas gsod par byed// hUM b+h+rUM hUM b+h+yAM/ hUM hUM zhes pas 'bar bar byed// hUM hUM zhes pas gzi brjid byed// tr-i tr-i zhes pas 'dren par byed// hraM hraM zhes pas mchod par byed// dngos grub thams cad 'bras bu smin// tr-i traM

  528. 264b

    zhes pas rmongs par byed// d+hI d+hI zhes pas 'dzums par byed// hr-i hri zhes pas 'dren par byed// hUM hAM zhes pas 'phyan par byed// hr-i hr-i zhes pas rmongs par byed// hra hra zhes pas gnon par byed// ho ho zhes pas mnyes par byed// haM haM zhes pas srung bar byed// hUM hUM zhes pas gsod par byed// hu hu zhes pas mgu bar byed// traM traM zhes pas bdug par byed// g+h+raM g+haM zhes pas phreng bar byed// gaM gaM zhes pas dri ru byed// raM raM zhes pas brgyal bar byed// de nas de bzhin gshegs pa thams cad kyi dkyil 'khor gyi 'khor lo'i tshogs rnams ngo mtshar cher gyur/ rmad du byung ba chen por gyur te/ rang rang gi sems mgu bar byed pa zhes bya ba'i ting nge 'dzin la snyoms par zhugs nas yang bcom ldan 'das de bzhin gshegs pa thams cad kyi sku dang / gsung dang / thugs rdo rje'i bdag po kun tu bzang po chen po la phyag 'tshal te gsol ba 'debs so// gnyis med mchog tu rmad byung ba// bcom ldan de nyid bshad du gsol// gang gis sems can grub pa 'di// gsang ba sbas pa grub par 'gyur// gar dang glu dang bzhad pa che// sgeg mo rol pa bde ba mchog/ sil snyan gling bu rnam sna tshogs// brdab dang rgyud rnams rab 'byor ba// gsang rgyud cho ga'i rim pa rnams// rdzu 'phrul blo yi che ba che// dngos grub thams cad grub pa yis// sngags rgyal

  529. 265a

    khyod kyis bshad du gsol// de nas bcom ldan sangs rgyas rnams// thams cad bdag po rgyal po che// thog ma med nas spyod rmad byung // sna tshogs chen po rnam mi rtog/ sna tshogs ye shes yon tan che// bla med chos kun dbang po ste// rig dang sngags kyi bdag po che// de nyid chen po snying po mchog/ blo rmongs phyag rgya rgyas 'debs te// rgyas 'debs rmongs byed za ba po// gtor dang byed pa khyab pa chetsheche// bskyod pa sdig pa 'phrog par byed// sdig pa'i chos rnams sel bar byed// dus ngan 'don byed khros pa po// gti mug chos rjes 'debs par byed// sa dang bar snang de bzhin bde// de bzhin rnal 'byor pa la sbyin// tshangs dang gtogs 'dod dbang chen pos// de la phyag dang mchod par byed// de nyid skyong byed skyob pa po// gsang ba'i gsang ba bde ba che// zla gsang thig le las byung ba'i// sbas pa chen po gsang ba ston// nyid kyi sku gsung thugs rdo rje// bde ba chen po 'byin mdzad do// skal ldan nye bar longs spyod kun// bud med thams cad dbang du byed// rang 'byung mtshan du thig le ste// bcu gsum dra ba dbu ru ldan// 'di yis bud med bskyed byas te// sa bon gyis ni rgyal po 'du// 'od zer gzi brjid 'bar ba can// rang las myu gur 'dra ba yis// 'og gi phyogs su gzhag pa ni// hraM byas myur du dang bar bya// dang

  530. 265b

    po drang ba gnyis drangs pas// tsheg drag des ni lcags kyu byas// lha dang lha min mchog gi bdag/ khams gsum thams cad drang bar byed// 'di yi tshul gyis sbyor ba yis// phan tshun du ni bsgrubs byas nas// rmad byung rnam pa sna tshogs kyi// dngos grub byed pa sbyin par byed// bdag nyid rang bzhin mthong bar bya// sbyor ldan zla ba'i gzugs nyid du// de steng sa bon gzhag par bya// de nyid de nyid thabs kyis gnas// sngags kyi sbyor ba rab sbyor bas// de nas sngags mkhan der 'grub bo/ de nyid sngags dang snying po dang // phyag rgya rig dang mi ldan pas// sangs rgyas rdo rje sems dpa' yang // 'grub pa nyid du yong mi 'gyur// de nyid nang du sbyar byas na// snying po snying gar sbyor ba yis// phyag rgya phyag rgyas sbyar bar bya// sngags dang sngags kyi 'bru bsgoms te// rig ma rig ma nyid du sbyar// 'di yis myur du dngos grub ste// mgyogs par 'gro ba rab tu 'grub// sangs rgyas kun gyi sa chen por// 'byung dang 'byung las 'gyur ba nye// rnal 'byor 'byor don sgrub pa po// dpa' bo chen po 'gro 'ong byed// de nas de bzhin gshegs pa thams cad rab tu mgu rangs par gyur te/ rdo rje'i dbyangs 'di bsgrags so// kye ma'o kun tu bzang po yi// rdo rje'i theg pa bla na med// bshad pa gsang ba zhes bgyi ba// de nyid don du bsgrub pa

  531. 266a

    ste// snying po phyag rgya dam tshig ni// sngags rig rang gi lha nyid de// bdag gi de nyid ji bzhin pa// gsang ba rgyal ba mchog gis gsungs// dkyil 'khor dang ni dam tshig dang // gsang ba sbas pa de nyid de// 'jig rten gsum gyis 'dud pa'i rim// dpa' bo chen pos rab tu bsgrags// rdo rje pad+ma rnam mdzad pas// rig ma dang ni lhan cig rtsen// gdug pa thams cad mnye bya dang // dam la zhe sdang bza' ba dang // slob dpon smod la bsgral pa dang // gzungs ma'i bdag por bsgrub pa dang // sangs rgyas thams cad bskyed bya dang // rab dgyes bdag nyid bskul ba dang // sdig pa thams cad sbyang ba dang // bud med thams cad 'dod bya dang // bdud rnams thams cad drang bya dang // rdo rje kun tu gzhug bya dang // pad+ma'i gnas ni dgang bya dang // bsgrub dang nye bar bsgrub pa dang // shin tu sbyor dang sbyor che ba// sbyor ba rab sbyor sbyor skye ba// de rnams de nyid mkhyen pa po// bde ba chen po nyid kyis gsungs// bsgrub pa yi ni sbyor che ba// sbyor dang sbyor mar yang dag sbyor// de nyid gsal bar sems dpa' che// phan par dgongs pa nyid kyis gsungs// de nas bcom ldan 'das de bzhin gshegs pa thams cad kyis gsol ba'i mdo rjes su dris pa/ rang gi thugs la bzhag ste/ nyid kyi sku dang gsung dang thugs rdo rje las

  532. 266b

    phyung ba// sangs rgyas kun gyi dam tshig ni// kun tu sbyor ba mnyam par ldan// de nyid phyag rgya chen po ste// ye shes lnga yis rjes su bskyed// dkyil 'khor phyag rgya bzhi pa ste// phyag rgya chen pos rjes su bsgrubs// rdo rje sems dpa' bskyed mdzad de// kye ma'o bde ba rnam par 'byung // snying po ye shes zhes pa ste// ye shes bzhi dang yang dag ldan// phyag rgya ye shes phyag rgya che// dam tshig mchog ni rig ma'o// sngags kyi yi ge tshul 'dra ba// yi ge'i phyag rgya don chen sprin// 'di yis bsgrub pa byas pa'i gzungs// bdag gi de nyid lha de nyid// de dag de nyid ci bzhin par// nga yis gsang ba rab tu bsgrags// dam tshig ma yin mi shes la// sngags rig pas ni bstan mi bya// phyag rgya thams cad gsang bya ste// dam tshig rgyas 'debs gsang ba yin// de nyid lha yi sbyor ba ni// gsang ba gsang ba rab tu bsgrub// rdo rje pad+ma rnam mdzad pas// rol pa phyin pa sbyor ba yis// rig dang lhan cig rtsen bya ba// sprod pa dang ni 'khyud pa dang // de bzhin mchu ni so yis gzung // rdo rje brtan pa gzhug par bya// g.yas dang g.yon gyi tshul gyis ni// bskyod cing rnam par gar bya'o// gdug pa thams cad mnye bya ste// nu ma mchan khung mkhur tshos gnyis// 'gram pa dang ni brla gnyis rgyab// rkang pa lag pa 'jam po gnyis// mnye ba'i

  533. 267a

    sbyor ba 'di yis ni// mdza' ba chen po de 'grub bo// 'dod pa'i don gyi bar gcod dang // dam la zhe sdang bza' ba dang // zhe sdang can gyis zos 'gyur ba// khyad par gzhan dang gzhan yang bza'// rtag par mi phyogs smra ba dang // bla ma smod rnams bsgral bar bya// sha dang khrag dang klad pa rnams// drangs te tshogs kyi mchod par bya// 'di ni gsad pa drag po ste// rdo rje slob dpon smod pa dang // bla ma smod byed brtson pa la// dam tshig phyir ni bsgrub par bya// gti mug de ni 'grub mi 'gyur// sdug bsngal ba yang 'thob 'gyur te// thams cad nad dang khros chen dang // 'jigs byed nye bar 'tshe ba yis// bskal pa grangs med bye ba ru// sdug bsngal chen po sten byed cing // 'o dod 'bod par sbrul gyi bdag/ bstir med chen po brlag par 'gro// lus ngag sems ni bde dam pa// rig ma kun la bskyod sa te// byang chub chen po bde ba yis// tshul bzhin du ni bsngags par bya// bskul ba'i snying po 'di smras te// dzaHzhes skad cig skad cig tu// rang gi gnas nas gnas pa yis// de nyid las ni bskyod par bya// bcu drug cha dang yang dag ldan// zla ba gsang ba'i thig le la// me tog dang ni 'dra ba nyid// rlung gis phul ba bskyod par bya// de ni bskyod pas 'grub pa ste// de bzhin du yang bskul bar bya// rgyun gyi phreng

  534. 267b

    ni 'od gsal bzhin// blo ldan rtag tu bsgrub par bya// bdud rnams thams cad 'dren pa ni// lha mo rnams ni snying por bshad// zhags pa'i tshul gyis gzhug pa dang // de bzhin dgang ba bcing ba'o// bsgrub pa lha yi sbyor ba ste// rjes su sgrub pa lha mo'i don// sgrub pa chen po gnyi ga'i rgya// mnyam par sbyor ba rdo rje'i mchog/ nye bar sgrub pa gnyi ga gnas// shin tu sgrub pa bde dam pa// so yi rtse mos mchu bzung ste// ma mchu mchog ni bsdam par bya// sbyor ba rab sbyor skal ldan pa'i// rab dgyes ro myang bde dam pa// lha dang lha nyid yang dag sbyor// 'di ni gnyis su med ces bya// snying po phyag rgya sngags rig gis// nyid kyi gzugs ni bsgrub bya ste// bdag ni sems dpa'o zhes bsams na// 'di ni gnyis med myur du 'gyur// gzugs dang sgra la sogs pa'i lha'i// dngos grub thams cad bsgrub par bya// sbyor dang rab sbyor sbyor che/ ba// rgyal ba kun gyi mchog gis gsungs// bcom ldan rdo rje sbyor ba ste// rab tu sbyor ba mkha' la 'gro// phyag rgya de dag rab sbyor ba// sbyor ba chen po bsgrags pa yin// 'di yis dpa' bo thams cad dang // sangs rgyas kun dang mnyam sbyor ba// sbyor ba'i dbang po bde ba che// tshe 'di nyid la 'thob par 'gyur// phyag rgya 'di yis rgyas btab na// rdo rje'i bdag po chen por 'gyur// mnyam par sbyor ba sbyar ba

  535. 268a

    yis// 'jig rten gsum po myur du rgyal// yang dag sbyor ba sbyar tshul gyis// drangs te rab tu bcug nas kyang // rdo rje brtan pos bskul byas te// shin tu 'dod pas 'dod pa bskyed// mkha' 'gro thams cad thabs mkhas ldan// rgyas dang de bzhin zag par bya// 'di ni yang dag sbyor ba sbas// sbas pa rnal 'byor ma dkyil lo// 'di yis yang dag dngos grub blang // rdzu 'phrul chen po 'bras bu 'thob// sangs rgyas byang chub bde che dang // byang chub mchog rab yang dag 'thob// gsang ba chen po rmad 'byung ba// de dag de nyid sbas pa che// sangs rgyas rnams kyis dris pa'i rgya// nga yis yang dag rab tu bstan// gang gis yang dag ldan mthong dang // bdag po chen po mchod byed na// de yis ston pa kun mthong ste// rgyal ba mchog la mchod par 'gyur// srid pa gcod pa por 'gyur te// 'gro ba'i ston pa mchog tu 'gyur// de la lha kun mchod byed cing // skad cig skad cig phyag kyang byed// ji ltar ston pa rdzogs sangs rgyas// phan byed 'jig rten skyes gyur pa// sna tshogs ye shes rjes bsdus pas// rnal 'byor chen por de bzhin 'gyur// rang gis dam tshig bsrungs pa yis// rdo rje sems dpa' bde skye ba// rdo rje sems dpa'i sbyor ldan pas// dngos grub chen po des 'thob po// rdo rje sems dpa'i mtshan btab la// cung

  536. 268b

    zad mi 'grub yod med de// phyag rgya kun gyi bde ba che// bdag nyid so sor rjes su 'grub// rab dgyes mtshan dang mdza' chen mo// ro dang reg pa'i che ba'i che// rdo rje sems dpa' sbyor ba yis// dpyad mi dgos par 'grub par 'gyur// de nas de dag mgu 'gyur te// rdo rje sems dpa' bde che ba// sbyor ba 'dod pa'i gzir ba yis// sbyor ba chen pos mnyes par mdzad// ram ram sa ma ho ma hA sa twa// rab dgyes gdon mi za la bzhugs// sangs rgyas kun dang mnyam sbyor ba// zla gsang thig ler yang dag ldan// bdag cag kun kyang dam tshig ste// skal ldan dri med rab dgyes kyi// rnal 'byor ma snying mchog nyid du// sbyor chen nyid kyis rol pa mdzod// theg pa chen po bde che yi// pad+mo rdo rje rin chen gyis// rnal 'byor ma kun dkyil 'khor du// rab dgyes longs spyod nyid bsten mdzod// bdag cag thams cad nyes bral te// gnod med de ni gser dang 'dra// de nyid thams cad grub chen po// rab dgyes bdag nyid nyid bsten mdzod// sprod pa 'khyud pa sbas pa dang // gzhug pa dang ni gtong ba'i mchog/ 'di ni sgyu ma'i brtan pa yis// ded dpon rab tu brtag pa mdzod// de nas bcom ldan 'das bde ba chen po kun tu bzang pos 'dod pa thams cad nye bar longs spyod pa'i rnam par rgyal ba'i dpal zhes bya ba'i chos thams

  537. 269a

    cad mnyam pa nyid kyi sbas pa chen po'i ting nge 'dzin la snyoms par zhugs te// rnal 'byor ma thams cad kyi shin tu dgyes pa chen po'i kun tu 'khyud pa dang / sprod pa dang / gzhug pa dang / 'dren pa dang / rab tu bskul ba dang / mnye ba dang / thigs pa dang / tshor bar bya ba dang / bskyod pa dang kun tu bskyod pa dang / bcing ba'i rdo rje dang / pad+ma chen mo mnyam du sbyor ba la yang dag par zhugs te/ shin tu dgyes pa'i bde ba chen pos/ bde bas kun tu rgyas par mdzad cing / de bzhin gshegs pa thams cad dang / gzungs ma'i tshogs thams cad la bskyod pa dang / rab tu dgyes pa dang / rab tu rnam par 'byin cing shin tu dgyes pa chen po'i bde ba'i mnyam pa nyid kyi tshogs kyis nam mkha'i dbyings thams cad kun tu rgyas par byas te gnas so// de nas rnal 'byor ma chen mo shin tu dgyes pa'i bdag nyid chen po de dag nyid mgu zhing bde bar gyur te/ kye ma'o bde ba bde ba che// rdzogs sangs rgyas ni mgu ba che// bde ba chen po rangs par 'gyur// kye ma'o bde ba bde ba che// bde ba nyid kyis phyag byed de// byang chub sems dpa' sems chen po// mgu ba chen po'i bde dang ldan// kye ma'o bde ba bde ba che// 'jigs shing skrag pas sdug par byed// khros pa chen po mkha' 'gro ma// rab tu mi bzad dug dang 'dra// bde byed

  538. 269b

    chen po'i rol pa yis// bde byed che la mchod par byed// skal ba chen po srin mo dang // bde byed bde bas rab rmongs pa// mchod pa'i sprin phung bde ldan pa'i// rgya chen mchog gis mchod par byed// drag mo chen mo ma lta bu// rab tu gtum pa me 'dra ba// 'ongs nas bde byed chen mo yis// gtso bo mchog la mchod par byed// lha dang lha mo thams cad kyang // klu mo dang ni rta gdong yang // 'ongs nas bde ba sbyor ba yis// yid du 'ong bas mchod par byed// de nas dbang po lha chen po// bdag nyid chen po lha yi lha// kye ma'o bde ba sna tshogs nyid// sna tshogs sbyor ba bde ba che// mgu zhing rab tu rangs pa yis// lha yi lha ni sngon du 'gro// dpa' bo bde la phyag byas te// kye ma'o bde ba bde ba che// rang gi bde bas mngon mchod cing // 'jigs shing skrag pas mnyes par byed// tshad med rangs pa bzhad pa che// glu gar mchog tu ldan pa dang // bza' dang bca' ba sha chen dang // sil snyan phreng ba ro chen dang // gling bu rgyud mangs rdza rnga dang // pi wang pal ki ga ha la le// stag dang dpa' bo 'jigs pa dang // zhi dang rmad 'byung 'jigs byed dang // bag kyang bdag dang khros dang spyan rgyas pas// skad cig skad cig mchod byed cing // byed pa dang ni bzlog pa dang // 'phrog pa dang ni gzhug pa dang // sid ces pa dang hUM hUM dang // ha ha zhes pas

  539. 270a

    mnyes byed cing // rab dgyes bdag nyid bde ba yi// rang gi chung mas mnyes par byed// de nas bcom ldan 'das kun tu bzang po chen po rab tu dgyes pa bde ba chen pos// rnam mkha' dang nam mkha'i skabs thams cad la gnas pa'i sangs rgyas thams cad dang byang chub sems dpa' dang / rang rgyal dang nyan thos dang / rang bzhin gyis 'gag pa dang / ngo bo nyid med pa'i chos nyid kyi ye shes la gnas pa rnams shin tu dgyes pa chen po'i bde ba'i thabs dang / shes rab kyi bde bas bkug ste dbang bskur nas/ shin tu dgyes pa chen po'i bde ba'i ting nge 'dzin la yang dag par 'jog pa dang / shin tu dgyes pa chen po'i bde ba'i chos nyid kyi rgyal po rjes du skyong zhing mi mnyam pa dang mnyam pa/ nam mkha' dang mnyam pa'i 'jig rten gyi khams chen po ma lus pa'i sems can gyi khams rnams su rab tu gzigs pas gzigs nas/ 'jig rten dang / lhar bcas pa rnams la bde ba chen pos khyab par mdzad do// sems can dang rigs thams cad dang / gnas thams cad dang / spyod pa dang mi spyod par bcas pa dang // 'byung ba dang / 'byung ba las gyur pa dang / sa'i 'og dang / phung po dang / khams dang / skye mched dang / bsags pa'i dbang po lnga dang / rnam par shes pa dang / shes bya dang / bdag dang / bdag gi ba dang / sna

  540. 270b

    tshogs dang / sna tshogs ma yin pa dang / bus pa dang / rgan po dang / gzhon nu dang / bud med dang / skyes pa dang / skyes pa ma yin pa dang / srog dang / rab tu zad pa dang / 'jigs pa dang / mi 'jigs pa dang / mig dang / rna ba dang / sna dang / lce dang / lus dang / yid dang / shes pa dang / mi shes pa dang / shes rab dang / thabs dang / khyab pa dang / khyab byed dang / zla ba dang / dbang chen dang / nyi ma dang / me dang / gshin rje dang / chu bdag dang / lus srul po dang / tshangs pa dang / gtogs 'dod dang / dbang phyug chen po dang / lha mo dang / skal ba dang ldan pa dang / skal ba dang mi ldan pa dang / dngos po dang / dngos po med pa dang / mtshan dang / rdo rje dang / pad+ma dang / rin po che dang / ral gri dang / tho ba dang / dbyig pa dang / rtse gsum pa dang / 'khor lo dang / sbyor ba dang / rab tu sbyor ba dang / stong pa dang / stong pa chen po dang / mchog tu stong pa dang / shin tu stong pa dang / stong pa rab tu stong pa dang / byang chub dang / byang chub kyi sems dang / yi ge dang / yi ge med pa dang / dra ba dang / lcug ma dang / cha dang / cha med pa dang / thig le dang / ro dang / ro chen po dang / yid la byed pa med pa dang / rtag pa dang / zhi ba dang / mi zad pa dang / thar pa dang / thar byed dang / grol ba dang / rigs pa dang / nyon mongs pa med pa dang / nam mkha' dang /

  541. 271a

    skabs dang / skabs med pa rnams la gcig tu stug por gyur te/ rnam par phye nas mi snang ba'i tshul du gnas so// de nas de bzhin gshegs pa thams cad kyi btsun mo shes rab kyi pha rol tu phyin ma dang / thabs kyi pha rol tu phyin ma dang / smon lam gyi pha rol tu phyin ma dang / rdo rje'i pha rol tu phyin ma rnams kyis/ bcom ldan 'das de bzhin gshegs pa thams cad kyi bdag po shin tu dgyes pa rdo rje gdon mi za ba chen po gsang ba chen po'i dgongs pa nges par 'grel pa chen po la phyag mdzad de/ mngon sum du yang dag par bskul nas dris pa/ su ra ta s+t+waM ma si ho// gang phyir 'dod pa bde ba che// gang gis 'dod las byang chub 'gyur// 'dod chags bral ba ji ltar bde// gang gis zhe sdang rdo rje che// gang gis gti mug rgyal ba che// gang gis 'dod chags pad+mar 'gyur// gang gis nga rgyal nam mkha'i bdag/ gang gis phrag dog gdon mi za// byang chub sems ni ji ltar bde// gang gis bde byed mchod par 'gyur// mchod pa yis ni ji ltar 'grub// ji ltar gzungs dang mnyam sbyor bas// yi ge mchog ni 'grub par 'gyur// ji ltar 'dod pa'i yon tan lnga// bsnyen pa yis ni myur du 'grub// ji ltar gsang ba mnyam sbyor bas// rmad du byung ba'i dbang bskur 'gyur// ji ltar pad+ma mnyam sbyor bas// dkyil 'khor rab ru

  542. 271b

    zhugs par 'gyur// ji ltar dri chu byang chub dang // khrag dang snang mdzad chen po yis// dam tshig nyid du ji ltar 'gyur// ji ltar btung ba rab tu brtag/ de nas bcom ldan 'das shin tu dgyes pa chen po'i bdag po kun tu bzang po chen pos/ rdo rje pha rol tu phyin ma'i gsang ba chen mo de dag thams cad la rang gi bde bas mnyes par byas te/ mi mnyam pa dang mnyam pa'i sbas pa chen po shin tu sbas pa/ mchog tu gsang ba'i dris lan chen po nyid kyi sku dang / gsung dang / thugs rdo rje las phyung ngo // ngan song gsum gyi 'jigs byed du// sems can nyon mongs sdang byas pas// de phyir nga ni rdo rje che// zhe sdang zhes ni bsgrags pa yin// ngan song 'jigs pa chen po ru// sems can thams cad rmongs byed pas// de phyir 'di ni gti mug ste// rtag pa thub pa mchog yin no// thabs dang shes rab tshul nyid kyis// 'gro ba thams cad dga' byed cing / pad+ma'i pad+mas pad+ma phye ba'i phyir tshul du rab rtogs phyir// de phyir 'dod chags zhes bya'o// bde chen sbyin pa'i sprin gyis ni// sems can thams cad nga rgyal bskyed// nam mkha'i bde ba bsdus pa'i phyir// de phyir mkha' chen nga rgyal yin// ro la sogs pas mnyam sbyor bas// phrag dog rdo rje gdon mi za// sna tshogs pad+ma rab 'jug phyir// de yi phyir ni sna tshogs che// 'dod chags bral ba dga' med

  543. 272a

    phyir// bdag ni rab dgyes sbas pa che// 'dod pa ma gtogs bde byed med// bde che 'dod pa nga yin no// 'dod chags med par byang chub med// byang chub med na'ang 'dod chags med// sdig pa'i nang na chags bral te// sangs rgyas bde mchog mnyes byed pas// 'dod chags 'dod las bde byed kyi// bde ba mchog tu rmad 'byung 'gyur// byang chub sems med bde byed gzhan// 'jig rten gsum po 'dir med do// thams cad byang chub sems ngo bo// bde ba kun gyis tshim par 'gyur// bo zhes pa ni rdo rjer bshad// d+hi zhes pa ni gzungs ma'i mchog/ tsi zhes pa ni zag par bshad// ta zhes pa ni bde ba che// mchod pa med pas bde byed med// bde ba med pas mgu ba med// mgu bas dngos grub thob par 'gyur// grub na bde byed rtag pa yi// phyag na rdo rje bde ba che// 'dod pa'i bde bas mchod byed cing // tshe 'di nyid la 'thob par 'gyur// bde ba kun gyi gzhir gyur pa'i// chos kyi dbyings ni rnam par 'dzin// rdo rje 'dzin phyir gzungs ma ste// hrIHzhes pa ni pad+ma 'dzin// 'di dang mnyam par sbyor ba yin// yi ge myur du 'grub par 'gyur// 'dod pa lnga yi yon tan kun// rdzogs sangs rgyas kyi sprul pa ste// sangs rgyas rnams dang rdo rje 'dzin// mkha' 'gro sgyu ma'i longs spyod de// de phyir 'dod pa'i yon tan

  544. 272b

    lnga// de yis bsnyen na grub par 'gyur// sngags kyi sku 'dzin dpal dang ldan// dbang phyug mchog gis sngags rgyal lo// rdo rje sems kyi thugs las skyes// mtshan can mchog tu sbas par bshad// de dang mnyam du spyod pa yis// mchog gi dbang ni bskur bar 'gyur// pad+ma'i dkyil 'khor zhes bya bas// dkyil 'khor thams cad sgrub par byed// blo ldan de ru zhugs gyur na'o// dam tshig sbas pa tshogs kyi rnams// dri chu byang chub dmar po mchog/ sha chen sbrang rtsi mar nyid kyis// lus la kun tu khyab gnas te// de yi phyir ni dam tshig che// dam tshig 'di yis dngos grub ste// dam tshig yi ger ldan pa yis// sbyor ces sbrang dang bskyed byas na// zos pas dngos grub thob par 'gyur// de nas pha rol phyin ma kun// pad+mo'i gzigs pa rgyas pa yi// 'dzum bcas g.yon nas gar mdzad cing // rtag pa la ni yang gsol pa// rigs de rnams pa du ru bstan// ji ltar sbas pa gsum zhes bgyi// sna tshogs chen po de dag kun// bde la gnas pas bshad du gsol// de nas bcom ldan 'das de bzhin gshegs pa thams cad kyi gnyis su med pa'i mnyam pa nyid kyi bde ba chen po zhes bya ba'i ting nge 'dzin la snyoms par zhugs te/ nyid kyi sku dang gsung dang thugs rdo rje las de bzhin gshegs pa thams cad kyi mchog tu gsang ba pha rol tu phyin ma'i de kho na

  545. 273a

    nyid rab tu phyung ngo // nga nyid sbyor ba bcom ldan 'das// rdo rje sems dpa' don chen sbyin// rigs kyi khyad par lnga rnams kyis// spyod bcas mi spyod rnams la rol// rtag pa mi bskyod rin chen mchog/ 'jig dbang gdon mi za 'grub rnams// rigs ni rnams pa brgyad bstan te// mdo ru bsdus na rnam pa lnga// lus dang ngag dang yid rnams kyis// khyad par theg pa rnam pa gsum// de nyid gsum po rdo rje mnga'// bde ba'i gnas la rol pa mdzad// de nas bcom ldan 'das de bzhin gshegs pa thams cad mchog tu ngo mtshar du gyur te/ rang gi sdom pa gsol ba 'debs so// sdom pa dngos grub kun sbyin pa// brtul zhugs dka' thub sngags mkhan gyi// dam tshig mchog tu bsrung ba rnams// bcom ldan gsang ba nyid kyis gsungs// de nas bcom ldan 'das kun tu bzang po chen po mchog tu shin tu dgyes pa'i bde ba la mngon par chags pas de bzhin gshegs pa thams cad kyis gsol ba btab pas mkhyen te/ zhal rab tu bzhad pas rgyas nas nyid kyi sku dang gsung dang thugs rdo rje las 'di phyung ngo // sku dang gsung dang thugs sbas pas/ nan tan du ni bsrung bar bya// bsrungs pa yis ni bsod nams che// dngos grub shin tu skye bar 'gyur// de ni 'di yis rgya che ba'i// yid kyi kha dog dbyibs chen gyi// phyag rgya bcings la

  546. 273b

    sogs pas btab// sbas pa'i sku ni rab bsgrub bya// rdo rje gsung du rab sbyor bar// chos kyi ngo bo phyag rgyas brjod// ngag sbas gsang bar brjod pa ni// nga ro sbas pa rdo rje'i gsung // rang sems rab tu 'bigs pa yis// zla ba rdo rje rnam par bsgom// rang bzhin gsum po gcig tu bsgom// 'di ni yid sbas chen po yin// 'di ni de nyid rgya chen mchog/ rgyun du bsgom pa rnams byas te// gsum bsgoms pas ni 'grub par 'gyur// gzhan min rdo rje 'dzin gyis gsungs// sbas gsum la sogs cho ga yis// phyag rgya thams cad rgyas btab ste// de bas nan tan thams cad kyis// sbas gsum rnam par sba bar bya// rdo rje mchog 'dzin chen po dang // gtso bo chen pos byin gyis rlob// blun po gang gis 'da' byas na// rdo rje 'dzin pa'ang skad cig 'jig/ sems dpa' che dang bral gyur nas// ngan song gsum du yang dang yang // ji tsam nam mkha'i dkyil 'khor ba// shin tu mi bzad smin par 'gyur// de nas dam tshig de dag kun// rdo rje 'dzin la mgu gyur te// 'jam pa'i phyag gis gar mdzad cing // g.yon gyis phyag byas slar gsol pa// gar dbang rnam gnon gnon par gar mdzad cing // mtha' yas phyag ni bcu pa'i bsgyings pa yis// pad+ma'i lo ma 'jam po brgyad phye nas// gnyis min bde bar rdo rje 'jog mdzad de// sbas pa de nyid mi

  547. 274a

    mnyam sad par 'gyur// rdo rje 'dam skyes zla ba yang dag 'du// thabs dang shes rab dgyes pa bde byed sogs// bde gshegs rnams kyi sbas pa nyid kyis shod// sbyor dang sbyar min yang dag sbyor// zhi ba'i thal mo mchog tu bde// 'dod pa lnga yi yon tan 'grub// sangs rgyas byang chub rab bsgrub pa'o// de nas bcom ldan dam tshig rgyal// rdo rje sems dpa' bde ba che// de nyid sbas pa bskul ba yis// sbas pa ma lus 'chad par mdzod// rdo rje pad+ma mnyam sbyor bas// tshe gar ldan pas gang gsang yang dbang bskur// bde bar 'dod pa'i slob dpon gyis// de nyid 'di ni de la bstan// 'di la khrus med nyes pa med// dka' thub med de dka' ba'ang med// sangs rgyas thams cad mnyam sbyor ba// nga nyid sbyor bas 'grub pa 'gyur// lus dang ngag sems rdo rje yi// rdo rje sems dpa' nyid du 'gyur// rdo rje dbab pa skyes gyur na// ji tsam 'dod pa nam mkhar 'phur// snying gar rdo rje khu tshur bcings// rdo rje lta bas rnam bltas te// dgyes pa'i tshul gyis bsnyen byas na// rdo rje sems dpar skad cig 'gyur// rnam sgeg dgyes pa'i rnam gnon pas// rab dgyes sar ni 'gro byed de// sangs rgyas bde ba chen po dang // grub pa yis kyang mchod byed cing // rdo rje sems dpa'i rgya che mchog/ 'gying ba'i langs pas gar byed

  548. 274b

    pas// bde byed zla ba'i 'od 'dra zhing // las kyi khyad par las sogs gnon// sbas pa'i gar gyis gar byas pas// sbas pa sbyor ba'i bdag nyid 'grub// sna tshogs dkyil 'khor gar byed cing // lag pa mang po rnam bsgyur dang // phyir brkyang dbyibs su ldan pa dang // khro bar dri med lta ba yis// gdul dka' gnon pa 'jigs byed pa'i// 'jig rten gsum po rnams rgyal 'gyur// me 'bar nyi ma'i dbus nyid du// khro bo hUM mdzad bsgom byas na// myur du 'jig rten don bsgrub phyir// 'jig rten gsum po rnams rgyal 'gyur// lha mo bzhi dang mnyam sbyor bas// su ra ta s+t+waM zhes smra zhing // ha ra thig le tshul sbyar na// rab dgyes de ma zag tu 'gyur// rab dgyes mchog tu brtag pa yis// sa chen rnal 'byor 'gro 'gyur te// lha mo bzhi dang 'grog pa yis// sems can rnams kyi don kun byed// de nas de bzhin gshegs pa de dag thams cad bde ba chen po la phyag bzhes nas gsol pa/ thal mo yang dag sbyar byas te// phyag rgya de nyid nyid kyis shod// rdo rje mchog la gsol ba 'debs// bde ba'i bdag nyid mchod pa shod// gzugs dang sgra dang dri che dang // ro dang reg pa yid 'ong ba// thugs rje chen pos bsgrub pa yis// dpa' bo chen po nyid kyis shod// de nas bcom ldan bde byed che// rdo rje sems dpa' bdag po che// phyag rgya bcings

  549. 275a

    pa bde ba che// de nyid mchog ni bshad par mdzad// dang po chos kyi phyag rgya ste// gnyis pa dam tshig phyag rgya yin// gsum pa phyag rgya chen po ste// bzhi pa las kyi phyag rgyar bshad// de nas sku gsung thugs rdo rje// ji ltar dbyibs bzhin bsgom bya ba// sna tshogs ye shes rjes su dag/ sna tshogs chen pos 'chad par mdzod// rtag pa'i sku ni ser po ste// mi bskyod rdo rje dkar po yin// nam mkha'i snying po mthing ga che// tshe dpag med pa pad+ma dmar// sna tshogs kha dog rgya che mchog/ 'od zer phreng ba rmad byung ba'i// gdon mi za ba rdo rje che// don chen byed pa bsam par bya// rang rang rigs kyi gnas nyid du// myur du nam mkha' 'gro byed cing // rigs kyi lha mo bzhi rnams kyis// rol pa dang ni mchod par bde// sna tshogs sbyor ba bde che ba'i// lha mo bzhi dang mnyam sbyor ba// rdo rje sbyor bdag bsgom byas na// rdo rje sems dpa' bdag nyid 'gyur// rdo rje sems sogs sems dpa' mchog/ rdo rje la sogs gdan zhugs par// rang gi 'khor lo mchog gis brgyan// rang gi phyag rgyar gnas par bsam// pad+ma'i gdan gyi tshul gyis ni// brtse dang ldan pa'i bsgom byas te// snying po sbas don gar byas pas// sbas pa che la bde byed na// 'gying ba'i bde bar ldan pa yi// rdo rje chen po de 'grub ste// sna tshogs dkyil 'khor rab nye

  550. 275b

    bar// sna tshogs chen po 'gro bar 'gyur// bde ba chen po thams cad 'grub pa'i sbyor ba chen po'i bde ba zhes bya ba'i phyag rgya rab tu rgyas pa'o// // de nas phyag rgya bcing bshad de// rtag la sogs pa'i de kho na// gang gi myur du bcings pa yis// sangs rgyas dngos grub bde cher 'gro// thabs ni g.yas kyi logs su bya// de bzhin shes rab g.yon pa ste// zhi ba'i thal mo gsum nyid kyis// sbyor ba'i tshul gyis bsdu bar bya// sor mo thams cad bar bar du// mnyam du sbyor bas khyad par sbyin// rdo rje yi ni thal mo 'dis// sangs rgyas thams cad nyid du bsgrub// 'di ni bcings pa tsam gyis kyang // nam mkha'i snying po'i gnas su 'gro// 'di nyid shin tu bcings pa yis// gsum du sbyor bas mchod par bya// de nyid las ni sor mo kun// kun du bskums te bcing bar bya// rdo rje'i bcing ba bsdus pas ni// bcings par ldan par rnam bsgyur te// de nyid sbom po rab bcug nas/ khro mo'i rtse mo rab tu dgug/ 'di ni rdo rje rigs kyi bcing // rdo rje sems dpa' nyid 'grub byed// de bzhin bcings pa rnam bzhag ste// sbom po khro mo'i rtse mo sbyar// 'di ni bcing ba bcing ba che// nam mkhar 'gro ba nye bar sgrub// de nyid bcing ba bcing byas te// khro mo gnyis po mtshan bzhin du// rtse mo sprad de dgug bya ba// bcing ba 'di yis pad+ma bsgrub// bcing

  551. 276a

    ba de nyid rab tu sbom// bde bar bcug nas bsdam byas te// las kyi bcing ba sbyor ba yis// don yod mchog gi rigs su 'gro// bcing ba de nyid bcing byas te// sbom dang khro mo'i rtse mo sbyar// g.yas pa'i sbom po rdo rje yis// de yi dbus su bcug bya ba// de 'di bcing ba chen po ste// rab dgyes ro ni sgrub byed pa// gang gis bcings pa tsam gyis ni// rab tu dgyes pa nyid thob po// dngos grub thams cad bde ba che// de yis 'di tshe 'thob gyur te// phyag rgya bcing ba'i cho ga yis// sangs rgyas thams cad rab tu gnas// phyag rgya bcing ba'i ye shes rnam par rgyas pa'o// // bcing ba lnga yi cho ga yis// gcig gis rnal 'byor bsgrub mi bya// drug gi sbyor bas sbyar byas na// de ma thag tu rab dgyes 'gyur// bcing ba lnga yi phyag rgya'o// de bzhin bcing ba gnyis byas te// g.yon gyi snying gar bcings par bya// g.yas kyi rtse mo bsgreng byas te// rdo rje'i tshul gyis gzung bar bya// phyag rgya 'di ni byang chub bde// sangs rgyas thams cad gcig tu bsgrub// gdon mi za bar tshe 'di la// rtag pa 'dra ba thob par byed// g.yon pa de nyid snying gar gzhag/ g.yas pa sa la reg byas pas// sa la bde ba rol pa yis// 'di yis mi zad thob par 'gyur// de bzhin snying gar g.yon pa gzhag/ lag pa g.yas pa rab sbyin

  552. 276b

    bya// 'di yis rin chen skal ldan sogs// nam mkha' nye bar 'grub par 'gyur// de bzhin g.yon pa snying gar gzhag/ g.yas kyang gzhag ste ting nge 'dzin gnas// 'di yis tshe dpag med pa nyid// tshe 'di nyid la 'thob par 'gyur// de bzhin g.yon pa snying gar sbyar// lag pa g.yas pa mi 'jigs sbyin// 'jigs pa ma lus rab sgrol ba// sdig pa gdug pa 'jigs pa che// 'di yis thams cad 'phrog par byed// gdon mi za ba'i nges pa yi// de ni chen po'i chen por 'gyur// de nyid bcing pa gnyis byas te// g.yon pa g.yon du sbyar bar bya// g.yas ni snying gar gzung byas te// brjid pas rab tu bzhad cing gnas// bde ba chen po thabs gnas pas// 'di yis rab dgyes nyid 'gyur te// bde mchog nyid du sgrub pa po// tshe 'di nyid la the tshom med// de bzhin bcing ba bcing byas te// sbyor dang ldan pas brtan par bya// sbom po'i rtse mo pad+ma'i gnas// g.yon gyi khro mo'i rtse mor sbyar// g.yas pa yi ni sbom po yis// mngon sum rdo rjer byas pa yis// bcug nas bde ba spyod bya zhing // skad cig skad cig bsdam par bya// des 'di sangs rgyas thams cad kyi// dgyes pa dgyes mchog sgrub pa po// 'di ni bcings pa tsam gyis kyang // yang dag rdo rje dgyes pa 'thob// rab dgyes bde mchog longs spyod kyi// btsun mo dngos

  553. 277a

    grub nyid du 'gyur// g.yas ni mtshan mas bgrang byas te// lcags kyu'i tshul du gzhag par bya// rdo rje 'dod ma lcags kyu ste// rdo rje 'dod byed btsun mo yi// dang por 'dren pa de nyid bzhag/ tha mar ha ra thig ler bya// rdo rje dgyes pa bde mthong byed// ming ni dbus su bri bar bya// 'di yis snying gar byas pa yis// de bzhin gshegs pa de mchog 'gro// phyag rgya bzhi dang 'grogs pa yis// lus 'dis tshe 'di 'grub par 'gyur// rab dgyes sbyor par yang dag ldan// phyag rgya bzhi dang mnyam 'grogs shing // rdo rje 'gying la sogs spyod pas// rnal 'byor 'di ni bcings pa yis// rab dgyes la sogs ma lus pa// rab dgyes ro la bsgyings ma yis// skad cig nyid du 'dren par 'gyur// de bzhin sbom po'i rtse mor sbyar// snying rje chen po der gzhag pa// skal ba chen po rdo rje spyan// de nyid don kun ston byed ma// 'di ni yang dag bcings pa yis// rdo rje rtag pa'i spyan du 'gyur// yod dang med pa rnam spangs pa// dngos po thams cad mthong bar 'gyur// rdo rje'i thal mo brtan bya ste// khro mo rtse mo zlum po yis// mthon por mtshan dang 'dra byas te// sbom por rdo rje brtan pa che// de 'di bcom ldan 'das ma mchog/ rdo rje pad+ma'i bde 'thob byed// rnal 'byor 'di ni bcings pa yis// sbas pa chen po'i dgyes pa 'thob// de nas lha mo

  554. 277b

    chen mo dag/ spro ba che bas gar mdzad cing // rdo rje bde byed bdag nyid la// 'dud dang bcas pas phyag byas te// chos kyi yi ge thabs gnas nas// de nyid chos kyi gsol ba 'debs// chos kyi phyag rgya bde ba che// rdo rje bcom ldan bshad du gsol// sgrub pa pos ni rab bsgrims na// gang gis lha ni 'grub par 'gyur// gang gis myur du byin brlabs pas// sangs rgyas byang chub rab bsgrub ste// bde byed gnyis kyis sgro che ba// de bzhin gshegs pas gnas 'jug 'gyur// de nas bcom ldan 'das kyis lha mo thams cad kyis gsol ba btab pa mkhyen nas nyid kyi sku dang gsung dang thugs rdo rje sbas pa las chos kyi phyag rgya chen po'i tshig 'di byung ngo // bcu gsum bdag nyid 'dren pa ste// thig le lhar ni yang dag ldan// tha mar ha ra thig ler gnas// rab tu dgyes pa rdo rje dgyes// snying gar phyag rgya 'di byas nas// dga' byed lhan cig rtsen byed cing // spyod dang mi spyod 'grub 'gyur te// rnal 'byor bde ba chen por 'gro// de bzhin 'dren pa thog mar bya// rdo rje 'dod pa kyo ba mchog/ ha ra thig ler yang dag ldan// cha gnyis gsum pa sbar byas pa// 'di ni snying gar bzhag byas na// bde bar nam mkha' 'gro 'gyur te// bde ba shin tu rtag pa yi// 'di yis mchog tu dngos grub bo// 'dren pa de nyid thog mar gzhag/ ltos ltos zhes pa hUM

  555. 278a

    dang ldan// skal ba chen po rdo rje spyan// dbus su bskul bas 'grub pa 'gyur// 'phrul gyi spyan lnga nor che ba// 'di yis rnal 'byor 'grub 'gyur te// rdo rje byang chub dgyes pa che// sangs rgyas thams cad mthong bar 'gyur// dang por 'dren pa de nyid gzhag/ tha mar ha ra thig ler bya// rdo rje dgyes pa bde 'thob byed// ming ni dbus su bri bar bya// 'di yis snying gar byas pa yis// de bzhin gshegs pa bde mchog 'gro// phyag rgya bzhi dang 'grogs pa yis// lus 'dis 'di tshe 'grub par 'gyur// rab dgyes sbyor bar yang dag zhon// phyag rgya bzhi dang mnyam 'grogs shing // rdo rje 'gying la sogs sprospyod pas// bcom ldan 'dod ma 'grub par 'gyur// chos kyi de kho na nyid kyi don gyi ye shes kyi phyag rgya'o// // de nas bcom ldan sbyor ba che// thog ma tha ma med pa mchog/ gdug pa thams cad gdul ba'i phyir// rdo rje khro bor de 'gyur ro// mdun du thog ma'i lha nyid du// rdo rje hUM mdzad nyi ma 'bar// nyi ma bcu gnyis gzi brjid che// me 'bar rab tu 'bar bar ldan// 'khor gyi 'khor lo de dag kun// dur khrod kyi ni rgyan mchog gis// brgyan te gdug pa'i tshogs rnams la// de ni yang dag rol pa mdzad// khro chen mchog 'dul phyag rgya 'di// sngags ni rang gi snying gar bsgom// khro mo'i bu mo'i mdun du

  556. 278b

    bskor// khro mo chen mo de 'grub bo// 'di yis gdug pa thams cad rnams// hUM byas myur du brgyab par 'gyur// de dag gdug pa gdug pa che// 'jigs shing 'khrugs te rab tu 'jig/ skyobs shig skyobs shig ces smra zhing // rdo rje gtso la dran par byed// phyag rgya 'di ni mnyam par gzhag/ 'gro ba thams cad dbang bya ste// las mchog thams cad sgrub pa pos// dgra yi rnams ni gzhig par bya// sbyor dang ldan pas 'bum bzlas te// las rnams thams cad byed pa na// gdon mi za bar kun 'gyur te// rdo rje sems dpa' 'ang bsgrub par nus// zhes bcom ldan 'das dpal rdo rje sems dpas gsungs so// khro bo'i phyag rgya'i ye shes so// de nas sangs rgyas che de dag/ sangs rgyas nyid skyes thams cad mchog/ gzungs ma rnal 'byor ma thams cad// rang gi 'khor gyi 'khor lo'i tshogs// phan tshun bde ba ldan pa yi// dga' bas 'khor rnams 'phags 'gyur te// rang gi bde byed skyes par 'brel// skal ba chen mo rtsen par byed// de nas bcom ldan 'das rdo rje shin tu dgyes pa chen pos rang gi 'khor gyi 'khor lo'i tshogs rnams la yang dang yang du gzigs te de bzhin gshegs pa thams cad kyi 'dren pa'i rig ma'i snying po 'dis sdud pa mdzad do// oM badz+ra oM ku sha du ru du ru/ e h+ye kam+ba hi bi kan+ta// sarbA na paR+Sha ta tsakra sany+tsa ya/

  557. 279a

    badz+ra aM ku sha hUM phaT/ 'di yis phyag rgya rdo rje yi// bcing ba gnyis ni dam byas te// rdo rje khro mo dgrol bar bya// rdo rje khro bo rab sbyar ba// rdo rje kyo ba zhes bya'o// 'gro dang ri bo sems can rnams// phyag rgya 'di yis kun bkug ste// 'dod pas 'gying ba'i yid rtag rnams// mi yi bu mo smos ci dgos// rdo rje bcings pa mnyam gzhag ste// g.yon gyi steng du de bzhin bzhag/ dbus su sbam mo gzhag par bya// rdo rje 'dren pa gzi brjid che// rdo rje bcing pa bsdam byas te// rdo rje sbom mo rtse mo sprad// bdag ni rdo rje zhes bsgom zhing // bcing ba de ni dgrol bar bya// de nyid bcing ba dam byas te// dbang dang chud ngu'i rtsa ba'i mtshams// rdo rje sbom po nus byas te// rab dgyes bdag nyid bskyod par bya// de las rdo rje mchog gnyis bskyed// mdud pa'i tshul du sbyar bar bya// gzhug pa dang ni 'dren pa'i mchog/ 'di yis thams cad dngos grub pas// rnal 'byor phyag rgya 'di nyid kyis// drangs te bcug nas bcing byas te// dbang du byas nas bsgrub par bya// de nas de dag thams cad drangs bcug bcings dga' bar bskyed nas// rang gi rab tu dgyes pa'i bde ba chen pos rang gi rgyal srid rjes su skyong zhing rdo rje chos la bka' stsal pa/ sangs rgyas kun gyi tshul chen po// dga' byed zla gsang thig le yi// rab dgyes bdag

  558. 279b

    nyid gsang ba 'di// sems dpa' chen po khyod kyis zung // de nas gdan las myur bzhengs te// thal mo sbyar te phyag bzhes nas// chos kyi ngo bor tshig smras pa// bde ba chen po bdag gis blangs// rab bde longs spyod gar byas te// rdo rje tshe yis 'di skad smras// rdo rje chos ni sna tshogs che// sna tshogs pad+mo gar rab byed// de nas pha rol phyin de kun// rab dgyes longs spyod gar byed cing // bde byed chen pos bdag nyid rjes// legs so zhes pa sbyin byed de// legs so legs so bde ba che// legs so legs so ye shes che// legs so legs so sna tshogs che// legs so legs so dgyes pa che/ bcom ldan 'das dgyes pa'i thugs kyis de skad ces bka' stsal nas/ pha rol tu phyin ma'i 'khor chen mo de dag mngon par dga' bar gyur to// zla gsang thig le zhes bya ba'i rgyud kyi rgyal po chen po mchog tu gsang ba yongs su rdzogs so// // gsung rab don rtogs slob dpon gyis// lhag par bkrol te bstan pa la// ci rigs bsgyur ba'i bsod nams kyis// sems can sems bde thob par smon// rgya gar gyi mkhan po pad+ma sam+b+ha wa dang / zhu chen gyi lo tsA ba ban+de dpal brtsegs kyis bsgyur ba'o// phyis kha che'i paN+Di ta te dza de ba'i zhal snga nas dang / lo tsA ba 'phags pa shes rab kyis skad gsar bcad kyis kyang

  559. 280a

    gtan la phab pa'o// // @#// rgya gar skad du/ sarba ta thA ga ta ka ya bak+Shit+ta ra ha s+yo gu h+ya sa mA dza nA ma ma hA kalpa rA dza/ bod skad du/ de bzhin gshegs pa thams cad kyi sku gsung thugs kyi gsang chen gsang ba 'dus pa zhes bya ba brtag pa'i rgyal po chen po// dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku gsung thugs kyi snying po rdo rje btsun mo'i b+ha ga rnams la bzhugs so// brjod kyis mi lang ba'i yang brjod kyis mi lang ba'i sangs rgyas kyi zhing gi rdul phra rab snyed kyi byang chub sems dpa' sems dpa' chen po la 'di lta ste/ byang chub sems dpa' sems dpa' chen po dam tshig rdo rje dang / byang chub sems dpa' sems dpa' chen po sku rdo rje dang / byang chub sems dpa' sems dpa' chen po gsung rdo rje dang / byang chub sems dpa' sems dpa' chen po thugs rdo rje dang / byang chub sems dpa' sems dpa' chen po ting nge 'dzin rdo rje dang / byang chub sems dpa' sems dpa' chen po rgyal ba rdo rje dang // byang chub sems dpa' sems dpa' chen po sa rdo rje dang / byang chub sems dpa' sems dpa' chen po chu rdo rje dang / byang chu sems dpa' sems dpa' chen po me rdo rje dang / byang chub

  560. 280b

    sems dpa' sems dpa' chen po rlung rdo rje dang / byang chub sems dpa' sems dpa' chen po nam mkha' rdo rje dang / byang chub sems dpa' sems dpa' chen po gzugs rdo rje dang / byang chub sems dpa' sems dpa' chen po sgra rdo rje dang / byang chub sems dpa' sems dpa' chen po dri rdo rje dang // byang chub sems dpa' sems dpa' chen po ro rdo rje dang / byang chub sems dpa' sems dpa' chen po reg bya rdo rje dang / byang chub sems dpa' sems dpa' chen po chos kyi dbyings kyi ngo bo nyid rdo rje dang / de dag la sogs pa'i byang chub sems dpa' sems dpa' chen po brjod kyis mi lang ba'i yang brjod kyis mi lang ba'i sangs rgyas kyi zhing gi rdul phra rab snyed rnams dang / de bzhin gshegs pa nam mkha'i khams dang mnyam pa la yang 'di lta ste/ de bzhin gshegs pa rdo rje mi bskyod pa dang / de bzhin gshegs pa rdo rje rnams par snang mdzad dang / de bzhin gshegs pa rdo rje rin chen tog dang / de bzhin gshegs pa rdo rje 'od dpag med dang / de bzhin gshegs pa rdo rje don yod pa dang de dag la sogs pa nam mkha'i khams thams cad dang mnyam pa'i de bzhin gshegs pa rnams dang / thabs cig tu bzhugs pa ni 'di lta ste dper na til gyi gang bu bzhin du de bzhin gshegs pa thams cad kyis nam mkha'i khams thams cad shin tu

  561. 281a

    yongs su gang bar snang bar gyur to// de nas bcom ldan 'das de bzhin gshegs pa rdo rje rnam par snang mdzad chen po de bzhin gshegs pa thams cad kyi 'dod chags chen po'i tshul zhes bya ba'i ting nge 'dzin la snyoms par zhugs nas de bzhin gshegs pa thams cad kyi bkod pa de dag nyid kyi sku la zhugs par mdzad do// de nas de bzhin gshegs pa de dag thams cad kyis bcom ldan 'das de bzhin gshegs pa thams cad kyi sku gsung thugs kyi bdag po yongs su mnyes par bya ba'i phyir nyid kyi sku bud med kyi gzugs su mngon par sprul nas bcom ldan 'das rnam par snang mdzad chen po'i sku las ngon par byung bar gyur to// de la la la ni sangs rgyas sman gyi rnam par ro// la la ni mA ma kI'i rnam par ro// la la ni gos dkar mo'i rnam par ro// la la ni dam tshig sgrol ma'i rnam par yang dag par gnas par gyur to// la la ni gzugs kyi ngo bo'i rnam pas/ la la ni sgra'i ngo bo'i rnam pas/ la la ni dri'i ngo bo'i rnam pas/ la la ni ro'i ngo bo'i rnam pas/ la la ni reg bya'i ngo bo'i rnam pas yang dag par gnas par gyur to// de nas de bzhin gshegs pa mi bskyod pas de bzhin gshegs pa thams cad kyi sku dang gsung dang thugs kyi snying po rdo rje btsun mo'i b+ha ga la dam tshig chen po'i dkyil 'khor rdul med pa gru bzhi par

  562. 281b

    byin gyis brlabs pa ni/ gsal ba de yi ngo bo nyid// sna tshogs gzugs kyi kun du rgyas// sangs rgyas sprin ni kun tu bkram// 'od zer 'phro ba mang po 'khrug/ gsal ba la sogs dkyil 'khor ldan// de bzhin gshegs pa kun gyi gnas// de nas bcom ldan 'das de bzhin gshegs pa thams cad kyi sku gsung thugs rdo rje bdag po de/ de bzhin gshegs pa thams cad kyi dam tshig chen po'i dkyil 'khor gyi dbus su bzhag par gyur to// de nas de bzhin gshegs pa mi bskyod pa dang / de bzhin gshegs pa rin chen tog dang / de bzhin gshegs pa tshe dpag med dang / de bzhin gshegs pa don yod grub pa dang / de bzhin gshegs pa rnam par snang mdzad rnams de bzhin gshegs pa byang chub kyi sems rdo rje'i thugs la bzhugs so// de nas bcom ldan 'das de bzhin gshegs pa byang chub kyi sems rdo rjes de bzhin gshegs pa thams cad zil gyis gnon pa rdo rje zhes bya ba'i ting nge 'dzin la snyoms par zhugs so// bcom ldan 'das de bzhin gshegs pa thams cad kyi bdag po snyoms par zhugs pa de ma thag tu/ de nas nam mkha'i dbyings 'di thams cad de bzhin gshegs pa thams cad kyi rdo rje'i ngo bor gnas par gyur to// de nas nam mkha'i dbyings thams cad na gnas pa'i sems can ji snyed pa de dag thams cad rdo rje

  563. 282a

    sems dpa'i byin gyis brlabs kyis de bzhin gshegs pa thams cad kyi bde ba dang yid bde ba thob par gyur to// de nas bcom ldan 'das de bzhin gshegs pa byang chub kyis sems rdo rje de bzhin gshegs pa thams cad kyi sku dang gsung dang thugs rdo rje'i dam tshig 'byung ba'i rdo rje zhes bya ba'i ting nge 'dzin la snyoms par zhugs nas/ rig pa chen po skyes bu gzugs 'di de bzhin gshegs pa thams cad kyi sngags kyi byin gyis brlabs kyis byin gyis brlabs so// byin gyis brlabs pa tsam gyis de ma thag tu bcom ldan 'das byang chub kyi sems rdo rje de bzhin gshegs pa de nyid zhal gsum pa'i rnam par de bzhin gshegs pa thams cad kyis gzigs par gyur to// de nas de bzhin gshegs pa mi bskyod pa la sogs pa bcom ldan 'das rnam par snang mdzad chen po'i thugs ka nas mngon par byung ste/ ched du brjod pa 'di ched du brjod do// e ma ho sangs rgyas thams cad kyi// byang chub sems ni rab byung ba// de bzhin gshegs pa kun gyis gsang // rab tu mi rtog gnas med pa'o// de nas bcom ldan 'das de bzhin gshegs pa thams cad yang gcig tu 'dus nas bcom ldan 'das de bzhin gshegs pa byang chub kyi sems rdo rje la de bzhin gshegs pa thams cad kyi mchod pa spros pa de kho na nyid kyi dam

  564. 282b

    tshig rin po che'i sbyin gyis yang dag par mchod de phyag 'tshal nas 'di skad ces gsol to// 'dus pa gsang ba las byung ba// de bzhin gshegs pa kun gyi gsang // rdo rje snying po 'dus pa yi// de nyid bcom ldan bshad du gsol// de nas bcom ldan 'das de bzhin gshegs pa byang chub kyi sems rdo rjes de bzhin gshegs pa de dag thams cad la 'di skad ces bka' stsal to// bcom ldan 'das de bzhin gshegs pa thams cad legs so legs so// 'on kyang 'di ni de bzhin gshegs pa thams cad kyang the tshom skye bar byed pa yin na byang chub sems dpa' gzhan rnams lta ci smos/ de nas bcom ldan 'das de bzhin gshegs pa thams cad ngo mtshar du gyur/ rmad du byung bar gyur te/ de bzhin gshegs pa thams cad kyi the tshom thams cad gcod par mdzad pa bcom ldan 'das de bzhin gshegs pa thams cad kyi bdag po la 'di skad ces gsol to// gang bcom ldan 'das 'di lta bu'i yon tan khyad par can la yang / de bzhin gshegs pa thams cad kyi 'khor du de bzhin gshegs pa thams cad kyi sku dang gsung dang thugs kyi gsang ba ston par mi spro ba de/ bcom ldan 'das de bzhin gshegs pa thams cad la byin gyis brlab pa mdzad nas/ de bzhin gshegs pa thams cad kyi rdo rje'i dam tshig 'byung ba'i tshig gis de bzhin

  565. 283a

    gshegs pa thams cad kyi bde ba dang / yid bde ba myong bar bgyi ba nas/ de bzhin gshegs pa thams cad kyi ye shes dang / mngon par shes pa'i 'bras bu thob par bgyi ba'i bar gyi phyir yang dag par bstan du gsol/ de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas de bzhin gshegs pa thams cad kyis gsol ba btab pa de mkhyen nas// ye shes sgron ma rdo rje zhes bya ba'i ting nge 'dzin la snyoms par zhugs te/ zhe sdang gi rigs kyi sngags mchog gi snying po'i snying po 'di nyid kyi sku gsung thugs rdo rje las phyung ngo // badz+ra d+h+r-i ka/ de nas 'di phyung ma thag tu/ bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid mi bskyod pa'i phyag rgya chen por sbyor ba'i thabs kyis nag po/ dkar po dmar po'i rnam pas/ de bzhin gshegs pa thams cad kyi sku gsung thugs rdo rje'i sku gsung thugs rdo rje la bzhugs so// de nas bcom ldan 'das de bzhin gshegs pa thams cad kyi dam tshig 'byung ba rdo rje zhes bya ba'i ting nge 'dzin la snyoms par zhugs te gti mug gi rigs kyi sngags mchog gi snying po'i snying po 'di nyid kyi sku gsung thugs rdo rje las phyung ngo // dzi na dzi ka/ de nas 'di phyung ma thag tu bcom ldan 'das de bzhin gshegs

  566. 283b

    pa thams cad kyi sku gsung thugs kyi rig pa'i skyes bu de nyid rnam par snang mdzad kyi phyag rgya chen por sbyor ba'i thabs kyis dkar po/ nag po dmar po'i rnam pas de bzhin gshegs pa thams cad kyi sku gsung thugs rdo rje'i spyan sngar bzhugs so// de nas bcom ldan 'das de bzhin gshegs pa thams cad kyi rin po che 'byung ba'i rdo rje dpal zhes bya ba'i ting nge 'dzin la snyoms par zhugs nas/ yid bzhin nor bu'i rigs kyi sngags mchog gi snying po'i snying po 'di nyid kyi sku gsung thugs rdo rje las phyung ngo // rat+na d+h+r-i ka/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid rin chen tog gi phyag rgya chen por sbyor ba'i thabs kyis ser po/ nag po/ dkar po'i rnam pas de bzhin gshegs pa thams cad kyi sku gsung thugs rdo rje'i g.yas phyogs su bzhugs so// de nas bcom ldan 'das de bzhin gshegs pa thams cad kyi 'dod chags chen po'i rgyun 'byung ba rdo rje zhes bya ba'i ting nge 'dzin la snyoms par zhugs nas rdo rje 'dod chags kyi rigs kyi sngags mchog gi snying po'i snying po 'di nyid kyi sku gsung thugs rdo rje las phyung ngo // A ro li ka/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes

  567. 284a

    bu de nyid 'jig rten dbang phyug gi rig pa'i bdag po chen po'i phyag rgya chen por sbyor ba'i thabs kyis dmar po/ nag po dkar po'i rnam pas de bzhin gshegs pa thams cad kyi sku gsung thugs rdo rje'i rgyab tu bzhugs so// de nas bcom ldan 'das de bzhin gshegs pa thams cad kyi don yod mchog gi dam tshig 'byung ba rdo rje zhes bya ba'i ting nge 'dzin la snyoms par zhugs nas dam tshig dgug pa'i rigs kyi sngags mchog gi snying po'i snying po 'di nyid kyi sku gsung thugs rdo rje las phyung ngo // pra dz+nyA d+h+r-i ka/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid rdo rje don yod pa'i phyag rgya chen por sbyor ba'i thabs kyis ljang gu/ nag po dkar po'i rnam pas de bzhin gshegs pa thams cad kyi sku gsung thugs rdo rje'i byang phyogs su bzhugs so// zhe sdang gti mug de bzhin chags// yid bzhin nor bu dam tshig ste// rigs lngar gtog pa 'di rnams kyis// 'dod dang thar pa rab bsgrub pa'o// de nas yang bcom ldan 'das de bzhin gshegs pa thams cad kyi rdo rje 'dzin pa rjes su mnyes pa'i dam tshig ces bya ba'i ting nge 'dzin la snyoms par zhugs nas rdo rje 'dzin pa thams cad kyi btsun mo'i mchog 'di nyid kyi sku gsung thugs rdo rje las phyung ngo // de Sha ra ti/ de

  568. 284b

    nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid bud med kyi gzugs 'dzin par gyur te/ shar phyogs kyi grwar bzhugs so// de nas bcom ldan 'das de bzhin gshegs pa thams cad rjes su mnyes par byed pa'i rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi btsun mo'i mchog 'di nyid kyi sku gsung thugs rdo rje las phyung ngo // mo ha ra ti/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid bud med kyi gzugs 'dzin par gyur te lho phyogs kyi grwar bzhugs so// de nas bcom ldan 'das de bzhin gshegs pa thams cad kyi 'dod chags 'dzin pa/ rjes su chags pa'i rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi 'dod chags 'dzin pa'i btsun mo'i mchog 'di nyid kyi sku gsung thugs rdo rje las phyung ngo // rA ga ra ti/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid bud med kyi gzugs 'dzin par gyur te nub phyogs kyi grwar bzhugs so// de nas bcom ldan 'das de bzhin gshegs pa thams cad kyi sku gsung thugs slu ba rdo

  569. 285a

    rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi shes rab 'chang ba rjes su btsun mo'i mchog 'di nyid kyi sku gsung thugs rdo rje las phyung ngo // badz+ra ra ti/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid bud med kyi gzugs 'dzin par gyur te/ byang gi grar bzhugs so// de bzhin gshegs pa thams cad kyi btsun mo'i mchog phun sum tshogs pa'o// de nas bcom ldan 'das rnam par snang mdzad rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi dkyil 'khor byin gyis rlob pa zhes bya ba'i khro bo chen po 'di nyid kyi sku gsung thugs rdo rje las phyung ngo // ya mAn+ta kri ta/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid de bzhin gshegs pa thams cad bsnyengs par byed pa'i rnam pas shar phyogs kyi sgor bzhugs so// de nas bcom ldan 'das de bzhin gshegs pa thams cad kyi ma/ par byang chub pa// rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi dkyil 'khor byin gyis rlob pa zhes bya ba'i khro bo chen po 'di nyid kyi sku gsung thugs rdo rje las

  570. 285b

    phyung ngo // pradz+nyAn+ta kr-ita/ de nas 'di phyung ma zag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid rdo rje dam tshig bsnyengs par byed pa'i rnam pas lho phyogs kyi sgor bzhugs so// de nas bcom ldan 'das de bzhin gshegs pa thams cad kyi chos rin po che 'byung gnas rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi 'dod chags 'chang ba'i dkyil 'khor byin gyis rlob pa zhes bya ba'i khro bo chen po 'di nyid kyi sku gsung thugs rdo rje las phyung ngo // pad mAn+ta kri ta/ de nas de phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid de bzhin gshegs pa thams cad kyi gsung bsnyengs par byed pa'i rnam pas nub phyogs kyi sgor bzhugs so// de nas bcom ldan 'das de bzhin gshegs pa thams cad kyi sku gsung thugs rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi sku dang gsung dang thugs kyi dkyil 'khor byin gyis rlob pa khro bo chen po 'di nyid kyi sku gsung thugs rdo rje las phyung ngo / big+h+nAn+ta kr-ita/ de nas de phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid de bzhin gshegs

  571. 286a

    pa thams cad kyi sku gsung thugs bsnyengs par byed pa'i rnam pas byang phyogs kyi sgor bzhugs so// de bzhin gshegs pa thams cad kyi sku gsung thugs mnyes par byed pa dang dkyil 'khor gyi dam tshig sems dpa' rnams so// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las/ de bzhin gshegs pa thams cad kyi ting nge 'dzin gyi dkyil 'khor byin gyis rlob pa'i le'u ste dang po'o// // de nas bcom ldan 'das de bzhin gshegs pa thams cad kyi sku gsung thugs kyi bdag po la bcom ldan 'das de bzhin gshegs pa thams cad kyis mchod pa byas te phyag 'tshal nas 'di skad ces gsol to// sku dang gsung dang thugs kyi mchog/ de bzhin gshegs pa kun gyi gsang // bla na med pa'i byang chub sems// bcom ldan 'das kyis bshad du gsol// de nas bcom ldan 'das de bzhin gshegs pa thams cad kyi sku gsung thugs rdo rje'i bdag pos de bzhin gshegs pa thams cad kyis gsol ba btab pa mkhyen cing / byang chub sems dpa' thams cad kyi sems kyi yongs su rtog pa thugs kyis mkhyen nas byang chub sems dpa' de rnams la 'di skad ces bka' stsal to// khyed kyis sems lus kyi rnam pa dang / lus sems kyi rnam pa dang / sems tshig tu brjod pa'i rnam pa

  572. 286b

    skyed cig/ de nas byang chub sems dpa' sems dpa' chen po de dag gis de bzhin gshegs pa thams cad kyi sku dang gsung dang thugs rnams ni nam mkha' lta bur yang dag par sbyar nas ched du brjod pa 'di ched du brjod do// e ma ho kun du bzang po yi// rdo rje'i sku dang gsung dang thugs// skye ba med pa tshul gyis su// skye ba 'di ni rab tu bsgrags// de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas de bzhin gshegs pa thams cad kyis mngon par rdzogs par byang chub pa'i tshul rdo rje zhes bya ba'i ting nge 'dzin la snyoms par zhugs te/ byang chub kyi sems 'di gsungs so// dngos po med par bsgom pa'i dngos// bsgom pa bsgom pa ma yin nyid// de ltar dngos po dngos med de// sgom pa dmigs su med pa'o// zhes bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas gsungs so// de nas bcom ldan 'das rnam par snang mdzad rdo rje de bzhin gshegs pas de bzhin gshegs pa thams cad kyi mngon par rtogs pa rdo rje zhes bya ba'i ting nge 'dzin la snyoms par zhugs te/ byang chub kyi sems 'di gsungs so// dngos po thams cad dang bral ba// phung po khams dang skye mched dang // gzung dang 'dzin pa rnam spangs pa// chos bdag med pa

  573. 287a

    mnyam nyid pas// rang sems gdod nas ma skyes pa// stong pa nyid kyi rang bzhin no// zhes bcom ldan 'das de bzhin gshegs pa rdo rje rnam par snang mdzad kyis gsungs so// de nas bcom ldan 'das de bzhin gshegs pa rdo rje mi bskyod pas de bzhin gshegs pa thams cad kyi mi zad pa'i rdo rje zhes bya ba'i ting nge 'dzin la snyoms par zhugs te byang chub kyi sems 'di gsungs so// dngos po 'di rnams ma skyes pa// chos dang chos nyid med pa ste// nam mkha' lta bur bdag med par// byang chub tshul 'di brtan pa'o// zhes bcom ldan 'das de bzhin gshegs pa rdo rje mi bskyod pas gsungs so// de nas bcom ldan 'das de bzhin gshegs pa rdo rje rin chen tog gis/ de bzhin gshegs pa thams cad kyi bdag med pa'i rdo rje zhes bya ba'i ting nge 'dzin la snyoms par zhugs te byang chub kyi sems 'di gsungs so// chos rnams thams cad dngos med cing // chos kyi mtshan nyid rnam par spangs// chos bdag med las kun tu byung // byang chub tshul 'di brtan pa'o// zhes bcom ldan 'das de bzhin gshegs pa rin chen tog gis gsungs so// de nas bcom ldan 'das de bzhin gshegs pa rdo rje tshe dpag tu med pas 'od zer 'bar ba sgron ma rdo rje zhes bya ba'i ting nge 'dzin la snyoms par zhugs te/ byang chub kyi sems 'di

  574. 287b

    gsungs so// ma skyes pa yi chos rnams la// ngo bo med de sgom pa'ang med// nam mkha'i tshul du sbyor ba yis// 'di ltar dngos por rab tu bsgrags// zhes bcom ldan 'das// de bzhin gshegs pa rdo rje tshe dpag tu med pas gsungs so// de nas bcom ldan 'das de bzhin gshegs pa rdo rje don yod grub pas de bzhin gshegs pa thams cad zil gyis gnon pa rdo rje zhes bya ba'i ting nge 'dzin la snyoms par zhugs te byang chub kyi sems 'di gsungs so// chos rnams rang bzhin 'od gsal ba// gdod nas dag pa nam mkha' bzhin// byang chub med cing mngon rtogs med// byang chub tshul 'di brtan pa'o// zhes bcom ldan 'das de bzhin gshegs pa rdo rje don yod grub pas gsungs so// de nas byams pa la sogs pa'i byang chub sems dpa' sems dpa' chen po rnams de bzhin gshegs pa thams cad kyi sku dang gsung dang thugs kyi gsang ba'i chos nyid kyi yi ge thos nas ngo mtshar du gyur/ rmad du byung bar gyur te ched du brjod pa 'di ched du brjod do// e ma'o sangs rgyas e ma'o chos// chos bshad pa ni ngo mtshar chetshe// yang dag don ni dag pa'i don// byang chub sems khyod phyag 'tshal lo// bdag med pa yi chos las byung // sangs rgyas byang chub rdzogs mdzad pa// rnam par mi rtog dmigs su med// byang chub sems khyod

  575. 288a

    phyag 'tshal lo// kun tu bzang po thams cad don// byang chub sems ni rab skor ba// byang chub spyod pa rdo rje che// byang chub sems khyod phyag 'tshal lo// dag pa de bzhin gshegs pa'i thugs// sku dang gsung thugs rdo rje can// sangs rgyas byang chub rab ston pa// byang chub sems khyod phyag 'tshal lo// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las byang chub kyi sems kyi le'u ste gnyis pa'o// // de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas de bzhin gshegs pa thams cad 'phro ba'i sprin bkod pa rdo rje zhes bya ba'i ting nge 'dzin la snyoms par zhugs te rdo rje bkod pa zhes bya ba'i ting nge 'dzin gyi le'u 'di gsungs so// oM shUn+ya tA dz+nyA na badz+ra swa b+hA At+ma ko&haM// nam mkha'i khams kyi dbus gnas par// sangs rgyas dkyil 'khor bsgom bya ste// 'od zer sprin gyi bkod pa che// sangs rgyas 'bar ba'i 'od dang mnyam// 'od zer lnga ni kun du khyab// kun nas yongs su zlum po ste// 'dod pa'i yon tan lnga yis spras// mchod pa rnam pa lngas brgyan pa// mdor na de ltar bsgom nas su// gzugs ni dbus su bsgom par bya// rnam par snang mdzad phyag rgya che// sku gsung thugs kyis mtshan pa'o// sku gsung thugs ni rdo

  576. 288b

    rje yi// phyag rgya chen po bsgom par bya// bsdus pa gnyis med sbyor ba yis// mi bskyod phyag rgya mchog rab dang // rin chen tog gi phyag rgya che// tshe dpag med pa'i 'od byed dang // don grub phyag rgya chen po rnams// sangs rgyas dkyil 'khor dag tu bsgom// sku gsung thugs kyi rdo rje can/ in dra nI la'i kha dog 'dra// rab 'bar phyag na rdo rje bsnams// rnam par gtsigs pa 'jigs su rung // shel dang zla ba'i 'od dang 'dra// thor tshugs cod pan gyis brgyan pa// rab 'bar phyag na 'khor lo bsnams// sna tshogs rgyan gyis mdzes par brgyan// 'dzam bu chu bo'i gser 'od 'dra// sangs rgyas sprin ni kun tu 'khrigs// rtse mo dgu pa'i rdo rje che// de yi phyag tu rnam par bsgom// ma ra ka ta'i 'od 'dra ba// rdo rje 'bar bas rnam par brgyan// kun du 'bar ba'i sprin gyis khyab// phyag na rin chen bsnams par bsgom// pad ma rA ga'i mdog 'dra ba// gtso bo 'dod chags 'od 'bar 'chang // rab 'bar phyag na pad ma bsnams// 'dod chags rdo rje can bsgom bya// 'od zer lnga yi 'od 'dra ba// sna tshogs don yod rdo rje can// zhi ba phyag na ral gri bsnams// sangs rgyas dkyil 'khor du ni bsgom// de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas chos kyi dbyings kyi/

  577. 289a

    ngo bo nyid rdo rje zhes bya ba'i ting nge 'dzin la snyoms par zhugs nas sku gsung thugs byin gyis rlob pa'i sngags 'di gsungs so// oM d+harma d+hA tu swa b+hA ba At+ma ko&haM/ rin chen chen po kha dog lnga// yungs kar gyi ni 'bru tshad tsam// sna yi rtse mor nan tan du// rnal 'byor gyis ni rtag tu bsgom// rin chen brtan par gyur nas spro// brtan par ma gyur yong mi spro// sangs rgyas 'bar ba mtshungs pa'i 'od// rab mchog sprin rnams spro bar bya// 'khor lo rdo rje rin chen dang // pad ma ral gri mtshon cha 'dzin// byang chub sems dpa'i sprin chen rnams// spro ba'i bdag nyid can gyis spro// nam mkha'i dbyibs kyi dbus gnas par// zla ba'i dkyil 'khor bri bar bya// gsal ba'i dkyil 'khor dbus gnas par// 'khor lo'i dkyil 'khor bsgom par bya// pad ma'i dkyil 'khor 'dra ba ni// pad ma sgom pas bsgom par bya// rin chen dkyil 'khor 'dra ba ni// rin chen brtson pas bsgom par bya// sbyor ba'i dkyil 'khor las byung ba// nam mkha' 'dra bar bri bar bya// sangs rgyas rang mchog 'di rnams nyid// sku gsung thugs ni sgrub pa yis// dkyil 'khor rdo rje las byung ba// thams cad mkhyen pa'i tshul thob pa'o// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las rdo/

  578. 289b

    rje bkod pa'i ting nge 'dzin zhes bya ba'i le'u ste gsum pa'o// // de nas bcom ldan 'das de bzhin gshegs pa thams cad yang 'dus nas// bcom ldan 'das de bzhin gshegs pa thams cad kyi sku gsung thugs kyi bdag po la bstod pa'i rgyal po 'dis gsol ba btab bo// de bzhin gshegs pa kun zhi ba// de bzhin gshegs pa kun gyi gnas// chos kun bdag med pa yi mchog/ dkyil 'khor dam pa bshad du gsol// mtshan nyid thams cad yang dag rdzogs// mtshan nyid min pa thams cad spangs// kun du bzang po sku yi mchog/ dkyil 'khor dam pa bshad du gsol// zhi ba'i chos mchog las byung ba// ye saspyod pa rnam sbyong mdzad// kun tu bzang po gsung gi mchog/ dkyil 'khor dam pa bshad du gsol// sems can kun gyi sems chen po// rang bzhin dag cing dri ma med// kun bzang thugs mchog kha lo sbyar// dkyil 'khor dag ni bshad du gsol// de nas ston pa rdo rje 'dzin// 'jig rten gsum pa khams gsum pa// 'jig rten gsum mchog rdo rje gtso// 'jig rten gsum mchog ston pa po// de bzhin gshegs pa kun gyi gnas// de bzhin gshegs pa thams cad kyi// thugs kyi dkyil 'khor dkyil 'khor tshul// dkyil 'khor nyams dga' rab tu bshad// de nas de phyir thugs dkyil 'khor// mchog thugs

  579. 290a

    rdo rje rab 'dra ba// sku dang gsung dang thugs rnams kyi// dkyil 'khor yang dag rab bshad bya// lus dang ngag sems bsgoms pa yis// shes rab can gyis thig gdab pa// thig skud sar pa legs bkal ba// tshad ma bzang po mdzes pa yis// thugs kyi dkyil 'khor dam pa ni// khru ni bcu gnyis tshad du bya// ngos bzhi dang ni gra bzhi dang // sgo bzhi par ni rab tu brtag/ de yi dbus su 'khor lo ni// rab tu zlum po bri bar bya// cho ga mthong ba'i las kyis ni// de nas phyag rgya dgod par bya// de dbus rdo rje bri ba ni// in dra nI la'i kha dog 'dra// 'bar ba chen po rtse lnga pa// 'jigs pa dag kyang rab 'jigs byed// shar du 'khor lo chen po ni// rdo rje 'bar bas rnam par brgyan// lho ru rin chen chen po ni// 'od zer mang po rab tu 'khrigs// nub tu pad+ma chen po ni// pad+ma rA gi'i kha dog 'dra// byang du ral gri chen po ni// 'od zer 'bar ba rab 'khrigs bri// dbus su sprin dang 'dra ba'i 'od// spyan ni shar gyi gra ru bri// mA ma ki yi rigs 'byung ba'i// rdo rje de bzhin lho ru'o// pad ma kha bye sdong bur bcas// nub tu kun du bri bar bya// byang du ut+pal mdzes pa ni// mthing ka sprin dang 'dra ba bri// tho ba kun nas 'od mdzes 'bar// shar gyi sgo ni bri bar bya// rdo rje 'bar sogs 'od bzang ba// dbyug pa lho ru kun du bri// pad

  580. 290b

    ma 'bar ba 'od byed pa// nub tu kun du bri bar bya// rdo rje 'khyil pa rdo rje can// byang du rdo rje bri bar bya// thugs kyi dkyil 'khor dam pa de// yongs su gsal bar shes byas nas// lus dang ngag sems mchod pa yis// nan tan du ni mchod par bya// btsun mo mdzes shing mdangs bzang ba// lo grangs bcu drug lo rnyed nas// dri dang me tog phreng brgyan te// de dbus su ni 'dod pa bya// yon tan ske rags mA ma kI// shes rab can gyis de phyin brlabs// sangs rgyas zhi ba tshul spros pas// nam mkha'i dbyings ni rab tu brgyan// bshang gci khu ba khrag la sogs// lha rnams la ni dbul bar bya// de ltar byas na sangs rgyas dang // byang chub sems dpa' grags chen mnyes// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las// de bzhin gshegs pa thams cad kyi thugs kyi dkyil 'khor gyi le'u ste bzhi pa'o// // de nas de bzhin gshegs pa ni// kun gyi sku dang gsung thugs kyi// rdo rje 'chang ba'i rgyal po ni// gnas kyi dbang phyug kun mchog gis// spyod pa kun mchog chos kyi don// spyod pa'i mtshan nyid bka' stsal to// rnam par mi rtogs don las byung // 'dod chags zhe sdang gti mug rigs// theg pa'i mchog ni bla na med// rab mchog dngos grub sgrub par byed// gdol pa

  581. 291a

    smyig ma mkhan la sogs// gsod don don gnyer sems pa rnams// theg chen bla na med pa yi// theg mchog 'di la 'grub par 'gyur// sems can mtshams med la sogs pa// sdig pa chen po byed pa yang // de rnams kun kyang theg pa che// mchog gi sgrub pa 'dir 'grub 'gyur// snying nas slob dpon smod pa dag/ bsgrubs kyang 'grub par yong mi 'gyur// srog gcod pa yi sems can gang // brdzun du smra la dga' ba dang // gzhan gyi nor la chags pa dang // rtag tu 'dod pa spyod dga' gang // bshang gci zas su za ba ste// de rnams sgrub pa'i skal ldan 'gyur// ma dang sring mo bu mo la// sgrub po gang gis 'dod byas na// theg chen mchog gi chos su ni// dngos grub rgya chen des 'thob po// sangs rgyas gtso bo'i yum dag la// rnam par mi rtog blo can gyis// mnyes par byas kyang mi gos te// sangs rgyas nyid du 'grub par 'gyur// de nas sgrib pa thams cad rnam par sel pa la sogs pa/ byang chub sems dpa' sems dpa' chen po rnams ngo mtshar du gyur/ rmad du byung bar gyur te/ bcom ldan 'das de bzhin gshegs pa thams cad kyi bdag po ci'i slad du/ de bzhin gshegs pa thams cad kyi 'khor gyi nang du 'di lta bu'i tshig ngan pa gsung zhes gsol to// de nas de bzhin gshegs pa thams cad kyis sgrib

  582. 291b

    pa thams cad rnam par sel ba la sogs pa'i byang chub sems dpa' sems dpa' chen po rnams kyi tshig gsan nas byang chub sems dpa' de dag la 'di skad ces bka' stsal to// rigs kyi bu rnams thong de skad ma smra cig/ snying po ye shes can rnams kyi// chos nyid ngag 'di sangs rgyas ni// snying po'i chos kyi don byung ba// 'di dag byang chub spyod pa'i gnas// de nas yang brjod kyis mi lang ba'i yang brjod kyis mi lang ba'i sangs rgyas kyi zhing ri rab la sogs pa'i rdul phra mo snyed kyi byang chub sems dpa' rnams 'jigs shing skrag la brgyal par gyur to// de nas bcom ldan 'das de bzhin gshegs pa thams cad kyis byang chub sems dpa' de dag brgyal bar gyur pa gzigs nas/ bcom ldan 'das de bzhin gshegs pa thams cad kyi sku gsung thugs kyi bdag po la 'di skad ces gsol to// bcom ldan 'das byang chub sems dpa' sems dpa' chen po 'di dag bslang du gsol/ de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pa nam mkha' dang mnyam pa gnyis su med pa'i rdo rje zhes bya ba'i ting nge 'dzin la snyoms par zhugs so// snyoms par zhugs ma thag tu bcom ldan 'das sku gsung thugs rdo rje'i bdag po'i 'od kyis reg pa tsam gyis/ de nas byang chub sems dpa'

  583. 292a

    sems dpa' chen po de dag rang rang gi stan la gnas par gyur to// de nas de bzhin gshegs pa thams cad ngo mtshar du gyur rmad du gyur// dgyes pas khyab par gyur nas chos kyi dbyangs 'di skad ces gsungs so// e ma'o chos e ma'o chos// e ma'o chos kyi don 'byung ba// chos don dag pa bdag med pa// rdo rje rgyal po phyag 'tshal 'dud// sku dang gsung thugs rab tu dag/ nam mkha' dang ni mnyam nyid gnas// rnam par mi 'gyur snang ba med// rdo rje'i sku la phyag 'tshal 'dud// thugs ni de bzhin gshegs pa'i gtso// dus gsum dag gi lam du 'byung // nam mkha' chen po'i dbyings gyur pa// nam mkha'i lam la phyag 'tshal 'dud// nam mkha'i sku las yang dag byung // nam mkha'i lam la gnas pa po// nam mkha'i thugs te chos kyi mchog/ spyod pa'i gnas khyod phyag 'tshal lo// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las kun tu spyod pa'i mchog gi le'u ste lnga pa'o// // de nas de bzhin gshegs pa rdo rje mi bskyod pas de bzhin gshegs pa thams cad kyi sku gsung thugs kyi gsang ba rdo rje zhes bya ba'i ting nge 'dzin la snyoms par zhugs te thugs byin gyis rlob pa'i sngags 'di gsungs so// oM sarba ta thA ga ta tsit+ta badz+ra swa b+hA ba At+ma ko&

  584. 292b

    haM/ de nas bcom ldan 'das de bzhin gshegs pa rdo rje rnam par snang mdzad kyis rdul dang bral ba'i rdo rje'i gnas zhes bya ba'i ting nge 'dzin la snyoms par bzhugs te sku byin gyis rlob pa'i sngags 'di gsungs so// oM sarba ta thA ga ta kA ya badz+ra swa b+hA ba At+ma ko&haM/ de nas bcom ldan 'das de bzhin gshegs pa rdo rje tshe dpag tu med pas mnyam pa nyid mi gnyis pa'i rdo rje zhes bya ba'i ting nge 'dzin la snyoms par zhugs te gsung byin gyis rlob pa'i sngags 'di gsungs so// oM sarba ta thA ga ta wAka badz+ra swa b+ha ba At+ma ko&haM/ rdo rje gsum pa de bzhin gshegs pa'i gsang // gnas dang gnas ni rnam par bsgom pa ste// de dag nyid mchog rab kyi sngags kyi ni// mtshan nyid mtshan ma bsgrub pa nyid du bya// de nas bcom ldan 'das de bzhin gshegs pa rdo rje rin chen tog gis ye shes sgron ma rdo rje zhes bya ba'i ting nge 'dzin la snyoms par zhugs te sngags 'di gsungs so// oM sarba ta thA ga ta a nu rA ga Na badz+ra swa b+hA ba At+ma ko&haM/ de nas bcom ldan 'das de bzhin gshegs pa rdo rje don yod grub pas rdo rje don yod pa zhes bya ba'i ting nge 'dzin la snyoms par zhugs te sngags 'di gsungs so// oM sarba ta thA ga ta pU dzA badz+ra swa b+hA ba At+ma ko&haM// rtag tu 'dod pa'i yon tan lngas// sangs rgyas tshul bzhin mchod par bya// mchod pa rnam

  585. 293a

    pa lnga rnams kyis// myur du sangs rgyas nyid thob 'gyur// zhes bcom ldan 'das de bzhin gshegs pa thams cad kyi sku gsung thugs kyi bdag po rdo rje 'chang chen pos gsungs so// de nas bcom ldan 'das de bzhin gshegs pa thams cad kyi sku gsung thugs kyi bdag po rdo rje 'chang chen pos de bzhin gshegs pa thams cad kyi sngags kyi gsang chen 'di gsungs so// sngags dmigs pa yi lus kyis ni// ngag dang yid la bskul byas pas// bsgrub bya rab mchog dngos grub dang // yid ni yang dag dga' mdzes pa// sems kyi dmigs pa bdag med pa// ngag dang lus kyang rnam par bsgom// rnam gsum sbyor ba nam mkha' dang // mnyam nyid gnas ni grub par bya// lus dang ngag dang sems dmigs na// ngo bo nyid ni dmigs su med// sngags kyi sku yi sbyor ba yis// byang chub med cing sgom pa'ang med// sku gsung thugs kyi mtshan nyid 'di// rnam par dpyad nas bsdu ba yis// byang chub sbyor ba ting nge 'dzin// sngags kyi brtags pa bsgom par bya// de nas dpal ldan rdo rje 'dzin// de bzhin gshegs pa kun gyis mchod// sangs rgyas kun mchog kun mkhyen gyis// sgom pa'i mchog ni bka' stsal to// nam mkha'i dbyings kyi dbus gnas par// zla ba'i dkyil 'khor bsgom par bya// sangs rgyas gzugs ni

  586. 293b

    rab bsgoms nas// phra mo'i sbyor ba kun tu brtsam// sna yi rtse mor yungs kar bsam// yungs kar rgyu dang mi rgyu ba// ye shes gnas ni nyams dga' ba// gsang ba'i ye shes brtags pa bsgom// nam mkha'i dbyings kyi dbus gnas par// nyi ma'i dkyil 'khor bsgom par bya// sangs rgyas sku yi gnas bsgoms te// de yi steng du gnas dgod do// hUM nam mkha'i dbyings kyi dbus gnas par// gsal ba'i dkyil 'khor bsgom par bya// spyan gyi tshul gyi sbyor ba la// rdo rje pad ma rnam par bsgom// nam mkha'i dbyings kyi dbus gnas par// rin chen dkyil 'khor bsgom par bya// dang po'i sbyor ba nan tan gyis// de yi steng du yongs su bsgom// nam mkha'i dbyings kyi dbus gnas par// 'od kyi dkyil 'khor bsgom par bya// sangs rgyas tshul ni zhi ba spro// 'khor yang khyad par dag tu spro// ut+pal mthing ka'i mdog 'dra ba// rtse mo lnga pa khyad par du// nas kyi 'bru tshad nan tan gyis// sna yi rtse mor rnam par bsam// tsa na ka yi 'bru tsam la// 'dab ma brgyad pa ge sar bcas// sna yi rtse mor 'di shis te// bsgom pas byang chub gzhol bar 'gyur// 'khor lo la sogs khyad par du// bsgom pa der ni brtag par bya// dngos grub thams cad yon tan gnas// nyams dga' byang chub gnas 'grub 'gyur// sangs rgyas byang chub gnas

  587. 294a

    rnams ni// de ru mdor ni spro bar bya// sku gsung thugs kyi mtshan ma yi// chos kyi tshig rnams rab tu brjod// de nas dpal ldan rdo rje 'chang // de nyid don kun ston pa pos// spyod pa kun mchog legs dag pa// gsang ba'i dam pa bka' stsal to// gzugs dang sgra dang ror ldan pa// shes rab can gyis zla drug bsgom// gsang ba'i de nyid mchod chen ni// legs mchod nas kyang bsgom par bya// dngos grub 'bras bu 'dod pa yis// zas su bshang gci zos na ni// sangs rgyas byang chub skyon med pa// yang dag bla med 'grub par 'gyur// sha yang bza' bar bya ba'i phyir// sha chen po ni rab tu brtag/ gsang paba'i sku dang gsung dang thugs// dngos grub thams cad 'grub par 'gyur// glang po'i sha dang rta yi sha/ de bzhin dam pa khyi yi sha/ zas kyi phyir ni bza' bar bya// zas gzhan bza' bar ma byas na// byang chub sems dpa' blo can dang // sangs rgyas rnams ni mnyes par 'gyur// 'di lta bu yi sbyor ba yis// myur du sangs rgyas nyid 'thob 'gyur// 'dod khams dbang phyug 'jig rten du// go 'phang las ni byed par 'gyur// stobs ldan gtso bo gzi brjid can// mdangs bzang mthong na yid du 'ong // mthong ba tsam gyis bskul med par// 'jig rten 'di dag dbang byed 'gyur// 'di ni thams cad sangs rgyas

  588. 294b

    kyi// gsang ba byang chub dam pa ste// yang dag sngags kyi gsang ba 'di// lus ngag sems las 'da' ba'o// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las sku dang gsung dang thugs byin gyis rlob pa'i le'u ste drug pa'o// // de nas bcom ldan 'das de bzhin gshegs pa thams cad kyi sku gsung thugs kyi bdag pos dam tshig chen po'i de kho na nyid sngags kyi spyod pa'i mchog mngon par rdzogs par byang chub pa'i le'u 'di gsungs so// 'dod pa'i longs spyod thams cad la// ji ltar 'dod pa bstan par ni// 'di lta bu yi sbyor ba yis// nges par sangs rgyas myur thob 'gyur// 'dod pa thams cad longs spyod pa// ji ltar 'dod pa bsten bya zhing // rang gi lha yi sbyor ba yis// bdag dang gzhan la mchod par bya// dka' thub sdom pa mi zad pa// bsten pas 'grub par mi 'gyur gyi// 'dod pa'i longs spyod thams cad la// bsten na myur du 'grub par 'gyur// slongs mo za zhing mi bzlas te// slong la dga' bar yang mi bya// 'dod pa kun la longs spyod cing // sngags kyi yan lag ma nyams bzlas// lus dang ngag dang sems rnams ni// bder gnas thob na byang chub 'thob// gzhan du dus min 'chi ba dang // dmyal bar nges par bsreg par 'gyur// sangs rgyas byang chub

  589. 295a

    sems dpa' ni// sngags kyi spyod pa mchog spyod pas// chos mchog mi 'gyur mchog brnyes rnams// 'dod pa thams cad bsten pas so// chags can ye shes 'dod pa yis// 'dod yon lnga rnams rtag tu brten// byang chub sems dpa' mnyes par bya// byang chub nyi ma chags par bya// gzugs la rnam gsum shes byas nas// mchod pa'i bdag nyid can mchod bya// de nyid bcom ldan sna tshogs pa// sangs rgyas rnam par snang mdzad gzhi// sgra la rnam gsum shes byas nas// lha rnams la ni dbul bar bya// de nyid bcom ldan sna tshogs pa// sangs rgyas rin chen 'byung gnas gtso// dri la rnam gsum shes byas nas// sangs rgyas sogs la dbul bar bya// de nyid bcom ldan sna tshogs pa// 'dod chags chos kyi 'byung gnas gtso// ro la rnam gsum shes byas nas// lha rnams la ni dbul bar bya// de nyid sangs rgyas sna tshogs pa// sangs rgyas don yod rdo rje 'dzin// reg bya rnam gsum shes byas nas// rang gi rigs la dbul bar bya// de nyid bcom ldan rdo rje can// mi bskyod pa yi tshul brnyes pa'o// gzugs sgra dri la sogs pa la// rtag tu sems ni sbyar bar bya// 'di de sangs rgyas thams cad kyi// gsang ba'i snying po btus pa'o// gzugs sgra dri sogs sngags pa yis// lha rnams nyid du rtag tu bsgom// yang na de la rigs

  590. 295b

    kyi ni// dbye ba rnam par bsgoms pas bsgom// sangs rgyas rjes su dran par sbyor// chos ni rjes su dran sgom pa// lus dang ngag dang sems ni bsgom// rdo rje rjes su dran sgom pa// rigs ni rjes dran sbyor ba las// khro bo rjes su dran sgom pa// dam tshig rjes dran sbyor ba las// bsgoms na byang chub thob par 'gyur// bud med gzugs ldan mdangs bzang ba// lo grangs bcu drug lon rnyed nas// byin gyis rlob pa'i gnas gsum kyis// dben par mchod pa rab tu brtsam/ de bzhin gshegs pa'i btsun mo'i mchog/ spyan la sogs pa bsgom par bya// dbang po gnyis ni mnyam sbyar bas// sangs rgyas dngos grub thob par 'gyur// yi ge hUM dang oM dag dang // AHdang phaT kyang rab bsgom bya// 'od zer sna lngas khyab pa yi// rdo rje pad mo bsgom par bya// 'bar bcas zla 'od bzhin du dkar// yid du 'ong ba bsgom par bya// sangs rgyas rjes dran sbyor la sogs// byang chub 'dod pas bsgom par bya// de la sangs rgyas rjes su dran pa ji ltar bsgom zhe na/ b+ha gar ling ga rab bzhag nas// sangs rgyas gzugs ni bsgom par bya// ba spu rnams kyi bu ga nas// mkhas pas sangs rgyas sprin rnams spro// de la chos rjes su dran pa ji ltar bsgom zhe na/ b+ha gar ling ga rab bzhag nas// rdo rje chos ni rab bsgom bya// ba spu rnams kyi bu ga nas// mkhas

  591. 296a

    pas chos kyi sprin rnams sgo// de la rdo rje rjes su dran pa ji ltar bsgom zhe na/ b+ha gar ling ga rab bzhag nas// rdo rje sems dpa' rnam par bsgom// ba spu rnams kyi rtse mo nas// rdo rje sprin rnams spro bar bya// de la rigs rjes su dran pa ji ltar bsgom zhe na// b+ha gar ling ga rab bzhag nas// sangs rgyas gzugs ni rab tu bsgom// ba spu rnams kyi bu ga nas// mkhas pas rigs kyi sprin rnams spro// de la khro bo rjes su dran pa ji ltar bsgom zhe na/ b+ha gar ling ga rab bzhag nas// khro bo'i dbang po rab tu bsgom// ba spu rnams kyi bu ga nas// mkhas pas khro bo'i sprin rnams spro// de la dam tshig rjes su dran pa ji ltar bsgom zhe na/ rang gi rdo rje pad mar ldan// dbang po gnyis ni mnyam sbyar te// rang gi khu ba'i thigs pa yis// sangs rgyas rdo rje sems dpa' mchod// de la dkyil 'khor rjes su dran pa ji ltar bsgom zhe na/ dbang po gnyis ni mnyam gzhag ste// mkhas pas rang gi khu ba dag/ rnal 'byor pas ni rtag tu dbyung // dkyil 'khor dkyil 'khor tshul du bya// de la sku rjes su dran pa ji ltar bsgom zhe na/ sangs rgyas kun gyi sku gang zhig/ phung po lnga yis rab tu rgyas// sangs rgyas sku yi ngo bo yis// bdag kyang de dang 'drar gyur cig/ de la gsung rjes su dran pa ji ltar bsgom zhe na/ rdo rje chos kyi gsung gang zhig/ nges pa'i

  592. 296b

    tshig ni phun sum tshogs// bdag gi tshig kyang de 'dra bar// chos 'dzin pa dang 'drar gyur cig/ de la thugs rjes su dran pa ji ltar bsgom zhe na/ kun du bzang po'i thugs gang zhig/ gsang ba'i bdag po blo ldan pa// bdag gi sems kyang de 'dra bar// rdo rje 'dzin dang 'drar gyur cig/ de la sems can rjes su dran pa ji ltar bsgom zhe na/ sems can kun gyi sems gang yin// sku dang gsung dang thugs kyi mtshan// de ni sangs rgyas thams cad kyi// mkha' dang mtshungs par spyod gyur cig/ de la sngags kyi gzugs dang sku dang gsung dang thugs thams cad rjes su dran pa ji ltar bsgom zhe na/ sngags kyi rdo rje'i sku gang yin// gsung gi sku ni rnam bsgom pa// bdag kyang de dang 'dra ba'i sku// rtag tu sngags 'dzin pa dang mnyam// de la dam tshig rjes su dran pa ji ltar bsgom zhe na/ dam tshig khu chu cho ga bzhin// 'bras bu 'dod pas btung bya zhing // de bzhin gshegs pa'i tshogs bsad na// dngos grub rab mchog thob par 'gyur// de la shes rab kyi pha rol tu phyin pa'i dam tshig rjes su dran pa ji ltar bsgom zhe na/ thams cad rang bzhin 'od gsal ba// skye ba med cing zag pa med// byang chub med cing mngon rtogs med// khams kyang med cing 'byung ba med// de la ma skyes pa rjes su dran pa ji ltar bsgom zhe na/ rang bzhin 'od gsal

  593. 297a

    de nas ni// nam mkha' mtshan med mi 'gyur des// gnyis med gnyis su med min zhi// shin tu dri med nam mkha' bzhin// de la zhe sdang gi rigs kyi mchod pa rjes su dran pa ji ltar bsgom zhe na/ bud med sems ni rab brtan pa// lo grangs bcu gnyis lon rnyed nas// rigs kyi sbyor ba'i rab dbye bas// rang gi khu bas mchod par bya// 'dis ni de bzhin gshegs pa'i sku// rdo rje 'dzin pa'i thugs dag dang // chos 'dzin mchog gi gsung dag ni// tshe 'di nyid la thob par 'gyur// sku dang gsung thugs yang dag grub// gang gzhan phra mor bshad pa rnams// rdo rje mi phyed gsum bsgoms pas// bzlas pas de ni 'grub par 'gyur// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las sngags kyi spyod pa mchog gi le'u ste bdun pa'o// // de nas bcom ldan 'das de bzhin gshegs pa rin chen tog gis bcom ldan 'das de bzhin gshegs pa thams cad kyi bdag po dam pa'i dbang phyug rdo rje 'chang chen po la bstod pa'i rgyal po 'dis gsol ba btab bo// rdo rje rgyal po theg pa che// nam mkha'i spyod pas rnam sbyong ba// kun tu bzang po'i spyod pa mchog/ rgyal mchog mchod pa bshad du gsol// 'dod chags zhe sdang gti mug che// rdo rje theg pa rab ston pa// nam mkha'i

  594. 297b

    dbyings dang mtshungs pa'i mchog/ rgyal bzhi mchod pa bshad du gsol// thar pa'i lam ni rab ston pa// theg pa gsum gyi lam 'jug mdzad// sangs rgyas skal mchog dag pa'i bdag/ mi mchog mchod pa bshad du gsol// byang chub sems ni rgyas pa'i spyan// chos kyi 'khor lo rab skor ba// sku dang gsung thugs shin tu dag/ rdo rje theg pa khyod phyag 'tshal// de nas rgyal po rdo rje 'dzin// thams cad nam mkha' mi 'gyur che// thams cad dbang bskur kun gyi don// kun dbang rdo rje rin chen 'dzin// de bzhin gshegs pa'i mchod pa'i mchog/ rdo rje gsum ni mi phyed gnas// sku dang gsung dang thugs skal mchog/ rgyal ba 'byung bar 'gyur ba bshad// na chung yang pa'i mig can ni// gzugs dang lang chos brgyan rnyed nas// lo grangs nyi shu lnga lon gzung // byol song las kyang rab tu brtag/ sa phyogs gtsang zhing rnam par dben pa'am// rgyal ba nyid skyes zhi ba zhi pa'i gnas// bshang gci chu la sogs pas byug pa yang // rgyal ba mchod phyir rtag par rab tu bya// nu ma'i dbus par spyi gtsug mtha' yi bar// cho ga shes pas yang na rkang pa'i bar// lte ba ro smad gsang ba rgyal ba'i sras// rigs lnga rnams ni rab tu dgod par bya// nam mkha'i dbyings kyi dbus gnas par// ye shes rgya mtsho bsgom par bya// bdag nyid zla ba'i dbus gnas

  595. 298a

    par// mkhas pas snying gar bsgom par bya// gang zhig rdo rje 'dzin 'dod na// bsdu ba dag kyang rab tu bya// rin chen sna bzhi'i mchod rten la// 'od zer phreng bas rnam brgyan pa// ye shes rgya mtsho dus gsum gyi// gnas su gyur par rnam par bsam// rang gi ba spu'i bu ga nas// mkhas pas mchod pa'i sprin rnams spro// mkhas pas ut+pal dag dang // pad ma rnam pa lngar shes bya// dzA ti rnam gsum shes byas nas// lha rnams la ni dbul bar bya// me tog kar ni ka ra dang // mal+li kA dang yU thi ka/ me tog ka ra bI ra yang // bsams nas mchod pa rab ru brtag/ dpag tshad brgya yi khyon tsam du// 'khor lo'i dkyil 'khor bsgom bya zhing // rnam par mkhas pas brtag par ni// rigs rnams rab tu dgod par bya// de bzhin pad ma rdo rje dang // ral gri ut+pa la mkhas pas bsgom// dpag tshad bye ba'i khyon tsam la// gru bzhi shin tu mdzes pa yi// mchod rten rin chen bzhi'i rang bzhin// gsal zhing rang bzhin dri ma med// rigs rnams thams cad mchod pa'i phyir// shes rab can gyis bsgom par bya// 'dod pa'i yon tan lnga rnams kyis// de la mchod pa rgya mtsho brtsam// rin chen na bza' la sogs pas// byang chub 'dod pas rtag tu mchod// mchod pa rnam lnga mchog rnams kyis// rtag tu lha rnams mnyes par bya// rin chen 'byung

  596. 298b

    gnas na chung mchog/ rin chen sna tshogs la sogs brgyan// sgrub tshe rab tu 'grub pa'i phyir// sangs rgyas kun la dbul bar bya// zhing 'di rin chen sna bdun gyis// mkhas pa dag gis yongs bkang la// dngos grub 'dod pa sbyin pa'i phyir// nyin re shes rab can gyis dbul// bdag po'i phyag rgyar mnyam gzhag la// sangs rgyas dkyil 'khor dbus dag tu// 'dod chags blo can sangs rgyas la// rig pa'i sbyor ba dbul bar bya// nam mkha'i dbyings kyi dbus gnas par// dkyil 'khor bkod pa bsgom par bya// rang lus de bzhin gshegs rang bzhin// bshang ba gci bas bla ma mchod// bzhin bzang yid du 'ong ba yi// na chung skal ba mchog ldan pa// byin gyis brlabs kyi gnas bsams te// de nyid mchod pa rab tu brtag/ mig yangs khu ba blangs nas ni// brtan pa'i blo dang ldan pas bza'// 'di de sngags rnams thams cad kyi// sku gsung thugs kyi mchod pa ste// ye shes rdo rje can gyi gsang // sngags rnams dngos grub byed par gsungs// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las bshang gci'i dam tshig gi le'u ste brgyad pa'o// // de nas rgyal po rdo rje 'dzin// thams cad nam mkha' mi 'gyur che// thams cad dbang bskur spyod pa'i mchog/ kun don

  597. 299a

    dbang phyug dam pa yis// sku gsung thugs la longs spyod pa// rdo rje mi phyed gsum dkyil 'khor// sangs rgyas ye shes can gyi gsang // nyams dga' mchog ni rab tu bshad// nam mkha'i dbyings kyi dbus gnas par// sangs rgyas dkyil 'khor bsgom par bya// mi bskyod rdo rje rab bsgoms nas// lag tu rdo rje bsgom par bya// 'od 'phro mang po 'bar ba dang // 'od zer sna lngas rab tu gang // dus gsum 'byung ba'i sangs rgyas rnams// bsgoms nas rdo rjes phye mar brlag/ sku gsung thugs kyi longs spyod ni// rdo rje phyer brlags med gyur pa// bsam gtan mchog de bsgoms na ni// thugs kyi dngos grub thob par 'gyur// rdo rje gsang ba 'di yis ni// sems can thams cad bsad na ni// mi bskyod sangs rgyas zhing du ni// rgyal ba'i sras su skye bar 'gyur// 'di ni rigs thams cad kyi rgya ma mtsho las zhe sdang gi rigs kyi dam tshig gi de kho nar shes par bya'o// de nas rgyal po rdo rje 'dzin// mi shes thar pa rab sgrub pa// ngo bo nyid dag gos pa med// byang chub spyod pa rab ston pas// sangs rgyas byang chub bsgrub pa yi// yang dag dam tshig bka' stsal to// nam mkha'i dbyings kyi dbus gnas par// 'khor lo'i dkyil 'khor bsgom par bya// rnam par snang mdzad rab sgoms te/ sangs rgyas thams cad rnam par

  598. 299b

    bsgom// rin chen kun gyi sbyor ba yis// rdo rje'i gzugs ni rab tu brtag/ nor rnams thams cad phrogs nas su// rdo rje gsum gyis rnam par bsgom// yid bzhin nor bu 'dra ba yis// nor gyi rgya mtshos rab gang 'gyur// sangs rgyas kun gyi sras rnams dang // thub pa'i skyes bu mchog tu 'gyur// 'di ni rigs kyi rgya mtsho thams cad las gti mug gi rigs kyi yang dag pa'i dam tshig tu shes par bya'o// de nas rgyal po rdo rje 'dzin// 'dod chags thar pa rab sgrub pa// gsang ba dag pa dmigs med pas// dkyil 'khor rab tu bka' stsal to// nam mkha'i dbyings kyi dbus gnas par// pad ma'i dkyil 'khor bsgom par bya// 'od dpag med ni rab bsgoms te// sangs rgyas rnams kyis thams cad ni// bud med lta bur sbyor ba ni// thams cad de ru bsgom par bya// dam tshig bzhi yi sbyor ba yis// 'di ni rdo rje'i tshul mchog go// dbang po gnyis ni rab sbyor bas// de dag thams cad nye bar spyad// 'di ni rdo rje thams cad kyi// mi phyed sku gsum sgrub pa'o// 'di ni 'dod chags kyi rigs kyi yang dag pa'i dam tshig ste/ sngags pas bsgom par bya ba nyid do// de nas rgyal po rdo rje 'dzin// rdo rje sngags kyi don sgrub pa// ye shes las byung bdag med pas// gsung ni 'di skad bka' stsal to// nam mkha'i dbyings kyi dbus gnas par// sangs

  599. 300a

    rgyas dkyil 'khor bsgom par bya// rdo rje don yod rab bsgoms te// sangs rgyas thams cad bsgom par bya// brdzun gyi ngag ni rdo rje'i gnas// thams cad gzugs su rnam bsgom bya// rgyal ba'i gnas ni thams cad dang // rgyal ba thams cad bslu bar bya// 'di de sangs rgyas thams cad kyi// nam mkha'i gsung ste dri med pa// ye shes blo can kun gyi gsang // sngags kyi dngos grub 'thob par bshad// 'di ni dam tshig 'gugs pa'i rigs kyi dam tshig gi de kho na nyid de/ don ji lta ba bzhin du spro bar bya'o// de nas rgyal po rdo rje 'dzin// rdo rje mi phyed gsum rgyal gnas// dngos grub rdo rje rab ston pas// gsung ni 'di skad bka' stsal to// nam mkha'i dbyings kyi dbus gnas par// dam tshig dkyil 'khor bsgom par bya// rin chen tog tu rab bsgoms te// gzugs rnams kun gyis 'di dag dgang // rtsub pa'i ngag la sogs pa yis// bsten na ye shes thob par 'gyur// bcom ldan 'das de bzhin gshegs pa thams cad kyi rdo rje bkod pas de skad ces bka' stsal to// de nas yang de bzhin gshegs pa thams cad kyi dam tshig rdo rje tog la sogs pa'i byang chub sems dpa' sems dpa' chen po rnams ngo mtshar zhing rmad du byung bar gyur nas rdo rje'i tshig 'di smras so// bcom ldan 'das de bzhin

  600. 300b

    gshegs pa thams cad kyi bdag po khams gsum las 'das shing 'jig rten gyi khams thams cad las 'das pas de bzhin gshegs pa thams cad dang / byang chub sems dpa' thams cad kyi 'khor gyi dkyil 'khor gyi nang du 'di lta bu rmad du byung ba'i tshig gi lam rdo rje'i tshig 'di ci'i slad du gsung de nas bcom ldan 'das de bzhin gshegs pa thams cad kyis brjod kyis mi lang ba'i yang brjod kyis mi lang ba'i sangs rgyas kyi zhing gi ri rab kyi rdul phra mo snyed kyi de bzhin gshegs pa thams cad kyi dam tshig rdo rje tog la sogs pa'i byang chub sems dpa' de dag la 'di skad ces bka' stsal to// rigs kyi bu dman pa'i 'du shes dang / smad pa'i 'du shes 'di lta bu ma skyed cig/ de ci'i phyir zhe na/ rigs kyi bu gang 'di sngags kyi spyod pa ni mchog gi spyod pa'o// gang 'di sngags kyi spyod pa ni de bzhin gshegs pa'i spyod pa'o// rigs kyi bu 'di lta ste dper na nam mkha' ni thams cad kyi rjes su song ba ste/ chos thams cad ni nam mkha'i khongs su gtogs pa'o// de dag kyang 'dod pa'i khams na mi gnas/ gzugs kyi khams na mi gnas/ gzugs med pa'i khams na mi gnas/ 'byung ba chen po bzhi la mi gnas so// rigs kyi bu chos thams cad ni de ltar rjes su rig par bya'o// de bzhin gshegs pa rnams ni 'di lta bu'i

  601. 301a

    don gyi dbang mkhyen nas/ sems can rnams kyi bsam pa mkhyen nas chos 'chad par mdzad do// rigs kyi bu de lta bu nyid kyi nam mkha'i tshig nges par brjod pas de bzhin gshegs pa'i dam tshig de dag rjes su rig par bya'o// rigs kyi bu 'di lta ste dper na gtsub shing dang / gtsub stan dang mi'i lag pa bskyod pa'i rkyen gyis du ba rab tu 'byung zhing me 'byung bar 'gyur mod kyi me de yang gtsub shing la yang mi gnas/ gtsub stan la yang mi'i gnas/ mi'i lag pa bskyod pa la yang mi gnas so// rigs kyi bu de bzhin du de bzhin gshegs pa thams cad kyi rdo rje'i dam tshig 'gro ba dang 'ong ba la sogs pas rjes su rig par bya'o// de nas byang chub sems dpa' de dag ngo mtshar du gyur/ rmad du byung bar gyur pas ngam zhing mig gdangs te tshig 'di skad ces smras so// rmad byung chen po'i chos rnams ni// nam mkha' dang ni mtshungs pa dang // rnam par mi rtog dag pa las// kun rdzob du yang bshad pa mtshar// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las/ don dam pa'i dag pa de kho na nyid kyi don gyi dam tshig gi le'u ste dgu pa'o// // de nas bcom ldan 'das de bzhin gshegs pa thams cad yang 'dus te/ bcom ldan 'das dam tshig chen po rdo rje de kho na nyid mngon par

  602. 301b

    rdzogs par byang chub pa sku gsung thugs kyi gsang ba de bzhin gshegs pa la phyag 'tshal te 'di skad ces gsol to// de nyid sngags snying kun bsdus pa// sku dang gsung thugs gsang bar bsgrags// dngos grub chen po'i tshul gyi mchog/ bcom ldan 'das kyis bshad du gsol// de nas rgyal po rdo rje 'dzin// nyon mongs kun gyi rgya mtsho gtso/ 'bar ba gtum po spyan yangs pas// gsung de 'di skad bka' stsal to// lus dang ngag dang sems rnams ni// rnam par mi rtog mi dmigs pa// mnyam nyid gar yang mi gnas pa// sku gsung thugs kyi rdo rje bsgom// de nas bcom ldan 'das de bzhin gshegs pa rang bzhin gyis dag pa'i pha rol tu phyin pa sngags kyi tshul rdo rje zhes bya ba'i ting nge 'dzin la snyoms par zhugs nas/ de bzhin gshegs pa de dag thams cad la 'di skad ces bka' stsal to// bcom ldan 'das de bzhin gshegs pa thams cad mi bskyod pa la sogs pa de bzhin gshegs pa thams cad rig pa bye ba khrag khrig brgya stong du ma dang thabs cig tu sems can thams cad kyi don bya ba'i gar gyi rol pa ston par mdzad de/ phyogs bcu'i 'jig rten gyi khams mtha' klas par 'dod pa'i yon tan lnga rnams kyis rol cing dgyes par yongs su spyod pa yod kyang de dag sngags spyod pa la mngon par brtson pa rnams la spyan ras kyis

  603. 302a

    mi 'tsho ste/ de rgyu gang gi phyir zhe na/ kye ma 'di dag ni de bzhin gshegs pa thams cad sngags spyod pa'i tshul gyi chos thos pas so// de'i phyir skyes bu dam pa chen po de rnams kyi spyan ras kyis btsa' ba'i phyir de bzhin gshegs pa thams cad kyi sku dang gsung dang thugs rdo rje'i gsang ba sngags thams cad kyi snying po kun du sprul par byed pa zhes bya ba'i rab tu gsang ba/ de bzhin gshegs pa thams cad kyi sku gsung thugs kyi dam tshig la dmigs pa/ rdo rje 'dzin pa thams cad kyi sku gsung thugs kyi dam tshig la dmigs pa/ chos 'dzin pa thams cad kyi sku gsung thugs kyi dam tshig la dmigs pa/ nyid kyi sku gsung thugs rdo rje las tshig gi lam nges par brjod pas sngags bsdus pa 'di gsungs so// oM hUM AHswA hA/ de nas 'di ni gsungs tsam gyis// sangs rgyas thams cad sras dang bcas// rab tu 'dar zhing brgyal bar gyur// rdo rje sems dpa' rjes su dran// de nas phyag na rdo rje de bzhin gshegs pa thams cad kyi bdag pos dam tshig 'di gsungs so// nam mkha'i dbyings kyi dbus gnas par// bkod pa'i dkyil 'khor bsgom par bya// de yi dbus gnas yi ge hUM// rang gi gzugs su rab tu brtag/ rdo rje'i 'od zer cher 'bar ba// rnam par 'phro ba bsam par bya// sangs rgyas rnams kyi sku gsung thugs// drangs

  604. 302b

    par de yis rnam bsgom na// de ma zag nyid der 'gyur ba// sku gsung thugs kyi rdo rje 'dzin// rdo rje sems dpa' rgyal po che// kun gyi gtso bo dbang phyug mchog/ rang gi dkyil 'khor rang rdo rjes// skyed par byed pa'i tshul du 'gyur// 'di de sangs rgyas thams cad kyi// snying po rdo rje bsdus pa'o// rang sngags skyes bu bsgoms nas ni// gnas bzhi rnams su gzugs kyi tshul// zhal gsum rnam pa'i sbyor ba yis// kha dog gsum du rab tu bsgom/ bcom ldan 'das rdo rje dam tshig gis de skad ces bka' stsal to// de la 'di ni rdo rje mchog gi gsang ba'o// snying ga'i dbus su phra mo yi// dkyil 'khor rnams ni bsam par bya// de yi dbus su chud par ni// yi ge mchog gi tshig bsam mo// sbyor ba rdo rje chen po ni// rtse mo lnga pa rtag tu bsgom// rdo rje lcags kyu'i sbyor ba yis// rdo rje gsum rnams bsgom par bya// de yis thugs ni gzir bya ste// lha yang rab tu bskul bar bya// 'di de rdo rje thams cad kyi// sangs rgyas byang chub rab sgrub pa'o// rdo rje lcags kyu rnam bsgom pa// rdo rje pad+mo'i rigs la sogs// thugs ni bskul ba rab bshad pa// 'di de rol mo 'byung ba ste// rdo rje yi ni tshul mchog 'di// zhag bdun par du byas na ni// gsang chen sku dang gsung dang zugs// ye shes rdo rje can grub 'gyur// 'jigs shing yid ni skrag gyur

  605. 303a

    nas// mchog stsol ba ni rnam par gzigs// yid ni mgu bas dga' ba yi// dngos grub rgya chen ster bar 'gyur// sangs rgyas byang chub sems dpa' dang // sngags kyi spyod pa'i mchog 'dzin rnams// gal te rmongs bdag nyid 'das na// de yi srog ni der zad 'gyur// de nas rgyal po rdo rje 'dzin// rdo rje gsum mchog ston pa po// 'jig rten gsum mchog rdo rje gtsos// gsung ni 'di skad bka' stsal to// sngags kyi skyes bu ji snyed pa// rdo rje gsum gyi ye shes rdzogs// dbang po gnyis kyi sbyor ba yis// dngos po thams cad brtag par bya// 'di de sangs rgyas thams cad kyi// sngags kyi dam tshig sgrub pa'o// rig ma'i dbang phyug zhugs pa la// rdo rje'i sbyor ba rab bsgom zhing // chags la chags pas blta bar bya// 'di ni dam tshig dkyil 'khor ro// de nas rgyal po rdo rje 'dzin// de bzhin gshegs kun bdag nyid skyes// thams cad dbang bskur sangs rgyas gtses// gsung ni 'di skad bka' stsal to// 'jig rten khams ni thams cad na// bud med ji snyed yod pa kun// phyag rgya che sogs sbyor ba yis// de dag tham cad nye bar spyad// bye ba grangs med rdo rje can// sangs rgyas gnas ni der sprod bya// bcom ldan 'das byang chub kyi dam tshig gis 'di skad ces bka' stsal to// rdo rje gsum po mkha' 'dra

  606. 303b

    paba'i// byang chub 'di yis 'thob par 'gyur// byang chub sems dpa' rgyal rgya mtsho// rdo rje sems dpa' tshe des 'thob// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las de bzhin gshegs pa thams cad kyi thugs bskul ba zhes bya ba'i le'u ste bcu pa'o// // de nas bcom ldan 'das sku gsung thugs rdo rje de bzhin gshegs pas de bzhin gshegs pa thams cad kyi sngags rdo rje skyes bu mchog ces bya ba'i ting nge 'dzin la snyoms par zhugs nas de bzhin gshegs pa thams cad kyi sngags rdo rje rig pa'i skyes bu mchog gi le'u 'di gsungs so// rdo rje gsum yig sngags kyi mchog/ phyag rgya chen po rnam bsgom pa// byang chub thams cad 'thob bya'i phyir// ye shes rdo rje dag gis bya// oM yig ye shes snying po ste// rdo rje sku ni 'thob byed pa'o// AHyig byang chub bdag med pa// rdo rje gsung ni 'thob byed pa'o// hUM yig sku gsung thugs yin te// rdo rje gsum ni mi phyed 'thob// bcom ldan 'das de bzhin gshegs pa thams cad kyi sku gsung thugs kyi sngags kyi skyes bus de skad ces bka' stsal to// nam mkha' rdo rje'i dbus gnas par// dkyil 'khor rdo rje kun las skyes// rdo rje sprin ni 'phro skyed pa'o// de ru yi ge b+h+rUM bsam ste// de la 'di ni ye shes rdo rje'i snying po'o// b+h+rUM/ rdo rje'i

  607. 304a

    dkyil 'khor dbus gnas par// yi ge hUM ni rab tu bsgom// gsal ba'i dkyil 'khor dbus gnas par// yi ge oM ni rnam par bsam// chos kyi dkyil 'khor dbus gnas par// yi ge A zhi rab tu bsgom// yi ge b+h+rUM gyis gnas bsgoms te// rdo rje gsum 'byung bsgom par bya// bcom ldan 'das dam tshig gsum gyi gsang bas 'di skad ces bka' stsal to// snying po dus gsum sangs rgyas kyi// sku gsung thugs ni mnyes byed pa// oM yig sangs rgyas sku yi mchog/ oM AHyig sangs rgyas gsung gi lam// AHhUM yig ye shes 'jing ni thugs// hUM 'di ni byang chub tshul mchog yin// 'di de sangs rgyas thams cad kyi// sangs rgyas byang chub rab sgrub pa// ye shes rdo rje sprul pa ste// sangs rgyas rgyu dang 'bras bu 'byung // 'di dag sangs rgyas skyes bu nyid// sngags dang rig pa zhes bsgrags pa// rdo rje gsum mi phyed bsgoms pas// dam tshig dag gis rdzogs par 'gyur// de bzhin gshegs pa thams cad kyi sku gsung thugs dam tshig de kho na nyid ye shes rdo rje byin gyis rlob pa'i rgyu zhes bya ba'i ting nge 'dzin to// rnam par dben zhing nyams dga' bar// sbyor ba 'di ni kun brtsams na// rdo rje'i sku dang gsung dang thugs// zla ba byed kyis nges par 'grub// nam mkha' rdo rje'i dbus gnas par// gsal ba'i dkyil 'khor dam pa

  608. 304b

    bsam// rang gi sngags kyi dam tshig bskyed// yi ge oM ni thugs kar dgod// 'od zer lnga yi sprin chen po// rnam par snang mdzad mchog sgom pa// 'di yis sangs rgyas kyi ni sku// rdo rje rnam snang rgya mtshor 'gyur// ye shes lnga ldan bstan na ni// sangs rgyas sku dang 'dra ba'i 'od// rdo rje gsum gyi kalpa ni// zla phyed kyis ni 'grub par 'gyur// bcom ldan 'das sku rdo rje gsang bas de skad ces bka' stsal to// de bzhin gshegs pa thams cad kyi sku rdo rje'i 'od zer bkod pa zhes bya ba'i ting nge 'dzin to// nam mkha'i rdo rje dbus gnas pa'i// chos kyi dkyil 'khor dam pa bsam// rang gi sngags kyi skyes bu bskyed// AHyig dag gi lam la dgod// kha dog lnga pa pad+ma che// 'jig rten dbang phyug mchog bsgoms pas// dam tshig ye shes rdzogs byas te// tshig gi dam tshig lnga yi mchog/ chos kyi tshig gi lam gnas pa// rdo rje chos dang mtshungs par 'gyur// ye shes lnga ldan bstan na ni// rdo rje bskal pa gsum du gnas// bcom ldan 'das rdo rje'i gsung gsang bas de skad ces bka' stsal to// de bzhin gshegs pa thams cad kyi gsung rdo rje'i dam tshig 'byung ba zhes bya ba'i ting nge 'dzin to// nam mkha' rdo rje'i dbus gnas pa'i// rdo rje dkyil 'khor dam pa bsam// rang sngags skyes bu bskyed nas ni// thugs la gnas pa'i yi

  609. 305a

    ge hUM// dam tshig chen po de nyid ni// kha dog lnga pa rnam bsgom bya// rdo rje kun dang rgyal ba'i gnas/ ye shes rdo rje dag gis bya// ston pa rdo rje thugs las byung // ye shes yon tan rgya mtshor 'gyur// ye shes lnga ldan bstan na ni// rdo rje bskal pa gsum du gnas// bcom ldan 'das rdo rje thugs gsang bas de skad ces bka' stsal to// de bzhin gshegs pa thams cad kyi sku gsung thugs dam tshig rdo rje zhes bya ba'i ting nge 'dzin to// ye shes dkyil 'khor dbus su ni// rdo rje chen po bsgom par bya// lus rnams kun la khaM dmigs nas// rdo rje ye shes mkha' mnyam 'gyur// khaM/ sangs rgyas byang chub sems dpa' yis// yang dang yang du mchod pa dang // kalpa gsum du dam tshig gnas// sangs rgyas kyis kyang gzigs mi 'gyur// bcom ldan 'das nam mkha' rdo rje'i dam tshig gis de skad ces bka' stsal to// skra gsung thugs rdo rje mi snang ba 'byung ba bkod pa'i phreng ba can zhes bya ba'i ting nge 'dzin to// rdo rje'i dkyil 'khor dbus las ni// rang sngags skyes bu rab bsgoms la// snying gar rdo rje haM zhes pa// bzhag ste 'od zer rnam par bsgom// haM/ 'jam dpal dam tshig rdzogs longs spyod// sku gsung thugs kyi rdo rje can// sa bcu dag la gnas pa yi// byang chub sems dpar de 'gyur ro// byang chub sems dpa' ye shes

  610. 305b

    dam tshig zla ba rdo rje zhes bya ba'i ting nge 'dzin to// nam mkha' dbyings kyi dbus gnas par// 'od zer rang 'bar yi ge thil// mtshan mchog rdo rje'i lus kyis ni// rdo rje sku dang mnyam par 'gyur// zil// nam mkha' rdo rje'i dam tshig gi bkod pa'i gnas zhes bya ba'i ting nge 'dzin to// sangs rgyas mngon shes dam tshig mchog/ rdo rje can dang mnyam par 'gyur// 'di ni dngos grub thams cad kyi// sangs rgyas mngon shes mchog sgrub pa'o// nam mkha'i khams kyi dbus gnas par// sangs rgyas dkyil 'khor dam pa bsam// rdo rje sems dpa' rab bsgoms la// ye shes oM yig bsgom par bya// oM/ rdo rje dam tshig gsum bsgoms pas// mi bskyod rdo rje gsum 'drar 'gyur// bcom ldan 'das rdo rje mi bskyod pas de skad ces bka' stsal to// mi bskyod pa yi sku 'dra dang // gsung dang thugs mchog rtag tu 'dzin// 'jig rten khams rnams thams cad du// mi bskyod rdo rjes mchod par 'gyur/ bcom ldan 'das mi bskyod pa'i dam tshig mngon par 'byung ba'i rdo rje zhes bya ba'i ting nge 'dzin to// nam mkha'i dbyings kyi dbus gnas sar// sangs rgyas dkyil 'khor 'od bzang bsam// nam mkha' rdo rje rab bsgoms la// rin chen oM yig bsgom par bya// oM/ rdo rje dam tshig gsum bsgoms pas// rdo rje gsum gyi tog 'drar

  611. 306a

    'gyur// bcom ldan 'das rdo rje rin chen tog gis de skad ces bka' stsal to// sku dang gsung thugs rdo rje yis// rin chen tog gi 'od dang 'dra/ de ni bdag med byang chub dang / ye shes gsang ba mnyam gnas 'gyur// rin po che dam tshig longs spyod rdo rje zhes bya ba'i ting nge 'dzin to// nam mkha'i dbyings kyi dbus gnas par// sangs rgyas dkyil 'khor dam pa bsam// 'jig rten dbang phyug rab bsgoms la// chos kyi oM yig bsgom par bya// oM/ rdo rje dam tshig gsum bsgoms pas// rdo rje gsum dpag med 'drar 'gyur// lus dang ngag sems rdo rje yis// 'od dpag med dang 'dra bar 'gyur// de ni sems can thams cad kyi// theg chen lam ni 'byung bar 'gyur// bcom ldan 'das rdo rje 'od dpag tu med pas de skad ces bka' stsal to// yon tan dpag tu med pa'i 'od kyi dpal zhes bya ba'i ting nge 'dzin to// nam mkha'i dbyings kyi dbus gnas par// sangs rgyas dkyil 'khor dam pa bsam// rdo rje ut+pal rab bsgoms nas// dam tshig oM yig rab tu bsgom// oM/ rdo rje dam tshig gsum bsgoms pas// rdo rje don yod gsum 'drar 'gyur// lus dang ngag sems rdo rje yis// rdo rje don yod 'dra ba'i 'od// de ni dpal ldan ye shes mtsho// sems can kun don 'byung bar 'gyur// bcom ldan 'das rdo rje

  612. 306b

    don yod pas de skad ces bka' stsal to// don yod pa'i dam tshig 'od zer ye shes kyi mchog 'byung ba zhes bya ba'i ting nge 'dzin to// nam mkha'i dbyings kyi dbus gnas pa'i// sangs rgyas dkyil 'khor 'od bzang bsam// rdo rje snang mdzad rab bsgoms la// sku gsum oM yig rab tu bsgom// oM/ rdo rje dam tshig gsum bsgoms pas/ rnam par snang mdzad mnyam par 'gyur// lus dang ngag yid rdo rje yis// rnam par snang mdzad 'dra ba'i 'od// de ni ye shes rdzogs byang chub// sku gsum mi phyed sgrub byed 'gyur// bcom ldan 'das rdo rje rnam par snang mdzad kyis de skad ces bka' stsal to// lus dang ngag dang yid dmigs pa mngon par byang chub pa'i rdo rje zhes bya ba'i ting nge 'dzin to// ri bo rnam par dben pa dang // chu klung 'bab pa rnams dang ni// dur khrod la sogs rnams su yang // bsam gtan bsdus pa 'di dag bya// mi bskyod ye shes rdo rje sogs// rdo rje nam mkha'i dkyil gnas bsam/ mngon shes lnga po'i sbyor ba yis// sangs rgyas mchog rnams gnas su bsgom// bcom ldan 'das rdo rje chen po dam tshig rdo rje mngon par mkhyen pas de skad ces bka' stsal to// rdo rje chen po rtse lnga pa// 'bar ba lnga yis rnam par brgyan// gnas lngar rab tu sbyor ba yis// rdo rje mngon shes 'dra bar 'gyur// me stag mang po 'khrug pa yi// rang

  613. 307a

    sngags 'khor lo bsgom par bya// rdo rje lnga ni sbyor ba yis// rdo rje mngon shes 'dra bar 'gyur// nam mkha' rdo rje'i dkyil gnas par// 'khor lo sangs rgyas 'bar 'od 'dra// bsgoms nas sangs rgyas 'jug pa yis// sangs rgyas gnas dang 'dra bar 'gyur// sangs rgyas dkyil 'khor dbus gnas pa'i// rang gi lus la snang mdzad bzhag/ snying gar yi ge oM bsam la// sngags la rnam par shes pa bsgom// de'i sems 'gog pa'i rdo rjer tshud// gang tshe skye bar 'gyur ba de// sangs rgyas kun gyi mchog sgrub pa// yid bzhin nor bu dpal ldan 'gyur// sangs rgyas dkyil 'khor dbus gnas pa'i// rdo rje mi bskyod rab tu bsgom// snying gar yi ge hUM bsgoms nas// sems ni thig ler gyur par bzhag/ sangs rgyas dkyil 'khor dbus gnas pa'i// tshe dpag med pa rab tu bsgom// snying gar yi ge AHbsams te// rdo rje thig ler gtogs pa bzhag/ 'di de dam tshig mchog gi mchog/ rdo rje gsum ni mi phyed bsgom// 'gog pa'i dam tshig ye shes te// sangs rgyas dngos grub 'thob 'gyur ba'i// nam mkha' dbyings gnas pa// gsal ba'i dkyil 'khor bsgom par bya// lus ngag sems la yi ge oM// bsam na de ni bskal par gnas// nam mkha' rdo rje dbyings gnas par// chos kyi dkyil 'khor bsgom par

  614. 307b

    bya// lus ngag sems la yi ge AH// bsams na de ni bskal par gnas// nam mkha' rdo rje dbyings gnas par// rdo rje dkyil 'khor bsgom par bya// lus ngag sems la yi ge hUM// bsam na de ni bskal par gnas// bcom ldan 'das rdo rje gsum gyi rtog pa'i dam tshig gis de skad ces bka' stsal to// sku dang gsung thugs rdo rje yi// rnal 'byor 'di gang nas bzung ste// klog gam yang na sems kyang rung // de yang rdo rje 'dzin mtshungs 'gyur// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las de bzhin gshegs pa thams cad kyi sngags kyi dam tshig de kho na nyid rdo rje rig pa'i skyes bu mchog gi le'u ste bcu gcig pa'o// // de nas ston pa rdo rje 'dzin// bskyed pa ye shes mchog sgrub pas// dam tshig rdo rje gsum de nyid// rdo rje gsung gis bka' stsal pa// mkha' dang mtshungs par mnyam gyur pa// rnam par mi rtog ngo bo nyid// chos rnams rang bzhin dag pa la// rol mo 'di dag rab tu bsgom// dgon pa chen po'i sa phyogs mchog/ me tog 'bras bu sogs pas brgyan// ri bo skye bos dben pa ru// dngos grub thams cad bsdus pa bsgrub// maM/ lus dang ngag sems rdo rje la// 'jam pa'i rdo rje rab tu bsgom// lus dang ngag sems la spro ba// 'jam pa'i rdo rje 'du bar 'gyur// dpag tshad

  615. 308a

    brgyar ni rgya che ba// rdo rje 'bar ba'i 'od des ni// rgyan rnams kun gyis brgyan pa yi// dag pa'i bdag nyid snang bar 'gyur// tshangs pa drag po la sogs lhas// nam yang mthong bar mi nus so// 'jam pa'i rdo rje mchog gi dam tshig mi snang bar byed pa zhes bya ba'i ting nge 'dzin to// rdo rje mi phyed gsum las byung // bshang gci dam tshig lnga rnams ni// lcags gsum las byung ldan byas nas// khar bcug nas ni bsgom par bya// sangs rgyas kun gyi mi phyed pa'i// thugs ni de ru rab bsgom na// de ni de ma thag nyid du// 'jam pa'i rdo rje 'od 'drar 'gyur// rang gi sngags kyis 'khor lo ni// 'od 'phro mdangs mchog can bsgoms nas// sangs rgyas thams cad bzhugs pa'i gnas// bsgoms na sangs rgyas mnyam par 'gyur// ri rab sum cu rtsa drug gi// rdul phran ji snyed yod pa yi// rdo rje 'dzin dang 'dra ba kun// de yi rjes su 'brang bar 'gyur// 'di ni 'khor lo'i dam tshig ces bya ba'i ting nge 'dzin to// rdo rje chen po rang sngags kyis// dkyil 'khor dbus su rab bsgoms la// rdo rje kun gyi gnas yin par// bsams na rdo rje 'dra bar 'gyur// ri rab sum cu rtsa drug gi// phra rab rdul rnams ji snyed pa'i// de snyed kyi ni bud med rnams// yon tan can gyi gnas su 'gyur// drag po dag gis phyag byas

  616. 308b

    pa// khams gsum rdo rje chen por 'gyur// rdo rje mnyam pa nyid ces bya ba'i ting nge 'dzin to// pad+ma chen po 'dab brgyad pa// rang sngags rdo rje bsams nas su// chos rnams kun gyi gnas yin pa// rdo rje chos dang 'dra bar 'gyur// ri rab sum cu rtsa drug gi// phra rab rdul rnams ji snyed pa'i// sangs rgyas mchod mchog dkyil 'khor du// dag pa'i bdag nyid 'jog par byed// pad mo mnyam pa nyid ces bya ba'i ting nge 'dzin to// ye shes lnga ldan rab bstan na// bskal pa gsum gyi yul du gnas// phyogs bcu'i sangs rgyas thams cad kyi// gsang ba rnam gsum bsnyen bkur byed// 'od zer lnga yi mdog 'dra'i 'od// rang gi sngags la ral gri bsgom// mig yangs lag na thogs nas ni// rdo rje gsum rig 'dzin par 'gyur// khams gsum chen pos mchod bya dang // tshangs dbang lha min phyag byas pa// stong gsum na ni gcig pu pa// gsang ba 'dzin pa'i mchog tu 'gyur// sems kyis gang zhig 'dod pa ni// sku gsung thugs kyi rdo rje rnams// rdo rje thugs las rab tu byung // de lta bu yi dngos grub ster// ral gri thams cad dam pa zhes bya ba'i ting nge 'dzin to// oM yig ril bu tsa na ka'i// 'bru tshad du ni bsams nas ni// dbus su rang gi lha yi gzugs// bsams te khar bcug rnam bsgom na// de ni de ma thag nyid du// byang chub sems

  617. 309a

    dpa'i 'od 'drar 'gyur// nyi ma shar ba'i 'od 'dra zhing // 'dzam bu chu bo'i gser gyi mdog/ AHyig ril bu tsa na ka'i// 'bru tshad tsam du bsams nas ni// dbus su rang gi lha yi gzugs// bsam te khar bcug bsgom na ni// de ni de ma thag nyid du// byang chub ye shes 'od 'drar 'gyur// nyi ma shar ba'i 'od 'dra zhing // 'dzam bu chu bo'i gser gyi mdog/ hUM yig ril bu tsa na ka'i// 'bru tshad tsam du bsams nas ni/ dbus su rang gi lha yi gzugs// bsams te khar bcug bsgom na ni// de ni de ma zag nyid du// rdo rje'i sku dang 'od 'drar 'gyur// nyi ma shar ba'i 'od 'dra zhing // 'dzam bu'i chu bo'i gser 'od 'dra// mkha' dbyings gsal ba'i dkyil gnas pa'i// rnam par snang mdzad rab tu bsgom// lag tu 'khor lo rab bsgoms na// 'khor lo'i rig pa 'dzin par 'gyur// 'khor lo chen po'i rigs bsgoms te// sangs rgyas sku ni rab sbyor bas// ye shes mchog gi sgrub pa 'di// ye shes rdo rje dag gis bya// mkha' dbyings rdo rje'i dbus gnas par// ye shes mi bskyod rab bsgoms te// lag tu rdo rje rnam bsgoms na// rdo rje'i rig pa 'dzin par 'gyur/ rdo rje chen po'i rigs bsgoms te// rdo rje'i skur ni rab sbyor bas// rdo rje mchog gi sgrub pa 'di// ye shes rdo rje dag gis bya// mkha' dbyings rin chen

  618. 309b

    dbus gnas par// rin chen rdo rje rab tu bsgom// lag tu rin chen rab bsgoms na// rin chen rig pa 'dzin par 'gyur// rin chen chen po'i rigs bsgoms nas// rin chen skur ni rab sbyor bas// rin chen mchog gi sgrub pa 'di// ye shes rdo rje dag gi bya// mkha' dbyings chos kyi dbus gnas par// tshe dpag med pa rab tu bsgom// lag tu pad+mo rab bsgoms na// pad+mo'i rig pa 'dzin par 'gyur// pad+mo chen po'i rigs bsgoms nas// chos kyi skur ni rab sbyor bas// pad+mo'i mchog gi sgrub pa 'di// ye shes rdo rje dag gis bya// mkha' dbyings dam tshig dbus gnas par// don yod ye shes rab tu bsgom// lag tu ral gri rab bsgoms na// ral gri'i rig pa 'dzin par 'gyur// dam tshig chen po'i rigs bsgoms te// thogs med dam tshig rab sbyor bas// dam tshig mchog gi sgrub pa 'di// ye shes rdo rje dag gis bya// rtse gsum ye shes lcags kyu sogs// rdo rje'i khyad par gyis bsgrubs na// sku gsung thugs kyi sgrub pa yis// bsam gtan des ni 'grub par 'gyur// bcom ldan 'das dam tshig chen po'i dngos grub rdo rjes de skad ces bka' stsal to// lam gyi bzhi mdo 'am shing gcig drung // mtshan ma gcig dang zhi gnas su// rdo rje dgug pa'i khyad par gyis// sgrub pa pos ni rtag tu bsgrub// sbyor gsum rdo rje can rnams

  619. 310a

    kyi// sbyor gsum sngags kyi skyes bu bsam// sangs rgyas ye shes blo ldan gyis// sku dang gsung thugs lcags kyu btang // rlung gi dkyil 'khor mchog gnas pa// sangs rgyas dgug pa dam pa yin// dam tshig las byung phyogs bcu pa// rdo rje bkug nas nye bar spyod// nam mkha'i dbyings kyi dam tshig rdo rje dgug pa'o// rnam par snang mdzad 'khor lo che// rdo rje pad+ma la sogs pas// rgyal gnas lcags kyu bsams nas ni// dam tshig dgug pa'i mchog ni bya// khams gsum gyi dam tshig dgug pa'o// rnam pa kun gyi mchog ldan pa'i// sangs rgyas sku ni rnam bsgoms la// lag tu sku dang gsung thugs ni// kyo ba la sogs rab tu bsgom// 'di lta bu yi sbyor ba yis// de ni gnas las byed par 'gyur// rnam pa kun gyi mchog ldan pa'i// rdo rje sku ni rnam bsgoms shing // rdo rje'i sbyor bas lce bsgom na// rdo rje'i gsung dang 'dra bar 'gyur// rnam pa kun gyi mchog ldan pa'i// sangs rgyas skur ni rnam bsgoms la// lag tu bsgrub bya bsams na ni// rdo rje dang ni 'dra bar 'gyur// gsang gsum dam tshig mchod pa'i mchog/ mchod pas mchod nas rab bsgrub 'di// de ni sangs rgyas thams cad kyi// gsang ba'i snying po bsdus pa yin// bcom ldan 'das gsang ba chen po'i dam tshig gis de skad ces bka' stsal to// sha chen dam tshig

  620. 310b

    mchog gis ni// rdo rje gsum mchog bsgrub par bya// bshang gci dam tshig mchog gis ni// rig pa 'dzin pa'i gtso bor 'gyur// glang po'i sha yi dam tshig gis// mngon shes lnga nyid thob par 'gyur// rta sha dag gi dam tshig gis// mi snang ba yi bdag por 'gyur// khyi sha dag gi dam tshig gis// dngos sgrub thams cad 'grub par 'gyur// ba glang sha yi dam tshig gis// rdo rje dgug pa'i mchog tu 'gyur// sha rnams thams cad ma rnyed na// thams cad bsams pas rnam par brtag/ rdo rje'i sbyor ba 'di byas na// sangs rgyas thams cad byin gyis rlob// rnam pa kun mchog ldan pa yi// sku gsung thugs ni rdo rje can// snying gar ye shes dam tshig dang // dbu rgyan rdo rje mchog 'dzin pa// sangs rgyas thams cad mnyes 'gyur la// 'di ni dam tshig tshul gyi mchog/ dngos grub thams cad 'grub pa'i mchog/ dam tshig mchog gis rab tu bya// dam tshig thams cad kyi ye shes rdo rjer gyur pa zhes bya ba'i ting nge 'dzin to// lce yi dam tshig rdo rje mchog/ rdo rje can gyis hUM bsgoms te// bdud rtsi lnga yi sbyor ba yis// zos na rdo rje gsum thob 'gyur// 'di ni rdo rje'i tshul mchog ste// AHdang oM gyi dam tshig kyang // 'di lta bu yi sbyor ba yis// rdo rje sems dpa' 'dra bar 'gyur// rdo rje dam tshig bdud rtsi'i phreng ba zhes bya ba'i ting nge 'dzin

  621. 311a

    to// rdo rje dam tshig gsum grub mchog/ sku gsum rdo rje can du 'gyur// phyogs bcu'i sems can thams cad kyi// yid bzhin nor bu'i rgya mtshor 'gyur// 'jig rten khams ni thams cad du// rdo rje'i bdag nyid snang bar byed// 'khor lo'i dam tshig grub pa mchog/ sangs rgyas sku dang mnyam par 'gyur// gang+gA'i bye snyed thams cad du// kun nas grub pa rnam par spyod// thams cad dam tshig mchog gis ni// rig pa 'dzin pa'i gtso bor 'gyur// rdo rje'i sku ni rab bsgoms pas// thams cad dam tshig mchog tu 'grub// mi snang gyur pa thams cad la// stong gsum gcig pus snang byed pas// sangs rgyas kun las 'phrog pa dang // lha yi bu mo mchog la spyod// gang+gA'i bye snyed sangs rgyas rnams// rdo rje gsum gyi gnas bzhugs pa// rang lag skyu ru ra bzhag bzhin// rdo rje'i mig gis mthong bar 'gyur// gang+gA'i bye snyed zhing rnams na// sgra grag pa ni ji snyed pa// mngon shes rna bas zos pa ni// rna ba'i drung na 'khod pa bzhin// gang+gA'i bye snyed zhing dag gi// sems can kun gyi sems rnams ni// sku gsung thugs kyi mtshan nyid can// rol mo ltar byung sems rig 'gyur// bskal pa gang+gA'i bye snyed du// 'khor bar gnas par 'byung ba yi// sngon gyi gnas kyi gtan tshigs rnams// zhag gsum lon pa bzhin du dran// gang+gA'i bye ma snyed kyi

  622. 311b

    sku// sangs rgyas sprin la sogs brgyan pas// bskal pa gang+gA'i bye snyed du// rdzu 'phrul mchog gi rdo rjes 'gengs// bcom ldan 'das dam tshig mngon par mkhyen pas de skad ces bka' stsal to// de la mngon par shes pa lnga ni rdo rje'i spyan dang / rdo rje snyan dang rdo rje'i thugs dang / rdo rje'i gnas dang rdo rje'i rdzu 'phrul lo// sangs rgyas mngon shes don grub cing // sangs rgyas sku dang 'dra bar 'gyur// gang+gA'i bye snyed grangs med pa'i// 'khor gyis yongs su bskor nas su// rdo rje'i sku dang gsung dang thugs// 'jig rten khams kun rnam par bgrod// bsnyen pa'i dam tshig sbyor ba dang // nye bar sgrub pa 'byung ba dang // sgrub pa'i don du dam tshig dang // sgrub pa chen po dag dang bzhi// rdo rje'i bye brag shes byas la// de nas las rnams bsgrub par bya// bsnyen pa ting 'dzin rab sbyor ba// byang chub mchog ni bsgom par bya// nye bar sgrub pa grub mchog la// rdo rje'i skye mched rnam dpyad pa// sngags dang bdag po bsgom pa yis// sgrub pa'i tshe na skul bar gsungs// sgrub pa chen po byed pa'i tshe// rang sngags rdo rje can gyi gzugs// dbu rgyan la ni bdag po bsam// ye shes rdo rje 'grub par 'gyur// bsnyen pa'i ye shes bdud rtsi dag/ thams cad du ni brtag par bya// 'di gang sngags rnams thams cad kyi// sngags dang de nyid don sgrub pa'o// dgon

  623. 312a

    pa chen po'i sa phyogs dang // rab tu skye bos dben pa dang // ri bo nags 'dab chu ngogs su// rtag tu dngos grub thob par 'gyur// bcom ldan 'das rdo rje sgrub pa chen pos de skad ces bka' stsal to// yang na rdo rje bzhi dag gis// brtul zhugs brtan pas bsnyen par bya// sku gsum mnyam pa nyid gyur pas// bsgoms na dngos grub thob par 'gyur// thun bzhi rnams dang rab sbyor bas// gnas lngar blo dang ldan pa yis// oM gyi yi ge bsgoms nas ni// ye shes rdo rjes sdom pa bstan// zhag bdun dang ni zla phyed dang // zla gcig zla ba phyed dang gnyis// rdo rje dam tshig bsgrubs na ni// dngos grub myur du thob par 'gyur// zhag grangs bye brag rab dbye bas// nga yis rgyas par rab tu bstan// gsang ba mchog las byung rnams kyis// zla ba phyed kyis 'grub par gsungs// de la 'di ni nye bar bsgrub pa'i sdom pa'i yul lo// sangs rgyas sku 'dzin dpal dang ldan// rdo rje gsum dang mi phyed dngos// bdag la byin gyis brlab gnas deng // sku yi rdo rjes mdzad du gsol// phyogs bcur bzhugs pa'i sangs rgyas rnams// rdo rje gsum dang mi phyed dngos// bdag la byin gyis brlab gnas deng // sku yi rdo rjes mdzad du gsol// de la 'di ni sgrub pa'i sdom pa'i yul lo// chos nyid gsung lam dpal dang ldan// rdo rje

  624. 312b

    gsum dang mi phyed dngos// bdag la byin gyis brlab gnas deng // gsung gi rdo rjes mdzad du gsol// phyogs bcur bzhugs pa'i sangs rgyas rnams// rdo rje gsum dang mi phyed dngos// bdag la byin gyis brlab gnas dang // gsung gi rdo rjes mdzad du gsol// de la 'di ni sgrub pa chen po'i sdom pa'i yul lo// rdo rje thugs 'dzin dpal dang ldan// rdo rje gsum dang mi phyed dngos// bdag la byin gyis brlab gnas deng // thugs kyi rdo rjes mdzad du gsol// phyogs bcur bzhugs pa'i sangs rgyas rnams// rdo rje gsum dang mi phyed dngos// bdag la byin gyis brlab gnas deng // thugs kyi rdo rje mdzad du gsol// sangs rgyas rdo rje sems dpa' 'am// yang na chos kyi sems dpa'ang rung // gal te rmongs bdag nyid 'da' na// tshal par 'gas 'dir gdon mi za// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las de bzhin gshegs pa thams cad kyi rdo rje'i sbyor ba'i dam tshig sgrub pa mchog nges par bstan pa'i le'u ste bcu gnyis pa'o// // de nas bcom ldan bde gshegs kun// ye shes rdo rje mchog 'dzin dang // sems can kun don yang dag 'byung // byang chub sems dpa' blo ldan gyis// thub pa don kun rdo rje can// ston pa che la phyag 'tshal nas// dam tshig de nyid

  625. 313a

    mkhyen pa la// mchod de rdo rje'i dbyangs 'di gsungs// e ma'o sangs rgyas tshul re bzang // e ma'o byang chub tshul gyi mchog/ e ma'o chos kyi tshul re zhi// e ma'o sngags kyi tshul re brtan// ma skyes pa yi chos rnams ni// ngo bo nyid kyis khyad par can// rnam par mi rtog yang dag la// ye shes 'byung bar rab tu gsungs// yid 'ong sngags rnams kun bsdus pa// rdo rje bzlas pa ye shes che// sku gsum mi phyed dkyil 'khor ni// sangs rgyas ye shes thob 'gyur ba// rdo rje mi phyed gsum bsgoms pas// bzlas pa rdo rje'i sbyor ba yis// sangs rgyas kun gyi byin gyis rlob// rigs dang sngags rnams thams cad kyi// sku dang gsung dang thugs mtshan nyid// sngags kyi bzlas pa de ring gsungs// ye shes rgya mtsho gsan pa dang // sku gsung thugs kyi rdo rje can// sangs rgyas dus gsum byung ba rnams// rdo rje sngags ni rab bsgoms pas// ye shes mnyam med thob 'gyur ba// bcom ldan 'das kyis bshad du gsol// de nas ston pa rdo rje 'dzin// nam mkha' rdo rje ye shes byung // byed skyed dam pa mchog gi gtsos// rdo rje bzlas pa 'di gsungs so// sngags kyi don kun bzlas pa ni// rdo rje mi phyed gsum gyis mtshan// rdo rje dbye ba gsum gyi mthar// bkod pa rdo rje gsum zhes bya// sku gsung thugs kyi gnas rnams su// spro ba rnam pa

  626. 313b

    gsum dag bya// rdo rje bzlas pa 'di yis ni// rdo rje gsum gyi thugs 'drar 'gyur// sangs rgyas rnams kyi sku gsung thugs// bsgoms nas mchod pa'i mchog brtag pa// ye shes rdo rjes byas na ni// rdo rje gsum gyi thugs 'drar 'gyur// sangs rgyas rnams kyi sku gsung thugs// bsams nas mchod pa'i mchog brtag pa// ye shes rdo rjes rab tu bya// 'di ni byang chub mchog 'thob pa'o// yang na dbye ba rnam gsum gyis// so so so sor spro bar bya// sku dang gsung thugs bdag med pa// ye shes sems kyis yang dag spro// brjod nas rdo rje spro bya zhing // rdzogs nas rab tu bsdu bar bya// 'di ni ye shes spyan phye ba'i// sangs rgyas rnams ni kun gyi yin// sku yi rdo rje rdzogs byang chub// dngos dang dngos med rnam dpyad pa// sangs rgyas sku zhes bya bar gsungs// de ni sku yi bzlas par bshad// gsung gi dam tshig rdzogs byang chub// sgra dang sgra min rnam dpyad pa// gsung gi rdo rje zhes gsungs te// de ni gsung gi bzlas par bshad// thugs kyi dam tshig rdzogs byang chub// gnas pa'i rdo rje rnam dpyad pa// thugs kyi rdo rje zhes gsungs te// de thugs kyi bzlas par bshad// don gyi rjes rtogs bzlas pa ni// ngo bo nyid med bzang po yis// dus gsum sangs rgyas rnams dpyad pa// de ni rin chen bzlas par bshad// sangs rgyas zhing rnams thams

  627. 314a

    cad du// sku yi sprin rnams spro ba ni// bzhud cing byon pa rdo rje'i don// de ni don yod bzlas par bshad// khro bo'i dam tshig shes pa yis// rang gi rdo rje'i dkyil 'khor bsgrags// sngags kyi pha ge'i tshig thos pa// de ni khro bo'i bzlas par bshad// 'dod pa'i don gyis myos gyur pa// kun tu skyob cing phan par dga'// sems can gti mug gnas la 'jog/ de ni gti mug bzlas par bshad// 'dod chags rdo rje las byung tshig/ lus dang ngag sems la gnas pa// sems can 'dod chags mtshor gnas bzhag/ de ni 'dod chags bzlas par bshad// zhe sdang rdo rje las byung sems// lus dang ngag sems la gnas pa// sems can zhe sdang gnas la bzhag/ de ni zhe sdang bzlas par bshad// dam tshig de nyid rdo rje gsum// dbu ma dam tshig rdo rje can// de nyid dam tshig rdo rje yi// ma ning bzlas pa zhes bshad do// 'dod chags de nyid don bsgom pa// rdo rje bdag po thams cad ni// sems can kun la phan 'dod pa'i// 'dod chags byang chub rdzogs par mdzad// rig pa chen mo'i spyan la sogs// rtag tu 'dod pa'i don brtson pa// 'dod pa'i longs spyod dag gis ni// ji ltar 'dod pa bsten na 'grub// gti mug dam tshig las byung ba// rig pa'i rgyal po rdo rje can// ma ning dag gi gnas grub pa// dngos grub dam pa rab

  628. 314b

    tu ster// khro bo zhe sdang gnas las skyes// rtag tu gsod la brtson pa rnams// sgrub pa mchog gi chos can la// gsod pa'i don gyis 'grub par 'gyur// bcom ldan 'das skyes bu chen po'i dam tshig gis de skad ces bka' stsal to// ye shes 'khor lo can gyis ni// snying ga'i dbus su 'khor lo bsgom// gsal ba'i dkyil 'khor dbus gnas pa// dbus su 'khor lo'i don bsgom mo// ye shes rdo rje can gyis ni// snying ga'i dbus su rdo rje bsgom// rdo rje dkyil 'khor dbus gnas pa// rdo rje'i sngags don bsgom par bya// rin chen ye shes can gyis ni// snying ga'i dbus su rin chen bsgom// rin chen dkyil 'khor dbus gnas pa// rin chen sngags don bsgom par bya// pad+ma ye shes can gyis ni// snying ga'i dbus su pad+ma bsgom// chos kyi dkyil 'khor dbus gnas pa// pad+ma'i sngags don bsgom par bya// ral gri ye shes can gyis ni// snying ga'i dbus du ral gri bsgom// dam tshig dkyil 'khor dbus gnas pa// ral gri'i sngags don bsgom par bya// dkyil 'khor kun gyi ngos rnams su// sangs rgyas lnga rnams dgod par bya// 'od zer lnga yi bye brag gis// spros na byang chub thob par 'gyur// sngags rnams thams cad spro ba ni// bye brag rnam pa gnyis su bsgrags// sku gsum rdo rje'i bye brag gis// spro ba dang ni bsdu bar bya// lus

  629. 315a

    ni sku yi ngo bo nyid// sems ni thugs kyi ngo bo nyid// ngag ni gsung gi rang bzhin gyis// mchod na mchod pa'i gnas thob 'gyur// dkyil 'khor chen po'i 'khor lo yis// rdo rje lnga ni bsgom par bya// sku gsung rdo rje'i dbus su ni// rang gi bdag po'i gzugs bsams nas// rang gi sngags kyi rdo rje'i gzugs// dkyil 'khor rnam pa bzhi dag ni// kha dog rnam bzhir kun brtags la// snying gar sngags kyi don bsgom pa// rdo rje rnam pa bzhi yi las// bsam gtan rdo rje can dag byed// 'di ni sngags rnams thams cad kyi// gsang ba rab tu bzang po yin// zhi ba la ni spyan gyi tshul// rgyas pa pad+mo rdo rje can// dbang la rnam par snang mdzad gnas// rdo rje khro bo mngon spyod la// 'di de rdo rje thams cad kyi// gsang ba sku gsum las byung bas// sprul pa sngags rnams thams cad kyi// bya ba'i rol mos mtshan pa'o// ma dad smra ba'i sems can dang // slob dpon rdo rje can smod pa// gdug pa'i sems can gzhan rnams la'ang // rab tu bskul ba 'di bya'o// bcom ldan 'das ye shes chen po 'khor lo rdo rjes de skad ces bka' stsal to// khams gsum gnas pa'i sems can rnams// sangs rgyas skur ni rnam bsgoms la// dgra bo bsad par bsams nas su// de nas las rnams brtsam par bya// nam mkha'i dbyings kyi

  630. 315b

    dbus gnas pa// rdo rje rtse lnga zhal bzhi pa// rnam pa kun gyi mchog dang ldan// rdo rje sems dpar rnam par bsgom// dus gsum dam tshig las byung ba'i// sangs rgyas 'khor lo rnam bsgoms la// sangs rgyas 'khor lo stobs po che// lag pa g.yas pas 'di bya'o// phyogs bcu nas byung sems can rnams// sangs rgyas sku yi bye brag gis// bsdus te gong bu'i tshul gyis su// de dag rang gi lus la gzhug/ sangs rgyas ye shes 'khor lo can// slar yang spro bar rab tu bya// khros pas 'khrugs pa'i khro bo bsam// mi sdug rab gsal 'jigs su rung // mtshon cha sna tshogs mchog 'dzin pa// gsod pa'i don gyi mchog sems pa// rdo rje sems dpa' rang nyid kyang // gdug pa chen po gsod par byed// sangs rgyas sku gsum mchog stsol bas// rdo rje gsum gyi dkyil 'khor gnas// 'di ni nyi ma bdun byas na// sangs rgyas dngos grub ster bar 'gyur// rmongs pas grub pa la ster na// 'chi bar 'dir ni gdon mi za// rdo rje'i dam tshig ye shes kyi bka'i 'khor lo zhes bya ba'i ting nge 'dzin to// nam mkha'i dbyings kyi dbus gnas par// 'khor lo rdo rje 'bar bas brgyan// rnam pa kun gyi mchog dang ldan// rnam par snang mdzad rab tu bsgom// dus gsum dam tshig las byung ba// rdo rje sems dpa' grags chen po// rdo rje me stag 'phro ba

  631. 316a

    can// de yi phyag na bsnams par bsgom// phyogs bcu nas byung sems can rnams// rdo rje'i sgra yi khyad par gyis// 'od zer tshul gyis bsdus nas ni// de dag bdag gi lus la gzung // rdo rje thams cad spro ba ni// ye shes mchog gi gnyen gyis bya// sku gsung thugs kyi sbyor ba can// sangs rgyas thams cad bdag la gson// bdag ni dpal ldan rdo rje 'chang // bka' yi 'khor lo rab sbyor bas// gal te dam tshig las 'das na// rdo rje kun nas 'bar gzugs kyis// sku gsum las byung 'gas par bgyi// zhig par 'gyur 'dir gdon mi 'tshal// 'khor lo'i dam tshig ye shes rdo rje zhes bya ba'i ting nge 'dzin to// sangs rgyas dkyil 'khor rdo rje can// nam mkha'i rdo rje'i dbus gnas bsam// gshin rje gshed kyi 'khor lo che// rang gi rdo rje rab tu brtag/ dus gsum sangs rgyas sems dpa' rnams// sku gsum dkyil 'khor la bzhugs pa// slar yang sangs rgyas gshin rje gshed// rnam pa 'dra bar spro bar bya// sems can dus gsum la bzhugs pa// gdug sems can dang dgra bo rnams// khros pas thams cad gsod par bsgom// 'di ni rdo rje bka' dkyil 'khor// dam tshig thams cad las byung ba gshin rjes gshed gyi sku gsum gyi ye shes rdo rje zhes bya ba'i ting nge 'dzin to// sku gsung thugs kyi rdo

  632. 316b

    rje'am// rang sngags don gyi yon tan nam// yang na gtsug tor dam tshig gis// bka' yi 'khor lo sbyar bar bya// sngags kun bsrung phyir ye shes mchog/ rdo rje can gyis bya ba ste// 'di ni rdo rje thams cad kyi// byang chub bsrung ba'i don zhes bya// bcom ldan 'das byang chub sems dpa' rdo rjes de skad ces bka' stsal to// nam mkha'i rdo rje'i dbus gnas par// chos kyi snang mdzad sku mchog las// byung ba'i sku gsum dam tshig dag/ mkha' dbyings rdo rje'i dbus gnas par// bsams nas gdan de rab tu brtag/ mkha' dbyings sangs rgyas thams cad kyis// yongs su gang bas rnam par bsgom// rang sngags yi ge/ gnas ye shes// thugs kyi rnam par bsgom par bya// slar yangs sangs rgyas sems tsam du// bsgoms pa rnams ni rab tu bsdu// thugs kyi rdo rjer byas nas su// sku gsum la ni de dag gzud// bcom ldan 'das nam mkha'i rdo rjes de skad ces bka' stsal to// rdo rje'i sngags rin po che rab tu snang bar byed pa zhes bya ba'i ting nge 'dzin to// rnam pa kun gyi mchog ldan pa'i// rdo rje sems dpa' rab tu bsgom// sangs rgyas rim par bkod nas ni// chu yi steng du bcag par bya// rkang pa mnyam bzhag sbyor ba yis// spyi bo'i steng du rkang pa bsgom// bcom ldan 'das ngo bo nyid dag pas de skad ces bka' stsal

  633. 317a

    to// rdo rje chu gter rkang pas gnon pa zhes bya ba'i ting nge 'dzin to// dbang chen dkyil 'khor bsgoms nas ni// dbus su khro bo rnam bzhag la// las kyi rdo rje rkang pa yis// de yi spyi bor gnan par bsgom// mu stegs thams cad dang // phas kyi rgol ba'i 'khrul 'khor gnon pa zhes bya ba'i ting nge 'dzin to// khro bo'i gzugs gsum rdo rje mchog/ ge sar ser po'i mdog 'dra ba// thams cad ri yi rgyal po ltar// spyi bor bsams nas rab tu bsgom// sangs rgyas dpung yang gnon byed na// mi dbang la 'dir the tshom med// bcom ldan 'das de bzhin gshegs pa thams cad kyi sku gsung thugs las byung bas de skad ces bka' stsal to// dpung thams cad gnon pa zhes bya ba'i ting nge 'dzin to// dgra bo skrag pa'i dam tshig la// bsam gtan 'di ni rab tu brtag/ sangs rgyas dag gis 'das na yang // 'gas par 'gyur bar gdon mi za// bcom ldan 'das rdo rje gsum gyi dam tshig gis 'di skad ces gsungs te// yi ge hUM las phur bu yi// tshad ni rtse mo lnga pa ste// rdo rje phur bur byas bsgom la// snying gar de yis 'di rab bsgom// sangs rgyas dpung ni khros pa yang // 'jig par 'gyur 'dir gdon mi za// dgra rmongs pa gnon par byed pa zhes bya ba'i ting nge 'dzin to// grong khyer ram ni yang na grong // ljongs su yang ni rab

  634. 317b

    sbyar bya// nad kun spong ba'i zhi ba yang // 'dis ni rtag tu sbyar bar bya// bar snang la gnas rdo rje ni// rtse mo lnga la rnam par bsgom// bskal pa sreg pa ltar bsams la// slar yang rab tu bsdu bar bya// spro ba dag kyang slar bya'o// rin chen yid bzhin nor bu'i 'od// chos kyi sprin ni bsgoms nas kyang // dbang bskur ba ni yang dag bya// rdo rje'i bsam gtan 'di yis ni// dgang dka' ba yang rab tu 'gengs// sbyin pa'i rdo rje rab snang byed// yin bzhin nor bu dpal ldan 'gyur// der ni sangs rgyas chos chen dang // rdo rje sems dpa'i sprin spro bya// bskal pa grangs med gsum yang gnas// sangs rgyas kun gyis byin gyis rlob// 'di de sangs rgyas thams cad kyi// skyon med sku yi gsang ba'o// nad thams cad med par byed pa rdo rje 'byung ba zhes bya ba'i ting nge 'dzin to// bsam gtan las byung dam bcas pa// gnas gang du ni brtsam par bya// bsam gtan sbyor ba 'di yis ni// gnas nas sangs rgyas byin gyis rlob// rdo rje bdud rtsi rgyal po che// rdo rje phur bur rab bsgoms la// me stag 'bar ba 'dra ba yis// phyogs bcu'i dkyil 'khor gdab par bya// zhes kyang gsungs so// 'gro ba 'dul ba zhi ba rdo rje zhes bya ba'i ting nge 'dzin to// zhi ba'i dkyil 'khor dam pa ni// nam mkha'i dbyings kyi dbus gnas

  635. 318a

    bsam// rnam par snang mdzad gzugs bsam nas// rang gi thugs kar don gnyer bzhag/ mkha' dbyings spyan gyi mchog rnams kyis// yongs su gang bar rnam par bsgom// bsdus nas 'od kyi gong bu yis// nad pa la ni phab nas su// ba spu'i bu ga nas sangs rgyas// sprin rnams brtul zhugs can gyis spro// sangs rgyas sprin rnams de yi tshe// de la dbang bskur rab tu stsol// nad pa dam tshig rdo rje yis// skad cig gis ni dpal ldan 'gyur// sangs rgyas kyi dam tshig gi sprin bkod pa zhes bya ba'i ting nge 'dzin to// zla ba'i dkyil 'khor dbus su ni// dbang chen dkyil 'khor dam pa bsam// chos 'dzin pa yi gzugs bsam mo// thugs kar don gnyer gzhag par bya// mkha' dbyings gnas ni nyams dga' bar// dkar mo zhes byas rab tu dgang // yid bzhin nor bu rin chen 'od// 'od kyi gong bu bsdu bar bya// 'di dag 'dod pa'i lus dang ngag/ sems kyi gnas la dbab par bya// ba spu'i bu ga nas rin chen// sprin rnams brtul zhugs can gyis spro// chos kyi sprin ni bsgom bya zhing // dbang bskur ba ni yang dag bya// rdo rje bsam gtan 'di yis ni// dgang dka' ba yang rab tu 'gengs// de ni yid bzhin nor dpal ldan// sbyin pa'i rdo rje rab snang ba'o// chos kyi sprin gyi dam tshig bkod pa zhes bya ba'i ting nge 'dzin

  636. 318b

    to// nam mkha'i dbyings kyi dbus gnas pa'i// rdo rje zla gam dkyil 'khor bsam// rdo rje nam mkha' chos mdun gzugs// thugs kar 'dod pa gzhag par bya// sangs rgyas byang chub sems dpa' yis// nam mkha'i dkyil 'khor yongs su gang // 'od zer lnga yi sbyor ba yis// gzi brjid de la dbab par bya// de ni de ma thag nyid du// sangs rgyas kun gyi thugs su byon// 'jam dpal gyi ni mdog dang 'dra// gnas las byed par der 'gyur ro// dgyes pa'i bdag nyid can dbang bar// dga' ston chen po stsol bar mdzad// mthong ba nyid kyis byung ba yi// 'gro ba thams cad dbang du 'gyur// rin po che'i dam tshig gi sprin bkod pa zhes bya ba'i ting nge 'dzin to// nam mkha' rdo rje srin po ni// drag cing khro la rab gtum dang // wa dang sna tshogs bya rog dang // bya rgod khyi yis gang bar bsgom// me yi dkyil 'khor la gnas pa'i// dgra bo rnams ni rtag par bsgom// sangs rgyas kun la gnod byed pa// bsam nas rnal 'byor sbyar bar bya// mtshon cha sna tshogs thogs pas mnan// rgyu ma rus bcud khrag la sogs// kun gyis drangs par rnam bsgom ste// bsgoms na dgra rnams 'chi bar 'gyur// gal te 'di ltar rab bsgoms na// sangs rgyas rdo rje 'dzin pa yang // zla phyed nang du rdzogs pa la// 'chi bar 'gyur 'dir gdon mi

  637. 319a

    za// rdo rje sprin dam tshig bkod pa zhes bya ba'i ting nge 'dzin to// rnam par snang mdzad zhal gsum pa// ston ka'i sprin gyi mdog 'dra bsam// dkar po nag po rab tu dmar// thor tshugs dbu rgyan dag gis brgyan// rdo rje can ni zhal gsum bsam// nag po dkar po dmar po'i zhal// 'bar ba'i thor tshugs dbu rgyan can// 'jig rten khams rnams 'khrug byed pa'o// 'dod chags can ni zhal gsum bsam// dmar po nag po dkar po'i zhal// zor tshugs dbu rgyan longs spyod can// bsgoms na nges par 'grub par 'gyur// 'khor lo rdo rje pad+mo che// g.yas pa'i phyag tu rnam par bsgom// rdo rje phyag drug mtshon cha ni// bzang po sna tshogs bsnams par bsgom// sems can kun la phan bzhed ma// sbyin ma zhal gsum dag tu bsam// dkar po nag po dmar po che// mdzes pa'i gzugs su rab tu bsgom// mkha' skyes spyan na rgyal mo che// dri ma med cing zhal gsum pa// gnag dang dmar dang dkar ba'i tshul// mdzes pa'i gzugs su rtag tu bsgom// chu skyes spyan ni rgyal mo che// zhal gsum du ni rnam par bsgom// dmar gnag dkar po'i rnam pa yi// kha dog mdzes par rab tu bsgom// rig ma rdo rje ut+pal bsnams// zhal gsum rab tu gsal ba'i mdangs// ser gnag dkar ba'i rnam pa ni// bsgoms

  638. 319b

    na ye shes thob par 'gyur// khro bo chen po gshin rjes gshed// zhal gsum drag po'i 'od bzang ba// rnon po 'jigs pa'ang 'jigs par byed// kha dog nag po rab tu bsgom// gzhan gyis mi thub khro bo che// drag tu bzhad pa'i sgra 'byin pa// zhal gsum 'od zer mang po dag/ rab tu 'phro bar rnam par bsam// khro bo chen po rta mgrin ni// bskal pa'i me bzhin rab tu 'bar// zhal gsum gdug pa zhabs kyis mnan// sbyor ba can gyis rtag tu bsgom// rdo rje bdud rtsi khro bo che// 'od zer 'phro ba rab tu 'khrug/ drag po rdo rje 'bar ba 'dra// 'jigs pa dag kyang 'jigs par byed// 'dod pa'i ye shes khro bo che// zhal gsum pa ni 'jigs par byed// phyag bzhi 'jigs par byed pa'i mchog/ Tak+ki'i rgyal po rab tu bsgom// stobs po che ni rdo rje che// 'jig rten gsum gyi mun sel ba// gdug pa thams cad 'joms par byed// zhal gsum pa ni rtag tu bsgom// khro bo chen po dbyug sngon can// khams gsum dag ni 'jigs par byed// zhal gsum rdo rje las byung ba// 'bar ba rnon po can du bsgom// rdo rje mi g.yo khro bo che// rdo rje las byung zur gyis blta// zhi ba ral gri zhags pa bsnams// brtul zhugs can gyis zhal gsum bsgom// gtsug tor chen po yi ge gcig/ 'od zer dag ni kun tu 'phro// zhal gsum 'bar ba'i 'khor

  639. 320a

    can// bsam gtan dkyil 'khor bsgom par bya// gnod mdzes ye shes mchog 'dzin pa// 'jigs pa'i rgya mtsho yang dag byed// zhal gsum 'bar ba'i 'od 'phro sgra// bsam gtan dkyil 'khor bsgom par bya// gzi brjid phung po gtsug gtor rgyal// gang gzhan sngags kyi 'khor lo can// dam tshig longs spyod 'di rnams kyis// so so so sor bsgom par bya// ting nge 'dzin ni dpag med pa// sngags rnams kyi ni bshad pa yin// khro bo dag ni re re yang // nam mkha'i steng du shin tu 'phags// nam mkha'i dbyings kyi dbus gnas par// gsal ba'i dkyil 'khor dam pa bsam// sangs rgyas gzugs ni rab bsgoms la// rnam par snang mdzad rnam par bsam// gsal zhing zla ba bzhin zhi ba// 'od zer sna tshogs mtshungs pa'i 'od// me long lta bur yang dag byung // khams gsum dag gi dkyil 'khor du// rgyan rnams kun gyis brgyan pa dag/ bsam na byang chub de yis mthong // bsam gtan rdo rje rab bsgom pa// de yis sangs rgyas che ba'i bdag/ 'jig rten thams cad dbang byed pa// tshe 'di nyid la thob par 'gyur// rnam par snang mdzad dam tshig 'byung ba mdzes pa'i rdo rje zhes bya ba'i ting nge 'dzin to// nam mkha'i dbyings kyi dbus gnas par// rdo rje dkyil 'khor dam pa bsam// sangs rgyas

  640. 320b

    gzugs ni rab bsgoms la// rdo rje sems dpa'i rnam par bsam// khros pa gsal ba'i lus dang 'dra// 'bar ba sna tshogs mnyam pa'i 'od// rnam pa kun gyi mchog dang ldan// rgyan rnams kun gyis rnam par brgyan// zhi ba'i ye shes gnas bsgoms na// rdo rje nyid ni myur du 'thob// bsam gtan rdo rje rab bskul ba// 'dis ni rdo rje'i bdag nyid che// sems can thams cad dbang byed pa// tshe 'di nyid la thob par 'gyur// dam tshig thams cad 'byung ba mdzes pa'i rdo rje zhes bya ba'i ting nge 'dzin to// nam mkha' rdo rje'i dbus gnas pa// chos kyi dkyil 'khor dam pa bsam// sangs rgyas gzugs ni rab bsgoms la// chos kyi sems dpa' rnam par bsgom// gsal ba'i lus 'dzin zhi ba ni// rgyan rnams kun gyis rnam par brgyan// 'od zer sprin ni 'khor lo che// rnam par 'phro ba rab tu bsgom// 'di yis chos kyi bdag/ nyid che// sku gsum mi phyed zas byung ba// ye shes rgya mtshos rnam brgyan pas// tshe 'di nyid la thob par 'gyur// chos kyi sems dpa'i 'byung ba'i dam tshig 'byung ba rdo rje zhes bya ba'i ting nge 'dzin to// nam mkha' rdo rje'i dbus gnas par// zla ba'i dkyil 'khor dam pa bsam// sangs rgyas gzugs ni rab bsgoms la// spyan ma mchog ni rnam par bsgom// zhal mdzes spyan ni rab tu yangs// sna tshogs rgyan gyis

  641. 321a

    rnam par brgyan// mtshan rnams thams cad rab tu rdzogs// bud med sgyu ma'i mchog ldan pa// khams gsum dag ni dbang byed pa// ye shes dngos grub thams cad byed// 'khor lo'i yid bzhin ra bu ster// phyag tu 'khor lo bsgom par bya// sman gyi dam tshig phyag gi mchog dang ldan pa zhes bya ba'i ting nge 'dzin to// nam mkha' rdo rje'i dbus gnas par// rdo rje dkyil 'khor 'od mchog bsam// sangs rgyas gzugs ni rab bsgoms nas// nam mkha' rdo rje mchog rab bsgom// zhal bzang spyan ni rab tu yang // ut+pal mthing ga'i mdog 'dra ba// mtshan rnams thams cad rab tu rdzogs// nam mkha' dam tshig mchog rab bsgom// phyag na ut+pal sngo dmar bsnams// khams gsum dag gis phyag byas pa// sangs rgyas byang chub byed pa'i mchog/ dngos grub rdo rje can gyi gsang // nam mkha' yum rin po che'i 'od kyi sprin rdo rje tshim par byed pa dang ldan pa zhes bya ba'i ting nge 'dzin to// nam mkha' rdo rje'i dbus gnas par// chos kyi dkyil 'khor dam pa bsam// sangs rgyas gzugs ni rab bsgoms la/ chos ma rab tu bsgom// zhal bzang spyan ni rab tu yangs// pad+ma rA ga'i mdog 'dra ba// sgyu mas mtshan pa'i mchog las byung // 'dod chags chags pa 'dzin sdug pa// mtshan nyid thams cad yongs rdzogs

  642. 321b

    shing // rgyan rnams kun gyis brgyan pa ste// phyag na ut+pal dmar mdzes bsnams// sangs rgyas thams cad rab bsgoms pa// chos kyi ye shes 'byung gnas mchog/ dam tshig rdo rje can gyi gsang // chos kyi dam tshig de kho na nyid mngon par rdzogs par byang chub pa kun tu ston pa'i rdo rje zhes bya ba'i ting nge 'dzin to// nam mkha' rdo rje'i dbus gnas par// dngos grub dkyil 'khor dam pa bsam// sangs rgyas gzugs ni rab bsgoms la// sgrol ma mchog ni bsgom par bya// zhal bzang spyan ni rab tu yangs// sna tshogs rgyan gyis rnam par brgyan// kha dog ljang ser 'dra ba'i 'od// bud med sgyu mas rab tu myos// rdo rje ting nge 'dzin las byung // sems can kun gyis phyag byas pa// ut+pal ljang ser dmar ba'i mdangs// phyag na bsnams pa rab tu bsgom// dam tshig sgrol ma mchog dang ldan pa zhes bya ba'i ting nge 'dzin to// nam mkha' rdo rje'i dbus gnas par// nyi ma'i dkyil 'khor dam pa bsam// sangs rgyas gzugs ni rab bsgoms la// gshin rje gshed mchog rnam par bsgom// 'bar ba'i 'od zer mang po 'phro// 'jigs pa'i dkyil 'khor rab tu khros// spyan dmar mche ba rnam par gtsigs// phyag na ral gri bsnams par bsgom// dbu rgyan snang mdzad bzhugs bsgoms na// rdo rje can ni dgyes par 'gyur// 'di ni ye shes rdo rje

  643. 322a

    can// thams cad khro bo'i dam tshig yin// gshin rje gshed spro ba'i snang ba bkod pa sgom pa zhes bya ba'i ting nge 'dzin to// nam mkha' rdo rje'i dbus gnas par// nyi ma'i dkyil 'khor dam pa bsam// sangs rgyas gzugs ni rab bsgoms la// gzhan gyis mi thub rab tu bsgom// 'bar ba'i 'od zer mang po can// sbrul gyis brgyan cing ske rags can// zhal ni rnam par gtsigs shing bgrad// kha dog dkar po rab tu bsgom// mi bskyod dam tshig dbu rgyan la// bsams na rdo rje can dag dgyes// 'di ni ye shes rdo rje can// thams cad khro bo'i dam tshig go/ gzhan gyis mi thub pa'i rdo rje bkod pa zhes bya/ ba'i ting nge 'dzin to// nam mkha' rdo rje'i dbus gnas par// nyi ma'i dkyil 'khor dam pa bsam// sangs rgyas gzugs ni rab bsgoms la// rdo rje rta mgrin rab tu bsgom// khro bo'i 'od zer mang po dag/ thams cad du ni rnam par 'phro// gdug pa thams cad zhabs kyis mnan// kha dog dmar po rnam par bsam// rdzogs sangs dpag med dbu rgyan la// bsgoms na rdo rje can dag mnyes// 'di ni rdo rje ye shes can// thams cad khro bo'i dam tshig yin// rta mgrin skyed pa 'byung ba rnam par bkod pa zhes bya ba'i ting nge 'dzin to// nam mkha' rdo rje'i dbus gnas par// nyi ma'i dkyil 'khor dam pa bsam// sangs

  644. 322b

    rgyas gzugs ni rab bsgoms la// rdo rje bdud rtsi rab sgom pa// 'bar ba'i 'od zer mang po 'phro// rdo rje sprin ni kun tu 'khrug/ khros shing khro bcas gnag pa dang // mche ba rnon po rab tu bsgom// mi bskyod dam tshig dbu rgyan la// bsgoms na khro bo 'dzin mnyes 'gyur// 'di ni thams cad khro bo yi// 'da' bar dka' ba'i dam tshig go/ bdud rtsi'i dam tshig 'byung ba rdo rje zhes bya ba'i ting nge 'dzin to// nam mkha' rdo rje'i dbus gnas par// nyi ma'i dkyil 'khor dam pa bsam// sangs rgyas gzugs ni rab bsgoms la// Tak+ki'i rgyal po rab bsgom bya// khro bo 'jigs pa'i cha lugs gtum// 'jigs pa dag kyang 'jigs par byed// rgyan rnams thams cad yongs su rdzogs// rdo rje 'od bzang bsgom par bya// mi bskyod dam tshig dbu rgyan la// bsgoms na mnyes pa rab tu 'phel// 'di ni thams cad khro bo yi// 'da' bar dga' ba'i dam tshig go// bsam gtan rdo rje rdzogs par byang chub pa dga' ba zhes bya ba'i ting nge 'dzin to// nam mkha' rdo rje'i dbus gnas par// nyi ma'i dkyil 'khor dam pa bsam// sangs rgyas gzugs ni rab bsgoms la// stobs po che ni rab tu bsgom// 'bar ba'i 'od zer mang po 'phro// rdo rje gsum gyi gnas dkyil 'khor// khro zhing drag po zhags pa 'dzin// rdo rje stobs can bsgom par bya// mi

  645. 323a

    bskyod dam tshig dbu rgyan la// bsgoms na mnyes pa rab tu 'phel// 'di ni thams cad khro bo yi// 'da' bar dka' ba'i dam tshig go/ rdo rje gsum gyi stobs zhes bya ba'i ting nge 'dzin to// nam mkha' rdo rje'i dbus gnas par// nyi ma'i dkyil 'khor dam pa bsam// sangs rgyas gzugs ni rab bsgoms la// rdo rje sngon po rnam par bsgom// khro bo 'jigs pa'i cha lugs can// 'jigs pa dag kyang 'jigs par byed// gzugs ni rab tu gnag la rno/ rgya mtsho nag po skyed par byed// 'bar ba'i 'od zer mang po 'phro// rdo rje dbyug thogs bsgom par bya// mi bskyod dam tshig dbu rgyan la// bsgoms na rab tu mnyes par 'gyur// 'di ni thams cad khro bo yi// 'da' bar dka' ba'i dam tshig go// rdo rje dbyug pa'i dam tshig mchog dang ldan pa zhes bya ba'i ting nge 'dzin to// nam mkha' rdo rje'i dbus gnas par// nyi ma'i dkyil 'khor dam pa bsam// sangs rgyas gzugs ni rab bsgoms la// mi g.yo mchog ni rnam par bsgom// 'khros shing 'jigs pa'i zur gyis lha// 'khrugs pa ral gri zhags pa bsnams// 'bar ba'i 'od zer mang po 'phro// mi g.yo rdo rje can bsgom bya// mi bskyod dam tshig dbu rgyan la// bsgoms na mnyes pa rab tu 'phel// 'di ni khro bo thams cad kyi// 'da' bar dka' ba'i dam tshig yin// rdo rje nam

  646. 323b

    mkha'i dbyings kyi gnas gnon pa zhes bya ba'i ting nge 'dzin to// nam mkha' rdo rje'i dbus gnas par// nyi ma'i dkyil 'khor dam pa bsam// sangs rgyas gzugs ni rab bsgoms la// rig pa'i 'khor lor rab tu bsgom// mtshan rnams thams cad yongs su rdzogs// 'khor lo 'bar bas yongs su bskor// gtsug tor 'khor lo dam tshig ni// rnam par 'phro ba rab tu bsgom// mi bskyod dam tshig dbu rgyan la// bsgoms na mnyes pa rab tu 'phel// 'di ni thams cad khro bo yi// 'da' bar dka' ba'i dam tshig go/ gtsug tor gyi dam tshig rig pa'i stobs 'khor lo zhes bya ba'i ting nge 'dzin to// nam mkha' rdo rje'i dbus gnas par// nyi ma'i dkyil 'khor dam pa bsam// sangs rgyas gzugs ni rab bsgoms la// rdo rje sum+b+ha rab tu bsgom// me lce rnon po 'bar ba'i sku// rdo rje'i sprin ni rab tu 'phro// phyag na rdo rje rab 'bar ba// bsgoms na dngos grub thob par 'gyur// mi bskyod dam tshig dbu rgyan la// bsgoms na mnyes pa rab tu 'phel// 'di ni thams cad khro bo yi// 'da' bar dka' ba'i dam tshig go// rdo rje dam tshig sum+b+ha rab tu 'byung ba'i ting nge 'dzin to// 'gog pa khro bo'i 'khor lo ni// sangs rgyas 'khor lo bsten pa yis// ting 'dzin rdo rje ye shes rnams// rdo rje'i dkyil 'khor grub par 'gyur// de bzhin

  647. 324a

    gshegs pa thams cad kyi sku dang gsung dang thugs kyi gsang chen gsang ba 'dus pa las rdo rje'i dam tshig bkod pa de kho na nyid kyi don sgom pa mngon par rdzogs par byang chub pa zhes bya ba'i le'u ste bcu gsum pa'o// // de nas bcom ldan 'das de bzhin gshegs pa thams cad kyi dam tshig gi bdag po rdo rje 'dzin pa chen pos zhi ba'i dam tshig gi mchog ces bya ba'i ting nge 'dzin la snyoms par zhugs nas/ de bzhin gshegs pa thams cad kyi btsun mo 'di nyid kyi sku gsung thugs rdo rje las phyung ngo // oM ru ru s+phu ru dz+wa la tiSh+Tha sid+d+ha lo tsa ni sarbAr+tha sA d+ha ni swA hA/ de nas 'di ni gsungs tsam gyis// 'byor pa kun la dgyes pa rnams// mnyes shing rab tu dgyes gyur pas// sangs rgyas rdo rje rjes su dran// sangs rgyas rnams kyi zhi skyed ma// las rnams thams cad rab sgrub cing // rdo rje'i dam tshig skul mdzad ma// shi ba sos par byed par gsungs// rdo rje 'chang chen pos de skad ces gsungs so// de nas bcom ldan 'das sku gsum gyi dam tshig khro bo rdo rjes dngos po dang dngos po med pa'i dam tshig rdo rje zhes bya ba'i ting nge 'dzin la snyoms par zhugs nas/ rdo rje 'dzin thams cad kyi btsun mo'i mchog 'di nyid kyi sku gsung thugs rdo rje las phyung ngo // oM shaM ka ra shAn+ti ka re g+huT+Ta g+huT+Ta g+huT+Ti ni/ g+hA ta ya g+hA ta ya g+huT+Ti ni swA hA/ de

  648. 324b

    nas 'di ni gsungs tsam gyis// rdo rje gsum ni mi phyed pa// rdo rje can mnyes spyan gdangs nas// rdo rje thugs ni rjes su dran// gsung ba'i rdo rje sbyor ba la// rtag tu las ni rab bsgrub pa// rdo rje chen po 'jigs nyin la// rtag tu stobs ni byed par bshad// de nas bcom ldan 'das 'dod chags chen po'i dam tshig gzigs pa zhes bya ba'i ting nge 'dzin la snyoms par zhugs nas// chos kyi dam tshig gi sku'i btsun mo'i mchog 'di nyid kyi sku gsung thugs rdo rje las phyung ngo // oM ka Te bi ka Te ni ka Te ka TaM ka Te swA hA// de nas 'di ni gsungs tsam gyis// rdo rje chos mchog 'dzin pa rnams// rdo rje chos ni rjes su dran// mnyes nas bsam gtan thob gyur pas// rtag tu chos rgyas stobs dang ldan// rtag tu mdzad po che mdzad pa// rdo rje gsung gi bka' bzhin du// bzlas pa tsam gyis byed par 'gyur// de nas bcom ldan 'das dam tshig kun nas 'byung ba rdo rje zhes bya ba'i ting nge 'dzin la snyoms par zhugs nas/ dam tshig sems dpa'i btsun mo'i mchog 'di nyid kyi sku gsung thugs rdo rje las phyung ngo // oM tA re tut+ta re tu re swA hA// de nas 'di ni gsungs tsam gyis// sangs rgyas kun bdag cher skyes mnyes// rdo rje'i sku ni rjes su dran// bsam gtan ye shes thob gyur pas// sangs rgyas rdo rje sde chen dang // sems can khams ni kun

  649. 325a

    nas su// skad cig gis ni dran bzhin du// thams cad g.yo med dbang du byed// ces bcom ldan 'das kyis gsungs so// de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas dri ma med pa'i 'od zer gyi sprin rdo rje zhes bya ba'i ting nge 'dzin la snyoms par zhugs nas/ rdo rje gshin rje gshed po chen po rdo rje khro bo 'di nyid kyi sku gsung thugs rdo rje las phyung ngo // na maHsa man+ta ka ya bAk+Shit+ta badz+rA NAM/ au kha kha khA hi khA hi/ sarba duSh+Ta sa twa da ma ka a si mu sa la paR+ShA pA sha hasta/ tsa tur+m+ma kha/ tsa tur+N+Na dza/ Sha Ta tsa ra Na/ A gats+tsha/ A gats+tsha/ sarba duSh+Ta pra NA a pa hA ri Ne/ ma hA big+h+na g+hA ta ka bi kri tA nan/ sarba b+ha ta b+ha yaM ka ra/ aT+TA D+ha ha sa nA di ne/ byA g+ha tsarma ni ba sa na/ ku ru ku ru/ sarba kar+m+ma ni/ tshin+na tshin+na sarba man trA na/ bin+na bin+na pa ra mu drA na/ A kaR+Sha ya/ A kaR+Sha ya/ sarba b+ha tA na/ ma tha ma tha/ nirma tha nirma tha/ sarba duSh+TAn/ pra be sha ya pra be sha ya/ maN+Da la ma d+h+ye be ba swa ta/ dzI bi tan+ta ka ri/ ku ru ku ru ma ma sarba ka raM/ da ha da ha/ pa tsa pa tsa/ mA bi lam+ba/ mA bi lam+ba/ sa ma ya ma nu sma ra/ hUM hUM/ phaT phaT/ bi s+pho Ta ya bi s+pho Ta ya/ sarba na nA sha yaM ka ra ka ra/ big+h+na nAM sarba shA pa ri pA ra ka he he b+ha ga bAn// kiny+tsi rA ya si/ ma ma sarba anAM sA d+ha ya sA ha/ de nas 'di ni gsungs tsam

  650. 325b

    gyis// sangs rgyas kun ni grags chen po// 'jigs shing kun du sgrags gyur nas// rdo rje sems ni rjes su dran// thod pa ma chag ma gas pa// gzugs mdzes yid 'ong rnyed pa la// rkang pas mnan pa'i tshul byas nas// sngags 'di rjes su dran par bya// mA ma kI'am spyan yang rung // rdo rje chen po rigs mthon po// lan gsum dag tu brjod na ni// de ma thag tu nges par 'gugs// bcom ldan 'das thugs rdo rjes de skad ces gsungs so// de nas bcom ldan 'das de bzhin gshegs pa rnam par snang mdzad kyis dam tshig 'od zer 'thug po mchog ces bya ba'i ting nge 'dzin la snyoms par zhugs nas/ bdud rtsi'i dam tshig gi rdo rje khro bo 'di nyid kyi sku gsung thugs rdo rje las phyung ngo // na maHsa man kA ya bAk+Shit+ta badz+rA NAM/ na mo badz+ra kro d+ha ya/ ma hA daMSh+Tot+ka Ta b+he ra bA ya/ a si/ mu sa la/ paR+ShA pA sha hastA ya/ oM a mr-i ta kuN+Da li/ kha kha khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ gar+dz+dza gar+b+ha/ bi s+pho Ta ya bi s+pho Ta ya/ sarba big+h+na bi na ya kan/ ma hA ga Na pa ti/ dzI be tAn+ta ka rA ya swA hA/ de nas 'di ni gsungs tsam gyis// sangs rgyas kun ni grags chen po// brgyal zhing rab tu 'jigs gyur nas// rdo rje sku ni rjes su dran// sngags rnams kun gyi sbyor ba la// rdo rje bskrad pa'i las rnams ni// cho gas sangs rgyas dpung dag kyang // tshul bzhin byas

  651. 326a

    na skrod par 'gyur// de nas bcom ldan 'das de bzhin gshegs pa rin chen tog sangs rgyas kyi 'od zer rdo rje zhes bya ba'i ting nge 'dzin la snyoms par zhugs nas/ rdo rje khro bo chen po gzhan gyis mi thub pa 'di nyid kyi sku gsung thugs rdo rje las phyung ngo // na maHsa man+ta kA ya bAk+Shit+ta badz+ra NAM/ oM hUM dzi na ri Ti TI hUM hUM phaT phaT swA hA/ de nas 'di ni gsungs tsam gyis// sangs rgyas bdag nyid che skyes kun// 'jigs shing kun du skrag gyur pas// byang chub sems ni rjes su dran// srin po ma rungs gtum po dang // 'jigs pa chen po 'khrugs pa la// rdo rje sems kyis rab sbyar bas// las rnams cho ga bzhin du byed// de nas bcom ldan 'das de bzhin gshegs pa tshe dpag tu med pas dpag tu med pa 'byung ba'i rdo rje zhes bya ba'i ting nge 'dzin la snyoms par zhugs nas/ pad+mo 'byung ba'i rdo rje khro bo 'di nyid kyi sku gsung thugs rdo rje las phyung ngo // namaHsa man+ta ka ya bkrit+ta badz+rA NAM/ oM ts+tshi hUM hUM/ ta rA la/ bi rA la/ sarba bi Sha g+hA ta ka/ dza li ta bi s+tha ling+ga/ aT+TA D+ha hA sa/ ke sa ri saT a To pa TaM ka ra/ badz+ra khA ra nir+b+bA ta na/ tsa li ta ba su d+hA ta la ni shA sa mA ru totak+Shap+ti d+hA ra Ni d+ha ra/ b+hI Sha Na a D+ha hA sa/ a pa ri mi tA ba la pa rA krA ma/ Ar+ya ga NA b+hI ta b+hU ta ga NA d+h+yA Shi ta/ bu d+hu bu d+hu/ ha ya grI ba/ khA da khA da/ pa ra man+ta na/ tshin+na tshin+na/

  652. 326b

    bin+na bin+na/ pa ri mu dra na/ sid+d+him+me di sha/ A be sha ya/ sarba dza ra pi shA tsa di na/ sarba gra he ShA pra ti ha to b+ha ba/ badz+ra daMSh+Ta kiny+tsi rA ya si/ i daM duSh+Ta gra ha na/ duSh+Ta sarbaM bA/ d+hu na d+hu na/ ma tha ma tha/ marda marda/ pA Ta ya/ pA Ta ya/ ma Ta ma Ta/ b+han+d+ha b+han+da/ bud+d+ha d+harma sar+b+ba a nu dz+nyA taM karma ku ru shI g+h+raM ha ya gri bA ya phaT/ badz+ra ye phaT/ badz+ra gA tA ya phaT/ badz+ra me tA ya phaT/ badz+ra daM Sh+TA ya phaT/ badz+ra khu rA ya phaT/ badz+ra khu ra nir+b+ba ta nA ya phaT/ pa ra man+ta bi nA sha nA ya phaT/ sarba trai lo kya b+ha yaM ka rA ya phaT/ sarba kar+m+me Sha pra ti ha tA ya phaT/ badz+ra ku la san+na sa nA ya phaT/ hUM hUM hUM phaT phaT phaT swA hA/ de nas 'di ni gsungs tsam gyis// chos kyi rdo rje mchog skyes rnams// 'jigs shing rab tu brgyal bar 'gyur// ye shes rgyal po rjes su dran// mkha' dbyings dug gis yongs gang ba/ rdo rje ha la ha la'i 'od// khro bo'i rgyal po bskul ba yis/ dug rnams thams cad med par byed// de nas bcom ldan 'das de bzhin gshegs pa gdon mi za bar grub pas gdon mi za ba'i dam tshig 'byung ba'i dpal rdo rje zhes bya ba'i ting nge 'dzin la snyoms par zhugs nas/ rdo rje be con sngon po khro bo'i rgyal po 'di nyid kyi sku gsung thugs rdo rje las phyung ngo // na maHsa man+ta kA ya bA kIt+ta badz+rA NAM/ oM e che hi/ b+ha ga bAn/ nI la badz+ra daN+Da/ tu ru tu ru/ hu lu hu lu/ hA hA/ gu lu gu lu/

  653. 327a

    gu lA pa ya/ gu lA pa ya/ kra ma kra ma/ b+ha ga ban bA yu be ge na/ b+hU ta na shi g+h+raM/ da ha da ha/ da ra da ra/ ba ha ba ha/ pa tsa pa tsa/ ma tha ma tha/ pA ta ya/ pA ta ya/ ma Ta ma Ta/ mo TA pa ya/ mo TA pa ya/ sarba karmA Ni/ tshin+na tshin+na/ b+hak+Sha ya b+hak+Sha ya/ as+thi me da ma s+ya/ ru d+hi ra ma dz+dza me daM/ ba sha ma dzA/ ru d+hi ra/ bri ya e h+ye hi/ b+ha ga bAn/ sarba big+na ni/ sarba bid+ya ni/ sarba ma na tA Ni/ sarba mA la karmA Ni/ kr-i tri ma Ni ShA di ni/ sarba gra ha na/ ha na ha na/ b+hany+dza b+hany+dza/ marda marda i daM me kar+yaM sA d+ha ya/ hAM ni lA ya ni lA ya/ ni la badz+ra dar+thA ya/ tu ru tu ru/ big+h+nAn bi nA ya kAM/ nA sha ya nA sha ya/ hu ru hu ru/ dip+ta tsar+thA ya/ sarba shi tA NAM hr-i da yA ni pI Ta ya/ tshin+na tshin+na/ ba ra bid+yA nAM ts+tshe da ka hUM bid+yA nAM shiSh+Ta ka sa ma ya ma nu sma ra/ badz+ra d+ha ra pa tsa naM tsa/ marmA Ni ni krin+ta/ hUM ha na ha na/ da ha da ha/ pa tsa pa tsa/ ku ru ku ru/ tu ru tu ru/ hu ru hu ru/ phaT phaT ts+tshar+thaM kr-i tan+ta ya/ de ba re Shi bi dra pa ka ya/ ha na ha na/ badz+ra daN+De na swA hA/ de nas 'di ni gsungs tsam gyis// gdug pa'i mchog las byung ba kun// yid ni 'jigs shing rab skrag nas// sems dpa'i rdo rje rjes su dran// grags chen khro bo'i rgyal po 'di// brgya rtsa brgyad du bzlas na ni// cho ga'i tshul bzhin bskul ba yis// gdug pa thams cad gsod par 'gyur// de nas bcom ldan 'das de bzhin gshegs pa mi

  654. 327b

    bskyod pas kun nas sprin gyi dpal zhes bya ba'i ting nge 'dzin la snyoms par zhugs nas/ rdo rje stobs po che 'di nyid kyi sku gsung thugs rdo rje las phyung ngo // na maHsa man+ta kA ya bAk+Shit+ta badz+ra NaM/ oM hUM hUM hUM phaT phaT phaT/ u gra shU la pA Ni hUM hUM hUM phaT phaT phaT/ oM dz+yo ti nirnA da hUM hUM hUM phaT phaT phaT/ oM ma hA pa lA ya swA hA/ de nas 'di ni gsungs tsam gyis// stobs po che yi klu rnams kun// yid ni 'jigs shing rab skrag nas// sku gsum rdo rje rjes su dran// bzlas pa tsam dang sbyor ba yis// las rnams thams cad sgrub par byed// zan pa byung ba'i dus su yang // chu yi dkyil 'khor 'bebs par byed// de nas bcom ldan 'das kun du 'joms pa rdo rje zhes bya ba'i ting nge 'dzin la snyoms par zhugs nas// de bzhin gshegs pa thams cad kyi Tak+ki'i rgyal po chen po khro bo chen po 'di nyid kyi sku gsung thugs rdo rje las phyung ngo // na maHsa man+ta kA ya bAk+Shit+ta badz+rA NAM/ Tak+ki hUM dzaHde nas 'di ni gsungs tsam gyis// sangs rgyas kun bdag che skyes rnams// 'jigs shing rdo rje sku gsum ni// rjes dran dam tshig ldan gyur nas// rdo rje sems dpa'i sbyor ba yis// rkang pa g.yas pas ling+ga mnan// rdo rje gsum gyi sngags bzlas pas// sngags rnams thams cad 'gugs par byed// de nas bcom ldan 'das ye shes kyi phreng ba chu'i rdo rje zhes bya

  655. 328a

    ba'i ting nge 'dzin la snyoms par zhugs nas// mi g.yo ba rdo rje gtum po'i dam tshig 'di nyid kyi sku gsung thugs rdo rje las phyung ngo // na maHsa man+ta ka ya bkrit+ta badz+rA NAM/ a tsa la ka Na tsaN+Da/ naH naT+Ta/ maT+Ta man+ta/ moT+Ta moT+Ta/ sar+b+ba sar+b+ba/ taT+Ta taT+Ta/ ha na ha na/ da ha da ha/ mo ha mo ha/ mo ha ka ra/ ha sa ha sa/ badz+ra ha sa ku ru/ ha sa ha sa/ marda ra Ta marda ra Ta/ gar+b+ha gar+b+ha/ ha na ha na/ b+han+ta b+han+ta/ tiSh+Tha tiSh+Tha/ A bi sha a bi sha/ ma hA man+t+ra pA la ka/ d+hA na d+hA na/ ti Ni ti Ni/ khA da khA da/ bistAn/ mA ra ya mA ra ya/ duSh+Tan/ b+hak+Sha b+hak+Sha/ sarbA na ku ru ku ru/ ki ri ki ri/ ma hA bi Sha ma badz+ra/ s+pho Ta ya s+pho Ta ya/ hAM hAM hAM tri ba li ta rang+ga nar+ha ka/ AM AM AM/ hAM hAM hAM/ a tsa la tse Ta/ s+pho Ta ya s+pho Ta ya/ hUM hAM a sa man+ti ka tA Ta/ ma hA ba la sha ta ya/ sa ma ya ni/ g+ha ta ya/ pa ra sa ma ya man+ta na/ AM AM/ haM hAM/ mAM shud d+h+waM tu lo ka tuSh+yaM tu badz+ri/ na maHstu a pra ti ha ta ba le b+h+yo/ dzA la ya/ tA Ta a sa ha na na maHswA ha/ de nas 'di ni gsungs tsam gyis// lha kun 'khor dang bcas pa rnams// brgyal zhing yid ni rab bsgrag nas// rdo rje'i sku ni rjes su dran// khro bo chen po'i sngags 'di yis// lha chen po la sogs pa'i lha// mthu chen dag kyang skrag gyur nas// kha sbyar lus kyis 'gugs par 'gyur// de nas bcom ldan 'das dam tshig rnam par 'phrul pa'i rdo

  656. 328b

    rje zhes bya ba'i ting nge 'dzin la snyoms par zhugs nas/ rdo rje 'dzin thams cad kyi dam tshig khro bo chen po gnod mdzes 'di nyid kyi sku gsung thugs rdo rje las phyung ngo // oM sum+b+ha ni sum+b+ha hUM/ gr-ih+Na gr-i h+Na hUM/ gr-ih+Na pa ya gr-i h+NA pa ya hUM/ A na ya hoHb+ha ga bAn// bid+yA rA dza hUM phaT/ de nas 'di ni gsungs tsam gyis// bu mo mthu chen thams cad ni// skra bshig gos dang bral gyur nas// rdo rje sems dpa' rjes du dran// rdo rje sems dpa'i zhabs kyis mnan// de bzhin gshegs kun bdag po ni// rdo rje lcags kyu zhags pa yis// bcings na bu mo dgug pa'i mchog/ de nas bcom ldan 'das dam tshig chen po'i de kho na nyid 'byung ba rdo rje zhes bya ba'i ting nge 'dzin la snyoms par zhugs nas/ dam tshig chen po rdo rje gsum gyi gsang ba gsung gi dam tshig gi de kho na nyid kyi gnas 'di nyid kyi sku gsung thugs rdo rje las phyung ngo // sangs rgyas rdo rje'i sku gsum la// rdo rje sems dpa' rnam bsgom pa// zhags pa rdo rje kyo ba 'dzin// sangs rgyas dgug pa dam pa'o// sangs rgyas sku gsung sbyor ba yis// 'khor lo chen po sbyor ba las// rdo rje sems dpa' rgyal chen po// rtag tu nges par 'gugs par 'gyur// mi phyed rdo rje gsum bsgoms pas// 'khor lo pad+ma rdo rje ches// rdo rje kyo ba'i dbye ba yis// sngags rnams thams cad dgug pa'i mchog/ rang sngags skyes

  657. 329a

    bu bsgoms nas ni// thams cad rdo rje'i dngos zhi ba// mi yi bu mo mchog rnams kyi// snying gar rdo rje kyo ba sbyar// rlung gi dkyil 'khor sbyor ba yis// nges par rtag tu 'gugs par 'gyur// rnam par snang mdzad gzugs chen po// zla ba'i dkyil 'khor la bsgom bya// sha tsi der ni gnas par bsam// rdo rje bdud rtsi'i sbyor ba yis// lan grangs lnga bcu brjod na ni// nges par rtag tu 'gugs par 'gyur// rdo rje lcags kyu gzugs po che// 'bar ba rnon po 'dra ba'i 'od// rdo rje dkyil 'khor rab bsgoms na// nam mkha'i pad+mo dgug pa'i mchog/ khro bo rdo rje'i dam tshig rang // rdo rje sa 'og gnas pa la// shU la rdo rje kyo ba'i gnas// lha min bu mo 'gugs pa'i mchog/ btsag gam rdo rgyus dag kyang rung // rdo rje kyo ba'i sbyor ba yis// zla ba gza' yis zin pa'i tshe// khar bcug nas ni bsgrub par bya// tshangs dbang drag po la sogs lha// rang gi ming rnams bris na ni// rdo rje gsung gi bka' bzhin du// 'jigs shing skrag nas 'ong bar 'gyur// rnam pa kun gyi mchog ldan pa'i// 'jam pa'i rdo rje rab tu bsgom// khro bo chen po gshin rje gshed// rdo rje lcags kyu rnam par bsam// bskal pa sreg pa'i 'khor lo che// bsgoms nas gnod sbyin mo dang spyad// kun gyi phyag rgya'i khyad par dang // sngags kyi khyad par thams cad

  658. 329b

    du// dgug pa'i rab tu sbyor ba gsungs// gzhan du byas na 'jig par 'gyur// rdo rje sems dpa' rgyal po che// yang dang yang du bskul bar bya// de nyid sngags rnams thams cad kyi// rgyal po mchog tu rtag pa'o// de nas bcom ldan 'das nam mkha' kun du rnam par 'phrul pa'i ye shes rdo rje zhes bya ba'i ting nge 'dzin la snyoms par zhugs nas/ rdo rje ral pa gcig ma dam tshig chen po'i gsung rdo rje'i mchog 'di nyid kyi sku gsung thugs rdo rje las phyung ngo // oM shU li ni swA ha/ de nas 'di ni gsungs tsam gyis// klu yi bu mo mthu chen rnams// tshig par gyur cing gos dang bral// sangs rgyas byang chub rjes su dran// sngags kyi rig pa 'di yis ni// klu rnams thams cad 'gugs par 'gyur// klu yi bu mo mig bzangs dag/ bkug nas nye bar spyad par bya// de nas bcom ldan 'das nam mkha'i dam tshig 'byung ba rdo rje zhes bya ba'i ting nge 'dzin la snyoms par zhugs nas/ chos chen po'i dam tshig rdo rje khro gnyer can 'di nyid kyi bsku gsung thugs rdo rje las phyung ngo // oM sar+b+ba b+ha ya/ nA sha ni/ trA sa ni tA se/ trA sa ya trA sa ya/ bi ra Ta b+h+r-i ku Ti ta Ti/ bai ra Ti bai ra Ti/ shre te shre ta/ dza Ti ni swA ha/ de nas 'di ni gsungs tsam gyis// rig 'dzin bdag nyid skyes ma kun// 'dar zhing 'jigs par gyur pas ni// ye shes rdo rje rjes su dran// rig pa 'dzin

  659. 330a

    pa'i bu mo mchog/ gser gyi rna cha g.yo ba rnams// sngags kyi rig pa 'di dang ni// dam tshig mchog gis dgug par bya// 'gog pa rdo rje rgyal po ni// yongs su rdzogs pas mdzes mchog gis// ye shes rdo rje gsum las byung // kun nas de ma thag tu 'gugs// yang na khro bo thams cad ni// dben pa'i gnas dang chen po ru// sngags pas 'bum du bzlas pa yis// las rnams thams cad byed par bshad// rdo rje slob dpon smod pa dang // theg pa chen po smod pa dag/ rab tu 'bad pas gsad par bya// yang na gnas nas spos par bya// 'di yis byang chub mchog gi ni// sngags kyi dngos grub thob par 'gyur// zhes bcom ldan 'das rdo rje 'chang chen pos gsungs so// yang gsungs pa/ phyogs bcu'i sems can thams cad kyi// lus dang ngag sems gsod pa ni// cho ga bzhin du bsgom byas pa// gdug sems can gyi dgra rnams ni// khrag dang chu yis gsher ba'am// bshang gcis gsher bar byas pa'i gos// bgos nas ling+ga rkang pas mnan// khro bo'i rgyal po sbyar bar bya// brgya rtsa brgyad ni yongs bzlas na// sangs rgyas kyang ni nges par 'jig/ yang gsungs pa/ chu yis gos ni gsher bar byas// khro bo mchog gi bcings pa yis// ling+ga rkang pas mnan na ni// sangs rgyas dag kyang nges par 'jig/ bshang

  660. 330b

    gcis gsher bar byas pa'i gos// ngan pa rul pa'i dri mnam pa// bgos te sngags ni bzlas byas na// skad cig gis skams 'chi bar 'gyur// thal ba'i skyo mas gsher ba'i gos// bgos nas khro bas 'khrugs bzhin du// brgya rtsa brgyad du bzlas na ni// rdo rje sems dpa' 'jig par 'gyur// yang gsungs pa/ gcer bur phud de skra bshig la// 'jigs pa'i tshul can gtsigs shing bsgyur// ling+ga rkang pas mnan na ni// nam mkha'i dbyings kyang 'jig par 'gyur// ma mo'i gnas sam dur khrod dam// khang stong dang ni bzhi mdo dang // mtshan ma gcig dang shing gcig drung // mngon par spyod pa brtsam par bya// mi rus las byas phur bu ni// sor brgyad pa yi tshad dag la// brgya rtsa brgyad du bzlas byas te// dgra yi sgo khar sbas na ni// sangs rgyas sku gsum mchog sbyin pa// shes dang mi shes rnam spangs pa// zla ba phyed nang rdzogs pa yis// skam mam yang na 'chi bar 'gyur// yang na thod pa gang ba dag/ khyad par du ni mkhas pas btsal// der ni sngags kyi tshig bris te// rdo rje'i tshig gis bzlas pa bya// dgra yi sgo'am grong dag tu// sbas na nges par skrod par 'gyur// ta la'i lo ma'am gzhan dag la// khro bo'i sngags ni kun bris la// dgra yi khyim mam sgo dag tu// sbas na skams shing 'chi bar 'gyur// bcom ldan 'das dam tshig chen

  661. 331a

    po'i dpal rdo rjes de skad ces bka' stsal to// de nas bcom ldan 'das de bzhin gshegs pa thams cad kyi lus dang ngag dang yid nges par 'ching ba rdo rje zhes bya ba'i ting nge 'dzin la snyoms par zhugs nas/ khams gsum pa thams cad kyi lus dang ngag dang yid phur bus gdab pa'i sngags rdo rje 'di nyid kyi sku gsung thugs rdo rje las phyung ngo // oM g+ha g+ha/ g+hA ta ya g+hA ta ya/ sarba duSh+TAn/ phaT phaT/ ki la ya kI la ya/ sarba pA baM phaT phaT/ hUM hUM hUM badz+ra kI la/ badz+ra d+ha ra A dz+nyA pa ya ti/ kA ya bAk+Shit+ta badz+ra/ kI la ya hUM hUM hUM phaT phaT/ de nas 'di ni gsungs tsam gyis// rdo rje rdzu 'phrul chen po kun// brgyal zhing rab tu 'jigs gyur nas// nam mkha' rdo rje thugs dran gyur// mi rus las byas phur bu'am// yang na seng ldeng mchog las skyes// lcags las byas pa'i phur bu dag/ rdo rje sku gsum 'jig par byed// 'od 'phro 'khrug cing mdangs bzang ba'i// rdo rje sems dpa' mnyam bzhag la// rdo rje sku ni gsum gyi mthar// gzug brnyan bsams nas sbyar bar bya// rnam par snang mdzad phyag rgya che// yang na 'dod chags rdo rje can// gshin rje gshed kyi phyag rgya che// bsams na rdo rje gsum yang gnon// rdo rje bdud rtsi 'khyil pa yis// gdug cing khro ba tshar gcod pa// sangs rgyas bdag nyid chen po'i yang // rdo rje'i sbyor bas bya ba

  662. 331b

    yin// snying ga nas ni rkang pa'i bar// rdo rje phur bu rnam par bsgom// de nyid gong du dam tshig bya// phur bu'i rnam par 'phrul ba 'di// bsam gtan rdo rje'i sbyor ba yis// sangs rgyas kyis kyang nges par 'debs// rdo rje sems dpa' rgyal po che// phur bus btab na myur du 'chi// de nas bcom ldan 'das rnam par snang mdzad chen po'i sku rnam par 'phrul pa'i rdo rje zhes bya ba'i ting nge 'dzin la snyoms par zhugs nas/ sku'i dam tshig tsham ngam gyi rdo rje phur bu'i sngags 'di nyid kyi sku gsung thugs rdo rje las phyung ngo // oM ts+tshin+da ts+tshin+da/ ha na ha na/ da ha da ha/ dI p+ta badz+ra tsakra hUM phaT/ phan tshun dkri ba'i tshul dang ni// mthe bong bzhi ni rab tu bsdam// rnam par snang mdzad tshul gnas te// rdo rje phur bu nges par gdab// btab ma thag tu sems dpa' che// rdo rje sku gsum las byung ba// dam tshig mchog gis ldang bar 'gyur// yang na 'chi ba'i gnas su 'gyur// de nas bcom ldan 'das 'jig rten dbang phyug gsung rnam par 'phrul pa rdo rje zhes bya ba'i ting nge 'dzin la snyoms par zhugs nas/ gsung gi dam tshig tsham ngam gyi rdo rje phur bu'i sngags 'di nyid kyi sku gsung thugs rdo rje las byung ngo / oM hrIHb+hu ra b+hu baH/ ye shes pad+mo kha phye ba// rdo rje sor mo nges par bzhag/ 'dod chags rdo rje'i tshul gnas te// rdo rje phur bu nges par gdab// btab

  663. 332a

    ma thag tu rdo rje che// sku gsum dri med las byung ba// dam tshig mchog gis ldang bar 'gyur// yang na 'chi ba'i gnas su 'gyur// de nas bcom ldan 'das rdo rje 'chang chen pos thugs rnam par 'phrul pa rdo rje zhes bya ba'i ting nge 'dzin la snyoms par zhugs nas/ thugs kyi dam tshig tsham ngam gyis gnon pa'i sngags 'di nyid kyi sku gsung thugs rdo rje las phyung ngo // oM badz+ra rA dza hUM/ rtse mo lnga par bcings nas ni// 'od 'phro mang po 'khrigs par bsgom// sems kyi rdo rje'i tshul gnas te// rdo rje phur bus nges par gdab// btab pa tsam gyis rdo rje che// rdo rje dri med gsum las byung // dam tshig mchog gis ldang bar 'gyur// yang na 'chi ba'i gnas su 'gyur// sku gsung thugs kyi sbyor ba yis// cho ga yang dag byas nas ni// mkha' dbyings rdo rje mtha' klas par// phur bus 'debs 'dir gdon mi za// bcom ldan 'das rdo rje phur bu chen pos de skad ces bka' stsal to// de nas sangs rgyas sku gsum mchog/ sems can khams la phan mdzad pa// mnyes shing rab tu dgyes gyur nas// gsung ni 'di skad bka' stsal to// e ma 'o gsang ba'i gnas kyi mchog/ e ma'o snying po kun btus pa// e ma'o chos kyi gnas zhi ba// e ma'o rdo rje rnam par 'joms// phur 'debs sangs rgyas thams cad dang // byang chub sems dpa'

  664. 332b

    grags chen po// sku gsung thugs kyi rdo rje rnams// phur bus gdab la yang dag bshad// 'di ni sngags rnams thams cad kyi// phur gdab de nyid las byung ba// sku gsung thugs las mchog sbyin pa// sngags kyi de nyid bsdus pa'o// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las sku dang gsung dang thugs rmad du byung ba sngags kyis 'gugs pa rnam par sprul pa'i rgyal po zhes bya ba'i le'u ste bcu bzhi pa'o// // de nas rgyal po rdo rje 'dzin// thams cad nam mkha' mi 'gyur che// thams cad dbang bskur kun mkhyen pas// rdo rje gsung ni bka' stsal pa// sme sha can gyi bdag nyid che// bu mo lo grangs bcu gnyis pa// dben pa'i gnas su khyad par du// sgrub pa pos ni rtag tu bsgrub// bshang gci'i dam tshig la sogs pas// de ru cho ga bzhin du ni// dkyil 'khor gru bzhi lhag par byas// rdo rje dkyil 'khor bsgoms pa yis// mtshan nyid thams cad yongs su dag/ bzhin yang mdzes la rab tu bzang // rgyan rnams thams cad yongs rdzogs pa// pang par bzhag nas rnam par bsgom// dkyil 'khor lnga yi 'khor lo yis// sangs rgyas gzugs ni rnam par bsgom// sngags kyi 'khor lo can gyi gsang / mchod pa'i gnas ni nyams dga' bsgom// sku gsung thugs ni rdo rje can// rnam

  665. 333a

    par snang mdzad sku chen po// bsam gtan sngags kyi sbyor ba yis// sangs rgyas kyi ni 'od 'drar 'gyur// rdo rje sems dpa' sbyor ba yis// btso blag mkhan ni bdag nyid che// bu mo ut+pal mthing ga'i mdog/ 'dra ba dag ni rtag tu bsgrub// de nyid sbyor ba'i cho ga ni// byas nas las ni brtsam par bya// 'di ni sngags rnams thams cad kyi// dam tshig shin tu 'da' dka' ba'o// de ni de ma zag nyid du// rdo rje sems dpa'i 'od 'drar 'gyur// chos rnams kun 'dzin rgyal po mtshungs// 'dod dang thar pa rab sgrub pa// rdo rje chos ni rnam bsgoms pas// gar mkhan bu mo rab mdzes shing // bzhin bzang mig ni dkyus ring ba// sgrub pa pos ni rtag tu bsgrub// de ni rdo rje chos bdag nyid// sa bcu la ni gnas par 'gyur// rgyal po gsung gi dam tshig 'dzin// kun mchog dbang phyug dam pa'o// bram ze rgyal rigs rje'u rigs dang // dmangs rigs las byung bu mo ni// rdo rje chos bdag bsgrub par bya// gsang ba thob par byed pa'o// rdo rje nyi ma nub nas ni// sgrub pa kun tu brtsam par bya// skya rengs shar ba'i dus su ni// bsgom pa mchog gis 'grub par 'gyur// rgyan rnams thams cad yongs su rdzogs// dri dang me tog rnams kyis brgyan// rdo rje sems dpa' mchog bsgoms na// grub pa myur du thob par 'gyur// 'di ni

  666. 333b

    sku gsum mchog sbyin pa// sangs rgyas mtshan gyis mtshan par 'gyur// dpag tshad brgya yi khyon tsam du// de yi 'od kyang snang bar byed// dbang po gnyis ni sbyor ba yis// sbyor ba thams cad brtsam par bya// 'di ni dngos grub thams cad kyi// dam tshig shin tu 'da' dka' ba'o// gal te rdo rje can grub 'dod// bshang gci'i dam tshig bza' bar bya// 'di ni dngos grub thams cad kyi// dam tshig shin tu 'da' dka' ba'o// bshang gci'i dam tshig la sogs pas// dbang po gnyis kyi sbyor ba yis// sangs rgyas byang chub gnas zhi ba// de nyid bla na med pa 'grub// bcom ldan 'das 'dod pa dang thar pa'i dam tshig rdo/ rjes de skad ces bka' stsal to// de nas bcom ldan 'das dam tshig chen po rdo rje khro bo zhes bya ba'i ting nge 'dzin la snyoms par zhugs nas// de bzhin gshegs pa thams cad kyi rdo rje kun du skrag par byed pa'i khro bo 'di nyid kyi sku gsung thugs rdo rje las phyung ngo // oM hrIHSh+T+rIHbi kr-i tA na na sarba sha tAM nA sha ya/ stam+b+ha ya/ hUM hUM phaT phaT swA hA/ dug ni khrag dang kun du sbyar// lan tshwa ske tshe yungs mar te// tsher ma'i me las khros pas bsreg/ bu mo'i ming gi tshig dang bcas// nyi ma gung ngam nam phyed na// 'di ni rnam pa kun du shis// shes rab can gyis gru gsum du// stong phrag brgyad ni tshul bzhin bsreg/ bu mo dag gi don gyi

  667. 334a

    phyir// 'di ni nyi ma gsum du bya// bskal pa gsum dang grangs med ni// des ni rtag tu gnon par 'gyur// sangs rgyas dang ni chos 'dzin pa// rdo rje sems dpa' gzhan yang rung // gal te rmongs pa 'das na ni// de yi tshe ni der zad 'gyur// bcu bzhi'am yang na tshes brgyad la// dur khrod sol ba blangs nas ni// cho ga bzhin du sngags btab na// de ni rtag tu ster bar 'gyur// sngags shes pa yis gang rung ba'i// dgra yi gzugs brnyan byas nas ni// bsam gtan dag gis bris na ni// 'chi bar 'gyur 'dir gdon mi za// tho ba bsam gtan sbyor ba yis// phan na nges par ltung bar gyur// hUM yig rab tu 'bar dad bcas// rdo rje 'bar ba rab tu bsgom// phyag na rdo rje'i rigs dran te// gdug pa thams cad 'jig par byed// rdo rgyus sol ba la sogs pas// skyes pa'am bud med gzugs bris la// lag/ par sta re bsams nas su// mgrin pa bcad par rnam par bsgom// sangs rgyas sku gsum rin chen mchog/ sems can kun la phan 'dod pa// 'di yis snad par 'gyur ba'am// shi bar 'gyur 'dir gdon mi za// las kyi rdo rje rab 'bar che// me stag mang po 'khrigs pa can// dbus su rdo rje rnam bsgoms na// chu rnams gnon pa'i mchog yin no// dkyil 'khor dag ni 'dri ba na// rlung la sogs pa byung na

  668. 334b

    ni// mche ba'i phyag rgya bcings nas su// gdug pa'i dgra ni rjes dran bya// sangs rgyas byang chub sems dpa' yi// gang zhig sprul par gyur pa yang // mthong ba tsam gyis 'gag 'gyur te// gzhan du byas na/ 'jigs par 'gyur// sangs rgyas byang chub sems dpa' dang // skye bo gdug pa gzhan dag gang // sngags 'dis skrag par byas na ni// 'chi bar 'gyur bar gdon mi za// de la 'di ni sngags thams cad kyi gsang ba'i snying po'o// phaT// ye shes sems dpa'i sbyor ba yis// dbus su gzugs ni bsgom par bya// sngags shes pa yis gnas bzhi ru// btsun mo rtag tu gzhag par bya// rgyan rnams thams cad yongs su rdzogs// mtshan rnams thams cad kyis mtshan pa// pad+mo rab tu rgyas byas nas// sngags 'di rab tu bsgom par bya// hUM/ 'od zer lnga 'od rab 'bar ba// rdo rje can gyi sbyor ba bsgom// rang lus ngag sems rdo rje la// phab na byang chub thob par 'gyur// de ni de ma thag nyid du// rnam par snang mdzad 'od 'dra zhing // rdo rje sems dpa' rgyal po che// sangs rgyas sku gsum rdo rje 'dzin// sems dpa' thams cad skyed pa rdo zhes bya ba'i ting nge 'dzin to// bzhin bzangs phan par 'dod pa yi// bud med rnyed na cho ga bzhin// dben par mchod pa brtsam par bya// gsang ba blangs nas bza' bar bya// de ni de ma thag nyid

  669. 335a

    du// 'jam dpal dang ni gzi brjid mnyam// mi snang bdag po dpal dang ldan// 'dzam bu'i gser gyi mdangs 'drar 'gyur// bshad pa'am yang na bza' ba'am// sha dag kyang ni gzhug par bya// cho ga bzhin du sngags pas na// zos na sangs rgyas kyis mi mthong // zhes bcom ldan 'das rdo rje 'chang chen pos de skad ces bka' stsal to// bshang ba cho ga bzhin blangs nas// kham phor sbyar mar gzhag par bya// brgya rtsa brgyad du bskul na ni// sangs rgyas nyi mas mi mthong ngo // khyi yi sha dang rta sha dang // sha chen dag ni cho ga bzhin// blangs nas kha sbyar sbyor ba yis// zos na de yis mi mthong ngongo// bshang dang lhan cig ldan pa yis// ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngo // khyi yi sha dang sbyar ba yi// ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngo // sha chen dang ni sbyor ba yi// ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngo // ba glang sha dang sbyor ba yi// ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngo // bshang ba las byung srog chags las// brtul zhugs can

  670. 335b

    gyis ril bu bya// dbang po gnyis kyi sbyor ba yis// sangs rgyas nyi mas mi mthong ngo // ga pur tsan+dan sbyar ba yi// ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngo // gi wang a ga ru sbyar ba'i// ril bu lcags gsum gyis dkris pa// dbang po gnyis kyi sbyor ba yis// rdo rje stobs po cher 'gyur ro// ga pur gur gum sbyor ba yi// ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngo // zhes gsungs so// rdo rje can rnams gang yang rung // phyag rgya chen por byin brlabs na// de 'drar 'gyur te dpal dang ldan// stobs chen pha rol gnon pa po// dpag tshad bye ba rdzogs pa yi// steng du rdo rje 'gro bar 'gyur// stong gsum bgrod pa dpal dang ldan// sangs rgyas 'od dang 'dra bar 'gyur// 'dod khams gnas pa'i bu mo dang // lha yi longs spyod rigs brtul zhugs// yang na gzugs khams gnas pa la// stobs chen gyis ni 'dod pa spyod// bcom ldan 'das dam tshig mi snang ba'i rdo rje chen pos de skad ces bka' stsal to// de nas sangs rgyas rab dgyes bdag/ sems 'khrul yid la dbang ba dag/ ngo mtshar gyur cing spyan gdangs nas// gsung ni 'di skad bka' stsal to// e ma'o 'di rab ngo mtshar che// e ma'o gsang

  671. 336a

    gnas mi 'gyur ba// e ma'o ngo bo nyid kyis dag/ e ma'o shin tu dri med chos// de nas ston pa rdo rje 'dzin// skyed par byed pa mi 'gyur che// sangs rgyas rdo rje chos chen pos// rdo rje'i gsung du bka' stsal pa// sems dpa' rdo rje'i sbyor ba yis/ rdo rje 'dzin rnams mnyes par bya// sangs rgyas byang chub rab dbye bas// sangs rgyas rdo rje can mnyes 'gyur// rdo rje spyan dang gzugs sogs kyis// gtsug tor 'jog par byed par bshad// khro bo'i nang la de mchog ste// sangs rgyas rdo rje rab bsgom pa'o// rig pa'i rgyal po chos mchog rnams// dkon mchog dpal ni rnam par bsgom// rig pa'i rgyal mo'i sbyor ba la// tshe dpag med pa rab tu bsgom// thams cad las byed sngags rnams la// gdon mi za ba'i ye shes bsgom// sngags rnams thams cad nyid la ni// rdo rje sems dpa' rnam par bsgom// zhes gsungs so// gnod sbyin mo yi sngags rgyud la// gshin rje gshed nyid brtag par bya// thams cad sbyor ba'i sngags rnams la// spyi bo ru ni bskul ba shis// bcom ldan 'das dam tshig chen pos de skad ces bka' stsal to// bsam gtan 'khor lo 'di yis ni// sngags mnyes pa yi dkyil 'khor dag/ dam tshig chen po sgrub byed pa// sgrub po rnams la phan par gsungs// de nas ston pa rdo rje 'dzin// gtso bo chos rnams kun

  672. 336b

    dbang phyug/ sku dang gsung thugs yang dag pas// ye shes rdo rje bka' stsal te// ri rtse nyams ni dga' ba dang // nag tshal rab tu dben par yang // bsam gtan rdo rje rab bya ba// sngags dang bzlas pa'i sbyor ba yis// rdo rje sems dpa' la sogs kun// sngags dang bsam gtan gyis bskul bas// gsung gi las kyi bka' bzhin du// las rnams sna tshogs byed par 'gyur/ rdo rje chos kyi gzugs chen po// pad+ma rA ga'i 'od 'dra ba// sku gsung thugs kyi rdo rje ni// gnas gsum du ni rab brtag go// dbab pa'i cho ga thams cad ni// byas na gdon mi za bar 'grub// bskul dang rengs pa lha chen po// 'phags pa'i sa ni bzhi po dag/ rdo rje grub pa dag gis bya// de ltar byas na rtag par 'grub// bu mo lo grangs bcu gnyis ma'am// khye'u lo grangs bcu gnyis pa// mtshan nyid thams cad yongs rdzogs pa// bzung nas dbab par rab tu brtag/ cho ga thams cad byas nas ni// las rnams rab tu bsgrub par bya// rnam pa gzhan du byas na ni// khams gsum skye bos dpyas par 'gyur// de la snying po'i sngags kyi yi ge'i tshig ni 'di rnams so// hUM hAHAHdz+haiH/ nam mkha'i khams ni sems med cing // rtog pa thams cad rnam spangs dang // rdo rje sems dpa' rang nyid kyang // cho ga yis ni 'bab par 'gyur// hUM yig rdo rje sems dpa'i

  673. 337a

    bdag/ hAHyig sku yi rdo rje can// AHyig chos 'dzin rgyal po ste// 'di ni sngags tshig bstan pa'o// yi ge dz+haiHyis bskul bar bshad// 'gul pa dang ni g.yo ba yin// 'di ni bskul ba thams cad kyi// gsang ba yin par 'di rab bshad// khru gang tsam mam khru do'am// ji srid khru brgyad lnga tsam du// rdo rje rgyal po rab bskul na// 'jigs shing skrag nas 'phar bar 'gyur// snga ma bzhin du thams cad 'gyur// 'di ni gsang ba thob byed pa'o// de nas rgyal po rdo rje 'dzin// de bzhin gshegs pa kun gyi bdag/ sku gsum gnas ni yongs dag pas// gsung ni 'di skad bka' stsal to// rtse gcig ma gyur pa yis kyang // brtul zhugs brtan pas 'di dag bya// sbyor ba gzhan min pas bya ba// gdug pa thams cad rnam gzhig pa'o// dur khrod sol dang phub sogs las// dgra yi gzugs brnyan byas nas ni// skra bshig gcer bur byung ba yis// khams gsum dag kyang 'jig par byed// dur khrod ro bsregs thal ba yis// dgra yi gzugs brnyan byas nas ni// stong brgya rtsa brgyad bzlas pas kyang // 'chi bar 'gyur 'dir gdon mi za// dkyil 'khor gru gsum byas pa la// ba lang sha dang rta yi sha// khyi yi sha'am sna tshogs kyis// rdo rje'ang gdon mi za bar 'jig/ sha chen gyis ni thams cad kyi// rdo rje las byung 'jig par

  674. 337b

    bshad// 'di ni dgra rnams thams cad kyi// 'jigs pa shin tu mi bzad dran// chos mchog can gyi bshang gci yis// dgra yi gzugs brnyan byas nas ni// tsher ma'i me la khros nas bsregs// sangs rgyas dag kyang nges par 'jig/ ces gsungs so// chu bo'i 'gram gnyis sa yis kyang // dgra yi gzugs brnyan byas nas ni// dug las byung ba'i tsher ma ni// til 'bru tsam gyis yan lag kun// dgang zhing skul ba'i tshig dang bcas// sangs rgyas dag kyang nges par 'jig/ ces gsungs so// ske tshe lan tshwa 'bru mar dang // dug dang d+ha du ra dag ni// sangs rgyas thams cad gsad pa la// 'di dag rab mchog sbyar bar bshad// sol khus gsher ba'i gos dag ni// gyon te sems ni khros nas su// rkang pas ling+ga mnan nas ni// srin pos khyer bar gdon mi za// rus phye khrag dang dug rnams kyis// gzugs brnyan rab tu byas na ni// rdo rje sems dpa' drag po yang // myur ba dag tu 'khyer bar 'gyur// ske tshe dang ni yang dag ldan// ske tshe bshang gci sbyar ba yis// ling+ga yongs su gang bar ni// blugs la rkang pas mnan na ni// tsha ba chen pos btab par 'gyur// de la 'di ni de bzhin gshegs pa thams cad kyi dam tshig chen po rdo rje khro bo'i snying po'o// na maHsa ma nA kA ya bAk+Shit+ta badz+rA NAM/ oM hu lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ da ha

  675. 338a

    da ha/ pa tsa pa tsa/ gardza gardza/ bi s+phoT ya bi s+pho Ta ya/ sarba bik+Sha bi nA ya ka na/ ma hA ga Na pa ti dzI bi ta an+ta ka rA ya hUM phaT/ sbyin sreg yang na bsam gtan dag/ lus dang ngag sems 'jig pa ste// ma yengs pa yi sems kyis bya// 'di ni gsod pa'i mchog yin no// rdo rje sems dpa' khro bo che// rnam par bgrad pa 'jigs 'jigs lha// sta re tho ba phyag na bsnams// bsams nas bsam gtan rab tu brtag/ de la 'di ni drag po chen po khro bo'i dam tshig go/ mkha' dbyings sangs rgyas thams cad kyis// yongs su gang bar rab bsgoms la// gdug pa de yis bsad par ni// bsams nas de ma thag tu 'chi// sangs rgyas byang chub sems dpa' yis// yongs su gang bar bsgoms nas ni// gdug pa'i sems dpas bsad na ni// rdo rje 'dzin pa nyid kyang 'chi// sangs rgyas gnod byed dgra bo rnams// skrag cing 'jigs pas dkrugs par ni// sngags mkhan gyis ni mdun bsams na// 'chi bar 'gyur ba gdon mi za// srin po khro bo sna tshogs pa// gtum zhing khro bo mi bzad pas// skrag par gyur par bsams des ni// rdo rje 'dzin pa nyid kyang 'chi// 'ug pa khwa dang bya rgod dang // mchu rings pa dang wa rnams te// de yis zos par bsams na ni// sangs rgyas dag kyang nges par 'jig/ sbrul nag rab tu khros pa

  676. 338b

    ni// 'jigs pa dag kyang 'jigs byed pa// dug gi mchog gi dam tshig ni// dpral bar bsams na 'di khyad 'phags// sbrul des zos par bsams pas ni// bsgrub bya dag kyang nges par 'jig/ phyogs bcu'i sems can thams cad la// yams bsam nye bar 'tshe ba rnams// 'jigs pa nges par dbab pa'i mchog/ 'di ni bskul ba'i mchog yin no// tho ba rab tu drag po yis// brtul zhugs can gyis snying gar brdeg/ rdo rje 'dzin pa'i bka' bzhin du// dgra yi srog ni med par 'gyur// rdo rje sta re la sogs pas// gsheg cing gtub par bsams na ni// sku gsum gyi ni mchog sbyin pa// rdo rje sems dpa' drag po'ang 'chi// bsrung ba la sogs sngags rnams dang // lha rnams kyang ni phur bus gdab// 'di ni gsod byed mchog gi mchog/ dam tshig shin tu 'da' dka' ba'o// rdo rje phung pos ji tsam du// sems can dkyil 'khor gnas pa la// gsang bdag nyid gtogs bsams na ni// 'di ltas mnyes 'gyur gzhan du min// ston pa sangs rgya rdo rje 'dzin// rdo rje chos dang rdo rje can// rdo rje thugs kyi bka' ji bzhin// bsam gtan sbyor bas 'chi bar 'gyur// bcom ldan 'das khro bo chen po'i dam tshig rdo rje khro bos de skad ces bka' stsal to// de nas rgyal po rdo rje 'dzin// thams cad nam mkha' thub

  677. 339a

    chen po// thams cad dbang bskur rdzogs sangs rgyas// ye shes rdo rjes bka' stsal pa// e ma'o ngo bo nyid kyis dag/ rdo rje theg pa bla na med// ma skyes pa yi chos rnams la// rgyal ba rnams kyis skye bar bstan// de la 'di ni las phran tshogs kyi rdo rje gsang ba'o// sbrul ni mi sdug 'jigs byed pa// nag po 'bar ba 'khrug cing khro// lce gnyis mche ba'i phreng ba can// rdo rgyus dag gam sol bas bris// de la 'di ni klu khro bo skul ba'i snying po'o// khaM/ mi zad par ni gyur pa'i dug/ kha yi nang du de bsam zhing // dug ni ha la ha la 'dra// sreg pa me yi kha dog dang // bsgoms na 'gul bar gdon mi za// de la 'di ni dug thams cad dgug pa'i snying po'o// hrIH/ rnam pa sna tshogs las byung dug/ khams gsum na ni gnas pa kun// de yis khyer bar bsgoms nas ni// bab par gyur par rnam par bsam// de ni de ma thag nyid du// dug gi rgya mtsho mi bzad 'gyur// reg ma zag tu 'gro ba kun// 'jigs pa 'di la the tshom med// sdig pa sbal pa la sogs dang // sbrul rnams sna tshogs pa dag la'ang // sbyor ba 'byung ba'i mtshan nyid kyis// cho ga bzhin du rab tu bya// de la 'di ni dug thams cad 'pho ba'i snying po'o// oM// lta ba rdo rje'i dug la sogs// gzhan yang mi bzad pa yi dug/ nam mkha' rdo rje'i dkyil 'khor du// bsam na ye shes

  678. 339b

    rdo rjes 'dren// bcom ldan 'das dug gi dam tshig chen po rdo rjes de skad ces bka' stsal to// de la 'di ni dug gso ba'i dam tshig rdo rje'i snying po'o// hUM// snying po 'di ni rdo rje che// kha dog dkar por rnam par bsgom// 'od kyi sprin ni cher 'bar ba// zla ba'i 'od zer bzhin du bsil// gnas bzhi dag tu sbyor ba yis// de ma thag tu sdud pas ldang // lan gnyis lan gsum rab bsgoms nas// skyugs pa dag tu rnam bsams na// nam mkha'i khams kun gang ba yang // skad cig gis ni dug med byed// zhes de skad ces kyang bka' stsal to// de la 'di ni nye ba'i dug thams cad drang ba'i snying po'o// AH/ 'bras dang phol mig 'brum bu dang // gang gzhan nad du bshad pa rnams// phyag na rdo rje'i bka' bzhin du// bsams pa tsam gyis med par 'gyur// pad+ma chen po 'dab ma brgyad// ri bong can bzhin dri med pa// de yi dbus na 'dug bsam pa// 'od zer lnga ni rab rdzogs pa'o// sdud pa na ni dam tshig gnag/ bskul ba na ni dkar po 'dra// bsam gtan gnas 'di gsang ba ste// gsang chen ye shes dri ma med// de la 'di ni phyi nang gi nad rnams gso ba'i rdo rje snying po'i sngags kyi yi ge'i tshig rnams so// dzi na dzig/ A ro li ka/ badz+ra d+h+r-i ka/ nad kyi rdo rje bskul ba yis// yi ge'i tshig ni gang 'dod pa// dad pas yon tan thob par

  679. 340a

    'gyur// de 'dra'i gzugs ni bsgom par bya// dam tshig spre'u'i rnam pa'am// yang na khyir ni byung ba'ang rung // rang gi lus ngag sems gnas las// byung ba dag tu rnam par bsam// 'khor lo'am ni rdo rje'ang rung // rdo rje'i go 'phangs gnas bsgom la// lus dang ngag sems dam tshig rnams// des ni phye mar brlag par bsgom// de nas brtsams te rdzogs sangs rgyas// byang chub sems dpa' grags chen rnams// byin rlabs go 'phang dam pa dag/ dgyes pa'i spyan gyis rab tu stsol// 'di skad ces kyang bka' stsal to// rang lus ngag sems rdo rje la// sangs rgyas sprin dag rnam par bsam// rdo rje rgyal po sprin chen po// nad las thar bar bsgom par bya// phyogs bcu'i sangs rgyas thams cad dang // byang chub sems dpa' blo ldan rnams// de la khros par bsams na ni// 'chi bar byed pa dam pa yin// bsam gtan sbyor ba 'di dag gis// las skos su yang gang grags pa// brgya rtsa brgyad bzlas sbyor ba yis// nyi ma bdun gyis 'jig par 'gyur// yang na rang gi sngags rgyal gyis// rdo rje'i bsam gtan cho ga bsam// 'di ni nad rnams thams cad kyi// dam tshig shin tu 'da' dka' ba'o// de nas rgyal po rdo rje 'dzin// ye shes kyo ba 'od chen po// 'dod pa thar pa rdo rje ches// gsung ni 'di skad bka'

  680. 340b

    stsal to// chos rnams rmi lam lta bu ni// ngo bo nyid kyis ma skyes shing // rang bzhin dag pa'i de nyid la// 'khrul pa'i rdo rje rab tu gsungs// bsam gtan bzlas pa'i don brtson pa'i// sgrub pa pos ni rtag tu mthong // sangs rgyas byang chub sems dpa' rnams// dbye ba rnam pa gnyis su mthong // de la 'di ni rmi lam chen po'i dam tshig gi gnas te// byang chub ye shes mchog thob pa// sangs rgyas 'od ni bzang por mthong // sangs rgyas longs spyod rdzogs pa yi// skur yang bdag nyid myur du mthong // sems can chen po khams gsum pas// mchod pa byed par de yis mthong // rang gzugs ye shes che 'od mnyam// sangs rgyas byang chub sems pa yis// 'dod pa'i yon tan lnga rnams kyis// rtag tu mchod pa byed par mthong // rdo rje sems dpa'i gzugs chen dang // grags pa chen po rdo rje chos// gsang ba rdo rje grags pa che// rmi lam dag na rang gzugs mthong // byang chub sems dpa' rdo rje can// sangs rgyas chen po phyag 'tshal ba// rmi lam 'di 'dra mthong 'gyur bar// sku gsung thugs kyi dngos grub ster// rgyan rnams thams cad yongs rdzogs pa'i// lha yi bu mo yid 'ong dang // khye'u dang bu mo dag mthong na// des ni dngos grub 'thob par 'gyur// phyogs bcu'i sangs rgyas thams cad kyang // zhing na bzhugs par nges par

  681. 341a

    mthong // thugs ni dgyes par gyur nas kyang // chos mdzod yid du 'ong ba stsol// chos kyi 'khor lor bskur ba'i lus// sangs rgyas kun gyis yongs bskor ba// bsam gtan rdo rje la gnas pa'i// dam tshig sbyor bas mthong bar 'gyur// kun dga' ra ba skyed mos tshal// lha yi bu mo sogs pas brgyan// sangs rgyas kun gyis byin brlabs pas// bsam gtan dam tshig can gyis mthong // sangs rgyas byang chub sems dpa' yis// de ni mngon par dbang bskur mthong // rig 'dzin rgyal po chen po yis// mchod pa byed par nges mthong ngo // zhes kyang gsungs so// rdo rje las byung sna tshogs pa'i// rmi lam dri ma med mthong des// sku gsung thugs kyi rdo rje las// skyes pa bla med 'grub par 'gyur// gdol pa khyi yi sbyor la sogs// gal te rdo rje blos mthong na// blo ldan rdo rje sems dpa' yi// sems kyi gnas ni 'grub par 'gyur// de la 'di ni rmi lam rnam par dpyad pa'i dam tshig gi snying po'o// rang gi sems ni dmigs pa la// chos rnams thams cad rab gnas pa// nam mkha' rdo rje'i sems gnas 'di// chos med chos nyid med pa'o// de nas bcom ldan 'das de bzhin gshegs pa thams cad ngo mtshar du gyur/ rmad du byung bar gyur nas de bzhin gshegs pa thams cad kyi sku gsung thugs kyi dam tshig gi the tshom

  682. 341b

    gcod pa rdo rje sems dpa' la zhus pa/ bcom ldan 'das 'di ci zhig lags// ngo bo nyid med chos rnams la// chos kyi de nyid kun bshad pa// nam mkha' la ni nam mkha' bsgom// e ma'o ngo mtshar yang dag byung // de nas bcom ldan 'das de bzhin gshegs pa thams cad kyi sku gsung thugs phyag na rdo rje de bzhin gshegs pas de bzhin gshegs pa thams cad la 'di skad ces bka' stsal to// bcom ldan 'das de bzhin gshegs pa thams cad nam mkha' ni chos gang dang yang mi ldan te/ mi ldan pa yang ma yin no// nam mkha' de nga ni chos thams cad du gtogs la/ thams cad kyi rjes su blta'o snyam du yang mi sems so// de bzhin du bcom ldan 'das de bzhin gshegs pa thams cad rmi lam dang / rmi lam las byung bar rjes su rig par bya'o// bcom ldan 'das de bzhin gshegs pa thams cad 'di lta ste/ gzhan yang nam mkha' ni brtag tu med pa/ bltar med pa thogs pa med pa'o// de bzhin du bcom ldan 'das de bzhin gshegs pa thams cad chos thams cad kyang rjes su rig par bya'o// bcom ldan 'das de bzhin gshegs pa thams cad 'di lta ste/ gzhan yang lus dang ngag dang sems dang chos thams cad dang rdo rje'i gnas kyi dam tshig ni thams cad kyi rjes su song ba ngo bo nyid gcig pa ste/ 'di lta ste/ sems kyi ngo bo

  683. 342a

    nyid do// lus dang ngag dang sems kyi khams gang yin pa dang / nam mkha'i khams de dag gnyis su med cing gnyis su byar med do// bcom ldan 'das de bzhin gshegs pa thams cad 'di lta ste// dper na sems can thams cad ni nam mkha'i khams su gnas te/ nam mkha'i khams de yang 'dod pa'i khams na gnas pa ma yin/ gzugs kyi khams na gnas pa ma yin/ gzugs med pa'i khams na yang gnas pa ma yin te/ chos gang khams gsum na mi gnas pa de ni skye ba med pa'o// gang la skye ba med pa de ni chos gang gis kyang brtag par mi nus so// de bas na bcom ldan 'das de bzhin gshegs pa thams cad chos thams cad ngo bo nyid med pa'o// kye bcom ldan 'das de bzhin gshegs pa thams cad 'di lta ste/ gzhan yang byang chub kyi sems ni de bzhin gshegs pa thams cad kyi ye shes 'byung bar byed pa rdo rje'i gnas kyi rnam pa ste/ byang chub kyi sems de yang lus la mi gnas/ ngag la mi gnas/ sems la mi gnas so// chos gang yang khams gsum na mi gnas pa de la skye ba med de/ 'di ni de bzhin gshegs pa thams cad kyi ye shes 'byung bar byed pa rdo rje'i gnas yin no// kye bcom ldan 'das de bzhin gshegs pa thams cad rmi lam ni bdag gis khams gsum du rmi lam gyi gnas mthong bar bya'o//

  684. 342b

    snyosnyams du mi sems so// mi yang bdag gis rmi lam mthong bar bya'o snyam du mi sems te/ khams gsum gyi bya ba de rnams kyang rmi lam lta bu/ rmi lam dang 'dra ba rmi lam las byung ba'o// de bzhin du bcom ldan 'das de bzhin gshegs pa thams cad phyogs bcu'i 'jig rten gyi khams thams cad na sangs rgyas dang byang chub sems dpa' ji snyed bzhugs pa rnams dang / sems can ji snyed pa de dag thams cad kyang rmi lam la bdag med pa'i gnas su rjes su rig par bya'o// bcom ldan 'das de bzhin gshegs pa thams cad 'di lta ste/ dper na/ yid bzhin gyi nor bu rin po che ni rin po che thams cad kyi gtso bo yon tan thams cad dang ldan pa ste/ rin po che thams cad kyi gtso bo yon tan thams cad dang ldan pa gang yin pa de la sems can gang dag gis gser ram/ rin po che'am dngul yang rung ste/ gang gsol ba btab pa de dag thams cad bsams pa tsam nyid kyis 'byor par byed do// rin po che la sogs pa de dag kyang sems la mi gnas/ yid bzhin gyi nor bu la gnas pa yang ma yin no// de bzhin du bcom ldan 'das de bzhin gshegs pa thams cad chos thams cad dang sangs rgyas kyi chos thams cad kyang rjes su rig par bya'o// de nas bcom ldan 'das de bzhin gshegs pa de dag thams cad rab tu dgyes pa'i spyan gdangs

  685. 343a

    nas de bzhin gshegs pa thams cad kyi sku gsung thugs rdo rje de bzhin gshegs pa la 'di skad ces gsol to// bcom ldan 'das gang la nam mkha'i khams kyi rjes su 'brang ba'i chos thams cad la sangs rgyas kyi chos rnams rjes su 'brang bar 'gyur ro// zhes pa ni ngo mtshar che'o// de nas sangs rgyas dang byang chub sems dpa' de dag thams cad kyis bcom ldan 'das phyag na rdo rje de bzhin gshegs pa'i zhabs gnyis la phyag 'tshal nas 'di skad ces gsol to// gang bcom ldan 'das kyis sngags thams cad kyi rdo rje'i dngos grub kun nas btus te gsungs pa/ sngags thams cad kyi rdo rje kun nas btus pa'i dngos grub de dag gang la gnas pa lags/ gang nas byung ba lags/ de nas phyag na rdo rjes de bzhin gshegs pa thams cad dang / byang chub sems dpa' de dag thams cad la legs so zhes bya ba byin nas// de bzhin gshegs pa de dag thams cad la 'di skad ces bka' stsal to// bcom ldan 'das de bzhin gshegs pa thams cad sngags thams cad kyi rdo rje'i kun nas btus pa'i dngos grub ni sngags thams cad kyi sku gsung thugs la mi gnas so// de ci'i phyir zhe na/ 'on kyang bcom ldan 'das de bzhin gshegs pa thams cad dngos grub thams cad dang / sangs rgyas kyi chos thams cad rang gi lus

  686. 343b

    dang ngag dang sems rdo rje la ni gnas so// lus dang ngag dang sems rdo rje'i de dag kyang 'dod pa'i khams na mi gnas/ gzugs kyi khams na mi gnas// gzugs med pa'i khams na mi gnas/ sems ni lus la mi gnas/ lus kyang sems la mi gnas/ ngag ni sems la mi gnas/ sems kyang ngag la mi gnas so// de ci'i phyir zhe na/ nam mkha' ltar ngo bo nyid dag pa'i phyir ro// de nas de bzhin gshegs pa de dag gis de bzhin gshegs pa thams cad kyi sku gsung thugs rdo rje la 'di skad ces gsol to// bcom ldan 'das de bzhin gshegs pa thams cad kyi chos gang la gnas pa lags/ gang nas byung ba lags/ rdo rje 'chang gis bka' stsal pa/ rang gi lus dang ngag dang sems la gnas so// rang gi lus dang ngag dang sems las byung ngo // bcom ldan 'das de bzhin gshegs pa thams cad kyis gsol pa/ sems gang la gnas/ bka' stsal pa nam mkha' la gnas so// gsol pa nam mkha' gang la gnas/ bka' stsal pa gang la yang mi gnas so// de nas sangs rgyas dang byang chub sems dpa' de dag thams cad ngo mtshar du gyur/ rmad du byung bar gyur nas rang gi sems kyi chos nyid la gnas nas sems shing cang mi smra bar 'khod par gyur to// de bzhin gshegs pa thams cad kyi sku dang gsung dang thugs kyi gsang chen gsang ba

  687. 344a

    'dus pa las sems can thams cad kyi dam tshig gi snying po rdo rje 'byung ba zhes bya ba'i le'u ste bco lnga pa'o// // de nas bcom ldan 'das de bzhin gshegs pa thams cad yang 'dus par gyur nas bcom ldan 'das de bzhin gshegs pa thams cad kyi sku gsung thugs rdo rje la de bzhin gshegs pa thams cad kyi sku gsung thugs rdo rje'i dam tshig gis gsol ba btab nas/ de bzhin gshegs pa thams cad kyi rdo rje rin chen gyi mchod pa'i bkod pas mchod pa byas so// de nas bcom ldan 'das phyag na rdo rje de bzhin gshegs pas rdo rje thams cad kyi dkyil 'khor seng ge'i dam tshig gi rgyal po'i bkod pa zhes bya ba'i ting nge 'dzin la snyoms par zhugs nas/ rdo rje sku'i dkyil 'khor 'di sangs rgyas thams cad nyid kyi sku gsung thugs rdo rje las phyung ngo // de nas sku yi dkyil 'khor mchog/ thugs kyi dkyil 'khor rab 'dra ba// dkyil 'khor rnams ni kun gyi mchog/ legs par rab tu bshad par bya// khru ni bcu drug tshad du bya// gru bzhi lham pa rab tu mdzes// sangs rgyas kun gyi dkyil 'khor te// sku yi rdo rje rab tu gnas// de yi nang du 'khor lo ni// rdo rje'i cho gas bri bar bya// sngags rnams kyi ni gsang ba mchog/ phyag rgya rdo rje'i gnas su bya// dbus su rnam par snang mdzad gnas// mi bskyod pa la sogs

  688. 344b

    pa'ang bri// sku dang gsung thugs rdo rje mchog/ gra rnams kun du dgod par bya// stobs chen pha rol gnon pa yi// khro bo rnams kyang sgor bri'o// rdo rje gsang ba rab bsgom pa'i// mchod pa sngags shes pa yis bya// 'di ni sngags rnams thams cad kyi// dam tshig shin tu 'da' dka' ba'o// bshang dang gci ba la sogs pa// bye brag tu ni nges par dbul// 'di ni sku yi rdo rje can// sngags rnams kun gyi dam tshig go// 'di ni de bzhin gshegs pa thams cad kyi sku'i dkyil 'khor ro// de nas bcom ldan 'das phyag na rdo rje de bzhin gshegs pas gsung rdo rje thams cad kyi dam tshig gi sprin bkod pa zhes bya ba'i ting nge 'dzin la snyoms par zhugs nas gsung rdo rje'i dkyil 'khor 'di nyid kyi sku gsung thugs rdo rje las phyung ngo // de nas gsung gi dkyil 'khor mchog/ thugs kyi dkyil 'khor rab tu 'dra// dkyil 'khor rnams ni kun gyi mchog/ legs par rab tu bshad par bya// khru ni nyi shu'i tshad du bya// gru bzhi lham pa cho ga bzhin// grwa bzhi pa la sgo bzhi par// rdo rje bsgoms pas thig gdab po// nyid kyi sku yi dkyil 'khor gnas// rdo rje'i gsung gi yon tan bskyed// rgyal po chen po rdo rje chos// rig pa'i dbang po dbab par bya// de dbus 'khor lo chen po ni// kun du zlum po bri bar bya// mdor na phyag rgya thams cad ni// cho ga

  689. 345a

    brtson pas bri bar bya// tshe dpag med kyi phyag rgya che// de yi dbus su dgod par bya// rdo rje'i gnas ni nyams dga' nyid// de dag thams cad yongs su dgod// yongs su gsal bar cho ga yis// dkyil 'khor dam pa byas nas ni// de nas gsang ba'i mchod pa bya// de ltas rdo rje can mnyes 'gyur// bshang gci khu ba'i dam tshig gis// mchod na dngos grub thob par 'gyur// 'di ni sangs rgyas thams cad kyi// dam tshig shin tu 'da' dka' ba'o// de bzhin gshegs pa thams cad kyi gsung rdo rje'i dkyil 'khor ro// de nas bcom ldan 'das phyag na rdo rje de bzhin gshegs pas kun nas sprin gyi bkod pa rdo rje zhes bya ba'i ting nge 'dzin la snyoms par zhugs nas/ rab tu gsang ba'i dkyil 'khor gsang chen 'di nyid kyi sku gsung thugs rdo rje las phyung ngo // rdo rje 'dzin mchog gang yin pa'i// gzugs ni dbus su legs bris pa// de yi dkyil 'khor gnas su 'gyur// sku gsung thugs kyi gsang las byung // 'di ni de bzhin gshegs pa thams cad kyi sku dang gsung dang thugs rdo rje'i gnas shes pa'i gsang chen rab tu gsang ba'o// de nas bcom ldan 'das phyag na rdo rje de bzhin gshegs pas dkyil 'khor thams cad 'khor lo 'byung ba zhes bya ba'i ting nge 'dzin la snyoms par zhugs nas/ dkyil 'khor thams cad

  690. 345b

    kyi sku dang gsung dang thugs rdo rje'i gsang ba 'di nyid kyi sku gsung thugs rdo rje las phyung ngo // de la 'di ni rdo rje'i dkyil 'khor gyi sngags kyi snying po'i thig gi yi ge'i gnas rnams te/ oM AHhUM/ rdo rje'i thig ni gdab pa dang // tshon rtsi rnams kyang dgye ba dag/ sngags kyi sems pas mi bya ste// byas na byang chub rnyed par dka'// de bas dam tshig tshul shes pas// sngags kyi lha rnams bcug nas su// byin gyis brlabs pa'i gnas bsgoms la// dkyil 'khor rnams ni rnam par brtag/ rgyal chen rnam par snang mdzad dang // spyan ma yang na gzhug par bya// sku yi dkyil 'khor gnas yid 'ong // rdo rje'i sku yi yon tan 'thob// rdo rje chos ni rgyal po che// rang gi chos mas dbab par bya// 'di ni sngags rnams thams cad kyi// mchog tu rtag pa'i gsang ba'o// rdo rje sems dpa' rgyal po che// mA ma kI yang dbab par bya// 'di de sngags rnams thams cad kyi// mchog tu rmad byung gsang chen no// de ltar byas pas myur du rang // yid la dbang ba rnams byon nas// rab tu dgyes par gyur pa rnams// gsang ba dag gi mchog kyang stsol// 'di skad kyang gsungs so// sngags grub pa yis bya ba ni// rdo rje gsang ba rmad byung che// khro bo'i rgyal po yis sangs rgyas// thams cad bkug nas mchod par bya// rdo rje dri med gsum dag gi// dam tshig

  691. 346a

    mchod pa dus gsum pa// rdo rje gsum gyi sbyor bas bya// sngags kyi dngos grub thob par byed// 'di skad kyang gsungs so// sngags rnams thams cad nyid la yang // rmad byung chen po'i gtor ma dbul// bshang gci sha dang 'bru mar dang // sems las byung ba'i tsan+dan dang // khu ba dag gis sngags rnams kun// tshim par 'gyur bar kun du bshad// 'di ni dam tshig mchog yin te// sangs rgyas byang chub rdzogs byed pa'o// thig gdab pa yi cho ga 'di// rang nyid gang tshe spyod pa na// rnam par snang mdzad rab bsgoms nas// rdo rje sems dpa' rab tu bsgom// yang na rdo rje bdud rtsir grags// slob ma rdo rje 'od po cher// sangs rgyas kun gyis nges bstan pa'i// las kyi go 'phangs bsgom par bya// sangs rgyas rgyal chen lnga rnams ni// rdo rje'i thig skud la ni dgod// 'di ni sangs rgyas thams cad kyi// gsang ba rab tu rmad byung ba'o// nyi shu rtsa lnga'i bye brag gis// tshon rtsi dag kyang rnam par dgye// 'di ni sangs rgyas thams cad kyi// gsang chen byang chub dam pa'o// sngags rnams thams cad nyid la yang // rdo rje hUM mdzad bsgom par bya// mchog gi sku gsung thugs dam tshig/ gnas lnga dag tu bsgom par bya// de ltar rtag tu byas na ni// rdo rje mi phyed gsum las skyes// rdo rje sems dpa' blo ldan pa// 'jigs shing skrag nas byin rlob

  692. 346b

    mdzad// rdo rje bum pa rnams dgod pa// sngags rgyud bdag pos shes byas pa// rdo rje sems dpa'i ting 'dzin gnas// brtan pa'i blos ni brtag par bya// dngos grub kun 'bras 'dod pa yi// sngags shes pas ni sbyin sreg bya// bshang gci 'bru mar sha la sogs// bsreg rdzas dag ni dbul bar bya// rdo rje mi phyed gsum dag la// rdo rje gsang ba'i sbyin sreg dbul// dbus su rang gi lha yi gzugs// bsams te zhal du dbab par bya// 'di skad kyang gsungs so// dbang po gnyis ni rab sbyor bas// brgya rtsa brgyad ni sbyin sreg bya// 'di ni sangs rgyas thams cad kyi// dam tshig shin tu 'da' dka' ba'o// rnam par snang mdzad sbyor ba yis// slob ma rdo rje gsum las byung // AHyig lus dang ngag sems la// bsgom nas rdo rje 'dzin par byed// rgyal chen rdo rje sems dpa' dang // grags chen rnam par snang mdzad ni// sku gsung thugs kyi dam tshig tu// byin gyis brlabs ni rab tu stsol// de la 'di ni dkyil 'khor chen por gzhug pa'i rdo rje'i dam tshig go/ AHkhaM bI ra hUM/ 'di ni dam tshig thams cad kyi lus dang ngag dang sems kyi snying po'i sngags kyi rgyal po'o// de la 'di ni rdo rje chen po dbang bskur ba'i gsang ba'i ye shes gsang chen no// sangs rgyas kun gyis nam mkha'i khams// yongs su gang bar rab tu bsgom// rdo rje'i rigs ni 'dzin

  693. 347a

    pa yis// sil snyan dri yi sprin tshogs bsgom// 'di skad kyang gsungs so// rdo rje sku gsum sngags kyis ni// yungs kar brtul zhugs can gyis brdeg/ de la de yi tshe na ni// rang nyid dbang bskur rab tu stsol// yang ni rdo rje sems dpa' yis// ting nge 'dzin gyis sangs rgyas bsgom// bum pa dam tshig mchog rnams kyis// bzung bar mkhas pas bsgom par bya// rdo rje rnam par snang mdzad bsam// rtag tu slob ma blo brtan pa// lus dang ngag sems rdo rje can// sngags shes pas ni dgod par bya// de la 'di ni dbang bskur ba thams cad kyi gsang chen te// slob dpon thams cad kyis rdo rje'i tshig tu smra bar bya'o// dbang bskur chen po rdo rje ni// khams gsum pa yis phyag byas pa// rdo rje gsang ba gsum byung ba// sangs rgyas kun gyis sbyin par bya// de la 'di ni slob ma thams cad kyis rdo rje chen po'i gsol ba gdab pa'i cho ga gsang chen no// byang chub rdo rjes sangs rgyas la// mchod chen ji ltar stsal ba bzhin// bdag kyang rab tu bsgral ba'i phyir// nam mkha'i rdo rje deng bdag stsol// de tshe de la dbang bskur ba// rab dga'i sems kyis sbyin par bya// lha yi gzugs kyi sbyor ba yis// snying gar bdag po gzhag par bya// rdo rje slob ma blo ldan la// sngags kyi yi ge'i tshig byin la// de la dkyil 'khor bstan par

  694. 347b

    bya// sangs rgyas thams cad kyis gsungs pa'i// dam tshig gsang ba bsgrag par bya// khyod kyis srog chags gsad par bya// brdzun gyi tshig kyang smra bar bya// ma byin pa yang khyod kyis blang // pha rol bud med bsten par bya// rdo rje'i lam ni 'di dag gis// sems can thams cad rab bskul bya// 'di ni sangs rgyas thams cad kyi// dam tshig mchog tu rtag pa'o// zhes kyang gsungs so// sngags kyis bskul ba smras pa yi// de la sngags kyang sbyin par bya// sngags kyi rgyal po'i ting 'dzin dang // gsang ba sbyin pa brtsam par bya// khu ba'am yang na bshang ba'ang rung // mngon par bsngags nas cho ga bzhin// rdo rje'i blos ni bar gzhug bya// 'di ltas dngos grub rnyed mi dka'// rnam pa 'di bzhi gsang chen te// rdo rje can ni kun gyi gsang // sngags kyi 'khor los bud med gzugs// sems can don spyod phyir gnas pa'o// de la 'di ni rdo rje'i dkyil 'khor sngags thams cad kyis mnyes par bya ba gsang ba'o// glang po'i sha dang rta yi sha// sha chen dag kyang bza' bar bya// sngags rnams kun la dbul bar bya// de ltar byas na mgon po mnyes// nyin re rdo rje slob ma la// mkhas pas dkyil 'khor bstan par bya// bshang gci sha yi bya ba dang // rdo rje gsang ba'i tshig dag gi// sngags rnams kun gyi yi ge oM// bsgoms na de ma thag tu

  695. 348a

    'bar// bcom ldan 'das sngags kyi rig pa'i skyes bu chen pos de skad ces bka' stsal to// dngos grub thams cad bsgrub pa ste// dam tshig chen po bsgrub pa dang // sangs rgyas byang chub rang nyid kyang // rab tu 'bad pas bsgrub par bya// mi snang stobs dang brtson 'grus dang // rdo rje 'gugs pa mchog dag ni// rdo rje sku yi bka' ji bzhin// dkyil 'khor bdag gis thams cad 'grub// bshang gci dang ni sha chen rnams// cha ni mnyam par byas nas su// kham por sbyar mar bzhag nas ni// sangs rgyas kun dang lhan cig 'khod// 'di skad ces kyang gsungs so// de la 'di ni gsang ba thams cad kyi rdo rje mngag gzhug pa rab tu bsgrub pa'i dam tshig gi mchog go// hrIHyig 'bar ba 'od bzang po// nam mkha' rdo rje'i dbus gnas bsam// sangs rgyas kun gyis nam mkha'i khams// yongs su gang bar rnam par bsgom// de yi sku gsung thugs kyi gnas// der ni sngags kyis dbab par bya// de la 'di ni sku dang gsung dang thugs kyi sngags rdo rje'i byin gyis rlob pa'i gnas so// oM khaM d+hIHphyag na rdo rje gzugs chen po// phyag na pad+mo 'od chen dang // gzhan gyis mi thub gzugs chen dag/ bsgom nas gsang ba'i gnas gzhag go// de la 'di ni rdo rje gsang ba'i gnas so// nyi ma'i dkyil 'khor dbus gnas par// mi bskyod

  696. 348b

    pa ni rab tu brtag/ tshe dpag med pa'i 'khor lo che// rdo rje snang mdzad de bzhin te// thams cad 'od chen sdug bsngal ni// chen po snying pos bskul bar bya// de la 'di ni rdo rje thams cad kyi snying po bskul ba'o// AH/ mdung rtse che dang rdo rje che// lcags kyu sna tshogs mchog rnams kyis// rdo rje cho ga bzhin bskul na// sangs rgyas byang chub rab tu 'grub// 'di skad ces kyang gsungs so// nyams dga' ba dang ri dbang dang // chu gling rnam pa sna tshogs su// zla phyed nang dang rdzogs pa yis// nges par sangs rgyas nyid thob 'gyur// ri rab sum cu rtsa drug gi// rdul phran ji snyed yod pa yi// 'khor gyi tshogs rnams de dag ni// byang chub rdo rje can grub 'gyur// phyogs bcu'i sangs rgyas thams cad kyi// sangs rgyas zhing du 'gro bar 'gyur// zab mo'i chos ni thos 'gyur zhing // sangs rgyas sa yang thob par 'gyur// bcom ldan 'das dam tshig rdo rje bzhad ma chen pos de skad ces bka' stsal to// de la 'di ni mngag gzhug pa thams cad kyi gsang ba rdo rje gsang chen no// rdo rje sems dpa' ye shes che// de bzhin gsung gi rdo rje 'dzin// rdo rje sku yi dgod pa che// mngag gzhug pa rnams rtag tu bskul// de la 'di ni rdo rje ye shes 'khor lo sngags kyi dam tshig gi gnas rnam pa bzhi ste/ dam tshig bskul ba dang / dam tshig gtong ba dang //

  697. 349a

    dam tshig bod pa dang / dam tshig 'ching ba'o// mkha' dbyings rgya chen dag pa ni// chos rnams thams cad rnams spangs pa// gong bu'i tshul gyis rdo rje ni// rmad byung gzugs can byed par 'gyur// bcom ldan 'das sangs rgyas thams cad kyi bu gcig pa rdo rje sems dpa' chen pos de skad ces bka' stsal to// sangs rgyas rdo rje sems dpa'ang rung // gal te dbang du bya 'dod na// rdo rje mchog gsum 'dzin pa che// gsang ba chen po 'di bsam mo// 'dzin pa'i rdo rje stobs po che// nam mkha' rdo rje'i dbus gnas bsam// mda' lnga'i rab tu sbyor ba yis// dbu rgyan rtse mor yang dag spro// gnas lnga dag tu sngags shes pas// rdo rje khro bo dbab par bya// sngangs shing brgyal bar bsgom pa ni// byis pa'i blo ni grags chen gyis// bsam gtan 'di ni zla phyed du// gsang ba'i sku la bdag gis bsgom// sngags rnams kun gyi rab tu gsang // rdo rje'i don gyi blo yis gsungs// sangs rgyas dkyil 'khor mchog dag ni// nam mkha' rdo rje'i dbus bsam pa// sngags kyi rdo rje hU~M la sogs// rdo rje gsum la sogs pa bsgom// oM ni mig gi dbus bsams nas// 'di dag cho ga bzhin du bstan// sngags rnams kun gyi gzugs dag ni// sku gsung rdo rje can rnams mthong // bkres skom la sogs nyon mongs che// sbyor ba 'di ni rnam bsam

  698. 349b

    na// rdo rje can gyi bka' bzhin du// sdug bsngal thams cad byang bar 'gyur// rnam par snang mdzad gzugs chen po// bsam na don rnams thams cad 'byor// baM ni kha yi nang du bsgom// oM yig lce la 'dug par bsam// bza' bar bya ba kun gyi gnas// yid bzhin nor bus rnam brgyan pa// zhi ba sdug bsngal thams cad sel// ye shes rdo rje las byung ba'o// bcom ldan 'das yid bzhin gyi nor bus de skad ces bka' stsal to// de nas bcom ldan 'das phyag na rdo rje de bzhin gshegs pa dpa' bo chen po de bzhin gshegs pas rdo rje bsgom pa'i tshig gi mchog rdo rje gsung las phyung ngo // bIH/ nam mkha' rdo rje'i dbus gnas par// sangs rgyas dkyil 'khor 'od bzang bsam// rdo rje sku gsum sbyor ba yis// bskyed de 'di ni rnam par bsam// rgyan rnams thams cad yongs rdzogs pa// ser po rdo rje rnam par 'gying // zhi ba thor tshugs dbu rgyan can// bsams nas thams cad brtsam par bya// dpa' bo rdo rje'i rlabs kyi phreng ba zhes bya ba'i ting nge 'dzin to// de nas bcom ldan 'das rdo rje'i dbyangs kun nas nges par bsgrags pa rdo rje zhes bya ba'i ting nge 'dzin la snyoms par zhugs nas rdo rje chen po bsgom pa'i tshig 'di nyid kyi sku gsung thugs rdo rje las phyung ngo // tsuM/ nam mkha' rdo rje'i dbus su ni// nyi ma'i dkyil 'khor dam pa

  699. 350a

    bsam// cho ga dag gis sangs rgyas sprin// rdo rje gsum mchog grags chen ni// lus dang ngag dang sems la dbab// skul byed rdo rje ma bsgom mo// rgyan rnams thams cad yongs rdzogs pa// kha dog dkar mor rab tu bsgom// rdo rje sems dpa' rgyal po che// bsams la sngags kyi gnas dgod do// rdo rje'i dam tshig ye shes kyi 'od zer zhes bya ba'i ting nge 'dzin to// de nas bcom ldan 'das phyag na rdo rje de bzhin gshegs pas bsam pa thams cad rdo rje'i longs spyod ces bya ba'i ting nge 'dzin la snyoms par zhugs nas ting nge 'dzin 'khor lo'i tshul 'di nyid kyi sku gsung thugs rdo rje las phyung ngo // dzaM/ nam mkha' rdo rje'i dbus gnas par// sangs rgyas dkyil 'khor dam pa bsam// sangs rgyas kun gyi cho ga yis// rdo rje bsgoms pas dbab par bya// dzaM b+ha la ni nor bsgrub pa// gnod sbyin chen po bskyed par bya// zhi ba gnod sbyin gzugs 'dzin pa// thor tshugs dbu rgyan rdo rje can// sangs rgyas lnga ni cho ga yis// gnas lnga dag tu bsgom par bya// de yi rdo rje bdud rtsi'i chu// bsam gtan gnas la 'dug pas dbul// rdo rje sems dpa'i cho ga yis// de yi dbu rgyan rnam par bsam// de ltar byas na gnod sbyin dbang // 'brog gnas dbang po 'od chen mnyes// rdo rje'i phyag rgya'i dam tshig rdzas sgrub pa'i rtog gi dpal

  700. 350b

    zhes bya ba'i ting nge 'dzin to// de nas bcom ldan 'das phyag na rdo rje de bzhin gshegs pas 'dod pa nye bar spyod pa'i dpal zhes bya ba'i ting nge 'dzin la snyoms par zhugs nas/ gnod sbyin mo thams cad kyi dam tshig rdo rje'i tshig 'di nyid kyi sku gsung thugs rdo rje las phyung ngo // k+Shi/ mkha' dbyings rdo rje'i dbus gnas par// gru bzhi lham pa rab tu mdzes// thams cad rin chen bzhi las byas// me tog spos kyis kun du 'khrigs// gnon sbyin mo ni thams cad kyis// mkha' dbyings yongs su gang bar bsam// gzugs kyi sprin dag rnam bsams nas// rdo rje gsum gyi sbyor bas dbab// gzugs ni gcig tu bsam par bya// lus gsum rdo rje bye brag gis// de yi bsam gtan bsgom par bya// 'jam pa'i rdo rje'i ting 'dzin gnas// dbu rgyan la ni khro bo bsgom// snying gar sngags kyi tshig bsgoms la// rdo rje'i sbyor ba brtsam par bya// gnod sbyin mo thams cad dang mnyam pa nyid gnas pa bsgom pa rdo rje zhes bya ba'i ting nge 'dzin to// de nas bcom ldan 'das phyag na rdo rje de bzhin gshegs pas rdo rje'i sngags thams cad dngos grub kyi rnam par 'phrul pa rdo rje zhes bya ba'i ting nge 'dzin la snyoms par zhugs nas phra mo'i dngos grub 'di nyid kyi sku gsung thugs rdo rje las phyung ngo // sku dang gsung thugs yang dag grub// sangs rgyas gzugs

  701. 351a

    'dzin 'od bzang po// 'dzam bu chu yi gser 'od 'dra// dngos grub phra mo dag la gnas// mi snang la sogs kun grub ni// gtso bo rdo rje 'chang du 'gyur// gnod sbyin rgyal mo grub pa che// rig pa 'dzin pa'i gtso bor 'gyur// de la 'di ni rdo rje'i dngos grub thams cad kyi gzugs gsang ba sngags kyi dngos grub rnams so// sngags kyi dngos grub yid 'ong ba'i// mdzes pa'i gzugs rnams thams cad ni// 'jig rten khams ni thams cad du// mthong ba nyid kyi dga' bar 'gyur// gtsug tor thams cad grub pa yi// yid bzhin nor bu'i bdag por 'gyur// sangs rgyas byang chub byed pa'i mchog/ sangs rgyas rdo rje rab bsgom pa'o// bcom ldan 'das bsam pa thams cad yongs su rdzogs pa'i rdo rjes de skad ces bka' stsal to// de nas phyag na rdo rje de bzhin gshegs de bzhin gshegs pa thams cad kyi bdag pos de bzhin gshegs pa thams cad kyi sku dang gsung dang thugs kyi rig pa'i brtul zhugs yang dag par len pa'i spyod pa 'di nyid kyi sku gsung thugs rdo rje las phyung ngo // sku gsung thugs kyi rdza/ rnams// lus dang ngag sems bsgom pa ni// rang gzugs nyid kyis de bya ste// de ltas dngos grub thob par 'gyur// de la 'di ni sku dang gsung dang thugs kyi rdo rje'i rig pa'i brtul zhugs so// thor tshug dbu

  702. 351b

    rgyan 'chang ba'i gzug/ chen po kha dog dkar po 'dra// cho ga bzhin du thams cad bya// sngags kyi sdom pas kun du bsdams// lo grangs bcu drug lon pa ni// rgyan rnams kun gyis rnam par bklubs// bzhin sdug mig gi dkyus ring ba// rnyed nas rig pa'i brtul zhugs spyad// spyan gyi go 'phang longs spyod cing // rdo rje'i mtshan mas bsgom par bya// phyag rgya sngags kyi cho ga shes// sngags kyi rgyud ni legs par bslabs// de bzhin gshegs pa'i btsun mor bya// sangs rgyas byang chub la rab gnas// brtul zhugs chen pos thun bzhir ni// gsang ba'i mchod pa rab tu bya// sdong bu rtsa ba 'bras bu rnams// bza' dang bca' ba thams cad spyad// 'di yis myur du sangs rgyas 'gyur// bdag po ye shes rgya mtsho che// zla ba drug gis de dag kun// gdon mi za bar 'dir thob 'gyur// rtag tu gzhan gyi nor brku zhing // gsang ba'am rmad du byung ba che// 'dod chags rdo rje'i gnas spyad pa// sdom pa 'dis ni kun du bsdams// 'dod chags rdo rje'i lcags kyu yum// yon tan lug rgyud mA ma kIr// gsung gi rdo rje mchog thugs kyis// 'di ni rnam pa kun du rigs// bsam gtan yid gsum rdo rje can// rang gi phyag rgya'am sems kyis bsam// de ltar sangs rgyas kun mkhyen yang // mnyes par 'gyur 'dir gdon mi za// sgrub pa po ni

  703. 352a

    blo brtan pas// nags tshal dag tu bsod snyoms tshol// kha zas bzang po bstar ba dag/ de dag skrag nas ster bar 'gyur// rdo rje'i bdag nyid gsum 'das na// rdo rje'i yi ge 'jig par 'gyur// lha mo klu mo gnod sbyin mo// lha ma yin mo mi mo'ang rung // rnyed nas rig pa'i brtul zhugs bya// rdo rje gsum gyi ye shes bstan// 'di de sngags rnams thams cad kyi// gsang ba'i de nyid tshul chen te// rdo rje gsum gyi ye shes 'byung // sangs rgyas byang chub rab 'jug pa'o// bcom ldan 'das de bzhin gshegs pa thams cad kyi rig pa'i brtul zhugs kyi dam tshig gi de kho na nyid kyi rdo rjes de skad ces bka' stsal to// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las dngos grub thams cad kyi dkyil 'khor rdo rje mngon par rdzogs par byang chub pa zhes bya ba'i le'u ste bcu drug pa'o// // de nas bcom ldan 'das de bzhin gshegs pa thams cad yang 'dus nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pa la gsol ba btab pa/ mi bskyod rdo rje ye shes che// rdo rje dbyings ni mkhas pa che// rdo rje gsum mchog dkyil 'khor gsum// gsang ba'i dbyangs khyod phyag 'tshal lo// rnam par snang mdzad dag pa che// rdo rje zhi

  704. 352b

    ba dga' ba che// rang bzhin 'od gsal mchog gi mchog/ ston pa rdo rje khyod phyag 'tshal// rin chen rgyal po rab tu zab// rdo rje nam mkha' dri ma med// rang bzhin dag pas gos pa med// rdo rje'i sku la phyag 'tshal lo// rdo rje dpag med rgyal po che// mi rtog nam mkha' rdo rje can// 'dod chags pha rol phyin pa brnyes// rdo rje gsungs khyod phyag 'tshal lo// don yod rdo rje rdzogs sangs rgyas// bsam pa thams cad yongs rdzogs mdzad// dag pa ngo bo nyid las byung // rdo rje sems dpa' khyod phyag 'tshal// sangs rgyas kun gyis bskul ba yi// bstod tshig zhi ba 'di rnams kyis// rdo rje longs spyod bstod na ni// de yang sangs rgyas mnyam par 'gyur// de nas ston pa rdo rje 'dzin// sangs rgyas kun la rjes brtse bas// rdo rje gsang ba gsung dag pa// rdo rje gsung ni bka' stsal to// e ma'o sangs rgyas thams cad kyi// chos kyi dbyings kyi yi ge che// rang bzhin 'od gsal dag pa ni// nam mkha'i dbyings bzhin dri ma med// de nas phyag na rdo rje de bzhin gshegs pa thams cad kyi bdag pos sangs rgyas thams cad kyi sku rdo rje'i dam tshig 'di nyid kyi sku gsung thugs rdo rje las phyung ngo // sangs rgyas ye shes rgya mtsho yi// dam tshig bzhi ni bsrung bya ste// sha chen rtag tu bza' bya'o// 'di ni dam tshig mchog yin no// de nas phyag na rdo rje de

  705. 353a

    bzhin gshegs pa'i bdag pos sangs rgyas thams cad gsung rdo rje'i dam tshig 'di nyid kyi sku gsung thugs rdo rje las phyung ngo // dam tshig bzhi po bsrung bya ste// gsung gi rdo rje yi ge ches// bshad gci rtag tu bza' bya nyid// 'di ni gsang ba rmad byung ba'o// de nas phyag na rdo rje de bzhin gshegs pa thams cad kyi bdag pos rdo rje 'dzin pa thams cad kyi thugs rdo rje'i dam tshig 'di nyid sku gsung thugs rdo rje las phyung ngo // rdo rje sems dpa' rdzu 'phrul ches/ dam tshig bzhi po bsrung bya ste// khrag dang khu ba sbyar ba dag/ brtul zhugs brtan pas rtag tu bza'// sku gsung thugs kyi rdo rje yi// dam tshig de ni rmad byung che// sangs rgyas kun gyi rtag pa ni// rdo rje 'dzin phyir yang dag bsrung // gang zhig dam tshig 'di srung ba// rdo rje sems dpa' 'od po che// de yi sku gsung thugs rtogs pa// de ma thag tu sangs rgyas 'gyur// de nas phyag na rdo rje de bzhin gshegs pa thams cad kyi bdag pos rang sangs rgyas kyi don gyi dam tshig 'di nyid kyi sku gsung thugs rdo rje las phyung ngo // de yi lus kyi ston pa ni// rdo rje sku la rab tu gnas// sems can gzud pa'i ngang tshul te// mchog tu rtag pa'i dam tshig go/ de nas phyag na rdo rje de bzhin gshegs pa thams cad kyi bdag pos nyan thos kyi bslab pa'i dam tshig 'di nyid kyi sku gsung thugs

  706. 353b

    rdo rje las phyung ngo // dge ba bcu yi las kyi lam// byed pa ye shes spangs pa rnams// dman par mos pa thams cad kyi// dam tshig de ni rmad byung che// de nas phyag na rdo rje de bzhin gshegs pa thams cad kyi bdag pos tshangs pa'i dam tshig 'di nyid kyi sku gsung thugs rdo rje las phyung ngo // gti mug lam gyis las gang rnams// byed pa 'jigs shing mi sdug pa// sangs rgyas byang chub ston pa ste// sku yi rdo rje nyid du 'gyur// de nas phyag na rdo rje de bzhin gshegs pa thams cad kyi bdag pos drag po'i dam tshig 'di nyid sku gsung thugs rdo rje las phyung ngo // khams gsum par ni gnas pa yi// bud med rdo rje las byung kun// sna tshogs dngos pos spyad pa ni// dam tshig mchog tu rmad byung ba'o// de nas phyag na rdo rje de bzhin gshegs pa thams cad kyi bdag pos khyab 'jug gi dam tshig 'di nyid kyi sku gsung thugs rdo rje las phyung ngo // sems can skyes pa ji snyed pa// sku gsum dbyer med la gnas pa// rdo rje mkha' dbyings bdag nyid kyang // bsam gtan rdo rjes gsad par bya// de nas phyag na rdo rje de bzhin gshegs pa thams cad kyi bdag pos rdo rje gsum gyi dam tshig gi rdo rje 'di nyid kyi/ sku gsung thugs rdo rje las phyung ngo // sku yi rdo rje tshangs par 'gyur// gsung gi rdo rje dbang phyug che// thugs kyi rgyal po rdo rje 'dzin// de nyid khyab

  707. 354a

    'jug rdzu 'phrul che// de nas phyag na rdo rje de bzhin gshegs pa thams cad kyi bdag pos gnod sbyin mo thams cad kyi dam tshig 'di nyid kyi sku gsung thugs rdo rje las phyung ngo // sha dang khrag ni za ba dang // rtag tu gzhan gyi bud med spyod// dam tshig dga' ba 'di rnams kyis// rdo rje chen po mnyes par bya// de nas phyag na rdo rje de bzhin gshegs pa thams cad kyi bdag pos klu'i dbang po'i rgyal mo thams cad kyi dam tshig 'di nyid kyi sku gsung thugs rdo rje las phyung ngo // 'o ma 'thung ba phra ma can// de dag 'dod dang dri la 'bad// dam tshig 'di rnams kyis bsgrub bya// gzhan du nges par nyon mongs 'gyur// de nas phyag na rdo rje de bzhin gshegs pa thams cad kyi bdag pos lha ma yin gyi bu mo'i dam tshig 'di nyid kyi sku gsung thugs rdo rje las phyung ngo // khro zhing nga rgyal khur gyis non// spos dang me tog spyod la dgyes// dam tshig rdo rje sa 'og tu// gdul dka' rdo rje 'jigs byed de// de nas phyag na rdo rje de bzhin gshegs pa thams cad kyi bdag pos srin mo rnams kyi dam tshig 'di nyid kyi sku gsung thugs rdo rje las phyung ngo // thod rus bdug pa'i 'bru mad dang // zhag gis rab tu dga' bar 'gyur// 'byung po kun gyi dam tshig 'di// dag byed rdo rje don chen byed// de nas phyag na rdo rje de bzhin gshegs pa thams cad

  708. 354b

    kyi bdag pos rdo rje mkha' 'gro ma thams cad kyi dam tshig 'di nyid kyi sku gsung thugs rdo rje las phyung ngo // bshang ba gci ba khrag bza' zhing // chang la sogs pa rtag tu btung // rdo rje mkha' 'gro ma'i sbyor pas// gnas kyi mtshan nyid kyis gsad bya// ngo bo nyid kyis kun 'byung ba// khams gsum dag tu rnam par spyod// sems can kun la phan 'dod pas// dam tshig ma lus spyad par bya// khams gsum pa thams cad kyi rdo rje'i dam tshig gi rjes su 'brang ba zhes bya ba'i ting nge 'dzin to// de nas phyag na rdo rje de bzhin gshegs pa thams cad kyi bdag pos lus kyi dngos grub kyi dam tshig rdo rje nyid kyi sku gsung thugs rdo rje las phyung ngo // lus kyi rnam gsum thams cad ni// rdo rje yang dag 'byung bar bya// sems can khams ni rnam kun du// rtag tu sangs rgyas sku byed pa'o// de nas phyag na rdo rje de bzhin gshegs pa thams cad kyi bdag pos ngag gi dngos grub kyi rdo rje'i dam tshig nyid kyi sku gsung thugs rdo rje las phyung ngo // ngag gi las lam ma lus par// khams gsum dri med dkyil 'khor du// tshig gi dngos grub yid 'ong 'di// dam tshig shin tu 'da' dka' ba'o// de nas phyag na rdo rje de bzhin gshegs pa thams cad kyi bdag pos sems rnam par dag pa'i dam tshig nyid kyi sku gsung thugs rdo rje las phyung ngo // yid kyi rdo rje'i rang bzhin

  709. 355a

    kun// brtan pa rdo rje'i blo yis bsgom// rdo rje mi phyed gsum ldan gyi// dam tshig bshad pa 'di yin no// bcom ldan 'das kun du bzang po rdo rje sems dpas de skad ces bka' stsal to// de nas phyag na rdo rje de bzhin gshegs pa thams cad kyi bdag pos sngags thams cad kyi rdo rje'i dam tshig nyid kyi sku gsung thugs rdo rje las phyung ngo // sangs rgyas byang chub sems dpa' dang // rang rgyal nyan thos de bzhin te// sku gsung thugs kyi sbyor ba yis// phyag 'tshal na ni nyams par 'gyur// de nas phyag na rdo rje de bzhin gshegs pa thams cad kyi bdag pos de bzhin gshegs pa thams cad kyi sku gsung thugs rdo/ rje'i bsam gtan gyi dam tshig nyid kyi sku gsung thugs rdo rje las phyung ngo // kun tu rdo rje sems dpa' yi// sku gsung thugs kyi dkyil 'khor la// bsam gtan rdo rje gsum sbyor bas// sngags zlos pas ni bsam gtan bya// de nas phyag na rdo rje de bzhin gshegs pa thams cad kyi bdag pos sngags rdo rje thams cad kyi sdom pa nyid kyi sku gsung thugs rdo rje las phyung ngo // sems can khams rnams bsdus nas ni// bsam gtan rdo rje bskul bar bya// rdo rje gsum gyis phyag 'tshal mchog/ dam tshig rdo rje 'byung ba'o// de nas phyag na rdo rje de bzhin gshegs pa thams cad kyi bdag pos bsnyen pa dang / bsgrub pa dang nye

  710. 355b

    bar sgrub pa dang sgrub pa chen po'i sdom pa nyid kyi sku gsung thugs rdo rje las phyung ngo // rdo rje bshang gcis nam mkha'i dbyings// yongs su gang bar rnam par bsam// dus gsum rdo rje dag la dbul// dam tshig rab tu rtag pa'o// de nas phyag na rdo rje de bzhin gshegs pa thams cad kyi bdag pos rdo rje thams cad mi snang ba'i dam tshig nyid kyi sku gsung thugs rdo rje las phyung ngo // thun bzhi po ni gang zhig mchog/ rdo rje mo ni nyin re spyad// slar yang rdzas kyang rtag tu dbrog/ rdo rje rdzogs byed dam tshig go/ de nas phyag na rdo rje de bzhin gshegs pa thams cad kyi bdag pos nam mkha'i rig pa 'dzin pa'i dam tshig nyid kyi sku gsung thugs rdo rje las phyung ngo // sku gsung thugs kyi rdo rje rnams// dbu rgyan gyi ni bsam gtan bsam// rdo rje gsum gyi dam tshig kun// khros pa rnams kyis mi thub bo// de nas phyag na rdo rje de bzhin gshegs pa thams cad kyi bdag pos sngags 'chang las dang po pa thams cad kyi dam tshig nyid kyi sku gsung thugs rdo rje las phyung ngo // kha zas la ni sku'i rdo rje// phyi rol rdo rje 'dzin pa dang // mdo 'don cho ga'i bya ba la// rdo rje chos su rtag tu bya// bcom ldan 'das ngo bo nyid dag pa rdo rjes de skad ces bka' stsal to// de nas phyag na rdo rje de bzhin gshegs pa thams cad kyi bdag pos rdo rje 'dzin pa thams cad kyi

  711. 356a

    sku dang gsung dang thugs kyi rdo rje snying ba rdo rje mnyam pa nyid rnam par dgongs nas cang mi gsung bar gyur to// de nas yang brjod du med pa'i yang brjod du med pa'i sangs rgyas kyi zhing gi ri rab kyi rdul phra rab dang mnyam pa'i byang chub sems dpa' sems dpa' chen po rnams kyis de bzhin gshegs pa thams cad la phyag 'tshal nas 'di skad ces gsol to// bcom ldan 'das de bzhin gshegs pa thams cad kyi bdag po 'di ci'i slad du de bzhin gshegs pa thams cad dang / byang chub sems dpa'i 'khor gyi dkyil 'khor gyi nang du cang mi gsung bar bzhugs pa lags/ de nas bcom ldan 'das de bzhin gshegs pa thams cad kyis byang chub sems dpa' de dag la 'di skad ces bka' stsal to// rigs kyi bu de bzhin gshegs pa thams cad kyi sku gsung thugs kyi bdag po 'di sku dang / gsung dang / thugs rdo rje'i ngo bo dmigs su med pa'i yi ge'i tshig la gang ngo bo nyid med pa'i yi ge'i tshig brjod nas cang mi gsung bar bzhugs so// rigs kyi bu de bzhin gshegs pa thams cad kyi bdag po de ni 'di snyam du sems par gyur te/ sku ni mi 'gyur ma skyes pa// gsung dang thugs kyang mtshan nyid med// nam mkha' rdo rje'i rtog las byung // log par bzung bas zin pa yin// de nas 'jam dpal la sogs pa

  712. 356b

    byang chub sems dpa' sems dpa' chen po rnams kyis de bzhin gshegs pa de dag thams cad la 'di skad ces gsol to// bcom ldan 'das de bzhin gshegs pa thams cad gsung rdo rje'i tshig la log pa kun 'byung bas mi brtag tu gsol// de ci'i slad du zhe na/ de bzhin gshegs pa thams cad kyi rdo rje'i dbyings kyi ngo bo nyid spyod pa gshegs pa dang byon pa ni de bzhin gshegs pa thams cad kyi bdag po 'di yin no// de ci'i slad du zhe na/ tshangs pa la sogs pa'i byang chub chen po sems dpa' mngon par shes pa chen po'i ye shes thob pa rnams chos thams cad kyi mtshan nyid kyi ngo bo nyid mi shes pas 'di snyam du yongs su rtog par byed de/ ci rdo rje chen po'i bdag nyid 'di de bzhin gshegs pa thams cad kyi chos thams cad kyi rdo rje de kho na nyid mngon par ma mkhyen nas gsang ba'i yi ge 'chad dam snyam pa yang mchis so// de nas bcom ldan 'das de bzhin gshegs pa thams cad kyis byang chub sems dpa' de dag la 'di skad ces bka' stsal to// re zhig byang chub chen po sems dpa' khyed rnams lta ci smos/ de bzhin gshegs pa thams cad sku gsung thugs kyi gsang ba'i yi ge rnyed pa nged kyis kyang sku gsung thugs kyi byang chub mi shes so// de ci'i phyir zhe na/ ngo bo nyid med pa/ mi 'gyur ba las byung ba/ skye ba med pa'i rdo rje

  713. 357a

    mngon par rdzogs par byang chub pas so// rigs kyi bu dag sems can gyi khongs su gtogs pa'i sems can ji snyed yod pa de dag thams cad byang chub la gnas pa sangs rgyas rdo rje'o// de ci'i phyir zhe na/ yod ye sems can 'di dag ni sku gsum rdo rje 'dzin pa nyid nye bar bzung nas sku gsung thugs rdo rje'i ye shes thob pa'o// de nas phyag na rdo rje de bzhin gshegs pa thams cad kyi sku gsung thugs rdo rje'i bdag pos de bzhin gshegs pa thams cad dang / byang chub sems dpa' de dag la 'di skad ces bka' stsal to// rang bzhin dag cing bdag med pa// chos kyi dbyings ni gnas med pa// rtog pa rdo rje yang dag byung // smra bya smra bya yang ma yin// de nas bcom ldan 'das de bzhin gshegs pa thams cad kyis bcom ldan 'das de bzhin gshegs pa thams cad kyi bdag po phyag na rdo rje chen po la phyag 'tshal nas 'di skad ces gsol to// bcom ldan 'das de bzhin gshegs pa thams cad kyi sku dang gsung dang thugs rdo rje'i dngos grub gang nas yang dag par 'byung / gang du gnas gang du med par 'gyur ba lags/ de bzhin gshegs pa thams cad kyi bdag po rdo rje 'chang gis bka' stsal pa/ bcom ldan 'das rang gi sku dang gsung dang thugs kyi rgyud la rdo rje rab tu gnas so// de bzhin gshegs pa thams cad kyi dngos

  714. 357b

    grub thams cad dang / thams cad mkhyen pa'i ye shes dang / khams gsum ji snyed pa dag kyang ngo // de bzhin gshegs pa thams cad kyis slar gsol pa/ bcom ldan 'das de bzhin gshegs pa thams cad kyi sku gsung thugs rdo rje'i dngos grub dang / khams gsum pa thams cad gang na gnas/ ye shes rdo rje'i bdag pos bka' stsal pa/ bcom ldan 'das de bzhin gshegs pa thams cad kyi sku dang gsung dang thugs kyi dngos grub dang / khams gsum pa thams cad ni nam mkha'i khams la gnas so// de bzhin gshegs pa thams cad kyis gsol pa/ bcom ldan 'das nam mkha' gang na gnas// phyag na rdo rjes bka' stsal pa/ gang na yang ma yin no// de nas de bzhin gshegs pa thams cad dang / byang chub sems dpa' de dag ngo mtshar du gyur/ rmad du byung bar gyur nas dbyangs 'di dag brjod do// e ma'o rdo rje e rdo rje// e ma'i rdo rje'i bstan pa ni// gang du lus dang ngag sems med// de ru s+tha ni rnam sgom pa// de nas ston pa rdo rje 'dzin// sangs rgyas kun gyis phyag byas pa// rdo rje gsum mchog mchog chen mchog/ rdo rje gsum mchog dbang phyug gis// dngos grub dag ni thams cad kyi// rig pa'i skyes bu bsgom pa gsungs// mkha' dbyings rdo rje'i dbus gnas par// sangs rgyas dkyil 'khor bsgom par bya// sku yi rdo rje rab

  715. 358a

    bsgom nas// spyi bor rdo rje rab tu bsgom// zhal gsum sku gsum yang dag byung // rnam par 'phro ba bsam par bya// rdo rje 'khor lo 'dzin bsams na// myur du byang chub thob par 'gyur// thams cad rigs kyi bye brag gis// gsang ba 'di ni rnam par bsam// gzhan du rnams par bsgom pa ni// de dag dngos grub mchog mi 'gyur// bcom ldan 'das rig pa'i skyes bu rdo rje gsang bas de skad ces bka' stsal to// khams gsum las byung rgyal mo che// mnyes par byed pa rnam par bsam// rdo rje sku gsum gyis mtshan pa// khyu mchog des ni mnyes par 'gyur// gang zhig la la 'di sgom pa'i// byang chub sems dpa' grags chen rnams// zhag bdun gyis ni 'od chen po// sku gsum dngos grub thob par 'gyur// de nas yang bcom ldan 'das phyag na rdo rje de bzhin gshegs pa thams cad kyi bdag pos sku gsung thugs rdo rje bsdus pa'i gsang ba gsang chen nyid kyi sku gsung thugs rdo rje las phyung ngo // sku gsung thugs kyi dam tshig ni// phyag rgya chen po'i don rtogs pa// cho ga bzhin du kun bsgoms na// skad cig gis ni sangs rgyas 'thob// de nas phyag na rdo rje de bzhin gshegs pa thams cad kyi bdag pos yang sgrub po thams cad kyi lus dang ngag dang sems kyi gsang chen nyid kyi sku gsung thugs rdo rje las phyung

  716. 358b

    ngongo// gal te byang chub mchog 'dod na// lag pa'i phyag rgya mi bcing ngo // sngags rnams kun gyi dam tshig 'di// rgyal ba rnams kyang mi 'da'o// de nas yang phyag na rdo rje de bzhin gshegs pa thams cad kyi bdag pos sangs rgyas thams cad kyi dam tshig nyid kyi sku gsung thugs rdo rje las phyung ngo // bshang gci khu ba khrag rnams ni// smad pa nyid du yong mi bya// cho ga bzhin du rtag tu bza'// gsang ba'i rdo rje gsum byung yin// de nas yang bcom ldan 'das phyag na rdo rje de bzhin gshegs pa thams cad kyi bdag pos gsung rdo rje'i dam tshig nyid kyi sku gsung thugs rdo rje las phyung ngo // khams gsum lam ni nyams dga' bar// bud med ji snyed yod pa rnams// thams cad cho ga bzhin du spyad// gsung gi rdo rje mi smad do// de nas yang phyag na rdo rje de bzhin gshegs pa thams cad kyi bdag pos thugs kyi rdo rje'i dam tshig 'di nyid kyi sku gsung thugs rdo rje las phyung ngo // rdo rje sku gsum la gnas pa'i// dam tshig ji snyed yod pa kun// rdo rje gsum gyi dam tshig gis// mgu bya thugs rdo rje mi sprad// bcom ldan 'das rdo rje gsum gyi dam tshig chen pos de skad ces bka' stsal to// de nas yang phyag na rdo rje de bzhin gshegs pa thams cad kyi bdag pos de bzhin gshegs pa thams cad kyi gsang ba'i rdo rje nyid kyi sku gsung thugs rdo rje las phyung

  717. 359a

    ngo // mdor na phung po lnga rnams ni// sangs rgyas lngar ni rab tu bsgrags// rdo rje'i skye mched rnams nyid ni// byang chub sems dpa'i dkyil 'khor mchog/ de nas phyag na rdo rje de bzhin gshegs pa thams cad kyi bdag pos khams gsum bsags pa'i rdo rje nyid kyi sku gsung thugs rdo rje las phyung ngo // sa ni spyan zhes bya ba yin// chu'i khams mA ma kI zhes bya// dkar dang sgrol ma zhes bya ba// me dang rlung du rab tu bsgrags// mkha' dbyings rdo rje'i dam tshig ni// de nyid rdo rje 'dzin pa yin// bcom ldan 'das de bzhin gshegs pa thams cad kyi gnas kyi dbang phyug rdo rje sems dpa' chen pos de skad ces bka' stsal to// de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pa thams cad kyi mnyam pa nyid gnas pa zhes bya ba'i ting nge 'dzin la snyoms par zhugs snyoms par zhugs nas kyang de bzhin gshegs pa thams cad kyi 'khor gyi dkyil 'khor la gzigs nas cang mi gsung par gyur to// de nas byang chub sems dpa' sems dpa' chen po byams pas de bzhin gshegs pa thams cad la phyag 'tshal nas 'di skad ces gsol to// bcom ldan 'das de bzhin gshegs pa thams cad kyi sku dang gsung dang thugs rdo rje'i gsang chen gsang ba 'dus par mngon par

  718. 359b

    dbang bskur ba'i slob dpon la de bzhin gshegs pa thams cad dang / byang chub sems dpa' thams cad kyis ji ltar blta bar bgyi/ de bzhin gshegs pa thams cad kyis bka' stsal pa/ rigs kyi bu de bzhin gshegs pa de bzhin gshegs pa thams cad dang / byang chub sems dpa' thams cad kyis byang chub kyi sems rdo rje nyid du blta bar bya'o// de ci'i phyir zhe na/ byang chub kyi sems rdo rje dang slob dpon 'di ni gnyis su med cing gnyis su dbyer med do// rigs kyi bu ji snyed mdor bsdus te bstan pa ni phyogs bcu'i 'jig rten gyi khams na/ sangs rgyas dang byang chub sems dpa' gang rnams bzhugs pa dang 'tsho ba dang spyod pa de rnams thams cad kyang dus gsum du byon nas/ rdo rje slob dpon de la de bzhin gshegs pa thams cad kyi mchod pa rnams kyis/ yang dag par mchod nas rang gi sangs rgyas kyi zhing du 'gro zhing / ngag rdo rje'i yi ge'i tshig 'di skad du yang 'byin to// bdag cag de bzhin gshegs pa thams cad kyi pha'o// bdag cag de bzhin gshegs pa thams cad kyi ma'o// bdag cag de bzhin gshegs pa thams cad kyi ston pa'o// zhes bya ba'i bar du'o// 'di lta ste gzhan yang rigs kyi bu sangs rgyas bcom ldan 'das phyogs bcu na/ ji snyed bzhugs pa'i sangs rgyas bcom ldan 'das de rnams kyi sku dang

  719. 360a

    gsung dang thugs rdo rje las byung ba'i bsod nams kyi phung po ji snyed pa de bas kyang / slob dpon gyi ba spu'i bu ga gcig gi bsod nams khyad par du 'phags so// de ci'i phyir zhe na/ rigs kyi bu byang chub kyi sems ni sangs rgyas thams cad kyi ye shes kyi snying por gyur pa bskyed pa'i gnas su gyur ba nas/ thams cad mkhyen pa'i ye shes kyi 'byung gnas yin pa'i bar du'o// de nas yang byang chub sems dpa' chen po byams pa yid 'jigs shing skrag nas cang mi smra bar gyur to// de nas de bzhin gshegs pa mi bskyod pa dang / de bzhin gshegs pa dkon mchog dpal dang / de bzhin gshegs pa 'od dpag med dang / de bzhin gshegs pa don yod grub pa dang / de bzhin gshegs pa rnam par snang mdzad rnams rdo rje 'dzin pa thams cad kyi dngos grub kyi dam tshig thams cad dmigs pa rdo rje zhes bya ba'i ting nge 'dzin la snyoms par zhugs nas/ byang chub sems dpa' de dag thams cad la bka' stsal pa/ byang chub sems dpa' khyed rnams thams cad nyon cig/ gang yang phyogs bcu'i sangs rgyas bcom ldan 'das dus gsum gyi rdo rje ye shes yang dag par byung ba de rnams kyang byon nas gsang ba 'dus pa'i slob dpon la mchod pa byed cing phyag 'tshal lo// de ci'i phyir zhe na/ de nyid de bzhin gshegs pa thams cad dang /

  720. 360b

    byang chub sems dpa' thams cad kyi ston pa bcom ldan 'das rdo rje 'dzin pa chen po sangs rgyas thams cad kyi ye shes kyi bdag po yin pa'i phyir ro// de nas byang chub sems dpa' sems dpa' chen po de mas kyis de bzhin gshegs pa thams cad la 'di skad ces gsol to// bcom ldan 'das de bzhin gshegs pa thams cad kyi sku gsung thugs kyi dngos grub rnams gang la gnas/ de bzhin gshegs pa thams cad kyis bka' stsal pa/ sku gsum gsang ba'i sku gsung thugs ni rdo rje slob dpon gyi lus dang ngag dang sems rdo rje la gnas so// byang chub sems dpa' chen po rnams kyi gsol pa/ lus dang ngag dang sems rdo rje gang la gnas/ de bzhin gshegs pa thams cad kyis bka' stsal pa// gang la yang mi gnas so// de nas byang chub sems dpa' chen po de dag ngo mtshar du gyur rmad du byung bar gyur nas cang mi smra bar gnas par gyur to// de nas bcon ldan 'das phyag na rdo rje de bzhin gshegs pas gsang ba'i rdo rje'i ting nge 'dzin las bzhengs nas/ de bzhin gshegs pa thams cad dang / byang chub sems dpa' rnams la bka' stsal pa/ khyod de bzhin gshegs pa thams cad dang / byang chub sems dpa' thams cad de bzhin gshegs pa thams cad kyi byang chub kyi sems 'byung ba rdo rje zhes bya ba'i ting nge 'dzin gyi ni

  721. 361a

    dkyil 'khor chen po nyon cig/ de nas yang de bzhin gshegs pa thams cad dang byang chub sems dpa' de dag thams cad kyis thal mo sbyar nas bcom ldan 'das rdo rje 'chang la 'di skad ces gsol to// bcom ldan 'das dkyil 'khor chen po bshad du gsol/ bde bar gshegs pa bshad du gsol// nam mkha'i dbyings kyi dbus gnas bsam// gru bzhi lham pa rab tu mdzes// sangs rgyas dkyil 'khor sbyor ba yis// bsam gtan rdo rje rab bskul bya// rdo rje dkyil 'khor bsam gtan gyis// 'khor lo can kun brtsam par bya// mchod pa'i cho ga de nyid kyis// blo dang ldan pas rtag tu bya// slob dpon snying gar rab bsgoms nas// dbang bskur ba ni brtsam par bya// mkha' dbyings sangs rgyas thams cad kyis// yongs su gang bar rnam bsgoms la// dbang bskur ba yi gnas gsum gyis// thams cad cho ga bzhin du dbab// sems can kun la phan bzhed pa'i// byang chub 'di yis 'thob 'gyur zhing // dngos grub rmad byung thams cad kun// sku gsung thugs ni 'grub par 'gyur// sangs rgyas dang byang chub sems dpa' thams cad kyi dam tshig gi 'khor lo zhes bya ba bsam gtan gyi dkyil 'khor ro// de nas slar yang phyag na rdo rje de bzhin gshegs pa thams cad kyis bdag pos thams cad de bzhin gshegs pa thams

  722. 361b

    cad kyi rdo rje'i sbyor ba zhes bya ba sku dang gsung dang thugs rdo rje'i gsang ba nyid kyi sku gsung thugs rdo rje las phyung ngo // hUM hrIHkhaM/ sha rus la sogs dkyil 'khor ni// nam mkha'i dbyings kyi dbus gnas bsam// sku dang gsung thugs gsum snying po// rdo rje sems dpa' bsgom par bya// drag po mi sdug kun tu khros// ut+pal sngon po'i kha dog 'dra// phyag bzhi pa ni cho ga yis/ phyag na thod pa bsnams par bsgom// lnga yi 'od zer rab gsal ba'i// rang lce brtul zhugs can gyis bsgom// bsam gtan rdo rje'i sbyor ba yis// khrag drang ba yi mchog yin no// rtse gsum rdo rje dam tshig dang // phur bu drag po mchog dag gis// sangs rgyas nyid kyang sku dag kyang // rdo rje'i sbyor bas gzir bar bya// de nas phyag na rdo rje de bzhin gshegs pa thams cad kyi bdag pos slar yang rdo rje kha zas kyi dam tshig gi bya ba 'di nyid kyi sku gsung thugs rdo rje las phyung ngo // bza' ba'am btung ba gang cung zad// brtul zhugs can gyis gang za ba// bshang gci sha ye sbyor ba yis// cho ga bzhin du yongs su brtag/ de nas phyag na rdo rje de bzhin gshegs pa thams cad kyi bdag pos yang de bzhin gshegs pa thams cad kyi sku dang gsung dang thugs rdo rje mchod pa'i mchog nyid kyi sku gsung thugs rdo rje las phyung ngo // nyer spyod lnga yi mchod mchog

  723. 362a

    gis// mchod pas de dag mchod par bya// 'di ni rdo rje thams cad kyi// dam tshig shin tu 'da' dka' ba'o// de nas phyag na rdo rje de bzhin gshegs pa thams cad kyi bdag pos yang de bzhin gshegs pa thams cad kyi sku dang gsung dang thugs kyi mchod pa gsang ba nyid kyi sku gsung thugs rdo rje las phyung ngo // dbang po gnyis kyi sbyor ba yis// rang gi khu ba sogs bzung bas// cho ga bzhin du kun mchod bya// sangs rgyas byang chub thob par 'gyur// de nas yang phyag na rdo rje de bzhin gshegs pa thams cad kyi bdag pos de bzhin gshegs pa thams cad kyi sku gsung thugs kyi sdom pa nyid kyi sku gsung thugs rdo rje las phyung ngo // sems can khams rnams mtha' yas kyi// dam tshig 'dzin pa'i mi rnams la// dam tshig gsum gyi rdo rjes spyad// sdom pa 'di ni rmad byung che// de nas phyag na rdo rje de bzhin gshegs pa thams cad kyi bdag pos thams cad sgrub pa'i sdom pa'i rdo rje nyid kyi sku gsung thugs rdo rje las phyung ngo // lus dang ngag sems longs spyod rdzogs// gsang ba gsum gnas rdo rje skyes// bzang po bdag gis bsgrub par byed// min na thams cad 'jig par 'gyur// de nas yang phyag na rdo rje de bzhin gshegs pa thams cad kyi bdag pos thams cad sgrub pa'i rdo rje sems dpa' sdom pa nyid kyi sku

  724. 362b

    gsung thugs rdo rje las phyung ngo // mtho gang tsam gyis dpags par ni// mgo bor dkyil 'khor brtag par bya// oM yig dbus su gnas bsams nas// bdud rtsi lnga po dbab par bya// rdo rje sbyor ba 'di yis ni// skad cig gis ni gzi can 'gyur// lus dang ngag sems bder gnas par// 'gyur bar 'dir ni the tshom med// de nas yang phyag na rdo rje de bzhin gshegs pa thams cad kyi bdag pos sngags thams cad 'dzin pa'i lus dang ngag dang sems kyi gsang ba nyid kyi sku gsung thugs rdo rje las phyung ngo // mchod rten dag gi las mi bya// glegs bam bklag pa'ang mi bya zhing // dkyil 'khor dag kyang yong mi bya// rdo rje mchog gsum phyag mi bya// de nas yang phyag na rdo rje de bzhin gshegs pa thams cad kyi bdag pos dug thams cad bsal ba gnon pa 'dren pa'i gsang ba nyid kyi sku gsung thugs rdo rje las phyung ngo // oM/ 'od zer dkar 'bar phreng ba can// 'khor lo'i dbus su chud par bzhag/ 'od zer ser po 'khrigs pa yis// ser po lta bur bsgom par bya// rdo rje gsum 'od dam tshig gis// sa bon 'di ni gsang gsum byung // de nas slar yang phyag na rdo rje de bzhin gshegs pa thams cad kyi bdag pos lus dang ngag dang sems bsrung ba'i 'khor lo'i sngags rdo rje dang ldan pa nyid kyi sku gsung thugs rdo rje las phyung ngo // oM hu

  725. 363a

    lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ a mr-i te hUM phaT/ gro ga sogs la 'khor lo ni// las kyi rdo rje la gnas par// haM yig dbus su bzhag nas su// ming ni dbus su bri bar bya// sngags kyi yi ge'i tshig rnams kyis// yang dag brgyan te rtag tu bzhag/ 'di ni sngags rnams thams cad kyi// gsang ba gsum gyi gnas bsdus pa'o// de nas slar yang phyag na rdo rje de bzhin gshegs pa thams cad kyi bdag pos rdo rje any+dza na'i gnas nyid kyi sku gsung thugs rdo rje las phyung ngo // lam gyi bzhi mdo 'am shing gcig drung // ma mo'i gnas sam zhig nas su// de ru rdo rje any+dza na// thod par rtag tu dbab par bya// tshil chen po dang / khrag dang bshang ba dang pad+ma'i skud pa dang / arga'i skud pas me mar gyi snying po byas la mar ngo'i bcu bzhi'i nam phyed na/ rdo rje any+dza mkhas pas dbab par bya'o// sngags de nyid lan brgya rtsa brgyad btab na dngos grub rnam pa gsum du 'gyur ro// zhes bcom ldan 'das kun du bzang pos gsungs so// de nas bcom ldan 'das de bzhin gshegs pa thams cad kyis phyag na rdo rje de bzhin gshegs pa thams cad kyi bdag po la 'di skad ces gsol to// bcom ldan 'das gsang ba'i yi ge du rtogs pa dang ldan na/ byang chub sems dpa' chen po de dag de bzhin gshegs pa thams cad kyi

  726. 363b

    gsang ba'i dam tshig gis spyod pa'i rdo rje 'di la dad cing bsgom par 'gyur/ de nas de bzhin gshegs pa thams cad kyi bdag po phyag na rdo rje de bzhin gshegs pa de dag thams cad la 'di skad ces bka' stsal to// bcom ldan 'das de bzhin gshegs pa thams cad gsang ba'i yi ge gsum rtogs pa dang ldan na byang chub sems dpa' de dag de bzhin gshegs pa thams cad kyi byang chub kyi spyod pa'i rdo rje gang yin pa 'di la dad cing bsgom par 'gyur ro// de bzhin gshegs pa thams cad kyis gsol pa/ gsum po gang zhig lags/ rdo rje 'dzin pas bka' stsal pa/ de bzhin gshegs pa thams cad kyi sku rdo rje dang / de bzhin gshegs pa thams cad kyi gsung rdo rje dang / de bzhin gshegs pa thams cad kyi thugs rdo rje ste gsum po 'di dag go/ de nas de bzhin gshegs pa de dag thams cad kyis bcom ldan 'das phyag na rdo rje'i zhabs gnyis la phyag 'tshal nas cang mi gsung bar bzhugs par gyur to// de nas phyag na rdo rje de bzhin gshegs pa thams cad kyi bdag pos de bzhin gshegs pa de dag thams cad dang / byang chub sems dpa' de dag thams cad la bka' stsal pa/ bcom ldan 'das de bzhin gshegs pa thams cad sngon byung ba na brjod kyis mi lang ba'i yang brjod kyis mi lang pa'i sangs rgyas kyi zhing rdul phra rab dang

  727. 364a

    mnyam pa'i bskal pa 'das nas/ gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyang 'das nas/ thub pa chen po 'od srung mngon par rdzogs par sangs rgyas pa'i bar gyis kyang ma gsungs so// de rgyu ci'i phyir zhe na bcom ldan 'das gsang ba chen po'i gnas kyi don ma bshad pa ni de'i tshe de'i dus na sems can rnams la skal ba med pa'i phyir ro// 'on kyang bcom ldan 'das de bzhin gshegs pa thams cad gsang ba 'dus pa 'di la skad cig thang cig yud tsam nyid kyis sangs rgyas kyi byang chub rdzogs par byed do// gang zhig gang+gA'i klung gi bye ma dpag tu med pa snyed kyi bskal par byang chub sems dpa' rnams kyis 'bad cing btsal kyang byang chub thob par mi 'gyur ba de gsang ba 'dus pa la mngon par dga' ba'i byang chub sems dpas tshe 'di nyid la de bzhin gshegs pa thams cad kyi sangs rgyas zhes bya ba'i grangs su 'gro'o// de nas byang chub sems dpa' de dag gis gsung rdo rje'i yi ge'i tshig 'di zos nas rab tu ngus so// de nas de bzhin gshegs pa de dag thams cad kyis byang chub sems dpa' de rnams la 'di skad ces bka' stsal to// byang chub sems dpa' khyed rnams ma du shig/ sdug bsngal gsum ma skyed cig/ de nas de bzhin gshegs pa de

  728. 364b

    dag thams cad la byang chub sems dpa' de rnams kyis 'di skad ces gsol to// bcom ldan 'das de bzhin gshegs pa thams cad ji ltar mi ngu bar bgyi/ ji ltar sdug bsngal gsum mi bskyed par bgyi/ de rgyu ci'i phyir zhe na/ bcom ldan 'das gsang ba gsum gyi yi ge'i skal ba ma mchis te/ tha na ming thos pa'i skal ba yang ma mchis so// de bzhin gshegs pa thams cad kyis bka' stsal pa/ rigs kyi bu de skad ma zer cig/ yi ge ni thun mong pa ste/ rigs kyi bu ji ltar khyed rnams kyis mi shes pa dang ma thos pa de bzhin du/ nged de bzhin gshegs pa thams cad dang / byang chub sems dpa' thams cad kyis kyang rigs kyi bu gang gsang ba gsum gyi yi ge 'di dag yang dag par ma thob cing mngon par rdzogs par sangs ma rgyas so// de rgyu ci'i phyir zhe na/ gsang ba gsum gyi yi ge rnam par dag pa'i phyir ro// de nas byang chub sems dpa' de dag thams cad cang mi smra bar gnas par gyur to// de nas bcom ldan 'das de bzhin gshegs pa thams cad de bzhin gshegs pa thams cad kyi sku gsung thugs kyi snying po rdo rje btsun mo'i b+ha ga la bzhugs so// de nas de bzhin gshegs pa thams cad kyi sku gsung thugs kyi btsun mos bcom ldan 'das de bzhin gshegs pa thams cad kyi bdag po rdo rje 'dzin pa chen po la dga' bas bstod pa/

  729. 365a

    sems can khams ni gnas kyi dbang phyug khyod ni rdo rje'i thugs// dga' ba yid 'ong don can 'dod pas bdag la bsgrub tu gsol// mgon pos gal te de ring bdag ni gsan par mchis bzhed na// sems can yab chen mnyes mchog bdag la dgyes par mdzad du gsol// de nas de bzhin gshegs pa thams cad kyi thugs kyi btsun mo mA ma kis bcom ldan 'das de bzhin gshegs pa thams cad kyi bdag po rdo rje 'chang chen po la rdo rje 'dod pa dga' ba mchod pa'i mchog gi yi ge'i tshig 'dis yang dag par bstod pa/ rdo rje'i sku khyod bka' yi 'khor lo sems can mang por phan// sangs rgyas rnams don byang chub mchog don phan pa rjes sten pa// mgon pos gal te de ring bdag ni gson par mchis bzhed na// chags pas 'dod chags dam tshig bdag la dgyes par mdzad du gsol// de nas 'jig rten dbang phyug gi btsun mo sku gsung thugs rdo rje'i spyan gyis bcom ldan 'das de bzhin gshegs pa thams cad kyi bdag po rdo rje 'chang chen po la 'dod pa nye bar longs spyod pa'i dam tshigs gis yang dag par bstod pa// khyod ni rdo rje'i gsung ste kun la phan zhing thugs brtse ba// 'jig rten dag ni dgos pa'i don mdzad pa la rtag tu brtson// mgon po gal te de ring bdag ni gson par mchis bzhed na// rab

  730. 365b

    dga'i spyod pa kun du bzang pos bdag la dgyes par mdzod// de nas de bzhin gshegs pa tham cad kyi sku gsung thugs dam tshig rdo rje'i btsun mo'i bcom ldan 'das de bzhin gshegs pa thams cad kyi bdag po rdo rje 'chang chen po la bde ba dang yid bde ba'i dga' ba 'dis bstod do// khyod ni rdo rje 'dod pa dam tshig mchog gi phan don che// rdzogs sangs rgyas kyi gdung mchog mnyam nyid rjes du thugs brtse ba// mgon pos gal te de ring bdag ni gson par mchis bzhed na// yon tan rin chen dam pa'i gter gyur bdag la dgyes par mdzod// de nas bcom ldan 'das phyag na rdo rje de bzhin gshegs pa 'dod pa thams cad nye bar longs spyod pa'i rdo rje'i dpal zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi btsun mo de dag la dam tshig gi 'khor los 'dod pa spyod cing cang mi gsung bar gyur to// de nas nam mkha'i dbyings 'di dag thams cad ni de bzhin gshegs pa thams cad kyi sku dang gsung dang thugs rdo rje'i dam tshig gi khu bas yongs su gang ste/ bum pa rdo rje chus gang ba ltar gnas par gyur to// de nas rdo rje nam mkha'i dbyings 'di na gang sems can sku gsum yang dag par 'byung ba de rnams rdo rje'i dpal gyis yang dag par rig pa de dag thams cad de bzhin gshegs pa

  731. 366a

    dgra bcom pa yang dag par rdzogs pa'i sangs rgyas rdo rje gsum gyi ye shes can du gyur to// de nas brtsams te sems can thams cad kun nas bzang po/ kun du bzang po zhes de bzhin gshegs pa thams cad kyi sku dang gsung dang thugs rdo rjes dbang bskur bar gyur to// de nas de bzhin gshegs pa thams cad kyi bdag po phyag na rdo rje de bzhin gshegs pa de dag thams cad la 'di skad ces bka' stsal to// bcom ldan 'das de bzhin gshegs pa thams cad chos thams cad kyi mnyam pa nyid mthong ngam/ de nas de bzhin gshegs pa de dag thams cad kyis phyag na rdo rjes de bzhin gshegs pa thams cad kyi bdag po la 'di skad ces gsol to// bcom ldan 'das de bzhin gshegs pa thams cad kyi ye shes mnyam pa nyid dang / rdo rje ye shes kyi spyod pa mthong lags so// bde bar gshegs pa mthong lags so// de nas bcom ldan 'das de bzhin gshegs pa thams cad de bzhin gshegs pa thams cad kyi btsun mo'i b+ha ga las mngon par byung nas bcom ldan 'das de bzhin gshegs pa phyag na rdo rje chen po la 'di skad ces gsol to// gang gi phyir 'dod chags kyi yi ge'i tshig gis sangs rgyas kyi byang chub rjes su rtogs par bya'o zhes bya ba ni bcom ldan 'das ngo mtshar to// bde bar gshegs pa ngo mtshar

  732. 366b

    to// de nas phyag na rdo rje de bzhin gshegs pa thams cad kyi bdag pos de bzhin gshegs pa de dag thams cad la 'di skad ces bka' stsal to// bcom ldan 'das de bzhin gshegs pa thams cad de skad ma gsungs shig/ de ci'i phyir zhe na/ chos thams cad ni nam mkha' rdo rje'i dam tshig dang mtshungs pa'i phyir gzugs kyi phung po ma yin/ tshor ba'i phung po ma yin/ 'du shes kyi phung po ma yin/ 'du byed kyi phung po ma yin/ rnam par shes pa'i phung po ma yin/ khams ma yin skye mched ma yin/ de bzhin du 'dod chags ma yin zhe sdang ma yin gti mug ma yin/ chos ma yin chos ma yin pa yang ma yin no// de nas de bzhin gshegs pa de dag thams cad cang mi gsung bar gyur to// de nas bcom ldan 'das de bzhin gshegs pa thams cad kyi bdag po phyag na rdo rjes de bzhin gshegs pa thams cad dang / byang chub sems dpa' de rnams la bka' stsal pa/ khyed rnams kyis 'jig rten gyi khams thams cad du de bzhin gshegs pa thams cad kyi sku gsung thugs rdo rje gsang ba 'di bsgom par gyis shig/ de ci'i phyir zhe na/ phyogs bcu na gnas pa'i byang chub sems dpa' 'di rnams la chos kyi rnam grangs 'di'i skal pa yod pa'i phyir ro// de nas phyag na rdo rje de bzhin gshegs pa thams cad kyi bdag pos rdo rje chos la bka' stsal pa/ rigs kyi

  733. 367a

    bu de bzhin gshegs pa thams cad kyi dam tshig gi de kho na nyid 'di zung shig/ khyod ni de bzhin gshegs pa thams cad kyis chos thams cad kyi dbang phyug rdo rje zhes bya bar dbang bskur ro// de nas byang chub sems dpa' sems dpa' chen po rdo rje chos kyi de bzhin du bgyi'o zhes gsol nas cang mi smra bar gyur to// de nas de bzhin gshegs pa de dag thams cad rdo rje sems dpa'i yi ge gsum la rang gi sku dang gsung dang thugs zhugs par gyur to// de nas de bzhin gshegs pa rnam par snang mdzad khams gsum pa thams cad kyi lus rdo rje lags shing de bzhin gshegs pa thams cad kyi sku mnyam pa nyid la dmigs nas cang mi gsung bar gyur to// de nas de bzhin gshegs pa gsung rdo rje khams gsum pa thams cad kyi ngag rdo rje la gnas shing de bzhin gshegs pa thams cad kyi gsung mnyam pa nyid la dmigs nas cang mi gsung bar gyur to// de nas de bzhin gshegs pa phyag na rdo rje khams gsum pa thams cad kyi sems rdo rje la gnas shing de bzhin gshegs pa thams cad kyi thugs mnyam pa nyid la dmigs nas cang mi gsung bar gyur to// de skad ces bka' stsal to// de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las de bzhin gshegs pa thams cad kyi dam tshig dang

  734. 367b

    sdom pa rdo rje'i byin gyi rlabs kyi rgyal po zhes bya ba'i le'u ste bcu bdun pa'o// // de bzhin gshegs pa thams cad kyi sku dang gsung dang thugs kyi gsang chen gsang ba 'dus pa zhes bya ba brtag pa'i rgyal po chen po rdzogs so// rgya gar gyi mkhan po bi ma la mi tra dang lo tsA ba dpal brtsegs kyis bsgyur ba'o// slar yang slob dpon ye shes zhabs dang bi shwa mi tra'i 'grel ba gnyis bi brta gcig phyi 'gyur bcas la gtug nas zhus dag bgyis par 'grel pa gnyis dang bi ba rta bcas snga 'gyur dang khyad spu tsam mi 'dug cing phyi 'gyur la 'gyur mi bde ba dang don mi legs pa dang don go dka' ba dang / tshig zlos pa sogs don ltar ma bskur ba ches mang po mchis so// // rgyud phyi ma// de nas byams pa la sogs pa byang chub sems dpa' sems dpa' chen po rnams de bzhin gshegs pa thams cad kyi dbang bskur ba dang sku dang gsung dang thugs kyi gsang ba bstan pa la dngos po thams cad kyis ji lta ba dang / dus ji lta ba bzhin du mthong zhing thos la khong du chud nas chos gzigs pa dang ldan pa'i de bzhin gshegs pa de dag thams cad la 'di skad ces gsol to// e ma 'o kun du bzang po yi// sku gsung thugs kyi nges par dag/ rdo rje gsum gyis kun du ni// rdo rje gsum la thun du bzhugs// sems can thams

  735. 368a

    cad dus gsum gyi// rdo rje'i ngo bor yang dag byung // sangs rgyas rdo rje rdzu 'phrul che// byang chub rdo rje'i gnas thob pa'o// e ma'o 'di rab ngo mtshar che// e ma'o zhi ba dbang po 'dus// e ma'o/ 'khor ba dag gi rgyun// e ma'o mchog tu mya ngan 'das// de nas de bzhin gshegs pa de dag thams cad kyis byang chub sems dpa' sems dpa' chen po de rnams la 'di skad ces bka' stsal to// byang chub sems dpa' de de bzhin no// sems dpa' chen po de de bzhin no// de nas byang chub sems dpa' sems dpa' chen po de dag thams cad yang 'dus par gyur nas// de bzhin gshegs pa de dag thams cad la gsang ba dang / phyi'i mchod pa rnams kyis yang dag par mchod nas phyag byas te mgrin gcig tu 'di skad ces gsol to// e ma'o shin tu rnyed dka' ba// byang chub sgrub pa'i thabs 'di yin// rgyud kyi phyi ma'i phyi mar gyur// gsang ba 'dus pa zhes bya'i rgyud// sbas pa de ni rtogs phyir dang // sems can rnams la phan 'dod pas// yang dag gsung pas gang bshad pa// mgon po khyed la gsol bar 'tshal// nas de bzhin gshegs pa de dag thams cad kyis byang chub sems dpa' de rnams la 'di skad ces bka' stsal to// gang zhig sbas pa'i rgyud tshig de// de dag thams cad 'dri 'dod pa// sems dpa' chen po

  736. 368b

    legs so legs// yon tan 'byung gnas legs so legs// de nas byang chub sems dpa' kun// rab tu dga' bas mig gdangs te// yang dang yang du phyag 'tshal nas// 'di yi som nyi zhus par gyur// gsang ba zhes 'di gang la bgyi// 'dus pa zhes ni gang la brjod// rgyud kyi 'brel ba ji lta bu// rnal 'byor rgyud 'dir ci la bgyi// de nyid rnam pa du ru bshad// de bzhin gsang ba rnam pa du// gsang chen zhes ni gang la bgyi// dam pa rnam pa du zhig mchis// byang chub sems zhes gang la bgyi// de bzhin rig pa'i skyes bu ci// badz+ra d+h+r-ika ces ci la bgyi// de bzhin dzin dzi ka ni gang // de la rat+na d+h+r-i ka ni gang // de bzhin A ro lika ni ci// pra dz+nyA d+h+r-ika ces gang la bgyi// rigs 'dir de bzhin gang zhig lags// mo ha zhes ni gang la bgyi// dwe Sha zhes bya 'dir gang lags// rA ka zhes ni ci la bgyi// badz+ra sngags ni gang la bgyi// ra ti zhes 'dir gang la bgyi// phun sum tshogs pa gang zhig lags// ya mAn+ta kr-ita don ni gang / de bzhin pra dz+nyAn+ta kr-ita ci// pad mAn+ta kr-ita ming ci lta// de bzhin big+h+nAn+ta kr-ita ci// kun du spyod pa gang ci lags// de bzhin sngags kyi spyod pa gang // 'dir ni bzlas pa gang zhig lags// rgyas btab pa zhes gang la bgyi// chos 'byung ba ni ji ltar bsgom// de bzhin sdom pa ji lta bu// zhe sdang gti mug 'dod

  737. 369a

    chags chos// sems can don mdzad ji lta bu// dkyil 'khor zhes ni gang la bgyi// phyag rgya'i dgod pa ji ltar lags// 'dir ni me tog ci zhig lags// mchod rten zhes ni gang la bshad// ye shes 'khor lo ji ltar shes// 'dir ni gnas shes gang la bshad// mgon po bskul ba ji lta bu// gtong ba dag kyang ji lta bu// ji ltar de rnams spyan drang bgyi// bcing ba 'dir ni ji lta bu// dbang bskur ba ni/ ji ltar stsal// de bzhin reg pa'i brtul zhugs gang // bdud rtsi lnga rnams ci ltar bza'// de bzhin dpa' bo lnga gang lags// dngos grub tha mal ji lta bu// de bzhin mchog kyang ji lta bu// de la thabs ni rnam pa du// de bzhin thabs byung ji lta bu// rnal 'byor rdo rje can kun gyi// bka' ni ji ltar bsgo bar bgyi// las kyi mchog gi tshogs rnams ni// sna tshogs ji ltar byed par 'gyur// de nas de bzhin gshegs pa de dag thams cad byang chub sems dpa' sems dpa' chen po de rnams kyis zhus pa'i tshig nye bar gsan nas/ byang chub sems dpa' chen po rdo rje 'dzin pa la dmigs par mdzad nas skad cig cang mi gsung bar gyur to// de nas byang chub sems dpa' che// snying rje'i bdag nyid rab dga' nas// rdzogs pa'i sangs rgyas bde bar gshegs// mgon la yang dang yang rab bskul// de nas de bzhin gshegs pa de

  738. 369b

    dag thams cad kyis byang chub sems dpa' de rnams la 'di skad ces bka' stsal to// lus ngag yid ni rdo rje yis// sku gsung thugs kyi rdo rje la// bzhag nas byang chub sems dbang po// zhus pa rgya chen mnyan par gyis// de nas byang chub sems dpa' sems dpa' chen po de dag thams cad de bzhin gshegs pa de dag thams cad kyis rjes su gsungs pa'i bka' spyi bos rab tu mnos te/ bcom ldan 'das legs so legs so// bde bar gshegs pa legs so legs so zhes gsol nas/ rang rang gi lus dang ngag dang yid rdo rjes byang chub sems dpa' chen po rdo rje 'dzin pa chen po'i sku dang gsung dang thugs rdo rje la dmigs te cang mi smra bar gyur to// de nas de bzhin gshegs pa de dag thams cad rang rang gi thugs rdo rje chen po la dmigs par byin gyis brlabs nas byang chub sems dpa' chen po de dag rnams la zhus pa de dag gsung gcig gis bka' stsal pa/ sku gsung thugs ni rnam pa gsum// gsang ba zhes ni bstan pa yin// sangs rgyas thams cad ces bya ba// tshogs pa 'dus pa yin par bshad// lnga pa dang ni dgu pa dang // bcu bdun pa dang bcu gsum pa// sangs rgyas byang chub sems rnams kyis// bstan pa dag ni sgrub chen yin// bzhi pa dang ni bcu drug pa// brgyad pa de bzhin bcu gnyis pa// slob dpon spyi yi las

  739. 370a

    dang ni// dngos grub brtul zhugs sdom pa yin// drug pa dang ni gnyis pa dang // bcu pa dang ni bcu bzhi pa// drag spyod rjes su chags pa dang // nye bar sgrub pa'i sdom pa'o// bdun pa dang ni gsum pa dang // bcu gcig pa dang bco lnga pa// dngos grub zhing dang mtshan ma ni// bsnyen pa sgrub pa'i sdom pa'o// de bzhin gshegs pa kun gyi las// tshar gcod phan 'dogs spyod pa dag/ gdul dka' 'dul dang zhi ba yi// sems can rnams kyi 'jug pa'o// bskyed pa'i rim dang 'brel pa yi// bsnyen pa rdo rje'i cho ga bzhi// thun mong dngos grub 'brel pa yin// mchog tu gyur pa'i gzhung nyid do// dkyil 'khor brtul zhugs 'brel pa yi// gzhung ni slob dpon phun tshogs pa'o// bla mas sngags kyi lam gyis ni// slob ma yongs su smin bya ba// brtul zhugs bzang dang dbang bskur ba// rang gi slob ma bdag nyid che// sangs rgyas byang chub sems rnams kyis// bstan pas yongs su grol ba yin// thabs dang shes rab snyoms 'jug pa// rnal 'byor zhes ni bshad pa yin// gang zhig dngos med shes rab ste// thabs ni dngos po'i mtshan nyid do// rgyud ni rgyun zhes bya bar grags// rgyun de rnam pa gsum 'gyur te// gzhi dang de bzhin rang bzhin dang // mi 'phrogs pa yis rab phye ba// rnam pa rang bzhin rgyu yin te// de bzhin mi

  740. 370b

    'phrogs 'bras bu'o// gzhi ni thabs shes bya ba ste// gsum gyis rgyud kyi don bsdus pa'o// rigs ni lnga dang gsum dag dang // ngo bo nyid gcig rigs brgya'o// byang chub rdo rje bcas gsungs pa// de ni phyi ma'i rgyud du 'dod// de nyid rnam pa lnga ru bshad// gsang ba rnam pa gsum du bshad// lhag pa'i lha ni gsang chen te// dam pa'i rigs ni rnam pa brgya// thog ma tha ma med zhi ba// dngos dang dngos med zad pa'i gtso// stong nyid snying rje mi phyed pa// byang chub sems zhes bya ba yin// sku gsung thugs kyi rdo rje yis// mi phyed dbye ba'i ngo bo nyid// rigs dang lhan cig ldan pas na// rig pa'i skyes bu zhes brjod do// rgyu lnga rang ni 'bras bu lnga// rdo rje zhes ni bshad pa yin// 'chang ba 'dzin zhes grags pa ste// rnam shes rdo rje 'dzin du 'dod// badz+ra d+h+r-ika ni rnam shes yin// yod dang med dang dbus las 'das// 'byung dang 'byung las gyur las byung // sems can kun gyi lus yin te// skye las rgyal ba dza na dzi ka/ don rnams thams cad 'byung bas na// sems ni rin po che zhes bya// tshor ba po yis nges tshor bas// tshor ba rat+na d+h+r-ika tu 'dod// mtshan gzhi mtshan nyid dngos po yis// kun la kun gyis thams cad du// dga' ba'i mtshan nyid mtshan gzhi ni// A ro lika ces bshad pa yin// rnams shes rab mthar phyin byed pa// gang yin de ni

  741. 371a

    shes rab ste// 'du byed sems pas 'dzin pa na// pra dz+nyA d+h+r-ika ces bya bar bshad// rigs ni rgyud ces bya bar bshad// rgyud ni thog ma zhes brjod de// mi 'jigs skye ba med gang yin// mgon po de ni yin par bshad// rgyu 'bras gnyis la sdang bas na// rnam shes zhe sdang yin par bshad// bems po bcings pa'i rang bzhin pas// gzugs ni gti mug ces byar bshad// bdag tu rlom pa'i ngo bo bas// tshor ba dregs pa yin par bshad// dngos la chags pa'i mtshan nyid can// 'du shes yang dag tshogs bdag nyid// rkyen gyis drang ba'i bdag nyid can// 'du byed rtag tu phrag dog yin// byang chub sems kyi ngo bo nyid// srid pa kun 'byung thams cad du// 'dod chags zhe sdang rmongs ldan pa'i// sems ni 'dod pa zhes byar bshad// dam tshig sna tshogs 'dra ba yin// mngon phyogs las las skyes 'bras bu// gnyis med ye shes chos rnams la// nga rgyal byed pa rmongs zhes bshad// de la phan tshun 'dzer ba ni// zhe sdang zhes ni bya bar bshad// mtshan nyid 'dod chags zhen pa yin// ye shes thabs ni rdo rjer bshad// dga' ba rdzogs pa'i longs spyod mchog/ bud med bde mchog phun sum tshogs// gti mug zhe sdang 'dod chags dang // rdo rje la dga' rtag par gnas// de na sangs rgyas rnams kyi thabs// rdo rje theg

  742. 371b

    pa zhes bshad do// mi 'jig bdag nyid chos rnams ni// ma skyes pa yi ngo bo nyid// dngos po kun gyi dam tshig ste// de nyid gshin rje mthar byed do// rnam shes min bdag chos rnams ni// don dam mi 'gyur dag gyur te// sems kun gyi ni dam tshig ste// de nas rgyal ba shes mthar byed// brjod med bdag nyid chos rnams ni// ming dang gzugs blo dngos po med// chos rnams kun gyi dam tshig ste// des na khyab bdag pad mthar byed// mi rtog bdag nyid chos rnams ni// rang bzhin gyis ni zhi ba'i dngos// rdo rje kun gyi dam tshig ste// des na gtso bo bgegs mthar byed// mi 'jig rnam par mi shes pa// brjod du med dang rtog bral ba// sangs rgyas byang chub ye shes 'di// shes na bde ba thob par 'gyur// gti mug gti mug longs spyod pas// gti mug zad phyir gshin rje gshed// des na lus mthar byed pa ste// des na shes bya mthar byed 'gyur// nyes pa nyes pa longs spyod pas// nyes pa zad phyir shes mthar byed// des na sems ni mthar byed de// des na nyon mongs mthar byed 'gyur// 'dod chags 'dod chags longs spyod pas// 'dod chags zad pas pad mthar byed// des na chags pa mthar byed de// de bzhin snyoms 'jug mthar byed 'gyur// nyon mongs kun zad gang yin dang // de bzhin las ni thams cad

  743. 372a

    zad// sgrib pa kun zad ye shes ni// bgegs mthar byed ces bya bar bshad// can mongs rnga rje'i sgrib dag na// las rnams thams cad rnam par dag/ las rnams thams cad rnam dag pas// las skyes 'bras bu rnam dag 'gyur// gzung dang chags pa nyid dang ni// rnam pa de bzhin mi g.yo dang // rgyu nyid 'bras bu nyid dag ste// drug las thugs ni kun du 'byung // 'dod pa'i rgyal po la sogs drug/ khro bo'i dbang por rnam par grags// dam tshig rdo rje la sogs drug/ sa la sogs pa rnam pa lnga// 'byung dang 'byung las gyur par grags// rig pa'i rgyal por zhes bshad do// gzugs kyi rdo rje la sogs drug/ rdo rje'i bdag po zhes bshad do// sku gsung thugs kyi rdo rje las// bdag nyid chen po kun du 'byung // thabs dang shes rab las byung ba'i// phung po khams dang skye mched gzugs// rdzogs pa'i rim pa'i sloskur ba yis// sngags pas sbyor ba nges byas la// thams cad dag par mos pa yis// 'jigs pa thams cad spangs nas su// dogs pa med pa'i sems kyis ni// sngags pas seng ge bzhin du spyod// 'di la mi bya ci yang med// de bzhin mi bza'ang yod ma yin// smra bar mi bya cung zad med// rtag tu mi bsam ci yang med// mnyam par ma bzhag sbyor ba yis// rtag pa nyid du mnyam par 'jog/ gang gis sems kun

  744. 372b

    la spyod pa// kun du spyod pa zhes bshad do// dbang po dang ni yul rnams kyi// rkyen gyi gang dang gang byung yid// yid de min zhes bya bar bshad// tra ni skyob par byed pa'i don// 'jig rten spyod las rnam grol bar// gang bshad dam tshig sdom pa ste// rdo rje kun gyis bsrungs pa ni// sngags kyi spyod pa zhes bshad do// rang rang gi ni ngo bo nyid// snying po yid kyis rnam bsams te// gsang sngags zlos pa'i dbye ba yis// zlos par byed cing spro zhing bsdu// sangs rgyas sna tshogs rdo rje'i bdag/ ye shes sa bon dag gis bsdu// byang chub bdag med sa bon gyis// brtul zhugs can gyis bdag med gzung // sna tshogs bzhin du sna tshogs spro// dus gsum sa bon dag gis bzla// bzlas pa smra bar grags pas na// ngag kun bzlas pa zhes bshad la// sngags kun 'bod pa zhes bshad de// de nyid bskul bar smra ba'o// ji ltar thugs sogs byin rlob pa// ting nge 'dzin kyang de bzhin no// de rnams spyi bor dbang bskur dang // de bzhin kun du mchod pa'o// rdo rje 'chang ba gang yin pa'i// rig pa yod pa'i sbyor ba dang // bdag byin brlab sogs de bzhin te// de yi longs spyod bzhir shes bya// dpa' bo rdo rje gcig pu yi// spyi bor dbang bskur re re ste// snying po phyag rgya sngags tsam dang // rang rigs rim gyis rgyas gdab pa'o// 'bras

  745. 373a

    bus rgyu ni rgyas gdab cing // rgyu yis 'bras bu rgyas gdab par// bsgom gyi gzhan du dngos grub ni// bskal pa bye bar 'byung mi 'gyur// longs spyod bzhi dang yang dag ldan// rig pa'i skyes bu rdo rje can// sku gsung thugs kyi dbye ba yis// gru gsum du ni rnam par bsgom// kun nas ser ba'i 'khor lo ni// rtsibs bcu de dbus rnam par bsgom// rtsibs kun la ni khro bo bcu// ye shes bdag nyid bcu las byung // 'gog pa'i rdo rjes bsgom bya zhing // mchog tu mdzes pas bsgrub par bya// rdo rje 'bar ba'i sprin spros pas// mi g.yo ba dang mtshungs par 'khor// de ltar chos 'byung ye shes ni// rang bzhin dri ma med zhi ba// bsgoms pas skad cig nyid kyis ni// sangs rgyas spyan ni rab tu 'byung // rdo rje can gyis chos bstan pa// rim pa gnyis la yang dag brten// bskyed pa yi ni rim nyid dang // de bzhin rdzogs pa'i ma pa'o// sgrub pa dang ni nan tan dang // dam tshig de bzhin sdom pa rnams// sngar ni de kun rgas par ni// rim pa'i dbye bas phye ba yin// gzugs dang sgra sogs 'dod pa ni// bde sdug gnyi ga'i bdag nyid can// 'dod chags zhe sdang gti mug sogs// rtag tu snying la skye bar 'gyur// chags la 'dod chags rdo rje can// rdo rje 'dra bar rin chen 'byung // rin chen bzhin du dam tshig shes// 'dod pa de rnams dam

  746. 373b

    tshig mtshungs// rnam bcas dang ni rnam pa med// kun 'gro yi ge gsum bdag nyid// bya ba dang ni dbrog pa dang // sgro dang rang gi bzlas pa bya'o// de ltar zhe sdang gti mug dag/ sa gsum du ni bskyed par bya// gsang ba'i bdag po'i don du ni// rdo rje can gyis rgyas btab bya// zhe sdang sbyor ba'i rnal 'byor pas// zhe sdang 'khor lo bskyed nas su// rdo rje drag pos bcom nas ni// ye shes rdo rje can gyis bsdu// de ni spro bas rtogs byas la// de bzhin slar yang bsdu bar bya'o// 'di lta'i sbyor ba goms byas na// zhe sdang rdo rjer bdag nyid 'gyur// khams gsum po ni ma lus pa// bsad dang de bzhin gso ba dang // skad cig tsam gyis byed par ni// mngon du nus par the tshom med// gti mug sbyor ba'i rnal 'byor pas// gti mug 'khor lo bskyed nas ni// rgyan la sogs pa gang ci'ang rung // de dag thams cad rtag tu brku// gti mug sems kyi rgya mtsho bsgom// rin chen kun gyis rab tu dgang // gti mug 'khor lo can kun gyis// sbyin pa'i char ni rab tu 'bebs// rdzas rnams thams cad ma lus par// rab tu sbyin dang dbrog pa nyid// sems kyi rdo rje brtan po yis// skad cig tsam gyis dbye bar 'gyur// 'dod chags sbyor ba'i rnal 'byor bas// 'dod chags 'khor lo bskyed nas ni// lha mo thams cad phrogs nas su// 'dod pa'i

  747. 374a

    sbyor bas 'dod pa spyod// dga' sdug bde bas rangs pa yis// 'dod pa'i rtse mos rnam par 'phrul// de nas 'khor lo can kun la// lha mo rab tu dbul bar bya// khams gsum ngag tu byung ba yi// lha dang lha min chung ma yang // skad cig tsam gyis 'dod spyod na// mi yi bud med smos ci dgos// dkyil 'khor dang ni dbang bskur dang // las mchog gi ni tshogs rnams dag/ nyams su len cing byin rlob pa// grub pa'i bgrod pa gzhan yin no// b+ha ga'i dkyil 'khor zhes grags dang // byang chub sems kyi dkyil 'khor dang // lus kyi dkyil 'khor zhes bshad pa// gsum po dkyil 'khor yin par gsungs// phung po skye mched khams rnams ni// sangs rgyas thams cad rgyas btab pa'o// des ni rtag par rgya dgod pa// dkyil 'khor zhes ni bstan pa yin// lcags kyu dbyig to rtse gsum dang // ral gri mtshams su rnam par dgod// 'dod rgyal dbyig sngon stobs mi g.yo// steng du 'khor lo 'og gnod mdzes// rig rgyal rdo rje can rnams kyi// 'khor los sgyur ba drug gi rgya// sa la sogs pa sems dpa' yi// phyag rgya rang gi dkyil 'khor pa// me long pi wang dung dang ni// de bzhin snod dang sna tshogs ras// chos 'byung ba yi phyag rgya drug/ rdo rje'i bdag po rdo rje can// sangs rgyas byang chub sems dpa' dang // khro

  748. 374b

    rgyal rnams kyis rgyas gdab bo// de nas gzhan yang dpa' bo gcig/ rigs ni kha dog dag gis brtag/ lha mo dgu dang nam mkha'i khams// me tog ces ni bshad pa yin// sku gsung thugs kyi dbye ba yis// rigs kyi rim gyis dgod par bya// mchod rten sangs rgyas thams cad kyi// bzhugs gnas pho brang yin par bshad// ye shes sems dpas gang reg pa// ye shes 'khor lo zhes bshad do// mi 'gyur rdo rje gsum yi ge// sa bon yi ge gnas zhes bshad// sku gsung thugs kyi de nyid ni// sad par byas pas bskul bar bshad// phyogs bcu'i 'jig rten khams rnams su// 'od zer 'gyed pa gtong ba'o// rdo rje can kun spyan 'dren pas// rdo rje can kun spyan drang ba'o// rdo rje can gyi gnas de yi// 'od zer gyis ni rdo rje kun// bsdus nas gong bu'i tshul gyis su// bcings pa bcing ba yin par bshad// sku gsung thugs kyi rdo rje yis// sku gsung thugs kyi dkyil 'khor du// sku gsung thugs ni rgyas btab ste// ri mo'i dkyil 'khor brtag par bya// dbang bskur dbye ba rnams gsum du// rgyud 'di la ni rab tu brtag/ bum pa'i dbang bskur dang po ste// gnyis pa gsang ba'i dbang bskur ba// shes rab ye shes gsum pa ste// bzhi pa de yang de bzhin no// mig yangs sngags kyi snod du rung // me tog bcas shing sa bon

  749. 375a

    byung // blangs nas gsang ba'i dbang bskur ba// sngags pas slob ma dag la sbyin// nam mkha'i dbyings kyi dbus gnas par// dri chu rkang dang yang dag ldan// rdo rje pad+ma'i sbyor ba yis// rdo rje can kun yang dag bsdu// sku gsung thugs kyi rdo rje yis// de dag thams cad snying gar bsdu// rdo rje'i lam nas byung nas su// slob ma'i khar ni dbab par bya// 'di ni gsang sngags de kun gyi// dbang bskur ba yi go 'phang mchog/ las mchog gi ni tshogs rnams dang // gsang sngags thams cad 'grub par 'gyur// mchog tu dad cing shes rab che// gzugs bzang sgrub pa po la dga'// sbyor ba gcig gis bya ba goms// dam tshig dag gi dam tshig can// bla ma la ni slob ma yis// yon rnams rab tu phul nas ni// bla mas de ni byin brlabs te// sgrub po la sbyin par bya// rmongs pas gti mug bdag nyid sbyor// gti mug dga' dang yang dag ldan// gti mug rgyun gyis dbang bskur na// gti mug rdo rjer bdag nyid 'gyur// zhe sdang sdang ba'i bdag nyid sbyor// zhe sdang dga' dang yang dag ldan// zhe sdang rgyun gyis dbang bskur na// zhe sdang rdo rjer bdag nyid 'gyur// chags pas 'dod chags bdag nyid sbyor// 'dod chags dga' dang yang dag ldan// 'dod chags rgyun gyis dbang bskur na// 'dod chags rdo rjer bdag nyid

  750. 375b

    'gyur// shes rab ye shes bdag nyid sbyor// rdo rje dga' ba yang dag ldan// ye shes rgyun gyis dbang bskur na// shes rab ye shes bdag nyid 'gyur// rig pa'i lha mo de nyid ni// rdo rje can gyi slob mas blang // lag par lag pa bzhag nas ni// de bzhin gshegs rnams dbang byas la// slob ma'i mgo bor lag bzhag ste// bla ma rdo rje can gyis bsgo// thabs gzhan gyis ni 'tshang mi rgya// de bas rig pa 'di mchog yin// chos kun gnyis su med pa la// dngos po gnyis su btags pa yin// de bas 'khor ba rnam bral bar// rtag tu khyod kyis mi bya'o// 'di ni sangs rgyas thams cad kyi// rig pa'i brtul zhugs bla med pa'o// rmongs pa gang zhig 'das gyur na// de yi dngos grub mchog mi 'gyur// tha mal lus kyi chos la ni// dri ma lnga rnams snang ba ni// ye shes lnga yis byin brlabs pas// bdud rtsi lnga zhes bya bar bshad// sbar dang de bzhin sreg pa dang // snang bar byed dang gzugs snang ba// sngags kyi lus su rab sbyor bas// bdud rtsi lnga ni bza' bar bya// rdo rje hUM las byung ba ni// bar snang la gnas bsam par bya// AHlas byung ba'i pad+ma ni// de yi 'og tu bsgom par bya// oM gyis mtshan pa'i bdud rtsi ni// de yi dbus su gzhag par bya// rdo rje'i pad+ma mnyam sbyor ba// 'bar bas rnal 'byor tshims par bya// shel dang

  751. 376a

    mtshungs par snang gyur cing // ye shes nyi ma gnas par gyur// phyogs bcu'i 'jig rten khams rnams kyi// mtshon cha mchog gis drangs nas ni// bdud rtsi de ru phab nas kyang // bza' ba'i sbyor bas bza' bar bya// de bzhin dpa' bo lnga rnams bza'// yig gsum sa bon las bskyed pa'i// cho gas dngos grub bsgrub par bya// gzhan du de ni 'grub mi 'gyur// mi snang la sogs dngos grub ni// tha mal pa zhes bshad pa yin// sangs rgyas nyid bsgrub sangs rgyas kyis// dngos grub mchog ces gsungs pa yin// thabs ni rnam pa bzhi po dag/ byang chub rdo rje can gyis gsungs// rnal 'byor rgyud ni thams cad du// rnal 'byor pa yis rtag par bsngags// bsnyen pa'i cho ga dang po ste// nye bar sgrub pa gnyis pa yin// sgrub pa yang ni gsum pa ste// sgrub pa chen po bzhi pa'o// thun mong mchog gi bye brag gis// bsnyen pa rnam pa gnyis su 'gyur// rdo rje bzhi po thun mong ste// ye shes bdud rtsi mchog yin no// dang po stong nyid byang chub ste// gnyis pa sa bon bsdu ba yin// gsum pa gzugs ni rdzogs pa ste// bzhi pa yi ge dgod pa'o// rdo rje rnam bzhi 'di dag gis// tha mal sgrub la bsnyen pa bya// mchog gi ye shes bdud rtsi nyid// sbyor ba drug gi bya ba yi// bsnyen pa yan lag drug gis ni// byas pas sgrub pa mchog tu

  752. 376b

    'gyur// gzhan du bsgrubs par gyur na ni// dngos grub mchog ni 'byung mi 'gyur// so sor sdud dang bsam gtan dang // srog rtsol de bzhin 'dzin pa dang // rjes su dran dang ting 'dzin te// sbyor ba'i yan lag drug tu bshad// dbang po bcu po rnams kyi yang // rang gi 'jug gnas thams cad du// 'dod pa so sor sdud pas na// so sor sdud pa zhes bshad do// 'dod pa la ni mdor bsdus nas// sangs rgyas lnga ru sbyor ba yis// brtag pa bsam gtan zhes bshad de// bsam gtan de ni rnam lngar 'gyur// rtog dang dpyod dang dga' ba dang // de bzhin bde ba nyid dang yang // sems kyi rtse gcig nyid dag ste// lnga po der ni bsam gtan bsdu// gsang ba'i rgyud ni thams cad du// rnam pa du mar yongs bshad pa// gsang ba gsum 'byung rtog pa ste// de yi longs spyod byed pa'o// dga' dang 'dra ba gsum pa ste// bde ba bsdus pa bzhi pa'o// shes dang shes bya byung phrad pa'i// rang sems lnga par shes par bya// sangs rgyas kun dngos zhi ba ni// 'dod pa kun la rab tu gnas// ye shes lnga yi rang bzhin dbugs// 'byung ba lnga yi/ ngo bo nyid// gang bu'i gzugs kyi phyung nas ni// sna yi rtse mor rab tu brtag/ rin chen kha dog sna lnga pa// srog dang rtsol ba zhes byar bshad// rang sngags snying gar bsams nas ni// srog ni thig ler gyur bar

  753. 377a

    bzhag/ rang dbang rin chen dgag pa yi// gzung ba 'dzin pa yin par bshad// sems ni 'gog pa'i rdo rjer gyur// mtshan mar nyer 'dzin 'byung bar 'gyur// mtshan ma'i khams ni rnam pa lngar// byang chub rdo rjes gsungs pa yin// smig rgyu 'dra ba dang po ste// du ba lta bu gnyis pa yin// mkha' snang 'dra ba gsum pa ste// mar me ltar 'bar bzhi pa'o// sprin med nam mkha' lta bur ni// rtag tu snang ba lnga pa'o// brtan gyur rdo rje'i lam nas ni// nam mkha'i khams su spro bar bya// rjes dran gang zhig rnam bsgom pa// de dang 'dra bar spro bar bya// rjes su dran pa zhes bshad de// so sor snang ba de la skye// thabs dang shes rab snyoms 'jug pas// dngos po thams cad mdor bsdus pa// gong bu'i tshul gyis bsdus nas ni// dbus su gzugs ni rnam par bsgom// yud kyis ye shes rdzogs byed pa// ting nge 'dzin ces bya bar gnas// so sor sdud la snyoms 'jug na// sngags rnams thams cad byin gyis rlob// bsam gtan ye shes snyoms 'jug na// mngon shes lnga po 'thob par 'gyur// srog dang rtsol bas nges par ni// byang chub sems dpa' rnams kyis gzigs// rtag tu 'dzin pa'i stobs kyis ni// rdo rje sems dpa' yang dag 'byung // rjes dran mnyam par sbyor ba yis// 'od kyi dkyil 'khor 'byung bar

  754. 377b

    'gyur// ting 'dzin dbang gyur tsam gyis ni// sgrib pa rnams dang bral bar 'gyur// snying po de ni thugs ka ru// zla ba rdo rje'i sbyor bas blta// mtshon cha mchog gis drangs nas ni// sems ni sngags kyi dngos byas te// sngags kyi gzugs kyi tshul gyis ni// byang chub tshig bcad brjod par bya// cho ga yang dag sbyor bsgom pas// rang gi dkyil 'khor la gnas te// sems de ye shes gzugs kyis ni// bsgom pa nye bar bsgrub pa'o// ji srid mthong ba de srid du// rnam gnyis zla ba drug tu bsgom// 'dod pa kun la longs spyod pas// thams cad du ni rtag tu bya// gal te zla ba drug gis ni// ji skad gsungs pa ma mthong na// ji skad bshad pa'i cho ga dang // sdom pa lan gsum brtsam par bya// de ltar byas kyang sgrub pa pos// mthong ba 'byung bar ma gyur cing // gang tshe byang chub ma grub na// drag shul sbyor bas bsgrub par bya// de tshe de yi ye shes ni// 'grub pa nges par nye bar 'gyur// rigs kyi dbye ba'i sbyor bas ni// rdo rje phur bus phur bu gdab// de nas dbang du bya ba dang // srung ba'i sbyor ba dag kyang bya// 'dod chags chen po'i tshul nyid kyis// ye shes 'khor lo can rnams bsdu// lha mo dgu ni spros nas su// bsgrub par bya ba'i lus la dgod// yongs su gyur las phyag rgya bzhi// dkyil 'khor der ni brtag par bya// bdag nyid dbus

  755. 378a

    su gnas byas la// 'khor lo can kun bsdu bar bya// thams cad rdo rje'i dngos byas la// de 'og byang chub bsgom par bya// bskul ba'i glu dbyangs bzhi yis ni// lha mos snying po bskul ba yis// dus gsum rdo rje'i rang bzhin sems// ye shes lta bur lus sgom mo// myos pas kha dog rnam par dbye// de bzhin nyams kyi snying po ste// dbang bskur bas ni rang gi rgyu// gzhi yis 'bras bu phye ba yin// sngags kyis chos ni byed 'gyur la// rig pa'ang chos kyi phyag rgyas so// 'khor los sgyur ba'i rgyal po drug/ gtsug tor zhes ni rnam par grags// rdzu 'phrul chen pos longs spyod bzhi// rig pa'i rgyal mo zhes byar grags// de bzhin rdo rje'i bdag po rnams// 'dod pa thams cad ces byar bshad// bsam gtan rdo rje thams cad la// dbang bskur ba ni rab tu bsngags// cho ga'i sbyor ba 'di yis ni// ye shes lus dang lhan cig tu// sku gsung thugs kyi rdo rje yis// gnyis su med par byed sgrub pa// sngar bshad pa yi rim gyis ni// rig pa'i skyes bu rdo rje can// bdag dang 'dra bar dkyil 'khor bskyed// sgrub pa chen po zhes bshad do// bsnyen pa'i dus su gtsug tor che// sbyor ba nyid kyis gzugs su dmigs// nye bar sgrub pa'i dus su ni// bdud rtsi 'khyil pa'i gzugs kyi bar// sngags pa cho ga shes pa yis// sgrub pa

  756. 378b

    rang lha'i sbyor bas bya// sgrub pa chen po'i dus su ni// gtso bo sangs rgyas bdag po'i sku// 'di ni rdo rje can kun dang // rnal 'byor mchog gi gsang ba che// de lta'i rnam dbye shes byas nas// dngos grub mchog ni bsgrub par bya// gzhan du bskal pa bye bas ni// sangs rgyas skyob pa rnams kyis kyang // dngos grub mchog ni zhi ba dag/ nges par 'byung bar mi 'gyur ro// bsgrub bya bsgrub par yang dag sbyor// gang yin de ni bsnyen par bshad// rdo rje pad+ma mnyam sbyor ba// nye bar sgrub pa zhes bshad do// yi ge hUM dang phaT ldan pa// lha bskyed bsgrub pa zhes bshad pa// ngo bo nyid ni zhi bde ba// sgrub pa chen po zhes bshad do// dpal ldan sangs rgyas kun gyi bdag/ rdo rje 'chang ba chen po'i gnas// sangs rgyas kun gyi thabs las byung // de nyid chos rnams chos nyid do// las dang rjes mthun gang gang gis// rnal 'byor pa yis sbyor ba dmigs// dkyil 'khor de dang de bskyed nas// sku gsung thugs kyi rdo rje yi// sngon gyi dam tshig srungs shig ces// de la drag tu bsgrag par bya// de nas gtsug tor dam tshig ni// cho ga ji skad gsungs las byung // las dang gang gang rjes mthun pas// rang gi 'khor la bka' yang bsgo// bsgrub bya'i lus gang yin pa la'ang // dkyil 'khor rnam par bsgoms nas su// de yi lus gnas 'khor lo la// de yi

  757. 379a

    nyes pa bsgrag par bya// de nas de rnams des bcom nas// 'byor bar gyur pa rnam par bsgom// dngos po kun gyis rnam bsgoms nas// dngos po kun gyis drangs nas ni// de ni rang gi 'khor lor gzhug/ ji skad gsungs pa'i rdzas rnams kyis// de yi gzugs brnyan byas nas ni// khro bas khyab pa'i sems kyis ni// rkang pas mtshan ma gnan par bya// de nas bka' mnos khro bo ni// sna tshogs tshogs kyis bskor ba rnams// sgrub pa rdo rje can gyis ni// bsgrub bya gsang phyir gtang bar bya// khro bo'i rgyal po des bskor nas// de ni bcing zhing brdeg pa dang // de nas gdungs shing skrag gyur pa// bsgrub bya dag ni dgug par bya// rdo rje gsum gyi sngags kyis ni// de yi gzugs brnyan la phab nas// sngags pas rdo rje dag gis ni// spyi bo mgrin pa snying ga ru// phur bu'i sngags kyis phur bu gdab// yams dang nye bar 'tshe ba kun// sna tshogs yul las byung ba rnams// gzugs de la ni phab nas su// de rnams kyis ni phur bus gdab// de nas sbyor ba thams cad kyis// cho ga ji skad gsungs pa bzhin// 'khrul 'khor sngags kyi sbyor la sogs// las kyi dbye bas sbyar bar bya// mtshan ma mnan nas bzlas pa'am// khro bo'i dkyil 'khor sbyin sreg gam// bsgom pas gdug pa'i sems can ni// zos par gyur par rab tu brtag/ zhi

  758. 379b

    la zhi ba'i sems kyis bya// rgyas la rgyas pa'i sems kyis te// dbang la chags pa'i yid du bya// khro la gtum pas rab tu bsgrub// ces pa'o// de nas bcom ldan 'das de bzhin gshegs pa de dag thams cad kyis byang chub sems dpa' sems dpa' chen po de rnams kyi the tshom thams cad bcad par mdzad nas/ the tshom thams cad gcod par mdzad pa sku dang gsung dang thugs rdo rje rang gi sku dang gsung dang thugs rdo rje la zhugs te/ rang gi sku dang gsung dang thugs las dmigs nas cang mi gsung bar bzhugs par gyur to// de nas byang chub sems dpa' sems dpa' chen po de dag thams cad kyis de bzhin gshegs pa de dag thams cad la bstod pa'i rgyal po 'dis bstod do// thams cad sku khyod phyag 'tshal lo// thams cad gsung la phyag 'tshal 'dud// thams cad thugs khyod phyag 'tshal lo// thams cad mdzad la phyag 'tshal 'dud// sku gsung thugs ni rdo rje yi// sku gsung thugs ni thob 'gyur bas// sems can sangs rgyas mi mnyam med// bsgrub bya su yin sgrub po gang // sgrub pa'i dbang po bdag nyid che// sangs rgyas thams cad gsod pa yis// ji ltar sdig pas gos mi 'gyur// gal te gos 'gyur 'bras bu gang // de nas de bzhin gshegs pa de dag thams cad kyis byang chub sems dpa' sems dpa' chen po de

  759. 380a

    rnams la legs so legs so zhes bya ba byin te/ sems dpa' chen po legs so legs// bdag nyid chen po legs so legs// gsung dbyangs chen po legs so legs// mchod pa chen po legs so legs// slob dpon byang chub rdo rje can// dpal ldan sangs rgyas kun gyi bdag/ dngos rnams thams cad sgyu ma bzhin// skyed dang sdud par mdzad pa po// des na de yi sdig mi 'gyur// bsod nams dag kyang de bzhin no// gang la sdig dang bsod nams med// de ni byang chub yin par gsungs// mgon po de yi slu ba yis// lus can thams cad 'jigs mdzad cing // ngan 'gror skye bar mi 'gyur zhing // byang chub kyang ni rnyed mi dka'// sngon ni mi bzad las byas pas// gal te dmyal ba rnams su ni// skye bo skye 'gyur de rnams kyi// dmyal ba rnams kyi 'bras bu che// byang chub rdo rjes bsgrub bya 'di// ye shes kyis ni rgyas btab pas// sems can rnams la sbyor ba des// mchog tu phan btags shes par bya// tshar gcod pa dang rjes bzung las// bdag nyid chen po de yis bya// sgrub pa chen po'i mthar thugs par// byas nas las rnams brtsam par bya// de nas byang chub sems dpa' sems dpa' chen po de rnams rdo rje can thams cad kyi thugs rje chen po'i tshul gyis chos thos pas dga' zhing rab tu dga' la mgu

  760. 380b

    ba'i yid kyis legs so zhes bya ba gsol te/ mgon po chen po legs so legs// thub pa chen po legs so legs// chos rnams chen po legs so legs// thugs rje chen po legs so legs// e ma'o kun du bzang po yi// thugs rje chen po dri ma med// gdug pa'i mi bzad las kyis kyang // sangs rgyas nyid kyi 'bras bu stsol// de nas de bzhin gshegs pa de dag thams cad kyis byang chub sems dpa' sems dpa' chen po de rnams la 'di skad ces bka' stsal to// rigs kyi bu de lta bas na de bzhin gshegs pa thams cad kyis dbang bskur ba'i gsang ba 'dus par dbang bskur ba'i sngags pas 'jigs par mi bya zhing / skrag par mi bya/ dngangs par mi bya'o// de ci'i phyir zhe na/ byang chub rdo rje las byung ba// zhe sdang rdo rje che la sogs// sngags kyi rgyun ni bsdus pa dag/ yongs su spangs par mi bya'o// de nas byang chub sems dpa' sems dpa' chen po de dag thams cad kyis/ de bzhin gshegs pa de dag thams cad la mgrin gcig tu tshigs su bcad pa 'dis mngon par bstod do// dus gsum rdo rje'i thugs yin srid dang thar gyur gang // zhi zhing sgrib med nam mkha' dag pa'i ngo bo nyid// sangs rgyas rnam rgyas byang chub dbang phyug rdo rje can// de la lus ngag yid kyis rtag tu phyag 'tshal lo// gang zhig gzugs dang tshor ba

  761. 381a

    'du shes 'du byed dang // rnam par shes dang skye mched drug dang dbang po drug/ sa chu me dang rlung dang nam mkha' thams cad ni// byang chub sems 'dra rgya chen de la phyag 'tshal lo// gti mug nyes pa 'dod chags rdo rje chos bcas gang // rig pa'i sbyor ba las byung rtag tu rab 'brel bar// rnam pa sna tshogs dga' bas myos pa'i dngos gyur pa// byang chub sems 'dra rgya chen de la phyag 'tshal lo// sdud dang dga' dang rnam pa de bzhin mi 'gyur dang // rgyu dang 'bras bu'i rang bzhin sems su rjes gtogs chos// rmongs dang zhe sdang 'dod chags sgrib pa rdo rje ste// byang chub sems 'dra rgya chen de la phyag 'tshal lo// gang zhig thog med dngos po rnam dag 'di sgom pa// thabs dang shes rab las byung spros dang rnam par bral// gsang ba'i dbang bskur brtul zhugs dam tshig sbyor ba brtag/ byang chub rdo rje 'drar blta de la rtag phyag 'tshal// gang zhig dngos grub mchog gi thabs ni 'di sgom zhing // bsnyen pa'i cho ga nye bar sgrub dang sgrub pa dang // sgrub pa chen pos blo mi 'gyur ba'i sgrub dbang po// byang chub rdo rje 'drar blta de la rtag phyag 'tshal// gang zhig thun bzhi'i rdo rje dag ni sgrub byed pa// mi snang la sogs sna tshogs mchog dang dman 'grub cing // bla ma'i drin gyis 'di na ma nor lam rtogs pa// byang chub rdo rje 'drar blta de

  762. 381b

    la rtag phyag 'tshal// gang zhig rab gsang 'dus pa'i rgyud 'di nyan pa dang // 'don par byed dang klog pa dang ni sems pa dang // mchod par byed pa dang ni 'drir 'am 'drir 'jug pa// byang chub rdo rje 'drar blta de la rtag phyag 'tshal// gang du zhi sogs las tshogs shin tu brtags pa yis// 'khrul 'khor sngags kyi cho ga de bzhin rgyas 'debs pa'i// bsgrub bya 'di dang ldan pa'i sgrub pa'i dbang po ni// byang chub rdo/ rje 'drar blta de la rtag phyag 'tshal// gang gis gtso bo sgrub pa po mthong rig pa dang // legs par dran dang ming tsam nges par thos pa dang // dad par byed cing phyogs gcig tsam zhig 'dzin pa dag/ byang chub rdo rje 'drar blta de la rtag phyag 'tshal// bstod pa'i tshig ni zhi ba 'dis// 'dren pa kun la bstod pa dang // byang chub sems dpa' mchod chen la// mgon po de dag rjes yi rang // 'dus pa gsang ba las byung ba// de bzhin gshegs pa kun gyi gsang // rgyud kun bdag po'i dbang po yis// rgyud 'di legs par gsung pa yin// de nas de bzhin gshegs pa de dag thams cad dang / byang chub sems dpa' de dag thams cad kyis de skad ces gsungs nas nyid kyi sku dang gsung dang thugs rdo rje la bzhugs te/ sku dang gsung dang thugs rdo rje'i sku dang gsung dang thugs rang gi sku dang gsung dang thugs rdo rje la dmigs

  763. 382a

    te cang mi gsung bar gyur to// de bzhin gshegs pa thams cad kyi sku dang gsung dang thugs kyi gsang ba chen po gsang ba 'dus pa las gsang ba thams cad ston pa rdo rje'i ye shes kyis byin gyis rlob pa zhes bya ba'i le'u ste bco brgyad pa rdzogs so// // rgyud phyi ma 'di rgya gar gyi mkhan po sangs rgyas gsang ba dang 'brog mi dpal gyi ye shes kyis bsgyur ba'o// slar yang rgya gar gyi mkhan po A tsar+ya shrad d+ha ka ra war+m+ma dang / zhu chen gyi lo tsA ba dge slong rin chen bzang pos bsgyur cing bcos te gtan la phab pa/ slar yang slob dpon ye shes zhabs kyi 'grel pa dang bi brta phyi 'gyur bcas gsum la gtugs nas zhu dag bgyis pa yin kyang phyi 'gyur la 'gyur mi bde ba dang / don go dka' ba dang / tshig zlos pa sogs don ltar ma bsgyur ba yang mang po mchis shing 'grel pa dang bi brta gnyis snga 'gyur kho na dang khyad spu tsam mi 'dug pa yid ches pa'i gnas so// //