Text

ff. 1a–355a · 709 folio sides

  1. 1a

    @/ dpal mchog dang po zhes bya ba theg pa chen po'i rtog pa'i rgyud bzhugs so//

  2. 1b

    rgya gar skad du/ shrI pa ra mA di nA ma ma hA yA na kalpa rA dzA/ bod skad du/ dpal mchog dang po zhes bya ba theg pa chen po'i rtog pa'i rgyal po/ bcom ldan 'das ma shes rab kyi pha rol tu phyin pa la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi rdo rje'i byin gyis brlabs dang / dam tshig dang / mkhyen pa'i bye brag rnam pa tha dad pa thams cad dang ldan pa/ de bzhin gshegs pa thams cad kyi rin po che thams cad kyi cod pan gyis khams gsum du dbang bskur ba brnyes pa/ de bzhin gshegs pa thams cad kyi thams cad mkhyen pa'i ye shes dang ldan pa/ rnal 'byor can chen po'i dbang phyug/ de bzhin gshegs pa thams cad kyi phyag rgya thams

  3. 2a

    cad kyi mnyam pa nyid thugs su chud pa sna tshogs kyi bya ba mdzad de/ sems can gyi khams ma lus shing lus pa med pa thams cad kyi re ba thams cad yongs su skong ba'i phrin las mdzad pa/ thugs rje che ba/ rnam par snang mdzad chen po rtag pa/ dus gsum gyi mnyam pa nyid la bzhugs pa/ sku dang / gsung dang / thugs thams cad rdo rje de bzhin gshegs pa thams cad bzhugs shing / bsngags pa/ bstod pa/ nor bu chen po dang / rin po ches spras pa/ kha dog sna tshogs pa'i dril bu btags pa/ dar gyi ba dan dang / me tog gi phreng ba dang / rngam dang / dra ba dang / dra ba phyed pa dang / zla ba rlung gis bskyod pa rnams kyis nye bar mdzes par byas pa'i 'dod pa'i khams thams cad kyi gzhan 'phrul

  4. 2b

    dbang byed kyi lha'i rgyal po'i gnas na/ byang chub sems dpa' bye ba phrag brgyad dang / thabs cig tu bzhugs pa la 'di lta ste/ byang chub sems dpa' sems dpa' chen po lag na rdo rje dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po nam mkha'i snying po dang / byang chub sems dpa' sems dpa' chen po rdo rje khu tshur dang / byang chub sems dpa' sems dpa' chen po 'jam dpal dang / byang chub sems dpa' sems dpa' chen po sems bskyed ma thag tu chos kyi 'khor lo bskor ba dang / byang chub sems dpa' sems dpa' chen po nam mkha'i mdzod dang / byang chub sems dpa' sems dpa' chen po bdud kyi stobs thams cad rab tu 'joms pa dang / de dag la sogs pa byang chub sems dpa' sems dpa' chen po bye ba phrag brgyad dang thabs cig ste/ yongs su bskor cing mdun gyis bltas nas chos ston te/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ chos thams cad kyi ngo bo nyid rnam par dag pa'i sgo zhes bya ba shes rab kyi pha rol tu phyin pa'i tshul 'di yang dag par ston te/ 'di ltar rab tu dga' ba rnams par dag pa'i gnas

  5. 3a

    de ni/ 'di lta ste/ byang chub sems dpa'i gnas so// 'dod chags kyi mnga' rnam par dag pa'i gnas de ni/ 'di lta ste/ byang chub sems dpa'i gnas so// reg pa rnam par dag pa'i gnas de ni// 'di lta ste/ byang chub sems dpa'i gnas so// gdug pa'i 'ching ba rnam par dag pa'i gnas de ni/ 'di lta ste/ byang chub sems dpa'i gnas so// thams cad la dbang phyug dang / dbang rnam par dag pa'i gnas de ni/ 'di lta ste/ byang chub sems dpa'i gnas so// lta ba rnam par dag pa'i gnas de ni/ 'di lta ste/ byang chub sems dpa'i gnas so// dga' ba rnam par dag pa'i gnas de ni/ 'di lta ste/ byang chub sems dpa'i gnas so// sred pa rnam par dag pa'i gnas de ni/ 'di lta ste/ byang chub sems dpa'i gnas so// bsnyems pa rnam par dag pa'i gnas de ni/ 'di lta ste// byang chub sems dpa'i gnas so// rgyan rnam par dag pa'i gnas de ni/ 'di lta ste/ byang chub sems dpa'i gnas so// yid tshim par byed pa rnams par dag pa'i gnas de ni/ 'di lta ste/ byang chub sems dpa'i gnas so// snang ba rnam par dag pa'i gnas de ni/ 'di lta ste/ byang chub sems dpa'i gnas so// lus bde ba rnam par dag pa'i gnas de ni/ 'di lta ste/ byang chub sems dpa'i gnas so// gzugs rnam par dag pa'i gnas de ni/ 'di

  6. 3b

    lta ste/ byang chub sems dpa'i gnas so// sgra rnam par dag pa'i gnas de ni/ 'di lta ste/ byang chub sems dpa'i gnas so// dri rnam par dag par dag pa'i gnas de ni/ 'di lta ste/ byang chub sems dpa'i gnas so// ro rnam par dag pa'i gnas de ni/ 'di lta ste/ byang chub sems dpa'i gnas so// de ci'i phyir zhe na/ 'di ltar chos thams cad ni ngo bo nyid kyis rnam par dag pa ste/ chos thams cad ngo bo nyid kyis stong pa nyid pas shes rab kyi pha rol tu phyin pa yongs su dag pa'o// badz+ra hUM/ lag na rdo rje su la las chos thams cad kyi ngo bo nyid rnam par dag pa'i gnas bsgrub pa/ shes rab kyi pha rol tu phyin pa'i tshul 'di lan cig thos na yang / de byang chub kyi snying po'i bar du shes bya'i sgrib pa thams cad chod pa dang / nyon mongs pa'i sgrib pa dang / chos kyi sgrib pa dang / las kyi sgrib pa chen po bsags kyang / sems can dmyal pa la sogs pa ngan song rnams su nam yang skye bar mi 'gyur ro// sdig pa yang byas ma thag tu sdug bsngal med par byang bar 'gyur ro// su zhig 'dzin pa'am nyin re bzhin klog pa dang / kha ton byed pa dang / tshul bzhin yid la byed pa de tshe 'di nyid la chos thams cad kyi mnyam pa nyid rdo rje'i ting nge 'dzin thob pas/ chos thams cad la dbang phyug tu 'gyur ro// chos thams cad la dga' ba dang / mgu ba dang /

  7. 4a

    mchog tu dga' ba myong bar 'gyur ro// byang chub sems dpa' sems dpa' chen po'i chos bcu drug gis de bzhin gshegs pa nyid dam/ rdo rje 'dzin pa nyid 'thob par 'gyur ro// de nas bcom ldan 'das lag na rdo rje de bzhin gshegs pa thams cad kyi theg pa chen po mngon par rtogs pa'i dkyil 'khor thams cad pa/ rdo rje dbyings mtha' dag gi sems dpa'i mchog/ khams gsum po mtha' dag na 'jig rten gsum po ma lus pa las rnam par rgyal ba/ sems can gyi khams ma lus shing lus pa med pa/ 'dul bar spyod pa/ don thams cad 'grub pa/ lag na rdo rje mtha' yas pa thams cad pa/ dam tshig chen po pa/ rdo rje gsang ba'i sems can tshan po du mas g.yog byas pa de/ shes rab kyi pha rol tu phyin pa'i tshul gyi don 'di ston te/ bzhin rab tu 'dzum zhing lag pa g.yon pa rdo rje bsgyings te/ thog ma'i rdo rje chen po gsor nas rang gi snying gar gtod pa'i tshul gyis 'dzin cing bde ba chen po rdo rje don yod pa'i dam tshig ces bya ba rang gi de kho na nyid kyi snying po 'di smras so// hUM/ de nas 'di gsungs pa tsam gyis de bzhin gshegs pa thams cad kyi rdo rje 'dzin pa dang bcas pa/ 'jig rten gyi khams thams cad kyi khams gsum thams cad nas rjes su mnyes pa brtan pos mnyes par byas te bkug nas/ bcom ldan 'das

  8. 4b

    rnam par snang mdzad kyi dkyil 'khor chen por bcug ste/ dam tshig gis bcings nas dbang du byas te dngos grub thams cad grub bo// de nas bcom ldan 'das rnam par snang mdzad kyis bde ba chen po'i bsnyems pa'i phyag rgya bcings nas/ de bzhin gshegs pa thams cad kyi gsang ba'i rdo rje zhes bya ba'i ting nge 'dzin la snyoms par zhugs pas bzhugs so// de nas phyag na rdo rje gsang ba chen po rdo rje'i dam tshig 'byung ba/ dkyil 'khor byin gyis rlob pa'i ye shes rdo rje zhes bya ba'i ting nge 'dzin la snyoms par zhugs nas/ dam tshig chen po'i de kho na nyid rdo rje dbyings kyi byin gyis brlabs pa chen po zhes bya ba'i dkyil 'khor chen po 'di gsungs so// de nas yang dag bshad bya ba// dkyil 'khor chen po dam pa ste// de nyid dang po dam tshig che// rdo rje byin brlabs zhes bya'o// gru bzhir bgyi zhing sgo bzhi dang // khyams rnams kyis ni yongs bskor ba// rta babs bzhi dang yang dag ldan// 'od zer 'bar ba 'khrigs pa'i 'od// dkyil 'khor gyi ni gra rnams dang // sgo khyud kyi ni mtshams rnams su// zla ba phyed la rab gnas pa'i// rin chen kun gyis nye bar mdzes// rtse mo sna tshogs pa dan ni// dril bu mchog btags rlung gis bskyod// me tog chun 'phyang me long spras// phyi yi dkyil 'khor bri bar bya// de yi nang du 'khor lo

  9. 5a

    ni// dkyil 'khor brgyad dang mnyam pa ru// rdo rje thig gis thig btab la// rdo rje 'khor lo zhes byar bshad// de yi dbus su ci rigs par// sangs rgyas sku ni gzhag bya ste// 'dzum bcas zla ba'i mdog can la// rdo rje bsnyems pa 'dzin pa'i mchog/ rdo rje phreng sogs kyis spras shing // sna tshogs 'bar ba 'khrigs pa'i 'od// pad+ma'i gdan la bzhugs par ni// lugs ma'am mngon par 'dus byas pa'o// rang gi snying po kun bzlas te// de tshe dkyil 'khor brtag par bya// rdo rje sems sogs sems dpa' rnams// snying po nyid kyis yang dag dgod// rdo rje shugs kyis brgal nas ni// dkyil 'khor thams cad yang dag bsdus// gzhag gam yang na bri bar bya// tshogs rnams kun du ston pa'o// mdun du rdo rje sems dpa' ni// sangs rgyas kun gyi dbu rgyan can// rdo rje mtshon ni gsor bar brtson// dmar skya dag ni nges par dgod// sangs rgyas kyi ni g.yas logs su// rdo rje kI li kI la ni// yan lag kun gyis yongs 'khyud pa// rdo rje'i gzugs can nyi ma'i 'od// rgyab tu rdo rje 'dod pa ni// chu srin gyi ni rgyal mtshan thogs// sngo skya'i mdog can ci rigs par// blo dang ldan pas gzhag par bya// g.yon du rdo rje bsnyems pa ni// bsnyems pa'i rdo rje gnyis kyis ni// rdo rje bsnyems pa gnyis 'dzin pa// btso ma'i gser

  10. 5b

    dang 'dra bar dgod// sangs rgyas kyi ni mtshams rnams su// me tog la sogs kyis mtshan cing // thal mo spyi bor legs 'jog pa'i// mchod pa chen po gzhag par bya// phyi yi dkyil 'khor mtshams rnams su// lha mo'i tshogs rnams dgod par bya// sgo yi dbus ni thams cad du// gzugs mtshan la sogs bsdus pa dgod// sangs rgyas dkyil 'khor can brgyad ni// rdo rje 'dzin sogs bri bar bya// rdo rje 'khor lo thams cad du// sangs rgyas rdo rje 'dzin gyis bskor// phyi yi dkyil 'khor gnas rnams su// 'dod pa'i dbang phyug bri bya ste// mdun du 'jig rten gsum rgyal po// 'dod pa'i tshangs pa zhi byed mchog/ de nas dkyil 'khor chen po 'dir 'jug pa la sogs pa'i cho ga rgyas pa 'byung ste/ de la dang po nyid du ci skad bshad pa'i cho ga 'dis zhugs pa'i slob dpon ni/ rdo rje chen po'i slob dpon dang / dkyil 'khor thams cad kyi slob dpon dang / dam tshig thams cad shes pa dang / chos thams cad rig pa dang / las thams cad sgrub pa dang / dngos grub thams cad grub pa dang / bcom ldan 'das rdo rje sems dpas byin gyis brlabs pa dang / dbang bskur ba thams cad thob pa dang / thams cad shes pa dang ldan pa dang / mchod pa thams cad dang 'jig rten dang 'jig rten las 'das pa'i dkyil 'khor thams cad

  11. 6a

    'di'i dbang du 'gyur ba dang / 'grub par 'gyur ba dang / 'di'i phyag rgya thams cad kyang rang nyid kyis bcings pas 'grub par 'gyur ro// dam tshig thams cad kyi lam la nyes pa dang bcas kyang nyams par mi 'gyur zhing / byin gyis brlab par rtog par 'gyur ro// ma bslabs par yang thams cad shes par 'gyur ro// mchod pa la sogs pa'i bya ba thams cad 'grub par 'gyur ro// mdor bsdus na tshe 'di nyid la dngos grub kyi mchog ci ltar mngon par 'dod pa de lta bur sangs rgyas nyid dam/ rdo rje 'dzin pa nyid 'thob par 'gyur ro// de ci'i phyir zhe na/ 'di ltar bcom ldan 'das rdo rje sems dpa' 'di'i snying la bzhugs shing don yod pa'i phyir bkug cing dam tshig gis bcings la dbang du byas te/ rjes su mnyes pas bdag nyid slob dpon du gyur nas 'jug cing bsgrub na 'grub par 'gyur ro// de nas rdo rje'i phyag rgya bcings la/ dang po'i rdo rje'i lta bas bltas te snying po lan cig brjod nas dkyil 'khor chen po bsgrub par bya'o// de nas rdo rje rnam par sgeg pa'i phyag rgyas bzlas brjod lan cig byas la phyag byas nas gos dmar po gyon la/ me tog gi phreng ba thogs te gdong dris byugs pa dang rdo rje thal mos rdo rje'i gar byed cing bskor bas snying gar me tog thogs te bdag nyid 'jug par bya'o// zhugs nas kyang

  12. 6b

    yang rnam par sgeg pa dang skor bas gdud cing snying po yang bzlas brjod bya'o// de nas bcom ldan 'das la rdo rje'i lta bas bltas te de bzhin du 'dug nas bcom ldan 'das bsgrub par bya'o// de nas bcom ldan 'das rdo rje 'dzin pa bdag nyid la dgyes pas mthong ba stsol bar 'gyur zhing smin ma bskyod la sku thams cad dam yan lag rnams bskyod cing kha dog dmar por 'gyur ro// 'od zer gyi rang bzhin gyi zhal lam/ sku thams cad ston par 'gyur ro// cho 'phrul dpag tu med pa yang ston par 'gyur ro// de nas bcom ldan 'das bdag nyid mthong ba stsol ba'am dngos grub mchog kyang stsol bar 'gyur ro// de nas brtsams te nyin re zhing dngos grub thams cad 'thob par 'gyur ro// gang du zhugs pa tsam nyid kyis mi tshugs pa dang / mi sod par 'gyur ro// dngos grub thams cad dang / phun sum tshogs pa thams cad dang / ye shes thams cad dang / bya ba thams cad bcom ldan 'das phyag na rdo rjes sgrub par mdzad do// de nas de yang dag par mchod de rdo rje'i ming gis dbang bskur zhing / dpa' bo'i rdo rje bcom ldan 'das la mnos la/ snying po bzlas na bcom ldan 'das mthong ba stsal nas/ rang nyid kyi stsol cig ces brjod la rang gis blang bar bya'o// de nas skad cig de nyid la dngos grub mchog yid la 'dod pa 'grub par

  13. 7a

    'gyur ro// yang na bdag nyid kyis zla ba drug gis yid la 'dod pa'i dngos grub mchog 'grub par 'gyur ro// zhes bcom ldan 'das phyag na rdo rjes gsungs so// de nas rdo rje ming gi dbang bskur ba la sogs pa yang de bzhin no// de nas byin gyis brlab pa la sogs pa byas nas yang ji ltar 'dod pa'i cho gas bsgrubs la 'byung bar bya zhing dkyil 'khor chen po'i gsang ba bsgrub pa lan cig bya'o// de nas slob ma gzhug par bya ste/ de la dang por rdo rje slob dpon gyis dang po'i rab tu dga' ba'i rdo rje'i phyag rgya bcings la 'jug par bya'o// zhugs nas de bzhin du phyag byas la snying pos ci ltar mngon par 'dod pa'i tshig dang / bcom ldan 'das bsgrubs pas phyag rgya chen pos bsgrub par bya'o// de nas bcom ldan 'das bsgrub pas mtshan ma de nyid 'byung ste shes nas phyag rgya chen po nyid 'grub par 'gyur ro// dngos grub thams cad kyang 'grub par 'gyur te/ zhugs pa 'dis ni rdo rje slob dpon bdag nyid de bzhin du 'grub par 'gyur ro// de nas de bzhin du rdo rje blang ba la sogs pa byas nas/ rdo rje slob ma la cho ga rgyas pa 'di bzhin du byas te/ phyag rgya bcing ba yang bslab par bya'o// gang yang de bzhin gshegs pa thams cad la sogs pa'i dam tshig la mos pa de rnams la yang rang gi lhag pa'i lha'i

  14. 7b

    'jug pa'i cho ga rgyas pa dang / de bzhin du yid la 'dod pa'i dngos grub thams cad 'grub par 'gyur ro// de nas lha gzhan dag la dad pa rnams la de bzhin du 'jug pa'i cho ga rgyas par byas nas de bzhin du 'grub par 'gyur ro// de nas ci ltar zhugs pa rnams zas dang / ro bcud dang gnas pa la sogs pa thams cad kyis yang dag par tshim par byas la ci ltar shes pa'i gar dang glu dang dgod pa dang bu dang bu mo dang mdza' bshes dang nye du dang gnyen mtshams dang bcas pas kyang mchod par bya'o// de la 'dir ni snod dang snod ma yin pa brtag par mi bya ste sems can gyi khams ma lus shing lus pa med pa rnams bde ba chen po rdo rje'i dam tshig 'di dang / 'dod pa'i bsam pa yongs su rdzogs par byed pa'i rdo rje sbyor bas rdo rje chos kyi mnyam pa nyid kyi phyag rgyas rgyas btab pa yin pa'i phyir ro// dkyil 'khor chen po'o// de nas cho ga 'byung ste/ zla ba nya nas brtsams nas phyag na rdo rje'i spyan sngar rab tu dga' ba'i rdo rje'i phyag rgya bcings la ci ltar skyob par ma gyur par dang po byin gyis brlab pa la sogs pa byas la rdo rje'i tshig gis brjod cing ci srid zla ba gcig gi bar de srid du bzlas brjod byas na sngon du bsnyen pa byas par 'gyur ro// de nas brtsams te phyag na rdo rje'i bka' ci lta ba bzhin du dngos grub thams cad 'grub par 'gyur

  15. 8a

    ro// de nas ras ris 'dri ba'am 'drir gzhug par 'dod na/ dang por rdo rje bri ba'i phyag rgyas bris la de'i 'og tu ni ci bder bya'o// dkyil 'khor thams cad du yang de nyid kyis dang po brtsam par bya ste/ dbus su bcom ldan 'das cho ga ci lta ba bzhin du bri zhing / dkyil 'khor chen po'i tshul gyis sems dpa' chen po brgyad bri bar bya'o// de nas zla ba nya nas brtsams te phyag rgya chen po bcings la/ de bzhin du sngon du bsnyen pa'i tshul ltar bzlas nas zla ba nya'i mtshan mo thog thag tu ci lta ba bzhin du skyo bar ma gyur pas phyag rgya ma bkrol bar bzlas brjod bya'o// de nas nang par bcom ldan 'das kyi zhal 'dzum zhing zla ba dang mnyam pa'i mdangs can mthong ba stsol cing / sangs rgyas nyid dang rdo rje 'dzin pa nyid la sogs pa'i dngos grub mchog rnams stsol bar 'gyur ro// cho ga gzhan yang bcom ldan 'das de bzhin gshegs pa byang chub sems dpa' chen po brgyad kyis yongs su bskor ba dang / phyogs thams cad du de bzhin gshegs pa rnams dang / rdo rje 'chang thams cad bri bar bya'o// de nas de bzhin du bsgrubs pas sangs rgyas nyid la sogs pa dngos grub thams cad 'grub bo// ras la bcom ldan 'das phyag na rdo rje bsnyems pa dang bcas par bris la/ de'i spyan sngar dang po'i phyag rgya chen pos gnas nas bzlas

  16. 8b

    brjod 'bum byas te/ 'bum rdzogs na phyag na rdo rje nyid thob par 'gyur ro// de bzhin gshegs pa dpa' bo gcig pu bris nas yang mthar 'tshang rgya bar 'gyur ro// de nas bklags pa tsam gyis 'grub pa'i las rnams dkyil 'khor du zhugs pa tsam gyis 'grub par 'gyur ba ni 'di lta ste/ de bzhin gshegs pa thams cad rjes su mnyes par bya ba la ni 'dod chags la sogs pa bde ba thams cad phul bas so// rdo rje 'dzin pa chen po mnyes par bya ba la ni rdo rje sems dpa' dang 'khyud cing 'o byed pas so// byang chub sems dpa' thams cad rjes su mnyes par bya ba la ni dpag tu med pa'i bzlas pas so// rdo rje thams cad rjes su mnyes par bya ba la ni rang gi snying po bzlas pas so// lha la sogs pa sems can thams cad rjes su chags par bya ba la ni thams cad du 'bum bzlas pas so// bdag bsrung ba la ni yungs kar la lan cig bzlas pas so// gzhan bsrung ba la ni rdo rjes bskor bas so// thams cad bsrung ba la ni yid kyis lan cig go/ mtshams dang phyogs dang dkyil 'khor thams cad bcing ba la ni blta ba'am yungs kar la sogs pas so// sems can thams cad rengs par bya ba la ni dbugs mi 'byin par bzlas pas so// sems can thams cad rmugs par bya ba la ni rdo rje btsir bas so// sems can thams cad

  17. 9a

    rmongs par bya ba la ni mig btsums nas bzlas pas so// thams cad gsad pa la ni rdo rje dral bas so// sems can thams cad rgyas gdab pa la ni rdo rje mkha' 'gro ma'i phyag rgyas so// snying thams cad 'dren cing 'byin pa la ni yid kyis bzlas pas so// sems can thams cad za ba la ni ldang cing myur bar zlos pas so// sems can thams cad skrag par bya ba la ni rdo rje 'jigs byed kyi phyag rgyas so// nor thams cad dgug pa la ni gser gyis bzlas pas so// nor dang 'bru thams cad dgug pa la ni rdo rje rnal 'byor ma'i phyag rgyas so// thams cad rjes su chags par bya ba la ni pi wang brdung ba dang bcas pa'i ka ka la'i glu len pas bzlas brjod bya'o// thams cad 'bigs pa dang rjes su chags par bya ba la ni rdo rje mda'i phyag rgyas so// thams cad chags par bya ba la ni phyogs thams cad kyi de bzhin gshegs pa mnyes pas so// sdug pa'i 'ching ba brtan par bya ba la ni snying brtan por nges par 'tshir pas so// ma rungs pa rab tu bsgrub pa la ni rdo rje bsnyems pas so// rgyan thams cad dbrog pa la ni 'bar ba'i blta bas dbrog pas so// thams cad yid tshim pa la ni rdo rje khu tshur snying gar bzhag pas so// mun pa snang bar bya ba la ni rdo rje kha shar du bltas te bskor bas so// lus bde bar bya ba la ni rang

  18. 9b

    gi mtshan gyi bzlas pas so// gzugs thams cad snang bar bya ba la ni rdo rje gzugs kyi mchog gi phyag rgyas so// sgra thams cad thos par bya ba la ni rdo rje pi wang gis so// dri zhim po sna tshogs pa'i phyir ni sna'i dbugs 'byin pa'i glu yis so// zas dang skom thams cad dang bcud thams cad spo ba la ni rdo rje spo bar bya'o// dbab pa thams cad la ni mnyam pa'i thal mo dang se gol dang glu'i bzlas pas so// thams cad gar byed du gzhug pa la ni bdag nyid gar byed cing bzlas pas so// thams cad glu len du gzhug pa la ni lce bskyod cing bzlas pas so// thams cad smrar gzhug pa la ni rdo rje mchu yis so// thams cad babs nas lan ston pa la ni rdo rje 'bebs pas so// gdon thams cad las thar bar bya ba la ni rdo rje myu gu'i phyag rgyas so// gdon thams cad 'dzin du gzhug pa la ni tshogs kyi bdag po rab tu dga' ba'i khro bos bzlas pas so// rims thams cad 'dzin du gzhug pa la ni rdo rje'i rims kyi gdon gyis so// rims thams cad bsal ba la ni rdo rje'i lta bas bsal bas so// dug thams cad sbar ba la ni rdo rje lta ba'i dug gi phyag rgyas so// dug thams cad gzhig pa la ni rma bya'i chun pos so// dug thams cad bza' ba la ni rdo rje bdud rtsis phyag rgyas so// bdud la sogs pa ma rungs pa thams cad brlag pa la ni 'khrugs

  19. 10a

    pas dpag tu med par bzlas pas so// mkha' 'gro ma'i gdon thams cad las grol bar bya ba la ni rdo rje chen po gsor ba'i phyag rgyas so// phyag rgya thams cad gzhig pa la ni rdo rje 'phen pas so// mkha' 'gro ma thams cad dgug pa dang / gzhug pa dang / gdul ba la ni rdo rje kha T+wAM ga'i phyag rgya 'dzin pas so// ma mo thams cad kyi dkyi 'khor dang / dam tshig dang / snying po dang / phyag rgya dang / gsang sngags dang // rig pa dang / gsang ba gzhig pa la ni rdo rje khro bo'i yi ge phaT kyis so// ma mo dang mkha' 'gro ma thams cad mngag gzhug mar bya ba la ni ma mo'i gnas su khros pas bzlas brjod 'bum bya'o// bdud thams cad kyi stobs gzhom pa la ni rdo rje drag po'i ha ha zhes bya ba'i gad rgyangs kyis so// gzhan gyi dpung thams cad gzhom pa la ni rdo rje la yongs su bzlas la 'phang ngo // 'thab pa thams cad las thar bar bya ba la ni rdo rje rgyal mtshan gyi phyag rgyas so// thams cad bcing ba la ni gos la mdud pa bya'o// thams cad dgrol ba la ni yi ge mu yis so// ro langs dang 'khrul 'khor thams cad gzhig pa la ni rdo rje 'jigs byed kyis so// lcags sgrog thams cad dgrol ba la ni rdo rje khab long gis so// me yang dag par bskyed pa la ni rdo rje me shel gyis so// chu med par chu yang dag par bskyed pa la ni rdo rje chu shel

  20. 10b

    gyis so// nam mkha' las zas dang skom dang gos dang rgyan thams cad la sogs pa yo byad mang po 'byung ba la ni nam mkha' la lta zhing bzlas brjod 'bum bya'o// nam mkha' las sangs rgyas kyi sku la sogs pa gzugs thams cad ston pa la ni sangs rgyas rjes su dran pa la nam mkhar lta zhing bzlas pas so// nam mkha' las yi ge 'das pa dang ma 'ongs pa dang da ltar byung ba'i lung bsgo ba'i bden par ston pa la ni yi ge a bris la bzlas brjod 'bum byas pas so// pra se na thams cad las 'das pa dang / ma 'ongs pa dang / da ltar byung ba'i lung bsgo ba bden par ston pa la ni rdo rje pra se na thams cad dbab pas so// de bzhin du mig gis bden pa thams cad mthong ba la ni rang gi mig la bzlas pa 'bum byas pas so// rna bas thos par bya ba la ni rang gi rna ba la bzlas pa 'bum byas pas so// snas mnam par bya ba la ni sna la bzlas pas so// lces rang nyid smra ba la ni lce la bzlas pas so// lus kyis reg par bya ba la ni lus la bzlas pas so// yid kyis shes par bya ba la ni yid la 'bum bzlas pas so// rmad du byung ba thams cad bstan pa la ni sangs rgyas kyi sku bsgrubs pas so// sgyu ma thams cad bstan pa la ni rma bya'i sgo'i chun po la 'bum bzlas pas so// thams cad g.yog par bya ba la ni zhi ba'i gnas su 'bum bzlas pas

  21. 11a

    so// thams cad la lan ldon par bya ba la ni rdo rje hUM mdzad kyi rdo rjes so// rdzu 'phrul thams cad bstan pa la ni rdo rje rdzu 'phrul gyi phyag rgyas so// cho 'phrul thams cad bstan pa la ni rdo rje ting nge 'dzin gyi phyag rgyas so// rang gi lus la sogs pa dngos po thams cad las sangs rgyas dang / rdo rje sems dpa' la sogs pa rgyu ba dang mi rgyu ba'i dngos po thams cad bstan pa la ni rdo rje rdzu 'phrul rnam par 'phrul pas so// lha thams cad dbab pa la ni rdo rje skor bas so// klu thams cad rjes su 'brang bar bya ba la ni klu'i rgyal po'i mtshor bzlas brjod bya'o// gnod sbyin thams cad mngag gzhug par bya ba la ni rdo rje'i bka' bsgo bas so// 'byung po thams cad gdul ba la ni lha chen po mnan nas khros pas bzlas brjod bya'o// ser ba thams cad bzlog pa la ni rdo rje srid srung gi phyag rgyas so// glog 'bab pa thams cad bzlog pa la ni rdo rje khro gnyer can gyi phyag rgyas so// char dbab pa la ni klu'i mtshor bzlas brjod bya'o// char gcad pa la ni dri ma med pa'i chu'i sbyin blug bya'o// sprin bskyed pa la ni klu bris nas bdug pas bdug par bya'o// sprin bshig pa la ni rdo rje nam mkha'i spyan gyis so// chu med pa'i phyogs su shin tu bsil ba'i chu'i tshogs rtag tu 'byung ba la ni rdo rje klu'i phyag rgyas so// gter thams cad shes par bya ba la

  22. 11b

    ni snod du chu blug par bya'o// gter thams cad brko ba la ni rdo rje 'jor gyis so// gter thams cad rnyed pa la ni rdo rje nor gyis so// rgyal srid thams cad thob par bya ba la ni rdo rje dbang bskur ba'i phyag rgyas so// sa'i bdag por bya ba la ni rdo rje sems dpa'i dbang bskur ba'i phyag rgyas so// dkyil 'khor thams cad bsgrub pa la ni rdo rje 'khor lo'i phyag rgyas so// phyag rgya thams cad bsgrub pa la ni bde ba chen po'i dam tshig gi phyag rgyas so// dam tshig thams cad bsgrub pa la ni rab tu dga' ba'i rdo rje'i phyag rgyas so// dngos grub thams cad bsgrub pa la ni rdo rje bsnyems pa'i lcags kyu'i phyag rgyas so// ma grub pa thams cad grub par ston pa la ni rdo rje grub pa'i phyag rgyas so// rdo rje rig pa 'dzin pa thams cad bsgrub pa la ni rdo rje rig pa 'dzin gyi phyag rgyas so// rdo rje thams cad bsgrub pa la ni rdo rje thams cad kyi mchog gi phyag rgyas so// byang chub sems dpa' thams cad bsgrub pa la ni thugs kyi rdo rjes so// rdo rje 'dzin pa nyid bsgrub pa la ni rdo rje sems dpa'i phyag rgya chen pos// sangs rgyas nyid bsgrub pa la ni rdo rje ye shes kyi phyag rgyas so// bde ba chen po rdo rje don yod pa'i dam tshig thams cad kyi rtog pa'i rgyal po chen po las dam tshig chen po'i de kho na nyid rdo rje zhes bya ba rtog pa'i rgyal po chen po rdzogs so// rdo rje sems dpa'i rtog

  23. 12a

    pa'o// // de nas bcom ldan 'das rnam par snang mdzad kyis/ yang de bzhin gshegs pa thams cad kyis zhi ba'i chos nyid mngon par rdzogs par byang chub par bsgrub pa zhes bya ba'i shes rab kyi pha rol tu phyin pa'i tshul 'di gsungs te/ rdo rje sra ba nyid kyi phyir rdo rje mnyam pa nyid mngon par rdzogs par byang chub pa ni byang chub chen po'o// don gcig pa nyid kyi phyir don gyi mnyam pa nyid mngon par rdzogs par byang chub pa ni byang chub chen po'o// ngo bo nyid rnam par dag pa nyid kyi phyir chos kyi mnyam pa nyid mngon par rdzogs par byang chub pa ni byang chub chen po'o// thams cad la rnam par mi rtogs pa nyid kyi phyir thams cad mnyam pa nyid mngon par rdzogs par byang chub pa ni byang chub chen po'o// lag na rdo rje gang la la chos mngon par bsgrub pa bzhi po 'di dag nyan pa dang 'dzin pa dang klog pa dang / sgom pa de sdig pa thams cad la spyod kyang byang chub kyi snying po la thug gi bar du ngan song thams cad las yang dag par 'das par 'gyur ro// de nas de skad ces bka' stsal nas/ bcom ldan 'das ye shes kyi khu tshur yongs su 'dzin pa'i don gyi gnas 'di nyid rgya cher ston cing bzhin 'dzum pa dang bcas te chos thams cad kyi mnyam pa nyid kyi snying po 'di gsungs so// aH/ de nas 'di gsungs pa tsam gyis de bzhin

  24. 12b

    gshegs pa thams cad yang dag par 'dus par mdzad nas/ bcom ldan 'das kyi phyogs thams cad du rdo rje sems dpa'i dkyil 'khor chen po'i tshul gyis bzhugs pa dang / sems dpa' chen po brgyad phyi'i dkyil 'khor du phyogs brgyad du bzhad pa chen pos bzhad cing bzhugs so// de nas bcom ldan 'das de bzhin gshegs pa rnam par snang mdzad de bzhin gshegs pa thams cad kyis rdo rje'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas de bzhin gshegs pa thams cad kyi de kho na nyid rdo rje zhes bya ba'i dam tshig chen po'i dkyil 'khor chen po 'di gsungs so// rdo rje sems dpa'i dkyil 'khor chen po'i tshul du phyi'i dkyil 'khor bris la de'i dbus su thig gsum gyi 'khor lo bris nas bcom ldan 'das kyi thad kar sna tshogs pad+ma rab tu gnas pa de'i 'khor lo'i lte ba la bcom ldan 'das de bzhin gshegs pa rtag pa chen po sa la sogs pa las byas pa gzhag par bya'o// de'i phyogs thams cad du sa la sogs pa las byas pa'i de bzhin gshegs pa brgyad gzhag gam bri bar bya'o// de nas tshon gyi thig le rnams kyis dkyil 'khor gyi 'khor lo la bzhugs pa'i de bzhin gshegs pa rnams rdo rje 'dzin pa dang bcas pa bri bar bya'o// phyi'i dkyil 'khor gyi phyogs bzhi dang mtshams rnams su byang chub

  25. 13a

    sems dpa' brgyad ci lta ba bzhin bzhag nas/ bum pa gang ba bzhi sgo rnams su dgod par bya zhing / byang chub kyi mtshan ma rnams gzhag par bya ste/ shar nas brtsams te ne'u gsings dang bcas pa'i dum bu dang / ro drug gis yongs su gang zhing dbyigs dang gser dang rin po che dang / gos la sogs pas yongs su bkang ba'i snod dang / 'jam zhing shin tu bde ba'i stan dang / sangs rgyas kyi sku gzugs dgod do// de nas de bzhin du gos gyon la de bzhin gshegs pa thams cad kyi rdo rje'i phyag rgya bcings nas zhugs na bdag nyid slob dpon med par yang bcom ldan 'das de bzhin gshegs pa thams cad kyis byin gyis rlob par 'gyur ro// de nas brtsams te de bzhin gshegs pa thams cad kyi rtog pa dang dngos grub thams cad la mi tshugs pa dang / mi sod pa dang / sgrib pa thams cad dang bral ba 'thob par 'gyur ro// de nas slob ma yang de bzhin du gzhug go/ zhugs nas rdo rje rtse lnga pa byin la rdo rje ming gis dbang bskur ba yang sbyin par bya'o// de nas dam tshig 'di dag bya bar bsgo bar bya'o// sems can kun la phan phyir dang // bstan pa thams cad bsrung ba'i phyir// rnam par mi rtog sbyor ba yis// ci bde bar ni thams cad kyis// zhes bya'o// de nas mtshan ma bzhi 'byor ba ci lta bas skal ba ci lta ba bzhin du sbyin

  26. 13b

    par bya'o// dam tshig chen po'i dkyil 'khor lo// de nas sgrub pa ni/ ras la bcom ldan 'das rnam par snang mdzad 'dzum pa dang bcas shing / de bzhin gshegs pa thams cad kyi khu tshur gyi phyag rgya yongs su 'dzin par bya'o// gzhan thams cad ni dam tshig chen po'i dkyil 'khor gyi tshul du bya'o// de nas de bzhin du sems dpa' mchog bsgrub pa dang / dngos grub mchog rnams kyang de bzhin no// gzhan yang ras la bcom ldan 'das dpa' bo gcig pu bris te/ 'di'i mdun du rdo rje tshig gis bzlas brjod 'bum byas nas ye shes kyi khu tshur yongs su 'dzin pas mtshan mo thog thag bzlas na/ shes rab kyi pha rol ru phyin pa 'thob cing dngos grub thams cad grub pa'i byang chub sems dpar 'gyur la/ de nas de bzhin gshegs par 'gyur ro// de nas ma bsgrubs pas kyang dkyil 'khor du zhugs pa tsam nyid kyis las rnams 'grub par 'gyur te/ 'di lta ste/ de bzhin gshegs pa thams cad mchod pa la ni/ ci snyed pa'i de bzhin gshegs pa'i bde ba thams cad phul bas so// sangs rgyas dang byang chub sems dpa' thams cad mchod pa la ni/ bdag phul bas so// dkon mchog gsum mchod pa la ni/ me tog la sogs pa la bzlas pas so// sems can thams cad mchod pa la ni/ thams cad la byams pa'i bzlas pas so// chos thams cad bsdu

  27. 14a

    ba la ni shes rab kyis pha rol tu phyin pa'i tshig bzhi po gdon pas so// bdud thams cad 'dul ba la ni brtan zhing nges pa'i bzlas pas so// de bzhin gshegs pa thams cad kyi dbang bskur ba thob pa la ni rgyan thams cad phul zhing rang nyid bcings pas so// chos nyid thams cad thob pa la ni rdo rje pad+ma la blta bas so// de bzhin gshegs pa thams cad kyi las kyi dngos grub thob pa la ni thams cad rdo rje'i las kyi mchog gis so// sangs rgyas nyid rab tu 'thob pa la ni rdo rje ye shes kyi khu tshur gyi de kho na nyid kyi phyag rgya chen pos so// bde ba chen po rdo rje don yod pa'i dam tshig gi rtog pa'i rgyal po chen po las/ de bzhin gshegs pa thams cad kyi de kho na nyid kyi rdo rje dam tshig ces bya ba'i rtog pa'i rgyal po rdzogs so// de bzhin gshegs pa'i rtog pa'o// // de nas ma rungs pa thams cad 'dul ba de bzhin gshegs pa shAkya thub pas kyang yang chos thams cad kyi mnyam pa nyid kyis rnam par rgyal ba bsdu ba zhes bya ba shes rab kyi pha rol tu phyin pa bsgrub pa 'di gsungs so// 'dod chags kyi spros pa med pa nyid kyis zhe sdang gi spros pa med pa nyid do// zhe sdang gi spros pa med pa nyid kyis gti mug gi spros pa med pa nyid do// gti mug gi spros pa med pa nyid kyis chos thams cad kyi spros pa med pa nyid do// chos thams

  28. 14b

    cad spros pa med pa nyid kyi shes rab kyi pha rol tu phyin pa spros pa med pa nyid du rig par bya'o// lag na rdo rje gang la la shes rab kyi pha rol tu phyin pa'i tshul 'di nyan pa dang / 'dzin pa dang klog pa dang sgom pa des 'dul ba'i dbang gi phyir khams gsum du skyes pa'i sems can thams cad bsad kyang ngan song du skye bar mi 'gyur te myur du bla na med pa yang dag par rdzogs pa'i byang chub tu mngon par rdzogs par mtshar rgya bar 'gyur ro// de nas bcom ldan 'das phyag na rdo rje chos nyid 'di'i don rgya cher ston cing / 'jigs rten gsum las rnam par rgyal ba'i rdo rje zhes bya ba'i ting nge 'dzin gyi phyag rgya bcings nas/ khro gnyer dang bcas shing smin ma bteg ste 'bar bar blta la pad+ma'i gdong khro zhing dgod de/ mche ba gtsigs nas rkang pa g.yas pa bskum pa'i tshul du gnas pas gnas nas rdo rje hUM zhes bya ba'i snying po 'di gsungs so// hUM/ de nas 'di gsungs pa tsam gyis 'jig rten gsum po thams cad kyi 'dod pa'i dbang phyug la sogs pa 'jig rten gsum gyi bdag po rnams yang dag par bkug ste ltung bar mdzad nas dkyil 'khor du bcug nas rnam par rgyal bar mdzad la/ bcings te dbang du byas nas btul zhing rjes su btul te/ bslang nas yang dam tshig gis bcings nas 'jig rten gsum gyi bdag po dbang phyug chen

  29. 15a

    po chung ma dang bcas pa zhabs gnyis su phab nas mnan par mdzad do// de nas de rnams kyis 'jig rten gsum po thams cad du sgra chen po bsgrags te/ kye rdo rje 'chang chen po yongs su skyob par mdzod cig/ bdag cag rnams ma gzir cig/ 'dir khyod la bdag cag skyabs su mchi'o// dam tshig dang bka' bsgo ba yang bsgrub par bgyi'o// ma mo thams cad kyang btul zhing dam la btags nas dkyil 'khor yang rnam par bshig ste/ phyag rgya thams cad dang dam tshig kyang dral zhing rnam par bshigs pa dang / gdon thams cad kyang bzlog cing / nad thams cad dang rims dang gnod pa dang dug dang ngan 'gro rnams dral zhing rnam par bshigs pas sgra chen po sgrogs shing 'jigs pa chen pos 'jigs par byed pa'i tshig rnams kyis bcom ldan 'das nyid la skyabs su song ngo // bcom ldan 'das kyis kyang zhal rnam par bzhad nas/ de rnams dkyil 'khor du bcug ste/ dam tshig gis bcings nas/ rdo rje rin chen gyis dbang bskur nas rang gi mtshan ma rnams rdo rjes byin gyis brlabs te/ rdo rje ming gi dbang bskur ba yang rjes su stsal nas/ sems can ma lus pa'i don du phyi'i rdo rje'i rigs su rab tu bzhag go/ de nas rdo rje khro bo'i rdo rje las phyag na rdo rje dang 'dra ba'i dngos po'i bdag nyid can kha dog dang rgyan dang mtshon cha rnam

  30. 15b

    pa sna tshogs bsnams pa/ rnam par 'gyur ba'i rdo rje'i mche ba gtsigs pa/ tshems kyis sgros gnon pa smin ma mi bzad cing khro gnyer bsnyer ba/ spyan dang dbu skra dang ag tsom 'bar ba zhal 'jigs pa/ rdo rje dang lcags kyu dang zhags pa dang mtshon cha mda' dang dbyig pa dang ral gri dang kha T+wAM ga dang gri ring dang chu gri phyag na bsnams pa/ khro bo chen po hUM mdzad las phyung ste/ bcom ldan 'das phyag na rdo rje'i dang po'i dkyil 'khor gyi tshul gyis bzhugs so// lha la sogs pa de rnams kyang rang gi dkyil 'khor gyis byin gyis brlabs nas/ phyi'i dkyil 'khor du bzhag go/ gdon la sogs pa de dag kyang dkyil 'khor gyi phyi rim na gnas so// de nas bcom ldan 'das de bzhin gshegs pa thams cad thugs rje chen po'i thabs kyi khro bo'i rdo rje zhes bya ba'i ting nge 'dzin la snyoms par zhugs nas/ khams gsum po mtha' dag las rnam par rgyal ba rdo rje'i byin gyis brlabs pa zhes bya ba'i dkyil 'khor chen po 'di gsungs so// de nas yang dag bshad bya ba// rdo rje'i dkyil 'khor dam pa ste// khams gsum rnam par rgyal zhes bya// 'dul pab chen po 'dul byed pa// dkyil 'khor dang po'i sbyor ba yis// phyi yi dkyil 'khor bri bar bya// de yi nang gi 'khor lo ni// dkyil 'khor brgyad pa dag dang mtshungs// de yi dbus su khro bo che// phyag na rdo rje

  31. 16a

    gzhag par bya// sangs rgyas phreng la sogs pas spras// ut+pal sngon po'i mdog 'dra ba// zhal ni cung zad mche ba gtsigs// khro bcas bzhad pa'i zhal mnga' ba// g.yon brkyang ba yis legs bzhugs la// rdo rje hUM mdzad bsdus pas so// g.yon gyi zhabs kyis legs gnon pa// de yi bya ba dbang phyug che// g.yas ni dka' thub zlog ma yi// nu ma'i steng du rab tu 'jog/ 'bar phreng 'khrigs pa'i 'od ldan pa// sa sogs bcas pa'i khams rnams kyis// khro bo kun du gzhag par bya// 'bar phreng 'khrigs pa'i 'od ldan pa'i// 'khor lo de yang mkhas pa yis// 'bar phreng 'khrigs pa'i 'od can bri// phyi yi dkyil 'khor gnas rnams su// phyi yi dkyil 'khor tshogs rnams su// khro bo'i mtshan ma bzhi po ni// gzhu dang mda' dang ral gri dang // 'khor lo de bzhin rtse gsum bsgreng // sgo rnams kun du bri bar bya// phyi rol gnas pa'i gdon rnams kyi// sna tshogs gtor mas bkang ba dang // ba dan sngon po dril btags shing // rtse mo kha dog sna tshogs pa'o// de nas 'dir 'jug pa la ni yan lag thams cad ras sngon po zung gis g.yogs shing khros pas rdo rje dam tshig gi phyag rgya dang bcas pas 'dzin par gyur pas zhugs na/ bcom ldan 'das kyis rdo rje'i rigs kyi slob dpon du byin gyis rlob pa mdzad do// de nas brtsams te

  32. 16b

    sdig pa la sogs pa rnam par grol zhing / mi sod pa dang mi tshugs pa dang mu stegs thams cad la tshar gcod pa dang phan 'dogs nus shing thams cad las rgyal ba dang dngos grub thams cad 'grub par 'gyur ro// de nas slob ma de bzhin du bcug la snying po byin te dkyil 'khor thams cad du'ang bya'o// de nas rdo rje rnon po rtse bzhi pa 'bar ba byin la rdo rje ming gi dbang bskur bas dbang bskur nas rdo rje'i brtul zhugs sbyin par bya ste/ 'di ni gdug pa 'dul byed pa'i// lag na rdo rje'i rdo rje ste// ma rungs thams cad 'dul ba la// khyod kyis kyang ni rtag tu bcang // de nas de bzhin du 'byung bar bya'o// rdo rje'i dkyil 'khor ro// de nas sgrub pa la ni ras la bcom ldan 'das khro bo'i dbang phyug byas la/ rdo rje'i dkyil 'khor gyi tshogs kyang sems dpa' chen po thams cad bya'o// phyogs thams cad du ni lha la sogs pa dang ma mo rnams bri bar bya ste/ de nas bsgrub pa chen po la yang de bzhin te/ de bzhin du dngos grub mchog rnams la ni ras la bcom ldan 'das ci lta ba bzhin du byas nas/ de'i mdun du lag pa gnyis kyis phyag rgya bcings te bzlas brjod 'bum bya'o// de nas yi ge hUM tsam gyis 'jig rten dang 'jig rten las 'das pa'i las thams cad byed par 'gyur ro// ma bsgrubs par yang las thams cad dang / de bzhin du thams

  33. 17a

    cad rjes su chags par bya ba dang / dgug pa dang / gzhug pa dang bcing ba dang / dgrol ba dang / dbang du bya ba dang / lkugs par bya ba dang / rengs par bya ba dang / rmongs par bya ba dang / gnyid med par bya ba dang / rgyas gdab pa dang / ltung ba dang / brdeg pa dang / gsad pa dang / gso bar bya ba la sogs pa yang lan cig bzlas pas byed par 'gyur ro// thams cad gsang ba la ni rdo rje khro bo mthar byed kyis so// thams cad rgyas gdab pa la ni khro bo'i lta ba'i bzlas pas so// thams cad gzhig pa la ni rdo rje khros pas gzhig par bya'o// thams cad nges par gnon pa la ni rdo rje dang khros pas phyogs der brdeg par bya'o// nad thams cad dbug bral ni rdo rje phra mo 'bigs byed kyis so// thams cad kyi snying 'byin pa la ni khros pa'i yid kyis dbyung bar bya'o// gdug pa thams cad tshar gcad pa la ni khros pas rdo rje bskor bar bya'o// gdug cing khros pa dgos pa la mi khros pas lcags phye'i sbyin sreg gis so// bdud thams cad brlag pa la ni rang gi sa bon gyi sbyin sreg gis so// gnod sbyin thams cad bskrad pa la ni ha ha zhes dgod cing bzlas pas so// klu thams cad gdon pa la ni rdo rje sa la brdebs shing te bzlas pas so// lha thams cad ltung bar bya ba la ni lha mo rdo rje ltung byed kyis so// lha'i bdag po thams cad

  34. 17b

    dbang du bya ba dang / gdul ba dang / bsnun pa dang / gsod pa dang / gdul bar bya ba la ni rdo rje srid pa gsum po gdul bar byed pas so// rnam thos sras rjes su 'brang bar bya ba la ni rnam thos sras mnan nas khros pas bzlas brjod bya'o// lus ngan po mnan nas dpal dbrog par bya ba la ni rdo rje skyes bus so// 'dod pa'i lha dbang du bya ba la ni 'dod pa'i lha'i mdun du khros pas bzlas brjod bya'o// tshangs pa ltung bar bya ba la ni rdo rje rab tu dga' ba'i phyag rgyas so// khyab 'jug gzhig pa la ni rdo rje 'khor lo dral bas so// dbang phyug chen po gdul bar bya ba la ni rdo rje tri shul dral bas so// ma mo thams cad gsang ba la ni rdo rje khro bo'i tshogs kyi srin mos so// phyi'i dkyil 'khor thams cad kyi phyag rgya dang dam tshig dang chos dang gsang ba'i dngos grub rnam par gtor zhing rnam par gzhig pa la ni rdo rje khro bo'i gdug pa'i dam tshig 'jigs par byed pas so// ri dang shing dang khyim dang gtsug lag khang dang grong khyer dang mchod rten dang lha'i khang pa dang / skyes pa dang bud med dang glang po dang bcas pa'i rta la sogs pa thams cad gzhom pa la ni rdo rje khro bo'i lta bas mig la reg pas so// ltung ba thams cad bslang ba la ni rdo rje khro bo bslang bas so// thams cad spo ba la ni rdo rje khros pa'i rnal 'byor mas so// thams cad dbrog pa la ni rdo

  35. 18a

    rje khro bo'i khu tshur dang dbrog pas so// 'jigs pa thams cad bskyed pa la ni rdo rje khro bo'i lta bas so// dpung thams cad gsad pa la ni rdo rje khro bo'i gnod sbyin mos so// gzhan gyi dpung thams cad gzhom pa dang gnon pa dang rmongs par bya ba dang long bar bya ba dang rgyas gdab pa dang gsad pa la ni rdo rje khro bo ma rungs pa'i srin mos so// rgyal po la sogs pa mi chen po thams cad gsad pa la ni dong ka'i shing la rang gi khrag gis sbyin sreg byas pas so// lha thams cad rnam par gzhig pa la ni lha thams cad kyi gzugs brnyan phur bus gdab pas so// lha'i bdag po thams cad bsreg pa la ni lha thams cad kyi gzugs brnyan gyi lam shing gis so// rang gi khrag gi rgyun dbab pas sa thams cad nub par bya ba la ni rdo rje khro bo sa 'og gi phyag rgyas so// khams gsum thams cad gsad pa la ni rdo rje'i 'jigs pa'i phyag rgyas so// 'jig rten gsum po thams cad las rnam par rgyal ba la ni 'jig rten gsum las rnam par rgyal ba'i mchog gi rdo rje khro bos so// khams gsum thams cad dbab pa dang dgug pa dang gzhug pa dang / dbang du bya ba dang / nges par gnon pa la ni rdo rje sems dpa'i khro bo'i phyag rgyas so// khams gsum po thams cad rjes su chags par bya ba dang dgug pa dang gzhug pa dang bcing ba dang rgyas gdab pa

  36. 18b

    dang dbang du bya ba dang gnon par bya ba dang bsgrub pa la ni bde ba chen po'i rdo rje'i dam tshig gis khro bos so// bde ba chen po rdo rje don yod pa'i dam tshig gi rtog pa'i rgyal po chen po las khams gsum rnam par rgyal ba'i rdo rje dam tshig ces bya ba'i rtog pa'i rgyal po chen po rdzogs so// 'jig rten gsum rgyal gyi rtog pa'o// // de nas bcom ldan 'das de bzhin gshegs pa ngo bo nyid dag pa'i chos nyid thob pas yang chos thams cad kyi mnyam pa nyid spyan ras gzigs dbang phyug gi ye shes kyi phyag rgya zhes bya ba shes rab kyi pha rol tu phyin pa'i tshul 'di gsungs te/ 'dod chags thams cad rnam par dag pa nyid kyis kyang 'jig rten na zhe sdang thams cad rnam par dag par 'gyur ro// dri ma thams cad rnam par dag pa nyid kyis 'jig rten na sdig pa thams cad rnam par dag par 'gyur ro// chos thams cad rnam par dag pas 'jig rten na sems can thams cad rnam par dag par 'gyur ro// shes pa thams cad rnam par dag pas 'jig rten na shes rab kyi pha rol tu phyin pa rnam par dag par 'gyur ro// lag na rdo rje gang la la shes rab kyi pha rol tu phyin pa'i tshul 'di nyan pa dang 'dzin pa dang klog pa dang sgom pa de 'dod chags dang dri ma thams cad kyi nang na 'dug kyang pad+mo lta bur 'dod chags kyi nyes pa rnams dang dri ma rnams dang

  37. 19a

    glo bur gyi nyon mongs pa rnams kyis gos par mi 'gyur te/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar yang 'gyur ro// de nas byang chub sems dpa' sems dpa' chen po spyan ras gzigs dbang phyug don gyi gnas 'di nyid yang rgya cher ston cing bzhin rab tu 'dzum dmyal te/ pad+ma'i 'dab ma kha 'byed pas 'dod chags la sogs pa'i dri mas mi gos pa la blta zhing 'gro ba thams cad kyi phyir pad+ma'i gzugs sna tshogs zhes bya ba'i snying po 'di gsungs so// hrIH/ de nas 'di gsungs pa tsam gyis pad+ma chen po de las de bzhin gshegs pa la sogs pa'i gzugs brnyan thams cad bcom ldan 'das dang 'dra ba'i/ pad+mas mtshan pa'i gzugs can nges par byung nas bcom ldan 'das spyan ras gzigs dbang phyug gi rim pa dang po'i dkyil 'khor gyi tshul du bzhugs par gyur to// de nas bcom ldan 'das spyan ras gzigs dbang phyug chos thams cad la gzigs pa'i ye shes kyi dbang phyug gi ye shes kyi phyag rgya zhes bya ba'i ting nge 'dzin la snyoms par zhugs nas 'gro ba thams cad 'dul ba zhes bya ba'i dkyil 'khor chen po 'di gsungs so// phyi'i dkyil 'khor ci lta ba'i nang du gnyis pa ni zur bzhi pa la de bzhin du sgo dang mtshams su bcas par bri'o// de nas dkyil

  38. 19b

    'khor brgyad pa'i tshul du thig bzhis thig btab pa la tshon dmar pos pad+ma 'dab ma brgyad pa bri bar bya'o// de'i dbus su bcom ldan 'das dgod par bya'o// de'i mdun du bcom ldan 'das pad+ma chen po chags pa sku mdog dmar po pad+ma'i gzugs 'dzin pa/ pad+ma chen po dang mda' dang gzhu snams pa/ g.yas su bcom ldan 'das pad+ma chen po'i gtum po'i dbang phyug dbang phyug chen po'i gzugs 'dzin pa gzhag par bya'o// rgyab tu pad+ma chen po khyab 'jug gi gzugs 'dzin pa sku mdog nag po gzhag par bya'o// g.yon du pad+ma chen po mi mjed kyi bdag po tshangs pa'i gzugs 'dzin pa sku mdog dkar po gzhag par bya'o// g.yas kyi mtshams su pad+ma chen po sa 'dzin pa gzhag par bya'o// mtshams gnyis par pad+ma chen po rgya mtsho chu lha'i gzugs 'dzin pa gzhag par bya'o// gsum par pad+ma chen po nyi ma'i gzugs can gzhag par bya'o// bzhi par pad+ma chen po rlung gi gzugs 'dzin pa gzhag par bya'o// phyi'i dkyil 'khor gyi mtshams rnams su shrI hi gI d+hI lha mo bzhi gzhag par bya ste thams cad kyang g.yas na rang gi mtshan ma 'dzin pa g.yon pa pad+ma 'dzin par bya'o// sgo rnams su ni 'dod chags dang zhe sdang dang gti mug dang mya ngan las 'das pa'i mtshan ma rnams gzhag par bya ste 'di lta ste bud med kyi gzugs dang sbrul gyi

  39. 20a

    gzugs dang / phag gi gzugs dang / pad+ma'i gzugs zhes bya'o// de nas gos dkar po bgos gos dkar pos gdong g.yogs la/ pad+ma chen po'i phyag rgya chen po me tog dang bcas pa bcings te zhugs la me tog dor bar bya ste gang du babs pa de des bsgrub par bya'o// de nas pad+ma blangs la pad+ma'i ming gis dbang bskur bas dbang bskur la 'di skad ces brjod par bya zhing / pad+ma'i 'dab ma la blta bar bya ste/ ci ltar pad+ma dmar po 'di// tshon gyi nyes pas mi gos te// 'dam gyi nang na dag pa ltar// 'dod chags zhe sdang sogs de bzhin// de ltar chos rnams bsgoms na ni// blo ldan nyon mongs bcas gyur kyang // nyon mongs kun las rnam grol nas// myur du sangs rgyas nyid 'thob 'gyur// zhes bya ba'i ting nge 'dzin 'di la gzigs pas de bzhin gshegs pa thams cad kyi dbang phyug nyid thob par 'gyur te/ de nas bcom ldan 'das spyan ras gzigs dbang phyug ces mtshan btags so// de nas brtsams te bdag nyid kyi dngos po thams cad shin tu yongs su dag pa dang bkra shis shing dngos grub thams cad byang chub kyi snying po'i bar du rjes su myong bar 'gyur zhing / myur du sangs rgyas nyid thob par 'gyur te/ slob ma gzhug pa'i chos rgyas pa yang de bzhin no// ye shes kyi dkyil 'khor ro// bsgrub pa la ni de bzhin du ras

  40. 20b

    kyi ri mo gnyis kyis dngos grub thams cad thob par 'gyur ro// de nas ma bsgrubs kyang thams cad rjes su chags par bya ba la ni pad+ma la lan stong bzlas te sbyin par bya'o// thams cad gsang ba la ni pad+ma chen po'i khro bo'i phyag rgyas so// thams cad rmongs par bya ba la ni pad+ma chen po phag gis so// nyon mongs pa thams cad rnam par dag par bya ba la ni pad+ma chen po rnam par gzigs pa'i ting nge 'dzin gyi phyag rgyas so// sa thams cad kyi bdag po nyid du bya ba la ni sa la skyil mo krung bcas pas bzlas brjod 'bum byas nas mthar mtshan mo thog thag bzlas brjod bya'o// chu thams cad dbab pa la ni klu bris nas de'i steng du 'dug ste bzlas brjod 'bum bya'o// thams cad snang bar bya ba la ni mun par nyi ma chen po'i 'od kyis so// rlung thams cad dgug pa dang / gzhug pa dang / bcing ba dang dbang du bya ba la ni/ pad+ma chen po rlung gi mchog gis so// bde ba chen po rdo rje don yod pa'i dam tshig gi rtog pa'i rgyal po chen po las/ nyon mongs pa thams cad rnam par dag pa'i dam tshig ces bya ba'i rtog pa'i rgyal po chen po rdzogs so// 'gro ba 'dul ba'i rtog pa'o// // de nas bcom ldan 'das de bzhin gshegs pa khams gsum thams cad kyi dbang pos yang / de bzhin gshegs pa thams cad kyis dbang bskur ba las byung ba/ ye

  41. 21a

    shes kyi snying po zhes bya ba shes rab kyi pha rol tu phyin pa'i tshul 'di bshad de/ dbang bskur ba sbyin pa ni khams gsum thams cad kyi rgyal srid thob par 'gyur ro// nor sbyin pa ni re ba thams cad yongs su rdzogs par 'gyur ro// chos sbyin pa ni chos thams cad kyi mnyam pa nyid thob par 'gyur ro// zang zing sbyin pa ni lus dang ngag dang / sems kyi bde ba thams cad thob par 'gyur ro// de nas byang chub sems dpa' sems dpa' chen po nam mkha'i snying po bzhin rab tu 'dzum pa dang bcas te/ rang gi mgo la rdo rje rin po ches dbang bskur ba'i phreng ba 'ching zhing don yod pa 'di nyid rgya cher ston te/ dbang bskur ba thams cad kyi dam tshig rin po che zhes bya ba'i snying po 'di smras so// tAM/ de nas 'di gsungs pa tsam gyis bcom ldan 'das kyi rin po che de las thams cad dbang bskur ba la sogs pa yo byad dang gter thams cad byung ste/ bcom ldan 'das dang po'i dkyil 'khor gyi tshul gyis byang chub sems dpa'i gzugs nyid kyis bzhugs so// de nas bcom ldan 'das nam mkha'i snying po dbang bskur ba thams cad kyi rin po che rdo rje zhes bya ba'i ting nge 'dzin la snyoms par zhugs nas/ bsam pa thams cad yongs su rdzogs par byed pa/ nor bu rin po che'i dam tshig ces bya ba'i dkyil 'khor 'di gsungs so// phyi'i

  42. 21b

    dkyil 'khor ni dang po'i dkyil 'khor gyi tshul du byas pa'i nang du rin po che zur brgyad pa rin po che'i ka ba brgyad la gnas pa dkyil 'khor brgyad pa'i tshul las/ rin po che'i lcug mas yongs su bskor ba rdo rje rin po che'i ra ba dang lcog dang / me tog gi phreng ba dang ba dan dang gdugs dang rnga yab kyis nye bar mdzes pa bri bar bya'o// de'i dbus su bcom ldan 'das rta'i khri la bzhugs pa dbang bskur ba'i phreng ba rang nyid 'ching bar mdzad cing zhal rnam par bzhad pa margad kyi mdog can gzhag par bya'o// de'i mdun du byang chub sems dpa' de bzhin gshegs pa thams cad kyi dbang bskur ba'i rin po che zhes bya ba rdo rje rin po che'i cod pan 'dzin pa gzhag par bya'o// g.yas su rin po che chen po'i nor sbyin pa dbyig gi gter 'dzin pa gzhag par bya'o// rgyab tu chos chen po'i rin po che'i glegs bam 'dzin pa gzhag par bya'o// g.yon du rin po che chen po ro myong ba zas dang skom thams cad 'dzin pa gzhag par bya'o// mtshams rnams su mchod pa'i lha mo rnams rin po che'i gdugs dang rgyal mtshan dang rnga dang srog shing rnams 'dzin pa gzhag par bya'o// phyi rol gyi mtshams su bum pa gang ba rnams so// sgo rnams su ni dbang bskur ba la sogs pa'i mtshan ma rnams gzhag par bya'o// phyi rol du ni gdugs dang rgyal mtshan dang ba dan

  43. 22a

    dang bla re rnams kyis kun du khyab par bya'o// de nas de bzhin du rdo rje rin chen gyi phyag rgya 'dzin pas zhugs nas/ de nas brtsams te nor thams cad 'grub pa la sogs pa'i dngos grub thams cad thob par 'gyur ro// de nas zhugs nas kyang dbang bskur ba'i phreng ba bcings te/ rin po che blangs nas rin po che'i ming gi dbang bskur bas dbang bskur la sbyin pa thams cad phul nas slar dbyung bar bya'o// slob ma gzhug pa'i cho ga rgyas pa yang de bzhin no// rdo rje rin po che'i dkyil 'khor ro// sgrub pa dang dngos grub rnams kyang de bzhin no// de nas ma bsgrubs par yang dbang bskur ba thams cad thob pa la ni rdo rje rin po che'i dbang bskur ba'i phreng bas so// bsam pa thams cad yongs su rdzogs pa la ni nyin re zhing nyi ma 'char kar bzlas brjod dpag tu med pa byas pas so// chos thams cad kyi don shes pa la ni dri ma med pa'i nam mkha' la blta zhing bzlas brjod bya'o// zas dang skom thams cad la sogs pa dang / ro thams cad thob par bya ba la ni nam mkha' las yid la 'dod pa bzhin du nyin re zhing / bcom ldan 'das kyis bzlas brjod stong byas pas so// shin tu mthon po thob par bya ba la ni gdugs bzung nas bzlas brjod 'bum bya'o// rnam par rgyal ba chen po thob pa la ni/ rin chen rgyal mtshan mchog gis

  44. 22b

    so// grags pa dang snyan pa chen po dang / ming thob par bya ba la ni nyin re zhing kha thams cad du bltas nas bzlas brjod bya'o// bdag po chen po thob pa la ni rin po che'i srog shing gi phyag rgyas so// bde ba chen po rdo rje don yod pa'i dam tshig gi rtog pa'i rgyal po chen po las/ dbang bskur ba thams cad kyi rin po che'i dam tshig ces bya ba'i rtog pa'i rgyal po chen po rdzogs so// rin po che'i rigs kyi rtog pa'o// // de nas bcom ldan 'das de bzhin gshegs pa thams cad kyi ye shes kyi phyag rgya thob pa/ de bzhin gshegs pa thams cad kyi khu tshur 'dzin pa/ de bzhin gshegs pa rtag pas yang de bzhin gshegs pa thams cad kyi ye shes kyi phyag rgya'i byin gyis rlob pa rdo rje zhes bya ba'i shes rab kyi pha rol tu phyin pa'i tshul 'di bshad do// de bzhin gshegs pa thams cad kyi sku'i phyag rgya yongs su 'dzin pa ni de bzhin gshegs pa thams cad nyid du 'gyur ro// de bzhin gshegs pa thams cad kyi gsung gi phyag rgya yongs su 'dzin pa ni chos thams cad thob par 'gyur ro// de bzhin gshegs pa thams cad kyi thugs kyi phyag rgya yongs su 'dzin pa ni ting nge 'dzin thams cad thob par 'gyur ro// de bzhin gshegs pa thams cad kyi rdo rje'i phyag rgya yongs su 'dzin pa ni lus dang ngag dang sems thams cad rdo rjer rdo rje'i dngos grub dam pa thob

  45. 23a

    par 'gyur ro// su la la shes rab kyi pha rol tu phyin pa'i tshul 'di nyan pa dang / 'chang ba dang klog pa dang lung dpog pa dang sgom pa des dngos grub thams cad dang phun sum tshogs pa thams cad dang shes pa thams cad dang dgos pa thams cad dang lus dang ngag dang sems thams cad rdo rjer rdo rje'i dngos grub dam pa thob nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas byang chub sems dpa' sems dpa' chen po rdo rje khu tshur dam tshig chen po'i rdo rje'i phyag rgya yongs su 'dzin pas don gyi gnas 'di rgya cher ston te/ bzhin rab tu 'dzum zhing rdo rje sra ba'i phyag rgya thams cad kyi dngos grub kyi dam tshig ces bya ba'i snying po 'di gsungs so// aH/ de nas 'di gsungs pa tsam gyis de bzhin gshegs pa thams cad la sogs pa sems can thams cad bcom ldan 'das rdo rje sems dpas phyag rgya thams cad kyis rdo rje sems dpa' nyid du de bzhin gshegs pa thams cad la sogs pa dngos grub mchog gi rgyus rgyas gdab po// bcom ldan 'das rdo rje khu tshur gyis kyang sku dang gsung dang thugs rdo rje thams cad las phyag rgya chen po la sogs pa phyag rgya thams cad kyi dam tshig gi sems dpa' phyung nas kyang // dang po'i dkyil 'khor gyi tshul gyis bzhugs par gyur

  46. 23b

    to// de nas bcom ldan 'das byang chub sems dpa' rdo rje khu tshur/ de bzhin gshegs pa thams cad kyi ye shes kyi phyag rgya'i rdo rje zhes bya ba'i ting nge 'dzin la snyoms par zhugs nas/ phyag rgya thams cad kyi rdo rje dam tshig ces bya ba'i dkyil 'khor chen po 'di gsungs so// phyi yi dkyil 'khor dang po'i sbyor bas bris la/ nang du rdo rje'i thig gis 'khor lo bri'o// de bzhin du de'i dbus su dkyil 'khor brgyad par thig btab la/ dbus su bcom ldan 'das rdo rje khu tshur phyag gnyis dam tshig gi phyag rgya bcings pa/ zhal rnam par bzhad pa gzhag par bya'o// de'i mdun du rdo rje'i sku'i mchog ces bya ba rdo rje bsnyems par 'dzin pa'o// g.yas su rdo rje ljags zhes bya ba rdo rje lce'i mchog 'dzin pa'o// rgyab tu ting nge 'dzin rdo rje zhes bya ba rdo rje 'dzin pa'o// g.yon du rdo rje rdo rje zhes bya ba bsnyems par 'dzin pa'o// shar lho'i mtshams su phyag rgya'i khu tshur zhes bya ba dang / gnyis pa la ni nor gyi khu tshur zhes bya ba dang / gsum pa la ni chos kyi khu tshur zhes bya ba dang / bzhi pa la ni las kyi khu tshur zhes bya ba dang / rang gi phyag rgya dang phyag mtshan yang 'dzin par bya'o// sgo rnams su ni rdo rje bsnyems ma la sogs pa'i phyag rgya'i lha mo rnams bri bar bya'o// de nas dam tshig gi phyag rgya yongs su bzung la rang nyid zhugs nas phyag rgya thams cad kyi slob

  47. 24a

    dpon du 'gyur ro// de nas brtsams te dngos grub thams cad don yod pas thob par 'gyur ro// phyag rgya thams cad kyi ye shes kyi dbang phyug tu bla na med pa yang dag par rdzogs pa'i byang chub tu myur ba myur bar mngon par rdzogs par 'tshang rgya bar 'gyur ro// der zhugs nas phyag rgya bcings pa bcom ldan 'das las bslab par bya zhing / rdo rje ming gi dbang bskur bas dbang bskur la 'di skad ces brjod par bya'o// sku gsung thugs kyi rdo rje yi// gzugs brnyan lta bur sbyor ba yis// phyag rgya kun zhes bya bar bsgrags// dam tshig dngos grub kun ster ba'o// slob ma gzhug pa yang de bzhin no// phyag rgya thams cad kyi dkyil 'khor ro// sgrub pa dang dngos grub rnams kyang de bzhin no// de nas ma bsgrubs pa'i las rnams kyang de bzhin no// phyag rgya thams cad bcing ba bsgrub pa la ni snying gar rdo rje khu tshur gyis so// phyag rgya thams cad bsgrub pa la ni rdo rje chen po'i khu tshur gyis so// dam tshig thams cad bsgrub pa la ni rdo rje 'dod pa'i khu tshur gyis so// sems can thams cad rjes su chags par bya ba la ni rdo chags pa chen po'i khu tshur gyis so// thams cad dbang du bya ba la ni rdo rje bzhad pa'i khu tshur gyis so// thams cad bcing ba la ni rdo rje bsdams pa'i khu tshur gyis so// thams cad bsdam par bya ba la ni rdo rje lu

  48. 24b

    gu rgyud kyi khu tshur gyis so// thams cad lkugs par bya ba la ni rdo rje zhal zhal gyi khu tshur gyis so// thams cad btsir ba la ni rdo rje bsdams pa'i khu tshur gyis so// thams cad gsad pa la ni rdo rje khro bo'i khu tshur gyis so// thams cad bza' ba la ni rdo rje gnod sbyin gyi khu tshur gyis so// thams cad gzhig pa la ni rdo rje nges par btsir ba'i khu tshur gyis so// thams cad dral ba la ni rdo rje dral ba'i khu tshur gyis so// thams cad dbab pa la ni rdo rje 'bebs pa'i khu tshur gyis so// thams cad gar byed du gzhug pa la ni rdo rje gar gyi khu tshur gyis so// thams cad sgrar gzhug pa la ni rdo rje brdung ba'i khu tshur gyis so// thams cad rengs par bya ba la ni rdo rje dmigs pa'i khu tshur gyis so// gzhan gyi dpung thams cad lkugs pa dang 'phye bor bya ba la ni rdo rje chen po 'phye bo'i khu tshur gyis so// phyag rgya thams cad dgrol ba la ni rdo rje thar pa'i khu tshur gyis so// rdo rje mkha' 'gro ma thams cad kyi phyag rgya gzhig pa la ni rdo rje hUM mdzad kyi rdo rje khu tshur gyis so// gdug pa thams cad kyi phyag rgya dbye ba la ni hUM mdzad kyi rdo rje khu tshur gyis so// phyag rgya thams cad bcing ba la ni rdo rje khu tshur gyis so// phyag rgya thams cad rdo rjer bya ba la ni rdo rje khu tshur gyis so// thams cad rgyas gdab pa la ni rdo rje ma mo'i khu tshur gyis so// thams cad phye mar bya ba la ni rdo rje bzang

  49. 25a

    po'i khu tshur gyis so// thams cad rnam par gzhig par bya ba la ni rdo rje gdug pa'i khu tshur gyis so// thams cad gzhig pa dang rnam par gzhom pa la ni dbang po'i rdo rje khu tshur gyis so// chu'i nang du gnas shing chags pa la ni rdo rje rnon po'i khu tshur gyis so// gzugs mang por ston pa la ni rdo rje sna tshogs pa'i rdo rje khu tshur gyis so// mi snang ba'i dngos grub la ni mi snang ba'i rdo rje khu tshur gyis so// rgyu ba dang mi rgyu ba'i dngos po rnams 'byung ba la ni rdo rje nam mkha'i khu tshur gyis so// nam mkha' la 'gro ba'i dngos grub la ni rdo rje bsdams pa'i khu tshur gyis so// rig pa 'dzin pa'i dngos grub la ni rdo rje ral gri'i khu tshur gyis so// de bzhin gshegs pa thams cad mchod pa'i dngos grub la ni rdo rje las kyi khu tshur gyis so// thams cad mkhyen pa grub pa la ni rdo rje ye shes kyi khu tshur gyis so// nor thams cad kyi dngos grub la ni rdo rje nor gyi khu tshur gyis so// phyag rgya thams cad kyi bdag po nyid la ni rdo rje phyag rgya'i khu tshur gyis so// las thams cad kyi dngos grub la ni rdo rje thams cad kyi khu tshur gyis so// dkyil 'khor thams cad grub pa la ni rdo rje 'dzin pa'i khu tshur gyis so// // rang nyid 'das pa dang ma 'ongs pa dang da ltar gyi dngos grub rnams ston pa la ni rdo rje lcags kyu'i mchog gi khu tshur gyis so// rdo rje 'dzin pa nyid la ni

  50. 25b

    rdo rje bsnyems pa'i khu tshur gyis so// sangs rgyas nyid la ni de bzhin gshegs pa thams cad kyi rdo rje'i khu tshur gyis so// bde ba chen po rdo rje don yod pa'i dam tshig gi rtog pa'i rgyal po chen po las/ phyag rgya thams cad kyi khu tshur gyi dam tshig ces bya ba rtog pa'i rgyal po chen po rdzogs so// khu tshur gyi rtog pa'o// // de nas bcom ldan 'das chos thams cad spros pa med pa'i de bzhin gshegs pas yang 'khor lo ltar yi ge bskor ba zhes bya ba shes rab kyi pha rol tu phyin pa'i tshul 'di bshad do// ngo bo nyid med pa'i tshul gyis chos thams cad stong pa'o// mtshan ma med pa'i tshul gyis chos thams cad mtshan ma med pa'o// smon pa med pa'i tshul gyis chos thams cad smon pa med pa'o// shes rab kyi pha rol tu phyin pa yongs su dag pas chos thams cad rang bzhin gyis 'od gsal ba'o// de nas bcom ldan 'das 'jam dpal gzhon nur gyur pas don 'di nyid rgya cher ston te/ bzhin 'dzum bzhin du ral gri des de bzhin gshegs pa thams cad la 'debs shing / shes rab kyi pha rol tu phyin pa'i snying po'i mchog 'di gsungs so// a/ de nas 'di gsungs pa tsam gyis de bzhin gshegs pa thams cad 'dus par mdzad nas/ dang po'i dkyil 'khor gyi tshul gyis bzhugs so// de nas 'jam dpal gzhon nur gyur pa chos thams cad

  51. 26a

    ngo bo nyid med pas spros pa med pa'i ral gri zhes bya ba'i ting nge 'dzin la snyoms par zhugs nas 'khor lo ltar yi ge bskor ba zhes bya ba'i dkyil 'khor 'di gsungs so// phyi'i dkyil 'khor ci lta ba'i nang du 'khor lo bris la/ a la sogs pa'i yi ge'i phreng ba go rims bzhin du bri bar bya'o// de nas dkyil 'khor brgyad pa'i tshul gyis thig btab la/ de'i lte ba la bcom ldan 'das 'jam dpal gzhon nu gzhon nu'i cha lugs 'chang zhing 'dzum pa dang bcas pa nam mkha'i mdog can phyag bzhi dang ral gris de bzhin gshegs pa thams cad la 'debs pa gzhag par bya'o// de'i mdun la sogs par de bzhin gshegs pa'i sku rnams gzhag par bya'o// phyi'i mtshams rnams su shes rab kyi pha rol tu phyin pa bzhi lung ji ltar thob pa bzhin du gzhag par bya'o// sgo rnams su ni mtshan ma bzhi gzhag par bya'o// 'di ste ral gri dang mdung dang lhung bzed dang glegs bam rnams so// de nas ral gri dang glegs bam gyi phyag rgya de bzhin du chos kyi slob dpon du byin gyis brlab bo// de nas ral gri blangs te ral gri'i ming gis dbang bskur bas dbang bskur la 'di skad ces chos 'di bshad par bya ste/ ral gri 'di ni rtag zung la// shes rab tshul 'di dkar smra zhing // nam mkhar sangs rgyas sbyor ba yis// 'debs na myur du

  52. 26b

    'grub par 'gyur// sangs rgyas bstan pa bsrung phyir dang // sems can mang po bsrung ba'i phyir// 'dis bsad sdig par mi 'gyur zhing // bsod nams dag kyang thob par 'gyur// slob ma rnams la'ang de bzhin te// shes rab kyi pha rol tu phyin pa yongs su rdzogs pa'i dngos grub rnams kyis myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// chos kyi dkyil 'khor ro// sgrub pa yang de bzhin no// ma bsgrubs par yang de bzhin du las rnams 'grub par 'gyur ba ni/ stong pa nyid kyi ting nge 'dzin thob pa la ni thams cad nam mkhar bsgoms pas so// mtshan ma med pa'i ting nge 'dzin thob pa la ni mtshan ma dang bral ba'i ting nge 'dzin bsgoms pas so// smon pa med pa'i ting nge 'dzin thob pa la ni smon pa med pa bsgoms pas so// rang bzhin gyis 'od gsal ba chos kyi ye shes thob pa la ni shes rab kyi pha rol tu phyin pa bsgoms pas so// nyon mongs pa thams cad gcod pa la ni chos bsgoms pas so// yi ge thams cad kyi nges pa'i tshig gi ye shes la ni spros pa med pa'i ye shes bsgoms pas so// gnas thams cad du yi ges chos kyi bya ba mthong ba la ni a la sogs pa'i yi ge'i ngo bo nyid bsgoms pas so// de bzhin gshegs pa thams cad kyi byang chub thob pa la ni rdo rje'i ral gri'i

  53. 27a

    phyag rgyas so// bde ba chen po rdo rje don yod pa'i dam tshig gi rtog pa'i rgyal po chen po las/ 'khor lo chen po ltar yi ge bskor ba'i dam tshig ces bya ba rtog pa'i rgyal po chen po rdzogs so// 'jam dpal gyi rtog pa'o// // de nas bcom ldan 'das de bzhin gshegs pa thams cad kyi 'khor lo'i nang du 'dus pa'i de bzhin gshegs pas yang 'khor lo chen po la 'jug pa zhes bya ba'i shes rab kyi pha rol tu phyin pa'i tshul 'di bshad do// rdo rje mnyam pa nyid la 'jug pa ni de bzhin gshegs pa thams cad kyi 'khor lo la 'jug par 'gyur ro// don gyi mnyam pa nyid la 'jug pa ni byang chub sems dpa' sems dpa' chen po'i 'khor lo la 'jug par 'gyur ro// chos thams cad kyi mnyam pa nyid la 'jug pa ni dam pa'i chos kyi 'khor lo la 'jug par 'gyur ro// thams cad kyi mnyam pa nyid la 'jug pa ni 'khor lo thams cad la 'jug par 'gyur ro// de nas byang chub sems dpa' sems bskyed ma thag tu chos kyi 'khor lo bskor ba chos nyid kyi don 'di rgya cher ston cing / bzhin rab tu 'dzum nas rdo rje'i 'khor lo bskor zhing rdo rje 'khor lo thams cad la 'jug pa'i dam tshig ces bya ba'i snying po 'di smras so// hUM/ de nas 'di gsungs pa tsam gyis de bzhin gshegs pa thams cad kyi snying po can khams gsum du

  54. 27b

    gtogs pa'i sems can thams cad dkyil 'khor thams cad du zhugs nas/ bcom ldan 'das kyi thugs las dkyil 'khor thams cad kyi dam tshig gi sems dpa' rnams nges par byung nas dkyil 'khor gyi tshul gyis ci lta ba bzhin du bzhugs so// de nas bcom ldan 'das byang chub sems dpa' rdo rje khro bo'i 'khor lo thams cad la rab tu 'jug pa'i phyag rgya zhes bya ba'i ting nge 'dzin la snyoms par zhugs nas// dkyil 'khor chen po thams cad du 'jug pa'i dam tshig ces bya ba'i 'khor lo'i dkyil 'khor 'di gsungs so// phyi'i dkyil 'khor ji lta ba bzhin du byas te/ nang gi dkyil 'khor du rdo rje 'khor lo bris la/ dbus su rdo rje'i 'khor lo bskor ba gzhag par bya'o// phyag na rdo rje la sogs pa'i byang chub sems dpa' thams cad rnam pa thams cad du dkyil 'khor dang po'i tshul du gzhag par bya'o// phyi'i mtshams rnams su rdo rje'i rigs kyi dkyil 'khor bzhi bri bar bya'o// sgo rnams su mtshan ma bzhi gzhag par bya ste 'di lta ste/ rdo rje sems dpa'i sku dang rdo rje khro bo'i sku dang spyan ras gzigs dbang phyug gi sku dang nam mkha'i snying po'i sku rnams so// de nas rdo rje 'khor lo'i phyag rgyas ji lta ba bzhin du dkyil 'khor thams cad du sangs rgyas nyid dang / rdo rje 'dzin pa nyid du 'grub par 'gyur ro// de nas 'khor lo blangs la

  55. 28a

    'khor lo'i ming gi dbang bskur ba blang bar bya zhing / gsang ba'i dkyil 'khor bzhi'i thig btab pa'i rigs rnams su 'jug par bya'o// slob ma gzhug pa yang de bzhin no// rdo rje 'khor lo'i dkyil 'khor ro// sgrub pa yang de bzhin no// ma bsgrubs par yang dkyil 'khor thams cad du 'jug pa la ni rdo rje 'khor los te/ rang gi khar bcug la gzhag par bya'o// dkyil 'khor chen por 'jug pa la ni rdo rje 'khor lo chen pos so// de bzhin du phyag rgya'i dkyil 'khor du 'jug pa la ni de bzhin gshegs pa thams cad kyi 'khor lo'i phyag rgyas so// de bzhin du dam tshig gi dkyil 'khor du 'jug pa la ni dam tshig chen po'i 'khor los so// las kyi dkyil 'khor du 'jug pa la ni rdo rje thams cad kyi 'khor los so// de bzhin du rjes su chags par bya ba dang dbang du bya ba dang don thob pa dang rgyas gdab pa dang gcad pa dang 'jug pa dang mchod pa dang gdug pa 'dul ba'i las rnams la ni sems dpa' chen po brgyad kyi phyag rgya g.yon na 'khor lo dang bcas pa rnams kyis so// bde ba chen po rdo rje don yod pa'i dam tshig gi rtog pa'i rgyal po chen po las// dkyil 'khor thams cad kyi rdo rje'i dam tshig ces bya ba rtog pa'i rgyal po chen po rdzogs so// rdo rje 'khor lo'i rtog pa'o// // de nas bcom ldan 'das de gzhin gshegs

  56. 28b

    pa thams cad la mchod pa thams cad kyi cho ga rgyas pa snod kyi mchod pa thams cad kyi mchog ces bya ba shes rab kyi pha rol tu phyin pa'i tshul 'di bshad do// byang chub kyi sems bskyed pa nyid ni de bzhin gshegs pa thams cad la mchod pa'i cho ga rgyas pa'o// sems can gyi khams thams cad yongs su skyob pa nyid ni de bzhin gshegs pa thams cad la mchod pa'i cho ga rgyas pa'o// dam pa'i chos yongs su 'dzin pa ni de bzhin gshegs pa thams cad la mchod pa'i cho ga rgyas pa'o// shes rab kyi pha rol tu phyin pa yi ger 'dri ba dang yi ger 'drir 'jug pa dang 'dzin pa dang klog pa dang rjod pa dang ston pa dang mnyan pa dang sems pa dang sgom pa dang mchod pa byed pa ni de bzhin gshegs pa thams cad la mchod pa'i cho ga rgyas pa'o// de nas byang chub sems dpa' sems dpa' chen po nam mkha'i mdzod don de nyid rgya cher ston te/ bzhin rab tu 'dzum zhing las thams cad don yod pa'i dam tshig ces bya ba'i snying po 'di smras so// oM/ de nas 'di gsungs pa tsam gyis nam mkha' thams cad las mchod pa thams cad kyi cho ga rgyas pa nam mkha'i khams ma lus par spros par gyur nas/ bcom ldan 'das nam mkha'i mdzod kyi byang chub sems dpa'i tshul gyis dkyil 'khor chen po'i tshul du bzhugs so// de nas byang chub sems dpa' nam

  57. 29a

    mkha'i mdzod mchod pa thams cad kyi cho ga rgyas par byin gyis rlob pa zhes bya ba'i ting nge 'dzin la snyoms par zhugs nas/ rdo rje'i mchod pa'i mchog don yod pa'i dam tshig ces bya ba'i dkyil 'khor 'di gsungs so// phyi'i dkyil 'khor ci lta ba de bzhin du nang du rin po che'i ka ba brgyad byas la dbus su bcom ldan 'das mtshon cha sna tshogs 'dzin pa/ zhal 'dzum pa sku dang yan lag zla ba'i mdog la sogs pa'i kha dog lnga pa'i mdog can gzhag par bya'o// de'i phyogs thams cad du dam tshig sems dpa' rnams gzhag par bya'o// 'di lta ste phyag na rdo rje dang 'jig rten dbang phyug la sogs pa byang chub sems dpa' brgyad po byang chub kyi sems dang ting nge 'dzin dang dbang bskur ba dang phyag rgya yongs su 'dzin pa dang stong pa nyid du smra ba dang dkyil 'khor 'dri ba dang mchod pa thams cad dang sems can thams cad yongs su skyob pa ni bla na med pa'i mchod pa'i cho ga rgyas pa phyag na 'dzin pa'i tshul gyis ci lta ba bzhin du gzhag go// phyi'i mtshams rnams su ni me tog la sogs pa rnams dang / sgo rnams su ni dbyig dang gser dang mu tig dang rin po che ste mtshan ma bzhi gzhag par bya'o// de nas de bzhin du rdo rje thams cad kyis mchod pa thams cad 'thob par 'gyur ro// zhugs nas sna tshogs rdo rje blangs la sna tshogs rdo rje'i

  58. 29b

    ming gis dbang bskur bas dbang bskur nas mchod pa rnam pa bzhi byas te/ 'di lta ste lus kyi las thams cad dang phyag bya ba dang ngag dang yid dang sems kyis chos kyi dbyings su spros pas mchod pa'i cho ga rgyas pa thams cad kyis mchod par bya zhing rdo rje dang phyag rgyas mchod pa gcig tu byas pa'o// slob ma rnams kyi gzhug pa'i las kyang de bzhin no// las kyi dkyil 'khor ro// de nas sgrub pa dang dngos grub dag kyang de bzhin no// de nas ma bsgrub par yang byang chub kyi sems kyi mchod pa la ni rang gi snying gar rdo rje bsgoms pas so// ting nge 'dzin gyi mchod pa la ni thams cad dag par bsgoms pas so// dbang bskur ba'i mchod pa la ni rdo rje dbang bskur ba sna tshogs kyis so// phyag rgya'i mchod pa la ni sna tshogs rdo rje thams cad kyis so// stong pa nyid kyi mchod pa la ni a la sogs pa'i yi ge'i lung bstan pas so// dkyil 'khor gyi mchod pa la ni rdo rje 'khor lo sna tshogs kyis so// mchod pa thams cad la ni sna tshogs rdo rjes so// gdug pa 'dul ba'i mchod pa la ni khro bos so// me tog la sogs pa dor ba la ni bzlas pas so// bde ba chen po rdo rje don yod pa'i dam tshig gi rtog pa'i rgyal po chen po las/ sna tshogs rdo rje don yod pa'i dam tshig ces bya ba'i rtog pa'i rgyal po chen po rdzogs so// nam mkha'i mdzod kyi rtog

  59. 30a

    pa'o// // de nas bcom ldan 'das de bzhin gshegs pa gdug pa thams cad 'dul nus pas yang / ye shes kyi khu tshur yongs su 'dzin pas sems can thams cad 'dul ba ye shes kyi snying po zhes bya ba shes rab kyi pha rol tu phyin pa'i tshul 'di bshad do// sems can thams cad mnyam pa nyid pas khro bo mnyam pa nyid do// sems can thams cad dul ba nyid pas khro bo dul ba nyid do// sems can thams cad chos nyid pas khro bo chos nyid do// sems can thams cad rdo rje nyid pas khro bo rdo rje nyid do// de ci'i phyir zhe na/ 'di ltar sems can thams cad 'dul ba ni byang chub bo// de nas byang chub sems dpa' bdud kyi stobs thams cad rab tu 'joms pas don de nyid rgya cher ston te/ bzhin rab tu 'dzum zhing rdo rje mche ba'i phyag rgya dang / rdo rje gnod sbyin gyi gzugs kyis rdo rje khro bo'i gad mo zhes bya ba'i snying po 'di smras so// ha/ de nas 'di gsungs pa tsam gyis gdug pa thams cad 'dul ba'i sems dpa' rnams bcom ldan 'das rdo rje gnod sbyin gyi thugs las byung ste/ dang po'i dkyil 'khor gyi tshul du bzhugs so// de nas byang chub sems dpa' rdo rje gnod sbyin thabs thams cad kyis 'dul ba khro bo'i rdo rje zhes bya ba'i ting nge 'dzin la snyoms par zhugs nas/ gdug pa thams cad 'dul zhing byin gyis rlob

  60. 30b

    pa rdo rje zhes bya ba'i gnod sbyin gyi dkyil 'khor 'di gsungs so// phyi yi dkyil 'khor tshul du ni// phyi yi dkyil 'khor bri bar bya// de yi nang rim nyid du ni// dkyil 'khor bzang po gru bzhi pa// sgo bzhi pa la thig bzhir ldan/ tshon sna lngas ni rnam par bri// ka ba brgyad ni mdun gnas par// 'bar ba'i dkyil 'khor yang dag ldan// de yi dbus su ci rigs par// rdo rje gnod sbyin gzhag bya ste// rdo rje mche ba gtsigs pa dang // 'bar ba'i phreng ba 'khrigs pa'i 'od// 'jigs byed kha dog sngo ba dang // ha ha zhes bzhad gsal ba'i zhal// de yi kun du gnod sbyin ni// shin tu 'jigs pa gzhag par bya// de nyid dang po la sogs mchog/ phyag na rdo rje sogs mtshan 'chang // phyi yi dkyil 'khor mtshams rnams su// mche ba'i phyag rgya bri bar bya// sgo yi gnas ni thams cad du// rdo rje'i mtshan ma gzhag par bya// de nas 'jug pa la sogs pa 'byung ste/ rdo rje mche ba'i phyag rgya dang / ha ha zhes bzhad pa dang bcas pas zhugs na gdug pa thams cad 'dul nus shing myur du rdo rje 'dzin pa nyid thob par 'gyur ro// de nas zhugs nas rdo rje mche ba blangs nas rdo rje ming gi dbang bskur la rdo rjes rdo rje gnod sbyin nyid la bsnun no// de nas rdo rje gnod sprin gyi zhal nas ha ha zhes bya ba'i sgra 'byung bar 'gyur ro// de nas bcom ldan 'das de bzhin

  61. 31a

    gshegs pa thams cad srung ba po gnod sbyin gyi bdag po phyag na rdo rje gtum por bdag grub pa yin no zhes shes par bya'o// de nas phyag rgya thams cad bcing bar bya zhing bsgrub par bya'o// de nas mchod la de bzhin du yang dag par tshim par byas nas/ shes rab kyi pha rol tu phyin pa'i tshul 'di lan cig brjod la slar dbyung bar bya'o// de bzhin phyag rgya bcing ba la sogs pa'i cho ga rgyas pa ni dang po la sogs pa'i dkyil 'khor thams cad du bya'o// phyag na rdo rje dkyil 'khor ro// sgrub pa dang dngos grub kyang de bzhin no// ma bsgrubs par yang dang po ci lta ba bzhin no// gdug pa thams cad 'dul ba la ni rdo rje mche ba'i phyag rgyas so// sems can thams cad gdul ba la ni khro bas ha ha zhes dgod cing 'dul bas so// nyan thos dang rang sangs rgyas kyi 'dod chags dang bral ba las ltung bar bya ba la ni chos gos nga snam sgrar gyi sprin sreg gis so// dbang bskur ba thams cad dbrog pa la ni khams thams cad kyi phye ma'i sprin sreg gis so// thams cad rgyas gdab pa la ni rdo rje khu tshur gyi phyag rgyas so// thams cad bcad pa la ni gzugs brnyan byas nas gtub pas so// ma rungs pa thams cad kyi dkyil 'khor rnam par gzhig pa la ni rdo rje bzung nas 'jug par bya'o// mchod pa thams cad rnam par gzhig pa la ni khros nas

  62. 31b

    bzlas brjod bya'o// thams cad skrag par bya ba la ni 'jigs byed kyi lta bas blta bar bya'o// bde ba chen po rdo rje don yod pa'i dam tshig gi rtog pa'i rgyal po chen po las/ rdo rje dam tshig ces bya ba'i rtog pa'i rgyal po chen po rdzogs so// rdo rje gnod sbyin gyi rtog pa'o// de nas bcom ldan 'das de bzhin gshegs pa chos thams cad kyi mnyam pa nyid la gnas pas yang chos thams cad kyi mchog ces bya ba shes rab kyi pha rol tu phyin pa'i tshul 'di bshad do// chos thams cad mnyam pa nyid pas shes rab kyi pha rol tu phyin pa mnyam pa nyid do// thams cad don nyid pas shes rab kyi pha rol tu phyin pa don nyid do// thams cad chos nyid pas shes rab kyi pha rol tu phyin pa chos nyid do// thams cad las nyid pas shes rab kyi pha rol tu phyin pa las nyid du rig par bya'o// de nas bcom ldan 'das lag na rdo rje de bzhin gshegs pa dang byang chub sems dpa' thams cad kyi don yod pa'i dam tshig gi dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ don yod pa thams cad kyi dam tshig ces bya ba'i snying po 'di smras so// hUM/ de nas 'di gsungs pa tsam gyis de bzhin gshegs pa thams cad la sogs pa dkyil 'khor thams cad thugs las byung ste/ dam tshig gi de kho na nyid kyi rdo rje'i dkyil 'khor

  63. 32a

    chen po der zhugs par gyur to// de nas phyag na rdo rjes bcom ldan 'das kyi zhabs gnyis la nges par btud de/ dam tshig chen po'i dkyil 'khor 'di gsungs so// dkyil 'khor chen po bris la/ dkyil 'khor gyi gnas brgyad du rdo rje khams gsum rnam par rgyal ba la sogs pa'i dkyil 'khor so sor gzhag go/ de nas bcom ldan 'das phyag na rdo rje dam tshig thams cad kyi rdo rje byin gyis rlob pa zhes bya ba'i ting nge 'dzin la snyoms par zhugs nas/ dam tshig thams cad kyi rdo rje zhes bya ba'i dkyil 'khor 'di gsungs so// dkyil 'khor chen po'i tshul du phyi'i dkyil 'khor bris la/ de'i dbus su rdo rje'i 'khor lo bris nas/ 'khor lo'i gnas rnams su dkyil 'khor chen po la sogs pa bri bar bya ba'o// thams cad kyang dkyil 'khor brgyad pa'i thig btab cing / sems dpa' chen po gzhag par bya'o// phyi'i dkyil 'khor du phyi rol gyi rdo rje'i rigs ci ltar rjes su mthun par bri bar bya'o// sgo rnams su ni rigs bzhi'i mtshan ma rnams gzhag par bya'o// de nas dam tshig chen po'i de kho na nyid kyi rdo rje'i dkyil 'khor chen po'i tshul gyis dkyil 'khor gyi cho ga thams cad rgyas par bya'o// dam tshig chen po'i rdo rje'i de kho na nyid kyi dam tshig ces bya ba'i rtog pa'i rgyal po chen po las/ bde ba thams cad kyi dam tshig ces bya ba'i

  64. 32b

    rtog pa'i rgyal po chen po rdzogs so// rigs bsdus pa'i rtog pa'o// // de nas bcom ldan 'das de bzhin gshegs pa thams cad rnam par snang mdzad gyis yang sems can thams cad byin gyis rlob pa zhes bya ba shes rab kyi pha rol tu phyin pa'i tshul 'di bshad do// byang chub sems dpa' sems dpa' chen po kun du bzang po thams cad kyi rang bzhin yin pas sems can thams cad ni de bzhin gshegs pa'i snying po can no// thams cad rdo rje'i snying pos dbang bskur ba nyid pas/ sems can thams cad ni rdo rje'i snying po can no// ngag thams cad rab tu byung bas sems can thams cad ni chos kyi snying po can no// sems can thams cad kyi bya ba byed pa la sbyor bas sems can thams cad ni las kyi snying po can no// de nas phyi rol gyi rdo rje'i rigs rnams kyis ca co'i sgra phyung nas/ chos nyid kyi don rgya cher ston cing snying po phul te/ de nas rdo rje'i dbang phyug chen pos rang gi de kho na nyid kyi snying po 'di phul lo// tri/ de nas dkyil 'khor bshad par bya ste/ kun nas zlum po thig gsum pa dkyil 'khor chen po sgo bzhi pa/ mtshams rnams su mdung rtse gsum pa bri bar bya'o// de'i dbus su dbang phyug chen po bri bar bya'o// de'i logs thams cad du tshogs brgyad po bri bar bya ste/ 'di lta ste nag po chen po dang / dga' byed dbang phyug dang / dril chen

  65. 33a

    dang / gar gyi dbang phyug rnams ni phyogs rnams su'o// mtshams rnams su ni thod pa bzang po dang / gtum po'i dbang phyug dang / lag na kha T+wAM ga dang / ba glang rna ba'i dbang phyug go/ thig gi mtshams rnams su ni/ ma mo'i tshogs thams cad gnas ji lta ba bzhin du bri bar bya'o// sgo rnams su ni dbyug pa'i dbang phyug dang / mgo'i dbang phyug dang // dril rna dang / drag po chen po'o// phyi rol du ni 'byung po rnams dang / yi ge rnams bri bar bya'o// de nas slob dpon thal ba gtsang mas lus bskus shing gos gtsang ma bgos te/ mdung rtse gsum gyi mtshan ma gzhag par bya'o// zhugs nas kyang snying po bzlas par bya'o// de nas slob ma de bzhin du bcug la lag par mdung rtse gsum pa byin nas chos bshad par bya'o// sems can kun la phan phyir dang // bstan pa thams cad bsrung phyir dang // 'dod kun bdag po nyid kyi phyir// drag po'i las la gnas par gyis// de nas phyag rgya'i ye shes bslabs te gtor ma sbyin par bya'o// de nas brtsams te 'jigs pa med par dngos grub thams cad dang / phun sum tshogs pa thams cad kyi bde ba dang // yid bde ba thams cad rjes su myong nas/ drag po'i 'jig rten du mchod par 'gyur ro// dkyil 'khor chen po zhi ba'i mdung thung gis mtshan ma zhes bya'o// de nas ma mo thams cad kyis

  66. 33b

    bcom ldan 'das la phyag 'tshal te/ dang po mgrin gcig tu thams cad dgug pa dang / gzhug pa dang gsad pa dang bsgrub pa'i dam tshig ces bya ba rang gi de kho na nyid kyi snying po 'di phul lo// b+h+yo/ de nas 'di'i dkyil 'khor bshad par bya ste/ zur bzhi pa byang gi sgo can gyi dkyil 'khor thig btab la/ dbus su nag po chen po gar byed bzhin pa gzhag par bya'o// de'i phyogs dang mtshams su ma mo brgyad bri bar bya ste/ 'di lta ste drag mo dang / tshangs pa mo dang / khyab 'jug mo dang / gzhon nu mo dang / nag mo dang / nag mo chen mo dang / sha za mo dang srin mo'o// dkyil 'khor gyi phyi'i mtshams rnams su ni drag po'i mkha' 'gro ma bzhi bri bar bya ste/ zhi ba mo dang / be ruN+Da dang / gtum mo dang / 'jigs byed ma rnams so// de rnams kyi mtshan ma ni mdung rtse gsum pa dang / phreng ba dang / 'khor lo dang / dril bu dang thod pa khrag dang bcas pa dang / 'khar gsil dang / mche ba dang / kha T+wAM ga'o// sgo srung rnams kyi ni thod pa dang / rus pa'i lu gu rgyud dang bya rgod dang byi la'o// de nas phyag rgya'i slob dpon chos spyod pa gtsang ba gos gtsang ma bgos pa/ thams cad za ba'am thams cad spyad pa la yang smad pa med de/ zhi ba'i pho nya'i phyag rgyas zhugs la snying po bzlas par bya'o// de nas dkyil 'khor gyi dbus nas b+h+yo chen po thos par 'gyur ro// de

  67. 34a

    nas slob dpon ma gtogs pa gzhan thams cad ci ltar 'ongs pa zhugs par 'gyur zhing thob par 'gyur te/ gdug pa'i dam tshig ni ma gtogs so// de nas slob ma lag na me tog thogs pas ras kyis mig bkab la/ nag po chen po'i phyag rgyas bcug ste/ rna bar dam tshig chen po b+h+yo zhes bya ba dang sbyar ro// de nas skrag nas me tog dor ro// de nas gang du lhung ba de lhag pa'i lhar bsgrub par bya'o// gal te lhung bar ma gyur na yang dor du gzhug go/ de nas ni 'jigs par byed nus shing rnal 'byor yang so sor thob par 'gyur ro// de nas gdong g.yogs bkrol la dkyil 'khor bstan par bya'o// bdug pa la sogs pa'i phyag rgyas mchod nas snying po dang rang rang gi mtshan ma sbyin par bya'o// de nas dam tshig bstan par bya ste/ sems can thams cad rgyas btab cing // dam tshig sdang rnams bza' bar bya// sngags rnams bstan par mi bya ste// dam tshig rnal 'byor grub ster bya'o// drag po'i dam tshig mdung rtse dang // ma mo rnams kyi rgyas 'debs pas// gal te 'das na khyod kyi snying // rtag tu 'jig par byed par 'gyur// de nas brtsams te gang sha chen po za ba ni de ring po mi thogs par rnal 'byor 'grub par 'gyur ro// gang za bar mi 'gyur ba de'i dngos grub med do// gal te dam tshig las 'das par ma

  68. 34b

    gyur na tshogs thams cad kyis kyang mi gsod par 'gyur ro// phyag rgya'i ye shes bslab par bya ste/ phyag rgya'i gar dang mchod pa byas nas gtor ma byin zhing / bza' ba dang btung ba dang longs spyod la sogs pas tshim par byas nas phyir dbyung bar bya'o// dngos grub thams cad kyi dam tshig ces bya ba'i phyag rgya'i dkyil 'khor ro// de nas sbrang rtsir byed pa la sogs pa ming po gsum gyis bcom ldan 'das la phyag 'tshal te/ mgrin gcig tu rang gi de kho na nyid kyi snying po 'di phul lo// swa/ de nas 'di'i dkyil 'khor bshad par bya ste/ zur bzhi pa dang sgo bzhi par// phyi yi dkyil 'khor bri bar bya// de yi nang du dkyil 'khor ni// gzhu yi dbyibs can bri bar bya// de yi dbus su ming po ni// mchog gsum dag ni gzhag par bya// sbrang rtsi byed dang rgyal byed dang // de bzhin don rnams thams cad ni// 'grub par byed ces bya ba'o// go cha ya lang bgos pa dang // de bzhin thod pa mtshan ma 'dzin// lha mo'i gos dang phreng ba 'chang // cung zad dgod cing khro ba dang // seng ge'i khri la 'dug pa dang // 'od kyi dkyil 'khor gyis mdzes pa'o// dngos grub kun ster dag pa ste// gsum ni srid gsum dag dang mtshungs// sgo dang mtshams ni thams cad du// tshogs la sogs pa legs par bzhag/ grub dang 'phel chen gnod sprin dang // gtum dang

  69. 35a

    kho mchog gsod pa'o// phyi rol ba dan rtse mo la// dril bu phreng bcas thams cad du// bum pa gang ba ro mchog bcas// 'byung po ma lus gtor mar bcas// glu rnams glu ru len pa dang // rol mo rdung bar byed pa dang // de bzhin slob dpon gar byed pas// phyag rgya kun gyis 'jug par bya// zhugs nas sgrub la dad pa yis// yang nas yang du 'dud bya zhing // me tog kun gyis mchod pa yis// bsgrub dang de nyid dag kyang brjod// 'jig rten gsum po srid gsum mchog/ ngan song gsum mchod gsum rnam gsum// legs ldan sbas pas grub pa ni// dngos grub kun la rtag tu'o// de nas snying po lan gcig/ brjod cing phyag rgya thams cad kyi g.yas pa'i mdzub mo lcags kyur byas la dgug par bya'o// de nas dril bu dang bcas pa'i phreng ba rnams g.yo'o// thams cad phab nas de bzhin du gzhug par bya'o// de nas dam tshig 'di brjod par bya'o// gal te dam tshig 'das gyur na// pha gsod 'gro ba gang yin dang // ma gsod pa yi 'gro ba gang // 'gro ba der ni 'gro bar 'gyur// rtag tu dam pa bsten par bya// dam pa min pa yongs su spang // gzhan la de nyid brtan mi bya// rtag tu ming po gsum po bsgrub// 'di ni dam tshig go/ de nas glu dang gar dang / rol mo dang / dgod pa dang / dga' ba dang / za ba dang mgu bas mel tshe

  70. 35b

    bya'o// phyag rgya dang gar gyi rol mo'i mchod pa yang byas la slob dpon gyis kyang phyag rgya de dang bcas pas byung ba dang 'byung bar 'gyur ba'i ye shes brjod par bya'o// de nas brtsams te dngos grub thams cad dang / phun sum tshogs pa thams cad dang / 'byor pa thams cad 'grub par 'gyur ro// dam tshig gi dkyil 'khor ro// de nas sring mo bzhis bcom ldan 'das la phyag 'tshal te rang gi de kho na nyid kyi snying po 'di phul lo// hUM/ de nas 'di'i dkyil 'khor bshad par bya ste/ dkyil 'khor kun nas zlum por thig btab la/ thig bzhi la 'khor lo bzhi pa byas la dkyil 'khor de rnams su sgo bzhir blta ba'i lha mo bzhi'i gzugs brnyan gzhag par bya ste 'di lta ste dga' ba mo ni shar du lta ba/ mda' dang gzhu thogs pa la brtson pa/ sgeg mo mdog dmar ba'o// gsod ma lho phyogs su lta ba lag na ral gri dang phub thogs pa mdog nag po'o// phag mo nub tu lta ba lag na gser gyi gter thogs pa/ gser gyi mdog can no// grub pa mo zhi ba mo zhes bya ba byang du lta ba/ lag na gri dang / sha khar thogs pa mdog dkar mo'o// phyi rol gyi sgo bzhir mtshan ma dgod pa gzhag par bya'o// de nas slob dpon dril bu dkrol zhing / lag pa g.yon pa kha T+wAM ga dang bcas pas 'jug par bya'o// zhugs nas snying po bzlas par bya'o// de nas phyag rgya

  71. 36a

    dang gar gyi mchod pa bstab par bya'o// de nas yid la 'dod pa'i dngos grub thams cad ster bar 'gyur ro// thams cad kyis mchod par 'gyur ro// mkha' 'gro ma la sogs pa gdon thams cad kyis mi tshugs pa dang / 'di ni nor rnams kyang bskyed par 'gyur ro// ci ltar mngon par 'dod pa thams cad kyis mnyes par byed pa dang / gter thams cad 'byin pa dang / dngos grub thams cad bsgrub par nus par 'gyur ro// slob ma gzhug pa yang de bzhin no// de rnams dang 'di dag thams cad 'grub par 'gyur ro// las kyi dkyil 'khor ro// bde ba chen po rdo rje don yod pa'i dam tshig gi rtog pa'i rgyal po chen po las/ phyi rol gyi rdo rje rigs kyi rtog pa rdzogs so// phyi rol rdo rje rigs kyi dkyil 'khor bzhi'i rtog pa'o// // de nas bcom ldan 'das de bzhin gshegs pa mtha' yas mu med pas mthar thug cing mu med pa'i chos dang ldan pas yang cho ga 'di mthar thug par byin gyis brlab pa'i phyir/ chos thams cad mnyam pa nyid kyi mthar thug pa/ byin gyis brlab pa rdo rje zhes bya ba shes rab kyi pha rol tu phyin pa'i tshul 'di bshad do// shes rab kyi pha rol tu phyin pa mtha' yas pa nyid pas de bzhin gshegs pa thams cad mtha' yas pa nyid do// shes rab kyi pha rol tu phyin pa mu med pa nyid pas rdo rje thams cad mu med pa

  72. 36b

    nyid do// shes rab kyi pha rol tu phyin pa du ma nyid pas chos thams cad du ma nyid do// shes rab kyi pha rol tu phyin pa mthar thug pa med pa nyid pas las thams cad mthar thug pa med pa nyid do// gang la la shes rab kyi pha rol tu phyin pa'i tshul 'di nyan pa dang / 'chad pa dang klog pa dang ston pa dang rjod pa dang sgom pa des sangs rgyas dang byang chub sems dpa'i spyod pa mthar thug pa med pa'i mthar phyin te/ sgrib pa thams cad zad nas de bzhin gshegs pa'am rdo rje 'dzin par myur du 'gyur ro// de nas de bzhin gshegs pa thams cad 'dus te/ chos kyi rnam grangs 'di don yod pa dang thogs pa med par myur du 'grub par bya ba'i phyir/ lag na rdo rje la legs so zhes bya ba byin no// sems can chen po legs so legs// bde ba chen po legs so legs// theg pa chen po legs so legs// blo gros chen po legs so legs// cho ga 'di ni legs par smras// sangs rgyas rdo rje 'dzin kun gyis// 'bras bu yod pa 'dul ba'i mchog/ rdo rje'i mdo 'di byin gyis brlabs// cho ga'i rgyal po bla na med// gang rnams 'di dag 'dzin/ pa ni// bdud la sogs pa thams cad kyis// de dag mi sod mi tshugs so// sangs rgyas byang chub sems dpa' dang // dngos grub dam pa thams cad kyang // sangs rgyas kun gyis gsungs pa bzhin// ring por

  73. 37a

    mi thogs 'thob par 'gyur// de skad gsungs nas gsang grub phyir// rdo rje can gyis bshad pa la// kun mchog sangs rgyas mkha' bcas pa// thams cad kyis ni mngon par bstod// bde ba chen po rdo rje don yod pa'i dam tshig gi rtog pa'i rgyal po chen po las shes rab kyi pha rol tu phyin pa'i tshul rdzogs so// // rgya gar gyi mkhan po A tsar+ya shrad d+ha ka ra barma dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa// @#// rgya gar skad du/ shrI pa ra mAd+ya man+ta kalpa khaN+Da nA ma// bod skad du/ dpal mchog dang po'i sngags kyi rtog pa'i dum bu zhes bya ba/ bcom ldan 'das bde ba chen po la phyag 'tshal lo// de nas bcom ldan 'das rnam par snang mdzad de bzhin gshegs pa thams cad kyi gsang ba'i chos nyid brnyes pa/ chos thams cad spros pa med pas/ yang bde ba chen po rdo rje don yod pa'i dam tshig ces bya ba/ rdo rje chos nyid shes rab kyi pha rol tu phyin pa'i sgo dpal mchog dang po thog ma dang tha ma dang dbus med pa'i dam pa 'di gsungs so// byang chub sems dpa' chen po rnams kyi 'dod chags chen po'i dngos grub dam pa ni bde ba chen po'i dngos grub dam par 'gyur ro// byang chub sems dpa' chen po rnams kyi bde ba chen po'i dngos grub dam pa ni de bzhin

  74. 37b

    gshegs pa thams cad kyi byang chub chen po'i dngos grub dam par 'gyur ro// de bzhin gshegs pa thams cad kyi byang chub chen po'i dngos grub dam pa ni bdud chen po'i stobs thams cad rab tu 'joms par byed pa'i dngos grub dam par 'gyur ro// byang chub sems dpa' rnams kyi bdud chen po'i stobs rab tu 'joms pa'i dngos grub dam pa ni khams gsum pa thams cad kyi dbang phyug chen po'i dngos grub dam par 'gyur ro// byang chub sems dpa' rnams kyi khams gsum pa thams cad kyi dbang phyug gi dngos grub dam pa ni sems can gyi khams ma lus shing lus pa med par yongs su sbyong bar 'dod pa'i rgyu'i phyir// 'khor ba la yang ma chags shing / brtson 'grus chen po'i byang chub sems dpa' rnams kyis sems can gyi khams ma lus shing lus pa med pa rnams yongs su bskyab pa dang / sems can thams cad la phan pa dang bde ba'i mchog shin tu bde ba chen po'i dngos grub dam par 'gyur ro// de ci'i phyir zhe na/ ci srid 'khor ba'i gnas su ni// mkhas mchog 'dug par 'gyur ba'i tshe// de srid mtshungs med sems can don// mya ngan mi 'da' byed par nus// shes rab pha rol phyin thabs dang // ye shes gnas su bsgrubs pas ni// chos kun rnam par dag pa'i phyir// 'khor ba yongs su dag par 'gyur// chags la sogs pas

  75. 38a

    'dul na ni// 'khor ba'i bar du rtag par yang // 'jig rten sdig byed de sbyang phyir// 'khor ba srid du bdag nyid 'dul// ci ltar pad+ma rab dmar ba// 'dam gyis nyes pas mi gos pa// de bzhin gnas kyi nyes pa yis// 'gro phan rnams la mi gos so// 'dod chags chen po rnam par dag/ bde ba chen po nor che la// khams gsum dbang phyug thob pas na// sems can don rnams rtog par byed// gang la la zhig nang par langs nas dpal mchog dang po shes rab kyi pha rol tu phyin pa'i tshul gyi sgo'i chos kyi rnams grangs 'di nyin re zhing 'don pa dang / nyan pa dang 'dzin pa dang klog pa dang sgom pa de yis bde ba dang yid bde ba thams cad kyang thob par 'gyur ro// bde ba chen po rdo rje don yod pa'i dam tshig gi dngos grub gyi mchog kyang tshe 'di la thob par 'gyur ro// de bzhin gshegs pa thams cad kyi gsang ba mchog kyang 'grub ste/ rdo rje 'dzin pa chen po thams cad dam/ de bzhin gshegs par 'gyur ro// bde ba chen po rdo rje don yod pa'i dam tshig dpal mchog dang po las/ de bzhin gshegs pa thams cad kyi bde ba chen po rdo rje gsang ba'i shes rab kyi pha rol tu phyin pa'i sgo rdzogs so// // de nas bcom ldan 'das de bzhin gshegs pa thams cad kyi rdo rje sems dpa' byin gyis brlabs pa'i rdo rje

  76. 38b

    gsang ba mchog gi dngos grub kyi cho ga rgyas pa'i rgyal po chen po/ de bzhin gshegs pa thams cad kyi sku gsung thugs kyi rdo rje gsang ba'i don yod cing bstan pa'i cho ga phyag rgyas btab pa'i sku gsung thugs thams cad kyi rdo rje/ de bzhin gshegs pa thams cad kyi dam tshig chen po thams cad la rab tu zhugs nas/ chos nyid rtogs pa'i ye shes la rab tu zhugs nas/ de bzhin gshegs pa thams cad kyi sna tshogs pa'i phrin las kyis dus gsum du 'jig rten gyi khams ma lus par spros pa las kyi mtha' can de bzhin gshegs pa rnam par snang mdzad chen po// zla ba phyed pa du ma la rab tu gnas pa'i rdo rje rin po che rnams kyi 'od zer sna tshogs pa rnam par 'bar ba'i 'od kyis gsal ba/ gser gyi dril bu btags pa dang / sna tshogs pa'i ba dan rlung gis bskyod pa rnams kyis nye bar mdzes par byas pa/ me tog sna tshogs kyi phreng ba dang / na bza' dang me long dang mu tig gi phreng ba rab tu 'phyang bas mdzes shing brgyan pa/ sna tshogs pa'i kha khyer la gnas pa mchog tu gyur pa'i lha'i bu mo dgod pa dang / sgeg pa dang gar dang glu yis rab tu brgyan pa dang / bstod pas sad par byed pa/ bde ba chen po rdo rje sems dpa'i gnas gzhal yas khang pa la bzhugs so// de nas bcom ldan 'das rdo rje sems dpa' de bzhin gshegs

  77. 39a

    pa thams cad kyi sku dang / gsung dang thugs rdo rjes byin gyis brlabs pa'i dam tshig sems dpa' thams cad dang / dbang bskur ba thams cad dang / thams cad mkhyen pa'i ting nge 'dzin las thams cad mchog tu gyur pa/ khams gsum thams cad 'dul bar mdzad pa/ thams cad dbang du byed pa po/ sbyin pa po 'dod pa thams cad pa/ rgya che ba'i dngos grub kyi mchog thams cad brtag pa'i de bzhin gshegs pa la gsol ba btab pa/ ci srid srid pa'i bar gnas pa// de srid sems can don mchog mdzad// sems can khams ni mtha' yas dang / rgyal sras srid pa 'dod pa'i phyir// srid pa'i skyon rnams 'joms phyir dang // bde ba chen po 'phel bya'i phyir// gsang ba'i rtog pa mchog gsungs pa'i// rjes su gnang ba bdag la stsol// de nas bcom ldan 'das de bzhin gshegs pas chos thams cad sgrib pa med pa nyid la lhag par dgongs nas gdul bya thams cad la thugs rje chen po'i sna tshogs rdo rje zhes bya ba'i ting nge 'dzin la snyoms par zhugs te/ ma lus shing lus pa med pa'i sems can gyi bsam pa thams cad yongs su rdzogs par byed pa dang / thams cad yongs su bskyang ba dang / phan pa dang bde ba dang dngos grub thams cad phun sum tshogs pa dang / ye shes dang las dang mchog gi dngos grub kyi

  78. 39b

    rgyur 'gyur ba'i bar du de bzhin gshegs pa thams cad nyid dang rdo rje 'chang chen po thob pa/ mchog gi dngos grub kyi don bde ba chen po'i rdo rje dang po de bzhin gshegs pa thams cad kyi 'khor los sgyur ba de nyid de bzhin gshegs pa thams cad kyi sku'i phreng ba'i cod pan gyis dbang bskur bas dbang bskur ba yin no// de nas bcom ldan 'das rdo rje 'chang chen po ma lus shing lus pa med pa'i bde ba chen po mchog gi dngos grub la sogs pa dngos grub thams cad thob par bya ba'i phyir/ sems dpa'i skyil mo krung bcas te/ sku drang por bsrang ste/ g.yon pa bsnyems pa'i tshul du mdzad nas g.yas pa rdo rje gsor bas rang gi thugs kar dang po'i rdo rje mchog gi sbyor ba 'dzin cing bde ba chen po'i rdo rje zhes bya ba thams cad kyi phyag rgya 'di nyid gyi sku dang gsung dang thugs las byung ngo // oM ma hA su kha badz+ra satwa dzaHhUM baM hoHsu ra ta s+t+waMste/ de nas phyung ba tsam gyis de bzhin gshegs pa thams cad byon nas de bzhin gshegs pa thams cad kyi khu tshur yongs su bzung ba rnams slar yang byang chub chen po mngon par rdzogs nas de rnams kyis bzhad pa chen po mngon par mdzad do// 'jig rten gyi khams thams cad g.yos pa dang bcas pas yongs su dag par 'gyur ro// khams gsum rgyas par spros pa thams cad kyang bcom ldan 'das kyi dkyil

  79. 40a

    'khor chen por gyur to// gang gis sems can thams cad bde ba dang / yid bde ba thob par gyur to// de nas rdo rje 'chang chen pos de bzhin gshegs pa thams cad kyi don yod cing thogs pa med pa las mngon par byung ba/ rdo rje chen po phyag rgya zhes bya ba'i ting nge 'dzin la snyoms par zhugs te/ bde ba chen po rdo rje'i dam tshig ces bya ba rnam par gnon par mdzad nas/ de'i sku thams cad las dngos grub thams cad dang / bde ba dang yid bde ba ster ba rtag tu rjes su 'brel pa can lhan cig tu spyod pa/ bde ba chen po rdo rje'i dam tshig gi sems dpa' rnams phyung nas phyogs thams cad du phyung ste/ mdun du rdo rje gsang ba yid las byung ba/ g.yas su rdo rje ki li ki li/ rgyab tu 'dod pa'i rdo rje/ g.yon du rdo rje bsgyings pa'o// mtshams rnams su mchod pa'i lha mo rnams so// phyi rol gyi kha khyer mtshams su lha'i bu mo rnams so// sgo srung ba rnams ni rdo rje lcags kyu dang / zhags pa dang / lcags sgrog dang / dril bu 'dzin pa'o// phyi rol du rdo rje sgo srung gi tshogs dang / pho nya dang bran rnams so// de nas bcom ldan 'das de bzhin gshegs pas de bzhin gshegs pa thams cad kyi khu tshur bcings te/ de bzhin gshegs pa thams cad byang chub rdo rje zhes bya ba'i ting nge 'dzin la snyoms par zhugs nas/ bcom ldan 'das rdo/

  80. 40b

    rje sems dpa' rdo rje 'chang chen po la gsol ba btab ste/ sems can kun la bde don du// rgyal ba chen po 'byung ba ste// chags bral de rnams chags ldan yang // rang gi btsun mo'ang gsol mdzad pas// de'i phyir bdag gis khyod la gsol// bde ba chen po rdo rje che// gsang ba'i rtog pa'i dngos grub ste// 'dul ba mchog ni bshad du gsol// de nas bcom ldan 'das don yod cing thogs pa med pa'i bka' bde ba chen po thams cad kyi dngos grub 'dul ba rdo rje 'dod pa'i mchog ces bya ba'i rnam par gnon par mdzad nas/ rdo rje gsang ba chen po'i dam tshig ces bya ba'i dkyil 'khor chen po 'di gsungs so// de nas yang dag bshad bya ba// dkyil 'khor chen po dam pa ste// bde ba chen po rdo rje mchog/ dam tshig dam pa'i ming can yin// dkyil 'khor gnas ni 'dus byas nas// de dbus cho ga bzhin du ni// phyag rgya chen po mnyam gzhag nas// der ni dkyil 'khor bsgrub par bya// gsang zhing legs par bsgril ba dang // mdud pa dag ni med pa yi// thig skud dmar pos thig btab nas// tshon gyi phyi mas bri bar bya// zur bzhi pa la sgo bzhi pa// sgo khyud bzhis ni mdzes pa dang // kha khyer gyis ni yongs su bskor// mtshams su lha yi bu mos mdzes// dkyil 'khor gyi ni mtshams rnams dang // sgo dang sgo khyud mtshams

  81. 41a

    rnams su// zla ba phyed la gnas pa yi// rdo rje rin chen 'od zer 'bar// rlung gis bskyod pa'i dril bu mchog/ ba dan sna tshogs mdzes pa yin// me long dra ba me tog phreng // ldan pa'i phyi rol dkyil 'khor bri// de yi nang du 'khor lo ni// dkyil 'khor brgyad pa dang 'dra ba// rdo rje thig gis yongs bskor ba'i// rdo rje 'khor lo yang dag bri// de dbus cho ga bzhin du ni// rdo rje sems dpa' dgod par bya// blugs sam yang na byas pa'am// brdungs pa'am yang na bris pa yi// bzhad pa dang bcas zla ba'i 'od// 'bar ba'i 'od zer dmar pos khyab// sangs rgyas phreng bas rnam par mdzes// sku la tshon sa yang dag byugs// sems dpa'i skyil mo krung gis bzhugs// rdo rje bsnyems pa 'dzin pa'i mchog/ sa ma ya s+t+waM zhes brjod nas// snying gar rnam par dgod par bya// de yi logs ni thams cad du// sems dpa' chen po rnams bri ste// tshon nam yang na rdul tshon gyis// go rims ji bzhin bri bar bya// mdun du sku mdog dmar po ni// rdo rje mtshon cha la brtson pa// g.yas su dag pa'i dkar po ste// legs par 'khyud pa'i rdo rje can// rgyab tu sku mdog ser po ste// chu srin gyi ni rgyal mtshan 'dzin// g.yon du sku mdog sngon po ste// phyag gnyis bsnyems pa 'dzin la sogs// mchod pa'i snod rnams 'dzin pa'o// mchod

  82. 41b

    pa'i lha mo bri bar bya// sgeg mo bzhad ma glu ma dang // gar ma lha yi bu mo'i tshogs// rdo rje lcags kyu zhags pa dang // rdo rje lcags sgrog dril bu rnams// sgo ni bzhi po rnams la ni// sgo srung bzhi po dgod par bya/ de nas de dag gi snying po rnams ni 'di yin te/ hUM badz+ra dr-iSh+Ta swa ma ke ma Ta/ hUM badz+ra ki li ki lA ya hUM/ hUM sma ra badz+ra ban+d+ha hUM/ hUM tuSh+Ta badz+ri Ni hUM/ rdo rje bran no// de nas mchod pa'i lha mo rnams kyi ni/ hUM ma d+hu ra badz+ri hUM/ hUM badz+ra me g+he hUM/ hUM shA rad badz+ri hUM/ hUM badz+ra shi shi ri hUM/ de nas lha'i bu mo rnams kyi ni// hUM badz+ra lA s+ye/ ma hA ba la badz+ri Ni/ oM badz+ra gI t+ye/ oM badz+ra nri t+ye/ de nas sgo srung rnams kyi ni/ dzaHbadz+ra aM ku shi pra ti ha ra/ hUM badz+ra pA sha ga na/ baM badz+ra s+pho Ta du ha/ ho badz+ra g+han+de ts+tshed/ de ltar lha mo'i dkyil 'khor du/ bud med grags pa de nyid dgod/ bkod na de dag rnams kyis ni/ byin gyis brlabs pa nyid du 'gyur// de nas phyag na rdo rje 'dzin/ dkyil 'khor kun mchog bri byas nas// bum pa gang ba ci snyed dang / me tog la sogs kun gyis mchod// dril bu btags pa'i ba dan rnams// mtshams rnams su ni gzhag par bya// lcug ma dang bcas bum pa rnams// sgo yi phyi rol dag tu gzhag/ rdo rje dang bcas bzhi dang bcas// lcug mo yongs su bzlas nas ni// dri chus gang ba'i bum pa ste/ phyag na rdo rje'i mdun gzhag bya// de la

  83. 42a

    'di ltar bde ba chen po'i dam tshig gi bdud rtsi'i chu byin gyis brlab pa'i snying po ni/ oM ma hA su kha badz+ra sa ma ya/ a b+hi She ka dzaHhUM baM hoH/ lan nyi shu rtsa gcig bzlas so// chu 'di gtor ba'am/ 'thungs na sdug bsngal thams cad rab tu 'byang ba dang / bde ba thams cad rab tu 'phel bar 'gyur ba yin no// de nas rang gi dam tshig rnams kyis rdo rje 'chang la sogs pa bsgrub par bya'o// dzaHhUM baM hoHzhes brjod nas/ dgug pa dang ni gzhug pa dang // bcings nas skad cig dbang du 'gyur// phyag rgya chen po mnyam gzhag ste// de bzhin g.yas mdzub lcags kyur bya// dgug pa 'di ni lan cig gis// 'grub ste rab tu gzhug par bya// oM ma hA su kha badz+ra sa twa/ a e hi shI g+h+raM ma hA su kha badz+ra gu h+ya sa ma ya ma nu sma ra pra b+hA ta sa ma ya s+t+waM hr-i da yaM su to Sh+yo me b+ha ba/ su po Sh+yo me b+ha ba/ a nu rak+to me b+ha ba/ a d+hi tiSh+Tha b+ha ga bA na a na ti naM da na sid b+h+yAM tu me man+ta pa deHdzaHhUM baM hoH/ de nas rtag tu bcom ldan 'das// dkyil 'khor du ni rang nyid byon// dgug cing bcug nas brtan pa dang // dbang du 'gyur zhing 'grub pa yin// rmad du byung ba'i rdzu 'phrul du ma rnams mthong ba'am/ yang na bcom ldan 'das rang nyid kyis mthong bar 'gyur ro// de nas rang nyid rdo rje 'dzin/ kun gyi slob dpon ni phyag rgya thams cad grub pa/

  84. 42b

    dam tshig thams cad shes pa/ las thams cad nus pa/ bcon ldan 'das kyis byin gyis brlabs pa yin no// 'jug pa'i cho ga 'di yis rdo rje slob dpon rang nyid ci snyed pa'i dris byugs shing bsgos pa rgyan dang bcas pa'i me tog gi phreng bas lus shin tu brgyan pa/ gos dmar po gnyis bgos pa/ rang nyid kyis bcom ldan 'das la bstod cing rdo rje dang bcas pa'i rdo rje bsnyems pas rang nyid 'jug par bya'o// bstod pa ni drug ldan la sogs pa glu yis bya'o// 'dod chags la sogs bde kun yid khyod ni// kun 'dus bdag la bde ba rtsol mdzod cig/ rdo rje sems dgongs myur du bdag ston mdzod// bdag dgyes mdzad dang bde mchog grub la 'dud// de nas rab tu zhugs nas dgongs su gsol bar bya ste/ thog mtha' med pa'i sems dpa' ni// rdo rje sems dpa' bde ba che// kun tu bzang po khyod yin te// rdo rje bsnyems bdag khyab bdag yin// sems kyi sems dpa'i ting nge 'dzin// de bzhin rdo rje rdo rje 'dzin// kun mchog dam tshig dngos grub can// rdo rje sems bdag deng grub mdzod// de nas bcom ldan 'das de nyid kyis// rdo rje slob dpon byin brlab 'gyur// de sngar ma byung ba'i so sor rang rig pa'i bde ba gnyis ka la skye bar 'gyur ro// phra mo dbab par yang 'gyur ro// de nas bdag la bcom ldan 'das

  85. 43a

    grub par gyur to zhes shes par bya'o// de nas de bzhin du 'dug la ci 'dod pa'i bzlas brjod bya'o// de nas de bzhin du 'dug la rang gi bsod nams kyi byin gyi rlabs kyis 'dod pa'i dngos grub thob par 'gyur ro// de nas brtsams te sems dpa' chen po thams cad 'grub par 'gyur zhing mthong bar 'gyur ro// de rnams kyis kyang de la dngos grub thams cad stsol bar mdzad do// phyag rgya thams cad kyis bdag rang nyid kyis bcings na las thams cad 'grub par 'gyur ro// dam tshig thams cad kyang 'di la bstan par 'gyur ro// yid kyi 'dod pa'i las rnams kyang byed pa yin no// bde ba dang yid bde ba thams cad nyams su myong zhing gzhan gyis mi thub pa dang mi sod pas lo gcig 'das nas sangs rgyas nyid la sogs pa'i mchog gi dngos grub thob pa yin no// de nas sems can thams cad gzhug pa'i don du brtag par bya ba yin no// rdo rje slob dpon rang nyid snga ma bzhin du lus la brgyan nas/ rab tu bde ba'i rdo rje'i dam tshig gi phyag rgya rab tu bcug ste de bzhin du de kho na nyid chen po bskul bas yang dag par bskul la dgug par bya'o// 'di skad ces brjod do// srid pa'i bde ba rnam dag phyir// sngar gyi srid pa la khyod dga'// 'dod pa kun gyi dngos grub che// 'gro ba kun la'ang 'grub par gyis// de nas

  86. 43b

    mchod pa byas la rang gi lhag pa'i lha gang yin pa de'i dam tshig gi phyag rgya me tog dang bcas pa gzhug par bya ste// bcug nas rna bar 'di skad ces brjod par bya'o// chags bral 'dul ba'i 'jig rten ni// chags bral nyid kyis 'dul bar 'gyur// 'dod chags chen po bde ba che// rdo rje sems dpa' sbas pa yin// 'dod chags bral ba lta bu yi// sdug bsngal gzhan ni rang bzhin med// de bas sems can chags bral la// slar yang yid ni ma byed cig/ de nas me tog la sogs pa snying po 'dis 'dor du gzhug go/ oM ma hA su kha badz+ra sa twa pra ti gr-ih+Na sa ma ya s+t+waM/ de nas gang du babs pa de ni de'i lha yin no// de nas de kho na nyid chen po brjod par bya'o// gang 'dod pa'i snying po byin la sgrub tu bcug la rang nyid lhag pa'i lha'i dbang bskur bas dbang bskur nas/ de'i mtshan ma lag pa gnyis su byin te de'i rigs kyi ming gi dbang bskur la snying po 'dis dbang bskur bar bya'o// oM sarba ta thA ga ta Arma ko&haM badz+ra d+hA ra sa mu khe b+ha a b+hi She ka tAM a b+hi Shiny+tsA mi gr-ih+Na sid+d+hi badz+ra te a mo g+ha sid+d+hi s+t+waM/ de nas phyag rgya bcings pa bslab par bya'o// de nas ci 'dod pa'i mchod pa byas shing byed du bcug nas ci 'dod pa bza' ba dang btung bas slob ma rnams tshim par byas la phyag rgya dang / phyag rgya'i lan dang gar dang dgod pa byed du bcug cing

  87. 44a

    rang nyid kyis kyang bya'o// de nas thams cad bskrad nas 'di skad brjod par bya'o// thog mthar rgyu ba'i 'gro ba 'di// dga' ba mchog la rag lus te// sems dpa' chen po rdo rjer 'gyur// slar yang gshegs par mdzad du gsol// de nas snyim pa'i me tog dor nas dbyung bar bya'o// dkyil 'khor yang rang nyid kyis phyags la rdul tshon de dag gis ril bu byas la bzhag na las thams cad 'grub par 'gyur ro// de nas bde ba chen po rdo rje dam tshig gi bdud rtsi'i tshul de yang bcug na tshe 'phel ba la sogs pa'i las thams cad dgongs pa yin no// de nyid kyis dbang bskur na yang dkyil 'khor du dbang bskur ba thob pa dang / mchog gi dngos grub kyang thob par 'gyur ro// gal te sku bri ba'i ri mo mkhan ma rnyed na rang rang gi phyag mtshan gyi phyag rgya rnams kyis dkyil 'khor bri bar bya'o// gal te de yang mi shes na phyag mtshan gzhag par bya'o// phyag rgya'i cho ga rgyas pa'o// de nas bcom ldan 'das don yod pa thogs pa med pa myur du 'grub pa'i cho ga rgya che ba'i dam tshig rdo rje zhes bya ba'i ting nge 'dzin la snyoms par zhugs te rnam par gnon par mdzad nas rdo rje 'chang chen pos 'di gsungs so// bde ba chen po rab bsgrub dang // 'dod pa chen po rnam dag phyir// rdo rje sems dpa' grub pa ni// rtag par myur du bshad par

  88. 44b

    bya// ci srid 'khor ba'i gnas su ni// de srid sems can gdon par bya// mya ngan 'das pa byang chub sgrib// de nyid kyis ni dam tshig rnams// ci srid srid pa la gnas pa// de srid sems can don nyid byed// thams cad dag pa'i mchog chos can// ci ltar sems can kun gyi don// dngos grub thams cad rab sgrub pa// de ltar sbyin sogs pha rol phyin// byang chub spyod pa mchog gis min// de bzhin gshegs ni gdul min la// sems can rnams kyi don mdzad pa// 'di ni dngos grub rab bsgrubs na// dus kun du ni thams cad mdzad// des na bsgrub 'di bshad bya ste// dngos grub shin tu rtag pa yin// gang gis srid pa 'di nyid du// shin tu rtag pa'i dngos grub thob// dkyil 'khor dag tu ma zhugs kyang // dam tshig rnam par spangs pa'am// bsod nams med kyang thams cad du// srid pa 'di la myur du 'grub// gal te dngos grub sgrub 'dod na// rtag tu yul dang ldan gyur na// gsang ba'i mchod pas mchod nas ni// rang rang phyag rgyas 'grub par 'gyur// drug ldan la sogs snyan pa'i glu// chags pa kun kyang ci 'dod par// bzlas pa'i don ni ci nus pas// rdo rje sems dpa' bsgrub par bya// 'di yis 'dod pa'i kun dbang phyug/ ci 'dod 'gro 'ong mkha' la rgyu// dngos grub kun gyi dbang phyug grub// rga shi med cing gtso

  89. 45a

    bor 'gyur// rgyal ba kun gyis mchod byas la// rang gzhan kun gyis bsnyen bkur zhing // rdo rje 'chang chen dang mtshungs shing // don yod kun mchog spyod pa yin// bde ba chen po rdo rje grub pa'i rgyal po de bzhin gshegs pa la sogs pa'i dngos grub thams cad rab tu ster ba// rdo rje 'chang chen po byang chub sems dpa' yin na/ gal te de bzhin gshegs pa thams cad kyi mchog gi dngos grub mngon par 'dod na des bcom ldan 'das de bzhin gshegs pa/ de bzhin gshegs pa thams cad kyi phyag rgya'i khu tshur yongs su 'dzin pa ras ris la bri bar bya'o// bzhad pa dang bcas pa dngos po thams cad du de bzhin gshegs pa rnams kyis yongs su bskor ba'o// de'i mdun du de bzhin gshegs pa thams cad kyi khu tshur yongs su 'dzin pas rdo rje'i tshig gis stong phrag brgya bzlas par bya'o// 'bum rdzogs pa na mtshan phyed na bdud kyi tshogs rnams 'ong bar 'gyur ro// de nas bdud thams cad kyi stobs gzhom pas bcom par bya'o// de nas tho rangs kyi dus su de bzhin gshegs pa thams cad nyid dam byang chub sems dpa' nyid thob par 'gyur ro// gal te rdo rje 'chang chen po nyid mngon par 'dod na/ des lugs ma'am/ 'dus byas pa'am/ brdungs pa'am/ ras ris la sogs par legs par bris pa'i phyag na rdo rje'i

  90. 45b

    dkyil 'khor bzhin du sngar sgrub pa la sku gzugs kyi khyad par ci ltar thob pa ltar rdo rje sems dpa'i bsgrub pa bshad do// zla ba drug gis rdo rje 'chang chen po'i dngos grub chen po 'grub bo// gal te rdo rje 'chang chen po dgug na bde ba chen po'i rdo rje lcags kyus dgug cing ci 'dod pa bsgrub par bya'o// zla ba gcig 'das nas thams cad gsol bar bya'o// gal te rang gi phyag rgyas bdag nyid bsgrub na rang gi lha'i phyag rgya chen po bcings te bsgoms pas bdag rdo rje sems dpa' yin no zhes bsgoms la bsgrub par bya'o// de ci ltar mngon par 'dod pa'i bzlas pas bdag nyid bsgrub par bya'o// yang dang yang du sgom zhing bzlas pa de srid bdag gis bya'o// ci srid rdo rje 'chang nyid zla ba phyed 'das nas thob par 'gyur ro// de nas 'dod pa thams cad kyi dbang phyug bsgrub par 'dod na de bzhin du rang yid du 'ong ba dang bcas par rab tu zhugs te/ phyag rgya bcings la de srid bzlas par bya'o// ci srid bdag 'dod pa kun gyi dbang phyug dang / khams gsum pa ma lus pa'i bdag por 'gyur ro// de nas bcom ldan 'das rdo rje 'chang khams gsum pa ma lus pa'i rdo rje'i rgyun gyi rang bzhin thams cad grub pa'i chos nyid kyi ye shes rnam par rol par mdzad nas ma bsgrubs pa'i phyag rgya'i las kyi rgyun rdo rje'i cho ga rgyas pa 'di gsungs

  91. 46a

    so// ma bsgrubs pa'i snying po'i las rnams 'di lta ste/ bdag nyid bsrung ba ni bde ba chen po'i rdo rjes gsang ba'i gtsug tor gyis so// thams cad bsrung ba ni bde ba chen po rdo rje gsang ba'i mdzod spras so// phyogs thams cad dang / mtshams dang dkyil 'khor bcing ba ni bde ba chen po rdo rje gsang ba 'bar ba'i phreng bas so// bdud thams cad kyi stobs gzhom pa ni bde ba chen po'i rdo rje gsang ba mi bskyod pas so// tshe 'phel bar bya ba ni bde ba chen po rdo rje gsang ba'i bdud rtsis so// gzugs chen po phun sum tshogs pa ni bde ba chen po rdo rje gsang ba'i gzugs can gyis so// gzi brjid dang na tshod shin tu bzang po rab tu 'phel ba la ni bde ba chen po rdo rje gsang ba'i bcud kyis len gyis so// stobs dang mdog 'phel ba la ni bde ba chen po rdo rje gsang ba'i mthu yis so// dbang bskur ba thams cad la rdo rje gsang ba'i cod pan can gyis so// nor thams cad thob par bya ba la ni rdo rje gsang ba'i dbyig gis so// rgyal srid thob pa la ni rdo rje gsang ba'i rgyal po'i phyag rgyas so// sa ma lus pa thob pa la ni rdo rje gsang ba'i rtsal gyis so// thams cad dbab pa dang g.yo bar bya ba dang gar byed du gzhug pa dang / dus gsum bden pa nyid du smrar gzhug pa la ni bde ba chen po rdo rje gsang ba'i dam tshig gi don du gzhug

  92. 46b

    pas so// pra se na thams cad sgrub pa la ni rdo rje gsang ba'i pra se na dbab pas so// gdon thams cad las thar pa la ni rdo rje gsang ba'i gdon las thar pas so// gdug pa thams cad gzhig pa la ni rdo rje gsang ba'i bgegs 'joms pas so// thams cad rengs par bya ba la ni rdo rje gsang ba'i rengs pas so// thams cad gnyid log par bya ba la ni rdo rje gsang ba'i gnyid kyis so// thams cad rgyas gdab pa la ni bde ba chen po rdo rje gsang ba'i dam tshig gi mkha' 'gro mas so// thams cad du gsang ba la ni rdo rje gsang ba'i mthar byed kyis so// thams cad bsgyel ba la ni rdo rje gsang ba'i hUM mdzad kyis so// thams cad bslang ba la ni rdo rje gsang ba'i dam tshig gis bslang bas so// thams cad bcing ba la ni rdo rje gsang ba'i bcings pas so// thams cad thar bar bya ba la ni rdo rje gsang ba'i yi ge mus so// phra men ma thams cad las thar bar bya ba dang / sngon gyi gnas skabs rjes su sbyin pa la ni gsang ba chen po he ru ka'i rdo rjes so// ma mo'i gdon thams cad las thar bar bya ba la ni rdo rje gsang ba'i drag mos so// phra men ma thams cad kyis rgyas btab pa la thar bar bya ba dang / snying zos pa las snying gzhan 'byung bar 'jug pa dang / shi ba gso ba la ni dam tshig chen po gsang ba'i he ru ka'i rdo rje dbang bskur bas

  93. 47a

    so// gdug pa thams cad kyi phyag rgya gzhig pa la ni rdo rje gsang ba'i rdo rjes so// rims thams cad rab tu zhi ba la ni rdo rje gsang ba'i 'bar ba'i lta bas so// dug thams cad gzhig pa dang bza' ba dang 'bab pa dang 'chi ba gso ba la ni gsang ba chen po rdo rje nor bu'i phyag rgyas so// dug thams cad dang sbyar ba'i dug thams cad bdud rtsir bya ba la ni rdo rje gsang ba'i dug med pas so// gshed byed thams cad dang byad dang ro langs dang byur dang gnod sbyin mo rnams kyi nus pa gzhig pa la ni rdo rje gsang ba'i sbyin sreg gis so// rtsod pa thams cad dang 'thab pa dang 'thab mo dang rtsod pa gzhig pa la ni rdo rje gsang ba'i zhal rab tu gdangs pas so// yams dang 'tshe ba thams cad dang sdig pa dang rmi lam ngan pa gzhig pa la ni rdo rje gsang ba'i zhi bas so// gzhan gyi dpung thams cad rengs par bya ba dang / gnyid log par bya ba dang rmongs par bya ba dang lkugs par bya ba dang / rgyas gdab pa dang gsad pa la ni bde ba chen po rdo rje gsang ba'i gshed byed kyis so// 'thab mo thams cad las rgyal ba thob pa la ni rdo rje gsang ba'i rgyal mtshan gyi dpung rgyan gyis so// gdug pa thams cad gzhig pa la ni rdo rje gsang ba'i rdo rje legs pas so// bgegs thams cad zhi bar bya ba la ni rdo rje gsang ba'i thabs sbyor gyis

  94. 47b

    so// dgra bo thams cad rnam par gzhig pa la ni rdo rje gsang ba'i rnam par 'thor bas so// bdud kyi stobs thams cad gzhom pa la ni rdo rje gsang ba'i rab tu 'dul bas so// sprin bskyed pa la ni rdo rje gsang ba'i sprin chen pos so// char dbab pa la ni rdo rje gsang ba'i sdigs mdzub kyis so// thog dbab pa dang / glog dang / rlung dang / char zhi bar bya ba la ni/ rdo rje gsang ba'i sprin srung gis so// sprin dang mun pa dang / khug rna zhi bar bya ba la ni/ rdo rje gsang ba'i bde ba chen po'i spyan gyis so// klu thams cad dgug pa la ni rdo rje gsang ba'i phyag rgyas so// klu thams cad dbang du bya ba la ni gsang ba thams cad kyi nor bu'i phyag rgyas so// klu thams cad rjes su 'brang bar bya ba la ni rdo rje gsang ba'i klu 'dul bas so// klu thams cad 'byin pa la ni rdo rje gsang ba'i klu 'don pas so// sa ma lus pa g.yo zhing 'gul bar bya ba la ni rdo rje gsang ba'i thar pas so// chu med par chu'i phung po char cher bsil zhing dri ma med par bskyed pa la ni bde ba chen po rdo rje klu'i phyag rgyas so// mun par nyi ma'i snang ba chen po bskyed pa la ni rdo rje nyi ma'i phyag rgyas so// rlung thams cad dbang du bya ba la ni rdo rje rlung thams cad kyis so// nam mkha' la gzugs thams cad kun du ston pa la ni rdo rje gsang ba'i 'dzin pas so// nam mkha' las dngos po thams cad

  95. 48a

    'byung bar bya ba la ni rdo rje gsang ba'i 'byung bas so// nam mkha' la rang gi bdag nyid kyi dngos po kun du bstan par bya ba la ni rdo rje gsang ba'i rdzu 'phrul gyis so// nam mkha' la de bzhin gshegs pa dang rdo rje 'dzin pa la sogs pa byang chub sems dpa' thams cad dang / 'jig rten gyi khams thams cad bstan pa la ni rdo rje gsang ba'i rnam par 'phrul pas so// nam mkhar shing thams cad la lo ma dang me tog dang / 'bras bu thams cad 'byung ba la ni rdo rje gsang ba'i dus kyi phyag rgyas so// sa'i cha thams cad la 'bru'i cha thams cad smin par 'byung ba la ni rdo rje gsang ba'i gshol gyi phyag rgyas so// thams cad las lha'i kha zas dang / btung ba dang / gos dang / rgyan dang / gnas sar pa dang / bu mo gzhon nu 'byung ba dang / skyes pa dang bud med dang / bran pho dang / bren mo thams cad 'byung bar bya ba la ni/ bde ba chen po rdo rje dam tshig gi bsod nams kyi chu yis so// g.yul du dpung gi tshogs yan lag bzhi bstan cing g.yul 'gyed pa la ni rdo rje bde ba chen po'i sdom pas so// sgyu ma thams cad bstan pa la ni/ rdo rje bde mchog gis so// bde mchog gi bya ba thams cad la ni rdo rje sgyu ma'i bya bas so// rmad du 'byung ba dang cho 'phrul thams cad bstan pa la ni rdo rje rmad du 'byung ba'i rdzu 'phrul gyi rnam par 'phrul

  96. 48b

    pas so// lan thams cad gdab par bya ba la ni rdo rje lan bstan pas so// me rengs par bya ba la ni rdo rje shin tu grang bas so// chu dbab par bya ba la ni rdo rje zla ba'i chu shel gyis so// dgon pa dang / grong dang / nags dang / chu bo dang / rdzing bu dang / skyed mos tshal dang / zas dang skom dang / gtsug lag khang bsrung ba la ni rdo rje grub pas so// chu'i steng du bzhag pa dang / bdag nyid gzugs mang po'i dngos po ston pa dang / mi snang ba dang / nam mkha' la 'gro ba'i dngos grub la ni rdo rje gsang ba'i dngos grub gyi phyag rgyas so// lha la sogs pa thams cad mngag gzhug par bya ba la ni rdo rje gsang ba'i bka' bsgo bas so// sems can thams cad dbang du bya ba la ni rdo rje gsang ba'i dbang gis so// mi rgyu ba thams cad drang ba dang dbab pa dang / bden par smrar gzhug pa la ni rdo rje gsang ba'i dngos grub chen po'i phyag rgyas so// gzugs brnyan thams cad dbab pa dang / dgug pa dang / dgod par bya ba dang / gar byed du gzhug pa dang / kun du rol par bya ba dang / bsgo ba thams cad byed du gzhug pa dang / thams cad khyer te 'ong ba dang / las thams cad byed du gzhug pa la ni bde ba chen po rdo rje'i dam tshig bsgrubs pas so// thams cad rjes su chags par bya ba la ni bde ba chen po'i rdo rje yid las byung bas so// rgyu ba dang mi rgyu

  97. 49a

    pa thams cad rtser gzhug pa la ni rdo rje ki li ki la'i gsang bas so// thams cad brtan par bya ba la ni rdo rje chu srin gyi phyag rgyas so// thams cad dpa' bar bya ba la ni rdo rje bstims pas so// rmi lam ngan pa bzlog pa la ni rdo rje ngag gis so// gzhan dag gis rang 'dod pa'i rmi lam mthong bar bya ba la ni rdo rje rmi lam mthong bas so// rmi lam ngan pa thams cad gzhig pa la ni rdo rje sreg blugs kyis so// rmi lam bzang ba thams cad bsgrub pa dang brtan par bya ba la ni rdo rje rmi lam grub pas so// nad dang gnod pa thams cad bsal ba la ni rdo rje sman gyis so// rims nad thams cad gzhig pa la ni rdo rje bcud len gyis so// dus ma yin par 'chi ba gzhig pa la ni rdo rje dUr bas so// dmyal ba la sogs pa'i ngan 'gro thams cad gzhig pa la ni rdo rje sdig pa dral bas so// sku thams cad bsgrub pa la ni rdo rje sku'i mchog gis so// gsung thams cad bsgrub pa la ni rang gi lces 'das pa dang / ma 'ongs pa dang / da ltar gyi dngos po thams cad bden par ston pa'i rdo rje gsang ba'i ljags kyi mchog gis so// thugs thams cad bsgrub pa la ni rdo rje thugs thams cad bskyed pas so// rdo rje thams cad kyi dngos grub la ni rab tu dag pa'i rdo rjes so// dkyil 'khor thams cad rab tu 'jug pa la ni rdo rje 'khor

  98. 49b

    los so// phyag rgyas thams cad bcing ba'i dngos grub la ni rdo rje gsang ba'i dam tshig gi phyag rgya chen pos so// thams cad dam tshig thams cad sgrub pa la ni rdo rje dam tshig gi phyag rgyas so// las thams cad bsgrub pa la ni rdo rje gsang ba'i mchod pas so// dngos grub thams cad la ni rdo rje gsang ba'i bde ba chen po grub pas so// phun sum tshogs pa thams cad la ni rdo rje ltung ba las gdon pa'i phyag rgyas so// thams cad mkhyen pa'i ye shes thob pa la ni rdo rje ye shes kyi phyag rgyas so// thams cad kyi mchod pa bya ba nyid la ni rdo rje gsang ba'i gar gyis so// rdo rje thams cad kyi dngos grub dam pa la ni rdo rje bde ba na po'i rdo rjes so// sems dpa' chen po thams cad kyi dngos grub dam pa la ni rdo rje sems dpa'i bde ba chen pos so// de bzhin gshegs pa thams cad kyi dngos grub dam pa la ni rdo rje sems dpa' gsang pabapa mchog gi bde ba chen pos so// rdo rje 'dzin pa thams cad kyi dngos grub dam pa la ni bde ba chen po rdo rje gsang ba'i dam tshig gi phyag rgyas so// bde ba chen po rdo rje gsang ba'i rtog pa'i rgyal po chen po las rab tu dga' ba'i rdo rje gsang ba'i mchod pa'i cho ga rgyas pa'o// // de nas bcom ldan 'das bde ba chen po rdo rje'i dam tshig gi sems dpa'i byin gyis brlabs pa gsang ba'i chos can rnam par snang mdzad

  99. 50a

    chen po de bzhin gshegs pa thams cad kyi khu tshur yongs su 'dzin pas de bzhin gshegs pa thams cad kyi 'khor lo byin gyis rlob pa'i rdo rje zhes bya ba'i ting nge 'dzin la snyoms par zhugs te/ rang gi rdo rje sems dpa' la gsol ba btab po// bde ba chen po rab grub dang // 'dod chags chen po rnam dag phyir// de bzhin gshegs pa mtha' yas nyid// dam pa'i rigs ni bskyed du gsol// de nas bcom ldan 'das rdo rje 'chang chen pos de bzhin gshegs pa thams cad kyi dam tshig bde ba chen po mi phyed pa'i rnam par gnon pa mdzad nas/ bcom ldan 'das kyi sku dang gsung dang thugs rdo rje thams cad la rab tu bzhugs nas thams cad kyi bdag nyid mnyam par spros nas bde ba chen po'i rdo rje'i phyag rgya'i gzungs 'di gsungs so// oM d+haM/ de nas 'di ni gsungs tsam gyis// rnam pa drug tu g.yos gyur te/ sangs rgyas sras dang bcas pa kun// kun nas 'dus shing bstan par 'gyur// dkyil 'khor chen po'i sbyor ba yis// thams cad grub phyir kun nas bzhugs// bzhad pa chen po'i khyad par gyis// rmad byung chen por rab tu bzhad// de nas bcom ldan 'das de bzhin gshegs pa rdo rje sems dpa' de bzhin du rdo rje la snyoms par zhugs te/ bde ba chen po'i dam tshig rdo rje gsang ba zhes bya ba'i gzungs kyi

  100. 50b

    dkyil 'khor 'di gsungs so// 'di ltar tshon gyis bris nas ni// rgyal ba g.yon du bsnyems 'dzin pa// dam tshig mchog gi mchog bkod nas// sa ma ya s+t+waM zhes brjod do// de bzhin gshegs pa sras dang bcas// rdo rje mtshon cha la sogs gzung // byang chub sems dpa' sems dpa' che// me tog la sogs spyir thal sbyar// de la 'jug pa la sogs pa'i cho ga rgyas pa'i khyad par ni 'di yin te/ de bzhin gshegs pa thams cad la phyag bya ba'i phyag rgya dang rdo rje'i glu 'dis 'jug par bya'o// rdo rje sems dpa' bsdus pa yis// rdo rje rin chen bla na med// rdo rje chos ni glur blangs pas// rdo rje las ni byed par 'gyur// de nas rab tu zhugs nas de bzhin gshegs pa thams cad kyi ye shes kyi gzungs bde ba chen po rdo rje gsang ba'i lcags kyus dgug par bya'o// oM badz+ra d+hA ra su ra ma hA su khe sarba hA ra rma pa ma ta ya/ sarba ta thA ga ta dz+nyA na me man+t+ra pa de/ dzaHhUM baM ho/ de nas de bzhin gshegs pa thams cad rdo rje 'dzin pa dang bcas pa yang dag par byon par 'gyur ro// yid bde ba la sogs pa'i mtshan ma 'byung ngo // cho 'phrul du ma dag mthong ba yin no// de nas cho ga rgyas pa dang / bsgrub pa dang / yid kyis 'dod pa'i dngos grub thams cad dang / don yod pa dang / thogs pa med par myur du dam pa grub pa yin no de bzhin du

  101. 51a

    bya'o// de nas ma bsgrubs par lan cig bzlas pas las rnams byed par 'gyur ro// thams cad bsrung ba la ni rdo rje gtsug tor gyis so// sems can thams cad dbang du bya ba la ni rdo rje mdzod spusmras so// chos nyid thams cad thob pa la ni rdo rje chos nyid kyis so// de bzhin gshegs pa thams cad kyi mchod pa'i dngos grub ni rdo rje mchod pas so// gdug pa thams cad 'dul ba la ni rdo rje khro bos so// byang chub kyi spyod pa ma lus par rdzogs par bya ba la ni rdo rje spyod pa'i phyag rgyas so// bdud thams cad gzhom pa la ni bdud thams cad 'joms par byed pas so// de bzhin gshegs pa thams cad kyi bdag nyid du bya ba la ni rdo rje ye shes kyi khu tshur gyis so// bde ba chen po rdo rje gsang ba las// de bzhin gshegs pa thams cad kyi gsang ba chen po'i cho ga rgyas pa'o// de bzhin gshegs pa'i dkyil 'khor gsungs pa'o// // de nas bcom ldan 'das de bzhin gshegs pa don yod cing thogs pa med pa'i bka' bstan pa/ de bzhin gshegs pa thams cad gyi thugs rdo rje chen po'i thabs bde ba chen po'i khro rje zhes bya ba'i ting nge 'dzin la snyoms par zhugs te/ rang gi rdo rje sems dpa' la sogs pa la gsol ba btab bo// bde ba chen po rab grub dang // chags pa chen po rnam dag phyir// gdug pa thams cad

  102. 51b

    gzhom pa'i phyir// rang rigs sbrul mdzod rdo rje 'dzin// de nas bcom ldan 'das rdo rje sems dpa' de bzhin gshegs pa thams cad kyi bka' rdo rje'i dam tshig ces bya ba'i rab tu dga' ba'i rdo rje khro bo 'di gsungs te/ hUM rak+ta dza la mA lA pra lA ya ag+ni pra ti pa ta te dza ma hA su ra ta badz+ra kro d+ha dzaHhUM baM ho phaT/ de nas 'di gsungs pa tsam gyis bcom ldan 'das phyag na rdo rje'i rdo rje las kun nas 'od zer dmar po 'bar ba'i snying po can smin ma 'gyur zhing khro gnyer bsdus pa/ sma ra ser zhing spyan 'bar ba/ rdo rje mche ba gtsigs pas ma mchu'i sgros rnam par gnon pa'i zhal mnga' ba/ dbu skra gyen du 'bar ba dang rdo rje dang gzhu la sogs pa yongs su 'dzin pa bcom ldan 'das kyi dkyil 'khor chen po'i tshul du bzhugs so// bcom ldan 'das kyis kyang khams gsum pa'i gdug pa thams cad 'dul bar mdzad nas rdo rje dam tshig chen po'i byin gyis brlabs so// dkyil 'khor chen po thig gdab bya// de la dang po khros pa bzhag/ su ra tod b+ha ba hUM zhes zlos// ut+pal sngon po'i 'od 'bar ba// rdo rje snyems pa 'dzin pa'i mchog/ mche ba cung zad gtsigs pa'i zhal// khro dang bcas pa bzhad pa'i zhal// rdo rje skyil mo krung gis bzhugs// 'od zer 'bar ba 'khrugs pa'i 'od// dkyil 'khor chen po'i tshul gyis ni// thams cad du ni khro bo

  103. 52a

    bri// rab tu dga' ba'i rdo rje khro bo'i phyag rgya chen pos dang por slob dpon gyis 'jug par bya ste/ slob ma rnams kyang de bzhin no// slob dpon zhugs nas khros pas lcags kyu de nyid kyis dgug par bya'o// hUM su ra ta badz+ra kro d+ha a ya te/ ma hA su kha badz+ra sa twa dza/ sarba badz+ra ku la ne tra pra we sha ya hUM/ sarba mu drA ga Na ban d+ha ya baM/ sarba ma yA ma bi shwa ku ru ho/ sarba karma ni tra sa twa ya a/ de nas rdo rje'i rigs thams cad bcom ldan 'das dang bcas pa byon zhing grub pa yin no// slob dpon dang slob ma rnams la dgyes pa dang / khro bo 'babs pa'i mtshan ma yang dag par 'byung bar 'gyur ro// gzhan yang cung zad 'byung ba yin na/ de grub pa dang / dngos grub dang / cho ga rgyas pa yang de bzhin du'o// gal te ma grub na lan cig bzla'o// khams gsum pa ma lus pa las rgyal bar bya ba la ni rdo rje hUM mdzad kyi phyag rgyas sems can gyi khams thams cad 'dul ba la ni rdo rje khro ba'i gsang bas so// 'jig rten gsum po las rnam par rgyal ba la ni 'jig rten gsum las rnam par rgyal ba'i phyag rgyas so// thams cad dgug pa dang / gzhug pa dang / dbab pa dang / bcing ba dang / dbang du bya ba dang / gzhig pa dang / rengs pa dang / gnyid log par bya ba dang / rgyas gdab pa dang / bsgril ba dang / gsang bar bya ba la ni bde ba

  104. 52b

    chen po rdo rje khro bos so// thams cad ltung bar bya ba la ni rdo rje phra mo'i khro bos so// thams cad dbab pa la ni rdo rje 'bebs pa'i khro bos so// thams cad nges par gnon pa la ni rdo rje gad rgyangs kyis so// las thams cad la nye bar dgod pa la ni bde ba chen po rdo rje dam tshig gi khro bos so// bde ba chen po rdo rje'i gsang ba las rab tu dga' ba las byung ba rdo rje gsang ba rnam par rgyal ba'i dam tshig gi cho ga rgyas pa'o// // de nas bcom ldan 'das de bzhin gshegs pa thams cad kyi don yod cing thogs pa med pa thams cad dag pa'i chos sgrib pa med pa de bzhin gshegs pa thams cad kyi rdo rje'i ye shes kyi phyag rgya zhes bya ba'i ting nge 'dzin la snyoms par zhugs nas rang gi rdo rje sems dpa' la gsol ba btab bo// bde ba chen po rab grub dang // 'dod chags chen po rnam dag phyir// pad+ma'i rigs chen dag pa ni// mchog chen khyod kyis bskyed par mdzod// de nas bcom ldan 'das rdo rje 'chang chen pos chos thams cad la gzigs pa rdo rje zhes bya ba'i rnam par gnon par mdzad nas bde ba chen po rdo rje gsang ba'i pad+ma zhes bya ba'i sngags 'di gsungs so// oM hri baM ho/ 'di gsungs pa tsam gyis bcom ldan 'das kyi zhal nas pad+ma'i mdog gi mdangs can/ zla ba'i dkyil 'khor gyi 'od lta bu pad+ma'i mdangs la sogs pa

  105. 53a

    yongs su 'dzin pa/ de bzhin gshegs pa'i dbang bskur ba dang / ral pa'i cod pan dang / na bza' dmar po 'chang ba dang / pad+ma chen po'i sems dpa' rnams byung nas dkyil 'khor chen po'i tshul gyis bzhugs so// bcom ldan 'das zhal rab tu bzhad pas g.yas pas rdo rje g.yon pas pad+ma 'dzin cing de bzhin du rdo rje bsnyems pas rdo rje skyil mo krung gis bzhugs so// de nas dkyil 'khor ni// dkyil 'khor chen po'i tshul gyis ni// dkyil 'khor thams cad thig gdab po// rdo rje 'jig rten dbang phyug gzhag/ pad+ma'i mtshan ma'i tshogs rnams bri// de nas rdo rje pad+mas zhugs la mdzub mo'i lcags kyuklu gnyis kyis dgug par bya'o// oM hrI baM hoH/ oM hrIHma hA su kha badz+ra A lo ke shwa rA ya me// A A he pra be sha d+hi d+hi me b+ha ba// sid d+hi ma me mu drA pA deHdzaHhUM baM hoH/ de nas bcom ldan 'das spyan ras gzigs dbang phyug byon te mchog thams cad stsol bar 'gyur ro// snang ba'i mtshan ma 'byung bar 'gyur ro// cho ga rgyas pa thams cad dang / sgrub pa dang / dngos grub thams cad kyang de bzhin no// ma bsgrubs kyang lan cig bzlas pa las thams cad byed do// sgrib pa thams cad sbyangs pa la ni pad+ma chen pos so// thams cad bsrung ba la ni pad+ma'i gtsug tor gyis so// thams cad rjes su chags pa la ni pad+ma la lta bas

  106. 53b

    so// thams cad dag pa'i ting nge 'dzin thob pa la ni pad+ma kha 'byed pas so// bud med thams cad dbang du bya ba la ni pad+ma chen po'i 'dod chags kyis so// skyes pa thams cad dbang du bya ba la ni pad+ma chen po'i dbang phyug gis so// rmi lam brtags pa la ni pad+ma chen po dmar pos so// bcom ldan 'das kyis mchog thob par bya ba la ni rdo rje gsang ba'i pad+ma rmongs pa med pas so// bde ba chen po pad+ma gsang ba las bde ba chen po pad+ma'i rigs kyi cho ga rgyas pa'o// // de nas bcom ldan 'das khams gsum pa thams cad kyi bdag po dbang phyug de bzhin gshegs pas bsam pa thams cad yongs su rdzogs pa'i rin po che'i dbang bskur ba'i phyag rgya zhes bya ba'i ting nge 'dzin la snyoms par zhugs nas/ rang gi rdo rje sems dpa' la gsol ba btab bo// bde ba chen po rab grub dang // chags pa chen po rnam dag phyir// nor bu chen po'i rigs mchog ni// mgrin 'byor phyir ni skyed par mdzod// de nas bcom ldan 'das de bzhin gshegs pa thams cad kyi dbang bskur ba'i dam tshig rab tu bzhag pa zhes bya ba'i rnam par gnon par mdzad nas bde ba chen po'i rdo rje rin po che zhes bya ba'i rig sngags 'di gsungs so// oM li ti d+ha b+haN+Da Ta te tAM/ de nas 'di gsungs pa tsam gyis bcom ldan 'das kyi dbang bskur ba'i bde ba

  107. 54a

    chen po'i rdo rje las nor bu rin po che rab tu phyung nas phyag g.yon pa la rab tu gnas so// nor bu rin po che dag pa de yang margad rnyog pa med pa'i mdog can rdo rje rin po che rang gi 'od zer gyis dbang bskur ba can nor bu rin po che'i mda' la sogs pa'i mtshan ma yongs su bsnams pa// bcom ldan 'das kyi dkyil 'khor chen po'i tshul gyis zhugs so// de nas dkyil 'khor bri ba ni// dkyil 'khor thams cad thig gdab bya// rdo rje rin chen bdag po bzhag/ nor bu'i rigs ni chen po bri// rdo rje rin chen gyi phyag rgyas zhugs te/ de bzhin du mdzub mo gnyis kyi rdo rje lcags kyus dgug par bya'o// oM ma hA su kha badz+ra bi b+hA te ra ya b+ha ga bAn taM A kaR+Sha ya gi ra baM sarba ta thA ga ta a graM saM tra sa ma be na nA ma b+he ra ma tra b+he/ traM pa Da Da swA hA/ de nas bcom ldan 'das nam mkha'i snying po'i nor bu thams cad dang bcas pa byon pa yin no// spyi bo nas spu ldang ba'i mtshan ma 'byung bar 'gyur ro// bcom ldan 'das kyis bdag la dbang bskur ba la ni zhes shes par bya'o// de nas slob ma rnams gzhug par bya ste/ cho ga rgyas pa thams cad de bzhin du bya'o// de nas ma bsgrubs pa'i las rnams lan cig bzlas pas 'grub par 'gyur ro// dbang bskur ba thams cad thob pa la ni rdo rje rin po che'i myu gus so// don thams

  108. 54b

    cad thob pa la ni rdo rje rin chen gyi rgyal mtshan gyi rtse mos so// bsam pa thams cad yongs su rdzogs par bya ba la ni rdo rje nor bu chen po'i mtshan ma'i phyag rgyas so// gter chen po thob par bya ba la ni rdo rje rin chen gyi sa 'og gi phyag rgyas so// 'di zlos sam// rdo rje'i dbang bskur ba'i phyag rgya thob par bya ba la ni rdo rje rin chen chen po'i sa 'og gi phyag rgyas so// rdo rje dbang bskur ba thob pa la ni rdo rje chen po'i phreng bas so// byang chub sems dpa' chen po'i dbang bskur ba thob pa la ni rdo rje rin po che chen po'i phreng bas so// de bzhin gshegs pa'i dbang bskur ba thob pa la ni rdo rje rin chen gyi dbang bskur ba dam pa'i phreng bas so// rdo rje 'dzin pa chen por dbang bskur ba thob pa la ni de bzhin gshegs pa thams cad kyi sku'i mchog gi rdo rje rin chen gyi cod pan gyi phreng bas so// bde ba chen po'i rdo rje gsang ba las bde ba dang yid bde ba thams cad kyi nor bu'i rigs kyi cho ga rgyas pa'o// // de nas bcom ldan 'das rigs thams cad bsdus pa'i rdo rje byin gyis brlabs pa'i ye shes thob pas sems can thams cad gzhug pa'i 'khor lo rdo rje'i phyag rgya zhes bya ba'i ting nge 'dzin la snyoms par zhugs te/ thog ma tha ma med pa'i bcom ldan 'das rdo rje sems dpa' la gsol ba btab po// bde ba chen po rab grub pa// chags pa chen

  109. 55a

    po rnam dag phyir// bde ba chen po'i don gyi phyir// 'gro rnams ci bder gzhug tu gsol// de nas bcom ldan 'das thams cad las rnam par rgyal ba'i 'gro ba kun 'dul ba/ dam tshig thams cad dang dngos grub thams cad stsol ba/ rdo rje 'chang chen po ston pa po sgrub pa po stobs dang pha rol gnon pa thogs pa med pa/ thams cad la rjes su ston pas don yod par grub pa dam tshig rdo rje 'dzin pa zhes bya ba'i rnam par gnon pa mdzad nas bde ba chen po dngos grub thams cad kyi dam tshig ces bya ba'i don yod pa mtshungs pa med pa thams cad kyi snying po 'di gsungs so// hoHAHhUM hrIHtrAM/ de nas 'di gsungs pa tsam gyis de bzhin gshegs pa thams cad la sogs pa 'jig rten pa dang 'jig rten las 'das pa'i dkyil 'khor thams cad dkyil 'khor chen po der yang dag par gnas te/ dkyil 'khor gcig nyid du gyur to// de nas bcom ldan 'das rdo rje 'chang chen pos sems can thams cad rjes su gzhug pa bde ba chen po'i rdo rje dam tshig gi gsang ba gsungs pa/ dkyil 'khor chen po'i tshul gyis ni// dkyil 'khor thams cad kun du bri// dkyil 'khor chen po dang po ni// de yi dbus su brtag par bya// de yi logs su rigs rnams kyi// dkyil 'khor bzhi po bri bar bya// phyi yi mtshams kyi mtha' ru

  110. 55b

    ni// phyi rol dkyil 'khor tshogs rnams bri// sgo rnams kun tu 'jug par ni// rang gi phyag rgyar rab tu gnas// dkyil 'khor dam pa lnga sdud cing // rdo rje shugs kyis 'jug par bya// cho ga rgyas pa thams cad dang / dngos grub thams cad dang / las thams cad kyang de bzhin no// rigs bsdus pa'i cho ga rgyas pa'o// // de nas lha la sogs pa dam tshig sems dpa' thams cad bcom ldan 'das las rang rang gi rjes su gnang ba mnos nas sems can thams cad la bde ba'i don yod pa bcom ldan 'das rdo rje 'chang chen po'i zhabs la phyag byas nas/ rang rang gi gsang ba'i snying po 'di rnams phul lo// de nas 'jig rten gsum pos gsol pa ni/ oM b+h+rUM tAM/ de nas dkyil 'khor bri ba ni// zur bzhi pa la sgo bzhi pa// phyi yi dkyil 'khor mchog yin no// de yi dbus su dngos grub phyir// gzhu yi se ral khar ldan zhing // mda' dang tsa sha ga thogs bri// sbrang rtsir byed dang rgyal bar byed// bsgrub pa thams cad sgrub pa po// rtse gsum mtshan ma'i phyag rgya yis// pus mo lha nga btsugs byas te// zhugs nas dam tshig bcings nas ni// yang dag dgug pa nyid du bya// oM b+ha ra b+hA ba swA hA/ nyi shu rtsa gcig bzlas pa yis// thams cad kun gyis yongs bskor ba// dngos grub kun don 'ongs pa la// ci ltar rnyed pa'i gtor ma sbyin// slob

  111. 56a

    dpon gyis ni 'jug pa yis// slob ma thams cad gzhug par bya// dam tshig mchog gi de nyid dang / gsang ba'i de nyid brjod par bya// gal te ma brtags la spras dang // 'on te ci skad bshad pa'i chos// 'dir ni kun du ma spyad na// rtse gsum gyis ni khyod snying 'joms// snying stobs rdul dang mun pa dang // tshangs pa khyab 'jug dbang phyug che// ming po gsum po 'di dag ste// nam yang brnyas par mi bya'o// gang zhig 'di dag la brnyas pas// yang dang yang du rab zhugs nas// dkyil 'khor mchod pa byed pa de// dngos grub thams cad thob pa ni// phyag rgya dag kyang bstan byas nas// de yis gar gyi mchod pa bya// 'dod pa'i yon tan lnga po yis// rtag tu dkyil 'khor mchod par bya// de nas gsang ba'i lha mo rnams kyis rang gi phyag rgya phul lo// hrIHhUM shrI b+h+yo/ dkyil 'khor thams cad bya ba ni// gru bzhi pa la sgo bzhi pa// thig bzhi pa dang yang dag ldan// ka ba chen po bzhi dang bcas// gru chad bzhi yis rnam par mdzes// de yi dbus su de bzhin du// dkyil 'khor bzhi po bri bar bya// sgo ru mngon phyogs bzhi po ni// snying po dang bcas gzhag par bya// dga' bo lag na mtshon cha thogs// dngos grub bya ba bsnyems dang bcas// de nas dang po dkyil 'khor du// de bzhin kun nas 'jug par bya// sring mo rang gi phyag rgya

  112. 56b

    yis// go rims bzhin du 'jug par bya'o// zhugs nas bdug pa la sogs kyis// cho ga bzhin du mchod byas nas// gsang ba de nyid rab grub pas// dgug pa yang dag bya ba yin// oM kA li ma ni ra de pro ta la mi b+ha rAk+Sha si pa ra sta ma ya he ba ho ba/ ba ra he bi d+ye tI ma ya swA hA/ sid d+hi ke sid d+he sta ma a he/ phyag rgya 'di rnams kyis so// hrIHhUM shrI b+h+yo// de nas thams cad dbab par 'gyur ro// babs nas gzhug par bya'o// de nas de bzhin du phyag rgya bcing ba bslabs la/ mna' bsgrags nas gsang ba brjod par bya'o// sems can don la gang zhugs pa// gang du dkyil 'khor ston pa rnams// gal te gsang ba mi srung na// khyod kyis de dag gsad pa yin// 'dod chags zhe sdang gti mug dang // de bzhin zas dang skom dang ro// chos kyis 'jig rten bde ba dang // chos min pas ni sdug bsngal ster// phyag rgya gar gyi mchod pa yis// ci 'dod par ni mchod par bya// ci snyed pa dang ci 'dod bzhin// yul rnams la ni brten par bya// de nas lha ma yin thams cad kyis rang gi snying po phul lo// oM sarba ma hA tsakr-i bra brta ya dar+Na ya baM hUM phaT/ zur bzhi pa yi dkyil 'khor ni// khru gang tsam du brkos byas nas// gyen du kha bltas sgo bri bya// bde mchog la sogs bri bar bya// 'khor lo rab du zhugs byas la// yang dag dgug pas dgug par

  113. 57a

    bya// me tog la sogs mchod pa dang // sha la sogs pas gtor ma bya// oM biSh+Ta tsakra A na ya sham ba ra tsi ma tsi ta traM su ra a d+hi pan he sho haM/ sarba mA yA g+ne taM d+ha pa me sid d+hA hA hA swA hA/ de nas yid kyis 'dod pa'i sgyu ma thams cad grub pa yin no// slob ma gzhug pa yang de bzhin du bya'o// de nas klu'i rigs bzhis snying po phul lo// phuH/ de nas de yi dkyil 'khor ni// zur bzhi pa la sgo bzhi pa// sbrul kyi thig gis kun tu bri// klu yi gdengs ka'i rtse mos 'khyud// mtshams kyi char ni mjug rtse mdud// de yi dbus su sa 'dzin pa// klu yi rgyal po she Sha bri// shes rab can gyi klu chen gyi// rigs rnams thams cad bri bar bya// de nas ting 'dzin shugs kyis ni// khros shing 'khrugs pas 'jug par bya// dkyil 'khor der ni rab zhugs nas// gdengs ka'i phyag rgyas dgug par bya// oM hrIHa nI la dza ba be ga pr-i thI b+hin da d+ha ra she Sha Na/ A ya hrIHpuHsarba na ga ku la A na ya hUM phuH/ sa ma ya pra be sha ya phuH/ sarba sA d+ha ya phuHphuHphuHphuH/ de nas glu thams cad phuHzhes bya ba zlos shing dkyil 'khor du zhugs nas 'babs par 'gyur zhing 'thob po// de nas slob dpon gyis ri mo'i phyag rgyas dug med par bya'o// de nas brtsams te thams cad zos na yang bdud rtsi bzhin du 'ju par byed de// 'di rnams dang lhan cig tu

  114. 57b

    gar byed pa dang // dug thams cad sreg pa dang 'jig pa dang za ba nus par 'gyur ro// de nas ci 'dod pa'i dam tshig sbyin par bya ste/ 'dod chags zhe sdang gti mug ste// 'di dag 'jig rten dug gsum mo// gal te bden las 'das gyur na// 'tsho ba'i 'jig rten 'di rtag gnas// gal te dngos grub thob 'dod na// glog la brnyes par mi bya'o// ser ba bzlog par mi bya'o// sbrul ni gang yang gsad mi bya// bde ba chen po rdo rje gsang ba'i rtog pa'i rgyal po chen po las bde ba chen po'i dam tshig chen po'i rdo rje gsang ba la sogs pa'i cho ga rgyas pa'o// dum bu gnyis pa rtsa ba'i rgyud las dkyil 'khor bcu'i rtog pa'o// // de nas rdo rje chen po yi// ri rab ri yi rtse mo ni// rdo rje rin chen 'od gsal bas// dri med gzi brjid mdzes pa la// zur bzhi pa la sgo bzhi pa// sgo khyud kyis ni rnam par mdzes// kha khyer rnams la gnas pa yi// rdo rje lha mo'i tshogs kyis mchod// zla ba phyed la gnas pa yi// rdo rje rin chen rnams kyis mdzes// rlung gis bskyod pa'i dar dpyangs kyi// ba dan dril bu'i sgra sgrogs pa// dra ba me long me tog gi// phreng ba chen po btags pas brgyan// bde ba chen po rdo rje che// rdo rje kun gyis mngon 'dus byas// rdo rje sems dpa' gnas chen po// sangs rgyas kun gyis nges bsten pa// byang chub sems dpa'i

  115. 58a

    gnas pa mchog/ rdo rje 'chang ba kun gyis gnas// bde ba chen po rdo rje che// nor bu che mchog ces bya ba// rdo rje chen po'i khang pa na// bde ba chen po bzhugs pa yin// thog mtha' med pa'i sems dpa' ni// rdo rje sems dpa' dga' ba che// kun du bzang po kun bdag nyid// rdo rje bsnyems tshul bdag po'i bdag/ sems can kun gyi sems gang yin// brtan phyir sems dpar bshad pa yin// mnyam par gzhag pas ting 'dzin te// nges pa'i phyir ni rdo rjer 'gyur// sems dpa'i byin rlabs sbyor ba yis// slar yang rdo rje sems dpar 'gyur// de nyid rtag pa bcom ldan 'das// byang chub spyod pa'i rjes 'gro yin// rang sems so sor rtogs sogs na// sangs rgyas byang chub cho ga bzhin// bdud ni sangs rgyas rdo rje che// rdo rje 'chang chen de nyid yin// de nyid de bzhin gshegs pa'i rigs// de nyid rdo rigs chen po// de nyid pad+ma'i rigs dag pa// de nyid nor bu'i rigs dam pa// de nyid chags dang chags bral ba'i// 'dod dang thar pa de nyid yin// dus gsum srid gsum mchog gsum dang // 'jig rten gsum dang khams gsum pa// mi g.yo thams cad mchog de nyid// brtan zhing snying po nor bu che// rgyu ba sems kyi 'du byed thabs// thams cad byed pa thams cad nyid// dang po'i sems dpa' sems

  116. 58b

    dpa' che// byang chub sems dpa' bde rab sogs// sems dpa'i skyil mo krung bcas nas// pad+ma'i lte bar zhugs pa yin// btsun mo'i tshogs bcas sna tshogs pa'i// rdo rje lha mo rnams kyis bskor// bde ba chen po rab grub dang // 'dod chags chen po rnam dag phyir// ma lus gdul bya'i don du ni// dngos grub thams cad rab grub phyir// bdag nyid la sogs sems dpa' che// dngos grub thams cad rab grub phyir// dam tshig mchog gi dam tshig rnams// rgyal bas kyang ni srung bar mdzad// bsnyems bcas rdo rje gsor ba dang // rdo rje bsnyems pa yang dag 'chang // phyag rgya thams cad rnam dag dang // rdo rje sems dpa' mchog grub phyir// bde ba chen po rdo rje che// dngos grub thams cad sgrub pa la// ye shes phyag rgyar yang dag ldan// snying po chen po dam pa yin// gang gis bsod nams mi ldan dang // de bzhin dkyil 'khor ma lus zhugs// don yod thogs med nyid mchog gi// dngos grub thams cad rnyed mi dka'// bde ba chen po rdo rje che// gsang ba'i mchog ste dam tshig brtan// dngos grub thams cad sgrub pa yin// rtog pa thams cad myur 'grub byed// thog mthar med cing dang por byung // bsod nams thams cad cher mtho ba// gzi can rnams kyi bde mchog dang // 'dod chags chen po rnam dag phyir// rjes su

  117. 59a

    chags pa sgom pa zhes// ji bzhin ye shes rab 'jug pa// nye ba'i snying po bcas snying po// bskal pa dang por bcom ldan gsungs// hUM/ de nas 'di ni gsungs tsam gyis// sangs rgyas thams cad sras dang bcas// nye bar 'dus pa mdzad nas ni// 'gro ba thams cad skyed par mdzad// sna tshogs 'gro ba kun bskyed nas// gtso bos dngos grub dris gyur pas// ci ltar skad cig gis 'dir grub// sems dpa' chen po myur du spros// de nas dkyil 'khor dang po ni// thog mar dkyil 'khor byin brlabs nas// rdo rje kun mchog dam tshig ni// cho ga bzhin du bsgrubs nas ni// de nas phan chad sems can 'byung // ci bzhin las kyi rjes 'gro ba// rtag par sdig pa kun la spyod// ngan zhen dang ni le lo can// de ni skye bo gsum gzigs nas// 'jig rten gtso bo rnams kyis dris// bcom ldan 'o na ci ltar ni// byis pa dge ba kun du skyed// de rnams kyi ni tshig gsan nas// tshig ni 'di skad gsungs pa yin// rdo rje 'dzin kun byed pa pos// las kyis 'chi ba ltos gyur pa// de yi tshig de thos nas ni// rdo rje sems dpa' rdo rje 'dzin// sras bcas sangs rgyas thams cad kyis// thugs rje chen pos 'di skad gsungs// bde ba chen po rab grub dang // shin tu chags pa rnam dag phyir// kun mchog cho ga rgyas pa

  118. 59b

    yi// snying po de ni bshad du gsol// de nas ston pa rdo rje 'dzin// dngos grub thams cad stsol ba yin// rtog pa kun gyi bde ba che// rdo rje gsang ba dang po mchog/ gzhan yang snying po bstan pa dang // dkyil 'khor la sogs cho ga che// sna tshogs phyi ma'i rgyud dang bcas// dngos grub thams cad rab grub byed// 'jig rten thams cad khams chen po// phra rab rdul rnams dang mnyam pa// snying po chen po 'di nyid kyis// grub pa'i bde ba dam par gyur// de nas bde gshegs de rnams ni// de yi tshig mchog gsan gyur nas// dang po'i dkyil 'khor grub stsol ba// de tshe de la gsol ba btab// chags pa dang bral 'dul ba'i phyir// chags bral bstan par bya ba'am// 'dod chags thams cad rnam dag phyir// nyid kyi thugs kyi cho ga gsungs// de nas bcom ldan 'das kyis rdo rje'i glu chen po gsung zhing dkyil 'khor brtag par mdzad do// thams cad rjes su chags pa bde ba dam pa'i thugs// rdo rje sems dpa' khyod ni rab tu byung ba yin// rab tu dga' ba 'gro ba kun gyi bde chen po// brtan mtho de ring bdag la myur grub mngon phyogs mdzod// ces bya ba'i dkyil 'khor gyi glu len cing brtag par mdzad do// dkyil 'khor chen po'i sbyor ba yis// dang po'i dkyil 'khor brtag par bya// phyag na rdo rje'i thams cad du// rdo rje lha mo la

  119. 60a

    sogs tshogs// ci ltar cho ga bzhin du ni// brgyan par bya ste rab 'jug bya// g.yon du bu mo rdo rje 'dzin// bsdus te rnal 'byor bcang bar bya// rdo rje dang bcas bsnyems pa yi// phyag rgya mchog gis rang nyid 'dug/ dkyil 'khor de ru zhugs nas kyang // lan gsum du ni bskor ba bya// rdo rje sems dpa'i mdun 'dug ste// de nyid gsang ba'ang brjod par bya// hUM hUM ma hA su kha badz+ra sa twa dzaHhUM baM hoHsa ma ya staM a nu rak+to me b+ha ba/ su to Sh+yo me b+ha ba/ dri D+ho me b+ha ba/ su po Sh+yo me b+ha ba/ a d+hi tiSh+Tha b+ha ga bAn a na di ni d+he na swA hA/ ma hA su kha badz+ra sa twa sa ma ya gu h+ya sa ma ya/ sid d+hi ma me pra ya ts+tsha oM ha ha ha ha A/ de nas rab tu dga' bas rdo rje lha mo dga' ba'i gtam bya'o// oM badz+ra driSh+Ti sa ma ya ke ma Ta badz+ra ki li ki li ho// hUM sma ra badz+ri Ne ban d+ha hUM hUM tuSh+Ta badz+ra Ni hUM/ de nas bcom ldan 'das kyi mdun du nye bar 'dug ste/ de bzhin du bcom ldan 'das bdag la grub par mdzod cig ces bcom ldan 'das la gsol ba brjod par bya'o// myur du thams cad rjes chags par// ki li ki las thams cad nus// thams cad rjes su chags dran dang // rtag tu legs par mnyes gyur bdag/ oM ma hA su kha sid d+hi badz+ra sa twa dzaHhUM baM hoHsid d+haM sa ma ya s+t+waM sid d+hi hUM/ de nas bde ba chen po rdo rje'i chus dbang bskur zhing 'thungs la rdo rje rtse lnga pa

  120. 60b

    bzung ste// bdag rdo rje sems dpa' yin no zhes rang gi ming brjod la/ snga ma bzhin du gar gyi mchod pas mchod pa bya ste// ci ltar rnyed pa'i yul dang ldan pas slob ma dang lhan cig mchod pa byas nas 'byung bar bya'o// slob ma gzhug par bya zhing rang nyid kyang der zhugs pas dkyil 'khor thams cad du zhugs par 'gyur ro// rdo rje slob dpon thams cad phyag rgya thams cad kyi bdag po dam tshig thams cad shes pa/ thams cad la tshar gcod pa dang // phan 'dogs nus pa dngos grub thams cad phun sum tshogs pa'i ye shes kyi las byed pas rang nyid 'jug pa tsam nyid kyis slob dpon ma yin pa dang / dkyil 'khor du ma zhugs par skad cig nyid kyis bcom ldan 'das kyis byin gyis rlob par 'gyur ro// de ci'i phyir zhe na/ 'di ltar bcom ldan 'das nyid nges par rang nyid rang gi dam tshig gis rdo rje slob dpon du gyur nas 'jug par mdzad do// las tham cad kyi cho ga rgyas pa yang mdzad pa yin no// snying po 'di'i byin gyis rlabs kyis dkyil 'khor du ma zhugs na yang dkyil 'khor thams cad du zhugs pa dang / thams cad kyi slob dpon du 'gyur ro// lan cig bzlas brjod byas pas mi sod pa dang / mi tshugs pa dang / thams cad du sna tshogs pa'i yi ge rnams kyis mthong ba dang / thos pa dang / rig pa dang / shes pa yin no// rdo rje

  121. 61a

    'chang chen po dang bcas pa'i de bzhin gshegs pa thams cad ma lus pas dgongs par mdzad nas dngos grub thams cad de la stsol ba yin no// yongs su sbyang ba dang brten pa'i don du ma yin no// bgegs byed pa rnams kyang sdug bsngal ster bar 'gyur ba ma yin no// bcom ldan 'das bde ba chen po rdo rje 'chang shin tu brtan zhing shin tu dgyes pa rjes su chags pa/ shin tu rgyas pa/ dngos grub thams cad dang / phun sum tshogs pa thams cad dang / ye shes thams cad dang / las thams cad gdon mi za ba'i grub pas myur du sgrub par mdzad pa yin no// 'on kyang gang gis bris sam/ 'drir bcug gam/ lan cig brjod pa'am/ 'dzin pa des ma bsgrubs shing dkyil 'khor du ma zhugs na yang tshe 'di nyid la ci ltar mngon par 'dod pa'i mchog gi dngos grub thams cad 'grub pa yin no// de ci'i phyir zhe na/ 'di lta ste/ don yod cing thogs pa med pa de bzhin gshegs pa thams cad kyi bdag po'i bdag dang de bzhin gshegs pa thams cad kyis kyang bar chad byed par mi nus te thams cad rjes su chags pa nyid kyi phyir ro// sangs rgyas kyi byang chub kyang rjes su chags pa las byung ba yin no// 'dod pa brten pas rjes su chags pa ste/ de mi 'dod pa ci ltar mchog gi bde ba chen po la sogs pa'i go 'phang thams

  122. 61b

    cad du 'gyur ro zhes bya ba thogs pa med pa'i bcom ldan 'das chags pa chen po'i bde ba chen pos gsungs so// grub na bde ba chen po ni// rdo rje chags pas skad cig ster// sgrub pa'i dam tshig 'di yin te// 'di ni kun gyis 'da' bar dka'// sdig pa chen po byed pa'am// de bzhin dkyil 'khor ma mthong ba// lan cig bzlas pas sdig sbyangs pas// mchog grub pas ni grub par 'gyur// rtog par gsungs pa'am 'dod pa yis// gzugs brnyan rjes su dran bsgoms na// snying po yang na glegs bam du// thams cad nyid phyir bdag po grub// gang la gzug brnyan med pa dang / glegs bam med par 'gyur na yang // yi ge hUM ni thams cad du// bris te bdag sgrub bsgrub par bya// zhes bya ba don yod cing thogs pa med pa'i dngos grub can rdo rje 'chang chen pos gsungs so// de nas rtog pa'i rgyal po 'di'i// las kun grub par 'dod pa na// dkyil 'khor thams cad thig btab nas// mtshan ma'i phyag rgya bri bar bya// dang po'i rdo rjes zhugs nas brjod par bya ste/ chags pa che las thogs pa che// thogs pa che las bde ba chetsheche// bde ba che las rdo rje bstan// rdo rje las ni phyag rgya 'byung // sku gsung thugs kyi rdo rje yi// gzugs brnyan rab tu sbyor ba yis// phyag rgya thams cad bshad pa ste// dam tshig 'da' bar dka' ba'o// phyag

  123. 62a

    rgya bcings pa tsam gyis ni// sangs rgyas rdo rje 'chang la sogs// yang dag bsdus par gyur na ni// mnyam pa'i 'jig rten grub par 'gyur// ji ltar rgyal po'i phyag rgya yi// bka' ni 'da' bar dka' ba ste// de bzhin rgyal ba kun gyis kyang // phyag rgya 'da' bar nus pa min// sangs rgyas nyid dam rdo rje 'chang // de ltar bskal pa bye ba yis// thob min ci ltar phyag rgya mchog/ bsdus pa tshe 'di nyid la 'thob// ci ltar gdul bya'i 'jig rten ni// de bzhin dngos grub gsungs pa yin// de yi thabs ni phyag rgya ste// dngos sgrub thams cad byed pa mchog/ de bzhin cho ga rgyas pa dang // dngos grub thams cad gdon mi za'o// de nas dang po'i dkyil 'khor gyi gsang ba'i dam tshig gi phyag rgya bcing ba 'di yin te/ sor mo thams cad kun sbyar nas// rdo rje thal mo zhes brjod do// sor mo nang du bcings pa las// rdo rje bsdams par yang dag bshad// rdo rje bsdams pa'i nang du ni// mdzub mo mthe bo yang dag sbyar// g.yas pa yi ni mthe bo bteg/ bcug ste btsir ba'i lcags kyu 'dzin// mda' lnga bsdus pa bcing nas ni// dbus ma'i bcings pa nang du gnas// mthe bong bsnyams pa'i mtha' rdo rje// dang po'i bde ba dam pa brtan// mtheb mdzub rtse sbyar dbus ma'i rtse// mig 'bras ltar sbyar 'dzin pa'o// dbus ma'i rdo rje

  124. 62b

    'og tu ni// mthe bong gis mnan btsir bar bya// rdo rje 'dren ma dang 'dra ba// srin lag mthe'u chung kha phye ba// bskor nas pus mor bzhag pa ni// dang po'i rdo rje las byung ba'o// gyen du gtor dang thur du blugs// mthe bo sbyar nas bskor ba dang / rab tu brkyang zhing byug pa dang // bskor zhing spyi bor gnas pa dang // bskor nas snying gar bzhag pa dang // yongs su bskor zhing dgod pa'o// kha las gyen du 'byung ba dang // de bzhin gar gyis bskor ba dang // mdzub mo'i sor mo gnyis kyis dang // g.yon pa'i mdzub mo'i g.yas kyis bzung // mdzub mo'i mthe bo bcing ba dang // mthe bo tha ma'i nang du gzhag/ khu tshur gyi phyag rgya rnams so// de nas don yod cing thogs pa med pa 'di rnams kho na'i las kyi phyag rgya bcing ba/ mchog tu gsang ba/ bla na med cing / bla ma'i las kyi tshogs sgrub par byed pa/ de bzhin gshegs pa thams cad dang bcas pa'i bdag gis kyang gnon par mi nus so// de la bde ba chen po'i rdo rje dbus ma las/ rdo rje sen mo'i rtse mo mchu la sogs par gzhag pa dang / 'khor lo rab tu bskor ba dang / rdo rje nor bu dang ci ltar 'dod pa'i dngos grub kun du byed pa rnams kyi rdo rje 'chang chen po dang // sangs rgyas dang byang chub sems dpa' dang rdo rje rin po che dang mchog gi dngos grub po// rdo rje 'dren mas ni mig

  125. 63a

    'bras kyi las so// g.yas pa dang g.yon pa'i mig gis bltas pas thams cad rjes su chags pa'o// mig 'bras tshur 'dren pas ni dgug pa'o// gzhug pas thams cad gzhug pa'o// gtsir bas 'ching ba'o// btsums pa med pas dbang du bya'o// rdo rje ki li ki las dbus ma la tsum pa na dang / 'khyud pa dang / gtsir ba dang / rol pa dang / dbus ma dang / mtho bo'i rtse mor bde bar brdeg pas mthong ba dang / rol pa dang / btsir ba rnams kyis thams cad la rol pa ste/ rgyu ba dang mi rgyu ba thams cad du lha'i gzugs kyi bud med rnams 'byung ba yin no// ci srid 'di rnams dang rol cing rdo rje sems dpa'i btsun mo la yang rol par byed do// rdo rje chu srin mas btsir ba dang / gyen du bteg pa dang / myang ba dang / drung du 'gro ba dang / myur du za ba rnams kyis brtan pa'i chags pas bcing ba dang / thams cad las rnam par rgyal ba dang / chu'i nang du gnas pa dang / 'chag pa dang / thams cad za ba grub pa'o// rdo rje bskor bas g.yo zhing g.yo ba dang / lhod par byed pa dang / btsir ba dang / dbus ma phan tshun lhan cig dgug pa dang / mgyogs par dbus ma'i rdo rje dral ba rnams kyis khro bo thams cad 'bar ba dang / rab tu zhi ba dang / thams cad la rgyas btab pa dang / ltung ba dang / gsod pa rnams myur du 'grub bo// mthe

  126. 63b

    bopo rdo rje'i nang du zhugs pa'i mchod pa rnams kyis mchod na rdo rje 'chang chen pos kyang mchod par 'gyur ro// de bzhin du lha'i bu mo rnams kyi mthe bo rdo rje'i nang du zhugs pa'i las rnams kyis lha'i bu mo thams cad kyang bkug nas rol pa la sogs pa'i las thams cad la nye bar sbyar ba'o// rdo rje lcags kyu ma la sogs pa'i nang gi khu tshur gyi las rnams kyis yid kyis 'dod pa'i dngos grub thams cad do// de nas dngos grub thams cad kyi rgyud ni rdo rje sems dpa'i phyag rgya chen pos dngos grub dang / dam tshig dang / ye shes dang / las kyi dngos grub grub pa'o// don yod pas grub pa myur du thams cad kyi bdag nyid bcom ldan 'das kyis byin gyis brlabs pas yid kyis 'dod pa grub pa'o// rab tu dga' ba'i rdo rjes rtags kyi rtse mo g.yo ba las thams cad do// skye gnas g.yo bas kyang de bzhin no// bde ba chen po'i rdo rje dbus ma'i las byed pas dngos grub thams cad sgeg mo dga' ba'i rdo rje mig mi g.yo bar byed pas las thams cad bsgrub par byas na thogs pa med pa'i dngos grub kyis grub par 'gyur ro// de bzhin du rang gi phyag mtshan rnams kyis dngos grub thams cad grub par 'gyur ro// dang po nyin re lan cig tu// phyag rgya chen po'i snying po bzla// rdo rje nye ba'i snying po yis// phyag rgya thams cad nges sbyar bya// thams cad

  127. 64a

    don yod grub pa'o// bde ba chen po rdo rje che// gsang ba'i rtog pa mchog phyi ma// sgrub pa'i don yod dam tshig ni// snying pos skad cig dngos grub ster// rtsa rgyud phyi ma'i rgyud dang bcas// phyag rgya'i rgyud ni bla na med// dngos grub mchog ni de bzhin du// bla med ye shes grub pa'o// de nas dang po'i dkyil 'khor la sogs pa'i phyag rgya thams cad kyi rgyud kyi cho ga rgyas pa'o// // de nas bcom ldan 'das kyi phyag rgya chen po'i rgyud ni/ pang pa g.yon du dgad bya ba// zhabs kyi pad+ma ci bder bri// rdo rje skyil mo krung bcas nas// sku ni drang por 'dzin pa bde// bsnyems bcas rdo rje gsor nas ni// rdo rje bsnyems pa yang dag 'chang // sku gsung thugs kyi rdo rje yis// rdo rje sems dpa' rang nyid 'gyur// 'dis ni rdo rje sems dpa' nyid// sangs rgyas nyid dam sras nyid dang / dngos grub kun gyi dbang phyug nyid// tshe 'di nyid la 'grub par 'gyur// sku gsung thugs kyi rdo rje yis// ci bzhin phyag rgya'i rjes 'brangs nas// mtshan ma'i phyag rgya ldan pa yi// sems dpa' chen por rang nyid 'gyur// phyag rgya chen po'o// de nas dam tshig gi phyag rgya bcing ba ni bde ba chen po'i rdo rje bshad do// rdo rje mda' la sogs pa'i bzhi po 'di las byung ngo // mdzub mo gnyis kyi lcags kyu'i phyi rol du mngon par phyogs pa'o// mthe bos 'khyud

  128. 64b

    pa'o// mthe bo gnyis kha phye la mdzub mo gnyis kyis dbus ma'i rtse mo 'dren cing srin lag dang mthe'u chung mnyam por sbyar la rtse mo so sor kha phye bas chu srin gyi rgyal mtshan gyi bsgreng ba'o// brla gnyis la bskor zhing gnas pa'o// de bzhin du mtshams rnams la rdo rje thal mo bskor bas so// sgo'i phyag rgya rnams ni rdo rje bsnyems pa'i khu tshur gyis so// bde chen mchog gi phyag rgya che// de bzhin dngos grub rab stsol ba// mda' sogs dam tshig sna tshogs pa'i// dngos grub chen po mchog ster ba'o// de nas chos kyi phyag rgya ni// ho bid hUM d+h+r-ika hUM/ de rnams kyis kyang dngos grub thams cad stsol ba'o// de nas las kyi phyag rgya ni/ rdo rje khu tshur rdo rje med pa rnams kyis rtogs par bya'o// g.yon pa'i rdo rje bsnyems pas g.yas pa'i khu tshur stod pa'i tshul gyis snying gar bzung bar byas pa rdo rje bsnyems pa ste// rab tu dga' ba brtan par byed cing dngos grub thams cad stsol ba'o// mda' gzhu stod pas rdo rje mtshon cha ma'o// 'og tu 'khyud pa'o// rgyal mtshan bsgreng pa'o// bsnyems pa gnyis stod pa'o// sgeg pa dang bcas mtha' ma la sogs pas bkrol bas glog 'gyu ba'i gar g.yas su yongs su bskor bas me tog la sogs pa'i ka pu ta'i thal mo spyi bo nas phab/ rdo rje thal mo bkrol bas de bzhin du sgeg pa dang bcas pas mchod pa dor bar bya'o//

  129. 65a

    rje gar ni nang gi mtshams la'o// rdzogs pa'am ni ma tshang ba// yang na ci ltar rnyed pa bzhin// me tog mchod la sogs ma yis// dngos grub mchog stsol thun mong yin// dam tshig gi phyag rgya'i sbyor ba'i mtshan ma yongs su gzung ba'o// 'di rnams kyang don yod pa'i las sgrub pa rnams so// rdo rje khu tshur gyis bdud rtsi'i chu bzla'o// 'jug pa'i cho ga'i phyag rgya bshad pa ni/ dkyil 'khor chen po thams cad kyi rdo rje slob dpon gyis byin gyis brlabs pa'i gsang ba'i dam tshig ces bya ba'i/ 'jug pa'i phyag rgya gnyis pa ni// rdo rje bsdams pa bcings nas ni// g.yon mtheb mdzub mo'i skye gnas su// g.yas pa'i mthe bo'i rtags bcug la// btsir na bde ba ster ba'o// mdzub mo lcags kyu bcings pa des// dkyil 'khor mchog tu 'jug par bya// yang na sems dpa' gang la 'jug/ de der myur du 'grub par 'gyur// rab tu dga' ba'i rdo rje ma'o// rang gi khu tshur gyis rdo rje rdo rje'i bdud rtsi'i chu blangs nas chu'i rgyun des/ dbang bskur te 'thung du bcug na dbang bskur bar 'gyur ro// dbang bskur ba thams cad kyis na tshod dar la bab pa dang / nad med pa dang / dngos grub thams cad dang ldan par 'gyur ro// 'di la rims dang gdon dang / dug dang / sbyar dug dang / mkha' 'gro ma dang / phyag rgya la sogs pas

  130. 65b

    gnod pa byed par mi nus so// skyil mo krung gis ni gar dang mchod pa 'bul bar bya'o// de nas mchod pa ni rdo rje gar gyis so// rdo rje glu blangs pas rdo rje gar dbul ba ni 'khor los sgyur ba'i gar gyis so// rdo rje khu tshur yongs su bzung ba// rdo rje bstod pas rdo rje mtshon cha la sogs pa bsgreng bar bya ste/ mthar sgeg mo dga' ba'i rdo rje gsang ba'i bzhad pa dang bcas pa'i zhal dang spyan g.yo bas phyag 'tshal ba'o// bcom ldan 'das rdo rje 'chang dgyes pas dga' ba thams cad la sogs pa'i bde ba dang yid bde ba thams cad kyi dngos grub stsol ba yin no// rdo rje bsdams pa btsir la rang gi snying gar bde ba dgrol na dkyil 'khor dgrol ba la rdo rje sem dpa' bsgom pas reg pa dang rdo rje yid kyis gyen du bteg la rim pas nang gi dkyil 'khor du zhugs na dam tshig nyams par mi 'gyur ro// rdo rje sems dpa'i sgom pas dkyil 'khor la phyogs na dam tshig nyams par mi 'gyur ro// // de nas las kyi phyag rgya'i rgyud ni/ bde ba chen po rdo rje spyi bo dang dpral ba dang / snying gar bzhag pa phub ste/ phyogs thams cad du 'bar ba'i ra ba 'byung bar 'gyur te/ rdo rje khro bo'i rgyal po chen po rnams kyis kyang 'jug par mi nus so// snying gar sgom pa rdo rje dang bcas pa'o// gyen du kha blta bas btung bar bya'o// rang gi gdong yongs

  131. 66a

    su sbyangs nas gdong par dgrol bar bya'o// dbus ma'i rdo rje ldeg par bya'o// dpung mgo gnyis su bzhag cing snying gar gzhag par bya'o// dar dpyangs kyi dbang bskur ba mthong ba'o// skye gnas las dang tshe 'byin pa'o// spyi bor gzhag par bya'o// sa la reg par bya'o// rab tu dga' ba'i rdo rje'i rtags kyi lcags kyus so// rtse mo stod pa'i skye gnas bkrol ba lags pa g.yon pa'i mthil nyid cing bsnun par bya'o// de btsir bar bya'o// mig btsum par bya'o// bskor zhing btsir nas khro bo'i lta bas blta bar bya'o// yongs su bskor nas kha'i mthar mche ba bstan pa'i g.yas pa'i mdzub mos sdig mdzub bo// mdzub mo la ldang bar bya'o// mthe bong btsir bar bya'o// yi ge mus phyag rgya dgrol ba'o// dang po mthe'u chung gi rdo rjes bsnun par bya'o// de nyid rnam par 'gyur ba'i gdong pas so// de nyid yongs su bskor nas dpral bar gyen du kha blta bas gnas pa'o// de nyid kyis nam mkha' la rdeg pa'o// g.yo zhing btsums pa'i mig gis phyag rgya bcings pa dgrol ba'o// mthe'u chung gi nor bus rig par bya'o// mdzub mo mnyam pos zhabs kyi sor mo brdze bar bya ste bza' ba'am yid kyis gzhag par bya'o// mdzub mos sbyin sreg byed pa'o// rab tu dga' ba'i rdo rje gdong par dgrol bar bya'o// sbyin sreg byed

  132. 66b

    pa'o// mthe'u chung gnyis skye gnas la sbyar te phyag rgya dral bar bya'o// srin lag dang tha ma mnyam par sbyar sor mo ba dan gyi tshul du bsgreng bar bya'o// rdo rje bsdams pas legs par byed pa mdzub mo mthe bong mnyam por phye ba dang bkug pa bskor nas dral bar bya'o// rdo rje bsdams pa rab tu brkyang pa'i mthil sa la reg par bya'o// dang po'i rdo rje sprin skyed pa'o// mdzub mos char bskyed par bya'o// mdzub mos bzlog par bya'o// rdo rje blta bas 'phrog par bya'o// rab tu dga' ba'i rdo rje bshad do// mdzub mo gcig gi nor bu'o// mthe'u chung rdo rje sdigs mdzub bo// mdzub mos sa 'og nas chu mig bkug la bstan pa'o// bde ba chen po rdo rje sa la bzung nas g.yo bar bya'o// mdzub mo gnyis kyis gdengs ka'i tshul bstan pa'o// rtse mo bzhi'i 'od zer gyis me stag ston pa'o// mdzub mos rlung skyed pa'o// rab tu dga' paba'i rdo rjes mdzub mo'i rtse mos me long dang / rol pa dang / nam mkha' la rdo rje blta ba dang / steng du bskor bar bya'o// rdo rje'i mdangs shing drung thams cad dang / nags dang skyed mos tshal dang / 'bru thams cad la gzhag par bya'o// mdzub mo rnon pos klog par bya'o// bdag nyid kyis thams cad la drang bar bya'o// phyi rol gyi dpung mdun du bskor bar bya'o// rdo rje khu tshur gnyis kyis glog 'gyu bas bskor bar

  133. 67a

    bya'o// glog 'gyu bas nam mkha' la bskor bar bya'o// g.yas pas g.yon pa la brdeg par bya'o// rdo rje khu tshur gnyis g.yo zhing g.yo ba med pa la gzhag par bya'o// mdzub mo mnyam pa'i dkyil 'khor ni nor bu'o// mdzub mo'i rdo rje'i g.yon pa'i mthe bong gi bu gar g.yas pa'i mdzub mo gzhug par bya'o// rab tu dga' ba'i rdo rjes steng du nam mkha' la dka' ba bskyod pa dang / skye gnas g.yo ba dang / dbus ma'i rdo rje bskyod cing btsir ba'o// rdo rje yid las byung ba dang / rdo rje kI li ki la dang / rdo rje chu srin dang / rdo rje bsnyems ma ni bshad pa'o// rdo rje bsdams pa'i mdzub mos gsol ba 'debs par byed pas mdzub mo gnyis kyis rang gi mig bkab la yid kyis ci ltar mngon par 'dod pa bsgom par bya'o// sbyin sreg byed pa'o// mdzub mos rang mig btsum par bya'o// sos gzung bar bya'o// btung bar bya'o// rtse mo bskyod cing sbyin sreg bya'o// mthe bo'i 'og tu rab tu brkyang la sbyin par bya'o// rdo rje sku'i phyag rgya mchog ni mthe bo sems dpa'i skyil mo krung gi mdzub mo rdo rje ni rdo rje'i sku mchog go/ dbus ma'i mnyam pa'i mgo lcogs kyis ngag 'byin pa'o// snying gar bzhag nas/ oM bo d+hi tsit+ta Uta pA da yA mi zhes bya ba bsgom mo// mthe bo'i rtags g.yon pa'i mthe bo'i bu gar gzhug par bya'o// rdo rje khu tshur gnyis

  134. 67b

    glog 'gyu ba ltar bskor bas rdo rje 'khor lo'o// rdo rje bsnyems ma rdo rje dang bcas pa'o// yi ge hUM gis sdigs mdzub bo// rab tu dga' ba'i rdo rje gar gyis so// rdo rje bsnyems ma bshad do// mthe'u chung zur gyis mdud pa'i rtse mo mnyam pa yongs su bskor// 'og nas bteg pa mdzub mo mnyam pa'i rtse mo dang dbang bskur ba'i gnas su gzhag na rdo rje mdzod spu'o// de bzhin gshegs pa thams cad kyi khu tshur ni 'og nas bshad par bya'o// rdo rje gar gyi bshad pa yin no// mdzub mo phyir phyogs pa bslang ba'i rdo rje snying gar badz+ro&haM zhes bya ba ni phyag rgya chen po'o// de bzhin du snying gar rdo rje sgom zhing ma hA sa ha haM zhes bya'o// ye shes kyi khu tshur gyis ta thA ga to&haM bcom ldan 'das kyi phyag rgya chen po bshad do// de nas rdo rje khu tshur bcing ba ni/ mdzub mo rdo rje bsdams pa bcing // mdzub mo bkug pa gnyis kyi brgyan// mtha' ma gnyis kyi nang du ni// mthe bong gnyis kyi kha sbyar ba// dam tshig chen po rdo rje mchog/ khu tshur dngos grub mchog kun stsol// rdo rje khu tshur rab tu brtags// // de nas de bzhin gshegs pa'i rigs kyi phyag rgya'i rgyud kyi cho ga rgyas pa ni/ phyag rgya chen po rnams ni ta thA ga to&haM zhes bya bas bcing bar bya'o// dam tshig cho ga mchog ni mthe bong mthe'u chung mnyam pa'o// rdo rje sna tshogs rdo rje'o// mda' la sogs

  135. 68a

    pa// bcing ba ni de bzhin no// las kyi phyag rgya rnams ni de nyid do// de bzhin gshegs pa'i khu tshur gyis de bzhin du bcing ba'o// lcags kyu ma bzhin no// khu tshur gyi khyad par rdo rje bsdams pa'i khu tshur mthe bong gnyis la gnas pa dam tshig gi khur tshur te/ de gnyis su byas pa de bzhin gshegs pa'i khu tshur ro// de bzhin gshegs pa'i khu tshur gnyis dang / dkyil 'khor lngas phyag 'tshal zhing 'jug par bya'o// 'di dag kyang dngos grub thams cad stsol ba'o// de nas las kyi phyag rgya bcing ba ni/ rdo rje sku mchog gis spyi gtsug dang mdzod spu dang snying gar bzhag ste bskor zhing bskor bas mkhur tshos dang / gtsug tor du gzung bar bya'o// de bzhin gshegs pa'i khu tshur gnyis kyi mdzub mo gnyis kyis sdigs mdzub bya ba dang sbyin pa'i tshul bya'o// g.yon pa snying gar bzung ste g.yas pa'i mdzub mo gcig gis sa la reg pa'o// g.yon pa'i khro bo'i mdzub mo g.yas pa'i khu tshur gyi nang du mngon par phyogs pas de bzhin gshegs pa thams cad kyi khu tshur sangs rgyas nyid du myur du thob pa'o// rdo rje bsdams pa'i 'og tu bcing bas brtan pa'i skyil mo krung ngo // // de nas rdo rje rigs kyi phyag rgya'i cho ga rgyas pa'i rgyud ni/ 'jug pa'i phyag rgya rab tu dga' ba'i rdo rje khro bo'i dgug pa'i phyag rgya de nyid do// phyag rgya chen po rnams kyang de bzhin

  136. 68b

    no// dam tshig ni 'og tu rdo rje bsdams pa'i sor mo thams cad 'bar ba'i nang du mthe bong rdo rje ni rdo rje khro bo ti rin+ti ri ste rdo rje 'chang chen po sgrub par byed pa'o// gzhan dag kyang de bzhin no// chos kyi rnams ni de bzhin te/ las kyi phyag rgya rnams ni de bzhin no// khu tshur gyi khyad par ro// rdo rje khu tshur gyis mdzub mo sdigs mdzub bo// dam tshig las byung ba ni de bzhin no// de nas las kyi phyag rgya rnams ni rdo rje hUM mdzad las byung ba'o// lag pa rdo rje'i mthe'u chung gdu bur bcings pa'i sdigs mdzub ni rdo rje hUM mdzad de g.yon rkyang pas gnas pa'o// g.yon pa'i mdzub mo'i rdo rje sdigs mdzub bo// sna'i dbugs dang yi ge hUM gis so// khros pas yi ge a sbyar bar bya'o// ha har dgod pas bzhad par bya'o// snying gar rdo rje bsgoms pas rdo rje'i phyag rgya chen po'o// // de nas pad+ma'i rigs kyi phyag rgya'i cho ga rgyas pa'i rgyud ni/ de bzhin gshegs pa'i rdo rje'i mdzub mo gnyis bkug la de'i snying gar bzhag pa ni rdo rje pad+ma'o// phyag rgya chen po la sogs pa'i phyag rgya thams cad ni de bzhin no// dam tshig gi khyad par dang khu tshur gyi khyad par ro/ kha 'bus pa'i thal mo las mthe bo dang mthe'u chung kha phye bas 'dab ma bzhi pa'i pad+ma chen po'o// thams cad bcing ba ni ci lta ba bzhin no// khu tshur gyi khyad par ni/ rdo rje bsdams pa'i mdzub mo gnyis bkug

  137. 69a

    la mthe bong mnyam par brkyang la dbus ma gnyis phyi rol tu gshibs pa dang bcas pa bzhag pa ste de gnyis su byas pa pad+ma'i khu tshur ro// de nas las kyi phyag rgya rnams ni/ pad+ma chen po'i bshad pa'o// de nyid spyi bo la'o// de nyid rdo rje lta bas blta bar bya'o// de nyid sor mo thams cad kha phye bas so// de nyid rdo rje gnyis gnyis kyi mig go/ de nyid legs par byed pa'o// de nyid dpral bar byas nas gsol ba gdab par bya'o// de nyid g.yon pa'i skye gnas su mthe bo'i rtags bcug pa'o// // de nas nor bu'i rigs kyi phyag rgya'i rgyud kyi cho ga rgyas pa ni/ rdo rje thal mo rab tu brkyang zhing mthe bong mnyam po la mdzub mo bkug pa bzhag ste dpral ba'i mdzod spu'i phyogs su bzhag na dbang bskur ba thams cad gsol ba'o// phyag rgya chen po la sogs pa'i phyag rgya thams cad bcing ba de bzhin no// dam tshig gi rdo rje bsdams pa'i mdzub mo gnyis phyir bkug pa'i sor mo mnyam por nor bu mthe bo rdo rjes bkag pa rdo rje nor bu'o// gzhan rnams ni de las byung ba'i rdo rje rin po che'i khu tshur ro// de gnyis su byas nas rin po che'i khu tshur ro// de nas las kyi phyag rgya rnams ni rdo rje rin po che bsgreng ba bsgrub par bya ba'i myu gu'o// kha sbyar nas srin lag dang mthe'u chung mnyam po kha phye bas mchog gi dar dpyangs 'dzin pa'o// dbus ma'i

  138. 69b

    nor bu'o// mthe'u chung gi rtse mo'o// 'og tu gtor ba'o// rdo rje bsdams pa las ni mdzub mo'i nor bu brkyang ba'i phreng ba'o// rdo rje rin po che gsum mdun dang logs gnyis su bcing bar bya'o// rdo rje rin po che'i mdzod spu'i phyogs su bzhag ste/ mdzub mo'i rtse mos steng du mdud pa dar dpyangs kyi tshul du bya'o// mthe bo gnyis brtan pa'i skyil mo krung byas la mdzub mo gnyis bkug nas mnyam pa'i kha 'bus pa'i mchog gi lus can de bzhin gshegs pa thams cad kyi sku'i mchog go/ des spyi bo nas brtsams te mdun dang g.yas dang g.yon dang rgyab tu bya ba byas nas de bzhin du mdun dang rgyab dang logs gnyis su sgeg pa dang bcas pas tha ma la sogs pa bkrol bar byas nas/ phreng ba bcing ba'i mdud pa bya zhing dar dpyangs kyi tshul du bya ste/ rdo rje sems dpa'i dbang bskur ba dang srid pa gsum gyi dbang phyug thams cad kyi mchog rdo rje sems dpa' nyid thob pa yin no// rdo rje thams cad kyi rtog pa thams cad ni gong du ci lta ba bzhin no// de nas phyi'i phyag rgya shes par bya ba ni 'di yin te/ phyag rgya chen po ni g.yon par kham phor dang g.yas su mda' bstod pa'i phyag rgya'o// dam tshig gi 'jug pa ni mdzub mo dang gung mo dang srin lag mnyam por legs par sbyar la rtse gsum par byas la mthe bong dang mthe'u chung gnyis lu gu rgyud ni

  139. 70a

    mgon po rnams kyi'o// ci nas ltar bzung ba bzhin du lha mo rnams kyi phyag rgya'o// dam tshig ni gung mo dang srin lag rdo rje bsdams pas mdzub mo dang gung mo dang mthe'u chung dang srin lag mthe bopo'i sor mo'i rtsa bar bsdus pa ni sring mo bzhi'i dkyil 'khor gyi phyag rgya'o// gal te dkyil 'khor brtag par mi nus na de'i tshe 'di bcings pas dkyil 'khor shin tu brtag par 'gyur te dngos grub kyang shin tu gsol ba yin no// lha mo rnams 'di nyid kyis spyan drang ba dang 'jug par bya'o// // de nas sgyu ma'i 'khor lo ni g.yon pa'i steng du sor mo thams cad shin tu brkyang / dam tshig dkyil 'khor gyi 'khor lo ste lha ma yin thams cad kyi sgyu ma thams cad don yod par sgrub pa'o// gdengs ka can gyi dbang po'i mthe bo gnyis pas rtse mo phyi rol tu phyogs pa'i sor mo brgyad kyis gdengs ka'i tshogs kyis klu thams cad dgug pa dang gzhug pa dang bcing ba dang dbang du bya ba'i dam tshig ste lto 'phye chen po'i lag pa'o// gal te 'da' bar byed na 'chi bar 'gyur ro// gung mo dang srin lag bzhi pos mdud pa byas la mgu ba'i tshul gyis steng du sgreng ste bsdus nas mthe'u chung gnyis kyis rtse mos brdeg par byas na dug thams cad 'bar ba dang / dug thams cad bcing ba dang kun las bsdus te brdeg pas dug thams cad 'jig

  140. 70b

    pa'o// 'di nyid kyi dug thams cad za ba dang 'pho ba dug med par bya'o// phyi rol gyi phyag rgya'i cho ga rgyas pa'i rgyud do// // de nas rtog pa thams cad bsgrub pa'i phyag rgya'i rgyud kyi cho ga rgyas pa bshad par bya'o// zhes bcom ldan 'das bde ba chen po'i rdo rje gsang ba dam tshig chen po rdo rje sems dpas gsungs so// de la sku'i phyag rgya lnga ni/ phyag rgya chen po rdo rje 'chang chen po'i rigs la'o// dam tshig gi phyag rgya de bzhin gshegs pa'i rigs la'o// rdo rje hUM mdzad ni rdo rje'i rigs la'o// pad+ma chen po ni pad+ma'i rigs la'o// rdo rje nor bu chen po ni nor bu'i rigs la'o// de nas gsung gi phyag rgya lnga ni/ snyan pa'i glu'i yul thams cad kyi tshul rnams nus pa ci lta bu'i glu'i rgyun thams cad kyis glu blangs te bzlas pa ni rdo rje sems dpa'i rigs la rab tu dga' ba'i rdo rje'i ngag go/ lce dang mchu gnyis shin tu g.yo ba med cing ngos shin tu ma 'byar ba dbyangs dang bral ba'i rdo rje'i ngag de ni de bzhin gshegs pa'i rigs la ste/ rigs thams cad dgos pa'o// sprin gyi 'brug sgra yi ge hUM gi sgra phra mo dang ldan pa ni rdo rje khro bo'i rdo rje zhes bya ba'i ngag rdo rje'i rigs so// ting nge 'dzin gyi ngag pad+ma'i rigs la ste thams cad dag pa'i pad+ma zhes bya ba'o// chos kyi ngag nor bu'i rigs la ste mchod pa'i nor bu'o// de nas thugs kyi phyag rgya lnga ste/ thams

  141. 71a

    cad bsgrub par bya ba la ni rdo rje sems dpa'i dngos pos so// sangs rgyas rjes su dran pas de bzhin gshegs pa'i rigs la'o// bdag gam bdag gi mdun du gsad par bya'o zhes bya ba ni rdo rje rigs la'o// sbyang bar bya'o zhes bya ba ni pad+ma'i rigs la'o// nam mkha' thams cad bsgoms pas nor bu'i rigs la'o// // de nas rdo rje'i phyag rgya lnga ni/ rdo rje rtse mo lnga 'od zer gyi phreng bas rtse mo yongs su khyab pa dang bde ba chen po'i rdo rje khu tshur gyis rdo rje sems dpa'i rigs la'o// rdo rje rtse lnga pa 'od zer dang bcas pa de bzhin gshegs pa'i khu tshur gyis de bzhin gshegs pa'i rigs la'o// 'bar ba'i rang bzhin rdo rje rtse bzhi pa rdo rje khro bo'i khu tshur gyis rdo rje'i rigs la'o// pad+ma'i steng gi de bzhin gshegs pa'i rdo rje pad+ma'i khu tshur gyis pad+ma'i rigs la'o// rdo rje phyed pa rdo rje rin po che nor bu'i khu tshur gyis nor bu'i rigs la'o// // de nas rigs thams cad rtogs pa'i gsang ba thogs pa med cing gdon mi za ba'i de kho na nyid kyi bden pa myur du mchog gi dngos grub kyi cho ga rgyas pa bsgrub pa thams cad kyi rgyud bshad par bya'o zhes bcom ldan 'das don yod cing thogs pa med pa myur ba'i mchog gi dngos grub can rdo rje sems dpas gsungs so// rdo rje sems dpa'i phyag rgya chen po ni bde ba chen po'i rdo rje gsang ba'i

  142. 71b

    dam tshig go/ gsung gi phyag rgya ni snying po'o// thugs kyi phyag rgya ni nye ba'i snying po'o// rdo rje'i phyag rgya ni rdo rje snyems ma'i 'o// // de nas phra mo'i las kyi phyag rgya'i rgyud don yod cing thogs pa med pa 'di yin te/ ma mchu'i sgros so rnams kyis bzung nas rdo rje'i lta bas blta zhing thams cad rjes su chags pa dang / dbang du byed pa dang / rol pa dang / brtan par byed pa'i dngos grub skad cig gis so sor nyams su myong ba ni rdo rje sems dpa'i rigs la'o// rdo rje phra mos byin gyis brlabs te/ dam tshig tsam du lta ba de bzhin gshegs pa thams cad kyi tshul khrims dang ting nge 'dzin dang shes rab dang rnam par grol ba dang rnam par grol ba'i ye shes mthong ba'i dngos grub thob par 'gyur ba ni de bzhin gshegs pa'i rigs las byung ngo // khro gnyer dang bcas pa'i khro bos mi bzad pa'i lta ba byas nas shin tu ma 'gal bsdams nas thams cad ltung ba dang / dbab pa dang / rengs pa dang / nyal du bcug pa dang / rgyas btab pa dang / gsod pa dang / gzhan gyi dpung rmugs pa dang / thams cad las rnam par rgyal ba'i dngos grub skad cig mas 'byung bar 'gyur ba ni khro bo'i rdo rje khu tshur rigs la'o// btsums pa med pas brtan pa'i rdo rje'i lta bas mchu mnyam pa ni sgrib pa thams cad rnam par sbyang ba dang bsrung ba dang / ting nge 'dzin mngon

  143. 72a

    du gyur pa'i dngos grub 'byung ba ni pad+ma'i rigs la'o// 'bar ba'i lta bas zhal rnam par bzhad pas dbang bskur ba thams cad dang phun sum tshogs pa thams cad dang mchod pa'i cho ga rgyas pa'i dngos grub myur du thob par 'gyur ro// // de nas phyag rgya thams cad bcing ba sgrub pa ni/ nyin re mngon du lan cig tu// snying po rang nyid bsgrub pa ste// rang gis bcings nas mdor bsdus pas// phyag rgya thams cad grub par 'gyur// de nas phyag rgya thams cad kyi gsang ba sgrub pa ni/ snying po'i phyag rgya sngags rig pa'i// sgrub pa 'di ni rmad du byung // ci nus ci 'dod bzlas pa yis// nye ba'i snying po gsang ba'o// don yod thogs med gsang ba dang // rang bzhin grub pa de bzhin du// bsod nams med pa rnams la yang // dngos grub kun la grub par 'gyur// dkyil 'khor ma zhugs pa rnams la// snying po mchog di sbyin mi bya// gsang ba'am gsang rgyud dam pa ni// gal te dngos grub yid 'ong 'dod// gang gi khyim du gnas gyur pa'i// phyag rgya sngags 'di dge ba ste// gzhan gyis mi thub mi sod cing // dngos grub thams cad thob par 'gyur// dum bu gnyis pa sngags dum gyi rtsa rgyud rdzogs so// // sems can thams cad bde don dang // bsgrub pa thams cad sgrub pa'i phyir// sras bcas sangs rgyas thams cad

  144. 72b

    kyis// rdo rje mchog 'dzin de la zhus// bde ba chen po rab sgrub dang // chags pa chen po rnam dag phyir// rtogs pa thams cad bsdus pa'i rgyud// sems dpa' chen po bshad du gsol// rnam rtog med pa'i chos rnams la// 'dir ni rtog par gang zhig brjod// snying po zhes ni gang bshad pa'i// ye shes rgyud ni ji ltar yin// dkyil 'khor zhes ni brjod pa ci// der 'jug yon tan ci dang ldan// rigs kyi 'khor lo'i khyad par dang // gzhan yang sgrub pa ji lta bu// rdo rje sems dpa' sems dpa' nyid// 'di yang ci ltar de nyid gang // thog ma tha ma med nyid dang // rab tu dga' ba ji ltar 'gyur// dang po'i snying po 'di yi yin// de bzhin nyid ni gang zhig yin// hUM gi glu ni gang gis gsungs// 'di yi don ni ji ltar brjod// sems ni rdo rje nyid dang ni// de bzhin phyag rgya rdo rje nyid// sangs rgyas rnams ni 'byung ba dang // rigs rnams kyang ni de bzhin du// sangs rgyas byang chub bsgrub pa dang // sangs rgyas bdud du ji ltar 'gyur// rtog pa rnams kyang bsgrub pa dang // dang po'i snying po'i de nyid dang // snying po phyag rgya sngags rig pa'i// sgrub pa de bzhin dngos grub rnams// bsod nams med pas ci ltar 'grub// slob dpon nyid du ji ltar 'gyur// me tog spos dang mar me dang // dri rnams ci yin ji ltar 'gyur// mchod pa

  145. 73a

    yang ni ji ltar bya// gsang ba'i mchod pa ji ltar yin// kun byed kun za sdig pa can// shin tu sdig can ji ltar grub// don yod thog med dngos grub kyis// de rnams ji ltar grub par 'gyur// gsang ba de yang gang zhig yin// 'di nyid du ni gang gis 'grub// bde ba chen po rab grub dang // chags pa chen po rnam dag phyir// gsang ba'i de nyid gsang ba ni// bdag cag rnams la kun bshad gsol// // de nas bcom ldan 'das rdo rje 'chang chen pos de bzhin gshegs pa thams cad kyis gsol ba btab pa'i tshig gsan nas/ zhal rab tu bzhad de bzhad pa chen pos dam tshig chen po thams cad kyi de kho na nyid kyi rdo rje zhes bya ba'i rnam par gnon pa mdzad nas rtog pa thams cad kyi rgyud phyi ma 'di gsungs so// de la rnam par mi rtog pa khyab pa'i rgyud ni/ rnam rtog med pa'i ting 'dzin las// sems can na ni yongs su brtag/ des na brtag par bshad pa ste// rtog pa yongs su dag phyir ro// de la bde ba chen po rdo rje gsang ba'i dkyil 'khor rgyud ni 'di yin te/ sa la yi ge'i gnas bris nas// bde ba chen po zhes brjod pa// de yi dam tshig rdo rje ste// snying po thams cad sgrub byed pa'o// de la dkyil 'khor gyi bshad pa'i rgyud ni/ ci ltar gnas dang ci ltar dus// ci ltar 'jig rten ci lta bu// 'khor ni dgod par

  146. 73b

    bya ba ste// de lta bu yi dkyil 'khor 'dri// de nas dkyil 'khor thams cad du zhugs pa'i rnam par smin pa'i rgyud ni/ rdo rje sems sogs sems dpa' yi// 'khor bcas de tshe dkyil 'khor du// zhugs pa'i bsod nams ci 'dra ba// de ltar bris pa'ang de dang 'dra// de nas rigs thams cad kyi 'khor lo'i khyad par gyi rgyud ni/ rdo rje 'khor lo brtan pa bzhin// lcags kyi 'khor lo dam pa ste// 'bar ba'i 'khor lo de bzhin du// pad+ma 'dab brgyad nor bu che// de nas dkyil 'khor thams cad sgrub pa'i rgyud ni// dkyil 'khor brtag pa byas nas ni// nang gi rim par zhugs bya ste// dkyil 'khor dag la dzaHhUM baM// hoHpra sid d+hu maM brjod bya// de nas rdo rje sems dpa' nyid rgyud ni// sangs rgyas la sogs 'gro kun gyi// thams cad bdag nyid bcom ldan mchog/ sems can 'byung phyir sems dpa' ste// rdo rje sems dpa' rab tu grags// de nas dam tshig chen po'i de kho na nyid bshad pa'i rgyud ni/ thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// 'khor ba mya ngan 'das de bzhin// de nas thog ma dang tha ma med pa'i de kho na nyid bshad pa'i rgyud ni// thog mtha' med pa thams cad ni// nam mkha' 'byung ba chen po'i gnas// nam mkha' skye ba skye med phyir// rdo rje sems dpa' de

  147. 74a

    bzhin no// de nas bcom ldan 'das rab tu dga' ba'i bshad pa'i rgyud ni/ rab tu dga' phyir nyon mongs te// 'gro ba thams cad bde 'dod pa// de la bde ba rnam dag phyir// srid gsum snga rol bcom ldan byung // de nas dang po'i snying po'i de kho na nyid bshad pa'i rgyud ni// chags pa kun la chags pa che// 'dod ldan thams cad sad par byed// chags pa 'bar ba dri za yi// snying po phyag na rdo rje'o// de nas yi ge hUM gi glu blang ba'i rgyud ni/ glu las chags pa dga' las 'dod// rab tu dga' las thams cad 'byung // thams cad 'byung bar grub pa'i phyir// bskal pa dang por bcom ldan gsungs/ nas yi ge hUM gi bzlas pa'i don gyi bshad pa'i rgyud ni// myur du thams cad rjes chags pas// dngos grub thams cad rjes su chags// rjes su chags par byed mchog ni// snying po'i bzlas pa'i don yin na// de sa rdo rje sems rgyud ni// glu rnams ci ltar khro bo ni// bsdus nas kun du 'jug pa na// rdo rje thog ni brtan gyur pa// de bzhin rdo rje bsdus pa'o// de nas rdo rje sems dpa' 'byung ba shes pa'i rgyud ni/ thams cad bdag nyid sems dpa' ni// bdag gi bdag nyid la yang gnas// rdo rje sems dpa' dngos su ni// myur du thams cad la yang zhugs// de nas de bzhin gshegs pa 'byung ba shes pa'i rgyud ni/ 'dod

  148. 74b

    las chags pa dga' las bde// bde las sdig pa sdig las sdug/ sdug las ting 'dzin shin tu brtan// rdo rje nyid las sangs rgyas 'byung // de nas de bzhin gshegs pa'i rigs la sogs pa 'byung ba shes pa'i rgyud ni/ de bzhin gshegs pa'i rigs de nyid// de nyid rdo rje rigs chen po// de nyid pad+ma'i rigs dag pa// de nyid nor bu'i rigs mchog bshad// de nas mngon par byang chub pa shes pa'i rgyud ni/ rang sems so sor rtogs pa ni// byang chub sems ni yang dag 'byung // rdo rje nyid phyir sangs rgyas nyid// bdag nyid sangs rgyas rab tu bsgom// de bzhin gshegs pa bdud nyid du shes pa'i rgyud ni// rang sems nyid ni bdud nyid de// sems nyid de bzhin gshegs pa yin// rang gi sems ni 'dul ba'i phyir// sangs rgyas bdud nyid du ni 'byung // de nas rtog pa thams cad sgrub pa shes pa'i rgyud ni// rtog pa kun la grub bya gang // rgyu ba dang ni mi rgyu yin// rang gi lha yi rnal 'byor gyis// de dag thams cad bsgrub par bya// de nas dang po'i snying po sgrub pa shes pa'i rgyud ni/ bzlas pa'i don shes nus pa yis// rdo rje sems dpa' rab bsgrub ste// ci srid 'dod pa'i bzlas pa mchog/ dngos grub chen po'i bde ba ster// de nas snying po dang / phyag rgya dang sngags dang / rig pa shes pa sgrub pa'i rgyud ni/ sems dpa' gang gi snying po

  149. 75a

    dang // phyag rgya sngags dang rig pa dang // bzlas pa'i don du sems dpa' che// bdag nyid dam ni bsgrub bya ba// de nas dngos grub shes pa'i rgyud ni/ rdo rje sems dpa'i dngos grub che// de bzhin de bzhin gshegs kun gyi// rdo rje sems dpa' sems dpa' nyid// las kun mchog gi dngos grub phyir// de nas bsod nams med pa rnams kyi dngos grub grub pa shes pa'i rgyud ni/ ci 'dod 'khor lo bris nas ni// ci yang rung ba'ang thal bas kyang // sems dpa' chen po bzhag nas ni// nyin zhag bzhir ni bsgrub par bya// de nas slob dpon nyid kyi grub pa shes pa'i rgyud ni// bde ba chen po rdo rje yi// gsang mchog dam tshig grong khyer du// ci bzhin rang nyid rab bzhugs te// bdud rtsi'i chu yis dbang bskur bya// de nas me tog la sogs pa'i mchod pa 'bul ba'i shes pa'i rgyud ni/ rdo rje can la mchod pa kun// de bzhin gshegs pa'i rigs la dkar// rdo rje bdag nyid nag po ste// dmar po pad+ma nor bu ser// de nas dbul ba shes pa'i rgyud ni/ rdzogs pa'am ni ma tshang ba// yang na ji ltar rnyed pa ni// rdo rje gar sogs mchod pa yis// rtag tu thams cad 'grub par 'gyur// de nas dus kyi mchod pa shes pa'i rgyud ni// drug ldan la sogs snyan pa'i glu// glu ni thams cad ci 'dod pas// rdo rje 'byed ma la sogs

  150. 75b

    'grol// mchod pa dag ni rab tu bya// de nas gsang ba'i mchod pa shes pa'i rgyud ni/ rdo rje gar bcas mchod pa ni// go rims ji lta ba bzhin du// bzlas pa'i don gyis ma brjod kyang // mchog gi grub pa 'grub par 'gyur// de nas sdig pa chen po byed pa'ang grub pa shes pa'i rgyud ni// dkyil 'khor la ni ma zhugs kyang // tshul khrims 'chal pa la sogs kyi// ting nge 'dzin gyi stobs kyis ni// sdig pa kun las grol bar 'gyur// de nas dngos grub mi thob pa'i rgyud shes pa'i rgyud ni/ chags pa smad par mi bya ste// rnam dag de bzhin bde ba ste// bcom ldan 'das kyang chags pa che// 'di ma dag pas 'grub mi 'gyur// de nas mchog gi dngos grub sgrub pa shes pa'i rgyud ni/ ji bzhin yul dang ldan gyur nas// mchog gi dngos grub bsgrub par bya// rtog pa kun la rnal 'byor 'di// tshe 'di nyid la sgrub par byed// bde ba chen po rdo rje gsang ba'i rtog pa'i rgyal po chen po'i rdo rje rin po che rin po che las rtog pa thams cad kyi rgyud phyi ma'i cho ga rgyas pa'o// // de nas bcom ldan 'das rtog pa de bzhin gshegs pa thams cad kyi rdo rje gsang ba de bzhin gshegs pa thams cad kyi dbang bskur ba'i rdo rje rin po che de bzhin gshegs pa thams cad kyi cho ga gzigs pa'i ye shes kyi dbang phyug gi rdo rje'i pad+ma de bzhin gshegs pa thams

  151. 76a

    cad kyi sna tshogs pa'i mdzad pas phrin las dam pa'i cho ga rgyas pa'i rdo rjes thams cad la khyab pa ma lus shing lus pa med pa'i rdo rje'i khams brtan pa'i dngos grub kyi cho ga rgyas pa nam mkha'i khams kyi mthar thug par chos kyi dbyings spro ba thams cad khyab pa'i de bzhin gshegs pa thams cad kyis 'khor lo mngon par mkhyen par mdzad nas dang po'i snying po'i gsang ba'i de kho na nyid kyi rdo rje'i sgrub pa'i rgyud 'di gsungs so// ci srid 'khor ba'i gnas la zhugs// de srid sems can gdon par mdzad// mya ngan 'das bzhugs gzi brjid can// sems can don ni nus pa min// de phyir sems dpa' dam pa rnams// 'khor ba srid du 'khor bar zhugs// sems can don ni mngon par bzhed// thams cad dag pa'i mchog chos can// de bzhin gshegs pas mi 'dul bas// sems can don mi mdzad pa ste// 'dir ni rab grub dngos grub mchog/ dus kun du ni thams cad du// rdo rje 'chang chen la sogs pa// 'di ltar bsod nams rnam smin gyis// kun la mthong ba la sogs kyis// rang gi las kyis mdzad mi spyod// dkyil 'khor la ni ma zhugs kyang // srid pa 'di la myur 'grub 'gyur// shin tu mthong ba la sogs kyis// sems can thams cad rab stsol mdzad// kun nas dus kun thams cad la// dngos

  152. 76b

    grub thams cad rab stsol 'gyur// rgyal po rdo rje 'chang chen po// srid pa'i dbang phyug kun gyi gtso// de phyir bsgrub bya 'di bshad bya// dngos grub shin tu rtag pa'o// gang gis srid pa 'di nyid du// shin tu rtag pa'i dngos grub thob// lugs ma'am ni brdungs pa 'am// ri mor bris pa'am 'dus byas pa'i// phyag na rdo rje'i sku gzugs ni// ci bzhin bshad par rab gzhug bya'o// bde ba chen po rdo rje gsang ba'i dam tshig gi de kho na nyid sgrub pa'i dngos grub kyi cho ga rgyas pa'o// // de nas bcom ldan 'das de bzhin gshegs pa thams cad kyis phyag rgya'i ye shes kyi slar yang phyag rgya thams cad sgrub pa'i dngos grub kyi rgyud 'di gsungs so// nyin re snga rol dus ci bzhin// dang po'i rdo rje bde ba che// 'dis ni rtag pa thams cad la// phyag rgya thams cad mdor bsdus pas// dam tshig yang dag bcings nas grub// phyi nas ma bsgrubs grub par 'gyur// de nas bcom ldan 'das kyis rdo rje chos kyi de kho na nyid kyi gsang ba'i sngags sgrub pa 'di gsungs so// langs pa'am ni 'dug pa'am// gang dang der ni gnas pa'am// thams cad rjes chags rnal 'byor gyis// dngos grub thams cad thob par 'gyur// de nas bcom ldan 'das kyis las kyi gsang ba'i de kho na nyid kyi rgyud 'di gsungs so// gsang ba'i gar mchog mchod pa'am// yang na

  153. 77a

    mchod pa ci bde bar// byas te mgon po bsgrub byas na// mchog gi dngos grub myur du 'thob// de nas rang gi phyag rgyas bdag nyid bsgrub pa'i rgyud ni/ phyag rgya chen po mnyam gzhag ste// rang gi snying pos lan cig bsgrub// brtan zhing shin tu dgyes kun chags// shin tu dgyes gyur bdag po grub// de nas yi ge hUM gi glu blang ba'i grub pa'i rgyud ni/ ri b+hi da sogs rgyan dang ldan// ci nus pa dang ci 'dod pa// dri za dang po blangs nas ni// yi ge hUM gis grub par 'gyur// zhes bcom ldan 'das chags pa chen po dang po'i rdo rje sems dpa' rdo rje 'chang chen pos gsungs so// de kho na nyid chen po'i gsang ba'i dngos grub bsgrub pa'i rgyud do// // de nas rtog pa thams cad kyi las kyi phyag rgya bshad par bya'o zhes bya ba bcom ldan 'das thog ma dang tha ma med pa'i phrin las can rdo rje sems dpa' gsungs so// shin tu ring ba'i tshe 'phel ba ni bde ba chen po'i rdo rje chos so// shin tu gzhon pa'i na tshod 'phel ba ni bde ba chen po'i rdo rje bcud kyis len gyis so// gzugs chen po dang gzi brjid chen po 'phel ba ni bde ba chen po'i rdo rje'i gzugs kyi gzi brjid kyis so// 'du byed chen po thams cad 'phel ba ni bde ba chen po rdo rje 'du byed chen pos so// sems can thams cad kyi bdag nyid thams cad bsrung ba ni bde

  154. 77b

    ba chen po rdo rje bsrung bas so// phyogs thams cad dang mtshams dang dkyil 'khor bcing ba ni bde ba chen po rdo rje bskor bas te/ thams cad rdo rje chen po'i ngo bo nyid khro bo'i rgyal po chen po rdo rjes kyang 'jug par mi nus shing mi phyed par 'gyur ro// sdig pa thams cad srung ba ni bde ba chen po'i rdo rje byin gyis brlabs pas so// bdag nyid kyi dngos grub thams cad dam gzhan dag rdo rjer byed pa ni bde ba chen po'i rdo rje go chas so// 'thab mo thams cad las rnam par rgyal ba ni bde ba chen po'i rdo rje rgyal mtshan mchog gi dpung rgyan gyis so// 'thab mo srung ba ni bde ba chen po'i gzhan gyis mi thub pas so// gzhan gyi dpung thams cad gzhig pa ni rdo rje bde ba chen po'i rdo rje 'dzin par byed pas so// gzhan gyi dpung nyams pa dang ldang ba dang ltung ba dang gsod pa ni bde ba chen po'i rdo rje glog bskor bas so// rims thams cad la sogs pa'i nad thams cad dang nad chen po zhi ba ni bde ba chen po'i rdo rje 'phrog pas so// dug thams cad gzhig pa dang / dug med par bya ba ni bde ba chen po'i rdo rje phyag rgya'i las kyis so// gdon thams cad las dgrol ba ni bde ba chen po rdo rje'i 'byung po bskrad pas so// ma mo dang mkha' 'gro ma dang gdon thams cad dgrol ba chen po dang gzhom pa dang snying gzhan dbyung ba dang shi ba gso

  155. 78a

    ba dang / tshe 'phel ba de shin du srung ba rnams ni bde ba chen po'i rdo rje phyag rgya'i lan gyis so// thams cad dbab pa dang g.yo ba dang 'ching ba dang gar byed du gzhug pa dang glu len du gzhug pa dang snga ma 'byung ba so sor brtan pa dang rmad du byung ba dang cho 'phrul bstan pa dang / bden pa thams cad pa thams cad smrar gzhug pa dang dgrol ba dang / bsrung ba dang / sos su bcug pa rnams ni bde ba chen popo'i rdo rje dbab pas so// rgyu ba dang mi rgyu ba'i dngos po thams cad la yid kyis 'dod pa'i pra dbab pa thams cad grub pa ni bde ba chen po rdo rje pra dbab pas so// rang gi lus dang ngag dang yid rdo rjes mthong ba dang thos pa dang smra ba dang ston pa'i shes pa grub pa ni bde ba chen po'i rdo rje'i bdag nyid bsgoms pas so// thams cad las 'das pa dang / ma 'ongs pa dang / da ltar byung ba thams cad bka' mthong ba'i yi gige sna tshogs pa'am/ dngos po sna tshogs pa thams cad kyis rna ba'i shes pa rab tu 'jug pa ni bde ba chen po'i rdo rje thams cad mkhyen pas so// glog dang char pa dang thog dbab pa thams cad bzlog pa dang / sprin gzhig pa ni bde ba chen po'i rdo rje khro bo'i lta bas so// sa'i 'og thams cad las sngar ma byung ba'i 'phru la sogs pa'i 'bras bu 'byung ba dang / nye bar len pa dang / chu med pa'i gnas las chu'i dngos po

  156. 78b

    'byung ba dang nye bar len pa dang / mun pa chen por snang ba chen po bskyed pa dang nye bar len pa dang rlung thams cad la bka' bsgo ba dang nye bar len pa dang nam mkha' thams cad las yid kyis 'dod pa'i dngos po thams cad mthong ba dang nye bar len pa ni bde ba chen po'i rdo rje dbyings kyi dbang phyug mas so// thams cad gzhom pa dang rengs pa dang dral ba dang rmugs pa dang gnyid log par bya ba dang rgyas gdab pa dang ltung ba dang rmongs pa dang gsad pa dang phyir ldog pa ni bde ba chen po'i gdug pa'i rdo rje'i phyag rgyas so// thams cad rjes su chags pa dang dgug pa dang gzhug pa dang dbab pa dang bcing ba dang bkrol ba dang dral ba dang ltung ba dang ltung ba bslang ba dang 'dren pa dang bran du byed pa dang mngag gzhug bka' bsgo ba byed pa dang thams cad tshur drangs pa dang phar btang ba dang gsad pa dang slar gso ba la sogs pa'i las thams cad byed pa dang dbang du byed pa'i sgrub pa ni bde ba chen po'i rdo rje thams cad sgrub pas so// rigs thams cad kyi mchog gi dngos grub la sogs pa'i mchog gi dngos grub thams cad dang / mchog gi dbang bskur ba la sogs pa thams cad dang / phun sum tshogs pa thams cad dang thams cad rjes su chags pa la sogs pa'i bde ba dang / yid bde ba thams cad rab tu gzhug pa dang /

  157. 79a

    mchod pa chen po thams cad la sogs pa'i las thams cad myur du grub pa'i cho ga rgyas pa ni bde ba chen po'i rdo rje mchog gi dngos grub kyis so// de la bde ba chen po'i rdo rje gsang ba'i dam tshig gi dang po'i mchog gi dam tshig gi las kyi phyag rgya'i rgyud ni 'di yin te bde ba chen po'i rdo rje ni rdo rje sems dpa'i tshe ster ba'o// 'di'i las kyi phyag rgya thams cad bcing ba'o// dbus ma'i rdo rje btung bar bya// rtse mo'i 'od zer byas pas gdong pa yongs su sbyangs te gdong par dgrol bar bya'o// bdag nyid la kun du bskor nas snying gar dgrol bar bya'o// gtsug tor dang phyogs thams cad dang dkyil 'khor bskor ba'o// snying ga dang yid kyis rgyab dang phrag pa dang / spyi bo dang dpral bar bzhag la rdo rje khu tshur gnyis kyi phreng ba bcings la go cha bya ste/ mdud pa byas nas rdo rje'i gnas rnams su slar yang phreng ba byas pas rgyab tu mdud pa byas te dar dpyangs bya'o// snying ga dang dpral ba dang mgrin pa dang spyi bor gzhag par bya'o// dbus ma'i dar mchog go/ byab pa'i gyen du kha bltas pa'i dbug pa dang 'jig pa'i gdong gis lha ba'o// 'bar ba bzhi'i tshul gyis 'dor zhing khros pa'i rang gi snying gar bcings te zhi ba'i lta bas rtse mo 'phrog par bya'o// lta bas 'phrog par bya'o// dbab pas myur du dgrol bar bya'o// yongs su bskor nas

  158. 79b

    dpral bar bzhag ste/ dbus ma'i rdo rje sor mo'i rtse mo gnyis bskyod par byas na ci lta ba bzhin du las byed pa'i snying gar bzhag ste dbus ma rdo rje'i las ni 'di lta ste/ snying gar stong pa dang skyed pa dang 'ching ba dang gar byed du bcug pa dang mgrin pa gsal ba dang rdo rje rtse mo btsir ba dang kha dbub pa dang mgrin pa gsal ba dang bcings pa myur du dgrol ba dang bsrung ba dang byab pa'i las so// snying ga kha sbyor bskyed pa'o// nyin re zhing snga rol du lan cig lus yongs su sbyang ba dang / mgrin pa gsal ba'i ngag dang snying gar gzhag pa dang phyag rgya la lta ba ste/ nyin re snga rol du lan cig dbang po thams cad la kun du bskor bar bya'o// dbus ma rdo rjes byed pa ni khro bo'i rdo rje'i lta bas so// dbus ma'i rdo rje'i las ni 'og nas 'byung ste nye bar longs spyod pa dang / thams cad la dgug par byed pa dang dbab pa sbyin pa dang 'bar ba'i me stag byed pa dang nye bar len pa dang rlung gi tshul dang nam mkhar sgom pa las du ma'o// dbus ma'i rdo rje'i lus ni phyag rgyas gzhom pa dang rtse mo gnyis snying gar btsir ba dang sen mo brud pa dang mig 'dogs pa dang btsum pa dang / sor mo mnyam pos snying gar bteg pa dang ltung ba dang slong bar byed pa dang / phan tshun rdeg pa dang rang gi snying gar rang bzhin du gzhag pa'i las so// dbus ma'i rdo rje

  159. 80a

    las ni mda' stod pa dang lcags sgrog gnyis kyis dgug pa dang g.yon pa la g.yas pa bcug pa dang rtse mo bskyod pa dang gdu bur bcing ba dang myur du dgrol ba dang sor mo mnyam por myur du dral ba dang ltung bar byed pa dang 'og nas bteg pa dang g.yon pa g.yas pas drang ba dang / las thams cad la sbyar bar byed pa dang 'og nas bskyod cing gyen du drang ba dang tshur 'dren pa dang phar gtang ba dang g.yon dang g.yas kyis drag por 'degs pa dang rang gi snying gar rtse mo 'dren pa dang las thams cad la nges par sbyor ba byed pa'i las dang snying gar 'khor lo gzhug pa dang dbang bskur ba'i phreng ba dang dar dpyangs 'ching bar byed pa dang snying ga las drangs te bde ba tshur 'dren pa thams cad yongs su sbyang ba dang gar gyis blangs te spyi bor dgrol ba'i las so// bde ba chen po rab grub dang // chags pa chen po rnam dag phyir// don yod thogs med sna tshogs pa'i// phyag rgya'i rgyud ni rab tu bshad// rdo rje 'dzin pa chen po yis// sangs rgyas sras bcas bdag nyid kun// sems can thams cad myur 'grub phyir// don yod dngos grub kun stsol ba'o// dkyil 'khor dag tu ma zhugs pa// sdig pa'i las ni kun dang ldan// de dag kyang ni grub 'gyur te// bcings pa tsam gyis sdig byang phyir// gang zhig le lo nyid kyis sam// brtson

  160. 80b

    'grus ldan yang ma tshang ba// dkyil 'khor med pa'i sems can gang // slob dpon nyid byin ma brlabs dang // de dag grub mchog rdo rje che// rdo rje slob dpon nyid du 'gyur// don yod mchog dang sna tshogs pa'i// bcings pa tsam gyis myur grub byed// bsam pa thams cad yongs rdzogs pa'i// mchog gi dngos grub kun la 'jug/ dang po 'byung ba'i rdo rje mchog/ bde ba che las yang dag 'byung // dag cing shin tu grub pa dang // 'gro ba thams cad la yang ngo // de nas phyag rgya thams cad sgrub pa'i gsang ba'i rgyud ni/ las 'dod thog mar phyag rgya ni// skal ba ci bzhin snying pos grub// rang gi bdag nyid nges sbyar bya// bde ba chen po'i rdo rje gsang ba'i rtog pa'i rgyal po chen po las/ bde ba chen po thams cad kyi rdo rje'i dam tshig don yod pa'i dngos grub kyi mchog ces bya ba rgyud phyi ma'i cho ga rgyas pa yongs su rdzogs pa'o// // de nas bcom ldan 'das de bzhin gshegs pa thams cad kyi yongs su mthar thug pa med pa'i sku dang gsung dang thugs rdo rje thams cad kyi las kyi sbyor ba ni/ rdo rje 'chang ba dang bcas pa rnams kyis bde ba chen po'i rdo rje gsang ba'i dam tshig rtog pa'i rgyal po chen po 'dis sems can gyi khams ma lus pa kun du khyab cing spro ba dang dngos grub thams cad kyi cho ga rgyas pa/ srid pa thams cad kyi rtse mo'i

  161. 81a

    yongs su mthar thug pa'i gsung rab yongs su mthar thug pa'i don du thog ma dang tha ma med pa'i rdo rje sems dpa' la gsol ba btab pa yin no// rdo rje'i nam mkha' chen po yis// chos kyi dbyings ni spro ba mchog/ rdo rje'i nam mkha' chen po yi// chos dbyings spro ba'i dngos grub ster// rtag tu sangs rgyas thams cad ni// rdo rje 'chang chen bcas pa dang // rdo rje 'chang gi theg pa ni// yongs su mthar zug nus pa min// e ma'o mngon zhen sems can dang // le lo can dang las kun ldan// thugs rje dam pa'i rdo rje khyod// byang chub sems ni bla na med// bde ba chen po rab sgrub dang // chags pa chen po rnam dag phyir// rtog pa 'di ni mthar thug pa// rab tu sgrub phyir mthar zug brjod// de nas bcom ldan 'das de bzhin gshegs pa thams cad kyis gsol ba btab pa'i tshig gis nas/ de bzhin gshegs pa thams cad kyi ting nge 'dzin rdo rje sems dpa' byin gyis brlabs pa zhes bya ba'i ting nge 'dzin la snyoms par zhug nas 'di gsungs so// bde ba chen po rab sgrub dang // chags pa chen po rnam dag phyir// thams cad dngos grub don du ni// yongs su mthar thug byin brlabs pa'o// gang gis tshul mchog 'di ni nyan 'gyur dang // gang gis khyim na gsang ba thams cad gnas// bde chen mchog gi rdo rje

  162. 81b

    mchog gsang ba'i// dngos grub tshe 'dir de dag rnam la bstan// brtan pa nyid phyir 'dul bar nga mi byed// sems can don du rgyal ba las dag phyir// rnam par sbyang bar mdzad pa 'di yin te// rtog pa 'di ni bgegs med bdud rnams med// dngos grub 'phel med min pa byin gyis brlabs// bdud dang brtan med nyid ni bdag mi byed// brtan pa nyid phyir 'dul bar nga mi byed// rtog pa chen po'i mchog 'di gang bsgrub pa// myur du dngos grub mchog phyin bdag brtan 'gyur// brtan zhing dgyes la brtan pas rjed su chags// bde ba chen po kun byed shin du rgyas// nga yi dang po'i snying po gang sgrub pa// de la nga ni rtag tu dngos grub ster// de nas de bzhin gshegs pa thams cad 'dus nas legs so zhes bya ba byin te/ bcom ldan 'das kyis gsungs pa la mngon par bstod do// bde ba chen po rdo rje gsang ba zhes bya ba'i rtog pa'i rgyal po mchog tu grub pa'i rgyud phyi ma yongs su rdzogs so// // de nas bcom ldan 'das byang chub sems dpa' chen po phyag na rdo rje 'di nyid slar yang ston par mdzad cing zhal rab tu 'dzum pa dang / mchog dang po'i rdo rje bde ba chen po rdo rje bsnyems pas gsor nas rang gi thugs kar bstod pa'i tshul du 'dzin cing mchog tu gsang zhing mchog tu grub pa don yod cing thogs pa med pa bde ba chen po rdo rje don

  163. 82a

    yod pa'i dam tshig 'di rtog pa thams cad kyi sdig pa dang sgrib pa dang bdud thams cad 'dul bar byin gyis brlab pa'i dbang gis ma grub pa rnams kyang mchog dam pa grub par byed pa dang mchog tu gsang ba dang thog ma dang tha ma med pa'i mtshon cha mchog dang po zhes bya ba'i rtog pa'i rgyal po dbang phyug chen po'i chen po rgyud phyi ma gsungs pa/ de nas thog ma'i gnas nyams dga'// nam mkha' kun la rab tu gnas// rin chen 'od mdzes rab tu gsal// dri ma med pa'i mdangs kyis brgyan// zur bzhi pa la sgo bzhi pa// sgo khyud rnams kyis rab tu brgyan// kha khyer gyis ni yongs su bskor// rdo rje lha 'i tshogs kyis mchod// gra yi phyogs ni thams cad dang // sgo khyud kyi ni mtshams rnams su// zla ba phyed ni rab tu gnas// rdo rje rin chen 'bar byed pa// rlung gis bskyod pa'i rtse mo mchog/ dar 'phan dril bu sgra sgrogs pa// dra ba me long tog me tog/ me tog chun po'i rgyan gyis bskor// bde ba chen po rdo rje che// rdo rje kun gyis legs sbyang ba// rdo rje sems dpa'i bzhugs gnas che// sangs rgyas kun gyis rjes bsten pa// byang chub sems dpa'i gnas kyi mchog/ rdo rje 'dzin pa kun gyi gnas// bde ba chen po'i rdo rje che// rdo rje rin chen mchog bya ba'i// rdo rje 'chang chen bzhugs nas ni// bde ba chen po rnam par

  164. 82b

    bzhugs// thog mtha' med pa'i sems dpa' ni// rdo rje sems dpa' dga' ba che// kun du bzang po kun bdag nyid// rdo rje bsnyems tshul bdag po'i bdag/ sems can kun gyi sems gang ni// brtan pa'i phyir ni dpa' zhes bya// brtan par bzhag pas ting 'dzin te// nges pa las ni rdo rjer gyur// sems dpar byin brlabs sbyor ba yis// rdo rje sems dpa' nyid du 'gyur// de nyid bcom ldan sna tshogs pa// byang chub spyod pa'i rjes mthun pa// bdud dang bdud las rgyal ba nyid// byang chub sangs rgyas de nyid do// rdo rje drag po thar byed nyid// phyag na rdo rje nyid kyang ste// de nyid de bzhin gshegs pa'i rigs// de nyid rdo rje'i rigs chen po// de nyid pad+ma'i rigs dag pa// de nyid nor bu'i rigs bzang bshad// de nyid 'dod chags bral ba nyid// 'dod dang grol ba de nyid de// dus gsum srid gsum mchog gsum ste// 'jig rten gsum mchog khams gsum pa// mi g.yo thams cad mchog de nyid// bstan pa sra ba nor chen po// rgyu ba sems kyis 'dus byas pa// thams cad byed pa thams cad nyid// dang po'i sems dpa' sems dpa' che// byang chub sems dpa' bde rab stsol// sems dpa'i skyil krung bcas nas ni// pad+ma'i steng du bzhugs pa ni// btsun mo'i tshogs bcas sna tshogs pa// rdo rje lha mos yongs su bskor// bde ba chen

  165. 83a

    po grub don du// 'dod chags chen po rnam dag phyir// ma lus 'dul bya'i don du ni// dngos grub thams cad rab grub phyir// dam tshig mchog ni ma lus pa// rgyal bas kyang ni bsrung bar bya// bsnyems bcas rdo rje gsor ba dang // rdo rje bsnyems pa'i tshul 'chang zhing // phyag rgya kun myur grub mngon du// rdo rje sems dpa' mchog grub phyir// dngos grub kun gyi thabs chen po// bsod nams kun gyis cher mthong ba// ye shes phyag rgya yang dag ldan// snying po chen po dam pa ste// gang gis bsod nams mi ldan pa 'am// de bzhin dkyil 'khor ma zhugs pa'ang // don yod thogs pa med mchog 'gyur// dngos grub thams cad rnyed dka' min// bde ba chen po rdo rje che// gsang ba mchog gi dam tshig brtan// dngos po thams cad sgrub pa ster// rtog pa thams cad myur grub byed// thog mtha' med phyir dang por 'byung // mchog dang dang po zhes byar bshad// tshig kun gyis ni ci 'dod dang // chags pa kun gyis ci dga' bar// rjes su chags par bgyi'o zhes// ci bzhin 'bab pa'i ye shes 'jug/ nye ba'i snying po bcas snying po// bskal pa dang por bcom ldan gsungs// hUM/ de nas 'di ni gsungs tsam gyis// sangs rgyas thams cad sras bcas pa// rdo rje 'dzin bcas sna tshogs pa// skad cig gis ni 'dus par

  166. 83b

    'gyur// rdo rje 'dzin chen gyis thog mar// yud kyi 'jig rten gsum po 'byung // ci ltar 'gro ba rab grub ces// bde gshegs rnams kyis dngos grub dris// de rnams kyi ni bka' gsan nas// rdo rje 'dzin rang grol ba ni// 'byin dang stsol dang ston pa po// byed pas tshig ni 'di skad gsol// chags bral gyis 'dul 'jig rten rnams// chags bral nyid kyis dag par 'gyur// 'dod chags chen po bde ba che// 'di ni ji ltar grub par 'gyur// de yi tshig de gsan nas ni// rgyal ba rang nyid kyis gsungs pa// byang chub sems de thog ma'i lha// khyod ni thabs chen nyid yin no// ji srid 'khor ba'i gnas su ni// mkhas mchog 'dug par gyur pa'i tshe// de srid mtshungs med sems can don// mya ngan mi 'da' byed par nus// ci srid sems can rnam rtog pa// de srid byang chub srid pa che// byang chub sems can la phan phyir// rdo rje can gyis ci bder gyis// de nas thog ma dang dkyil 'khor// dang po'i dkyil 'khor byin gyis brlabs// rdo rje kun gyi dam tshig mchog/ ci bzhin cho gas bsgrubs pa nyid// de nas bcom ldan 'das de ni// bde ba chen po grub phyir dang // 'dod chags chen po rnam dag phyir// gtso bos mgon la gsol ba btab// bcom ldan khyod la gsol ba ni// 'dod chags chen po bde ba che// snying po 'di ni rtog

  167. 84a

    pa mchog/ bde chen myur du grub byed pa'o// de rnams kyi ni bka' gsan nas// rdo rje sems dpa' bde chen po// bde ba chen po rdo rje che// dkyil 'khor chen po bka' stsal to// de nas rab tu bshad bya ba// dkyil 'khor chen po dam pa ste// bde ba chen po rdo rje mchog/ gsang ba dam pa zhes bshad pa'o// thog mar dam tshig gsum zab pa'i// rdo rje slob dpon rang phyag rgyas// 'khor lo kun gyi cho ga la// rtag tu rdo rje dril 'chang bya// rtog pa thams cad yang dag 'bebs// dkyil 'khor thams cad sgrub byed yin// dam tshig che gsum zhes bya ba'i// rgya 'di thams cad sgrub byed yin// dngos grub cho ga thams cad la// rdo rje dril bu rab bskul bas// cho ga lhag gam ma tshang yang // 'grub 'gyur smad par mi bya'o// zhes bcom ldan 'das rdo rje sems dpas gsungs so// mchog gi dang po mtha' yas mchog/ bla na med cing mnyam med pa// nam mkha' kun la rab tu gnas// mchog ste yi ge dam pa yin// dkyil 'khor gnas ni sbyang byas la// de yi dbus su cho ga bzhin// dngos grub byin rlabs cho ga yis// dkyil 'khor de ni grub par bya// glu dang rol mo'i cho ga dang // me tog spos sogs mchod pa yis// ji snyed pa dang ci 'dod par// mchog dang por ni brtag par bya'o// mchog gi dang por mtha' yas

  168. 84b

    mchog/ bla na med cing dpe med pa// nam mkha' kun la rab tu gnas// grong khyer dag ni mi 'gyur mchog/ thog ma med mchog rtag pa ste// sangs rgyas 'byung ba'ang rab tu bzhugs// kun mchog mnyam pa nyid rten pas// lhag dang ma tshang med kun gang // mtha' dang dbus med nam mkha' ni// 'di ni dbu mar rnam brtags pas// phyag rgya'i sbyor ba'i ting 'dzin gyis// de yis dbus mar rnam brtag nyid// de yi dbus su pad+ma'i gzugs// yu bar bcas pa rab tu gzhag/ sna tshogs pad+mas yang dag khebs// thams cad dag pa'i gdan de yin// de nas srad bu gnyis 'gyur du// byas pa'i thig ni gdab bya ste// nam mkha' kun gyi tshad yin phyir// gdul bya'i blo ni mtha' yas pas// tshad ni tshad med pa nyid yin// mi mnyam med pas zur bzhi pa// dran dang dbang po sgo bzhi ste// bsam gtan rnams kyi rta babs bzhi// ting 'dzin khyams su bshad pa yin// khyams la brten pa'i rdo rje'i bdag/ gzungs rnams lha mos mchod pa'o// rgyan rnams kun gyis bkra ba ni// bsam pa thams cad rdzogs byed pa'o// gdul bas bskyod pa sna tshogs mchog/ dam chos mchog ste kun du 'gro// rlung gis bskyod pa sna tshogs pa'i// ba dan rtser btags dri la skra sgrogs// me long ye shes rtag me tog/ byang chub yan lag me tog phreng // dra ba me long me tog

  169. 85a

    che// me tog phreng ba'i rgyan gyis bskor// kun grub mi 'gyur bde ba ni// bde ba chen po zhes bshad do// bde ba chen po'i gzhal yas khang // dang po'i gnas su bri bar bya// thar pa chen po'i grong khyer mchog/ kun mchog de ni legs bris nas// thog ma tha ma med pa'i dbyings// phyogs kun mnyam pa nyid du bsam// de ni phyi yi dkyil 'khor ro// de yi nang gi 'khor lo ni// dkyil 'khor brgyad pa lta bu yin// 'di ni rnam thar brgyad po ste// dngos grub kun gyi bde ba ster// byang sems theg pa chen po yi// mdo sde'i 'khor lo rab bskor bas// rdo rje thig gis yongs bskor ba// rdo rje 'khor lo yang dag bri// der ni sna tshogs pad+ma cher// rdo rje sems dpa' dgod par bya// lugs ma'am yang na bskos pa'am// byas pa'am yang na bris pa ste// 'dzum bcas zla ba'i mdog can la// dmar zhing sna tshogs 'od 'bar ba// sangs rgyas kun gyi dbang la sogs// rgyan dang na bza' sna tshogs pa// sems dpa'i skyil krung dag gis bzhugs// rdo rje bsnyen tshul 'chang ba'i mchog/ su ra ta s+t+waM zhes brjod cing // rang snying pos kyang gzhag par bya// de yi phyogs ni thams cad du// tshon nam de bzhin phyi ma yis// go rims dag ni ci bzhin du// rdo rje lha mo yang dag bri// rdo rje mchod bstod la brtson bya// rdo rje chags ma mdun du

  170. 85b

    bri// lha mo rdo rje rol pa ni// rdo rje can la rab 'khyud pa// rgyab tu rdo rje dran ma ni// chu srin rgyal mtshan 'dzin pa'o// rdo rje 'dod pa'i dbang phyug ma// rdo rje khu tshur gnyis bsnyems bri// de nas 'di rnams dgod pa'i phyag rgya ni/ dzaHbadz+ra driSh+Ti sa ma ke ma Ta hUM/ oM badz+ra ki li ki li hUM/ baM badz+ri Ni sma ra ra Ta/ ho badz+ra ka me shwa ri s+t+waM/ mtshams su rdo rje sems ma sogs// dus kyi mchod pa yang dag bri// rdo rje sbrang rtsi ma dang sprin// ston dang dgun ni rdo rje ma// me tog bdug pa mar me che// dri ste spyi bor thal sbyar ba// rdo rje rgyal po'i lha mo ste// de nas phyag rgya rab bshad bya/ oM ma d+hu badz+ri g+h+raM g+haM/ oM badz+ra me g+he gu lu gu lu/ oM oM sha rad badz+rI/ oM oM/ oM badz+ra shi shi ri hUM hUM/ sgeg mo bzhad ma glu chen ma// gar mdzad ma yi lha mo'i tshogs// rdo rje rol mo 'di dag ni// phyi rol gyi ni mtshams su bya// ha~M r-i ti badz+ra ma g+ha pi la si ni tra ha/ he ra ti badz+ra nr-i t+ye/ be ba be ba/ sgo yi gnas ni thams cad du// gsol ka ba ni bzhi po ste// rdo rje lcags kyu zhags pa dang // lcags sgrog de bzhin dril ma yi/ badz+ra aM gu sha dzaH/ badz+ra pA she hUM/ badz+ra shri kha le baM/ badz+ra g+haN+De hoH// dam tshig 'di ni thams cad kyis// dgongs shing brtag pa nyid du 'gyur// rdo rje lha mo la sogs tshogs// dngos grub kun la 'byung bar 'gyur// gsol ka ba dang g.yog mo yi// gtso mo pho nya

  171. 86a

    bran mo'o// de nas kun mchog la sogs pa// mngon bris yang dag bslab par bya// dam tshig mchog ni bcings nas sra// phaD+ga tha sa zhes brjod bya// sems dpa'i skyil krung bcas nas ni// rje can gyi spyan sngar 'dug/ bde ba chen po'i rdo rje mchog/ bdag po lan cig yang dag dgug/ hUM ma hA su kha badz+ra sa twa/ ya hi shI g+h+raM/ ma hA su kha badz+ra a mo g+ha ya/ a nu pA la ya/ pra bud d+ha su ra ta s+t+waM a nu rak+to/ me b+ha ba/ su to Sh+yo me b+ha ba/ su po Sh+yo me b+ha ba/ b+ha ga bAn nA di na sa twa/ sarba sid d+him+me pra yats+tsha/ a she ta ma tI Sha A be sha ya sa ma ye ra bad d+ha/ ba shI ga ro me/ i mir mu dra pa deHdzaHhUM baM hoH/ 'di yis bcom ldan 'das rtag par// dkyil 'khor du ni rang nyid gshegs// bkug cing bcug la shin tu bstan// dbang du gyur nas rab tu thub// ces bcom ldan 'das dam tshig chen pos gsungs so// rdo rje slob dpon rang lha ni// 'od zer kun du ston la sogs// mtshan ma rnam pa mang po ni// ngo mtshar gyur pa mthong bar 'gyur// de nas rdo rje mchod yon ni// rdo rje thal mo kha dbyes dbul// bum pa gang dag ci snyed pa'i// me tog la sogs kyis kyang mchod// ba dan rtse mor dril btags pa// mtshams kyi char ni gzhag par bya// bum pa spos chus gang ba la// rdo rjer bcas pas byin brlabs pa// lcug ma la ni yongs su bzlas// de la

  172. 86b

    bde ba chen po rdo rje don yod pa'i dam tshig gi chur bsgrub pa ni 'di yin te// hUM ma hA su kha badz+ra a mo g+ha sa ma yo da ka sid d+hi a b+hi Shiny+tsa/ sarba su kha so ma na stu n+yA da da ku ru ku ru/ dzaHhUM baM hoH/ 'di lan nyi shu rtsa gcig yongs su bzlas la/ bdag nyid la rdo rjes dbang bskur bar bya'o// bsang gtor bya ba dang / 'thungs pas kyang sdug bsngal thams cad bsal ba dang bde ba chen po thams cad 'phel bar 'gyur ro zhes bcom ldan 'das rdo rje sems dpas gsungs so// de nas 'khor lor ma zhugs kyang // rang nyid thog mar byung zhugs shing // rdo rje kun gyi slob dpon che// rdo rje can gyis rang byin rlob// de nas rdo rje 'dzin slob dpon// rang nyid khrus byas dris legs byugs// ci snyed pa yi rgyan gyis brgyan// shin tu dmar ba'i gos bgo zhing // me tog phreng btags kha dris bsgo// rnam sgeg dga' ba'i rdo rje dang // rdo rje gar gyi sbyor ba yis// spyi bor me tog thal sbyar nas// gnas te mgon la phyag bya'o// zhugs nas dkyil 'khor de la ni// bskor ba dag ni lan gsum bya// de nas mdun du 'dug nas ni// de kho na nyid lan cig brjod// 'dod chags chen po bde ba che// rdo rje chen po nor che ba// ye shes chen po las chen po// de dag rdo rje sems grub brjod// de nas me tog sil ma ni// mgon la gtor te cho ga bzhin// dang po sha ra

  173. 87a

    la sogs pa// bstod pa glu ru lan cig blang // de nas bcom ldan 'das kyi bstod pa'i rgyal po mtshan brgya rtsa brgyad pa de kho na nyid chen po ni 'di yin te/ dpal mchog dang po sems dpa' che// dga' ba chen po'i dga' chen po// kun tu bzang po kun bdag nyid// rdo rje bsnyems tshul bdag po'i bdag/ sems dang sems dpa'i ting 'dzin mchog/ rdo rje rdo rje mchog chen po// kun tu bzang po'i spyod pa mchog/ bdud dang bdud ni rab 'joms pa// thams cad thams cad byang chub che// sangs rgyas sangs rgyas skyes mchog skyes// rdo rje hUM mdzad yi ge hUM// 'jig rten dbang phyug nor rab gsal// 'dod chags chen po bde chen nyid// 'dod dang thar pa nor che ba// dus gsum srid gsum mchog gsum dang // 'jig rten gsum mchog khams gsum pa// brtan par rang byung gsal ba ste// rab phra sbom dang legs bsags pa// rgyu ba rab mchog thob mdzad pa// srid pa 'khor ba sbyong mdzad pa// thog mtha' med cing thog mtha' can// mdangs ldan dang por thams cad gnas// snying po phyag rgya sbyor dam tshig/ de nyid bden pa mchog pa ste// de bzhin gshegs pa'i dngos grub che// chos dang las ni khams chen po// dam pa'i chos te las mchog bdag/ byang chub sems ni rab sbyong mdzad// rdo rje khro bo khro bo

  174. 87b

    che// dus mtha' ltar 'bar 'dul ba po// 'dul mdzad chen po gdug pa'i mchog/ drag po drag nyid zad mdzad pa// thams cad dag pa pad+ma che// shes rab thabs te tshul chen po// 'dod chags dag pa'i ting 'dzin mchog/ sna tshogs chags pa dbang phyug che// nam mkha' mtha' yas rtag pa'i don// 'byung po thams cad gnas chen po// 'byor ba thams cad gnas 'byor ba// dpal dang gtso bo rgyal po ste// bsam pa thams cad rdzogs mdzad pa// phyag 'tshal khyod la phyag 'tshal lo// phyag 'tshal 'dud cing phyag 'tshal lo// dad pas khyed la bdag brten bgyid// rdo rje sems dpa' bdag grub mdzod// gang zhig bstod pa'i rgyal po 'di// nyin re nang par rjod byed dam// chos kyi tshig gis lan cig brjod// dngos grub shin tu myur bar 'gyur// gal te 'dir grub mi 'dod na// dang por nyin re dus gsum du// bstod na sdig pa las nges grol// zhing dag pa ni grub par byed// rtag tu sdug bsngal thams cad sel// lan cig rab tu brjod pa yis// dngos grub thams cad skal bzang byed// phun sum tshogs dpal 'phel bar byed// dngos grub don yod yon tan can// mtshan brgya rtsa brgyad dam pa'o// de nas gsang ba'i mchod pas ni// rab tu dga' bas mgon la mchod// rang gis phyag rgyas lan cig ni// rang gi phyag

  175. 88a

    rgyas bcings te grub// de nas lha yi chu dang ni// de bzhin sku mchog gis dbang bskur// rang nyid rdo rje phyag rgya la// snying po 'di ni blang bar bya// de la rdo rje sems dpar dbang bskur ba'i snying po ni 'di yin te/ hUM ma hA su kha badz+ra sa twa a b+hi She ke na hrIHa b+hi Shiny+tsa mi/ sarba badz+ra a b+hi ba ti s+t+waM dr-i D+ho me b+ha ba mi d+ha nA ma ma ste b+ha ga ban/ ma hA badz+ra d+ha ra su ra ta s+t+waM/ ma hA badz+ra sa twa/ oM b+hu ra b+hu ba swa/ de nas rdo rje dbang bskur ba// phyag na rdo rje ming 'dzin pa// rdo rje 'dzin chen slob dpon du// 'di nyid du ni rab 'grub 'gyur// de nas kyang ni ci 'dod par// cho ga'i dam pa bsgrubs nas ni// rdo rje gar gyi mchod pa yis// legs par mchod la phyir byung bya// de nas brtsams te rdo rje'i bdag/ rdo rje kun gyi gsung rab 'dzin// rdo rje thams cad 'dzin slob dpon// dngos grub thams cad grub par 'gyur// rdo rje sems dpa' dngos grub che// phyag rgya kun bdag dbang phyug che// d+hIH/ thams cad mkhyen pa'i rdo rje che// las rnams thams cad dbus la brtag/ mi tshugs pa dang mi sod pa// kun byed dngos grub thams cad ster// sems can kun gyi rgyal po che// tshar gcod pa dang phan 'dogs nus// thams cad rjes chags byed kun mchog/ kun rig pa dang kun gyi gnas// 'dod pa thams cad la rab sbyor// phun tshogs kun gyi

  176. 88b

    dbang phyug che// lha la sogs pa'i sems can kun// bsgo ba thams cad rtag tu byed// sems dpa' kun ni rtag tu mthong // tshe 'di nyid la 'grub par 'gyur// de nyid kyis ni 'dod par ldan// dga' zhing rang nyid de bdag por// rdo rje slob dpon 'gyur ba yin// zhes bcom ldan 'das rdo rje sems dpas gsungs so// bde ba chen po rdo rje slob dpon byin gyis brlab cing 'jug pa'i cho ga rgyas pa'i rgyud do// // de nas slob ma 'jug pa'i cho ga rgyas pa'i rgyud rjes su bshad par bya'o zhes bcom ldan 'das rdo rje sems dpas gsungs so// rdo rje mchod yon snying gar bskor// bcings nas bsam g.yos bzhin gyis ni// mgo bos yang dag phyag bya ba// dngos grub thams cad grub byed yin// dkyil 'khor du ni rab zhugs la// bskor ba lan gsum byas nas ni// 'dod chags chen po bde ba che// 'gro ba kun la'ang grub mdzod brjod// de nas dus kyi mchod pa yis// bde ba chen po yang dag mchod// de bzhin du ni dbang bskur bar// rdo rje gsang ba'i slob ma gzhug/ de nas ci bzhin brgyan nas ni// rdo rje slob dpon gyis rab gzhug/ slob ma'i tshogs rnams bcug nas ni// ci 'dod pa yi dngos grub 'thob// de nas slob ma bcug nas ni// dga' ba chen po 'di brjod bya// rab dgyes rab bde bstan pa yi// rdo rje

  177. 89a

    sems bdag deng grub mdzod// de nas me tog phreng ba ni// spyi bo nas ni myur du 'dor// gang du me tog babs gyur te// lhag pa'i lhar ni rab 'grub 'gyur// de nas lha yi chu yis ni// rdo rje 'dzin dang rang dbang bskur// rdo rje chen po rdo rje lnga// byin la rdo rje bo d+hi brjod// oM ma hA su kha badz+ra/ badz+ra a b+hi She ke na s+t+waM/ a b+hi Shiny+tsA mi/ ma hA badz+ra d+ha ra/ he badz+ra nA ma sid d+ha na maH/ gang la rdo rje ming gang zhig yin pa de la kye zhes bya ba'i sgra dang sbyar bar bya'o// de nas snying po byin la phyag rgya bcing ba bslabs nas/ ci ltar mngon par 'dod pa bsgrub par bya'o// rdo rje sems dpa'i cho ga'am// gang 'dod rang grub pa de la// de nyid kyis ni dam tshig nyid// 'jug la sogs pa'i cho ga bshad// 'jig rten pa ni sna tshogs dang // de bzhin 'jig rten 'das pa rnams// thams cad rang gi go rims ni// rgyas par bsgrubs na rab tu 'grub// 'di la rab tu 'jug tsam gyis// mi tshugs pa dang mi ldog pa// nyid du rgyal ba'i sras 'gyur zhing // bde ba chen po rab grub ster// de nas rdo rje 'dzin slob dpon// mna' ni dam du bsgrags nas kyang // de nyid chos dang dam tshig ni// rang nyid dang ni gzhan gyis bslab// de la 'di ni mna' grub pa'i rdo rje chus dbang bskur nas brjod par bya'o// 'di ni khyod kyi dmyal ba'i chu// dam

  178. 89b

    tshig 'das na sreg par byed// dam tshig bsrung na 'grub par 'gyur// dngos grub rdo rje bdud rtsi chu// de nyid chos dang dam tshig ni// gal te dkyil 'khor ma mthong smras// skye bo 'dug nang gnas pa 'ga'// dad pa med pas bgad par 'gyur// de la 'di ni de kho na nyid dang dam tshig gi gsang ba'i cho ga rab tu sbyin pa yin te/ thog mtha' med pa'i sems dpa' ni// rdo rje sems dpa' dga' ba che// kun du bzang po kun bdag nyid// rdo rje bsnyems tshul bdag po'i bdag/ de kho na nyid mchog gi gsang ba lnga'i de kho na nyid chen po bshad par brjod par bya'o// bcom ldan 'das de nyid chos kyi mchog bka' stsal par mdzad/ srid pa ngo bo nyid kyis dag/ ngo bo nyid kyis srid bral byas// rang bzhin dag pa'i sems dpa' mchog/ srid pa mchog ni byed pa yin// de la srid pa rnam par dag pa'i thabs rtog pa thams cad kyi gsang ba'i mchog dam tshig chen po bsten par bya ba ni 'di yin te/ srid pa'i bde ba shin tu chung // sdug bsngal chen po dag bya'i phyir// shin tu bde ba dam pa'i thabs// dam tshig rtag tu bsten par bya// 'dod pa'i longs spyod thams cad ni// ci 'dod par ni bsten bzhin du// rang gi lhag pa'i lhar sbyor bas// bdag dang gzhan la mchod par bya// de la rtog pa thams cad kyi gsang ba'i mchog gi dam tshig chen po

  179. 90a

    'di brjod par bya ste/ ci srid 'khor ba'i gnas su ni// mkhas mchog 'dug par gyur pa'i tshe// de srid mtshungs med sems can don// mya ngan mi 'da' byed par nus// gsang ba mchog gi dam tshig thabs// bsod nams byin rlabs sgrub byed pa// dngos grub kun gyi dbang phyug mchog/ rgyun du sems can don byed pa'o// de ltar sems ni rab dang rdo rje nyid du gyis// rang gi dam tshig mi zad bde skyid bsten par gyis// de ni 'gro ba myur du bde ba sangs rgyas thams cad dang // rab tu mtshungs shing rtag pa nyid du rtogs par 'gyur// de nas khyed kyis bcud dang / kha zas dang gnas pa dang glu dang rol mo la sogs pa'i mchod pa rnams legs par bstabs pa bas bdag nyid gang la sred pas kyang rdo rje slob dpon chen po mchod par bya'o// rdo rje slob dpon me tog sogs// ci 'dod par ni legs mchod cing // rdo rje gar gyis mchod pa yis// yang dag par ni mchod de byung // de nas rdo rje 'dzin slob dpon// gar gyi mchod pas mchod nas ni// rdo rje thal mo'i sbyor ba yis// slob ma kun gyis rab tu mchod// ro/ dang kha zas gnas pa dang // glu dang rol mo ci 'dod pas// rdo rje sems dpa' de bzhin bdag/ yang dag mchod nas phyir byung bya// dpal mchog dang po zhes bya ba'i dkyil 'khor mchog tu gsang

  180. 90b

    ba'o// // de nas bsgrub pa bshad bya ba// dngos grub shin tu rtag pa ste// gang gis srid pa 'di nyid la// dngos grub rtag pa thob byed pa'o// 'di yis byang chub sems dpa' ni// srid par gnas shing srid par sangs// dngos grub kun gyi dbang phyug grub// rtag tu sems can kun don byed// 'di yi ci ltar mchog grub pa// de ltar byang chub spyod sogs pas// dge ba'i tshul ni gzhan gyis kyang // sangs rgyas kun sogs thob mi 'gyur// 'dul bya min pa bsod nams med// sangs rgyas rdo rje 'dzin pa ni// rnam pa kun du mthong sogs kyis// sems can don byed mi nus so// de bas rgyud chen las grub pa// sangs rgyas sam ni rdo rje 'dzin// mthong la sogs pa sems can don// nam mkha' mnyam par byed pa yin// 'dod chags chen po bde ba che// srid pa'i nges pa dri ma med// nam mkha' mtha' yas sems can don// mya ngan mi 'da' byed pa yin// dkyil 'khor dag tu ma zhugs pa'am// bsod nams med pa'am le lo can// de yang kun mchog grub pa yis// tshe 'di nyid la 'grub par 'gyur// zhes bcom ldan 'das don yod grub pa rdo rje sems dpas gsungs so// de nas don yod cing thogs pa med pa myur du sgrub pa'i mchog rjes su bshad par bya'o zhes bcom ldan 'das rdo rje sems dpas gsungs so//

  181. 91a

    lugs ma'am ni bskos pa'am// byas pa'am ni bris pa yi// dang po'i sems dpa' brtags nas ni// mdun du de ni bsgrub par bya// nyin re zhing ni dang po ru// de bzhin lus dang ldan gyur pas// dang po'i gsang mchog gis bkug ste// phyag rgya chen po rab byin brlab// rdo rje mig gis de bzhin bltas// rdo rje bsnyems tshul bdag po rang // rdo rje hUM ni glur blangs pas// rdo rje sems dpa' bsgrub par bya// rdo rje cha lugs ci bzhin du// mchog gi dang po rab tu dgyes// gzugs brnyan la sogs dang por ni// ci 'dod par ni rab tu bsgrub// 'di yis 'dod pa kun dbang phyug/ 'dod pa tsam gyis 'gro 'od lding // dngos grub kun gyis dbang phyug grub// kun mchog dang po'i dbang phyug yin// phun sum tshogs kun bdag thams cad// 'dod chags chen po bde ba che// thams cad 'jug mdzad sna tshogs pa// rtag par kun du 'dul ba'o// dngos grub kun gyi bde ba mchog/ phyag rgya kun bdag dbang phyug yin// rdo rje kun gyi dngos grub che// thams cad mkhyen pa'i 'byung gnas che// mi tshugs pa dang mi sod pa// thams cad byed cing kun gyi gnas// khams gsum las rgyal sna tshogs pa// tshar gcod pa dang phan 'dogs pa// kun la rjes chags kun gyi mchog/ kun rig dngos grub thams cad ster// 'jig rten

  182. 91b

    khams ni thams cad du// rang gi rnam 'phrul rab ston byed// kun mchog dngos grub chen po ste// dbang phyug chen po'i dbang phyug che// gzugs dang tshe stobs rdo rje mchog/ rdo rje sems dpa' gnyis pa bzhin// 'gro ba rnams kyis mchod cing brjod// rang gi gnyen rnams kyis brten pa// rgyal po rdo rje 'chang chen ltar// rga dang 'chi ba med par 'gyur// gal te rdo rje sems dpa' 'am// sangs rgyas byang chub sems nyid 'dod// dngos grub ci ltar 'dod pa nyid// tshe 'di nyid la 'grub par 'gyur// phyi ma'am ni 'jig rten pa// rtog pa kun bshad cho ga'am// rang nyid kyis mdzad kyis rtag tu// dngos grub thams cad 'grub 'gyur zhes// bcom ldan rdo rje dngos grub kyi// dbang phyug bde ba chen po ni// rdo rje 'chang ba che rgyal po// kun mchog sa yi dbang pos gsungs// de la ci ltar na rang gi phyag rgya sgrub pa'i rgyud yin zhe na// phyag rgya chen por mnyam gzhag la// rang gi snying pos lan cig sgrub// dr-i D+ha su to Sh+ya saM rak+ta/ su po sid+d+ha ta la gu/ de la ci ltar yi ge hUM gi glu blangs pa'i rgyud yin zhe na/ ri d+hi ta sogs kyis brgyan ldan// ci nus pa dang ci dga' dang // gaN+De la sogs glu blangs pa'i// yi ge hUM gis 'grub par 'gyur// de nas phyag rgya thams cad kyi// mchog de grub pa'i rgyud bshad de// gal te phyag rgya sgrub

  183. 92a

    'dod na// de bzhin yul dang ldan gyur pas// rang nyid kyis ni rgya bcings la// yongs su mi skyo'i bar du bsgrub// de la ci ltar na dam tshig thams cad sgrub pa'i rgyud yin zhe na// dam tshig phyag rgya bcings nas ni// sa ma ya s+t+waM zhes brjod la// rang gi snying gar rim bzhin du// phyag rgya'i mchog de bsgrub par bya// de nas las kyi phyag rgya'i mchog sgrub pa'i rgyud ni// rdo rje gar gyi mchod pa yis// yongs su mi skyo'i bar bsgrubs na// mchod pa kun sogs las rnams ni// tshe 'di nyid la 'grub par 'gyur// rdo rje 'chang chen nyid dang ni// sangs rgyas byang chub sems dpa' nyid// gzhan yang dngos grub thams cad ni// dam pa myur du 'grub par 'gyur// rtog pa thams cad kyi sgrub pa chen po don yod par 'grub pa'i cho ga rgyas pa'i rgyud do// // de nas rtog pa thams cad sgrub pa'i dngos grub kyi rgyud ni/ nyin re zhing dang por len cig phyag rgya bsgrub par don yod pa dngos grub thogs pa med par bshad par bya'o zhes bcom ldan 'das kyis gsungs so// thams cad rjes su mnyes par bya ba dang / dgug pa dang bcing ba dang dbang du bya ba bsgrub pa la ni bde ba chen po'i rdo rje lta bas so// bde ba dang yid bde ba dang phun sum tshogs pa dang dngos grub thams cad mngon par 'phel bar bya ba la ni bde ba chen po'i rdo rje chos kyis

  184. 92b

    so// tshe dang lang tsho dang gzugs dang gzi byin chen po mngon par 'phel bar bya ba la ni dang pa'i rdo rje bcud kyis len gyis so// dpal chen po dang skal ba bzang po dang / grags pa dang / snyan pa 'phel bar bya ba la ni dang po ni rdo rje grub pas so// stobs chen po dang / ye shes dang / chos dang las bsgrub par bya ba la ni dang po'i rdo rje snying stobs che bas so// rdzu 'phrul dang cho 'phrul dang rmad du byung ba dang / rnam par 'phrul pa thams cad ston pa la ni dang po'i rdo rje'i rnam par 'phrul pas so// thams cad du yi ge dang gzugs kyi bden pa thams cad mthong ba dang thos pa dang smra ba dang 'dri ba grub par bya ba la ni dang po'i rdo rje don yod pa'i bden pas so// dbang po thams cad kyis bden pa thams cad mthong ba dang thos pa dang smra ba dang zil gyis gnon par bya ba la ni dang po'i rdo rje don yod pa'i bden pas so// sgyu ma thams cad dang bde ba'i mchog dang lung bsgo ba dang lan thob pa grub pa la dang po'i rdo rje rmad du byung bas so// gter thams cad dbyung ba dang nor dbrog pa dang rgyal srid thob pa dang / sa la mnye bar longs spyod pa la ni dang po'i rdo rjes dbang bskur bas so// yul thams cad dang skye bo dang grong khyer dang / nags dang chu bor nye bar longs spyod pa sprul pa la ni dang po'i rdo rje grub pas so// thams cad las

  185. 93a

    sngon ma byung ba'i lha yul dang rin po che dang kha zas dang btung ba dang g.yog 'khor la sogs pa sprul te/ nye bar longs spyod pa la ni dang po'i rdo rje sprul pas so// skad cig gis sa gzhi thams cad 'bru la sogs pa smin par bskyed pa dang / chu'i phung po chen po 'byung ba dang / snang ba chen po bskyed pa dang rlung thams cad dbang du bya ba la ni dang po'i rdo rje dbyings kyi dbang phyug gis so// rgyu ba dang mi rgyu ba'i dngos po thams cad bza' ba dang btung ba dang rang rtser gzhug pa dang las thams cad la sbyar ba la ni/ dang po'i rdo rje don yod pa'i thams cad dbang du byed pas so// dngos grub thams cad las de bzhin gshegs pa dang / byang chub sems dpa' dang rdo rje 'dzin pa dang rdo rje la sogs pa mthong ba la ni dang po'i rdo rje'i bsnyems pas so// rang gi bdag nyid rdo rje sems dpa' la sogs pa'i gzugs thams cad sprul cing ston pa/ mi snang ba dang nam mkhar 'gro ba grub pa dang / shin tu phra ba dang sgom pa dang du mar ston pa la ni dang po'i rdo rje gzugs sna tshogs pas so// 'jig rten gsum gyi bdag por gyur pa thams cad dbab pa dang / dbang du bya ba dang bcing ba dang / las thams cad la sbyar ba la ni dang po'i rdo rje hUM mdzad kyis so// lha thams cad dbab pa dang bcing ba dang dbang du bya ba dang las thams cad

  186. 93b

    la nges par sbyar ba la ni dang po'i rdo rje lha'i bdag pos so// klu thams cad gdon pa dang / 'dul ba dang dbang du bya ba dang las thams cad la nges par sbyar bar bya ba la ni dang po'i rdo rje 'bar ba'i rdo rjes so// gnod sbyin la sogs pa thams cad dgug pa dang dbang du bya ba dang las thams cad la nges par sbyar bar bya ba dang skrag par bya ba la ni dang po'i rdo rje gdon 'dul bas so// dkyil 'khor thams cad brtag pa dang 'jug pa dang mchod pa dang bsgrub pa dang las thams cad la nges par sbyar bar bya ba la ni dang po'i rdo rje 'khor los so// phyag rgya thams cad dgug pa dang bcing pa dang dbang du bya ba dang brtan par bya ba dang bsgrub pa la ni dang po'i rdo rje phyag rgya grub pas so// dam tshig thams cad dgug pa dang gzhug pa dang bcing ba dang bsgrub pa la ni dang po'i rdo rje dam tshig mchog gis so// las thams cad rab tu bsgrub pa la/ rnam par mi 'jigs par bya ba dang brtan par bya ba dang grags pa chen po rab tu bsgrags pa la ni dang po'i rdo rje las kyis so// rdo rje thams cad dgug pa dang gzhug pa dang bcing ba dang dbang du bya ba bsgrub pa la ni dang po'i rdo rjes so// sems dpa' chen po thams cad dgug pa dang gzhug pa dang bcing ba dang dbang du bya ba bsgrub la ni dang po'i rdo rje sems dpas so// de bzhin gshegs pa thams

  187. 94a

    cad dgug pa dang gzhug pa dang bcing ba dang dbang du bya ba bsgrub pa la ni dang po'i de bzhin gshegs pas so// rdo rje 'dzin pa chen po dgug pa dang gzhug pa dang bcing ba dang dbang du bya ba la ni dang po'i rdo rje 'dzin pas so zhes kyang gsungs so// dkyil 'khor dag tu ma zhugs pa'am// sdig pa thams cad byas pa'am// rang gi snying po ma bsgrub pa'am// dngos grub thams cad grub par 'gyur// ma bsgrubs par thams cad 'grub bo// don yod par grub pa phyag rgya chen po mchog tu grub pa'o// // de nas dang po'i snying po ma bsgrubs pa'i thams cad don yod pa thogs pa med pa las thams cad kyi rgyu skad cig la bsgrub pa rjes su bshad par bya'o// zhes bcom ldan 'das rdo rje thams cad kyi sna tshogs pa'i phrin las rdo rje 'chang chen pos gsungs so// don yod pa dang thogs med pa// bdag kyang bde gshegs lhan cig tu// las kyi rab 'byams 'di dag ni// dngos grub skad cig gis grub byed// 'di lta ste thams cad shin tu bsrung ba dang / yongs su bskyang ba dang zhi ba dang bde legs su bya ba dang tshe mngon par 'phel bar bya ba la ni rdo rje gar gyi sems dpa'i tshul gtsug tor gyi phyag rgyas so// dkyil 'khor thams cad mtshams dang phyogs dang dam tshig dang dngos grub bcing zhing bsrung ba la ni rdo rje gar gyi

  188. 94b

    so sor 'brang ba chen pos so// nyin gsum pa dang nyin bzhi pa dang slar zlos pa dang rtag pa can dang khyab 'jug gi rims thams cad bsal ba la ni rdo rje gar gyi rims nad med pas so// gdung ba thams cad dang gnod byed dang nad dang mya ngan dang sdug bsngal thams cad gzhig pa la ni rdo rje gar gyi sdug bsngal nye bar zhi bas so// dug dang sbyar ba'i dug las nye bar thar pa dang dbab pa dang bcing ba dang bza' ba dang bdud rtsir bya ba la ni rdo rje gar gyi nye ba'i dug gis so// gdon thams cad dbab pa dang bcing ba dang dam tshig 'dzin du gzhug pa dang rab tu gdul ba dang / bsrung ba la ni rdo rje gar gyi gdon las thar ba'o// thams cad la bcing ba dang thar pa dang dral ba dang ltung ba dang ldang ba la ni rdo rje gar gyi rdo rje chen po'i khro bos so// mkha' 'gro ma thams cad kyi phyag rgya gzhig pa dang gdon las thar bar bya ba dang shi ba bslang bar bya ba dang tshe mngon par 'phel ba dang shin tu bsrung ba la ni rdo rje gar gyi phyag rgya'i lan gyis so// sgrib pa thams cad dang / sdig pa thams cad dang / rmi lam ngan pa dang / ltas ngan pa dang byur gzhig pa la ni rdo rje gar gyi zhi bas so// thams cad dbab pa dang / bskyod pa dang gar byed du gzhug pa dang thams cad bden par smrar gzhug pa dang / pra sen thams cad bsgrub pa la ni rdo rje gar gyi thams

  189. 95a

    cad 'bebs pa'i phyag rgyas so// thams cad rgyas gdab pa dang gsad pa dang ltung bar bya ba dang bslang ba dang / slar gso ba la ni don yod grub pa'i rdo rje gar gyi mkha' 'gro ma chen mos so// thams cad rengs par bya ba dang rmongs par bya ba dang gnyid log par bya ba dang gsad pa dang bza' bar bya ba la ni rdo rje gar gyi gdug pa'i srin pos so// gzhan gyi dpung thams cad skrag par bya ba dang gzhig par bya ba dang dbang du bya ba dang ltung bar bya ba dang gsad par bya ba la ni rdo rje gar gyi gshed byed kyis so// khro bo thams cad gsal ba dang bzhin ras dang bar bya ba dang rtsod pa las rgyal ba dang 'jigs pa las thar ba dang g.yul 'gyed pa las rgyal ba bsgrub pa la ni rdo rje gar gyi rgyal mtshan mchog gi dpung rgyan gyis so// sprin thams cad yang dag par bzung zhing mi g.yo bar bya ba dang char chen po dbab pa dang rlung dang char ba dang glog dang ser ba bzlog pa dang dro ba dang grang ba bsal ba la ni/ rdo rje gar gyi dbang po'i rdo rjes so// gzugs dang sgra dang dri dang ro dang reg bya thams cad shin tu grub pa la ni/ rdo rje gar gyi 'dod pa'i dbang phyug gis so// rgyu ba dang mi rgyu ba thams cad rjes su chags pa dang dgug pa dang dbang du bya ba dang rtse ba dang las thams cad la nges par sbyar ba la ni/ rdo rje gar gyi dngos

  190. 95b

    grub thams cad kyis so// lha thams cad dbab pa dang klu thams cad dbang du bya ba dang / gnod sbyin dang 'byung po dang / ma mo thams cad las la nges par sbyar ba la ni/ rdo rje gar gyi rdo rje sku'i mchog gis so// rnam thos sras mnan nas dpal drang ba dang / lha'i bu mo thams cad rab tu dbrog pa dang / lha dang lha ma yin gyi bud med thams cad dang rtse ba dang 'jig rten gsum ma lus pa las rgyal ba dang 'dod pa'i dbang phyug thams cad las rgyal ba dang dbang phyug chen po thams cad dbrog pa la ni rdo rje gar gyi skyes bu byed pa chen pos so// mchod pa thams cad sgrub pa dang / thams cad rdo rjer bya ba dang bdud la sogs pa thams cad rab tu gzhom pa dang / phyag rgya thams cad bcing ba dang dngos grub kyi mchog la sogs pa ma lus shing lus pa med pa'i dngos grub thams cad kyi las kyi rgyu myur du grub par bya ba la ni/ rdo rje gar gyi don yod cing / thogs pa med pa myur ba'i las sna tshogs kyi dngos grub dam pas so// // de nas phyag rgya thams cad bsgrub pa'i cho ga rgyas pa'i rgyud ni/ nyin re dang po lan cig ni// phyag rgya thams cad rab sgrub byed// snying mchog lan cig bzlas nas ni// phyag rgya chen po rab grub bya// de yi rjes la nye snying po// las rnams kun la nges sbyar bas// don yod grub pas las rnams ni// kun la shin tu

  191. 96a

    'grub par 'gyur// phyag rgya thams cad rab byin rlob// phyag na rdo rje'i phyag rgya ni// dkyil 'khor dag kyang ma mthong ba// ma bshad pa la'ang rab 'grub 'gyur// rtog 'dir 'jigs pa yod min te// 'khor lo med la brgya byin la// gang phyir bdag la byin rlob pas// rang sras rgyu ni 'gyur ba yin// sdig pa chen po byed pa yang // bsam pa shes nas sbyin par bya// 'di dag bcings tsam nyid dag byed// dngos grub thams cad 'grub par 'gyur// dpal mchog dang po'i rtog pa chen po'i rgyal po bde ba chen po'i rdo rje don yod pa'i dam tshig gi cho ga rgyas pa'i rtog pa'o// // de nas ston pa rdo rje 'dzin// 'byin pa byed pa bde ba che// bde chen can du brtan phyir dang // sems can thams cad rnam dag phyir// khams kun dang mnyam zad pa med// kun gyi bdag nyid la zhugs te// mnyam pa'i dngos grub mchog spros nas// de bzhin gshegs pa'i rigs phyung ngo // mtha' yas pa yi zhing thams cad// 'jig rten kun gyi khams bcas pas// de tshe sangs rgyas thams cad kyis// til gyi gang bu bzhin myur gang // 'jig rten khams ni thams cad du// sems can kun mdun yang dag bzhugs// sems can thams cad ma dag pas// rang rig las kyis dag ma 'gyur// de tshe sems can khams rnams ni// rang

  192. 96b

    bzhin gyis ni gso dka'i phyir// rang gi las ni sbrang don du// btang snyoms chen po mdzad pa yin// de nas bcom ldan rdo rje can// sems dpa' chen po bde ba che// byang chub chen por thugs brtan pas// skad cig gis ni yang dag bskul// sems can la phan bsod nams can// byang chub sems ni brtan pa dag/ sems can khams ni rgud 'gyur bas// shin tu btang snyoms ma mdzad cig/ de nas sangs rgyas kyis gsungs pa// sku gsung thugs kyi rdo rje can// thugs rje'i bdag nyid can gyi thabs// byang chub sems mchog khyod smros shig/ de nas ston pa rdo rje 'dzin// de tshe kun nas byin gyis brlabs// bde ba chen po rdo rje che// dkyil 'khor chen po dam pa yin// khams gsum 'khor ba'i rgya khyon gyis// 'khor lo chen po gdod nas byung // de yi khams gsum gnas pa yis// sems can thams cad yang dag bsgrubs// sangs rgyas kun sogs dngos grub la// de tshe dag pa 'grub par 'gyur// de nas sangs rgyas thams cad ni// 'dus nas gsol ba 'debs mdzad pa// de bzhin gshegs pa'i rigs chen po// sangs rgyas kun mchog bshad du gsol// de ni sangs rgyas thams cad kyi// sku gsung thugs la yang dag gnas// sku gsung thugs ni rdo rje la// yang dag spros te 'di gsungs so// oM b+hu khaM/ de nas 'di ni gsungs tsam

  193. 97a

    gyis// sangs rgyas thams cad 'dus nas ni// bdud bcom la sogs mdzad nas ni// byang chub snying por byin gyis brlabs// de nas ston pa rdo rje 'dzin// dkyil 'khor gyi ni mchog gsungs pa// sems can kun la bde don phyir// rtog pa kun gyi bde ba che// de nas yang dag bshad bya ba// dkyil 'khor chen po dam pa ste// dkyil 'khor chen po'i phyi rol mchog/ rdo rje 'khor lo yang dag bri// 'khor lo lte bar sangs rgyas nyid// 'dzum pa'i tshems ni mi snang ba// su ra te sa ma ya s+t+waM// oM sid d+ha mAM zhes brjod dgod// mdun du bdud las rnam rgyal bar// mdzad pa'i sangs rgyas yang dag bri// g.yas su byang chub sems dpa' yi// nor chen pos ni dbang bskur ba// rgyab tu byang chub sems dpa' dang // mnyam du chos kyi 'khor lo bskor// g.yon du log par rnam dregs pa// sdig pa bsdus pa kun 'byin pa'o// de nas 'di rnams kyi snying po ni/ badz+ra satwa/ badz+ra rat+na/ badz+ra d+harma/ badz+ra karma/ de nas phyag rgya rnams te/ satwa badz+ri/ rat+na badz+rI/ pad+ma badz+rI/ bi shwa badz+rI/ mtshams kyi char ni rdo rje dang / rin sdong bu nor bu bri'o// mtshams rnams su yang lha mo ste// lcags kyu la sogs sgo rnams su'o// de bzhin snga ma ci lta bar// 'khor lo de ni brtag par bya// mchod pa'i thal mo snying gar bcing // g.yon du de

  194. 97b

    bzhin bskor bar bya// me tog dang bcas phyag rgya 'di// sangs rgyas kun gyi dam tshig rim// me tog bcas te snying gar bcing // bsam pa g.yos pas gdung bar bya// mgon la mgo bos phyag byas la// bskor ba lan gsum byas nas ni// zhugs nas me tog 'dor bar bya// shin tu gsang ba yang dag dgug/ de la de bzhin gshegs pa thams cad mnyes par bya ba dang / dbang du bya ba dang dgug pa dang bsgrub par bya ba'i snying po ni 'di yin te/ oM a ka ro mu khaM sarba d+harmA NaM Ad+ya nut+pan+natwA da/ de nas cho ga ji bzhin du// ston la me tog sil ma dor// sangs rgyas byang chub rab sgrub phyir// 'gro ba'i mgon la de nyid brjod// de yis kun nas sangs rgyas ni// thams cad 'dus pa nyid du 'gyur// thams cad mi dmigs sbyor ba yis// dngos grub thams cad stsol bar mdzad// dkyil 'khor der zhugs pa la ni// dngos grub thams cad 'grub par 'gyur// dga' ba la sogs mtshan ma mchog/ sna tshogs pa ni 'byung bar 'gyur// de nas de bzhin cho ga ni// rgyas pas slob ma mchog tu gzhug/ mchod pa'i thal mos 'khor lo che// mchod pa byas nas slar dbyung bya// sgrub pa byas nas dngos grub kyang // cho ga ci bzhin rab bshad bya// ras la bcom ldan bdud la sogs// rnam par rgyal ba brnyes par bri// sgrub 'di lan cig tsam

  195. 98a

    gyis ni// de 'dra'i sgrub pas 'grub par 'gyur// sku gzugs sogs mdun yang dag par// ye shes khu tshur yongs bzung la// rdo rje'i tshig gis cho ga bzhin// bzlas brjod stong phrag brgya bya'o// mdor na 'bum ni rdzogs pa ni// ci 'dod dngos grub thams cad dang // cha mchog 'di la sangs rgyas nyid// thob 'gyur 'di la the tshom med// de nas de bzhin gshegs pa'i phyag rgya chen po'i sgrub pa chen po'i rgyud ni/ phyag rgya gang rung gcig bcings nas// bdag ni sangs rgyas yin bsgoms na// phyag rgya chen po'i dngos grub che// brtan pa mar du thob par 'gyur// de nas dam tshig sgrub pa'i rgyud ni/ snying gar rdo rje gzugs bzhag ste// sa ma ya s+t+waM zhes brjod la// bzlas brjod 'bum gyis bsgrubs nas ni// dngos grub thams cad thob par 'gyur// de nas las kyi phyag rgya thams cad sgrub pa'i rgyud ni/ bdud las rgyal ba'i mchog bcings te// chos kyi 'khor lo rab tu bskor// mtshungs med sems can don byas nas// las kyi phyag rgya rtag tu 'grub// ces bcom ldan 'das kyis gsungs so// de bzhin gshegs pa thams cad kyi dngos grub kyi mchog sgrub pa'i cho ga rgyas pa'i rgyud do// // de nas ma bsgrubs dngos grub mchog/ las rnams rab 'byam dam pa ste// sdig pa kun sel sna tshogs pa// go rims bzhin du

  196. 98b

    rab bshad bya// 'di lta ste nad thams cad dang mya ngan dang gnod pa dang gnod byed dang dug thams cad dang sbyar ba'i dug dang gshed byed dang / g.yengs byed dang ro langs sngags dang sman dang bgegs dang log 'dren dang sdig pa rmi lam ngan pa dang dus ma yin par 'chi ba dang rims dang gdon dang mkha' 'gro ma dang nye bar 'tshe ba dang 'go ba'i nad dang nyes pa dang nyon mongs pa dang lus dang ngag dang sems kyi sdug bsngal thams cad rnam par bshig pa la ni de bzhin gshegs pa thams cad kyi sdug bsngal 'phrog par byed pas so// tshe dang lang tsho dang gzugs dang kha dog dang gzi byin chen po dang mdangs dang stobs dang spro ba dang brtson 'grus dang dpal dang skal ba bzang po dang bsod nams dang ming dang snyan pa dang grags pa dang dran pa dang blo gros dang brtan pa dang rtogs pa dang stobs dang ting nge 'dzin dang phung po dang 'du byed dang sku dang gsung dang thugs 'phel ba la ni// de bzhin gshegs pa thams cad kyi bde ba chen pos so// de bzhin gshegs pa thams cad kyi sbyin pa dang tshul khrims dang bzod pa dang brtson 'grus dang bsam gtan dang shes rab dang ye shes dang stobs dang thabs dang rdo rje dang bsgrub pa dang gzungs dang sa dang spyod pa dang so so yang dag par rig pa dang sangs rgyas kyi chos ma 'dres pa dang chos

  197. 99a

    dang las dang sna tshogs pa'i bya ba dang sems can gyi don dang sangs rgyas kyi mdzad pa'i don dang sku dang gsung dang thugs dang rdo rje chen po grub pa la ni/ de bzhin gshegs pa thams cad kyi dngos grub thams cad kyis so// de bzhin gshegs pa thams cad kyis byang chub tu sems bskyed pa dang / kun tu bzang po'i cho ga spyod pa rdzogs par bya ba dang / sems can thams cad kyi don dang 'pho ba dang skye ba'i sa dang gzhon nu'i rol pa ston pa dang mngon par byung ba dang dka' ba spyod pa ston pa dang byang chub kyi snying por gshegs pa dang bdud thams cad 'dul ba dang / byang chub chen por mngon par byang chub pa dang / chos kyi 'khor lo bskor ba dang / mu stegs thams cad tshar gcod pa dang / 'jig rten gsum las rnam par rgyal ba dang / lha las babs pa dang / 'dus pa chen po'i byin gyis brlab pa dang gdug pa thams cad 'dul ba dang 'dul ba la rab tu bzhag pa dang / ngan 'gro thams cad las 'don pa dang mdo sde thams cad ston par mdzad pa dang rtog pa thams cad byin gyis brlab pa dang dngos grub thams cad stsol ba dang de bzhin gshegs pa thams cad kyi sku dang gsung dang thugs la dmigs pa'i rdzu 'phrul dang cho 'phrul dang bsgrub pa la ni de bzhin gshegs pa thams cad kyi sna tshogs kyi rdo rjes so// ci ltar

  198. 99b

    phyag rgya 'di dag gis// byang chub sems la mngon brten pa// de ltar byang chub spyod sogs kyis// byang chub dam pa thob mi 'gyur// don yod bsod nams dam pa yi// las kyi rab 'byam sgrub byed pa// cho ga ma grub pa rnams grub// sangs rgyas chos ni rab ster byed// rnam pa kun tu dang ldan pa'i// sems can kun la byin par bya// dkyil 'khor dag tu ma zhugs pa// skad cig gis ni sbyor bar byed// dpal mchog dang po'i rtog pa'i rgyal po chen po las de bzhin gshegs pa thams cad kyi/ byang chub rdo rje byin gyis brlabs pa'i rdo rje'i rtogs pa rgyas pa'o// // de nas sna tshogs las chen po// khyab bdag rdo rje 'dzin chen po// gdug pa thams cad 'dul ba'i mchog/ sems can kun la rjes ston mdzad// de bzhin gshegs pa'i rigs bskyed pas// gang phyir nyes byas kyis gdug pa'i// rang gi rang sems spyod pa yis// zhi bas sems can kun gyi don// gdul ba rab tu bsgrub mi nus// sangs rgyas kun gyis bsgrub bya ba// 'gro ba 'di dag thams cad yin// gang tshe bde gshegs sems can don// dam pa mdzad par mi spyod pa// de tshe nyid kyi dngos po kun// gtso bos rdo rje gsol ba btab// sems can thams cad 'dul mdzad pa// bcom ldan 'das la gsol ba btab// ut+tiSh+Tha sa ma ya kro d+ha ni

  199. 100a

    sum b+ha dzA la badz+ra hUM/ de nas sngags 'di gsungs tsam gyis// phyag na rdo rje rang nyid gtso// sku gsung thugs kyi rdo rje las// slar byung nas ni mdun na gnas// khro chen rgyal po'i sku yis ni// sems dpa'i skyil krung gis legs bzhugs// 'bar ba'i phreng 'od kyis gsal ba// sreg pa'i bskal pa gzhan 'dra ba// g.yon pa'i rdo rje bsnyems pa che// drag tu gsor bas bskyod mdzad cing // 'bar ba'i rdo rje cher 'bar ba// rnam par 'phro bas sreg pa 'dra// 'bar ba chen pos gsod pa ni// bskal pa'i me yis phung po 'dra// dang po'i rdo rje khro gnyer bcas// rdo rje mchog 'dzin pas gsungs pa/ de la rdo rje chen po me dang nyi ma ltar 'bar ba zhes bya ba'i snying po 'di yin te hUM/ de nas 'di ni gsungs tsam gyis// sdig pa kun gyi bud shing zad// 'jig rten khams kyi 'jig rten gsum// thams cad g.yos shing 'gul bar 'gyur// lha chen la sogs lha rnams ni// g.yo ba med cing chongs par 'gyur// rdo rje 'bar ba 'khrugs pa kun// de bzhin 'jig pa lta bur 'gyur// nyan thos dang ni rang rgyal rnams// mya ngan 'das par nye bar 'gro// lha la sogs pa'i srid gsum kun// de tshe kun tu rmongs par 'gyur// sangs rgyas thams cad 'dus pa yis// sangs rgyas byang chub yang bstan mdzad// sems dpa' kun gyi thabs

  200. 100b

    chen po// dam pa yang ni thugs su chud// de nas rdo rje 'bar ba'i mchog/ 'bar ba'i phreng ba 'khrugs pa'i 'od// rdo rje mche ba gtsigs pa'i zhal// zhal ras khro dang bcas pa yin// g.yon brkyang pas ni legs par bzhugs// spyan 'bar 'jigs su rung ba ste// dbu skra gyen du brdzes shing g.yo// kun nas 'khyil cing 'bar ba che// rdo rje gsang ba'i rnal 'byor che// mkha' 'gro'i tshogs kyi lus can rnams// phyung nas kun tu 'gro ba rnams// thams cad du ni 'bar ba 'khrug/ rlung bskyod bskal pa'i me lta bur// 'bar ba'i phreng ba kun tu 'khrugs// 'jig rten khams ni ma lus na// sangs rgyas thams cad sras bcas pa// yang dag bzhugs pa legs bskul te// 'jig rten thams cad yongs su bskor// bkug nas sems can kun don dang // bstan pa thams cad 'grub pa'i phyir// 'jig rten gsum bdag de rnams dang // rgyu dang mi rgyu'i sems med byas// de nas rdo rje 'dzin rgyal pos// kun mchog sa yi dbang phyug ni// de rnams la ni thugs rje yis// 'chi ba slar gso brtan por gsungs// oM ut+tiSh+Tha ma hA a d+hi pa ti badz+ri Ni/ shri g+h+raM u ta thA pa ya hUM/ rgyu ba dang mi rgyu ba thams cad bslang ba'o// de nas sa gsum bslang ba ni// thams cad du ni shi ba gso// sangs rgyas dpa' bos btul gyur cing // rdo rje can gyis kyang

  201. 101a

    rjes btul// de nas rdo rje 'dzin khro bos// 'bar ba'i rdo rje gsor byed cing // nga yi dam tshig la gnas zhes// sna tshogs pa la bka' rab bsgo// de rnams kyis gsol pa/ 'di su zhig lags// bcom ldan 'das ni zhi ba la// gnod sbyin gzugs can gang lags gsungs// khyed kyis dam tshig kyi 'dra ba// zhes pa bden pa'i tshig tu gsungs// bcom ldan 'das kyis bka' stsal pa// 'di na sangs rgyas rnam grol ba// gdong skyes rdo rje gnod sbyin che// dkon mchog gsum dang de bzhin du// nga la skyabs su 'gro bar gyis// 'jig rten gsum pos 'di thos nas// tshogs bdag tshogs kyi dbang phyug bcas// bskal pa'i me dpung lta bu yi// 'bar ba'i mtshon kyis 'thab par brtsams// de rnams kyi smras pa/ bdag cag gis ni sangs rgyas rigs// rdo rje gnod sbyin shes ma yin// bdag cag 'jig rten gsum po gcig/ gnod sbyin bsgo bas ci zhig bya// de nas rdo rje 'dzin khros nas// khro gnyer dpral bar bsdus te gnas// de nas khro gnyer thams cad ni// rdo rje 'dzin pa'i rjes su spyod// g.yon pa bsnyems pa rgya bcas pas// smin ma spyan bsdus nas dgod cing // nam mkha' khyab pa'i dbyangs kyis ni// drag tu khros bcas pas smras so// de la khams gsum rnam par rgyal ba'i nye ba'i snying po sems can ma

  202. 101b

    lus pa las rgyal ba ni 'di yin te/ hi/ de nas snying po 'di phyung bas// nges rgyal bcu gcig bcings pa dang / dam tshig brtan pa 'dzin du bcug/ rdo rje ming gis dbang bskur nas// lag na rdo rje 'dzin mchog byas// rdo rje ming ni byin nas su// 'jig rten gsum po'i ting 'dzin bzhag/ de nas rdo rje chen po mchog/ mgon po yis ni gsol btab pa// sems can kun la rjes ston pas// rtog pa 'di ni bshad du gsol// rdo rje 'dzin pas gsungs pa yi// dkyil 'khor chen po'i phyir rol tu// 'bar ba'i 'khor lo yang dag bri// de yi dbus su gzhag bya ba// sngon po 'bar ba'i gzugs bzang ba// zhal gyi mche ba cung zad gtsigs// zhal ni khro dang bcas pas bzhad// sems dpa'i skyil krung gis legs bzhugs// bsnyems bcas shas cher 'bar ba la// 'od zer 'bar ba'i 'od 'khrugs pa'i// rdo rje gsor bar mdzad la btson// de yi dngos ni thams cad du// rdo rje rnal 'byor ma yi gzugs// rdo rje mtshon cha mdung chen dang // ral gri zhags pa mtshon 'dzin pa// mtshams su mda' dang kha T+wAM ga/ 'khor lo ba dan sna tshogs 'dzin// rdo rje'i rigs ni sna tshogs pa// 'bar ba'i 'khor los yongs su bskor// dkyil 'khor dgod par bya ba ni// thig bdun gyis ni yang dag tu// dang po rdo rje phyag rgya bdag/ gnyis pa sngags kyi

  203. 102a

    lha mo ste// bsam par rdo rje rgyal po ni// rdo rje lha mos yang dag bskor// rdo rje chen mo sgeg mo che// bzhi par gru mkhan ma la sogs// rgyal rigs gsol ka bran rnams kyi// khro bo rnams ni lnga pa la// drug par rdo rje pho nya mchog/ gnod sbyin srin po king ka ra// dbang phyug dam pa drag po sogs// gtum po chen po 'dul bar mdzad// phyi yi dkyil 'khor dbyibs rnams su// mdor na ming po gsum la sogs// lha la sogs pa'i tshogs thams cad// legs par bri ba'am gzhag par bya// mtshams su lha mor rab bshad pa// de rnams kyi ni sgo dbus su'am// rdo rje lcags kyu sogs khro bcas// dkyil 'khor chen po'i tshul gyis ni// go rims dag ni ji bzhin dang // cho ga rgyas pa ji bzhin bya// khros pas rdo rje gsor ba dang // khro gnyer 'dzum dang bcas pas 'dud// de nas khro zhing slob dpon che// rdo rje can mchog rab zhugs la// rdo rje hUM mdzad kyis sdigs mdzub// hUM mdzad rab tu sbyar bar bya// bsnyems dang bcas pas rgyas gdab nyid// de bzhin khro bas 'dul ba la// rdo rje 'chang chen dgyes pa yis// gdug pa nyid la rab tu dgyes// de nas me tog blangs nas ni// khros pas bdag po che la gtor// rdo rje 'bar ba'i lcags kyu ches// yang dag par ni dgug par bya// oM ma hA badz+ra dz+wa la yA na lArga ya hi dzaH/ sarba badz+ra ku la

  204. 102b

    pra be sha ya hUM/ sarba mu draM ga nA ban d+ha na tA Ta/ sarba sa ma yaM sA d+ha ya phaT/ sarba duSh+TAn da ha pa tsa b+hasmi ku ru ma hA kro d+ha ag+ni badz+re Na hUM phaT/ a a a a/ de nas bcom ldan 'das khro bo'i// rgyal po brtan pa che byon 'gyur// rdo rje rigs la sogs pa kun// dngos grub thams cad gsol bar mdzad// de nas hUM la sogs pa'i sgra'i// mtshan ma rnams kyang 'byung bar 'gyur// gal te slob ma la sogs la// snying gar dbab pa phra ba skye// de nas rdo rje hUM mdzad kyi// phyag rgyas slob ma gzhug par bya// bcug nas dang po'i sems dpa' yi// rang gi snying po brjod par bya/ hUM hUM badz+ra pra ha ra Ni phaT/ hUM badz+ra shU la yA gri Ni tri tite// ma ta sa hUM badz+ra ko She ts+tshin+da haM// oM badz+ra a ma la pA she ma Ta/ rdo rje 'gugs pa dang rdo rje mdung dang rdo rje ral gri dang rdo rje zhags pa ste/ rdo rje khro bo'i srung ba'o// de nas 'di rnams kyi phyag rgya rdo rje don yod pa'i thogs pa med pa/ shin tu grub pa stobs dang pha rol gnon pa rnams sems can mngon par rgyas gdab par nus pa rnams bskul bar bya'o// oM badz+ra gu h+ya sid d+ha pa ra ma yo gI shwa ri hi/ hUM badz+ra tsaN+Da ho kha T+wAM/ ga ma hA badz+ra ka pA la ya ma ku te ru lu ru lu NI hUM badz+ra na rA ya Ni dze/ hUM badz+ra pa Ta ke dzi/ rdo rje khro bo'i mkha' 'gro ma lan cig bzlas te dgod pa'am bri bar bya'o// bcom ldan 'das de kho na nyid kyi snying pos

  205. 103a

    bzhugs su gsol na// dngos grub thams cad la don yod pa'i dngos grub 'grub par 'gyur ro// de nas dam tshig brjod par bya ste/ sems can mang la bde phyir dang // bstan pa thams cad 'grub pa'i phyir// gdug pa 'dul las bsod nams ni// 'gyur zhes rdo rje 'dzin gyis gsungs// de nas bcom ldan 'das rdo rje hUM mdzad kyi phyag rgya dang bcas pa'i mdzub mo sbyar bar bya'o// de nas bcom ldan 'das gdug pa thams cad dang / bdud thams cad dang / 'jig rten gsum po thams cad yang dag par 'dul ba nyid du byin gyis rlob par mdzad do// de nas dbang bskur ba rgyas pa la sogs pa de bzhin du byas la/ rdo rje khro bo'i las bzhi pa la bslab par bya ste/ phyag rgya rnams kyis sems can rnams rgyas gdab pa dang / phyag rgya gzhig pa dang gsad pa dang slar 'tsho bar bya'o// gang la phyag rgya sbyar ba ni 'chi bar 'gyur na de ni gdug pa yin par shes par bya'o// de nas 'tsho bar byed pa'i phyag rgyas 'tsho bar byas la/ shin tu bsrung ba rab tu sbyar ba byas na shin tu bsrung ba yin pa'i phyir// gdug pa rnams slar yang gnod par mi byed do// de nas brtsams te slob ma bzang // rdo rje tshogs ni kun gyis kyang // mi tshugs pa dang mi sod par// tshe 'di nyid la 'grub par 'gyur// de nas 'dir sgrub bshad bya ste// ci bzhin

  206. 103b

    sku ni dge 'dun du// rdo rje gsor zhing dang por ni// bzlas brjod stong phrag brgya bya'o// 'bum tshang nas ni sems dpa' che// rdo rje sems dpa' dang mnyam mchog/ rdo rje khro bo rgyal po mchog/ rgas dang 'chi ba med par 'gyur// gdug pa rnams ni rjes 'dul zhing // sangs rgyas kun la rab mchod par// 'jig rten gsum na legs snang zhing // cis kyang 'jigs pa med par 'gyur// de nas de kho na nyid kyi snying po sgrub pa ni// 'greng ngam yang na 'dug pa'am// 'gro'am nyal bar byed pa na// ci lta de ltar 'bum bzlas na// tshe 'di nyid la 'grub par 'gyur// 'di yis 'dod pa'i dbang phyug kun// 'dod pa tsam gyis 'gro/ 'ong lding // dngos grub kun gyi dbang phyug grub// rga dang 'chi ba med par 'gyur// 'gro ba rnams kyis mchod pa dang // rang gi nye du rnams kyis bsten// gdug pa thams cad rjes 'dul zhing // gang la 'jigs pa med par rgyu// zhes bcom ldan 'das khro bo'i rgyal po chen pos gsungs so// de nas phyag rgya'i dam pa sgrub pa ni/ ci bzhin dus su phyag rgya bcing // bdag nyid nges par bsregs nas ni// srid 'di nyid du khro chen po'i// dngos grub thams cad 'grub par 'gyur// de nas dam tshig sgrub pa ni// bdag ni thams cad gsad bya zhes// brjod cing phyag na rdo rje yis// dam tshig phyag rgya bcings nas ni// bzlas

  207. 104a

    na rdo rje 'dzin 'grub 'gyur// de nas las rnams sgrub pa ni// las rnams dam pa sgrub pa ni// rnam pa bzhir ni rab byed cing // thams cad bde ba'i phyir zos na// rdo rje las nyis thob par 'gyur// sgrub pa chen po cho ga rgyas pa'i rgyud do// // de nas dngos grub sgrub pa ni// rdo rje khro mchog rgyal po yi// las kyi rgyud ni dam pa rnams// go rims bzhin du bshad par bya// 'di lta ste/ thams cad bsreg pa dang / bskrad pa dang / gzhig pa dang / rengs par bya ba dang / gnyid log par bya ba dang / rgyas gdab pa dang / rmongs pa dang / gzhig pa dang / bcing ba dang / gzer ba dang / dral ba dang / brdeg pa dang / 'bar ba dang / bsgyel ba dang / btso ba dang / gcad pa dang / dbug pa dang / phye mar bya ba dang / gtor ba dang / rnam par gzhom pa dang / rims dang / dug dang / gdon gyis zin du gzhug pa dang / skyo bar bya ba dang / gsad par bya ba la ni rdo rje hUM mdzad kyis so// thams cad dgug par bya ba dang / nges par bkod pa dang // bskyod pa dang / gar byed du gzhug pa dang / glu len du gzhug pa dang / brgyal du gzhug pa dang / rtser gzhug pa dang / ha ha zhes dgod du gzhug pa dang / 'khor ba dang / drang ba dang / 'od du gzhug pa dang / bsgom pa dang / nub par bya ba dang / dbyung ba dang / 'phang ba dang / nye

  208. 104b

    bar 'degs par bya ba dang / bskur ba dang / nga ro 'don par bya ba dang / dur gzhug pa dang / rang nyid brdeg par bya ba dang / 'ching bar bya ba dang / skra 'bal bar bya ba dang / zhe 'gras par bya ba dang / gos bshu ba dang / khro bo 'bar bar bya ba la ni khro bo'i gdan gyi phyag rgyas so// thams cad dgug pa dang / gzhug pa dang / dbab pa dang / pra se na bsgrub pa dang / bden par smra bar bya ba dang / sgyu ma ston pa dang / lan ston pa dang / dus tshigs kyi 'khor lo yongs su bzlog pa dang / dus ma yin par shing las me tog dang 'bras bu smin par byed par ston pa dang / 'bru thams cad yang dag par ston par bya ba dang / rims dang / sbyar dug dang / gdon dang / dug dang / mkha' 'gro ma las thar bar bya ba dang / g.yul 'gyed pa thams cad las thar bar bya ba dang / gzhan gyi dpung gzhom pa dang / phyogs dang / mtshams dang / dkyil 'khor bcing ba dang / shin tu bsrung ba dang / yongs su skyob par bya ba dang / thar bar bya ba dang / bslang ba dang / dbang du bya ba la ni khro bo chen po sna tshogs grub pas so// lha la sogs pa thams cad ltung bar bya ba dang / klu gdon par bya ba dang / gnod sbyin rjes su 'brang bar bya ba dang / srin po skrag pa dang / mkha' 'gro ma la sogs pa'i gdon thams cad btul ba dang / bdud kyi dpung thams cad

  209. 105a

    gzhom pa dang / ma mo rnams 'dul ba dang / gdug pa'i tshogs rnam par gtor ba dang / gdug pa rnams tshar gcad pa dang / 'dum pa dang / 'jigs pa med pa yang dag par bskyed pa dang / nor bu bzang po dbang du bya ba dang / nor sbyin las nor thams cad dbrog pa dang / rnam thos sras mnan nas dpal drang ba dang / lha'i bu mo gzhon nu ma thams cad dang rtse 'jo bya ba dang / brgya byin mnan nas bde sogs ma dbrog pa dang / skem byed tshar gcad pa dang / tshangs pa ltung bar bya ba dang / khyab 'jug gdul ba dang / dbang phyug chen po las rnam par rgyal ba dang / 'dod pa'i dbang phyug mnan nas dga' ba mo dbrog pa dang / rdo rje bsgrub pa dang / byang chub chen po bsgrub pa dang / de bzhin gshegs pa thams cad mnyes par bya ba dang / dgug pa dang / gzhug pa dang / dam tshig gis bcing ba dang / dbang du bya ba bsgrub pa la ni rdo rje khro bo chen po rgyal po dam pa'i dngos grub kyis so zhes kyang gsungs so// lan cig bzlas pas mchog grub pa// thog ma'i rtsa snying bzang lan cig/ de yi 'og tu khro gnyer gyis// bsgrub bya thams cad dgug pa yin// dpal mchog dang po'i rtog pa chen po'i rgyal po las rdo rje me dang nyi ma ltar rab tu 'bar ba'i rtog pa'i cho ga rgyas pa'o// // de nas ting 'dzin thams cad ni// rnam dag

  210. 105b

    mchog gi chos nyid las// spyan ras gzigs dbang chen po ni// rdo rje sems dpa'i gtso cher yin// gdug pa thams cad 'dul don du// rang rig rin po che bskyed na// sangs rgyas kun gyi khro bo che// thabs med pas ni thabs yin no// 'dod chags la sogs kun bsags pas// ma dag sems can khams rnams ni// de rnams la ni rab spyod par// skyes bu mchog ni rnam par mkhyen// mchog tu mi 'dul ba nyid gyis// sangs rgyas kyang ni mnga' mi mdzad// 'jig rten kun na 'jig rten mchog/ rang nyid bzang po la snyoms zhugs// de la 'di ni de bzhin gshegs pa thams cad kyi ting nge 'dzin gyi rgyal po chos thams cad rang bzhin gyis rnam par dag pa'i chos nyid kyi ye shes kyi rdo rje byin gyis brlabs pa zhes bya ba'i ting nge 'dzin te gang la gzigs pas de bzhin gshegs pa thams cad khams gsum pa thams cad kyi dbang phyug thams cad nyid thugs su chud par gyur pa'o// bsnyems pas pad+ma g.yon pa ni// bzung ste 'dab ma 'byed mdzad pas// ci nus pa yi ting 'dzin gyis// rang bzhin gyis ni gzigs par mdzad// ci ltar pad+ma dmar po 'di// tshon gyi nyes pas mi gos pa// gnas kyi nyes pa sna tshogs pa'i// khams gsum pa ni de bzhin dag/ 'di la gzigs pa la sogs pas// rgyal ba rnams ni dbang por gyur// de yis rdo

  211. 106a

    rje sems dpa' ni// spyan ras gzigs kyi dbang phyug gyur// de nas sgom pa'i snying po 'di// dag par bsgoms pas sgom pa na// rdo rje 'chang ba chen po ni// pad+ma chen po 'chang bar 'gyur// gser sbyangs ri yi dbang po ni// rgyal po che dang mdangs mnyam pa// bsnyems pa g.yon pa'i pad mchog gi/ g.yas pa mchog la rnam par gzigs// de nas pad+ma'i 'dab ma la// pad+ma chen po mchog 'dzin pa// sangs rgyas la sogs 'byung ba yi// 'khor lo rnams ni 'dul ba'i mchog/ 'gro ba sna tshogs 'dul mdzad pa// bzhugs pa rab tu bri bar bya// dkyil 'khor chen po'i tshul gyis ni// de la pad+ma dge ba der// 'gro ba thams cad rnam sbyong ba'i// tshul gyis 'dul bar mdzad pa na// pad+ma'i rigs mchog ston pa'i phyir// rgyal ba rnams kyis gsol ba btab// de nas thams cad 'dul mdzad cing // shin tu dkar ba'i chos 'dzin pa// rdo rje chos te rang rgyal po// 'jig rten dbang pos bka' stsal pa// phyi ni dkyil 'khor chen po la// pad+ma 'dab ma brgyad pa bri// de yi dbus su spyan 'dzum pa// 'jig rten dbang phyug dgod par bya// gser sbyangs lta bu'i pad+ma ni// g.yon bsnyems tshul gyis gzigs mdzad pa// rgyal mtshan kun gyis rnams par spras// sangs rgyas sku mchog spyi bor bzhugs// de yi ngos ni thams cad

  212. 106b

    du// sangs rgyas sku ni brgyad po bri// rang gi ting 'dzin pad+ma che'i// ting nge 'dzin la rnam par gzigs// 'jig rten dbang po'i gzugs logs su// sangs rgyas la sogs rigs kyi lha// zhi ba sred med bu tshangs pa// 'dod pa'i gzugs ni pad+ma can// si 'od 'tsher zhing mgrin 'degs pa// rta mgrin lcags kyu bcings nas ni// chos kyi tshig gis spyan drang bya// de nas pad+ma'i snying po ni// sarba ta thA ga ta pad+ma dzaHhUM badz+ra pad+ma/ he pad+ma/ pad+ma baM/ ho pad+ma ni rA dza// de nas mtshams rnams su ni// hUM pad+me tsaN+De shwa ra hUM/ he ma hA bi shra pad+ma ts+tshar+Ni sid+d+hi hUM/ ma Ta hrIHpad+ma pad+mo hUM a ho pad+ma a shwa/ kra ma kra ma hUM dzaH/ dkyil 'khor chen po'i tshul gyis ni// cho ga rgyas pa byas nas ni// pad+ma chen po me tog bcas// ma yengs yid kyis phyag bya'o// dkyil 'khor zhugs nas ting nge 'dzin// las byung gzungs 'di brjod par bya// oM bi sho d+ha ya/ ma nu sa ni shud+d+ha ma hA sa twa// d+ha tu sa ma ya sa ta/ rA ga dI pany+tsa ye/ tsit+ta me sarba d+ha ma tshaM badz+ri Ni tsit+ta me sarba d+ha me sh+ya dzi ni/ gzugs kyi phyag rgya gsan nas ni// dgyes pas pad+ma 'dzin pa 'grub// de nas 'dzub mo lcags krur bcing // chos kyi tshig gis legs spyan drang // oM sarba ta thA ga ta a ba lo ki shwa ra pad+ma ha sta/ ya hi shI g+h+raM ma me badz+ra mu dra a gri sh+ya sa be sa ma yer ba d+ha bi shi ko mi/ dzaHhUM baM hoHsho d+ha ya sarba sA d+ha

  213. 107a

    ya ba ma me/ ma hA badz+ra d+ha ra s+t+waM/ de nas 'jig rten mgon po mchog/ 'jig rten 'dzin pa rang nyid byon// 'jig rten kun mchog 'grub 'gyur ba'i// ting 'dzin cho ga nges par mdzad// de nas de bzhin slob ma rnams// gzhug pa'i cho ga rgyas pa ni// dngos grub thams cad sbyin pa yi// ye shes dag ni bslab par bya// ting 'dzin snying po 'di yi ni// sgrub pa chen po gdod nas byung // 'jig rten kun gyi dbang phyug nyid// go rims bzhin du bshad par bya// bud med rnams kyi nang zhugs pa'am// gdug pa rnams kyi nang chud pa'am// gang yang rung bar 'dug nas ni// pad+ma chen po yongs su bzung // dus dang stobs ni ji bzhin du// nyin re ci nus bsgrub par bya// cho ga 'di yis tshe 'di la// myur du mchog ni 'grub par 'gyur// 'dod chags kun gyi bde myur bar// 'dod pa tsam gyis 'gro 'ong lding // 'jig rten kun gyi dbang phyug rgyal// rga dang 'chi ba med par 'gyur// sangs rgyas byang chub sems dpa' nyid// phyag na rdo rje nyid dang ni// dngos grub kun gyi mtha' yas mchog/ tshe 'di nyid la thob par 'gyur// nas phyag rgya bsgrub pa ni// phyag rgya bcings te ting 'dzin gnas// dngos grub chen po nyid thob bo// dam tshig dam tshig mchog gis te// las ni las mchog phyag rgyas so// sgrub pa chen po cho ga'i rgyud

  214. 107b

    do// // de nas dngos grub ma grub pa'i// ting 'dzin las ni 'dren ma dag/ dang por ting 'dzin grub pa ni// go rims bzhin du rab bshad bya// 'di lta ste sgrib pa thams cad dang sdig pa dang rmi lam ngan pa dang ltas ngan pa dang yams dang 'tshe ba dang nad 'go ba dang nyon mongs pa dang dus ma yin par 'chi ba dang 'jigs pa dang skrag pa dang rtsod pa dang 'thab pa dang byis pa'i gdon dang mu rgod dang nyon mongs pa dang ngal ba dang sdug bsngal ba dang yid mi bde ba dang dbul ba dang rgyags pa dang reg na mi bde ba dang skal ba ngan pa dang nad med pa ma yin pa dang nor brlag pa rnams la ni pad+ma chen po zhi bas so// rlung dang mkhris pa dang khrag dang bad kan dang 'dus pa dang ma zhu ba dang rims dang sbyar ba'i dug dang dug dang mdze dang 'brum bu phra mo dang g.yen pa dang rkang shu dang / skran dang chu'i dmu rdzing dang mtshan par rdol ba dang sha bkra dang zad byed dang khrag zad pa dang khu ba zad pa dang / nad thams cad dang gnod pa dang gnod byed dang gdon dang phra man rnams gso ba la ni/ pad+ma chen po sman gyi phyag rgya 'dzin pas so// thams cad rdo rjer byas pa dang chos dang go cha dang / gtsug tor dang gtsug phud dang mtshams dang phyogs dang dkyil 'khor dang sa dang nam mkha' dang rdo rje'i gdan dang khang pa chen po dang rdo rje ra ba dang me 'bar ba

  215. 108a

    dang thal ba'i ra ba dang rdo rje dang ri bo don yod pa la sogs pa dang srad bus yongs su bskor ba dang phur bus gdab pa dang zas dang btung ba dang gos dang rgyan dang phyag rgya dang bsrung ba la ni pad+ma chen po thams cad srung bas so// tshe thams cad dang stobs dang kha dog dang gzi brjid dang mdangs dang lang tsho dang brtson 'grus dang smra ba dang nad med pa dang dpal dang skal ba bzang po dang nor dang 'bru dang dbang phyug dang 'byor pa dang dngos grub dang blo dang rnyed pa dang bkra shis pa dang ming dang grags pa dang snyan pa dang ting nge 'dzin dang shes rab dam pa 'grub pa la ni pad+ma chen po mchog grub pas so// dpal mchog dang po'i rtog pa chen po'i rgyal po las/ chos thams cad sgrib pa med pa'i ye shes kyi rdo rje'i cho ga rgyas pa'o// // de nas rgyal po rdo rje 'dzin// thams cad mi 'gyur nam mkha' che// thams cad dbang bskur kun gyi don// kun dbang rin chen thams cad 'dzin// ting nge 'dzin gyis byin gyis brlabs// drag po chen po rab sad mdzad// chos rnams la ni rnam gzigs pas// kun don dbang phyug gdod nas byung // nyi zla dang ni gza' skar can// nam mkha' nyid du gyur pa yin// de nas rin chen ting 'dzin ni// nges par rdo rje can du brjod// de nas nam mkha' rdo rje nyid// ljang sngon bai DUr+ya mnyam

  216. 108b

    mdangs// rdo rje rin chen bsnams dge ba// nam mkha'i snying por yang dag gyur// de nas bcom ldan thog ma 'di// mdzod spu kun gyi gnas na bzhugs// ting 'dzin la ni rnam gzigs pas// 'jig rten dbang phyug bdag po nyid// sangs rgyas thams cad sras bcas dang // de bzhin rdo rje 'dzin pa mchog/ rdo rje rin chen de yis ni// kun rig kun gyis dbang bskur dang // bsam pa thams cad rdzogs bya'i phyir// kun mchog kun la dbang bskur nas// shis pa brjod pa 'di gsungs so// oM sarba badz+ra sa ta a d+hi pa ti s+t+waM a b+hi Shiny+tsa mi b+hu ra b+hu ba swaH/ de nas bzang pos 'di gsungs shing // legs par shis brjod dbang bskur bas// rdo rje rin chen che de las// chos kyi gtso bor byung bar gyur// byung nas 'gro ba thams cad ni// ci rigs par ni kun dbang bskur// rdo rje kun gyis dbang bskur nas// slar yang dkyil 'khor tshul gyis bzhugs// bde gshegs kun gyis byin brlabs pas// rdo rje rin chen bla na med// shin tu dbang phyug chen po'i mchog/ dngos grub gsol ba'i rtog pa gsungs/ dkyil 'khor chen po'i phyi rol ni// nam mkha'i 'khor lo nam mkha'i mdog/ nyi ma zla ba skar ma dang // gza' rnams kyis ni brgyan pa bri// de dbus nam mkha'i snying po ni// bdag nyid thams cad dgyes pa gzhag/ dag pa'i bai DUr+ya

  217. 109a

    mdog 'dra// 'od zer 'bar ba sna tshogs 'khrug/ g.yon pa rin chen thugs kar stod// g.yas pas nor chen rab stsol ba// de yi ngos su sems dpa' mchog/ bzhi po gzungs bcas dam pa yin// dbang bskur ba dang gter nyid dang // nor bu chen po bla med dang // 'byor pa dpal ni phun sum tshogs// rang gi mtshan mas mchod pa ni// de la de dag gi snying po 'di yin te/ badz+ra sa twa dzaH/ badz+ra raSh+Ta hUM/ badz+ra d+harma baM/ badz+ra karma ho/ de nas gzungs rnams kyi snying po bshad de/ oM pra Ni badz+ri ti phaT/ oM badz+ra pri ti hi hi/ oM tsan+d+ha ma Ni hoH/ oM badz+ra ma hA ma he haM/ dkyil 'khor chen po'i tshul gyis ni// cho ga rgyas pa ci bzhin bya// nor bu'i khu tshur gyis bzhugs la// mkha' skyes la ni bgos phyag bya// bzhugs nas nam mkha' mkhas pa yi// dam tshig dam pa brjod par bya// khyed ni nam mkha' las byung ba'i// thams cad kyi ni lnga pa yin// oM a sid d+hi b+hA ra b+hU ba sid d+ha sid d+ha sraH/ sid d+hi ma hA badz+ra rat+na/ ba ba tra Ta tAM/ 'di ni bzlas pa tsam gyis ni// mkha' snying dngos grub thams cad dang // phun tshogs kun la shin tu ni// 'grub 'gyur 'di la the tshom med// ces bcom ldan 'das rdo rje rin chen bla na med pas gsungs so// de nas nor bu khu tshur can gyi lcags kyus dkug par bya'o// oM b+hA rA ya hI dzA/ b+hu pa pra bi sha hUM swA hA/

  218. 109b

    gr-ih+Na baM ba ba Ta Ta sid d+hi ho hAM/ de nas bcom ldan myur du ni// byon nas dngos grub thams cad ni// 'byor pa shin tu g.yo ba la// don ni rab tu 'grub par 'gyur// de nas slob mas phyag rgya ni// me tog bcas pa mchog gis gzhug/ bcug nas de nyid mchog snying po// bden pa lan cig brjod du gzhug/ de nas 'byor pa'i mchog brtag pa// dpal gyi phun tshogs mchod pa che// 'jig rten mchog gi dngos grub rnams// bde bar gshegs pa de bzhin thob// de nas de phyir sgrub pa bshad// rdo rje rin chen rgyal mchog gis// dpag med zlos pas bsgrub bya zhing // 'di yis skyes mchog 'di nyid la// 'dod chags 'gro dang 'ong bar 'gyur// rin chen kun gyi dbang phyug rgyal// rga dang 'chi ba med par 'gyur// dngos grub kyi dam pa thams cad kyang de bzhin no// phyag rgya bsgrub pa ni dga' ba nyid kyis so// dam tshig gi phyag rgya bsgrub pa ni dam tshig gi khu tshur gyis so// de bzhin du las bsgrub pa ni dngos grub bla na med pa yin no phyag rgya chen po bsgrub pa nyid de'i rgyud do// // de nas de phyir las rnams kyi// rab 'byam rgyu ni dam pa dang // dngos grub chen po kun grub pa// go rims ci bzhin rab bshad bya/ 'di lta ste 'byor pa thams cad dgug pa dang gzhug pa dang bcing ba dang dbang du bya ba dang dbrog pa dang bsag pa dang

  219. 110a

    len pa dang 'dren pa dang 'gugs pa dang gtong ba dang gzhig pa dang 'phen pa dang 'degs pa dang 'bebs pa dang brdeg pa dang sbyang ba dang rnyed pa dang nyo ba dang btsong ba dang kun tu 'gyed pa dang nye bar dgod pa dang brtan par bya ba dang rdo rjer bya ba dang 'byor pa thams cad bsgrub pa dang 'byor pa thams cad kyi mchog bsgrub pa la ni rdo rje rin chen gyi dbang bskur bas so// dpal thams cad dgug pa dang gzhug pa dang bcing ba dang dbang du bya ba dang dbrog pa dang bsag pa dang len pa dang 'dren pa dang 'gugs pa dang gtong ba dang gzhig pa dang 'phen pa dang 'degs pa dang 'bebs pa dang brdeg pa dang sbyang ba dang rnyed pa dang nyo ba dang btsong ba dang kun tu 'gyed pa dang nye bar dgod pa dang brtan par bya ba dang rdo rjer bya ba dang 'byor pa thams cad bsgrub pa dang 'byor pa thams cad kyi mchog bsgrub pa la ni rdo rje rin chen dpal gyis so// phun sum tshogs pa thams cad dgug pa dang gzhug pa dang bcing ba dang dbang du bya ba dang dbrog pa dang bsag pa dang len pa dang 'dren pa dang 'gugs pa dang gtong ba dang gzhig pa dang 'phen pa dang 'degs pa dang 'bebs pa dang brdeg pa dang spang ba dang rnyed pa dang nyo ba dang btsong ba dang kun tu 'gyed pa dang nye bar dgod pa dang brtan par bya ba dang rdo rjer bya ba

  220. 110b

    dang 'byor pa thams cad bsgrub dang 'byor pa thams cad kyi mchog bsgrub pa la ni rdo rje rin chen phun sum tshogs pas so// mchod pa thams cad dgug pa dang gzhug pa dang bcing ba dang dbang du bya ba dang dbrog pa dang bsag pa dang len pa dang 'dren pa dang 'gugs pa dang gtong pa dang gzhig pa dang 'phen pa dang // 'degs pa dang 'bebs pa dang brdeg pa dang sbyang ba dang rnyed pa dang nyo ba dang btsong ba dang kun tu 'gyed pa dang nye bar dgod pa dang brtan par bya ba dang rdo rjer bya ba dang 'byor pa thams cad bsgrub pa dang 'byor pa thams cad kyi mchog bsgrub pa la ni rdo rje rin chen gyi mchod pa sgrub pas so zhes kyang gsungs so// sems can thams cad bde don du// rdo rje sems dpa' nor che ba// rang gi rgyal mchog lan cig bsgrub// yi ge traM ni sbyar bar bya// dpal mchog dang po'i rdzog pa'i rgyal po chen po las/ bsam pa yongs su rdzogs par byed pa rdo rje rin chen gyi rtog pa'i cho ga rgyas pa'o// // de nas rgyal ba rdo rje 'dzin// 'jig rten gsum po khams gsum pa// 'jig rten gsum bdag thams cad la// 'jig rten gsum mchog 'dul mdzad pa// cho ga bzhin du bsgoms gyur zhing // sems can don phyir cho gas bzhugs// 'dod chags zhe sdang gti mug rnams// rtag tu rnam par gnas pa yin// mi mnyam pa yis bsten

  221. 111a

    gyur na// dug nyid du ni nye bar 'gro// bdud rtsi nyid kyis bsten gyur na// bdud rtsi nyid du'ang 'gyur ba yin// 'dod chags tshangs pa mchog 'byin pa// zhe sdang drag po'i ting 'dzin gyis// gaN+DI mug khyab 'jug rten mdzad nas// 'jig rten gsum po byin gyis brlabs// 'dod chags zhe sdang gti mug rnams// rtag tu gnas pas srid gsum gnas// chos kyi bsten pas gsum mchog ste// chos min bsten pas ngan song gsum// 'dod chags sbrang rtser byed par bshad// zhe sdang rgyal bar byed par bshad// gti mug don ni sgrub byed ces// kun tu gsang ba'i ming yin no// nga ni 'jig rten gcig tha nyid// 'jig rten gsum du rab tu bshad// nga ni 'dod pa gcig pu nyid// tshangs pa drag po g.yung drung yin// de nas gsum po 'di yi mchog/ sbyang phyir rdo rje sbyang 'dzin pa// gzugs ni gsum po 'di dag nyid// bdag nyid kho na byung ba yin// gang phyir 'jig rten 'di dag ni// rtag tu yang ni 'di skad smra// tshangs sogs kyis 'dul yang dag pa'i// sangs rgyas byang chub snod ma yin// de rnams sbyang phyir bcom ldan 'das// rdo rje 'chang chen rang nyid ni// gzugs ni gsum po 'di mdzad nas// phyis ni sangs rgyas nyid mi 'gyur// de nas tshangs pa lha sogs lha// 'jig rten gsum mchog dbang phyug che// dkyil 'khor

  222. 111b

    de ni gsang snying po// rang gi rang grub phyir rab 'phrul// oM b+hA ra b+hu ba swaH/ zur bzhi pa la sgo bzhi pa// sgo srungs bzhis ni rab bsrungs pa// kha khyer gyis ni legs bskor ba// phyi yi dkyil 'khor bri bar bya// de yi nang ma nyid dang ni// dkyil 'khor gzhu yi dbyibs can la// sbrang rtsir byed dang rgyal byed nyid// bsgrub pa thams cad sgrub pa ni// go rims dag ni ji bzhin du// legs par bri'am gzhag par bya// pus mo gnyis kyis bzhugs la der// rtse gsum dam tshig gis mtshan pas// zhugs te dam tshig bcings nas ni// yang dag par ni dgug par bya// oM b+hu ra b+hu ba swaH/ swasti nA ma swA hA/ nyi shu rtsa gcig bzlas pa yis// thams cad thams cad kyis bskor ba// thams cad grub phyir 'ongs pa la// de snyed pa yi gtor ma sbyin// slob dpon rab tu zhugs pa yis// slob ma thams cad gzhug par bya// de nyid gsang ba brjod nas ni// dam tshig mchog ni sbyin par bya// gal te khyod kyis rtse gsum bcag/ snying po snod min la smras sam// ji skad smras pa'i chos rnams ni// gal te 'dir ni ma spyad dam// snying stobs rdul dang mun pa nyid// tshangs pa drag po g.yung drung ste// ming po gsum po 'di nyid ni// nam yang bzlas par mi bya'o// gang zhig 'di rnams sgom pa slob// yang dang yang du zhugs nas ni// dkyil 'khor mchod par bya

  223. 112a

    ba dang // dngos grub thams cad thob par 'gyur// rang gi phyag rgya bslabs nas ni// de la gar gyi mchod pa dang // 'dod yon dam pa lnga rnams kyis// rtag tu dkyil 'khor mchod par bya// 'jig rten gsum 'byin pa'i rgud do// // de nas ston pa rdo rje 'dzin// sems can kun rje ston mdzad pa// 'jig rten gsum phyung don grub tu// slar yang sring mo rnams 'byin mdzad// kun tu chags dang zhe sdang rmongs// brtan par byed pa'i rgyu yin no// dga' dang phrag dog bud med ni// rab tu grags pa'i dngos grub ster// gang zhig 'jig rten kun tu bshad// tshogs kun gyis mchod lha mo rnams// zhi dang 'jigs ma de bzhin gser// grub pa dang ni zhi bar bshad// phyi rol sems can phan phyir dang // rtogs don khong du chud bya'i phyir// de rnams kyi ni snying po dang // dkyil 'khor de bzhin dam tshig bshad// hrI hUM shrI b+h+yo/ dkyil 'khor bzang po sgo bzhi pa// srad bu gsum gyis dkyil 'khor bya// mtshams kyi thig ni ka ba che// bzhi po dag ni rim pa bzhin// de yi dbus su dkyil 'khor ni// bzhi po dag ni de bzhin bya// rang gi snying po bzhi po ni// rang gi sgor ni phyogs par gzhag/ skal bzang lag na ral gri mtshon// sring mo phub can zhi ba mo// phag mo lag na gter nyid de// grub pa mo ni bsnyems dang

  224. 112b

    bcas// de nas dang po'i dkyil 'khor du// kun nas de bzhin zhugs nas ni// sring mo rnams kyi rang gi rgyas// go rims dag ni ji bzhin du// zhugs nas de bzhin cho ga bzhin// spos la sogs pas mchod par bya// de nyid gsang ba rab bsgrub pas// kun nas dgug pa dag tu bya// oM sum b+ha ga ra tiSh+Tha ma ya hi b+ha ra/ rak+Sha sa mA tiSh+Tha ma ya hi b+ha ra b+ha ba/ ba rA hA a mir+yA ta ma ya swA hA/ sid d+hi ke sid d+hi sa ma ya hi I mAM ke mu dra b+hiH/ hrIHhUM shrI b+h+yo/ de nas lus ni thams cad kyis// de bzhin du ni legs zhugs pa// de nas phyag rgya bcings bstan te// gsang ba mchog 'di brjod par bya// gal te gsang zhing ma bsrungs na// gang zhig sems can don zhugs dang // gang yang dkyil 'khor sgrub byed pa// de rnams khyed kyis bsad par 'gyur// chos dang ldan la bdud rtsi nyid// chos min pas ni dug pas lhag/ ci snyed pa dang dus ci bzhin// yul rnams nye bar bsten pa dang // phyag rgya gar gyi mchod pa yis// ci bde bar ni rtag tu mchod/ sring mo bzhi'i rgyud do// // de nas ston pa rdo rje 'dzin// sa yi dbang phyug kun gyi mchog/ 'dod chags zhe sdang gti mug che// sgrub pa dang ni rab sgrub nyid// 'dod chags sogs dug gzhig phyir dang // kun nas bdud rtsi nyid bya'i phyir// zhe sdang las byung klu yi ni// dkyil 'khor dam pa

  225. 113a

    'byung bar 'gyur// de la snying po ni 'di yin te// phuH// zur bzhi pa la sgo bzhi pa// srad bu thams cad yang dag bri// sgo khyud glu yi gdangs ka mchog/ mtshams kyi rtse mchog mjug ma mdud// de yi dbus su klu rgyal ni// mtha' yas gdengs ka bcas pa ni// klu yi rigs ni brgyad po dag/ shes rab can gyis kun tu bri// de nas khrus la zhugs nas ni// klu 'dzin pa yi shugs kyis ni// zhugs nas dkyil 'khor de nyid du// sbrul gyi gdengs kas dgug par bya// oM hriHa ni la dza ba be ga pr-i thi b+hin da rai She shA ya hi phuH/ sarba nA ga ku lAn+ta na ya phuH/ sa ma ya pra be sha ya phuH/ sarba na sA d+ha ya phuH/ ta ta sa sarba nA ga pu tra ka phuH/ de ltar byas na legs par bzhugs shing dga' bar 'gyur ro// de nas slob dpon gyis dug med par bsam par bya'o// de nas brtsams te dug thams cad zos kyang bdud rtsir 'gyur ro// nor rgyas dang rtse bar byed do// dug thams cad sbyang ba dang / gzhig nus par 'gyur ro// de nas mna'i snying po sbyin par bya ste// 'dod chags zhe sdang gti mug rnams// 'jig rten na ni 'di gsum dug/ gal te bden pa las 'das na// de dag gis ni rtag gsod 'gyur// khyod kyis glog la brnyas mi bya// ser ba bzlog par mi bya zhing // gal te dngos grub la dga' na// ci nas sbrul ni gsad mi

  226. 113b

    bya// klu'i dkyil 'khor ro// // de nas ston pa rdo rje 'dzin// sdug bsngal thams cad sel ba'i mchog/ sems can kun la bde ba'i phyir// gdon gyi dkyil 'khor phyung ba yin// 'dod chags zhe sdang gti mug rnams// nyes byas kyis ni dug nyid 'gyur// gdon dang rims dang sdig pa dang // dmyal bar yang ni 'gyur ba yin// de nas gdug pa'i snying po ni// hri/ zur bzhi pa la sgo bzhi pa// gdon gyi dkyil 'khor kun tu bri// de dbus dang por gdon la sogs// cho ga rgyas pa dgod par bya// de nas bshad pa bzhin zhugs nas// dgod cing myur bar dkyil 'khor du// rdo rje 'dzin pa zhugs nas ni// khros pas rkang pa g.yon pas mnye// de nas gdon dang rims sdig pa// dmyal ba thams cad rtag tu ni// sdig pa chen po byed pa yang // rdo rjes rab tu 'jig par 'gyur// zhes bcom ldan 'das rdo rje sems dpas gsungs so// sdug bsngal thams cad las 'don pa'i rgyud do// // de nas ston pa rdo rje 'dzin// kun mchog dbang phyug dam pa yis// sems can kun don rab bsgrub phyir// dkyil 'khor thams cad gsungs pa yin// de la snying po ni 'di yin te/ oM AHhUM hrIHtraM/ de nas 'di ni gsungs tsam gyis// kun mchog dbang phyug dam pa ni// gzugs kun gyis ni kun mchog gi// dbang phyug dam pa mdzad pa

  227. 114a

    yin// gsang ba chen po lnga yis ni// gang tshe 'dul bar ma gyur pa// de tshe sna tshogs cher mdzad pa// 'gro ba 'dul ba'i dam pa yin// de nas gang phyir dkyil 'khor che// dam pa yang dag bshad bya ste// kun mchog sna tshogs rnam par rgyal// kun mchog dbang phyug dam pa yi// dkyil 'khor chen po bris nas ni// de yi dbus su cho ga bzhin// rdo rje sems dpa' phar bzhag la// rdo rje lha mo tshogs dkyil 'khor// de yi ngos ni thams cad du/ kun mchog bdag po'i sku rnams so// rdo rje mchog bcas mtshan ma ni// rang gi rigs kyis bskor ba bzhag/ rgyal po rdo rje sred med bu'i// gzugs 'dzin 'khor lo bsnams pa bri// khyab bdag rdo rje can rdo rje// gtum dbang rdo rje mdung bsnams pa// rdo rje pad byung pad+ma can// rdo rje 'dzin pa tshangs gzugs ldan// nam mkha'i snying po 'dod pa'i gzugs// rdo rje dang bcas me tog mtshon// dkyil 'khor gyi ni mtshams rnams su// rigs kyi lha mo bri bar bya// rdo rje dpal mo dkar mo dang // rdo rje sgrol ma mkha' rdo rje// de nas dkyil 'khor gyi bdag po 'di rnams kyi snying po 'di bshad par bya ste/ oM badz+ra nA rA ya Na ts+tshin+da pra ti ha na badz+ra tsakra te na ho/ b+ha ga bAn badz+ra ta thA ga ta/ dzaHhUM baM hoH/ badz+ra d+hA ra s+t+waM/ badz+ra ta thA ga ta hUM/ badz+ra kro d+ha ma ha yo gi ni ga Ne shwa ra/ ma hA badz+ra ku lo gra pa ne

  228. 114b

    ho/ b+ha ga bAn badz+ra tsaN+Di shwa rA ya/ ha ha ha ha hrIH/ badz+ra pad+mod b+ha ba ho/ b+ha ga bAn badz+ra lo ki shwa re/ ma hA prah+ma sid d+hu/ oM b+ha ra b+hu ba sAH/ swa sti na maHswA ha/ he badz+ra ku su ma yu d+ha/ sarba ka ma me sA da ya ho/ b+ha ga bAn badz+ra A ka sha gar+b+ha/ ba ba Ta Ta traM/ badz+ra A kA sha gar+b+ha a she Sho mu dra/ na mo ye na sA d+he na/ b+ha ga ba te pradz+nyA pA ra mi taM yung+ga/ ts+tshin+da badz+ra Ni tsakre Na te na sa t+yen pA pa ka na/ oM d+hiH/ shrI shru ti smr-i ti bi dza ye swA hA/ badz+ra ba ra mi/ oM badz+ra go ri ma hA bid+ya tre lo kya bi dza ye shwa ri badz+ra kro d+ha ag ni sa ma ya/ badz+ra d+ha ri na ma stu te/ tad+ya thA/ oM hi li mi li li la lA liT badz+ra ka mu ka ye swA ha/ badz+ra sa ma ya na mo ye na sa h+ye na b+ha ga ba ti/ bud+d+ha bo d+hi bud+d+ha d+ha ra/ badz+ra d+harma pra yo ge na/ te na sa t+ye na sid+d+ha mAM/ au tA re tut+tA re tu re sA hA/ badz+ra d+ha mo ta/ oM karma badz+ra Na sid+d+ha sid+d+ha bi shud+d+ha sA d+hA ba ha/ ga ga nod b+ha be yo ge na sid+d+ha mAM pa ra ma k+Sha re/ tad+ya thA/ ga ga na bi shud d+he/ sarba a b+hi prI ya pa ra pU ra Ni swA hA/ phyi yi dkyil 'khor gnas rnams su// rdo rje 'dzin pa rang phyogs gnas// lha dbang dang ni ma mo nyid// 'jig rten skyong rnams dgod par bya// tshogs kyi dbang phyug rdo rje yi// rol mo che bcu rdung byed pa// phyi yi dkyil 'khor kha khyer dang // sgo dang mtshams su'ang de bri'o// sgo rnams kun du 'jug pa ni// rang gi phyag rgyas rab tu gzhug/ dkyil 'khor dam pa lnga

  229. 115a

    par ni// dang po'i sbyor bas 'jug par bya'o// de nas dbus su 'dug nas ni// dang po lcags kyu che de nyid// snying po 'di ni brjod byed cing // 'gugs pa 'di ni brjod par bya// oM ma hA su kha badz+ra satwa sid+d+hi hUM// sarba ta thA ga ta na/ sa ma ya A kaR+Sha ya dzaH/ badz+ra ku la di paM/ da ma ye tA pra be sha ya hUM/ sarba lo ki shwa raM pra be sha ya sa ma ya ban d+ha na baM/ sa ma ya sarba rat+na di paM ma hA ma Ni rA dzA naM/ ba shi ku ru hoH/ hUM AHhUM hrIHtrAM/ de nas gsang ba chen po yi// snying po bzang po 'di brjod pas// rdo rje 'chang chen rgyal po ni// 'khor lo thams cad dang bcas par// bkug cing rab tu bcug pa dang // bden pas bcings te dbang du byas// dkyil 'khor rgyal po mchog thams cad// dngos grub kun gyis 'grub par 'gyur// de nas go rims ji bzhin du// dkyil 'khor thams cad sgrub pa dang // dngos grub de rnams nyid kyang ni// thams cad kyang ni bsgrub par bya// bde ba thams cad mi 'gyur gnas// bde ba chen po zhes brjod do// rdo rje 'di ni bsgrub la sogs// 'di ni tshe 'dir 'grub par 'gyur// de ltar sna tshogs pa'i don sbyang ba'i don gyi cho ga 'gro ba dpag tu med pa 'dul ba mtha' med cing sna tshogs pa mnyam pa med pa'i phul du byung ba de bzhin gshegs pa la sogs pa'i rigs thams cad 'dzin pa'i bde ba'i mchog

  230. 115b

    byed pa rgyal ba thams cad kyi byin gyis brlabs pa srid pa'i bde ba mchog byed pa gsungs pa yin no// dpal mchog dang po'i rtog pa'i rgyal po las/ rtog pa thams cad kyi rgyud phyi ma'i rtsa ba'i rgyud kun gyi mchog dbang phyug dam pa'i dkyil 'khor gyi cho ga rgyas pa rdzogs so// // de nas gsang ba ras bris kyi tshig gsungs pa ni// sangs rgyas kun gyi gsang ba che// dam tshig mchog gi sgrub pa dang // bde ba chen po'i gzhal yas khang // dngos grub kun gyis lus byas pa// de bzhin gshegs mchog chen po yi// rin chen rgyal po sogs kyis brgyan// bde ba chen po chags pa yi// glu dang rol mo rjes chags pa// bla med dga' ba chen po yi// mchod pa kun gyis rab tu mchod// dga' ba chen po dpal gyi gnas// rang gi bzhugs gnas mchog de la// rab tu dga' ba'i rgyal po mchog/ mi 'gyur mchog ni yang dag bzhugs// rdo rje sems dpa' bdag rang nyid// rab tu dga' ba mi 'gyur mchog/ kun tu bzang po 'khor ba dang // byang chub sems dpa' de bzhin gshegs// dngos grub chen po kun gyi mchog/ rdo rje bsnyems pa bdag po'i bdag/ kun mchog chags pa chen po yi// dngos grub dbang phyug rjes grub pa// glu dang rol mo thog mtha' med// mchog ni bcom ldan 'das kyis gsungs// hUM/ de nas 'di ni

  231. 116a

    gsungs tsam gyis// rdo rje thams cad 'dzin pa ni// gsang ba lnga yi de nyid che// phyag rgya'i lha mo byung bar gyur// rtag tu chags dang dngos grub che// rnam rgyal dbang phyug lhag pa'i lha// phyag rgya dam pa bzhi pa ste// sems dpa' byin gyis brlabs pa'i sku// de nas de rnams kyi snying po 'di yin te// kun mchog so sor rtog pa dang // dngos grub kun gyi bde ba'i mchog/ kun mchog rnam rgyal mthong ba'am// thams cad dbang phyug mchod pa che// dngos grub rnams dang phun tshogs dang // dga' ba dag dang bdag po rnams// rdo rje lha mo thog mtha' med// rdo rje sems dpa'i sku yi mchog/ ces bya'o// de nas mchog tu gsang ba'i mi rnams ni dga' ba chen po dpal rdo rje don yod dga' ba'i dam tshig gi 'dod pa'i rdo rje ma dang / dga' ba chen po dpal don yod la chags pa'i dam tshig gi rdo rje ki li ki li dang / dga' ba chen po dpal rdo rje don yod la chags pa'i dam tshig rnam par rgyal ba'i rdo rje ma dang // dga' ba chen po dpal rdo rje don yod la chags pa'i dam tshig rdo rje 'dod pa'i dbang phyug ma'o// 'di rnams gsang ba'i mtshan dag ni// mkhas pas gang zhig dad pas brjod// de ni phyag rgya thams cad kyi// dngos grub kun bdag bdag por 'gyur// zhes bcom ldan 'das rdo rje sems dpa' mchog tu gsang bas

  232. 116b

    gsungs pa yin no// de nas 'di sgrub bshad bya ba// dngos grub shin tu brtag pa ste// sdig pa che la dga' ba dang // sgrub pa gang zhig ma grub kyang // rdo rje sems dpas gsungs pa bzhin// de dag yang ni myur 'grub 'gyur// nyin re'am ni zla re'am// de bzhin lo ni re re la// ci mngon mngon 'dod 'grub par bya// ci rnyed pa dang ci bde bas// ras la bcom ldan bri bar bya// kun bdag dam tshig dbang phyug ste// gang zhig bris par gyur na ni// mchog tu rtag pa'i thar pa thob// bzhad pa dang bcas zla ba'i 'od// sna tshogs pad+ma'i 'od 'bar ba// sangs rgyas kun gyi dbang bskur sogs// sna tshogs rgyan dang na bza' ldan// sems dpa'i skyil mo krung gis bzhugs// rdo rje bsnyems pa'i mchog 'chang ba// g.yon pa dril bu mchog bsnyems pa// rdo rje sems dpa' rab tu brtag/ de yi logs na bzhugs pa rnams// de yi 'od kyi dkyil 'khor brten// rab tu dga' dang bde ba'i sku// gsang ba chen po dgod par bya// dang po pad+ma ltar dkar dmar// gzhan ni pa la sha ltar dkar// gzhan ni ut+pal 'dab ltar sngo// rdo rje bsnyems ma ser po 'dzin// dang po dang ni gnyis pa dag/ g.yas kyi logs la brten pa ste// gsum pa dang ni bzhi pa dag/ g.yon gyi logs su bzhugs pa yin// rdo rje ki li ki li ma// dbus kyi rang lha

  233. 117a

    dgyes par spro// de yi logs la rdo rje che'i// mda' ni gsor ba la brtson pa// bsnyems pa'i phyag gis yongs 'khyud pa'i// chu srin rgyal mtshan bsgreng dang bcas// de yi logs na bzhad dang bcas// mchod pas bdag po la rdeg pa// sangs rgyas rin chen dbang bskur mtshan// thams cad spyan gyi phyag rgya gzigs// rang la bdag ni thugs gtad pa// zur du blta zhing bzhugs pa'o// ras ris 'di ni mthong pa yis// rtag pa'i bsod nams thob par 'gyur// mchod pa dang ni brtags pa yis// mchog tu dga' ba'i thar pa thob// ces bya ba bcom ldan 'das rdo rje sems dpas gsungs so// de ltar mchog tu dga' ba rab tu 'dod pa ni// mchog tu dga' ba dag pa dam pa'i dngos grub 'grub// gsal zhing rnam par rgyal ba yi// rgyal ba'i ras ris chen po 'di// thams cad gzigs pa rnams mchod pa// chen po yis ni dpal 'dir rol// 'khor lo de ni brtags byas nas// mchog tu gsang ba'i dkyil 'khor ni// rnam par dben pa'i khang par ram// yang na skyed mos tshal sogs su// de bzhin gshegs mchog chen po yi// ras ris rgyal po sogs kyis brgyan// dril bu dang bcas yid dga' ba'i// bla re phul bas mchog gyur pa'i// rdo rje glu yi mchod sogs dang // glu dang rol mo rnam 'phrul ba// me tog spos sogs

  234. 117b

    rab sbyor ba// mar me'i sbyor bas yang dag mchod// khang pa sum brtsegs dkyil 'khor du// mchog gi gsang ba bsgrub par bya// pang na bdag nyid kho na mchog/ rang gi lhag pa'i lhar bsgom bya// de nas 'khor lor ma zhugs kyang // rang nyid kyis ni rtag zhugs nas// rdo rje kun 'chang slob dpon ni// dngos grub kun la 'grub par 'gyur// rang nyid khrus byas dri zhim bsgos// ji snyed rgyan dang gos dang ldan// sna tshogs gos kyis yang dag bklubs// phreng bcas kha ni dri zhim pa// rdo rje sems dpa'i sbyor ba yis// me tog spos dang dri snod bcas// rdo rje glu ni 'di dag gis// gar byed grong khyer 'jug par bya// de la mchog tu gsang ba'i dpal dam tshig gsum 'jug la mchog tu gsang ba'i glu'i mchod pa mchog tu grub pa 'di yin te/ dngos grub kun gyi bde ba nyams dga' ba'i// thar pa'i grong du bcom ldan bde chen 'jug/ mchog tu bde ba dam pa'i dngos grub kyis// dzaHhUM baM hoHrab tu grub par mdzod// rab tu zhugs te g.yon pa yis// rdo rje'i mig gis mgon la 'dud// g.yon pa bsnyems pas cung zad bzhad// bstod cing mdzes pa'i mig btsums pa// de la mchog tu gsang ba dam pa dpal dam tshig gsum gyi phyag 'tshal ba'i me tog gi sil ma dor ba'i mchog tu gsang ba rdo rje glu'i mchod pa mchog tu grub pa

  235. 118a

    'di yin te// mchog tu bde ba'i sems ni rol par ldan// sgeg pa'i phyag gis bcom ldan 'das la 'dud// dzaHhUM baM hoHhi hi hi hi hi mgon po snyim pa'i me tog bzhes su gsol// de nas me tog sil ma dor// rdo rje sems dpa'i dbang bskur bas// rdo rje dril bu'i phyag rgya dang // ldan pa'i don gsal sbyin par bya// de la mchog tu gsang ba dam pa'i dpal dam tshig gsum gyi rdo rje sems dpa'i dbang bskur ba'i mchog tu gsang ba'i rdo rje'i glu'i mchod pa mchog tu grub pa 'di yin te/ oM/ sangs rgyas kun ldan rin chen mchog gis brgyan// lha yi cod pan dang bcas khyod la 'dud// rdo rje 'chang bdag rin chen dbang bskur bas// rdo rje sems dpa' sa ma ya s+t+waM haM// de nyid kyis na rdo rje gzung // chos kyi dril bu dkrol bar bya// dam tshig gis ni phyag rgya cher// byin gyis brlabs nas snying po bzlas// rdo rje la sogs thob bzung bas// rdo rje sems dpa' gnyis pa 'dra// rdo rje thams cad 'dzin rgyal po// rdo rje can gyis byin brlabs 'gyur// zhes bya ba mchog tu gsang ba dam pa'i dpal dam tshig gsum gyis bdag la byin gyis brlab pa'i sgrub pa gcig pu'i cho ga mchog tu grub pa bcom ldan 'das rdo rje sems dpas gsungs so// de nas 'dir bsgrub bshad bya ba// dngos grub shin tu rtag pa yang // gang gis sgrub po dam

  236. 118b

    pa dang / sdig chen byed pa rnams kyang ni// rdo rje sems dpas gsungs pa bzhin// ma grub rnams kyang grub par 'gyur// lugs ma'am ni brdungs ma'am// 'dus byas pa'am bris pa'am// dang po'i sems dpa' bzhugs gsol nas// de yi mdun du cho ga bzhin// rtag tu rdo rje dril 'chang zhing // dngos grub mchog ni bsgrub par bya// thams cad dgug dang mchod pa che// bdag byin rlabs sogs bsgrub rnams so// de la ji ltar mchog tu gsang ba dam pa'i dpal dam tshig gsum gyi dngos grub thams cad dgug pa'i rgyud ni 'di yin te/ rang lhag lha yi sbyor ba las// thams cad dgug pa'i sbyor ba yis// yan lag mchog gis rol bcas pas// gar bya zhing ni dgug par bya// de nas de bzhin gshegs pa thams cad kyi mchog gi dngos grub mchog tu gsang ba'i dam tshig gi glu'i mchod pa ni 'di yin te/ dzaHmchog dang po'i rdo rje 'chang ba rdo rje sems dpa' bde ba rab rtogs rab tu dga' ba khyod bdag sangs rgyas so sor rtogs// hUM mchog rdo rje las ni mchog tu mi 'gyur zad med srid pa rab bsgrub bde dang yid bde dam ga bdag la deng grub mdzod// baM mchog bdag gi sku 'dzin rnal 'byor thams cad rnam rgyal bsgreng ba rab mchog dag pa bde bar 'gyur ba'i pad+ma'i rgyal po kye// hoHrab mchog ni mchog gi dngos grub dam

  237. 119a

    pa thams cad dbang phyug dam par bdag gyur cig/ rtag par bdag 'phel nam mkha'i snying po khyod// hu lu hu lu'i sgrub pas dbab par mdzod// dam tshig chen pos yang dag dgug pa khyod// de bzhin gshegs pa kun gyi dam tshig ste// rab tu dga' ba mchog bdag po// de la mchog tu gsang ba dam pa'i dpal dam tshig gsum gyi dngos grub thams cad kyi mchod pa chen po'i cho ga ci ltar yin/ rang lha'i rnal 'byor ji bzhin du// mchod pa kun mchog sku rnams kyi// mchod de sngags pas glu rnams kyi// rol mo'i rnam 'phrul gyis rjes mchod// de nas de bzhin gshegs pa thams cad kyis mchog gi dngos grub kyi mchod pa chen po'i cho ga'i mchog tu gsang ba'i dam tshig gi rdo rje'i glu'i mchod pa ni 'di yin te/ thams cad rjes su chags pa bde ba dam pa'i thugs// rdo rje sems dpa' khyod ni rab tu dga' ba yin// bde ba chen po gsal mthong bdag la bstan gyur cig/ myur du so sor mkhyen nas rab tu 'dod pa bsgrubs// de la mchog tu gsang ba dam pa'i dpal// dam tshig gsum gyi dngos grub thams cad byin gyis brlabs pa'i sgrub pa chen po ci ltar yin// rang lha'i sbyor ba ji bzhin du// phyag rgya kun gyis byin brlabs pa// de nyid chen po'i mchog gis ni// rang nyid bsgrubs te snying po bzla// de nas de bzhin

  238. 119b

    gshegs pa thams cad kyi mchog gi dngos grub byin gyis brlabs pa'i gsang ba chen po dam pa'i dam tshig gi/ rdo rje glu'i mchod pa mchog tu grub pa 'di yin te/ oM nam mkha' skye ba mtshan ldan phyir// thog ma tha ma med pa'i mchog/ sems dpa' rdo rje che rang bzhin// rdo rje sems dpa' bdag grub mdzod// kun mchog dngos grub chen po ste// dbang phyug chen po lhag pa'i lha// rdo rje 'dzin pa kun gyi rgyal// mi 'gyur mchog de bdag grub mdzod// nyes pa mi mnga' rtag pa khyod// 'dod chags kyis ni rjes chags pa// 'dod chags chen po dga' ba che// bcom ldan de nyid kyis grub mdzod// shin tu dag pa kun gyi mchog/ gdod nas grol ba de bzhin gshegs// kun du bzang po kun bdag nyid// byang chub sems dpar bdag grub mdzod// dngos grub chen po kun gyi mchog/ dbang phyug chen po lhag pa'i lha// grub pa'i rdo rje cher bstod pas// rdo rje bsnyems bdag bdag mdzod cig/ dpal mchog dang po'i bcom ldan khyod// gang gis don dang glu yis bstod// de ni dngos grub kun gyi mchog/ dbang phyug chen po nyid grub 'gyur// zhes bya ba mchog gi de kho na nyid kyi mchog tu gsang ba'i glu chen po mchog tu grub pa bcom ldan 'das rdo rje 'chang gis gsungs so// dngos grub cho ga 'di yis ni// rdo rje sems dpa' yang dag

  239. 120a

    rtogs// kun mchog dngos grub chen po yi// dbang phyug nyid ni rab bsgrub pa'o// kun nas 'od zer ston sogs dang // so sor ston pa'i rmad byung rnams// rdo rje'i tshig gis rang lha las// ngo mtshar gyur rnams mthong bar 'gyur// rtog pa kun gyi sna tshogs che// dngos grub dbang phyug bde rnams kyi// myur du rang gis byin brlabs pas// rdo rje slob dpon gyis thob po// zhes bya ba bcom ldan 'das rdo rje sems dpa' mchog gi dang pos gsungs so// de la mchog tu gsang ba'i dpal dam tshig gsum gyi lha thams cad kyi bdag la byin gyis brlabs pa'i sgrub pa chen po'i rgyud ci ltar yin// rang lha rnal 'byor ji bzhin du// lha kun bdag nyid sku rnams kyis// rang lha'i rnal 'byor bdag nyid kyis// rang lhag lha nyid bsgrub par bya// de nas mchog tu gsang ba dam pa'i dpal dam tshig gsum gyi kun mchog dngos grub chen po'i dbang phyug chen po'i bdag nyid la sogs pa'i dngos grub thams cad kyi las kyi tshogs mchog tu mi 'gyur ba dam pa bla na med pa'i dga' ba dang / rab tu dga' ba dang bde ba dang yid bde ba thams cad kyi dngos grub dam pa'i cho ga rgyas pa rjes su grub pa ni 'di yin te/ rang lha'i sbyor ba ji bzhin du// rdo rje kun mchog sku rnams kyis// glu dang rol mo'i cho ga ni// rdo rje nyid kyis rjes chags

  240. 120b

    'gyur// rang lha'i sbyor ba ji bzhin du// dbyangs kyi rtsa ba rnam sad pas// glu dang rol mo'i cho ga ni// dril bu nyid kyis rjes su brjod// rang lha'i sbyor ba ji bzhin du// sna tshogs phyag rgya'i bdag po mchog/ glu dang rol mo'i cho ga ni// dam tshig gis ni rjes bsgrub bya// 'di yis rtog pa thams cad la// rdo rje 'bebs mas rab sad pas// rang gi lha yi dam tshig ni// thams cad bzhi 'gyur 'grub par 'gyur// mchog tu gsang ba dam pa'i dpal// dam tshig gsum gyi glu chen po dang / rol mo'i cho ga mchog tu gsang ba mchog tu grub pa bcom ldan 'das rdo rje sems dpas gsungs so// de nas de rjes gnas ci bzhin// ji snyed pa dang ci bde bas// me tog spos kyis mchod nas ni// khang pa'am skyed mos tshal sogs su// bdag nyid ci 'dod rang bsgrubs nas// ji snyed rgyan dang gos dang ldan// sna tshogs gos kyis yang dag bklubs// me tog phreng bcas kha dri zhim// lugs ma 'am ni brdungs pa 'am// 'dus byas sam ni ri mor bris// dang po'i 'khor lo de mdun du// cho ga bzhin du bzhugs gsol nas// rang lha'i rnal 'byor ji bzhin du// rdo rje dril bu rab sad pas// thams cad dgug dang mchod pa che// bdag byin rlabs sogs 'grub par bya// sngon du lan cig bsgrub byas nas// de nas de rjes ci 'dod par// ci 'dod pa dang ci smra

  241. 121a

    pa// thams cad bza' zhing thams cad byed// langs pa'am ni 'dug pa'am// rab tu dgod dam smra ba'am// ji bzhin de bzhin de dang der// ji 'dod par ni de bzhin gzhag/ gsang ba mchog gi 'khor lo ni// me tog sogs kyis mchod nas ni// ji bzhin du ni rjes bsgrub bya// 'di ni 'dod pa kun dbang phyug/ 'gro dang 'ong dang 'dod na 'phur// dngos grub kun gyi dbang phyug 'grub// rga shi med par gtso bor 'gyur// rdo rje sems dpa' grub chen po// phyag rgya kun gyi dbang phyug bdag/ rdo rje kun 'dzin rgyal po ni// rdo rje mtshon cha thams cad 'dzin// mi thub pa dang mi sod cing // thams cad byed cing kun gyi rten// sems can kun gyi rgyal po che// tshar gcod rjes su bzung bar nus// kun mchog rjes su chags pa che// 'dod pa 'grub pa bde ba'i mchog/ kun las rnam rgyal grub 'gyur te// kun mchog dbang phyug dam pa yin// dngos grub chen po kun gyi mchog/ dbang phyug chen po'i go 'phang gnas// rgyal po rdo rje kun 'dzin pa// sangs rgyas thams cad rab 'grub 'gyur// de ltar mchog tu rjes chags dga' ba pad+ma'i ra ba che// mchog tu gsang ba grub pa'i bla na med pa'i dngos grub stsol// mchog gi rgyal mtshan bsgreng bas gang zhig rjes su bsten pa ste// mchog gi dngos grub dbang phyug chen po nyid des

  242. 121b

    nyams myong ba// zhes bya ba bcom ldan 'das rdo rje sems dpas gsungs so// dpal mchog dang po las gsang ba chen po dam pa'i dpal dam tshig gsum dang dngos grub thams cad dgug pa dang / mchod pa chen po dang / bdag la byin gyis brlab pa la sogs pa'i cho ga rgyas pa'o// // gsungs pa mchog ni dgyes pa dang // sangs rgyas kun gyi rjes bstan pa// rdo rje sems dpa' rang gi gnas// thams cad bdag nyid rtag tu bzhugs// thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje bsnyems tshul bdag po'i bdag/ 'di ni rang byung bcom ldan 'das// lhag pa'i lha ni gcig pu nyid// ces bya ba 'grub par 'gyur ro// de ltar mchog tu rjes chags dga' ba pad+ma ra ba che// mchog tu gsang ba bla na med pa'i dngos grub stsol// mchog gi rgyal mtshan bsgreng pa gang zhig rjes su bsten pa ste// mchog gi dngos grub bde ba chen po nyid de nyams myong ba// zhes bya ba bcom ldan 'das rdo rje sems dpas gsungs so// dpal mchog dang po las/ dga' ba chen po'i dpal rdo rje don yod pa'i dga' ba'i dam tshig rnal 'byor thams cad kyi dbang phyug de bzhin gshegs pa thams cad kyi dpal rang gi dam tshig gi dkyil 'khor mchog tu gsang ba yongs su rdzogs

  243. 122a

    so// // de nas de bzhin gshegs pa thams cad kyi dam tshig chen po'i slob ma'i cho ga rgyas pa rjes su gzung ba bshad par bya'o// zhes bya ba bcom ldan 'das rdo rje sems dpas gsungs so// de la dang po kho nar re zhig de bzhin gshegs pa thams cad kyi mchog tu gsang ba dam pa'i sngags 'di lan cig brjod pas sems bskyed du bcug ste/ oM sarba yo ga tsit+taM ud pA da yA mi// 'di brjod pa tsam gyis de bzhin gshegs pa thams cad dang mi 'bral zhing phyir mi ldog pa dang bdud thams cad zil gyis gnon pa'i phyag rgya byang chub sems dpa' sems dpa' chen po de bzhin gshegs pa nyid du yang rtogs par bya'o zhes bya ba yang gsungs so// byang chub sems ni bla med pa// mchog tu bskyed par byas nas ni// snying gar rdo rje rab bzhag nas// su ra ta sa ma ya s+t+waM ho/ snying pos rdo rje ci bder bsgrub// 'di yis rdo rje bskul ba na// 'dod pa kun las 'grub par 'gyur// de nyid bskul bas myur du ni// byang chub sems ni bla med pa// kun mchog dngos grub chen po'i phyir// rdo rje sems dpa' nyid du 'gyur// zhes bya ba'i mchog bcom ldan 'das rdo rje sems dpas gsungs so// gar byas spyi bor thal mo sbyar// gos kyis gdong na g.yogs pa rnams// ci 'dod dngos grub 'dod pa yis// slob ma thams cad gzhug par

  244. 122b

    bya// ci 'dod dngos grub sems dpa' yis// slob ma me tog 'dor du gzhug/ phyag rgya gar la de babs pa'o// de de'i lha mo bsgrub par bya// de nas gdong g.yogs dgrol byas la// rnam pa kun gyi yon blangs nas// sangs rgyas rin chen dbang bskur gyis// dam tshig gsum ni gsal bar sbyin// de la rdo rje chen po'i mna'i chus dbang bskur te// 'di ltar brjod par bya'o// 'di ni khyod kyi dmyal ba'i chu// dam tshig 'das na sreg par byed// dam tshig bsrung na dngos grub ni// rdo rje bdud rtsi'i chu 'dis 'grub// rdo rje dril bu'i phyag rgya ni// gal te dkyil 'khor ma mthong smras// skye bo 'dus pa'i nang na gnas// dad pa med pas bzhad ga smod// zhes bya bas mna' bsgag go/ de la sangs rgyas kyi rin po che'i dbang bskur ba'i cho ga ni 'di yin te/ rdo rje chu yis dbang bskur nas/ de bzhin gshegs pa thams cad kyi sku'i mchog dbang bskur ba'i gnas su bzhag ste/ oM sarba ta thA ga ta ma hA sa ma ya a d+hi pa ti s+t+waM a b+hi Shiny+tsa mi ma hA badz+ra d+ha ra zhes bya ba'i sngags 'dis rdo rje lag tu sbyin par bya'o// 'di ni sangs rgyas thams cad nyid// rdo rje 'chang gi rdo rje ste// rdo rje 'chang gi brtul zhugs che// khyod kyis kyang ni rtag tu bcang // de bzhin gshegs pa thams cad kyi// byang chub mchog gi sems chen po// yongs su mi spang rtag tu

  245. 123a

    bsgrubs// shin tu gsang bde 'di yin te// oM badz+ra kar+m+ma ba d+hi d+hi shrI badz+ra nA ma sid d+hi sa ma ya s+t+waM b+hA ra b+hA ba swAH/ gang la rdo rje'i ming btags pa de la kye'i sgra dang por sbyar bar bya'o// de'i ming de yang ji srid byang chub snying po'i mthar thug pa'i bar gyi de bzhin gshegs pa'i yang ming du 'gyur ro// de la mchog tu gsang ba dam pa'i dpal dam tshig gsum sbyin pa ni 'di yin te/ thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje bsnyems tshul bdag po'i bdag/ zhes bya ba bcom ldan 'das dpal mchog dang po'i skyes bu mchog gi de kho na nyid kyi gsang ba lnga'i de kho na nyid bshad par byas nas rdo rje sbyin par bya'o// 'di bcom ldan 'das srid pa'i bdag po dam pa kun gyi mchog dbang phyug gi dam pa de bzhin gshegs pa de nyid chos kyi mchog gi bka' yang dag pa stsol bar mdzad pa ni// srid pa rang bzhin nyid kyis dag/ rang bzhin gyis ni srid bral byas// rang bzhin dag pa'i sems dpa' mchog/ srid pa mchog ni mdzad pa yin// mchog tu gsang ba'i chos nyid 'bebs pa ni dril bu'o// de bzhin gshegs pa thams cad la mchod par bya ba'am lha grub pa'i tshe dkrol bar bya'o// de nas chos thams cad kyi de kho na nyid rab tu sad pa'i phab pa rnams kyis

  246. 123b

    sgrib pa thams cad rnam par dag par byed pa yin no// rdo rje thams cad 'bebs par byed pa dang rab tu sgrub par byed pa dang / dbang du byed pa dang rab tu dang bar byed pa zhes bya bar bsgrub par 'gyur ro// de nas srid pa dag pa'i thabs kyi mchog rtog pa thams cad kyi gsang ba chen po dam tshig la rtag tu bsten par bya'o zhes bya'o// de la 'di ni deng khyod kyi// srid bde shin tu myur bar ni// sdug bsngal chen po dag bya'i phyir// shin tu bde ba dam pa'i thabs// dam tshig 'di ni rtag tu bskyed// 'dod pa'i longs spyod thams cad la// ci 'dod par ni brten bzhin du// rang gi lha yi sbyor ba yis// bdag dang gzhan la mchod par bya// de bzhin gshegs pa thams cad kyi bla na med pa'i mchog tu gsang ba'i theg pa chen po'i yang chen po dam tshig gi sbyor ba ni bcon ldan 'das kyi dam tshig go// 'di ltar de bzhin gshegs pa kun gyis kyang // 'da' ba ru ni mi mdzad pas// phyag rgya'i dam tshig ces ni bsgrags// yid kyi sku ni brtan phyir ro// zhes bya ba mchog tu gsang ba bcom ldan 'das rdo rje sems dpas gsungs so// de la 'di brjod par bya ste// ji srid 'khor ba'i gnas su ni// mkhas mchog 'dug par gyur pa'i tshe// ji srid mtshungs med sems can don// mya ngan mi 'da' byed par nus// gsang ba dam pa dam tshig thabs// bsod

  247. 124a

    nams byin gyi brlabs bsgrubs pa// rtag tu dngos grub kun dbang phyug/ sems can don ni byed pa yin// dam tshig 'dis ni mchog sgrub cing // ci bde bar ni sgrub byed pa// nyes pa spyad kyang sdig kun gyis// rnam pa kun tu gnod mi 'gyur// 'dod pa chen po grub par 'gyur// kun bdag dam tshig dbang phyug dang // thams cad rdo rje 'dzin rgyal po// kun mchog dbang phyug dam pa'o// las kyi tshogs kyi dngos grub kyis// ma lus bsgrubs pas 'grub par 'gyur// bdag gzhan thams cad rgyas btab pas// yang na bsgrub bya kun la yang // don yod mchog tu grub pa dang // rnal 'byor thams cad rjes sgrub byed// dpal ldan sdug bsngal kun 'phrog byed// dam tshig 'da' bar dka' ba'o// zhes bya ba mchog tu gsang ba bcom ldan 'das rdo rje sems dpas gsungs so// rdo rje la sogs thob 'dzin pas// dngos grub kun gyi bde ba kun// phab pas rdo rje slob ma yis// dkyil 'khor du ni nyams su myong // de nas thams cad gzengs bstod pas// sangs rgyas kun gyi bdag nyid dngos// rdo rje'i ming gis dbang bskur bas// de bzhin gshegs ni lung bstan bya// de la de bzhin gshegs pa thams cad kyi lung bstan pa'i rdo rje sems dpa'i cho ga 'di yin te/ sangs rgyas kun gyis phyag rgya che// gzengs bstod pa

  248. 124b

    yi gang lung bstan// de ni sangs rgyas thams cad nyid// rdo rje ming gis dbang bskur ba'o// oM 'di ni ngas khyod lung bstan te// rdo rje sems dpa' de bzhin gshegs// srid pa shin tu grub pa'i phyir// srid pa'i ngan 'gro las khyod ston// he badz+ra nA maHta thA ga ta sid d+hi sa ma ya s+t+waM b+hur b+hu ba swaH/ gang la gzengs bstod pa 'di dang phyag rgya chen por lung bstan pa mchog tu gsang ba'i cho gas byas pa de la rdo rje sems dpa' la sogs pa'i de bzhin gshegs pa thams cad dang rdo rje 'chang dang bcas pa'i byang chub sems dpa'i dkyil 'khor dang bcas pa de bzhin gshegs pa thams cad kyi rang gi dam tshig gi slob dpon rnams dang mgrin gcig tu bla na med pa yang dag par rdzogs pa'i byang chub tu lung bstan par mdzad do// 'di lta ste gzengs bstod pa 'di nyid kyi phyag rgya chen po dang mchog tu gsang ba dam pa'i dngos grub kyis byin gyis brlabs pa 'di dang sngags kyi stobs la dad par bya'o// de nas ci lta ba bzhin du zhugs pa rnams la/ de bzhin gshegs pa thams cad 'dus pa la sogs pa'i dbugs dbyung ba sbyin par bya'o// de bzhin gshegs pa thams cad rdo rje 'chang dang bcas pa ci snyed pa byang chub sems dpa'i dkyil 'khor dang bcas pa gang yin pa de dag thams cad rang gi dam tshig la rjes su chags pas 'dir

  249. 125a

    dgug pa dang rab tu gzhug pa dang dbang du bya ba dang bsgrub pa dang rjes su bsgrub pa rnams kyi rdo rje'i dbyings thams cad brtan par gyur pa nyid kyis/ 'di brtan par 'gyur ba chos kyi dbyings thams cad kun tu khyab pa nyid kyis kun tu zhugs pa/ nam mkha'i khams thams cad kyi rgya che ba nyid kyis 'dir rab tu bzhugs shing / legs par rab tu bzhugs pa gang yin pa de dang de dag de bzhin gshegs pa thams cad kyi rang gi dam tshig la rag las pa'i de bzhin gshegs pa nyid la lhag par dmigs nas de bzhin gshegs pa thams cad kyi rang gi dam tshig gi slob dpon de bzhin gshegs pa thams cad 'di yin no zhes bya bas byin gyis brlabs nas// de bzhin gshegs pa thams cad kyis rang gi dam tshig gi slob dpon gyis dam tshig gi mgrin gcig tu khyed rnams la dbugs dbyung ba mdzad pa yin te dad par bya'o// de bzhin gshegs pa thams cad kyi mchog tu gsang ba'i dbugs dbyung ba 'di yin te/ gsang ba'i dkyil 'khor dam pa ni// mthong ba dang ni zhugs pas kyang // sdig pa kun las nges grol zhing // khyed rnams der nyid legs par gnas// bde chen theg pa 'di las ni// slar 'chi ba ni yod min te// mi tshugs pa dang mi sod pas// ces kyang mi 'jigs rol par gyis// srid pa'i sdug bsngal

  250. 125b

    ldog pa ni// srid pa shin tu grub pa'i phyir// ston pa mchog tu gyur pa khyod// srid pa shin tu grub pa yin// dam tshig sgom pa grub pa 'di// khyod kyis rtag tu bsrung bar bya// sangs rgyas kun gyis mthun par gsungs// dam pa rtag pa'i bka' yin no// gang zhig bskyed pa tsam gyis ni// sangs rgyas nyid du dogs med pa'i// byang chub sems ni gtang mi bya// phyag rgya rdo rje gang yin pa// dam pa'i chos ni mi smod cing // nam yang btang bar mi bya'o// mi shes pa'am rmongs pa yis// des ni smad par mi bya'o// rang gi bdag nyid yongs spangs nas// dka' thub rnams kyis gdung mi bya// ci bde bar ni bde bar gzung // 'di ni ma byon rdzogs sangs rgyas// rdo rje dril bu phyag rgya rnams// nam yang yongs su spang mi bya// slob dpon smad par mi bya ste// 'di ni sangs rgyas kun dang 'dra// sangs rgyas kun mtshungs bla ma yis// slob dpon la ni gang smad pa// de ni sangs rgyas kun smad pas// rtag tu sdug bsngal thob 'gyur te// rims dang dug dang sbyar dug dang // mkha' 'gro rnams kyis gtses pa dang // gdon dang log 'dren gtum po yis// bsad nas sems can dmyal bar ltung // de bas 'bad pa thams cad kyis// rdo rje slob dpon blo gros che// dge ba rab tu mi spyoms pa// nam yang smad par mi bya'o// bla ma la ni gus

  251. 126a

    bcas yon// rjes mthun khyod kyis sbyin par bya// des ni rims sogs gnod pa rnams// phyir zhing 'byung bar mi 'gyur ro// rang gi dam tshig slob dpon ni// sbyin min bu dang chung ma dang // rang srog gis rtag bsten bya na// longs spyod g.yo bas smos ci dgos// gang gis bskal pa bye bar ni// grangs med par ni rnyed dka' ba'i// sangs rgyas nyid kyang brtson ldan la// tshe 'di nyid la ster bar byed// rtag tu rang gi dam tshig bsrung // rtag tu de bzhin gshegs pa mchod// rtag tu bla ma la yang dbul// 'di ni sangs rgyas kun dang 'dra// de byin sangs rgyas thams cad la// rtag tu sbyin pa nyid du 'gyur// de byin bsod nams tshogs yin te// tshogs las dngos grub mchog tu 'gyur// de phyir 'di ni legs gnas pas// deng khyod skye ba 'bras bur bcas// rang byung dam tshig lha dang mnyam// deng khyod 'gyur bar the tsom med// sangs rgyas rdo rje 'dzin bcas pas// kun gyi deng khyod dbang bskur bas// khams gsum gyi ni rgyal po che// rgyal po'i bdag por bstan pa yin// de ni bdud las rnam rgyal te// grong khyer mchog tu rab tu zhugs// khyed rnams kyis ni sangs rgyas nyid// deng 'dir thob par the tshom med// ces bya ba de bzhin gshegs pa thams cad dang rdo rje 'chang dang / byang chub sems dpa' chen po'i 'khor

  252. 126b

    gyi dkyil 'khor dang bcas pa'i bcom ldan 'das rdo rje sems dpa' mchog tu bden pas gsungs so// de nas de bzhin gshegs pa thams cad kyi mchog tu gsang ba de bzhin gshegs pa thams cad kyi dpal rang gi dam tshig gi slob dpon dang / slob ma'i tshogs rnams kyis dbugs dbyung ba ni 'di yin te/ phyir mi ldog pa'i phyag rgya yis// byang chub sems dang lhan cig bskyed// sangs rgyas nyid kyang rtogs bya ste// zhes bya'o// de'i rgyu gang yin zhe na/ gang phyir khyer rnams kyi bdag nyid thams cad de bzhin gshegs pa thams cad kyi byang chub kyi sems chen po bskyed pa tsam gyi mthu nyid kyis phyir mi ldog par 'gyur bapa yin no// phyir mi ldog pa nyid kyi phyir nges pa'i phung po la rnam par gnas pas/ bla na med pa yang dag par rdzogs pa'i byang chub tu nges pa nyid/ bla na med pa yang dag par rdzogs pa'i byang chub tu mngon par rdzogs par sangs rgyas par rjes su rtogs par bya'o// zhes bya'o// de nas thams cad kyi dpal dam tshig gi slob dpon gyi mchog tu gsang ba'i dbugs dbyung ba 'di yin te/ rdo rje sems dpa'i bdag sbyor ba// rnal 'byor kun dang rjes sbyor ldan// sangs rgyas nyid du rtogs bya ste// mkhas pas mchog tu brtag pa'o// zhes bya'o// de'i rgyu gang yin zhe na/ gang gi phyir khyed rnams kyi bdag nyid thams cad 'di de

  253. 127a

    bzhin gshegs pa thams cad kyi rang gi dam tshig yongs su bzung ba gdon mi za ba nyid kyi phyir/ de bzhin gshegs pa dgra bcom pa yang dag par rdzogs pa'i byang chub tu mngon par sangs rgyas pa nyid du rtogs par bya'o// de bzhin gshegs pa thams cad kyi dpal rang gi dam tshig gi rjes su sgrub pas mchog gi dngos grub rnams de bzhin gshegs pa thams cad nyid du de dag rtogs par bya'o// de'i phyir gnas skabs thams cad du yang ci nus pas sdug bsngal dang yid mi bde ba thams cad kyi skabs mi 'byed pa khyed rnams kyis rang gi bdag nyid thams cad kho na rjes su bsrung zhing gsad par mi bya'o// ci snyed pa'i longs spyod dang nye bar spyod pa thams cad kyis de bzhin gshegs pa thams cad kyi mchog tu gsang ba bla na med pa'i theg pa chen po'i dam tshig gi sbyor bas yang dag par mchod la bde bar gzung ba dang yang dag par 'phel bar bya'o// bdag nyid la ci lta ba bzhin du mngon par brtson pa de bzhin du gzhan rnams la na tshod bskyed pa yin no// lta ba log pa dang phyi rol mu stegs pa dang / nyan thos pa thams cad dang rang sangs rgyas kyi sar ltung bas lus 'di shin tu gsang ba yin no// ngag ni shin tu mi smra bas so// sems ni shin tu 'gog pas so// gang gis kyang khyed kyi lus ngag yid kyi rdo rje rnams de bzhin

  254. 127b

    gshegs pa thams cad kyi sku gsung thugs kyi rdo rje dpal rang gi dam tshig gi bla na med pa'i dngos grub mchog tu rtag par 'byung bar 'gyur zhes bya ba yang gsungs so// 'dod pa'i longs spyod thams cad kyis// cis kyang mi 'jigs rol par gyis// dam tshig 'di ni 'da' dka' ste// sdig pa med kyis ma 'jigs shig/ ces bcom ldan 'das rdo rje sems dpas mchog tu bden pas gsungs te// byang chub sems dpa'i 'khor gyi dkyil 'khor dang bcas pa'i de bzhin gshegs pa thams cad kyi thugs la dgongs pa yin no// de ltar yid ni rab dang rdo rje nyid du gyis// rang gi dam tshig mi zad bde ster bstan par gyis// de ni 'gro ba myur bde rdo rje sems dpa' dang // rab tu mnyam zhing rtag pa nyid du rtogs par gyis// de nas ro dang bza' dang spyod pa gar dang glu// rol mo'i mchod sogs kyis ni mgon mchod pa// rdo rje bla ma chen pos de phul nas// rang dang gzhan dag ci 'dod mchod par bya// myos byed myos bral btung ba ni// ci 'dod par ni bsten pa yis// glu dang rol mo'i cho ga sogs// ci bzhin rjes 'gro'i bzlas pa bya// rang gsang cho gas blangs pa yi// glu dang rol mo gar rnams kyis// sna tshogs phyag rgya'i mchod pa dang // rdo rje sems dpa'i rol mo sogs// bud med sogs dang ldan pa'am// rang gi slob ma dang bcas

  255. 128a

    pas// ci 'dod pa yi longs spyod kyis// mchod pa byas pas myur du 'grub// zhes bya ba mchog tu gsang ba bcom ldan 'das rdo rje sems dpas gsungs so// de la gsang ba'i cho ga'i glu'i khyad par ni 'di yin te/ hUM bcom ldan 'das mchog dang po'i rdo rje sems dpa'i 'o// a de bzhin gshegs pa rnams kyi'o// hi dpal 'jig rten gsum las rnam par rgyal ba'i'o// oM pad+ma'i snying po'i'o// ha nam mkha'i snying po ste// byang chub sems dpa' chen po'i rgyal po nam mkha'i snying po yin no// zhes bya ba gsungs so// rang gsang snying po'i glu dag ni// yi ge lnga pos bya ba ste// rang gsang cho gas blangs pa 'di// mchog tu gshegs pa kun gyi yin// de nas mchog tu gsang ba rdo rje glu'i mchod pa ni/ rdo rje dril bu mnyam sogs bcas// rnam par dben par rol mo dkrol// rang gsang cho gas glu blangs pa// gsang ba'i rol mos rab tu bsgrub// de nas mchog tu shin tu gsang ba'i rdo rje gar gyi mchod pa ni/ 'dzin pa dang bcas gzur ba che'i// gar ni rab tu byas nas kyang // dkyil 'khor 'dra ba'i gar byas nas// yongs su bskor bas rang mchod bya// de nas mchog tu gsang ba'i phyag rgya sna tshogs pa'i mchod pa ni// rdo rje sems dpa' la sogs lha'i// rtog pa thams cad rnams 'phrul pa// gtam rgyud phyag mtshan

  256. 128b

    phyag rgya yis// gang zhig gar de rol mo yin// gser ram yang na dngul dang ni// de bzhin shing las byas pa yi// rang gi lha yi gdong rnams kyis// grub pa'i phyag rgyas gar rnams bya// dkyil 'khor gang dang gang bstan pa// phyag rgya sna tshogs mchod pa yis// slob ma'i tshogs ni de dang de// bzla zhing thams cad mchog tu gzhug/ sna tshogs cho ga 'di yis ni// sdig pa kun las rnam grol 'gyur// bsod nams kun kyang 'phel 'gyur te// rtag tu srung bar gyur pa yin// rims dang gdon dang dug dang nad// sbyar dug mkha' 'gro'i 'tshe ba dang // bdud dang gsod par byed pa rnams// 'dis ni rab tu zhi bar 'gyur// dngos grub dag ni phun tshogs 'gyur// dga' ba de bzhin bdag po rnams// sangs rgyas kun gyi bdag nyid kyi// rnal 'byor dam pa thob par 'gyur// zhes bya ba shin tu gsang ba'i bcom ldan 'das rdo rje sems dpas gsungs so// de nas phyag rgya sna tshogs par mchod pa'i cho ga rgyas pa lhag pa'i lha thams cad re re'i mchog gsang ba 'jug pa'i rdo rje glu'i mchod pa'i cho ga rgyas pa mngon par brjod nas/ rdo rje slob dpon gyis byas bsam de las gzhan ci 'dod pa'i glu dang rol mo rnams kyis rtog pa thams cad kyi sna tshogs pa'i dam tshig chen po'i mchog tu grub pa zhes bya ba ste/ de re zhig thog ma kho nar bcom

  257. 129a

    ldan 'das dpal mchog dang po'i rdo rje sems dpa' mchog tu gsang ba'i dam tshig gi 'jug pa'i glu'i mchod pa ni/ thams cad rjes su chags pa bde ba dam pa'i thugs// rdo rje sems dpa' khyod ni rab dga' dam tshig ste// bde ba chen po brtan zhing mtho ba gsal gyur cig/ so sor rtogs nas mngon du phyogs shing myur sgrubs shig/ de nas de bzhin gshegs pa thams cad kyi rigs kyi mchog tu gsang ba'i dam tshig gi 'jug pa'i rdo rje glu'i mchod pa ni/ rdo rje sems dpa' bsdus pas na// rdo rje rin chen bla na med// rdo rje chos ni glu blangs pas// rdo rje las ni byed par 'gyur// de nas rdo rje rigs thams cad kyi mchog tu gsang ba'i dam tshig gi 'jug pa'i rdo rje glu'i mchod pa ni/ hUM rdo rje mda' gzhu dang bcas khyed la 'dud// rdo rje chags pa'i dam tshig dpal khyod 'dud// kha T+wAM 'jig dus rdo rje khyod la bdud// rdo rje dril bu bskyod pa'i dpal khyod 'dud// de nas pad+ma'i rigs thams cad kyi mchog tu gsang ba'i dam tshig gi 'dug pa'i rdo rje glu'i mchod pa ni/ la lar skye bo ma rungs pa yi srog 'phrog byed pa shin tu drag po'i sku// la lar 'gro ba mtha' yas 'dul phyir shin tu rno ba'i 'khor lo 'dzin pa'i sku// la lar pad+ma'i gdan gyi shin tu zhi ba'i sku ste 'gyur ba med pa ste// la lar shin tu 'bar ba'i 'dod

  258. 129b

    pa'i dam tshig pad+ma'i rgyal po bdag sgrubs shig/ de nas nor bu'i rigs thams cad kyi mchog tu gsang ba'i dam tshig gi 'jug pa'i rdo rje'i glu'i mchod pa ni/ dbang bskur thams cad dbang phyug dam pa las// yang dag bsgrubs shing mi zad gter gyi mchog/ kun mchog rgyal mtshan rnam rgyal bsgreng pa las// rdo rje rin chen dpal bdag legs mchod gyur// de nas ming po gsum gyi ni b+ha ra b+hu ba swaH/ de nas sring mo bzhi rnams kyi/ hrI hUM shrI b+h+yo/ de nas klu'i rigs thams cad kyi dkyil 'khor gyi ni/ phu phu/ de nas gnod sbyin gyi sde dpon chen po phyag na rdo rje'i sdig pa thams cad kyi dkyil 'khor gyi rdo rje glu'i mchod pa ni/ sarba maM ga maN+Dal mi daM badz+ra d+ha rA kra ma bi ma ra da bi ki ra b+hany+dza ud sA da ya/ nA sha ya/ ha na da ha/ pa tsa b+ha smai ku ru kro d+ha hUM kA ra man+t+ri Na/ de nas thams cad kyi mchog dbang phyug dam pa'i dkyil 'khor chen po'i mchog tu gsang ba'i dam tshig gi rdo rje glu'i mchod pa ni/ la lar dri med zla ba'i dkyil 'khor stong gi 'od kyis sku ni rnam par mdzes// la lar 'jig dus nyi ma 'char ka bye ba'i 'od zer tshogs ni 'jigs cher 'bar// la lar mdangs dang 'od zer dang ldan bde zhing zhi ba'i rgyal ba'i sku 'dzin pa// la lar shin tu mdzes pa'i gzugs 'chang mchog gi mda' dang bcas pa'i gzhu 'dzin pa// la lar gdul bya rnam

  259. 130a

    par sbyang phyir brtson pa'i rdo rje sems khyod mkha' bzhin bzhugs// ma lus 'dul ba mkhas pa'i bde ba dam pa nyid phyir bdag la grub gyur cig/ de nas mchog tu gsang ba'i mchog dam pa'i gsang ba'i mchog dpal dam tshig gsum gyi 'jug pa'i rdo rje glu'i mchod pa mchog tu grub pa ni 'di yin te// dngos grub kun gyi bde ba nyams dga' ba'i// thar pa'i grong khyer bcom ldan bde chen 'jug/ mchog tu bde ba dam pa'i dngos grub kyis// dzaHhUM baM hoHrab tu grub par mdzod// de nas shin tu mchog tu gsang ba'i cho ga mchog tu gsang ba bla na med pa'i dam pa dpal dam tshig bla na med pa'i mchog tu shin tu gsang ba'i rdo rje glu'i mchod pa mchog tu shin tu grub pa zhes bya ba mngon par brjod nas/ shin tu mchog gi de kho na nyid kyi rdo rje glu'i mchod pa'i glu dang gar gyi cho gas ci lta ba bzhin du rjes su bsgrubs nas/ so sor rjes su bsgrub par bya'o zhes bya ba dang / de bzhin gshegs pa thams cad kyi mchog tu shin tu gsang ba bla na med pa'i rtog pa thams cad kyi sna tshogs pa'i dam tshig chen po'i mchod pa mchog tu shin tu grub pa yin no zhes bya ba yang gsungs so// sna tshogs cho ga 'di yis ni// rdo rje sems dpa' bsdus pa yin// kun mchog sna tshogs chen po yi// rnal 'byor dbang phyug rab tu grub// zhes bya ba

  260. 130b

    shin tu gsang ba bcom ldan 'das rdo rje sems dpas gsungs so// de ltar dpal mchog dang po'i rtog pa'i cho ga rgyas pa gtam rgyud sna tshogs can// mchog tu gsar ba'i rol mo bla na med pa'i dngos grub nyams dang ldan pa ste// gang gis sna tshogs pa yi rgyal mtshan mthon po dang ldan kun tu rjes bsten pa// mchog gi dngos grub bde ba chen po nyid ni de yis yang dag nyams su myong // don yod mchog tu bsod nams ldan// cho ga mchog tu rtag pa ste// kun mchog gsang ba chen po ni// dngos grub thams cad myur sgrub byed// gang zhig grong khyer mchog dgyes par// zhugs te sgrub par byed rnams ni// shin tu mchog gi 'dod pa yi// dngos grub dbang phyug bde nges thob// gang gis dngos grub ma thob dang // bsod nams phun tshogs med pa rnams// dkyil 'khor mchog tu rab zhugs na// sgrub po 'dir ni rab grub 'gyur// gal te rdo rje sems dpa' mchog/ snying po sogs kyis ma grub dang // nye ba'i snying pos bsgrub byas kyang // ma grub 'dir zhugs 'grub par 'gyur// dpal mchog dang po'i rtsa rgyud du// de bzhin myur du grub pa yin// ji ltar dang po'i khyim bzhugs nas// rdo rje'i dkyil 'khor grub pa ltar// dkyil 'khor thams cad grub pa yis// de ltar thams cad grub pa min// ji ltar mchog tu gsang ba yi// khang bzangs

  261. 131a

    dam pa mthong ba yis// dam tshig rnams la nyams pa dang // sgrib pa kun gyis bsgrib pa dang // bdud sogs gdon gyis reg pa yang // rtag pa'i thar pa thob par 'gyur// dkyil 'khor du ni ma zhugs pa'am// yang na dkyil 'khor ma grub pa// slar yang mchog tu rab zhugs na// de dag myur du grub par 'gyur// grub min yang 'dir cung zad med// dngos grub las dang bde de bzhin// dngos grub thams cad bzhi 'gyur du// rtog pa kun las bsgrub par bya// zhes bya ba bcom ldan 'das rdo rje sems dpas gsungs so// dpal mchog dang po las de bzhin gshegs pa thams cad kyi dpal dam tshig chen po'i dkyil 'khor gyi cho ga shin tu gsang ba rdzogs so// // de nas de bzhin gshegs pa thams cad kyi 'jig rten gsum gyi dam tshig mchog gi gsang ba'i cho ga'i mchog ni 'di yin te/ sangs rgyas chos dang dge 'dun te// dam tshig chen po gsum 'di yin// byang chub sems dpa' mchog 'dzin pa'i// ras la dkon mchog gsum bri bya// go cha dang bcas rdo rje mchog/ go cha sogs gyis legs par brgyan// rdo rje mtshon cha brjod pa dang // pad+ma rin chen 'chang ba'o// 'khor lo de ni brtags nas su// gsang ba'i dkyil 'khor dam pa'o// ci rigs par ni bsgrub byas na// sum 'gyur du ni 'grub par

  262. 131b

    'gyur// de bzhin gshegs pa thams cad kyi dam tshig chen po zhes bya ba'i snying po mchog gi dngos grub ma lus pa ster ba 'di yin te/ oM b+hA khaM/ khyim mam yang na nag tshal lam// snga ma bzhin du brgyan nas ni// mtshon cha mchog gi cho ga yis// thams cad byas nas 'di brjod bya// de nyid kyis ni bcom ldan 'das// byang chub sems dpa' de bzhin gshegs// lta ngan rnams la phan pa'i phyir// 'di dag mya ngan 'das pa ston// ma lus 'dul ba la brtson pas// brtan zhing nges pa'i go cha bgos// shin tu srid pa la gnas mchog/ go cha la sogs bgos pa yin// sangs rgyas chos dang dge 'dun zhes// dkon mchog gsum du gyur pa yin// srid pa shin tu grub pa yi// rnam par dag pa'i dpal mdzad mchog/ ces bya ba ni de bzhin gshegs pa thams cad kyi mchog tu gsang ba'i rdo rje'o// de nas mchog tu gsang ba'i chos nyid kyi dril bu ni/ thams cad nam mkha'i mtshan nyid de// nam mkha' la yang mtshan nyid med// nam mkha' dang mnyam sbyor ba yis// kun mchog mnyam pa nyid du gsal// zhes bya ba ni shes rab kyi pha rol tu phyin pa'o// de nas dam tshig chen po gsum gyi sdom pa zhes bya ba ni/ longs spyod kun la longs spyod pa// rang lha bdag nyid kyis bsten na// dkon mchog gsum la mchod pa'i mchog/ bdag gis bya zhes

  263. 132a

    brjod cing mchod// ces bya ba ni de bzhin gshegs pa'i rnal 'byor bsgrub pa'o// thabs kyi cho ga 'di yis ni// 'dod pa'i yon tan lnga rnams kyang // bza' min pa yang bza' byas na// rtag pa'i dngos grub 'thob par 'gyur// zhes bya ba ni de bzhin gshegs pa thams cad kyi mchog tu gsang ba'i dam tshig chen po gsum mo// de ltar brjod nas snying po byin la phyag rgya bcing ba slob tu bcug nas ci ltar mngon par 'dod pa bsgrub par bya'o// de nas rdor 'dzin slob dpon gyis// rdo rje mchod pas mchod nas ni// ci 'dod pa yi mchod pa yis// slob ma thams cad mchog du gzhug/ longs spyod kun la longs spyod kyang // dkon mchog gsum po la phul ba// 'dod pas bdag dang gzhan rnams la// mchod pa nyid du 'grub par 'gyur// dpal mchog dang po las mchog tu gsang ba'i cho ga'o// // de nas rdo rje chen po khro bo'i rgyal po'i mchog tu gsang ba'i cho ga ni/ ras la bcom ldan bri bya ste// rdo rje'i rigs kun bdag po ni// rdo rje nyi ma me ltar 'bar// cho ga ji bzhin mchog tu'o// de yi pad 'dab gcig bzhugs pa// de yi 'od kyis 'khor lor sten// gsang ba'i rdo rje rnal 'byor che'i// mkha' 'gro ma rnams logs la bri// dang por dmar dang dkar ba dang // gzhan ni thal ba ltar dkar ba// gsum po dkar

  264. 132b

    dang lta ba ste// bzhi pa gser ltar dri med pa'o// rdo rje gtum po'i dbang phyug grub// rdo rje kha T+wAM bsgreng dang bcas// rdo rje 'dod pa me ltar 'bar// de yi logs la mtshan ma gtod// rdo rje khyab 'jug ma rdo rje'i// 'khor lo gtong pa de bzhin gzhan// rdo rje dril bu ba dan nam// de yi logs na g.yon bsnyems ma// cung zad mche ba gtsigs pa yis// khro dang bcas pas zhal bzhad pa// rang bdag la ni thugs gtad cing // sku ni zur gyi phyogs pa bzhugs// de nas 'di yi snying po ni// hUM/ de nas nye ba'i snying po ni// rdo rje dri la sogs lhan cig tu// rnam dben rol mo brdungs pa yis// hi yi glu dang pho mo ni// brdung zhing zur bzhi rab tu bsgrub// ces bya ba ni 'dir bzlas pa'i cho ga'o// 'khor lo der ni bstan byas nas// gsang ba'i dkyil 'khor dam pa ni// mtshon cha mchog gi cho ga yis// cho ga thams cad rgyas pa'o// de nas de kho na nyid dang chos dang / dam tshig gi cho ga sbyin pa ni/ rtag tu chags pa las byung khro// rdo rje me yi phung po'i sku// 'bar ba'i rdo rje khro bo che// rab 'bar ba yi tshogs kyi sku// rdo rje 'bar ba'i rnal 'byor che// mkha' 'gro ma rnams kun tu 'bar// zhes bya ba ni rdo rje'o// de nas chos ni/ thams cad nam mkha'i mtshan nyid de// nam mkha' la yang mtshan nyid med// nam mkha' dang mnyam rnal 'byor

  265. 133a

    pas// thams cad myur ba nyid du sgrub// nam mkha' kun mchog sbyor ba yis// thams cad nam mkha' zhes brjod cing // rdo rje'i phyag rgyas rgyas btab pas// 'jig rten gsum yang za bar byed// ces bya ba ni rdo rje rnal 'byor gyi mkha' 'gro ma'i mchog tu gsang ba'i dam tshig go/ cho ga 'di yis thams cad du// mnyam par gzhag pas bsgrub par bya// kun mchog dngos grub chen po yis// las kyi tshogs rnams mi zad pa'o// zhes bya ba'o// de nas ci lta ba bzhin du de bzhin gshegs pa'i cho gas rang gi phyag rgya rnams kyis gar gyi mchod pa byas nas 'grub par 'gyur ro// dpal mchog dang po las rdo rje rnal 'byor gyi cho ga'o// // de nas mchog tu phra ba dang // shin tu bzang ba'i rdo rje yi// grung chen gsang ba'i rnal 'byor gyi// mkha' 'gro ma yi 'khor lor bshad// grong khyer skyed mos tshal sogs ni// ci ltar ba bzhin brgyan byas nas// rdo rje 'dzin kun slob dpon gyis// ji bzhin du ni bsgrubs pa yis// yid 'ong bzhi dang lhan cig tu// rang gi phyag rgyas me tog gtor// ci lta ba bzhin grong 'dug/ g.yon pa'i kha ni gyen du gtod// rdo rje drag po bzhad chen po// sgra sgrogs mchog gi phyag rgya yis// 'jug ste mgon la phyag 'tshal bya// de la phyag ni 'di yin te// oM zhes bya ba brjod byas la// shin tu

  266. 133b

    dga' ba'i dbugs rlung gis// ru lu ru lu l+li drug ldan par ma'i ru lu ru lu lpaM ste/ 'di ni rdo rje drag po'i phyag 'tshal ba'i sgra sgrogs pa'i mchog ces bya ba 'dir rdo rje phyag gi phyag rgya ste/ phyag rgya thams cad dang gzhan rmongs pa dang thogs pa med pa'i dngos grub thams cad dang las thams cad la dgongs shing mchog tu grub pa zhes bya ba bcom ldan 'das rdo rje sems dpa' mchog tu shin tu gsang ba 'di gsungs so// de nas yid 'ong dam bcas pas// me tog sil ma dor nas ni// rdo rje pad+ma'i dbang bskur gyis// dam tshig gsum ni gsal bar sbyin// de la rdo rje sems dpa'i phyag rgya ni 'di yin te/ pad+ma'i thod pa las bya ste// de yang rdo rje byin gyi brlabs pas na/ rdo rje pad+ma zhes bya ba'o// de nas 'dir phyag rgya bcing ba ni/ sor mo thams cad phan tshun sbyar// kun mchog rtse mo dang bcas pa// mthe bo rdo rjes bkab pa ni// rdo rje pad+ma zhes 'grub po// rdo rje pad+ma'i phyag rgya 'dis// rdo rje sems dpa'i dbang bskur ba'i sbyor ba dang / rdo rje pad+ma'i rin po che'i cod pan gyis dbang bskur bar bya'o// 'dis dbang bskur ba tsam gyis bzhin gshegs pa rnams kyis shin tu gdug pa dang drag po dang rab tu gtum pa dang ma rungs pa'i sems can thal bar brlag nas thams cad las rnam par rgyal ba khams gsum ma lus pa'i stobs chen po

  267. 134a

    dang ldan pa'i 'khor los sgyur ba'i de bzhin gshegs pa thams cad ces bya bar byin gyis rlob par 'gyur ba dang / mchog tu rtag pa'i srung bar yang 'gyur ro zhes mchog tu shin tu gsang ba bcom ldan 'das rdo rje sems dpas gsungs so// de nyid kyis ni rdo rje bzung // chos kyi dril bu dkrol bar bya// dam tshig gi ni phyag rgya cher// byin gyis brlabs nas snying po bzla// rdo rje la sogs thob par gzung // rdo rje sems dpa' gnyis pa 'dra// rdo rje rnal 'byor dbang phyug grub// rdo rje can gyis byin rlabs 'gyur// bud med rnams kyang 'bebs gyur nas// ston pa'i rdo rje phab pa yis// rdo rje dang bcas phyag mtshan 'dzin// rnal 'byor ma rnams rab tu 'gyur// de la thog mar re zhig rdo rje nyi ma me ltar 'bar ba chen po thal bar rab tu zlog pa zhes bya ba/ de bzhin gshegs pa thams cad kyi rdo rje chen po'i khro bo'i rgyal po'i bdag po mchog dang po yang dag 'bebs par byed pa ste/ de bzhin gshegs pa thams cad kyi thugs rje chen po'i thabs kyis 'khon du 'dzin pa'i khro bo'i me 'bar ba'i rdo rje rdo rje dang bcas pa'i kha ga'i rgyal mtshan dang nges pa sbyor ba ba dan dang bcas pa'i dril bu 'chang ba rdo rje bsnyems pa'i bdag po shin tu khro ba 'bebs pas sgeg pa dang bcas pa'i smin mtshams kyi khro gnyer shin tu 'jigs shing

  268. 134b

    'jigs par byed pa'i spyan ser po dang ldan pa'o// de bzhin gshegs pa thams cad kyi rdo rje'i 'jigs pa chen pos 'jigs par byed pa'i spyan gyi lta ba'i phyag rgya 'dis stong phrag brgya bzlas pas 'grub par mdzad do// de bzhin gshegs pa thams cad rjes su chags pa dang dgug pa dang gzhug pa dang dbang du bya ba dang 'bebs par nus pa'o// thams cad nam mkhar sbyor ba'i ting nge 'dzin dang / lan cig brjod pa tsam gyis khams gsum ma lus pa'i rdo rje bdud rtsi la sogs pa'i bdud thams cad dang / de bzhin gshegs pa thams cad la gdug pa dang drag po dang rab tu gtum pa dang ma rungs pa'i sems can rnams dang / mkha' 'gro ma drag po thams cad dang gang zhig nyan thos dang rang sangs rgyas rnams te/ de dag kyang thal bar rlog par 'gyur na/ dgra bo la sogs pa gzhan rnams lta smos kyang ci dgos/ don yod cing thogs pa med pa dang dngos grub thams cad dang las kyi tshogs rnams la dgongs shing mchog tu grub pa'o// de nas bcom ldan 'das thugs rje chen po'i thabs shin tu drag po 'di'i man ngag gi bzlas pa ni/ sna'i dbugs phra ba nyid kyis bden pa'i rdo rje tshig gis grub pa'i yid kyi 'dod pa'i las thams cad kyi dngos grub kyi tshogs rnams la dam pa'i mchog tu grub pa'o// hUM de nas mchog tu gsang ba'i rdo rje

  269. 135a

    rnal 'byor gyi dbang phyug ma'i lha chen po rnams kyis bshad par bya ste/ de la thog mar re zhig rdo rje chen po 'dod pa'i me 'bar ba zhes bya ba'i lha mo chen po rdo rje gzhu dang mda' gtod pa'i spyan g.yon pa ste/ rdo rje spyan gyis lta ba'i phyag rgya 'dis thams cad sgrub par mdzad pa dang sgeg pa dang bcas shing g.yo ba'i spyan gyi zur gyis gzigs pa'i phyag rgyas btab pa tsam gyis thams cad la rgyas 'debs par mdzad pa dang / don yod pa thogs pa med pa dngos po thams cad las kyi tshogs rnams la dgongs shing mchog tu grub pa'o// de nas bcom ldan 'das yum 'di'i rdo rje phra mo'i g.yon pa'i khro bo'i bzlas pa ni yid kyis 'dod pas dngos grub thams cad dang / las kyi tshogs rnams la mchog tu grub pa'o// hrIHgnyis pa ni rdo rje chen po 'dod pa'i me 'bar ba'i dam tshig gi lan zhes bya ba'i lha mo ste/ dbus su rang gi lhag pa'i lha bstod pa'i zhal 'dzum pa'i spyan cung zhig 'dzums shing / dga' ba chen po rdo rje'i spyan gyi lta ba'i phyag rgya 'dis thams cad sgrub par mdzad pa dang tsum pa na dang / 'khyud pa la sogs pa rig pa'i phyag rgyas rgyas btab pa tsam gyis thams cad la rgyas 'debs par mdzad pa dang / phyag rgya thams cad 'joms par mdzad pa dang / thams cad kyis gsod par mdzad pa dang / don yod cing thogs pa med par

  270. 135b

    dngos grub thams cad dang / las kyi tshogs rnams la dgongs shing mchog tu grub pa'o// de nas bcom ldan 'das yum 'di'i bya rog gi mgrin pa'i dbyangs kyis rdo rje ngag gi khro bo'i bzlas pa ni yid kyi 'dod pas dngos grub thams cad dang / las kyi tshogs rnams la mchog tu grub pa'o// hUM/ gsum pa ni rdo rje chen po'i 'dod pa'i me 'bar ba thal bar rlog pa zhes bya ba'i lha mo chen mo ste/ bcom ldan 'das kyi rdo rje chen po dang kha T+wAM ga'i rgyal mtshan 'chang ba sgeg pa dang bcas pa'i bzhad pas smin mtshams kyi khro gnyer gyi khro bo'i spyan te/ rdo rje chen po'i khro bo ki li ki la khro bo'i spyan gyi lta ba'i phyag rgya 'dis thams cad sgrub par mdzad pa'o// badz+ra zhes bya ba dang / ru lu ru lu ru lu h+ni zhes bya ba tsam gyis bdud thams cad 'joms pa dang / don yod cing thogs pa med pa'i dngos grub thams cad dang / las kyi tshogs rnams la dgongs shing mchog tu grub pa'o// haM/ bzhi pa ni rdo rje chen po 'dod pa'i me 'bar ba thal bar rlog pa 'chi ba slong ba zhes bya ba g.yon bsnyems pa g.yas pas rang gi spyi bor rdo rje dril bu spyod par mdzad pa sgeg pa dang bcas pa'i spyan shin tu gdangs pa ste/ rdo rje rgyal po drin gyi spyan gyi lta ba'i phyag rgyas thams cad sgrub par mdzad pa/ thal lcag la sogs dang bzhad gad dang rdog pa dang phyag rgyas rgyas btab pas

  271. 136a

    pa thams cad slong bar mdzad pa/ don yod cing thogs pa med pa dngos grub thams cad dang / las kyi tshogs la dgongs shing mchog tu grub pa'o// de nas bcom ldan 'das yum 'di'i dril bu'i dbyangs kyi rdo rje khro bo'i bzlas pa ni yid kyi 'dod pas dngos grub thams cad dang las kyi tshogs thams cad la mchog tu grub pa'o// Sh+Tha/ de la sogs pa mtha' yas mchog/ chos dbyings mnyam dang mi mnyam pa// nam mkha'i khams ltar grangs med cing // rdo rje nyi ma las byung ba// nam mkha' kun gyi gnas skyabs kyi// dkyil 'khor 'di la rab zhugs pa// rdo rje mchog gi rnal 'byor gyi// dbang phyug ma lus kun nas 'bebs// de nas rdo rje rnal 'byor pa ston pa des rnal 'byor pa rang gi logs dag tu 'god pa yin te/ zla tshes dkyil 'khor rnam pa yis/ dkyil 'khor du ni dgod par bya// bkod nas thams cad kun mchog gi// dngos grub dam pa bsgrub par bya// thams cad dgug dang mchod pa che// bdag byin brlab sogs grub pa yis// shin tu gsang ba'i dkyil 'khor de// brtag pa dang ni bsgrubs nas kyang / 'dzin kun slob dpon gyis// rdo rje slob ma rnams gzhug bya// de la re zhig thog ma kho nar slob dpon gyis bcug ste tshogs kyi dkyil 'khor du dam tshig gsum gyi byin gyis rlabs kyis rdo rje rnal 'byor ma

  272. 136b

    rnams logs dag tu bzhag nas/ skyes pa rnams kyang gzhug cing byang chub kyi sems kyis rdo rje chen po'i khro bo'i dam tshig dang dam tshig sdom pa dag len du gzhug par bya'o// khye'u dang bu mo rnams rab tu bzhag la tshogs dang bcas pa'i rang nyid kyis zhugs te/ bsrung ba dang bskyab pa dang sba ba thams cad bya'o// de nas 'dir slob ma gzhug pa'i cho ga rgyas pa ni/ byang chub sems ni bla med pa// mchog tu bskyed par byas nas ni// gar byas spyi bor thal sbyar mchod// slob ma thams cad gzhug par bya// ci 'dod pa yi dngos grub bskyed// slob ma me tog dor du gzhug/ rnal 'byor ma ni gang la babs// de dang de yi lha mo 'grub// de nas gdong g.yogs bkrol nas ni// rnam pa kun tu yon blangs nas// rdo rje pad+ma'i dbang bskur gyis// dam tshig gsum ni gsal bar sbyin// 'dir mna' bsgag pa dang dbang bskur ba ni de nyid do// de la 'dir dam tshig gsum sbyin pa ni 'di yin te// mi phyed pa dang so sor rtog/ gdug pa thams cad gnon pa dang // sangs rgyas kun dngos rdo rje ste// byang chub sems ni che zhing brtan// mtshon cha de ni rgyal kun gyis// kun tu bzang po'i lag tu sbyin// bstan pa thams cad grub pa'i phyir// de phyir phyag na rdo rje yin// de nas rdo rje nyi ma me ltar 'bar ba'i mchog tu gsang ba ni/ rtag tu chags pa las byung

  273. 137a

    khro// rdo rje sems dpa' gdul bya'i phyir// rdo rje nyi ma me ltar 'bar// mchog tu 'jigs par byed pa yin// de nas mchog tu gsang ba'i rdo rje rnal 'byor gyi mkha' 'gro ma rnams kyi gsang ba mchog gi de kho na nyid ni/ rdo rje nyi ma 'char las byung // de bzhin gshegs pa'i grib ma 'di// sprul te ma lus bdud la sogs// gdug pa'i khrag ni gsol bar spyod// ces bya ba ni gsang ba mchog gi de kho na nyid do// de nas 'dir mchog tu gsang ba'i chos nyid 'bebs pa'i dril bu ni/ shin tu gdug cing drag pa dang // bdag po drag po'i bu rnams dang // shin tu gnyid ni log pa dag/ rdo rje mchog ni 'dzin pas gsungs// zhes bya ba ni bcom ldan 'das kyis gsungs so// mchog tu gsang ba'i chos nyid 'bebs pa'i rdo rje kha T+wAM ga'i rgyal mtshan dang ba dan gyis dril bu thams cad 'bebs pa dang / rab tu grub par byed pa dang / thams cad ltung bar byed pa dang / slong bar byed pa'o// de nas rnal 'byor mchog gi dam tshig ni// khrag chen ga pur dang bcas pa// tsan+dan dmar dang sbyar ba ni// tshogs kyi nang du rab zhugs nas// rdo rje dang bcas rdo rje 'dzin// srin lag mthe bo rtse mo yis// nam mkha' thams cad sbyor mchog ldan// zla ba'i btung ba bzhin myangs na// rtag pa'i dngos grub thob par 'gyur// 'dod pa kun la

  274. 137b

    longs spyod cing // ci 'dod pa ni bsten bzhin du// nam mkha' kun mchog sbyor ba yis// dngos grub thams cad thob par 'gyur// nam mkha' kun mchog sbyor ba yis// nam mkha' thams cad ces brjod cing // rdo rje'i phyag rgyas btab pa yi// 'jig rten gsum yang bza' bar bya// dngos grub las dang de bzhin bde// 'di la cung zad mi 'grub med// las kyi tshogs kyi dngos grub kyis// dngos grub ma lus sgrub par 'gyur// don yod mchog tu grub pa dang // gdug pa thams cad gnon par byed// sdug bsngal kun 'phrog dpal dang ldan// rnal 'byor 'di ni las kun byed// ces bya ba mchog tu gsang ba bcom ldan 'das rdo rje sems dpas gsungs so// de nas ro dang bza' dang spyod pa gar dang glu// rol mo'i mchod pa sogs kyis mgon la mchod// phul ba de yis rdo rje bla ma che// dad pas bdag dang gzhan rnams mchod par bya// myos bcas myos byed btung ba ni// ci 'dod par ni bsten pa yis// rdo rje nyi ma me 'bar sogs// ji bzhin rjes 'gro'i bzlas pa bzla// rang gsang tsho gas blangs pa yi// glu dang rol mo gar rnams dang // sna tshogs phyag rgya'i mchod pa dang // khams gsum rnam rgyal la sogs pa// bud med tshogs dang bcas pa yi// mchod pa rgya chen thams cad dang // ci 'dod pa yi longs spyod kyis// mchod pa

  275. 138a

    byas nas rab tu bsgrub// ces bya ba mchog tu gsang ba bcom ldan 'das rdo rje sems dpas gsungs so// de nas de bzhin gshegs pa thams cad 'dus pa la sogs pa'i dbugs dbyung ba sbyin par bya ste// 'gro ba kun gyi khams rnams kyi// phra rab rdul dang mnyam pa nyid// rtog pa'i rgyal po grub pa ste// sangs rgyas la sogs mchog grub pa'i// gang zhig blo ni dpag med pa'i// khyad par du ni dmigs mi 'gyur// de bzhin gshegs pas bde ba ni// dam pa thams cad bsdus pa'o// zad pa thams cad zad 'gyur dang // 'phel ba thams cad 'phel bar 'gyur// gang zhing mthong bas mi snang 'gyur// gang nas kyang ni 'jigs med byed// drag po dbang po nyi dbang zla// nyi ma mkha' 'gro tshogs dkyil 'khor// khros nas yi ge hUM tsam gyis// ma lus pa ni thal bar byed// rnal 'byor mkha' 'gro ma'i dkyil 'khor// mchog tu zhugs te mthong nas ni// sdig pa kun las rnam grol te// khyed rnams dang ni rab tu gnas// slar khyod 'chi ba yod min te// khyad par du ni ngan 'gro med// gzhan gyis mi thub mi sod cing // cis kyang mi 'jigs dga' bar gyis// shin tu srid pa'i dngos grub rnams// ston pa'i mchog tu gyur pa yin// dam tshig sdom pa grub pa 'di// rtag tu yang ni bsrung bar bya// sangs rgyas kun gyis

  276. 138b

    mthun par gsungs// dam pa brtag pa'i bka' yin no// byang chub sems ni spang mi bya// dam chos de bzhin dam tshig dang // slob dpon smad par mi bya ste// gang phyir rdo rje 'dzin kun de// sems can kun la phan phyir dang // theg pa thams cad 'grub pa'i phyir// gdug pa 'dul ba dag pa zhes// rdo rje mchog ni 'dzin pas gsungs// shin tu gdug cing gtum pa dang // bdag po'i grogs po bu rnams kyang // phyag rgya'i rnal 'byor mngon spyod kyis// shin tu gnyid ni log tu gzhug/ rtag tu rang gi dam tshig bsrung // rtag tu de bzhin gshegs rnams mchod// rtag tu bla ma la yang dbul// de la phul na 'bras bu che// de byin sangs rgyas thams cad la// rtag tu byin pa nyid du 'gyur// de byin bsod rnams tshogs yin te// tshogs las dngos gru mchog tu 'gyur// deng khyod skye ba 'bras bur bcas// gang phyir 'di la rab tu gnas// dam tshig rgyal po dang mnyam par// sangs rgyas kun gyis byin gyis brlabs// sangs rgyas rdo rje 'dzin kun gyis// de ring khyed la dbang bskur bas// khams gsum gyi ni rgyal srid che// stobs dpal 'khor los sgyur ba yin// rdo rje dam pa'i gsang mchog rnal 'byor ma'i// mchog gi dam tshig gsang ba mthong nas ni// bdud la sogs pa'i sha yang zos nas ni/ de bzhin gshegs sbyor thob nas khyod

  277. 139a

    grub yin// zhes bcom ldan 'das rdo rje sems dpas gsungs so// dpal mchog dang po las mchog tu gsang ba'i rdo rje rnal 'byor gyi mkha' 'gro ma'i dkyil 'khor gyi cho ga mchog tu grub pa'o// // de nas 'phags pa spyan ras gzigs dbang phyug gi mchog tu gsang ba 'gro ba 'dul ba'i cho ga ni/ ras la bcom ldan bri bar bya// pad+ma gar gyi dbang phyug gtso// glog gi 'khor lo yongs 'gyur ba'i// 'khor ba'i rnam 'phrul gar rnams kyis// pad+ma la sogs phyag mtshan bri// phyag rgya 'khor lo ltar mdzad pa// de yi logs ni thams cad la// khro gnyer ma sogs bri bar bya// drag mo la sogs phyag mtshan gzugs// pad+ma'i lha mo pad+mar bcas// dkyil 'khor der ni brtag byas na// gsang ba'i dkyil 'khor dam pa ni// mtshon cha mchog gi gang gang gis// thams cad byas nas 'di brjod bya// de nyid sangs rgyas bcom ldan 'das// spyan ras gzigs kyi dbang phyug ste// 'dul ba'i thabs kyis dag pa yis// rol pa'i gar ni mdzad pa yin// zhes bya ba ni mchog gi rdo rje ste/ ci ltar pad+ma dmar po ni// gnas kyi nyes pa sna tshogs kyi// tshon gyi nyes pas mi gos pa// de bzhin khams gsum dag pa'o// zhes bya ba ni mchog tu gsang ba'i chos nyid kyi dril bu'o// cho ga gang dang gang dag gis// 'gro ba rnams ni 'dul

  278. 139b

    'gyur ba// pad+ma dag mchog rnal 'byor bdag/ de dang de yis dag par bya// zhes bya ba ni rdo rje thams cad kyi chos kyi dam tshig go/ de nas ci lta ba bzhin du pad+ma gar gyi mchod pas mchod la cho ga thams cad rjes su spyad par bya'o// de nas bcom ldan 'das nam mkha'i snying po don thams cad grub pa'i cho ga ste/ nyi ma'i dkyil 'khor bris nas ni// ras ris de ni blo gros che// ljang gu bai DUr+ya dang mtshungs// nam mkha'i snying po bri bar bya// de yi pad+ma gcig la gnas// de yi 'od kyi 'khor lor brten// dbang bskur ma dang gter ma dang // rgyal mchog mnga' bdag mchod chen po// gsang ba'i dkyil 'khor dam pa de'i// 'khor lo brtag par byas nas ni// mtshon cha mchog gi sbyor ba yis// cho ga rgyas pa ji bzhin pa'o// de nas rdo rje mchog gi ni// nyi ma 'di ni dam pa ste// de bzhin gshegs pa thams cad mthong // nam mkha'i snying po bcom ldan 'das// bsam pa thams cad yongs rdzogs mdzad// de nas chos kyi rin po che'i dril bu ni/ bsam pa grub pa thams cad kyi// nor gyi bsam pa grub pa mchog/ de yang 'dod par rab grub phyir// 'dod las thar ba bde ba che// zhes bya ba'o// sprin min rnams ni sbyin bya'o// 'dod pa kun gyi bde ba rnams// bdag nyid dang ni gzhan rnams la// bsam pa thams cad rdzogs phyir ro// zhes bya ba

  279. 140a

    ni dam tshig gi mchog go/ dam tshig 'di yis mchog tu ni// rdo rje sems dpa' bde ba che// myur du yang dag dam pa mchog/ mi 'gyur mchog ni grub par mdzod// de ltar gsang ba mchog gi tshul dag ni// ji bzhin cho ga mchog tu rgyas pa ste// mchog chen de ni rtog pa thams cad kyi// snying po khyad par dngos grub 'grub par 'gyur// dpal mchog dang po las rtog pa thams cad kyi bsgrub pa'i cho ga'o// // de nas grub chen thams cad kyi// sgrub pa'i mchog ni bde ba che// rdo rje sems dpa' phyag rgya che// rtog pa kun mchog grub pa'i phyir// snod ma yin pa'i sems can ni// sdig pa thams cad byed rnams la// mthong ba la sogs sems can don// sems dpa' chen pos mdzad pa yin// mthong med long ba de rnams ni// bsod nams med sogs rtags ldan la// rdo rje sems sogs sems dpa' mchog/ mthong ba'i thabs kyi rgyu rnams ni// rdo rje sems sogs sems mchog gi/ sku gsung thugs kyi rdo rje yis// dam tshig mchog ni bcing ba ste// dam tshig 'da' bar dka' ba'o// rdo rje sems sogs sems dpa' yi// gang phyir sku rnams bstan pa ni// de yi phyag rgyar grags pa ste// dngos grub kun phyir de drag sprul// gang dag bzung ba tsam gyis ni// rdo rje sems dpa' la sogs mchog/ mthong zhing mngon

  280. 140b

    par mthong ba nyid// mchog tu bsdus par gyur pa yin// phyag rgya bcings pa tsam gyis ni// gang phyir bsdus par 'gyur ba ste// rdo rje sems sogs sems dpa' rnams// nyams pas 'jigs pas grub par 'gyur// ci ltar rgyal po rnams kyi bka'i// rtags kyi phyag rgya 'da' dka' ba// phyag rgya gsal ba kun gyis kyang // 'da' bar nus pa ma yin no// sangs rgyas nyid dam rdo rje 'dzin// de ltar bskal pa bye bas kyang // thob par mi 'gyur myur du ni// ci ltar phyag rgya mchog bzung ba'o// ji ltar 'dul ldan 'jig rten ni// de ltar dngos grub gsungs pa yin// de yi thabs ni phyag rgya ste// dngos grub thams cad mchog tu byed// gang zhig bcings pa tsam gyis ni// 'dus pa bde ba chen po rnams// rdo rje sems sogs skad cig gis// byin gyis brlab pa brtan par mdzad// zhes bya'o// de nas 'di gsungs nas bcom ldan 'das kyi mkhas shing mchog tu phra ba dang / zab pa dang rgya che ba bsam gyis mi khyab pa mchog tu dag pa/ thog ma dang tha ma med pa/ mi zad cing zad pa med pa/ don yod cing thogs pa med pa/ shin tu mchog tu dga' ba ma lus pa'i bde ba chen po dang yid bde ba ma lus shing lus pa med pa'i sems can gyi khams thams cad kyi dngos grub chen po'i dbang phyug chen po mchog tu mi 'gyur ba'i dngos grub thams cad kyi mchog

  281. 141a

    rdo rje dbab pa rnams kyis rab tu sad par mdzad nas// bde ba chen po'i rdo rje gsang ba'i don yod pa'i mchog gi gsang ba zhes bya ba'i mtshon cha mchog 'di mchog tu gsang ba'i cho ga rgyud rtsi ma'i mchog byin gyis rlob par mdzad pa'o// de nas de bzhin gshegs pa thams cad kyi dam tshig gis bdag la byin gyis brlab pa bsgrub pa gcig pu'i cho ga bshad par bya'o// zhes bya ba bcom ldan 'das rdo rje sems dpas gsungs so// nyin re sngon du lan cig tu// phyag rgya che dang snying po bzlas// kun gyi phyag rgya rab grub pa'i// bdag byin brlab pa gcig pus 'grub// ces bya ba ni mchog tu grub pa'o// de nas mchog tu gsang ba bdag la byin gyis brlab pa gcig pu bsgrub pa'i cho ga mchog tu grub pa ni/ lan cig dam tshig gsum mchog tu// gsang ba dam pa'i khang par ni// rdo rje la sogs thob bzung na// rdo rje can gyis byin brlabs 'gyur// de nas shin tu mchog tu gsang ba'i bdag la byin gyis brlab pa gcig pu bsgrub pa'i cho ga rgyas pa'i khyad par shin tu mchog tu grub pa ni/ rdo rje dril bu kun bdag nyid// sna tshogs phyag rgya'i skur bdag ldan// phyag rgya kun gyi rnal 'byor bdag/ rdo rje sems dpa' nyid du 'gyur// grub pa'i cho ga 'di yis ni// rdo rje sems dpa' yang dag bsdus// kun mchog dngos grub chen po yi// dbang

  282. 141b

    phyug chen po nyid byin brlabs// don yod rab tu bdag byin brlabs// rang bzhin nyid kyis thams cad du// mdor na phyag rgya thams cad ni// rang nyid bcings nas grub par 'gyur// bdag byin brlabs dang don yod phyir// myur du 'bad med dngos grub rnams// las kyi tshogs kyis bsgrubs pa yis// dngos grub kun myur 'grub par 'gyur// 'di yis cung zad mi 'grub med// dngos grub las dang de bzhin bde// thams cad byin brlab bsgrubs pa yis// mi 'gyur ba ni kun grub byed// ces bya ba bcom ldan 'das rdo rje sems dpas gsungs so// dpal mchog dang po las dngos grub thams cad byin gyis brlab pa'i cho ga mchog tu gsang ba zhes bya'o// // de nas mchog tu gsang ba'i rnal 'byor thams cad kyi cho ga rjes su bshad par bya'o zhes bya ba bcom ldan 'das rdo rje sems dpas gsungs so// de la thog ma kho nar re zhig don yod pa'i phyir ni rnal 'byor gyi skad kyi dbyings so// 'di yang brtson pa yin no zhes bya ba ni skad kyi dbyings kyi don to// gang gir brtson pa yin zhe na/ smras pa rang gi lhag pa'i lha rjes su dran par sbyor bas na rnal 'byor ro// slar yang gzhan ni yang dag par bsdu ba dang yang dag par kun tu sbyor ba dang yang dag par sbyor ba zhes bya ba ni rnal 'byor brjod pa'i rnam grangs so// gang yang dag par kun

  283. 142a

    tu sbyong ba yin zhe na/ rang gi lhag pa'i lha rjes su dran pa'i rnal 'byor rjes su bsgrub pas rang gi lhag pa'i lha'i rnal 'byor bsgrub pa'i sbyor ba zhes bya'o// de la ci ltar thams cad kyi rnal 'byor yin zhe na/ dam tshig gi rnal 'byor ni thams cad kyi rnal 'byor zhes bya ba yin no// de bzhin gshegs pa kun gyis kyang // 'da' ba ru ni mi mdzad pas// phyag rgya dam tshig rjes su bsgrags// yid kyi gzugs ni brtan phyir ro// zhes bya ba ni dam tshig gi don to// de la rjes su bsgrub pa'i rnal 'byor ni dam tshig gi rnal 'byor te thams cad kyi rnal 'byor zhes bya'o// 'di lta ste rdzas mang po yang dag par sbyar bas sbyor ba zhes bya ba grub pa de bzhin du// thams cad kyi bdag nyid kyi phyag rgya'i sbyor ba'i yang dag par kun tu sbyor bas na thams cad kyi rnal 'byor ni dam tshig gi rnal 'byor ro// de la ci ltar na thams cad kyi bdag nyid kyi rnal 'byor yin zhe na/ sangs rgyas kun bdag yang dag sbyor// ci lta'i dbyibs dang sku dang ldan// bdag nyid bdag nyid nyid la ni// bkod nas rjes su bsgrub par bya// zhes bya ba ni rang gi dam tshig gi rnal 'byor thams cad kyi rnal 'byor zhes bya'o// de la rjes su bsgrub pa ni// lhag pa'i lha ni gang gang gis// phyag rgya gang dang gang 'ching ba// de dang de yi rnal 'byor gyis// phyag rgya de dang de sbyor

  284. 142b

    bya// zhes bya'o// de nas mchog tu gsang ba'i rab mchog gi rjes su sgrub pa'i cho ga rgyas pa mchog tu shin tu grub pa ni/ bdag ni sangs rgyas thams cad nyid// gzi brjid can ni nyid kyang yin// rang gi lha yi rnal 'byor gyis// de phyir bdag nyid brtag par bya// phyag rgya thams cad kyi rnal 'byor chen po mchog tu gsang ba zhes bya'o// de nas mchog tu shin tu gsang ba'i mchog gi rjes su sgrub pa'i cho ga rgyas pa'i khyad par shin tu mchog tu grub pa ni/ rang lha'i sbyor ba ji bzhin du// sna tshogs phyag rgya'i dbang bskur ldan// phyag rgya kun bdag rnal 'byor bdag/ mi 'gyur mchog tu grub par 'gyur// rtog pa thams cad kyi sna tshogs pa'i dam tshig mchog gi rnal 'byor ni yang dag par kun tu sbyor ba zhes bya ba'o// de nas gzhan yang slar mchog tu shin tu gsang ba mchog gi rjes su sgrub pa'i cho ga rgyas pa'i khyad par mchog tu grub pa las kyang shin tu mchog tu grub pa zhes bya ba ni/ rdo rje sems dpar bdag sbyor ba'i// ji bzhin dbyings dang skur ldan pa// kun bdag phyag rgya'i rnal 'byor bdag/ mi 'gyur mchog ni grub par 'gyur// 'di ni sangs rgyas thams cad kyi// dam tshig gsal ba'i rjes 'gro ba// rnal 'byor kun bdag grub pa ste// gsal zhing shin tu grub mchog yin// 'di yis mi 'grub cung zad med// dngos grub las dang de bzhin

  285. 143a

    bde// las kyi tshogs kyi dngos grub dang / dngos grub ma lus myur du 'grub// ces bya ba ni gsang ba'i dam tshig gi rnal 'byor te shin tu mchog tu rab tu grub pa'o// 'dod pa kun la longs spyod cing // ci 'dod par ni bsten pa yis// rnal 'byor dag ni 'di dag gis// rang gi bdag nyid rab mchod bya// zhes bya ba ni de bzhin gshegs pa thams cad kyi shin tu gsang ba bla na med pa theg pa chen po'i dam tshig chen po'i rnal 'byor de bzhin gshegs pa thams cad kyi dpal gyi rang gi dam tshig gi rnal 'byor dga' ba chen po'i dpal rdo rje don yod pa'i dga' ba'i dam tshig rnal 'byor thams cad kyi bla na med pa'i bcud kyis len gyi mchog gi dngos grub kyi rnal 'byor gyi rgyal po de bzhin gshegs pa bcom ldan 'das dpal rdo rje sems dpa'o// rdo rje sems dpa'i mchog gi tshe dang na tshod gzhon pa dang nad med pa dang gzugs dang kha dog dang gzi brjid dang mthu dang stobs dang spro ba dang dngos grub mchog thams cad dang dpal dang / skal ba bzang po dang dga' ba chen po dang shin tu bde ba dang yid bde ba thams cad la dam pa mchog tu grub pa'o// ci srid ma lus shing lus pa med pa la ma lus pa'i dngos grub chen po dam pa thams cad kyi dbang phyug chen po'i bdag nyid la sogs pa'i dngos gru thams cad kyi las kyi tshogs

  286. 143b

    mchog tu grub pa ste rgyas btab pa tsam gyis skad cig gis rab tu grub pa yin no// de rgyu gang gi phyir zhe na 'di lta ste/ spyod pa phyag rgya la rag lus// phyag rgya rnal 'byor la gnas pa// rnal 'byor khyad par gyis bsgrub bya// rnal 'byor dam tshig gis sgrub byed// sems ni stong pa sgyu mar mtshungs// lus dang bral bar ma grub ste// lus de yang ni rtsig pa 'dra// bya ba med cing sems dang bral// lus kyang sems dang bral ba ste// sems kyang lus dang bral ba ni// grub pa ma yin de bzhin 'di// phyag rgya rnal 'byor cho gar brjod// ci ltar lus ni sems kyis dang // sems kyang lus kyis 'grub 'gyur ba// de bzhin phyag rgya rnal 'byor gyis// rnal 'byor dam tshig bsgrubs pas so// de ltar dam tshig rnal 'byor dag/ phan tshun du ni bsgrub pa'i phyir// phan tshun ni yang rtag bdag nyid// de bzhin gshegs par grub par 'gyur// zhes bya ba ni shin tu mchog tu gsang ba mchog tu grub pa bcom ldan 'das rdo rje sems dpas gsungs so// de la ci ltar phyag rgya thams cad dang rnal 'byor dag rjes su sgrub pa yin zhe na/ phyag rgya sku ni brtan pa'i phyir// de yang bde bas brtan par 'gyur// sdug bsngal gyis ni g.yo 'gyur ram// yang na 'chi ba thob par 'gyur// de ni rnal 'byor sems las byung // yid bde ba yis rab tu bsgrub/ yid mi bde bas g.yo/

  287. 144a

    pa'am// yang na 'gog pa thob par 'gyur// de phyir 'bad pa thams cad kyis// phyag rgya rnal 'byor rjes grub byed// dka' thub med cing nges pa med// bde ba dga' bas bsgrub par bya// zhes bya ba shin tu mchog tu gsang ba bcom ldan 'das rdo rje sems dpas gsungs so// de la dam tshig thams cad kyi rnal 'byor rjes su sgrub pa'i bde ba gang yin zhe na/ 'dod pa kun la longs spyod cing // ci 'dod par ni bsten pa yis// rang gi lha yi rnal 'byor gyis// bdag dang gzhan rnams mchod par bya// zhes bya ba'o// de bzhin gshegs pa thams cad kyi mchog tu gsang ba bla na med pa'i theg pa chen po'i yang dag par rdzogs pa'i byang chub theg pa chen po'i yang chen po'i rnal 'byor bcom ldan 'das rdo rje sems dpa' mchog tu bde ba zhes bya ba'o// de la dam tshig thams cad kyi rnal 'byor rjes su sgrub pa gang yin zhe na/ dka' thub nyes pa mi bzad pas// sdug bsngal ldan pas myur du bskam// sdug bsngal gyis ni sems g.yeng 'gyur// rnal 'byor la ni sbyor ba min// de phyir ci 'dod la spyod pa// kun za de bzhin thams cad byed// ci 'dod bya ba la spyod pa// ci 'dod par ni spyod pa spyod// gang dang gang du chags pa dang // dgod pa'am ni smra ba'am// gang dang de ru ji bzhin de// dkyil 'khor du ni ma zhugs

  288. 144b

    sam// sgrib pa rnams dang ldan pa'am// rang gi lha yi rnal 'byor bdag/ tshig gis kyang ni de bzhin 'gyur// de nyid rnal 'byor 'di yis ni// thams cad nyid ni bsgrub par bya// ngan spyod sdig pa thams cad kyis// rnam pa kun du gnod mi 'gyur// 'dod pa chen po kun bdag nyid// dbang phyug dam pa 'grub par 'gyur// thams cad rdo rje 'dzin rgyal po// kun mchog dbang phyug dam pa'o// sangs rgyas byang chub sems dpa' nyid// rnal 'byor 'di yis rnyed sla na// dngos grub rnams dang las mchog gi/ tshogs rnams gzhan lta smos ci dgos// don yod mchog tu grub pa dang // phyag rgya thams cad rjes grub byed// dpal ldan sdug bsngal kun 'phrog pa'i// rnal 'byor 'di ni mi 'gyur mchog/ ces bya ba mchog tu yid bde ba bcom ldan 'das rdo rje sems dpas gsungs so// de la rnal 'byor thams cad bcing ba ci ltar yin zhe na/ bsam pa med cing thams cad smra// de bzhin thams cad bsam nas kyang // ye shes tsam la snyoms 'jug pa// rang bzhin nyid du snyoms par zhugs// de la ci ltar rnal 'byor thams cad bcing ba dang lung bstan pa yin zhe na// rang gi lha yi sbyor ba yis// dngos grub thams cad rab sbyor bas// ye shes tsam la sbyor ba 'dir// rnal 'byor zhes ni brjod pa yin// zhes bya ba ni phyag rgya thams cad

  289. 145a

    kyi rnal 'byor gyi cho ga mchog tu shin tu gsang ba zhes bya ba'o// de nas bcom ldan 'das kyis thams cad rnal 'byor dang rnal 'byor chen po dang shin tu rnal 'byor bcing ba dang lung bstan pa gsungs te/ rdo rje sems dpa' bdag sbyor bas// mchod pa kun gyi rjes sbyor ba// rnal 'byor thams cad rab sbyor 'di// rnal 'byor zhes ni brjod par bya// de la 'di ltar brjod bya ste// de nyid chen po 'di grub ste// mchog tu mchog gi bdag nyid ni// shin tu mchog tu gsang ba ste// so so'i skye bo la brjod min// rdo rje slob dpon slob ma mchog/ de nyid dad pa'i rjes 'brang la// thams cad rnal 'byor cho ga sbyor// gzhan rnams la ni rim kyis so// 'di la sgrub med cung zad med// dngos grub las dang bde ba dang // thams cad rnal 'byor rjes bsgrubs pas// mi 'gyur thams cad sgrub par byed// rnal 'byor cho ga gsal ba 'di// gcig pu'ang gang la yod gyur na// gzhan gyis mi zung mi sod cing // bdud la sogs pas non mi 'gyur// de la rgyal po rdo rje 'dzin// rdo rje sems dpa' de bzhin gshegs// kun mchog dngos grub chen po yi// rnal 'byor dbang phyug rab grub 'gyur// zhes bcom ldan 'das rdo rje sems dpas gsungs so// dpal mchog dang po las shin tu gsang ba'i rnal 'byor thams cad kyi cho ga mchog tu

  290. 145b

    gsang ba'o// // de nas rtog pa thams cad don yod cing thogs pa med pa mchog tu mkhas shing phra la rgya che zhing zab pa bsam gyi mi khyab cing shin tu tshad med pa ma lus shing lus pa med pa'i mchog gi dngos grub la sogs pa'i dngos grub thams cad rab tu sgrub par byed pa mchog tu grub pa'i phyag rgya'i rgyud bshad par bya'o// zhes bya ba phyag rgya thams cad kyi ye shes kyi rgyud bcom ldan 'das rdo rje sems dpas gsungs so// g.yon pa'i pang bar bkod pa yi// zhabs kyi pad+ma ci bde bar// sems dpa'i skyil mo krung bcings te// rang nyid lus ni drang por 'dzin// rdo rje gsor bas kun las rgyal// mchog gi dngos grub kun gyi phyir// sku gsung thugs kyi rdo rje yis// rdo rje sems dpa' nyid du 'gyur// 'dis ni rdo rje sems dpa' 'am// sangs rgyas nyid ni gzi can nyid// dngos grub kun gyi dbang phyug yin// tshe 'di nyid la 'grub par 'gyur// zhes bya ba thams cad kyi bdag nyid brtan pa'i bcom ldan 'das rdo rje sems dpas gsungs so// dkyil 'khor du ni ma zhugs kyang // phyag rgya chen po yongs bzung bar// bde bar gshegs pa rnams kyis kyang // phyag rgyas mchod cing bkur bar 'gyur// gang gis 'di mthong phyag byed dang // bstod pa dang ni mchod par byed// ston pa mthong dang phyag byed dang // de yis bdag po

  291. 146a

    mchod par 'gyur// dngos grub kun gyi chags chen po'i// bde ba phun tshogs dbang phyug che// phyag rgya chen pos grub 'gyur te// rdo rje sems dpa' gnyis pa 'dra// lha la sogs pa'i dngos grub kun// las kun gyis ni bde ba yang // phyag rgya chen po'i byin rlabs kyis// khyad par du ni rab tu 'jug/ de yis mi 'grub gang yang med// dngos grub las dang de bzhin bde// phyag rgya chen po'i byin rlabs pas// bsgrubs pa'i stobs kyis mchog kun 'byung // de nas thog ma dang tha ma med pa'i rdo rje sems dpa' la sogs pa'i sems dpa' chen po kun gyi dkyil 'khor chen po thams cad kyi dam tshig dang chos dang las dang / gdon mi za bar dgug pa dang gzhug pa dang 'bebs pa dang rjes su chags pa dang dbang du byed pa dang bsgrub pa thams cad mchog gi sgrub pa thams cad kyi dam tshig chen po'i phyag rgya bde ba chen po'i rdo rje gsang ba'i dam tshig ces bya ba'o// de bcing ba ni 'di yin te// sor mo thams cad mnyam sbyar bas// rdo rje thal mo zhes brjod do// kun mchog nang du bsdams pa yis// rdo rje bsdams pa bshad pa yin// rdo rje bsdams pa'i nang du ni// mdzub mo mthe bo yang dag sbyar// g.yas pa'i mthe bong rtags kyis ni// rtse mo bkug nas btsir bar bya// mda' lnga bsdus pa bcings nas ni// dbus ma

  292. 146b

    bcings pa'i nang du gnas// mthe bong mthe'u chung rdo rjer bsdams// de yi dang po'i rdo rje mchog/ rdo rje bsdams pa de bcings nas// dbus ma'i rdo rje lcags kyu gnyis// dgug pa'i tshul ni de nyid kyis// rang gi snying gar lcags kyus brdeg/ lcags kyu'i rgyal po 'di yis ni// rdo rje sems dpa' rgyal po che// dga' ba'i rdo rje lcags kyus dgug/ slar yang nye ba'i snying po sgrub// snying gar brdeg pa drag po ni// rjes su chags pa'i me yis gdungs// snying po 'phrog pas dbang gyur dgyes// myur du byon nas grub par 'gyur// zhes bcom ldan 'das chags pa chen po dang bde ba chen po rdo rje chen po bcom ldan 'das rdo rje 'chang chen pos gsungs so// de bzhin du de bzhin gshegs pa thams cad dang / byang chub sems dpa'i rdo rje la sogs pa dang brtan pa dang g.yo ba'i dngos po thams cad rgyas btab pas 'ongs te myur du 'grub par 'gyur ro// gal te ma 'ongs na 'jig par 'gyur ro// bde ba chen po rdo rje don yod pa'i dam tshig ces bya ba'i snying po mchog gi phyag rgya'o// rdo rje mchod yon rdo rje thal mo shin tu rab tu brkyang pa'i thal mo'o// de nas dang po'i rdo rje'i phyag rgya dbus ma'i rdo rje bzang ba'i me tog gi lcug mas bzla bar bya'o// rdo rje'i chu dang rdo rje khu tshur gyis dbang bskur na/ thams cad kyi bdag po nyid dang tshe 'phel ba la sogs

  293. 147a

    pa'i dngos grub thams cad la dgos pa yin pas btung ba byas na bsdug sngal thams cad 'joms pa yin no// de nas dang po'i dkyil 'khor du 'jug pa'i phyag rgya ni// ba dan gsum dang kha T+wAM ga/ bcings na ci nus par ni dga'// rdo rje gar bskor dgrol ba yi// yongs su bskor bar 'dzin pa che// ka pu ta kha'i sbyor ba ni// spyi bor bzhag ste phab nas kyang // sgeg bcas mdzub mo mthe'u chung sogs// bkrol nas rdo rje can la dbul// 'di yis dkyil 'khor ma zhugs kyang // rdo rje slob dpon nyid thob 'gyur// rang nyid zhugs pa tsam gyis ni// mchod pas don yod grub phyir ro// yongs su rdzogs pa'am ma tshang ba// yang na slar yang ci snyed pa'i// me tog la sogs mchod mtshan nas// thun mong dngos grub kun stsol ba'i// ba dan gsum mchog kha T+wAM ga/ sgeg bcas mtha' ma la sogs bkrol// glog gyu mchog tu bskor ba yis// rdo rje gar zhes de bshad do// sgeg mo dga' ba'i rdo rje ni// rdo rje gar gyi mchod pas mchod// sgeg pa dang bcas pa'i 'dzum pa'i mig gis phyag 'tshal pas rdo rje sems dpa' dang de bzhin gshegs pa thams cad kyang rjes su chags par byas nas phyag byed du gzhug pa'o// rdo rje thal mo bskor bas ma lus par byas nas thams cad la bstod pa'i phyag rgya'o// de bzhin gshegs pa thams

  294. 147b

    cad lcags kyu mchog ni rdo rje bsdams pa'i mthe bo bstan pa'i skyil mo krung mdzub mo gnyis bkug pa'i lus can dbus ma mnyam pa'i kha 'bus pa'i mchog gi yan lag spyi bor bzhag la g.yas logs su thams cad la cod pan bcings la mdun logs rdo rje khu tshur gnyis kyis mdud pa'i tshul bya ste// phreng ba bcings pa byas la sgeg pa dang bcas pas mthe'u chung la sogs pa bkrol te logs gnyis la dar dpyangs 'ching ba'i tshul du byas la mnyam pa'i thal mos rgyas btab pas/ rdo rje sems dpa'i dbang bskur bar 'gyur ba yin no// de nas bde ba chen po'i rdo rje bdud rtsi'i chus dbang bskur bar byas te/ thams cad kyi rdo rje slob dpon nyid dang rdo rje 'chang chen po nyid du 'gyur ba yin no// rdo rje'i khu tshur gyis rdo rje rtse lnga pa rdo rje'i 'od zer 'bar ba'i rtse mo can kha dog dmar po sbyin par bya'o// slob mas kyang slob dpon la yon phul la de nas me tog la sogs pa'i dbang bskur ba thams cad thams cad kyi slob dpon las rdo rje thal mo bskor ba'i phyag 'tshal ba'i phyag rgyas blang bar bya ste de ltar na dkyil 'khor thams cad kyi cho ga'o// // de nas dngos grub thams cad kyi dbang phyug grub pa'i rdo rje 'chang chen po rgyal po sgrub pa'i phyag rgya'i rgyud ni/ bde ba chen po'i gsang ba chen po'i lcags kyu rang gi snying

  295. 148a

    po'i sngags lan cig brjod pas rdo rje sems dpa' spyan drang ba'o// sems dpa'i skyil mo krung dang ldan pas/ rdo rje gar gyi mchod pa dbul bas glog 'gyu ba'i gar dang rdo rje khu tshur yongs su bzung bas bsnyems pa dang bcas pa'i rdo rje mtshon cha ma la sogs pa bsgreng bar byas la sgeg mo dga' ba'i rdo rje mas phyag bya'o// rdo rje glus ni glu len cing // bzlas pa'i don ni ci bde bar// rdo rje gar gyi mchod pa yis// yang dag mchod nas myur du grub// de las dang po'i rdo rje'i gsang ba'i glu 'di dang po la sogs pa rnams kyis blang bar bya ste/ thams cad bde ba dam pa rjes su chags pa'i thugs// rdo rje sems dpa' khyed ni rab tu dga' ba yin// bde ba chen po brtan zhing 'thor bar bdag gyur cig/ so sor rtogs shing myur du bsgrubs shing phyag tshal lo// rdo rje'i glu ni 'di nyid kyis// bde chen la ni lan cig bstod// rjes su chags nas shin tu dgyes// brtan par gyur nas sgrub par 'gyur// phyag rgya chen po lan cig tu// snying pos bdag nyid byin gyis brlab// shin tu g.yo med lce rtse dang // so dang mchu gnyis yang dag ldan// rdo rje dag ni dbyangs dang bral// rigs kun rab tu grub par byed// ri bi ta sogs hUM gi glu// rgyan ldan ci 'dod ci nus par// drug ldan la sogs snyan pa'i glu// ci 'dod ga ma rA ga'i

  296. 148b

    glu// rab dga' rdo rje gar gyis ni// gan dar ba yi glu mchog blang // ngag 'di ni mchog tu grub pa yin te/ bzlas pa thams cad la dgos pa ci srid mngon par 'dod pa'i bzlas pa'o// bzlas pa'i don ni nye ba'i snying po shes pa yin te/ rdo rje sems dpa' sgrub pa'o// phyag rgya chen pos rang la byin gyis brlabs nas/ rdo rje'i lta bas de bzhin du blta zhing rdo rje bsnyems pas 'dzin cing yi ge hUM dang glu'i bzlas pas bcom ldan 'das bsgrub par bya'o// lan cig bsgrub pa ni ji lta ba bzhin mngon par 'dod pa'i bzlas pas so// de nas de'i 'og tu ji ltar mngon par brtson pa dang ji ltar 'dod pa dang ji ltar mngon par 'dod pa dang ji ltar byin gyis brlabs nas yi ge hUM gi glu'i bzlas pas dga' ba chen po rdo rje don yod pa'i dga' ba'i shugs kyis rdo rje sems dpa' la sogs pa'i dngos po thams cad ci lta ba bzhin du 'dod pa dang ji ltar dga' ba bsgrub pa'o// de nas phyag rgya chen po ni// sku gsung thugs kyi rdo rje yis// ji bzhin gzugs kyi rjes 'brang bas// mtshan ma'i phyag rgya yang dag ldan// sems dpa' chen po rang nyid 'gyur// de nas dam tshig gi phyag rgya ni bde ba chen po'i rdo rje bshad pa'o// 'di las rdo rje mda' la sogs pa 'byung ba yin no// 'di lta ste phyi rol du kha bltas pa'i mdzub mo gnyis bkug pa tsam ni rdo rje'i

  297. 149a

    mda'o// mthe bo yongs su bcing pa ni rdo rje kI li ki la'o// mthe bo gnyis kha phye nas mdzub mo gnyis kyi rtse mos dbus ma 'dren pa'i srid lag dang mthe'u chung mnyam pa'i kha phye ba ni rdo rje chu srin no// brla gnyis la bskor zhing gnas pa ni rdo rje 'dod pa'i dbang phyug ma'o// rdo rje thal mo rang gi snying gar bskor bas sgeg pa dang bcas pa'i mig gis blta zhing mgo bos phyag byas la spyi bor bzhag la phab ste gyen du gtor ba dang 'og tu blugs pa dang mthe bong sbyar nas bskor ba dang rab tu brkyang zhing byug pa ni me tog dang spos dang mar me dang dri dbul ba'i rdo rje mchod pa rnams su brjod pa yin no// phyi'i mtshams rnams su rdo rje thal mo snying gar bskor bas sgeg pa'o// kha la yongs su bskor nas spyi bor 'jog pa'o// g.yon pa'i mdzub mo bkug pa'i g.yon pa g.yas pas bkug pas/ rdo rje pi wang brdung zhing rdo rje glus mngon par bstod pa'o// rdo rje khu tshur gnyis kyis gar byas la spyi bor rdo rje thal mo bcing ba'o// rdo rje bsdams pa nang du bcings pa'i g.yas pa'i mdzub mo lcags kyu'o// mthe bong gnyis kyis mdud pa'o// mdzub mo dang mthe bong rnams kyi mdud pa'o// gnyis kyi nang du mthe bong bcings pa'o// de nas gsang ba'i dam tshig rnams ni bde ba chen po rdo rje dam tshig gi gsang ba'i lcags kyu ste de las byung ba ni/

  298. 149b

    mtheb mdzub rtse sbyar dbus ma'i rtse// mig 'bras ltar byas 'dzin pa'o// dbus ma'i rdo rje'i 'og tu ni// mthe bong gis mnan btsir bar bya// rdo rje 'dren pa dang 'dra ba// srin lag mthe'u chung kha phye ba// bskor nas pus mor bzhag pa ste// gzhan rnams thams cad ji bzhin bshad// dam tshig gi rdo rje 'bebs pa mdzub mo gnyis bkug pa gnyis su byas na rdo rje khu tshur ro// de nas las dang dam tshig gi phyag rgya ni/ rdo rje dang bcas pa'i khu tshur gnyis kyis so// 'di lta ste g.yon pa bsnyems pas g.yas pa stod pa'i tshul gyis snying gar gzung ba ste/ rdo rje bsnyems pa'o// stod pa dang bcas pa'i snying gar 'dzin pa'o// rdo rje stod pa'i tshul ni ki li ki la'o// rgyal mtshan sgreng ba'o// bsnyems pa gnyis stod pa ni 'dod pa thams cad kyi rdo rje dbang phyug ma'o// mtshams rnams su ni rdo rje gar ma bshad pa'o// sgeg mo la sogs pa yang de bzhin no// rdo rje sgo ba rnams kyi ni g.yon pa'i mdud pa lag pa g.yas pa steng du byung bas rdo rje bka' bsgo ba byed pa'o// des g.yas pa bstod pa'o// mdzub mo dang mthe bong mkhrig mar bzung ste mdud de btsir ro// rang gi snying gar dril bu dkrol ba'i tshul lo// 'di rnams kyis thams cad dgug pa dang bcing ba dang gzhug pa dang // don yod par bsgrub par bya'o zhes bya ba yang gsungs so// ji

  299. 150a

    bzhin grub mchog mtshan ma rnams// dngos grub chen po myur du stsol// dang po'i phyag rgya dge 'di dag/ dkyil 'khor med pa rnams kyang 'grub// de nas dngos grub med sgrub pa'i// phyag rgya chen po bcing ba ni// dang po'i rdo rje phyag rgya bzhi'i phreng ba'i tshul du bsgrub par bya'o// gzhug pa dang dgug pa dang brtan pa dang las rnams lta bas so// rtags dang lte ba dang snying ga dang dbang bskur ba dang spyi bor gzhag par bya'o// dbus ma'i rdo rje snying ga dang rtags dang kha dang dbang bskur ba'i gnas su bzhag nas btung bar bya'o// mdzub mo dang dbus ma dang srin lag dang mthe'u chung gi rdo rje'o// dpung pa dang snying ga dang lce dang spyi bor bstod pa'o// nam mkhar bskyed pa dang mdzub mo dang srin lag 'bar ba dang snying gar dga' ba dang rang gi lus la bskor ba'o// thams cad bskor nas dbang po kun la gzhag par bya'o// dbus ma'i rdo rje dbang po thams cad la reg pa'o// rang gi las byed pas so// dbang bskur bar bzhag nas de bzhin du dngos grub byed pa'o// sa la bzhag nas bya'o// thams cad du bskor nas yid kyis sprul par bya'o// 'dzums pa med pa'i khro zhing 'bar la g.yo ba ni lta bas blta ba'o// bza' ba dang btung ba dang rked pa bskyod pa dang spyi bor bka' bsgo ba'o// thams cad du bskor zhing thams cad du dran

  300. 150b

    pas so// mthe'u chung dang mthe bong dang dbus ma'i rdo rje bzhi snying gar bya'o// mdzub mo gnyis kyis yi ge hUM dang bcas pas dgug par bya'o// dbus ma'i rdo rjes dpral bar 'phreng la mig byed pas so// rang gi snying gar bcings la g.yo ba med cing ma btsums pa'i lta bas sa 'og tu blta zhing ha hUM d+haM zhes brjod par bya'o// gnod sbyin la sogs pa'i gdong pa bris nas rdo rjes dgug pa'o// 'og gi phyogs su bzhag na rtag par 'gyur ro// kha'i dbus su bzhag na rab tu zhugs par 'gyur ro// phyag byas na mchod par 'gyur ro// snying gas grub par 'gyur ro// cig char du sor mo thams cad dral ba ni yid kyi las so// bcings nas dzaHhUM baM hoH/ dbus ma'i phyi rol du bcings pas spyi bo dang snying ga dang kha dang phyogs rnams bskor ba'o// snying gar bzhag nas rang gi rdo rjer bsgom pa'o// rang nyid byang chub sems dpa' bsgom pa'o// rang nyid de bzhin gshegs pa rjes su dran pa'o// rang nyid rdo rje 'chang chen por rjes su dran pa'o// de nas las kyi tshogs rnams bsgrub pa'i phyag rgya'i rgyud ni// rdo rje gar las byung ba'i phyag rgya rdo rje 'chang bdag dang de bzhin gshegs pa thams cad kyis kyang don yod cing thogs pa med pa'o// rdo rje sku mchog gi gtsug tor gyi las ni/ rdo rje bsdams pa btsir ba dang dbus ma'i nor bu dang bskor ba dang

  301. 151a

    sor mo thams cad kyi rdo rje dang sor mo lhag ma'i 'od zer gyi 'khor lo'o// khro bo rdo rje khu tshur gnyis kyis phyogs kyi 'khor lo bskor zhing bskor ba'o// khar bskor ba'o// snying gar phab cing 'bar bar byed pas phyogs thams cad du rdo rje 'bar ba'i ra ba ste khro bo chen po 'bar ba'i rdo rje dag gis kyang 'jug par mi nus so// dam tshig brjod par bya'o// bsgrub pa la brtsam mo// rdo rje sems dpa'i rdo rje lta ba'i 'phrog pa rnams kyis gsum dang bzhi dang phyir ldog pa dang rtag tu 'byung ba dang dpag tu med pa ni bskor zhing btsum pa med pa'i mig gis rab tu zhi ba'o// rdo rje khu tshur gnyis kyis mthe'u chung gi lcags kyu'i mdud pa dang mdzub mo gnyis mnyam pa'i las ni snying gar rab tu bzhag pa'o// byab pa'o// mdzub mo'i rtse mos gnan par bya'o// dgod pas rab tu bzhag pa'o// yongs su bskor nas de bzhin du mdzod spur gzhag par bya'o// kha T+wAM ga gnyis kyis rdo rje bcings pas mthe'u chung rdo rje'i legs par byed pa'i tshul gyis nye bar 'phel ba'o// bsdus pa'i don gyi tshul lo// rdo rjes bteg pa'o// thal mos 'phrog pa'o// rdo rjes brdung ba'o// rdo rje bsdams pa'i mdzub mo gnyis bkug cing bsnyams la nang du bzhag ste mthe bong gnyis kha phye ba'i mche ba ni rdo rje gnod sbyin gyi phyag rgya'o// des mthil dpral bar brdab

  302. 151b

    pa'o// mdzub mo'i sen mo brud pa'o// dbus ma'i rdo rje bstan pa'o// byabs nas myur du phyag rgya bkrol ba'o// sor mo sbyar nas rdo rje gtsug tor ro// ba dan gsum pa gnyis kha gyen du kha bltas pa dang 'og tu kha lta ba'i mdzub mo dang dbus ma'i mdud pa byas la mdzub mo dang dbus ma de dag 'dus pa'o// rdo rje hUM mdzad kyi las so// mdud pa btsir ba'o// cig char du phyag rgya bkrol ba'o// btsir nas dral ba'o// dbus mas bsnun te nam mkha' las ltung ba'i tshul lo// slong ba'i tshul yang ngo // ba dan gsum pa gnyis mnyam pa'i mthe'u chung rtse mo'i rdo rje dbus ma mdud pas yongs su bskor la dbang bskur ba'i gnas su mdzub mo'i rtse mo bzhag pa'o// dbye ba ni yi ge hUM gis so// gdon las dgrol ba ni yi ge hUM mu yis so// 'chi ba slong ba ni yi ge a yis so// tshe 'phel ba ni yi ge hUM gi glus so// shin tu bsrung ba ni yi ge haM gi chos kyi ngag gis so// pad+ma chen po bcings nas ci srid 'dod pa'i bzlas pa'am/ yang na pad+ma'i khu tshur g.yon pa bsnyems par mar dang til mar dang til dang 'bras dang khams kyi phye ma sbyin sreg mchog tu grub pa ste// oM ni ba ra Na sarba d+harma ta badz+ra ha ni haM/ oM bi ra dzo bi ga ta/ sarba d+harma badz+ra ha ri Ni haM/ oM saM no pa sarba d+harma pra ti bi d+ha badz+ra ha ri Ni haM// oM ni ri ti mi ta sarba d+harma ta badz+ra ha ra Ni haM/ oM swa

  303. 152a

    b+ha ba b+ha sa ra sarba d+harma ha ri Ni haM/ kata ka gnyis kyi rdo rje bsdams pa legs par byed pa'i tshul gyis sen mo brud pa'o// 'og dang steng du rdo rje bsdams pas bskyod pa'o// rdo rje bsdams pa'i mthe'u chung la sogs pa bkrol bas gar ro// rdo rje bsdams pa'i mdzub mo'i rdo rje ngag 'byin pa'o// bde ba chen po rdo rje don yod pa'i dam tshig gi lcags kyus brtan pa dang g.yo ba'i dngos po thams cad la rje rje sems dpa' la sogs pa rnams gzugs brnyan gyi tshul gyis gsal bar ston pa dang / sgra brnyan gyi tshul gyi sems can thams cad dang bdag nyid la bden pa thos su gzhug pa'o// rdo rje khro bo'i khu tshur gnyis bcings nas rdo rje lta ba'i las so// 'di lta ste 'dzums pa med pa'i lta ba sbyin pa'o// mig 'bras steng du yongs su bskor ba'o// btsums pas myur du ltung ba'o// 'og nas bslang ba'o// byab pa yang ngo// rdo rje khu tshur gnyis bcings nas mdzub mo bkug cing yongs su bskor te mche ba rnam par gtsigs pa'i 'jigs pa'i gdong gis g.yo ba med pa nyid do// yan lag thams cad glod par 'gyur ba'o// rab tu gnyid log cing kha gdangs pa'o// rang gi snying gar brdeg pa'o// myur du myang ba'o// rdo rje khu tshur gnyis bcings nas kha gdangs te 'jigs par byed pa'i kha dang ldan pas skra gyen du brdzes pa'i spyi bos 'og

  304. 152b

    nas gyen du bslang par bya ba'i las ni yi ge b+ho dang // rdo rje khu tshur mnan pa dang yi ge hUM dang bcas pa'i yan lag gi mchog gi sdigs mdzub dang / rang nyid myur du khros pas ltung ba'o// rdo rje gnod sbyin gyi phyag rgya srin lag dang mthe'u chung mnyam pa kha phye ba'i ba dan rgyal mtshan mchog gi dpung rgyan gyi las ni phyag 'tshal ba dang dgod pa dang lce skyod pa dang dpung pa gnyis bsnyems pas stod pa dang rgyal mtshan bsgreng ba'o// sems dpa'i skyil mo krung gis gnas shing rdo rje gsor ba nyid kyis ni nam mkha' dbugs gtor ba dang kun tu g.yo zhing btsums pa'i lta bas char 'bebs pa'i tshul dang khro bo rdo rje nyi ma me ltar 'bar ba'i bzlas pa dang lta ba dbrog pa dang drang bas yan lag bskor zhing thams cad rab tu 'bar bar byed pa 'bebs pa'o// rdo rje bsdams pa'i rdo rje dran ma'o// rdo rje bsdams pa'i g.yon pa'i mdzub mo bkug pa'i shing bu g.yas pa'i mdzub mos bsdus pa ni rdo rje ping bang ngo // rdo rje bsdams pa'i lag mthil dag mnye ba'o// kha dbus mnyam pa'i dbus ma lce'o// rab tu dga' ba'i rdo rje'i phyag rgya'o// bde ba chen po rdo rje mchod pa'i las ni dang po'i glu'i bzlas pa ci srid mngon par 'dod pa'o// g.yo ba med cing dgod pa dang dgug pa ni rab tu dga' ba'i rdo rje'i lta ba'i lcags kyu mas so// rang gi ma mchu so dag

  305. 153a

    gis nang du yongs su bzung ba'o// rang gi dbang po bskyod pa'o// rab tu dga' ba'i rdo rje'i gar gyis yid kyis 'dod pa'i bka' bsgo ba yang ste bcom ldan 'das rdo rje sems dpa' la sbyor ba des kyang 'da' bar mi nus na brtan pa dang g.yo ba'i dngos po gzhan lta smos kyang ci dgos// rdo rje thal mo'i mthe bo gnyis sems dpa'i skyil mo krung gi mdzub mo sgreng ba ni bcom ldan 'das rdo rje sems dpa'i sku mchog ste 'di skad cig gcig tsam bzung bas shin tu byin gyis brlabs nas bcom ldan 'das bzung zhing mchod nas sgrub par 'gyur ba dang / dngos grub thams cad la grub pa dang dgos pa yin no// spyi bor bzhag ste steng nas g.yas su bskor bar bya'o// sa la bzhag nas khro gnyer kyis gyen du drang bar bya'o// gnod sbyin gyi gzugs brnyan bris la de'i snying gar gzhag par byas na mngag gzhug tu 'gyur ro// dbang phyug chen po'i gnas su khro zhing bzlas par bya'o// ma mo'i gnas su bcing ba la yi ge b+h+yo sbyar bar bya ste ma mo 'khor dang bcas pa thams cad bsnyen bkur ba dang rol mo la sogs pa'i bka' bsgo ba thams cad byed par 'gyur ro// rdo rje gsor ba'i phyag rgyas khro ba dang bcas pa'i bzhad pa'i gdong gis las 'di ltar bya ba yin te 'dus na rkang pa g.yon pas mnan nas bsgrub par

  306. 153b

    bya'o// mdun du gzhon nu ma bsgrub cing mig gnyis kyis 'phrog par sbyar bar bya'o// b+ha ga bris nas bltas te bsgrub par bya'o// dbang phyug chen po rkang pa g.yon pas mnan la yi ge hUM sbyar bar bya'o// 'dod pa'i dbang phyug rdo rje'i mdas bsnun te de nas 'og tu kha blta bar bzhag ste gsor bar byed pa'o// rdo rje gsang ba'i mchod pas bde ba chen po'i dam tshig ces bya ba'i bshad pa'o// thams cad rdo rjer byed pa ni rdo rje khu tshur gnyis kyis go cha bcing bar byas la spyi bo dang dbang bskur ba'i gnas su gnyis gnyis bzhag la logs gnyis la gnyis dang phreng ba'i tshul gyis de bzhin du dar dpyangs bcings pas so// g.yon du rdo rje'i mda' 'phang ba'o// rdo rje bsnyems ma'o phyag rgya chen po yang ngo // dpal mchog dang po las phyag rgya thams cad kyi rgyud kyi cho ga rgyas pa'o// // de nas de bzhin gshegs pa thams cad kyi phyag rgya'i rgyud ni sems dpa'i rdo rje ma'o// de bzhin gshegs pa thams cad kyi khu tshur ro// rdo rje rin chen gyis dbang bskur ba byas na rdo rje rtse lnga pa 'od zer dang bcas pa sbyin par bya'o// mchod pa ni mnyam pa'i thal mo ci lta ba bzhin du gyen du gtor ba la sogs pa rnams kyis so// de bzhin gshegs pa'i khu tshur gnyis bcings pa ni g.yon pa'i mdzub mo phyi rol du kha bltas pa g.yas pa'i khu tshur kha bltas pas

  307. 154a

    bzung ste/ de bzhin gshegs pa thams cad kyi byang chub mngon par rdzogs pa'i byang chub mchog gi de bzhin gshegs pa thams cad kyi khu tshur zhes bya bar brjod pa ste/ don yon cing thogs pa med pa 'di bcings pas bla na med pa yang dag par rdzogs pa'i byang chub las phyir mi ldog pa dang 'bras bu dang ldan pa dang bdud la sogs pa gzhan gyis thub par mi 'gyur ro// phyag rgya 'di gang gis bcings pa de ni de bzhin gshegs pa nyid du rtogs par byed pa'o// de mchod na de bzhin gshegs pa thams cad mchod par 'gyur ro// de la phyag rgya chen po thams cad kyi cho ga rgyas pa'o// dam tshig gi phyag rgya ni pad+ma chen po'o// rdo rje'i phyag rgya'o// de bzhin gshegs pa thams cad du rtogs par byed pa'o// de mchod na de bzhin gshegs pa thams cad mchod par 'gyur ro// sku mchog ni bshad do// rdo rje las kyi phyag rgya bshad pa'o// rdo rje thal mo 'og tu brkyang la mthe bo dang mdzub mo rtse mo bcings pa snying ga las bteg ste dbang bskur ba'i gnas su rtse mo rab tu bzhag pa ni rin chen ma'o// de nyid gyen du kha lta ba'i mdzub mo gnyis phyir bkug pas rdo rje pad+ma'o// sems ma rdo rje ma ni phyi rol du dbus ma bcings pa'o// chos kyi phyag rgya'o// de nas las kyi phyag rgya ni rdo rje khu tshur zhes bshad do// g.yon pa chos gos dang bcas pa

  308. 154b

    rang gi snying gar stod pa'i tshul gyis bzung ste// g.yas pas sa gnon zhing rab tu rgyal bar byed pa zhes bya ba ste nges bdud kyi stobs rnams 'joms pa'o// de nyid yongs su bskor te gyen du kha lta bar bzung nas gzings bstod pa zhes bya ba ltung ba slong bar byed cing lung ston par byed pa'o// de nyid chos gos mtha' mar pad+ma'i 'dab ma kha 'byed par byed pa chos 'byung ste/ chos thams cad spyod par byed pa'o// de nyid ba dan gsum gyis bzung ba slong bar byed pa ste gdon mi za bar dngos grub stsol ba'o// 'di rnams g.yas pas las byed cing don yod pa dang bcings pa tsam gyis 'grub pa'o// lhag ma ni ci lta ba bzhin du bzung bas so// de nas las kyi phyag rgya rnams ni de bzhin gshegs pa thams cad kyi khu tshur nad gzir ba'o// mig yongs su sbyong ba'o// snying gar gzhag pa'o// byab pa'o// khu tshur gyis 'phrog pa'o// bza' ba'o// khros nas gtor bar bya'o// phur bu gdon pa'o// rting pa la brdeg pa'o// yi ge oM bris nas dbyi bar bya'o// so rnams kyis gzung bar bya'o// yi ge hUM dang bcas pas brdeg par bya'o// mtshon cha bris nas dbyi bar bya'o// kun tu sbyin sreg bya'o// dAr ba'i sbyin sreg bya'o// spyi bor bzhag la lta bas byab par bya'o// steng du kha T+wAM ga gzung ba'o// rang gi khyim du bskor bar bya'o// rang gi khyim du gzhag par

  309. 155a

    bya'o// 'jug par bya'o// snying ga las gdon par bya'o// lus la bskor bar bya'o// ngag 'byin pa'o// snying gar btsir bar bya'o// de bzhin gshegs pa thams cad kyi phyag rgya chen po ni sku mchog go/ brtan par bya'o// dbang po la gzhag par bya'o// kha la'o// de nyid du bskor bar bya'o// dpral bar gzhag par bya'o// snying gar ro// dpung pa gnyis la'o// brla gnyis la'o// phreng ba bcing ba'o// dbang po rnams la'o// spyi bo la'o// gdong pa la'o// kha las bton nas so// thams cad du bskor bar bya'o// phyogs rnams su bskor bar bya'o// rang dang gzhan dag de bzhin gshegs pa rjes su dran pa'o// snying ga las rjes su dran pa'o// snying gar bzhag nas dga' ba bskyed par bya'o// sangs rgyas nyid bskyed par bya'o// sangs rgyas thams cad nyid bsgom pa'o// phung po lnga la gzhag par bya'o// rdza mkhan gyi 'khor lo ltar bskor bar bya'o// lus rjes su dran pa'o// lce la gzhag par bya'o// yid kyis mngon par gdung bar bya'o// gtong ba rjes su dran pa'o// tshul khrims so// byams pa'o// brtson 'grus so// ting nge 'dzin no// shes rab bo// ye shes so// stobs so// thabs so// nges par brjod pa'o// gzungs so// sa'o// spyod pa'o// so so yang dag par rig pa'o// ma 'dres pa'o// chos so// las so// lus sna tshogs

  310. 155b

    so// sems can gyi don no// sangs rgyas kyang don no// lus so// ngag go/ yid do// rdo rje chen po'o// oM bo d+hi tsit+ta badz+re/ oM sa man+ta b+ha tre tsar+ye bi/ oM tsin+ta ma Ni/ oM a ni ro d+he/ oM dzaM ti bi ra ba ra te/ au sarba dz+nyA ne/ oM ma hA rA ga d+harma te/ oM bid+ya ka pa tse/ oM badz+ra dr-i D+ha tsit+te hUM/ oM sarba ta thA ga ta/ oM swa b+hA ba bi shud d+ha d+harma tA dz+nyA na bi shud d+he/ oM karma bi shud d+he/ hUM sum b+ha badz+ri Ni phaT/ oM karma rA ge/ oM badz+ra badz+ri Ni// oM hUM sarba d+harma Ni/ oM hrIHoM a kA ro mu khaM/ oM pra dz+nyA pA ra mi tA ye/ baM hUM/ oM aM oM sarba ta thA ga taM ka yA gre/ oM sarba ta thA ga ta bi shud d+he/ oM sarba ta thA ga ta tsit+ta badz+ra/ a/ de nas de bzhin gshegs pa thams cad kyi ngag gi phyag rgya ni dbyangs shin tu zab pa'i sgra dang ldan pa'i phyag rgya'i chos kyi ngag ste de bzhin gshegs pa thams cad kyi ngag thogs pa med par 'grub pa'o// de nas bzlas pa ni rjes su dran pas so// bsgrub pa la de bzhin no// las la nye bar sbyor ba na de bzhin gshegs pa thams cad rjes su dran pas so// de bzhin gshegs pa thams cad kyi phyag rgya bcing ba'o// de nas rdo rje nyi ma me ltar 'bar ba'i phyag rgya bcing ba ni de la phyag rgya chen po ni bdag nyid thams cad kyi rjes so// dam tshig gi phyag rgya'i rgyud ni rdo rje bsdams pa nang du bcings la sor mo thams cad gyi 'bar ba'i dkyil 'khor phyi nang

  311. 156a

    mthe bong gi rdo rje bzhag la khams gsum pa thams cad bsreg pa dang / 'tshed pa dang // thal bar byed par nus te bcom ldan 'das kyis kyang dbang du byed par 'gyur ro// de nyid kyi g.yon pa'i sor mo sdigs mdzub bya zhing g.yas pa'i lcags kyus dgug par byas na thams cad dgug pa'o// rdo rje hUM mdzad kyi phyag rgya ni khro bo'i rdo rje khu tshur gnyis pa'i rdo rjes mthe'u chung gi lcags kyu bcings te/ des sdigs mdzub bya zhing las thams cad dang dngos grub thams cad nyams su myong ba yin no// rdo rje thal mos mdzub mo bcings la khro gnyer zur du gzhag par bya zhing me stag tu myur du 'phro zhing g.yo ba ni rdo rje khro gnyer ro// thams cad sreg par byed pa dang / thams cad 'dul bar byed pa dang // rab tu 'dul bar byed pa ni khro gnyer gyi phyag rgya'o// rdo rje thal mo legs par bskor bas g.yon pa'i mdzub mo lcags kyu ste// dgug pa dang gzhug pa dang bsgrub pa thams cad la don yod pa'o// rdo rje pad+ma dbus mnyam pa'i kha 'bus kyi mdzod do// rdo rje pad+ma ni thams cad gcod par byed pa'o// rdo rje bsdams pa ni mthe bo dang mdzub mo'i gdu bus g.yas pa'i hUM gis mdzub mo bzung ste thams cad dgug pa dang gzhug pa dang mchog tu grub pa'o// rdo rje hUM mdzad las byung ba ni g.yas pa'i mdzub mos g.yon pa'i yi ge hUM bzung ba ste/

  312. 156b

    gzhu rgyud 'dren pa zhes bya ba thams cad rjes su chags par byed pa dang 'bigs par byed pa'o// rdo rje bsdams pa las rdo rje hUM mdzad kyi mchog go/ rdo rje bsdams pa'i g.yon pa'i rdo rje khu tshur g.yas pa'i rtse gsum gyis mtshan pas yongs su bzung ba ste thams cad dral bar byed pa'o// rdo rje hUM mdzad kyi g.yas pa'i khu tshur gyi mthe'u chung yang dag par brkyang pa g.yon lag pa'i steng du bzhag pa ni kha T+wAM ga sgreng ba ste/ gdug pa thams cad kyi phyag rgya phye zhing dral bar byed pa dang / rgyas 'debs pa dang / gsod pa dang / za ba la sogs pa'i yo byad thams cad g.yas pas 'khor lo bzung ba'i tshul gyis stod cing dor ba ste/ thams cad gcod pa dang // gcod par byed pa'o// rdo rje chen po'i khro bo'i rdo rje'o// g.yas pa'i rdo rje 'bebs pa dang sbyor ba spro zhing g.yo ba'i 'dab ma can gyi ba dan gsum pa'o// rdo rje bsdams pa'i mthe bong dang mdzub mo gnyis kyis rdo rje las byung ba'i srin lag mnyam par sbyar zhing mthe'u chung kha phye'o// dpal thams cad byed pa dang / rnam par rgyal bar byed pa dang / gdug pa thams cad 'joms par byed pa dang / thams cad 'bebs par byed pa'o// rdo rje sems dpa'i dbang bskur bshad pa'o// rdo rje'i rigs thams cad kyi ni/ rdo rje thal mo mnyam byas la// mdzub mo gnyis kyis dar dpyangs cing // mthe bo srin

  313. 157a

    lag rdo rje ni// yongs su bskor te dbang bskur ro// 'bar ba'i rdo rje rtse lnga pa phyag nas gzung bar bya'o// ci 'byor pas slob dpon la yon phul te dngos grub thams cad kyi mchog phun sum tshogs pa rnams 'grub par 'gyur ro zhes bya ba bcom ldan 'das rdo rje sems dpas gsungs so// rdo rje phyag rgya rdo rje ti rin+ti ri las 'byung ba ste don yod thams cad sgrub par byed pa'o// de nas las kyi phyag rgya bzhi ni dam tshig gi phyag rgya'i lha mo rnams so// de nas bcom ldan 'das kyi las kyi dam tshig ni rdo rje khu tshur g.yon pas bsnyems pa thams cad sgrub pa dang / g.yas pa'i rdo rje khu tshur gyis rdo rje gsor ba ste 'dis thams cad brgyal ba dang / 'bar ba dang / sreg pa dang / ltung ba dang / rgyas btab pa dang / gsad pa dang / slong ba dang / khams gsum las rnam par rgyal ba dang / brtan pa dang / g.yo ba thams cad la nges par sbyor ba dang / dngos grub dang / mchog thams cad bsgrub pa'o// de nas las kyi phyag rgya ni rdo rje khu tshur sdigs mdzub dang bcas pa'i mdzub mo ni khro bo'i rdo rje khu tshur ro// de dag gi las dam tshig gi phyag rgya'o// mdzub mo'i sor mo gnyis kyis thams cad dgug pa'o// snying gar cig shos dang g.yas pas gdug pa thams cad gcod pa'o// mkhrig ma'i mdud pas g.yas pa'i khro bo 'gugs pas thams cad

  314. 157b

    dgug pa dang rab tu gzhug pa'o// stong pa dang bcas pa'i mda' 'phangs pa'o// de bzhin du rdo rje rtse gsum pa la sogs pa'i rdo rje gar gyi sbyor bas rang gi phyag rgya gyen du 'phangs pa'o// las kyi dam tshig gi phyag rgya gyen du 'phangs pa'o// las kyi dam tshig gi phyag rgya gnyis su byas la rdo rje thal mo rnams kyi las kyi phyag rgya ste rdo rje gar gyi sbyor ba rang gi dam tshig gi phyag rgya steng du dor ba ste thams cad la rgyas gdab pa dang / bsgrub pa dang / gsod pa dang / 'bebs pa dang / 'tsho bar byed pa ni rdo rje gar gyi mchod pa'o// de nas ngag gi phyag rgya ni sprin gyis sgra sgrogs pa'i hUM yi ge hUM phra ba'i sgra dang bcas pa khro zhing gsal ba'i khro bo'i rdo rje dag go/ sgrub pa'i don bsgrub par bya'o// de nas ma grub na las kyi phyag rgya bcing ba'o// sgrub pa ni de bzhin du phyag rgya chen po lan cig tu bya ba'o// las la nges par sbyor ba ni khro gnyer gyis so// rdo rje hUM mdzad las byung ba'o// ske tshe dang bcas pa'i til mar rnon po'i sbyin sreg ni g.yas pas so// de nyid kyis gtang ba'o// de nyid kyis thams cad 'ching ba'o// g.yo ba med pa nyid do// gnyid log pa bstan pa'o// khro bo'i rdo rje lta ba'i bsdigs mdzub bo// phyag rgya glod par 'gyur ba'o// mdzub mo gnyis yang dag par sbyar nas phye ba'o// de dag nyid kyis gdu bu bcing ba'o// mche bas btsir ba'o// de

  315. 158a

    nas dral ba'o// g.yas pas brdeg pa'o// mdzub mo gnyis kyis 'bar ba'o// g.yas pa'i mdzub mo g.yon pa ltung ba'i tshul lo// mdzub mo gnyis kyis 'bar bar phye ba'o// gcod pa'o// mdzub mo gnyis kyis sor mo sbyar ba'i rtse mo gcod pa'o// lag pa gnyis drag tu mnye ba'o// thams cad du sor mo thams cad dor ba'o// cig char du phyag rgya dgrol ba'o// drang zhing g.yo bas sdigs mdzub po// g.yas pa'i mdzub mo gdengs ka bskyod pas sdigs mdzub bo// g.yas pa'i mdzub mo mche bas bzung ba'o// ngu ba dang / dgod pa dang / rgyug pa la sogs pas bstan pa'o// mdzub mo gnyis kyis se gol rdebs pa'o// g.yon pa'i steng du g.yas pa nye bar gzhag pa'o// sa la rab tu gzhag pa'o// bskyod par bya'o// gar bya ba'o// 'byin pa'o// brlab par bya'o// thams cad du brlab par bya'o// ha har dgod pa'o// bskor ba'i dgug par bya'o// drang bar bya'o// gtang bar bya'o// yongs su bskor nas nub par bya'o// de nas dor ba'o// myur du dor ba'o// de bzhin du kun nas 'dren pa'o// de bzhin du gyen du drang ba'o// rang nyid kyis nga ro bya'o// ngu bar bya'o// bdag nyid la brdeg par bya'o// snying gar brdeg pa sbyin par bya'o// rang nyid kyis rang gi skra 'bal bar bya'o// sdang bar sdom pa'o// rang gi gos

  316. 158b

    bstod par bya'o// khro bas de bzhin du 'bar ba ston pa'o// g.yas pa'i mdzub mo lcags kyu'o// de nyid kyis rab tu gzhug pa'o// g.yas pa'i se gol lo// g.yon pa'i se gol lo// lce reg pa ni mdzub mo gnyis kyis so// yan lag la ba spu g.yas su bskor bas 'khyil pa'o// ltung ba la sogs pa byed pa'o// dus su bsgom pa'o// khro bo'i lta bas shing drung rnams la yid kyis 'dod pa'o// de bzhin du sa la'o// lte ba'o// smin ma'o// so'o/ phu'o// phyag rgyas brdeg pa'o// rgyal mtshan bsgreng ba'o// khro ba dang bcas pa'i 'jigs byed kyi lta bas so// 'dzums pa med pa'i lta bas so// de bzhin du 'bar ba 'ching bas so// phyag rgya bskor ba'o// gtsug tor las mdzub mo'i rdo rje gzhag par bya'o// de bzhin du snying gar ro// phyag rgya de dgrol ba'o// phyag rgya zur du bslang ba'o// mdzub mo'i rtse mo brtan par sbyar ba'o// lta bas steng nas 'og tu ltung ba'o// 'og nas gyen du 'dren pa'o// yi ge hUM khros pa'o// 'jigs byed kyi lta bas so// rdo rje kha T+wAM dral ba khro bas so// rdo rje snying gar bsgom pa'o// rdo rje rtse gsum dral ba'o// gdug pa'i dkyil 'khor gzhig par bya'o// yi ge hUM gis so// ha'o// g.yas su dbugs dbyung ba'o// de nyid kyis dong tse gsor ba'o// khro bo'i lta ba de bzhin du'o// khu tshur g.yas pas mnan te g.yon pas so bzung nas

  317. 159a

    dgug par bya'o// dong tse gsor ba ni gnyis kyis so// g.yon pa'i dril bu dral ba'o// de bzhin du rdo rje hUM mdzad kyi g.yas pa'i khu tshur g.yon pa'i rdo rje khro bos mnan te/ mthe'u chung gi gdu bu bkrol ba'i khu tshur gyis 'phrog par bya'o// g.yas pa'i dril bu dral ba'o// tshegs dang bral ba ltung ba ni yid kyis so// 'khor lo dral ba'o// rtse gsum dral ba'o// rdo rje hUM mdzad kyi g.yon pa g.yas pa'i rdo rje khu tshur gyis mnan te de bzhin du gdu bu bkrol bas 'phrog par bya'o// rdo rje dang byang chub sems dpa' dang / de bzhin gshegs pa thams cad dang / rdo rje 'chang chen po rjes su dran pas mdun du bsgrub par bya'o// rdo rje khro bo rgyal po'i phyag rgya'i rgyud do// // de nas 'phags pa spyan ras gzigs dbang phyug gi phyag rgya'i rgyud ni pad+ma chen po rdo rje'i thal mo kha sgrub pa dbu ma dang mthe bong dang mthe'u chung kha phye ba'i 'dab ma bzhi pa chos nyid thams cad thob pa dang thams cad rjes su chags par byed pa'o// phyag rgya chen po rnams ni de bzhin no// dam tshig phyag rgya rdo rje pad+ma bshad pa'o// pad+ma'i rigs rnams kyi rdo rje bsdams pa las byung ba'o// de la pad+ma de bzhin gshegs pa rnams ni nang gi rdo rje bsdams pa las byung ba'o// de bzhin gshegs pa'i pad+ma pang bar gyen du kha phye ba lta bu'i ting nge 'dzin gyi ming can gyi phyag rgya

  318. 159b

    pad+ma'i spyan zhes bya'o// rdo rje pad+ma chen po'i rdo rje pad+ma snying gar rdo rje bcing ba rdo rje pad+ma'i chags pa zhes bya'o// pad+ma chen po'i bdag po'i mdzub mo mnyam pa 'og tu kha lta ba pang par bzung ba pad+ma'i sgrol ma zhes bya ba'i phyag rgya'o// pad+ma chen po'i ba dan rin po che gnyis bzung zhing des pad+ma sbyin pa'o// 'di rnams kyi chos nyid thams cad las thob pa dang thams cad rjes su chags pa dang srid pa'i sdug bsngal gyi tshogs thams cad las sgrol ba dang / bsam pa thams cad yongs su rdzogs pa'i shin tu grub pa zhes bya'o// rdo rje rtse gsum dral ba'o// de nas pad+ma'i lha'i bdag po rnams kyi phyi rol gyi bsngags pa las byung ba'o// de la don yod pa'i rgyal po ni 'og tu mdzub mo gnyis kyi kha 'bus pa khro gnyer la gzhag par bya ste pad mo'i khro gnyer gyi spyan no// rdo rje bsdams pa kha gyen du 'bar ba ni mgrin sngon gyi'o// g.yon pa'i mdzub mo bkug pa mthe bos yongs su bzung ste dung gi dbyibs de g.yas pa'i mthe bong bsgreng ba bteg ste/ mthe'u chung mnyam pa'i kha 'bus pa'i pad+ma dang / sor mo lhag pa yang dag par brkyang ba'i 'khor lo ni pad+ma'i khyab 'jug ma'o// pad+ma las byung ba'i mdzub mo gnyis bkug pa'i lcags kyu dang sor mo lhag ma kha phye ba'i pad+ma las byung ba'i zhes bya'o// rta mgrin gyi ni mdzub mo gnyis shin tu sbyar ba'i lcags kyu rgong

  319. 160a

    ma'i kha shin tu rab tu brkyang pa'i srin lag gi rtse mo dang / mthe chung dang gnyis rab tu brkyang ba so sor phye la g.yon g.yo zhing bzung ba ni pad ma'i lcags kyu zhes bya'o// 'di rnams kyis dbang bskur ba thams cad dang // las thams cad dang / grol ba thams cad dang / dgug pa thams cad kyi dngos grub don yod pa'o// de bzhin gshegs pa'i sku mchog gi ting nge 'dzin gyi phyag rgya bshad pa'o// de nas las kyi phyag rgya ni kha T+wAM ga bcings nas pad+ma'i rigs thams cad kyi dam tshig gi phyag rgya ji lta ba bzhin du bzung bas so// ngag gi ting nge 'dzin gyis gzungs dgug pa ni chos kyi ngag gis bzlas pa'i don shes pa'o// pad+ma chen po bcings nas yid kyis sbyin sreg bya'o// sems kyis zhi bar bya'o// dngos po bsrung bar bya'o// rnam par sbyang bar bya'o zhes bya ba bsgrub par bya'o// las thams cad phyag rgya'i tshogs so// 'phags pa spyan ras gzigs dbang phyug gi phyag rgya'i rgyud do// // de nas nam mkha'i snying po'i phyag rgya chen po de bzhin no// dam tshig gi ni phyag rgya rdo rje rin chen te/ mthe bong dang mdzub mo'i sor bzhi'i rtse mo bsnyams nas 'og tu rab tu bsdus te/ dbang bskur ba'i rdo rje thal mos dbang bskur ba thams cad thob pa'o// des ci lta ba bzhin du dbang bskur ba'o// rdo rje de nyid snying gar ro// gyen du kha

  320. 160b

    blta ba'o// de nyid khu tshur ro// khu tshur spyi bor bzhag la me tog la sogs pa'i mchod pa dbul bar bya'o// 'di nyid gnyis su bzhag nas las kyi phyag rgyar gzung ba'o// dbang bskur ba thams cad kyi rin po che'i gter gyi mchod pa thob pa'i don du yang dag par rdzogs pa'o// bcom ldan 'das kyi las kyi dam tshig ni gsal ba yongs su rdzogs par byed pa'o// g.yon pa'i khu tshur snying gar bstod nas g.yas pa nor sbyin pa bkrol ba'o// nor bu'i khu tshur gyi phyag rgya nyid kyis so// snying po'i ngag klu'i rgyal pos bzla ba ste bka' bsgo zhing de bzhin du las la nye bar sbyor ba'o// gal te ma grub na dbang bskur bar gnas pa'i rdo rje rin chen gyis nam mkha' las thams cad kyi bka' bsgo ba'o// chos kyi phyag rgya thams cad kyi tshogs ni 'di'o// don yod thogs med grub pa dang / las kyi tshogs ni sgrub pa dang // ngag gi phyag rgya'i bka' bsgo ba// thams cad myur du mkha' las byung // zhes bya ba bcom ldan 'das rdo rje sems dpas gsungs so// dbang bskur ba thams cad kyi cho ga rgyas pa'o// // de nas phyi'i rgyud ni phyag rgya chen po ni g.yon par kham phor dang g.yas na mda' gtod pa'o// de rnams kyi dam tshig ni 'jug pa la bya ste/ lag pa gnyis kyi mthe bo dang mthe'u chung gi gdu bus lu gu rgyud bcing par byas la mdzub mo dang dbus ma

  321. 161a

    dang / srin lag bsnams te rtse gsum pas mtshan pa ni ming po rnams kyi'o// ji lta ba bzhin du bzung bas lha mo rnams kyi'o// rdo rje bsdams pa'i dbus ma dang srin lag gis sor mo'i rtse mo bzhi la mdzub mo dang mthe'u chung bzhi'i rtse mo 'dus pa ni lha mo rnams kyis 'da' bar dka' ba'i dam tshig go/ sring mo bzhi'i dkyil 'khor gyi phyag rgya'o// gang gi tshe dkyil 'khor gyi brtag par ma nus na de'i tshe 'di bcings te bltas na dkyil 'khor brtag pa dang mthong ba dang mchod pa ci dgar 'grub par 'gyur ro// gdengs ka can gyi dbang po rnams kyi ni mthe bong bcings nas phyi rol du kha bltas pa'i sor mo'i gdengs ka sgreng ba ste/ klu thams cad dgug pa dang / gzhug pa dang / bcing ba dang / dbang du bya ba'i dam tshig ste/ gal te 'da' bar byed na 'chi bar 'gyur ro// lto 'phye la sogs pa ste thams cad du sgrub par byed pa'o// dbus ma srin lag bzhi'i mdud pa legs par byed pa'i sbyor bas nye bar stod cing bsdus la mthe'u chung gnyis kyi rtse mo gnyis kyis brdeg par bya ste nye bar 'phel ba dug thams cad 'bar ba'o// kun nas bsdus na dug thams cad 'ching ba'o// 'di nyid kyis dug thams cad bza' ba dang 'pho ba dang dug med par bya ba'o// gdug pa'i dkyil 'khor ni rdo rje khu tshur gyis bzung ba'i rdo rje khros nas

  322. 161b

    myur du gzhig par bya'o// phyi'i phyag rgya'i rgyud do// // de nas bcom ldan 'das thams cad mchog dbang phyug dam pa sna tshogs pa'i phyag rgya ni rdo rje thal mo mnyam gzhag nas/ ba dan gsum ni yongs su bzung // rdo rje khyab 'jug ces bya ba// dor na thams cad gcod par byed// rdo rje 'khor lo'i phyag rgyas nyon mongs pa'i dgra thams cad kyi mgo rnams bcad nas mchog tu byung ba thams cad grub po// mthe'u chung mthe bong dang sbrel ba'i// lag gnyis steng dang 'og tu ni// dbus ma gsum gyi rtse gsum mtshan// rdo rje 'dzin ma zhes sgrub pa'o// rdo rje dam tshig phyag rgya rdo rje gtum pa'i dbang phyug ma zhes bya ba don yod pa'i dam tshig go/ rdo rje pad+ma mnyam gzhag nas// gang dor ci bzhin de bzhin du// shin tu thob dka'i sangs rgyas kyang // bsgrub pa bzlas pas sgrub par byed// rdo rje chos nyid ces bya ba'i phyag rgya sgrol ma'o// mdzub mo bsdams pa'i phyir rol dgug/ mthe bo rdo rje bkab pa ste/ rdo rje chen po'i nor bu ster// zhes bya ba ni rdo rje nor bu zhes bya ba'i phyag rgya'o// de nas thams cad kyi dbang phyug dam pas bsgrubs pa'i dngos grub thams cad kyi tshogs kyi phyag rgya'i rgyud ni 'di yin te/ de la dang por re zhig dang po'i dngos grub brgya rab tu sgrub par byed pa'i phyag rgya rab tu sgrub par byed pa'i phyag rgya chen po stod du 'gyur te/

  323. 162a

    ci lta ba bzhin du dam tshig phyag rgya mtshan rnams kyis lag pa g.yas pa dang / g.yon pa dag gi rdo rje chen po'i sbyor bas las thams cad kyi dngos grub sgrub par byed pa'i stong nyid du 'gyur te rdo rje bsdams pa nang du bcings pas so// de ltar rang gi phyag mtshan gyi khu tshur rdo rje gar las byung ba'i phyag rgya stong dang po'i las kyi tshogs brgya sgrub par byed pa'i rdo rje las byed pa gsum mo// de ltar lag pa g.yas pa dang / g.yon pa'i cig shos kyis las thams cad rab tu sgrub par byed pa'i las kyi phyag rgya stong bzhi pa'o// de ltar ma lus pa'i phyag rgya bcing ba ni lag pa gcig gis phyag rgya thams cad bcing ba rab tu sgrub pa'o// de ltar 'gro ba kun don du// 'khor dang dam tshig las dad bcas// kun mchog dbang phyug dam pa ni// rdo rje sems dpas sgrub par mdzad// de ltar gsang ba rgya chen rmad du byung // mchog tu 'gro ba thams cad sbyor byed pa// mchog dang po yi bla ma bla na med// gsal ba'i rgyud ni nga yis yang dag bshad// dpal mchog dang po rtog pa'i rgyal po las rigs thams cad kyi phyag rgya'i rgyud do// // de nas ston pa rdo rje 'dzin// gsang ba kun gyi bdag brtan pas// de nyid phyag rgya'i rgyud chen po'i// mtshon cha dam pa 'di gsungs so// de nas bcom ldan 'das rdo rje sems dpa'i rtog pa thams

  324. 162b

    cad kyi gsang ba'i dkyil 'khor gyi rtog pa'i tshogs mchog tu mkhas shing phra ba/ rgya che la zab pa/ bsam gyis mi khyab pa tshad med pa/ gsal zhing mnyam pa med pa/ bla na med pa'i bla ma mthar thug pa med pa'i dngos grub kyi gsang ba bsgrub pa ma lus shing lus pa med pa'i dngos grub thams cad kyi las rnams sgrub pa po don yod cing thogs pa med pa bshad par bya'o zhes bya ba bcom ldan 'das mchog tu gsang bas gsungs so// ma mchu so rnams kyis bzung la dga' ba chen pos dang po'i rdo rje'i lta bas blta zhing byed pa dag gis ma lus shing lus pa med pa'i dngos grub thams cad kyi las kyi tshogs rnams sgrub par byed pa'o// bde ba chen po'i gsang ba chen po'i rdo rje rdo rje spyan zhes bya ba'i phyag rgya'o// de bzhin gshegs pa thams cad kyi bzhad pa chen pos dgod cing brtan pa'i rdo rje lta bu'i byed pa dag gis de bzhin gshegs pa thams cad kyi las rnams sgrub par byed pa ste/ de bzhin gshegs pa thams cad kyi spyan zhes bya ba'i phyag rgya'o// khro gnyer dang bcas pa/ khro bo'i rdo rje lta ba dang bcas pa'i byed pa dag/ sna'i dbugs chen po'i yi ge hUM gis rdo rje thams cad kyi dngos grub ste/ rdo rje nyi ma ltar me 'bar ba'i lta ba'i spyan zhes bya ba'i phyag rgya'o// de bas cung zad 'dzum pas dngos grub thams cad kyi las kyi ye shes kyi rdo rje lta ba'i

  325. 163a

    byed pa rnams kyis mchu mnyam pa'i ting nge 'dzin rdo rje la sogs pa'i dngos grub thams cad kyi las kyi ye shes kyi tshogs rnams sgrub par byed pa ste pad+ma chen po'i spyan zhes bya ba'i phyag rgya'o// bsnyems pa dang bcas pa'i ting nge 'dzin gyis phra bar 'dzums pa'i lta ba'i byed pa rnams dang / bzhin 'dzum pa dang / bzhad pas nam mkha' la dngos grub thams cad kyi las kyi tshogs sgrub par byed pa ste rdo rje chen po ni nor bu'i spyan zhes bya ba'i phyag rgya'o// don yod thogs med grub pa dang / bden pa'i bdag nyid 'jigs pa med// sangs rgyas kun dang bdag gis kyang // gsang ba'i phyag rgya legs grub stsol// dkyil 'khor du ni ma zhugs kyang // de nas de phyir mchog dang po// bcom ldan rdo rje sems dpa' mchog/ dang po shin tu mkhas shing phra// zab cing rgya che bsam mi khyab// mchog gi mchog ni dang po dang // mchog tu gsang ba dam pa ste// 'dzum pa'i phyag rgya la sogs tshogs// rdo rje sems dpas gsungs pa yin// rdo rje 'chang chen slob dpon ni// mchog tu dad zhing rab dga' bas// snying po la sogs rnams med kyang // myur du thams cad sgrub par byed// snying po phyag rgya sngags rig pa// sgrub pa 'di ni rmad byung ste// dngos grub thams cad rab sgrub pas// ma grub rnams kyang 'grub par 'gyur// gang zhig/

  326. 163b

    grub par ma gyur dang // bsod nams phun tshogs mi ldan na// bdag nyid dam ni rdo rje sems// bsgrubs na de ni myur du 'grubs// gal te rdo rje sems dpa' mchog/ snying po sogs dang nye snying pos// bsgrub par byas kyang ma grub na// 'dzum pa'i phyag rgyas bsgrub par bya// de phyir gsang ba'i btsun mo 'dis// rdo rje sems dpa' rab dga' byed// rdo rje sems dpa' dga' ba che// dgyes pa de yis myur du 'grub// de nyid chen po 'di grub pa// dam pa mchog gi bdag nyid ni// gsang ba mchog tu bsod nams ldan// so so'i skye bo la brjod min// de nyid grub pa'i rjes 'brang ba'i// rdo rje sems dpa' grub pa gang // gal te dngos grub mchog 'dod na// de bzhin gzhan la sbyin mi bya// gang gis grub par ma gyur na// de la de nyid sbyin par bya// de nyid 'dzum pas myur du ni// bdag byin brlabs pas 'grub par 'gyur// de nyid chen po dag pa 'di// rdo rje can gyi mtshon cha mchog/ phyag rgya'i rgyud ni bla med pa// mchog tu gsang ba bshad pa yin// de nyid dad pa'i rjes 'brang ba'i// rdo rje slob dpon kun mchog la// gal te dngos grub mchog 'dod na// gzhan rnams la yang de bzhin sbyin// phyag rgya'i rgyud ni gcig pu 'di// bdag nyid gang la yod gyur na// bdud la sogs pa rnams kyis ni// mi thub pa dang mi sod 'gyur// de

  327. 164a

    la rgyal ba rdo rje 'dzin// kun mchog dngos grub kun gsol ba// kun gsol kun byed thams cad du// bka' bsgo ba kun grub par 'gyur// dpal mchog dang po gsang ba'i bla ma dam pa'i dpal rang gi dam tshig gi bla na med pa'i mchog du gsang ba'i phyag rgya'i cho ga'o// // de nas bcom ldan 'das dpal mchog dang po rdo rje sems dpa'i mchog dang po mchog tu mkhas shing phra la zab cing rgya che ba bsam gyis mi khyab la mtha' med cing shin tu mtha' yas pa tshad med cing gzhal du med pa/ bla na med pa/ don yod cing thogs pa med pa'i mchog gi de kho na nyid kyi snying po mchog tu gsang ba'i snying po mchog tu gsang ba zhes bya ba thams cad kyi mchog gi dngos grub chen po'i bdag po nyid la sogs pa'i dngos grub thams cad kyi las kyi tshogs mchog tu mi 'gyur ba'i dam pa bla na med pa'i gsang ba dang / rab tu dga' ba thams cad dang / bde ba dang yid bde ba'i dngos grub kyi mchog sgrub par byed pa dang / mchog gi phyag rgya'i rgyud bshad par bya'o zhes bcom ldan 'das rdo rje sems dpas gsungs so// tsum pa na dang / 'khyud pa la sogs pa'i bcom ldan 'das mchog dang rdo rje sems dpa'i phyag rgya thams cad ni dga' ba chen po dpal rdo rje don yod pa'i dga' ba'i dam tshig rnal 'byor zhes bya ba ste thams cad

  328. 164b

    rnal 'byor zhes bya ba gang brjod pa'o// gang dang gang la nyer sbyor ba// de dang de la bcom ldan ni// kun mchog dngos grub chen po yi// dbang phyug chen po lhag pa'i lha// byin rlabs mchog ni rtags mdzad nas// rdo rje sems dpa' myur du grub// tsum pa na dang 'khyud pa la sogs pa'i reg bya'i rgyas btab pa tsam gyis kyang ma lus shing lus pa med pa dang / lhag ma med pa thams cad kyi mchog dbang phyug chen po'i bdag nyid la sogs pa'i dngos grub thams cad kyi las kyi tshogs yid kyi 'dod pa grub par byed pa yin no zhes bya ba shin tu mchog tu gsang ba'i phyag rgya'o// rnam par 'phrul pa dang bcas pa'i 'dzum zhing g.yo ba'i mig gi zur gyis lta ba'i phyag rgya ste/ bcom ldan 'das kyi dga' ba chen po'i rdo rje don yod pa'i mda' zhes bya ba'i rgyas btab pas thams cad rjes su chags pa dang / dgug pa dang / dbang du bya ba dang / dngos grub mchog la sogs pa'i dngos grub thams cad kyi las kyi tshogs yid kyis 'dod pa rnams sgrub par byed pa'o// 'dzum zhing cung zad phye ba'i mig gi lta ba ni mchog tu dga' ba'i dpal rdo rje spyan zhes bya ba'i phyag rgya thams cad sgrub par byed pa ste 'dis lta zhing btung bar bya'o// 'di ni bcom ldan 'das kyi rab tu dga' ba chen po dpal rdo rje don yod dga' ba'i bcud kyis len gyi mchog gi dngos grub

  329. 165a

    ces bya ba'i phyag rgya ste tshe zad pa thams cad kyang 'dis rdo rje sems dpa'i na tshod gzhon pa dang / nad med pa dang / gzugs dang / stobs dang / gzi brjid kyi stobs dang / spro ba dang / dngos grub gyi mchog thams cad dang / dpal dang skal ba bzang po dang / dga' ba chen po dang / shin tu bde ba thams cad dang / yid bde ba dang / dngos grub kyi mchog thob pa ste/ ji srid dngos grub kyi mchog thams cad kyi las kyi tshogs mchog tu dam pa grub pa ste/ bcom ldan 'das yum gyi rgyas btab pa tsam gyis skad cig ma gcig gis grub pa'o// bsnyems pa dang bcas pa'i g.yon pa'i mig dgod cing stod pa ni bcom ldan 'das dgyes pa chen po'i dpal rdo rje don yod pa'i dga' ba'i rgyal mtshan mchog gi dpung rgyan zhes bya ba'i phyag rgya ste// 'dis rgyas btab pas thams cad las rnam par rgyal bar byed pa nga / phyag byed du bcug pa dang // rab tu sgrub par byed pa dang / ji srid mchog thams cad grub cing dngos grub chen po'i dbang phyug nyid rab tu sgrub par byed pa'o// sgeg pa dang bcas pa'i lta ba dang / 'dzum pa dang gsong zhing phyag 'tshal ba dang ldan pa ni bcom ldan 'das kyi phyag rgya phyag 'tshal ba'i phyag rgya ste/ dga' ba chen po dpal don yod pa'i dbang phyug gi ki li ki la zhes bya ba'i phyag rgya ste// 'dis rdo

  330. 165b

    rje sems dpa' la sogs pa'i brtan pa dang g.yo ba'i dngos po thams cad la rgyas btab pas 'dud par gyur nas dngos grub mchog thams cad la sogs pa'i dngos grub thams cad kyi las kyi tshogs kyi mchog gi dam pa'i dngos grub kyis 'grub par 'gyur ro// rnam par 'phrul pa dang / sgeg pa dang bcas pa'i 'dzum pa'i zhal nyid ni bcom ldan 'das mchog dang po rdo rje sems dpa'i dga' ba chen po'i dpal rdo rje don yod dga' bas brtson pa zhes bya ba mchog tu gsang ba'i rdo rje 'dzum pa'i phyag rgya ste/ 'dis bcom ldan 'das rdo rje 'dzin pa thams cad kyi slob dpon mchog dang po'i glu ni/ kun mchog dngos grub chen po ni// dbang phyug chen po lhag pa'i lha// rdo rje 'dzin kun rgyal po ste// mi 'gyur mchog ni 'grub par 'gyur// rnam par 'phrul pa dang bcas pa'i sgeg pa'i 'dzum pa'i phyag rgyas rgyas btab pa tsam gyis thams cad kyi dngos grub chen po'i dbang phyug chen po'i bdag po nyid la sogs pa'i dngos grub thams cad las kyi tshogs yid kyi 'dod pa rnams grub par byed do// sarba ku ru ya thA su khaM zhes bya ba brjod de/ de bzhin gshegs pa thams cad kyi gsang ba theg pa chen po'i mdo sde'i dbang po'i rgyal po bcom ldan 'das phyag na rdo rje de bzhin gshegs pa thams cad kyi phyag rgya ste/ de bzhin gshegs pa thams cad

  331. 166a

    kyi theg pa chen po mngon par rtogs pa'i gsang ba'i rdo rje byin gyis brlabs pa zhes bya ba 'di rang bzhin gyis 'od gsal ba'i phyir chos thams cad rnam par dag pa la sogs pa ma lus shing lus pa med pa'i de bzhin gshegs pa thams cad kyi chos nyid thob pa'i ye shes dang / mngon par shes pa dang / mchog gi dngos grub la sogs pa'i dngos grub thams cad kyi las tshogs rnams sgrub par byed pa'o// rnam par 'phrul pa dang bcas pa'i 'dzum zhing smin ma'i khro gnyer rdo rje lta ba'i phyag rgya ni bcom ldan 'das kyi khro bo ki li ki la zhes bya ba'i phyag rgya ste/ 'dis rgyas btab pas rdo rje sems dpa' la sogs pa'i brtan pa dang g.yo ba'i dngos po thams cad rjes su chags pa dang / dgug pa dang / dbang du bya ba dang / 'bebs pa dang / gzhug pa dang / gar dang / glu dang / rnam par 'phrul pa ston pa dang / bden ngag thams cad dang / grol ba dang phra dbab pa thams cad bsgrub pa rang sgyu ma thams cad dang rmad du byung ba thams cad so sor ston pa dang sna tshogs pa'i gzugs thams cad kyis bya ba ston pa dang / thams cad la rgyas btab pa dang / gnon pa dang / 'dul ba dang / gsad pa dang / thams cad phyir 'dren pa dang / thams cad sgrub pa dang / mchog gi dngos grub la sogs pa gzhom du med pa'i dngos

  332. 166b

    grub thams cad kyi las kyi tshogs rnams sgrub par byed pa'o// thams cad dag pa'i ting 'dzin gyis/ thams cad mnyam pa nyid kyi gzugs// sna tshogs pa yi bya ba la// rab 'jug mchod pa byin gyis brlab// rdo rje pad+ma zhes bya ba ni bcom ldan 'das 'phags pa spyan ras gzigs kyi dbang phyug gi phyag rgya ste/ thams cad rnam par spyod pa dang / srung ba dang / yongs su spyod pa dang / rims thams cad dang / dug dang / sbyar ba'i dug dang / gdon dang / nad dang / mkha' 'gro ma'i phyag rgya nye bar zhi ba dang / shi ba yang dag par gso ba dang / dbang phyug thams cad thob pa dang / gzugs sna tshogs pa'i bya ba thams cad la rab tu 'jug pa la sogs pa'i don grub pa'i dngos grub mtha' yas pa de bzhin gshegs pa thams cad kyi ting nge 'dzin gyis rab tu byed pa'o// nam mkha' phra bar bskyod pa dag gis rol zhing rnal 'byor thams cad kyis rjes su chags par bya ste// 'di la bcom ldam 'das nam mkha'i snying po'i rdo rje byin gyis brlabs pa zhes bya ba'i phyag bya ba'i phyag rgya ste/ 'dis rgyas btab pas bcom ldan 'das rjes su chags shing dgyes pa dang / brtan par rjes su chags nas nam mkha' thams cad kyi bdag nyid kun gyi dngos po nyid kyi phyir bsam pa thams cad yongs su rdzogs pa dang / mchog gi dngos grub la sogs

  333. 167a

    pa'i dngos grub thams cad kyi las kyi tshogs yid la 'dod pa rnams sgrub par byed pa'o zhes bya ba yang gsungs so// mchog dang po ni mchog nyid du// gsang ba dam pa gsungs pa yin// mig sogs phyag rgyas rgyas btab pa'o// rdo rje sems dpas gsungs pa yin// rdo rje kun 'dzin slob dpon gyi// tsum pa na dang 'khyud sogs kyis// thams cad rnal 'byor rjes bsgrub ste// myur du kun la rgyas gdab bya// snying po phyag rgya sngags rig pa'i// sgrub pa 'di ni rmad byung ste// grub pa med pa rnams la yang // dngos grub thams cad rab sgrub byed// gang la dngos grub med gyur dang // bsod nams phun tshogs med pa yang // bdag nyid rdo rje sems dpa' 'am// rgyas btab myur du 'grub par 'gyur// gal te rdo rje sems dpa' mchog/ snying po la sogs nye snying pos// bsgrub bya grub par ma gyur na// tsum pa sogs kyis rgyas gdab bya// gang phyir gsang ba'i phyag rgya ni// dngos grub kun gyi bde dam pa// rdo rje sems dpa'i mchod pa mchog/ de yis myur du 'grub par 'gyur// de nyid chen po 'di grub pa// mchog gi bdag nyid dam pa ste// mchog tu gsang ba bsod nams ldan// so so'i skye bo la brjod min// rdo rje slob dpon slob ma mchog/ de nyid dad pa'i rjes 'brang la// gal te dngos grub mchog 'dod na// sbyin te gzhan la

  334. 167b

    sbyin mi bya// phyag rgya'i rgyud 'di 'ba' zhig gi// bdag nyid gang la yod gyur na// bdud la sogs pa thams cad kyis// mi thub pa dang song mi 'gyur// de nas rgyal po rdo rje 'dzin// kun mchog dngos grub kun stsol ba// thams cad mdzad cing thams cad mkhyen// thams cad sgrub par mdzad pa yin// zhes bya ba bcom ldan 'das rdo rje sems dpas gsungs so// dpal mchog dang po las mchog tu gsang ba zhes bya ba'i phyag rgya'i rgyud phyag rgya bcu pa rdzogs so// // de nas mchog tu mkhas shing phra la zab cing rgya che ba bsam gyis mi khyab pa shin tu mtha' yas pa tshad med cing gzhal du med cing brjod kyis mi lang zhing rab tu khyab pa mchog tu grub pa zhes bya ba'i phyag rgya'i rgyud bshad pa'o zhes bya ba bcom ldan 'das mchog tu grub pa'i rdo rje sems dpas gsungs so// de la phyag rgya bcu ni bdag nyid thams cad skyed par byed pa'o// rdo rje sems dpa'i phyag rgya chen po bde ba chen po'i rdo rje don yod pa'i dam tshig las byung ba'o// sngon du dang po'i dngos grub thams cad mchog la sogs pa'i dngos grub thams cad kyi las kyi tshogs myur du sgrub par byed pa ste/ de la 'di ni sku'i phyag rgya ste ba dan gsum pa dang kha TaM ga'i phyag rgya bcings nas g.yon pa dril bu dang bcas shing g.yas pa bslang ba'i tshul du byed pa ste// sgeg pa dang

  335. 168a

    bcas pa'i mdzub mo la sogs pa bkrol ba'i gar gyis rdo rje 'dod pa'i dbang phyug ma bstod pa ste thams cad kyi mchog dngos grub chen po dbang phyug chen po'i mchog gi phyag rgyas dga' ba chen po'i dpal rdo rje don yod pa'i dgyes pa'i dam tshig dngos grub kyi rnal 'byor gyi dbang phyug ma zhes bya ba ste/ des rdo rje bsnyems ma yongs su btang bar byas na dngos grub bzhir 'gyur ro// rdo rje bsnyems ma de nyid kyis rgyas btab na thams cad kyi mchog gi dngos grub chen po'i dbang phyug chen po'i bdag nyid mi 'gyur ba'i mchog go/ mda' gsor bas rgyas btab na rdo rje lha mo rnams kyang rjes su chags par byed na bud med gzhan rnams lta smos kyang ci dgos/ rdo rje ki li ki las rgyas btab na lha dang lha ma yin gyi bud med thams cad kyi bud med thams cad rol par byed cing ma grub na yang thams cad sgrub par nus pa yin no// chu srin gyi rgyal mtshan sgreng ba'i phyag rgya 'dis thams cad las rnam par rgyal ba dang gsod pa'o// rdo rje 'dod pa'i dbang phyug mas yongs su dgod cing phreng ba dor ba'i sngags dang phyag rgyas btab pa tsam gyis 'dod pa thams cad kyi dbang phyug thob pa'o// mchog tu gsang ba'i ras ris kyi phyag rgya ci lta ba bzhin du brjod par bya'o// bde ba chen po rdo rje don yod pa'i dam tshig gi mchod pas rab tu dga' ba

  336. 168b

    la sogs pa'i mchod pa thams cad thob pa mi zad pa'o// rdo rje stod pa'i phyag rgyas srid pa gsum thams cad skyod pa dang dbang du byed pa'o// rdo rje hUM mdzad kyi phyag rgya dang rkang pas lha'i gzugs brnyan mnan cing rgyas btab nas sdigs mdzub byas te/ lha la sogs pa'i sems can de dang de ring por mi thogs par rgyas btab pas bka' bsgo ba thams cad dang las rnams byed par 'gyur ro// stan mthon po la skyil kruklung phyed pas 'dug ste/ rkang pa g.yon pas rdo rje sems dpa'i gzugs brnyan yang mnan nas rdo rje gsor zhing rdo rje sems dpa' mnan nas/ dngos grub yid du 'ong ba thams cad dang phun sum tshogs pa rnams nyams su myong na lha la sogs pa'i sems can rnams lta smos kyang ci dgos/ g.yon pa'i rdo rje khu tshur gyis rang gi rtags bzung nas g.yas pa rdo rje la sogs pa stod pa'i tshul gyis 'dzin cing / yid la 'dod pa'i lha'i bu mo thams cad la rgyas 'debs shing stobs kyis rol par byed pa'am sgrub par byed pa ste rdo rje sems dpa'i phyag rgya chen po'o// de nas dam tshig gi phyag rgya ni bde ba chen po rdo rje don yod pa'i dam tshigs las byung ba ni bcu ste snying gar sen mo 'drud pa'o// lcags kyu brdeg pa'o// g.yon pa'i lcags kyu la g.yas pa de gzhug pa'o// lcags kyu'i rtse mo btsir ba'o// phan tshun sems brud pa'i snying gar

  337. 169a

    byas pa'o// lce mnyam par byin pa'o// snying gar rdo rje brtan par rab tu bzhag pa'o// rdo rjes byab pa'o// rtse ba'i phyag rgya yang ngo // 'di rnams kyis dngos grub dang / phun sum tshogs pa dang / bde ba dang / phyag rgya dang / dam tshig dang / dkyil 'khor dang / chos dang / ye shes dang / las dang / bde ba chen po thams cad kyi dngos grub rnams don yod pa thob par 'gyur ro// de nas gsang ba'i dam tshig gi rdo rje bsdams pa las byung ba'i las bcu ni dbus ma'i lcags kyus so// kha sbyor gyi nang du rdo rje sor mo rnams thams cad kyi las so// mthe bong rdo rje'o// de nyid kyis mthil gnyis su brud pa'o// mdzub mo rdo rje'o// de nyid kyi lcags kyu gnyis so// dbus ma'i rdo rje'o// de nyid kyis sor mo'i rtse mo bcing bar bya'o// srin lag gi rdo rje'o// de nyid kyis sor mo'i rtse mo dag gi rol mo'o// mthe'u chung gi rdo rje'o// de nyid kyis mthe bo gnyis kyi sen mo btsir ba'o// 'di rnams kyis btab pas rdo rje sems dpa' la sogs pa'i dngos po thams cad sgrub pa dang / rjes su chags pa dang / dbang du byed pa dang / dgug pa dang / rol pa dang / chags pas bcing pa dang / thams cad smrar gzhug pa dang / gar byed du gzhug pa dang / dgod du gzhug pa dang / gsod pa'o// de nas las gyi dam tshig gi phyag rgya bcu ni rdo rje gar gyi mchod pa

  338. 169b

    lha dang lha ma yin gyi bu mo thams cad dang / bu mo gzhon nu ma thams cad brtan par rjes su chags pa ni rdo rje lta bas so// rab tu dga' ba'i sgrub pa ni ma mchu nang du g.yo bar byed pas myang ba dang btung ba'o// chags pa brtan zhing ltung ba ni dbugs ring por gtong bas so// de nas las 'dod pa thams cad kyi dbang phyug thob pa ni dpung pa gnyis pa stod pas so// thams cad kyis mchod par 'gyur ba ni snying gar gzhug pas so// yod pa thams cad rnyed pa ni mig dgug pas so// 'dod pa'i chags pa bskyed pa ni dbus dang bcas pa'i dman pa'i gdong gis blta bas so// thams cad 'bebs pa'i cho ga ni rang gi snying phra bar bskyod pa'i las rnams kyis so// 'dod pa'i chags pa gsad pa ni dbugs btang bas rang nyid ldang bar byed pas so// 'dod pa thams cad kyi rjes su spyod pa la sogs pa'i las thams cad kyi byed pa ni bka' bsgo bas so// de rnams rdo rje sems dpa' la sogs pa'i brtan pa dang g.yo ba'i dngos po thams cad la yang nye bar sbyor na don yod grub pas skad cig nyid kyis brtan zhing mi 'gyur ba'i dngos grub kyis rgyas btab na 'grub par 'gyur ro// zhes bya ba bcom ldan 'das rdo rje sems dpas gsungs so// de nas las kyi phyag rgya bcu ni rdo rje bsnyems ma'i phyag rgyas thams cad bsgrub pa'o// rdo rje

  339. 170a

    mtshon chams thams cad las rnam par rgyal ba dang rjes su chags pa'o// rdo rje ki li ki las rab tu dga' ba'i reg bya dang dngos grub thams cad bde bar grub pa'o// rgyal mtshan sbreng bas 'thab mo thams cad las rnam par rgyal ba'o// rdo rje 'dod pa'i dbang phyug mas bdag po chen po nyid do// dus kyi mchod pas mchod par 'gyur ba nyid do// rdo rje gsor bas thams cad 'dul ba'o// rdo rje dor bas thams cad gsod pa dang / thams cad 'phrog pa'o// g.yon pa bsnyems shing g.yas pa'i rdo rje khu tshur gyi las rnams kyis sgyu ma dang / rdzu 'phrul thams cad dang / so sor ston pa dang / rmugs pa dang / rengs pa dang / gnyid log tu gzhug pa dang / bskor ba dang / bskrad pa dang / 'bru dang / btung ba 'pho ba dang / dbang du byed pa la sogs pa'i las thams cad sgrub par byed pa'o// rdo rje sems dpa'i dam tshig gi phyag rgya bcu ni rdo rje thal mo las byung ba'o// rdo rje sku mchog gi dngos grub thams cad do// mdzub mo gnyis kyi lcags kyus dngos grub thams cad do// rdo rje gnod sbyin gyis bdud thams cad la sogs pa'i gdug pa 'dul ba'i de nyid kyis mthe bo'i rdo rjes bkab pas thams cad rnyed pa'o// de nyid kyi mthe bo gnyis bcug pa'i gtsug tor rdo rjes thams cad bsrung ba'i mthe bo rdo rje nang du bcug pa de nyid kyis

  340. 170b

    rdo rje sems dpa' la sogs pa'i sems can thams cad rjes su chags pa dang / dgug pa dang / dbang du byed pa bsgrub pa'o// mthe'u chung rdo rje sor mo gnyis kyi rtse mo gnyis mdzub mo gnyis kyis legs par bzung bas mthe bo ni dpal dgug pa dang dbang du byed pa'o// rdo rje gnod sbyin gyi rgyal mo de nyid kyis nor thams cad dang dpal dbrog pa'o// de nyid kyi dbus ma gnyis kyis srin lag gnyis kyi rtse mo yongs su btsir bas bdud la sogs pa'i gdon las grol ba dang / dbang du byas nas las thams cad la sbyor ba'o// rab tu dga' ba'i rdo rjes yul thams cad kyi mchog bsgrub pa'o// de nas gsang ba'i phyag rgya rab tu dga' ba'i rdo rje las byung ba'o// sems dpa' mnan nas rdo rje lha mo rol du gzhug pa'o// de yang rab tu dga' ba'i rdo rje chen pos rgyas btab pas so// rdo rje dang bcas pa'i rab tu dga' ba'i rdo rjes so// de bzhin gshegs pa thams cad kyi chags pa dang bral ba'i 'khor los so// mdzub mo dang / dbus ma dang / srin lag gi 'khor lo bsgreng bar byas la mthe bo dang / mthe'u chung mnyam la dral bar bya ste/ rab tu dga' ba'i rdo rje bsgrub pa de kho na nyid kyis rgyas btab cing bsgrub par 'gyur ro// btsir bas 'dod pa thams cad rab tu sgrub par byed pa'o// mdzub mo lcags kyus 'dod pa thams cad kyi bde ba

  341. 171a

    dgug pa'o// mdzub mos phrag dog la sogs pa'i 'dod pa thams cad kyi sdug bsngal rab tu zhi ba'o// rtag tu bskyod pas rab tu dga' ba 'bebs shing de nas bsgrub pa'o// skye gnas g.yo bas bud med dang skyes pa dag gis rab tu dga' ba la 'jig rten las 'das pa'i 'dod pa thams cad kyi bde ba chen po shin tu mtha' yas pa'o// kha sbyor btsir bas ci srid 'tsho ba'i bar du 'dus pa dang bral ba yang ngo // rtags kyi sen mo g.yon pa'i mthil brud pas shin tu brtan pa'i 'dod pa la chags pa nyid du 'gyur ro// gzhan gyi 'dod pa la mi lta zhing gzhan la mi 'gro bar shin tu bde ba dang yid bde ba ster ba'i bud med thams cad 'grub par 'gyur ro// skye gnas su sen mo brud pas skyes bu rnams so// de nas thams cad kyi bdag nyid kyi gsang ba'i phyag rgya bcu ste// de la lus thams cad kyi phyag rgya ni rdo rje khu tshur gnyis kyis 'khyud la ma mchu so rnams kyis bzung ste/ rmongs pas bde ba ster du gzhug/ bsgrub pas rab tu dga' ba'i dngos grub kyis rdo rje sems dpa' shin tu 'grub par 'gyur ro// mchog dang po'i dngos grub kyis su ra ta s+t+waM zhes bcom ldan 'das la brjod cing de kho na nyid bskul bas 'grub par 'gyur ro// rab tu dga' ba'i ye shes kyis thams cad bsgrub pa'o// lag pa g.yon pa'i khu tshur gsang bar

  342. 171b

    reg na thams cad bsgrub pa'o// bde ba chen po rdo rje las byung ba'i rdo rje chen po'i lta bas thams cad grub pa'o// smin ma gyen du bteg pas ltung ba slong ba'o// rang gi ma mchu nang du myang bas skal ba bzang po chen po bsgrub pa'o// rang gi lce bskyod pas rang nyid kyi bden pa thams cad dang de kho na nyid gsal zhing mi slu bar smra ba'o// rang gi lus la 'bebs pas gzugs thams cad yongs su bsgyur ba ste/ rdo rje sems dpa' 'am sangs rgyas su yang 'gyur ba yin no// rang gi bdag nyid rdo rje bsgom pas nam mkha' la 'gro ba'o// de nas dang po las thams cad kyi phyag rgya bcu ni rdo rje thal mo kha T+wAM gis so// dngos grub thams cad rdo rje khu tshur dag gis so// de bzhin gshegs pa'i khu tshur dag gis dngos grub thams cad do// thams cad gsod pa ni khro bo'i khu tshur dag gis so// thams cad sbyar ba ni pad+ma'i khu tshur dag gis so// nor thams cad 'bog pa ni nor bu'i khu tshur gyis so// thams cad 'bebs pa ni thams cad 'bebs pa'i khu tshur gyis so// thams cad gar byed du gzhug pa'i kha T+wAM ga gtor ba'i khu tshur dag gis so// thams cad sgrar gzhug pa ni mdzub mo mnyam pa'i lce'i khu tshur dag gis so// thams cad bskyod pa ni brtan pa'i khu tshur dag gis so// thams cad gzhug cing don yod par bsgrub pa ni rdo rje lcags kyu'i khu

  343. 172a

    tshur gyis so// de nas rdo rje khu tshur gnyis kyis ci 'dod pa'i lag pa'i sor mo'i phyag rgya bcu ste/ don yod cing thogs pa med par skad cig mas myur du grub par byed pa 'di lta ste/ pi bang dang / gling bu dang / rdza rnga dang / mu kuN+Da dang / cha lang dang / rnga bo che dang / rnga zlum dang / rnga pa Ta ha dang / guny+dza dang / ti mi li ste/ 'di rnams kyis rgyas btab na thams cad du rjes su chags pa dang / dbang du byed pa dang / 'bebs pa dang / rims dang / dug dang / sbyar dug dang / gdon las grol ba dang / gsod pa dang / 'thab mo las rnam par rgyal ba dang / phun sum tshogs pa thams cad thob pa yin no zhes bya ba gsungs so// 'dod chags chen po rnams dag phyir// rdo rje sems dpa' chen po yin// phyag rgya'i rtog pa rab tu brtags// rdo rje slob dpon slob ma mchog/ de nyid dad pa'i rjes 'brang las// rtogs pa tsam gyis skad cig gis// don yod kun grub bde bar gsol// zhes bya'o// dpal mchog dang po las mchog tu grub pa zhes bya ba'i phyag rgya'i rgyud rdzogs so// // de nas mchog tu mkhas shing mtha' las 'das pa tshad med cing gzhal du med pa ma lus shing lus pa med pa'i mchog gi dngos grub chen po 'di dag nyid la sogs pa'i dngos grub thams cad kyi las kyi tshogs mchog tu dam pa grub pa zhes bya ba rdo rje gar

  344. 172b

    las byung ba'i tshogs thams cad kyi phyag rgya stong bshad par bya'o zhes bya ba bcom ldan 'das rdo rje sems dpas gsungs so// phyag rgya chen po mnyam gzhag nas// sgeg bcas 'dzum sogs bkrol ba yis// las kyi phyag rgya chen po brgya// thams cad gar gyis bsgrub par bya// bde ba chen po rdo rje gsang ba'i lcags kyus khyad par du las kyi phyag rgya bcing ba ste brgya phrag dang po mchog tu bsgrubs te rdo rje dam tshig lha mo rnams kyi phyag rgya'o// rdo rje bsdams pa bcings nas ni// kha sbyor nang du gsal ba ste// mchog dang po yi gsang chen gyi// las kyi phyag rgya rgya gzhan yin// zhes bya ba rdo rje lha mo gsang ba thams cad kyi phyag rgya'o// rdo rje las kyi mchod pa che'i// thal mos spyi bor bzung nas ni// las kyi phyag rgya grub pas na// dbang po rnams dang sbyar bar bya// zhes bya ba rdo rje thams cad kyi mchod pa chen po'i lha mo rnams kyi phyag rgya'o// rdo rje bsnyems mas gar bya zhing // sgeg bcas mthe'u chung sogs bkrol bas// de nyid bcings nas gar bya zhing / phyi ma 'di ni 'byung ba yin// zhes bya ba rdo rje thams cad kyi las don yod pa'i dam tshig grub pa'i dbang phyug chen po'i mchog gi phyag rgya brgya'o// rdo rje thal mo mnyam gzhag nas// thams cad kyis ni bsgrub par bya// mchog dang po'i las chen po'i phyag rgya mchog gzhan yin no zhes bya ba rgyal

  345. 173a

    mo thams cad kyi phyag rgya// mda' lnga bsdus pa bcings nas ni// las kyi phyag rgya bde ba brgya// rab tu dga' mchog ma bkrol bar// bde ba nyid du mngon par sbyar// zhes bya ba rdo rje thams cad kyi mchog tu gsang ba'i 'dod pa ma'i phyag rgya'o// sku gsung thugs kyi rdo rje yis// ji bzhin phyag rgya mchog sbyor bas// las kyi phyag rgya sna tshogs brgya// mchog dang po ni rab tu brtag/ ces bya ba rdo rje thams cad kyi sku gsung thugs kyi rdo rje lha mo'i phyag rgya'o// rdo rje lha mo'i kha T+wAM ga/ lus kun gyis ni gar bya zhing // rdo rje gar mchog glu blang zhing // dang po'i phyag rgya chen po zhes bya ba'o// ci ltar gong du rgyas gsungs pa// rol mo mchog gi phyag rgya'i tshogs// rol mo brdung zhing glu len pa// phyag rgya kun gyi gsal ba brgya// zhes bya ba rdo rje thams cad kyi lha'i bu mo'i tshogs kyi phyag rgya ste phyag rgya stong mchog tu grub pa'o// de la sogs pa mtha' yas mchog/ chos dbyings mnyam dang mi mnyam pa// nam mkha'i mtha' ltar grangs med pa'i// phyag rgya'i rgyal mo grub mchog ster// kun mchog dngos grub chen po yi// dbang phyug chen po mchog grub phyir// nam mkha' kun gyi go skabs kyis// dkyil 'khor 'dir ni rab tu zhugs// dam pa mchog tu grub par byed// mchog gi dam pa brgyad chen po// dam pa mchog gi dngos grub ster// rdo rje

  346. 173b

    slob dpon slob ma mchog/ de nyid dad pa'i rjes 'brangs la// phyag rgya kun gyi tshul 'di ni// bstan par bya ste gzhan la min// de ltar mchog tu mi 'gyur dam pa'i dngos grub bde ba yi// mchog tu rnam dag rdo rje bde grub mtha' yas 'bras bur ldan// dpal mchog dang po'i gsang ba'i de nyid mchog gi sku'i tshul lo// mchog tu rtag pa'i rtog pa'i tshul 'di yongs su mthar thug pa'o// dpal mchog dang po las dam pa mchog tu grub pa zhes bya ba'i phyag rgya'i rgyud rdzogs so// // de nas sems dpa' chen po kun// rdo rje 'dzin dang bcas pa'i mchog/ rdo rje 'chang chen gtso bo ni// mgon la bde gshegs rnams kyis gsol// kun mchog nam mkha' chen po yi// dngos grub dbang phyug rab grub phyir// rtog pa thams cad kun bsdus pa'i// de nyid sems dpa' chen pos gsungs// rnam rtog med pa'i chos rnams la// rtog pa'i don 'di gang brjod pa// gang gis rgyud 'di phyi ma la// dang po'i gnas mchog ci ltar lags// de bzhin rdo rje sems dpa' nyid// rab dga' nyid dang bzang ba nyid// rdo rje bsnyems bdag ji ltar lags// sems dang sems dpa' ting 'dzin dang // de bzhin rdo rje rdo rje 'dzin// rdo rje 'chang chen nyid dang ni// byang chub spyod pa ji ltar lags// bdud dang bdud las rgyal ba nyid// byang chub sangs rgyas ji

  347. 174a

    ltar lags// rdo rje gtum po mthar byed nyid// phyag na rdo rje ji ltar lags// ji ltar dang po'i rigs byung dang // 'dod pa thar pa ji ltar lags// ji ltar mgon po rnam gsum dang // khyod ni ltar thams cad nyid// dang po'i snying po ji ltar byung // de ci nye snying ji ltar lags// bde chen rdo rje chen po yi// don yod dam tshig ji ltar lags// dkyil 'khor zhes bya ji skad gsungs// de yi rnam smin ji lta bu// thig gdab pa dang brtag pa yis// dngos grub ji ltar gsungs pa lags// gsang ba lnga yi de bde ba// ji ltar gyur pa ji lta bu// dkyil 'khor bdag po rnams dang ni// rigs rnams gsal ba ji ltar lags// thams cad dbang bskur de nyid dang // phyag mtshan tshogs kyi de nyid dang // thams cad dgug gzhug mchod pa che// bdag byin brlabs sogs sgrub pa che// de ni de nyid gsang ba dang // don yod pa ni mchog nyid de// mi 'gyur dam pa 'grub pa'i phyir// thams cad bdag cag rnams la gsungs// zhes bya ba bcom ldan 'das de bzhin gshegs pa thams cad kyi mchog gi mdo gsungs so// de nas ston pa rdo rje 'dzin// rtog pa kun gyi bdag po ni// the tshom tshogs rnams gsan nas su// 'di yi lan ni gsungs pa yin// de la rtog pa'i don gyi rgyud ci ltar yin zhe na/ rnam rtog med pa'i chos rnams las// sems

  348. 174b

    can don ni yongs brtags pas// des ni rtog par gsungs pa ste// rtog pa yongs su dag phyir ro// de nas rgyud phyi ma ji ltar yin zhe na/ rgyud ni rgyun zhes bya bar bshad// phyi ma sngar dang yang dag byung // de nyid gsang ba'i gsang ba dang // phyi ma dang bcas rgyud du 'dod// de la dang po gnas zhes bya ba'i rgyud ji ltar yin zhe na/ nam mkha' kun la rab tu gnas// rdo rje kun mchog rang bzhin mchog/ bde ba chen po dga' ba che'i// grong khyer der ni mi 'gyur mchog/ ces bya ba bcom ldan 'das rdo rje sems dpa' rtog pa thams cad kyi rtog pa'i de kho na nyid ces bya ba 'di gsungs so// de la thog ma tha ma med pa'i rdo rje sems dpa' ji ltar yin zhe na// nam mkha' skye ba mtshan ldan phyir// thog ma tha ma med pa'i mchog/ sems dpa' rdo rje che rang bzhin// rdo rje sems dpa' zhes byar brjod// de nas bcom ldan 'das de gang yin zhe na/ kun mchog dngos grub chen po yi// dbang phyug chen po lhag pa'i lha// rdo rje 'dzin pa kun gyi rgyal// rab tu dga' ba mi 'gyur mchog/ de la bcom ldan 'das dga' ba chen po nyid ji ltar yin zhe na/ nyes pa med cing shin tu rtag/ 'dod chags kun gyi rjes chags pa// de nyid 'di yis gsang ba 'di// 'dod chags chen po dga' ba che// de la ci kun tu bzang po nyid ji ltar yin zhe na/ shin tu dag pa kun kyi

  349. 175a

    mchog/ gdod nas grol ba de bzhin gshegs// kun tu bzang po kun bdag nyid// byang chub sems dpa'i cho ga mchog/ de la rdo rje bsnyems pa'i bdag po bcom ldan 'das ji ltar yin zhe na// kun mchog dngos grub chen po yi// dbang phyug chen po'i phyag rgya'i mchog/ rdo rje dbang phyug cher bstod pas// rdo rje bsnyems pa'i bdag po'i bdag/ ces bya ba ni bcom ldan 'das mchog dang po'i skyes bu'o// mchog dang po yi de nyid 'di// rdo rje sems dpa' gang gang brjod// dngos grub kun gyi 'byor pa rnams// de la thams cad 'grub par 'gyur/ zhes bya ba mchog gi de kho na nyid bcom ldan 'das rdo rje sems dpas gsungs so// de nas de'i 'og tu las kyi bya bas bcom ldan 'das thams cad kyi mchog nyid du bshad par bya'o zhes bya ba bcom ldan 'das rdo rje sems dpas gsungs so// de la bcom ldan 'das thams cad kyi sems can ji ltar yin zhe na/ bsam gyis mi khyab rgya che ba// zab dngos kun bde mi 'gyur ba// thams cad khyab cing dri ma med// byang chub sems ni bdag brtan pa// de nas 'di'i las kyi khyad par ni// sems nyid brtan pa nyid sems pas// ting 'dzin de la mnyam par gzhag/ rnam shes las ni rdo rje kun// rdo rje las ni 'dzin 'gyur te// bcom ldan 'das rdo rje 'dzin ji ltar yin zhe

  350. 175b

    na// sems dpa'i byin rlabs sbyor ba ni// bdag la byin brlabs mchog bsgrub pa// nyin re sgrub par byed na des// rdo rje sems dpa' nyid thob 'gyur// de la bcom ldan 'das kun tu bzang po'i spyod pa ji ltar yin zhe na/ snying stobs rdul dang mun pas kyang // gang phyir sems can don gyur pas// de phyir nga ni kun tu bzang // byang chub spyod pa'i rjes 'jug pa'o// de la ji ltar bcom ldan 'das bdud nyid dnga' dul bas rgyal ba ji ltar yin zhe na/ sems nyid kho na bdud nyid de// sems nyid de bzhin gshegs pa'o// rang sems gdul bar bya ba'i phyir// bdag ni bdud nyid gyur pa yin// de la ji ltar bcom ldan 'das mngon par rdzogs pa'i byang chub dang sangs rgyas yin zhe na/ rang sems so sor rtog pa'i phyir// byang chub sems mchog rdo rje nyid// de phyir de nyid sangs rgyas nyid// bdag byin rlabs mchog grub phyir ro// de la ji ltar bcom ldan 'das phyag na rdo rje yin zhe na// mi phyed so sor rtogs pa dang // gdug pa thams cad nges par gnan// sangs rgyas kun dngos rdo rje ste// byang chub sems ni brtan pa bdag/ kun tu bzang po'i lag tu na// mtshon cha de ni rgyal bas byin// brtan pa thams cad grub pa'i phyir// des na phyag na rdo rje des// de la ji ltar dang po'i rigs las byung ba shes pa'i rgyud yin zhe na/ shes rab pha rol

  351. 176a

    phyin pa yum// yab ni thabs la mkhas pa ste// rdo rje sems dpa' gdul byi'i phyir// rig rnams rab tu byung ba'o// de la ji ltar bcom ldan 'das 'dod dang thar pa yin zhe na/ bcom ldan 'das ni chags pa che// dngos grub thams cad rjes chags phyir// dngos grub thams cad mi 'gyur bde// bde ba chen po zhes brjod pa'o// de la ji ltar bcom ldan 'das rnam pa gsum yin zhe na/ bdag ni dus gsum mtha' yas phyir// nga ni srid gsum gdul bya'i phyir// gsum mchog 'jig rten gsum kun phyir// 'jig rten gsum nga khams gsum nga // de la ji ltar bcom ldan 'das thams cad nyid yin zhe na// nga nyid brtan pa thams cad bde// bsod nams kun mchog che ba'i phyir// g.yo ba sems kyis 'dus byas phyir// sgyu ma thams cad nga yin no// zhes bya ba rang gi las kyi bya ba'i de kho na nyid rdo rje sems dpas gsungs so// de la ji ltar dang po'i glu byung ba shes pa yin zhe na/ srid pa shin tu grub pa yi// dbang phyug chen po mchog grub phyir// gzi can sems can don mdzad phyir// bskal pa thog mar bcom ldan gsungs// de nas de gang yin zhe na/ 'dod chags chen po bcom ldan 'das// rab tu dga' ba mi 'gyur mchog/ gsang ba'i phyir ni snying por brjod// yi ge hUM ni mi 'gyur mchog/ de nas nye ba'i snying po

  352. 176b

    yi// de kho na nyid shes pa ni// de nyid gsang zhing gsang ba dang // snying po rab tu brjod par bya// snying po'i rjes su sgrub par 'grub// nye ba'i snying po nyid du brjod// de la ji ltar bde ba chen po'i rdo rje don yod pa dam tshig gi bshad pa'i rgyud yin zhe na/ dngos grub kun gyi mi 'gyur bde// bde ba chen po zhes brjod do// rdo rje de nyid don yod grub// dam tshig 'da' bar dka' ba'o// zhes bya ba'i mchog gi dam pa'i glu bcom ldan 'das rdo rje sems dpas gsungs so// de la ji ltar dkyil 'khor gyi don shes pa yin zhe na// ji ltar gnas dang 'khor lo dang // ji ltar dgod par 'gro ba dang // 'khor dang bcas pa dgod pa gang // de 'dra'i 'khor lo mchog gis sprul// de nas rnam par shes pa ni// rdo rje sems sogs lha rnams kyi// 'khor lo mngon sum mthong ba yis// rtag pa'i bsod nams ci 'dra ba// phyir na bris na'ang de bzhin no// de nas thig gdab pa'i cho ga ni// shes rab can gyis dkyil 'khor bris// phyogs kun mnyam pa nyid dmigs la// shar dang nub dang byang dang lhor// thig bzhi btab pas dkyil 'khor brgyad// rdo rje thig gis yongs bskor bar// ka ba brgyad gyis nyer mdzes shing // sgo bzhi rta babs kha khyer dang // dra ba dra phyed la sogs brgyan// der bdag po'i don shes pa ni rdo rje sems dpa' ji lta bu zhe

  353. 177a

    na/ nam mkha' skye ba mtshan ldan phyir// thog ma za ma med pa'i mchog/ rdo rje sems dpa' che rang bzhin// dpal mchog dang po zhes byar brjod// de nas bcom ldan 'das de gang zhe na/ kun mchog dngos grub chen po yi// dbang phyug chen po lhag pa'i lha// rdo rje 'dzin pa kun gyi rgyal// rab tu dga' ba mi 'gyur mchog/ ces bya ba bcom ldan 'das rdo rje 'dzin pas gsungs so// de nas spyan ras gzigs dbang gis// pad+ma rA ga dang mtshungs pa// thams cad dag pa bla na med// rdo rje sems dpa' rang bdag nyid// spyan ras gzigs kyi dbang phyug nyid// de nas pad+ma'i rigs kyi de kho na nyid ni/ rdo rje chos ni rab grub phyir// sems can thams cad rnam dag phyir// pad+ma chen po'i rigs dag pa'i// ting 'dzin yi shes kun nas bsdus// zhes bya'o// de la ji ltar na/ nam mkha'i snying po yin zhe na/ thams da nam mkha' bcom ldan 'das// sems can bsod nams mthong zhing che// nam mkha'i snying po sems dpa' dang / de nas nor bu rigs kyi ni// dbang bskur ba dang gter dang ni// rdo rje rgal mtshan mchod pa che// nor bu chen po'i rigs grub pa// bsam pa thams cad yongs rdzogs pa'o// zhes bya ba dkyil 'khor thams cad kyi de kho na nyid chen po bcom ldan 'das rdo rje sems dpas gsungs so// rdo rje

  354. 177b

    rigs thams cad kyi dbang bskur ba shes pa ni/ sangs rgyas rin chen rdo rje phyed// rdo rje rin chen rdo rje la// spyan ras gzigs la rdo rje sku// nor bu nor bu'i smin pa'o// de nas mchog dang po'i phyag mtshan gyi de kho na nyid do// kun mchog dngos grub chen po yi// dbang phyug chen po'i mtshon cha che// gsang ba lnga yi de nyid che// rdo rje rtse lnga zhes brjod do// de nas rigs thams cad kyi phyag mtshan gyi de kho na nyid shes pa ni// sangs rgyas thams cad sangs rgyas nyid// sna tshogs bya ba rdo rje can// 'jig rten dbang phyug rdo rje chos// nor bu nor bu bsags pa'o// zhes bya ba dbang bskur ba thams cad kyi phyag mtshan gyi de kho na nyid bcom ldan 'das rdo rje sems dpas gsungs so// de la ji ltar thams cad dgug pa'i rgyud yin zhe na// rtog pa thams cad gsang chen gyi// rdo rje lcags kyu dril bcas pas// bkug ste de nas rjes bsgrub pa// dril bu nyid kyis bya ba yin// ji ltar mchod pa thams cad kyi cho ga yin zhe na// rtog pa kun gyi gsang chen gyis// rab tu dga' bas mchod nas ni// glu dang rol mo rnam 'phrul pas// mchod de slar yang rnal 'byor mchod// de la ji ltar dngos grub thams cad kyi byin gyis brlabs pa'i dam tshig chen po'i de kho na nyid yin zhe na/ rtog pa kun gyi gsang chen gyis// phyag rgyas kun gyis legs byin brlabs// dam

  355. 178a

    tshigs chen po 'di nyid kyis// rang nyid bsgrubs nas snying po bzlas// thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje bsnyems pa'i bdag po'i bdag/ ces bya ba mchog dang po'i skyes bu'o// de la ji ltar rang lhag pa'i lha thams cad kyi sgrub pa chen po'i rgyud yin zhe na// brtan pa dang ni g.yo ba dang // rtog pa kun las bsgrub bya gang // rang gi lhag pa'i lha sbyor bas// de dag thams cad bsgrub par bya// de nas thams cad rjes su sgrub pa'i rgyud ni// rdo rje dril bu 'dzin gyur nas// rdo rje dril bu rab sad cing // rtog pa thams cad rjes bsgrubs pas// mchog dang las sogs 'grub par 'gyur// de la ji ltar 'bad pa med pa thams cad sgrub pa'i rgyud yin zhe na// bsgrub bya ci 'dod bsgrubs nas ni// phyi nas ji ltar 'dod pa yis// ci 'dod spyod pa la spyod cing // thams cad byed cing thams cad bza'// yang pa'am ni 'dug pa'am// gang dang de ru 'chag pa'am// dgod pa dang ni smra pa'am// gang der ji bzhin de bzhin no// dbang po gang dang gang lam gyur// de dang de yi ngo bor bya// mnyam par bzhag nas rnal 'byor gyis// rang gi lhag pa'i lha sbyor bya// de nyid rnal 'byor 'di yis ni// thams cad nyid ni bsgrub par bya// sangs rgyas kun

  356. 178b

    dngos thams cad ni// rtag tu mthong zhing grub par 'gyur// dam tshig chen po de nyid ni// mkhas pa gang zhig dad pas klog/ de ni sdig kun dang bral bas// dngos grub kun gyi dbang phyug 'gyur// zhes bya ba dam tshig chen po'i de kho na nyid do// de ltar dpal mchog dang po'i cho ga ma nyams mchog gi bla ma gsal// mchog tu gsang ba sgrub pa'i cho ga bde mchog myur du grub phyir gsol// rdo rje mchog 'dzin dang bcas bde gshegs sras bcas rnams kyis byin brlabs pa// bde chen dam pa rdo rje 'dzin pa dga' chen mchog gis de gsungs so// dpal mchog dang po las mchog tu gsang ba'i cho ga'o// de nas ston pa rdo rje 'dzin// mkha' ltar thugs med kun tu 'gro// sangs rgyas kun gyis bstod nas ni// rtog pa'i mthar thug don gsungs so// bdag gi snying po dang 'di mchog chen po'o// bde chen mchog gi mchog dang rjes su chags pa che// kun mchog sems dpa' rnams kyi rtag tu 'byung gnas ni// kun mchog 'byor ba'i dbang phyug 'di ni gso ba yin// mtha' yas pa dang thog med mthar thugs med pa ni// mchod bya chen po thams cad rnams kyi tshul chen po// nam mkha' dang mtshungs mchog gi dngos 'phel gsol// de ni sus kyang mthar thug byed par nus pa min// sems can rnams ni dman la zhen cing nyung la dga'// dad

  357. 179a

    pa med cing slu ba byed la ma sbyangs pa// rtag tu rjes su chags shing chags bral la chags pa// de rnams la ni phan phyir 'di ni mthar thug pa'o// gang gi khyim na 'di gnas gang gis rab tu bsgrub pa'am// yang na ji bzhin gsungs pa rtag tu 'dir sgrub byed// so sor nyams su myong ba'i mthu yis thams cad du// bdud kyi las tshogs rnams kyis de ni gnod mi nus// rdo rje 'chang sogs sku ni gang gis sgrub byed pa// gzugs brnyan la sogs thams cad 'dir ni ji bzhin gsungs// des ni thams cad so sor nyams myong nus par ldan// bdud kyi las tshogs rnams kyis de ni gnod mi nus// gang zhig rdo rje la sogs gzugs brnyan la sogs pa// ji ltar 'dod pa 'di dag thams cad sgrub par byed// rab tu 'dod pas yi ge hUM las bris nas ni// 'dod pa'i dngos grub de yis ster zhing thob par 'gyur// rgyal po rnams kyis rnam par sbyang bar mdzad pa ni// gang la don kun dag phyir mdzad par mi 'gyur min// 'dir ni bgegs byed bdud rnams kyang ni yod ma yin// rtogs pas dngos grub thob dang byin gyis brlabs pa yin// nga ni bdud nyid mi 'gyur brtan med nyid mi 'gyur// brtan pa nyid phyir nga ni bstan par mdzad pa yin// rtag pa 'di ni mchog chen gang gis sgrub byed pa// de la nga ni dngos grub myur du sgrub par

  358. 179b

    byed// dngos grub chen po la thams cad rjes su chags shing shin tu mnyes pa dang / shin tu brtan pa dang / shin tu rgyas pa dang / rtag tu rgya che bar 'gyur ba yin no// gang zhig mchog gi rgyal po snying po sgrub byed pa// rgyal ba thams cad dgyes shing rgyal ba dgyes par mdzad// de dag grags pa chen po thob nas bde ba'ang thob// de phyir 'di la dad cing gus par bya ba yin// de nas rgyal ba rnams kyis bcom ldan 'das la legs so zhes bya ba byin te// yab mchog sangs rgyas sras ni legs so legs// sras mchog sangs rgyas sras ni legs so legs// rdo rje mchog ni rdo rje 'byung ba legs// dam pa'i chos kyi bdag nyid legs so legs// sangs rgyas rnams kyis yang dag byin brlab pa// rtag tu mi 'gyur don yod grub pa che// ji ltar dang po'i grub pa de bzhin du// phyi nas kyang ni de bzhin 'grub par 'gyur// de ltar ngag chen gsung nas ni// sras dang bcas pa'i sangs rgyas rnams// rdo rje sems dpa' chen po yi// gsung la rjes su yi rang mdzad// dpal mchog dang po las rtog pa'i rgyal po thams cad kyi mchog rdzogs so// // thugs dam sa'i snying po tho lding du/ rgya gar gyi mkhan po paN+Di ta mkhas pa chen po man+ta kA la sha dang / sgra bsgyur gyi lo tsA ba lha btsan po dge slong bla ma zhi ba'i 'od kyi zhal snga nas bsgyur cing zhus te

  359. 180a

    gtan la phab pa// / ma mra zan tha rin chen bzang ba yis// dpal mchog dang ba'i rgyud 'di bskur ba la// bar bar dpe ma rnyed pas ma 'gyur nas// bdag gis 'bad pas dpe bcal rnyed pas bsgyur// // 'di snga 'gyur gyi 'gyur byang gsal ba mi 'dug rung rtsa rgyud rtog pa bcu pa dang // lo paN gcig yin nam snyam mo// slar yang rgyud 'di nyid kyi 'grel pa slob dpon kun dga' snying pos mdzad pa bsdus 'grel dang rgyas 'grel gnyis ka la gtugs te dag par bgyis pa'o// // @#// rgya gar skad du// tan+t+ra rA dza ma hA karma mA la nA ma/ bod skad du/ rgyud kyi rgyal po chen po las kyi phreng ba zhes bya ba/ bcom ldan 'das dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku dang / gsung dang / thugs dang / yon tan phrin las ma lus pa'i bdag nyid/ yang dag par rdzogs pa'i sangs rgyas longs spyod chen po'i bdag po/ dpal rdo rje 'chang chen de ni/ 'gyur ba med pa rdo rje'i sku/ de bzhin gshegs pa thams cad dbyer med pa'i bdag nyid can de/ 'di ltar rdo rje btsun mo'i b+ha ga rnam par dag pa bde stong chen po'i ngang na snyoms par zhugs shing / byang chub sems dpa' sems dpa' chen po'i

  360. 180b

    'khor rdul snyed dang bcas pa ni/ 'di lta ste/ dam tshig rdo rje dang / lus rdo rje dang / ngag rdo rje dang / sems rdo rje dang / ting nge 'dzin rdo rje dang / rgyal ba'i rdo rje dang / sa rdo rje dang / chu rdo rje dang / me rdo rje dang / rlung rdo rje dang / nam mkha' rdo rje dang / gzugs rdo rje dang / sgra rdo rje dang / dri rdo rje dang / ro rdo rje dang / reg bya rdo rje dang / chos rdo rje la sogs pa thams cad dang thabs cig tu bzhugs so// gzhan yang de bzhin gshegs pa'i 'khor rdul snyed dang bcas pa ni/ 'di lta ste/ rnam par snang mdzad dang / mi bskyod pa dang dkon mchog dpal dang / tshe dpag med dang / don yod grub pa dang / de bzhin gshegs pa thams cad dang / thabs cig tu bzhugs so// de nas bcom ldan 'das dpal rdo rje 'chang chen po de nyid/ 'dod chags chen po'i ting nge 'dzin la snyoms par zhugs nas/ rdo rje btsun mo'i tshogs dang 'khril ba ni/ 'di lta ste/ sangs rgyas spyan dang / mA ma kI dang / gos dkar mo dang / sgrol ma dang bcas pa la bde ba dang mchog tu bde ba dang / bde bral gyi bde ba dang / lhan cig tu skyes pa'i bde bas 'khor ba dang mya ngan 'das pa'i khams thams cad la khyab par mdzad do// khyab par mdzad nas yum gyi b+ha gar 'dus par gyur pa las/ bcom ldan 'das dpal rdo rje sems dpa'i skur shar ba ni 'di lta ste/ dkar po dang /

  361. 181a

    mthing ga dang / dmar po'i zhal dang / rdo rje dang / 'khor lo dang / rin chen dang / dril bu dang / pad+ma dang / ral gri phyag drug na 'dzin pa/ zhabs rdo rje skyil krung du bzhugs par gyur to// de nas gzhan yang byang chub sems dpa'i bde ba las gyur pa'i khro bo ak+Sho b+hu'i skur shar ba ni 'di lta ste/ dkar po dang / mthing nag dang / dmar ba'i zhal dang / rdo rje dang / kha T+wAM ga dang / rde'u chung dang / dung dmar dang / rgyu zhags dang / khyung gi khwa phyag drug na 'dzin pa/ zhabs rkyang bskum du bzhugs par gyur to// de nas bcom ldan 'das rdo rje 'chang chen pos gsang ba'i sngags 'di nyid kyi sku gsung thugs rdo rje las phyung ngo / badz+ra d+h+r-i ka/ badz+ra ak+Sho b+hA hUM shrIHbadz+ra d+h+r-ika/ ces brjod pas khro bo ak+Sho b+hu dpal rdo rje sems dpa' la thim par gyur pa las/ sangs rgyas thams cad kyi dkyil 'khor gyi bdag po/ bcom ldan 'das zhe sdang rdo rje'i skur yongs su rdzogs pa ni 'di lta ste dkar po dang / mthing shun dang / dmar po'i zhal can/ g.yas na rdo rje dang / zhags pa dang / lcags sgrog dang / g.yon na b+han d+ha dang / dgra sta dang / lcags kyu bsnams pa zhi khro 'dres pa'i skur gyur to// de nas de bzhin gshegs pa thams cad kyi yum rdo rje dbyings phyug ma yang ston pa/ zhe sdang rdo rje dang gnyis su med par sku la 'khril to// de nas yum rdo rje

  362. 181b

    dbyings phyug mas 'di skad ces gsol to// chos dang gang zag bdag med mkhyen// gzung 'dzin sgrib pa gnyis spangs shing // byams pas 'gro la thugs rtag rje// gdod nas don mdzad mthar byin pa// pad ltar 'dam skyes skyon mi gos// mi gnas dbyings la phyag 'tshal lo// bdag dang mtha' yas sems can rnams// ye nas sangs rgyas yin mod kyang // rtog pa'i dbang gis 'khor ba la// byang chub mchog tu sems bskyed do// stong gsum 'jig rten kun gnas pa'i// sems can nyon mongs snang ba dang / theg pa'i rim pa lam zhugs pa'i// rnal 'byor nyams kyi snang ba dang / bde gshegs snang ba sku gsung thugs// mi zad rgyan gyi 'khor lor shar// snang ba gsum po dbyer med tu// zung 'jug bsgrub pa'i zhi khro yi// mchod pa tshogs kyi 'khor lo yi// karma mA le'i rgyud chen gsungs// zhes gsol to// de nas sangs rgyas thams cad kyi dkyil 'khor gyi bdag po/ bcom ldan 'das zhe sdang rdo rjes 'di skad ces gsungs so// tshogs kyi mchod pas dam skong sgrib sbyangs shing // de nyid lha yang 'dug lnga 'go bgegs gnyis 'jil ba'i rgyu// sku gsum mthar phyin 'gro ba'i don mdzad pa// 'gro ba'i don phyir rim par bshad par bya// de la dkyil 'khor 'di dus su// dkyil 'khor rnam pa drug dang ni// las rnams

  363. 182a

    bsdus pa'i phyi ma dang // bdud kyi mchod pa bshad par bya// de yang dkyil 'khor drug ces pa// dus su tshogs dang gsal bkra rnon po bskyed// 'bar ba'i phrin las tshogs te mchod pas thim// dus kyi dus nyul tshogs kyi bskos nyul dang / ting 'dzin drod nyul ti ra'i gnas 'phrog dang // dung khrod gnas nyul mchod pa'i phud nyul drug/ de drug dkyil 'khor drug tu shes par bya// zhes gsungs so// karma ma le'i rgyud las/ rgyud 'byung ba'i rgyu gleng gzhi dang / gleng bslang ba'i le'u ste dang po'o// // de nas bcom ldan 'das tshogs kyi 'khor lo chen po las dus kyi dkyil 'khor 'di gsungs so// de la dus kyi dkyil 'khor ni// dus chen byin gyis brlabs pa ste// dus chen drug la mi g.yo bar// tshogs kyi mchod pa dbul ba'o// khyad par lo'am zla ba'am// rgyun nam yang na dus drug la// dus dang khyad par shes par bya// de la dus kyi rtags nyul mas// gza' skar dus tshigs bzang po la// 'dus ma 'dus dang yon tan skyon// de phyir dus 'dir rab tu gces// rgyun du'am yang na zla/ gcig gam// de bzhin lo gcig khyud skor ram// bcu bzhi dang ni bco lnga dang // brgyad rnams su ni khyad par sbyin// de yang ji lta bu zhe na// 'jig rten rnams ni dge sdig gnyis la spyod// legs nyes zhal lce

  364. 182b

    gcod pa'i kha zin gnyis// dus 'dir mkha' la dge sdig khram gyis len// dge sbyong rnams la dus 'dir gcig tu gces// phyi yi dus 'dir mkhas pas tshogs 'khor bya// kun gzhi rgyu yi rgyud du shes pa'i dus// de la 'khor 'das tshang bas rtsa ba'i rgyud// lus ni thabs kyi rgyud du shes pa'i dus// phung po khams dang skye mched dkyil 'khor lha// sangs rgyas rig ma byang chub lcam dral dang // sprul pa sgo ba sgo ma'i tshogs rnams sam// lus la brten nas dbang lam thun bzhir bsgom// sgrib 'gag sangs rgyas gsal bar bshad pa'i rgyud// phyag rgya chen po 'bras bu'i rgyud nyid la// rigs 'dzin sku lnga lhun gyis grub pa'i dus// gzhi lam 'bras bu'i dus shes rnal 'byor pas// rgyun tu tshogs kyi 'khor los sangs rgyas mchod// bla ma'i dus dang ldan pa rab yin te// 'di ldan dus rnams kun las khyad par 'phags// phyi yi bla mas sgro 'dogs yongs su gcod// nang gi bla mas rang byung ye shes ston// gsang ba'i bla mas lhan skyes yongs su ston// mtha' thug bla mas chos rnams de nyid ston// bla ma'i khyad par bzhi dang ma ldan na// dus kyi rgyal po nyams par shes par bya// khams dgu 'dus pa'i dngas ma chen po la// khams kyi 'du lugs rnam pa gsum rtogs pas// rnal 'byor rang lus tshogs 'khor bsgrub pa'i dus// rtsa dang yi

  365. 183a

    ge thig le lung gi dus// las dang skal bar ldan pas rtogs par bya// dus rnams 'di ltar shes pa'i gang zag rnams// rgyud sde bco brgyad tshogs kyi 'khor lo bsgrub// ces gsungs so// karma mA le'i rgyud las/ dus kyi dkyil 'khor gyi le'u ste gnyis pa'o// // de nas bcom ldan 'das kyis tshogs kyi dkyil 'khor 'di dag 'gro ba'i don du sku gsung thugs yon tan phrin las las phyung nas ched du brjod do// skal ldan mi dang 'byor ldan dang // dga' ldan lha yi tshogs te rnam gsum mo// skal ldan mi yi tshogs la brgyad// mi chud pa yi skyon dgu bsal// 'du ba'i yon tan drug ldan bsdu// de yi spyod pa bstan pa dang // 'dus la brtag bzhis skyon rnams gsal// bdud bzhi gzhom par bya ba dang // cho ga phun sum tshogs par bya// shes pa phun sum tshogs pa dang // mi 'grub pa yi gegs bsal yin// de nas skyon dgu gsal bar gsungs// sngags pas bsgrims te bsal ba ni// sdom la gnas pa'i dka' thub can// zas dang spyod lam mi mthun dang // lta spyod mthun yang nang mi mthun// phyi nang can dang gnod sbyor can// 'dod pas mos dang zas la brkam// dad med bsgom bsgrub mi nus pas// 'di dag bsal bar gsungs pa'o// yang 'di dag gsungs so// nyon mongs tshi chad ting 'dzin g.yel mi

  366. 183b

    'grub// dam du len dang spyod pa'i dam nyams dang // gnyis phyi mi 'grub ma spyad grol mi 'gyur// shes dang spyod pa'i dam tshig cir gyur yang // rtsa ba'i dam nyams mi 'grub gegs su che// phyi chos kha gsags khong dug bar chad 'byung // 'dod mos don nor sgrar 'jug sngags spyod log/ zas skom tshogs kyi skos nor phud lhag nyams// ma dad le los rgyu 'bras 'bras bu med// de phyir skyon rnams bsal bar rgyal bas gsungs// phyi rabs rgyud 'di shes pas tshogs 'khor bya// de nas 'du ba'i yon tan drug ldan bsdu// dad pa che la blo dang brtson 'grus ldan// dpa' brtul che la yid ring rgyud la mkhas// gtong phod thos 'dzin me gsod pa ltar 'bad// thogs med 'jug nus ma grub mi gtong dang // brda' dang lan shes las la zhum pa med// rdzogs dang byang shes sum char bstan pa dang // yon tan ldan pa de dag bsdu bar bya// 'di skad kyang gsungs so// de yi spyod pa mthun pa ni// gcig bzhin du ni gcig spyod dang // lhan cig spyod dang rjes spyod 'dug/ sangs rgyas kun dang dgongs mnyam sbyor// mkha' 'gro 'khor mchog tu 'bar// de yang brtag pa rnam bzhi ni// slob dpon ma brtags grogs ma brtags// gzungs ma ma brtag gnas ma brtags// dngos grub mi thob las mi 'grub// dam tshig nyams dang bar

  367. 184a

    chad 'byung // rdo rje slob dpon blo ldan la// gsang sngags rgyud kyis dbang bskur zhing // lung dang man ngag yongs shes pa// de nyid bcu dang ldan pa'o// thabs dang shes rab ldan pa yis// las dang las kyi phyag rgya shes// spyod pa brda yi tshul rig cing // brnag par bya ba'i gzungs thub pa'o// ngan sems grogs dang 'brel pa med/ mos ldan dang ba'i tshig la bab// dogs pa'i 'du shes spangs pa yi// zla gsang dkar dmar rlung khar lci// dben pa'i ri bo'i ri sul nags// zhabs kyis bcags shing yid dang 'thad// lha mis btul ba gang yin pa// de ni bsgrub pa'i gnas su 'thad// de yang bdud bzhi gzhom bya ba// mchod mkhan las mkhan sbyor dang sgrol// snod dang mi ldan gnas nor la// shes rab snying rjes ma zin na// nyams pa'i bdud dang las kyi bdud// lha dang srin po bdud rnams so// de yang 'di ltar rab tu shes par bya ba ni// 'chad mkhan snod mi rtog pa nyams pa'i bdud// karmas bab col byed pa las kyi bdud// sbyor ba shes rab ma zin lha bu'i bdud// sgrol ba snying rjes ma zin srin po'i bdud// bdud bzhi'i skyon bsal bdud bzhi bcom pa yin// bdud bzhi bcom pas tshogs kyi mkhan po rnams// bla ma slob ma mthar phyin khyad par 'phags// de la cho ga khyad par 'phags pa ni// cho ga lnga ni

  368. 184b

    rdzogs byas shing // yo byad lnga ni rdzogs par ldan// sngags kyi yan lag lnga rdzogs shing // ma nyams 'jug la rab brtson na// yan lag ma nyams yo byad ldan// cho ga rdzogs par ldan pa yi// rnal 'byor tshogs pa'i dkyil 'khor gyis// nges par legs pa'i dgongs pa 'grub// srid zhu gus pas sgyu med slob dpon mnyes// dam mnos mi dpya mi 'phel mi gcod spangs// dkyil 'khor lha rgyud phyag rgya bzhir shes zhugs// sgrub la dbang mnos lung dang man ngag thob// dbang thob brtul zhugs rigs pa bsgom zhing bsgrub// kha tshig ma yin rigs pa'i gting du gyur// gnas mchog rab tu dben zhing yid 'thad dang // glang chen khyu mchog la sogs zhi khro'i gdan// phyag mtshan 'phan med ma yo rdzogs pa dang // gso ba'i zas dang rkyen bzlog sman rnams so// don dam gnyis su med par byang chub pa'i// rtags su zla dkyil rdo rje yig 'brus mtshan// skur gyur phyag rgya gsum 'phro 'od zer las// lnga ste rigs lnga'i mtshan rtags bdun du bgrang // de la shes pa phun sum tshogs pa ni// shes 'jug mtshan nyid 'byor pa'i sku// 'bras bu smin byed rgyu dang rkyen// nus mthu can du gang gyur pa// rig 'dzin rgyal ba'i zhing du grags// rgyu gcig pa dang yig 'bru'i tshul// byin gyis brlabs dang mngon sum pa// rab tu rtogs pa rnam pa

  369. 185a

    bzhi// thams cad mngon rdzogs rgyal po che// bsnyen pa dang ni nye bsnyen pa// sgrub pa dang ni sgrub chen no// gsang ba'i thig le dkyil 'khor dbyings// 'byung ba shes rab rigs kyi yum// chen po rigs kyi de bzhin te// byang chub sems ni rdo rje'i tshogs// chos sku mi shigs srog 'dzin la// phyi rol 'byung ba lnga po yum// rtsa ba phung po'i rlung lnga dang // yan lag rnam shes rlung lngar sprin// lhag mar bcas pa'i lus nyid kyi// tshe la dbang ba'i rig 'dzin thob// rgyal sras de ni 'dod nas 'chi// rig par bcas pa'i tshe de ni// de yi tshe ni bcu drug las// brgya brgya dag tu bsgyur nas ni// bla med byang chub thob par bshad// ye shes thig le de nyid la// ye shes thig le nyid snang ba'o// ye shes chen po mdun nas kyang // de ltar mthong bar gyur na yang // rgyab nas 'byung ba'i ye shes ni// mi dang lha dang tshangs pa yi// skye ba rnam dag 'dzin mod kyi// khyad par sa la gnas 'gyur yin// mi 'grub pa yi gegs bsal te// ma dad pa dang le lo dang // byang chub sems ni ma skyes dang // the tshom yod pa can nyid ni// bsgrub par bya ba'i gegs su 'gyur// 'grub pa'i dus ni rab bshad na// zhag ni sum bcu phrag drug gam// bcu bzhi bco lnga bcu drug gis// dbang bskur rigs kyi dam pa 'grub// de tshe bco lnga tshun chad kyi// sku lnga lhun gyis

  370. 185b

    rdzogs pa'o// de nas bde gshegs sangs rgyas kyis// 'byor ldan yo byad tshogs bshad pa// sgrub pa'i yo byad gsungs pa yi// brgyad dam bzhi yi bdag nyid can// sgrub pa'i yo byad rnam brgyad de// gos rgyan bza' btung glu dang tshig/ bro gar sogs kyi sprin phung la// hUM dang shes pas rab spyad nas// ngo mtshar 'byung ba'i dkyil 'khor mnyes// bgo ba sna tshogs bshad pa ni// dbang phyug rig 'dzin mar ldan pas// tshe yi dam pa 'grub pa ste// gos lnga dag tu bshad pa ni// yo byad phyi ma thams cad dang // gos dang rgyan la sogs pa'o// dbu rgyan dang ni phyag gdub dang // dpung rgyan snyan cha do shal dang // se mo do dang me tog rgyan// byang chub yan lag bdun du bshad// bdag 'dzin gzhan rtog btang snyoms las// rang bzhin rnam par dag pa rtogs// sgrib gnyis nyes skyon spangs pas na// ye shes gos ni dkar por bstan// chags bya chags med spangs nas ni// thugs rje thams cad chags med pas// dbang du gyur yang ma chags te// tshul khrims gos ni dmar po yin// bdag tu mi 'dzin byams pa yis// yon tan yid bzhin gter chen 'phro// kun gyi re 'dod skong ba'i phyir// sbyin pa'i gos ni ser por bstan// gnyis med las kyi sprul pa yis// ji ltar sbrul zhing mdzes mdzad pas// 'gro kun dge la dgod pa'i

  371. 186a

    phyir// brtson 'grus gos ni ljang gu yin// chos nyid ngang la bcos su med// kha dog mthing ga bsgyur du med// mi 'gyur mi shigs rang bzhin pas// shes rab gos ni mthing ga yin// de yi kha dog gos lngar bgos// de nas rgyan gyi chos lngar brgyan// thugs kyi shes bya ze'u ldir cod pan dang // yon tan gzi mdangs stod g.yogs dang // sku brjid tshul gyi chos gos dang // gsung thugs rjes chags smad dkris dang // mdzad pa gar gyi gtsang gos phu dung ste// 'di rnams rgyan chas dam pa'o// las rnams rigs bzhi mthun pa'i chas// de bas yang dag mdzes pa'i me tog phreng // dam chos rnam 'byed dbu rgyan rin chen phreng // phyag gdub sna tshogs las mdzad brtson 'grus ldan// rin chen tshogs spras dbu rgyan dran pa'i ngang // snyan cha lus sems bsil byed shin tu spyad// do shal ting 'dzin dbus mchog phreng ba'i rgyan// bdag 'dzin btang snyoms sprul pa'i se mo do// byang chub 'od 'phro shes bya'i cod pan 'phur// khams kyi rang bzhin thams cad dang // srog dang rtsa ba de bzhin te// byas pa'am ni blugs pa'am// brdungs pa dang ni bris pa'ang rung // sna tshogs rab tu legs pa yi// mtshan ma'i phyag rgya btag par bya// dbu rgyan rigs bdag rnam snang mdzad// snyan cha mgur chu snang mtha' yas// phyag gdub phreng

  372. 186b

    ba rdo rje sems// sku yi ska rags rin chen 'byung // rkang gdub don yod gdon mi za// byang chub lcam dral rigs lngas spras// bdud 'dul stobs mchog theg pa mchog gi rgyan// dpa' brjid mnyen lhug 'khril pa yum gyi rgyan// dpa' brtul za byed ye shes thugs rje'i rgyan// mi 'khor byang chub sems kyi rgyan du bstan// sku gsum theg gsum dug gsum dbang 'tshed sgrol// don dam bcud nyid chags tshul thugs rje'i rgyan// 'dul byed phrin las rgyan te rnam pa brgyad// 'jigs byed lags pa'i rtags su bstan pa yin// rnal 'byor bza' ba'i rnam pa mang po ni// a mra smin pa grol bar bshad// 'bras bu chen po pa na se// rgun 'bru khu ba khu ba'i mchog/ na li ke ra dngos grub mchog/ dam chos 'bras bu a ru ka/ a mra rgun 'brum pa na sa// na li ke ra a ru ka/ 'bras bu chen po khyad par dag/ bdud rtsi 'bras bu yin par bshad// dkar rtsi dmar rtsi dri sha chen// dag pa'i snod chu dam pa'o// rtsa ba 'bras bu ldong bu dang // bzang ba bca' ba spyad par bya// dpa' bo dpa' mo'i btung ba ni// rnal 'byor pa yis btung zhing mchod// chang ni sgeg mo yin par bshad// rab tu rmongs pa sbrang rtsi'o// bu ram chang ni myos byed gsungs// rgun chang dag ni bdud rtsi yin// glu ni tshig tu brjod par bya// dar dir dag ni sil snyan/

  373. 187a

    yin// rdo rje sems dpa' dpal sbyor ba'i// glu dang sil snyan gar byed pa// brda' yi dam par bshad pa ni// hUM la sogs pa'i glu blang ngo // rab tu zhi ba sil snyan glu// oM gyi glu yi phyag rgya ni// tshangs pa'i dbyangs kyis ci dgar blang // gar ni shin tu rnam sprul lo// mi yi dbang po'i sil snyan glu// ti zhes bya ba glu yi rgya// thams cad dga' bas rab bsgrubs pa// gar ni shin tu rnam sprul pa'o// dur khrod glu dang sil snyan glu// rdo rje drag po sgeg mo'i glu// 'khur ba dbugs kyi rlung 'byin zhing // 'brug gi sgra ltar zab pa yi// gar ni shin tu rnam sprul pa'o// chags sam glu gar sil snyan glu// hriHzhes bya ba glu yi rgya// khams gsum rnam par rgyal bar byed// gar ni shin tu rnam 'phrul pa'o// rab tu dpa' bo sil snyan glu// rta mchog rnam par rol par byed// he zhes bya ba glu yi rgya// gar ni shin tu rnam sprul pa'o// skad kyi gsangs ni mtho dman dang // gre 'gyur bcas shing bzla' pa dang // ka ka la dang rdo rje'i dbyangs// de ni rab tu dbyangs snyan dang // ka ka la yi glu yi dbyangs// dus su rab zhi blang bar bya// tshig drug rnga thabs drug dang sbyar// tshig drug dpa' bo dpa' bo'i tshig/ rdo rje se gol gtogs pa yis// sangs rgyas thams cad bsdu bar bya// thal mo legs par sbyar ba yis// thal mo lan gsum

  374. 187b

    rnam par brda'// thabs ni g.yas su sbyar bya ste// de bzhin g.yon du shes rab sbyar// ho hi oM hri hUM lnga dang // haM hUM hri tri taM lnga rnams// haM oM haM kun de ltar bya// oM hris gzir ba'i tshul du bya// de nas lag pa zhi ba yis// thal mo gsum gyis bsdu bar bya// de nas sor mo thams cad kyang // bar bar bsnol te bcing bar bya// rdo rje thal mo zhes bshad de// sangs rgyas thams cad rab tu bsgrub// oM su ra te badz+ra any+dza li hUM// thal mo 'di nyid mnyam gzhag ste// shin tu bskul nas bcing bar bya// rdo rje bcings pa bsdus pa yis// bcing ba'i sbyor ba nyid du bya// oM su ra ta badz+ra ban d+ha hUM// de nyid du ni sbom po gzhug/ khro bo'i rtse mo shin tu dgug/ rdo rje sems dpa' nyid du bsgrub// oM su ra ta badz+ra hUM// phyag rgya dang ni sgrub pa dang // sngags gsum rigs lnga so sor bca'// rdo rje bcing ba mnyam gzhag ste// sbom po khro bo rtse mor sbyar// g.yas kyi rdo rje sbom po ni// de yi dbus su gzhug par bya// oM su ra ta s+t+waM/ ho b+ha ga wAn/ ma hA kA ru Ni ka dr-i sh+ya ho hUM/ lag pa g.yas g.yon gnyis gnyis reg/ mdzub mo mthe'u chung mdzes bsgyur te// g.yon pa'i mdzub mo khu tshur bcing // g.yas pa ba dan gsum par bya// bsnyems 'dzin chen mor byas bcangs pas// sbyor ba de ni bteg nas su// mgrin pa'i phyogs su yongs bsgyur nas// spyi bo'i

  375. 188a

    mtshams su gzhag par bya// thams cad 'bebs pa'i gar byed pa// gar byas de ni phab nas su// skal bzang hUM zhes bya ba'i glus// mchod pa thams cad dbul bar bya// lag pa g.yas g.yon gnyis dag gi/ mdzub mo mthe'u chung mdzes bskur ba'i// rdo rje'i thal mo sbyar nas su// de ni g.yon du bsgyur bar bya// rdo rje'i sbyor bas bteg nas su// spyi bo'i mtshams su gzhag par bya// skal bzang hUM zhes bya ba'i glus// mchod pa thams cad dbul bar bya// lag pa g.yas g.yon gnyis dag gi/ mdzub mo mthe'u chung mdzes bsgyur te// rdo rje'i thal mo gyen du dgrol// mchod pa gtor ma kun gyi tshul// dur khrod cha lugs gar byed pa// cha byad 'di yis gar byed cing // skal bzang rdo rje drag por bkod// mchod pa thams cad dbul bar bya// lag pa g.yas g.yon gnyis dag gi/ mdzub mo mthe'u chung mdzes bsgyur zhing // g.yas g.yon thal mo brdab pa yis// mchod pa thams cad dbul bar bya// gar gyi dbang phyug go/ lag pa g.yas g.yon gnyis dag gi/ mdzub mo mthe'u chung mdzes bsgyur te// rdo rje rin chen thal sbyar te// mchod pa thams cad dbul bar bya// dpal rdo rje rin chen te// las dang thun mong ste/ mchod pa thams cad kyi spyi'i cho ga'o// de nas phyag rgya shes pas ni// dpal ldan rdo rje mchog gi glu// las

  376. 188b

    rnams thams cad rab 'grub cing // srid pa thams cad rab tu 'grub// rdo rje sems dpa' bde chen po// skal bzang dpal khyod bdag la sogs// sgrub la rtog par mdzad du gsol// kye de bzhin gshegs pa kun gyi bdag nyid bde ba mkha' 'gro sgyu ma sna tshogs bde ba'i mchog/ hUM 'gro ba'i rgyud rnams rnam pa sna tshogs 'dul mchog grub pa bdag la grub par mdzad du gsol// a la la ho// bde bar gshegs pa'i 'byor pa sna tshogs gar rnams bstan du gsol// dzaHhUM baM hoH// kye bde mchog bde bas brung la rnam par sprul// hUM gnang bar mdzad du gsol// a la la ho// de bzhin gshegs pa sna tshogs mkha' 'gro/ sgyu mas slob ma gzung du gsol// de nas gzhan yang bshad bya ba// ShaSh+Ta dbyangs kyi glu blangs nas// de ba ta yi glu blang ngo // 'jig rten khams mang rdul phran grangs med khyab par 'phros pa yi// rgyal ba'i don rnams rab tu phra ba'i grangs kyi rdul snyed pa// sprul pa'i sku rnams rab tu phra ba'i rdul gyi grangs snyed ni// srid pa'i bde chen de bzhin gshegs kun rnam sprul sna tshogs kyis// rdul phran grangs med de bzhin gshegs pa rnam par sprul par mdzod// ho rnam par snang mdzad dpal 'byor pa// a la la ho// de rang bdag la grub par mdzod// de nas phyag rgya shes pa ni// dpal ldan rdo rje sbyor ba'i glu// las

  377. 189a

    rnams thams cad rab sgrub pa// khyad par du ni bshad par bya// gzigs pa rnam pa sna tshogs 'gyur ba'i rgyas thob la// rnam pa sna tshogs 'o byed 'khyud pas rmongs mdzad de// rnam pa sna tshogs bde ba'i mchog ston kun gsol la// rnam pa sna tshogs bde mchog ngo mtshar bstan du gsol// rgyas btab rmongs byas bsnams su gsol// bde mchog ngo mtshar bde la bzhugs// hUM a la la ho snang bar mdzod// rnal 'byor bde mchog sgyu mas sbrul// dam tshig dag la 'jug tu gsol// nyon mongs kun las rgyal bar mdzod// ma lus pa rnams bsnams su gsol// de nas phyag rgya shes pa 'di// pad+ma'i rgyal po dpal kyi glu// las rnams thams cad rab bsgrub pa'o// de bzhin gshegs pa kun la sogs pa'i gzugs mchog sna tshogs 'dzin// sems can rnam pa sna tshogs 'dul mchog dngos grub mchog mnga' ba// sems dpa' pad+ma dga' mchog sgyu ma'i dga' ba bstan du gsol// a la la ho// kye gar dbang thar dga' dga' ba'i gar mdzod cig/ sangs rgyas rdo rje 'dzin pa'i dpal// tshangs pa 'jug sel dbang phyug bdag/ nyi zla bdag lags a la la ho// dpa' mo sgyu ma dpal ni pad+ma rnam pa sna tshogs 'dul mdzad dga' ba'i tshul gyis gar mdzad pa// pad+ma'i dam tshig dbang phyug sangs rgyas gar rnams mdzad du

  378. 189b

    gsol// 'dod chags rnam par sbyong ba thams cad rnam par sbyong // pad+ma 'dzin pa de yi spyan sngar gar mkhan gar mdzod cig/ de nas phyag rgya shes pa ni// pad+ma sgyu ma mchog gi glu// las rnams thams cad rab sgrub pa// khyad par du ni bshad par bya// khams gsum kun gyi nang na rgyal srid mchog gi nor ldan pas// 'jam 'dus g.yul 'gyed sangs rgyas kun gyis 'dul// rnam pa sna tshogs rnam par rgyal ba'i rgyal mtshan can// rdo rje nyi ma bde mchog sgyu ma bstan du gsol// sems can sprin la byang chub mchog gi sbyin pa sna tshogs char 'bebs pa// bdag nyid re ba kun grub myur du ston a la la ho// mi zad gter gyi dbang phyug khyad par bdag la stsal du gsol// khyad par 'di dag bud med rin chen rnams kyi phyir// rin chen kun gyi nang na bud med rin chen gcig tu mchog/ bud med rin chen shin tu rin chen thams cad 'gro// rat+na a la la ho// de nas phyag rgya shes pa ni// rta mchog dpal ldan gnas pa'i glu// las rnams thams cad rab bsgrub pa// khyad par du ni bshad par bya// myos byed stong las lhag par bde ba 'dod pa'i gzugs ston pa// 'dul ba'i dbang gis gshin rje stong las rab tu 'jigs par ston// zhi ba'i sku yang tshangs pa stong bas lhag par rab tu ston// dkyil 'khor kun gyi mchog tu de bzhin gshegs kun

  379. 190a

    'grub par mdzod// thams cad rnam dag mos pa'i ngo ston gan rkyal stobs kyi gnon pas non// hi he he he he dbang phyug thams cad rab shig rab tu shig/ rab kyi rtsal gyis gnon pa'i stobs kyi ngo ston dbang phyug gnon// sbyor chen hu lu hu lu mig gsum po la gsum grub drongs// rab kyis gnon pa'i stobs kyis ngo ston mthu chen non// mnyam sbyor ru dra ma tra snying las dpa' mos drongs shig rab drongs shig/ rab kyi rtsal gyis gnon pa'i stobs kyis ngo stod tshangs pa non// sbyor chen tshangs las grol ma drongs shig sma ra Ta// rab kyi rtsal gyis gnon pa'i stobs kyis ngo ston dga' dbang non// mnyam sbyor kun gyi bdag las dga' drongs a la la ho// gdug cing khro la rab tu gdug pa'i sems can bsgral ba yis// bsgral ba'i phyir na sgrub zhugs a la la ho// oM sum+b+ha ni sum+b+ha hUM phaT phaT/ mdza' bo mi la bya'am mi bya de dag yongs su rtog pa med kyang bla// de 'dra'i mdza' bo sgyu ma yin pas de la mdza' zhes su zhig zer// rgol ba gang la bya'am mi bya de dag yongs su brtag pa med kyang bla// de 'dra'i rgol ba sgyu ma yin pas de la dpa' zhes su zhig zer zhes gsungs so// de nas rnga thabs bstan pa ni// glu drug dang ni tshig drug dang // rnga thabs drug gi sa nas ni// smon lam rnam pa gsum po yang // so sor bkar te las

  380. 190b

    bya'o// de de byed pa'i dus su yang // ye shes zhal gyi phyag rgya dang // 'dzum byed ye shes phyag rgya dang // lta byed ye shes phyag rgya dang // chos kyi ye shes phyag rgya dang // phyag rgya bzhi sbugs ldan par bya// gar gyi ye shes phyag rgya yi// tshul dgu'i rol ba'i tsham rngams chas// glu yi ye shes phyag rgya dang // rol mo ye shes phyag rgya'o// de nas glu yi ye shes kyi// phyag rgya bya ste rab bshad pa// de yang hUM gi glu dang ni// oM gyi glu la sogs pa yi// glu drug gis ni mgo drangs pa'i// phyag rgya drug dang ldan byas la// glu tshig drug dang glu dbyangs blang // tshul dgu las ni me mnyam zhing // zhi ba'i rdo rje brjid gnon 'gros// he ru ka yi tsham rngams dang // khro bo rnams kyi stangs stabs dang // ma mo 'byon tshul chas byas nas// smon lam rnams gsum rnga brdung ngo // de dus zhi ba'i thal mo dang // khro bo chen po'i thal mo dang // ma mo'i gdang ngar rkan sgra dang // spang ra'i dbyangs// thug pa yin nam dbyug pa yang 'jugs blang ba dang // zhabs kyang 'phen zhing sdud pa dang // 'dor zhing brkyang dang bskum pa dang // 'degs shing gnon pa la sogs pas// rnga brdung dus der rol mo yis// thabs ni sna tshogs gzhan yang bya'o// de nas tshigs bcad 'dis bskul lo// la lar dri med zla ba'i dkyil 'khor stong pas mdzes pa'i gzugs su rnam par snang // la lar 'jigs

  381. 191a

    pa nyi ma brgya phrag dgu yi 'od zer mchog pas 'jigs// la lar mdangs bzang gzi chen bde dang zhi bar ldan pa'i gzugs su rnam par snang // la lar 'gro ba thams cad mnyam par 'jog pa'i gzugs ldan gsung mchog mnyam par ston// rdo rje sems dpa' 'grub phyir 'dul mkhas ma lus sbrul sku bde ba'i mchog rnams la// A ra li thams cad mnyam sbyor grub mdzod ru ti ma ti a la la ho// rnam pa mang pos 'dul bar mdzad pa'i tshul gyis gar mkhan gar mdzad pa// dam tshig gar gyi dbang phyug sangs rgyas gar mkhan gar mdzod cig/ a la la ho// rnam pa mang po bde mchog rab tu gar mdzod thar pa'i bde ba yang dag thos par mdzod// rnam pa mang po 'dod chags rgyud kyis sems can ma lus lus pa med par 'dul mkhas pa// de bzhin gshegs pa kun gyi mkha' 'gro sgyu ma'i bde mchog rab sbrul rnam par sprul// te na te te hUM/ rnam pa mang po 'dod chags rgyud kyis sems can ma lus lus pa med par 'dul mkhas pa// de bzhin gshegs pa kun gyi mkha' 'gro sgyu ma'i bde mchog rab sbrul rnam par sprul// hUM hUM hUM/ rnam pa mang po khro bo'i rgyud kyis sems can ma lus lus pa med par 'dul mkhas pa// de bzhin gshegs pa kun gyi mkha' 'gro sgyu ma bde mchog rab sbrul rnam par sprul/ ru lu ru lu hUM b+h+yo

  382. 191b

    hUM/ rnam pa mang po srog gi rgyud kyis sems can ma lus lus pa med par 'dul mkhas pa// de bzhin gshegs pa kun gyi mkha' 'gro sgyu ma'i bde mchog rab sbrul rnam par sprul// hUM bi sha bi sha hUM/ de la sogs te mtha' yas mchog/ chos dbyings mnyam dang mi mnyam pa// rnam mkha'i dbyings kyi mtha' klas par// rang byung rnams kyi glu yi rgya// nam mkha' kun gyi skabs na dpal// rdo rje sems dpa' la ni gnas// grub pa'i dbang phyug rab grub pa// thams cad bdag nyid grub par 'gyur// snying po phyag rgya sngags rigs rnams// bya ba rnam pa sna tshogs dang // rnam par sel la sogs pa'i thabs// dngos grub thams cad rab tu 'grub// dzaHhUM baM hoH/ ru D+ha maT+Ta/ sma rA ra Ta/ hu lu hu lu/ pra sid+d+ha/ Tak+ki hUM dzaH/ kI ni d+hA ni hUM druM/ Tak+ki hUM dzaH/ hu lu hu lu/ a la la la ho/ s+thi'i rnga rdung ba'o/ shud+d+ha sid+d+ha/ da ri Sh+Ta ya sar+b+ba na Ta g+he g+he/ Ta Ta g+he g+he g+he/ Ta g+he Ta ke ge ge ge// D+ha ta g+he// Ta ge// hau To Na/ Ta k+ki hUM dzaH/ ge te ge d+ho na/ Ta ki hAM tAM/ a la la la ho// ru D+ha man+ta/ thal mo brdab pa'i rtog pa ste// dpal rdo rje sems dpa'i rnga stabs so// Ta g+he Ta g+he/ Ta g+he g+he/ Ta ke na Ta/ g+haM g+he g+ho/ Ta g+he g+he Ta g+he/ rgyun gyi rnga'o// rnam par snang mdzad do// IM AM AM/ hAM haM hAM/ pAM pAM pAM/ d+haM d+haM d+haM/ dam tshig gsum gyi rnga'o// d+ha k+Shau kl-i kr-I k+Shau/ d+he badz+ra badz+ra

  383. 192a

    rgyang / kong kong kong / tsA b+h+yo ts+tsha b+h+yo hUM b+h+yo hUM b+h+yo/ ru lu ru lu hUM b+h+yo d+haM/ klong klong klong / d+hi/ k+Sho kl-i k+Sho k+to/ De Na ko ko ko/ dpal rdo rje he ru ka'i rdo rje rnga'i phyag rgya'o// pad+ma pad+ma tri/ pad+ma pad+ma shi/ pad+ma par+tha hrir/ dad la bdo brda' ba'i rnga'o// snang ba mtha' yas kyi brdung ba'o// tAM tAM tAM/ b+ha b+ha b+ha b+ha b+ha b+ha b+ha/ ta Ta tA Ta Ta Ta Ta Ta/ tAM ta tA tA/ tA tA trA tA tA/ traM Ti ke tang+ku da tra/ tur+tha tA/ rgyal po'i rnga'o// rin chen 'byung ldan gyi brdung pa'o// Tak+ki hUM dzaH/ Tak+ki hUM dzaH/ Ta k+ki hUM dzaH/ snyems pa'i 'gros so// tA D+ha tA tA tA trA tA/ myur zhing rab tu myur ba'i rnga'o// ta Ta b+ha ta/ ba tru na/ ta thA ga te/ ba hUM/ ta Ta b+ha ta ta b+ha hi na dpal rta mchog rnam par rol pa'o// ta tA b+ha Ta Ta b+ha ta da tA/ shin tu myur ba'i rnga'i phyag rgya ste/ sil snyan gyi phyag rgya shes pa'o/ 1/ sangs rgyas brda' yi phyag rgya yis// gar gyi rnam par rol par bshad// rnal 'byor rig mar dang ldan pas// bro dang gar gyi bskyod byas te// 'od kyi 'du 'phros byin brlabs te// dngos grub mchog kyang thob par 'gyur// khrag 'thung chen po la sogs pa'i// bro gar glu tshig chen mos ni// thams cad thams cad ci 'dod pa// thams cad thams cad byed pa yin// mdzod ldan chen mo la sogs pa'i// bro gar glu tshig chen mos ni// 'du bar 'dod na 'du bar byed// 'phel bar 'dod na 'phel

  384. 192b

    bar byed// spos mo chen mo la sogs pa'i// bro gar glu tshig chen mos ni// lhan ner 'dod na lhan ner byed// rmugs par 'dod na rmugs par byed// seng gdong chen mo la sogs pa'i// bro gar glu tshig chen mos ni// thams cad kun la za bar byed// rdul cha tsam yang med par byed// bzhad gdong chen mo la sogs pa'i// bro gar glu tshig chen mos ni// thams cad kun la 'byin par byed// kun la rab tu nyams par byed// slas dang phyi mo bran mo yi// bro gar glu tshig chen mos ni// 'bad cing gtang bar bya ba ni// thams cad thams cad byed pa yin// de nas gzhan yang rab bshad bya// gos dang rgyan dang bza' ba dang // btung ba glu dang tshig tu bcas// bro dang gar gyis mnyes par bya// tshul khrims gos chen zhing btsugs rgyal mtshan la// ye shes lnga ldan dbang po gzi byin tog/ tshar gsum sgeg pa'i lcang lo sprul pa'i rgyan// yan lag lcug phran shes bya'i cod pan 'phur// sor phran rin chen sbyin pa'i sna tshar can// bcings 'doms rdo rje sham gyi gzi bag can// brtson 'grus yan lag sbubs kyi rgyal mtshan la// rnam shes ye shes mkhyen pa'i mi ti'i togs/ rab chen lce'u sprad shes bya'i cod pan can// gzi mdangs chu ris shu ken sprul pa'i sham// ras ras chen bzhi gnas zla 'dra'i blang la ni yang 'dug chen zhig nas zla 'dra'i blang la ni// lhag

  385. 193a

    mthong nyi 'od shu ken lce'u 'bar// ye shes lnga ldan bdud rtsi tog gi mtshon// rtse gcig ting 'dzin rkan phran 'dung dang sbyin// tshul khrims ras chen sku tshan 'phen la ni// dpa' brtul za byed gzi brjid stag gi zhabs// sprul pa'i phyag gnyis gzig gi dpa' brjid can// stag ga dbu rgyan drag tshul rus chen gdan// zhing gi bla re snod kyi chos dbyings la// phyogs med kun la khyab pa'i thugs rje'i ngang / chu ris gzim mdangs sprul pa'i 'khor yug sham// phrin las khre'u sor phran sna tshar 'phrul// dpal chen yab yum khro chen ma tshogs dang // dbang phyug rdo rje 'khor tshogs lha grangs bzhin// med na dmar po'i dar las bsab pa'o// gos dang rgyan gyi phyag rgya shes par bya// phyi yi sbas pa gsang la sogs// nang gi mchod pa'i mchog rnams ni// phyag rgyar sbyar ba'i tshul gnas te// tshul bzhin rgyas btab dbul bar bya// mchod pa kun gyi cho ga dang // bzlas pa kun gyi bye brag ni// rang gi khyad par shes bya ste// sgrub pa thams cad bsgrubs byas na// dngos grub thams cad myur du 'thob// brda' yi dngos po bstan pa ni// mkha' 'gro la sogs thar pa'i mchog/ ro la sogs pa dpa' bo mchog/ zla tshogs la sogs yang dag ldan// tshe ni mchog tu 'dzin pa'o// snying po tshims byed mchog yin te// dri zhim dmar po nyid du

  386. 193b

    'dod// 'jam po thal bar yang dag bshad// gzi brjid dri zhim nyid du 'dod// dbyangs ni snyan par bya ba dang // thar pa chen po shin tu mdzes// btsun mo la sogs reg 'byung bas// rgun chang sbrang rtsi mchog/ tu dpal// tshwa ni 'dod chags sra ba yin// kaM b+hi la ni bran mor bshad// chur ba zla ba nya ba yin// sha ni sman gyi mchog yin te// chang ni ra sa ya na yin// zan ni tshe zhes bya bar bshad// bza' ba sna tshogs grub pa ni// sha dang chang du ldan pa dag/ dga' ba'i longs spyod skal bzang pos// tshe yi dam pa 'grub par bshad// sgeg mo dang ni na chung mchog/ myos byed dang ni bdud rtsi dang / gcig pu pa dang 'dod chags sra// g.yon can bran mo de bzhin te// lan tshwa la sogs ro kun dang // kha ra la sogs bdud rtsi bzhin// bdag nyid kun gyi 'grub pa ni// ma lus lus pa med par 'grub// bag zan las ni byas pa'i phyugs// tsan+dan dkar pos bskus pa dang // bag phye'i zan las byas pa'i sha// rgyal po'i zan zhes gang bshad pa'o// me tog dkar dang dmar po'o// mthing ga ser po kun bsdus pa// me tog phyag rgya'i mchog 'di ni// 'dod pa'i yon tan lnga las byung // rgya skyegs mthing ga ljang gu'i mdog/ chos sna bzhi yis bcos pa dang // dkar po lnga yi phyag rgya dag/ snga ma bzhin du mnyam par bsgrub// khams las byung ba thams

  387. 194a

    cad dang // srog dang rtsa ba'i de bzhin te// rnam par mdzes shing dri zhim pa// snga ma bzhin du mnyam par bsgrub// tsan+dan gnyis dang gla rtsi dag/ ga pur nA ga sa la ki// bdug pa bu ram dang sbyar ba// las rnams thams cad rab sgrub pa'o// gan dar dri dang gu gul dang // sardza ga pur gla rtsi dag/ btsos pa'i bdug pa rdzas 'di las// mar me byas na snang ba bskyed// tsan+dan gur gum sbri ka dang // ga pur dang ni gla rtsi dang // bcas pa 'dug pa grub pa ste// spos kyi phyag rgya spos mchog 'gyur// ka sko la dang sug smel dang // gla sgang ga pur gla rtsi dag/ 'di rnams zhib tu btags pa ni// seng ldeng bu ram dag dang sbyar// shing tsha pa tA lo drA dang // na le sham dang ga pur sbyar// sa ha ka ra'i shing mar gyis// kha dri zhim por bya phyir spos// kha ra sbrang rtsis byugs pa yis// a mra la sogs tshig gus byug/ sa ta ka ra'i mar la sogs// mnyam pa'i dri yis bsku bar bya// yung dang rgya skyegs la sogs pa'i// tshon gyis mthun par kha sbyar te// shun pa gro ba la sogs byas// mchod pa'i tshe na dbul bar bya// 'bras bur bcas pa'i phyag rgya shes pa'o// bza' btung phyag rgya shes pa'o// de nas glu tshig dbyangs rnams blang // rtag gnyis kyi bar 'di dpyad// pa ra ha sa d+hir rka sor sna rta// breng nge ba dang dung nge ba// sha d+ha ba dang gar+b+ha ma// bad ka de'u dang ltung

  388. 194b

    ka de'u// glu drug dbyangs su blang bar bya// sna yi dbugs ring 'gro ba las// g.yas par me byung dmar la 'tsher// gyen du 'bar bar 'gro ba ste// pad+ma rigs kyi gsung dbyangs kyis// snang ba mtha' yas dges rol// g.yon par rlung byung gnag la dang // gsegs la 'gro zhing rgyu ba nyid// las kyi rigs kyi glu yin pas// don yod grub pa dges par rol// gnyis kar da la rgyu chu klung dkar// thur du 'bab cing rgyu ba ni// rin chen rigs kyi glu yin pas// rin chen 'byung ldan dges par rol// gnyis ka thur du rngub pa'i rlung // thad kar 'gro zhing rgyu ba nyid// bde gshegs rigs kyi glu blangs pas// rnam par snang mdzad dges par rol// rtsol ba glu yi dam tshig gis// mchod pa dam par bzhes su gsol// khong na gnas pa srog yin te// nam mkha'i rlung ni kun gyi gnas// rgyu ba med cing 'pho dus 'byung // rdo rje sems dpa' dgyes par rol// glu tshig sgra yi phyag rgya shes pa'o// bro gar 'du 'phro bya ba yang // sil snyan phyag rgyar bshad pa rnams// gling bu dang ni rgyud gcig dang // de bzhin rgyud lnga rgyud drug dang // las rnams thams cad bsgrub pa'o// cha lugs bzhin du gar byed pa// ma rungs pa yang rab tu 'grub// las rnams kun la mngon du 'gyur// brdungs pas dpal gyi gzhir 'gyur 'grub// gling bu len pa'i tshul

  389. 195a

    ston pa// ji ltar bsam pa'i gar byed pa// pi wang len pa'i tshul ston cing // ji ltar bsam pa'i gar byed dang // cang te'u'i tshul ston rnal 'byor pa// ji ltar bsam pa'i gar byed dang // rdza rnga'i tshul ston rnal 'byor pas// ji ltar bsam pa'i gar byed dang // 'gro ba gsum dag dbang du byed// dngos grub ma lus myur du 'grub// rims gdon dug sel sdug bsngal sel// gnas gsum dag ni skad cig 'bebs// dpal rdo rje gling bu gar byed dang // dpal rdo rje pi wang bde bas rmongs byed dang // dpal rdo rje cang te'u sdug bsngal sel// dpal rdo rje rdza rnga myos byed do// khe ning 'jam pa 'khar sil te// ji ltar bsam pa'i gar byed dang // gu dgung dril ba'i sil snyan phreng // ji ltar bsam pa'i gar byed dang // ting zhes snyigs ma'i sil snyan glu// ji ltar bsam pa'i gar byed dang // ma ga na sil snyan gar gyi gnas/ ji ltar byed pa'i gar byed dang // di ra dar dir sil snyan spros// ji ltar bsam pa'i gar byed dang // pa ti sil snyan me tog rnga// ji ltar bsam pa'i gar byed dang // ti li sil snyan me mar gnas// ji ltar bsam pa'i gar byed dang // da dri sil snyan dri yi gnas// ji ltar bsam pa'i gar byed dang // 'gro ba gsum dag dbang du byed// ji ltar sil snyan phyag rgya dang // lha mo rnams kyi gnas nas

  390. 195b

    mchod par bya'o// ye shes lnga ldan b+han da bcud kyi rnga// tshul khrims gos chen yum gyur snod kyis g.yogs// gnyis med thugs rje'i ba su'i rgyun gyis bsdams// sku gsum dbyer med sgrub pa'i rnga la ni// gsung sgra gsang sngags zhing gi rak+tas bris// rkang phran shes rab tshul khrims po bu yi// tog btags brdungs pas sprul pa'i las la 'jug/ kha cig ting 'dzin dri zhim byung la sbyar// so so'i gsung sgra zhing gi rak+tas bris// snod kyi zhing lpags yum gyur dbyings kyis g.yogs// yan lag zhing lpags so sor bsgrims la bsdam// gnyis med phyag rgya bzhi yi g.yang gzhis bsdam// phrin las thabs mchog rin chen rkang gis brdung // rnga yi phyag rgya shes pa'o// spyir ni rdzas mchod rnam bzhir 'dus// ji ltar 'os shing rigs pa dang // rang gi sbyor ba rjes mthun pa// 'di dag gsal bar bshad bya ba// de la 'os par gyur pa ni// mi 'gyur 'gro na gza' las spags so// de yang rigs par bya ba yang // mkha' la 'gro ba la sogs pa'i// sems can chen po lnga po de// mchod pa'i rkyen du 'byung ba ni// tshogs dang mchod pa'i don du'o// srog gcod nyen dang ma 'brel pa'o// 'byor pa phyug po dbul po dang // bdog dang drod zla ji ltar bya// rjes su mthun par bya ba yang // 'dris phyogs gnyen du 'brel pa'i phan lan gang // phangs pa'i

  391. 196a

    longs spyod gtong bar byed gyur na// 'khor ba'i gnas nas 'don pa'i bka' drin lan// lus srog bye bas mchod kyang lan mi lon// mkha' la sogs pa'i sems can lnga// sgrub pa'i rdzas su gsungs pa yang // sgrub byed nyen dang ma 'dres par// sdig med sha khrag mchod bstod bya// bdog pa che chung 'byor tshad mchod byed pa// dag sems mchod pa byed pa'i phul byung bas// ma dag stong gi phyi mchod stong gi char mi phod// bsam dag sngon gyi sbrang mo phyug mo bzhin// mchod byar gyur pa rnams la mchod pa ni// spyi bo bde chen dkyil 'khor du// sum cu rtsa gnyis yi ge haM// bde gshegs mkha' 'gro snang mdzad sku// bde ba chen po'i thig les mchod// mgrin pa'i dkyil 'khor bcu drug la// gsung dbyangs AHlas byung ba yi// snang mtha' mkha' 'gro tshe dpag med// longs spyod rdzas kyi rnams pas mchod// snying ga'i dkyil 'khor brgyad dkyil hUM// thugs kyi mkha' 'gro mi bskyod pa// 'khor dang mya ngan 'das pa'i chos// yid la thim pas mchod par bya// lte ba'i dkyil 'khor drug cu bzhi// rin 'byung mkha' 'gro dkon mchog dpal// aM las ma bu sbrul byed pa// 'byung ba'i mchod pa dbul bar bya// gsang ba me rlung dkyil 'khor du// raM yaM 'bar ba'i bde ba yis// don grub mkha' 'gro gdon mi za// bde ba tsaN+Da'i me yis

  392. 196b

    mchod// de la rjes mthun mchod pa lnga// khrag ni me tog yin par bshad// mdangs ni bdug pa yin par bshad// sha chen dag ni mar me ste// thal ba dag ni spos su bshad// chang dang sbrang rtsi bu ram chang // rgun chang gsang ba'i yum bzhin rnams// bdud rtsi lam gyi yan lag brgyad// sangs rgyas kun gyi brda yin no// mchod pa so sor dbul ba ni// rigs rnams kun gyi me tog ni// me tog dmar po sangs rgyas la// rdo rje can la sna tshogs pa// 'jig rten dbang la me tog dkar// ser po mkha' la byung ba'o// rigs ni de rnams bdug pa ni// tsan+dan bdug pa sangs rgyas la// rdo rje can la du ru ska// spyan ras gzigs la ka pi ta// lce pog rdo rje nyi ma la'o// rigs ni de rnams mar me la// mar me'i phreng ba sangs rgyas la// rdo rje can la mar me bdun// spyan ras gzigs la mar me brgya// stong ni rdo rje nyi ma la'o// de rnams rigs kyi bdug spos ni// sangs rgyas rnams la tsan+dan spos// rdo rje can la gur gum yin// spyan ras gzigs la tsan+dan dmar// ga pur rdo rje nyi ma la'o// me tog kun dang bdug pa kun// de bzhin mar me thams cad dang // spos rnams thams cad ji snyed pa// rdo rje rta la dbul du rung // de rnams rigs kyi lha bshos ni// sangs rgyas rnams la bshos dbul bar// sha dang chang ni rnam par spang // glu

  393. 197a

    dang sil snyan grub pa dang // gdugs dang rgyal mtshan ba dan dung // sha dang chang du bcas pa ni// gtor ma'i mchog ste sna tshogs pa'o// bdag gi phyug chen skal bzang pos// rdo rje las ni dpal grub pa'o// bshos dang gtor ma dkar po dang // pad+ma'i me tog ldan pa ni// spyan ras gzigs dbang gtso bo la// phul na dgos pa thams cad 'grub// rgyal po'i kha zas sna tshogs pa// sha dang chang du bcas pa dang // glu dang sil snyan ldan pa dag/ rdo rje nyi ma'i 'khor la dbul// kha zas kun gyi ro rnams dang // sha dang sha yi mchog rnams dang // sha yi sbyor dang ba'i sha skam dag/ rdo rje rta la dbul bar bya'o// phul na sku dbyings gsal ba dang // khams kyi rnam pa bde ba dang // yig 'bru rang bzhin gsal ba dang // ngo bo zung du 'jug pa de// rtsa dang bdud rtsi yig 'bru dang // klu rnams gdan du bsnun pa'o// de nas dga' ldan lha yi tshogs// rnam pa bdun gyis rab bshad bya// rdo rje slob dpon sems dpa' yi// phung po lnga la sangs rgyas gdan// 'byung ba lnga la yum gyi gdan// phyi nang dbang po rnam shes dang // yul dang dus la sogs pa la// byang chub lcam dral bcu drug gdan// nyon mongs drug la thub pa'i gdan// yid chos kun bzang yab yum gdan// reg sogs sgo ba yab yum gdan// de ni slob ma'i lus nyid

  394. 197b

    la// gdan rnams tshang bar bkod pa'o// rdul tshon dkyil 'khor gdan rnams tshang // gsang ba'i khams ni bdud rtsi'i gdan// shes rab ye shes yi ge'i gdan// bde ba chen po rlung gi gdan// de kun thams cad gdan gsum ste// sangs rgyas longs sbrul yab yum gdan// byang chub sems dpa' yab yum gdan// sgo ba khro bo khro mo'i gdan// gdan shes phrin las rdzogs mdzad las// rang bzhin dkyil 'khor bskyed par bya// de yang ji lta bu zhig na// mi bskyod ral gri 'khor lo g.yas// dril bu rin chen pad+ma g.yon// snang mdzad 'khor lo ral gri rdo rje g.yas// dril bu pad+ma rin chen g.yon// rin 'byung rin chen 'khor lo rdo rje g.yas// dril bu pad+ma ral gri g.yon// mtha' yas pad+ma rdo rje 'khor lo g.yas// dril bu rin chen ral gri g.yon// don grub ral gri 'khor lo rdo rje g.yas// dril bu rin chen pad+ma g.yon// rgyal mo g.yas pa dril bu ut+pal g.yon// de gnas bsgyur ba khrag 'thung chen po ni// bud+d+ha dkar smug dmar ba'i phyag drug na/ g.yas pa ti ra rdo rje khyung // rdo rje dkar mthing dmar ba'i phyag drug na// rdo rje kha T+wAM rnga chung g.yas// rin chen mthing ser dmar ba'i phyag drug na// rin chen rdo rje dgra sta g.yas// de gsum g.yon pa mthun par snang ba ni// dril bu dung dmar rgyu zhags bsnams// pad+ma mthing dang dmar dkar

  395. 198a

    phyag drug na// be con rdo rje dgra sta g.yas// las ni dkar ldang dmar ba'i phyag drug na// ral gri rdo rje dgra sta g.yas// de gnyis mthun par g.yon na bsnams pa ni// dril bu dung dmar zong gshol bsnams// lcags kyu se gol bcings nas ni// sha myag rta la btags pa ni// sangs rgyas thams cad bsdu bar bya// sgo kun lcags kyus spyan drangs sogs// las chen mchog gis gzhug pa dang // dam tshig mchog gis brtan par bya// 'jam pa'i phyag na phyag dang mchod dang bstod// rnam pa bdun gyi las byas la// 'khor tshogs 'khor los tshogs bcas la// til gyi 'bru bzhin gang nas ni// dga' bas tshogs rnams dges par rol// tshogs kyi bskos nyul chen mo yin// mchod pa'i phud ni nyams ma nyams// nyul bas legs par bstan par bya// ma byas bar chad byed par 'gyur// lha rnams thams cad tshogs pas na// skye bo dam pa kun tshogs pas// tshogs kyi dkyil 'khor dam pa ni// yo byad thams cad 'dus pa ste// sangs rgyas kun gyi brda' dag gis// de bzhin mdza' ba 'du zhes gsungs// zhes gsungs so// karma mA le'i rgyud las/ tshogs kyi dkyil 'khor gyi le'u ste gsum pa'o// // de nas bcom ldan 'das dpal zhe sdang rdo rje chen po'i sku gsung thugs rdo rje las/ gsal bkra'i dkyil 'khor 'di

  396. 198b

    gsungs so// gsal bkra 'byung ba'i ting 'dzin bye brag dang / sgom thabs rab tu bshad par bya// gsal bkra'i dkyil 'khor rdzogs par gdon// de yang dang po bstan pa ni// snying po phyag rgya la sogs pa// phyag rgya bzhi dang rnam par sbyar// las kyi tshul gyi 'brang ba dang // rdo rje'i se gol brdab pa dang // thal mo dal bus bsdu ba dang // glu dang sil snyan gar byed dang // sgeg la sogs pa'i nyams dga' dang // sna tshogs phyag rgya'i gar byed pas// thams cad bdag nyid rgyar sbyar te// dbab pa thams cad rab tu 'grub// rdo rje sems dpa' sgeg pa la// dpa' la dpa' bo de bzhin gshegs// rdo rje khro bo snying rje la// dgod pa 'jig rten dbang phyug mchog/ rdo rje nyi ma khro ba la// rdo rje drag po 'jigs pa la// shAkya thub pa mi sdug pa// ngo mtshar la ni A ra li// rab tu zhi la sangs rgyas brtag/ sdug bsngal kun sel zhi ba'i phyir// dngos po kun gyi rang bzhin gyis// nye bar gnas shing byin gyis rlobs// blta bas mi ngoms pa yi gzugs// thams cad bdag nyid ston par mdzad// legs so zhes bya grub pa ni// mchog tu gyur pa rab tu stsol// yid la bsam pa rdzogs pa'i phyir// mchod pa rab tu sbyar bar bya// sgeg pa dang ni dpa' ba dang // 'jigs su rung bar snang ba ni// dgod dang gshe dang rngam pa dang // ngo mtshar snying rje zhi

  397. 199a

    ba'i sku// dbang phyug chen po chags pas sgeg/ de btul dpal ldan khrag 'thung sgeg/ lha min ba su ka ra dpal// btul bas sangs rgyas dpa' bo yin// khyab 'jug phag gdong seng ge 'jigs// 'jigs par byed pas 'jigs su rung // gzhon nu smin drug rnga gad dgod// thul phyir bde gshegs bzhad par grags// lha chen tshogs kyi bdag po gshe// brtul bas bcom ldan gshe ba'i tshul// sgra gcan nyi zla khar 'jug rngams// longs spyod chen po rngams pa'i sku// klu chen po shas sa g.yos mtshar// yan lag brgyad ldan ngo mtshar nyid// brgya byin lha rnams snying rjes skyong // de btul snying rje'i nyams dang ldan/ 'di nas tshig gang kha shas chad// de bcom bskal pa'i med dpung bzhugs// kun tu sna tshogs skal bzang po// kun gyi slob dpon bdag nyid bsgyur// kun 'byung la sogs sbyor ba yis// rgol ba bdag dang gar byas te// de nas rgol ba ci rigs par// sangs rgyas thams cad 'byung bar 'gyur// sgeg pas 'gro ba shes rab skyes// dpa' bas mdzad spyod nyam pa med// gdug rtsub rgyan gyi brgyan pas 'jigs// rgod pas rmad byung chos 'khor 'chad// gshe bas log lta tshar yang gcod// rngams pas smon lam phyi bshol med// snying rjes yal bar mi dor 'dul// nyon mongs sgrub pa'i rgyur mdzad mtshar// khro

  398. 199b

    drag dbyings las ma g.yos shing // de nas slar yang rgol ba la// rdo rje 'dzin pa chen por bsgyur// rgol bas de nas tshul bzhin du// pad+ma gar 'byung mchog tu bsgyur// de nas slar du rgol ba yang // rdo rje nyi ma mchog tu bsgyur// de nas phyir yang rgol ba ni// rdo rje rta mchog 'byung bar bya// de nas slar ni rgol ba yang // bdag nyid 'byung bas rab tu 'grub// de ltar rab tu gar byas te// de las gang zhig pham 'gyur pa// tshogs la de ni tshogs kyi zas// yon dang bcas par dbul bar bya// mchod pa'i phyag rgya 'di rnams kyis// rtog pa kun las thar bar 'gyur// bsod nams thams cad 'phel bar 'gyur// de bzhin rtag par bsrung bar 'gyur// rims dang dug dang dbyig dug dang // mkha' 'gros gtses dang gdon rnams dang // bdud dang sems can dmyal ba rnams// 'di yis rab tu zhi bar 'gyur// dngos grub/ yon tan phun sum tshogs// dga' dang de bzhin bdag po dang // sangs rgyas dam pa thams cad dang // phyag rgya'i mchog rnams bsgrub par 'gyur// de yang phyag rgya dang / nye ba'i phyag rgya dang / 'dra ba'i phyag rgya dang / lag gi phyag rgya dang / ye shes kyi phyag rgya dang / lan du brgal bar bya'o// gar dgu'i phyag rgya shes pa'o// de nas ting nge 'dzin bstan te// rdo rje sems dpa' dpal 'byor pa// ji lta'i dbyings dang

  399. 200a

    gzugs su ldan// bde ba nyid kyis kun gyi bdag/ kun gyi bdag la bzhugs par bya// phyag rgya 'di yis rnal 'byor pa// 'dod pa bzhin du 'gro 'ong lding // rgyal po sangs rgyas kun dang 'dra// rdo rje sems dpa' rab tu 'grub// chags pa med cing ma chags med// dbu ma yang ni dmigs su med// bud med kun gyi rgyu sbyor 'di// gnyis su med pa theg pa'i mchog/ phyag rgya 'di yis btab na ni// 'dod pa bzhin du 'gro 'ong lding // yod pa ma yin med pa'ang min// dbu mar yang ni dmigs su med// shes rab pha rol phyin sbyor ba// sangs rgyas byang chub rab 'grub pa'o// bud med la sogs rin chen mchog/ mkha' las dngos rnams thams cad spyod// dngos po med par bdag sbyor bas// nam mkha' kun dang mnyam sbyor ba// mkha' 'gro sgyu ma bde ba'i mchog/ shin tu rtag par 'grub par 'gyur// ji ltar pad+ma dmar po 'di// chags pa'i nyes pa mi gos te// rnal 'byor ldan pa'ang de bzhin du// gnas kyi nyes pas yongs mi gos// ji ltar pad+ma tshon bsgyur kyang // tshon gyi nyes pas mi gos te// de ni gnas kyi nyes pa yis// 'gro la phan phyir mi gos so// 'dod chags chen po rnam dag la// nor chen bde ba chen po ste// khams gsum dbang po thob pas ni// sems can don rnams bstan par bya// thams cad nam

  400. 200b

    mkha'i mtshan nyid de// nam mkha' la yang mtshan nyid med// khams gsum dag pa ma lus pas// thams cad rgyu ma lta bu ste// ji ltar sgyu ma thams cad du// mthong ba dang ni reg par 'gyur// dmigs su yod pa'ang ma yin te// de bzhin 'gro ba kun gyi tshul// phyag rgya 'di yis rnal 'byor pa// 'dod pa bzhin du 'gro 'ong lding // ting nge 'dzin gyi phyag rgya bsgyur ba shes pa'o// lha mo kun gyi bde ba'i mchog/ mdzes pa'i zhal ni rnam bsgyur zhing // bde ba myong ba rab sbyor ba// mdzes par blta ba'i gar byed pa// sangs rgyas rdo rje pad+ma 'dzin// rdo rje nyi ma khams gsum pa// rgyas btab rmongs byas zos pa dang // thal bar gyur kyang 'tsho bar byed// bud med mkhas pa spra ma che// mdzes pa'i zhal ni rnam par bsgyur// rim gror bcas shing steg pa'i mchog/ mdzes par blta ba'i gar byed pas// sangs rgyas rdo rje pad+ma 'dzin// rdo rje nyi ma khams gsum pa// rgyas btab rmongs byed bslangs nas ni// zos na slar yang 'tsho bar byed// sangs rgyas byang chub mnyam sbyor ba// rab tu dga' bas blta zhing 'dzum// shin tu srid pa yang dag bsgrub// gsal bar blta ba la gnas pa// drag po dbang po nye dbang bcas// nyi zla gshin rje tshangs bcas pa'i// srid pa shin tu kun bsgrubs nas// gnas gsum dag ni sgrub par byed// sgeg la sogs

  401. 201a

    pa'i nyams dang ldan// mdzes pa'i zhal ni rnam bsgyur zhing // rim gro bar ni bcas pa'i mchog/ sgeg pa'i blta bas gar byed pa// mdzes pa'i tshul dang thabs rnams kyis// drag po dbang po nye dbang bcas// nyi zla gshin rjes tshangs bcas pa'i// 'jig rten gsum dag sgrub par byed// mche ba cung zad gtsigs pa'i kha// khro zhing 'dzum dang bcas pa'i bzhin// khro las 'gyur bar bcas shing 'dzum// gsal bar blta zhing legs par gnas// drag po dbang po nyid dbang bcas// nyi zla gshin rjes tshangs bcas pa'i// rgyal po sgyu mas rnam rgyal nas// khams gsum dag ni sgrub par byed// 'dod chags myos pa'i g.yen spro ba// mdzes pa'i bzhin ni rnam par bsgyur// 'di ni bzhin gyi phyag rgya mchog/ khams gsum dag kyang dga' bar byed// drag po mche ba rnon po gtsigs// gdug pa za ba 'jigs 'jigs blta// g.yas pa'i bzhin gyi phyag rgya yis// khams gsum dag kyang za bar byed// dngos grub kun gyi bde ba mchog/ rab tu dga' bar blta zhing 'dzum// g.yon pa'i bzhin gyi phyag rgya yis// khams gsum dag kyang thar bar byed// spyi bor rta mgrin gsang mtho ba// rta mgo ljang ser kha dog gsal// so gtsigs pas ni mchu mnan nas// 'jig rten thams cad 'jigs par byed// bzhin gyi phyag rgya zhes

  402. 201b

    bya'o// lha mo kun gyi bde ba'i mchog/ mdzes pa'i ma mchu sos mnan nas// 'dzum pa'i phyag rgya mchog 'di ni// sangs rgyas thams cad dga' bar byed// 'dod chags bde bas g.yen spyo ba'i// sgeg pa'i ma mchu sos mnan pa'i// 'dzum pa'i phyag rgya'i mchog 'di ni// khams gsum dag kyang dga' bar byed// sbyor ba kun gyi bde ba'i mchog/ mdzes pa'i ma mchu g.yo bar byed// 'dzum pa'i phyag rgya mchog 'di ni// khams gsum dag kyang dga' bar byed// bde ba rgya cher ston pas 'dzum// dgyes pas ma mchu mnan pa ni// rin chen 'dzum pa'i phyag rgya yis// khams gsum 'dod pa ster bar byed// sha chen gyi ni ro myang zhing // ma mchu so yis mnan pa yis// 'dzum pa'i phyag rgya mchog 'di ni// khams gsum dag kyang za bar byed// bde ba kun gyi ro myang zhing // ma mchu rnam par mdzes byas pa// 'dzum pa'i phyag rgya mchog 'di ni// thal bar gyur pa'ang 'tsho bar byed// 'dzum pa'i phyag rgya shes pa'o// bde ba myong ba las sbyor ba// zam zim blta ba rnam bsgyur bas// rgyas btab rmongs byas zos pa yis// khams gsum dag kyang 'tsho bar byed// bud med mkhas pa sgyu ma'i mchog/ mdzes par blta ba'i gar byas pas// rgyas btab rmongs byas bslangs nas su// khams gsum dag kyang sgrub par byed// sangs rgyas gsang ba'i mnyam sbyor

  403. 202a

    bas// blta ba rab zhi bde bar gnas// blta ba'i phyag rgya mchog 'di ni// bud med thams cad dbang du byed// smin mtshams khro gnyer 'gyur bar bcas// blta ba rab 'bar rnam par bsgyur// blta ba'i phyag rgya'i mchog 'di ni// khams gsum dag kyang 'bar bar byed// khro zhing 'gyur bar bcas pas 'dzum// blta ba gsal la bde bar gnas// blta ba'i phyag rgya'i mchog 'di ni// khros pa thams cad dbang du 'gyur// sgeg la sogs pa'i ro dang ldan// sgeg bcas blta ba'i gar byed pas// blta ba'i phyag rgya'i mchog 'di ni// khams gsum dag kyang gar byed 'jug/ blta ba'i phyag rgya shes pa'o// na maHstu sarba bud+d+he b+h+yaH/ zhes pa'i phyag rgya la gnas na// las dang mchod pa ma lus pa// lus pa med par thams cad 'grub// ru ru s+phu ru dza la tiSh+Tha sid+d+ha lo tsa ni/ sarba Ar+tha sA d+ha ni swA hA// chos kyi phyag rgya mchog 'di ni// sems can thams cad dbang du byed// su b+ha gA staM ma hA na de bi hi ri/ mi ri/ ri ti/ ni ri shri ye swA hA/ chos kyi phyag rgya mchog 'di ni// 'dod pa'i bde ba kun sbyin pa'o// oM tA re tut+tA re tu re swA hA/ chos kyi phyag rgya dam pa 'di// sangs rgyas byang chub rab bsgrub na// bud med gzhan lta smos ci dgos// tAM b+ha pa Ta Ta// tra Ta tra Ta/ chos kyi phyag rgya dam pa 'di// re ba thams cad rdzogs byed pa'o// oM shrI

  404. 202b

    badz+ra pad+ma b+har+Na b+ha mu kha/ yo gi shwa ra d+ha h+Na hi hi/ chos kyi phyag rgya dam pa 'di// 'jig rten thams cad rab tu 'jig/ chos kyi phyag rgya shes pa'o// byang chub rdo rje lcam dral gyi// phyag rgya gtso yis lce la sgrol// 'khor gyi chos kyi phyag rgya ste// gtso bo rang gi rigs shes so// de nas rigs can ma lus pa// dpa' bo dpa' mo brda' yis sprad// lag pa g.yas g.yon gnyis dag gi/ mdzub mo mthe'u chung mdzes par bsgyur// dpal ldan g.yon pa 'gying pa'i thabs// g.yas pa ba dan gsum par bya// sri zhur bcas pa'i sgeg pa'i mchog/ bdag nyid rdo rje sems dpa' la// 'dzum dang bcas pa'i mig gis blta// bsam pa g.yo ba'i phyag rgya'o// rdo rje dpal gyi thal mo bsgyur// bsam pa g.yos pa'i phyag byas pa'i// sangs rgyas mchod pa'i las byas na// ma lus lus pa med par 'grub// smin ma g.yon pa bteg tshul gyis// ru lu ru lur bcas bgad na// tshangs pa nye dbang drag por bcas// khams gsum dag kyang phyag byed 'gyur// thal mo pad+ma kha 'bus bzhin// sbyor ldan rang gi snying gar bcing // mthe bong mthe chung 'dab ma bzhin// rgyas pa 'dud pa'i phyag kyang bya// lus kyi yan lag thams cad ni// sa la bsnyal te phyag bya ba// snying ga kha dang spyi gtsug tu// thal mo sbyar te phyag bya'o// dpal ldan rdo rje 'gying

  405. 203a

    pa'i thabs// 'dzum pa'i mig gis phyag byas na// khams gsum pa yang phyag byed na// mthu bsnyems gzhan lta smos ci dgos// sangs rgyas mnyes pa'i brda yin pas// phyag 'tshal phyag rgya shes pa'o// dpa' bo khro rgyal byang chub sems// dpa' mo khro mo sems ma'i tshogs// brda' dag bya ba 'di ltar bshad// chos rnams brda' ltar med rig bya// brda tsam len pas sgra dpes mtshon// brda' yi gsang bas gsang bsgrub phyir// 'grub rnams don 'di shin tu bcas// ka ni 'dod pa byed 'dod phyir// bdag ni 'dod chags sras yin te// gti mug 'dod pas ma byin na// myur du dam tshig de nyams so// dam tshig dam tshig can mthong na// lag pa g.yas pa brkyang byas te// des kyang g.yon pa brkyang pa yis// rang gi nu ma rab bstan nas// mgo bo rab tu bsdu byas na// phyag byed bde ba bris pa yin// lag pa g.yon pa dkur brten na// phyag lan de ni byas par 'gyur// g.yon pa 'og tu bzhag pa ni// g.yon du 'dud pas phyag lan no// g.yon pa'i smin ma bskyod pa yis// myur du phyag ni byas par 'gyur// sbyor ba shin tu brtson pa yi// g.yas kyi smin mas phyag lan byas// g.yas kyi lag pas snying ga ru// sbyor dang ldan pas mnyes byas te// de ni rdo rje slob dpon mchog/ de ni mtshan mar shes par bya/ g.yon gyi khro mo bsgrengs

  406. 203b

    nas ni// nam zhig so ltar bstan byas na// lus chen de ni khros 'gyur zhes// rnal 'byor pa yis rtags shes bya// g.yon gyi phyogs su 'gying pa yis// lag pa snying gar brkyang byas te// dbang mo gyen du rnam bstan nas// de skyes mdza' ba rab tu brtag/ chung ngu rtse mor byas pa yi// nam zhig bskyod par mthong ba na// de tshe rig ma rnal 'byor dbang // rdo rje pad+mor brtsan par bya// sbom po nam zhig mthong ston na// de tshe ston mo sbyin par byed// gal te shin tu mthong ston na// mngon pa'i nga rgyal rab tu brtag/ khro mo lcags kyu drangs byas te// de tshe sngags mkhan gyis bstan na// de tshe nges par 'ong byas te// gzhan du na ni dmyal bar ltung // de nyid rnam par bzlog pa ltar// sngags mkhan gyi ni nam bstan na// de tshe myur du 'gro byas te// gzhan du byas na dam tshig nyams// gzhan rnams kyi ni phyag rgya yis// rnal 'byor pa yis rnam bskul nas// las kyi sbyor ba shes pa yis// las de dag ni brtsam par bya// brda yi phyag rgya shes pa'o// gzhan yang rab tu rgyas bshad bya// brda yi dam tshig ston pa ni// spyi bor nyug pa gang yin pa// phyag 'tshal bar ni ston pa yi// dpral bar reg par byed pa ni// phyag lan yin par shes par bya// smin ma bsgyur ba gang yin pa// sangs rgyas thams cad gnas pa'i brda'// g.yas pa nam mkhar 'gro ba

  407. 204a

    'grub// g.yon pa rnam par rgyal ba'i mchog/ rang byung rnams kyi brda yi rgya// mig gnyis g.yo bar 'grub pa ste// g.yon pa bud med bzang mo yin// g.yas pa skyes pa bzang po'o// rna ba dag la reg pa'i brda'// g.yas g.yon gnyis ka de bzhin de// g.yas pa legs par blangs pa yis// g.yon pa legs par smra ba'o// sna yi bu ga gnyis kyi brda'// sangs rgyas thams cad gnas pa ste// g.yas pa bdag la bdug pa slong // g.yon pa bdag la dri slong ba'o// lce ni ldag pa ltar byed pa// brda yi phyag rgyar gnas pa ste// g.yas pa sha yi phyag rgya ste// g.yon pa chang gi phyag rgya yin// mche ba g.yas dang g.yon pa yis// dam du ma mchu mnan pa ni// g.yon pa bud med reg na bde// g.yas pa de bzhin skyes pa'o// lkog mar reg pa'ang de bzhin du// brda' yi phyag rgyar gnas pa ste// theg pa chen po bla med pa'i// rtog pa thams cad smra ba'i mchog/ snying gar gyen du 'dren pa ni// rang byung phyag rgya'i brda' 'grub pa// rdo rje thams cad 'dren pa ste// 'khor ba shin tu sdud pa'o// lte ba'i dkyil du reg pa ni// brda' yi phyag rgyar gnas pa ste// dbu ma'i nan tan bsgrubs pa yis// chos kyis 'khor lo chen po dkyil// rang gi dbang po bsgreng ba ni// rang byung rnams kyi brda' yi rgya// de las de bzhin bde ba yis// sangs rgyas thams

  408. 204b

    cad thob par 'gyur// phrag pa gnyis ni kun bstod pa// brda' yi phyag rgyar gnas pa ste// g.yas pa 'gugs pa'i phyag rgya yin// g.yon pa slar du btang ba'o// dpung pa g.yas g.yon gnyis ka yis// bdag la 'khyud pa'i phyag rgya yi// g.yas pa thams cad 'grub pa yin// g.yon pa dbang phyug thams cad 'grub// khu tshur g.yas g.yon gnyis ka yis// khu tshur bcangs nas dgrol ba dag/ g.yas pa rgyas 'debs phyag rgya yin// g.yon pa mi rnams thong shig pa'o// brla gnyis rab tu bsdam pa ni// g.yas dang g.yon pa de bzhin te// g.yon pa 'dod la rab tu brtson// g.yas pa chos la brtson pa'o// pus mo'i lha nga'i brda dag ni// g.yas dang g.yon pa de bzhin te// g.yon pa 'dud pa'i phyag rgya ste// g.yas pa rab tu 'dud pa'o// pus mo g.yas g.yon gnyis dag gi/ brda' yi phyag rgyar gnas pa ste// g.yas pa bcing ba'i phyag rgya yin// g.yon pa thams cad rnam par dgrol// rkang pa gnyis kyis sa gnon pa// g.yas dang g.yon pa de bzhin te// g.yon pa thams cad gnon pa'o// g.yas pa thams cad rab tu 'joms// a ti pu zhes bya ba'i brda'// de ni phyag 'tshal zhes ston pa'o// pra ti oM d+hi b+ha zhes pa ni// phyag lan yin par shes par bya'o// dngos grub las dang bde ba dag/ 'di yis mi 'grub gang yang med// rang don las rnams

  409. 205a

    gang bsgrub pa// ma lus lus pa med par 'grub// brda' yi phyag rgya shes pa'o// de ru dkyil 'khor cho ga bzhin// bdud rtsi 'khyil pa bsgoms nas ni// dkyil 'khor gru bzhir lham pa la// bshang gci cho ga bzhin byugs nas// yid 'ong slob mas thig bzung la// ngos bzhi dang ni gru bzhi dang // sgo bzhi par yang gdab par bya// dbus ni rab tu zlum po la// thig bzhi btab pas le tshe dgu// phyogs bzhi dang ni dbus lnga la// rigs lnga yab yum bkod pa dang // mtshams su nang gi sems dpa' ste// gru chad byams pa la sogs pa// yab dang yum du bcas pa dang // bar khyams kun bzang yab yum dang // thub drug sems dpa' bcu drug sogs// sgo bzhir sgo ba yab yum brgyad// khro bo'i dkyil 'khor de bzhin du// le tshe dgu par mkhas pas brtag/ bar khyams gnyis dang ldan par bya// phur bu srad bu mtshon cha'i chas// thabs dang ldan pas bsgom zhing brgyan// kham phor pad+ma mtshan ldan pas// dpal dang ldan pa'i yi ge bri// ye shes gsal ba'i 'od kyang dgod// sku gsung thugs kyi ngang du bsgom// A li kA li mnyam sbyor ba/ mkha' yi yang kha yi nang du 'dud par bya// de yi 'og tu ri mo rnams// yi ge thams cad dgod par bya// gug bskyed dag gis lcug mar bya// yi ge ra ni myu gur bya// klad kor

  410. 205b

    zla ba kham pa dang // tshig gnyis zla ba gnyis su bya// 'di ni sangs rgyas thams cad kyi// phyag rgya mi 'gyur dam pa ste// sangs rgyas dpal gyi ngo bor bshad// oM AHhUM swA hA// oM ni bde gshegs kun gyi sku// AHni chos 'dzin rnams kyi gsung // hUM ni sangs rgyas thugs rnams 'dus// sna yis yon tan yid bzhin 'phel// ha ni las rnams thogs pa med// rigs lngar chos dbyings sangs rgyas 'dus// yi ge dag kyang mi 'gyur mchog/ rdo rje sems dpa' dpal gyi lha'i// bstod dang bcas pa'i mtshan bris na// sdig pa kun las thar bar byed// bsod nams thams cad rab tu 'grub// rdo rje sems dpa' dpal sbyor zhes// rab tu chags pa'i mtshan bris na// sdug bsngal kun las thar bar 'gyur// bde ba thams cad rab tu 'grub// chags chen grol ba dpal zhes pa'i// chags pa'i mtshan dag bris na ni// sdig pa kun las thar bar byed// grol ba kun la rab tu gnas// snying rje dri med khro dpal zhes// bstod dang bcas pa'i mtshan bris na// sdig pa kun las thar bar 'gyur// dngos grub kyi ni mchog tu 'gyur// pad+ma chags pa dpal dag ces// chags pa'i mtshan dag bris na ni/ sdig pa kun las thar bar 'gyur// dag pa thams cad rnam par dag/ rdo rje nyi ma dpal mdangs shes// bstod dang bcas pa'i

  411. 206a

    mtshan bris na// sdig pa kun las thar bar 'gyur// longs spyod can la rab tu gnas// rta mchog pha rol gnon dpal zhes// chags pa'i mtshan dag bris na ni// sdig pa kun las thar bar 'gyur// dbang phyug thams cad rab tu 'grub// bris na bsod nams che bar 'gyur// brjod pa dag kyang de bzhin te// las kyi dngos grub rab 'byams dag/ ma lus par ni rab tu 'grub// 'khor rnams bkod pa ci 'dra dang // srid pa'i bsod nams ci 'dra dang // brjod pa'i bsod nams ci 'dra dang // de 'dra'i 'khor lo'i mchog gi mdzes// lhag pa'i lha ni gang gang gi/ slob dpon gang dang gang dag gis/ de dang de yi mtshan dag ni// dpal gyi tshig dang ldan par brjod// de nas las kyi phyag rgya 'di// dam tshig dam pas bshad par bya// rdo rje khu tshur dam par bcing // mnyam par bzhag pas gnyis su bya// rdo rje phyag rgya gnyis su bya// de nas bcing bar rab tu bshad// g.yon pa rdo rje mdzub mo bzung // g.yas pa nang du bsgreng par bya// byang chub mchog gi phyag rgya ste// sangs rgyas byang chub snying byed pa'o// mi g.yo ba yi sa la rig pa'o// rin chen gyi ni mchog sbyin pa'o// tshe dpag med pa'i ting 'dzin mchog/ gdon mi za yi mi 'jigs mchog/ de nas las kyi phyag rgya rnams// mdor bsdus rab tu bshad par bya// rdo/

  412. 206b

    rje sems sogs sems rnams ni// rdo rje las rnams byed pa'o// bgyis byas gsod par gnyis ka yin// lcags kyu 'dzin par gnas pa dang // mda' 'phang ba yi tshul dang ni// legs so zhes bya snying gar bzhag/ dbang bskur ba ni rdo rje gnyis// snying gar nyi ma bstan par bya// g.yon pa la gru mo gzugs// de bzhin kha phyogs bskor bar bya// g.yas pa yi ni g.yon par dbye// snying gar g.yon par ral gri mdung // mgal me'i 'khor lo bskor ba yin// rdo rje gnyis pa kha nas dbyings// rdo rje gar bskor sgrol ba dang // thal mo 'gram pa spyi bor bzhag/ go cha mthe'u chung mche ba'o// rin chen myu gu ral gri 'dzin// pad+ma dkar po rdo rje 'dzin// klu shing chos kyi 'khor lo 'dzin// rin chen nyi ma ut+pal 'dzin// khu tshur gnyis ni mnan pa'o// rdo rje 'gyings pa'i tshul gyi ni// bsam pa g.yos pas 'dud par bya// phreng ba bcing dang kha nas dbyung // rdo rje gar gyis bskor ba yin// rdo rje khu tshur tshul gyis ni// bdug pa la sogs de bzhin gzhan// sangs rgyas kun la mchod pa yin// phyag rgya'i mchod pa byed pa'o// mdzub mo lcags kyu bcings pa ni// mthe chung las te lcags kyu che// mkhrig ma mdud nas mdzub gnyis mdud// rgyab gnyis dang ni brkyang ste mnan// de nas 'di rnams bsgrub par bshad// rdo rje las byed mnyam

  413. 207a

    pa'o// rdo rje kun gyi rdo rje ni// rang gi snying la goms par bya'o// lha mo bzhi yi las kyi rgya// de nas brtul zhugs bsam bya ba// sgeg la sogs pa'i ro ldan pas// sngags dang phyag rgya'i mchog 'di yis// bdag nyid la ni mchod par bsam// rdo rje'i thal mo mnyam bzhag ste// rdo rje bcing ba bsdam par bya// de la dga' byed dbang bskyed pa'i// mda' yi tshul du gzung bar bya// snying gar 'bigs pa'i sbyor ba yis// de yi las rnams thams cad byed// bde gshegs myang ngan 'das kyang rung // bdud rnams thams cad 'bigs par byed// bcing ba de nyid bcings byas te// rnal 'byor stong de gzung bar bya// chung ngu shin tu brkyang byas te// de bzhin sbom po brkyang bar bya// de dag las kyi phyag rgya ste// g.yon du 'gyings pas gar rnams bya// rdo rje khu tshur mchan khung gnyis// g.yon du 'gyings pas gzhag par bya// de dag las kyi phyag rgya ste// las rnams phyag rgya shes pa'o// de nas de bzhin gshegs rnams kyis// dam tshig phyag rgya thams cad gzhug/ rdo rje dam tshig phyag rgya ni// thal mo dam du sbyar ba las// sor mo thams cad bsnol ba ni// rdo rje thal mor bka' stsal te// rab tu bsdam phyir rdo rje bsdams// dam tshig phyag rgya thams cad ni// rdo rje bsdams las byung ba'o// de dag bsdams pa rdo rje ni// bsdams pa bla

  414. 207b

    med bshad par bya// rdo rje bsdams pa dam byas la// gung mo myu gu ltang mnyam bsgreng // gung mo nang du gshibs pa ni// sangs rgyas gnyis pa yin par bshad// gung mo rin chen 'dra ba dang // gung mo pad+ma 'dra bar dgug/ de bzhin mdzub mo dgug pa'o// sangs rgyas lnga yi phyag rgya yin// de nas de bzhin gshegs pa yis// dam tshig 'dzin dang phyag rgya rnams// dngos grub las rnams yang dag bshad// zla ba lta bu lag gnyis kyi// gung mo sor mo rab sbyar te// tha ma'i sor mo ngos mi sprad// rdo rje sems dpa'i rdo rje'o// mdzub mo lcags kyu mdzub mo sbyar// legs so sbyin pa 'dra ba ni// rdo rje sems dpa' bzhi po yin// dngos grub phyag rgya mang po'o// mthe bong gshibs la mdzub gnyis bcag/ rtse sprad rin chen rdo rje yin// de nyid gung mo srin lag dang // mthe chung rnams ni bsnol brkyang ba'o// de la srin lag mthe chung gnyis// mnyam par gshibs pa rgyal mtshan no// de nyid las ni bskor nas kyang // de yi kha phyogs bzhad pa'o// mthe bong gnyis kar mnyam par gzhibs// mdzub mo gnyis ga dgug pa dang // gung mo bsgrengs pa'i rtse mo dgug/ de nyid rdo rje ral gri'o// de nas srin lag mthe chung gzhibs// 'khor lo yin par bshad pa yin// bsnams pa'i mthe bong gnyis bkrol la// bkan te kha sbyor bzhag pa'o// mthe

  415. 208a

    bong mthe chung rtse sprad de// las kyi rdo rje yin par bshad// de la mdzub mo gnyis gshibs pa// snying gar brkyangs te bzhag pa'o// mdzub mo rtse bkug mche ba ltar// mthe chung bar ni mi 'byar bya'o// mthe chung gnyis par mthe bong gnyis// mdzub mo snying gar bcings pa'o// snying gar mthe bong mnyam ste bzhag/ rab tu brkyang na phreng ba'o// thal sbyar rtse mo kha nas dbyings// gar las thal sbyar spyi bor bzhag/ rdo rje bcings pa thur du btang // thal mo sbyar ba gyen du gtor// mthe bong mnyam ste rab tu bsdams// rab tu brkyang na byug pa'o// mtheb mdzub bkug la gung gnyis sbyor// sbom po mthe chung sbyar gsum bsgreng // lag gnyis sor mo pad+ma bya// gung gnyis rtse sbrad rtse lngar bya// g.yas pa bsgrengs pa klu shing 'dra// thal sbyar 'khor lo bya ba dang // lag gnyis pad+ma kha bye 'dra// ut+pal gyen la kha gdengs bya// mdzub mo gcig po bkug pa dang // mthe bong gnyis ni mdud par 'dor// mthe bong gnyis po mdud par bcings// rdo rje bcings pa mdzub mo bsdams// yang na lha rnams so so'i tshul// bcings shing mkha' la dgrol bar bya// las dang thun mong nyid du bshad// lus dang ngag sems rdo rje yi// sor bsnol bsdams pa dam tshig ste// sems kyi shes pa ldan pa las// gnyis phye las kyi phyag rgya yin// nang gi lha

  416. 208b

    mo'i phyag rgya rnams// gar gyi tshogs kyi mchod pa dang // las dang dam tshig mtshams mtshams bya// sgo bzhi so so'i las dang ni// dam tshig phyag rgya la sogs pa// lha rnams spyan drang dus na bya// dam tshig phyag rgya shes pa'o// de nas bcom ldan 'das zhe sdang rdo rje gsal bkra'i dkyil 'khor rdzogs par gdon pa 'di/ 'gro ba'i ched du brjod de sku gsung thugs las byung ngo // ci 'dod khrus byas sna tshogs gos gyon nas// tshom bu'i gral bshams log 'dren mtshams bcad dang // brda' sgo dbye dang rgyan chas mnga' gsol dang // rgyu 'jug phrin gdags lan stsal ting 'dzin bsgom// spyan drang las la bzhugs gsol dam tshig bstan// phyag rgya lha mo gar tshogs gsod pa dang // rnam pa bcu drug rtsis mgor shes byas nas// ma 'ongs rnal 'byor phan phyir gsal bshad na// de nas ci 'dod khrus byas te// dri zhim rgyan gyis bklubs pa yi// sna tshogs gos ni bgo bya ste// dri zhim phreng ba gdags par bya// a mr-i ta lngas khrus byas nas// las bzhi'i rgyan dang cha lugs gos// thams cad mdzes par snang ba'o// dge skos gral rnams bsham par bya// lnga dang lnga yi sbyor ba yis// tshom bu lnga yi lha bkod la// khro bo bcu dang khro mo bcu// 'khor lo'i tshul du gnas par bsgom// de bzhin rigs dang rdo rje'i rigs// pad+ma'i rigs ni sku

  417. 209a

    gsung thugs// khro bo'i tshogs dang ldan pa yis// tshom bu gsum pa'i lha rnams bsgom// rigs kyi rigs te rigs kyi gtso// thugs kyi thugs te thugs kyi mchog/ khro bo'i tshogs dang ldan pa yi// tshom bu gcig pa'i lha rnams bsgom// dam pa'i mchog ni dam pa yi// thig le stong pa tshom bu brgya// rnam pa kun dang ldan pa yi// mchog rnams kyi ni dgod par bya// khro bo khro mo'i tshogs chen dang // pho nya bka' nyan phyag brnyan tshogs// ci bgyi la sogs tshogs rnams kyi// dngos grub las rnams rdzogs par byed// bde chen longs spyod chos dang sprul// dkyil 'khor spros pa bsgom par bya// grub pa sngags kyi yi ge las// tshom bu spros pa bsgom par bya// khams kyi bdud rtsi chen po las// phyag rgya spros pa bsgom par bya// snying po rlung gi dbye ba las// rnam grangs spros pa bsgom par bya// tshogs kyi 'khor lo grub pa rnams// rigs dang sbyar nas gral rnams bshams// log 'dren mtshams bcad rnam pa brgyad// bcol dang bsrung dang phyag mtshan nam// tsham rngams 'gros dang chos nyid rang bzhin mtshams// ting 'dzin mtshams dang rnam pa brgyad kyis bstan// bcol ba'i mtshams ni khyed la rab bshad de// de yi phyag rgya bang rim 'khor ba yi// dpal dang ldan pa'i maN+Dal bcu bzhi la// zab cing rgya che gzi 'phags

  418. 209b

    phyogs skyong bzhi// thugs rje thabs mkhas thugs dam dkyil chen bcu// lha yi bkod pa rim bzhin spyan drangs te// thugs ka nas ni mchod pa rim bzhin gsol// de yi gtor ma'i bye brag bstan pa ni// bza' ba ci 'byor bu ram can// swa ti ka dang u lo pa'i// log pan rtsa ba 'bras bu dang // 'o thug dang ni 'dod pa ste// de ni thams cad 'dod ces bya// de rnams nyid la ci mnyes pa// kha dog sna tshogs zhes bya'o// gang gzhan cung zad lhag pa ni// kha dog rnam pa sna tshogs su// dngos po de dag nyid la ni// sna re las kyang mar byas la// gzhan dag las kyang ci rnyed pa// bstan pa gtor ma rgya chen yin// 'bras bu la ka li ka dang // sran chal til gyi pri ta ka/ lag pan rtsa ba 'bras bu las// cung zad bdun las cung zad dang // me tog 'bras bu chur bcas pa// 'dab mar bcas pa'i gtor ma de// phyi rol 'byung po thams cad la// de ni 'byung po kun gyi'o// mchod pa sna lnga 'dir bshad pa// nya sha chang dang bu ram chang // bza' dang sran ma'i khu ba dang // dri dang me tog la sogs ldan// gtor ma 'di ni phyi ru bshad// de nyid rnam grol phung po lnga nyid du// mchod pa sna lnga tshul bzhin dbul bar bya// ting 'dzin mthur ldan rnam grol gzi byin can// shes rig grags pa tshul khrims 'khor gyis bskor// mya ngan 'das pa

  419. 210a

    bdud rtsi ro yi bcud// ye shes gong nas gong du khyad par 'phags// lhan cig g.yul las shin tu rgyal bar bsngo// bde ba'i stan la lag na rdo rje yi// bdag nyid bcu po tshul du phyung nas ni// phyogs kyi lha rnams so so'i gnas gnas su// dbang ldan phyogs nas gtor ma tshul bzhin 'bul// dbang dang ldan pa 'dren pa'i lha// bgegs kyi rgyal po gdon gyi gtso// dbang bdag gdon gyi tshogs bcas la// mchod cing bstod de phyag kyang 'tshal// dbang po rdo rje 'chang ba'i lha// lha yi rgyal po gdon gyi bdag/ shar phyogs gdon tshogs bcas pa la// mchod cing bstod de phyag kyang 'tshal// me ste bsreg bya len pa'i lha// 'byung po'i rgyal po gdon gyi bdag/ shar lho me lha'i tshogs bcas la/ mchod cing bstod de phyag kyang 'tshal// gshin rje be con thogs pa'i lha// lha yi rgyal po gdon gyi bdag/ lho phyogs gshin rje'i tshogs bcas la// mchod cing bstod de phyag kyang 'tshal// bden dang bral ba legs ldan lha// srin po'i rgyal po gdon gyi bdag/ bden bral phyogs kyi gdon bcas la// mchod cing bstod de phyag kyang 'tshal// zhags pa thogs pa chu yi lha// yang dag bsrung ba gdon gyi bdag/ nub phyogs klu yi gdon bcas la// mchod cing bstod de phyag kyang 'tshal// rlung ste srog kyang 'dzin pa'i lha// tshig bsrung

  420. 210b

    gdon gyi bdag po ste// rlung lha 'khor gyi gdon bcas la// mchod cing bstod de phyag kyang 'tshal// gnod sbyin lag na dbyug to thogs// nor srung gdon gyi bdag po ste// byang phyogs gdon gyi tshogs bcas la// mchod cing bstod de phyag kyang 'tshal// 'og gi lha ste sa yi klu// sa 'dzin dang ni lag chen dang // dam tshig shes pa'i gdon bcas la// mchod cing bstod de phyag kyang 'tshal// steng gi lha mang thams cad dang // nyi ma zla ba gdon gyi gtso// gza' dang rgyu skar bcas pa la// mchod cing bstod de phyag kyang 'tshal// zab cing rgya che gzi 'phags po// chos skyong rgyal po rnam thos sras// btsun mo sras dang blon por bcas// mngags pa'i pho nya ji snyed rnams// 'dir gshegs mchod pa dam pa bzhes// gzhan yang de yi tshul mchog tu// chos skyong rgyal po yul 'khor srung // chos skyong rgyal po 'phags skyes po// chos skyong rgyal po spyan mi bzang // oM i/ oM i/ oM a/ oM ya/ oM ra/ oM ba/ oM yaM/ oM ku/ oM pra/ oM A/ oM bai/ oM d+h+r-i/ oM bi/ oM k+Sha/ sgra dang ldan pa'i snying po brjod// yul 'khor srung ba'i zhags pa'i rgya// mthe'u chung gnyis ni zhags pa'i mig/ 'phags skyes po yi be con rgya// lag gshibs mtheb bsgreng mthe'u chung zhags// mig mi bzang ni rdo rje'i rgya// mdzub mo gnyis ni rtse mor bya// rnam thos sras ni dbyug to'i rgya// 'the

  421. 211a

    bong gnyis ni gshibs te bsgreng // brgya byin gyi ni rdo rje gdengs// g.yas kyi rtse gsum phyag rgya gdengs// me lha'i phyag rgya zhags thabs yin// g.yas kyang mdzub bkug gung tshigs gsum la btang // sgra 'dod dang ni me 'bar lta bur bya// gshin rje'i be con phyag rgya te// lag bsnol srin lag gshibs te bsgreng // bden bral ral gri'i phyag rgya ste// g.yas pa khu tshur gung mdzub ral gri'i rgya// g.yon pas sta zur shubs su bzung // chu lha zhags pa'i phyag rgya ste// lag g.yas mthe'u chung zhags pa'i mig/ rlung lha'i ba dan phyag rgya ste// g.yon pa gung bsgreng mdzub mo dgug/ ku be ra yi dbyug to ni// bcings la nang bzlog mthe chung brkyang // srin lag gnyis brkyang rgyab tu bzhag/ dbang ldan rtse gsum phyag rgya ste// mthe bong srin lag mig tu bya// mthe'u chung mig 'bras so sor drang // gung mo rtse sprad mdzub mo rtse gsum gdengs// 'og gi pad+ma'i phyag rgya ste// lag gnyis pad+ma lta bur bya// steng gi me tog phyag rgya ste// khong stong mtheb gshibs spyi bor bsgreng // lcags kyu drangs nas slar bskyod pa// spyan drangs gshegs su gsol ba ni// A gats+tsha dang A gats+tsha'o// rgyal chen phyogs skyong so so'i 'khor bzlog cing // phyogs dang phyogs mtshams thams cad bsrung ba dang // dam bcas zhal ches khas blangs lha dag

  422. 211b

    ste// brtan par brjod la tshul bzhin bsrung du gsol// bstod dang phyag rgya drag tu bstan pas gtugs// phyag rgya lag gnyis thal mo sbyar byas la// oM swa b+hA ba bi shud+d+haHsarba d+harmA swa b+hA wa shud+d+ho&haM/ zhes brjod do// chos kyi dbyings su bsgom zhing spyod// rig sngags rgyal po stobs bzang nam mkha'i mdzod 'di bzlas// na maHsarba ta thA ga te b+h+yo bi shra mu khe b+h+yaHsarba thA khaM ung+ga te/ s+pha ra i maM ga ga na khaM swA hA/ lag pas spyi bor sbyar nas pad+ma kha bye ba// ji ltar thogs med bsam pa bzhin du byung ste spel// gzhan yang 'phags pa rgyal chen shugs ldan 'od kyi na// sngags kyi mdo 'dis kyang byin gyis brlab par bya// lag pa g.yas pa'i khu tshur bcangs la mdzub mo bsgreng ba ste// na maHsarba ta thA ga ta a wa lo ki te/ oM saM b+ha ra saM b+ha ra hUM/ zhes brjod pas ni tha na chung na yi dwags yan chad la/ yul chen ma ga d+ha'i bre chen brgya brgya la// pham rgyal med par tshul bzhin spyod pa'i dbang thob 'gyur// 'phags pa bdud rtsi thal sbyor sngags 'dis byin brlabs te// lag pa g.yas pa'i mthe bong mthe'us mnan byas te// sor mo lhag ma rnams ni rtse gsum brkyang byas nas// oM a mr-i ta hUM zhes brjod thob pas yid bzhin 'byung zhing dag par 'gyur bar bsam// gzhan yang ye shes skar mda'i sngags dang phyag rgya 'dis gtugs te// lag pa g.yon

  423. 212a

    pa'i thal mos gtor mar rab gtugs la// oM dz+nyA na a wa lo ki te/ na maHsa man+ta s+pha ra Na rasmi b+ha ba sa ma ya ma hA ma Ni du ru du ru hr-i da ya dza la ni hUM// 'dis kyang so sor thob par bya ste brnan par bya'o// phyag rgya rnam bzhir bstan pa gtor ma spyi'i cho ga'o// des ni gtor ma thams cad gtang zhing mtshams su 'gyur// de nas bsrung ba'i mtshams ni gcad par bya// rtsibs bcu rim pa bcu ser ba'i// khro bo bcu dag phyung nas ni// hUM las bskyed pa'i nyi ma'i steng // phyogs bcu'i dkyil 'khor phyogs rnams su// rim pa bzhin du gdab par bya// de btab nas kyang phyogs bcu yi// phur pa'i phyogs nas char chen 'bebs// 'jigs su rung ba'i 'brug sgra sgrogs// dri za'i phyogs nas glo bur ba// mtshams kyi snang ba nam nangs bzhin// ra ka sha'i phyogs nas 'ongs pa ni// 'chi bdag gzugs can 'jigs 'jigs ltar// ral gri thogs shing sgra chen 'byin// sna chen mo la mi thod du// mi yi khrag ni 'thung byed pa// mgo skra gyen du brjes shing 'bar// sbyin thang char bzhin 'bab pa yis// sgrub pa'i las rnams 'jigs par byed// 'bar bya phyogs nas sems can ma// 'jigs pa'i gzugs can tha dad pa'o// pa ni'i phyogs nas lto 'phye'i bdag/ sprin dang bcas pa'i 'brug sgra sgrogs// srog 'dzin phyogs nas 'chub

  424. 212b

    ma 'byung // yak+Sha pho mos byang phyogs nas// dbang ldan phyogs nas tshogs kyi gzugs// steng nas mthu chen lha rnams 'byung // 'og nas sa 'gas g.yo bar byed// sgrub pa chen po sgrub chen la// 'di la sogs pa bgegs rnams ni// nam gyi phyed na 'byung bar 'gyur// phyogs bzhi mtshams brgyad bla sa 'og/ khro bo'i rgyal pos bdud rjes 'joms// ya mtshan che la phyag 'tshal lo// shar phyogs 'byung po thabs kyis 'dul// lho phyogs gshin rje zhabs kyis gnon// nub phyogs klu yi gdon rnams 'joms// byang phyogs gnod sbyin kun gyi bla// mtshams kyi khro bo chen po yis// mtshams kyi bgegs rnams zhi bar mdzod// khro bo'i rgyal po bdud rje 'joms// ya mtshan che la phyag 'tshal te// bdud dgra thams cad yongs bcom nas// bgegs rnams thams cad zhi bar mdzod// oM g+ha g+ha g+ha ta ya/ sarba duSh+TAn phaT/ kI la ya ki la ya/ sarba pA paM phaT/ hUM hUM hUM/ badz+ra ki la ya/ badz+ra d+ha ra A dz+nyA pa ya te/ ka ya wAka tsit+ta badz+ra ki la ya hUM phaT/ khro bo so so'i ming nas phyung zhing gdab// de yang don gsum ldan par gdab pa ste// mi dge bcu yi bgegs rnams mnan pa dang // phyogs skyong 'jigs rten thugs rjes bzung ba dang // mkha' dbyings ldan pa'i sprul pas don bya'i phyir// de ltar rtogs ldan nyes pa gting nas med// de nas lta ba'i

  425. 213a

    mtshams ni rab bshad bya// zhi gnas lhag mthong nyi zla'i spyan las ni// khro 'gros nyi gdugs zer 'phro mtshan ma sregs// 'byon tshul zla ba'i bsil bas kun zhi nas// blta ba gnyis kyi phyag rgyas 'gros gnyis bzlog/ tsham rngams kyi ni mtshams bya ba// khro bo khro mo thams cad kun// gsal zhing 'od zer 'phro bsgoms nas// bskul bskyod thams cad phyag rgya yin// yan lag snying po rtse gcig dang // rtse lnga rtse dgu bcu gcig tu// las rnams so sor rab tu bsgom// thabs dang shes rab ldan pa'i zhabs// rtag tu rdo rje 'bar bar 'gyur// thabs chen re re bskyod pas ni// pad+ma chags med re re 'byung // rdo rje pad+ma de 'byor nas// sems can thams cad bla na med// byang chub zhing du skye bar 'gyur// rang bzhin dkyil 'khor lha rnams kyang / khro bo'i dkyil 'khor bsgom bya ste// dbu yi dkyil 'khor bskyod byas na// sangs rgyas dkyil 'khor thams cad g.yo// lag gi 'du byed bskyod byas na// rigs 'dzin zhing khams thams cad g.yo// rkang pa'i stabs chen mnan mchongs pas// sdug bsngal mi bzad thams cad dang // bdud dang log 'dren thams cad mnan// chos nyid mtshams ni don dam ste// rnam par rtog pa bgegs yin te// bgegs kyang rang gi sems las byung // sems kyi rang bzhin ye

  426. 213b

    nas dag shes na// gzhan na bgegs zhes bya ba'i ming yang med// rang bzhin kun rdzob mtshams gcad de// rdo rje phung po yan lag ni// rdzogs pa'i sangs rgyas lnga ru grags// skye mched khams rnams mang po kun// byang chub sems dpa'i dkyil 'khor nyid// sa chu spyan dang mA ma ki// me rlung gos dkar sgrol ma ste// nam mkha' dbyings kyi dbang phyug ma// srid gsum ye nas sangs rgyas zhing // sangs rgyas ma yin bgegs med do// gsal la mi 'gyur ting 'dzin mtshams// de la gzhan gyis 'jig pa med// de la bgegs kyis mi tshugs so// 'jig las lhag pa'i bgegs gzhan med// bstan pa tsam gyis gzhan pham mo// de phyir khyad 'phags ting 'dzin bsgom// phyag mtshan mtshams ni 'di dag gsungs// steng yang rdo rje'i bla bre ste// 'og kyang rdo rje'i sa gzhi'o// bar mtshams med par rdo rjes gtams// rdo rje'i mtshams las ma 'da' zhig/ steng yang 'khor lo'i bla bre ste// 'og kyang 'khor lo'i sa gzhi'o// bar mtshams med par 'khor los gtams// 'khor lo'i mtshams las ma 'da' zhig/ steng yang ral gri'i bla bre ste// 'og kyang ral gri'i sa gzhi'o// bar mtshams med par ral gri'i gtams// ral gri'i mtshams las ma 'da' zhig/ steng yang rdo rje'i tho ba ste// 'og kyang rdo rje'i tho ba'o// bar mtshams med par tho bas

  427. 214a

    gtams// tho ba'i mtshams las ma 'da' zhig/ steng yang rgya gram bla bre ste// 'og kyang rdo rje rgya gram mo// bar mtshams med par rgya gram gtams// rgya gram mtshams las ma 'da' zhig/ steng brag rdo rje'i bla bre ste// 'og kyang rdo rje'i sa gzhi brag/ bar mtshams med par rdo rje'i brag/ brag gi mtshams las ma 'da' zhig/ oM badz+ra larka phaT// badz+ra dz+nyA na tsak+ka phaT// badz+ra tik+Sha phaT// badz+ra mung+ga ra phaT/ badz+ra karma sar+b+ba phaT/ badz+ra she la phaT// lag pa gnyis bsnol khu tshur bcing // gung mo rtse sbyar mtha' gnyis bsgreng // phyag rgya 'di ni mchog yin te// rdo rje sems dpa'i rdo rje yin par bshad// g.yon pa lag pa sgrub pa dang // g.yas pa bkan nas thog tu bzhag/ sor mo phan tshun gcus te bsnol// mtheb gnyis log sprad 'khor lo'o// g.yon pa shubs byas dku la brten// g.yas kyi mthe bos mthe'u chung mnan// lhag ma gsum po ral gri'i tshul// glog gi tshul du bskor bar bya// lag pa khu tshur gcig tu bcing // tho ba'i tshul du g.yas su bsgreng // brdeg pa'i tshul du bskor nas mnan// 'di ni be con phyag rgya'o// g.yas dang g.yon gyi thal mo ni// rdo rje'i brag gis btams par bya// brdeg pa'i tshul du rab tu brdeg/ log 'dren bgegs rnams gzhom pa'o// lag pa phan tshun bsnol ba las// gung mo tshigs bcag nang du

  428. 214b

    brgyang // tha ma rtse mo can du bya// rgya gram phyag rgya dam po'o// lnga pos mtshams ni mi g.yel brtson 'grus bsgom/ gnyis kyi rtogs pa'i ye shes 'phang bcad la// gcig ni sran gyi mthu dang ldan par bya// de nas bar chad thams cad bsrung ba zhes bya 'di dag 'gro ba'i don du gsungs so// thabs kyi phyogs su ltung ba'i rnal 'byor la// mtshan bcas smon pas 'jug pas ltung ba dang // mtshan nyid sna tshogs nyams kyis ltung ba'o// gang zag de la dus bzhir bar chad bzhi// lam 'jug 'jig rten chos kyis bar chad byed// gnyen dus 'brel ba'i bar chad byung ba na// dad pa brtan po'i sbyin pa phra mo bsrung // bla ma mched lcam grogs kyi bar chad ni// zang zing sbyin pas brtse sems 'phreng bas bsrung // lam zhugs phyir log bdud kyi bar chad byed// rdzas kyis bsrung ba bla ma grogs gzhan la// rkyen la ltos pa'i sngags mdud rab tu gdags// ting 'dzin bsrung ba dra ba ra ba ni// spyi bo sna tshogs rdo rje'i ra ba las// rkang mthil rdo rje chen po'i sa gzhi dang // rtsib ma rdo rje'i ra bar gnas pa dang // pags pa rdo rje'i gur du phub nas ni// ba sba mda' yi dra ba chen po ste// sen mo me ri rab tu 'bar ba'o// sngags kyis bsrung pa gnod mdzes nga rgyal byed// oM suM b+ha ni suM b+ha hUM/ gr-i h+Na g+h+r-i hA hUM/ gr-i hA pa ya gr-i h+NA pa ya hUM/ A na ya hoH/ b+ha ga wAn bid+ya rA dzA

  429. 215a

    ya hUM phaT/ sems bstan bdud stobs 'phel ba'i bar chad la// bar du gcad pa'i bdag dang bar gcod bdud// bar chad gsum ka sems dang sgyu mar shes// rang bzhin med par shes pas bsrung ba yin// sems brtan ting 'dzin ma shes par chad bdud// lte lkog k+Sha yig gnad du bsnun byas la// srin po rU tra mi 'tshams bar chad 'byung // ting 'dzin ngo shes bsam gtan gegs kyang sel// bar chad ngo shes bdud dang skyon nyid yon tan shar// de nas brda' sgo dbye ba ni// kun gyis sangs rgyas mar me mdzad// brkyang phyag byas la 'di skad gsungs// ye nas rnam pa kun ldan pa// lha dang slob dpon rdo rje'i mched// phyogs mtshams kun nas 'khyil pa'i dpal// gsal la brtan pa'i rnal 'byor pa// ma bu'i 'du shes nyer bzhag ste// brda' dang gar gyis mtshon nas ni// rdo rje dbyings kyi 'khor lo na// rnal 'byor spyod mchog phyag bgyid do// de ltar brda' yis sgo phye nas// phyin chad mi tshig sgra bcad nas// brda' tshig smra bar bya ba'o// las rnams brda' yis kun mtshon bya'o// de nas rgyan chas gsol ba ni// slob ma kun gyis me tog gtor la brjod// tshogs kyi 'khor lo chen po 'dir 'dus kun// dbang rnams rim pa bzhin du rdzogs pa dang // so so nyid kyis mkhyen pa'i khyad par las// bla mar rtsi ba

  430. 215b

    rnams la mnga' gsol phyir// gus pa'i sri zhus me tog mngon gtor na// de bzhin mkhyen pa mdzod cig dgongs su gsol// rdo rje rgyal po dgyes shing bzhugs su gsol// rang bzhin mtshan mo'i dus ni 'di nyid du// rdo rje tshogs mchog dgyes par bsgrub 'tshal gyis// rdo rje rgyal po chen por mnga' gsol bas// mkhyen pa gsal zhing byin rlabs bskyed pa dang // bsgrub pa'i dkyil 'khor rdzogs par gzung du gsol// yum chen kun tu bzang mor mnga' gsol gyis// gtso bo yab dang dgongs pa bstun pa dang // 'gro ba mi shes ma rig mun pa la// 'og min gnas mchog dam pa bstan du gsol// dkyil 'khor skong ba'i bdag por mnga' gsol gyis// legs nyes tshar gcod mkhon gcugs sbyang ba dang // 'gro ba mi shes ma rig mun pa la// lha dang mi yi chos rnams bshad du gsol// ston pa 'chad pa'i bdag por mnga' gsol gyis// dam chos gsung rab bdud rtsi mang po dag/ ljags kyi dbang po'i steng du bkram nas ni// legs par 'dus pa'i tshogs la bka' stsol cig/ 'dzin ging skyes bu chen por mnga' gsol gyis// khams gsum 'khor ba'i sems can nyon mongs rnams// byams pa mchog gi thugs rjes bzung nas ni// ma nor 'dus pa'i tshogs su khrid la skyon// ging chen dpa' bo chen por mnga' gsol

  431. 216a

    gyis// khams gsum 'khor ba'i sems can nyon mongs de// thugs rje chen pos byin gyis brlabs nas kyang // 'og min gnas mchog dam par bsgral du gsol// rdzu 'phrul spyan gyi bdag por mnga' gsol gyis// rnal 'byor spyi bgegs sgos bgegs gang lags pa// ye shes spyan gyis thams cad gzigs nas kyang // ma nor mngon sum gtan la dbab tu gsol// phyi ging stobs pa'i bdag por mnga' gsol gyis// phud la dam zhing gtsang sgra legs pa dang // rgyal ba rgya mtsho'i mched la stobs pa dang // khams gsum yongs kyi tho ngan mdzad du gsol// pho nya rkang mgyogs chen por mnga' gsol gyis// nyid kyi dgos ched dang du mi blang zhing // bla ma rnams kyi bka' bzhin bgyi ba dang // mched lcam yongs kyi dgos ched bsgrub tu gsol// mched dang lcam dral gsan cing dgongs su gsol// dza gad gnyis kyi dbang du mi gtang zhing // lha dang dkyil 'khor gsal bar bsgom pa dang // 'dzab bsnyen zur ma chag par 'dren du gsol// me tog bor la mnga' gsol te// slob dpon gyis kyang 'di skad gsungs// nga ni za byed chen po rnam par 'jigs pa'o// bla ma'i bla ma chen po he ru ka/ khams gsum za byed nga yin pas/ khams gsum lus yongs bsgral la// dug gsum zad par rab byas te// srid gsum

  432. 216b

    dbang du bsdus nas ni// chos nyid dam tshigs las mi nyams// sgrub pa'i dkyil 'khor gnan par bya// brjod nas gdan la 'dug par bya// de nas rgyud 'jug phrin gdags pa// ka chos mthun pa'i byang chub chang dang sbyar// gsol ka bas drangs 'phrin yang 'di skad gsol// ho phyogs bcu mtha' klas sangs rgyas zhing khams na// rab 'byams rgya mtsho kun nas 'dus byon pa'i// rnal 'byor dbang phyug chen por lhun grub pa'i// mched dang lcam dral rgyal ba rgya mtshor bcas// thogs med mkhyen cing sgrib pa mi mnga' gzigs// thugs rje chen po'i ngang can nyid gyur cing // 'gro mgon skyabs chen rtse gcig sta gon gnas// dam tshig mchog gi gsang sgor zhal 'ches la// thugs kyi dkyil 'khor 'di ru 'dus pa las// mi rtog ma lus thams cad gsan dgongs gsol// do nub dus chen byin gyis brlabs nas 'dir// chos nyid nam mkha'i mtha' mnyam gzhal yas khang // rgyu 'byung smin byed dkyil 'khor chen po ru// dga' ldan lha yi dkyil 'khor bkod pa na// bdag cag skal ldan mi yi tshogs rnams kyis// 'byor ldan tshogs kyi yo byad 'byor pa dang // 'os dang rigs pa rjes mthun rnams bzhi yis// dus bzhin 'byung ba'i zhal zas zla rdzogs su// rgyu med dad pa mos pas 'byor tshad bsags// bdog

  433. 217a

    tshod drod sbyar srid pa'i longs spyod rnams// rgyal chos mnga' thang khungs phyung lha yi lugs// 'jig rten khor yug bcas nas srid brin bkod// gtan pa med pa'i mchod sbyin rgyal po 'di// mnga' zang mchod pa'i rkyen du grangs mang bsngos// mchod pa dngos su sbyar ba zho nam srang // grangs 'di tsam zhig nam mkha'i skar ltar bkram// sa gzhi rtsi shing bzhin ni skye zhing 'dod// rgya mtsho'i rba rlabs ltar ni khyab cing 'khrug/ nam mkha'i sprin gtibs bu rlangs char pa 'bab// chu bo'i rgyun bzhin 'bab pa'i mchod pa rnams// dngos su 'byor dang sna tshogs yid kyis sprul// rgyal ba rgya mtsho rnams la mchod pa dang // dus gsum 'phags pa'i thugs dam skul ba dang // mtha' yas 'gro ba'i sems can bsgral ba dang // phyogs bcu'i rnal 'byor thugs dam bskang bya zhing // byang chub sems dpa'i spyod pa rlabs po ches// bdag gzhan don rnams mtha' ru dbyung ba'i phyir// rgyu mchog rab zhi'i tshul du 'bul zhing mchi// thugs rje chen pos dgongs nas bzhes su gsol// de la skabs dbye gnang ba'i lan 'di stsal/ tshogs kyi zhal zas rgyu sbyor yon bdag gis// dga' ldan lha yi dkyil 'khor bkod pa la// skal ldan mi yi tshogs pa rnams kyi ni// 'byor ldan yo byad tshogs kyi rdzas rnams kyang // rgyu med bka' yang

  434. 217b

    da pas rab bsogs nas// mos pa'i 'byor ba'i tshad kyis phul ba rnams// phyogs bcu dus gsum sangs rgyas bde gshegs dang // rgyal ba rgya mtsho rnams kyi spyan du bshams// dad pa'i shugs dang ldan par 'bul lags na// thugs rje dgongs nas thugs dam bzhes par gnang // oM AHhUM a la la ho// de nas ting 'dzin bsgom pa rnam gnyis ni// sngon du dam rdzas byin gyis brlab pa dang // rang bzhin dkyil 'khor ting 'dzin rang lus brlab// rdzas ni dza gad dam rdzas rnam pa gnyis// gsang ba'i dkyil 'khor dag tu mi gzhug skyon// dngos grub mi thob skyon yod nan tan bya// dkyil 'khor 'khrul pa'i skyon rnams bsal ba'i phyir// dang por dza gad byin gyis brlab par bya// bum pa bzang ngan gnas pa yis// de yi dbus su bsam bya ba// gzi brjid 'bar ba'i dkyil 'khor ro// bskal pa'i me dpung 'bar ba yi// hUM gi 'od zer reg pas ni// dri ma spangs shing rnam dag pa'i// rdzas ni hUM gi rang bzhin du// sbyor ba spos ni gdab par bya// nyi ma'i dkyil 'khor steng du yang // kha dog dkar po mi bskyod pa// sa gnon phyag rgya gnas par bsgom// der ni dbang po rdo rje yi// phyag rgya bcings nas bstan par bya// der ni phyag rgya bcings pa las// bcom ldan ma ni dkar sham mdog/ sangs rgyas lnga yis dbu brgyan cing // rdo rje

  435. 218a

    phyag bsnams 'byung bar 'gyur// bcom ldan 'das dang lhan cig tu// gnyis su med par mnyam sbyor te// rjes su chags pa'i chags med kyis// gnyis ka zhi bar gyur nas su// byang chub sems kyi rang bzhin du// gyur nas bum bzang yongs bkang ba// de yis 'bar ba lta bur mthong // de nas nyi ma'i dkyil 'khor steng // ut+pal sngon po'i mdog 'dra ba'i// mAM ni 'od bcas rnam par bsam// de las 'od zer rtse rnams su// bcom ldan ma ni sngo bsangs mdog/ yid du 'ong ba mdzes pa'i zhal// gnag dang dmar dang dkar ba yi// zhal gsum gyis ni rnam par brgyan// mi bskyod cod pan gnas byas la// phyag drug rdo rje 'khor lo dang // ut+pal sngon po phyag na bsnams// g.yon pa 'gying bas dril bu dang // rin chen ral gris rnam par mdzes// rgyal mo rnam par byung nas ni// phyogs bcu'i chu khams byin gyis brlab// 'bar ma de ni slar gshegs nas// yi ge sa bon bcas par ni// byang chub sems bzhin zhur bar 'gyur/ mA ma kI ni rnam par bsgom// mA ma kI ni de nyid kyang // byang chub sems kyi rang bzhin du// shes rab brtul zhugs can gyis ma chod// de nas sbom po dbang gi dbul// nyi ma'i dkyil 'khor bsgom bya ste// der ni mchod bcas dang dmigs nas// bdag gi lce rtser hUM bsgom bya// de

  436. 218b

    yi sngags ni 'di yin no// oM mA ma ki baM ki ri ki ri/ a d+hi tiSh+Tha swa mAM/ de ni byin gyis rlob pa dang // btung ba gnyis ka'i sngags shes bya'o// de la dam rdzas byin brlab pa// de yi thabs ni 'di ltar bya// ban d+ha bcud yangs bzang ba la// 'khor yug snod bcud 'jig rten 'di// bdud rtsi'i rang bzhin bsgrub pa'i phyir// thams cad mchod pa'i rkyen du bzhes// mchod pa'i rgyu rkyen 'di la rten bcas nas// 'jig rten khams mang thams cad na// srid pa'i longs spyod 'byung lnga yi// dngos can thams cad khams gsum gyi// mchod pa'i rdzas su byin brlab po// de yang mchod pa'i mtshan nyid lnga// byin gyis brlab pa'i thabs gsum gyis// de bza' rgyan lngar snang bar bya// mchod pa'i rang bzhin mtshan nyid sa nyid gnas// gzugs su 'dzin pa'i phyag rgya yin// mchod pa'i 'bras bu go 'byed pa// 'byung ba chos nyid nam mkha' nyid// mchod pa gsal bar stob pa yis// 'bar ba rdzu 'phrul lhag mthong ba// mchod pa kun tu dgyes pa'i shugs// khyab par byed pa bskyod pa'i rlung // mchod pa thams cad ma lus par// rgyud thim tshims pa zhi gnas rlan// de yang ji lta bu zhe na// bzed byad snod ni yul lnga'i mkha'// gtor snod chen po nang du ni// bcud kyi 'jig rten mchod rdzas dang // gzugs kyi phung po'i lha bshos ni// spyan gzigs sman

  437. 219a

    lngas bsdus pa'i rkyen// tshor ba bde sdug gnyis ka min// nyams su myang ba bdug spos dri// 'du byed sna tshogs yan lag rnams// 'dod sred byin len me tog yin/ 'du shes gsal bar byed pa ni// mchod pa'i mar me kha drug 'bar// rnam shes lung du ma bstan pa// rkyen nye bar bskul ba'i bag chags ni// so sor 'grub pa'i dri chu lnga'o// de yang ji ltar bya zhe na// sbyangs pa hUM dang ldan pa ni// rtogs par bya phyir AHbsgoms te// 'bar ba oM zhes bsgoms byas la// yig 'bru phyag mtshan sku dang gsung // 'phro 'du'i rim pa'ang de bzhin no// mtshan ma ma byung bar du bsgom// de la phyag rgya gnyis bstan te// gtso gzungs lnga ni grub par dmigs// de la bdud rtsi kun 'byung ba// mu tig dri med khu 'phang bzhin// de steng ha las rgya gram bskyed// khro ba'i sa bon hrIHdang ldan// de yis 'od 'bar sngags pas blta// ha ya grI ba hu lu hu lu hUM phaT// brgya rtsa brgyad ni bzla bar bya'o// lag pa bkra shis gsang mtshan pas// pad+ma'i snod de gnan par bya// oM AHhUM/ badz+ra a mr-i ta hUM tha a/ brgya rtsa brgyad bzlas par bya/ pad+ma phyag mtshan rgyal po'o// sbom po dang ni dbang gnyis kyi// bsil 'od sa bon gnas pa las// dbus su drangs nas bza' ba dang / rang gi lha yi sbyor ba gsum// ka ya waka tsit+ta oM AHhUM/ dogs pa

  438. 219b

    med pa'i sems kyis ni// de bzhin gshegs pa mnyes bya'i phyir// dga' ba'i sems kyis bza' bar bya// sangs rgyas kun gyi bdag nyid de// bcud kyis len pa'i gter gyur te// rdo rje sems dpa'i tshe dang gzhon// nad med pa dang bde mchog 'grub// de la mtshan mo zhugs gyur nas// 'dod pa bzhin du 'gro 'ong lding // rnal 'byor bde mchog rnam pa yis// mchod pa'i dam rdzas thams cad la// sna tshogs bsam zer 'gram pa'i kha rgyan dang // kun tu khyab pa chu yi rgyan// khebs par gtibs pa bar snang rgyan// rtag par 'bab pa rlung gi rgyan// skye zhing thon pas gzhi yi rgyan// snang ba lnga po 'di nyid ni// mtshan nyid lnga yis mchod par bya// rnga sgra cang te'u pi wang dang // gling bu dung dang kar ko ta// gaN+DI chos rnams sna tshogs dang // glu dang de'u tshigs dang bcas// snyan pa'i glu dbyangs sna tshogs kyis// snyan gyi mchod par bzhes su gsol// rgyal ba'i thugs dam bskang gyur cig/ gar dang phyag rgya stangs stabs dang // gzugs dang dbyings dang gnas pa'i rten// gdugs dang mdzes pa'i yid 'ong zhing // kha dog gsal ba sna tshogs kyis// spyan gyi mchod par bzhes su gsol// rgyal ba rgyal mtsho'i thugs dam bskang // dri dang spos dang bdug pa dang // bsregs dang bcos dang sbyar ba dang // rlangs dang du ba sna tshogs kyis// shangs

  439. 220a

    kyi mchod par bzhes su gsol// dkyil 'khor thugs dam bskang gyur cig/ bza' dang bca' dang btung ba dang // bshos dang zhal zas sna tshogs pa// kha dang mngar dang sgyur ba dang // tsha dang rtsub dang lan tshwa'i ro// ljags kyi mchod par bzhes su gsol// sras bcas 'khor gyi thugs dam bskang // lha dang mi yin bza' dang // gos dang rgyal mtshan lhab lhub dang // rin chen mchod pa'i dbu rgyan dang // dpung rgyan do shal se mo do// dar dpyangs pi ta'i sham bu dang // snyan cha mgur chu bla med do// sku yi mchod par bzhes su gsol// dga' ldan lha yi longs spyod dang // 'byor ldan mi yi longs spyod dang // 'byor ldan 'phrul gyi yo byad rnams// dkyil 'khor chen por bzhes su gsol// 'phags pa'i thugs dam bskang gyur cig/ 'bru tshig don dang man ngag dang // gsal dang go 'byed snying po'i rgyud// dbang po'i tshims byed rgyal ba'i bka'// phyag rgya chen po gsung ldan pa// chos kyi mchod par bzhes su gsol// ma lus thugs dam bskang gyur cig/ bsgom pa'i ting 'dzin rnam pa bzhi// ting 'dzin snod bcud bdag gzhan sras// dang por stong pa byang chub sems// gnyis pa snying rje'i rnam pa dang // gsum pa rgyu las byung ba ni// snod kyi gzhal yas bcud kyi lha// bdag nyid mngon par sangs rgyas

  440. 220b

    pas// bdag gi sras su sangs rgyas rnams// rang rig bde ba'i cha dang ni// cha shas dum bu'i phyag mtshan dang // chen po lnga las sku rdzogs bya// rigs mi 'grub cing lhun grub phyir// gsol gdab dkyil 'khor rdzogs par byas// dbyings las ma g.yos dbyings las sa le ba// yongs la snyoms par snying rje cir yang 'char// mkha' ltar go 'byed sprul pa 'byung ba'i rgyu// dang por stong pa byang chub sems// gnyis pa sa bon du gyur pa// gsum pa la ni gzugs sogs te// bzhi pa la ni yi ge dgod// lnga pa 'khor rnams gdon par bya// sna yi dbugs ring 'gro ba'am// snying ga'i sa bon 'bar ba dang // b+ha gar ling+ga bzhag pa'am// dbyings las ye shes chu bur ltar// rtsa ba'i dkyil 'khor gzhal yas khang // 'byung ba lnga dang ldan par bya// grub pa sngags rnams rtsa nang du// gsung gi yi ge yin par 'grub// lus khams bcud kyi bdud rtsi las// skur rdzogs sangs rgyas dkyil 'khor bsgom// snying po rlung nas thugs kyi dgongs// rlung gi spro dang bsdu ba yis// rang lus rgyal ba'i phyag rgya yi// gnas lugs nga bzhin zhi khro dang // rang gnas phung po'i zhi khro dang // gdul bya sprul pa'i zhi khro dang // mthar phyin 'bras bu zhi khro las// dkyil 'khor ma lus thams cad 'grub// rang bzhin dam tshig dkyil 'khor

  441. 221a

    bskyed// de nas spyan drangs rab tu bshad par bya// snyan gsan gsol dang spyan yang drang bar bya// snyan gsan gsol phyir se gol gnyis kyi sgras// yab yum 'phags pa thams cad sngags kyi bsdu// oM sarba ta thA ga ta sa pa ri wA ra badz+ra sa mA dza hUM/ oM phyogs bcu'i 'jig rten rab 'byams na// rgyal ba gang bzhugs 'khor dang bcas// bla med lha dang lha mo dang // grub pa'i byin rlabs bsam mi khyab// sems dpa' bcu drug rigs kyi yab// sems ma bcu drug rigs kyi yum// sems dpa' brgyad dang sems ma brgyad// de bzhin sbrul sku thub drug dang // mthu chen khro bo khro mo dang // pho nya 'jig rten skyong bar ldan// oM sngon gyi thugs dam chen po ni// 'jig rten khams ni ma lus kun// rgyal ba'i zhing du sbyor bas na// phyag rgya chen por bdag sbyor cig/ dpa' bo chen po'i mthu rnams dang // thugs rje chen po'i byin rlabs kyis// bdag la byin gyis brlab mdzod cig/ bdag gi lhag pa'i bsam pa rnams// 'grub par byin gyis brlab du gsol// yod med stong pa shin tu rnal 'byor mthu// nam mkha' bzhin las dam tshig nye bar gnas// bde gshegs bde bar gshegs pa bzhengs su gsol// rdo rje sems dpa' skal bzang dpal khyod bdag/ pho brang gzhal yas sprin gtibs bzhin// rgyan gdugs sna tshogs mdzes

  442. 221b

    lhab lhub// spos mchog dam pa ngad sang sang // rin chen sna tshogs sgra sil sil// sil snyan sna tshogs phyogs bcur drangs// ta la'i skye shing gser gtso 'khril// nyi zla pad+ma dbus kyi dkyil 'khor du// yang dag gzhugs kyi pho brang na// dges so bcom ldan gshegs su gsol// dbang phyug chen po yab yum dang // byang chub rdo rje lcam dral dang // ma mo mkha' 'gro'i tshogs chen dang // lha dang ldan pa'i rnal 'byor pa// thugs dang 'thad pa'i gnas 'di ru// byin gyis brlab phyir gshegs su gsol// rdo rje sems dpa' mnyes mdzod cig/ de nas spyan drangs 'di skad gsung // rdo rje sems dpa' sangs rgyas kun gyi dngos// dus gsum bde bar gshegs pa'i bshes gnyen te// sprul pa zhi khro mang po'i 'byung gnas gtso// 'gro ba'i don phyir mchod kyis bshegs su gsol// thub pa chen po ye shes sgron 'bar bar// nyi zla lta bur sgrib pa sel mdzad cing // yon tan mchog gis brgyan cing bklubs pa'i mgon// mchod gnas dpal zhing dam par gshegs su gsol// rin chen dbyig ltar shin du mdzes pa'i sku// mnyam nyid ye shes nam mkha'i dbyings ltar dag/ 'gro ba ma lus bsgral bar dam bcas la// bka' drin bsab phyir mchod kyis gshegs su gsol// chags rab don phyir ma lus dbang du sdud// rtogs pa ye shes thar

  443. 222a

    lam 'dren pa'i dpal// chu skyes kha 'bus 'gro ba'i yid bsgyur ba// drag po'i don phyir mchod kyis gshegs su gsol// ye shes mtshon chen dug gsum rtsad nas gcod// nan tan ye shes sprul pa phyogs bcur 'gyed// phrin las rnam bzhis 'gro drug bsgral ba'i phyir// mnyam pa'i don phyir mchod kyis gshegs su gsol// shes rab dbyings ma'i rigs kyi yul lnga'i ngang // chos dbyings ye shes nam mkhar gsal ba dang // gsang chen bde ba'i longs spyod rdzogs pa'i ngang // thabs kyi phyag rgyar rol cing gshegs su gsol// rtogs pa'i ye shes rigs kyi phyag rgya snang // thabs kyis ma rmongs phrin las mdzad pa'i rtags// thugs rje'i spyod pas yon tan mthar phyin pa// sems dpa' chen po mchod cing gshegs su gsol// phyi nang gnyis kyi lha mo dam tshig ma// phyag rgya bzhi yi ye shes gsal ba la// gar dang phyag rgyar rol cing dges mdzad de// gtso mchog thugs dam bskang phyir gshegs su gsol// ta kr-ita khro rgyal gdug pa gdul dka' 'dul ba'i phyir// thugs rje'i thabs kyis phyogs skyong zhabs kyis gnon// hUM dang phaT kyi 'brug sgra ldir ba las// brjod pa'i dus thabs 'gying zhing gshegs su gsol// gzhal yas phyogs bzhi'i ye shes bzhi yi dang // byams dang snying rje dga' ba btang snyoms tshul// thar

  444. 222b

    pa'i lam ston yang dag dbyings la dgod// sgo skyong spyan 'dren mchod kyis gshegs su gsol// sku gsung thugs las sprul pa'i pho nya mo// phrin las rnam bzhi rdzogs par mdzad 'tshal gyi// ye shes skar ltar 'khrugs pa'i dkyil 'khor 'dir// dam tshig rjes dgongs mchod cing gshegs su gsol// de nas zhi bsdus spyan drangs pa// yod med stong pa shin tu rnal 'byor mthu// nam mkha' bzhin las dam tshig nye bar gshegs// bde gshegs bde bar gshegs pa bzhengs su gsol// rdo rje sems dpa' skal bzang dpal khyod bdag/ e h+ye hi b+ha ga wAn/ ma hA kA ru Ni ka dr-i sh+ya ho// sa ma ya ho// rtsa sngags phyag rgya bzhi ldan pas// dzaHhUM baM hoHsa spyan drang ngo // phyag rgya bzhis kyang spyan drang pa// thugs rje lcags kyus thugs kyi rgyud bskul zhing // byams pa'i zhags pas gnas nas spyan drangs te// bka' yi lcags sgrog pho nyas gnas stobs la// bde gshegs bzhugs shing rnam grol dges pa bskyed// oM badz+ra sa ma ya A kaR+Sha ya/ sarba maN+Dal/ badz+ra tu s+ya ma ti kra ma/ dzaHhUM baM hoHphyag rgya bzhis ni spyan drangs pas// gzhal yas nang du byon par bsam/ las gyi phyag rgya las la bzhugs gsol ni// rin chen seng ge'i gdan la yang dag nges bzhugs pa'i// rang gi lha mo dag dang g.yog dang 'khor du bcas// kun tu bzang po'i smon lam rjes

  445. 223a

    su dgongs mdzad de// 'jig rten lha mir bcas la sman slad las la bzhugs// stobs kyi glang po khri la yang dag nges bzhugs shing // rang gi lha mo dag dang g.yog dang 'khor du bcas// kun tu bzang po'i smon lam rjes su dgongs mdzad de// 'jig rten lha mir bcas la sman slad las la bzhugs// rdzu 'phrul rta yi khri la yang dag nges bzhugs shing // rang gi lha mo dag dang g.yog dang 'khor du bcas// kun tu bzang po'i smon lam rjes su dgongs mdzad de// 'jig rten lha mir bcas pa sman slad las la bzhugs// dbang gi rma bya'i khri la yang dag nges bzhugs shing // rang gi lha mo dag dang g.yog dang 'khor du bcas// kun tu bzang po'i smon lam rjes su dgongs mdzad de// 'jig rten lha mir bcas la sman slad las la bzhugs// thogs med mkha' lding khri la yang dag nges bzhugs shing // rang gi lha mo dag dang g.yog dang 'khor du bcas// kun tu bzang po'i smon lam rjes su dgongs mdzad de// 'jig rten lha mir bcas la sman slad las la bzhugs// lag gi 'du byed phyag rgya yis// stangs tshul bya zhing rigs lnga yi// yab yum bzhugs su gsol ba ni// mi bskyod nyi ma'i dkyil yi ge// rin chen zla ba'i dkyil yi ge// lnga gnyis zung du 'phros pa yis// sbyar bas phyag rgya 'byung ba'i rgyu// oM badz+ra any+dza li/ hUM dang

  446. 223b

    mAM gnyis rtse sbyar te// 'bru brgyad bsnol nas rtse sprad pa// rgyal ba kun dang mnyam sbyor ba'i// bde ba chen po'i sbyin pa'i rgya// oM su ra ta ban+d+ha hUM/ 'bru bzhi sbas nas thugs kar bkan// oM bsgreng rtse mor 'khor lo 'bar// zla brtul 'bru sbas dril gsil zhing / 'khril ba'i tshul du chos la brten// oM dzi na dzi ka/ 'bru bzhi sbas nas thugs kar bkan// lAM bsgreng rtser mor dril gsil zhing // nyi ma 'bru lnga las su 'khril// btud te 'dzum pa'i mdangs kyis blta// lAM dwe Sha ra ti/ 'bru bzhi sbas nas thugs kar bkan// hUM bsgreng rtse mor rdo rje 'bar// zla brtul 'bru sbas dril gsil zhing // 'khril ba'i tshul gyis chos la brten// hUM badz+ra d+h+r-ika/ 'bru bzhi sbas nas thugs kar bkan// mAM bsgreng rtse mor dril gsil zhing // nyi ma 'bru lnga las su 'khril// btud de 'dzin pa'i mdangs kyis blta// mAM d+hA tI shwa ri/ 'bru bzhi sbas nas thugs kar bkan// swA bsgreng rtse mor rin po che// zla brtul 'bru sbas dril gsil zhing // 'khril ba'i tshul gyis chos la brten// sA rat+na d+hi ka/ 'bru bzhi sbas nas thugs kar bkan// nyi ma 'bru lnga las su 'khril// btud de 'dzum pa'i mdangs kyi blta// mAM mo ha ra ti/ 'bru bzhi sbas nas thugs kar bkan// oM bsgreng rtse mor pad+ma 'bar// zla brtul 'bru sbas dril gsil zhing // btud de 'dzum pa'i mdangs kyi

  447. 224a

    blta// aM A ro li ka/ 'bru bzhi sbas nas thugs kar bkan// b+haM bsgreng rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// pyaM rA ga ra ti/ 'bru bzhi sbas nas thugs kar bkan// hA bsgreng rtse mor ral gri 'bar// zla brtul 'bru sbas dril gsil zhing // 'khril ba'i tshul gyis chos la brten// hA pradz+nyA d+h+rika/ 'bru bzhi sbas nas thugs kar bkan// bsgreng rtse mo dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// tAM badz+ra ra ti/ kun bzang mnyam gzhag ye shes 'phro// yum gyur mnyan rdzogs dpa' mo'i dkyil// yang na rdo rje thal mo nyid// yang na de bzhin gshegs pa nyid// hUM hUM hUM/ badz+ra tsit+ta hUM/ a a a badz+ra b+ha dra sa man+ta a/ pi wang sdeb pa ltar byed pa// lha yi thub pa'i phyag rgya yin// oM mu ni kr-i swA ha/ go cha 'dzin pa ltar byed pa// lha min thub pa'i phyag rgya yin// oM mu ne hUM traM swA hA/ gseg par 'dzin par ltar byed pa// mi yi thub pa'i phyag rgya yin// oM mu ne sraM swA hA// pu ti chos 'chad phyag rgya ni// byol song thub pa'i phyag rgya yin// oM mu ne praM swA hA/ rin chen sgrom bu kha 'byed ni// yi dwags thub pa'i phyag rgya yin// oM mu ne k+ShaM swA hA/ me 'bar chu blug lag gnyis ni// dmyal ba'i thub pa'i phyag rgya yin// oM mu ne ye swA hA//

  448. 224b

    sa snying rin chen myu gu 'bar// gzugs ni sgeg mo me long 'dzin// k+Shi hi rA dza ya/ hUM lA s+ye sa ma ya s+t+waM/ nam mkha'i snying por ral gri 'dzin// dri ni rin chen phreng ba ma// tAM A gar+b+hA ya/ tAM ma l+ye sa ma ya s+t+waM/ spyan ras gzigs dbang pad+ma dkar// ro ni pi wang glu len ma// hrIHpad+ma pa dam/ hrIHgi ti rA gony+dza haM/ phyag na rdo rje rdo rje 'dzin// sgra ni phyag na gar byed ma// dzi ku ru ban+d+ha hrIH/ a nr-i ti rA ga ya mi/ byams pa phyag na klu shing 'dzin// 'das pa dpyid ni spos me ma// me d+ha ra Ne swA ha/ dza d+hA pa pra be pa// sgrib sel chos kyi 'khor lo dang // da lta dbyangs ni me tog ma// b+hI nisma raM b+ha ya swA hA/ hUM puSh+pa A be sha/ kun bzang rin chen ste ma 'dzin// 'byung ba ston te mar me ma// hUM sa rA dzA ya/ baM dI ba su gI ri/ 'jam dpal phyag na ut+pa la// ma 'ongs dgun ni dri chab ma// muM shrIHaM rA gA ya/ ho gan+d+he tsit+ta ho// gshin rje mi mgo'i dbyug pa 'phyar// 'gugs byed lcags kyu phyag na 'dzin// hUM ya mAn ta kr-i ta phaT/ oM badz+ra d+ha ra ma hA kro d+hI shwa ri dza la ni hUM phaT/ rnam par rgyal ba rdo rje gnon// 'ching mdzad phyag na zhags pa bsnams// hUM big+h+nAM ta kr-i ta phaT/ oM ma hA rat+na d+ha ra ma hA kro d+hi shwa ra dza la ni hUM phaT/ rta mgrin phyag na thod sbrul gnon// sdom byed phyag na lcags sgrog bsnams// hUM pad+man+ta kr-i ta phaT/ oM ma hA pad+ma d+ha ra ma hA kro d+hi shwa ri dza la ni hUM phaT/

  449. 225a

    bdud rtsi 'khyil pa rgya gram bsnams// dgyes mdzad ma ni dril bu 'khrol/ oM pra dz+nyAn+ta kr-i ta phaT/ oM ma ha karma d+ha ra ma ha kro d+hi shwa ri dza la ni hUM phaT/ phyag rgya'i mchod pa sna tshogs kyis// dkyil 'khor thugs dam bskang gyur cig/ rgyal sras mchod pas mnyes gyur nas// mthar phyin dngos grub stsal du gsol// oM be ro tsa na oM// oM badz+ra ak+Sho b+h+yaHhUM/ oM rat+na saM b+ha wa tAM/ oM a mi tA b+ha hrIH/ oM a mo g+ha sid+d+hi hA/ rdo rje khu tshur bcang pa ni// sangs rgyas rnams kyi ye shes 'jug/ mi g.yo ba yi rgya bcings pas// yid ni g.yo ba med par gnas// rin chen 'byung ba'i rgya bcings pas// gzhan la phan pa byed par 'gyur// dam chos phyag rgya myur ba ni// chos kyi dbyings 'khor rab tu bskor// mi 'jigs mchog gi phyag rgya ni// sems can kun la mi 'jigs sbyin// las kyi phyag rgya 'di rnams kyis// ji ltar 'dod par rnam sprul nas// ma lus lus pa med par 'grub// de nas sems dpa' bcu drug gi/ las kyi phyag rgya las rnams bzhugs/ badz+ra sa twa hUM/ badz+ra rA dza hUM/ badz+ra rA ga hUM/ badz+ra sA d+hA hUM/ shin tu 'bigs pas rdo rje'o// mchog tu sbyor bas lcags kyu'o// phra mor 'bigs pas mda' yin te// mgu bas dges par byed pa'o// oM badz+ra rat+na tAM/ oM badz+ra sUr+ya tAM/ badz+ra ke tu tAM/ badz+ra ha sa ha/ sgrub pa rin po cher bshad de// nyi

  450. 225b

    ma gzi brjid ces su brjod// bsgreng bas rgyal mtshan cher bstan te// bzhad pa bzhad pas bzhes su grags// oM badz+ra d+harma hrIH/ badz+ra tIk+Sha hrIHbadz+ra tsakra hrI/ badz+ra b+ha Sha hrIH/ 'dod chags dag pas pad+mo ste// nyon mongs dgra gcod ral gri'o// dkyil 'khor tshol du 'khor lo ste// tshig tu brjod pas smra zhes bya'o// oM badz+ra karma hA/ badz+ra rak+Sha hA/ badz+ra yak+Sha hA/ badz+ra san b+hi hA/ sna tshogs thams cad rdo rje'i phyir// mi tshugs bsrung bas cho ga'o// 'jigs par sbyor bas mche ba ste// bcings pa'i tshul gyis khu tshur ro// de nas dam tshig phyag rgya yis// dngos grub ma thob par du ni// las ma grub gyi bar dag tu/ brtan par bzhugs su gsol ba ni// bde chen dbyings nas rgyal ba'i skur bzhengs shing // thugs brtser ldan pa'i ye shes gdung ba yis// byams pa'i zhal bzang bdag la bstan pa dang // ma bsgribs spyan gyis bdag la gzigs su gsol// rtse gcig 'dud pa'i rdo rje lcam dral la// kun nas byin gyis rlob cing skyob pa dang // mi gnyis don kun dngos grub mchog rnams kun// bdag la stsal cing brtan par bzhugs su gsol// oM AHhUM swA hAHsa ma ya s+t+waM sa ma ya ho// sa ma ya hUM/ tiSh+Tha badz+ra/ bsdus nas mnyam sbyar gzhug pa ni// ye shes 'khor lo sku gsung thugs// yon tan phrin las rmad po che// de nyid du ni mnyam sbyar

  451. 226a

    ba'i// phyag rgya chen po bdag sbyor cig/ oM tsakra sa ma ya oM// gsung thugs yon tan phrin las bzhi// 'khor lo'i tshul mchog bzhin du sbyar// lha rnams kun gyi ting 'dzin ni// rang gi snying gar brtan par bzhag/ las dang dam tshig phyag rgya yis// 'khor tshogs yan chad ma rdzogs na// gtso bo rigs lnga dag la 'dus// de nas phyag gi phyag rgya yis// rigs lnga so sor phyag rgyar gsungs// ma skyes rdo rje thabs kyi ye shes ni// dmigs med shes rab yum gyi ngang du gsal// thugs rje'i bye brag sna tshogs cir yang ston// rdo rje sems dpa' che la phyag 'tshal lo// chos sku nam mkha' bzhin du dbyer med kyang // gzugs sku 'ja' tshon bzhin du so sor gsal// thabs dang shes rab mchog la mnga' brnyes pa'i// rigs lnga bde bar gshegs la phyag 'tshal lo// dmigs med chos kyi sku la phyag 'tshal lo// longs spyod rdzogs pa'i sku la phyag 'tshal lo// cir yang sprul pa'i sku la phyag 'tshal lo// khams gsum zhing du sbyor la phyag 'tshal lo// mdzes ma'i sku mchog 'gro ba sgrol la mkhas// ngo mtshar pho brang bde bar gshegs pa'i yum// shes rab thabs kyi gtso la mnyes mdzad ma// rigs kyi yum mchog rnams la phyag 'tshal lo// thabs mkhas thugs rjes ye shes sprul pa'i sku// rang rgyud rnal 'byor dag pas grub

  452. 226b

    pa'i sa brnyes ma// thugs rje chen pos 'gro ba'i don mdzad pa'i// sems dpa' sems ma rnams la phyag 'tshal lo// byams dang snying rje dga' dang btang snyoms kyis// nyon mongs log par lta ba'i dgra rnams 'joms// gshin rje gshed po la sogs khro bo bzhi// sgo ba yab yum rnams la phyag 'tshal lo// a ti pu ho// pra tIts+tsha ho// a la la ho// de nas rigs lnga bsdus phyag 'tshal lo// rdo rje sems la phyag 'tshal ni// mi bskyod pa ni ye shes che// rdo rje dbyings kyi mtshon chen po// rdo rje gsum mchog dkyil 'khor gsum// gsang ba gsum la phyag 'tshal lo// rnam par snang mdzad phyag 'tshal ni// rnam par snang mdzad dag chen po// rdo rje zhi ba dges pa che// rang bzhin gyis ni 'od gsal mchog/ rdo rje'i ston la phyag 'tshal lo// rin chen 'byung ldan phyag 'tshal ni// rin chen rgyal po rab tu zab// rdo rje nam mkha' dri ma med// dngos gnyis dag pas dri ma med// gsang ba gsum la phyag 'tshal lo// rdo rje chos la phyag 'tshal ni// rgyal chen rdo rje snang mtha' yas// rnam par mi rtog rdo rje'i mkha'// 'dod chags pha rol phyin brnyes pa'i// rdo rje'i gsung la phyag 'tshal lo// las kyi rigs la phyag 'tshal ni// rdo rje don grub rdzogs sangs rgyas// bsam pa thams cad yongs rdzogs pa// rang bzhin dag pa nyid las byung // rdo rje sems

  453. 227a

    la phyag 'tshal lo// byang chub mchog dang sa gnon dang // sbyin gtong mnyam gzhag mchog sbyin gyi// phyag rgya lnga ni rab bcas nas// ting 'dzin phyag rgya sngags tshig ldan// a ti pu ho// ta thA ban+da nang+ka ro ya mi/ ma hA yo gi pa ti a la la ho// de nas lha mor gar tshogs ni// stangs tshul gar sngags tshigs bcad sbyar// oM su ra ta ma hA ang+ku sha su khe dzaH/ oM su ra ta ma hA pA sha su khe hUM/ oM su ra ta ma hA s+pho Ta su khe baM/ oM su ra ta ma hA g+har+b+ha su khe hoH/ rdo rje lcags kyu mkha' dbyings skul byed thugs rje'i ngang // byams pa'i zhags pas 'gro don las la gzhug/ dga' ba'i lcags sgrog 'khor bar ji srid brtan// so sor chos ston btang snyoms dril bu'i ngang // oM su ra ta badz+ra ma nor+N+Na wa ho/ oM su ra ta badz+ra kI li kI la ya/ oM su ra ta badz+ra me tri hri/ oM su ra badz+ra gar+b+he hUM/ yul med sems rtogs mos byed dam tshig ma// bdag ltar ma skyes gsod byed phyag rgya'i sku// sgrib gnyis rmongs byed chos kyi phyag rgya ma// byed pa gar tshul sprul pa myong byed las// hUM lA s+ye sa ma ya staM/ traM mA le sa ma ya ho/ hrIHgI ti rA gony+dza haM/ aM nirti rA ga yA mi// shin tu sgeg pas gzi brjid 'bar// yid bzhin rin chen phreng ba 'bar// dbyangs snyan yid 'phrog gzi ldan 'bar// gzugs mdzes bskyod pas phyogs bcur g.yo// dzaHd+hu pe pra be sha/ hUM puSh+pe A be

  454. 227b

    shapaM dI pa su gi ri/ ho ga na d+he tsit+ta/ kun tu tshims byed bro bsrung tshims// blta mdzes rin chen phung por 'phro// 'od gsal 'phros pas kun tu gsal// bdud rtsi bsil dro 'jam pa'i dbyangs// de nas bstod pa'i mchod pa ni// glu yi ye shes rgyan 'dis mchod// bde ba las 'khrungs rdo rje 'chang // dngos med 'byung gnas chen por mkhyen// gang du dang po rnam par snang mdzad ni// dri med blo yis oM du sprul// gzugs mang tshul gyi phreng bas bskor ba ni// sgyu 'phrul dra ba khyed la phyag 'tshal lo// gzugs brnyan yi ge kun la khyab pa yis// spros med gsung du 'jig rten dbang phyug bzhugs// me gsung lha mo dam bcas 'dul mdzad pa// rdzu sgyu 'phrul tshul yang ldan pa 'ga' ma mchis kyang 'dug 'phrul tshul mang dga' ldan dga' ma mchis// gang du bde chen rang bzhin rjes chags pa// na chung dag dang lhan cig rjes chags zhugs// g.yas kyi phyag gis rdo rje gsor nas kyang // g.yon gyi phyag gis dril bu'i sgra snyan 'khrol// lha mo mtha' dag btsun mor gyur pa yis// dam tshig rnams kyi bya ba byas par 'gyur// gcig gi lag pas kun la 'jus pa ste// gnyis pa rjes su chags shing bde ba'i mthu// gsum pa mi zad rin chen phreng bas tshor// bzhi pa bde ba'i mtha' yis 'phen pa de// gang zhig glu ni len par byed pa dag/ rdo rje bde ba

  455. 228a

    can dang mnyam par 'gyur// ting nge 'dzin gyi drod nyul bas// rnal 'byor ting 'dzin bsgom mi bsgom// nyul bas gsal zhing bkra bar bya// mi ldan zhes pas bsam yas mchod// rgyud kyi rgyal po kar ma mA le las// gsal bkra'i dkyil 'khor bstan pa'i le'u ste bzhi pa'o// // de nas bcom ldan 'das zhe sdang rdo rje dkyil 'khor thams cad kyi bdag pos thim pa'i dkyil 'khor 'di gsungs so// de yang mchod dang smon lam gnyis// mchod pa'i tshogs rnams 'bul ba ni// yon tan lha mo'i mchod pa dang // yan lag kun 'byung ting nge 'dzin// gzhal med rgyan rnams phun sum tshogs// sprin bkod yongs su bsngo ba dang // 'khor los sgyur rgyal rgyal srid dang // sku gsung thugs yon phyag rgya bzhi// nyon mongs lnga yi mchod pa dang // phyag rgya drug las 'dod yon lnga// nan tan sbyor ba'i mchod pa dang // thabs dang shes rab gsang ba dang // bdud rtsi sman gyi mchod pa dang // phung po lnga yi mchod pa dang // lus la sman lnga'i mchod pa dang // dbang po reg bya'i mchod pa dang // kun tu bzang po'i mchod pa dang // bstod pa glu yi mchod pa dang // rnam par mi rtog don gyi mchod// bcu bdun phyir bsdus dbul ba ni// phyag rgya bzhi ni shes par bya// yon tan lha mo'i mchod pa ni// spos kyi sprin lding bdug pa

  456. 228b

    mo// rgyal ba'i dkyil 'khor bdug pas 'gengs// byams pa'i thabs dang shes rab la// badz+ra d+ha pe mchod par rol// hUM badz+ra d+ha pe d+ha/ ut+pal mthing ga me tog 'thor// zla gam rin chen 'phro 'dur gsal// snying rje'i thabs dang shes rab la// badz+ra puSh+pe mchod par rol// oM puSh+pe pu/ dbang gi phyag ni sgron me bsnams// chos kyi rgyal mtshan 'bar ba 'dzin// dga' ba'i thabs dang shes rab la// badz+ra A lo ke mchod par rol// oM badz+ra A lo ke hrIH/ tsan+dan bdud rtsi'i char 'bebs ma// dkyil 'khor gsang ba'i thig ler dben/ btang snyoms thabs dang shes rab la// badz+ra gan+d+he'i mchod par rol// badz+ra gan+d+he gan// phyi yi mchod pa'i rnam pa ni// tshad med bzhi dang rnam par sbyor// stabs dang gar byed glu dbyangs len// dkyil 'khor kun la mchod par 'bul// oM na maHsarba ta thA ga ta d+hA pe puSh+pe A lo ke gan+d+he pu dza me g+ha sa mu dra s+pha ra Na sa ma ye hUM/ sdug pa sgeg mo rdo rje'i spyan// sems dpa' sngon mo'i ye shes 'bebs// me long lta bu'i ye shes la// badz+ra lA skye mchod par rol// oM badz+ra lA s+ye hUM/ yid bzhin rin chen gtsugs phreng ma// 'jam dpal rnon po'i dngos grub 'dzin// badz+ra mA le mchod par rol// oM badz+ra mA le trAM// pad+ma dbyangs mkhan rma bya'i mgrin// spyan ras gzigs dbang dngos grub 'dzin// so sor rtog

  457. 229a

    pa'i ye shes la// badz+ra gi tI'i mchod par rol// oM badz+ra gi ti hrIH/ gar mkhan 'gying ba gzi ldan ma// las kyi 'khor lo rnam par 'joms// bya ba nan tan ye shes la// badz+ra nirti mchod par rol// badz+ra nirti a/ nang gi mchod pa dam pa ni// ye shes bzhi dang mnyam par sbyor// rkang stabs lag gar glu dbyangs len// dkyil 'khor lha la mchod par 'bul// oM na maHsarba ta thA ga ta lA s+ye gI tI nirti pU dza me g+ha sa mu dra s+pha ra Na sa ma ye hUM/ yan lag kun 'byung bdud rtsi ni// mchod pa'i phyag rgya chen po ni// sems kyi yid bzhin sprin tshogs kyis// phyogs bcu thams cad sangs rgyas zhing // mnyen 'jam reg na bde ba yi// sna tshogs rin po che yi gzhi// mdzes par bris shing spras pa dang // kun 'byung rin chen phung por 'bar// traM/ dbyibs legs rdzing bu ro mchog bsil// khaM/ b+h+raM rin chen khang pa sna tshogs dang // rgyan dang dpag bsam ljon pa'i tshal// hrIH/ glu dbyangs tshigs su bcad pa'i sgra// tAM/ bla re rgyal mtshan na bza' gdugs// do shal dpung rgyan se mo do// a/ bza' dang btung ba'i mchog rnams dang // rang la mdzes par brgyan pa yi// lha dang lha mo rdul snyed kyis// bro gar glu tshigs bsam yas kyis// phyogs bcu nam mkha'i khams bkang nas// dkyil 'khor kun la rgyas par 'bul// ma b+h+rUM traM hriHa//

  458. 229b

    oM na mo rat+na tra yA ya/ na mo b+ha ga wa te badz+ra sA ra pra marda ne/ ta thA ga tA ya/ ar+ha te/ samyak+saM bud+d+hA ya/ tad+ya thA/ oM badz+re badz+re/ ma hA badz+re/ ma hA te dza badz+re/ ma hA bid+yA badz+re/ ma ha bo d+hi tsit+ta badz+re/ ma ha bo d+hi maN+Do pa saM kra ma Na badz+re/ sarba karma A ba ra na bi sho d+ha ni badz+re swA hA// gzhal med rgyan rnams phun sum tshogs// ku rtsi dang ni gsan 'gag dang // dar dir dar ni sil snyan dang // yo byad dang ni ting 'dzin dang // lag stongs phyag rgya mthun par bya// lag gnyis sil snyan brdung ba dang // dung dang gling bu 'bud pa dang / lag pa gnyis ni rnga yab g.yab// bsil yab tshul gyis bsil yab dang // khu tshur gnyis ni rgyal mtshan bya// 'byon tshul bskyod pas ba dan phyar// tshon 'gye tshe na lcug phran ltar// bskyod cing mtshon phye phreng ba 'gyed// lag g.yon snod kyi tshul byas pa// g.yas pa yi ni lha bshos dbul// lag pa bla 'og gnyis bzhag ste// khang pa brtsegs par bzhugs gnas bya// gos kyi tshul gyi gos rnams dang // gdu bu do shal dpung rgyan dang // rna cha khams lnga rnams su bzhag/ de dag gdugs kyi tshul byas la// lha rdzas gdugs legs par gzug/ bsam gtan tshul gyi lag pa dag/ nam mkha' la ni mdzes bskor zhing // sangs rgyas zhing rab 'gengs byed pa'i// bla re rnam pa sna tshogs byung // sor mo gar gyi phreng ba las// bskyod

  459. 230a

    pas rin chen 'phan rnams gdags// gar gyi phreng ba sna tshogs kyis// grwar ni pad+ma'i phreng ba bri// lag pa dril bu'i tshul byas la// dril bu g.yer kha'i dra bas brgyan// gsang sngags 'di yi cho ga bzhin// rdo rje dril bu gsil ba dang // sgo 'phar dag kyang dbye bar bya/ oM badz+ra g+haN+De ra Ni ta/ pra ra Ni ta/ saM pra ra Ni ta/ sarba bud+d+ha k+She tra pra tsa li ni/ pra dz+nyA pa rA mi tA nA da sam+b+ha we/ badz+ra d+harma hr-i da ya/ san+to Sha ni hUM/ de la sgo 'phar dbye ba'i bya// phyag rgya mdzub mos mdud pa dgrol// de nas mchod pa kun 'byung gi/ phyag rgya bca' ba 'di lta ste// g.yon gyi mtheb mdzub kho rang gi/ g.yas kyi sbom po gzhug par bya// bdag nyid byang chub sems bsgoms la// kun 'byung mchod pa sngags 'di 'bul// oM a nut+ta ra sarba pU dza me g+ha/ ung+ga te s+pha ra Na i maM ga ga na hUM swA hA// mchod pa sprin gyi phyag rgya ni// rang gi lag pa bla sa 'og/ sprin ltar btang ngo mchod par bya// sbyin bkod yongs su bsngo bar bya'o// de nas 'khor los sgyur ba yi// rgyal srid dag gi mchod pa ni// zhing 'di rin chen sna bdun gyis// mkhas pa rnams kyis yongs bskangs la// dngos grub 'bras bu bsgrub pa'i phyir// nyin re shes rab can gyis dbul// traM rat+na pU dza badz+ra swa b+hA wa At+ma ko&haM/ brjod pas 'khor lo rin po che// rta mchog glang po btsun mo dang // blon po nor bu

  460. 230b

    grangs med pas// bdag nyid 'khor los sgyur rgyal bsgom// rgyal srid phangs pa med par dbul// sku gsung thugs dang yon tan dang // phrin las lnga yi mchod pa ni// srid gsum sems can thams cad kyi// dge dang sdig pa'i las spyad pas// thams cad sangs rgyas mdzad spyod de// las kyi mchod par bzhes su gsol// oM sarba ta thA ga ta karma pA dza hUM/ srid gsum sems can thams cad kyi// gzugs la sogs pa 'dod rnams dang // chags las gyur pa'i bde ba de// sangs rgyas rnams la phul gyur nas// rdo rje rin chen 'dra bar 'gyur// oM sarba ta thA ga ta a nu rA ga ta pA dza hUM/ nam mkha'i mtha' klas 'jig rten na// snang zhing srid pa'i gzugs rnams kun// phyag rgya sna tshogs dkyil 'khor la// sku mchog phyag rgya'i mchod par bzhes// oM sarba ta thA ga ta kA yA pU dza hUM// nam mkha'i mtha' klas 'jig rten na// sgrar grags pa ni ji snyed rnams// thams cad ma lus sngags kyi tshig/ gsung mchog chos kyi mchod par bzhes// oM sarba ta thA ga ta wA ka pU dza hUM/ nam mkha'i mtha' klas 'jig rten na// sems can rnams kyi sems rtog rnams// ting 'dzin 'bum phrag sna tshogs la// dmigs pas dam tshig mchod par bzhes// oM sarba ta thA ga ta sa ma d+hi pA dza hUM/ phyag rgya bzhi dang mnyam sbyor na// las dang rin chen gcig tu bsdu// nyon

  461. 231a

    mongs lnga yi mchod pa ni// srid gsum sems can thams cad kyi// 'dod chags spyod pa'i las rnams kun// thams cad yab yum gnyis med sbyor// sbyor ba'i mchod par bzhes su gsol// srid gsum sems can thams cad kyi// zhe sdang spyod pa'i las rnams kun// rdo rje rigs kyi mdzad spyod de// sgrol ba'i mchod par bzhes su gsol// srid gsum sems can thams cad kyi// gti mug spyod pa'i las rnams kun// bde gshegs rigs kyi mdzad spyod de// rtog med mchod par bzhes su gsol// srid gsum sems can thams cad kyi// nga rgyal spyod pa'i las rnams kun// rin chen rigs kyi mdzad spyod de// ting 'dzin mchod par bzhes su gsol// srid gsum sems can thams cad kyi// phrag dog spyod pa'i las rnams kun// las kyi rigs kyi mdzad spyod de// dam tshig mchod par bzhes su gsol// oM mu nu ha la pany+tsa pU dza swA ha/ de nas phyag rgya drug las ni// 'dod yon lnga rnams dbul bar bya// mdo dang rgyas dang bsdus par ni// rim pa bzhin du dbul bar bya// ting 'dzin bdug pa rnam grol me tog 'phro// shes rab mar me dri chu tshul khrims dang // bdud rtsi mya ngan 'das mchog ro yi bcud// oM d+hA pa puSh+pe A lo ke gan+d+he nai wid+yA hUM/ chos nyid rang bzhin dag par ni// dri ma'i mtshan ma mi mnga'

  462. 231b

    yang // 'jig rten sri zhu'i tshul gyis su// phyag dang zhabs ni bsil mdzad nas// rdo rje'i gdan la bzhugs su gsol// oM badz+ra A ha ra pU dza me g+ha sa ma ye hUM/ de nas ar+g+haM bzhugs su gsol// de nas bdug spos dbul ba ni// ting 'dzin mchog gi rang bzhin las// dri yi 'dug pa'i lha rdzas 'di// bdag gis dad pas 'bul lags kyi// bzhes te dngos grub stsal du gsol// oM sarba ta thA ga ta d+hA pe pU dza ya s+pha ra Na sa ma ye hUM/ de nas me tog dbul ba ni// byang chub yan lag mchog gi rgyan// kha dog dbyibs legs me tog 'di// bdag gis dad pas 'bul lags kyi// bzhes te grub mchog stsal du gsol// oM sarba ta thA ga ta badz+ra puSh+pe pu dza ya s+pha ra Na sa ma ye hUM/ de nas mar me dbul ba ni// shes rab mchog gi rang bzhin las// snang zhing gsal ba'i zhun mar 'di// bdag gis dad pas 'bul lags kyi// bzhes te grub mchog stsal du gsol// oM sarba ta thA ga ta badz+ra A lo ke pU dza ya s+pha ra Na sa ma ye hUM/ de nas dri chab dbul ba ni// rnam dag tshul khrims rang bzhin las// khrus kyi yon mchog dri 'di dag/ bdag gis dad pas 'bul lags kyi// thugs rjes dgongs nas bzhes su gsol// oM sarba ta thA ga ta badz+ra gan+d+he pU dza ya s+pha ra Na sa ma ye hUM/ de nas lha bshos dbul ba ni// mya ngan las mchog rang bzhin la// bcud len bro

  463. 232a

    mchog zhal zas 'di// bdag gis dad pas 'bul lags kyi// bzhes te grub mchog stsal du gsol// oM sarba ta thA ga ta badz+ra ne wi d+ya pU dza ya s+pha ra Na sa ma ye hUM/ gzugs la rnam gsum shes byas nas// mchod pa byed pas mnyes par bya// de nyid bcom ldan sna tshogs pa// sangs rgyas rnam par snang mdzad zhi// oM badz+ra rU pa AHhUM/ dri la rnam gsum shes bya ste// lha rnams la ni dbul bar bya// de nyid bcom ldan sna tshogs pa// sangs rgyas rin chen 'byung gnas gtso// oM badz+ra d+ha pa AHhUM/ sgra la rnam gsum shes byas nas// sangs rgyas sogs la dbul bar bya// de nyid bcom ldan sna tshogs pa// 'dod chags chos kyi 'byung gnas gtso// oM badz+ra shab+da aHhUM/ ro la rnam gsum shes byas nas// lha rnams la ni dbul bar bya// de nyid sangs rgyas sna tshogs pa// sangs rgyas thogs med rdo rje 'dzin// oM badz+ra bi Ni AHhUM/ reg la rnam gsum shes byas nas// bdag gis rigs la dbul bar bya// de nyid bcom ldan rdo rje can// mi bskyod pa yi tshul brnyes so// oM badz+ra swaR+She AHhUM// gzugs sgra ro la sogs pa la// rtag tu sems ni sbyang bar bya// lha nyid du ni rtag tu bsgom// rigs kyi tshul du rnam par bsgom// gzhan yang rgyas par rab bya ste// mchod pa dbul bar bya ba ni// lag pa gnyis ni bsnol byas nas// gung mo gnyis ni

  464. 232b

    nang du bkug/ rgyab sbyar mthe bong ngo sbyar te// mthe'u chung rtse sprad gung mo ni// spyi bor btsugs la dbyangs kyis dbul// 'byung ba kun la nam mkha' ni// 'byung ba chen po lnga po ste// nam mkha' la ni 'dod pa 'byung // 'dod pa'i mchod pa grub gyur cig/ oM sarba ta thA ga ta ga ga na pU dza badz+ra swa b+ha wa At+ma ko&haM/ bdag gi lus dang srid pa yi// zhal zas rdul phran bzhin lhags te// 'dod yon lnga ru gyur par bsam// de nas sor mo gzhan bsnol te// mdzub mo mthe bong rtse sprod de// gdong gi thad kar lan gsum bskor// hUM gzugs ni lag gnyis me long 'dzin// gzugs mdzes spyod pas phyogs bcur g.yo// shin tu sgeg pa'i gzi brjid 'bar// gzugs kyi lha mo spyan la thim// oM mo ha ra ti oM// rang gzugs dam tshig dag gis mchod// de 'og sor mo gzhan bsnol la// mdzub mo gnyis ni rtse sprad la// tshigs pa dang po nang du bcag/ mthe bong gnyis gzhibs tshogs mar bkan// dpral ba'i thad kar bsnol nas bca'o// sgra yi lag gnyis pi wang ste// bde ba'i sgra snyan phyogs bcur sgrogs// dbyangs ldan yid 'ong gzi ldan 'bar// sgra yi lha mo snyan la thim// oM rat+na ra ti tAM/ rang sgra'i dam tshig mchod par bsam// de 'og sor mo gzhan bsnol la// mdzub mo gnyis ni so sor bsgreng // bar ma'i tshigs

  465. 233a

    gnyis yid tsam bkug/ mthe bong gnyis gzhibs rab tu bsgreng // dri ni lag gnyis spos bsnams te// spos kyi sprin lding bdug pa mo// kun tu tshims byed dri bsung thim// dri yi lha mo shangs la thim// oM ra ti badz+ra AH/ rang dri dam tshig mchod par bsam// de nas lag pa gnyis bsnol te// mdzub mo gnyis ni so sor bsnol// tshigs bkug pad+mo 'dra bar bya// mthe bong gnyis bsnol mdzub mo gnyis// drung du btsugs te kha thad bskor// ro ni lag gnyis snod bsnams te// bcud lan bro mchog lnga brgyar 'phro// bdud rtsi bsil dro 'jam pa'i dbyangs// ro yi lha mo ljags la thim// oM Ar+ya da ra hri// rang ro dam tshig mchod par bsam// de 'og sor mo gzhan bsnol la// gung gnyis gzhibs bsgreng snying gar bskor// reg ni rdo rje yongs 'khyud ma// mnyen 'jam reg bde 'khril khyab sbyor// kun tu sbyor ba'i bde ba de// reg gi lha mo sku la thim// oM de Sha ra ti hUM/ rang reg dam tshig mchod par bsam// 'dod pa'i yon tan drug rnams kyis// mchod na sangs rgyas sras bcas mnyes// de nas nan tan sbyor sgral ba'i// mchod pa dam pa dbul bar bya// rigs lnga so so'i bsnyen pa ni// phreng ba 'dren pa'i tshul bskor zhing // cho ga rnam gsum tshul tshogs nas// thabs dang shes rab gnyis med pa'i// gsang ba'i mchod pa

  466. 233b

    bde bzhir rol// srid gsum sems can thams cad kyi// sems kun yum gyi mkha' la bsdu// yab yum byang sems dbang bskur nas// kun tu 'od kyi sar bkod de// longs spyod rdzogs pa'i skur bsgral nas// srid pa'i 'khor ba kun stongs pas// srid pa'i sems can ma lus kun// bdag sras sangs rgyas rigs lngar bskyed// sbyor ba'i mchod pa 'di skad 'bul// thabs dang shes rab mnyam pa'i ngang nyid las// byang chub sems sprin sgrol mar 'phros pa las// sangs rgyas byang chub nyan thos rang rgyal dang // bdud dang mu stegs 'gro ba mtha' dag ni// bsdus nas mkha' dbyings gsang ba'i dbang bskur te// sku gsum sa la bkod pa mnyes pa'i mchod pa yin// oM sarba ta thA ga ta pU dza badz+ra sa b+ha wa At+ma ko&haM/ au bde chen yum gyi b+ha ga ru// khams gsum sems can ma lus pa// 'dod khams 'gro drug yi ger thim// gzugs khams bsam gtan oM la thim// gzugs med shes rab a la thim// sku gsum 'bru gsum nyid la thim// 'khor 'das bde ba chen po'i zhing // mnyes pa'i mchod par bzhes su gsol// bo d+hi tsit+ta pU dzA ya pU dzA ya hAM/ bdag gi lus las byung ba yi// phyir ldang au las 'dod yon mchod// nang 'jug hUM gi dngos grub len// khong gnas a yis chos skur rtogs// 'bru gsum sku

  467. 234a

    gsung thugs su bsgral// sgrol ba'i mchod par bzhes su gsol// ta na ba d+hi ti pU dzA ya pU dzA ya hUM/ las dang mchod pa lan re re// sgrol sbyor mchod pa lnga zhes bya// rdzogs nas 'khor gyi lha mo dang // sems dpa' rnams kyang de bzhin bsnyen// de nas thabs dang shes rab kyi// gsang ba'i mchod pas mchod par bya// thams cad las byed sngags rnams la// gdon mi za ba'i bka' bsgo nas// las dang mchod pa'i dus su ni// las dang mchod pa'i dus 'grub phyir// lce thog rdo rje rgya gram bsgom// dkyil du yi ge ha bkod la// mthar ni sngags char yig 'bru ni// na mo bud+d+ha sarba bud+d+he b+h+yaH/ bkod nas bsgom par bya ba ste// las dang mchod pa ma lus pa// lus pa med par thams cad 'grub// thabs kyi rdo rje chen po dang // shes rab pad+mar rab sbyar bas// byang chub sems kyi rang bzhin ni// bde ba'i bsnyen pa mchog bde nye// bde bral sgrub dang lhan skyes che// thabs dang shes rab gsang ba yi// mchod pa dam pa dbul ba ni// thabs kyi snying rje chen po yis// sems can ma lus don du dbul// shes rab stong pa chen po yis// chos rnams rang bzhin rtogs par 'bul// sangs rgyas mchod pas mnyes gyur cig/ oM sarba pU dza me g+ha pU dzA ya pU dzA ya hUM/ de nas bdud rtsi sman gyi ni// mchod pa dam pa dbul bar bya// rang byung

  468. 234b

    gdod nas dag pa yi// rtsa brgyad stong las sbyar ba'i sman// rigs lnga dam tshig lnga yi dngos// ye shes lnga rdzogs grub pa'i rdzas// rgyud lnga'i sems can kun sgrol ba'i// dug lnga sel ba'i bdud rtsi ste// thams cad bdud rtsi'i rnal 'byor che// byang chub sems ni bdud rtsi che// pad+ma me tog yang dag ldan// ga pur shel gyi spos por dri// gtsang dme med pa'i dri med chu// rin chen me ltar 'bar ba'i tshogs// ma lus bsdus pa'i thig le ste// gcig tu dpa' bo'i ro rnams dang // gnyis su med par mnyam sbyor ba// 'chi med bdud rtsi ra sA yan// rgyal ba rgya mtsho kun gyi gsos// ji srid sangs rgyas thams cad dang // byang chub sems dpa' thams cad kyi// thugs dam dbyings nyid skul ba'i mchog/ sku gsung thugs kyi ngang nyid 'di// bdag cag dad pas 'bul lags ni// bzhes te kun tu dges mdzod la// phul bas dngos grub bdag la stsol// oM sarba ta thA ga ta ma hA ar+g+haM pra tits+tsha ho// shrI pany+tsa khA hi khA hi// rnam snang mi bskyod rin chen mtha' yas grub// dus gsum bde gshegs rgyal ba yab rnams la// rnam dag bdud rtsi dam rdzas mnyes mchod dbul// thugs rjes brtser dgongs dbang dang dngos grub stsol// bzang mo spyan dang ma ma gos dkar sgrol// dus gsum bde gshegs rgyal ba yum rnams la// rnam dag bdud rtsi dam rdzas

  469. 235a

    mnyes mchod 'bul// thugs rjes brtser dgongs dbang dang dngos grub stsol// chos rnam rnam dag ye nas lhun grub pa'i// bya ba byed dang yid chos rnam dag la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// bde gshegs yab yum gnyis med thugs kyi sras// phyag rgya'i tshogs mchog sems dpa' bcu drug la// rnam dag bdud rtsi dam rdzas gnyis mchod 'bul// thugs rjes brtser dgongs dbang dang dngos grub stsol// sems dpa'i thugs rjes rol pa'i dbyings phyug ma// shes rab sku mchog sems ma bcu drug la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// 'gro ba'i dpal du gyur pa'i byang chub sems// sa snying la sogs sems dpa' brgyad rnams la// rnam dag bdud rtsi dam sa mnyes mchod 'bul// thugs rjes brtser dgongs dbang dang dngos grub stsol// sgeg mo phreng ba dbyangs dang gar la sogs// mdzes pa'i sku mchog sems ma brgyad rnams la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// thabs mkhas thugs rjes cir 'dul der ston pa'i// thub drug la sogs sbrul sku thams cad la// rnam dag bdud rtsi dam

  470. 235b

    rdzas mnyes mchod 'bul// thugs rjes brtser dgongs dbang dang dngos grub stsol// bskal pa me ltar 'bar ba'i klong dkyil na// 'jigs byed khro bo chen po bzhi rnams la// rnam dag bdud rtsi dam rdzas mnyes mchod 'bul// thugs rjes brtser dgong dbang dang dngos grub stsol// khro bo'i sku la gnyis med lhun sbyor ba'i// ye shes gzhal yas sgo ma bzhi rnams la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// sdom pa gnas shing rig 'dzin grub pa'i tshogs// lha dang lha mo phyogs bcu'i rnal 'byor la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// dug gsum rtsad gcod khams gsum 'dren pa'i dpal// rdo rje slob dpon tshogs kyi gtso bo la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// tshe rabs sngon nas las kyi 'phro mthun pa'i// rgyal thebs kar ging rdo rje mched lcam la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// 'di dang pha rol gnyis kar mi 'bral ba'i// dam tshig gzungs kyis zin pa'i mched lcam sgrub zla la// rnam dag bdud rtsi dam rdzas mnyes

  471. 236a

    mchod 'bul// thugs rjes brtser dgongs dbang dang dngos grub stsol// g.yo med khrel brtson dam tshig lhur len pa'i// snying dang 'dra ba'i slob ma lcam dral la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// phyis 'byung kun la ngas lung bstan// bsdus nas mtshan brjod 'di ltar 'bul// bcom ldan rnam par snang mdzad dang // yum chen sangs rgyas spyan gnyis la// dam tshig mchog gi mchod pa 'bul// phul pa'i dngos grub bdag la stsol// bcom ldan rdo rje sems dpa' dang // yum chen kun tu bzang mo la// dam tshig mchog gi mchod pa 'bul// phul ba'i dngos grub bdag la stsol// bcom ldan rin chen 'byung ldan dang // yum chen rat+na mA ma ki// dam tshig mchog gi mchod pa 'bul// phul ba'i dngos grub bdag la stsol// bcom ldan snang ba mtha' yas dang // yum chen na bza' dkar mo la// dam tshig mchog gi mchod pa 'bul// phul ba'i dngos grub bdag la stsol// bcom ldan don yod grub pa dang // yum chen dam tshig sgrol ma la// dam tshig mchog gi mchod pa 'bul// phul ba'i dngos grub dag la stsol// de bzhin yid chos thub drug dang // sems dpa' sems ma bcu drug dang // sgo ba yab yum la sogs la// dam tshig mchog gi mchod pa

  472. 236b

    'bul// phul pa'i dngos grub bdag la stsol// dbyings nas bskul bas thugs rje'i sprul pa 'phro// rigs kyi 'dul ba'i phrin las so sor mdzad// bde ba chen po'i dngos grub don du skong // de ni rin chen gsang ba'i dngos grub yin// bde ba chen po'i dkyil 'khor las byung ngo // de nas rdzas kyi dngos grub blang ba ni// ye shes rgyal po'i sku gsung thugs// yon tan phrin las rmad po che// de nyid du ni mnyam sbyor ba'i// phyag rgya chen por bdag sbyor cig/ lce yi dam tshig rdo rje la// rdo rje can gyis hUM bsgoms te// bdud rtsi lnga ru sbyar ba 'di// zos na byang chub thob par 'gyur// oM ka ya sid+d+hi oM// AHbAka sid+d+hi AHhUM tsit+ta sid+d+hi hUM/ de nas phung po rnam lnga yi// mchod pa dam pa 'bul ba ni// de nas yang dag rab gsal ba// bud med dag ni bzhi rnams dang // gar gyi mchod pa'i phyag rgya yis// mchod pa thams cad dbul bar bya// rab tu dga' ba'i bdag la phyag 'tshal lo// de bzhin gshegs pa'i thugs dam grub par mdzod// oM hUM/ dam tshig dam pa grub par mdzod// oM hUM/ mchod pa chen po thams cad gsal bar mdzad du gsol// oM hUM/ mchod pa chen po dag par mdzod// oM hUM/ mchod pa chen po thams cad grub par mdzod// oM hUM/ mchod pa chen po thams cad nyams su bstar bar mdzod// oM hUM/ lha mo'i phyag rgya'i gar stabs

  473. 237a

    kyis// rim pa bzhin du dbul bar bya// bde bar gshegs so bcom ldan 'das// bsod nams can du de bdag 'gyur// byin gyi rlabs kyis byin brlabs nas// mchod pa dam pa bzhes su gsol// spos ni ting 'dzin phung po'i mchod par 'bul// me tog rnam grol phung po'i mchod par 'bul// mar me shes rab phung po'i mchod par 'bul// dri chu tshul khrims phung po'i mchod par 'bul// lha bshos rnam grol ye shes phung po'i mchod par 'bul// de dag bdag gi lus las byung // sman ni rnam lngas 'phags pa mchod// nam mkha'i dbyings kyi dbus gnas par// dkyil 'khor bkod pa bsgom par bya// de bzhin gshegs la bdag gi lus// bla ma bshang dang gci bas mchod// ma hA pany+tsa a mr-i ta kha raM khA hi// de nas lha rnams lus la btsud// reg pa'i mchod pa dam pa de// 'phags pa rnams la dbul bar bya// bdag po'i phyag rgyar mnyam gzhag la// 'dod chags blo can sangs rgyas kyi// sangs rgyas dkyil 'khor bdag nyid du// reg pa'i sbyor ba dbul bar bya// badz+ra min+da su ra s+t+waM/ pU dza badz+ra zhes dbul// lus sman dug gsum mchod par bya// sha dang khrag dang rus pa gsum// rnal 'byor pa yis lag brims la// dus gsum mchod par dbul ba ni// 'byung po'i khrag ni chang bas zhim// 'dod chags mchod pa bla

  474. 237b

    na med// 'dod chags mchod pa 'di bzhes la// gsung gi dngos grub stsal du gsol// ma hA rak+ta kai ni ri ti/ 'byung po'i ris pa mar bas zhim// zhe sdang mchod pa bla na med// zhe sdang mchod pa 'di bzhes la// thugs kyi dngos grub stsal du gsol// ma hA rak+ta keng ni ri ti dza la maN+Dal kha raM khA hi/ 'byung po'i sha ni zan pas zhim// gti mug mchod pa bla na med// gti mug mchod pa 'di bzhes la// sku yi dngos grub stsal du gsol// ma hA tig+na kha raM khA hi/ dpal chen 'khor bcas khrag la spyon// dpal chen 'khor bcas rus la spyon// dpal chen 'khor bcas sha la spyon// 'byung po'i khrag ni chang bas zhim// 'byung po'i rus pa mar bas zhim// 'byung po'i sha ni zan pas zhim// 'dod chags mchod pa bla na med// zhe sdang mchod pa bla na med// gti mug mchod pa bla na med// srid gsum sems can thams cad ni// 'dod chags mchod par bzhes su gsol// zhe sdang mchod par bzhes su gsol// gti mug mchod par bzhes su gsol// phyogs bcu'i sangs rgyas thams cad kyi// gsung gi rgyud rnams mnyes gyur cig/ thugs kyi rgyud rnams mnyes gyur cig/ sku yi rgyud rnams mnyes gyur cig/ dus gsum rnal 'byor thams cad kyi// gsung gi dam tshig bskang gyur cig/ thugs kyi dam tshig bskang gyur cig/ mchod pa chen po 'dod chags

  475. 238a

    che// sems can thams cad dga' bar byed// mchod pa chen po zhe sdang che// nyon mongs dgra chen bzlog tu gsol// mchod pa chen po gti mug che// gti mug blo ste gti mug sel// dang po gsum la lan gsum nyid/ bdun la nyi shu rtsa gcig la// brgya rtsa brgyad du bgrang ba'o// gong ma'i don yang 'di ltar shes// nyon mongs las dang sdug bsngal gsum// rgyu dang rkyen dang 'bras bur shes// dug gsum re re dag la yang // dgu phrug dag tu dbul bar bya// thams cad zad par bya phyir zhal du gsol// rgyu rkyen 'bras bu rnam gsum bstab pa ni// srid gsum dug gsum dag pas rgyal ba'i sku gsung thugs// phyogs bcu'i rnal 'byor sku gsung dam tshig skong // 'gro ba yun ring dug gsum bsgral ba'i phyir// tha ma'i bskul ba gsum de nyi shu gcig/ rtsa gcig lnga ru bgrangs na brgya rtsa brgyad// de nas dug gsum smon lam gdab pa ni// dug gsum mchod par dbul ba yis// srid gsum sems can thams cad kyi// dug gsum bag chags dag gyur cig/ dug gsum rgyal ba'i sku gsung thugs// rnams ma lus mnyes gyur cig/ phyogs bcu'i rnal 'byor thams cad kyi// sku gsung thugs dam bskang gyur cig/ bdag dang mtha' yas sems can rnams// sku gsung thugs kyi dngos grub thob gyur cig/ de

  476. 238b

    nas dug gsum rang bzhin legs shes bya// rgyu ni gti mug 'dod chags zhe sdang gsum nyid la// ma rtogs khams gsum 'khor ba'i 'bras bur snang // gti mug ma rtogs 'dod chags zhe sdang gsal// rnal 'byor lam mchog rgyud pas 'bras bu sku gsum thob// de nas dbang po reg bya'i mchod pa ni// dkyil 'khor lha rnams dgug pa ni// gzhug dang dbang du bya zhing mnyes par bya// oM badz+ra aM ku sha sarba maN+Da la dzaH/ oM badz+ra pA sha sarba maN+Dal hUM/ oM badz+ra s+pho Ta sarba maN+Da la baM/ oM badz+ra g+haN+Da sarba maN+Da la hoH// nyams kyis lcogs na mngon sum gyi// 'gyur ba'i bar du dkyil 'khor rnams// gsang ba'i mchod pa bzhi dang sbyar// lha rnams lus la gzung ba'i phyir// reg bya'i mchod pa dam pa yis// sangs rgyas thams cad mchod par bya// bo la ka ko mnyam sbyar zhing // skad cig ma ni dang po la// bde ba'i ye shes bskyed par bya// de nas skad cig gnyis par ni// mchog tu dga' ba'i ye shes so// thig le 'bar ba'i drod kyang 'char// de nas skad cig gsum pa la// rnam rtog bral ba de'i ye shes ni// thig le g.yo ba'i drod ces bya// de nas skad cig bzhi pa la// thig le brtan pa'i drod ces bya// lhan cig skyes pa'i ye shes rtogs// de ni mchod pa dam pa yin// kun tu bzang po'i mchod pa ni// srid bkod yongs su sngo zhing

  477. 239a

    'bul// bde bar gshegs so bcom ldan 'das// rgyal ba rgya mtsho mnyes bya'i phyir// srid pa rgya mtsho mtha' klas pas// kun bzang mchod sprin mchog tu rol// oM sa man+ta b+ha dra ga ga na khaM swA hA/ bstod pa glu yi mchod pa ni// rol mo ye shes glu yis bstod// mchod pa mjug sdud rol mo ni// ye shes glu 'di blangs la dbul// dbang po'i spyod yul rang bzhin dngos po med// rnam dag bdud rtsi'i rang bzhin sdug bsngal sel// dam rdzas dag pa lnga dang zhal zas lnga// sku lnga chos lnga gsung lnga rang bzhin dbyer med bsam// de phyir dag pas dag pa nyid mchod cing // chos nyid la yang chos nyid thim par 'bul// dri med rnam dag nam mkha'i rang bzhin la// log rtog mtshan ma mang po sprin phung bzhin// ye shes nyi zer thugs rjes rab brgyan nas// dag pa'i don du rtogs nas mchod par bgyi// mnyam nyid bla med par snyoms pa dang // bde mchog longs skrod rdzogs pa skra yi rgyan// 'dod pa'i yon tan lnga yis rab brgyan te// dam tshig bzhin du ci bder bzhes su gsol// de nas dkyil 'khor lha rnams la// bstod pa mang po'i glu 'di blang // rdo rje gsor nas dril bu gsil// rigs lnga'i phyag rgya'i dril stabs bya// oM phyogs bcu dus bzhi rdzogs pa yi// ye shes dkyil 'khor thig le che// bsod nams dkyil

  478. 239b

    'khor sku yi tshogs// snang stong thig le kun tu rdzogs ho// oM rdo rje bsod nams thig le che/ rdo rje ye shes dkyil 'khor ldan// rdo rje sgra chen mtha' yas pa// rdo rje rgyal po thig le che ho// oM sku gsung thugs ni rdzogs pa che// yon tan phrin las kun tu rdzogs// ye nas lhun rdzogs kun tu bzang // 'dus pa'i tshogs chen thig le che ho// oM mi dmigs sgyu 'phrul mnyam pa'i dbyings// mtha' yas kun nas sna tshogs 'phro// mtha' yas kun nas lhun gyis thim// sna tshogs sku gsung thugs chen po ho// oM phyogs bcu'i 'jig rten rdul snyed du// rgyal ba'i don rnams rdul phran snyed// sprul pa rdul phran bsam yas kyis// skad cig yud la lhun gyis grub ho// oM thams cad ma lus sku gsung thugs// sku gsung thugs kyi bdag nyid che// sku gsung thugs kyis kun tu khyab// sku gsung thugs kyi thig le che ho// sku gsung mchod pa thams cad ni// phyag rgya rnam pa bzhir 'dus te// sangs rgyas thams cad yid kyi ni// phyag na rdo rje lha tshogs so// chog kha shas chad dam// lus kyi 'jig rten mgon po ste// nam mkha'i snying po las kyis so// dkyil 'khor gsum du spyir shes bya// des ni mchod pa re re la// bzhi bzhi brgyad khri 'bum du bskang // sku yi phyag rgya stangs tshul sogs// bzhi bzhi so sor brtags la bsgom// mthun pa'i ting 'dzin phyag bzhi

  479. 240a

    dang // bsnyen pa dus bzhi rdzogs par bya// brgyad khri 'bum du bskangs te 'bul// de dag shes nas dkyil 'khor gyi// lha la mchod pa glu 'dis bstod// mnyam nyid mi g.yo mnyam nyid mchog gi chos nyid can// thugs rje'i bdag nyid 'gro ba'i sdug bsngal sel bar mdzad// yon tan mtha' yas dngos grub thams cad smin mdzad pa// dri med mi g.yo mnyam nyid dam pa'i mchog chen po// yon tan shin tu phra ba'i cha la'ang tshad med de// dpe ni nam mkha' dang yang bskrun du yod ma yin// dngos grub mtha' yas mnyam nyid dpe dang bral ba rnams// sems can khams la dngos grub mchog rnams nges par stsol// rtag tu dri ma med pa'i thugs rje'i shugs las byung // smon lam grub pa 'gag pa med pa'i chos nyid can// 'gro ba'i don sgrub rab tu brtson pa mtha' yas pa// thugs rje chen po'i bdag nyid rtag tu rnam par snang // tshad med tshad dang bral bas shin tu yongs rdzogs pa'i// bde bar gshegs pa'i go 'phang dam pa brnyes gyur kyang // khams gsum kun la dngos grub mchog stsol mdzad pa yi// thugs rje'i spyod pa mi g.yo 'gag par yongs mi 'gyur// e ma ho shin tu bzang po'i chos nyid mchog dang ldan// mchog sbyin rnams kyi nang nas go 'phang mchog brnyes pa// khams gsum kun la rtag tu dngos grub mchog stsol

  480. 240b

    mdzad// mgon po dus gsum sgrib pa med par rab mkhyen pa// dam tshig mchog gsum dngos grub dam pa bdag la stsol// mchod pa rnams bzhir shes bya ste// phyag 'tshal thal mo sbyar ba dang // de bzhin byams dang snying rje dang // me tog bdug pa 'jig rten pa'i// sor mo las byung me tog rnams// skyob pa kun la dbul bar bya// yan lag kun 'byung phyag rgya ni// bcings nas byang chub sems bsgom ste// so sor mgon po thams cad la// de yi sras rnams thams cad la// de yi sras rnams nan tan bya// mthe bong srin lag sbyar ba ni// bkra shis pa zhes brjod pa ste// de yi rdzas rnams kun spangs te// dpral ba snying ga lte ba nas// mgon po sras rnams rim bzhin dbul// rdo rje khu tshur bcangs nas ni// brjid pas mtha' nas gar bya zhing // mnyes par grol ba'i thal mo yis// pad+ma'i phreng bas dbul bar bya// skabs su bab na khu tshur yang // rung zhes lha la mchod byed dus// rjes su yi rang thal mo sbyar// las la gzhug pa'i tshe na ni// khams gsum sems can thams cad la// byams pa snying rje bsgom par bya// de nas bstod pa'i glu 'di blang // rdo rje che mchog log 'dren mang po 'joms// phan dang bde mdzad thar lam 'dren pa'i gtso// rmad byung phrin las sna tshogs mnga' ba'i lha// rang byung khyod kyis grub mchog stsal du

  481. 241a

    gsol// stobs bcus pha rol dpung rnams 'joms pa po// dpal chen log pa'i dgra rnams rnam par 'joms// rngam chen gdug pa ma lus kun 'dul ba// 'bar ba'i sku mchog bdag la bstan du gsol// 'phags pa'i rjes 'brang zhi khro mang po'i tshogs// 'gro la phan mdzad bde gshegs bsgom pa la// gnod byed bgegs kyi tshogs rnams gzhom pa dang // mthu rtsal byin rlabs dngos grub stsal du gsol// bdag gi lus dang ngag dang sems rnams ni// ma skyes rdo rje rang bzhin chos kyi sku// 'phags mchog khyed dang dbyer med tshul gcig ste// dngos grub stsal dang stsol bar mi dmigs kyang // sngon gyi smon lam thugs rje che mnga' bar// log rtog sgyu ma'i tshul gyis gsol 'debs na// dus la mi 'da' rdo rje'i dam tshig can// ye shes lha khyod bdag la byin gyis rlobs// ma rig bdag gi lus dang ngag sems kyis// bag med tshul gyis dam las 'gal gyur te// rgyal ba 'khor bcas thugs dang ci 'gal ba// thogs med thugs rje can la bzod par gsol// de nas rnam par mi rtog pa'i// don gyi mchod pa 'bul ba ni// rang lus rnam par mi rtog par// bshigs nas stong pa nyid du bsgom// de lta bu yi chos nyid kyi// mchod pa 'phags pa rnams la 'bul// dus gsum sangs rgyas kun gyi spyod yul

  482. 241b

    te// mnyam nyid mi g.yo mnyam nyid sangs rgyas par// gzung 'dzin mtshan ma kun las 'das pa yi// mnyam pa chen po'i mchod pa rnam par rol// de nas bcom ldan 'das zhe sdang rdo rjes mchod pa thams cad don yod par bya ba'i smon lam 'di gsungs so// smon lam rgyas dang bsdus pa yang // dkyil 'khor gsum gyi khog 'dir ltos// mkhyen par gsol dang mchod 'bul gnyis// mi mthun par ni gnas kyis bcos// phyi rabs sgo bzhi rtsis 'go lngas// ngas ni khyed la gsal bar bstan// mkhyen par gsol dang mchod 'bul gshegs// las bcol smon lam gdab dang lnga// phyag rgya yak+Sha'i mche ba ni// gtor ma la gtug sngags 'di brjod// oM e sha hUM/ pe sha hUM/ sa ma ya b+hak+Sha hUM/ oM ru lu ru lu hUM b+h+yo hUM/ dzaHhUM baM hoH/ oM pra tIts+tsha ho// ho ye nas spros pa med pa'i dbyings// rang bzhin rnam par dag pa na// dus gsum gshegs shing bzhugs pa yi// rdzogs pa'i sangs rgyas bcom ldan 'das// rnam pa thams cad kun mkhyen pa'i// ye shes bye brag kun ldan pa// 'gro ba ma lus 'dul thabs su// bcom ldan rdo rje sems sogs te/ rigs lnga'i bde bar gshegs pa dang // rigs mchog gzungs kyi yum dang bcas// rgyal sras 'khor du sems dpa' tshogs// sems ma'i dkyil 'khor la sogs pa// ye shes chen po'i dbang

  483. 242a

    phyug can// thabs mkhas pa yi bdag nyid kyis// mkha' 'gro rang bzhin rnal 'byor can// ngo bo nyid sku ma lus rnams// so so'i pho brang bzhugs gnas nas// gzhal med khang nas sku bskyod gshegs// phyogs bcu'i zhing khams mtha' yas nas// rab 'byams ma lus kun 'dus shing // 'byor pa'i rnal 'byor dbang phyug che// grub pa'i mched lcam rgya mtshor bcas// thogs pa med par rab mkhyen cing // sgrib pa mi mnga' don gzigs pa// thugs rje chen po'i ngang gyur cing // 'gro ba'i mgon skyabs sta gon gnas// dam tshig mchog gi gsang sgo 'dir// zhal gyis 'ches pa'i thugs dam gyis// dkyil 'khor 'dir ni gtogs pa yi// rgyal ba rgya mtsho 'khor bcas pa// khyed rnams gsan cing dgongs su gsol// ho rnal 'byor mchod pa sku gsung thugs// rdo rje las byung rin chen 'dra// byin gyis brlabs shing mchod 'bul bas// ye shes rgya mtsho'i spyan ldan rnams// dus gsum bzhugs la mchod par 'bul// de dus byin gyis brlabs pa dang // mchod cing nam mkha'i gzhal yas khang // rgyu 'byung smin byed dkyil 'khor 'dir// dga' ldan lha yi dkyil 'khor bkod// bdag cag skal ldan mi tshogs rnams// 'byor ldan yo byad tshogs bshams pa// 'byor 'os rigs pa rjes mthun rnams// rnam bzhi'i

  484. 242b

    sgo nas dus bzhir 'byung // zhal zas zla tshigs rgyu med pa'i// dad pas bsogs te mos pa yis// 'byor tshad bdog drod sbyar ba 'di// srid pa'i longs spyod rgyal chos kyi// mnga' thang byung khungs lha yi lus// 'jig rten 'khor yug bcas pa 'di// srid bkod gtan pa med pa yi// mchod sbyin mnga' thang mchod pa'i rkyen// dbul na phyogs bcu dus gsum gyi// rgyal ba rgya mtshor bcas rnams kyi// pho brang dkyil 'khor gzhal yas khang // kun tu bzang po'i mchod pa 'dis// 'dod pa'i yon tan rnam lnga yi// lha mo phrin las rgya mtsho rnams// gar gyi sprin phung bzhin gyur te// nam mkha'i gza' skar bzhin du bkram// sa gzhi'i rtsi shing bzhin du thon// rgya mtsho'i rlabs ltar 'phyo zhing khyab// sprin bzhin gtibs nas char bzhin 'bab// chu bo'i rgyun bzhin dus gsum 'byung // phyogs bcu'i rgyal ba rgya mtsho yi// zhal du drangs nas bdag longs spyad// mnyes mchod phog nas dges longs spyod// 'dod yon lnga yi mchod phul bas// bdag dang mtha' yas sems can rnams// dug lnga rgyud gnas bag chags byang // rgyud lnga'i sems can rnams ni sgrol// gnas lnga'i 'bras bu thob gyur nas// rgyal ba rigs lnga'i thugs dam bskang // 'bras bu bdag dang mtha' yas pa'i// sems can ma lus thams cad kyi// sku gsung thugs dang

  485. 243a

    yon tan las// mi zad rgyan gyi 'khor lo yi// 'bras bu thob par mchod par 'bul// mchod pa dam pa bzhes su gsol// mthol bshags bzod par gsol ba ni// bdag cag tshogs kyi dkyil 'khor 'dir// 'dus shing tshogs pa'i skal ldan rnams// dang po gsang bsgos khas 'ches te// dam tshig gnyen po mngon par mnos// chag nyams zhig ral gyur pa dang // rtsa dang yan lag dam mnos nas// bka' bzhin bsrung ba rngo ma thogs// bsrung ba'i dam tshig mnos pa las// gti mug ma tshor dbang gis ni// bde dang sdug bsngal rkyen ma bzod// sgo gsum nyes skyon me shor bas// bdag dang gzhan gyi rgyud bsreg pas// skyon bral mtshan mar ma phyin te// bsrung ba'i dam tshig nyams pa bshags// spyad par bya ba'i dam mnos nas// phyir mi ldog pa'i sran chung bas// rang sems ma dad dbang gis ni// gang smod pa dman pa yis// ya gas 'jigs pa'i rkyen ma bzod// dpa' los sgyu sogs phyi tshul gyur// las rtsal tshad mar ma phyin pas// sprad pa'i dam tshig nyams pa bshags// dang blang dam tshig mnos pa las// bka' yi gzhung bzhin ma gyur te// rtogs pa zhan pa'i dbang gis na// the tshom ngan spyod rkyen ma bzod// sgrub rdzas mthun rkyen dang ma lon// spyod pa mi mthun bsrung ma 'phangs// 'jug rtsal tshad mar

  486. 243b

    ma phyin pas// dang blang dam tshig nyams pa bshags// shes par bya ba'i dam mnos nas// bden yid ma ches nga bral bas// mnyan sems yun bsring rkyen ma bzod// gti mug shes pa rang rgyud pas// shes bya/ tshad mar ma phyin pas// shes par bya ba'i dam tshig nyams pa bshags// bsgrub par bya ba'i dam tshig mnos pa las// dpa' brtul brtul zhugs bsgrub la 'jug chung bas// bsgrub pa dus las yol ba'i dbang gis ni// na tsha'i sdug bsngal rkyen gyis ma bzod de// bsgrub pa'i lha babs pa las 'phang gyur te// khyad par drod rtsal tshad mar ma phyin te// bsgrub pa'i dam tshig nyams pa mthol lo bshags// mi spang pa yi dam tshig mnos pa las// chos rnams thams cad rang bzhin dbyings gcig par// ma rtogs dbang gis gzung 'dzin rtog pa'i blo// kha brag gyur te bzang ngan rkyen ma bzod// nyan thos lta bur gnyis su 'byed rtogs pas// gnyis su med rtsal tshad mar ma phyin te// mi spang dam tshig nyams pa mthol lo bshags// mi smad pa yi dam tshig mnos pa las// bdag tu 'dzin pa'i nga rgyal dregs pa yis// gzhan du rtog pa'i phrag dog dbang gis ni// 'jig rten 'dod chags bstod smad rkyen ma bzod// rang bstod gzhan la smod pa'i las bgyis pas// gnyen par blta ba'i rtsal tshad ma phyin par// mi smad dam tshig nyams

  487. 244a

    par gyur na bshags// mchod par bya ba'i dam tshig mnos pa las// rgyang phan chos kyis bsdus pa'i dbang gi ni// mkhyen gsal gang ma mnyes par ma bsams pas// bdag nyid dman par ma mthong rkyen ma bzod// mchod sbyin thams cad dbang du ma chud pas// mnyes bya'i mchod pa rtsal tshad ma phyin te// mchod pa'i dam tshig nyams pa mthol zhing bshags// bdag gi ma yin pa yi grogs bsten dang // rgyud mi gcig pa'i bsod nams 'dres pa dang // le lo dang ni snyoms las dbang gyur nas// gza' gtad bcas nas gzung 'dzin ma bshigs pas// sgrol dang sbyor gnas byin gyis ma brlabs par// ting 'dzin yun zung thugs rje'i gnas ma gyur// ye shes babs pa'i lha srung ma 'phangs 'gyur// gnas sbyong man ngag tshad mar ma thos pa// rnam par shes rgyud tshad mar ma phyin te// nyams pa brgyad po 'di mnod sems yid bkur// lus sems 'gyod pa chen pos mthol bshags na// bzod pa chen pos gsol lo tshangs par mdzod// de nas phrin las bcol ba ni// bdag cag sgrub pa 'dir 'dus rnams// dge ba'i rtsa ba bsgrub pa la// bar chad byed pa'i sdang dgra dang // sbyor ba rku dang gnod bgegs gsum// zhi dang dbang dang mngon spyod kyi// mnan dang bzlog dang spor zhing sbar// 'dul skal phrin

  488. 244b

    las gang gyur pazhes// tshar gcad grub par mdzad du gsol// dngos grub gsol ba'i phrin las ni// yid la brnag pa'i 'bras bu rnams// ji ltar 'grub cing gsol byang la// dris bzhin 'bras bu thob gyur cig/ de nas smon lam gdab pa ni// bshags sbyong 'di rnams brjod tsam gyis// tshor ba dang ni ma tshor ba'i// nyams pa thams cad byang gyur cig/ tshor dang ma tshor nyams pa rnams// phyin chad byed par ma gyur cig/ gnas thob pa dang rgyud byang bas// slan chad phyir la mi ldog pa'i// sems dang mi 'bral bar gyur cig/ shes rab rno zhing dbang po gsal// ye shes dang gyur sems can don// ma lus byed pa'i mthu thob nas// skyes pa'i tshe rabs thams cad du// slob dpon bka' drin lan ljon zhing // pha ma'i drin lan rjes su bsgrub// man ngag snod dang ldan gyur cig/ tshe 'di dang ni tshe rabs gzhan// skyon brjod thams cad dang bral nas// dge ba'i rtsa ba thams cad kyi// yon tan tshad bzhin thob gyur cig/ dus kyis mnar ba'i sems can rnams// lnga brgya tha ma'i dus bab nas// bden pa'i tshig dang bral ba rnams// dam tshig nyams pa'i skyon can dang // lhan cig skyes skyon dra bas 'brel// dam nyams nyes pa tshe 'di dang // gzhan du ma smin bral gyur cig/ sngon chad bsgral cing spyad do 'tshal// ye shes chen po'i

  489. 245a

    ngang gis bsgral// thugs rje gdung pa'i shugs gis bsgral// rgyud byang gnas kyang stobs gyur cig/ snga rabs dus tsher 'das pa rnams// thugs dam nyams pa kun bskangs te// ye shes bla ma'i sa non nas// rnal 'byor dbang phyug gral thob ste// rig 'dzin rtsal 'chang khyad par la// ye shes gom pa 'dor byed cing // sa bcu zil gyis rab mnan te// sngon gyi thugs dam 'brel ba yi// 'grol cing brtse gdung shugs kyis ni// bdag gi stong dang grogs gyur cig/ sku gsung thugs ni mi zad pa// rgyan gyi 'khor lo thob gyur cig/ ces ni zhe sdang rdo rje yis// phyi rabs rnal 'byor blo sbyar gsungs// mngon shes mkhyen pa'i thugs mnga' bas// phyis 'byung blo mthun dgongs nas gsungs// karma mA le'i rgyud 'dir ni// mchod pa'i phud nyul chen mos ni// lha mo brgyad sogs 'dod pa yis// mchod pa'i tshogs rnams thams cad la// ting 'dzin ldan pas mchod pa mchod// nyul les 'byongs dang ma 'byongs blta// de phyir mkhas pas sbyang par bya// mkhas pa'i yon tan mtha' yas pa// kun gyi bya ba'i las ma yin// zhes gsungs so// karma mA le'i rgyud las/ thim pa'i dkyil 'khor bstan pa'i le'u ste lnga pa'o// // de nas bcom ldan 'das zhe sdang rdo rje/ dkyil 'khor thams cad kyi mnga' bdag chen pos/

  490. 245b

    khro bo chen po'i dkyil 'khor gyi gtsor mdzad pa'i phyir/ rnon po'i dkyil 'khor bskyed pa 'di// 'gro ba'i ched du dgongs nas gsungs so// don rnams gsal phyir bco lngar gsungs// snying rje 'byung dang sngon gyi gleng gzhi dang // bskyed dang bdud bzhi gzhom par bya ba dang // dbang bskur gnas bsrung gshog bskyed rdzogs pa gdon// ma trang mnan dang spyan drangs bstim pa dang // las dang brtan bzhugs bya zhing gdan la dbab// de la snying rje chen po 'byung ba ni// sbom po gnyis ni thur du bstan// mdzub mo gnyis ni rab tu mdud// gung gnyis rtse sprad srin mtheb brkyang // sa 'og sa bla bar snang nas// he ru ka dang mkha' 'gro bsdu// srid pa spyi bcings dpral bar bzhag/ thugs rje chen pos kun la khyab// oM sarba ta thA ga ta a shang si ta sarba sa twA na/ sarba ta thA ga ta tiSh+Tha ma ma swa b+hA wa shud+d+ho& haM/ de nas gleng gzhi 'di gsungs so// 'das pa'i dus na sngon byung ni// bdag nyid chen po rtag pa yi// de bzhin gshegs pa'i gsung rab las// 'gro ba'i tshul du sngon byung ste// de tshe sems can thams cad kun// shin tu khro zhing gtum par 'gyur// shin tu khro zhing gdug pa la// zhi bas phan par mi 'gyur te// shes rab thabs kyi ngo bo las// khro bos de bzhin gshegs kun mdzad// khro ba'i tshul can khros pas kyang // 'jig rten gsum

  491. 246a

    dag sreg byed na// sangs rgyas thugs rjes khros pas ni// thams cad 'jigs pa'i mchog yin te// khams gsum 'di dag smos ci dgos// rdo rje sems dpa' de bzhin gshegs// dam tshig la sdang rnam sbyang phyir// dur khrod gar gyi phyag rgya gsal// de nas bskyed par bya ba yang // hUM bzhi 'phros dang 'dus pa las// yi ge hUM dang klong gyur te// hUM nyid bdag la rab thim pas// hUM shrI he ru ka hUM a brjod pas dpal ldan he ru ka/ bdag nyid gyur par rab tu bsgom// klong de yum la rab thim pas// klong kro d+hi shwa rI sa ma ya de bi ta na sho d+ha ya/ brjod pas rang gi yum nyid du// kro d+hi shwa ri ma ru gyur// he ru ka ni lnga sogs pa// hUM dang ha he phaT ces pas// ting nge 'dzin gyis khros par bzlas// phyogs bcu'i zhing khams ma lus par// b+h+rUM dang tsa las 'khor lor gyur// gtum chen dus mtha'i me ltar 'bar// sna tshogs khro 'byung 'od 'phro 'bar// srid gsum bsreg pa'i me yin te// yid kyi ye shes me ru 'bar// 'od 'phro 'bar ba'i tshogs chen pa// hUM ral pa mun dza'i cod pan 'bar// phyogs bcur khengs pa'i gshog pa gdengs// nyi ma thod sbrul mang po'i gzi// khro gnyer glog stong 'gyu ba bzhin// rngam pa'i nga ro 'brug stong ldir// phaT raM dza la hUM brjod cing // 'phros pa'i sprin chen phyogs bcur 'bar// khros pa'i rdo rje me chen

  492. 246b

    po// rdo rje 'khor lo brtsegs pa 'bar// tsakra phaT raM hUM raM 'bar// khro bo khro mo'i tshogs kyis bskor// gnas dang yul gyi phyag rgyas mdzes// so sor rang sngags khri 'bum zlos// sgra skad nga ro drag por ldan// hUM hUM ha ha phaT b+h+yo las// slas dang byi mo bran mo'i tshogs// shin tu rngam pa'i gzugs kyis gnas// nr-i yi tsit+ta za zhing rgyug/ ti ra rgyu ma'i zhags pa 'debs// rang gi stan dang lag char ni// rdo rje gtams pa'i brag ri dang // ti ra gsar snying bum ril 'phen// so so'i rang sngags bzlas nas su// rgyud drug gnas pa'i sems can dang // ma rungs gdug pa thams cad kun// dzaHhUM baM hos bkug nas ni// lan gnyis lan gsum zhal du bstim// de nas bdud bzhi gzhom pa ni// cho 'phrul bzhi yi sngags brjod do// hUM hUM hUM hUM/ hUM bi shra kro d+ha maN+Da la ha la ha la phaT phaT phaT/ rigs lnga'i zhal nas sngags brjod pas// bdud bgegs ma lus rab tu 'gyel// he ma hA ru dra/ k+Sha truM karma badz+ra/ ma ha de ba/ ma ru dra/ hUM hA dz+dza/ zhes pas zhabs kyi 'og tu gzhug/ gnyis pa dbang chen thog ser 'bebs// tsakra hUM b+h+rUM/ dbang chen rdo rje thog ser 'bebs// badz+ra hAM b+h+yAM yod dam// dbang chen 'khor lo'i thog gser 'bebs// tsakra oM b+h+yAM/ dbang chen rin chen thog ser 'bebs// rat+na yin nam tsakra tAM b+h+yAM/ dbang chen pad+ma'i thog ser

  493. 247a

    'bebs/ pad+ma yin nam tsakra hrI b+h+rUM/ dbang chen ral gri'i thog ser 'bebs// karba tsakra hA b+h+yAM/ zhes pas lus de gshegs dral byas// rngam pa glog gi 'khor lo 'bar// rdo rje'i rdzu 'phrul rnam par sbrul// dpa' bo khro bo 'jigs bcas pas// rig sngags don la yang dag sbyor// khrag gi rgya mtsho'i rba rlabs tshi li li// rus pa'i tshogs kyi phung po khra la la// rdo rje zhing chen dri dad bsungs se bsung // mthong thos rngam pa mkha' 'gro'i tshogs dang rol// rak+ta dza mun+ta dza la maN+Da la hUM/ kai ni ri ti dza la maN+Da la hUM/ ma hA tiSh+Tha tiH/ pang dza la maN+Da la hUM/ kha kha la sha ta a la la ho// 'chi ba med par srog gdon pa// rdo rje'i srog ni rlung lta bu// yang dag bsgral ba rdo rje che// skye shi med pa'i sa la 'god// badz+ra rA dza/ rat+na rA dza/ pad+ma rA dza/ karma rA dza ta thA ga ta rA dza/ de nas rang dbang rang la rdzogs// bum pa cod pan ming dang ni// rdo rje dri la bu rgyu nas blang // lam bsgom 'bras bu gyur pa yi// brda' rnams ston pa'i dbang yang bskur// gsang dbang shes rab ye shes dang // bde chen sku gsung thugs byin brlab// dbang bskur ba yi sngags 'di yin// oM ma hA shU n+ya tA dz+nyA na badz+ra swa b+hA ba At+ma ko&haM/ oM ma hA A daR+sha dz+nyA na badz+ra swa b+ha wa At+ma ko&haM/ oM ma hA pra t+ya be k+She Na dz+nyA na badz+ra swa b+hA ba At+ma ko&haM/ oM ma hA sa

  494. 247b

    ma tI dz+nyA na badz+ra swa b+hA ba At+ma ko&haM/ oM ma hA kr-i t+yaSh+Tha na dz+nyA na badz+ra swa b+hA ba At+ma ko&haM/ oM sarba ta thA ga ta ma hA ka ya badz+ra swa b+hA ba At+ma ko&haM/ oM sarba ta thA ga ta ma hA wA ka badz+ra swa b+hA ba At+ma ko&haM/ oM sarba ta thA ga ta ma hA tsit+ta badz+ra swa b+ha ba At+ma ko&haM/ de nas gnas ni bsrung ba yang // rtsa ni dkyil 'khor gzhal yas khang // lus khams bdud rtsi lha yi chu// sngags kyi yi ge gsung yin te// thugs ni snying po rlung du gnas// gnas bsrung ba yi dam pa'o// de nas gshog pa bskyed pa ni// rdo rje lta bu'i nam 'phang gcod// rin chen gshog pas mchod sbyin gtong // ma mo mkha' 'gro dbang du sdud// de nas rdzogs par gdon pa ni// phyag rgya bcas te sna bug nas// yungs kar gzhi las thams cad rdzogs// srog dang rtsol ba las byung ngo / sngags sor bzhag/ dzaHhUM baM hoHshrI he ru ka a gad ta ya a gad ta ya/ pra be sha ya pra be sha ya/ ban+d+ha ya ban+d+ha ya/ to sha ya to sha ya/ mo ha ya mo ha ya/ badz+ra DAk+ki ni nan/ shrI he ru ka hUM phaT/ dzaHhUM baM hoH/ shrI he ru ka ma hA badz+ra sarba duSh+TAn/ sa ma ya mu dra/ pra b+hany+tsa ka hUM phaT/ de nas ma trang mnan pa ni// ma trang rnam pa gsum yod de// chos la bdag tu 'dzin pas yin// gang zag bdag 'dzin kha TaM ga/ rgyu 'bras chad blta A kaR+Sha/ dus gsum rgyur gyur lus ngag yid// khams gsum ngang gnas 'khor ba yin// don gyi

  495. 248a

    gzhom dang thabs kyi gzhom// he ni gzung ba'i yul med chos kyi sku// he he ka/ ru naM 'dzin pa'i sems med ye shes yin// ru ru ka/ ka ni rten 'brel rgyu 'bras cho 'phrul ston// ka karma/ dug gsum rnam par dag pas khams gsum dbang du sdud// sku gsum lhun gyis grub cing mtshan ma gsum dang bral// sku gsum sa gsum ting 'dzin ye shes gsum// shrI ni gnyis med ye shes la// he ni rgyu sogs stong pa nyid// ru ni tshogs dang bral ba ste// ka ni gang du'ang mi gnas pa'o// rdo rje gsor nas 'di skad gsungs// shar phyogs 'jig rten lam sgo nas// 'byung po gtum po nga rgyal can// khyod ni sgrib pa kun gyis bsgribs// yang dag shes rab ye shes kyi// khungs btsal rtsad bcad rang las byung // bdag 'dzin bdag gir rtog pa ni// bdag med stong pa'i tho bas gzhom// bdag po thabs stobs brtson 'grus kyis// gnas ngan len pa'i ded dpon byed// de nyid bdag rtog yin pas na// bdag med stong pa'i stobs kyis gzhom// At+ma ni ma hA shu n+ya tA dz+nyA na badz+ra mung+ga ra A ko Ta ya hUM phaT/ oM sarba pA pa ka ra he ta pa pi ma traM ru dra hUM phaT/ sarba pa pa ka ra he te pa tri kha T+wAM ga ru dra hUM phaT/ oM sarba pa pa ka ra he ta pa pi ta A kaR+ka ru dra hUM phaT/ chos chen gyi ni go bgos te// dpal chen stobs kyang che ba bdag/ stong pa'i mtshon cha rnon

  496. 248b

    po yis// gdab pa dag kyang de dag 'debs// chos kun rtag tu rang gi ngo bos stong // rgyal ba'i sras rnams dngos po rnam par 'jig/ srid pa ji bzhin ye nas stong pa yin// nyi tshe stong nyid mu stegs can rnams kyis// de bas yang ni 'di skad gsungs// 'phags pa thams cad bdag la gson// 'byung po mang po kun nyon cig/ rdo rje rnon po 'jam dpal gyi// thugs rje'i ngang dang shes rab dang // thabs mkhas pa yi byin rlabs kyis// 'gro ba thams cad bsrung bar mdzad// 'gro ba'i bdag po'i tshe dang srog/ gson po bde bar bar gcod pa// bdag dang gshin rje 'khor bcas kun// bcom zhing gsod pa'i gshed po ni// 'jam dpal 'phrul gyi dngos grub mchog/ srid gsum mthar byed rngam pa des// kha T+wAM thod dbyug mi bzad pas// gshin rje bcom nas gsad par bya// dzaHhUM baM hoH/ shrIHhe ru ka ma hA badz+ra sarba duSh+TAn// sa ma ya mu dra pra b+hany+tsa kra ha na hUM phaT/ bdag po gdol pa drag po yi// ro yi nyal zabs gan rkyal te// lag pa g.yas g.yon mkhrig ma ni// khyi gnyis dang ni bya rgod gnyis// mgo ni lho nub mtshams su bstan// rkang pa byang shar thug pa med// de yang cung zad bsnol ba'o// thal ba'i mdog la skra 'grengs pa// khong pa nam mkha'i gzhal yas khang // yan lag rin chen dur khrod rten// shes rab dgra stas gshag

  497. 249a

    par bya// dgra sta'i phyag rgya ha ha zhes// khong pa gshegs nas de nang du// b+h+rUM rat+na kha ta li byi hUM/ zhes pas khang pa gzhal yas khang // gnyis su med par bsam par bya// de nas de nang 'jug pa ni// gnas kyi sgo 'di su yis bcad// sems kyi bdag pos bcad dam ci// gzung 'dzin rkang pa bsnol ba ni// yul las 'das pa'i zhabs kyis dbye// hUM phaT ma traM ru dra phaT// de nas lcags kyi phyag rgyas btab// rdo rje'i gar gyi tshul gyis ni// 'khor bcas khang par 'jug par bya// to tsa byang to mar bag/ tsa byang / ma nu da ra/ ud ma da ra/ shrI kA la la ye to tsa prAng / pad+ma rak+ta da raM/ ud+ba da raM/ badz+ra da raM/ badz+ra ma hAha mAM sa da raM/ zhes pa'i sngags de brjod nas ni// ha ha haM zhes brjod pa yi/ sngags des sgo gnyis gcad par bya'o// de nas spyan yang drang pa ni// ye shes spyan gyi spyod yul nas// dpal chen khrag 'thung 'khor dang bcas// sems can don slad dam tshig dgongs// gnas 'dir ma lus gshegs su gsol// e h+ye hi b+ha ga wan/ dzaHhUM baM hoH/ ru lu ru lu/ dzaHhUM baM hoHe h+ye hi sh+ya ho// sa ma ya ho// sa ma ya s+t+waM/ oM shrI he ru ka/ oM e badz+ra A ra li/ hriM hriM hriM/ de nas bstim pa 'di skad gsungs// dad pa dang ni dam tshig gis// tshur gshegs tshur gshegs he ru ka/ chos sku zhi ba'i ngang las kyang // gzugs sku 'jigs tshul bstan

  498. 249b

    du gsol// thugs rje chen po thabs mkhas pas// gdug pa 'dul phyir gshegs su gsol// tshogs rje tshogs bdag dbang dang ldan// tshogs kyi slob dpon gshegs su gsol// ye shes rtogs pa'i khyad par las// sprul pa mang po'i tshogs bcas gshegs su gsol// dzaHhUM baM hoH/ shrI he ru ka ma hA badz+ra sarba duSh+TAn/ sa ma ya mu dra/ pra be sha phaT/ A be sha a/ shrI he ru ka hUM phaT/ dzaHhUM baM hoH/ shrI he ru ka ma hA badz+ra sarba duSh+TAn/ sa ma ya mu dra/ pra ban tsak+Sha hUM phaT/ de nas las la gzhug pa ni// bde gshegs pho brang dkyil 'khor 'dir// 'gro ba ma lus bsgral ba'i phyir// don gyi dbang du dgongs nas kyang // 'khor bcas rab 'bar gshegs su gsol// dzaHhUM baM hoH/ shrI he ru ka ma hA badz+ra sarba duSh+TAn/ sa ma ya s+t+waM/ a pa staM ba ka hUM phaT/ de nas dam tshig phyag rgya yis// brtan par bzhugs su gsol ba ni// sems can don phyir nan tan mchog bskyed cing // ye shes thugs rjes bdag la dgongs nas kyang // mi gnyis don phyir dngos grub mchog rnams kun// bdag la stsal cing brtan par bzhugs su gsol// dzaHhUM baM hoHshrI he ru ka ma hA badz+ra sarba duSh+Tan/ sa ma ya hi/ kA ya wAka tsit+ta/ tiSh+Tha badz+ra hUM/ de nas lha ni gnad la dbab pa yi// cho ga yang ni 'di skad gsungs// dam tshig pa la bzhugs pa yi// dpal chen khrag 'thung 'khor dang

  499. 250a

    bcas// dam tshig tshul bzhin ma gshegs sam// grub pa mchog dag ma stsal na// sku gsung thugs dang 'gal ba'o// oM badz+ra gu h+ye shi he ru ka sa ma ya s+t+waM/ oM badz+ra gu h+ya dr-i sh+ya sa ma ya hUM/ oM badz+ra gu h+ya dr-i sh+ya sa ma ya phaT// sku gsum phyag rgya rab bshad bya// lag pa gnyis ni thal mo sbyar// mthe'u chung gung mo rtse sprad nas// srin lag gnyis ni rab tu bsnol// mdzub mo gnyis ni zlum por bkug/ thod pa skam po'i phyag rgya'o// snga ma bzhin du gnas pa la// srin lag mdzub mo'i nang du gzhug/ thod pa rlan pa'i phyag rgya'o// lag gnyis snyim pa ltar byas la// thod pa tshal bu'i phyag rgya'o// g.yas pa mdzub mo zlum por bya// g.yon pa'i mdzub mo de la gtad// g.yas kyi mtho bong g.yon pa yis// mthe bong rgyab tshigs dang por gtad// gzhan rnams thal sbyar rtse sprad pa// phrin las rnam bzhi'i phyag rgya'o// phyag rgya'i las 'di bca' ba yang // dmigs pa yod pas shes par bya'o// de nas phyag kyang bya ba ni// he ru ka lnga la phyag 'tshal ba/ 'gro rnams ji ltar 'dul bzhin gshegs mdzad pa/ shes rab nam mkha'i bskal pas rgas rgud stongs// gti mug tshul gyis gti mug 'joms mdzad pa// gti mug 'khor lo khyod la phyag 'tshal lo// bud+d+ha he ru ka ha ha ru lu ru lu na maH/ ye shes rdo rjes nyon mongs rdo rje 'joms// thabs

  500. 250b

    'dzin mtshon cha'i bskal pas dngos po 'jig/ zhe sdang tshul gyis zhe sdang 'joms mdzad pa// zhe sdang rdo rje khyod la phyag 'tshal lo// badz+ra he ru ka ru lu ru lu na maH/ rin chen dbyings ltar re 'dod kun bskang zhing // bdag med zhi gnas chu yi bskal pas 'khru// nga rgyal tshul gyis nga rgyal 'joms mdzad pa// nga rgyal rin chen khyod la phyag 'tshal lo// rat+na he ru ka ha ha ru lu ru lu na maH/ 'khor ba'i 'dam du pad ltar sku 'khrungs shing // lhag mthong me chen bskal pas thams cad bsreg/ 'dod chags tshul gyis 'dod chags 'joms mdzad pa// 'dod chags pad+ma khyed la phyag 'tshal lo// pad+ma he ru ka ha ha ru lu ru lu na maH// phrin las rgya mtshos 'gro ba'i don mdzad cing // shes rab thogs med bskal pa'i rlung gis bskyod// phrag dog tshul gyis phrag dog 'joms mdzad pa// phrag dog ral gri khyod la phyag 'tshal lo// karma he ru ka ha ha ru lu ru lu na maH/ bdag med phyogs bral don dam thugs chud cing // byams dang snying rje dgra zun mi mnga' yang // gdug pa 'dul phyir dus las mi 'da' ba'i// 'jigs byed he ru ka la phyag 'tshal lo// mi gnas mi dmigs chos skur dag pa las// bdud 'dul khro bo mchog gi skur ston pa// thugs rje'i gzi ldan gdug pa thabs kyis 'dul// bcom ldan khro rgyal gtso la phyag 'tshal lo// mnyam nyid ngang

  501. 251a

    gis khro la phyag 'tshal lo// khros pas longs spyod mdzad la phyag 'tshal lo// rdo rje 'du 'phro mdzad la phyag 'tshal lo// khro mo dbang phyug sku la nyer gnas shing // zabs dang shes rab 'brel ba'i dkyil 'khor nas// mkha' 'gro mi bzad 'bar ba'i sprin 'phro ma/ gdug pa 'dul mdzad yum la phyag 'tshal lo// nam mkha'i lus can gar yang thogs med rgyu// 'dod dgur bsgyur ba'i gzugs can 'phrul mo che// ma sring byams ma'i tshul gyi grogs mdzad ma// phyi nang mkha' 'gro'i tshogs la phyag 'tshal lo// oM na maHsarba ta thA ga ta ban+da naM ka ro yA mi hUM/ a ti pu ho// pra ti dza ho a la la ho// de nas khro rgyal che rnams kyi// thim pa'i dkyil 'khor rab bshad bya// mchod pa 'bul dang smon lam gdab// mchod pa bcu gcig dbul bar bya// phra men gang gyi mchod pa dang // sman gyi mchod pa 'bul ba dang // dngos grub bskul dang dngos grub blang // thugs dam bskang zhing bka' log bskal// za stobs skrag gzil gtor ma bstod// phra men gar gyi mchod pa ni// phra men nyu le'i ljon tshul stabs// srid gsum 'joms mdzad dbyug thogs go ri ma// dam tshig dbyings mchog skul byed tso ri ma// stong gsum dbang mdzad rgyal byed phra mo hA// ma lus thal byed rde'u thogs be tA lI// bde chen dbyings su 'dren mdzad puk+ka sI// dkrugs

  502. 251b

    nas zhal du gsol mdzad g+hasma rI// 'bar bas stong gsum stor byed tsaN+Da lI// thugs rjes 'jig rten sgrol mdzad sma sha ni// 'gro ba'i sdug bsngal gsod byed sid+ha ma// 'chi bdag bdud kyi sde 'joms byA g+h+ri ma// dur khrod bgegs kyi tshogs 'joms sr-i ga lA/ 'gro ba'i don grub las byed shra na ma// mgyogs ma snyogs pa'i las byed gr-i D+ha ma// 'gro ba'i sdug bsngal tshe 'phrog kaM ka ma// yon tan yid bzhin bdag nyid kA ka ma// 'gro ba'i don grub khrag 'thung u lU ma// badz+ra go rI ha/ badz+ra tsau rI ha/ badz+ra pa mo hA ha/ badz+ra be ta lI ha/ badz+ra puk+ka sI ha/ badz+ra tsaN+Da lI ha/ badz+ra sma sha nI ha/ badz+ra g+hasma rI ha/ badz+ra sid+ha mu khI he/ badz+ra byabyAbyag+h+ri mu khI he/ badz+ra sr-i ga la mu khI he/ badz+ra shwa na mu khI he/ badz+ra gr-i D+ha mu khI he/ badz+ra kaM ka mu khI he/ badz+ra kA ka mu khI he/ badz+ra u lU mu khI he/ nyon mongs gnas nas 'dren mdzad rta gdong lcags kyu ma// 'khor ba'i sdug bsngal 'ching mdzad pag gdong zhags pa ma// gnyis med dbyings su brtan par gzhug mdzad 'jig rten lcags sgrog ma// ma lus rdul du rlog mdzad thal byed dril bu ma// badz+ra Ar+ya te dza tang dza/ badz+ra mra khe hUM/ badz+ra lo ka baM/ badz+ra b+hasmi pa la ya ba tu he/ de nas sman mchod dbul bar bya// bla med dam rdzas rnam pa lnga// ye nas drug pa'i bdud rtsi ste// gnyis med dbyings su lhun gyis rdzogs// 'chi med bdud

  503. 252a

    rtsi'i rang bzhin te// rang byung gdod nas rnam par dag/ rtsa brgyad stong las sbyar ba'i sman// rtsa ba 'bum phrag bsam yas pa// rigs lnga dam tshig lnga yi dngos// ye shes lnga rdzogs grub pa'i rdzas// rgyud drug sems can kun sgrol pa// dug lnga sel ba'i bdud rtsi ste// thams cad bdud rtsi'i rnal 'byor che// sha chen mchod pa rin po che// pad+ma me tog yang dag ldan// rdo rje chu ste bdud rtsi mchog/ ga pur shel gyi spos phor dri// rin chen sgron ltar 'bab pa yi// gnyis med rol pa'i dkyil 'khor 'dir// bzhes te byin gyis brlab tu gsol// na maHsarba ta thA ga ta ar+g+haM pra tIts+tsha shrI pany+tsa khA hi khA hi// dpal chen badz+ra he ru ka/ yum chen kro d+hi shwa rI dang // dpal chen bud+d+ha he ru dang // yum chen bud+d+ha kro d+hi dang // dpal chen rat+na he ru dang // rat+na kro d+hi shwa rI dang // dpal chen pad+ma he ru dang // pad+ma kro d+hi shwa rI dang // dpal chen bi shwa he ru dang // bi shwa kro d+hi shwa rI la// dam tshig mchog gi mchod pa 'bul// bzhes te kun tu dgyes mchod la// phul ba'i dngos grub bdag la sgrol// oM na maHsarba ta thA ga ta ar+g+haM pra tits+tsha ho// dpal chen mi pham rdo rje dang // ma tshogs dbang phyug 'khor gyi rkyen// khro bo chen po bcu rnams dang // khro mo chen mo bcu rnams la// dam tshig mchog gi mchod pa 'bul// bzhes te kun tu dgyes

  504. 252b

    mchod la// phul ba'i dngos grub bdag la stsol// au na maHsarba ta thA ga ta ar+g+haM pra tIts+tsha ho// go rI la sogs bzhi rnams dang // puk+ka la sogs bzhi rnams la// dam tshig mchog gi mchod pa 'bul// bzhes te kun tu dgyes mchod la// phul ba'i dngos grub bdag la stsol// au na maHsarba ta thA ga ta ar+g+haM pra tIts+tsha ho// sing+ga la sogs bzhi rnams dang // gr-i D+ha la sogs bzhi rnams la// dam tshig mchog gi mchod pa 'bul// bzhes te kun tu dgyes mchod la// phul ba'i dngos grub bdag la stsol// oM na maHsarba ta thA ga ta ar+g+haM pra tits+tsha ho// rta gdong la sogs bzhi rnams dang // dus gsum rdo rje slob dpon dang // mched dang lcam dral sngar 'das la// dam tshig mchog gi mchod pa 'bul// bzhes te kun tu dges mdzod la// phul ba'i dngos grub bdag la stsol// na maHsarba ta thA ga ta ma hA ar+g+haM pra tI ts+tsha ho// yang ni phyi rabs blo la dgangs// 'di skad yang ni bsgyur te gsungs// tshogs rje tshogs bdag dpal chen he ru ka/ 'bar ba'i rgyal po khrag 'thung lnga rnams dang // dpal chen sku la gnyis med lhun sbyor ba'i// kro d+hi shwa rI 'bar ba'i yum rnams la// dam tshig bdud rtsi dam rdzas mnyes mchod 'bul// thugs rje ches dgongs dbang dang dngos grub stsol// na maHsarba ta thA ga ar+g+haM pra tIts+tsha shrI pany+tsa khA hi/ mthing ga'i mchog rnams rdo rje gsang

  505. 253a

    ba'i yum// zhing bcu gtan nas 'byin pa'i mkha' 'gro ma// ke'u ri la sogs ma mo brgyad rnams la// dam tshig bdud rtsi dam rdzas mnyes mchod 'bul// thugs rje ches dgongs dbang dang dngos grub stsol// na maHsarba ta thA ga ta ar+g+haM pra tIts+tsha shrI pan+d+ha khA hi/ za byed mgo brnyan rdo rje mche gshog can// dam log bgegs kyi snying la 'dren mdzad ma// sid+ha la sogs phra men brgyad rnams la// dam tshig bdud rtsi dam rdzas mnyes mchod 'bul// thugs rje ches dgongs dbang dang dngos grub stsol// na maHsarba ta thA ga ta ar+g+haM pra tits+tsha shrI pany+tsa khA hi/ ti ra'i snying 'dren 'ching sdom dbang sdud ma// rta gdong la sogs sgo ma bzhi rnams la// dam tshig bdud rtsi dam rdzas mnyes mchod 'bul// thugs rje ches dgongs dbang dang dngos grub stsol// na maHsarba ta thA ga ta ar+g+haM pra tIts+tsha shrI pany+tsa khA hi/ bskal pa me ltar 'bar ba'i klong dkyil na// 'jigs byed chen po khro bo'i tshogs rnams la// dam tshig bdud rtsi dam rdzas mnyes mchod 'bul// thugs rje ches dgongs dbang dang dngos grub stsol// na maHsarba ta thA ga ta ar+g+haM pra tIts+tsha shrI pany+tsa khA hi/ khro rgyal sku la gnyis med 'khril ba'i yum// snyems ma la sogs khro mo'i tshogs rnams la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// oM

  506. 253b

    na maHsarba ta thA ga ta ar+g+haM pra tIts+tsha shrI pany+tsa kha raM khA hi/ dpal gyi 'khor tshogs badz+ra A ra li// mkha' 'gro shugs 'gro ma sring rgya mtsho la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// oM na maHsarba ta thA ga ta ar+g+haM pra tits+tsha shrI pany+tsa kha raM khA hi/ thugs rje shugs kyi 'dren pa'i las mdzad ma// pho nya rgya mtsho ci bgyi bka' nyan la// rnam dag bdud rtsi dam rdzas mnyes mchod 'bul// thugs rjes brtse dgongs dbang dang dngos grub stsol// oM na maHsarba ta thA ga ta ar+g+haM pra tIts+tsha shrI pany+tsa kha raM khA hi/ sdom la gnas dang rig 'dzin sgrub pa po// lha dang lhan cig phyogs bcu'i rnal 'byor la// rnam dag bdud rtsi dam rdzas mnyes mchod 'bul// thugs rje brtser dgongs dbang dang dngos grub stsol// oM na maHsarba ta thA ga ta ar+g+haM pra tIts+tsha shrI pany+tsa kha raM khA hi/ dug gsum zad mdzad dus gsum 'dren pa'i dpal// rdo rje slob dpon tshogs kyi gtso bo la// rnam dag bdud rtsi dam rdzas mnyes mchod 'bul// thugs rjes brtser dgongs dbang dang dngos grub stsol// oM na maHsarba ta thA ga ta ar+g+haM pra tItits+tsha shrI pany+tsa kha raM khA hi// brtse gdung mthun pa'i dam tshig lu gu rgyud// 'jig rten 'di dang phyi mar mi 'bral ba'i// dam tshig gzungs kyis 'brel ba'i mched lcam la// rnam dag bdud rtsi dam rdzas mnyes

  507. 254a

    mchod 'bul// thugs rjes brtser dgongs dbang dang dngos grub stsol// oM na maHsarba ta thA ga ta ar+g+haM pra tIts+tsha shrI pany+tsa kha raM khA hi// stong gi 'jig rten rab 'byams ma lus na// rdo rje slob dpon ji snyed bzhugs so 'tshal// mched dang lcam dral ji snyed mchis so 'tshal// snga rabs 'das dang da ltar bzhugs pa dang // slad kyis 'byon pa'i thugs dam gtsang ba dang // g.yar dam gtsang ma ma lus ji snyed la// dri med rnam dag dam pa'i mnyes mchod 'bul// thugs rjes cher dgongs dbang dang dngos grub stsol// na maHsarba ta thA ga ta ar+g+haM pra tIts+tsha ho// shrIHpany+tsa khA hi/ de nas bdud rtsi'i dam blangs te// dngos grub blang bar rab tu gsungs// khro la khros pas zhi mdzad pa// thugs rjes khros pas rngam pa'i tshogs// 'bar ba'i byin rlabs rmad po che// de nyid du ni bdag la stsol// lce yi dam tshig rdo rje la// rdo rje can gyis hUM bsgoms te// bdud rtsi lnga ru sbyar ba ni// zos na byang chub gsum thob 'gyur/ kA ya sid+d+ha oM// bAka sid+d+ha AM/ tsit+ta sid+d+hi hUM/ de nas thugs dam bskang ba ni// hUM mdzad hUM gi thugs dam bskang ba ni// lcang lor bcas pa'i pad+ma ban+d+ha la// tshe 'dzin srog dang dmar chen dam pas bkang // pad+ma zil tig dri dang ra ka kha kha// rdo rje las kyi chu dang pany+tsa a mr-i ta// sha chen mkha' lding shel sgang gzugs kyi mchog/ sman chen

  508. 254b

    lnga dang tshe dang byi lang se// sgrol dang sbyor gyi bdud rtsi mchog nyid kyis// ha ru ma bdun phra men tshogs bcas dang // rdo rje slob dpon lha tshogs gtso mchog rnams// mched dang lcam dral sgrol ba'i ging ka/ ra// mchod par bzhes la mnyes nas dam tshig skongs// grub mchog 'phrul gyi dngos grub stsal du gsol// rdo rje mche ba'i rgya bcings te// gtor ma la gtugs thod rtsal bya// ban+d+ha bcud yangs zab pa dang // 'khor yug gtogs pa'i snod bcud 'di// bdud rtsi'i rang bzhin yin pa'i phyir// 'jigs byed bka' bzlog rol cing dgyes// srid gsum rtse 'joms tri shU la// khams gsum rab tu dkrugs nas ni// za byed chen po'i zhal du yang // thugs rjes 'gro don yud la bstab// 'gro dang mi 'gro snod bcud kyis// 'jig rten khyad lngas kun za na// dngos por gyur pa'i gnas 'di kun// ngas bstab khyed kyis yud la gsol// kha khA le le sha ta pa ga ta/ a la la ho// ma hA pany+tsa a mr-i ta kha raM khA hi/ zhes pas ma ha de ba dang // bka' zlog ma yi mchod pa bya// rgyud lnga'i sems can dug lngar 'bar// zhi ba'i las kyis mi 'dul bas// mi rtag mtshan nyid bstan pa'i phyir// khros pa'i za byed bzhi yis bshig/ laM raM yaM khaM chen po yis// za byed khros pa bzhis bshigs nas// bag chags ma lus rnam sbyang phyir// nam mkha' khro bo za/

  509. 255a

    byed che'i// zhal gyi dbyings su stong khams bstim// ma hA shU n+ya tA dz+nyA na swa b+ha ba At+ma ko&haM/ nga ni za byed chen po ste// gdul dka' ma lus 'dul ba dang // khams gsum ma lus za bar bya// ni khrag 'thung chen po ste// dmar chen khrag gi rgya mtsho la// 'khor ba'i khrag zhag 'thung bar byed// ma lus 'dod la ma chags shing // dam tshig la sdang bsgral bar bya// ma hA tig+h+nA dza la kha raM/ ma hA rak+ta mun+da dza la kha raM/ ma hA ke ni ri ti dza la kha raM/ he ru ka yi gnas bcu dang // dur khrod chen po'i gnas brgyad du// khrag 'thung yab yum spyan drangs pa// dur khrod mchog gi gnas 'di ru// zhing chen gsar rnying ti rar bcas// dmar gyi ar+g+haM rgya mtshor dkyil// mkha' 'gro 'bar ba'i tshogs mchod dang // ma lus bsnams nas bzhes su gsol// kha kha khA hi khA hi/ kha raM khA hi/ sgeg pa dpa' ba 'jigs su rung ba dang // dgod dang gshe dang 'jigs par byed pa dang // snying rje rngam dang zhi ba la sogs te// sku yi dngos po shin tu bsgyur nas ni// rnal 'byor longs spyod mchog 'di bzhes su gsol// zla ba la sogs dmar chen snying po lnga// mAM sa la sogs re mchog dpa' bo gsal// ma tsa me tsa rak+ta ru ti ra// nye ba'i snying po ma lus bsgrub 'tshal gyi// dri med gzi ldan mchod mchog sbyor ba 'di// ye shes lha tshogs rnams

  510. 255b

    kyis bzhes su gsol// rnam dag sgrib spangs srid gsum skyon bral ba'i// ston ka'i zla gsal dri med zhal mnga' ba// bcom ldan bde gshegs rdo rje'i dkyil 'khor can// khro bo'i tshogs chen ma lus thams cad la// dus gsum rgyal ba thams cad bskyed pa'i yum// shes rab lha mo'i rigs kyi yum la sogs// rnal 'byor grub dang rig 'dzin thams cad la// 'gro ba'i don phyir phyag 'tshal mchod par bgyi// mi mnyam mnyam pa'i nam mkha' mnyam pa dang // bsod nams ye shes tshogs kyis rab brgyan pa// yid bzhin sku mchog yon tan mtha' yas gter// shes rab dkyil 'khor ma lus thams cad dang // phyag brnyan 'du 'phro rngam pa'i tshogs la sogs// rnal 'byor chen po'i dam tshig mnga' 'o 'tshal// dgyes pas rol pa'i mchod pa 'di bzhes shig/ ma hA ba li ta khA hi khA hi/ de nas glu drug bstod par bya// hUM gtum chen dus mtha'i me ltar 'bar// 'od zer nyi ma 'bum gyi gzi// khro gnyer glog stong 'gyu ba bzhin// mche ba zang yag za byed che ho// hUM/ rngam pa'i nga ro 'brug stong ldir// tug chom ri rab 'bum bsnyil skad// a la ha la'i gad rgyangs che// skyugs pa'i 'thor rlung g.yeng ba che ho// hUM khro bo shes rab 'od po che// ye shes dkyil 'khor kun tu gsal// 'bar ba'i ye shes kun tu 'joms// sna tshogs ye shes thig

  511. 256a

    le che ho// hUM khro bo'i rgyal po sprin chen po// khros pa'i dkyil 'khor char chen 'babs// dkyil 'khor yid bzhin 'byung ba'i gter// sna tshogs 'khor ba'i thig le che ho// hUM bdud kun gyi ni bdag po ste// bdud kyi bdud ste bdud rnams 'joms// 'jigs pa'i tshogs kyang 'jigs byed pa// 'jigs byed chen po thig le che ho// hUM rdo rje brag chen sra ba po// rdo rje chu bo sdud chen po// rdo rje me ste kun 'bar che// rdo rje rlung ste 'thor rlung cho ho// de nas smon lam gdab par bya// chos nyid spros pa med pa'i dbyings// rang bzhin dkyil 'khor rnam par dag/ dus gsum bzhugs pa'i bcom ldan 'das// thams cad mkhyen pa'i ye shes ldan// thun mong ma yin rnam par grol// ye shes chen po'i rol pa las// rmad du byung ba'i drag shul can// rigs lnga'i bde gshegs he ru ka/ rigs dang bcas pa'i yum rnams go ri'i tshogs dang sing ha'i 'khor// phyi nang rnal 'byor grub pa mo// ye shes sngags zhing las skyes rnams// mkhyen ldan byin brlab mdzad du gsol// rnal 'byor pha dang rnal 'byor ma// pho nya pho dang pho nya mo// ci bgyi'i bka' nyan thams cad dang // phyogs bcu'i gdung sob bde gshegs rnams// rdo rje'i slob dpon mched lcam bcas// dgongs don thugs dam rtse gcig tu// bka' gzhung bzhin du mdzad pa

  512. 256b

    rnams// mkhyen pas byin brlab mdzad du gsol// rnal 'byor phud kyi mchod pa 'di// chos nyid las ni chos nyid 'byung // kun rdzob tsam la brten byas nas// sprul par rol cing rnal 'byor gyi// mchod pa longs spyod sbyar ba 'di// bdag nyid chen po 'khor bcas rnams// dbang gi 'tshal ma'i slad du ni// phud dang gtsang mar rab spags nas// dga' dang gus pa'i sems kyis ni// lha dang lha mo gar gyis blangs// rgyal ba'i dkyil 'khor gzhal med khang // chos dbyings mthar klas bkang nas dbul// gnyis med bde chen dang nyid du// dgyes pa chen pos lhun dgongs nas// ye shes sgyu ma'i ngang du ral// sku gsung thugs gter gzhes su gsol// mthol bshags dag tu gsol ba ni// gsang ba'i dkyil 'khor 'dir 'dus rnams// gsang sngags gsang sgor khas blangs nas// dam tshig gnyen po mchos pa las// rtsa ba yan lag zhig ral rnams// shin tu gnod 'gyod mthol zhing bshags// bzod pa chen pos dang bzhes la// tshangs pa yid bzhin stsal du gsol// dngos grub thob par gsol ba ni// thogs pa med pa'i shes rab dang // mi brjed gzungs dang mngon shes drug/ rgyun gyi ting 'dzin rdo rje'i sku// g.yung drung tshe dang sku gsung thugs// mi zad rgyan gyi 'khor lo ni// dus 'dir 'thob par stsal du gsol// tshe

  513. 257a

    'dir mchog dang thun mong stsol// phrin las gsol bar zhu ba ni// yas kyi bdud dang mas kyi sri// pha khu rgan sri ma bu'i byur// bu tsha'i chung sri dri ngan can// rnal 'byor dam sri lo zla'i keg/ zhi rgyas dbang dang drag po dang // mnan zlog las kyis 'dul ba dang // rdul phran bzhin du bcom byas nas// ming yang med par mdzad du gsol// sgrub pa'i bar chad med par mdzod// de nas bcom ldan 'das zhe sdang rdo rje drag po bsgral ba'i ting nge 'dzin la zhugs nas/ rdo rje srin po'i dkyil 'khor 'di gsungs so// khrag 'thung rdo rje rnon po'i dkyil 'khor ni// rnam pa bcu yis rab tu bshad par bya// dkyil 'khor bskyed dang spyan drang bstim mchod bstod// zhing bcu dgug sbyang bsgral mchod gnas su 'phang // rdo rje srin po'i dkyil 'khor bskyed bya ba// yi ge hUM las yongs su gyur pa ni// hUM rak+Sha shrI he ru ka hUM phaT/ rdo rje srin po dbu dgu phyag bco brgyad// zhabs brgyad dur khrod chas dang ldan par bskyed// e ka dza Ti badz+ra ma hA kro d+hi shwa ri hUM phaT/ gtso dang mdog mthun sbru la 'khril ba'i yum// yab yum gnyis med mkha' gsang byin brlabs nas// de nas khro bo sngags kyis bskyed pa ni// hUM tsa/ hUM ta/ hUM klong / hUM rang / hUM hri/ hUM krong / hUM a/ hUM b+h+rUM/ hUM k+Sha/ hUM hUM/ yig 'bru bsgril ba de rnams las// 'od 'phros khro bo yab yum

  514. 257b

    bskyed// ru lu lnga dang ma ma lnga// b+h+yo b+h+yo lnga dang d+ha la lnga// nyi shu las ni pha bcu dang // ma bcu'i sras ni lcam dral bskyed// de nas spyan yang drang bar bya// lus brda' dam tshig phyag rgya ni// pad+ma'i phyag rgya dpral bar bcings// skra bshig gcer bur mchong zhing rgyug/ rdo rje dbyug pa blangs nas su// g.yab mo lngas kyang g.yab par bya// de nas dkyil 'khor gzhug par brtag/ gzhug pa'i dam tshig phyag rgya ni// las kyi phyag rgya dam tshig rgya// sgra brda' dam tshig phyag rgyas bstim// mchod pa dam tshig phyag rgya ni// rol pa gar gyi tsham rngams phyag/ b+han d+ha'i phyag rgya rab bcas bya// kha kha khA l+ya sha ta pa ga ta/ a la la ho/ ma hA pany+tsa a mr-i ta// kha raM yo gi ni/ kha raM ta ki ni// a la la ho/ b+ha ga wAn kha kha khA/ e ma chos te e ma chos// e ma chos kyi don byung ba// chos don 'gag pa bdag med pa// nam mkha' dang ni mnyam pa'i gnas// rdo rje rgyal por phyag 'tshal lo// a ti pu ho// dpal chen ye shes khyad par sa bcur bzhugs// dbang phyug mnga' mdzad stobs bcus zil gyis gnon// dge bcus dregs byed nga rgyal spyi nas 'joms// stobs bcus brjid gnon phyogs bcur rol pa mdzad// srid gsum 'joms pa'i lha la phyag 'tshal lo// mnyam nyid ngang gis khro la phyag 'tshal lo// khros pas longs spyod mdzad la phyag 'tshal lo// rdo rje 'du 'phro

  515. 258a

    mdzad la phyag 'tshal lo// a ti pu ho/ pra tits+tsha ho/ a la la ho// de nas bstod par bya ba ni// sngags dang tshig tu bstod pa yin// ta ke ma/ ta ke ma/ ta ke ma/ go te ma/ ke ko/ bskal pa me ltar 'bar ba yi// 'od zer 'phro 'du'i klong dkyil na// khro bo khro mo rnams bzhugs pa// sku ni cir yang 'gyur ba'i gzugs// dbu skra kham nag ral pa can// gyen du 'khyil bas srid rtser 'bar// mi mnyam khro gnyer sdang mig ni// log par blta ba 'dul ba'i mtshan// mche ba zang yag gtsigs pa ni// skye bzhi'i rtsa ba gcod pa'i tshul// thugs rje'i byin rlabs sprin ltar gtibs// byams pa'i 'od zer glog ltar 'gyu// sprul pa thog thog char bzhin 'bebs// sngon gyi thugs dam chen po ni// tsham rngams chen po bdud la ston// kyal ka chen po bgegs la mdzad// dam tshig can la dngos grub stsol// 'khyil zhing rgyan yang 'khyil ba la/ sems kyi yang / sems can chos pas sku mi mnga'// sgra las 'das pa'i sbyor ba ste// bsam dang bral ba'i ye shes lags// de nas sgrol ba'i las bgyid na// mok+Sha mdun du bkug byas la// nas 'dzin ging 'di skad gsungs// nyon mongs 'khor ba'i sems can 'di// bstan pas 'dul ba'i snod ma yin// ma chags pas ni sdig re che// gsad pa kho nar bya ba'i 'os// lus kyi 'byung ba lnga po

  516. 258b

    ni// khrag 'thung lnga yi zhal du bstab// sems kyi bag chags mi dge bcu// khro bo chen po bcu la 'bul// yan lag phye ba'i dngos po rnams// ma mo dur khrod brgyad la 'bul// sha dang khrag dang rus pa gsum// sder mo can dang mchu can dang // mche ba can gyi tshogs la bstab// rnam rol lus ngag yid gsum ni// bde chen sku gsung thugs su grub// ngo bo nyid kyis yin pa la// gtor ma bdag pos ngos bzung 'dra// 'di la sogs te sems can khams// dur khrod bdag pos bsgral ba'i phyir// 'jig rten gang ba'i he ru ka/ dbu gsum phyag drug zhabs bzhir bgrad// dbu gsum ral gsum srid gsum mgon// spyan dgus sa dgu cis 'dul mkhyen// shangs gsum sku gsum sprul pa 'gyed// zhal gsum dbyings su dug gsum shar// mche bzhis skye bzhi rtsad nas gcod// phyag drug rgyud drug gting nas 'don// zhabs bzhis phrin las rnam bzhis sgrol// thugs dam nyid kyis sgrol ba la// ma byas bskul bya ci zhig 'tshal// bsgral ba'i 'dul skal lags pas bzhes// gnyis su med pa'i zhing du sbyor// oM badz+ra ma hA shrI he ru ka ma hA tsaN+Da sarba duSh+Tan ta ka ha na da ha pa tsa hUM hUM hUM phaT/ oM badz+ra d+ha ra ma hA kro d+hi shwa ri dza la ni hUM phaT/ oM badz+ra ma hA shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM ma hA badz+ra d+ha

  517. 259a

    ra ma hA kro d+hi shwa ri sarba duHna hUM phaT/ oM rat+na ma hA shrI he ru ka ma hA tsaN+Da sarba duHna ta ka ha na da ha pa tsa hUM hUM hUM phaT/ oM ma hA sAr+ya rat+na ma hA kro d+hi shwa ri bid+yA hUM phaT/ oM pad+ma ma hA shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM hrI shru ta sa ma ta pad+ma ma hA kro d+hi shwa ri khA hi hUM phaT/ oM karma ma hA shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM sarba a mo g+ha ma hA kro d+hi shAshwa ri bi shwa hUM phaT// sngags kyis sku bskyed gsal bar bya// zhes pas zhing de bstab pa dang // de la 'di skad lan du stsal// rdo rje'i pho brang dkyil 'khor du// bdag 'dzin rnam rtog zad byas la// thugs kyi dngos grub 'thob bya'i phyir// sems kyi rtog pa bsgral bar gnang // pad+ma'i pho brang dkyil 'khor 'dir// chags pa'i bag chags zad byas la// gsung gi dngos grub 'thob bya'i phyir// pad+ma'i dbyings su sbyor bar gnang // rin chen pho brang dkyil 'khor 'dir// nga rgyal rnam rtog zad byas la// yon tan dngos grub 'thob bya'i phyir// che ba'i dbang mchog sbyin par gnang // rgya gram pho brang dkyil 'khor 'dir// phrag dog rnam rtog zad byas la// phrin las dngos grub 'thob bya'i phyir// las rnams rgya mtshos sgrol bar gnang // bde gshegs pho brang dkyil 'khor 'dir// rmongs pa'i bag chags zad byas la// sku yi dngos

  518. 259b

    grub 'thob bya'i phyir// chos sku'i dkyil 'khor rtogs par gnang // zhes pas gnang ba sbyin/ de nas ging gis mok+Sha bteg/ mtshams med las kyis dmyal bar 'gro// dam nyams rdo rje dmyal bar gnas// thar lam 'di las gzhan med pas// bde ba grol ba'i lam du shog/ ces pas bstab par bya'o// de nas sbyang bar bya ba yang // mo k+Sha'i lus ni bsreg sbyang bya// lhag mthong me 'bar 'od 'phros dug gsum bsreg hUM raM/ mtshan ma'i me bus brtson 'grus rlung gis gtor// chags rlan sdug bsngal zhi gnas chu yis bkrus// hUM khaM/ de nas lus la dgod pa ni// a nr-i su tri pre du/ mAM mAM lAM pAM taM/ oM AHhUM swA hA/ spyi bo dpral ba mgrin pa snying // lte ba dang ni rkang mthil du'o// mAM las 'od 'phros a yi rnam rtog bsreg/ mAM raM a phaT/ hUM las 'od 'phros su yi rnam rtog bsreg/ hUM raM su phaT/ AM las 'od 'phros nr-i yi rnam rtog bsreg/ AM raM nr-i phaT/ oM las 'od 'phros tri yi rnam rtog bsreg/ oM raM tri phaT/ tAM las 'od 'phros pre yi rnam rtog bsreg/ tAM raM pre phaT/ hA las 'od 'phros du yi rnam rtog bsreg/ hA raM du phaT/ de ltar rgyun gcod sgo dgag pa// a drug 'od 'phros zla steng du// ha las 'od zer rab 'phros pas// rdo rje rgya gram phyag rgyas gtug/ oM shrI kri s+thi ti bi dza ya sma ra sma ra hUM/ brjod pas phyag mtshan drug gi gzungs// skyes

  519. 260a

    dbugs lus gnas drug nas 'byung // sgo gcod rigs drug phyag mtshan 'bar// rgyud drug 'khor gnas mi gtong bar// rigs drug dkyil 'khor bde dbyings bsdu// nyams dang gar sngags mthong snang rmi// sems lus ngag yul bag chags rnams// gnas sbyongs sum cu zam par sbyang // de nas gnas gzhom yongs bsgral ba// mAM bdag nyid bsam gtan rang bzhin pas// le lo g.yeng ba zhi bar byed// stong nyid rang bzhin rtogs bya'i phyir// lha rnams byang chub rdo rjes bsgral// hUM bdag nyid ye shes tshul mchog ste// nga dang bdag 'dzin dbyings su sbyor// me long ye shes rtogs bya'i phyir// lha min zhe sdang rdo rjes bsgral// AHbdag nyid tshul khrims rang bzhin te// las dang nyon mongs dag par byed// gsung rab rgya mtsho rtogs bya'i phyir// mi rnams 'dod chags rdo rjes bsgral// oM bdag nyid shes rab 'od gsal te// rmongs pa'i gti mug zhi bar byed// chos dbyings ye shes rtogs bya'i phyir// byol song gti mug rdo rjes bsgral// traM bdag nyid sbyin pa'i rang bzhin te// bkres dang skom pa'i sdug bsngal sel// mnyam nyid ye shes rtogs bya'i phyir// yi dwags nga rgyal rdo rjes bsgral// hA bdag nyid brtson 'grus rang bzhin te// tsha dang grang ba'i sdug bsngal sel// bya ba'i don rnams bsgrub pa'i phyir// dmyal

  520. 260b

    khams phrag dog rdo rjes bsgral// tri bi Sha mA la ts+tshin+da ts+tshin+da ts+tshin+da hUM phaT/ pa ra bitu khaD+ga ts+tshin+da ts+tshin+da ts+tshin+da hUM phaT/ sarba durga sarba karma kle sha hUM phaT/ ma tha ma tha sarba tir+ya ka ga te he tuM hUM phaT/ pa tsa pa tsa sarba pre ta ka ga te he tuM hUM phaT/ da ha da ha sarba na ra ka ga te he tuM hUM phaT/ rigs drug dag gi phyag mtshan la// sangs rgyas rigs drug phyag mtshan bzung // khro bo bcus bsgral dgod pa ni// mgo la hUM mdzad chen po ste// dpral bar rnam par rgyal ba yin// kha ru ha ya grI ba ste// khams gsum lag pa g.yas par yin// g.yon par dbyug pa sngon po ste// bdud rtsi 'khyil pa snying gar bsdu/ lte ba ra ya mAn+ta ka ste// rkang g.yas gzhan gyis mi thub pa// g.yon pa mi g.yo mgon po ste// ma hA ba la gsang bar bsdu// de nas yig 'bru bcu bkod de// bskyed cing spro bsdu byas pa yin// hUM las 'od 'phros log par g.yems pa bcom// mos pa'i dbang rdzogs rdo rje hUM kA ra// hUM raM/ 'di skor dang gong gi sa bon gnyis ma 'grig pas dpyang hU~M ka ra a b+hi Shiny+tsa hUM a/ klong las 'od 'phros ma byin len pa bsreg/ yo byad dbang stsol gzhan gyis mi thub rgyal// kr-i raM/ a pa ra dzi ta a b+hi Shiny+tsa hUM/ raM las 'od 'phros log par lta ba bcom// skye la dbang mdzad bran tshul mi g.yo mgon// raM raM/ Ar+ya a tsa la a b+hi Shiny+tsa hUM/ klong las 'od 'phros srog gcod sgrib pa

  521. 261a

    bsreg tshe la dbang stsol 'jigs byed gshin rje'i gshed// klong raM/ ya man+ta ta ka a b+hi Shiny+tsa hUM/ ta las 'od 'phros rdzun gyi skyon rnams bsreg/ ye shes dbang stsol dbyug pa sngon po can// ta raM ni la daN+Da a b+hi Shiny+tsa hUM/ hri las 'od 'phros phra ma'i sgrib pa bsreg/ chos la dbang stsol ha ya grI wa dpal// hri raM/ ha ya grI wa a b+hi Shiny+tsa hUM/ tsa las 'od 'phros 'khyal ba'i sgrib pa bsreg/ sems la dbang stsol 'dod pa'i khro bo rgyal// tsa raM DAk+ki rA dza a b+hi Shiny+tsa hUM/ a las 'od 'phros ngag rtsub sgrib pa bsreg/ las la dbang stsol bdud rtsi kuN+Da li// a raM/ a mr-i ta kuN+Da li a b+hi Shiny+tsa hAM/ kA las 'od 'phros gnod sems sgrib pa bcom// rdzu 'phrul dbang stsol 'jigs byed stobs po che// k+Sha raM/ ma hA ba la a b+hi Shiny+tsa hUM/ bruM las 'od 'phros brnab sems nyes pa bcom// smon lam dbang stsol 'dam skyes kuN+Da li// bruM raM// ka ma li kuN+Da li a b+hi Shiny+tsa hUM/ de nas phyag rgya brgyad dgod de// snying la dkar mo go ri ma// mgo la rgan mo tsi ri ma// rkang g.yon rmongs mo pra mo ha// lag g.yon thal byed be tA lI// lag g.yas sbos mo puk+ka sI// rkang g.yas sme sha tsaN+Da lI// pho mtshan gtum mo g+hasma rI// kha la ma tshogs sma sha nI// go las 'od 'phros ma drin bag chags bsreg/ go rI raM/ tso las 'od 'phros log par blta ba bcom// tsau rI raM/ pra las

  522. 261b

    'od 'phros ngag gi sgrib pa bsreg/ pra mo ha raM/ be las 'od 'phros log par len pa bcom/ be tA li raM/ phu las 'od 'phros log pa'i las rnams bsreg/ puk+ka sI raM/ ri las 'od 'phros log par 'chi ba bcom/ g+hasma rI raM// li las 'od 'phros log par rtsol ba bcom// tsaN+Da lI raM/ ni las 'od 'phros 'khrul rtog rtse gcig bcom// sma sha nI raM/ dur khrod gnas kyi ma brgyad kyis// log par blta ba brgyad bcom mo// de nas 'od kyi gong bu de// spyi bor bsdus te 'di skad gsungs// ga mchog thams cad stobs kyi so'u ma// rnam rtog bag chags sregs shig a mr-i ta// dam tshig las kyis sgrol cig karma dza// bde chen dbyings su sdoms shig mu tig baM// a tsan+da maN+Da la/ ma sUR+Ya maN+Da la/ sa ma ya d+ha ra karma badz+ra/ badz+ra mu ti baM// zhes pas don rnams ma lus pa/ lha mo bzhi la las bcol lo// de nas bsgral bar bya ba yang // de dang 'dra bar bya ba ni// srid pa yongs bsgral ting 'dzin yang // rnal 'byor pa yis yang dag bya// lhag mthong me chen bskal pa'i bag chags bsreg/ rat+na he ru ka raM/ brtson 'grus rlung gi bskal pas mtshan ma gtor// karma he ru ka yaM/ zhi gnas chu yi bskal pas dbyings su bkrus/ pad+ma he ru ka khaM/ chos dbyings nam mkha'i bskal pas dbyings su bstim// bud+d+ha he ru ka ga ga na e/ gzung 'dzin

  523. 262a

    sa yi bskal pas phyag rgyar bslabs// badz+ra he ru ka laM/ kA ya wA ka tsit+ta hUM/ badz+ra satwa rA dza/ rat+na ra nga/ pad+ma rA dza/ ta thA ga ta rA nga/ drag po'i las kyis bsgral ba rnams// 'khor ba'i lam ldan bcad de// rnam shes hUM gis bsdus nas ni// 'og min bla med gnas mchog na// gtso bo lnga dang gtso mo lnga// sems dpa' dang ni sems ma dang // khro bo dang ni khro mo yi// sbyor ba'i lhums su phaT kyis 'phangs// khams gsum yongs bsgral de dus na// yongs la sbyar ba shes par bya// bde ba bzhis ni kun khyab po// de nas ging la 'di skad gsungs// khyod ni pho nya ging ka ra// ka tar sngon po 'di long la// a phyi ra dza gnas bstod de// dkyil 'khor gsang bar dbang skur cig/ 'khor ba'i rtsad gcod shes rab mtshon// pradz+nyA tIk+Sh+Na hUM/ raM gyis bsregs shing dbyings su bsdus// hUM raM/ zla dkyil bzhag ste ho yis g.yeng / a ho yi/ phaT kyis 'phangs te dbyings su bstim// sgra ra na phaT/ bde ba chen po'i gnas su bkod// ma hA su kha b+h+rUM/ de nas ging gis 'di skad gsungs// mi 'gyur nam mkha'i rang bzhin las// gzugs snang rtog pas rnam par bsgribs// bag chags ma lus kun sbyang phyir// khams gsum thams cad bsgral bar bya// nga ni za byed chen po ste// sems can thams cad gsad par bya// ma skyes phyir

  524. 262b

    yang gsad par bya// ma grub phyir yang gtub pa'i rdzas// ma rungs 'dod la rab chags shing // dam tshig la sdang dgra bgegs rnams// snying rje byang sems ldan pa yis// ngo mthon stobs kyis bsgral bar bya// pra be sha phaT/ sngags kyis brjod nas tsit+ta bzung // de rnams nyi shu dgu dang ldan// bde gshegs gsang ba'i sgo phye nas// rig pa'i me tog lha la 'phen// gtso bo bsgrub pa'i lhar babs na// lha yi dngos grub don du skong // don dam chos sku'i ye shes gzhug/ mtha' bral chos nyid snying po rtogs// rtogs pa'i ting 'dzin ljags la bstar// de yang rnam pa gcig tu yang // ye shes dbyings su gzhug pas gzung ba stong // snying po ljags la bstar bas 'dzin pa spong // gzung 'dzin gnyis med don dam thugs su chud// rtogs nas sprul pa'i 'gro don phyogs bcur mdzad// de nas 'di skad kyang gsungs pa// khro gtum tshad med byams par snang // gsod chen thugs rje'i bdag nyid ste// bsgral zhing bstab pa dga' ba'i mchog/ yal bar mi 'dor btang snyoms so// nga rgyal dregs sems kun bsgral lha bdud bcom// gzugs ni bshig dral phung po'i rnam rtog bcom// sha za khrag 'thung rus 'cha' nyon mongs bcom// de nyid ma skyes ma byung skye shi med// de nas ging gi tsham rngams 'jug/ phyag rgya 'byung ba'i tsham rngams chas// lha rnams

  525. 263a

    skur gsal phyag rgya bya// oM shrI he ru ka hUM/ a a a/ phyag rgya de dang 'dra ba ni// rdo rje rtse gcig rtse dgu dang // bcu gcig phyag rgya bcings byas te// so so'i rang sngags 'di bzlas so// oM badz+ra kro d+ha hAM ka ra gardza gardza hUM phaT/ oM badz+ra kro d+hA ma hA ba la s+pho Ta s+pho Ta hUM phaT/ oM badz+ra kro d+ha bi dza ya ha na ha na hUM phaT/ oM badz+ra kro d+ha ni la daN+Da da ha da ha hUM phaT/ oM badz+ra kro d+ha ya man+ta ka pa tsa pa tsa hUM phaT/ oM badz+ra kro d+ha Ar+ya a tsa la ban+d+ha ban+d+ha hUM phaT/ oM badz+ra kr-i d+ha ha ya gr-I ba hu lu hu lu hUM phaT/ oM badz+ra kro d+ha a pa ra dzi ta tiSh+Tha tiSh+Tha hUM phaT/ oM badz+ra kro d+ha a mr-i ta kuN+Da li ts+tshin+da ts+tshin+da hUM phaT/ oM badz+ra kro d+ha trai lokya bi dza ya b+hin+da b+hin+da hUM/ phaT/ lag pa thal sbyar gyen du bsgreng // rkang pa mthil sbyar thur du gzug/ tshigs chen bzhi yang bcag par bya// mgo dang mtshan ma snying por brtag/ rdo rje rtse gcig rtse dgu dang // bcu gcig tu ni rnam brtags te// 'di ni khrag 'thung chen po yi// phyag rgya yin par rgyal pos bshad// lag pa thal sbyar gyen du bsgreng // rkang pa phral nas brkyang bskum bzhin// gom pa'i stabs kyis gar byed cing // 'di ni hUM gi phyag rgya yin// rkang pa'i mthil ni mnan pa'i stabs// lag pa phral nas gar byed cing // mnan mchongs stabs su byed pa ni// stobs po che yi phyag rgya yin// rkang pa g.yon gyis g.yas la 'khyud// lag pa gar

  526. 263b

    stabs bskor nas ni// thal mo drag por brdeb pa ni// rnam par rgyal ba'i phyag rgya yin// lag pa g.yas g.yon mthe bo yis// mthe'u chung sen mo mthil du mnan// gdengs pa'i stabs su bsgreng ba ni// dbyug sngon can gyi phyag rgya yin// lag pa g.yas pa'i khu tshur gyis// brdeg pa'i stabs su gdengs pa dang // g.yon pa dku la brten pa ni// gshin rje 'joms pa'i phyag rgya yin// lag pa g.yas pa'i thal mo yis// gdab pa'i stabs su gdengs pa dang // g.yon pas 'dzin pa ltar byed pa// mi g.yo mgon po'i phyag rgya yin// lag pa thal mo sbyar nas kyang // gung mo nang du bsnol bar bya// mthe bong gnyis kyang phral te bsgreng // spyi bor bzhag ste rta yi rgya// rkang pa g.yas pa thur du gzug/ lag pa g.yas pa gyen du bskyer dgyer yang // g.yon gyi rkang lag phyag rgya ni// gzhan gyis mi thub phyag rgya yin// lag pa g.yas g.yon dkur brten te// rkang pa bshibs te mchongs pa ni// bdud rtsi 'khyil pa'i phyag rgya yin// lag pa g.yas g.yon bsnol ba dang // rkang pa brkyang bskum byed pa na/ khams gsum rgyal ba'i phyag rgyar ni// mgon po dpa' bos yang dag bshad// lag pa g.yas g.yon sprug pa dang // lus kyang drag tu gsig pa ni// rdo rje phra men ma rnams kyi// phyag rgya yin zhes 'dren pas bshad// de ltar tsham rngams byas pa las// yig

  527. 264a

    'bru bcu las 'od 'phros pas// mi dge bcu rnams rnam par dag/ de nas phra men ma brgyad kyi// stabs dang phyag rgya 'byon tshul byas// log par blta ba brgyad bcom mo// de nas rtags dang ldan par bsgral// yum ni mdun du 'dug pa la// gnyis su med par sbyor bar bya// dang po bde ba bsnyen pa la// mchog tu bde ba nye bsnyen te// bral ba'i bde ba sgrub pa la// sgrub chen lhan cig skyes pa ste// mkha' dbyings lcags kyu'i phyag rgyas drangs// yab yum byang sems dbang bskur te// dang por reg pa sra ba sa// sangs rgyas spyan gyi bum dbang bskur// de nas gsher ba chu yin te// mA ma kI yi cod pan gdags// de nas dro ba me yin te// gos dkar mo yi rdo rje'i dbang // de nas g.yo ba rlung yin te// sgrol mas dril bu'i dbang yang byin// thig le nam mkha'i gzugs can nyid// rdo rje sems dpa'i sar bsgral lo// srid pa'i 'khor los log pa'i lam// 'khor ba rgyun gcad mya ngan 'das// chos kyi 'khor lo bskor ba'i rtags// gdan du 'khor los mtshan pa yin// Adz+dza tsakra hUM/ mnyam nyid rdo rje dbang phyug gis// stong nyid seng+ge'i sgra bsgrags te// bdud bzhi rab tu bcom pa'i rtags// mi 'jigs seng+ge'i khri la bzhugs// sing ha dzam pa la bi ma la sid+d+hi hUM/ mya ngan mi 'da' rdo rje'i ngang // nyon mongs mi spang dgos

  528. 264b

    pa med// ma chags rang bzhin dag pas na// pad+ma'i dkyil 'khor gdan la bzhugs// oM badz+ra pad+ma sta na be sha hUM/ zhi ba'i mtha' la mi gnas te// 'jig rten kun dang mthun 'jug rtags// thabs dang shes rab 'brel pas na// nyi zla'i dkyil 'khor gdan la bzhugs// oM sUr+ya hUM/ tsan+da a/ gdan rnams de yi steng dag tu// sngags bzlas rigs lnga'i skur bskyed do// 'chi ba med par srog dran pas// rdo rje'i srog/ ni rlung lta bu// gang dag bsgral ba rdo rje'i tshe// skye shi med pa'i sa la bkod// de nyid sras kyi dang por ni// rdo rje sems dpa' khyod kyis stabs// thabs la mkhas pa'i spyod pa'o// de nas ye shes lngas byin bsdu// rnam par shes pa'i tshogs brgyad bsgyur// sku gsung thugs dang yon tan dang // phrin las lngas kyang dbang bskur la// ma lus thams cad lhar bsgyur ro// de nas bsgyur byas yi ge yi// bzhi bcu rtsa gnyis dbang bskur ro// de nas stob ging dag gis ni// sha dang khrag dang rus pa gsum// khyer nas bstab pa 'di skad gsungs// khrag ni 'dod chags bde ba che// khyod kyi zhe sdang gsal ba che// sha ni gti mug me rtog che// rgyu ni dug gsum dag nas kyang // khams gsum 'khor ba las grol nas// 'bras bu sku gsum thob par mdzod// zhal du bstab po kha raM khA hi// de nas slob dpon 'di skad gsungs// nga ni za/

  529. 265a

    byed chen po ste// khams gsum ma lus bsgral bar bya// gdul dka' ma lus 'dul ba'i phyir// sha rus la sogs bza' bar bya// de nas khog pa dur khrod kyi// gnas brgyad brtsigs par bya ba yang // sgrub chen la sogs gzhan mi bya// byas na zhag bdun khrag skyug 'chi// rtogs ldan sgrub gnas dur khrod mnan// shes rlom 'phral snang kun byed pa// ma bdun za lam zhag bdun 'chi// rnam shes tsit+ta na ra ka na// 'jam dpal 'phrul gyi dngos grub mchog/ srid gsum mthar byed rngams pa des// thod dbyug chen po mi bzad pas// gshin rje btul te bsad nas su// ro yang lho yi 'dzam gling du// dur khrod chen po brgyad du brtsigs// de ltar de bzhin bdag gis ni// pha la bus ni byas pa bzhin// 'di lus dur khrod gnas su 'bul// 'di yi lus snying ma ga d+ha// dur khrod chen po bsil tshal du// ma mo chen mo go'u ri ma// dur khrod chen po'i rgyan du 'bul// mkhas la snying stobs che ba yi// dngos grub chen po stsal du gsol// 'di yi mgo bo lho phyogs kyi// sing+ga la yi gling phran la// ma mo chen mo tso'u ri ma// dur khrod chen po'i rgyan du 'bul// mthong thos rnam par 'phrul bag gi// dngos grub dam pa stsal du gsol// 'di yi lag g.yas shar lho mtshams// bal yul na ni puk+ka sI// dur khrod chen po'i rgyan du 'bul// lhag par

  530. 265b

    zas kyi dngos 'byor pa'i// dngos grub dam pa stsal du gsol// 'di yi lag g.yon lho nub mtshams// sA la'i tshal na be tA lI// dur khrod chen po'i rgyan du 'bul// phyag na rdo rje'i mthu stobs stsol// 'di yi rkang g.yas byang shar mtshams// li yi yul na tsaN+Da lI// dur khrod chen po'i rgyan du 'bul// longs spyod 'khor ldan dngos grub stsol// 'di la rkang g.yon nub byang mtshams// ka ni ka mthun pra mo hA// dur khrod chen po'i rgyan du 'bul// bde skyid ldan pa'i dngos grub stsol// 'di yi pho mtshan byang phyogs na// u rgyan yul na g+has ma ri// dur khrod chen po'i rgyan du 'bul// grub pa myur ba'i dngos grub stsol// bzhag sha khog sha la sogs pa// thams cad lo ka'i dur khrod na// sma sha ni yi rgyan du 'bul// las rnams kun gyi dngos grub stsol// zhes pas dur khrod khang brtsig go/ de nas phung po lnga po rnams// mchod par bya ba 'di gsungs so// bcom ldan rdo rje sems dpa' la// gzugs mchog glang po'i gdan khri 'bul// thugs kyi dngos grub dam pa dang // stobs bcu'i dbang rnams stsal du gsol// bcom ldan rnam par snang mdzad la// gzugs mchog seng ge'i gdan khri 'bul// sku yi byin rlabs rgya mtsho dang // mi 'jigs bzhi yi dbang rnams stsol// bcom ldan snang ba mtha' yas la// gzugs mchog rma bya'i gdan khri 'bul// gsung

  531. 266a

    rab rgya mtsho 'chad pa dang // dbang bcu'i dngos grub stsal du gsol// bcom ldan rin chen 'byung gdan la// gzugs mchog rta yi gdan khri 'bul// yon tan rgya mtsho'i byin rlabs dang // rdzu 'phrul rkang bzhi'i dngos grub stsol// bcom ldan don yod grub pa la// gzugs mchog mkha' lding gdan khri 'bul// phrin las rgya mtsho mtha' yas dang // thogs med las bzhi'i dngos grub stsol// sa dang chu dang me dang rlung // nam mkha' dang ni 'byung ba lnga// sangs rgyas spyan dang mA ma kI// na bza' dkar dang dam tshig sgrol// kun tu bzang mo la sogs pa// rigs kyi gsang mchod 'di 'bul gyi// mi 'gyur gzugs kyi dngos grub stsol// de nas tshogs kyi zhal zas rnams// rang gis longs kyang spyad par bya'o// dang po zhal zas lha la bstab// dgyes mchog nye bar spyod pa yi// rdo rje bdud rtsi'i zhal sa 'di// pad+ma dri ma med pa ltar// rgyal ba rnams kyis bzhes su gsol// zhes pas lha la dbul bar bya'o// de nas za byed zhal hom gyi// mchod pa dag kyang bya ba ni// rnal 'byor nang pa'i zhal hom ni// khong pa rin chen gzhal yas khang // de nang dkyil 'khor lha bkod la// zhal yang hom khung bsreg khang du// ye shes che ba'i me sbar te// lce ni las su bya ba yi// lha rnams so so'i bzhugs gnas

  532. 266b

    la// khong pa rin chen gzhal yas khang // dbus kyi gtso bo nas brtsams te// lha yi dkyil 'khor rim bzhin du// bsreg khang bzhugs gnas spyan drangs te// lag pa rdo rje'i hom gzar dang // 'dod pa'i lha mo'i bsreg rdzas su// bdud rtsi'i hom du bstim pa'i tshe// so ni ye shes mes bcom nas// dkan dang ljags kyi dbang por ro// spyan drangs rang bzhin gang yin bstim// mgrin pa bla med lam drangs te// khong pa rin chen gzhal yas khang // de yi nang du lha rnams mchod// ba spu'i phyogs su gzi brjid ni// me 'bar phrin las rnam pa bzhis// 'gro ba'i don yang brtsam par bya'o// dkyil 'khor lha ni re re la// ging gis bsreg rdzas gsum gsum bstab// bstab pa'i tshig dang sngags rnams ni// lha yi rim pa dag dang sbyar// sku gsung thugs kyi rgyud mnyes bya// de yang ngas ni khyed rnams la// rab tu gsal ba yang bshad na// 'bar ba'i bsreg khang zhal hom du// ye shes mche ba'i me 'bar te// 'og min lha yi gzhal yas nas// dkyil 'khor lha rnams spyan drangs te// lce dbus pad+ma'i gdan la bzhugs// lag pa hom gzar bsreg rdzas stob// dbyibs dang kha dog mtshan ldan pa'i// zhal du gyur pa'i me bos la// bza' btung bro ba'i tshogs rnams kyi// las bzhi'i mchod pa rab tu sbyin// dkyil 'khor lha rim zhal hom

  533. 267a

    mchod// dbyibs kyi bzhugs tshul rigs kyi mdog/ mtshan gyi khyad par lha rnams kyi// so so'i rim bzhin bdag bsgoms te// mchod pa shes rab can gyis bya// zhal zas kham ni ran par gtub// phyag rgya lag pa rdo rje'i gar// hom gzar bskor te zhal bstab che// lha rnams mtshan nas brjod cing bskul// 'brim mkhan g.yas brims lha tshogs mchod// bdag mchod kun mnyes thams cad 'grangs// kun la phan pa'i sman yin te// rnal 'byor bdag nyid chen po yi// thams cad bza' zhing brgyan par bya// de yang ji ltar bya zhe na// phyi rabs kyis ni don bzhir shes// mchod pa'i gnas dang yon tan dang // ci phyir mchod dang mchod pa'i rdzas// mchod par bya ba'i rdzas dag ni// rang la rgyan cing gzabs pa ste// rgyan lnga dag tu shes par bya// nang rgyan phyi yi chas rgyan dang // mdzes pa lus la bkod pa byin rlabs sprul pa'i rkun lnga'o// bza' ba rngam pa lnga po la// ye shes dbyings la bza' ba dang // dbyings ni ye shes la bza' dang // dbyings dang ye shes bag chags bza'// thugs rjes 'khor ba'i sems can bza'// rngam zhal dus gsum bag chags bza'// rngam pa'i zhal du za ba ni// phun tshogs bzhi dang dkyil 'khor lnga// phun sum tshogs pa rnam bzhi ni// hom khung phun tshogs rnam dag zhal// ye

  534. 267b

    shes phun tshogs tshems 'bar me// mchod pa phun tshogs hom gzar la// bdag nyid phun tshogs gtso bo che// dkyil 'khor rnam pa lnga yod de// gsal bkra za byed thim pa gsum// las dang don grub dkyil 'khor lnga'o// longs spyod mdzad pa'i dus su yang // byi 'khur mi bca' skos la phebs// zhi ba'i smon lam la sogs te// rigs lnga he ru ka yi mtshan// brjod nas mchod pa'i dus su yang // dur khrod mchog gi rgyan du che// 'dod chags khrag gi rgya mtsho la// zhe sdang rus pa'i phung po ste// gti mug sha yi dkyil 'khor 'dir// bdag dang mtha' yas sems can rnams// dug gsum bag chags byang byas nas// srid gsum sems can thams cad sgrol// sa gsum 'bras bu 'thob pa dang // sku gsung thugs kyi rgyud mnyes pas// sku gsung thugs kyi dam tshig skong // bdag dang mtha' yas sems can rnams// sku gsung dngos grub thob gyur cig/ 'di yi dus na ti ra'i gnas 'phrog ma// zhing bcu sgrol dang ma sgrol nyul ba ni// sngags pas bsgrims nas byas pa na// ngas ni khyed la gsal bar bshad// karma mA le'i rgyud las// rnon po'i dkyil 'khor bskyed pa'i le'u ste drug pa'o// // de nas bcom ldan 'das zhe sdang rdo rjes/ 'bar ba'i dkyil 'khor chen po 'di/ rnal 'byor gyi dbang phyug chen po rnams la gsungs

  535. 268a

    so// 'bar ba'i dkyil 'khor zhi dang khro// dang po spyan drang mchod pa 'bul// gsog 'jog med par lhag ma bzhag/ ho gsang ba'i don la gtogs pa yi// mkha' 'gro sum cu rtsa gnyis rnams// sngon gyi thugs dam ma 'da' bar// sgrub pa'i stong grogs 'dir gshegs shig/ dzaHhUM baM hoH/ DA ki ni hUM dzaHe A ra li hri hri/ hUM rnam dag chos nyid zhi ba las// thogs med thugs rje'i sprul pa 'byung // rang rang las kyi skal gyur pas// sprul pa bsam yas mkha' la 'gro// 'ja' tshon mdog 'dzin rigs las sprul// mi ro skam po'i gdan stengs na// thugs rje'i sprul pa yang dag zhon// mthing ga mi bskyod dpa' bo'i gzugs// sum cu rtsa gnyis kun 'jig cing // mi thod khrag gis bkang ba dang // kha T+wAM tri shul gshol gri bsnams// rang rang lag cha sna tshogs ldan// dpa' bo'i gzugs can khro mig ba grad// nyi zla'i tshul du mkha' la 'gro// zas su sha dang khrag dang ni// rkang dang tshil bu rgyu ma za// yang dag de nyid 'jig rten nyid// sprul pa'i tshul gyi gzugs kyis 'dul// gtso bo dga' bar byed pa dang // nang khrol 'dren par byed pa dang // khyo la chags par byed pa dang // rnal 'byor spro bar byed pa dang // skye 'gro gsod par byed pa dang // 'jig rten 'bar bar byed pa dang // gzugs rnams brjid par

  536. 268b

    byed pa dang // gling rnams 'khor lo ltar bskor ma// mkha' 'gro ma mo khyod rnams yin// sngon tshe bcom ldan mi bskyod pa'i// ye shes dbyings la chags tshul du// dga' ma gsod dga' 'dzin dga' ma// 'dren dga' mig dmar thod pa 'dzin// myos ma ra byil gdong dmar gyis// mdun rgyab zur gnyis dbus gsum po'i// mdun la gtso mo bdun gyi 'khril// mi bskyod spyan sngar khas blangs pa// slas su bdag cag 'dun bgyid pas// mna' bor dam bcas khas blangs te// 'jig rten ma 'das bar du ni// 'jig rten bstan pa bsrung bar byas// khas blangs 'gal bar mi bya'i phyir// mchod sbyin bzang po 'di bzhes la// rnal 'byor bcol ba'i las gyis shig/ sngon tshe bcom ldan rtag pa la// chags chen ma dang chags mchog ma// chags bral ma dang rgyas 'debs ma// 'khor lo 'khor ba lnga yi 'khril// rtag pa'i slas su byas nas ni// 'jig rten ma 'das bar du ni// bstan pa bsrung ba mna' bor ba// khas blangs 'gal bar mi bya phyir// mchod sbyin bzang po 'di bzhes la// rnal 'byor bcol ba'i las gyis shig/ bcom ldan rin chen 'byung ldan la// bdud rtsi chang ma bsil ma dang // be con 'dzin ma rgyu 'thung ma// rgyu 'dzin kha 'dzin lnga yis ni// mdun rgyab zur gnyis dbus la 'khril// 'byung ldan slas su byas

  537. 269a

    nas ni// 'jig rten ma 'das bar du ni// 'jig rten bstan pa bsrung bar bya// khas blangs 'gal bar mi bya'i phyir// mchod sbyin bzang po 'di bzhes la// rnal 'byor bcol ba'i las gyis shig/ bcom ldan snang ba mtha' yas la// stobs bzang ser smug kha yal ma// 'dod pa mo dang nor bu bzang // ba dan ma ni bum lto ma// lnga yis mdun zur dbus la 'khril// 'jigs dbang slas su byas nas ni// bstan pa bsrung bar mna' bor bar// da rung 'jig rten ma 'das pas// mchod sbyin bzang po 'di bzhes la// rnal 'byor bcol ba'i las gyis shig/ bcom ldan don yod grub pa la// gsod brtson gsal ba'i 'od 'chang ma// so zhag khrag 'jib bus bzang ma// dbyug sna sbrul lus gser mig ma// mdun zur bzhi dang dbus gsum la// drug 'khril don grub slas su byas// bstan pa bsrung bar mna' bor bas// da rung 'jig rten ma 'das pas// mchod sprin bzang po 'di bzhes la// rnal 'byor bcol ba'i las gyis shig/ shar nyid du ni bum sna ste// nub tu d+ha sha gri ba'o// lho ru rnam par 'joms ma ste// byang nyid du ni 'bod grogs so// mkha' la 'gro ba'i sgo ma bzhi// bcom ldan rdo rje mi bskyod pa'i// zhabs bzhi'i 'og na shi bzhin gnas// nyi zla pad+ma'i gdan du 'bar// mkha' 'gro sum cu rtsa

  538. 269b

    gnyis po// da dung 'jig rten ma 'das kyi// slas dang gdan du byas rnams kyis// mna' bor tshul bzhin las bya'i phyir// mchod sbyin bzang po 'di bzhes la// bcol ba'i las rnams grub par mdzod/ sngags sor bzhag/ oM badz+ra DA ki ni a a gar+b+ha yin nam gad ta ya a gad ta ya ban+d+ha ya/ to sha ya to sha ya/ mo ha ya mo ha ya/ sarba DA ki ni/ bud+d+ha DA ki ni khA hi/ badz+ra DA ki ni khA hi/ rat+na DA ki ni khA hi/ pad+ma DA ki ni khA hi/ karma DA ki ni khA hi/ 'bar ba'i dkyil 'khor gsum bsgom pa// gsal bar bcu drug rab bshad bya// mkha' 'gro'i dkyil 'khor bskyed pa dang // spyan drangs pa dang las la gzhug/ zil gyis mnan dang phyag rgya dang // dbang du bsdu bar bya ba dang // dgos pa'i don rnams bsgrub tu gzhug/ dam tshig mna' bsgag bya ba dang // bdag gzhan bsrung du gzhug pa dang // bdag dang mi mthun khro gzhug dang // dngos grub mchog 'dod 'khor du gzhug/ he ru ka yi las la gzhug/ kha chus gdab dang rigs lngar bstab// rdo rje'i mo gdab dam yang bsre// gzhug tu mnan pa'i cho ga bya// karma mA le'i rgyud chen 'dir// 'di dag rab tu gsal bar bshad// mkha' 'gro ma yi dkyil 'khor na/ srin mo'i za lam gom pa ni// bdun cu'i phyi rol dag tu ni// rdo rje dri chu'i dkyil 'khor bri// dbang phyug ma yi dkyil 'khor

  539. 270a

    bsgom// mkha' 'gro'i dkyil 'khor bskyed pa ni// mkha' 'gro'i rgyal po chen po ni// pad+ma he ru ka ru bskyed// rdor rigs dam pa nyi shu dang // dbang mo nyi shu la sogs pa// mkha' 'gro rgya thug tshul du bskyed// de nas spyan drang 'di skad gsungs// he ru ka yi gnas bcu dang // dur khrod chen po'i gnas brgyad nas// dpal chen khrag 'thung 'khor dang bcas// dur khrod chen po'i gnas 'di ru// dmar gyi ar+g+ha rgya mtshor 'khyil// zhing chen gsar rnying ti rar bcas// zod rus 'bar ba'i dkyil 'khor 'dir// mkha' 'gro 'bar ba'i tshogs bcas kyis// ma lus gshegs shing bsnam du gsol// dzaHhUM baM hoH/ shrI he ru ka sngags sor bzhag/ a gad ta ya a gad ta ya/ pra be sha ya pra be sha ya/ ban+d+ha ya ban+d+ha ya/ to sha ya to sha ya/ mo ha ya mo ha ya/ badz+ra DA ki ni nAM shrI he ru ka hUM phaT/ na mo rat+na tra yA ya/ na maHtsaN+Da badz+ra pA Na ye/ ma hA yak+Sha se na pa ta ye/ e h+ye hi/ sa ma ya sa ma ya/ A na ya A na ya/ ko ta k+Sha ko ta k+Sha/ ma ma b+h+yo b+h+yo// ru lu ru lu A ra li ho// hri hr-i hri/ brjod pas dbang phyug ma dang ni// rdo rje rigs dam la sogs pa// khyo shug re re dag la yang // 'khor ni sa ya phrag bco brgyad// bco brgyad sprin phung bzhin du yang // mdun gyi nam mkhar lhags pa las// so so'i rang sngags brjod pa yis// dam

  540. 270b

    tshig la ni thim par bsam// ma nu rak+Sha sI b+h+yo// brah+ma NI b+h+yo// ro tri b+h+yo// ko mA rI b+h+yo// biSh+Ta be b+h+yo// in+d+ra ni b+h+yo// badz+ra sid+ha lI b+h+yo// a mr-i taM b+h+yo// so mya b+h+yo// daN+Da di b+h+yo// rak+Sha sI b+h+yo// b+hak+Sha sI b+h+yo// ra ti badz+ra b+h+yo/ ru d+hi ra mat+ta b+h+yo// e ka tsa ti NI b+h+yo// ma no ha raM b+h+yo// sid+d+hi ka b+h+yo// wa ya bI b+h+yo// ma hA ma ra Na b+h+yo// ag+ni b+h+yo// wa ra hI b+h+yo// tsa mur+t+ti b+h+yo// su ta ne b+ho// wa ru NI b+h+yo// badz+ra ma hA ka lI b+h+yo// tsa kA lI b+h+yo// kum+b+ha kaR+Sha b+h+yoblo// lam+bo da ra b+h+yo// de nas las la gzhug pa ni// Ta ki'i phyag rgyas bcings nas ni// las kyi phyag rgya 'di bstan pas// rtag tu las kun byed pa ste// ma dang sring mo rnams dang ni// chung ma pho mo 'dra bar byos// oM badz+ra DA ki ni/ A kaR+ShA ya/ A kaR+ShA ya/ pra be sha ya pra be sha ya/ ban+d+ha ya ban+d+ha ya/ to sha ya to sha ya/ mo ha ya mo ha ya/ sarba badz+ra DA ki nI nAM/ dzaHhUM baM hoH/ DA ki nI hUM dzaH/ nyer gnas zhi tshul las la gzhug/ gzhan yang las kyi phyag rgya dang // dam tshig phyag rgya las la gzhug/ dbang phyug ma yi gtso mo brgyad// de yi dam tshig las rgya ni// thun mong dag tu gar mchod bya// lag g.yon rtse gsum phyag rgya bcas// g.yas kyi g.yog mos rtse mnan pa// de ni u ma'i phyag rgya'o// lag pa g.yon pa phyag rgya oM// smad 'don ltar byed tshangs ma'o// rdo rje mnan nas mdud pa'i rgya// mnga' bdag g.yog mo rtse sprad de//

  541. 271a

    lhag ma mda' sgro lta bu'am// yang na tri shul nyid du bca'// 'di gsum gang rung dga' bar byed// lag pa g.yas kyi mnga' bdag dang // g.yog gnyis g.yon gyi chang par bcangs// sil gsil ltar byas gzhon nu ma// yang na mdung gi phyag rgya'o// g.yon gyi mnga' bdag la sogs pa// brkyang nas rtse bcum 'khor lo ma// lag pa g.yas g.yon bka' nyan gnyis// khar bcug mnga' bdag gyen bsgreng phrag/ khu tshur de nyid ma bshigs par// thur du mnan pa gshin rje ma// lag pa g.yas g.yon mnga' bdag dang // g.yog dang 'bring mo gsum bcangs te// seng ge'i rna ba brgya byin na// phyag rgya de rnams byed bzhin du// gsang sngags 'di dang sbyar te bzlas/ sngags sor bzhag/ dza ya du u ma ba hi kang ka d+ha rI/ dzA ya du prah+ma NI ka ma la d+ha rI/ dzA ya du ma he shwa ri shA la d+ha rI/ dza ya du ko mA rI shak+ti d+ha rI/ dza ya du na ra ya ni tsakra d+ha rI/ dza ya du ba ra hi daN+Da d+ha rI/ dza ya du in+d+ra ya ni/ badz+ra d+ha rI/ dza ya du tsa mur+N+Na tsit+ta d+ha rI// dgos don phra mo yan chad rnams// bsgrub tu gzhug par bya ba ni// g.yas g.yon gnyis g.yog lcags kyur bcing // dkyu zhing dkyus la 'di skad gsungs// dgongs don sems can gang yin pa// de yi mdun du khyod rnams kun// dgongs pa bsgrub phyir 'dug par byos// khyod kyi srog ni ma rungs

  542. 271b

    par// dam tshig 'dis ni 'gyur ta re// au ba lin tod ba li ta A kaR+Sha ya hUM phaT/ de nas dngos grub mchog 'dod phyir// drung du 'khor du gzhug pa ni// g.yon pa'i g.yog g.yas bka' nyan gyis// sgra 'byin tog cing 'di skad gsungs// khro bor mnyam gzhag gang yin pa// dam tshig 'di yang bya ra byas// khyod kyis de yi mdun du ni// dngos grub kun gyi mchog phyir 'khod// oM badz+ra pa ta la b+hany+dza b+hany+dza hUM hUM phaT/ de nas zil gyis mnan pa ni// snying gar thal ma bsnol byas la// sku gsung thugs dang mnyam sbyor ba'i// phro brang dkyil 'khor dang las sbrul// nga ni bdud kyi bdud bdag ste// mkha' 'gro'i tshogs dang bcas pa'o// dzaHhUM baM hoH/ shrI he ru ka sarba duSh+Tan sa ma ya da/ ma rang pra pany+tsa ka/ b+hak+Sha ya b+hak+Sha ya/ bi d+hA na sa ya bi d+hA na sa ya/ he b+ha ga wAn/ bud+d+ha k+She tra stam+b+ha ya ka hUM phaT/ zhes pas de rnams zil gyis mnan no// de nas phyag dang / bya ba ni// bdag med phyogs bral don dam thugs chud cing // byams dang snying rjes dgra zun mi mnga' yang // gdug pa 'dul phyir dus la mi 'da' ba'i// 'jigs byed he ru ka la phyag 'tshal lo// nam mkha'i lus can gar yang thogs med cing // 'dod dgur sgyur ba'i gzugs can 'phrul mo che// ma sring byams ma'i tshul gyis grogs mdzad ma// phyi nang mkha' 'gro'i tshogs la

  543. 272a

    phyag 'tshal lo// oM ka ra mu ka sha ra ya ya na maH/ oM rA ga sa ma ya ya na maH/ oM kha TA ga pra la ya ya na maH/ oM gan+tha dza la ya ya na maHa ti pu ho// pra ti dza ho// ta thA ban+da nang ka ro mi ma hA yo gi go ru pa te a la la ho// bdag gzhan bsrung du gzhug pa ni// khu tshur bcangs pa'i g.yog gnyis bsgreng // gang zhig la la bsgrub pa'i phyir// khro bo'i blta bas bcings nas ni// sems can gang la bsrung ba'i phyir// de yi rgyab tu 'jug par bya// badz+ra ban+d+ha hUM/ bdag dang mi mthun de dag la// de la khro ru gzhug pa ni/ hUM gi phyag rgyas g.yog 'khyud de// spyi bor gtugs la 'di skad bsgo// bdag nyid chen po'i dam tshig ni// rin chen phyag rgyas bcings nas ni// khros nas gang la bltas pas ni// de yi mdun du de bzhin 'dug/ oM badz+ra ma la aSh+Ta baM/ de nas he ru ka yi ni// phyag rgya dgug pa'i las gzhug pa// 'dod pa'i phyag rgyachurgya bcings byas te// 'di dag bsgo bar gsungs pa'o// rdo rje phyag rgya bcings nas ni// gal te gsod par 'dod na ni// dgug par bya ba gang yin pa// de yi mdun du rtag par dgug/ oM shrI he ru ka/ ma hA/ badz+ra sarba duSh+TAn/ sa ma ya mu dra pra b+hany+tsa kra hUM phaT/ de nas dbang du bsdu ba ni// rta gdong rgya bcings 'di skad gsungs// nga ni dus gsum bzhugs pa yi// sangs rgyas yin te ye shes sku// ye shes sprul pa'i

  544. 272b

    mkha' 'gro ma// nga nyid yin te nga yi dbang // oM pad+ma ban+d+ha ba mu ka/ A kar+N+Na ya/ pra be sha ya pra be sha la/ ban+ta ya ban+d+ha ya/ to sha ya to sha ya/ sarba badz+ra Tak+ki ni/ hr-i da yan ha ha hi hi au// oM AHhUM/ de nas dam tshig mna' bsgag pa// mnga' bdag gnyis po bkug pa yi// gdong gis g.yog gnyis bkug pa yi// gdeng du gtugs la 'di skad brjod// rdo rje rig pa 'dzin pa yi// dam tshig phyag rgya bcings pa las// gal te gang zhig 'das rgyur na// dam tshig 'dis ni khyod gsod do// oM badz+ra a kar pri ta sa ma ya hUM/ 'di rnams spyi dgos rnam gnyis su// phye nas rig pa dam pa las// sogs pa gang yin shes bya'o// de nas kha chu btab nas ni// rigs lnga'i mkha' 'gro ma la bstab// byang chub sems kyi sprin dag las// 'byung ba chu yi char bab pas// mkha' 'gro pad+ma'i dkyil 'khor du// bde ba thugs kyi dkyil 'khor spro// ma mo sprin tshogs ma lus la// dgyes mnyam mchog gi sbyin pas bstim// oM gu ru kro d+ha ha ka/ rat+na kro d+ha ka/ sa ma ya brang sha kha la li shag sha pra ka pra tak+Sha tre pra ti stam+b+ha ka ya hUM phaT/ de nas gtor snod ban+da yi// phyag rgya bcas pas phyogs bzhi nas/ bteg ste 'di skad brjod par bya// sku gsung thugs kyi rang bzhin rgyal ba rgya mtsho rnams// e h+ye hi i h+ye hi tshur gshegs tshur sbron 'khor dang

  545. 273a

    bcas// dzaHhUM baM hoHsa spyan 'dren ma lus gshegs su gsol// ka la ki la ha ha dga' ba'i bzhad mos khong // bder drongs bder drongs a ko su ka shu pa ri// tiSh+Tha shi shi slob ma tshul cig snang bar mdzod// rol cig dgongs shig 'dod pa tiSh+Tha khA hi khA hi// b+h+yo sbyin no bskul lo da ra ha ra ha ra ha// ngo mtshar mchog tu bstab po kha kha la// bral ba la sogs dmar chen snying po lnga// mAM sa la sogs ro/ mchog dpa' bos gsol// ma tsa me tsa rak+ta ru ta ri// nye ba'i bsgrub pa ma lus bsgrub 'tshal gyi// dri med gzi ldan mchog gi mchod par sbyar ba 'di// ye shes rgya mtsho rnams kyis bzhes su gsol/ ar+g+haM sbreng zhing dbang phyug ma'i// srog snying gzungs sngags rnams brjod do// de nas rdo rje dril bu dang // kha T+wAM ga gsor 'di skad brjod// kha T+wAM ga kha T+wAM ga/ kha T+wAM ga la rgyab brten bcas// nam mkha'i phyag rgya rnal 'byor bas// nam mkha' kun tu 'gro ba grub// dngos grub thams cad mkhas 'byin pas// mkha' la sgyu ma kun blangs te// lus pa med par der zo zhig/ rgyas btab rmongs byas bslang nas ni// gar dag byed cing rab tu za// gan+d+ha ra ho// gan+d+ha ra yi sgra yis sgrol bar mdzod// la lar mkhas pa'i gzugs can 'dzin// la lar dus mtha'i me ltar 'bar// la lar gshin rje bzhin du rngams// la lar tshangs pa bzhin du

  546. 273b

    zhi// 'jig rten khams ni stong dag ni// mkha' 'gro 'bar ba'i tshogs chen gyis// ma lus lus pa med par sgrol// rab tu dgyes pa'i bde mchog 'bar ba'i gtso// rin chen tshogs kun 'dus pa 'di la gzigs// sngon med khro rol 'di la rol mdzod cig/ dur khrod chen po'i dngos grub stsal du gsol// 'dul ba'i dbang du grub pa'i cha lugs mi bzad ma// rnal 'byor mkha' 'gro gzi brjid 'bar ba 'di// bde ba'i spyod pa'i gnas nas bskyod mdzad cing // thugs rje pad+ma'i dbyings nas dges par mdzod// a la la ho// ji ltar pad+ma 'dam la chags pa med pa bzhin// sdug pa'i 'ching bas mi zin rnam grol lo// bdag cag dam tshig 'di la 'dus shing tshogs pa rnams// mnyes mdzod nyid du bde bas bzhes su gsol// de nas kun gyis thob par bya ba ni// rigs lnga'i tshom bu gtor ma so sor 'bul// oM bud d+ha DA ki ni pra tits+tsha mA na ba laM hUM phaT/ oM rat+na DA ki ni pra tits+tsha mA na ba liM trAM phaT/ oM pad+ma DA ki nI pra tIts+tsha mA na ba liM hrIHphaT/ oM karma DA ki ni pra tits+tsha mA na ba liM ha phaT/ de nas rdo rje'i mo gdab cing // dam tshig bsre bar bya ba ni// ko rI'i ban+d+ha 'phrul zhal gyi// phyag rgyas gtor ma la gtugs la// oM ma hA kro d+hi sha ri hUM phaT/ brjod pas nyi ma'i dkyil 'khor gyi// steng du yi ge hrIHbsgoms la// rig 'dzin dngos grub

  547. 274a

    lag pa yi// phyag rgya dag gis blang bya zhing // oM AHhUM uts+tshiSh+Tha badz+ra a mr-i ta tiSh+Tha swa maM hUM hrIHphaT/ sngags de brjod pas dam blang zhing // 'grub mi 'grub dang rnam bzhi'i las// gang bya rdo rje'i mo gdab pa// rdzogs pa chen po'i lta bas gzung // 'grub dang mi 'grub sra sti la// mngar dang mi mdar sgyur skyur po// tsha dang kha la sogs pa'i ro// zhi rgyas dbang dang mngon spyod kyi// rim pa nyid du shes par bya// dbang phyug ma dang bdag cag gnyis// thugs dam gcig tu bya ba'o// mkha' 'gro ma dang bdag cag yang // thugs dam gcig tu bya ba'o// de nas mnan pa'i cho ga bya// drag po ma lus 'dul bya zhing // mnan pa'i dus la bab pa rnams// dbang phyug ma la las bcol te// bkug la sa yi 'phar sgo dbye// gshin rje chos kyi rgyal po la// gtad cing sa yi 'phar sgo bcad// de nas gtor ma phyogs bcur gtor// gtor gzhong rnams ni kha sbub ste// gzhong pa yum du bsgom pa yi// steng du stangs stabs 'greng bya la// las rnams sngon du grub par bya// dngos grub rnams ni dbang du bya// dbang ni brtan par bya ba'o// de nas slar yang nang du 'jug/ smon lam mchod pas thim pa yi// dkyil 'khor 'dir yang smon lam yang // gdab cing dug gsum mchod par bya// 'di yi dus na dur khrod gnas nyul mas// phyogs

  548. 274b

    nor mchod rdzas nyul bas na// lhag ma'i mchod pas tshims par bya// gtor ma yongs la khyab pa'o// legs par byed par gyur pa'i rnal 'byor la// nyul byed par chod las grol dngos grub ster// zhes gsungs so// karma mA le'i rgyud las 'bar ba'i dkyil 'khor gyi le'u ste bdun pa'o// // de nas bcom ldan 'das zhe sdang rdo rjes spyi'i las bsdus pa 'di gsungs so// spyi yi las bsdus rnam pa bcur bshad bya// bshags sbyong dngos grub gsol dang smon lam gdab// rgyas pa'i gter bgo las ni dngos grub dang // dngos grub dbang bya dbang ni brtan par bya// lha gshegs bkra shis brjod dang dza gad gsol// de nas bshags pa bya ba yang // tshogs pa nang du 'dus nas ni// dang la las kyi karmas bshags// de nas ging gis bshags pa bya// de nyid bshags pa bya ba ni// las kyi skol dmigs 'dir stsal las// rngo ma thogs pa'i ming byung bshags// de nas grogs po nang bshegs bya// g.yas g.yon gral tshal gnyis byas la// glu dbyangs mgrin mthun 'di skad blang // thams cad ma lus mched lcam dral// bde gshegs slob mar lung mnos la// mthun par spyod pa'i dam tshig pas// mnyam dang mi mnyam don gcig la// legs 'ong rnam par dbyer med kyang // rnam par dag pa'i sgo tsam du// gzhung las nyams pa ci/

  549. 275a

    mchis pa// rnam par dag pa'i bsam pas mthol// don gyis mi gnas tshig gis bshags// 'dzin pa med pas bzod par gsol// rang bzhin dag pas tshangs par stsol// gcig gis gcig zhabs spyi bor blang // ngag gi sri zhus bzod par gsol// tshangs par gyur cig ces kyang brjod// de nas kun gral bsres nas slob dpon la// bzod par gsol la 'di skad gsol// rdo rje slob dpon dpal dang ldan// 'phags pa'i sku dang tha mi dad// bde gshegs rnams kyi gsung rab lung // rna bar brgyud pa'i man ngag mnga'// sku gsung thugs dang rdo rjer gyur// zhal nas gsungs pa rgyal ba'i bka'// gnyis med dag gi lha dang mnyam// 'jig rten rje dang pha ma'i tshul// lus ngag yid thug gnas rab tshul// bsnyen bkur gzhung bzhin rdo ma thogs// ngan sems dpya sems dag la sogs// sdom pa'i dam tshig ci nyams pa// thams cad ma lus mthol zhing bshags// lus ngag sgrib par mi 'gyur zhing // tshangs pa 'phral du stsal du gsol// ngag gi sri zhus bzod par gsol// lus ngag zhabs ni spyi bor blang // slob dpon gyis ni lan stsal pa// gnongs par dran nam 'gyod skyes na// slan chad sdom la tshangs par stsal// de nas dngos grub gsol ba ni// rdo rje dril bu gsor zhing brjod// phyag rgya rnam lnga dngos

  550. 275b

    grub tu// rdo rje slob dpon brjod gsol bya// de yang 'di skad gsungs te brjod// skal ldan mi'i tshogs dkyil 'khor du// dga' ldan ting 'dzin gsal bsgoms pas// glu tshig sgra yi phyag rgya yis// chos kyi dngos grub thob gyur cig/ bro gar phyag rgya 'du 'phro ni// 'dzul lam nam mkhar 'gro bar 'gyur// rgyan dang bgo ba'i phyag rgya ni// 'bar ba'i rgyal po thub med 'gyur// bza' dang btung ba'i phyag rgya ni// yid bzhin sku dang bdud rtsir 'grub// A li kA li'i phyag rgyas ni// thams cad thams cad 'grub par 'gyur// zhes brjod de nas smon lam yang // de dang mthun par gdab pa ste// smon lam 'jug la brjod pa ni// tshogs kyi dkyil 'khor dus su ni// phyag rgya rnam pa lnga bsgoms pas// dngos grub thob par gyur cig brjod// de nas smon lam btab pa ni// rdo rje slob dpon mched lcam dral// lag pa lu gu rgyud sbrel nas// glu dbyangs mgrin gcig 'di skad blang // rdo rje slob dpon lcam dral mched// mthun par spyod pa'i rnal 'byor pa// dam las mi 'da'i grogs mched rnams// rdo rje 'bar ba'i lu gu rgyud// cis kyang mi phyed 'brel pas na// rnal 'byor dag gi phyag rgya 'brel// 'jig rten 'di dang pha rol du// thugs dam gzhung bzhin mi 'bral zhing // dkyil 'khor gcig tu bla med bsgrub// 'phags pa'i go 'phang 'thob pa

  551. 276a

    dang // chos kyi chos nyid dbyings nyid du// lhan ne lhang nger 'grub par smon// zhes brjod tshe ni pha rol tu// slob dpon zhabs drung mi 'bral ba// rdo rje'i smon lam de gdab po// de nas rgyas pa'i gter bgo ba// bdud rtsi lnga 'am zas lnga la// rdo rje ri rab gzugs byas la// rnal 'byor lu gu rgyud tshogs nas// rgyas pa'i phur bu thogs la dril// gcig kyang stob tshul byed du gzhug/ de nas slob dpon 'di skad gsung // ma yi tshogs kyi dkyil 'khor mchog/ lu gu rgyud du sbrel bsdams bskyod// gzi brjid 'bar ba'i 'phrul chen 'phro// sangs rgyas zhing khams ma lus par// mchod yon yid bzhin dpal phreng gis// phyogs bcu gang bar rgyas 'bul na// yon tan nam mkha' gang ba rnams// thugs rje'i lcags kyus dbyings su bsdu// zhes pas lcags kyu'i phyag rgya bcas// thams cad puSh+Ti ku rus drang // de nas phur thogs des 'di gsungs// bdud rtsi lnga'am zas lnga la// brgya yi yon tan gter du brtag/ nga rgyal dga' 'phro'i phur pas gdab// rdo rje gzi brjid 'phel bar 'gyur// puSh+Ti ku ru zhes bzlas nas// de la phur pas gdab bya'o// de nas gtor bgod brjod cing gdab// ma yi tshogs kyi dkyil 'khor mchog/ 'bar ba 'du 'phro gzi chen la// dga' ba'i yid kyi mchod sbyin bya// yon tan nam mkha'i mtha' dang

  552. 276b

    mnyam// de nas gzhan byin 'di skad gsung // ma yi tshogs kyi dkyil 'khor mchog/ lu gu rgyud du sbrel bsdams bskyod// gzi brjid 'bar ba'i 'phrul chen spro// yon tan nam mkha' gang bar 'gyur// rgyal rdo rje 'khor bcas pas// 'jig rten khams ni rab 'byams kun// skad cig yud la rgyas mdzad de// rgyas par ma gyur gang yang med// ces pas bro brdung rgyas par bsam// las ni gzhan ma gsum po yang // mi byar mi rung byed na yang // rtsis 'gro 'di ltar shes bya'o// de nas dngos grub bya ba ni// kun langs hUM gi phyag rgya bca'// badz+ra Ta ki'i sngags brjod nas// mchog thun dngos grub stsol bar bsam// de nas dngos grub dbang du bya ba yang // pad+ma he ru ka yi skus// grub chen brgyad dang sku gsung thugs// mi zad rgyan gyi 'khor lo bsam// de nas dbang bstan par bya ba ni// go rI'i ban+d+ha'i 'phrul chen gyi// phyag rgya bcas te sngags 'di brjod// ma hA krod+hi shwa rI hUM zhes pa// dbang rnams brtan par gyur cig ces// lan gsum de skad brjod par bya// de nas lha rnams gshegs su gsol/ dkyil 'khor lha rnams lus la bsdu// de nyid rig pa'i mchod pa yin// bdag gi rig pa'i ye shes kyi// khyad par dag las byung ba ni// gsang sngags nang ba'i lugs yin te// bdag nyid chen po zhes bya ste// lha rnams rang gi/

  553. 277a

    lus la bsdu// las grub thugs dam gshegs pa dang // slar gshegs cho ga 'di skad gsungs// oM khyed kyis sems can don kun byas// bde bar gshegs so bcom ldan 'das// thugs rje chen po 'brel bas na// slar gshegs par yang snyan cha gsol// badz+ra muHyis ye shes gshegs// de nas bkra shis brjod par bya// bkra shis phyogs phyogs mi re yangs// glu dbyangs ha kar blang byas la// shar phyogs dpal be'u mgo btsugs la// byang gi nyar bkar 'di skad gsungs// 'jam dpal gdung 'tsho ba dpal be'u// thugs kyi gsang ba mdzad du gsol// sku mdog nyi ltar dag pa'i tshul// phyag sor zhabs sor nya la gsol// dbyangs zab chos kyi dung chen sgrogs// tshems dang rus pa'i sbubs su gsol// shes mchog bdud rtsi bum pa'i ngang // dbu skra mgur dang phyag la gsol// rnam shes ma chags pad mo'i dbyings// zhal gyi dkyil 'khor sgros su gsol// nam mkha'i mthar thug thugs rje'i sbyangs// dbu yi dkyil 'khor gtsug tu gsol// mkhyen dpangs dkar po rgyal mtshan 'bar// mnyen lcug 'khril ldem sku la gsol// yid bzhin chos kyi 'khor lo bskor// phyag mthil zhabs mthil gnyis su gsol// rdzogs nas bkra shis lus bkod de// lan bzhi bskor mas sngar sar bkod// so sor bkra

  554. 277b

    shis dbul bar bya// rtogs pa'i ye shes dbyings kyi bkra shis 'bar// thugs rje'i phrin las 'khor bar bkra shis 'bar// mtha' gnyis mi gnas dbu ma'i bkra shis 'bar// dpal be'u gsum 'bar bkra shis slob dpon bzhes// oM bi ma li bi ma li kar ma ma badz+ra sha na/ ya na mang+ga la A be sha ya swA hA/ dpa' brjid mnyen lcug rgyan yi bkra shis 'bar// 'khor ba'i gting 'phyo thugs rje'i bkra shis 'bar// gangs chen mkhar ba'i rang bzhin bkra shis 'bar// nya yi gsum 'bar bkra shis slob dpon bzhes// oM su b+ha gi ri bra ba kri rA dza ya// yan mang+ga la A be sha ya swA hA/ bstan pa'i chos sgrogs gsung gi bkra shis 'bar// 'khor bar mi bsnyems rgyal thabs bkra shis 'bar// rang bzhin rnam dag dge ba'i bkra shis 'bar// dung gi gsum 'bar bkra shis slob dpon bzhes// oM ma ni ba ti dza ya/ ya na mang+ga la A be sha ya swA hA/ sa bcur mnga' gsol dbang gi bkra shis 'bar// bdud rtsi bro mchog nad sel bkra shis 'bar// gsher byed bag chags sbyong ba'i bkra shis 'bar// bum pa'i gsum 'bar bkra shis slob dpon bzhes// oM ma ya ma ya/ ra tsa ra tsa ka sha ka sha ye/ ma ma pa pa ka tsa ya/ yan mang+ga la A be sha ya swA hA/ 'dam skyes pad ltar thugs rje'i bkra shis 'bar// chags pa'i skyon bral thabs mkhas bkra

  555. 278a

    shis 'bar// rang bzhin rnam dag gar skyes bkra shis 'bar// pad+ma'i gsum 'bar bkra shis slob dpon bzhes// oM da ka da ka du na du na dza la dza la yan mang+ga la A be sha ya swA hA/ 'khor bar mi gdungs skyabs kyi bkra shis 'bar// sdug bsngal zhi byed skyabs kyi bkra shis 'bar// khyab pa sbyin mdzad yon tan bkra shis 'bar// gdugs kyi gsum 'bar bkra shis slob dpon bzhes// oM dza ya dza ya/ sarba sha truM s+thAm b+ha ni a mo g+ha a pa ra dzi ta dza ya/ yan mang+ga la A be sha ya swA hA/ chos kyi rgyal mtshan mi nub bkra shis 'bar// sbyin pa'i char chen rtags kyi bkra shis 'bar// bdud sde pham mdzad rgyal ba'i bkra shis 'bar// rgyal mtshan gsum 'bar bkra shis slob dpon bzhes// oM da dzi ni da dzi ni dza ya dza ya/ yan mang+ga la A be sha ya swA hA/ 'khor ba'i rgyun gcod phrin las bkra shis 'bar// dkyil 'khor bkod pas bzhugs gnas bkra shis 'bar// mi 'gyur 'khor lo'i chos sku'i bkra shis 'bar// 'khor lo'i gsum 'bar bkra shis slob dpon bzhes// oM dzi li dzi li/ mi li mi li/ ba tre ba tre/ dza ya mang+ga la A be sha ya swA ha/ glu dbyangs so so nas brjod cing // slob dpon la ni bkra shis dbul// de yang lus la bkod par bya'o// de nas slob mas slob dpon la// bkra shis pham phab dkar shas tsam// zhu zhing

  556. 278b

    gsol ba 'di skad gsungs// slob dpon sku mchog yon tan bkra shis 'bar// ri rab gser gyi ngos la bya gnas pas// bya yi dngos po bor nas gser du snang // bdag cag phyogs kyang bka' drin dges khengs nas// nyes pa'i skyon bral bkra shis mthar phyin smon// brjod nas bla mar phyag byas nas// slob dpon gyis kyang 'di skad gsung // 'dir 'dus skal ldan rnal 'byor rnams// bkra shis skal shas thob gyur shog/ ces pas thams cad bkra shis so// de nas dza gad zas gsol ba// bkra shis zas brgyad a mr-i ta// sbyar nas thams cad gsol 'tshal lo// rdo rje ging gis dza gad dang // sman lnga stsal nas rab sbyar te// bkra shis bteg nas 'di skad gsung // sngon tshe shAka thub mngon par sangs rgyas tshe// zhing pa'i bu mo bkra shis lo legs mas// rdo rje'i gdan la bkra shis skyems gsol bas// bdud sde pham mdzad dge ba'i lo tog smin// de bzhin slob dpon rdo rje'i gdan la bzhugs// dge ba'i lo tog bcud kyi dza gad dpa' bo 'di// bdud rtsi lngar ldan rigs lnga'i bkra shis 'bar// ho zhes phyag tu phul byas nas// s+t+waM zhes phyag tu bzhes par bya// sa ma ya ni ho zhes gsol// sa ma ya s+t+waM phyag tu bzhes// bkra shis pham phab dag kyang ni// gang gis slob ma rim par stsal// bkra shis zas dang dza gad ni// bde ba chen

  557. 279a

    po'i zas su bza'// zag pa med pa'i skom du 'thung // tshogs gnyis rdzogs par sangs rgyas so// rtsa la thim pas dkyil 'khor 'bar// bdud rtsi khams thim sku ru gsal// yi ge thim pas sngags su sgrogs// snying rlung thim pas bcud tu 'dres// 'gros rnams thim pas gtsug tor 'khyil// rtsa rnams 'gros thim dbu ma'i nang // dbu yi gtsug tor grub pa dang // khams kyi bdud rtsir ring bsrel ni// g.yas su 'khyil ba'i dung dang 'dra// sngags ni hUM gi gzugs su grub// rlung ni 'chi ba med pa'i srog/ mi 'gyur spros dang bral bar gnas// karma mA le'i rgyud las/ spyi'i las thams cad ma lus par bsdus pa'i le'u ste brgyad pa'o// // de nas byang chub sems dpa' sems dpa' chen po la sogs pa'i 'khor ma lus pa thams cad 'dus nas/ bde bar gshegs pa thams cad kyi gtso bo/ bcom ldan 'das zhe sdang rdo rje la bstod pa/ sha dang rus pa khrag med kyang // nam mkha' la ni 'ja' tshon ltar// khyod kyi sku ni ston par mdzad// khang stod med khyod sku la bstod// rgyud mchog las kyi phreng ba 'dir// dus kyi dkyil 'khor rab gsungs pas// phyi na gza' dang rgyu skar dge// nang du khams dgu 'du lugs rtogs// gsang ba yum gyi pad+ma rgyas// de nyid dbyer med chen por gnas// tshogs kyi dkyil 'khor chen po

  558. 279b

    yis// rgyu ni bsod nams tshogs rdzogs nas// 'bras bu ye shes tshogs kyang rdzogs// tshogs gnyis longs spyod chen po'i sku// gsal bkra'i dkyil 'khor zhi ba'i ngang // phung khams skye mched lhun gyis grub// rnon po'i dkyil 'khor khro rgyal tshogs// zhing bcu mngon par sangs rgyas bkod// thim pa'i dkyil 'khor mchod pa yis// rang bzhin ye shes lha rnams mnyes// 'bar ba'i dkyil 'khor mkha' 'gro'i tshogs// bka' dang bstan pa gnyen po bsrung // rgyud chen las kyi phreng ba 'di// ji ltar gzung zhing gtad par bya// de nas zhe sdang rdo rje yis// 'khor gyi sa bcu byang sems la// legs par yang dag rab gsungs pa/ rgyud dang lung dang man ngag rnams// rgyud rgyal breng chags phun sum tshogs// lung chen bzung ste nges pa rnyed// man ngag mi bslu nges pa'i don// lung chen rgya chen bshad pa'i rgyud// las kyi phreng ba gzung bar bya// lha dang rig 'dzin mkha' 'gro la// gtad pas skal ldan mi la brgyud// de nas rim par dar bar 'gyur// phyi rab skal ldan don bshad pas// ma 'ongs blo dang 'tshams par 'gyur// zhes gsungs nas thams cad chos kyi dbyings su thim mo// karma mA le'i rgyud las/ rjes su yi rang ba'i le'u ste dgu pa'o// // lung chen bshad pa'i rgyud karma mA le rdzogs so// // rgya gar gyi slob

  559. 280a

    dpon d+har+m+ma shri pra b+ha dang / a tsar+ya bi ma la la sogs pa'i paN+Di ta la rat+na a gras bskur cing gtan la phab pa'o// / @#// rgya gar skad du/ sarba ta thA ga ta bud tro pu na gu h+ya pa no shi a shwad da/ ma bi na sa ma hA tan+t+ra nA ma/ bod skad du/ de bzhin gshegs pa thams cad kyi dgongs pa bla na med pa gsang ba rta mchog rol pa'i rgyud chen po zhes bya ba/ dpal rdo rje sems dpa' la phyag 'tshal lo// 'di skad bdag gis zos pa'i dus gcig na/ bcom ldan 'das rdo rje bde ba chen po phyogs bcu dang dus gsum gyi sangs rgyas ma lus pa'i 'byung gnas/ sku gsung thugs yon tan phrin las rdo rje gsang ba gzhan las khyad par du gyur pa mtshan dang dpe byad phun sum tshogs pas spras pa/ bkod pa rgyan gyi dkyil 'khor lhun po brtsegs shing yon tan rin po che'i 'byung gnas sna tshogs rnam par snang bapaba'i ngo bo/ zab pa dang rgya che ba'i yan lag thams cad gsal bar byed cing ye shes kyi tshogs kyis chos ma lus pa mthar phyin pa/ kun tu phrin las rgya cher 'phrul pa'i bdag nyid/ dpal bde byed pad+ma gar gyi dbang phyug chags pa chen po'i ting nge 'dzin brnyes pa med pa'i chos nyid kyis thams cad la dbang bskur ba de nyid lha thams cad 'du ba'i gnas gzhal yas khang du gyur pa/ 'og min rdo rje lhun po'i gnas ye

  560. 280b

    shes kyi snang ba rin po che sna tshogs ni 'od 'bar ba'i khang bzangs/ 'dod pa'i yon tan gzugs sdug pa sna tshogs dang / dri zhim pa sna tshogs dang / ro bro ba sna tshogs dang / reg bya 'jam pa sna tshogs dang / chos kyi bde ba bskyed pa sna tshogs phyogs bcur 'phro zhing 'khrigs pa brtse mo mtho zhing khyams kyi rnam par phye bar sgo bzhi sgo khang dang bcas par bzhugs so// de'i tshe bde bar gshegs pa'i rol pa chen po kun tu snang ba dang / 'od kyi dpal dang / dga' ba'i dbang phyug dang / cho 'phrul bkod pa dang / rnam par gzigs dang / mi bskyod rdo rje dang / mngon par snang ba dang / brtan pa'i dbang phyug dang / 'brug sgra dang / dri ma med pa dang / rin chen phung po dang // nam mkha'i mdzod dang / rin chen dra ba dang / dkon mchog mtshan dang / rin chen tog dang / 'od zer snang ba dang / tshe mtha' yas dang / chos kyi dbang phyug dang / chags pa med pa'i 'od dang / dga' ba'i spyan dang / don thams cad yod pa dang / brtson 'grus shugs can dang / las chen 'phrul las dang / gnod sbyin 'dul ba dang / sna tshogs dbang phyug go/ gzhan yang byang chub sems dpa' sems dpa' chen po bde ba'i blo gros dang / rgya mtsho'i sgra dbyangs dang / gzi brjid bkod pa dang / 'khor lo rnon po dang / shes snang ba dang / rdo rje rgyal mtshan dang / 'od zer 'phro ba

  561. 281a

    dang / drag shul can dang / dri ma sems dpa' dang / sgyu ma'i sprul pa dang / rin chen rgyal po dang / dra ba can dang / lag bzangs dang / gser 'od 'phro ba dang / rin chen snye ma dang / chos kyi mtho ba dang / dri ma med pa dang / mun pa sel ba dang / dga' ba'i dbyangs dang / gzhon nu rin chen dang / rdo rje rnam par gnon pa dang / gar mkhan dang / bro'i rgya mtsho dang / thogs med bkod pa dang / pad+mo dga' bab dang / sa yi dbang phyug dang / rin chen spungs pa dang / sprin gyi phreng ba dang / yid 'ong me tog dang / ye shes sgron ma dang / spobs pa brtsegs pa dang / kha lo sbyar ba dang / dran pa'i dbang phyug dang / pad+ma'i blo gros dang / las byed pa'i stobs dang / snying po blo gros rnams so// de dag kun kyang rang rang gi btsun mo'i tshogs dang 'khril ba'i tshul gyis bzhugs so// gzhan yang pad+mo 'phro ba dang / pad+ma 'dzin pa dang / pad+ma sgrogs pa dang / pad+ma bskyod pa dang / pad+ma tshim byed dang / pad+ma 'thor ba dang / pad+ma snang ba dang / pad+ma dbang byed rnams kyang rang rang gi phrin las kyis bkod do// gzhan yang 'jigs byed chen po byams pa'i dbang phyug brtse ba'i dbang phyug dang / pad grol dbang phyug dang / grol ba'i dbang phyug dang / sbyin pa'i dbang phyug dang / spyod pa'i dbang phyug dang / smra ba'i dbang phyug dang / mthun pa'i dbang phyug kyang

  562. 281b

    rang rang gi rig pa bcas pas 'khod do// de dag la sogs pa'i 'khor gyi tshogs rnam par 'byed pa dang / 'byed pa med par snang ba'i sangs rgyas dang / byang chub sems dpa'i tshogs 'bum phrag bcu gnyis dang / thabs cig tu bzhugs so// de nas bcom ldan 'das ting nge 'dzin gyi rgyal po pad+ma chags pa'i spyan zhes bya ba'i ting nge 'dzin la snyoms par zhugs te/ thugs ka'i dpal be'u la sogs pa'i gnas rnams nas/ 'od zer gyi dkyil 'khor gsal bar byed pa bkye bas/ des phyogs bcu'i 'jig rten gyi khams thams cad gsal bar byas pa dang / ya mtshan gyi ltas chen po bco brgyad byung bar gyur to// de nas snod dang bcud du bcas pa'i gsal zhing 'bar bar gyur nas/ phyogs bcu'i sangs rgyas dang byang chub sems dpa' rnams kyi thugs dam bskul te/ de dag gis kyang cho 'phrul rnam par 'khod pa zhes bya ba phyag rgya chen pos rang gis 'khor lo'i khyams dag tu spro bar byed mdzad do// de yang zhing khams rnam par sbyong zhing slar 'khor gyi 'khor dang bcas pa 'od zer 'phro ba'i gnas su 'dus so// de ltar 'chad pa'i rgya chen 'i rnam par rol 'phrul bas rol zhing zhal 'dzum pa dang bcas par gyur nas bzhugs pa las 'khor thams cad kyis the tshom skyes par gyur to// de'i dus na mthun par gleng ba ni/ kye ma ho ya mtshan sna

  563. 282a

    tshogs chos// rgyal ba'i mdzad pa ya mtshan che// cho 'phrul dpag med gyur pa yi// dgos pa'i don nyid ji lta bu// rgyu rkyen med par sangs rgyas ni// gsang gsum dam tshig spro mi mdzad// de yi mtshan nyid yang snang ba// gsang pa'i dbang po bskul bar mdzod// khyod ni rgyal ba kun gyi sras// dgongs don rgya mtsho don mnga' ba// bka' yi bdag po dgongs mdzod dag/ legs par zhu zhing gsol gdab mdzod// de nas gsang ba'i bdag po lag na rdo rjes lnga brgya dang bcas pas gzhan dag gi the tshom rnam par gcod pa dang rang nyid kyi sgo gsal bar bya ba'i phyir mdun rol nas langs te/ phyogs bcu nas 'khod nas mchod pa'i tshogs rgya chen po bkod cing rgyal ba kun la mchod de/ lan brgya rtsa brgyad du bskor ba byas shing rtse gcig tu gus pas phyag 'tshal nas/ dga' ba'i bzhin gyis gsol ba btab pa/ e ma rgyal ba nyid kyi sku// rnam par 'phrul pa'i dkyil 'khor dag/ ting 'dzin ye shes gnas las byung // dga' mdzad dkyil 'khor 'dus pa dang // byang chub sems sprin char chen gyis// nyon mongs la sogs sbyong mdzad cing // thugs rje chen po ye shes kyis// tshogs pa'i 'bras bu legs smin mdzad// sku mdangs dga' ba'i bzhin bcas pas// gsang ba'i theg pa bstan du gsol// khyod kyi dgongs don

  564. 282b

    gting dpag dka'// zab cing phra la rgya che bas// 'khor rnams the tshom ri bos gnon// thugs rje che mnga' gsal bar mdzod// 'di dag thams cad bstan pa'i snod// mgon po btang snyoms lhun mnga' mdzad// dus 'dir rtsom pa don che ste// smon lam 'bras bu mthar phyin mdzod// de skad ces gsol pa dang / bcom ldan 'das rdo rje 'dzin pa de nyid kyis stong gsum gyi stong chen po'i brtan g.yo'i dkyil 'khor thams cad thugs mnyam pa nyid rtse gcig gi sgo nas gzigs so// rnam par gzigs kun tu gzigs/ de ltar dgongs nas dkyil 'khor 'di dag thams cad smra bsam las 'das par sna tshogs rnam par smros shig/ de nyid dngos po dang par gzigs nas/ gzigs pa'i mtha' dang / dgongs pa'i mtha' dang / mdzad pa'i mtha' kun la snyoms pa'i ting nge 'dzin la snyoms par bzhugs te/ bkod pa dang / rnam par bkod pa dang / rnam par bshad pa dang / dgongs pa dang / rnam par dgongs pa dang / rol pa dang / rol pa chen po dang / mdzad pa dang / sna tshogs mdzad pas kun du spro bar mi byed de/ 'jig rten drug gi rnam pas bsdus pa'i stong gsum gyi dngos po 'di dag/ sangs rgyas kyi dkyil 'khor 'di las gzhan du snang bar mi dgongs so// de'i dus dang sa dang sa'i khyad par dang / dkyil 'khor bkod pa dag

  565. 283a

    kyang rnam par mi gzigs/ kun tu mi gzigs shing dgongs pa yang mi 'gog go/ de dag ni mthar yang mi gnas shing nam mkha' lta bur bzhugs so// de nas ting nge 'dzin de la zhugs ma zag tu 'khor gyi dkyil 'khor de dag kyang chos thams cad kyi dkyil 'khor gyi rang bzhin nam mkha' lta bur rtogs par 'gyur ro// de nas yang gsang ba'i bdag po lag na rdo rje ngo mtshar gyi sgo nas bskul zhing gzhan dag gi don thugs g.yo bar mdzad pa'i glus g.yo slong bar mdzad de/ tshul ban don gyi rgyal po che// 'dren pa kun gyi rgyud nyid pas// nam mkha' lta bu'i rgyud nyid pas// nam mkha' lta bu'i dkyil 'khor nas// thugs rje chen po'i ya mtshan ston// kye ma'o mgon po don kun gnas// zhi ba'i las dam 'jug byed pa// byang sems thugs rje'i rlan bral lam// rdos can chos dang 'grang 'gyur cing // zhes gsol ba btab pa las kyang ci yang mi gsung bar bzhugs so// de nas yang yum gzi ldan pad+mo zhes bya bas rnam par mi rtog pa'i ting nge 'dzin las slong ba'i glus skul bar mdzad de/ mi dmigs ting 'dzin bsam 'das brjod dang bral// bde ba chen po ye shes byang chub sems// mi dmigs thugs rje mi 'da' dam tshig gis// rol pa'i cho 'phrul rgya chen bstan du gsol// de skad ces yang bskul ba'i rjes// mgon po'i

  566. 283b

    gnas rnams la dgongs nas// 'od zer rnams bkod 'dzum mdzad de// 'khor ba legs sbyin skabs dbye mdzad// legs so legs so rdo rje can// pad+mo 'dzin pa'i grogs bcas pas// yang yang bskul bar mdzad pas na// gnang zhing bstan par mdzad pa la// dga' ba'i spyan rjes dang bar gyis// gang 'dod rtogs pa zhi bar mdzod// ma 'ongs rtogs pa mtha' dag rnams// thugs rje shugs kyis bzung mdzad de// don kun khyab pa'i snang ba yis// gzung bar bya ba'i skabs dbye mdzod// zhes gsungs so// de bzhin gshegs pa thams cad kyi dgongs pa blang na med pa'i gsang ba'i rta mchog rol pa'i rgyud chen po las rnam par sprul pa'i le'u ste dang po// // de nas dga' zhing 'khor 'dus pas/ dga' ba'i bzhin bzang rgyas mdzad de/ gtso bos ji ltar bka' stsal bzhin// thugs rjes 'byung ba'i dkyil 'khor gzungs// de nas gzigs ldan pad+mo can// 'dzum mdangs rgyas pas bskul mdzad de// 'o byed 'khyud pa la sogs pa// dga' bzhin chags par rnam par 'gyur// e ma rig pa'i rgyal po khyod// thugs rje chen po nyi 'od bzhin// thugs rje 'byung ba'i dkyil 'khor gzungs// phyogs res med pas go 'byed pas// yul du gyur pa kun chud dgongs// mi dmigs cho 'phrul nam mkha' las// bkod pa rgya mtsho sprin thang

  567. 284a

    bzhin// thugs rje sprul pa'i char chen pos// sna tshogs las brgyad dag par mdzod// de nas gartsa za rdo rje 'chang // ting nge 'dzin las bzhengs mdzad de// rang gi mtshan mos rab mdzes pas// rgyal po zil gnon gzi brjid can// phyag gi 'khor lo rab bskor cing // phyogs rnams kun du gzigs mdzad de// mi dmigs nam mkha'i dbyings dag na// rdo rje sbrul sku mngon byung nas// gzi ldan pad+mo chen mo dang // rol pa'i tshul du bzhugs mdzad de// 'dzum mig chags pa'i gzhin dag gis// 'khor rnams slong pa'i sngags brjod do// oM adz+dza ma hA bam+bi sha ku ru baM na hr-i da ya aM b+ha ba hi a la la ho// gnyis su med pa'i byang sems kyis// dkyil 'khor sbyor zhing bsdu bar mdzod// bsod nams ye shes tshogs rdzogs sgra// rdo rje gar gyi rol mdzad cing // dga' mchog rdo rje byang chub sems// 'dzum zhing 'khyil ba'i pad+mo'i gnas// dkar 'tsher dag pa'i rang bzhin te// dmar po dbang dang gnyis med par// gsal khyab kun du spros pa las// dkyil 'khor sprul pa mtha' yas 'thon// zhi 'gog mya ngan 'das pa dang // byang chub mgon gnas lam zhes dag/ gnyis med gnyis su sbyor mdzad cing // rang gi dkyil 'khor gnas la bkod// ngo mtshar sprul pa rnam par rol// brjid dang bcas pas gar mdzad

  568. 284b

    cing // 'dzum par mdzad dang rol pa dang // kun tu 'gying dang spyan mdzes bltam// smin ring bskyod cing bsgyur ba dang // rdo rje phur pas g.ya' bas slong // 'dor zhing skum dang 'jog ldeg dang // rnam par rol pa'i gar gyis kyang // rigs kyi phrin las sna tshogs sprul// nam mkha' kun tu khyab par mdzad// rnam par rol pa'i bde 'byung bar// byang chub sems sogs zhi zhing gsal// rol pa'i char nyid mngon babs pas// 'jig rten drug gi phyogs bcu na// brtan dang g.yo ba ma lus pa'i// sangs rgyas zhing khams dag byas nas// byang chub sems tshogs rol pa la// brdeg dang 'khyud dang sdom pa las// sbyor dang bstim dang mnyes pa dang // kun du rab dgyes ye shes thig/ sna tshogs snang ba nyi ma'i 'od// yang dag bde la rab gnas mdzod// de 'dus pa'i che tshogs pa'o// phyogs bcu kun nas bzhes mdzad de// thabs dang shes rab byin brlabs pa'i// byang sems rnam dag rgyun gyis mchod// rnga dang sil snyan sgra sgrogs shing // dbang po tshim pa'i rol rtsed dang // gar dbyangs glu drug sna tshogs kun// stong gsum gang bar gsung byas te// bcom ldan pad+mo bde yang bde// gzi ldan yum dang bcas par mchod// e ma 'dus pa'i tshogs dbus nas// thugs rje che mnga' nyi dkyil bzhin// 'khor lo kun sgyur sgrol mdzad

  569. 285a

    pas// rang gi dkyil 'khor rgyas par mdzad// rdo rje 'chang ba'i gsol 'debs kyis// dkyil 'khor dag la lhun grub rdzogs// pad+ma'i dpal ldan sems pa che// phrin las ye shes gnas kun sbyong // khyod zhabs bskyed pa thugs rje'i stobs// khams gsum ma lus dag pa yi// de bzhin nyid kyi ye shes mchog/ mgon po bka' drin mdzad pas legs// de skad gsol btab dgyes par 'gyur// phyag rgya chen po'i gnas la bzhugs// de nas dga' ba'i byang chub sems// sngon gyi rgyud dang lam bzhi las// sprul pa'i byang chub sems dpa' dang // sngon gyi rgyud dang lam grogs rnams// dgongs shing thugs rje'i ye shes thugs// rang bzhin gnas nas kun dgongs te// phyogs bzhi nas ni bskul bar mdzad// kye kye mchog gsum bde ba'i sku// byams pa'i thugs mnga' sku gsal mdzad// rdo rje rgyal po byang chub sems// bdag dgongs 'gro ba'i don chen mdzad// kye kye yon tan rin chen tshogs// thugs rje mnyam nyid ye shes che// rgyal po 'khor lo byang chub nyid// dkyil 'khor sna tshogs sprul pa'i mdzod// kye kye rnam par dag pa'i sku// dga' ba rgya mtsho 'byung ba'i gnas// so so'i ye shes sna tshogs 'byed// chos rnams kun gyi de bzhin nyid// kye kye 'gro ba'i don chen bdag/ btang snyoms mi 'dor sna tshogs dor// bya ba

  570. 285b

    grub pa'i ting 'dzin mchog/ phyogs bcu'i dkyil 'khor rnam dag ston// rang dga'i bskum pas g.yo mdzad de// phyogs bzhi byang chub dga' gnas 'jug/ kye ma'i 'gro rnams de bzhin nyid// byang chub sems kyi rnam 'phrul las// nyon mongs gzung 'dzin sgrib pa yis// rang gi mtha' lam 'ges par byed// 'di dag thugs rje'i gnas su rung // ye shes gsal ba'i thabs mang pos// thams cad dus gcig bsgral byas nas// rang gi bde chen don ston mchog/ zhes gsungs pad+ma'i rig pa 'dzin// sangs rgyas sras bcas dga' bar mdzad// de bzhin gshegs pa thams cad kyi dgongs pa bla na med pa gsang ba dpal rta/ mchog rol pa'i rgyud las thugs rje sprul pa'i rol pa'i le'u ste gnyis pa'o// // de nas byang chub sems dpa'i gtso// rdo rje 'chang ba stan las langs// bde gshegs bsngags pa rjod byed cing // bskum pas dbyangs kyis gsol ba btab// kye ma ho mchog gsum dam tshig sku// ye shes bla na med pa'i bdag/ byang chub sems kyi dkyil 'khor nyid// rnam 'phrul thugs rje'i dus nyid pas// rigs kyi 'khor lo dpag med sku// de ring bkra shis phun sum tshogs// thugs rje chen po yal 'dor na// ci phyir theg chen mchog tu sngags// yang dag zhus pa'i tshig gsan nas// thugs rje'i dkyil 'khor gzigs par mdzad//

  571. 286a

    mgon po'i pad+ma'i sku de nyid// gzi ldan yum dang rol mdzad cing // dri med ye shes phyogs gzigs shing // gnyis med byang chub sems kyi dkyil 'khor gsal// theg pa gsang chen cher 'byung ba'i// lam 'di dpal ldan rol mo'i mchog/ sangs rgyas sras bcas sdud mdzad de// gzhan 'phrul gnas tshogs g.yo mdzad cing // stong gsum 'di dag spyod mdzad cing // ting nge 'dzin la snyoms 'jug ste// sku las 'od zer spro bar mdzad// des khyab rigs kyi dkyil 'khor gsal// ye shes 'od mdangs sems dpa'i sku// gnas lngar gsang ba'i sngags kyis gzhug/ phyag rgya chen po yongs rdzogs sku// zhal gsum phyag drug dga' ba'i mdangs// dmar gsal pad+ma rA ga'i mdangs// g.yas g.yon zhal gnyis sngo dang ser// rigs rgyan mtshan ma kun gyis mdzes// phyag na pad sdong bum pa dang // rdo rje rtse lnga dpal be'u dang // mtha' mas mda' gsor gzhu 'dzin pa'o// rin chen sna tshogs na bza' dang // phyag rgya'i yum bcas rol pa mdzad// gzhal yas khang pa sgo bzhi dang // rin chen sna tshogs rta babs bcas// dra ba dra phyed mu tig phreng // b+han d+ha dril bu sogs kyis spras// dbus kyi dkyil 'khor cher 'phags pa'i// pho brang ka ba gdung rnams la// pad+mo rdo rje sogs pas spras// 'dod pa'i yon tan phun sum

  572. 286b

    tshogs// gnas rnams kun du rin chen khri// pad+ma 'khor lo nyi zlas mtshan// phyi rol bar khyams 'khor ba dang // snod rnams kun du pad+ma la// thabs dang shes rab bye brag gis// nyi ma zla ba rkyang pa'o// de nas pad+mo rnam dag kun// dbus kyi gdan la bzhugs mdzad de// dgyes pa'i gar dbyangs bskyod pa'i mthus// thabs dang shes rab rdzogs par mdzad// de tshe thugs mchog byang chub sems// mkha' klong rnam par dag pas na// rig pa bde ba chen po'i sku// sna tshogs sna tshogs shar ba de// gsung nyid yi ge 'khor lo'i tshogs// 'bar ba 'od zer rtse lnga pa// cho ga'i yan lag rim bzhin du// thugs kyi mtshan ma dam tshig bya// sngags bcas 'phro zhing 'du ba'i tshul// rgyal po bder gshegs yab yum dang // byang chub sems dpa' sems ma dang // las mdzad khro bo yab yum dang // phyag rgya chen po'i skur gyur nas// rigs kyi rgyal phreng mtshan mas mdzes// rang gi dkyil 'khor gnas bzhugs shing // rdo rje gsang ba'i gral du 'khod// de tshe mgon po bde chen po// rigs kun bdag 'gyur zhes bya bas// pad+mo rnam par 'phrul pa yi// dkyil 'khor chen po 'byin par mdzad// byang sems kam las rnam 'phrul pa'i// bde gshegs 'od zer snang ba'i sku// zhal dang phyag la sogs pa'i rgyan// gtso bo'i cha lugs ci lta bar// rang 'od yum

  573. 287a

    dang 'khril bar mdzod// bkra shis mtshan ldan bde ba la// rA ga pad+mo hUM zhes pas// sngags mchog yi ge 'bru brgyad de// las kun grub par mdzad pa yin// gang gi pad+ma sha ri dang // b+hu d+ha hUM gis bsnan byas na// zhi rgyas dbang drag las kun dang // grub chen brgyad kyi tshogs sog rnams// sbyor ba tsam gyis grub 'gyur zhing // yun rings gnas pa gnas pa yin// 'byin pa'i dus su gsang sngags la// yi ge dza yis gdags byas nas// rnam 'phro rigs kyi dkyil 'khor sbyor// rigs bdag sku gnas dgyes par bzhugs// thugs rje skul ba'i glu dang sngags// 'od zer tshogs kyis skul ba mdzod// dam tshig gsum ston sngags kyi mthus// dgyes chags brtan pas gzi dang ldan// oM rnam dag pad+mo bde ba'i dbyings// ye shes byin las gsal ba'i mchog/ dkyil 'khor gsang gsum dam tshig che// mnyam nyid rigs bdag thub pa che// byin brlabs 'dor bar mi mdzad pas// sangs rgyas rnams kyi sku gsung thugs// gsal mdzad gnyis su med pa'i sku// rang gi ngo bos gnas pa yin// gtso bo sngags kyis bskul byas te// 'od zer rgyan bcas thugs kar bsdus// yi ge A nas aH'i bar// bcu drug 'od zer 'phro byas pas// 'gro kun sangs rgyas skur bkod cing // rigs mthun dkyil 'khor kun gsal

  574. 287b

    'gyur// sngags kyi 'od zer sgrar bcas pas// chos rnams bcu drug dag pa'i dbyings// rang gi gnas su bkod byas pas// mtshan mchog sum cu rtsa gnyis rdzogs// de bzhin kA nas k+Sha yi bar// sum cu rtsa bzhi'i rim bzhin gsal// brnyan pa'i yi ge drug dang bcas// 'od 'phros thams cad sangs rgyas sku// ye shes dkyil 'khor gsal byas nas// sngags kyi 'od zer sgrar bcas nas// chos mang ye shes zag pa med// slar nyid sku yi gnas zhugs pas// dpe byad bzang po brgyad cu rdzogs// gzhan yang rin chen sna bdun dang // bkra shis brgyad sogs kun gyis spras// khaM las rnam 'phrul che mtha' yas// zhal gcig phyag bzhi dkar dmar mdangs// pad+ma sogs dang ral gri 'dzin// chos kyi snang ba'i rgyan gyis bsgrubs// pad+ma rgyan 'bring rang bzhin mchog/ shar gyi dkyil 'khor gnas la bzhugs// gaM las sprul pa'i chos dbang phyug/ dmar ser zhal gcig phyag gnyis pa// pad+ma'i phreng ba bum pa 'dzin// dkyil 'khor gnas su bzhugs pa'o// g+haM las sprul pa'i chags med 'os// zhal gcig phyag gnyis byu ru'i 'od// pad gnas glegs bam me long 'dzin// nub kyi dkyil 'khor gnas bzhugs pa'o// daM las sprul pa'i spyan dag ma// zhal gcig phyag gnyis btsod kyi mdog/ rin chen phreng bas bsil yab 'dzin// byang gi

  575. 288a

    dkyil 'khor gnas bzhugs pa'o// tsaM las sprul pa'i mi bskyod pa// zhal gcig phyag bzhi chu shel mdog/ rdo rje dril 'dzin 'khril pa'i tshul// dpal be'u bum sogs 'od phreng rgyan// tshaM las sprul pa'i rta dbang phyug/ zhal gcig phyag bzhi bai DUr+ya// rin chen snye ma dung phor 'dzin// lho yi dkyil 'khor gnas la bzhugs// dzaM las sprul pa'i 'brug sgra ni// zhal gcig phyag gnyis gur gum mdog/ rin chen chag shing 'gu d+he 'dzin// nub kyi dkyil 'khor gnas la bzhugs// haM las sprul pa'i dri med dpal// zhal gcig phyag bzhi mar gad mdog/ rin chen pad srungs za ma tog/ byang gi dkyil 'khor gnas la bzhugs// taM las sprul pa'i rin chen dbyangs// zhal gcig phyag bzhi gser gyi mdog/ rin chen dril bu yum dang 'khril// rin chen mdzod spungs 'khor lo sogs// thaM las sprul pa'i nam mkha'i mdog/ zhal gcig phyag bzhi sngo skya'i mdangs/ rin chen gling bu pad+mo 'dzin// shar gyi dkyil 'khor gnas la zhugs// daM las sprul pa'i dra ba can// zhal gcig phyag bzhi mthing ga'i mdog/ rin chen phreng dang pad+mo 'dzin// lho yi dkyil 'khor gnas la bzhugs// d+haM las sprul pa'i dkon mchog rgyan// zhal gcig phyag bzhi dmar skya'i mdangs// chos kyi rgyal mtshan rgyud mangs 'dzin// nub kyi dkyil 'khor

  576. 288b

    gnas la bzhugs// naM las sprul pa'i rin chen tog/ zhal gcig phyag bzhi ma ra ta// dgos 'dod bum pa dpag bsam shing // byang gi dkyil 'khor gnas la bzhugs// TaM las sprul pa kun du snang // zhal gcig phyag bzhi gser gyi mdog/ 'khor lo dril 'dzin yum dang bum pa 'dzin// gtsug tor dri med rdo rje 'dzin// thaM las sprul pa'i 'od kyi dpal// zhal gcig phyag bzhi shel gyi mdog/ 'khor lo dra ba ral gri 'dzin// shar gyi dkyil 'khor gnas la bzhugs// daM las sprul pa'i dga' dbang phyug/ zhal gcig phyag bzhi nyi ma'i mdangs// 'khor lo rgyal mtshan dga' ba'i mdzod// lho yi dkyil 'khor gnas la bzhugs// taM las sprul pa'i cho 'phrul bkod// zhal gcig phyag bzhi dmar skya'i mdangs// nyi ma'i 'od phreng rdo rjes spras// nub kyi dkyil 'khor gnas la bzhugs// naM las sprul pa'i rnam par gzigs// zhal gcig phyag gnyis ldang sku'i mdangs// ku sha'i chun po'i a mra'i mdangs// byang gi dkyil 'khor gnas la bzhugs// paM las sprul pa'i don yod pa// zhal gcig phyag bzhi ljang sngo'i mdog/ rgya gram dril bcas yum dang 'khril// rdo rje gdengs pos ral gri 'dzin// paM las sprul pa'i brtson 'grus 'khrugs// zhal gcig phyag bzhi kar ti ka/ rgya gram phreng ba rtse gsum 'dzin// shar gyi dkyil

  577. 289a

    'khor gnas la bzhugs// baM las sprul pa'i las chen po// zhal gcig phyag bzhi ser skya'i mdog/ pad+ma'i phreng ba nor bu 'dzin// lho yi dkyil 'khor gnas la bzhugs// b+haM las sprul pa'i gnod sbyin 'dul// zhal gcig phyag bzhi pad+ma'i mdangs// phyag na rdo rje mche ba 'dzin// nub kyi dkyil 'khor gnas la bzhugs// maM las sprul pa'i sna tshogs dam// zhal gcig phyag bzhi ljang ser mdangs// zla ba rin chen dbyug pa 'dzin// byang gi dkyil 'khor gnas la bzhugs// bde gshegs rgyal ba de dag kyang // tsakra sgyur rgyal ma lus dang // mtshan dang dpe byad sna tshogs rgyan// rigs btsun btsun mo mdzes par bya// yang sbrul byams pa'i dbang phyug ni// zhal gcig phyag bzhi gangs ri mdog/ rdo rje gdengs dbyug ral gri dang // tri shUl zod bcas pad+ma'i lcug/ rngam brjid 'khor bcas yum dang 'khril// drag po'i rgyan cha shar gyi sgo// khwa las sprul pa rtse ba'i dbang // zhal gcig phyag bzhi gser gyi mdog/ rin chen dbyug pa pad+mo dang // thod rnga rdo rje myu gu'o// raM las sprul pa'i rnam grol dbang // zhal gcig phyag bzhi dmar mdangs gsal// pad+ma dang ni dril bu dang // thod sbrul ras sngon ba dan 'dzin// laM las sprul pa'i 'gro dbang phyug/ zhal gcig phyag bzhi ljang gu'i mdog/ rdo rje rgya gram pad+mo dang // gri

  578. 289b

    gug gtun shing phreng ba can// rin chen phreng bas mdzes byas nas// 'khor bcas rngam pa'i mdangs bcas pas// lho la sogs pa'i sgo bzhi ru// gzhan 'jigs drag po'i las kyis 'khod// shaM las sprul pa'i byin dbang phyug/ zhal gcig phyag bzhi dkar dmar 'od// rtse gsum b+ha na d+ha rin chen 'khril// mi yi thod pa'i ri mos mtshan// ShaM las smra ba'i dbang phyug ste// zhal gcig phyag bzhi ser skya'i mdangs// rin chen rtse dgu bgrang phreng dang // pad+ma'i lcug ma sdigs mdzub mdzad// saM las sprul pa'i spyod dbang phyug/ zhal gcig phyag bzhi dmar skra'i mdangs// dbyug pa rtse gcig pad+ma dang // dgra sta zhags pa phyag na 'dzin// haM las sprul pa'i dbang phyug ste// zhal gcig phyag bzhi ljang gu'i sku// ral gri lcags kyu dgra sta dang // me yi phreng ba 'khor lo 'dzin// gzhan 'joms 'jigs pa'i khro bo'i mchog/ rang 'od rigs mthun yum dang rol// drag po'i rgyan tshogs ma lus 'gengs// pad+ma'i 'dab ma bzhin du 'khod// ka las bde ba'i blo gros dang // zhal gcig phyag bzhi nam mkha'i mdangs// yum bcas rdo rje dril bu dang // nam mkha'i mdzod kyi 'od kyi dkyil 'khor dang // kha las khang pa rgya mtsho'i sgra dbyangs can// zhal gcig phyag bzhi pu sha ra// rin chen pi bang phreng ba dang // rnga yab rdo rje cod pan thogs// ga las gzi

  579. 290a

    brjid bkod pa ni// zhal gcig phyag bzhi rgya skegs mdog/ pad+ma'i lcug ma zla ba dang // 'khor lo yid bzhin bum pa dang // g+ha las sprul pa'i 'khor lo gnon pa ni// zhal gcig phyag bzhi ma ra dang // 'khor lo dbyug pa ma mo shing // rgya gram rin chen lcug ma 'dzin// tsa las shes rab snang ba ni// zhal gcig phyag bzhi ldang skya'i mdangs// rin chen phung po pad+ma dang // rtse gsum dril thabs 'od dkyil 'khor// tsha las rdo rje rgyal mtshan te// zhal gcig phyag bzhi gser gyi mdog/ rin chen gdugs mdzes nyi ma dang // dpa' bo longs spyod pad+ma'i spyan// dza las 'od zer 'phro ba can// zhal gcig phyag bzhi mdangs dmar gsal// pad+ma 'khor lo mchod sdong bu// mu tig chun po za ma tog/ dz+ha las sprul pa'i drag shul can// zhal gcig phyag bzhi ljang ser mdog/ 'od kyi me phung me 'od dang // ral gri 'bar ba g.yas dang g.yon// ta las sprul pa'i dri ma sel// zhal gcig phyag gnyis dmar skya'i mdangs// nyi ma'i phreng ba ga Na DI rdeg/ chos kyi tsakra rdzogs byed pa'o// tha las sgyu ma'i 'phrul pa ni// zhal gcig phyag bzhi pa la sha// seng ge rgya mtsho rin chen phreng // rin chen bum pa de bcud bcas// las kyi rin chen rgyal po ni// zhal gcig phyag bzhi rA ga'i mdangs// ri bo pad+ma chu dri dang // gser nya 'phyo ba'i rdzing bu yin//

  580. 290b

    d+ha las 'phros pa'i dra ba can// zhal gcig phyag bzhi ljang gu'i mdog/ rgya gram dril bu 'phro ba dang // b+han d+ha sbrang yab 'dzag pa'i rgyun// ta las sprul pa'i lag bzangs ni// zhal gcig phyag bzhi ka ra ta'i 'od// pad+ma'i rgyal mtshan dkar dmar mdangs// dri yi gzhong ba ku sha'i tshul// mtha' las gser 'od 'phro ba 'dzin// zhal gcig phyag bzhi mthing ga'i mdog/ glegs bam mdzes pa'i sku gzugs dang // rin chen mdzod dang zla ba'i 'od// Da las rin chen snye ma ni// zhal gcig phyag bzhi pad rA ka/ pad+ma'i sdong bu dpag bsam shing // b+han d+ha rtse gsum zla tshes gzugs// d+ha las chos kyis mthong ba ni// zhal gcig phyag bzhi sna tshogs sku// go cha ye shes sgron ma dang // dpal be'u zur brgyad nor bu tog/ sna tshogs sprin phung ser gra bcas// mche ba dril bu ngang pa 'dzin// b+ha las gzhon nu rin chen ni// zhal gcig phyag bzhi ljang ser mdog/ rgya gram 'khor lo'i phreng ba dang // 'od zer rtse gsum sngags pa'i bum// sems dpa' chen po de dag rnams// rgyan phreng cha lugs 'od zer dang // yum gnas 'khril zhing rang gnas kyi// gtso la 'khril ba'i tshul du bzhugs// nya ma na las 'phrul pa yi// rdo rje rnam par gnon la sogs// rigs kyi mtshan ma ci bzhin du// pad+ma rA ga rak+ta mdangs// be'u gser mdog

  581. 291a

    in dra bzhin// pad+ma rdo rje rims sogs mtshan// zhal gcig phyag bzhi yum dang 'khril// 'og ma'i phyag mtshan mthun pa yi// rang rtags mtshan ma sna tshogs dang // pad+ma'i lcug mas mtshan byas pa'i// me tog 'bras bu rnams kyis mdzes// shar la sogs pa'i phyogs bzhi ru// byang chub sems dpa'i cha lugs kyis// rang gi dkyil 'khor gnas su 'khod// ya wa ra las sprul pa yi// pad+ma 'phro ba la sogs bzhi// zhal gcig phyag gnyis dkar dang ser// dmar ldang pad+mo me long dang // rin chen phreng ba pi wang gar// mchod pa las mdzad nang gi mtshams// Sha sha sa ha las 'phrul pa'i// pad+mo tshim byed la sogs bzhi// zhal gcig phyag gnyis rigs gnyis gzugs// bdug spos me tog dung dang dri// 'gying tshul tri shul las kyi tshul// mchod pas phyi yi mtshams na gnas// de dag gi gsang sngags ni// oM d+he hi rA ga pad+ma shi ri bu ta hUM hUM swa hA/ oM pad+ma ma hA d+ha ba ra bu na si ta ma hA d+ha ma hr-i da yA hUM hUM/ prad tang ya dza swA hA/ dbus kyi dkyil 'khor gyi'o// oM tsakra a lo ka na ma rak+Sha saM b+ha ra da na hri ti ba ya ba ti dza swA ha/ nub phyogs pa'i dkyil 'khor ro// oM badz+ra da ra ba kr-i ta ya ni shaM ra ti pa shaM ni dza swA hA/ shar phyogs kyi dkyil 'khor la'o// oM rat+na ku ti du man ta b+han d+ha b+han d+ha du na du na pi dza swA hA/ lho phyogs kyi dkyil

  582. 291b

    'khor pa'o// oM bi sha tsi na d+ha ma ma du ru ha ha ha ha sarba gurba ni hUM phaT swA hA/ byang gi dkyil 'khor pa'o// oM ma ma a ba lo ka na ru ru yu ru si de b+h+yo de sa twa ma ma hUM dza swA ha/ rigs kyi byang chub sems dpa' rnams kyi'o// oM bi lo ka nA ma si ta na ma ku ru ku ru bo d+hi satwa b+ha ra bu na dza hUM dza swA hA/ rigs las sprul pa'i byang chub sems kyi'o// oM bin d+ha bin d+ha sarba karma si de de bi ku ru bu ta saM bo ha hUM oM oM dza swA ha/ lha mo rnams kyi'o// oM a pa sma ra kro d+ha sni/ yak+Sha hUM hUM hUM bi taM pa ka phaT swA hA/ khro bo rnams kyi'o// gsang sngags rgyal po mi bzad pas// rnam par sprul pa sku yis ni// stong gsum gnas nas g.yo mdzad de// rang gi lha la gsal bar mdzod// de nas mgon po rdo rje 'dzin// bde chen gar gyi dbang phyug gis// dkyil 'khor rnam gsum gsal byed pa'i// ting nge 'dzin la snyoms zhugs nas// dkyil 'khor byin brlabs dbang bskur zhing // rigs kyi bdag pos gsal bar mdzod// gnas kun mtshan ma yongs dag nas// rnam gsum snang ba gnyis med 'gyur// oM na ma sarba ta thA ga ta ka ya bA ka tsit+ta ma hA bo d+hi h+ya su traMtraMtraitritri sha shu d+he so na khya hUM hUM hUM/ oM rin chen dbu rgyan gyi sngags sarba bu ta ku ru rat+na ma ma ku ta/ a a bIr+ya sad ma ma ku a b+hi Shiny+tsa oM AHhUM swA ha/ oM pad+ma a mo ka sa ma ya shrI ha ha ha tshin d+ha ma ni a smi sha bi ma ma

  583. 292a

    ya hUM hUM/ sngags gsum gyi gsal bar byed pa'o// oM bi sha tsin d+ha ma ni a ba saM bo da ma ma ku ru si la la ta si na bi bud pa paM da hUM hUM hUM/ rnam par spro ba'i sngags so// oM ma ta la ni bi sha tsakra ku ma ta bu ta na ma si la du tri si hUM phaT swA ha/ dkyil 'khor gsal ba'i sngags so// oM aM a a min du she ma la shan dun d+he ta thA ga ta b+h+yod ti pad+ma ku ru AHhUM swA hA/ rbad pa'i sngags so// oM pad+ma mu khaM pad+ma pa ba sa bo ti di ra yaM gu ru hUM hUM hUM haM haM da ra sha swA hA/ snying po'i sngags so// oM na ma su traM b+ho ga ga na gi ma le saM sA ra hUM phaT swA hA/ rig pa mchog gi sngags so// oM ba ga ga ba saM bo pad+ma d+ha a h+ye hi ma hUM kA ru ma da a ma d+hA na dza dza/ spyan drang pa'i sngags so// oM pad+mo saM ga ga su ra ta ra ga sa ma ye s+t+waM/ gdan gyi sngags so/ oM a mu ka si na ma sarba b+ho ga ga ta pA tsa me da na da hUM tri swA hA/ mchod pa'i sngags so// oM pad+ma bi lo ku ma la su naM tu traM swA hA pa saM hi hi/ dgyes par bya ba'i sngags so// de nas gsang pa'i bdag po mchog/ rdo rje gsang ba rmad 'byung ba'i// sku dang gsung thugs gsang sngags che// byin gyis brlabs pa don bshad mdzad// bde bar gshegs pa'i ye shes mchog/ de dag dkyil 'khor rnam 'phrul mchog/ dri ma med pa'i byang chub sems// de ni dkyil 'khor snying po mchog/ rdo rje gsang ba'i gnas chen po// thabs

  584. 292b

    dang shes rab rol ba'i tshul// rang bzhin byang chub sems nyid las// rang bzhin lhun grub rdzogs chen po// 'gro ba'i snang ba dam pa'i mchog/ rang bzhin dag pa dri med chos// dkyil 'khor gnas mchog gnyis med pa'o// phung po khams sogs rnam dag sku// e ma'o chos sku mya ngan 'das// e ma'o chos rnams ye shes sku// e ma'o chos kun rnam par 'phrul// rgya che sngags kyi tshul ldan pa'i// dkyil 'khor gsang gsum ngo mtshar che// thabs lnga mdzad pa sna tshogs kyis// sngon dang da lta 'brel don 'byung // thabs mkhas pha rol phyin bcu rdzogs// bsod nams ye shes dag pa'i shugs// sa dang sa 'das don chen po// ta thA ga ta'i byin brlabs dbyings// la la sku dang gsung dang thugs// zab pa de nyid rang gi mthus// gsang gsum gnas la phyag 'tshal lo// ya mtshan chos la phyag 'tshal lo// rnam 'phrul sku la phyag 'tshal lo// byang chub sems la phyag 'tshal lo// zhes so// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las dkyil 'khor rnam par 'phrul pa'i le'u ste/ gsum pa'o// // de nas 'dus pa'i 'khor tshogs rnams// dga' ba chen po ngo mtshar gyis// rgyud gsum rnam dag tshim gyur nas// dgyes pa'i dbyangs kyis gsol ba btab// e ma'o ngo mtshar ya mtshan

  585. 293a

    che// gnyis med rol pa ya mtshan che// dri med dag pa ya mtshan che// 'od 'phro 'du ba ya mtshan che// byang chub sprin phung ya mtshan che// sangs rgyas 'byung ba ya mtshan che// 'phrul pa 'byung ba ya mtshan che// khro bo 'byung ba ya mtshan che// byin brlabs cho 'phrul ya mtshan che// za ba rlan mdzad ya mtshan che// 'gog pa rlung mdzad ya mtshan che// bdag cag 'khor tshogs 'dus pa rnams// dam tshig can du byin brlabs mdzad// za 'og rim pa ci bzhin du// rdo rje gsang gral du 'god// de nas bcom ldan bde chen pos// chags pa chen po rdo rje'i sku// sku dang gsung thugs gnyis med pa'i// 'khor rnams rab tu sbyang ba'i phyir// rdo rje rgyan gyi ting 'dzin gyis// rang gi dkyis 'khor gsal bar mdzod// de tshe byang chub sems chen po// 'od zer kun tu khyab pa des// dga' ba chen po'i mchod pa yis// gnas kyi mtshan ma gsal bar mdzod// 'du shes med dang 'gog gnas sogs// rang gi rtog pa'i mtha' zhes rnams// dri ma med pa'i byang chub sems// rin chen chu des dbang bskur nas// rang gi ye shes dbang thob ste// 'gro ba'i don byed nus dang ldan// las la spyod pa'i gnas rnams dang // rang skyob pa yi sems dag gis// thugs rje chen po'i byang chub sems// sangs rgyas bstan pa 'di gnyer ro// byang chub sems kyi mtshan ma

  586. 293b

    yis// 'dus pa'i gnas lnga rig par bya// oM gu h+ya badz+ra sa ma s+t+waM/ a la la ho// rdo rje ro langs bsdus pa yis// gsang ba'i dam tshig chen po rnams// rigs kyi dgongs pa ji lta bar// rdo rje gsang ba'i las la gnas// skal bzang dam tshig chen po ste// de las 'das na rlag par 'gyur// bka' yi bsgo ba'i don chen pos// 'das pa'i 'khor tshogs bsam yas pas// dam tshig thob pas gral 'khod do// de nas gsang ba'i bdag po nyid// dbang thob las mdzad chen po des// bcom ldan 'das la gtsug gi phyag/ rnal 'byor lugs su byas nas ni// phyi nang gsang ba'i mchod pas mchod// mnyam 'gyur gsol ba rab tu gdab// 'di ltar ma byung ngo mtshar khyod// sangs rgyas rnams kyi dbang phyug che// mngon spyod ya mtshan ston par spyod// bka' yi 'khor lo dam pa nyid// smra bsam yul las rab 'das kyang // dpes mtshon snang ba la brten nas// yi ge ming tshogs la sogs kyis// gsal bar mtshon te go bar mdzod// ston pa dbang phyug dam pa des// gsol ba btab pa'i don dgongs nas// brjod bsam 'das pa'i ting 'dzin las// mnyam par bzhugs nas mi gsung bzhugs// de nas 'dus pa'i 'khor tshogs kyis// stobs mchog seng ge chen po la// logs su btud de phyag 'tshal nas// rmad 'byung mchod pa sna tshogs

  587. 294a

    byas// gsol btab blo mchog seng ge khyod// bdag cag zhu ba'i gnas skabs phye// stobs mchog seng ge gsang bdag gis// gsol ba btab pa'i don dgongs nas// 'dus pa'i 'khor tshogs khyod nyon cig/ bdag la zhus shig spobs par byos// slar nyid gsol ba btab pa'i don// kun gyis mthun pa'i tshig smras pa// mgon po rgyal ba kun gyi mdzod// sangs rgyas rnams kyi sras kyi mchog/ byang chub sems dpa' rje btsan la// chos rnams ston pa'i gnas la gsan// bcom ldan gsang mchog dam pa des// gsang sngags lam rnams mi ston cing // dgongs mdzad 'brel bas mi mdzad pa// rgyu dang rkyen gyis gang lags pa// 'khor ni tshogs la bstan du gsol// gsal zhing dbye bar mdzad par rigs// zhus pa'i don nyid slar gsungs pa// rgyal ba kun gyi gsang ba'i mdzod// sku gsung thugs kyi rdo rje dngos// sna tshogs snang zhing gsal bar mdzod// de nyid rdzogs pa'i gsang sngags can// bshad las 'das pa'i don de ni// dgongs don rgyal bas gsung mi mdzad// de ltar ston pa rgyal mchog gis// rnam par brjod pa mi mdzad pas// yang dag don gyi snying po nyid// rgya cher bka' ni gsal ba yin// 'dus pa'i 'khor tshogs rnams nyon cig/ byang chub dam pa'i snying po ni// smra bsam las 'das brjod med

  588. 294b

    pas// tshig tu brjod pa legs ma yin// gnyis mtha'i rtog pa las gzhan dag/ tshig gi snang ba'i the tshom skyed// grol ba nyid kyis 'ching 'gyur zhes// 'das dang ma byon thams cad dang // da ltar byung ba'i dgongs pa'i don// ma gsungs mi gsung gsung du med// de nas sems dpa'i snying po ni// spros dang bral ba'i byang chub sems// kun rdzob bden pa'i tshig dbang du// mtshan ma'i tshig gis rnal 'byor rnams// don dam rtogs dka' 'gro ba'i phyir// rgyal bas tshig skor bstan pa yis// 'dus tshogs 'khor gyis yang zhus pa// stobs mchog seng ge de ltar na// bdag sogs ma 'ongs rnal 'byor pas// tshig gi rjes 'brangs don dag tu// gsang ba'i las brjod gsal byed pa// ji lta bu yis mtshon par 'gyur// dpa' bo khyod ni rgyal ba'i sras// dbang bskur thob par zhu ba spobs// bcom ldan dbang mchog dam pa la// zhus shing stobs mchog seng ge khyod// des kyang 'khor gyis zhus pa bzhin// rgyal ba rdo rje 'dzin pa la// phyag 'tshal rmad 'byung mchod rdzas nas// rdo rje tshig tu 'di skad gsol// kye ma ston pa thugs chen po// phyogs bcu rgyal ba kun 'dus pa// byang chub sems kyi mtshan nyid de// tshig tu brjod pa ma mdzad na// ma 'ongs sgra la brten pa dag/ don la reg par mi 'gyur phyir// mtshon bya mtshon par

  589. 295a

    byas nas ni// snying po byang chub don 'di la// dpes mtshon 'thad par grub byed pa// gsang ba de nyid bstan du gsol// de nas mgon po rdo rje 'dzin// ye shes lnga dang rtags ldan pa'i// phyag gi mtshan ma gsor mdzad cing // rmad 'byung ya mtshan ston par mdzad// thams cad pad+mor 'gyur ba yi/ rmad 'byung chos kyi sgra yang sgrogs// oM AHhUM swA hA// bo d+hi tsit+ta gu h+ya/ sa ma ya/ a sa/ a nu bo d+hi tsit+ta a nan ta gar b+ha/ ma hA sa twa pra ta a hUM/ 'di ni gsungs ma thag tu yang // sangs rgyas grags chen thams cad dang / rab tu drag cing brgya la 'gyur nas// gzhan lha ma lus smos ci dgos// bcom ldan 'das kyis yang dag bka'// bshad kyis rigs kyi bu rnams nyon// don dam kun rdzob gnyis med par// yang dag bden pa'i di don bstan pa// de ni dngos po mtshan nyid de// mkha' ldan chen po rnams kyi gdeng // ji srid blo yi chos dag tu// gnyis su snang ba'i mtshan ma la// bsam brjod kun rdzob zhes bya ste// de las 'das pa don dam yin// sku gsum gnyis su med pa yi// snang ba'i dngos po ma 'gags pa// dus gsum bstan pa chen por gnas// yid bzhin pa yi don nyid do// thams cad sgyu ma lta bu'i tshul// thams cad rang bzhin stong pa nyid// zung du 'jug pa'i ye shes ni// de nyid bla med mchog dam

  590. 295b

    pa// de skad ces ni bka' stsal nas// a la la yi sgra brjod do// stobs mchog seng ge dri ba dris// de ltar lags so bcom ldan 'das// sngags kyi lha la blo gnas gang // spyod la gnas pa gang dag gis// phan tshun 'brel 'gyur ci lta bur// blo yi rim pa 'jug bya'am// bcom ldan 'das kyis bka' stsal pa// gsang ba'i bdag po khyod nyon cig/ sangs rgyas rnams kyis bstan pa'i don// mtshan nyid rnam dag dus lags pa// bgrang dang bgrang ba las 'das pa'i// dngos po mtshan nyid de bzhin no// legs spyod bden pa'i lam 'jug cing // rnam gsum sngags kyi don spyad na// 'brel ba shugs kyis sgrub byed na// lta spyod gnyis ldan bden pa'i mchog/ rnal 'byor sa la legs gnas shing // bden gnyis 'brel pa'i don bsgrubs nas// yang dag rtag pa'i don gsal 'gyur// rnal 'byor sa spyod sa thob shog/ ma skyes thabs kyi ye shes ldan// thams cad mnyam pa nyid kyi dbyings// bden gnyis dbye ba med pa yis// yang dag don mchog sgyu ma'i sku// kun rdzob sgyu ma thabs kyi gsung // phyag rgya sgyu ma'i tshul nyid de// med pa ma yin mtshan med de// rnal 'byor gnyis dang ldan phyir ro// slob pa'i rnal 'byor gnyis brten nas// lhun gyis grub pa'i sa goms nas// bden 'gyur bden pa gnyis la gnas// che chung mthu yis grub

  591. 296a

    pa yin// sgra yi rjes 'brangs rnal 'byor pas// don med spyod la gnas par 'gyur// yang dag kun rdzob bden gsal bas// gnyis med don dam bden par gnas// sna tshogs chos kyi g.yul ngopo zlog/ rig pa'i skyes bu rnam par grags// zhes pas dgyes par gyur to// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las/ de kho na nyid bstan pa'i le'u ste bzhi pa'o// // de nas rig pa'i skyes bu mchog/ gsang ba'i bdag pos yang zhus pa// bcom ldan snying po byang chub sems// dgongs pa'i don ni ci lta bu// las dang nyon mongs dag byed pa'i// ye shes sgron ma ci ltar lags// rgyal bas dgongs pa'i byang chub sems// rdo rje lta bur mnyam bzhag nas// mi rtog ye shes gsal mdzad de// sna tshogs rnams kyang byang chub sems// bde ba che las gzhan med do// lus ngag yid gsum rnam pa'i tshogs// chos rnams kun gyi rgyu yin te// rnam gsum rdo rje lta bu nyid// sku gsum gsal ba rnam par snang // dngos po gsal ba'i chos med de// gcig las rnam 'phrul sna tshogs nyid// phyag rgya gar thabs dbang bsgyur bas// 'ching ba'i tshogs las rnam par grol// dngos po thams cad gral ba yi// phung khams skye mched rnam par dben// gzung 'dzin rtog pa'i yul

  592. 296b

    bral bas// dpag med pa yi ngo bo nyid// rnam gsum mchog gi don las byung // 'od gsal chen po'i rang bzhin no// ngo mtshar rmad du byung ba'i don// rgyal ba kun gyi gsang ba'i thugs/ skye dang skye med sna tshogs dngos// phyogs 'dzin mtha' yis bcing bar byed// de dag chos las rnam grol ba'o// bden pa chen po'i ting 'dzin rgya// ngo mtshar ya mtshan rmad kyi chos// me long gsal ba'i rang bzhin can// rgyal ba rnams kyi gsang ba'i mdzod// 'gag pa med pa'i chos rnams la// byang chub sems nyid skye bar 'gyur// mnyam nyid de bzhin gshegs pa'i sku// ya mtshan rmad du byung ba'i chos// sna tshogs snang byed gnas grol ba// rang bzhin zhi ba'i byang chub sems// gnyis kyi mtha' las grol ba'o// gnas dang gnas med byang chub sems// ya mtshan rmad kyi don byung ba'o// rgya cher so sor gsal ba'i ngang // kun rtogs byang chub sems chen po// dmigs med gsang ba las byung ba'i// dmigs dang mi dmigs sna tshogs ni// bde ba'i ye shes gsal ba'o// ma 'gags pa yi chos nyid do// bya ba grub pa'i tshul can du// spros med spros pa sna tshogs snang // sgo bsdu 'dun dang spros bral ba'i// mdzad pa'i byang chub brtan pa las// ngo mtshar cho 'phrul bla na med// ye shes rgya mtsho rmad du byung // rang gi de nyid gsal bar 'gyur// rgyal bas bshad

  593. 297a

    pa'i dgos don la// 'khor rnams ya mtshan ngoms par 'gyur// mchod dang zhal dag sgra 'byin cing // rang gi de nyid gsal 'gyur nas// byang sems de nyid bstod par bya// e ma'o stong nyid byang chub sems// e ma'o dag pa dri ma med// e ma mi sgrib gsal ba che// e ma'o mnyam nyid dbyer med chos// e ma'o so so rang rig sems// e ma'o bya byed lhun gyis grub// de bzhin nyid la phyag 'tshal bstod// bcom ldan 'das nyid byang chub sems// byang chub sems nyid thugs kyi mchog/ bdag cag rig 'dzin tshogs pa rnams// byang chub sems nyid smon pa dang // 'jug dang ldang dang gnyis med de// rang gi byang sems g.yo bar gyis// reg par bgyi zhing nye bar bgyi// nyams su myong bar 'tshal lags na// thugs rje che dgongs byin gyis rlobs// bde bar gshegs pas byin gyis rlobs// de skad tshig tu gsol btab pas// bcom ldan snying po 'di skad gsung // sna tshogs rnam dag ngo bo nyid// chos rnams 'phro ba'i tshogs rnams kun// rang bzhin brjod bral rtog pa med// rang gsang rtogs pa'i dka' ba'i don// srid gsum ye nas rnam dag chos// bdag rtog 'khrul pa'i nyes dmigs kyis// dus ring 'khyams 'gyur 'gro ba rnams// rang rtog dngos po'i las la spyod// log pa'i sems kyis kun brtags

  594. 297b

    kyang // rang bzhin nyid la 'gyur ba med// ye nas don gyi sangs rgyas la// 'khrul pa'i bde sdug 'khor los 'khyams// log rtog dngos med byang chub sems// 'khrul rtog mi gnas rgyan gyi mchog/ tha ba'i gnas nyid byang chub zhing // srid dngos sangs rgyas mngon rdzogs sku// 'dzin rtog byang chub snying por gsal// brtan g.yo dngos po thams cad dang // bde chen sku las gzhan med do// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las de bzhin nyid kyi le'u ste lnga pa'o// // bcom ldan rgyal ba thams cad kyi// dkyil 'khor snying po bsdus pa'i don// de nas gsang ba'i bdag po yis// dkyil 'khor rnam par 'phro ba'i don// mtshan nyid 'phro zhing rtogs pa dag/ rgyal bas bshad phyir bskul 'debs mdzad// bcom ldan rgyal ba thams cad kyi// dkyil 'khor snying po bsdus pa'i don// rgya che mdzad pa'i mthu ldan pa// rdo rje gsang ba gsum gyi gnas// rab rgyas mtshan bzhin cho ga'o// yan lag bdag la bstan du gsol// de nas mgon po gsang ba'i bdag/ gnyis med ye shes la 'gro bas// ting nge 'dzin la snyoms zhugs gnas// rgya cher sprul pa'i don bstan mdzad// stong nyid ye shes las byung ba'i// ri bo rgyud 'dzin rigs mtshan can// dbyangs kyi

  595. 298a

    yi ge'i tshul 'jug pa'i// rta bdun 'od sogs gsal byed ldan// skar ma'i tshogs dang 'dra ba las// mnyam nyid 'od kyi gong bu'i gzugs// snang ba'i 'od zer lnga yi tshul// phyag rgya mtshan ma sngags dang bcas// rnam 'phros rang rig zhing khams sbyong // de dag gong bu'i gzugs mtshungs par// gtso bo rdo rje 'dzin pa'i sku// stong nyid snying rje chen po yis/ ma lus rgyud rnams gsal mdzad nas// nam mkha' dang ba'i dkyil 'khor bzhin// thugs rje chen po skyon skyong mdzad// sa bon gsang ba'i las byung ba'i// mkha' snang gsal ba kun khyab las// sna tshogs kun nas so so nyid// 'byung bzhi'i dkyil 'khor rim bzhin bkod// kun 'phrul sa bon las bskyed pa'i// ye shes rin chen sna tshogs gzugs// shar du do shal phreng ba dang // gdugs dang rgyal mtshan rnga yab sogs// me long rol mo'i tshogs bsam yas// 'khor lo rin chen rdo rje pad// tA ra na bzhi rgyan mdzes pa// sgra dbyangs sna tshogs nyi zla'i tshogs// tsakra bar khyams phreng ba dang // dam pa'i 'dod yon lha mo 'khrigs// rin chen 'bar ba'i khri brtsegs gnas// nyi zla pad+ma'i rin chen rgyan// gnas rnams khyab par ci bzhin par// dkyil 'khor lhun gyis grub pa'o// a A/ i I/ u U/ e e.ai/ o o/ aM aH/ r-i r-I/ l-i l-I/ ka kha ga g+ha nga / tsa tsha dza dz+nya nya/ Ta

  596. 298b

    Sha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ de bzhin nyid dbyings rmad 'byung ba'i// bde gshegs kun gyi thugs gsal ba// byin brlabs ya mtshan sprul pa'i sku// dkyil 'khor sna tshogs kun gyi gnas// sems can kun gyi sems chen po// rang bzhin dag pa dri ma med// phung po chos rnams sangs rgyas te// 'byung lnga dbyings phyug yum gyi mkha'// khams dang skye mched sems dpa' dang // sems ma'i tshogs dang khro mo'i sku// phyi nang srid gsum dngos snang ba'i// dkyil 'khor rigs kyi bdag nyid che// gzugs phung rnam par snang mdzad che// tshor ba rin chen 'byung ldan sku// 'du shes snang ba mtha' yas sku// 'du byed don yod grub pa yin// rnam shes rdo rje sems dpa' ste// thams cad bde gshegs lnga yi sku// sa khams sangs rgyas spyan yin te// chu khams lha mo mA ma ki// me khams na bza' dkar mo ste// rlung khams dam tshig sgrol ma'o// nam mkha' kun du bzang mo'i sku// 'byung ba'i dkyil 'khor rnam dag pa'o// dbang po'i spyod yul ma lus kun// thams cad bde gshegs rigs kyi sku// mig la rnam par snang mdzad de// rna ba rin chen 'byung ldan che// sna la snang ba mtha' yas nyid// lce la don yod grub pa'i sku// lus nyid rdo rje sems dpa' yin// de ltar snang ba'i dkyil 'khor nyid// ye nas lhun

  597. 299a

    grub gnas pas na// rnal 'byor gsang ba don shes bya// phyi rol don shes yul drug 'di// yum chen lnga yi phyag rgya'i dbyibs// gzugs khams sangs rgyas spyan ma ste// sgra tshogs lha mo mA ma ki// dri tshogs na bza' dkar mo'i dbyings// ro drug lha mo sgrol ma yin// reg tshogs lha mo kun tu bzang mo'i sku// dus gsum mnyam sbyor 'du 'bral med// rdo rje pad+mo mnyam sbyor bas// rang rig dkyil 'khor gsal bar mdzod// thams cad ma lus sku gsung thugs// yon tan phrin las rol pa'i rgyan// nga nyid 'du 'bral med pa'i dbyings// thabs dang shes rab rol pa'i mchog/ sa yi khyad par ma lus pa'ang // rdo rje chos kyis sbyor mdzad dang // yon tan phrin las mthar phyin pas// tshe 'di nyid kyi go 'phang mchog/ rdo rje gsang gsum dam tshig che// rang gi mthu yi sbyor byed pa// rtag tu mnyam bzhag sbyor ba yis// dkyil 'khor chen po'i gnas bzhugs te// dri med byang chub sems kyi tshul// 'gro rnams tshogs bcas dag par byas// rtag tu gsang sngags brjod byas shing // rdo rje mgon po'i sgo gsal brtan// rtag tu gtor sbyin gtang byas te// khams kyi 'dzin pa med par grol// rtag tu lha la mchod byas te// rang gi bdud rtsis mchod cing rol// rtag tu mi gnyis bstod bya ba// rnam grol thams cad brag

  598. 299b

    ca'i sgra// pha rol phyin bcu dus gcig tu// pad+ma cho ga rtogs par 'gyur// zag pa zad pas sku lnga dang // pad+ma'i rigs kun mnyam par sbyor// pad+ma'i dam tshig la gnas pa// gnas kun dkyil 'khor gsal bar 'gyur// pad+ma rang gi gnas su bsgom// 'dod chags chos kun spyod pa yi// mgon po rang rang gnas na gsal// dri med dag pa'i thig le las// 'od zer lnga yi snang ba bcas// rang gi gnas nas 'phro mdzad cing // de nyid mgon po'i sku 'dod gzugs// kun tu pad+ma chags med pas// gnas kun dkyil 'khor gsal bar 'gyur// thub pa chen po'i mtshan rnams dang // dpe byad rdzogs par gyur nas ni// yon tan ma lus 'byung ba'i gnas// kun du dregs pa'i sangs rgyas mchog/ rdo rje'i dam tshig la gnas pas// rdo rje rang gi gnas su bsgom// 'od 'phros 'dus pa'i gnas phyag rgya'i// ye shes mnyam nyid kun don mdzad// thugs rjes rnam mang yul bral zhing // 'joms par mdzad pa'i khro bo'i sku// rang gi dkyil 'khor dri bral ba// mngon sum gsang ba'i ye shes sku// 'khor lo'i dam tshig la gnas pas// 'khor lo rang gi gnas su bsgom// rgyal ba kun gyi rin po che// 'phro 'du nyi shu rtsa lnga'i tshogs// phung tshogs khams rnams rnam dag cing // phrin las ye shes bla na med// byang chub dag pa'i cha lugs

  599. 300a

    gnas// dkyil 'khor sprul pa'i byin brlabs sku// dga' ba'i thabs dang shes rab sbyor// phyag rgya chen po'i rigs 'dzin gnas// rnal 'byor dad brtson ting 'dzin ldan// 'grub 'gyur ring por thogs med spyod// ces gsungs pas 'khor gyi byang chub sems dpa'i tshogs rnams mnyes par gyur to// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las ting nge 'dzin gyi le'u ste drug pa'o// // de nas byang chub sems dpa' phyag na rdo rje stan las langs te/ dga' ba'i mchod pa dang gar thabs kyis dkyil 'khor thams cad mnyes par byas nas// bcom ldan 'das la phyag 'tshal te gsol ba btab bo// kye ma rgyal ba kun gyi gtso// sangs rgyas tshogs rnams bskyed pa'i yab// khyed kyis dkyil 'khor sbrul mdzad nas// gdul bya'i lam 'di grol byas na// phyi yi 'gro ba ci ltar gzung // gang dag dbang po ma smin pa'i// dkar po chos rnams mthong mi 'gyur// de dag thugs rje chen po yis// bzung zhing las la gzhug par snang // ma 'ongs 'gro ba la la dag/ 'di ltar dkyil 'khor mthong ba rnams// ji ltar dkyil 'khor brtan par 'dul// zhes gsol pa dang / bcom ldan 'das kyis bka' stsal ba/ rigs kyi bu ma 'ongs pa'i 'gro ba theg pa gsang sngags

  600. 300b

    kyi lam du 'jug par 'dod pa dag gis ni/ rdo rje slob dpon la brten te gzugs brnyan gyi dkyil 'khor du gzhugs par bya'o// rdo rje slob dpon blo gros mchog/ dad brtson shes rab stobs dang ldan// bdag chos ma lus shes 'gyur nas// skyob pa byang sems sdom pa blangs// byang sems snying rje chen po dang // dga' ba btang snyoms bzhi bzhag nas// sems can thams cad mgron du gnyer// slar nyid byang chub lam la dgod// pha rol phyin pa drug rnams dang // bsdu ba bzhi la legs gnas pas// theg pa chen po'i lam gnyer zhing // nyan thos la sogs blos pa med pa'i blos// gsang ba'i theg pa don gnyer zhing // dkyil 'khor dbang thob dam tshig ldan// gsang ba'i rgyud rnams don shes shing // de nyid bcu las goms gyur pas// rang gi ye shes rnam grol zhing // dngos po de nyid brtan par gnas// mu stegs la sogs mi bskyod cing // theg dman la sogs 'gyur ba med// rtag tu 'gro ba bzung ba'i blos// dkyil 'khor la sogs las la brtson// mi gnas mya ngan 'das pa yi// grong khyer chen por 'gro byed dpon// 'jig rten drag brtson chos brgyad dag/ btang snyoms spong len med pa nyid// dmus long tshogs kyi mig bu bas// bla ma'i gtso bor gzung bar bya// 'jug pa'i gang zag phun sum tshogs// zhi des

  601. 301a

    gsong por smra ba dang // 'jam zhing 'gro ba'i yid 'ong ba// rtse gcig dad pa brtson 'gyur byed// blo gros yon tan kun la 'jug/ lha dang bla ma la sogs gus/ theg pa chen po'i lam dag pas// ngan pa'i tshogs spangs gzhan du gnas// de ni blo gros bzang po yon tan ldan// theg chen gsang ba 'dzin pa'i snod// sa mchog shin tu dben pa'i gnas// ri bo nags tshal 'bras bu dang // me tog chu rgyun phun sum tshogs// gnod byed skye bo tshogs bral ba// rnal 'byor grogs bcas dga' 'gyur ba'i// bdag dbang bar chad med pa'i mchog/ bsnyen pa ji bzhin rdzogs pa yis// dkyil 'khor bri sogs las rnams bya// phun sum tshogs pa bdun ldan pas// bdag gnas sa gzhi'i grogs bcas dang // mchod rdzas yo byad ma lus pa// bsrung zhing byin gyis brlab par bya// rdo rje sa gzhi ra ba dang // gur dang bla bcas pa yis// khro bo me 'od mtshon cha'i tshogs// bsrung zhing 'khor lo rim bzhin bsgom// sems can thams cad bsgral ba'i blos// bsod nams tshogs kyis dag par bya// phyag 'tshal mchod pa dbul ba dang // sdig bshags bsod nams rjes yi rang // sangs rgyas mya ngan mi 'da' zhing // chos kyi 'khor lo bskor ba dang // lus dbul byang sems bskyed pa dang // lam gnas dge ba'i rtsa ba bsngo// rgya cher

  602. 301b

    yongs su bsngo byas shing // sems can don du smon lam gdab// dmigs med pa yi rang bzhin gyis// de dag brtson bral nam mkha' bzhin// rnam thar gsum las 'das pa yi// de bzhin nyid kyi ye shes che// thams cad nam mkha'i mtshan nyid de// nam mkha' la yang mtshan nyid med// nam mkha' 'dra ba rnal 'byor pas// don kun mnyam pa nyid la gsal// de la rnam par 'phrul pa'i tshogs// dkyil 'khor chen po sprul byas pas// rigs kyi zhing khams spyod byed cing // rnal 'byor chen po las kun 'grub// sa phyogs dri med yid 'ong ba'i// grong ngam grong khyer dgon pa'am// ri phugs nags tshal gang rung bar// nyams dga' yan lag brtag par bya// gang du bzang ni 'bras bu bcas// ne'u gsing chu 'gram me tog bcas// dpal rdzogs yon tan 'byung ba'i gnas// de ni rab gus brtag par bya// nam mkha' 'khor lo dra ba dang // sa gzhi pad+ma dra ba dang // bkra shis phun sum sna tshogs gzhi// bar chad med pa'i mtshan nyid yin// sa gzhi zhom rdib med pa yi// dbus su mtho ba phyag rgya che// shar dang byang du gzhol ba ni// phrin las rnam bzhi'i dngos grub 'gyur// lho dang nub tu gzhol bas ni// 'jig rten pa yi dngos grub 'gyur// nub dang byang du gzhol ba ni// ting 'dzin phra mo'i las gzhan 'gyur// gang zhig shar phyogs

  603. 302a

    mtho ba dang // dbus su dma' ba spang bar bya// sa de pus mo nub tsam du// brkos te slar yang dgang bar bya// mang 'phel gyur na dngos grub mchog/ gang bar gyur pa shis pa yin// dma' zhing ma legs gyur pa yin// sol dum rus sogs byung na yang // yang na chu yis dgang byas te// slob dpon rdo rje dri la 'dzin pas// mnyam bzhag lha yi sngags brjod cing // shar du mi drag gom pa brgyad// song ste slar ldog blta bar bya// 'grib pa med na dngos grub 'gyur// snang dang mi snang sa yi bdag/ mgu byas rin gyis nyo ba dang // blangs te bar chad med pa'i phyir// bgegs gzhan phra mo bskrad par bya// bar chad med pa'i sa dbus su// rigs kyi bdag po 'byor ldan pas// chos gos la sogs rgyan thogs shing // pad+ma'i dkyil 'khor legs bzhugs te// 'khor los sgyur rgyal cha lugs kyis// mchod sogs sbyang zhing byin brlabs te// rdo rje bsrung ba'i phyag rgya yis// phyogs bcu'i dkyil 'khor rig par bcas// sa yi lha mo srung ma rnams// spyan drangs mchod pas mnyes par bya// khyad par sa yi bdag po dang // 'gro drug bgegs rnams ma lus kun// dgug cing bu lon mchod sbyin gtang // dri zhim chu yis kun gtor zhing // sngags dang phyag rgyas sbyang bar bya// gang zhig dngos grub la sogs 'dod// rab 'bring tha ma grub don

  604. 302b

    du// lto 'phye brtag pa'i cho ga bzhin// yan lag kun dbang rgya yang bya// de nas dkyil 'khor rgyar mnyam pa'i// sa gzhi khru la sogs chad du// brkos te sa yi skyon bsal zhing // sa zhag mdog bzang 'jam phyin pas// gang zhig dri zhim chur bcas pa'i// sngags btab gang zhig 'thas par bcas// bsgrub pa'i dkyil 'khor khru dor bstod// rgyar ni khru drug pa yi tshad// tshogs bsag khru gang 'phang du bstod// mtha' skor khru gang pa yi tshad// dbang bskur sor bzhi'i tshad bstod de// ji ltar gru bzhi rgyar bskyed cing // dbyibs legs me long bzhin du gnas// tshad mnyam grog sbar la sogs pa// rin chen lnga dang sman lnga dang // snying po lnga dang 'bru lnga dag/ dri chu sngags kyis btab byas nas// dkyil 'khor snying por gzhag par bya// phyogs kun mnyam pa nyid dmigs te// stong pa nyid kyi sngags kyis sbyang // dri zhim sngags kyis byin brlabs pa'i// chu rgyun phyogs bcur gtor byas shing // sna tshogs gtor mas mnyes byas te// lha tshogs mgron rnams tshim par bya// slob dpon rigs kyi gtsor gnas pa'i// rgyan dang cha lugs rdzogs byas nas// sgrub pa'i grogs mchog blo gros ldan// tshul bzhin du ni gsol ba btab// dbus kyi sa yi char gnas pa// kun 'byung nam mkha' dag pa'i sngags// brjod cing 'byung ba'i sa bon las// dkyil

  605. 303a

    'khor ri brtsegs bsgom par bya// rdo rje bsdams pa sar gzhag cing // byams pa'i rdo rje rnam dag cing // rdo rje dkyil 'khor thugs dang bcas// phyag 'tshal dran pa thog mthar rgyan// rdo rjes gzhi ra ba dang // gur sogs khro bo me 'od bcas// gtso bo gar gyi dbang phyug skus// pad bcas thal mo lan gsum brdab// 'od 'phros gnas kun g.yos pa la// lha mo gser mdog rgyan gyis mdzes// me tog phreng ba bum thogs pa'i// lus phyed sa las 'thon byas te// mthun na bka' nyan tshul du gnas// mchod bstod zhal bsil sogs 'bul zhing // dri zhim las rnams ma rdzogs par// de srid mi 'gyur/ brtan bzhugs nas// bdud sogs bsgo ba'i ngag bcas mdzad// skyob pa sangs rgyas thams cad kyi// spyod pa'i tshul dang khyad par gyis// sa dang pha rol phyin pa las// lha mo khyod ni dbang du shog/ ji ltar rgyal ba thams cad kyis// bdud kyi sde rnams 'joms mdzad pa// de bzhin bdag gis bdud las kyang // rgyal bar byas pa'i dkyil 'khor brtsam// de nas slob dpon rgyan rdzogs pa'i// rdo rje dril 'gying bcas pa la// dam tshig nye bar bskul ba yi// glu dag phyogs bzhi'i gnas nas gdon// rgyal bas 'gro ba'i mgon gyur pa'i// chos kyi me long gsal ba ston// bde gshegs rnams kyi gsang ba pa// rdo rje

  606. 303b

    gsang gsum dam tshig mchog/ ye shes dri ma med pa'i tshul// sgrib sogs ma lus bral byed pa'i// rdo rje pad+mo mnyam pa'i dbyings// dkyil 'khor chen po drug cu'i bdag/ theg chen chos kyi 'khor lo'i mdzod// gsang gsum pad+mo dag pa'i dbyings// so sor gsal ba'i don bstan pa// rdo rje lta bus gnas kun sbyor// zab cing rgya chen sgra sna tshogs// chos kyi 'khor lo bshad pa'i dus// rgyal po yon tan dpe dang bral// rin chen lhun po'i mdzod mnga' ba// nyams dga' thugs rje'i zhing rnams dgongs// bdag med mnyam pa'i ye shes can// phrin las dag pas zad par mdzod// gsang gsum sna tshogs rdo rje'i bdag/ rigs mchog shes rab brtson byed cing // spyan bzang dag pas 'gro la gzigs// slar nyid khro bo chen po'i sku// zhal lnga phyag cha sna tshogs 'dzin// 'jigs byed 'bar ba'i skur gnas te// mgur nas hUM bsgoms sgra sgrogs shing // rdo rje pad+ma lta ba yis// lha rnams bdag la bsdu byed cing // ma dang ta las byung ba yi// mig gnyis nyi zla'i dkyil 'khor brjid// 'bar zhing thams cad dag byas nas// slar nyid rang gi dkyil 'khor rdzogs// shangs kyi rlung sgrom 'bar ba nas// 'jig rten thams cad 'bar byed pa// rdo rje'i 'gros las byung ba yi// sna tshogs sa gzhir brtan par byas// oM sum+b+ha ni sum+b+ha hUM/ gr-ih+Na

  607. 304a

    gr-i h+Na hUM/ gr-ih+NA pa ya gr-i h+NA ya hUM hUM hUM/ A na ya ho b+ha ga bAn bid+yA rA dza ya hUM hUM phaT/ phyag gi mtshan ma kun 'khrol zhing // khro bo'i dkyil 'khor spro bar byed// hUM lha dbang rlung lha yi tshogs// gnod sbyin dri za srin po dang // sha za gshin rje ma mo'i tshogs// mkha' 'gro gnod sbyin ma lus rnams// gang dag sa gzhi 'dir gnas pa// srung byed sa yi bdag por bas// zos pa tsam gyis myur bar dengs// nga yi bka' las 'da' ma byed// gang zhig gnas pa'i mthu bo che// pad+ma rdo rje kha T+wAM ga/ thal ba'i tshogs bzhin rlag par byed// rab 'bar khro bo'i gnas 'joms pa'o// pad+ma'i 'bar ba'i gzugs 'di yis// gal te gang gi dam tshig bcag/ 'dod gsum skye gnas gsal byas te// 'jigs par 'gyur zhing gzhan 'dis med// sa las yongs su bskor byas te// bgegs byed bya phyir phur bar gdab// oM g+hA ta ya g+hA ta ya sarba duSh+TAn phaT/ hUM hUM hUM badz+ra kI la ya/ badz+ra d+ha rod Adz+nyA pa ya ti kA ya bA ka tsit+ta badz+ra kI la ya hUM phaT/ lag pa bskyod cing rkang pa bskyod// ngo mtshar khro bo'i zur mig bzhin// smin ma khro gnyer g.yon mdzad cing / kha yi pad+ma 'dzum bcas pas// so so'i phyag rgya gnas su bsgyur// 'gying bag bcas pas zhal la bstod// rta mchog khro bo'i gar thabs kyis// zhi rgyas dbang dang drag po'i tshul// ba yi rnam lnga dri bsres

  608. 304b

    chus// dkyil 'khor sa gzhi nyer byugs nas// lha rnams gnas su dri yi chus// thig le gru bzhir zlum por bya// rang gi sngags dang me tog rnams// so so'i gnas su dgram par bya// dbu rgyan rol mo mchod pa'i tshogs// lha mgon gnas kyi nye 'khor mdzes// dkyil 'khor lha rnams nye ba'i sa// mchod cing bstod pas mnyes par bya// cho ga'i yan lag rdzogs pa dang // bzod gsol bskang ba'i don ched du// rdo rje dril 'dzin dpa' bo yis// phyogs rnams kun tu bskor ba bya// oM badz+ra sa twa sa ma ya/ ma nu pA la ya/ badz+ra sa twa twe no pa tiSh+Tha dr-i D+ho me b+ha ba/ su po Sh+yo me b+ha ba/ a nu rak+to me b+ha ba/ su to Sh+yo me b+ha ba/ sarba sid+d+hi me pra yats+tsha/ sarba karma su tsa me/ tsit+taM shre ya ku ru hUM/ ha ha ha ha hoH/ b+ha ga wAn/ sarba ta thA ga ta/ badz+ra mA me muny+tsa/ badz+rI b+ha ba ma hA sa ma ya satwa AH/ gsang sngags rgyal po bla med pa'i// lan cig brjod pa tsam gyis kyang // sdig pa ma lus zad byed cing // las rnams thams cad 'grub par byed// pus mo sa la btsugs byas te// lag pa g.yas pa spos 'dzin cing // g.yon pas dril bu dkrol byas te// tshig 'dis gsol ba gdab par bya// oM bde gshegs stobs bcu brtson ldan 'gro ba'i mgon// mi 'jigs la sogs yon tan rtsal med ldan// rigs gnyis thabs kyis brgyud pa'i dkyil 'khor che// bsnyengs pa mi

  609. 305a

    mnga' thugs rje shugs chen po// dga' mdzad dbang gi dkyil 'khor tshogs chen la// tshul khrims la sogs phung po mnyes gyur cig/ pad+ma gar gyi dbang phyug gtsor byas pa'i// dri bral thugs rje'i dkyil 'khor 'di nyid ni// mnyes pa'i tshogs rnams kun las rnam grol zhing // bde legs yon tan thams cad 'byung ba'i gnas// 'dod yon 'bras bu phun sum tshogs bsgrub dang // 'gro rnams ma lus thugs rjes bzung byed cing // khyed rnams la yang mchod pa bya ba'i phyir// dkyil 'khor rnam dag rgya chen rtsom lags na// mgon po'i bka' drin rjes su brtse dgongs te// khyed kyis rab tu gnas par mdzad 'os lags// me tog dri bzang phreng sogs 'di bzhes la// ji srid 'gro ba'i don rnams ma grub par// de srid thugs rjes bzung zhing bzhugs nas ni// bdag gi gnas sogs 'di dag byin gyis rlobs// de nas slob ma la bos te// kye rigs kyi bu khyod theg pa'i snod// rdo rje theg pa'i gzhung 'di nyon// dad gus dga' ba'i shugs phyung shog/ sngon gyi de bzhin gshegs rnams kyi// cho ga bzang po 'di bstan bya// mgon po rdzogs sangs rgyas rnams dang // ma byon de bzhin gshegs pa'i tshogs// de bzhin da lta'i sems can rnams// 'gro la phan phyir gnas bzhugs te// gsang ba zab mo bla na med// cho ga

  610. 305b

    bzang po 'di spyod pas// skyes mchog rang gi gnas nyid du// kun mkhyen ye shes bde chen brnyes// gsang sngags sbyor ba mnyam med par// pad+ma gar dbang dkyil 'khor gyi// bdud tshogs shin tu mi bzad pa'i// dpung rnams ma lus 'joms par mdzad// de phyir kun mkhyen ye shes kyi// blo gros mchog 'di khyod kyis kyang // sangs rgyas chos dang dge 'dun la// kun tu skyabs su 'gro bar gyis// rnal 'byor mkha' 'gro gsang sngags can// rigs kyi dkyil 'khor so so yi// 'khor lo bzhugs pa'i tshogs rnams la// kun nas skyabs su 'gro bar gyis// dpa' bo dpa' mo 'khor dang bcas// byang chub sems dpa'i bdag nyid che// khyad par du yang slob dpon la// khyod kyis skyabs su 'gro bar gyis// de nas legs spyod slob ma yis// skyabs 'gro byang sems sdom pa bzung // dkon mchog gsum la phyag 'tshal lo// dkon mchog gsum po gzung bar bya// bdag gis sdig pa byas pa dang // bgyid pa rjes su yi rang ba// mgon po'i spyan sngar mchis nas su// de dag thams cad bshags par bgyi// rgyal ba sras bcas 'khor rnams dang // rang rgyal dgra bcom 'gro rnams kyis// bsgom bzlas la sogs bsod nams la// dad pas rjes su yi rang ngo // sems nyid mngon par sangs rgyas dang // chos kyi 'khor lo skor byed

  611. 306a

    pa'i// tshogs spyod byang chub sems dpa' la// bdag ni rab tu skyabs su mchi// sangs rgyas rnams 'byung ci lta bar// skal ldan byang chub sems dpa' yis// byang chub sems mchog dri med pas// 'gro ba rgya che tshogs la dmigs// dus gsum bzhugs pa'i 'gro rnams kyis// thugs kyi dkyil 'khor gsal mdzad pa// de bzhin nyid dbyings byang chub sems// dus gsum dag tu gtang mi bya// rdo rje slob dpon la gus shing // dus kun du ni yon tan bzung // rnal 'byor gsang ba sman mi bya// rdo rje spun la mig bzhin blta// gsang sngags phyag rgya'i rnam pa dag/ brtson pas dus gsum dran par bya// de nas shis par bya ba'i phyir// rang dang mtshan ma'i yi ge sngags// byin brlabs ye shes bskyed par bya// slar yang bdug pa me tog dang // mar me dri chab la sogs pa'i// rang gi gnas su 'dug cing dbul// bkra shis shing mchog 'o ma can// lo ma me tog 'bras bur bcas// rlon pa drang zhing 'bu rjes med// chag gas med pa'i tshems shing ni// sor ni bcu gnyis dri bzangs byug/ rtse mo me tog phreng btags pa// sngags zlos dri chus bsang bar bya// rigs kyi mtshon char byin brlabs pas// oM sarba pA pa da ha na badz+ra shi ta ni swA hA/ yi ge gsum bcas sngags brjod cing // shar du kha bltas slob ma

  612. 306b

    la// bden pa bdar zhing sbyin bya zhing // des kyang mi smra blang bar bya// gri rtse lta bus lce bzhar zhing // phra mo'i phyogs kyis so brud de// sa gzhi dri yis byugs pa ru// phan tshun mi lta dor bar bya// shar la sogs pa'i phyogs kun gyis// zhi sogs dngos grub mtshan ma brtag/ gyen thur rab dang 'bring gis lha// mtshams kyis 'jig rten las rnams 'grub// las dag pa yi sngags bzlas nas// sbyang zhing byin gyis brlabs byas pa'i// chu gtsang dris sbyang khyor ba gsum// nye reg 'thor ba'i tshul du sbyin// oM hri bi shud d+ha sarba d+harma pA pa ni tsA sha bi sho d+harma sarba kalpan a pa na ya hUM/ gtsang ma'i ras la legs bkal ba'i// srung skud mdud pa gsum ldan pa'i// yi ge gsum gyi sngags bzlas nas// de yi dpung pa g.yon par bcing // ku sha rtse mo ma 'khrugs pa'i// bam po gnyis su sbams pa yis// yab yum gnyis su byin brlabs pa'i// sngas dang stan du sbyin par bya// oM sarba dusti ku ru swA hA/ dga' ba'i gtam gyis gzengs bstod cing // mchod pa gtor ma'i tshogs bcas pas// lha tshogs rnams la bsngo byas nas// bden pa brjod cing ci bder nyal// mi smra dge ba'i sems bcas pas// rmi lam mtshan ma brtag par bya// slar nyid slob dpon nang song ste// dkyil 'khor gsal ba'i ting 'dzin gyis// lha rnams mchod cing bstod bya

  613. 307a

    ste// dge ba'i sems kyis nyal bar bya// de nas skya rengs shar dus su// slob dpon slob ma sngas 'ongs te// kye kye bzhin bzangs rnams longs shig/ rmi lam mtshan ma ci mthong ba// bden pa brjod pa'i dus yin no// des kyang ci bzhin smra bar bya// rab 'bring mtshan ma'i ltas bstan cing // ngan pa'i ltas rnams bzlog par bya// sbyin sreg gtor ma la sogs dang // ba yi rnam lngas byug par bya// dngos rnams mtshan ma las grol ba'i// stong pa chen po ye shes bsgom// rin chen rgyu las byung ba yi// bum pa mgul ring lto ba zlum// kha khyer zhabs bteg 'phel ka che// dri zhim tshon dkar legs byugs te// pad+ma'i dkyil 'khor legs gnas te// so so'i mtshan ma'i yi ge rgyan// rnam rgyal bum pa la sogs rnams// mchod nas stan la dgram par bya// rin chen sna lnga 'bru lnga dang // snying po lnga dang sman lnga dang // bkra shis rdzas lnga gzhug par bya// mgul chings gzungs thag kha rgyan sogs// dam tshig lha rnams gsal byas nas// ye shes sku dang gnyis med par// mchod bstod sngags kyi bzlas par bya// sngags bcas chu dang gnyis med gnas// dkyil 'khor grub pa'i dus dag tu// rang rang gnas kyi phyogs su dgram// dam tshig dkyil 'khor gsal byas nas// ye shes lha dang gnyis med pa'i// thabs dang shes

  614. 307b

    rab 'brel byas pas// dkyil 'khor sa la thig gdab bya// shes rab spyan mdzes bcu drug lon pa'am// ji bzhin byin gyis brlabs nas kyang // dkyil 'khor bsgrub pa gnas bya'o// gtsang ma'i rgyu las byung ba'i ras// kha dog nyi shu rtsa lnga'am// lnga las byung ba'i skud pa dag/ byin gyis brlab cing bsgril bar bya// stong pa nyid kyis sbyang byas nas// rigs kyi lha ru gnas pa dag/ mchod bstod sngags bcas bsgril bar bya// oM badz+ra sa ma ya mu tra ma ti kra ma hUM/ oM AHhUM/ dza gdags pa yi sngags brjod cing // rdo rje slob dpon thugs ka nas// slob mas smin mtshams drang por then// de la gnas kyi nub dang shar// 'od 'phros byang sems thugs rje che// nam mkha'i dkyil 'khor mngon par lta// rdo rje lte bas phyogs dang mtshams// dkyil 'khor chen po rdzogs par bstan// stobs mchog dpa' bo dgongs su gsol// rdo/ rje thig smad sbar ldan pas// nam mkha'i dkyil 'khor legs grub cing // 'gro ba'i don la bskal bar mdzod// oM a nu na a nu ga to sarba d+harma pa ra pa ra a nu ga ta sarba a nan ta/ a ba ta ra sarba d+harmA tAM/ lha rnams mdun du bzhugs 'gyur nas// mchod bstod dbang po'i tshul du dgongs// rdo rje khu tshur sar bzhag cing // shar nas nub tu brkyang ba yi// tshangs thig dang po gdab byas nas// de bzhin sgo nas tshad

  615. 308a

    kyis ni// zur bzhi shin tu legs par gzhal// rdo rje lho byang gnyis pa dang // mtshams kyi thig rnams gdab par bya// logs thig gru bzhi mnyam 'gyur nas// brgyad dang bcu drug dag tu bgo/ bar khyams phyi khyams ma gtogs pa'i// gzhan dag cha phran bzhi bzhir bgo// thig gi cho ga rdzogs pa dang // ye shes skud pas mchod bstod cing // rdo rje khu tshur sngags bcas kyis// rang gi gnas su gshegs gsol bya// oM badz+ra ga dzaHdkyil 'khor bdag po'i nga rgyal gyis// mig gnyis ma dang ta las byung bar bsam// dkyil 'khor gnas rnams kun bltas te// sngags dang phyag rgya bcas pa yis// sgo dag bzhi po dbye byas nas// cha phran dag kyang blo yis brtag/ rdo rje slong ba'i phyag rgya yis// ri mo'i mkhar ni bteg byas te// 'byung 'jug gsang ba'i cho ga dang // rnal 'byor brtan pa yid kyis byas// oM be ga kra ma hUM/ pad+ma rang bzhin rnam dag pas// dkyil 'khor 'byung ba'i gnas chen po// thugs rje ye shes rnam 'phrul tshogs// khyab mdzad byin brlabs ston pa'i gtso// rgyal ba rnams kyi sku gsung thugs// yon tan phrin las rmad du 'byung // ma lus sems can don gyi phyir// pho brang dag par byin gyis brlabs// phyogs mtshams ma lus rnam dag pas// byang chub ye shes gnas gsal 'gyur// nyon mongs nyes tshogs

  616. 308b

    kun bcom pa'i// thugs rje chen po dri med shugs// ye shes byin brlabs las byung ba'i// dkyil 'khor gsang ba grub par mdzod// rin chen rnam lnga'i phye ma dang // sa tshon la sogs gang 'byor pa// rin po che yi snod blugs te// dkyil 'khor gnas kyi phyogs lngar bzhag/ sbyang zhing byin gyis brlabs byas na// rigs lnga'i skud tshogs yum bcas la// rigs kyi dkyil 'khor dbus sogs dang // mchod bstod sngags kyis mnyes par bya// oM badz+ra tsi ta ma ti sa ma ya hUM/ dkar mthing ser po ljang gu dang // dmar po'i tshon rnams rim bzhin du// dbang ldan mtshams nas brtsam byas te// pany+tsa rA ga drang bar bya// g.yas pas pad+ma rdo rje bzung // g.yon pas 'dren pa'i las bya'o// de la mchod 'bul sngags brjod cing // bden pa bdar te dgab par bya// 'di ni chos dbyings rnam par dag/ sems can khams ni rang sgrol byed// dpal ldan pad+ma gar dbang ni// de bzhin gshegs pa kun gyi gnas// yang dag bden pa'i byin brlabs kyis// dkyil 'khor las rnams shis par mdzad// dbus kyi lte ba nas brtsams te// dang po slob dpon gyis bri zhing // phyis ni ci dgar shes par bri// mtho dman med snyoms drang por bya// de nas mtshan ma rtags bstan te// chad cing smra bas mi 'grub ste// yon pos gdung ba'i las rnams skye// chad

  617. 309a

    pas slob dpon slob ma dag/ shi zam ngan par 'gyur ba yin// lhag dang bcas pas g.yul 'khrugs shing // phyogs 'khrul pa yis skyo bar 'gyur// dbus kyi dkyil 'khor gnas dag tu// raT mig nyi shu rtsa lnga las// bde gshegs gtso bo'i rigs su bcas// phyag rgya'i yi ge mtshan ma bri// phyi rol pad+ma'i 'dab gnas la// nyi shu rtsa bzhi tshogs rnams la// byang sems khro bo bcas pa dag/ shar nas rim bzhin bri bar bya// phyi dang nang gi mtshams rnams su// mchod pa'i lha mo brgyad rnams bzhag/ bar khyams bskal bzangs sems dpa' rnams// sgo bzhir khro bo'i tshogs gzhag go/ dbus kyi dkyil 'khor dbus song ste// bde gshegs 'od zer snang ba yi// pad+mo rdo rje dril bcas pas// rang gi kha dog tshon bcas bzhag/ de yi shar phyogs re'u mig la// tshe mtha' yas dang chos dbang phyug/ chags med 'od dang spyan dga' ba'i// pad brtsegs pad+ma'i phreng ma dang // pad gnas rin chen glegs bam rin chen phreng // rang mdog sngags kyis brgyan pa bzhag/ shar kyi dkyil 'khor dbus gnas par// bde bar gshegs pa mi bskyod pa// rdo rje dril bu'i sngags bcas pas// rang gi 'od bcas gdan la bzhag/ de yi shar phyogs re'u mig la// 'brug sgra dri ma med pa'i rigs// mngon par snang mdzad bstan dbang

  618. 309b

    phyug/ chags shing rin chen pad spungs pa// rin po che yi dra ba ste// rim bzhin rang mdog sngags kyis brgyan// lho yi dkyil 'khor dbus gnas pa// bde gshegs rin po che sbyangs kyis// rin chen brtsegs dang dril bu la// rang mdog sngags kyis mtshan byas pa'o// de yi shar phyogs re'u mig la// nam mkha'i mdzod dang dra ba can// dkon mchog rgyal mtshan rin chen tog/ rin chen gling bu rin chen phreng // rin chen rgyal mtshan rin chen bum// rang gi 'od bcas sngags kyis brgyan// nub kyi dkyil 'khor dbus gnas pa// bde gshegs kun du snang ba'i 'od// 'khor lo dril bu mtshan ma la// rab 'od sngags kyis tshan pa bri// pad+mo rigs kyi 'khor lo'i tshad// byang gi dkyil 'khor dbus gnas pa// bde gshegs don yod grub pa yi// rdo rje sna tshogs dril bu bsnams// rang gi sngags dang kha dog gsal// de yi shar phyogs re'u mig la// brtson 'grus dang ni shugs chen po// gnod sbyin 'dul ba sna tshogs dbang // rgya gram phreng dang pad+ma phreng // rdo rje gdengs po zla kham can// 'od 'phros sngags kyis mtshan byas pa'i// mtshams kyi re'u mig bzhi rnams la// 'od 'phros pad+ma 'dzin pa dang // pad+ma gnon dang pad skyong dang // me long rin chen phreng ba dang // pi wang gar gyi phyag rgya la// rang 'od sngags kyis mdzes par

  619. 310a

    bya// phyi rol pad+ma'i shar brtsams te// rigs kyi byang sems bzhi bzhir gnas// bde ba'i blo gros rgya mtsho'i sgra// gzi mdangs dang ni 'khor lo yi// nam mkha'i mdzod kyi 'khor lo rin po che// pad lcug 'khor lo dbyug pa rnams// rang 'od sngags kyi mtshan mar gnas// shes rab snang ba rdo rje rgyal// 'od zer 'phro ba drag shul gyi// rin chen phung po rin chen gdugs// pad+ma'i sdong po 'od phung bri// dri ma'i tshogs dang sgyu ma 'phrul// rin chen rgyal po dra ba can// rin chen ri bo rgya gram bri// lag bzangs gser 'od 'phro ba dang // rin chen snye ma chos mthong dang // pad+ma'i rgya gram glegs bam dang // pad+ma'i sdong po'i go cha bri// dri med mun pa sel ba dang // dga' ba dbyangs dang gzhon nu yi// chu shel nor bu'i phreng ba dang // sprin phung rdo rje rgya gram bri// de ni rigs lnga'i sems dpa' ste// rang 'od sngags kyis mtshan byas pa'i// de mthar khro bo bzhi rnams kyi// phyag rgya'i mtshan ma bri byas te// sbyin bdag smra ba'i dbang phyug dang / rtse gsum rin chen rtse dgu dang // dbyig pa rtse gcig ral gri'o// gru chad mchod pa'i lha mo bzhi// bdug spos me tog mar me dri// phyi rol bar khyams gnas dag la// phyogs re sems dpa' bzhi bzhi ste// rdo rje rnam snang gar mkhan dang // blo yi rgya mtsho thogs med bkod// rdo rje

  620. 310b

    mtshan ma gsang sngags bcas// rang 'od gnas gdan dag la bri// pad+mo dga' ba'i sa la dbang // rin chen spungs pa sprin gyi phreng // rin chen mtshan ma sngags dang bcas// rang 'od gdan la gnas pa bri// yid 'ong me tog sgron ma dang // spos brtsegs kha lo sbyar ba dang // pad+ma'i mtshan ma sngags dang bcas// rang 'od gdan la gnas par bri// dran dbang pad+ma'i blo gros dang // las byed snying po'i blo gros dang // rgya gram mtshan ma sngags dang bcas// rang 'od gdan la gnas par bri// shar sogs pa yi sgo rnams su// khro bo'i 'jigs pa'i rgyal po yi// rdo rje rgya gram rdo rje gdengs// rin chen dbyug pa pad+ma phreng // rang gi yi ge gdan gnas pa'i// phyag rgya'i mtshan ma bri bar bya// phyogs bzhi rgyan dang phreng ba dang // 'dod yon lha mo la sogs pa'i// rgyan rnams pad+ma rdo rje dang // rin chen 'khor lo rgya gram bri// 'phro bas mtshan ma kha dog lnga// nyi shu rtsa lnga'i 'od bcas pa'o// phyi rol rta babs dra ba sogs// b+han d+ha dril bu nyi shu bzhi// gdugs dang bum pa bya yi phreng // dpag bsam rdzing bu ngang pa dang // nyi zla me long rgyal mtshan lnga// chos kyi 'khor lo ri dgas rnams// mdzes byas phyi mtha' pad+ma dang // rdo rje me 'od mtshon gyis bskor// dbus mig kha dog nyi shu lnga// pad phreng dmar po bar khyams dkar// sgo bzhi'i rin chen sna

  621. 311a

    bzhi pa// gru chad gser gyi kha dog can// mchod pa lnga dang bum dgram zhing // bla rgyan na bza' phyogs rgyan bri// me tog tshom bu sngags bcas pa// so so'i gnas su dgram par bya// gtor ma'i tshogs mang sbyar byas nas// phyi rol phyogs dang mtshams su dgod// lha yi ting 'dzin gsal byas pas// dkyil 'khor shis pa'i las 'grub 'gyur// de nas lha rnams bstod byas te// rdo rje pad+mo dam tshig gzhug/ thugs ka'i sngags kyis dgug byas pa'i// mgron rnams tshim par 'gyur ba dang // dam tshig sngags kyis bskul byas shing // rang gi phrin las bcol bar bya zhes gsungs so// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las gzugs brnyan brtsam pa'i le'u ste bdun pa'o// // de nas byang chub sems dpa'i gtso// rdo rje 'chang sogs mgu 'gyur nas// rgyal ba sar yang bskul ba mdzad// kun don thugs rje chen po'i shugs// ma 'ongs gsang sngags spyod rnams kyis// dkyil 'khor chen por gang 'jug pa// dbang bskur tshul bzhin ji lta bur// de bzhin rab tu gnas pa gang // bdag gzhan don gyi yan lag bsrung // sbyin sreg rim pa ji ltar lags// gtso bo thugs rje cher ldan pas// ma lus gdul bya kun gyi phyir// dus 'di snang bar

  622. 311b

    mdzad nas kyang // cho ga'i yan lag rgyas pa gsungs// de nas byang chub sems tshogs kyis// gus par gzung ste spyad par bgyi// de nas bcom ldan 'das kyi dbang // phyag rgya shes rab rab bskyod cing // rab tu dga' ba'i bzhin rgyas pa// rigs rnams kun la gzigs mdzad de// mchog gsum sbyin pa'i zhes bya ba'i// don 'di rab tu gnas par mdzad// byang chub sems dpa' blo ldan pa'i// ma 'ongs gdul bya gang dag gis// gnyis med gsang ba'i theg pa 'dir// smin pa'i lam la 'jug 'dod pas// gang gis mnyes pa'i las rnams kyis// rdo rje slob dpon mgu byas nas// yang dang yang du gsol btab ste// dkyil 'khor gsang ba'i don du gnyer// ma lus sdug bsngal las bsgral phyir// byang chub sems mchog rgya chen blos// phyi nang 'byor pa'i yo byad dag/ thams cad byang chub don du bsngos// 'dod chags rnam dag pad+mo'i dbyings// chos kun gyis ni de bzhin nyid// ye shes sprul pa'i dkyil 'khor mchog/ de ring yid 'ong don chen gnyer// oM u ta ka ta sa ma ya s+t+waM/ pad+ma dga' ba'i sku mchog mnyes// sna tshogs dkyil 'khor 'byung ba'i gnas// mtshan dpe phun sum tshogs pa yi// bde gshegs sku la phyag 'tshal lo// rdo rje chen pos gzhan rnams 'joms// mi shes dri ma kun sel ba'i// thugs mchog gsang ba'i chos

  623. 312a

    mthar phyin// rdo rje thugs la phyag 'tshal lo// gsang sngags snying po gsang ba'i chos// rab snang pad+ma'i dbyings nas 'phrul// byang chub nam mkha'i mtshan nyid can// rdo rje gsung la phyag 'tshal lo// yon tan rin chen char 'bebs shing // de bzhin gshegs pa'i rgyal 'gyur ba// dpal mchog bkra shis phun sum tshogs// theg pa che la phyag 'tshal lo// kun du gnas 'gyur khyab pa po// las mdzad rdo rje dam tshig mchog/ mi mthun gnas rnams rab 'joms mdzad// rdo rje 'joms la phyag 'tshal lo// dngos grub kun gyi dbang phyug rgyal// dkyil 'khor chen po'i gnas nyid du// dbang bskur gsang ba las byung ba// dam tshig ye shes rab grub mdzod// shes rab chos nyid las 'phrul pa'i// rjes su 'jug pas snying rje'i tshogs// yang dag bden pa las byung ba'i// byin brlabs 'dod pa thams cad rdzogs// bder gshegs sprul pa'i tshig tshogs ni// dbang bskur rdzogs mdzad pa yi rigs// me tog phreng ba la sogs pas// slob ma brgyan par byas nas ni// phyir phyogs stegs bu la bzhag ste// gtor ma phyogs kun las byin nas// kun la gsol 'debs bsgo bya zhing // slob ma gzhug pa nyid du bya// ras gtsang dmar po'i rgyu las byung // gnas gzhan ma spyad ma nyams par// rang gi sngags kyis byin brlabs

  624. 312b

    nas// legs par gdong ni g.yog par bya// pad+mo'i thal sbyar rin chen phreng // sngags brjod gzungs 'dzin rtse gcig tu// brtan por byang chub don gnyer bas// dkyil 'khor gnas su mos pa bskyed// de nas slob dpon blo ldan pas// theg chen lam la zhugs pa'i phyir// slob ma dag la slar smras pa// gsang sngags lam mchog zab pa 'di// shin tu bzung ba dka' ba yin// khyod kyis bzung bar 'dod pa rnams// mi snyems pa yi blo bskyed nas// lta spyod mchog la gnas dgongs so// kye ma rdo rje gsang ba'i don// theg chen snying po bla na med// tshe 'dis byang chub 'grub byed kyang // rmongs rnams the tshom skye bar 'gyur// ngang tshul bzang po 'di rtogs pas// dus gsum bzhugs pa'i sangs rgyas rnams// byin brlabs ngo mtshar mchog brnyes te// sems can don phyir tshul dang ldan// khyod kyis sgro skur dang bral zhing // dad brtson the tshom med par zung // de nas slob mas slar gsol ba// yang dag thugs rje cher mnga' ba'i// mgon mchog rnams kyis bdag la gnong // 'di dag bdag la gtol med pas// khyod kyis gsungs bzhin gsol bar 'tshal// slar yang rab gus dang pa'i yid// tshul chen mi nyan dam tshig mchog/ slob dpon che la skyabs su mchi// sangs rgyas dkyil 'khor sras bcas tshogs// thugs mchog dri

  625. 313a

    med bdag la dgongs// bdag gis byang chub don gnyer bas// dkyil 'khor gnas su mos pa bskyed// gar gyi dbang phyug bde chen mchog/ mgon 'gyur rnams la skyabs su mchi// mya ngan las 'das pho brang 'dir// bdag nyid zhugs par mdzad pa legs// de nas las kyi rdo rje yis// gsang ba'i mthe bo nas bzung ste// yol ba'i nang du gzhug par bya// oM pad+mo sarba ta thA ga ta sa ma ya yo ga tsit+ta uta pA ta yA mi hUM swA hA// de nas gsang ba'i gnas zhugs pas// mchod brnyes rgyun bshags la sogs kyis// snod du rung bar gyur pa dang // dam tshig gsum sgrogs chu blud cing // rdo rje gsang ba'i dam sgrogs shing // phyag rgyas sngags kyi gnas gsum sbyang // oM rgyal ba kun gyi khyod nyid ni// byin gyis brlab cing brtan mdzad pas// pad+ma gar dbang dkyil 'khor 'dir// bdag med dam tshig spangs pa dang // dad med brtson 'grus nyams pa dang // blo dman shes rab chung ba dang // blo dman rtog 'dzin la gnas la// srog gi phyir yang brjod mi bya// bde chen mgon po pad 'chang sku// khyod kyi snying la zhugs pa na// gsang ba'i ye shes gzhan brjod dus// snying khrag 'thung zhing gzhan du shes// bdag ni gar gyi dbang phyug sku// khyod la thugs rjes bzung byed pas// nga yis bsgo ba'i tshig 'di dag/ 'da' bar rung ba

  626. 313b

    ma yin no// bdag la brnyas shing 'khu byed na// rab gtum khro bo chen po'i sku// klad pa tshal pa brgyar 'gas shing // lus sems ngal sogs rdul du byed// gnas bzhi 'byung ba'i dkyil 'khor la// rang sngags sa bon 'od zer bcas// dbab pa'i gsang sngags lan stong du// dri zhim bdug spos dril dkrol zhing // ye shes sems dpa' gzhug par bya// des ni mtshan ma'i rtags mthong 'gyur// sku yi ye shes phyogs bcur g.yos// gsung gi ye shes gsang ba brjod// thugs kyi ye shes mngon shes gsal// sngags gsum phyag rgyas brtan par gnas// bden pa'i ye shes byin brlabs kyis// dkyil 'khor rigs kyi lha gang yin// bdag gis bskal pa ci lta bar// dus 'dir dbab par mdzad par rigs// nor bu phreng ba gar bab pa// rigs de rang gi dam tshig nyid// sngags dang phreng ba ma lus pa// slar nyid de la sbyin par bya// gser gyi thur ma byin brlabs pas// ma rigs ldongs pa'i ling tog bsal// phyogs bcu'i sangs rgyas thams cad kyis// khyod kyi mig 'byed brtson par mdzad// ma rig bsgribs g.yogs bsal mdzad nas// pad+mo spyan bzang dri ma med// oM pad+ma tsak+Shu dz+nyA na pra be sha phaT/ rdo rjes gdong g.yogs bsal byas nas// dkyil 'khor gsal ba bstan par bya// legs par ltos shig blo gros che// sngon gyi rgyal ba

  627. 314a

    la sogs rnams// gsang sngags snying po dkyil 'khor 'dir// legs par zhugs te grub pa bzhin// me tog gang la bab pa yi// lha de rigs kyi dam tshig yin// shar gyi sgo srung nas brtsams te// gtso bo'i bar du dkyil 'khor bstan// zhal zas na bza' la sogs pas// bla ma blo ldan mnyes par bya// yi dam lha sku phyag rgya sogs// gsang ba'i ming dang bcas par bstan// de ring dus nas bzung byas te// rdo rje 'dzin pa'i gnas thob par// rab rib tha ma'i blo ldan pas// dus kun du ni gzung bar bya// kye ma ho blo gros rgya mtsho'i gnas// 'gro la bskyab pa'i don brtson la// khyod zhabs pad+ma la btud de// pho brang grong mchog nyams dga' 'dir// dbang bskur ba yi rin chen mdzod// snang mdzad lus la bab pa lags// rigs bzhin thugs rje brtse dgongs pas// dri ma'i skyon sol byin brlabs dzod// gnang bar mdzad pa'i dus lags pas// skyob pa'i sku mchog thob par mdzod// shar gyi sgo phyogs khru do'i rgyab// dbang bsten dkyil 'khor dbus kyi tshad// pad+ma 'dab brgyad sgo dang bcas// dmar po'i tshon gyis legs byugs te// seng ge'i khri bshams pad+mor bcas// 'khor los sgyur rgyal tshul gyis gzhag/ spyi bor gdugs mdzes rgyal mtshan g.yas// dung dang bzang dung sil snyam rnams// rol cha

  628. 314b

    mchod cha phyogs mtshams dgod// rgyan phreng gos kyis legs bklubs pa// dri chu sngags bcas yungs kar dang // ku sha'i chu yis dag par bya// oM ma hA bi na ta ha na ha na hUM phaT/ de nas rigs kyi lhar bskyed de// bkra shis dge ba'i glu blangs shing // rol mo rgyan phreng bkod byas te// bum pa'i chu yis dbang bskur bya// de yi phyir na sgrib tshogs dang // bag chags nyon mongs gnas dag nas// lha yi chu rgyun dag pa'i mthus// ye shes phung po dbang phyug mchog/ oM lha yi chu ni dag pa'i chu// rdo rje gsang gsum gnas las byung // byang sems chu yis tshogs rnams dag/ dbang bskur ba yis don thob mdzod// yon tan rin chen rnam dag mchog/ rigs lnga'i sku rgyan byas pa yi// dbu rgyan bzang po'i cod pan bcas// kun 'byung rin chen phung po mchog/ traM yon tan ma bcos pa yi rgyan// rigs kyi dkyil 'khor gsal bar byed// khams gsum chos kyi rgyal po che// mtshan dang dpe byad kun rdzob kun// ye nas rdo rje rtse lnga pa// 'od phreng sngags kyis brgyan byas pa'i// rtogs bcas tshogs rnams kun las rgyal// bder gshegs thugs rje rtse gcig pas// khams gsum gnas rnams dor mi mdzad// byang sems rdo rje rtse lnga pa// rang rig ye shes gnas gsal byed/ chos rnams skye ba med pa'i don// sgra brjod dngos po brag ca

  629. 315a

    bzhin// stong pa'i dril bu gsung rang bzhin// de las sna tshogs rgya chen tshogs// ha~M chos kun rgyu las rnam grol zhing // de bzhin rkyen med 'bras bu'i tshogs// rang bzhin pad+ma dag pa'i dbyings// nges pa'i theg pa ston byed gsung // kye ho rdo rje che ge mo// rigs kyi mtshan gyis dbang bskur te// chos sku 'od gsal bde ba che// pad+ma'i sgra dbyangs ming dang bcas// oM phyag rgya chen po gsang ba'i gnas// rdo rje lta bu'i ting 'dzin gyis// mi mthun la sogs bcom byas te// rnam par snang mdzad de bzhin gshegs// oM badz+ra pad+mo a b+hi Shiny+tsa mi/ oM rat+na mu ku Ta a b+hi Shiny+tsa hUM// oM a ti pa ti traM a b+hi Shiny+tsa haM/ oM na ma che ge mo a b+hi Shiny+tsa mi/ slob dpon lha la rab gus pas// tshogs bcas yon tan bzung byed cing // rdo rje dam tshig pa yi spun// mig gi 'bras bu bzhin du bskyang // 'di dag la gus smod byed pa// tshe srog rdo rje gtum pos 'phrog/ sngags rnams dus su brjod bya zhing // phyag rgya rgyun du bcing bar bya// gsang ba'i tshig dang mtshan ma'i tshogs// dus kun dag tu sba byas te// bdud rtsi lnga po sha sogs rnams// mnyam par shes pas rgyun du spyad// bro drug glu drug stabs pa yi// brtul zhugs gnas skabs dag tu bya// nyon mongs chos lnga 'dod yon lnga// dam tshig nyams pas shes par spyad/ rdo rje dril bu'i phyag

  630. 315b

    rgya che// gnas gsum brtul zhugs la gnas shing // lung bstan rjes gnang dbugs 'don pa'i// cho ga bzang po spyad par bya// de ni rdo rje slob dpon mchog/ yon tan bza' ba'i gnas thob 'gyur// rdo rje dril bu'i phyag rgya sku// yang dag sngags kyis byin brlabs te// ma 'ongs bzung ba'i blo gnas pas// gsang ba'i dam tshig rjes su zung // oM sarba ta thA ga ta swa ra pad+ma sa ma ya s+t+waM// oM da du shrI pad+mo g+haM d+ha a// oM ma hA pad+mo swA hA sarba ta thA ga ta ka ya bA ka tsit+ta hUM phaT// mchod pa bkra shis bzang la klags// brtul zhugs mchog tu gyur pa yin// bdag dang gzhan gyi don spyod pa'i// dngos grub thun mong cho ga'i las// zhi rgyas dbang dang dgug pa dang // dbye rmongs bskrad pa'i cho ga dang // gsad pa la sogs las rnams kun// gsang ba'i dkyil 'khor 'di yi tshul// khyod kyis gang 'dod grub par gyis// de nas rang bzhin 'od gsal ba'i// pad+ma'i dkyil 'khor rab sbyor bas// 'khor ba'i chos rnams zil gnon cing // phyogs bcur dam chos gsung sgrogs shing // pha rol phyin drug gnas 'phags te// sgro 'dogs the tshom gcod par byed// lung bstan bder gshegs sras bcas kyis// rigs mchog mdzad pa bla na med// rgyal ba kun gyis lung bstan mdzad// khams gsum 'dzin bcas kun las grol// 'dod chags bral ba lta bu'i

  631. 316a

    sdig/ khams gsum kun na gzhan med de// des na 'dod la chags bral bar// khyod kyis nam yang ma byed cig/ oM ma hA sa ma ya hUM phaT// gsang sngags rgyan rnams 'dzin bya dang // lha dang slob dpon gzung bar bya// 'di ni sangs rgyas thams cad kyis// gsung gcig sgo nas gsungs pa yin// 'gro rnams kun la phan pa'i blos// dkyil 'khor la sogs brtson par gyis// dad brtson shes rab blo/ ldan pas// gang 'dod 'bras bu'i tshul la sbyor// mchog tu gsang ba'i grong khyer 'dir// gang gis 'dod don gang gnyer ba// des ni sgrib sogs kun spangs shing // mchog gnas ye shes gsal bar sbyor// bde chen gsang ba'i theg pa che// tshe 'di byang chub 'grub par byed// nyon mongs dgra sogs las grol ba'i// bde ba chen po'i gnas thob pa'o// de nas lha dang bzhugs gnas pa'i// rnam dag de nyid bstan bya ste// mchod sbyin gtor tshogs mgron gnyer zhing // bkra shis 'gro ba'i tshogs bsags bya// slar yang slob ma blo ldan pas// yon mchog bla ma la phul te// maN+Dal mchod pa'i tshogs rnams kyis// mnyes byas gsol ba gdab par bya// shes rab yan lag phun sum tshogs// bcu drug yang na nyi shu bzhi// rdo rje bla ma la phul te// byin gyis brlabs pa'i cho ga bya// khrus byas dri zhim rgyan gyis

  632. 316b

    bklubs// sna tshogs sngags dang phyag rgyas sbyang // rigs kyi lha dang ldan byas pas// dam tshig bskul ba'i brdas mtshon te// gnyis med ye shes snyoms 'jug bya// byang chub sems kyi chu rgyun gyis// rang gi dkyil 'khor mchod byas pas// slob dpon tshogs la dbang yang bskur// ji ltar rgyal ba sras mchog gis// 'jug pa po rnams tshim mdzad pa'i// gnyis med ye shes gsang ba'i don// dbab pa'i phyag rgya las byung ba'i// a la la ho// oM AHhUM/ a ho su ka rang gi gnas// a ho ra ti tshim par mdzad// dkyil 'khor kun la rang bzhin gnas// shes rab mchog ldan byin brlabs pa// slob ma'i lag tu gtad par bya// rang bzhin bde ba'i ye shes nyid// zag pa med pa'i don gsal 'gyur// rnam rtog med pa'i sems kyis ni// rang gi dngos nyid mthong bar 'gyur// e ma ho 'gro ba'i gnas 'di dag/ de bzhin nyid las gzhan du 'khrul// de dag bde chen ye shes pas// gzhan du 'gyur ba ci yang med// ye shes 'di ni shin tu phra// rdo rje snying po mkha' 'dra zhing // rdul bral thar pa zhi ba'i chos// rang gi rang bzhin de nyid do// de ni sprin sreg gsang ba'i don// khyed rnams kun la phyir bshad de// dkyil 'khor chen po phyogs bzhi'am// gzhan yang gnas gzhan gang 'thad par// zhi rgyas dbang dang mngon spyod dang // las kun pa

  633. 317a

    yi thab khung brtsam// zlum po khru gang zla gam dang // gru gsum sna tshogs dbyibs can no// de dag dkar ser dmar dang nag/ sna bzhi kun gyis mtshan pa'o// rdo rje 'khor lo pad+ma'i rgyan// sna tshogs rdo rje mtshon cha can// khru gang bzhi dang gnyis med dang // khru gsum de yi zhabs su byed// bud shing yam shing so so yi// mtshan nyid lo 'bras kha dog ro// rtse mo cha las sor bzhi dang // sor brgyad bcu drug nyi shu'i tshad// sbams pa'i so so'i mar gyis byug/ rim bzhin rtsa ba bud khang ni// zlum dang gru bzhi zla gam dang // gru gsum tshul du brtsig par bya// lha rnams kun gyi khang pa nyid// me yi gnas su gzhag byas te// so so'i las dang mthun pa ste// ag ne rA tsa bod par bya// g.yas pa mi 'jigs phyag rgyas g.yab// g.yon pa bgrang phreng gzung bar bya// oM e h+ye hi ag ne ye ma hA ba ba hi swA hA// khro bo rgyal pos gsung bya ste// me lha'i gdan mchod pad+ma dbul// de rjes mchod pa rnam lnga dang // sreg rdzas ma lus dbul byas nas// lha rnams mchod pa'i phyag tshang du// bstod cing gsol ba gdab par bya// g.yas g.yon dgang gzar blugs gzar gyis// khu bcud 'dzag pa'i rnam grangs dbul// oM ma hA a na la ma hA b+hu tA badz+ra la basmi ku ru hUM sar+b+ba duSh+TAn hUM phaT// me lha mchod pa'o// oM ma hA ku ru pany+tsa hUM/ dgang blugs dbul

  634. 317b

    ba'i sngags so// oM sarba ba d+ha ha na badz+ra swA ha/ til gyi'o// oM badz+ra puSh+pe hUM/ me tog gi'o// oM sarba ag+na ye hUM swA hA// yam shing ngo // oM badz+ra pU dza me g+ha ga lo ke shwa ra hUM/ 'jig rten dbang phyug bya ba'i mchod pa'o// oM d+hu pe ti pa bu sha g+han d+he sbyar ba'i mchod pa rnams so// oM a pra ti badz+rA ya swA hA// ku sha'i'o// oM badz+ra A yu She swA hA// dAr ba'i'o// gzhan yang rdzas rnams gang tshogs pa// rang ming yi ge gsum sngags dbul// de nas dkyil 'khor kun mchod cing // 'dod pa'i don la gsol ba gdab// sdig bshags bag chags kun byas pas// lha yi dngos grub thob par 'gyur// tha ma me lha mchod byas nas// phrin las so so'i sngags brjod cing // oM badz+ra na ma sarba ta thA ga ta hr-i da ya ma ku ru hUM// lha rnams gshegs su gsol zhing / dam tshig lha la bsdu bar bya// de nas rab gnas bzang po ni// 'gro la phan phyir bshad par bya// sa phyogs nyams dga' mdzes pa ru// gzugs brnyan dkyil 'khor legs byas te// mchod rdzas rdzas kyis mnyes byas nas// slob dpon chas su gzhug par bya// dkyil 'khor gsal bar bsgrubs byas nas// rten tshogs sbyang ba'i cho ga bya// ji ltar rdzogs pa'i sangs rgyas kun// dga' ldan gnas nas gshegs mdzad de// lha mo sgyu ma'i lhums zhugs nas// de bzhin 'dir yang bzhugs su

  635. 318a

    gsol// dkon mchog gnas 'dir bzhugs nas kyang // me tog la sogs mchod bzhes la// 'di don gzung bar bya ba dang // byang chub sems mchog spel bar mdzod// nang par rab gnas bgyid par 'tshal// slob ma rnams la brtse ba dang // khyed rnams la yang mchod pa'i phyir// bcom ldan bdag ni grub pa la// bka' drin cho ga mdzad par 'os// de nas gnas rnams kun sbyangs nas// 'gro drug gnas kun sgrol byed pa// thams cad dus 'dir dgongs su gsol// byang chub sems dpa' dgra bcom dang // gsang ba'i sngags ldan lha rnams kun// 'jig rten mchod pa'i don phyir ro// rab gnas bzang por 'os pa lags// de nas gnas rnams kun sbyangs nas// byin gyis brlabs pa rdzogs byas te// rang gi dkyil 'khor ji lta bar// dbang bskur cho ga rdzogs byas nas// sbyin sreg gtor ma la sogs gtang // zhes gsungs so// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las lam khyad par du 'phags pa'i le'u ste brgyad pa'o// / ltar de bzhin gshegs pa'i mthus thams cad 'dul bar mdzad pa de'i tshe/ bdud kyi rgyal po shin tu mya ngan skyes te// kye ma'o ho sangs rgyas 'dir ni bdag gi gnas la sogs pa bcom zhing rlag par byed

  636. 318b

    na thabs ji lta bur gdul bar bya// 'on kyang 'di nyid la ni bdag ci yang bya ba'i gnas med/ shin tu dman par gyur pa dag dang mtshungs par 'gran nam/ de bzhin du 'jig rten gsum pa 'di dag ni/ srid pa mi sreg brlag par bya ba'i phrin las yin pas/ thams cad la bka' bsgo zhing / las ngan pa 'di dag la bzlog par bya'o zhes bsam mo// de nas 'jig rten gsum gyi gnas na mthu che ba dang / dbang dang gzi brjid thams cad 'dus nas/ kye khyed rnams bdag la nyon cig/ 'jig rten gyi khams 'di dag ni/ rgyal po gcig gi dbang du ma gnas na/ thams cad srid pa 'jig par 'gyur ro// des na phyogs thams cad 'khor dang bcas pa 'dus la// bdag gi bka' nyan par mdzod cig ces bsgrags so// de'i tshe 'jig rten gyi drag byed chen po'i tshogs kyis rang rang gi rdzu 'phrul bstan cing smras pa/ khyed ji lta bu'i nga rgyal can zhig yin/ nged rnams re res kyang 'khor dpag tu med pa skyong ba'i rgyal po chen po yin pas/ yul 'khor grangs med pa la dbang byed cing / gzhan gyi re gnas dam par gyur pa lags pas khyod rang zhi ba la gnas na legs so zhes mthun par brjod pas/ bdud kyi rgyal po yang shin tu nyon mongs pas rgyas te gzhan dag la smras pa/ lhar bcas 'jig rten 'di dag kun// nga yi bka' las

  637. 319a

    gnas pa yin// skye 'gro ma lus gang dag kun// rgyal po'i bka' gsang nyan par gyis// khams gsum bdag po lha yi lha// sa rnams kun gyi sa steng pa// bdag ni mthu dang rdzu 'phrul tshad// kun gyis 'gran par nus ma yin// nga yi bka' las 'da' byed na// srog srid brlag cing gnas kyang 'thor// zhes brjod do// de nas tshangs pa'i rgyal pos/ rang gi 'khor dpag tu med pa bsdus te/ de dag gi dbus nas srin po chen po'i gzugs 'dzin pa'i khro bor gnas nas/ rang gi mthu las sprul pa'i khro bo dang / mtshon cha'i tshogs spro bar mdzad do// de bzhin du khyab 'jug dang / dbang phyug chen po dang / brgya byin dang / tshogs kyi bdag po dang / b+h+ring gi ri ti dang / gzhon nu gdong drug pa rnams kyis kyang rang rang gi 'khor dang dpag tu med pa bsdus te/ de dag gi dbus na 'gying zhing sprul pa bsam gyis mi khyab par spros te/ dbang dang rdzu 'phrul ston to// ri rab kyi kha khyer la gnas pa'i rgyal po chen po bzhis kyang rang rang gi 'khor gyi dbus na 'gying zhing mthu dang rdzu 'phrul ston par mdzad do// gser gyi ri la gnas pa'i phyogs skyong brgya byin dang / dbang ldan dang / gshin rje dang / bden bral dang / chu lha dang / gnod sbyin dang / nyi ma dang / sa'i lha rnams kyis kyang rang rang gi gnas dang bcas par 'jigs pa'i mtshon cha

  638. 319b

    dang bcas par 'khod do// nyi ma dang / zla ba dang / mig dmar dang / phur bu dang / pa sangs dang / spen pa dang / gza' chen po rnams kyis kyang rang rang gi 'khor dang bcas pas 'jigs pa'i khro bo'i tshogs dang / mtshon char bcas pas 'khod do// mtha' yas dang // 'jog po dang / stobs kyi rgyu dang / rigs ldan dang / nor rgyas dang / dung skyong dang / pad+ma dang / chu lha rnams kyis rang rang gi g.yog 'khor rnams dang / 'jigs pa'i sprul pas 'khod do// de bzhin du khams gsum gyi dregs byed kyi tshogs gnas pa'i gnod sbyin dang / dri za dang / grul bum dang / 'gro ba drug gtso bo dbang che zhing mthu yod pa rnams dang / ma mo rnams dang / gshin rje dang / lha ma yin rnams dang / 'dab bzangs dang / srin po dang / nam mkha' lding dang / rgyu skar gyi tshogs su bcas pa rnams kyis kyang rang rang gi 'khor gyi dkyil 'khor gyi dbus na 'jigs pa'i gzugs kyi mtshon cha dang nga ro dang bcas pas rnam par 'phrul zhing 'khod do// de nas bdud kyi rgyal po yang nyon mongs pa skyes te// rang gi 'khor rnams 'du bar mdzad cing rdzu 'phrul gyi nus pa ci yod pa dus 'di dag gcig tu ston nas/ mtshon cha sna tshogs 'bar ba'i gzhal yas khang nas drag po 'bar bar 'jigs pa'i skur ston to// khro mo'i tshogs dang rol ba mdzad pa lags// 'khor ba'i

  639. 320a

    tshogs mtshon cha me 'od bcas pa phyogs bcur spros te nam mkha' thams cad gang bar byas nas thog ser nad dang chub ma thams cad skyes so// des 'jig rten gyi lha kun myos shing rmongs par gyur pa dang // 'jigs pa'i tshogs kyis phyogs thams cad nas/ 'khor ba'i me 'od 'bar ba'i mtshon chas bsad cing gtubs pa las/ so so'i tshogs bred par gyur te/ rang gi snying po phul zhing skyabs su gsol lo// de nas lha thams cad 'du bar byed pa'i bdud kyi sde de dag la ma nas dor zhing dam tshig byin te/ so so'i snying po blangs te/ 'khor tshogs thams cad rje dpon dang bral te/ lha chen po brgyad ni rang gi rtse la 'khod do// rgyal po chen po bzhi ni shar gyi gling la 'khod do// gnod sbyin dang / phyogs skyong dag ni shar gyi gling phran gnyis su 'khod do// 'gro ba ris drug gi sems can rnams ni lhor dgod do// dri za dang ma mo rnams ni lho'i gling phran la dgod do// lha ma yin rnams ni nub tu dgod do// gshin rje dang 'dab bzangs dang srin po rnams ni nub kyi gling gi gling phran gnyis la dgod do// gza' dang rgyu skar rnams ni byang du dgod do// de bzhin gshegs pa thams cad kyi dgongs pa gsang ba bla na med pa las/ bdud kyi sprul pa bstan pa'o// de nas bdud kyi rgyal po de nyid shin tu dga' zhing 'khor thams cad la bka'

  640. 320b

    bsgo ba// rgyal po gcig gi 'khor du gnas pas ni/ yid dang mthun par spyod pas gnas pa yin pas/ khyed rnams kyis kyang ngas ci ltar bsgo ba'i bka' bzhin nyon la/ thar pa'i lam 'di chod la/ ston pa gzhan la gus par ma byed cig/ kho bo'i 'jig rten stongs par 'ong ngo // bsam pa rgya chen po med pa'i 'gro ba 'di dag ni/ gti mug can gyi rang bzhin te// byol song lta bu yin pas/ bde legs kyi gnas thob pa'i don med pa yin no// yang tshigs su bcad de smras pa/ kye 'du shes med pa'i 'gro ba dag/ rang gi bde ba spong byed cing // thar ba'i lam gzhan sgrub byed pa// de dag 'phrul pas rang rgyud brlag/ nyes 'dod bde legs spong byed pa// rmongs pas 'gro rnams snying re rje// re zhig thugs rje skal ldan pas// bdag gi 'khor du 'dus pa yin// gnas gzhan gong ma thob 'dod pas// bdag la dad sems gus par gyis shig ces bsgo'o// de dag gis kyang de ltar nyan te// rang rang gi gnas shor zhing mya ngan gyi sems skyes kyang ci ltar bya ba'i thabs med de/ de ltar 'khod cing gnas so// de nas bdud kyi rgyal po rang gi gnas su song ste/ 'khor dang bcas pa rnams dga' ba'i longs spyod 'dod pa'i yon tan la spyod cing // dgyes pa'i glu gar dang rol mo la spyod do// ji ltar khams gsum kun gyi bdag po ni

  641. 321a

    bdag yin pas 'di las lhag pa'i bsgrub bya ni gzhan dag yod par bdag gis ma mthong ngo // da sangs rgyas kyi tshogs dang byang chub sems dpa' dag kyang bdag gi dbang du bsdu na thabs ci ltar brtsam zhing // rang gi 'khor dag la yang 'dri bar byed do// de nas bdud kyi grong khyer kun la bsgo ste/ sangs rgyas kyi 'khor rnams la mi dge ba'i ltas dang mtshan ma ngan pa'i cho 'phrul sna tshogs kyi bsgrub papa thams cad du rab tu 'chad cing // ci 'dod pa rnams la grub par bya na bdag cag la mos pa byed do// de'i rjes la de dag gi gtso bo rnams bdag gi 'khor du 'dus pa'i tshe thabs sna tshogs kyi sgo nas gdul bar bya'o// gal te 'ongs par ma nus pa bdag ni kho rang gi gnas de nyid dang bcas pa gzhom par bya'o zhes brjod do// de'i stong gsum g.yo bar byed pa'i tshogs kyi khro bo'i mtshon cha'i tshogs dang bcas pa sprul nas/ dkar po'i rigs la dga' ba'i 'gro ba rnams ma lus bcom zhing / sa la gnas pa'i byang chub sems dpa' rnams kyang brlag par bshams pa las/ bden pa'i mthu gang la gnod par ma gyur to// de nas rab tu khros te/ bdag gi khams gsum 'di dus gcig tu gdul bar bya spyod pa la/ ngan pa'i tshul can g.yo sgyu dang bcas pa 'di dag mi 'dul lam/ de rang gi sde tshan 'og ma la gnas pa

  642. 321b

    kun bskul te/ thar ba'i lam la gnas pa 'di dag rigs kyis gdul bar bya'o zhes brjod do// de nas tshangs pa la sogs pa bsgo bar mdzad pa dang / de dag gis kyang rang rang gi sprul pa dang / mtshon cha rnams phyogs kun du spro zhing / rang gi gsang sngags drag po'i tshogs dag kyang rjod par byed do// des 'jig rten 'khrugs shing g.yos nas thams cad bred par gyur to// bla na med pa'i gsang ba dpal rta mchog rol pa'i rgyud las/ bdud kyi sde dang bcas pa shugs 'byung ba'i le'u ste dgu pa'o// // de nas bcom ldan bde chen mchog/ sangs rgyas kun gyi bdag nyid kyis// stong gsum so sor 'dul mdzad phyir// rnam 'phrul ting 'dzin gnas la bzhugs// de bzhin nyid las ma g.yos kyang // thugs rje che dang smon lam mthus// so so'i las rtog mthun bzhin du// sna tshogs rtog pa'i tshul ma ston// 'dod chags la zhen smon pa dag/ chags pa chen pos 'dul bar mdzad// de bzhin zhe sdang gti mug dang // nga rgyal phrag dog 'dul don du// mthun byas snang ba sna tshogs dang // mi mthun sgo nas 'dul bar mdzad// pad+mo bde gshegs rdo rje don// rin chen rin chen las sna tshogs// phyag rgya che sogs 'khor lo sgyur// ji lta ba bzhin dag par mdzad// thabs chen rnam dag pad+mo'i don// shes rab sprul pa'i mchog 'gyur

  643. 322a

    bas// gar gyi dbang phyug bde ba che// rdo rje lta nyid sprul par mdzad// gzhan yang mdzad pa rgya chen po// sna tshogs mthu yis 'dul mdzad de// dag pa'i 'gro ba mthun byas sku// gser 'od mtshan dang dpe byad ldan// go byed theg pa bla na med// zab mo gsang sngags ji bzhin par// rgyal ba bde gshegs phyag rgya'i sku// rab sbrul dkyil 'khor sna tshogs pa'i// la las byang sems rgya chen mchog/ la lar lam lnga dag par sbyor// la lar pha rol phyin bcu rdzogs// la lar 'bras bu'i don la sbyor// la lar dga' ldan lha yul 'phags// lhums su zhugs dang bltams pa dang // 'jig rten spyod mthun rol rtsed sogs// gzhan gyi sku spang bya ba rnams// bcas ka'i can gyi bsam 'phrul pa// mthun 'jug thabs kyi bya ba mchog/ dka' thub mdzad dang dka' ba spyod// rdo rje gdan la yang sangs rgyas// bdud 'dul ngon rdzogs sangs rgyas shing // rtse gcig ting 'dzin bskul nas bzhugs// cho 'phrul mdzad pa kun 'dul zhing // chos kyi 'khor lo rim bzhin bskor// mya ngan 'da' tshul ring bsrel ston// zhi tshogs khro bor 'khyil pa dang // rang byung dud 'gro'i gzugs sna tshogs// snod kyi 'jig rten kun mthu sku// tshangs pa khyab 'jug 'jig rten skyong // bdud dang srin po gzugs sogs kyis// 'gro ba'i las rtog dag

  644. 322b

    mdzad cing // rang gi ye shes don bkod bya// de tshe 'gro ba'i gnas mtshon tshogs// las kyi stobs tshogs mthus brdabs rnams// de bzhin nyid mthus tshogs chen pos// yang dag lam las rab grol zhing // nga rgyal chen po'i dregs tshogs skyes// rang gi mthu dang rdzu 'phrul ston// nyon mongs las kyi lam la zhen// rang gi rigs tshogs bsdu bar byed// 'jig rten gsum 'jig a la la// khams gsum gtso bo bdag cag rnams// su zhig sprul pa a la la// 'jig par mdzad pa'i 'os ma lags// rang gi dka' thub bde gnas pas// mya ngan 'das pa'i lam mchog ste// gzhan gyi bstan pa ci zhig bya// bde tshogs 'jigs pa'i yan lag go// su zhig rang gi bde spong zhing // gzhan nas sdug bsngal don gnyer ba// gzugs mang sprul pa bsam yas kyang // rang gi sku mdzes bsgyur ba dka'// sgra mang sprul pa bsam yas pas// rang gi gsung nyan 'phro byed dam// sems rtog bya ba'i 'od bcas kyis// ting 'dzin rtse gcig 'gyur ba med// drag po'i stobs mchog gzi ldan rnams// rang gis rang spyod bde bar sdod// de nas bdud dpung dang po dang // dbang phyug tshangs pa khyab 'jug che// rgya byed glu dang dregs byed rnams// rab tu khros te rang gi mthus// ston zhing drag po'i gsang sngags dang // gtum tshig nga ro 'bod sgrogs

  645. 323a

    byed// de tshe rgyal po'i byin brlabs mthus// mthun 'jug thabs kyis 'dul mdzad de// theg pa gsang ba bla med mchog/ khyad par sgo gsum gsang byed cing // yang dag don la bde bkod phyir// thugs rje chen pos mthun mdzad de// 'jug pa'i lam ring bde bstan zhing // dga' ba'i sgo nas bde mdzad kyang // rang gi nyon mongs dregs pa'i mthus// don 'jug mthun pa'i spyod sgo 'jig/ gti mug chen po mun gtibs nas// nga rgyal ri bo kun tu bkod// zhe sdang me lce 'bar bsregs shing // phrag dog rlung gis bskyod byas nas// 'dod chags chu bos 'byin par 'gyur// dregs pa'i mthu yis rab khros te// tshogs rnams gcig la gcig bsgo zhing // gsang sngags rdzu 'phrul stobs phyung nas// rab tu bsgrags pa'i mthu yis ni// 'jig rten gsum dag 'khrug par byed// mi nad mu ge 'khrug pa dang // mtshon cha lo tog 'bras bu 'phrog/ 'byung po'i 'jigs gzugs nyes tshogs rnams// rgyun mi 'chad du 'khor bar 'byung // sa gzhi me 'bar chu bdag byed// dug dang dbyig dug rlung bzhin g.yos// bde lam mtho ris thar lam gcod// mi dag sems kyis non 'gyur zhing // 'gro rnams sdug bsngal bskyed byas pas// sangs rgyas rnams kyis thugs khrel bskyed// de nas byang chub sems bcas

  646. 323b

    pa'i/ 'khor rnams dus gcig bstan par bzhengs// gtso bo'i phyogs su 'dud byed cing // lan grangs bskor zhing phyag kyang 'tshal// mgon po bde ba mnyes byed cing // mchod nas gsol ba gdab par bya// thugs rje che mnga' lha yi lha// byams sogs dga' ba'i bdud rtsi chus// gdos bcas thal bar brlag mdzad pas// thim 'gyur rdo rje ye shes tshogs// cho 'phrul dkyil 'khor bstan du gsol// mdzad pa'i byin brlabs bstan du gsol// de dag nyon mongs rlabs 'khrugs pas// rang gzhan thar lam bde bar 'joms// byang chub sems nyid rlan bral lam// srid gsum yal bar dor byed na// thugs rje chen po gang la gdags// e ma ho 'bras bu mya ngan 'das// e ma ho byang sems pad+ma'i rdzing // e ma ho brjod bral ku mu da// e ma ho me tog 'bras bcas shing // 'di dag dkyil 'khor rnam dag pas// rigs mchog mtshan nyid yon tan gnas// dus 'dir dag par ga la mdzad// thugs rje chen po ga la gdags// 'di dag skal ldan gsung ba'i snod// rdo rje theg pa'i bstan pa 'dzin// da ltar rnam rtog ri bos non// thabs kyis 'dul bar mi 'gyur bas// shugs kyis bsgral bar bya ba'i phyir// dkyil 'khor sna tshogs bstan du gsol// zhes gsol te// de bzhin gshegs pa thams cad kyi dgongs pa

  647. 324a

    bla na med pa'i gsang ba dpal rta mchog rol pa'i rgyud chen po las mdzad pa chen po'i le'u ste bcu pa'o// // de nas bcom ldan 'das kyis lha chen po rnams 'dul bar byed pa zhes bya ba'i ting nge 'dzin la snyoms par zhugs te// rdo rje bkod pa'i dkyil 'khor chen po 'di nyid sku gsung thugs kyi dbyings nas phyung ste sprul pa mdzad do// gru bzhi pa la sgo bzhi pa'i// rta babs rgyan tshogs kun gyis spras// rin chen nor bu'i phreng sogs dang // b+han d+ha dril bu 'dod pa lnga yi tshogs// mchod pa bla re rgyal mtshan gdugs// kha dog nyi shu rtsa lngas spras// 'khor lo re'u mig dgu pa las// seng ge la sogs gdan khri spras// ka kha ga g+ha nga / tsa tsha dza dz+nya nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ ye shes ma 'dres bde chen gsal// rnam 'phrul rigs mchog gzungs kyi dam tshig dang // khro zhing 'dren pa'i mdangs kyis gnas// rigs gnyis lung gis rgyud pa'i sku// dmar nag zhal gsum phyag drug pa// ser dkar dmar ba'i zhal gnyis dag/ bzhin mdangs tshangs pa'i tshul gyis gnas// dbus ma khro 'dzum brjid bag dang // pad+ma rdo rje 'khor lo dang // dril bu rin chen rtse gsum 'dzin// rin chen phreng ba'i chun 'phyang dang // mu tig do shal dpung rgyan spras// stod g.yogs smad dkris

  648. 324b

    na bza' bklubs// dbu rgyan snyan cha sor gdub tshogs// mtshan bzang dpe byad mdzes par brgyan// rigs kyis mchod pas dbu skra sil// rang 'od btsun mo'i sku bcas pa// phyung nas phyogs bcu'i sngags kyis spros// hUM phaT pad+mo g+haM ga dza swA hA/ oM duM druM b+hi na b+ha dza pra mo haM// mdzad pa'i phrin las rdzogs byas nas// slar 'dus bdag po'i sku la thim// shar du rnam snang phyag rgya che// gser mdog zhal gsum phyag drug pa// rtse gsum be con pad+mo ral gri b+han d+ha 'dzin// lho ru rin chen 'byung ldan nyid// mthing ga zhal gsum phyag drug pa// rin chen pad+ma gri gug dang // shu la bum pa rtse gsum 'dzin// nub tu snang ba mtha' yas sku// dmar po zhal gsum phyag drug pa// thod dbyug rtse gsum pad+mo dang // dgra sta 'khor lo ral gri 'dzin// byang du don yod grub pa nyid// ljang gu zhal gsum phyag drug pa// ral gri rdo rje dbyug pa mdung // pad+mo rtse gsum gshin rje'i rkang // kun gyi g.yas dkar g.yon pa ni// dmar ljang ser dang le brgan mdog/ rang gi btsun mo'i mgul nas 'khyud// zhal gcig phyag gnyis bdag po ltar// sku mdog gsang ba'i mdangs dang ldan// phyag dang cha lug kun gyis brgyan// oM dzi na dzi ga laM// dwe Sha ra ti/ swa rat+na d+h+r-ig/ maM mo ha ra ti/ oM A ro li ka/ paM rA ga ra ti/ ha pra dz+nyA d+hig/ taM badz+ra ra ti/ hUM phaT swA

  649. 325a

    ha// 'od zer 'phro ba'i tshogs bcas pas// rigs kyi dkyil 'khor gsal bar mdzad// 'khor lo sbur rgyal cha lugs dang // dgyes pa'i skyil krung tshul gyis bzhugs// khyams kyi phyogs dang mtshams rnams su// sems dpa' brgyad dang sems ma brgyad// thugs kyi ye shes yi ge las// rang gi gsang sngags dag gis gdon// sa snying dkar ser rin chen 'dzin// nam snying mthing ga ral gri 'dzin// spyan ras dmar skya pad+ma 'dzin// gsang bdag ldang skya rdo rje 'dzin// g.yon pa pad+mo yu ba can// bsnyems pa'i tshul gyis phyogs su 'dud// sgeg mo phreng ba dbyangs dang gar// dkar ser dmar ldang 'od 'phro mdog/ me long rin chen phreng ba dang // dbyangs snyan gar zabs mdzes pa'i tshul// oM krI ra dza ya/ hAM lA s+ye sa ma ya stAM// tAM mA le sa ma ya ho// hrIHpad+ma b+han d+ha hri/ girti ra ho haM/ a nr-i ti ra ga yA mi hUM phaT/ byams pa dkar ser klu shing 'dzin// sgrib sel 'khor lo mthing ga ste// 'jam dpal dmar skya ut+pal// kun bzang ljang ser rin chen ste// g.yon pa pad+mo lcug ma 'dzin// sems dpa'i stabs kyis gdan la bzhugs// bdug spos me tog 'thor ba dang // mar me dri chab lha mo rnams// ser dkar dmar ljang go rims bzhin// mtshan dang mthun pa'i rdzas kyis mdzes// oM me ra ni/ dza d+hU pa pra pe sha/ thi ling

  650. 325b

    swa ra ma pa ya/ hUM bus pa A be sha hUM swa ra tsa ya/ baM dI pa bu gi ni/ muM shi ra tsa ya/ ho gan d+he tsi ta ya hUM phaT// shar sgor gshin rje gshed po che// mthing nag be con rtse gsum phreng // lho sgor stobs chen ser skya'i mdangs// rdo rje zhags pa rin chen phreng // nub sgor rta mchog 'jigs byed rgyal// thod sbrul dril bu lu gu rgyud// byang sgor rdo rje 'khyil ba ste// ljang skya rdo rje rtse gsum mthu// khro bo cha lugs rngam brjid dang // dur khrod rim pa'i chas kyis brgyan// lcags kyu zhags pa lcags sgrog dril// spyan dmar 'jigs byed 'od dpung dang // rdo rje mche sogs khro gnyer can// yab yum 'khyil pa brkyang bskum sku// hUM phaT ru lu'i gsung 'don cing // las kyi 'khor lo gnon pa'i tshul// oM ru lu pad+ma na ta kr-id hUM phaT// dza badz+ra kro d+hi sha ri hUM pra dz+nyAn+ta kr-id phaT// hUM rat+na kro d+hi shwa ri// hUM pad+ma na ta kr-id phaT/ paM pad+ma kro d+hi shwa ri hUM big nA na ta kr-id/ ho karma kro d+hi shwa ri hUM phaT swA hA// phyi nang med par dkyil 'khor chen po ste// thugs rje ye shes che las sbrul// phyag rgya bzhi yi rgyas btab cing // dbu la rigs kyi bdag pos brgyan// 'od dpung sprul pa'i lha 'khor gyis// 'jig rten gsum po snang byed cing // tshangs pa la sogs lha chen brgyad rnams 'gugs// rdo rje brjid gnon sngags kyi mthus// de dag dran pa med par 'gyur// mtshon cha'i tshogs

  651. 326a

    kyis sgrol byas te// dug gsum phung po gsol bar mdzad// phrin las khro bo brjid glu yis// lha chen 'khor rnams dbang du sdud// dkyil 'khor chen por gzhag byas nas// snga ma'i sha rus gnas nas ston// rdo rje bdud rtsi'i ting 'dzin gyis// lha chen rnams kyis slar lus gsol// 'khor bcas pa yi dbang bskur zhing // rdo rje 'chang gi gral la dgod// dam tshig gsang ba'i brdas bsgos shing // phrin las bka' nyan gnyer gtad de// gzhal yas khang gi rgyan du bzhag/ kun kyang tshig dbyangs mthun pa bsgos// dam tshig mna' srog thal myong 'gyur zhes brjod do// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las rdo rje bkod pa'i dkyil 'khor sprul pa'i le'u ste bcu gcig pa'o// // de nas pad+mo chags pa'i skus// gsung gi gzi mdangs rgyas mdzad do// phyag rgya rdzu 'phrul gnas sbyor bas// gser mig 'dab bzangs grong khyer dang // lang ka'i gnas tshogs srin po'i sde// klu rgyal dbang du bsdu ba'i phyir// rdzu 'phrul kun stobs khor lo yis// lha chen la sogs gdul bar dgongs// ting nge 'dzin la snyoms zhugs te// pad+mo rta mchog sprul pa mdzad// de bzhin nyid dbyings snyoms 'jug las// sems dpa' rgyal ba kun gyi yab// rdo

  652. 326b

    rje 'dzin thub dbang nyid dang // rigs nyid sprul pa'i lung las grub// sku mdog dmar po rA ga'i mdog/ zhal gsum rta mgo ljang gu can// phyag ni gri gug kha T+wAM ga/ thod pa khrag me dpung sbrul lnga// gnas brgyad klu bdag thod phreng dang // glang chen stag gi pags pa gyon// sgra skad drag po phyogs bcur sgrog/ bgegs la sogs pa'i cha lugs can// drang srong khros pa'i cha lugs kyis// klu yi 'gro ba rmongs mdzad pa// pad+ma'i gdan la brkyang bskum gyis// yum chen dpal ldan ma dang sbyor// oM pad+mo gu ru he he ru lu hUM phaT/ 'khor lo 'bar ba phyogs mtshams su// ye shes khro bo chen po brgyad// hrI las grub pa'i 'jigs gzugs can// rta mgo ljang gu brjid pa yi// shar du pad+ma'i dbang phyug ni// dkar po zhal gsum phyag drug pa'o// rdo rje pad+ma klu zhags dang // rin chen dbyug pa ral gri mdung // seng ge rgyal mo sku dang 'khril// sna tshogs mi mthun zhabs kyis gnon// nyi ma zla ba'i snyan chas brgyan// sbrul gyi phreng bas gnas kun brgyan// lho ru gzi chen drag po ni// mdog nag ral gri rtse gsum lnga// rdo rje rtse gsum mda' dang gzhu// drag po gnas kyi sku dang 'khril// me ri 'bar bas kun du khyab// stag mo bcings pas gzhan gnas 'jigs// sprul pa'i pho nya me 'brug gi// khro bo yi ni dkyil 'khor tshogs// nub tu rdo rje dra ba

  653. 327a

    mchog/ dmar ser rdo rje dbyug pa bri// 'khor lo sbrul zhags me long chu// lha mo 'jigs chen zhabs kyis gnon// 'od 'bar glog gi phreng ba can// sprul pa'i pho nya ce spyang gdong // 'bum phrag gri dang thod khrag 'dzin// byang du 'od byed 'jigs chen skra// ljang gu rtse gsum mda' bo che// nor bu dung khrag lcug ma dung khrag 'chang // ra ro mig dmar zil gyis non// rgyal bdag khro bo'i sku dang 'khril// cod pan klu mgo gdengs ka'i rgyan// dus mtshungs phud kyi sgra chen sgrogs// kun kyang zod phreng g.yang gzhi dang // dur khrod gnas 'byung gtsang sme byed// mtshams kyi khro bo chen po bzhi// rigs kyi phyed gzugs thig les mtshan// zhal gsum phyag drug 'od mdangs can// rdo rje thod dbyug glu yi sgra// ce sbyang bya khyung gnam lcags sprin// 'od phreng thig le dbyu gu'i rgyan// rnam 'phrul klu thabs u ha ra// 'dod yon lha mo'i tshogs kyis bskor// kun du spyan dmar rdo rje'i mtshan// gnas su 'jigs pa'i hUM sgra sgrogs// klu yi rgyal po'i gnas na bzhugs// gzhan gyi rdzu 'phrul 'joms par byed// oM ma hA ha ya grI ba pad+ma d+ha ru naM bi d+ha ha ra hUM phaT rtsa ba'i sngags so// oM na mo ud taM he ru lu ru kaM ba mu kha// A ka ra Sha ya rak+Sha na gaM gu ru hUM phaT snying po'i sngags so// oM pad+ma rag ma ku r+ya ra kaM ru lu ru lu hUM phaT nye ba'i snying

  654. 327b

    po'o// dkyil 'khor chen po'i phyogs bzhi ru// lcags kyu lcags sgrog zhags pa dril bu rnams// dkar dmar ser ljang 'od mdangs 'bar// seng ge ce sbrang stag 'brug dang // mgo brtsegs sprul pa'i 'khor dang bcas// rang gi las kyis 'khod pa dang // 'jigs pa'i cha lugs rngam gzugs gnas// las mdzad klu yi dkyil 'khor 'dul// klu chen brgyad sogs bsdus byas na// mthu dang rdzu 'phrul med par bya// rang gi dam tshig dran pa'i shugs// spyan rnams spyan ngar 'dod par byed// oM na ga drings me ga na na ga ra tsa ya sa ma ya hUM// dkyil 'khor gsang bar dbang bskur nas// 'od bzang gzi mdangs me dpung 'bar// rigs kyi dbu rgyan gsal byed phye// ye shes 'od tshogs gnas bcas te// dkyil 'khor gsang bar goms zhugs kyis// tshul 'dzin dkon mchog mngon du dbye// tshogs rnams ma lus mgrin gcig tu// gar dbang sku la skyabs gsol zhing // 'dod yon gsol 'debs dam bcas pa// bsod nams phung po'i gter la spyod// kye ma dkyil 'khor ya mtshan che// bdag cag 'khor rnams rab sgrol mdzad// rgyal ba'i dkyil 'khor dpe bral bas// nyi ma'i dkyil 'khor bzhin du gnas// bde chen lam 'di sngon ma rtogs// da ltar thugs rje drin gyis rnyed// rnal 'byor gsang bar 'dzin byed kyis// ji ltar

  655. 328a

    bsgos pa'i bka' bzhin 'gyid// rdo rje gsang ba'i dam 'di las// gal te nyams na 'das par shog ces dam bcas so// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las rta mgrin dbang gi dkyil 'khor sprul pa'i le'u ste bcu gnyis pa'o// // de nas bcom ldan pad+ma'i skus// yum la chags tshul 'dzum mdangs kyis// bka' yi bsgo bas dgyes mdzad de// mi shigs ting 'dzin la gnas mdzad// phyogs skyong dri za rgyal chen po// rang gi chung ma tshogs bcas pas// gnas gzhan 'jigs par mdzad pa dang // rang gi mthus bcus dul bar mdzad// sku ni bai DUr 'tsher ba'i mdangs// zhal gsum phyag rgya drug gis rol// rin chen mdzod bum sngags chen lhug/ 'khor lo phreng ba ma ga ta// rgyan dang cha lugs rin chen tshogs// dbyings kyi dbang phyug yum chen mo// dmar skya zab mo'i tshul du sbyor// 'od 'phro sems dpa'i gdug pa'i 'phro// rigs lnga'i dbu rgyan rin chen phreng // phyag rgya bzhi yis brjid pa'i lha// rin chen 'bar ba'i gzhal yas khang // gru bzhi sgo bzhi rta babs brgyan// bar khyams 'khor gyi dbus nas 'gying // pad+ma'i lte bar skyil krung bzhugs// shar du 'joms byed rdo rje'i sku// dkar gsal rdo rje dril bu 'dzin// lho ru rin chen blo

  656. 328b

    gros sku// dpal be'u gdugs mdzes 'od mang ser// nub kyi phyogs kyi rgyal po rtog/ dkar dmar pad+ma glegs bam 'dzin// byang du 'jig rten kun sgrol ba// ljang skya rdo rje rgya gram bri// shar lho dra ba'i dbang phyug ni// ser skya rin chen b+h+r-ing ga ra// lho nub chos kyi lhun po mchog/ rtse gsum pad+ma'i lcug ma 'dzin// nub byang rgyal ba'i ye shes tog/ sngo skra seng ge'i bum pa 'dzin// byang shar sgyu 'phrul dra ba brtsegs// ldang ser g.yung drung rdo rje mtshan// 'di dag 'khor los skur rgyal byin// mtshan dang dpe byad 'od mdangs rgyan// skyes bu chen po'i longs spyod 'phel// cha mthun yum dang 'khril bar bzhugs// oM pi ta dz+nyA na ta na saM pho ga ta hUM phaT/ oM d+harma mu ni na sa na sa hUM/ oM bi ha ra phra mo tha na hUM phaT/ oM dz+nyA na lo tA saM bo ga ya hUM phaT/ oM rat+na ma ru d+he sa gr-i ba hUM phaT/ oM ma hA shu ti mu sa mo ha hUM phaT/ oM bud d+ha bud d+ha sar+ya na ku mA ra hUM phaT/ oM na ma ga ga na si ta yo ga hUM phaT/ oM ni sa ha he hi hu mu ga ra ba ri hU~M phaT/ 'khor lo'i gsang sngags rab brjod pas// lha rnams phyi yi gnas su spro// drag po'i rgyu 'bras sbyang byas te// gnas kun dag pa'i ye shes che// rigs mchog ye shes 'od gsal bas// shar gyi dbang po dri za sogs// gnas mgon skyabs dang dbang du mdzad// nyon mongs las kyi dregs pa'i

  657. 329a

    tshogs// rang rgyud zhi nas byang sems bcas// bcom ldan 'das kyi spyan sngar 'khod// snying po mdongs gsol phul bar 'gyur// oM trag sha ka sarba ra ma ma sa hUM hUM swA hA// bcom ldan 'das bdag cag gi rig pa 'di byin gyis brlab tu gsol// bstan pa myur du spel cig/ rgya chad pa'i sngags kyis thams cad bsrung bar gyur pa bde legs su bya ba'i gnas pa bdag cag dus thams cad dkyil 'khor 'dir gnas shing de 'dzin pa'i rnal 'byor pa dag bsrung bar bya ba dang dran bzhin du gnas par bgyi'o// slar yang bdag cag rnams mgon pos bzhengs la byin gyis brlabs te dbang bskur ba dang grol bar mdzad du gsol zhes gsol ba btab pa dang // bcom ldan 'das kyis rig pa'i snying po 'di byin gyis brlabs so// oM u oM mr-i ta bi ga na shu ta hUM phaT swA hA zhes gsungs pa dang // de dag dang po'i sangs rgyas bzhin du 'od zer dang bcas par gyur nas gzhal yas khang gi rgyan du 'khod do// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las thugs ye shes sems dpa'i dkyil 'khor 'phrul pa'i le'u ste bcu gsum pa'o// // de nas bde byed gar dbang phyug/ pad+ma tshogs pa'i sku chen pos// yon tan rin chen sgyu ma'i chos// ting nge 'dzin

  658. 329b

    la snyoms zhugs nas// mkha' 'gro tshogs bcas gshin rje rnams// rgyal po rgyal chen rgyal mor gnas// 'khor bcas 'dul bar bya ba'i phyir// mkha' 'gro chen mo'i tshogs 'phrul mdzad// thabs dang shes rab gnyis med las// gzi ldan gar gyi dbang phyug ma// pad+ma rA ga nam mkha'i mdog/ zhal gcig pa la phyag bzhi ste// pad+ma'i sdong po bdud rtsi'i snod// rdo rje kha T+wAM zhags pa thogs// rin chen phreng ba'i rgyan gyis bklubs// khyod bzhed 'jigs mdangs tshul 'dzin cing // brkyang bskum zhing mchog nyi ma'i dkyil// g.yang gzhi nyi ma'i phreng bas brgyan// oM pad+ma ma hA kro d+hi shwa ri hUM phaT/ dpal gyi lha mo mchog nyid dang // oM dang sprul te phyogs dang mtshams// pad+ma'i gdan la zhing gis mtshan// brkyang bskum sku mdog sngon mo'i tshogs// phyag na gri gug thod pa khrag/ 'bar ba'i cha lugs skra 'bar ma// phyi rol sprul pa'i tshogs bcas pas// dur khrod chen po'i gnas su rol// rdo rje rin chen pad+mo dang // las dang sgyu 'phrul mkha' la bzhad// sna tshogs sgyu ma bzhin rgyas spyan// kha dog phyogs mtshams ji lta bu// gsal zhing mun pa'i rdul gyis gos// zhing gi dbyug pa rtse gsum dang // gser gyi mda' dang rdo rje dang // chu srin rgyal mtshan zhags pa dang // zhing chen rdo rje rtse dgu gdengs// gri gug rgyu ma'i zhags pa sdom// rdo rje gdengs pa

  659. 330a

    rtse gsum khrag/ zhing chen khog phyes snying 'dren cing // de bzhin rlung yab zod pa 'chang // oM badz+ra ta krid ma hA la ti ti hUM hUM phaT// oM badz+ra ta tri me da ra hUM phaT/ oM DA ki mad kum pa ya hUM phaT/ oM DA ki nI ti pre sha hUM phaT/ oM badz+ra DA ki bi la sa hUM phaT/ oM badz+ra DA ki dri ku Ta ma le hUM phaT/ oM badz+ra DA ki dza la dza la hUM phaT// phyi rol pad+ma'i 'dab ma la// seng ge rta dang ce spyang wa// bya rgod kang ka bya rog 'ug/ mgo brnyan mche gshog chen mo brgyad// hUM las sprul te mdog dmar po// phyag na gri gug thod pa khrag/ rdo rje ral gri rtse gsum mdung // 'khor lo dgra sta be con mda'// gtun shing zhing khog g.yang gzhi sbrul// ne'u le gzhong pa rin chen khyung // zhal gdangs so so'i phyogs mdangs bzhin// kun kyang khro bcas khyams par gnas// zhing lpags g.yang gzhi thod phreng sbrul// khrag zhag thal ba'i tshom bus brgyan// mkha' 'gro rigs bdun ma sring sprul pa'i tshogs// mche gshog 'bar ba phyogs bcur 'khrugs// oM se ra ba ra na hUM phaT/ oM ni raM te sha pa mu kha hUM phaT/ oM kaM na ma du na hUM phaT/ oM mu ka ra na phaT/ oM sUr+ya sa mo ka hUM phaT/ oM badz+ra sdig sha bruM hUM phaT/ oM ni sha ku r+ya ra na hUM phaT/ oM re laM su bag sha hUM phaT/ mkha' 'gro bcu drug 'di dag kyang // 'od 'bar glog gi phreng ba can// 'od kyi ru lu'i sgra

  660. 330b

    'byin cing // spyan mur khro gnyer mche ba can// zhal gcig phyag bzhi rol pa'i stabs// dbyings dang shes rab rab rtogs la// so so'i phrin las mdzad pa'i phyag/ zhal dang sku ni so so'i mdog/ oM ru khu saM ta gu na De ta sa mo ra ga hUM phaT snying po'i sngags so// oM badz+ra DA ki dz+wa la shaM ba ra ku ma ra hUM phaT nye ba'o// oM DA ki hUM saM pa ra dz+wa li mu kha ma me hUM phaT rtsa ba'i sngags so// mkha' 'gro ma yi dkyil 'khor spro ba'i mthus// de dag dran pa med par brgya la// slar nyid rang gi 'khor du bsdus// dam tshig dkyil 'khor chen por bkod// de nas mkha' 'gro'i tshogs dang bcas// gdul bya rnams kyi gnas dor nas// rgyal ba'i bstan pa bzung byed cing // rdo rje theg pa sbyor bar mdzad// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las mkha' 'gro ma sprul pa'i le'u ste bcu bzhi pa'o// // de nas bcom ldan dgyes pa'i gtso// gar gyi dbang phyug de bzhin gshegs// gzi ldan yum dang zhal sbyor zhing // phyogs bcu'i dkyil 'khor sprul pa'o// ting nge 'dzin la snyoms zhugs nas// phyogs kyi bgegs 'dul byed pa'o// khams gsum gnon pa'i dkyil 'khor sprul// sangs rgyas kun gyi rang bzhin gnas// rin chen 'bar ba'i khang bzangs na// rin chen pad+ma seng ge'i gdan//

  661. 331a

    med nyi zla spras pa la// dbus kyi lha mchog chen po ni// zhabs brgyad phyag ni bcu drug dang // dmar ser nyi ma'i dkyil 'khor bzhin// bgegs la sogs pa'i tshul dang ldan// pad+ma rdo rje 'khor lo gri// thod pa rin chen dgra sta ras// yum chen dbang phyug sgeg mo dang // rgyan tshogs rin chen phreng ba can// dri med pad+mas bklubs pa'o// oM ba ga ba te ru kaM saM po ga ta ya hUM phaT// mdun du rdo rje sems dpa' ni// dkar ser rdo rje dril bu 'dzin// g.yas su rin chen sems dpa' ste// ser po rin chen 'khor lo thogs// rgyab tu pad+mo'i sems dpa' nyid// dmar ser rtse gsum bum pa thogs// g.yon du las kyi sems dpa' ste// ljang ser dril bu tri shU la// oM badz+ra swat+ta hUM phaT/ oM pad+ma swat+ta hUM phaT// oM rat+na swat+ta hUM phaT// oM karma swat+ta hUM phaT// 'khor lo pad+ma'i rtse mo la// yum dang 'khril ba'i tshul gyis 'khod// phyi rol pad+ma'i rigs bdun la// bde gshegs yab yum nyis stong tshogs// bde gshegs rdo rje rin chen dang // pad+ma rgya gram sna tshogs mkha'// sku mdog pad+ma rA ga dang // in+d+ra la sogs rim bdun la// ral ba rtse mdzod bum pa la// lcug ma dril bu glegs bam dang // chos kyi rgyal mtshan phreng ba 'dzin// kun kyang zhal gsum phyag drug pa// rin chen rgyan phreng 'od mdangs can// phyag mtshan gri

  662. 331b

    gug thod pa dang // pad+ma'i phreng ba rtse gsum bsnams// lhag pa'i phyag bzhi 'dzin par mdzad// dang por rang rtags phyag rgya bsnams// oM badz+ra du ki bi shi ka du kuM di kaM maM hri saM ga ta s+t+waM sra mo ta phaT swA hA// de bzhin gshegs pa rnams kyi'o// oM badz+ra sa mo yo ga ta sa ra la su hUM phaT// rin po che rnams kyi'o// oM pad+ma praM si nyi haM he he maM baM hUM phaT// pad+ma'i rigs rnams kyi'o// oM karma b+h+yo truM hUM rak+Sha mur+ya sa hUM phaT// las kyi rigs kyi'o// oM badz+ra tsakra bruM si ti yo gi shwa ri hUM phaT// 'khor lo'i rigs kyi'o// de nas dkyil 'khor sprul ba'i tshogs// phyogs rnams kun du spros byas pas// rdo rje rigs kyi pho nya yin// phyogs kyi rgyal po'i gdon rnams 'gugs// skrag cing byed nas dgra 'gugs shing // so so'i rigs dbyer 'khrug pa dag/ rdo rje gsang ba'i sngags kyis gzer// rang gi dam tshig rjes su dran// srog gi snying po dbul bar bya// rdo rje gsang ba'i dam tshig gis// dbang bskur byin brlabs rdzogs byas nas// dkyil 'khor gsang ba'i gnas su 'khod// gsang ba 'dzin pa'i gnas 'dor nas// rang gi lus su gnas byas te// gzhal yas khang gi rgyan du gzhag/ de dag gi snying po ni// oM sa mu da ra dzi na na ga su tra b+ha ba si tri sni sha hUM bruM phaT zhes pa'o// slar gso ba'i sngags ni/ oM su mu ge DaM saM myag he he ru tu pa la si

  663. 332a

    taM dza hUM phaT/ lha rnams kyi snying po bsdus pa ni// oM sarba sa ka ra bruM bag sha saM me praM mu rak+Sha hUM zhes pa'o// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las khams gsum gnon pa'i le'u ste bco lnga pa'o// // de nas bcom ldan gar dbang sku// sangs rgyas thams cad 'dus mdzad nas// khro bo'i dkyil 'khor sprul byas te// gnod sbyin grul bum 'dul bar mdzad// gzhal yas gru gsum mthing nag la// dbus su 'khor lo nyi ma'i gdan// dpal chen pad+ma he ru ka/ dur khrod chen po'i rgyan gyis brjid// zhal gsum pa la phyag drug ste// sku mdog pad+ma rA ga'i mdangs// rtse gsum gtun shing ral gri dang // pad+ma zhags pa thod rnga 'dzin// glang chen ko ba thod rlon sbrul// yum dang zhal sbyor 'khril pa'i tshul// thabs dang shes rab sbyor ba las// yi ge las sbrul khro bo'i rgyan// shar du rnam rgyal mdog dkar sngo// zhal gsul phyag drug rdo rje dung // 'khor lo rin chen pad+ma dang // ral gri me 'od kyis mtshan pa// lho ru gshin rje gshed po ni// sngo nag zhal gsum phyag drug pa// thod dbyug rin chen ne'u le dang // rtse gsum me dpung thod rnga 'dzin// nub tu rta mchog khro bo'i sku// zhal gsum phyag drug dmar skya'i mdog/ 'khor lo sdigs mdzub rtse gsum dang // ral

  664. 332b

    gri thod pa Da ma ru// byang du bdud rtsi 'khyil pa ste// ljang sngon zhal gsum phyag drug pa// rgya gram gri gug pad+ma dang // be con rtse gsum seng ge 'dzin// shar lhor dbyug pa sngon po ni// sngo skya zhal gsum phyag drug pa// dbyug pa tsakra pad+ma dang // rnga yab b+han d+ha dril bu 'dzin// lho nub mi g.yo mgon po ni// zhal gsum ser skya phyag drug pa// rin chen ral gri gtun shing 'dzin// pad+ma thod khrag mdung rtse gsum// nub byang 'dod pa'i rgyal po ni// dmar skya zhal gsum phyag drug pa// rdo rje dbyug pa rin chen bum// thod pa bdud rtsi snying 'dzin pa'o// byang shar stobs chen dud ka'i mdog/ zhal gsum phyag drug 'jigs pa'i mdangs// rdo rje rtse gsum bam chen khog/ sna tshogs rdo rje bam chen khrag/ 'jigs pa'i cha lugs khro phreng dang // gyad gyi dor thabs rol pa'i stabs// oM badz+ra kro d+ha bi dza ya hUM phaT// oM badz+ra kro d+ha ya mAn ta ka hUM phaT/ oM badz+ra kro d+ha ha ya gri ba hUM phaT/ oM badz+ra kro d+ha a mr-i ta ku Na Da li hUM phaT/ oM badz+ra kro d+ha ni la daN+Da hUM phaT/ oM badz+ra kro d+ha Ar+ya a tsa la hUM phaT/ oM badz+ra kro d+ha Tak+ki rA dza hUM phaT/ oM badz+ra kro d+ha ma hA ba la hUM/ phaT/ phyogs skyong rgyal po gnod sprin dang // grul bum tshogs rnams dbang bsdus te/ gsang sngags drag pos bsgral byas na// slar gsol ye shes lhums su gyur/ dkyil 'khor gsang ba'i dbang bskur

  665. 333a

    zhing // dam tshig la gzhan dkyil 'khor tshul// kun gyis srog snying phul ba ni// dam tshig chen pos byin brlabs mdzad// slar yang dam tshig 'dzin pa'i sngags/ 'khor rnams kun la sbyin par mdzad// oM badz+ra kra ka ra murda si na ba mu ka hUM phaT/ oM AHhUM badz+ra su ka ta b+ha mo traM a la la hUM phaT/ lha rnams kun gyi dam tshig ni// rdo rje gsang ba gsum las byung // rdo rje gnod sbyin drag po'i sku// khams gsum dus kyis dbang bskur nas// 'khor ba'i chos las rgyal byed cing // byang chub sems kyis de nyid gsal// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las khro bo phrin las rol pa'i le'u ste bcu drug pa'o// // de nas bcom ldan gar dbang skus// gzi brjid dgod pa'i rgyan bkod cing // lha min grong khyer 'dul ba'i phyir// yum gyi dkyil 'khor 'phrul bar mdzad// chos dbyings sprul pa'i gnas bzang mchog/ rgal ba'i rang bzhin rin chen spros// gru bzhi khang pa sgo dang bcas// rta babs ka ba brgyad kyis mdzes// dbus kyi pad+ma'i gdan bzhugs pa// gnyis med rol pa'i yum gyi sku// mdog dmar rgyan du zangs chen gzugs// zhal gcig phyag bzhi mdzes pa'i mdangs// 'khor lo dung khrag pad+mo dang // rin chen 'bar ba rtse dgu 'dzin// rin

  666. 333b

    chen pad+ma'i phreng ba can// stod bzang na bza' dkyil bzang bzhugs// oM pad+ma mu sha ra sa ma ka ta hUM phaT// shar la sogs pa'i phyogs rnams su// pad+ma dbyings phyug gsal ba mo// rin chen phreng ba glu ma che// dkar dmar ser dang ljang gu'i mdog/ rdo rje gsum pa pad+mo dra ba dang // na ra si la'i snod rin tshogs// rang gi dkyil 'khor ma spros shing // sna tshogs pad+ma'i gdan la bzhugs// oM tsun d+he shwa ri hUM phaT/ oM Sh+Ti sha badz+ra saM bruM ga hUM phaT/ oM byi tsu swa te hUM phaT/ mtshams kyi pad+ma'i 'dab ma la// de bzhin bde ba skyed byed yum chen bzhi// dra ba mo dang glog 'gyur rgyan// gshog pa can dang 'dod pa'o// dkar ser dmar skya sngo bsangs dang // ljang gu mdog legs la bzhugs nas// rdo rje rin chen pad+mo dang // ut+pal ljang gu legs mdzad pa'o// oM nu te no tsa kru hUM phaT/ oM saM bo ga ta su he bya hUM phaT/ oM ma ma kri bruM he he hUM phaT/ oM ta re ga ga na a ma la hUM phaT// phyogs rnams kun du mkha' khyab pa// til gang bzhin du gnas gyur pa// ma mo gshin rje'i tshogs rnams kun// 'khrug rngam rod rod por gyur nas// thugs rje can la skyabs su mchi// srog gi snying po dbul bar byed// de nas dkyil 'khor bsdus byas te// rang gi gnas su dbang bskur zhing // dam tshig dga' ba'i sdom pa rnyed// bde gshegs ye shes gsal bar

  667. 334a

    'gyur// kun gyis mthun par khas blangs te// dam tshig bsrung zhing rnal 'byor skyong // oM ma ma rak+ta sa pra ti i dam sa bu ta phaT/ oM trak+ka ra la si bad Ta ta phaT/ ma mo dang 'byung po rnams kyi snying po'o// oM yu me si d+ha ru lu ru lu hUM phaT/ gnod sbyin rnams kyi'o// oM AHhUM yo ga gri gu me/ ha sa ha sa/ ru lu ru lu hUM phaT/ slar gso zhing byin gyis brlab pa'i sngags so// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las rin chen dbyings kyi dkyil 'khor 'phrul pa'i le'u ste bcu bdun pa'o// // de nas gar gyi dbang phyug nyid// dus gsum sangs rgyas thams cad kyi// sku gsung thugs kyi 'khor lo yis// sa 'og sa bla sa steng rnams// 'joms byed gza' dang rgyu skar dang // bdud dang de yi rigs 'khor kun// 'du bar bya ba'i ting 'dzin/ la// snyoms zhugs 'khor lo sprul pa mdzad// thabs dang shes rab bsgrub byas pa'i// 'od zer gsal bas stong gsum gang // rin chen 'bar ba'i gzhal yas khang // sgo bzhi rta babs phreng bas brgyan// 'khor lo rim gsum gdan dang bcas// rdo rje pad+ma rin chen gyis// khor yug seng ge glang chen mchog/ nyi mas mdzes pa'i pad+mo yi// dbus kyi dpa' bo yum dang bcas// zhal gcig phyag bzhi rdo rje

  668. 334b

    rin// pad+ma ral gri 'dzin par mdzad// dmar ser kun du rgyu ba ni// ljang ser pad+ma dril bus 'khyud// mtshan dang dpe byad rgyan phreng bklubs// sangs rgyas 'dus pa'i dbu rgyan can// phyag rgya bzhi yis mdzes byas pa'o// rdo rje 'khor lo rtsibs rnams la// rigs kyi sems dpa' nyi shu bzhi// dkar dang dmar dang ser ba'i mdangs// rdo rje dril bu pad+ma bsgom// 'khor lo rin chen snye ma bsnams// dang po'i phyag gnyis mtshan byas shing // lhag ma gri gug thod pa thogs// khro zhing sems dpa'i cha lugs kyis// rgyan phreng rigs kyi dbang po gsum// rin chen 'bar ba'i rgyan gyis bklubs// oM badz+ra swa ta kro d+ha he he ru lu hUM phaT// rdo rje rigs rnams kyi'o// pad+ma te sha tha sA da na ma ku ru ku ru hUM phaT// pad+ma rigs kyi sems dpa' rnams kyi'o// oM i ku ri tsag ban d+ha si d+hi phaT phaT/ kro d+hi shwa ri hUM phaT/ de bzhin gshegs pa rigs kyi'o// sgo bzhi mdzes gzugs khro mo ni// mi mthun blo gros dpa' chen mo// ye shes mkha' dbyings bzhi rnams te// dkar ser dmar dang rim pa bzhin// rdo rje lcags kyu zhags pa dang // lcags sgrog dril bu mtshan ma'i phyag/ oM badz+ra aM gu sha dzaHpA sha hUM/ s+pho Ta baM/ g+hen+de hoH/ phaT/ dgug gzhug bcing ba'i las dag dang // dbab pa'i cho ga mnyes par byed// dus gsum sangs rgyas thams cad kun// sku

  669. 335a

    gsung thugs kyi dkyil 'khor 'dus// rigs gsum sems dpa' khro bor bstan// 'jigs byed cha lugs rngam pa'i stabs// rdo rje gcod byed 'jigs pa che// rdo rje 'joms pa'i yid 'phrog byed// rdo rje rab bzang blo gros mchog/ rdo rje'i bstan pa g.yul las rgyal// pad+ma'i sprin chen 'brug sgra'i dbyangs// pad+ma'i blo gsal mya ngan 'joms// pad+ma'i sdong po nga ro myos// pad+ma'i 'od zer bdud rtsi'i 'od// 'khor ba brtsegs pa myur du bzlog/ 'khor lo dga' ba sbrang rtsi'i mchog/ 'khor lo sgrol dang rtse gsum 'ching // 'khor lo rol pa dga' byed stobs// 'di dag sprul pa 'khor tshogs skus// gnas gsum po dag 'dul bar mdzad// de nas gza' dang rgyu skar rnams// gdug pa'i nga ro chu ma shums// sgra chen sgrogs shing sprul nas kyang // mthu dang rdzu 'phrul med par 'gyur// dkyil 'khor chen po skyabs sol zhing // bstan pa bzung bar dam bcas so// de dag so so'i srog snying dag/ lus sems dad pas phul byas pas// dkyil 'khor chen po dbang bskur zhing // rab gnas gdan la gzhag par bya bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las rang sangs rgyas thams cad khro bor byung ba'i le'u ste bco brgyad pa'o// // de nas bcom

  670. 335b

    ldan dbang gi lha// pad+ma bde chen yum bcas la// 'gro drug rgyu 'bras bya ba'i phyir// bde chen byang sems dkyil 'khor sprul// dkyil 'khor chen po'i gnas 'bar ba// rin chen phreng sogs 'jigs byed brgyad// dur khrod chen po'i gnas bzhin brgyan// dbus kyi 'khor lo gdan bcas la// rigs lnga'i he ru ka bzhugs mdzad// yum chen lnga dang 'khril bar sbyor// kun kyang zhal gsum phyag drug pa// dmar nag dkar ser ljang gu'i mdangs// rdo rje kha T+wAM ral gri dang // tri shUl zhing dbyug tho ba bsnams// g.yas par dung phor g.yon thod khrag/ bar ma gri gug pad+ma ste// tha ma yum dang 'khril ba'i tshul// spyan dgu sdang mig dmar po bzlog/ khro gnyer ral pa gyen du brdzes// zod sbrul khrag dang thal bas brgyan// g.yang gzhi ri sha'i rgyan gyis mdzes// oM badz+ra shrI he ru ka badz+ra kro d+hi shwa ri hUM phaT/ oM b+har+Na shrI he ru ka b+had+d+ha kr-i d+hi shwa ri hUM phaT/ oM rat+na shrI he ru ka hUM phaT/ rat+na kro d+hi shwa ri hUM phaT/ pad+ma shrI he ru ka hUM phaT/ oM pad+ma kro d+hI shwa ri hUM phaT/ oM karma shrI he ru ka hUM phaT/ karma kro d+hI shwa ri hUM phaT// bde chen byang chub sems kyi rgyan// rol pa kun du khyab mdzad de// khams gsum ma 'dres rnam par dbyings// bde ba chen po gnyis med 'gyur// dbang bskur byin brlabs rigs kyis bskur// bskyed de dbu la rang gi bdag pos

  671. 336a

    brgyan// smon 'jug g.yo ldang bskyod pa yi// lha mo bzhi dang mnyam par sbyor// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las bde ba chen po'i le'u ste bcu dgu pa'o// // de nas bcom ldan 'das dgongs pa nyid la bzhag ste bzhugs so// de'i tshe de'i dus na bdud kyi rgyal po ma traM ru tras/ rang gi rdzu 'phrul chen po bstan zhing // 'khor dang bcas pas phyogs bcur rgyug cing rig pa 'dzin pa dang // rnal 'byor mtha' dag gi bar gcod byed cing bde 'gro'i bde ba thams cad rgyun gcod pa dang // rang nyid kyi nyon mongs pa bskyed do// de nas bcom ldan 'das kyis thugs rnam par 'phrul pa zhes bya ba'i ting nge 'dzin la snyoms par zhugs nas// rigs kyi 'od zer mtha' yas pa zhes bya bas stong gsum gyi 'jig rten thams cad skad cig gis gsal bar mdzad do// rgyal ba'i dbang po stong gsum 'dir// khang bzangs mdzes par byin brlabs te// rin chen ka ba gdan phreng dang // gzugs mdzes la sogs kun gyis spras// nyi ma zla ba rin chen khri// pad+ma seng ge la sogs gnon// sgo bzang khyams su bcas pa yi// rnam dag gzhal yas khang bzangs sprul// de nas bcom ldan bde chen pos// dpal ldan gar gyi dbang phyug skus// sangs rgyas dkyil 'khor

  672. 336b

    rigs tshogs rnams// dga' ba'i sprin gyis bskul bar mdzad// bde ba chen po gnyis med mthus// rigs kyi dkyil 'khor gcig tu gyur// yongs rdzogs gsal ba rgyan chen pos// dkyil 'khor rgya chen sprul par mdzad// dbus su pad+ma'i rigs rgyal po// gtso bo pad+ma rdo rje'i mdangs// zhal gsum phyag drug 'jigs byed sku// rdo rje dga' ba'i spyan 'dril zhing // shar la sogs pa'i phyogs kun du// bde gshegs rdo rje sems dpa'i mchog/ rnam snang rin chen don grub rnams// rin chen phyogs kyi mtshon mdangs gsal// rdo rje 'khor lo rin chen dang // ral gri pad+ma sna tshogs dang // gtso bo pad+ma'i drug mtshan can// stong pa'i sgra snyan dril bu g.yon// sangs rgyas spyan mdzes mA ma ki// dkar mo dam tshig sgrol ma dag/ mdog bzang phyag mtshan gtso bo bzhi// sangs rgyas ting 'dzin rdzu 'phrul stobs// thabs dang shes rab nyis stong tshogs// 'khor lo 'bar ba'i rtse mo la/ rang gi mtshan ma so so'i tshul// dmar mdangs dkar dang gser gyi mdog/ ni ra ka ta'i mdog 'tsher zhing // pad+ma rdo rje 'khor lo rin// pad+ma tri shUl cas pa 'dzin// g.yas na 'khor lo go rim bzhin// rdo rje skyil krung legs brgyan brjid// gzhan yang khro bo'i tshogs 'bar ba// phyi rol 'khor lo'i bar khyams dang // sgo la sogs pa'i 'jigs gzugs

  673. 337a

    kyis// rngam pa'i mdangs bcas 'khod pa ni// khri tshogs yang sbrul mtshon cha dang // rigs kyi sprul pa'i don byed pa'i// khams gsum 'jigs byed khro bo dang // mkha' 'gro'i dag pa'i tshogs bcas rnams// dur khrod rgyan gyis rab mdzes shing // rigs kyi kha dog mtshon cha dang // 'od zer 'phro ba 'khrigs pa'i tshul// gsang sngags drag po brjod mdzad pa'o// de ltar dkyil 'khor khro zhi tshogs// skad cig gsal bar rdzogs byas nas// phyi yi gnas su spro zhing bya// gsang sngags rgyun gyi skal bar byed// hUM a la la ho/ ma hA pad+ma hr-i da ya/ a a oM AHhUM/ ma hA pad+ma ku ru/ ha la ha la b+hi sha na hUM hUM phaT// stong khams sangs rgyas bzhugs pa'i gnas// rab 'khrug bred rgyas rmongs pa dag/ 'bar ba'i dkyil 'khor 'od kyis bder byas shing // rang gi sangs rgyas zhing la bkod// dkyil 'khor gnas su bsdus byas nas// rang gi 'khor lo mdzes byas te// dbang bskur byin brlabs rdzogs 'gyur nas// dbu la rigs kyi bdag pos brgyan// oM pad+ma kun d+ha li hr-i da ya na bi mu ku ru ha na da ha hUM phaT// gsang sngags kun gyis brjod byas na// 'jig rten gsum po sdud pa yi// pho nya rdo rje kI la ya// dregs byed gtso bo dag rengs bya// de nas bcom ldan bde chen skus// sangs rgyas thams cad bskul ba'i phyir// rdo rje

  674. 337b

    se gol lan gsum brdab// dam tshig chen po'i sngags chen brjod// de bzhin gshegs pa'i rigs tshogs rnams// ting 'dzin bsdu ba'i rdo rje las// gcig tu gnas nas 'gro ba gzigs// dregs byed gtso bo ma rungs rnams// rgyu dang 'bras bu log 'khrul zhing // sangs rgyas bstan pa log mi 'gyur// log pa'i lam la mngon zhen cing // mngon pa'i nga rgyal mthus bsnyems nas// 'jig rten gsum dag phung byed na// zhi bas 'dul bar mi 'gyur na// khro bo'i rol pa mdzad mod kyi// 'dul bar gzigs nas bka' gros mdzad// kye ma 'dul ba'i tshogs chen dag/ 'das pa'i dus na sngon byung ltar// da lta'i dus 'dir byung ba ste// de bzhin gshegs pa'i gsung rab las// log pa'i lam du 'khrul pa ste// khro bo'i tshul du byung gyur pa// de tshe sems can thams cad kun// shin tu khro zhing gtum par 'gyur// de ltar gyur pa'i mtshan nyid kyis// mnar med la sogs gnas ngan len// mi bzad sdug bsngal mtha' la brten// ji lta bu yi thabs kyis 'dul// shin tu gti mug mdongs pa'i tshogs// de bzhin bag chags ngan pa yis// rig 'dzin bdun rgyud gcod byed cing // bstan pa'i gsung rab 'jig par 'gyur// las kyi mun pas 'gro ba 'khyams// dus ngan rigs ngan phra men ma// gnod byed gdon dang log 'dren

  675. 338a

    dang // srid gsum 'jig cing dam tshig 'dral// 'di lta bu yi thabs kyis ni// sangs rgyas thugs rje rnam 'phrul bstan// nga rgyal chen po mdongs pa yi// lta ba ri bo mthu brnyes tshogs// da lta'i tshe ni 'di byung 'gyur// rgyal ba 'das dus sbyor byed cing // ji bzhin las la 'khrul bar byed// sangs rgyas kun gyi bdag nyid mdzod// mngon spyod rol pa'i thabs chen gyis// 'di dag bstan pa'i dus la bab// srid gsum gdug cing gtum pa la// zhi bas phan par mi 'gyur te// shes rab thabs kyi ngo bo las// khro bo de bzhin gshegs kun mdzad// khro bo'i tshul can khros pa yi// 'jig rten gsum dag sreg byed na// sangs rgyas thugs rje khros pa yis// khams gsum ma lus smos ci dgos// rang bzhin dag pa'i ngo bo las// phrag dog 'khrul pa'i rlung dag gis// 'jig rten phyin ci log tu 'khyams// ji bzhin gnas pa lam bral bas// khams gsum brlag pa'i lam la zhugs// 'jig rten 'di dag snying rje zhing // mngon shes gdul dka'i rmongs tshogs rnams// khro bo'i tshogs kyis sbyor bar mdzad// zhes bsgrags so// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las rnam par 'phrul pa'i dkyil 'khor bsgral bya'i le'u ste nyi shu pa'o// // de nas bcom ldan

  676. 338b

    dgyes chen pos// pad+ma gar gyi dbang phyug skus// ma trang ru tra la sogs pas// bdud kyi tshogs bcas 'dul ba'i phyir// yum chen sku gcig rol mdzad de// byang chub sems sprin phyogs bcur spro// dkyil 'khor rnam gsum dkyil 'khor gsal// dkyil 'khor 'dus tshogs dkyil 'khor che// dkyil 'khor chen po'i bdag nyid che// dgyes bcas gar bcas gdan la bzhugs// zhal gsum gangs ri mdangs ldan pa// pad+ma gtun shing rtse gsum thogs// rin chen rgyan sogs dbu rgyan bcas// dkyil 'khor sprul pa'i ting 'dzin gyis// snod gcig dus gcig sprul pa mdzad// mtha' dang dbus med 'jig rten gnas rnams kun// drag po 'thing nag 'bar ba'i gzhal yas khang // 'khor lo rtsibs drug par khyams nyi rim ldan// kun du zla kham sgo khyud gru bzhir bcas// rin chen 'bar ba'i thod dbyug rgyan dang bcas// tshad med ye shes 'khor lo la bsten cing // 'jigs byed khro bo'i rgyan tshogs mang po bklubs// nam mkha'i mtha' mnyam lhun gyis grub pa'i gnas// smon lam dbang dang thugs rje'i byin brlabs kyis// 'jig rten drug dang dus bzhi phyogs bcu na// gzugs khams ma lus dbang du bsdu ba na// drag po lha brgyad nga rgyal gzhom pa'i phyir// lha chen phyogs skyong tshogs kyis rtsig pa byas// sku bzhi dpal brgyad tshang bar bya

  677. 339a

    ba'i phyir// rgyal chen rigs bzhi bzung nas ka ba byas// theg pa gzhan las 'phags pa'i don// glang chen ka la ling gis ka gtan byas// gling bzhi'i mi rnams dgos 'dod bskang ba'i phyir// gza' skar mig tshags byas pas 'gyur ldog med// 'jig rten zil gyis gnon pa'i phyir// seng ge ka la sha yis ka zhu byas// 'khor ba'i gcong rnying gtan nas sbyang ba'i phyir// seng ge'i kha nas bdud rtsi'i 'o ma 'dzag/ thod rus par khyams rdo rje'i gzer gyis brgyan// zhing chen rnga yab bla re 'phan gdugs dang // thugs rje byang sems kun du khyab pa'i phyir// nyi zla 'bar ba'i rgyan chas gsal bar ldan// sprul pa'i me rlung 'brug gis dus bzhir phye// khro bo'i 'byung gnas thugs rje'i sgra dang bcas// rin chen khri dang pad+ma nyi zla gdan// gser gyi seng ge spyan gsum pa// drug bzhi rtsal 'phags nyi shu brgyad// khri rkang brgyad kyis bar khyams dag la gnas// thugs rje che bas nyi ma nyi shu brgyad// 'jigs pa spangs pa'i seng ge nyi shu brgyad// sbrul sku thob pas dbang mo nyi shu brgyad// kun du 'od kyi sa la rab gnas pa// rin chen khri rkang 'degs pa'i stobs dang ldan// mgon gnas dben par gzhan dag gis// mthong rkang sbas pa'i chos nyid lung // phrin las rnam par rdzogs pa'i gnas// rigs bzhi khrag 'thung

  678. 339b

    he ru ka/ bzhugs gnas mi 'gyur chos kyi sku// de nyid kun du 'od kyi lung // pad+ma le brgan phyogs bcu'i 'od// sangs rgyas thams cad bskyed pa'i tshul// chags par gyur ba pad+ma ste// tsha ba'am yon tan lung du ston// mkha' dbyings rnam dag dri med pas// ma chags pad+ma can gyi lung // stong zhing gsal bas gzhan gang 'phags// nyi zla'i dkyil 'khor brtsegs pa yin// seng ge 'khor lo tshogs chen pos// thabs dang shes rab ya bral bas// spros med rang gis bzlums pa ni// ma skyes pa yi chos nyid lung // 'od zer gsal bas 'tsher bas na// yang gab sbas pa ye shes lung // 'phro 'du khyab par gyur pa'i tshogs// shes rab rigs kyi gsang ba'i yum// thabs dang shes rab dgyes pa'i ting 'dzin gyis// tshogs chen yongs rdzogs dkyil 'khor chen po ni// bdag po khro bo chen po'i sku nyid du// gsang sngags 'di yis yongs rdzogs bya// oM pad+ma shrI he ru ka pad+ma krod+d+hi shwa ri hUM/ ma hA tsaN Da sar+b+ba duSh+TAn phaT// dkyil 'khor bdag po rngam brjid cha lugs dang // 'bar ba'i me 'od dmar gsal 'phro ba'i mdangs// dbu lnga phyogs bzhir las bzhi'i tshul du bzhugs// dbu ma mnyam nyid bde ba dbyings su gzigs// ral pa'i srid rtse me 'od bzhin du 'bar// smin ma khro gnyer sma ra sogs myur ba// lus thung sku rgyan gyad kyi cha byad

  679. 340a

    la// bcwa lnga'i spyan gyis rang gi yul rnams gzigs// rdo rje rin chen khyung gi gshog pas gtams// bcu drug rol pa'i spyan dang phyag mtshan dang // sgeg po'i zhabs brgyad chas dang 'chas par gnas// 'jig rten gsum po zil gyis gnon pa'i phyir// khro bo'i tshogs bcas 'gying bag yum bcas gnon// 'od zer sna tshogs 'phro ba'i rtse mo la// bde gshegs rigs lnga'i snang ba sna tshogs ston// rang gi zhing sbyong drag po'i gnas 'dul zhing // thams cad rigs kyi dkyil 'khor che la dgod// phyogs bcu'i rgyal ba'i dkyil 'khor ma lus kyis// yab yum gnyis kyi dga' ba bskyed par mdzad// gnas su nyi zla pad dkyil zla ba la// sku gsung thugs kyi sa bon yongs rdzogs gsal// oM sarba ta thA ga ta kA ya badz+ra swA b+ha ba Ata ma kony+dza haM// oM sarba ta thA ga ta bA ka badz+ra swa b+hA ba Ata ma kony+dza haM/ oM sarba ta thA ga ta tsit+ta badz+ra swa b+hA ba At+ma ko&haM/ 'khor lo 'bar ba'i rtse mo drug rnams la// mkha' 'gro'i rgyal mo kham rgya chen mo drug/ zhal gcig phyag gnyis 'jigs pa'i cha lugs can// rigs drug mtshan ma cha lugs ci lta bu// bud+d+ha badz+ra oM/ satwa badz+ra hUM/ rat+na badz+ra tAM/ pad+ma badz+ra hrI/ karma badz+ra ha/ g+hu na badz+ra phaT/ phyi rol dkyil 'khor khyab par spros byas te// 'gro rnams dud sogs khams rnams dag byas nas// rdo rje 'khor lo rin

  680. 340b

    chen pad+mo dang // ral gri kha T+wAM rtse gsum dril bu bcas// g.yon pa bdud rtsi thod pa gang ba thogs// mkha' 'gro rab gtum rigs kyi dbu rgyan can// rang gi phreng ba dur khrod rgyan gyis bklubs// las kyi kham rgya sna tshogs gzugs kyis bzhugs// dpal chen thugs kyi dkyil 'khor nas// long ba rgyab 'brel rgyan rnams rdzogs// sku mdog mtshan ma sna tshogs la// phyag sbrel zangs kyi thod pa thogs// oM shrI khA'i oM shwa ri khA'i traM/ shrI khA'i a/ dmus long 'khor ba bcu drug dag byung ste// thod rus par khyams gnas su bkod par bya// oM shrI khA'i hUM/ shrI khA'i hUM/ lcags kyi spyang mo brgyad rnams yang sbrul bcas// ye shes sprul pa'i khyi bcu rngam par 'khod// me ri sprin ltar gtibs pa ril zhing 'khrugs// bar khyams phyi ma'i gnas la kun du 'khod// oM ti ba ta tsakra shwa na mu mo ra khaM hUM phaT/ ku ku ra yag+na hUM phaT// dpal chen thugs kyi dkyil 'khor nas// dzaHhUM baM hoHphyag rgya las// mgo dgu brtsegs pa'i rkang gcig po// mgo brgyad lag brgyad rol pa dang // mgo drug lag drug rkang drug dang // mgo gsum rkang gsum lag gsum po// dkyil 'khor chen po sgo bzhi ru// tshad med sprul pa'i phyag rgyas rol// de dag rol pa'i byin brlabs las// steng 'og phyogs mtshams ma lus pa'i// thabs dang shes rab byang chub sems// me 'brug rlung

  681. 341a

    'brug phyag rgyas gsal// rab tu rdzogs pa'i tshul du byung // oM dzi na la to tsa raM yag+na ku ru ban ts+tsha hUM phaT// gzhan yang sprul pa'i dkyil 'khor tshogs// bse yi byan lag dmar po dang // dung bya/ khrung khrung la sogs rnams// 'jig rten tsam pa'i tshogs kyis bskor// oM ha ha ru ru ma hA tsin+da shwa ri bi sha na ya hUM hUM phaT// kun gyi rtsa ba'i sngags so// oM pad+ma bi ta si to he he tsakra b+h+yo phaT// snying po'i sngags so// oM hu lu hu lu hUM phaT// e a ma ra li hUM dza/ nye ba'i snying po'o// oM b+h+yo e A ra li dza zhes brjod pas khro bo 'khor lo ma lus par byon zhing // rang gi dkyil 'khor gnyis su med par gyur nas// he ru ka chen po nyid kyi dkyil 'khor chen po'i rgyu'i dkyil 'khor du gnas shing // rang gi dkyil 'khor rnams dam tshig bkod par mdzad do// de nas sprul pa'i 'khor lo tshogs// ma lus rol par byin brlabs shing // bdud dang grags byed rmongs byed cing // rang gi gnas su 'du bar mdzad// oM hu lu hu lu raM dza la e a ra li dzaHhUM baM hoHa la la ho// oM ma tra ru tra ha la ha la hUM phaT/ dug gsum dngos po sbyang ba'i phyir// rngam pa'i khro tshogs phyogs bcur spro// khro 'dzum phyag rgya bstan mdzad cing // he he ru ru'i gsang sngags brjod// ha la rdo rje'i gad rgyangs kyis// bdud dang srin po la sogs brgyal bar mdzod// oM

  682. 341b

    sarba pa pa ka ra he ta pa byi sha ma ta ru tra hUM phaT/ oM sarba pa pa he ta pa byi sha kha tad ru tra hUM phaT/ oM sarba pa pa ka ra he ta pa byi sha kha tad ru tra hUM phaT/ dpal chen thugs kyi dkyil 'khor pho nya'i tshogs// dpal chen rdo rje thog thog ser chen 'bebs// hUM dang phaT kyis srid gsum 'khor ba 'jig/ hUM dang phaT kyi byin brlabs bsam mi khyab// rdo rje khrag 'thung khrag gi rgya mtsho skems// rdo rje mtshon cha gnam lcags thu lum 'dril// gsang sngags log par lta ba'i bdud rnams 'joms// rdo rje ser chen thog bcas 'bar zhing 'khrugs// nyams pa'i snying dang dbang po thal bar rlog/ ye shes thugs rje a la la// oM ma hA shrI he ru ka b+han+d+ha b+han+d+ha/ gardza gardza/ ha la ha la hUM phaT/ de nas bdud dang ru tra bcas// rdo rje mtshon chas bsgral bsgral nas// 'khor gyi longs spyod rol mdzad cing // sha khrag nang grol bdud rtsi dang // rus rkang dbang por bcas pa la// tshogs kyi longs spyod ston mor mdzad// kun gyi dgyes pa rdo rje'i glus// mthun par sgra dbyangs gcig gis bstod// thugs rje rnam dag pad+ma'i rang bzhin las// thugs kar laM las sprul pa'i byang chub sems// phyogs bzhi dbus lngar brjid pa'i sku mchog ni// grub pa'i sangs rgyas mkhyen pa'i ye shes lnga// dpal lus khyad par 'phags pa zhal gyi dbyings// dbang mchog lhun gyis grub

  683. 342a

    pa'i rta skad can// thar lam thugs rje thabs mkhas sprul pa yi// ye shes byin brlabs khro rgyal 'bum du sbrul// smin mdzad smon lam yun ring grub pa yi// dmigs pa'i mtha' bral pad+ma yum gyi tshul// chos rnams ma lus gsal bar gzigs pa'o// chags med thugs rje pad+ma'i tshul// sgra skad thams cad mtha' las grol// zab dang rgyang ring chos kyi don rnams mtshan nyid las// shangs kyi rlung sgom dug gsum rtsad nas chod// zhal gyi hau la 'brel pas rgyud lnga gcod// rno dpal mche ba skye shi rtsad nas gcod// le brgan ljags kyi gsung sgra rgya mtshor 'chad// rol pa'i phyag gis 'gro ba 'dul la mkhas// gshog bzhi bskyod pas phrin las rnam bzhi mdzad// zhabs rol bas ni zil gnon mdzad pa'i tshul// sku che yan lag rags pa ri bo bzhin// thugs mchog ye shes stong nyid nyi ma bad la// ye shes lha mchog byin brlabs 'byung ba'i gnas// ngo mtshar rol pas khro bo kun gyi rje// dpa' bo sku mchog mnga' la phyag 'tshal bstod// de nas bde chen dbang gi skus// 'khor lo dam tshig sgrogs mdzad cing // gsang ba'i sku gsung thugs// gsal bar byin brlabs bskyed par mdzad// oM AHhUM sarba pany+tsa a mr-i ta sa ma yo gi sid+d+hi hUM/ pa ho ka ka ma la su ta sa hUM/ oM badz+ra sa ma ya kro d+ha sa ma ya oM AHhUM/ ma hA yo gi/

  684. 342b

    tsit+ta raM ba rak+ta ma la khA'i khA'i hUM/ oM kha kha le la ru lu ru lu hUM phaT/ i d+ha na sa ma ya a la la ho zhes rdo rje'i glu blangs so// pad+mo gar mdzad do// bde ba chen pos mchod pas tshim par 'gyur ro// de'i dus na bdud la sogs pa rnams bsgral ba'i tshogs rnams byang chub sems bde ba chen po'i ye shes kyis brgyan te// dbang bskur ba'i mthu sogs kyis// bdag po rig 'dzin thams cad kyi bdag po zhes bya bar 'gyur ro// dkyil 'khor chen po'i phyi rol du 'khod cing gsang ba'i dkyil 'khor 'dzin par gyur to// de'i 'khor rnams kyang dam tshig gi snying po blangs na bran du mdzad par khas blangs so// snying po brjod pa ni// ma ma trag sha ru tra ma ma b+h+yo/ slar bsgo ba'i sngags ni/ oM ru lu ru lu hUM b+h+yo pad+ma hr-id+d+ha ru ru hUM b+h+yo hUM// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las gsang chen 'dus pa'i le'u ste nyi shu gcig pa'o// // de nas bcom ldan gar dbang gis// rigs kyi dkyil 'khor bsdu mdzad nas// bdag dang gnyis med rol pa'i mthus// khro bo'i rgyal po sku chen dag/ sangs rgyas kun gyi sku gsung thugs// gsang gsung dam tshig phyag rgya che// dkyil 'khor rgyu yi dam tshig sku// bkod pa'i dkyil 'khor mdzes pa'o// chos dbyings yon tan 'byung gnas gzhal

  685. 343a

    yas khang // rgyal ba'i dkyil 'khor rigs kyi cod pan can// rigs kyi dbang phyug skye 'gro ma lus sgrol// rdo rje bkod pa rgyan gyi dkyil 'khor che// dbang po yul tshogs rigs kyi sku lngar ldan// shes rab thabs dang mi gnyis 'du 'bral med// dus gsum cig char sgrol bas tshar gsum rgyan// khams gsum yongs sgrol mdzad kyi rgyan du che// mi gnas mya ngan gsung rab rgya mtsho sgrogs// ma bsgribs ma gsal go 'phang mdzes par mthong // mi ldog yul sgrol stabs drug mdzes par mgyogs// gar yang thogs med byin brlabs shugs dang ldan// 'tsher skad gdangs snyan ma sring spro ba 'gyed// kham dmar ral pa'i dbus nas dbugs 'byung ba// dpral ba zhur po brjid pa'i khyad par dang // rta mgrin 'od 'bar gsal ba'i khyad par ni// don mchog khyad par yon tan rmad du byung // ljang gu me 'bar rta mgo'i rang bzhin ni// 'gyur med ye shes ji bzhin gsal// byams pa'i mdangs kyis khams gsum khyad par gzigs// rdog ma le brgan 'bar ba'i khyad par mchog/ stug po bkod sogs zhing khams rab 'byam na// rdul gcig steng na rdul snyed khro bo kun// zhing khams gsum dag ma lus dbang du sdud// shes rab thabs su 'brel pa'i rta skad ni// grub pa'i dpal tshogs tshangs pa'i rta dbyangs yin// dang po'i

  686. 343b

    gdangs kyis rgyal ba'i zhing khams sgrogs// gdangs skad gnyis pa ri rab rtse la 'tsher// gsung snyan gdangs gsum snyan pa'i khyad par ni// bcu drug slad ma'i ngan rtog thar lam ston// spyan mig glog ltar 'gyu ba cher 'phags shing // sha khrag rlon pa za ba'i srin po 'joms// 'tsher can yid la gdung ba'i rta skad ni// mun mthu'i 'gro ba ma lus gsal bar mdzad// rgyu dbyings grangs dang gzigs thabs rtog pa'i don// hUM las dpal chen khro bo'i dkyil 'khor bskyed// gnas ni sna yi dbugs rings dro ba lags// phyag rgya'i dkyil 'khor rnam par 'phrul pa 'byung // shangs kyi rlung sgrom yangs pas ye shes srog/ gsang ba'i tshub mas sdug bsngal snying nas 'byin// rgya chen sprul pas bag chags tshar gcod de// 'khor ba'i rgya mtsho lugs las bzlogs pa yi// rigs kyi rlung gis dug lnga dbyings su sgrol// zlum dkar gzangs rings rno dpal tshems// zhal du bdar ba'i byang chub sems// ma skyes chos nyid kun la rol// zhi rgyas dbang sdud drag po yi// cir yang 'gyur ba'i hom khung ste// las lnga 'brel ba'i zhal zhes bya// 'khor ba ngas su smin pa dang // las mangs nyon mongs dbang btsan dang // skye ba mi skye lung ma bstan// de smin mdzad pa chen po yi// 'jog ldog cir yang gyur pa dang // rjod byed gnyis ka'i bstan gyur nas// 'byar

  687. 344a

    zhing bskyod pas ljags nyid do// yig 'bru'i rgyu nyid bder gshegs thugs// rdo rje myu gu ting 'dzin thugs// 'od nyid nyon mongs rnam dag 'joms// rig byed ye shes phyag rgya dang // yig 'bru sa bon phyag rgya dang // yon tan rdzogs pa'i phyag rgya'o// srid pa gsum ste lta ba dang // rgyud dang las kyi rim pa'o// de phyir ye shes rol pa'i dbyings// snying po phyag mtshan phye mo dag/ bstan par gyur nas mkha' yi dbyings// chos sku chu yi zla ba bzhin// sna tshogs snang la rang bzhin med// dur khrod chen po'i gnas kun du// gar gyi dbang phyug rnam par rol// shar du rol pa'i phyag bzhi mtshan ma ni// khro chen snying 'byin kha T+wAM 'bar ba dang // rdo rje lcags kyu sbrul gyi zhags pas rol// de bzhin lho la sogs pa'i phyag kyang bzhi// thod pa khrag bkang rdo rje lu gu rgyud// rdo rje be con thod rlon 'dzin par rol// me yi zhags pa dag dang khyung gi khra// sdigs 'dzub rtse la ye shes 'bar// rdo rje kha T+wAM ga ni rab tu 'khrol// rdo rje rtse dgu rtse lnga gdengs pa dang // rtse gsum rtse gcig 'bar ba gsor zhing brdeg/ ye nas ma skyes dang ba'i cho 'phrul ston// ye shes lnga yi yon tan khyad par ni// rin chen dra ba sangs rgyas stong gis brgyan// klu rgyal nag po 'dra ba'i thabs shes kyis// rtse ba rnam thar sgo gsum sku gsung thugs// sprul pa'i don

  688. 344b

    mdzad dkyil 'khor sna tshogs ston// gsang ba'i yum bzhis sku la 'khril byed cing // byang chub sems bzhi de nyid ston par byed// rdo rje dra bas rin chen glog 'gyu ba// khyung gshog a mo theb gshog sder mo can// sangs rgyas stong rtsa gnyis kyi thugs rje shar// thabs kyi rnam par 'phrul pas g.yas nas brkyang // srid gsum ma rig mun pa sel byed pa'i// shes rab zla stong rtsa gnyis g.yon nas khyab// thabs dang shes rab 'brel ba'i byin brlabs che// sprul pa 'phros pas dug gsum rgyun mi 'chad// sna tshogs rol pa'i phyag rgya zhes pa yi// phrin las brgyad kyis bdag nyid sku che ba'i// dpa' bo stag gis steng phyogs 'dul zhabs brgyad// rgya bye'u lcags kyis shar lho'i zhabs brgyad de// rdo rje 'chol bas lho yi phyogs na brjid// bse khrab smug pos lho nub rkang pa brkyang // sna tshogs brjid pas byang shar mtshams su gyon// shu ken dar gyis byang shar zhabs mdzes shing // mche ba dmar pos nub byang brgyangs pa'i gdan// sbrul nag 'khril pa'i zhabs kyis 'og phyogs 'dul bar mdzad// khro brgyad gnon cing gzir bas zhabs brdebs shing // dug chen bcom zhing skal tshigs gnon// drang gnon ldan pa 'jom zhing 'jigs mdzad dang // 'khor gyi ska la sbas pas ye shes gsal// sku nyid 'khor la sbas pas dbyings kyis

  689. 345a

    brgyan// thugs rje rol pas gzhal yas khang du bstan// phrin las rol pas hUM mdzad hUM gis brgyan// sa bcu zil gnon stobs bcu'i dbang dang ldan// de nas gar gyi dbang phyug che// dam tshig gar gyi byin brlabs kyis// rgyun gyi ting 'dzin la gnas nas// yum chen gzi ldan dgyes par mdzad// dam tshig chen po'i phyag rgya ni// mnyes mdzad gzi ldan dbang phyug ma// ji snyed bud med sna tshogs dang // gsung gi rdo rje mi smad do// gtso bo rab tu gdungs pa la// rab tu smra bar gang byed pa// sgeg pa'i tshig gis brgyan nas su// sri zhu'i sems kyis gdungs pa la// ye shes tshogs kyis rab bskor ba'i// lha mo'i tshogs rnams bskor byas te// rang gi phyag rgya'i dkyil 'khor du// gnyis med mnyam pa'i rgya gzhi gdab// byang chub sems tshogs gsal ba'i rgyun// thim pa'i dkyil 'khor don chen gsal// dbyings phyug sbrul tshogs bsam yas dag/ nges pa'i ye shes rol pa'i sku// stong gsum dbang por gdon mi za// 'jig rten gsum gyi 'byung gnas mchog/ dus gsum kun gyi gnas dang rten// phyogs bcu dkyil 'khor thams cad na// dam tshig chen po de nyid mang // phyi nang gsang ba'i mthar phyin pa// thams cad pad+mo rnam dag pas// cho 'phrul rnam kun de bzhin nyid// thugs rje chags pa'i

  690. 345b

    phrin las kyis// dbang drag phrin las gnod sbyin gnas// gnyis med 'bar bas thams cad sreg/ las dang bag chags sgrib sogs kun// gnas nas gshegs mdzad ye shes tshogs// lhun gyis dang bas kun du 'joms// snyigs ma lnga brgya dus kyi mtha'// srid gsum sems can 'dul dka' ba// 'phro 'du 'khyil pa'i 'od mdangs mdzad// 'jig rten mkhyen dang mya ngan 'das// gnyis med thugs kyis sa le mkhyen// de ltar dgongs pa'i khyad par de// 'gro ba mtha' dag 'dul don du// rnam par thar pa dbu gsum bstan// g.yas dkar g.yon dmar dbus mthing ga/ ye shes drug gi phyag mtshan ni// g.yas pas rdo rje rde'u chung dang / mdung rtse gsum pa 'dzin pas rol// dril bu rgyu zhags thod rlon g.yon// bskal pa'i me ri sbrul zhags dang // thod rlon phreng ba rgyan du byas// sgeg pa dpa' bo 'jigs su rung // dgod dang gshe dang 'jigs par byed// snying rje rngam dang zhi ba'i sku// sku gsung thugs kyi gar thabs can// 'jigs byed khro bo rnam par rgyal// skye ba med pa'i chos dbyings su// mtshan ma med pa'i chos bshad pas// chos kyi dbyings kyi ye shes rgyal// longs sku mtshan dang dpe byad kyis// mi 'jigs stobs mchog gdan steng na// sangs rgyas zhing khams thams cad du// zab mo rgya chen chos ma bstan// dngos

  691. 346a

    dang dngos med gsal byed pas// me long lta bu'i ye shes dang // sprul pa 'gro mang don gyi phyir// phal mang bkod pa'i sa rnams su// dngos po mtshan ma rnam 'phrul gyis// bya ba grub pa'i ye shes tshogs// thams cad mtshan ma nam mkha'i dngos// de nyid sgo btags chos dang bral// kun ldan byams sems de kho na// rang bzhin dag pa dri ma med// he ru ka yi bde chen dbyings// chos rnams kun gyi rgyu yin te// 'od gsal ba yi gnas 'jug pas// rnal 'byor chen po zhes bya bshad// de bzhin gshegs pa thams cad kyi dgongs pa gsang ba dpal rta mchog rol pa'i rgyud las/ dkyil 'khor rgyu'i don phyung ba'i le'u ste nyi shu gnyis pa'o// // de nas bcom ldan dpal gyi skus// gar gyi dbang phyug lhun grub mchog/ thugs rje brjid pa'i stobs ldan pas// yon tan khyad par bstan pa'i phyir// nam mkha'i ri mo phyag rgya'i rngom// cir yang 'gyur ba'i bzhugs pa'i rngom// zil gyis gnon pa'i gnas mchog rngom// tsham ngam chen po'i stang stabs rngom// sku mdog brgyad kyis brjid pa'i mchog/ phyag rgya'i don dang ldan pa'i sku// haM lnga 'brel par gyur pa'i zhal// zla kham cir yang 'gyur ba'i ljags// skye shi rtsad nas gcod pa'i tshems// rnam pa'i 'brug ltar sgrogs pa'i dbyangs// ting 'dzin nam mkha'i skar tshogs

  692. 346b

    bzhin// phrin las rgya mtsho rlabs tshogs ltar// byin brlabs cho 'phrul sprin phung tshogs// mdzad pa'i rol mo gar thabs rngam// bdud dang srin mo 'joms byed rnams// khams gsum zil gyis gnon pa'i gdan// stong gsum dus gcig bsgral ba'i zhing // rtog pa 'joms pa'i brtul zhugs mchog/ sku gsung thugs mchog yon tan ni// rngam brjid sum cu rtsa drug mnga'// rgya chen yan lag rags pas brjid// grangs ma rkyen dang 'tsham pas brjid// bkur gshog gtso bo mthong bas brjid// khyad zhugs bla ma yin pas brjid// gdangs chen stong gsum gang bas brjid// don la nyi tsher ston pas brjid// gsal bas mtha' gnyis yangs pas brjid// thugs rje thugs dam mthar phyin brjid// ma rmongs thabs kyis 'dul bas brjid// ma 'gags sa le mkhyen pas brjid// med la zad mi shes pas brjid// gcig la 'dod dgur sbyar bas brjid// gnod sbyin pham par mdzad pas brjid// thabs mkhas skyon gyis ma gos brjid// rims bral nyam zag rol pas brjid// 'khor ba yun ring mgon mdzad brjid// cig char zil gyis gnon pas brjid// bya ba'i ye shes rdzogs pas brjid// sku gsung yon tan phrin las thugs// zil gnon nga rgyal bcag par bya// de su ro yi nang nas ni// glog 'gyu lce ni lan

  693. 347a

    gsum 'byung // so 'am sen mo gcad par bya// de nyid ral gri bzang por 'gyur// rnal 'byor pa yi grangs bzhin dbyung // de thogs nam mkha' la song nas// rig pa 'dzin pa'i sngags brjod bya// oM b+ha ru na ra sa ma ta ya hUM phaT// gar gyi dbang phyug nga rgyal gyis// gang 'dod gnas su 'gro bya zhing // dregs byed tshogs rnams zil gnon te// brtul zhugs spyod pas glu blang zhing // brtul zhugs spyod pa sna tshogs pas// yud tsam gcig la gnas su dag par byed// bcom ldan pad+ma he ru ka'i// sku gsung thugs kyi dkyil 'khor ni// ji ltar sprul zhing cir yang snang // mtshan nyid gcig tu ma nges pas// sku gsung thugs sprul bsam yas che// rang bzhin las dang yon tan gyi// byin brlabs ya mtshan sgrib med gsal// khams gsum kun las rtsal 'phags shing // rang gi dkyil 'khor rnam gsal las// byin brlabs 'gro la rgya cher ston// chos dang longs spyod rdzogs pa dang / sbrul sku sna tshogs 'dul ba'o// tshig gi gsung rab rig pa'i gsung // bzhi la sum cu drug gis brjid// dug gsum sku gsung thugs kyis sbyangs// dug lnga bde ba chen pos spyad// dbyings las ye shes rol pa'i mthus// skye 'gro ma lus rgyas btab nas// rang bzhin dag pa'i dbyings su sbyong // rgyal ba gang gi thugs rjes kyang // 'di la skyabs su

  694. 347b

    yod ma yin// srid pa gsum du dag byas nas// srid pa'i phyag rgyas phyag rgya gsang bas 'debs// thig le chos sku rig pa'i mchog/ gar gyi dbang phyug zhes su bsngags// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las// khro bo rngam brjid ston pa'i le'u ste nyer gsum pa'o// // de nas 'khor gyi gtso bo mchog/ gsang ba'i bdag po la sogs pas// yang dang yang du phyag 'tshal lo// mchod pa rgya chen phul byas te// 'gro ba brtse ba'i sems can las// bsgrub pa'i rim pa zhu bar mdzad// bcom ldan dngos grub kun gyi bdag/ gdul bya kun gyi don gyi phyir// thun mong dngos grub ji lta bur// de bzhin mchog gi dngos grub dag/ bsgrub par bya ba'i thabs ni gang // las kyi cho ga ci lta bur// yan lag tshogs pa'i ldan byas nas// tshe 'di mchog tu gyur ram ci// thabs mang cho ga bshad par bya// de nas bcom ldan 'das kyi dbang // rang gi dkyil 'khor gnas bzhugs te// ma 'ongs 'gro la phan pa'i phyir// sku gsung thugs kyi sbyor ba las// ngo mtshar 'phrul pa 'di gsungs so// rgyal ba kun gyi dam tshig che// rnam gsum phyag rgya la gnas nas// las kyi dngos grub bsgrub pa ni// gnas bzang dag tu brtsam par bya// phyag rgya'i grogs la brten pa na// bzlas brjod

  695. 348a

    yan lag ma nyams par// gsang sngags yi ge bcu bzhi pa// sum 'bum dag tu brjod byas nas// rol pa mtshan ma bsgrub pa'i phyir// mchog chen mtshan ma ma nyams pa// rab brtags dur khrod gnas nas blangs// khro bo chen po'i tsham rngam kyis// yungs kar thal ba la sogs pas// sum b+ha ni yi sngags brjod cing // yi dwags gshin rje bskrad par bya// de nas dri zhim sbyor ba yi// dag byed chu yis legs bkrus te// me tog phreng sogs rgyan gyis brgyan// gsung gi phyag rgya byin brlabs shing // dpa' bos rang gi khyim du blang // glu drug dbyangs drug bcas pa yis// khro rgyal rol pa'i bro yis sbyangs// bsgrub pa'i dkyil 'khor nyams dga'i mchog/ rgya khyon 'dom gang khrus yis bstod// ci bzhin la sogs cho ga bzhin// rdzas dang sa gzhi dag bya zhing // sa bon gnas pa'i las rdzogs nas// bsrung zhing dkyil 'khor bri bar bya// yab yum bsgrub pa'i grogs bcas rnams// dkyil 'khor phyogs bzhir gnas bzung ste// mchog chen dkyil 'khor kha ru bzhag/ bsrung ba'i 'khor lo legs ldan pas// stong nyid ting 'dzin nas brtsams te// dkyil 'khor mnyes sogs rdzogs byas nas// ro langs dgug cing gzhug bya ste// bar chad med par bzlas brjod bya// oM bi ra na trag sha ta ha la ta'i lo ma ta ya man ta

  696. 348b

    tsan tra hUM phaT/ ting 'dzin 'od zer gsal ba'i rgyun// zur ma chag par brjod byas te// 'bum tsho gcig gis g.yo 'gyur zhing // gnyis kyis 'od dang bcas par snang // 'bum phrag gsum gyis sgra bstan zhing // langs te kun du lta bar byed// de tshe rnal 'byor dbang po yis// skra nas bzung nas bsgyel byas la// rta mchog sngags kyis dbang du bya// rdo rje khyung gshog phyag rgya yis// don gyi gsung gis go bar spyod pas bro yang brdung // ting 'dzin sngags dang yan lag rnams// ma bral rang gi gnas 'ongs te// dkyil 'khor mtha' ma bskor byas nas// mchod pa bro glu dang bcas pas// lha rnams mnyes pa'i cho ga bya// de nas brtul zhugs chen po yis// go la lang g+ha gnon pa yis// bro la sogs pa rdzogs byas nas// ro de gser du gyur pa yin// de ni mchod dang sbyin pa dang // rang la dgos pa'i yo byad bya// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las/ ro langs bsgrub pa bstan pa'i le'u ste nyi shu bzhi pa'o// // de nas gar gyi dbang phyug gis// gzi ldan yum dang rol mdzad cing // 'khor gyis zhus pa'i tshig gsan nas// thun mong dngos grub bzang po nyid// ma 'ongs 'gro la phan gdags phyir// rim pa bzhin du phan gdags mdzad// dbang thob dam

  697. 349a

    tshig la gnas pas// yid mthun gnas mchog bzang po ru// mig sman sbyor ba bsgrub byas te// byin brlabs ldan pas 'gro don byas// rang gi ting 'dzin la gnas pas// rang gi gsang sngags 'bum rdzogs nas// mtshan ma phra mo mthong ba dang // bsgrub pa'i dkyil 'khor brtsam par bya// dkyil 'khor gang yang rung ba yi// phyag rgya gsang sngags ting 'dzin ldan// rin chen sngags kyi bzlas brjod ni// 'bum phrag gsum du gsung bar bya// oM pad+ma ma tsa ga hU a la sa ma ra si ti yo na hUM phaT/ dkyil 'khor gnas kyi rtags mthong nas// grong mtha'i gnas su 'gro byas te// sus kyang ma mthong mtshan mo rung // lha 'dre gtum po'i grong du bsdad// rang gi 'khor gyi tshogs rnams kyis// mi rgod btsan 'brang bsrung bar bya// der ni b+han d+ha mtshan ldan du// gzi chen mar ni bltas nas su// mtshan gcig yal bar sngags bzlas shing // ting 'dzin ma nyams sbyor ba byas// skya rengs dang po 'char dus su// dud pas bdugs te bcang bar bya// glu dang bro yi brtul zhugs dang // lha rnams kun gyi stang stabs kyis// gnas de'i bdag po dbang du sdud// rig pa 'dzin pa'i sngags ldan pas// slar nyid mig sman shas gcig byug/ de nas 'khor gyi tshogs bsgo zhing // skye 'gro kun la gsang bar bya// pad+ma bsgrub pa'i an rdza lis// ci

  698. 349b

    'dod dngos po mthong bar 'gyur// gzhan yang ril bu'i sgrub thabs ni// bdud rtsi lnga las 'byung ba yi// rdzas dag sha lnga dang bsres te// thod pa mtshan ldan nang bzhag nas// dkyil 'khor rgyan dang ldan gnas su// thabs dang shes rab ldan gnas su// gar gyi dbang phyug sku bsgoms shing // yi ge bcu bzhi gsang sngags kyis// 'bum phrag gsum du bzlas byas te// mtshan ma phra mo mthong ba dang // bdud rtsi gong bu bsgril byas te// rgya shug 'bras bu'i tshad tsam du// rin chen za ma tog tu gzhug/ dkyil 'khor de yi dbus bzhag pas// bsrung ba'i tsakras bsrung bya zhing // rig pa 'dzin pa'i gsang sngags ni// 'bum phrag lnga ru brjod par bya// 'od zer lcags kyu 'byung bar 'gyur// oM ma hA pad+ma saM bo ta hu lu hu lu hUM phaT swA ha/ de nas ril bu de blangs te// kha'am lag tu bzung byas nas// gang 'dod gnas su 'gro byed cing // ci 'dod pa dag grub par byed// lha yi gnas mchog nyams dga' bas// snga dro gcig gis 'khor bar nus// gzhan yang bcud len bzang po nyid// skyes bu gang gis bsgrub 'dod pas// 'dud rtsi rgyal po a ru ra// gser gyi mdog tu 'dug pas mchog/ nyi shu rtsa gcig ra bor sba// sul rangs rgyas par gyur pa dang // ba gcin phur mo thal ba dang // ser skya'i ba mar btso bar bya// de

  699. 350a

    nyid sbrang rtsi dang sbyar bas// nyi shu rtsa gcig zhag gi bar// zho re'i tshad du bskyed cing bza'// dkyil 'khor gsang ba la brten nas// gar gyi dbang phyug skur bsgoms shing // rig 'dzin pa yi sngags brjod cing // mtshan rtags gsal bar ma mthong bar// yan lag ma nyams brtson 'grus bskyed// oM pad+mo bi ha ra ha ra ta sa ni hUM phaT swA ha// gsang sngags sum 'bum ma rdzogs par// a ru ra yi 'bras bzang stong gi tshad// legs par sbyar te zos pa'i mthus// nad dang zug rngu'i tshogs 'joms shing // tshe ring bde ba phun sum tshogs// rgas la sogs pa'i skyon sel cing // rig 'dzin gnas su 'gro bar byed// de bzhin dbang po'i lag pa dang // kha ra bu ram nye shing dang // zur rdul mu zi la sogs pas// rang gi cho ga shes pa yis// rig pa 'dzin pa'i sngags kyis 'grub// gar dbang dkyil 'khor la ni brten byas te// so sor ma nyams sbyangs pa'i sa// ba yi 'o ma dang sbyar zhing // ba yi mar gyis gzungs btab nas// mtshan ma ma byung bar du gzhag/ de ni rig 'dzin dngos grub thob// oM pad+mo i dra dra a he de bi na hUM phaT/ oM pad+ma ra rgya a gar ta dar sha hUM phaT/ oM pad+mo sa mon bi sha le hUM phaT/ oM g+hu li sa bo ta ma go ra na hUM phaT// oM pad+mo me sha a nan da ta ya ka ra hUM phaT/ de dag las rnams 'grub pa dang // rtag

  700. 350b

    tu rang gis 'char byas shing // gsang ba'i sngags lam la brten nas// tshe 'di grub par gyur pa yin// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las/ thun mong gi dngos grub bsgrub pa'i le'u ste nyer lnga pa'o// // de nas gar gyi dbang phyug nyid/ phyag rgya rol pa'i skur bcas kyis// snod ldan byang chub sems dpa' dag/ mchog gi dngos grub skyed byed pa'i// rig 'dzin gnas kyi mtshan nyid bshad// dmar po dbang gi dkyil 'khor du// b+han d+ha mtshan dang ldan pa brgyad// pad+ma'i 'dab ma la bkram nas// tshe 'das sngags kyis brgyan par bya// de ni bza' btung longs spyod tshogs// ma nyams phun sum tshogs par spyad// gar dbang lha la mos pa yis// gsang sngags rgyal po rjod byed cing // sum 'bum bzlas pa'i grangs tshang nas// mtha' sngags gzhan gyis brgyan byas te// rtags mthong bar du bzlas brjod brtsam// oM a su sha oM a yu sha so ta bruM// 'od zer du ba lta bu dang // phyag rgya'i dbyings dang 'byung ba'i dus// bro drug glu dang gar bcas pas// brtul zhugs chen po bdud rtsi sprad// sku gsung thugs mchog phyag rgya che// gsang ba'i yum bskyed snying po mchog/ oM e ka te bi ga te ma tang ka te swA hA// ma nyams nyams pa'i phyag rgyar gsal// gnyis

  701. 351a

    su med par sbyor ba yis// rdo rje pad+mor ldan byas pas// thabs kyi phyag rgya'i cho 'phrul la// gzi ldan gsang ba e gru gsum// nyi ma pad+ma shes rab ldan// so so gsal ba'i brdas mtshon te// oM bruM pad+ma A yu she// byin brlabs rnam par 'phro ba yis// phyogs bcu'i sangs rgyas thugs bskul zhing // byang chub sems mchog tshe yi rgyun// sgrub pa po la gsal bar mdzad// pad 'dab brgyad pa nyi mar bcas// dbus su gsang ba'i rdo rje che// hUM gis gsor zhing a yis bskyod// yang dang yang du bskul ba ni// sku gsung dbyings su gyur pa'o// de la byang chub sems mchog rgyun// b+han d+ha mtshan ldan nang du bcug/ rnal 'byor gar dang legs bcas pas// bkra shis tshigs bcad glu blang zhing // bkra shis gar dang dbyangs su bcas// longs spyod ston mo kun gsol zhing // dngos grub don phyir gsol ba gdab// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las tshe bsgrub pa'i le'u ste nyer drug pa'o// // de nas gar gyi lha mchog gis// thams cad bdud rtsir byin brlabs nas// phyi nang snod bcud ma lus kun// rigs lnga'i sku ru bsgrub pa'i phyir// rang las byung ba'i rang bzhin dang // dngos grub snying po kun bsdus bshad// chos

  702. 351b

    rnams ma lus rnams brtags nas// rigs lnga'i dkyil 'khor tshul du gnas// de las 'byung ba'i dngos rnams kyis// de nyid lta bur sbyor ba bya// dang por bsod nams tshogs bsags shing // rdo rje bla ma mnyes byas pas// phun sum tshogs pa'i gnas dag tu// lha nyid nye bar bsgoms byas pas// dkyil 'khor chen po brtsam par bya// rigs kyi lha yi dkyil 'khor gyis// rigs kyi phyag rgya bsgrub par bya// dri dbyibs kha dog ro la sogs// sha lnga bdud rtsir bcas pa dag/ b+han d+ha mtshan ldan lnga ru ni// dkyil 'khor 'khor dang phyogs bzhir dgram// rdo rje bkod pa'i dkyil 'khor gyis// so sor spang ba sbyang byas te// phyag rgya sngags dang ting 'dzin mthus// rigs kyi dkyil 'khor mngon par bsgrub// mchod cing mnyes par byas nas ni// las kun grub pa'i gsang sngags brjod// oM pad+mo badz+ra hri g+hu na sid+d+hi sarba pany+tsa a mr-i ta/ oM AHhUM swA hA/ de la 'od dang du ba dang // dri dang lha mo rtags dag ni// bzlas brjod thun mong khyad par dag/ 'bum tsho gsum gyis 'grub par 'gyur// de nas grub pa'i rtags mthong nas// de dag btag tsam sbrang bya zhing // mkha' 'gro rol pa'i brtul zhugs kyis// bsod nams sbrang zhing byin gyis brlabs// dkyil 'khor bkod pa rgyan dang bcas// khro bo 'bar bar zhal sgyur zhing // yab yum gdung

  703. 352a

    ba'i glu dbyangs dang // byang chub sems dpa' 'phro 'du yis// dkyil 'khor dbus kyi gnas bzhugs par// bdud kyi gar gyi dbang phyug bskyed// slar nyid khro bo dkyil 'khor gyis// gzugs 'dul gtso bo'i thugs kar zhugs// ye shes dkyil 'khor kun bkug nas// dam tshig bdud rtsi gnyis med 'gyur// slar 'byung pad+mo'i rgyal po'i sku// dbus kyi dkyil 'khor gdan la bzhugs/ mchod bstod dga' bas mnyes byas nas// bro gar glu yis thugs dam bskang // khyad par gsang sngags rgyal po'i mthus/ ye shes lngar ldan 'od zer can/ oM ma hA sarba ta thA ga ta pany+tsa a mr-i ta ru lu ru lu hUM phaT swA hA/ ji srid mtshan ma ma byung bar// sngags kyi rgyal po brjod par bya// de nas rta mgrin phyag rgya yis// sgrub pa chen po gsang ba'i don// rdo rje rta mchog phyag rgya che// bdud rtsi rdzas kyis dbang bskur zhing // rnal 'byor grogs bcas tshim par bya// phyogs rnams kun nas gdungs pa'i glus// dkyil 'khor lha dang bla ma mchod// dngos grub gsol ba'i tshig brjod cing // dga' ba'i longs spyod rgya cher bya// lha rnams kun la dgyes 'dul zhing // dam med dbang po sngags kyis bskrad// bdud rtsi gtor bas lus rlag 'gyur// rang gi ye shes las las skyes// de nas las mdzad srung ma dang // mgron tshogs gtor mas mnyes byas

  704. 352b

    te// bsod nams ye shes tshogs chen po// rab tshogs 'gro ba'i don phyir bsngo// de bzhin gshegs pa thams cad kyi dgongs pa dpal rta mchog rol pa'i rgyud chen po las bdud rtsi bsgrub pa'i le'u ste nyi shu bdun pa'o// // de nas rta mchog rol pa'i sku dbus su// dkyil 'khor dbus su dgyes tshul gyis// 'gro rnams kun la bskul mdzad cing // phrin las gsang ba'i don bshad mdzad// bsam gtan las kyis 'byung ba yi// zhi rgyas dbang drag mngon spyod dang // mnan bzlog rengs dang bsad la sogs// ting 'dzin gsal nas goms pa'i mthus// bdag dang gzhan don las la sbyar// zhi ba zhi ba'i yi ge ste// bsgrub bya zla dkyil la bzhag nas// rnam par snang mdzad 'od sngags kyis// dus gsum lha dang mngon sbyar zhing // byang chub sems kyi bde bskyed de// zug rngu rtog pa rnam par sel// yun ring goms par bstan pa'i mthus// me 'bar gnas kyang zhi bar nus// rgyas la rgyas pa'i gzugs bgyis te// rin chen 'byung ldan la 'byung ba'i// 'khor los sgyur rgyal cha lugs kyis// ser po 'od dpung 'bar ba brjid// rang gi btsun mo'i tshogs dang bcas// bde gshegs byin brlabs kun bsdus shing // sku gsung thugs kyi yon tan dang // phrin las sgo nas brtsam par mdzad// sngags dang 'od zer gsang ba

  705. 353a

    yis// rin chen sna bdun gser la sogs// mkha' mdzod char sprin bzhin du 'bebs// tshogs rnams rang gis longs spyod cing // 'gro rnams gzhan la sbyin par byed// thabs dang dbang du bsdus phyir ro// 'od dpung dmar po mtha' yas sku// pad+ma'i dkyil 'khor dbus bzhugs shing // chags pa chen pos 'gro 'dul ba// rigs kyi ting 'dzin sngags kyi mthus// lha tshogs 'gro rnams dbang sdud cing // 'khor bcas dang bar gyur pa yin// gang zhig sdang ba'i sems yod pa// 'phrad pa bzhin rgyas chags par 'gyur// gang zhig gsad pa'i las grub mdzod// de ni mthing nag las kyi khro bo'i ting 'dzin las// khro bo sprul pa'i 'phro 'du yis// bsgrub bya dang phra zhing dgug pa// me yi dkyil 'khor la gzhag ste// shin tu ma rungs mtshon char ldan// dkon mchog gsum la sngo byed cing // skye bo yongs la 'tshe ba dang // slob dpon kun la bsngo ba dang // sangs rgyas thugs rjes bzod mi mdzad// las kyi khro bo sna tshogs kyis// mtshon cha me 'od 'bar 'phros nas// sdig pa can de bsgral mdzad cing // bya khyi ce spyang sha za dang // khrag 'thung mang po 'dus pa yis// bstod pa'i tshul du rol zhing dgyes// til tsam med par zos pa dang // sems nyid bde ba chen po'i gnas// de dag ting 'dzin gsang sngags dang // dkyil 'khor

  706. 353b

    so so'i rnam pa bsgrub// oM b+ha ta tsakra sam pa ga ti lo tsA na che ge mo shIn+taM ku ru swA ha/ oM rat+na saM b+ha gu ru ma ma ki che ge mo puSh+TiM ku ru swA hA/ oM yA mi te sa ra ba ra ho che ge mo pa shaM ku ru swA hA// oM karma san+ti ba kro ta ni che ge mo hA yA swA hA/ rang gi dkyil 'khor gnas bzang po// rang gi dkyil 'khor la gnas te// sngags dang ting 'dzin sbyor ba'i mthus// cho ga mngon du 'grub par byed// gzhan yang rmongs dang rengs pa dang // dbye zhing dgug dang bskrad pa dang // gnon la sogs pa'i las rnams kyang // rang gi lta ba'i sbyor ba yis// bsam gtan sngags kyis 'grub par 'gyur// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las bsam gtan gyi sbyor ba'i rim pa ste le'u nyer brgyad pa'o// // de nas sbyor ba'i rgyal po dang // phrin las kun gyi mchog gyur pa'o// rdzas rnams rten pa'i mtshan ma nyid// 'dod 'dod 'bras bu sgrub byed pa'o// gar gyi dbang phyug phyag rgya'i sku// rnam sgro lha yi dkyil 'khor gyis// so so'i 'dod don sgrub par byed// rdo rje tsakra rin chen dang / pad+ma rgya gram la sogs te// las kun lha yi nga rgyal gyis// mtshan rtags ma byung bar du bsgrub// gzugs brnyan dkyil 'khor gzhir bzhag nas// lha yi dkyil 'khor sgrub byed cing // mtshan ma'i rdzas

  707. 354a

    la brten byas te// brten par mchod cing mnyes pa dang // las kun pa yi gsang sngags brjod// oM ma ma sarba bi ta ha ra ku ru swA hA// sarba sa mo ku ni/ laM ba shAn+ti ku ru da ni hUM/ puSh+Ti rat+na ma ku ru swA hA// pa shaM ku ru pad+mo hr-i da ya aM/ staM ba na mo sha a karma pa ni hUM phaT// cung zhig gzugs ni 'du ba'am// 'od 'phros bskyod par gyur pa dang // nga rgyal ldan pas lag thogs te// gsang sngags drag tu brjod par bya// gang zhig zhi dang rgyas pa dang // dbang la sogs ni sgrub 'dod pas// de dag de dang mthun pa dang / las kyi dkyil 'khor la gnas bsam// phyag rgya'i mtshan ma bskul byas te// rang gi las la rnam par gnas// dgug la sogs pa'i las dag dang // lcags kyu la sogs las kyi bsgrub// rten gyi mtshan ma dang bral bar// ci 'dod bya ba mthar phyin 'grub// thabs dang sgrub byed gsang sngags la// so so'i las kyi mtha' brgyan te// yi ge bcu bzhi'i rjes thogs su// sum 'bum grangs kyis bsgrub par bya// oM bi lo gi ma ma du shUn ga ga na ru lu ru lu hUM phaT/ dang po rtsa ba'i sngags ni/ sum 'bum dag tu bzlas byas nas// slar yang de yi grangs mthun pa// gang 'dod las rnams 'grub par 'gyur// de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las rten

  708. 354b

    gyi sgo nas spyad pa'i le'u ste nyi shu dgu pa'o// // 'gro gnas thams cad srung byed cing // phan gdags cho ga bzang po nyid// rgyal ba'i byin brlabs gnas pa'i thabs// rnam pa yis ni brtsam byas te// grong khyer la sogs bsrung 'dod pas// chu dang bye ma la sogs la// gsang sngags rgyal po brjod par bya// oM na mo ku ru sarba bi da ra ni mo sa de ni ra sha ni ra sha kra ra kra ta hUM phaT// rang gi lha yi sbyor ldan pas// stong du brjod cing phyogs bcur gtor// gang srung ba dag shis 'gyur cing // 'byung po'i tshogs kyis mi tshugs 'gyur// gzhan yang ri'u cha dgu pa yi// 'khor lo shing shun tshogs la bri// mu khyud dag gis mtha' bskor nas// gsang sngags rgyal po dgod par bya// dbus su dgod pa'i gsang sngags ni// yi ge bcu bzhi gsang sngags bsam// de'i mtha' mar oM mthar he he dang // hu ru kaM pa bag sha ha ha ma mra bri hUM phaT swA hA// de mthar dbyangs dang gsal byed gang // bsrung ba'i sngags dang bcas pa ni// gur gum bzang pos byugs byas te// rdo rje rgya gram dbus su gzhug/ gang gi ming bcas 'bum bzlas shing // btags pa'i srung ba'i mchog tu 'gyur// gzhan yang bum pa bzang po ru// bdud rtsi 'o ma sbyar ba dag/ rang gi gsang sngags yungs kar bcas// gar dbang chags pa'i skur bsgoms

  709. 355a

    shing // sngags thod bsrung bar 'gyur bar byed// de bzhin gshegs pa thams cad kyi// gsang ba 'di nyid bshad pa las// phyogs bcu'i byang chub sems bcas pas// de la thams cad dga' mdzad cing // lha rnams kun la slar bsgo mdzad// de dag dad pa'i shugs kyis ni// rgyud kyi rgyal po 'di bzung zhing // de 'dzin gzhan la'ang byams par 'gyur// de bzhin gshegs pa thams cad kyi gsang ba dpal rta mchog rol pa'i rgyud chen po zhes bya ba las bsrung ba'i le'u ste sum cu pa'o// // de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po'i rtsa ba rdzogs so// //