Text
ff. 1b–365a · 728 folio sides
- 1b
rgya gar skad du/ pu N+ya ba la a ba dAn/ bod skad du/ bsod nams stobs kyi/ rtogs pa brjod pa/ sangs rgyas la phyag 'tshal lo/ / 'di skadabadag gis thos pa'i dus gcig/
- 2a
// na/ bcom ldan 'das mnyan du yod pa na/ rgyal bu rgyal byed kyi tshal mgon med zas sprin gyi kun dga' ra ba na bzhugs so/ / de nas bcom ldan 'das kyis dge slong rnams la bka' stsal pa/ dge slong dag 'di na mi blun po la la dam pa'i chos ma yin pa gsum dang ldan na/ sbyin pa dag mi sbyin zhing bsod nams dag mi byed la/ tshul khrims yang
- 2b
dag par blangs nas gnas par mi byed de/ gsum gang zhe na/ 'di ltar chags pa dang / ser sna dang / bag med pa rnams te// dge slong dag 'di na mi blun po la la dam pa'i chos ma yin pa gsum po 'di dag dang ldan pas sbyin pa dag ma byin zhing bsod nams dag ma byas la/ tshul khrims yang dag par blangs te gnas par ma byas pas lus zhig ste/ shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ / dge slong dag skyes bu dam pa chos gsum dang ldan pa ni sbyin pa dag byin zhing bsod nams dag byed la/ tshul khrims yang dag par blangs te gnas so// gsum gang zhe na/ 'di ltar ma chags pa dang /
- 3a
ser sna'i dri ma dang bral ba dang / bag yod pa rnams so// dge slong dag chos gsum po 'di dag dang ldan na/ skyes bu dam ba sbyin pa dag sbyin zhing bsod nams dag byas la/ tshul khrims yang dag par blangs te gnas par byas bu lus zhig ste/ shi ba'i 'og tu bde 'gro mtho ris kyi 'jig rten du lha rnams kyi nang du skye bar 'gyur ro/ / bcom ldan 'das kyis de skad ces bka' stsal te/ bde bar gshegs pas de skad ces gsungs nas/ de'i 'og tu gzhan yang ston pas 'di skad ces gsungs so// gang phyir ser sna bag med pas// sbyin pa sbyin par mi byed de// de phyir bsod nams 'dod pa yi/ / shes pas sbyin pa sbyin par bya// ser sna can gyi 'jig pa ni// bkres dang skom pa 'di yin na// gang gis 'jigs bas 'dir ma byin/ / de nyid ma byin 'jigs pa ste// 'jig rten 'di dang pha rol tu// de yis byis pa gos par 'gyur// gang dag ser sna spangs/
- 3b
nas kyang // dus su sbyin pa sbyin byin de// shi yang de ni shi ma yin// rgyags bzang ba yi 'gron po bzhin// gang dag shin tu gtang dka' ba// nyung ngu'am mang po gtong byed na// gtang dka' gtong ba/ de dag ni// dka' ba'i las dag byed pa yin// dam pa min pas mi rtogs te// dam pa chos las 'da' mi byed// de phyir dam pa dam pa min// 'di nas shi bar gyur pa na// dam pa ma yin dmyal bar 'gro/ / dam pa dag ni mtho ris 'gro// rga bas gtses pa la ni skyabs med de// tshe thung bas na srog khyer dus kyang nye// 'chi ba'i 'jigs pa 'di mthong rnams kyis ni// bsod nams der sbyor dag/ ni bya ba'i rigs// bud med spangs 'dir bor bas 'tsho ba gang // dga' bas sbyin pa nyung ngu byin na yang // stong gi mchod sbyin brgya stong byed pas ni// de yi bcu drug char yang mi phod do// ci'i phyir mchod sbyin yangs shing rgya che ba/ / mchod sbyin 'thun pa de yi lam mi 'gro// ji ltar stong gi mchod sbyin stong rnams kyang // de yi bcu drug char mi 'gyur zhe na// byis pa la la gsod cing 'ching byed 'dir/ / gzhan nor sbyin byed yangar rlag par 'gyur// mchi ma'i gdong bcas chad par bcas pa yi// yon de'i mchod sbyin 'thun pa'i lam mi 'gro// de ltar mchod sbyin yangs shing rgya che ba/ mchod sbyin 'thun pa'i lam du mi 'gro la// de ltar stong gi mchod sbyin stong rnams kyang // de yi bcu drug char yang mi phong ngo // la la gang dag gzu lum ma yin pa// chos bzhin nor rnams thob pa
- 4a
gtong byed cing / / de dag gtang dka' de rnams btang bas na// rang gi bsod nams kyis ni lha gnas 'gro// bcom ldan 'das kyis de skad ces bka' stsal nas/ bcom ldan 'das gdan las bzhengs te/ nags stug po ga la ba de logs su gshegs so// gshegs nas nags stug po'i nang du bzhugs te/ nyin par gnas pa'i phyir shing zhig gi drung na gnas shing bzhugs so/ / de'i tshe dge slong mang po dag 'dun khang na 'dus shing 'khod pa'i skabs su tshul 'di lta bur/ tshe dang ldan pa dag mi rnams kyi nyams su dben pa gang yin zhes gtam du glengs so// / de'i tshe bcom ldan 'das kyi gcung sru'i bu tshe dang ldan pa dga' bo dang / tshe dang ldan pa gro bzhin skyes bye ba nyi shu pa dang / tshe dang ldan pa ma 'gags pa dang / tshe dang ldan pa shA ri'i bu rnams kyang 'khor de nyid du 'dus par gyur te 'khod do/ / de nas tshe dang ldan pa dga' bos smras pa/ tshe dang ldan pa dag byad gzugs ni mi rnams kyi nyams su dben pa yin no// tshe dang ldan pa gro bzhin skyes bye ba nyi shu pas smras pa/ tshe dang ldan pa dag brtson 'grus ni ma rnams kyi nyams su dben pa yin no// tshe dang ldan pa ma 'gags pas smras pa/ tshe dang ldan pa dag bzo ni mi rnams kyi nyams su dben pa yin no/ / tshe dang ldan pa shA ri'i bus smras pa/ tshe dang ldan pa dag shes rab 'ba' zhig mi rnams kyi nyams su dben pa yin no zhes glengs nas de dag 'di skad du/ tshe dang ldan pa dag bdag cag
- 4b
kun mi mthun par gyur te/ 'di ltar tha dad par brtags kyis/ bdag cag bcom ldan 'das kyi thad du song ste/ don 'di nyid zhu la/ bcom ldan 'das bdag cag la ji skad du lung ston pa de bzhin du gzung bar bya'o zhes zer na/ tshe dang ldan pa dag bcom ldan 'das ni/ ston pa thugs rje chen po ste// thams cad mkhyen pa the tsom bsal// de ni som nyi gcod pa ste// nyi mas mun pa bsal ba bzhin/ / sdug bsngal dra bas glags pa dang // log pa'i lam la gnas pa yi// srog chags rnams kyi skyabs gcig ste// bu rnams kyi ni pha mchog bzhin// de phyir chos kun dbang phyug gis// sem can kun gyi don brtson pa/ / thub pa the tsom gcod de la// bdag cag kun gyis zhu bar bya// som nyi mdud pa chen po ni// gang phyir rgyal gcod par 'gyur// de phyir thams cad dong nas ni// de bzhin gshegs la zhu bar bya/ / zhes byas nas/ dge slong mang po de dag bcom ldan 'das blta ba'i phyir 'gro bar chad pa las/ bcom ldan 'das nyin par gnas pa'i phyir nags stug po'i nang na bzhugs pa'i bar skabs su/ dge slong mang po dag 'dun khang du 'dus shing 'khod de/ skabs su tshul de lta bu'i gtam gleng pa/ lha'i snyan rnam par dag pa mi las 'das pas gsan to// gsan nas ting nge 'dzin de las bzhengs te/ 'dun khang ga la ba 'dug par gshegs so// gshegs nas dge slong gi dge 'dun gyi gung la gdan bshams pa de nyid la bzhugs so// bzhugs nas bcom ldan 'das kyis
- 5a
dge slong rnams la bka' stsal pa/ dge slong dag dge slong mang po 'dun khang du 'dus shing 'khod pa rnams kyis skabs kyi gtam ci zhig glengs/ da ltar khyed gtam ji lta bu'i zhig gi phyir 'dus shing 'khod/ gsol pa/ btsun pa bdag cag dge slong mang po 'dun khang 'dir 'dus shing mchis pa rnams kyis/ skabs su tshul 'di lta bur tshe dang ldan pa dag mi rnams kyi nyams su dben pa gang lags zhes bka' mchid bgyis so/ / de la tshe dang ldan pa dga' bo'i mchid nas ni/ tshe dang ldan pa dag byad gzugs mi rnams kyi nyams su dben pa lags so zhes mchi/ tshe dang ldan pa gro bzhin skyes bye ba nyi shu pa'i mchid nas ni/ tshe dang ldan pa dag brtson 'grus mi rnams kyi nyams su dben pa lags so zhes mchi/ tshe dang ldan pa ma 'gags pa'i mchid na re/ tshe dang ldan pa dag bzo mi rnam kyi nyams su dben pa lags so zhes mchi/ tshe dang ldan pa shA ri'i bu'i mchid nas ni/ tshe dang ldan pa dag shes rab 'ba' zhig ma rnams kyi nyams su dben pa lags so zhes mchi ste/ btsun pa bdag cag rnams 'di snyam bgyid do/ / tshe dang ldan pa dag bdag cag kun mi mthun par gyur te/ 'di ltar tha dad par brtags kyis/ bdag cag bcom ldan 'das kyi thad du mchis te/ don 'di nyid zhus la/ bcom ldan 'das bdag cag la ji skad du lung ston pa de bzhin du gzung bar bgyi'o snyam bgyid do/ / btsun pa bdag cag dge slong mang po dag 'dun khang na 'dus shing mchis pa rnams kyis skabs kyi bka' mching
- 5b
'di glengs te/ da ltar bdag bka' mchid slad du 'dus shing mchis lags so// de nas bcom ldan 'das kyis de'i gzhi las tshigs su gcad de gsungs pa/ sems can rnams kyis gzugs dang bzo/ / brtson 'grus dang ni shes rab gzhan// bsod nams dag las byung bas na// de phyir bsod nams dam pa yin// zhes gsungs nas/ dge slong rnams la bka' stsal pa/ dge slong dag ci yang rung ste/ lam 'ga' tsam du zad kyi/ dus thams cad du kun nyams su dben pa ma yin no// bsod nams ni dus thams cad du srog chags thams cad kyi nyams su dben pa yin te/ dge slong dag 'di ltar bsod nams bzhin du sems can rnams kyi nyams su dben pa'i chos gcig kyang ngas yang dag par rjes su ma mthong ngo / / dge slong dag ci'i phyir zhe na/ sngon byung ba 'das pa'i dus na rgyal po'i pho brang 'khor zhig na rgyal po gsal stobs zhes bya ba zhig rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ngo // rgyal po de'i btsun mo rnam par sba ba zhes bya ba gzugs bzang zhing blta na sdug la mdzes pa zhig yod de/ phyi zhig na btsun mo rnam par sba ba dang lhan cig tu rtse zhing dga' la dga' dgur spyod do// rtse zhing dga' la dga' dgur spyod pa de las bu gzugs bzang zhing blta na sdug la mdzes pa mi'i kha dog las ni 'das/ lha'i kha dog ni ma thob pa zhig btsas te/ de btsas pa na bcos ston byas
- 6a
so/ / btsas ston byas nas gzugs stobs zhes bya bar ming btags so// de bzhin du rim gyis de'i 'og tu bu gsum btsas te/ de dag gi nang na gcig ni brtson 'grus ldan zhes bya/ gnyis pa ni bzo ldan zhes bya/ gsum pa ni shes rab ldan zhes bya'o// phyis re zhig na yang btsun mo rnam par smra ba la bu chags te/ gang gi nyin par de'i bu chags pa de nyid kyi nyin par glo bur du pho brang 'khor du gser rnam pa sna tshogs kyi char phab bo/ / btsun mo de'i steng du yang lha'i bla re chen po rin po che sna tshogs kyis spras pa zhig byung ngo // de nas rgyal po gsal stobs kyis ya mtshan de mthong nas/ shin tu ngo mtshar du gyur te/ ltas pa rnams la smras pa/ kye sngon ma byung ba'i ya mtshan byung ba 'di ci zhig/ ltas pa rnams kyis gsol pa/ lha btsun mo'i lhums su sras bzhugs pa gang lags pa 'di ni bsod nams kyi che bar grags pa zhig ste/ sems can de'i mthu lags so// de nas rgyal pos de thos nas shin tu ngo mtshar du gyur to/ / de nas re zhig na btsun mo de 'di lta bur yid la 'dod pa skyes te/ kye ma bdag seng ge'i khri la 'dug cing / steng na gdugs dkar po thogs la/ rnga yab nor bu'i yu ba can yang thogs na ci ma rung snyam ste/ des rgyal po la gsol to// de nas rgyal po sems rab tu dga' bar gyur nas/ grong khyer rgya cher mdzes par byed du bcug nas/ de bzhin du thams cad byed du bcug ste/
- 6b
de'i yid la 'dod pa skyes pa gang yin pa de med par gyur to// de nas yang de'i yid la/ kye ma bdag gser dngul gyi phung po'i steng du 'dug la rang gi lag gis sbyin pa rnams sbyin zhing bsod nams ngadag byed/ nor med pa rnams nor dang ldan par byed na ci ma rung snyam du 'dod pa skyes te/ des rgyal po la gsol to// de nas rgyal pos de bzhin du byed du bcug nas/ de'i yid la 'dod pa skyes pa gang yin pa de med par gyur to/ / de nas yang de'i yid la/ kye ma btson thams cad btang na ci ma rung snyam du 'dod pa skyes so// de nas rgyal pos de'i yid la 'dod pa skyes pa bsal ba'i phyir/ btson thams cad gtong du bcug ste/ de'i yid la 'dod pa skyes pa gang yin pa de med par gyur to// de nas yang de'i yid la/ kye ma bdag skyed mos tshal dag mthong na ci ma rung snyam du 'dod pa skyes so/ / de nas de rgyal pos skyed mos tshal mdzes pa dag bltar bcug ste/ de'i yid la 'dod pa skyes pa gang yin pa de med par gyur to// de nas yang de'i yid la/ kye ma bdag gis skye bo mang po'i mdun du tshul 'di lta bur bden pa'i tshig brjod de/ ci ste bsod nams dag gi rnam par smin pa yod ce na/ de las nga'i seng ge'i khri gang la 'dug na/ skye bo mang po la chos ston cing / bdag gi gtam gyi rjes la yang / ya mtshan 'ga' 'byung bar 'gyur ba de lta bu lha rnams kyis myur du bdag la phul na ci ma rung snyam du 'dod pa skyes te/ des rgyal po la
- 7a
gsol to/ / de nas rgyal pos btsun mo 'khor dang grong khyer rgya cher mdzes par byed du bcug go// grong khyer na gnas pa'i skye bo mang po thams cad kyang gos gtsang ma dang / rgyan gos dang / spos dang / 'phreng ba dang / byug pa lag na thogs te 'dus par gyur to// de nas btsun mo rnam par spa ba rgyan thams cad kyis klubs te/ bud med kyi 'khor gyis bskor nas/ lha'i bu mo bzhin du skye bo dag gi mig dang yid 'phrog cing / skye bo mang po de dag gi nang du song ste/ sems can thams cad kyi rjes su 'gro ba'i byams pa'i sems nye bar bzhag nas/ nam mkha' la lta zhing bden pa'i byin gyi rlabs byed de/ tshigs su bcad pa smras pa/ mi dbang lha yi rnam par grub pa yi// bsod nams stobs 'phags ci ste bdag la yod// bden pa des na deng du lha rnams kyis/ / myur du 'dir ni seng ge'i khri shoms shig/ de nas tshig de skad smras ma thag tu/ bsod nams ngag gi mthu ston pa'i lha rnams kyis glo bur du seng ge'i khri phul te/ lha'i me tog gi char yang phab bo/ / de nas skye bo phal po che de dag gis/ lha dang mi mngon par dga' bar byed pa'i cho 'phrul ngo mtshar rmad du gyur pa mthong nas shin tu ya mtshan du gyur te/ kye ma bsod nams ngag gi mthu che ste/ 'di ltar 'jig rten thams cad kyis mchod pa'i gnas lha rnams kyang bsod nams kyi stobs kyis bkug ste/ mi rnams kyis ngag nyan pa ni ngo mtshar to zhes ched du brjod pa
- 7b
ched du brjod do/ / de nas btsun mo rnam par sba ba yid rab tu dga' ste/ tsham tshom med par seng ge'i khri la 'dzegs nas 'dug go/ btsun mo de 'dug ma thag tu sa rnam pa drug tu g.yos te/ se ge'i khri yang sa las mi bdun gyi srid tsam du nam mkha' la 'phags te 'dug go/ / de nas seng ge'i khri de'i steng du lha'i bla re rin po che sna tshogs kyis spras pa zhig bkram mo// de nas skye bo phal po che de dag bsod nams kyi mthu mthong bas sems dga' bar gyur te/ spos dang / 'phreng ba dang / byug pa rnams kyis btsun mo la yang legs par mchod nas/ thal mo sbyar te de'i ngag nyan cing sems btung nas mdun du 'khod ngo / / rgyal po gsal stobs kyang / bsod nams kyi rlabs shin tu rmad du byung ba de mthong nas sems kyi rgyud yang dag par dga' bar gyur te/ 'khor dang bcas par thal mo sbyar nas 'khod do/ / de nas btsun mo rnam par spa bas de'i tshe/ sngon ma byung ba'i tshigs su bcad pa 'di skad ces smras so// bsod nams bsags na bde bar 'gyur// de phyir mis ni bsod nams bya// de yang yang dang yang du bya/ / de nyid la ni 'dun par bya// tshigs su brjod pa smras ma thag tu/ bar snang las legs par smras so// mchog tu legs par smras so zhes sgra byung ngo // lha'i rol mo'i sgra dag kyang sgrogs so// lha'i gos shin tu sba ba'i char chen po yang bab bo// de nas tshigs su bcad pa 'di thos ma thag tu rgyal po gsal stobs dang / skye bo phal po che de dag dga' bar gyur to// nam mkha' la 'khod pa'i lha
- 8a
rnams kyis kyang tshamachom med par rang gi lus las bla gos dang rgyan rnams phud nas btsun mo rnam par sba ba dang / seng ge'i khri la bkab ste/ tshig 'thun par legs par smras so/ / legs par smras so zhes sgra phyung ngo // de nas btsun mo de seng ge'i khri de las dal gyis babs te sa la 'dug nas/ lha'i rol mo'i sgra rnams ni zhi bar gyur/ mi rnams kyi rol mo'i sgra ni sgrogs so/ / de nas rgyal po de dang skye bo phal po che dga' bar gyur nas/ bkur sti chen pos mchod cing btsun mo'i 'khor du bskyal te/ btsun mo'i nang du song nas seng ge'i khri de mi snang bar gyur to/ / de nas skye bo phal po che de dag gis bsod nams kyi rnam par g.yo ba de mthong ste/ sems yang dag par dga' bar gyur nas/ kye ma bsod nams dag gi che ba nyid/ kye ma bsod nams dag gi 'bras bu mngar ba zhes ched du brjod pa ched du brjod do/ / de nas btsun mo de'i yid la 'dod pa skyes pa gang yin pa de med par gyur nas/ phyis re zhig na zla ba dgu tshang nas/ btsun mo rnam par spa ba nyi ma shar ba'i dus kyi skabs su bu btsas te/ khye'u gzugs bzang zhing blta na sdug la mdzes pa zhig btsas so// de'i skabs su yang sa rnam pa drug tu g.yos te/ nam mkha' las kyang rin po che sna bdun gyi char chen po btsun mo'i 'khor du bab bo/ / rgyal po'i pho brang 'khor de dag thams cad du yang gos rnam pa sna tshogs kyi char bab bo// rgyal po de'i yul thams cad du yang lha'i me tog
- 8b
mchog yid du 'ong ba'i char bab bo/ / me tog dang 'bras bu'i shing ljon pa thams cad las kyang me tog dang 'bras bu rnams 'thon to// char zin bu yang thams cad du bab bo// phyogs bzhi nas kyang ser bu bsil ba langs so/ / de nas gzhon nu btsas ma thag pa phyogs gang na 'dug pa der rgyal po chen po bzhis lha'i seng ge'i khri chen po rin po che sna tshogs kyis spras pa/ sa brtol te glo bur du phul lo/ rnga lha'i rgyal po brgya byin yang bdag nyid lag dar te/ gzhon nu'i steng du lha'i gdugs rtsibs brgya pa dang / rnga yab nor bu'i yu ba can 'dzin to// de'i steng nas sum cu rtsa gsum gyi lha rnams lha'i gos kyi bla re 'grems so/ / la la ni rin po che 'thor ro// la la ni rgyan 'thor ro// la la ni gos 'thor ro// la la ni me tog 'thor ro// la la ni phye ma 'thor ro// la la ni spos dang / 'phreng ba dang / byug pa rnams 'thor ro// la la ni lha'i rol mo'i sgra rnams legs par sgrogs so// lha'i bu las sna tshogs can gyis ni grong khyer de thams cad rdo dang / gseg ma dang / gyo mo rnams med par byas te bzhag nas/ dar gyi lda ldi mang po ni btags rgyal mtshan dang ba dan ni bsgreng / tsan dan gyi chus ni chag chag btab/ bdug pa'i dri zhim po'i snod ni btags/ me tog sna tshogs ni gtor te/ lha rnams kyi skyed mos tshal dga' ba'i tshal zhes bya ba dang 'dra bar yid du 'ong bar byas so// glang po che'i mchog brgya ni nags khung chen po nas rangs 'ongs te glang po che'i bres na gnas
- 9a
par gyur to/ / rgod ma brgya yang rte'u 'brangs// 'bru thams cad kyang ma rmos ma btab par mthu dang ldan par ni smin to// seng ge'i khri de'i 'og nas kyang / gter chen po lnga ni rin po che sna tshogs kyis legs par yongs su gang ba rnams kyis kha dog bstan te god par byas kyang yongs su zad par mi 'gyur ro/ / sems can phan tshun 'khod pa rnams kyang de'i yud tsam la byams/ pa'i sems su gyur to// gzhon nu rdzu 'phrul che zhing mthu che ba de btsas ma thag tu tshe rabs dran te phyogs bzhir bltas nas tshigs su bcad de smras pa/ bsod nams bsags na bde bar 'gyur// de phyir mis ni bsod nams bya/ / de yang yang dang yang du bya// de nyid la ni 'dun par bya// zhes smras so// de nas nam mkha' la gnas pa'i lha rdzu 'phrul che zhing mthu che ba zhig bsod nams dag gi shin tu rmad du byung ba/ shin tu yid du 'ong ba rnam par g.yo ba de mthong nas/ sems yang dag par dga' bar gyur te/ bsod nams dag gi che ba nyid bstan pa'i phyir/ de'i tshe tshigs su bcad de smras pa/ bsod nams dag gi g.yo ba ltos// rgyal po chen po bzhi rnams dang // sum cu rtsa gsum dbang pos bcas// bsod nams kyis ni de dbang bcas// zhes smras so// de nas rgyal po de btsun mo'i 'khor dang / sras dang / blon po dang / pho brang 'khor gyi mi dang / yul gyi mi dang bcas pas phun sum tshogs pa de dag mthong nas/ la mtshan gyis mig rgyas par gyur te/ mchog tu la mtshan du gyur
- 9b
nas/ kye gzhon nu'i bsod nams kyis cher grags pa 'di ltar 'di mir gyur tu zin kyang / 'di lta bur lha'i 'byor pa rgyas pa byung bar gyur pa 'di ni la mtshan che'o zhes ched du brjod pa ched du brjod do// de nas rgyal po sems rab tu dga' zhing bu snying du sdug nas/ 'khor rnams la bsgo ste/ bka' gnyen gsol pa rnams kyi phyir rgyal po'i dang rar gser dngul gyi phung po spungs nas sbyin pa dag byin te/ bsod nams dag byas so// nor med pa du ma ni nor dang ldan pa la bkod do// de nas re zhig na 'byor pa chen po rgyas pas de btsas pa'i btsas ston chen po byas nas ming 'dogs par byed de/ gzhon nu'i ming cir gdags zhes zer ro/ / de nas blon po de dag gis gsol pa/ lha gang gi slad du sras 'di bsod nams kyi stobs rgyas shing de btsas na 'di lta bur lha'i 'byor pa byung bar gyur pas na/ de'i phyir sras 'di'i mtshan bsod nams stobs zhes gdags pa'i rigs so zhes zer ro/ / de nas de'i ming bsod nams kyi stobs zhes btags so// de nas khye'u bsod nams stobs pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad po de dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ rdzing bu'i pad+ma bzhin du skye drag par gyur to// gang gi tshe de bskyed bsrings/
- 10a
pa'i tshe/ yi ge slob tu bcug ste/ des yi ge mthar phyin nas/ de rgyal po rgyal rigs dag gi gnas lnga rnams kyi bar gang yin pa de dag la byang bar gyur to// gzhon nu bsod nams stobs de yang dad pa dang ldan la/ dge zhing bsam pa bzang ba/ bdag la phan pa dang gzhan la phan pa la zhugs pa/ snying rje can bdag nyid che ba/ chos 'dod pa/ skye dgu la byams pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ thams cad sbyin pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa zhig ste/ 'di ltar dge sbyong dang / bram ze dang / bkren pa dang / sdug cing 'phongs pa rnams la/ tha na rang gi sha'i bar du des ma byin pa dang / yongs su ma gtang ba ci yang med do// de la slong ba dag 'ongs te slong ba de'i tshe/ de dag la byams pa'i sems kyis nye bar gnas te nam mkha' la bltas nas/ kye ma 'di ltar gser ram/ dngul lam/ gos sam/ bza' ba dang / bca' ba 'am/ btung ba 'am/ mal stan nam/ gzhan yang gang ci yang rung ste/ ci 'dod pa de dang de dag nam mkha' las bdag la 'ongs kyang ci ma rung snyam du sems bskyed de/ des sems bskyed nas/ de la 'ong bar 'gyur la/ su yang don de mi shes so// des yo byad de dag gis slong ba de dag gi bsam pa yongs su rdzogs par byas nas phyir gtong ngo // de'i grags pas 'dzam bu'i
- 10b
gling thams cad kun tu gang bar gyur te/ 'og tu klu'i 'jig rten thams cad nas/ steng du tshangs pa'i 'jig rten gyi bar du sgra grags so// de nas phyis re zhig na gzhon nu bsod nams stobs phu bo bzhi dang lhan cig tu 'byor pa mchog gi skyed mos tshal du 'khyam du dong ngo / / de'i bar gyi lam du yi dgas mchu khab tsam la lto ri rab tsam ste/ keng rus bsgreng ba 'dra zhing lus shin tu 'bar ba thal mo sbyar ba stong phrag du ma dag gis yongs su bskor te/ gzhon nu bsod nams stobs ma gtogs pa sus kyang yi dgas de dag mi mthong ngo // de nas yi dgas de dag gis/ gzhon nu bsod nam stobs la smras pa/ gzhon nu khyod bsod nams kyi stobs che bar grags pa snying rje chen po yin na/ bdag cag bkres shing skom pas nyam thag pa rnams la zas dang skom byin cig/ bdag cag ni ser sna'i dbang du gyur te/ yi dgas kyi 'jig rten du skyes pas lo brgya phrag du mar chu yang mi rnyed na/ kha zas lta ga la mthong / de skad ces smras nas/ gzhon nu bsod nams stobs kyi sems snying rjes kun tu bskyod nas/ skyen par nam mkha' la bltas te/ kye ma lha'i bza' ba dang btung ba bdag la 'ongs kyang ci ma rung snyam du sems bskyed do// de nas glo bur du lha'i bza' ba dang btung ba nam mkha' las 'ongs so/ / de nas gzhon nu bsod nams stobs yi dgas rnams lha'i bza' ba dang btung bas yang dag par tshim par bya ba la zhugs so// de nas re zhig na yi dgas de dag gis sngon gyi
- 11a
las kyi nyes pas bza' ba dang btung ba de dag ma mthong nas 'di skad ces smras te/ gzhon nu khyod snying rje can zhig ces grag na/ ci'i phyir bdag cag tshim par mi byed gzhon nus smras pa/ lha'i bza' ba dang btung ba 'di dag byin pa ma yin nam/ kha zas 'di dag las ci nyes te mi za/ yi dgas rnams kyis smras pa/ gzhon nu bdag cag ni sngon gyi las kyi nyes pas lha'i bza' ba dang btung ba de dag mi mthong ngo / / de nas gzhon nu bsod nams stobs mi dga' nas/ kye ma ser sna'i rnam par g.yo ba snyam du yid la bsams te/ yi dgas de dag la byams pas khyab par byas nas/ sems bskyed de tshig tu smras pa/ ci ste bsod nams dag gi mthu yod na/ bden pa de dang bden pa'i tshig des/ yi dgas 'di dag gis lha'i bza' ba dang btung ba 'di dag yang dag p a ji lta ba bzhin du mthong zhing bza' ba'i mthu yod par gyur cig ces gzhon nus tshig tu brjod ma thag tu yi dgas rnams kyis lha'i bza' ba dang bca' ba de dag log par mi mthong zhing kha yang tha mal par gyur to/ / de nas gzhon nu bsod nams stobs yid rab tu dga' bas yi dgas de dag lha'i bza' ba dang btung bas tshim par byas te/ de dag gi bza' ba dang btung ba sngon ma myong ba thob nas/ bkres pa dang / skom pa shin tu mi bzang ba chen po'i dbang du gyur pas/ ha cang mang du zos te gsus pa rdol nas/ de dag gzhon nu bsod nams stobs la sems mngon par dga' bzhin du shi ste/ dga'
- 11b
ldan gyi lha'i ris su skyes nas/ gzhon nu bsod nams stobs la gzhon nu khyod kyis bdag cag dga' ldan gyi lha'i ris su bkod kyis mchog tu dga' ba gyis shig/ da ni khyod nyid las brten te sbyin pa dag sbyin zhing bsod nams dag bya'o zhes smras so/ / de nas gzhon nu bsod nams stobs mchog tu dga' ba skyes nas legs so zhes smras so// skyed mos tshal nyid du song ngo // de dag skyed mos tshal der 'dug nas/ mi rnams kyi nyams su dben pa gang yin zhes yang dag pa'i gtam 'di lta bu blon cing nges par byed do// de nas gzhon nu gzugs dang ldan pa na re/ 'di la 'dod brtag tu ci / yod/ 'di ni 'jig rten gyis rtogs pa kho na ste/ 'di ltar byad gzugs ni mi rnams kyi nyams su dben pa yin no// de ci'i phyir zhe na/ byad gzugs dang ldan pa mthong na sngon ma mthong ba'i skye bo yang mchog tu dga' bar 'gyur la/ mngon par dga' ba ma yin pa rnams kyang dga' bar 'gyur ba'i phyir ro// sngon gyi drang srong dag kyang byad gzugs bzang ba 'di ni rnyed pa rnams kyi phyed do zhes smras pa yin no/ / gzhan yang khyod kyis ltos dang / yid du 'ong ba'i gzugs dang ldan pa ni mthong ba tsam gyis mi rnams dga' bar 'gyur te/ dam pa rnams kyis chos kyi mchog la bya ba bzhin du snying nas bkur bar byed do/ / de nas gzugs dang ldan pa'i tshig 'di thos nas/ brtson 'grus can gyis smras pa/ gzugs dag gis byar ci yod de/ brtson 'grus 'ba' zhig mi rnams
- 12a
kyi nyams su dben pa yin no/ / de ci'i phyir zhe na/ byang gzugs dang ldan pa/ brtson 'grus med pa ni tshe 'dri bam/ tshe phyi ma'i 'dod pa'i 'bras bu ci yang mi snang migs ste/ byad gzugs nyams su dben zhes bya ba 'di ni byis pa so so'i skye bo rmongs par byed par zad pa'i phyir ro// brtson 'grus ni tshe 'di nyid la yang 'dod pa'i 'bras bu 'grub par byed do// 'di lta ste/ zhing rmed pa rnams kyi 'bru dang / tshong pa rnams kyi khe dang / zham ring byed pa rnams kyi 'tsho ba dang / mi stong rim rnams kyi bstan chos rtogs par bya ba dang / bsam gtan pa rnams kyi bsam gtan gyi 'bras bu thob par bya ba dang / de la sogs pa brtson 'grus kyis tshe 'di'i 'dod pa'i 'bras bu snang ngo // tshe phyi ma'i 'bras bu ni 'di lta ste/ bde 'gro dang / mtho ris kyi 'jig rten dang longs spyod chen po dang / thar pa thob pa dang / de la sogs pa brtson 'grus kyis tshe phyi ma'i 'bras bu yang snang ngo // gzhan yang brtson 'grus ni yon tan thams cad kyi gzhir gyur pa dang / gnod pa rnams zlog pa yin te/ brtson 'grus la ni bsgrub dka' ba ci yang med do zhes brtson 'grus can gyis de skad ces smras pa la/ bzo dang ldan pas dgod de smras pa/ khyod kyi bden zhing mngal rnam pa sna tshogs ni smra mod kyi/ nga'i sems ni ma mgu'o// de ci'i phyir zhe na/ bzo dang bral ba'i brtson 'grus kyis ni 'bras bu ci yang grub pa ma mthong gi/ bzo dang ldan pa'i 'bras bu yod par mthong ba'i phyir
- 12b
ro/ / de bas na bzo 'ba' zhig mi rnams kyi nyams su dben pa yin no// gzhan yang bzo bo na rigs dma' bar skyes su zin kyang / rgyal po rnams dang / blon po rnams dang / bram ze dang / khyim bdag rnams kyis gdon mi za bar bkur ro/ / sna tshogs las can lha rnams dang // mi rnams kyis kyang legs par bkur// de bzhin ma rabs bzo bo phyir// mi dang lha rnams kyis kyang bkur// zhes bzo dang ldan pas smras pa la/ shes rab can gyis yid tsam gyis dgod de smras pa/ shes rab bzhin du mi rnams kyis nyams su byed gzugs kyang dben pa ma yin/ brtson 'grus kyang dben pa ma yin/ bzo yang dben pa ma yin no// de ci'i phyir zhe na/ shes rab 'chal pa ni gzugs bzang ba mthong na yang rkyen du 'bab par mdzes pa ma yin la/ brtson 'grus kyang don du skye bar mi 'gyur bzo yang shes rab med na shes par mi nus pa'i phyir ro/ / de bas na shes rab 'ba' zhig don thams cad bsgrub pa mi rnams kyi nyams su dben pa yin no// gzhan yang / shes rab kyis ni gzugs dang bzo/ / brtson 'grus nor yang thob par 'gyur// mi rnams legs dang bde ba che// shes rab kyis ni thams cad 'thob// ces shes rab can gyis de skad smras pa la/ gzhon nu bsod nams stobs kyis bzhin 'dzum dmyal nas/ bsod nams ngag gi stobs dngos su kha nas byung ba bzhin du smras pa/ shes rab dang bral ba'i gzugs dang / bzo dang / brtson 'grus thams cad ni nyams su
- 13a
dben pa ma yin la/ shes rab kyis yongs su zin pa'i 'bras bu dang bcas shing nyams su dben pa yin te/ de ni bden pa kho na mod kyi/ 'on kyang shes rab de yang bsod nams med par 'thob par mi 'gyur te/ de bas na bsod nams 'ba' zhig mi rnams kyi nyams su dben pa yin no// bsod nams zhes bya ba ni gcig tu sdug pa'i 'bras bu rnams dang / 'phangs pa'i 'bras bu rnams dang / dga' ba'i 'bras bu rnams dang / yid du 'ong ba'i 'bras bu rnams dang / yid dang 'thad pa'i 'bras bu rnams kyi gtso bo yin te/ yon tan ma lus par ngas brjod mi nus mod kyi/ khyed kyis khong du chud par bya ba'i phyir bsod nams dag gi yon tan phyogs gcig tsam bshad par byas nyon cig/ bsod nams dag gis byad gzugs 'thob// bsod nams kyis ni tshul khrims ldan/ / bsod nams dag gis dpal 'thob cing // de bzhin longs spyod can du 'gyur// bsod nams dag gis shes rab 'thob// snyan dang gas sbyor mchog bsod nams kyis// bsod nams dag gis yid gzhungs 'thob/ / bsod nams ngag gis bzang 'gro 'thob// bsod nams ngag gis rigs mthor skye// bsod nams kyis ni skye ba dran// bsod nams ngag gis grags pa 'thob// bsod nam dag gis ngang tshul can/ / bsod nams ngag gis gtong ldan 'gyur// bsod nams dag gis dbang po tshang // bsod nams ngag gis bde ba 'thob// bsod nams dag gis mkhas par mchod// bsod
- 13b
nams ngag gis stobs thob cing / / dam pa 'phrad pa bsod nams kyis// bsod nams dag gis don kun 'thob// 'dir ni yon gnas su yang rung // ci ste zhing sras tshong yang rung // mi ni skye 'dod phyir byed na/ / cung zad byas pas bsod nams kyis// longs spyod rgya chen tshogs kyang 'thob// bsod nams byed rnams bsod nams kyis// bsams pa tsam gyis nam mkha' las// gos dang zas skom rin chen rnams/ / thams cad bde ba 'thob par 'gyur// yid 'ong khyim rnams bsod nams kyis// bsod nams dag gis bud med mchog/ bsod nams chen por nor dang 'bru// de yi 'dod dgu 'byung bar 'gyur/ / bsod nams dag gis 'gro ba na// sa ni sdong dum tsher ma med// bsod nams ji ltar ldan pa bzhin// mnyam nas yang na gos kyang bting // ji ltar reg pa tsam gyis na// nad pa dag ni sos 'gyur bzhin/ / bsod nams dag gis reg gyur na// zas skom de bzhin gnyis ka dang // gos dang rin chen 'bru dag kyang // rtag tu zad par mi 'gyur ro// lha klu lha min gnod sbyin dang // yi dgas lto 'phye mi rnams kyang / / bsod nams bdag nyid che ba'i phyir// dug dang gnod pa rnams la bsrungs// bsod nams dag gis bsnyen bkur 'thob// skye bo mang dga' bsod nams kyis// bsod nams dag gis grags ldan 'gyur/ / bsod nams dag gis skal bzangs 'thob// bsod nams dag gis tshig kyang btsan// bsod nams dag gis sdug gur 'gyur// tshangs pa'i dbyangs 'thob
- 14a
bsod nams kyis/ / bsod nams kyis ni lus mdog sdug/ bsod nams ngag gis tshig bzang ba// dran ldan mdza' ldan gtso bor 'gyur// de dang der ni mkhas par 'ong // mi phyed pa yi 'khor dang ldan// bsod nams can ni nad med cing // smon pa'i gnas 'gyur bsod nams kyis// bsod nams rnyed ldan gzi byin yod// bsod nams dag gis rgyal srid 'thob// 'gran zla med cing gnod pa med/ / longs spyod mi nyams bsod nams kyis// bsod nams dag gis gter yang rnyed// 'khor los sgyur 'gyur bsod nams kyis// rin chen bdun ni mdun du 'gro// nam mkha'i bar nas kun tu rgyu/ / nyi zla dang yang gzi byin mnyam// zla ba nyid 'thob bsod nams kyis// bsod nams kyis 'thob nyi ma nyid// tshangs pa nyid 'thob bsod nams kyi// bsod nams kyis 'thob brgya byin nyid/ / gzhal mang khang na rgyu ba yi// bsod nams kyis ni lhar yang 'gyur// bsod nams de bzhin lha yi bu// lha min dbang po stobs po che// bsod nams dag gis ngan 'gro spong // bsod narnams kyis ni bde 'gror 'gro/ / shin tu yid 'ong rab dkon pa'i// me tog bsod nams dag gis rnyed// bsod nams dag gis grub pa 'thob// 'gro ba snang byed bsod nams kyis// lha dang lha min rnams kyis ni/ / yang dag mchog 'gyur bsod nams kyis// zhes gzhon nu bsod nams stobs kyis de skad ces spras nas/ 'on kyang rang rang gi phyogs 'dzin pas khas mi len to// de nas bsod
- 14b
nams stobs kyis de dag la yang smras pa/ kye tshur shog/ bdag cag shin tu ring ba gzhan gyi yul zhig tu dong ste/ cha lugs mi mngon par 'khod na/ 'di lta ci gzugs mi rnams kyi nyams su dben pa yin nam/ 'on te brtson 'grus sam/ bzo 'am/ shes rab bam/ bsod nams nyams su dben pa shes par 'gyur ro// de nas gzhon nu de dag gis de ltar bya'o zhes byas nas/ gzhon nu bsod nams stobs kyi ltar mnyan te/ yab la ma gsol bar tsham tshom med par shin tu ring ba rgyal khams gzhan dang / yul gzhan du dong nas/ rgyal po'i pho brang 'khor gzhan zhig tu zhugs te tshe lugs mi mngon par 'khod do/ / de nas gzugs dang ldan pa ni mthong na yid du 'ong bas bsdus pa'i skye bo dag gis bshugs pa'i longs spyod tsam gyis 'tsho'o// brtson 'grus can gyis ni chu klung shugs drag cing mgyogs la shin tu zab cing mthong na 'jigs pas tsan dan gyi shing chen po khyer ba na gzhan dag gis blang bar mi nus pa/ brtson 'grus kyi stobs chen pos drangs nas 'tsho zhing de las byung ba'i longs spyod tsam gyis 'tsho'o/ / bzo dang ldan pa yang bzo ston pa las byung ba'i longs spyod tsam gyis 'tsho'o// shes rab can gyis kyang tshong dpon gnyis kho na byung nas yun ring du len pa shes rab kyis mkhas pas mdza' bar byas te/ de nas de gnyis yongs su mgu bas nor byin pa tsam gyis bde bar 'tsho'o// gzhon nu bsod nams stobs kyang / bdag gis bsod
- 15a
nams byas pa rnams kyis che ba nyid bsgrags pa'i phyir mi shin tu dbul po zhig gi khyim du zhugs nas/ de gang gi nyin par khyim der zhugs pa de'i nyin par nyid du/ gzhon nu bsod nams stobs kyi bsod nams kyi mthus khyim de nyid kyi nang du 'byor pa chen po byung ste/ khyim de nor dang / 'bru dang / gser dngul mang pos yongs su grang bar gyur te/ de nas mi dbul po de 'di ci zhig snyam du ya mtshan dang / mchog tu dga' ba skyes te/ sngon ma byung ba'i 'byor pa 'di ga las 'ongs snyam sems so// de yang 'di snyam du khyim 'dir longs spyod 'byor pa byung ba 'di ni sngon ma mthong ba'i sems can 'di dag bdag gi khyim du 'ongs pa de'i mthu yin no snyam du sems so/ / de nas gzhon nu bsod nams stobs kyis longs spyod 'byor pa de dag mi dbul po la ci bder spyod du bcug ste/ de'i tshe mi dbul po de phyug cing nor mang la longs spyod che bar gyur to// de nas 'di snyam du rtogs te/ bdag sngon shin tu dbul zhing 'dug 'dug pa las/ da bdag gi dpal dang skal ba bzang po 'byor par gyur pa de dag thams cad ni gzhon nu 'di la brten to/ / gang gi phyir gang gi nyin mo gzhon nu 'di ni bdag gi khyim du 'ongs pa de'i nyin par nyid du bdag gi khyim du dpal byung bar gyur pa las na sems can 'do ni bsod nams kyis che bar grags pa zhig bkur sti bya ba'i rigs so snyam ste/ de nas des de la rgyun mo 'chad par bkur sti shin tu chen pos bkur sti byas nas/ mi dbul po che ge mo zhig gi
- 15b
khyim du gzhon nu sngon ma byung ba zhig 'ongs te/ de'i mthus khyim der dpal byung bar gyur to zhes kun tu grags so// skye bo mang dag gis de thos nas bsod nams stobs la mngon par dga' bar gyur te/ kye ma bsod nams ngag gi mthu che zhes ched du brjod pa ched du brjod do// de'i tshe ljongs der yang gzhon nu bsod nams stobs kyi mthus me tog dang 'bras bu'i shing rnams rtag tu rgyas par gyur to// lha yang dus dus su legs par 'thun par char gyi rgyun 'bebs te 'bru shin tu phun sum tshogs par byung bar gyur to/ / de nas skye bo mang po bsod nams gang gis sems dga' bar byas te/ ltang mo lta 'dod par gyur nas/ de blta ba'i phyir dong ngo // de nas gzhon nu bsod nams stobs kyis skye bo mang po lhags pa de dag bsdu bar 'dod de/ kye ma bdag la khyim rin po che thams cad kyis gang zhing / 'tshog nas rnam pa sna tshogs dang ldan la/ bran dang / bran mo dang / las byed pas gang ba rnam pa sna tshogs blta na yid du 'ong ba zhig byung yang ci ma rung snyam du sems bskyed do// dge slong dag sems bskyed ma thag tu// gzhon nu bsod nams stobs kyi khyim chen po rin po che thams cad kyis gang zhing / 'tshog chas rnam pa sna tshogs dang ldan la/ bran dang / bran mo dang / las byed pas gang ba rnam pa sna tshogs blta na yid du 'ong ba glo bur du byung ngo / / de mthong nas kyang skye bo mang po dag mchog tu ngo mtshar du gyur te/ bsod nams dag la gces su 'dzin pa yang dag par skyes nas/ kye ma bsod nams ngag gi 'bras bu ni mngar
- 16a
ro zhes rtogs nas/ gzhon nu bsod nams stobs la bkur sti chen pos bkur sti byas so// gzhon nu bsod nams stobs kyis kyang / skye bo mang po de dag sems dga' bar gyur par shes nas/ bsdu ba'i dngos po bzhi dag gis ci rigs par kha cig ni sbyin pas bsdus/ kha cig ni tshig snyan pas bsdus/ kha cig ni don spyod pas bsdus/ kha cig ni don 'thun pas bsdus te de'i grags pas rgyal po'i pho brang 'khor thams cad du kun tu gang bar gyur to/ / de nas phyis re zhig na/ rgyal po gzhan zhig la/ sman chos gsol ba'i mi zhig gshed ma dag gis yan lag bcad de bzhag nas/ de'i lus las khrag shin tu mang po zag ste/ des na de'i kha bskams par gyur to// de nas gzhon nu bsod nams stobs kyang sa phyogs der phyin te/ de nas mi des de mthong nas/ nyam thag pa'i nga ros ngu zhing / jo bo gzhon nu bdag la yongs su bskyab tu gsol zhes smras so// de nas gzhon nu bsod nams stobs kyis de mthong nas snying rje'i sems bskyed do// bdag gis thabs ji lta bu zhig gis 'di yongs su bskyab par bya snyam du bsams nas/ deng bdag gi bsod nams ngag gi mthu 'jig rten gyi mngon sum du bstan to snyam du de'i blo skyes so// de nas gzhon nu bsod nams stobs kyis de'i lus kyi nyam drod rtogs nas/ snying rjes sems brlan te/ rang gi lus las rtsa gtar nas khrag gzags te mi de la blud nas/ des mi de'i kha bskams pa thams cad zhi bar gyur to// de nas gzhon
- 16b
nu bsod nams stobs kyis de'i rkang lag bcad pas shin tu mi bzang bar na ba mthong nas sdug bsngal de bdag gi nyams su bab par sems shing / bdag nyid kyis rkang lag bcad de/ mi de'i rkang lag gi gnas gnas su sbyar nas nam mkha' la bltas te/ sems can thams cad kyi rjes su 'gro ba'i byams pa'i sems bskyed nas bden pa'i tshig gang gis bdag gi lus 'di skyes tshun chad mi dge ba'i las ci yang byas par mi dran pa'i bden pa dang / bden pa'i tshig 'dis mi 'di la bdag gi rkang lag 'di dag gnas gnas su 'byor par gyur cig/ sngon gyi lus ji lta ba bzhin du yang gyur cig ces bden pa'i byin gyis rlabs byas so/ / de nas gzhon nu bsod nams stobs kyis de skad ces smras ma thag tu mi de la rkang lag bcad pa de dag gnas gnas su 'byor par gyur te/ mi de sngon gyi lus ji lta ba bzhin du yang gyur nas/ rma sos shing sgros mi mngon par gyur to/ / de nas gzhon nu bsod nams stobs kyis ma de sngon gyi lus ji lta ba bzhin du gyur par mthong nas yid rab tu dga' ste/ bsam pa yongs su rdzogs nas/ bdag nyon mong pa 'bras bu yod par gyur te/ bsam pa yongs su rdzogs so snyam du bsams so// gzhan yang ji ltar mi 'di bdag gos rang gi khrag gis tshim par byas nas/ rang gi rkang lag gis bstud de/ bden pas bskum nas sngon gyi lus ji lta ba bzhin du gyur cing srog 'phangs pa dang ldan par byas pa de bzhin du/ dge ba'i rtsa ba 'dis bdag bla na med pa'i byang chub tu mngon par rdzogs par sangs rgyas nas/ mi 'di dam pa'i chos
- 17a
kyi bcud kyis yang dag par tshim par byas te/ g.yung drung gi mthar thug pa grub pa dang bde ba'i mya ngan las 'das pa la gzhog par gyur cig ces byas nas/ de'i skabs sus rnam pa drug tu g.yos te/ g.yo ba des dbang po chen po'i pho brang kun tu g.yos nas/ lha'i dbang po brgya byin gyis bsams pa/ sa g.yo ba 'di sus byas snyam mo// re zhig na gzhon nu bsod nams stobs kyi shin tu dka' ba'i las byas pa de mthong ngo / / de mthong nas kyang ya mtshan gyis sems dad par gyur nas/ 'di snyam du bdag nyid chen po 'di ci'i phyir 'di ltar shin tu dka' ba'i las byed pa de bdag gis brtag par bya'o snyam du bsams so/ / de nas lha rnams kyi dbang po brgya byin bdag nyid bram ze'i cha lugs su sprul nas/ sum cu rtsa gsum pa'i gnas nas babs te/ gzhon nu bsod nams stobs kyi thad du song nas/ bsod nams stobs khyod kyi bdag nyid kyis rkang lag med par byas te bzhag pa 'di ci'i phyir byas zhes smras so// de nas gzhon nu bsod nams stobs kyis ngo ma shes te/ skabs 'di rgyas par bsnyad nas yang smras pa/ grogs po bdag ni gzhan gyi sdug bsngal gyis sdug bsngal lo// bdag ni gzhan dag gi bde bas mchog tu bde ste/ de bas na bdag gis mi 'di sdug bsngal mi bzang bas nyam thag pa de mthong nas/ sdug bsngal de bdag gi nyams la bab par bsams te/ rang gi yan lag dang nying lag rnams yongs su btang nas mi 'di bden pas bskul bas sngon gyi lus ji lta ba
- 17b
bzhin du bzhag go/ / de nas lha'i dbang po brgya byin mchog tu ya mtshan du gyur nas/ bram ze'i cha lugs mi snang bar byas te/ rang bzhin du gnas par gyur nas/ gzhon nu bsod nams stobs la spras pa gzhon nu khyod rang gi yan lag dang nying lag rnams yongs su gtong bar byas pa 'am/ yongs su gtong ba na sems gzhan du gyur pa 'am/ 'gyod par ma gyur grang / gzhon nu bsod nams stobs kyis smras pako'u shi ka bdag ni rang gi yan lag dang nying lag rnams yongs su gtong bar byas pa 'am/ yongs su gtong ba na sems gzhan du gyur pa 'am/ 'gyod par gyur pa yang med do// brgya byin gyis smras pa/ de cis mngon/ bsod nams stobs kyis smras pa/ ko'u shi ka 'o na bden pa'i tshig byas nyon cig/ de nas gzhon nu bsod nams stobs kyis sems can thams cad kyi rjes su 'gro ba'i byams pa'i sems nye bar bzhag ste/ phyogs bzhir bltas nas bden pas bskul ba'i tshigs su bcad pa smras pa/ rang gi yan lag khrig ma gcod pa na// ci ste de ring 'gyod par ma gyur na// bdag ni bden pa'i tshig ni gang yin pas/ bdag gi lus ni snga mkho bzhin gyur cig/ ces tshogs su bcad pa spras ma thag pa'i rjes la/ bdag nyid chen po de'i lus 'phral du sngon bzhin du gyur te/ nam mkha' las kyang lha'i me tog gi char bab bo/ / lha'i rol mo'i sgra rnams kyang sgrogs so// ser bu 'jam pa yang langs so// de nas lha'i dbang po brgya byin gyis lha dang mi dad par byed pa'i bsod nams dag gi shin tu rmad du byung ba de tshe 'di nyid la
- 18a
rnam par smin pa'i 'bras bu rgya chen po mthong nas mchog tu ngo mtshar che bas sems kyi rgyud dang bar gyur te/ gzhon nu bsod nams stobs la smras pa/ gzhon nu khyod 'bad pa 'dis ci zhig sgrub/ bsod nams stob kyis smras pa/ ko'u shi ka bdag ni 'bad pa 'dis bla na med pa yang dag par rdzogs pa'i byang chub rtog nas sems can thams cad 'khor ba'i rgya mtsho las bton te/ g.yung drung gi mthar thug pa grub pa dang bde ba'i mya ngan las 'das pa la 'god par 'dod do/ / de nas lha'i dbang po brgya byin gyis gzhon nu bsod nams stobs bla na med pa yang dag par rdzogs pa'i byang chub las ri rab bzhin du mi g.yo bar rig nas mgu bar gyur te smras pa/ sem can chen po leg so legs so// khyod kyi smon lam ni rgya che'o// khyod kyi 'bad pa ni bskyod par mi nus so// 'bad pa 'dis khyod ring po ma thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes smras te/ lha'i dbang po brgya byin gyis gzhon nu bsod nams stobs la mngon par bstod nas/ de nyid du mi snang bar gyur to// gzhon nu bsod nam stobs kyang bsam pa yongs su rdzogs par gyur nas rang gi gnas su song ngo / / phyis re zhig na rgyal po'i pho brang 'khor de'i rgyal po bu med par dus las 'das so// de nas btsun mo'i 'khor dang / gzhon nu rnams dang / blon po rnams dang / grong khyer gyi mi dang / yul mi rnams 'dus nas/ kye bdag gi rgyal por gang zhig dbang bskur bar bya zhes gros byed pa la zhugs so// de nas kha cig na re/ su bsod nams kyis che bar grags pa'i sems
- 18b
can de rgyal por dbang bskur bar bya'o zhes zer ro/ / de nas de ltar bya'o zhes smras nas/ de dag thams cad kyis blo gcig brda skad gcig tu byas nas bsod nams kyis che bar grags pa/ rgyal por 'os pa'i sem can tshol ba la zhugs te/ tshol ba'i mi kun tu bkye'o// gzhon nu bsod nams stobs kyang rgyal por 'gyur ba'i sngon gyi dge ba'i rtsa ba rnams kyis bskul nas/ de'i tshe bsten grogs dag dang lhan cig tu phyi rol gyi skyed mos tshal du song ngo / / song nas de la bkra shis pa'i ltas rnams byung ste/ nam mkha' las chu'i rgyun mgo bor 'bab cing bya kha dog sna tshogs pa dag g.yas phyogs nas skor bar byed la/ khye'u dang bu mo dag kyang rgyal ba'i sgra sgrogs par byed de/ sems spro ba dang bcas shing yid bde bar gyur par gnas so// gzhon nu de yang ba spu'i khung bu thams cad zing zhes byed do// sa gzhi yang rdo dang / gseg ma dang / gyo mo med par gyur to/ / de'i lus kyang shin tu yang bar gyur to// dga' zhig yid dang 'thad pa'i sgra yang thos so// de ltas kyi dpyad la mkhas pa yin te/ de 'di snyam du 'di ltar bdag la ltas rnams byung bas deng ni gdon mi za bar bdag rgyal po chen por dbang bskur bar 'gyur ro snyam du bsams so/ / de nas de mthar gyis skyed mos tshal gyi nang du song ste/ skyed mos tshal gyi dga' ba nyams su myong nas shing mya ngan mtshang me tog shin tu rgyas pa zhig gi drung du nyal te gnyid kyis log go/ / de'i grogs po de dag kyang me tog dang 'bras bu la sems g.yengs nas/ skyed mos tshal de phan tshun tu 'khyam pa la zhugs so// de'i bar skabs su
- 19a
gzhon na sa rnams snams kyi song nams kyi sa rnanams kyi bang+gA na ma tumatshas nga nga la/ yangs dang du dang ldan pa// bdabs kyang da pa/ dga' bar byed pa zhigs brtol te 'thon par byas nas/ pad+ma chen po de la gzhon nu bsod nams stobs kyi mthar gyis dal nas bteg ste bzhag nas/ de ci nas sad per mi 'gyur ba de lta bur yang byin gyis brlabs so/ / de nas nyi ma gung las yol te zan za ba'i dus las 'das nas/ shing gzhan dag gi grib ma ni shar phyogs su yol zhing shar phyogs su 'bab la/ shar phyogs su bab ste/ shing mya ngan mtshang de'i grib ma ni gzhon nu bsod nams kyi lus mi gtong ngo / / skyed mos tshal de'i me tog dang / 'bras bu'i shing gang yin pa de dag thams cad kyang / shing mya ngan mtshang de gang na 'dug pa de logs su mngon par 'jud par gyur to/ / ri dgas dang bya mthong na yid du 'ong zhing bkra shis par bya ba rnams kyang spyod lam zhi ba'i tshul gyis kun nas bskor te 'khod do// gzhon nu bsod nams stobs gnyid log pa'i rje lam du yang bdag nyid mi gtsang ba'i phung po chen po'i steng na 'dug pa rmis so/ / bdag nyid mi gtsang bas yogs par yang rmis so// bdag nyid nam mkha' la lces ba ldag pa'ang rmis so// bdag nyid ri'i rtse mor 'dzegs par yang rmis so/ / bdag nyid pad+ma'i steng na 'dug nas skye bo phal po che bdag la phyag 'tshal ba'ang rmis so// de nas de'i skabs su grong khyer gyi mi dang / blon po dang / yul gyi mi de dag gis tshol
- 19b
pa'i mi bkye ba rnams kyang gzhan dang gzhan dag tu kun tu 'khor 'khor te/ phyogs der phyin to// de nas gzhon nu bsod nams stobs kyi lha'i 'byor pa de lta bu mthong nas yang mchog tu ya mtshan du gyur te/ sems can 'di ni bsod nams kyis che bar grags pa zhig go snyam du rig nas/ shin tu rings par grong khyer gyi ma dang / blon po dang / yul mi rnams kyi thad du dong nas skabs de rgyas par bsnyad do// de'i skabs su gzhon nu bsod nams stobs sang nas/ de rmi ltas kyi dpyad la mkhas pas/ rmi lam de dag gi dpyad sems pa la zhugs te/ bdag gis mi gtsang ba'i phung po chen po'i steng na bdag nyid 'dug barmis pa de ni/ bdag rgyal srid chen po'i dbang phyug gi bdag po la gnas par 'gyur ba de'i snga ltas yin no// bdag gi mi gtsang bas bdag nyid yog pa rmis pa de ni seng ge'i khri chen po la 'dug par 'gyur ba de'i snga ltas yin no/ / bdag nyid ri'i rtse mor 'dzegs pa rmis pa de ni thams cad kyi steng na 'dug par 'gyur ba'i snga ltas yin no// skye bo phal po che phyag 'tshal ba rmis pa de ni/ skye bo phal po che bdag la bkur sti byed par 'gyur ba de'i snga ltas yin te/ 'di ltar bdag gis 'di lta bu'i rmi lam rmis pa dang / 'di lta bu'i ltas mthong ba dag las na gdon mi za bar deng nyid du bdag rgyal por 'gyur ro snyam mo// yang de'i skabs su grong khyer gyi mi dang / blon po dang / yul gyi mi rnams kyis tshol ba'i mi rnams la thos nas mgu bar gyur te/ thams cad 'dus nas rgyal srid kyi dbang bskur ba'i yo byad khyer te skyed mos tshal der dong ngo // de nas
- 20a
re zhig na lha'i 'byor ba de dag mthong ste/ mthong nas kyang mchog tu la mtshan du gyur to// gzhon nu bsod nams stobs kyang de dag mthong nas lha'i pad+ma chen po de nyid la skyil mo nga bcas te 'dug go/ de nas gzhon nu bsod nams stobs kyi bsod nams dag gis bskul nas/ rgyal po chen po bzhis che ba la 'os pa'i lha'i seng ge'i khri phul lo// lha'i dbang po brgya byin gyis ni gdugs dkar po dang / rnga yab nor bu'i yu ba can phul lo// sum cu rtsa gsum gyi lha rnams kyi lha'i bla re rin po che sna tshogs kyis spras pas 'grems so// rlung gtong ba dang / bar snang la gnas pa'i lha rnams ni lha'i me tog rnam pa sna tshogs kyi char 'bebs so/ / rgyal po bzhi'i ris kyi lha rnams ni lha'i rin po che'i char 'bebs shing lha'i rol mo'i sgra rnams kyang sgrog so// gos kyang 'thor ro// rgyal po'i pho brang 'khor dang / skyed mos tshal dang / nags tshal du bcas pa de dag thams cad kyang rdo dang / gseg ma dang / gyo mo med par byas te bzhag go/ rgyal mtshan dang ba dan ni bsgreng / dar gyi lnga ldi chun po ni kun tu bres/ dri zhim po'i bdug pa'i snod ni btags/ me tog sna tshogs ni gtor te lha'i gnas 'dra zhing / lha'i bu las sna tshogs can gyis ni gzhon nu bsod nams stobs yongs su longs spyod pa'i phyir/ brgya byin gyis bkang sa skyed mos tshal der lha'i khang pa brtsegs pa chen po rin po che sna bzhi las byas pa rnam pa sna tshogs dang ldan pa zhig sprul to/ / de nas grong khyer gyi mi dang / blon po dang / yul gyi mi de dag gis lha'i 'byor pa de dag mthong nas ngo mtshar du gyur/ rmad du gyur
- 20b
te/ gus par bsgrim pas tsha mtshom med par gzhon nu bsod nams stobs lha'i seng ge'i khri la bzhugs su gsol nas/ bkur sti chen pos rgyal srid kyi dbang bskur bas dbang bskur ro// dge slong dag dbang bskur ma thag tu gzhon nu bsod nams stobs kyi lus las snang ba gang gis nyi ma'i dkyil 'khor 'od med par byas te/ thad kar dpag tshad gcig kho ra khor yug khyab pa de lta bu'i lha'i 'od byung bar gyur to// de nas de'i ming gzhon nu bsod nams stobs zhes bya ba de med par gyur nas/ ming rgyal po snang byed rgyal po snang byed ces bya bar gyur to// de na la las ni bsod nams stobs zhes bya bar shes so// la las ni rgyal po snang byed ces bya bar shes so/ / de nas rgyal po bsod nams stobs lha dang mi'i 'byor pa de dang bcas par rgyal po'i pho brang 'khor der song ngo // de nas brgya byin la sogs pa lha rnams kyis rgyal po bsod nams stobs la tshul bzhin du yang dag par rim gro byas nas dong ngo / / rgyal po bsod nams stobs kyang rgyal po'i pho brang de na rgyal po byed de/ 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ bu gcig pa sdug pa la bya ba bzhin du chos bzhin du rgyal srid bskyangs so// de'i me tog dang 'bras bu'i shing rnams ni rtag tu rgyas so/
- 21a
lha yang dus dus su char pa'i rgyun legs par 'bebs te 'bru shin tu rgyal bar gyur to// de nas re zhig na gtam de de'i phu bo de dag gis thos so// thos nas kyang de dag mchog tu ya mtshan du gyur te/ gcig la gcig smras pa/ bsod nams stobs kyis ni 'di ltar dam bcas pa dang / dbang phyug dang rgyu rnam pa gnyis kyis bdag cag pham par byas te/ gang gi phyir de bsod nams dag gis de rgyal srid kyi dbang phyug chen po'i bdag por grub par byas pa'i phyir ro/ / tshur shog/ bdag cag la de ma rmas pa'i snga rol du bdag cag zad par dong ste/ rgyal po bsod nams stobs yang dag par mnyes par bya'o zhes byas so/ / de nas rgyal po bsod nams stobs ga la 'dug pa de logs su dong ngo // deng nas rgyal po bsod nams stobs la rgyal bar gyur cig/ sku tshe ring bar shog cig ces byas nas phyogs gcig tu 'khod do/ / phyogs gcig tu 'khod nas rgyal po bsod nams stobs la smras pa/ lha legs so legs so// khyod kyis dam bcas pa ni brtan pa lags so// 'di ltar khyod kyis bdag cag dam bcas pa dang / dbang phyug gis pham par byas te/ gang gi phyir bsod nams dag gis khyod kyi nor byas pa bzhin du rgyal srid chen po'i dbang phyug gi bdag por bcug pa'i phyir ro/ / de nas rgyal po bsod nams stobs gus pa dang bcas pas la gor du seng ge'i khri las langs nas phu bo de dag la legs par bsti stang byas te/ che ba la 'os pa'i khri dag la 'dug tu gtsug
- 21b
nas/ de dag gis dang ba phul te/ phyir seng ge'i khri la 'dug go// 'dug nas phu bo de dag la sngon byung ba'i gtam gyi yang dag par brlong par nges par byed pas phyir mgu bar byas te/ bkur sti chen pos bkur sti byas nas longs spyod chen po dag gi bgo skal byin no/ / de nas phyi zhig na phu bo de dag dang skye bo mang po de dag bsod nams dag la gzung bar 'dod nas// 'khor chen po 'dus pa rnams la 'di skad ces smras so/ / bsod nams min pas mi bzad pa'i// sdug bsngal kun rgyas dmyal bar 'gro// bsod nams min pas brlag pa yi// dud 'gro'i skye gnas mi bzang 'gro// bsod nams min pas bkres skom gyis/ / shin tu gzir ba'i yi dgas 'gro// bsod nams min pas rtag tu ni// shin tu sdug bsngal bran du 'gyur// bsod nams min pas lkugs par 'gyur// bsod nams min pas 'on par 'gyur/ / bsod nams min pas glen par 'gyur// shes rab 'chal cing yid mi bde// bsod nams min pas log par shes// byad ngan por yang de bzhin 'gyur// bsod nan min pas 'jig rten pa/ / kun gyis brnyas pa'i rigs dmar 'gyur// bsod nams min pas sems 'khrul dang // de bzhin 'jig rten sdang bar 'gyur// bsod nams min pas de bzhin smyo// bsod nams min pas dgra rnams 'byung // bsod nams min pas don rnams kun// 'bad de brtsams pa chud zar 'gyur// de bzhin bsod nams ma yin pas// lus ni rtsub cing gas par
- 22a
'gyur/ / bsad rnams man pas rnas pa yang // sa bapying med cing mdangs med 'gyur// sems med pa mi rnas pa yang / bsod nams min pas dgra du 'gyur/ yi dgas lto 'phye srid rnams kyang // bsod nams min pas myur du gsod// bsod nams min pas phan pa'i sman// shin tu gnod pa dag tu 'gyur// bsod nams min pas dbul bar 'gyur/ / bsod nams min pas brnyas par 'gyur// bsod nams min pas skye bo dag/ skur pa rab 'jigs btab par 'gyur// bsod nams min pas rtag tu ni// 'khor dag dang yang 'bye bar 'gyur/ / bsod nams min pas mig med 'gyur// bsod nams min pas sdug bsngal 'grogs// bsod nams min pas nad mang zhing // bsod nams min pas gso dkar 'gyur/ / bsod nams min pas gzugs mi sdug/ bsod nams min pas gdangs mi snyan// bsod nams min pas lag sor rdum// 'theng po de bzhin tshig mi brtsan// bsod nams min pas rgyal po dang / / chom rgan me yis longs spyod bshig/ bsod nams min pas mi snyan thos// bsod nams min pas rtag tu 'jigs// bsod nams min pas 'gro ba na// sa ni sdong dum tsher mas gang / / ci ste longs spyod 'dod pa'i mi// mi slas yang na chong byed kyang // bsod nams min pas rtag tu ni// chung za de yi nor mi 'gyur// gang dag ci yang 'jig rten na//
- 22b
mi dga' mi sdug mi phan gang // de bzhin log par ltung ba kun// 'di dag bsod nams min las 'gyur// bsod nams kyis ni srung bar 'gyur// bsod nams dag gis brtson par 'gyur// bsod nams kyis ni tsha grang skyob// glog 'bab char zlog bsod nams kyis// bsod nams 'dod zho ba bzhon yin// yid bzhin nor bzangs bsod nams kyis// bsod nams dag gis dpag bsam shing / / yid 'ong 'dod kun 'bras bu smin// bsod nams dag gis 'dod pa 'thob// bsod nams kyis ni yid 'ong dpal// bsod nams dag gis yid brtan 'gyur// bsod nams can rigs mtho ris skye// bsod nams dag gis grags pa 'thob// bsod nams kyis ni mang thos 'gyur// rgya che yid 'ong bsod nams kyis// bsod nams dag gis thos pa 'dzin/ / nad med 'chi ba bsod nams kyis// bsod nams kyis ni 'chi bdag bcom// 'chi bdag mchog tu 'jigs pa yis// bsod nams dag gis 'jigs mi 'byung // gzhal med khang gnas lha rnams kyang / / lha yi bden bsten bsod nams las// sum cu sum pa bsod nams kyis// de bzhin bsod nams 'thab bral lha// dga' ldan lnga rab bsod nams kyis// 'phrul dga' dag kyang de bzhin te// 'dod pa'i dbang phyug bsod nams kyis// dbang byed lhar yang de bzhin 'gyur// bsod nams de bzhin tshangs pa che// lha rnams bye ba dag gis rjed//
- 23a
tshangs pa'i 'jig rten stong dag pa/ dbang byed pa yi mnga' bdag 'gyur// bsod nams dag gis 'dod dgra yi// phun sum tshogs dgra nag tu gnas// sems mdas yi dngos po yang / / bsod nams dag gis dbang du 'gyur// rgyal po bsod nams stobs kyis tshe 'di dang tshe phyi ma yang dag par ston pa yid 'phrog pa'i tshig de skad ces brjod pa na/ skye bo phal po che de dag bsod nams la brten par gyur to/ / de nas rgyal po bsod nams stobs kyis skye bo phal po che de dag la yang shas cher bsod nams dag la gces su 'dzin pa bskyed pa'i phyir nam mkha' la bltas te/ sems bskyed nas tshig tu smras pa/ kye ma bdag la rgyal po'i pho brang 'khor 'di'i phyi nang du bcas par lha'i rin po che sna tshogs kyi char dang / gos kyi char rab tu 'bab kyang ci ma rung zhes byas so/ / dge slong dag rgyal po bsod nams stobs kyis sems bskyed ma thag tu nam mkha' las lha'i gos che ba la 'os pa rnam pa sna tshogs kyi char bab bo// de'i rjes la lha'i me tog yid du 'ong ba'i char yang bab bo/ / de'i rjes la lha'i rin po che'i char bab ste/ rgyal po'i pho brang de dag thams cad rin po che sna tshogs kyis khebs par gyur nas tser lgang zhing 'dug go// de nas lha dang mi rnams dga' bar byed pa'i bsod nams kyis rnam par g.yo ba'i rmad du byung ba de dag mthong nas/ skye bo mang po de dag thams cad mchog tu ya mtshan du gyur nas/ bsod
- 23b
nams dag la gces su 'dzin pa yang dag par bskyed de/ dga' bar gyur nas/ kye ma lha bsod nams stobs kyi bsod nams dag gi che ba nyid ces ched du brjod pa ched du brjod do// de nas zhig na skabs kyi gtam de nyi 'og gi rgyal po dag gis thos so/ / thos nas kyang de dag mchog tu ya mtshan du gyur nas/ bdag nyid chen po de ni bsod nams kyis che bar grags pa zhig ste/ bsnyen bkur bya ba'i 'os so zhes zer nas/ thams cad 'dus te dpung gi tshigs yan lag bzhi glang po che'i tshogs dang / shing rta'i tshogs dang / rta pa'i tshogs dang / dpung bu chung gi tshogs rnam go bskon nas/ rgyal po bsod nams stobs la phud dud bya ba'i phyir song ste/ bzhon pa dag las babs nas rgyal po bsod nams stobs kyi zhabs gnyis la gtugs te thal mo sbyar nas smras pa/ lha khyod ni bsod nams kyis che bar grags pa lags te/ khyod kyis ni rgyal po mdzod cig/ bdag cag ni zhabs 'bring 'tshal lo zhes byas so// de nas rgyal po bsod nams stobs kyis che ba la 'os pa'i rin po che dag gis ci 'dod par yang dag par 'tshengs par byas nas/ 'khor dang bcas par dge ba bcu'i las kyi lam la bkod de/ rang rang gi yul du bkye'o// de nas rim gyis gtam de rgyal po gsal stobs kyis thos so// thos nas kyang thog ma kho nar pho nya btang nas shin tu rings par dpung chen po thams cad dang chas te/ bar zhag gis rgyal po
- 24a
bsod nams stobs la phud dud bya ba'i phyir/ song nas snying bu la gdung bas rgas te/ mchi mas brnang zhing duHkha phyung ste/ mig mchi mas kun tu gang ste/ glang po che'i rgyab nas babs nas tsham tshom med par rgyal po bsod nams stobs kyi mgul nas 'khyud de/ mgo bor yang bsnams nas/ yun ring rab tu brtags te smras pa/ bu gzhon nu nga ci zer bshes par gyis shig/ nga ni rgas shing 'khogs la gtugs te/ rgyal srid kyi khur khyer mi nus kyi/ rgyal srid kyi khur long zhig ces smras nas/ rgyal po gsal stobs kyis rang gi mgo las dar thod dang / cod pan dang / dbu rgyan phud do// de nas rim gyis rgyal po bsod nams stobs 'dzam bu gling thams cad du rgyal srid kyi dbang phyug la dbang byed par gyur to// des 'dzam bu'i gling na gnas pa'i skye bo mang po thams cad ci 'dod par gser dngul gyis 'tshengs par byas nas/ dge ba bcu'i las kyi lam la bkod do// de'i tshe 'dzam bu'i gling 'di na su yang dbul po 'am/ nad pa med dongo/ / 'dzam bu'i gling gi mi thams cad bde bar gyur te/ nad med cing stobs dang ldan pa dang / dbang po rnams rgyas pa dang / phyug cing nor mang la longs spyod che ba dang / nor dang 'chog chas mang ba dang / bdog pa mang ba dang / nor dang / 'bru dang / gser dngul dang / mdzod dang / bang ba rnams kyi tshegs mang bar gyur to// 'dzam bu'i gling 'di thams cad kyang 'byor pa dang / rgyas
- 24b
pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ tsher ma dang / rdo dang / gseg ma dang / gyo mo rnams ni med par gyur/ me tog dang 'bras bu'i shing rnams ni rtag tu rgyas te/ lha yang dus dus su char gyi rgyun legs par 'bebs shing / 'bru shin tu rgyas par gyur to// de nas skye bo mang po thams cad kyang dga' ba skyes nas// bsod nams la brten par gyur te/ rtag tu sbyin pa dag byin zhing bsod nams ngag byed do// bsnyen gnas la gnas shing tshul khrims yang dag par blangs te gnas so// de'i tshe 'dzam bu'i gling du mir gyur pa las 'chi ba gang rung ba de dag thams cad lus dang bral nas/ lha rnams kyi nang du skye bar 'gyur te/ phal cher ni rgyal chen bzhi pa'i lha rnams kyi nang du skye'o// rgyal po bsod nams stobs kyang sems can dpag tu med pa rnams tshe 'di dang phyi ma'i don rnams la bkod nas/ 'khor sems can stong phrag du mdag dang shi 'phos te/ lha'i ris dga' ldan du skyes so// dge slong dag khyed de'i tshe de'i dus na/ rgyal po bsod nams stobs zhes bya bar gyur pa de gzhan zhig yin pa snyam du sems na/ de ltar mi blta'i/ nga nyid de'i tshe de'i dus na byang chub sems dpar
- 25a
gyur to/ / rgyal po bsod nams kyi stobs kyi yab rgyal po gsal stobs zhes bya ba gang yin pa de ni/ rgyal po zas gtsang 'di nyid de'i tshe de'i dus na rgyal po gsal stobs/ zhes bya bar gyur to// gtsun mo rnam par spa ba zhes bya bar gyur pa gang yin pa de ni/ lha mo sgyu 'phrul chen mo 'di nyid yin no// gzhon nu gzugs dang ldan pa gang yin pa de ni sru'i bu dge slong dga' bo 'di nyid yin no/ / brtson 'grus dang ldan pa gang yin pa de ni/ dge slong gro bzhin skyes bye ba nyi shu pa 'di nyid yin no// bzo dang ldan pa gang yin pa de ni dge slong ma 'gags pa 'di nyid yin no/ / shes rab can gang yin pa de ni/ dge slong shA ri'i bu 'di nyid yin no// lha'i dbang po brgya byin gang yin pa de ni dge slong mo'u 'gal gyi bu 'di nyid yin no// rgyal po shi 'phos nas bsod nams stobs rgyal sar zhugs pa gang yin pa de ni bdud sdig can 'di nyid yin no/ / sngon gyi dbul po gang gi khyim du/ gzhon nu bsod nams stobs zhugs pa gang yin pa de ni/ dge slong sgra gcan 'dzin 'di nyid yin no/ / rgyal pos mi rkang lag med par byas nas/ gzhon nu bsod nams stobs kyis rang gi khrag gis tshim par byas shing / rang gi rkang lag gis bskud de/ bden pas bskul bas sngon gyi cha lugs ji lta ba bzhin du bzhag pa gang yin pa de ni/ dge slong ko'u di n+ya 'di nyid de'i tshe de'i dus na rgyal po la sman chos gsol ba'i mir gyur to// dge slong dag de bas na
- 25b
bsod nams gang yin pa de ni rnam grangs 'di nyid kyi dus thams cad dang / rnam pa thams cad du sems can thams cad kyi nyams su dben pa yin par rig par bya'o// dge slong dag de bas na 'di skad du bsod nams ltar sems can thams cad kyi nyams su dben pa gzhan ci yang ngas yang dag par rjes su ma mthong zhes nga smra'o zhes bka' stsal nas/ dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa rgyal po bsod nams stobs kyis las ci bgyis na/ las de'i rnam par smin pas 'di ltar rgyal po dbang che pabar grags par gyur la/ lha dang mi rnams kyi rgyal por gsol cing / ci bsam pa dang / ci 'tshal ba de dag thams cad bsams pa tsam gyis nam mkha' las 'bab cing / de btsas pa'i tshe yang sa g.yos par gyur te/ lha'i rin po che'i char pus mo nub tsam bab la/ lha'i seng ge'i khri la bzhag cing / lha'i dbang po brgya byin gyis rang nyid lag drar te/ lha'i gdugs bzung zhing / gter mi zad pa'ang byung bar gyur lags/ bcom ldan 'das kyis bka' stsal pa/ dge slong dag rgyal po bsod nams stobs nyid kyis tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas nas/ dge slong dag bsod nams stobs nyid kyis las byas shing bsags pa
- 26a
de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ / lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ dge slong dag sngon byung ba 'das pa'i dus na/ ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sbyar ba/ bla na med pa/ lha dang mi rnams kyi ston pa sangs rgyas bcom ldan 'das gzhan gyis mi thub pa zhes bya ba 'jig rten byung ste/ / phyi zhig na yang dag par rdzogs pa'i sangs rgyas gzhan gyis mi thub pa sangs rgyas kyi 'phrin las thams cad mdzad nas/ rgyal po'i pho brang 'khor zhig tu/ bud shing zad pa'i ma bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das te/ de'i sku gdung gi mchod rten rgyal po zhig gis brtsigs nas/ dus ston gyi lugs
- 26b
bcas so/ / phyis re zhig na mchod rten gyi dus ston byed pa'i cha/ 'gan de yang brdungs/ rnga yang brdungs/ dung bsgril ma bus na/ dge slong zhig 'khor bal po che'i nang na 'a/ cing phyed yol tsam na srog chags 'bum phrag du ma 'dus pa dag la nyin mo chos ston to// de'i tshe rgyal po'i pho brang 'khor de na/ rgyan po pa rgyal ba po zhes bya ba rgyan po la shin tu zhen pa zhig gnas te/ de'i chung ma ni rnam par rgyal ma zhes bya'o// bu ni rnam par rgyal ba zhes bya'o// de nas re zhig na rgyan po pa rgyal ba po de ras zung gcig gyon pa dang / gdugs dang / mchil lham zung gcig dang / pa na lnga'i 'gron bu rnams ma gtogs par ci dgos pa khyim na 'dug pa dang / phyi rol na 'dug pa thams cad rgyal skugs su yal nas/ sdug bsngal dang / yid mi bde ba mi bzad pas gdungs te/ kyi hud bsod nams ma byas pa dang / dbul ba ni tha chad mi bzad pa yin no zhes smras nas/ dbugs tsha ba rgyun ring po'i shugs kyang phyung ste/ mchil lham gnyis ni bgos/ pa na lnga dang gdugs kyang khyer nas/ rgyan po'i sa nas song ste/ mthar gyis chos nyan pa gang na 'dug pa'i phyogs der phyin nas/ de 'byor pa de lta bu dang skye bo phal po che thal mo sbyar te chos nyan pa de dag mthong nas dga' ba chen po skyes te/ re zhig chos ji lta bu zhig 'chang blta'o snyam du bsams nas/ de nyid kyis phyogs gcig tu 'dug/
- 27a
sa bzhag ste/ mchil lham gnyis phud nas/ rna blags shing thal mo sbyar te chos nyan pa'i phyir 'dug go// de nas re zhig na chos smra bas tshigs su bcad pa 'di brjod de/ bsod nams bsags na bde bar 'gyur// de phyir mis ni bsod nams bya// de yang yang dang yang du bya// de nyid la ni 'dun par bya// zhes smras so// de nas tshigs su bcad pa 'di thos nas/ / bsod nams bsags pas bde bar 'gyur ba de ni de bzhin te/ gang gi phyir bdag 'di kho na ltar mchog tu mi bzad par dkos thag cing 'dug pa las na/ bdag gi tshe snga ma la gor ma chag par bsod nams dag ma byas kyis/ bdag gis bsod nams cung zad cig bya'o snyam du bsams so// de nas de ltar bsams nas/ bdag la ci bdog pa rtog pa la zhugs so/ / re zhig na ras zung gcig gyon pa dang / gdugs dang / mchil lham gnyis dang / pa na lnga'i 'gro na bu lus pa rnams mthong ste/ gzhan thams cad rgyal skugs su yal nas/ de sems pa la zhugs te/ pa na lnga dang bla gos sbyin na ni ltogs te 'chi bar yang 'gyur la/ 'on te ma sbyin na ni bsod nams med par 'jig rten pha rol tu 'gro dgos te/ der yang yang dbul ba'i sdug bsngal thams cad du gyur na/ gang gis ltogs te 'chi bar yang mi 'gyur la/ bsod nams kyis god par yang mi 'gyur ba'i thabs ci yod snyam ste/ yang bsams
- 27b
pa/ bsod nams med par 'jig rten pha rol tu 'gro ba pas ni ltogs te shi yang slas/ pa na lnga dang / bla gos 'di dag ni nges par sbyin pa sbyin par bya'o snyam ste/ de de snyam du sems pa'i skabs su yang chos smra bas tshigs su bcad pa tha dad par yang 'di brjod na/ bsod nams dal nas byed na ni// sdig la mngon par dga' bar 'gyur// de'i phyir dge ba sbyar te bya// sdig pa las ni sems kyang bzlog/ ces smras so// de nas des tshigs su bcad pa 'di thos nas bsams pa/ bsod nams sgyur te bya'o zhes bshad pas na/ la gor du sbyin pa sbyin par bya'o snyam mo/ / de nas rgyan po pa dbul ba'i sdug bsngal nyam thag pa de dang pa'i shugs drag pos seng ge'i khri la chos smra ba 'dug pa'i spyi bo'i steng du gdugs bzung nas/ mchil lham gnyis rkang pa'i drung du bzhag ste/ ba na lnga'i 'gron bu de dag gis chos smra ba'i rkang pa la gtor nas/ rang gi lus las bla gos phud de chos smra ba'i rkang pa la bkab nas/ bsru thams cad zing zhes byas nas dad par gyur te/ rkang pa gnyis la gtugs nas/ dad pa'i shugs drag pos smon lam 'debs pa la zhugs te/ dge ba'i rtsa ba dang / sems bskyed ba dang / chos kyi phyir sbyin pa yongs su btang ba 'dis na bdag tshe 'di nyid phan chad dbul por ma gyur cig/ skye ba thams cad du yang bsod nams kyis che bar grags par gyur cig
- 28a
lha dang mi rnams kyis kyang bdag rgyal por bcug par gyur cig/ ci bsams pa dang ci 'dod pa de dag thams cad nam mkha' las 'grub par gyur cig/ bdag btsang ba na yang ngo mtshar dang rmad du byung ba mang po dag 'byung bar gyur cig/ gter mi zad pa'i rin po che mang po dang / rin po che sna tshogs kyis legs par yongs su gang ba dag kyang 'byung bar gyur cig ces des de ltar smon lam btab pa'i skabs su/ chos smra bas kyang / kha ton du yongs su bsngo bas byas te/ 'khor thams cad dong ngo // rgyan po pa rgyal ba po yang chos kyi phyir sbyin pa de nyid yid la sems shing ras gcig pu gyon bzhin du bdag gi khyim du song nas/ chung ma dang bus mthong ngo // de nas chung ma dang bus bsams pa/ 'dis gang gi ched du bla gos kyang rgyal skugs su yal bar byas shig gu snyam ste/ mi dga' bar gyur nas/ da ni bdag cag gnyis lus su zad de/ bdag cag gnyis kyang yal bar byed du 'ong gis 'dong ngo zhes smras so// de yang ngo tsha nas bdag ni dbul ba'i nyes pas 'di ltar spa bab bo snyam bsams nas/ tshigs su bcad de smras pa/ ci zhig sdug bsngal dbul ba sdug bsngal yin// ci zhig shin tu sdug bsngal dbul de nyid/ / dbul ba dag ni shi ba dang yang mtshungs// bdag ni shi ba 'dam gyi dbul ba min// zhes smras nas dbugs tsha ba rgyun ring po'i shugs phyung ste cang mi zer bar 'dug
- 28b
go/ / de nas de'i khyim gyi ra ba na khron pa zhig yod de/ de'i chung mas chu bcu pa'i phyir bum pa thag pas btags nas de'i nang du btang ste/ chu yar dbyung snyam pa dang / re zhig na yar dbyung bar ma nus nas/ rgyal ba po la/ jo bo bum pa 'di yang yar dbyung bar mi nus na tshur byon te gzigs zhes bos so// de nas des kyang yar dbyung bar bsams so// re zhig na des kyang yar dbyung bar ma nus nas/ de gnyis kyi bu la bos so// de nas mi gsum char gyi sha thang bags ral te 'bad pa chen pos de'u ma phyin te phyin to// re zhig na bltas na bum pa de'i 'og na zangs zung lnga gser dngul gyis yongs su gang ba thogs shing 'dug pa mthong ste/ de nas rgyan po pa rgyal ba pos tshe 'di'i sbyin pa'i 'bras bu shin tu rmad du byung ba de mthong nas ya mtshan gyis mig rgyas te/ snying rab tu dga' nas tshigs su bcad de smras pa/ kye mnyes pa kun spangs pa// yon tan ngo bo nyid kyi zhing // da ltar bdag gis sa bon btab// da ltar nyid du 'bras bur smin/ / zhes smras so// de nas de'i chung ma de yang ya mtshan gyis mig rgyas te smras pa/ jo bo 'di ci zhig la dgongs te gsungs/ des skabs 'di rgyas par bsnyad do// de nas des tshe 'di/ nyid la bsod nams dag gis 'bras bu mchog tu yid du 'ong ba sbyin pa'i rmad du byung ba de mthong nas ya mtshan du gyur to// gtam de yang gcig nas gcig tu thos pas/ rgyal po'i pho brang
- 29a
'khor de dag kun tu grags so/ / de thos pas skye bo phal po che ngo mtshar du gyur cing rmad du gyur nas/ phan tshun du kye mngo mtshar to// kye ma bsod nams dag gis che ba nyid ces 'dzer to/ / de nas glo bur du phyug cing nor mang la longs spyod che bar gyur to// bsod nams kyi 'bras bu mngon sum du mthong nas des sangs rgyas dang / chos dang // dge 'dun rnams da pa drag pos shas cher bkur sti byas so/ / de nas de nyin gcig bzhin du de bzhin gshegs pa'i mchod rten la mchod pa rgya cher byed do// chos kyang nyan to// dge 'dun gyis bskos pa'i dge slong dag kyang nyin gcig bzhin du kha zas bzang pos yang dag par tshim par byed do/ / dge sbyong dang / bram ze dang / bkren pa dang / nad pa dang / slong ba gzhan dag kyang nor gyis ci 'dod par yang dag par 'tshengs par byed do/ / gtsug lag khang chen po yo byad thams cad kyis yongs su gang ba yang byed du bcug ste/ phyogs bzhi'i dge slong gi dge 'dun la phul nas/ de'i grags pas rgyal po'i pho brang 'khor de kun tu rgyas par gyur to/ / phyis re zhig na rgyal po'i pho brang 'khor de'i rgyal po bu med par dus las 'das so// de nas grong khyer gyi mi dang / blon po rnams kyis/ rgyan po brgyal ba po bsod nams kyis che bar grags par shes nas rgyal por bcug go// de nas de'i ming rgyan po pa rgyal ba po zhes bya ba gang yin pa de ni med par gyur te/ rgyal ngo rgyal bapo zhes bya
- 29b
ba gyur ro/ nas rgyal po rgyal ba pos che bdi nyid la bsod na mu dag gi rnam par smin pa'i 'bras bu ma chos tu yi thong na dang rjes te/ shas cher bsod nams la brten par gyur to// de rten mi 'chad par s byin pa dag sbyin zhing / bsod nams dag byed de/ tshul khrims yang dag par blangs nas gnas so// btsun mo'i 'khor dang / blon po dang / grong khyer gyi mi dang / yul gyi mi dang skye bo'i tshogs gzhan dag kyang bsod nams dag la yang dag par btsud do/ / phyi zhig na rgyal po rgyal ba po 'chi ba'i chos dang ldan par gyur nas/ gzhan 'phrul dbang byed kyi lha rnams dang skal ba mnyam par skyes te/ lha'i rgyal po dbang byed kyi bur skyes so// de skyes pa nam mkha' las lha'i rin po che'i char dang / gos kyi char rnam par mdzes pa bab bo// de'i lus las kyang gang gi dbang byed kyi pho brang de dag thams cad snang bar 'gyur ba dang / dbang byed kyi lha gzhan dag gi 'od kyang 'od med par 'gyur ba de lta bu'i 'od byung bar gyur to// de'i bsod nams dag gis 'bras bu rnam par smin pa ngo mtshar rmad du byung ba de mthong nas/ gzhan 'phrul dbang byed kyi lha rnams mchog tu ya mtshan du gyur to// dge slong dag khyed de'i tshe de'i dus na/ rgyan po rgyal ba por gyur pa de gzhan zhig yin snyam du 'dzin na/ de de ltar mi blta'i/ rgyal po bsod nams stobs de nyid de'i tshe de'i dus na rgyan po pa rgyal ba por gyur to// dam pa'i chos thos nas sems dang
- 30a
par gyur pa des chos smra ba la gdugs dang / mchil lham gnyis dang / bla gos dang / ba na lnga'i 'gron bu rnams phul ba gang yin pa'i las de'i rnam par smin pas tsheche de nyid la gter lnga yang byung ngo / / rgyal srid kyi dbang phyug gi dbang por yang bcug go// las de nyid kyi rnam par smin pas lan sum cu rtsa drug gi bar du gzhan 'phrul dbang byed kyi lha rnams kyi rgyal srid kyi dbang phyug la dbang byed par gyur to/ / lan sum cu rtsa drug gi bar du 'phrul dga' ba rnams kyi rgyal srid kyi dbang phyug la dbang byed par gyur to// lan sum cu rtsa drug gi bdu dga' ldan gyi lha rnams kyi rgyal srid kyi dbang phyug la dbang byed par gyur to/ / lan sum cu rtsa drug gi bar du 'thab bral ba rnams kyi rgyal srid kyi dbang phyug la dbang byed par gyur to// lan sum cu rtsa drug gi bar du sum cu rtsa gsum pa rnams kyi rgyal srid kyi dbang phyug la dbang byed par gyur to// lan sum cu rtsa drug gi bar du rgyal chen bzhi pa rnams kyi rgyal srid kyi dbang phyug la dbang byed par gyur to/ / lan stong phrag du mar 'khor los sgyur ba'i rgyal po mtha' bzhir rgyal ba chos kyi rgyal po chos dang ldan pa rin po che sna bdun dang ldan par gyur to// de'i rin po che sna bdun ni rnam pa 'di lta bu dag yin te/ 'di ltar 'khor lo rin po che dang / glang po che rin po che dang / rta rin po che dang / nor bu rin po che dang / bud med rin po che dang /
- 30b
khyim bdag rin po che dang bdun te/ blon po rin po che rnams so// de'i bu stong tham pa yod de/ dpa' ba dang / rtul phod pa dang / yan lag mchog gi gzugs dang ldan pa dang / pha rol gyi sde rab tu 'jom par sha stag go// de nas sa chen po rgya mtsho'i mthas gtugs pa 'di nyid ma lus par gnod par sngo ba med cing 'tshe ba med de/ chad pa med cing mtshon gyis bda' ba med la/ chos dang 'thun zhing snyoms pas legs par phab ste gnas so// de nas bcom ldan 'das kyis de'i tshe tshigs su bcad de bka' stsal pa/ gang gis bdag nyid chen po yi/ / bdag por 'gyur ba'i rgyu 'di yin// sangs rgyas phan 'dogs de dag gis// 'jig rten du ni 'di gsungs so// rdzu 'phrul rgya chen 'di dag dang // ngo mtshar 'di dag thos gyur na/ / mkhas dang nag po'i rigs skyes pa'ang // su zhig dang par byed mi 'gyur// de phyir bdag la legs 'dod cing // bdag nyid chen po 'dod pas 'dir// sangs rgyas bstan pa dran byas la/ / dam pa'i chos ni bla mar bya// dge slong dag de bas na dam pa'i chos la bkur sti bya'o// bla mar bya'o// ri mor bya'o// mchod par bya'o zhes de ltar bslab par bya'o/ / dge slong dag dam pa'i chos la bkur sti byed/ bla mar byed/ rim gror byed/ mchod pa byed cing rten te gnas par bya'o zhes de ltar bslab par bya'o// bcom ldan
- 31a
'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// bsod nams stobs kyi rtogs pa brjod pa rdzogs so/ / / rgya gar gyi mkhan po dzi na mi tra dang / zhu chen gyi lo tsA ba ban+de de tsan+das bsgyur te gtan la phab pa'o// rgya gar skad du/ sU ka ri ka ba dA na nA ma sU tra/ bod skad du/ phag mo'i rtogs pa brjod pa zhes bya ba'i mido/ dkon mchog gsum la phyag 'tshal lo// 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la bka' stsal pa/ dge slong dag lha'i bu'i 'chi 'pho'i chos kyi lnga ltas rnam pa lnga 'byung bar 'gyur te/ lnga gang zhe na/ gos rnams sngon dri ma mi chags pa las dri ma 'chags pab dang / me tog 'phreng rnams sngon mi rnyis pa las rnyis pa dang / mtshan khung gnyis nas rdul 'byung ba dang / lus las dri mi zhim pa 'byung ba dang / lha'i bu'i 'chi 'pho'i chos ni rang gi stan la dga' ba mi 'thob pa'o/ / dge slong dag de nas lha'i bu zhig 'chi 'pho'i chos kyis sa la 'gre ldog ste brang rdung zhing dul snying rje rje skad du smre sngags 'don te/ kyi hud dal gyis 'bab
- 31b
pa/ kyi hud rdzing / kyi hud rdzing bu/ kyi hud shing rta sna tshogs can gyi tshal/ kyi hud rtsub 'gyur gyi tshal/ kyi hud dga' ba'i tshal/ kyi hud 'dres pa'i tshal/ kyi hud yongs su 'du/ kyi hud sdug pa/ kyi hud ar mo nig lta bu'i rdo leb/ kyi hud lha'i 'dun sa/ kyi hud blta na sdug pa zhes snying rje rje skad du smre sngags 'don to// lha'i dbang po brgya byin gyis lha'i bur shin tu sa la 'gre ldog cing snying rje rje skad du smre sngags 'don pa mthong ste/ mthong nas kyang / lha'i bu ga la ba der song ste phyin nas/ lha'i bu de la 'di skad ces smras so// grogs po khyod ci'i phyir shin tu sa la 'gre ldog cing snying rje rje skad du smre sngags 'don te/ kyi hud ral gyis 'bab pa/ kyi hud rdzing / kyi hud rdzing bu/ kyi hud shing rta sna tshogs can gyi tshal/ kyi hud rtsub 'gyur gyi tshal/ kyi hud dga' ba'i tshal/ kyi hud 'dres pa'i tshal/ kyi hud yongs su 'du/ kyi hud sdug pa/ kyi hud ar mo nig lta bu'i rdo le ba/ kyi hud lha'i 'dun sa/ kyi hud blta na sdug pa zhes snying rje rje skad du smre sngags 'don par byed/ de skad ces smras pa dang / lha'i dbang po brgya byin la/ lha'i bu des 'di skad ces smras so// ko'u shi ka bdag ni 'dir lha'i bde ba dang bral te zhag bdun na 'di nas rgyal po'i khab kyi grong khyer chen por phag mo'i mngal du skye bar 'gyur te/ bdag ni der lo mang po zhig tu phyi sa dang
- 32a
gcin 'tshal bar 'gyur bas/ / de'i slad du bdag de skad mchi'o// grogs po tshur shog/ khyod rkang gnyis rnams kyi mchog sangs rgyas la skyabs su song zhig 'dod chags dang bral ba rnams kyi mchog chos la skyabs su song zhig/ tshogs rnams kyi mchog dge 'dun la skyabs su song zhig/ des 'di skad ces smras so// grogs po bdag ni rkang gnyis rnams kyi mchog sangs rgyas la skyabs su mchi'o/ / 'dod chags dang bral ba rnams kyi mchog chos la skyabs su mchi'o// tshogs rnams kyi mchog dge 'dun la skyabs su mchi'o/ / de nas lha'i bu des skyabs gsum bzung ste/ 'chi 'pho'i dus byas nas/ dga' ldan gyi lha'i ris su skyes so// de nas lha'i dbang po brgya byin gyis lha'i bu de bltas pa/ ci lha'i bu de phag mo'i mngal du skyes sam ma skyes zhes bltas na yang ma skyes/ sems can dmyal ba dang / dud 'gro'i skye gnas su skyes sam ma skyes zhes bltas na yang ma skyes te/ lha rnams ni chos nyid kyis 'og ma shes pa dang mthong ba 'jug gi/ gong ma la ni ma yin no// de nas lha'i dbang po brgya byin the tsom skyes nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas kyang / lha'i dbang po brgya byin gyis/ bcom ldan 'das/
- 32b
la 'di skad ces gsol to// bcom ldan 'das bdag gis 'di na lha'i bu zhig 'chi 'pho'i chos byung nas// dog sa la 'gre ldog cing / snying rje rje skad du smre sngags 'don te/ kyi hud dal gyis 'bab pa/ kyi hud rdzing / kyi phud rdzing bu/ kyi bud shing rta sna tshogs can gyi tshal/ kyi cung rtsub 'gyur gyi tshal/ kyi hud dga' ba'i tshal/ kyi bud 'dres pa'i tshal/ kyi cu yongs su 'du/ kyi hud sdug pa/ kyi hud ar mo nig lta bu'i rdo leb/ kyi hud lha'i 'dun sa/ kye hud blta na sdug pa zhes snying rje rje skad du smre sngags 'don pa mthong ste/ bdag der mchis nas/ 'di skad ces gyis so// grogs po khyod tsa'i byor thang rdung zhing du la mya ngan byed de dra zhing smre sngags 'don/ des smras pa/ bdag ni 'dir lha'i bde ba dang bral te/ zag 'dun na 'ang nas rgyal po'i khab kyi grong khyer chen por phag mo'i mngal du skye bar 'gyur te/ bdag ni rir lo mang thog sa byis dang gcin 'tshal bar 'gyur bas/ de'i slad du bdag de skad mtsha'o// gas bo chung shog/ khyod rkang gnyis rnams kyi mchog sangs rjes la skyabs su song zhig/ 'dod chags dang bral ba rnams kyi mchog chos la skyabs su song zhig/ tshogs rnams kyi mchog dge 'dun la skyabs su song zhig/ de nas lha'i bu de dud 'gro'i skye gnas kyis 'jigs shing skrag/ 'tsha bas 'jigs shing spag ste/ de 'di skad ces mchi'o// bregs po bdag
- 33a
ni 'di ltar rkang gnyis rnams kyi mchog sangs rgyas la skyabs su mchi'o/ / 'dod chags dang bral ba rnams kyi mchog chos la skyabs su mchi'o// tshogs rnams kyi mchog dge 'dun la skyabs su mchi'o/ / de nas lha'i bu des skyabs gsum bzung nas 'chi 'pho'i dus bgyis pa de/ bcom ldan 'das gang du skyes lags/ bcom ldan 'das kyis bka' stsal pa/ ko'u shi ka lha'i bu de ni dga' ldan gyi lha'i ris der skyes te/ lha'i 'dod pa thams cad kyang phun sum tshogs so// de nas lha'i dbang po brgya byin tshim zhing mgu ste/ rab tu dga' nas/ dga' ba dang yid bde ba skyes te/ dbang po tshim nas/ de'i tshe tshigs su bcad de gsol pa/ gang dag sangs rgyas skyabs mchi ba// de dag ngan 'gror mi mchi/ ste/ mi yi lus rnams spangs nas su// de dag lha lus thob par 'gyur// gang dag chos la skyabs mchi ba// de dag ngan 'gror mi mchi ste// mi yi lus rnams spangs nas su// / dedag lha lus thob par 'gyur// gang dag dge 'dun skyabs mchi ba// de dag ngan 'gror mi mchi ste// mi yi lus rnams spangs nas su// de dag lha lus thob par 'gyur// gang dag nyin mtshan rtag par yang / / sangs rgyas rjes su dran pa dang // gang dag sangs rgyas skyabs mchi ba// mi de dag gi rnyed pa che// gang dag nyin mtshan rtag par yang // chos ni
- 33b
rjes su dran pa dang / / gang dag chos la skyabs mchis pa// mi de dag ni rnyed pa che// gang dag nyin mtshan rtag par yang // dge 'dun rjes su dran pa dang // gang dag dge 'dun skyabs mchis pa/ / mi de dag ni rnyed pa che// de nas bcom ldan 'das kyis/ lha'i dbang po brgya byin gyi rjes su 'thun par brjod pa'i tshigs su bcad pa bka' stsal pa/ ko'u shi ka de de bzhin te/ de de bzhin no// gang dag sangs rgyas skyabs dong ba// de dag ngan 'gror mi 'gro ste// mi yi lus rnams spangs nas su// de dag lha lus thob par 'gyur// gang dag chos la skyabs dong ba/ / de dag ngan 'gror mi 'gro ste// mi yi lus rnams spangs nas su// de dag lha lus thob par 'gyur// gang dag dge 'dun skyabs dong ba// de dag ngan 'gror mi 'gro ste/ / mi yi lus rnams spangs nas su// de dag lha lus thob par 'gyur// de nas lha'i dbang po brgya byin bcom ldan 'das kyi gsungs pa la mngon par dga' nas/ bcom ldan 'das kyi zhabs la mgo bos phyag 'tshal te/ bcom ldan 'das la lag pa thal mo sbyar nas lan gsum bskor ba byas te/ de nyid du mi snang bar gyur to// bcom ldan 'das kyis de skad ces bka' stsal nas/ dge slong dag yi rangs te/ bcom ldan 'das kyis gsungs pa la mngon par bstod do// phag mo'i rdzogs pa brjod pa'i mdo rdzogs so//
- 34a
rgya gar gyim khan pa dzin mi dang / tsan+dan rtsa lo cha ba bcwopa shes sras bsgyur cing zas ci gtan la pa/ skad du/ tsan+da prab+ha a ba dA nA ma/ bod skad su/ zla 'od kyi rtogs pa brjod pa/ sangs rgyas dang byang chub sems dpa' thams cad la phyag 'tshal lo// sangs rgyas bcom ldan 'das rgyal po'i khab 'od ma'i tshal bya ka lan ta ka gnas pa na bzhugs te/ gang gi tshe tshe dang ldan pa dge slong shA ri'i bu dang / mo'u 'gal gyi bu gnyis phung po'i lhag ma med pa'i mya ngan las 'das pa'i dbyings su yongs su mya ngan las 'das pa de'i tshe/ dge slong rnams the tshom skyes nas/ the tsom thams cad gcod par mdzad pa'i sangs rgyas bcom ldan 'das la zhus pa/ btsun pa gang dge slong shA ri'i bu dang / mo'u 'gal gyi bu gnyis gtso bo de mya ngan las 'das pa 'di ma bzod nas/ sangs rgyas la sogs pa dge slong gi dge 'dun bzhugs pa'i thog mar yongs su mya ngan las 'das pa ngo mtshar che'o/ / bcom ldan 'das kyis bka' stsal pa/ dge slong dag gang dge slong shA ri'i bu dang / mo'u 'gal gyi bu gnyis 'dod chags dang bral ba/ zhe sdang dang bral ba/ gti mug dang bral ba skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal dang / yid mi bde ba dang / 'khrug pa
- 34b
rnams las rnam par grol ba na/ gtso bo mya ngan las 'das pa 'di bzod na/ sangs rgyas la sogs pa dge slong gi dge 'dun bzhugs pa'i thog mar mya ngan las 'das pa ngo mtshar ci zhig che/ gang 'das pa'i dus na/ dge slong shA ri'i bu dang / mo'u 'gal gyi bu 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / yid mi bde ba dang / 'khrug pa dang bcas pa na yang nga la gcig pu sems mngon par dad pas gtso bo shi bar mthong ba mi bzod nas dus byed de/ 'dod pa'i khams thams cad las yang dag par 'das nas/ tshangs pa'i 'jig rten du skyes pa de nyon cig/ dge slong dag sngon byung ba 'das pa'i dus na/ byang phyogs na rgyal po'i pho brang rdo bzangs zhes bya ba 'byor pa/ rgyas pa/ bde ba/ lo legs pa/ mi dang skye bo'i tshogs mang pos gang ba/ chur dpag tshad bcu gnyis/ kun nas gru bzhi par gyur shin tu rnam par 'byes pa/ rta babs dang / skar khung dang / skar khung dra ba can mthon po dang / rab tu ldan pa dang / tshong tshong dang / rin po che sna tshogs kyis kun tu gang ba rgyal po dang / blon po dang // khyim bdag dang / tshong dpon dang / yul 'khor gyi mi rnams kyis yongs su gang ba/ mi rnams gzhung lugs la gnas pa/ pi wang dang / gling du
- 35a
dang / rnga dang / sgra bzangs dang / rnga bo che dang / rdza rnga dang / rnga rings dang / dung gi sgra rnams kyi sba nges par sgrogs pa'o// dge slong dag rgyal po'i pho zang de na/ tag ru'i dri dang / a ka ru'i dri dang / tsan dan gyi dri dang / phye ma'i ji dang / gur kum gyi dri dang / me tog gi dri zhim pa rnams te/ dus thams cad du 'di lta bu'i dri sna tshogs pa/ rlung gis bskyod nas lam dang / srang bar dang / bzhi mdo dang / sum mdo rnams su ldang zhing rgyu ba dang / glang po dang / rta dang / dpung bu chung gi tshegs dang yang dag par ldan pa dang // bzhin pa dang / theg pa dang / srang dang / lam po che nye bar mdzes par byas pa dang / gdugs dang / rgyal mtshan dang / ba dan pa sgreng ba dang / rta babs dang / skar khung dang / skar khung dra ba can dang / zla ba phyed pas brtags pas/ lha'i gnas bzhin du nye bar mdzes par gyur pa dang / klu'i dbang po dang / ri'i rgyal po las mngon par mthon pa'i mtsho dang / rdzing bu dang / lteng ka dang / chu mig dang / 'bab chus nye bar mdzes pa dang ldan pa dang / ut+pa la dang / pad+ma dang / ku mu ta dang / put+ta ri kas kun tu khebs pa/ shing sA la dang / ta la dang / ta ma la dang / dong ka dang / a shoka dang / ti la ka dang / bur na ka dang / tsam pa ka dang / ba ku la dang / a ti mug ta ka dang / ba ta la'i me tog gis kun tu khebs pa dang ldan pa dang
- 35b
nags tshal gyi phyogs na/ ka la bing+ka dang / ne tso dang / shi ri ka dang / khu byug dang / rma bya dang / shang shang te'u sgra sgrogs par gyur pa dang / shing sna tshogs kyis nye bar mdzes pas nyams dga' bar byas pa dang / skyed mos tshal nyams dga' ba mdun na yod de// dge slong dag rdo bzangs de ltar shin tu nyams dga' bar gyur to// dge slong dag rgyal po'i pho brang rdo bzangs de na rgyal po zla 'od ces bya ba gzugs bzang ba/ blta na sdug pa/ mdzes pa/ skye ba dran pa/ lha'i mig dang ldan pa/ gling gcig pa'i 'khor los sgyur ba chos dang ldan pa/ chos kyi rgyal po 'dzam bu gling du chos kyi dbang phyug la dbang byed par gyur to// dge slong dag rgyal po zla 'od rang la 'od yod pa/ 'gro na'ang mun pa med par gyur te/ nor bu rin po che'i 'od dam/ mar me'i 'od dam/ sgron ma mdun du mi khyer gyi/ dge slong dag gzhan du na rgyal po zla 'od rang nyid kyi lus las 'od 'byung bar gyur te/ dper na zla ba'i dkyil 'khor las 'od 'byung ba bzhin du 'di'i lus las 'od byung ste/ rgyu 'dis na rgyal po zla 'od zla 'od ces ming du gyur to// yang de'i tshe de'i dus na 'dzam bu'i gling 'dir rgyal po'i pho brang rdo bzangs la sogs pa grong khyer drug khri brgyad stong byung bar gyur te/ 'byor pa/ rgyas pa/ bde ba/ lo legs pa/ skye bo mang po dang / mi mang pos gang bar gyur to// dge slong dag gzhan yang rgyal po
- 36a
zla 'od kyis 'dzam bu'i gling gi mi rnams la dpya dang / sho ga ma dang / grubatsas med de/ zhing gi 'byor pa dang ldan pa/ skye bo rnams zhi ba dang / khyim bya'i sgra dang ldan pa/ grong dang / grong khyer dang / grong rdal gyi skye bo'i tshogs dang / rgyal po dang / rgyal rigs dang ldan par gyur to// dge slong dag yang de'i tshe de'i dus na 'dzam bu'i gling gi mi rnams kyi tshe'i chad lo bzhi khri bzhi stong gan gyur to/ / dge slong dag rgyal po zla 'od ni byang chub sems dpar gyur te/ thams cad ster ba/ thams cad yongs su gtong ba ste/ des rgyal po'i pho brang rdo bzangs nas grong khyer gyi shar phyogs su gdugs dang / rgyal mtshan dang / ba dan bsgreng ste/ gser gyi rnga bo che yang dag par brdungs nas/ sbyin pa gtong / bsod nams ni byed do// de bzhin du grong khyer gyi lho dang / nub dang / byang du yang sbyin pa ni gtong/ bsod nams ni byed do// sum mdo'i dbus su yang sbyin pa ni gtong / bsod nams ni byed do// 'di lta ste/ zas 'dod pa rnams la ni zas/ som 'dod pa rnams la ni skom/ bza' ba dang / bca' ba dang / 'phreng ba dang / mar ma dang / ji dang / byug pa dang / mal dang / spyan dang / rgyab dang / skye ba rnams kyi gnas dang / shing rta dang / sprad pa dang / rgyan dang / gser snod dngul gyi phye mas yongs su gang ba rnams dang / dngul gyi snod gser gyi phyems yongs su ga
- 36b
rnams dang / gser gyi rwa btags pa'i ba lang rnams dang / 'khar ba'i gzhi snod rnams dang / gzhon nu ma rgyan thams cad kyis brgyan par byas pa rnams kyang sbyin pa ni gtong / bsod nams ni byed do/ / gos kha dog sna tshogs pa yul sna tshogs pa las byung ba rnam pa sna tshogs pa la 'di lta ste/ daral dang / rgya dar dang / rin po che'i gos dang / du ku la dang / mrig pa na dang / bag le pa dang / la ba dang / rin po che dang / gser dang / gos gser gyi rgyan can dang / ka sha si ka'i dar dang / gos dar la sogs pa rnams kyang sbyin par ni gtog bsod nams ni byed do/ / dge slong dag rgyal po zla 'od kyis sbyin pa ji snyed kyis 'dzam bu'i gling pa'i mi thams cad phyug pa dang / nor che ba dang / longs spyod che bar gyur pa de snyed rab gtong ngo / / dge slong dag rgyal po zla 'od kyis gang glang po dang / rta dang / shing rta dang / gdugs la sogs pa'i sbyin pa ji snyed kyis 'dzam bu'i gling pa 'di ni mi gcig kyang rkang gis 'gro ba med pa de snyed rab tu gtong ste/ 'dzam bu gling ba'i mi thams cad kyang glang po'i rgyab dang / rta bzhi dang ldan pa'i shing rta steng nas gser dang dngul gyi gdugs 'dzin pa dang ldan pa dang / skyed mos tshal nas skyed mos tshal dang / yul 'khor nas yul 'khor dang / grong khyer nas grong khyer du rjes su 'gro bar gyur to// dge slong dag de nas yang rgyal po zla'o/
- 37a
'di ltar sems par gyur te/ ngas sbyin pa 'di tsam zhig byin pa tsam gyis ci zhig bya ste/ gos dang / rgyan dang / chas bzhag rnams nga nyid ci 'dra ba 'dzam bu gling ba'i mi rnams kyang de dang 'dra bar rab tu byin na/ 'dzam bu gling ba'i mi thams cad rgyal po'i rtse 'jos rtse zhing rol par 'gyur ro// de nas rgyal po zla 'od kyis 'dzam bu gling ba'i mi thams cad khal cod pan dang / dar dang / gos dang / rgyan dang / cha bzhag rnams byin pa ni 'di lta ste/ mgul gdub dang / gdu bu dang / dpung rgyan dang / do shal dang / se mo do dang / mu tig gi chun 'phyang dang / rgyal po la 'os pa rnams sbyin pa rab tu sbyin no// dge slong dag rgyal po zla 'od kyis rgyal po la 'os pa/ gos dang / rgyan dang / cod pan dang / dar rnams rab tu byin pa gang gis ji ltar 'dzam bu gling ba'i mi thams cad cod pan thogs shing / dar dbyangs 'ching bar gyur te/ rgyal po zla 'od rnam pa ci 'dra bar gyur pa/ 'dzam bu'i gling gi mi thams cad kyang de dang bar gyur te/ de ltar rab tu byin no// dge slong dag rgyal po zla 'od kyis rgyal po'i pho brang rdo bzangs su dril bsgrags te/ 'dzam bu gling gi mi khyed thams cad ji srid 'tsho'i bar du rgyal po'i rtse 'jos rtse zhing rol cig ces bsngags so/ / dge slong dag de nas rgyal po zla 'od kyis dril bsgrags pa/ 'dzam bu gling gi mi thams cad kyis thos pa dang / thams cad rgyal
- 37b
po'i rtse 'jo'i rtse ba la zhugs te/ bi wang dang / gling bu dang / 'khar rnga dang / skra bzangs dang / bi wang rgyud gsum pa dang / rnga rings dang / rnga rnga dang / dung stong phrag dang / sim stasnyan brgya snyed kyi sgra'i rol mo brdung zhing / dpung rgyan dang // do shal dang / se mo de dang / nor bu dang / mu tig gi rgyan rnams dang / rna cha thogs pa dang / rgyan gyis brgyan la/ bud med kyi tshogs kyis yongs su bskor nas/ rgyal srid kyi dpal la rjes su spyod par gyur to// yang de'i tshe de'i dus na rgyal po'i pho brang rdo bzangs na// mi rnams rgyal po'i rtse 'jos rol te/ pi wang dang / gling bu dang / 'khar rnga dang / sgra bzangs dang / pi wang rgyud gsum pa dang / rdza rnga dang / rnga rings dang / dung gi sgras grong khyer drug khri brgyad stong du sla bsgrags pa dang / gang yang rgyal po zla 'od kyi sbyin gtong gi gnas bzhir gser gyi rnga bo che rnams brdungs pa dang / 'di lta bu'i yid du 'ong ba'i sgra byung bar gyur to// 'di lta ste/ sum cu rtsa gsum gyi lha rnams kyi nang na/ lha'i grong khyer de na glu dang / ga ra dang / rol mo'i sgra sgrogs so// dge slong dag de bzhin du de'i tshe de'i dus na// 'dzam bu gling ba'i mi thams cad glu dang / gar dang / rol mo'i sgras gcig tu bde ba la 'jog cing shin tu dga' bar gyur to// yang de'i tshe rgyal po'i pho brang rdo bzangs na/ bye ba dung phyur bdun cu rtsa gnyis kyi mi rnams gnas so//
- 38a
yang dge slong dag rgyal po zla 'od chos kyis gzugs bzang ba/ blta na sdug pa/ mdzes pa ste/ gzhan yang 'di skye bo'i tshogs chen po'i yid dga' bar gyur to// gzhan yang 'di skyes pa dang / bud med rnams kyis mthong ba na/ ngoms par mi 'gyur ba'i dga' ba thob bo// dus gang gi tshe rgyal po zla 'od grong khyer nas byung ste/ sbyin gtong gi gnas su song ba na/ sros chags bye ba brgya stong dpag tu mthong ba med pa rnams lta zhing 'di skad kyang smra ste/ kye ma rgyal po zla 'od 'di ni lha zhig 'ongs nas/ 'dzam bu'i gling 'dir rgyal po byed pa yin/ rgyal po zla 'od kyi gzugs dang / kha dog dang / dbyibs de lta bu ni 'dzam bu'i gling pa'i mi rnams la yod pa ma yin no// de gang dang gang du bltas pa de dang de dag tu bud med stong phrag gis bltas te/ bud med gang 'di khyor rnyed pa 'di skal ba can yin no// gzhan zhig gis smras pa/ sems dag rnams kyis rnyed kyis/ gzhan dag gis ma yin te/ rgyal po zla 'od 'di ni lA dang 'dra bar blta'o/ / dge slong dag rgyal po zla 'od kyi blon po stong phrag phyed dang bcu gsum yod de/ de rnams kyi nang na blon po gnyis ni blon po thams cad las khyad par du 'phags pa yin te/ blon po zla ba bzang po dang / sa 'dzin zhes bya ba gnyis mkhas par grags pa blo dang ldan pa/ las thams cad la dbang byed pa/ rgyal po'i gces spras byed pa/
- 38b
rgyal po yongs su skyong ba/ rgyal po'i las kyi mtha' thams cad la sems las chung ngur byed pa dang / blon po'i mchog zla ba bzang po ni 'dzam bu gling ba'i mi khyed rnams ji srid 'tsha ba'i bar du dge ba bcu'i las kyi lam 'di yang dag par blangs la gnas par gyis shig/ ces 'dzam bu'i gling ba'i mi thams cad dge ba bcu'i las kyi lam la yang dang yang du sbyor bar byed de/ dge slong dag blon po'i mchog zla ba bzang po'i gdams ngag rjes su ston pa 'di lta bu byed par gyur to// dge slong dag 'di lta ste/ 'khor los sgyur ba'i rgyal po zla 'od ni blon po'i mchog zla ba bzang po la sdug par gyur pa dang / dga' ba dang yid du 'ong bar gyur te/ gzhan yang de'i kha dog dang / dbyibs la 'dis bltas pa na ngoms pa med de/ skad cig kyang de mi spong bar gyur to/ / de nas dus gzhan zhig gi tshe/ blon po'i mchog zla ba bzang po'i rmi lam du/ du ba'i mdog can gyi sha za rnams kyis rgyal po zla 'od kyi cod pan 'phrog par rmis sad nas de 'jigs skrag pas rengs par gyur cing / spu zing zhes byed de/ nges par rgyal po zla 'od kyi dbu slong ba zhig 'ong bar mi 'gyur ram/ lha ni thams cad stsol pa/ tha ma cad yongs su gtong ba yin te/ 'di la ni dman pa dang / mgon med pa dang / 'phongs pa dang / sdug bsngal ba dang / spong ba rnams la mi stsol ba dang / yongs su mi gtong
- 39a
ba ni gzhan ci yang mi mnga' bas na/ rgyal po zla 'od la rmi lam 'di mi nu'i/ gzhan du ni rin po che'i mgo rnams byas la/ mdzod dang bang bar bcug la bzhag ste// gal te 'ga' zhig lha'i dbu slong ba 'ongs par gyur na/ de la rin po che'i mgo 'di rnams kyis brid par bya'o snyam nas/ rin po che'i rgyu las byas pa'i mgo byas te/ mdzod dang bang ba rnams su bzhag par gyur te/ de nas dus gzhan zhig gi tshe blon po'i mchogs 'dzin gyi rmi lam du rgyal po zla 'od kyi rin po che rnams kyi mgo rnam pa brgyar lhags pa rmis pa dang / yang 'jigs shing skrag la kun tu skyo nas rgyal po zla 'od rgyal srid las nyams pa 'am/ srog gi bar chad du mi 'gyur grang snyam nas/ yang bram ze ltas mkhan mkhas pa rnams bos nas/ bdag gis 'di lta bu'i rmi lam rmis pa rmi lam de'i 'bras bu ji lta bu yin pa lung ston cig/ ltas mkhan rnams kyis smras pa// rmi lam mthong ba 'di ji lta ba las ni ring po mi thogs par lha'i dbu slong ba 'ga' zhig 'ong bar gyur te/ 'di 'dra bar ston pa yin no// de skad thos pa dang / yang blon po'i mchogs 'dzin lag pa 'gram pa la gtad de/ shin tu sems pa la zhugs pas gnas par gyur te/ rgyal po zla 'od byams pa'i bdag nyid can snying rje dang ldan pa/ sems can thams cad la mnyes gshin pa/ mi rtag pa nyid
- 39b
kyi stobs nye bar gnas pa ni ha cang myur ches so/ / de nas dus gzhan zhig gi cha/ blun pa stong phrag byed dang bcu gsum po rnams kyis rmi lam 'di ltar mthong ste/ rgyal po zla 'od kyi ston gtong gi gnas khang bzhi ru gnod sprin lag na thod pa thogs pa rnams kyis gdugs dang / rgyal mtshan dang / ba dan rnams bsgyel ba dang / gser gyi rnga bo che sang bcag par rmis pa dang / yang 'jigs shing skrag la sems skyo nas/ rgyal po zla 'ong sa chen po skyong ba/ byams pa'i bdag nyid can snying rje dang ldan pa/ sems can thams cad la mnyes gshin pa/ mi rtag pa nyid kyi stobs kyis phyin par mi 'gyur ram/ bdag cag rnams lha dang lhan cig pas gnas tha dad par 'gyur ba dang // so so ba dang / dbye ba dang bral bar mi 'gyur ram/ 'dzam bu gling ba rnams skyabs dang dpung gnyen med par mi 'gyur ram/ de rgyal po zla 'od kyis kyang thos pa dang / yang grong khyer drug khri brgyad stong du dril bsgrags te/ 'dzam bu gling pa'i mi khyed rnams ji srid 'tsho ba'i bar du rgyal po'i rtse 'jos rtse zhing rol cig/ khyed rnams sgyu ma lta bu'i rmi lam la sems pas ci zhig bya/ rgyal po zla 'od kyis dril bsgrags pa thos pa dang 'dzam bu gling pa'i mi thams cad sil snyan chen po dang / pi wang dang / gling bu dang / 'khar rnga dang / sgra bzangs dang / pi wang rgyud gsum pa dang / rdza rnga dang
- 40a
rings dang / dung stong phrag snyed kyi rol mo brdung zhing rtse bar brtsams pa dang / gser gyi dpung rgyan dang / do shal dang / se mo do'i nor bu'i rna rgyan thogs shing rgyan thams cad kyis brgyan nas bud med kyi tshogs kyis bskor te/ rgyal po'i dpal la rjes su spyod par gyur to// yang de'i tshe de'i dus na/ 'dzam bu'i gling na glu dang / gar dang rol mo'i sgra dang / grong khyer drug khri brgyad stong du gling bu nges par 'bud pa dang / gang yang sbyin gtong gi gnas chen po bzhir gser gyi rnga bo che brdungs pa la snyan cing yid du 'ong ba'i sgra byung bar gyur te/ des 'dzam bu gling thams cad sgra sgrags par gyur te/ dper na sum cu rtsa gsum gyi lha rnams kyi gzhal med khang gi nang na glu dang / gar dang / rol mo sgra bsgrags pa bzhin no/ / yang de'i tshe de'i dus na ri spos kyi ngad ldang na/ bram ze drag po'i mig ces bya ba mig 'phrul gyi bya ba shes pa zhig gnas pa dang / bram ze drag po'i mig gis rgyal po'i pho brang rje babazangs na/ rgyal po zla 'od ces bya ba thams cad ster bar zos so// thos nas kyang bdag nyid kyis bsams pa/ bdag song la mgo bsrang na gal te thams cad gtong bar gyur ba yin na ni bdag la yang mgo ster bar 'gyur ro/ / gzhan du na gang sdug pa dang / 'phangs pa dang / yid du 'ong ba dang / mngon par dga' bar bya ba yan lag gi mchog mtsho
- 40b
yongs su gtong ba 'di ni dka' ba dang / 'di ni gnas med pa dang / 'di ni go skabs med do snyam nas ri spos kyi ngang ldang las babs so// de nas spos kyi ngang ldang na gnas pa'i lha mo zhig ngu bar rtsoms te/ kyi hud rgyal po zla 'od byams pa'i bdag nyid can snying rje dang ldan pa/ sems can thams cad la mnyes gshin pa/ mi rtag pa nyid kyi stobs nye bar gnas ba na sdug bsngal lo/ / yang de'i tshe de'i dus na 'dzam bu'i gling thams cad du bas mun nag tu gyur te/ 'khrugs shing kun tu 'khrugs par gyur pa dang / skar mda' ltung ba dang / phyogs sreg pa dang / bar snang la lha rnams mya ngan byed par gyur to// yang de'i tshe de'i dus na rgyal po'i pho brang rdo ba zangs dang ha cang mi ring ba zhig na sna tshogs bshes gnyen zhes bya ba'i drang srong mngon par shes pa lnga dang ldan pa/ byams pa dang snying rje'i bdag nyid can sems can thams cad mnyes gshin pa zhig 'khor lnga brgyas bskor nas gnas te/ de nas drang srong des 'dzam bu'i gling thams cad 'khrugs shing / kun tu 'khrugs par mthong ba dang / 'khor rnams la smras pa/ gang 'dzam bu'i gling 'di thams cad da ltar du bas mun nag tu gyur te/ 'khrugs shing // kun tu 'khrugs par gyur pa dang / nyi ma dang zla ba gnyis kyang lham me ma yin/ lhang nge ma yin/ lhan na ma yin pa bu khyed rnams kyis shes sam
- 41a
nges par skyes bu chen po 'ga' zhig 'gag par 'gyur ro/ / 'di ltar/ mi 'am ci yi tshogs dang nags kyi lha rnams du// nam mkhar gnas pa'i lha rnams kyang na smod par byed/ / zla ba gzi med nyi ma dag kyang 'od zer med par gyur// deng ni rol mo brdungs kyang sgra ni grag ma gyur// me tog 'bras bur ldan pa'i shing tshogs 'di dag kyang // rlung gis ma bskyod bzhin du sa la lhung bar gyur/ / ji ltar 'jigs pa'i sgra 'di kun tu thos pas na// grong khyer du ni sdug bsngal mi bzad 'byung bar gsal// rgyu des grong khyer gnas pa'i skye bo ma lus pa/ / sems la sdug bsngal kun tu gtugs nas 'jog pa dang // cho nges 'debs shing lag pa snying du rdebs par byed// sgra rnams rab tu grol zhing tshig ni rnam par 'gag/ zla ba'i gdong can bud med rnams na rab tu ngu// grong khyer gnas pa kun kyang snying brtses ngu bar byed// sprin 'di rnams kyang char mi 'bab par sgra sgrogs la// chu yi gnas rnams nye bar bskams pa nyid du gyur/ / ri dang nags rnams kyang ni mi bzad me yis bsregs// mi rnams so so'i khyim na shin tu 'khrugs pas ngu// chu la rlung gis bskyod pa'i gru bzhin sa rnams g.yos pa dang / / shin tu rtsub pa'i rdul dang 'dre ba'i rlung ldang 'gyur// bkra mi shis pa'i mtshan ma ni// da ltar 'di na rnam mang ste// de na bdag cag shis pa yi// phyogs su 'gro
- 41b
pa shin tu rigs/ / gzhan yang bu rnams rgyal po zla 'od kyi sbyin gtong gi gnas gzhir gser gyi rnga bo che brdungs na yang yid du 'ong ba'i sgra 'byung bar ma gyur pas nges par rgyal po'i pho brang rdo bzangs der nye bar 'tshe ba chen po 'byung bar 'gyur ro/ / de nas bram ze drag po'i mig gis rgyal po'i pho brang rdo bzangs su phyin to// de nas grong khyer na gnas pa'i lha mos bram ze drag po ra mig rgyang ring po nyid nas mthong ba dang / rgyal po zla 'od ga la ba der song ste phyin nas/ rgyal po zla 'od la 'di skad ces smras so// gang 'di lha mkhyen par mdzod cig/ de ring lha'i dbu slong ba 'tshe ba rnam par rtsom pa/ / de nas rgyal po glags lta ba zhig 'ong bar gyur te/ de lha'i dbu slong bar 'gyur gyis/ de lhas sems can rnams la thugs brtse ba'i slad du/ bdag nyid yongs su bsrung bar mdzod cig/ de nas rgyal po zla 'od kyi mgo slong bar thos pas/ yid rab tu dga' zhing ngo mtshar gyis mig gdangs pa dang / lha mo la smras pa/ lha mo ma 'jigs par song zhig/ gal te 'ong bar gyur na// ngas 'di'i yun ring mo nas mngon par 'dod pa'i yid la re ba yongs su rdzogs par bya'o// de nas lha mo ngas rgyal po zla 'od rtsol ba tshul de lta bu shes pas/ sdug bsngal zhing yid mi bde bar de nyid du mi snang bar gyur to// de nas rgyal po zla 'od 'di snyam du sems te/ gang bdag gis dbyig dang / gser dang / zas
- 42a
'dod pa rnams la zas sbyin pa ni ngo mtshar ci zhig che/ gang yang bdag gis slong ba rnams la rang nyid kyi lus kyang yongs su gtong bar bya'o// de nas bram ze drag po na mig grong khyer gyi lho phyogs kyi sgo nas zhugs pa dang / grong khyer gyi lha mos bzlog ste/ bram ze sdig can ma zhugs par slar song zhig/ skyes bu gti mug can khyod da ltar rgyal po zla 'od byams pa'i bdag nyid can snying rje dang ldan pa/ yon tan dpag tu med pa phun sum tshogs pa/ 'dzam bu'i gling yongs su skyong bar byed pa/ nyes pa med pa/ gnod pa mi byed pa/ mgo drag po'i sems kyis ji ltar gcod par byed/ bram ze sdig can ma zhugs par song zhig/ rnam pa 'di dag rgyal po zla 'od kyis thos so// thos nas kyang nga'i slongs mo pa lha mos grong khyer gyi sgo na bkag go snyam nas/ yang blon po'i mchog zla ba chen po la smras pa/ gang 'di zla ba chen pos shes par gyi su shig/ nga'i slongs mo ba lha mos grong khyer gyi sgo na bkag gi/ song la nga'i thad du rings par khyer la shog cig/ lha de ltar 'tshal lo zhes blon po'i mchog blon po chen po zla 'od kyi tshig mnyan nas/ grong khyer rgya lha mo de bzlog ste/ gang 'di lha mo shes par gyis shig/ lha bram ze 'di 'gugs kyis bram ze 'di thong zhig/ de nas grong khyer na gnas pa'i lha mos/ zla ba chen po la 'di skad
- 42b
ces smras so/ / gang yang zla ba chen pos shes par gyis shig/ bram ze 'di ni gtum pa'i sems dang // snying rje med pa'i sems dang / mi bzad pa'i sems kyis rgyal po zla'o/ brlag pa'i phyir rgyal po'i pho brang rdo bzangs su 'ong na/ khyed la rang bzhin ngan pa 'dis ci zhig bya/ rgyal po zla 'od kyi thad du song nas mgo slong bar 'gyur ro// de nas blon po'i mchog zla ba chen pos/ lha mo la smras pa/ lha mo gang gis bram ze 'dis lha'i dbu len par mi 'gyur ba'i thabs shig bsams pa ngal yod do// de nas blon po'i mchog zla ba chen po sa bram ze drag po'i mig khrid de/ / de grong khyer du zhugs nas rin po che'i mdzod pa la smras pa/ khyod kyis rin po che las byas pa'i mgo rnams khyer la shog cig dang // bram ze 'di la ngas sbyin par bya'o/ / mdzad pas kyang rgyal po'i dkor rin po che'i mgo rnams kyi phung po chen po byas pa dang / blon po'i mchog zla ba chen pos bram ze drag po'i mig la rin po che las byas pa'i mgo rnams nyebar bstabs te/ bram ze chen po rin po che'i mgo mang po long zhig dang // dbyig dang gser rnams kyis kyang ji tsam dgos pa khyod la sbyin gyis khyer cig/ 'dis ni khyod kyi bu dang / tsha bo'i bar gyi 'tsho bar 'gyur gyi/ lha'i dbu klad pa dang / rus pa dang / dar snabs dang / zhag gis yongs su gang bas ci zhig bya/ de skad ces smras pa dang / bram ze drag po
- 43a
mig gis/ zla ba chen po la 'di skad ces smras so// gang 'di zla ba chen pos shes par gyis shig/ nga la ni rin po che'i mgo rnams dgos pa med de gser dang dbyig kyang dgos pa med kyi/ gzhan du na sa chen po skyong thams cad gtong ba 'di'i mgo slong ba'i phyir 'di'i thad du 'ongs so// de skad ces smras pa dang / blon po'i mchog zla ba chen po dang / sa 'dzin gnyis lag pa 'gram pa la gtad de/ da ni dus kyis phyin to snyam nas/ shin tu sems pa la zhugs pas gnas par gyur to// de nas rgyal po zla 'od kyis rnam pa de dag nye bar thos nas/ blon po'i mchog zla ba chen po dang / sa 'dzin gnyis pho nyas bos nas/ 'di skad ces smras so// bram ze de nga'i gan du khyer las shog cig/ ngas 'di la yun ring po nas mngon par 'dod pa'i yid la re ba yongs su rdzogs par bya'o// de skad ces smras pa dang / blon po'i mchog zla ba chen po dang / sa 'dzin gnyis po de yul rmus pa de lta bu'i mchi ma'i gdong gis snying rje rje skad du smre sngags 'don cing smras pa/ lha byams pa'i bdag nyid can snying rje dang ldan pa/ sems can thams cad la mnyes gshin pa/ yon tan dpag tu med pa/ phun sum tshogs pa dang ldan pa/ ye shes la mkhas pa/ lha'i mig dang ldan pa 'di mi rtag pa nyid kyi stobs nye bar gnas par gyur to//
- 43b
bdag cag rnams deng dang lhan cig pa las tha dad par gyur pa dang / so sor 'gyur ba dang / bral ba dang / bye bar 'gyur ro snyam nas/ rgyal po'i rkang pa la gtugs te phyogs gcig tu 'dug go/ / de nas rgyal po zla 'od thams cad yongs su gtong ba/ shin tu khyad par can gtong zhing yongs su gtong bar 'dod nas/ ring po nas bram ze de la smras pa/ bram ze tshur shog/ khyod gang slong ba de khyer cig/ de nas bram ze drag po'i mig rgyal po zla 'od gang na ba der song ste phyin nas/ rgyal po zla 'od la rgyal ba dang / tshe spel ba brjod nas/ rgyal po zla 'od la 'di skad ces smras so/ / byang chub sems dpa' dngos po thams cad gtong la dga' bar 'gyur// byang chub sems dpa' dge khyod dri med chos la gnas// dam pa kun mkhyen mngon par bzhed pa'i thugs kyis na/ / thugs rje bdag nyid thugs ldan bdag la dbu stsol cig/ de nas rgyal po zla 'od kyis bram ze las de lta bu'i tshig brjod pa thos pa dang yid rab tu dga' ba dang / dga' bas mig gdangs te bram ze drag po'i mig la smras pa/ ji ltar yab kyi bu gcig gang yin yang // de lta na yang nga yi mgo 'di khyer// khyod kyis bsams pa 'bras bur bcas gyur cig/ mgo bo byin pas byang chub thob par shog/ nga'i mgo klad pa khrag dang zhag 'di yis// khyod kyi 'dod pa'i bya ba ci yang mi byed kyang //
- 44a
khyer te khyod lang yi mgo gang dgos gyur pa'i// yid la re ba 'bras bcas khyod ni dga' bar shog/ bram ze chen po khyod kyis nga'i yan lag gi mchog mgo 'di bar tshad med par legs par khyer cig ces smras nas/ rang nyid kyis cod pan phud do// dge slong dag rgyal po zla 'od kyis mgo la yod pa'i cod pan phud ma thag tu 'dzam bu gling pa'i mi thams cad kyi mgo la yod pa'i cod pan rnams kyang lhung bar gyur to/ / rgyal po'i pho brang rdo bzangs kyi phyogs bzhir skar mda' rnams ltung bar gyur te/ grong khyer gyi lha mos rgyal po zla 'od 'di'i mgo bram ze sdig can gyis gcad par 'gyur ro zhes smra bsgrags so/ / de nas blon po'i mchog zla ba chen po dang / sa 'dzin gnyis rgyal po zla 'od tshul 'di lta bu rang nyid kyi lus yongs su gtong bar shes nas/ de yul rmus pa lta bu'i mchi ma'i gdong can gyis rgyal po'i rkang pa la gtugs te/ gang lha yang mthong ba 'di ni 'jig rten na skyes bu skal ba can no zhes smras shing / de gnyis de la sems mngon par dad pas lta zhing / yul bus bram ze drag po'i mig la byams pa'i sems bskyed pa dang / lha'i mig rtag pa'i nyid la blta bar mi nus so snyam du bsams nas/ skad cig ma de nyid la dus byas te/ 'dod pa'i khams thams cad las yang dag par 'das nas/ tshangs pa'i 'jig rten du skyes so//
- 44b
de nas rgyal po zla 'od kyi 'bad pa'i tshul 'di lta bu shes nas sa la gnas pa'i gnod sbyin rnams dang / bar snang la rgyu ba'i gnod sbyin rnams cho nges 'debs par brtsams te/ kyi hud da ni rgyal po zla 'od kyi lus yongs su gtong bar 'gyur te/ sdug bsngal lo// de nas rgyal po'i pho brang sgor srog chags brgya stong du ma 'dus par gyur to// de nas bram ze drag po'i mig gis skye bo'i tshogs chen po 'dus pa de mthong nas rgyal po zla 'od la 'di skad ces smras so/ / gal te lhas gnang bar mdzad na// skye bo'i tshogs chen po'i mdun du lha'i dbu len rngo mi thog go/ / gal te khyod dbu yongs gtong bar mdzad na/ khyed dang bdag dben pa zhig tu gshegs 'tshal lo// de skad ces smras pa dang / rgyal po zla 'od kyis/ bram ze drag po'i mig la smras pa/ bram ze chen po de bzhin du bya yis/ khyod kyi kun tu rtog par 'byor cing / rang gi yid la re ba rnams yongs su rdzogs par gyur cig/ dge slong dag rgyal po'i pho brang rdo bzangs kyi nang na/ nor bu dang / rin po che'i snying po zhes bya ba'i skyed mos tshal shing sna tshogs kyis nye bar mdzes pa/ nyams dga' ba/ ne tse dang / sha ri'i ka dang / khu byug dang / rma bya dang / shang shang te'u dang / ka la bing+ga rnams yid du 'ong ba'i sgra sgrogs pas/ nags tshal gyi tshogs nyams dga' ba'i skyed mos tshal
- 45a
dbus kyi stegs bu de'i dbus su tsam pa ka'i shing zhig skyes pa yod do/ / de nas rgyal po zla 'od rgyal po'i stan las langs te/ ral gri rnon po thogs nas nor bu dang / rin po che'i snying po'i skyed mos tshal ga la ba der song ngo // de nas rgyal po zla 'od 'bad pa'i tshul 'di lta bu la zhugs pa mthong ba dang / rgyal po'i pho brang rdo bzangs grong khyer na srog chags brgya stong du mas cho nges 'debs shing rjes bzhin rjes bzhin du 'brang ba dang / rgyal po zla 'od kyis skye bo'i tshogs chen po 'dus pa de tshe nges 'debs pa mthong ngo // mthong ba dang yang dbugs dbyung ba'i phyir smras pa/ khyed rnams dge ba'i chos rnams la yang bag yod par gyis shig ces mdor bsdus nas chos bstan te/ bram ze drag po'i mig khrid nas nor bu dang / rin po che'i snying po'i skyed mos tshal du zhugs nas/ rgyal po zla 'od nor bu dang / rin po che'i snying po'i skyed mos tshal du zhugs ma thag tu rgyal po'i pho brang rdo bzang kyi dbang po'i rgyal mtshan dang / ba dan rnams nor bu dang / rin po che'i skyed mos tshal ga la ba der 'dug par gyur to// de nas rgyal po zla 'od kyi nor bu dang / rin po che'i snying po'i skyed mos tshal gyi sgo bcad nas/ bram ze la smras pa/ bram ze chen po nga'i yan lag gi mchog 'di khyer cig/ de skad ces smras pa dang / bram ze drag po'i mig gis 'di skad
- 45b
ces smras so/ / lha'i dbu bdag gis gcod par rngo ma thog go// de skad ces smras pa dang / rgyal po zla 'od ral gri rnon po thogs nas skyed mos tshal der gdan du thams cad pa'i tsam pa/ ka'i shing yod pa der song ngo // de nas skyed mos tshal de'i lha mos rgyal po zla 'od tshul 'di lta bur rang nyid yongs su gtong ba la zhugs par shes nas/ cho nges 'debs par brtsom zhing 'di skad ces kyang smras so/ / bram ze sdig can khyod de ltar rgyal po zla 'od nyes pa med pa/ gnod pa med pa/ yon tan dpag tu med pa dang ldan pa 'di'i mgo ji ltar gcod par byed de nas rgyal po zla 'od kyis skyed mos tshal gyi lha mos de'i phyir bzlog ste/ lha mo nga'i mgo slong ba la bar chad ma byed cig/ de ci'i phyir zhe na/ lha mo sngon byung ba na nga'i yan lag gi mchog slong ba la lha mo zhig gis bar chad byas pas/ / lha mo'i bsod nams ma yin pa mang po skyes la/ ngas kyang bla na med pa'i ye shes yun ring po zhig gis thob par 'gyur ro// lha mo ngas nor bu rin po che'i snying po'i skyed mos tshal 'di nyid mgo stong snyed yongs su gtong ba byas nas/ nga la sus kyang bar chad ma byas so// de bas na lha mo khyod kyis nga'i yan lag gi mchog slong ba la bar chad ma byed cig/ lha mo gang du ngas stag mo la bdag nyid yongs su gtong ste/ lus yongs su gtong ba gcig gis byang chub sems dpa' byams pa bskal pa bzhi
- 46a
bcur zhugs pa/ phyir 'dums par byas pa'i sa phyogs ni 'di yin no// de nas lha mo de rgyal po zla 'od kyi rdzu 'phrul chen po de mthong nas/ rgyal po de la sems mgu ba chen po skyes te/ cang mi smra bar gyur to// de nas rgyal po zla 'od yang dag pa'i smon lam byed pa la zhugs te/ gang skyed mos tshal gyi tshogs na gnas pa'i lha dang / klu dang / gnod sbyin dang / dri za dang / mi 'am ci'i khyed rnams gson cig/ bdag skyed mos tshal 'dir rab tu gtong ba'i yang shin tu gtong ba rang gi mgo yongs su gtong ba'i gtong ba byed de/ bdag gi mgo yongs su gtong ba de yang rgyal po'i phyir ma yin/ mtho ris kyi phyir ma yin/ bdud kyi phyir ma yin/ tshangs pa'i phyir ma yin/ 'khor los sgyur ba'i yul gyi phyir ma yin gyi/ gzhan du na 'di ji ltar bla na med pa yang dag par rdzogs pa'i byang chub mngon par rdzogs par sangs rgyas nas/ sems can ma dul ba 'dul ba dang / ma rgal ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / yongs su mya ngan las ma 'das pa yongs su mya ngan las bzla bar bya'o// bden pa dang bden pa'i tshig 'dis ngal ba 'bras bu dang bcas par gyur cig/ yongs su mya ngan las 'das nas kyang yungs kar gyi 'bru tsam gyi sku gdung byung bar gyur cig/ nor bu dang / rin po che'i
- 46b
skyed mos tshal 'di'i dbus su yang mchod rten chen po mchod rten thams cad las khyad par du 'phags pa byung bar gyur nas/ sems can gang na lus ngal ba mchod rten chen po la phyag 'tshal du 'ong bar gyur cig/ de rnams kyi mchod rten thams cad las khyad par du 'phags pa sku gdung 'jog pa de mthong bas ngal ba med par gyur cig/ ngal ba med par gyur nas/ nga'i mchod rten la skye bo'i tshigs 'ongs nas mchod pa byed na mtho ris dang thar pa la gzhol bar yang gyur cig ces smras nas/ tsam pa ka'i shing la gtsug phung bcings nas bram ze la bos te smras pa/ bram ze chen po tshur shog/ bgegs ma byed par nga'i mgo bregs la khyer cig/ de nas rgyal po zla 'od rang nyid kyi lus kyi mthu dang stobs yang dag par skyed nas bram ze de la snying rje chen po lhan cig tu 'gro ba dang / 'byung ba'i byams pa'i sems bskyed nas mgo bcad de/ bram ze drag po'i mig la byin no// dus byas pa dang // tshangs pa'i 'jig rten las shin tu 'das nas/ phul du byung ba'i dge rgyas kyi nang du skyes so// dge slong dag de nas mgo yongs su btang ma thag tu yang stong gsum gyi stong chen po'i 'jig rten gyi khams 'di 'gul/ rab tu 'gul ldeg/ rab tu ldeg/ g.yos/ rab tu g.yos te/ nam mkha'i dkyil na mngon par gnas pa'i lha rnams kyang a la la zhes sba baspags so// bar snang gi lha rnams kyang lba
- 47a
ut+pal dang / pad+ma dang / ku mu ta dang / put+ta ri ka rnams 'thor zhing / a ka ru'i phye ma rnams dang / tsan dan gyi phye ma rnams dang / lnga rnams kyi me tog man dar ba dang / man da ra ba chen po rnams 'thor ba dang / gos rnams kyi char yang 'bebs so// lha rnams kyi rol mo'i sgra yang yang dag par brdung ngo // de nas bram ze drag po'i mog mgo khyer te/ nor bu dang / rin po che'i snying po'i skyed mos tshal nas byung ba dang / srog chags brgya stong du mas kyi hud lha bsad de sdug bsngal lo zhes sgra phyung ste/ de na kha cig ni sa la 'gro ldog go/ / kha cig ni lag pa brkyangs te cho nges 'debs so// bud med rnams kyang sba ba shig nas ngu'o// srog chags brgya stong du ma yang 'dus te de na gcig tu gnas te/ de nyid du gnas nas/ bsam gtan rnams bskyed de/ de nyid du dus byas nas/ rgyal po zla 'od dang skal ba mnyam par dge rgyas kyi lha rnams su skyes so// kha cig ni bsam gtan bskyed nas gnas te/ de nyid du dus byas te/ 'od gsal gyi lha'i ris su skyes so// gzhan rnams ni dus byas nas rgyal po zla 'od kyi lus dri thams cad dang ldan pa'i ro sreg pa'i shing byas te sregs so/ / rus pa de rnams kyang gser gyi bum par bcug ste/ lam po che'i bzhi mdor sku gdung gi mchod rten rab tu bzhag ste/ gdugs dang / rgyal mtshan dang / ba dan
- 47b
btsugs te/ dri dang / 'phreng ba dang / spos kyi phye ma dang / rol mo rnams kyis mchod pa byas nas/ rgyal po zla 'od la gcig tu sems mngon par dad pas/ de bzhin du skye bas bsam gtan bskyed de/ bsam gtan bskyed pa des tshangs pa'i 'jig rten du skyes so// la la ni rgyal po zla 'od ma mthong bas mya ngan gyi zil gyis mnan te dus byas nas 'dod pa na spyod pa'i lha drung du skyes so/ / gang der dus byas pa de dag kyang mtho ris dang / thar pa la gzhol bar gyur to// dge slong dag de'i tshe de'i dus na/ byang phyogs na rgyal po'i pho brang rdo bzangs su gyur pa de gzhan yin par mi blta ste/ rdo 'jog 'di nyid de'i tshe de'i dus na rgyal po'i pho brang rdo bzangs su gyur to// dge slong dag ji snyam du sems/ gang rgyal po zla 'od ces bya ba de ni nga yin te/ de'i tshe de'i dus na byang chub sems dpa'i spyod pa la zhugs te/ de nyid kyis nor bu dang / rin po che'i snying po'i skyed mos tshal du bram ze drag po'i mig la mgo yongs su btang ngo / / dge slong dag de ji snyam du sems/ gang bram ze drag po'i mig ces bya ba de ni lhas byin yin te/ de'i tshe de'i dus na bram ze drag po'i mig ces bya bar gyur to// dge slong dag de ji snyam du sems/ gang de'i tshe de'i dus na/ blon po'i mchog zla ba chen po dang / sa 'dzin de gnyis ni dge slong shA ri'i bu dang / mo'u 'gal gyi bu 'di gnyis yin
- 48a
no/ / 'di gnyis kyis nga yang mya ngan las 'das pa ma bzod nas/ nga nyid 'chib ma mthong bar thog ma nyid du dus byas so// da ltar yang dmya ngan las 'das/ pa ma bzod de/ gang mya ngan las 'das pa ma mthong bar de thog ma nyid du mya ngan las 'das pa yin no// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// rgyal po zla 'od kyi rtogs pa brjod pa rdzogs so// / rgya gar gyi mkhan po d+harma shrI b+ha dang / zhu chen gyi lo tsa ba dge slong shes rab legs pas bsgyur/ sgra bsgyur gyi lo tsa ba dge slong rin chen bzang pos bcos te gtan la phab pa// rgya gar skad du/ su ma ga d+ha a ba dA na ma/ bod skad du/ ma ga d+ha bzang mo'i rtogs pa brjod pa/ sangs rgyas dang byang chub sems dpa' thams cad la phyag 'tshal lo/ / sangs rgyas bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas de'i tshe mnyan yod na/ mgon med zas sbyin gyi bu mo ma ga d+ha bzang mo zhes bya ba dang pa dang ldan pa/ rang bzhin bzang ba/ bsam pa dag pa/ bdag dang gzhan la phan pa'i phyir zhugs pa zhig gnas so// ji tsam na
- 48b
bu ram shing 'phel zhes bya ba'i grong khyer na tshong dpon gzhan zhig gnas la/ de'i bu khyu mchog byin zhes bya'o// de yang gzhan mu stegs pa bsten pas/ gcer bu pa rnams la mngon par dad pa zhig gnas pa dang / gang gi tshe bcom ldan 'das kyis cho 'phrul chen po rnam par bstan pa de'i tshe/ mu stegs pa rnams mtha' 'khob tu kun tu gnas te/ la la ni grong khyer bzang byed ces bya bar na'o/ / la la ni mud kyi ri ka zhes bya ba'i yul na'o// la la ni bu ram shing 'phel zhes bya ba'i grong khyer na gnas so// de'i tshe de'i dus na/ khyu mchog byin de'i bar du khyim bdag ma byas pa dang / de la gcer bu pa rnams kyis smras pa/ mgon med zas sbyin gyi bu mo ma ga d+ha bzang mo zhes bya ba gzugs bzang ba/ blta na sdug pa mdzes pa/ skye bo dam pa rnams dang 'dra ba zhig yod do// ji srid des thos pa dang / bdag nyid gcer bu pa'i cha byad du byas te/ mnyan yod du song ngo // ji tsam na khyim bdag mgon med zas sbyin gyi khyim du slong ba'i phyir zhugs pa dang / des bu mo de mthong ngo // mthong ba'i mod kho na la bu mo de la kun tu chags par gyur la/ de der bslangs pa'i phye zhwa'i nang du blangs so/ / de nas bu mo des log par spyod pa de mthong ba dang / 'di ni shes med par slongs mo len to zhes brgal to// de nas khyu mchog byin de ngo tsha bar gyur pa dang / bu ram
- 49a
shing 'phel gyi grong khyer du song ste/ pha la smras nas/ des bu mo de bslangs so// mgon med zas sbyin gyis bcom ldan 'das la zhus pa dang / bcom ldan 'das kyis bka' stsal pa/ gzhan du gang gi tshe ma ga d+ha bzang mo 'di bu ram shing 'phel du song na rab tu byung ba rnams kyi bya ba dang / sangs rgyas kyi bya ba byed par 'gyur ro// yang ji srid cig na khyim bdag mgon med zas sbyin gyi nye du rnams la yang go bar byas nas byin pa dang / bu ram shing 'phel du khyer ro// ji tsam na dus gzhan zhig gi tshe khyim de na gcer bu pa rnams zan za ba dang / de la sgyug mos smras pa/ de ring bdag cag gi khyim na mchod gnas rnams bshos gsol gyis tshur shog/ mchod gnas rnams la ltos shig/ ma ga u0f7f b zang mos de thos pa dang / dga' ba dang / mgu ba dang / rangs pa dang / yid bde ba skyes te bsams pa/ nges par btsun pa shA ri'i bu 'am/ mo'u 'gal gyi bu chen po la sogs pa nyan thos chen po rnams byon par gyur to snyam nas/ de yid rab tu dga' ba dang / 'jigs pa med par song ba dang / gcer bu nags kyi ma he 'dra ba/ sgra rnams btogs pa/ phug ron gyi phrug gu 'dra ba'i gtse zhupa rnams mthong ngo / / mthong ba dang de'i mod la ma ga rna bzang mo nga tshaste/ de gdong gzhan du bltas pa dang / de la stug mo des smras pa/ bu mo khyod
- 49b
ci'i phyir yi mug par gyur/ des smras pa/ gang 'di lta bu mchod gnas yin na mchod gnas ma yin pa go ji lta bu zhig yod par 'gyur/ de la des smras pa/ bu mo khyod la 'di bas ches khyad par du 'phags pa'i ston pa 'ga' zhig yod dam/ bu mos smras pa/ bdag gi pha'i gtsug lag khang rgyal byed kyi tshal na sangs rgyas zhes bya ba'i ston pa bzhugs te/ de na rgyu ba dang mi rgyu ba'i 'jig rten gyi mchod gnas yin no// khyod kyi ston pa de ci 'dra ba zhig/ smras pa/ bdag gi ston pa tsam pa'i tshogs ltar ser// bcom gser ltar shin tu dri ma med/ / tshul khrims rnam dag shes rab shin tu dag/ 'jig rten gsum na mnyam med 'gro las 'phags// de thos ma thag tu sems rab tu dga' bar gyur nas smras pa/ bu mo nged cag rnams la/ bcom ldan 'das de sang bstan par nus sam/ ma ga d+ha bzang mos smras pa/ bshos gtsang rnams sbyor cig dang / sang bcom ldan 'das spyan drang bar bya'o/ / ji tsam na de rnams kyis smras pa/ bashro gtsang rnams sbyar gyis/ khyod kyis bcom ldan 'das spyan drongs shig/ de nas ma ga d+hA bzang mos khang pa'i yang thog gi steng du mngon par 'dzegs nas/ phyogs gang na bcom ldan 'das bzhugs pa'i phyogs der thal mo sbyar te phyag byas nas/ bcom ldan 'das kyi yon tan rjes su dran te/ me tog
- 50a
rnams 'thor zhing spos kyang gtul nas/ gser gyi bum pa'i chus bcom ldan 'das spyan drang ba'i phyir/ gser gyi bum pa'i chu yang sbrengs so// snying rje ba'i tshig 'di skad ces smras te/ bcom ldan 'das thugs rje chen po dang ldan pa/ bdag ni ri dgas dang 'dra bar gyur cing mtha' 'khob na mchis te/ dkon mchog gsum dang bral bar gyur pa la rjes su bzung bar mdzad cing / dge slong gi dge 'dun dang bcas par 'dir gshegs par mdzad du gsol/ yang 'di skad ces kyang smras te/ tshul khrims rnam dag shes rab shin tu dag/ dang ldan snying po nyan thos che rnams kyis// mgon med gyur pa bdag la rjes bzung ba'i// don mdzad thugs rjes gshegs par mdzad du gsol// ji tsam na me tog dang / spos dang // gser gyi bum pa'i chu'ang nam mkha' las 'phags par gyur to// bcom ldan 'das kyang de'i tshe nang du yang dag 'jog las bzhengs nas/ 'khor rnam pa bzhi la chos ston to// gser gyi bum pa'i chu de yang bcom ldan 'das kyi spyan sngar bai DUR+Ya'i sdong bu bzhin du rnam par gnas so/ / me tog de bcom ldan 'das kyi steng gi nam mkha' la khang pa brtsegs pa bzhin du gnas so// dri dang spos kyang sprin brtsegs pa bzhin du gnas par gyur to// de nas de mthong ba dang / tshe dang ldan pa kun dga' bos/ bcom ldan 'das la gsol pa/ bcom ldan 'das sman 'dren pa 'di
- 50b
ga las mchis/ bcom ldan 'das kyis bka' stsal pa/ kun dga' bo dpag tshad brgya drug cu rtsa gsum na bu ram shing 'phel gyi grong khyer yod pa nas 'ongs so// kun dga' bo grong khyer de ni mu stegs pa rnams kyis bzung ba yin pas/ rdzu 'phrul gyi rnam par 'phrul pas 'gro bar bya'o zhes dge slong rnams la tshul shing brims shig/ ji tsam na tshe dang ldan pa kun dga' bos rgan pa'i gnas mtha' nas bzung nas tshul shing brims te/ de skad ces smras te/ sang bu ram shing 'phel gyi grong khyer du 'gro bar bya ste/ grong khyer de ni mu stegs pa rnams kyis yongs su bzung bas/ khyed cag rnams las gang rdzu 'phrul thob pa des tshul shing long zhig/ ji srid cig na rgan pa'i mtha' nas tshul shing len par brtsams so// de yang de na pUr na kun da u pa da na zhes bya ba'i gnas brtan yod de/ der yang rdzu 'phrul ma thob par lag pa brkyang ste/ tshul shing len par brtsams pa dang / de la tshe dang ldan pa kun dga' bos smras pa dang / gnas brtan mgon med zas sbyin gyi khyim du 'jug pa ma yin gyi/ gzhan du na dpag tshad brgya drug cu rtsa gsum na bu ram shing 'phel zhes bya ba'i gnas yod de der 'gro dgos so// de 'di snyam du sems te/ ngas ni thog ma med pa'i dus na goms pa'i nyon mongs ni spangs nas/ mu stegs pa rnams dang thun mong du gyur pa'i rdzu 'phrul lta zhig dka' ba ci zhig yod nas bskyed
- 51a
par mi bya snyam nas/ des kyang dus de nyid du rdzu 'phrul bskyed pa dang / ji srid du tshul shing gnyis pa ma brims pa de srid du/ des glang po che'i sna 'dra ba'i lag pa brkyang ste tshul shing blangs so/ / ji tsam na tshe dang ldan pa kun dga' bos rgan pa'i mtha' logs su 'dug ste smras pa/ gang gis rdzu 'phrul gang thob pa des bu ram shing 'phel zhes bya ba'i grong khyer du 'gro bar bya'o/ / de nas nyi ma gnyis pa la nam nangs te/ dge slong rnams rdzu 'phrul gyi rnam par 'phrul pas yang dag par chas so// de nas rgyal po chen po bzhi yang mnyan yod gang na ba der mngon par lta bar sems so/ / ji tsam na bar skabs der kun shes ko'u di n+ya zhes bya ba rta'i shing rta la zhon te/ glog 'gyur ba'i snang ba ston cing dal bus char rab tu 'bab/ te/ de lta bu'i rang gi rdzu 'phrul rnam par ston cing 'ong ngo // de nas ma ga d+ha bzang mo'i bdag pos de mthong ba dang dris pa/ ma ga d+ha bzang mo 'di khyod kyi ston pa de yin nam/ des smras pa/ 'di ni kun shes ko'u di n+ya zhes bya ba yin te/ 'di ni bcom ldan 'das kyis chos kyi 'khor lo dang po bskor ba na 'dis thog mar bdag med pa mngon sum du byas pa de thog mar 'ongs pa 'di yin no/ / bar skabs der gnas brtan 'od srungs chen pos brag gi rin po chen po shing sna tshogs pa rnam pa brgyas khyab pa/ bya rnam pa sna tshogs kyis khyab pa/ me tog sna tshogs
- 51b
yang dag par khebs pa/ g.ya' chu sna tshogs kyis nye bar mdzes par byas pa mngon par sprul te/ steng gi nam mkha' las 'ong ngo // de nas khyim bdag des de mthong nas smras pa/ ma ga d+ha bzang mo 'di khyod kyi ston pa de yin nam/ des de la smras pa/ 'di ni 'od srungs chen po zhes bya ba yin te/ bcom ldan 'das kyis sbyangs pa'i yon tan la gnas par smra ba rnams kyi mchog tu gsungs pa yin te/ 'dis gcig gis ma tshang ba'i glang dor stong bor zhing / ser skya bzang mo skye bos dge ba rnams dang mtshungs pa dang / dbyig dang gser mang po mchil ma'i thal ba bzhin spangs nas/ mngon par byung ste rab tu byung ba de ni 'ong ba 'di yin no// bar skabs der tshe dang ldan pa shA ri'i bus seng ge'i shing rta mngon par sprul te/ steng gi nam mkha' las rdzu 'phrul gyis 'ong ngo / / de nas khyim bdag des de mthong ba dang dris pa/ ma ga d+ha bzang mo gang seng ge'i shing rtas 'ong ba 'di khyod kyi ston pa de yin nam/ des de la smras pa/ 'di ni dge slong shA ri'i bu zhes bya ba yin te/ bcom ldan 'das kyis shes rab dang ldan pa rnams kyi mchog tu bstan pa yin te/ 'di ma'i mngal du zhugs tsam gyis/ 'dzam bu gling thams cad kyi rtsod par smra ba rnams las rgyal bar gyur to/ / 'di ni ston pa gnyis pa/ mchog gnyis pa/ chos kyi ded dpon/ chos kyi 'khor lo rjes su bskor ba de ni seng ge'i shing
- 52a
rtas 'ongs pa 'di yin no/ / de'i rjes thog nyid la tshe dang ldan pa mo'u 'gal gyi bu chen pos/ glang po ches srungs 'dra ba'i glang po che'i rgyal por mngon par sprul te/ steng gi nam mkha' la rdzu 'phral gyis 'ongs so// de nas khyim bdag des de mthong nas/ ma ga d+ha bzang mo la dris pa// gang glang po ches srungs 'dra ba'i glang pos 'ong ba 'di khyed kyi smon pa de yin nam/ des de la smras pa/ 'di ni dge slong mo'u 'gal gyi bu chen po zhes bya ba yin te/ bcom ldan 'das kyis rdzu 'phrul can rnams kyi mchog tu bstan pa ste/ 'di'i rdzu 'phrul gyis lha'i dbang po brgya byin gyi rnam par rgyal ba'i khang bzang rkang pa'i mthe bos kun tu bskul ba dang / 'dis klu'i rgyal po dga' bo dang / nye dga' bo gnyis btul ba de/ glang po'i shing rtas 'ong ba 'di yin no/ / bar skabs der tshe dang ldan pa ma 'gags pas shing rta'i 'phang lo tsam gyi pad+ma thams cad gser las byas pa/ bai DUR+Ya'i sdong bu can/ dngul gyi ge sa ra dang ldan par mngon par sprul te/ rdzu 'phrul gyis nam mkha' las 'ong ngo // de nas khyim bdag des de mthong ba dang dris pa/ ma ga d+ha bzang mo 'di khyod kyi ston pa de yin nam/ des de la smras pa/ 'di ni dge slong ma 'gags pa zhes bya ba bcom ldan 'das kyis lha'i mig dang ldan pa rnams kyi mchog tu bstan pa de/ 'di ni bsod nams kyi stobs kyis yongs su bzung bas snod tshol bas
- 52b
gang ba lnga brgya sgo na gnas pa dang / cung zad bsams pa tsam gyis chos gos dang / bsod snyoms dang / mal stan dang / nad kyi rkyen sman dang / yo byad rnams 'byung ba la spyod pa de pad+ma'i shing rtas 'ongs pa 'di yin no/ / bar skabs der tshe dang ldan pa gang pos nam mkha' lding gi shing rta mngon par sprul te/ rdzu 'phrul gyis steng gi nam mkha' las 'ong ngo // de nas khyim bdag des dris pa/ ma ga d+ha bzang mo nam mkha' lding gi shing rtas 'ong ba 'di khyod kyi ston pa yin nam/ des de la smras pa/ 'di ni dge slong gang po zhes bya ba bcom ldan 'das kyis chos ston pa rnams kyi mchog tu bstan pa de nam mkha' lding gi shing rtas 'ong ba 'di yin no/ / bar skabs der tshe dang ldan pa rta thul spyod lam rab tu zhi bas 'ong ngo // de nas khyim bdag des/ de la dris pa/ ma ga d+ha bzang mo gang lhung bzed lag na thogs te spyod lam rab tu zhi bas 'ong ba de khyod kyi ston pa de yin nam/ des de la smras pa/ 'di ni dge slong rta thul zhes bya ba yin te/ 'di'i spyod lam rab tu zhi bas/ glang po che smyon pa btul ba dang / 'di'i spyod lam rab tu zhi ba mthong bas/ 'phags pa shA ri'i bus bden pa mthong bar gyur te/ de mngon par byung nas bcom ldan 'das kyi bstan pa la rab tu byung ngo / / rab tu byung nas kyang dgra bcom pa nyid thob de spyod lam rab tu zhi bas 'ong ba 'di yin no// bar skabs der che
- 53a
dang ldan pa nye bar 'khor gyis gser gyi ta la'i nags mngon par sprul te/ rdzu 'phrul gyis steng gi nam mkha' las 'ong ngo // de nas khyim bdag des/ de la dris pa/ ma ga d+ha bzang mo gang gser gyi ta la'i nags la rten cing 'ong ba 'di khyod kyi ston pa de yin nam/ des de la smras pa/ 'di ni dge slong nye bar 'khor zhes bya ba bcom ldan 'das kyis 'dul ba 'dzin pa rnams kyi mchog tu bstan pa yin te/ 'di la shAkya lnga brgya tsam rab tu byung ba rnams kyi de shal dang / gdu bu dang / dpung rgyan dang / gser gyi gdugs la sogs pa'i rgyan rnams dang / gos rnams kyi phung po chen po mdun du bzhag pa dang / 'dis de mthong ba dang / skyo ba chen po skyes te/ de dag thams cad mi rtag par shes nas/ bcom ldan 'das kyi bstan pa la rab tu byung ngo // rab tu byung nas kyang dgra bcom pa nyid mngon sum du byas pa de gser gyi ta la'i nags la brten nas 'ong ba 'di yin no/ / de nas bar skabs der tshe dang ldan pa ka t+yA ya na'i bu chen pos bai DUR+Ya'i khyang pa brtsegs pa mngon par sprul te/ rdzu 'phrul gyis nam mkha' las 'ong ngo // de nas khyim bdag gis dris pa/ ma ga d+ha bzang mo bai DUR+Ya'i khang pa brtsegs pa na 'dug ste/ 'ong ba khyod kyi ston pa de yin nam/ des de la smras pa/ 'di ni dge slong ka t+ya ya na'i bu chen po zhes bya ba
- 53b
bcom ldan 'das kyis mdo sde pa dang / bye brag tu smra ba rnams kyi mchog tu bstan pa de bai DUR+Ya'i khang pa brtsegs pa'i nang du 'dug nas 'ong ba 'di yin no// bar skabs der tshe dang ldan pa gsus po ches khyu mchog gi shing rta mngon par sprul nas/ rdzu 'phrul gyis steng gi nam mkha' las 'ong ngo // de nas khyim bdag des/ de la dris pa/ ma ga d+ha bzang mo khyu mchog gi shing rta la zhon te 'ong ba 'di khyod kyi ston pa yin nam/ des de la smras pa/ 'di ni dge slong gsus po che zhes bya ba bcom ldan 'das kyis rig pa thob pa rnams kyi mchog tu bstan pa yin te/ khyu mchog gi shing rtas 'ong ba 'di yin no/ / bar skabs der tshe dang ldan pa srung dbang gi bu dang pa'i shing rtas steng gi nam mkha' las rdzu 'phrul gyis 'ong ngo // de nas khyim bdag des dris pa/ ma ga d+ha bzang mo gang ngang pa'i shing rtas 'ong ba 'di khyod kyi ston pa yin nam/ des de la smras pa/ 'di ni dge slong srung dbang gi bu zhes bya ba bcom ldan 'das kyis snying rje la gnas pa rnams kyi mchog tu bstan pa de 'di yin te/ 'di ni chu bo gang+gA brgal bar 'dod pa na bzang mo 'dug cig ces smras pa dang / tshig de'i rjes thog nyid la ri bo brtsegs pa bzhin du gnas te/ rnam pa thams cad du ma 'bab par byed pa de ngang pa'i shing rtas 'ong ba 'di yin no/ / bar skabs der tshe dang ldan pa rna ba bye ba nyi shu ri nags kyi tshogs la 'chag cing 'dug pa de 'chag bzhin du 'ong ngo // de nas
- 54a
khyim bdag des dris pa/ ma ga ng+gA bzang mo gang shing nags shing brgya dag gis khyab pa'i nags 'di la 'chag cing 'ong ba 'di khyod kyi ston pa de yin nam/ des de la smras pa'adi ni dge slong rna ba can zhes bya ba bcom ldan 'das kyis brtson 'grus rtsom pa rnams kyi mchog tu bstan pa yin te/ 'di skyes pa tsam gyis rna ba bye ba nyi shu ri ba dang bcas par skyes pa dang / gang gi rkang mthil gyi 'og nas sor bzhi tsam gyi spu yang dag par skyes pa dang / gang 'di dang po'i zan la kar sha pa Na lnga brgya zad par byas pa dang / gang bcom ldan 'das srung ba dang / mo'u 'gal gyi bu chen pos bshos gtsang nye bar blangs pa dang / gang gi dris 'od ma'i tshal thams cad dris kun tu gang ba dang / rgyal po gzugs can snying pos bsnams nas/ mchog tu ngo mtshar skyes te/ gang gi rkang pa gnyis bzhag pa tsam gyis sa 'di rab tu g.yos pa dang / gang zhig rab tu byung nas 'chag sar 'chag pa na/ de'i rkang pa gnyis las khrag byung ba zag pa khwa rnams 'thung ba de 'chag cing 'ong ba 'di yin no/ / bar skabs der tshe dang ldan pa sgra gcan 'dzin 'khor los sgyur ba'i cha lugs mngon par sprul te 'ong ba dang / de nas khyim bdag des dris pa/ ma ga d+ha bzang mo gang 'di 'khor los sgyur ba'i cha byad kyis 'ong ba 'di khyod kyi ston pa de yin nam/ des de la smras pa/ 'di ni bcom ldan 'das kyi sras bcom
- 54b
ldan 'das kyis bslab pa 'dzin pa rnams kyi mchog tu bstan pa yin no/ 'dis yab kyis spangs pa'i dpal ston par byed cing / 'khor los sgyur ba'i cha lugs kyi rin po che sna bdun dang ldan pa bu stong gi yongs su bskor te/ gza' dang / rgyu skar dang / skar ma'i tshogs kyis bskor ba'i zla ba lta bu dang / rgyal po'i lam bzung nas 'gro ba'i mi'i bdag po lta bu dang / chu bo stong phrag gi chu 'bab pas kun tu 'gengs pa'i rgya mtsho lta bu dang / 'jigs pa dang / nad dang / mya ngan sel ba'i skye dgu skyong ba chen po lta bu dang / ri dgas kyi nang na seng ge lta bu dang / bya rnams kyi nang na nam mkha' lding lta bu dang / thams cad sel ba'i nyi ma dang / gling bzhi la dbang ba'i 'khor los sgyur ba'i rgyal po dang / chos bzang na mig stong dang ldan pa/ chos skyong ba lta bur 'ong ba yin no// de bzhin du la la ni 'bar bar byed pa dang / la la ni char 'bebs pa dang / de bzhin du cho 'phrul sna tshogs pa ston cing 'ong ba yin no// la la sa las 'phags pa dang / la la nam mkha'i gzhi la gnas// la la stan ni sprul byed de// rdzu 'phrul ldan pa'i mthu la ltos// de ltar bcom ldan 'das kyi slob ma rnams yang dag par song ba dang de nas bcom ldan 'das kyis 'od gang gis 'dzam bu gling thams cad gser btso ma'i mdog 'dra ba'i 'od kyis gang ba de lta bu'i 'od bkye zhing / mnyan yod nas brtsams te/
- 55a
bu ram shing 'phel gyi bar 'dir 'od kyi dkyil 'khor chen po bkye bas/ gang du yang mig gis mi mthong ba med pas thams cad kyis mthong bar gyur to// bcom ldan 'das kyang nam mkha' la gshegs pa dang / lag na rdo rje ni snam logs nas 'brang ngo // gnas gtsang ba rnams ni steng nas so// 'dod pa na spyod pa'i lha rnams ni 'og nas so// g.yon logs nas ni brgya byin no/ / g.yas nas ni tshangs pa'o// de bzhin du gtsug lnga pa dang / shin tu dga' dang / mig sbyin la sogs pa'i dri za rnams pi wang dang / gling bu dang / rnga dang / rdza rnga la sogs pa rol mo'i bye brag snyan pa rnams brdung zhing me tog dang / bdug pa dang / dri dang / 'phreng ba rnams kyang 'thor zhing 'byor pa chen pos gshegs te/ bar skabs der bcom ldan 'das kyis srog chags stong phrag bdun cu rtsa bdun bden pa la thog mar rab tu bkod pa mdzad nas/ de'i 'og tu bu ram shing 'phel gyi grong khyer du gshegs te/ grong khyer de na 'ang bco brgyad yod pa dang / der bcom ldan 'das kyis sangs rgyas bco brgyad sprul par mdzad nas/ sgo re re zhing snang bar gyur pa nas/ bcom ldan 'das mag d+ha bzang mo'i khyim du gshegs so/ / de nas skye bo'i tshogs chen po de rnams kyis sangs rgyas bcom ldan 'das ma mthong ste/ de nas khros nas de'i khyim bshig par brtsams so// de nas bcom ldan 'das kyis rmo
- 55b
khyer de thams cad shel gyi rang bzhin du byin gyis brlabs te/ gang khyim thams cad du yang sangs rgyas kyi sku bzhugs par mthong bar mdzad do// ji srid bu ram shing 'phel du ma ga d+ha bzang mo la sogs pa'i srog chags brgya stong du ma rnams kyis bcom ldan 'das la me tog dang / dri dang / 'phreng ba dang / spos rnams kyis mchod par byas so// bcom ldan 'das kyis kyang ma ga d+ha bzang mo la sogs pa'i skye bo'i tshogs chen po de rnams la gang zhig thos na/ ma ga d+ha bzang mo la sogs pa'i srog chags brgya stong du ma rnams kyis bden pa mngon du mthong ba thob par gyur pa de lta bu'i chos bstan par mdzad cing / 'khor de thams cad kyang sangs rgyas la gzhol ba dang / chos la 'bab pa dang / dge 'dun la bab par gyur to// yang dge slong rnams the tsom skyes te/ the tsom thams cad gcod par mdzad pa sangs rgyas bcom ldan 'das la zhus pa/ bcom ldan 'das ji srid ma ga d+ha bzang mo mchis nas/ srog chags brgya stong du ma mtho ris dang thar pa la gzhol bar gyur pa dang / 'dis sangs rgyas kyi mdzad pa bgyis pa ni ngo mtshar che'o// bcom ldan 'das kyis bka' stsal pa/ da ltar 'ba' zhig tu ma zad de/ 'das pa'i dus na 'dis sangs rgyas kyi bya ba byas pa de nyon cig/ dge slong dag sngon byung ba 'das pa'i dus na/ skye dgu'i tshe lo nyi khri thub pa na/ yang dag par rdzogs pa'i sangs rgyas
- 56a
'od srungs zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ste/ yang dus de'i tshe grong khyer wA ra Na si na/ rgyal po kri kr-i zhes bya ba rgyal po byed de/ de'i bu mo gser gyi 'phreng ba dang ldan pa zhig btsas te/ de'i ming yang gser 'phreng zhes bya bar btags so// ji srid cig na bu mo de cher skyes par gyur pa dang / na zla gzhon nu ma lnga brgya thams cad kyang / gzhon nu mas bskor cing thabs cig tu yang dag par rdzogs pa'i sangs rgyas 'od srungs la bsnyen bkur byed de/ de la dad pa yang dag par thob pas/ yang dag par rdzogs pa'i sangs rgyas bcom ldan 'das 'od srungs la ji srid 'tsho'i bar du chos gos dang / bsod snyoms dang / gzims cha dang / snyun gyi rkyen sman dang / yo byad rnams kyis bsnyen bkur byed do// yang dus de'i tshe/ rgyal po kri kris mtshan gcig la rmi lam bcu rmis te/ des smras pa/ glang po che'i rgyal po skar khung nas byung ba na mjug ma phra mo thegs pa dang / skom pa'i phyi nas khron pa snyeg pa dang / phye bre gang dang mu tig bre gang tshong byed pa dang / tsan dan dang shing rin mnyam par byed pa dang / kun dga' ra ba me tog dang / 'bras bu phun sum tshogs pa ma
- 56b
byin par len pa rnams kyis phrogs pa dang / glang po phrug gus spos kyi glang po 'jigs par byed pa dang / spre'u mi gtsang bas gos pas gzhan la skud pa dang / spre'u rgyal por dbang bskur bar mthong ba dang / ras gcig mi bco brgyad kyis drangs kyang ma ral ba dang / skye bo'i tshigs chen po gcig tu 'dus nas/ 'thab pa dang / rtsod pa dang / g.yul 'gyed pa dang // mtshang 'dru bar 'gyur bas 'jigs pa mthong ngo / / de nas rgyal po de sad pa dang / 'jigs shing skrag pa dang / skyo bas nga'i srog gi 'tshe ba'i bar chad du 'gyur ba 'am/ rgyal srid las nyams par mi 'gyur ram snyam ste/ des bram ze rmi ltas kyi mtshan ma ston shes pa rnams bsdus nas de rnams la rmi lam de rnams smras so// de rnams kyang gser 'phreng can la zhe sdang ba yin pas/ / de rnams kyis smas pa// lha khyod la thams cad kyi nang na thugs su byon pa de'i snying dang // me la sprin sreg gi mchod sprin mdzod cig/ de nas rgyal po de yi mug pas bsams pa/ thams kyi nang na nga la sdug pa ni nga'i gser 'phreng can yin no// gser 'phreng can gyis thos pa dang / de yang mkhas pa yin pas/ rgyal po de'i gan du song ste/ phyin nas smras pa/ lha nyi ma shar na sgron mar mar me'i 'od dgos pa ci mchis/ yang dag par rdzogs pa'i sangs rgyas bcom ldan 'das 'od srung 'di drang srong smra ba'i ri
- 57a
dgas rgyu ba na bzhugs te/ der gshegs la zhus shig dang / bcom ldan 'das des khyed la lung ji ltar bstan pa de bzhin du khyed kyis zung zhig/ de nas rgyal po kri kris grong khyer wA ra NA sa ra/ ra deng bcom ldan 'das de'i drung du 'gro'o zhes dril chen po bsgrags nas/ de 'khor brgya stong du ma dang / gser 'phreng can de dang thabs cig tu bcom ldan 'das gang ba der song ste byin nas/ bcom ldan 'das kyi zhabs gnyis la mgo bos phyag 'tshal te/ chos nyan pa'i phyir bcom ldan 'das kyi spyan sngar 'dug go/ dzasri cig na rgyal po kri kri stan las langs te/ bcom ldan 'das gang na ba der thal mo sbyar ba btud nas/ bcom ldan 'das la 'di skad ces gsol to// bcom ldan 'das 'dir bdag dgung gcig la bdag gis rmi lam bcu khums pa/ glang po che skar khung nas byung ba na de'i mjug ma thogs pa la sogs pa snga ma bzhin te/ bcom ldan 'das kyis rmi lam de'i 'bras bu 'dir bdag la lung bstan du gsol/ bcom ldan 'das kyis bka' stsal pa/ rgyal po chen po ma 'jigs shig/ khyod kyi yul 'khor mi nyams par 'gyur la/ srog gi bar chad du yang mi 'gyur gyis/ rgyal po chen po gzhan du na ma 'ongs pa'i tshe skye dgu'i tshe lo brgya thub pa na/ shAkya thub pa zhes bya ba yang dag par rdzogs pa'i sangs rgyas 'byung ste/ de'i phyi ma'i
- 57b
dus/ nyan thos rnams lus ma bsdams pa/ sems ma bsdams pa/ shes rab ma bsdams pa rnams 'byung bar 'gyur te/ de rnams gnyen gyi tshogs spangs nas rab tu 'byung bar 'gyur te/ de rnams gtsug lag khang rnams su khyim gyi 'du shes 'jog pa las chags par 'gyur te/ glang po che skar khung nas byung ba na/ de'i mjug ma thog pa ni de'i snga lhas yin no// rgyal po khyod kyis som pa'i phyi nas khron par snyegs par rmi lam du mthong ba gang yin pa de ni/ de rnams gtsug lag khang gi nang na lhan cig gnas pa rnams la chos ston par 'gyur yang // de rnams mnyan par 'dod par mi byed cing / yid la mi 'jog ste/ de'i snga ltas ni 'di yin no// rgyal po chen po khyod kyis phye bre gang dang / mu tig bre gang tshong byed pa rmi lam du mthong bar byed pa gang yin pa de ni/ / de nyid kyi nyan thos rnams te/ gang bza' ba tsam gyi don du dbang po dang / stobs dang / byang chub kyi yan lag rin po che rnams yang dag par ston pa 'byung bar 'gyur te/ de'i snga ltas ni 'di yin no// rgyal po chen po khyod kyis tsan dan dang shing mnyam por tshong byed par rmi lam du mthong ba gang yin pa de ni/ de nyid kyi nyan thos rnams mu stegs kyi tshig gang yin pa rnams bzung nas/ sangs rgyas kyi bka' dang snyoms par 'byung bar 'gyur te/ de'i snga ltas ni de yin no// rgyal po chen po khyod kyis kun dga' ra ba phun sum tshogs
- 58a
pa ma byin par len pa rnams kyis phrogs pa rmi lam du mthong ba gang yin pa de ni/ de nyid kyi nyan thos lus ma bsdams pa/ sems ma bsdams pa/ tshul khrim/ ma bsdams pa/ shes rab ma bsdams pa rnams 'byung bar 'gyur te/ de rnams dge 'dun rnams kyi me tog mchog dang / 'bras bu'i mchog rnams 'tshe ba'i phyir dge 'dun las bcad nas khyim pa rnams la ster bar 'gyur te/ de'i snga ltas ni de yin no// rgyal po chen po khyod kyis glang po phrug gus spos kyi glang po 'jigs par byed pa rmi lam du mthong ba gang yin pa de ni/ de nyid kyi nyan thos rnams tshul khrims 'chal pa/ sdig pa'i chos can de rnams gang dge slong tshul khrims dang ldan pa/ dge ba'i chos can rnams zil gyis gnon par byed par 'gyur te/ de'i snga ltas de yin no// rgyal po chen po khyod kyis spre'u mi gtsang bas gos pas gzhan la skud par rmi lam du mthong ba gang yin pa 'di ni/ de nyid kyi nyan thos rnams tshul khrims 'chal pa/ sdig pa'i chos can rnams 'byung bar 'gyur te/ de rnams kyis tshul khrims dang ldan pa rnams la skur pa 'debs par 'gyur te/ de'i snga ltas de yin no// rgyal po chen po khyod kyis spre'u rgyal por dbang bskur bar mthong ba gang yin pa de ni/ dus de'i tshe rmongs pa rnams rgyal por dbang bskur bar 'gyurate/ de'i sa lngas de yin no// rgyal po chem
- 58b
khyod kyis ras gcig mi bco brgyad kyis drangs kyang ma ral bar rmi lam mthong ba gang yin pa de ni/ de nyid kyi bstan pa sde bco brgyad du gyes par gyur kyang / rnam par grol ba'i ras ni ra bar mi nus te/ de'i snga ltas de yin no// rgyal po chen po khyod kyis skye bo'i tshigs chen po gcig tu 'dus nas/ 'thab pa dang / rtsod pa dang / g.yul 'gyed pa dang / mtshang 'dru bar rmi lam mthong ba gang yin pa de ni/ de nyid kyi bstan pa rtsod pas nub par 'gyur te/ de'i snga ltas de yin no// rgyal po chen po de ltar mi bzad pa rnams ma 'ongs pa'i dus na 'byung bar 'gyur ro/ / bcom ldan 'das kyis bka' stsal pa/ gang bcom ldan 'das yang dag par rdzogs pa'i sangs rgyas 'od srungs la yang rgyal po kri kri dang / gser 'phreng can gyis thar pa'i cha dang 'thun pa'i dge ba'i rtsa ba rnams bskyed pa yin no/ / dge slong dag 'di ji snyam du sems/ de'i tshe na gser 'phreng can gang yin pa de ni ma ga d+ha bzang mo 'di nyid yin te// de'i tshe yang 'dis sangs rgyas kyi bya ba byas te/ da ltar yang 'di 'ongs nas sangs rgyas kyi bya ba byas so// yang dge slong rnams the tsom skyes nas/ sangs rgyas bcom ldan 'das la zhus pa/ btsun pa gser 'phreng can gyis las ci zhig bgyis nas gser gyi 'phreng ba btags par skyes/ bcom ldan 'das kyis bka' stsal pa/ dge slong dag 'di nyid kyis las byas pa yod de/
- 59a
sngon byung ba na zhing pa gzhan zhig gi chung mar gyur/ rang sangs rgyas kyis mchod rten la kha dag sna tshogs pa'i me tog rnams kyis 'brang ba byas nas btags/ de'i rnam par smin pas gser gyi 'phreng ba btags par skyes so// de bas na dge slong dag las gcig tu gnag pa rnams kyi rnam par smin pa ni gcig tu gnag pa yin la/ gcig tu dkar pab rnams kyi rnam par smin pa ni gcig tu dkar ba yin te/ 'dren ma rnams kyi rnam par smin pa ni 'dren ma'o// dge slong dag de bas na las gcig tu gnag pa rnams dang / 'dren ma rnams spangs la/ las gcig tu dkar ba rnams la mngon par brtson par bya ste/ dge slong dag khyed rnams kyis de ltar bslab par bya'o// bcom ldan 'das kyis de skad ces bka' stsal pa dang / / dge slong de dag bcom ldan 'das kyis gsungs pa la mngon par bstod do// ma ga d+ha bzang mo'i rtogs pa brjod pa rdzogs so// rgya gar gyi mkhan po d+harma shrI b+ha dra dang / zhu chen gyi lo tsa ba dge slong tshul khrims yon tan gyis bsgyur/ sba bsgyur gyi lo tsa ba chen po dge slong rin chen bzang pos bcos te gtan la phab pa/ rgya gar skad du/ bud+d+ha d+harma ko Sha kA ra/ bod skad du/ sangs rgyas kyi mdzod kyi chos kyi yi ge/ bam po dang po// ming gcig
- 59b
ni chos so cog las gdams pa gsal ba'o/ / sangs rgyas kyi mdzod bshad pa'i yi ge'i le'u dang po ste/ chos so cog gi bden pa'i mtshan ma'i le'u'o// 'di skad bdag gis thos pa'i dus gcig na/ sangs rgyas rgyal po'i khab kyi ri khu mtha'i ri la/ dge slong chen po rnams dang lhan cig tu bzhugs te/ kun kyang phal gyis shes rig pa dang / mu ge med pa'i byang chub sems dpa' sems dpa' chen po sha stag ste/ dpag tu med grangs med do// de'i tshe shA ri'i bu ting nge 'dzin nas byung ste/ sangs rgyas kyi thad du song nas/ phrag pa g.yas pa phyung ste/ mgo dang gdod gis phyag 'tshal nas/ sangs rgyas la gsol pa/ bcom ldan 'das yang dag par gshegs pas bshad pa/ chos so cog kun skye ba'ang med// 'gag pa'ang med// mtshan ma'ang med/ bya ba'ang med na/ mi rnams yid ches shing shes par bgyis pa yod pa dkon no// sangs rgyas kyis/ shA ri'i bu la bka' stsal pa/ khyod kyis bsod ci zhig mthong na/ yang dag par gshegs pas bshad pas chos so cog kun la skye ba med// 'gog pa med/ mtshan ma med/ bya ba med na/ mi kun yid ches shing shes par byas pa dkon no zhes bstod// shA ri'i bus/ sangs rgyas la gsol pa/ bcom ldan 'das bden pa mchis na/ kho bo sems 'di snyam bgyid do// bcom ldan 'das kyis ming dang mtshan ma med pa'i chos la ni ming
- 60a
dang mtshan mas bshad/ ngag dang tshig med pa'i chos ni ngag dang tshig gis bshad pa de'i don bsams na yod pa dkon pa'i sems skyes so// sangs rgyas kyis/ shA ri'i bu la bka' stsal pa/ de yin no// de yin no// don yod dkon te rab tu yod pa dkon pas na/ sangs rgyas kyi bla na med pa yang dag par rdzogs pa'i byang chub ces bya'o// shA ri'i bu dper na/ ri mo mkhas pas nam mkha' la bris te/ kha dog dang gzugs rnam pa ci yang snang bar byas na/ khyod kyi yid la ji snyam du sems/ ri mo mkhan de yod pa dkon nam mi dkon/ bcom ldan 'das dkon lags so/ / shA ri'i bu yang dag par gshegs pas thob pa'i bla na med pa yang dag par rdzogs pa'i byang chub kyi chos so cog la skye ba med/ 'gag pa med/ mtshan ma med// bya ba'ang med par bshad na mi kun yid ches shing shes par byas pa ni ches dkon no// ci'i phyir zhe na/ ming dang mtshan ma med pa'i chos la bsam pa'ang med/ thob pa'ang med/ spyad pa'ang med/ bsam gyis mi khyab cing sems gnas kyis shing rten pa'ang ma yin/ 'dran tor du brjod pa'ang med/ 'dran tor du brjod cing rten gnas su rung ba'ang ma yin/ mi kun yid ches shing shes par bya ches kyis yod pa dkon no/ / shA ri'i bu ri rab ri'i rgyal po mtho zhing che 'am mi che/ bcom ldan 'das mtho zhing che'o// shA ri'i bu gnam ngos bzhi'i nang na khyab
- 60b
par rdo chen po'i char bab ste/ kun ri rab ri'i rgyal po tsam na mi la la zhig gis lag pas rdo de dag bzed cing bsdus te/ ske tshe'i 'bras bu tsam yang lhung zhing zad pa med de/ khyod kyi yid la ji snyam sems/ yod pa dkon nam mi dkon/ bcom ldan 'das dkon lags so// shA ri'i bu yang dag par gshegs pas bshad pa chos so cog kun la skye ba'ang med/ 'gag pa'ang med/ mtshan ma'ang med/ bya ba'ang med na/ mi kun yid ches shing shes par byas pa ches kyis dkon no// shA ri'i bu dper na mi la la zhig gis sems can thams cad lag pa g.yon par bzhag la/ lag pa g.yas pas stong gsum gyi stong chen po'i 'jig rten gyi khams dang / ri rab dang / chu bo dang / rtsi shing bteg ste/ sems can de rnams thams cad sems 'thun par dga' skyid cing / yid la tha dad pa med par bya nus la/ de khyod kyi yid la ji snyam sems/ yod pa dkon nam mi dkon/ bcom ldan 'das dkon lags so// shA ri'i bu yang dag par gshegs pas bshad pas/ chos so cog kun la skye ba'ang med/ 'gag pa'ang med/ mtshan ma'ang med/ bya ba'ang med na/ mi kun yid ches shes par bya ba ches kyis yod pa dkon no/ / shA ri'i bu yang dag par gshegs pas bshad pa chos kun la ngo bo nyid med de/ stong pa ci yang med pas 'jig rten thams cad kyis yid ches shing
- 61a
shes par dka' 'o/ / de ci'i phyir zhe na/ shA ri'i bu chos de la 'du shes med de/ 'du shes so cog dang bral lo// bsam pa med de bsam pa'o tshig dang bral lo// blang ba med de/ dor ba'ang med/ 'dran thor yang med/ mya ngan tsha ba'ang med/ chu logs kyi 'gram yang med/ pha rol gyi 'gram yang med/ skabs kyang med/ gti mug kyang med/ rig pa'ang med de/ tshad med pa'i ye shes kyis na/ gdod shes par rung ste/ bsams pas shes par nus pa ma yin no// spyad pa'ang med/ 'du shes kyang med/ mya ngan cha ba'ang med/ de bsam pa med na bsam pa kun las 'das sems meng na sems kun las 'das/ phyogs pa'ang med/ log pa'ang med/ bcings pa'ang med/ bkrol ba'ang med/ bden pa'ang med/ mi bden pa'i chos kyang med/ gti mug kyang med/ gti mug gi chos kyang med/ gti mug gi dra ba'ang med/ ming yang med/ tshig med/ bshad pa med/ ma bshad pa med/ zad pa'ang med/ ma zad pa'ang med/ spyad pa'ang med/ lam yang med/ lam gyi 'bras bu'ang med/ bral ba med na bral ba rnams las 'das te/ bsam pa'ang med/ go 'dun 'dres pa'ang med/ blang ba'ang med/ dor ba'ang med/ thob pa med/ thob par yang mi rung / bden pa rnams kyang bsal
- 61b
'dod chags dang / zhe sdang dang / gti mug kyang bsal te/ bden pa'ang med/ brdzun pa'ang med/ rtag pa'ang med/ rtag pa med pa'ang ma yin/ snang ba'ang ma yin/ mi snang ba'ang ma yin/ mun pa'ang ma yin/ snang ba'ang ma yin/ sems la mi 'dug/ ngo bo nyid med de/ ngo bo nyid thog ma nas stong pas bdud phebs thul bar nus/ mya ngan dang 'khrug pa phebs thul/ phung po la skye mched bcu gnyis phebs/ khams bco brgyad phebs thul/ phung po lnga yod ces 'chad pa thul/ skye mched bcu gnyis yod ces 'chad pa phephebs thul la/ khams bco brgyad yod ces 'chad pa phebs thul/ sems can yod ces 'chad pa dang / gang zag yod ces 'chad pa phebs thul/ tshe yod ces 'chad pa dang / srog yod ces 'chad pa dang / yod pa yod ces 'chad pa dang / yod pa med ces 'chad pa phebs thul lo// log pa'i spyod pa thams cad kun phebs thul to// shA ri'i bu nga'i 'phrul gyi chos 'dis 'dod chags thams cad dang / chos yod ces 'chad pa dang / chos so cog gi yang dag pa'i bden pa'i mtshan ma la yid mi ches ma dad pa dang / sangs rgyas kyi chos la zlog pa kun phebs thul bar nus so/ / ci'i phyir zhe na/ shA ri'i bu sems can la la zhig bdag tu lha 'chad/ gang zag tu 'chad/ sems can yod par 'chad pa dang / med par 'chad pa dang / rtag pa
- 62a
snyam du 'chad/ yod pa snyam du 'chad/ med pa snyam du 'chad cing chos rnams 'chad pa dang / brnyan ma'i ming du tshor ba'ang med/ brtags pa'ang med/ ces bsdu ba'ang med/ sems la'ang mi 'dug/ thob pas thob pa'ang med/ chu logs kyang med/ pha rol kyang med/ rnam par rtog pa'ang med/ g.yo ba'ang med/ rang bzhin yang med de thog ma nas rang stong pas bsam du'ang mi rung / dbyung du'ang mi rung ste/ 'jig rten thams cad kyis yid ches par mi nus pa de lta bu'i ming mtshan ma med pa'i chos ming dang mtshan mas bshad de/ de lta bu'i chos so cog kun skye ba'ang med/ 'gog pa'ang med/ mtshan ma'ang med/ bya ba'ang med pas mi kun yid ches shing shes par bya ba ni ches kyis yod pa dkon no// shA ri'i bu mi la la zhig gis ri rab ri'i rgyal po bldad de/ ming la zhu zhing zad par bya nus la/ nam mkha' la 'phur te song na/ gnod pa med pa de khyod kyi yid la ji snyam sems/ yod pa dkon nam mi dkon/ bcom ldan 'das dkon lags so// shA ri'i bu sangs rgyas rnams kyis bshad pa la chos so cog kun la skye ba'ang med/ 'gog pa med/ mtshan ma'ang med/ bya ba'ang med na/ mi kun yid ches shing shes par byas pa ni ches kyis yod dkon no// shA ri'i bu dper na mi mkhar chu zheng mthong man dpag chad re re yod la/ sgo bzhir me lce byung ba la mi zhig khur du rtswa skam
- 62b
po khyer te de nas phar rgal ba rlung drag pos bus pa'i me lce de'i lus bsregs na/ mi des mes rtswa'ang ma tshig/ lus kyang ma tshig par bya nus te/ de'i nang nas byung ste/ sngon gyi dang mi mtshung par med pa de khyod kyi yid la ji snyam yod/ dkon nam mi dkon/ bcom ldan 'das dkon lags so// shA ri'i bu yang dag par gshegs pas bshad pas/ chos so cog kun la skye ba med/ 'gog pa med/ mtshan ma med/ bya ba'ang med na/ mi kun yid ches shing shes par bya ba ches kyis yod pa dkon no// shA ri'i bu dper na mi la la zhig gis rdo la gzings su byas te/ mtsho chu logs kyi 'gram nas pha rol gyi 'gram du phyin par brgal na/ de khyod kyi yid la ji snyam sems/ yod pa dkon nam mi dkon/ bcom ldan 'das dkon lags so// shA ri'i bu yang dag par gshegs pas bshad pa chos so cog kun la skye ba med/ 'gog pa med/ mtshan ma med/ bya ba'ang med/ mi kun yid ches shing shes par bya ba ches kyis yod pa dkon no// / shA ri'i bu mi la la zhig gis gnam ngos bzhi'i 'og ri rab ri'i rgyal po dang / ri dang / chu bo dang / rtswa dang / shing kun khur du khyer la/ sbrang bu'i rkang pas skas byas te/ tshangs pa'i lha'i khams su thug par 'dzeg na/ de khyod kyi yid la ji snyam sems/ yod pa dkon nam mi dkon bcom ldan 'das dkon lags so// shA ri'i bu yang dag par gshegs pas bshad
- 63a
pa chos so cog kun la skye ba'ang med/ 'gog pa'ang med/ mtshan ma'ang med/ bya ba'ang med na/ mi kun yid ches shing shes par byas pa ches kyis yod pa dkon no// shA ri'i bu dper na pad+ma'i kha chu char gyi nyag mas ri rab ri'i rgyal po sbyangs te nam mkha' la 'dug na/ de khyod kyi yid la ji snyam sems/ yod pa dkon nam mi dkon bcom ldan 'das dkon lag so/ / shA ri'i bu dper na bskal pa zad pa'i me chen pos bsregs pa'i tshe mi zhig gis mchil ma thebs gcig btab pas/ me de shi bar nus yang thebs gcig pus slar 'jig rten gyi khams dang lha rnams kyi pho brang du gyur par nus pa khyod kyi yid la ji snyam sems/ yod pa dkon nam mi dkon/ bcom ldan 'das dkon lags so// shA ri'i bu yang dag par gshegs pas bshad pa chos so cog kun la skye ba'ang med/ 'gog pa'ang med/ mtshan ma'ang med/ bya ba'ang med/ mi kun yid ches shing shes par byas pa ni ches kyis yod pa dkon no// shA ri bun+ya bo kad+hA che zhing yangs pa ni dpag cing tshad bzung du med do/ / bcom ldan 'das 'di lags so// shA ri'i bu gnam ngos pa na'i 'ogan char pa chen po khyab par bsams te/ char pa'i thigs ba ni chu bo gang+gA tsam ni mi la la zhig gis lag pas char pa'i theg pa bzed de lhung zhing zag pa med na/ de khyod kyi yid la ji snyam sems/ dkon nam mi dkon/ bcom ldan 'das dkon lags
- 63b
so/ / shA ra'i bu yang dag par gshegs pas bshad pa chos so cog kun la skye ba'ang med/ 'chad pa dang / 'chad pa kun la sangs rgyas la zlog cing gal ba ste/ sangs rgyas dang rtsod pa'o// shA ri'i bu chos la cung zad cig thob par 'dzin pa yan chad sangs rgyas dang rtsod pa'o// sangs rgyas dang rtsod pa ni kun log pa'i lam du 'jug pa ste/ nga'i slob ma ma yin no// mya ngan las 'das pa dang rtsod pa dang / sangs rgyas dang rtsod pa/ chos dang rtsod pa/ dge 'dun dang rtsod pa ste/ shA ri'i bu de ltar mthong ba'i mi ni ngas khyim nas byung zhing tshul khrims nod du ma gnang ngo // shA ri'i bu de ltar mthong ba'i mi ni ngas chu rngub gcig dang yon du mi gnang ngo / / shA ri'i bu mi la la zhig de lta bur mi dge ba'i 'dod chags kyi don bsal btang ba ni nga'i chos kyi nang du khyim nas byung zhing chos lam 'tshal te/ mya ngan las 'das par yang mi sems/ mya ngan las 'das pa'i sems kyang mi byed/ mya ngan las 'das pa la yang ma chags te/ mtha' yun du stong pa'i chos kyis ma sngangs ma skrag pa de lta bu'i mi yang chos kun 'chad pa'i phyir brtson 'grus spyod na/ mi dge ba la 'dod chags pa de lta bu'i lta smos kyang ci dgos/ bdag tu lta ba la chags pa dang sems can la chags pa dang / gang zag la chags pa dang / chos la chags pa de lta bu'i mis 'dod chags kyi rnams gcod pa'i phyir/ mtshan ma med pa'i ting nge 'dzin la yang mtshan ma mi
- 64a
len te/ mi des chos so cog thams cad kyi mtshan nyid kun mtshan nyid gcig yin par khong du chud de/ de ni mtshan nyid med pa'o// shA ri'i bu de lta bu ni ming 'phrul gyi chos kyi gnyen dul ba'i chos kyi bzod pa zhes bya'o/ / gnyen dul ba'i chos kyi bzod pa de lta bu thob na// gdon mi za bar nga'i slob ma yin te/ yon phul ba'ang zhu bar bya nus la/ lung ston par ma mnos so/ / ci'i phyir zhe na/ shA ri'i bu nga'i yang dag pa'i bden pa'i mtshan ma'i chos 'di la 'jug tu'ang mi rung / blang du'ang mi rung / dor du'ang mi rung / chags su'ang mi rung bshad du'ang mi rung / smra ba'i tshig gi lam chad/ dga' ba'ang med/ gzha' ba'ang med/ 'dod cing dga' ba'i sems kyang chad de/ rkyen gyi rnams tshogs pa'ang med rkyen rnams dang bral bas lam med la ma chad/ lam med pas thugs pas smras pa'i tshig rnams dang / brjod cing 'gro ba dang / sgra skad kun chad de gzugs kyang med/ kha dog kyang med// blang ba'ang med/ chags pa'ang med/ spyad pa'ang med// bden pa'ang med/ rdzun pa'ang med/ mun pa'ang med/ snang ba'ang med// zhig pa'ang med/ rtsod pa'ang med// gyes pa'ang med/ g.yo ba'ang med/ sems pa'ang med/ rnam par rtog pa'ang med de/ thob par mi rung ngo // dri ma'ang med/ gtsang ma'ang med/ ming yang med/ mtshan ma'ang
- 64b
med/ sems kyis bgrang ba'i chos kyang ma yin/ sems kyis sems pa'ang ma yin te/ de'i chos 'di'i nang na skyes pa'ang med/ bud med kyang med/ lnga'ang med/ klu'ang med// gnod sbyin yang med/ dri za'ang med/ grul bum yang med/ sha za'ang med// rtag pa'ang med/ bdag tu lta ba'ang med/ sems can med/ gang zag kyang med/ 'ongs ba'ang med/ / song ba'ang med/ zhugs pa'ang med// tshul khrims kyang med// nyams pa'ang med/ gtsang ba'ang med// dri ma'ang med/ ting nge 'dzin kyang med/ thub pa'ang med/ thub pa'i rtsa ba'ang med/ bsam gtan yang med/ bsam gtan gyi rtsa ba'ang med/ shes pa'ang med/ mthong ba'ang med/ 'dod pa'ang med/ rtsod pa'ang med/ lam gyi 'bras bu'ang med/ shes rab kyang med/ shes rab kyi rtsa ba'ang med// snang ba'ang med/ snang ba med pa'ang med/ grol thar pa'ang med/ grol thar pa med pa'ang med/ 'bras bu'ang med/ 'bras bu thob pa'ang med/ stobs kyang med// stobs thob pa'ang med/ 'jigs pa'ang med/ 'jigs pa med pa'ang med/ sems kyang med/ sems kyi rtsa ba'ang med/ 'dug pa'ang med/ 'gro ba'ang med/ cho ga 'ang med/ tshu rol kyang med/ pha rol kyang med/ dran zhing 'du shes kyis rnam par brtags pa'ang med/
- 65a
byang chub kyang med/ byang chub kyi shes kyang med/ shes rab kyang med/ shes rab med pa'ang med/ sa'ang med/ chu'ang med/ me'ang med/ rlung yang med/ sdig kyang med/ dpal yon yang med/ chos kyang med/ chos med pa'ang med/ sdug bsngal ba'ang med/ skyid pa'ang med/ 'dran thor brjod pa thams cad kyi rtsa ba'i thog ma kun 'byung ste/ thams cad yongs su bral bas grangs te dud pa'ang med do// shA ri'i bu gces pa'i tshig bskyod do// nga yis chos kyis sems so cog thams cad dang / mthong ngo cog thams cad dang / bdud thams cad dang / le lo yar skye ba kun bshig ste/ dran zhing sems so// smra ba'i tshig thams cad kun bcad bsal to// nga'i chos de'i nang na rtag pa med/ rtag pa med pa'ang med// sdug bsngal med// skyid pa'ang med// dri ma'ang med// gtsang ma'ang med// chad pa'ang med// rtag pa'ang med/ bdag tu lta ba'ang med/ sems can yang med/ gang zag kyang med/ tshe'ang med/ srog kyang med/ skye ba'ang med/ 'gog pa'ang med do// de ci'i phyir zhe na/ shA ri'i bu yang dag par gshegs pas chos la ci yang thob pa yong med cing zhi ba yod pas na/ ming mya ngan las 'das pa zhes bya na/ mya ngan las 'das pa thob pa'ang ma mthong / shA ri'i bu sangs rgyas kyang mya ngan las 'das pa
- 65b
mi sems so/ / mya ngan las 'das pa'i sems kyang mi byed/ mya ngan las 'das pa la 'dod chags kyang med do// de lta bas na de ni rab tu ngo mtshar bar mngon te/ yod pa dkon no// de ni yang dag par gshegs pas bshad pa chos so cog skye ba'ang med/ 'gog pa'ang med/ mtshan ma'ang med/ bya ba'ang med na/ mi kun yid ches shing shes par byas pa ches kyis yod pa dkon no/ / le'u sangs rgyas kyi mdzod kyi chos kyi yi ge las bsam pa'i le'u ste gnyis pa'o// // de'i tshe shA ri'i bus/ sangs rgyas la gsol pa/ bcom ldan 'das chos 'di'i nang na ji lta bu la ngan pa'i bshes gnyen zhes bgyi/ ji lta bu la dge ba'i bshes gnyen zhes bgyi/ sangs rgyas kyis/ shA ri'i bu la bka' stsal pa/ dge slong la la zhig dge slong gzhan la ston pa/ dge slong khyod sangs rgyas la soms shig/ chos la soms shig/ dge 'dun la soms shig/ tshul khrims la soms shig/ gtong ba la soms shig/ lha la soms shig/ dge slong khyod kyis lus la rtogs te/ lus gzugs de mi gtsang bar soms shig/ bya ba yod do cog gi chos thams cad kun ni rtags par med par rtogs shig/ chos so cog ni stong par nga med par rtogs shig/ dge slong khyod kyis rkyen no cog gi mtshan ma blangs te/ sems kyi rkyen gyis nang du brtag
- 66a
pa bzhin stong pa'i mtshan ma gcig tu sems shig/ dge ba'i sems la dad par byos shig/ dge ba'i chos kyi mtshan ma long la mi dge ba'i chos kyi mtshan ma blangs zin nas gcad par bya ba'i phyir/ brtags shing bsam pa spyad pa sbyangs te/ 'dod chags gcad pa'i phyir mi gtsang ba'i mtshan ma la brtag go// zhe sdang gcad pa'i phyir byams pa'i sems kyi mtshan ma la brtag go/ / gti mug gcad pa'i phyir rgyu rkyen gyi chos la brtags te/ brtag par tshul khrims gtsang ma bsams la gcig tu stong pa'i mtshan ma blangs te/ brtson 'grus brtag par spyad la/ bsam gtan bzhi thob nas sems gcig tu lam btsal te/ mi dge ba'i chos ni spangs nas/ nang gi bde skyid yod par brtag go// sems gcig tu lam spyad de/ dge mi dge'i chos bye brag phyed par rtog par brtag go// mtshan mar rtog ste blangs zin nas/ sems gcig tu bsams te/ mya ngan las 'das pa'i bde ba stong pa zhi ba brtags te/ mya ngan las 'das pa mtha' yun du gtsang ba dag pa 'ba' zhig blangs te/ de lta bur ston pa ni ming yon por ston pa ste/ de lta bu'i drang por ston pa ma yin no// shA ri'i bu de lta bur ston pa ni ming ngan pa'i bshes gnyen te/ ming de lta bu'i ming ngan 'phya zhing skur pa zhes bya ste/ mur 'dug la stong pa zhes bya'o// mi gzhan la log par lam gyi chos 'chad pa zhes kyang bya'o// shA ri'i
- 66b
bu ngan pa ni ngas chu rngub gcig dang yon len du'ang mi gnang ngo / / ngas ston pa ni bshad kyi/ slob pa ni ma bshad do// shA ri'i bu nga'i chos la de lta bur le lor yang skye bar ston pa mang du yod do/ / shA ri'i bu bstan pa nod pa ni chu khrims mnos te/ lo lnga'i bar du kun stong mi phod na/ de lta bu bstan pa ni bstan pa de la sems 'grus pas spyad de/ rang la ci'ang med pa thob pa yod do/ / dge slong song ste mi gsol mi 'dri ba ngas bshad pa la mi de lo lnga lon mod kyi/ 'on kyang ming log par mthong ste/ mur 'dug gi chos dang 'dres shing bdud kyis bstan pa bzhin du spyod pa'o/ / shA ri'i bu dge slong la la zhig de skad du bstan pa mnos zin nas/ stong pa chos ci yang thob pa med ces thos na/ mod bzhin rang gis tsher shes te/ bdag gis sngar mnos pa ni kun log par mthong ba yin te/ stong pa ci yang thob pa med pa'i chos la the tsom yang med/ 'gyod pa'ang med/ de zab tu zhugs shing thogs med pas bdag tu lta ba dang / gang zag tu lta ba thams cad la mi rten to/ / shA ri'i bu ngas bshad pa la de lta bu'i ming gtsang dag pa'i tshangs pa spyad pa zhes bya'o// shA ri'i bu dge slong la la zhig gis de lta bu ci'ang thob pa med pa'i bzod pa 'byor pa 'grub pa 'phrul du lhag ma med pa'i mya ngan las 'das pa ma thob mod kyi/ ngas lung bstan te sangs rgyas byams pa'i dus kyi tshogs pa dang po la 'jug go// de'i tshe sangs
- 67a
rgyas byams pa'ang shin tu dga' nas/ lan gsum bos te mi de sangs rgyas shAkya thub pa'i chos la ci'ang thob pa med pa'i bzod pa'i 'byor 'grub pas nus so zhes bos so/ / shA ri'i bu khyim na 'dug pa'ang rung / khyim nas byung ba'ang rung ste/ de lta bu bzod pa 'byor 'grub nas/ ngas mi de mya ngan las 'das pa thob pa yang dag par lung ston to// shA ri'i bu mi la la zhig de skad du bstan pa zin nas/ stong pa ci'ang thob pa med pa'i chos thos na mod bzhin sngangs skrag na/ mi de snying rjer rung ste mda' med do// bsnyen pa med de sems can dmyal bar phyogs so/ / de ci'i phyir zhe na/ shA ri'i bu sangs rgyas kyis bstan pa la spangs skrag cing dogs pa ste/ mi des ngas gsungs pa'i la mchog tshang ba'i phyir ro// ji lta zhe na/ ngas rtag par bshad pa la thob pa yod ces 'chad pa ni lam ngan pa'i shas yin no// ji lta zhe na/ shA ri'i bu sangs rgyas kyis thob pa'i chos yin ma yin dang tha dad pa med do// tha dad du zin na thob pa yin no// shA ri'i bu mi la la nyis na log pa'i lnga'i sdig lci ba 'byor 'grub kyang rung gi/ bdag tu lta ba dang / gang zag tu lta ba dang / srog tu lta ba dang / phung po dang / skye mched dang / khams su lta 'byor 'grub tu mi rung ngo // tshul khrims 'dzin la 'dod chags na tshul khrims 'dzin pa la chags par mthong ba'o// ting nge 'dzin la 'dod chags
- 67b
na ting nge 'dzin mthong ba la chags pa'o/ / sangs rgyas kyi 'du shes la rten na chos kyi 'du shes thob pa'o// dge 'dun gyi don bcad na lus mthong ba 'byor 'grub bo// de ci'i phyir zhe na/ sangs rgyas kyi chos lus mthong ba 'byor 'grub na dge 'dun gyi grangs su mi gtogs so// shA ri'i bu sangs rgyas kyi slob ma rnams ni sems la rnam par brtag pa med do// shA ri'i bu sangs rgyas kyi slob ma rnams la mi dge ba med do/ / tshul khrims zhig pa med do// zhig par mthong ba med do// cho ga zhig pa med do// shA ri'i bu gang la sogs pa ngan pa mi dge ba zhes bya sangs rgyas dang dge 'dun gyi grangs su ma chud pa'i ming ngan pa mi dge ba'o/ / sems kyis sems bgrang ba'i chos ni rkyen rnams dang 'dug pa/ yang dag pa bden pa'i don med de/ rnam par rtog pa 'ba' zhig byed do/ / rnam par rtog pa spyad pas na/ thob pa yod du 'dzin te gang zag thob pa nas/ tshig gis bshad pa yod pa kun la thug gi bar du sems kyis sems 'thung de/ dge mi dge ba'i chos la thug pa ni/ 'phrul gyi chos kyi nang na mi ngan pa mi dge ba'i chos zhes bya'o// ci'i phyir zhe na/ shA ri'i bu skyid pa yod pa'i gnas kyi nang na gdon mi za bar nyon mongs pa yod do/ / yang dag par gshegs pa'i chos la ni de lta bu'i sgyid sdug med do// shA ri'i bu yang dag par gshegs pas thob pa de'i nang na 'dod pa med/ 'dod pa med
- 68a
pa'ang med/ / skyid pa'ang med// nyon mongs pa'ang med// sems pa'ang med// 'du shes kyang med// spyod pa'ang med/ stong pa'i 'du shes la thug gi bar du'ang med do/ / ci'i phyir zhe na/ shA ri'i bu stong pa'i 'du shes yod du zin na/ bdag tu lta ba'i 'du shes yin/ sems can du lta ba'i 'du shes yin/ rtag pa'i 'du shes yin/ chad pa'i 'du shes yin no// ci'i phyir zhe na/ shA ri'i bu 'du shes yod pa'i phyir 'brangs na mtshan ma'i chos skyes te/ kun log par lhung ba yin no// shA ri'i bu stong pa'i ming ni sems med pa ste/ de'i ming stong pa zhes bya'o// stong pa'i sems kyang stong pa ste// de'i ming stong pa zhes bya'o// shA ri'i bu stong pa'i nang na legs pa'ang med/ nyes pa'ang med// stong pa'i 'du shes la thug gi bar du'ang med do// de lta bas na ming stong pa'o// shA ri'i bu bya ba yod pa'i chos kun rig par rung / shes par rung ngo // stong pa ni rig par rung ba ma yin no/ / shes par rung ba'ang ma yin/ bsam du rung ba'ang ma yin te/ de lta bas na ming stong pa'o// shA ri'i bu stong pa'i 'du shes ni bsams pas thob pa ma yin no// ci'i phyir zhe na/ stong pa 'du shes med pa'i phyir ro// de bas na stong pa'o// shA ri'i bu ci'i phyir zhe na/ stong pa las spyad pa bshad/ 'du shes thams cad mi sems/ stong pa'i 'du shes
- 68b
la thug gi bar du'ang mi sems pa de'i ming stong pa zhes bya'o/ / shA ri'i bu 'du shes kyi ming sems la bsam pa yod do cog gi mong du 'du shes pa zhes bya'o// tsa'ang bsam pa med pa ni 'du shes med pa ste/ 'du shes dang bral bas na ming 'du shes med pa zhes bya'o// 'du shes len pa la 'brang ba ni kun log par mthong ba yin no// ci'i phyir zhe na/ shA ri'i bu 'phrul gyi chos la stong pa zhi ba thob pa 'dzin na/ kun log par mthong bar lhung ba ni tshig gis bshad pa dang 'chad pa lta smos kyang ci dgos// de lta bu'i stong pa'i chos ci spyod pa na bshad du rung shA ri'i bu sangs rgyas kyis ci'i phyir skad dang tshig bshad pa kun ming log pa zhes bya'o/ / chos so cog la khong du chud par mi nus pa de ni kun tshig bshad pas bsgobs pa'i lan te/ de lta bas na yang dag par gshegs pa smra ba'i tshig kun log par yin par mkhyen te/ smra ba'i cung zad yan chad kyang bden par mi rung ngo // shA ri'i bu sangs rgyas rnams kyi bla na med pa yang dag par rdzogs pa'i byang chub la 'du shes kyang med do/ / ci'i phyir zhe na/ yang dag par gshegs pas ci'i phyir bsams pa'i gnas yod par bshad/ shA ri'i bu chos kyi yi ge las bshad pa/ mi la la zhig gzhi bsam pa'i gnas thob na/ mi des chos so cog gi ngo bo nyid la ngo bo nyid thob par nus te/ rang gi lus thob par nus/ bdag tu lta ba thob/ gang
- 69a
zag thob ste/ de ni dben pa yang med do// chos kyi mtshan ma tha dad pa stong pa bstan pa'i bsam pa'i gnas bshad do// gzhi bsam pa'i gnas kyi ngo bo nyid la ngo bo nyid med/ gnas pa'ang med/ bshad pa'ang med// 'dod chags kyang med do// sems kyi gnas med pa lta smos kyang ci dgos// de bas na yang dag par gshegs pas mi sems kyi gnas bshad do/ / shA ri'i bu chos so cog la yang dag par ngo bo nyid med de/ skra spu'i nyag ma bcu tshal gyi brgya cha gcig tsam zhig yod du zin na/ des sangs rgyas kyi/ tshig rnams 'jig rten du mi 'gyur te/ mthar chos so cog gi ngo bo nyid stong par yang mi bshad do// shA ri'i bu sangs rgyas chos so cog ni bden par stong pa ste/ ngo bo nyid med cing mtshan ma gcig pu ste/ mtshan ma med par yang dag par gshegs pa kun gyis gzigs so// yang dag par gshegs pa de'i phyir bsam pa'i gnas ni yod ces bshad do// shA ri'i bu bsam pa'i gnas ni ming gnas med// gnas med pa'ang med ces bya'o// bsam pa med/ bsam pa'i las kyang med/ 'du shes med// rnam par rtog pa'ang med/ yid med/ yid kyi las kyang med/ bsam pa med// bsam pa'i las kyang med/ chos med/ chos kyi mtshan ma'ang med/ de kun 'dus byas med pas na/
- 69b
mdzangs shing 'phrul pa'i ming rnam par brtag pa med ces bya ste/ de'i ming bsam pa'i gnas zhes bya'o// yang dag par gshegs pas de'i phyir bsam gnas yod ces bshad do// ci'ang med pa'i phyir bsam pa'i gnas zhes bya'o// sangs rgyas bsam pa'i phyir bsam pa'i gnas zhes bya'o// shA ri'i bu ji ltar na ming sangs rgyas pa zhes bya'o// ci'ang med par mthong ba ni ming sangs rgyas pa zhes bya'o/ / shA ri'i bu sangs rgyas kun ni dpag tu med de/ bsam gyis mi khyab/ brjod du mi lang ngo // gzhung de lta bas na ci'ang med par mthong ba ni sangs rgyas bsam pa zhes bya ste/ bden par ming brtag med do// sangs rgyas so cog la rnam par brtags pa med pas na/ sems la rnam par brtags pa med na/ 'dod sangs rgyas bsam pa'i yin zhes bya'o/ / yang chos so cog ni bden pa'i mtshan ma mthong na/ ming sangs rgyas mthong zhes bya'o// gang la sogs pa'i ming chos so cog gi bden pa'i mtshan ma zhes bya zhe na/ de ni chos so cog mtha' yun du steng zhing ci'ang med pa'o// de bas na mtha' yun du stong zhing ci'ang med pa'i chos ni sangs rgyas bsam pa'o// yang gcig tu na de lta bu'i chos kyi nang na sems cung zad kyang thob par mi rung ste/ de'i ming sangs rgyas bsam pa zhes bya'o// shA ri'i bu de'i ming sangs rgyas bsam pa'i chos te/ smra ba'i tshig gi lam chad la sems
- 70a
so tsag las 'das shing byung ste/ sems thob par mi rung ba de'i ming sangs rgyas bsam pa'o// shA ri'i bu sems so cag thams cad ni kun mtshan ma stong pa zhi ba ste/ chos de bzhin du ma lags na/ de'i ming sangs rgyas bsam pa spyod sbyong ba zhes bya'o// kha dog spyad de sangs rgyas bsam du'ang mi rung ngo // ci'i phyir zhe na/ kha dog bsam gzugs blangs bro la chags na rnam par shes pa zhes bya'o/ / gzugs med/ kha dog med/ rkyen med/ rang bzhin med na/ ming sangs rgyas bsam pa'o// de lta bas na rnam par brtags pa med/ blang ba med/ dor ba med/ sangs rgyas bsam pa yang dag pa yin par mngon no// chos bsam pa'i le'u ste gsum pa'o// // de'i tshe shA ri'i bus sangs rgyas la gsol pa/ bcom ldan 'das ji ltar na mi gzhan la chos 'di bshad na/ ngan pa'i bshes gnyen zhes bgyi/ bcom ldan 'das ji lta bur na mi gzhan la chos 'di bshad pa na dge ba'i bshes gnyen zhes bgyi/ shA ri'i bu mi la la zhig gis dge slong gzhan la bstan khyod shes par gyis shig/ sangs rgyas bsam pa ni stong pa'o// rkyen gyi gnas bsam pa de ni bsam ba'i mi rigs so/ / khyod kyis stong pa bsams na bsam pa'ang stong pa ste/ rang bzhin med pa des kha dog gi 'du shes chod par nus/ 'du shes len par chod nus so// mi des de'i tshe//
- 70b
'du shes med pa'ang ma thob na/ sems lta smos kyang ci dgos/ mi des de'i tshe ci'ang yod med la stong par zhi ste/ rang bzhin med na 'du shes rnams mi 'dra'o// chos so cog zhi bar byas nas de'i bsam pa'i spyod pa sbyong ba zhes bya'o/ / sangs rgyas bsam pa'i ming ni dge ba mi dge ba dang / tshor ba dang brtag pa thams cad gzhig pa zhes bya'o// tshor ba'ang med/ brtag pa'ang med la/ stong zhing 'du shes ni ming sangs rgyas bsam pa zhes bya'o// ci'i phyir zhe na/ tshor ba dang brtags par spyad de/ sangs rgyas bsam pa'i mi rigs so// tshor ba'ang med/ brtag pa'ang med/ mi gtsang bas sangs rgyas bsam pa zhes bya'o// de sems de'i nang na phra shes bsams pa'i sems kyi lam yang med na/ lus dang kha'i las med pa smos kyang ci dgos/ yang sangs rgyas bsam pa zhes bya ba ni/ 'du shes thams cad dang bral te/ 'du shes thams cad sems la mi 'jug cing rnam par brtag pa med cing ming med/ bsgribs shing thogs pa med/ 'dod pa med/ thob pa med de/ tshor ba dang brtag pa mi g.yo'o// ci'i phyir zhe na/ shA ri'i bu bsam pa bzhin du 'du shes g.yos pa thams cad ni kun log par mthong ba yin no/ / shA ri'i bu ci'ang med pa bzhin du tshor ba'ang med/ brtag pa'ang med/ skye ba'ang med/ 'gog pa'ang med pa de lta bu khong du chud pa ni ming sangs rgyas bsam pa zhes
- 71a
dag gra sems can ngan 'an pa'angam/ chags pa 'das/ leg pa 'angam/ malag pa'ang ma/ mang med/ mtshan na'ang ma dang/ ri'i bu 'du shes kyang med/ smra ba'ang med na/ 'dod ming sangs rgyas bsam pa'o// de nang na sems phra shas chung ngu'ang med na/ sbom po dang / kha dang / lus dang / yid las lha smos kyang ci dgos te/ lus dang / kha dang / yid kyi las kyi gnas kyang med do// blangs pa med/ bsdus pa'ang med/ 'thab pa'ang med/ rtsod pa'ang med// bsam pa'ang med/ rnam par brtags pa'ang med/ mi g.yo zhing rang bzhin med la tshor ba dang brtag pa kun zhi ba de'i ming sangs rgyas bsam pa'o// shA ri'i bu la la zhig gis de lta bu'i sems 'byor 'grub na/ gling bzhi'i sa sbyar bar bya na'ang yid bzhin du sgyur nus so// brgya stong 'bum gyi bdud kyang phebs par nus na/ ma rig pas bsgribs pa lta smos kyang ci dgos te/ mi bden pas bslus pa'i rkyen las langs pa ste/ mi 'gyur ba'i mtshan ma med pa chos de lta bu yin te/ 'du shes med/ 'dran tor med/ skye ba med/ 'gog pa med do// bshad du'ang mi rung / rnam par brtag tu'ang mi rung / mun pa'ang med/ snang ba'ang med/ bdud dang bdud phal kun gyis kyang chod bzung min na/ 'jig rten gyi tha mal pas
- 71b
tshig gis spyad de bstan bslabs pa yod pas 'dus byas gzung du zad do/ / khyod sangs rgyas bsam pa'i tshe 'du shes cung zad ma blangs shig/ 'dran tor ma skyed cig/ rnam par brtag pa ma byed cig/ ci'i phyir zhe na/ chos de kun stong pa ste/ gnyis kyi mtshan ma'ang med/ gcig gi mtshan ma bsam du'ang mi rung ste/ mtshan ma med do// de'i ming yang dag par bden pa sangs rgyas bsam pa ste/ de ni skye ba'ang med// 'gog pa'ang med/ mtshan ma'ang med pa'o// ci'i phyir zhe na/ yang dag par gshegs pa'i ming kha dog ces mi bya'o/ / ming gzugs zhes mi bya'o// ming rnam par shes pa zhes mi bya'o// log pa'ang ma yin/ ma log pa'ang ma yin/ ma blangs ma bor/ thub pa'ang ma yin/ shes rab kyang ma yin/ rig pa'ang ma yin/ ma rig pa'ang ma yin/ yang dag par gshegs pa bshad du'ang mi rung / bsam gyis mi khyab ste/ 'du shes med do// khyod mtshan ma len pa la ma sred cig/ 'dran tor brjod par ma byed cig/ sangs rgyas ni chos so cog la chags pa med/ chos yod cing chags su rung ba dang / dpag tu rung ba la'ang ma mthong / de lta bu'i mis sangs rgyas la yang thob par mi rung na/ sems lta smos kyang ci dgos/ shA ri'i bu de lta bur ston pa ming dge ba'i bshes gnyen zhes
- 72a
bya'o/ / mchog gi gzhung gi nang na ni dge ba'i bshes gnyen yin/ 'di ni ngan pa'i bshes gnyen yin zhes gcig tu chad pa med do// yang shA ri'i bu dge slong la la zhig dge slong gzhan la ston pa/ dge slong khyod kyis rnam par phye la chos rnams la zhib tu rtogs te/ chos kyi mtshan ma'ang ma sems shig ces bstan to// dge slong des de lta bur spyad sbyangs pas sems la thogs shing chags pa med pas/ chos so cog gi mtshan ma yang gcig par khong du chud de/ de ni mtshan ma med pa'o// mi de la chos kyi 'du shes kyang mi skye na/ bdag tu lta ba dang / gang zag tu lta ba'i 'du shes mi skye ba lta smos kyang ci dgos/ shA ri'i bu khyod kyi yid la ji snyam/ chos kyi 'du shes sems pa'i mi des chos so cag zhi bar nus sam/ bcom ldan 'das mi nus so// shA ri'i bu dper sdong po rtsa ba med pas yal ga dang / 'dab ma dang / me tog dang / 'bras bu smin par nus pa yod dam med/ bcom ldan 'das ma mchis so// 'di lta ste/ shA ri'i bu mi la la zhig gis chos so cog gi rtsa ba'i phyi mo ma thob par mi des chos so cog gi 'du shes skye bar rus sam min bcom ldan 'das mi nus lags so/ / shA ri'i bu mi la la zhig gis chos kyi 'du shes mi bsam pa thob na/ mi des chos so cog gi 'du
- 72b
shes zhi bar nus sam mi nus bcom ldan 'das mi nus lags so/ / mi des chos ma thob/ chos kyi mtshan ma ma thob/ zhab ma thab par yang ma rtag ste/ skye ba'ang med/ 'gog pa'ang med/ mi des de'i tshe mi skye mi 'gog pas ming mya ngan 'das pa thob pa zhes bya'o// ming sngon mya ngan las 'das pa thob pa zhes kyang mi bya'o// shA ri'i bu de lta bur ston pa ni mi dge ba'i bshes gnyen zhes bya'o/ / mchog gi gzhung gi nang ni dge ba'i bshes gnyen yang med/ ngan pa'i bshes gnyen yang med do// shA ri'i bu mi la la zhig gis de lta bu'i mtshan ma 'byor 'grub na/ 'jig rten yod pa dkon te/ phyin ci ma log pa thob pas yang dag pa'i bden pa ma mthong ste/ de ni drang po mthong ba zhes bya'o// yang shA ri'i bu drang po mthong ba ni ming drang po byed/ drang po spyod/ drang po'i lam drang po zhes bya ste/ phyin ci log med na bden pa bzhin mthong bas na/ yang dag par shes pas drang po mthong ba zhes bshad do/ / shA ri'i bu sems can la la zhig phyin ci log med pa'i bzhin du rtogs pa ni yang dag par mthong ba yod do// la la zhig bdag tu lta ba'i 'du shes dang / gang zag tu lta ba'i 'du shes dang / gang zag gi 'du shes dang / sems can gyi 'du shes skyes na de lta bu'i mi kun log pa'i lam du spyod par mngon no// shA ri'i bu sangs rgyas
- 73a
slob mas ni bdag tu lta ba yod par ma bshad/ gang zag yod par ma bshad/ sems can yod par ma bshad/ tshe srog yod par ma bshad/ rtag chad ma bshad/ de lta bas na sangs rgyas dang slob ma ni drang po mthong zhes bya'o// ci'i phyir zhe na/ drang por brtag te phyin ci ma log pa'i phyir ro// shA ri'i bu tha mal pa thams cad kyis ni/ 'di'i nang du 'jug nus pa med do// ci'i phyir zhe na/ tha mal pa thams cad la drang po mthong ba med do// yid bzhin 'breng ba'i drang po mthong ba 'ba' zhig yod de/ gnyen nges pa'i bzod pa thob na bden pa bzhin du ma nus so/ / shA ri'i bu de'i ming drang po mthong dang ces bya ste/ bden pa bzhin du mthong bas na ming drang po mthong ba zhes bya'o// 'jig rten gyi skyid pa nor khe skye zhing 'phel ba'i zhar las mthong ba ni 'jig rten gyi drang po mthong ba yin te/ de kun brnyas bslus pa yin gyis/ skye shi las mi thar ro// shA ri'i bu sangs rgyas kyi bshad pa la 'jig rten gyi drang po mthong ba ni le lo bla gong dang tha mazhan pa'i chos yin zhes bshad do/ / mdzangs shing 'phrul pa ni de lta bu'i sems mi byed de/ de drang po mthong ba yin no// de ni yon po mthong ba yin no/ / dzi lta zhe na/ mthong macog thams cad rigan snga ma mi bden pa'i rkyen las langs so// sha ri'i bu 'di snyam du sems te/ 'di ni drang po mthong ba snyam du byedan/
- 73b
mi de ni yon po mthong ba yin no// shA ri'i bu 'phrul gyi chos kyi nang na mthong ngo cog gi rtsa ba phyi mo byung ste bcad/ smra ba'i tshig go cog gi lam bcad de/ dper na nam mkha'i lag pa dang mtshungs te/ ci'ang reg cing thogs pa med do// dge slong rnams kyi chos ni kun de bzhin nga'i rigs pa'o// dge 'dun bsam pa'i le'u ste bzhi pa'o// / shA ri'i bus/ sangs rgyas la gsol pa/ bcom ldan 'das gang la sogs pa 'phrul gyi dge 'dun zhes bgyi/ shA ri'i bu mi la la zhig gis chos so cog thams cad kun skye ba'ang med/ 'gog pa'ang med/ ldang ba'ang med/ mtshan ma'ang med par yid ches shing shes la khong du chud par nus pa de/ de lta bu'i bzod pa 'byor grub pas nga yang ming thob na/ rgyun du zhugs pa dang / lan cig phyir 'ong ba dang / phyir mi 'ong ba thob pa lta smos kyang ci dgos/ dgra bcom pa yang lha smos kyang ci dgos/ chos mi thob pa lta smos kyang ci dgos/ phyi mo thob pa lta smos kyang ci dgos/ lam mi thob pa lta smos kyang ci dgos// de lta bu la sogs pa'i don thob pa lta smos kyang ci dgos te/ de'i ming 'phrul gyi dge 'dun te/ des kyang ming thob yang shA ri'i bu sems can la skye ba med pa dang / 'gog pa med pa dang / mtshan ma med pa'i chos yid ches shing shes pa nyung ngo // la la zhig gis skye ba'ang med/ 'gog pa'ang
- 74a
med/ mtshan ma med pa'i chos yid ches par shes par nus na/ sems la phyin ci log med de/ gcig gis gcig shes rig la chos spyad de 'byor 'dum pas phyis yod pa mi mthong ngo / / 'jig rten thams cad sgyu ma bden pa'i rkyen 'ba' zhig las byung bar rig pas/ mi de phyin chad da ltar gyi lus la mi 'dug go// rgyu rkyen de lta bus na 'phrul gyi dge 'dun zhes byar rung ngo / / mi des smra ba'i tshig de la thob pa'ang med// ming mtshan ma rnams las 'dus pa dang drang gi/ mtshan ma dang 'dran tor gyi don kyang med do// de'i ming dge 'dun dkon mchog ces bya ste/ yon len pa'i rigs te/ phyin ci log med pa'i yang dag pa'i bden pa'i gzhung thob bo// mi des de lta bu'i thabs spyad pas dge 'dun bsam na don de'ang stong pa'o// / shA ri'i bu de lta bur ston pa ni ming dge ba'i bshes gnyen shA ri'i bu smra ba'i tshig thams cad kyi lam chod na ming 'phrul gyi dge 'dun zhes bya'o// ci'i phyir zhe na/ 'phrul gyi chos kyi nang na smra ba'i tshig rgyus yang dag pa'i bden pa'i gzhung bshad na/ de lta bus smras pa tshig kyang thob par mi rung ngo // de lta bus na smra ba'i tshi ga rnams chod pa ni ming 'phrul gyi dge 'dun zhes bya bar mngon/ shA ri'i bu mi la la zhig na re/ chos 'di'i nang na tshig gis bshad pa med nges pa/ ji ltar ming dge 'dun zhes bya zer ba zhig yod na/ shA ri'i bu nga'i nang na lan 'di skad ces
- 74b
blan pa yod de/ dge 'dun gyi ming bden pa bzhin du don ston pa zhes byas na/ don de nges par yang thob par mi rung ngo // slob pa'i dgra lhan cig la bzod pa'ang gcig/ ro'ang gcig pa de'i don kyang 'jig rten gyi tha mal pa'i tshig spyad pas bshad kyi/ mchog gi gzhung ma yin no// mchog gi gzhung nges par bden pa med de/ ming dge 'dun nga chos brtag ste/ mi 'jigs zhes bya'o/ / 'phrul gyi mis chos 'di yod pa ces bshad du zin na de de ni dgos pa'o// ci'i phyir zhes byas na/ mi des de lta bu'i rnam par brtag pa bya ste/ skyes pa yin/ bud med yin/ lha yin/ klu yin/ gnod sbyin yin// dri za yin/ grul bum yin/ chos ma yin zhes de lta bur rnam par brtag par byas nas/ don rnam pa mang po thob pas na tshig 'di skad byas so/ / 'dug pa yin/ nyal ba yin/ song ba yin/ sdod pa yin zhes zer ro// 'phrul gyi mis ni chos so cog gi bden pa'i mtshan ma thob pas na/ rnam par mi rtog ste/ skyes pa yin/ bud med yin/ lha yin/ klu yin/ chos ma yin pa la thug gi bar du rnam par yang mi rtog go// rnam par mi rtog pas na chos so cog ma thob bo// chos so cog ma thob pas 'di skad du 'dug pa yin/ zhal ba yin/ 'gro ba yin/ sdod pa yin zhes bshad pa byas nus sam mi nus/ bcom ldan 'das mi nus lags so// shA ri'i
- 75a
la la / rgyas pa za ma / ma yin pa da sa pan la nas sa shA ma mi bden pa yin nam/ bcom ldan 'das sgyu ma mi bden pa lags so// shA ri'i bu sgyu ma mi bden pa'i nang du ma gtogs pa ni ming 'phrul gyi dge 'dun zhes bya'o// phyin ci ma log pas ni ming 'phrul gyi dge 'dun zhes bya'o/ / shA ri'i bu mi dge yod do cog dang / shes par rung ba yod de cog dang // de lta bu'i mi dge ba'i chos thams cad ni mong mtshan ma spyad pas phyi ma byas so/ / mdzangs shing 'phrul pa 'di ni nang na ming dang mtshan ma'i rnams 'chad do// ming dang mtshan ma'ang mi sems te/ ming dang mtshan ma thob na ji lta bur 'phrul gyi dge 'dun yin zhes zeraming dang mtshan ma kun chod na ming 'phrul gyi dge 'dun zhes bya'o/ / chos kyi gnas yod zin/ gzhig tu'ang rung / bcad du'ang rung ngo // 'phrul gyi chos kyi nang na ming med// mtshan ma med/ smra ba'i tshig med/ smra ba'i tshig kun chad de kun 'dus shing gyes pa med do// la la zhig na re/ dge 'dun med ces zer na 'phrul gyi dge 'dun bshig ste/ de'ang mi rung ngo / / de ni ming dang mtshan ma sgyu ma mi bden pa 'du shes kyi lan te/ log pa mthong ba rnam pa mang po la chags so// log pa mthong ba de'i lan blon gyis yang phyi ma'i lus mnos te/
- 75b
mthong ba rnams la 'dod chags pas lnga phung skyes so// shA ri'i bu lnga phung ni kun sgyu ma mi bden pa la chags pa yin te/ de'i ming ngan pa'i lam mo// mdzangs 'phrul pa'i dge 'dun la ni de lta bu'i don med do/ / sgyu ma mi bden pa'i rkyen 'ba' zhig las khams gsum byung bar shes so// de lta bu'i don shes pas na ming 'phrul gyi dge 'dun zhes bya'o// shA ri'i bu yong mthong ba yod do cog ni 'phrul gyi dge 'dun gyi nang na kun thob par mi rung ngo / / bdag tu lta ba dang / sems can du lta ba dang / srog tu lta ba dang / gang zag tu lta ba dang skyes par mthong ba dang / bud med du lta ba mthong ba dang / lhar mthong ba dang / sems can dmyal bar mthong ba dang / byol song du mthong ba dang / yi dgas su mthong ba dang // phung po dang / skye mched dang / khams su mthong ba dang / dung gi sgrar mthong ba dang / rnga'i sgrar mthong ba dang / sa'i sgrar mthong / chu dang / me dang / rlung gi slar mthong // tshul khrims 'dzin pa'i sgrar mthong / / tshul khrims zhig pa'i sgrar mthong / yang dag pa'i lam gyi slar mthong / log pa'i lam gyi sgrar mthong / dri ma'i sgrar mthong / gtsang ma'i sgrar mthong / bsam gtan thub pa'i dang / ting nge 'dzin dang / 'phrul brgyad kyi lam sbar dang / rgyun du zhugs pa'i 'bras bu dang / lan cig phyir 'ong ba'i 'bras bu dang / dgra
- 76a
bcom pa'i 'bras bu'i sgrar mthong ba/ grol thar gyi sgrar mthong ba dang / chos kyi slar mthong ba dang / dge 'dun gyi sgrar mthong ba dang / 'dog pa'i sgrar mthong mya ngan las 'das pa'i slar mthong / shA ri'i bu de'i ming ba'i na ba sgra skad la sogs pa mthong ba zhes bya'o// mdzangs 'phrul pa'i dge 'dun gyis ni mchog gi gzhung la de lta bu'i ming ma thob ste/ sgra skad kyi rnam pa thams cad mtshan nyid gcig par khong du chud do// de ni mtshan nyid 'gal ba med/ rtsod pa med pa'o// phyin ci ma log pa'i bzod pa 'byor 'grub na ming 'phrul gyi dge 'dun zhes bya'o/ / shA ri'i bu phyin ci log pa'i chos kyi bzod pa de ni mtshan ma med pa yin no// mtshan ma med pas na blangs pa'ang med/ dor ba'ang med/ log pa'ang med// skye ba'ang med/ de'i nang rang bzhin la phyogs pas spyad pa'ang med// zhig pa'ang med/ ldang ba'ang med/ thob pa'ang med/ phan tshun zhes rnam par yang mi rtog pas na/ sems rtag par btang bral lo/ / ci'i phyir zhe na/ de lta bu'i bzod pa'i nang na pha rol gyi 'gram yang med/ tshu rol gyi 'gram yang med/ rnam par rtog pa'ang med do// mtshan ma med pa khong du chud de 'byor 'grub pas ming 'phrul gyi dge 'dun zhes bya'o/ / 'dus tshogs pas na ming 'phrul gyi dge 'dun zhes bya'o// shA ri'i bu nga'i chos kyi yi ge gzhan la bshad pa la/ mi
- 76b
la las chos mthong du zin na ni bdag tu lta ba yin no/ / yang dag par gshegs pa chos ma yin pa'ang ma yin/ ci'i phyir zhe na/ lha sbyin blun po dang mur 'dug kun gyis kha dog gi lus spyad de sangs rgyas mthong zhes zer ro/ / shA ri'i bu yang dag par gshegs pa ni kha dog gi lus spyad pas mthong ba'i mi rigs so// sgra skad spyad pas kyang mthong ba'i mi rigs so// shA ri'i bu mi la la zhig kha dog gi lus spyad pas sangs rgyas mthong na de ni sangs rgyas dang rgyang ring ngo // ci'i phyir zhe na/ sangs rgyas kyi kha dog mthong ba zhes mi bya bas na/ de'i ming sangs rgyas mthong ba zhes bya'o/ / shA ri'i bu mi la la zhig chos so cog la mtshan ma med/ ming med/ reg pa med/ dran pa med/ skye ba med/ 'gog pa med/ 'dran thor med/ chos so// cog la ni mi sems pa med/ mya ngan las 'das pa'i sems kyang mi bya/ mya ngan las 'das pa mi chags te/ chos so cog kun mtshan nyid gcig yin par yid ches shing mthong bar nus na de ni mtshan nyid med pa'o/ / shA ri'i bu de'i ming yang dag par sangs rgyas mthong ba'o// chos so cog la tshol ba'ang med/ 'dran tor yang med/ skye ba med la don de la don yang mi sems/ rnam par mi rtog na de'i ming sangs rgyas mthong ba'o// mi la la zhig gis chos 'di la yang dran pa'i 'du shes kyi rnam par brtag pa med/ blang ba
- 77a
med/ dor ba med// gal ba med/ 'du shes kyi las med/ tshig gi bshad/ bshad pa'ang mi chags/ chos kyi ming brnyan ma yin la/ kun cidang med par rig ste/ smra ba'i tshig gi lam chad cing tha dad med/ 'dran tor med/ brjod pa med/ rig pa med/ de'i ming skye ba ming med/ 'du shes spyod pa med pa zhes bya ste// 'jig rten gyi nang na ming 'phrul gyi dge 'dun zhes bya'o// shA ri'i bu chos gang na ming sangs rgyas mthong zhes bya/ de'i 'du shes med/ rnam par rtog pa'ang med/ 'dran tor brjod pa med de/ chos so cog mi len pa'o// stong pa'i sgo mo dang stong pa'i zhi ba'i sgo mo spyod pa ni mthong ba mi sems/ mthong ba mi thob pa de'i don kyang mi thob ste/ de ni ming mkhan ma yin no// dede'i gnas kyang mi thob ste/ de ni mya ngan las 'das pa'o// ci'i phyir zhe na/ shA ri'i bu nga yang mya ngan las 'das pa mi sems na/ de lta bur khyod la sogs pa mya ngan las 'das pa soms shig dang / mya ngan las 'das pa thob pa bshad/ shA ri'i bu mi la la zhig mya ngan las 'das pa thob snyam byed na de mi de ni ming dag par gshegs pa'i phyir 'brangs te khyim nas ma byung gi/ mkhan po drug gi phyir 'brangs te khyim nas byung ba'o// shA ri'i bu shes par byos shig/ de ni chos kyi dgra yin te/ nga'i chos kyi nang du zhugs so// de lta bu'i mis pa
- 77b
chos ma bsgoms par mngon no/ / de lta bu'i mi dgra chen po yin par mngon te/ mkhar dang yul chen po'i nang na dgra chen po yod pa dang mtshungs so// ji lta zhes byas na/ de lta bu'i gti mug gi mis mya ngan las 'das pa thob pa 'dzin na/ bdag tu lta ba dang / gang zag tu lta ba dang / thob par 'dzin pa lta smos kyang ci dgos shA ri'i bu gti mug gi mi ni nga'i lag pas bkag ste/ nga'i slob ma ma yin no// dge 'dun gyi grangs su mi chud do// nga yang de'i mkhan po ma yin no// shA ri'i bu la la zhig chos so cog skye ba'ang med/ 'gog pa'ang med sems pa'ang med/ 'du shes med par rig ste/ de lta bu'i chos kyi bzod pa thob pas mya ngan las 'das pa mi thob na/ bdag tu lta ba dang / gang zag mi thob pa lta smos kyang ci dgos/ shA ri'i bu sangs rgyas kyis bshad pa la de lta bu'i ming ni chos mthong ba zhes bya ste/ don de mthong bar nus pas ming sangs rgyas mthong ba zhes bya'o// mi la la de lta bu'i chos la the tsom dang 'gyod pa med na/ shA ri'i bu ji lta bu'i ming sangs rgyas zhes bya/ chos so cog thams cad kyi mig g.yo zhing tha dad mi zhig na de'i ming yang dag par gshegs zhes bya'o// mi la la de lta bu'i chos la the tsom dang 'gyod pa med na/ de'i ming 'phrul gyi dge 'dun zhes bya'o// shA ri'i bu tshe rabs snga ma 'das pa na glati mug gcig yod pas spre'u ngo ma shes te/ tshal chen po zhig gi nang
- 78a
du zhugs te spre'u khyu gcig 'dus te/ gnas gcig na 'dug pa mthong nas/ mi des sum cu rtsa gsum gyi lha yod par thos myong bas/ thal byung du sum cu rtsa gsum gyi lha rnams yin no zhes zer te mod bzhin tshal nas/ slar sngon gyi grong khyim phal mang po'i nang du tshig 'di skad ces byas so// khyed la sogs pas sum cu rtsa gsum gyi lha yod myong ngam ma myong / mi phal gyis lan blan pa mthong ma myong ngo // mod bzhin tshig smras pa/ ngas mthong zin na khyed mthong bar 'dod dam mi 'dod/ kun gyis kyang mthong bar 'dod do zhes byas nas mod bzhin phal mang khrid de tshal de'i nang du phyin nas spre'u la bstan te/ khyed la sogs pa sum cu rtsa gsum gyi lha rnams la rtogs zhes byas na/ mi phal kun na re/ sum cu rtsa gsum gyi lha ma yin gyi 'di ni spre'u yin te/ tshal gyi nang du 'dug pa srid do// khyod kyi gti mug phyin ci log pas spre'u mi shes pa'i steng du/ sum cu rtsa gsum gyi lha rnams kyang ma shes so// shA ri'i bu mi des phal po stong du rab tu tshal de'i nang du phyin to// de lta ste/ shA ri'i bu da dung ma 'ongs pa'i dus na/ dge slong zhig yod pa gos skya bo can gyi khyim du phyin te tshig skad byas so/ / khyod sangs rgyas dang 'phrul gyi dge 'dun mthong zhing sangs rgyas kyi chos nyan par 'dod dam mi 'dod ces byas na/ gos skya bo can de'i nang na sangs rgyas kyi chos la yid ches pa yod pa
- 78b
rnams kun na re/ mthong bar 'dod kyis/ sangs rgyas kyi chos nyan cing ma nor ro zhes zer to// shA ri'i bu de de'i nang gos skya bo can smra ba'i tshig la chags shing sred pa yod de/ mchod rten dang gtsug lag khang gi nang du phyin na dge slong dag cig tshig gis bshad cing yi ge rnams la mkhas par shes te/ smra ba'i tshig la rten cing yi ge ri mo la sred pa'ang yod/ dge slong de bzhin du 'chan de yang dag pa'i lam yin snyam ste/ dge 'dun gyi grangs su zhugs so// mi phyugs rdzi dang mtshungs te chos kyi yi ge klog pa la srid du zad kyi/ yang dag pa'i dbyings su mi 'jug ste/ mi yid dga' zhing mi snyan par rin 'dzin du zad do/ / 'jig rten gyi don la bzo mkhas kyi lam chos 'chad pa mi gtsang ngo // bzo'i chog la mkhas pas 'jig rten gyi lam spyad du zad kyi/ legs pa'i brjid med do/ / mya ngan las 'das pa'i rgyu gzhig pa la btang ste/ kha rog nas bsam gtan thub pa la ma dang de nyin mtshan du rtag par bshad cing brjod pa dang / 'thab rtsod pa dang / thul ba dang / / stan stug por nyal sred de bsam gtan thub pa bzhin pa'i sems can skad cig med na/ dge sbyong gi 'bras bur grub par thob par mi nus pa lta smos kyang ci dgos/ da mi de gnyid kyis log na'ang brtag par tha mal pa'i sems dang 'thun te/ sred pa'ang tho ras la mi 'gal ba'i bzod pa mi spyod kyi/ rabs kyi chos la sred na mi de lta bus kyang yon gos dang kha
- 79a
zas mang du thob bo/ / ci'i phyir zhe na/ mi des khor mor bdud ngan pa bslus pas tshig nye ba mi zab pa la sred de/ mchog gi dam pa'i gzhung la grub par slob mi nus so/ / mchog gi zab mo'i chos yi ge kha ton la gzungs su 'dzin mi nus so// thos nas sdang skrag nas bcud dkar po btang la sbrang rna len to// phal tha mal pa gzhan gyis gso ba'i khe rnyed pa mthong na/ 'dod chags kyi sems skyes te/ sems la 'di snyam byed do// bdag la sogs pa'ang de lta bu'i tshig brjod pa bslab pa'i rigs zhes zer ro// shA ri'i bu de lta bu'i mis bla na med pa'i chos kyi dkon mchog btang ste/ yon po mthong bar lhung zhing 'dug pa ni dge sbyong gi dgra yin no// gos skya bo can kha dog yod pa de'i gan du dong ste de lta bu'i ming nang pas de dag la chos bshad de/ gso ba'i khe phyir sangs rgyas dang / chos dang / dge 'dun la snyan pa bstan te/ srog gso ba'i nor dang g.yog dang bran btsal ba 'ba' zhig gi phyir ro/ / gos dang zas dang 'dod cing lci la sred pa bzhin du bstod do// sbyin pa byas pas ni gnam gyi steng du skye ba thob bo zhes zer/ sangs rgyas kyi chos nang na ni sbyin pa smad rims kyis chos ni bsgo/ / phal ni gang gi mchog go zhes bya ste/ tshig de skad du sbyin pa chen po'i rgyu rkyen gyi gnam gyi steng du skye ba thob bo zhes bya ste/ tshig 'bru ma rig/ gzhung phyogs pa mi shes
- 79b
thog ma nye zhing mi zab pa'i chos tha mar zhugs pa 'ba' zhig shes/ bdag tu lta ba dang / gang zag tu 'dod chags te mchog btang ngo // shA ri'i bu chos bshad pas bar bar na mi la la yid skye ste/ khyim nas mi ngan pa rnams dang 'dus tshogs te/ rmad du byung ba'i sde dang mdo'i sde rang gi 'gros bshad de/ bar bar ni rtag dang chad pa bshad/ bar bar ni bya ba byed pa bshad// shA ri'i bu nga'i chos de'i tshe mur 'dug gi chos mang ste/ sems can gyi rnams drang po mthong ba'i sems zhig par byas so// de lta ste/ shA ri'i bu nga'i gtsang dag pa'i chos ni de lta bu'i rkyen gyis khad kyis zhi zhing zad do/ / shA ri'i bu yun ring du skye shi'i nang du sdug bsngal rnams kyis nyon mongs nas/ byang chub grub na gad de gnas pa de'i tshe dengs shing zhigs so// shA ri'i bu dge slong la la zhig thob pa yod pa mthong ba dang / bdag tu lta ba mthong ba dang / gang zag mthong ba de gtong ba ma nus na/ yang dag par gshegs pas spyod pa bzhin du bshad pa mi shes so/ / yang dag par bdag tu lta ba dang / gang zag dang chos yod ces zer na/ de lta bu'i mi ni chu rngubs gcig len du'ang mi gnang ngo // gal te mi des stong pa'i chos thos la yid ches sems gtsang ste/ mi gtsang mi dogs na mod bzhin slar mi phal bkris drangs te/ bden pa'i mtshan ma'i gzhung du 'jug pa'i rigs so// yang nas byung ste tshul
- 80a
khrims 'thog tshang bar mnos pa'o/ / ci'i phyir zhe na/ shA ri'i bu mi la la zhig gis de lta bu'i mthong ba ma btang ba de'i ming mur 'dug ces bya'o// shA ri'i bu ngas 'jig rten tha mal pa'i rgyu rkyen spyad nas/ sgyu mar nga yod par bshad pa ni mchog gi gzhung ma yin no// yang mi la la zhig na re/ ngas kyang 'jig rten gyi khams tha mal pa'i rgyu rkyen spyad de nga yod par bshad ces zer na/ mi des skye ba med pa dang / 'gog pa med dang / mtshan ma med pa'i chos khong du chud ma nus te/ ngas bshad do cog dang 'gal na nga'i slob ma ma yin no/ / yang shA ri'i bu mi la la zhig na re/ yang dag par gshegs pas ci 'jig rten gyi rgyu rkyen bzhin du med pa'i chos la zag pa yod par bshad/ yang dag par gshegs pas ni 'jig rten gyi phyir mi bden pa'i tshig bshad pa'i rigs kyi steng du chos kyi yi ge gzhan gyi nang na yang gang zag yod ces bshad pa mang ste/ sangs rgyas kyis bshad pa ni brdzun pa'i mi rigs so/ zhes zer ba zhig yod na/ shA ri'i bu de la lan glan pa sangs rgyas kyi bshad pa la chos so cog stong pa ste/ bdag po'ang med/ rang bzhin yang med do// tha mal pa'i sgyu ma mi bden pa ste/ mchog gi gzhung ma yin no// yang dag par gshegs pas mchog gi bshad de/ bdag tu lta ba dang / gang zag yod par ma bshad do// 'phrul gyi mis tshig bshad pa
- 80b
la 'dod cing chags pa med do/ / shes rab med pa'i mis ni sangs rgyas dang mtshungs pa med de/ 'das pa'ang med do// shA ri'i bu yang dag par gshegs pa'i shes rab ni bsam gyis mi khyab bo/ / shes rab de spyad pas na sems can gyi sems rig ste/ nyis nas mi la la zhig sangs rgyas dang mnyam zhes zer ba ni bla'i/ sangs rgyas klu chen po chos chen po'i rgyal po la sangs rgyas kyis gang zag yod par bshad do zhes zlog pa mi rigs so/ / 'jig rten thams cad ni rtag par nga dang rtsod do// nga ni rtag par 'jig rten dang mi rtsod do// shA ri'i bu yod par bshad na ni/ shin tu snying rjer rung ngo // 'di ni chos kyang med/ nga'ang med na/ sems kyis yang dag par gshegs pas spros pa bzhin du bshad pa mi shes pa mang ste/ chos kyi dkon mchog dang log ga la ba ngan pa'i lam du lhung ba mang ngo // shA ri'i bu ngas yon po mthong bar shes pa ni mthong ba zhes bya'o// yon por mthong bar shes pa de ni drang po mthong ba ma yin no/ / shA ri'i bu yon por mthong ba'i mar mthong bar ma gyur na mthong bar mi shes so// shA ri'i bu yang dag par gshegs par sangs rgyas rnams kyi bla na med pa'i g.yung drung rdzogs pa'i byang chub ni 'jig rten thams cad kyis yid ches dka' 'o/ / nga'o ni lha rnams dang 'jig rten thams cad la nang na yid ches pa yin te/ yid ma ches pa ma yin no// shA ri'i bu chos
- 81a
bshad do cog ni pha log gi 'gram du phyin pa'i phyir na/ de'i nang na pha log gi 'gram du phyin pa'ang med do// ngas chos bshad do cog ni spyad pa'i rnams zad pa'i phyir na de'i nang na spyad pa'i rnams zad pa'ang med do/ / ngas chos bshad do cog ni stong pa zhi ba'i phyir na de'i nang na stong pa zhi ba'ang med do// ngas chos bshad do cog ni med par bsgral ba'i phyir na/ de'i nang na med par bsgral ba'ang med do/ / ngas chos bshad do cog ni grol thar pa'i phyir na/ de'i nang na grol thar pa'ang med do// ngas chos bshad do cog ni shes rab can rnams kyi phyir na shes rab can rnams kyang med do/ / ngas chos bshad do cog ni dri ma dag pa'i phyir na/ de'i nang na dri ma dag pa'ang med do// shA ri'i bu yang dag par gshegs pas lha'i phyir chos bshad na lha'ang med do/ / mi'i phyir chos bshad na/ mi'ang med do// sems can rnams kyi phyir chos bshad na/ sems can med do// shA ri'i bu yang dag par gshegs pas rig pa dang grol thar bshad na/ de'i nang na rig pa dang grol thar pa'ang med do// ngas sangs rgyas bsam pa bshad de sangs rgyas bsam du mi rung ngo // ngas stong pa bshad de stong pa bshad du mi rung ngo // bsam du'ang mi rung / shA ri'i bu de'i ming yang dag par gshegs pas chos kyi yi ge bshad do cog le'u dang tshig gi nang na bshad pa med ces bya ba yin na/ mi ngan pa rnams kyi le'u tshig
- 81b
'di thob nas mi gzhan la bshad pa la'ang kho'i mkhan po yin no/ / yang dag par gshegs pa dang 'phrul gyi dge 'dun gyi legs don yang med ces zer te rang gi dge 'dun gyi grangs su bcug go/ shA ri'i bu dper spre'u 'dus pa'i khyu ni sum cu rtsa gsum gyi lha dang mi 'dra'o// de lta bu'i mi phal ngan pa ni nga'i 'phrul gyi dge 'dun dang mi 'dra'o// shA ri'i bu de lta bu'i mi ngan pa rnams ni sgra skad dang smra ba'i tshig 'ba' zhig gis bdag dge sbyong yin zhes zer te/ dper mi gti mug gis spre'u khyu mthong na sum cu rtsa gsum gyi lha yin zhes zer ba dang mtshungs so// shA ri'i bu de'i nang na khyim nas byung ba'i mi klan ka tshol ba dang dga' sred pa zhig yod do/ / mkhan po mkhas pa dang phrad pa de la ming dang kha dog stong par zhi ste smra ba'i tshig gis lam bcad sdang ba'ang med/ stong pa'ang med/ chos bshad de mtshan ma med pa khong du chud de de lta bu'i med/ 'gog pa med/ mtshan ma med pa'i chos thos nas mi sngangs mi 'jig pa na de lta bu'i ni dpag tu med pa'i sangs rgyas rnams la yon gsol myong zin par mngon te/ nga'i chos shes par nus pas de'i ming ni 'phrul gyi dge 'dun zhes bya'o// sangs rgyas kyi mdzod las le'u lnga ste/ gtsang ma'i le'u ste lnga'o// / sangs rgyas kyi mdzod kyi chos kyi yi ge bam po gnyis pa// sangs rgyas kyi yi ge le'u ste/ tshul khrims
- 82a
gtsang ma'i le'u'o/ / sangs rgyas kyis/ shA ri'i bu la bka' stsal pa/ tshul khrims zhig pa'i dge slong la mya ngan 'khrug pa'i mda' bcu yod de/ bzod par brnags par dka' 'o// dge slong gis mya ngan 'khrug pa'i mda' bcu 'byor 'grub na sangs rgyas kyi chos la zhib po'i ro myong mi thob ste/ chos 'chad pa la sdang zhing nye bsten pa la mi srid do/ / bcu gang la sogs pa zhes byas na/ shA ri'i bu tshul khrims zhig pa'i dge slong gis dge 'dun 'byor 'dum pa mthong na dga' ba'i sems mi skye'o// ci'i phyir zhes byas na/ 'dus tshogs gso sbyin byas na bdag ni bskrad de phyung / yang dag ces dge slong ngan pa de dag la nyes yod par shes pas rtag pa 'khrug bsrel te tshul khrims 'dzin pa la gshe mkhon ci mi dga' 'o/ / shA ri'i bu de'i tshul khrims zhig pa'i dge slong gi thog ma'i mya ngan 'khrug pa'i mda' zhes bya ste/ yang dag pa'i lam ngan par lhung ngo // yang shA ri'i bu tshul khrims zhig pa'i dge slong ni phal kun kyang sdang zhing mi 'dod pas nye bsnyen par mi dga' ste/ phyugs ngan pa rdung khu sa ra rnon po mi bo mchog gi btang ba bsrings pa dang mtshungs so// dge slong ngan pa de rang la nyes yod par shes pas rtag par dogs pa dang mya ngan 'khrug pa sel to// shA ri'i bu de'i ming tshul khrims zhig pa'i dge slong gi mya ngan 'khrug pa'i mda' gnyis
- 82b
zhes bya ste/ yang dag par lam ngan par ltung ngo // shA ri'i bu tshul khrims zhig pa'i dge slong phal dang phrad na/ sems can ngan pa'i mi mthun zhing btang spangs par rang shes te/ ngo tsha zhing gnod bsrel bas phal gyi nang du 'jug mi phod do/ / yang shA ri'i bu ming tshul khrims zhig pa'i dge slong gi mya ngan 'khrug pa'i mda' gsum zhes bya ste/ yang dag par lam ngan par lhung ngo // yang shA ri'i bu tshul khrims zhig pa'i dge slong mya ngan las 'khrug pa'i sems pas bstan pa bcos su mi rung ste/ mur 'dug pa'i chos kyi khrims kyi chos kyang med na/ gtsang mya tshul khrims med pa'i lta smos kyang ci dgos/ / tshul khrims zhig pa'i rgyu rkyen de lta spyad pas mis mi nye mi bsnyen/ shA ri'i bu de'i ming tshul khrims zhig pa'i dge slong gi mya ngan 'khrug pa'i mda' bzhi zhes bya ste/ yang dag par lam ngan par lhung ngo // yang shA ri'i bu tshul khrims zhig pa'i dge slong gis gzhan gyi nor rdzas spyod de rang gis lus gsos na/ ngas bshad pa la med de khur lci ba khyer zhes bya'o/ / ci'i phyir zhe na/ smod pa'ang thos pa ni yon len pa'i rigs pa zhes bya na tshul khrims ngan pa'i dge slong spyod pa'ang ma yin/ thob pa'ang ma yin pas shA ri'i bu tshul khrims zhig pa'i dge slong bskal pa grangs brgya stong khri 'bum gyi bar du lus kyi sha can gtubs te/ sbyin pa dag la 'jal lo// phyugs kyi lus su skyes na'ang rtag
- 83a
par khal lci ba khyer ba 'ong ngo / / ji ltar zhes byas na/ swa'i nyag ma gcig gi chu tshal gcig gi stong 'bum gyi shas gcig tsam yang tshul khrims zhig pa'i dge slong gi zhu bar mi nus na/ gzhan gyi gos dang / kha zas dang / mal cha dang / rtsi smra na zhu bar mi nus pa lta smos kyang ci dgos/ shA ri'i bu tshul khrims zhig pa'i dge slong 'phrul gyis chos gos gyon kyang gtsug lag khang gi nang na/ gom pa gcig kyang 'gro ba'i mi rigs na/ chu rngubs gcig dang khri stan yan chad la 'dug tu mi dbang ba lta smos kyang ci dgos/ ci'i phyir zhe na/ shA ri'i bu de lta bu'i mi ngan pa las lha'i nang na'ang dgra chen po yin zhes bya ste/ 'jig rten thams cad kun gyis kyang bsribs spang ba'i rigs so// de lta bu sun byung ba'i mi ni kun gyi dgra yin no/ / yang dag par gshegs pas 'jig rten thams cad nga'i thad du 'ong bar gnang na/ tshul khrims zhig pa'i mi ni yang dag par gshegs pa'i phyag gis bkag ste/ nga'i slob ma ma yin na nyin gcig nga'i chos kyi nang na mi 'jug pa lta smos kyang ci dgos/ shA ri'i bu dper na mi shi dang / sbrul shi dang / khyi shi ba ni nang gi ga na ma sme ste gtsang gdang ba'i lha rnams rtsen zhing rgod pa'i tshe mthong du mi rung ngo / / mthong du zin kyang bsring ngo // 'di lta ste/ shA ri'i bu tshul khrims zhig pa'i dge slong ni ro de gsum mnam sme ba
- 83b
dang mtshungs te/ mi gtsang bas shes rab can gyis bsrings spangs te/ lhan cig tu gso sbyin rang gsang ba mi byed do// shA ri'i bu tshul khrims zhig pa'i dge slong ni nga'i nang na mi shes pa ma yin zhes bya ste/ tshul khrims 'dzin pa'i dge slong gi tshul khrims bshig pa'i 'di lta bu mthong na mod bzhin ring du spangs so// ci'i phyir zhe na/ tshul khrims zhig pa'i dge slong gi lag gis reg pa'i rdzas blangs so cog tshul khrims 'dzin pa'i ngan dug par gyur to/ / shA ri'i bu ro gsum gnam sme bas gang ba'i sa de'i na nga'i bzhin du spyod pa'i ni phod kyi/ tshul khrims zhig pa'i dge slong 'di dang skad cig lhan cig 'dug na ni mi phod do/ / ci'i phyir zhe na/ shA ri'i bu de ni dge sbyong gi nang na ngan pa tha ma ste/ dge sbyong gi nang na 'phrul gyi lam stor ba rul zhig la ngan pa tha ma'o/ / dge sbyong gi nang na phub ma shin pa'o// dge sbyong gi nang na rnyog pa'o// dge sbyong gi nang na 'khor ba'o// dge sbyong gi nang na 'phrul gyi lam stor ba ste/ de lta bu la sogs pa'i mi sa nga'i chos kyi nang du khyim nas byung ste lam btsal na sdig lci ba thob bo/ / shA ri'i bu de lta bu'i mi ni ngan pa'i chos kyi nang na log pa'i dgra zhes bya'o// chos kyi dgra yin zhes bya'o// brnya sa bslu zhing g.yo sgyu byed pa'i mi zhes bya'o// srog gso ba'i phyir gos dang zas la skom lci ste/ de'i ming 'jig rten gyi bran g.yog la sred pa zhes bya'o// shA ri'i bu dper nyung rum
- 84a
skyes pa'ang ma yin/ bud med kyang ma yin pa dang 'dra ste/ tshul khrims zhig pa'i dge slong de'ang de dang mtshungs pas ming khyim na 'dug pa zhes kyang mi bya/ ming khyim nas gnas nas byung ba zhes mi bya ste/ tshe zad phyin chad thal byung sems can dmyal bar 'gro/ shA ri'i bu dper pha wang dang mtshungs te/ byad bzung zhes byas na ni byi ba bzhin du khung bur song / byi bas bzung zhes byas na ni nam mkha' la 'phur te byar red do// bden par bya na chen por spyad pa med pa la de'i lus rnams gnas smye ste mun pa mun pa mi snang bar 'ba' zhig srid do/ / shA ri'i bu tshul khrims zhig pa'i dge slong yang de dang mtshungs te/ gso sbyin rang gsang bar yang mi 'jug/ rgyal pos bkol ba'i gral du'ang mi 'jug/ ming gos skya bo can zhes kyang mi bya/ ming khyim nas byung zhes kyang mi bya'o// dper ro bsregs pa'i shing lhag ma dang mtshungs te/ phyis cir yang spyad du mi rung ngo // de lta bu'i dge slong gi chu khrims kyi rim pa'ang med/ thub pa'i rim pa'ang med/ shes rab kyi rim pa'ang med/ grol thar gyi rim pa'ang med/ grol thar shes mthong ba'i rim pa'ang med/ tshul khrims gtsang ma bshig pa cho ga tshang ba 'ba' zhig gi rim pa yod do/ / shin tu zab mo dam pa'i sgra skad dang / tshul khrims kyi sgra dang / thub pa'i sgra dang / shes rab kyi sgra dang / grol bar gyi
- 84b
dang / shes rab mthong ba'i las grol thar gyi sgra dang mi nus kyi/ tshul khrims zhig pa dang ngan pa'i sgra skad 'ba' zhig phyin te/ ngan pa 'thun gzhan dang lhan cig tu ngan pa'i sgra 'byin cing gos dang / zas dang / nyal ba'i khri dang / sbyin pa nod blang ba dang / shing dang / me tog dang / 'bras bu ched cher bya ba 'ba' zhig brjod cing mi mngag pa dang / yul gyi nang gi dge mi dge ba dang / bde mi bde dang / rtsod mo dgod pa'i don dang / mi dge ba'i tshig rnams brjod do// rtag par nyin mtshan du dge ba de bzhin lus kyi las mi gtsang / kha'i las mi gtsang yid kyi las mi gtsang na/ sems can dmyal bar ltung ngo // shA ri'i bu tshul khrims zhig pa'i dge slong de mun pa mi snang ba la smra ba ni da ci'i pha wang dang mtshungs te/ drang po'i chos yig bshad pa thos na 'khrug par 'gyur ro/ / ci'i phyir zhe na/ bden pa bzhin du bshad pa'i phyir ro// 'jig rten gyi ni bden par bshad pa la mi dga' ste/ bdag gi yid dang mi 'gal ba 'ba' zhig la srid do/ / de lta bu'i dge slong ni chos 'chad pa la sems mi gtsang ste/ sdig lci bar gyur cing sems can dmyal bar skye ba la phan no// shA ri'i bu de'i ming tshul khrims zhig pa'i dge slong gi mya ngan 'khrug pa'i mda' lnga zhes bya ste/ yang dag par sems can dmyal bar lhung ngo // yang shA ri'i bu tshul khrims zhig pa'i dge slong la khrel zhing ngo tsha ba med de/
- 85a
dbang po'i rnams kyis 'khrugs nas mi gtsang ba'i lus dang / kha dang / yid kyi las mi gtsang ba'i mchog 'byor 'grub bo// gos gyon to cog kyang kun chos dang mi mthun/ brdzun pa'i tshig la dga' sred do// kha'i bag bya mi nus/ sems rtag par rgod pas dri ma skye bas zhen to// shA ri'i bu gyo mo'i snod gsar pa'i nang du rgyag pa za ba dang / khrag rul ba mnam pa blugs pa dang mtshungs te/ phyir mi gtsang ste/ bor la spos tsan dan blugs/ phyis yang spos can bor na/ de lta bu'i gyo mo'i snod la sogs pa'i dri bo// bcom ldan 'das de lta bu'i gyo mo'i snod gsar par rgyag zab na ga nam mo blugs te sra bar chags na mnam po'i dri 'ba' zhig mchis kyi/ tsan dan gyi bsung ma mchis so// shA ri'i bu mi gtsang dag pa'i yid ches pa la sogs pa'i dbang po rnams spyad de/ khyim nas byung la/ chos lam bslab pa ngan pa'i bshes gnyen dang phrad na des bstan pa bzhin du 'brang ngo // shA ri'i bu gang la sogs pa ngan pa'i bshes gnyen zhes byas na/ ngan pa'i bshes gnyen ni rtag par rtsed mo 'dran tor la sred cing yang rgod la khrel med// smra ba'i tshig gi 'khrug/ dbang bopo'i rnams mi sdud/ sems rtse gcig tu mi mthun zhing gti mug lug bzhin pa de lta bu'i ngan pa'i bshes gnyen la nye bar bsnyen na/ rgyun du zhugs pa'i 'bras bu dang / lan cig/
- 85b
phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu dang / lhar skye ba la thug pa yan chad kyang skor na mya ngan las 'das pa'i lam lta smos kyang dgos/ chos bshig pa'i sdig la sa spyod sbyong ba 'ba' zhig la mkhas te chos 'jig pa dang 'grogs shing dong ngo mi des lus kyi las mi gtsang ba/ kha'i las mi gtsang ba/ yid kyi las mi gtsang ba/ tshul khrims 'dzin pa mi gtsang ba 'byor 'grub pas/ lus shi na lam ngan par zhugs so// lam ngan pa ji lta bu zhes byas na/ lam ngan pa ni ming sems can dmyal ba dang / yi dgas dang / byol song dang / lha ma yin gyi lam mo// yang lam ngan pa yod de/ srin a su ling ga dang / srin bu bag la 'bo ka dang / srin bu 'byin rtse'u dza ka dang / srin bu ji 'gog ka dang / mi de srin bu de rnams kyi nang du lan mang du skye'o// shA ri'i bu mi ngan pa'i bshes gnyen gyi phyir 'brang bas/ mi'i nang du skyes su zin yang pha ma dang gson por bral la sha brlag ste/ khyim ches nye bar la gnong zhing yul sa zhig ral te bgegs brgyad kyi nang du skye bar 'ong ngo // skyid pa brgyad kyi gnas btang la/ 'dod pa mang khro blun la rtag par rtsed mo 'dran tor la sred/ khong yang rgod cing ngo tsha ba'ang med/ tshig tshol bar smra/ sems mi bsdu mi nus te/ gti mug lug bzhin 'dod chags zhe sdang gti mug
- 86a
gis 'o na lkugs long zhar rkang lag bskums nas ngan pa'i bshes gnyen des sangs rgyas med pa'i gnas su skye'o/ / sangs rgyas kyi dus dang phrad du zin na'ang bdag rang mthong bar mi 'gyur/ chos thos par mi dga' sangs rgyas dang / dge 'dun dang lhan cig tu mi 'dug ste/ de'i ming 'dod pa tha ma zhes byas so// shA ri'i bu shes rab tha ma'i mis mthar 'gog pa dang / lam dang / mya ngan las 'das pa skyo bral ba'i sems skye bar mi nus so// shA ri'i bu ngan pa'i bshes gnyen phrad de lta bu'i rgud pa'i mya ngan gyi nad rnams thob pa/ de lta bu'i lhas mtshan yod pa'i mi des chos kyi yi ge zab mo 'di thos na/ sngangs dogs shing 'jigs skrag pa ni khung zab mor lhung ba dang mtshungs pas sdig chen po'i dong khung zab mo'i nang du ltung ngo / / ci'i phyir zhe na/ shA ri'i bu chos kyi yi ge la de bzhin te/ tshul khrims zhig pa'i dge slong la sdig lci ba chen po yod do// ci'i rgyu rkyen gyis na ming tshul khrims zhig pa zhes bya/ tshul khrims mnos so cog zhig cing tshig bstan dka' la/ byed do cog la brtags brtan pa med de gzhal zhing ldog pa mang / khor mor 'dod chags spyod pa go bdun mang ste/ 'dod chags zhe sdang gti mug spyod cing tshig gzhan go bdun la sred pas na/ ming tshul khrims zhig pa'i zhes bya'o// yang gcig tu na mtsho nam gyi 'dod pa mang po la sred lce
- 86b
rgyang gi kha do la sred pa/ gnyid chen po la sred/ zer ro cog 'gal la go rims med/ mi gtsang ba 'chad de bdag tu lta ba dang / gang zag dang / tshe dang / srog la 'dod chags pas na ming dge slong ngan pa zhes bya'o/ / tshig dang dpag pa mi shes/ dge slong gi chos mi shes/ bram ze'i chos mi shes/ sman gyi dpyad byed pa dang / tshong spogs byed cing khe tshel ba la sred de/ yul gyi pho nya byed pa dang / gzhan la gos shing zhen par bya ba la sred/ gos skya bo can gyi mtshon ma bya ba'i mngag gzhug dang / shing rnams kyi 'dab ma dang me tog rdo gu 'phrul ba la sred/ gos skya bo can la mur 'dug gi chos bshad pa la sred de/ sems la rtag par 'jig rten las byung ba'i chos btang spangs te/ lo nyi shu ma lon par tshul khrims rdzogs par mnos nas/ tshul khrims mnos pa'i nang na gzhan pa ma ldan pa yod de lus nyams/ byad nyams shing 'tshang mi rigs mi chos te/ khre 'bras rjen pa dang / dong tse dang / dar gser dngul len/ bstan bcos bzhin du med/ mkhan po'i tshig la slar sdong la zlog/ bdag gi lus kyang mi shes/ che chung tha dad par ran par byed par mi shes/ brdzun tshig la dga' sred// tshul khrims lan pa la 'dod chags spyod pa'i don kun gyis 'khrug ste/ sems gcig tu ma mthun/ gdong la khro ba'i gzugs yod cing 'jus shing rkam pa/ yid mi shes/ gzhung
- 87a
bsam pa mi shes/ brkam 'dod mang du srel/ gnyid che zhing rtsed mo 'dran tor sred/ dog 'gyod gshe mkhon te sdig ngan pa sbas bcabs nas rang dus che ba sred phrag dog dang gcam sgyu che/ khrel drin med/ rang nyams che/ grag pa'i le lo dang / nga'i le lo dang / le lo chen po dang / yon po'i le lo byed/ bdag gis legs zhes bstod/ thab mang du byas te gso ba'i sgo ma phye/ gos skya bo can la brnyas smad de/ sgyu ma'i mi gnyen pa byas na/ brnyan pa byas na/ bsnyen gzhar gyis nor thob ste/ mi phal la ngom zhing tshul khrims kyi rim pa dang / thub pa shes rab dang / grol ba'i rim pa dang shes mthong ba las grol thar pa'i rim pa nyams zhig pa ste/ sangs rgyas dang / chos dang / dge 'dun la nges par yid mi sems so/ / las kyi la mi ches te 'phral khe rin cher 'dzin la/ dus phyi ma med ces zer zhing dogs 'gyod pa rnam pa mngal sems kyi rang bzhin sra ba zhan pas rtag par sngangs skrag pa la sred do/ / shA ri'i bu de'i ming dge slong ngan pa zhes bya ste/ de lta bu'i gti mug ni nga'i chos kyi nang na rgyag zab gnang sme zhing mi gtsang ba yin no// mi des lus dang / kha dang / yid kyi ngan pa'i las 'byor 'grub ste/ mi gtsang mi dang bas tshe zad kyi 'og tu lam ngan par lhung ste/ dmyal ba chen por song ngo // de lta bu'i dge slong ni yang dag par gshegs pas sangs rgyas rnams
- 87b
dang slob ma'i rnams kyi rtag par bsrings spangs so/ / gzhan chos lam la sred pa dang zhi ba 'das pa tshor ba'ang kun gyis kyang mi bsnyen to// shA ri'i bu dper spos tsan dan gyi snod gtsang ma'i nang du mi gtsang ba dang lhan cig bzhag pa dang mtshungs te/ phyis cir yang spyad du mi rung ngo // de ste shA ri'i bu khyim na 'dug pa dang / khyim nas byung ba la la zhig gis mi de la nye bsnyen te ci byed pa bslabs sbyangs na/ tshul khrims zhig pa'i le'u dang yang ring por mi thog par dran par 'thud de/ kha dog gi mdangs nyams shing gram la chos gzhig stor te/ tshe zad kyi 'og tu sems can dmyal ba'i nang du skye'o/ / shA ri'i bu de lta bu'i mi ngan pa de ni yang dag par gshegs pa'i sangs rgyas so cog dang / slob ma'i rnams dang / gzhan chos la ma tshol ba dang / zhi bar thar pa'i srid pa'i kun gyis bsrings spongs so/ / shA ri'i bu dper spos tsan dan snod mi gtsang ba'i nang du blugs pa dang mtshungs te/ phyis cir yang spyad du mi rung ngo // de lha shA ri'i bu khyim na 'dug kyang rung / khyim nas byung yang rung ste/ lus la bskus mod kyi/ 'on kyang mi gtsang ba dang 'dres so// shA ri'i bu dge slong ngan pa'ang de dang mtshungs te/ dge 'dun phal gyi nang na 'dug cing 'phrul gyis chos gos gyon mod kyi/ 'on kyang dge slong ngan pa'i gzugs mngon no// tshangs par spyod pa'i dge slong gis mi gtsang ba 'di mthong na bsrings te mi
- 88a
bsnyen no/ / gzhan gyis bsrings spangs pa mthong nas sems mkhon te/ de'i rgyu rkyen gyis shin tu dmyal bar song ngo // shA ri'i bu de lta bu'i ming tshul khrims zhig pa'i dge slong gi mya ngan 'khrug pa'i mda' drug ces bya ste/ yang dag par sems can dmyal bar lhung ngo // tshul khrims gtsang ma'i le'u 'og ma'o// // yang shA ri'i bu tshul khrims zhig pa'i dge slong gis de lta bu la sogs pa'i tshogs yig sangs rgyas kyis bshad do cog thos na/ sems mi gtsang mi ga dang ste/ mi dga' zhing yid mi ches ma dad de/ bdag nyes yod par shes pas chos kyi yidu mi ches nas bdag la sogs pa'i phyir bshad kyi/ mi gzhan gyi phyir ma yin no// ci'i phyir zhe na/ bdag la sogs pa'i sngan chad de la 'dug pa'i phyir ro/ / shA ri'i bu de dam pa'i mchog spun du med pa'i tshul khrims zhig pa'i dge slong gshe mkhan te/ chos pa la yang dag par yid mi ches pa mang nas de lta bu sangs rgyas kyis bshad do/ / thos na log 'gal zhing mi gnod cing tshig ma yin no// 'di ni sangs rgyas kyis ma bshad de/ mi gzhan bstan pa'i tshig yin zhes zer ro// de ci'i phyir zhe na/ tshul khrims zhig pa'i dge slong ni lam spyod pa'i dge slong ni sangs rgyas kyis tshig dang mi 'gal lo// de kun ni tshul khrims zhig pa blun glen zhing chos ngan pa byed pa
- 88b
sems yid mi ches te/ sangs rgyas kyi tshig dang log 'gal ba de lta bu'i dge slong nyes yod par bdag rang shes pas gshe mkhon pa dang grags shing le lo dang / gtum zhing dus che ba dang / ngan par yon po dang / le lo dang sems skyes te/ sangs rgyas dang / chos dang / dge 'dun la 'phya zhing skur to// shA ri'i bu de na dge slong des chos kyi yi ge kun thos na/ log 'gal ba yid mi ches nas sems kyis bla na med pa'i byang chub khong du chud pas mi gzhan la sangs rgyas bshad pa ma yin zhes ston to/ / shA ri'i bu sangs rgyas kyis bshad pa la mi de lta bu'i chos la skur pa zhes bya'o/ / dge sbyong ma yin/ shAkya'i rigs kyi rigs kyi bu ma yin te/ med par 'god tor dbyung ba'i rigs so// de lta bu la sogs pa'i dge slong ni brgya stong khri 'bum gyis lan gsum du bsgyur te mngon par bstan du go bar bya ba dang / lam gyi 'bras bu thob par mi nus so// ci'i phyir zhe na/ shA ri'i bu mi ngan pa ni chos 'di la rang gi lam bsgribs pa zhes te/ skye ba'i skal ba'ang med/ yid ches pa'i sems kyang med la/ gos dang zas 'ba' zhig la sred cing / 'jig rten gyi khe la brkam dad pas ngas mi 'di yang dag par gshegs pas sems can dmyal bar lhung zhes bshad do/ / shA ri'i bu da ngas mngon zhing bye brag phyed par sgo'o bar khyed la bsgo'o// mi la la zhig 'di lta bu'i chos kyi dkon mchog la log cing gal na legs par skye
- 89a
ba'i gnas la gzhar skal ba yong med de/ ngan pa'i gnas 'ba' zhig tu skye la rtag par long ste mig med do// shA ri'i bu dge slong de dag grags shing le lo mdo'o// dar te nges par 'chad mi nus pas nga'i drang po'i chos ba zhig go// mi phal gzhan la 'tsho ba mi nus te/ gso ba khe'i phyir nga'i chos bzhig go// shA ri'i bu 'di lta bu'i chos kyi dkon mchog ni de'i tshe med par bshig go/ / ci'i phyir zhe na/ de lta bu chos kyi dkon mchog ni sangs rgyas thams cad kun gyis ri mo gus pa ste/ rang sangs rgyas dang dgra bcom pa la sogs pa kun gyis rim gus par bya ba ni tshul khrims zhig pa'i dge slong le lo yar skye bas chos nges par ma bshad de/ dge slong gzhan la sogs pas de'i tshe kun gyis nga'i chos la brnyas shing le lo byas nas kun gyis bsrings spangs te/ 'jungs brkam cher sred cing 'tsho nam gyi las la gcig tu sems shing nor khe na rin cher 'dzin/ phrag dog gi bcings pas rtag par 'thab rtsod la sred cing res kyis sha khon skyes la/ gcig la gcig gus pa'i bag med byed do cog med do// sems kyi rang bzhin yang rgod pa na spre'u dang mtshungs te/ cho ga bsgyur bcos nas/ ngan pa'i las rnams spyad de/ dge slong gi chos las phyir mi nur/ mdzangs shing 'phrul pa ni bsrings so// shA ri'i bu 'di lta bu'i mi ngan pas de lta bu'i nyes pa sbas bcabs te/ 'dod pas mang bas nor spyad do da rang
- 89b
gsos pas bdud ngan pas de'i sems rig ste/ thabs spyad pas tha dad par byas te/ so sor gyis gzhig nas ro gcig pa'i dge 'dun dkon mchog la sde lngar bgos te/ sde lnga yod pas na 'thab rtsod pa skyes shing gcig la gcig ma yin pa dang nyes pa 'khrul pa brjod do/ / shA ri'i bu da ltar gyi dge slong ni gcig gis gcig la bstan bslabs te/ gcig la gcig ri mo gus shing sems gcig tu 'thun par spyod de/ sangs rgyas kyis bshad pa bzhin mi 'gal lo// de tsam gyi tshe'i dge slong ni gcig la gcig mi ston mi bslab/ gcig la gcig ri mo gus ngan pa byed pa mthong na/ des 'jigs shing btang nas chos su spyad de gcig la gcig bstan par mi nus so/ / la la mang po thos pa dang shes rab zab mo yod kyi/ 'on kyang dregs pa le lo med de/ shA ri'i bu yang dag par gshegs pa 'jig rten na mi gzhan brnyas smad nas/ so so'i spyod cing rang gis brjod pa btsugs te/ gcig gis gcig mthong bar mi dga' na bstan pa mnon mi nus pa lha smos kyang ci dgos/ shA ri'i bu yang dag par gshegs pa 'jig rten na bzhugs pa'i tshe na/ dkon mchog gsum ro gcig nang med par 'das pa'i phyi na bgos te/ sde lngar byas so// shA ri'i bu bdud ngan pa da rung lus sbas te lha sbyin ba sgrogs bstangs nas nga'i chos dang dge 'dun bshig go/ / yang dag par gshegs pa ye shes chen por da ltar 'jig rten na bzhugs bzhin pas na
- 90a
bdud ngan pa chen pos 'byor par mi nus so/ / ma 'ongs pa'i dus na bdud ngan pas lus bsgyur la dge sbyong gi gzugs su byas te/ dge 'dun gyi nang du zhugs nas log pa rnam pa mang po bshad de/ sems can mang du log pa mthong bar 'jug par byas nas/ de la log pa'i chos bshad de 'byi le'u da ba la ga ba la don gyis 'dran to zhes zer te/ shas lnga'i don bsams bzhin du zhi ba'i don yod pa thams cad kyi don yang yod pa'i don thob pa yod do cog gi don to/ / de'i tshe bdud ngan pas de lta bu la sogs pa log par 'dod chags pa'i don bshad de/ de lta bu'i don ni sangs rgyas rnams dang sangs rgyas kyi slob mas bshad pa ma yin no// de'i ming ngan pa'i rnams bdud kyis bslad pas so sor ci mthong ba la chags te/ bdag gi yin pa'i ma yin zhes zer ro/ / shA ri'i bu yang dag par gshegs pas snga nas da dung ma 'ongs pa'i dus kyi nang nas de lta bu la sogs pa 'jig pa'i don yod pa mthong bas na ched kar chos zab mo 'di bshad de/ bdud ngas chags par byas pa'i don rnams kun bcad do// shA ri'i bu de tsam gyi tshe na yang 'dzam bu gling gi nang na le lo yang skye ba'i mi de mang ste/ dge ba legs pacung zhig byas pas kyang thal chos lam thob ces zer te tshe zad pa'i 'og tu lam ngan par lhung ngo / / de ci'i phyir zhe na/ de ni nyin mtshan du bdag gis kyang lam thob par ces zer
- 90b
mi gzhan gyis kyang lam thob bo zhes zer ba brjod cing bshad de/ 'phrul gyi mis yon phul ba thugs thub par len te/ de lta bu mi lha dang / mi dang / 'jig rten thams cad kyi dgra ngan pa chen po zhes bya'o/ / de lta bu'i gti mug gis mchog gi bden pa'i gzhung bshad pa thos na/ sngangs dogs shing 'jigs skrag pa ni khung zab mo lhung ba dang mtshungs so// shA ri'i bu dge slong gzhan don 'di lta bu la sred pa yod de lhan cig tu 'dus tshogs nas/ sangs rgyas rnams kyi bla na med pa'i byang chub gral bshig go// de'i tshe le lor yang skye ba'i mi log par chags pa mang ste/ bdud ngan pas kyang khyim na 'dug pa dang / khyim nas byung ba'i sems bslang dkrugs te/ chos ma yin pa la chags par byas so// drang po'i chos 'chad pa la ni ra mda' stong pa nyung bas thal byung gyis zhigs te slar tshugs par mi rung ngo / / shA ri'i bu de'i tshe 'jig rten na dge slong gzhon nu dang yod de dbang po rno ba yod do// ji lta zhe na/ khyim nas byung ba gzhan ni ngan 'khrug pa'i lhag ma yod pas slar mi'i nang du skyes nas 'dod yang slad khyim nas byung ste/ dge slong de dag rtog cing 'dri ba la dga' zhing mos pas sangs rgyas kyi chos mchog gi bden pa'i gzhung rjes gcod cing tshol lo/ / shA ri'i bu che le lor yang skye ba rnams ni bdud kyis bslang dkrugs pas srog gso ba 'ba' zhig tshol te/ bden par mi tha mal pa yin na/ bdag na re/ dgra
- 91a
bcom pa'o zhes zer te/ dge slong gzhon nu rnams la sogs pa la zer ba/ lus dang / kha dang / yid dge na de na sangs rgyas kyi chos kyi mchog gi bden pa'i gzhung yin no/ / tshul khrims gtsang ma legs par bsrungs la/ chos kyi yi ge kha ton dang bklags te mang po thos pa 'grub pas spyad na de'i mi 'gal bar brjod pa'i rgyu zhes bya ste/ de ni sems gtsang zhing sangs rgyas la yid ches pa'o/ / gcig tu mchog gi bden pa'i gzhung yod kyis/ khyod kyi sems kyi nang na brtags pa bzhin du gcig tu las 'das pa bsams na/ sdug bsngal rnam gsum bgags te/ lnga phung dang zhugs pa bcu gnyis khams bco brgyad skyo bar nus so// khyed la sogs pa gnas dben pa na phung po dang / khams dang / bzhugs pa'i chos 'di la rtog cig dang / kun rtogs pa med pa'o// bdag gi lus la brtag ni mi gtsang ba rnam pa mang po ste/ khyed la sogs pas de lta bur brtag nus na/ rgyun du zhugs pa'i 'bras bu thob bo// yang gcig tu na lnga phung la sogs pa'i chos 'di rtag pa med/ sdug bsngal ba stong pa ste/ yang dag pa'i nga med/ sra mkhan med par zab tu rtogs na gdod lan cig phyir 'ong ba thob bo// bsgyur te yang zab tu brtags na phyir mi 'ong ba dang / dgra bcom pa mchog gi bden pa gzhung yin zhes zer ro// de ni nang na dge slong gzhon nus dris pa/ sangs rgyas kyi nang na bcom pa'i
- 91b
'bras bu thal byung du mchog gi gzhung zhes bya ba 'am/ nged la sogs pa'ang de ni don shes te/ dgra bcom pa'i mchog gi gzhung ma yin no// da ltar gyi phung po lnga po 'di dran zhing bsams pas skyes sam mi dran pa ma bsams pas skyes lan blan pa lnga phung gis dran pas skyes so/ / mi dran pa ma bsams na mi skye'o// yang dris pa/ dran pa bsams pa dang / lnga phung tha da dam mi dang / lan smras pa/ phung po lnga dang mtshungs te ngan pa bsams pa'ang de bzhin no// yang dris pa/ lnga phung dang mtshungs te dran pa bsams pa de'ang de bzhin du zin na/ lnga phung sems pa med du zin na/ mya ngan las 'das pa'ang med do// bden par na lnga phung sems pa med do// de lta bas na drang po'i 'phags pa'i lam brgyad spyad de/ mya ngan las 'das par chud par yod do zhes zer ro/ / shA ri'i bu ma 'ongs pa'i dus na dge slong 'di lta bu'i bzod pa 'byor 'grub pa mang ngo // shA ri'i bu de'i tshe tshegs pa'i nang du na lha phal mang du yod do/ / sangs rgyas kyi chos mchog gi bden pa'i gzhung thos par dga' na/ le lo yar skye ba des bshad pa thos pa dang sems la dogs shing 'gyod pa skyes te/ khung zab mor lhung ba dang mtshungs nas kun 'di skad zer ro/ / kA ye sangs rgyas shAkya thub pa'i chos ni myur du med la thug go zhes zer ro// shA ri'i bu de'i nang na dge ba 'byor 'grub pa'i dge slong yod pas dge slong
- 92a
de la 'di skad byas so/ / mi gti mug stong par rgas pa le lo yang skye ba lnga'i mtshan ma dang / lnga phung gi mtshan ma dang / lnga phung gi mtshan ma yang zhugs pa bcu gnyis dang / khams bco brgyad kyi mtshan ma yod du 'dzin na/ tshig de mi nyan to zhes zer te/ mi dga' nas rang stan la 'dug pa langs te song ngo // shA ri'i bu de'i tshe na lha rnams shin tu dga' ste/ phyogs bzhir skad phyung ste smras pa/ sangs rgyas shAkya thub pa slob ma mkhas pa da dung yod ces zer to// de'i tshe mi gzhan la sogs pa yang dge ba'i rtsa ba mi nyung bas mi gtsang ba de bshad pa thos par mi dga' ste/ de ni bdag tu lta ba dang / gang zag tu lta ba'o// lha rnams kyis 'di thos pa dang / kun shin tu dga' ste dbang po rno ba de snyan par bstod bsngags te/ 'dri zhing lan ljon pa la dga' sred pas kun gyis skye ba med pa'i chos kyi bzod pa thob pa yang dag ces zer ro// de lta bu la sogs pa'i mi gnas gcig tu 'dug ste lhan cig tu bsdongs 'grogs na mi phal ming dpung bsdongs kyang zhan to/ / shA ri'i bu de'i tshe nga'i yang dag pa rnams kyang rigs kyi rgyud la cho ga nor ba med na/ yon mi thob pa dang / mchod rten dang gtsug lag khang du mi gnas pa lta spos kyang ci dgos/ shA ri'i bu re zhig khyod lta zhig/ de nas yang dag par gshegs pas thal byung brnyas gshung ba byas te/ nga med par 'das pa'i phyi na nga'i bu rnams
- 92b
la sogs pa ci'ang thob pa med pa'i bzod pa zhi ba la mkhas pas kyang de'i tshe la brnyas pa smad do/ / de lta bas na bskal pa grangs med pa'i bar du dgra'i rnams phul nas lha'i rgyal po dang / mi'i rgyal po rnams thams cad bstan te/ sems gtsang dag par byas so// de nas gdod nga'i bu rnams kyis pha'i gral bde bar thob par byas so// shA ri'i bu yang dag par gshegs pas 'jig rten gyi mi dang lha thams cad dbang du byas te/ yang dag par gshegs pas chos bzhin du bla na med pa g.yung drung rdzogs pa'i byang chub thob ste/ bla na med pa'i chos kyi 'khor lo bskor ba dge sbyong dang / bram ze dang / lha dang / bdud dang / tshangs pas ni bskor mi nus so// shA ri'i bu de ltar mngon par bstan pa'i don yang dag par gshegs pas 'das pa'i phyi na bla na med pa'i g.yung drung rdzogs pa'i byang chub 'di nga'i slob ma rnams la sogs pas rgya cher bkram zhing khyab par byas na mi ngan pa gzhan rnams kyi mngon pa'i dbang bya mi nus/ 'jigs pa med pa'i sbyin pa yang mi nus so/ / shA ri'i bu dper na sbrang rtsi bum pa lam gyi bzhi mdor bzhag ste/ tshig 'di skad byas pa dang mtshungs so// mi la la zhig gis spu nyag ma gcig gi thog ma tsam zhig za phod na/ rtag par mi rga mi 'chi'o// de nas lha dang 'jig rten gyi rnams so sor ral gri mtshon cha thogs te/ bum pa'i drung na de'i bsrung ba'i rnams so sos tshig 'di skad 'dzer to// mi la la zhig
- 93a
spu nyag ma gcig za ba yod na/ bdag cag gis bsad do zhes 'dzer to// shA ri'i bu de'i nang na mi gcig mkhyud bur 'di snyam du sems so// bum pa 'di'i nang gi sbrang rtsi la spu zhag gcig gi thog ma tsam zhig zos na/ mi rga mi shi na bdag ci'i phyir nas shi bas mi 'jigs shing mi ba/ thob tu zin te zos na mod bzhin srungs ma rnams kyi 'jigs pa med pa la brtags te/ rga ba dang na ba 'chi ba med pa'ang thob par rung na/ de bzhin du sems brtul te tshe srog mi 'phangs par thal byung bum pa'i nang du song na srungs ma rnams so sor ral gri dang mtshon cha khyer nas stod de gsod par byas so/ / shA ri'i bu mi des ral gri mtshon chas ma phog par rdul nus te thigs pa gcig zos su zin na rgud pa'i nad las thar te rga shi yang med do// 'di lta ste/ shA ri'i bu mi ngan mang du yod pas bdud dang bdud phal rnams kyis nga'i chos med par bya bar byas so// yang dag par gshegs pa 'das pa'i phyir na mi la la zhig stong pa'i chos bzhin du nus khong du chud la the tsom med na/ 'dod cho ga la sems kyis ci'ang thob pa med do// bla ma'i bzod pa 'byor 'grub bo// de'i tshe na mi ngan pas brnyas te chos lam de dral bshig par bya mod mi des lus dang srog mi 'phangs par nus na/ brtson 'grus rtag tu spyad na chos so cog kun chud la/ skye ba'ang med/ bya ba'ang med de/ skye rga na 'chi las grol thar pa thob
- 93b
bo/ / shA ri'i bu sbrang rtsa bum pa ni sangs rgyas kyi chos kyi gzhung yin no// lha dang 'jig rten gyi rnams kyis bum pa srungs pa ni mi ngan pa bdud kyi don la sred pa yin te/ bdag gi bsod nams chen po'ang stor/ mi gzhan yang dag pa'i mtshan ma spyad pa'ang bkab ste/ bsod nams chen po stor bar byas so// shA ri'i bu le lo yar skye ba ni kun bdud kyi grogs po yin te/ bdud kyi don grub par ston cing skye ba med pa'i chos la 'phya zhing ga she'o/ / yang shA ri'i bu mi gtsang ba 'chad pa ni bdag tu lta ba dang / gang zag tu lta ba dang / sems can du lta ba dang / lnga phung dang / zhugs pa bcu gnyis dang / khams bco brgyad du lta ste/ mthong bar thob ces zer zhing sems la la ma thob par 'dzin/ mya ngan las 'das pa thob par 'dzin te/ kun gyis kyang 'di lta bu drang po'i chos la 'phya zhing bskrad do/ / ci'i phyir zhe na/ mi de dag khang stong pa la 'dod chags pas phyir te/ bdud rnams kyang ma yin la/ bdud kyis kyang bslad dkrugs pas nga'i drang po ni bdud kyi don du byas so/ / shA ri'i bu khyim na 'dug pa'ang rung / khyim nas byung ba'ang rung ste/ bdag tu lta ba med de/ gang zag tu lta ba med/ sems can med de/ mthar yun du spyod pa'i chos 'di thos la sngangs shing skrag na/ de lta bu'i mi ni bdud kyis bstan bslabs par mngon te/ ri mo'i dge slong yin/ chos rku ba'i cho ga ngan pa yin no// shA ri'i bu de lta bu'i mi ni
- 94a
bdag tu lta ba dang / sems can du lta ba dang / yod par mthong ba dang / med par mthong ba dang / rtag par mthong ba dang / chad par mthong ba yin/ kun bdud kyi mi lta bu'i sangs rgyas kyi slob ma ma yin no/ / ji lta zhe na/ nga'i chos kyi yi ge'i nang nas bshad pa 'jig rten thams cad kun ni stong ste/ nga med pa'i gnas kyang med/ gang zag med/ sems can med/ rtag pa med/ mi 'gyur ba med/ mi 'jigs pa'i chos med na/ de lta bu'i mi ngan pas kyang kun gyis chos kyi yi ge dang kha ton du bklags te/ mi gzhan la bshad na sems can ni bdag tu lta ba dang / gang zag tu lta ba la chags so// de lta bu'i gti mug ni ming sdug bsngal gyi rgyu byed ces bya'o// ming mgo gnyis bsgyur ba la bzlog pa zhes bya'o// ming 'thab 'khrug cing dge 'dun 'jigs pa zhes bya'o// ming lam gyi chos bsgoms sbas pa zhes bya'o// ming sdig ngan pa sme sogs pa zhes bya'o// ming tshig gis bshad pa 'ba' zhig yod ces bya'o/ / ming sgyu ma'i dge sbyong zhes bya'o// ming dge slong gi nang gi 'bul zhes bya'o// ming khur lci ba zhes bya'o// ming sangs rgyas rnams la brnyas ba slus pa zhes bya'o// ming log pa'i ming mthong ba zhes bya'o// shA ri'i bu de lta bu'i ming log pa'i dgra ngan pa chen po zhes bya'o// ming ngan pa'i bshes gnyen zhes bya'o// ming tshul khrims zhig pa zhes bya'o// /
- 94b
ming log pa mthong ba zhes bya'o// ming mur 'dug ces bya'o// ming bden pa spyad pa med pa zhes bya'o// ming grogs ngan pa zhes bya'o// ming gsod pa'i 'dre zhes bya'o// ming mdzerma zhes bya'o/ / ming mnam sme zhes bya'o// ming tsha bar sreg ces bya'o// ming gtsam sgra zhes bya'o// ming mun nag lhung zhing 'dug ces bya'o// ming tshal nags stug por zhugs zhes bya'o/ / ming skye shi bzhin du 'bab ces bya'o// ming na res kyis 'byung zhes bya'o// ming sems can dmyal ba zhes bya'o// ming byol song zhes bya'o// ming yi dgas zhes bya'o/ / ming lha ma yin zhes bya'o// ming lam du mi 'jug pa zhes bya'o// ming la brnyas bsdus zhes bya'o// ming rang gi lus la stong pa zhes bya'o// ming mo dang mtshan ma spyod pa zhes bya'o/ / ming sgra chen pos 'bod 'grogs zhes bya'o// ming khe'i zhar la khe tshol ba zhes bya'o// ming gzhan la 'gro zhing zhen pa zhes bya'o// ming rtag par 'dran tor zhes bya'o// ming sems khrag khrug pa zhes bya'o// ming gnod do cog la brkam pa zhes bya'o// ming gshe zhing gnod pa zhes bya'o// ming gti mug gnod pa zhes bya'o// ming nor brnyas pa la sred pa zhes bya'o/ / ming rgud pa'i mi ngan gyi gnas zhes bya'o// ming grol thar med pa zhes bya'o// ming ngan 'khrugs pas bcings zhes bya'o// ming dge sbyong gi lus ma yin te/ ri mo'i
- 95a
dge sbyong zhes bya'o/ / dge sbyong dag/ dge sbyong mnam skye ba/ dge sbyong rna zhes bya'o// ming dgang dka' zhes bya'o// ming gso dka' ba zhes bya'o// ming chog nis pabazhes bya'o/ / ming khrel bsal ba zhes bya'o// ming mgo gtubs bcad pa zhes bya'o// ming lus gzugs zhig pa zhes bya'o// ming chos gos mgul par brtags pa zhes bya'o// ming mun nag tu zhugs pa zhes bya'o/ / ming 'dod chags mang po zhes bya'o// ming zhe sdang mang po zhes bya'o// ming gti mug chen po zhes bya'o// ming bsgribs pa logs pa zhes bya'o// ming nub pa zhes bya'o/ / ming sgyu ma zhes bya'o// ming stong pa zhes bya'o// ming mugs pa zhes bya'o// shA ri'i bu de lta bu'i ming stong pa zhes bya ba sangs rgyas so cog gis dge bar bstod pa'i mi'i mtshan las log ster bas na ming stor ba zhes bya'o/ / dge sbyong ngo cog gi legs pa'i don dang / dge sbyong gi chos kyi don la stor ba zhes bya'o// ji lta bur na sgyu ma zhes bya'o// 'phags ba chos kyi phyi logs na 'dug pas na ming sgyu ma zhes bya'o/ / stong pa dang / mtshan ma med pa dang / smon pa med pa'i chos bsrings spangs pas na ming sgyu ma zhes bya'o// shA ri'i bu de lta bu'i bdud ngan pa'i bdud ngan pa ni bdud dga' bar bya nus te/ sgyu ma mi bden pa'i chos la bsran thub par 'dod chags nus pas na tha mal pa dang mtshungs te/ sdig ngan pa'i mi'i mtshan mo cog
- 95b
tshang ste ldan par yod pas chos kyi bzod pa mi 'dra'o/ / dge sbyong gi chos kyi don dang dge sbyong gi legs pa'i don brgya stong khri de'i cha gcig kyang med do// shA ri'i bu de lta bas na ming stong pa zhes bya'o// sgyu ma zhes bya'o// 'jig rten gyi sred pa 'ba' zhig la 'dod chags te/ dge sbyong ma yin par bdag rang dge sbyong zhes zer ro// yon blang ba'i mi rigs pa ni yon blangs te mi rtag pa'i dgras dgra'i mtshan ma'i rgyal mtshan btsugs zhes bya'o/ / yang ming rang sdang gis mi la gsod cing gnod pa'i dgra zhes bya'o// mi des zas kham gcig zos pa kun gtsang med do// lam la phyogs pa dang lam gyi 'bras bu thob pa 'ba' zhig gis yon phul ba zhu nus na/ mi de la de lta bu'i med pas na/ ming zos pa mi gtsang ba zhes bya'o// shA ri'i bu de lta bus na ming stong pa zhes bya'o// ri'i bu khyod kyi yid la ji snyam/ mi la la zhig gis srog gcod rkun phrogs na log par g.yem brdzun zer/ lce gnyis byed/ kha ngan 'khyal zer 'dod cing phrag dog zhe sdang log pa la lha na/ mi de rtag par srog gcod dam/ rtag par tshe srog mi 'phrog/ bcom ldan 'das mi 'phrog go// khyim na 'dug na srog gcod de/ rtag par srog mi phrogs pas srog gcod pa'i dus ni nyung / srog mi gcod pa'i dus ni mang ngo / shA ri'i bu khyod kyi yid la ji snyam mi la la zhig gis mi 'phrog pa'i dus mang ngam/ bcom ldan 'das mi rku ba'i dus mang ngo // shA ri'i bu khyod kyi yid la ji snyam
- 96a
mi la la zhig log par g.yem na/ log par g.yem pa'i dus mang ngam/ log par mig yes pa'i dus mang ngo // rdzun zer ba bangan dang / lce gnyis dang / tshig ba par zer ba dang / 'dod cing phrag dog dang / ne sdang gi dus mang ngam/ bcom ldan 'das mi sdang ba'i dus mang ngo // shA ri'i bu mi dge ba'i lam 'di bcu'i nang na 'di gang sdig lci bcom ldan 'das mi dge ba bcu'i nang na log par mthong ba ni sdig lce'o/ / ci'i phyir zhes bgyis na/ bcom ldan 'das yon po log par lta ba sems la dri mi gtsang ngo // shA ri'i brangs da khyod la bsgol mil la zhig gis nyi ma gcig la sems can brgya stong khri 'bum bsad/ nyi ma gcig la gser dngul dang nor bu rin po che rnam pa brgya stong khri brkus/ log par g.yem pa ni nyin mtshan du mi gtong / brdzun zer ba ni rtag par mi brnyas bslus te/ kha'i las mi gtsang bas tshig bden pa med/ lce gnyis rtag par 'byor 'dum pa 'jig cing 'jigs pa'i stongs ma'ang byed/ kha ngan pa ni kha rtag par ngan pa'i log pa zer te/ gnyen nges pa tshig gcig mi sA/ tshig 'khyal pa zer ba ni rtsa ba'i phyi mo byed de/ mis don de thos na grangs med pa'i tshig spras te/ 'tshal 'khrugs so// 'dod cing phrag dog ni khong gzhan gyi nor la chos ma yin pa'i sems skyes so// zhe sdang ni chu rkyen med pa la gro bur du zhe sdang langs te lon pa bsrel bas sems gang ngo // log par smra na
- 96b
la ma ma yin pas spyad pa la sred do/ / shA ri'i bu ngas khyod kyi yid la ji snyam sems mi la la zhig gis de lta bu'i mi dge ba'i chos 'byor grub pa ni sdig mang ngam mi mang / bcom ldan 'das shin tu mang ngo / / shA ri'i bu ngas khyod la bsgo'o// mi la la zhig gis lo brgya'i bar du 'di lta bu'i mi dge ba bcu'i sdig 'byor grub pas ni tshul khrims zhig pa'i dge slong gis nyin gcig mtshan gcig gi bar du khong gzhan gyi yon blangs pa sdig de bas che'o/ / ci'i phyir zhe na/ srog gcod pa de ni mi gzhan gyis rig pa mang / mi gzhan gyis shes pa mang / mi'o cog gi sdig pa'i dgra ste/ mi kun gyis srog gcod pa yin par shes te sdig mi smra/ rlog cing bsgoms zhen pa yin te/ mi dge mo nges pas mi'o cog gis spangs so// yang shA ri'i bu srog gcod pa'i mi ni gzhan gyis srog 'phrog pa mang bas bar bar skye ba'o sems skyes/ ma rig pa dang mtha' sdig gi lam thob par rang gis shes so// mi kun gyis kyang ngan cing tshul khrims med sme bar shes so// mi de la legs pa'i spu'i zhig ma bcu tshal gyi brgya cha gcig tsam yang mi ren/ dpal zhing gi yon thob pa lta smos kyang ci dgos/ yang shA ri'i bu srog gcod pa mi de'i bu smad ni mi kun kyang shes rig ste/ bkur sti mi bya 'dug tu'ang mi ster na/ yon mo sbyin pa lta smos kyang ci dgos/ srog gcod pa'i mi ni nor gyis rang 'tshe zhing bu gso bskyed do// bar bar dge slong dang bram ze la yon phul te/ de'i lam gyis
- 97a
mdzangs shing 'phrul pa'i dge slong dang phrad nas/ de la lam gyi chos bshad nas srog gcod pa'i las de btang ste/ sangs rgyas kyi chos la khyim nas byung nas bsgribs shing thogs pa med/ khyim nas byung zin pa dang dge ba'i bshes gnyen la nye bar bsnyen te/ dge slong gi 'bras bu thob nas/ mi des 'phrul gyi tshe la sdig yang ba'i las de btang ste/ 'phrul gyi lam bsgrubs pas lam ngan pa gsum las thar to/ / shA ri'i bu chos kyi nang na dge slong dag ci yod pa/ dge slong ma yin par rang dge slong zhes zer/ tshangs par spyad pa ma yin par ni tshangs par spyod pa yin zhes zer te/ dge ba'i rtsa ba rnams bcad la mya ngan las 'das pa 'jug bsgribs te bslad rmongs pas lam stor to// lam zhig pa'i rgyu rkyen gyis dge ba'i chos rnams bshig ste/ mur 'dug gi don spyod cing lam ngan par zhugs pas dgra ngan pa'i rnams mang ste/ skye ba'i stong par nos nas dper mi shi ba dang mtshungs te/ lus kyi kha dog nyams grang la drang po'i chos stor te/ nga'i chos kyi nang na bskos spags pa zhes bya'o/ / ming chos kyi dgra zhes bya'o// ming log pa'i mi zhes bya'o// ming bdud kyis bkol ba zhes bya'o// dper mi phyis khung dang mtshungs/ mi ro dang mtshungs khyi ro dang mtshungs/ ri mo dge sbyong dang mtshungs te/ gos dge slong mtshungs 'thun kyang dge sbyong gi don med do// shA ri'i bu dper wa seng ge'i khyu na 'dug pa dang mtshungs/ gcig
- 97b
tu na nyung rung 'phrul gyi 'khor lo rgyal po'i nang na 'dug pa dang mtshungs spre'u lha rnams kyi nang na 'dug pa dang mtshungs/ yang gcig tu na bong bu ba glang na 'dug pa dang mtshungs/ mi long ba lha'i mig can nang na 'dug pa dang mtshungs/ gcig tu na pha wang nas ka ling gi nang na 'dug pa dang mtshungs shA ri'i bu tshul khrims zhig pa'i dge slong dge 'dun gyi nang na 'dug na/ brgya stong khri 'bum gyi lha rnams phal mang pos dge slong gi nang na 'dug pa mthong na/ kun kyang shin tu mya ngan las 'khrug ste tshig 'di skad 'dzer to// 'di lta bu'i mi ngan pa gso sbyin ci dgos bdud kyi grogs dang khams de lta bu'i bla na med pa sangs rgyas lam mthong bar 'dod de gos skya bo can la bshad na/ la la sangs rgyas kyi chos yid ches shing dad pa zhig yod na/ klu dang lha ma yin la sogs pa rnams kyis skad cher pos te shin tu bstod de/ dge slong ngan pa de'i de ci'i phyir des lus sbas te/ dper rta ngan pa dul ba g.yung po'i nang na 'dug pa dang mtshungs te/ de lta/ bu'i mi gti mug bdag na ra ci'ang mthong zhing shes pa dang bdag tu lta ba ngan pa med ces zer te/ rang gi der sbas bcabs nas lha dang mi las brnyas bslus pa ni mi dang lha thams cad kyi nang gi dgra yin/ phal gyis mthong ba dang kun gyis kyang mi bsngags so// shA ri'i bu de lta bu'i ngan pa sdig pa'i dge slong ni dgra yin par lha rnams kyis kyang rig ste/ gos skya bo can dang mtshungs pa med na
- 98a
yon len cing phas bsu bskyal dang phyag 'tshal te/ thal mo sbyar la ri mo bslus par byas so// mi ngan pa gti mug shi ba'i ro dang mtshungs pa gyon to// chos ni kun brkus blangs pa yin te/ mis byin pa med do// chu nyung ngu ya tshad kyang brkus te thob pa yin no// shA ri'i bu tshul khrims zhig pa'i dge slong gis gar phyin pa'i shar phyogs su phyin pas/ lho dang / nub dang / byang phyogs gar phyin kyang rung ste/ kun brkus te 'gro ba yin no// ci'i phyir zhe na/ mi de la cho ga dang chos spyod pa yod do cog rku ba sgyu ma yin no// 'gro dang / 'greng ba dang / 'dug pa dang / nyal ba dang / song 'ongs lta ba dang / myang bskum dang / dgye dgu dang / gos gyon pa dang / lhung bzed khyer ba dang / byed de cog da mdo tsam zhig bshad de/ lus dang / kha dang / yid kyi sa las spyad cing byed pa yod do cog rkun po'i dgra yin no// la la zhig gis mi de lta bu'i skra bregs dgra'i skra bregs pa yin te/ gcig gi mdog ces pa tsam zhig bskyed do// tshul khrims zhig pa'i dge slong gis byas pa yod do cog ni kun dgras byas pa yin no/ / shA ri'i bu dge slong ngan pas phyi sa che chung dang lag bskal ba yan chad dgra'i chos yin no// ci'i phyir zhe na/ shA ri'i bu 'dzam bu gling gi nang na rgyal po chen po dang / blon po chen po dang / mi phal dang / mi yin pa'i khams dang / yod do cog thams cad la dge slong ngan pa des phyag byas so// shA ri'i bu rgyal po
- 98b
dang / blon po dang / dgra ngan pa la legs pa'i don mi re'o// bdag dang mtshungs zhes mi zer ro// bdag pas lhag ces mi zer ro// tshul khrims zhig pa'i dge slong 'phags pa'i chos gos gyon pas mi de la legs pa'i thob tu re ba sa na/ yul sa na 'dug tu gnang bar byas so// des ngan par shes su zin na mchil ma sa la dor ba yan chad kyang mi gnang ngo // de lta bas na shA ri'i bu dge slong ngan pas lus g.yos te byas so cog kun dgras byas pa yin te/ ming dgra rtag pa/ ming dgra chen po'o// dgra'i rgyal mtshan btsugs pa 'jig rten gyi mi'o cog thams cad la brtsog cing gnod pa zhes bya'o/ / ci'i phyir zhe na/ ngan pa ma byas pa med pa'i phyir ro// de lta bas na shA ri'i bu dge slong ngan pa de 'jig rten gyi lha dang mi thams cad kun gyi dgra chen po yin zhes bya'o// shA ri'i bu mi la lha dang / mi dang / 'jig rten thams cad kyi mi chen po yin na/ de lta bu'i mis yon chu rngubs gcig zhu bar nus sam mi nus/ bcom ldan 'das mi nus lags so// shA ri'i bu khyod kyi yid la ji snyam/ de lta bu'i mi ngan pa chen po ma yin nam/ bcom ldan 'das de lags so// shA ri'i bu tshul khrims zhig pa'i dge slong gi lha dang mi'i 'jig rten thams cad la ngan pa'i sdig chen po yod do/ / gzhung de lta bu yis ngas tshigs su bcad pa 'di bshad do// gnyis na rdo bsregs za ba dang / zangs bzhun khu ba 'thung yang rung // bdag la tshul khrims med pa ru/ yid
- 99a
ches ma'i zas bza' mi phod/ / shA ri'i bu tshul khrims zhig pa'i dge slong de la med/ legs pa med/ sems dka' ba'i smon lam yang med de/ lus dang sems tsha gdug pas mi ngan pa mthong bar dga' bzhin gnas la mi srid par dga' zhing 'gro na lus 'jigs shing 'dar/ tshul khrims gtsang ma mthong na gol bar ga pa la rgyu zhing byol/ rang gnod pas sems 'dar te phrad du mi dga'/ yon len pa'i tshe sngangs dogs 'jigs skrag ste/ sems rtag par rgyug 'bros shing 'du shes kyi bsam pa rnam pa mang ba nor gyi khe la rab tu brkam zhing zas zhim po la dga' sred ro/ / de lta bu'i dge slong ni tshe zad pa'i 'og tu yang dag par sems can dmyal bar 'gro'o// shA ri'i bu mi tshul khrims zhig pa'i dge slong gi mya ngan 'khrugs pa'i mda' bdun zhes bya ste/ yang dag par sems can dmyal bar ltung ngo / / yang shA ri'i bu tshul khrims zhig pa'i dge slong phal gyi nang na 'dug cing gyes 'khrugs pa'i tshig mang po la sred/ rang bzhin nas phrag dog la dga' bas tshul khrims zhig pa dang grogs po mdza' bor byas nas/ rtag par tshul khrims zhig pa'i ngan pa don brjod cing bshad pa la sred de/ bdag skyid par 'dzin cing ngo tsha mi shes/ chos yig zab mo las log gal te sems la dogs shing yid ches par de lta bu la sogs pa'i chos yig bshad pa thos na/ log par yid mi ches shing 'thab rtsod la nyan cing nod pa la mi sred de/ shar nub tu phyogs shing lta
- 99b
la sems gcig tu mi mthun te/ kha lag pas bkab ste/ yar nam mkha' la ltas shing 'dug pa las langs te/ sangs rgyas kyis bstan pa'i chos skur gshe zhing kho na pa'i bsrel te/ chos 'chad/ pa la rgyab de lta bu la sogs pa'i blun ngan pa'i rgyu rkyen spyad pas/ tshe zad pa'i 'og tu shin tu zab pa'i sems can dmyal bar lhung / shA ri'i bu de'i ming tshul khrims zhig pa'i dge slong gi mya ngan 'khrugs pa'i mda' brgyad ces bya ste/ yang dag par sems can dmyal bar lhung ngo // yang shA ri'i bu tshul khrims zhig pa'i dge slong ni mkhan po dang bla ma A tsar+ya ra bkur bstod pa la dga' ste/ de'i legs pa'i don la bstan par bstod de/ mi de des kha tsal na tshul khrims 'dzin pa zhes zer zhing / de'i rgyus rang gsos te nor la chags pa spos pa bzhin bzo la mkhas te/ khrel bslab pa med pa ni dper bya rog dang mtshungs so/ / dge 'dun gyi rgyu rkyen gyis gos mang du btsal te/ kha zas rang nyam du zos pas lus stobs kyang bde ste/ khrel drin mi shes shing tshig go rims kyang med do/ / rkang lag sbom rtse ba la mdangs kyi kha dog nyams gyur te/ bud med la lta bar sred/ skyes pa la bsnyen te/ de lta bu'i ming ngan pa ni phal kun gyis kyang brnyas smad do// lha dang klu dang / lha ma yin gyis kyang smad do// sangs rgyas rnams kyis kyang snyan par yang mi bshad do// sems kyi rang bzhin rings rtags la rtag par zhe sdang la sred de/ dge 'dun gyi don gcod na
- 100a
dpung gi mthu snyems so/ / shA ri'i bu de lta bu'i tshul khrims zhig pa'i dge slong gi dge 'dun gyi nang na brjid kyi mthu yod pa tshol ba mang ste/ ma dris par lan ljon zhing rtag par gzhan gyi nyes pa tshol lo/ / tshul khrims gtsang ma pa mthong na brnyas shing bslu ba yin zhes zer/ 'grus par lam tshol ba mthong na de'i chos mi 'dra bar tha dad pa gzhan dga' zhing dang / rtsod pa mthong na dga' bas bstangs so/ / shA ri'i bu de'i ming ni tshul khrims zhig pa'i dge slong gi mya ngan 'khrug pa'i mda' dgu zhes bya ste/ yang dag par sems can dmyal bar lhung ngo // yang sha ri'i bu tshul khrims zhig pa'i dge slong gzhan gyi don de la sred mos te/ de'i gzhung ji ltar bzung nas 'thab rtsod pa yod dga' skyid par 'dzin to// gos zas kyis lus brgyan la/ gzhan gyi tshe gaslob cing mal cha bzang po btsal te khes gso zhing lus bde bar byas/ mi gzhan gyi bstod pa sred/ sbyin bdag la 'khren cing 'dug pa'i gnas la 'phangs par 'dzin te/ dge slong mkhan po 'ongs na bdag gi nyes pa mthong gis dogs te/ tshul khrims pa la sdang / tshul khrims zhig pa la bsnyen/ sbyin pa byed pa la rtag par bstod de/ tshul khrims 'dzin pa dang / bzod pa dang / brtson 'grus dang / bsam gtan dang / shes rab la mi bstod/ stong pa zhi ba la'ang mi bstod/ 'ba' zhig gnas pa ni bsrings spangs te/ rtag par tshul khrims 'dzin pa la nyes
- 100b
bar brjod par ral dpya bar sred/ sbyangs pa'i yon tan 'dzin pa la'ang snyan par mi bstod/ bar bar de'i don la dpyas te bshad/ bar bar kho nod pas mi rigs par bskyed/ bar bar dran pa'i 'du shes kyi brdzun bshad/ rigs bzang po brten snyems te/ pha tshan gyi gnyen pa btud par dris/ rgyu rkyen chung ngu spyad de dbul lo la bshad na/ rtag par sems mi drang bas spangs shing dogs pa bsrel te phal kun sdang zhing skyo bas yun du brnyas smad pa la phan no/ / tshul khrims 'dzin pa la ni rtag par dpyas bshad pa la sred do// gtan la bab pa bden par 'chad pa la ni nye bsnyen pas mi 'dod pa de yid la de lta bu'i chos kyi yi ge thos pas mi dga' 'o/ / de lta bu'i chos kyi yi ge gzungs su bzung ste klog cing kha ton la sred pa dang / chos kyi yi ge de lta bu bshad pas thos na sems dga'/ gzhan pa de lta bu yang mthong na mi dga' 'o// gcig tu na tshul khrims 'dzin pa'i chos la bstod pa thos su mi dga' ste/ de lta bu la sogs pa'i chos kyi yi ge bshad na// nyan cing nod du'ang mi 'ong / nyan cing nod du mi zin na'ang / ring por ma lon slar song ste/ gos skya bo can dang bshes gnyen byas pa mang la rtag par khrims 'dzin pa'i dge slong la brjod cing bshad pa la sred de/ rang nyams med pas brnyas pa dang kha mda' spyod do// shA ri'i bu de'i ming tshul khrims zhig pa'i dge slong gi mya ngan 'khrugs pa'i mda' bcu zhes bya ste/ yang dag
- 101a
bar lam ngan par lhung ngo / / shA ri'i bung med par 'das pa'i byin de lta bu la sogs pa'i mis 'dzam bu gling gang ste/ khe tshol ba 'ba' zhig spyod cing rang 'chags bya do/ / / sangs rgyas kyi mdzod bshad pa chos kyi yi ge bam po gsum pa/ sangs rgyas kyis sangs rgyas kyi mdzod bshad pa'i chos kyi yi ge las le'u drug ste/ gtsang ma'i chos kyi le'u ste drug pa'o// / sangs rgyas kyis/ shA ri'i bu la bka' stsal pa/ gna' sangs rgyas bsod skyabs kyis snga nas nga la lung bstan pa/ sangs rgyas shAkya thub pa yon mang du blangs na chos myur du med par 'gyur ro zhes gsungs so// shA ri'i bu nga'i chos la bde bar yon 'bul ba mang pos phyis myur du med par 'gyur ro// shA ri'i bu dper mi dbul pos nor po che'i mdzod rnyed pa dang mtshungs te/ sems shin tu dga' 'o// 'di lta ste/ shA ri'i bu ma 'ongs pa'i dus na/ gos skya bo can la nye bsnyen cing yon len pa'i dge slong mang du yod de/ khad kyis brtag gis bstan bslabs te/ gros su byas nas sems dga' zhing dang skyid par 'dzin/ dper mi 'bul pos nor po che'i mdzod rnyed pa dang mtshungs te de lta bu'i gti mug ni 'jig rten gyi khe rin che zhing 'jig rten gyi bran 'khol ba la sred do/ / dge slong gis yon mang du spyad pa mthong na sems la thal byung du dgra bcom pa thob ces zer ro// nyung ngu'i bshes
- 101b
gnyen mthong na mod bzhin ngan pa zhes zer ro/ / de lta bu'i dge slong ni gso ba'i khe'i phyir bla na med pa'i sangs rgyas lam btang ste/ ci la sred pa bzhin du de'i don grub bo// shA ri'i bu de bzhin gsheg pas gti mug de'i phyir 'di lta bu'i la sogs pa chos kyi yi ge bshad do/ / ci'i phyir zhe na/ tshul khrims med pa'i dge slong gis chos kyi yi ge 'di lta bu bshad pa thos na 'gyod pa'i sems skyes te/ tshul khrims btang ba slar dran te dgra chen po mi byed pa gzhan gyi yon mi len to/ / shA ri'i bu dge slong la la chos yig 'di lta bu thos nas sems mi gtsang mi gdang ste/ mi dga' mi skyid pa de lta bu'i mi ming dge slong ngan pa zhes bya'o/ / ci'i phyir zhe na/ shA ri'i bu tshul khrims gtsang ma'i dge slong la ni chos yang skyid pa yang med de/ sbyin pa bshad kyang rung / tshul khrims bshad kyang rung / bzod pa bshad kyang rung / brtson 'grus bshad kyang rung / bsam gtan bshad kyang rung / shes rab bshad kyang rung ste/ de lta bu'i skyo zhing 'jigs pa'i chos kyi yi ge bshad na kun la'ang sems dga' srid do/ / shA ri'i bu mi rnam gsum zhig yod pas chos kyi yi ge 'di bshad pa thos na sems la mya ngan 'khrug go// gsum gang la sogs pa zhes byas na/ gcig ni tshul khrims med pa'i dge slong ngo / / gnyis ni le lo yar skye ba'i mi'o// gsum ni chos bshad pa'i mi gtsang ba'o// yang mi rnam gsum yod pas chos kyi yi ge 'di thos na sems la mya ngan 'khrug go//
- 102a
gsum gang la sogs pa zhes byas na/ gcig ni gang zag tu mthong ba'o// gnyis ni srog tu mthong ba'o// gsum ni bdag tu mthong ba'o// shA ri'i bu de ltar khyod la bye brag phyed par bsgo'o/ / dge ba'i bshes gnyen nges pa byams shing snying rje ba'i sems kyis mi gzhan gyi bsod nams btsal bde ba dang mtshungs so// khyed la sogs pa nga'i tshig gcig tu nyon nos la/ rtag par dge bsod nams tshol la/ sems la rang nyams ma byed cig/ shA ri'i bu chos 'chad pa mi gtsang ba la ni 'khrul pa lnga yod do// lnga gang la sogs pa zhe na/ gcig nirang na re/ sangs rgyas kyi chos zad par shes zer ro// gnyis ni sangs rgyas kyi chos yig bshad pa'i tshe/ chos yig gzhan gyi nang nas 'byung ba dang gal ba'i nyes 'khrul ba'o// gsum ni chos gzhan la sems dogs shing yid mi ches pa'o/ / bzhi ni bdag gis ci shes pa spyad de chos yig gzhan ltar ma byas pa'o// lnga ni gso ba'i phyir mi gzhan la chos bshad pa'o// shA ri'i bu de lta bur chos 'chad pa ni ngas mi de mthar sems can dmyal bar lhung ste/ mya ngan las 'das par mi phyin ces bshad do// yang shA ri'i bu chos 'chad pa'i dge slong ni phal mang po'i nang du gnas te/ chos la yid ches shing dad pas stan mthon po bting na/ sangs rgyas kyi chos btang ste/ mur 'dug gi yi ge tshig gis brgyan pa 'chad do// ngas yun ring du 'grub cing nyon mongs par chos dkon
- 102b
mchog de btsal ba na/ mi ngan pa 'dis btang bzhag nas ma bshad de/ chos yig nang 'gal ba'i tshig gi gzhung 'ba' zhig bshad de/ gcig la gcig yin ma yin dang / drang ba'i chos dang 'gal ba 'phags pa'i chos la sems mthon po bdag che ba'i yid bzhin du bshad de/ gso ba'i khe btsal ba'i phyir ro// shA ri'i bu dge slong la las chos mur 'dug gi gzhung dang 'dres par bshad la dge slong dge ba'i lam tshol ba la 'grus pa zhig yod na/ 'dug pa las langs te 'gro ba'i rigs so// ci'i phyir zhe na/ shA ri'i bu gos skya bo can yid ches pa yod pas stan mthon po bting na/ mur 'dug gi tshig drang zhing bshad pa'i mi rigs so// de lta ma yin du zin na dge slong dge ba ma yin no// ming sangs rgyas bshad pa bstan pa bzhin no zhes kyang mi bya'o// shA ri'i bu chos de lta bur 'chad pa ni ngas bshad pa la mi de'i ming mur 'dug 'ji gen gyi slob ma zhes bya ste/ sangs rgyas kyi slob ma zad kyi 'og tu 'ji gen ci'i lam du skye'o// gang la sogs pa 'ji ge na ci'i lam yin zhes byas na/ yon po mthong ba 'ji ge na ci'i lam yin no// gang la sogs pa yon po mthong ba zhe na/ de ni sems can dmyal ba dang / byol song dang / yi dgas yin no// ci'i phyir zhe na/ shA ri'i bu lus kyi chos ma grub par stan mthon po la 'jug/ rang gi lus kyi ma shes par mi gzhan la chos ston pa ni sems can dmyal bar lhung ngo // shA ri'i bu de lta bu'i
- 103a
rgyu rkyen ni de bzhin gshegs pas zad par mkhyen te/ nga'i slob ma rnams kyis sgo mo rnam pa mang po dang / rgyu rkyen rnam pa mang po dang / mthong ba rnam pa mang po spyod de/ nga'i drang po'i chos med par byas so// shA ri'i bu la la zhig gis 'di lta bu'i chos kyi yi ge mchog gi gzhung stong pa ci'ang med pa'i chos thos na/ sems dga' gzha' ba zhig yod na de lta bu'i mi yang dag par nga'i slob ma yin par mngon no/ / shA ri'i bu snga ma 'das pa'i dus na dmus long lnga brgya zhig yod pa lam du dong ba las mkhar chen po zhig tu phyin nas shin tu bkres skom ste/ long ba mi gcig phyi logs na rdzas bsrung du bcug/ gzhan mkhar gyi nang du zan gyi lhag ma slong du song na/ ring por ma lon par mi brdzun pa gcig nor bsrung ba'i gan du 'ongs te tshig smras pa/ kA ye mi 'di ci'i phyi nas 'ba' zhig 'dug/ lan smras pa/ bdag la grogs mang du yod de/ mkhar du zan slong 'dong ngo // mi brdzun pas smras pa/ khyod kyis shes sam mi shes pha gin sbyin pa chen po byed do/ / gos dang / zas dang / rgyan gyi nor bu dang / me tog dang / spos dang / nor go bdun yid bzhin du thob par rung ngo // khyod dgos na khyod de ltar bkri bar rung ngo // lan smras pa/ de rung ngo // de nas mi brdzun pas long ba khrid de 'dug pa'i gnas las cung zad cig 'phags pa dang / nor zad par phrogs shing long ba gzhan zas slong ba thob ste/ slar 'khor ba dang
- 103b
mi brdzun pas long ba phal rnams la smras/ khyed rnams kyis mang po ba sogs te/ sbyin pa byed pa dang phrad dam ma phrad/ lan smras pa/ ma phrad do// mi brdzun pas tshig smras pa/ khyed rnams/ kyis ci rnyed pa 'dir zhog la ngas khyed rnams khrid de sbyin pa byin par 'dong ngo // de nas long ba lnga brgya'i rnams zad par khrid de khung zab mo zhig gi nang du phyin nas tshig smras pa/ sa 'di thang bzang ste sbyin pa chen po 'dus pa yin gyis/ khyed rnams so so gdong shar phyogs su bltas te dong la/ khong gis nor byin pa long zhig ces bsgo nas/ mod bzhin cig car khung du lhung ste dog go// shA ri'i bu ma 'ongs pa'i dus na/ dge slong mur 'dug gi chos yi ge klog pa la sred pa la chos 'chad pa'i tshe/ tshig snyan pas brgyan te/ phal gzhan dag dang bar byas nas/ bdud ngan pas de'i tshe phal bstangs bslad de/ dge ba'i chos bsgribs gcod do// la la zhig sgra skad dang / smra ba'i tshig dang / bzo bcos pa'i snyan bsngags pa la 'dod chags shig yod dam/ yang mi la la zhig mur 'dug gi chos kyi yi ge klog pa la sred pa zhig yod na bdud kyis kun bslang dkrugs te/ sems mi bde bar byas so// dge slong la la nig sangs rgyas kyi chos spyod pa zhig yod na the tsom skye bar byas te/ mi phal gyis yon mi 'bul bar byas so// bar bar dge slong gnyis kyang rung / sangs rgyas kyi chos kyi yi ge bklags zin pa las mur 'dug gi chos kyi yo ge tshol bar byas te/ sngon/
- 104a
bdag gis mthong ba la dge bzang po zhes zer te/ bstod nas mi de dge la sogs pa bdud kyis bslad par shes rab kyi mig bkab bsgribs nas gso ba'i khe la shin tu brkam ste/ mur 'dug gi chos yig rnams la lta ba ni dper long ba khyu gcig brdzun pas bslus te/ kun khung zab mor lhung nas shi bar byas pa dang mtshungs so// shA ri'i bu dmus long rnams ni dge slong yin te/ sangs rgyas kyi bla na med pa'i lam btang la mur 'dug gi chos kyi yi ge tshol ba'o// mi brdzun pa ni bdud ngan pa yin no// khung zab mo ni yon po'i lam yin no// shA ri'i bu mi long ba khyu gcig dang mtshungs te/ nor rnyed cog bor la sbyin pa chen po med par 'gro zhes byas pa dang khung zab mor lhung ngo // nga'i slob ma rnams kyang de dang mtshungs te/ gos sbom dang zas ngan pa bor la sbyin pa chen po'i phyir 'brangs te/ yon bzang po tshol zhing 'jig rten gyi kha'i len pas na/ shes rab chen po stor te/ khung zab mo mnar med pa dmyal bar lhung ngo // yang shA ri'i bu chos 'chad pa mi gtsang bas ni de bzhin gshegs pa'i yid bzhin du spyod par phyogs par ma rig ste/ bdag nyid kyang mkhas par mi gzhan la chos bshad na/ mi des 'phral gyi tshe la nyes 'khrul pa lnga thob ste/ mi gzhan gyis ni mi shes/ lha'i mig thob pa'i dge slong dang lha rnams 'ba' zhig gis shes so// lha gang la sogs pa zhes byas na/ gcig ni chos 'chad pa'i tshe smes la 'jigs
- 104b
skrag bsrel te/ mi gzhan gyis dkar bcag gis dogs pa'o// gnyis ni khong na 'jigs pa'i mya ngan bsrel bzhin du phyi rol du gzhan la chos bshad pa'o// gsum ni phal tha mal pa ste yang dag pa'i shes rab med do/ / bzhi ni bshad do cog mi gtsang ste tshig 'bru cha dag pa'o// lnga ni tshig la go rims med de so so nas mdo bsdus pa'o// de lta bas na phal gyi nang na 'dug la sems la dogs pa bsrel te/ de lta bu'i phal tha mal pa ni shes rab med/ sems la nges pa med de/ dregs shing le lo dang rgyu rkyen chung ngu spyad do// ming grags par bya ba btsal te/ dogs shing 'gyod pa sems la 'dug pas mi gzhan la chos bshad do// mi des nyin mtshan du rang gis 'dod chags dang zhe sdang gti mug mda' mnos so// ci'i phyir zhe na/ shA ri'i bu mi des chos kyi rnams nges par shes par mi nus par mi gzhan la chos bshad de/ sems mi dga' mi skyid du za na na'ang myur du stor to// shA ri'i bu ngas bshad pa mi gtsang ba de lta bu nyes sdig yod do/ / drang po'i lam thob par mi shes so// de lta bu'i don ni dge slong thams cad kyis mi shes/ lha rnams kyis mi shes te/ nga 'ba' zhig gis gdod shes so// yang chos 'chad pa ming gtsang ma'i dge slong gi de bzhin gshegs pas spros pa bzhin du bshad pa mi shes te/ mi gzhan la bshad pa chos kyi yi ge gzhan gyi nang na bdag tu lta ba med/ gang zag tu lta ba med/ sems
- 105a
can mang/ tshe srog med ces bshad pa/ mi des bdag gis tshig brjod pa spyad de/ bdag tu lta ba yod/ gang zag tu lta ba yod/ sems can du lta ba yod/ che srog yod ces bshad de/ sangs rgyas la skur/ chos la skur/ dge 'dun la skur/ dkon mchog gsum la skur ba'i sdig ni lha rnams dang 'jig rten gyi mis shes par mi nusate/ sangs rgyas 'i chos mkhyen to/ / shA ri'i bu de'ang ming chos 'chad pa mi gtsang ba zhes bya ste/ ngas de nyes pa shes so// gzhan rdzu 'phrul can dang lha rnams kun gyis shes par mi nus te/ sangs rgyas kyi ches mkhyen to/ / shA ri'i bu dngas khyod la dpe tshul gyis dgrol bshad do// mi la la zhig gis sangs rgyas kyi lam gyi gzhung gi mtshan ma ma shes par mi gzhan la mi gtsang bar chos 'chang na/ des mi dge ba'i don ji snyed 'byor 'grub/ shA ri'i bu khyod kyi yid la ji snyam/ 'dzam bu'i gling gi sems can mi mang ngam/ bcom ldan 'das mang lags so// shA ri'i bu mi ngan pa la la nig gis de zad par gyi srog thogs na/ mi des sdig thob pa mad nga ma nyung / bcom ldan 'das shin tu mang lags so// de lta bu'i gti mug gis sangs rgyas kyi lam mi shes par mi gzhan la chos bshad pa/ mi gtsang ba ni sdig de bas mang ngo // de ci'i phyir zhe na/ mi des chos 'chad pa mi gtsang bas/ blan med pa'i sangs rgyas kyi lam bshig/ snga ma 'das pa dang / ma 'ongs pa
- 105b
dang / da ltar gyi sangs rgyas la'ang skur to// de ci'i phyir zhe na/ shA ri'i bu snga 'das pa'i sangs rgyas kyis kyang chos so cog thams cad kun mtha' yun du stong pa ste/ bdag tu lta ba med gang zag tu lta ba med/ sems can med/ tshe srog med ces bshad do// shA ri'i bu ma 'ongs pa'i sangs rgyas rnams kyis kyang chos so cog mtha' yun du stong pa ste/ bdag tu lta ba med gang zag tu lta ba med/ sems can med/ che srog med do// shA ri'i bu da ltar gyi phyogs bcu'i chu bo gang+gA'i bye ma snyed kyi sangs rgyas rnams kyis kyang chos so cog mtha' yun du stong pa ste/ bdag tu lta ba med/ gang zag tu lta ba med// sems can med/ tshe srog med ces bshad do// shA ri'i bu de'i ming sangs rgyas kyi chos so cog gi bla na med pa'i chos zhes bya ste/ chos so/ cog la mtshan nyid med de/ stong pa med pas de thob pa med do// phyi mo ngo bo nyid stong pa zhi bas na skye ba'ang med/ 'gog pa'ang med/ nyid kyi mtshan ma dang rang bzhin gyi mtshan ma'ang med do// de kun stong pa bas na de bzhin gshegs pas dran pa'i 'du shes kyi rnam par rtog pa'i rnams bcad pa 'ba' zhig gi phyir/ sangs rgyas rnams kyi byang chub la rnam par brtag pa med ces bshad do// ri'i bu gang la sogs pa la rnam pa rtog ces bya ba rnam par rtog go cog bdag tu lta ba dang / gang zag tu lta ba dang / sems can du lta ba dang / che srog tu lta ba dang / chad par mthong ba dang
- 106a
rtag par mthong ba dang / phal tha mal pas de lta bur rnam par rtog pa 'byor 'grub bo// mi la la zhig la de lta bu'i rnam par rtog pa med de/ chos so cog kun stong pa dang bdag tu lta ba'ang med/ gang zag tu med/ sems can med/ tshe srog med pa kun bye brag phyed par shes nus na/ de ltar sems pa'i tshe dga' gzha' thob ste/ mchog gi gzhung stong pa thob nas mi sngangs mi skrag ste/ mi des lnga phung sgyu ma med par rig go// zhugs pa bcu gnyis dang / khams bco brgyad sgyu ma mi bden pa ste/ yang dag pa'i bden pa med par rig go// mi des mya ngan las 'das pa la'ang rnam par mi rtog go/ / mya ngan las 'das pa mi sems/ mya ngan las 'das pa bsam nus te/ chos spyad pas stong pa zhi ba thob ces kyang mi zer/ chos de'i stong pa zhi ba'i gnas la'ang rnam par mi rtog/ mi thob par rnam par mi rtog go// shA ri'i bu de'i mi 'gal ba'i bzod pa zhes bya'o// mi des mi 'gal ba'i bzod pa'i mchog gi gzhung 'di'i nang na'ang rang gi mtshan ma thob pa med do/ / shA ri'i bu gang la sogs pa'i mtshan ma zhes bya/ de ni mtshan ma med na mi 'gal ba'i bzod pa'i mtshan ma'i bzod pa ma yin no// shA ri'i bu khyod kyi yid la ji snyam/ mi la la zhig gis 'di lta bu'i bzod pa la'ang mtshan ma mi thob na/ mi des bdag tu lta ba'i mtshan ma dang / gang zag gi mtshan ma dang / sems can gyi mtshan ma dang / tshe'i
- 106b
mtshan ma dang / srog gi mtshan ma thob ce na/ bden pa yong med do// la la zhig gis 'di lta bu'i shes rab 'byor grub na yon len pa'i rigs te/ 'di ming sangs rgyas kyi bu'o// de'i ming mi chags pa'i thub par chud pa'o/ / shA ri'i bu de lta bu'i ming sangs rgyas kyi chos so cog gi gzhung gi sgo mo ste/ dran pa'i 'du shes kyis rnam par rtag pa med de/ 'di zhes bya ba med pha bi zhes bya ba med pa ni gti mug gi phal mang po'i nang du 'dug ste/ log par mthong ba bshad nas rang gi dran pa'i 'du shes kyis rnam par rtog pa spyad de/ 'di ni sangs rgyas kyi chos yin// 'di ni 'phags pa'i lam yin zhes mi la ston to// de lta bu'i gti mug gis snga ma 'das pa dang / ma 'ongs pa dang / da ltar gyi sangs rgyas rnams la nga skur to// de lta bu'i gti mug ni ming ngan pa'i bshes gnyen zhes bya ste/ dge ba'i bshes gnyen zhes mi bya'o// shA ri'i bu dgras srog phrog mod kyi/ lus gcig stor du zad do// de lta bu'i mi gti mug gis chos bshad pa mi gtsang bab ni bskal pa stong khri 'bum gyi bar du sems can gyi rkun po'i mya ngan pa chen po byas so/ / mi de gti mug gi mun pas sangs rgyas kyi byang chub bkab pas sems kyi mod 'dod chags pa la slar 'dod dngangar nas/ gcig gis gcig mthong zhing chags te 'dod chags pas na/ lam rgyud lngar 'ong zhing 'ong ste/ ngo tsha ba'i lam med cing skye shi mi chad do// de lta bas na shA ri'i bu chos 'chad pa mi
- 107a
gtsang ba ni sdig shin tu mang po thob bo/ / sems can gyi ngan pa'i bshes gnyen yang byas so// snga ma 'das pa dang / ma 'ongs pa dang / da ltar gyi sangs rgyas la'ang skur to/ / shA ri'i bu de'i 'dzam bu gling gi sems can zhog ste/ mi la la zhig gis stong gsum gyi stong chen po'i 'jig rten gyi khams kyi sems can thams cad kyi srog phrog pa bas/ chos 'chad pa mi gtsang ba'i sdig de bas mtho'o/ / ci'i phyir zhe na/ mi des sangs rgyas kyi bla na med pa yang dag par rdzogs pa'i byang chub kun bshig ste/ bdud kyi don la bstangs shing sems can tshe rabs brgya stong khri'i bar du rkun po'i mya ngan rnams gnod par byas te/ bcing ba bya ba 'ba' zhig nus kyi/ dgrol bar bya mi nus so// de lta bu'i mi sems can rnams kyi ngan pa'i bshes gnyen yin par mngon no/ / brdzun gyi tshig des phal mang po'i nang du sangs rgyas rnams la skur cing gzhigs so// rgyu rkyen de lta bas na sems can dmyal ba chen por lhung ngo // sems can yon po'i don mthong ba bstan pa mang ste/ de lta bas na ming ngan pa yon po mthong ba zhes bya'o// shA ri'i bu bdag tu lta ba dang / gang zag tu lta ba dang / sems can du lta ba ni yon por lhung ba mang ngo // / zhi ba ma mthong ba yang chod ni sbyar te/ lam thob pa mang ngo // ci'i phyir zhe na/ des mthong sla ba'i phyir ro// de bas na shes rab byos shig/ mi de rang gi ral gri rnon po dpyad lce gcod
- 107b
pa phod kyi/ phal gyi nang du mi gtsang bar chos 'chad pa ni mi rigs so// gna' 'das pa'i le'u ste bdun pa'o// / sangs rgyas kyis/ shA ri'i bu la bka' stsal pa/ gna' 'das pa'i yun ring po dpag tu med/ mu me ba sam gyis mi khyab pa bskal pa grangs med pa'i tshe/ sangs rgyas shig yod pa mtshan bzang rgya chen po de bzhin gshegs pa gsol zhes rigs drang khyab mkhyen snang mdzad zhabs dge gshegs 'jig rten sgrol/ bla na med pa'i dra ma gdul thul skyes bu dang lha dang mi'i sangs rgyas bcom ldan 'das zhes bya ste/ sangs rgyas de 'jig rten na tshe srog lo/ 'bum khri phrag brgyad brgya pa drug cu lon te/ slob ma chen po phal 'bum khri phrag brgyad brgya pa drug cu pa yod de/ sangs rgyas de 'das pa'i phyi na sku gdung khyab par bkram pa ning 'das pa'i phyi na pa dang mtshungs te tha dad pa med do/ / drang po'i chos 'jig rten na 'dug pa'ang lo lnga brgya ste/ nga 'das pa'i phyin pa dang mtshungs te tha dad pa med do// sangs rgyas pa'i phyi na phal chen po de dag gi nang nas nyi ma gcig la dge slong brgya mya ngan las 'das par zhugs pa yod do/ / nyis brgya sum brgya bzhi brgya lnga brgya mya ngan las 'das par zhugs pa yod do// nyi ma gcig la bar bar dge slong 'bum khri phrag bcu mya ngan las 'das par zhugs pa yod do/ / de lta bur gcig nas gcig tu sangs rgyas de la shes pa mang po dang rim pa mang po yod pa'i rdzu 'phrul chen po rnams zla ba
- 108a
gsum gyi rol kun mya ngan las 'das par zhugs so/ / shA ri'i bu sangs rgyas bzang rgyan chen pos drang pos drang pa'i chos khyab par bkram pa la/ lha dang mi mang po kun gyis ma yon phul lo/ / shA ri'i bu sangs rgyas rgyan chen po dang / slob ma chen po'i rnams med par 'das pa'i phyin mi la khad kyi dge sbyong gi chos shes shing bde skyid pa las khyim nas 'byung zhing lam slob pa'ang mang du yod na/ sangs rgyas kyis chos kyi yi ge shin tu zab mo bskrun du med pa'i stong pa'i gzhung drangs shing bshad pa bzhin sdug bsngal lo cog gis nyon mongs nas/ thag pa nag po'i sems can dmyal bar shi nas/ slar mnar med pa'i sems can dmyal ba'i nang du skyes so// shA ri'i bu rgyu rkyen de lta bas na khyim na 'dug pa dang / khyim nas byung ba la 'di la nye bsnyen dang / dge ba'i bshes gnyen dang / sbyin bdag kun sdom du yongs su mi 'bum khri phrag drug brgya rtsa bzhi yod de/ mkhan po 'di bzhi dang lhan cig tu 'chi ste/ sems can dmyal ba chen po na 'khod cing bsreg pa'o cog gis nyon mongs so/ / shA ri'i bu mi de la dge ba'i bshes gnyen dang / sbyin bdag dang / slob ma mkhan po bzhin du byed do cog kun grangs de'i nang du rtog de zad par sems can dmyal bar skye'o/ / shA ri'i bu khyed la sogs pas de'i mang nyung shes par mi nus so// yang dag par gshegs pas nyi tshes gdod mkhyen par nus so// mi ngan pa de
- 108b
dag sems can dmyal bar lhung ste lhan cig tu skyes so/ / lhan cig tu 'chi ba sdom du 'bum khri phrag drug brgya rtsa bzhi yod de/ de lta bu gcig nas gcig gi bar bskal pa gcig gi bar du nyon mongs nas/ bskal pa chen po bsregs la thug gi bar du 'on kyang sems can dmyal ba na 'khod do// ci'i phyir zhe na/ shA ri'i bu yang dag pa'i gshegs pa'i bla na med pa'i g.yung drung rdzogs pa'i byang chub bshig pa de'i sdig shin tu lci ste yang ba ma yin no/ / bskal pa chen pos bsregs su zin kyang mi ngan pa de bzhin dang / mi 'bum khri phrag drug brgya rtsa bzhi ni bstir med pa'i dmyal ba chen po 'di nas yang skyes te/ phyogs gzhan gyi sems can dmyal ba chen po na 'khod do// ci'i phyir zhe na/ shA ri'i bu sdig lci ba tshogs tshang ste/ de'i lan mi nyung bas phyogs gzhan na lo grangs med pa brgya stong khri 'bum 'di yun gyi bar du sdug bsngal chen pos nyon mongs shing 'khod do/ / 'jig rten gyi khams su slar skyes kyang sdig gi mi de bzhi dang / mi phal 'bum khri phrag drug brgya rtsa bzhi po dang / mi gzhan sdig ma bral ba'i rnams pa kir tshe yang zad nas/ slar yang sems can dmyal ba chen po'i nang du skyes so// shA ri'i bu sdig gi mi bzhi dang / sems can phal 'bum khri phrag drug brgya rtsa bzhi po tha mar sems can dmyal ba'i nang du sdug bsngal las thar mod kyi/ mi'i nang du skye ba thob na tshe rabs lnga brgya'i bar thog ma btsa' ba nas dmus long ste/ de nas gdod
- 109a
sangs rgyas kun snang yang dag par gshegs pa gsol bzhengs rigs drang khyab mkhyen snang mdzad zhabs bde gshegs 'jig rten bkrol/ bla na med pa'i rnga ma gdul thul skyes bu lha dang mi'i mkhan po sangs rgyas bcom ldan 'das de dang phrad do/ / shA ri'i bu sangs rgyas thams cad snang gi nyan thos kyi slob ma mda' yu ta 'bum yod do// de'i tshe mi'o cog lus khru sum brgya dgu bcu rtsa drug yod do/ / sangs rgyas kyi sku lus ni de las phyed kyis ring ngo // 'od rtag pa zlum pos dpag tshad kha 'bum khri phrag bcu tshun chad snang ngo // shA ri'i bu mo des sangs rgyas thams cad snang gi chos kyi nang nas byung ste/ lo 'bum khri phrag bcu'i bar du brtson 'grus spyad de mgo mes tshig pa'i ra mda' bzhin du byas kyang mi 'gal ba'i bzod pa ma thob na/ lam gyi 'bras bu ma thob pa lta smos kyang ci dgos/ ci'i phyir zhe na/ shA ri'i bu bla na med pa'i g.yung drung rdzogs pa'i byang chub bshig pa g.yos pa sdig gi las kyi rgyu rkyen gyi chos de lta bu'i rigs so// de zad pa'i 'og tu slar yang mnar med pa'i sems can dmyal ba chen por skye'o// sngar mi dge ba'i las kyi rgyu rkyen g.yos pa'i lan ni/ shA ri'i bu mi de dag la sogs pa de bzhin du gcig nas gcig tu dang la thug go/ / de'i phrag na sangs rgyas 'bum phrag dgu dang phrad nas mi 'gal ba'i bzod pa ma thob bo// ci'i phyir zhe na/ sangs rgyas kyi chos kyi yi ge zab mo bshad na/ mi de dag
- 109b
gis yid mches te bshig bral log gal nas mdzangs shing 'phrul pa ni 'phya zhing skur/ tshul khrims 'dzin pa'i dge slong la ni nyes pa'i ngan pa byung ste/ chos bshig pa'i las g.yos pa'i rgyu rkyen gyi chos ni de bzhin rigs so/ / shA ri'i bu khyod re zhig ltos shig/ 'phags pa'i mi la 'phya zhing skur te/ 'phags pa'i tshig la yid mi ches na/ de lta bur dpag tu med pa'i sdug bsngal gyis nyon mongs te grol thar par ma thob bo/ / shA ri'i bu sems can gzhan chos bshig pa'i sdig pa'i las g.yos te log gal zhing yid mi ches pa de grangs med dpag tu med pa yod na/ sangs rgyas 'bum phrag dgu bcu rtsa dgu la bskal pa grangs med pa'i bar du mi gcig mya ngan las 'das par chud pa yod mod do/ / shA ri'i bu sangs rgyas rnams kyi chos bshig cing yid mi ches la log gal bar nus mal pa glen pa dang le lo yar skye ba'i dge slong ngan pa'i rnams dang chos 'chad pa'i mi gtsang ba'i dge slong rnams so/ / ci'i phyir zhe na/ shA ri'i bu mi de rnams gsum ni spyod pa zhes kyang mi bya/ ming thob pa zhes mi bya ste/ mi de dag gis yang dag par gshegs pa'i chos la yid mi ches pas na 'phya zhing skur te log go// shA ri'i bu khyod na re ji lta bur dge slong sdug bsngal bkram pa des chos bshad pa de mi gtsang zhes zer ba ni mi gti mug lha sbyin no/ / khyod na re ji ltar dge slong thams cad yod ces 'chad pa mi gtsang zhes zer ba de nyid dge slong ko ka li yin no// shA ri'i bu khyod na re citsi'i ji lta bur
- 110a
dge slong tsang gi des chos bshad pa mi shes zer ba na nyid dge slong ka pi la yin no/ / khyod na re ji lta bur na dge btad des bshad pa mi gtsang zhes zer ba ni dge slong lus sde bar mod rin/ no// shA ri'i bu khyod na re de'i gtsang gdang zhing bde ba bzhin du sangs rgyas rnams kyi byang chub bshad pa de dpag tu med pa'i sems can la phan bsad do zhes zer ba ni de nyid phu li ta 'bi ta ra 'dzin 'ja yin te/ bshad do cog gtsang gdang bas gzhan de bzhin du slob ma rnams sangs rgyas lnga stong dang phrad de/ mi mda' ya ta 'bum phrag drug cu rtsa brgyad yod pa kun zhi thar to// shA ri'i bu mi la bden pa'i tshig gang yin zhes byas na/ nang gi bla ma'i tshig gi gzhung mngon par mthong bar rig ste gtsang gdang bar bshad pa'o// bshad pa ni nam tshig 'chad pa ste pu le'u mda' yin/ shA ri'i bu pu le'u mda' ni sems thub la mngon par rtogs pas bshad do cog dga' ba med de yid mi shes pas na bshad cing 'gro ba skye'o/ / shA ri'i bu mi la bden pa'i tshig gang yin zhe na/ rgyu rkyen thams cad chos kyi mkhan pos nam tshig bshad pa ste pu li ta yin no/ / shA ri'i bu pu li ta ni tshe tshe rabs rabs gar skyes dgur rtag par sems can gyi phyir don byed do// sangs rgyas dgu bcu thams cad kyi chos kyi nang na yang rtag par chos kyi mkhan po byed do/ / chos gtsang gdang bar bshad nas/ sangs rgyas de kun la lus kyi tshe zad par rtag par tshangs par spyod pa spyad de/ chos gtsang gdang bar bshad do//
- 110b
shA ri'i bu su le'u ta sangs rgyas drug gi chos kyi nang na yang chos kyi mkhan po byed do// nga'i chos kyi nang na yang chos kyi mkhan po chen po byed de/ dgra bcom pa grub nas sems grol thar pa thob bo// mis bden par bshad na mis tshe tshe rabs rabs su sangs rgyas rnams la yon gsol zhing dge ba'i rtsa ba rnams bskrun pa nam tshig bshad pa pu le'u ta yin no// shA ri'i bu pu le'u tas sangs rgyas 'bum phrag dgu bcu'i chos la sems 'grus par btsal bslabs 'gro ba bshad pa gcig tu mi 'gyur bas shes rab zab mo yod do/ / de lta bas na yang dag par gshegs pas chos kyi mkhan po rnams kyi nang na rab ces bshad do/ / shA ri'i bu nyin gcig tu pu le'u ta 'di legs pa'i don bshad du zin kyang mi zad do// ci'i phyir zhe na/ pu le'u ta'i chos kyi sbyin pa ni tha mal pa'i rgyu rkyen med la/ gso ba'i khe la mi chags pas chos kyi mkhan po ste/ pu le'u ta la thog pa bzhi shes rab ste/ yang dag par gshegs pa ma rtog par 'jig rten kun gyi nang na tshig 'bru dang tshul gyi gzhung thub par nus pa med do/ / shA ri'i bu ngas khyod la bsgo'o// mi la la zhig bla na med pa'i yang dag par rdzogs pa'i byang chub thob par 'dod na mi gzhan la chos bshad na dpag tu med pa'i legs pa'i dpal yon thob cing grangs med pa'i sems can la'ang phan bsod par nus so/ / shA ri'i bu mi la la zhig gis chos 'di la yid mi ches te bshig bral log gal na/
- 111a
dpag tu med pa'i sdig lci ba'i rgyu rkyen ldang ngo // ci'i phyir zhe na/ shA ri'i bu ngan pa'i lam yod/ dge ba la ni lam yod de/ de lta bas na ngas chos kyi yi ge khyod la bcol gyis phal sde bzhi la bye brag phyed par rgya cher shod cig/ shA ri'i bu chos kyi yi ge 'di thos te sems can yid ches shing dga' gzha' na dpag tu med pa'i dpal yon thob bo// thos te yid mi ches shing sems mi dga' ma dad na dpag tu med pa'i sdig lci ba thob bo/ / shA ri'i bu shes par byos shig/ mi de tshul khrims zhig pa'i dge slong zhes bya ste/ le lo skye zhing chos 'chad pa'ang mi gtsang ba'o/ / shA ri'i bu mi la la zhig gis de lta bur bstan pa las log gal na/ che tshe rabs rabs gar dgur rtag par long ste mig med do// shA ri'i bu ngas khyod la bye brag phyed par bsgo'o// ngas ltar bshad do cog ni rdza mkhan rdza so ma btang ba'i rim gro ba byed pa dang / chu mi tshugs kyi/ ngas phal sde bzhi la mchog gi gzhung mtha' yun du stong pa'i chos bye brag phyed par rgya cher bshad na/ sran thub pa ni 'dug go/ / sran mi thub pa ni zhig go/ ci'i phyir zhe na/ shA ri'i bu sangs rgyas kyi bla na med pa yang dag par rdzogs pa'i byang chub thob pa ni log par mthong ba la mi ngan pa la chos mi bshad/ bdag tu lta ba dang / gang zag tu lta ba dang / sems can du lta ba dang / che srog tu lta ba la chos mi bshad do// ci'i phyir zhe na/ de lta bur 'dod chags pa kun gyi mi log par mthong ba zhes bya'o// shA ri'i bu
- 111b
bdag tu lta ba dang / gang zag tu lta bas mi 'gal ba'i bzod pa yang mi thob na/ lam gyi 'bras bu thob pa lta smos kyang ci dgos shA ri'i bu bdag tu lta ba dang / gang zag tu lta ba dang / sems can du lta ba dang / tshe srog tu lta ba dang / chad par mthong ba dang / rtag par mthong bas mi 'gal ba'i bzod pa rab tu thob par ma nus na/ lam gyi 'bras bu thob par nus zhes zer na/ bden pa yod mod do/ / de lta bas na shA ri'i bu mi la la zhig gis de lta bu mthong ba grub pa ni nga'i chos kyi nang na ngas gzhan gyi yon len du mi gnang ste/ de ni spyod pa'ang ma yin/ thob pa'ang ma yin gyi/ nga'i chos la rang gi srog gso bar tshol bar zad do/ / shA ri'i bu ngas bshad pa la mur 'dug sangs rgyas kyi chos su 'jug 'dod na/ zla ba bzhi pa'i bar du zad pa'i rigs so// ci'i phyir zhe na/ mur 'dug mi rnams la ni bdag tu lta ba dang / gang zag tu lta ba dang / sems can du lta ba dang / tshe srog tu lta ba dang / rtag par mthong ba mang du yod do// shA ri'i bu nga'i slob ma la ni bdag tu lta ba dang / gang zag tu lta ba dang / sems can du lta ba dang / tshe srog tu lta ba dang / chad par mthong ba dang / rtag par mthong ba de'i nga'i slob ma rnams kyis stong pa dang / mtshan ma med pa dang / smon pa med pa dang / ci'ang thob pa med pa 'ba' zhig bshad de/ sems la 'jug pa'i gnas med par 'chad do// shA ri'i bu la la zhig de lta bu'i bzod pa 'byor 'grub pa zhig
- 112a
don/ ngas mi de lta ba khyim nas byang nang rdul khrims nod duganas/ phan gos dang / zas dang / mam cha dang / tsaM sngun bral bathang du rung // mi lba pra ba med pa ni sngon du sad pa'i rigs te/ sngar chos so cog la'ang nga med pa la gnas su bcug go// shA ri'i bu la la zhig de lta bu'i bzod pa sems mi dga' zhing mchog gi gzhung stong pa bshad pa thos na spangs shing dogs la zug thel gyis gshe'o/ / bdag tu lta ba 'chad pa thos na sems dga' bar 'dzin na de lta bu'i mi ni bdud kyi bkol bar mngon te/ mur 'dug las kyang 'das so// shA ri'i bu shes rab can ni de lta bu la zhe sdang skye bar mi rigs kyi/ de lta bu la snying rje'i sems skye ba'i rigs so// ci'i phyir zhe na/ shA ri'i bu mi la la zhig gis de lta bu'i ngan pa 'byor grub pa ni ngan pa'i lam thob bo/ / chos bshad kyis mi zad de mi de la bsod nams kyi sems spyad cing chos so cog la nga yang med pa dang / chos so cog stong pa zhi ba dang / chos so cog la bya ba med pa dang / thob pa med pa bstan to/ / mi des sangs rgyas kyi chos mnos la don 'di thos te sems dga' zhing dad na ni/ gzhan stong pa spyad pa dge slong gis ci'ang thob pa bstan bslabs te/ phan zhing dag bar sems dbab pa'i rigs so/ / chos so cog la ci'ang med pa stong pa bshad pa thos na sngangs skrag ste/ phal mang po'i nang na mkhan po bla ma A tsar+ya la chos kyi yi ge'i nang na stong pa'i las
- 112b
spyod bzhin du bzang rig shes zer ro/ / chos rnams kyi mtshan ma tha dad pa mngon par shes nus na ngas mkhan po bya'o// bdag tu lta ba dang / gang zag tu lta ba dang / phyin ci log yon por lta ba dang / tshul khrims 'dzin pa la 'dod chags pa'i mkhan po zhes ni mi bya'o// yang dag par drang por mthong ldan pa dang lhan cig tu gso sbyin byed par gnang ngo // tshul khrims zhig pa'i mi cho ga zhig pa dang lhan cig tu gso sbyin byed du mi gnang ngo / / slob ma rgan zhing brtson pas stong pa zhi ba ci'ang thob pa med pa chos bshad de/ sems yid mi shes ma dad la sems mur 'dug na/ sangs rgyas kyis mur 'dug dang gso sbyin byed du mi gnang ngo // mi de de lta bu'i mthong ba ma btang na/ dge 'dun gyi nang du 'dug tu mi gnang ba'i rigs so// de lta bu'i 'dod pa blangs te de ltar byas zin te 'on kyang yang ma btang na mi de lam la gnas par mi rung bar mngon te/ thal byung du yang bor nas mkhan po bla ma A tsar+yas kyang mthun par slar bcang ba'i rigs so// shA ri'i bu dge 'dun la de bzhin ngas yon gsol ba dang mur 'dug gi log pa'i lam lta 'jig pa la yang mkhas te/ mi de'i ming tshul khrims bshad pa dang / gso sbyin gtsang gdang zhes bya'o// shA ri'i bu ngas da khyod la bye brag phyed par bsgo'o/ / mi la la zhig de lta bu'i lta ba dang / gang zag tu lta ba dang / sems can du lta ba dang / yod med du lba ba dang / de lta bu'i mi'i ming ngal yon
- 113a
phul ba zhes kyang mi bya/ ming nga'i phyi bzhin khyim nas byung ste// tshul khrims mnos pa zhes kyang ma bya'o// de'i ming mkhan po drug ga phyir 'brengs la khyim nas byung ba ste/ mkhan po drug gis mkhan po byas pa zhes bya'o// shA ri'i bu mi la la zhig gis de'i lta bu'i gtsang gdang ba'i bden pa'i chos la bzod pa thob par ma nus so// yon blangs la mi des thob bo cog log par mnos zhes bya'o/ / shA ri'i bu mis nga'i chos kyi nang nas khyim nas byung ste/ tshul khrims gtsang ma bzung ba bsrungs mod kyi/ mchog gi gzhung stong par ci'ang thob pa med pa'i chos la yid mi ches mi shes te/ sngangs skrag cing dogs 'gyod pa de lta bu'i ming ni tshul khrims 'dzin pa dang / mang du thos pa dang / bsam gtan thub pa ched cher 'dzin par mngon no// shA ri'i bu de lta bu'i mi'i ming nga la btsun lci bar ri mo gus shing yon dbul zhes mi bya'o// ci'i phyir zhe na/ shA ri'i bu thog ma zhes bya ba'i med pa'i tshe rabs tshun chad sems can la bsam gtan bzhi ni ma thob kyi/ bsam gtan bzhi thob pa 'ba' zhig gis dge slong gi bzod pa bya ba ni med na/ de lta bu'i ji lta bur na ming nga la yon dbul ba zhes bya'o// de lta bas na shA ri'i bu ngas khyod la bye brag byed par bsgo'o/ / ma 'ongs pa'i dus kyi mis nga'i chos la 'dod chags rnam pa mang po dang / log par mthong ba rnam pa mang pos nga'i chos bshig bral lo//
- 113b
shA ri'i bu mi la la zhig tshul khrims 'dzin pa dang / mang po thos pa dang / bsam gtan thub pa 'ba' zhig ched cher 'dzin pa de lta bu'i mi ni dge sbyong gi chos rnams gtsang mar spyod mi nus par mngon te/ ngas mi de'i dge sbyong dang / bram zer mi bshad do// shA ri'i bu mi la chos so cog la nga med la bden pa bzhin du nga med par shes/ chos so cog phyi mo nas ci'ang med pa'i stong pa ste/ bden pa bzhin du ci'ang med pa'i stong pa ste/ bden pa bzhin du ci'ang med par stong par shes nus na de'i tshul khrims 'dzin pa rab yin rab mi 'dzin mang po thos pa zhes bya bar mi 'dzin to/ / bsam gtan thub rab ces mi 'dzin to// ci'i phyir zhe na/ shA ri'i bu chos so cog la bden pa'i mtshan ma la skye ba'ang med do// ldan pa'ang med do// de'i nang na rab ces bya ba'i chos med do/ / shA ri'i bu chos so cog gi bden pa bzhin ni nang na tshul khrims 'dzin pa med/ tshul khrims bshig pa med na/ 'dod chags la rab ces bya ba med pa lta smos kyang ci dgos/ shA ri'i bu de'i ming sangs rgyas rnams bla na med pa yang dag par rdzogs pa'i byang chub ces bya ste/ chos so cog mtshan ma med/ stong pa bdag tu bya ba med/ gang zag med de/ de lta bu'i bzod pa yod du zin na de'i ming spyod pa zhes bya'o// de'i ming thob pa zhes bya ste/ de'i ming yid ches pa spyad pa khyim nas byung ba ste/ yon len pa'i rigs shing
- 114a
gcad pa'igs sbyin byed pa ste/ ma de ni de'i nang na skra nas byas// shA ri'i bu sangs rgyas rnams kyi bla na med pa yang dag par rdzogs pa'i byang chub ni gzhung gcig pa 'a zhig yin te/ de ni bral ba zhes bya'o// gang la sogs pa bral ba zhe na/ 'dod chog dang mthong ngo cog ste/ 'dod pa ni ma rig pa yin no// mthong ba ni dran pa dang sems pa yin no// ci'i phyir zhe na/ chos so cog thams cad ni dran pa dang sems pas phyi mo byas te/ sems kyi 'du shes yod do cog ni mthong ba yin zhes bya'o// mthong ba ni log pa yin no// shA ri bu dge ba'i chos kyi nang na mthong ba'ang log par mthong ba zhes bshad/ ci'i phyir zhe na/ shA ri'i bu 'dod pa dang bral ba'i stong pa zhi ba chos kyi nang na chos med pa'ang med/ dge ba'ang med de don to cog kun stong la chos kyi yi ge rnams dang bral zhing sems pa thams cad dang yongs dral na mi dral ba zhes bya'o/ / shA ri'i bu bla na med pa'i nang na 'dod pa'i rnams yongs ni'o// gang la so pa 'dod pa'i rnams zhes bya na/ de ni log pa ste mi dge ba'i sems dang / nga dang nga'i gnas dang / byed pa'i mtshan ma dang / don gyi mtshan ma dang / de'i ming ni bla na med pa yang dag par rdzogs pa'i nang na 'dod pa'i cho ga yong zhi zhes bya'o/ / le'u brgyad de gtsang ma mthong ba'i le'u ste brgyad pa'o// / sangs rgyas kyis/ shA ri'i bu la bka' stsal pa/ ngas
- 114b
bsams pa 'das pa'i dus na/ bla na med pa yang dag par rdzogs pa'i byang chub tshol ba na/ sangs rgyas 'bum phrag sum cu dang phrad de/ kun mtshan shAkya thub pa zhes bya'o// da ni de'i tshe na kun 'khor lo 'phrul gyi rgyal po byed de/ lus kyi tshe zad kyi bar du slob ma dang kun la yon gos dang / zas dang / mal cha dang / rtsi sman phul te/ bla na med pa yang dag par rdzogs pa'i byang chub tshol ba'i phyir na/ sangs rgyas de rnams kyis nga la khyod ma 'ongs pa'i dus na/ sangs rgyas byed pa thob bo zhes lung ma bstan to// ci'i phyir zhe na/ ngas thob pa yod pa spyad pa'i phyir shA ri'i bu ngas bsam pa 'das pa'i dus na/ sangs rgyas brgyad stong dang phrad de/ kun mtshan 'od mi 'gyur zhes bya'o// ngas de'i tshe kun gyi 'khor lo 'phrul gyi rgyal po bya ste/ lus kyi tshe zad kyi bar du slob ma dang kun la yon gos dang / zas dang / mal cha dang / rtsi sman phul te/ bla na med pa yang bar rdzogs pa'i byang chub tshol ba'i phyir na/ sangs rgyas r nams kyis ma 'ongs pa'i dus na/ sangs rgyas byed pa thob bo zhes lung ma bstan to// ci'i phyir zhe na/ ngas thob pa yod pa spyad pa'i phyir ro// shA ri'i bu ngas bsams pa 'das pa'i dus na/ sangs rgyas drug khri dang phrad de/ kun mtshan 'od snang zhes bya'o// ngas de'i tshe kun gyi 'khor lo'i rgyal po bya ste/ lus kyi tshe zad kyi bar du slob ma kun la yon gos dang / kha zas dang /
- 115a
mal cha dang / rtsi sman phul te/ bla na med pa yang dag par rdzogs pa'i byang chub tshol ba'i phyir na/ sangs rgyas de rnams kyis kyang ngal khyod kyis ma 'ongs pa'i dus na sangs rgyas thob bo zhes lung ma bstan to/ / ci'i phyir zhe na/ ngas thob pa yod pa spyad pa'i phyir ro// shA ri'i bu ngas bsams pa 'das pa'i dus na/ sangs rgyas 'bum phrag du ma dang phrad de/ kun mtshan pur shA zhes bya'o// ngas de'i tshe kun gyi 'khor lo phrul gyi rgyal po ste/ rnam bzhis yon gsol na/ kun gyis nga la lung ma bstan te/ thob pa spyad pa'i phyir ro// shA ri'i bu ngas bsams pa 'das pa'i dus na/ sangs rgyas brgyad khri brgyad stong dang phrad de/ kun mtshan ri'i rgyal po zhes bya'o// bskal pa'i ming ni bla na brgyad ces bya'o// sangs rgyas khri brgyad stong de kun gyi tha dad du skra bregs/ chos gos bgos nas/ bla na med pa yang dag par rdzogs pa'i byang chub spyad pa sbyangs na/ kun gyis nga la lung ma bstan te thob pa yod pa spyad pa'i phyir ro// shA ri'i bu ngas bsams pa 'das pa'i dus na/ sangs rgyas lnga brgya dang phrad de/ kun mtshan me tog bla zhes bya'o// ngas de'i tshe kun gyi 'khor lo 'phrul gyi rgyal po byas te/ kun la yod do cog phul na/ sangs rgyas de rnams dang slob ma rnams kun gyis nga la lung ma bstan te/ thob pa yod pa spyad pa'i phyir ro// shA ri'i bu ngas bsams pa 'das pa'i dus na/ sangs rgyas lnga brgya dang phrad de/
- 115b
kun mtshan legs pa'i brjid ces bya'o// ngas zad par na yon phul na/ kun gyis nga la lung ma bstan te/ thob pa yod pa spyad pa'i phyir ro// shA ri'i bu ngas bsams pa 'das pa'i dus na sangs rgyas nyis stong dang phrad de/ kun mtshan ma cing zhu zhes bya'o// ngas de'i tshe kun gyi 'khor lo rgyal po bya ste/ kun la yon phul na/ sangs rgyas de kun gyis nga la lung ma bstan te/ thob pa yod pa spyad pa'i phyir ro// shA ri'i bu ngas bsams pa 'das pa'i dus na/ sangs rgyas dgu stong dang phrad de/ kun mtshan bsod skyabs zhes bya'o// ngas rnam pa'i spyad de yon du gso na/ sangs rgyas rnams dang slob ma rnams kun gyis nga la lung ma bstan te/ thob pa yod pa spyad pa'i phyir ro// shA ri'i bu ngas bsams pa'i dus na/ snga ma 'das pa'i bskal pa khri'i tshe sangs rgyas byung ba med de/ de'i thog ma bskal pa lnga brgya'i nang na rang sangs rgyas dgu khri yod de/ ngas lus kyi tshe zad kyi bar du thams cad kun la yon gos dang / kha zas dang / mal cha dang / rtsi sman phul te/ btsun zhing lci bar bstod do// de'i 'og gi bskal pa lnga brgya la yang rnam pa bzhi spyad de/ rang sangs rgyas brgyad khri bzhi stong la yon phul te/ btsun zhing lci bar bstod do/ / shA ri'i bu bskal pa de stong 'das nas/ rang sangs rgyas kyang med do// nga de'i tshe 'dzam bu gling du shi nas tshangs pa'i khams su skyes te/ tshangs pa'i rgyal po chen po byas so//
- 116a
de lta bu gcig nas gcig tu bskal pa lnga brgya'i bar du rtag par tshangs pa'i khams su skyes nas tshangs pa'i rgyal po chen po byas te/ 'jam bu gling du ma skyes so// bskal pa lnga brgya 'das nas mar babs te/ 'dzam bu gling du skyes nas/ 'dzam bu gling bcos bstan te/ tshe zad nas gnam ngom bzhi'i lha'i rgyal por skyes so// der tshe zad nas sum cu rtsa gsum gyi lha'i khams su skyes te dbang po byas so/ / de lta bu gcig nas gcig tu bskal pa lnga brgya tshang nas 'dzam bu gling du skyes so// der bskal pa lnga brgya tshang nas/ tshangs pa'i khams su skyes nas tshangs pa'i rgyal po chen po byas so/ / shA ri'i bu ngas bskal pa dgu stong gi bar du res gcig 'dzam bu gling du ma skyes/ bskal pa dgu stong gi bar du lha'i khams sha stag tu skyes so/ / bskal pa zad de bsregs pa'i tshe 'dod dbyangs lnga'i khams su skyes so// 'jig rten gyi khams zla ra ded zin nas/ slar tshangs pa'i khams su skyes so// bskal pa dgu stong gi bar du mi'i nang du ma skyes te/ shA ri'i bu bskal pa de dgu stong gi bar du sangs rgyas dang / rang sangs rgyas med de/ sems can rnams la lam ngan par lhung zhing 'khod pa mang ngo/ / shA ri'i bu bskal pa khri de 'das zin nas/ sangs rgyas shig 'jig rten du byung ba mtshan khyab bsrung yang dag par gshegs pa gsol bzhengs drangs khyab mkhyen snang mdzad zhabs
- 116b
bder gshegs 'jig rten bskol/ bla na med pa'i dri ma gdul thub skyes bu lha dang / mi mkhan sangs rgyas bcom ldan 'das zhes bya ste/ nga de'i tshe tshangs pa'i khams su tshe zad nas 'dzam bu gling du skyes te/ 'khor lo 'phrul gyi rgyal po byas nas mkhan po ni sgyid lha zhes bya/ mi tshe lo dgu khri thub ste/ ngas lus kyi tshe zad kyi bar du skyid pa'i yo byad do cog gis sangs rgyas de dang / dge slong 'bum phrag bcu la yon du gsol te/ lo dgu khri'i bar du bla na med pa yang dag par rdzogs pa'i byang chub 'tshal na/ sangs rgyas khyab bsrung des kyang nga la khyod ma 'ongs pa'i dus na sangs rgyas byed pa thob bo zhes lung ma bstan to/ / ci'i phyir zhe na/ ngas de'i tshe chos so cog gi bden pa'i mtshan ma khong du chud ma nus te/ bdag tu lta bar 'dzin pa la 'dod chags te/ thob papa yod pa mang ngo / / shA ri'i bu bskal pa de'i tshe sangs rgyas brgya byung ste ming mtshan so so tha dad do// ngas de'i tshe kun gyi 'khor lo 'phrul gyi rgyal po byas nas/ lus kyi tshe zad kyi bar du slob ma rnams dang kun la gsol te/ bla na med pa yang dag par rdzogs pa'i byang chub btsal nas/ sangs rgyas de rnams kyis kyang ngal khyod ma 'ongs pa'i dus na/ sangs rgyas byed pa thob bo zhes lung ma bstan te/ thob pa yod pa spyad pa'i phyir ro// shA ri'i bu ngas bsams pa 'das pa'i dus na/ bskal pa grangs med pa bdun brgya'i tshe sangs rgyas stong dang phrad de/ kun mtshan
- 117a
'dzam bu ngan zhes bya'o/ / ngas lus kyi tshe zad kyi bar du rnam pa bzhis yon gsol na yang lung bstan pa med de/ yang ngas thob pa yod pa spyad pa'i phyir ro// shA ri'i bu ngas bsams pa 'das pa'i dus na/ bskal pa bdun brgya'i tshe na yang sangs rgyas khri phrag dgu brgya nyi shu dang phrad de/ kun gyi mtshan cho ga thams cad mthong zhes bya'o// ngas de'i tshe kun gyi 'khor lo'i rgyal po byas nas/ skyid pa'i yo byad do cog gis lus kyi tshe zad kyi bar du slob ma dang / kun la yon gsol na yang nga lung ma bstan to// thob pa yod pa spyad pa'i phyir ro// shA ri'i bu ngas bsams pa 'das pa'i dus na yang bskal pa bdun brgya'i tshe/ sangs rgyas brgyad cu rtsa bzhi dang phrad de/ kun mkhan po rgyal po mtshan zhes bya'o// ngas de'i tshe kun gyi 'khor lo rgyal po byas so/ / skyid pa'i yo byad do cog spyad de/ lus kyi tshe zad kyi bar du slob ma dang kun la yon gsol kyang nga la lung ma bstan to// thob pa yod pa spyad pa'i phyir ro// shA ri'i bu bsam pa 'das pa'i dus na/ yang bskal pa grangs med bdun brgya'i tshe na sangs rgyas bco lnga dang phrad de/ kun gyi mtshan gnyis snang zhes bya'o// ngas de'i tshe na kun gyi 'khor lo 'phrul gyi rgyal po byas nas skyid pa'i yo byad dang / lus kyi tshe zad kyi bar du slob ma dang kun la yon gsol na yang nga la lung ma bstan te/ thob pa yod pa spyad pa'i phyir ro// shA ri'i bu ngas
- 117b
bsams pa 'das pa'i dus na/ yang bskal pa grangs med pa bdun brgya'i tshe sangs rgyas drug cu rtsa gnyis dang phrad de/ kun mtshan dge zhes bya'o// ngas de'i tshe 'khor lo 'phrul gyi rgyal po byas nas skyid pa'i bsams yo byad do cog spyad de/ tshe zad kyi bar du yon gsol na yang nga la lung ma bstan te/ thob pa yod pa spyad pa'i phyir ro// de lta bur gcig nas gcig tu sangs rgyas 'od mi 'gyur ba dang phrad pa la thug na/ gdod skye ba med pa'i bzod pa thob nas lung bstan pa/ khyod ma 'ongs pa'i dus bskal pa grangs med pa 'das pa dang / sangs rgyas byed pa thob ste/ mtshan shAkya thub pa yang dag par gshegs pa gsol bzhengs rigs drang khyab mkhyen snang mdzad zhabs/ bde gshegs 'jig rten bkrol bla na med pa'i dra ma gdul thul skyes bu lha dang mi'i mkhan sangs rgyas bcom ldan 'das zhes bsgo'o/ / shA ri'i bu ngas bsams pa 'das pa'i dus na/ 'khor lo 'phrul gyi rgyal po 'bum phrag bcu gnyis yod de/ kun gyi ming spyi bo skyes zhes bya'o/ / yang shA ri'i bu ngas bsams pa 'das pa'i dus na/ 'khor lo 'phrul gyi rgyal po 'bum phrag sum cu yod de/ kun gyi ming mang tha ma bya'o// shA ri'i bu ngas bsams pa 'das pa'i dus na/ 'khor lo 'phrul gyi rgyal po 'bum phrag bzhi yod de/ kun ming bzhi 'byi zhes bya'o// shA ri'i bu ngas bsams pa 'das pa'i dus na/ 'khor lo 'phrul gyi rgyal po gcig
- 118a
khri zhig yod pa kun gyi ming mngon snang zhes bya'o/ / shA ri'i bu ngas bsams pa 'das pa'i dus na/ 'khor lo 'phrul gyi rgyal po nyi khri gcig yod de/ ming mkhan kun so so tha dad do/ / shA ri'i bu ngas bsams pa 'das pa'i dus na/ 'khor lo 'phrul gyi rgyal po 'bum phrag bcu drug yod pa ming mkhan kun so so tha dad do// rgyal po dag la sogs pa ngas dga' bo dag la bshad do/ / shA ri'i bu khyod kyi yid la ji snyam/ rgyal po 'di rnams mi gzhan gyi ma yin gyi/ nga nyid kyi lus yin no// shA ri'i bu ngas bsams pa snga ma 'das pa'i tshe dus na sangs rgyas shig yod pa mtshan dge sdang zhes bya ste/ byang chub sems dpa' byams pa'i tshe/ 'khor lo 'phrul gyi rgyal po byas nas ming mngon zhes bya ste/ thog ma bla na med pa byang chub kyi sems bskyed pa de'i tshe/ sems can tshe lo brgyad khri bzhi stong thub ste/ sangs rgyas dge snang des lan gsum bsdus te chos bshad na/ thog ma bsdus pa la mi 'bum phrag dgu bcu rtsa drug cig/ car la ma thob bo// de'i 'og tu phal po che bsdus pa la mi 'bum phrag dgu bcu rtsa bzhi cig car lam mthong ngo // gsum gyi tha mar phal po che bsdus pa la mi 'bum phrag dgu bcu rtsa gnyis cig car lam thob bo/ / de'i rgyal po sangs rgyas kyis lan gsum bsdus te chos bshad na/ dpag tu med pa'i mi bsngal pa mthong nas sems la shin tu dga' gzha' ste/ lo khri'i bar du lo
- 118b
byad thams cad kyis sangs rgyas dang slob ma la yon gsol te/ sems bskyed nas bla na med pa yang dag par rdzogs pa'i sangs rgyas btsal te/ ma 'ongs pa'i dus na sems can bsgral ba sla'o// nganam zhig sangs rgyas grub pa dang / tshe srog gi dus dpag pa dang / dge slong gi dge 'dun gyi grangs dang 'khor bar bskor ba ni de lta bu ma yin no// shA ri'i bu ngas don de shes pa ni 'di bas 'das te dpag tu med do/ / shA ri'i bu sangs rgyas byams pas sems bskyed do// bskal pa bzhi bcu lon zin nas ngas gdod sems bskyed de/ sangs rgyas thub med kyi thad du thog ma dge ba'i rtsa ba bskyed nas/ ngas lo stong gi bar du skyid pa'i yo byad thams cad kyis sangs rgyas de la yon gsol nas ras yug lnga brgya phul te/ sangs rgyas de 'das pa'i phyi na rin po che sna bdun gyi mchod rten brtsigs nas 'phangs ni dpag tshad gcig/ chu zheng ni dpag tshad phyed de/ kun gser dngul bai DUR+Ya dang / margad dang / gzi dang / mu ga dang / mu tig dmar po las byas so/ / sems la rtag tu smon lam bskyed pa sems can sdug bsngal te bsgral ba'i ra mda' med/ chos ngan pa dang phrad cing lam ngan par lhung ba mang na/ ngas de'i tshe sangs rgyas grub par shog cig/ shA ri'i bu khyod kyis re zhig ltos shig/ bla na med pa yang dag par rdzogs pa'i byang chub spyad sbyangs na tshe rabs grangs med pa'i bar du sdug bsngal rnams kyis nyon mong
- 119a
te bshad du zin na/ khyod kyis thos pa dang yi mug cing sgyid yug tu rung ngo // ngas sdug bsngal dang mya ngan 'khrugs pas nyon mongs so cog ni bla na med pa yang dag par rdzogs pa'i byang chub tshol ba'i phyir ro/ / shA ri'i bu khyod ltos shig/ byang chub sems dpa' sar wa dan dang / byang chub sems dpa' rtag tu snying rje dang / byang chub sems dpa' rang mi nyan dang / byang chub sems dpa' rtag 'grus kyis de snyed kyi sangs rgyas rnams la yon gsol te/ sdug bsngal to cog gis nyon mongs na/ 'on kyang bla na med pa yang dag par rdzogs pa'i byang chub thob dka' na/ mi gti mug gzhan gyis skad cig mya ngan las 'das pa btsal ba med pa lta smos kyang ci dgos/ shA ri'i bu de lta bur spyad na 'on kyang shin tu dka' na ma spyad pa lta smos kyang ci dgos lta bas na shA ri'i bu ngas bye brag phyed par bsgo'o/ / 'og ma'i chos spyad pas bla ma'i chos thob par mi rung ste/ bla ma'i chos spyad na gdod bla ma'i chos thob bo// gang la sogs pa 'og ma'i chos de ni lus kyi ngan pa'i las/ kha'i ngan pa'i las/ yid kyi ngan pa'i las so// 'og ma'i chos ni ming sems la dge ba'i chos 'grub par spyod spyod mi nus pa zhes bya'o// 'og ma'i chos ni le lo snyoms las byed cing tshul khrims nos so cog gi bshig pa'o zhes bya'o/ / shA ri'i bu de'i ming 'og ma'i nang na yang 'og ma zhes bya'o// yang 'og ma'i nang na 'og ma zhes bya ba ni
- 119b
nga'i chos la khyim nas byung ste/ thob pa mthong ba dang / bdag tu lta ba dang / gang zag tu lta ba dang / sems can du lta ba'ang skyes so// ci'i phyir zhe na/ shA ri'i bu yang dag par gshegs pas de la mngon par snang mkhyen te/ thob pa yod par 'dzin pas ni mi 'gal ba'i bzod pa'ang med na/ lam gyi 'bras bu mi thob pa lta smos kyang ci dgos/ shA ri'i bu thob pa yod par 'dzin du zin na brgya stong khri 'bum gyi sangs rgyas 'khor lo gsum spyad de/ mngon par bstan du zin kyang mi des mthong btang na mi gzhan gyi kha zas kham gcig kyang mi zhu na/ lam gyis 'bras bu mi thob pa lta smos kyang ci dgos/ shA ri'i bu bdag tu lta ba dang / gang zag tu lta ba dang // mya ngan las 'das pa thob pa ni phal tha mal pa thams cad kun gyis zhi bar 'das pa'i rigs so// ci'i phyir zhe na/ bdag tu lta ba dang / gang zag tu lta ba ni kun yon po mthong ba yin no// mi phal tha mal pa rnams dang / bdag tu lta ba'i gnas dang / gang zag tu lta ba'i 'dod mang ste/ de lta bus na tha mal pa thams cad kyis mya ngan las 'das pa thob pa'i rigs so zhes byas so// shA ri'i bu mi la la zhig gis bsam pa byas te/ bdag yod/ gang zag yod ces mi des de bu'i mthong ba ma btang bar mya ngan las 'das pa chung ngu zin na/ phal tha mal pa thams cad kyis 'phags pa'i lam thob pa'i rig so// de ci'i phyir zhe na/ phal tha mal pa thams cad
- 120a
kun ni bdag tu lta ba dang / gang zag tu lta ba yin te/ de bas na bdag tu lta ba dang / gang zag tu lta bas mya ngan las 'das par chud na ni/ phal tha mal pa kun gyis 'phrul gyi lam chud de 'phags pa'i nang na ni ci'ang nyung ba med do/ / shA ri'i bu mi la la zhig gis sems bya ste/ bdag tu lta ba yod pa la mya ngan las 'das pa yod zin na/ mi des 'phags pa'i lam thob kyis gzhan bsams mi dgos so/ / ci'i phyir zhe na/ phal tha mal pa thams cad la bdag tu lta ba dang / gang zag tu lta ba mi nyung bas na/ de lta bu'i mi gti mug la delta bu'i nyes 'khrul pa yod de/ phal tha mal pa rnams kun gyis 'phags pa'i lam du chud zer ro// 'phags pa 'phrul gyi lam la bcing ba med/ mi des spyad pa'i tshe srog gcod pa lnga mnos log pa lnga'i sdig bskyod pa'i rigs so/ / de lta bas na mi gti mug gis 'phags pa'i lam la log pa lnga'i sdig yod/ ci'i phyir zhe na/ phal tha mal pa thams cad kun ni bdag tu lta ba yod/ sems can yod ces 'chad do// mi la tshig de skad zer na/ log pa'i lnga'i sdig mang du stsol te/ chog tshang nas mi dge ba gsum gyi rtsa ba spyad do// shA ri bu ngas tshul khrims 'dzin pa'i dge slong la phan bsod par bya ba'i phyir/ tshul khrims nyis brgya lnga bcu'i chos yig bshad do// de lta bu'i gti mug gis 'jig rten gyi rgyu rkyen chud
- 120b
du spyad de/ khyim na 'dug pa la bshad de/ yi ger yang bris nas gos skya bo can la yang bstan to// shA ri'i bu de lta'i mi gti mug gis bshad pa chos so cog stong pa dang rang gi mtshan ma bya ga la nus zhes 'dzer to/ / ci'i phyir zhe na/ de lta bu'i mi gti mug 'byung ba dang / brkam pa dang / mi ngan 'khrug pa'ang bsal mi nus na/ ma rig pa'o cog chod ma nus pa lta smos kyang ci dgos/ shA ri'i bu de'i tshe tshul khrims lugs 'dzin pa'i dge slong dge ba slob mi nus so// chos so cog stong par yang legs par mi slob bo// mdo sde kha ton dang legs par mi slob bo// shA ri'i bu tshul khrims lugs 'dzin pa'i dge slong gis legs par mi slob mi nus zhes bya/ yang dag par gshegs pa'i chos yige nang na bslabs pa bshad pa gsum yod de/ dge ba'i tshul khrims bsla ba/ dge ba'i sems bslab/ dge ba'i shes rab bslabs te/ mi des bslab pa gsum la dge bar bslab ma nus te/ mang po thos rgyu rkyen 'ba' zhig sprad nas mi gzhan la brnyes te mi de ni dge ba'i chos sgrib cing gcod pa yin te/ de lta bu'i gti mug chos bzhin du lan glon zhing 'dri ba'ang mi nus na/ yun du ci'ang med pa la brtson spyod mi nus pa lta smos kyang ci dgos/ shA ri'i bu de tsam gyi tshe tshul khrims zhig pa'i dge slong ni gos skya bo can gyi g.yog byed
- 121a
cing pho nyar mngags shing 'dug pa dang / sman gyi chos bdag rang gso bar byed do// shA ri'i bud khyod ltos shig dang / mi ngan pa des nga'i chos las khyim nas byung nas/ tshul khrims mnos nas/ yon nod pa thob nas/ slar nga la dgrar 'dzin to// shA ri'i bu de'i gnam ngos bzhi lha'i rgyal po dang / dbang po dang / tshangs lha'i rgyal po chen po dang / brgya stong khri 'bum gyi lha gzhan kun kyang nga'i chos kyi nang na de lta bu zhig nyams pa mthong nas kun shin tu mya ngan byed cing mi dga' ste ngus nas mchi ma bab bo// shA ri'i bu de bden par na nga brtan cing gos skya bo can gyi tshon ma sbyor zhing byed pa'i rigs so/ / ci'i phyir zhe na/ sangs rgyas shAkya thub pa'i slob ma rnams lha dang / klu dang / lha ma yin gyis bkol zhing bdag po yang bya ba'i mi rigs na/ klu dang / lha ma yin gyis nga'i lam la bkol zhing bdag po ma byas na/ de lta bu'i mi gti mug gos skya bo can la nye bsnyen pas chos so cog gi gzhung stong pa bshad sbyangs te/ khong du chud par nus zhes zer na bden pa yong med do// shA ri'i bu de'i tshe tshul khrims zhig pa'i dge slong gis chang phor bu gang zhig thob na yang gos skya bo can rnams la sangs rgyas kyis grangs bshad do/ / khyod kyi yid la ji snyam/ 'dod chags dang zhe sdang gti mug mang po dang / chos yig klog pa la sred pa mang ba dang / tha mal pa'i yi ge'i khe la brkam zhing sprod pa
- 121b
mi gdang ba'i mi de lta bu'i mis ci'ang med pa yun du stong pa'i chos yid ches par nus shing / dge sbyong gi 'bras bu cog tshang bar nus sam mi nus/ bcom ldan 'das mi nus lags so// shA ri'i bu dge slong la la zhig gos dang / zas dang / mal cha dang / rtsi sman thob pa la phyogs na/ tshul khrims 'dzin pa gtsang gdang ste mang po 'dzes pa dang / cal col gyi cho ga la mi sred phyi logs kyi gzhung la ma chags te/ nyin mtshan du brtson 'grus pas ni mgo tshig pa'i ra mda' byed pa'i bzhin te/ sems gcig tu drang po'i 'phrul gyi lam brgyad 'grus par spyad na/ mi des 'on kyang mi des stong pa'i chos ci'ang thob pa med pa'i khong du chud par dka' na/ de lta bu'i mi gti mug zab mo 'dod pa med pa la yid ches shing shes pa med pa lta smos kyang ci dgos/ shA ri'i bu khyod ltos shig dang / mi de yang dag par gshegs pa'i bla na med pa'i gzhung ma shes pas na/ nga'i drang po'i chos bshig ste/ bdag rang gi lus dang mi gzhan gyi rgud pa'i mya ngan chen po byas so// de lta bu'i dgra chen po ni 'jig rten na dgra chen po yin te/ chos kyi yi ge 'di'i nang na yang yong bral ba'i rigs zhes bshad do// de lta bu'i mos ni sangs rgyas kyi drin kyang mi shes te/ rang gis bsam pa bdag gi la sogs pa khyim nas byung ste/ chos 'di'i nang na spyad pa'i mi rigs rnams ni smad pa'i mi rigs so snyam du sems so// de lta bas na shA ri'i bu yang dag par gshegs pas ma 'ongs pa'i dus la 'di
- 122a
lta bu ngan pa gcod pa'i phyir chos 'di lta bu bshad do/ / dge slong la la zhig tshul khrims mnos so cog zhig cing chos bshig bral la drang po'i mthong ba bshig pa zhig gis chos yig 'di thos na 'jigs skrag ste/ tshul khrims slar zlog go// ci'i phyir zhe na/ tshul khrims zhig pa'i mi ni se gol gtogs pa tsam gyi bar du 'phags pa'i mi gzugs dang / chos gos dang / 'dug pa'i nang na 'dug pa mi rigs/ la la zhig gis chos yig 'di thos te/ sems dga' gzha' na/ mi de'i ming sangs rgyas rnams yon gsol/ sangs rgyas kyi lam bsrung zhing rim gro byed pa zhes bya'o/ / ci'i phyir zhe na/ shA ri'i bu de'i ming sangs rgyas lam yang dag pa'i dbyings zhes bya'o// po dge ba mo dag la la zhig dge slong gis chos thos par 'dod na/ chos yig nyon cig/ brgya stong khri 'bum gyi dpag tshad 'das pa'i rigs so// ci'i phyir zhe na/ yang dag par gshegs par sangs rgyas rnams yun ring po zhig lon na gdod 'jig rten du 'byung mod kyi bar du zad do/ / le'u dgu ste dogs pa bye brag phyed pa'i le'u'o// / sangs rgyas kyis/ shA ri'i bul bka' stsal pa/ rnam gsum zhig yod pas/ chos yig 'di bshad pa thos na sems la mi dga' ma dang do// gsum gang la sogs pa zhes bya na/ gcig ni tshul khrims zhig dge slong ngo // gnyis ni dge
- 122b
slong yar skye ba'i ma'o/ / gsum ni chos 'chad pa mi gtsang ba dang / bdag tu lta ba la 'dod chags te/ mi des 'di lta bu'i bden pa'i mtshan ma zab mo chos yig bzhin du mi 'gal ba yong sngang nas dmus long gi sde dang rogs kyi tshang gang rgyas so/ / de lta bas na shA ri'i bu nga'i chos yig 'di bslabs te khyod gtams bcol to// ci'i phyir zhe na/ chos kyi yi ge 'di yang dag par g shegs pa'i phyi na gtsang gdang bar tshul khrims 'dzin pa'i dge slong sems la 'di lta bu chos yig zab mo la dga' zhing dad pa skye bar bya nus pa tshul khrims gdang bas rtag par sdug cing 'dzin par bya'o/ / tshul khrims zhig pa ni rtag par bsrings spangs so// ci'i phyir zhe na/ gti mug gis yang dag pa'i bzhi bden pa'i drang po'i tshig bshad pa thos na sdug bsngal yin par 'dzin to// shA ri'i bu tshul khrims bzhig pa'i dge slong gis byad gzugs cir grub pa yang dag par gshegs pas zhib tu rgya cher bshad zin to// shA ri'i bu tshul khrims bshig pa'i dge slong ni chos kyi tshul khrims 'dzin pa'i cho ga la ma dad do/ / gti mug gi mi ni shes rab la mi dga' 'o// ser sna can gyi mi ni sbyin pa bshad pa la thos par mi dga' 'o// le lo yar skye ba ni drags shing le lo med pa'i chos 'di thos su mi dga' ste/ thos so zin na yang spangs shing skrag pa ni khung zab mor lhung ba dang mtshungs so// 'jig rten gyi khe la sred pa ni zhim po'o ro la 'dod chags te/ zas
- 123a
la gsher bskrad pa thos na sems la mya ngan 'khrug go/ / mi la la zhig tha mal pa'i yi ge klog pa la sred na/ de las dang mthub cing bden du zin pa'i 'du shes skye'o// tshig la 'dod pa ni cal col 'chad pa la sred pa'o// rang bzo'i tshig snyan sngags 'chad pa la sred pa ni sangs rgyas mchog gi gzhung la gtsang ba'i sems med pa'i steng du chos 'di la yid mi ches mi gus so/ / shA ri'i bu dper mi ma ning dang mtshungs te/ skyes pa spyad pa med na/ skyes pa'i nang du phyin pa dang ma ning gi 'du shes skyes te sems 'di snyam byed do// mi 'di gzhan la sogs pa yang bdag dang mi mtshungs pa med snyam byed do/ / de lta ste/ tha mal pa'i yi ge la sred chags pa ni rtag par tshig rang bzo'i snyan sngags pa brgyan pa la sred de/ sangs rgyas kyi mchog gi gzhung la sems kyis ri mo mi gus so/ / shA ri'i bu de'i nang na mi la la zhig gtsang gdang ba'i chos yig 'chad pa yod na mi de la yang ri mo gus te/ gtsang gdang ba'i tshul khrims 'dzin pa'i dge slong la yang yang zhing 'dus so/ / ci'i phyir zhe na/ shA ri'i bu mur 'dug gi chos kyi yi ge la ni yang dag pa'i tshig bden pa med de/ chos kyis dregs shing le lo dang mthong zhing rang che 'dod pa'i rigs so/ / ci'i phyir zhe na/ don de ni skyo bral ba'i mi'i phyir ma yin/ stong pa zhi ba'i mi'i phyir ma yin/ mya ngan las 'das pa mi'i ma yin/ mi des yid
- 123b
ches pa la sogs pa rtsa ba zhig nyams pas na/ gnas so cog legs pa'i don yod par yid mi ches pa ni ma ning dang mtshungs te/ mi gzhan kun la bdag dang mtshungs zhes zer ro// shA ri'i bu dmus long gis kha dog rnams mi mthong ba dang mtshungs so// de ni nag po kha dog dkar po'i kha dog ste/ dkar nag gi kha dog mthong ba ma mthong ngo // bzang po'i kha dog ma mthong ngo / / mi sdug pa'i kha dog kyang ma mthong / sngon po dang / ser po dang / dmar po dang / dkar po dang / le brgan rma mthing kha'i kha dog kyang mi mthong / ring thung sbom phra la sogs pa gzugs mi mthong / skar ma nyi zla mi mthong ba ma mthong ba de lta bu'i mi long bas thal byung sems 'di snyam byas so// dkar nag gi kha dog med/ dkar nag gi kha dog mthong ba med/ bzang po dang mi sdug pa'i kha dog byas pa med/ sngon po dang / ser po dang / rma dang / mthon mthing kha dang / ring thung phra sbom dang / zab mi za ba dang / nyi zla dang skar ma'i kha dog med nyi zla skar ma mthong ba med pas na gzhan kun kyang bdag dang mtshungs snyam du 'dzin to/ / mi dmus long gi sems phyin ci log pas gnas so cog thams cad la mun gnas cher zer ro// shA ri'i bu tshul khrims zhig pa'i dge slong le lo par skyes pa'i mi mur 'dug bshad par lhung ngo / / dge slong yang de dang mtshungs te/ sangs rgyas kyis zab mo chos la sems yid ma ches
- 124a
ma dad do/ / khong du chud par ma nus so// chos sa cag srung zhing ci'ang med pa zos na yid mi ches ma dad do// khong du chud par ma nus so// shA ri'i ba gzhan bzhin du khyed la sogs pa yang log pa'i dbyings su lhung drang po'i chos mi thob kyis dogs so/ / drang po'i chos 'di spyod pa'i ming yang dag par bden pa'i dge sbyong zhes bya'o// khyod kyis thob bo cog la mi ches yid mi ches pa/ dper na dmus long na re/ dkar nag la sogs pa'i kha dog med ces zer ba dang mtshungs so// shA ri'i bu mi des de lta bu'i log pa'i dbyings su zhugs te/ mur 'dug gi bshad pa btsal nas mang po'i 'dzin pa'i tshig sred de/ mya ngan 'khrug pa'i rang bzhin ngan pa dang / chos ngan pa skyes shing 'phel to// mi nges chos so cog stong yang yid ches par mi 'gyur na/ khong du chud pa lta smos kyang ci dgos shA ri'i bu khyod kyis 'di la ji snyam/ was seng ge ltar byas na bsgrags zin tamad bsgrag gam phyis bsgrag gam/ seng ge'i 'gros byas/ da 'gro ba dang / phyis 'gro ba dang / 'gros zin pa nus sam mi nus/ bcom ldan 'das mi nus lags so// ci'i phyir zhes bgyi na/ wa'i kha dog dang / stobs dang / sgra skad seng ge tsam mi phod do// wa sa ni wa'i sgra 'ba' zhig bgyi nus so// sgrar zhig bgyir btab na/ wa'i sgra
- 124b
'ba' zhig 'byung ste/ seng ge'i sgra ma lags so// de yin no// shA ri'i bu tshul khrims zhig pa'i dge slong le lor yar skye ba'i dge slong ni rang dam pa yin snyam 'dzin to// chos 'chad pa mi gtsang ba ni 'ji ge na dzi'i bshad pa mnos te/ don gcig la chags te dam du gzung ste ma btang ngo // 'jig rten gyi khe la brkam zhing rin che ste/ tha mal pa'i yi ge la klog pa la sred pas chos so cog gi bden pa khong du chud par nus so/ / mtshan ma med pa'i chos la yid ches shing nod nus she na/ bden pa yang med do// shA ri'i bu dge slong la la zhig lo grangs kyis rgan zhing legs pa yod la dge slong gi nang na klu ste/ shes rab zab mo yod la de lta bu'i mis ci'ang med pa nyid kyis mtshan ma stong pa'i chos bdag tu lta ba med pa dang / gang zag med pa'i chos la yid ches par nus so/ / ji lta zhe na/ mi de mang po 'dzis pa'i tshig go cog dang dge 'dun la mi sred do// chos yig klog pa dang / gnyid kyis log pa dang // don mang po la mi sred/ / gos skya bo can 'tsho na ma dang don mi byed do// pho nyar mngag cing yi ge khyer zhing skyel ba mi byed/ sman gyi chos mi byed/ sman dpyad mi klog/ tshong spogs mi da/ 'jig rten gyi tshig brjod cing smra ba la mi sred do// 'jig rten las 'byung ba bshad pa 'ba' zhig la dad cing dga'a'o// mi chos so cog spong bar yid ches par nus te/ chos so
- 125a
cog med cing mi ldan mi 'jug go/ mi de lta bus na gdod yang dag pa'i bden pa dbyings su grub par nus te/ bden pa bzhin gyi yang dag pa'i seng ge'i sgra nus te wa'i sgra ma yin no/ / shA ri'i bu dge slong la la zhig tha ma'i yi ge'i gzhung la chags pa zhig yod na/ mi des sangs rgyas kyi zab mo dam pa'i mchog btang ste/ mur 'dug gi chos kha ton dang gzungs su 'dzin pa zhes bya'o/ / phal mang po'i phyir bshad na'ang wa'i sgra 'ba' zhig zer ro// shA ri'i bu de lta bu'i mi ngan pa ni ming rul zhig pa'i dge slong zhes bya'o// ci'i phyir zhe na/ mur 'dug gi gzhung yin gyi/ sangs rgyas kyi chos ma yin pa'i phyir ro// shA ri'i bu mur 'dug gi chos la chags pa'i dge slong ni bdag rang sangs rgyas kyi slob ma yin zhes brjod pa'i mi rigs so/ / de ci'i phyir zhe na/ dge slong shAkya'i bu ni 'jig na ji'i chos mi 'chad de/ phal mang po'i nang du sangs rgyas kyi chos 'ba' zhig 'chad do// mi la la zhig mi gtsang ba'i tshig la chags na seng ge'i sgra dbyangs kyang wa'i sgra skad du grags te/ mi de sangs rgyas kyi chos kyi mchog gi gzhung shes par mi nus so// shA ri'i bu ngas khyod la bye brag phyed par bsgo'o// mi la la zhig tshul khrims 'dzin pa dang / bsam gtan thub pa dang / shes rab mchog tshang ste mi 'jug/ mi brkam/ zhe sdang gti mug gis ma zhe na/ gtsam sgyu mi bsrel/ ngan pas
- 125b
skyes pa'i sems yod/ yang dag pa'i bden pa'i tshig smra zhing rtag par 'ba' zhig gnas la sred/ stong pa mtshan med pa dang / smon pa med pa dang / 'gog pa med pa'i spyod pa la sred do// zab mo 'dod pa'i sems skyes te/ sangs rgyas kyi chos kyi mchog gi gzhung shes pa btsal nas 'jig rten gyi tshig la ni mi dga'/ 'jig rten las 'byung ba'i tshig la dad de/ tshul khrims rnams rdzogs par bzung nas don ngan pa thams cad ngan pa'i bshes gnyen kun bsrings spangs te/ de lta bu'i chos la gnas pas stong pas ci'ang med pa'i chos shes par nus so// ci'i phyir zhe na/ shA ri'i bu spyad pa de'i ming ni mi chen po'i spyod pa zhes bya ste/ gso ba'i khe la brkam zhing sred pa'i khe ma yin no// gti mug blun po mi tha mal pa'i spyod pa ma yin no// sun byung zhing zhig pa'i dge sbyong po spyod pa ma yin no/ / dka' thub kyi dge sbyong gi spyod pa ma yin no// sgyu ma'i nga'i dge sbyong gi spyod pa ma yin no// shA ri'i bu chos so cog gi bden pa'i mtshan ma'i mtha' yun du stong pa nyid sangs rgyas kyi lam yin te/ 'jig rten gyi nor khe la sred pa dang / chos kyi gtsang ba thob pa mi nus so// shA ri'i bu de'i ming ni shes rab chen po'i sa zhes bya ste/ mur 'dug la bsam sred pa'i chos la ma yin te/ bdag tu lta ba dang / gang zag tu 'chad pa'i sa ma yin no// shA ri'i bu bden par bdag tu lta ba yod/ gang zag tu lta
- 126a
kha bod du zin na/ bdag tu lta ba dang / gang zag tu 'chad pa la bden pa'i mtshan ma yod pa'i rigs kyis bden pa bzhin du 'dri ba'i rigs so// bdag tu lta ba yod du zin na/ kha dog ji lta bu yin/ sngon po/ ser po/ dmar po/ dkar po 'am/ lus kyi nang na 'dug gam/ lus chub par 'dug gam/ mar gso ma la 'dug pa dang mtshungs sam/ shA ri'i bu gso ma'i nang na mar yod pa'i ni 'byung du'ang rung / bstan du'ang rung / bdag tu lta ba nang log na 'dug tu zin na/ bdag tu lta ba yod par 'chad pas bshad ba'i rigs bstan pa'i rigs te/ gso ma'i nang nas mar 'byung zhing mar bstan pa dang mtshungs so// mchog gi gzhung gi nang na bdag tu lta ba btsal kyang rnyed par mi rung ngo // de lta bas na shes par byos shig/ bdag tu lta ba dang / gang zag tu lta bar 'chad pa'i mi de la dge sbyong gi khrims kyang med na/ dge slong gi med pa lta smos kyang ci dgos/ shA ri'i bu shes par byos shig/ log pa la 'dod chags pa ni bdag tu lta ba la chags/ sems can la chags/ tshe srog la chags te spyi bo'i chos lhung ngo // mi de de lta bur log pa la 'dod chags pas na/ gso ba'i khe la brkam pa'i sems kyang bsam mi nus na/ mya ngan 'khrug pa'i zhib mo lha smos kyang ci dgos/ shA ri'i bu stong pa'i khong du chud pa 'dod chags pa dang / zhe sdang gti mug dang /
- 126b
gso lce bkab ces zer na bden pa yong med do// spyi bos chos so yong mi lhung ngo // shA ri'i bu bdag tu lta ba'i sems la chags pa'i ni srog yod ces zer ba ni/ che srog gi rgyu rkyen gyis na gso ba'i khas dkris te/ lam bsgribs bcad de/ shA ri'i bu bdag tu lta ba dang / gang zag tu lta ba'i ni nga'i chos la khyim nas byung ba ste/ chos song mod kyi/ de lta bu'i mig ti mug gtsang gdang ba'i nang nas ni khyim nas byung ba ma yin no/ / de ci'i phyir zhe na/ 'ji ge na ji'i khyim nas byung ba ni kun nga'i sems la chags te thob pa yod par 'dzin to// shA ri'i bu thob par 'dzin pa ni thog ma zhes bya ba med pa'i tshe rabs tshun chad rtag par de lha mthong ba yod de/ khyim nas byung du zin kyang yod de ci'i chad do// de'i ming mur 'dug gi zhar las khyim nas byung zhes bya'o// / ming 'phags pa'i zhar las khyim nas byung ba zhes mi bya'o// ci'i phyir zhe na/ bkab pa'i mis chos chen po la yid ches shing dad par mi nus te/ gtsang gdang ba'i chos chen po yang dag pa'i bden pa'i 'du shes med do/ / shA ri'i bu'i chos bshig pa'i sdig lci ba rgyu rkyen gyis kha na ma tho ba'i lhag ma zad pas chos so cog bden pa'i mtshan ma yid ches shing shes par ma nus te/ mi dge ba'i las g.yos nas bar bar ni drang po'i 'phrul gyi lam brgyad la skur/ bar bar ni dge slong la ngan pa'i sems bskyed de/ de'i mi bden pa'i nyes pa byung ste/ bar bar ni tshul khrims bshig/
- 127a
mthong ba bshig/ srog bshig/ cho ga bshig ces zer/ bar bar ni gzhan gyi nyes pa ma mthong bar mi ba'i yin ma yin skyes bar bar zhe sdang phrag dog gi sems rtog pa spyad de gzhan gyi ngan pa bshad/ bar bar ni sangs rgyas kyi chos yig gi gzhung gi tshul shes par ma nus pas sangs rgyas kyi chos ma yin zhes zer ro// de lta bu'i mi chos bshig pa'i lam 'byor 'grub pas sangs rgyas kyi mchog gi gzhung la sems thog pa med par ma nus te/ mi 'jug mi dga' 'o// de lta bu'i sdig lci ba'i lan gyi lhag ma'i rgyu rkyen gyi brtson 'grus spyad mod kyi/ 'on kyang rten to cog gi mtshan ma len ma nus na/ sems la btags pa'i lam gyi 'bras bu thob par mi nus pa lta smos kyang ci dgos/ gcig tu na bdag tu lta ba dang / gang zag tu lta ba la gnas rten te/ de lta bu'i lta ba sangs rgyas man chad kyis kyang de'i rtsa ba ni phyi mo phyin par sems mi nus na/ nyan thos lta smos kyang ci dgos shA ri'i bu de lta bu'i brkam chags pa'i mi dge ba'i log pa mthong ba yod na/ de ni bdag tu lba ba dang / gang zag tu lta ba dang / sems can du lta ba dang / srog tu lta ba'o// gcig tu na mchog gi gzhung stong pa la spangs skrag cing dog pa ste/ / mi des sngan chad kyi tshe la bshig pa'i sdig rkyen 'byor 'grub ste/ mya ngan las 'das par chud do// bdag tu lta ba dang / gang zag tu lta bar bcad pas mya ngan 'das
- 127b
par chud ces zer na/ brdzun gyi tshig yin te/ sangs rgyas la skur ba yin no// gcig tu na nga'i chos kyi nang na gtsang gdang bar khyim byung ste/ thob par nus pa zhes kyang bya'o// sangs rgyas kyi mdzod bshad pa'i chos kyi yi ge bam po bzhi pa// sangs rgyas kyi mdzod bshad pa'i chos kyi yi ge gtsang ma mthong ba'i le'u 'og ma'o// // shA ri'i bu ngas khyod la bye brag phyed par bsgo'o/ / thob pa yod do cog la ni mya ngan las 'das pa med do// thob pa yod do cog la mya ngan las 'das pa yod du zin na/ de ni sangs rgyas kyi rnams 'jig rten du'ang mi 'byung ngo / / phal tha mal pa thams cad kyis kyang mya ngan las 'das par chud do// phal tha mal pa thams cad kun la bdag tu lta ba dang / gang zag tu lta ba yod do// kun la thob pa 'dzin pa med de/ de kun log pa mthong ba yin no// shA ri'i bu khyod kyis re zhig ngas ji srid lon na 'byor pa ltos shig/ thob pa dang / mthong ba dang / mthong ba yod do cog ni mdzangs shing 'phrul pa'i spyod pa ma yin no/ / sangs rgyas rnams kyis nga la khyod ma 'ongs pa'i dus na sangs rgyas byed pa thob pa zhes lung ma bstan to// shA ri'i bu ngas de lta bu spyad na 'on kyang lung bstan pa ma thob na/ de lta bu'i mi gti mug gi tshul khrims 'dzin pa dang / mang po thos pa dang / bsam gtan du thub pa la sogs pa 'ba' zhig sprad de/ bdag tu lta ba dang /
- 128a
gang zag tu lta ba dang / sems can du lta ba skyes pas ma thob pa lnga smos kyang ci dgos/ shA ri'i bu ngas bshad pa la de lta bu'i ming spyod pa zhes kyang mi bya'o// ci'i phyir zhe na/ shA ri'i bu nyin mtshan du de lta bu'i log pa mthong ba la 'dod chags de zhi bar 'das pa ma thob bo// de lta bu'i gti mug gis 'di snyam du bdag la sogs pa'i ci'i phyir nas bdag dang gang zag gi chos med pa spyod pa sbyangs te/ mi des bdag la sogs pa sdug bsngal mang po phung po chod kyang rung srid na 'di snyam sems bya'o// shA ri'i bu thog ma skyes pa nas long ba'i mi khyi za/ ba las bros te/ byol nas me'i dong zab mor lhung ba dang mtshungs so// shA ri'i bus smras pa/ mi gti mug gis de lta bur bdag tu lta ba dang / gang zag tu lta ba dang / thob pa yod par mthong ba spyad pa sbyangs te/ de lta bu'i mthong ba rnams spyad de/ gtsang gdang na 'dod cing re ba ni mi 'dod cing chags pa la 'brangs te/ de lta bu'i don spyad pas mya ngan las 'das par thob par 'dod na/ ngas ming mthar lam ngan pa lhung zhes bya'o// shA ri'i bu dper mi long ba bzang mo la bde skyid pa'i sems skyes pa dang mtshungs so// de lta bu'i mi gti mug kyang bdag dang gang zag tu lta ba dang / thob pa yod par mthong ba la bde skyid pa'i sems skyes te/ mi de nyin mtshan du chags pa la 'brangs pas brnyas bslus nas slar don de la chags te nga'i chos kyi nang du yon
- 128b
blang nas/ de lta bu'i mi gti mug nyin mtshan du rgud pa'i mya ngan gyis lam ngan pa'i nang du lhung ngo // shA ri'i bu dper mi spyi blugs kyi rgyal po chen po dang mtshungs te/ bdag gi khams kyi yul gyi nang na brjid kyi stobs rang dbang ste/ mi de lta bu zhig 'phrog pa'i rigs/ mi de lta bu zhig bkol ba'i rigs zhes zer te/ mi phal gzhan rgyal po'i yid dang 'gal te/ rgyal po nyes pa ngan pa brjod nas/ ma'i sems gyes shing zhig pas mkhar gyi rim gro ma nus so// log par bgros pa rgyal pos mi de dag dgra chen po yin par rig nas/ phal mang po'i nang du rnga sgra ngan pa brdungs te de'i nyes pa shin tu bcos nas bslad de 'gong thon du byung ngo / / de'i snying nye ba zad kyis btsal na mkhar gyi rim gro bya ma nus pas na de lta bu'i sdug bsngal thob bo// shA ri'i bu sangs rgyas kyang de dang mtshungs te/ bskal pa grangs med pa'i bar du bla na med pa yang dag par rdzogs pa'i byang chub spyad sbyangs te chos kyi rgyal po chen po byas/ chos kyi yul sa bzung gzi brjid kyi mthu chen po yod/ slob ma rnams kyi nang na chos kyi ro shes pa yod do// de srog stor la thug kyang ngas bstan pa ma nyams/ lha dang 'jig rten gyi mi rnams kyis gzhig nus pa med de/ bstan pa mnos pa'i nang na bdag la ngan cing log pa'ang med/ gzhan la'ang mi ston to// dpal gyi nang na gzi brjid kyi mthu chen po yod pas rang dbang gi/
- 129a
chos btsugs te/ chos kyi mkhar rim gro bsrungs nas dgra ngan pas bshig bral zhing mi chud par byas so// yang dag par gshegs pa'i gsang ba'i chos bshad pa sam zag pa nas mnos te/ kho na mi dgra chen po mthong ba'i rnams la bshad do// shA ri'i bu yang dag par gshegs pa'i di ltar bzhugs pas chos kyi mkhar rim gro mkhas la/ slob ma chen po de bzhi shes rab zab cing rgyang ring ba da ltar de'i chos kyi mkhar zhig ral mi dogs so/ / la la zhig chos kyi mkhar la bsgribs shing bgegs byed na/ dgra chen po yin te/ chos kyi mkhar babashig bral la nga'i chos gsang skur te/ mur 'dug la bshad do// mi rtag par nga'i thad du 'ongs te nga dang gtam byas nas de la chos bstan na/ gsang zhing gces pa ma bshad na mi des chos bstan pa btsal ba'i phyir khyim nas byung ste/ tshul khrims mnos pas na/ ngas mi des phyi sa la ma thob par rig par shes pas khyim nas byung bar gnang ste zla ba bzhi'i bar du sad do// ci'i phyir zhe na/ chos kyi mkhar gyi rim gro bya ba'i phyir ro// gcig ma 'ongs pa'i dus kyi dgra slar mi sdang bar bya ba'i phyir ro// de lta bur yang dag par gshegs pas chos kyi mkhar bsrung ba mkhas pas glags mi rnyed par bya ste/ de ni sangs rgyas kyis bstan pa nod cing sngon gyi nang pa log pa mthong bar byas so// dge slong phal mang po rnams kun dga' gzha' ste/ khyim nas
- 129b
byung bar gnang ste/ tshul khrims nod pa thob zin nas/ lha dang / mi dang / 'jig rten gyis bskyod cing ba sgyur mi nus so// shA ri'i bu gang la sogs pa sad du rung ba zhes byas na ni mur 'dug gi ming dang mur 'dug gi chos la sred pa'o/ / shA ri'i bu gang la sogs pa mur 'dug gi chos la sred pa yin/ de ni thob pa yod pa dang / bdag tu lta ba dang / gang zag tu lta ba dang / sems can du lta ba dang / yon po la 'dod chags pa dang / nyid kyi mtshan ma stong pa'i chos la the tshom gyis sems skye ba dang / yon po sgyu ma mi bden pa'i sems sgyu ma'i chos rnam pa mang po mnos pa spyad de/ mchog gi gzhung stong par 'jug mi phod cing yon po'i lam rnams spyad pa ste/ mi de'i ming mur 'dug gi chos la sred pa zhes bya'o// shA ri'i bu sad du mi rung bar ni kha dog rnam pa mang po spyod pa mi gos skya bo can yang rung / chos gos bgos pa'ang rung / de lta bu'i mi bden pa thob pa yod par mthong ba kun gyis ming mur 'dug ces bya'o// nga'i chos kyi nang nas khyim nas byung ba la tshul khrims mnos/ de lta bu'i mi ni sad pa'i rigs so// ci'i phyir zhe na/ thob pa yod par 'dzin pa ni nga'i chos kyi nang na log pa la lta ba yin te/ de'i ming dgra chen po zhes bya'o/ / 'jig rten thams cad kyi nang gi lha dang mi'i dgra'o// de'i ming 'jig rten thams cad kyi dgra sdang ba ste/ sangs rgyas rnams kyi dgra chen po'o// shA ri'i bu lon
- 130a
pal lta ba'i mi de ngas kyang khyim nas byung zhing tshul khrims nod du ma gnang ngo / / shA ri'i bu chos so cog thams cad la bdag tu lta ba med do// mi la la zhig gis de la bzod pa skye ba dang / chos so cog stong pa dang / bdag tu lta ba med/ gang zag tu lta ba med/ sems can med/ tshe srog med par mi nus shing shes par ma nus la/ nga'i chos kyi nang du yon lan la ming mi gtsang ba zhes bya ste/ mi des sangs rgyas la yon len mi 'bul/ chos la yon mi 'bul/ dge 'dun la yon mi 'bul bar nan gyis nga'i chos la zhugs te lus ni dge sbyong yin la/ sems ni mur 'dug yin te/ chos rku ba'i mi zhes bya'o// shA ri'i bu ma 'ongs pa'i dus na/ dge sbyong zhig yod pa lus mi 'chos/ tshul khrims mi spyod/ sem so mi 'chos shes rab mi spyod de/ yang dag par gshegs pas bshad do cog dang / yang dag par gshegs pas spyod do cog la'ang gshe'o// brnyas so// yang dag par gshegs pa ni rtag par mchog gi gzhung gi stong pa la ri mo gus shing yon gsol te/ rtag par spyod la sred na/ dge slong de rnams kyis yang dag par gshegs pas yang dag pa'i dbyings mtha' yun du stong pa'i chos spyod pa la'ang brnyas shing gshe'o/ / shA ri'i bu de'i tshe dge slong la nyon mongs pa'i las spyod pa yod na/ yang kun gyis brnyas te gshe'o// da nga'i slob ma stong pa spyod pa yod na
- 130b
dga' bo zhes bstod de/ de'i tshe mi de stong pa spyod pa la'ang brnyas te/ mi srim mkhrang ba 'ba' zhig gis don tshol lo// bdag tu lta ba yod pa dang / chos so cog yod pa spyad de/ de lta bu la sogs pa'i don gyis phal gyis sems dga' bar byas so/ / la la zhig gis chos so cog stong par bshad na/ mi de la'ang brnyas so// ci'i phyir zhe na/ shA ri'i bu chos ni de bzhin pa'i rigs te/ sems kyi dge ba'i rtsa ba chad du byed ni phyi mo gzugs mngon par byung ngo // yang dag pa'i bden pa dam pa'i chos 'jig rten du 'dug na gnod pa med de/ dper na gti mug gis spos tsan dan dang / shing ngan pa gnyis 'dra bar 'dzin pa dang mtshungs so// shA ri'i bu sangs rgyas bsod skyabs kyis bshad pa/ ma 'ongs pa'i dus na sangs rgyas shAkya thub pa'i slob ma rnams kyis gso ba'i khe'i phyir gos skya bo can rnams la mchog gi gzhung stong pa bshad na/ de'i tshe khyim na 'dug pa dang / khyim nas byung ba gti mug mang pos ma mnos te/ log gal nas yid mi ches shing slar 'phya skur nas bsod nams chen po stor to/ / rgyu rkyen 'di lta bu spyad pas na mtha' la ma ngan par lhung ngo // shA ri'i bu de'i tshe 'gal ba mang po yod do// rtsod pa 'chad/ bdag tu lta ba 'chad/ gang zag 'chad/ sems can 'chad/ cher 'dzin pa 'chad/ srog tu 'dzin pa 'chad do// dge ba'i chos nyung ngu byed pas gso ba'i
- 131a
'ba' zhig la sred do/ / bden pa bar gti mug yod na/ rang na re shes rab yod ces zer ro// gcig la gcig log 'gal te rtag pa 'thab rtsod cing don yod pa la gcod pa sred do/ / kho na dang phrag dog gi sems skyes nas/ mi des dge slong gi sems btang ste/ gso ba'i khe 'ba' zhig tshol lo// 'tsho nam gyi don mang po la sred de/ sbyar ba gcig pu ma yin no/ / rtog par mi gzhan gyi g.yo 'tshang 'tshal ba la sred de/ rang gi nyes pa sbubs nas legs pa'i don brjod cing bshad do// da ltar gyi dge slong gi legs pa'i don sbas bcabs te rang gis nyes pa ngan pa byung ngo / / de tsam gyi tshe kun gyis tshul khrims pas bsrung zhing gzung mi nus te/ khong du chud pa med do// gzhung gi bsod nams bshig ste/ chos so cog mi 'gyur zhing nyin mtshan stong pa la ji lta bur bya mi nus zhes 'dzer to/ / rtsed mo byed pa'i mi 'dar ras pa bsgyur cing bstan pa mang po byas nas/ ci'ang shes pa med pas mthong na shin tu bgad do// ci'i phyir zhe na/ rtsed mo chos mi shes pas 'thab ste ngo mtshar skam ste/ yod dkon pa'i sems skyes nas/ sngangs dog ste cher bgad do// de lta ste/ shA ri'i bu de'i tshe yang dag pa'i bden pa'i dge slong gis stong pa zhi ba'i chos 'chang na/ srog gso ba'i khe tshol ba kun gyis khrel te bshad do// ci'i phyir zhe na/ mi des sangs rgyas kyi chos kyi gzhung ma rigs pas
- 131b
stong pa'i chos bshad pa zos nas/ sngangs dogs shing 'jigs skrag go// shA ri'i bu khyod kyis mi 'di la ltos dang / bde skyid pa'i gnas la rgud pa'i mya ngan skyes so// rgud pa'i mya ngan gyi gnas la ni bde skyid pa'i sems skyes te/ mi de phyin ci log pas dag pa'i chos ni log par spyad/ ngan pa'i chos ni ma log par spyad do// shA ri'i bu de lta bu'i mi gti mug la ser sna dang / 'dod chags dang / zhe sdang dang / gti mug par mngon no// shA ri'i bu mi la la zhig de lta bur ngan pa log pa mi dge ba 'dod chags na/ de ni bdag tu lta ba la chags gang zag la chags/ tshe srog la chags te/ mi de lta bu ni brgya stob 'bum gyi sangs rgyas kyis 'khor lo gsum spyad de mngon par bstan kyang go bar bya ba dang / lam gyi 'bras bu thob bar mi nus so/ / shA ri'i bu gnyis na ral gri rnon po sa lce bcad kyang bla'o// gzhan gyi don mthong ba'i rigs te/ de'i nyes pa tshul khrims bshig pa/ mthong ba bshig pa/ srog bshig pa/ cho ga bshig pa mi brjod do// shA ri'i bu ma 'ongs pa'i dus na dge slong dag cig yod pas/ tshul khrims nyis brgya lnga bcu dge bar bsrungs na/ mi des le lo'i sems bskyed de/ 'di snyam du bsam pa byas so// bdag ni tshul khrims 'dzin pa yin/ mi gzhan ni de lha ma yin gyis/ zhan la brnyas so zhes sems la ri mo gus pa med
- 132a
do/ / bdag ni mang po thos pa yin/ pa bi ni mang po thos pa ma yin snyam du sems so// shA ri'i bu de'i tshe na dge slong tshul khrims 'dzin pa ched cher sems pa mang / ste/ a lan zhi las spyod pa mang ngo // tshul khrims dge bar bsrung nus te bshad pa bzhin du'ang spyod de sems 'grus par chos yig bklags nas/ sangs rgyas kyi chos la phyag 'tshal lo/ / de lta bu'i mi la sogs pa mang po thos pa skyes pas/ e len zhal ltos pas zhe sdang la sred de/ sems rtag par dri ma rtogs pas zab tu 'jung brkam pa dang / zhe sdang 'dug pa'i sems la bsrel lo/ / theg chen zhing blun pas ci'ang shes pa med de/ rgyu rgyan chung ngu spyad pas don chen po g.yos te de'i zhe sdang gi sems bkab nas/ gcig nyes pa gcig phyung ste/ ni tshul khrims bshig pa dang / mthong ba ba shig pa dang / srog 'ashig pa dang / chog ba shig pa'o// shA ri'i bu de lta bu'i dge 'dun gyi nang na dge des pa yod pas sems la log pa mad bar na gnas shing 'dug na/ de'ang ngan pa de dag gi nang na 'dug pas gcig la gcig skur brjod pas/ 'thab rtsod ma chad de bsam gtan 'dug pa dang / chos yig klog pa'ang bden pa mthob nas khyim na 'dug pa dang / khyim nas byung yang dkrugs bskyed do// de lta'o/ shA ri'i dus dge slong lo gcig lo gnyis lo gsum lo dgu 'thug pa mang du yod na/ steng na
- 132b
'dug pa la yang zhing brnyas te ri mo gus pa med do/ / mi de tshul khrims mnos pa dge sbyong slob ma'ang chos bzhin byed pa mang / mkhan po dang A tsar+ya la ri mo gus pa med do// shA ri'i bu de'i dge slong gzhon nu dang / sngar khyim nas byung ba la gnas rten med pa gcig gis gcig brnyas yang ste/ lo bcu lon pa'i dge slong la slob ma phal bcad pa'i rnams gzhan gyi slob ma kun gyis ri mo gus pa med de/ cho ga'i chos bzhin du mi byed do// shA ri'i bu de'i mi ngan pa rnams kyis 'dod chags zhe sdang cog tshang bas gcig la gcig brnyas yang ste/ ri mo gus pa med cing gcig la gcig log 'gal bas nga'i chos dengs so/ / shA ri'i bu de'i tshe mi gti mug rnams kyis bshig pa'i sdig las bskyod pa mang po sdig bskyod pas mthar la ma ngan par ltung ngo // shA ri'i bu khyod langs bye brag phyed par bsgo'o/ / rang gi bsod nams btsal du zin na/ dge slong dge ba ni de'i phal gyi nang na zhag gcig kyang 'jug pa'i mi rigs so// dgra bcom pa mya ngan chos zin pa dang / dge slong ngan pa'i der don yod pa ni ma gtogs so// ci'i phyir zhe na/ shA ri'i bu de tsam gyi tshe'i mi 'dod chags dang / zhe sdang dang / gti mug 'dug pa mdo sde mi gson pas/ 'jigs skrag phongs gting la thug pas dge ba'i btsal te/ rang so sor ri dang tshal sdong dben par gnas te tshe zad na gcan gzan bzhin shi'o// shA
- 133a
ri'i bu khyod langs bye brag phyed par bsgo'o/ / nga'i yang dag pa'i chos 'di'i 'jig rten na 'dug pa'i ring po ma thogs so// ci'i phyir zhe na/ sems can gyi legs pa'i dpal gyi dge ba zin te rnyog pa'i dus nye ba na 'dug go/ / bdag gis bsod nams btsal du zin na dge slong dge bas 'di lta bu'i skyo ba'i sems bskyed pa'i rigs so// bdag nam zhig ji lta bur chos zhig 'khrugs pa mthong ngo / / 'di lta bu dge sbyong gi tshe dus ngan pa'i bgegs la bab pa mthong na/ bdag gis brtson 'grus pa'i sems bskyed de myur du lam gyi 'bras bu thob par bya'o/ / shA ri'i bu nga'i chos 'dod la don dka' ba gzhan med de/ gos dang / kha zas dang / mal cha dang / rtsi sman mi bsam mo// khyed la sogs pa ci nas kyang sangs rgyas kyi lam grub par spyod la/ 'jig rten gyi nor gyi khe dang yon rin cher ma 'dzin cig/ shA ri'i bu khyod legs par nyon cig dang ngas khyod la bsgo'o// dge slong la la zhig gi sems gcig tu lam spyod na/ stong gsum gyi gnam gyi lha kun sems 'thun par skyid pa'i yo byad do cog spyad de spyis yon gsol lo// shA ri'i bu gzhan gyis bsam gtan na 'dug pa'i dge slong la yon phul bas gnam gyi lhas yon phul ba tsam mi phod do/ / de lta bas na shA ri'i bu khyod rang yon mi thob pa'i mya ngan sems par yang dag par bslabs pa gzhin du ma gal bar spyad de mchog gi gzhung stong
- 133b
ba la mi'i nyes pa mya ngan ma byed cig/ ci'i phyir zhe na/ shA ri'i bu bag tsha ba'i bgegs chen po ni stong pa thob pa ste/ dge slong la la ni nga'i chos spyod pa'i zhing las khyim nas byung ste/ tshul khrims mnos shing chos 'di la brtson 'grus spyod na/ lha dang lha ma yin rnams dang mi rnams kyis mi dran mod kyi/ sems gcig 'grus par lam spyod nus te/ mthar yang gos dang zas ci dgos pa mi sems so/ / ci'i phyir zhe na/ yang dag par gshegs pas dpal gyi mdzod dpag tu med de brjod par dka' 'o// shA ri'i bu yang dag par gshegs pa 'das pa'i phyin/ sku dkar po'i mtshan gyi nang na brgya stong 'bum gyi cha las de'i cha gcig gis sku gdung gi slob ma'i rnams phul lo/ / shA ri'i bu 'jig rten thams cad kyi mi kun khyim nas byung ste/ chos bzhin du spyad zin kyang spu dkar po mtshan gyi brgya stong 'bum gyi cha de gcig kyang mi phod/ shA ri'i bu yang dag par gshegs pa ni de lta bu dpal yon dpag tu med de/ dge slong rnams kyis kha zas dang rdzas ci dgos pa rnams thob na/ 'gro bas kun chog tshang bar rung / shA ri'i bu dge slong de dag gi rnams 'di snyam du bsam pa'i rigs so// rdzas ci dgos pa dang log pa'i srog rnams kyi chos ngan pa spyad pa'i mi rigs so/ / shA ri'i bu gos ldan pa can gyi dge slong lung phyag dar gyi nang nas/ ngan pa'i rnying pa btus te blangs na sems 'di snyam du bgyid pa'i rigs so// 'di spyad de lhag pa'i
- 134a
bslabs pa dang 'phags pa'i lam spyad na/ bdag gis dngan pa rnying pa 'di srud de drubs la chos gos su byas te/ brtson 'grus su spyod de pa la tha mal pa ni nub gcig kyang 'di gyon pa'i mi rigs so/ / dge slong des dag par dkrus nas ring du gyon pa'i dge slong gos ldan pa can de la 'dod chags pa'i sems skyes na/ mod bzhin dor ba'i rigs te/ ngas gyon du mi gnang na gos gzhan smos kyang ci dgos ci'i phyir zhe na/ shA ri'i bu dge slong des gos de la dge slong gi chos ma yin pa skyed de/ dge slong de'ang 'gro ba'i mo rigs par 'dzin na rdzas gzhan lta smos kyang ci dgos/ shA ri'i bu de'i tshe dge slong de nyid na lcags dmar po ba'i zhags mas lus bcings kyang bla'i/ gos ldan pa can 'di bgo ba'i mi rigs par 'dzin to// ji lta zhe na/ gos 'di la sems sred cing zhen pa'i phyir ro// shA ri'i bu gos ldan pa can gyi dge slong ni sems 'di snyam bya ba'i rigs so// gos ldan pa can 'di bgos te grang ba dang cha ba bsgribs la lam spyod pa la btang na/ bdag slar gos ma bgos na/ mtha' rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang dgra bcom pa'i 'bras bu thob bo/ / shA ri'i bu de lta bu gos lhan pa can gyi dge slong gcig tu lam tshol ba ni ngas kyang gon du gnang ngo // shA ri'i bu zan slong ba'i dge slong ni chos
- 134b
so cog la rnam par brtag par med de/ rtag par sems bsdus te gyon cing 'khrug tu mi gzhug go// grong khyim du 'jug na bsam gtan thub pa'i rnams spyad de de rang brgyan la zan bslangs te thob zin pa dang sems mi zhen pa bsgo bar zan ci thob pa khyer te/ grong khyim nas byung nas chu gtsang ma'i 'gram la ma spyad du rung ba'i gnas su 'dug la zas ngos gcig tu bzhag ste/ rkang pa bkrus te 'dug nas/ zan mdun du bzhag ste skyo zhing bral ba'i 'du shes dang / mi gtsang ba'i 'du shes dang / rgyag rdzab kyi 'du shes dang / mnam rul ba'i 'du shes dang / skyugs pa'i 'du shes dang / rma skus pa'i 'du shes dang / thob pas skyob pa'i 'du shes dang / bu'i sha snyam pa'i 'du shes dang / shing thog rul ba'i 'du shes dang / phyir zhing lci ba'i 'du shes bskyed pa'i rigs so/ / gcig tu na lus la 'chi ba'i 'du shes dang / sngo ba'i 'du shes dang / rnag pa'i 'du shes dang / rul zhig pa'i 'du shes bskyed pa'i rigs so/ / shA ri'i bu dge slong gis 'di lta bu'i 'du shes bskyed pa'i rigs so// 'dod chags kyi sems med pa la spyad la/ de nas gdod bzas te/ lus brtan zhing bkres skom pa'i nan bslad du zad do/ / lam spyad par thob par bya'o// sems 'di snyam du ba'i rigs so// ngas zan 'di zos na sngan chad kyi sdug bsngal bshig la/ phyin chad kyi sdug
- 135a
bsngal mi smye ning / sems dga' skyid pa thob la nad med pa skyed de/ lus sems kyang bshor zhing 'gro bltas bde brtan pa'i phyir ro// yang zan 'ad zos na rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu dang / skye ba med pa'i chos kyi bzod pa thob pa'i rigs so// shA ri'i bu de lta bur za ba ni ngas zan slong du gnang ngo / / shA ri'i bu za na slong ba'i dge slong zan thob bo cog gi ro la chags pa ni sems skyes te/ zhi ma dang ra ro snyam gyi sems byed cing bdag zan 'di thob pas mdang sa bzang po dang nyams stobs dar ba thob snyam du sems te/ bdag ni zan 'di zos la 'phags pa'i lam 'di 'grus par spyod do zhes de snyam gyi sems mi byed pa lta bu'i dge slong ni ngas chu rngubs gcig len du mi gnang na/ kha zas lta smos kyang ci dgos shA ri'i bu zas la nyes pa dang / ngan pa'ang mi mthong bar thal byung za bas ni gnyis na rang gi lag pas brla sha la bcad de za ba'ang bla'o/ / ci'i phyir zhe na/ ngas spyod pa dang / thob pas gzhan gyi yon len pa gnang gi/ mi gzhan len du ma gnang ngo // shA ri'i bu lta bur ming spyod pa zhes bya/ dge slong la la nig mir 'gyur brtan te/ sems bskyod las ngas da ltar gyi dus la bdud ngan pas mngag pa'i rnams 'chad de/ lhag ma med par mya ngan las 'das par 'jun
- 135b
pa'i 'phrul gyi lam spyad pa ni mgo mes tshig pa'i ra mda' bya ba bzhin no/ / gcig tu na mi dge ba ngan pa'i chos bshad bsal ba de'i ming spyod pa zhes bya'o// yang gcig tu na sems gcig tu stong pa mtshan ma med pa/ smon pa med pa yid ches shing shes par nus te/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang // dgra bcom pa'i 'bras bu thob pa'i phyir mya ngan 'khrug pa'i rnams chod par de'i ming spyod pa zhes bya'o// dge ba'i chos rnams tshol zhing rtag par gsol 'dri ba de'i ming spyod pa zhes bya'o// yang gcig tu na thams cad grol thar par sems bskyed nus pa'i ming spyod pa zhes bya'o// sems mi 'khrugs par lam la btang ba'i chos rnams spyad sbyangs te/ chos so cog la bshad pa bzhin du spyod cing sems gcig tu sangs rgyas kyi lam tshol ba yod do/ / shA ri'i bu yang sangs rgyas kyi chos kyi nang na de lta bu'i ming spyod pa zhes bya'o// ji lta bur thob pa zhes bya ba ni rgyun du zhugs pa thob ste/ lam ngan pa gsum las thar pa'i ming thob pa zhes bya'o// lan cig phyir 'ong ba dang / phyir mi 'ong ba dang / dgra bcom pa mya ngan 'khrug pa'i rnams chod de la ma tshol ba zhig zin ces bya'o cog 'byor zin bslab pa gsum dge bar lobs pa de'i ming slob pa ste/ ngas mi de yon len du gnang ngo // mi de lta bus yon blangs pa zhes bya'o// shA ri'i bu
- 136a
gtsang gdang bar tshul khrims bzang ba dang / yon bdag phye ba bstan pa dang / mdo sde'i yo ke kha ton klog pa thos te/ de ni mdo'i sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / de lta bu byung ba'i sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i sde dang / rtogs pa brjod pa'i sde'o// mi des yang gcig tu tshul khrims gtsang gdang bar bzung nus te/ skyon med cing mi skye mi rnyog/ mi ya bas sa rnams ng+yas sas bu' i dge slong ni ngas kyang yon len du gnang ngo / / shA ri'i bu lus kyis chos rig na dogs shing 'gyod pa med pa ngas de lta bu'i mi stan mthon por 'dug cing chos bshad du gnang ngo // tha mal pa'i lam yin mod kyi/ tshul khrims gtsang gdang ba bzung la sems mur 'dug gi chos kyi gzhung la chags te/ sems gcig tu 'grus par dge sbyong gi rab ni 'bras bu bcad de gsol ba'i khel ma chags nges par bshad pa la bzo mkhas te/ mang du thos pa'i dper rgya yangs pa ni dper rgya mtsho chen po dang mtshungs te/ srog stor la thug kyang
- 136b
brdzun tshig mi zer/ 'thab cing rtsod pa la mi sred de/ rang la'ang phan/ gzhan la'ang phan/ gtsang gdang ba'i mchog gi gzhung 'ba' zhig 'chad cing bshad do// mchog de bzhin la de bzhin du spyod pa'o/ / shA ri'i bu de lta bur 'chad pa ni ngas chos 'chad du gnang ngo // yang dag par gshegs pas ci bshad pa chos so cog dang mi 'gal mi ldog par bya nus te/ de tshul khrims dang / bsam gtan dang / shes rab dang / grol thar dang / shes mthong ba las kyang grol thar to// shA ri'i bu khe tshol ba'i dge slong ni sangs rgyas kyi phyir khyim nas tshul khrims kyi le'u bshig na/ chos bshad pa ci dgos/ ci'i phyir zhe na/ shA ri'i bu nga'i chos kyi yi ge'i nang na bshad pa mi la la zhig bdag gis bag bya mi nus par/ mi gzhan dge bar zhi ba dang bdag gi bya nus shes na bden pa yong med do/ / dper na mi zhig rang 'dam rdzab tu nub la mi gzhan la dbyung bar bya ba dang mtshungs te/ bden pa'ang med do// mi la la zhig bdag gi dge ba zhi bar nus shing 'dam rdzab na phyin nus pas/ mi gzhan 'byung bar bya ba ni bden pa yod do// de lta bas na shA ri'i bu ngas khyod la bye brag phyed par bsgo'o// yang dag par gshegs pa la 'phya zhing skur na/ de'i sdig ni lci'o// bden par smra ba'i dge slong ni chos 'chad du gnang ba'i rigs so// brdzun zer ba'i tshul khrims 'dzin pa'i dgra
- 137a
blang rgan rdzas kyi ston pa mthas so/ / shAn+d+ha'i sa wi gan mtshan po las chos 'chan cing yang dag par nges par ba tsamachod pa ni nang bram mdanan// la la cig rgyam / 'dzin pa mi gtsang la mur 'dug gi gzhung la chags pa ni ngas ma gnang ngo // brdzun zer ba dang / 'jig rten gyi skyid pa rin cher 'dzin pa dang / yon gyi khe tshol ba dang / 'thab rtsod pa la sred pa ni ngas kyang ma gnang ngo / / ngas gtsang gdang bar tshul khrims 'dzin pa dang / sems drang dkan pa dang / chos so cog gi bden pa'i mtshan ma khong du chud pa ni khri stan mthon por chos 'chad du gnang ngo / / shA ri'i bu tshul khrims zhig pa'i dge slong gnyis na khrims btang bla'i/ 'phags pa'i mtshan ma dang chos gos su sdig gi dri ma sbas bcabs la gsang ste/ ngan pa mang po bya zhing mi gzhan gyi yid ches pa'i sbyin pa la ma chags shig/ shA ri'i bu rgyu rkyen du ma'i phyir yun ring du sems can dmyal ba'i lus thob par 'gyur ro// le'u bcu ste thabs bcol ba'i le'u ste bcu pa'o/ / / de'i tshe dga' bos/ sangs rgyas la gsol pa/ bcom ldan 'das de tsam gyi dras nas dge slong rnams kyis dge ba'i chos la ji lta bur brtson 'grus spyad/ sangs rgyas kyis/ dga' bo la bka' stsal pa/ re zhig zhog/ ma dri zhig/ ci'i phyir zhe na/ sangs rgyas kyi dpag tu med pa'i ye shes kyi chos yig bshadade
- 137b
cog de tsam gyi tshe'i dge slong gis yid ches par yang mi nus la/ 'grus par spyod mi nus pa lta smos kyang ci dgos/ dga' bo yang dag par gshegs pa'i bya ba yod pa'i chos kyi shes rab yong do cog rang sangs rgyas dang / dgra bcom pa thams cad la sogs pa go zhing shes par mi nus so// dga' bo yang dag par gshegs pas mkhyen to cog gi chos la bshad du zin na/ khyod slad cing rmongs su rung na/ yid ches su mi rung ba lha smos kyang ci dgos/ yang dag par gshegs pas da ltar gyi de lha'i chos bshad pa ni/ de'i tshe mi gti mug gis kyang mi ches na/ yid mi ches shing sdig gis lan bshad mi nus pa lta smos kyang ci dgos/ dga' bo chos de bzhin pa'i rigs te/ bdag gi lus ngan yin na/ gzhan la'ang ngan ces zer ro// da ltar gyi dus su le lo ba'i dge slong la de tsam gyi bar du brtson 'grus pa'i dge slong gis thub par mi nus so/ / tshul khrims 'dzin to cog dang shes rab bskrun mi rung ngo // yang dag par gshegs pa'i mi de nyes pa ngan pa byas so cog bshad du zin na/ lus gyur cing mnos so cog mi des yid mi ches te/ sdig lci ba g.yo bar 'gyur ro// khyed la sogs pa yang 'jigs skrag ste des ngan pa mnos so cog ni dpag tu mi nus so/ / dga' bo yang dag par gshegs pa zab mo'i chos nod pa ni dka' 'o// khyod kyi yid la ji skam/ khri stan bzang po la 'phags pa
- 138a
dgu sred dam mi sred/ bcom ldan 'das mi sred lags so// dga' bo nga'i bla na med pa'i byang chub kyi chos 'di zab mo dam pa ste/ shes rab can sred pa ni ma des yid ches shing shes pa khong du chud pa ma nus sam/ khyim nas byung zin pa dang rang na re dge sbyong zhes zer te/ bden pa bzhin bstan bslabs pa nod ma nus so// chos 'di sems bcos pa ma nus so/ / zhim po'i ro ma thob ste/ lag pa brdabs nas song ste/ lam ngan par lhung 'dug pa ni dper 'phags dgus khri stan bzang po bzang po btang ba dang mtshungs so// ci'i phyir zhe na/ dga' bo nga'i bla na med pa yang dag par rdzogs pa'i byang chub shin tu gtsang ba dang / gdang ba bstan dka' bas yid ches shing shes par nus pa ma yin te/ gdul dka' ba dang / shes rab med pa dang / dgang bar dka ba dang / gso bar dka' ba dang / tshul khrims nyams pa dang / gdangs dka' ba dang / log pa'i chos la chags pa dang // log pa spyad pa spyod pa dang / nor gyi khe ched cher 'dzin pa dang / gos dang zas rab bo snyam du 'dzin pa dang / cho ga nyams pa dang / tshul khrims nyams pa dang / spyi bo'i chos su lhung ba dang / ngan pa zhig dang / le lo chad pa dang / 'dod rgyu chung ba dang / khrel med pa ngo tsha ba'i kha na brjod pa dang / so na ma las kyi don la brel ba dang / dge slong gi nang na gos skye bo can dang /
- 138b
dge sbyong gi nang na sun phyung ba dang / dge sbyong gi nang na log pa'i lam spyod pa dang / dge sbyong ma yin par rang re dge sbyong zhes zer ba dang / bdud kyis bslus pa dang / mu stegs kyi gzhung dang mthun pa dang / bshad pa bzhin du mi spyod pa mang po 'dzin pa la sred pa dang / tshig cal col la sred pa dang / bdud kyi don dang ldan par spyod pa dang / bdud kyi rgyud dkrug pa dang / mya ngan 'khrug pas khong du chud pa dang / bdag tu lta ba dang / gang zag tu lta ba dang / sems can du lta ba dang / phyin ci log can gyis ngas chos 'di la yid ches shing shes la khong du chud pa nus she na/ bden pa'ang med do// ci'i phyir zhe na/ dga' bo nga'i bla na med pa yang dag par rdzogs pa'i byang chub gtsang gdang ba snying tshim par rgya che bas/ mi ngan pa 'di 'chang bar mi rung ngo / / dga' bo dper na brgya stong 'bum gyi stong gsum gyi stong chen po'i khams par yangs shing ring ba dang mtshungs so// ngan bzhin pa'i mi 'dis dge slong gi chos bsrings pa'ang de bzhin na/ mi 'gal ba'i bzod pa dang mya ngan las 'das pa'i mi thob pa lha smos kyang ci dgos/ dga' bo de lta bu'i don 'di na bshad mi zad do// ma 'ongs pa'i dus kyi dge slong ngan bzhin pa tha ma shin tu 'jung brkam bsrel to/ / shin tu zhe sdang ba srel to// shin tu yid mi ches pa bsrel to// gdug pa gsum mdo par sems la spyod pa rtsing zhing zhe gnag pas
- 139a
bcos gdul dka' 'o/ / dper na zhing gshin pa legs pa sbyin pa la rang gi mes bsregs pa dang mtshungs zas zhig la rang gi dug blug pa dang mtshungs/ khang khyim ci'ang yon na rang gis sems bsregs na/ de lta bur rigs sam mi rigs/ bcom ldan 'das mi rigs lags so// dga' bo de lta bu ma 'ongs pa'i dus kyi gti mug nga'i chos kyi zhar gyis yon len pa thob na/ yang dag par gshegs pa la legs pa'i don la yid mi ches mi shes pa'i steng du 'di lta bu la sogs pa'i chos kyi yi ge yid ches par mi nus so// bden bzhin du bshad pa'i nyes par bzod par brnags mi nus so/ / rma'i shu ba dang shus na nga'i tshig la bzlog ste/ de lta bu'i mi gti mug ni sangs rgyas la rten cing rang tshol chos de zlog go// dga' bo de tsam gyi tshe na 'dzam bu gling gi nang na de lta bu'i mi gti mug gi de na lhag por gnang ngo / / dga' bo re zhig zhog/ de lta bu'i mi gti mug can ngan par 'dod pa dang / dga' bar 'dod pa dang / ngan pa'i don spyod pa btsal ci dgos/ de nas dka' bos/ sangs rgyas la gsol pa/ bcom ldan 'das chos kyi yi ge 'di mod ci zhes bgyi ji lta bur gus pa gzungs su bzung sangs rgyas kyis dga' bo la bka' stsal pa/ chos kyi yi ge 'di'i ming sangs rgyas kyi mdzod ces bya'o// ming brtson 'grus g.yo ba spyod ces kyang bya'o// ming tshul khrims nyams
- 139b
zhig pa'i khrims thul ces bya'o/ / chos so chos la gtams btsal zhes kyang bya'o// gus par gzungs su zung zhig/ dga' bo mi la la zhig gis chos yi ge 'di kha ton dang gzungs su bzung na/ legs pa'i don thob pa ni dpag tu med/ mu med do// ci'i phyir zhe na/ tshul khrims nyams pa'i dge slong gis yid ches shing kha ton dang bklags la mi la la zhig brtan pa'ang mi nusaH/ del sems dga' gzha' ba mi nus pa lta smos kyang ci dgos ci'i phyir zhe na/ dga' bo dper na rkun po ngan pa rgyal po dang / rgyal po chen po'i thad du rang 'byung du mi dpogs pa dang mtshungs so/ gzhan gyi rdzas brkus na bdag rkun po yin zhes zer ro// de lta ste/ dga' bo tshul khrims zhig pa'i dge slong gis dge sbyong gi chos ma yin par 'byor grub na/ 'on kyang bdag ngan pa zhes zer na/ mi gzhan la rang na re/ sdig gis 'chad ma phod pa lha smos kyang ci dgos/ dga' bo 'di lta ba'i chos kyi yi ge ni tshul khrims zhig pa'i rang thul 'khrugs par nus na/ khrel drin yod pa dang tshul khrims 'dzin pa'i dge slong gis skye zhing 'phel ba thob bo/ / chos kyi yi ge 'di bshad pa'i tshe/ lnga dgu khri kun gyis chos so cog la chos kyi mig thob gtsang ma thob nas/ bdud ngan pa dang gnyen bshes rnams kun mya ngan chen po 'khrugs pa ni dper khung chen po rnam pa bcu drug tu lhung ba dang mtshungs te/ skad cher dus te smras pa/ dge sbyong go'u ta ma ngas shes so//
- 140a
ngas tshor ro// ngas rtag par nyin mtshan du smon pa/ sangs rgyas 'das pa'i byin/ tshul khrims 'dzin pa bshigs/ rdul khrims pashig pa yang snang dge slong ngan pa rnams kyis chos mi shes shing kha ton dang klog pa 'ba' zhig shes par bya'o/ / sangs rgyas kyi chos la 'ba' zhig pa'i sems bshig la/ tshig gis 'di sangs rgyas kyi chos ma yin te phyogs bzhi'i gzhung med do zhes bya'o/ / go'u ta ma da ltar lha dang / mi dang / phal mang po kun tshogs pa'i nang na chos 'di la bsrungs bran te nga'i smon lam bkag go/ bdud kyis bshad zin nas mi dga' ba'i mya ngan 'khrug pa bsrel te phyod ces mi snang ngo // de nas bcom ldan 'das kyis don 'di gsal bar bya ba'i phyir tshigs su bcad de gsungs pa/ ngas su chos rnams bshad do cog/ mchog gi gzhung bzhin mi 'gal te/ bya ba yod pa mi sra ba/ dpe ru rmi lam mthong dang mtshungs// ngas da chos yig 'di bshad pa// ma 'ongs don ni spyod cing bskrad/ / mchog gi gzhung bzhin mi 'gal te/ mi ngan rnams kyi nan thur byas// de tshe'i dus ni ngan pa'i dus// dge slong sems ni 'khrug cing g.yo// 'thab cing rtsod cing yid mi skyes/ / mya ngan 'das pa thob mi nus// dge slong dang ni gos su can// 'chad do cog la mi mtshungs med// de yi che yi chos 'di ni// tha mal chos dang tha dad
- 140b
med/ / bshad ni khyim na 'dug phyir bshad// khyod kyis nga yi yon dkon zhes// nga yi sangs rgyas chos las su// thog ma lam du 'chol 'bras thob// de nas dge slong zhig na re/ ngas bshad lam dang mi mthun na// mi de nga dang 'thun pa yin// nga ni yang dag chos mthong ba'o// chos mthong dang ni ming mthong ba// gos skya can gyis spyad pas su// so sor rang gi chos nang gis/ / de yi 'gro zhing brjod pa skyes// la la na re thams cad yod// la la na re thams cad stong // drang po lam la mi gnas pas// rang bzhin ngan pas nga'i chos bshig/ khyod mi de la ma nye zhig/ nga la 'ongs te bsnyen par rung // khyod la yang dag chos bshad na// rang bzhin myur te lam thob bo// de lta bu yi sgra skad rnams// nye ring kun tukhyad par 'gro/ / sems mthun zhing ni grogs ldogs pas// ngas su bstan pa'i chos kun bshig/ dpe ru rkun po ngan pa rnams// ngan pa 'thun pa rogs su byas// log cing 'gal ba yul sa dang / / mkhar yul dang ni grong khyim bshig/ de yi tshe na dge slong rnams// dbye zhing bstan pa rung thob na// dbang po rtul ba'i bab chags pas// shes rab nyung zhing mi brten pa/ / yang dag gshegs pa spyod pa bzhin// chos bshad pa yang mi shes te// zag pa yod pa gar skye bshad// rang na de ni lam thob kyang // mang po
- 141a
tshogs pa'i nang na 'dug/ dge slong rnams ni mang du yod// kun na re ni shes rab yod// shes rab tshol ba mi gcig med// mang po tshogs pa de nang na// dge slong la la cig 'ga' zhig/ yang dag bden pa shes pa yod// kun gyis spyod de shes rab med// lha dang lha ma srin gyis mthong // chos kyi rgyal po'i lam khye zhig/ thams cad mya ngan 'khrug pa sel/ / gcig la gcig skyo mchims du// de nang shing lha yod pa kun// shing gi kha las sa la babs// kun na re zhig seng ge yi// dam pa'i chos na mtha' kun med/ / sangs rgyas la sogs dkon mchog gsum// 'jig rten yun ring ma lon par// ji lta bur ni de ring kun// zad pa thams cad gyes shing zhig/ yang dag gshegs pa chos bshad pa/ / nga la sogs par cis mi thos// blun mongs med pas shes pas su// bla ma la ni med snyam ste// de tshes yi lha rnams dang // sgra skad chen po byung nas su// yang dag gshegs pa'i chos sgron chen// de ni med par zad ces zer// lha dang lham srin gyi rnams// ma mthong ma thos rjes su 'dzer// phyin chad 'gyod pa ma byed cig/ sangs rgyas lam ni med zin pa/ / sangs rgyas bskal pa grangs med du// bdag kyang gsod cing gzhan lagasod// sdug bsngal thams cad bzod par mnos// sangs rgyas grub pas
- 141b
smon lam bskyod/ / shAH seng ge 'phrul can gyis// sems can thams can kun pa sprul pa// gtsang gdang chos med zad du byed// gti mug ngan pa'i dam rnams can// de nin yi ma thu thob ste/ / byams shing snying rje'i sems med pas// gcig las gcig la skur cing dkrugs// bdud kyis bkol ba'i bdud pa rnams// dbang po rtul bas dbye chos dka'/ gcam sgyu mi dran le lo sems// zhe sdang sangs rgyas chos kyang bshig/ tshal nags stong pa 'ba' zhig la// bsam gtan 'dug ste zla gsum lon// rang na de ni dgra bcom yin// bsam gtan thob pa yong med de// lam thob pa lta smos ci dgos// lam mthong thob ces smras pa ni// shi na mya ngan 'das zhes zer// mi kun yid ches mchod rten brtsigs// sems can dmyal bar song zhes zer/ / de lta'i gti mug stong pa rgas// gcig la gcig ni brnyas shing khro// ngas su bskal pa grangs med du// thob bo cog ni da zad kyis// da ltar nam mkha lha rnams kyis/ / shAkya'i rigs kyi seng ge mthong // dam pa'i chos ni nyams shing zhig/ swa bskyon kun gyis mchims ngu// ngos bani lha rjes de thos nas// kun kyang mya ngan 'khrug pa bsrel/ / de tshe lha dang lham srin// thams cad kun kyang 'ongs te babs// yang dag pa na mkhar gnas su// 'bar ba'i lha srin kun 'ongs te// kun gyis mchi mas dus
- 142a
dus te/ / 'jigs su rung ba'i sgra skad phyung // rin chen bdud kyi mkhar rnams yod// byi dor brgya pa shin tu bzang // kha dog stor te sa dang mtshungs// wA rnams 'khor bar ma dad nas/ / mi yid tshe ni che ru dus// rang gi gnas kun 'ongs 'dus pa// so so rang ngan 'khrug pa bsrel// gcig gis gcig mthong smra mi phod// kun gyis gnas kyi steng nas 'ongs/ / lhan cig nga skyes gnas su phyin// 'gre ldogs la nyal 'dug gnas// 'di skad kyis ni sgra dbyangs spyod// lhan cig 'dzam bu gling du dong // de lta'i 'jigs skrag chen po mthong / / sangs rgyas bu rnams 'thab cing rtsod// chos bshig ste ni so sor gyis// lha srin dang ni rin chen mkhar// zhag bdun bar du 'od mdangs med// so so lhan cig 'khod cing ngu// zhag bdun par ru ma langs so// ji lta bu ni brtson 'grus che// dpa' zhing rdul la 'jig rten btsun// bdag cag da ltar 'di na 'khod// da phyin chad ni mi mthong ngo / / kun 'grogs te de gyi dbang dong // gcig la gcig phyogs mchi mas ngu// sangs rgyas 'di ru bden zhing bshad// bdag cag rnams kyi dang nan// 'jig rten mun ba'i long ba rnams/ / gcig la gcig ni brnyas khro ldod// ngan pa'i las rnams 'ba' zhig spyod// sngar yang lam ngan pa ru lhung // lha yi pho brang bzang po kun// 'phangs pa da ni stobs
- 142b
su byed/ / bdag cag lnga dang lha ma srin// bsgral ba'i mda' yang da med do// de yi tshe ni 'dzam bu gling // nyams zhig la brjod mngangs mang ngo // bgrod pa'i mdangs dang shing drung dang // ridang phug dang dge mi byed// 'jig rten thams cad zad par na// kun kyang shin tu dkrugs shing g.yo// lha dang lha min dbang po rnams// sgra skad 'jigs shing skrag tu rung // de rtsa sum cu rtsa gsum lha/ / lhag basbeng bzhin du mi dga' ngu// so so'i pho brang nang na yang // skad phyung skyod de ngu zhing 'bod// lha rnams kyi ni pho brang na// bdag cag brjod cing bshad de du/ / gzha' ru 'phrul chen rje dang bral// bdag cag phyir du chos bshad pa// rtsa gsum lha rnams zla drug tu// tshe'u 'di kha zas mi za zhing // sil gyi sgra dbyangs mi mnyan te// mi dga' mya ngan shi ba bzhin// lha ma yin pa thams cad kyis// de lta bu yi gtam thos na// gcig gis gcig sman kun bsog ste// rtsa gsum lha la rgol du chas// de tshe 'jam gling rgyal po dag/ phan tshun 'thab cing rtsod par 'gyur// lha rnams dang ni lha min kyang // de bzhin phan tshun 'thab cing rtsod// de'i tshe dge slong dge slong ma// las su lam ngan ltung ba mang / / de las thar pa cung ngu yod// tshul khrims ngan pa'i sems can rnams// dge slong ngan pa bzhin du 'brang // de yi rgyu rkyen spyad pas na// kun kyang lam
- 143a
ngan pa las phyogs/ / dge bsnyen ngan pa rnams kun kyang // mkhan po ngan pa'i phyir 'brangs pas// de yang lam ngan pa ru song // 'jig rten thams cad 'jug g.yos pa/ / la la mkhar dang grong du zhugs// la la ri dang tshal du phyin// shar nub tu ni mya ngan bsrel// de yi tshe dang srog la gnod// de yi tshe ni dgra ngan mang // bag tsha'i la ma ni rnam mang yod/ / khre nas rnam lnga bskyed mi 'khrung // 'khrungs su zin kyang srin gyis zos// de yi tshen 'jigs pa rnams// bkres pas ltogs te shi ba mang // yi dgas ngan du ltung ba rnams/ / yun ring sdug bsngal nyon yang mongs// de yi tshe na mi rnams kyis// sangs rgyas kyi ni mchod rten dang // phyogs bzhi'i dge 'dun sbyin pa'i nor// thugs thub tu ni kun bgos zos/ / nga phyi dge 'dun de bzhin no// dga' bo khyed la sogs pa'i rnams// mugs te byung la brtson 'grus spyod// phyi ma'i dus ni zad pa na// de lta bu yi chos ngan rnams/ / mthong bar bya ba'i mi rigs so// tha mal pa ni thams cad kun// gti mug blun po shes rab med// tha mal pa yi rnam skyod pa// myur du lam ngan nang du lhung // khyed rnams 'grus par kha ton lhogs// de yi ming ni shes rab rgyu// shes rab kyi ni yon gyis su// sbyar te rgyal ba'i gnas su phyin// ngas su 'jig rten drang po mthong ba slabs pa/
- 143b
khyed rnams kyang ni de bzhin slobs// 'jig rten bsgribs bags don bcad na// sbyar te rgyal ba'i gnas su phyin// 'phags pa lam brgyad 'grus spyad na// sbyar te mya ngan 'das pa thob/ / chos btsal bdag gis bsod nams btsal// ngas su bshad do cog na de bzhin no// bskal pa 'di ni 'das phyin// bskal pa drug cur sangs rgyas med// sgra dang skad kyang med pas na/ / la ma thob pa lta smos ci dgos// de tshe dus kyi mi rnams kun// bkres lhogs bru bas nyan pas su// srizhu byams pa sems med de// ma dang bu yi sha yang za/ de tshe khyim gyi bus pa rnams// gzhan gyis zos dogs rim gro rtag/ de lta bu yi dus ngan thob// su zhig skye shi las kyang bskyed// sdug bsngal phyi mo gti mug yin// lnga phung phyi mo 'dod chags yin// 'dod chags lnga la ma dad na/ / 'dod cing chags pa rnams kun tshe// dpal gyi 'bras bu lam thob la// 'dod cing chags pa'i sems zab skyes// 'dod chags kyi ni rgyu rkyen gyis// ngan pa g.yos pas lam ngan srung / / zag med chos ni ston pa ni// 'jig rten sra ma khrang med par 'gyur// de lta bur ni shes rig na// khyed la sogs pa myur spyod rigs// sems med sems kyi 'du shes skyes/ / bdag nyid shin tu 'jigs shing skrag/ bdag gis byas sam ma byas pa// de yi don ni ji lta bur// de lta bu yi tha mal rnams// bsams shing mnos te
- 144a
'gros dpags na/ / bdag gis ji lta bu ru byas// de bzhin rtag par mchims du// phud med phung po'i 'du shes skyes// nga med nga yi 'du shes skyes// nyin gyi mtshan ma'i stong chos thos// de lta bus kyang bslab cing rmongs// sangs rgyas kyis su bden pa bshad// phung po rnams kyi gzhung ma rig/ thos na mi 'gyur snyam du 'dzin// 'jigs skrag pa'i gnas ni sems pa med// ngas 'das ma 'ongs da ltar bshad// phung po rnams ni stong stong zhing // dus gsum zad par nyams snyems te// dper na nam mkha' stong pa bzhin/ / 'das pa'i sangs rgyas yod do cog/ des kyang nyin mtshan stong par bshad// ma 'ongs dus kyi sangs rgyas rnams// des kyang nyin mtshan stong par bshad// nga 'da' 'jig rten mngon par byung / / chos rnams thams cad kun bshad kyang // ngo bo nyid dang mnyam nyid stong // dus gsum la ni mi mtshungs med// sangs rgyas bden gzhung bshad do/ cog/ ma 'ongs mis su mi shes te// nga dang sems can la chags pas// mtha' ngan pa yi lam du lhung // ma 'ongs dus ni de bzhin te// ngan chen shin tu 'jigs skrag rung // khyed la sogs pa brtson par gyis// sangs rgyas kyis bshad do cog thos nas kun shin tu dka' gzha' ste/ sangs rgyas kyis bshad pa la yid ches par mnos so// sangs rgyas
- 144b
kyi mdzod kyi chos kyi yi ge rdzogs so/ / rgya las 'gyur ba'i brda rnying par snang ngo // rgya gar skad du ku nA gA rA sU tra/ bod skad du/ khang bu brtsegs pa'i mdo/ thams cad mkhyen pa la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so// de nas tshe dang ldan pa kun dga' bo bcom ldan 'das ga la ba der song ste phyin nas/ bcom ldan 'das kyi zhabs gnyis la phyag 'tshal te 'dug go/ / phyogs gcig tu 'dug nas/ bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das phyag bdar bgyis pas dge ba'i rtsa ba cir 'gyur lags/ dkyil 'khor bgyis pas ni cir 'gyur lags/ skyabs su mchi ba dang bslab pa'i gzhi rnams kyi dge ba'i rtsa ba ni cir 'gyur lags/ de bzhin gshegs pa la phyag 'tshal ba'i thal mo sbyar ba'i sug las kyis ni cir 'gyur lags/ bcom ldan 'das dge ba'i rtsa ba 'khor bar bas par mi 'gyur zhing / yongs su gtugs par mi 'gyur la/ bas mi 'tshal ba'i mya ngan las 'das pa thob par 'gyur ba ni gang lags/ de bzhin gshegs pa'i sku gzugs bgyis pas ni cor 'gyur lags/ bcom ldan 'das
- 145a
kyis bka' stsal pa/ san dga' bo phyag bdar byas pa'i phan yan ni lngar 'gyur te/ lnga gang zhe na/ kun dka' bo 'di ltaste/ bdag gi sems dang bar 'gyur ba dang / gzhan gyi sems dang bar 'gyur ba dang / lha rnams yid dga' bar 'gyur ba dang / mdzes pa'i las byas shing bsags pa dang / lus zhig nas bde 'gro mtho ris kyi 'jig rten lha rnams su skye bar 'gyur ro/ / kun dga' bo gang la la zhig gis de bzhin gshegs pa'i ched du dkyil 'khor gru bzhi pa byed na/ de byang gi sgra mi snyan gyi gling gi dbang phyug gi bdag por 'gyur zhing / lus zhig nas sum cu rtsa gsum gyi lha rnams su skye bar smra'o// kun dga' bo gang gis de bzhin gshegs pa la sems dang bas dkyil 'khor zlum po byed na/ de nub kyi ba glang spyod kyi gling gi dbang phyug gi bdag por 'gyur zhing / lus zhig nas 'thab bral gyi lha rnams su skye bar smra'o// kun dga' bo gang la la zhig gis sangs rgyas bcom ldan 'das la sems dang bas dkyil 'khor zla gam lta bur byed na/ de shar gyi lus 'phags po'i gling gi dbang phyug gi bdag por 'gyur zhing / lus zhi gnas dga' ldan gyi lha rnams su skye b.rang smra'o// kun dga' bo gang la la zhig gis sangs rgyas bcom ldan 'das la sems dang bas dkyil 'khor shing rta'i dbyibs 'dra ba lnga bu byed na/ de 'dzam bu gling gi dbang phyug gi bdag por 'gyur zhing / lus zhig nas 'phrul dga'i lha rnams su
- 145b
skye bar 'gyur bar nga smra'o/ / kun dga' bo gang la la zhig gis sangs rgyas la skyabs su 'gro ba dang / gang chos dang dge 'dun la skyabs su 'gro zhing / bslab pa'i gzhi rnams kyang mnos nas yongs su srung bar byed na/ kun dga' bo dge ba'i rtsa ba de'i bsod nams ni dpag tu med cing grangs med par smra'o// nyan thos dang rang sangs rgyas thams cad kyi mya lus 'das par mthar thug pa'i bar du mtha' bzung bar mo nus par nga smra'o/ / de nas bcom ldan 'das kyis tshe dang ldan pa kun dga' bo'i sems thugs su chud nas/ ljags pad+ma dmar po'i 'dab ma dri ma med cing lo ma 'jam pa dang / mtshal dmar po dang / shing mya ngan 'chang gi lo ma dang / zangs kyi glegs ma srab mo 'dra ba chu zheng gab pas/ zhal gyi dkyil 'khor dbu'i sgra mtshams la thug pa'i bar thams cad brkyang ste/ kun dga' bo la bka' stsal pa dang / kun dga' bo khyod kyis brdzun du smra ba dang / phra ma smra ba dang / tshig rtsub mo smra ba dang / tshig 'khyal ba smra ba la lce 'di lta bu mthong ngam/ btsun pa ma lags so// kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni bden pa gsung ba yin no// kun dga' bo gang la la thal mo sbyar te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la phyag 'tshal lo// phyag 'tshal lo zhes phyag
- 146a
'tshal bar byed na/ sems can de dag ngas yongs su bzung na/ yongs su mya ngan las bzlas pa yin no// sems can de rnams ning thugs khral chung ba yin no// ci'i phyir zhe na/ kun dga' bo 'di ltar de bzhin gshegs pa'i chos dbyings ni shin tu rab tu gnas pa yin no// de shin tu rab tu gnas pa'i phyir/ thal mo sbyar ba'ang chud za bar mi 'gyuran/ sbyin pa la sogs pa byed pa lta smos kyang ci dgos/ kun dga' bo ltos shig/ skyes bu zhig la rang gi gzar bu bkrus pa tsam mam/ phor bu bkrus pa tsam mam/ phru lkog bkrus pa tsam gang yin pa de'ang yod la/ gal te de sems la 'di snyam du/ 'di na gnas pa'i srog chags thams cad 'dis bde bar gyur cig snyam du sems shing / stor khung du 'bog par byed na/ kun dga' bo 'on kyang bsod nams skye ba'i sgor 'gyur bar nga smra'o// mir gyur pa lta smos kyang ci dgos/ kun dga' bo gsum po 'di dag ni bar gyi bskal pa dag yin no// gsum po gang zhe na/ mtshon gyi bar gyi bskal pa dang / nad kyi bar gyi bskal pa dang / mu ge'i bar gyi bskal pa'o// kun dga' bo de gang gis nyi ma cig gcig srog gcod pa spong zhing yang dag par blangs te gnas par byed na/ de mtshon gyi bar gyi bskal par mi skye bar 'gyur ro// gang zhig gis a rur gcig tsam yang dge 'dun la 'bul bar byed na/ de nad kyi bar gyi bskal
- 146b
par mi skye bar 'gyur ro/ / gang zhig gis zas nal ze gang tsam dge 'dun la phul na/ de mu ge'i bar gyi bskal par mi skye bar 'gyur ro// kun dga' bo dge ba'i rtsa ba gsum po 'di dag bskyed pa ni 'khor bar zad par mi 'gyur zhing / yongs su gtugs par mi 'gyur la/ zad mi shes pa'i mya ngan las 'das pa thob par 'gyur bar byed pa yin no// gsum po gang dag ce na/ kun dga' bo sangs rgyas la dge ba'i rtsa ba bskyed pa ni/ 'khor bar zad par mi 'gyur zhing / yongs su gtugs par mi 'gyur la/ zad mi shes pa'i mya ngan las 'das pa thob par byed pa yin no/ / dge ba'i rtsa ba chos la bskyed pa dang / dge 'dun la bskyed pa ni/ 'khor bar zad par mi 'gyur zhing / yongs su gtugs par mi 'gyur la/ zad mi shes pa'i mya ngan las 'das pa thob par byed pa yin no/ / de nas bcom ldan 'das kyis/ de bzhin gshegs pa'i yon tan bstan pa'i phyir/ kun dga' bo la bka' stsal pa/ kun dga' bopo khyod kyis 'dzam bu gling mthong ngam/ kye btsun pa mthong lags so// kun dga' bo 'dzam bu gling ni zheng du ni dpag tshad bdun stong / mchur yang dpag tshad bdun stong ste/ byang gi zheng ni che/ lho'i ni shing rta'i dbyibs so// ngo rigs kyi bu 'am/ rigs kyi bu mo dad pa can la la dag gis rin po che sna bdun gyis bkang ste/ rgyun du zhugs pa rnams dang / lan cig phyir
- 147a
'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun la 'bul bar byed pa dang / gang zhig de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra tsam byed du 'jug/ srog shing ni khab tsam 'dzugs su bcug/ gdugs ni rgya shug gi lo ma tsam 'gebs su 'jug cing / sku gzugs nas 'bru tsam byed du 'jug la/ sku gdung yungs kar gyi 'bru tsam 'jug par byed na/ kun dga' bo 'di nyid de bas bsod nams shin tu mang bar nga smra'o/ / kun dga' bo 'dzam bu gling gi gling lta zhog gi/ kun dga' bo shar gyi lus 'phags zhes bya ba'i gling zheng du ni dpag tshad brgyad stong chur yang dpag tshad brgyad stong yod pa/ kun nas zla ba kham pa lta bu zhig yod de/ de rigs kyi bu 'am/ rigs kyi bu mo gang la las rin po che sna bdun gyis bkang ste/ rgyun du zhugs pa rnams dang / yan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun la 'bul bar byed pa dang / gang zhig de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra tsam byed du
- 147b
'jug/ srog shing ni khab tsam 'dzugs su 'jug/ gdugs ni rgya shug gi lo ma tsam 'gebs su 'jug cing / sku gzugs nas 'bru tsam byed du 'jug la/ sku gdung yungs kar gyi 'bru tsam 'jug par byed na/ kun dga' bo 'di nyid de bas bsod nams shin tu mang bar nga smra'o// kun dga' bo 'dzam bu gling gi gling lta yang zhog/ shar gyi lus 'phags po'i gling lnga yang zhog gi/ kun dga' bo nub kyi ba glang spyod ces bya ba'i gling zheng du dpag tshad dgu stong / chur dpag tshad dgu stong yod pa/ kun nas zla ba nya ba lta bu zhig yod de/ de rigs kyi bu'am/ rigs kyi bu mo dad pa can la las rin po che sna bdun gyis bkang ste/ rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang rang sangs rgyas rnams dang / phyogs bzhi'i dge slong gi dge 'dun la 'bul bar byed pa dang / gang zhig gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu rur tsam byed du 'jug/ srog shing ni khab tsam 'dzugs su 'jug/ gdugs ni rgya shug gi lo ma tsam 'gebs su 'ju cing / sku gzugs nas 'bru tsam byed du 'jug la/ sku gdung yungs kar gyi 'bru tsam 'jug par byed na/ kun dga' bo 'di nyid de bas bsod nams shin tu mang bar nga smra'o// kun dga' bo 'dzam bu'i gling
- 148a
gi gling lta yang zhog/ shar gyi lus 'phags po'i gling lta yang zhog/ nub kyi ba glang spyod kyi gling lta yang zhog gi/ kun dga' bo byang gi sgra mi snyan ces bya ba'i gling zheng du dpag tshad khri/ chur yang dpag tshad khri yod pa/ kun nas gru bzhi pa zhig yod de/ rigs kyi bu 'am/ rigs kyi bu mo gang la las rin po che sna bdun gyis bkang ste/ rgyun du zhugs pa rnams dang lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun rnams la 'bul bar byed pa dang / gang zhig gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra tsam byed du 'jug/ srog shing ni khab tsam 'dzugs su 'jug/ gdugs ni rgya shug gi lo ma tsam 'gebs su 'jug cing / sku gzugs nas 'bru tsam byed du 'jug la/ sku gdung yungs dkar gyi 'bra tsam 'jug par byed na/ kun dga' bo 'di nyid de bas bsod nams shin tu mang bar nga smra'o// kun dga' bo 'dzam bu'i gling lta yang zhog/ shar gyi lus 'phags po'i gling lta yang zhog/ nub kyi ba glang sprod kyi gling lta yang zhog/ byang gi sgra mi snyan gyi gling lta yang zhog gi/ kun dga' bo lha rnams kyi dbang po brgya byin gyi khang bzangs rnam par rgyal ba zhes bya ba yod de/ de
- 148b
rigs kyi bu'am/ rigs kyi bu mo dad pa can gang la las rin po che sna bdun gyis bkang ste/ rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang dgra bcom pa rnams dang / rang sangs rgyas rnams sam/ phyogs bzhi'i dge slong gi dge 'dun la 'bul bar byed pa dang / gang de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bru tsam byed du 'jug/ srog shing khab tsam 'dzugs su 'jug/ gdug ni rgya shug gi lo ma ce 'gebs su 'jug cing / sku gzugs nas 'bru tsam byed du 'jug la/ sku gdung yungs kar gyi 'bru tsam 'jug par byed na/ kun dga' bo 'di nyid de bas bsod nams shin tu mang bar nga smra'o// kun dga' bo 'dzam bu gling gi gling lta yang zhog/ shar gyi lus 'phags kyi gling lha yang zhog/ nub kyi ba glang spyod kyi gling lta yang zhog/ byang gi sgra mi snyan gyi gling lta yang zhog/ lha rnams kyi dbang po brgya byin gyi bang bzangs rnam par rgyal ba lnga yang zhog gi/ kun dga' bo stong gsum gyi stong chen po'i 'jig rten gyi khams yod de/ de rigs kyi bu 'am/ rigs kyi bu mo dad pa can gang la las rin po che sna bdun gyis bkang ste/ rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnaMs
- 149a
dang / phyogs bzhi'i dge slong gi dge 'dun la 'bul bar byed pa dang / gang zhig de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bru tsam byed du 'jug/ srog shing ni khab tsam 'dzugs su 'jug/ gdugs ni rgya shug gi lo ma tsam 'gebs su 'jug/ sku gzugs nas 'bru tsam byed du 'jug la/ sku gdung yungs dkar gyi 'bru tsam 'jug par byed na/ kun dga' bo 'di nyid de bas bsod nams shin tu mang bar nga smra'o// ci'i phyir zhe na/ kun dga' bo 'di ltar de bzhin gshegs pa dgra bcom pa yang dag par rdzogs pa'i sangs rgyas ni sbyin pa dpag tu med pa// tshul khrims dpag tu med pa/ bzod pa dpag tu med pa/ brtson 'grus dpag tu med pa/ bsam gtan dpag tu med pa/ shes rab dpag tu med pa/ byams pa nas/ btang snyoms kyi bar du dpag tu med de/ kun dga' bo de bzhin gshegs pa dgra bcom pa yang dag par rdzogs pa'i sangs rgyas ni yon tan dpag tu med pa dang ldan pa'i phyir ro/ / bcom ldan 'das kyis de skad ces bka' stsal pa dang / tshe dang ldan pa kun dga' bo dang / dge slong de dag bcom ldan 'das kyis gsungs pa la rjes su yi rang nas mngon par bstod do// khang bu brtsegs pa'i mdo rdzogs so//
- 149b
rgya gar skad du/ pra se na dzid gA thA/ bod skad du/ gsal rgyal gyi tshogs su bcad pa/ dkon mchog gsum pa phyag 'tshal lo// rgyal po gsal rgyal gdugs dang cod pan dang // rnga yab ral gri nor bu lham bzhag ste// thal mo sbyar cing legs par phyag 'tshal nas// 'jig rten mgon po la ni zhu ba zhus// phan par dgod pa thugs rje'i bdag nyid can/ / de bzhin gshegs rnams mya ngan 'das pa na// mchod pa bgyis pas blo mchog ji lta bur// srid pa gzhan du mi rnams bde ba thob// bcom ldan mi yi seng ge snga phyi'i mtha'i/ / chos rnams kun la mngon sum spyan gyur pas// kun dga' bzang po yi ni mngon sum du// gsal rgyal zhus lan 'di dag bka' stsal pa// ji ltar rgyal ba rnam la mi rnams kyis/ / mchod pa byas pas srid pa gzhan dag tu// rnam smin 'dod pa rgya chen sna tshogs 'thob// gsol ba'i don de rgyal pos mnyan par gyis// bcom ldan 'das kyi mchod rten rnams dang ni/ / sku gzugs rnams la rdul phran ci song ba// de yi grangs snyed de byed mi rnams kyis// lha yul sa steng nges par rgyal srid 'thob// gzugs dang gzugs med khams kyi ting nge 'dzin/ / phun sum tshogs pa'i sa mchog kun myong nas// mtha' mar skye dang rga la sogs pa yi// sdug bsngal med pa'i sangs rgyas go 'phang 'thob// su dag 'dir ni rgyal
- 150a
ba'i gzugs byed pa/ / de dag gzugs bzang yid 'ong yon tan ldan// dbang po bsdams shing 'od 'bar nyi ma bzhin// 'jig rten dag na mig tu sdug par 'gyur su dag bde bar gshegs pa'i gzugs byed pa/ / de yi lus ni dri ma med pa dang // pad+ma'i snying po lta bur 'jam zhing yangs// nad dang mya ngan sdug bsngal 'jigs las thar// su dag 'jig rten mgon po'i gzugs byed pa/ / bran du mi skye mngag gzhug skye mi 'gyur// dbul por mi 'gyur rogs dmar mi 'gyur zhing // dbang po rnams kyang nyams par yong mi 'gyur// thub dbang mchod rten byed pa'i mi rnams ni/ / mya ngan yongs med lus kun brtan pa dang // longs spyod mchog ldan rin chen mdzod dang ldan// dgra yi tshogs rnams kyang ni thub par 'gyur// rgyal ba'i mchod rten srog shing phul ba yis/ / chos la rjes 'thun chos la sgrub pa dang // tshul khrims thos dang bzod pa'i mchog dang ldan// 'jig rten dag na don kun 'grub par 'gyur/ mchod rten mchog la gdugs brtsegs phul ba yis/ / lha dang mi yi nang du skye ba dang // sred med bu yi lus 'dra lus kun brtan// bkur sti bya ba'i yon tan ldan par 'gyur// thub dbang mchod rten rdo thal byugs pa yis/ / lha mi'i 'jig rten dag na tshe ring zhing // lus sems nad dang mya ngan chung spangs te// rtag tu skyid cing nor gyis phyug par 'gyur// gsar dngul spa ba'i glegs mas
- 150b
g.yogs pa yi/ / thub pa'i dbang po'i mchod rten byas pa yis// mi rnams srid pa'i khyad par gzhan dag tu// lus mkhregs 'od kyang 'bar zhing mdzes par 'gyur// su dag la la mchod rten sku gzugs la/ / dad pa'i sems kyis bla bre 'bul byed pa// de dag sa steng rgya mtsho'i mtha' klas pa// ma lus gnod med rgyal gcig dbang byed 'gyur// bde gshegs mchod rten dag la dga' bzhin du/ / rnam mang rgya chen gdugs ni btags pa yis// lha mi'i 'jig rten dag na gdugs 'dra bar// lha dang mi yi dbang po lta bur 'gyur// mi rnams su dag sku gdung snying po can/ / dri med bsod nams 'byung gnas gyur pa la// ba dan mdzes pa sna tshogs 'dogs pa dag/ mthu dang ldan zhing srid gsum mchod gnas 'gyur// bde gshegs mchod rten cod pan btags pa yis/ / mi dbang dpal dang lha yi dpal thob cing // bde ba'i mchog kyang nyams su myong gyur nas// rnam par grol ba'i cod pan khyad par 'thob// rgyal ba'i mchod rten dag la dril phul bas// tshig brtsan grags pa chen po dag dang ldan// tshangs pa'i sgra dbyangs yid 'ong skye ba dran// de dag gis ni rgyan rnams sna tshogs 'thob// mkhas pa su dag bde gshegs mchod rten la// dad pa'i sems kyis 'phreng ba 'dogs byed pa// gser 'phreng rin chen mang pos legs spras pa// bsod nams legs ldan de yi
- 151a
mgo la thogs/ / ston pa'i mchod rten dag la rgyan 'phyang 'dogs// de dag do shal rgyan 'phreng nor bu dang // gdu bu dag dang dpung rgyan mchog rnams kyis// lus brgyan 'jig rten dag na rgyu bar 'gyur// su dag bde bar gshegs pa'i mchod rten la// sa dang lci ba nyug pa de dag ni// lha dang mir skye lus mdog sdug pa dang // rnam dag rma med bde dang ldan par 'gyur/ / thub dbang mchod rten byi ngor byas pa yis// shin tu blta na sdug cing mig tu mdzes// byad bzhin bzang zhing pad+ma'i mdog dang ldan// sred pa'i skyon rnams dang yang bral bar 'gyur/ / su dag spros mchog sbyar ba'i 'bru mar gyis// bde bar gshegs pa'i mchod rten nyug byed pa// de dag spos kyis mchod cing tsan dan gyis// lus byugs nyi ma'i 'od dang 'dra bar 'gyur/ / mi rnams gang dag thub dbang mchod rten la// spos chu gtsang zhing dang bas khrus gsol ba// de dag lus la dri ma med pa dang // gdung ba med cing mdog 'jam mya ngan med/ / su zhig sangs rgyas mchod rten sku gzugs khang // tshon rtsi sna tshogs rnams kyis mdzes byed pa// de ni bde gshegs mnga' ba'i yon tan rnams// sna tshogs ldan pa kun gyis brtsegs par 'gyur/ / su dag dpyod ka'i dus su gtsang ma'i chus// mchod rten nye 'khor rdul rnams ni byed pa// de la bud med rnams ni dga' bzhin du/
- 151b
rdul yab gser gyi yu ba can gyis g.yo ba// dkon mchog gsum phyir mi rnams gang dag gis// 'phags pa dgyes pa'i dkyil 'khor byas pas ni// rkang lag sor mo dra bar 'brel ba dang / / yan lag thams cad kyang ni skyon med 'gyur// su dag dkon mchog gsum la me tog dang // 'bras bu gsar tog byung ba 'bul byed pa// de dag 'gro ba rnams su 'khor ba na/ / ro mchog kun thob mi rje'i stobs dang ldan// 'phreng ba me tog rgya chen char rnams kyis/ su dag 'dir ni rgyal ba'o gzugs la mchod// de dag lha dang mi yi 'jig rten du// cha byad yid 'ong sna tshogs legs par brgyan// sangs rgyas mchod rten dag la dri zhim phul// bdug spos rgya chen mang po ldan sbyar dang // a ka ru yi bdug spos phul ba yi// de yi lus kun spos dang ldan par 'gyur/ / su dag bde bar gshegs pa'i mchod rten la// dga' bzhin rnga yab rnams ni 'bul byed pa// thub dka' rgyan rnams snying rje rnga yab thogs/ che ba de la tshur yang g.yob par byed// shin tu dri med zla ba nya 'dra ba'i// me long sdug gu thams cad mkhyen la phul// de dag tshe rabs brgyud pa rnams su yang // lha mi'i rnams kyis lta bar 'os par 'gyur/ / su dag bde bar gshegs pa'i mchod rten la// mchod pa'i khyad par ci 'dod ci 'byor pa// mtsham par 'brel byed de dag dri med cing // mya ngan med pa'i
- 152a
bla med byang chub 'thob/ / mi rnams kyang dag sangs rgyas mchod rten nam// sgra gzugs dag la mgos gtugs gus phyag 'dul// de dag lha rnams dang ni mam kyis/ / cher yang che bar bkur ba'i gnas su 'gyur// su zhig dad pas thub pa'i mchod rten nam// sku gzugs dag la skor bar byed pa de// phyi ma'i tshe la dgra chen rnams kyis btung // bzang po'i snod 'gyur yon tan rnams dang ldan// mi rnams su dag dga' bzhin gus pa yis// bla med mchod rten rnams dang sku gzugs la// lus kyis las rnams byed pa de dag ni/ / srid pa kun tu mdzod rnams shin tu rgyas// rgyal ba'i mchod rten rol mo'i sgra phul bas// zab cing rigs pa'i spobs pa phun sum tshogs// yan lag lnga rdzogs yid 'ong tshig dang ldan/ / sgra skad dag gis 'jig rten 'gengs par byed// su dag rgyal ba'i gdung ldan stong byed pa// de dag gling bu'i sgra dang glu snyan dang // sgra snyan yid du 'ong ba thob pa dang // so so yang dag rig pa'ang thob par 'gyur// mi rnams gang dag rtswa shing so phag gis// 'jig rten bla ma'i spyi gapa rig pas byed// yang na gzhan dag byed du 'jug kyang rung // de dag 'gro ba rnams kyi skyabs 'drar 'gyur// mi rnams gang dag rgyal ba'i gtsang khang byed// de dag 'gro ba rnams su 'khor ba na// lha dbang gnas 'dra'i khang khyim 'od 'bar
- 152b
ba/ / dus tshigs kun tu bde ldan thob par 'gyur// mtho ris las bzangs 'bras bu'i gnas rnams su// bskal par rga med rtag tu dga' ba bzhin// rtsen par byed cing mya ngan med pa dang / / tha mar zhi ba'i go 'phang thob par 'gyur// gang dag 'ja' khugs 'dra ba'i rta bab mdzes// thub pa'i chab sgor sgreng byed de dag ni// srid pa gzhan du khang khyim sgo dang bcas/ / rnam par brgyan pa rnams ni thob par 'gyur// mi rnams gang dag ston par sku gdung khang // bsrung phyir dad pas 'obs dang sgo 'dzugs pa// de dag tshe rabs gzhan du dgra rnams kyis/ / dpal yon rnams dang dpral bar yong mi nus// mi rnams su dag mchod rten brnyings pa rnams// gzhan gyi ngor byed ma yin rang gis blos// ral tshems byed pa'i skye bo de dag ni/ / lus bzangs yon tan dam pas brgyan par 'gyur// rgyal ba'i mchod rten me tog rnying bsal bas// 'dod chags chags med zhe sdang sdang med 'gyur// gti mug rmongs mauming lta ngan chags mi 'gyur/ / mi rnams rab tu dga' zhing skyid par 'gyur// su dag glang chen dril sbyangs smra bar brgyan// dul ba'i rta dang sbyar ba'i shing rta dang // ston pa dang ni 'phags pa'i tshogs la 'bul/ / de dag bla med theg chen thob par 'gyur// skye bo de dag 'jig rten mgon po la// rin chen 'bar ba yid dang 'thad pa rnams// 'bul ba de dag rin
- 153a
chen bdun po dang / / byang chub yan lag dri med rin chen thob// rgyal ba'i mchod rten la ni gos phul bas// bsod nams byams pa'i ngo tsha'i gos gyon te// dga' zhing yon tan kun ldan ser sna med// mdog kyang 'jam zhing kha dog gser 'drar 'gyur// dpe med mchod rten mar me phul ba yis// ut+pal sngon po kha phye bdab 'dra'i mig/ gsal zhing sdug la mig gi dkyus ring mdzes/ / dri ma med pa lha yi mig dang ldan// su dag mchod rten mar me mngar ba 'bul// de dag mig tu sdug cing mdzod rab rgyas// mig gi dkyus ring mthon ka'i mdog dang ldan/ / skyes pa bud med dag gis blta bar 'os// mtshan mo thub chen spyan sngar thal sbyar 'khod// 'byor dang 'tsham par mar me sdong po 'bul// de dag srid pa gzhan du 'bras bur ldan/ / rin chen rags pa'i 'od ldan lus kyang 'thob// rgyal la phul ba'i mor me 'chi ba na// dag pa'i sems kyis 'dir ni dga' bzhin du// snying po skul par byed pa de dag ni/ / spyan lnga dag kyang nges par thob par 'gyur// mi rnams gang dag dge ba'i sems ldan pas// rgyal ba'i mchod rten gzhan gyis byas pa la// rjes su yi rang don de ma byas kyang // mdor na de dag gis kyang byas par 'gyur// tshul khrims ldan pa phyogs nas lhags pa la// su dag dga' bzhin mal stan byin byed pa'i// mi rnams 'gro ba dag tu 'khor ba na// seng
- 153b
ge'i khri dang stan gyi mchog rnams thob/ / su dag rab tu byung dang 'tsham pa yi// kha zas bzang po dge 'dun sbyin byed pa// de dag 'khor ba'i dgon par gnas pa na// kha zas kha dog ro la sogs ldan 'thob/ / su dag rab tu byung dang 'tsham pa yi// btung ba rgya chen rab tu sbyin byed pa// de dag 'khor ba'i dgon par gnas pa na// btung ba kha dog ro la sogs ldan 'thob// su dag 'jig rten bla mas gsungs pa yi// dam chos tshul bzang thos na nyams su len// de dag nyon mongs chu rlabs 'jigs pa yi// srid pa'i rgya mtsho myur du rgal bar 'gyur// rgyal po dge ba'i las 'di thams cad ni/ / 'khor ba'i bde ba sna tshogs smin nas su// sangs rgyas kyi ni byang chub dam pa ni// 'bras bu bde blag kho nar 'grub par 'gyur// de nas rab dga' mdangs dang ldan pa yis/ / drang srong dge 'dun bskor ba byas nas kyang // thub dbang zhabs la mgo bos phyag 'tshal te// rgyal po rgyal byed tshal nas byung bar gyur// gsal rgyal gyi tshigs su bcad pa rdzogs so/ / // rgya gar skad du/ Ar+ya sa be'i da la l+ya saM gra ha nA ma ma hA yA na sU tra/ bod skad du/ 'phags pa rnam par 'thag pa thams cad bsdus pa zhes bya ba theg pa chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/
- 154a
bcom ldan 'das rgyal po'i khab na bya rgod kyi phung po'i ri la/ dge slong drug khri nyis stong gi dge 'dun chen po dang / byang chub sems dpa' bye ba phrag brgyad cu dang / lha drug khri dang dge bsnyen stong phrag mang po dang thabs cig tu bzhugs te/ de'i tshe bcom ldan 'das yongs su mya ngan las 'da' ba'i dus la bab ste/ 'di ni bcom ldan 'das rgyal po'i khab na dbyar gnas shing bzhugs pa'i tha ma yin no/ / de nas bcom ldan 'das kyis ting nge 'dzin rnam pa ji lta bus/ stong gsum gyi stong chen po'i 'jig rten gyi khams 'dir dar gyi lnga ldi bres pas brgyan pa dang / pog phor gyis brgyan cing bdug pas bdugs pa dang / me tog sil mas chal par gang ba dang / pad+ma 'dab ma stong phrag brgya pas khebs par gyur pa de lta bu'i ting nge 'dzin la snyoms par zhugs so// stong gsum gyi stong chen po'i 'jig rten khams 'di na/ tshangs pa bye ba phrag stong ji snyed yod pa'i tshangs pa de dag re re zhing yang g.yog 'khor bye ba phrag stong dang / bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te/ thal mo sbyar nas bcom ldan 'das la phyag 'tshal zhing / phyogs gcig tu 'khod par gyur to// stong gsum gyi stong chen po'i 'jig rten gyi khams 'di na/ gnas gtsang ma'i ris kyi lha'i bu rnams dang / lha'i bu dbang phyug rnams dang / dbang phyug chen po rnams dang / lha'i dbang po rnams dang / klu'i dbang po rnams dang /
- 154b
gnod sbyin gyi dbang po rnams dang / lha ma yin gyi dbang po rnams dang / nam mkha' lding gi dbang po rnams dang / mi 'am ci'i dbang po rnams dang / lto 'phye chen po'i dbang po rnams ji snyed pa de dag thams cad g.yog 'khor bye ba brgya stong phrag du ma dang / bcom ldan 'das ga la ba der dong ste phyin pa dang / bcom ldan 'das kyi zhabs la mgo bos phyag 'tshal te thal mo sbyar nas/ bcom ldan 'das la phyag 'tshal zhing / phyogs gcig tu 'khod par gyur to// phyogs bcu'i 'jig rten gyi khams gang+gA'i klung gi bye ma snyed dag na/ byang chub sems dpa' sems dpa' chen po dbang che ba dbang che bar grags pa ji snyed pa de dag kyang / bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te thal mo sbyar nas bcom ldan 'das la phyag 'tshal zhing / phyogs gcig tu 'khod par gyur to// de'i tshe stong gsum gyi stong chen po'i 'jig rten gyi khams 'di srid pa'i rtse mo man chad lha dang / klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dbang che ba dbang che bar grags pa dag gis gang bar ma gyur pa ni tha na 'khar ba'i rtse mo gzugs pa'i phyogs tsam yang med do/ / de nas bcom ldan 'das dgongs shing mkhyen bzhin du ting nge 'dzin de las bzhengs te/ bzhengs nas kyang 'khor la lan gsum gzigs so// 'khor
- 155a
la gzigs nas kyang / seng ge'i bsgyings pa chen po lan gsum mdzad do// bsgyings nas kyang ljags kyi dbang po lan gsum phyung ngo // ljags kyi dbang po lan gsum phyung nas kyang / stong gsum gyi stong chen po'i 'jig rten gyi khams ljags kyi dbang pos lan gsum khyab par mdzad do// stong gsum gyi stong chen po'i 'jig rten gyi khams ljags kyi dbang pos lan gsum khyab par mdzad cing / rdzu 'phrul mngon par 'du byed pa des khyab par mdzad nas yang rnam par gzigs so// de nas thams cad dang ldan pa'i 'khor de stan las langs te/ thal mo sbyar nas/ bcom ldan 'das nyid la phyag 'tshal zhing 'khod par gyur to// de nas bcom ldan 'das kyis/ byang chub sems dpa' sems dpa' chen po byams pa la bka' stsal pa/ mi pham pa de bzhin gshegs pa ring po mi thogs par yongs su mya ngan las 'da' bar 'gyur gyis/ 'di ni khyed de bzhin gshegs pa la yongs su dri ba'i dus yin no// 'di ni tshod yin no// khyed gang su dag la chos la the tsom yod pa de dag de bzhin gshegs pa la yongs su ma zhus na/ de bzhin gshegs pa mngon sum du bzhugs pa'i tshe/ bdag cag gis ma zhus pa ga la srid ces phyis 'gyod par gyur ta re/ de skad ces bka' stsal pa dang / byang chub sems dpa' sems dpa' chen po byams pas/ bcom ldan 'das la 'di skad ces gsol to// bcom
- 155b
ldan 'das nyid mkhas pa/ bcom ldan 'das nyid dus mkhyen pa/ tshod mkhyen pa/ ran pa mkhyen pa/ bcom ldan 'das nyid thams cad mkhyen cing / thams cad gzigs pa ste/ chos thams cad rtogs par thugs su chud pa lags na/ bcom ldan 'das kyis chos bstan pa rnams ji lta bus yang dag par rdzogs pa'i sangs rgyas thams cad kyi chos kyi tshul 'di yun ring du gnas par 'gyur ba de lta bur chos thams cad legs par bstan du gsol/ de nas lha'i bu dbang phyug chen po gnas gtsang ma'i ris kyi lha'i bu bye ba phrag brgyad cu'i g.yog 'khor dang ldan pas bcom ldan 'das kyi zhabs la mgo bos phyag 'tshal te thal mo sbyar nas/ bcom ldan 'das la 'di skad ces gsol to// bcom ldan 'das rnam par 'thag pa thams cad bsdus pa zhes bgyi ba'i chos kyi rnam grangs 'di/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis sngon gsungs na/ de skye bo mang po la sman pa dang / skye bo mang po la bde ba dang / de bzhin gshegs pa'i bstan pa 'di'ang yun ring du gnas par 'gyur ba'i slad du/ bcom ldan 'das kyis kyang bstan du gsol zhes gsol nas/ bcom ldan 'das kyis lha'i bu dbang phyug chen po la cang mi gsung bas gnang bar mdzad do/ / de nas lha'i bu dbang phyug chen pos/ bcom ldan 'das cang mi gsung bas gnang bar rig nas phyogs gcig na 'dug go//
- 156a
de nas bcom ldan 'das kyis/ byang chub sems dpa' sems dpa' chen po byams pa la bka' stsal pa/ mi pham pa 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang rnam par 'thag pa thams cad bsdus pa'i mdo'i chos kyi rnam grangs 'di ma gsungs pa de mi bzhugs so/ / ma 'ongs pa'i dus na de bzhin gshegs pa 'byung ba gang chos kyi rnam grangs 'di gsungs par mi 'gyur ba gang yang mi 'byung ngo / / de ci'i phyir zhe na/ gang zhig chos 'di la sbyang ba ma byas par chos ston pa de ni/ de bzhin gshegs pa la skur pa bdebs pa yin/ chos spong ba yin/ dge 'dun la smod pa yin no// dkon mchog gsum ya log par zhugs pa de ni ngas ngan song ba sems can dmyal ba par gsungs so// byams pa de lta bas na rigs kyi bu 'am/ rigs kyi bu mo byang chub la yang dag par zhugs pa gang dag bdag la 'khrug pa med par 'dod pa de dag gis chos kyi rnam grangs 'di rtogs par khong du chud par byas la/ de nas gdod chos bstan par bya'i/ byams pa phyi ma'i dus na/ dam pa'i chos bsdu ba 'di khyed kyi las yin gyis/ soms shig/ byang chub sems dpa' sems dpa' chen po byams pas/ bcom ldan 'das de bzhin no zhes gsol te/ bcom ldan 'das kyi ltar nyan to// de nas yang bcom ldan 'das kyis/ byang chub sems dpa' sems dpa'
- 156b
chen po byams pa la bos te/ 'di skad ces bka' stsal to// mi pham pa gang gi nub mo de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa dang / byams pa gang gi nub mo de bzhin gshegs pa len pa med par yongs su mya ngan las 'da' bar 'gyur ba'i bar du/ de bzhin gshegs pa la 'khrul pa 'am/ ca co'am// bsnyel ba 'am/ gsung gis nyes par gsungs pa'am/ nyes par dgongs pa 'am/ 'phrin las nyes par mdzad pa ci'ang yod dam/ gsol pa/ bcom ldan 'das de ni ma lags so// bka' skul pa/ mi pham pa gang gi nub mo de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa dang / gang gis nub mo de bzhin gshegs pa len pa med par yongs su mya ngan las 'da' bar 'gyur ba de'i bar du/ de bzhin gshegs pas gang ci gsungs pa de dag thams cad ni yang dag pa de kho na bzhin/ ma nor ba de bzhin te/ gzhan du ma yin/ 'di la mi blun po kha cig de bzhin gshegs pa'i thabs la mkhas pa mi shes shing / khong du ma chud par nga'i ldem po ngag la 'di skad du/ 'di ni rung ngo // 'di ni mi rung ngo zhes zer te/ de lta bu de dag ni dam pa'i chos spong ba yin/ de dag ni de bzhin gshegs pa la skur pa 'debs pa yin te/ rgyu des na de dag ni sems can dmyal ba pa zhes nga 'chad do// mi
- 157a
pham pa ma 'ongs pa'i dus phyi ma'i tshe phyi ma'i dus lnga brgya pa tha ma la dge slong dang / dge slong ma dang / dge bsnyen dang / dge bsnyen ma dang / byang chub sems dpa' khas che ba/ sngon mu stegs can du gyur pa smon lam gyi dbang gis/ de bzhin gshegs pa'i bstan pa legs par gsungs pa'i chos 'dul ba la rab tu byung nas/ phyogs gcig la spyod pa/ gnyen la gdu ba/ rnyed pa dang bkur sti la chags pa/ khyim la ser sna byed pa/ khyim sun par byed pa/ mdog ngan pa/ dman pa la mos pa/ bka' blo mi bde ba/ ma grags pa/ rigs dma' ba/ yo byad la yongs su chags pa/ chos la bde bar gnas pa'i zas thams cad dang bral ba/ ting nge 'dzin gyi zas las shin tu ring zhing rnam par ring ba/ sgyu dang g.yo la gnas pa dag gzhan du smra zhing gzhan du byed de/ de dag mi shes bzhin du nged ni shes pa dang ldan no zhes zer/ mi mkhas bzhin du nged ni mkhas so zhes zer te/ ngas sems can thams cad la sems mnyam pa la gnas nas thugs rje chen po dang / thabs la mkhas pas/ de bzhin gshegs pa'i stobs bsnyel ba mi mnga' ba la gnas te/ mos pa la gzung ba'i phyir/ sems can thams cad la byang chub bstan pa gang yin pa de la de dag kha cig 'di skad du/ gang nyan thos rnams la gsungs pa'i mdo sde de dag la byang chub sems dpa' rnams kyis bslab par mi bya'o// de dag mnyan par mi bya'o// de ni
- 157b
bdag cag gi chos ma yin te/ 'di ni nyan thos dang ldan pa yin gyis/ de la byang chub sems dpa' rnams kyis bslab par mi bya'o// gang rang sangs rgyas rnams la gsungs pa'i mdo sde dag la byang chub sems dpa' rnams kyis bslab par mi bya'o/ / de dag mnyan par mi bya'o// de ni bdag cag gi chos ma yin te/ 'di ni rang sangs rgyas dang ldan pa yin gyis/ de la byang chub sems dpa' rnams kyis bslab par mi bya'o zhes zer ba dag 'byung bar 'gyur ro/ / mi pham pa ngas ni lha rnams la chos bstan te/ ngas mos pa ji lta ba bzhin du btul to// de bzhin du ngas ni klu rnam dang gnod sbyin rnams dang / lha ma yin rnams dang / nam mkha'i lding rnams dang / mi 'am ci rnams dang / lto 'phye chen po rnams dang / dri za rnams dang / mi rnams la chos bstan te/ ngas mos pa ji lta ba bzhin du btul to/ / mi pham pa nga ni sems can rnams kyi don bya ba'i phyir phyogs bcu'i 'jig rten gyi khams gang+gA'i klung gi bye ma snyed du 'gro zhing / de la yang mos pa ji lta ba bzhin du sems can rnams la chos ston na/ de la byang chub sems dpa' khas 'che ba/ byang chub sems dpa' dmu rgod/ byang chub sems dpa' la skur pa 'debs pa/ brdzun du smra ba/ thos pa nyung ba de dag nga'i byang chub gnyis kyis rab tu phye ba ma yin pa 'di la gnyi su smra ste/ 'di la ni byang chub sems dpas bslab par bya// 'di la ni byang chub sems dpas bslab par mi bya'o zhes zer te/
- 158a
sems des de bzhin gshegs pa la skur pa 'debs so// chos spang ngo // dge 'dun la smong ngo // de dag lus zhig ste/ shi nas sems can dmyal ba rnams su skye bar 'gyur te/ de dag der bskal pa mang po dang / bskal pa brgya phrag mang po 'das nas thar pa thob ste/ yang de dag dbul po'i rigs su skye bar 'gyur ro// gang gi tshe brgya la brgya lam na/ byang chub tu lung bstan pa thob par 'gyur na yang snyigs ma lnga'i dus na lung bstan pa thob par 'gyur te/ dper na da ltar nga yun ring po bgyangs pas/ dus kyi snyigs ma'i tshe/ byang chub mngon/ par rdzogs par sangs rgyas pa lta bu'o// gang dag de dag gi ltar nyan pa 'am/ byed pa 'am/ yid ches par sems pa de dag kyang / 'di lta ste/ sdig pa'i grogs po'i la mos pas/ 'gro ba de lta bu nyid du 'gro bar 'gyur ro// mi pham pa sngon byung ba 'das pa'i dus bskal pa grangs med pa'i yang ches grangs med pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas dri ma med pa'i 'od 'phro las byung ba'i grags pa zhes bya ba 'jig rten du byung ste/ des lo khrag khri phrag brgyad cur sems can rnams la chos bstan to// de'i gsung rab la dge slong 'tsho ba yongs su dag pa zhes bya ba chos smra ba/ gtam sna tshogs smra ba/ skye bo mang po la yang dag par bstan pa/ skye bo mang po la yang dag par 'dzin du 'jug
- 158b
pa/ skye bo mang po la yang dag par gzengs bstod pa/ skye bo mang po la yang dag par dga' bar byed pa byung nas/ de la de bzhin gshegs pa dri ma med pa'i 'od 'phro las byung ba'i grags pa des/ phyi ma'i tshe phyi ma'i dus na/ dam pa'i chos bsdu bar bcol te/ des de bzhin gshegs pa de yongs su mya ngan las 'das pa'i 'og tu lo bye bar dam pa'i chos kyi tshul bzung ste/ de rnam par 'thag pa thams cad bsdus pa'i chos kyi rnam grangs 'di la zhugs nas chos ston te/ mos pa ji lta ba bzhin du sems can rnams la chos bstan to// des grong khyer stong phrag brgyad cur smon lam ji lta ba bzhin du sems can rnams rab tu dga' bar byas nas/ de grong khyer chen po bzang po zhes bya bar song ste/ khyim pa bye ba phrag brgyad cu la mos pa ji lta ba bzhin du chos bstan nas/ grong khyer de nas srog chags bye ba phrag brgyad cu rab tu dad par byas so// de'i nang nas bye ba phrag gcig ni bla na med pa'i byang chub la rab tu bkod do// sems can bye ba phrag bdun cu rtsa dgu ni nyan thos kyi theg pa la rab tu bkod de btul to/ / de nas dge slong 'tsho ba yongs su dag pa ste/ dge slong khri dang lhan cig tu byang chub kyi snying po ga la ba der yul rgyu zhing song ngo / / mi pham pa dge slong 'tsho ba yongs su dag pa song nas/ ring po ma lon par grong khyer chen po bzang po der dge slong chos shes bya ba phyin te/ des rnam par 'thag pa'i mdo stong
- 159a
bzung ngo / / bsam gtan pa ni'ang thob par gyur to// dge slong 'tsho ba yongs su dag pas ni mdo sde bye ba phrag bcu dang / rnam par 'thag pa'i mdo drug khri bzung bar gyur to// de nas dge slong chos shes des grong khyer chen po bzang po der tshul gcig gis chos bstan pas/ skye bo rab tu dga' bar byas kyang / de mos pa ji lta ba bzhin du chos bstan pa la mkhas pa ma yin te/ de skye bo de dag la chos thams cad ni stong pa'o zhes gong ze na kyis 'doms shing / stong pa nyid kyi rjes su ston te/ gangangs chos thams cad stong pa'o zhes bstan pa 'di ni/ de bzhin gces pa'i bka' kho na yin no/ / gang 'tsho ba yongs su dag pa des bshad pa de ni skyon chags pa ste/ dge slong de 'tsho ba yongs su dag pa ma yin na/ de ci'i phyir dge slong de'i ming 'tsho ba yongs su dag pa zhes bya ba/ de ni 'tsho ba yongs su dag pa ma yin te/ de ci'i phyir zhe na/ me tog yongs su len cing blangs nas yongs su spyod do// spos dang byug pa yongs su len cing blangs nas yongs su spyod do/ / de ni shes pa ma yin te byis pa'o// nga ni tshangs par spyad nas yun ring ba yin gyi/ de gsar bu ste/ bsnyen par rdzogs nas ring po ma lon pa yin gyis/ de ltar yid ches par ma byed cig ces zer ro// dge slong de ni bag yod pa yin te/ dge slong 'tsho ba yongs su dag pa de la skye bo de dag rab tu dad pas/ de ltar des skye bo de dag la dbyen
- 159b
byas na/ dbye bar ma nus so// de nas dge slong chos de 'chi ba'i dus byas par gyur te/ 'chi ba'i dus byas nas/ 'di ltar de bzhin gshegs pa la skur pa btab pa dang / 'di ltar chos spangs pas/ bskal pa bdun cur sems can dmyal bar skyes so// bskal pa bdun cu po de dag 'das nas/ bskal pa drug cur byang chub kyi sems brjed do// bskal pa drug cu po de dag 'das nas/ de bzhin gshegs pa kun nas spos rin po che'i 'od kyi gsung rab la/ de bzhin gshegs pa des byang chub tu sems bskyed du bcug nas/ des byang chub tu sems bskyed do// tshe rabs dgu khrir dud 'gro'i skye gnas su skyes so// tshe rabs drug khrir mi dbul po rnams kyi nang du skyes te/ thams cad du'ang lce med par gyur to// dge slong 'tsho ba yongs su dag pab de sangs rgyas khrag khrig phrag lnga'i gan na chos smra bar gyur te/ thams cad du'ang mngon par shes pa lnga dang ldan par gyur to// sangs rgyas bcom ldan 'das de dag gi bod par 'os par gyur to/ / chos thams cad la yongs su dag par chos ston par yang gyur to// mi pham pa de'i tshe de'i dus na/ dge slong 'tsho ba yongs su dag pa zhes bya bar gyur pa de bzhan zhig yin pa snyam du khyod sems na/ khyod kyis de ltar mi blta ste/ de bzhin gshegs pa 'od dpag med ces bya ba de'i tshe de'i dus na/ dge slong chos smra ba 'tshe ba yongs su dag pa zhes bya bar gyur to//
- 160a
mi pham pa de'i tshe de'i dus na/ dge slong chos shes bya ba de gzhan zhig yin pa snyam du khyod sems na/ khyod kyis de ltar mi blta ste/ nga de'i tshe de'i dus na/ dge slong chos shes bya bar gyur to/ / nga nyid las de lta bu'i mi tshul ba byung ngo // mi pham pa chos kyis 'phongs par 'gyur ba'i las kyi sgrib pa de ltar shes par dka' ste/ las de'i rnam par smin pas ngasnyigs ma lnga'i dus na/ byang chub mngon par rdzogs par sangs rgyas so// mi pham pa byang chub sems dpa' gang dag gnyis su 'byed cing chos ston pa de dag ni las de'i rnam par smin pas dus kyi snyigs ma'i tshe/ byang chub mngon par rdzogs par 'tshang rgya bar 'gyur te/ de dag gis sangs rgyas kyi zhing der byang chub par bya ba dang / chos bstan pa la bdud dang bar chad mang po 'byung bar 'gyur ro/ / de nas thams cad dang ldan pa'i 'khor de mchi ma blags te ngus nas/ tshig 'di skad ces deng phan chad dge slong chos kyis ji skad smras pa ltar su'ang chos bstan par ma gyur cig ces 'dzer to/ / de'i tshe byang chub sems dpa' sems dpa' chen po 'khor der 'dus pa dag kyang stan las langs te sa la 'khod do// sa la 'khod nas kyang dus so/ / de nas bcom ldan 'das kyis mkhyen bzhin du/ byang chub sems dpa' de dag la 'di skad ces bka' stsal to// rigs kyi bu dag khyed ci'i phyir sa la 'khod cing du/ de dag
- 160b
gis gsol pa/ bcom ldan 'das bdag cag ni las kyi sgrib pa de dang ldan par bdag cag nyid kyis mthong lags so// bcom ldan 'das kyis bka' stsal pa/ rigs kyi bu dag de de bzhin te/ de bzhin gshegs pa mar me mdzad yongs su mya ngan las 'das nas/ de'i gsung rab la shes rab brtsegs zhes bya ba chos smra ba zhig byung ba la khyed kyis smad de/ de phyin chad khyed kyis nam yang sangs rgyas ma mthong ngo / / nam yang byang chub kyi sems ma rnyed do// gzungs dang ting nge 'dzin ma rnyed do// rigs kyi bu dag khyed nga'i byang chub la yang dag par zhugs kyang / bskal pa bzang po 'di la/ de bzhin gshegs pa gang dag 'byung ba'i tha ma pa'i tshe/ khyed mi skye ba'i chos la bzod pa thob par 'gyur ro// de phyin chad bskal pa grangs med pa gsum gyis/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// rigs kyi bu dag de bas na/ byang chub sems dpa' de dag gis byang chub sems dpa' mthong na/ sems kyis gzhan bsam par mi bya ste/ bdag cag gis mchod rten nam/ de bzhin gshegs pa mthong ngo // bdag cag gi mdun na sangs rgyas bzhugs so snyam du bsam mo/ / rigs kyi bu dag gal te byang chub sems dpas byang chub sems dpa' mthong na/ mchod rten gyi 'du shes sam/ de bzhin gshegs pa'i 'du shes bskyed pa ma gtogs
- 161a
par 'du shes gzhan bskyed par mi bya'o/ / gzhan du gyur na byang chub sems dpas bdag nyid la ma byung bar 'gyur ro// de la dgongs te/ de bzhin gshegs pa mi 'dzum pas thugs dam bzhes pa/ gal te bdag gis sems dang po bskyed pa'i byang chub sems dpa' mthong ste/ sangs rgyas kyi 'du shes ma bskyed na/ nga'i 'jig rten gyi khams dpag tu med pa rnams na/ gang dag bzhugs pa'i sangs rgyas bcom ldan 'das thams cad la bslus par gyur cig ces bya ba yin no// rigs kyi bu dag phyi ma'i tshe phyi ma'i dus lnga brgya pa tha ma la gang su dag gzungs thob pa 'am/ ting nge 'dzin thob par 'gyur ba de dag thams cad ni/ de bzhin gshegs pa'i mthus thob par 'gyur te/ rigs kyi bu dag de lta bas na 'di la su chos smra ba la mi snyan par brjod pa des ni de bzhin gshegs pa spangs par 'gyur ro/ / rigs kyi bu dag gang su zhig sems can dag ji ltar mos pa'i mos pa bzhin du/ de bzhin gshegs pa'i chos ston pa de thams cad ni/ de bzhin gshegs pa'i mthu yin no// 'khor gang du byang chub sems dpa'i theg pa pa dag lan 'ga' zhig spu zing zhes byed dam/ mchos lan 'ga' zhig klog pa de thams cad kyang de bzhin gshegs pa'i mthur shes par bya ba yin na/ de la mi thur po byang chub sems dpa' ma yin par byang chub sems dpa' khas 'che ba/ byang chub sems
- 161b
dpa' sun 'byin par gyur pa/ chos rku ba/ tshul 'chos pa/ cho ga ngan pa la spyod pa de dag kha cig 'di skad ces 'di lta zhig ci shes zhes zer ro// byams pa ngas byang chub kyi phyir spyod pa na/ bdag nyid kyis gang tshigs su bcad pa nyos pa ni/ rang gi lus yongs su btang ba dang / chung ma yongs su btang ba dang / bu dang bu mo yongs su btang ba dang / rgyal srid yongs su btang bas nyes shing / byams pa legs par bshad pa'i tshogs su bcad pa gcig gi phyir 'dzam bu'i gling byin te/ nyos par ngas mngon par dran na/ de dag ni rnyed pa dang bkur sti bsrung zhing / sangs rgyas dang 'dra ba'i gan du 'gro bar mi sems so// mi pham pa dam pa'i chos kyi tshul 'di bzung ba'ang 'byor pa dang ldan pas nus kyi/ mi ldan pas ma yin no// mi pham pa ngas mngon par rdzogs par sangs rgyas nas/ sangs rgyas kyi ye shes kyis chos gang bstan pa de la de dag 'di skad du/ de ni lung nod par bya ba ma yin no zhes zer te/ sems can de dag 'byung ba ma yin pa'i nyes pa chen po ji tsam dang ldan pa la ltos/ mi pham pa dge slong chos des rnam par 'thag pa'i mdo stong bstan te/ bsam gtan bzhi bskyed kyang de lta bu'i gnas su gyur na/ gang phyogs tsam mam/ cha tsam la reg pa rnam par 'thag pa 'dzin pa'i dge slong rnams la mngon par mi dga' zhing rnam par 'thag pa la skyon 'dogs pa lta ci
- 162a
smos te/ de dag ni chos smras pa'i dge slong la skur pa 'debs pa yin/ sangs rgyas kyi chos spong ba yin/ rlom sems chen pos skur pa 'debs pa yin te/ sems can dmyal bar skye ba de dag la ni legs par zhes nga mi smra'o/ / de ci'i phyir zhe na/ gang dag chos smra ba la rnam par smod pa de dag ni sangs rgyas la rnam par smod pa yin/ chos la rnam par smod pa yin no/ / gang dag chos smra ba la rim gro med pa de dag ni/ sangs rgyas la rim gro med pa yin no// gang dag chos smra ba la mi snyan par brjod pa de dag ni/ sangs rgyas mthong bar mi 'dod pa yin/ sangs rgyas la mi snyan par brjod pa yin no// gang dag sems dang po bskyed pa'i byang chub sems dpa' la khong khro ba'i sems bskyed pa de dag gis ni/ sangs rgyas yongs su btang ba yin te/ ji snyed du khong khro bo'i sems skyed par byed pa de snyed kyi bskal par sems can dmyal bar gnas par go cha bgo dgos so// ji tsam du khong khro ba'i mig gis blta ba de srid du long ba'i skye mched thob par 'gyur ro/ / ji tsam du mi snyan par brjod pa de srid du lce'i skye mchod med par 'gyur ro// mi pham pa ji ltar byang chub sems dpa' rnams la gnod pa'i sems bskyed pas/ byang chub sems dpa' ngan song du 'gro bar log par ltung bar 'gyur ba'i chos de// bu gzhan ni ngas ma mthong ngo // mi pham pa sems can gyi 'du shes dang
- 162b
chos kyi 'du shes la gnas pa rnams la ni las mngon par 'du bya ba yod de/ mi dmigs pa la ni med do// byang chub sems dpa' gang dag chos tha dad du 'byed cing sten pa de dag ni spros pa la gnas pa yin no/ / mi pham pa byang chub sems dpa' rnams kyi pha rol tu phyin pa drug yang dag par bsgrub pa 'di ni/ byang chub kyi phyir yin na/ de la yang mi blun po de dag 'di skad du/ shes rab kyi pha rol tu phyin pa kho na la byang chub sems dpa' bslab par bya'o zhes zer zhing / pha rol tu phyin pa lhag ma rnams la sun 'byin to// mi pham pa 'di ji snyam du sems/ ka shi ka'i rgyal po gang yin pas mgo byin par gyur pa de 'chal ba'i shes rab yin nam/ gsol pa/ bcom ldan 'das de ni ma lags so// bka' stsal pa/ mi pham pa ngas pha rol tu phyin pa drug dang ldan pa'i mdo gang dag bstan pa de dag ci byang chub 'thob par 'gyur ba ma yin nam/ gsol pa/ bcom ldan 'das byang chub thob par 'gyur ba lags so// bka' stsal pa/ mi pham pa khyod kyis bskal pa drug cur sbyin pa'i pha rol tu phyin pa la spyad/ bskal pa drug cur tshul khrims kyi pha rol tu phyin pa la spyad/ bskal pa drug cur bzod pa'i pha rol tu phyin pa la spyad/ bskal pa drug cur brtson 'grus kyi pha rol tu phyin pa la spod/ bskal pa drug cur bsam gtan gyi pha rol tu phyin pa la spyad na/ de la mi blun po dag 'di skad du 'di lta ste/
- 163a
/ mi dmigs pa'i tshul gcig sus byung chub thob bo zhes zer te/ de ban spyod pa yongs sum dag pa yin/ tshig cam skyes dag par sems kyang / thub pa snying por byed pa ma yin/ ngag gi las lhur len gyi nan tan las ring ba yin te/ phrag dog can du gyur pa chags par gnas pa nye dul gdub yin no// mi pham par yang mgo byin pas dga' ba tsam du 'khor los sgyur ba'o rgyal sring theb pas ma yin na/ de la mi blun po zang zad la ser sna byed pa de dag gzhan gyi khyim rnams su dong nas/ 'di skad du byang chub tu ni 'di ltar spyad do// 'di ni byang chub sems dpa'i spyod pa ste/ 'di ni tshul lo// gzhan ni tshul ma yin no// chos kyi tshul 'di ni chos smra ba phal chen gyis kyang shes so zhes zer te/ de dag rnyed pa dang bkur sti'i phyir chos smra ba dag la kun nas mnar sems mang po 'byung ngo / / mi pham pa 'tshe ba can gyi mi de dag ni bskal brgyas kyang 'thun pa'i bzod pa thob par nga mi smra na/ byang chub lta smos kyang ci dgos te/ mi pham pa g.yo dang ldan pa la byang chub med do// phrag dog can la med do// rim gro med pa la med do// yang dag pa'i shes pa med pa la med do// khyim sun par byed pal med do/ / gnyis su spyod pa la med do// mi pham pa mi blun po de dag ni nga bas kyang ches mkhas par khas 'che zhing / nyan thos kyi chos sam/ rang sangs rgyas kyi chos gang
- 163b
yin pa'i chos de ni/ de bzhin gshegs pas gsungs pa ma yin no zhes zer ro// de nas bcom ldan 'das kyis/ tshe dang ldan pa rab 'byor la bka' sprul pa/ rab 'byor gnyis su med par spyod pa la shes rab kyi pha rol tu phyin pa yod mod/ gsol pa/ bcom ldan 'das de lta lags so// bka' stsal pa/ rab 'byor mi gnas pa la byang chub yod mod gsol pa bcom ldan 'das de lta lags so/ / bka' stsal pa/ rab 'byor spros pa med pa la byang chub yod mod/ gsol pa/ bcom ldan 'das de lta lags so// bka' stsal pa/ rab 'byor nye du la gdu ba'i phyir ngo tsha med pa de dag gis 'di lta ste/ dbul por 'gyur ba'i las kyi rnam par smin pa ji tsam yongs su bzung bar sems pa la ltos/ mi pham pa gzhan yang byang chub sems dpa' ches thams cad nyan thos kyi chos so zhes skrag par mi bya'o/ / chos thams cad rang sangs rgyas kyi chos so zhes skrag par mi bya'o// chos tham da sangs rgyas kyi chos so zhes skrag par mi bya'o/ / mngon par zhen par mi bya'o// chos thams cad nyan thos kyi chos ma yin no zhes sdug par mi bya'o// chos thams cad sangs rgyas kyi chos so zhes skrag par mi bya'o/ / chos thams cad sangs rgyas kyi chos ma yin no zhes skrag par mi bya'o// mngon par zhen par mi bya'o// chos thams cad so so'i skye bo'i chos so/
- 164a
zhes skrag par mi bya'o// chos thams cad so so'i skye bo'i chos ma yin no zhes skrag par mi bya'o// chos thams cad kun nas nyon mongs pa'i chos so zhes skrag par mi bya'o/ / chos thams cad kun nas nyon mongs pa med pa'i chos so zhes skrag par mi bya'o// chos thams cad rnam par byang ba'i chos so zhes skrag par mi bya'o// chos thams cad rnam par byang ba med pa'i chos so zhes skrag par mi bya'o/ / chos thams cad nye bar len pa'i chos so zhes skrag par mi bya'o// chos thams cad nye bar len pa med pa'i chos so zhes skrag par mi bya'o/ / chos thams cad bya ba dang bcas pa'i chos so zhes skrag par mi bya'o// chos thams cad bya ba med pa'i chos so zhes skrag par mi bya'o// chos thams cad gsar pa'i chos so// zhes skrag par mi bya'o// chos thams cad gsar pa ma yin pa'i chos so zhes skrag par mi bya'o// chos thams cad srid pa'i chos so zhes skrag par mi bya'o// chos thams cad srid pa med pa'i chos so zhes skrag par mi bya'o/ / chos thams cad sems kyi chos so zhes skrag par mi bya'o// chos thams cad sems med pa'i chos so zhes skrag par mi bya'o// chos thams cad sems pa'i chos so zhes skrag par mi bya'o/ / chos thams cad sems pa med pa'i chos so zhes skrag par mi bya'o// chos thams cad las kyi chos so zhes skrag par mi bya'o// chos
- 164b
thams cad las med pa'i chos so zhes skrag par mi bya'o/ / chos thams cad rnam par smin pa'i chos so zhes skrag par mi bya'o// chos thams cad rnam par smin pa med pa'i chos so/ zhes skrag par mi bya'o// chos thams cad bzod pa'i chos so zhes skrag par mi bya'o// chos thams cad bzod pa med pa'i chos so zhes skrag par mi bya'o// chos thams cad thar pa'i chos so zhes skrag par mi bya'o/ / chos thams cad thar pa med pa'i chos so zhes skrag par mi bya'o// chos thams cad rnal 'byor gyi chos so zhes skrag par mi bya'o// chos thams cad rnal 'byor med pa'i chos so zhes skrag par mi bya'o/ / chos thams cad 'phags pa'i chos so zhes skrag par mi bya'o// chos thams cad 'phags pa med pa'i chos so zhes skrag par mi bya'o/ / chos thams cad sems can gyi chos so zhes skrag par mi bya'o// chos thams cad sems can med pa'i chos so zhes skrag par mi bya'o// chos thams cad gzung ba'i chos so zhes skrag par mi bya'o/ / chos thams cad gzung du med pa'i chos so zhes skrag par mi bya'o// chos thams cad bden pa'i chos so zhes skrag par mi bya'o// chos thams cad bden pa med pa'i chos so zhes skrag par mi bya'o/ / chos thams cad tshul bzhin gyi chos so zhes skrag par mi bya'o// chos thams cad tshul bzhin med pa'i chos so zhes skrag par
- 165a
mi bya'o/ / chos thams cad brtan pa'i chos so zhes skrag par mi bya'o// chos thams cad mi brtan pa'i chos so zhes skrag par mi bya'o// mi pham pa ngas byang chub kyi snying por chos nyid mngon par rdzogs par sangs rgyas te/ chos kyi yul thams cad mkhyen kyang dmigs pas ma yin no// chos thams cad kyi ngo bo nyid kun tu mkhyen kyang mngon par zhen pas 'jig rten la chos mi ston to/ / byang chub sems dpa' rnams la chos rnams kyi snang ba thob par bya ba dang / gzungs dang / chos kyi phyag rgya rnams bskyed pa'i phyir/ ngas de bzhin nyid rnam par dkrugs pa med/ chos rnams bsal ba ma byas/ gzhag pa ma byas mi pham pa ngas gling bzhi pa chen po'i 'jig rten gyi khams 'dir 'og min gyi gnas man chad du chos bstan pa'i tshe/ sems can rnams 'di snyam du/ de bzhin gshegs pa ni bdag cag kho na la chos ston to snyam mo// de bzhin du sbyar te/ gling bzhi pa gnyis dang / de bzhin du stong gsum gyi stong chen po'i 'jig rten gyi khams su chos bstan pa'i tshe/ sems can rnams 'di snyam du/ de bzhin gshegs pa ni bdag cag kho na la 'di na de bzhin gshegs pa chos ston to/ / 'dir de bzhin gshegs pa skyes so// 'dir chos kyi 'khor lo bskor ro// chos kyi 'khor lo bskor nas chos ston to snyam mo// mi pham pa 'di la nga ni thabs 'dis
- 165b
'jig rten gyi khams mtha' yas mu med pa dag tu snga dro'i dus kyi tshe/ yang chos ston cing de ltar sangs rgyas kyi mdzad pa mdzad de/ nyi ma gung gi dus kyi tshe yang de ltar sangs rgyas kyi mdzad pa mdzad do/ / phyi dro'i dus kyi tshe yang de ltar sangs rgyas kyi mdzad pa mdzad de/ chos thams cad dang / sems can thams cad dang / 'jig rten gyi khams thams cad du/ de bzhin gshegs pa'i spyan thogs pa mi mnga' bar gzigs pa dang / shes rab dang ye shes kyi gzigs pa 'jug ste/ de ltar sangs rgyas kyi yul bsam gyis mi khyab cing tshad med na/ de la la la dag 'di ltar chos spong ba la gnas pas/ byang chub sems dpas 'di la ni bslab par bya'o// 'di la ni bslab par mi bya'o zhes zer te/ gang su dag chos spong bar gnas pa de dag ni sangs rgyas la skur pa 'debs par gnas pa yin/ gang dag sangs rgyas la skur pa 'debs par gnas pa de dag ni 'di lta ste/ ngan song gi g.yang sa'i sa la gnas pa yin te/ de dag ni chos kyis 'phongs par 'gyur ba la gnas pa yin no// mi pham pa de lta bas na/ de bzhin gshegs pa'i thabs mkhas pas bstan pa'i chos la bdag bsrung bar bya'o// de nas 'jam dpal gzhon nur gyur pa dang / byang chub sems dpa' shes rab kyi phung po yang dag grub dang / byang chub sems dpa' mthong ba don yod dang / byang chub sems
- 166a
dpa' gcig tu spobs pa rnam par nges pa'i blo gros dang / byang chub sems dpa' shin tu rnam par nges pa'i sems ston pa'i blo gros dang / byang chub sems dpa' shes rab spobs pas smras pa dang / byang chub sems dpa' 'jigs bral yang dag gsal byed dang / byang chub sems dpa' mchog tu dga' ba'i rgyal po dang / byang chub sems dpa' khengs med gnas dang / byang chub sems dpa' sangs rgyas kyi zhing mtha' yas pa'i cho ga sems pa dang / byang chub sems dpa' spyan ras gzigs dbang phyug dang / byang chub sems dpa' spos kyi glang po che dang / byang chub sems dpa' ba glang spos kyi glang po che dang / byang chub sems dpa' gzi brjid dbyings kyi dbang phyug dang / byang chub sems dpa' sgrib pa thams cad rnam par sel ba dang / byang chub sems dpa' brtson pa mi gtong bar gnas pa dang / byang chub sems dpa' yon tan brgya stong brgyan dang / byang chub sems dpa' thams cad mkhyen gyi ye shes la rmongs pa med par sems pa dang / byang chub sems dpa' brjod pa grags pa'i tog gi rgyal mtshan dang / byang chub sems dpa' chos thams cad kyis phan gdags pa dang / byang chub sems dpa' sangs rgyas kyi yul dang ma bral bar gnas pa dang / byang chub sems dpa' tsan dan gyis brgyan pa'i gzi brjid kyis btul bas
- 166b
rnam par gnon pa dang / byang chub sems dpa' 'jig rten kun gyi mchod grags dang / byang chub sems dpa' nyi shu po de dag gis/ bcom ldan 'das la 'di skad ces gsol to// bcom ldan 'das de de lta lags so// bde bar gshegs pa de de lta lags te/ bdag cag kyang shar phyogs kyi sangs rgyas kyi zhing gang+gA'i klung drug cu'i bye ma snyed du mchis te/ sangs rgyas bcom ldan 'das la bsnyen bkur bgyis na/ thams cad na'ang bcom ldan 'das nyid chos ston pa mdzad do// de bzhin du phyogs bcu'i 'jig rten gyi khams rnams su mchis na'ang de bzhin du sems can rnams la chos ston pa mdzad do/ / bcom ldan 'das de dag tu bdag cag gis gdugs bdun du sangs rgyas kyi zhing du rgyu ba bgyis na/ sangs rgyas gzhan ma mthong nas/ slar 'dir chos nyan du mchis so// de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal ltos/ de bzhin gshegs pa'i yul dang / ye shes ni de ltar tshad med/ sangs rgyas kyi yul ni de ltar bsam gyis mi khyab/ de ltar de bzhin gshegs pa ni de bzhin gshegs pa'i chos rnams kyis mi mnyam pa dang mnyam na/ 'jam dpal de la skyes bu blun po de dag 'di skad du/ 'di lta ste/ byang chub sems dpa' rnams kyi de bzhin gshegs pa'i phyir spyod pa ni shes rab
- 167a
kyi pha rol tu phyin pa'o zhes zer ro/ / 'jam dpal 'di lta ste/ byang chub sems dpa'i spyod pa ni dpag tu med pa'i spyod pa'o// 'di lta ste/ byang chub sems dpa'i spyod pa ni mnyam pa med pa'i spyod pa'o/ / 'di lta ste/ byang chub sems dpa'i spyod pa ni yongs su 'dzin pa med pa'i spyod pa'o// 'di lta ste/ byang chub sems dpa'i spyod pa ni mi 'dor ba'i spyod pa'o/ / byang chub sems dpa'i spyod pa ni dom bcas pa la brtan zhing lhag pa'i bsam pa yongs su dag pa'i spyod pa'o// byang chub sems dpa'i spyod pa ni gzhan la phan gdags pas yongs su mi skyo ba'i spyod pa'o/ / 'jam dpal byang chub sems dpa' rnams kyi spyod pa yongs su dag pa 'di lta bu ni nga'i chos yin na/ de'i tshe mthong dka' bar 'gyur ro// 'jam dpal de lta bas na skyes bu dam pa nyi shu po khyed thams cad kyis/ ci nas kyang nga'i byang chub bskal pa grangs med pa'i bye bar yang dag par bsgrubs pa'i thabs mkhas pas bstan pa 'di gzhan gyis shes par 'gyur bar chos yang dag par blangs pa la gnas te bag yod par bya'o/ / dam bcas pa la brtan par bya'o// khong khro ba med pa'i sems su bya'o// sems can dag 'di lta ste/ chos spong ba'i g.yang sa chen por mi ltung bar bya'o// de nas 'jam dpal gyis gsol pa/ bcom ldan 'das chos spong ba zhes bgyi ba gang lags/ bcom
- 167b
'das kyis bka' stsal pa/ 'jam dpal gang de bzhin gshegs pas gsungs pa'i bka' la la ni bzang bar 'du shes/ la la ni den par 'du shes pa de ni chos spong ba'o// gang chos spong ba des chos spangs pas/ de bzhin gshegs pa la skur pa 'debs pa yin/ dge 'dun la ngan du brjod pa yin no// 'di ni rigs pa'o// 'di ni mi rigs pa'o zhes zer na/ chos spong ba yin no// 'di ni byang chub sems dpa' rnams kyi ched du gsungs pa'o// 'di ni nyan thos rnams kyi ched du gsungs pa'o zhes zer na/ chos spong ba yin no// 'di ni rang sangs rgyas rnams kyi ched du gsungs pa'o zhes zer na/ chos spong ba yin no// 'di ni byang chub sems dpa'i bslab pa'o// 'di ni byang chub sems dpa'i bslab pa ma yin no zhes zer na/ chos spong ba yin no// spobs pa yod do zhes 'am/ spobs pa med do zhes zer na/ chos spong ba yin no// chos ni chos ma yin par ston to zhes zer na/ chos spong ba yin no// sangs rgyas 'byung ba med par yang gzungs thob ces zer na/ chos spong ba yin no// gzungs thob pa'i thob pa ni yongs su dag pa ma yin no zhes zer na/ chos spong ba yin no// chos smra ba'i spyod pa nyes par byas pa dang ldan no zhes zer na/ chos spong ba yin no// chos smra ba bsgrub pa phun sum tshogs pa ma yin no zhes zer na/ chos spong ba yin no// pag
- 168a
med pas gleng na/ chos spong ba yin no// spyod lam gyis glengs na/ chos spong ba yin no// spyod pa dang tshul khrims nyams pas glengs na/ chos spong ba yin no// spobs pas go bar mi byed do zhes zer na/ chos spong ba yin no// snang ba legs par ma bshad do zhes zer na/ chos spong ba yin no// khong du ma chud pas tshig dang tshig tu 'gal bar byas so zhes zer na/ chos spong ba yin no// yi ge'i ming gis de bzhin gshegs pa'i bka' la 'jug go zhes zer na/ chos spong ba yin no// mdo sde dang mdo sder 'gal bar byas so zhes zer na/ chos spong ba yin no// tshogs su bcad pa dang tshigs su bcad par 'gal bar byas zhes zer na/ chos spong ba yin no// don la la la mos shing don la la lam mos na/ chos spong ba yin no// chos 'chad pa'i tshe gtam gzhan du bsgyur na/ chos spong ba yin no// dkrugs ma byed na/ chos spong ba yin no// kun tu rtogs pas smra na/ chos spong ba yin no// 'di la spyad 'di la mi spyad ces zer na/ chos spong ba yin no// 'di ni rigs 'di ni mi rigs zhes zer na// chos spong ba yin no// 'jam dpal nyan thos rnams kyi spobs pa gang ji snyed pa dang / byang chub sems dpa' rnams kyi spobs pa gang ji snyed pa de dag thams cad ni de bzhin gshegs pa'i mthu yin no// 'jam dpal ngas ni nyan thos
- 168b
rnams kyi spobs pa gang ji snyed pa dang / byang chub sems dpa' rnams kyi spobs pa gang ji snyed pa de dag thams cad de bzhin gshegs pa'i mthu las 'byung bar smon lam legs par btab pa yin/ 'jam dpal nga ni byang chub tu yang smon lam legs par btab pa yin na/ 'di ltar mi blun po de dag ngan song du 'gro bar bdud kyis byin gyis brlabs pa'i phyir de la'ang skyon 'dogs par sems so/ / de bzhin gshegs pas gnang ba'i chos smra ba de dag la'ang skyon 'dogs par sems so// rnyed pa'i phyir khyim bsrung bar gnas pa yin gyis/ de bzhin gshegs pa'i bstan pa bsrung ba'i phyir gnas pa ma yin/ rigs la gdubs bram ze dang / khyim bdag rnams la smra ba ni 'di skad khyod kyis legs par smras so// khyod kyis de bzhin gshegs pa'i bka' legs par rtogs so zhes zer te/ phyogs kyi yang phyogs gcig smras pa la rjes su yi rang ba'i gzhis de dag chos spong bar gyur pas/ 'di lta ste/ ngan song chen por 'gro bar 'gro ba mtshungs par 'gyur ro// 'jam dpal mngon par zhen pa la byang chub sems dpa'i spyod pa'o zhes nga mi smra'o// khyim la chags pa'i 'tsho ba rnam par dag pa zhes nga mi smra'o/ / gnyis su ston pa rnams chos kyis 'phongs par 'gyur ba las grol bar nga mi smra'o// gcig tu ston pa rnams ngan song las grol bar nga mi smra'o// /
- 169a
smra ba la dga' ba rnams yongs su dag pa'o zhes nga mi smra'o// 'jam dpal ngas ni pang+gA'i klung gi bye ma ji snyed pa de snyed kyi chos kyi sgo rnams mi dmigs pa'i tshul gyis bstan te/ 'jam dpal gang+gA'i klung gi bye ma ji snyed pa de snyed kyi chos kyi sgo rnams ngas dmigs pa'i tshul gyis ma bstan to// 'jam dpal ngas ni stong pa nyid la mos pa rnams la gang+gA'i klung gi bye ma ji snyed pa de snyed kyi chos kyi sgo rnams bstan to/ / ngas ni sems can du 'du shes pas de snyed du chos kyi sgo rnams bstan to// ngas ni mtshan ma med pa'i sgo nas de snyed chos kyi sgo rnams bstan to/ / ngas ni rnam par rtog pa'i sgo nas de snyed kyi chos kyi sgo rnams bstan to// ngas ni smon pa'i sgo nas de snyed kyi chos kyi sgo rnams bstan to// ngas ni smon pa med pa'i sgonas de snyed kyi chos kyi sgo rnams bstan to/ / ngas ni gang zag gi sgo nas de snyed kyi chos kyi sgo rnams bstan to// ngas ni gang zag med pa'i sgo nas de snyed kyi chos kyi sgo rnams bstan to/ / ngas ni 'jug pas de snyed de ldog pas de snyed dang / ngas ni yod pas de snyed dang / med pas de snyed dang / ngas ni 'dus byas kyi de snyed dang / 'dus ma byas kyis de snyed dang / ngas ni drang bas de snyed dang / drang ba med pas de snyed dang / ngas ni gsang bas de snyed dang / gsang ba med pas de snyed dang / ngas ni 'khor ba'i sgo de snyed dang / mya ngan las
- 169b
'das pa'i sgo de snyed dang / ngas ni 'jig rten de snyed dang / ngas ni 'jig rten las 'das pa de snyed dang / ngas ni 'dod chags kyi sgo de snyed dang / ngas ni zhe sdang gi sgo de snyed dang / ngas ni gti mug gi sgo de snyed dang / 'jam dpal ngas ni pang+gA'i klung gi bye ma ji snyed pa de snyed kyi spang ba'i sgo'i chos kyi sgo rnams bstan to// 'jam dpal thams cad kyang 'di lta ste/ mi rtag pa'i tshul du shes rab kyi pha rol tu phyin pa'i tshul yin na/ de la phyogs kyi yang phyogs gcig shes pas/ de bzhin gshegs pa la skur pa 'debs so// de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das gal te la la zhig sdig pa'i grogs po'i dbang gis chos spong ba 'di lta bu 'di bgyis par gyur na/ bcom ldan 'das de tshe 'di nyid la ji ltar thar par gyur/ de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal gal te lo bdun gyi bar du nyin gcig cing dus gsum du nyes par bshags na/ de'i 'og tu byang bar 'gyur te/ de phyin chad nyung na bskal pa bcus bzod pa thob par 'gyur ro// 'jam dpal gal te byang chub sems dpa'i theg pa pa'i rigs kyi bu 'am/ rigs kyi bu mo zhig chos kyi rnam grangs 'di ma bzung ma bklags par smra na/ chos kyis 'phongs par 'gyur
- 170a
kha las ma smas par thar pa shin tu dka' 'o/ / de lta bas na byang chub sems dpas 'di la bslabs nas/ phyis chos bstan par bya ste/ de ltar na de ma smras par 'gyur ro/ / 'jam dpal byang chub sems dpas mnyam pa nyid bzhi khong du chud par bya ste/ bzhi gang zhe na/ sems can mnyam pa nyid dang / chos mnyam pa nyid dang / byang chub mnyam pa nyid dang / lhag mthong mnyam pa nyid de/ mnyam pa nyid bzhi po de dag byang chub sems dpas khong du chud par bya'o// gang zhig mnyam pa nyid bzhi po de dag khong du ma chud par smra na/ ci smra yang de dag smra bar 'gyur ro// gzhan yang chos bzhi dang ldan na/ byang chub sems dpa' sems dpa' chen po rigs kyi bu 'am/ rigs kyi bu mo ma smas par thar par 'gyur te/ bzhi gang zhe na/ sems can thams cad la khong khro ba med pa'i sems dang / shes pas mos pa dang / chos smra ba rnams la 'gal bar mi byed pa dang / pha rol mi spong ba dang / de bzhin gshegs pas gsungs pa thams cad la gus pa yin te/ chos bzhi po de dag dang ldan na/ rigs kyi bu 'am/ rigs kyi bu mo de ma smas par thar par 'gyur ro/ / 'jam dpal byang chub sems dpa' gang zhig gis bskal pa pang+gA'i klung gi bye ma snyed du/ sangs rgyas kyi zhing thams cad rin po che sna bdun
- 170b
gyis brgyan te/ sangs rgyas bcom ldan 'das gang+gA'i klung gi bye ma snyed la nyin gcig bzhin du dbul ba phul ba bas/ gang zhig gis rnam par 'thag pa thams cad bsdus pa'i mdo'i chos kyi rnam grangs 'di bris shing glegs bam du byas te tha na lan gsum bklags na/ 'di ni de bas bsod nams kyi phung po ches mang du skyed par 'gyur ro// de ci'i phyir zhe na/ byang chub sems dpa' gang rnam par 'thag pa thams cad bsdus pa'i mdo 'di la bslabs pa'i bsod nams kyi phung po dang mnyam po'i sbyin pa dang / tshul khrims dang bzod pa dang / brtson 'grus dang / bsam gtan dang / shes rab de med do// chos kyi rnam grangs 'di bshad pa na/ byang chub sems dpa' gang+gA'i klung sum cu'i bye ma snyed mi skye ba'i chos la bzod pa thob par gyur to/ / byang chub sems dpa' gang+gA'i klung bdun cu'i bye ma snyed ni bla na med pa yang dag par rdzogs pa'i byang chub las phyir mi ldog par gyur to/ / stong gsum gyi stong chen po'i 'jig rten gyi khams 'di'i sems can khrag khrig brgya stong phrag drug cus chos kyi rnam grangs 'di la yi rang nas/ byang chub tu go cha chen p o bgos pas de dag thams cad bskal pa brgyad dur 'khor ba 'khor nas thams cad kyang bskal pa brgyad cus bla na med pa yang dag par rdzogs pa'i byang chub mngon par rdzog
- 171a
bar 'chang rgya bar 'gyur ro/ / byang chub sems dpa' dag nan+ya tan gyis bsgrub na/ chos kyi rnam grangs 'di de ltar don che zhing de ltar 'bras bu che ste/ ngan yon che la gsal pa che zhing rgyas pa che'o/ / 'jam dpal de lta bas na khyed kyis chos kyi rnam grangs 'di la bslabs te/ phyi ma'i dus na chos gzung bar bya'o// de ltar na khyed ma smras par thar par 'gyur ro/ / de nas chos smra ba nyi shu po de dag gis/ bcom ldan 'das la 'di skad ces gsol to// bcom ldan 'das chos kyi rje/ chos kyi rgyal po// bcom ldan 'das kyis ji skad bka' stsal pa de bzhin du bgyi'o/ / sangs rgyas kyi mthu dang / sangs rgyas kyi byin gyi rlabs kyis/ de bzhin gshegs pa'i bka' legs par rab tu bsgrub par bgyi'o/ / bcom ldan 'das kyis de skad ces bka' stsal nas/ 'jam dpal gzhon nur gyur pa dang / byang chub sems dpa' sems dpa' chen po de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa rnam par 'thag pa thams cad bsdus pa zhes bya ba theg pa chen po'i mdo rdzogs so/ / / zhu chen gyi lo tsa ba ban+d+he ye shes sde la sogs pas bsgyur cing zhus te
- 171b
gtan la phab pa'o/ / / @rgya gar skad du/ Ar+ya shrI ba su pa ri prits+tsha nA ma ma hA yA na sU tra/ bod skad du/ 'phags pa dpal dbyig gis zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom 'das wA ra Na si na drang srong smra ba ri dgas kyi nags na/ byang chub sems dpa'i dge 'dun dang / nyan thos kyi dge 'dun chen po dang thabs cig tu bzhugs te/ de nas tshong dpon gyi bu dpal dbyig ces bya ba wA ra Na si'i grong khyer chen po nas byung nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas phyogs gcig tu 'dug go// phyogs gcig tu 'dug nas/ tshong dpon gyi bu dpal dbyig gis bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ji snyed cig 'das shing gshegs lags/ bcom ldan 'das kyis bka' stsal pa// tshong dpon gyi bu de bzhin gshegs pa dgra bcom pa yang dag par rdzogs pa'i sangs rgyas dpag tu med grangs med pa 'das
- 172a
shing gshegs te/ dper na gang+gA'i klung gi bye ma snyed do// gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ji snyed cig skye zhing 'byung bar 'gyur lags/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ji snyed cig da ltar bzhugs te/ 'tsho zhing gzhes lags/ bcom ldan 'das kyis bka' sprul pa// tshong dpon gyi bu de bzhin gshegs pa dgra bcom pa yang dag par rdzogs pa'i sangs rgyas dpag tu med grangs med pa skye zhing 'byung bar 'gyur te/ dper na gang+gA'i klung gi bye ma snyed do// tshong dpon gyi bu de bzhin gshegs pa dgra bcom pa yang dag par rdzogs pa'i sangs rgyas dpag tu med grangs med pa da ltar bzhugs la 'tsho zhing gzhes te/ dper na gang+gA'i klung gi bye ma snyed do// de skad ces bka' sprul pa dang / bcom ldan 'das la/ tshong dpon gyi bu dpal dbyig gis 'di skad ces gsol to/ / bcom ldan 'das de lta mi brgya'am/ mi stong ngam/ mi 'bum gyis sngon 'bang de brtsal bas/ yang dag par rdzogs pa'i byang chub thob par gyur na bcom ldan 'das bdag gis kyang 'bad de brtsal na/ ci'i slad du da mi thob/ mi rtogs kyis de'i slad du thugs brtse bar dgongs te/ las dang po pa'i byang chub sems dpas
- 172b
ji ltar bgyi ba dang / ji ltar gnas par bgyi ba dang / ji ltar bsgrub par bgyi ba bcom ldan 'das kyis bdag la de ltar legs par bstan du gsol/ de skad ces gsol pa dang / bcom ldan 'das kyis/ tshong dpon gyi bu dpal dbyig la 'di skad ces bka' stsal to// tshong dpon gyi bu legs so legs so// khyod kyi rtog pa mdzes so// spobs pa dge'o// tshong dpon gyi bu de'i phyir legs par rab tu nyon la yid la zung zhig/ las dang po pa'i byang chub sems dpas ji ltar bya ba dang / ji ltar gnas par bya ba dang / ji ltar bsgrub par bya ba ngas khyod la bshad do/ / bcom ldan 'das legs so zhes gsol to// tshong dpon gyi bu dpal gyi dbyig bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ / tshong dpon gyi bu las dang po pa'i byang chub sems dpas ni/ nyin gcig bzhin du snying thag pa rus pa'i khong nas yid la byas te/ sems thams cad kyis bsams nas/ dus gsum du dkon mchog gsum la mchod pa dang / rim gro bya ba mi gtang bar bya'o// tshong dpon gyi bu gzhan yang las dang po pa'i byang chub sems dpas ni/ snying thag pa rus pa'i khong nas yid la byas te/ sems thams cad kyis bsams nas/ dus gsum du dkon mchog gsum la skyabs su 'gro ba'i yi dam mi gtang
- 173a
par bya'o/ / tshong dpon gyi bu gzhan yang las dang po pa'i byang chub sems dpas ni/ snying thag pa rus pa'i khong nas yid la byas te/ sems thams cad kyis bsams nas/ 'jig rten gyi khams thams cad du dkon mchog gsum gyis mi stong par dus gsum du gsol ba gdab pa mi gtang bar bya'o// 'jig rten gyi khams thams cad du dkon mchog gsum bskal pa du mar gnas par dus gsum du gsol ba gdab pa mi gtang bar bya'o/ / 'jig rten gyi khams thams cad du sems can thams cad la bskal pa du mar chos bstan par dus gsum du gsol ba gdab pa mi gtang bar bya'o/ / 'jig rten gyi khams thams cad du sems can thams cad la ci nus pa dang / ci lcogs pa dang / ji ltar gsol ba 'debs pa bzhin du/ theg pa gsum la byang chub tu sems bskyed par dus gsum du gsol ba gdab pa mi gtang bar bya'o// 'jig rten gyi khams thams cad kyi khongs su gtogs pa'i sems can thams cad bsgral ba'i phyir/ dge ba'i rtse ba thams cad myur zhing rings par yongs su rdzogs par 'gyur ba dus gsum du gsol ba gdab pa mi gtang bar bya'o/ / 'jig rten gyi khams thams cad kyi khongs su gtogs pa'i sems can thams cad kyis byang chub gsum thob par 'gyur
- 173b
bar dus gsum du gsol ba gdab pa mi gtang bar bya'o/ / 'jig rten gyi khams thams cad kyi khongs su gtogs pa'i sems can ngan 'gror skyes pa thams cad ngan 'gro thams cad nas gdon par dus gsum du gsol ba gdab pa mi gtang bar bya'o/ / 'jig rten gyi khams thams cad kyi khongs su gtogs pa'i sems can thams cad kyi sdig pa thams ca spong bar 'gyur bar dus gsum du gsol ba gdab pa mi gtang bar bya'o/ / 'jigs pa thams cad spong bar 'gyur bar gsol ba gdab pa dang / sdug bsngal ba dang / yid mi bde ba dang / 'khrug pa spong bar 'gyur bar dus gsum du gsol ba gdab pa mi gtang bar bya'o// 'das pa dang / ma 'ongs pa dang / da ltar byung ba'i sangs rgyas dang / byang chub sems dpa' dang / rang sangs rgyas dang / 'phags pa nyan thos la sogs pa'i thams cad dang / sems can thams cad kyi dge ba'i rtsa ba thams cad la dus gsum du rjes su yi rang ba mi gtang bar bya'o/ / tshong dpon gyi bu gzhan yang las dang po pa'i byang chub sems dpas ni/ snying thag pa rus pa'i khong nas yid la byas te/ sems thams cad kyis bsams nas/ dus gsum du rdzogs pa'i byang chub tu smon pa dang / bdag nyid sdig pa'i spong ba la rnam par smad pa dang / sdig pa spyod pa
- 174a
la gshung ba dang / sdig pa las nges par 'byung ba dang / dge ba thams cad 'dod pa dang / dge ba thams cad blang ba dang / tshe rabs tshe rabs su yang dkon mchog gsum la bsnyen bkur bya bar gsol ba gdab pa dang / gcig tu nges par rnam par dag pa'i dge ba spyad par gsol ba btab pa dang / yang dag par rdzogs pa'i byang chub kyi tshogs yongs su rdzogs par bya bar gsol ba gdab pa dang / sangs rgyas kyi chos thams cad thob par gsol ba gdab pa dang / chos kyi 'khor lo bskor bar gsol ba gdab pa dang bskal pa du mar chos bstan par gsol ba gdab pa mi gtang bar bya'o/ / tshong dpon gyi bu gzhan yang las dang po pa'i byang chub sems dpas ni/ pha ma la gnod pa med pa dang / bu dang / chung ma dang / bran pho dang / bran mo dang / las byed pa dang / zho shas 'tsho ba dang / mdza' po dang / blon po dang / nye du dang / rgan rabs la gnod pa med par ji ltar mos pa dang / ci nus par dus dus su sbyin pa sbyin par bya'o// tshong dpon gyi bu gzhan yang las dang po pa'i byang chub sems dpas ni bslab pa'i gzhi lnga la gnas shing 'dug pa dang / brtan por 'dug pa dang / mi lhod par 'dug par bslab par bya'o// gal te bslab pa'i gzhi lnga la slob mi nus na yang / des bzhi 'am/ gsum mam/
- 174b
gnyis sam/ de'i nang nas bslab pa'i gzhi gcig tsam la'ang bsgrub par bya'o// gal te bslab pa'i gzhi gcig tsam la slob kyang mi nus na/ de sdig pa'i las mi dge ba gang dang gang kun tu spyod pa de la gzhen pa ma yin pa dang / drag po ma yin pa'i sems dang / mi dga' bzhin pa dang / lhod pa dang / yang ba'i sems dang / don gyi dbang dang / dgos pa'i dbang gis spyad par bya ste/ des mi dge ba bcu'i las khro ba'i dbang du gyur pa dang / khon du 'dzin pa'i dbang du gyur pa dang / dga' ba dang / mchog tu dga' ba'i dbang du gyur pas kun tu spyad par mi bya'o/ / kun tu spyad par 'dod na yang rnam par smad par bya'o// rnam par gshung bar bya'o// spyod cing 'dug pa na yang rnam par spyad par bya/ rnam par gshung bar bya'o/ / spyad zin pa na yang rnam par smad par bya/ rnam par gshung bar bya/ so sor bshags par bya/ nges par 'byung bar bya'o// legs par dge ba ci'ang rung ba zhig kun tu spyod pa na yang des ni de la sems zhen pa dang / drag po'i sems dang / tshim pa dang / mgu ba dang / lhod pa ma yin pa dang / yang ba ma yin pa dang / bar chad med pa dang / dad pa dang / dga' ba dang / dang ba dang / mchog tu dga' ba'i dbang du gyur pa'i sems kyis kun tu spyad par bya'o// kun tu spyad par 'dod pa na yang snying thag pa rus pa'i khong nas yid la byas
- 175a
te/ sems thams cad kyis bsams nas/ sems can thams cad bsgral ba'i phyir dang / dgrol ba'i phyir dang / dbyugs dbyung ba'i phyir dang / yongs su mya ngan las bzla ba'i phyir dang / thams cad mkhyen pa nyid thob par bya ba'i phyir/ sangs rgyas kyi chos thams cad yongs su rdzogs par bya ba'i phyir/ bla na med pa yang dag par rdzogs pa'i byang chub tu yongs su bsngo bar bya'o/ / des dge ba kun tu spyad pa 'das pa dang / ma 'ongs pa dang / da ltar byung ba thams cad la yang snying thag pa rus pa'i khong nas yid la byas te/ sems thams cad kyis bsams nas/ mngon par bsdus te bzlums nas rjes su yi rang bar bya'o// rjes su yi rang ba'i mchog dang / phul dang / gtso bo dang / rab dang / rab mchog dang gya nom pa dang / dam pa dang / mnyam pa med pa dang / mi mnyam pa dang mnyam pa dang / nam mkha' dang mnyam pa dang / mya ngan las 'das pa dang mnyam pa'i rjes su yi rang bas rjes su rang bar bya'o/ / rjes su yi rang nas kyang dge ba kun tu spyad pa de yang / sangs rgyas dang / byang chub sems dpa' dang / rang sangs rgyas dang / nyan thos thams cad la dbul bar bya'o// phul nas kyang sems can thams cad dang thun mong du bya zhing / sems can thams cad bskal ba'i phyir dang / dgrol ba'i phyir dang / dbugs dbyung ba'i phyir dang / yongs su mya
- 175b
/ ngan las bzla ba'i phyir dang / sangs rgyas kyi chos thams cad yongs su rdzogs par bya ba'i phyir dang / thams cad mkhyen pa nyid 'thob par bya ba'i phyir/ nyin gcig bzhin du dus gsum du bla na med pa yang dag par rdzogs pa'i byang chub tu yongs su bsngo bar ba'o/ / des ka shi ka'i gos dang / tsan da na dang / a ka ru'i bdug pa la sogs pa dang / yo byad rnam pa sma tshogs nyams su myong ngam/ 'dod pa'i yon tan lnga la dga' dgur spyod dam/ lam du 'gro ba'am/ las byed dam/ bya ba thams cad byed pa na yang bla na med pa yang dag par rdzogs pa'i byang chub tu 'dun pa dang / dad pa dang / don du gnyer ba dang / smon pa de 'ba' zhig rtag tu rgyun mi 'chad par rjes su dran par bya'o// yid la bya'o// bsgom par bya'o// lan mang du bya'o// de ltar byas na de sdig pa mi dge ba kun tu spyod pa rnams la sems lhod par 'gyur/ yang bar 'gyur/ chung bar 'gyur/ srab par 'gyur/ gsog tu 'gyur ro// legs pa dge ba'i las kun tu spyod pa rnams la ni sems zhen par 'gyur/ drag par 'gyur/ mi lhod par 'gyur/ mi yang bar 'gyur/ mi chung bar 'gyur ro// de sdig pa mi dge ba kun tu spyod pa rnams la lhod par gyur/ yang bar gyur/ chung bar gyur/ srab par gyur/ gsog tu gyur/ med par gyur pa dang / legs pa dge ba'i rtsa ba kun tu spyod
- 176a
ba rnams la sems zhen par gyur pas/ srid pa'i 'gro ba gang dang gang du phrad pa dag tu chung bar mi 'gyur ro// 'khu ba dang / gsod pa dang / 'ching ba dang / rnam par 'tshe ba gang yin pa rnams legs par spang ba dang / 'jig rten gyi khams mtha' yas mu med pa'i khongs su gtogs pa'i sems can mtha' yas mu med pa rnams kyi thog ma med pa'i dus nas sprul ba mtha' yas par nyams su myong bar 'gyur ba'i skye ba dang / rga ba dang / na ba dang / 'chi ba'i sdug bsngal ba dang / mi sdug pa dang phrad pa dang / sdug pa dang bral ba'i sdug bsngal dang / 'dod pas 'phongs pa'i sdug bsngal dang // lha dang / mi dang / lha ma yin dang / dud 'gro dang / yi dgas dang / sems can dmyal ba'i sdug bsngal dang / 'dod chags dang / zhe sdang dang / gti mug gi sdug bsngal gcod par bya ba dang / dgag par bya ba dang / rnam par zhi bar bya ba'i phyir zhugs pa dang / byams pa'i sems su gyur pa dang / snying rje chen po'i sems su gyur pa dang / go cha chen po bgos pa dang / theg pa chen po la zhugs pa dang / sangs rgyas kyi chos rgya chen po la mos pa dang / sangs rgyas dang / chos dang / dge 'dun gyi gdung mi 'chad par nges par byed pa'i phyir/ sdig pa mi dge ba kun tu spyod pa rnams yongs su 'grib par 'gyur ba dang / chung bar 'gyur
- 176b
banas/ srab pa'i bar du 'gyur ro// legs pa dge ba kun tu spyod pa rnams ni 'phel bar 'gyur ba nas/ dpag tu med pa'i bar du 'gyur ro// de'i byang chub sems dpa' bsam pa sogs shing sgom pa yongs su rdzogs pa dang / sra ba dang / brtan po dang / rdo rje lta bur 'gyur ro// tshong dpon gyi bu de ltar na las dang po pa'i byang chub sems dpa' de go rims 'di lta bus mthar gyis srid pa 'di dang / srid pa phyi ma dang / srid pa lan grangs gzhan dag la sdig pa mi dge ba kun tu spyod pa 'grib par byed pa dang / chung ngur byed pa nas/ gsog tu byed pa'i bar dang / legs pa dge ba kun tu spyod pa 'phel bar 'gyur ba nas/ dpag tu med pa'i bar du 'gyur ba dang / byang chub sems dpa'i bsam pa yang sogs shing sgom par byed de/ legs/ pa dge ba kun tu spyad pa rnams yongs su smin par myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas de'i tshe yul da ra da nas/ dar da'i rgyal po sin du gi ri zhes bya ba'i bu bcom ldan 'das la blta ba dang / phyag bya ba dang / bsnyen bkur bya ba'i phyir wA ra Na sir song nas/ de bcom ldan 'das dang thag mi ring ba zhig na 'dug par gyur to/ / de nas dar da'i rgyal po sin du gi ri'i bu stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/
- 177a
bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das khyod kyis legs par bka' stsal to/ / bde bar gshegs pa khyod kyis legs par bka' stsal to// bcom ldan 'das byang chub kyi sems kyis gsol ba 'debs shing / snying thag pa rus pa'i khong nas yid la bgyis te/ sems thams cad kyis bsams nas/ dus gsum du gsol ba 'debs shing brjod pa gang lags pa de tsam yang / bcom ldan 'das yang dag par rdzogs pa'i byang chub kyi tshogs 'phel bar 'gyur zhing / yang dag par rab tu 'phel bar 'gyur ba dang / sogs par 'gyur ba dang / grangs ma mchis par 'gyid pa dang / byang chub sems dpa'i bsam pa yang sogs shing sgom pa dang / yongs su rdzogs par 'gyur ba dang / sra ba dang / brtan pa dang / rdo rje lta bur 'gyur na/ gong du rtsol zhing brtson pa mi matong ba lta ci smos lag bcom ldan 'das bdag kyang snying thag pa rus pa'i khong nas yid la bgyid de/ sems thams cad kyis bsams nas/ sems can thams cad bsgral ba dang / grol bar bgyi ba dang / dbugs dbyung ba dang / yongs su mya ngan las bzla ba dang / sangs rgyas kyi chos thams cad yongs su rdzogs par bgyi ba dang / thams cad mkhyen pa nyid thob par bgyi ba'i slad
- 177b
du/ yang dag par rdzogs pa'i byang chub tu smon lam 'debs te/ sems can ma rgal ba rnams grol ba/ ma grol ba rnams 'grol ba/ dbugs ma phyin pa rnams dbugs 'byin pa/ yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig/ yang dang yang du lan brgyar brnan te/ mtha' yas pa mtha' blar bla na med pa yang dag par rdzogs pa'i byang chub tu smon lam 'debs lags so/ / de nas tshong dpon gyi bu dang la dbyig gis kyang de'i rjes thogs su/ de bzhin du bla na med pa yang dag par rdzogs pa'i byang chub tu smon lam btab bo/ / bcom ldan 'das kyis de skad ces bka' stsal nas/ tshong dpon gyi bu dpal dbyig dang / da ra da'i rgyal po'i bu dang / byang chub sems dpa' de dag dang dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dpal dbyig gis zhus pa zhes bya ba theg pa chen po'i mdo rdzogs so/ / rgya gar gyi mkhan po su ren dra bo d+hi dang / pradz+nyA warma dang / zhu chen gyi lo tsa ba ban+d+he ye shes sde la sogs pas bsgyur cing nus te gtan la phab pa/ / gtsug tor chen po bam po dgu pa las bdud kyi le'u 'byung ba
- 178a
bcom ldan 'das kyis bka' stsal pa/ mtha' yas khyod kyis 'di ltar shes par gyis shig/ byang chub kyi dkyil 'khor la gnas pa ni 'du shes thams cad 'byung bar 'gyur ro/ / de nyid 'du shes spangs pa yin no// des na snying po thams cad snang bar 'gyur te/ g.yo ba rnam par dag pas gzhan du tha mi dad / dran pa brjed pas yang dag pa dang gcig go/ de kho na la gnas te ting nge 'dzin du zhugs na/ dper na mig snang ba'i me mun pa chen po'i nang na 'dug pa dang mtshungs te/ byang ba nyid shin tu gtsang mod kyi/ sems la 'od ma byung bas/ de ni gzugs kyi phung po'i khang khyim yin no// mig dag gsal bas/ phyogs bcu thogs pa med par mthong ste/ mun pa dang mi snang ba med na/ de ni gzugs kyi phung po zad pas bskal pa'i rnyog pa ma las rgal to/ / de'i don brtags na mi bden pa'i sems dam du 'dzin pa las byung ngo // sems de la bsgom pa stong zhi zhing snang gsal bar gyur na/ skad cig tu lus kyi dbang thob ste/ lus gzugs la mi thogs pa thob bo// de'i ming ni byang ba'i mthu skyes pa zad do// sems ni stong zhi zhing snang gsal na/ bdag gis lus kyi nang na ci 'dug pa kun snang ste/ bdag gis lus la glo bur du srin grol ma byung yang / lus ma gong ma nyams par mthong ste/ de yang byang snang ba'i mthu skye bar zad do//
- 178b
sems de phyi nang stong zhing zhi ba'i phyir nam mkha' stong pa las chos bshad pa'i sgra dang / phyogs bcu na chos zab mo'i don bshad pa'i sgra thos te/ de ni brla dang / pheg dang / yid dang / mi gtong ba dang / dzeng shing rnams lhan cig tu 'dug pa las/ 'du 'bral du gyur pa las byung bar zad/ sems de snang gsal zhing nang gi 'od byung ba'i phyir phyogs bcu thams cad 'dzam/ bu'i gser gyi kha dog tu gyur/ sems can sems kyi sems mi mthun pa'i rnams kyang / sangs rgyas kyi gzugs su gyur/ rnam par snang mdzad lha'i 'od kyi khang pa na bzhugs te/ sangs rgyas bcus bskor ba dang / yul dang zhing me tog dang bcas pa 'bum phrag brgya dang / de rnams skad cig tu mthong ste/ sems dang brla tsho bar rno bas/ sems kyi 'od zhib mos 'jig rten de rnams mthong bar zad do/ / sems de stong zhi zhing snang gsal ba la/ rtog cing dpyod pa la/ bar chad med pas skad cig glo bur du phyogs bcu'i rin po che sna bdun dang brgya kha dog tu gyur par mthong ste/ de ni sems mnan cing mi gtong ba la bsgoms drags pa mi gtong ba las byung bar zad/ sems stong zhi zhing snang gsal bar gyur pa'i phyir mtshan mo mun pa'i nang na ci 'dug go cog nyin par bzhin du re zhig glo bur du mthong ste/ de ni sems zhi zhing gsal bar gyur pa'i phyir mthong bar zad do// sems de stong zhing zhi ba'i phyir
- 179a
bdag gi lus rtsa shing bzhin du mtshon gyis gtubs bcad dam/ mer bsregs kyang me ni mi chog ste/ de ni chen po'i bzhi'i mtshan nyid phyir 'byung ba yin no// sems de gtsang mar gyur pa'i mthus phyogs bcu'i ri dang / gtsang po'i chu bo thams cad dang / sa gzhi thams cad sangs rgyas kyi zhing du gyur te/ nor bu rin po ches brgyan pa 'od snang bar gar yang khyab pa bye ma snyed kyi sangs rgyas nam mkha' la bzhugs pa dang mkha' la rin po che'i khang khyim dang mtshams med pa yan chad/ lha bran gyis gnas man chad sgrib pa med par mthong ste/ de ni skye ba dang / dga' ba'i sems la bsgoms pa yun rings pa las gyur par zad do// sems de la zhib tu bsgoms pa yun rings pas re zhig mtshan mo glo bur du rgyang ring po na 'dug pa'i grong du khyab pa la srid pa dang / rdul don du gyur pa dang / de rnams nyid la rtag par 'dzin te/ mu stegs bram ze ka sha ba dang / mi la rjed pa dang chu la rjed pa'i chos la mya ngan las 'das pa'i don te/ mu stegs kyi sde rnams kyi sder gyur to// byang chub kyi sems ni 'chol/ shes par lta ba ni brlag/ mu stegs lngar yul yod par 'dzin pa'i chos spyad de/ mi bden pa'i 'dra bu ni grub/ mya ngan las 'das pa la ni rgyab kyis phyogs/ log par lta ba'i rigs su ni skye'o// yang rigs kyi bu 'du byed thams cad stong par rig nas/ rnam par shes pa nyid
- 179b
la skye shi yang 'gag ste/ mi skye mi shi zhi ba'i 'gag ste/ mi skye mi shi zhi ba'i 'gog pa'i don la shin tu ma rgyas pas/ sems stong pa yin par tshor nas/ sems de la zhen te phyogs pas/ lha tshe ring po yod min med min gyi skye mched kyi gnas su skyes te/ byang chub kyi sems ni 'chol/ shes pa mthong ba ni rlag/ de'i ming drug ste/ sems la stong par 'dzin pas stong pa'i 'bras bu thob ste/ mya ngan las 'das pa la ni rgyab kyis phyogs/ 'chad cing 'gog pa'i rigs su ni skye'o// yang rigs kyi bu 'du byed thams cad stong par rig nas/ rnam par shes pa nyid la skye shi yang 'gog ste/ mi skye mi shi zhi ba'i 'gog pa'i don la shin tu ma rgyas pas lus la rtag par 'dzin te/ lus de mi 'chi mi 'chad ces zer te/ sems de la zhen par brkam pa dang / brkam pa ma yin pa a si ti tshe ring po tshol ba'i 'khor du skyes te/ byang chub kyi sems ni 'chol/ shes par lta ba ni rlag/ de ni bdun te/ tshe la chags pa'i mi bden pa'i rgyus/ lha tshe ring po'i 'bras bu rdzogs te/ mya ngan las 'das pa la ni rgyab kyis phyogs/ mi bden pa'i tshe ring po'i 'khor du skye'o// yang rigs kyi bu 'du byed rnams thams cad stong par rig nas/ rnam par shes pa nyid la skye shi yang 'gog ste/ mi skye mi shi zhi ba 'gog pa'i don la shin tu ma rgyas pa'o// tshe la thogs pa med pa thob ste/
- 180a
mya ngan zad kyis dogs nas/ pad+mo'i gdan dang / rin po che sna bdun gyi khang khyim mang du rdzus te/ sems ci 'dod pa bzhin du spyad nas de zhen pa'i phyir/ yang dag pa dang / yang dag pa ma yin pa ta ti ka la'i 'khor du 'gyur te/ byang chub kyis sems ni 'chol/ shes pa mthong ba ni rlag/ de brgyad de sems yon pos ni/ rgyu byas shin tu rgyus pa'i spyod yul ni thob/ mya ngan las 'das pa la ni rgyab kyis phyogs/ lha'i bdud kyi rigs su skye'o// yang rigs kyi bu 'du byed thams cad stong par rig nas/ rnam par shes pa nyid la skye shing yang 'gog ste/ mi skye mi shi zhi ba 'gog pa'i don la shin tu ma rgyas pas/ tshe snang ba'i nang na spyod yul med par snang ba gsal te/ bden mi bden dang / rgyu dang 'bras bu bsal phod cing yang dag pa'i gtsang gdang ba'i lam la ni rgyab kyis phyogs/ nyon mongs pa ni mthong / 'du ba ni gcad/ 'gog pa ni rog/ lam ni bsgoms/ 'gog pa la gnas te/ 'grus 'bogs kyi sems ni btang / 'gog pa la ni zhen pas/ yang dag pa'i nyan thos kyi sder gyur te/ byang chub kyi sems ni 'chol/ shes pa lta ba ni rlag/ de ni dgu ste/ sems zhi ba la gnas pas/ zhi ba'i 'bras bu ni rdzogs/ mya ngan las 'das pa la ni rgyab kyis phyogs/ stong par 'dzin pa'i rigs su ni skye'o// yang rigs kyi bu 'du byed
- 180b
thams cad stong par rig nas/ rnam par shes pa nyid la skye shi yang 'gog ste/ mi skye mi shi zhi ba 'gog pa'i don la shin tu ma rgyas pas/ yang dag pa'i sems la gtsang gdang ba/ snang // gsal bar tshor te/ de shin tu brtags pas mya ngan las 'das pa'i don yin par 'dzin te/ 'gog pa'i don la'ang shin tu ma rgyas pas/ rang gar phyogs pa la/ phyogs yod par 'dzin te/ rang gi lus dang / sems kyang gnas de la byung ngo snyam du the tsom du gyur nas/ rang gi lus kyang yang dag par rtag pa yin zhes zer te/ sems de la zhen pas rtag ces zer ba dang / mi rtag ces zer ba de la chags te/ lha mthu bo che'i sder gyur to// byang chub kyi sems ni 'chol/ shes pa mthong ba ni rlag/ de'i ming ni gsum sems la gnas pas/ mi bden pa'i 'bras bu 'byung ba zhes bya ste/ mya ngan las 'das pa la ni rgyab kyis phyogs/ log pa rgyas pa'i rigs su ni gyur/ yang rigs kyi bu 'du byed thams cad ni stong par rig nas/ rnam par shes pa nyid la skye shi yang 'gog ste/ mi skye mi shi zhi ba 'gog pa'i don la shin tu ma rgyas pas/ shes pa la shes pa rgyas par tshor nas/ phyogs bcu'i rtsi shing la'ang sems yod de/ mi dang mi 'dra ba med pas/ mi shi na'ang rtsi shing du gyur par 'dzin te/ de lta bur sems zhen pa'i phyir mu stegs shes pa dang / mi shes par
- 181a
'dzin pas/ ba ta sa 'di'i sder gyur to// byang chub kyi sems ni 'chol/ shes pa mthong ba ni rlag/ de'i ming ni bzhir rgyas par shes pa'i sems kyis mi bden pa'i 'bras bu rdzogs shes bya ba yin/ mya ngan las 'das pa la ni rgyab kyis phyogs/ log par shes pa'i rigs su ni skye'o// yang rigs kyi bu 'du byed thams cad stong par rig/ nas/ rnam par shes pa nyid la skye shi yang 'gog ste/ mi skye mi shi zhi ba'i 'gog pa'i don la shin tu ma rgyas pas/ shin tu zhi ba la dbang po nor cing spyad du yod pa la rang dbang thob nas/ me'i snang ba tshol ba dang / chu gtsang ma la dga' ba dang / rlung kun 'or 'ga' ni gzugs nga yin no zhes zer/ 'or 'ga' ni gzugs yod do zhes zer te/ 'or 'ga' ni gzugs ngal gtogs zhes zer/ 'or 'ga' ni mya ngan dang / byang chub so so la gcig la gcig mi gtogs so zhes zer nas/ byang chub kyi sems 'chol te/ mur tug phung po lnga'i nang na shi ba'i 'og tu mtshan ma yod ces zer ba'i phyin ci log gi mu stegs kyi sder gyur to/ / yang ting nge 'dzin de'i nang nas/ rigs kyi bu rnams sems drang po mi g.yo ba'i ting nge 'dzin du zhugs te/ bdud kyis glags mi thod nas skye ba'i phyi mo la brtags te/ sngar gzugs dang / tshor ba dang / 'du shes 'gog zin pa rnams la brtags na/ de rnams thams cad 'gags zin
- 181b
pas/ gzugs yod du ni gzugs zad/ sems yod du ni 'du shes med/ phyi mo yod du ni tshor ba'i phung po zad/ skye ba'i don yod du ni zin kyang / nga la da ltar gyi phung po'ang med rtswa shing dang 'dra na/ shi ba'i 'og tu rgyu dang 'bras bu'ang med/ mya ngan las 'das pa'i rgyu dang 'bras bu'ang med/ thams cad kyang stong ste/ gyi na ming tsam du yod du zad kyi/ ngo bo'i don med do zhes zer nas byang chub kyi sems 'chol te/ mu stegs bdun phung po'i lnga'i nang na shi ba'i 'og tu mtshan ma med ces zer ba'i phyin ci log gi mu stegs kyi sder gyur to// yang ting nge 'dzin de'i nang nas/ rigs kyi bu rnams sems drang po mi g.yo ba'i ting nge 'dzin du zhugs te/ bdud kyis glags mi mthong nas/ skye ba'i phyi mo la brtags te/ tshor ba dang / 'du shes kyi phung po gnyis ka 'gog par mthong nas/ gcig la gcig gis gzhig cing / shi ba'i 'og tu gnyis ka ma yin zhes zer ba'i 'og mu stegs su gyur te/ gzugs dang / tshor ba dang 'du shes yod pas/ log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang ba byung nas/ rdzogs par snang ba la srid de/ ting nge 'dzin gyi thabs brkam nas/ lha'i bdud kyis glags rnyed de khar zhugs nas chos 'chad mkhas shing lus kyang sna tshogs par bsgyur/ mun pa'i nang 'od kyang gtong nus te/ yul kha cig tu ni mi 'di zhes bya ba
- 182a
zhig sangs rgyas su mngon par grub bo/ / yul 'di ni bskal pa rnam gsum byung / sangs rgyas kyis gsungs pa'i tshul khrims kyang drol zhig ces bsgo zhing 'dod cing sred pa'i sha stag bshad nas/ 'jungs pa'i 'dre de lus las 'phags ma thag tu/ slob ma dang bcas te/ rgyal po'i gyod la'ang thogs/ mtshams med pa'i dmyal bar yang ltung ngo ngo/ / de la tsher na nyes pa med do// tshor ba shin tu gsogs nas/ rdzogs pa'i ting nge 'dzin gyi snang ba byung ste/ ting nge 'dzin rgod pa la sred de/ lha'i bdud kyis glags rnyed de khong du zhugs nas/ chos 'chad mkhas rab tu gyur/ bdag gi mya ngan zad do snyam du sems/ chos 'chad pa'i tshe bdag gi lus gser gyi kha dog tu gyur te/ rin po che'i pad+mo'i steng na 'dug/ chos nyan pa'i mi gzhan rnams de bzhin du gyur par mthong nas/ bdag gis byang chub thob bo snyam du sems te/ sems g.yeng zhing khrims kyang bshig nyan pa'i mi la/ kha cig ni dus 'di la sangs rgyas grub bo zhes lung ston/ la la ni yul la gzhan gyi sangs rgyas nga sprul pa yin no zhes zer/ mi 'o cog kyang de'i tshig la gus par nyan/ de nas 'dre dang bral/ ma thag tu slob ma dang bcas te/ rgyal po'i gyod la'ang thogs/ mtshams med pa'i dmyal bar yang 'gro'o// de la tshor na nyes pa med do// tshor ba shin tu gsogs te/ rdzogs pa'i
- 182b
ting nge 'dzin snang ba'i 'od byung ba dang / ting nge 'dzin gyi nang nas sems gsal ba la sred pa'i phyir/ lha'i bdud kyis glags rnyed nas chos yid las skyes pa'i lus la brkam pa'i phyir sems phra mo ma zad pas/ lha'i bdud kyis glags thod de/ khar zhugs nas/ gzhan la chos 'chad cing / bdag la bdud kyis zug par ma tshor nas/ bdag mya ngan las 'das so snyam du bsams te/ gzhan la chos 'chad pa dang / khrom dgongs brgya 'am/ stong du skad cig gis phyin te/ de na ci yod pa blangs nas/ gzhan la'ang bstan/ bar bar yang khang pa'i nang na rtsig pa'i bar nye ba dag la kha cig drag rab tu 'gror bcug kyang lor yang ma phyin te/ kha cig de la yid ches nas/ sangs rgyas yin no snyam du the tsom du gyur/ kho bdag kyang phyogs bcu'i sems can thams cad nga'i bu yin no/ / sangs rgyas thams cad kyang thog ma nga las skyes/ da ni thog ma'i sangs rgyas te 'jig rten las byung ba yin no// de ltar bsgo ba'i phyir thu bo yin no zhes kyang bshad de/ de ni 'jig rten la gnas pa/ dbang thob pa'i lha'i bdud yin no// bdud de lus las bral ma thag tu rgyal po'i gyod la'ang thogs/ mtshams med pa'i dmyal bar yang 'gro'o/ / de la tshor na nyes pa med do// mtha' yas shes par gyis shig/ bdud de rnams bcu chos tha ma'i tshe nga'i chos kyi nang na rab tu byung bsgom pa'i tshe na/ bar bar
- 183a
lus la bstan te/ thams cad kyang bla na med par grub bo zhes zer te/ g.yem pa la ni bstod/ sangs rgyas kyi tshul khrims ni bshig/ bdud kyi mkhan po dang / bdud kyi slob ma gcig la gcig g.yem pa'i chos slob cing / sems de la tshor te chags na/ nyen ni rabs dgu/ ring na ni rabs brgya/ chos yang dag par spyad pa rnams kyang / thams cad tshe 'phos nas/ thams cad bdud du gyur te/ yang dag pa'i lam brlag nas mtshams med par 'gro'o// mtha' yas khyod mya ngan las ma 'das par sems can rnams la don ston pa yin no/ / bdud kyi stobs kyis 'dod chags kyi don bshad de/ sangs rgyas kyi khrims bshig nas/ rtswa 'am shing rnams la za ste/ chos spyad pa la mi rtag pas 'or 'ga' ci spyad 'or 'ga' tse spyad/ bdud de lus las 'phags ma thag tu slob ma dang bcas su rgyal po'i gyod la'ang thogs/ mtshams med pa'i dmyal bar yang 'gro'o// de la tshor na ni nyes pa med do// yang rigs kyi bu tshor ba'i phung po shin tu gsogs nas/ log pa'i ting nge 'dzin dang mi phrad cing / rdzogs pa'i ting nge 'dzin gyi 'od snang bas/ ting nge 'dzin bsgoms pa'i tshe/ sems rdzu 'phrul sna tshogs thogs pa med pa la sred de/ lha'i bdud kyis glags thod nas/ khar zhugs te chos 'chad pa la mkhas shing bdag bdud kyis zug par ma tshor nas/ mya ngan las 'das
- 183b
so snyam du sems nas/ chos 'chad pa'i tshe lag pa na me mar 'dzin cing / nyan pa rnams la 'od bcad nas/ nyan pa rnams kyi spyi bor 'od bgos nas/ mi de rnams kyi mgo la 'od 'dom du mar mchod de/ song yang tsha ba'am chog pa med de/ 'or 'ga' chu'i steng na rgyug pa na sa'i steng na rgyug pa dang 'dra'o// 'or 'ga' nam mkha' la 'phags te g.yo bar 'dug/ 'or 'ga' chang tom gyi nang du zhugs te lus sbed/ 'or 'ga' snod sgye'u nang du zhugs te lus sbed/ 'or 'ga' skar khung gi nang du byung ste stong / 'or 'gar rtsig pa la thogs pa med par song / mtshon rnams 'ga' zhig la rang dbang ma thob bo/ / bdag gi kha la sangs rgyas su grub zin no zhes zer te/ gos dkar po gyon nas byig shu rnams phyag 'tshal du bcug/ bskur bslad de gzhan la chos bshad na'ang / phyon ma'i chos sha stag bshad do// gnam sa dang / shing rtsi dang / chu klung dang / rigs 'dzin shi ba rnams 'drer skyes pa las rgas te/ bdud du gyur pa yin no/ / bdud de rnams lus las bral ma thag tu rgyal po'i gyad la'ang thogs/ mtshams med pa'i dmyal bar yang 'gro'o// de la tshor na nyes pa med do// yang rigs kyi bu tshor ba'i phung po shin tu gsogs nas/ log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang bas ting nge 'dzin bsgom pa'i tshe/ shin tu 'gog pa stong pa la sred de/
- 184a
lha'i bdud kyis glags thod de/ khar zhugs nas/ gzhan la chos 'chad pa'i tshe mkhas rab nas/ bdud kyis bdag la zug par ma tshor te/ bdag mya ngan las 'das so// snyam du bsams nas/ gzhan chos 'drir 'ongs nas chos 'chad pa'i tshe yang bdag gis lus stong par byas nas/ gzhan gyis mi mthong bar gyur te/ re zhig stong pa'i nang nas glo bur du byung ste/ byung ba dang / sba ba dang / rang dbang thob par gyur nas/ bar bar yang lus mching bu bzhin du phyi nang thal bar bstan/ bar bar ni rkang lag phyag na tsan dan bsung / bar bar na gcin dang ngan skyugs kyang dper sha khar sdug po dang 'dra/ tshul khrims la skur/ dge slong la smad/ las ci byas pa'i lan med ces kyang bshad/ lus der shi na ye der zad de/ phyi ma'i lus nod du'ang med do zhes zer te/ mi tha mal pa dang 'phags pa yang 'dra'o zhes bshad do// kho bdag ni phyin ci logs su chags pa dang / g.yem pa'ang spyad/ gzhan la chos bshad pa'i tshe slob ma rnams kyang stong pa'i sems kyang thob ces zer te/ bdud de lus las bral ma thag tu rgyal po'i gyod la'ang thogs/ mtshams med pa'i dmyal bar yang 'gro'o// de la tshor na nyes pa med do/ / yang rigs kyi bu tshor ba'i phung po shin tu gsogs nas/ log pa'i ting nge 'dzin dang mi phrad do// rdzogs pa'i ting nge 'dzin gyi 'od snang bas/ ting nge 'dzin bsgom pa'i tshe/
- 184b
sems tshe ring ba dang / chen po bzhi'i lus bor nas/ 'grus 'bogs gtang nas/ de la zhen te yang dag par sems mi log pa'i rang sangs rgyas kyi sder gyur te/ byang chub kyi sems ni 'chol/ shes pa lta ba ni rlag/ de bcu ste/ rgyas par tshor ba snyoms pas ma g.yo ba snang ba'i 'bras bu rdzogs/ mya ngan las 'das pa la ni rgyab kyis phyogs/ tshor ba rgyas par snang ba gzhan la mi chos pa'i rigs su skye'o/ / mtha' yas ting nge 'dzin de rnam bcu ni mos pa'i rgyur 'gyur te/ mchog pa la chog par rig ste/ de thams cad rnam par shes pa sems mtho dman du gyur pa las byung ste/ sems can ma rabs rang gi tshod ma rig nas bdag ci la srid pa bzhin du sems kyi bag chags de la gnas shing 'khor bar ma shes nas/ yang dag par bdag gis bla na med pa yang dag par rdzogs pa'i byang chub tu 'grub bo snyam du 'dzin pas ni brdzun chen por gyur te/ mu stegs dang / bdud dang / log par lta ba'i gnas su ni skye'o// de rnams kyi las zad nas mtshams med par 'gro'o// nga'i don 'di ma 'ongs pa'i sems can la ston la/ de la shin tu bye brag phyed par bgyis te/ bdud rnams kyi las mi byed cing / sems dang lus sangs rgyas kyi shes pa mthong ba'i nang du bcug ste/ thog ma dang tha ma'i bar du log pa'i lam dang mi phrad par gyis shig/ snga ma 'das pa'i sangs rgyas bye ba snyed thams cad
- 185a
kyang chos kyi sgo mo 'di bzhin du bsgoms pas/ bla na med pa'i byang chub tu grub bo// rnam par shes pa'i phung po zad na sgo drug bsnor zhing spyad du yod do// mig go sgra mo la sgra thos ro myong gsung yang tshor bar nus so/ / de nas byang chub rdo rje shes rab skam po'i gnas su gyur te/ snang gsal zhing zhi la snang ba byung ba la/ glo bur du snying rje grangs med pa skyes te/ tha ma grogs mthong na'ang bdag gi bu tsam du sems shing mchi ma mi tshor bar zag go// de la tshor na ni nyes pa med de ring zhig ni rang zhi'o// mtshor na ni snying rje'i bdud khong du zhugs te/ mi dag dang phrad na'ang grangs med pa'i mya ngan skyes te yon por lhung ngo // de ni sems btsir cing spyad drags pa las byung ngo // ting nge 'dzin de'i nang nas gzugs kyi phung po ni zhi/ tshor ba'i phung po ni gsal zhing snang / dam pa'i lhas ni mdun du byung nas/ sems la bab pas glo bur du brtson 'grus drag po rab tu skyes te/ sangs rgyas rnams kyis bskal pa grangs med pa gsum gyi bar du spyad pa thang gcig tu bsgrub nus par gyur te/ de tshor na ni nyes pa med de/ re zhig na zhi ma tshor na ni smos pa'i bdud khong du zhugs te/ phrad do cog la ngom zhing nga rgyal chen po skyes te log par gyur/ de ni spyad drags pa las byung bar zad do// ting nge 'dzin de'i nang nas gzugs kyi phung po ni zhi/ tshor ba'i phung po ni snang zhing gsal te/ mdun du gsar du
- 185b
mthong ba ni med/ phyi logs na rnying pa'i gnas kyang ma rnyed nas/ ci'ang mthong ba med de/ bar ma don 'dug pa las glo bur du brkam pa dang / sgom pa cher g.yos nas sems bying ste/ brtson 'grus kyi mtshan ma yin no snyam du sems so// de ni shes rab med pa'i phyir don rlag ste/ de la tshor na ni nyes pa med/ ma tshor na ni dran pa med pa'i bdud khong du zhugs te/ sems thum bu gcig tu byas nas yon por ltung ngo // ting nge 'dzin de'i nang nas/ gzugs kyi phung po ni zhi/ tshor ba'i phung po ni snang zhing gsal te/ brtson 'grus cher g.yos nas// dam pa'i sems ni zhig/ bdag rang bai ro tsa na yin no snyam du the tsom skyes nas/ cung zhig gis mgu ste/ de ni sems spyad pa rtsinges pa las byung ngo // de la tshor na ni nyes pa med/ ma tshor na ni chog shes pa'i bdud khong du zhugs te yon por ltung ngo / / ting nge 'dzin de'i nang nas/ gzugs kyi phung po ni zhi/ tshor ba'i phung po ni snang zhing gsal te/ gsar du thob pa med/ rnying pa ni stor nas bar ma don 'dug pa las grangs med pa'i mya ngan byung ste/ lcags kyi khri tshe ba'i steng na nyal ba dang / dug 'thungs pa tsam du mi dga' na/ 'chi 'dod cing gzhan dag la gsod par 'chol rang gi sha la gcod de/ de ste ma shi na'ang / ri dang tshal la sogs pa mi gcig dang yang mi phrad pa'i gnas su bros 'dod de/ de la tshor na ni nyes pa med/ ma tshor
- 186a
na ni mya ngan byed pa'i bdud khong du zhugs te/ mtha' mar rang gsod par byed do// de ni sems bsgoms pa'i thabs stor ba las byung bar zad do// ting nge 'dzin de'i na nas/ gzugs kyi phung po ni zhi bar mthong / tshor ba'i phung po ni snang zhing gsal te/ bdag gtsang gdang ba'i nang na 'dug cing bde bar gyur nas/ glo bur du grangs med pa'i dga' ba skyes te/ de'i ming ni sems kyi rang dbang ngo // de la tshor na ni nyes pa med/ ma tshor na ni shes rab kyis ma thub pa yin te/ dga' ba'i bdud khong du zhugs nas/ mi dag dang phrad na dgod cing glu gar la sogs pa byed cing log par ltung ngo / / ting nge 'dzin de'i nang nas/ gzugs kyi phung po ni zhi bar mthong / tshor ba'i phung po ni snang zhing gsal te/ glo bur du nga rgyal rnam pa bdun cig car g.yos nas/ phyogs bcu'i sangs rgyas la'ang tshor yod par 'dzin/ nyan thos dang / rang sangs rgyas ni yod par mi rtsi ste/ de ni lta ba'i nga rgyal te ra mda' med pa'i shes rab yin te/ de la tshor na ni nyes pa med/ ma tshor na ni nga rgyal gyi bdud khong du zhugs te sangs rgyas kyi tse te dang / gzugs la'ang phyag 'tshal du mi btung / yon bdag la'ang 'di dag ni 'khar ba dang / zangs dang / ras dang / shing shun la sogs pa yin te mchod mi dgos// sha'i gzugs yang dag pa la mchod cig ces bsgo ste mtshams med
- 186b
pa'i dmyal bar ltung ngo / / ting nge 'dzin de'i nang nas gzugs kyi phung po mno bar mthong / tshor pa'i phung po na snang zhing gsal te/ sto na zhing sna gas bya ba'i nang nas don cher mthong glo bur du phyogs pa'i sems cher skyes te/ sems la grangs med pa'i rang dbang cher skyes te/ de ni shes rab kyi phyir rang dbang cung zad cig thob pa yin te/ tshor ba na ni nyes pa med/ mtshor na rang dbang gi bdud khong du zhugs te/ bdag rang cho ga gang bar sems shing / phyis 'tshol du mi btub ste/ phyis sems g.yos pa dang skur pa btab nas na rag tu ltung ngo // ting nge 'dzin de'i nang nas/ gzugs kyi phung po ni zhi bar mthong / tshor ba'i phung po ni snang zhing gsal te/ snang bzhi pa thob nas glo bur du rgyu dang 'bras bu med/ stong pa'i don mdun du snang ngo // de la tshor na ni nyes pa med/ ma tshor na ni stong pa'i bdud khong du zhugs te/ khrims thub pa'i dge slong la ni theg pa chung ngu yin zhes zer te/ byang chub sems dpa' stong pa'i don khong du chud nakhrims thub pa'i dang bshig pa'i gzugs gal yod/ yon bdag rnams la sha chang zo// rgyan po la sogs pa byos shig ces bsgo// 'dre gdon gyi stobs kyis ngan skyugs kyang zas dang 'dra bar ba nus par 'gyur ro/ / ting nge 'dzin de'i nang nas gzugs kyi phung po na ni/ tshor ba'i phung po ni snang zhing gsal te/ shi ba'i ro sems dang / rus pa'i nang du thal na/
- 187a
glo bur du grangs med pa'i sred pa'i sems g.yos te/ sred ces nas spyos te/ 'dod chags su gyur te/ de'i mang ni ting nge 'dzin gyi yul bde ba la phyogs pa zhes bya ste/ shes rab kyis bdag bsrung ma nus pa'i phyir 'dod chags su gyur te/ de la tshor na nyes pa med// mtshor na 'dod chags kyis bdud khong du zhugs te/ 'dod chags 'ba' zhig byang chub kyi lam yin gyis/ mi tshangs par spyod na'ang mnyam par spyod cig ces skye bo rnams la log par 'chad pas/ rgyal po'i gyod la'ang thogs shing mtshams med par yang ltung ngo // ting nge 'dzin gyi sems de rnam pa bcu ni sems kyi spyad pa mtho dman du gyur pas/ tshor ba'i phung po'i don snang bar zad de dge ba'i ltas ni yin/ 'phags pa'i 'bras bu ni ma yin te/ de la chags na ni bdud kyis glags thod de log par ltung bar 'gyur/ tshor na ni nyes pa med do// rigs kyi bu ting nge 'dzin bsgom pa de tshor ba'i phung po zad pa dang / zad pa ma zad mod kyi/ sems lus dang bral te/ dper na bya rgyas zin pa las thar pa dang 'dra ste/ bdag gi don kyang grub bo// tha mal pa'i lus de byang chub sems dpa'i gral drug cu kun tu rgyug cing / yid las skyes pa'i lus thob ste/ gar 'gro yang thogs pa med de/ dper mi gdol pa dang mtshungs/ shes rab gzhan med mod kyi/ smra ba'i rims mi 'khrul te/ ma log par mi kun gyis brda phrad do// de'i ming ni 'du shes kyi khang khyim zhes bya'o//
- 187b
g.yo ba dran pa'i sems zad de/ mi bden pa'i steng rim zhu zhing byang na/ snang zhing tshor ba'i sems la dper dri ma dang rdul med par song ba dang 'dra ste/ skye shi'i don mgo mjug tu rdzogs par snang ste/ de'i ming ni 'du shes kyi phung po zad pa yin te/ nyon mongs pa'i rnyog pa las 'das so// de ni mi bden pa'i sems zhig gnas thogs pa med pa las byung bar zad de/ rigs kyi bu des tshor ba'i phung po shin tu gsogs pa la yod pa ma yin par lta/ 'du byed mi rtag pa med pa la med pa ma yin par lta/ de de bzhin du kun la brtags te/ shi ba'i 'og tu phyi ma'i rabs med do zhes bltas nas/ byang chub kyi sems 'tshol te/ mu stegs brgyad phung po lnga'i nang nas shi ba'i 'og tu gang na'ang ma yin zhes zer ba'i phyin ci log gi sder gyur te/ yang ting nge 'dzin de'i nang nas rigs kyi bu rnams sems drang po mi g.yo ba'i ting nge 'dzin du zhugs te/ bdud kyi glags mi thod nas skye ba'i lus phyi mo la brtags te/ tha ma skye ba med do zhes bsams nas/ de la nor pa'i phyir/ mu stegs rnam pa bdun chad par lta bar 'gyur ro// lus 'gog pa'i 'og tu 'dod pa la'ang 'gog/ sdug bsngal yang 'gog/ shin tu dga' ba'ang 'gog/ shin tu btang snyoms kyang 'gog/ yan man du zhib tu brtags na/ shi zin pa'i 'og tu skye ba'ang cang med do zhes zer te/ byang chub kyi sems ni 'chol nas/ mu stegs dgur phung
- 188a
po lnga'i nang na shi ba'i 'og tu chad par lta ba'i phyin ci log gi mu stegs kyi sder gyur to/ / yang ting nge 'dzin de'i nang nas/ rigs kyi bu rnams sems drang po mi gam ba'i ting nge 'dzin du zhugs te/ bdud kyis glags mi thod nas/ skye ba'i phyi mo la brtags te/ tha ma skye ba yod par 'dzin pa'i mu stegs rnams mya ngan las 'das pa'i sder gyur to// 'dod pa'i khams la yang dag par gnas 'pho ba'i sa yin par tshor te srid par gyur to/ / bsam gtan dang po la mya ngan med pa'i phyir/ bsam gtan dang 'og la sdug bsngal med pa'i phyir/ bsam gtan gsum pa la shin tu dga' ba'i phyir/ bsam gtan bzhi pa la bde ba dang / sdug bsngal gnyis ka med de/ skye shi med par 'dzin pa'i phyir/ zad pa yod pa'i lha rnams la// 'dus ma byas pa'i mi rtag ces kyang 'dzin/ gzhir ni mi de 'du shes kyi phung po ni zad par 'dzin/ 'du byed kyi phung po ni yod par mthong bas na/ gzugs kyi phung po dang / tshor ba'i phung po dang / 'du shes kyi phung po ni mi rtag/ 'du byed kyi phung po ni rtag par 'dzin pa'i phyir/ byang chub kyi sems 'chol te/ mu stegs gsum cha gcig rtag/ cha gcig mi rtag pa'i sder gyur te/ yang ting nge 'dzin de'i nang nas/ rigs kyi bu rnams sems drang po mi g.yo ba'i ting nge 'dzin du zhugs te/ bdud kyis glags mo thong na/ skye ba'i phyi mo la brtags na
- 188b
sems g.yo zhing 'dug tu mi rung ba'i phyir sems mtha' yod pa dang / mtha' med pa'i sems rnam bzhi g.yos so// gcig tu skye shi mi 'chad pa'i phyir/ 'dir skyes pa las shi ba de ni mtha' yod pa yin te/ sems la bar chad med pa'i phyir mtha' med pa yin/ gnyis su ni mi des bskal pa brgyad khri tshun chad brtags na/ sems can yod par mthong ba ni mtha' yod/ pabar 'dzin/ bskal pa brgyad khri phan chad brtags na/ ci'ang ma mthong ba ni mtha' med par 'dzin/ gsum du ni mi des ngas thams cad shes so zhes 'dzin pa'i phyir nyid mtha' yas par mthong ste/ sems can thams cad nga'i shes pa'i nang na snang / nga ni mi rnams kyi ming dang rus gna' nas kyang mi shes bzhin ni mi de 'du byed kyi phung po stong par 'dzin pa'i phyir/ sems can thams cad kyi lus la/ phyed ni skye bar mthong / phyed ni 'gog par mthong / de'i phyir byang chub kyi sems 'chol te/ mu stegs bzhir phyed mtha' yod/ phyed mtha' med pa'i sder gyur to/ / yang ting nge 'dzin de'i na nas/ rigs kyi bu rnams sems drang po mi g.yo ba'i ting nge 'dzin du zhugs te/ bdud kyis glags mi thod nas/ skye ba'i phyi mo la brtags na/ sems g.yo zhing 'dug tu mi btub pa'i phyir/ shes pa mthong ba'i sems la phyin ci log rnam bzhi'i sems g.yos so// gcig tu na rdzu 'phrul gyi don mthong ba dang / thams cad mi
- 189a
rtag go zhes kyang zer/ mtshan ma rgyun mi 'chad par mthong na rtag ces zer/ mthong ba'i gnas mthong na skye'o zhes zer/ mthong ba'i gnas ma mthong na 'gog pa zhes kyang zer/ mi chos 'drir 'ongs na skye ba'ang ma yin/ 'gog pa'ang ma yin/ yod pa'ang ma yin/ med pa'ang ma yin/ 'phel ba'ang ma yin/ 'grib pa'ang ma yin zhes de skad sha stag zer te/ chog tu yang mi rung ngo // gnyis su na sems la brtags te/ sems ma rnyed pa'i phyir/ mi chos 'drir 'ongs na/ gzhan mi 'chad kyi/ med ces zer ba'i tshig 'ba' zhig bshad do/ / gsum du na rang gi sems la brtags pa dang / sems kyi gnas yod pa'i phyir/ mthong ba'i phyir mi de chos 'drir 'ong na/ de yin de zhes 'chad kyi gnas mi bsha do/ / bzhir na mi des yod pa'i yul yang mthong / med pa'i yul yang mthong / mi de chos 'drir 'ong na/ lan btab pa yod pa'i nang na yang med pa'o// med pa'i nang na yang yod pa'o de skad sha stag zer te/ chos 'dri ba'i kha yang med nas/ bdag rang byang chub sems ni 'chol/ mu stegs lngar log pa rnam bzhi'i sder gyur to// yang ting nge 'dzin de'i nang nas/ rigs kyi bu rnams drang po mi g.yo ba'i ting nge 'dzin du zhugs te/ bdud kyis glags mo thod nas/ skye ba rnams kyi phyi mo la brtags te/ sems g.yo zhing khong du mi
- 189b
btub nas/ g.yo ba'i sems mtha' med do zhes 'dzin te/ shi ba'i 'og tu mtshan ma yod do zhes zer ba'i mu stegs su gyur cing / kha yang yong yang gnag/ gzhad yang yong dkar bskal pa khri phrag gi bar du ma bsgyur ba'i las bltas na/ rgyu rkyen yongs med par yin no zhes zer te/ byang chub kyi 'bras bu la bslu zhing / mu stegs dang po'i sder lta bar gyur to// mtha' yas ting nge 'dzin gyi nang nas/ rigs kyi bu sems dang zhing gsal te/ ting nge 'dzin mi g.yo nas/ bdud kyis glags mi thod do/ skye ba rnams kyi phyi mo la brtags na/ sems can skye ba dang / shi ba las rgyus rigs nas rtag ces zer ba'i sems rnam pa bzhi g.yos so// gcig tu na sems rtag go zhes zer ba dang / gnyis sun chen po bzhi rtag go zhes zer ba dang / gsum du na sgo drug gi rnam par shes pa dang / yid dang kun gzhi rtag go zhes zer ba dang / bzhir 'du shes kyi phung po zad pa'i phyir skye ba'i don med par gyur nas mi skye ba nyid du gyur to/ / sems mi skye bar gyur pa'i phyir/ sems rtag par 'dzin nas/ de byang chub kyi sems 'chol te/ mu stegs gnyis rtag ces zer ba'i sder gyur to// yang ting nge 'dzin de'i nang nas/ rigs kyi bu rnams sems drang po mi g.yo ba'i ting nge 'dzin du zhugs te/ bdud kyis glags mi thod nas/ skye ba'i phyi mo la brtags te/ sems mi rtog par mthong nas/ phyin ci log rnam
- 190a
bzhis sems g.yos te/ gcig tu na phyogs bcug lan yang ngas khyab bo zhes zer ba dang / phyogs bcu bye ma snyed kyi yul sa brtags te/ bskal pa byung ba'i yul sa la ni mi rtag par bsams/ / bskal pa ma byung ba'i yul sa la ni brtag par bsams/ gsum du nA rang gi sems la brtags te/ sems rdul tsam du phra rab mthong nas/ nga'i sems phyogs bcur gar song yang lus 'gyur mod kyi/ sems mi 'gyur bas na/ nga'i sems rtag go zhes 'dzin te// skye shi thams cad nga'i sems las byung bas na/ khyed dang gnyen bshes la sogs pa ci yod pa'i rnams mthong / de dag ci zer ba'i sgra yang thos te/ de ni bsgoms drag pas sems phyi rol du byung bas mthong zhing thos par zad do// sems de la sos zhib tu rgyun du bsgoms pas dge ba'i bshes gnyen rnams glo bur du sna tshogs par 'pho zhing 'gyur bar mthong ste/ de ni sems yon por song ba dang / gdon 'dre zhugs pa las gyur/ bar bar glo bur du lha'i bdud khong du zhugs nas/ chos zab mo thogs pa med par 'chad mkhas par gyur te/ de ni ma yin par tshor na ni rang zhi/ ma tshor na ni log par 'gyur ro// ting nge 'dzin de rnam bcu ni/ bsgom pa'i sems mtho dman du gyur pas/ gzugs kyi phung po'i don snang bar zad de/ dge ba'i ltas ni yin/ 'phags pa'i 'bras bu ni ma yin no// de la 'phags pa'i 'bras bu yin
- 190b
no snyam du bsams na ni log par 'gyur ro/ / de rnams re zhig glo bur du mthong bar zad de/ de ltar mthong na ni nyes pa med do// de la chags na ni dgra la bur 'dzin te/ bdud kyis glags thod do/ / gzugs kyi phung po zad pa dang / sangs rgyas thams cad kyi sems mthong ba'i dper me long snang ba'i nang du gzugs mthong ba dang mtshungs so// thob pa yod kyang spyad du med de/ dper bdud kyi mi dang mtshungs te/ rkang lag tshang bar yod kyang mthong ba dang thos pas mi bslad do// 'dres non pa dang mtshungs te/ de ni tshor ba'i khang khyim yin no// de'i 'og tu bdag gi gzugs kyi nang nas byung ste/ phyir ngo la blta ba dang / gzugs la phyir gnas pa dang bral te/ 'gro ba la bgegs med de/ rang dbang thob par 'gyur te/ de ni tshor ba'i phung po zad pa yin te/ mi de mthong ba'i rnyog pa las rgal nus so// de ni mi bden pa'i sems zhi ba las byung ba yin no// ting nge 'dzin de'i nang nas 'od chen thob ste/ chos 'chad mkhas rab tu gyur/ chos nyan pa'i mi rnams kyis chos bshad pa'i sngon logs su tshe snga ma'ang dran/ dmyal ba'ang mthong / mi yul gyi legs nyes kun kyang bye brag phyed par 'gyur/ de nas bdag kyang byang chub thob bo snyam du sems te/ sems g.yel bar btang nas/ tshul khrims kyang bshig/ 'di ni sangs rgyas chen po/ 'di ni sangs rgyas chung ngu
- 191a
'di na sngar grub para'i sangs rgyas/ 'din phyis grub pa'i sangs rgyas/ 'din pa'i sangs rgyas/ 'dun ma'i sangs rgyas/ 'don pa'i byang chub/ 'don ma'i byung chub ces de skad 'chad de/ dri nas 'dre de lus las 'phags mya thag tu/ slob ma dang bcas te rgyal po'i snong la'ang thogs/ mtshams med pa'i dmyal par yang snang ngo // de la tshe nunyes pa med do/ / tshor ba shin tu gsogs nas/ log pa'i ting nge 'dzin dang ni bral/ rdzogs pa'i ting nge 'dzin gyi nang nas 'od snang ba byung ste/ chos so cog gi phyi mo tshol ba la sred nas/ lha'i'o bdud kyis glags rnyed de/ khar zhugs nas chos 'chang mkhas rab tu gyur/ bdag gi gzi brjid kyis chos nyan pa'i rnams/ chos bshad pa'i mdun rol na kun thub nas/ khyed cag rnams sangs rgyas mya ngan las 'das so snyam du sems shig/ nga'i lus 'di nyid sangs rgyas yin no// nga'i bu tsha rgyun mi 'chad pa ni chos kyi sku rtag pa yin no// sku rtag pa yin no// sangs rgyas kyi yul gtsang ma de las gung na med ces zer zhing / bdag ni byang chub thob bo snyam du bsams nas sems g.yel bar bor te/ 'dod chags kyi chos be shad/ mig la sogs pa dbang po lnga ni gtsang ma'i yul yin/ pho mtshan mo mtshan ni yang dag par byang chub mya ngan las 'das pa'i gnas yin par 'chad de/ 'dre de lus las
- 191b
'phags ma thag tu slob ma dang bcas te rgyal po'i gyod la'ang thogs/ mtshams med pa'i dmyal bar ltung ngo // de la tshor na nyes pa med do// tshor ba'i phung po shin tu gsogs nas/ log pa'i ting nge 'dzin dang ni bral/ rdzogs pa'i ting nge 'dzin gyi nang na snang ba byung nas/ chos zab mo 'chad pa la sred par gyur te/ de'i phyir lha'i bdud kyis glags rnyed de/ khar zhugs nas chos 'chad mkhas rab tu gyur/ bdud yin par ma tshor nas/ bdag rang mya ngan las 'das so snyam du sems te/ chos nyan pa'i rnams kyis skad cig tu bdag gi lus mthong ba dang / gnyen bshes lo brgya'am/ stong du ma phrad pa gsar du phrad pa dang 'dra bar sems dga' zhing gtong mi phod de/ sprin bzhin du 'byar/ bdag rang yang byang chub tu grub bo snyam du sems te/ sems g.yol bar bor nas/ 'dod chags kyi chos 'chad de/ nga tshe rabs 'di la yul 'dir skyes te/ mi 'di grol thar bar byas so// mi 'di tshe rabs snga ma la nga'i chung ma chun ma'o/ / mi 'di ni de'i phu nu pho'o// nga de'i ched du 'dir 'ongs te/ khyed dang 'grogs la lha yul 'di shed 'dong ngo zhes zer ro// log shig na 'od cher snang ba'i gnas yod do// sangs rgyas thams cad de shed du gnas so zhes zer te/ de nas bdud de lus las 'phags ma thag tu slob ma dang bcas su rgyal po'i gyod la'ang thogs/ mtshams med pa'i dmyal
- 192a
bar yang 'gro'o/ / de la tshor na nyes pa med do// rigs kyi bu des tshor ba'i phung po shin tu gsogs pa'i phyir log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang ba byung bas/ rang 'grus 'gogs kyi sems zhi ba la 'grus te/ lha'i bdud kyis glags thod nas/ khar zhugs te bdag bdud kyis zug par mtsha te/ chos 'chad mkhas rab tu gyur/ chos nyan pa rnams kyang bdag bdag gi las ci las gyur pa shes te/ mi kha cig la khyed da ltar mi yin mod kyi/ khyod ni phyugs yin no// yid mi ches na ngas khyod kyi mjug ma la brjes dang / khyod ldang mi phod kyi che zhe bsgo ste/ de bzhin du brdzis nas/ mi de ldang ma phod nas/ mi gzhan yang de la yid ches te/ dge slong la ni skur/ sangs rgyas kyi khrims ni bshig/ bdud de mi de'i lus las 'phags ma thag tu slob ma dang bcas te rgyal po'i gyod la'ang thogs/ mtshams med pa'i dmyal bar 'gro'o/ / de la tshor na nyes pa med do// yang rigs kyi bu de tshor ba'i phung po shin tu gsogs nas/ log pa'i ting nge 'dzin dang mi 'phrad de/ rdzogs pa'i ting nge 'dzin rgya 'od snang bas/ ting nge 'dzin sgom pa'i tshe/ sems la shes pa dang / mthong ba dang / snga ma dran par srid de/ lha'i bdud kyis glags thod nas khar zhugs te/ bdud kyis zug par
- 192b
mtshor nas/ bdag mya ngan las 'das so snyam du bsams nas/ gzhan la chos 'chad pa'i tshe/ glo bur du nor bu rin po che thogs te/ bdud kyi lus phyugs su bsgyur te/ kha nas nor bu rin po che 'dzin cing 'od snang ba dang / glo bur du rin po che dang / ngo mtshar mi srid pa'i nor yang khyer te 'ongs nas/ thog ma ni nor byin/ tha mar khong par zhugs te/ sa'i 'og na nor bu rin po che yod do zhes gzhan la bstan nas/ sa'i 'og nas yar thal du 'od snang bar byang nas/ kun gyis ngo mtshar du bzung ste/ 'tshal ma ni bcad/ sman dpyad kyi kha zas dang ma yin na/ khre 'am/ nas 'brum bu gcig zos kyang bdud kyi stobs nyams bzang nas/ dge slong rnams la skur te/ phyogs bcu'i gter yod pa dang / 'phags pa'i gnas 'di dang 'di yin no/ zhes zer te/ phyis bar bar yang 'di bzhin du mthong nas/ de ni ri 'am/ tshal lam/ mkhar gyi 'dre dgras gsad pa slar yang 'drer skyes pa las/ rgas de bdud du gyur cig dang / sangs rgyas la drin gyi lan lon zhes bya ba yin no// mtha' yas ting nge 'dzin de rnam bcu ni 'du shes kyi phung po sems spyad pa mtho dman du gyur pas tshor ba'i phung po'i don snang bar zad de/ dge ba'i ltas ni yin/ 'phags pa'i 'bras bu ni ma yin no// de la 'phags pa'i 'bras bu yin no snyam du bsams nas ni log par gyur/ de rnams re zhig glo bur du
- 193a
mthong bar zad de/ de ltar tshor na ni nyes pa med do// de ltar ma tshor na log pa'i gnas su lhung ngo // mtha' yas 'du shes kyi phung po zad de/ gnyid log pa dang sad/ ba 'dra ste/ sems nam mkha' dang 'dra nas/ spyod yul gyi gzugs brnyan dang / 'jig rten gyi ri 'am/ tshal lam/ chu 'am/ ci yod pa thams cad me long la bltas pa bzhin du mthong do/ / 'ongs pa'i sa'ang med/ song ba'i rjes kyang med do// de'i ming ni 'du shes kyi khang khyim yin no// phyi ma nyid kyi sems dper rlabs 'chad de/ chu dang sa 'dra bar gyur na de'i ming ni 'du shes kyi phung po zad ces bya'o/ / mi des ni sems dpa' rlabs chad de/ chu dang sa 'dra bar gyur nam/ can gyi rnyog pa las byung ngo // de'i don brtags na/ phyi mo mi bden pa'i sems shin tu phra zhing mi snang ba las byung ngo / / mtha' yas shes par bya ste/ yang dag pa'i ting nge 'dzin thob pa'i rigs kyi bu rnams la lha'i bdud rnam pa bcu po de yang glags mi thod de/ de nas sems las shin tu bsgoms nas skye ba rnams kyi phyi mo la brtags na/ mig gi dbang po la yon tan brgyad brgya yod pa'i phyir/ bskal pa brgyad khri tshun chad sems can ji ltar shi ji ltar skye ba'i don kyang shes so/ / sems can bskal pa brgya khri tshun chad rgyu med par nga skyes pa yin/ mi'ang mir skye/ phyugs kyang phyugs su skye/ bya'ang byar skyes so zhes bsams te/
- 193b
gnas de rnam lnga la shin tu gtsang mar mthong / shin tu bde bar mthong / mya ngan las 'das pa'i don yin no zhes zer te/ byang chub kyi sems ni 'chol te/ mu stegs bcur phung po lnga'i nang nas mya ngan las 'das pa'i rnam pa lngar 'dzin pa'i phyin ci log gi sder gyur to/ / mtha' yas ting nge 'dzin de rnam bcu log par shes pa ni de thams cad 'du byed kyi phung po'i sems spyad pa mthe dman du gyur pa'i phyir de lta bur gyur te/ sems can ma rabs bdag gis drod ma zin te/ ma yin pa la yin par bltas nas/ 'phags pa'i 'bras bu rdzogs so snyam du bsams nas brdzun chen po yin te/ mtshams med par 'gro'o/ / khyed la sogs pa de bzhin gshegs pa'i bsams pa'i don de khyer la/ ma 'ongs pa'i sems can la bstan te/ sems kyi bdud mi g.yo bar gyis shig/ nyung ngu thos pa la chog par mi sems shing / tshor ba chen po'i rgyal po byed de/ thams cad gtsang gdang ba'i tshon ma gyis shig/ mtha' yas rigs kyi bu rnams ting nge 'dzin bsgom pa 'du byed kyi phung po zad pa ni/ 'jig rten gyi g.yo ba dang 'dra bar gyur te/ dbang po drug shin tu gtsang zhing gsog tu gyur nas/ sems rgod pa'am/ 'dug tu mi btub pa med par gyur to// phyi nang gi ting nge 'dzin mi g.yo bar snang gsal bar gyur to/ / 'jug na 'jug pa'i gnas kyang med/ phyogs bcu'i sems can gyi rigs kyang rig/ phyogs bcu'i yang rigs 'thun par
- 194a
mthong / de'i ming ni rnam par shes pa phung po'i khang khyim zhes bya'o// sgo drug bsnor zhing spyad du rung / phyogs bcu'i khams dang / rang gi lus dang / sems mching bu bzhin du gyur te/ phyi nang snang gsal lo// de'i ming ni rnam par shes pa'i phung po zad ces bya'o// mi de'i tshe'i rnyog pa las 'das so// de'i don brtags na yang dag pa'i don 'ol phyir 'ong ba la mi bden pa'i sems phyin ci log tu gyur pa las byung ngo / / mtha' yas shes par gyis shig/ rigs kyi bu 'du byed thams cad stong par rig na/ rnam par shes pa stong par nyid la skye shi yang 'gog ste/ mi skye mi shi zhi ba 'gog pa'i don la shin tu ma rgyas pas/ yang dag pa rgyu rtag go zhes zer te/ de'i sems zhen pas mu stegs sa phyi la'i sder gyur te/ byang chub kyi sems ni 'chol/ shes pa mthong ba ni rlag/ de ni dang po sems yod par 'dzin pa'i mu stegs su gyur te/ yang dag pa'i don la rgyab kyis phyogs/ mu stegs rigs su ni skye'o/ / mtha' yas rigs kyi bu 'du byed thams cad stong par rig nas/ rnam par shes pa nyid la skye shi yang 'gog ste/ mi skye mi shi zhi ba 'gog pa'i don la shin tu ma rgyas pas/ yang dag pa nyid la nga rang nyid yin no zhes 'dzin te/ nam mkha' dang khams so cog gi sems can rigs bcu gnyis yod pa'ang thams cad nga'i lus las byung ngo bsams
- 194b
te/ de'i sems la zhen pas na/ mu stegs ma he sho ra'i lugs su gyur to// lus grangs med par sprul te/ 'khor du byas nas/ byang chub kyi sems ni 'chol/ shes pa mthong ba ni/ rlag/ de'i ming ni dang 'og byed nus pa'i sems dang / don sgrub nus pa'i 'bras bur gyur to// yang dag par mya ngan las 'das nus pa la ni rgyab kyi phyogs/ nga rgyal chen po'i lhar skye'o// yang rigs kyi bu 'du byed thams cad stong par rig nas/ rnam par shes pa nyid la skye shi yang 'gog ste/ mi skye mi shi zhi ba'i sems ni/ dper mchong bu gtsang ma'i nang na/ rin po che'i zla ba yod pa dang 'dra'o/ / de bzhin du gyur na/ byang chub sems dpa'i dad pa bcu/ gnas pa bcu/ bsgom pa bcu// phyogs bcu thob par 'gyur ro// byang chub sems dpa'i rdo rje ting nge 'dzin dang / snyoms pa'i tshor ba'i sa las 'das nas/ de bzhin gshegs pa'i snang ba rgyas pa la zhugs te/ rgyan gyis brgyan pa'i byang chub kyi mtsho ci'ang thob pa med pa'i don thob nas/ sangs rgyas snga ma 'das pa'i zhi gnas dang / lhag mthong gi nang nas shin tu phra ba'i bdud kyi las dang / bdud kyi spyod yul mdun du snang ba'i tshe/ kun shes rigs nas sems kyi dri ma bkrus bsal te/ log par lta ba'i nang du mi ltung zhing / phung po'i bdud ni zhu byang lha'i bdud ni rnyil grugs/ lha ma srin dang / mthu bo che rnams kyi nang du mi skye
- 195a
ste/ thal byung byang chub tu grub kyi bar du mi chog pa med do// mya ngan las 'das pa chen po'i sems ni gsal zhing mi 'chol bar 'gyur ro// ma 'ongs pa'i sems can gyi dbang po ni rtul/ ting nge 'dzin la ni sred/ ting nge 'dzin ma rig pa'i phyir na log pa'i gnas su ltung bar 'gyur ro// mtha' yas khyod kyis nga'i sngags dang / don 'di bzhin du ma 'ongs pa'i sems can rnams la ston cig/ nga'i sngags 'di kha ton du byed ma nus na/ yi ger bris te lus la thogs sam/ ting nge 'dzin bsgom pa'i khang bu dang / gnas sgor btags nas/ phyogs bcu'i lha'i bdud la sogs pa thams cad kyang zhu byung ste/ gnod pa byed mi nus so// mtha' yas de ni sems can thams cad kyi phyir khyod ma brjed par gyis la ston cig/ gtsug tor chen po bam po dgu pa las/ bdud kyi le'u nyi tshe 'byung ba rdzogs so// sngon gyi dkar chag gsum du rgya nag las 'gyur bar bshad rgya gar skad du/ Ar+ya rat+na ka ran+da nA ma ma hA yA na sU tra/ bod skad du/ 'phags pa dkon mchog gi za ma tog ces bya ba theg pa chen po'i mdo/ thams cad mkhyen pa la phyag 'tshal lo// 'di skad bdag gis thos pa dus gcig na/ bcom ldan 'das mnyan du yod pa na 'dze ta'i tshal mgon med pas sbyin gyi kun dga' ra ba na/
- 195b
dge slong stong nyis brgya lnga bcu'i dge slong gi dge 'dun chen po dang / byang chub sems dpa' khri dang thabs cig tu bzhugs so// yang de'i tshe bcom ldan 'das 'od ma'i khyams zlum po na 'khor brgya stong du mas bskor cing mdun du bdar te chos 'chad do/ / de nas 'jam dpal gzhon nur gyur pa byang chub sems dpa' lnga stong dang bcas pa/ brgya byin dang / tshangs pa dang / 'jig rten skyong ba rnams kyis bskor cing mdun du bdar te/ 'od ma'i khyams zlum po gang na ba dang / bcom ldan 'das gan ba der dong ste lhags pa dang / bcom ldan 'das kyi zhabs gnyis la mgo bos phyag 'tshal nas/ bcom ldan 'das la lan gsum du bskor ba byas te/ byang chub sems dpa' de dag dang / brgya byin dang / tshangs pa dang / 'jig rten skyong ba rnams dang lhan cig tu phyogs gcig tu 'khod do/ / phyogs gcig tu 'khod nas/ bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das da ltar ci'i bka' mchid mdzad/ bcom ldan 'das bka' mchid de nyid kyi rjes rgyun ma chad par mdzad du gsol/ de nas sangs rgyas kyi mthus/ tshe dang ldan pa rab 'byor gyis jam dpal gzhon nur gyur pa la 'di skad ces smras so/ / 'jam dpal da ltar ni nyan thos dang ldan pa'i bka' mchid mdzad na/ 'jam dpal bdag gis khyod la bskul gyis/ byang chub sems dpa' dang ldan pa'i bka'
- 196a
mchid brtsams par khyod spobs par gyis shig/ 'jam dpal gyis smras pa/ tshe dang ldan pa rab 'byor nyan thos dang rang sangs rgyas thams cad ni/ byang chub sems dpa' dang ldan pa'i gtam gyi snod du gyur pa ma yin na/ btsun pa rab 'byor byang chub sems dpa' dang ldan pa'i gtam cir dgos/ rab 'byor gyis smras pa/ 'jam dpal 'dir gang snod du gyur pa 'byung ba de dag nyon cig 'jam dpal gyis smras pa/ tshe dang ldan pa rab 'byor 'di na snod du gyur pa ni gang dag yin/ snod du ma gyur pa ni gang dag yin shes sam/ rab 'byor gyis smras pa/ 'jam dpal bdag ni gzhan gyi sgra'i rjes su 'brang ba yin pas/ snod dang snod ma yin pa lta ci shes mod kyi/ 'on kyang 'jam dpal khyod byang chub sems dpa' dang ldan pa'i gtam brtsam par spobs par gyis shig/ 'jam dpal gyis smras pa/ btsun pa rab 'byor gang dag nges pa la zhugs pa de dag thams cad ni sangs rgyas kyi chos thams cad kyi snod du ma gyur pa'o// btsun pa rab 'byor gang yang nges pa la rtog cing / sems can rnams la yang lta la/ nges par mi ltung zhing skyon dang yang lhan cig mi gnas pa de dag ni sangs rgyas kyi chos thams cad kyi snod du gyur pa'o// btsun pa rab 'byor gzhan yang mtshams la gnas par gyur pa'o/ / slob pa dang mi slob pa'i chos la zhugs pa/ sems can thams cad la btang snyoms pa/ srid pa la me 'bar ba lta bur lta ba/ yid yongs su skyo ba
- 196b
khams gsum thams cad kyis skrag pa/ skad cig tsam yang srid par skye bar mi dga' ba de dag ni sangs rgyas kyi chos thams cad kyi snod du ma gyur pa'o// btsun pa rab 'byor gang yang phyi ma'i mtha' bskal pa bye bar go cha bgos pa/ srid pa thams cad kyis mi 'jigs mi dngang ba/ khams gsum spyod yul ba/ dri ma gsum dang bral ba/ 'khor ba la skyed mos tshal dang / gzhal med khang du 'du shes pa/ srid pa 'dod cing srid pa thams cad la chags pa dang bral ba de dag ni/ sangs rgyas kyi chos thams kyi snod du gyur pa'o// btsun pa rab 'byor gzhan gang yang 'dod chags dang / zhe sdang dang / gti mug dang / bag la nyal ba dang / kun tu dkris te 'dug pa dang / nyon mongs pa dang / nye ba'i nyon mongs pa thams cad spangs pa de dag ni sangs rgyas kyi chos thams cad kyi snod du ma gyur pa'o/ / btsun pa rab 'byor gang yang 'dod chags kyis chags pa'ang ma yin la 'dod chags spyod pa'ang ston pa/ zhe sdang gis sdang ba'ang ma yin la zhe sdang spyod par yang ston pa/ gti mug gis rmongs pa'ang ma yin la gti mug spyod par yang ston pa/ nyon mongs pa dang yang bral la khams gsum du'ang snang ba/ sems can thams cad la byams pa/ mkhengs pa/ ma zhum pa/ sems can thams cad kyi khur khyer ba/ de bzhin nyid rjes su song ba/ dkon mchog gsum gyi gdung rgyun mi 'chang par bya ba'i phyir zhugs pa/ rig pa
- 197a
gsum dang ldan pa/ rig pa mngon sum du gyur pa de dag ni sangs rgyas kyi chos thams cad kyi snod du gyur pa'o// rab 'byor gyis smras pa/ 'jam dpal de ste/ chos kyi dbyings kyang gcig/ de bzhin nyid kyang gcig/ yang dag pa'i mtha' yang gcig na/ snod dam snod ma yin pa de ji ltar mngon/ 'jam dpal gyis smras pa/ btsun pa rab 'byor 'di lta ste dper na/ rdza mkhan gyis 'jam pa'i gong bu gcig las snod rnam pa sna tshogs byas te/ snod de thams cad so gcig tu btang na/ de la kha cig ni 'bru mar dang / mar gyi snod du 'gyur/ kha cig ni sbrang rtsi dang li kha ra'i snod du 'gyur/ kha cig ni ngan pa mi gtsang ba'i snod du 'gyur te/ 'jim pa'i gong bu de dang so btang ba la ni tha dad pa cung zad kyang med do// btsun pa rab 'byor de bzhin du chos kyi dbyings kyang gcig/ de bzhin nyid kyang gcig/ yang dag pa'i mtha' yang gcig mod kyi/ ji ltar las mngon par 'du byas pa bzhin du snod kyi khyad par du 'gyur ro/ / de la sbrang rtsi dang li kha ra'i snod ji lta ba de bzhin du byang chub sems dpa' thams cad la blta'o// 'bru mar dang mar gyi snod ji lta ba de bzhin du nyan thos dang rang sangs rgyas thams cad la blta'o/ / ngan pa mi gtsang ba'i snod ji lta ba de bzhin du byos pa so so'i skye bo thams cad la lta'o// rab 'byor gyis smras pa/ 'jam dpal rnam grangs gang gis gang snod
- 197b
dugyur pa de dag snod ma yin par 'gyur ba dang / gang yang snod ma yin pa de dag snod du 'gyur ba'i rnam grangs yod dam/ 'jam dpal gyis smras pa/ btsun pa rab 'byor yod do// rab 'byor gyis smras pa/ rnam grangs gang gis na gang snod du gyur pa de dag snod ma yin par 'gyur ba dang / gang yang snod ma yin pa de dag snod du 'gyur ba yin/ 'jam dpal gyis smras pa/ btsun pa rang / 'byor gang la la nyon mongs pa thams cad kyi snod du ma gyur pa/ bag chags kyi mtshams sbyor ba bcom pa de dag ni sangs rgyas kyi chos thams cad kyi snod du gyur pa'o// btsun pa rab 'byor gang yang nyon mongs pa thams cad kyi snod du gyur pa/ bag chags kyi mtshams sbyor ba ma bcom pa de dag ni sangs rgyas kyi chos thams cad kyi snod du ma gyur pa'o// rab 'byor gyis smras pa 'jam dpal snod du ci zhig gzhug par bya/ 'jam dpal gyis smras pa/ btsun pa rab 'byor ci'ang ma yin no// ci'i phyir zhe na/ gang gi tshe byang chub sems dpa' gzhug pa med pa dang dbyung ba med pa la sbed pa de'i tshe/ snod kyi snying por rig par bya'o// gang gi tshe gzhug pa dang / dbyung ba la spyod pa'i tshe/ snod chag par rig par bya'o// btsun pa rab 'byor 'di lta ste dper na/ nam mkha' ni rtswa dang / shing gal ba dang / sman dang / nags tshal thams cad kyi snod ces kyang bya la/ gang gi snod kyang ma yin no// btsun pa rab 'byor de bzhin du byang chub sems
- 198a
dpa' yang sangs rgyas kyi chos thams cad kyi snod ces kyang bya ba la/ gang gi snod kyang ma yin no// btsun pa rab 'byor 'di lta ste dper na/ sa las skyes pa'i shing rnams ni snod nam mkha' bas na rnam par skye'o/ / btsun pa rab 'byor de bzhin du lhag pa'i bsam pa las skyes pa'i byang chub sems dpa' rnams kyang / snod shes rab kyi pha rol tu phyin pa bas na rnam par skye'o// / rab 'byor gyis smras pa/ 'jam dpal ci byang chub sems dpa' rnam par skyes 'jam dpal gyis smras pa/ btsun pa rab 'byor gal te nam mkha' rnam par skye na/ de'i phyir byang chub sems dpa' rnams kyang rnam par skye ba zhig na/ nam mkha' ni rnam par skye ba 'am/ yongs su nyams par mi 'gyur te/ btsun pa rab 'byor de bzhin du byang chub sems dpa' rnams kyang rnam par skye bar yang mi 'gyur/ yongs su nyams par yang mi 'gyur ro// rab 'byor gyis smras pa/ 'jam dpal byang chub sems dpa' rnams rnam par skye bar yang mi 'gyur/ yongs su nyams par yang mi 'gyur zhes bgyi ba ci las dgongs te de skad smras/ 'jam dpal gyis smras pa/ nyon mongs pa rnam par skye bar yang mi 'gyur/ sangs rgyas kyi chos rnams las yongs su nyams par yang mi 'gyur ro/ / rab 'byor gyis smras pa/ 'jam dpal nyon mongs pa rnams dang / sangs rgyas kyi chos rnams la tha dad du bgyi ba ci mchos/ 'jam dpal gyis smras pa/ btsun pa
- 198b
rab 'byor nyon mongs pa rnams dang / sangs rgyas kyi chos rnams la tha dad par bya ba ni cung zad kyang med do// btsun pa rab 'byor 'di lta ste dper na/ ri rab la 'od kyis reg na gzugs thams cad 'di lta ste/ gser gyi kha dog tu gcig par 'gyur ro// btsun pa rab 'byor de bzhin du shes rab dang ye shes kyis snang bar byas pa'i nyon mongs pa rnams kyang 'di lta ste/ sangs rgyas kyi chos rnams kyi kha dog tu kha dog gcig par 'gyur ro/ / btsun pa rab 'byor de bas na shes rab dang ye shes kyi snang bar byas pa'i nyon mongs pa rnams dang / sangs rgyas kyi chos rnams la ni/ tha dad pa cung zad kyang med do// de bas na chos thams cad sangs rgyas kyi chos zhes bya'o// rab 'byor gyis smras pa/ 'jam dpal ci'i phyir na chos thams cad sangs rgyas kyi chos zhes bya/ 'jam dpal gyis smras pa/ btsun pa rab 'byor ji lta ba bzhin du rtogs pa'i phyir ro// rab 'byor gyis smras pa/ 'jam dpal ji lta ba bzhin zhes bya bas ci zhig bstan par 'gyur/ 'jam dpal gyis smras pa/ thog ma ji lta ba tha mar yang dag par de bzhin du de bzhin nyid las phyir mi ldog pas/ de'i phyir ji lta ba bzhin zhes bya'o// rab 'byor gyis smras pa/ 'jam dpal thog ma dang tha ma med ces bya bas ci zhig bstan par 'gyur/ 'jam dpal gyis smras pa/ thog ma ni stong pa nyid/ tha ma ni dbyen pa nyid de/ de bas na thog ma dang tha ma zhes bya'o// rab 'byor gyis smras pa
- 199a
'jam dpal stong pa nyid dang dbyen pa nyid la tha dad pa ci yod/ 'jam dpal gyis smras pa/ btsun pa rab 'byor de ji snyam du sems/ gser dang sa le sbrum la tha dad pa yod dam/ rab 'byor gyis smras pa/ 'jam dpal ming du btags pa la ni tha dad pa yod do// 'jam dpal gyis smras pa/ btsun pa rab 'byor de bzhin du 'di lta ste/ stong pa nyid dang dben pa nyid 'don ming dang brda tsam du zad de/ mod dang brdal ni mkhas pa rnams mngon par mi chags so// rab 'byor gyis smras pa/ 'jam dpal byis pa'i mtshan nyid ji lta prA/ mkhas pa zhes bya ba'i mtshan nyid ji lta bu yin/ 'jam dpal gyis spras pa/ btsun pa rab 'byor bcom ldan 'das kyis byis pa ni las kyi mtshan nyid do// mkhas pa ni chos kyi mtshan nyid do zhes gsungs so// rab 'byor gyis smras pa/ 'jam dpal las kyi mtshan nyid ji lta bu yin/ 'jam dpal gyis smras pa/ btsun pa rab 'byor rten cing 'brel par 'byung ba'i mtshan nyid las te/ de la gang mngon par 'du byed pa de dag gis ni mngon no/ / gang yang mngon par 'du mi byed pa de dag gi ni mi mngon no// de la byis pa rnams ni mngon par 'du byed pas de dag gis ni yod par mngon no// mkhas pa rnams ni mngon par 'du mi byed pas de dag gi ni med par mngon te/ de la gang yod pa dang gang med pa'i dbus de ni/ 'phags pa rnams kyi spyod yul lo// yang 'phags pa'i
- 199b
spyod yul de ni 'phags pa ma yin pa rnams kyi spyod yul ma yin no/ / rab 'byor gyis smras pa/ 'phags pa zhes bya bas ci zhig bstan par 'gyur/ 'jam dpal gyis smras pa/ rdul med cing nyon mongs pa med pa la rten pa'i tshig nyid do/ / rab 'byor gyis smras pa/ rnam grangs gang gis chos thams cad rdul med cing nyon mongs pa med pa la rten par 'gyur ba'i rnam grang yod dam/ 'jam dpal gyis smras pa/ btsun pa rab 'byor yod do// rab 'byor gyis smras pa/ rnam grangs gang yin/ 'jam dpal gyis smras pa/ btsun pa rab 'byor 'di lta ste/ dper na/ rgya mtsho chen po ni chu thams cad kyi rten yin te/ de ltar yang 'di ltar lan tshwa'i ror ro gcig go// btsun pa rab 'byor de bzhin du sangs rgyas kyi chos thams cad kyang rdul med cing nyon mongs pa med pa la rten pa de'ang 'di lta ste/ rnam par grol ba'i ror ro gcig go// rab 'byor gyis smras pa/ 'jam dpal gang las rnam par thar par bya ba'i phyir rnam par grol ba ston 'jam dpal gyis smras pa/ btsun pa rab 'byor de ji snyam du sems/ gang yod na 'ching bar 'gyur/ rab 'byor gyis smras pa// 'jam dpal mi shes pa yod na 'ching bar 'gyur ro// 'jam dpal gyis smras pa/ btsun pa rab 'byor de bas na mi shes pa las rnam par thar par bya ba'i phyir rnam par grol bar bstan to// rab 'byor gyis smras pa/ 'jam dpal chos thams
- 200a
cad la tha dad par bya ba med na/ shes pa'am mi shes pa ji ltar bstan/ 'jam dpal gyis smras pa/ btsun pa rab 'byor 'di lta ste dper na/ dpyid kyis bsros pa'i chu la ni dro ba zhes bstan to/ / chu de nyid grang ba'i dus su ni grang ba zhes bstan te/ chu de la ni tha dad du bya ba cung zad kyang med do// btsun pa rab 'byor de bzhin du tshul bzhin ma yin pa yid la byed pas bsros pa'i sems la ni mi shes pa zhes bstan to/ / tshul bzhin yid la byed pa la ni shes pa zhes bstan to// de la nang gi byed pa skyes bu de'i shes pa 'am/ mi shes par bstan pa ni gang yang med do/ / rab 'byor gyis smras pa/ 'jam dpal don de ni rtogs par dka' ba'o// 'jam dpal gyis smras pa/ btsun pa rab 'byor gnyis la spyod pa rnams kyis so// rab 'byor gyis smras pa/ 'jam dpal don de ni blta bar dka' 'o// 'jam dpal gyis smras pa/ btsun pa rab 'byor shes rab kyi mig dang bral ba rnams kyis so// rab 'byor gyis smras pa/ 'jam dpal don de ni 'jug par dka' ba'o// 'jam dpal gyis spras pa/ btsun pa rab 'byor gting ma rnyed pa rnams kyis so// rab 'byor gyis smras pa/ 'jam dpal don de ni shes par dka' ba'o/ / 'jam dpal gyis spras pa/ btsun pa rab 'byor lhag pa'i nga rgyal can rnams kyis so// rab 'byor gyis spras pa/ 'jom dpa'i don de ni go bar dka' ba'o// 'jam
- 200b
/ dpal gyis smras pa/ btsun pa rab 'byor byang chub kyi yan lag dang bral ba rnams kyis so// rab 'byor gyis spras pa/ 'jam dpal don de ni mos par dka' ba'o// 'jam dpal gyis smras pabatsun pa rab 'byor kun gzhi la dka' ba rnams kyis so/ / rab 'byor gyis smras pa/ 'jam dpal don de ni brtags par dka' ba'o// 'jam dpal gyis smras pa/ de ltar de mtshan ma la mi spyod do/ / rab 'byor gyis smras pa/ 'jam dpal don de ni rtog pa mi 'jug pa'o// 'jam dpal gyis smras pa/ de ltar de la brtags pa med do// rab 'byor gyis smras pa/ 'jam dpal don de ni mchog tu 'phags pa'o// 'jam dpal gyis smras pa/ de ltar de ni bsngo ba'i 'du shes dang bral ba'o// rab 'byor gyis smras pa/ 'jam dpal don de ni mkhas shing rig pas rtogs par bya'o/ / 'jam dpal gyis smras pa/ de ltar de ni so so rang gis rig pa'o// rab 'byor gyis smras pa/ 'jam dpal de bzhin gshegs pas gang don du na don ma yin pa'o zhes de skad bshad pa tshig de'i dgongs pa'i tshig bshad pa ji lta bu yin/ 'jam dpal gyis smras pa/ btsun pa rab 'byor don ces bya ba ni brjod du med pa'i don to// de la gang brjod du yod pa'i don la spyod pa de dag gi don ni don ma yin te/ de bas na bcom ldan 'das kyis don du na don ni don ma yin pa'o zhes de skad bka' stsal to// gzhan yang btsun pa rab 'byor
- 201a
don ces bya ba ni dben pa'i don to/ / de la gang dag lus dang / ngag dang / sems dang ldan pa'i don la spyod pa de dag gi don ni don ma yin te/ de bas na bcom ldan 'das kyis kyang don du na don ni don ma yin pa'o zhes de skad bka' stsal to/ / rab 'byor gyis smras pa// 'jam dpal chos thams cad chos ma yin pa'o zhes bcom ldan 'das kyis ci las dgongs te de skad bka' sbrul/ 'jam dpal gyis smras pa/ btsun pa rab 'byor bcom ldan 'das kyis chos thams cad gzings dang 'dra bar shes par 'dod pas/ chos nyid kyang spang bar bya na/ chos ma yin pa lta ci smos zhes de skad bka' stsal te/ gang spang bar bya ba de ni chos dang chos ma yin pa zhes mi bya'o// rab 'byor gyis smras pa/ 'jam dpal de ci sangs rgyas kyi chos rnams kyang chos ma yin nam/ 'jam dpal gyis smras pa/ btsun pa rab 'byor sangs rgyas kyi chos rnams la ni yang dag par grub pa gang yang med do// yang dag par grub pa ma yin pa de ni chos dang chos ma yin pa zhes mi bya'o/ / de bas na bcom ldan 'das kyis kyang chos thams cad ni chos ma yin pa'o zhes de skad bka' stsal to// rab 'byor gyis smras pa/ 'jam dpal las dang po'i byang chub sems dpa' dag bshad pa 'di thos nas mi skrag mi dngang dngang bar mi 'gyur ba ni ngo mtshar to/ / 'jam dpal gyis smras pa/ btsun pa rab 'byor de ji snyam du sems
- 201b
brgyal seng ge'i phrug gus seng ge'i sgra thos nas skrag gam/ dang ngam/ dngang bar 'gyur ram/ ngang pa'i rgyal po'i phrug gu nam mkha'i dkyil na 'phur ba na/ ngang pa'i sgra thos nas skrag gam/ dang ngam/ dngang bar 'gyur ram/ rab 'byor gyis smras pa/ 'jam dpal de ni ma yin te/ seng ge'i phrug gu rang gi sgra dang / ngang pa'i rgyal po'i phrug gu rang gi spyod yul gyis mi skrag go 'jam dpal gyis smras pa/ btsun pa rab 'byor de bzhin du de bzhin gshegs pa'i rigs dang gdung las skyes pa'i byang chub sems dpa' de bzhin nyid dang / stong pa nyid las byung ba de rnam nichos thams cad dang / sgra thams cad dang / bshad pa thams cad kyis mi skrag mi dngang dngang bar mi 'gyur mod kyi/ btsun pa rab 'byor 'on kyang gang yod na skrag par 'gyur ba shes sam/ rab 'byor gyis smras pa/ 'jam dpal 'jig tshogs la lta ba yod na skrag par 'gyur ro// 'jam dpal gyis smras pa/ btsun pa rab 'byor 'jig tshogs la lta ba de byang chub sems dpas yongs su shes te/ de bas na chos thams cad kyis mi skrag go// de sgra thams cad dang bshad pa thams cad kyis mi skrag mi dngang dngang bar mi 'gyur ro// rab 'byor gyis smras pa/ 'jam dpal bal te byang chub sems dpa' 'jig tshogs la lta ba yongs su shes na de ji ltar 'bras bu ma thob/ 'jam dpal gyis smras pa/ btsun pa rab 'byor/
- 202a
byang chub sems dpa' ni 'bras bu thob pa 'dod pa'i phyir 'jog tshogs la lta ba yongs su shes pa ma yin gyi/ 'bras bu thob pa la btang snyoms su bya ba dang / sangs rgyas kyi chos thob par 'dod pa'i phyir/ sems can thams cad la snying rje chen pos sbyor ba'i byang chub sems dpas 'jig tshogs la lta ba yongs su shes te/ de bas na 'bras bu mi thob bo// rab 'byor gyis smras pa/ 'jam dpal byang chub sems dpa'i thabs gang gis byang chub sems dpas 'jig tshogs su lta ba yongs su shes la/ 'bras bu'ang mi thob pa de ni thabs chen po yin no/ / 'jam dpal gyis smras pa/ btsun pa rab 'byor de ltar byang chub sems dpa'i ye shes kyi dbyings ni thabs dang shes rab kyis yang dag par zin pa ste/ de bas na byang chub sems dpa' de 'jig tshogs su lta ba yongs su shes la/ 'bras bu'ang mi thob bo// btsun pa rab 'byor 'di lta ste dper na/ skyes bu stobs po che zhig gis/ mtshon cha rnon pos shing sA la chen po la btab ste/ de bsregs su bcad par bcad bzhin du de nyid na 'dug ste mi ltung ngo // btsun pa rab 'byor de bzhin du byang chub sems dpa'i ye shes kyi dbyings kyang thabs dang shes rab kyis yang dag par zin te/ de bas na byang chub sems dpa' de 'jig tshogs la lta ba'ang yongs su shes la/ 'bras bu'ang mi thob bo// btsun pa rab 'byor gang shing sA la chen po
- 202b
char pa chen po bab ste/ gsher cing brlan par gyur na/ slar yang skye shing yal ga dang / lo ma dang / me tog dang / 'bras bu dag kyang 'byung zhing / gang sems can thams cad kyi nye bar 'tsho bar 'gyur ba de lta bu'i dus dang / de lta bu'i skabs kyang yod do// btsun pa rab 'byor de bzhin du byams pa chen po dang / snying rje chen pos gsher cing rlan pa'i byang chub sems dpa' yang 'jig tshogs la lta ba yang yongs su shes la/ khams gsum du'ang skye zhing / gang sems can thams cad kyi nye bar 'tsho bar 'gyur ba tshe dang / rigs dang / skye bar yang ston par byed do/ / btsun pa rab 'byor gang shing sA la chen po de/ rlung chen po'i shugs kyis phul nas sa la ltung bar 'gyur ba de lta bu'i dus dang / de lta bu'i skabs kyang yod do// btsun pa rab 'byor de de bzhin du ye shes chen po'i rlung gi shugs kyi phul na/ byang chub sems dpa' byang chub kyi snying po 'gog par ltung ngo // de nas bcom ldan 'das kyis 'jam dpal gzhon nur gyur pa la legs so zhes bya ba gnang ste/ 'jam dpal khyod kyis byang chub sems dpa' rnams kyi thabs dang shes rab kyis yang dag par zin pa'i ye shes kyi dbyings dang / byams pa chen po dang / snying rje chen po dang ldan pa'i chos bstan pa de ni legs par bshad pa de legs so legs so// 'jam dpal 'on kyang dpe gang dag bstan pas/ byang chub sem
- 203a
dpa'i thabs dang shes rab shes par 'gyur ba'i dpe ngas kyang bstan gyis nyon cig/ 'jam dpal 'di lta ste dper na/ klu'i rgyal po mthu dang ldan pas/ sems pa dbang gis sprin gyi phung po gcig las/ / tsha ba'i bdag nyid glog gi 'phreng ba'ang gtong ngo // skye bar byed pa'i bdag nyid chu'i rgyun kyang gtong ngo // 'jam dpal de bzhin du byang chub sems dpa' yang / thabs dang / shes rab dang / ye shes kyi sprin gcig las/ sems can so so'i skye bo rnams yongs su smin par bya ba'i phyir/ byis pa so so'i skye bo thams cad kyi spyod pa'ang ston to/ / 'dul bar bya ba'i sems can rnams gdul ba'i phyir/ 'phags pa thams cad kyi spyod pa'ang ston to// 'jam dpal 'di lta ste dper na/ ri'i rgyal po gangs kyi ri la dri'i shing zhes bya ba yod de/ de'i rtsa ba'i dri'ang gzhan/ sdong po'i drizhing gzhan/ yal ga'i dri'i'ang gzhan/ lo ma'i dri'ing gzhan/ me tog gi dri'ing gzhan/ 'bras bu'i dri'ang gzhan no/ 'jam dpal de bzhin du dri'i shing lta bu'i byang chub sems dpa'i lus ji lta de yang sems can rnams ji ltar mos pa bzhin du so sor ci 'os su chos kyi dri gtong ste/ snying rje chen chen po'i rtsa ba'i dri de las ni mi g.yo'o/ / 'jam dpal 'di lta ste dper na/ nor bu rin po che brgya byin la 'dogs pa lha rnams kyi dbang po brgya byin gyi mgul du thogs na/ de la sum cu
- 203b
rtsa gsum gyi gnas thams cad dang / lha rnams kyi dbang po brgya byin gyi dga' ba dang / rtsed mo'i tshogs thams cad snang yang / nor bu rin po che de ni rnam par mi rtog go// 'jam dpal de bzhin du nor bu rin po che dag pa lta bu'i byang chub sems dpa' ye shes kyi dbyings de yang / bya ba thams cad kyang ston la thams cad du'ang rnam par mi rtog go// 'jam dpal 'di lta ste dper na/ nor bu rin po che yid bzhin du 'gro ba zhes bya ba zhig yod de/ de ni sems can thams cad kyi bsam pa ji lta bu bzhin du yongs su rdzogs par byed kyang nor bu rin po che de ni rnam par mi rtog go// 'jam dpal de bzhin du 'gro ba zhes nor bu rin po che lta bur lhag pa'i bsam pa dag pa'i byang chub sems dpa' yang / sems can thams cad kyi bsam pa ji lta ba bzhin du yongs su rdzogs par byed kyang / byang chub sems dpa' de ni rnam par mi rtog go// 'jam dpal 'di lta ste dper na/ nam mkha' la me'ang 'bar zhing char pa'ang 'bab mod kyi/ nam mkha' la ni tsha ba'ang med/ grang bar 'gyur ba'ang med do// 'jam dpal de bzhin du grangs mkhas pa'i byang chub sems dpa' yang kun tu 'bar ba'i khams gsum na yang gnas/ mya ngan las 'das pa'i ni ba yang spyod mod kyi/ tsha ba'ang med/ grang bar 'gyur ba'ang med do// 'jam dpal 'di lta ste dper na/ nam mkha' la dug gi shing yang skye/ sman gyi shing yang skye mod kyi/ nam mkha'
- 204a
la ni dug gi shing gis nyon mongs par yang mi 'gyur/ sman gyi shing gis rnam par byung bar yang mi 'gyur ro// 'jam dpal de bzhin du thabs mkhas pa'i byang chub sems dpa' dug gi shing lta bu'i phung po'ang 'chang / sman gyi shing lta bu'i dbang po'ang 'chang mod kyi/ phung po'i nyon mongs pas nyon mongs par yang mi 'gyur/ rnam par dag pa'i dbang pos rnam par byang bar mi 'gyur la/ gnyis ka'i byang ba'ang med do// 'jam dpal 'di lta ste dper na/ chu'i snod bu gu brgya yod pa la/ bu gu gcig bkag na thams cad nas mi 'dzag go/ bu gu gcig phye na thams cad nas 'dzag go// 'jam dpal de bzhin du byang chub sems dpa' mnyam par gzhag pa la gnas pa'i tshe/ mngon par shes pa chen po yongs su rdzogs par byed kyi/ yul la mi 'dzag go// yang langs pa na 'di lta ste/ sems can thams cad la so sor ji ltar mos par chos bstan pa'i phyir yul thams cad du zag go// 'jam dpal 'di lta ste dper na/ mchog tu mthu dang ldan pa'i rta cang shes ni rta zhon pa la srung bar byed de/ bdag la ni de bzhin du ma yin no// 'jam dpal de bzhin du snying rje chen po rnyed pa'i byang chub sems dpa' mchog tu mthu dang ldan pa dag ni/ sems can rnams la srung ba byed de/ bdag la ni de bzhin du ma yin no// 'jam dpal 'di ste ste dper na/ ri dgas kyi rgyal po seng ge ni me/
- 204b
'bar ba ma gtogs par cis kyang mi 'jigs so// 'jam dpal de bzhin du byang chub sems dpa' yang nyan thos dang rang sangs rgyas kyi sar ltung ba ma gtogs par cis kyang mi 'jigs so// 'jam dpal 'di lta ste dper na/ bal glang gi rgyal po e ra ba na ni dud 'gro'i skye gnas su gtogs mod kyi/ sum cu rtsa gsum pa'i lha rnams dang / lha rnams kyi dbang po brgya byin gyis bsod nams bsags pa'i phyir/ dga' ba dang rtse ba'i tshogs thams cad so so ci rigs par ston to// 'jam dpal de bzhin du byang chub sems dpa' dud 'gro'i skye gnas par song yang 'di lta ste/ sems can rnams so so ci rigs par yongs su smin par bya ba'i phyir chos kyi tshogs thams cad ston to// 'jam dpal 'di lta ste dper na/ gang gtsub stan las byung ba dang / gang nor bu rin po che las byung ba'i me de gnyis ka'ang tsha ba'i bdag nyid do// 'jam dpal de bzhin du byang chub sems dpa' gang sems dang po bskyed pa dang / gang byang chub kyi snying po la 'dug pa'i sems tha ma bskyed pa de gnyis ka'ang sems can rnams kyi nyon mongs pa bsregs pa'i bdag nyid do/ / 'jam dpal 'di lta ste dper na/ dri'i shing sna tshogs rnams ni de dag thams cad khams bzhis yongs su bzung ste skye'o/ / 'jam dpal de bzhin du byang chub sems dpa' rnams kyi dge ba'i rtsa ba sna tshogs kyi tshogs bsags pa de dag thams cad kyang /
- 205a
byang chub kyi sems kyis yongs su bzung zhing thams cad mkhyen pa nyid du bsngos nas skye'o// 'jam dpal 'di lta ste dper na// 'khor los sgyur ba'i rgyal po'i 'khor lo rin po che gang du 'gro ba der/ 'khor los sgyur ba'i rgyal po'i dpung gi tshogs thams cad 'dong ngo // 'jam dpal de bzhin du byang chub sems dpa'i thabs dang ldan pa'i shes rab kyi pha rol tu phyin pa gang du 'gro ba der byang chub sems dpa'i byang chub kyi phyogs kyi chos thams cad 'dong ngo / / 'jam dpal 'di lta ste dper na/ bya'i rgyal po ka la bing ka'i phrug gu sgo nga'i sbubs su zhugs pa sgo nga ma chag cing sbubs nas ma byung yang 'di lta ste/ sgra yid du 'ong ba ka la bing ka'i sgra nyid sgrogs so// 'jam dpal de bzhin du byang chub sems dpa' ma rig pa'i sgo nga'i sbubs su zhugs pa'i 'jig tshogs la lta ba ma bcom pa khams gsum nas mngon par ma byung yang 'di lta ste/ de sgra stong pa nyid dang / mtshan ma med pa dang / smon pa med dang / mngon par 'du bya ba med pa sangs rgyas kyi chos kyi sgra nyid sgrogs so// 'jam dpal 'di lta ste dper na/ ka la bing karma bya'i nang du song na ka la bing ka'i sgra mi sgrogs so// ka la ping ka'i nang du song na ni// ka la bing ka'i sgra sgrogs so// 'jam dpal de bzhin du byang chub sems dpa' nyan thos dang / rang sangs rgyas kyi nang du song na/ sangs rgyas kyi chos bsam gyis mi khyab pa'i sgra mi sgrogs so// byang chub sems dpa'i nang du song na ni/ sangs rgyas kyi chos bsam gyis mi khyab pa'i sgra sgrogs so//
- 205b
'jam dpal 'di lta ste dper na// rlung rnam par 'thor ba ni 'dzam bu'i gling gi shing ngam/ khang pa 'am/ gzhal med khang ngam/ sa phyogs rnams kyis bzod par mi nus so// 'jam dpal de bzhin du sangs rgyas kyi chos bsam gyis mi khyab pa byang chub sems dpa' rnams yongs su sgrogs pa na/ sangs rgyas kyi byin gyi rlabs kyis byin gyis ma brlabs pa'i nyan thos dang / rang sangs rgyas rnams kyis mos pa 'am/ / rang sangs rgyas rnams dad par mi nus te/ gang dag sangs rgyas kyis byin gyis brlabs pa de dag ni mos shing yid ches so// 'jam dpal 'di lta ste dper na/ nyi ma'i 'od ni gtsang ba dang / mi gtsang ba gnyis ka la 'char mod kyi/ gtsang ba la'ang sdug par mi byed/ mi gtsang ba la'ang zhe sdang bar mi byed de/ nyi ma'i dkyil 'khor la ni sus kyang mi smad do// 'jam dpal de bzhin du byang chub sems dpa'i ye shes kyi 'od zer yang nyan thos dang so so'i skye bo la 'char mod kyi/ nyan thos rnams la sdug par yang mi byed/ so so'i skye bo rnams la zhe sdang bar yang mi byed de/ byang chub sems dpa' la sus kyang smad pa med// 'jam dpal 'di lta ste dper na/ nam shing pa ri ya tra ka ko bi da ra'i lo ma lhags par gyur pa de'i tshe/ sum cu rtsa gsum pa'i lha rnams ring por mi thogs par shing pa ri la tra ka ko bi dar 'di me tog dang 'bras bu dang ldan par 'gyur ro snyam nas yid dga' bar 'gyur ro/ / 'jam dpal de bzhin du nam byang chub sems dpa' bdog pa thams
- 206a
cad yongs su gtong bar gyur pa de'i tshe/ ring por mi thogs par byang chub sems dpa' 'di ni sems can thams cad la sangs rgyas kyi chos kyi me tog dang 'bras bu par 'gyur ro zhes/ sangs rgyas bcom ldan 'das rnams bstod par 'gyur ro// 'jam dpal 'di lta ste dper na/ shing gang dag rlung gis btud/ kun tu btud/ rab tu btud pa de dag 'gyel bar 'jigs pa med do/ / 'jam dpal de bzhin du byang chub sems dpa' gang dag sems can thams cad la 'dud/ kun tu 'dud/ rab tu 'dud pa de dag nyan thos dang // rang sangs rgyas kyi sar ltung bar 'jigs pa med do// 'jam dpal 'di lta ste dper na/ chu ni gang du dma' ba der 'bab bo// 'jam dpal de bzhin du nga rgyal med pa'i byang chub sems dpa' yang thams cad mkhyen pa nyid gang na ba der 'gro'o/ / 'jam dpal 'di lta ste dper na/ nam rgya mtsho chen po dang po gnas pa de'i tshe/ sa chen po thams cad kyi nang na dma' ba'i sa phyogs der dang por gnas te/ de nas 'bab chu'i rgyun thams cad tshegs chung ngus der mngon par 'bab par 'gyur ro// 'jam dpal de bzhin du nga rgyal med pa'i byang chub sems dpa' de la tshegs chung ngus sangs rgyas kyi chos thams cad mngon sum du 'gyur ro/ / 'jam dpal 'di lta ste dper na/ nor bu rin po che rdo rjes nor bu rin po che thams cad 'bigs mod kyi/ nor bu
- 206b
rin po che rdo rje de ni de dag gis mi phigs so/ / 'jam dpal de bzhin du byang chub sems dpa' nyan thos dang / rang sangs rgyas rnams 'dul mod kyi/ de dag gis 'dul ba der yang mi lhung ngo // 'jam dpal 'di lta ste dper na/ me tog man+da ra ba rlung gis bskyod na/ dpag tshad brgya kho ra khor yug tu dris khyab bo// 'jam dpal de bzhin du byang chub sems dpa' 'phags pa'i ye shes kyis bskyod pa'ang / sems can thams cad la byams pa chen po dang / snying rje chen po'i dris khyab par byed de/ 'jam dpal 'di lta ste dper na/ gang dag me tog man+da ra ba'i dri snom pa de dag ni nang thams cad kyis mi 'debs so/ / 'jam dpal de bzhin du gang dag byang chub sems dpa' byams pa chen po dang / snying rje chen po'i dri snom pa de dag nyon mongs pa'i nad thams cad kyis mi tshugs par 'gyur ro/ / 'jam dpal 'di lta ste dper na/ sangs rgyas 'byung ba med na shing u dum wa ra'i me tog mi 'byung ngo // 'jam dpal de bzhin du byang chub sems bskyed pa med na/ sangs rgyas kyi chos rnams kyi me tog kyang mi 'byung ngo // 'jam dpal 'di lta ste dper na/ nam klu'i rgyal po ma dros pa char pa 'bebs pa de'i tshe/ 'dzam bu'i gling thams cad khyab par char 'bebs so/ / 'jam dpal de bzhin du nam byang chub sems dpa' dam pa'i chos kyi char 'bebs pa de'i tshe/ sems can thams cad kyi sems kyi
- 207a
rgyud la mnyam par 'bebs so/ / 'jam dpal 'di lta ste dper na/ mtsho chen po ma dros pa las chu bo'i rgyun pa ni 'bab ste/ rgya mtsho chen po bzhi yongs su 'gengs so/ / 'jam dpal de bzhin du byang chub sems dpa' yang bsdu ba'i dngos po bzhi 'bab pas ye shes kyi rgya mtsho chen po yongs su rdzogs par byed do// 'jam dpal 'di lta ste dper na// rgya mtsho chen po med na 'dzam bu'i gling gi mi rnams nor bu rin po che la spyod par mi 'gyur ro// 'jam dpal de bzhin du sangs rgyas 'byung ba med na nyan thos dang rang sangs rgyas thams cad rnam par grol ba'i chos rin po che la spyod par mi 'gyur ro/ / 'jam dpal 'di lta ste dper na/ gang cung zad gzugs yin pa de dag thams cad 'byung ba chen po bzhis yongs su bzung ngo // 'jam dpal de bzhin du gang byang chub sems dpa'i chos de dag thams cad kyang byin gyis brlabs pa bzhis yongs su bzung ngo / / 'jam dpal 'di lta ste dper na/ g.yang sanyam dA ba na 'dug pa'i sman gyi shing ni skye bo mang po'i nye bar 'tsho bar mi 'gyur ro/ / 'jam dpal de bzhin du nyan thos 'khor bas 'jigs pa'i g.yang sa nyam nga bar gnas pa rnams ni skye bo mang po'i nye bar 'tsho bar mi 'gyur ro/ / 'jam dpal 'di lta ste dper na/ grong khyer gyi nang na 'dug pa'i sman gyi shing ni skye bo mang po'i nye bar 'tsho bar 'gyur ro// 'jam dpal de bzhin du byams pa chen po dang
- 207b
snying rje chen po'i nang du song ba'i byang chub sems dpa' ni/ thams cad mkhyen pa nyid kyi sems bskyed pas sems can thams cad kyis nye bar 'tshe bar 'gyur ro// 'jam dpal 'di lta / dper na/ gang dbyar byung ba'i chu mig de dag ni yun ring du gnas par mi 'gyur ro// 'jam dpal de bzhin du gang nyan thos rnams kyi chos bstan pa de ni yun ring du gnas par mi 'gyur ro// 'jam dpal 'di lta ste dper na/ gang dpyid byung ba'i chu mig de ni yun ring du gnas par 'gyur ro// 'jam dpal de bzhin du gang byang chub sems dpa' rnams kyi chos bstan pa de ni yun ring du gnas par 'gyur ro/ / 'jam dpal 'di lta ste dper na/ ri'i rgyal po gangs kyi ri'i shing bcad de ni slar yang myur du skye'o// 'jam dpal de bzhin du nam de bzhin gshegs pas bya ba byas te/ yongs su mya ngan las 'das kyang dkon mchog gsum gyi gdung rgyun mi 'chad par 'gyur ro// de nas bcom ldan 'das la/ tshe dang ldan pa rab 'byor gyis 'di skad ces gsol to/ / bcom ldan 'das de ltar byang chub sems dpa' yon tan bsngags pa tshad ma mchis pa dang ldan pa de dag gis yang dag pa'i yon tan bsngags pa 'di lta bu 'di dag de bzhin gshegs pas gsungs pa ngo mtshar te/ bcom ldan 'das byang chub sems dpa' de dag yang dag pa'i yon tan bsngags pa de lta bu de dag thos nas dga' bar mi 'gyur/ rgyags
- 208a
par mi 'gyur ba de'ang mchog tu ngo mtshar to/ / bcom ldan 'das kyis bka' stsal pa/ rab 'byor byang chub sems dpa' de dag thams cad ni rtsa ba dag pa y ang dag pa'i yon tan dang bsngags pa brjod pas dga' bar yang mi 'gyur/ rgyags par mi 'gyur ro// rab 'byor gyis gsol pa/ bcom ldan 'das byang chub sems dpa' rnams rtsa ba gang las dag pa lags/ bka' sprul pa// rab 'byor byang chub sems dpa' rnams ni bdag med pa'i rtsa ba dang / sems can med pa dang / srog med pa dang / gso ba med pa dang / gang zag med pa'i rtsa ba dang / 'jig tshogs la lta ba'i rtsa ba dang / ma rig pa dang / srid pa'i sred pa'i rtsa ba dang / nga dang nga'i zhes bya ba'i rtsa ba las dag go// gsol pa/ bcom ldan 'das dag pa zhes bgyi bas ci zhig bstan pa lags/ bka' stsal pa/ ma bzung ma btang ba ste/ de bas na dag pa zhes bya'o// ma skyes/ ma 'gags/ ma brtags rnam par ma brtags/ ma phyung / ma bcug/ ma byas/ rnam par ma byas/ mun pa ma yin/ snang ba ma yin/ nyon mongs pa yin/ rnam par byang ba ma yin/ bcings pa ma yin/ thar pa ma yin/ 'khor ba ma yin/ mya ngan las 'das pa ma yin te/ de bas na dag pa zhes bya'o// gsol pa/ bcom ldan 'das de ste 'khor ba'ang ma lags/
- 208b
mya ngan 'das pa'ang ma lags na/ de la dag pa de gang lags/ bcom ldan 'das/ rab 'byor gang mya ngan las 'das par yang rlom sems med la/ 'khor ba la mngon par chags pa'ang/ med pa de nyid 'dir dag pa'o// rab 'byor 'di lta ste dper na/ nam mkha' dag pa zhes bya ba yang / nam mkha' ni dag pa'ang ma yin/ nyon mongs pa'ang ma yin te/ 'on kyang nam mkha' ni dag pa zhes bya'o/ / rab 'byor de bzhin du mya ngan las 'das pa dag pa zhes bya ba yang / mya ngan las 'das pa ni dag pa'ang ma yin/ nyon mongs pa'ang ma yin te/ 'on kyang mya ngan las 'das pa dag pa zhes bya'o/ / rab 'byor de ji snyam du sems/ khyod ci dag pa yin nam/ gsol pa/ bcom ldan 'das nam nyon mongs pa mchis pa de'i tshe bdag dag pa'o// / bka' stsal pa/ rab 'byor khyod kyi nyon mongs pa med pa'i rnam par dag pa gang yin/ rab 'byor gyis gsol pa/ bcom ldan 'das chos kyi dbyings ni rang bzhin yongs su dag pa ste/ bdag gi de yongs su rtogs pas de'i slad du yongs su dag go// bcom ldan 'das kyis bka' stsal pa/ rab 'byor chos kyi dbyings yongs su shes par nus sam/ rab 'byor gyis gsol pa/ bcom ldan 'das de ste chos kyi dbyings ma gtogs pas chos gzhan 'ga' zhig mchis na ni/ des chos kyi dbyings yongs su 'tshal bar 'gyur gyi/ chos kyi dbyings
- 209a
nyid kyis ni chos kyi dbyings yongs su mi 'tshal to/ / bcom ldan 'das kyis bka' stsal pa/ rab 'byor de ste chos kyi dbyings ma gtogs par gang chos kyi dbyings yod su shes pa'i chos de gang yang med na/ chos kyi dbyings de khyod kyis ji ltar yongs su shes/ de skad ces bka' stsal pa dang / tshe dang ldan pa rab 'byor cang mi smra bar 'dug go/ de nas 'jam dpal gzhon nur gyur pas/ tshe dang ldan pa rab 'byor cang mi smra bar 'dug pa la 'di skad ces smras so// btsun pa rab 'byor khyod ci'i phyir/ bcom ldan 'das kyis smras pa'i lan blan pa las 'dug par gyur/ rab 'byor gyis smras pa/ 'jam dpal gang gi tshe sngon bla na med pa yang dag par rdzogs pa'i byang chub tu ma zhugs pa de'i tshe nga 'dug go// de ci'i phyir zhe na/ nyan thos rnams kyi spobs pa ni thogs pa dang bcas pa/ bar chad dang bcas pa'o// byang chub sems dpa' rnams kyi spobs pa ni thogs pa med pa/ bar chad med pa'o// 'jam dpal gyis smras pa/ ci btsun pa rab 'byor chos kyi dbyings la thog pa 'am/ bar chad pa gang yang dmigs sam/ smras pa/ 'jam dpal de ni ma yin te/ chos kyi dbyings la ni thogs pa 'am/ bar chad mi dmigs so// smras pa/ 'on ci'i phyir tshe dang ldan pa rab 'byor 'chad pa las bar chad du gyur/ smras pa/ 'jam dpal gang gis chos kyi dbyings
- 209b
la yongs su chad pa'i tshul gyis yongs su shes pa de dag ni chad pa yin gyi/ gang yang chos kyi dbyings la chad pa med pa'i tshul gyis yongs su shes pa de dag ni 'chad par bar mi 'chad do// smras pa/ btsun pa rab 'byor ci chos kyi dbyings la yongs su chad pa gang yang yod dam/ smras pa/ 'jam dpal de ni ma yin te/ chos kyi dbyings ni kun gyi sgo ste/ chos kyi dbyings la yongs su chad pa gang yang med do/ / smras pa/ 'o na ci'i phyir btsun pa rab 'byor chos kyi dbyings la yongs su chad par ston/ smras pa/ 'jam dpal nyan thos kyi yul tshang mar byas te/ chos kyi dbyings yongs su chad par ston te/ / sangs rgyas kyi yul tshad mar byas te/ de ni chos kyi dbyings chad pa med par ston to// 'jam dpal gyis smras pa/ ci btsun pa rab 'byor chos kyi dbying yul las byung ngam/ rab 'byor gyis smras pa/ 'jam dpal chos kyi dbyings yul las byung ba ma yin te/ 'jam dpal de ci'i phyir zhe na/ chos kyi dbyings ni yul med pa yul dang bral ba'o// 'jam dpal gyis smras pa/ 'o na ci'i phyir tshe dang ldan pa rab 'byor yul tha dad par ston/ rab 'byor gyis smras pa/ 'jam dpal nyan thos rnams kyi spobs pa ni thogs pa dang bcas pa/ bar chad dang bcas pa'o// byang chub sems dpa' rnams kyi spobs pa ni thogs pa med pa/ bar chad pa meng pa'o zhes dang po nyid du ngas ma smras sam/ 'jam dpal gyis smras pa
- 210a
btsun pa rab 'byor khyod kyis so so yang dag par rig pa ma thob bam/ rab 'byor gyis smras pa/ 'jam dpal ngas so so yang dag par rig pa thob bo// 'jam dpal gyis smras pa/ 'o na ci'i phyir tshe dang ldan pa rab 'byor 'chad pa bar chad/ rab 'byor gyis smras pa/ 'jam dpal nyan thos rnams kyi so so yang dag par rig pa ni sems can gyi dbang po mchog dang / mchog ma yin par shes pa dang bral ba ste/ de bas na 'chad pa bar chad do// byang chub sems dpa' rnams kyi so so yang dag par rig pa ni sems can thams cad kyis dbang po mchog dang mchog ma yin pa shes pas bskyed pa ste/ de bas na 'chad pa bar mi 'chad do// 'jam dpal gyis smras pa/ ci ye shes kyi dbyings gang gis tshe dang ldan pa rab 'byor gyis so so yang dag par rig pa'i ye shes bskyed pa'i ye shes kyi dbyings de bar 'chad pa'i mtshan nyid yin nam/ rab 'byor gyis smras pa/ 'jam dpal de ni ma yin te/ ye shes kyi dbyings ni thogs pa med pa'i mtshan nyid/ bar chad med pa'i mtshan nyid/ bar chad med pa'i rang bzhin can/ 'jam dpal gyis smras pa/ tshe dang ldan pa rab 'byor de ste ye shes kyi dbyings thogs pa med pa'i mtshan nyid par chad pa med pa'i rang bzhin can yin na/ 'o na ci'i phyir 'chang pa bar chad/ rab 'byor gyos smras pa/ 'jam dpal tshe dang ldan pa shA ri'i bu 'di nyan thos rnams kyi nang
- 210b
na shes rab che ba'i mchog tu bcom ldan 'das kyis gsungs kyis/ 'di la dris shig dang / 'di nyid khyod la lan ljon par 'gyur ro// tshe dang ldan pa shA ri'i bus spras pa/ tshe dang ldan pa rab 'byor nyid kyis shod cig/ nga ni 'jam dpal gzhon nur gyur pas chos bstan pa nyan par 'dod kyi/ 'chad par ni mi 'dod do// de ci'i phyir zhe na/ 'jam dpal gzhon nur gyur pas 'di sngon sangs rgyas stong phrag mang po'i spyan snga nas chos 'chad cing / nyan thos chen po dag kyang cang mi smra bar 'jog pa ngas mthong ngo // tshe dang ldan pa rab 'byor shar phyogs logs su sangs rgyas kyo zhing brgya stong phrag mang po 'das pa na/ 'jig rten gyi khams dang pa can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas 'od kyi dpal zhes bya ba da ltar bzhugs te/ 'tsho gzhes chos kyang ston to// de na nyan thos chen po shes rab sgron ma zhes bya ba nyan thos rnams kyi nang na shwe rab che ba'i mchog tu bcom ldan 'das des gsungs so/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi dpal de/ nam nang du yang dag par 'jog par 'gyur/ pa de'i tshe/ nyan thos chen po shes rab sgron ma de tshangs pa'i 'jig rten man chad du mngon par song zhing / stong gsum gyi stong chen po'i 'jig rten gyi khams thams cad sdud cing chos ston
- 211a
to/ / nga dang 'jam dpal gzhon nur gyur pa'ang 'jig rten gyi khams der phyin te/ gzhan yang byang chub sems dpa' brgya stong phrag mang po dang / lha'i bu brgya phrag stong yang chos nyan par 'dod pa'i phyir/ 'jam dpal gzhon nur gyur pa'i phyi bzhin 'brang bar gyur to// de nas 'jam dpal gzhon nur gyur pa 'od gsal ba'i lha'i ris su 'dug ste/ lung ba bsal ba'i sgra gang gis stong gsum gyi stong chen po'i 'jig rten khams thams cad sgras go bar 'gyur ba dang / bdud kyi gnas thams cad spa gong bar 'gyur ba de lta bu'i lud pa bsal ba'i sgra byung ngo / / de nas nyan thos chen po des lud pa bsal ba'i sgra de thos pa dang / yud pa bsal ba'i sgra de'i shugs ma bzod pas rnam par 'thor ba'i rlung gis bus pa'i bya bzhin du/ sa la lhung ste/ de skyo zhing ba spu langs par gyur nas ngo mtshar thob ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi dpal de gang na bar der song nas phyin pa dang / bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// bcom ldan 'das lud pa bsal ba'i sgra gang thos pas bdag lud pa bsal ba'i sgra'i shugs de ma bzod pas/ rnam par 'thor ba'i rlung gis bus pa'i bya bzhin du sa la ltung bar gyur pa'i lud pa bsal ba'i sgra zab mo 'dra
- 211b
lta bu 'di sus bgyis/ bcom ldan 'das des bka' stsal pa/ dge slong 'jam dpal gzhon nur gyur pa zhes bya ba phyir mi ldog pa skye ba gcig gis thogs pa'i byang chub sems dpa' deng la blta ba dang / phyag bya ba dang / bsnyen bkur bya ba dang / yongs su zhu ba dang / yongs su legs par zhu bar bya ba'i phyir/ chags pa med pa'i rdzu 'phrul gyi stobs kyis rnam par rtse zhing 'jig rten gyi khams 'dir 'ongs te/ 'jam dpal gzhon nur gyur pa de 'od gsal gyi lha'i ris su 'dug nas lud pa bsal ba'i sgra gang gis stong gsum gyi stong chen po'i 'jig rten gyi khams thams cad sgras ge bar 'gyur ba dang / bdud kyi gnas thams cad spa gong bar 'gyur ba de lta bu'i lud pa bsal ba'i sgra phyung ngo // des gsol pa/ bcom ldan 'das skyes bu dam pa de lta bu'i dag mthong nas legs par 'gyur gyis/ 'jam dpal gzhon nur gyur pa de bdag cag gis kyang blta'o// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi dpal gyis/ 'jam dpal gzhon nur gyur pa la 'ong bar bya ba'i phyir mtshan ma mdzad do// de nas 'jam dpal gzhon nur gyur pa byang chub sems dpa' de dag dang / lha'i bu de dag dang lhan cig tu bar snang de las babs nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
- 212a
'od kyi dpal de gang na ba der dong ste lhags pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor nas 'khor dang bcas te/ ji ltar rang gi smon lam dang rdzu 'phrul gyi mthus sprul pa'i stan la phyogs gcig tu 'khod do// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi dpal gyis/ 'jam dpal gzhon nur gyur pa la 'di skad ces bka' stsal to// 'jam dpal khyod don gyi dbang ci zhig mthong na/ 'jig rten gyi khams dang pa can 'dir 'ongs 'jam dpal gyis gsol pa/ bcom ldan 'das la blta ba dang / phyag bgyi ba dang / bsnyen bkur bgyi ba dang / yongs su zhu ba dang / yongs su legs par zhu ba'i slang du'o/ / bcom ldan 'das kyis bka' stsal pa/ 'jam dpal ji ltar na de bzhin gshegs pa blta ba shin tu rnam par dag par 'gyur/ ji ltar na de bzhin gshegs pa la phyag byas par 'gyur/ ji ltar na bsnyen bkur byas par 'gyur/ ji ltar na yongs su zhus par 'gyur/ ji ltar na yongs su legs par zhus par 'gyur/ 'jam dpal gyis gsol pa/ bcom ldan 'das nam chos mthong ba shin tu rnam par dag pa de lta bu ni/ de bzhin gshegs pa mthong ba shin tu rnam par dag pa'o// bcom ldan 'das nam lus dang sems kyis 'dud par mi bgyid
- 212b
rab tu 'dud par mi bgyid cing / 'gying ba ma mchis/ zhum pa ma mchis par gnas pa/ mi g.yo ba thob pas/ sems dben pa'i ngang tshul du spyod pa/ dran pa dang ldan zhing shes bzhin du byed pa de lta bus ni/ de bzhin gshegs pa la phyag bgyis par 'gyur ro// bcom ldan 'das nam bdag tu sgro 'dogs par mi bgyid/ gzhan du sgro 'dogs par mi bgyid/ mnyam pa nyid las mnyam par mi bgyid/ / mi mnyam pa nyid la mi mnyam par mi bgyid cing / bgyid pa ma mchis// rnam par bgyid pa ma mchis/ sangs rgyas bcom ldan 'das rnams dang yang spyod pa gcig tu gyur pa/ sangs rgyas kyi sku dang / chos kyi sku'i rjes su 'jug pa/ rang gi lus kyang chos kyi rjes su song bar mthong ba/ mthong ba la mthong bar mi mthong ba/ log par mi mthong ba/ gang la'ang ring por mi 'gyur ba/ nye bar mi 'gyur ba de lta bu ni de bzhin gshegs pa la bsnyen bkur bgyis par 'gyur ro// bcom ldan 'das nam tshul bzhin ma lags par ni ma lags kyi/ tshul bzhin du zhu ba tshul bzhin ma lags pa/ ci'ang mi mthong ba/ bdag gi tshul bzhin gyis chos thams cad kyi tshul bzhin gyi rjes su 'gro ba g.yengs pa'i sems kyis ma lags kyi/ mnyam par bzhag pas zhu ba gang zhu ba dang / gang gi phyir zhub dang / gang la zhu ba de dus gsum du yongs su tshol zhing
- 213a
'khor gsum yongs su dag pas zhu ba de lta bu ni/ de bzhin gshegs pa la yongs su zhu ba zhus par 'gyur ro// bcom ldan 'das nam zhu ba mchis pa la brnogs par mi bgyid pa/ ji skad gsungs pa'i rjes su 'thun par bgyid pa/ de bzhin gshegs pa mnyes par bgyid pa/ 'khor thams cad mgu bar bgyid pa/ yongs su zhu ba la mi chags pa yongs su zhu ba des kyang sems can tshad med pa rnams byang chub tu go cha bskon cing / go cha de'ang nam byang chub kyi snying po la thug gi bar du mi 'dor ba de lta bu ni/ de bzhin gshegs pa la yongs su legs par zhu ba bgyis par 'gyur ro/ / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi dpal des/ 'jam dpal gzhon nur gyur pa la legs so zhes bya ba gnang ste/ 'jam dpal de bzhin gshegs pa de ltar blta bar bya'o// de ltar phyag bya'o// de ltar bsnyen pa kun bya'o// de ltar yongs su zhu bar bya'o/ / de ltar yongs su legs par zhu bar bya'o zhes smras pa de ni/ khyod kyis legs par bshad do legs so legs so// de nas 'jam dpal gzhon nur gyur pas nyan thos chen po shes rab sgron ma la 'di skad ces smras so/ / tshe dang ldan pas de bzhin gshegs pa la ji ltar mthong / ji ltar phyag 'tshal/ ji ltar bsnyen bkur byed/ ji ltar yongs
- 213b
su zhu/ ji ltar yongs su legs par zhu/ des smras pa/ 'jam dpal bstan pa 'di lta bu ni nged lta bu nyan thos gzhan gyi sgra'i rjes su mos pa rnams kyi yul ma yin no// smras pa/ 'o na gang mngon par rtogs pas tshe dang ldan pa shes rab sgron ma'i sems rnam par grol/ des smras pa/ 'jam dpal bden pa mngon par rtogs pas bdag gi sems rnam par grol lo// smras pa/ tshe dang ldan pa bden pa zhes bya bas ci bstan par 'gyur/ des smras pa/ 'jam dpal gnyen po med pas phye ba ni bden pa'o// smras pa/ 'o na ji ltar bden pa mngon par rtogs pas cha dang ldan pa'i sems rnam par grol/ des smras pa/ 'jam dpal kun rdzob nye bar bzung ste de skad ces ston gyi/ don dam par ni ma yin no// smras pa/ TI kun rdzob don dam par 'du 'am/ des smras pa/ de lta mi 'dun don dam pa med par 'gyur ro// smras pa/ 'o na ji ltar kun rdzob nye bar bzung ste ston gyi/ don dam par ni ma yin/ de ste kun rdzob don dam par 'dun ni 'di lta ste/ don dam pa'i bden par bden pa gcig pur mi 'gyur ram/ des smras pa/ 'jam dpal bshad pa 'dri thos na las dang po pa'i byang chub sems dpa' rnams skrag par 'gyur ro/ / smras pa/ btsun pa nyid kyang skrag na/ las dang pa pa'i byang chub sems dpa' rnams lta ci smos/ des smras pa/ 'jam dpal bdag skrag par bya mi nus so//
- 214a
smras pa/ tshe dang ldan pa ci sdug pa med pa dang skyo ba med pas// nye bar len pa med par zag pa las sems rnam par grol las/ des smras pa/ 'jam dpal nyan thos rnams ni skrag pa dang skyo ba med par rnam par mi grol lo/ / smras pa/ tshe dang ldan pa de bas na sngon skrag pa nyid la bsams nas btsun pa nyid kyang skrag na/ las dang po pa'i byang chub sems dpa' rnams lta ci smos zhes skad smras so/ / smras pa/ 'jam dpal ji ltar na byang chub sems dpa' rnam par grol/ smras pa/ btsun pa byang chub sems dpa' ni skrag pa med pa dang / skye ba med pas rnam par grol lo// smras pa/ 'jam dpal ci la bsams te de skad ston/ smras pa/ bdud kyi sde bye ba phrag brgyas mi skrag cing / sems can rnams la chos bshad pas mi skyo la/ bsod nams kyi tshogs tshad med pa bsags pa/ mi skrag cing ye shes kyi tshogs tshad med pa bsags pas mi skye'o// de nas 'khor der lha'i bu gang dag 'dus par gyur pa de dag gis/ me tog sna tshogs pas 'jam dpal gzhon nur gyur pa la gtor te/ gang na 'jam dpal gzhon nur gyur pa snang ba de na de bzhin gshegs pa mngon sum du mthong ba yin no/ / 'jam dpal gzhon nur gyur pa gang du gnas pa'i sa phyogs de'ang mchod rten du 'gyur ro// gang gis 'jam dpal gzhon nur gyur pa'i chos
- 214b
bstan pa kun tu shes sam/ kun tu shes par 'gyur ba'i sems can de dag gis kyang bsod nams thams cad yongs su bzung ba yin no zhes de skad kyi tshig smras so// de nas yang 'jam dpal gzhon nur gyur pas/ nyan thos chen po shes rab sgron ma la 'di skad ces smras so// tshe dang ldan pa nyan thos rnams kyi nang na shes rab che ba'i mchog tu bcom ldan 'das kyis gsungs na/ ci shes rab de 'dus byas kyi mtshan nyid dam/ 'on te 'dus ma byas kyi mtshan nyid/ de ste 'dus byas kyi mtshan nyid yin na ni/ skye zhing 'jig pa dang ldan par 'gyur ro// de ste 'dus ma byas pa'i mtshan nyid yin na ni mtshan nyid gsum las bzlog par 'gyur ro/ / smras pa/ 'jam dpal 'phags pa rnams ni 'dus ma byas kyis phye bar ston to// smras pa/ tshe dang ldan pa 'dus ma byas pa gdags par nus sam/ smras pa/ 'jam dpal de ni ma yin te/ 'dus ma byas la gdags pa gang yang med do// smras pa/ 'o na ji ltar 'phags pa rnams 'dus ma byas kyi phye ba ston/ de skad ces smras pa dang / nyan thos chen po shes rab sgron ma de cang mi smra bar gyur to// de nas de bzhin gshegs pa dgra bcom pa yang dag par rdzogs pa'i sangs rgyas 'od kyi dpal des/ 'jam dpal gzhon nur gyur pa la 'di skad ces bka' stsal to// 'jam dpal chos gang thos pas byang chub sems dpa' sems dpa' chen po// bla na
- 215a
med pa yang dag par rdzogs pa'i byang chub las phyir mi ldog par 'gyur ba'i chos kyi sgo 'ga' zhig rtsoms te 'khor 'dir khyod kyis ston cig/ 'jam dpal gyis gsol pa/ bcom ldan 'das chos thams cad kyi sgo rnams kyi bstan pa thams cad kyang dben pa'i sgo ste dben pa nyid 'chad do// yang de'i tshe byang chub sems dpa' chos kyi blo gros zhes bya ba 'khor der 'dus par gyur te 'dug pa des/ 'jam dpal gzhon nur gyur pa la 'di skad ces smras so// 'jam dpal gang de bzhin gshegs pas 'dod chags dang / zhe sdang dang / gti mug bstan pa de dag ci dben pa'i sgo ste dben pa nyid 'chad pa yin nam/ smras pa/ rigs kyi bu ji snyam du sems/ 'dod chags dang / zhe sdang dang / gti mug gang nas byung / smras pa/ 'jam dpal 'dod chags dang / zhe sdang dang / gti mug ni rtog pa dang / rnam par rtog pa las byung ngo // smras pa/ rigs kyi bu rtog pa dang / rnam par rtog pa'ang gang nas byung / 'jam dpal rtog pa dang / rnam par rtog pa ni phyin ci log las byung ngo // smras pa/ rigs kyi bu phyin ci log kyang gang nas byung / smras pa/ 'jam dpal phyin ci log ni nga dang nga zhes bya ba las byung ngo / / smras pa/ rigs kyi bu nga dang nga'i zhes bya ba'ang gang nas byung / smras pa/ 'jam dpal nga dang nga'i zhes bya ba ni 'jig tshogs la lta ba las byung ngo // smras pa/
- 215b
rigs kyi bu 'jig tshogs la lta ba'ang gang nas byung / smras pa/ 'jam dpal 'jig tshogs la lta ba ni bdag las byung ngo // smras pa/ rigs kyi bu bdag kyang gang nas byung / smras pa/ 'jam dpal bdag ni gang nas kyang ma byung ste/ byung ba med pa ni bdag byung ba'o// de ci'i phyir zhe na/ 'di ltar bdag ni phyogs bcur yongs su btsal kyang mi dmigs so// smras pa/ rigs kyi bu chos gang dag phyogs bcur yongs su btsal kyang mi dmigs pa de'i sgo ci zhig yod/ smras pa/ 'jam dpal dbyen pa nyid de'i sgo'o// smras pa/ rig kyi bu dben pa'i sgo ci yin/ smras pa/ 'jam dpal sgo med pa nyid dbyen pa'i sgo'o// smras pa/ rigs kyi bu khro bos de las bsams te chos thams cad kyi sgo rnams kyi bstan pa thams cad kyang dben pa'i sgo ste/ de dben pa nyid 'chad do zhes de skad smras so// bstan pa 'di bstan pa'i tshe/ byang chub sems dpa' brgyad brgyas mi skye ba'i chos la bzod pa thob par gyur pa'o// de nas 'jam dpal gzhon nur gyur pas/ der rgya cher chos bstan pa byas nas stan las langs te song ngo // tshe dang ldan pa rab 'byor rnam grangs des kyang nyan thos sam/ rang sangs rgyas gang gis kyang // 'jam dpal gzhon nur gyur pa des spobs pa'i rgyun gcod nus pa med na/ skabs ma phye bar bdag cag lta bus 'jam dpal gzhon nur gyur pa dang lhan cig tu smra bar ga la nus/ de nas tshe
- 216a
dang ldan pa rab 'byor gyis/ tshe dang ldan pa shA ri'i bul 'di skad ces smras so// tshe dang ldan pa shA ri'i bus 'jam dpal gzhon nur gyur pa sangs rgyas kyi zhing du spyad pa spyod pa na/ rdzu 'phrul gyi stobs dang cho 'phrul rnam par 'phrul pa ji snyed cig mthong / shA ri'i bus smras pa/ tshe dang ldan pa rab 'byor kho bos mngon par shes te/ 'jam dpal gzhon nur gyur pa dang lhan cig sangs rgyas kyi zhing du spyad pa spyod pa na/ sangs rgyas kyi zhing gang tshig pa de dag ni 'jam dpal gzhon nur gyur pa song ba dang / chus yongs su gang zhing pad+mo mang pos yog par gnas par gyur to/ / gang dag chus yongs su gang ba de dag ni mes yongs su gang bar gnas par gyur te/ me de'ang reg na 'di lta ste dper na/ tsan dan sbrul gyi snying po 'am/ gos ka tsa lin de lta bur gyur to/ / gang dag stong pa nam mkhar gyur pa de dag ni tshangs pa'i gzhal med khang gis brgyan cing / bsam gtan la snyoms par zhugs pa'i byang chub sems dpas yongs su gang gnas par gyur to/ / gang dag 'chags pa de dag ni 'jig par snang ngo // gang dag ngan song gis yongs su gang ba de dag ni ngan song thams cad dang bral bar snang ste/ sems can de dag kyang byang chub kyi yan lag gi rnam pas bskyed pa'i byams pa thob par gyur to/ / byang chub kyi yan lag gi rnam pas bskyed pa'i byams pa gang zhe na/ gang la snyoms par zhugs
- 216b
na bdag bla na med pa yang dag par rdzogs pa'i byang chub mngon par rdzogs par sangs rgyas te/ sems can gang dag nyon mongs pa 'dod chags dang / zhe sdang dang / gti mug gis gzir ba de dag gi 'dod chags dang / zhe sdang dang / gti mug shin tu spang bar bya ba'i phyir chos bstan to snyam sems pa ste/ gang de ltar byams pa'i ting nge 'dzin la snyoms par 'jug pa de ni/ byang chub kyi yan lag gi rnam pas bskyed pa'i byams pa zhes bya'o// tshe dang ldan pa rab 'byor de'i tshe de'i dus na/ kho bo'i sems la sems kyi rnam par rtog pa/ 'jam dpal gzhon nur sa gyu s hes nas/ stong gsum gyi stong chen po'i 'jig rten gyi khams 'dir me 'bar ba na/ 'jig rten gyi bar du 'dug ste/ kho bo la 'di skad ces zer ro// tshe dang ldan pa shA ri'i bu'i rdzu 'phrul gyi mthus 'jig rten gyi khams 'di las brgal bar bya 'am/ 'on te kho bo'i rdzu 'phrul gyi mthus brgal bar bya/ kho bos 'di skad ces smras so// kho bo'i rdzu 'phrul gyi mthu'i mgyogs pas 'jig rten gyi khams 'di las brgal bar bya'o zhes/ tshe dang ldan pa rab 'byor kho bo'i rdzu 'phrul gyi mthu'i mgyogs pa'i cho 'phrul thams cad bstan te/ 'dom gang
- 217a
tsam khor yug tu me de zhi bar byas nas/ 'jam dpal gzhon nur gyur pa dang lhan cig tu nyin zhag bdun gyi khams 'di rgal to// de nas dus gzhan zhig na de bas kyang shin tu rgya che zhing yangs pa'i 'jig rten gyi khams su me 'bar ba na/ 'jig rten gyi bar du 'jam dpal gzhon nur gyur pa 'dug ste/ kho bo la 'di skad ces zer ro// btsun pa shA ri'i bu gang gi rdzu 'phrul gyi mthus 'jig rten gyi khams 'di las brgal bar bya/ kho bos de la 'di skad ces smras so// 'jam dpal khyod kyi rdzu 'phrul gyi mthus 'jig rten gyi khams 'di las brgal bar bya'o/ / de nas 'jam dpal gzhon nur gyur pas/ mngon par 'du byed pa med pa'i mngon sum gyi rdzu 'phrul sems bskyed pa gcig gis/ 'jig rten gyi khams de me tog pad+mos g.yogs te brgal bar gyur to/ / brgal nas kyang kho bo la 'di skad ces zer ro// btsun pa shA ri'i bu bdag cag gnyis las su'i mthu dang ldan pa'i rdzu 'phrul gyi shugs mgyogs/ kho bos de la 'di skad ces smras so/ / 'jam dpal de ji snyam du sems/ byA lang gu li dang bya'i rgyal po nam mkha' lding gnyis kyi mthu gang gi shin tu mgyogs/ smras pa/ btsun pa shA ri'i bu bya'i rgyal po nam mkha'i lding gi mthu'i mgyogs pa ni tshad med pa ste/ dpe blang du sla ba ma yin no// de la kho bos 'di skad ces smras so// 'jam dpal bya lang gu li'i mgyogs pa lta bur ni khe bos
- 217b
rdzu 'phrul gyi mgyogs pa la blta bar bya'o/ / ji sgyur bya'i rgyal po nam mkha' lding gi mthu'i mgyogs pa de bas kyang brgya myong gos shin tu sgrub par khyod kyi rdzu 'phrul gyi mthu ma phyogs par blta'o// des smras pa/ btsun pa shA ri'i bu khyod kyi sems kyi rnam par rtog pa/ 'jam dpal gzhon nur gyur pa'i rdzu 'phral gang yin pa dang / bdag gi gang yin pa de gnyis ni mnyam mo snyam du ma gyur tam/ kho bos de la 'di skad ces smras so// 'jam dpal ji skad smras pa bzhin te/ kho bos snyam du gyur to// des smras pa/ ci'i phyir de snyam du gyur/ kho bos de la 'di skad ces smras so// / nyan thos rnams ni bag chags kyi mtshams sbyor ba ma bcad pa'i phyir/ mi mnyam du zin kyang mnyam pa nyid du bdag nyid kyis shes so// des smras pa/ btsun pa shA ri'i bu legs so lags so/ / ji skad smras pa de bzhin no// de ci'i phyir zhe na/ btsun pa shA ri'i bu sngon byung ba 'das pa'i dus na/ rgya mtsho chen po'i 'gram na/ drang srong chos 'dod ces bya ba dang / kun byin zhes bya ba gnyis shig 'khod de/ de la chos 'dod ni lnga mngon par shes shing mngon par shes pas rnam par rtse bar gyur to// kun byin ni rig pa dang sngags kyi mthus kun steng gi bar snang la 'gro bar gyur to/ / de nas de gnyis dus dus su spyod pa'i phyir rgya mtsho'i tshu rol nas pha rol du 'dong ngo // dong nas slar log cing rang rang gi gnas su 'khod do// de nas drang srong kun
- 218a
byin de kho bo'i rdzu 'phrul gang yin pa dang / chos 'dod kyi gang yin pa de gnyis ni mnyam mo snyam du gyur to// de nas dus gzhan zhig na rgya mtsho'i tshu rol nas pha rol du dong ste/ srin mo'i gling du phyin pa dang / der srin mo de dag gis yid du 'ong ba'i rol mo'i sgra byas par gyur pa'ang drang srong kun byin gyis thos/ srin mo de dag mthong nas nam mkha'i dkyil nas sa'i steng du lhung ngo / / de'i rig pa dang sngags kyang ma rung bar gyur to// de nas drang srong chos 'dod snying rje'i sems skyes nas/ lag pa g.yas pas bzung ste slar yang rang gi gnas su khrid nas bzhag go// / btsun pa shA ri'i bu de'i tshe de'i dus na drang srong chos 'dod ces bya ba gzhan zhig yin pa snyam du khyod the tsom mam yid gnyis su gyur na de ltar mi blta'o// de ci'i phyir zhe na/ kho bo nyid de'i tshe de'i dus na drang srong chos 'dod ces bya bar gyur to/ / btsun pa shA ri'i bu de'i tshe de'i dus na drang srong kun byin bya ba de gzhan zhig yin pa snyam du khyod the tsom mam yid gaN+DI sa gyur na de ltar mi blta'o// de ci'i phyir zhe na/ khyod nyid de'i tshe de'i dus na drang srong kun byin zhes bya bar gyur te/ tshe dang ldan pa shA ra dwa ti'i bu de'i tshe yang mi mnyam pa bdag dang mnyam pa nyid du bzhag go/ de ltar dade phyogs gcig pa'i ye shes dang ldan pa'i phyir da ltar yang mi mnyam bzhin du bdag dang mnyam par gzhag go/ / tshe dang ldan pa shA ra dwa ti'i bus/ tshe dang ldan pa rab 'byor la yang 'di skad ces smras so// tshe dang ldan pa rab 'byor ngas mngon par shes te/ 'jam dpal gzhon
- 218b
nur gyur pa dang lhan cig tu lho phyogs su sangs rgyas kyi zhing du spyad pa spyod pa'i tshe/ sangs rgyas kyi dang mang po brgya stong bye ba khrag khrig 'das pa na/ 'jig rten gyi khams rgyan thams cad kyis sung pa zhes bya ba na/ bcom ldan 'das de bzhin gshegs pa rin chen srog shing zhes bya ba'i sangs rgyas kyi zhing du bcom ldan 'das de blta ba dang / phyag bya ba dang / bsnyen bkur bya ba'i phyir phyin te/ de nas yang 'jam dpal gzhon nur gyur pas kho bo la 'di skad ces zer ro// btsun pa shA ra dwa ti'i bu khyod kyis gang bdag gis brgal ba'i sangs rgyas kyi zhing de dag mthong ngam/ kho bos de la 'di skad ces smras so// 'jam dpal mthong ngo // des smras pa/ tshe dang ldan pa shA ra dwa ti'i bu sangs rgyas kyi zhing de dag ci 'dra bar mthong / de la kho bos 'di skad ces smras so/ / kha cig ni mes yongs su gang ba'o// kha cig ni chus yongs su gang ba'o// kha cog ni nam mkhar gyur pa'o// kha cig ni rab tu 'byor cing rgyas pa'o// kha cig ni 'jig pa'o// kha cig ni 'chags pa'o// kha cig ni ngan song gis yongs su gang ba'o// kha cig ni ngan song dang yongs su bral ba'o// smras pa/ tshe dang ldan pa shA ra dwa ti'i bu/ sangs rgyas kyi zhing de dag ji ltar blta bar bya/ / de la kho bos 'di skad ces smras so// gang dag mes yongs su gang ba de dag ni mes yongs su gang ba nyid du blta bar bya'o// gang dag chus yongs su gang ba de dag ni
- 219a
chus yongs su gang ba nyid du blta bar bya'o/ / gang dag nam mkhar gyur pa de dag ni nam mkhar gyur pa nyid du blta bar bya'o// gang dag 'byor cing rgyas pa de dag ni 'byor cing rgyas pa nyid du blta bar bya'o/ / gang dag 'dzag pa de dag ni 'jig pa nyid du blta bar bya'o// gang dag 'chags pa de dag ni 'chags pa nyid du blta bar bya'o// gang dag ngan song dang bral ba dedag ni ngan song dang bral ba nyid du blta bar bya'o/ / des smras pa/ tshe dang ldan pa shA ra dwa ti'i bu ye shes kyi yul ji lta ba bshad pa'ang de bzhin no// de la kho bos 'di skad ces smras so// 'jam dpal khyod kyis sangs rgyas kyi zhing de dag ji ltar mthong / des spras pa/ tshe dang ldan pa shA ra dwa ti'i bu sangs rgyas kyi zhing thams cad ni nam mkha' zhing du mthong ngo // de ci'i phyir zhe na/ 'di lta ste/ mes yongs su gang ba'am/ chus yongs su gang ba 'am/ 'byor cing rgyas pa 'am/ 'jig pa 'am/ 'chags pa 'am/ ngan song gis yongs su gang ba 'am/ ngan song dang bral ba de dag ni yang dag pa ma yin pa'o/ / rkyen de dag ni glo bur du byung ba ste/ skye zhing 'jig pa dang ldan pa'o// nam mkha' ni rkyen gyis byung ba ma yin te/ rang bzhin du gnas pa nyid do/ / de bzhin du glo bur gyi nye ba'i nyon mongs pas sems nyon mongs pa zhes bya ste/ sems kyi rang bzhin ni nam yang nyon mongs par gyur pa med do// tshe dang ldan pa shA ra dwa ti'i bu
- 219b
'di lta ste dper na/ 'das pa'i dus na/ gang+gA'i klung gi bye ma snyed kyi bskal pas bsregs byung yang nam mkha' la sngon nam yang tshig pa med do// tshe dang ldan pa shA ra dwa ti'i bu de bzhin du sems can re res kyang gang+gA'i klung gi bye ma snyed kyi mi dge ba'i las mngon par 'du byas kyang sems kyi rang bzhin ni nam yang de bzhin du nyon mongs par gyur pa med do/ / tshe dang ldan pa shA ra dwa ti'i bu rigs kyi bu dang / rigs kyi bu mo gang la la rang bzhin gyis yongs su dag pa'i chos kyi dbyings de lta bu la 'jug pa de dag ni/ kun nas ldang ba'am/ sgrib pa 'am/ mngon par 'du byed pas kun nas ldang bar 'gyur ba cung zad kyang med de/ 'di ni kun nas ldang ba med pa'i chos kyi sgo'o// chos kyi sgo de la brtan na/ byang chub sems dpa' sems dpa' chen po rnams chos thams cad kyi rang bzhin yongs su dag par zhugs nas nyes pa las 'byung ba la mkhas par shes shing de'i sems nams kyang sgrib pas sgrib par mi 'gyur ro/ / tshe dang ldan pa rab 'byor 'jam dpal gzhon nur gyur pa rdzu 'phrul rnam par 'phrul pa dang / chos bstan pa rnam par 'phrul pa las gang kho bos phyogs tsam zhig mngon sum du gyur pa ni de lta bu de dag yin no// de nas tshe dang ldan ba kun dga' bos/ / tshe dang ldan pa shA ri'i bul 'di skad ces smras so// tshe dang ldan pa shA ri'i bu kho bos kyang 'jam dpal gzhon nur gyur pa'i rdzu 'phrul gyi cho 'phrul kha cig mngon sum du gyur to// tshe dang ldan pa shA ri'i bu kho bos
- 220a
mngon par shes te/ dus gcig cig na bcom ldan 'das mnyan du yod pa'i 'dze ta'i tshal mgon med zas sbyin gyi kun dga' ra ba 'di nyid na dge slong brgyad brgya'i dge slong gi dge 'dun chen po dang / byang chub sems dpa' khri nyis stong dang thabs cig tu bzhugs so// de'i tshe na mnyan du yod par dus ma yin pa'i sprin chen po zhig byung ste/ de las nyin zhag bdun du rgyun ma chad par dus ma yin pa'i char chen po bab bo/ / de na dge slong gang dag rdzu 'phrul che ba/ mthu che ba/ bsam gtan dang / rnam par thar pa dang / ting nge 'dzin dang / snyom par 'jug pa thob pa de dag ni bsam gtan dang / rnam par thar pa dang / ting nge 'dzin dang / snyoms par 'jug pas dus 'da' bar byas kyi/ gang dag ma thob pa de dag ni nyin zhag bdun du zas chad par gyur to/ / de nas dge slong de dag nyam chung ba dang ldan te/ bcom ldan 'das la blta ba'i phyir 'dong yang ma nus nas/ de la kho bos 'di snyam du gyur te/ e ma'o dge slong 'di dag ni rjud par gyur na/ bdag bcom ldan 'das kyi drung du song ste/ tshul de dag bcom ldan 'das la gsol lo snyam du gyur nas/ kho bo bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag 'tshal nas/ bcom ldan 'das la 'di skad ces gsol to// bcom ldan 'das e ma'o dge slong 'di dag nyin zhag bdun du 'tshal
- 220b
ma chad de/ bkres pas nyam chung ba dang ldan nas rjud de khri dang khri'u las ldang ba dang / bcom ldan 'das blta ba'i slad du mchi ba'i rdo yang mi thog go// de nas bcom ldan 'das kyis kho bo la 'di skad ces bka' stsal to/ / kun dga' bo song ste 'jam dpal gzhon nur gyur pa la tshul de dag sbom shig dang / de dge slong gi dge 'dun rtas par byed par 'gyur ro// 9 bcom ldan 'das kyi ltar mnyan nas/ 'jam dpal gzhon nur gyur pa'i gnas gang na ba der song ste phyin pa dang / de'i tshe 'jam dpal gzhon nur gyur pa bdag gi gtsug lag khang na brgya byin dang / tshangs pa dang / 'jig rten skyong ba rnams la chos ston pa mthong ngo // 'jam dpal gzhon nur gyur pa des kyang kho bo gtsug lag khang gi nang du 'ongs pa mthong ste/ mthong nas 'di skad ces zer ro/ / btsun pa kun dga' bo khyod ci'i phyir rlung dang char gyi nang na 'dir 'ongs/ kho bos 'jam dpal gzhon nur gyur pa la tshul de dag smras so// des kho bo la kun dga' bo song ste stan thing la/ gdugs tshod bab na 'gan de rdungs shig ces de skad zer nas/ kho bos 'jam dpal gzhon nur gyur pa'i gtsug lag khang nas byung ste/ dge 'dun gyi kun dga' ra bar song nas stan bting ste/ 'jam dpal gzhon nur gyur pa ci gtsug lag khang nas byung ngam zhes/ 'jam dpal gzhon nur gyur pa'i gtsug lag khang du lta zhing phyogs
- 221a
gcig tu 'dug go/ / de nas 'jam dpal gzhon nur gyur pas lus thams cad rnam par sgom pa zhes bya ba'i ting nge 'dzin la snyoms par zhugs nas/ sprul pa gzhan zhig sprul te/ brgya byin dang / tshangs pa dang / 'jig rten skyong ba de dag la chos ston to// de gtsug lag khang de nas byung ste/ mnyan du yod pa'i grong khyer chen por bsod snyoms kyi phyir zhugs nas/ kho bos ni ma mthong ngo // de nas bdud sdig can 'di snyam du gyur te/ 'jam dpal gzhon nur gyur pa 'dis seng ge'i sgra bsgrags nas/ mnyan du yod pa'i grong khyer chen por bsod snyoms kyi phyir zhugs na/ bdag gis 'di mi mthong bar bya'o snyam du gyur nas/ des de nyid kyi tshe mnyan du yod pa'i grong khyer chen po'i bram ze dang / khyim bdag dang / grong 'dab pa dang / gzhongs pa gang gis kyang 'jam dpal gzhon nur gyur pa mi mthong ba dang / gang yang bsur mi 'ong ba dang / su'ang bsod snyoms mi 'bul ba de lta de ltar byin gyis brlabs so/ / de nas 'jam dpal gzhon nur gyur pa gang dang gang du song ba de dag thams cad ni sgo dag kyang bcad par snang ste/ gang yang mi bsu bar gyur to// de nas 'jam dpal gzhon nur gyur pas bsams na/ e ma'o bram ze dang khyim bdag 'di dag ni ci nas kyang bdag mi mthong ba dang / gtam mi bya bar bdud kyis byin gyis brlabs so snyam du gyur nas
- 221b
des de'i tshe gang bden pa dang bden pa'i tshig dang / bsod nams dang ye shes kyi tshogs gang dag gis bdag gi ba spu'i khung bu gcig lus la skyes pa'i bsod nams kyi phung po de yang / gang+gA'i klung gi bye ma snyed kyi 'jig rten gyi khams kyi bdud sdig can rnams la med pa'i bden pa'i tshig des/ bdud kyi byin gyi rlabs 'di dag med par gyur cig/ bdud sdig can nyid kyang khyim bdag gi tshul du srang dang / sum mdo dang / bzhi mdo dag na/ 'jam dpal gzhon nur gyur pa la bsod snyoms phul cig phul cig/ 'di la phul na 'bras bu che bar 'gyur ro// gang gis stong gsum gyi stong chen po'i 'jig rten gyi khams su gtogs pa'i sems can thams cad lo 'bum du bde ba'i yo byad thams cad kyis rim gror byas/ gus par byas/ phu dud du byas pa bas/ gang gis 'jam dpal gzhon nur gyur pa la bsod snyoms sen mo'i rtse mo gang tsam phul na/ de'i bsod nams kyi phung po ches mang du bskyed par 'gyur zhes sgrogs par gyur cig ces bden pa'i byin gyi rlabs byas so/ / 'jam dpal gzhon nur gyur pas byin gyi rlabs de byas ma thag tu/ de nas de nyid kyi tshe sgo thams cad kyang bye bar gyur to// skye bo mang po thams cad kyang bsu zhing / 'jam dpal gzhon nur gyur pa bde bar 'ongs sam zhes kyang brjod do// bdud sdig can nyid kyang khyim bdag gi tshul du srang dang / sum mdo dang / bzhi mdo dag na/
- 222a
'jam dpal gzhon nur gyur pa la bsod snyoms phul cig phul cig/ 'di la phul na 'bras bu che bar 'gyur ro// gang gis stong gsum gyi stong chen po'i 'jig rten gyi khams su gtogs pa'i sems can thams cad la lo 'bum du bde ba'i yo byad thams cad kyis rim gror byas/ gus par byas/ phud dud du byas pa bas/ gang gis 'jam dpal gzhon nur gyur pa la bsod snyoms sen mo gang tsam phul na/ de'i bsod nams kyi phung po ches mang du skyed par 'gyur ro zhes sgrogs par gyur to// de nas 'jam dpal gzhon nur gyur pas ci nas kyang lhung bzed der bsod pa'i bza' ba dang / bca' ba dang / myang ba phal cher bcug pa de dag thams cad ji ltar snod so sor bcug pa bzhin du ma 'dres par 'dug pa dang gang dge slong brgyad brgya po de dag dang / byang chub sems dpa' khri nyis stong po de la kha zas ji tsam gyis chog pa des lhung bzed des blangs par gyur pa de lta de ltar rang gi lhung bzed de byin gyis brlabs so/ / de nas 'jam dpal gzhon nur gyur pas mnyan du yod pa'i grong khyer chen por bsod snyoms kyi phyir spyad nas/ mnyan du yod pa'i grong khyer gyi phyi rol du byung ste lam las byol nas/ lhung bzed de sa'i steng du bzhag ste/ bdud sdig can la 'di skad smras so// sdig can lhung bzed 'di khyer la mdun du song zhig/ de nas bdud sdig can gyis lhung
- 222b
bzed de sa de las gdeg par byas na gdeg ma nus nas/ des 'jam dpal gzhon nur gyur pa la 'di skad ces smras so// 'jam dpal lhung bzed 'di sa'i steng nas gdeg par ma nus so/ smras pa/ sdig can khyod kyang rdzu 'phrul che zhing mthu chen po dang ldan pa yin na/ rdzu 'phrul gyi stobs kyis lhung bzed 'di sa'i steng nas gdeg par gyis shig/ de nas bdud sdig can gyi rdzu 'phrul gyi stobs kyis cho 'phrul thams cad bstan kyang lhung bzed de sa de las chung ngu na skra'i rtse mo'i cha tsam yang gdeg par ma nus nas de ngo mtshar thob ste/ 'jam dpal gzhon nur gyur pa la 'di skad ces smras so/ / 'jam dpal kho bo ni 'dod na ri gshol mdara' 'dzin yang lag mthil du blangs te nam mkha' la 'dor na/ kho bos lhung bzed chung ngu 'di lta bu 'di sa'i steng nas gdeg par ma nus na/ de ci'i phyir de ltar 'gyur/ 'jam dpal gyis smras pa/ sems can chen po rnams dang gang zag chen po rnams kyi stobs drangs pa lhung bzed 'dir bcug ste// de'i phyir khyod kyis gdeg par ma nus so// de nas 'jam dpal gzhon nur gyur pa nyid kyis lhung bzed de sa las blangs nas bdud sdig can la byin te 'di skad ces smras so// sdig can lhung bzed 'di khyer la mdun du song zhig/ de nas bdud sdig can de slob ma bzhin du lhung bzed khyer te 'jam dpal gzhon nur gyur pa'i mdun du song ngo // de nas lha'i bu dbang sgyur
- 223a
lha'i bu khri nyis stong gis bskor cing mdun du bdar te/ 'jam dpal gzhon nur gyur pa gang na bar dong nas lhags pa dang / 'jam dpal gzhon nur gyur pa'i rkang pa gnyis la mgo bos phyag 'tshal nas/ bdud sdig can la 'di skad ces smras so// sdig can bran bzhin du 'jam dpal gzhon nur gyur pa'i lhung bzed khyer te mdun du 'gro ba 'di ci zhig bdud kyis smras pa/ lha'i bu mthu dang ldan pa rnams dang 'gran pa ci'ang med do// lha'i bus smras pa/ sdig can khyod kyang rdzu 'phrul che ba mthu chen po dang ldan pa'o// de nas 'jam dpal gzhon nur gyur pa'i byon rlabs kyi/ bdud sdig can gyis/ lha'i bu dbang sgyur la 'di skad ces smras so// lha'i bu 'di lta ste/ bdud kyi stobs ni gti mug gi stobs so// byang chub sems dpa'i stobs ni shes rab kyi stobs so/ / bdud kyi stobs ni nga rgyal gyi stobs so// byang chub sems dpa'i stobs ni ye shes kyi stobs so// bdud kyi stobs ni lta ba 'byung ba'i stobs so/ / byang chub sems dpa'i stobs ni stong pa nyid kyi stobs so// bdud kyi stobs ni phyin ci log gi stobs so// byang chub sems dpa'i stobs ni bden pa'i stobs so// bdud kyi stobs ning dang nga'i zhes bya ba'i stobs so// byang chub sems dpa'i stobs ni byams pa chen po dang / snying rje chen po'i stobs so// bdud kyi stobs ni 'dod chags dang / zhe sdang dang /
- 223b
gti mug gi stobs so// byang chub sems dpa'i stobs ni rnam par thar pa'i sgo gsum gyi stobs so// bdud kyi stobs ni skye ba dang / 'chi ba dang / 'byung ba'i stobs so// byang chub sems dpa'i stobs ni skye ba med pa dang / 'byung ba med pa'i chos la bzod pa rab tu thob po'i stobs so// bdud sdig can gyis bstan pa 'di bstan pa'i tshe/ lha'i bu'i 'khor de las lha'i bu lnga brgya bla na med pa yang dag par rdzogs pa'i byang chub tu sems skyes so/ / byang chub sems dpa' nyis brgyas mi skye ba'i chos la bzod pa thob par gyur to// de nas 'jam dpal gzhon nur gyur pa bdud sdig can dang lhan cig tu lhung bzed de khyams zlum por bzhag ste/ song yang kho bos ma mthong nas/ gdugs tshod la bab par gyur kyang / 'jam dpal gzhon nur gyur pa gtsug lag khang de nas byung ba'am zhugs par yang mi mthong ste/ de la kho bo 'di snyam du gyur to// 'jam dpal gzhon nur gyur pa dge slong gi dge 'dun ma bslus sam/ bdag bcom ldan 'das kyi drung du song ste tshul de dag gsol lo snyam du gyur nas/ kho bo bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to/ / bcom ldan 'das gdugs tshod la bab na/ 'jam dpal gzhon nur gyur pa ni gtsug lag khang de nas ma byung ngo // bcom ldan 'das kyis/ kho bo la 'di skad ces
- 224a
bka' stsal to/ / kun dga' bo khyod kyis khams zlum po der cir yang ma mthong ngam/ bcom ldan 'das la/ kho bos 'di skad ces gsol to// bcom ldan 'das de na lhung bzed zas kyis gang ba gcig cig gda' 'o/ / bcom ldan 'das kyis kho bo la 'di skad ces bka' stsal to// kun dga' bo song la 'gan de brdungs te dge slong gi dge 'dun sdus shig/ bcom ldan 'das la/ kho bos 'di skad ces gsol to// bcom ldan 'das dge slong gi dge 'dun 'di dag mang po zhig mchis na/ lhung bzed gcig gang ba'i zas kyis ji ltar bgyi/ bcom ldan 'das kyis bka' stsal pa/ kun dga' bo khyod brtson pa chung bar byos shig/ kun dga' bo gal te stong gsum gyi stong chen po'i 'jig rten gyi khams su gtogs pa'i sems can thams cad kyis/ lo 'bum du lhung bzed gcig po de las zos kyang / lhung bzed de ni yongs su zad par mi 'gyur ro// de ci'i phyir zhe na lhung bzed de ni 'jam dpal gzhon nur gyur pas byin gyi rlabs kyis byin gyis brlabs te/ 'jam dpal gzhon nur gyur pa'i sbyin pa'i pha rol tu phyin pa ni zad mi shes pa'i bsod nams las byung ba'o/ / bcom ldan 'das kyi ltar kho bos mnyan nas sems dga' bas 'gan de brdungs te dge slong gi dge 'dun yang bsogs so// de nas 'jam dpal gzhon nur
- 224b
gyur pas 'gan de'i sgra thos nas/ lha'i bu de dag dang / byang chub sems dpa' rnams dang 'grogs te/ rang gi gtsug lag khang nas byung ste khyams zlum por song nas/ lhung bzed de las bsod pa'i bza' ba dang / bca' ba dang / myang ba rnams ji ltar snod so so na bzhag bzhag pa lta bur phan tshun 'dres pa phal cher byung ste/ dge slong mang po thams cad kyang rtas par byas so/ / byang chub sems dpa' mang po thams cad kyang tshim par byas kyang / zas de ni yongs su zad pa 'am gtugs par ma gyur to// de nas bdud sdig can gyis 'jam dpal gzhon nur gyur pa la bar chad bya ba'i phyir/ sham thabs legs par ma bgos pa// bla gos legs par ma gyon pa/ sha tshugs ma legs pa/ lhung bzed rdol cing chag pa/ gos ngan pa sna leb leb po dang / zhar ba dang / 'theng po dang / zha bo dang / de las kha cig ni ha cang ring ba dang / kha cig ni ha cang thung ba/ kha cig ni ha cang gnag pa/ kha cig ni ha cang dkar ba/ kha cig ni he cang skem pa/ kha cig ni ha cang sbom pa/ kha cig ni sgur po/ kha cig ni mi'u thung ste/ de dag gzhon pa'i mtha' nas phyag 'tshal zhing rgan pa'i mthar 'dug ste/ skye bo mang po'i tshogs gang gis mthong ba'i sems skyo bar 'gyur ba'i dge slong bzhi khri sprul par gyur te/ de dag la'ang lhung bzed de nas bsod pa'i bza' ba dang /
- 225a
bca' ba dang / myang ba phal cher phyung ste/ byin kyang lhung bzed de zad par ma gyur to// de nas bdud sdig can gyis sprul pa'i dge slong de dag re res kyang 'bras chan yul bying 'dzin gyi bre bo bcu bcu zos kyang tshim par ma gyur pa de ltar byin gyis brlabs so/ / de na rung byed rnams thams cad yongs su skyo bar gyur kyang de dag tshim par byed ma nus so// de nas 'jam dpal gzhon nur gyur pas gang dge slong de dag lhung bzed rnams kyang yongs su gang la/ lag pa na'ang khams thegs shing khar bcug pa'i kham yang ming mi nus la/ de dag mgrin pa btsir ba bzhin du mig log ste/ sa la lhung ba de ltar byin gyis brlabs so// de nas 'jam dpal gzhon nur gyur pas/ bdud sdig can la 'di skad ces smras so// sdig can khyod kyi dge slong 'di dag ci'i phyir zas mi za/ bdud kyis smras pa/ 'jam dpal bdag gi dge slong 'di dag ni shi la thug par gyur na/ khyod kyis dug dang bsres pa'i zas ma byin grang / 'jam dpal gyis smras pa/ sdig can drug med pa rnams dug sbyin par gal byed/ gang dag drug bsrel ba de dag ni dug sbyin par byed kyi/ gang dag drug mi bsrel ba de dag ni dug sbyin par mi byed do/ / sdig can drug ces bya ba ni 'di lta ste/ 'dod chags dang / zhe sdang dang / gti mug ste/ de dag kyang legs par gsungs pa'i chos 'dul ba
- 225b
la med do/ / dug ces bya ba ni ma rig pa dang / srid pa'i sred pa dang / nga dang nga'i zhes bya ba dang / rgyu dang / lta ba dang / ming dang gzugs dang / sdug pa dang / khong khro ba dang // bdag tu lta ba dang / gzhan du lta ba dang / sgrib pa dang / kun nas ldang ba dang / phung po la mngon par chags pa dang / khams la rlom sems su byed pa dang / skye mched la yongs su 'dzin pa dang / yul la chags pa dang / khams gsum la zhen pa dang / bsdus shing g.yengs pa dang / gzhug cing dbyung ba dang / shi 'pho dang / skye ba dang / 'ong zhing 'gro ba dang / lus la mngon par chags pa dang / srog la zhen pa dang / sdug pa yid la byed pa dang / phyin ci log tu gnas pa dang / rten ci 'brel par 'byung ba dang mi mthun pa dang / chad par lta ba dang / ther zug tu lta ba dang / srid par lta ba dang / 'jig par lta ba dang / g.yo ba dang / rlom sems dang / rtog pa dang / rnam par rtog pa dang / sogs pa dang / mdud pa dang / kun gzhi dang / nges pa'i gzhi dang / zhen pa dang / khyim gyi gnas la dga' ba dang / len pa dang / 'dor ba dang / stong pa nyid kyis skrag pa dang // mtshan ma med pa la g.yang sar 'du shes pa dang / smon pa med pa la gshed mar 'du shes pa dang / dmigs su med pa dngos por 'du shes pa dang / nges par 'byung ba'i khams la kha na ma
- 226a
tho bar lta ba dang / chu bo las brgal bar 'du shes pa dang / byang chub kyi phyogs kyi chos la chos ma yin par 'du shes pa dang / yang dag par lta ba la log par lta bar 'du shes pa dang / log par lta ba la yang dag par lta bar 'du shes pa dang / dge ba'i bshes gnyen la sdig pa'i grogs por 'du shes pa dang / sdig pa'i grogs po la dge ba'i bshes gnyen du 'du shes pa dang / sangs rgyas dang mi mthun pa dang / chos spong ba dang / dge 'dun la ma gus pa dang / dgon pa'i gnas la mngon par mi dga' ba dang / nga rgyal dang lhag pa'i nga rgyal dang / nga zhes bya ba'i nga rgyal ma spangs pa dang / gdon dang rtsod pa 'bar bar byed pa dang / bden pa la brdzun par 'du shes pa dang / brdzun pa la bden par 'du shes pa dang / 'dod pa la yon tan du 'du shes pa dang / 'dus byas pa la badre bar 'du shes pa dang / 'khor ba la bsngags pa rnam pa bcur 'du shes pa dang / mya ngan las 'das pa la 'jigs pa rnam pa bcur 'du shes pa'i chos de lta bu de dag ni dug yin te/ sdig can de dag ni legs par gsungs pa'i chos 'dul ba la med do// de ci'i phyir zhe na/ sangs rgyas kyi bstan pa ni bdud rtsi bstan pa'o// sangs rgyas kyi bstan pa ni bde ba bstan pa'o// sangs rgyas kyi bstan pa ni spros pa med pa'i bstan pa'o// sangs rgyas kyi bstan pa ni
- 226b
ma smad pa'i bstan pa'o/ / sangs rgyas kyi bstan pa ni kun nas ldang ba med pa'i bstan pa'o// sangs rgyas kyi bstan pa ni 'byung ba bstan pa'o// sangs rgyas kyi bstan pa ni 'thab pa med pa bstan pa'o/ / sangs rgyas kyi bstan pa ni rtsod pa med pa bstan pa'o// sangs rgyas kyi bstan pa ni bdag dang gzhan mi gdung ba bstan pa'o// sangs rgyas kyi bstan pa ni byams pa dang ldan pa bstan pa'o/ / sangs rgyas kyi bstan pa ni gnas dang / skyabs dang / gling dang / rten gyi bstan pa'o// sangs rgyas kyi bstan pa ni dul ba dang / zhi ba dang / rab tu zhi ba dang nye bar zhi ba bstan pa'o/ / sangs rgyas kyi bstan pa ni dag pa dang / rnam par dag pa dang / yongs su dag pa dang / 'od gsal ba bstan pa'o// sangs rgyas kyi bstan pa ni yang dag pa'i nan tan bstan pa'o/ / sangs rgyas kyi bstan pa ni mi skyo ba bstan pa'o// sangs rgyas kyi bstan pa ni shin tu dul ba bstan pa'o// sangs rgyas kyi bstan pa ni shin tu rnam par dag pa bstan pa'o/ / sangs rgyas kyi bstan pa ni bstod cing bsngags pa bstan pa'o// sangs rgyas kyi bstan pa ni zhi ba dang / rab tu zhi ba dang / shin tu bsams pa bstan pa'o// sangs rgyas kyi bstan pa ni grol ba dang / rnam par grol ba dang / yongs su grol ba bstan pa'o// sangs rgyas kyi bstan pa ni pha rol gyi rgol ba thams cad chos dang ldan pas tshar
- 227a
gcod pa bstan pa'o/ / sangs rgyas kyi bstan pa ni bdud thams cad 'joms pa bstan pa'o// sangs rgyas kyi bstan pa ni skye ba dang / shi 'pho dang / 'byung ba las 'byung ba bstan pa'o/ / dran pa nye bar gzhag pas dran pa bstan pa'o// sdig pa thams cad med pas yang dag par spong ba bstan pa'o// lus dang sems yang bas rdzu 'phrul gyi rkang pa bstan pa'o/ / dad pa sngon du 'gro bas dbang po bstan pa'o// nyon mongs pa thams cad kyis mi thub pas stobs bstan pa'o// 'thun par khong du chud pas byang chub kyi yan lag bstan pa'o/ / 'byung bas lam bstan pa'o// sems zhi bas zhi gnas bstan pa'o// rnam par grol ba bskyed pas lhag mthong bstan pa'o// slu bar mi byed pas bden pa bstan pa'o/ / don dang / chos dang / nges pa'i tshul dang / spobs pa dang mi gal bas so so yang dag par rig pa bstan pa'o// 'dus byas la smod pas mi rtag pa dang / sdug bsngal ba yongs su brjod pa bstan pa'o/ / ya mtshan can thams cad spong bas bdag med pa bstan pa'o// mya ngan las 'das par grol bas zhi ba bstan pa'o// pha rol tu 'gro bas pha rol tu phyin pa bstan pa'o/ / sems can yang dag par sdud pas thams cad thabs bstan pa'o// gnod sems med pas byams pa bstan pa'o// 'tshe ba med pas snying rje bstan pa'o// mi
- 227b
dga' ba sel bas dga' ba bstan pa'o/ / bya ba byas pas btang snyoms bstan pa'o// nga rgyal med pas ye shes bstan pa'o// byang chub kyi sems bskyed pas dkon mchog gsum gyi gdung me 'chad pa bstan pa'o/ / yang rjod med pas bde ba thams cad dang 'thun pa bstan pa'o// bstan pa'i bshad pa 'di bstan pa'atsho/ gang bdud rdzog can dang lhan cig tu lha'i bu gang dag gyus pa de las/ lha'i bu lnga brgya bla na med pa yang dag par rdzogs pa'i byang chub tu sems skyes te/ de dag gis bcom ldan 'das bdag cag kyang sangs rgyas kyis bstan pa de lta bu dang 'thun par gyur cig ces de skad kyi tshig smras so/ / bcom ldan 'das kyis kyang 'dzum pa mdzad de/ kho bos 'dzum pa'i phyir zhus so// zhus nas bcom ldan 'das kyis 'di skad ces bka' sprul to/ / kun dga' bo bdud kyi sprul pa'i dge slong 'di dag khyod kyis mthong ngam/ bcom ldan 'das la/ kho bos 'di skad ces gsol to// bcom ldan 'das mthong ngo // bde bar gshegs pa mthong ngo // bcom ldan 'das des kho bo la 'di skad ces bka' stsal to// kun dga' bo phyi ma'i dus phyi ma'i tshe lnga brgya'i tha ma la dam pa'i chos 'jig pa'i tshe// nga'i bstan pa la dge slong dag phal cher 'di bzhin du sham thabs legs par ma gyon pa/ bla gos legs par ma bgos pa/ gos brtul te gyon pa/ lhung bzed chag pa/ shes bzhin
- 228a
med pa/ spyod lam mi sdug pa/ lag na 'khar ba thogs pa/ sna leb leb po dang / zhar ba dang / 'theng po dang / zha bo dang / lus kyi sha tshugs ma legs pa dang / nad sna tshogs kyis btab pa dag 'byung bar 'gyur ro// de ci'i phyir zhe na/ kun dga' bo de ltar de'i tshe dge slong dag phal cher bsnyen bkur la ched che bar byed pa dang / rnyed pa dang bkur sti la rten pa dang / bya ba sna tshogs kyis mi khoms pas brel ba dang / 'dul ba bor ba dang / so sor thar pa 'dral ba dang / mtshams las 'da' ba dang / tshe 'di ched che bar byed pa dang / tshe rabs gzhan ched mi che bar byed par 'gyur te/ de dag 'di lta ste/ chos kyi phyir ma yin gyi/ bsnyen bkur gyi phyir zhar ba dang / 'theng po dang / zha bo dang lus kyi sha tshugs ma legs pa dang / nad sna tshogs kyis btab pa 'ongs shing lhags pa rnams rab tu 'byin par byed do// snyen par rdzogs par byed do// kun dga' bo de ltar de'i tshe nga'i bstan pa 'di ltar mi rung ba dang / mnyan du mi rung bar 'gyur ro// lha rnams kyang yid mi dga' bar 'gyur ro// bdud rnams ni yau rangs shing dga' ba dang / btang snyoms su 'gyur ro// bcom ldan 'das la/ kho bos 'di skad ces gsol to// bcom ldan 'das ci'i slad du na/ bdud sdig can rnams yi rangs shing dga' ba dang //
- 228b
btang snyoms su 'gyur/ bcom ldan 'das kyis bka' stsal pa/ kun dga' bo de ltar skyes bu blun po de dag bdag nyid bdud kyi las byed par 'gyur te/ de la bar chad bya ba'i phyir/ phyir zhing bdud sdig can brtson par mi 'gyur ro// de ci'i phyir zhe na/ bdud sdig can ni mi brtson pa rnams la glags mi tshol gyi/ bdud sdig can ni dge slong gang dag yang srid med par bya ba'i phyir mgo'i thod la me 'bar ba bzhin du brtson par gnas pa de dag la bdud grags stsol te/ kun dga' bye de lta bas nas thob pa thob par bya ba dang / martogs pa rtogs par bya pab dang / mngon du ma byas pa mngon du bya ba'i phyir sbyor ba byos shig/ bsal bar byos shig/ 'bad par byos shig/ bdud kyi phyogs tshar chod cig/ de bzhin gshegs pa'i bstan pa 'bar bar byos shig/ dam pa'i chos yongs su zung zhig/ nga la chos kyi mchod pas mchod cig/ 'di ni khyed la rjes su bstan pa yin no// bstan pa 'di bstan pa'i tshe dge slong lnga stong gis tshe'i 'du byed spangs par gyur te/ bdag cag gis bcom ldan 'das kyi dam pa'i chos rnam par 'jig pa mthong bar ma gyur cig ces de skad kyi chog smras nas/ de dag par snang du mngon par byung ste/ rang gi me'i khams kyi bdag nyid bsregs so// lha'i bu 'bum gyis kyang de dag la mchod pa byas par gyur to// dge slong nyis brgya ni rdul
- 229a
med cing rdul dang bral te chos la chos kyi mig rnam par dag go/ / dge slong nyis brgya ni len pa med par zag pa las sems rnam par grol lo// byang chub sems dpa' sum khri nyis stong ni mi skye ba'i chos la bzod pa thob par gyur to/ / brgya byin dang / tshangs pa dang / 'jig rten skyong ba dag kyang 'khor dang bcas te/ bcom ldan 'das kyi spyan snga na thal mo sbyar te/ bcom ldan 'das la 'di skad ces gsol to// bcom ldan 'das bdag cag gis bcom ldan 'das kyis dam pa'i chos rnam par 'jig pa mi mthong bar bgyi ba dang bcom ldan 'das chos kyi rnam grangs 'di gang dag gi rna lam du grags par gyur pa de dag rnams kyang sems le lo'i dri mas kun nas mi gnas par bgyi ba dang / de dag bdud kyi las byung zhing byung ba rnams kyi dbang du mi 'gyur bar/ bcom ldan 'das sku tshe ring du bzhugs zhing bskyang bar gsol/ tshe dang ldan pa shA ri'i bu 'jam dpal gzhon nur gyur pa rdzu 'phrul rnam par 'phrul pa dang / chos ston rnam par 'phrul pa las gang kho bos phyogs tsam zhig mngon sum du gyur pa ni de lta bu de dag yin no// de nas tshe dang ldan pa 'od srungs chen pos/ tshe dang ldan pa shA ri'i bu la 'di skad ces smras so// tshe dang ldan pa shA ri'i bu kho bos kyang 'jam dpal gzhon nur gyur pa'i rdzu 'phrul gyi cho 'phrul kha cig mngon sum du gyur to// tshe dang
- 229b
ldan pa shA ri'i bu kho bos mngon par shes te/ bcom ldan 'das mngon par rdzogs par sangs rgyas nas ring po ma lon kho bos yang rab tu byung nas ring por ma lon pa zhig na/ 'jam dpal gzhon nur gyur pa bcom ldan 'das de bzhin gshegs pa rin chen srog shing gi sangs rgyas kyi zhing nas/ bcom ldan 'das blta ba dang / phyag bya ba dang / bsnyen bkur bya ba'i phyir 'jig rten gyi khams 'dir dang po 'ongs par gyur te/ bcom ldan 'das kyang mnyan du yod pa'i 'dze ta'i tshe la mgon med zas sbyin gyi kun dga' ra ba 'dir dbyar tshul du zhugs so// 'jam dpal gzhon nur gyur pa'ang der dbyar tshul du zhugs na/ bcom ldan 'das kyi spyar snga dang / dge 'dun gyi nang dang / bkad sa dang / gso sbyin dang / phyag 'tshal ba'i las la kho bo cag gis phyis nam yang ma mthong bar gyur to/ / de nas dbyar zla ba gsum zad de 'das pa dang / gso sbyin dang / tshul nas 'byung ba'i tshe/ 'jam dpal gzhon nur gyur pas bzhin bstan to/ / de la kho bos 'di skad ces smras so// 'jam dpal khyed dbyar gyi zla ba 'di gsum du gang na 'dug 'dug/ des smras pa btsun pa 'od srungs chen po mnyan du yod pa'i grong khyer chen po 'di nyid na rgyal po gsal rgyal gyi btsun mo'i nang na'o/ / de la kho bo 'di snyam du sems par gyur te/ sems can 'di lta bu ltung ba dang
- 230a
@bcas pa dang / yongs su dag pa'i dge slong gi dge 'dun dang lhan cig tshul nas 'byung du mi rung ngo snyam du gyur nas/ kho bos khyams zlum po de nas byung ste/ 'jam dpal gzhon nur gyur pa bskrad pa'i phyir 'gan de brdungs so/ / der bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal gnas brtan 'od srungs chen po ci'i phyir 'gan de brdungs soms shig/ des gsol pa/ bcom ldan 'das bsams na bdag bskrad pa'i slad du'o// bcom ldan 'das kyis bka' stsam pa/ 'jam dpal khyod la ma dad pa chen po byed par mi 'gyur bar bdag nyid tshangs par byos shig/ rang gi spyod yul ston cig/ nyan thos chen po rnams mgu bar byos shig/ de na 'jam dpal gzhon nur gyur pas/ de'i tshe byang chub sems dpa'i ting nge 'dzin sangs rgyas kyi zhing thams cad yang dag par ston pa zhes bya ba la snyoms par zhugs so// 'jam dpal gzhon nur gyur pas ting nge 'dzin de la snyoms par zhugs ma thag tu/ de nas de'i tshe phyogs bcu na sangs rgyas kyi zhing gang+gA'i klung gi bye ma snyed na sbyangs pa'i yon tan smra ba'i 'od srungs chen po 'dra ba sha stag 'jam dpal gzhon nur gyur pa bskrad pa'i phyir 'ag na de brdung bar snang bar gyur to/ / bcom ldan 'das des kho bo la 'di skad ces bka' stsal to//
- 230b
'od srungs ci'i phyir 'gan de brdung / bcom ldan 'das de la kho bos 'di skad ces gsol to// bcom ldan 'das 'jam dpal gzhon nur gyur pa de dbyar zla ba gsum du btsun mo'i 'khor du gnas nas/ yongs su dag pa'i dge slong gi dge 'dun dang lhan cig tshul nas 'byung bar 'tshal te/ de bskrad pa'i slad du bdag 'gan de brdung ngo // de nas bcom ldan 'das kyi sku thams cad las 'od phyung ste/ kho bo la 'di skad ces bka' stsal to// 'od srungs phyogs bcu na ci snang ba de ltos shig/ kho bos de'i tshe bltas na phyogs bcu na 'jig rten gyi khams tshad med grang med gang+gA'i klung gi bye ma snyed na/ gnas brtan bdag 'dra ba sha stag 'jam dpal gzhon nur gyur pa bskrad pa'i phyir 'gan de brdung ba mthong ngo // 'jig rten gyi khams de dag thams cad na yang 'jam dpal gzhon nur gyur pa sangs rgyas bcom ldan 'das de dag gi zhabs kyi drung na 'dug par mthong ngo // bcom ldan 'dra/ des/ kho bo la 'di skad ces bka' stsal to// 'od srungs chen po khyod ci 'jam dpal gzhon nur gyur pa gang nga'i mdun na 'dug pa 'di 'am/ 'on te gang dag phyogs bcu'i 'jig rten gyi khams grangs med tshad med pa na/ sangs rgyas bcom ldan 'das kyi zhabs kyi drung ni 'dug pa 'am/ gang bskrad par 'dod pa de'i tshe kho bo ngo tsha ba'i tshul gyis 'gan
- 231a
de de sa la dor ro snyam na dor yang ma nus nas rgyun ma chad par sgra phyung ste/ 'dze ta'i tshal na ji lta ba de bzhin du sangs rgyas kyi zhing thams cad na yang chang pa med pa lhag pa med pa/ skyes pa med par de bzhin du byed par snang ngo // kho bos de'i tshe bcom ldan 'das kyi zhabs gnyis la phyag 'tshal nas/ bcom ldan 'das la 'di skad ces gsol to// bcom ldan 'das bdag ni ye shes phyogs gcig pa dang ldan pa ste// byang chub sems dpa' yul tshad ma mchis pa rnams kyi spyod yul ma 'tshal nas// 'gan de brdungs pa 'jam dpal gzhon nur gyur pa la bzod pa gsol lo/ / bcom ldan 'das des kho bo la 'di skad ces bka' stsal to// 'od srungs chen po khyod kyis sangs rgyas kyi zhing na 'jam dpal gzhon nur gyur pa ji ltar mthong ba de thams cad du khyim pa'i khyim du sems can yongs su smin par bya ba'i phyir dbyar zla gsum du gnas so/ / 'od srungs chen po 'jam dpal gzhon nur gyur pa 'di mnyan du yod pa'i grong khyer chen po 'dir btsun mo'i 'khor du dbyar tshul du zhugs pas kyang / rgyal po gsal rgyal gyi btsun mo'i 'khor las bud med lnga brgya bla na med pa yang dag par rdzogs pa'i byang chub las phyir mi ldog par yongs su smin par byas so/ / skyes pa lnga brgya dang / khye'u lnga brgya dang / bu mo lnga brgya dang /
- 231b
smad 'tshong ma lnga brgya yang bla na med pa yang dag par rdzogs pa'i byang chub las phyir mi ldeg par bzhag go// sems can mang po dag kyang nyan thos kyi theg par btul te/ mtho ris su 'gro bar byas so/ / bcom ldan 'das de la kho bos 'di skad ces gsol to// bcom ldan 'das chos ji lta bu zhig bshad pas/ 'jam dpal gzhon nur gyur pas sems can de snyed cig yongs su smin par bgyis/ bcom ldan 'das kyis bka' stsal pa// 'od srungs chen po de bas na 'jam dpal gzhon nur gyur pa de nyid la chos ji lta bu zhige bshad pas sems can de snyed yongs su smin par byas zhes khyod kyis dris shig dang / de nyid khyod la lan ldon par 'gyur ro// kho bos 'jam dpal gzhon nur gyur pa la 'di skad ces smras so// 'jam dpal khyod kyis chos ji lta bu zhig bshad pas sems can de snyed yongs su smin par byas/ 'jam dpal gyis smras pa/ btsun pa 'od srungs chen po sems can de lta bu de dag ni chos bshad pas yongs su smin par mi 'gyur te/ de ci'i phyir zhe na/ btsun pa 'od srungs chen po sems can gang dag dga' ba'i rtsed mos yongs su smin par 'gyur ba'ang yod/ rab tu bzung ba dang / tshar gcod pa dang / sbyin pa rab tu sbyin pa dang / 'phongs shing dbul ba dang / bkod pa chen po dang / bshad pa'i cho 'phrul dang / rjes su bstan pa'i tshe
- 232a
'phrul dang / rdzu 'phrul gyi cho 'phrul dang / brgya byin gyi gzugs dang / tshangs pa'i gzugs dang / 'jig rten skyong ba'i gzugs dang / 'khor los sgyur ba'i gzugs dang / sangs rgyas kyi sku dang / rang sangs rgyas kyi gzugs dang / nyan thos kyi gzugs dang / 'jigs pas sdigs pa dang / tshig rtsub po dang / tshig 'jam po dang / phan gdags pas yongs su smin par 'gyur ba yang yod do/ / de ci'i phyir zhe na/ btsun pa 'od srungs chen po sems can gyi spyod pa ni sna tshogs pa ste/ de dag bya ba yang sna tshogs pa nyid kyi// yongs su smin par 'gyur te/ btsun pa 'od srungs chen po de ltar yongs su smin pa'i sems can rnams phyis chos bshad pas shin tu dul bar 'gyur ro// de la kho bos 'di skad ces smras so/ / 'jam dpal khyod kyis sems can gyi khams ji snyed cig spyod pa 'dis yongs su smin par byas/ des smras pa/ btsun pa 'od srungs chen po chos kyi dbyings ji snyed pa'o// smras pa/ 'jam dpal chos kyi dbyings kyang ji snyed/ smras pa/ nam mkha'i khams ji tsam pa'o// smras pa/ nam mkha'i khams kyang ji tsam/ smras pa/ sems can gyi khams ji snyed pa ste/ btsun pa 'od srungs chen po de ltar na chos kyi dbyings dang / nam mkha'i khams dang / sems can gyi khams de gnyis su med de gnyis su byar med do// de la kho bos
- 232b
'di skad ces smras so/ / 'jam dpal 'di ltar sems can gang yang yongs su mya ngan las 'das pa med na/ 'o na sangs rgyas 'byung ba don med par mi 'gyur ram/ des smras pa btsun pa 'od srungs chen po dper na skyes bu la la zhig mkhris pa'i rims kyis btab ste/ rnam pa sna tshogs su bla bar gyur pa dang / de la kha cig skyes bu 'di ni gdon gyis btab bo snyam du gyur to/ / de nas sman pa mkhas pa zhig 'ongs te/ skyes bu de la mar thud pa la sogs pa'i bya bas mkhris pa'i rims de zhi bar byas nas/ de phyis rnam pa sna tshogs su mi bla bar gyur na/ btsun pa 'od srungs chen po de ji snyam du sems de las lha 'am/ klu 'am/ gnod sbyin byung bar 'gyur ba yod dam/ de la kho bos 'di skad ces smras so/ 'jam dpal de ni ma yin te/ 'on kyang mar blud pa la sogs pa'i bya bas mkhris pa de ni zhi bar gyur to// 'jam dpal gyis smras pa/ btsun pa 'od srungs chen po skyes bu de la sman pa des phan pa chen po byas pa ma yin nam/ kho bos de la 'di skad ces smras so// 'jam dpal ji skad smras pa de bzhin no// des smras pa/ btsun pa 'od srungs chen po de bzhin du 'jig rten gyi gnas phyin ci log gi rims kyis btab pa dag/ bdag med pa la bdag tu 'du shes shing / bdag med pa la bdag tu mngon par chags
- 233a
nasa'akhor ba na 'khor ro/ / de la sangs rgyas bcom ldan 'das thugs rje chen po dang ldan pa dag 'jig rten du byung ste/ dpe bstan pa de dang de dag dang / chos la 'jug pa'i sgo de dang de dag gis bdag tu 'du shes pa yongs su shes pa dang / phyin ci log spang bar bya ba'i phyir sems can de dag la chos 'chad do// de dag chos thos nas 'du shes thams cad dang bral zhing phyi phyir zhing mngon par mi chags te/ de dag bdag tu 'du shes pa spangs nas chu bo las brgal te/ de dag brgal ba dang / pha rol tu phyin pa dang / yongs su mya ngan las 'das pa zhes bya ba'i grangs su 'gro'o/ / btsun pa 'od srungs chen po de ji snyam du sems/ de la bdag gam/ sems can nam/ srog gam/ skye ba po 'am/ gang zag gang yongs su mya ngan las 'das par gyur pa yod dam/ kho bos de la smras pa/ 'jam dpal de ni ma yin te/ 'on kyang mnyam pa nyid yang dag par bstan pas phyin ci log spangs so// 'jam dpal gyis smras pa/ btsun pa 'od srungs chen po 'di lta ste/ sangs rgyas 'byung ba'i don ni mnyam pa nyid bstan pa'i don yin te/ skye ba don ma yin gyi/ 'gag pa don ma yin gyi nyon 'ongs pa med par rtog pa nyi tshe don yin no/ / kho bos de la 'di skad ces smras so// 'jam dpal byang chub sems dpa' gang dag rang bzhin de lta bu'i chos kyi dbyings la
- 233b
yang rtog cing / sems can thams cad yongs su smin par bya ba'i go cha yang mi 'dor la/ zhum par mi 'gyur/ rangs par mi 'gyur zhing / rang bzhin gyis yongs su mya ngan las 'dra/ pa'i sems can rnams kyi phyir go cha bgos pa ni dka' ba byed pa yin no// des smras pa/ btsun pa 'od srungs chen po de ltar byang chub sems dpa' sems dpa' chen po ni go cha chen po bgos pa yin no/ / de la kho bos 'di skad ces smras so// 'jam dpal khyod byang chub sems dpa'i ge cha brtsams par spobs par gyis shig/ 'jam dpal gyis smras pa/ btsun pa 'od srung byang chub sems dpa'i go cha chen po ni sum cu rtsa gnyis te/ go cha de dag bsgom pa'i byang chub sems dpa' rnams byang chub sems dpa'i spyad pa spyod do// sum cu rtsa gnyis gang zhe na/ btsun pa 'od srungs chen po rmi lam gyi rang bzhin gyi mtshan nyid kyis/ 'khor ba tshad med pa yongs su 'dzin pa ni byang chub sems dpa'i go cha'o// bdag med pa'i mtshan nyid kyis/ sems can tshad med pa yongs su smin par byed par byed pa ni byang chub sems dpa'i go cha'o// chos kyi sku'i mtshan nyid kyis/ sangs rgyas tshad med pa la bsnyen bkur byed pa ni byang chub sems dpa'i go cha'o/ / sgra brnyan dang mnyam pa nyid kyis/ chos sangs rgyas kyis gsungs pa thams cad nyan cing 'dzin pa ni byang chub sems dpa'i go cha'o// chos kyi dbyings su
- 234a
'du ba'i mtshan nyid kyis/ sangs rgyas kyi chos thams cad bsrung ba ni byang chub sems dpa'i go cha'o// nyon mongs pa thams cad rang bzhin gyis yongs su dag pa'i mtshan nyid kyis/ bdud thams cad 'dul ba ni byang chub sems dpa'i go cha'o// yod pa dang med pa sel ba'i rten cing 'brel par 'byung ba la 'jug pa'i mtshan nyid kyis/ pha rol rgya rgol ba thams cad chos dang ldan par shin tu tshar gcod pa ni byang chub sems dpa'i go cha'o/ / phung po thams cad spong ba'i mtshan nyid kyis/ bdog pa thams cad yongs su gtong ba ni byang chub sems dpa'i go cha'o/ / mngon par 'du bya ba med pa'i mtshan nyid kyis/ tshul khrims dang / bslab pa dang / sbyangs pa'i yon tan gyi yo byad bsnyungs pa thams cad yang dag par len pa ni byang chub sems dpa'i go cha'o/ / khong khro ba med pa'i mtshan nyid kyis/ bzod pa dang / dul ba dang / des pa ni byang chub sems dpa'i go cha'o// lus dang sems dben pa'i mtshan nyid kyis/ blang ba med pa dang / dor ba med pa'i brtson 'grus ni byang chub sems dpa'i go cha'o// rten pa thams cad dbyen pa'i mtshan nyid kyis/ bsam gtan dang / rnam par thar pa dang / ting nge 'dzin dang / snyoms par 'jug pa thams cad ni byang chub sems dpa'i go cha'o// ma rig pa'i gti mug gi lta ba yongs su dag pa'i mtshan nyid kyi
- 234b
thogs pa med pa'i shes rab kyi pha rol tu phyin pa ni byang chub sems dpa'i go cha'o/ / bya ba thams cad ston pa'i mtshan nyid kyis/ thabs chen po ni byang chub sems dpa'i go cha'o// thog pa med pa'i mtshan nyid kyis/ byams pa chen po ni byang chub sems dpa'i go cha'o// sor mo lnga dang nam mkha' mnyam pa'i mtshan nyid kyis/ snying rje chen po ni byang chub sems dpa'i go cha'o// skyo ba med pa'i mtshan nyid kyis/ dga' ba chen po ni byang chub sems dpa'i go cha'o// bde ba dang sdug bsngal bar mi byed pa'i mtshan nyid kyis/ btang snyoms chen po byang chub sems dpa'i go cha'o/ / rnam par grol ba'i lag mthil du 'ongs kyang thob par mi byed pa'i mtshan nyid kyis/ bsam pa thams cad yongs su rdzogs par byed pa'i mtshan nyid ni byang chub sems dpa'i go cha'o/ / nges par mi ltung ba'i mtshan nyid kyis/ thams cad yid la mi byed pa ni byang chub sems dpa'i go cha'o// sgyu ma lta bu'i chos legs par shes pa'i mtshan nyid kyis phung po lnga gshed mar gyur pa yongs su bsrung ba ni byang chub sems dpa'o go cha'o/ / chos kyi dbyings mnyam pa nyid kyi mtshan nyid kyis khams bzhi la sbrul gdug pa lta bur 'dzin pa ni byang chub sems dpa'i go cha'o/ / yul thams cad la mi chags pa'i mtshan nyid kyis/ skye mched drug la grong stong pa lta bur rtog pa ni byang chub sems dpa'i go cha'o// kun gzhi med
- 235a
pa'i mtshan nyid kyis/ khams gsum dang mi 'dre ba ni byang chub sems dpa'i go cha'o// srid pa sel ba'i mtshan nyid kyis/ ched du srid pa len pa ni byang chub sems dpa'i go cha'o/ / phyir mi ldog pa'i mtshan nyid kyis/ dpa' ba chen po ni byang chub sems dpa'i go cha'o// sems can thams cad la so so ji ltar 'os par chos kyi sman sbyin pa'i mtshan nyid kyis 'asman pa chen po ni byang chub sems dpa'i go cha'o/ / theg pa gsum gyi lam ston pa'i mtshan nyid kyis/ ded dpon chen po ni byang chub sems dpa'i go cha'o// sangs rgyas thams cad la byas pa shes shing byas pa gzo ba'i mtshan nyid kyis/ dkon mchog gsum gyi gdung rjes su mi gcod pa ni byang chub sems dpa'i go cha'o// mi skye ba'i chos la bzod pa thob pa'i mtshan nyid kyis/ chos thams cad rang bzhin gyis skye ba med pa'i mtshan nyid ni byang chub sems dpa'i go cha'o// nyan thos dang rang sangs rgyas thams cad kyi sa la 'das pa'i mtshan nyid kyis phyir mi ldog pa'i sa thob pa ni byang chub sems dpa'i go cha'o/ / sems kyi skad cig gcig dang ldan pa'i shes rab kyis/ sangs rgyas kyi chos thams cad ji lta ba bzhin du rdzogs pa'i mtshan nyid kyis/ byang chub kyi snying po brgyan pa ni byang chub sems dpa'i go cha'o// btsun pa 'od srungs chen po byang chub sems dpa'i go cha chen po sum cu rtsa gnyis ni de dag yon te/
- 235b
go cha de bgos na/ 'byung ba chen po bzhi gzhan du 'gyur ba ni srid kyi/ byang chub sems dpa' bla na med pa yang dag par rdzogs pa'i byang chub las phyir mi ldog pa'i 'jigs pa ni med do// de la kho bos 'di skad ces smras so// 'jam dpal go cha de dag las 'ga' yang nyan thos dang rang sangs d+hA rnams la med do// des smras pa/ btsun pa 'od srungs chen po de bas na nyan thos dang rang sangs rgyas rnams ni go cha chen po ma bgos pa zhes bya ba'o/ / btsun pa 'od srungs chen po de ji snyam du sems/ go cha gang mthu dang ldan pa 'phong gi slob dpon gyis bgo bar bya ba'i go cha de/ mi phal gyis bgo bar bya 'am/ kho bos de la 'di skad ces smras so// 'jam dpal de ni ma yin te/ mi phal gyis go cha de bgo bar mi nus so// smras pa/ btsun pa 'od srungs chen po de bzhin du go cha gang byang chub sems dpas bgo bar bya bar de dag nyan thos dang / rang sangs rgyas thams cad mi gyon no// byang chub sems dpa'i go cha 'di bshad pa'i tshe/ lha'i bu khri nyis stong bla na med pa yang dag par rdzogs pa'i byang chub tu sems skyes so// tshe dang ldan pa shA ri'i bu 'jam dpal gzhon nur gyur pa'i rdzu 'phrul rnam par 'phrul pa dang / chos ston pa rnam par 'phrul pa gang kho bos phyogs tsam zhig mngon sum du gyur pa ni de lta bu de dag yin no// de nas tshe dang ldan pa byams ma'i bu gang pos/ tshe dang ldan
- 236a
pa shA ri'i bu la 'di skad ces smras so/ / tshe dang ldan pa shA ri'i bu kho bos 'jam dpal gzhon nur gyur pa'i rdzu 'phrul gyi cho 'phrul kha cig mngon sum du gyur te/ dang ldan pa shA ri'i bu kho bos mngon par shes pa dus gcig na/ bcom ldan 'das yang pa can gyi grong khyer gyi tshal chen po'i khang bu brtsegs pa'i khang pa na/ dge slong lnga brgya tsam gyi dge slong gi dge 'dun chen po dang lhan cig tu bzhugs so/ / tshe dang ldan pa shA ri'i bu de'i tshe gcer bu ma'i bu bden pa po zhes bya ba gcer bu pa drug khris bskor cing mdun du bdar te/ gus par byas/ phud dung du byas/ mchod par byas shing / yangs pa can gyi grong khyer na 'dug go// kho bos ting nge 'dzin la snyoms par zhugs te/ gzhan mu stegs can de dag gi dge ba'i rtsa ba la bltas na/ der kho bos sems can mu stegs can gdul bar bya ba brgya phrag mang po mthong nas kho bo der song ste/ de dag la chos bshad de/ de dag kho bos chos bshad pa la sri zhu mo byed/ rna brags te minyan/ kun tu shes par bya ba'i sems kyis mi gnas pa'i steng du kho bo la 'phya smod/ gad mos 'debs shing tshig rtsub mo dag kyang brjod do// der kho bos zla ba gsum du sems can de dag las 'ga' yang yongs su smin par bya ba ni ma nus te skyo bar gyur to// kho bo skyo bar gyur nas slar song ngo // de la 'jam dpal
- 236b
gzhon nur gyur pas mu stegs can lnga brgya sprul te/ bdag nyid slob dpon du zhugs nas 'khor lnga brgya dang / gcar bu ma'i bu bden pa po gang na ba der song ste lhags pa dang / gcer bu ma'i bu bden pa po'i rkang pa gnyis la mgo bos phyag 'tshal nas mdun du 'dug ste/ gcer bu ma'i bu bden pa po la 'di skad ces smras so// bdag cag gis 'phags pa'i grags pa'i sgra dang tshigs su bcad pa rgya chen po thos nas/ ljongs gzhan nas yangs pa can gyi grong khyer 'dir mchis te/ khyod ni kho bo cag gi ston pa'o// kho bo cag ni khyod kyi slob ma'o// kho bo cag khyod las rjes su bstan pa nod do/ / ci nas kyang dge sbyong go'u ta ma de dang de'i nyan thos rnams mi mthong ba dang / ci nas kyang de las mi 'dun pa'i chos mi thos pa de ltar kho bo cag la mdzod cig/ gcer bu ma'i bu bden pa pos smras pa/ skyes bu dam pa dag legs so legs so// dad pa dang ldan pa dang / dang ba dang ldan pa khyed ring po mi thogs par nga'i chos bstan pa 'di shes par 'gyur ro/ / de nas gcer bu ma'i bu bden pa pos/ rang gi 'khor rnams la smras pa/ tshur shog khyed cag bram ze'i bu lnga brgya po 'di dag dang lhan cig tu kun tu dga' ba dang / 'thun pa dang phan tshun chos la spyad pa spod cing lhan cig tu spyod cig/ 'di dag gis gang cung zad ci smras pa de'ang khyod kyis shin tu legs par zung zhig/
- 237a
de nas 'jam dpal gzhon nur gyur pa 'khor gcer bu pa lnga brgya sprul pa dang / gzhan mu stegs can gyi nyan thos rnams dang lhan cig tu 'dus te 'dug nas de dag gi dka' thub dang / brtul zhugs dang / spyod lam dang / bslab pa'i cho ga ji tsam du rgyun mi 'chad pa de bas kyang bdag dang 'khor la lhag par ston to// skabs skabs su dkon mchog gsum gyi bsngags pa brjod do/ / skabs skabs su ni gcer bu ma'i bu bden pa po'i yang dag pa'i yon tan bsngags pa brjod de/ des de dag yid ches par byas nas/ dus gzhan dang tshong gzhan zhig na mu stegs can gzhan tshogs pa la/ 'jam dpal gzhon nur gyur pa la 'di skad ces smras so// tshe dang ldan pa dag bdag cag gi gtsug lag dang / sngags dang / rig byed dang / klog pa las 'byung ba bzhin dge sbyong go'u ta ma de'i yang dag pa'i yon tan bsngags pa yang yod do// de ci'i phyir zhe na/ 'di ltar dge sbyong go'u ta ma ni rigs phun/ sum tshogs pa/ pha dang ma dag pa 'khor los sgyur ba'i rgyal po'i rigs su skyes pa/ bsod nams brgya'i mtshan dang ldan pa ste/ byung ba tsam na brgya byin dang / tshangs pas yod su blangs shing stong gsum gyi stong chen po'i 'jig rten gyi khams rnam pa drug tu g.yos/ ma bzung bar gom pa bdun bor te/ tshig kyang nga ni 'jig rten gyi thu bo gtso bo ste skye ba dang
- 237b
'chi ba mthar bya'o zhes de skad smra zhing / chu'i rgyun gnyis byung ste/ brgya byin dang / tshangs pa dang / 'jig rten skyong bas khrus byas/ lha dang mi rnams kyi rol mo dag kyang ma brdungs par sgra byung / des 'od gang gis ngan song thams cad so sor thar pa dang / bdud kyi gnas thams cad zil gyis gnon pa de lta bu'i 'od kyang btang ste/ dbang po nyams pa thams cad kyang dbang po ma nyams par 'gyur/ yud tsam de la sems can thams cad kyi nyon mongs pa thams cad zhi ste mchog tu bde ba thob par 'gyur/ bram ze rig byed kyi cho ga shes pa rnams kyis kyang de ste khyim na 'dug na 'khor los sgyur ba'i rgyal por 'gyur ro/ / de ste nags su song na chos kyi rgyal po sangs rgyas su 'gyur ro bsgo ste/ de 'khor los sgyur ba'i rgyal po bor nas rab tu byung ste/ des byang chub kyi snying por bdud kyi sde bya ba phrag brgya pa btul te byang chub thob/ des 'jig rten na dge sbyong ngam/ bram ze 'am/ lha 'am/ bdud dam tshangs pa 'am/ sus kyang chos dang ldan par bskor bar mi nus pa'i chos kyi 'khor lo bskor/ de chos kyang ston te/ thog mar yang dge/ bar du yang dge/ tha mar yang dge don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su dkar ba/ tshangs par spong pa yang dag par sgrog go/ de la de'i nyan
- 238a
thos dag gis thog mar dge ba de ni 'di lta ste/ lus kyi legs par spyod pa dang / ngag gi legs par spyod pa dang / yid kyi legs par spyod pa'o// bar du dge ba ni lhag pa'i tshul khrims dang / sems dang / shes rab la slob pa'o// tha mar dge ba ni rnam par thar pa'i sgo stong pa nyid dang / mtshan ma med pa dang / smon pa med pa'o// gzhan yang dang por dge ba ni dad pa dang / brtson 'grus dang / bag yod pa'o// bar du dge ba ni dran pa dang / ting nge 'dzin dang / sems rtse gcig pa'o// tha mar dge ba ni shes rab dang / lhag mthong dang / ye shes so// gzhan yang dang por dge ba ni sangs rgyas la mi phyed par dad pa'o// bar du dge ba ni chos la mi phyed par dang ba'o// tha mar dge ba ni dge 'dun la mi phyed par dang bas 'bras bu thob pa'o// gzhan yang dang por dge ba ni gzhan las nyan pa'o// bar du dge ba ni tshul bzhin yid la byed pa'o// tha mar dge ba ni 'phags pa'i yang dag par blta ba'o// gzhan yang thog mar dge ba ni sdug bsngal yongs su shes shing kun 'byung ba spong ba'o// bar du dge ba ni lam sgom pa'o// tha mar dge ba ni 'gog pa mngon sum du byed pa ste/ 'di dag ni nyan thos rnams kyi thog mar yang dge/ bar du yang dag/ tha mar yang dge ba'o// de la byang chub sems dpa'
- 238b
rnams kyis thog mar yang dge/ bar du yang dge/ tha mar yang dge ba ni gang zhe na/ de la thog mar dge ba ni byang chub kyi sems mi gtong ba'o// bar du dge ba ni theg pa chung ngu mi 'dod par/ / tham dge pan thams ca ma na pa da du m+b+ha pa'o// gzhan yang rdzog ma dge pa namam sa can thams ca sa sems sems pas rnams pa / dge ba ni sems can thams cad la ci bya snyam pas snying rje ba'o// tha mar dge ba ni dga' ba dang btang snyoms mnyam pa'i sems kyi rtog pa'o// gzhan yang thog mar dge ba ni 'jungs pa'i sems tshar gcod pa dang / ngang tshul ngan pa spong ba dang / gnod sems sel ba dang / le lo spong ba dang / g.yeng ba mi spyod pa dang / shes rab 'chal pa spong ba'o// bar du dge ba ni sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi tshogs byed pa'o// tha mar dge ba ni pha rol tu phyin pa drug yongs su rdzogs pa dang / thams cad mkhyen pa nyid du yongs su sngo ba'o// gzhan yang thog mar dge ba ni bsdu ba'i dngos po bzhis sems can rnams yongs su smin pa'o// bar du dge ba ni lus dang srog la mi lta bar dam pa'i chos yongs su 'dzin pa'o// tha mar dge ba ni skyon med par ltung ba nyid bsrung ba'o// gzhan yang thog mar dge ba ni sems
- 239a
sa dang mtshungs pa mi gtong bas byang chub sems dpa'i spyod pa'o/ / bar du dge ba ni 'jug pa dang ldog pa'i shes pas phyir mi ldog pa'i sa'o// tha mar dge ba ni dbang thob pas skye ba gcig gis thogs pa ste/ 'di dag ni byang chub sems dpa' rnams kyi thog mar yang dge/ bar du yang dge/ tha mar yang dge ba'o// de ltar 'jam dpal gzhon nur gyur po mu stegs can gzhan gyi 'khor de na/ de lta de ltar chos ston te/ gang mu stegs can gzhan lnga brgya ni rdul med cing dri ma dang bral te chos la chos kyi mig rnam par dag pa'o/ / mu stegs can gzhan brgyad stong ni bla na med pa yang dag par rdzogs pa'i byang chub tu sems skyes so// de nas sprul pa lnga brgya po de dag gis yan lag lnga sa la gtugs te phyag 'tshal nas tshig tu yang sangs rgyas la phyag 'tshal lo/ / sangs rgyas la phyag 'tshal lo zhes brjod do// de dag gis rjes su slob pa'i tshul gyi mu stegs can gyi 'khor gzhan de dag thams cad kyis kyang / yan lag lnga sa la gtugs te phyag 'tshal nas/ tshig tu'ang sangs rgyas la phyag 'tshal lo// sangs rgyas la phyag 'tshal lo zhes brjod do/ / lha rnams kyi dbang po brgya byin gyis kyang de dag la khyed 'dis bcom ldan 'das la mchod pa byos shig ces me tog man+da ra ba dag byin no// /
- 239b
bam po gnyis pa/ de nas 'jam dpal gzhon nur gyur pa 'khor mang pos bskor cing mdun du bdar te/ bcom ldan 'das gang na ba der dong nas lhags pa dang / bcom ldan 'das kyi zhabs gnyis la mgo bos phyag 'tshal nas/ phyogs gcig tu 'dug go// mu stegs can gyi 'khor gzhan de dag gis kyang me tog man+dA ra ba de dag gis bcom ldan 'das la mchod pa byas nas/ bcom ldan 'das la lan gsum bskor ba byas te phyogs gcig tu 'khod do// de nas 'jam dpal gzhon nur gyur pa'i byin gyi rlabs kyis/ sprul pa lnga brgya po de dag gis/ bcom ldan 'das la 'di skad ces gsol to// bcom ldan 'das de bzhin gshegs pa ni chos kyi sku ste/ bdag cag sangs rgyas la blta ba don du mi gnyer to/ bcom ldan 'das chos ni brjod du ma mchis pa ste/ bdag cag bcom ldan 'das kyi chos nyan pa don du mi gnyer to// bcom ldan 'das bcom ldan 'das kyi nyan thos kyi dge 'dun ni 'dus ma byas kyis phye ba ste/ bdag cag dge 'dun la bsnyen bkur bgyid pa don du mi gnyer to// bcom ldan 'das chos kyi dbyings ni yon tan dang bsngags pa ma mchis pa ste/ bdag cag yon tan don du mi gnyer to// bcom ldan 'das chos thams cad ni shin tu ma byung ba ste/ bdag cag sdug bsngal 'byung ba don du mi gnyer to// bcom ldan
- 240a
'das rnam par grol ba ni lo ma dang / me tog dang / 'bras bu dang bral ba ste/ bdag cag thob pa don du mi gnyer to// bcom ldan 'das yongs su shes pa ni gnyis dang bral ba ste/ bdag cag yongs su 'tshal ba don du mi gnyer to// bcom ldan 'das chos thams cad ni shin tu ma byung ba ste/ bdag cag kun 'byung don du mi gnyer to// bcom ldan 'das chos thams cad ni shin tu ma 'gags pa ste/ bdag cag 'gog pa mngon du bgyi ba don du mi gnyer to// bcom ldan 'das lam ni mchis pa dang ma mchis pa dang bral ba ste/ bdag cag lam bsgom pa don du mi gnyer to// bcom ldan 'das chos thams cad ni gnas su mi gnas pa ste/ bdag cag dran pa nye bar gzhag pa don du mi gnyer to// bcom ldan 'dra rnam par grol ba ni bsod nams dang bsod nams ma lags pa dang mi g.yo ba'i 'du byed dang bral ba ste/ bdag cag yang dag par spong ba don du mi gnyer to// bcom ldan 'das gang nas/ kyang mchi ba ma mchis par gang du yang mchi ba ma mchis par tshad mar bgyis te/ bdag cag rdzu 'phrul gyi rkang pa don du mi gnyer to// bcom ldan 'das don ni dbang po dang bral ba ste/ bdag cag dbang po don du mi gnyer to// bcom ldan 'das chos thams cad ni stobs med cing nyam chung ba ste/ bdag cag stobs don du mi gnyer to// bcom ldan 'das 'di la
- 240b
don dam par ni byang chub ni gang yang ma mchis te/ bdag cag byang chub kyi yan lag don du mi gnyer to// bcom ldan 'das 'gro bas 'jig rten gyi mthar 'gro ba ma mchis te/ bdag cag lam don du mi gnyer to/ / bcom ldan 'das zhi ba'i dbyings la g.yeng ba ma mchis te/ bdag cag zhi gnas don du mi gnyer to// bcom ldan 'das 'jig rten las 'das pa'i shes rab kyis cung zad kyang mi mthong ba ste/ bdag cag lhag mthong don du mi gnyer to// bcom ldan 'das de ltar blang ba dang dor ba shin tu ma mchis te/ bdag cag rtsol ba don du mi gnyer to/ / bcom ldan 'das chos kyi dbyings ni yang dag par sangs ma rgyas pa ste/ bdag cag rnam par grol ba don du mi gnyer to// bcom ldan 'das dge sbyong ni chags pa thams cad dang bral ba ste/ bdag cag dge sbyong don du mi gnyer to// bcom ldan 'das bram ze ni sdig pa thams cad dang bral ba ste/ bdag cag bram ze don du mi gnyer to// bcom ldan 'das chos kyi rang bzhin ni tha mi dad pa ste/ bdag cag dge sbyong gi dngos po don du mi gnyer to// bcom ldan 'das de ltar skye mched drug nyid 'gog pa ste/ bdag cag pha rol tu mchi ba don du mi gnyer to/ / bcom ldan 'das de ltar 'jig pa chung ngu la mi stong pa ste/ bdag cag 'dod pa chung ba ma lags so// bcom ldan 'das de ltar chos gang yang
- 241a
mi tshol ba ste/ bdag cag ni chog shes pa ma lags so// bcom ldan 'das de ltar lus dang sems kyis brjod par mi bgyi ba ste/ bdag cag dben pa ma lags so/ / bcom ldan 'das de ltar khams gsum du mi gnas pa ste/ bdag cag zag pa med pa ma lags so// bcom ldan 'das de ltar gnyis po yang dag par rjes su mi mthong ste/ bdag cag ma 'dres pa lags so// bcom ldan 'das de ltar khams gsum thams cad ni rnal 'byor pa'i dgon pa ste/ bdag cag dgon pa don du mi gnyer to// bcom ldan 'das de ltar gnyen po ma mchis pas rtsod pa ma mchis pa ste/ bdag cag nyon mongs pa med par gnas pa ma lags so// bcom ldan 'das de ltar bsod snyoms kyi 'du shes spangs pa ste/ bdag cag bsod snyoms pa ma lags so// bcom ldan 'das de ltar 'khor ba nyid yang dag par na mi mthong ste/ bdag cag 'khor bas mi skrag go// bcom ldan 'das de ltar rtog par mi bgyid/ rnam par rtog par mi bgyid de/ bdag cag 'dod chags dang / zhe sdang dang / gti mug spong bar mi bgyid do// bcom ldan 'das de ltar chos rnam kyi rang bzhin nyon mongs pa ma mchis pa ste/ bdag cag nyon mongs pa spong ba la mi brtson no// bcom ldan 'das de ltar rang gi lus ma lags pa ste/ bdag cag rang gi lus la mi
- 241b
g.yo bar bgyi'o/ / bcom ldan 'das de ltar de bzhin nyid mi bskyod pa'i mtshan nyid de ba/ bdag cag lta bas bgyis pa mi bskyod par bgyi'o// bcom ldan 'das de ltar rnam par grol ba ni rtag pa dang / bde ba dang / bdag dang / gtsang ba'i ngo bo nyid de/ bdag cag phyin ci log spang bar mi bgyid do// bcom ldan 'das de ltar tshu rol nas pha rol rjes su mi mthong bas/ bdag cag chu bo las rgal bar mi bgyid do// bcom ldan 'das de ltar rnam par grol ba ni sgrib pa med cing rnam par ma brtags pa ste/ bdag cag sgrib pa rnams spong bar mi bgyid do/ / bcom ldan 'das de ltar yang dag pa'i mtha' ni kun nas ldang ba ma mchis pa ste/ bdag cag kun nas ldang ba rnam par gnon par mi bgyid do// bcom ldan 'das de ltar dge sbyong ni nongs pa bgyid pa ma mchis pa ste/ bdag cag 'gyod pa bsal bar mi bgyid do// bcom ldan 'das de ltar thog ma nas mos shing dad pa ste/ bdag cag the tsom sel bar mi bgyid do/ / bcom ldan 'das de ltar mos pas rnam par grol ba rtogs pa ste/ bdag cag nem nur sel bar mi bgyid do// bcom ldan 'das de ltar chos thams cad ni shin tu yongs su mya ngan las 'das pa ste/ bdag cag yongs su mya ngan las 'das pa don du mi gnyer to// bstan pa 'di bstan pa'i tshe/ dge slong nyis brgya nye bar len pa med par
- 242a
zag pa las sems rnam par grol lo/ / dge slong bsam gtan pa ni thob pa srid pa tham pa ma thob par thob pa'i nga rgyal can nyis brgya ni stan las langs te/ ma'o 'di dag ni 'jig rten thams cad dang 'gal bar chos 'chad de/ sngon bdag cag gis rjes su 'thun par chos 'chad par thos na/ da ltar ni chos ma yin pa/ 'dul ba ma yin pa ston pas bstan pa ma yin pa 'chad do zhes tshig de skad smras te dong ngo / / tshe dang ldan pa shA ri'i bu kho bos/ 'jam dpal gzhon nur gyur pa la 'di skad ces smras so// 'jam dpal dge slong nyis brgya po 'di stan las langs te chos 'chang bshad pa 'di ni 'jig rten thams cad dang 'gal ba yin no zhes tshig de skad smras te dong ngo / / 'jam dpal gyis smras pa/ btsun pa gang po rnam grangs gang gis chos bshad pa 'di 'jig rten thams cad dang 'gal bar 'gyur ba yod do/ / de ci'i phyir zhe na/ btsun pa gang po 'jig rten ni phung po dang / khams dang skye mched la mngon par zhen pa ste/ 'khor ba spangs pas mya ngan las 'das pa tshol zhing / de ltar 'khor ba rang bzhin gyis mi dmigs pa nyid mya ngan las 'das pa yin par ni mo so/ / 'di la gang 'khor ba 'am mya ngan las 'das pa ni gang yang med do// gang de lta bu'i bzod pa de ni mi 'gal ba'o// bden pa bzhi rnam par gzhag pa bstan pa las mdze/
- 242b
par zhen pa de ni mi 'gral ba'i gnas nyid do// don dam pa'i bden pa la ni bden pa bzhi rnam par gzhag pa'ang med de/ de ni mi 'gal ba'o// lam gyi rgyu 'thun pa dang 'bras bu thob ces bya ba de ni gnyis te/ gnyis gang yin pa de ni mi 'gal ba'o// lam mnyam pa nyid kyis chos thams cad mnyam pa nyid 'di ni gnyis su med pa ste/ gnyis su med pa gang yin pa de ni mi 'gal ba'o/ / ji srid du nga dang nga'i zhes bya ba la mngon par brtson pa de srid du mngon pa'i nga rgyal lo// ji srid du mngon pa'i nga rgyal ba de srid du 'gal ba'o// gang yang chad par yang mi byed/ lhag par yang mi byed/ mnyam pa nyid dang mnyam par mi byed/ mi mnyam pa nyid dang mi mnyam par mi byed cing / byed pa ma yin pa/ rnam par byed pa ma yin pa de ni mngon pa'i nga rgyal med pa ste/ gang lhag pa'i nga rgyal med pa de ni mi 'gal ba'o// gang mo 'gal ba de ni gnyis su med pa ste/ de la dgongs nas bcom ldan 'das kyis kyang / da ni 'jig rten dang lhan cig tu mi rtsod do/ / 'jig rten ni nga dang lhan cig rtsod par 'dod do zhes de skad gsungs so// de ci'i phyir zhe na/ de bzhin gshegs pas ni rtsod pa'i rtsa ba bcad rtsod pa'i rtsa ba de bzhin gshegs pas bcad pa gang zhe na/ 'di lta ste/ 'di ni bden pa'o// 'di ni brdzun pa'o zhes bya'o// de la bcom ldan 'das kyis kyang 'di
- 243a
skad bka' stsal to/ / bram ze bden pa zhes bya ba'i tshig kyang ci/ ci'i phyir na brdzun par zhes kyang brjod/ gang la mnyam pa dang mi mnyam pa med na/ de la su zhig rtsod pa sbyor bar byed ces gsungs so/ / de nas 'jam dpal gzhon nur gyur pas dge slong de dag lam gang nas dong ba de dang de dag thams cad mes yongs su gang bar byin gyis brlabs nas/ de dag phyogs gang dang gang du dong ba de dang de dag thams cad mes yongs su gang bar mthong ste/ me'i phung po de las brgal bar ma nus so// de dag rdzu 'phrul gyi stobs kyis ste/ gi bar snang la dong ba dang / thams cad kyi lcags kyi dra bas nam mkha' thams cad g.yogs par mthong ngo // 'og tu bltas na yang chu'i phung po chen po mthong ste/ de dag phyogs bslang cing ba spu'i khung bu zing zhes byed par gyur nas/ tshal chen po'i lam du bltas na/ me tog ut+pal dang / pad+mo dang / ku mu ta dang / puN+Da ri kas yog cing / lam de nas skye bo'i tshigs mang po dag bcom ldan 'das las chos mnyan pa'i phyir dong ba mthong ngo / / de dag kyang phyir log ste tshal chen po khang bu brtsegs pa gang na ba dang / bcom ldan 'das gang na ba der dong ste/ lhags pa dang / bcom ldan 'das kyi zhabs gnyis la mgo bos phyag 'tshal nas/ bcom ldan 'das la lan gsum du bskor ba byas te phyogs gcig tu 'khod do// phyogs gcig tu
- 243b
'khod pa dang / de dag la kho bos 'di skad ces smras so// tshe dang ldan pa dag gar 'deng 'dod/ gang nas 'ongs/ de dag gis smras pa/ tshe dang ldan pa gang po nged ni dgra bcom pa zag pa zad pa/ bsam gtan thob pa/ rdzu 'phrul gyi rkang pa'i pha rol tu song ba ste/ nged 'jam dpal gzhon nur gyur pa 'di las mi mthun pa'i chos bshad pa thos nas stan las langs te dong na/ nged kyis sangs rgyas kyi zhing 'di thams cad mes yongs su gang bar mthong ste/ me'i phung po de las brgal bar ma nus so// kho bos bcom ldan 'das la zhus pa/ dgra bcom pa zag pa zad pa'i sa de gang lags/ de la bcom ldan 'das kyis/ kho bo la 'di skad ces bka' stsal to// gang po gang 'dod chags dang / zhe sdang dang / gti mug gi me la spyod pas me'i phung po las 'da' ba ni gnas ma yin no/ / lta ba'i dri bas bsgribs pas lcags las byas pa'i dri ba bcad pa dang / sred pa'i chur zhugs pas chu'i phung po las brgal ba ni gnas ma yin no// ci'i phyir zhe na/ gang po 'di ltar dge slong 'di dag 'dod chags dang / zhe sdang dang / gti mug gi me la spyod pa de dag me'i phung po las 'da' bar mi nus so// de dag lta ba'i dra bas bsgribs te/ lcags las byas pa'i dra ba gcod par mi nus so// de dag sred pa'i chu bor zhugs te/ chu'i phung po las brgal bar mi nus so// gang po 'di lta ste dper na/ me'i phung
- 244a
po gang yin pa dang / lcags las byas pa'i dra ba gang yin pa dang / chu'i phung po gang yin pa'i chos de dag thams cad gang nas kyang ma 'ongs pa/ gang du'ang ma song ste/ gzhan du yang 'jam dpal gzhon nur gyur pa'i byin gyi rlabs kyis snang ngo // gang po de bzhin du 'dod chags dang / zhe sdang dang / gti mug gang yin pa dang / lta bar byas pa gang yin pa dang / srid pa'i sred pa gang yin pa'i chos de dag gang nas kyang ma 'ongs/ gang du'ang ma song ste/ gzhan du na phyin ci log sngon tu 'gro ba'i rtog pa dang / rnam par rtog pa dang / yongs su rtog pa lnga bdag po med pa/ bdag gi med pa/ yongs su gzung ba med pa'i bdag dang gzhan du sgro 'dogs par 'byung ngo // de la rnal 'byor pa rnal 'byor spyod pas g.yengs pa'i sems rtse gcig tu byed do/ / sems rtse gcig pas zhi gnas sgrub par byed do// zhi gnas kyi tshogs kyi bsam gtan skyed par byed do// bsam gtan thob pas kyang rlom sems su mi byed/ mngon par chags par mi byed do/ / bsam gtan la sbyangs pa'i sems kyis kyang chos rnams la rnam par lta ste/ chos gang gi rgyu dang rkyen du 'gyur zhes de so sor rtog pa na yang dag par ji lta ba bzhin du so sor rtog par byed de/ 'di lta ste/ mo rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs
- 244b
kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar na sdug bsngal gyi phung po chen po 'di 'ba' zhig 'byung bar 'gyur te/ 'di ni log pa'i nan tan gyis 'du byed kyi lam zhes bya'o// ma rig pa 'gags pas 'du byed rnams 'gag/ 'du byed rnams 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag reg pa 'gags pas tsher ba 'gag/ tshor ba 'gag pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar na sdug bsngal gyi phung po chen po 'ba' zhig 'gag par gyur te/ 'di ni yang dag pa'i nan tan 'dus ma byas su nges par 'jug pa'o// de la ma rig pa 'gags pas ni 'das pa ma yin/ ma 'ongs
- 245a
ba ma yin/ da ltar byung ba ma yin mod kyi/ 'on kyang gang tshul bzhin yid la mi byed pa byung bas ma rig pa 'byung ste/ de tshul bzhin yid la byed pa so sor rtog pa yid la byed na 'byung bar mi 'gyur ro/ / mi 'byung ba de shin tu 'gags pa ste/ de lta bas na ma rig pa 'gag ces bya'o// de la tshul bzhin yid la byed pa ni 'byung ba chen po bzhi las byung ba'i lus 'di la 'di lta ste/ lus 'di ni blun pa ste/ rtswa dang / shing dang / rtsig pa dang / rdo ltar snang bar so sor rtog go// gang sems sam/ yid dam/ rnam par shes pa zhes bya ba de'ang gzugs med pa/ bltar med pa/ thogs pa med pa/ rnam par mi rig pa/ sgyu ma lta bu/ rmi lam lta bu ste/ nang dang / phyi dang / gnyis ka ma yin par yang mi dmigs so zhes de ltar tshul bzhin yid la byed pa la brtson pa'i dge slong gos/ chos thams cad rang bzhin gyis ma skyes par rtogs par 'gyur te/ gang yang ma skyes pa de ni don dam pa'o// bstan pa 'di bstan pa'i tshe/ dge slong nyis brgya po de dag gis nye bar len pa med par zag pa las sems rnam par grol lo// de nas gcer bu ma'i bu bden pa po 'khor dmas par gyur te/ 'khor lnga brgya zhig dang spa gong pabar gyur cing / tshal chen po'i khang bu brtsegs pa'i khang bu gang na ba dang / bcom ldan 'das gang na ba der dong ste lhags pa dang / bcom ldan 'das dang lhan cig mngon sum du mgu bar
- 245b
'gyur ba dang / dga' bar 'gyur ba'i gtam sna tshogs byas nas/ bcom ldan 'das la 'di skad ces gsol to// kye go'u tA ma dge sbyong go'u ta ma ni gzhan gyi 'khor kha 'dren pa'i sgras kha 'dren to zhes yang dang yang du thos na/ de da ni mngon sum du gyur te/ 'di ltar 'jam dpal gzhon nur gyur pas kho bo'i 'khor phye ste dge sbyong go'u ta ma la phul lo// dge sbyong go'u ta mas kyang log pa'i gzung bas bzung ste/ de dag slar kho bo'i drung du mi 'ong / bsnyen bkur mi byed/ rna blags te mi nyan/ kun shes par bya ba'i sems nye bar mi 'jog go// de'i tshe kun tu rgyu zla ba can zhes bya ba'i sdug gi gnyen mtshams kun tu rgyu rgyal ba'i blo gros zhes bya ba 'khor der 'dus te 'dug par gyur nas/ des gcer bu ma'i bu bden pa po la 'di skad ces smras so// gcer bu ma'i bu bden pa po bcom ldan 'das dang / bcom ldan 'das kyi nyan thos rnams dang / 'jam dpal gzhon nur gyur pa la ma dad par ma byed cig/ khyod la yun ring por don med pa dang / mi phan pa dang / sdug bsngal ba dang / rnam par ltung bar gyur ta re/ gcer bu pa 'di lta ste/ ngas dpe bya bar spobs so// gcer bu pa 'di lta ste dper na/ skyes bu byis pa'i rang bzhin can/ shes rab 'chal pa'i rang bzhin can la la zhig/ mar gyi snying khu 'dod la mar tshol ba des/ chu bum pa'i nang du blugs te bsrubs nas de ji tsam nangon med pa
- 246a
dang chad pa'i skal ba can du gyur kyang / de'i rgyus mar ram mar gyi snying po ni mo rnyed do// gcer bu pa de bzhin du 'di la phyi rol gyi sa mtshan can tham cad kyi rnal 'byor dang spong ba dang / dka' thub dang / brtul zhugs de dag thams cad ni log par bzung ba ste/ de dag ni chu'i bum pa bsrubs pa lta bu'o zhes nga smra ba'i steng du de bzhin gshegs pas gsung pa'i chos 'dul ba la sems gdug par byas pas/ sems can dmyal ba'i g.yang sar lhung bar 'gyur ro// gcer bu pa 'di lta ste dper na/ skyes bu mkhas pa'i rang bzhin can shes rab dang ldan pa'i rang bzhin la la zhig mar gyi snying khu 'dod cing mar tshol ba des/ 'o ma bum pa'i nang du blugs te bsrubs na/ de tshegs chung ngus mar gsar phyin par 'gyur te/ mar gsar las mar ro/ / mar las mar gyi snying khu thob bo// gcer bu pa de bzhin du khyim na gnas pa'am/ rab tu byung ba'ang rung / de bzhin gshegs pas gsungs pa'i chos 'dul ba 'di la dad pa dang ldan zhing mos pa mang bar sbyor bar byed/ rtsol bar byed/ 'bad par byed na/ mar 'dod pa 'o ma'i bum pa las mar gyi snying khu thob pa bzhin/ de dag myur du 'phags pa'i rnam par grol ba thob bo/ / gcer bu pa 'di lta ste dper na/ skyes bu zhig gis skyes bu gnyis pa'i 'jim pa las byas pa'i snod brgya stong bzhag ste/ de snyed kyi rin
- 246b
po che'i snod byin na/ gcer bu pa de ji snyam du sems/ ci skyes bu des skyes bu de bslus pa yin nam/ smras pa/ rgyal ba'i blo drus de ni ma yin no// smras pa/ gcer bu pa de bzhin du 'jim pa las byas pa'i snod lta bu'i mu stegs can gyi nyan thos rnams bcom ste/ de bzhin gshegs pa'i bstan pa la chos rin po che'i snod du byed na/ des mu stegs rnams gang yang bslus par mi 'gyur ro/ / gcer bu pa 'di lta ste dper na/ ded dpon la mi mkhas pa mngon pa'i nga rgyal can zhig gis 'gron pa mang po lam ngan par btsud pa las/ ded dpon thabs la mkhas pa lam shes pa lam mthong ba zhig gis lam ngan pa de nas bzlog ste/ yang dag pa'i lam du btsud do// gcer bu pa de bzhin du khyod kyi ston pa drug po thams cad kyang lam mi shes pa lam la mi mkhas pa ste/ des khyed cag sems can mang po lam ngan par btsud do// de bzhin gshegs pa ni lam mkhyen pa lam la mkhas pa ste/ des sems can de dag lam ngan pa de las bzlog ste/ yang dag pa'i lam du btsud do// gcer bu pa de lta mod kyi/ khyod kyi 'khor 'di dag khrid de song zhig/ de nas gcer bu pa khri nyis stong gcer bu ma'i bu bden pa po dang lhan cig tu dong ngo / / lhag ma rnams ni mngon par shes pa thob nas/ de dag bcom ldan 'das kyis dge slong tshur shog ces bya bas rab tu byung bar gyur to// de la bcom ldan
- 247a
'das kyis/ kun tu rgyu rgyal ba'i blo gros la 'di skad ces bka' stsal to// rgyal ba'i blo gros khyed kyis gang dag gcer bu ma'i bu bden pa po dang lhan cig tu dong ba'i gcer bu pa khri nyis stong po de dag mthong ngam/ gsol pa/ bcom ldan 'das mthong ngo // bcom ldan 'das kyis bka' stsal pa/ rgyal ba'i blo gros de dag thams cad de bzhin gshegs pa byams pa'i 'dus pa dang po'i grangs su gtogs par 'gyur ro/ / de ci'i phyir zhe na/ de ltar de dag gis chos zab mo bshad pa 'di thos so// gcer bu ma'i bu bden pa po na 'di lta ste dper na/ da ltar nga'i dge slong shA ri'i bu bzhin du de bzhin gshegs pa byams pa'i bstan pa la nyan thos rnams kyi nang na shes rab che ba'i mchog tu 'gyur ro// de ci'i phyir zhe na/ de ltar de ni nga la mos pa yod de/ lhag pa'i nga rgyal gyis ni lta ba yongs su mi gtong ngo // de nas 'jam dpal gzhon nur gyur pa la/ kun tu rgyu rgyal ba'i blo gros kyis 'di skad ces smras so/ / 'jam dpal phyi ma'i dus phyi ma'i tshe lnga brgya'i tha ma la dge slong mngon pa'i nga rgyal can ji snyed cig 'byung bar 'gyur/ 'jam dpal gyis smras pa/ rigs kyi bu phyi ma'i dus phyi ma'i tshe lnga brgya'i tha ma la dge slong mngon pa'i nga rgyal can 'byung ba ni dkon no/ / de ci'i phyir zhe na/ rigs kyi bu bsam gtan bzhi ma bskyed par mngon pa'i nga rgyal can du ltung bar
- 247b
mi nus so/ / de ci'i phyir zhe na/ de ltar de'i tshe dge slong de dag sems gnas pa yang dkon na/ gang bsam gtan bzhi la snyoms par 'jug pa de dag ci smos/ rigs kyi bu de lta bas na phyi ma'i dus phyi ma'i tshe lnga brgya'i tha ma la dge slong mngon pa'i nga rgyal can 'byung ba ni dkon no/ / rigs kyi bu 'on kyang 'di gnyis ni mngon pa'i nga rgyal can te/ gnyis gang zhe na/ lta ba la chags pas bsam gtan gyi mngon pa'i nga rgyal can dang / rnyed pa dang bkur sti'i phyir 'phags pa'i gdung dang / tshul khrims dang / thos pa dang / sbyangs pa'i yon tan dang / yo byad bsnyud pa tsam gyis mngon pa'i nga rgyal can du ltung ba ste/ de gnyis ni mngon pa'i nga rgyal can no// gang yang mngon pa'i nga rgyal can du 'gyur te/ de bzhin gshegs pas gsungs pa'i chos 'dul/ ba spong ba de dag ni sems can dmyal ba dang / byol song gi ske gnas dang / gshin rje'i 'jig rten du 'gro bar 'gyur ro// smras pa/ 'jam dpal pha rol gyi sems mi shes par 'di ni mngon pa'i nga rgyal can ne zhes ji ltar shes par bya/ smras pa/ gal te so so'i skye bo rnams mya ngan las 'da' bar 'gyur gyi/ dgra bcom pa rnams ni ma yin no zhes de skad thos nas skrag par gyur na mngon pa'i nga rgyal can du rig par bya'o/ / gal te so so'i skye bo rnams kyis de bzhin gshegs pa mthong gi/ dgra bcom pa rnams kyis ni ma yin no zhes de skad thos nas skrag
- 248a
par gyur na mngon pa'i nga rgyal can du rig par bya'o/ / gal te so so'i skye bo rnams kyi sbyin pa yongs su sbyong bar byed kyis/ dgra bcom pa rnams kyis ni ma yin no zhes de skad thos nas skrag par gyur na mngon pa'i nga rgyal can du rig par bya'o/ / gal te so so'i skye bo rnams kyis de bzhin gshegs pa mnyes par byed kyis/ dgra bcom pa rnams kyis ni ma yin no zhes de skad thos nas skrag par gyur na mngon pa'i nga rgyal can du rig par bya'o/ / gang dag nyon mongs pa thams cad las mi g.yo ba de dag ni mi rten pa'o// gang dag mi rten pa de dag ni 'jig rten na sbyin pa'i gnas so/ / gang yang nyon mongs pa las g.yo ba de dag ni rten pa'o// gang dag rten pa de dag ni 'jig rten na sbyin pa'i gnas pa ma yin no// de la gang dag/ rtsod par byed pa de dag ni mngon pa'i nga rgyal can du rig par bya'o// chos thams cad ni 'byung ba'o zhes bya'i chos zab mo 'di la 'di gang mi rtogs pa de dag ni mngon pa'i nga rgyal can du rig par bya'o/ / chos thams cad yongs su shes par mi bya'o// spang bar mi bya'o// bsgom par mi bya'o// mngon du mi bya'o zhes bya ba'i bden pa'i tshul 'di la gang mi 'jug pa de dag ni mngon pa'i nga rgyal can du rig par bya'o/ / smras pa/ 'jam dpal mngon pa'i nga rgyal med pa'i phyag rgya ji lta bu yin/ smras pa/ 'gal ba med pa dang / rtsod pa med pa ni mngon pa'i nga rgyal
- 248b
med pa'o/ / rigs kyi bu 'di lta ste dper na/ ri dgas kyi rgyal po seng ge ni sgra thams cad kyis mi skrag go// de bzhin du rigs kyi bu dge slong mngon pa'i nga rgyal med pa ni sgra thams cad kyis mi skrag go/ / de ci'i phyir zhe na/ de ltar chos thams cad sgra brnyan lta bur rig ste/ sgra brnyan la ni sems med/ yid med/ rnam par shes pa med kyang / de la brten cing sgra 'byung bar 'gyur ro// de bzhin du des sems dang yid kyang yang dag pa ji lta ba bzhin du shes te/ de sgra thams cad rkyen la rag lus par rtogs nas/ de sgra thams cad la dga' ba yang mi bskyed do// de sangs rgyas kyi sgra la yang sdug par mi byed do/ / mu stegs can gyi sgra la yang khong khro bar mi byed/ rnam par dkar ba'i sgra la yang sdug par mi byed/ nyon mongs pa'i sgra la yang khong khro bar mi byed cing / de sgra thams cad kyi thog ma'i mtha' dang / phyi ma'i mtha' rtogs par gyur pa 'di ni/ rigs kyi bu mngon pa'i nga rgyal med pa'i phyag rgya zhes bya ba ste/ gzhug pa med pa dang / dbyung ba med pa'i phyag rgya'o/ / ji lta ba bzhin gyi phyag rgya'o// yang dag par sgrub pa'i phyag rgya'o// rang bzhin gyi mtshan nyid kyi phyag rgya'o// tshul gcig tu 'jug pa'i phyag rgya'o// chos kyi dbyings su 'du ba'i phyag rgya'o/ / de bzhin nyid tha mi dad pa'i phyag rgya'o// yang dag pa'i mtha' la 'jog pa'i phyag rgya'o// don dam pa stong pa nyid kyi phyag rgya'o// dus gsum mnyam pa nyid kyi phyag
- 249a
rgya'o/ / thog ma nas ma skyes pa'i phyag rgya'o// rang bzhin la so sor rtog pa'i phyag rgya ste/ rigs kyi bu phyag rgya de dag gis btab pa'i chos thams cad mngon pa'i nga rgyal med pa'i dge slong gis thos na nem nur du mi 'gyur/ the tsom du mi 'gyur te/ bdag tu mi dmigs par rtog par 'gyur ro// de nas bcom ldan 'das la/ kun tu rgyu rgyal ba'i blo gros kyis 'di skad ces gsol to/ / bcom ldan 'das bdag gis sngon yang kun tu rgyu su tra ka dang / snag gi gnyen mtshams kun tu rgyu zla ba can las/ theg pa chen po 'di'i yon tan bsngags pa brjod pa kha cig thos par gyur to/ / bcom ldan 'das bdag gis da ltar yang 'jam dpal gzhon nur gyur pa las dam pa'i chos bshad pa thos nas/ bla na med pa yang dag par rdzogs pa'i byang chub tu sems bskyed do/ / bcom ldan 'das kyis kyang bdag la ci nas kyang bdag gis byang chub kyi phyogs kyi chos rnams bsags te/ myur du bla na med pa yang dag par rdzogs pa'i byang chub mngon par rdzogs par sangs rgyas nas/ sems can tshad ma mchis/ grangs ma mchis pa rnams kyi don bgyid par 'gyur ba de ltar chos bshad/ du gsol/ bcom ldan 'das kyis bka' stsal pa/ rgyal ba'i blo gros byang chub sems dpa' rnams kyi chos 'di gnyis ni/ myur du bla na med pa yang dag par rdzogs pa'i byang chub
- 249b
mngon par shes par byed pa'o/ / gnyis gang zhe na/ 'di lta ste/ brtson 'grus dang / bag yod pa'o// de la brtson 'grus gang zhe na/ gang chos kyis btsal ba'i longs spyod bdog pa thams cad yongs su gtong ba'o/ / bag yod pa gang zhe na/ gang rnam par smin pa la mi re bas byang chub tu bsngo ba'o// de la brtson 'grus ni gang mi dge ba'i chos thams cad spang ba dang dge ba'i chos thams cad yongs su rdzogs par bya ba'i phyir yang dag par rtsol ba'o/ / bag yod pa ni tshul khrims yongs su dag cing skye ba thams cad mi 'dod pas byang chub tu yongs su sngo ba'o/ / de la brtson 'grus ni gang lus dang sems la mi lta bas bzod cing nges pa'o// bag yod pa ni khong khro ba med pa'i sems kyis sems can thams cad kun tu srung ba'o// de la brtson 'grus ni gang dge ba'i chos sogs pas mi skye ba'o// bag yod pa ni gang dge ba'i chos bsags pa rnams thams cad mkhyen pa nyid du yongs su sngo ba'o// de la brtson 'grus ni gang bsam gtan gyi yan lag yongs su rdzogs pas mi skyo ba'o/ / bag yod pa ni gang bsam gtan gyi ro myong bar byed pa las log pa'i shes pa'o// de la brtson 'grus ni gang mang du thos pa tshol bas chog mi shes pa'o/ / bag yod pa ni gang tshul bzhin yid la byed pa la zhugs pa'i 'phags pa'i shes rab dang ye shes so// de la brtson 'grus ni gang bsdu ba'i dngos
- 250a
po rnams mi 'dor ba'o/ / bag yod pa ni gang sems can yongs su smin par bya ba'i thabs so// de la brtson 'grus ni gang lus dang sems sdom pa'o// bag yod/ pa ni lus dang sems dben pa'o// de la brtson 'grus ni gang sems can la dmigs pa'i byams pas sems can thams cad sems mnyam pa'o// bag yod pa ni gang chos la dmigs pa'i byams pas chos thams cad ni dmigs pa'o/ / de la brtson 'grus ni gang sems can gzhan dang gang zag gzhan dag byang chub kyi sems la sbyor ba'o// bag yod pa ni gang sgyu ma lta// bu'i chos la so sor rtog pas byang chub kyi sems mi brjed pa'o// de la brtson 'grus ni gang mngon par shes pa'i ye shes skyed pa'o// bag yod pa ni gang zag pa zad par byas pas kun tu srung ba'o/ / de la brtson 'grus ni gang mgo'i thod la me 'bar ba lta bus bden pa tshol ba'o// bag yod pa ni gang 'gog pa mngon sum du bya bar mi ltung ba'o// de la brtson 'grus ni gang mtshan dang dpe byad yongs su rdzogs par bya ba'i phyir dge ba'i rtsa bas chog mi shes pa'o/ / bag yod pa ni gang chos kyi sku la so sor rtog pa'o// de la brtson 'grus ni gang sangs rgyas kyi zhing yongs su dag pa'o/ / bag yod pa ni gang sems can gyi zhing yongs su dag pa'o// de la brtson 'grus ni gang byang chub kyi phyogs kyi chos sum cu rtsa bdun yongs su
- 250b
rdzogs pa'o/ / bag yod pa ni gang nye bar zhi ba'i rnam par grol bas rnam par grol ba'o// rigs kyi bu mdor na byang chub sems dpa'i thabs la mkhas pa'i las ji snyed pa de dag thams cad brtson 'grus dang ldan par blta'o/ / shes rab kyi pha rol tu phyin pa'i las ji snyed pa de dag thams cad na bag yod pa dang ldan par lta ste/ de bas na thabs dang shes rab kyis yongs su zin pa'i byang chub sems dpa' la bla na med pa yang dag par rdzogs pa'i byang chub las phyir ldog pa'i 'jigs pa cung zad kyang med do zhes bya'o/ / bstan pa 'di bstan pa'i tshe/ kun tu rgyu rgyal ba'i blo gros kyis mi skye ba'i chos la bzod pa thob par gyur to/ / de sems dga' ba dang / mgu ba dang / rangs pa de nyid kyis/ de shing ta la bdun tsam du steng gi bar snang la mngon par 'phags par gyur to/ / stong gsum gyi stong chen po'i 'jig rten gyi khams 'di yang rnam pa drug tu g.yos so// snang ba chen pos kyang 'jig rten khyab par gyur to// steng gi bar snang la me tog gi char chen po yang mngon par bab bo/ / rol mo 'dus pa'i sgra yang byung bar gyur to// de nas de'i tshe bcom ldan 'das kyis 'dzum pa mdzad de/ sangs rgyas bcom ldan 'a rnams kyi chos nyid kyis/ nam 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog du ma sna tshogs 'di lta ste/ sngon po dang / ser po dang / dmar po
- 251a
dang dkar po dang / le brgan dang / shel gyi kha dog dang / dngul gyi kha dog dag byung ste/ des 'jig rten gyi khams mtha' dang mu med pa dag snang bas khyab par byas nas/ tshangs pa'i 'jig rten man chad du mngon par byung zhing / nyi ma dang zla ba'i 'od kyang zil gyis mnan nas slar log ste/ bcom ldan 'das la lan gsum du bskor ba byas nas bcom ldan 'das kyi dbu'i gtsug tu nub bo/ / de nas tshe dang ldan pa kun dga' bo stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das gal ba de logs su thal mo sbyar ba btud de/ bcom ldan 'das la tshigs su bcad pa'i dbyangs kyis 'dzum pa'i don yongs su nus so// bsod nam/ ye shes stobs dpal dpe med 'dom gang 'od kyis brgyan// mtshan mchog sum cu rtsa gnyis brgyan cing dpe byang dag gis spras// seng ge dang mchog 'gying 'gro ltar ni brtson 'grus stobs kyis byung / / ci slad 'dzum mdzad de ni bcom ldan 'das kyis bstan par gsol// thub pa dbyar gyi sprin dang rnga sgra seng ge'i sgra bas lhag/ ka la bing+ka'i sgra dang dril sgra tshangs pa'i sgra bas lhag lha 'am de bzhin mi yi sgra gang stong gsum dag na snyan/ de kun char yang mi 'gro bcom ldan thub pa'i gsung mchog go// dgra bcom mchog rab rang rgyal yang dag byang chub seMs
- 251b
dpa' kyang / / dpe med thub dbang ye shes rmad byung yul ni mi rtogs pa// lha mi lha min klu gang thos nas byang chub mchog 'tshal bar// ye shes de yi stobs kyis ci phyir 'dzum bstan bshad du gsol/ / mthar 'dzin kun las thub grol blo bzang dbus su khyod mi chags// chags med nyes med spyod pa gnas med nam mkha' tshad med bzhin// dpe mchog gang yang med cing 'jim rten mchog 'drar bgrang ba med/ / mkha' 'dra'i blo mnga' sdig med khyod la ci slad 'dzum bstan zhu'o// khyod kyi zhal nas 'od zer sna tshogs sngo dang dmar dang dkar// dri med gser ltar 'tsher zhing dmar ba gang+gA'i bye snyed byung / / grangs med nam mkha'i khams mnyam phyogs kyi 'jig rten des snang byas// thub pa'i 'od kyis reg pa'i ngan song ma lus zhi zhing bde dang ldan/ gal te 'od zer pus mor lhung na dgra bcom khyod lung bstan/ / 'od zer khyod kyi dpung par nub na rang sangs rgyas su bstan// deng ni phan mdzad thub khyod gtsug tu dri med 'od nub kyis// kun mkhyen mnyam med theg par nges pa khyod ni lung ston to/ / de bas legs pa lha lhags lhas mchod 'jig rten gsum mchod 'os// srog chags mang po gang thos dga' zhing sems kyang mgu 'gyur bar/ / yang dag bden tshig nges par gsung ngag de ni rgyal bas shod// ci phyir 'dzum mdzad the tsom chod de slob ma mgu bar mdzod// de skad ces gsol pa dang / bcom/
- 252a
ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo rigs kyi bu rgyal ba'i blo gros zhes bya ba bzod pa thob pa steng gi bar snang la ta la bdun tsam 'dug ste/ thal mo sbyar nas nga la phyag 'tshal ba lha brgya stong dag gis mchod pa byas pa 'di khyod kyis mthong ngam/ gsol pa/ bcom ldan 'das mthong ngo // bcom ldan 'das kyis bka' stsal pa/ kun dga' bo rigs kyi bu rgyal ba'i blo gros 'dri 'khor lo sgyur ba'i rgyal por gyur pa na/ sangs rgyas bye ba phrag bdun cu rtsa gnyis las dge ba'i rtsa ba bskyed de/ sangs rgyas bcom ldan 'das de dag thams cad bzhugs pa dang / yongs su mya ngan las 'das pa la yang mchod do// sangs rgyas bye ba phrag bdun cu rtsa gnyis las tshangs par spyod par spyad do/ / thams cad du yang dam pa'i chos yongs su bzung ngo // kun dga' bo rigs kyi bu rgyal ba'i blo gros 'di de phyin chad kyang de bzhin gshegs pa bgrang ba las 'das pa rnams mnyes par byed par 'gyur/ gus par byed par 'gyur/ bla mar byed par 'gyur/ phud dud du byed par 'gyur/ mchod pa byed par 'gyur/ tshangs par spyad pa la yang spyod par 'gyur/ sems can tshad med grangs med pa dag kyang byang chub tu yongs su smin par byed par 'gyur ro// de phyi ma'i dus na byang chub kyi phyogs kyi chos rnams bsags nas/ bskal pa grangs
- 252b
med pa na/ bskul pa rin po che gcig bkod pa zhe bya ba la/ 'jig rten gyi khams blta na sdug pa zhes bya bar/ de bzhin gshegs pa dgra bcom pa yang dag par rdzogs pa'i sangs rgyas ye shes phung po zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul zhing kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du 'byung bar 'gyur ro/ / kun dga' bo 'jig rten gyi khams blta na sdug po de longs spyod ni lha gzhan 'phrul dbang byed dang 'dra bar 'gyur ro// sems can de dag gi mdun du yul drug las yid du mi 'ong ba'i chos gang yang 'byung bar mi 'gyur ro/ / sems can de dag thams cad gcig gis gcig mthong na dga' ba dang yid bde ba skye bar 'gyur ro/ sems can de dag thams cad rmi lam du yang de bzhin gshegs pa ye shes phung po de mthong zhing / de dag sangs rgyas rjes su dran pa dang mo 'bral bar 'gyur te/ de bas na 'jig rten gyi khams de blta na sdug pa zhes bya'o/ / bskal pa de la de bzhin gshegs pa de gcig pu 'byung zhing / de bzhin gshegs pa'i tshe tshad kyang bskal par thub par 'gyur te/ de bas na bskal pa de'ang rin po gcig bkod pa zhes bya bar 'gyur ro/ / bcom ldan 'das de'i 'khor byang chub sems dpa'i dge 'dun 'ba' zhig ste/ byang chub sems dpa' bye ba phrag dgu
- 253a
bcu rtsa gnyis su 'gyur ro/ / byang chub sems dpa' sems dpa' chen po thams cad kyang phyir mi ldog pa/ spobs pa thogs pa med pa/ tshig dbye ba la mkhas pa/ sha stag go// de bzhin gshegs pa ye shes phung po de nam yongs su mya ngan las 'da' ba de'i tshe yang byang chub sems dpa' sang+ge'i rtsal gyis 'gro ba de la/ rigs kyi bu byang chub sems dpa' seng ge'i rtsal gyis 'gro ba 'di/ nga'i 'og tu de bzhin gshegs pa seng ge'i sgra sgrogs pa zhes bya bar 'gyur ro// zhes lung bstan nas yongs su mya ngan las 'da' 'o// de bzhin gshegs pa ye shes kyi phung po de yongs su mya ngan las 'das nas/ bar gyi bskal pa bcur dam pa'i chos gnas par 'gyur ro// bcom ldan 'das de'i sku yang mi 'jig par 'gyur te/ gang la sems can de dag mchod par byed ba'i mchod rten rin po che las byas pa'i zheng du dpag tshad drug cu rtsa bzhi pa/ 'phang du dpag tshad brgyad cu pa rin po che thams cad kyis spras pa gcig cig yod par 'gyur ro/ / de nas rigs kyi bu rgyal ba'i blo gros par snang de las babs nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das la chos kyi dbyings dang tha mi dad pa'i tshogs su bcad pa 'di dag gis mngon par bstod do// bdag gi dbyings dang sems can dbyings/
- 253b
chos kyi dbyings dang de dag mnyam// de yi dbyings ldan ye shes dbyings// de bas khyod kyis bdag lung bstan// chos kyi dbyings dang nyon mongs khams// stong pa'i dbyings dang de dag mnyam// chos kun de de dbyings ldan te// de bas khyod kyis bdag lung bstan// 'dod chags zhe sdang gti mug dang // gang gzhan khams kyang gsum po dag/ nam mkha'i khams dang mnyam pa ste// de bas khyod kyis bdag lung bstan// 'khor ba dang ni mya ngan 'das// chos kyi dbyings dang de dag mnyam// rlung gi khams dang chu dang me// sa rnams de yi khams ldan no// phung po'i khams dang chos kyi dbyings/ / mig la sogs pa'i khams rnams dang // yid kyi khams dang chos kyi khams// de dag dbyings kun mnyam pa'o// 'dus byas dbyings ni gang yin dang / 'dus ma byas dbyings gang yin pa// de dag chos dbying gnyis med de// de bas khyod kyis bdag lung bstan// phung po rnams ni shes dang bral// khams dang skye mched rnams kyang ste// ming la med cing gzugs la'ang med/ / nang na med cing phyi na'ang med// sgra gang dag gis rig 'gyur ba'i// thub pas bdag ni lung bstan pa// ji ltar bur ni sgra gsungs pa// de ltar bdag ni lung bstan to/ / gang gis bdag gis lung bstan pa'o// sems ni sangs rgyas mi mnga' ste// bdag la'ang yang dag byang chub tu// lung bstan rnam shes ma mchis so// ji ltar sangs rgyas
- 254a
bdag de bzhin/ / bdag ltar bde gshegs de bzhin te// sems can kun kyang de dang 'dra// de bas khyod kyis bdag lung bstan// lung bstan 'di ni yang dag pa/ de bzhin nyid dang ldan pa ste// yang dag mtha' la gnas pas na// chos kyi dbyings la tha dad med// chos kyi dbyings las yang dag byung // nam mkha'i lta bur ye shes zab// thabs la mkhas shing legs sbyangs pa/ / bcom ldan khyod la bdag phyag 'tshal// de nas bcom ldan 'das la rigs kyi bu rgyal ba'i blo gros kyis/ chos kyi dbyings dang tha mi dad pa'i tshogs su bcad pa de dag gis mngon par bstod nas/ bcom ldan 'das kyi zhabs gnyis la mgo bos phyag 'tshal nas/ bcom ldan 'das la lan gsum bskor ba byas te phyogs gcig tu 'dug go/ tshe dang ldan pa shA ri'i bu 'jam dpal gzhon nur gyur pa'i rdzu 'phrul rnam par 'phrul pa'i cho 'phrul dang / chos ston pa rnam par 'phrul pa'i cho 'phrul las/ gang kho bos phyogs tsam zhig mngon sum du gyur pa ni de lta bu dag yin no/ / de bzhin du bcom ldan 'das kyi spyan snga na 'jam dpal gzhon nur gyur pa'i rdzu 'phrul rnam par 'phrul pa'i cho 'phrul dang / chos bstan pa'i rnam par 'phrul pa'i cho 'phrul ji ltar mngon sum du gyur pa dag phan tshun du brjod do/ / de nas bcom ldan 'das kyis/ tshe dang ldan pa kun dga' bo la 'di bka' stsal pa/ kun dga'
- 254b
bo chos kyi rnam grangs 'di zung zhig/ chongs shig/ lhogs shig/ kun chub par gyis shig/ gzhan dag la'ang rgya cher yang dag par shod cig/ gsol pa/ bcom ldan 'das bdag gis chos kyi rnam grangs 'di bzung na/ bcom ldan 'das chos kyi rnam grangs 'di'i ming ci lags// ji ltar gzung bar bgyi/ bcom ldan 'das kyis bka' stsal pa/ de bas na/ kun dga' bo chos kyi rnam grangs 'di 'jam dpal gzhon nur gyur pa'i byin gyi rlabs rnam par 'phrul pa dang / bdud dang / phas kyi rgol ba thams cad chos dang ldan pas 'joms shing tshar gcod pa dang / dkon mchog 'byung gnas bstan pa dang / dkon mchog gi za ma tog ces bya bar zung zhig/ bcom ldan 'das kyis de skad ces bka' stsal pa dang / 'jam dpal gzhon nur gyur pa dang / byang chub sems dpa' rgyal ba'i blo gros dang / tshe dang ldan pa kun dga' bo yang yid dga' zhing / byang chub sems dpa' de dag dang / nyan thos chen po de dag dang / lha dang / mi dang / lA ma yin dang / dri zar bcas pa'i 'jig rten yang / bcom ldan 'das kyis bka' stsal pa mngon par dga' 'o// dkon mchog gi zam tog ces bya ba theg pa chen po'i mdo rdzogs so/ / / lo tsa ba ban+d+ha rin chen 'tshos bsgyur cing zhus// / 'phags pa tshul khrims
- 255a
nyams pa'i rnam par smin pa lci yang bstan pa'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab bya ka lan ta ka'i gnas 'od ma'i tshal na bzhugs so// de nas tshe dang ldan pa mo'u 'gal gyi bu chen po phyi dro nang du yang dag 'jog las lang nas bcom ldan 'das ga la ba der song ste/ zhabs la mgo bos phyag 'tshal nas phyogs gcig tu 'dug go// de nas tshe dang ldan pa mo'u 'gal gyi bu chen pos/ bcom ldan 'das la 'di skad ces gsol to/ / bcom ldan 'das bdag la the tsom mchis te/ deng zhu bar 'tshal na bstan du gsol/ bcom ldan 'das kyis mo'u 'gal gyi bu khyod kyis ci dang ci 'dod pa dris shig/ khyod la bshad par bya'o zhes bka' stsal pa dang / mo'u 'gal gyi bus/ bcom ldan 'das la 'di skad ces gsol to// bcom ldan 'das gal te dge slong ngam dge slong ma dag ngo tsha dang khrel ma mchis pas sems kyis sangs rgyas kyi bka' khyad du gsod pas bslab pa mang po'i sdom pa dang / de bzhin du so sor bshags par bya ba dang / ltung byed 'ba' zhig pa dang / sbom po dang / dge 'dun lhag ma dang / phas pham pa rnams las nyams na mi bde ba ji snyed cig myong bar 'gyur ba bstan du gsol zhes byas pa dang
- 255b
bcom ldan 'das kyis/ mo'u 'gal gyi bu la bka' stsal pa/ shin tu legs par nyon cig dang / khyod la bstan par bya'o// gal te dge slong ngam/ dge slong ma zhig ngo tsha dang khrel med pas sangs rgyas kyi bka' khyad du gsod cing / bslab pa mang po'i sdom pa las nyams na rgyal chen bzhi'i lha'i tshe'i tshad lo brgya'i bar du sems can dmyal bar lhung ste/ mi'i lo ltar brtsis na lo stong phrag dgu brgya'o// bcom ldan 'das kyis/ mo'u 'gal gyi bu la bka' stsal pa/ gal te ngo tsha dang khrel med pas sangs rgyas kyi bka' khyad du gsod cing so sor bshags pa las nyams na/ sum cu rtsa gsum gyi lha'i tshe tshad lo stong gi bar du sems can dmyal bar ltung ste/ de la mi'i lo ltar brtsis na sum 'bum drug stong yod do// bcom ldan 'das kyis/ mo'u 'gal gyi bu la bka' stsal pa/ gal te ngo tsha dang khrel med pas sangs rgyas kyi bka' khyad du gsod cing ltung byed las nyams na/ 'thab bral gyi lha rnams kyi tshe'i tshad kyi lo nyis stong gi bar du sems can dmyal bar lhung ste/ de la mi'i lo ltar brtsis na lo 'bum phrag nyi shu dang bzhi khri'o// bcom ldan 'das kyis/ mo'u 'gal gyi bu la bka' stsal da/ gal te ngo tsha dang khrel med pas sangs rgyas kyi bka' khyad du gsod cing sbom po las nyams na/ dga' ldan lha'i tshe'i tshad kyi lo bzhi stong gi bar du sems can dmyal
- 256a
bar ltung ste/ de la mi'i lo ltar brtsis na lo 'bum phrag drug cu dang drug khri'o// bcom ldan 'das kyis mo'u 'gal gyi bu la bka' stsal pa/ gal te ngo tsha dang khrel med pas sangs rgyas kyi bka' khyad du gsod cing / dge 'dun lhag ma las nyams na/ 'phrul dga'i lha'i tshe'i tshad lo brgyad stong gi bar sems can dmyal bar ltung ste/ de la mi'i lo ltar brtsis na lo 'bum phrag gnyis brgya sum cu dang bzhi khri'o/ / bcom ldan 'das kyis mo'u 'gal gyi bu la bka' stsal pa/ gal te ngo tsha dang khrel med pas sangs rgyas kyi bka' khyad du bsad cing phas pham pa las nyams na/ gzhan 'phrul dbang byed kyi lha'i tshe tshad lo khri drug stong gi bar du sems can dmyal bar ltung ste/ de la mi'i lo ltar brtsis na lo 'bun phrag dgu brgya nyi shu rtsa gcig dang dgu khri'o/ / mo'u 'gal gyi bus bcom ldan 'das kyis gsungs pa la yi rangs te mngon par bstod do// de nas mo'u 'gal gyi bus tshogs su bcad de smras pa/ khyad du gsod pa'i rgyu rkyen gyis// tshe yi dus byas ngan 'gror lhung // dge spyad pa yi rgyu rkyen gyis// de nas mtho ris lhar skye'o// dge ba'i las kyi rgyun las ldog par 'gyur te/ zhi mchog mya ngan 'das pa 'thob// gang zhig bsod nams byed pa ni// lha rnams yongs su skyong ba dang // bsam pa myur du 'grub 'gyur te// bdud kyis glags skabs
- 256b
mi rnyed do/ / 'phags pa tshul khrims nyams pa'i rnam par smin pa'i lci yang bstan pa'i mdo rdzogs so// byang chub sems dpa' sems dpa' chen po'i sa'i snying pos bcom ldan 'das la zhus pa'i mdo las/ sems can skye dgu rnams kyis dus drug dang / dus bcu dang / dus ring po gsum gyi nyi ma la sangs rgyas dang / byang chub sems dpa'i mtshan nas brjod cing de'i nyi ma la za gcig pa thub na/ sdig pa ji tsam byung ba dang / ngan song gang las thar par yon tan mdor bsdus te bstan cing bshad pa/ zla ba'o// cog gi tshes gcig la lha'i bu gzhon nu nyid 'jig rten du mi rnams dge sdig byed pa rtog cing nyul du byon te/ de'i nyi ma la sangs rgyas ting nge 'dzin 'od kyi rgyal po'i mtshan nas brjod cing za gcig pa thub na/ bskal pa bzhi bcu'i sdig pa 'byung zhing / mtshon ral gri dang mdung thung gi dmyal ba'i ngan song las thar par 'gyur ro// tshes brgyad la rgyal bu the tse nyid nyul du mchi ste/ de'i nyi ma la sangs rgyas sman gyi bla bai DUR+Ya 'od kyi rgyal po la phyag 'tshal zhing mtshan nas brjod de za gcig pa thub na/ bskal pa sum cu'i sdig pa 'byang zhing ngan song gi ngan 'gro las thar par 'gyur ro/ / tshes bcu bzhi la gshin rje'i 'khor tshe rtog pa'i dbang po nyi nyul du mchi ste/ de'i nyi ma la bskal pa bzang po'i sangs rgyas stong la
- 257a
phyag 'tshal zhing mtshan nas brjod cing za gcig pa thub na/ chu tshan khol ma'i ngan song las thar par 'gyur ro// bskal pa stong gi sdig pa 'byang bar 'gyur ro// tshes bco lnga la gshin rje'i 'khor lam rgyud lnga'i dbang byed pa'i ded dpon nyid nyul du mchi ste/ sangs rgyas snang ba mtha' yas la phyag 'tshal zhing mtshan nas brjod cing za gcig pa thub na/ shin tu grang zhing chab brom gyi ngan song las thar te/ bskal pa nyis brgya'i sdig pa 'byang bar 'gyur ro// tshes nyi shu gcig la gshin rje'i rgyal po nyid nyul du mchi ste/ de'i nyi ma la byang chub sems dpa' sems dpa' chen po 'phags pa spyan ras gzigs dbang phyug la phyag 'tshal zhing mtshan nas brjod cing za gcig pa thub na/ mtshon ral gri'i sdong po'i dmyal ba las thar te/ bskal pa bzhi bcu'i sdig pa 'byung bar 'gyur ro// tshes nyi shu gsum la lha'i dbang phyug nyid nyul du mchi ste/ de'i nyi ma la sangs rgyas rnam par snang mdzad la phyag 'tshal zhing mtshan nas brjod cing za gcig pa thub na/ yi dgas bkres skom pa'i dmyal ba las thar te/ bskal pa sbyong gi sdig pa 'byang bar 'gyur ro// tshes nyi shu bzhi la gshin rje'i 'khor gyi dbang po ri rab kyi dbang po nyid nyul du mchi ste/ de'i nyi ma la byang chub sems dpa' sems dpa' chen po sa'i snying po'i mtshan nas brjod cing za gcig pa thub na/ bcad cing gtub pa'i
- 257b
dmyal ba las thar te/ bskal pa stong gi sdig pa 'byung bar 'gyur ro// tshes nyi shu brgyad la lha'i dbang po brgya byin nyid nyul du mtsho ste/ de'i nyi ma la snang ba mtha' yas la phyag 'tshal zhing mtshan nas brjod de za gcig pa thub na/ thig nag grang ba'i sems can dmyal ba las thar te/ bskal pa bzhi bcu'i sdig pa 'byang bar 'gyur ro// tshes nyi shu dgu la phyogs skyong bzhi nyid nyul du mchi stede'i nyi ma la byang chub sems dpa' sems dpa' chen po sman gyi bla la phyag 'tshal zhing mtshan nas brjod de za gcig pa thub na/ zhib mor 'thag cing gzhom pa'i dmyal ba las thar te/ bskal pa bdun stong gi sdig pa 'byang bar 'gyur ro// gnam steng la lha'i rgyal po tshangs pa nyid nyul du mchi ste/ de'i nyi ma la sangs rgyas shAkya thub pa la phyag 'tshal zhing mtshan nas brjod de za gcig pa thub na/ me mar mur gyi dmyal ba las thar te/ bskal pa brgya stong gi sdig pa 'byang bar 'gyur ro// lo'o 'tshal gyi dpyid zla tha chung tshos gnyis kyi dros bu chung gi dus su kha shar phyogs su bltas te/ phyogs de'i sangs rgyas thams cad la mngon sum du dmigs nas/ phyag dgu zhig 'tshal na bskal pa sum khri'i sdig pa 'byang bar 'gyur ro// le'o/ 'tshal gyi ston zla ra ba tshes drug gi nyi ma gung gi dus la kha shar phyogs su bltas te/ sangs rgyas thams cad la mngon par phyag dgu zhig 'tshal na/ bskal pa sum khri'i sdig pa 'byang
- 258a
bar 'gyur ro/ / dus drug la/ tshes brgyad dang / bcu bzhi dang / bco lnga dang / nyi shu gsum dang / nyi shu dgu dang / gnam stong dang / dus gsum la/ tshes brgya dang bco lnga dang / sum cu'o// snying rje gsum la/ dpyid zla ra ba dang / dbyid zla 'bring po/ ston zla tha chung ngus 'di gsum la sems can gyi srog bcad du mi rung ngo // rdzogs so// kha che'i paN+Di ta shAkya shrI las brgyud de byung zhes grag go// / rgya gar skad du/ Ar+ya pa ri sha ra Ni b+hany+dza nA ma sU tra/ bod skad du/ 'phags pa yongs su skyob pa'i snod ces bya ba'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig/ na/ bcom ldan 'das yul mnyan yod na rgyal byed kyi tshal mgon med zla sbyin gyi kun dga' ra ba na bzhugs te/ de'i tshe tshe dang ldan pa mo'u 'gal gyi bu chen po mngon par shes pa drug theb nas pha ma gnyis gdul zhing / drin bsab par 'dod pa'i phyir/ lam gyi mig gis 'jig rten rnams la rnam par bltas na/ bdag gis ma dus las 'das te/ yi dgras ltogs po'i nang du skyes te/ zas dang skem bza' zhing btung ba med pas/ pags pa dang rus pa 'ba' zhig phan tshun 'brel bar mthong nas/ mo'u 'gal gyi bu yongs su gdung bas ngus te/ lhung bzed zas
- 258b
kyis bkang ste ma'i drung du song ngo / / de'i ma lhung bzed kyi zas thob pa/ lag pa g.yen pas ni zas g.yogs/ lag pa g.yas na zas blangs te/ bza' bar bya ba las/ zas khar ma phyin papar me lce 'bar bar gyur pas zas thob par ma gyur to/ / mo'u 'gal gyi bu yongs su gdung bas dus te/ myur du slar log nas don 'di zhib tu bcom ldan 'das la gsol pa dang / bcom ldan 'das kyis bka' stsal pa/ khyod kyi ma'i sdig pa'i rtsa ba shin tu zab cing / mdud par gyur/ khyod gcig pu'i mthu'i stobs kyis ci byar yang med la/ khyod sri zhu sme bas/ gnams 'gul kyang / gnam gyi lha dang / sa'i lha dang / bdud dang mu stegs can lam la gnas pa'i skyes bu dang / rgyal chen bzhi'i lha dag gis kyang ci byar med pas/ phyogs bcu'i dge 'dun gyi mthu stobs kyis gdod de grol bar 'gyur te/ ngas de 'dir yongs su skyob pa'i chos bstan pa nyid kyis bgegs thams cad spong zhing sdug bsngal gyi phung po bzlog par bya'o/ / bcom ldan 'das kyis/ mo'u 'gal gyi bu la bka' stsal pa/ phyogs bcu'i dge 'dun ston zla ra ba'i nyal dgag dbye byed pa'i tshe/ rabs bdun tshun chad kyi pha ma dang da ltar gyi pha ma bgegs kyi gnas dang / gnas pa dag gi phyir/ ro brgya dang ldan pa'i zas dang / 'bras bu lnga dang / steng yongs su bkang ba dang / spos mar gyi sgron ma dang /
- 259a
mal cha dang / 'jig rten pa'i zas mngar zhing zhim pa ji snyed pa dag snod bkang ste/ phyogs bcu'i dge 'dun yon tan chen po dang ldan pa rnams mchod cig dang de'i nyin par 'phags pa'i dge 'dun brag phug na bsam gtan la mnyam par gzhag na/ 'bras bu bzhi thob pa dang / nags tshal dag na 'chag pa dang / mngon par shes pa drug la dbang thob pas don byed pa dang / nyan thos dang / rang sangs rgyas thams cad dang / sa bcu'i byang chub sems dpa'i skyes bu chen po thabs kyis dge slong lta bur ston pa dag 'khor mang po der 'dus te/ sems rtse gcig tu dgag dbye'i zas blangs te/ tshul khrims yongs su dag pa phun sum tshogs par byed par 'gyur te/ 'phags pa'i dge 'dun gyi lam gyis ni de lta bu yin pas/ gang gis dgag dbye byed pa'i dge 'dun 'di lta bu zhig de dag la mchod pa byed na da ltar gyi pha ma dang / nyes par ngan song gsum gyi sdug bsngal las nges par 'byung zhing rnam par grol nas/ gos zas dang ldan par 'gyur ro// da ltar gyi pha ma gang yin pa de dag ni bsod nams kyis lo brgya'i bar du bde bar gnas par 'gyur ro// rabs bdun gyi pha ma gang yin pa de dag ni/ ji ltar 'dod bzhin du lha'i gan su skye bar 'gyur bas/ lha'i me tog 'od can du rdzus te skye bar 'gyur ro// de nas bcom ldan 'das kyis phyogs
- 259b
bcu'i dge 'dun rnams la/ dge 'dun thams cad kyi ma yon bdag gi khyim du rabs bdun gyi pha ma'i ched du smon lam btab ste/ bsam gtan sgom pa'i bsam pa yid la byas nas de'i 'og tu zas blang bar bya'o/ / zas dang po len pa'i tshe/ sngar de bzhin gshegs pa'i mchod rten gyi mdun du bzhag ste/ dge 'dun gyis smon lam btab zin nas bdag nyid zas blang bar bya'o zhes bka' stsal pa dang / de'i tshe dge slong mo'u 'gal gyi bu dang / dge 'dun mang po dang / byang chub sems dpa'i dge 'dun chen po rnams rab tu dga' zhing dge slong mo'u 'gal gyi bu yongs su gdung bas ngu ba'i sgra yang zhi bar gyur to/ / de'i tshe mo'u 'gal gyi bu'i ma yang bskal pa gcig gi bar du yi dgas ltogs pa'i sdug bsngal myong ba las thar par gyur to/ / bcom ldan 'das la/ mo'u 'gal gyi bus yang 'di skad ces gsol to// bdag bskyed pa'i ma yin na/ dkon mchog gsum gyi yon tan gyi mthu dang / dge 'dun gyi mthu byin gyi rlabs kyi stobs kyis der thar te/ slad ma'i tshe dus kyi sangs rgyas kyi slob ma sri zhu spyod pas thams cad dang / sri zhu dang bcas pa su'ang rung ba de dag kyang / da ltar gyi pha ma dang / rabs bdun gyi pha ma yongs su skyob pa'i slad du yongs su skyob pa'i snod kyis mchod par bgyid rung lags sam/ bcom ldan 'das
- 260a
kyis bka' stsal pa/ ngas yang dag par bshad par bya ba las deng khyod kyis legs par nu bzlas pa shin tu legs so// rigs kyi bu dge slong ngam/ dge slong ma 'am/ rgyal po'i bu 'am/ rgyal phran nam/ blon po rnams sam/ dmangs kyang rung ste/ gang sri zhu spyod cing snying brtse ba dang bcas pa de dag gis kyang / da ltar gyi pha ma dang / rabs bdun tshun chad kyi pha ma'i ched du ston zla ra ba nya la/ de bzhin gshegs pa rnams dgyes shing / dge 'dun dgag dbye byed pa'i tshe ro brgya dang ldan pa'i zas rnams snod du bkang ste phyogs bcu'i dge 'dun dgag dbye byed pa'i mchod nas/ da ltar gyi pha ma lo brgya'i bar du na ba med cing sdug bsngal gyi mi bde ba rnams med pa dang / rabs bdun tshun chad kyi pha ma yang yi dgas ltogs pa'i sdug bsngal dang bral te/ lha dang mi'i nang du skyes nas/ bsod nams kyi bde ba thug pa med pa myong bar smon lam gdab par bya'o// sangs rgyas kyi nyan thos gang sri zhu bsgrub pa/ da ltar gyi pha ma dang / rabs bdun tshun chad kyi pha ma rtag tu rjes su dran pa de dag gis kyang / lo re bzhin du ston zla ra ba nya la rtag par sri zhu dang / snying brtse bas da ltar gyi pha ma dang / rabs bdun tshun chad kyi pha ma'i ched du yongs su skyob pa'i snod bshams te/ de bzhin gshegs pa dang dge 'dun mchod nas/ pha ma'i snying brtse
- 260b
ba'i byams pas rnyed pa'i drin bsab par bya'o/ / de bzhin gshegs pa'i nyan thos thams cad kyis kyang / gus pas chos 'di yongs su gzung bar bya'o zhes gsungs pa dang / de'i tshe tshad ldan pa mo'u 'gal gyi bu dang / 'khor bzhi po rnams shin tu dga' bas/ bcom ldan 'das kyis gsungs pa la mngon par bstod do// 'phags pa yongs su skyob pa'i snod ces bya ba'i mdo rdzogs so/ / zhu chen gyi lo tsa ba dge slong 'gos chos grub kyis rgya'i dpe las bsgyur cing zhus te gtan la phab pa'o// / 'phags pa rgyal bu don grub kyi mdo/ 'di skad bdag gis thos pa dus gcig na/ bcom ldan 'das mnyan du yod pa na rgyal bu 'dze ta'i tshal mgon med zas sbyin gyi kun dga' ra ba na/ dge slong dang / dge slong ma dang / dge bsnyen pha dang / dge bsnyen ma grangs med pa dang thabs cig tu bzhugs so// de'i tshe bcom ldan 'das 'dzum pa mdzad nas/ zhal gyi sgo nas 'od zer kha dog sna lnga dang ldan pa bkye ba dang / tshe dang ldan pa kun dga' bo stan las langs te/ gos tshags bcos nas thal mo sbyar te/ bcom ldan 'das la 'di skad ces gsol to/ / bdag gis sangs rgyas kyi zhabs 'bring lo nyi shu bgyis kyi bar du/ de 'dra bar bzhad pa ma mthong na/ bcom ldan 'das kyis sangs rgyas sngon
- 261a
'das pa 'am/ ma byon pa 'am/ da ltar bzhugs pa'i sangs rgyas dgongs sam/ de ma lags pa la dgongs pa don bstan du gsol/ bcom ldan 'das kyis/ kun dga' bo la bka' stsal pa/ sangs rgyas 'das pa 'am/ ma 'ongs pa 'am/ da ltar bzhugs pa la dgongs pa ma yin gyis/ mngon par dran pa/ nga sngon bskal pa grangs med pa'i pha rol na/ sbyin pa byin pa'i dngos po la dgongs te/ de'i tshe de'i dus na yul ya ba zhe bya bar rgyal po dge ba zhes bya ba drang po'i chos kyis yul gyi srid 'dzin te/ 'gro ba mang po skyong ba zhig byung ngo / / rgyal po de la blon po ni bzhi stong zhig yod de/ rgyal phran drug cu la dbang bskur ro// grong khyer chen po brgyad brgya dang // bal gyi glang po che lnga brgya yod do// rgyal po la btsun mo nyi khri yod kyang / sras mi mnga' bas ri dang klung gi lha gnyen po la mchod 'brang byas nas/ btsun mo dam pa la sras mnga' bar gyur te/ btsun mo'i mal cha dang / zas dang / skom la sogs pa yo byad gdam zhing bzang por sbyar nas/ rgyal po nyid kyis rim gro byas te/ zla ba bcur tshang nas/ rgyal bu gcig btsas so// pho brang gi btsun mo nyi khri snyed kyang rgyal bu zhig bcas zhes thos nas thams cad dga' mgu rangs te/ nu zho'ang rang byung bas/ rgyal bu'i mtshan yang don grub ces btags so// rgyal bu la nu no bsnun
- 261b
rim gro byed pa bzhi zhig bskos te/ gcig ni nu zho bsnun pa'i las byed/ gcig ni rgyal bu phang du khyer bar bskos gcig ni rgyal bu bkru ba'i las byed par bskos/ gcig ni rgyal bu rtser 'gro ba'i las su bskos so/ / de ltar bskos nas rgyal bu lo bcu drug lon pa dang / yig rtsis dang / 'phong rtsal dang / bzo dpyad dang / rol mo la sogs pa gang yang mi shes pa med dethams cad kyang lo bas rgyal po ya ba dang yum la yang lha btsun 'dra bar rim gro byed do/ / rgyal pos kyang rgyal bu'i pho brang logs shig tu brtsegs so// rgyal bu de chung ngu nas sbyin pa la dga' nas/ mi la sogs te ri dgas dang / 'dab chags bya'i bar du sems can thams cad bde zhing skyid par dga' ste/ tshig tu yang gang mi shes pa gti mug can ni sbyin pa la mi dga' bas/ bdag gis bdag bslas te/ phan pa'i don med kyi/ mkhas pa shes rab can ni/ 'jig rten gnas kyang sbyin pa la yon tan cher mthong ste/ sbyin pa byin pas snga ma 'das pa dang / ma byon pa dang / da ltar bzhugs pa'i sangs rgyas dang / rang sangs rgyas dang / 'phags pa dgra bcom pa thams cad kyis bstod cing bsngags par 'gyur ro zhes smras so/ / rgyal bu bags kyis cher skyes nas/ rgyal po zhog gi bu mo man te zhes bya ba mnga' byad bzang la sdug pa dpe zla med pa/ gser dang / dngul dang
- 262a
bai DUR+Ya dang / rin po che sna tshogs kyi rgyan gyis brgyan pa gcig btsun mor blangs nas/ bu mi sring gnyis shig yod par gyur to// de nas rgyal bu de sbyin pa'i pha rol tu phyin pa'i don sems pa la zhugs nas/ yab rgyal po la bdag ni rtse zhing ltad mo bltar mtsho zhes gsol pa dang / rgyal pos kyang de bzhin du gnang ngo // de nas rgyal bu pho brang nas byung ba dang / brgya byin lha'i dbang pos grong khyer gyi sgo lam srang dag na/ dbul 'phongs pa/ long ba/ 'on pa/ lkugs pa'i slong mo pa dag cig sprul nas sdod du bcug go// rgyal bus de dag mthong ba dang / de ma thag tu phyir log nas pho brang du zhugs te/ mya ngan chen pos non nas/ mi dga' zhing 'dug pa la/ yab rgyal pos/ sras rgyal bu la 'di skad ces bsgo'o// rtse zhing ltad mo ltar btang na/ ci'i phyir mi dga' zhing mya ngan byed par gyur ces dris pa dang / rgyal bus/ yab rgyal po la 'di skad ces gsol to// bdag rtse zhing ltad mo bltar mchis pa las/ slongs mo pa long ba/ 'on pa/ lkugs pa mang po dang mjal bas mya ngan gyis non par gyur te/ nga yab rgyal po la gsol ba rnam pa gcig gsol na/ rgyal pos gnang ngam/ yab rgyal pos kyang rgyal bu khyod ci dang ci 'dod pa smros shig dang gnang bar bya'o zhes bsgo ba dang / rgyal bus/ yab rgyal po la 'di skad ces gsol to// bdag ni
- 262b
yab rgyal po la mnga' ba'i bang mdzod na rin po che mchis pa rnams grong khyer gyi sgo bzhi dang tshong dus su spungs te/ slongs mo pa thams cad la yid dang mi 'gal bar sbyin pa bgyid par 'tshal lo zhes gsol ba dang / rgyal pos sras rgyal bu khyod ci dang ci dga' ba yid dang mi 'gal bar gnang ngo zhes bsgo'o// de nas rgyal bus blon po rnams la bsgo nas/ nor dbyig rin po che'i rnams shing rtas bskyas te/ grong khyer gyi sgo bzhi dang tshong dus su spungs nas pha rol po 'dod pa bzhin sbyin pa byin pa dang / yul khams phyogs brgyad kun tu rgyal bu'i yon tan / grags par gyur pas/ kha cig ni dpag tshad brgya/ kha cig ni dpag tshad stong / kha cig ni dpag tshad khri'i pha rol nas lhags te/ kha zas dang skom 'dod pa la ni zas skom byin gang gos dang bgo ba 'dod pa la ni gos dang bgo ba byin/ gang gser dang / dngul dang / rin po che 'dod pa la yang ci 'dod pa bzhin yid dang mi 'gal bar gang yang mi gtong ba med do/ / de'i tshe de'i dus na dgra zlar gyur pa'i rgyal khams gcig cig yod pa des/ rgyal bu sbyin pa byin pa la dga' bas/ pha rol po ci 'dod pa bzhin yid dang mi 'gal bar yongs su gtong ngo zhes thos nas blon po rnams dang / mkhas pa blo dang ldan pa kun la sogs pa bsdus te/ 'di skad ces bgros so// yul ya ba'i rgyal po la bal gyi glang po che pad+mo'i steng nas
- 263a
'gro ba sU tA ya zhes bya ba stobs dang ldan pa zhig yod de/ de dag nam dgra zla'i rgyal khams gzhan dang 'thab pa'i tshe/ bal gyi glang po che des rtag tu rgyal bar gyur pas na/ khyed las su zhig der song ste/ slong bar nus zhes bgros na/ blon po las gang yang 'gro nus pa ma byung ngo // de'i nang na bram ze mi brgyad cig gis rgyal po la 'di skad ces gsol to/ / bdag cag gis slong zhing mchi bar 'tshal na/ bdag cag gi tshogs dang brgyags sbyor cig ces gsol pa dang / rgyal pos de'i tshogs dang brgyags sbyar nas/ bram ze la 'di skad ces bsgo'o/ / gal te khyod kyis bal glang de khugs de 'ongs na/ bya dga' cher sbyin no zhes gtsigs byas so// de nas bram ze brgyad pos 'khar ba thogs te/ lung bgrod nas/ yul ya ba gang na ba der song ngo // yul der phyin nas/ rgyal po'i sgor 'khar ba la skom tshugs bcas te/ rkang pa ya gcig gis 'greng zhing sdod do// de nas rgyal bu'i sgo srungs pho brang nang du song nas/ phyi rol na bram ze dag cig lhags te/ 'khar ba la skom tshugs bcas nas/ rkang pa ya gcig gis 'greng zhing sdod de/ bdag cag ni lam ring po nas ched du 'dir slong du 'ongs so zhes mchi'o/ / rgyal bus de skad ces smras pa thos nas rab tu dga' ste/ mod la phyi rol du byung nas bsus te phyag byas so// dper na
- 263b
pha dang bu phrad pa tsam du gcig la gcig gis spro ba'i tshig gis khyed gang phyogs nas 'ongs/ lam du nyon ma mongs sam/ ci 'dod ci slong na rkang pa ya gcig gis 'greng zhing dris so// bram ze brgyad pos smras pa/ bdag cag ni rgyal bu khyod sbyin pa byin pa la rab tu dga' bas pha rol po coci slong yang yid dang 'gal bar mi mdzad do zhes rgyal bu'i yon tan phyogs mtshams brgyad dang yar ni steng gi gnam la thug/ mar ni sa'i mthil la thug pa man chad du grags pas ni/ khyod kyis sbyin pa'i yon tan ni bsam gyis mi khyab ste/ nye ring thams cad kyis bstod cing bsgrags pas gang yang ma thos pa'am mi shes pa med de/ kun gyis brjod pa gang yang ma yin la/ da lha'i sras su gyur pas na/ lha'i ci smra yang brdzun pa ma yin te/ nga rgyal bus sbyin pa mi mdzad na bdag cag yid dang 'gal bar mdzad dam/ bdag cag ni rgyal bu las me tog pad+mo'i steng nas 'gro ba bal gyi glang po che slong du 'ongs so zhes smras pa dang / rgyal bus de dag bal glang gi lhas su khrid de/ bal gyi glang gzhan zhig byin no// bram ze brgyad pos smras pa/ bdag cag ni pad+mo'i steng nas 'gro ba'i bal gyi glang po che su da ya na 'dod do// rgyal bus smras pa/ bal gyi glang po che 'di ni bdag gi yab rgyal po la gces shing gnang ba yin te/ bal glang 'di dang bdag tu tha mi dad par dgongs pas/ khyed la sprin du mi rung ngo // gal te bdag gis
- 264a
khyed la byin na/ rgyal po'i dgongs pa dang 'gal bas/ gal te bal glang 'di'i rkyen gyis bdag yul 'di nas skrod par 'gyur ro zhes smras nas/ rgyal bu yang 'di snyam du bsams so/ / bdag sngon gyi dam bcas pa na/ pha rol po ci slong yang yid dang mi 'gal bar bya'o zhes dam bcas na/ da bdag gis sngar bsams pa las bzlog ste/ sbyin pa 'di ma byin na ji ltar yang bla na med pa mnyam snyoms pa'i sbyin pa'i pha rol tu phyin pa rdzogs par 'gyur/ gal te sbyin pa 'di byon na/ bla na med mnyam snyoms pa'i sbyin sems su 'gyur ro snyam bsams nas/ rgyal bus 'di skad ces smras so// shin tu dka' ste de bzhin du sbyin par bya'o zhes smras nas/ drung na 'dug pa'i g.yog la bal gyi glang po che la gser dngul gyi sgras bstad de/ myur du shog cig ces bsgo ba dang / bal glang khrid de 'ongs nas/ rgyal bus lag pa g.yon pas ni chu'i snod thogs te/ bram ze'i lag pa bkrus/ lag pa g.yas pas ni bal glang gi sna thag nas bzung ste/ bram ze brgyad po la byin pa dang / bram ze brgyad pos rgyal bu la smon lam btab bo// smon lam btab ma thag tu/ bal gyi glang po che la sprugs te/ dga' bzhin du dong ngo // de nas rgyal bus/ bram ze de dag la yang 'di skad ces bsgo'o// khyed myur du mgyogs par song zhig/ gal te yab rgyal pos gsan na snyogs ma gtang ste 'phrog tu 'ong ngo zhes bsgo ba dang /
- 264b
de'i tshe bram ze de dag gis de ma thag tu mgyogs su dong ngo // blon po rnams kyis rgyal bus bal gyi glang po che dgra bral byin no zhes thos nas thams cad skyug ste/ khri las dbab tu lhung nas mya ngan gyis non te/ 'di snyam du yul 'di ni/ bal glang 'di la bltas na dgra zla gzhan la byin par gyur to snyam du bsams nas/ rgyal po ga la ba der song ste/ 'di skad ces gsol to// rgyal bus ni phyi'i dgra thub bal glang rin chen pha rol gyi dgra zla la byin no zhes gsol pa dang / rgyal po yab yang yod por gyur pa las/ blon pos yang 'di skad ces gsol to// da ltar rgyal po la bal gyi glang po che 'di mnga' bas/ chab srid che ba lags te/ bal gyi glang po che de ni bal glang drug cu snyed kyi mthu stobs dang ldan pa lags na/ rgyal bus dgra la stsal te/ dgra zla 'tshal bas/ chab srid kyang stor du mchos na/ ji ltar mdzad pa'i rigs/ 'di rgyal bu rang nyams su sbyin pa byin pas bang mdzod kyang stongs shing / yul gyi srid dang / btsun mo dang sras kyi bar ba sbyin pa bgyid par dogs so zhes gsol pa dang / rgyal pos de skad ces smras pa thos nas/ lhag par mi dga' bar gyur te/ blon po gzhan zhig bos nas/ blon po de la rgyal bus bal gyi glang po che dgra zla la byin pa bden nam zhes dris pa dang / blon pos des kyang byin pa bden no zhes gsol to// rgyal pos de skad smras ma thag tu cher dngangs nas/ gdan
- 265a
khri las lhung ste/ mi dran par brgyal bar gyur pa las/ chus gtor nas/ ring zhig lon pa dang / phyis sangs par gyur/ btsun mo nyi khri snyed kyang thams cad mya ngan gyis non por gyur to/ / de nas rgyal po dang / blon po rnams 'dus nas/ nga rgyal bu de 'di la ji ltar bya zhes bgros pa dang / de'i nang na blon po gcig gis ni/ bal glang gi lhas su song ba nirdzarkang pa bcag pa'i rigs/ / bal glang bzung ba na lag pa bcag pa'i rigs/ mig gis bal glang la bltas na yang / mig dbyung ba'i rigs zhes gsol// kha cig gis ni mgo bcag pa'i rigs so zhes blon po rnams so so nas bgros te/ gsol ba'i tshig rgyal pos thos nas/ rab tu mi dga' zhing mya ngan gyis non te/ blon po rnams la 'di skad ces bsgo'o/ / nga'i bu 'di legs pa'i don la mos te/ sbyin pa la dga' ba yin na/ ji ltar mtho ba tsam zhing gzung bar bya/ de'i nang na blon po gcig gis blon po snga ma rnams kyi bgros pa mi rung ngo zhes dpyas nas 'di skad ces gsol to/ / rgyal po la sras gcig pu zhig mnga' ba la rab tu sdug cing gces pas rgyal bu rgyal tsha ba lags na/ dri la mtho ba tsam zhing gzung gdags bya ba'i sems bskyed pa ni mi rigs te/ bdag ni rgyal po chen po'i sras la gzung gdags bya bar mi gsol gyi/ rgyal bu 'di yul 'di nas sprugs te/ lo bcu gnyis kyi bar
- 265b
du dgon par spangs nas/ spa bab cing ngo tsha bar 'gyur ro zhes gsol pa dang / rgyal pos kyang blon po chen po'i tshig mnyan to// de nas rgyal pos rgyal bu rgyal tshab bkug ste/ 'di skad ces smras so/ / khyod kyis nga'i bal gyi glang po che dgra zla la byon pa bden nam zhes dris pa dang / rgyal bus gsol pa/ bdag gis sprul pa mad do zhes gsol to// rgyal pos smras pa/ rgyal bu khyod ci'i phyir nga la ma zhus par nga'i bal gyi glang po che dgra zla la byin zhes dris pa dang / rgyal bus/ rgyal po la 'di skad ces gsol to// sngar yab rgyal po dang dam bcas pa ni/ sbyin pa ci sbyin na yang mi 'gal bar mdzad do zhes gsungs pa des rgyal po la ma zhus pa lags so/ / rgyal pos smras pa/ sngar dam bcas pa ni/ nor dbyig dang / rin po che la dbang bar byas na/ bal gyi glang po che ci gtogs/ rgyal bus gsol pa/ de dag thams cad rgyal po mnga' ba'i dkor legs na/ ci'i slad du 'di bkol te ma gtogs zhes gsungs/ rgyal pos/ rgyal bu rgyal tshab la smras pa/ khyod ri dan tig tu lo bcu gnyis spangs kyis/ yul 'di nas myur du byung ste song zhig/ rgyal bus/ rgyal po la gsol pa/ bdag rgyal po chen pos bka' stsal pa'i bka' mi gcog na/ da dung yang zhag bdun zhig sbyin pa bgyis te/ bdag gos bsam pa rdzogs nas/ yul 'di nas byung ste mchi bar 'tshal lo zhes gsol/ rgyal
- 266a
pos smras pa/ khyod kyis sbyin pa ma 'os par byas pas yul gyi bang mdzod kun stongs te/ nga'i bal glang rin po che yang med par byas pas khyod spangs pa yin te/ da phyir 'dug cing zhag bdun sbyin par byar mi gnang gis/ myur du song zhig ces bsgo'o// rgyal bus gsol pa/ rgyal po chen po'i bka' bdag mo gcog ste/ rgyal po'i btsun mo nyi khri snyed kyang rgyal po gang na ba der lhags nas/ rgyal bu rgyal tshab zhag bdun zhig sbyin pa byin te/ yul nas mchi bar gsol pa rgyal pos kyang de bzhin du gnang ngo // de nas rgyal bu rgyal tshab kyis so sor bran g.yeg mngags te/ phyogs bzhi nas nor rdzas 'dod pa rnams pho brang sgor 'dus shig/ nor zas thams cad ni rtag pa dang brtan du rung ba ma yin te/ mthar 'jig cing med pa'i chos can no zhes bsgo bas/ phyogs bzhi nas slong ba pa mang po lhags pa la rgyal bu rgyal tshab kyis/ zas dang / skom dang / nor dang / rin po che rnams zhag bdun gyi bar du yid bzhin du byin nas dbul 'phongs pa rnams longs spyod dang ldan zhing / thams cad bde skyid par byas so// de nas rgyal bu rgyal tshab kyis/ chung ma la smras pa/ bzhon bzangs longs la bdag ci zer ba nyon cig/ rgyal po chen pos ni bdag lo bcu gnyis kyi bar du ri dan tig ces bya bar spangs so// chung mas rgyal bus smras pa'i tshig thos nas/ yid ces dngangs te/
- 266b
langs nas 'di skad ces smras so// rgyal bu la nyes pa ci zhig mchis na rgyal pos de ltar mdzad par gyur/ rgyal bus smras pa/ bdag gis sbyin pa ma 'os pa zhig byas te/ rgyal po'i bang mdzod kyang stongs ngal glang rin po che yang dgra zla la byin zhes rgyal po dang blon po rnams khros nas/ bdag spangs pa yin no// btsun mo man tes smras pa/ rgyal po'i yul du lo legs pa dang / rgyal po chen po dang / blon po dang / 'bangs kyi bar du bde skyid pa dang / longs spyod che bar smon lam legs par btab la/ bdag cag ril sgom du 'dong ngo // rgyal bus smras pa/ bzhin bza ri ni 'jigs pa'i gnas yin te/ shin tu bya dka' bo bsam dgos la/ seng ge dang stag la sogs pa gcan gzan ma rungs pa yod pas/ rab tu 'jigs na khyed ni longs spyod mang ba yin pas khyod de lta bu bdag la bzod dam/ khyod pho brang gi nang na gos su ni phra ba dang 'jam pa gyen pa/ gnas su ni gur dang yol bas bskor ba na 'dug/ zas su ni ci la dga' ba bzhin zhim pa dang mngar ba la ban/ ril ni stan du ni rtswa 'dings zas su ni 'bras bu zan/ khyod de la mos shing dga' ba ci zhig yod/ de ma yin pa gzhan yang rlung dang / char pa dang / 'brug dang ser ba che zhing ba mo dang zil pas mo'i spu yang langs pa tsam du/ grang ba'i tshe na ni grang rab la/ tsha ba'i tshe na ni tshe rab ste/ shing gi gseb na 'dug pa'i gnas su yang mi rung na
- 267a
sa la gze ma dang / gseg ma dang / rdo ba yang mang zhing / sbrul gdug pa yang yod na/ khyod de lta bu dag bzod dam/ man tes smras pa/ bdag la gnyen zhing 'jam pa dang / gur dang / yol ba dang / mngar ba dang / zhim pas ci zhig bgyi/ rgyal bu dang bral zhing so sor mchi ba bdag mi bzod do// nam du'ang rgyal bu dang mi 'bral zhing lhan cig 'grogs par dga' 'o/ / rgyal po'i thog mar 'gro ba ni rgyal mtshan/ me'i thog mar 'gro ba ni dud pa/ chung ma'i thog mar 'gro ba ni khyim thab yin pas bdag ni rgyal bu la yid brtan te skyabs su mchi'o/ rgyal bu ni bdag gi lha lags te/ rgyal bus phyogs bzhi nas 'dus pa'i sbyin pa byin pa'i tshe/ bdag gis kyang rgyal bu'i grogs bgyid pas/ nga rgyal bu lam ring du 'gro ba las/ gal te pha rol po slong ba 'ongs te/ bdag gis de bzhin du grogs bgyi/ rgyal bus sbyin pa mdzad na/ bdag gi srog la bab kyang mi byar mi rung bas/ the tsom mi mdzad du gsol/ rgyal bus smras pa bdag ni sbyin pa la dga' bas/ pha rol gyi sems mi bzlogs te/ pha rol pos bdag la gal te bu'am khyod nyid slong ba 'ongs na yang bdag gis mi gtong mi nus so// ci ste bdag gis bsam pa khyod kyis de bzhin du ma byas na ni/ bdag gis dge ba'i sems 'khrugs par gyur pas/ 'gro ba mi rigs so// man tes smras pa/ rgyal bus sbyin pa mdzad pa ni/ 'jig rten gang
- 267b
na'ang 'ang 'dra ba med pas/ yang bzhin du sbyin pa mdzad drags pa/ rgyam bus smras pa/ khyod de sbyar nus na shin tu legs pa zhes rgyam bu dang / btsun mo dang / zlas gnyis dang bcas 'byo/ teyum gang na ba der song nas/ da bdag cog mchi'o zhes mchi phyag byas nas/ yum la 'di skad ces gsol to// yum gyis skabs skabs su rgyal bu chen po la/ ci nas dkar po'i chos kyis yul gyi srid bde zhing 'bangs mang po snyams las me bcad par gros gdab par gsol lo/ / yum gyis rgyal bu 'gro'o zhes mchi phyag byas pa mthong nas/ lhag par mya ngan gyis gdungs te/ drung na 'dug pa la 'di skad ces smras so// kho mo'i lus 'di ni rdo ba yin pa lta/ snying no rdo rje yin pa lta ste/ bdag gis rgyal po chen po'i rim gro bya ba la skyon ma byung na/ da kho memo'i bu gcig pu 'di dang bral te/ 'gron ci'i phyir lo ma'i stong 'dogs te shi bar ma gyur/ bu 'di lo mo'i khong pa na 'dug pa na/ skyed shing gi 'dab ma ltar nyin mtshan tshor skyes te/ ngabaskyed rdzogs nas/ kho mos bor te song bas na/ btsun mo thams cad kyang bdag la snying tshim mo zhes brjod la/ rgyal pos kyang bkur bar mi 'gyur na/ gal te lha rnams kyis bdag gi smon lam bzhin mi 'gal bar mdzad na/ bdag gi bu phyir yul du 'khor bar shog ces smon lam btab bo// de nas rgyal bu btsun mo dang sras gnyis dang bcas te/ yab dang /
- 268a
yum la mchi phyag byas te dong ngo // de'i tshe btsun mo nyi khris ni so so nas mu tog gi chun po re re brdzangs so// blon po chen po bzhi stong gis ni rin po che sna bdun las byas pa'i me tog dang pad+mo re re rgyal bu la brdzangs so/ / de nas rgyal bu pho brang nas byung ste/ grong khyer gyi byang sgor phyin nas/ rin po che sna bdun gyi me tog dang do shal yang ril gyis phyogs ba zhi nas 'dus pa la ma lus par byin no/ / lung pa de na gnas pa'i mi mang po khri phrag du mas rgyal bu bskyal te/ de dag 'di skad ces gtam du brjod do// rgyal bu 'di ni shin tu dge ba// yul gyi lha gnyen lta bu yin na/ ci'i phyir yab yum gyi sras rin po che 'di lam ring du spangs zhes mthong ba thams cad kyis 'phangs so zhes smras so// de'i tshe rgyal bu grong khyer gyi phyi rol du skye shing gi drung na 'dug ste/ skyel ba'o mi rnams la 'di nas phyi nas deng zhig ces spro ba'i tshig smras pa dang / skyel skyel ba che chung thams cad mchi ma blags te ngus nas phyi dong ngo // de nas rgyal bus btsun mo dang sras gnyis shing rta'i nang du bzhag nas/ rgyal bu nyid kyis shing rta'o kha lo bsgyur te/ song ba las rgyangs chad par phyin te/ skye shing gi drung na ngal bso zhing 'dug pa las/ bram ze dag cig lhags nas/ rgyal bu la shing rta khrid pa'i rta bslangs so// rgyal bus slong ba la rta byin nas/ sras bu gnyis shing rta'i steng du bzhag ste/ btsun
- 268b
mos ni shing rta'i phyi nas phul/ rgyal bus ni mdun nas drangs te/ rkang pas shing rta 'dren cing song ba las/ ring po ma lon par yang bram ze zhig dang phrad nas/ shing rta bslangs pa dang rgyal bus shing rta yang bram ze la byin no/ / de nas yang song ba las/ ring po ma lon par yang bram ze slong ba dang phrad nas/ rgyal bus de dag la 'di skad ces smras so// gal te bdag gis khyod la ma byin na ni/ chags shing ser sna byed par 'gyur na/ da ni bdag la nor zas zad de ci'ang med do zhes smras pa dang / bram ze na re/ nor rdzas med na lus la gyon pa'i gos de nga la byin cig ces smras pa dang / rgyal bus lus la gyon pa'i gos rin po che yang slong ba la byin te/ gos rnying pa zhig gyon te dong ba las/ ring po ma lon par bram ze yang slong ba zhig dang / phrad nas/ rgyal bus btsun mo'i gos byin no// de nas yang dong ba las/ ring po ma lon par bram ze slong ba dang phrad nas rgyal bus sras gnyis kyi gos kyang byin no// de ltar rgyal bus rta dang / shing rta dang / nor rdzas dang / bgo ba'i gos kyi bar du ma lus pa zad par byin pa yang / thog ma nas 'gyod pa'i sems skra'i nyag ma tsam mam/ ba spu tsam yang med do// rgyal bus ni sras bu khur du thogs btsun mos ni sras mo phang du khyer nas/ rkang pas song yang rgyal bu dang / btsun mo dang / sras gnyis kyis bar du dga' ba'i mdangs dang bcas
- 269a
te r-i ga la ba der song ngo / / ri dan tig ces bya bar/ yul ya ba nas lam so rab tu ring ste/ dpag tshad phrag stong zhig yod do// de ltar song song ba las 'brog dgon par phyin nas/ bkres pa dang skom pa'i sdug bsngal gyis nyen pa las/ sum cu rtsa gsum gnas kyi lha'i dbang pos 'brog dgon pa der/ grong khyer khyim bzang po tshong dus dang / lam srang yod pa/ rol mo dang / gos dang / bza' ba dang / btung ba dang ldan pa/ grong khyim de ni mo dag gis rgyal bu bsu ba dag sprul to// mi mang pos rgyal bu grong khyim du bsus te/ zas dang / skom dang / bde ba'i yo byad kyis bstabs pa dang / btsun mos// rgyal bu la smras pa/ lam ring por bgrod pas rab tu ngal/ da thal byung 'dug tu mi rung ngam nga rgyal bus smras pa/ yab rgyal pos bdag cag la ri dran tig tu song zhig ces bka' stsal to// da 'dir 'dug par 'gyur na/ yab rgyal po'i bka' dang 'gal bar 'gyur te/ bu sri zhu can ma yin no zhes gsungs nas grong khyer de nas byung ste mod la song ngo // de ltar song ba las/ ring po ma lon par/ ri dan tig gi drung du phyin pa dang / raM de'i drung na chu chen po shin tu zab pa/ brgal bar mi thar pa zhig dang phrad do// de nas btsun mos rgyal bu la re zhig 'dir bsdad do// chu chen po bri nas brgal te 'dong ngo zhes smras pa dang / rgyal bus
- 269b
smras pa/ yab rgyal pos bdag cag la ri dan tig tu song zhes bka' stsal pas/ da 'dir 'dug par gyur na/ rgyal po'i bka' dang 'gal te/ bu sri zhu can ma yin no zhes smras pas rgyal bu de ma thag tu byams pa'i sems kyis ting nge 'dzin du zhugs pa dang / mod la chu'i nang nas ri chen po zhig byung nas chu'i rgyun bcad do// de nas rgyal bu dang btsun mo gos brdzes te/ chu brgal nas/ phar brgal ma thag tu/ rgyal bus yang 'di snyam du bsams so// thal byung song bar gyur na/ chu 'khyil pa 'dis sems can mang du 'chi ste/ grog sbur mang po chus khyer bar 'gyur snyam bsams nas rgyal bu phyir chu la bltas te/ 'di skad ces smras so// chu khyod snga mkho bzhin du rgyun du 'bab cing gal te bdag 'dod pa zhig 'ongs na yang thar par byos shig ces smras ma thag tu chu yang snga mkho bzhin du 'bab par gyur to/ / de nas song ba las ro dan tig tu phyin nas/ rgyal bus ri de la bltas na/ ri de rang rong dang zad zed du 'dug la/ shing mang po rab tu rgyas shing / bya sna tshogs kyang snyan pa'i sgra 'byin 'bab chu dang / chu mig dang / mtshe'u dang / lteng kar ldan te/ chu ni mngar/ 'bras bu zhim chu bya dang / ngang ngur dang / 'dzin mo dang / ri skegs la sogs pa bya rnam pa sna tshogs dag kyang gnas pa mthong nas/ rgyal bus btsun mo la yang 'di skad ces smras so//
- 270a
ri 'di la bltas na/ shing dang tshal gnam la reg pa tsam du skyes na yang / brngas pa 'am/ bcad pa med pas/ chu mig zhim po la 'thung zhing / 'bras bu mngar ba za ste/ ri 'di la sgom pa dag yod pas/ 'dir gnas par bya'o// rgyal bu ri de la phyin pa dang / ri de la gnas pa'i 'dab chags bya dang / gcan gzan dang / ri dgas thams cad rab tu dga' nas/ rgyal bu bsus so// de'i tshe ri la sgom pa'i dge slong a tsu ta zhes bya ba lo lnga brgya lon pa/ yon tan mchog dang ldan pa zhig gnas te/ rgyal bu de'i drung du song nas/ phyag byas te phyogs gcig tu 'dug nas/ 'di skad ces smras so// ri 'di la gang phyogs na 'bras bu dang chu mog bzang po ldan pa gnas su rung ba ci yod ces dris pa dang / a tsu das smras pa/ ri 'di gnas thams cad du bsod nams dang ldan pa'i sa gzhi yin pas gang du gnas kyang rung ste/ ri 'di ni shin tu dben pa'i gnas gtsang ma yin pas na/ ci rgyal bu khyod chung ma dang bu smad du bcas te chos slob tu 'ongs sam/ de la rgyal bus smra ma khom par/ btsun mo man tes smras pa/ dge slong la 'di skad ces smras so// btsun pa ri la yam bsgoms nas ji srid cig lon/ dge slong gis smras pa/ ri 'dir phyin nas/ lo bzhi brgya'am/ lnga brgya tsam lon no// btsun mo man tes smras pa/ da dung bdag dang bdag gi
- 270b
bar du 'dzin na/ nam zhig lam thob par 'gyur/ de srid du ri la gnas kyang rdo shing dang tha mi dad de/ bdag dang bdag gir mi 'dzin na/ gdod lam thob par 'gyur zhe'o// dge slong gis smras pa/ bdag gis yang dag par don de lta bu mi shes so// de nas rgyal bus/ dge slong la smras pa/ btsun pa yul ya ba'i rgyal bu rgyal tshab don grub ces bya ba thos sam/ dge slong gis smras pa bdag gis rgyun du thos kyi mthong ba ma yin no/ / rgyal bus smras pa/ bdag ni rgyal bu rgyal tshab don grub ces bya ba yin no// dge slong gis rgyal bu khyod gar 'gro// ci 'dod ces dris pa dang / rgyal bus smras pa/ bdag ni theg pa chen po'i lam 'dod do zhes smras so// dge slong gis smras pa/ rgyal bu'i yon tan dang sbar na/ ring por mi thogs par theg pa chen po'i lam thob par 'gyur te/ rgyal bu bla na med pa'i byang chub mngon par sangs rgyas pa na/ bdag ni nye gnas rdzu 'phrul gyi mchog tu gyur cig ces smras nas/ rgyal bu khrid de 'dug pa'i gnas bstan to/ / de nas dge slong gis chos bzhin du rgyal bu'i sgra blangs nas/ mdud pa bor nas/ zas su ni shing gi 'bras bu shing thog za/ skom du ni chu mig 'thung ngo // de nas rgyal bus shing dang rtswa bsdus te/ bdag 'dug pa'i rtsa'i spyil po chung ngu ma cig byas/ btsun ma man te bu mong srong gnyis 'dus pa'i spyil po re re yang byas so// de'i tshe ma khye'u'i
- 271a
ming ni yi ra zhes bya ste lo bdun lon nas/ gos rang gyon nus te/ pha'i phyi bzhin du 'gro'o// bu mo'i ming ni ge no yan zhes bya ste/ lo drug lon pas/ ri dgas kyi bag pa gyon cing / ma'i phyi bzhin 'gre'o// ri de la gnas pa'i gcan gzan dang / ri dgas dang / 'dang/ chags bya la sogs pa thams cad kyang rab tu dga' nas/ rgyal bu la rten cing gnas so/ rgyal bu ri de la phyin nas/ zhag gcig lon pa dang / sngon bskams pa'i chu mig dang rdzing yang chus gang bar gyur skye shing bskams pa rnams kyang / thams cad me tog dang 'dab ma skyes par gyur te/ srin bu gdug pa rnams kyang med par gyur nas/ gcan gzan gcig la gcig za ba yang so so nas rtswa la za bar gyur/ 'bras bu'i shing rnams kyang rgyas shing bzang por gyur bya sna tshogs snying rje'i skad kyi sgra skad snyan pa 'byin par gyur te/ btsun mo man tes ni shing gi 'bras bu dang / shing thog brda zhing rgyal bu la phul te/ sras mi srong gnyis kyang bstod do// sras bu mi sring gnyis ni skabs skabs su pha ma gnyis dang bral te/ ha cang yang mi ring ba'i chu mig gi 'gram dag tu gcan gzan nam/ ri dgas dag dang lhan cig rtse ste/ bar 'ga' zhag lon par yang rtse'o/ / phyis dus gzhan zhig na/ sras khye'u ya ri seng ge la zhon pa las/ seng ge brgal nas/ rngab cig bsnun pas/ sras bu'i gdong pa cung zad snad de khrag byung ba las/ spre'u zhig
- 271b
gis shing gi lo ma blangs te/ gdong gi khrag phyis nas/ chu 'gram du khrid de khrag phyis pa yang rgyal bus rgyang ma nas mthong / de'i tshe yul ke'u le'u zhes bya bar bram ze dbul po zhig lo bzhi bcu lon nas chung ma blangs so/ / chung ma ni rab tu bzang zhing sdug la/ bram ze de ni rab tu mi sdug pa'i mtshan ma bcu gnyis rdzogs par yod de/ de'i lus mdog sol ba ltar gnag la/ gdong la 'bur 'bur po gsum yod pa/ sna 'khyor zhing mig gnyis shal ltar sngo ba/ gdong gnyer ma can la/ ma mchu 'phyang ba/ smra ba'i skad mi snyan pa// gsus po che la rku ba 'bur ba/ rkang pa gnyis gyol ba/ mgo shub can la/ skra med pa 'dre ltar mi sdug pa zhig ste/ chung mas kyang mthong mi 'dod pa tsam du/ shi yang bla zhes rgyun du dmod mo byed pa zhig yod do// dus gzhan zhig na chung ma de chu chur seng song ba las/ lam du khyo ba gzhon nu dag kha cig dang phrad nas/ khyo ba rnams kyis khyim thab kyi kha gzugs 'di 'dra'o zhes co 'dri zhing bgad nas/ khyod ni dpe med par bzang zhing sdug na/ ji ltar 'di 'dra ba'i chung ma byed nus zhes smras pa dang / chung mas/ khyo ga de dag la 'di skad ces smras so// rgan po'i mgo ni shing la ba mo chags pa ltar skya ba de/ nang nub shi bar dga' na/ shir mi btub/ ji ltar bya zhes chu snod thogs nas/ phyir khyim du 'ongs te/ khyim thab la 'di skad ces smras so// bdag chu chur song song
- 272a
ba las/ lam du khyog gzhon nu dag cig dang phrad de/ de dag bdag la co 'dri zhing bgad pas/ da khyod kyis bkol ba'i bran yod na/ chu chu yang mi dgos te/ gzhan gyis dpyas par yang mi 'gyur ro/ / khyim thabs kyis smras pa/ bdag cag ni shin tu yang dbul 'phongs pa yin na/ bran khol ga las rnyed par 'gyur/ chung mas smras pa/ gal te bdag gi phyir bran khol ma btsal na/ bdag kyang 'gro ste/ khyod dang lhan cig mi gnas so// chung mas yang 'di skad ces smras so// kho mos thos na/ rgyal bu don grub sbyin pa ma 'os par byin pas/ yab rgyal po/ ringan tig ces bya bar spangs so// rgyal bu de la khye'u gcig dang / bu mo gcig yod ces grag gis/ khyod der slong du song zhig/ khyim thabs kyis smras pa/ ri dan tig ces bya ba 'di nas dpag tshad drug stong lhag tsam gcig gis lam so yod la/ sngon la lung bgrod kyang ma myong na/ da ji ltar bgrod par bya// chung mas smras pa/ bdag gi phyir bran khol ma btsal na/ bdag 'gegs te 'chi'o zhes smras pa dang / gnyis na kho bo ni gcig gis gsad kyang sla'o// khyod shi bar mi 'dod do zhes smras nas/ khyod kyis bdag slong du 'gro bar dang na/ kho bo'i brgyags dang dgra pa sbyor cog ces bsgre'o/ / chung mas spras pa/ da song zhig brgyags dang dgos pa yang med de zhes smras na/ bram zes brgyags rang sbyar te/ rkang pas lam du zhugs te song ngo // de nas bram
- 272b
ze yul ya ba zhes bya ba ga la ba der song ste/ der phyin pa dang / rgyal po'i pho brang gi sgor 'ongs nas/ sgo srungs pa la rgyal bu don grub da lngar ga la 'dug ces dris pa dang / sgo srungs de pho brang gi nang du song nas/ rgyal po da ltar phyi rol na/ bram ze zhig rgyal bu don grub ga re zhes 'dri'o// rgyal pos rgyal bu ga re zhes smra ba'i chog thos pa tsam gyis sems 'khrugs shing khros nas/ 'di snyam du 'di 'dra ba sha stag gi phyir/ nga'i sras spangs par gyur na/ de yang slong du 'ongs snyam bsams nas/ dpe 'di skad ces brjod par gyur to// dper na me ni rang bzhin gyis tsha zhing 'bar ba yin na/ de'i steng du shing bsnan pa dang 'dra ste/ bdag kyang da ltar mya ngan gyis gdungs te me dang 'dra ba las/ da yang rgyal bu ga re zhes 'dri ba na me la shing gis bsnan pa dang 'dra'o// bram zes gsol pa bdag ni lam ring po nas 'ongs pa yang / rgyal bu rgyal tshab mi'i yid dang mi 'gal bar sbyin pa bgyid do zhes ming snyan pa steng du gnam la thug/ 'og tu chu mig gi gting la thug gi bar du grags pa/ bdag lam ring po nas re ba yod par 'ongs so// rgyal pos smras pa/ rgyal bu don grub na de ltar ri shin tu dben pa na gnas te/ rab tu dbul zhing ci'ang med na/ khyod la ci zhig sbyin du yod/ bram zes smras pa/ rgyal bu la ci'ang med kyang / bdag phrad par dga' 'o zhes smras pa dang / rgyal pos kyang gzhan zhig la lam ston cig ces bsgo'o// de nas bram ze song
- 273a
song ba las/ dan tig gi ro drung du chu chen po zhig yod par phyin nas/ rgyal bu 'ba' zhig bsam shing yid la byas pas/ chu'i pha rol tu phyin par gyur to// de nas bram ze ri der phyin nas/ thog ma rngon pa zhig dang phrad do// rngon pa de la khyod ri de la rgyal bu don grub ces bya ba mthong ngam zhes dris pa dang / rngon pa des kyang rgyal bu sbyin pa la dga' bas bram ze 'di dag gi phyir ri/ la spangs par shes pas/ rngon pa des kyang bram ze bzung nas/ shing la bcings te/ brdegs pas lus la rma yang byung ngo // rngon pas yang smras pa/ khyod rgyal bu dris te ci zhig bya// mnga' 'phang ngo zhes byas pa dang / bram ze de la 'di snyam du/ da ni 'dis bdag gsod yang dag na/ brdzun zhig bya'o snyam bsam nas/ rngon pa la khyod bdag la 'dri na ci nyes zhes smras so// de nas rngon pas/ 'o na ci zhig smra bar sems zhes dris pa dang / bram zes brdzun tshig 'di skad ces smras so// rgyal po yab rgyal bu mthong bar dga' bas/ bdag 'dir rgyal bu phyir 'gugs su 'ongs so zhes smras/ ma thag tu/ rngon pas kyang bkrol te btang nas sngar ma rtogs te/ rgyus ma shes so zhes bzod pa gsol nas/ rgyal bu gang na 'dug pa'i gnas bstan to// de nas bram ze de rgyal bu'i thad du phyin pa dang / rgyal bus kyang rgyang ma nas bram ze 'ongs pa mthong nas/ rab tu dga' ba'i sems skyes te/ bsus nas gus par phyag byas te/ khyod galas 'ongs/ lam du nyon mongs shing ngal bar
- 273b
ma gyur tam/ ci 'dod ces spro ba'i gtam byas so// bram zes smras pa/ bdag lam ring po nas 'ongs te/ lus thams cad rtse zhing ngal te/ bkres skom zhes smras pa dang / rgyal bus nang du khrid nas stan la 'dug tu bcug ste/ shing thog dang / shing gi 'bras bu dang / btung ba'i skom mdun du phab nas/ bram zes kyang skom 'thung / shing thog zos te/ thal byung rgyal bu la 'di skad ces smras so/ / bdag ni yul ke'u le'u zhes bya ba'i yul mi yin te/ snga zhig nas rgyal bu sbyin pa la dga' 'o zhes phyogs bcur grags shing thos pas/ bdag ni rgyal bu dbul 'phongs te/ rgyal bu la slong du 'ongs so// rgyal bus smras pa/ bdag la yod pa las khyod la ma byin na ni/ chags shing ser sna byed par yang 'gyur na/ bdag la ci bdog pa sngar btang bas/ da ni ci'ang sbyin du med do/ / bram zes smras pa/ de ltar nor rdzas sbyin du med na/ khyod kyi bu gnyis bdag rgan po'i bkol ba 'am/ bran du byin cig ces de bzhin du lan gnyis lan gsum gyi bar du smras nas/ rgyal bus kyang khyod lam ring po nas 'ongs la/ bdag gis bu gnyis 'dod pa rab tu legs kyis sbyin no zhes smras so// de'i tshe na bu mi sring gnyis rtser song song ba las/ rgyal bus bos nas bu la 'di skad ces bsgo'o/ / bram ze 'di lam ring po nas bu khyed gnyis slong ngo zhes zer nas/ kho bos kyang sbyin pa yin gyis/ khyed gnyis 'di'i phyi bzhin song zhig ces bsgo ba dang / bu gnyis
- 274a
rgyal bu'i mtshan du bros nas du ste 'di skad ces smras so/ / bdag cag gis bram ze du ma mthong na/ 'di 'dra bdag cag gis ma mthong ste/ 'di bram ze ma lags kyi/ yang / dag par yi dgas lags pas/ da bdag cag gi ma shing thog tshol du mchis pa las/ slar ma 'khor bar bdag cag gnyis yi dgas 'di'i zas su sprul na// gdon mi 'tshal bar 'gum mo// bdag cag gi ma slar mchis te/ bu dang ma mjal na/ ji ltar ba dang be'u bral ba ltar ngu zhing tshe nges 'debs te/ mi dga' ba'i mya ngan gyis gdungs par 'gyur ro// rgyal bus/ bu la bsgo ba kho bos sbyin par gnang bas bsdad du mi rung ste/ 'di bram ze yin gyis/ yi dgas ma yin pas/ mi zas kyis/ khyed gnyis 'di'i phyi bzhin song zhig/ bram zes smras pa/ bdag ni da chas te 'gro'o/ / gal te bu'i ma 'ongs na 'gror med de/ ma btang na rgyal bus bdag la byin pa'i dge ba'i sems bu'i mas zlog cing nyams par 'gyur du dogs so// rgyal bus smras pa/ bdag gis sbyin pa ci byas kyang thog ma nas ci la'ang 'gyod pa'i sems byung ma myong ngo / / de nas rgyal bus chu snod thogs te/ bram ze'i lag par chu blugs nas/ bu gnyis kyi lag pa nas bzung ste/ bram ze la phul ba na sa yang rab tu g.yos so/ / bu gnyis bram ze'i phyi bzhin mchir ma btub nas/ phyir rgyal bu'i drung du 'ongs te/ pus mo sa la btsugs nas/ pha rgyal bu la 'di skad ces gsol to//
- 274b
bdag cag gnyis kyis tshe rabs snga ma la mi dge ba'i sdig pa ci bgyis nas/ 'di lta bu'i sdug bsngal myong bar gyur/ bdag ni rgyal po'i rigs su skyes nas ci'i slad du pha rol po'i bran khol du gyur ces pha rgyal bu la sdig bshags nas/ 'di'i rgyu 'di'i rkyen gyis sdig pa byang zhing / bsod nams skyes te/ gang nas gang du skyes kyang / 'di lta bu'i sdug bsngal dang phrad par ma gyur cig ces smras so/ / rgyal bus/ bu la smras pa/ 'jig rten mdza' zhing sdug ge cog mthar bye bral bar gyur te/ thams cad mi rtag pas yid brtan du mi rung / kho bos nam bla na med pa'i mnyam snyoms pa'i byang chub thob pa na/ khyed thar pa'i don bya'o zhes bsgo'o// bu gnyis kyis/ yang yab rgyal bu la smras pa/ bus ni ma la mchi phyag bgyi ba lags na/ da gzhar yang mi phrad de/ ma'i ngo ma mthong ba yang / bdag cag gi sngon gyi sdig pa'i las kyis gdungs par zad na/ bdag cag gi ma ci'i phyir mya ngan gyis gdungs shing / sdug bsngal bar mi 'gyur zhes smre sngags 'don to// bram ze smras pa/ bdag rgas la nyam chung bas/ byis pa 'di gnyis bdag bor te/ ma'i thad du bros par gyur na/ bdag gis byar med par 'gyur gyis/ khyod kyis chings la bkris shig ces smras pa dang / rgyal bus kyang bu gnyis kyi lag pa phying ka log tu bzung ste/ bram ze nyid 'ching du bcug nas/ phying ka log tu bcings pa'i theg pa bram ze'i lag par byin te sbrel nas khrid do//
- 275a
bu gnyis ni de ltar khrid kyang 'gror ma btub ste 'then pa las/ bram zes lcag thogs te/ ded nas gzhus pa'i lam du khrag phyung ba'ang sa la chal par gang ngo // rgyal bus de ltar mthong nas/ mchi ma byung ste/ mchi ma sa la bo bas/ sa yang bol bar gyur to// rgyal bu dang / ri dgas dang / gcan gzan mang po thams cad kyis bu gnyis bskyal te/ mi snang bar gyur pa dang / gzod phyir log go// ri dgas dang gcan gzan la sogs pas rgyal bu bskyal te/ phyir rgyal bu dang rtse ba'i gnas su phyin nas/ snying rje'i skad phyung ste/ lus sa la rdebs shing 'gre'o/ / bram ze des lam du zhugs te song song ba las lam khar skye shong zhig yod pa la bu gnyis btags te 'dug go// de nas chas pa dang bu gnyis pha ma dang phrad du ra nas/ shing gi phag la 'khri zhing 'gror ma btub nas/ bram zes yang gzhus pa las/ bu gnyis kyis 'di skad ces smras so// bdag cag la ma rdeg cig/ bdag cag rang 'gro'o zhes gnam la yang bltas te/ yang 'di skad ces smras so/ / ri gnyen gyi lha dang / nags tshal gyi shing lha rnams bdag cag la cung zad thugs brtse ba'i dgongs pa mi mnga' 'am/ bdag cag ni lam ring por gzhan gyi bran khol byed du 'gro ste ma dang bral bar gyur na/ bdag cag gi ma ri la shing thog tshol zhing brdar btang ste/ myur du bdag cag dang phrad par shog cig ces mi sbran nam zhes/ de skad smras pa dang / bu'i ma ri la 'dug pa'i
- 275b
rkang pa g.yon pa mthil g.ya' zhing g.yo ba dang / mig g.yon pa'ang 'gul/ nu ma gnyis nas nu zho'ang rang zag par gyur nas 'di snyam du 'di 'dra ba'i ltas ngan gna' nas ma byung na/ bdag gi bu gnyis la ye 'drog ma byung ngam snyam bsams nas/ shing thog gis ci zhig bya snyam ste/ shing thog brda ba'ang btang nas/ myur bar phyir gnas su 'gro bar chas so// de'i tshe sum cu rtsa gsum pa'i gnam gyi lha'i dbang pos rgyal bus gzhan la bu byin par shes nas/ btsun mos dag par bsams pa'i sems kyi bar chad byed du dogs pas seng ge zhig tu sprul nas/ lam gyi srang du bsdad ngo // btsun mos/ seng ge la smras pa/ khyod ni gcan gzan gyi rgyal po/ kho mo ni mi'i rgyal mo yin te/ ri la 'khod par 'dra na/ cung zad lam las byol te bdag thong zhig/ bdag la chung ngu ma shed ma bye ba gnyis shig yod de da tsam gyi bar du ci'ang ma zos pas/ bdag 'ong du re ste sdod do// seng ges kyang bram ze de rgyang ring du thal bar shes nas/ lam las byol te btsun mo btang ngo // btsun mo phyir gnas su 'ongs nas rgyal bu 'ba' zhig snang gi/ bu gnyis ma mthong bas/ bdag nyid 'dug pa'i spyil bur bltas na yang bu ma mthong / bu gnyis 'dug pa'i spyil por bltas na yang bu ma mthong ste/ de nas bu rtse ba'i gnas chu 'gram du btsal na yang ma mthong ngo // sngon bu dang rtse ba'i ri dgas sha ba dang / kha sha dang / gcan gzan seng ge dang / spre'u la sogs te/ mdun nas lus sa la
- 276a
rdebs shing sgra 'byin la/ sngon rtse ba'i rdzing bu'i chu yang bskams par mthong nas/ phyir rgyal bu gang na ba der song ste phyin pa dang / rgyal bu la bdag gi bu gnyis ga re zhes dris na rgyal bu cang mi smra'o/ / btsun mos yang smras pa/ bdag nam shing thog thogs te phyir gnas su 'khor ba nas/ bdag gi bu gnyis rgyang nas rgyug cing mdun du bsus te/ brdeg 'chos na yang phyir ladra tedakyu mchong zhing / a ma 'ongs a ma 'ongs so zhes 'bod do// bdag 'dug pa na gnyis ka g.yas g.yon na 'dug cing / phrag pa 'am/ lus la rdul gos na yang 'phyi zhing sprug/ da bdag gi bu ga re ma mthong na/ gzhan la ma byin nam/ 'di ltar ma mthong bas/ bdag gi snying gas par 'gyur gyis/ bdag gi bu ga la 'dug myur du smros shig/ bdag myos par 'gyur ro zhes de ltar lan gnyis lan gsum gyi bar du dris kyang lan ma smras so/ / btsun mos yang smras pa/ lhag par sdug bsngal gyis gdungs te/ bu gnyis ma mthong ba lta tshod yod na/ rgyal bus lan ma ster bas lhag par myos shing 'khrugs par gyur to/ / rgyal bus smras pa/ yul ke'u le'u zhes bya ba nas/ bram ze zhig 'ongs te/ bdag gi bu gnyis bslangs pa las/ bdag gis byin no// btsun mos rgyal bus spras pa thos ma thag tu ri rdib pa ltar sa la 'gyel te/ 'gre zhing cho nges btab bo// rgyal bus spras pa/ re zhig sdod cig/ khyod sngon 'das pa'i dus na/ sangs rgyas mar
- 276b
me mdzad kyi tshe dam ji ltar bcas pa mi dran nam/ de'i tshe de'i dus na/ bdag ni bram ze'i bu gzhon nu zhes bya/ khyod ni bram ze'i bu mo su ta ri zhes bya ste/ khyod ni de'i tshe me tog pad+mo bdun zhig thogs bdag la dngul gyi dong tse lnga zhig yod de/ khyod las pad+mo lnga zhig nyos nas/ sangs rgyas la phul bar byas pa las/ khyod kyis pad+mo lhag ma gnyis po yang nga la byin te/ sangs rgyas la 'bul gyis smon lam du yang / bdag skye ba pha rol tu rtag par khyod kyi chung mar shog cig ces smon lam btab pa las/ bdag de'i tshe khyod dang 'di skad ces dam ma bcas sam/ khyod bdag gir chung mar dga' na/ bdag gi yid dang 'gal bar ma byed cig/ bdag sbyin pa zhig byed/ pha ma gnyis ma gtogs par gzhan sbyin yang / bdag gi yid bzhin du sbyin pa las 'gal bar ma byed cig ces dam bcas pa las/ de'i tshe khyod na re/ de bzhin du bya'o zhes ma zer ram/ da khyod kyi bu gnyis gzhan la sbyin pa la bdag gi dge ba'i sems dkrug tu yang tso zhig yod ces rgyal bus smras ma thag tubatsun mos thos pa tsam gyis/ sems dang yid kyi sngon gyi gnas dran pa'i mngon par shes pa tshor bar gyur te/ rgyal bu'i bsam pa myur du rdzogs par 'dod pas/ yid bzhin du sbyin pa la rjes su yi rang bar gyur to/ / de nas lha'i dbang po brgya byin rgyal bus sbyin pa byin pa ji ltar sems pa bsam pa'i phyir/ bram ze zhig tu sprul to// bram ze de'ang mi sdug pa rnam pa bcu gnyis dang
- 277a
ldan te/ rgyal bu ga la ba der song nas/ 'di skad ces smras so// rgyal bu khyod sbyin pa la dga' bas/ pha rol po'i yid dang 'gal bar mi byed ces grag ste/ bdag kyang ched du 'dir slong du 'ongs kyis/ khyod la btsun mo yod pa de bdag la byin cig/ rgyal bus smras pa/ shin tu legs te/ de bzhin du sbyin no zhes smras so// btsun mos smras pa/ bdag kyang pha rol po la byin na/ rgyal bu'i g.yog sus bya/ rgyal bus smras pa/ da khyod kyang sbyin pa ma byas na/ ji ltar yang bla na med pa mnyam snyoms pa'i byang chub thob par 'gyur/ de nas rgyal bus chu snod thogs te/ bram ze'i lag pa bkru ba'i phyir/ lag par chu blugs nas/ btsun mo'ang bram ze la phul lo// de ltar rgyal bu la 'gyod pa'i sems cung zad kyang med par brgya byin gyis rtogs nas lha rnams kyis bstod cing bsngags te/ gnam sa'ang cher g.yos so// de nas bram zes btsun mo khrid de/ gom pa bdun tsam du phyin pa dang / phyir log nas btsun mo 'di rgyal bu la phyir gdams kyis/ su la'ang ma byin cig ces smras so// rgyal bus slar smras pa/ ci'i phyir mi khrid/ mi 'dod dam/ ci mir skyes pa'i chung ma'i nang na/ chung ma 'di ni shin tu'ang bzang zhing mdzes te/ rgyal po'i bu mo yin la/ rgyal po de la bu mo 'di gcig pu las med de/ chung ma 'di ni bdag la chu gang che bas/ kha zas btso ba dang / bsreg pa'ang lag dar te byed/ bza' ba dang
- 277b
btung ba ngan kyang ngan ces mi 'khod do/ / rtag tu 'grub che la/ byad bzhing yang bzang la mdzes pas/ khyod khyer na bdag dga' 'o zhes smras so// bram zes/ rgyal bu la smras pa/ bdag ni bram ze ma yin gyi/ brgya byin lha'i dbang po yin te/ ched du khyod bgam pa'i phyir 'ongs pa yin no zhes phyir brgya byin gyi lus bzang por bsgyur nas/ khyed ci dang cir smon ces smras so// de nas btsun mos gus phyag 'tshal te/ smon lam rnam pa gsum zhig gsol te/ gang zhe na/ gcig tu bu khrid pa'i bram ze phyir yang bdag gi yul du phyin par gyur cig/ gnyis su na bdag gi bu gnyis bkres pa dang skom pas sdug bsngal bar ma gyur cig/ gsum du na rgyal bu dang bdag cag gnyis kyang bdag gi yul du myur du 'khor bar gyur cig ces smras pa dang / brgya byin lha'i dbang pos kyang de bzhin du grub par gyur cig ces smras so/ / rgyal bus smras pa/ bdag ni sems can thams cad skye ba dang / rga ba dang / na ba dang / 'chi ba'i sdug bsngal las sgrol bar gyur cig ces spon lam btab pa dang / brgya byin lha'i dbang pos smras pa/ smon lam 'di ni shin tu'ang rgya che ste/ bla na med pa yin no// gal te mtho ris su skye zhing nyi zla la dbang ba'i bdag por 'dod dam 'jig rten gyi rgyal por 'dod dam/ tshe ring zhing yun du gnas par 'dod na/ bdag gis sbyin nus kyis/ khyod kyis smras pa'i smon lam khams gsum las mchog tu 'das pa yin pas
- 278a
bdag gis nus pa ma yin no/ / rgyal bus smras pa/ da ltar re zhig mchog tu phyug por gyur te/ sngon pas kyang lhag par rtag par sbyin pa byin zhing / yab rgyal po dang / blon po rnams dang bdag cag phrad par shog cig ces smras pa dang / brgya byin gyis smon pa bzhin du nges par grub par gyur cig ces smras ma thag tu mi snang bar gyur to// yul ke'u le'u'i bram ze des byis pa gnyis khrid de khyim du 'ongs na/ chung mas 'di skad du/ khyod ngo so 'di lta bus 'khor te 'ongs pa lta ngo mi tsha 'am/ byis pa 'di gnyis ni rgyal po'i gdung la gtogs pa yin na/ snying rje'i sems kyang / med de/ 'di ltar btsogs brdegs shing / lus la rma dang rnag khrag gis btsog btsog ltar byas pa bzod dam zhes spyo brgyad nas/ byis pa 'di gnyis tshongs la/ bkol du rung ba khring shog cig ces bsgo ba dang / khyim thab kyang chung mas bsgo ba bzhin tshong dus su song ba las/ brgya byin lha'i dbang po sprul te// tshong dus su 'ongs nas/ bram ze de la byis pa 'di ni shin tu rin che bas/ sul nyo ma nus so zhes smras so/ / byis pa de gnyis bkres shing skom pa las/ brgya byin gyis lha'i rdzu 'phrul gyis lha'i dri bsung sprul te/ byis pa gnyis kyi ba spu'i khung bu nas lto 'grangs par byas te/ brgya byin gyis bram ze'i sems kyang bsgyur nas/ yul ya bar phyin par byas so// yul de'i blon po dang yul mi thams cad kyis rgyal bu'i sras/ rgyal po chen po'o tsha bo yin par mi shes pa
- 278b
med pas/ yul mi thams cad mya ngan gyis gdungs te/ blon po la sogs pas bu 'di gnyis ga las 'ongs zhes dris pa dang / bram ze na re/ bdag gis bslangs te 'ongs pa la/ khyed kyis dror ci yod ces smras so/ / blon po rnams kyis smras pa/ bdag cag gis yul du 'ongs pas na/ bdag cag gis 'dri bar rigs kyi/ mi 'dri ba ma yin no zhes blon po dang yul mi rnams kyis bgros tebram ze las bu gnyis dbrog par byas pa las/ de'i nang nas khyim bdag gis 'di skad ces gros btab bo// 'di ni rgyal bus sbyin par bsams te/ sbyin pa 'di la rgyal bus bsams pa'i yid dang 'gal zhing dbrog par mi rigs kyi/ nyos na rgyal po chen po la gsol na/ rgyal po chen po nyid kyis rin gyis slu bar 'gyur ro zhes byas pa dang / gros snga ma btang nas/ blon po rnams kyis// rgyal po la 'di skad ces gsol to/ / rgyal po chen po'i dpon po gnyis da ltar bram ze zhig 'tshong zhing mchis zhes gsol pa dang / rgyal pos tshig thos ma thag tu cher dngangs te bram ze dang bu gnyis pho brang nang du khrid de shog cig ces bsgo nas/ bu gnyis po bram ze nang du 'ongs pa'i tshe/ rgyal po dang / btsun mo dang / pho brang gi slas dang / blon po rnams kyis bu gnyis mthong nas/ thams cad dbugs kyis brnangs pa tsam du ma ngus pa med do/ / de nas rgyal pos bram ze de la khyod kyis bu 'di gnyis ji ltar thob ces dris nas/ bram ze na re/ bdag gis rgyal bu la bslangs te thob bo zhes
- 279a
zer ro/ / rgyal pos byis pa gnyis 'ong bos te/ phang par blang snyam pa las bu gnyis 'ong du ma btub bo// de nas rgyal pos bu 'di gnyis kyi rin ji tsam 'dod ces dris na bram zes smra ma khom par khye'us 'di skad ces gsol to/ / bdag bu pho ni dngul gyi dong tse stong dang ba glang zhig ri'o// bu mo ni gser gyi dong tse stong dang ba bzhon nyis brgya ri'o zhes gsol pa dang / rgyal pos khye'u la 'di skad ces smras so/ / 'jig rten gyi chos kyis mi'i nang na pho ni rin po che dbyig ltar rin che ba yin na/ ci'i phyir bu pho ni rin chung / bu mo ni rin che bar 'debs/ bu khye'us gsol pa pho brang gi slas lta bu rgyal po dang nye ba ma lags la/ ma rabs bran las slas su bzhes te/ de la thugs dgyes pas/ bkur zhing btsun par mdzad da/ rin po che'i gos skon zhing / bza' ba dang btung ba ro brgya dang ldan pa bstabs nas/ sras gcig pu zhig mnga' ba ri la spangs te/ ya ba can pho brang gi slas dang rol cing / rol mo mdzad kyang / sras la cung zad tsam yang dgongs pa'i thugs kyang ma mnga' bas/ de bas na bu pho ni rin chung la/ bu mo ni rin che bar mngon no// rgyal pos de skad ces smras pa thos nas/ lhag par mi dga' ba'i mya ngan skyes te 'di skad du/ bdag ni rab tu gnod na/ khyed ci'i phyir kho bo'i phang du mi 'ong / khyed nga la mi dga' 'am/ 'on te bram zes 'jigs zhes dris na/ byis pa na re/ bdag cag ni rgyal po chen po la mi dga'
- 279b
ba 'am/ bram zes skrag pa'ang ma lags na/ thog ma rgyal po chen po'i tsha bo las/ da ltar mi'i bran khol du gyur pas/ gang na'ang mi'i bran khol rgyal po'i phang du 'dug pa'i chos med pas mi spobs so/ / rgyal pos de skad ces smras pa thos nas/ lhag par mya ngan gyis gdungs par gyur te/ mi dga' bar gyur nas/ bus gsol pa bzhin du bram ze la rin byin cig ces bsgo nas/ bu gnyis gdod rgyal po'i phang du blangs so/ / bu gnyis rgyal pos blangs nas/ phyag gis bu gnyis kyi mgo nas byugs te/ 'di skad ces smras so// khyed ri la gnas pa na/ zas su ni ci za/ gos su ni ci gyon ces dris na/ bu gnyis na re/ zas su ni shing gi 'bras bu shing thog za/ gos su ni pags pa dang snam bu gyen te/ bya mang po dang rtse dga' bas/ mya ngan gyi sems med do zhes gsol to// de nas rgyal pos bram ze de la phyi rol du song zhig ces bsgo ba dang / bu gnyis kyis/ rgyal po la 'di skad ces gsol to// bram ze 'di rab tu bkres skom gyis nyen na/ de la kha zas kyis tshim par mdzad du gsol lo/ / rgyal pos smras pa/ khyed la mi dga' ba 'am/ khon du 'dzin pa med par/ phyir kha zas sbyin par sems/ bus smras pa/ bdag gi pha byang chub kyi lam la dga' bas/ nor rdzas kyis sbyin du med de/ bdag gi lus kyis slong ba la byin pa'ang bdag cag la dbang ba'i bdag po lags te/ 'dis bdag cag la bkol ba'i las tsam byed du ma
- 280a
bcug pa'ang / thog ma pas bsams pa ltar ma gyur te/ de snying rje'i sems tsam yang ma mchis te/ ltogs shing skom pa bzhin du 'dug pa 'di mig gis kyang su zhig gis bzod/ bdag gi phas ni bu'ang mi 'phangs par pha rol po la sbyin pa byed na/ rgyal po chen pos mi gcig gi kha zas tsam la ser sna mdzad dam zhes gsol pa dang / rgyal pos kyang bram ze de la kha zas kyis tshim par byin nas/ bram ze'ang rab tu dga' ste/ phyir bdag gis yul du song ngo // de nas rgyal pos/ rgyal bu 'gugs pa'i pho nya btang nas/ pho nya'ang de ma thag tu chas te/ rgyal bu ga la ba der song ngo / / der phyin pa dang / chu zhig la ma thar nas/ pho nya des rgyal bu nyid yid la byas te/ bsams ma thag tu chu de las thar nas/ rgyal bu gang na ba der phyin te/ rgyal po'i bkas rgyal bu slar yul du gshegs su gsol zhes bsgre'o/ / rgyal bus/ pho nya la smras pa/ thog ma rgyal pos lo bcu gnyis kyi bar du ri la sgoms shig ces bsgo ste/ da dung lo gcig ma tshang bas/ da lo tshang nas bdag 'gro'o zhes bsgo'o// de nas pho nya'ang phyir log nas/ rgyal po la de bzhin du gsol ba las/ rgyal po nyid phyag dar te yi ge bris nas/ phyir pho nya la bskur te/ 'di skad ces bsgo'o/ / khyod ni mi'i nang na mkhas pa shes rab can yin pas/ 'gro ba la'ang bzod cing / 'ong ba la'ang bzod pa yin na/ ci'i phyir khros te 'ong du mi btub/ khyod dang lhan cig bza'
- 280b
ba dang btung ba btang dgos kyis/ myur du shog cig ces pho nya 'gugs su btang ngo // de nas pho nyas yi ge thogs te/ rgyal bu gang na ba der song nas phyin pa dang / rgyal bu la yi ge phul lo// rgyal bus yi ge blangs nas/ yi ge l-i phyag 'tshal nas/ lan bdun bskor ba byas te/ mod la phyir yul du 'gro bar chas so// de'i tshe ri de nas chas pa dang / ri de la gnas pa'i ri dgas dang ga can gzan la sogs pa rgyal bu 'gro'o zhes thos nas/ thams cad lus sa la brdabs nas/ sa la 'gro zhing ngu ba'i skad phyung ngo // chu mig rnams kyang bskams te/ gcan gzan dang ri dgas kyi phrug gu'ang mi nu/ 'dab chags bya mang po'ang snying rje'i skad kyis sgra phyung ngo // de nas rgyal bu gos gyon nas/ btsun mo dang 'grogs te phyir yul du song ba las/ dgra zla'i yul gyi rgyal pos rgyal bu phyir 'ongs so zhes thos nas bal gyi glang po che dkar po la gser gyi sgras bstad de/ gser gyi snod du ni dngul gyi nye'us bkang / dngul gyi snod du ni gser gyi nye'us bkang ba bshams nas/ rgyal bu bsu ba'i phyir nam mkha' la bstod de/ rgyal bu bsus nas/ rgyal po'i 'phrin du 'di skad ces gsol to// bdag ni mi shes pa'i dbang du gyur te/ rgyal bu las bal gyi glang po che bslangs pas/ de'i rkyen gyis rgyal bu spangs par gyur pa de 'gyod pas na/ mthol tshangs su gsol lo// nga rgyal bu slar gshegs zhes thos nas/ rab tu dga' ste/
- 281a
bal gyi glang po che de nyid kyang slar phul zhing gser dngul gyi nye'u rnams kyang phul na/ 'di dag rnams kyang bzhes shing / nongs pa'i skyon rnams kyang sbyang bar gsol to// rgyal bus smras pa/ dper na mo zhig gos kha zas ro brgya dang ldan pa sbyar te/ pha rol po gcig la byin pa las/ mi des kha zas zos nas/ phyir sa la skyugs na/ phyir skyugs pa'i kha zas dri bsung dang ldan te/ bzar rung bar 'gyur ram/ bdag gis sbyin pa byas pa'ang skyugs pa dang 'dra bas phyir mi 'dod do// pho nya khyod bal gyi glang po che 'di la zhon la bdag gi yul du song zhig yul du khyod kyis rgyal po 'di ltar bdag bsu zhing / spro ba'i tshig gis snyan par smras pa la rab tu dga' 'o zhes gsol cig ces bsgo ba dang / pho nya de'ang bal gyi glang po che la zhon te/ phyir bdag gis yul du song nas/ rgyal po la de bzhin du gsol ba las/ bal gyi glang po che de'i rkyen gyis 'thab pa'o dgra zla de gcig la gcig byams shing sdug pa'i sems su gyur te/ rgyal po dang / yul mi thams cad bla na med pa'i mnyam snyoms pa'i sems bskyed par gyur to// de'i tshe rgyal po yab kyang bal gyi glang po che la bcibs te/ rgyal bu bsus so// rgyal bus mgo dang gdong gos phyag 'tshal nas/ rgyal po'i phyi bzhin phyir yul du song ste/ yul mi thams cad kyang rab tu dga' mgu rangs nas/ me tog dang / bdug spos dang / ba dan dang / rgyal mtshan dang
- 281b
bla bre la sogs pas mchod pa bya ba'i phyir bshams te/ sa gzhi'ang spos chus chag chag btab nas bsdad do// rgyal bu pho brang gi nang du 'ongs nas/ yum gyi drung du phyin pa dang / mgo bos phyag 'tshal nas/ spro ba'i tshig gis snyun gsol to// de nas rgyal pos rin po che'i bang mdzod thams cad rgyal bu la gtad de/ yid bzhin du sbyin pa byed du bcug nas/ sbyin pa snga ma bas kyang lhag par rgyun ma chad par sbyin pa byed du bcug pas/ mngon par sangs rgyas kyi byang chub thob par gyur to// bcom ldan 'das kyis/ kun dga' bo la bka' stsal pa/ ngas sngon gyi sbyin pa byas pa mngon du dran pa ni de lta bu yin no/ / de'i tshe de'i dus na/ rgyal bu don grub ces bya ba ni da ltar nga nyid yin no// de'i tshe yab rgyal por gyur pa de ni da ltar nga'i yab rgyal po zas gtsang ma yin no// de'i tshe yum du gyur pa de ni nga ltar yum lha mdzes yin no/ / de'i tshe na btsun mor gyur pa de ni da ltar grags 'dzin ma nyid yin no// de'i tshe dge slong a tsu ta zhes bya ba da ltar mo'u 'gal gyi bu chen po yin no// de'i tshe brgya byin lha'i dbang por gyur pa de ni da ltar shA ri'i bu yin no/ / de'i tshe rngon par gyur pa ni da ltar kun dga' bo khyod yin no// de'i tshe khye'u ya ra zhes bya ba ni da ltar nga'i sras sgra gcan 'dzin yin no// de'i tshe bu mor gyur pa de ni yum sru go'u ta mo zhes bya ba yin no/ / de'i tshe bram ze slongs mo pa de ni da ltar lha sbyin nyid yin no// de'i tshe bram ze'i chung mar gyur pa de ni da ltar bram ze mo tsan tsam na yin no// de ltar nang
- 282a
shin tu byed dka' ba'ang grangs med/ dpag tu med/ dge ba'i las byas pa yang grangs med/ dpag tu med de/ de bas na mdo sde 'di dge slong dang bram ze la sogs pa la rgyas bar ston cig/ byang chub sems dpa' sems dpa' chen pos sbyin pa byas pa'i sbyin pa'i pha rol tu phyin pa 'di lta bu dag yin no// 'phags pa rgyal bu don grub kyi mdo zhes bya ba'i bam po gcig rdzogs so/ / / sngon rgya las 'gyur ba'i brda rnying par 'dug/ @bod skad du/ 'phags pa rgyal bu kun tu dge zhes bya ba theg pa chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das shAkya thub pa ni/ sngon yul dbus 'gyur tshal gyi rgyal po shing rta bcu pa'i sras rgyal bu kun tu dge zhes bya ba zhig tu skyes pa'i tshe skye bo yongs kyis kyang bkur bar gyur to/ / 'phong rtsal dang / yig rtsis dang / bzo dang sman dpyad dang / rig pa'i gnas lnga la mkhas shing gsal ba cog skyes pa'i tshe/ rgyal pos sras la bstod pa ni/ rigs dang gzugs byed mdzangs dang ldan// shes gsal mkhas shing spyod lam mdzes/ / shel ltar gsal ba'i sa gzhi la// zla ba'i 'od zer shar ba 'dra// nyid skyon mun pas mi gnas shing // yon tan rin chen mdzod du 'gyur// mthong na skye bo nyams dga' ste//
- 282b
thams cad yid dang ldan gyur to// gzhon nu rnams kyi slob dpon du gyur pa skyes pa'i tshe/ yab rgyal po ni sku na so'ang bgres pa'i steng du bsnyun drag po cag kyang btab ste/ 'jig rten mi yul 'di ru yun ring po gnas gnas mi 'dra nas/ sras kyis yab la phan dam pa cig gdags na cis gdags snyam pa'i rjes la// ring por ma lon par yab 'das par gyur nas/ 'bangs rnams kyis rgyas bu la rgyal srid ma phul gyi skabs su/ rgyal bu rab tu byung ste/ nags tshal dben par drang srong gi spyod pa la zhugs te/ tshangs par tshul bzhin du spyod do// re zhig na 'bangs rnams kyis rgyal bu la rgyal srid dbul bar bshams pa las/ rgyal bu rab tu byung ba mthong nas/ rgyal khams kyi mi yul yongs su ma he be'u stor ba 'am/ nya thang la lhung ba bzhin 'gre ldog cing smre sngags kyi tshig las kye ma'o/ / lus srog skyong ba'i rgyal po yab 'das nas// 'bangs rnams kyang mya ngan gdungs pas non// da ni sras kyang rab tu byung nas ni// 'jig rten 'di ru nyi nub mun gyis bsgribs/ / kyi hud kyi hud ces smre sngags 'den pa'i cho ga las/ ring po ma lon par 'bangs rnams kyis rgyal bu la yang zhus pa/ kye rgyal po lags/ lus srog skyong ba'i rgyal po yab 'das nas/ 'bangs kyis rgyal srid lugs bzhin ma phul ba// khri len chos bzhin chad pa nod// mes dang yab kyi mdzad lugs bzhin// rgyal srid bzhes la 'bangs rnams skyongs// rgyal po yab
- 283a
kyi bka' yang de lags te/ / 'bangs rnams kun kyang de bzhin spyan sngar mchi'o// de skad ces zhus pa las/ rgyal bus 'di skad ces gsol to// bdag ni 'di ltar yab rgyal po ma 'das pa nas rab tu 'byung bar dam bcas pa lags/ / da ni slar ldog par mi nus so// bdag gis bdud rnams bcom nas ni// gzhan gyi sdug bsngal bsal ba'i phyir// yi dam chen por bcas pa yin/ / slar yang ldog par mi nus kyis// blon po khyed rnams kyi nang nas gang mdzangs shing drang ba gcig gis rgyal srid zung zhig ces gsol pa dang / blon po rnams kyis slar gsol pa/ 'bangs kyis rgyal srid 'dzin pa ni// sngon chad med srid da byung bas// lugs med mkhos su mi rung bas// gzhan du smras na ngo tshar rung // zhes zhus pas/ yang rgyal bus gsol pa/ khong nas thang la bor zin pa'i// mchil ma'i thal bar gyur pa de// sngar la blangs nas 'thung byed pa// dpe zla gzhan la ga na yod// skad cig sgyu ma'i rgyal srid ni// mchil mthang la bor ba 'dra'o/ / phyogs mtshams skyong bar byed pa dang // rgyal khams skyong bar byed pa gnyis// snying rje tsam du 'dra mod kyang // de gnyis khyad par bsam las te// mtsho dang glang rjes snyoms pa 'dra/ / rab tu byung nas log pa dang // log par lta ba'i sdig mthong na// shin tu 'jigs shing smyig yar rung // gnyis ka phung byed ma smra bar// blon po
- 283b
rnams kyang phyir la deng / / de skad ces gsol pa dang / blon po rnams kyis bsam pa la/ lha sras chos la mkhregs pa'i steng du/ 'o skol 'bangs su gyur pas// tshig gsan du mi bzhed na/ da ji ltar bgyi zhes bgyis pa dang / sngon yab kyi thugs grogs po/ yul bar rtan rgyal po dga' ba'i 'od ces bya ba yod de/ des rgyal bu rab tu byung ba la gros btab na/ rgyal srid 'dzin du btub par nges so snyam nas/ rgyal po dga' ba'i 'od kyi spyan sngar mchis te 'phrin btang / phyag bgyis// zhus gsol pa/ kye rgyal po lags/ bdag cag yul dbus 'gyur tshal gyi rgyal po shing rta bcu pa ni 'das/ sras rgyal bu kun tu dge ni rab tu byung nas/ rgyal sa ni stongs/ 'bangs rnams ni sil bur gyur na/ de rgyal bu rab tu byung ba las slar phab ste/ rgyal srid 'dzin du mi gzhug tu mi rung / de skad ces gsol pa dang / rgyal po dga' ba'i 'od kyang thugs la gcags nas/ 'khor blon po dang bcas nas/ rgyal bu rab tu byung ba'i spyan sngar mchis te 'phrin btang / phyag bgyis/ zhus gsol pa/ kye btsun pa lags/ sku na tshod de tsam la/ gzhon pa rnams la'ang mi gzigs sam/ khyim bzangs dpal dang 'dra ba bor nas niri dgas bzhin du nags tshal dben par 'khyams/ / mtho btsun rgyal po'i lus bor nas// dbul po'i lus kyang nye bar blangs// ngan pa'i gos gyon skye bo yongs kyis 'phyas/
- 284a
long spang bzhin du grong khyer spongs mos 'debs// dus 'dir khyod kyi gnas skabs 'di la ni// bltas nas dgra yi mig kyang mchi mas khengs par 'gyur// yang na spyos sam bgegs kyis bslus par nges/ / de lta mya ngan dbang du ma gyur par// rgyal srid bzhes la 'bangs rnams skyong du gsol// rgyal po yab kyi bka' yang de lags te// 'bangs rnams kun kyang de bzhin spyan sngar mchi'o/ / de skad ces smras pa dang / rgyal bus slar gsol pa/ kye rgyal po lags/ dper na mi lto 'grangs pa la kha zas kyi gtam zer ba yi gar mi 'ong ba dang 'dra bar bdag dad pa skyes nas rab tu byung ba la/ slar zlog pa'i gros ngan pa 'debs pa 'di ni thi bur yang ma legs so snyam nas yang zhus pa/ kye rgyal po lags/ khyod kyis smras pa'i tshig de rnams/ / byams te smras par yin shes kyang // bdag gi don dang shin tu 'gal// nags tshal dben pa gcig pu'i brjid mthong na// rgyal po 'khor// mangs longs spyod sgyu ma grog tshang 'dra// tsaM ber tshems can dag gi brjid mthong na// dar ber klubs pa sgyu ma'i 'ja' tshon 'dra// brtan po dag thub tshe mthar gtugs mthong na// srog lus yal bar 'dor ba smyon pa 'dra/ / skyon sel mgo mang 'dul ba'i rlabs mthong na// gzhan tshon 'dra byed byis pa'i rtsed mo 'dra// kye rgyal po chen po da yang snyan gson cig/ khyim gyi
- 284b
so nam bya ba la/ / bya thag chad pa gnyis yod de// snga ma bsams pa sdug bsngal yin// phyi ma bsams pa sha thang ngo // 'jig rten 'di ni che btsan phyugs dregs kyang // 'chi bdag dbang du ma gyur gang yang med/ / tshe 'di srid la zhe don rgya che yang // yun gyi chos 'dod rgyal srid ma shes na// skra dkar skyes shing gnyer ma'i tshogs 'dus kyang // byis pa shed ma bye dang ci ma 'dra// don la mkhas pas brtags pas sems can snying re rje// kye rgyal po lags/ da yang snyan gson cig/ skyon rnams sgyu mar rtogs pas dgral zhe mi sdang // yon tan sgyu mar bshad pas gnyen la dang mi chags/ / gnas su nges pa med pas spyugs pas nyam mi nga // sems la skye shi med pas bsad pas 'jigs pa med// nor du nges pa med pas dbrog pas nyam ming // dpal gyi ri la srid kyi chu brag kyang // 'grogs pa'i grogs po bla med byang chub bzang // gser gyi ri la g.yu yi khron babs kyang // nor gyi dbyig tu sems kyis chog shes bzang // stong zhing dben pa'i gnas ni yun du bde/ / chog shes khrel 'dzem gos ni kun la snyoms par dro// mi rtog rnam grol zas ni sman dang bcud// yang dag bde bar 'tsho yis rgyal po khyod kyang deng // de skad ces gsungs pas/ rgyal po dga' ba'i 'od kyis bsams pa/ btsun pa dad pa skyes nas rab tu byung ba la/ slar zlog pa'i gros ngan pa 'debs pa 'di ni thi bur yang ma legs so snyam nas
- 285a
yang zhus pa/ kye btsun pa yon tan chen po'i gnas khyod la// blo gros ngan pas 'khrul te ma rig nas// nongs pa chen po smras pa'i tshig de rnams// thugs rje chen po'i sku la bzed par gsol/ / bdag kyang rab tu 'byung bar cig nang lags// zhes zhus pas/ rab tu 'byung bar gnang nas/ sgra dang kha spu bregs te/ gos ngur smrig gyon nas/ rgyal bu'i g.yas gral du gnab par gyur to/ / de'i tshe 'bangs rnams kyis bsam pa las/ rgyal khams gnyis kyi rgyal po rab tu byung ba las bsams na/ dam pa'i chos bya ba 'di bzang bar yid ches nas bdag cag kyang rab tu 'byung bar ci gnang zhes zhus pas/ rab tu 'byung bar gnang ste/ skra dang kha spu bregs nas/ gos ngur smrig gyon nas/ rgyal bu'i g.yon gral du gnang bar gyur to// de'i tshe de'i dus na/ bsod nams dang ye shes kyi tshogs kyis/ sa bon ma btab par rtse shing dang nags tshal thams cad kyang zas dang skom du gyur to// de'i tshe de'i dus na/ rgyal bu kun tu dge rab tu byung ba ni gzhan du ma sems shig/ bcom ldan 'das shAkya thub pa nyid do// rgyal po dga' ba'i 'od rab tu byung ba ni gzhan du ma sems shig/ 'phags pa byams pa nyid do// 'khor blon po dang 'bangs rnams rab tu byung ba ni gzhan du ma sems shig/ tshe dang ldan pa shA ri'i bu la sogs pa tshe dang ldan pa rnams so// rgyal bu kun tu dge rab tu byung ba'i sku'i yon
- 285b
tan gyis rgyal khams gnyis kyi blon po dang 'bangs rnams mngon par rdzogs par sangs rgyas so/ / @rgya gar skad du/ spri bi ro pa ni man tra na/ bod skad du/ gnas brtan spyan drang ba/ thams cad mkhyen pa la phyag 'tshal lo// btsun pa rnams dgongs su gsol/ dgongs nas kyang shel dang / nor bu dang / dngul dang / ku mu da dang kha ba'i phung po dang / zla ba'i zer dang / ston gyi chu dang / nam thang ba dang / pad+ma'i rtsa lag ltar dri ma med par mdzod la/ rlung gi stobs kyis shing gi lcug phran bskyod pa dang / smig rgyu dang sgyu ma dang rmi lam dang / glog des/ rta'i shing rta'i rdul dang / bal glang gi phrug gu'i rna mchog dang / sbrul gyi lce dang zil pa dang / rgya mtsho bskyod pa'i rlabs ltar g.yo ba'i yod skad cig re re la'ang mi sdod par 'gro ba/ rtse gcig pa'i ting nge 'dzin gyi stobs kyis yud tsam zhig rgyu ba nang du dgag tu gsol/ smras pa/ ri gzar 'bab pa'i dba' rlabs 'gyur bas kyang / / gang go dba' rlabs 'gyur la bskrun med par// 'jig pa thogs med g.yo ba'i yid de ni// yud tsam rtse gcig mdzod cig btsun pa rnams// lha yi bu mo yid chad shugs phyung skad cig zim mer byas pa'i mig/ ring zhing rdzi ldan bkral 'od zer mig chags lta ba'i g.yo ba yis// gang gi thugs ni skye ba rgyun gcod rgyu las 'khrugs par ma gyur pa// bdud rtsi
- 286a
dpung 'joms mkhas gcig thams cad mkhyen pa de la phyag mdzod cig/ skye ldan gang du brten nas dud 'gro'i skye gnas sems dmyal ma zhi dang // yi dgas 'jig rten gnas su 'gro bar mi 'gyur sdug bsngal 'jig byed pa/ / 'khor ba dag na 'gro ba chen po rnams kyi grogs 'gyur 'phags gcig pu// zhi bde grong khyer sgor gzhol/ chos de la ni gus pas sten par mdzod/ / zhi ba'i bdag nyid gang zhig bde gshegs gsung rab mthar phyin 'byung smra zhing // gang la gus par cung zad tsam zhig byin yang sbyin pa 'phel 'gyur la// ye shes snang bas mun pa zad byas dge slong dge 'dun de la ni/ / nyon mongs gcod pa'i ched du thams cad kyis kyang gus par phyag mdzod cig/ lcang lo chun po'i sku mang mgo la thogs shing dpung mgo gnyis yog la// rang gi 'od zer phyogs mthar 'phro ba rnams kyis 'jig rten kun 'gengs pa// lha dbang brgya byin cod pan btud de tshangs la phyag bya gang yin de// byin nas dga' byas sems kyi ting 'dzin shin tu chen po'i 'bras bu yin/ / rdo rje 'od 'phro 'phreng bas dpung rgyan 'dres nas mdzes gyur cing // lha la bka' stsol dbang po mtho ris skyong ba gang yin pa// de dag dge ba dag 'byung rnam smin 'gyur/ dus nyams dga' zhing // mngon par 'dod pa'i 'bras bu phun sum tshogs pa'i rgyu rnam yin// kha nas rgyags 'gyur dri zhim 'byung zhing mig gi mtha' dmar la// dbugs 'byung do shal g.yas
- 286b
pas nu ma 'bur la 'drud byed pa/ / sdug gu lhan cig nor bdag dga' tshal 'dug pa gang yin pa// de yang 'gro nyams dga' sbyin pa'i bdag nyid chen po yin// 'brug sgra sgrog cing sprin rnams chu ni// kun tu len byed pa// rlabs 'byung dus na nor bu byu ru dung dang nya phyis 'byung // rin chen gnas ni chu la nyid kyi 'byor pas gang srung ba// der yang rgyu ni sbyin pa mchog ces thub pas bka' stsal to/ gang yang 'od zer rnams kyis mkha' la skar ma'i 'khor lo zil mnan cing / ku mu da yi rdzing yangs rnams su dpal ni rab tu rnam phye nas// glang po'i che ba'i dpal dang ldan zhing mtshan mo shin tu rab mdzes pa/ / de yang nges par sbyin pa nyid kyis 'bras bu ro bro mang po yin// raM reb rtse la shing rtas lam ka 'dug pa'i rin chen rdo gcog cing // rta yi rkang lag rnams kyi dgu tshig chu bo'i rlabs ni gcod byed la/ / mun pa bsal phyir nyi mas skar ma zil mnan lam me gang yin pa// de rgyu yid kyi ting nge 'dzin gyi bskyed pa'i sbyin par thub pas gsungs// rgyal mtshan rtser gtags rin chen 'od zer snang ba nam mkha' dmar gyur cing // rta rmig 'dor bas mkha' la sprin gyi 'phreng ba dag kyang 'dral byed la// rnga yab dkar pos g.yabs shing 'khor los sgyur ba song ba gang yin pa/ / 'dod pa'i 'bras bu de yang sbyin pas bsgrubs zhes thub pas bka' stsal to// gser gyi pad+ma'i rdul gyi phye mas dmar bris mtshor ni khrus
- 287a
byas te/ / de yi gnas 'dab bung sgra 'byin rnams su nyal ba'i bde rnyed nas// rig 'dzin chung ma lhan cig 'jigs med mkha' las 'gro ba gang yin pa// de yang ser sna 'jil zhing skyon med dga' ba'i sbyin pa'i gzi brjid yin/ / mA la yi ri rtse tsan dan grib mas bsil ba yangs pa dang // 'bigs byed ri dang gangs dang lhun po'i ri dang man+da ri'i bo la grub pa'i tshogs chen chung ma lan cig 'jigs bral dga' ba gang yin pa/ / 'dod pa'i 'bras bu tshe 'di'i snying po 'byor pa de yang gtong ba'i yin// bud med rkang gdub 'khrol ba'i 'grogs nas 'phur ba'i phug ron gnas pa yin/ / khang pa mthon po rnams dang 'bigs byed ri rtse 'gran pa'i ba glang dang // gdugs dang rnga yab bud med g.yog 'khor rin chen gser dang rta rnams dang / / bzang mdzes de dag kun kyang sngon gyi sbyin pa'i dge ba'i rnam smin yin// ban d+hu ka ltar rtsa dmar rgun chang gser snod bzang por legs blugs pa// yongs 'du a mra smin gas lta bur dri zhom ut+pal 'gying zhing ldem/ / no chung shin ma nam sgogs dus kyis stobs shing yams grangs mang 'grim pa// mchog tu dge ba de rgya smyon pa yin zhes blo gros dag pas gsungs/ / gser gyi phag skad sked bcings snyan smra 'dzin zhing smin pa ya gcig skyod// mig yangs rnar thug dkar gnag 'byes la skra bgab me tog 'phreng dkrigs pa'i//
- 287b
na chung bzang po brda rgyas bdag nyid legs byas rnams kyis bran ltar byed// tshogs bsags 'bras de sbyin pa'i che ba nyid ces zas gtsang rgyal pos gsungs// de ltar lags pas bde bar gshegs pas gsung rab mtha' dag thugs su chud pa shin tu rgyas pa'i chu ltar gyur pa/ snying po dri ma med pa dang / lha'i skye bos klu'i gnas su gyur pa tshul khrims 'dren ma ma yin zhing rgya che ba'i chu dang ldan pa/ dge ba la rnam par rtog pa'i zla ba shar ba'i dbang gis/ ting nge 'dzin sna tshogs rgyas pa'i dus kyi rlabs kyis byang chub yan lag skyon med pa'i nor bu mang po kun tu g.yengs pa/ sems kyis gzhi la 'phags pa'i lam yan lag brgyad pa'i ri bo chen po rten pa/ 'bras bu'i bye brag thob pa/ gang zag chen po'i chu srin rgyu ba/ 'phags pa'i bden pa dang / yang dag par spong ba dang / rdzu 'phrul gyi rkang pa'i shing ljon pas mdzes par byas pa/ dran pa nye bar bzhag pa'i ngogs dang ldan pa/ sgrib pa'i ro mi gnas pa/ sbyangs pa'i yon tan goms pa/ dag pa'i mu tig gi nye phyis kyi khog lus dang ldan pa/ mngon par rtogs pa'i chos nyid gting mi dpogs shing zab pa/ rgyun mi 'chad par klog pa dang kha ton byed pa'i sgra char 'byung ba/ 'phags pa'i dge slong dge 'dun gyi tshogs rgya chen po la bdag gsol ba 'tshal lo// 'di lta ste/ srid pa'i 'gro ba gcig nas gcig tu brgyud pa/ du ma nas
- 288a
dge ba'i sa bon btab pa/ bde bar gshegs pa'i bstan pa'i gzhal med khang gi sa gzhi gcig pur gyur pa bzod pa dang / nges pa dang / byams pa dang / tshul khrims dang / thos pa dang / zhi ba'i gnas/ bdag dang gzhan gyi gzhung gi don gyi de kho na ma lus par rtogs pa/ yongs su shes pa bsgoms pas dran pa nye bar gnas pa/ yang dag pa'i ye shes dang mthong bas/ log par lta ba'i rab rib bsal ba/ legs par brjod cing shis la rgya che ba'i ming dang ldan pa/ skye bo bla ma la bsnyen bkur byed pa dang / mngon du smra pab dang / phyag 'tshal ba la sogs pa'i tshul bzang po dang ldan zhing / mdongs gsol bas snyan pa rnams bsnyad pa/ ston gyi zla ba nya ba'i 'od zer dag pa lta bu'i yid 'byung ba sbyin bdag chen po che ba'i bdag nyid can ming 'di zhes bya ba 'di ni/ khyim bdag legs sbyin dang / bzang ldan dang / btsun mo 'khor gyi blo dang / mu shil dang / tra pu sa dang / gau shi la dang / rta pa gar ni ka dang / mgon med zas sbyin dang / drag po dang / nag pa dang / nam gru la sogs pa dang / gzhan yang bcom ldan 'das la yid dad pa gsal rgyal dang tshangs pas byin dang / rgyal po shar pa'i bu dang / gtum po rab tu snang la sogs pa sa'i steng la dbang ba'i sbyin pa las byung ba'i legs par sprad pa'i rjes su slob ste/ lus dang /
- 288b
longs spyod dang / srog la sgyu ma dang / smig rgyu dang / dri za'i grong khyer dang / mgal me bskor ba dang rmi lam dang / ri'i 'bab chu'i chu ltar g.yo bar rig nas/ stobs bcu mnga' bas gsungs pa'i tshigs su bcad pa dang / chos mngon pa dang / 'dul ba dang / mdo sde 'dzin cing / dge ba'i las kyi 'bras bu rnam par smon pa yod do zhes bsod nams kyi sa bon skyed pa'i rgyu/ 'khor ba'i bde ba phun sum tshogs pa'i gan/ skye bo ngan pas rnyed par dka' ba/ ser sna can gyi yid 'joms pa sgrub pa na/ ston gyi zla ba dri ma med pa ltar dang ba'i thug mnga' ba/ srid pa'i nyon mongs pa'i sa bon gcod pa/ sems can thams cad du bsam pa mkhyen pa/ grags pa 'jig rten gsum du khyab pa/ bdud kyi bu mo steg pa rgyun gcod pa'i rgyu/ skyabs su 'os pa/ chos ston pa/ 'gro ba la dge ba'i phyir bya dka' ba'i 'phrin las rnams kyis/ chos thams cad thugs su chud pas rnam par sangs rgyas pa'i sangs rgyas nyi ma'i 'od zer gyi snang ba gsal bas rig nas pad+ma'i 'dab ma rgyas pa ltar ring zhing rdzi ma legs pa'i spyan dang ldan pa/ gnod sbyin gyi bdag po'i gtsug gi nor bu chen pos zhabs kyi sor mo kun tu bskor ba gser gyi mchod sdong ltar gsal ba bas/ sku la rdo rje dang / lcags kyu dang / pad+ma dang / nya dang / rgyal mtshan dang / gdugs dang / 'khor lo la sogs
- 289a
pa'i mtshan rnams kyi mtshan mnga' ba/ pad+ma'i 'byung gnas rnams la snang ba mdzad pa'i 'od kyi 'phreng bas bye brag med par khyab par 'gengs pa/ bung ba'i tshogs ltar sngo ba'i gtsug tor gyi nang nas kun tu 'byung ba'i 'od kyi dra bas phyogs kyi dkyil 'khor ma lus par bkram par byas pa/ kha na ma tho ba med par zhugs pa/ 'phags pa'i bden pa ston pa/ zhi bar gzhol ba'i lam du 'dren pa/ 'jig rten sgrol ba mnyes gshin pa'i gnyen gcig pu/ mu stegs can ngan pa'i rgol ba rnams kyis gsung dang / thugs dang / dga' ba dang / mthu la mi non pa zas gtsang ma'i sras/ yul rnams kun la sred pa 'byung ba'i rgyun skabs byed pa'i rgyu/ skye bo mkhas pa rnams ni sad par bya phyir shar gyur pa/ bag la nyal gyi rab rib sel ba ye shes snang ba'i mchog/ sa rnams mtha' dag snang ba phyogs rnams thams cad snang mdzad pa/ phyag dang zhabs dang dbu ni rab tu byin zhing tshul khrims dang / smon lam dag gis byang chub lam bzang yang dag bsgrubs gyur pa/ / srid pa'i 'gro ba'i dug gi snye ma'i steng du lhung ba yi// skye dgu rnams la kha na ma tho med pa ston mdzad pa// srid pa rnam pa gsum 'jig pa/ bcom ldan 'das stobs bcu'i stobs dang ldan pa/ mi 'jigs pa bzhi mnga' ba/ dpa' ba dang mthu kha na ma tho ba med pa/ mtshan dang dpe byad bzang pos brgyan pas sku brjid pa/ pha rol tu
- 289b
phyin pa drug dang / dka' ba brgya phrag du dam pa'i chos dkon mchog bsgrubs pa/ btsal ba tsam gyis sems can mtha' dag gi bsam pa thugs su chud pa/ thams cad mkhyen pa 'phags pa nyan thos kyi dge 'dun rab tu zhi ba dang / tshul khrims dang / thos pa dang / ting nge 'dzin dang / bzod pa dang / byams pa dang / sbyangs pa'i yon tan dang ldan pa/ nyon mongs pa'i rab rib dang ling tog ma lus par bsal ba/ 'khor ba'i rang bzhin rig pa dang / phyogs phyogs kyi gtsug lag khang dang / kun dga' ra ba dang / ri dang / nags 'dab dang khrad khrod dang / chu dang / ri sul dang / gshes dang / ne'u gsing dang / shing gi grib ma rnam pa sna tshogs la dgyes pa/ yul dang ljongs du ma la phan gdags pa stsol bar mdzad pa/ yang dag pa'i dran pa dang / ting nge 'dzin dang / dga' ba thob pa las ma nyams pa/ phung po lnga spyir skad cig par yang dag par so sor rtog pa'i yid la byed par bskyed pa/ mdo dang / 'dul ba dang / chos mngon pa dang / skyes pa'i rabs dang / gleng gzhi dang / tshogs su bcad pa dang / rtogs pa brjod pa dang / de lta du byung ba gtan la bab pa'i gtam gyis sems sbyangs pa/ rang gi lus dang / ngag dang / yid kyi 'jug pa dran pa nye bar gnas par rgyu ba/ dbang po dang / stobs dang
- 290a
byang chub kyi yan lag dang / bden pa dang / 'phags pa'i lam dang / dran pa nye bar gzhag pa bsgom pa goms pas dad pa thob pa dang / tshe rabs gzhan dang gzhan na bsags pa'i rnam par smin pas grub pa/ ji ltar 'byor par nus pa dang 'thun pa'i rtsom pas tshogs bsags pa/ phan yon lnga'i rgyu/ sems can thams cad gnas par byed pa 'jig rten pha rol tu bde ba thob par byed pa/ kha dog dang / dri dang / ro dang / reg pa dang ldan pa/ yid du 'ong ba gya nom pa'i bza' ba dang / bca' ba dang bldag pa dang / brngub pa dang / gzhib pa la sogs pa zhal zas bsham par bya ba rnam pa sna tshogs zhal zas khyad par can gyis spyan 'dren to// de la thog mar bcom ldan 'das shAkya thub pa yongs su mya ngan las ma 'das pa'i tshe/ gang dag ye shes kyi mes nyon mongs pa'i shing thams cad ma lus par bsregs pa/ gtong ba'i ngang tshul can gyi sbyin pa'i sa bon 'phel ba'i rgyur gyur pa/ phra ba gzigs pa mkhas pa/ de kho na la sgom pa 'di lta ste/ gnas brtan b+ha ra d+h+wa dza bsod snyoms len dang / 'phags pa sgra gcan 'dzin dang / sbyin byed dang lam bstan pa dang / skyed bod dang / gser be'u dang / rtogs byed dang / rdo rje can gyi bu dang / 'phags pa bsrungs pa'i klu dang / klu sde la sogs pa slob ma bstan pa
- 290b
gnas par bya ba'i phyir/ gnod par gyur kyang lus kyi khur khyer ba rnams dang / gzhan yang gang dag sum cu rtsa gsum pa'i skye ba la phan pa'i phyir/ gser gyi rdo leb chen po'i steng na 'dug pa'i rig sngags 'chang ma gru len pas glang po che yur ba/ bung ba'i pad+ma la 'jib cing 'khod pa'i ma mda' ka'i rdzing gi chu dang ldan zhing / yal ga gsal ba'i steng na rin po che'i me tog gi 'phreng ba bres pa'i shing yongs su 'dus kyis kun tu mdzes par byas pa'i ri lhun po 'bab chu 'bab pa'i sa gzhi la 'khod pa rnams dang / yang gang dag/ gser gyi rked nas bsil ba'i chu 'bab la/ / chu la zla ba'i gzugs brnyan 'byung 'gyur zhing // zla ba'i 'od kyis ku mud kha phye ste// ku mu ta tshal na skad snyan ngang pa gnas// dang mo mtshe'u na sgra skad snyan pa 'byin// mtsho ngogs rma bya dgar bcas rgyags pa gnas// rma bya rgyags sgras ri sul snyan pa grags// ri su la yal ga glags pas ri rtse 'khris// ri rtse stong rnams na ni sprin chags la// lang ling sprin gyi smin shong khra khro sdang / / sman shong skyes pa'i nor bu ldum bu gsal// ldum bu las brul lhung ba'i me tog ldan// me tog rgyas pa'i dpag bsam shing tshal mdzes// mdzes pa'i lha mos gser gyi phag skad drud/ / gser gyi phag ska'i sgras ni bya 'drogs shing // byas chos shing thog rtsa las chad cing thul// rtsa 'phyang khu ba zag pa spos kyi dri// spos glang dbang
- 291a
po 'dreg zag dri rab zhim/ / dri rab zhim pa'i li shi ri 'khor mang // bal glang mo rgyags drag 'gro lang long gyur// bung ba'i khyu yis me tog zegs gyur cing // yal ga me tog rgyas pas gad pa dkar// gad pa chad pas nor bu'i dum bu snang // me tog mgo ldog brul bas rnam par bkra// nor bu sil ma mang pos ri zhol spras// me tog zegs pa'i shing gi yal gar gnas pa'i bung ba dga' bas phung rnams dang / / zla ba 'dog zer dkar po ngang pa lta bus nye 'khor rdo ba chag cha ga btab// lhun po mtho ba'i r-i le thug pa gang dag / rab tu zhi ba'i thugs kyis zhugs// dri dag dri med zla 'dra'i grag ldan 'di yi sbyin pa'i gnas la sten du gsol// rgya mtsho nye ba'i chu 'gram ri bo ma la ya'i// ri ngos ta ma la sbal mig 'thon pa yi 'phreng ba can/ / sbrul ma 'khris pa tsan dan shing gi nags tshal no// bstan pa gang dag bzhugs par gyur pa de dag dang // nyi ma'i shing rta'i rmig pas rdo bcag cing // mi 'am ci mi phrugs kyi nyams dga' ba// ri sul mthon po dpag bsam nags mang dang // ri bgab rnams na gang dag bzhugs pa dang // shing gi me tog 'brul bas dri zhim byas pa'i ser bu ngad ldang zhim/ / nags na glang po dregs pa zags pas bsgom pa'i rin chen 'khri shing khyim// khyim la chags pa med pas bsten pa'i bsod nams chu gling gi
- 291b
gnya' shing 'dzin ri bya rgyags khyug gnas pa na gang dag bzhugs pa dang / / bal glang mo snyogs snang ba ro bro'i tshal// me tog ldan zhin ser bu dad ldan pa// sa h+ya ri bo ngo ngos yangs pa la yongs dag thugs mnga' thub pa bzhugs dgu dang / / pad+ma ut+pal rgyas pa 'byung ba'i gnas// nyin re nyi ma'i shing rtas rdo snad can// srid pa'i 'jigs bral rab tu yid 'ong ba// 'char ba'i ri steng gang dag bzhugs pa dang / / ri yi rtse mos sngo sangs sprin thal sman ljongs can// dogs ldan chu bo na ra ma das na sul bkrus// glang po che yi mche ba snyoms pas phyogs grogs pa yi ri/ / 'bigs byed rma bya rgyags gnas pa na bzhugs dgu dang // sna tshogs 'byung khung tshon gyis kha bsgyur phug dang ldan zhing sprin kyang chags gyur la// ko lpags ldan pa gtsang ma'i chu yis ngogs kyis rdob mang po bkrus gyur cing / / ngos la ba glang mjug ma mang po 'phyang zhing glog 'grus snang byas pa// yongs 'dus ri rtse phrog na gcig pu sred dang bral ba gang dag bzhugs pa dang / / yang gang dag shing dang 'khri shing rnam pa mang po 'dab chags par gnas pa/ ne'u gsing 'jam zhing sngo ba'i steng na rma bya'i khyu gar byed cing sgra snyan pa 'byin pa ri dgas kyi tshogs bag yangs su gnas pa'i sos bcad pa'i rtswa'i myu gu yod pa/ me tog gi dri zhim pos bsgos pas bser bu 'jam zhing bsil ba'i ngang ldang ba'i nags 'dab rnams su
- 292a
gnas bcas te bzhugs pa rnams dang / yang gang dag dus su rlabs 'byung ba'i chu'i dba' rlabs kyis g.yengs pa'i na le sham dang / li shi dang / la pa li'i 'bras bu sngon po mang po 'grigs pa'i tsen dan dang / a ka ru'i shing khrod na gnas pa'i sbrul mgo gdengs ka gdengs shing 'jigs su rung ba yod pa/ glang po che dregs pa dang bcas pa'i snas byu ru'i sdong bu bsgyel ba dang ldan zhing / / nyi ma'i 'od zer gyis reg pa'i dbang gis mu tig gis yod pa'i nya phyis kha bye ba'i khog pas rnam par spras pa/ nye bar bul ba dang ldan pa/ nor mchog gi rdol grub pa'i chung ma'i skye bo gnas shing bya 'i khyu dga' ste sgra 'byin pas glu len pa lta bu yod pa'i rgya mtsho'i gling dag na/ klu'i bdag pos lus chen pos sku dkris te/ gdengs ka'i gdugs kyis nyi ma'i 'od zer bsgribs shing bsam gtan mdzad pa rnams dang / sman ljongs dag na phyogs kyi glang chen brang gis rdo ba khebs pa'i khyu 'khod cing // 'khor bcas lan cig ma yin ra re/ ba'i gnod sbyin mo dag gnas gyur la// klu yi rgyal po mgo bos bstod de kha nas 'od 'bar 'byung bas shing 'bar shing // gangs ri te sa la ni blo gtsang gang dag zhal ton mdzad cing bzhugs pa dang / / rgya mtsho'i rlabs kyis bshal ba'i ro 'gab ldan pa ma smad pa// ri bo man+da ra la nyin phyed tshun chad bzhugs// bzhugs shing nyi ma phyed par 'gyur nas gang dag gzhan
- 292b
bzhugs pa'i phyir/ / nor bus rtse mo bkram pa'i khor yug ri la sten pa dang // gang dag 'khri shing gzhon nus rdo bas khebs gyur pa'i// dbang chen rtse mo yid du 'ong bar bder gnas te/ mkha' lding shugs kyis nang du klu rnams krugs pa yi// rgya mtsho rin chen gnas pa gzigs pa dang // ngang pa'i tshogs can shin tu gtsang ba drag 'bab can gyi chu yis ri bgab bkrus gyur cing // phyogs kyi glang pos bsgyel ba'i sa la ka yis rdo ba chen po mang po 'khebs gyur la// gcan gzan dbang po ral pa 'khyil cing gsal bas dpung ba'i phyogs 'bar nyal bas gang gyur cing // sbal mig 'thon pa'i lcug mas 'khor ba grub pa ngal sos ri bo kron dzar gang gshegs dang // gang dag mun bsal khyad par can gyi blos// shing ljon sna tshogs me tog rgyas gyur cing ridags rgyu bas ne'u go seng gzhon bsnang ba/ / gzi rdonags rnams mi spong bzhugs pa dang // yang gang dag nub kyi ba lang spyod dang / shar gyi lus 'phags dang / byang gi sgra mi snyan dang gling gzhan dag na skyes pa'i lcug phran mdog snum zhing sde la 'jam par mang pos sa gzhi kun tu khebs pa shing gi grob ma'i dkyil 'khor bsil ba dang / 'khri shing gis 'khor cing ri dgas mang po gnas pa'i nags tshal de dang de dag na bzhugs pa rnams dang / yul dar dang / gan da ra dang / gu zan dang / li dang / shi ring dang / bag le dang
- 293a
bru sha dang / kha che dang / rgya yul dang / grong khyer zas 'dra dang / rdo 'jog zas 'dra dang / skyes pa'i grong khyer dang / phyogs mtshams dang / kun ti ma la ba dang / srung byed dang gro khyer dang / tsa tu ga dang / tsa ta dang / b+hu ru kad tsa dang / ko'u sham+b+hi dang / ser skya'i gnas dang / mnyan yod dang / mi thub pa dang / grong khyer me tog dang / tI ra dang / bcom brlag dang / grong khyer longs spyod dang / tsam pa dang / rgyal po'i khab dang / dbang po'i brag phug dang / 'brog dang / ko'u na'i grong dang / kun dga'i grong dang / mchod rten gyi grong dang / 'khrul bcug gi grong dang / rnam par rgyal ba'i grong dang / yangs pa li dang / kha ra'i shing 'phel ba dang / 'phyel byed dang / zangs kyis g.yogs dang / sngo snyogs 'dzin dang / ko sa la dang / an dra dang / ka ling ga dang bar ba ra dang / ya ba ni'i gling dang / sing ga la'i grong khyer dang / gser gyi sa dang / ha ri ke la dang / ba ro sha ka ta ha dang / na li ke ra dang / pa ne sa'i gling dang / shur pa ra dang / nim pa'i grong khyer dang / dpal gyi zhing dang / dngul chu'i gnas la sogs pa yul dang / cha byad dang / skad dang / gnas pa dang / cho ga dang / rigs dang / rus dang / tshul khrims dang / tshul khrims can du ma'i yul mi gnas pa'i yul gzhan dag na bzhugs pa rnams dang / gang dag sngon chad nyi zla'i 'od kyis ma phog cing / she sha sbrul gyi lus kyi 'obs nas ri yi drung // de yi gtsug gi rin chen 'od kyis mun bsal
- 293b
ba'i/ ngas 'og tu ni ring por ma thogs gshegs gyur dang // gang dag chu ltar sa la thogs med bye'u zul mdzad pa dang // gang dag sar gnas phyag gi rtse mos zla ba reg mdzad dang // gang dag bya ltar nam mkha' la ni shugs kyis rgyu mdzad cing / / na bza' mtha' mas sprin mthar reg pas sprin ling 'jig mdzad dang // gang dag lha dang / klu dang / grub pa dang / 'khor ba dang / tshogs rnams kyis rtag tu mchod pa'i ri 'jig med dang / bung ba'i ri dang / rgyal bu rgyal byed kyi tshal dang / shar gyi ri bo dang / nub kyi ri bo dang / shi ri kun ba ta dang / kun+da so ma dang / ta ma sa'i tshal dang / bsil tshal dang lhas sprul dang / 'jigs med ri dang / nags tshal chen po dang / tsher ma can gyi nags tshal dang / byams pa'i ri dang / chu srin byis gsod cing kyi dang / ri nag po dang / gnas kyi ri dang gser skya'i ri dang / me tog dang / ri dang / tsan dan ri dang / klu'i po ri dang / tsan dan ri bo dang / tsher ma'i ri bo dang / lha yul babs dang / a ba sim b+ha dang / kun dga' stong ldan dang ri be'i rgyal mtshan dang / bzhi bkrus dang / rang rig mchod rten dang / sa lu spungs ldan dang / pho brang 'khor dpal yon can dang / bya rgod kyi phung po dang / ri dgas kyi nags dang / ka shod dang / gtsug lag khang gsar ka nis ka sha hi la sogs pa cho 'phrul rmad du byung ba sna tshogs dang ldan pa rnams dang / dar ma ra dzi ka'i mchod rten du ma dang / sangs rgyas bzhi'i
- 294a
gdan khro yod pa/ bsod nams su 'gyur ba'i sa phyogs rgyun mi 'chad par klog pa dang / kha ton dang / bsam gtan dang / ting nge 'dzin dang / snyoms par 'jug pa dang / tshul bzhin yid la byed pas 'jug pa dag pa'i dgra bcom pa rnams bzhugs bzhugs pa/ chos gos dang / bsod snyoms dang / mal cha dang / na ba'i gsos sman yo byad dang / 'tshog chas rnams kyis legs par byas pa/ mtha' mtha' na chu'i gnas yod pa la nye bar spyod pas nyams dga' ba/ bde bar gshegs pa'i zhabs kyis bcags pas gtsang bar gyur pa'i sa gzhi can/ zhi ba thub pa'i skye bo gnas pa rnams la/ de kho na bsgoms pas yid kyi ting nge 'dzin bskyed pa/ tshe'i lhag ma gnas par mdzad pa rnams dang / gang dag glog 'gru bya gar dag gogis sku lus bkra byas sprin snum 'drar gyur nas/ / bkres pa'i sdug bsngal snod gyur mda' rtse rnon po lta bu'i spu yis rab gang zhing // skom pas mig zhu me stag bcas pa'i me rnams kyis ni kun nas lus bskor ba'o/ / yi dgas gnam du lta ba rnams la thugs rjes steng nas char gyi rgyun 'bebs dang // rin chen bye ma'i 'phreng ba gya gyur dkrigs mtho la// ngang khyu bag yangs gnas shing lang long nyal gyur cing / / chu dang nye bar chu yi zer mas bsil gyur pa// man sa yi mtsho gling bsam gtan mdzad dgu dang / gang dag mi ro mang po'i sha dang khrag gi ro bro
- 294b
b as dga' bar gyur pa'i bya khA'i tshogs kyis gang gyur pa'o sa phyogs mgo'i thod pa gas nas tshol thigs thogs zag pa'i snum gyis mched pa'i mes tshig cing rang gi me lces shing gcer ba bskams shing rnyis pa/ lag pa dang / rkang pa dang / so dang / skra'i dum grugs kyis gang zhing zla ba dri ma med pa'i 'od lta bu'i keng rus kyi phung po yod la/ skad cig tu ro langs byung nas/ a la la a la la zhes sgra 'byin cing / me stag dang bcas pa'i gang mo drag pos 'byung po 'khrugs shing skrag par gyur pa/ ce spyang me shis pa'i kha nas du ba dang bcas pa'i me lce 'byung ba'i dur khrod chen po dag na bud med kyi re spros shing lto lhung nger gyur pa'i steng na 'dug cing dga' ba'i bya rgod kyi mchu dang sder mos phrad cing lto'i nang na srin bu'i rigs rnams gnas pa/ ce spyang gi stobs kyi shugs kyis drangs pa'i nang khrol dri mi zhim pa'i dum bus 'khor la/ bya khwa bkres pas mig gi sha brus pa dag la gzigs shing rtag tu mi sdug pa bsgoms te/ gang dag kha cig ro yi gnas mal dong nas ni/ / khrag dang sa chags dmar zhing rtsub pa'i sgra 'khyil dang // bya yi mchu dang sder mos mig rgo brus par yang // mi ro bor ba lus la gzigs par gyur pa dang // sgo dang srang bar la lar me 'bar me lce'i rtse mo mang pos mgo rmongs shing / / ral gri gtun dang rdo bas bsnun cing brdungs nas skye bo khu co 'don gyur la// gshin rje'i pho nya snying brtse med pa
- 295a
sdod cig zer ba'i bzod rlag sgras gang ba'o/ / sems can dmyal ba rnams su'ang srog chags don phyir gang dag skad cig 'jug pa dang / gzhan yang sha ba ri mo'o dug mangs glang po che 'khrugs pa'i mdun logs na/ yal ga bregs pa'i sdong bu yod pa// phyogs kyi bar nas rlung chen po langs pas 'od ma'i tshel bskyod nas 'khri shing gi dra ba dang 'drud pa las me byung ba'i me lces shing mchog sna tshogs tshig nas/ ri dgas dang phag rgod mchog mgyogs pa brgya dag skrag cing mgo rmongs pa yod pa/ shing lo mang po lhags shing rnyis pa can/ bsol ba'i grib ma sang seng med pa/ nyams dga' ba'i longs spyod yod pa/ nags kyi ma he dang phag rgod kyi me tog ut+pa la dang / pad+ma dang / ka ha ra bskyod pas chu dri zhim por gyur pa'i mtshe'u 'gram na shing la spre'u khyu gnas pa/ nye 'khor gyi ri las chu rlabs mi drag par 'bab pas 'khor nas ne'u gsing mod pa'i sa gzhi yod pa'i 'brog dag na/ zhi ba'i bdag nyid can 'chang pa dang / klog pa dang / kha ton dang / bsam gtan la mngon par brtson pa gang dag bag med pa'i gnas dar la bab pa yal bar mdzad pa rnams dang / ri bo'i rdo leb che zhing yangs la rab tu snum pa 'dra gyur cing / / glog gi 'phreng bar mi rtogs yod la 'ja' yis bkra ba'i bdag nyid can// chu bsil spron chags rnams la chu 'bab zer phran chags pa'i
- 295b
rdzi ldan spyan/ / bser bus na bza' g.yo ba gang dag nyi ma'i gung la bzhugs pa dang // de bzhin du rtag tu goms pa'i lam nas 'dong ba'i glang po'i khyu'i rmig rjes yod pa/ nags kyi ma he/ 'khrugs pa'i rAs grog 'khar chen po bshig pa'i shol gyi khung bu nas sbrul gyis lus phyed phyung ste/ nags kyi rlung 'gam pa yod pa/ spa tshal stug po dang / 'dam bu dang / shing ka sha stug po'i khrod na/ stag zung du gnas pa can/ phag rgod kyi snas glogs pa'i glang sgang gi rtse ba 'dzings pa ral pa ltar 'dug pa yod pa/ shing ni tsu li'i me tog brul bas rdo pa rtsa dmar bar gyur pa yod pa/ gshong gi phyogs su ri dgas kyi khyu 'dam rdzab thogs pa yod pa/ shing lo dri sngon po stug por skyes pa mang po yod pa'i gsher sa'i chu dgur dag tu mngon par dgyes shing dge ba'i phyogs ston pa rnams dang / rin po che'i 'od zer gyi chu rtsa dmar bar gyur la/ thugs bsam gtan la zhen pas dpag bsam gyi shing gi lcug ma'i rtse mes reg pa'i ri spos kyi ngad ldang gi sul na rtsol ba med par gang dag bzhugs pa dang / gang dag seng ge bsgyings pa yod pa/ ri dgas rgyu ba dang ldan pa dang / chu 'dus te 'bab pa yod pa/ g.yos pas steng gi rtse mo ldem pa'i sngangs kyis skar ma'i tshogs pa/ sa'i steng na lci ba lhun po lcug phran la la bya bzhin du bsgrim mi dgos par zhabs kyi sor mo sa'i 'og gi rmang dang bcas par 'phen pa
- 296a
dag dang / ting nge 'dzin thob pa gang dag char pa'i chus rdol ba'i bu ga du ma nas nyi ma'i 'od zer byung ba/ zla ba lta bu yod cing / rmang rdo dang rtsog ngos shag shig tu gyur pa'i mtshams su ba rgya chags la/ sbrul gsob rlung gis gang ste/ lgang nger 'dug pa'o 'phreng ba rtag tu yod cing / nags kyi ri dgas kyi lces tsha sgo rdul can rtsub po bldags pas shing rtsa sang seng du gyur pa yod la/ rmig rmad du srin bu go de'i tshogs ring nas gnas par gyur cing / sre mo mgo bstod de phyogs su lta bas byi ba skrag pa yod la/ nang du rtswa sngon po stug po skyes pa'i 'jig pa'i drung gi gseb na phye ma leb rgyu ba yod cing / 'ug pa mang po sgra 'byin cing glu len pa lta bu yod pa'i grong stong / sus kyang ting nge 'dzin ma byas pa rnams na/ ston pa'i bka' nan gyis bsgrub pa rnams dang / gzhan yang gang dag/ g.yag gi rmig pas rdo bcag yod cing sprin glings ldan gyur la// mtha' mar sa ra la dang thang shing skyes la chu bsil mi khebs 'bab yod cing / / bsam gtan zhen pa'i glos na kha ba bab pas chos gos lci zhing zag gyur kyang // gangs ri dag gi ldong na 'gro ba shing gi drung du bzhugs par dgyes pa dang nang na chu srin 'khrugs te g.yos pas nya rnams kun 'byer zhing / / skom pas nyam chung gyur pa'i sprin btud kha yis chu 'thung la// gshong du 'khyil bar sprul dbugs phyung bas dpa'
- 296b
rlabs rgyun 'chad pa'o/ / rgya mtsho la yang mtshan mo brtan pa gang dag 'chag mdzad pa// snod gyur bdag nyid thugs ldan gtsang ma'i lhung bzed phyag bsnams shing // bsod nams ldan pa sku lus na bza' chos gos rab g.yo ba/ / de dag sang gi gdugs ni gnam gyi gung du phyin pa na// gaN+DI brdungs pa'i sgra snyan skad gsang grags pa'i tshe// bstan bcos sna tshogs kyi de kho na goms pa'i chu blugs pas mi shes pa'i sems kyi dri ma bkrus pa'i khams pa'i tshogs 'dus pa/ nyi ma shin tu mang po dang nas 'dris pa'i srid pa'i spros pa bcad pa/ bde bar gshegs pa'i gsung rab rin po che'i sgrom du gyur pa/ dge ba'i chos bdud rtsi'i btung ba'i gzhi bro ye shes kyi gser ma rtogs pa/ bdar ba'i brdar rdo sngon por gyur pa/ legs par spyad pa stong gi tshogs bsags pas grags pa/ rgya che ba dang ldan pa// sbyin bdag chen po bdag nyid chen po can/ ston gyi nam thang ba lta bu'i yid dang ldan pa/ ming 'di zhes bya ba 'di'i gan du/ ma ha'i rwa ltar sngo zhing dri med mkha' las 'phur/ / gzi brjid kyis ni nyi ma'i 'od stong 'thor zhing mngon du phyogs nas 'ong ba'i sprin ni dral nas su// skye bo phan phyir thub rnams sang 'dir gshegs su gsol/ / rgyun mi 'chad par ting nge 'dzin dang / klog pa dang / 'chang ba dang / skye bo bla ma la sten par mngon du dga' ba'i blo gros dang ldan pa/ mya ngan las 'das pa'i lam gyi rjes
- 297a
su 'thun pa'i kha na ma tho ba med pa'i rig pa gsum rab tu sgrub pa/ nyon mongs pa las grol bar 'dod pa'i dge slong gang dag 'di na gnas pa/ 'dul ba'i cho ga la goms pa/ lus dang / ngag dang / yid kyi 'jug pa zhi ba dang ldan pa de dag kyang ma lus par ci bder do mod kyi mtshan mo zad par mdzod la 'di nyid du gnas par mdzod cig/ thub pa'i sras mo shes rab zhi dang dul bas brgyan pa'i dge slong ma/ / tha dad gling dang klu dang nags dang ring gnas spros pa'i bsam bral zhing // 'dod chags zhe sdang gti mug dri bral mchod 'os 'gro ba'i ma lta bu/ / de dag dgyes par mdzod la sbyin pa dag par bzhed pas sang 'dir spyon// phyag na rdo rje la sogs la gnod sbyin gtso bo dang // grub pa rnams dang gang dag lha ma yin dang klu rnams dang / / sangs rgyas la ni rab tu dad pa'i lha mchog gang yin pa// de dag rnams kyang sbyin bdag 'di la phan phyir sang spyon cig/ lha dang / klu dang / gnod sbyin dang rig sngags 'chang dang / grub pa dang / mi 'am ci dang / nam mkha' lding la sogs pa 'byung po chen po rnams dang / stobs bcu mnga' ba'i bstan pa'i yon tan sgrub pa dang ldan pa rnams kyis kyang dam pa'i chos gnas par bya ba dang / sbyin bdag chen po bdag nyid che ba 'di snod bzang po la sbyar ba dang / sbyin pa chen po 'di la grogs bgyi bas nyid kyi dge ba'i yon
- 297b
tan bskyed pa la nan tan mdzod cig/ rgyun mi 'chad par bsrung ba dang / bskyab pa la brtson par mdzod cig/ yang dul ba dang / tshul khrims dang / thos pas shin tu che ba'i 'phags pa'i dge slong gi dge 'dun 'dus pa la gsol pa 'tshal lo/ / lhun po las byung sbrul mgo lnga 'dra rdo rje ka na ka/ nya dang gdugs dang 'khor lo dag dang lcags kyu'i mtshan mnga' ba// pad+ma/ gser gyi dpal ldan phyag sor dra ba srab mos 'brel// sen mo 'od kyis khyab pa rgyal ba'i phyag gis bskyab par shog/ srid pa'i 'dod chags nyon mongs zhags pa bsal cing sred med la/ nga chu yi chu gtor lta bur yon tan rnams kyi gnas gcig po// thub pa'i sras mchog dge 'dun bdag gis gus pa spyan drangs pas// de ring dge ba gang bsags des ni byang chub thob gyur cig/ ji srid mkha' la 'od dro 'od kyis gsal ba rnam par snang byed cing // ri dgas rtags can 'od kyi rigs pa'i dkyil 'khor ldan la 'char ba dang // rgya mtsho rgyas par gnas pa de srid lha dang lha min phyag byas pa'o/ / bde bar gshegs kyi bstan pa thog pa med pa sa la gnas par shog/ gnas brtan spyan drangs pa rdzogs so// Atsur+ya dzi na mi tra dang / bin+d+he ye shes sdes bsgyur te gtan la phab pa// rgya gar skad du/ dAd sha lo tsa na sU tra/ bod skad du/ mig
- 298a
bcu gnyis pa zhes bya ba'i mdo grub par grub cig/ sangs rgyas bcom ldan 'das rgyal po'i khab kyi grong khyer 'od ma'i tshal na bzhugs/ de'i tshe glog byung / skar mda' lhung / gnam lcags bab pa dang / de nas rgyal po gzugs can snying po 'khor dang bcas pas ltas mkhan bram ze rnams bkug nas rmas pa/ ci'i rgyu ci'i rkyen gyis gnam kun 'khrugs par 'gyur/ bram ze rnams kyis gsol pa/ lhas 'di lta bu dag mig bcu gnyis zhes bgyi ba'i gtsug lag las 'byung ste/ bdag gi khrel par rngo mi thog go// de nas rgyal po gzugs can snying po bcom ldan 'das ga la ba der song ste/ zhabs la phyag 'tshal nas 'di skad ces gsol to// bcom ldan 'das sems can gyi don du thugs brtse bar dgongs te mig bcu gnyis kyi ltas kyi gtsug lag bshad du gsol/ bcom ldan 'das kyis bka' sprul pa/ rab tu byung bas ni phyi rol pa 'jig rten gyi gtsug lag 'di lta bu dag bshad pa'i cha ma yin no/ / de nas yang rgyal po gzugs can snying pos/ bcom ldan 'das la bsgyur te gsol pa/ bcom ldan 'das bdag la thugs brtse bar dgongs te/ the tshom 'dri dgrol du gsol/ de nas bcom ldan 'das kyis bshad par gnang nas/ sngon gyi gleng gzhi bka' stsal pa/ rgyal po chen po sngon 'das pa'i dus na/ gangs ri'i drung na drang srong brga zhes bya
- 298b
ba zhig gnas pa de dus gzhan zhig na stag mo gzhon nu zhig 'khyam pa mthong ba dang / 'dod chags skyes te/ drang srong gi 'khrig pa'i chos spyad pa las/ lo dus su bu bcu gnyis byung bar gyur to/ / bu btsas nas lo bdun lon pa dang / pha ma gnyis shi nas/ phrug gu rnams kyis lo bcu gnyis kyi bar du tshangs pa'i dngos grub bsgrubs nas/ bsam pa dang re ba bskang bar gsol pa dang / de nas tshangs pas snying rje bltas te/ brgya byin lha'i dbang po dang / rgyal po chen po bzhi 'khor dang bcas par 'dzam bu'i gling du lhags te/ de nas tshangs pas byis pa de rnams la smras pa/ bu khyed rnams ci 'dod/ de nas byis pa rnams kyis/ tshangs pa la smras pa/ lha bdag cag rnams ni byis pa rang bzhin shin tu blo dman pa lags te/ legs nyes ma 'tshal lags na/ nyi zla dang / gza' dang / rgyu skar gyi ltas dang / dkyil 'khor dang / gtsug lag ji lta bu lags pa bshad du gsol/ de nas brgya byin lha'i dbang pos/ tshangs pa la 'di skad ces smras so// lha'i ston pa khyod kyis byis pa rnams la dngos grub stsal ba'i rigs so// de nas tshangs pas/ byis pa rnams la smras pa byis pa nyon cog/ rgyu skar nyi shu rtsa brgyad dang / skar ma thams cad kyi dkyil 'khor dang / ltas dang / nyi zla dang / gza' dang / gnam lcags 'bab pa dang / sa g.yo zhing
- 299a
'gul ba dang / ltas kyi gtsug lag ji lta bu yin pa dag bstan par bya'o// dgun zla ra ba yar gyi ngo dang / mar gyi ngo dang / tshes brgyad dang / bcu bzhi dang bco lnga la nyi ma'i 'od mun pa 'dra ba nag por gyur na/ mi ya rabs mdzangs shing mkhas pa rnams la bgegs chen po 'byung bar 'gyur ro// rgyu skar a shI ni'i nyi ma la/ nyi ma las du ba 'dra ba byung ste/ 'khor zhing 'thul na/ lo bcu gnyis kyi bar du char mi 'bab par 'gyur ro// rgyu skar b+ha ra na'i nyi ma la/ nyi ma gser gyi mdog 'dra bar gyur na/ nyen kor gyi rgyal khams kyi yul 'jig pa dang / dbus su mu ge chen po 'byung ngo // dgun zla tha chung gi ngo// rgyu skar karti ka'i nyi ma la/ nyi ma lhag par gsal bar gyur na/ mtha'i yul khams 'jig cing / dbus su char mi 'ong ngo / / dpyid zla ra ba'i ngo// rgyu skar arta'i nyi ma la/ nyi ma 'khyims pa dang / nyi ma gnyis su snang na/ mi nad 'byung // rgyal po sde gnyis la gnod pa'i bgegs 'byung / dgun zla 'bring po'i ngo// rgyu skar puSh+pe'i nyi ma la/ nyi ma mun pa 'dra bar 'gyur zhing / nyi ma nub kar kha dog skya bor gyur na/ rgyal po chen po la bgegs 'byung / dpyid zla tha chung gi ngo // rgyu skar ba ra na'i dus la nyi zla gzas zin na/ blon pos rgyal po gsad par 'ong ngo // dbyar zla ra ba'i ngo/ rgyu skar bur ba b+ha da tra pa'i dus la nyi ma dmar por gyur na/ rgyal po dang /
- 299b
blon po dang / de'i yul 'khor du gnod pa'i bgegs chen po 'byung / dbyar zla 'bring po'i ngo/ rgyu skar a sha da'i dus la zla ba nya la gzas zin na/ yu 'khor 'khrug pa dang / mi nad dang mu ge 'byung / dbyar zla tha chung gi ngo// rgyu skar mu la'i dus la/ nyi zla gas shing ser ga byung bar snang na/ yul der gnod pa chen po 'byung / ston zla ra ba'i ngo// rgyu skar a shi na'i dus la nyi zla dus gcig tu shar na/ yul 'khor der khrag khrug chen pos khrag 'bab par 'ong ngo // ston zla 'bring po'i ngo/ rgyu skar karti ka'i dus zla ba nya la zla ba me'i kha dog 'dra bar gyur na/ yul 'khor der dgra'i dmag gis yul 'jig par 'gyur/ dgun zla ra ba'i ngo// rgyu skar ba ra na'i nyi ma la rlung dmar nag po byung la/ nyi ma mi gsal bar gyur na/ dgra'i tshogs kyis yul 'jig par 'gyur ro/ / dgun zla tha chung gi ngo// rgyu skar dur ba la rgyu na'i nyi ma la sa bab cing rlung dmar chen po byung na/ rgyal po chen po la gnod pa 'byung / dpyid zla rab 'bring po'i ngo rgyu skar su sha kha pa'i nyi ma la ser ba bab na/ yul 'khor der khrag gi gnod pa 'byung / dpyid zla tha chung gi ngo/ rgyu skar dze ta sha'i nyi ma la nam nangs kar skar ma nyi ma pas 'od bzang por gsal ba byung na/ gza' thams cad la bgegs chen po 'byung / dbyar zla ra ba'i ngo // rgyu skar a sha da'i nyi ma la sa bab cing nyi ma mi gsal na/ rgyal po stong 'khrug cing 'thab par
- 300a
'gyur/ yang dbyar zla ra ba'i ngo// rgyu skar a sha da'i nyi ma la rlung chen po byung na/ chu dkon/ kha zas dang 'bru zan ma rung bar 'gyur/ dbyar zla 'bring po'i ngo/ rgyuska sha ba na'i nyi ma la rlung drag por langs shing / nam mkha' mun par gyur na/ nye 'khor gyi yul khams gzhan du 'jigs pa chen po 'byung / dbyar zla 'bring po'i ngo// rgyu skar pur b+ha b+ha tra1 ma la ser ba bab/ gnam lcags grum na/ yul 'khor der nad dang / mu ge 'byung / dbyar zla tha chung gi ngo/ rgyu skar bad tra'i nyi ma la byang phyogs nas rlung dmar chen po langs nas/ lha khang dang mchod rten dang / khang khyim dang / shing sdong po chen po bsgyel na/ yul khams su gnod pa chen po 'byung / ston zla ra ba'i ngo/ rgyu skar ma sha na'i nyi ma la thog bab bam/ skar mda' lhung ngam/ ser ba bab na yul khams der 'thab mo chen po 'ong / dgun zla ra ba'i ngo// rgyu skar ma ga'i nyi ma la char pa bab na/ yul khams thams cad kha zas mod par 'ong / dgun zla tha chung gi ngo / rgyu skar a rda rnga'i nyi ma la gnam me'i kha dog 'dra bar gyur na/ ltas rab tu ngan te/ yul khams su mi bde ba dang / 'jigs pa chen po 'byung / dpyid zla tha chung gi ngo// rgyu skar ba ra'i nyi ma la byang phyogs nas sgra chen po byung ngam/ gnam ser por song na/ dgra thams cad kyi yul khams bshig par 'gyur ro// dpyid zla ra ba'i ngo/ rgyu skar swa ri'i nyi ma
- 300b
la char ba pa la/ rlung ma langs par 'ja' byung na/ grong khyer chen po mes tshig par 'gyur ro// dbyar zla ra ba'i ngo// rgyu skar pra sha'i nyi ma la glog dang / skar ma dang / nyal nyil gyi char bab na/ yul khams der mu ge 'byung / dbyar zla 'bring po'i ngo// rgyu skar mu la'i nyi ma la char cher bab la 'ja' byung na/ rgyal rigs rnams la gnod par 'gyur/ dbyar zla tha chung gi ngo / / rgyu skar pad tra'i ba da'i nyi ma la sa las sgra byung ngam/ rlung nag po langs na/ yul der mu ge 'byung / dbyar zla 'bring po'i ngo// phyogs mtshams dag nas sgra chen po byung nayul phyogs der khrag khrug chen po 'byung / sten zla ra ba'i ngo// rgyu skar ba ra na'i nyi ma la gnam las sgra chen po byung na/ btsun pa dang dka' thub can rnams la gnod pa 'byung ston zla ra ba'i ngo/ / dbang po nyi ma la ga nam las sgra byung na/ mi le lo can dang phyugs la gnod pa 'byung / ston zla tha chung gi ngo/ rgyu skar da ni sta'i nyi ma la gnam las rol mo'i sgra byung na rtsa dang lo tog legs par 'gyur/ char dus su 'bab/ mjug tu mi nad 'byung / dgun zla ra ba'i ngo// rgyu skar swa ta'i nyi ma la gnam las sgra chen po 'byung zhing / gnam 'khrug na yul 'khor der 'jigs pa chen po 'byung / dgun zla za chung gi / rgyu skar 'dzesh+tsa'i nyi ma la tshub ma langs shing sa g.yos na/ dge sbyong dang / bram ze rnams la bgegs dang
- 301a
gnod pa 'byung / dpyid zla ra ba'i ngo/ rgyu skar bu rab b+had tra'i nyi ma la nyin par sa g.yos ma lo gnyis kyi bar du dus su yul khams der dmag 'ong / dpyid zla 'bring po'i ngo rgyu skar pur ba sha ta'i nyi ma la sa 'gul na/ blon pos rgyal po bsad pa dang / yul khams der 'khrug pa chen po 'byung / dbyar zla 'bring po'i ngo// rgyu skar mu la dbang ba la nub mo sa g.yos na/ khams kyi dbang po rnams la gnod pa 'byung / dbyar zla tha chung gi ngo/ rgyu skar ro hi ni dbang ba la nub mo sa g.yos shing / rlung dmar byung / char mi bab na/ 'bru zan ma rung bar 'gyur zhing dmag 'ong / ston zla 'bring po'i ngo/ rgyu skar pa tra ba da'i nyi ma la nyin par sa g.yos na/ pha rol gyi dgras rgyal po de 'pham par 'gyur/ yul phyogs kyang chom rkun gyis 'jig par 'gyur/ ston zla tha chung gi ngo/ rgyu skar tri ta'i nyi ma las g.yos na/ grong khyer chen po dang / khang khyim 'jig cing mu ge 'byung / dgun zla ra ba'i ngo/ rgyu skar a shI ni dang / phal gun dbang po'i nub mo sa g.yos na/ byis pa chung ngu dang bud med sbrum ma la bgegs dang gnod pa 'byung / dgun zla 'bring po'i ngo/ rgyu skar myi ga shi ra dang / b+had da'i spa da'i nyon par sa g.yos na/ rkang 'gros la bgegs dang gnod pa 'byung / dbang po 'am/ mga'i nyi ma la gtsug lag khang sku gzugs g.yo zhing
- 301b
'gul lam/ sa 'phos na/ yul khams der myur du 'jig par 'gyur/ gtsug lag khang gi sku gzugs gdan las 'phos sam/ dngul lta bu byung ngam/ 'gyel na/ yul khams de/ rgyal po dang bcas par rgyal khams gzhan gyi dbang du 'gyur/ gtsug lag khang gi sku gzugs 'phos sam/ spyan nas mchi ma byung na/ yul khams de'i mi dpa' bo gces pa bu smad dang bcas par yul byung bar 'gyur/ gtsug lag khang gi sku gzug gdan las 'phos sam/ 'gul la/ lha khang nas dud pa 'dra ba byung na/ yul khams de'i rgyal po la gnod par 'gyur/ gtsug lag khang chen po dang / gnas kha lta bu g.yos na/ grong khyer de phyogs rgyal khams gzhan gyi gnangs su bcad pa 'am/ mes tshig par 'gyur/ zla ba'i zur la gza' phur bu byung na/ mi phyug po la rgyal po sa'i phrog cing gnod par 'gyur/ nyi ma dmar por song na khams kyi dbang po la gnod pa 'byung / gza' spen pa zla ba'i steng du byung na/ yul 'khor der 'jigs pa chen po dang bgegs 'byung / ltas 'di rnams byung ba'i dus su/ zla ba gzas zin na/ rgyal po chen po rnams la gnod pa dang bgegs 'byung / rgyal po dang po skyes pa'i rgyu skar gyi steng du zla ba byung zhing / zla ba'i steng du'ang gza' mjug rings byung na/ yul khams de'i rgyal po dang / rgyal khams te
- 302a
ba gzhan gyi rgyal po dang 'thab mo 'ong / gza' spen pa rgyu skar ro hi ni dang / tri ti ka'i dbus su shar na/ rgyal khams de'i mi thams cad la gnod pa chen po dang / bgegs byung nas mi sum cha cig lus par 'gyur/ gza' ba wa sangs dang / rgyu skar ma ga dang / phal gun zla ba'i dbus su shar na/ lo tog la gnod pa 'byung / gza' phur bu dang / pa wa sangs dang / spen pa rnams dmar por song na/ yul khams der 'jigs pa chen po 'byung / gza' mjug rings rgyu skar pu Sh+pe'i steng du shar na/ ring por mi thogs par phyogs bzhi nas dmag chen po 'byung / gza' phur bu dang mig dmar rgyu skar shra ba Na'i steng du shar na/ lo gsum gyi bar du yul khams der 'jigs pa chen po dang gnod pa 'byung / gza' phu bu dang spen pa rgyu skar 'i su sha ka'i steng du shar na/ mi mang po 'thab mo la 'chi bar 'gyur ro// lha khang dang / khang pa chen po'i steng du/ bya rog byed cing 'phyang mo nyug na yul khams der 'thab mo chen po 'byung / bud med la mi ma yin pa'i bu byung ngam/ yang na phyugs la mo'i bu byung na/ yul khams de'i bud med la bgegs dang gnod pa chen po 'byung / ma'i mangs na bu yod pa dgod dam/ smra 'am/ dun yul khams de 'jog par 'gyur/ bud med kyi mngal nas bu rkang gcig pa 'am/ rkang gsum pa 'am/ rkang bzhi pa 'byung na/
- 302b
yul de'i rgyal po chen po la gnod pa chen po 'byung / bud med kyi lto nas bu ma ning mtshan gnyis pa byung na/ yul khams de'i rgyal po 'chi bar 'gyur/ bud med las byol song gi bu dang bu mgo mang po can byung na/ yul khams de 'jig par gyur/ bud med las bu mgo gcig la gdong gnyis/ mig gsum pa byung na/ yul khams de myur du 'jig par 'gyur bud med las bu grul bum mgo bzhi pa byung na/ yul 'khor der 'jigs pa chen po 'byung / bud med las bu phag gi gdong can byung na/ phyogs bzhi nas yul khams de 'jig par 'gyur/ bud med las bu nyi ma'i 'od bzhin 'bar bar byung na/ nang 'khrug gis yul khams de 'jig par 'gyur/ byis pa mtshe ma bu na gnas pa chen po bzhin tshig smra na/ yul 'khor de 'jig par 'gyur/ ma nyid kyis ma tshor bar mngal nas bu byung na/ 'dra gdon bgegs nad kyis yul khams de 'jig cing / 'jigs pa chen po 'byung / bud med las skye nub pa dang / so skyes pa byung na/ yul khams dgon par 'gyur te/ mi thams cad kyang phyogs gzhan du 'gro bar 'gyur/ bud med las bu mgo med pa lag pa gcig pa byung na/ yul khams der gnod pa chen po 'byung / yul khams su me tog dang / shing thog 'bras bu las khu ba 'dzag na/ rgyal po'i rgyal tshab la bgegs dang gnod pa 'byung /
- 303a
dus ma yin par bza' shing las me tog dang 'bras pa skyen/ rgyal po dang yul mir bcas pas yul bor bar 'gyur/ bza' shing gi 'bras bu stug par mdog bzang por gyur tam/ yang na khrag 'dra ba 'dzag na/ yul khams der 'jigs pa chen po dang / nad dang mu ge 'byung // skye shing gi grib ma mi 'khor bar phyogs gcig tu 'dug na dgra'i dmag byin chen pos yul phyogs de bcom par 'gyur/ skye shing 'gro ba ltar snang na/ yul khams der 'jigs pa chen po 'byung // skyed shing lhag par brjid cing gsal bar snang na yul khams de'i rgyal po che thung bar 'gyur/ 'jig rten pa'i lha mchod pa'i tshe/ lha smra 'am/ 'dzum na/ rgyal po la bgegs dang gnod pa 'byung / me tog gi char 'bab bam/ rlung dmar langs shing / gnam las srin bu bab na/ yul khams der chom rkun gyis 'jig par 'gyur/ 'jig rten pa'i lha khang du me ma bus par du ba byung zhing / lha khang yang mtshan dang cho 'phrul ston na/ / rgyal po la bgegs dang gnod pa 'byung / 'jig rten pa'i lha khang du me mar ma bus par me mar 'dra bar snang na/ rgyal po'i gnang chen po bgegs dang gnod pa 'byung / rgyal po btsun mo'i 'khor du song ste/ 'dod chags mi ldang na/ rgyal po'i pho brang mes tshig cing / rgyal po la mi dge ba sna tshogs 'byung / char pa dang pa rab 'bab la/ gnam la kha dog gas pa
- 303b
ba dag byung na/ yul khams der 'jigs pa chen po 'byung / grong khyer tshub mas bskor cing 'gro ba dang / rlung dmar langs shing char pa khrag 'dra ba bab na/ yul khams der 'jigs pa chen po 'byung / glog 'byung zhing char pa 'bab la/ smon 'khor ling 'khor ling du chad de/ sprin ling du chad pa'i bar bar na dri za'i grong khyer 'dra ba snang na/ yul khams der 'jigs pa chen po 'byung / zla ba dmar po 'gyur na/ yul khams der grong khyer mes tshig pa dang / rim gyis mi nges par 'gyur/ zla ba'i mtha' dmar la dbus nag por song na/ gul khams de 'jigs pa chen por 'gyur/ zla ba'i kha dog btsag 'dra bar dmar por snang la/ slar yang 'phral du dkar po'i rang bzhin du gyur na/ rlung mi ldang bar drag por 'bab/ ro skam lta bur chu mig byung na/ lo teg legs par 'gyur/ me ma bus par yul khams der du ba byung na/ yul 'khor der 'jigs pa chen po 'byung / mda' gzhu skyes kor la me 'am/ dud pa byung na/ yul khams der dgra'i 'jigs pa 'byung ngo // de skad bcom ldan 'das kyis bka' stsal pa dang / rgyal po gzugs can snying po 'khor dang bcas pa bcom ldan 'das kyis gsungs pa la yi rengs te mngon par bstod do/ / mig bcu gnyis pa zhes bya ba'i mdo rdzogs so// // thub pa chen po drang srong gargas/
- 304a
ltas kyi rnam pa bstan pa zhes bya ba'i gtsug lag/ thams cad mkhyen pa la phyag 'tshal lo// gza' skar rig pa'i pha rol phyin// thub pa'i tshogs mchog garga la/ b+ha gu ri sa ni phyag 'tshal te// thal mo sbyar nas yongs zhus pa// lha yi mig ldan dka' thub che// skal ldan rgya mtsho che lta bu// shes rab mchog gis rab rtogs pa'i// rig pa de ni thos par 'tshal/ / yul gyi dngos dang dngos med dang // lus can rnams kyi bde sdug dang // bstan dang 'bras bu grub pa dang // mi rnams kyi ni 'pham rgyal dang // sprin gyi kha dog gzugs rnams dang / / de bzhin nyi ma zla ba dang // lha yul bar snang sa bla yi// ltas su byung ba'i mtshan ma dang // 'phral gyi char pa'i mtshan ma dang // dus mtshams chags dang dge mi dge/ nyi zla dag gi nye 'khor nas// skar mda' lhung dang gnam grum dang // dri za yi ni grong khyer dang // sa g.yo ba yi 'bras bu dang // nyi ma'i gzugs ni 'khyims pa dang / / de bzhin zla ba 'khyims brjod pa// de dag thams cad ma lus par// dka' thub grub pas gsungs par 'os// de skad dris nas gzi chen po// garga yis ni chog smras pa/ / ba gu ris ni gang dris pa// de nyid nyon cig skal ba can// mar me lta bu gtsug lag 'di// dgos pa thams cad rig byed pa// grags dang gsal dang rnams
- 304b
gsal dang / bde sdug nges par rtog byed pa// bram ze gtso dang rgyal po la// drang srong mchog gis bstan par bya// nyi ma dang zla ba'i ltas la/ legs ldan gang gi tshe/ nyi ma ut+pal sngon po lta bu'i 'od can reg pa na gzi byin du rno ba can/ zla ba ltar bsil ba can/ nam mkha'i dkyil du song la/ snang ba de'i tshe ni/ rgyal po 'chi bar 'gyur ro// gang gi tshe nyi ma 'char ba dang nub pa kho na'i tshe/ 'khor lo bzhin du 'khor bar gyur pa de'i tshe ni/ gdon mi za bar rgyal po 'chi bar 'ong la/ pha rol gyi dmag tshogs rnams kyang 'ong zhing / yul rnams kyang 'khrug par yang 'gyur te/ de'i tshe yul ni dgon pa bzhin du ri dgas kyis gang bar yang 'gyur ro// gang nyi ma gzas zin pa yang med par 'gyur ba de ni/ de'i tshe rgyal po dag gi phyir nang pa rtag tu 'chi bar 'gyur ro/ / yang gang gi nyi ma gzas ma yin par nam mkha' la phyed du snang ngam/ nyi ma nyid nam mkha' la g.yo bar gyur tam/ kha dog ngan pa 'am/ skya bor gyur na/ de'i tshe rgyal po'ang 'chi zhing skye bo 'chi ba'i lo nyes dang / chom rkun rnams kyi mthur gyur pa 'am/ yang na dbang pos char mi phebs par 'gyur ro// yang dus mtshams ma yin par nyi ma dang zla ba gzas zin par gyur na/ de'i tshe mi dag mtshon gyis 'debs/ de bzhin du nang dang / 'thab pa dag gis 'chi bar yang 'gyur/ rgyal po'ang 'dra
- 305a
zhing mu ge dang / mi nyes dag gi yang mi tshegs chen por 'gyur ro// mi rnams kyang nye du phu nu dag dang mi mthun zhing 'thab par 'gyur ro// ma'i bu rnams mngal du'ang 'chi bar 'gyur ro/ / yang nyi ma'i 'od zer dang bral zhing me long lta bur snang na de'ang nges par rgyal po 'jig par rig par bya'o// yang na nyi ma nam mkha' la khrag gi 'od lta bur snang na/ de'i tshe rgyal po rnams dang / de la rten pa rnams dang / yul rnams dang / de bzhin dbang po rnams phan tshun du gsod par 'gyur/ de'i tshe skye bo thams cad chos dang mi mthun/ par phyin ci log par spyod pa'i ltas yin no// gang gi tshe nyi ma 'char ba nu/ gzhu ltar rab tu dgu par snang zhing sprin mar dag gis khebs na/ de'i tshe pha rol gyi dmag tshogs dag 'ong bar 'gyur ro/ / gang gi tshe nyi ma 'char ba na/ nyi brnyan dag snang ba de'i tshe na/ 'jigs pa chen po 'ong bar ston to// gang gi tshe nyi ma 'char ba dang nub pa kho na'i tshe/ nyi ma mgo bcad pa lta bu'i sprin gyis khebs pa de'i tshe na/ yul du 'jigs pa chen po 'byung bar rig par bya'o// yang nyi ma 'char ba nub pa kho na'i tshe/ nyi ma 'khyims pa dang / skar mda' lhung ba dang sa g.yo bar gyur pa de'i tshe na/ rgyal po gsod par 'gyur ro// yang gal te nyi ma'i gzugs bu gu can dang / bum bu dang / khrag lta bu'i mdog dang / nyi ma phyed du gas par snang na/
- 305b
mo'i bdag po mtha' dag 'chi ba dang / nad dang mu ge dang ldan pas skyongs pa'i dus su 'gyur ro// gang gi tshe nyi ma dang zla ba dag 'khyims shing dkyil 'khor tha dad du chang la rtsub pa de'i tshe the tsom med par dmag 'byung bar 'gyur ro/ / gang du nyi ma dang zla ba dag 'khyims pa dang / dkyil 'khor mtha' dag ma yin pa dang / rtsub cing rnam par zhig pa dang / nyams par gyur pa de'i tshe/ char pa med par 'gyur zhing / mu ge dang mi ngas dag 'byung bar rig par bya'o// gang du nyi ma dag zla ba dang rma bya'i mgrin pa lta bur 'khyims par 'gyur ba de'i tshe ni nges par mu ge 'byung bar ston/ gang gi nyi ma sprin gyi kha dog lta bu dang / 'ja' 'dra ba dkyil 'khor chung bar gyur pa de'i tshe na/ 'phral 'phral du char pa 'bab par 'gyur ro// gang gi tshe nyi ma dang zla ba gza' rnam gsum 'gal bar gyur pa ni/ zhag gsum tshun chad char pa 'bab pa dang / zla ba gsum tshun chad kyis 'jigs pa chen po mdun du 'byung bar rig par bya'o/ / gang gi tshe zla ba'i zur na zla brnyan dag snang bar gyur na/ yang zhag gsum tshun chad char 'bab pa dang / zla ba gcig nas 'jigs pa chen po 'ong bar ston to// gang gi tshe zla ba 'khyims shing nang du nub par rab tu snang la/ gza' rnams kyis kyang zil gyis gnon par gyur cing / de bzhin du snang ba chung bar gyur pa de'i tshe ni/ dmag dpon
- 306a
rnams 'chi bar 'gyur la/ de bzhin du yul yang lo nyes dang / mu ge dang / mi nga dag kyang 'byung // rgyal po'ang 'chi bar 'gyur ba dang / chom rkun pa dag kyang rgyags par 'gyur ba'i ltas su bstan to/ / yang zla ba'i gzugs 'khyims pa na/ gza' rnams phan tshun du 'chor zhing zhum par yang gyur pa der ni/ lus can rnams shin dman par gyur par bstan to/ / gang gi tshe zla ba khrag gi mdog lta bu'i kha dog tu gyur pa de'i tshe ni/ dmag khrag gi 'dam rdzab can 'byung bar 'gyur ro// nyi ma'i ltas kyi le'u ste dang po'o/ / / gza' skar gyi ltas la/ drang srong chen po garga la/ legs ldan phyogs kyi skyong ba dag ji ltar gnas pa dang / gza' dang / rgyu skar dag gi tshe chung dang / ji ltar rgyu ba dang / skar ma dag gang nas 'byung zhing / ji ltar ltung ba dang / rnam par rgyu ba dag skyes bu dam pa tshangs pa lta bu'i gzi brjid can gyi bdag la bstan du gsol zhes nyon mongs can ma yin pa'o slob ma b+ha gu ris kun tu dris pa dang / rig pa'i gnas thams cad kyi pha rol tu phyin pa bshad pa/ phyogs skyong dag ni bzhi ste/ rang gi phyogs la yang dag par rten pa dag go/ / gza' dang / rgyu skar thams cad kyi steng na sme bdun dag gnas shing / de dag gi 'og na ni spen pa dag gnas so// nyi ma'i dkyil 'khor ni dpag tshad
- 306b
brgyad stong du brjod do/ / zla ba ni bcu drug tu brjod do// sgra gcan 'dzin ni nyis 'gyur ro// skar ma gro bzhin dang / rgyal dang / mgo dang / byi bzhin dang / nag pa dang / sa ri dang sa ga dang / lag dang / snron dang / snrubs dang / nab so dag ste/ rgyu skar bcu gnyis po dag gi dkyil 'khor ni dpag tshad gnyis gnyis so// de bzhin du skar ma phra mo gzhan dag gi tshad du rgyang grags tsam mo/ / de dag gi grangs ni dung phyur phrag gnyis dang / bye ba phrag brgyad dang / sa ya phrag lngar bshad de/ rgyu skar gyi dkyil 'khor la gnas pa yin no/ / rgyu skar me bzhi dang / nag pa dang / sa ri dang / lag dang / de bzhin du mgo dang / nab so dang dbo rnams ni rlung gi dkyil 'khor yin te/ de dag dbang ba'i dus su gal ta sa g.yo ba dang / ser ba 'bab pa dang / sgra gcan 'dzin mthong bar 'gyur ba dang / skar mda' dang / ser ba mi bzad pa 'bab par 'gyur na/ de'i tshe ni rdul gyi char mi bzad par byung ba dang / de'i tshe rlung dmar ma rungs pa ldang zhing / khang bzangs dang / rta babs dang / ba gam dang / skyed shing dang / khang pa rnams 'gyel bar byed/ mtsho chen po dang / 'bab chu dang / rdzing dang / khron pa rnams kyi chu'ang skems par byed pa ste/ de ltar sngon gyi rigs pas rlung las gyur pa'i bye brag tu brjod pa yin no// gal te de dag nye bar zhi ba'i rgyu
- 307a
zhag bdun tshun chad char ma bab par gyur na/ rlung 'khrug pa las byung ba'i gnod pa gzhan dag kyang 'byung bar 'gyur te/ yul ma run dang / yul ba lI ka dang / yul ka tsa dang / yul kam po dza dang / yul bar bar dang / yul spos 'dzin dang bcas pa dag tu'ang 'khrug cing phan tshun mi mthun pa dang / de bzhin du nad dag gis zin pa'i sgra mi snyan pa dang lus 'phags dag kyang nyen par 'gyur/ mtshon gyis thebs pa dag kyang 'byung / rgyal po rnams la'ang dmag 'dren par 'gyur zhing / de bzhin du ma'i mngal du yang 'gags pa dang sa'ang 'bras bu mi skye ba dang / shing thog dang / me tog dang / 'bras bu'i shing dag kyang ngan zhing nyung ba dang / dbang pos kyang char pa chen po mi 'bebs pa dang / phyogs thams cad kyi sa'i mdangs kyang mdog nag tu 'gyur zhing mi gsal ba dang / rtsub par snang ba dang / ba glang dang / ra lug dang / bya dang / ri dgas kyang 'jigs pa med par yang skrag cing 'drog pa dang / phyogs bslad cing phan tshun 'thab par 'gyur ro// yang rgyu skar sa ga dang / smin drug dang / rgyal dang / khrums stod dang / b+ha gi lha gang yin pa 'di dang chu dang / gshin rje'i lha gang yin pa 'di dag dbang po'i dus su sa g.yos pa dang / gnam grum pa byung bar gyur na/ me'i phyogs kyi dkyil 'khor la bab pa'i shugs kyi gnod pa
- 307b
'byung bar rig par bya ste/ mkhris pa'i rigs las gyur pa'i gnod pas skye dgu shin tu gzor ba dang / bud med rnams la khrag nang byung ba dang / ba dang ma he zho bskams pa dang / bsod nams bya bar brtsams shing / bsams pa thams cad kyang grub par mi 'gyur la/ sems can rnams la yams kyi nang 'byung ba dang / de bzhin du nad dang / rgyal po las kyang gyur pa 'byung ba dang / skye dgu rnams kyang phan tshun dga' bar byed na/ mi mthun par yang 'gyur zhing / nyin mtshan du phyogs rnams su gnas med zhi bar yang mi 'gyur/ sprin yang char pa 'bebs par mi 'gyur/ de bzhin du 'dod 'jo dag kyang 'o ma med par 'gyur ba dang / shing ljon pa'i rigs dang / lcug ma dag kyang me tog dang / 'bras bu nyung ba dang chu'i gnas khron pa dang / rdzing dang / steng ka la sogs pa'ang bskams par 'gyur zhing / mu ge dang nad kyis nyen par 'byung ba dang / yul 'khrugs par yang 'gyur/ chom rkun gyi 'jig rten rnams kyi mthu dang / ri dgas rnams kyang 'dren par 'gyur/ sha sbrang dang / sbrang bu mchu rings rnams dang / de bzhin du rigs ngan gyi rigs dag kyang 'phel bar 'gyur te/ / de ltar me'i phyogs kyi dkyil 'khor du chos lugs de rnams 'byung ba shes par bya'o// khrums smad dang / chu lha dang / de bzhin du nam gru dang / bden
- 308a
bral gyi lha dang / skag dang / de bzhin du lag ni chu'i dkyil 'khor yin te/ de ni bstan bcos rigs pa rnams kyis brjod pa yin no// gal te 'dir sa g.yo ba dang gnam grum pa 'byung ba dang / nyi ma dang zla ba'ang nye ba'i chags pa ldan pa dang / mjug rings dang / de bzhin du ltas su 'byung ba gzhan mthong bar gyur na/ chu lha'i de ni skye dgu rnams la dge ba'i rgyu yin par rnam par shes par bya ste/ der lo legs pa dang / pa 'o ma mang ba nyid du'ang shes par bya'o// bud med dag kyang dus tshang nas tshor ba med par bde bar btsas par 'gyur ro/ / sa bon ji snyed ltar btab pa bzhin du grub nas/ sa'ang lo tog gi 'phreng ba can du 'gyur zhing / rgyal po rigs pa'i lam gyi rjes su 'brang ba dag kyang mi dge ba med par 'gyur ro/ / bram ze la sogs pa'i rigs bzhi po'ang rang gi las rnams la gnas par 'gyur/ skyes kyi 'tsho ba thams cad kyis kyang rnyed par 'gyur zhing / sal skye ba rnams kyang 'bras bu dang / me tog dang / 'dab ma dang ldan zhing 'phel bar 'gyur ba dang / bde ba dang / lo legs pa dang / nad med pa dang / skye dgu rnams la dge bar yang 'gyur ro/ / mon gru dang / snar ma dang / snron dang / de bzhin lha mtshams dang / byi bzhin dang / gro bzhin du gzhan yang chu smad ni dbang po chen po'i phyogs kyi dkyil
- 308b
'khor du rig par bya ste/ thams cad la shin tu phan pa'i rgyu yin zhing / skye dgu rnams la bde ba dang / nad med pa dang / rgyal po rnams la dge ba rab tu sbyin par byed pa yin no// gal te 'dor sa g.yo ba dang / de bzhin du gnam grum la sogs pa byung ba dang / nyi ma dang zla ba nye ba'i chags pa can du gyur pa dang / mjug rings mthong bar gyur pa/ gzhan yang glo bur du byung ba'i lhas su 'byung ba gzhan ji ltar 'byung ba yang / der ni bstan bcos rig pa'i thub pa rnams kyis mi dge ba med par bstan te/ lo tog dag shin tu phun sum tshogs pa dang / lo legs pa dang / chom rkun med pa bram ze rnams kyi sbyin sreg dang / mchod sbyin gyi bya ba thams cad grub par 'gyur zhing / rigs pa dang byed pa'i rgyal po thams cad kyang sa srung bar 'gyur ba dang / rigs kyang rang gi chos la gsol zhing / sems chos la mngon par dga' ba dang / dus ji lta ba bzhin du char chu 'bab pa dang / shing rnams kyang me tog dang / 'bras bu smin par byed pa dang / skye bo mtha' dag rab tu dga' ba dang / lhags pa rnams phan tshun dga' bar 'gyur zhing / sprin rnams don med pa ma yin te/ sa gzhi char pa legs par 'bab par 'gyur ba dang / mi rnams kyi bya ba ji ltar brtsams pa rnams kyang phal cher grub par 'gyur zhing / lus can rnams
- 309a
la'ang gnod pa byed pa rnams dang / grog sbur rnams dang / sbrul dang / byi ba la sogs pa dang / de bzhin du yams kyi nang rnams dang / ba la sogs pa rnams kyang yang dag par 'jig par 'gyur ro/ / rnam pa gzhan du na dbang po chen po'i dkyil 'khor dbang bar gyur na/ chu dang / me dang / rlung las gyur pa bad kan dang / mkhris pa las gyur pa'i nad rnams dang / de bzhin du rlung las gyur pa rnams 'byung ste/ de dag ni gzhan du ma yin no zhes bstan to// gza' rnams kyi le'u ste gnyis pa'o// / skar mda'i ltas la/ skar mda' 'di dag ni/ de dag gi mtshan ma bstan pa ste/ 'jig rten dag la rtags ston par byed pa'o// de la gang gi tshe dbang po rnams dang chu lha dang / rlung dang / me'i phyogs kyi gzhan dag ni/ kha dog sna tshogs shing gzugs 'jigs pa dang / me stag dang bcas shing / 'od dang bcas pa dang / sol ba 'bar ba ltar snang ste/ nam mkha'i ngos las char du 'byung bar 'gyur ro// gshin rje'i phyogs kyi skar mda' gnag pa dang / dmar po reng ring po dang / rtsub pa dang ni 'jigs par byed pa stemi'i rgyal po rnams dang / yul rnams la 'jigs pa chen po 'byung bar brjod pa yin no// de bzhin du bar snang la 'dug pa dang / ri dang rgya mtsho la 'dug pa'ang yin no//
- 309b
gang du lha yul dang sa steng du lhung zhing / bzlog phyogs su 'gro bar 'gyur na/ yul der zhi bar ma yin par 'gyur ro// rgyu phyogs su ni rtag tu zhi bar 'gyur ro// de bzhin du de dag na 'jig rten thams cad du rgyu ba dang / gzugs 'dod pa 'dzin pa dag yin no// gnod par gyur pa'i yul dag tu dmag 'gyed du 'jug par yang byed par 'gyur ro// de'i 'og tu rang bzhin gyi dmag kho nas 'jig rten rnams 'chi bar byed par 'gyur ro/ / de dag ltung ba dag rjes su mtshan nyid yang dag par rab tu brjod par bya ste/ dkar po 'gro zhing me stag dang bcas pa ni bram ze rnams la 'jigs pa 'dren pa yin no/ / de bzhin du dmar po rnams ni rgyal rigs rnams la'o// ser po ni rje'u rigs rnams la'o// nag po dang sngo bsangs ni dmang rigs la ste/ shin tu 'jigs pa 'byung bar brjod do// de bzhin du skar mda' sngo bsangs dang / rtsub po dang / 'grum pa dang / dkar po dang / kha dog rnam pa sna tshogs dang / me stag dang bcas pa dang / du ba 'thul ba gang du lhung ba der ni rgyal po la gnod par 'gyur ro// gang du la lar phag dang / spre'u dang / wa ltar bcos pa dang / ri dgas dang bong bu'i gzugs lta bu'i 'od can gyi skar mda' lhung ba der ni/ rgyal po dang yul 'khor du bcas te 'tsho bar 'gyur ba the tsom med do// gang rgyu skar dang phrad nas/ gang gi mdun
- 310a
du grum zhing / skar mda' rdugs pa der ni/ de nyid du 'bras bur 'gyur bar rnam par bshad par bya'o// gza' dang rgyu skar gang gis pa glang gi lam dang / babs dang / rgyal mtshan khyim du lhung ba de la ni 'jigs pa chen po 'byung bar brjod pa yin no// gang du skar mda' nyi ma mngon du phyogs te lhung ba'i shin tu 'jigs par byed par 'gyur/ ro/ rnga pa wa sangs la reg par byed pa de ni/ der rgyal po la 'jigs par 'byung bar 'gyur ro// gang du zla ba'i dkyil 'khor la reg pa med lce'i 'od dang mnyam par skar mda' lhung ba der ni rgyal tshab gsod par 'gyur ro/ / gal te skar mda' lha'i bla ma phur bu la gdung bar byed der ni/ mdun na 'don gsod par 'gyur zhing / bram ze'i bdag nyid la'ang gnod par 'gyur ro/ / gang gi tshe skar mda' gza' lhag la gdung bar byed pa dang / lha lta bu 'byung ba der ni gzhon nu 'chi bar 'gyur zhing / de'i tshe rgyal po la'ang gnod par 'gyur ro// gang du skar mda' lhung zhing / gza' mig dmar gnod par byed pa der ni/ dmag dpon gsod par 'gyur zhing / mtshon dang me'i 'jigs pa'ang 'byung bar 'gyur ro// gal te skar mda' 'bar ba nyi ma'i bu spen pa la gnod pa der ni sna bo'i gtso bo dang / tshogs kyi spyan dga' 'chi bar 'gyur ro// gang gis skye ba'i rgyu skar la skar mda' rdugs la gal te zhi bar
- 310b
'gyur bar mi byed na/ pho de 'chi bar 'gyur ro// tri shang kun dang / b+hI ri shi dang / sa ga dang / sa ri dang / skar ma khyi khring dang / smal po dang / ri bya dang / de bzhin du bram m+ba na d+hi da ya dang u run dang / shi shu mar dang / spre'u mdun dang / de bzhin du gung tshogs kyis khebs shing / skar mda' lhung ba der ni/ shin tu 'jigs pa chen po 'byung bar 'gyur zhing / dmag mang pos 'khrug pa dang / mtshon gyi 'tsho ba'ang rab tu zad par byed par 'gyur ro// de'i tshe yul 'jigs par byed pa'i chom rkun la sogs pa'ang 'byung bar 'gyur ro// gang du skar mda' rab tu 'bar ba sa la thur du thad ka 'jug pa de'i tshe na/ dgra dag gis rgyal po gsod par 'gyur zhing yul 'jig par yang 'gyur ro// skar mda' rta'i dbyibs lta bu ni rgyal po'i dmag la gnod par 'gyur ro/ / ral gri dang rtse gsum kha gdeng gi dbyibs lta bu ni/ yul dang rgyal por bcas pa la gnod par 'gyur ro// skar mda' chen po gdugs dang / rgyal mtshan dang / shing rta'i rnam pa dag tu sa la lhung ba ni zhag bdun gyi dmag dang / rgyal por bcas pa la gnod par 'gyur ro// gang gi tshes la skar mda'i char pa dang / rdo'i char pa chen po bab pa de'i tshe na/ dmag stong gi khrag sas 'thung bar 'gyur ro// gang gi tshe skar mda' me'i kha dog lta bu gnam grum pa dang bcas te sa'i steng du ltung ba de'i tshe ni/ dmag maM stong gi
- 311a
khrag sas 'thung bar 'gyur ro/ / gang du glang po che dang / rta dang / shing rta'i gzugs lta bu'i 'od dang / ri lta bu'i rnam pa dag thur du ltung ba ni/ yul dang rgyal po dang bcas pa la gnod par 'gyur ro/ / gang gi tshe skar mda' dus tshogs snga ma dang kun tu phrad pa du ba lta bu sa la thur du lhung ba de'i tshe ni/ rgyal po gsod par 'gyur ro// dus tshogs kyi phyi ma rten pa'i skar mda' dang / me lta bu lhung ba'i tshe ni/ mchod sbyin byed pa rnams 'chi zhing / de bzhin du mchod sbyin gyi las rnams 'jig par 'gyur ro// gang gi tshe skar mnga'i sgra chen pos rab tu rgyug cing yul yul dang / grong grong du lhung ba de'i tshe na/ rtag tu rgyal po 'chi bar 'gyur ro// shar gyi phyogs char kun tu 'byung zhing nyi ma'i lam la rten te/ nub tu kha ltas shing song nas/ yul ma ga d+har phyin te/ grub pa ni lo tog rnams smin na'ang lo nyes pa dang / de bzhin du mi nges par yang 'gyur zhing / 'jig rten rnams la rang gi mi mthun pa las gyur pa'i dmag kyang 'byung bar bshad do/ / rgyal po rnams dang / khyim khol 'byor pa'i mi rnams kyang 'chi bar 'gyur te/ 'jig rten la gnod par byed pa nyes pa rnam pa mang po de lta bu dag 'byung bar 'gyur ro// gang me tog kun da dang / zla ba dang / dngul gyi 'od lta bu'i skar mda' ltung ba dang / rgyal po rnams rgyal ba dang / lo legs pa dang / bde bar byed pa/ smra bar byed do// skar mda'
- 311b
chen po kha dog rab tu 'bar ba shin tu snum pa dngul dang shel gyi 'od 'dra ba ni char pa 'bab par smra bar 'gyur te/ 'di la the tsom med do// gang du skar mnga' chen po du ba dang bcas gzugs 'dzin par byed pa me stag dang bcas pa sol ba'i mdog lta bu byung ba de'i tshe ni/ rgyal po la 'jigs pa chen po 'byung bar 'gyur ro// du ba'i mdog lta bu dang / che ba dang skar ma ltar dag pa dang / g.yas g.yon du so sor 'gro bar 'gyur ba dang / bai DUR+Ya'i mdog lta bu dang / shel gyi 'od lta bu dang / gser gyi mdog lta bu dang / dngul lta bu dang / zla ba'i 'od zer lta dkar ba dang / zho'i 'od dang 'dra ba'i skar mda' de ni/ lo legs par 'gyur ro// rgyal po rgyal bar thub pa snga ma rnams kyis rab tu bstan to// bai DUR+Ya'i mdog lta bur bstan pa ni/ char ba 'bab par brjod do/ / shel lta bur gyur na ni/ lo legs par 'gyur ro// gser gyi 'od lta bur gyur na ni/ mes 'khrug par 'gyur ro// dmar por gyur na ni/ dmag 'byung bar brjod de/ 'di skad du gang bstan pa ni/ zla ba gnyis ma lus pas de'i rnam par smin pa 'gyur bar brjod do// skar mnga'i ltas te le'u gsum pa'o// / sprin dang / glog dang / 'ja' 'od kyi ltas la/ gang gi tshe sprin gyi gzugs g.yung drung 'khyil pa lta bu dang / gzugs dang / lding khang dang / shing rta brtsegs pa bkra shis pa dang ldan pa'i dbyibs dang
- 312a
ri lta bu dag ni skye dgu bde bar byed pa'o/ / de bzhin du dbang po'i mtshon cha'i rnam pa lta bu dag dang / dbyig pa lta bu dag ni bde bar yang mi byed la/ mu ge yang dge bstan pa byed do/ / gang gi tshe dbyar gyi dus su sprin mdung thung dang / gsal shing dang / dpa' rlabs lta bu dag dang / rgyal mtshan dang / pa dran lta bu dag dang / mtshon cha sna tshogs lta bur snang ba de'i tshe ni/ dmag khrag gi 'dam rdzab can mi bzad pa 'byung la/ lo tog dag kyang chud zos par 'gyur zhing / chom rkun dag kyang 'phel bar 'gyur ro// sprin tha dad du chad pa dang shing skam lta bu dang / gtun shing lta bu dang / mgo thod lta bu'i dbyibs gang yin pa de dag ni/ mod la 'jigs pa'i dmag 'ong bar 'gyur ro// yang sprin bya sna tshogs lta bu dang rnga mo la/ bong bu lta bu'i sprin gyi tshogs dag nyi ma shar ba dang / nub pa kho na'i tshe/ nyi ma'i zur nas 'gro bar gyur na/ de ni skye bo zad par 'gyur ba'i nad dang / mtshon cha la sogs pa 'byung bar rig par bya'o/ / yang sprin gyi gzugs 'gogs pa can lta bur gyur cing / rdul gyi tshogs 'dren par byed pa'i rlung drag po dang bcas par byung ba ni/ rgyal po dang skye bo phal dag 'chi ba dang / yul 'khor dang / dgon pa na gnas pa dag la gnod par bsten to// nam mkha' la sprin med par 'brug zer ba dang / 'brug zer la char pa med pa'i
- 312b
sprin ni gnod pa 'byung ba'i sprin yin no/ / 'od glog dang / 'ja' rlung gi ltas la/ gang gi tshe nyi ma'i drung lho phyogs ngos nas glog 'byung bar 'gyur la/ de'i dus su rgyal po'i pho brang dang rta babs dang / glang po che dang / rta'i bres kyi khang pa steng dang / rgyal po'i lam dang / khri lam gyi bzhi mdo dang / grong khyer gyi sgo dang / shing chen po rnams la thog dang ser ba 'bab pa 'am skar mda' dag kyang lhung bar gyur na/ der lo gcig tshun chad du 'jig rten kun tu zad par 'gyur bar rig par bya zhing / yul der rgyal po gzhan 'ong bar yang the tsom med do// nyi ma la 'byung ba'i glog de nyid rgyal po'i rta babs dang pho brang gi sgor bab na/ rgyal po dang de la sten pa dag kyang 'chi bar 'gyur/ rta bras dang glang po che'i bris su bab na/ de'i srungs ma nges par 'jig par 'gyur/ ra bar bab na/ dmag mo'i gtso bo dag 'chi bar 'gyur ro// gang gi tshe me'i phyogs nas glog 'od me lta bu 'byung ba ni/ nad rnams kyang 'khrug pa dang rlung drag po gnod pa 'byung ba'i ltas yin no/ / bden bral gyi phyogs nas glog 'byung bar byed pa de'i tshe ni/ rlung dal ba 'byung bar byed cing / nad kyis 'jig rten zad par yang 'gyur ro// / gang gi tshe nam mkha' sprin med par phyogs dag tu rtag par glog 'byung bar 'gyur ba der ni/ rgyal po 'chi ba dang / yul 'khor du bcas pa 'jig par byed pa'o// gang gi tshe glog mu
- 313a
tig gi 'bras bu lta bur madz+re shing snum pa'i 'od can sprin gyi dbus na 'dug pa ni/ bde ba dang lo legs par 'gyur ba bstan to// 'ja' ltas la gang gi tshe/ gzhan dag gis grong khyer bskor ba na/ 'ja' 'byung bar gyur na/ grong de nyid 'jigs pa chen po nye bar gnas par rig par bya'o// yang gang dag tu dmag gis grong khyer bskor ba na nyi ma'i dkyil 'khor 'jas khebs par gyur na/ de las ser ba 'jigs pa 'byung ba dang / dmigs tshogs de las kyang gtso bo 'chi bar gyur pa ston to// gang gi tshe dmag gi g.yul shom zhing go cha gyon pa na/ 'ja' nyi ma'i dkyil 'khor dang mnyam par gyur pa ni de ni phyogs gnyis ka 'chi ba yin no// gang dag tu dmig 'gyod pa'i g.yul du zhugs pa na/ mdun nas g.yas nas 'ja' 'byung ba ni/ de dag gsod par sbron pa yin no// dbyar ka 'ja' 'khyims pa mang ba dang / sa g.yo ba dang / zla brnyan dag gang du byung ba de'i tshe/ pha rol gzhan gyi 'jigs pa dag 'byung bar byed pa'o/ / gang dag tu mtshan mo 'ja' na mi la mngon par byung na/ de ni dge ba ma yin te/ pha rol gyi dmag tshogs 'ong ba dang / yul 'khrug cing rgyal po 'chi ba dang / yang na rgyal po sma 'bab pa la sogs pa ston pas na/ dbang po mchog bde legs su gyur pa'i cho ga byas nas/ yul de nas gzhan du 'gro bar bya'o// gang gi tshe mtshan mo nam mkha'
- 313b
la 'ja' kha dog ngan cing shin tu che la ri mo gsum byung ba de'i tshe ni/ rgyal po'i dkyil 'khor rnams la myur du 'jigs pa 'byung zhing / gzhan gyi dmag tshogs dag gis kyang 'chi bar 'gyur/ bar ston pa'o// gang gi tshe 'phral du nye bar sprul pa'i 'ja' rtags mthong na/ de'i grong khyer 'jig pa dang / yul 'khor 'jig par 'gyur bar rig par bya'o// 'od ltas la/ gang gi tshe nam mkha' la 'od kyi rnam pa gdugs dang / rgyal mtshan dang / shing rta'i rnam pa dag dang / 'khor lo dang / dung la sogs pa bkra shis kyis mtshan mar bya ba dag dang / ral gri dang pad+ma'i dbyibs kyi 'od kyi rnam pa dag byung ba ni rgyal po rnam par rgyal bar bstan to/ / yang gang du 'od kyi rnam pa mgo thod lta bu dang / dbyig tho dang / gtun shing dang / sgrog rus lta bur snang ba dag gis ni/ rgyal po dang bcas pa'i yul 'jig par bstan no// yang gang du 'od kyi rnam par mgo thod lta bu dang / dbyig tho dang / nya dang rus sbal 'dra ba dang / de bzhin du sprul pa dang / nya phyis dang / chu srin lta bu dag gis kyang 'jigs pa chen po 'byung bar ston to// sprin glog dang / 'ja' glog dang / 'ja' 'od la sogs pa'i ltas kyi le'u sta bzhi pa'o/ / / phyogs cha brgyad po dag nas 'brug glog la sogs pa 'byung ba'i ltas las/ shar phyogs la sogs pa phyogs cha brgyad po dag nas 'brug glog la
- 314a
sogs pa zer ba las/ dge ngan gyi ltas su blta ba ni/ sos dang po dbyar zla 'bring po la/ dbang po phyogs kyi nas 'brug zer ba thos shing de nyid du rlung byung na de'i tshe ni chu chen po dang / char pa 'bab par 'gyur zhing lo legs pa dang / bde ba dang / skye dgu dag dang / rgyal po la nad med par 'gyur bar sngon gyi bstun bcos rig pa rnams kyis brjod pa yin no/ / de bzhin du dbyar zla 'bring po zhes kun la'ang sbyar te/ me'i phyogs kyi cha nas gal te glog 'byung zhing / rlung yang 'byung bar 'gyur na/ de'i tshe me'i 'jigs pa 'byung zhing lo nyes dang / mi ngas dang / de bzhin du chom rkun gyi gnod pa dang / rgyal po mi dge ba dang / nad kyi glongs pa nyid du 'gyur ro// gshin rje'i phyogs su gal te glog dang / rlung dang po byung bar gyur na/ de'i tshe ni rgyal po dang / chom rkun dang / me dag dang / nad dag gis 'jigs pa dang / mu ge dang / mi ngas dang / mi rnams phan tshun gsod pa dang / 'jig rten la gnod par byed pa spyang ki dang / stag las gyur pa dag kyang 'byung bar 'gyur ro// bden bral gyi phyogs su gang gi glog dang rlung byung zhing sprin dag kyang snang la/ 'brug sgra yang grag dbang pos char nyung ngu 'bebs par byed cing / lo tog dag kyang 'byung bar mi 'gyur/ byi ba dang bye'u la sogs pa dag kyang kun nas 'bab par 'gyur ro// chu lha'i phyogs su
- 314b
gang gi tshe glog dang rlung byung zhing / 'brug sgra yang grag pa de'i tshe ni char pa chen po 'bab par 'gyur zhing lo tog thams cad ni smin pa dang / lo legs pa dang / bde ba dang / skye dgu rnams la nad med pa nyid dang / de bzhin du chos kyi blo 'byung bar yang 'gyur ro// rlung gi phyogs su gang gi tshe glog dang rlung byung na/ rlung chen pos nyams pa'i char mi 'bab pa dang / lo tog skye bar yang mi 'gyur// rlung nad rnams kyang 'byung zhing / de bzhin du mig nad kyang 'byung ba dang / 'jig rten la gnod par byed pa thams cad 'byung bar 'gyur ro zhes rnam par bshad par 'gyur ro// ku b+he ra'i phyogs nas gang gi tshe glog dang rlung byung ba de'i tshe/ dbang pos zla ba bzhin du rtag tu char 'bebs shing / 'bru la sogs pa lo tog phun sum tshogs pa dang / me tog dang / 'bras bu la sogs pa phun sum tshogs pa dang / rgyal po rang gi chos kho na la gnas shing / chos dang ldan pa dang / skye dgu thams cad chos la dga' zhing phan tshun phan par 'dod pa la dga' rangs pa dang / ba dang / bzhon gyi rnams yang 'o ma mang bar 'gyur ro// dbang ldan gyi phyogs su dbyar zla 'bring po nye ba'i tshe/ glog dang / de bzhin rlung du 'byung bar 'gyur zhing / sprin gyi sgra byung bar yang 'gyur ba de'i tshe ni/ / chu'i char chen po 'bab par 'gyur ba dang / bde ba dang / nad med pa dang / lo legs pa dang / lo tog phun sum tshogs pa dang / ske dgu rnams nang med cing phan tshun/
- 315a
byams pas rnam par 'brel ba can du 'gyur ba dang / rgyal po rnams rnam par rgyal ba dang / de bzhin du yams kyi nad thams cad rab tu zhi bar 'gyur zhing / sa las skyes pa thams cad kyi me tog dang / 'bras bu la sogs pa'ang 'byung bar 'gyur ro// dbyar ka 'brug gi sgra drag tu yang 'byung ba na/ sgra brnyan gyis nyams pa'i sgra gnam lta ba dang bcas pa drag pa der ni/ lus can rnams la shin tu dman par 'gyur bar bstan pa'o// sos ka'i dus su phyogs brgyad nas/ 'brug glog dang / rlung la sogs pa ldang ba'i ltas kyi le'u ste lnga pa'o// bar snang las byung ba'i ltas la/ gang gi tshe skar mda'i char pa 'bab pa dang / khrag gi char pa dang / mar dang / 'bru mar dang / zhag gi char pa bab pa na rgyal po dang bcas pa'i 'jig par 'gyur ro/ / yang grong khyer ram/ khyim gang du sol ba'i char pa 'bab cing / phub ma dang / skra dang 'dres pa'i rdul du lhung ba dang / bye ma'i char pa 'bab par gyur pa de'i yul myur du 'jig par mngon par shes pa dag gis brjod do/ / gang du 'bru mar gyi chag chag dang / mar gyi thig pa lhung zhing / bong ba la sogs pa yi dgas kyis phyung ba'i nyes pa rnams byung bar gyur pa ni/ yul 'khor dang / grong khyer dang / khang pa dang / de bzhin du ba glang rje'i gnas der rab tu 'jig par 'gyur ro// yang mchod rten dang / skye shing
- 315b
dang sa'i phyogs dag tu khrag gi chag chag dang / sha dang rus pa'i dum bu mgo theng dang / skra shad la sogs pas mngon du gang ba de dag tu ni/ nges par nye 'khor gyi skye bo skal ba zad pa ltas su bstan pa yin no/ / rdo'i char pa la gang du rdo bim pa dang / u dum wa ra lta bu dang / ka pid ta'i 'bras bu dag bab pa dar ni/ 'jigs pa chen po 'byung bar ston to// rdo 'bras sA lu'i tshigs ma 'dra ba dang / 'bru go'i rus pa lta bu dag ni/ lo legs pa dang / bde ba 'byung bar bstan to// rdo dkar po rgya shug gi 'bras bu lta bu dang / ba ru ra'i tshig gu lta bu dag bab pa ni/ skye dgu rnams bde ba'i rgyur 'gyur ro// rdo shel dang / shel rdo lta bu dang / me tog kun da dang / 'o ma ltar snum pa dang / zla ba'i mdog ltar gsal ba dag ni mi rnams bde bar byed pa'o/ / gang gi tshe ser ba tshub ma dang / kha chol dang bcas pa dang / me lta bu dag dang / rdul dang bcas pa dang / sa gam par gyur pa der ni/ rgyal po yul 'khor dang bcas te 'jig par ston to/ / yang bar snang la ser ba bab pa nas rdo dang mtshon cha lta bu me'i rnam pa dag 'byung bar 'gyur na/ de ni skye bo la ring po mi thogs par 'jigs pa 'byung par bstan to/ / gal te ser ba drag tu chu'i nang du bab pa las ni bde ba dang / lo legs pa dang / rgyal po rnams rnam par rgyal bar 'gyur te/ 'bras bu zla ba drug na ston par brjod do//
- 316a
yang gang gi tshe dbyar ka phyogs gang du tsha bar gyur la/ gnam grum par gyur na/ de ni rgyal po dang bcas pa'i skye bo myur du gsod par byed do// nyin par rtag tu sa phyogs dag tu gnam grum pa'i sgra byung ba der yang yul 'jig pa'i rtags yin te/ rgyal po'ang 'chi bar ston pa'o// gang lho phyogs su gnam grum/ sprin sgra dang sgra mnyam par 'byung zhing / rlung rtsub pa dag langs par gyur pa der ni/ skye dgu rnams bde bar mi 'gyur bar ston pa'o// yang sa g.yo ba gnam grum pa dang bcas par 'byung ba de'i tshe ni/ nges par rgyal po 'chi bar 'gyur ro// yang sa g.yo ba dang / gnam grum pa lhan cig tu byung ba'am/ yang skar mda' chen po phyogs gang dag tu 'gro ba'i phyogs der nad dang / mu ge las gyur pa nyam thag dang bcas pa'i 'chi/ brgyug pa'i ston pa'o// gang du me dang / khug rna dang / sprin gyi gnod pa rnams med par rdul gyi khrim nyer dag gis nam mkha' kun tu khebs shing / nyi ma'i 'od zer yang zil gyis gnon par byed pa de'i tshe ni/ rgyal po rnams nges par 'chi bar 'gyur ba yin no// gang du nyin gcig bzhin du 'tshub mas kun tu bslang ba'i rdul reng bus nam mkha' dang phyogs thams cad kun tu khebs par gyur pas ni/ rgyal po 'chi bar 'gyur zhing / skye bo rnams kyang 'chi bar 'gyur ro// bar snang las sgra chen po 'byung ngam/ sa phyogs nas byung yang rung ste/ gang dag mi
- 316b
snyan pa dag mi mthun pa dag gi sgra byung ba de ni/ phan tshun gsod pa dang / 'thab pa dang / mi mthun par gyur pa dag gi rgyu bstan to// gang gi tshe gzugs mi snang bar srog chags rnam pa tha dad pa'i sgra byung na/ sdug bsngal bar grag pa de'i tshe ni/ rang gi yul 'khor du bcas pa'i rgyal po 'chi bar 'gyur/ nad dang / mu ge dang / gnod pa'ang 'gyur zhing / 'jig rten yang zad par 'gyur/ rgyal srid dran pas kyang brlag pa dang / bu smad dang yang 'bral bar 'gyur ro// bar snang las byung ba'i ltas kyi le'u ste drug pa'o// / phyi rol 'byung ba chen po'i ltas la/ gang gi tshe shing ljon pa dang gel pa dag las dus dang mi ldan par 'bras bu byung na/ rgyal po'i yul phyogs su gtogs par gsod par 'gyur ro// yang gang gi tshe// mchod sbyin gyi shing dang / lha rten byas pa dang / ka ba dang / gzugs la sogs pa shing skam po dag las lo ma skye bar stsol ba ni/ rgyal po 'chi ba'i ltas dang / de bzhin du skye bo dag 'khrug pa'i ltas su bstan to/ / yang yul dang / grong dang / grong khyer gang dag tu shing dang / shing ljon pa dag las me tog dang / 'bras bu phyin ci log tu skye bar gyur na/ de ni bdag po 'chi ba'i rtags yin no/ / gang gi tshe snga dro'i dus su shing dang / mi'i grib ma shar phyogs su gnas par gyur pa dang / phyi dro yang mi dang / shing gi grib ma nub phyogs su gnas par gyur na
- 317a
rgyal po 'chi bar 'gyur ro/ / chu zab mo dang / khron pa dang / rdzing dang / mtsho la sogs par srog chags chu na rgyu ba rnams gang du bskams pa der ni/ ring po mi thogs par skye bo 'jigs par 'gyur zhes bstan to/ / rlung med par glo bur du khron pa dang / rdzing rnams kyi chu dag kun 'khrug par 'gyur ba gang yin pa der ni/ rgyal po dang / yul dang / yul 'khor la mi dge bar bstan to// gang du rlung med par glo bur du grong gi nye 'khor du 'dug pa'i shing ljon pa a shwang dang / ba ta la sogs pa rtsa ba nas 'gyel bar gyur na/ grong de 'jig par 'gyur ro/ / yang rlung ma langs par yang thog lhung ba dang / lus mi snang bar tshig mi snyan pa zer ba dang / sha za mo'i glu sgra 'byung ba ni/ 'phral du rgyal po 'jigs pa 'ong bar bstan to/ / gal te glo bur du gdugs kyi shing dang / khri dang / khri'u dang / khang pa'i srog rten gyi shing dang / de lta bu'i rnam pa dag gi shing rdo chag grums su gyur pa dag ni/ de dag gi bdag po 'chi bar ston to/ / yang nges par rgyal po 'chi bar gyur pa'i tshe ni rlung dri nga ba dang / zas sungs pa lta bu'i dri dang / khyi dang / bya dang / byi la dang / bong bu la sogs pa'i dri dang / de bzhin du phye ma lta bu'i dri 'byung bar 'gyur ro// yang rgyal po 'chi ba'i tshe ni/ rgyal mtshan gyi rtse mo dang / rta babs dang / sgo khang dag tu ser ba 'bab cing / me med par yang me
- 317b
mdag lhung bar 'gyur ro/ / rtsed mo dang / rol mo'i sgra mi snyan pa dang / mtshon rnam pa sna tshogs mi mdzes par gyur pa ni/ yul 'khor dag tu 'jigs pa 'byung ba'i ltas yin no// gang du mtshon rnams 'gul pa dang / ral gri'i shugs dang bral bar gyur pa dang / gzhum bdungs par rang bdungs par gyur na/ de ni nges par dmag mi bzad pa 'byung bar ston to// gang gi tshe/ phyogs thams cad du nyin mo 'am/ mtshan mo'ang rung ste/ nags kyi me snang bar 'gyur ba der ni lo nyes pa dang / skye bo nges par 'gyur ro// nyin mo 'am/ yang na mtshan mo'ang rung ste/ nam mkha' sprin gyis kun tu khebs pa na/ phyogs tsha bar gyur pa de'i tshe ni/ rgyal po gsod par 'gyur ro// gal te dgun dro bar gyur la/ dpyid ni grang bar gyur na/ lus can rnams kyis nyes pa dang 'chi bar 'gyur ro/ / dbang pos kyang char nyung ngu 'bebs pa dang / dus tshol bar yang 'gyur/ 'jigs par byed pa'i chom rkun rnams kyis kyang lo tog chud gzon par 'gyur ro/ / phyi rol 'byung ba chen po dag gi ltas kyi le'u ste bdun pa'o// / srog chags kyi tshig tu smra ba med pa kun gyi ltas la/ gang du khyi rnams 'dus te/ kha gyen du bltas nas yang dang yang du ngu bar byed pa na/ yul 'pho bar byed par 'gyur ro// yang nyi ma 'char ba 'am/ nub pa kho na'i tshe/ khyi dag phyi rol du la gyen du bltas te
- 318a
ngu bar byed na/ yul rnams 'jigs pa'i rgyu yin no// yang lha khang dang / lam po che dang / rgyal po'i lam dang / lam gyi bzhi mdor khyi kha gyen du bltas te ngu bar byed na/ de ni chom rkun dang me'i 'jigs pa 'ong bar ston pa yin no// yang khyi dang / bya rog rgyal po'i lam dang / lam gyi bzhi mdor thang la gcig tu 'dus nas/ gal te sgra chen po 'byin par byed pa dang / ci dgar 'gro bar byed pa ni/ de ni pha rol gyi dmag tshogs 'ong ba yin no// gang gi tshe bya rog dang / bung ba dang / sbrang bu rnams ra ba dang / grong khyer gyi sgo dang / thang dang lam gyi bzhi mdor sbrang rtsi tshang bu byed par gyur na/ glo bur gyi 'jigs pa dang / rgyal po'i 'jigs pa 'byung bar rig par bya'o// de bzhin du dag ra ba dang / khyams kyi mdun dag tu'ang de lta bur snang na/ de bzhin du 'jigs pa 'byung bar rig par bya'o// de la glo bur gyi 'jigs pa 'ong zhes bya ba ni pha rol gyi dmag tshogs 'ong ba dang / me dang chom rkun gyi 'jigs pa dag 'byung bar ston pa yin no/ / yang gang du srog chags phra mo dag la ra ba dang / grong khyer gyi sgo dang / yang thog dang / sgo gang 'phyang mo nyug cing 'dzeg par snang ba der ni/ pha rol gyi dmag tshogs kyis ring po ma thogs par grong khyer myur du 'jig par 'gyur ro/ / gang gi tshe khyi dang / wa dang / byi la la sogs pa dang / bya sna tshogs dag dus 'tshams med par 'khrig pa dang
- 318b
ldan pa'i tshe ni/ rgyal po dang / yul rtag tu 'jig par bstan pa yin no// de bzhin du mi dang rta dang rnga bo dang bong bu'i rigs dang bgrang mo dang / bya dang / ri dgas rnams dang khyi dang / byi ba dang / sbrul dag dang / srog chags phra mo gzhan dag gi yang mngal phyin ci log tu gyur pa der ni/ yul rnams 'khrug pa dang / rgyal po'ang 'chi bar 'gyur ro// yang gang du bya dang ri dgas kyi rigs rnams dang / khung na nyal bar rnams log par 'khrig pa dang ldan par smra ba de ni/ rgyal po 'chi bar 'gyur ro// bya rog gi gshog pa dkar po mthong na/ mi dge ba yin te/ yul de nas 'gro bar bya'o// de bzhin du bya rgod la sogs pa'i gshog pa lhung bar mthong ba dang / wa ngal mi sos par brgyal bar gyur pa der ni yul gyi bdag po dang rgyal po dag 'chi ba'i ltas su bstan to/ / yang gang gi tshe grong khyer du khwa'i tshogs 'dus nas/ grong gi phyi rol tu 'dong ba ni/ nges par grong gi skye bo med par 'gyur ro// wa zhing gi steng du 'dug gam/ ra ba dang / sgo khang dang / khyim du 'dug ste/ sgra chen po 'byin zhing shin tu 'jigs par sbron pa dang / wa nyi ma la kha bltas te/ rings thabs su 'dug nas/ skad drag tu 'byin pa der ni dmag 'byung bar bshad par bya'o// shing mthon po 'am/ khang steng mthon po 'am/ mdzod mang por 'dug ste/ kha nyi ma la bltas nas/ wa skad drag
- 319a
tu 'byin pa na mo las gyur pa dang / rgyal po las gyur pa'i nyes pa 'byung bar byed do// khwa 'dus pas sa lam chu btsugs te/ cang mi smra bar skad cig 'dug nas 'dus te gang gi tshe nam mkha' la 'phur ba de'i tshe/ dmag gis 'tsho ba rnams la shin tu khrag 'byung bar 'gyur ro// khwa kha 'thams shing skad 'byin pa'i tshogs rtag tu 'brel pa gang yin pa de ni/ gal te khyim mam/ grong khyer ram/ yul 'khor dang / yul dang / ba glang rdza'i gnas 'jigs par 'gyur bar brjod par bya'o// khA sa la mchu'i rtse mo gtad de/ skad mi bzad pa mi gsal ba'ang 'byin pa der ni/ de'i tshe shin tu 'jigs pa chen po 'byung bar bstan to// sha za ba'i bya'i mchu'i rtse mo las gang du sha lhung ba der ni glo bur dang / rgyal po las gyur pa'i 'jigs pa chen po 'ong bar bstan to/ / gang du ri dgas kha nyi ma la gyen du bltas te/ mi dga' zhing mthong bar byed na/ yul gyi skye bo bsgrungs su zin kyang sems can gzhan dag gis 'jigs par gyur pa der ni/ rgyal po la brnyas pa mthong bar 'gyur ro// gang du wa nyin par nyi ma la lta zhing / yang dang yang du skad drag po 'byin pa dang mtshan mo gza' rnams la lta bar byed cing / brgyal ba'i tshe ni nges par rgyal po 'chi bar 'gyur ro// bye rgod dang / bya b+ha sa dang / chu nas skyes pa'i bye dang / khra dang / thib dang /
- 319b
zas su sha za ba gzhan dag rgyal mtshan gyi rtse mo dag dang / khang steng du 'dug pa ni de tshe zad par 'gyur bar mngon par shes pa dag gis rab tu brjod do// gal te nyi ma phyed pa'i tshe glang po da ba glang gi gnas dang / rta'i bres su 'ug pa sdang la/ phyugs dag la'ang zhon par gyur pa ni/ nges par rgyal po la 'jigs pa 'byung bar bstan to// yang gang gi tshe grang po che'i lag pa'i rtse mos khrag skyug par byed pa dang / glang po che mchog dag gi mche ba chag pa dang / rta rnams kha ngal bar gyur pa na/ rgyal po la 'jigs pa 'byung ba'i rgyur bstan to/ / gang du pad+ma'i 'dab ma bting ba dag tu bya rog rnams rtse bar byed cing / thang la'ang bya ka ran da ba dang / ngang pa'i tshogs dag rtse bar byed na/ khyim mam/ grong khyer de 'jig par 'gyur ro/ / srog chags tshig tu smra ba med pa rnams kyi ltas kyi le'u ste brgyad pa'o// // char ltas la/ sprin gyi gzugs ra'i rnam pa lta bu dag dang / phag dang / chu srin lta bu dag dang / sprul pa dang / glang po che'i gzugs lta bu dag dang / ril ba dang / bum pa lta bu dag dang / seng ge dang / stag dang / glang po che'i bzhin du lha'i sprin dag gis khebs pa'i nyi ma ni mod la char pa 'bab par brjod par bya'o/ / ldong ros kyis dog lta bu dag dang / de bzhin du mtshal lta bu dag dang / ne tso ltar snang ba'o//
- 320a
mdog dang / nye ba'i sprin dag gis char pa 'bebs par yang dag par bstan par bya'o// pad+ma'i 'dab ma lta bu dang / de bzhin du rdo spungs pa lta bu'i sprin gyis nyi ma dang zla ba'i gzugs khebs par gyur pa de ni/ de'i tshe phyogs su 'ong pa chen po 'byung bar 'gyur ba'i char pa 'bab par bstan par bya'o// gang gi nam mkha'i yan lag thams cad sprin gyis thibs por khebs nas/ gdugs lta bu'i glog 'byung bar byed/ 'brug sgra ring du 'dod dgar 'byung ba de'i tshe ni sa chus shin tu gang bar 'gyur ro// yang gang gi tshe sprin i shi na'i phyogs dang / shar dang / byang gi phyogs nas byung ste/ ring zhing brtan pa'i sgras 'brug zer ba de'i tshe/ yang gcig tu sa chu dang ldan par 'gyur ro// yang zla ba yar gyi ngo dang mar gyi ngo'ang rung ste/ gza' thams cad 'byung zhing / 'du ba'i sprin de dag ni/ char pa 'bab par byed de/ 'di ni sngon gyi lung shes pa dag gis bstan pa yin no// gang gi tshe dgun zla 'bring por gyur pa ni sprin 'dus par snang zhing / rlung snum pa sprin rum nas 'byung ba dag dang ldan pa de'i tshe ni/ zla ba drug par gyur nas dbang pos char pa 'bebs par 'gyur ro// dgun zla tha chung la sprin brtsegs pa'i sprin rum 'dus pa glog dang bcas pa ni dbyar zla 'bring por yang dag par gyur nas/ chu mang du rnam par gtong bar 'gyur ro// dpyid zla ra ba la
- 320b
sprin rum du gyur pas ni/ dbyar zla tha chung la char pa 'bab par bstan par bya'o// gang gi tshe dgun zla tha chung dang / dpyid zla 'bring po rnams la sprin rnams 'jig par byed pa ni/ de'i char pa mi 'bab par brjod par bya'o/ / gang gi tshe dgun zla tha chung dang / dpyid zla 'bring po rnams la sprin rlung ru ma can dag chu gtong bar mi byed pa ni/ dbyar ka char pa de 'bab par 'gyur ro/ gang gi tshe byang phyogs dang / byang shar dang / de bzhin du shar dang / nub dag nas glog 'byung ba ni/ char pa 'bab par ston pa'o// yang phyogs thams cad nas glog kun tu 'byung bar 'gyur ba de'i tshe ni/ nam mkha' khebs pa'i char pa 'bab par ston pa yin no// gang gi tshe glog gi 'od dmar zhing mtha' sngo bar snang ba de'i tshe ni/ me'i phyogs nas char pa cung zad 'bab par 'gyur ro/ / gang gi tshe nub phyogs kyi char sprin gyi dbus nas 'ja' snum pa nor bu bai DUR+Ya'i 'od lta bu byung bar gyur cing / glog 'gyur ba'i yal ga dang rang gi phyogs nas rlung gis bskyod par 'gyur ba de'i tshe ni/ zhag bdun bdun du char pa 'bab par rig par bya'o// gang gi tshe shar ram/ byang nas kha ba 'bab cing rlung 'byung na phyogs dung kha dang sngo bsangs su byed pa de'i tshe ni/ chu cher 'bab par 'gyur ro// gang gi tshe nyi ma shar ba 'am/ dus tshogs kyi chags pa 'byung bar char pa'i thigs pa bab pa
- 321a
de'i tshe ni/ nges par char mo che 'bab par 'gyur ro// gal te yang nyi ma shar ba'i tshe/ sbal pas skad ran cing snyan par phyung ba de'i tshe ni yang char mo che 'bab par 'gyur/ ro/ mi gzhan zhig lag na gdugs thogs nas/ char pa'i mtshan ma dris pas/ khyim 'gegs bzhin du dris na/ de'i tshe rtag tu char pa 'bab par 'gyur ro// gos gsher bas kyang dris na/ char pa'i rgyu yin te/ de la mod kho nar char du 'bab par 'gyur ba the tsom med do// chu'i phyogs su 'dug nas dris kyang rung ste/ char pa 'bab par blta bar bya'o// byi ba dang / srin mo dang / sbrul rnams dang / gang yang gzhan dag tu gan du gnas pa dag gal te drod mi mthun par rgyug par byed na/ mod la char pa 'bab par ston pa yin no// byis pa lus 'jim pas byugs pa dang / mgo me tog 'phreng bas dkris pa gang na 'dug par der ni/ 'phral du char pa mngon par 'bab par byed do// lus rdul gyis byugs pa'i byis pa dag rdul gyis rtse bar byed pa dang / yur ba 'gengs par byed na/ 'phral du char pa 'bab pa'i rgyu yin no// char pa 'bab pa'i mtshan nyid la mkhas pa rnams kyis de ni 'phral du char pa 'bab par bshad pa yin no/ / gang gi tshe sprin yang med/ kha ba'ang med par rlung shin tu bsil ba dag 'byung zhing / lus can grang bar byed pa ni/ der 'phral du nges par
- 321b
char pa 'bab par byed pa'o/ / chu nas skyes pa'i bya shing gi yal ga la zhon pa dag nyi mas 'dab ma skems par byed pa ni/ shin tu char pa 'bab pa'ang ston pa yin no// gang gi tshe shing la gnas pa'i chu bya 'dab ma skems par byed pa de ni/ char pa 'bab par byed pa'i rgyu yin par bstan bcos las mkhas pa rnams bstan bcos las brjod pa yin no// grong gi bye'u khrus 'dab sprug par byed pa gang yin pa de ni/ char pa 'bab pa'i yang dag pa'i shes pa rnams kyis char pa'i rgyu yin par brjod pa yin no// char ltas kyi le'u ste dgu pa'o// dus tshigs kyi 'od kyi chags pa'i ltas la/ bram ze rig pa can gyi dus tshogs kyi 'od chags pa bsgrisgoms te/ brtags nas dus bstan par bya ste/ gang gi tshe nang nub tu dus tshig mdog snum zhing / ldong ros lta bu'i 'od dam/ ba bla'i 'od lta bur mthong na/ zhag gsum gyi bar du char pa 'bab par ltas shes pa dag gis brjod pa yin no// dus tshigs kyi kha dog yung dang / gur kum dang / ba glang gi gcin lta bu'i 'od byung ba de dag ni/ 'phral du char pa 'bab pa'i rgyu yin no// dbyar ka dus tshigs gnyis kar yang kha dog sdum pa dang / gur kum lta bu dang / gnag pa dang / rang bzhin gyis mtshal gyi 'od lta bu 'byung ba dang / kha dog gi rgyun dang mtshungs pa'i 'od dang / de bzhin du rgya skyegs kyi phun sum tshogs pa ma
- 322a
yin pa'i 'jigs pa 'ong bar 'gyur ro/ / tshes grangs bzang po'i tshes g.yos na rab tu dge ba zhes bya'o// skar ma dang tshes grangs la sogs pa bzang ngan 'dres pa'i ches g.yos na/ phan gnod kyi 'bras bu'ang 'dres mar 'gyur ro// tshes grangs bzang po'i tshe sa g.yos na/ rgyal po dang skye bos chos legs pa'i 'bras bu thob par 'gyu ro/ sa g.yo bzhin du yul gzhan du song na/ yul der gnod par 'gyur zhes bya ste/ de'ang chos nyams pa'i nyes pa ma byas pa/ sa g.yos kyang legs par 'gyur te/ de dag tu char pa 'bab cing rab tu zhi bar 'gyur ro/ / gnam lcags rnon po lhung ba'i sgra drag pos sa rab tu g.yos na/ skye bo 'thab cing kho na pa dang / mu ge dang mi ngas kyis zad par 'gyur ro/ / sa g.yos pa g.yas phyogs su 'gro zhing 'brug sgra ltar mnyan cing zab pa'i sgra skrag la/ dus tshogs dang tshas grangs bzang ba la ma 'khrul pa'i skabs su sa g.yos na dge bar 'gyur ro/ / nam gza' skar drag po'i dus su sa g.yas pa'i dus na/ ri dgas dang / bya rnams me 'bar ba bzhin du gyur la/ gzhan yang mi dge ba'i mtshan ma'i ltas dag sdang na/ 'jig rten du rab tu gnod pa drag po 'byung bar 'gyur ro// rgyu skar dang / gza' dge ba'i dus su'ang de ltar gyur na/ de'i tshe 'bras bu dge bar mi 'gyur ro// dag
- 322b
ba'i ltas kyi mtshan ma byung la/ bya rnams kyang khrag khrig la long med cing rab tu ni ba dang / rlung yang zhi bar gyur pa ni/ dge ba bas kyang rab tu dge ba zhes bya ste/ mi dge ba'i ltas ngan drag po'ang zhi bar 'gyur ro/ / sa g.yos pa'i 'og tu gal te char pa 'bab na/ de'i bde ba dang / lo legs pa dang / nad med par 'gyur ro// sa g.yos pa'i rjes la skar mnga' chen po lhung bar gyur na/ de'i tshe skye bo ltogs pa dang / mtshon dang / nad kyis zad par 'gyur ro// nam sa g.yos pa'i rjes la rlung drag po langs pas gseg ma khyer zhing 'gro bapar 'gyur ba'i tshe na mu ge 'byung bar 'gyur ro/ / sa g.yo zhing 'gro ba dang / rlung ldang ba dang / nyi ma dang / zla ba'i 'od rnams dang / 'di rnams 'thun par 'gro na bkra shis te dge'o/ de lta bu'i 'thun par mi 'gro zhing sa g.yo na mi dge ste smad pa yin no// zla ba phyed phyed cing lan gsum gsum g.yos pa zla ba gcig la spyir lan drug g.yos par gyur na/ dgra'i tshog 'ong bar ston to/ / yul gang dus g.yo ba der bstud par yang dang yang zhag gcig gam/ zhag bdun dang / zhag bcu gcig gam/ zla ba phyed dam/ zla ba re re zhing sa g.yo 'am zla ba drug tu 'am/ zla ba bcu 'am/ lo gcig tu'am/ lo bcu'i bar du 'am/ de bas kyang lhag par lan mang du g.yos sam/ de las nyis 'gyur du sa g.yos na/ yul phun
- 323a
sum tshogs pa dang ldan pa'i rgyal po dmag dang 'khor du bcas pa ma rung bar 'gyur/ yul der rgyal po gzhan byed de/ de'ang yul der rab tu 'tshe zhing gnod pa byed pas yul de nyid dgon par gyur nas/ ri dgas gnas par 'gyur ro// tshul gong ma bzhin du dpyid zla tha chung la sa g.yos na/ gnod pa'i 'bras bu zhag bcu na 'byung ngo // dbyar zla ra ba la sa g.yos na/ rnam par smin pa'i 'bras bu zhag bcu gnyis na 'byung ngo // dbyar zla 'bring po las g.yos na/ rnam par smin pa'i 'bras bu zhag nyi shu rtsa ldan 'byung ngo // dbyar zla tha chung la sa g.yos na/ 'bras bu zhag bdun cu rtsa ldan 'byung ngo // ston zla ra ba la sa g.yos na/ rnam par smin pa'i 'bras bu zhag brgyad na 'byung ngo // ston zla 'bring po la sa g.yos na/ 'bras bu zla ba gnyis na 'byung ngo // ston zla tha chung la sa g.yos na/ 'bras bu zla ba gsum na 'byung ngo // dgun zla ra ba la sa g.yos na/ 'bras bu zla ba gnyis na 'byung ngo / / dgun zla 'bring po la sa g.yos na/ 'bras bu khu ba lta bu dang / de bzhin du zangs ltar dmar ba dag gis ni dus tshogs 'jigs par byed par 'gyur ro// dus tshigs kha dog rtsub pa dag tu dmag dang mtshon gyis 'debs pa dang / khrag gis chag cha ga btab pa'i sa rnams 'byung ba ni/ shin tu 'jigs par byed par 'gyur ro// dus tshogs
- 323b
kyi chags pa shin tu dmar ba ni/ nyin gsum du char pa 'bab par rnam par bstan to// yang na mtshon gyis 'debs pa mtshon gyis 'tsho ba'i skye bo zad par yang 'gyur ro// gang du dus tshogs gnyis kar phyogs su rdo ba'i char pa 'bab pa der ni/ mkhris pa'i nod la sogs pas lus can 'chi bar yang 'gyur ro// gal te dus tshogs kyi chags pa yang dang yang du byis pa dag dmag 'gyed pa na/ rnam par skrag par 'gyur zhing rab tu rgyug par byed pa der ni/ yul 'khor 'jig par byed do// dus tshogs kyi rang bzhin dang ldan pa'i nyi zla gnyis dang/ lhan cig tu 'byung zhing / kha dog gi 'od dmar ba dang rtsub pa ma yin pa ni/ lo legs pa dang / bde ba'i rgyu yin no// dus tshogs gnyis kar 'od shin tu gnag cing / mun pa dang 'dra bas gang na de'i tshe dmag dpon rnams 'khrugs pa dang / gsod par yang bstan par bya'o// gang du dus tshigs kyi rang bzhin grang ba dang / dro ba dang / 'jam pa/ rtsub pa'i rnams phyin ci log tu gyur pa der ni/ nad dang / 'chi ba dang / rgyal po'i 'jigs pa 'byung ba 'am/ yang na nges par bdag po 'chi bar bstan pa yin no// de nyen kor du chom rkun dang / sbrul dang / srin po rnams kyi dbang du'ang 'gyur ro// dus tshogs kyi 'od chags pa'i le'u ste bcu pa'o// // dri za'i grong khyer gyi
- 324a
ltas la/ gal te shar phyogs su dri za'i grong khyer byung bar gyur na/ nub phyogs na 'dug pa'i rgyal po la mchog tu 'jigs pa 'byung bar bstan pa yin no// gang gi tshe nub phyogs su dri za'i grong khyer snang bar gyur na/ de'i tshe na shar phyogs na gnas pa rnams 'jigs pa chen po 'byung bar brjod par bya'o// gang gi tshe ni byang phyogs kyi dri za'i grong khyer snang bar gyur na/ de'i tshe ni lho phyogs na gnas pa'i rgyal po rnams la 'jigs pa 'byung ngo // gang gi tshe lho phyogs kyi dri za'i grong khyer snang bar gyur na/ de'i tshe ni byang phyogs na gnas pa rnams 'jigs pa 'byung bar brjod pa yin no/ / dri za'i grong khyer chags pa'i le'u ste bcu gcig pa'o// / gal te gang du 'jig rten pa'i lha'i gzugs gar byed pa dang / rab tu g.yo bar gyur pa dang / smra bar gyur pa dang / mig mchi mes gang ba dang / rdul bar gyur pa dang / gas par gyur pa dang / dum bur gyur pa dang / thams cad zhig par 'gyur ba la sogs pas ni 'jigs pa rnam pa du ma 'byung bar rig par bya'o/ / de la'ang gar gyis ni dmag mang po 'byung ngo // rab tu g.yo bas zla ba bzhin dmag 'byung ba dang zla ba drug gis rgyal po kun tu zad par 'gyur ba dang / ring po mi thogs par yul 'jig par 'gyur ro// gom pa 'dor bas ni yul bor te/ 'gro bar 'gyur/ glu len pas ni yul 'khor
- 324b
'jig par 'gyur/ dum bu las lhung na/ lus can rnams 'chi bar 'gyur ro// rlung la sogs pas phul ba dang / 'dos pa med par lha'i gzugs kyi mgo dag las/ me tog gi 'phreng / pa legs par gzhag pa lhung bar gyur pa ni/ rgyal po dang yul 'khor du bcas te 'chi bar 'gyur ro// yang gang du rgyal po rtag tu phan tshun 'khyam par byed pa dang / 'jigs pa med pa'ang 'jigs pas skrag pa dang / brdeg 'chos pa dang / rab tu gyur pa dang / yid mi dga' zhing ngu bar 'gyur ba dang / gzugs mi snang bar srog chags rnam pa tha dad pa dag gi sgra shin tu sdug bsngal bar 'gyur ba dag thos par gyur pa de'i tshe ni rang gi yul 'khor dang / yul du bcas te/ rgyal po 'chi bar 'gyur la/ yul 'khor de'i skye bo'ang mu ge dang / gnod pa dag gis gzir ba dang / bu smad dang yang bral bar 'gyur ba ston pa yin no// gang du bstan pa med par byis pa glu dang spel te/ tshig gis glu len par byed cing / mi mthun pa'i don brjod pa der ni/ / rgyal po 'chi bar rjod par byed do// lha rten dang gzugs 'gyur ba ltas kyi le'u ste bcu gnyis pa'o// / lam du 'jug pa'i ltas la gang gi tshe rgyal po dang / blon po dang / bram ze dag lam du 'jug cing 'phags pa na/ gnam grum pa dang bcas pa'i skar mda' byung ba dang / ser ba 'bab pa de ni dag mi
- 325a
mthun par brjod pa yin te/ de dag dgos pa yang dag par mi 'grub pa tsam du ma zad kyi/ lus 'jig par 'gyur ro// gang gi dus su nyi ma 'char ba'i tshe/ sa phyog dag tu 'gro ba na/ bya rog dang / ngang pa dang / bya ka rand pa dang / khrung khrung dag snang ba der ni dge bar lta'o// sprin dang / 'ja' dang / de bzhin du glog 'gyu ba dang / chu sbyin par byed pa'i 'brug mi gsal ba 'byin pa dag ni 'jig pa 'dren par rig par byed pa yin no/ / lam du 'jug pa'i ltas kyi le'u ste bcu gsum pa'o// gong du ltas sna tshogs bstan pa de dag gi 'bras bu 'byung ba'i dus kyi tshad bstan pa/ gza' skar dag la mig dmar gyi lhas byung ba ni/ zhag bdun nas 'bras bu 'byung ngo // de bzhin du gza' lag ni// zhag bcu tshun chad kyis so// phur bu ni lo gcig gis rnam par smin par 'gyur ro// pa wa sangs ni zla ba drug tshun chad kyis smin par 'gyur bar bstan par bya'o// gnam grum pa dang sa g.yo ba ni zla ba brgyad du brjod do/ / gal te zhag bdun na char 'bab na/ gnod pa de zhi bar bstan to// skar mda' ltung na zla ba brgyad du bstan to// grong khyer dang / mchod rten dang / shing dang 'brel pa ni/ zla ba gcig kho nas smin par 'gyur ro// rdo gseg ma'i char pa 'bab pa dang / de bzhin du sprin sgra 'byung ba dang / gza' rnams 'khyims pa'i ni
- 325b
zhag gsum tshun chad kyis smin par bya'o/ / nyi zla'i yang 'phral du 'bras bur 'gyur bar bstan par bya'o// 'jar zug pa ni zla ba bcu gnyis su brtag go// ser ba bab pa las ni zla pa phyed dang gnyis kyis 'bras bur 'gyur ro/ / me med par me 'bar ba lta bur snang ba ni/ 'bras bu 'phral du 'byung bar mkhas pa dag gis bshad do// de bzhin du dbyig 'gyur ba dang mngal dag phyin ci log pa dang / dus ma yin par lo tog 'bras bu chags pa thams cad kyi'ang zla ba drug par brjod do// sprin med pa'i sgra dag zer ba ni/ zla ba gcig gis so/ 'ja'i lta bu ni zhag gsum tshun chad kyis 'byung ngo // zla ba'i dkyil 'khor sngon por gyur pa ni/ zhag bdun tshun chad kyis 'bras bu 'byung ngo // grong dang / grong khyer dag dang / de bzhin du glang po che dang / rta dang / ba glang dang / glang po che la sogs pa'i ltas 'byung ba ni/ 'bras bu 'phral du 'byung zhes bya'o// de bzhin du sngon ma byung ba las/ glo bur du byung ba rnams dang / 'jigs su rung ba sgra byung ba rnams kyis yang 'bras bu 'phral du 'byung bar brjod do// gdugs dang / rgyal mtshan 'gyel ba dang / gzhi dang / rta babs dang khang ba rdib pa dang / mjug rings 'cha re ba'i ni/ zla ba gcig gis 'bras bu 'byung ngo // mi rgod dang / sbyin gor dang / sbrang rtsi'i sbrang bu rnams ni/ zhag bcu tshun
- 326a
chad kyis so/ / stag dang / byi la dang / wa dang / sre mong dang / bya rnams dang / bar snang las sgra byung ba rnams kyi ni 'bras bu 'phral du 'byung ngo // yang bya dang grog sbur dang / phye ma leb rnams kyi ni/ zhag bcu tshun chad kyis so// yang byi ba dang / sbrul dang / de bzhin du sbrang bu mang po'i ltas bstan pa las na/ zla ba gcig tu shes par bya'o/ ri dgas kyi rigs rnams dang / bya dag gis skad byung ba ni/ zla ba gsum gyis 'bras bu 'byin to// dus tshigs kyi mtshan ma rnams ni/ zhag bdun tshun chad kyis so// dri za'i grong khyer gyi chags pa ni/ zla ba gsum gyis 'bras bu 'byung bar bshad do// ltas sna tshogs bstan pa'i 'bras bu 'byung ba'i dus bstan pa'i le'u ste bcu bzhi pa'o// / gnod pa'i lhas ngan rnams kyi rgyu bstan pa dang / de dag gi ngo lon gyi cho ga bstan pa/ yongs kyis srid pa ma yin pa phyin ci yig tu snang ba gang yin pa de dag ni/ phal cher mi dga' ba'i 'bras bu 'byin par rig par bya'o// de ci'i phyir zhe na/ de dag gi rgyu ni 'di ltar nyes par spyod pa mang po las tshogs shing / bsags pa las 'byung ba'i phyir te/ de dag yang kha cig las ngan pa'i dbang gis yul log par snang bar 'grub pa'ang yod/ kha cig mi ma yin pa dag gis sbran pa'i phyir/ ched du bstan pa
- 326b
dag yod pas na/ gang dag mi stong pa ltar snang ba de dag kyang / 'dir thub pa'i lha'i mig can de dag gis bstan pa bzhin nges pa can du gzung bar bya'o// gang dag kha cig tu dngos po mi srid pa lta bu zhig tu brgya la snang na/ der yon tan can zhig na dag zhing bzang ba dang / phyin ci log gcig na'ang / mi dge ba'i don du rig par bya'o// de ltar mi dge bar gyur pa'i mtshan ma de dag ni/ gnyen po so sor rten pa dag gis zlog par 'gyur srid de/ de dag kyang gang zhe na/ bsod nams las rab tu gnas pa'i sems dang ldan pa rnams dang rnam par dag pa la rten pa dag dang / sbyin sreg dang / bzlas brjod la brtson par bya ba dang / ser sna bcom pa dang / lha dang / bram ze dag la mchod pa dang / zhi ba dang / rgyas pa'i bzlas brjod dang / sbyin sreg gi cho ga bya ba dang / bsam pa dri ma med pas nor rab tu sbyin pa dag gis/ mtshan ma ngan pa dag gis tshugs shing rnam par 'jig par byed do/ gal te gnyen po byed pa'i stobs dag gis kun tu zlog par gyur na'ang / rgyal po'i 'tshe ba las rab tu bcad de/ tshe nur grong dang / grong khyer dang / yul 'khor de dag rgyu ba cing rnam par 'jig pa'ang yun ring du gnas pa tsam du 'gyur bar bstan to/ / thub pa'i tshogs mchog garga la/ ba ra dA tsa gau ta mas// lha yul bar snang sa bla dang /
- 327a
gza' skar srog chags rnams kyi ltas// sa bdag mi yi rgyal po dang // grong dang yul 'khor gnas pa la// gnod par gyur pa'i ltas 'byung bar/ cho ga gang dang gang dag gis/ / zhu bar 'gyur ba zhus pa las// thub pa gargas lung bstan pa// phan par 'gyur ba'i cho ga gang // go'u ta mas ni bstan par gyis// dang por sbyin pa gtang bya ste/ / lha dang bram ze mngon mchod na// sbyin sreg bzlas brjod mchod sbyin gyis// gtong ba'i ngo lon bya bar bstan// de la thog mar ba glang dang // dbyig dang srog la sogs pa dag/ bram ze rnams la sbyin byin nas// so so'i khyim du rgyal po la// gtso bo dag la ci rigs pa// dbang sgyur ba ni legs par bya// mdun na 'don shing mnyam bzhag pas/ zhag bdun skyung ba byas par gyur pas lha la gtor ma phul te/ u dum wa ra'i yam shing sreg/ shing mar la btags pa brgya rtsa brgyad/ nang par nang par zhing sngags rig pas sbyin sreg bya'o/ / yang na bram ze gtsang ma zas su mar za zhing / bza' ba dang / bca' ba spangs te/ zhag gsum bsnyung ba byas pa'i sngags mkhan gyis rig sngags tra ta ra ma zhes bya ba 'dis a pa marga'i yam shing sreg cing / mar la btags pa brgya rtsa brgyad sbyin sreg bya'o// yang rgyal po'i pho brang ngam/ grong khyer ram/ yul gyi
- 327b
phyir rgyal po'i mdun na 'don gyis lha la nag bdun du gtor ma phul la/ mar bre do'am/ yang na bre gang gang mar la btags pa'i nas bre'u chung gnyis kho nas sbyin sreg bya'o// de ltar sbyin sreg gi cho ga zin nas bram ze rnams brgya 'am/ de las lhag pa dag la 'o thug blud pa 'am/ yang na zhag bdun du chos ston bya'o// de'i 'og tu bram ze dag la yon byin pa ni gser dang / dngul dang / rta dang / glang dang / gos rnam pa sna tshogs dag sbyin par bya'o// yang na bram ze rnams la glang gcig dang / bcu sbyin par bya ste/ cho ga 'di dag ltar byas na/ ltas las 'byung ba'i gnod pa thams cad zhi zhing zlog par 'gyur ro// ltos las gnod par 'gyur ba'i ngo lon gyi cho ga bstan pa'i lo'u ste bco lnga pa'o// thub pa chen po'i phreng srong skar ma'i ltas kyi gtsug lag rma bya ltas sna tshogs bstan pa zhes bya ba'i las ji snyed pa rdzogs so// Ar+ya byA ka ra Na nang nas byung ba/ bza' dang rgyu skar gyi rang bzhin bshad pa/ rgyu skar nyi shu brgyad 'di lta ste/ smin drug dang / snar ma dang / mgo dang / lag dang / nab so dang / rgyal dang / skag dang / mchu dang / pre dang / da bo dang / me bzhi dang / nag pa dang / sa ri dang / sa ga dang / lha mtshams dang / snron dang / snrubs dang / chu stong dang / chu smad
- 328a
dang gro bzhin dang / byi bzhin dang / mon gre dang / mon gru dang / khrums stod dang / khrums smad dang / nam gru dang / za skar dang / bra nye dang / 'di rnams rgyu skar nyi shu rtsa brgyad do/ / de la rgyu skar ni du/ dbyibs ni ji snyed yod/ yud tsam dang ldan pa ji snyed/ zas ni tsa/ rus ni ci/ lha rnams gang / kye bram ze pad+ma'i snying po can/ smin drug ni skar ma drug ste/ dbyibs ni spu gri lta bu'o// yu da tsam sum cu dang ldan/ cha drug dang bcas pa'o// zas ni zho'o// lha ni me lha'o// rus ni rje'u rigs kyi rgyud do// rgyu skar snar ma ni skar ma lnga ste/ dbyibs ni shing rta lta bu'o// yud tsam ni bzhi bcu rtsa lnga dang ldan pa'i cha bdun dang bcas pa'o// kha zas ni zho dang / sbrang rtsir sbyar ba'o// rus ni go'u ta ma'o// rgyu skar mgo ni skar ma gsum ste/ dbyibs ni ri dgas kyi mgo lta bu'o// yud tsam ni sum cu dang ldan pa'i cha dang bcas pa'o// zas ni ri dgas kyi sha'o// lha ni zla ba'o// rus ni ba ra dwadradza'o/ / rgyu skar lag ni skar ma gcig ste/ dbyibs ni sog le lta bu'o// yud tsam bco lnga dang ldan pa'i cha bdun dang bcas pa'o// kha zas ni khrag go// lha ni drag shul can no// rus ni dmar po'i rgyud do// rgyu skar nab so ni skar ma gnyis te/ dbyibs ni khang pa'i gdung lta bu'o// yud tsam bzhi bcu rtsa lnga dang ldan pa'i che bdun dang bcas pa'o// kha zas ni
- 328b
mar dang 'khur ba'o/ / g+ha ni nyi ma'o// rus ni dbang byed pa'o// rgyu skar rgyal ni skar ma gsum ste/ dbyibs ni ril ba lta bu'o// yud tsam sum cu dang ldan no// kha zas ni sdang rtsi dang yos so/ / lha ni phur bu'o// rus ni rtswa shun gyor pa'i rgyud do// rgyu skar skag ni skar ma drug ste/ dbyibs ni sbrul mgo gdengs pa lta bu'o// yud tsam bco lnga dang ldan pa'i cha bdun dang bcas pa'o/ / kha zas ni sbrul gyi sha'o// lha yang sprul lo// rus ni dma' ba'i rgyud do// pad+ma'i snying po can rgyu skar 'di bdun ni/ shar sgor gtogs so// rgyu skar mchu ni skar ma drug ste/ dbyibs ni chu bo lta bu'o// yud tsam sum cu dang 'brel ba de'i mtshan yin no// kha zas ni til dang sbyar ba'i thug pa'o// rus ni ser skya'i rgyud do// rgyu skar gre ni skar ma gnyis te/ dbyibs ni rtsog pa lta bu'o// yud tsam sum cu dang ldan pa'i cha bdun dang bcas pa'o// kha zas ni zhag drug cus smin pa'i 'bras sam/ til gyi tshogs ma za'o// lha ni khyab 'jug go// rus ni gzhon rtse mo'i khyim thab kyi rgyud do// rgyu skar dpon skar ma gnyis te/ dbyibs ni khri lta bu'o// yud tsam bzhi bcu rtsa lnga dang ldan pa'i cha bdun dang brla pa'o/ / kha zas ni khri'o// lha ni nyi ma dang gshin rje'o// rus ni oM ti'i rgyud do// rgyu skar me bzhi ni skar ma lnga ste/ dbyibs ni lag pa lta bu'o// lha ner skyes la zhon pa lta
- 329a
bu'o/ yud tsam sum cu dang ldan pa'i cha bdun dang bcas pa'o// zas ni bya sna tshogs dang sre'o// rus ni 'od srungs kyi brgyud do// rgyu skar nag pa ni gcig ste dbyibs ni pad+ma'i snying po 'dra'o/ / lha ni nyi ma'o// yud tsam sum cu dang ldan pa'i cha bdun dang bcas pa'o// kha zas ni shing thog sna tshogs za'o// rus ni sA la'i shing drung ba'i rgyud do// rgyu skar sa ri ni skar ma gcig ste/ dbyibs ni nor bu rin po che lta bu'o// yud tsam bco lnga dang ldan pa'i cha bdun dang bcas pa'o// kha zas ni phye ma dang / til thug sbyar ba dang / bal sran sde'u btags pa za'o// lha ni rlung lha'o// rus ni yid chen gyi brgyud do// rgyu skar sa ga ni skar ma bzhi ste/ dbyibs ni rA'i rten mgo lta bu'o// yud tsam bzhi bcu rtsa lnga dang ldan pa'i cha bdun dang bcas pa'o/ / kha zas ni til dang / me tog dang / rgya sran smug po za'o// lha ni dbang po dang lha'o// rus ni mtshan mo zhes bya ba'i rgyud do// kye pad+ma'i snying bo can/ rgyu skar bdun po 'di dag ni/ lho phyogs kyi sgor gtogs so// rgyu skar lha mtshams ni skar ma bzhi ste/ glang po che'i mgo dang sna lta bu'o// zas ni chang dang / sran chung dang / sbrang rtsi'o// lha ni nyi ma'o// rus ni rigs pa brgyad 'gro'o// rgyu skar snron ni skar ma gsum mo// dbyibs ni thom skas lta bu'o// yud tsam bco lnga dang ldan pa'i cha bdun dang bcas pa'o//
- 329b
kha zas ni 'bras sA lu dang / mar dang / 'bras thug go// lha ni dbang po'o// rus ni legs byed kyi rgyud do// rgyu skar snrubs ni skar ma dgu ste/ dbyibs ni skar ma gsum dang ldan pa'i ra dgas kyi rgyal po rmad du byung ba'i ral pa lta bu'o/ / yud tsam ni sum cu dang ldan pa'i cha bdun dang bcas pa'o// kha zas ni 'o ma dang / nags kyi rtsa dang / sdong bu dang / 'bras bu za'i// lha ni sdom pa can no// rus ni ka t+ya ya na'i rgyud do// rgyu skar chu sted ni skar ma bzhi ste/ dbyibs ni mchong ba lta bu'o// yud tsam sum cu dang ldan pa'i cha bdun dang bcas pa can gyi rgyud do/ / rgyu skar chu smad ni skar ma bzhi ste/ dbyibs ni gom pa yon po lta bu'o// yud tsam ni bzhi bcu rtsa lnga dang ldan pa'i cha bdun dang bcas pa'o// kha zas ni sbrang rtsi dang yos so/ lha ni thams cad ces bya'o// rus ni stag gu zhes bya ba'i rgyud do// rgyu skar byi bzhin ni skar ma gsum ste/ dbyibs ni glang mgo lta bu'o// yud tsam drug dang ldan pa de las yud tsam gcig la thog mar las byed do/ / kha zas ni rlung za'o// lha ni tshangs pa'o// rus ni gso ba can gyi rgyud do// rgyu skar gro bzhin ni skar ma gsum ste/ dbyibs ni rnga lta bu'o/ / yud tsam ni sum cu dang ldan pa dang cha bdun dang bcas pa'o// kha zas ni mar bsrubs ma thag pa dang bya sha za'o// lha ni khyab 'jug go// rus ni mo'u 'gal gyi
- 330a
bu'i rgyud do/ / kye pad+ma'i snying po can/ rgyu sgur bdun po 'di dag ni// nub sgor gtogs so// rgya skar mon gre ni skar ma bzhiste/ dbyings ni bya lta bu'o// yud tsam ni sum cu dang ldan pa'i cha bdun dang bcas pa'o// kha zas ni byi la'i sha la reg par byed pa dang / rgya sran smug po za'o// g+ha ni nor lha'o// rus ni gnas pa zhes bya ba'i rgyud do// rgyu skar mon gru ni skar ma gnyis te/ dbyibs ni skar ma gcig dang 'brel ba'i me tog gi phung po 'dra'o// yud tsam bco lnga dang ldan pa'i bdun dang bcas pa'o// kha zas ni ra sha za'o// b+ha ni chu lha'o/ / rus ni skar ma'i bu rgyud do// rgyu skar khrums stod ni skar ma gnyis te/ dbyibs ni shing rta 'dra'o// yud tsam ni sum cu dang ldan pa'i cha bdun dang bcas pa'o// kha zas nilug gi sha dang khrag go/ / lha ni rang gi 'ba' zhig 'tsho zhes bya'o// rus ni skye bo'i las kyi rgyud do// rgyu skar khrums smad ni skar ma gnyis te/ dbyibs khri 'dra'o// yud tsam ban bcu rtsa lnga dang ldan pa'i cha bdun dang bcas pa'o/ / kha zas ni bal sran no// lha ni nor rgyal gyi rgyud do// rgyu skar nam gru ni skar ma sum cu rtsa gnyis te/ dbyibs ni skar ma gcig dang ldan pas gru lta bu'o/ / yud tsam ni sum cu dang ldan pa'i cha bdun dang bcas pa'o// de'i zas ni sha dang phye'o// lha ni nyi ma'o// rus ni skyed pa'i bu zhes bya ba'i rgyud do//
- 330b
rgyu skar tha skar ni skar ma gsum ste/ dbyibs ni rta mgo lta bu'o// yud tsam ni sum cu dang ldan pa'i cha bdun dang bcas pa'o// kha zas ni sbrang rtsi dang sha'o// lha ni dri za'o// rus ni rta 'jig gi rgyud do/ / rgyu skar bra nye ni skar ma gsum ste/ dbyibs ni mo mtshan lta bu'o// yud tsam ni sum cu dang ldan no// kha zas ni til dang 'bras so// lha ni gshin rje'o// rus ni brga rgyud do/ / kye pad+ma'i snying po can/ rgyu skar bdun po 'di rnams ni/ byang gi sgor gtogs so// le'u ste bcu drug pa'o// / nam mkha' las 'byung ba brtags bai'i le'u las 'byung ba gshin rje dang / chu lha dang / dbang po dang / lus can las dbyug pa lta bu shar shir po mtshan mo 'am/ nam phyed kyi dus na yud tsam mam/ lud tsam gsum gyi bar du nam mkha' las phal cher rab tu snang ba yal ga mang po rgya chen grang po shin tu ring ba shin tu 'phros pa 'byung na/ zla ba gcig gis de'i yul 'khor du 'thab pa dang / lo dang mi'i dbang po dang / char pa la gnod pa byed do// le'u bcu bdun pa'o// / ljang sngon dang / rtsub po dang / bar chad pa dang / ljang ser dang / 'od 'tsher ba dang / dud pa lta bu dang / sbrul 'dra ba dang / dbyug pa 'dra ba brgyad snang na/ char pa mi 'bab pa dang / lo zas dang / bkres pa dang / srog chags la sogs pa la
- 331a
'jigs par 'gyur ro/ / shing ta la phyed tsam snang ba 'am/ shing ta la gnyis sam/ gsum mam/ bzhi 'am/ lnga tsam gyi dbyibs ltar snang na/ yang na 'phral du smin no/ / yang zla ba bcu gnyis sam/ zla ba brgyad brgyad la lo nyes dang / mi'i dbang po dang / chu bskams pa dang / 'chi ba dang / 'thab mo'i yul dang nor stor ba'i rnam par smin pa 'byung bar 'gyur ro/ / de'ang mod la char bab na gnod par mi 'gyur ro// 'bras bu rnam par smin pa bstan pa ji ltar bshad pa bzhin du/ shar phyogs sam/ nub phyogs su dbyug pa lta bu snang na/ rgyal po gzhan dang / bram ze 'chi bar byed do// byang phyogs dang / lho phyogs nas dbyug pa lta bu snang na/ de'i 'khor gyi mi la gnod pa dang / mi'i 'jigs par 'gyur ro// shing rings thad kar byung ba 'am/ chu rlabs mang po ltar snang ba 'am/ mig mangs ris lta bu'i dbyug par 'dug na/ rkun po'i dpung skye ba dang / yul 'khor ngan cing mi rigs pa mi 'byung ngo // rtsub po dang / dum bu dang / 'jam po me yin pa dang / glog skur mnga' dang / gnam lcags dang / skar ma mjug rings dang / mes 'gag pa ltar snang ba la/ theg gam skar mda' 'dres na/ mi'i dbang po dang / yul 'khor du 'jigs par byed de/ leg
- 331b
par gyur pa'i tshes grangs dang / byed pa'i yud tsam la/ 'byung po'i dbyug pa ltar snang ba'i gnod par mi byed de/ rgyal po'i srid che ba dang / char 'bab pa dang / yul phan par 'gyur ro/ / shar phyogs dang / byang phyogs na dbyug par snang na/ de'i phyogs nas dbyug pa la gnod do// phyogs 'tshams nas dbyug pa ltar snang na/ bud med dang / ba glang sbrum ma rnams 'jig go/ / kyog kyog dang / mi mnyam pa la sogs pa rgyal mtshan dkar po ltar gyen du byung na/ rgyal po dang / yul 'khor 'jig pa dang / skran nad dang 'chi bar byed do// nyin mtshan kun tu dbyug pa rtse mo 'gyed pa ltar snang na/ yul gyi rgyal po 'chi bar 'gyur ro// dbyug pa lta bu rtse mo can du snang na/ yul thams cad kyi rgyal po 'chi ba dang / de'i yul 'jig par 'gyur ro/ / gal te nyin mtshan rgyun mi 'chad par rtag tu dbyug pa lta bu snang na/ yul 'khor de 'jig pa dang / de'i yul phyogs su nang dang / me dang / char mi 'bab bo// le'u bco brgyad do// / skar mda' bshad pa'i le'u la/ skar ma do'i 'dra ba dang gdugs dang / shing gi yal ga 'dra ba dang / rtsa grung po dang / dbyug ba 'dra ba dang / 'khor lo lta bu'i skar mda' snang na/ bram ze dang / rgyal po rigs gtso bo dam pa dang / rgyal po'i btsun mo dang / nang mi dang / yul 'khor gyi mi dang
- 332a
mi'i dbang po dang / bla mar bya ba dang / blon po 'chi bar 'gyur ro// nam mkha' la skar mda' snang ba las gyur na/ char mi 'bab bo// skar mda' dus gnyis su byung ngam/ skar mda' phar phyir log na/ gnam gar song ba'i gnas der gnod par 'gyur ro// skar mda' dkar po la dbyibs legs par snang ba ni/ bsngags pa bya ba yin no// chu'i nang gi srog chags gya gyur 'gro ba dang / mtshon shag ti dang / skar mde'u dang / rta lta bu dang / byi la lta bu dang / sgra dang bcas pa phal cher snang na/ nyes pa mang po 'byung ngo // skar mda' 'bar ba bzhin du song ba las phyir log pa dang / skar mda' gzhan gyi phog ste/ zhig na yul de'i rgyal po la gnod pa'i dgra skyed do// nang par ram/ nub mo 'am de'i mtshams su skar mda' rtsub mo yon po snang na/ rab tu bsngags pa yin no// skar mda' gnam gyi dbus su song la/ sprin gyi chu 'thung ba ltar zhugs shing / skar mda'i sgra med la/ skar mda'i dbus kyi mtshams yod par snang ba 'jam zhing drang la shin tu yangs shing dkar ba/ logs g.yas g.yon du'ang nam mkha' la rnam par rgyu ba snang na/ skar mda' de dag ni dge ba ste/ 'bras bu dam pa rab tu sbyin par byed do// skar mda' kha yod pa zhig snang na/ rgyal po la gnod pa dang / btsun mo la gnod par 'gyur ro// skar
- 332b
mda' rgyab kyis song la/ dud pas chog pa lta bu sgra gcan du byung na/ yul de'i 'khor ma rungs par 'gyur ro// srong la skar mda' 'byung ba ni bkra shis so// skar mda' ri bong gi khrag ltar snang ba 'bar ba lhung na/ rgyal po dang dmag dpon la gnod do// skar mda' mtshan mo zla ba la phog gam/ nyin par nyi ma la phog na/ mi'i bdag po zla ba'am/ skar mda' la mos par byed pa de 'chi ba'o/ / skar mnga' rab tu 'bar bas gza' 'am/ rgyu skar la mngon par phog na/ de la mos pa rnams la ma rungs par 'gyur ro// nyin par skar mda' me'i 'od lta bu lhung na/ yul 'khor gyi dbang po dang / yul du bcas te rnam par 'jig go// yul gyi sa gang du skar mda' zla grag par lhung na/ yul der rgyal po dang / blon po dang rkun po'i drag shul snang bar 'gyur ro/ / skar mda'i le'u ste bcu dgu pa'o// / nam mkha' las sgra 'byung ba'i ltas kyi mtshan ma bstan pa/ rlung gnyis phan tshun nas phrad pa las/ gnam grum pa de lta bu'i sgra byung ste/ de'ang sa la babs pa dang / gyen du 'byung ba dang / thad du dang / rgyang ring po khong du chud par bya'o// nyi ma rtse la sgra byung na/ rgyal rigs la gnod do// snga dro sgra byung na dmangs la gnod do// nyi ma phyed kyi tshe sgra byung na/ bram ze'i sde la gnod do// nyi ma nub pa'i tshe sgra byung na/
- 333a
rje'u rigs kyi tshogs la gnod do// nyi ma nub ka'i dus su sgra byung na/ rigs ngan rnams la gnod do// nam gyi gzhi thun gyi tho rangs sgra byung na/ lo la gnod dornga mtshan gyi gung sgra byung na/ srin po mang po phung bar byed par 'gyur ro// nam mkha' phan tshun na sgra byung na/ glang po che dang rta ma rung bar byed do// nam nangs nas sgra byung na/ 'gron po mang po la gnod do// sgra byung ba thung la dal na gnod pa chung ngur 'gyur ro// sgra ring du byung na 'jigs pa 'byung ngo // dus gsum gang yang rung ba'i mtshams su blo chen po byang phyogs logs su lhung na/ bram ze dam pa 'chi bar 'gyur ro// de bzhin du rgyu skar gyi tshogs gang gi nyi ma la sgra byung na/ de la rten pa'i bram ze gang yon pa la gnod do// bden bral gyi phyogs nas sgra byung na/ drag shul gyi las byed pa la gnod do// rlung gi phyogs na sgra byung na/ mtha' khob kyi lho bal la gnod do// me'i phyogs na sgra byung na/ mes 'tsho ba la gnod do/ / phyogs ring du sgra 'byin pa der dpa' bo rnams dang / sbrul po che la gnod do// sgraltas kyi le'u ste nyi shu pa'o// nyi ma dang zla ba 'khyim paba'i ltas kyi bye brag bstan pa/ nyi ma 'am/ zla ba'i 'od dang / rlung gcig tu 'dres pa las byung ba ni 'od 'khyams pa zhes bya'o// de la mar dang / til mar dang / chu dang /
- 333b
dngul dang / 'o ma dang / thi ba lta bu'i kha dog tu 'khyims na char 'bab bo// bong bu dang / rnga mo dang / shing rta lta bu'i 'od 'khyims pa las rab tu zhig te/ rnam par gyes shing kha dog ngan pas snang na/ mi dge bar 'gyur ro// nyi ma dang zla ba gnyis ka'i nyon mtshan 'od 'khyims par rtag tu gro na btsang ba dang / mtshon dang / nad 'byung ngo // me 'bar ba bzhin du 'khyims na chu mngon par skye'o/ / 'ja' 'dra ba'i dbyibs su 'khyims na/ mtshon mang po 'byung ngo // rdul 'dra bar 'khyims na mu ge 'byung ngo // sum ril du 'khyim nagrong dang rgyal po la mi dge'o/ / rgya skyegs kyi khu ba dang / zho'i mdog 'dra bar 'khyims na/ 'thab mo dang g.yul 'byung ngo // ser por 'khyims na/ yul 'khor gsum 'jigs par ston/ skya bo dang ljang sngon du 'khyims na/ sbrum ma 'chi'o// nor bu 'dra ba'i phyed dang gsum cha'i dum bu gcig 'khyims na/ char pa 'phral du 'bab bo// mtshan dus gsum du 'khyims na/ nyi ma gsum gyi bar du 'jam zhing snum par 'khyims na char pa 'bab bo/ rtsub por 'khyims na/ zla ba gcig na 'jig pa 'byung bar ston to// skar ma dang gza'i thog tu 'khyims pas non na/ rang gi mthu las 'byung ba'i 'bras bur bstan par bya'o// nyi zla 'khyims pa'i le'u ste nyi shu gcig go//
- 334a
'ja' zug pa'i ltas kyi mtshan ma bstan to// rlung dang / sprin dang / nyi ma'i 'od las byung ba ni 'ja' zhes bya'o// 'ja'i tshon sna tshogs su snang na char 'bab bo chu'i nang du zug na char rab tu che'o/ / tshon dkar po la sogs pa ni bram ze la sogs pa la gnod do// ser skya dang / me'i mdog dang / me tog rma zang zang rtsa ser ba lta bu'i 'ja' zug na yul du 'jigs pa 'byung ngo / / 'ja' sngon por zug na lo ma rung bar 'gyur ro// 'ja'i dbus nyi rtse zhig tshogs na mi zad par 'gyur ro// mtshan mo shar phyogs su 'ja' zug na rgyal po la gnod do/ / nub phyogs su mtshan mo 'ja' zug na mi'i gtso bo la gnod do// char 'bab pa'i tshe 'ja' zug na char 'chad do// char mi 'bab pa'i tshe 'ja' zug na char 'bab bo/ / shar phyogs su 'ja' zug na char 'bab bo// lho phyogs la sogs pa phyogs gsum du 'ja' zug na bram ze la sogs pa la mchod pa 'ong ngo // de bzhin du ts+tsha phyogs nas/ nub phyogs su 'ja' zug na rgyal rigs dang / rje rigs dang / dmangs rigs la gnod do// dus gsum gyi mtshams su 'ja' zug na yul 'jig par bye'o// nyi ma'i rtse la lho phyogs su 'ja' zug na mi la 'jigs pa 'ong ngo // mtshams su 'ja' zug na bud med ma rung bar 'gyur ro// lan gnyis su 'ja' zug na bde ba 'phel ba dang
- 334b
lo legs par 'gyur ro/ / tshes grangs bzang po dang / rgyu skar bzang po dang / yud tsam dang / phyed pa dang / gza' bzang po dang / khyim pa dang / skabs bzang po'i tshe 'ja' zug na dge ba ste/ rgyal po'i srid skye/ rkun po'i spa 'gong bar 'ong ngo // de bzhin du nya 'dra ba dang / dbyug pa 'dra ba dang / dri za'i grong khyer lta bu dang / phyogs tshig pa dang bcas par snang ba'ang tshul gong ma dang 'dra bar tshes grangs dang / rgyu skar dang / gza' la sogs pa bzang ngan gyi tshul gong ma dang 'dra bar gdon mi za bar rtogs pa'i mi shes par bya'o// de lta bur snang bar gyur pa'i rjes la zhag bdun tshun chad du char pa bab na zhi ba yin/ legs par 'gyur ro// 'ja' ltas kyi le'u ste nyi shu gnyis pa'o// sa g.yos pa'i ltas kyi mtshan nyid bstan pa/ de la chos ma yin pa'i mthu las byung ba'i dus su skar ma drag shul can dang / yud tsam dang / thang cig dang / tshes grangs mi bzang ba'i tshe sa g.yos na/ skye bo thams cad kyi zhag lnga bcu rtsa ldan 'byung ngo // dgun zla tha chung la sa g.yos na/ 'bras bu zhag brgyad na 'byung ngo // dpyid zla ra ba la sa g.yos pa'i 'bras bu ni/ zhag lnga bcun 'byung ngo // dpyid zla 'bring po las g.yos na/ zhag lnga bcu rtsa gsum na 'bras bu 'byung bar skar mkhan gyis shes par bya'o// de ltar sa g.yos
- 335a
pa'i 'bras bu ni de ltar bstan pa yin no/ / de ltar zla ba'i ngo re re zhing sa g.yo ba'i dmigs kyang yar gyi tshes gcig dang / mar gyi tshes bcu drug dang / mar gyi tshes nyi shu rtsa gsum dag dang / yar gyi tshes bcu bzhi dang / bco lnga dang / nyi shu dgu dang / sum cu ste/ dus tshogs 'di rnams lta bu'i dus su sa g.yos pa'i 'bras bu ni tshul de ltar blta'o/ / sa g.yos pa'i ltas kyi le'u ste nyi shu gsum pa'o// // nam zla ba bcu gnyis kyi ngo kun la sa rtag par g.yos te/ shing yang 'gul/ chu'ang g.yos te/ mer mer byed cing / de ltar dus tshogs dang / dus tshigs ma yin par g.yos te/ rlung langs pas shing yang bcag/ grong dang / grong khyer dang / grong 'dab dang / grong de na rten pa'i skye bo rnams med par gyur te/ gcan gzan gyis zil gyis non nas/ yul 'brog tu gyur te/ de ltar sa g.yos pa ni gnod pa'i 'bras bu lo bco lnga na/ yul phyogs der yang su'ang mi gnas par 'gyur ro/ / rgyu skar smin drug gi nyi ma la sa g.yos na/ grong dang / grong khyer la me bsdud par shor te/ shing rtsi yang tshig/ gos nag po gyon pa'i sde dang / nor bu mkhan rnams dang / mgar ba dang / bram ze mi 'byid pa'i spod pa byed pa rnams dang / 'di rnams la mi dag/ 'byung khung nas nor bu 'byung khung nas dang / 'phel ba rnams kyang subs/
- 335b
par 'gyur ro// yul de la rten pa'i bgrang shing rta 'dren pa'i mi dang / bram ze dang / 'dreg mkhan spu gri las byed pa dang / yul sin tu zhes bya ba'i yul phyed kyi mo dang / yul a ma pa lha dang / yul chu klung lnga zhes bya ba na gnas pa'i mi dang / yul shi'i ba zhes bya ba dang / yul ba si to zhes bya ba dang / yul ta she ka zhes bya ba dang / yul prarta dang / yul dz+wa la d+ha na zhes bya ba dang / yul gangs khrod na gnas pa rnams dang / lho phyogs kyi lung ba na gnas pa'i skye bo rnams la gnod pa 'byung bar 'gyur/ de ltar sa g.yos pas gzi brjid nyams te nad drag pos 'debs/ ltogs par 'gyur/ zan chen dang / chom rkun dang / pha rol gyi dgra rnams kyis gnod pa drag po byed par 'gyur ro// rgyu skar snar ma'i nyi ma la sa g.yos na sa bon thams cad chud zos par 'gyur te/ sa la 'bru btab pa'ang mi skye/ de dang 'dra bar rtsa yang dkon/ nags khrod nas cung zad ci 'khrungs pa'ang dkon no// bud med sbrum ma rnam kyi rum rab tu mi bde/ mu ge dang / mtshon dang / nad kyis zad de/ skye bo sum cha gcig gnas par 'gyur ro// mi'i dbang po che'i bdag nyid can dang / dpal dang ldan pa'i mi'i mchog rnams dang / bram ze gzi brjid can mang po dang / ba glang phyug pa dbang dang ldan pa dang / yul pa'i pha sha dang / yul sha ta ru dang / yul srin du dang / yul an dang /
- 336a
chu bo bi na sti'i 'gram na gnas pa dang / chu bo e ra ba ti'i drung na gnas pa dang / yul ku ha na gnas pa'i mi dang / chu bo tsan tra ba ga zhes bya ba'i 'khor na gnas pa'i mi dang / chu bo su ta na zhes bya ba dang / chu bo 'di dag gi 'gram na gnas pa'i mi dang / yul nags 'brog chu dang ldan pa dang / chu bo a kro dang / se ra sa ti zhes bya/ ba'i 'khor dang / yul sa pa rta pra rta zhes pa'i rnams dang / ra mdog pa'i gtso bo dang / 'di rnams bzhi sa g.yos na gnod pa 'byung bar 'gyur ro// rgyu skar mgo'i nyi ma la sa g.yos na sman rnams dang / nad dpyad byed pa'i sman pa rnams dang / rtswa so ma zhes bya ba la skom du sbyar te 'thungs pa'i chos bzhin byed pa rnams dang / rtswa so ma la skom du 'thungs pa'i rnams dang / bram ze nags khrod na gnas pa dka' thub byed pa rnams la mi rung bar 'gyur/ yul dbus ma ga da cher char 'bebs te/ lo legs/ bde bar 'gyur/ rgyal po nang phan tshun mi mthun te rtsod par 'gyur/ yul a b+hi sha ha'i mi dang / yul shu ra na sen dang / chu bo tsha ra ma nA ti na gnas pa dang / yul ka la'i mi dang / yul bang sa'i mi dang / yul pan tsa la'i lho phyogs dang / yul pan tsa la'i byeng phyogs dang / yul ma g+ha d+ha na gnas pa'i me dang / mi la gnod par 'gyur ro// yul su la'i mi dang / yul be sha la'i mi dang
- 336b
yul ma la zhes bya ba'i 'khor mi dang / 'di rnams la gnod pa rnam pa drug 'byung ste/ chom rkun dang / mes 'jigs pa dang / mi nges dang / za na chen la sogs pa'i khyad zhugs pa'i gnod pa rnams kyis skye bo la zil gyis gnon par 'gyur ro/ / rgyu skar lag las g.yos na/ shing 'o ma can rnams dang / 'o ma ma rung bar 'gyur/ zan skom phyogs su ma rung bar 'gyur/ 'gron pa rnams dang / gcan gzan dang / rgya mo thogs pa'i nya 'chor ba la sogs pa rnams dang / 'obs rko zhing khron pa rko ba dang / sdig pa'i las can rkun po rnams dang gdol pa dang / rigs ngan dang / yul shar phyogs dang / yul pun da pa rta dang / mu stegs gcer bu pa rnams dang / yul o tra dang / yul pu li ni da'i mi dang / yul sha pa ri'i rnams dang / nags 'brog chu dang ldan pa a ta bya so ka ta zhes bya ba dang / yul gzhan yang de dang 'dra ba/ chu dang ldan pa'i nags 'brog kyang gnod pa drag po ma bde ba sna tshogs rnam pa drug gis gnod pa 'byung bar 'gyur ro/ / rgyu skar nab so'i nyi ma sa g.yos na/ chang 'tshong dang / gsal shing dang / mtshon thogs pa'i mi dang / 'khur ba 'tshong ba'i mi dang gdugs byed pa'i mi dang / shing mkhan rnams dang / mi gsod pa'i gshed ma rnams dang / btsas dang / 'gro ba'i tshong pa rnams dang / 'khor lo byed pa rnams dang / 'khor lo
- 337a
slob pa rnams dang / lhang tsher thag cing sbyor ba dang / sha tshong dang / dung tshong dang / grong na gnas pa'i tshong pa dang / gang dag skye bo phal po che lhan cig gnas pas tshong pa dang / tshul can rnams dang / char cher 'bab pas lo la'ang gnod par 'gyur/ rgyal po dang / lho ka'i gnas na gnas pa'i rgyal phran rnams dang / rgyal phran de dag la phyogs pa'i yul mi rnams dang / yul gyi mchog dang / to ka zhes bya ba dang / mon yul ka ma ru na gnas pa'i mo de rnams dang / spyang ki kyi mang po rnams la sa g.yos na gnod par 'gyur ro// rgyu skar rgyal gyi nyi ma las g.yos na/ mi dge ba byas pa dang / bram ze dam pa dang / rgyal po spyi bo nas dbang bskur ba rnams dang / rgyal po'i bu gzhon nu dang / dpon sna 'phra mo mo dang / mime mang po'i tshogs dang / blon po rnams dang / dge slong rnams dang / sprang po dang / bram ze dang / mkhas pa rnams dang / chos la rab tu brtson pa rnams dang / bsod nams chen po byed pa'i mi rnams la gnod par 'gyur ro/ / de ltar shar phyogs dang / yul ta ma lib ta'i grong rdul dang / shar phyogs kyi gling bu mar ti pa dang / men yul ka ma ru pa dang / shar phyog kyi rgya mtsho'i gling na gnas pa nas gling pa dang / gser gyi gling na gnas pa dang / chu bo gang+gA'i rgya mtsho'i gting du 'bab pa dang / 'gras na gnas pa'i skye bo rnams la gnod par 'gyur ro//
- 337b
rgyu skar skag gi nyi ma las gsos na/ klu rnams dang / sbrul rnams dang / sdig sbrul rnams dang / grogs rnams dang / grol ma mang po rnams srin bu sna tshogs dang / khyim dang / jig pa gcig pa na dang dug rnams dang / dug sbyor zhing byed pa'i mi rnams dang / sems can gang dag ri khrod na gnas pa rnams dang / yul mtha' 'khob na rku 'phrog byed cing 'joms pa'i mi rnams dang / zol ba dang / rku thabs kyis 'thob mo 'gyed pa'i mi rnams dang / sdig pa'i las la dga' ba'i mi rnams dang / mi blun po rnams dang / mi ngan pa dang / tshog ngan pa smra ba rnams dang / yul to sa la dang / yul ko la dang / grong khyer kan tsi dang / yul ling ka dang / yul an dra dang / yul an dra'i byang phyogs dang / yul ya ma'i grong rdal nyams dga' ba dang / ri b+hin d+ha dang ri b+hin d+ha'i byang phyogs kyi ngos dang / ri de'i drung dang / rtse mo dang / srangs na gnas pa'i skye bo rnams la gnod pa drag po nad dang / me dang / mi ngas dang / than tshon dang / ser ba dang / yang dang yang mtshon dkar 'gyed pas yul de phyogs na mya ngan byed cing 'gro ste/ sa g.yos pas gzi brjid nyams nas gnod pa de lta bu 'byung bar 'gyur ro// rgyu skar mchu'i nyi ma la sa g.yos na/ rgyal po chen po mya ngan byed par 'gyur/ mchod sbyin byed pa dang / dad pa'i rnams ltogs par 'gyur/ mi mang po 'du ba dang / dga' ston byed pa dang / lha'i gtso bo la mchod sbyin byed
- 338a
pa rnams dang / sngags thams cad ni ldog par 'gyur ro// gang dag btsas pa dang / cher skyes pa dang / gzhan yang mkhas pa'i mchog dang / rol mo mkhan mkhas pas glu snyan pa dang / rigs chen po blo dang ldan pa'i mi rnams dang / 'bru nag po til dang / zar ma srin mo la sogs pa la gnod// yul ka ling ka'i phyed dang / ka ling ka'i nub phyogs dang / yul an ta'i ri la rten pa'i maM rnams dang / ri b+han d+ha'i ngos phyed la rten pa mi rnams la sa g.yos pa dang / sa rnam par g.yos na de dag la yang gnod pa 'byung bar 'gyur ro/ / rgyu skar gre'i nyi ma las g.yos na/ dus tshigs log par 'gyur te/ de'i rlung drag po ldang bar 'gyur/ bstan par byas pa ma rung bar 'gyur/ yod pa'ang ma rung bar 'gyur/ smad 'tshong ma dang / chos la dga' ba dang / g.yos mkhan dang / sho gam gyis 'tsho ba dang / btson 'tsho ba dang / snam bu 'thag pa dang / khyad par du chu bo sin du'i lho phyogs kyi phyed dang / shar phyogs kyi phyed dang / yul ma ha ka ri ri khrod kyi sdong bu dang / yul dang / lung pa'i nang na gnas pa'i skye bo dang / ri kis kin da'i grong khyer dang grong rdal dang / de bzhin du yul shur pa ra ka ra dang / yul tsha ser che ba nags ri chu mang ba na gnas pa'i ba glang la sogs pa dang / skye bo bsrun pa mang pos bskor cing / me tog
- 338b
rgyas par ldan zhing gnas pa la sa g.yos te/ mdangs nyams na gnod pa 'byung bar 'gyur ro// rgyu skar dpo'i nyi ma las g.yos na/ tshong pa rnams dang / gling phran na gnas pa'i mi dang / 'gron po lam du zhugs pa dang / mchod sbyin gyi snod dang / yo byad rnams dang / sbrul gyi gdong gis 'tsho ba'i mi rnams dang / bag ma lam bcug pa sogs dang bkra shis byed pa dang / yul ma he se nA'i grong rdal dang / grong khyer nyams dga' ba ba glang gi khyu mang po dang ldan pa dang / chu bo ga da ba'i 'gram gyi yul dang / yul ma hA ben na dang chu bo ma hA sa ri ta'i 'gram na gnas pa'i grong rdal dang / grong 'dab kyi mi dang / yul dbus ang ga dang / mon yul bang ga dang / yul ka ling ka'i phyed dang / yul ni kr-i ti dang / yul kha sho'i mi rnams dang / sras bud med mang po bsrel ba dang / snying las sems pa'i mi rnams dang / grong dang grong dam pa'i mi rnams dang / rgyal po la brten pas 'tsho ba'i mi de lta bu la sa g.yos na gnod par 'gyur ro/ / rgyu skar me bzhi la sa g.yos na/ rdza mkhan dang / sman pa'i rnams dang / tshogs kyi gtso bo dang / blon po dang / blon po chen po dang dmag dpon rnams dang / glang po 'dul sbyong byed pa'i mi dang / chom rkun byed pa mang po dang / chom rkun byed pa'i gtso bo ri khrod sa btsan la rten pa'i mi rnams dang / bram ze srad bu
- 339a
se ral du thogs pas 'tsho ba rnams dang / lha don du gnyer gnyer ba rnams la smod pa'i mi rnams dang / bram ze'i lag brda'i kha ton 'don pa dang / chos spyan gyis yo byad kyi tshogs sbyor ba dang / yul ha se na'i grong rdal nyams dga' ba dang / rirma bya zhes bya ba'i drung na gnas pa dang / ri pa ri ya tra'i drung na gnas pa dang / sdings dang / lung pa dang / lung pa phran mang po sna tshogs gnas pa'i mi rnams dang / yul pang ku ra dang / yul sa sra dang / yul a mu tra dang / 'di rnams las g.yos na gnod par 'gyur ro// rgyu skar nag pa la sa g.yos na/ ri mo 'dra ba'i las rnams ma rung bar 'gyur/ ri mo bri ba rnams dang / shing mkhan rnams dang / bzo bo dang / gser mgar ba dang / rdo rje sa bsor ba'i las byed pa dang / bzang kan dang / nor bu 'bug cing nor bu 'dogs pa dang / rgyan la dga' ba dang / tshong pa dang / mig sman sbyor shes pa'i mi dang / rgyan byed pa'i mi dang / yul pra ba ka sha dang / yul a ni la'i grong rdal dang / yul ma gyi sma dang / yul a pa na tI dang / ri sa h+ye'i drung dang / ri byin 'da'i 'khor na gnas pa'i skye bo rnams dang / mi dra ma rnams la de ltar sa g.yos na gnod par 'gyur ro// rgyu skar sa ri la sa g.yos na/ chom rkun byed pa'i mi rnams dang / mgar mkhan rnams dang / 'tshe zhing gnod pa'i mi
- 339b
rnams dang / la 'phrang 'joms pa'i mo rnams dang / yul gangs ri'i byang phyogs kyi shod na gnas pa'i mo rnams dang / rol mo mkhan dang / bzhad gad mkhan dang / dka' thub can zas su rlung za ba dang / tshul ma yin pa'i dka' thub grub pa'i mi rnams dang / mi dge ba dam pa'i rnams dang / nga rgyal can rnams dang / yul sa ha ta'i mi dang / yul an dar sta'i mi dang / yul bi pu la dang / yul ka tsa'i skye bo mang po phal po che dang / yul ba ya ba dang / yul shud kra ka dang / yul da ra ga zhes bya bi grong dang / phal ched pa'i mi dang gling sna tshogs na bud med dam pa gnas pa dang / rkang 'gros kyis gang bar rgyas shing / grong khyer ku be ra zhes bya ba la 'byor cing rgyas par gnas pa dang / ri dam pa pra dza ya ho zhes bya ba'i drung na gnas pa'o mi dang / rgya mtsho'i 'gram na gnas pa'i mi dang / yul bri sni dang / yul a na drag dang / ma du zhes bya ba'i mi dang / sa two ta zhes bya ba'i mi dang / 'di dag gi gnas rnams dang / mi'i sde d+ha sha rna ba zhes bya ba rgya mtsho mchu'i grong khyer rnam pa brgyad dang / grong khyer rnam pa stong snyed du gnas pa de dag las g.yos na/ rab tu gnod par 'gyur ro// rgyu skar sa ga las g.yos na/ me las las su bya ba rnams ma rung bar 'gyur ro// bram ze dam pa me la rjed pa rnams dang / gsal ba ma 'khrul pa smra rnams dang / til dang
- 340a
bal gyi sa bon dang / mon sran sde'u dang / bu ram shing gi khu ba dang / 'bru rnams dang / mi rgod po rnams dang / mi phal po cher gnas pa rnams dang / 'bras so ba dang / sa bon btab pa sman las sran chung dang / sran ma dang / sran ma tsa na sha ka dang / rgya sran nag po dang / yungs kar dang / yul tu ra'i mi dang / yul mang ku ra'i mi dang yul ba ya na dang / de bzhin du yul ra ma ka'i mi dang / yul ba par na mi mang pos gang ba dang / yul ka ma ra a di sti ta zhes bya ba na gnas pa'i mi de dag la sa g.yos na/ gnod pa 'byung bar 'gyur ro/ / rgyu skar lha mtshams la sa g.yos na/ mdza' bo byams shing sdug par byed byed par 'gyur// chu dang nor gyi bya ba la sogs pa rnam pa bcu gcig tu bshad pa gnyen bya zhing / bag ma blang ba la sogs pa dang / yo byad bsags shing spel ba dang / bag ma blang ba'i rnams dang / mchod sbyin bya ba rnams dang / de dag gi las bya ba dang / bkra shis par bya ba rnams dang ltas su blta ba rnams dang / bram ze zhi ba dang ldan pa rnams dang / dka' thub can rnams dang / thub pa dang ldan pa rnams dang / dka' thub pa dang ldan pa rnams dang / brtul zhugs dang ldan pa rnams dang / yul ka sha zhes bya ba dang / rgyal srid chen po rnam pa bco brgyad dang ldan pa'i yul dang / rgyal po'i mtha' 'khor yug na gnas pa/ 'bra go'i tshal nyams
- 340b
dga' ba'i gnas na/ 'bra gos 'tshe ba rnams dang / skad rnam pa sna tshogs shes pa'i 'jig rten pa rnams dang / gzi brjid mi mngon par byed pa'i gzugs dang / gos dang rgyan dang / spyod pa dang / byed pa dang / 'gro ba dang / cha byad rnam pa sna tshogs dang ldan pa'i zas su nya sha za zhing / lus nyams bde ba skyed pa/ de lta bu'i mi rnams la sa g.yos na rab tu gnod par 'gyur ro/ / rgyu skar snron la sa g.yos na/ ri chen po snyil bar 'gyur/ 'jigs pa'i rlung rab tu sdang / yul oMsmA ka zhes bya ba'i yul du yul ku sha ka'i ma'i dang rkun po tshul ma yin pa dag gis phan tshun du gnod pa byed par gnas pa rnams dang / yi dgas sha za ba rnams dang / sems can gang dag ri la gnas pa rnams dang / mu ge myur du 'byung / sa la chu'ang myur du skams par 'gyur ro// dgra rnams ri drung du song nas/ de na dga' bar gnas/ chos kyi yo byad rnams dang / gang na nags tshal phun sum tshogs pa dang / dgun ra dang bu ram shing gi khu ba dang / 'bras bu dngar po cung zad yod pa rnams dang / shing du ka'i tshal dang / me tog sna tshogs rnams dang / 'bru dang / sa bon rnams dang / 'bras la sogs pa rnam pa tha dad pa sna tshogs dang / khyim gyi las kun brtsam pa dang / brtan par bya ba'i rnams dang / rtsa ba bskyed cing bsrun pa'i las sna tshogs dang / ro langs byed pa'i
- 341a
las 'gyur mi g.yon can dang / rgyan po dga' ba'i mo dang / de bzhin du sgo lcags 'byed cing rku ba'i mo rnams dang / yul an 'dra'i mo rnams dang / yul bu yi dan gnas pa'i mi rnams 'jig par 'gyur/ mdza' ba'i dpung dang ldan pa'i rnams dang yang phyed par 'gyur/ rgyal po chen po dang / snyoms dang ldan pa rnams dang / tshar chod pa bya rog dang / ri dgas bri sha dang / gcan gzan dang / ga can gzan drag shul can chen po rnams dang / yul ka ra dang / yul pa ra dang / yul shud d+ha se na gnas pa'i mi dang / yul ma la la'i mi rnams dang / tho kar yug bag le dang / par sig gi yul dang / za hor gyi yul dang / ga bu sha'i yul gyi ri ba ri shes na'i 'khor na gnas pa'i mi dang / 'di rnams la sa g.yos nadagra drag po myur du 'byung zhing gnod par 'gyur ro/ / rgyu skar snrubs las g.yos na/ rkang bzhi pa dang / rkang gnyis pa dang / de bzhin du phug na gnas pa rnams dang / yi dgas sha za rnams dang / sems can gang dag ri la gnas pa'i rnams dang / mu ge myur du 'byung // sa la chu'ang myur du skams par 'gyur ro// dgra rnams ri drung du song nas/ de na dga' bar gnas/ chos kyi yo byad rnams dang / gang nags tshal phun sum tshogs pa dang / dgun ra dang / bu ram shing gi khu ba dang / 'bras bu dngar po cung zad yod pa rnams dang / shing
- 341b
du ka'i tshal dang / me tog sna tshogs rnams dang / 'bru dang / sa bon rnams dang / 'bras la sogs pa rnam pa tha dad sna tshogs dang / khyim gyi las kun brtsam pa dang / brtan par bya ba'i rnams dang / rtsa ba bskyed cing bskrun pa'i las sna tshogs dang / ro langs byed pa'i las rnams dang / yul su na dang / gog yul dang / yul ka ta ya'i mi dang / ba glang rdzi la sogs pa'i ro'i rtse mo dang / phug dang / sde bu na gnas pa'i mo rnams dang / rkang bzhi pa sna tshogs dang / dka' thub can shing thog dang / rtsa ba za ba rnams dang / yul ka'i sha'i byang phyogs kyi gnas yul sa btsan po la rten pa'i mi rnams la sa g.yos na/ gnod pa 'byung bar 'gyur ro// rgyu skar chu stong la sa g.yos na/ mi las skyes dang / 'gron po lam na gnas pa dang tshong pa dang / rgya mtsho la rgyu zhing 'gro ba dang / kha zas nyas 'tsho ba dang / chu srin byis pa gsod dang / 'ug pa dang / chu srin nag tri dang / chu srin ma ka ra dang / rus sbal dang rus dang / rigs dang / phyug po dang / mkhas pa rnams dang / zhon pa'i mchog bdog pa de dag la 'jigs pa chen po rab tu 'byung bar 'gyur/ chu'i las su bya ba rdzing bskyil ba dang / rdzing bu brko ba dang / tshal bu dang / skyed mos tshal sna tshogs dang / nor dang / 'bru dang / chang gi yo byad sbyor 'tsho ba'i mi rnams dang / yul ta ru na dang /
- 342a
yul ru ga ka ti si re'i mo rnams dang / yul gam bu dza nas skyes pa'i mi rnams dang / tho gar gyi yul dang / yul hu nas skyes kyi mi rnams dang / yul shwa sa'i ma dang phyugs rdzi rnams dang / yul ka na nas skyes pa'i mi rnams dang / rigs nyams pa'i mi dang / skye gnas ngan pa nas skyes pa'i mi dang / bya gag dang / bud med dang / chu bo chen po pag shu 'gram na gnas pa'i rnams dang / gangs ri'i ri logs kyi ngos gnyis ka na gnas pa'i mi dang / ri ke dang ring dung na gnas pa'i mi rnams dang / ro rgyud chad pa na gnas pa dang / lung pa na gnas pa rnams la sa g.yos na gnod par 'gyur ro// rgyu skar chu smad la sa g.yos na/ bzo bo rnams la gnod par 'gyur te/ lcags mgar dang / phyag mkhan dang / tshon mo steng mkhan dang / shing mkhan rnams dang / 'dreg mkhan dang / phyug po rnams dang / rkun po rnams dang / bzo bo rnams dang / sna tshogs rnams dang / thos zlos 'don pa'i gtsam bu rnams la gnod par 'gyur/ yul gan ra'i mi rnams dang / yul ke ka ya dang / yul kha sha pa rnams dang / gu zan yul dang / yul ba gur na gnas pa'i ri brag pa gtum po rnams pa stong snyed dang / bru sha yul la sogs pa dang / yul sa ga bar de'i skye bo rnams la gnod par 'gyur ro// rgyu skar gro bzhin las g.yos na/ rgyal
- 342b
pos bkur ba'i mi rnams dang / bram ze rig byed sob pa'i mi rnams dang / bstan bcos mkhas pa'i mi rnams dang / snyan dang gas shes pa'i mi dang / yul ga da ra nas/ yul ko'u ra ba'i bar dang / yul me ta ra sta na gnas pa rnams dang / sig nis kyi yul gnyis dang / yul du sma sa ha dang / yul me la rjed pa'i mi dang / yul sa ge ka'i mi dang / yul lam ba ka'i mi dang / yul na ka ha ra dang / yul tsa ta bi sha ya dang / yul gartsi kan gnas pa ma rung ba du ma dang / yul la ba zhes bya ba'i ro la gnas pa dang / mtha'i rgyal po chen po rnams dang / yul ki sang ta dang yul sab ti ra dang / yul ba ri ra za dang / yul bar rna bu ri'i grong rdal dang / klu'i gnas rnams dang / 'di dag la sa g.yos na gnod pa 'byung bar 'gyur ro// rgyu skar mon gre la sa g.yos na[:]mi phyug po dang / ra lug dang / bong bu dang / rnga mo dang / dre'u dang / wa dang / ri dgas kyi rnam grangs tha dad pa dang / ma he dang / 'phong dang rtsal che ba dang / 'dun khang sna tshogs dang / grong khyer gyi tshong dpon rnams dang / yul kha ga dang / yul swa sti man tra dang / yul khi la dang / yul mu na dang / yul ba tra ka ra dang / yul gon tha mi'i mi rnams dang / yul po za dang / yul si la'i grong khyer 'bru sha yul dang / gu zan dang / yul tsing tra dang / chang zhim po sna tshogs dag la dga' ba rnams dang / ri sha sha'i ri logs
- 343a
na gnas pa'i mo sna tshogs pas g.yos na gnod par 'gyur ro/ / rgyu skar mon grul sna g.yos na/ sa'i 'og na gnas pa rnams dang / rgya mtsho'i nang na gnas par sems can rnams dang / sems can gzhan yang tshu la rten pa'i rnams dang / de bzhin du rta dang / glang po che dang / khyi rnams dang / bong bu dang / rnga mo dang / bya rnams dang / de bzhin du dmag mi dpa' bo dam pa dang / mtshon sha ka ti dang / ral gri kyo ka po dang / ral gri thogs pa'i mi rnams dang / yul bral lha'i me dang / yul lho phyogs kyi rgyud kyi ring la rten pa dang / lho phyogs kyi ro rgyud la drang srong thub pa gnas pa rnams dang / yul kho lo gcig pa zhes bya ba'i mi dang / bud med nu ma ya gcig pa rnams dang / dmag dpon du bskos pa 'di dag la sa g.yos na gnod par 'gyur ro/ / rgyu skar khrums stod la sa g.yos na/ chu dang mes 'tsho ba'i mi dang / de bzhin du ba glang gsod cing ma he la rga ba dang / nor bu de sogs la tshong byed pa dang / yul su bir 'byor pa dang ldan pa dang / lug gsod cing 'tsho ba'i mi dang / nags kyis 'tsho ba'i rje'u rigs dang / dmangs rigs dang / rol mo mkhan dang / mi dam pa dang / rta rnams dang / yul ma la la dang / yul ma la la ba dang / sgo 'byed cing rku ba'i mo ngan pa rnams dang / 'di dag la sa g.yos na gnod par 'gyur ro// rgyu skar khrums smad las g.yos na/ tshong ba
- 343b
dang tshul rten pa rnams dang / 'gron lam du zhugs pa rnams dang / tshong pa rgya mtsho la gru bo che'i 'gro bar chas pa dang / sangs rgyas kyi chos la dga' ba rnams dang / gang gi rigs rnams dang chang 'tshong gi las byed pa dang / yul shi ba'i mi dang / yul ba'i yo ti'i mo rnams dang / rgyal rigs a 'dzu na ya na'i rgyu dang / yul sin du dang / yul rta nus sma dang / kha che yul gyi mi dang / ri khrod zab mo na gnas pa'i mi dang / rtse rgod na gnas pa'i yul dang / yul rnam pa du ma dang / yul tang ga la ba ra nang ga ya'i mi dang / lha bu bang gi gnas me tog snru tshogs bye bas brgyan pa/ yul ri gcan brgyad ces bya ba na/ skye bo du mas gang ba gos dang rgyan rnam pa sna tshogs dang / mtshon cha sna tshogs dang ldan par gnas pa la sa g.yos na gnod par 'byung bar 'gyur ro/ / rgyu skar nam gru la sa g.yos na/ 'thob mo'o g.yul drag shul cher 'byung / grong phun sum tshogs pa dang ldan pa dang / grong mi rnams dang / ri khrod na gnas pa dang / 'dun khang rnams dang / yul de ta la'i mi dang / yul a nu sha dang / tsa ka dang / yul dzaM ba ra dang / yul ma tha dang / yul she ka dang / yul ban kan zhes bya ba na/ dpung gis bsnyegs pa'i nga rgyal mchog dang ldan pa dang / rlom par gnas pa gar byed cing glu len pa dang / smad 'tshong mas 'tsho ba dang / yul sha na ka dang / yul a bi ri ra dang / yul nan ti dang
- 344a
yul tsar mnan tin gnas pa'i mo dang / dmag mi rnams dang / dmag dpon dang / yul mi ti la'i grong rdal chen po dang / yul ni mo'i 'khor gyi grong rdal gyi mi dang bal yul nas shar phyogs dang / byang phyogs kyi mtshams kyi yul 'di dag la sa g.yos na gnod par 'byung bar 'gyur ro// rgyu skar tha skar la sa g.yos na/ rta rnams la gnod 'byung bar 'gyur/ grong du mi gsod pa 'byung / mi spun nang gsod pa 'byung / tha skar gyi ngo la rum du bu chags pa la mi dge'o// tha skar gyi dus su btsas pa la mi dge ste/ de phan chad lo gsum na mi bde ba byung ngam/ de nas lo bcu na 'chi bar 'gyur// yul la ri da dang / yul te ga ra ta dang / yul pan tsa la'i skye bo rnams dang / yul a rdza na'i mi rnams dang / yul da ru dang / yul da na bya dang / yu sa sa ti na'i mo rnams la gnod par 'gyur ro/ / rgyu skar bra nye la sa g.yos na/ rkun po rnams la gnod pa cher 'gyur/ rgyal po byed pa dang / mdud pa dang / sgo lcags 'byed cing rku ba dang / me long 'tshong ba'i tshong pa dang / dbyigs dug sbyor zhing sdud pa'i mo dang / 'khor lo byed pa dang / btson srungs dang / gtum po sdig can rnams dang / rkun po rnams dang / g.yo byed pa rnams dang / mi bsrun pa dang / phra ma byed pa dang / gdol pa dang / rigs ngan la sogs pa'i yul gyi mtha' na gnas pa rnams dang / rgya yul na rgyal rnams dang / rgya dam pa rnams dang /
- 344b
yul dga' ba bzang po zhes bya ba rnams dang / yul skye ba na gnas pa'i mi rnams dang / chu bo chen po s+yai ta zhes bya ba'i 'gram na gnas pa'i skye bo rnams dang / mtsho ma dros pa yid bzhin zhes bya ba'i 'jig rten rnams la grags pa de la 'dod chags dang bral ba rnams dang / rig sngags grub pa dang / rig 'dzin gyi tshogs rnams dang / drang srong thub pa rnams kyis kyang bsnyen par bya ba shing 'dzam bu'i skye bo mang po gnas pa dang / ke la se te se'i gang dang / gangs mangs te/ nor bu can gyi ri dang / spos ngad ldang ba gangs ltar go dang / de bzhin du su ri par sha zhes bya ba ngos bzang ba dang / ri dang ris par ni zhes bya ba dang / byang phyogs ngos dang / gling rnam pa sna tshogs mang po dang / ri rad rod dag na gnas pa'i gnod sbyin dang / 'byung po dang / sha za dang dri za dang / srin po'i tshogs mang po dag dang / grub pa dang / rig 'dzin dang / klu rnams dang / de bzhin du smad rnam pa stong snyed la gnod pa 'byung bar 'gyur ro// de ltar na sa g.yos pa'i rjes la zhag bdun tshun chad du/ sa la phan pa'i sprin sngo gnag 'jam po mgo bsku ba'i sman gyi mdog ri chen po 'dra ba las 'brug sgra grag la/ glog rnam pa sna tshogs 'gyu zhing nam mkha' la sngon po shur shur po lta bur snang ba 'am/ sgra 'byung ba'am/ skar mda' lta bu med la/ rlung mi drag pa ldang zhing tshub ma lta bu mo sdug pa ni med/ sprin gyi gzugs bkra
- 345a
shis kyi ri mo sna tshogs dang / dbang po'i rdo rje lta bur snang ba dang / nang par nyi ma 'char ba dang / nyi ma nub nas zla ba 'char ba'i tshe/ sprin gyi mchod par 'char ba dang nam mkha' la sprin dal snyoms pa 'jam po'i gzugs rgyang por song ba/ glog phan tshun du 'phro ba'i sprin de lta bu ni dge ba'i mtshan ma yin no// sprin 'jam la dal snyoms te/ bar chad med cing sprin gyi gzugs mi sdug pa mi snang ba de lta bur snang na/ sprin gyi mtshan de lta bu dang ldan pa ni lha'i dbang po'i sa g.yos par bstan pa yin no// de ltar gang dang gang du sa g.yos pa'i phan gnod kyi 'bras bu'i dmigs ni 'jigs shing sngangs pa med par yid ston la sa bon thams cad thob cag/ las dang 'tsho na ma rnams kyang gyis shig/ rnam par rgyal bar 'gyur ba bstan to/ / tshong pa'ang de'i tshe kun tu song 'jigs pa med do// yang sa g.yos pa'i rjes la zhag bdun tshun chad du nam mkha' la sprin gyis khebs te/ mthar chags su smin pa la ltar dal snyoms par song la/ nub phyogs su nam mkha' la chu srin byis pa gsod pa dang / sbal pa rnams dang / nya dang chu srin 'dra ba'i sprin gyi gzugs snang la/ nang nub tu nyi ma dang zla ba 'char ba'i tshe/ sprin gyis bsgribs pa med pa de ltar snang ba'i mtshan ni// chu'i dkyil 'khor gyis g.yo ba zhes bya ste/ de ltar sa g.yos pa'i phan gnod kyi 'bras bu'ang drang srong chen pos rdza
- 345b
ltar mthong ba bzhin du bstan par bya ste/ thang bu dang / ri ngos dang / zhing dang / mtsho 'gram dang / de dag tu sa bon thob cig dang / sa dma' ba dang / ha cang chu che ba'i sa dang / 'dam rdza ba can du btab na ni ma rung bar 'gyur/ tshul de lta bur sa g.yos pa ni bkra shis te/ chu'i sa g.yos pa zhes bya'o// yang sa g.yos pa'i rjes la zhag bdun tshun chad du rlung drag por langs la/ nang par dang / nub kar nyi ma dang / zla ba dmar ser du snang ba de lta bu'i mtshan ma snang bar mthong na/ de ni rlung gi sa g.yos pa zhes bya ste/ de'i phan gnod kyi 'bras bu bstan pa'ang nyon cig/ de'i tshe shes rab can bdag gar yang mi 'gro bar go ba ste/ 'dug la mtshon cha brgyag pa'i gzan brtsigs pa dang / 'obs brko ba gyis shig/ rgyal po pha rol po dang / mtshams gcig tu 'dug pa dang rtsod par gyur te/ skye bo la 'jigs pa 'byung bar 'gyur ro// de ltar sa g.yos pa thams cad ni lhag par mi rnams la gnod par 'byung bar bsgrags te/ de lta bu'i rlung gis sa g.yos pa zhes bya'o// yang sa g.yos pa'i rjes la zhag bdun tshun chad du/ de'i tshe skar mnga' shin tu drag po lhung ba dang / nang nub kyi tshe dmar por gyur la/ nyi ma dang zla ba'ang dmar por snang ste/ tshul de ltar mthong na/ de ni me'i sa g.yos pa zhes bya ste/ khyim rnams bsrungs kyang mes 'tshog par 'gyur
- 346a
du ba dang / me dang / mtshon rab tu 'byung bar 'gyur/ zla ba dgur char mi 'bab ste/ zhing tha bar lus par 'gyur/ de ltar sa g.yos na ngan cing mi dge'o// me'i sa g.yos pa zhes bya'o// de la snga dro sa g.yos na/ rgyal po dang / dmag gi dpung dang ldan pa rta glang po che dang / dmag dpon dang / blon por bcas pa la mi dge ste/ nyi ma gung las g.yos na/ nad kyis 'debs so// phyi 'phreng sa g.yos na/ ba glang phyugs dang / dmangs rigs dang / de bzhin du rje'u rigs rnams la gnod par 'gyur/ nang par dang / nyi ma nub pa dang / nam gyi gung dus mtshams su sa g.yos na/ rkun po dang gos dmar po gyon pa'i mi rnams la mi dge'o// mtshan mo srong la sa g.yos na gnod pa byed pa dang / mtha' 'khob na gnas pa'i rkun po rnams dang / ma ning rnams dang / mtshan 'gyur ba rnams dang / phyug po dang / tshong spogs byed pa'i tshong pa dang / zhing rmed pa la mi dge'o// zla ba mar gyi ngo bo'i nam chung las g.yos na/ gtum po drag shul can ngan byed pa rnams la mi dge'o// zla ba yar gyi ngo'i nam chung la sa g.yos na/ chos sbyin byed pa'i yo byad dang / bram ze chos sbyin byed pa rnams la gnod par 'gyur ro// sa g.yos kyi le'u ste nyi shu bzhi pa'o// nyi ma dang zla ba'i 'od dang
- 346b
gzugs brnyan gyi mtshan ma bstan pa/ yul gang du nyi ma shar ba'i tshe/ nyi ma 'dra bar nam mkha' la snang na/ de'i lho byung gi phyogs kun tu nyi ma'i dkyil 'khor gyi gzugs rab tu gsal ba'ang ma yin/ 'od zer yang mi gsal la/ sprin gyis kyang nam kun chod na/ de ni char pa 'bab pa yin te/ dbyar gyi tshe ni nyi ma 'dra ba rtag par yang 'byung ngo // dus 'di ma yin pab dus gzhan gyi tshe nyi ma 'dra ba snang na/ 'jigs pa 'byung bar 'gyur ro// yul gang du nyi ma 'dra ba dkar po shar ba/ yul dang bram ze rnams la mi rung ngo // nyi ma 'dra ba'i kha dog dmar por shar na/ rgyal rigs rnams dang / mtshon cha thogs pas 'tsho ba la gnod par shes par bya'o// nyi ma 'dra bar kha dog ser po 'am/ kha dog sngon por gyur na rje'u rigs rnams dang / ba glang dang / phyugs kyis 'tsho ba'i mi rnams la gnod par shes par bya'o// gal te yul gang dang gang du nyi ma 'dra ba kha dog nag por shar na/ dmangs rigs rnams la gnod pa dang / char pa cher 'gyur ro// gal te nyi ma'i g.yas rol du nyi ma 'dra bar byung na/ lho phyogs su 'jigs pa cher 'byung / zhag bdun tshun chad du char pa cher 'bab par bshad do/ / nyi ma'i byang phyogs na/ nyi ma 'dra ba'i kha dog dkar por snang ba byung na/ de ni byang phyogs kyi rgyal po la 'jigs pa cher 'byung / char mi 'bab
- 347a
mu ge 'byung / phan tshun du 'thab par 'gyur/ gal te yul gang du nyi ma'i dkyil 'khor dmar bar snang na/ bcod kyi kha dog ltar dmar la/ gal te sngon po zlum bor snang na/ zla ba lnga na rgyal po 'chi bar 'gyur ro// de lta bu byung na de'i rjes la ltas ngan drag po 'byung ste/ rgyal po nang 'thab cing gsod pa dang / khrag dang mkhris pa'i nad rnams kyang 'byung bar 'gyur ro/ / nam nyi ma'i dkyil 'khor gyi nang na/ mi skyes pa'i gzugs 'dra ba mgo dang bcas pa gsal bar snang na/ zla ba bzhi tshun chad du rgyal po 'chi bar 'gyur ro// yul de'i rgyal po sde dang bcas te ma rung bar 'gyur ro// nyi ma'i dkyil 'khor gyi nang na zhags pa sngon po dang / ser po dang / dmar por shar ba nam snang ba'i tshe/ zla ba bzhin mi'i dbang po ma rung bar 'gyur ba dang / yul du mi nad kyang 'byung ste/ 'jigs pa chen por shes par bya'o// nam nyi ma'i dkyil 'khor la ral gri gyen du 'greng ba ut+pal sngon po'i 'dab ma dang 'dra 'chang zungs dang bcas par snang ba dang / gong du zhugs par snang ba de nyid kyis 'bras bu'ang 'dir bstan te/ khyad par du mi mang po mtshon gyis 'chi bar 'gyur ro// nyi ma'i dkyil 'khor gyi nang na ril ba spyi blugs lta bu 'am/ reng ring po 'am/ phub lta bu snang ba/ zla ba gsum tshun chad du bram ze rnams dang / rgyal po la'ang gnod pa 'byung
- 347b
bar ston to/ / de'i tshe lo ma rung bar 'gyur ba'i char mo che 'bab pa dang / mu ge 'byung bar 'gyur ro// nyi ma'i dkyil 'khor gyi nang na bsil yab 'dra ba dang / yang na sbrul 'dra ba snang na zla ba gsum na yul du 'jigs pa drag po 'byung bar ston/ / mi sbrul gyis zin pa rnams kyang sbrul gyi dug gis phog pas mi 'tsho bar 'gyur ro// nyi ma'i dkyil 'khor gyi nang na gal te bya rog lta bu snang ngam/ 'on te bya snang na/ bram ze rnams dang / rgyal po la gnod pa zla ba phyed dang gsum na 'byung bar 'gyur ro// yang nyi ma'i nang na bya rgod kyi gzugs dang / gcan gzan rmi ga ma ti ka'i gzugs lta bu snang na/ zla ba phyed dang gnyis na gnod pa 'byung ba'o// wa'i gzugs lta bu snang na/ zla ba gcig na gnod pa 'byung ngo // lung bung gi gzugs lta bu snang nazhag bcu na gnod pa 'byung ngo / / yang nyi ma'i dkyil 'khor gyi nang na dbyig pa lta bu'am/ gtan pa sbom po lta bu nyi ma'i nang na snang na/ rgyal po nang phan tshun gcig pas gcig srid che bas bsnyengs pa dang / rgya mtsho bzhi la dbang ba'i mi'i dbang po de lta bu la mi dge ste/ 'jigs pa mngon du 'byung bar 'gyur ro// de ltar ltas ngan gyi 'bras bu 'byung ba'i dus nges pa bstan pa las dus der gnod par ma byung ste mi snang na/ de ni lo gcig na 'bras bu gsum 'gyur du skyes te/ gnod pa 'byung bar ston to// zla ba dum bur lhags sam
- 348a
mdog gyur tam/ gas pa dang / zla ba'i gzugs chen por ram/ 'phro ba dang / rab tu g.yo ba dang / zla ba tshes pa'i rwa mi gsal ba 'di rnams ltar snang na skye bo la 'jigs pa 'byung ba 'am/ skye bo las 'jigs pa 'byung bar 'gyur ro// zla ba de la gza' spyang kis thams cad zin na'ang skye bo la 'jigs pa 'byung bar bshad do// tshul 'di dang 'dra bar nyi ma la gza' zhugs te/ nyi ma shi na'ang zla ba dang 'dra bar lta zhing / bag yod par yid la gzung zhing shes par bya'o// yang zla ba'i mdog thal ba 'dra ba dang / sngo reng 'dra ba dang // zangs 'dra ba'i mdog dang / mdog ser po dang / skya bo dang / byu ru'i mdog tu snang ba dang / zla ba'i mdog mi gsal bar snang na/ mig nad kyi 'jigs pa 'byung ba dang / mtshon gyis 'gyed pa dang / nad kyis 'jigs pa 'byung ba dang / gzhan yang gnod pa 'byung bar 'gyur ro// yang zla ba'i mdog dkar la snum zhing gsal bar snang na/ phyogs su bde ba dang / char che ba zhi bar 'gyur ro/ / de ltar zla ba'i 'gro ba dang / bya ba dang / gnas dang / zla ba'i tshad dang / mdog gyur pa dang / tshul dang zla ba rgyu ba'ang sems can bsod nams ma yin pa byas pa'i 'bras bu mu ge dang / mtshon kar 'gyed pa dang / 'chi ba dang / tshegs 'byung ba'i gnod pa 'byung bar ston to// mtshan mo zla ba tshes pa nas gza' rnams kyis zla ba'i steng na par
- 348b
thar te song na/ de rnams kyi gnod pa'i dmigs so sor bstan te/ spyir ni rgyal po dang mi dam pa ma rung bar 'gyur ro// char pa ha cang che ba dang / bla ma ma rung bar 'gyur ba dang rgyal srid ma rung bar spyi ston to/ / zla ba'i steng na pa wa sangs kyis mnan te song na/ rgyal po ngan pa ma rung bar 'gyur ro// zla ba'i thog nas mig dmar dang spen pas non te song na bkres pa'i 'jigs pa dang / khon drag shul can du 'byung ba dang / rab tu 'jigs pa 'byung bar 'gyur ro// zla ba la phod mjug rings kyis non te song na/ mu ge dang mtshon gyis 'gyed par bstan to/ / zla ba la gza' lag gis non te song na/ lo legs pa dang / bde bar 'gyur ro// de ltar zla ba'i steng na phar gza' rnams kyis non cing phug ste song ba'i 'bras bu de ltar bstan pa yin no/ / gza' rnams kyis zla ba la phug ste song ba de 'bras bu ni zla ba gzas phug pa las zla ba'i gzugs cher skyes la/ 'od lhag par chen de ni rgyal ba zhes bya'o/ / gal te pham par gyur te/ mthu rtsal bri ba na/ zla ba 'dar zhing g.yon pham pa zhes bya'o// de la ba wa sangs kyis phug ste song na/ yul man tra dang / yul pan tsa la dang / yul ma ga dang dang / yul da mo ta dang / yul ku pa ra dang / ram gyi yul dang / gul sa ra ga ra dang / yul kha sha dang / yul
- 349a
bu lin tra dang / yul ke ka la dang / kha che yul dang / panA sig gi yul dang / ri khrod na gnas pa'i rnams dang / bud med rgyal mo byed pa'i yul dang / phugul u ba tri tra dang / yul angag dang / phul u ru kur tsa dang / yul su shrIn ra dang / yul bu nA sha dang / yul bu lin ha dang / bal yul dang / bgrang rdzil sogs pa'i rnams dang / yul stan dang / yul sta la da na dang / bcu la gnas pa'i mi rnams gangs ri'i lho phyogs kyi ngos la gnas pa'i mi rnams la/ zla ba bdun tshun chad kyis gnyen dang bcas pa'i rnams ma rung bar 'gyur ba'i 'byung bar 'gyur ro/ / nam zla ba 'od gsal ba phur bu phog ste song na/ yul ba sa ta dang / yul sin du dang / yul gan da dang / ri khrod na gnas pa'i mi rnams dang / bag le'i yul dang / sog le'i yul gyi lung pa'i ljongs ri khrod pa brgya stong snyed dang / kha che yul gyi mi la zla ba bcu tshun chad kyis gnod par the tsom med par 'gyur ro/ / nam zla ba'i 'od gsal ba mig dmar gyis phug na/ rgyal po yul gzhan du 'gro ba 'am/ rgyal srid bya bar brtson pa 'am/ rgyal srid byed par zhugs ba la ma rung bar 'gyur ro/ / bzhon pa'i rta rnams zad par 'gyur/ phan tshun du bye zhing gnod pa dang / dug dang mtshon mang pos ma rung bar 'gyur/ yul a yong dang / yul bu
- 349b
lin dang / yul ka ling ka'i rgyal po rnams dang / yul pa ri dang / yul shag ti ma ta'i skye bo rnams ma rung bar 'gyur ro// yul tre ga ra ta dang / yul ma la ya ba dang / yul ku ra dang / yul pa tad tsa ra dang / yul shi ba ya'i mo rnams dang / dmag dpon rnams dang / mi'i tshogs rnams dang / dmag gi tshogs rnams dang / dpung dang ldan pa dus dang / dang tshul la sogs pa dang ldan pa'i mi rnams dang / yul lho phyogs na gnas shing rten pa'i mi rnams la zla ba drug gis 'jigs pa 'byung bar ston to// nam zla ba gza' spen pas phug ste song nabram ze gtso bo dang / rgyal po gdugs thogs pa 'thab mo'i g.yul du 'jug/ 'thab par byed/ blon po dang bcas/ sde'i gtso bo dpon can rnams 'thab par 'gyur/ grong rdal dang / tshong pa lam du zhugs pa dang / yul u tsu ta'i mi dang / yul go'u sa'i mi dang / yul i pa sha ha'i mi dang / yul ga shud tra'i mi dang yul ma la ba dang / yul i pi ra dang / mya ngan rnams dang / yul mang ba rnams dang / ba glang dang / bong bu dang / rnga mo dang / 'di rnams rgyal mtshan du byed pa'i yul rnams ma rung ba dang / yul rus pa can du 'gyur ro// yul de rnams kyi mi la zla ba bcu bzhin sdig pa zhi ba dang ldan pa yin no// nam gza' lag gis zla ba phug na
- 350a
lo legs/ nad med/ char pa legs pa 'bab/ skye bo la gnod pa med cing bde ba dang zhi bar 'gyur ro// zla ba la phod mjug rings kyis phug ste song na/ ga te skar thod las dud pa 'thul na/ mi dpa' ba dang / mtshon gyis 'tsho ba rnams dang / chom rkun byed pa'i rnams gzhan gyis rtsal dang / gnod pa dang / drag shul gyis 'chi bar 'gyur ro/ / yang gal te zla ba de la gza' gzhan gyis 'bugs shing / zla ba'i ngos la mdud cing reg par song na/ mtshon gyis gnod pa sna tshogs mang po 'byung ngo // gal te zla ba'i gza' rnams song ste nub na/ rgyal po 'chi ba dang / lus dang nor yang ma rung bar 'gyur ro// yang btsas pa'i brla skar gyi nang du gza' spyang ki zhugs pa'am zla ba la gza' spyang ki zhugs la/ skar mda' zla ba la phog na/ rgyal po 'chi'o// zla ba dang / gza' gnyis kyi 'od zer phrad pa dang / gza' zla ba'i thog na phar non tu reg par song na gsar du zhugs pa snga na gnas rnams 'pham par byed pa dang / rgyal po skye bo rnams 'joms shing za bar 'gyur ro// zla ba me tog pad+ma me tog ku mu ta dang 'dra// tshes grangs bzhin du zla ba skye zhing shas che bar snang na/ / dkyil 'khor 'od zer ldan te nyams po med par 'gro ba yin// de ltar 'od zer bsil ldan mi rnams rgyal bar 'gyur// zla ba 'char zhing 'gro ba bshang po'o//
- 350b
rgyu skar dang / rgyu skar gyi khyim gyi nang na gza' mig dmar zhugs pa'i mtshan ma bstan pa/ rgyu skar mig dmar rgyu skar gyi khyim gang yang rung ba'i nang du/ gza' mig dmar 'od kyi mdog 'jam pa dang ldan zhing chen por 'gyur te/ zla ba brgyad dar/ zla ba bdun gyi bar du zhugs shing 'dug pa las/ 'od kyi kha dog dang / bong che ba nyams na de ni mi dge ba yin te/ rgyu skar gang dang gang gi nang du gza' mig dmar zhugs pa de nyid la gnod par 'gyur ro/ / gza' mig dmar tshul da ltar zhugs pa ni/ skye bo rnams la gnod par 'gyur ro// yang gza' mig dmar yon por 'gro zhing 'jug pa dang / phyir yang 'khor zhing zhugs pa dang / mig dmar gyi 'od dang / mdog nyams pa dang / gza' mig dmar rgyu skar dang nye zhing 'od 'dres pa dang mig dmar las dud pa 'thul pa dang / 'bar ba dang / mig dmar gyi rtse mo las 'od zer dang ldan par 'gyur ba dang / phan tshun du 'pho zhing 'gro ba 'am/ lam gcig tu 'dug la 'od dmar po 'am/ yang na dud pa mi sdug pa cher 'thul na gnod pa byed 'dod de/ de ni rgyal po 'chi bar 'gyur ro// yang na gza' mig dmar 'od dmar po 'bar na/ 'byung po thams cad la mi rung bar 'gyur ro/ / yang na gza' mig dmar nam mkha' rgyu zhing / shar nub ltas mi snang bar 'gro na/ mi rigs bzhi rnams 'jigs par 'gyur/ gang dang gang
- 351a
gis rgyu skar nang du zhugs pa de ltar mi snang na/ mi de dag la gnod par 'gyur ro// nam gza' mig dmar rgyu skar dang / skar ma kun gyi nang du 'od kyi mdog bzang bor snang na/ mi rigs bzhi thams cad la phan par 'gyur ro// mig dmar gyi mdog dang / 'od nyams na mi dge ste ngan par blta'o// yang gza' mig dmar yon por 'gro zhing 'jug pa tsha ba zhes bya ba dang / gdong mchi ma can zhes bya ba dang / sbrul zhes bya ba dang / gdong dmar po zhes bya ba dang / mig dmar yon por 'gro ba drag shul can zhes bya ba dang / de bzhin du gtum bu zhes bya ba dang / mig dmar shar ba rgyu skar bdun gyi nang du zhugs pa dang / yang na rgyu skar dgu 'am/ yang na rgyu skar brgyad kyis nang du zhugs pa las phyir log na/ de ni yon po tshang ba zhes bya'o// mig dmar de ltar zhugs pa la de'i tshe/ khang thog gi thod ka 'am/ nags tshal gyi tor to'i thad ka nas/ mig dmar rtag tu rgyal ba bzhin du 'dug la/ nag gu reng reng po zhig tu gyur na/ rims nad kyang 'byung / rab tu dga' ba med par byed/ gang dag me'i las kyis 'tsho zhing btso ba dang / sreg par byed pa de dag kyang me shor zhing thar pas/ skye bo zad par 'gyur ro// rgyu skar bcu gcig gam/ yang na rgyu skar bcu 'am/ yang na bcu gnyis kyi nang du zhugs te 'dug na/ de ni gza' drag po yon por zhugs pa gdong mchi ma zhes bya ba ste/ gza' de ltar zhugs pa ni
- 351b
du char pa 'bab ste/ char legs par 'bab kyang / gzhan gyis gnod pa byas pas pham par mi 'gyur/ mi'i lus kyi srog gzungs lnga yang nad can du gyur pas/ de'i phyir nang mang po 'byung bas mi kun red cocing rke ba dang / 'jig rten du mi rnams la nad mang po 'byung bar 'gyur ro// rgyu skar bcu gsum mam/ yang na rgyu skar bcu bzhi'i nang du gza' mig dmar zhugs pa las slar log na/ de ni yon po sbrul zhes bya ste/ glang po che rnams dang / sbrul po che dang / sbrul rnams kyis gnod pa byed par 'gyur/ mtshon gyis smas pa rnams mi 'tsho/ sman dang / 'bras bu rnams dang / sdong bu rnams legs par smin cing 'khrung bar 'gyur/ char snyoms par 'bab/ sa bon thams cad rab tu 'khrung ngo // yang rgyu skar bco lnga'am/ bcu drug gi nang du gza' zhugs na/ gza' drag shul can de gdong dmar po zhes bya ste/ rgyal po phan tshun 'thab cing / g.yul bkye ste/ mtshon gyis smras pas de'i tshe/ sha khrag gi 'dam du 'gyur ro// yang gza' mig dmar rgyu skar bcu bdun gyi nang du zhugs ste/ phyir log na de ni drag shul can dang / gtum bu drag pa zhes bya ste/ de'i tshe na skye bo mang po rnams snying rje med/ snying brtse ba med/ bka' khrims dang chos lugs med de de'i dus na skye bo rnams gcig la gcig ral gri dang mdung bus 'debs shing 'phen par 'gyur ro/ / gzhan yang gza' mig dmar gza' drug tu 'pho zhing 'gro ba tshangs pa skye dgu'i bdag po
- 352a
ltar rab tu ston/ de lta bu la gza' mog dmar de song ngas/ 'dug gas/ yod dam/ med dam/ byar yang mi rung ste/ de la nam zla ba gsum gyi bar du gza' mog dmar rab tu song na/ de'i tshe skye bo rims nad kyis ma rung ba dang / sa'i bcud nyams par 'gyur ro// gza' mig dmar bong chung ngur gyur/ rnam par gzar bar gyur/ rnam par gnod par gyur/ dkyil 'khor chung ngu gyur par yul phyogs gang na snang ba de'i tshe/ mig dmar 'pham pa zhes bya ste/ de ni yul phyogs su gnod par 'gyur ro// gza' mig dmar de ltar gyur na/ mi'i las dang mel rjed pa'i las byed pa'i mi dang / yul ma la bya ba'i yul mi dang / yul ku sha'i mi dang / yul ma sha'i mi dang / yula'i ta'i mi dang / yul sa lad ma'i mi dang / yul la ba'i mi dang yul mog tu'i mi dang / wA rjed pa'i mi rnams dang / yul mo gu ra dang / yul me'i dbang po zhes bya ba dang / yul swa ra zhes bya ba 'di rnams la gza' gzhan gyis gza' mig dmar 'pham par byas na/ yul de rnams kyi mi la gnod par 'gyur ro// an+ya sha ru la kar rna'i nang nas gza' skar gyi lhas 'byung ba btus pa/ lhas dang mtshan ma dge bar gyur cig rdzogs so/ / zla ba'i khyim brtsi ba dang / rgyu skar brtsi ba'i mdo sde las 'byung ba/ zla ba'i bam brtsi ba/ ston zla tha chung nyanas/ dgun zlar bar nya'i bar du/ zla ba
- 352b
gcig ste khyim sdig pa/ dgun zla ra ba nya nas/ dgun zla 'bring po nya'i bar du zla ba gcig la khyim gzhu/ dgun zla 'bring po nya nas/ dgun zla tha chung nya'i bar du/ zla ba gcig la khyim chu srin dgun zla tha chung nya nas/ dpyid zla ra ba'i nya'i bar du/ zla ba gcig la khyim bum pa/ dpyid zla ra ba nya nas/ dpyid zla 'bring po nya'i bar du/ zla ba gcig la khyim ta/ dpyid zla 'bring po'i nya nas/ dpyid zla tha chung nya'i bar du/ zla ba gcig la khyim lug/ dpyid zla tha chung nya nas/ dbyar zla ra ba'i bar du/ zla ba gcig la khyim glang dbyar zla ra ba nya nas/ dbyar zla 'bring po/ nya'i bar du/ zla ba gcig la khyim sbyor ba/ dbyar zla 'bring po nya nas/ dbyar zla tha chung nya'i bar du/ zla ba gcig la khyim sbal pa/ dbyar zla tha chung nya nas/ ston zla ra ba nya'i bar du zla ba gcig la khyim seng ge/ ston zla ra ba nya nas/ ston zla 'bring po nya'i bar du/ zla ba gcig la khyim bu mo/ ston zla 'bring po nya nas/ ston zla tha chung nya'i bar du/ zla ba gcig la khyim srang / rgyu skar brtsi ba/ ston zla tha chung mar gyi ngol/ rgyu skar smin drug dbang / tshes bcu drug la snar ma dbang / tshes bcu bdun la mgo dbang / tshes bco brgyad la lag/ tshes bcu dgu la nab so/ / tshes nyi shu la rgyal// tshes nyi shu gcig la skag/ tshes nyi shu gnyis la mchu/ tshes nyi shu gsum la gre/ tshes nyi shu bzhi la dbo tshes nyi shu lA la me bzhi/ tshes nyi shu drug la
- 353a
d gun blang ba lar gying nag pa/ tshes nyi shu bdun la sa ri/ tshes nyi shu brgyad la sa ga/ tshes nyi shu dgu la lha mtshams/ tshes sum cu la snron dbang / tshes gcig la sbubs/ tshes gnyis la chu stod/ gsum la chu smad/ bzhi la byi bzhin/ lnga la gro bzhin/ drug la mon gru/ bdun la mon gre/ brgyad la khrums stod/ dgu la khrums smad/ bcu la nam gru/ bcu gcig la tha skar/ bcu gnyis la bra nye/ bcu gsum la smon drug/ bcu bzhi la snar ma/ bco lnga la mgo dbang dgun zla ra ba mar gyi ngo la/ tshes bcu drug la lag/ bcu bdun la nab so// bco brgyad la rgyal bcu dgu la skag/ nyi shu la mchu/ nyi shu gcig la gre/ nyi shu gnyis la dbo/ nyi shu gsum la me bzhi/ nyi shu bzhi la nag pa/ nyi shu lnga la sa ri/ nyi shu drug la sa ga/ nyi shu bdun la lha mtshams/ nyi shu brgyad la snron/ nyi shu dgu la sbubs/ sum cu la chu stod dbang / dgun zla 'bring po yar gyi ngol/ tshes gcig la chu smad/ gnyis la gro bzhin/ gsum la mon gru/ bzhi la mon gre/ lnga la khrums stod/ drug la khrums spad/ bdun la nam gru/ brgyad la pa skar/ dgu la pra nye/ bcu la smin drug/ bcu gcig la sngar ma/ bcu gnyis la mgo/ bcu gsum la lag bcu bzhi la nab so/ / bco lnga la rgyal dbang dgun zla 'bring po mar gyi ngo la/ tshes bcu drug la skag/ bcu bdun la mchu/ bco brgyad la gre/ bcu dgu la dbo/ nyi shu la me ban
- 353b
nyi shu gcig la nag pa/ nyi shu gnyis la sa ri/ nyi shu gsum la sa ga/ nyi shu bzhi pa lha mtshams/ nyi shu lnga la sbron/ nyi shu drug la sbubs/ nyi shu bdun la chu stod/ nyi shu brgyad la chu smad nyi shu dgu la byi bzhin/ tshes sum bcu la gro bzhin/ dgun zla tha chung yar gyi ngo la/ tshes gcog la mon gru/ tshes gnyis la mon gre/ gsum la khrums stod/ bzhi la khrums smad lnga la nam gru drug la tha skar/ bdun la bra nye/ brgyad la smin drug/ dgu la be'u ded/ bcu la mgo/ bcu gcig la lag/ bcu gnyis la nab so// bcu gsum la rgyal/ bcu bzhi la skag/ bco lnga la mchu dbang / dgun zla tha chung mar gyi ngo la/ tshes bcu drug la gre/ bcu bdun la dbo/ bco brgyad la me bzhi/ bcu dgu la nag pa/ nyi shu la sa ri/ nyi shu gcig la sa ga/ nyi shu gnyis la lha mtshams/ nyi shu gsum la sngon/ nyi shu bzho la snrubs/ nyi shu lnga la chu stod/ nyi shu drug la chu smad/ nyi shu bdun la byi bzhin/ nyi shu brgyad la gro bzhin/ nyi shu dgul mon gru/ / tshechos sum cu la mon gre dbang / dpyid zla ra ba yar gyi ngo// tshes gcig la khrums stod/ tshes gnyis la khrums smad/ tshes gsum la nam gru/ tshes bzhi la tha skar/ lnga la bra nye/ drug la smin drug bdun la be'u ded/ brgyad la mgo/ dgu la lag/ bcu la nab so// bcu gcig la rgyal/ bcu gnyis la skag/ bcu gsum la mchu/ bcu bzhi la gre/ bco lnga la dbo dbang / dpyid zla ra ba mar
- 354a
@gyi ngo la/ tshes bcu drug la me bzhi/ bcu bdun la nag pa/ bco brgyad la sa ri/ bcu dgu la sa ga/ nyi shu la lha mtshams// nyi shu gcig la sngon/ nyi shu gnyis la sbubs/ shu gsum la chu stod/ nyi shu bzhi la chu smad/ nyi shu lnga la byi bzhin/ nyi shu drug la gro bzhin/ nyi shu bdun la mon gru/ nyi shu brgyad la mon gre/ nyi shu dgu la khrums stod/ tshes sum cu la khrums smad dbang / dpyid zla 'bring po yar gyi ngo la/ tshes gcig la nam gru/ gnyis la tha skar/ gsum la bra nye/ bzhi la smin drug/ lnga la be'u ded/ drug la mgo/ bdun la lag/ brgyad la nab so// dgu la rgyal bcu la skag/ bcu gcig la mchu/ bcu gnyis la gre/ bcu gsum la dbo/ bcu bzhi la me bzhi/ bco lnga la nag pa dbang / dpyid zla 'bring po mar gyi ngo la bcu drug la sa ri/ bcu bdun las ga/ bco brgyad la lha mtshams/ bcu dgu la snron/ nyi shu la sbubs/ nyi shu gcig la chu stod/ nyi shu gnyis la chu smad/ nyi shu gsum la byi bzhin/ nyi shu bzhi la gro bzhin/ nyi shu lnga mon gru/ nyi shu drug la mon gre/ nyi shu bdun la khrums stod/ nyi shu brgyad la khrums smad/ nyi shu dgu la nam gru/ tshes sum cu la tha skar dbang / dpyid zla tha chung yar gyi ngo la/ tshes gcig la bra nye/ tshes gnyis la smin drug/ gsum la snar ma/ bzhi la mgo/ lnga la lag/ drug la nab so// bdun la rgyal/ brgyad la skag/ dgu la mchu/ bcu la gre/ bcu gcig
- 354b
la dbo/ bcu gnyis la me bzhi/ bcu gsum la nag pa/ bcu bzhi la sa ri/ bco lnga la sa ga dbang / dpyid zla tha chung gi mar gyi ngol/ tshes bcu drug la lha mtshams/ bcu bdun la snron bco brgyad la snasnrubs/ bcu dgu la chu stod/ nyi shu la chu smad/ nyi shu gcig la byi bzhin/ nyi shu gnyis la gro bzhin/ nyi shu gsum la mon gru/ nyi shu bzhi la mon gre/ nyi shu lnga la khrums stod/ nyi shu drug la khrums smad/ nyi shu bdun la nam gru/ nyi shu brgyad la tha skar/ nyi shu dgu la bra nye/ tshes sum cu la smin drug dbang dbyar zla ra ba yar gyi ngo la/ tshes gcig la snar ma chos gnyis la mgo/ gsum la lag/ bzhi la nab so// lnga la rgyal/ drug la skag/ bdun la mchu/ brgyad la gre/ dgu la da po/ bcu la me bzhi/ bcu gcig la nag pa/ bcu gnyis las ri/ bcu gsum la sa ga/ bcu bzhi la lha mtshams/ bco lnga la snron dbang / dbyar zla ra ba mar gyi ngo la/ tshes bcu drug la sbubs/ bcu bdun la chu stod/ bco brgyad la chu smad bcu dgu la byi bzhin/ nyi shul gro bzhin/ nyi shu gcig la mon gru/ nyi shu gnyis la mon gre/ nyi shu gsum la khrums stong/ nyi shu ba ni la khrums smang/ nyi shu lnga la nam gru nyi shu drug la tha skar/ nyi shu bdun la brenye/ nyi shu brgyad la smin drug/ nyi shu dgu la snar ma/ tshes sum cu la mgo dbang / dbyar zla 'bring po yar gyi ngol/ tshes gcig la lag/ tshes gnyis la
- 355a
@nab so/ / gsum la rgyal/ bzhi la skrag/ lnga la mchu/ drug la gre/ bdun la dbo/ brgyad la me bzhi/ dgul nag pa/ bcu la sa ri/ bcu gcig la sa ga/ bcu// gnyis la lha mtshams/ bcu gsum la snron/ bcu bzhi la snrubs/ bco lnga la chu stod dbang / dbyar zla 'bring po mar gyi ngo la/ tshe sa bcu drug la chu smad/ bcu bdun la byi bzhin/ bco brgyad la gro bzhin/ bcu dgu la mon gru/ nyi shu la khrums stod/ nyi shu bcig la khrums smad/ nyi shu gnyis la nam gru/ nyi shu gsum la tha skar/ nyi shu bzhi la bra nye/ nyi shu lnga la smin drug rdza nyi shu drug la snar ma/ nyi shu bdun la mgo/ nyi shu brgyad la lag/ nyi shu dgu la nab so// sum cu la rgyal/ dbyar zla tha chung yar gyi ngo la/ tshes gcig la skag/ tshes gnyis la mchu/ gsum la gre/ bzhi la dbo/ lnga la me bzhi/ drug la nag pa/ bdun la sa ri/ brgyad la sa ga/ dgu la lha mtshams/ bcu la snron/ bcu gcig la snabs/ bcu gnyis la chu stod/ bcu gsum la chu smad/ bcu bzhi la byi bzhin/ bco lnga la gro bzhin dbang / dbyar zla tha chung mar gyi ngo la/ tshes bcu drug la mon gru/ bcu bdun la mon gre/ bco brgyad la khrums stod/ bcu dgu la khrums smad/ nyi shu la nam gru/ nyi shu gcig la tha skar/ nyi shu gnyis la bra nye/ nyi shu gsum la smin drug/ nyi shu bzhi la snar ma/ nyi shu lnga la mgo/
- 355b
nyi shu drug la lag/ nyi shu bdun la nab so// nyi shu brgyad la rgyal/ nyi shu dgu la skag/ tshes sum cu la mchu dbang ston bla ra ba yar gyi ngo la/ tshes gcig la gre/ gnyis la dbo gsum la me bzhi/ bzhi la nag pa// lnga la sa ri/ drug la sa ga/ bdun la lha mtshams/ brgyad la snron/ dgu la snrubs bcu la chu stod/ bcu gcig la chu smad/ bcu gnyis la gro bzhin/ bcu gsum la byi bzhin/ bcu bzhi la mon gru/ bco lnga la mo na gre dbang / ston zla ra ba mar gyi ngol/ tshes bcu drug la khrums stod/ bcu bdun la khrum smad/ bco brgyad la nam gru/ bcu dgu la tha skar/ nyi shu la pra nye/ nyi shu gcig la sprin drug/ nyi shu gnyis la snar ma/ nyi shu gsum la mgo/ nyi shu bzhi la lag/ nyi shu lnga la nab so/ nyi shu drug la rgyal/ nyi shu bdun khal skag/ nyi shu brgyad la mchu/ nyi shu dgu la gre/ tshes sum cu la dbo dbang ston zla 'bring po yar gyi ngo la/ tshes gcig la nag pa/ gnyis la sa ri/ gsum la sa ga/ bzhi la lha mtshams/ lnga la snron/ drug la snrubs/ bdun la chu stod/ brgyad la chu smad dgul gro bzhin/ bcul byi bzhin/ bcu gcig la mon gru/ bcu gnyis la mon gre/ bcu gsum la khrum stong bcu bzhi la khrims smad bco lnga la tha skar dbang / ston zla 'bring po mar gyi ngo la/ tshes bcu drug la pra nye/ bcu bdun la smin drug/ bco brgyad la snar ma bcu dgu ra
- 356a
mgo nyi shu la lag/ nyi shu gcig la nab so// nyi shu gnyis la rgyal/ nyi shu gsum la skag/ nyi shu bzhi la mchu/ nyi shu lnga la gre/ nyi shu drug la dbo/ nyi shu bdun la me bzhi/ nyi shu brgyad la nag pa/ nyi shu dgu la sa ri/ sum cu la sa ga dbang / ston zla tha chung yar gyi ngo la/ tshes gcig la lha mtshams/ gnyis la snron/ gsum la snrubs bzhi la chu stod/ lnga la chu smad/ drug la byi bzhin/ bdun la gro bzhin brgyad la mon gru dgu la mon gre/ bcu la khrums stod/ bcu gcig la khrums smad/ bcu gnyis la nam gru/ bcu sum la tha skar/ bcu bzhi la bra nye/ bco lnga la smin drug dbang / 'jig rten ston pa'i le'u las/ sa g.yo ba la sogs pa'i ltas kyi le'u nyi tshe logs shig tu phyung ba/ dgun zla tha chung tshes bcu drug gam/ bcu dgu pa nyi ma 'char kar du ba lta bu 'am/ char pa 'bab por snang ngam/ sprin gyi nang nas glog 'byung ba snang na/ mdzangs shing mkhas pa rnams 'gyur bar shes par gyis shig/ gza' nyi ma dang / skar ma tha skar la du ba lta bu byung ste/ nam mkha' khebs nas/ lo bcu gnyis chang bar than pa 'byung bar shes par bya'o// dgun zla tha chung skar ma pra nye'i tshe/ nyi ma ser por snang na/ kho ra khor yug tu gsod par 'gyur zhing / dbus su ltogs par 'tsho bar 'gyur ro// dpyid thar ba la/ gza'i nyi ma dang skar ma smin
- 356b
drug gis g.yos pa la/ gal te char yang ma bab na/ de'i 'khor gyi mi phung bar 'gyur/ dpyid zla 'bring po skar ma rgyal gyi tshe/ nub ka nyi ma'i 'od mdog nag por snang na/ de rgyal po la gsod/ dpyid zla tha chung skag gi tshe/ nyi ma nyi rim snang na/ der g.yul 'gyed par 'gyur ro// rgyal po gnyis ka la gsod par 'gyur ro// dbyar zla ra ba la/ skar ma'i tshe/ nyi zla gnyis ka spyad kis zin na/ blon po dag gis rgyal po rnams gsod de/ dbyar zla 'bring po la skar ma khrums stod kyi tshe/ phyed phye nyi ma'i drung dang / nye 'khor du 'od dmar po byung na/ zla ba drug tshun chad du pha rol gyi dmag tshogs kyis yul 'khor de gsod par 'gyur ro/ / rgyal po de blon po dang / bu dang / chung ma dang bcas par nges gsod par 'gyur ro// gal te dbyar zla 'bring po la nyan zla ba spya kis zin na/ yul 'khor der mu ge dang / 'thab mo dang / nad 'byung ngo // dbyar zla tha chung la skar ma snrubs kyi tshe/ nyi ma dang zla ba mi gsal zhing der me stag lta bu dag snang na/ yul 'khor der mi bde ba 'byung / ston zla 'bring po zla ba phyed kyi bar du/ nyi ma dang zla ba la gnod pa byung ba na/ la bu stong gi khrag 'thung bar 'gyur ro// ston zla tha chung nya la/ nyi ma dang zla ba mtshan dang mi ldan zhing mi gsal te/ 'on te me'i mdog 'dra zhing / nam mkha' yang mdog de 'dra na/ rgyal po gnyis ka la rten pa'i yal 'khor phyir zhing phreng bar 'gyur te/ bsad nas myur du 'gyel zhing / sa ni
- 357a
khrag 'thung bar 'gyur ro/ / dgun zla tha chung la skar ma pra nye'i tshe/ rlung nag po langs shing / nyi ma dang zla ba spyang kis zin na/ yul 'khor der dmag gi tshogs kyis phung bar byed par 'gyur ro/ / dpyid zla ra ba la rlung gis sa'i char 'bebs shing glog byung na/ der rgyal po rnams gsod cing / gzhan dag rgyal po la 'jig par 'gyur ro// dbyar zla 'bring po la nyi ma'i gza' 'a zhig dang phrad la rlung chen po drag po langs na/ rgyal po mdas gsod par 'gyur ro// dbyar zla tha chung la skar ma skag gi tshe/ nyi ma logs su skar mda' lhung na/ zla ba drug tshun chad du yul 'khor la 'byung bar ston to/ / dbyar zla ra ba la nyi ma las/ gza' thal byung na/ nyi ma las thal ba'i gza' des/ de thams cad du gza'i gnod pa 'byung ngo // dbyar zla 'bring po la sa'i char 'bab pa dang / nyi ma'i khyams na/ rgyal po stong gcig la gcig gsod do// dbyar zla ra ba la skar ma bra nye'i tshe/ rlung langs shing 'brug zer na/ rdzing rnams ma rung bar 'gyur te/ lo tog thams cad ma rung bar 'gyur ro/ / dbyar zla tha chung la rlung ser po ldang zhing nam mkha' nag por 'dug na/ de khor khor yug tu gnas pa la 'byung bar shes par bya'o// dbyar zla tha chung la skar ma khrums stod kyi nyin par 'brug mi zer bar bab na/ nad dang mu ge 'byung bar ston to// ston zla ra ba la 'brug mi zer na/ pha rol gyi dmag tshogs kyis yul 'khor de'i nor bsags pa 'phrog
- 357b
bar 'gyur ro/ / ston zla ra ba la rdzi char langs te/ byang phyogs su sdeng chen 'gyel na/ der yang yul 'khor mtha' dag tu phung bar 'gyur ro// ston zla tha chung tshes bcu gsum la 'ja' zug na/ yul 'khor de kho ra khor yug phung bar 'gyur ro// dbus ni ltogs te 'chi'o// dgun zla ra ba la skar ma tha skar gyi tshe/ skar mda' lhung ngam/ ser ba bab na/ yul 'khor der skye dgu kun dbugs mi bde bas 'chi bar 'gyur ro/ / dpyid zla ra ba la skar ma lag gi tshe/ nam mkha' la me tog lta bu snang ngam/ nam mkha' la sgra grag na/ yul 'khor de myur du phung bar 'gyur ro// dpyid zla 'bring po skar ma sa ri'i tshe/ rlung ma langs par char 'bab cing 'ja' zug na/ grong khyer mtha' dag tshig par 'gyur ro// dbyar zla ra ba la skar ma bra nye'i tshe/ byang phyogs su sgra byung na/ nam mkha' la kha dog ser por snang na/ pha rol gyi dmag tshogs dag dang 'phrad do// dbyar zla 'bring po la skar ma rgyal gyi tshe/ nam mkha' la glog byung ngam/ sgra dang bcas pa'i char chu 'bab na/ 'gro ba gsum cha zhes bya'o// dbyar zla tha chung skar ma sbubs kyi tshe/ char lan mang du bab bam/ 'ja' zug na rgyal rigs rnams la 'jigs pa 'byung ngo // ston zla ra ba skar ma nub so'i tshe/ gnam grum mam/ rlung shin tu nag po langs na/ der nad chen po 'byung bar ston to// skar ma rgyal gyi tshe phyogs mtshams su byung na/ rgyal rigs myur du 'khrug cing skye dgu
- 358a
phyogs su 'chad par 'gyur ro/ / ston zla tha chung skar ma bra nye'i tshe/ stong sgra byung ngam/ rtswa dang bcas pa'i char bab na/ dka' thub can rnams la 'jigs pa chen po 'byung ngo / / ston zla tha chung la skar ma lag gi tshe/ nam mkha' la rnga sgra lta bu byung na/ der rkang bzhi pa rnams 'chi'o// dgun zla tha chung skar ma mon gru'i tshe/ nam mkha' la rol mo sil snyan gyi sgra lta bu drag na/ lo tog la 'byung po gnod pa byed cing / nad drag po 'byung ngo // dgun zla 'bring po skar ma sa ri la/ skar mda' drag po 'byung zhing / nam mkha' la glog rgyun du byung na/ mkhas pa rnams la 'jigs pa chen po 'byung ngo // dgun zla ra ba yar gyi ngo la sa rgyun du g.yos na/ lo gsum lon pa dang yul 'khor mtha' dag phung bar 'gyur ro// dpyid zla ra ba la skar ma snron gyi tshe/ rtsa dang bcas pa'i rlung 'khrags sam/ rgyun du sa g.yos na/ tshangs par spyod pa rnams la 'jigs pa chen po 'byung ngo // dpyid zla 'bring po la skar ma khrums stod kyi tshe sa g.yos na 'jigs pa chen po 'byung ngo / / dpyid zla 'bring po la skar ma chu stod kyi mtshan mo sa g.yos na/ blon po rnams kyis rgyal po gsod cing / mi mang po gsod do/ dpyid zla tha chung mar gyi ngo la/ sa rgyun du g.yo 'am/ zla ba drug gi bar du char mi 'bab na/ dar mu ge 'byung bar ston to// dbyar zla ra ba la skar ma bra nye'i nyon par sa g.yos na/
- 358b
mi dpa' bo stong 'chi zhing sa ni khrag 'thung ngo // dbyar zla ra ba la skar ma snrubs kyi mtshan mo sa g.yos na/ mtha' 'khob kyi yul 'khor du gsod par 'byung ngo // yul du 'thab mo 'byung ngodabyar zla 'bring po la skar ma rgyal gyi tshes g.yos na/ yul der lo tog ma rung bar 'gyur ro// stebs kyis bya ba'i las kyang g.yo bar 'gyur ro// skar ma lag gi tshe/ gang du rlung langs te mchod rten g.yos sam/ 'bar ram/ 'gyel na yul 'khor de myur du phung bar 'gyur ro// gang du mchod rten grum mam/ 'gyel na/ rgyal po de yul 'khor dang bcas te gzhan gyis khyer bar 'gyur ro/ / dbyar zla tha chung skar ma khrums stod kyi chos g.yos na rgyal po rtag tu sa 'pho zhing chom rkun dag gis yul 'khor de bcom par 'gyur ro// ston zla tha chung la sa g.yos na/ grong khyer gyi sgor g.yo zhing zhig gam/ mchod rten rnying pa zhig pa der ma lus par phung bar 'gyur ro// zla ba'i rtse mo g.yas sam g.yon du gza' phur bu zhugs na/ rgyal po'i sa'i dbang phyug gi longs spyod chen po ma rung bar 'gyur ro// nyi ma'i rtse mor gza' mig dmar zhugs na/ mtha' 'khob na gnas pa'i rgyal phran rnams kyis kho ra khor yug tu gnod pa 'byung ngo / / zla ba'i rtse mor spen pa zhugs na/ 'jigs pa chen po dang ma be 'bang bar sor to// ba srang kis zin dam skar mnga' lhung na
- 359a
zla ba drug tshun chud du rgyal po la gnod pa 'byung bar ston to/ / tha skar la bab pa'i tshe/ zla ba spyang kis zin na/ rgyal po dang yul 'khor du gnod pa mi bzad pa 'byung ngo/ rgyal po bla skar la bab pa'i tshe/ zla ba la gza' mjug rings zhugs na/ mtha' 'khob kyi rgyal po dag dang 'thab cing mtshon gyis rgyal bar 'gyur ro// dpyid zla ra ba skar ma mchu'i tshe/ zla ba la gza' mjug rings zhugs na/ 'bab chu thams cad du skams par 'gyur/ skye dgu nad kyis 'chi bar 'gyur ro// phur bu 'am/ pa wa sangs sam/ mig dmar ram spen pa zla ba'i rtse mor zhugs na yang / der 'jigs pa chen po 'byung bar shes par bya'o// skar ma rgyal la gza' mjug rings nas 'jug na/ ring po mi thogs pa der phyogs bzhi nas dmag tshogs 'ong ngo / / skar ma mchu la mig dmar zhugs sam/ gro bzhin phur bu zhugs na/ lo gsum khyud skor du 'jigs pa rtag tu 'byung ngo // dbyar zla ra ba skar ma snar ma la pa wa sangs zhugs te phyir log na/ 'byung po thams cad dang / rgyal rigs rnams la 'jigs pa chen po 'byung ngo // skar ma sa ga la phur bu 'am/ spen pa 'am/ zla ba'am/ nyi ma zhugs na skye dgu'i 'khor los bsnun pa bzhin du phung bar 'gyur ro// yang ngal dang / gong skar dang / yang li la sogs pa'o skar ma las mdor bsdus pa'i lha
- 359b
dang g.yang mchod pa dang / gnyen sbyar ba dang / lam du 'jug pa dang / shing gtad pa rnams kyi skar ma bzang ngan sbyar ba la lha mchod cing dpal dang g.yang bgyi ba'i skar ma bzang du'ajam pa la/ mgo dang / gre dang / me bzhi dang / mon gru rnams te/ 'bring spang du bgyi ba la/ byi bzhin/ gro bzhin/ smin drug/ sngar ma/ lag/ rgyal/ chu stong/ chu spang rnams teskar ma de la ma gtogs pa gzhan ni bgyir mi rung ste ngan no/ / gnyen sbyar ba'i skar ma bzang po 'dam pa la/ dbo/ lha mtshams/ me bzhi/ sbubs/ chu stod/ chu smad nam gru rnams te/ skar ma 'di dag la bag ma tshur blangs kyang rung / bu sring phar btang yang rung ste/ lo dang gnad 'phrod pa dang / bkra shis so// ngan rab ste mi rung ba la/ snar ma dang nag pa la sogs pa gzhan ni ngan te bye bar 'gyur ro/ / zhing sa bon gdab pa la skar ma bzang du 'dam pa la/ nab so dang / lha mtshams dang / chu stod dang / chu smad dang / byi bzhin rnams so/ / mchog tu ngan pa la smin drug dang / rgyal dang / bra nye rnams so// lam du 'jug cing don gnyer ba'i skar ma bzang ngan blta ba/ skar ma shar phyogs dang / byang dbang ba'i skar ma la mgo/ lag/ nab so// rgyal mon gru/ mon gre/ khrums stod/ khrums smad/ nam gru/ tha skar rnams yin te/ shar phyogs dang byang phyogs su mchi na skar
- 360a
ma 'di dag gi nyi ma la lam du 'jug ste song zhig/ don grub cing mi phyugs gnyis ka la nye zho mi 'byung ngo // skar ma de dag la bab pa'i nyin par lho dang nub tu mchi na mi 'phrod kyis/ ma 'gro zhig/ skar ma lho phyogs dang / nub phyogs dbang ba'i skar ma la gre/ dbo/ me bzhi/ lha mtshams snron snrubs/ chu stod/ chu smad/ byi bzhin gro bzhin rnams yin te/ lho dang nub phyogs su mchi na/ skar ma de dag gi nyi ma la lam du zhugs te song zhig/ 'gron drag cing nye zho med par slar 'khor ro// skar ma de dag la bab pa'i nyin par shar dang byang phyogs su mchi na/ don mi drag cing nye zho 'byung ste/ slar yang mi 'khor bas ma 'gro zhig/ phyogs gar mchi yang rung ste/ skar ma 'di rnams la bab na 'gror mi rung ba la nag pa/ sa ri/ sa ga/ bra nye/ mchu/ smin drug/ skag 'di bdun la bab na/ phyogs mtshams dang / mdo gtsang gang yang 'gror mi rung ste/ mi 'phrod pas zhag 'ga' shol na legs so/ / skar ma 'di rnams kyi nang na mchog tu 'dam pa la/ shar dang byang phyogs su rgyal/ khrims stod/ tha skar la bzang lho dang nub phyogs su 'gro na/ lha mtshams dang me bzhi la 'gro na bzang / yang na don gnyer ba'i lam skar rnam gcig la/ skar ma rgyal dang tha skar gnyis ni nyi ma shar ba'i yul dang / mdo smad dang / byang phyogs su
- 360b
'gro na/ don drag la mi phyugs gnyis ka gang yang rung nor ye dang 'theng grum gang yang mi mchi'o// nub phyogs dang lho phyogs su den chen po zhog gnyer zhing 'gro ste/ skar ma bkra shis su gdam na/ lha mtshams/ me bzhi gnyis la lam du zhugs na/ don drag la mi phyugs gnyis ka la'ang nor zho dang 'ther grum mi mchi'o// yang nye ring dang phyogs mtshams gar ma yang rung / 'gror mi rung ba'i skar ma ngan pa rnams la nag pa dang / sa ri dang / sa ga dang / bra nye dang / chu smad dang / smin drug dang / snar ma dag ste/ 'di rnams ni ngan cing 'gror rung ba'i skar ma'o/ / yang phyogs bzhir 'gro ba'i skar ma rnam gcig bstan pa/ 'phrod cing bzang ba'i skar ma la gre dang / da bo dang / me bzhi dang / lha mtshams dang / snron dang snrubs dang / chu stod dang / chu smad dang / byi bzhin dang / gro bzhin te/ skar ma 'di bcu ni/ lho dang / nub phyogs kyi skar ma ste/ lho phyogs dang / mdo gtsang phyogs su der gnyer zhing 'gron por mchi na/ 'di rnams gang la bab kyang rung / 'phrod de bzang ngo // don drag la slar myur du 'khor zhing na tsha dang / rlag bor dang / 'theng grum la sogs pa nong na mi mchi'o/ / shar dang byang phyogs su mchi na ni/ skar ma 'di rnams la bab na ngan te/ don mi drag cing / slar yang mi 'khor te nye zho mchi'o// skar ma mgo/ lag/ snar ma
- 361a
nab so/ / rgyal/ mon gre/ mon gru/ khrums stod/ khrums smad/ nam gru/ tha skar/ skar ma bcu gcig po 'di ni/ shar dang byang phyogs kyi skar ma ste/ shar dang byang phyogs su mchi na/ skar ma 'di rnams gang la bab kyang rung ste/ don grub cing na tsha dang rlag bor la sogs pa mi 'byung ngo // nub dang lho phyogs su mchin ni/ skar ma 'di dag la bab na/ don mi 'grub cing ngan te slar mi 'khor ro// na tsha dang / rlag por dang / god tshabs cher mchi ste/ skar ma 'di rnams la ma 'gro zhig/ yang lam du 'jug pa'i tshes grangs dang cho ga bstan pa yang lam du 'jug pa ni tshes grangs dang / gza' dang / rgyu skar du ldan na legs te/ de ltar ma ldan na/ tshes grangs bzang po 'dam ste/ lam du zhugs na shis par gyur te/ tshes gsum dang bdun dang / bcu gcig dang / bcu bdun dang / bcu dgu dang / nyi shu gsum dang / nyi shu bdun te/ 'di rnams kyi nyin par zhugs na/ nye ring gar 'gro yang bzang ngo // de ltar ma ldan te/ rings pa zhig yod na shar phyogs su 'gro na/ lcags che chu tshon do pa gcig lag na gzung bar bya'o// lho phyogs su mchi na/ shing tshon gang ba gzung bar bya'o// nub phyogs su 'gro na/ sol ba tshon gsum pa zhig gzung bar bya/ byang phyogs su 'gren/ sa phul gang gzung ste/ ske nas rgyang grags gsum tsam bor na nyes pa mi 'byung ngo // sgo nas chas pa'i
- 361b
tshekhyi 'thab pa mthong na/ 'gro ba mi rigs kyis/ re zhig ma 'gro nag/ lam du zhugs pa'i tshe/ mtshon cha'i bag kha nas brjod cing 'byung ngo // bor rlag ces rjod du mi rung ngo // sgo thad ka nas phyi rol du gtam mi bya/ chas te song ba'i 'og tu slar sgo logs su blta bar mi bya/ de ltar byas na nye zho 'byung ngo // shid byed pa'i skar ma la bzang por brtsi ba ni mgo dang / me bzhi dang / mon 'gro dang / khrums smad dang / nam gru dang / tha skar rnams so// 'bring du bgyi na/ byi bzhin dang / gro bzhin dang / snar ma/ lag/ rgyal/ mchu / chu stod rnams so/ / shin tu ngan pa'i skar ma bdun yod de/ ci'i phyir zhe na/ res gsum du 'gyur ba'i phyir ro// de dag gang zhe na/ pra nye/ smin drug/ nab so// dbo sa ge/ chu smad/ khrums stod rnams te/ de rnams kyi nyi ma la shing byed cing ro bskyod du mi rung ngo // de'i nyin par snying dga' ba zhig gam/ nor bzang po zhig thob na'ang res gsum du bskung mar 'thob ste dga' 'o/ / zhag bcu gcig gis btab bam/ dgra zhig zus te snying mi dga' bar gyur na'ang / res gsum du bstud mar 'byung ngo // gza' brtsi ba dpyid zla ra ba dang / dbyar zla 'bring po dang / ston zla tha chung 'dra bar spen pas tshe/ dbyar zla ra ba dang / ston zla 'bring po dang / dgun zla tha chung 'dra bar phur bus tshes/ ston zla ra ba dang /
- 362a
dgun zla 'bring po dang / dpyid zla tha chung 'dra bar mig dmar la tshes/ dgun zla ra ba dang / dpyid zla 'bring po dang / dbyar zla tha chung 'dra bar zla ba la tshes zla ba shol dor ba ni/ lo ngo mthong gsum zhig la/ shel lan cig dor te/ yang li tshul du ni/ skar ma khyim bcu gnyis/ lho byang/ shar nub phyogs bzhin mchis pa la phyogs kyi ra sha'i dkyil drang po la shol dor te/ lo skor bcu gnyis la shol bra nye ba'i 'dor bar brtsi rgya'i ltar na'ang 'di dag 'thun te/ phyogs bzhi'i lo skor/ shar drang po na yos bu lho drang po na rta/ nub drang po na bya/ byang drang po na byi ba rnams te/ byi ba'i lo la dpyid zla 'bring po gnyis te/ shol dor/ yos bu lo la dbyar zla 'bring po la bor rta'i lo la ston zla 'bring po la bor/ bya'i lo la dgun zla 'bring po la bor/ ga ru ra'i rgyud kar ka sang ka ha zhes bya ba las/ gza' chen po bdun res kyis nyin zhag re re la dbang byed pa'i tshe/ gza' gcig dbang ba'i zhag gcig la'ang nyin mo thun brgyad mtshan mo thun brgyad la/ klu'i rgyal po la brgyad dbang byed pa'i ge rims dang bzang ngan brtag pa'i mdor bsdus pa/ bza' chen po bdun ni nyi ma dang / zla ba dang / mig dmar dang / lag dang / phur bu dang / pa wa sangs dang
- 362b
pa'o/ / klu'i rgyal po brgyad la dang po bdun ni mtha' yas dang / nor rgyas dang / 'dzeg po dang / pad+ma chen po dang / stobs kyi rgyu dang / pad+ma dang / dung skyong ngo // klu'i rgyal po brgyad pa ni rigs ldan zhes bya'o/ / de la gza' chen po bdun po de dag ni/ res kyis go rims bzhin nyin zhag re re la dbang ngo // de dag gi nyin zhag gcig la nyin mo la'ang thun brgyad mtshan mo la'ang thun brgyad du bcas pa la/ klu'i rgyal po snga ma bdun gyi steng du/ klu'i rgyal po rigs ldan gyis bsnan te/ brgyad po go rims bzhin du dbang byed pa'ang yod de/ gza' nyi ma'i nyin zhag gcig gis thun bcu drug la ni/ klu'i rgyal po rigs ldan rang gis skal ba dang / klu'i rgyal po pad+ma chen po dang / stobs kyi rgyu'i skal ba la'ang dbang byed do/ / gza' zla ba'i nyin zhag gcig gi thun bcu drug la ni/ klu'i rgyal po rigs ldan rang gi skal ba dang / klu'i rgyal po pad+ma chen po dang / pad+ma dang dung skyong gi skal ba la'ang dbang byed do/ / gza' mig dmar gyi nyin zhag gi thun bcu drug la ni/ klu'i rgyal po rigs ldan rang gi skal ba dang / klu'i rgyal po pad+ma dang / dung skyong gi skal ba la'ang dbang byed do/ / gza' lag gi nyin zhag gi thun bcu drug la ni/ rigs ldan rang gi skal ba dang / klu'i rgyal po dung skyong gi skal ba la dbang byed do// bza'
- 363a
phur bu'i nyin zhag la ni/ rigs ldan rang gi skal ba dang / 'jog po dang / pad+ma dang / dung skyong gi skal ba la'ang dbang byed do// gza' pa wa sangs kyi nyin zhag la ni rigs ldan rang gi skal ba dang / dung skyong la'ang dbang byed do// gza' spen pa'i nyin zhag gi thun bcu drug la ni/ rigs ldan rang gi skal ba dang / stobs kyi rgyu dang / dung skyong gi skal ba la'ang dbang byed do/ / de la gza' bdun po'i nyin mtshan gyi thun gang la rigs ldan rang dang / gzhan gyi skal ba la dbang byed pa'i thun de dag la mi la sogs pa gdug pas zin pa la sogs pa ni/ gshin rjes zin pa dang 'dra ste mi 'tsho'o// tsher ma dang rtswa la sogs pa rma mchod cing nad chen por 'gyur te mi 'chi'o// nad kyis btab pa dang / gyod khrin la thogs pa dang / mi 'tsho mi thar ro// don du 'gro ba dang / don bsgrub pa yang nye zho 'byung zhing don mi grub bo// klu'i rgyal po gzhan gyi dus la ni ci bya bar yang bzang rab bo// / nor bu rin po che bzang ngan brtag pa'i gzhung dang thabs yong yang nor bu rin po che btsal na/ thog ma'i 'byung khung ni/ 'dzam bu gser gyi gling gi pha rol na/ rin po che sna tshogs kyi ri yod pa las g.yu rdo dang / dngul rdo brko ba bzhin du rin po che'i rdo dbul ba'i mis brkos nas sing ga la ti ba'i rgyal po la gser gyi gnong pa'i nang du blugs te phul nas/ rgyal po chags shing gis de'i
- 363b
nang nas bton te/ blon po rnams kyang lnga bcu man chad/ bca' bcu yan chad so sor bya dgar gsol zhing 'thor/ rgya gar gyi mkhan po mu nid tra se nas kyang 'di bzhin du mthong ste/ rgya yul nas dar rnyed pas/ blon po de dag las nyos te/ ye zho bar ma la'ang bdun zhig phul/ rin po che btsal na rnyed pa'i khungs ni tshong pa phyug po yul gru mang po rgya rgyu 'ga' tsam la bzang por mdog/ mi ngan pa la ni rin po che yang dag bdog kyang mi bdog/ kha cig la ni rin po che zhes mchi yang rin po che ma lags/ rin po che bzang ngan brtse ba'i rtags ni tig brtag pa/ zlum pa dang / mdog nyi ma'i kha dog ltar dkar zhing 'tsher pa lteng lteng mchis na bzang / pad+ma rA ga dang / an+da rnyil la sogs pa brtag na/ spyir lci ba dang gsal la de'i nang na snying po bgrang ba'i lhung lhung po mchi/ bu la mchis pa dbang / mu tig dbug pa ni reg cing nges pa'i rnams bu ga dbug pa ni chab tu sbrul dang / gar dbug pa mngon te/ de nas phyir chab nas phyung ste dbug/ de nas yang rin po che brtag pa'i thabs gcig la/ shog shog dril ba mdzub mo tsam la/ yung ba brtag pa'i lde gus shog shog dril ba la bskus/ / de'i steng du bsros pa kha ma gcig gis glan te/ de la nor bu rin po che btsug la/ rin po che'i mjug ma gnyis ka logs su bstan te/ de'i kha dog gi shog shog yung bas bskus pa la sngon po 'am/ dmar por gyur na bzang rab/ dong tse i ban zhes bya ba 'phreng gcig la grangs stong brgya'i zho bcu la srang gcig tu brtsis pa/ dong tse gcig la zho gcig/ dong tse bcu la srang gcig 'byung
- 364a
ta zig yul na rgyal po'i dkor dang bya dga' stsal pa/ bod kyi ming bu mi dang 'dra bar dong tse gcig la zho brgya/ zho brgya la gser srang phyed dang bcu gsum la bgyid/ stong gi ri mo dang rngayi ge ni rgyal po rabs re re zhing 'gyur/ dong tse chung ngu ni kun kyang 'dra ste/ zho gcig gi tshad brgya la ni srang gcig/ dngul ni nam gnyis la bgyid/ ta thig ni gser dang / dngul/ zangs gsum la bgyid/ gser gyi dong tse zho gcig pa gcig la dngul gyi ya gam/ nam gnyis pa nyi shus 'jal/ dngul gyi ya gam gcig la zangs kyi dong tse drug cu yis 'jal te/ zangs kyi dong tse din tshod ma dang ga gon dang / sbyin gtong phran tshegs kyi gtor zan du bgyid/ rgya gar gyi dong tse gser dang / dngul dang / ra ga na dang / skar gzhir bsres te/ ming ni do los bgyi ste/ gser dang dngul ni chung/ ra gan dang / 'khar ba ni che ste/ gcig la zho gnyis mchis te/ bltar lhan cig tu gzhu yang mi 'dra ste/ so so na tshig cig por gda'/ bal po pa na ses bgyi ste/ zangs ma gcig pu la'ang bgyid/ zangs dang / zha nye dang / 'khar ba bsres pa la'ang bgyid/ de gcig la zho gnyis kyi tshad/ yul gang na'ang 'dra ste/ dong tse rgyal po'i bla dkor du brdung ste/ 'od ma gzhan bgyid du mi gnang / rgya yul na glang bsad pa dang / dong tse ldugs pa ni 'dra ste/ bcad par na 'gum/ ta zig dang par yul na ni
- 364b
dong tse lkugs pa'i mgar ba rnams lag pa gla rgyas 'debs/ 'og ma dag gis blugs na lag pa gcod/ 'phra men yin nam ma yin pa brtag pa mig las mngon te/ 'bras bu'i nang du mi'i gzugs brnyan 'byung ste/ gzugs de rkang pa mar lta la/ mgo yar lta na ni/ 'phra men ma yin/ mgo mar lta la rkang pa gyen du song ba 'dra bar 'dug na 'phra men ma yin/ yang 'phra men mas mi las phyugs su bsgyur ba ni/ 'phra men ma'i tshogs byi ba gnyis la gnya' shing dang gshol btsugs te zhing rmos/ sa la sa bon til btab pa dang / de ma thag tu ljang bu/ de ma thag tu snye ma de ma thag tu 'bras bu smin nas brngas te/ brdungs te btsal ba'i mar gyis thig le re bskus so cog byol song du 'gyur/ gna' 'phra men ma'i gcig nas brngas pa'i phung po'i drung na/ mi rgan rgan gsum zhig 'dug pa las/ 'phra men ma gcig mtshan mo nas kyi phung po'i steng du 'ongs nas mi gsum de la 'dug na ni ma tshor/ mos lcug gis nas kyi phung po la gzhu ba ltar byas pa dang nas kyi phung po dang / mi gsum dang bcas te zhag bco brgyad kyis lam du phyin nas/ lan tshwa'i ro zhog la thug pa dang / 'phra men ma de ni de nas kyang 'phur te/ gar song gi gtol med/ nas rgan pos rgan mo la gtam du zer ba/ 'u bu cag kyang 'phra men mas mtshar gyi byas stem cig byas te/ lan tshwa'i ri la thug na/ lan tshwa mang zhig nas kyi phung po'i nang du sba'o mchi nas
- 365a
tshwa khal sum cu tsam nas kyi phung po'i nang du sbas pa dang / yang 'phra men ma 'ongs nas/ lcug gis gzhus pa dang / nam mkha' la'ang 'phur nas/ kun lnga'i sar phyin pa dang / de nas bya zer ba dang / byas non nas 'phra men mas 'phrul byed ma nus nas 'bab kyang ma nus 'gul yang ma nus par 'dug pa dang rgan rgon na re khyed 'dra men ma yin gyis/ rgyal po la gsol te gsod do zhes bya ba dang / 'phra me na mas kyang yin par khas blangs nor gsung mang po zhig sbyin par byas nas/ rgar rgon gyis kyang btang / yang 'phra men ma ni mtshan mo rdza ma dang / phyags ma dang / sgo nga la zhon te nam mkha' la 'gro/ 'phra men ma ni sgo nga'ang byed cing tshong dus su 'tshong stede la mis sgo nga yang dag pa yin nam/ 'phra men mas byas pa'i sgo nga yin nam gang yin brtag na/ sgo nga btsos te shun pags bshus nas gris rked par bcad pa dang / gri'i kha la spu cig byung nan 'phra men ma yin te mi ho// gros bcad nas spu ma byung na ni mi tha mal pas btsongs pa'i sgo nga yon te/ nyo zhing btsal zhes