Text

ff. 1a–320a · 639 folio sides

  1. 1a

    @/ dam tshig bkod pa sa gzhi'i rgyud/ rin po che spangs pa'i rgyan zhes bya ba/

  2. 1b

    @/ rgya gar skad du// sa ma ya b+hu ha b+hU mi tan+t+ra rat+na ku Ta laM ka ra na ma/ bod skad du/ dam tshig bkod pa sa gzhi'i rgyud/ rin po che spungs pa'i rgyan zhes bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po 'og min gyi gnas mchog chen po na bzhugs pa'i tshe/ dpal rdo rje sems dpas yang ti'i chos zhus pas/ kun tu bzang pos bka' stsal pa/ snyan rgyud kyi gdams ngag rnam pa gsum ste/ sangs rgyas nyag gcig dang / dam tshig thun gcig dang / dpe brda' gcig go// sangs rgyas brda'i le'u ste dang po'o// // rdo rje sems dpas zhus pa'i sangs rgyas nyag gcig ni/ rig pa dngos med ye shes

  3. 2a

    la// sku gsum ka nas ma grub bo// ci ste logs snang med pa'i phyir// brda ni mig gi rnam par shes pa'o// don gyi ye shes rang la lhun gyis grub pa'o// sgra ni dz+nyA na ka ya a'o// sangs rgyas nyag gcig ni/ dgongs pa la thun med pa dang / chos nyid la bar do med pa dang / ye shes la skyel bsu med pa dang / chos sku la skad cig ma med pa dang / sku gsum la 'du 'brel med pa dang / snying po la 'pho 'gyur med pa dang / shes rab la dgag sgrub med pa dang / thig le nyag gcig la gnyis snang med pa'o// lung las kyang / gnyis med gnyis su med par ston/ zhes bya ba dang / sangs rgyas sems can gnyis med de// zhes pas gsal lo// brda don gyi le'u ste gnyis pa'o// // kun tu bzang

  4. 2b

    pos bka' stsal pa/ dam tshig thun gcig ni/ yang ti nag po gser gyi 'bru gcig pa// dper na rin chen gser gyi rdo ba la// bya dang khyi dang sku gzugs rnams// byas kyang gser las 'gyur ba med// bzang du ma song ngan du mi 'gro ste// gzugs kyi rnam pa tha dad kyang // ngo bo gser las 'gyur ba med// de bzhin dam tshig thun gcig ni// thig le nyag gcig don rtogs na// bsrung du gnyis snang med pa'i phyir// bsrung bya byung na yang ti min// bsrung rgyu byung na nyag gcig min// gnyis snang byung na gzung 'dzin yin// so so skye bo'i khyu ru gol// gol phyir yang ti'i dam tshig min// de yang lung las/ dam tshig chen po de nyid mkhyen// dbang po bsam pa mkhyen mchog gis// brda' ni dug lnga rang grol rang shar ba'o// sgra ni sa ma ya tri kA ya e ka'o// zhes gsungs so// brda' sgra don gyi le'u ste gsum pa'o// // kun tu bzang pos bka' stsal pa/ dpe brda gcig ni/ rgya mtsho chen po sku gsum brda'// nam mkha' chen po thugs rje'i brda'// sman gyi rgyal po ga bur ni// sman dang dug dang kha zas brda'// de ni phyi yi brda' gsum yin// ngo bo rang bzhin thugs rje'i brda'// de ni 'khrul pa gzhi yi brda// ma ni rnam gsum sems can brda'// snang ba rnam gsum 'khrul pa'i brda'// de ni nang gi brda' bzhi/

  5. 3a

    yin// 'dod chags zhe sdang gti mug ni// de ni thig le nyag gcig brda'// dug lnga ye shes lnga yi brda'// 'gro drug rang byung ye shes brda'// gzung 'dzin rig pa ye shes brda'// de ni gsang ba'i brda' bzhi yin// sgra yi don ni 'di lta ste// ye shes sgra las yi ge ha// dbyings kyi sgra las yi ge ma// rol pa'i sgra las yi ge 'a// de ni sgra yi chos nyid do// don 'di rtogs pa'i rnal 'byor la// rab dang 'bring dang tha ma bstan// dbang po yang rab rol pa la// sangs rgyas chos dang mya ngan 'das// dngos po'i chos dang gnas lugs te// bar do med par rang grol lo// 'bring dang tha ma'i chos nyid ni// da lta ngo sprod par dor sangs rgyas te// rdzogs chen lam pa'i chos nyid do// sems can 'khor ba blo yi snang lugs te// 'bring dang tha ma bar dor grol// zhes 'byung ngo // yang ti rang grol du bshad pa'o// brda' 'gyur sgra 'gyur don 'gyur du bstan pa'o// tshig gsum brgyad pas sangs rgyas kyi chos brgyad pa bar ma chad pa rdzogs so// /

  6. 3b

    rgya gar skad du/ b+hu ta sarba Da ma ra na ma tan+ta/ bod skad du/ 'byung po kun 'dul zhes bya ba'i rgyud/ dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan kun tu rtag pa mi 'gyur ba'i sku/ bde ba chen po'i gnas brdal ba na bzhugs so// de'i tshe byang chub sems dpa' rdo rje chos kyi blo gros kyis/ kun tu bzang po la byin rlabs zhus so// de'i tshe de'i dus na kun tu bzang pos lung bstan pa/ rgyud nyi shu rtsa lnga la/ man ngag sum brgya drug cu dang / phyi nang gsang ba'i ngo sprad dang / man ngag gser gyi yang zhun dang / dgongs pa zam ma chad pa'i byin rlabs skor du bstan pa'i// byin rlabs thugs rje'i chos rnams la// bstan pa'i yang rtse man ngag kun gyi bcud// theg pa'i yang rtse spyi don dgongs pa'i rgyud// man ngag lde mig 'phrul gyi sgrom bu 'byed// rig pa'i tshad la 'jal byed spu gri 'di// rig 'dzin rgyal po rdo rje chos kyi blo gros la// byin rlabs rgyal po bstan pa'i rten du bzhag/ tshegs chung don che man ngag zab// rgya che rab zab dgongs pa brgyud pa la// chos kyi blo gros thugs la byin rlab shar// snang srid 'khor 'das phyi nang med par gsal// me long bltas pas rang snang gsal ba ltar// 'gro drug rang snang sku dang ye shes dang // thig le nyag gcig me long nang ltar gsal// de

  7. 4a

    ltar ngo sprod dgongs pa bstan pa ni// chos can chos med rang grol dgongs pa shar// de phyir dgongs pa brgyud pa yin// rang byung me long nang na ci snang ltar// rang snang rang mdangs 'di ni cir yang snang // rgyal ba'i thugs kyi gter sgo phye// nyag gcig dgongs pa rang grol bstan pa ni// mu stegs 'gro drug theg pa dgu// rang snang rang mos 'dod gzhung tha dad kyang // don du rnam pa mang yang nges par gcig/ gcig po mtha' grol 'ub chub rtse mo ste// byis pa rnams kyis de ltar mi shes so// kye ma ho// de ltar snang yang de ltar mi srid kyis// yang dag rang grol dgongs pa 'di yin no// thog ma rang bzhin lhun gyis grub pa la// snang ba rgya chad phyogs ris kyi// ris su chad pa rdul tsam mi srid do// bar du byin rlabs 'grib pa med pa la// bsgom par bya ba rdul yang mi mtshon no// snang ba re la shes pas phyogs su bzung // phyogs ris dgongs pa rang grol ma shar na// rang snang bsgom pa mtha' yis bcings pa yin// lam dang 'bras bu rang gzhung grub pa'i mtha'// mtha' grol rang byung shar ba shin tu dka'// zhes gsungs pa dang // rdo rje chos kyi blo gros la// thugs cang shes kyi klong nas sprul pa'i sku byung ste// chu dang rlabs dang nyi ma 'od dang zer// de bzhin lbu ba'i rnam pa ltar// byin rlabs skad cig ma la shar// rang

  8. 4b

    shar 'bras bu'i dgongs pa las// ston pa dga' rab rdo rje 'thon// de nas thugs rje'i byin rlabs shar ba las// rig pa'i klong nas byin gyi rlabs kyis su// rdo rje chos kyi blo gros dang // ston pa kun tu bzang po la// snang ba bsam gyis mi khyab pa// 'di yi brtag pa ji ltar lags// zhes zhus so// 'byung po kun 'dus kyi rgyud las/ gling gzhi'i le'u ste dang po'o// // de nas rdo rje chos kyi blo gros kyis yang zhus pa/ ston pa kun tu bzang po lags/ bdag 'dra sbrul sku dga' rab rdo rje dang / de yi 'khor du 'dus pa yi/ ya ma/ badz+ra sha/ b+hA ta/ pA shI/ bA yu/ tsan+da de bA/ sAr+ya de bA/ ma di de bA/ b+ha ba ya/ ta la de pA/ pa ta li de bA/ dza la/ nA ga de bA/ de rnams thams cad 'dus nas ni/ mchod pa'i rnam pa 'di rnams 'bul/ ma hA bA dza d+ha thim d+ha thim/ zhes brjod pas byin rlabs 'gag pa med pa ni/ dang po thugs rje 'gag med de// byin gyis rlabs kyi gzhi ma yin// rgya mtsho'i rba dang rlabs lta bu// nyi ma'i 'od dang zer lta bu// bar du byin gyis rlabs kyi rgyu// 'gyu ba 'gag pa med pa yin// 'gyu ba'i byin rlabs shar ba yis// thugs rje mi 'byung rang dbang med// de yang lam du 'gyu ba'i byin rlabs shar// 'gyu ba byin chen gtan la phebs// zang thal rlabs chen dgongs pa shar// rang grol 'bras bu chos las 'das// de yi/

  9. 5a

    byin rlabs gnad chen shar// lag len nyams chen 'phel 'grib med// don gyi khong gzer gnad du thabs// 'jig rten snang ba sangs rgyas yin// nyon mongs rang snang dgra bcom yin// 'jig rten rnam rtog shes rab rtsa// shes rab rtsa ba rtogs pa yin// rtog med shes rab tshad ma gang // shes rab rtags kyis rab brgyan na// sangs la rgyas pa med cing chos la spyod pa med// dgra bcom rang rgyal byang chub sems dpa' med// gang zag rnam brgyad med cing bar do'i las dbang med// 'khor ba myang 'das med cing thar pa thob mkhan med// dag dang ma dag yang dag snang ba tha dad med// las med 'phro med mthud pa'i 'bras bu med// rnam par smin pa med cing yang dag thar pa med// de phyir 'byung po kun 'dul yin// thams cad 'brel shing 'dus pa'i rgyud// ngo sprod 'di dang mi ldan no// tshig gi bdag pos mtshon nas las// stong pa'i bdag pos stong par bltas// mtshan ma'i bdag pos mtshan mar khyer// kun rdzob bdag pos rdzob tu bcug/ rtsa ngan 'das zer mya ngan non// 'khor ba bshad cing 'khor bar 'khyams// 'khrul 'khor bdag po nyon re mongs// thar pa 'dod pa sgrib pa che// byang chub 'dod pas gol sar chud// chos spyod byed pa ngal dub che// dmigs pa'i bdud zhugs ma tshor

  10. 5b

    ro// byas pa thams cad mi rtag 'dus byas yin/ 'dus byas mya ngan mtha' las 'das// e ma ho/ bgrod par 'dod pa nyon re mongs// de ltar bgrod pas de ltar mi rtogs so// bgrod nas byang chub 'dod pa smig rgyur bsnyeg pa 'dra// gser sbram khyim du sbas nas gser sa 'tshol// chos nyid rang snang ma shes gzhan la 'tshol// brtson 'grus byas pas 'bras bu rnyed par dka'// zhes gsungs so// 'byung po kun 'dul gyi rgyud las/ kun tu bzang po la byin rlabs rang la shar nas/ chos las 'das pa'i le'u ste gnyis pa'o// // de nas yang byin gyis rlabs kyis lung bstan pa/ rdo rje chos kyi blo gros nyon// theg pa sna tshogs bsgrub bya dang // de yi 'bras bu sgrub byed dang // snang ba lam gyi mdor bsdus pa// de ni bdag gis bshad par bya// nyan thos snang ba rdul phran dang // nang gi shes pa brjod med yin// de yang shes rab khyad par las// snang ba rdul du shes pa dang // nang la brjod du med pa'o// de yang rdul phran don dam mo// rang rgyal ba yi snang ba 'di// rdul phran sgyu ma lta bu la// rten 'brel bcu gnyis shes rab yin// zhi gnas lhag mthong shes pas 'phags// sems tsam rnam par snang ba 'di// sems las ma rtogs logs snang med// rnam par snang yang mi rtog pas// de ni rnam bcas shes rab

  11. 6a

    bo// rnam pa med pa'i snang ba 'di// sems kyi rnam pa rdzun pa las// rnam med rang rig don dam mo// sgyu ma lta bu'i spyod pa ni// chos rnams thams cad sems yin te// sems kyang rdzun par shes pa'o// kun rdzob sgyu ma tsam du bden pa dang // don dam spros pa bral bar bden pa shes rab bo// rab tu mi gnas snang ba ni// rnam par dpyad pa tsam zhig las// khas len thams cad dang bral ba'i// gnyis su med pas dbu ma yin// de ltar shes pas shes rab yin// de la kri ya'i snang ba yang // rigs gsum sgyu ma lta bu las// don dam skye ba med pa'o// de ltar shes pas shes rab bo// yo ga sku lnga ma hA rigs lngar snang // a nu he ru ka lngar snang ba dang // rdzogs chen rang snang ma bcos pa// dbu ma sgyu mar bden pa de// bden pa gnyis kyi mu la snang // gsang sngags sgyu ma'ang rdzun pas na// gsang sngags rang snang khyad par 'phags// a ti rdzun dang bden pa gnyis// rang snang ma bcos chos kyi sku// kun 'dul dgongs pa ye shes rang snang ste// 'gro drug rang snang rnam par dag/ mu stegs rtag chad rgyu dang 'bras bu snang // sku gsum rang snang yon tan snang // lha bsgom spyod 'bras rang re snang // rang snang 'di la 'jug pa'i lam// de phyir lam gyi dgongs pa bshad pa yin// zhes gsungs so// 'byung po kun 'dul gyi rgyud

  12. 6b

    las// snang brtags shan 'byed pa'i le'u ste gsum pa'o// // de nas yang dag bshad bya ba// nyon cig rdo rje chos kyi blo gros khyod// snang rtags lam gyi rim pa la// dbang po bsam pa mkhyen gyur pa// sngags kyi theg pa'i khyad par las// grol lam chags lam ma shes na// sngags kyi bka' bsgo nyams pas na// dbang gi dmar khrid bshad par bya// 'bras bu bla med byang chub thob 'dod pas// mtshan nyid pa dang pha rol phyin pa dang // gsang sngags 'bras bu bla na med pa dang // chos las 'das pa'i ngo spyod 'di bstan pa// mtshan nyid sa dang pha rol phyin pa ni// thabs dang shes rab khyad par ni// shes rab gtso bor bzung nas 'bras bu 'tshol// thos dang bsam pa'i shes rab rgyud la brten// shes rab med na mig med pha rol phyin pa dka'// thabs kyi sbyor ba sems bskyed pa dang sbyor ba'o// gsang sngags 'bras bu'i theg pa ni// sku lnga ye shes lnga dang ldan pa ste// bskyed pa sku la rdzogs pas ye shes ni// zung du 'brel pa 'bras bu'i theg pa'o// de yang rten dang khyad par las/ khams gsum sems can grol bar byed pa la// dbang gi rten dang mi ldan par// dbang bzhi bskur ba'i gnad bstan pa// dper na ba la zho yod kyang // be'u kha med blug snod med// de bzhin bla mas dbang bskur te// rten dang mi ldan

  13. 7a

    bskur thabs med// gzugs med pa yi khams rnams la// dbang rnams bskur ba'i rten med de// rtsa rlung rtog pa mi dmigs pas// ye shes dbang bskur ga la nus// gzugs khams rtsa dang rlung yod kyang / khams kyi zas kyang bral bas rten ma yin// des na 'dod khams gnas ris kho na la// dbang rnams bskur ba'i rten du rung // 'dod chags zhe sdang gti mug dang // nga rgyal khong khro phrag dog gis// gdungs nas 'dus pa'i 'dod khams 'di// dbang gi snod du rung ba yin// dbang dang man ngag lag len gsum// snod dang bcud dang bskur thabs gsum// phyi dang nang dang gsang ba'o// bum pa thabs dang shes rab dang // rgyu dang ngo bo dbye ba'o// bskur thabs gnas dang rdzas dang ni// gleng gzhi dkyil 'khor bskur ba'i dus// 'bras bu dang ni nges pa'i tshig/ rgyu ni sa chog la sogs sa bslang brtag dang sbrang dang bri ba dang // mchod pa'i rdzas dang rgyan dgram pa// dkyil 'khor cho ga la sogs yin// ngo bo dbang thob don dang ldan// nges tshig don ldan rnal 'byor pas// dbye ba phyi nang gsang ba'o// gleng gzhi sngon byung rjes 'jug go/ dkyil 'khor phyi nang kun la snang // bskur thabs bskyed rim rdzogs rim mo// gnas ni lus ngag yid gsum mo// rdzas ni bum pa thabs dang gsang ba'o// dus ni

  14. 7b

    bkra shis nyi ma yin// 'bras bu sku gsum rang grol yin// zhes gsungs so// 'byung po kun 'dul gyi rgyud las/ dbang gi sdom bstan pa'i le'u ste bzhi pa'o// // de nas yang dag bshad bya ba// nyon cig rdo rje chos kyi blo gros khyod// bum pa'i dbang gi ngo sprod pa// bum pa'i ngo bo nges tshig dbye ba dang // mthun pa'i dpe dang bskur ba'i gnas// bskur ba'i rdzas dang dus tshod dang // yon tan 'bras bu skyon bstan pa// bum pa'i ngo bo 'dus pa yin// nges pa'i tshig ni rdzogs pa yin// dbye ba phyi nang gsang ba'o// mthun pa'i dpe ni rin po che// bskur ba'i gnas ni mgo bo la// rdzas ni phyi nang gsang ba'o// dus ni gnam stong nyi ma la// yon tan lus kyi sgrib gsum dag/ srog gcod ma byin 'dod log dag/ 'bras bu sprul pa'i sku ru rdzogs// ma bskur khams gsum 'khor bar 'khyams// phyi yi bum pa rin chen dang // bum pa'i rdzas ni 'di dag go/ 'bru lnga sman lnga rin chen lnga// spos lnga snying po rnam lnga yin// bskur gnas la sogs gong du'o// nang gi bum pa bla ma'i sku// bdud rtsi la sogs lus la rdzogs// bskur ba'i gnas ni lce la'o// rdzas ni bdud rtsi 'o ma chu// dus ni bskyed rim bsgom pa'i dus// yon tan ngag gi sgrib pa dag/ bdud rtsi lce la bzhag pa'o// dgos pa tha mal rtog pa med pa dang // bdud rtsi

  15. 8a

    longs spyod grogs su shes pa dang // rdzun dang phra ma tshig rtsub ngag 'khyal gyi// ngag gi sgrib pa dag par byed// gsang ba'i bum pa rang lus kyi// bum rdzas lhag pa byang chub sems// bskur thabs yum gyi b+ha ga la// bskur ba'i rten ni rtsa gsum ste// yon tan gzung 'dzin bde bar 'bar// dus ni snyoms par zhugs pa yin// 'bras bu dga' bde lhan cig skyes pa'o// yang gsang bum pa'i dbang bskur ba// rang rig ye shes bum pa yin// bum rdzas 'das pa rnam pa lnga// bskur thabs chos las 'das pa yin// rten ni blo ldan gang zag yin// yon tan rang grol byin rlabs 'char// dus ni gdams pa skad cig yin// 'bras bu rig pa rang grol yin// de la dkyil 'khor gang dang 'brel ce na// phyi yi bum pa'i dkyil 'khor ni// me tog zang ka rdul tshon no// bskur tshul gang dang 'brel ce na// slob dpon bla mar gus bya yi// chu ni spyi bo'i gtsug tu bskur// rna ba g.yas su dbu rgyan no// lhag par rdo rje rna g.yon dril// ming ni dpral bar bskur ba yin// me tog phreng ba mgo la bcings// shes rab rig pa'i dbang lnga yin// lus kyi sgrib pa 'dag par byed// ces gsungs so// 'byung po kun 'dul gyi rgyud las/ bum pa'i dbang gi le'u ste lnga pa'o// // de nas yang dag bshad bya ba// nyon cig rdo rje chos kyi blo gros

  16. 8b

    khyod// thabs dang shes rab dbang bskur bstan par bya// thabs dang shes rab ldan pas bum pa'o// thabs kyi bum pa bla ma yin// ting 'dzin byang chub sems kyi chu// bla ma'i kha yis pad+ma blangs// slob ma'i tshangs pa'i bu gar bskur// ga bur chu yi bdud rtsis ni// lus kyi sgrib pa 'dag par byed// shes rab bum pa mi mo yi// lus kyi pad+ma rak+ta yin// gsang ba pad+ma'i sbyor ba yis// gsang ba'i bdud rtsi phab byas la// thabs kyis rdo rje'i ngag dag byed// bskur gnas pad+ma'i lte ba la// bskur dus lhan cig skyes pa'o// yon tan rnam rtog bde bar 'bar// 'bras bu phyag rgya chen po thob// nyams len dga' ba bzhi dang 'brel// thig le rdo rje'i mgrin par sleb// de ni dga' bde zhes su brjod// de nas rdo rje'i rtse mor 'bar// de ni mchog dga' zhes bya'o// de nas mnyam par sbyor ba yis// phyed shor phyed ma shor ba ni// lhan cig skyes pa'i dga' ba yin// thig les rang sa zin tsa na// de ni dga' bral zhes su brjod// dang po bde ba'i ye shes de// rgyu yi ye shes zhes su brjod// de nas mchog tu dga' ba ni// lam gyi ye shes zhes su brjod// de nas lhan cig skyes dga' ni// lhan cig skyes pa'i ye shes so// dga' bral 'bras bu'i ye shes yin// dga' ba las kyi phyag rgya yin// dga' mchog chos kyi phyag rgya yin// lhan cig skyes pa dam

  17. 9a

    tshig phyag rgya yin// dga' bral phyag rgya chen po yin// de la ni lus kyi phyag rgya yin// rten ni ma ning la sogs ma yin pa'o// dus ni bcu drug lon pa'o// yon tan ye shes bzhi dang ldan// 'bras bu phyag rgya chen por lhun gyis grub pa'o// nang gi thabs dang shes rab dbang bskur rdzogs// rig pa yab la snang ba yum// snod bcud gnyis med sbyor ba yis// thabs dang shes rab dbang mchog thob// thabs dang shes rab rgya ma chad// phyi nang med pa'i dbang bskur rdzogs// rten ni bla ma dam pa'o// dus ni rtog pa skad cig la// yon tan mtshan ma rang sar grol// 'bras bu snang srid thig ler 'bar// yang gsang thabs dang shes rab dbang bskur ba// rang gsang zabs kyis chod pa de// rang ni shes rab dbang bskur ba// chod pa thabs kyi dbang bskur dang // thabs dang shes rab dbang bskur rdzogs// rten ni ma rig ma rtogs pa// dus ni le lo ma rig ma rtogs log rtogs dang // phyogs rtogs gang zag rnams la bskur// yon tan kun mkhyen ye shes thob// 'bras bu rang byung thig ler brdal// dkyil 'khor gang dang 'brel ce na// kun 'byung rang snang dkyil 'khor dang // sbrel pa med par 'brel pa ni// rig pa'i ye shes lha chen phob// dam tshig par mtshams med par bsrung // de las

  18. 9b

    'das na 'ching bar 'gyur// zhes gsungs so// 'byung po kun 'dul gyi rgyud las/ thabs dang shes rab kyi dbang bskur ba'i le'u ste drug pa'o// // de nas yang dag bshad bya ba// rdo rje chos kyi blo gros nyon// gsang ba'i dbang bskur bstan par bya// ngo bo nges tshig dbye ba dang // mthun pa'i dpe dang bskur gnas dang / rdzas dang yon tan 'bras bu'o// ngo bo bde ba nyams myong ba'o// nges tshig shes rab snying rje yis// bde ba'i ye shes bskyed phyir yin// dbye ba phyi nang gsang ba'o// mthun dpe 'bras chang blud pa 'dra// de yis shes pa 'gyur ba'o// gnas ni ri phug dgon phyi'i dang // nang gi shes rab pad+ma dang // gsang ba'i shes rab ye shes so// rdzas ni byang sems dkar dmar ro// yon tan ye shes dgongs pa 'char// dus ni dbang gnyis rdzogs nas ni// dkyil 'khor tshogs dang rang lus shes rab mo'i// bskur tshul lus kyi yan lag gnad du'o// 'bras bu ma rig log rtog sel// da ni nang gi gsang dbang bstan// snang ba rtsad nas chod pa shes rab dbang // rang snang ye nas shes pa ye shes dbang // phyi nang zang thal shar ba ngo bo yin// rig pa rang sar grol ba nges tshig yin// ye shes rang byung rang shar shes pa dbye ba yin// nyi shar mun pa dngas pa mthun dpe yin// rig pa rang la gnas pa dgos pa

  19. 10a

    yin// rang rig ye shes rang la yod pa dbang rdzas yin// ye shes lnga ldan ma bsgrubs yon tan yin// dus gsum 'du 'bral med par shes pa dus tshod yin// rang byung thams cad 'dus pa dkyil 'khor yin// rig pa rang dbang 'dus pa bskur tshul yin// ma rig log lta tshoms pa 'bras bu yin// da ni gsang ba'i dbang bstan pa// shes rab ye shes ye nas rang la gnas// ngo bo shes pas 'khor ba'i skyon dang bral// rang grol nges pa'i tshig gi gdeng la grol// dbye ba ye dang shes pa gnyis// shes rab kyis ni yang dag ye shes shar// mthun dpe man shel ngo sprod 'dra// phyi nang med pa'i gtan tshigs khong nas shar// dbang rdzas shes rab rang chas rang la rdzogs// yon tan nyag gcig dgongs pa sad// bskur dus skad cig bye brag phyed// dkyil 'khor ye shes gting rdzogs yin// bskur tshul ngo sprospyod skad cig la// 'bras bu rang grol dgongs pa sad// ngo sprod dbang bskur 'di lta bu// bum pa nang gi mar me ltar// snod ma yin gyi gang zag la/ dus dang gnas skabs kun tu gsang // snod dang ldan pa rnams la yang // dbang ma thob par bshad ma yin// ci phyir ngo sprod 'di nyid la// ma rtogs pa rnams skur pa 'debs// log par rtogs nas skur par 'gyur// don ma rtog pas yid ma ches// tshig la 'chel

  20. 10b

    zhing don la rmongs// bshad chod mkhan gyis go bar dka'// skye bo rnams kyi ya gar 'gyur// de bas 'di don gsang bar bya// zhes gsungs so// 'byung po kun 'dul gyi rgyud las/ shes rab ye shes gsang bar dbang bskur ba'i le'u ste bdun pa'o// // de nas yang dag bshad bya ba// rdo rje chos kyi blo gros nyon// tshig dbang rin chen bstan pa ni// legs par rtse gcig yid kyis nyon// bum pa'i lha dang dbang bskur rnams/ skye ba med par rgyas 'debs pas// phyi yi tshig dbang zhes su brjod// dga' ba bzhi la rgyas 'debs pas// nang gi tshig dbang zhes su bshad// shes rab ye shes rgyas 'debs pas// gsang ba'i tshig dbang zhes su brjod// rig pa'i ye shes ngo sprod pas// tshig dbang bla na med pa yi// bla med tshig gcig dbang du byed// dbang bskur brda' ston lha rje yin// lha yi dbang po lha yi lha[:]pas p+sA/ ma lhag pas[:]lha[:]yi brA// lha[:]la za ba mo'i tshogs 'khor 'bul// tshogs rje tshogs[:]bdag dbang dang ldan// ha[:]yi rje[:]bo[:]kun+ma'i snying po[:]bya// de rnams shes shing slob pas slob dpon yin// ma rtogs ma shes 'dren pas slob dpon yin// 'dren pa rang rgyal slob dpon yin// tshogs kyi slob dpon tshogs kyi bdag/ de nas tshig dbang rgyas btab pas// rdo rje lta bu'i

  21. 11a

    sku brnyes pas// gcig pu sra mkhregs rdo rje'i bdag/ skyes ma thag tu rang grol bas// rdo rje slob dpon zhes su brjod// dbang bzhi rdzogs pa'i slob dpon de// rdo rje slob dpon zhes brjod do// rdo rje gdan ni ma lus ldan// rdo rje gcig pus g.yul sel bas// slob dpon dpa' bo che zhes brjod// tshig dbang gcig la thams cad rdzogs// rang rig ye shes ma bcos pas// rnal 'byor zhes kyang de la bya/ don ldan blo la 'byor pa yis// rnal 'byor chen po zhes kyang bya// chos sku mi 'gyur rtag pa'i sku// dus gsum 'pho 'gyur med par shes// rtag pa kun rgyal rnal 'byor can// gsang ba mngon du phyung nas bstan// gsang ba sbas pa'i khungs brtol bas// bla mas dbang bzhi bskur bas na// bla ma gsang sngags kun pas mchog/ ces gsungs so// 'byung po kun 'dul gyi rgyud las// tshig dbang bla ma la rag lus pa'i le'u ste brgyad pa'o// // de nas yang dag bshad bya ba// nyon cig rdo rje chos kyi blo gros khyod// gsang sngags bla ma'i thugs la gnas// gsang sngags don kun skyed pa po// gsang sngags bdag po sna tshogs ston// khyod ni rtse gcig yid kyis nyon// gnas brtan rgan po skye dgu'i bdag/ sangs rgyas rabs bdun do zla'o// de yi dgongs pa bshad par bya// ldem por dgongs pa rnam pa bzhi// gzhi la ldem

  22. 11b

    dang tshig la ldem// don la ldem dang gnad la ldem// ldem dgongs bsgom rtsa mchod na// 'khrul 'khor rmongs pa nyon re mongs// kye rigs kyi bu nyon cig/ thog ma med pa dus kyi dbyings// dngos gzhi chen po kun gzhi la// gzhi la phun tshogs gnad med na// ston pas bstan pa 'dus byas 'gyur// bka' tshoms gegs kyi gnad med na// kun brtags theg pa rang gzhung srol// 'bras bu mi 'dra nges shes med// 'gro drug mu stegs rang sar bde// bar bar bde ba'i gegs med na// rgyal po dmangs kyang lcebs te 'chi// sku gsum lam gyi gnad med na// rnal 'byor dus ltos nyon re mongs// byin rlabs rang chas gnad med na// nyi ma'i snying po sngon du zad// thugs rje 'gag med gnad med na// mkha' yi char pa sngon du zad// gzhi la mkhas pa'i gnad med na// 'khor ba dong sbugs sngon du 'byung // 'bras bu rang sa'i gnad med na// kun tu gzang po 'khor bar ltung // thugs rje rol pa'i gnad med na// 'khor ba'i snang ba sngon du sangs/ 'gyu ba med pa'i byin rlabs gnad med na// chags ldang lnga po sngon du zad// ma rig gti mug gnad med na// gzung 'dzin 'dus byas sngon du zhig/ skye dgu'i bdag po gnad med na// skye ba dgu brgyud sngon du chad// e ma ho// tshig la ldem por dgongs pa de gsungs so// de nas cang mi

  23. 12a

    gsung bar chos nyid kyi klong du mnal lo// zhes 'byung po kun 'dul gyi rgyud las/ skye dgu la ngo sprod pa'i le'u ste dgu pa'o// // de nas rdo rje chos kyi blo gros kyis// bcom ldan kun tu bzang po lags// skye dgu'i mtshan nyid ji ltar lags// zhes zhus pas/ kun tu bzang pos bka' stsal pa// gnas dang brtan dang skye dgu'i bdag/ gnas pa kun gzhi spyi sa yin// brtan pa rang bzhin stong pa lnga dang ldan// rgan po thog ma med pa yin// skye ba dgu ni mi 'gag pa// phyi yi skye ba dgu brgyud la// dang po gzhi sa ngo sprod gces// bar du rgyu rkyen ngo sprod gces// tha mar skyes pa'i dngos po brtan par gces// 'gro ba rigs drug mu stegs rtag chad gnyis// 'dre dang lha ru skye ba dgu brgyud pa// dang po brgyud pa'i khungs btsal na// 'khor ba thog mtha' bcad pa gces// lha ni 'dre srin mi dang 'gro drug gi/ skye ba'i gzhi ma ma shes na// sngags pa mthu rtsal bsam yas kyang // skye ba dgu brgyud chod mi srid// ngan sngags skye ba'i rtsa ba mchod na// dgu brgyud gcod pa ya re cha/ chod pa med pa nyon re mongs// srid gsum skye brgyud mchod na// khams gsum yongs grol dka' mor mchi// phyi yi skye rgyud gcod pa la// 'byung po kun 'dul gdams pa dgos// skye dgu rtsad nas gcod pa'i ngo sprod dgos// khams gsum

  24. 12b

    yongs grol dgongs pa dgos// srid gsum rnam par dag pa'i yid ches dgos// gnas brtan rgan po sgrol ba'i dbang po dgos// sangs rgyas mes po mthong ba'i spyan mig dgos// 'gro drug skye sgo gcod pa'i gegs sel dgos// rtag chad srog rtsa gcod pa'i bshan pa dgos// lha srog 'dre gzir gtan la phebs pa'i phur thun dgos// nam mkha'i klong du sleb pa'i gshog pa dgos// rgya mtsho hub kyis 'debs pa'i kham chu dgos// me chen gos su gyon pa'i bzod pa dgos// sa chen gdan du bting ba'i lus stobs dgos// rlung po gshog par byed pa'i yang rtsal dgos// 'byung lnga lngas su 'jug pa'i mi pho dgos// dug lnga bdud rtsir spyod pa'i rnal 'byor dgos// gnyis snang rang snang gcod pa'i 'khyer ka dgos// khams gsum rang la shar ba'i dgongs pa dgos// de ltar shes na phyi yi 'byung po 'dul// zhes gsungs so// 'byung po kun 'dul gyi rgyud las/ phyi'i 'byung po skye rgyud bcad pa'i le'u ste bcu pa'o// // de nas yang dag bshad bya ba// nyon cig rdo rje chos kyi blo gros khyod// nang gi skye dgu rtsad bcad bstan par bya// thog ma'i gnas brtan skye dgu las// thog ma med pa'i dus nyid nas/ nyon mongs brgyad khri'i gzhi ma yin// chos kyi sgo mo brgyad khri bzhi stong gis// de rnams skye ba'i gzhi ma de// theg pa rim pa dgu yi

  25. 13a

    gzhi// kun gzhi skye ba'i mdzod chen yin// rgyu dang lam dang gzhi dngos gsum// de gsum gtan la phebs par 'gyur// gtan la 'bebs pa sde yi lung du bshad// de la gol gzhi rim pa dgu// gol ba lam gyi so mtshams dgu// gol sa dngos po mtha' bcas rnams// gol gzhi gol sa ma shes na// theg pa spyi las bogs mi thon// sun 'don la bzla ma shes na// theg pa'i la shan ris mi phyed// ngo sprod rang sa ma bstan na// 'bras bu s+thi yi gol sar 'chor// gegs dang sel lugs ma shes na// spre'u rgan ma ru 'chos pa 'dra// lta ba'i gol sgrib ma chad na// bong bu seng lpags gyon pa 'dra// bsgom pa'i gol sgrib ma chod na// spre'u la bsgom pa bslabs pa 'dra// spyod pa'i gol sgrib ma chod na// rgod po gshog pa chag pa 'dra// 'bras bu'i gol sgrib ma chod na// nyi ma gza' yis bzung ba 'dra// thams cad ngo sprod ma shes na// nor bu mching bu thogs pa 'dra// dngos po rtsad nas mchod na// nyan thos la sogs rang gzhung re// de yi mtshan ma ma grol na// grang nad can la ga pur ltar// rang snang ye shes bdud du 'gyur// phyogs rtogs rtog pas zin pa ni// kha brag lam mdor tshogs pa 'dra// des na ngo sprod shin tu gces// nang gi skye dgu rtsad gcod na// theg pa'i gol sa shes pa ngo sprod yin// theg

  26. 13b

    pa'i gol gzhi shes pa gdams ngag yin// theg pa sun 'don shes pa dbang po yin// theg pa'i la bzla shes pa yid ches yin// theg pa'i ngo sprod rang grol shes pa nges shes yin// thig le gcig tu shes pa 'bras bu yin// zhes gsungs so// 'byung po kun 'dul gyi rgyud las/ nang gi skye dgu rtsad nas bcad pa'i le'u ste bcu gcig pa'o// // de nas yang dag bshad bya ba// nyon cig rdo rje chos kyi blo gros khyod// gsang ba'i skye dgu rtsad nas gcod pa bstan par bya// kun gzhi skye ba dgu pa'i bdag/ rnam par shes pa'i tshogs brgyad la// skye lugs mi 'dra rnam pa brgyad// brgyad kyi dpon por gyur pa yin// de skye ba dang dgu zhes bya// de la gzhi dang lam dang ni// 'bras bu dngos po dag tu smin// gab pa ngo sprod bstan pa ni// lha yi ngo spyod skye ba dgu/ nor lha brgyad ces bya bar skyes// de'i dpon po dbang phyug chen po lha chen po dang dgu/ lhan cig skyes pas lha dgu yin// lha yi skyes rabs ma shes na// lha la mchod pa 'bul mi shes// lha yi mchod thabs ma shes na// mchog gi dngos grub 'thob mi 'gyur// 'dre ni 'byung po srin po dang // nyi ma zla ba khyab 'jug tshangs pa dang // gshin rje dang ni ma mo dang // sa yi lha dang chu lha me lha rlung gi lha/ ku be ra'i lha dang / 'brog gnas lha dang / gang ba bzang po lha dang / nor gyi lha brgyad/ de ni

  27. 14a

    nor gyi lha brgyad do// lhan cig skyes pa'i 'dre dgu po// de yi bcos thabs ma shes na// bar chod sel ba'i dus mi mchi// de la dang po bar dang tha ma gsum// de gsum dza spyod ma shes na// rnam rtog rang grol dus mi mchi// kye rigs kyi bu khyod nyon cig/ gsang ba'i skye dgu rtsad gcod ni// skye gzhi'i rtsa ba mchod na// rgya mtsho'i lbu ba sub pa 'dra// skye dgu'i rtsa ba mchod na// chu gting zla bar rdo brdeg 'dra// dngos po'i skye rgyud ma chod na// smyon pa'i lag du sman 'gyed 'dra// gzhi lam skye rgyud gcod pa la// dga' bo 'jog po'i nor bu ltar// dug la mi 'jigs nor bu rnyed pa ltar// dngos po spang dang sbyang ba dang // bsgyur dang rang snang yin zer ba// de yi 'bras bu sgrib pa yin// kye rigs kyi bu nyon cig/ 'gyus ni rang grel zung 'jug med// lha brgyad ngo sprod de yin no// 'gyus na ma rig bdud du 'byung // 'gyu ba gcig gi rtsad chod na// tshig chod ngo sprod de yin no// gcig po rang grol shes tsam na// lha 'dre dbang du 'dus pas 'byung po thul// mkha' 'gro chos skyong dbang du 'dus pas 'byung po thul// nyag gcig nyams las grol ba rtog ge'i yul las 'das// mtshan ma sna tshogs rang sar grol bas thig le nyag gcig rang la 'char// lha 'dre gnyis med shar bas dngos grub par chod med// lha yi skye rgyud chod pas zug rngu dus

  28. 14b

    gcig choms// 'dre yi skye rgyud chod pas bar gcod dus gcig zhi// bde sdug skye rgyud chod pas 'khor ba rang sar grol// thig le rang la shar bas mtha' bzhi dras thag chod// me chu gnyis kyi tsha grang bsnyams pas btso bsreg khar mi ltung // sa dang rlung gnyis mtshan nyid shes pas bying rgod rang sar grol// mkha' dang 'gyu ba'i chos nyid shes pas dgongs pa rnam par dag/ rnam shes 'od gsal shes pas bar do tshad las grol// rig pa ye shes shes pas mkhyen pa'i zhing khams 'char// thig le ye shes shar bas sangs rgyas dgongs pa shar// 'gyu ba zang thal shar bas byin rlabs phyogs med 'char// 'gro drug rang sar grol bas sangs rgyas yul med 'char// 'khor ba rang sar grol bas 'gro drug 'khyam sa med// snod bcud phyi nang med pas gzung 'dzin dngas sa med// rig pa khong nas shar bas ma rig dngas sa med// shes rab khong nas shar bas sgrib pa byang ba med// 'gyu ba zang thal shar bas las kyi 'khor sa med/ dug lnga rang sar grol bas nyon mongs skyes sa med// gzung 'dzin dkar nag grol bas shes bya'i sgrib pa med// lus kyi mtha' gzhi chod pas rnam smin gol sa med// sgrib pa bcu gnyis bsdus pas bzhi ru 'dus// de yang gsum 'dus gsum po gcig/ rgya mtsho'i gting gis lu ma'i rtsad chod na// rgya mtsho che/

  29. 15a

    yang rang dngas bskam par 'gyur// shing phung ljon pa'i rtsa ba chod tsan// lo ma me tog 'bras ldan bskam par 'gyur// de bzhin sgrib pa'i rtsa ba yin par shes pa la// 'gyu ba shes pas gong ltar thams cad chod// rtsa ba gcig gi don rtogs na// dper na dze ta'i sman bzhin du// gang la reg pa sman du 'gyur// de bzhin cir snang cir 'gyus yang // ye shes dag la 'das pa ni// skad cig tsam yang mi srid do// dbang po bsam pa dang sbyar du// 'gyu ba gcig po'i spyi khyab yin// khyab pa gcig po'i don shes na// thams cad sangs rgyas dgongs pa yin// dbang po 'di la rno brtul med// 'gyu ba byin rlabs snang phyir// thos pa 'di la che chung med// 'gyu ba yi nas dngos med phyir// dbang po blo la rno brtul med/ 'gyu ba rang grol 'char ba'i phyir// dad pa 'di la che chung med// 'gyu ba rang las byung ba'i ye shes la// dad pa bzang pos 'grub pa med// gnad kyi gdams pas ngo sprad na// sman gyi rgyal po dze ta bzhin// gang la reg pa sman du 'gyur// de bzhin rnam pa cir snang yang // rang snang ye shes 'ba' zhig yin// dper na rtsi mchog ma gi bzhin// gang la reg pa dri ru 'gyur// de bzhin 'gyu tshad ye shes 'bar// zhes gsungs so// 'byung po kun 'dul gyi rgyud las/ gsang ba'i skye rgyud rtsad bcad pa'i le'u ste/

  30. 15b

    bcu gnyis pa'o// // de nas yang dag bshad bya ba// nyon cig rdo rje chos kyi blo gros khyod// gsang ba'i skye dgu rtsa dang ngo sprad pa// dang po rtsa yi gzhi ma bstan// thams cad shes rab ye shes rtsa// yon tan rtsa dang phrin las rtsa// dang po'i gzhi rtsa bstan pa ni// bar du rlung dang rtsa dang thig le dang // rgyu rkyen 'dus pas 'dus byas dngos po'i rtsa// de yang thig le byang chub sems// dkar dmar gnyis po 'dus pa las// rtsa la brtags dang dpyad pa las// rtsa la rtsa rgyud bshad par bya// gdugs dang pad+ma 'khor lo dang // rin po che dang rtse gsum rdo rje'i rtsa// gnas pa dngos po'i rtsa zhes brjod// de ni bcud la gnas pa'i rtsa// de yang a wa d+ha ti dang // ro ma rkyang ma gsum du 'dus// thog ma'i chos gsum dag la 'dus// bar du ma ning gsum la 'dus// rig pa 'od dang dkar dmar gsum la 'dus/ rtsa yi ngo bo zang thal bas// shel gyi sbubs ma bya ba yin// mdzod spur dngos su chags pa bag chags rtsa// dngos su grub pa'i rtsa zhes brjod// ro rkyang d+ha ti gsum du grags// gdugs lta bu yi rtsa zhes pa// spyi bo bde chen gzhal yas yin// rtsa ni sum cu rtsa gnyis gnas// mkha' 'gro sum cu rtsa gnyis dang // ye shes rtsa dang thabs dang shes rab rtsa// yon tan rtsa dang rang rgyud rtsa// rnam pa lnga las gyes pa yin// ye shes rtsa ni dbus nas

  31. 16a

    'gyu// rang rgyud rtsa yang de la brten// thabs kyi rtsa la cha lnga gnas// gnyis 'gyur mkha' 'gro bcu ru bshad// shes rab rtsa la rno ba lnga ru snang // gnyis 'gyur mkha' 'gro bcu ru gnas// yon tan rtsa la rnam pa lnga// gnyis 'gyur mkha' 'gro bcu ru gnas// ye shes mkha' 'gro las 'gro gnyis// sum cu rtsa gnyis gdugs kyi gnas// rma bya mdongs dang bcas pa ltar/ rtsa dang mkha' 'gro rang chas yin// mgrin pa longs spyod pad+ma 'dra// pad+ma can gyi gnas zhes bya// de la rtsa yang bcu drug yod// ye shes thabs dang shes rab rtsa// yon tan rang rgyud rnam lnga'i rtsa// thabs kyi rtsa la mkha' 'gro lnga// shes rab la yang de ltar ro// yon tan la yang de ltar shes// ye shes rtsa dang rang rgyud la// mkha' 'gro rnam snang gsal bas na// de yang rang chas sngags kyi rtsa// snying ga chos kyi 'khor lo ni// byang chub mtha' yas phub ces bya// de na rtsa bcus khyud mo 'dra ba yi// rtsa yang rnam pa brgyad yod de// ye shes thabs dang shes rab dang // yon tan rang rgyud rtsa brgyad gnas// thabs kyi rtsa la mkha' 'gro gnyis// lho phyogs shar gyi rang sa zin// shes rab rtsa la mkha' 'gro gnyis// nub byang gnyis kyi rang sa zin// yon tan rtsa la mkha' 'gro gnyis// mtshams kyi mkha' 'gro zhes su bshad// ye shes rtsa dang rang rgyud la// steng 'og mkha'

  32. 16b

    'gro gnas pa yin// nyi ma mdangs dang chas pa bzhin/ rtsa dang mkha' 'gro rang chas yin// lte ba sprul pa'i 'khor lo ni// 'jigs su rung ba'i gnas zhes bya// de yang gong du rim pas shes/ de la drug cu rtsa bzhi gnas// 'khor lo mtshon cha 'dra ba la// 'jigs su rung ba'i gnas zhes bya// de yang gong dang 'dra ba la// thabs kyi rtsa la mkha' 'gro bcu// shes rab rtsa la de bzhin no// yon tan rtsa yang de bzhin no// rang rgyud rtsa la mkha' 'gro bcu// ye shes rtsa la gnyis gnas te// drug cu rtsa bzhi 'khor bcas rnams// mtshon cha 'khor lo 'bar ba bsnams// 'gro drug grong khyer dmyal thag chod// 'jigs su rung ba'i gnas zhes bya// man shes 'od dang chas pa bzhin// rtsa dang mkha' 'gro rang chas yin// gsang ba rdo rje lta bu'i rtsa// rdo rje rtse gsum lta bu yod// kha T+wAM dung can shin tu dkon// de yi mtshan nyid bstan pa ni// mas 'geb bus se mig smin 'byar// bya lag chu rkang skra lo ser// ltag rtsa 'khor bar yod pa la// po skad can dang gdong tshugs lta// bab col smra zhing zur 'gros byed// de la dung can yod pa ni// mkha' 'gro ma yi rigs su bshad// de yis bde ba khyad 'phags pas// bde ba can gyi gnas zhes bya// g.yas na thabs kyi mkha' 'gro ni// glang po gdong zhes bya ba yod// g.yon na shes rab mkha' 'gro ma// kha kha

  33. 17a

    mu kha zhes pa yod// dbus na ye shes mkha' 'gro ma// srin mo gdong ldan dung can yod// de phyir rdo rje mkha' 'gro yin// bde ba bskyed pas ye shes mkha' 'gro ma// bde ba spor bas las kyi mkha' 'gro ma// bde ba zad med rin chen mkha' 'gro ma// bde la ma chags pad+ma mkha' 'gro ma// rang don mthar phyin ye shes mkha' 'gro ma// gzhan don mthar phyin dam tshig mkha' 'gro ma// 'khor ba'i sdug bsngal zad byed 'jig rten mkha' 'gro ma// dug lnga rang log log 'dren mkha' 'gro ma// spyi bo bde chen gnas pas chos dbyings ye shes mkha' 'gro ma// mgrin par byon pas bde bskyed byed longs spyod mkha' 'gro ma// snying gar nyams su myong bas chos skyong mkha' 'gro ma// lte bar bde ba 'khyil bas las kyi mkha' 'gro ma// gsang bar bde ba 'bar bas bde skyong mkha' 'gro ma// nang gi rtsa yi rgyud la mkha' 'gro ngo skrod yin// mkha' 'gro'i tshogs 'khor smin par byed na de ltar gyis// mchod rdzas dam rdzas mthun rdzas rang chas yin// rnga dang gtor ma rak+ta bdud rtsi rkang gling de ci dgos// mkha' 'gro 'bod pa ci dgos mchod dang bstod ci dgos// tshogs kyi 'khor lo bskor bar bya ci dgos// 'di ni gsang ba nges pa'i don// zhes gsungs so// 'byung po kun 'dul gyi rgyud las// gsang ba'i tshogs

  34. 17b

    kyi 'khor lo'i le'u ste bcu gsum pa'o// // de nas yang dag bshad bya ba// nyon cig rdo rje chos kyi blo gros khyod// rtsa yi gnas lugs ngo sprod bstan par bya// pho rtse mo rtsa ma ning rtsa dang chen po che// de yang gzhi dang lam dang dngos po rnam// de rnams gtan la phab par bya// dang por skye ba 'byung ba ni// dang po lhun grub ma 'gags par// thugs rje 'gag pa med pa las// 'gyu ba rlung gis bskyod nas ni// lhun grub rlung chen ma 'gags pas// ma ning rnam pa gsum du 'byung // ma ning rlung gi rtsal drag pas// drag por 'gyus nas 'od la bcad// thig le dkar dmar 'dus pa las// mdzod chen zhes pa'i rtsa ru 'khyil// rkyang ma ro ma kun 'dar ma// de la dngos po'i rtsa ru 'byung // dngos po'i rtsa yi snang ba yang // ro rkyang kun 'dar gsum po las// pho rtsa'i sna ni kha la zug nas kha bye bas// zla ba re la mtshan ma re// sna yi nang nas 'byung ba yin// thig le de la rgyas pa'i rtsa// a wa d+hU ti'i nang nas 'byung // bde ba 'byung ba de ltar yin// rdo rje'i rtse mor rtsa mdud gnas// mo yi shes rab rtsal gyis su// zla mtshan 'dzag ces bya ba yang // thig le a wa d+ha ti nas su 'dzag/ thig le dmar po r-i rkyang nas// sna yi bu ga gnyis nas 'dzag/ zla mtshan zhes kyang de la bya// zla ba re la rgyu ba yang // mdzod spu drag tu g.yo bar byed// mgrin par

  35. 18a

    zhag drug bar du 'bab// snying dang lte bar de bzhin no// dngas ma rgyas pa drug tu 'dod// de bas mi 'byung rang dbang med// de nas sna ru 'byung ba yang // ro rkyang gnyis nas byung ba yin// de nyid med par gyur pa na// thabs dang shes rab brten sa med// gzhi ni ngo bo thugs rje'o// lam ni rig dang ma rig snang // rags pa 'gyu ba 'od du'o// dngos po thabs dang shes rab rtsa// de gas 'dus pa d+hU ti yin// de la 'khor lo rnam pa lnga// spyi bo bde ba chen po na// thig le dkar dmar 'dzag pa ni// haM kha thur du bltas pa yin// ha ni phrin las ljang gu'i mdog/ nga ni rang byung thig le yin// zhag drug bar du rtsa rnams bskor// des na bde chen 'khor lo yin// 'khor lo ngar dang ldan pa bzhin// bde ba'i ngar gyis rtsa rnams gso// bde ba skye ba de ltar yin// de bzhin 'khor lo bzhi rnams la// re mos re mos 'khor bas na// 'khor lo lnga zhes brjod pa yin// gsang ba'i rtsa yi gnad med na// bde chen ye shes ngos mi zin// thig les rtsa rnams ma brgyan zhing // 'khor lo bzhin du mi bskor na// rtsa rnams thams cad sngo bskam 'gyur// rtsa rnams bskams par gyur pa na// 'chi ba zhes ni brjod pa yin// thig le'i gnad dang dus mi myong // skor zlog mi btub gyur pa na// 'chi ba'i rtags su bshad pa yin// pho ni gsal ba shas

  36. 18b

    che bas// pho rtsa zhes ni brjod pa yin// de la thabs kyi rtsa zhes brjod// mkhas pa chen po thabs che ba// byang chub sems dpa' rnams la snang // mo ni thugs rje shas che bas// mo rtsa zhes ni brjod pa yin// shes rab rang bzhin bud med yin// rak+ta 'bab cing zad thal yod/ mtshan ldan bud med ces bya ba// byang chub sems ma rnams la snang / yid 'ong mdzes ma'i mdog ldan ma// yid 'ong mdzes pa'i gzugs 'chang yin// zhes gsungs so// ma ning ma ning zhes bya ba// rtsa gnyis kha ni bsnol ba las// ma ning mtshan ma gnyis dang ldan// thugs rje mi 'gag dang po'i gzhi// bar du ma ring za ru byung // tha ma dngos su ma ning ngo // ma ning chen po che yang de ltar shes// pho mo rgod ldan rtsa yi ro rkyang gnad// ro rkyang kha 'phel 'grib pa 'byung // des na pho mor byung ba yang // rtsa yi srid mtha' mi lta bu ru 'byung ba yin// ri dwags lta bu'i skad dang ni// glang po lta bu'i skad 'byung bas// pho rtse mo rtsa'i mtshan nyid ces// gnyis 'dzom pas ni snyoms pa yin// byis pa mtshe mar 'byung ba yang // zla mtshan dus myur gnyis 'doms pas// byis pa mtshe mar 'byung ba yin// skye ba snga phyir 'byung ba yang // rlung dang thig le'i rtsal stobs yin// mkhas pa thabs dang ldan pa yang // thabs kyi rtsa ni shas che yin// rtogs pa shes

  37. 19a

    rab che ba yang // shes rab rtsa ni shas che yin// dbang po tha mar gyur pa yang // rtsa gnyis yod kyang che chung yin// gti mug che zhing 'dod chags chung // zhe sdang chung ba'i mo rnams ni// mig nag 'dril kyang mi shes par// gyen la ldog cing blta ba ni// glen pa ba glang zhes su brjod// gnyis 'doms pa yi rtags bstan pa// spyan mig dmar la thig chags na// 'dod chags che zhing zhe sdang 'bar// shes pa gsal zhing myur por smra// dbang por rab kyi rtags yin te// ltag rtsa mig la rgyas pa dang // mig ni dmar zhing skyed pa dang // bcud na pho rog khu 'phrig ltar// thig chags 'phrul shes spyod lam drag/ dbang po rab kyi gang zag yin pa'i phyir// shes pa dal zhing 'jam por smra// spyan mig dkar nag phyed pa la// thad kar blta zhing zhi sems tshul// 'khrul par mi phyed rang lugs 'dril// dbang po 'bring gi gang zag yin pa'i rtags// ro ma rkyang ma'i rtsa rtags ni// mngon par dga' ba'i tshal zhes bya// mig ni sbrul sku dngos su bzhugs// sbrul sku mngon du byon pas na// mngon par dga' ba'i tshal zhes bya// spyi bos thams cad bskyed pa na// rin chen mtha' yas phug ces bya// mgrin par thams cad longs spyod pas// pad+ma can gyi gnas zhes bya// snying ga chos kyi 'khor lo gnas// de ru thams cad rtsal rdzogs pas// byang chub

  38. 19b

    mtha' yas phug ces bya// lte bar thams cad sprul pas na// 'jigs su rung ba'i phug ces bya// ngan 'gror 'gro bas spyi bung zhes kyang bya// gsang ba mkha' 'gro dngos su byon// byon nas bde bas bskyed pas na// bde ba can gyi gnas zhes bya// de ni shar phyogs mngon par dga' ba'i tshal dang // lho phyogs yangs pa can gyi gnas// nub phyogs byang chub mtha' yas kyi phug dang // byang phyogs 'jigs su rung ba'i skyi bung gnas// dbus phyogs bde ba chen po'i gnas zhes bya'o// rdo rje mkha' 'gro rin chen mkha' 'gro dang // pad+ma mkha' 'gro las kyi mkha' 'gro dang // dbyings kyi mkha' 'gro thams cad 'du// rnal 'byor pa des thams cad dbang // des na rnal 'byor dbang phyug yin// zhes gsungs so// 'byung po kun 'dul gyi rgyud las/ rtsa'i mtshan nyid la ngo sprad pa'i le'u ste bcu bzhi pa'o// // de nas yang dag bshad bya ba/ nyon cig rdo rje chos kyi blo gros khyod// rtsa rnams de dag thams cad kyi// ngo sprod mdor bsdus bstan par bya// gzhi rtsa lnga yi ngo sprad pa// rang bzhin ngo bo thugs rje can// yon tan phrin las gnyis kyi rtsa// rtsa lnga'i gzhi rtsa ma shes na// 'khor lo lnga yi rtsa ba chod mi 'gyur// de yi rtsa ba mchod na// bde ba ngos 'dzin dngos por sbyang // zag pa can gyi rtsa zhes bya// bde ba zag pas zag ces bya// a wa d+hU ti'i

  39. 20a

    mtshan nyid ni// srog pa rtsa yi 'og na yod// yar la tshangs pa mar la gsang ba'i gnas// tshad ni sgra lcags 'bring po tsam// lus po stong ra stong par sbyang // kun gyi brtags pas dngos po sbraspang // kun brtags stong ra zhes kyang bya// de 'og a wa d+ha ti'i nang // kun ni rtsa rnams thams cad kun// brtags pa a wa d+ha ti stong // kun brtags stong ra sbyong ba yin// kun ni a wa d+ha ti la// brtags pas d+hA ti nang stong pa// kun brtags stong ra sbyong ba dang // dbugs ni nang sgor mi rgyu ste// shes pa a wa d+hA tir tshud// d+hA ti stong pa nam mkha' yin// shes pa stong par btags pa yin// nam mkha' shes pa 'dres tsa na// rtog pa med cing spyod pa med// skye ba med cing brjod du med// rab tu mi gnas lta ba yin// de yang brtan par ma gyur na// so sor bsdus te brtan par bya// shes pa a wa d+hA ti ru// yar zad mar zang sbyangs byas la// tshangs pa'i bu ga'i zad ka la// nam mkha'i rang bzhin stong par shes// shes pa d+hU ti'i nang gnas stong // mkha' la 'phangs pas 'dres pa ni// dang po so sor shes pa la// de las 'phang pas bsdus pa yin// nam mkha'i ngang du rnam rtog 'phang // nam mkha' lta bur brjod du med// so sor sdud ces bya ba yin// de ltar 'phen pas bsam gtan te// 'du shes chad pas srog rtsol

  40. 20b

    chod// rtsol chod dbu ma'i lta ba yin// gnyis ma grub pas dbus ma yin// zhes gsungs so// 'byung po kun 'dul gyi rgyud las/ rtsa'i stong ra dang rtog pa'i kun brtags nam mkha' dang bsre ba'i le'u ste bco lnga pa'o// // de nas yang dag bshad bya ba// nyon cig rdo rje chos kyi blo gros khyod// rtsa rgyud bsam gyis mi khyab par// thabs lam bsam gyis mi khyab ste// zag bcas chags pa'i lam dang ni// de nyid grol ba'i lam du 'dus// grol ba'i 'bras bu khyad par che// theg pa rang gzhung grol ba dang // mthar zug pa yi grol ba gnyis// ming tsam 'dra ste don las 'phags// 'phags pa kun dga' shAka thub ltar// 'khor dang ston pa'i khyad par yod// de phyir zag bcas zag med rtsa// rgyu dang 'bras bu'i khyad par yod// de don ma rtogs a re 'khyams shing ce re long // thar pa'i lam chen bor nas 'khor ba'i lam du zhugs// lam 'dir zhugs pa rnams kyis zag med 'bras bu thob// gzhi yi rtsa lnga lhun gyis grub// lam du de nyid rtogs pa mchog/ 'bras bu rang grol zag med de// rtsa rnams ma btsal rdzogs pas na// rdzogs pa chen po'i rtsa rlung rdzogs// rdzogs nas lam byed mi 'gal te// gzhi dang dngos po gnyis su shes// de yi ldog chas skyon mi 'byung // grol ba'i gzhi dang grol ba dngos// rdzogs pa'i gzhi dang

  41. 21a

    rdzogs pa dngos// lam gyi gzhi dang lam dngos dang // 'bras bu'i gzhi dang 'bras bu'i dngos// 'bras bu la yang rnam pa gsum// ngan 'gro mtho ris 'dren pa gsum// longs sku sems dpa' thub pa drug/ 'bras bu'i sku gsum grub mtha' theg pa gsum// de yi gzhi lam 'bras bu rnams// brtag pa rab tu gces pas ngo sprod gces// gab pa mngon du phyung nas bshad pa 'di// 'bras bu lam dang gzhi gsum mo// khyad par sgra mthun don las 'phags// dngos gzhi gnyis kyi ral med na// lag rdum brag la 'dzeg pa 'dra// 'bras bu rang grol gnad med na// bye ma'i spo la mkhar brtsig 'dra// lam gyi sa mtshams ma shes na// khas drag khyo bsad sngon na rgyu// de yi gnad dang log non ma shes na/ khas lngas bye tshad bcas pa 'dra// rtsa dang rlung dang thig le gsum// mtshan nyid 'dzin pa re re la// kun dang rgya ma chad pa yin// de ltar gzhi lam 'bras bu yang // mtshan nyid 'dzin pa rang sa la// rgya ma chad pas rdzogs pa yin// gzhi rtsa lnga yi gnad shes pas// rtsa lnga'i ngo sprod byas tsa na// kun brtags stong ra dus gcig 'byongs// rlung lnga'i ngo sprod gdeng ldan pas// shes pa a wa d+hA tir tshud// thig le ngo sprod byas pa yis// shes pa bde ba chen por khel// ye shes ngo sprod byas pa yis// nam mkha'i ngang du rnam

  42. 21b

    rtog 'phang // skye ba rnam bzhi dbyer med shar// lhan cig skyes dang 'dus byas skyes// skyes pa sgra mthun don las 'phags// de ltar shes nas brtan pa dang // 'dus byas pa yi bsam gtan gnyis// bsam gtan sgra mthun khyad par che// mtshan nyid so sor rtsal snang dang // rtsa bral so sor rtsal snang dang // so sor ngo spyod khyad par che// gcig tu brtan nas rdzogs pa dang // phyogs 'dzin tshig rkyang shor ba gnyis// nyag gcig sgra mthun khyad par che// zhes gsungs so// 'byung po kun 'dul gyi rgyud las/ rtsa lnga ngo sprod kyi le'u ste bcu drug pa'o// // de nas yang dag bshad bya ba// rdo rje chos kyi blo gros nyon// theg pa'i gzhi dang lam rdzogs pas// de yi 'bras bu sgra mthun rnams// mdor bsdus bdag gis brjod pa ni// 'gyu ba dngos med ngo shes pas// nyan thos bdag med lta ba mthun// dbugs la mi brten gol sa chod// rig pa khong gsal ngo sprad pas// sems tsam pa dang lta ba mthun// sems la grol bas gol sa med// rang bzhin stong par ngo sprad pas// dbu ma pa dang lta ba mthun// sgyu mar mi 'dod gol sa med// gnyis su med par 'bras bu mthun// grangs med dus mi ltos pas gol sa med// sgyu ma'i dpe brgyad mi bsgrub khyad par 'phags// ngo bor rang bzhin thugs rje gsum// kri ya ba dang 'khyer so/

  43. 22a

    mthun// rigs gsum mi bsgom gol sa med// byed spyod mi dgos khyad par 'phags// ngo bo la sogs lnga dang ldan// yo ga pa dang lta ba mthun// byang chub lnga la mi ltos gol sa med// sku lnga mi bsgrub khyad par 'phags// chos lnga dag dang ldan pa ni// ma hA yo ga dag dang mthun// rigs lnga mi bskyed gol sa med// cho ga rnam gsum mi ltos khyad par 'phags// ngo bo rang bzhin thugs rje gsum// a nu pa dang lta ba mthun// he ru ka dgu mi bsgrub gol sa med// ting 'dzin rnam gsum mi bsgom khyad par 'phags// rdzogs chen rnams dang lta ba mthun// yon tan 'gyur ba med pa yin// dag par 'dod dang blta/ so mthun// thugs rje 'gag pa med pa khyad par 'phags// rgya ma chad pas gol sa med// thugs rje 'gag pa med pa yis// ma nges pa dang lta so mthun// rgya ma chad pas gol sa med// rang bzhin stong pas khyad par 'phags// rtsa rlung rgyud la brten pa yis// thabs lam pa dang lta so mthun// zag pa med pas gol sa med// lhan cig rdzogs pas khyad par 'phags// thams cad rgya ma chad par shes// rdzogs rim pa dang lta so mthun// phyogs rdzogs mi bsgrub gol sa med// mtshan ma rang grol khyad par 'phags// zung 'jug pa dang lta so mthun// gnyis su med par khyad par 'phags// chos las 'das pa gol sa

  44. 22b

    med// thams cad mkhyen pas khyad par 'phags// sa yi rnam pa lta so mthun// sa rnams ma lus rgyan dang ldan// mi bgrod pas na gol sa med// sa rnams rang grol khyad par 'phags// lam lnga pa dang lta so mthun// sbrang mi dgos pas gol sa med// rang grol chen pos khyad par 'phags// 'bras bu rnams dang lta so mthun// dus la mi ltos gol sa med// rang grol 'ub chub khyad par 'phags// de phyir sgra mthun khyad par 'phags// theg pa kun 'dul 'byung bas na// kun 'dul kun 'byung rgyud ces bya// zhes gsungs so// 'byung po kun 'dul gyi rgyud las/ rdzogs lugs bsdu ba'i le'u ste bcu bdun pa'o// // de nas yang dag bshad bya ba// rdo rje chos kyi blo gros khyod// de lta bu yi gnad bstan pa// dbang po rab kyi grol ba las// 'bring dang mtha' mas rtogs pa dka'// de phyir ngo sprod bcu gnyis la// thig le bcu gnyis sbyar la bstan// de yang 'di ltar shes par gyis// ngo sprod rnam pa bzhi dag gis// kha rkyang shor ba'i gol sa bsal// nyams khrid rnam pa bzhi dag gis// nyams kyis 'ching ba'i gol sa bcad// gzer chen bzhi yi ngo spyod kyis// spang blang 'du 'bral gol sa bcad// dmar khrid gsar khrid lag len 'di// bsgom po dbang dang gzer lta bu// 'di 'dra bstan pa'i snod re nyung // chos 'brid

  45. 23a

    bsre 'tshong chu la 'o mas bslad// e ma ho shin tu bstan par dka'// dka' bas snod nyung gab pa yin// gzung 'dzin gnyis med ngo sprad de// de yi dpe yi ngo sprad gces// 'khrul pa'i mig gis ltas pa'i tshe// zla ba gnyis su snang ba ltar// brtags pas gnyis su med par mthong // de bzhin 'khrul pa'i gzung 'dzin yang // bltas pas gnyis su med par shar// gzung 'dzin gnyis med ngo sprad do// ma rig pa yi ye shes su ngo sprad pa ni// de yi dpe yi ngo sprad ni// dper na lteng ka'i zla ba rnams// yang dag don la dngos su med// mkha' zla gcig tu shes pa ltar// ma rig bltas pas dngos po med// blta thabs mkhas pas shes par bya// 'gyu ba ye shes ngo sprad pa// dper na smig rgyu sna tshogs kyang // yang dag don la rang bzhin med/ de bzhin 'gyu ba sna tshogs kyang // bltas pas dngos po med par shar// shes rab yid la ngo spyod pa// de yi dpe yi ngo sprad pas// brag cha lta bur gang byas 'char// yid la ngo spyad sku gsum 'char// de don ngo spyod rnam bzhi yin// rten gyi gsang ba ngo spyod pa// de yi dpe yi ngo spyod rgya mtsho 'dra// rtags kyang lbu ba lta bu'o// don gyi ngo sprod rtsa gnyis la// rtags ni phyi 'gyu nang 'gyu'o// don ni 'gyu ba rang dngas so// de ni nyams len ngo sprod yin// nyams la chags pas 'khor ba

  46. 23b

    na// dus bzhi mnyam sbyor gzer gdab ste// 'gyu ba'i dus na rang ngo shes// bltas pa'i dus na 'gyu ba dang // dper na dze ti'i sman bzhin du// 'gyu ba thams cad sangs rgyas yin// mthong ba'i dus na dgongs pa shar// lhun gyis grub pa'i sman ltar shar// de yi dus na gzung 'dzin dang // nam mkha' dngas pa lta bu'o// snga rabs 'das dang slad kyis 'byon// sangs rgyas rnams kyi dgongs pa yin// thog ma tha ma par dang gsum// de yi dgongs pa bstan pa yin// skal ldan rnams yin gzhan gyis thos par dka'// 'di don thos kyang don la gnas pa dka'// 'di don bstan yang dam tshig bsrung ba dka'// 'di don bstan yang go bzhin rtogs pa dka'// dka' bas bstan kyang le lor 'chor bas na// nyams su len pa'i gang zag ma gtogs pa// 'di don gsang bas gsang sngags rgyal po yin// 'di don thugs la gang gnas pa// rdo rje chos kyi blo gros nyon// gsang sngags rgyal po mthu chen 'chang // zhes gsungs so// 'byung po kun 'dul gyi rgyud las/ ngo sprod dmar khrid kyi le'u ste bco brgyad pa'o// // de nas yang dag bshad bya ba// rdo rje chos kyi blo gros nyon// ngo spyod bsdus pa bstan par bya// lta thabs gcig gis kun mthong bas// dper na za 'og gur khyim ltar// ma 'dres yongs su rdzogs par mthong // theg pa'i rang

  47. 24a

    gzhung thams cad rdzogs// chos rnams spyi dang rang gi mtshan nyid kyang // dus gcig sgro 'dogs chod pa yin// ltalha thabs gcig gis thams cad mthong // mkha' la skar tshogs mthong ba ltar// 'gro ba rigs drug 'khrul pa mthong // ma rig pa yi sgro 'dogs chod// lha thabs gcig gis thams cad mthong // dper na me long bzhin bstan ltar// sangs rgyas dgongs pa'i mtshan nyid mthong // phyi nang sgro 'dogs dus gcig chod// lta thabs gcig gis thams cad mthong // rin chen man shel bstan pa ltar// phyi nang snod bcud rang grol shar// 'bras bu sgro 'dogs dus gcig chod// brda dang rtags su ngo sprad gces// gces pa mdor bsdus gnyis las med// ngo sprod chen po gsang ba ste// gter gsum 'dus la tshang ba yin// de la ma rig log lta yi// sgro 'dogs rang grol 'bras bu ni// dug lnga khong khro'i gzhi rgyu rkyen// dngos po rnam gsum ngo sprod pas// gzhi dang dngos po'i 'phrang grol bas// 'gro drug mu stegs rang sar grol// grol ba rang byung rang la shar// ye gzhi grol gzhi rang grol dngos// thams cad rang grol 'bras bu'i mchog/ ces gsungs so// 'byung po kun 'dul gyi rgyud las/ ngo sprod bsdus te bstan pa las 'bras bu rang grol gyi le'u ste bcu dgu pa'o// // de nas yang dag bshad bya ba// rdo rje

  48. 24b

    chos kyi blo gros nyon// ri rab ri yi sked pa la// tshangs pa khyab 'jug bskos rje dang // srid rje brang dkar thams cad kyang // lha dang klu dang gnod sbyin dang // dri za lto 'phye nam mkha' lding // mi'am ci dang srin po dang // sa yi lha dang sa steng lha// de ru 'dus pa'i 'byung po kun// thams cad nga las byung ba yin// thams cad nga yi 'khor ba yin// thams cad bran dang yang bran yin// yang 'khor nyid 'khor nga yi 'khor// de phyir 'byung po thams cad 'dul// 'byung po kun 'dul ting nge 'dzin// bstan pa kun gyi sde dpon yin// phyi yi 'byung po kun 'dul bas// bar chad thams cad sel bar byed// nang gi 'byung po kun 'dul bas// tshogs drug rang sar grol bar byed// gsang ba'i 'byung po kun 'dul bas// chags sdang mdud pa grol bar byed// 'byung po kun gyi gtso bo ni// nag po chen po mig gcig po// 'gyur med drag med bya ba des// thams cad kha lo bskur ba yin// tshogs kyi bdag po tshogs la rol// phud kyi bdag po phud nyul bas// 'byung po'i bdag po kun tu rgyu// lus med lus po kun gyi bdag/ srog med srog chags kun gyi bdag/ dbugs med dbugs chen kun gyi bdag/ skye 'chi gnyis kyi bdag po ste// lus can thams cad kho las grub// de phyir 'byung po'i rgyal po yin// thams cad kun la dbang bsgyur

  49. 25a

    bas// 'byung po kun gyi blon po yin// de la ngo sprod ma byas na// 'byung po kun choms shin tu dka'// 'byung po choms par ma gyur na// ro snyoms 'byung ba shin tu dka'// ro ma snyoms par gyur pa na// sangs rgyas dgongs pa'i don mi mthong // 'dre rnams thams cad 'dul byed na// 'dre gcig rtsa ba mchod na// thams cad 'dul bas ga la lang // gcig chod pas ni thams cad chod// dper na ral gri kha mang gis// lag pa'i mkhrig mchod tsam na// sor mo lnga po bcad mi dgos// 'byung po'i rgyal po sod tsa na// 'byung po thams cad sod pa yin// rtsa yi rgyal po srog pa rtsa// srog pa rtsa de ma chod na// bran chod kyang mi 'chi zhing // rtsa chen chod pas 'chi bar 'gyur// ro rnams bsnyam pas mi snyoms te// 'byung po gcig la ro bsnyam na// thams cad ma lus bsnyams pa yin// 'byung po rnam rtog lha dang 'dre// ma nyams ro snyoms tshad dang ldan// 'bras bu gdeng dang ldan par gyis// rtsa dang rlung dang thig le rnams// gzhi dang lam dang 'bras bu la// ro snyoms ro ma snyoms pa dang // tshad dang dbang po 'bras bu rnams// nges shes gdeng dang ldan par gyis// nad la rnam pa mang yang ni// rgas byed 'dre dang 'byung 'khrugs nad// rnam smin rkyen gyur 'chi ba'i nad// de yi ro snyoms tshad dang ldan// 'bras bu nges shes

  50. 25b

    gdeng dang ldan par gyis// 'dre la bsam gyis mi khyab ste// rtog 'dre 'byung 'dre stod kyi 'dre// mi 'dre dang ni rnam pa bzhi// de yi ro snyoms ro snyoms tshad// 'bras bu nges shes gdeng dang dbang po med gyur na// rnal 'byor don dang ldan zhes bya ba shin tu dka'// thams cad man ngag ngo sprod 'di ru 'dus pa yin// sangs rgyas pa dang de yi thugs rje yang // 'di ni ma rtogs gdeng dang mi ldan gyis// 'bras bu gdeng rnyed 'di ru shes par gyis// shes pas 'khor bar skye ba'i rgyun rnams bcad// de ltar shes na 'khor ba dong nas sprugs// mngal kha rgya yis thebs zhes brjod pa yin// srid gsum rnam dag dgongs pa rang snang thob// ces gsungs so// 'byung po kun 'dul gyi rgyud las// gdams pa dmar khrid kyi le'u ste nyi shu pa'o// // de nas yang dag bshad bya ba// rdo rje chos kyi blo gros nyon// 'di dang mi ldan ro snyoms byed// nor bus rgyal sa bzung ba 'dra// thams cad rdzogs pa'i sa gzhi pa// thams cad bsgrub pa'i nor bur shar// nor bu kun gyi nang na mchog/ lhun grub spyan chen ma 'gags pas// 'gyu ba'i mig tu grub pa yin// rang snang 'od du mthong ba yin// bag chags chags sdang de ru mthong // mthong stangs 'gyu ba'i spyan la bris// kun tu bzang pos mthong ba ni// dus bzhi mnyam sbyor sangs rgyas

  51. 26a

    dgongs pa shar// 'das pa lnga yi thig le ye shes kyi// klong du shar nas gzhi lam 'bras bu mkhyen// lhag mthong rig pa'i ye shes me long byed ltar gsal// gsal ba zang thal 'di la blta shes na// sangs rgyas dgongs pa rtogs pas dgongs pa mngon sum 'gyur// de yi dus na gzhi lam so sor bstan pa tsam// de la ma brten rtogs thob 'byung ba med// de las thugs rje byin rlabs nyi ma'i 'od bzhin 'char// de don dgongs pa thugs nas thugs su brgyud/ kha sbub zhabs rdol dug can gzhogs ral la'ang // byin rlabs 'byung bas byin rlabs rgyud du bshad// khams gsum 'khrul pa ma shes ma rig pa// 'gyu ba'i mig gis stong gsum bltas pas lan// blta ba nyes pas mig sprin zhag gis chod// dper na nam mkha' zhags gis chod pa ltar// 'gru ba 'od kyis chod pas sangs rgyas spyan ma gsal// 'od lus yid lus sha khrag lus su tshud// gnas dang tshe tshad lung du bstan pa med// dge sdig las kyi 'bras bu so sor shar ba med// las dang 'bras bu rnam smin grub nas skal pa med// de dus las rkyen 'gyu ba'i rtsal las byung // sha khrag mi yi lus su tshud de tshul khrims bsrung ba med// stag dang seng ge kha sprod byung bas shed rtsal gzhan la rag ma lus// gzhi dang rgyu rkyen dus mtshungs pas// tshul khrims bsrung dang

  52. 26b

    sdom la rag ma lus// de ltar shes pas lus kyi thog mtha' chod// sha khrag lus la rtsa rlung thig le 'dus// 'dus pa nang du byung bas 'byung ba lnga zhes bya// 'byung 'khrug nang du 'ong ba'i gnad ka de ltar yin// mig gnyis chu bur 'ong ba ni// pha ma'i mngal du khu chu dngas ma 'du// pha dang ma yi sred len byas pas ni/ chu bur mig gnyis 'ong ba de ltar yin// dbang po'i dngas ma gnyis 'dus pas// dbang po'i dngas ma mig tu 'ong ba de ltar yin// de yis lha mthong 'dre mthong zer ba chu bur mig la snang // lha 'dre gnyis su 'ong ba de ltar yin// rtog med rtog pa'i bar na 'gyu ba gnas// 'khor ba myang 'das gnyis su 'ong ba de ltar yin// de phyir mig gi thog mtha' ma chod na// 'khor ba'i snang ba bkag pas khegs par dka'// gnyis su snang yang yod pa gcig las med// gnyis med mig gcig yod pa'i phyir// spyan gyi gzhi dang rgyu dang rkyen// za ma dngos po ma shes na// ye shes spyan chen 'char ba'i dus ma mchis// zhes gsungs so// 'byung po kun 'dul gyi rgyud las// ngo sprod rang snang gi le'u ste nyer gcig pa'o// // de nas yang dag bshad bya ba// rdo rje chos kyi blo gros nyon// rab kyi ngo sprod de ltar bstan// 'bring gi ngo sprod bstan pa ni// dang po gzhi la spyan gsum gnas// spyan gsum rgyu rkyen bstan/

  53. 27a

    par bya// tha ma spyan gsum ngo sprad bya// dpe yi spyan gsum man shel yin// phyi nang gsum la sbyar la bshad// rtags kyi spyan gsum bstan par bya// chos dang shes rab ye shes spyan// sgro 'dogs gcod dang 'dug tshul rtogs// yon tan rang grol 'bras bu'i spyan// rtags dang don dang ngo sprod bstan// phyi nang gsang ba spyan gyi dbang // thams cad dbang bskur khyad par 'phags// dug lnga lam du slong ba yin// gcig tu 'dril ba'i gzer chen gdab// kha mig 'khyer dad nyams las grol// 'bras bu gdeng ldan dbang po yin// ngo bo nges tshig dbye ba 'di// tha ma'i ngo sprod yin par shes// chos mthun bsgrub bya dpe ru bstan// ngo bo gsal gdangs 'gyur ba med// zang thal 'gag pa med pa yin// nges tshig mthong snang ma 'gags pa// dbye ba gzhi lam 'bras bu'i spyan// 'bras bu'i spyan la rnam pa gsum// 'khrul pa bag chags mig dang ni// longs sku sgyu ma'i spyan lnga dang // thig le ye shes mig gcig dri med spyan// spyan gyi rtsa ba lhun grub gzhi yi spyan// spyan gyi rgyu ni 'gyu ba mi 'gag pa// spyan gyi yul ni chos la mi dmigs pa'o// spyan gyi dpe ni nyi ma me shel lo// shel ltar gsal zhing lhun gyis grub// snod kyi ngo sprod 'od la'o// bcud kyi ngo sprod de nyid la// gnyis med ngo sprod thams cad la// 'das pa'i ngo sprod thabs

  54. 27b

    chen la// 'khrul gzhi dngas par ma shes na// phyis kyang 'khrul pa'i skyon du 'byung // zhes gsungs so// 'byung po kun 'dul gyi rgyud las/ tha ma spyan gsum ngo sprod kyi le'u ste nyer gnyis pa'o// // de nas yang dag bshad bya ba// rdo rje chos kyi blo gros nyon// des kyang grol bar ma gyur na// dbang po yang mtha' yin par shes// de la 'di skad ces bya ste// lus su rtog pa dran bya'i phyir// theg pa rgya mtsho ngo sprad dang // gzhung lugs rgya mtsho sun 'don pa// gzhung chen rgya mtsho la bzla dang // gzhung chen rgya mtsho ngo sprod pas// des ni grol bar ma gyur na// ngo sprod nges pa'i gzer 'di gdab// dran pa'i dus na thams cad gsal// ma dran ma shes rmongs gyur na/ dran pa'i thugs rje'i byin rlabs dang // mi 'gyur mi brjed gzungs kyi zag pa yi// ye shes dran pa'i zag pas btags// phyi yi dran pa'i zag pa yi// snang la skye med zag pas gdags// skye med dgongs pa'i rgyun zag 'khrigs// snang ba skye med ngo sprad pas// dbu ma rab tu mi gnas pa'i// blta ba dag las khyad par 'phags// rigs snang rang grol ngo sprod pas// sems tsam dag las khyad par 'phags// 'gyu ba dngos med zang thal bas// thig le nyag gcig dgongs pa khel// nyan thos dag las khyad par 'phags// phyi nang mtshan ma rang grol bas// sngags

  55. 28a

    kyi theg pa khyad par 'phags// 'dir snang chos sku rang sar grol// chos kyi slu bas mthong gyur pas// rdzogs chen dag las khyad par 'phags// gzhung lugs rgya mtsho'i la bzla yin// de yis de ltar de ma rtogs// de ma rtogs pas de ma rig/ de ma rig pas de ltar 'khor// de ltar de 'dra de las 'byung // sngon gyi de dang da ltar rnams// de bzhin de dang de 'ong thob// de ma thob pas de ltar snang // de yi 'khrul pa de ltar shes// de shes pas ni 'khrul pa med// de yang de ltar ma gyur na// de la 'od gsal 'khor lo bskor// de la dmigs pa de yi thabs// de yi tshad dang de lam zhugs// de la mi 'khor rang dbang med// de la shes na de yi log non de// de yang rtsol ba de yin de rang grol// de ltar thabs bstan der shes pas// theg pa rgya mtsho'i ngo sprod yin// 'khor lo bskor lugs rnam pa gsum// snang ba tshogs drug 'byung ba gsum// de ni phyi yi 'khor lo yin// sha dang rtsa dang rus pa la// 'khor lo rnam pa gsum yang bskor// sha la 'khor lo bskor shes na// sbrul sku dngos su 'byung bar 'gyur// de la'ang bskor ba rnam pa lnga// de yi log gnon shes par bya// rtsa la 'khor lo bskor shes na// longs sku'i dgongs tshad 'char bar 'gyur// de la de bzhin de ltar ro// rus pa'i 'khor lo bskor shes na// chos sku

  56. 28b

    mngon du 'byung bar 'gyur// de la de ltar rim bzhin no// dbyer med rang byung 'khor lo bskor// sku gsum rang grol dgongs pa 'char// lta ba chos sku mi mthong ste// de dgongs 'char ba'i gnad med na// zla ba mtshon nas bstan pa bzhin// yul can dag las ma shar ro// de la gnas pa a re 'khyam// rang shar lta ba'i gdeng mi rnyed// ces gsungs so// 'byung po kun 'dul gyi rgyud las/ theg pa rgya mtsho la zlo dang 'od gsal gtan la dbab pa'i le'u ste nyer gsum pa'o// // de nas yang dag bshad bya ba// rdo rje chos kyi blo gros nyon// de yi yon tan bstan pa ni// 'od gsal 'khor lo byin rlabs che// thams cad dbang du bsdu bar byed// 'od ni byin dang ldan pa yin// rlabs ni rang snang 'khor lo yin// sku gsum lam du slong bas che// dmigs pa myur te glog dang 'dra// zang thal 'gro te thog dang 'dra// rig pa dar drags 'khor lo 'dra// dmigs pa sna rno spu gri 'dra// 'gru ba lnga drag skar mda' 'dra// 'od gsal byin che nyi ma 'dra// dmigs pa rgya che nam mkha' 'dra// dgongs pa gting zab rgya mtsho 'dra// nyams len brtan drags gangs ri 'dra// dgongs pa don zab za 'og gur khyim 'dra// sku gsum lam bde nyi shar 'dra// de ltar ma rtogs skyon bstan pa// ma rig mun nag 'thib pa 'dra// 'gyu ba ce spyang lag pa

  57. 29a

    'dra// gzug 'dzin gangs la kha babs 'dra// bag chags rgya mtsho'i gnyer ma 'dra// dug lnga nags la me shor 'dra// dgra gnyen gram pa'i rdo dang 'dra// chags sdang lam ka'i mgron po 'dra// 'khrul pa gzi lum brgyus pa 'dra// 'khor ba zo chu'i khyud mo 'dra// 'gro 'dug tshong pa skyel bsu 'dra// sdug bsngal tshong pa 'jom pa 'dra// rnam rtog tshong dus 'o ma 'dra// 'dod pa bu shi'i 'o ma 'dra// chags pa phye leb mer shor 'dra// sdang ba lam gyi dgra dang 'dra// rnam rtog smig rgyu 'grus pa 'dra// de tshe ngo sprod shes gyur na// rdzogs pa chen po'i lam chen yin// zhes gsungs so// 'byung po kun 'dul gyi rgyud las/ 'od gsal 'khor lo phyir zlog nang zlog gi le'u ste nyer bzhi pa'o// // de nas yang dag bshad bya ba// rdo rje chos kyi blo gros nyon// dran pa bzhi yis ma brgyan na// 'od gsal 'khor lo bskor ba dka'// de phyir dran pa'i zag pas gdags// ma dran pas ni bskor thabs med// des na dran pa'i zag pas gdags// de la ngo sprod bstan par bya// da ltar bar do gnyis su bstan// man shel me long gnyis po la// bzhi la rgyu rkyen 'bras bu gzhi// da ltar bar do sbyar la bstan// thugs rje'i 'byung lugs ngo sprad bstan// da lta rang la ngo sprod na// snying dang mgrin pa mig dang gsum// chos sku

  58. 29b

    longs sku sbrul sku gsum// sku re la'ang gsum gsum bstan// thugs rje yas babs sku gsum dang // dza log sku gsum shes par bya// rab la bar do med pa yang // dus bzhi mnyam sbyor dgongs pa yin// bar dor sku gsum dran par 'gyur// 'od dang 'gyu ba yid dang gsum// dgu phrug shes pa ngo spyod do// de yis grol bar 'gyur ba yin// de las grol nas shar ba ni// mchog gi sku gsum zhes su bshad// de yi ngo spyod ma shes na// gdams pa bstan pa skyon du 'gyur// thugs rje 'byung bar ma shes na// nyi ma 'od dang bral pa ltar// gzugs sku gnyis po 'char mi 'gyur// gzugs sku gnyis po ma shar na// 'gro drug ston pa gang las 'byung // 'du dus thim dus 'char dus dang // de gnyis grol bar 'dus dang bzhi// de bzhi'i so mtshams ma shes na// sangs rgyas dus tshod shes pa dka'// mar gyi dus bzhi yar gyi bzhi// bar do'i so mtshams ma shes na// 'khor ba'i 'phro mthud dus tshod dka'// 'du dus thim dus 'char dus rang grol dus// 'du dus thim dus 'char dus lus 'jug dus// 'dra 'dra 'dra ste nor sa che// des na brtag pa rab tu dka'// 'khor ba tsam du sgra mthun yang // rgyu dang dkar nag 'bras bu bzhi// de yi so mtshams khyad par che// lus po tsam du sgra mthun te// 'jug pa'i lus la khyad par

  59. 30a

    che// 'bras bu tsam du sgra mthun ste// lung du bstan dang lung ma bstan// de yi 'bras bu khyad par che// zhes gsungs so// 'byung po kun 'dul gyi rgyud las/ ngo sprod bsdus te bstan pa sku gsum ngo sprospyod kyi le'u ste nyer lnga pa'o// // de nas yang dag bshad bya ba// rdo rje chos kyi blo gros nyon// ngo sprod gtan nas gnas pa dang // de yi ngo sprod ma byas pa// 'chi ba zhes bya kun la 'byung // lus dang 'pho/ ba zhes bya ba// de yi mdor bsdus bshad par bya// 'chi ba rnam pa bzhi dag las// rgas nas thug nas 'chi ba dang // 'dus pa'i nad kyis 'chi ba dang // bar chad gdon gyis 'chi ba dang // las kyi rnam par smin pas 'chi// rlung yang lnga bcu rtsa lnga yin// brtag pa yin par shes par bya// de la rlung gi mtshan nyid kyang // ngo bo dbye ba nges tshig dang // kha dog dang ni gnas pa dang // rgyu ba'i dus tshod bstan pa'o// ngo bo g.yo zhing mi 'gag pa// nges pa'i tshig ni 'degs bskyod do// dbye ba rgyu dang 'jug gnas so// de ni dngos po'i rlung du shes// gzhi yi rlung dang 'bras bu'i rlung // deng 'dir 'chi rtsis 'bras bur bshad// rgyu ba la yang rnam pa gsum// gyen rgyu zur sel zad kar rgyu/ khyab par gnas pa'i rlung dang lnga// thugs rje bkrag dang drod 'bebs dang // thur du sel byed g.yo ba'i rlung // rtsa ba'i rlung lnga zhes su

  60. 30b

    bshad// kha dog chu rlung dkar la zlum// me rlung dmar po gru gsum mo// sa rlung ser po gru bzhi yin// rlung gi rlung ni zla gam ldang // mkha' rlung sna tshogs mthing ga'o// gyen du rgyu ba sna bug dang // thur du sel ba gsang ba'o// zur sel rtsig ma 'byin par byed// gyen du rgyu bas lus stobs bskyed// chu yi rlung ni sor brgyad rgyu// sa yi rlung ni sor bzhi ste// me yi rlung ni sor bcu gnyis// nam mkha' rlung ni tshad bzung med// de yis 'chi bar 'phen pa yin// gnas pa'i sa dang 'byung ba sbyar// rlung la drod yod gnas su 'dus// de dus rtsa rnams khrag bros pas// kha sna skam la sgo bdun du// me bdun bskal pa 'byung bar 'gyur// chu dang rdul rnams gcig tu 'dus// chu yi bskal pa 'byung bar 'gyur// sna bug gnyis su dbugs med pas// mjug tu rlung gis 'jigs pa yin// mthil bzhir drod dang 'degs bskyod med// gling chen bzhi po 'jig pa yin// 'khor ba brgyad kyi g.yog ma nus// gling g.yog 'jig pa de ltar yin// tshogs bdun rnam shes mi rgyu bas// rin chen sna bdun 'jig pa yin// lus kyi nga rgyal dang bral bas// ri rab 'jig pa de ltar yin// sgra rnams gyen du log pa yis// mkha' 'gro 'bros pa de ltar yin// mig gnyis khong du nub pa yis// nyi zla nub pa de ltar yin// gzhung pa srog pa'i rtsa med pa// dgu tshigs nam

  61. 31a

    mkhar med pa yin// tshogs brgyad med pas gza' brgyad med// skal tshigs rtsa brgyad ya bral bas// rgyu skar rtsa brgyad nub pa yin// rig pa med pas rgyal po med// yid 'jug med pas blon po med// dug lnga med pas 'khor dang dmangs rnams med// snod bcud 'jig pa de ltar yin// des na 'du dus thim dus dang // 'char dus 'jig pa'i dus dang ni// grol ba'i dus dang ngo sprod rnams// 'dir ni rgyas par bshad pa yin// zar ma'i me tog ma yal lam// glang po'i mthur thag ma chad dam// rta sngon mthur mda' ma chad dam// seng lcam gangs dkar rgyu 'grul ma chad dam// sgeg po sgeg mo'i me long ma stosbyor ram// rta sprin gyi shugs can mtha' gseb ma tshud dam// klu rgyal dga' bo'i rna cha ma stor ram// rgya mtsho'i lbu ba ma chad dam// kye ma ho chad do chad do zer te brgyal lo// de'i dus na 'khor thams cad dus nas/ gar chang 'thung nas ra ro'o// rgyal po gnyid log lta bur gyur te// zhag gsum du brgyal zhing 'dug par gyur to// de nas bud med 'am de brgyal sangs tsam na// rmi lam rnam pa gsum rmis par gyur to// de'i tshe der snang gi dus na// de ni mtshams sbyor rmi lam dang // 'khrul pa 'phro 'du rmi lam dang // ye shes rang snang gnyid grol ba// rnam grol gsum la mkhas pa'o// grol ba thar pa rnam grol

  62. 31b

    lus// rnam grol zhi ba zhi ba nyid// legs par mya ngan 'das dang nye// bde sdug gnyis ka rnam par sel// grol ba thar pa rnam grol mchog/ rnam par grol ba mkhas pa'i mchog/ mchog gi 'bras bu bstan pa yin// ces gsungs so// 'byung po kun 'dul gyi rgyud las/ 'chi rtsis dang ngo sprod da lta bar dor ro snyoms ngo sprod kyi le'u ste nyer drug pa'o// // de nas yang dag bshad bya ba// rdo rje chos kyi blo gros nyon// de las thugs rje sprul pa ni// phyi nang gsang ba gsum du 'byung // thams cad mkhyen pa'i spyan ldan pas// las dang 'phro dang mthud pa dang // 'bru shag las kyi 'khor lo 'dis// go skabs ma lus 'dis 'byed 'gyur// las 'phro nges pa'i gnad med na// thams cad rtag chad gol bar chud// kye rgyal ba'i sras po lus zhes bya// 'od lus yid lus sha khrag lus// 'od zer phung po 'od dpag med// mthar zug rdo rje sems dpa' yin// bde ba gnyis la rtogs pa'o// mtshan dang dpe byad rab tu mdzes// sa bcu'i byang chub sems dpa' rnams// 'od zer 'dom gang 'od du 'phro// lha lus 'od gsal mda' gang dang // 'dre ni rang gnod rang 'od nges pa med// bsam gtan ting 'dzin khyad par yin// yid lus rnam smin 'bras bu dang // las kyi rim pa bsam gtan las// dmyal ba tsha grang gnyis

  63. 32a

    gnyis dang // nyi tshe ba dang nye 'khor ba// rdo rje dmyal ba'i snang ba rnams// rnam smin las kyi 'bras bu yin// yi dwags yid lus rnam pa bzhi// phyi dang nang dang gnyis ka dang // sgo khyud yid lus rnam bzhi yin// gnas dang rgyu ba rnam smin gsum// de ni las dang 'bras bu'o// lha yang gzugs med grub pa ni// bsam gtan dag las grub pa yin// 'dod khams ris drug lha dang ni// mi rnams sha khrag lus grub pa// dge ba'i las kyi 'bras bu yin// pha rol phyin drug khyad 'phags pas// de yi 'bras bu so sor smin// byol song sha khrag lus su grub pa ni// gti mug lung ma bstan gyi 'bras bu yin// phal cher las kyi 'bras bur snang // rkyen 'gyur gnas skabs ma nges pa yang yod// gzhi nas rang dbang med par 'byung ba yod// rgyu nyid rdo rje rkyen dang 'dra ste ra gzhob ltar// yang dag don la las kyang med// rnam par smin pa'i 'bras bu med// ma rtogs pa la las yod las kyi 'bras bu yod// bden pa'i byin gyi rlabs kyis me yi phung po zhi// rang grol rig pa 'di la blta nus na// yang dag don nyid mthong bar nges pa yin// zhes gsungs so// 'byung po kun 'dul gyi rgyud las/ thugs rje'i 'byung lugs dang lus gsum bstan pa'i le'u ste nyer bdun pa'o// // de nas yang dag bshad bya ba// rdo rje chos kyi

  64. 32b

    blo gros nyon// theg pa spyi dang rang gi mtshan nyid kyi// lam du 'jug phyir lam lnga bshad// tshogs dang sbyor dang mthong ba dang // bsgom pa dang ni mthar phyin lnga// nyan thos tshogs lam 'di lta ste// nyis brgya lnga bcu tshogs kyi lam// bden pa bzhi ni mthong ba'o// shes pa bzhi ni sbyor ba'i lam// 'phags pa'i lam brgyad bsgom pa'i lam// dgra bcom 'bras bur gyur pa mthar phyin lam// tshad med bzhi dang pha rol phyin pa drug/ sdom pa nyi shu rtsa ba gsum// des sdom byang chub sems dpa' yi// tshogs kyi lam du bshad pa yin// bzod pa 'jig rten chos kyi mchog/ sbyin dang tshul khrims pha rol phyin pa bcu// sbyor ba'i lam du bshad pa yin// chos rnams nam mkha' lta bu ni// mthong ba'i lam du bstan pa yin// dngos po mtshan ma mi dmigs pas// bsgom pa'i lam du bstan pa yin// 'bras bu rdzogs pas sangs rgyas pa// mthar phyin lam du bstan pa yin// gsang sngags phyi ba'i lam du bstan pa ni// dag pa rnam gsum gza' dang rgyu skar brtsi// brtul zhugs dkyil 'khor sbyor ba tsam// tshogs kyi lam du bstan pa yin// de nyid rje dang 'bangs kyi tshul// 'phro 'du ting 'dzin byed pa ni// sbyor ba'i lam du bstan pa yin// ting 'dzin las su gyur pa ni// mthong ba'i lam du bstan pa yin// ting 'dzin rgyun ma chad pa ni// bsgom pa'i lam du

  65. 33a

    bstan pa yin// 'bras bu rigs gsum 'grub pa ni// mthar phyin lam du bstan pa yin// bdag dang dam tshig sems dpa' gnyis// de yi lam las mi 'da'o// spun dang grogs po'i sgo nas bsgrub// tshogs kyi lam du bstan pa yin// sku mdog phyag mtshan gsal ba ni// sbyor ba'i lam du bstan pa yin// de nyid las su rung gyur pa// mthong ba'i lam du bshad pa yin// de yi lam las mi 'da' ba// bsgom pa'i lam zhes bshad pa yin// sku lnga mngon du gyur pa ni// mthar phyin lam zhes bshad pa yin// zhes gsungs so// 'byung po kun 'dul gyi rgyud las/ mtshan nyid kyi lam dang gsang sngags phyi rgyud lam lnga bstan pa'i le'u ste nyer brgyad pa'o// // de nas yang dag bshad bya ba// rdo rje chos kyi blo gros nyon// rgyud lung man ngag snyan rgyud kyi// de yi lam lnga bshad par bya// ting 'dzin rnam gsum dam tshig brgyad// 'phags pa spyan drangs la sogs pa// tshogs kyi lam du bshad pa yin// goms shing brtan par byed pa ni// sbyor ba'i lam du bshad pa yin// brtan nas rigs lnga yab yum gsal// mthong ba'i lam du bshad pa yin// ting 'dzin rnam gsum ma thob par du bsgom// bsgom pa'i lam du bstan pa yin// longs sku zhe gnyis sangs rgyas pa// mthar phyin lam du bstan pa yin// phung po khams rnams lha ru

  66. 33b

    bsgom// 'jab dang 'phro 'dra tshogs kyi lam// de nyid 'dris byed sbyor ba'i lam// kun bzang yab yum he ru ka/ dgu ru gsal ba mthong ba'i lam// he ru yab yum brtan pa bsgom pa'i lam// dbyings dang ye shes gnyis su med par mthar byin lam// a ti yo ga'i lam ldani// snang srid rgyan du gyur pa tshogs kyi lam// thig le cag gcig rtogs thabs sbyor ba'i lam// the tshom med par go ba mthong ba'i lam// mi don la gnas pa bsgom pa'i lam// chos sgra thig ler shar ba mthar byin lam// snyan chud nges pa'i lam lnga 'di ltar bstan// rang snang zang thal yin pas tshogs lam rdzogs// rig par rang sar grol bas sbyor lam rdzogs// thig le rang la shar bas mthong lam rdzogs// 'gru bzang thal shar bas bsgom lam rdzogs// thig le chos min shar bas thams cad mkhyen pa rdzogs// tshig tu brjod pas lngar snang don la gcig/ gsar bzang mdog bzang byas pa'i don la gcig/ zag pa rang rang lam lnga de ltar yin// zhes gsungs so// 'byung po kun 'dul gyi rgyud las/ lam lnga khyad par bstan pa'i le'u ste nyer dgra pa'o// // de nas yang dag bshad bya ba// rdo rje chos kyi blo gros nyon// sa dang pha rol phyin pa ni// gsang sngags mtshan nyid man ngag gsum// de yang khyad par 'di ltar bstan// dang po rab tu dga' ba

  67. 34a

    ni// sbyin pa yi ni pha rol phyin// pad+ma can gyi sa zhes bya ba dang // bla ma'i gdams ngag thob pa'o// gnyis pa dri ma med pa ni// tshul khrims pha rol phyin pa'o// rig pa dri ma med pa ngo spyod yin// gsum pa 'od 'phro zhes pa ni// bzod pa'i pha rol phyin pa'o// bcu gsum yi ge 'khor lo tshogs chen yin// sku gsum dgongs pa gzhan don byed// bzhi pa 'od byed ces pa ni// brtson 'grus pha rol phyin pa'o// yi ge tshogs chen rdzogs pa yin// sku gsum gyis ni gzhan don byed pa yin// lnga pa sbyang bar dka' ba'i sa// bsam gtan pha rol phyin pa'o// bco lnga rdo rje 'chang gi sa// dbang po dman la ngo spyod bya// drug pa mngon du gyur pa'i sa// shes rab pha rol phyin pa'o// ngo sprod pas ni rtogs pa mngon du gyur// bdun pa ring du song ba'i sa// thabs kyi pha rol phyin pa yin// nyan thos spong ba yin te ring ba'o// 'di nyid lam du byed pa'o// brgyad pa mi g.yo ba yi sa// smon lam pha rol phyin pa'o// chos sku 'gyur ba med par rtogs// dgu pa legs pa'i blo gros sa// stobs kyi pha rol phyin pa yin// kun tu bzang po'i dgongs pa'o// bcu pa chos kyi sprin gyi sa// ye shes pha rol phyin pa'o// rtogs pa mngon du gyur pa'o// bcu gcig la ni 'od du 'char// ye shes pha rol phyin pa'o// zhes gsungs so// 'byung po kun 'dul

  68. 34b

    gyi rgyud las/ sa gsum ngo sprod kyi le'u ste sum cu pa'o// // de nas yang dag bshad bya ba// rdo rje chos kyi blo gros nyon// phyag rgya bzhi yi don ston pa// 'gro ba'i bsnyen bkur gnas kyi mchog/ bden pa bzhi ni ston pa'o// de la nyan thos phyag rgya bzhi// nyis brgya lnga bcu las kyi phyag rgya yin// bden bzhi gtan la 'bebs pa chos kyi phyag rgya yin// gang zag bdag med dam tshig phyag rgya yin// dgra bcom 'bras bu rnam bdun phyag rgya chen po yin// byang chub sems dpa'i phyag rgya ni// sdom pa nyi shu bsrung ba las rgya yin// pha rol phyin drug spyod pa chos rgya yin// chos rnams rang bzhin stong pa dam tshig phyag rgya yin// thams cad mkhyen pa thob pa phyag rgya chen po yin// dag pa rnam gsum spyod pa las kyi phyag rgya yin// rigs gsum spyan 'dren mchod bstod chos kyi phyag rgya yin// nya sha sgog btsong bsrung ba dam tshig phyag rgya yin// 'bras bu rigs gsum bsgrub pa phyag rgya chen po yin// byang chub lam la 'jug pa las kyi phyag rgya yin// sku lnga bzhu btul byed pa chos kyi phyag rgya yin// dkar gsum mngar gsum bsten pa dam tshig phyag rgya yin// sku lnga mngon du gyur pa phyag rgya chen po yin// bdud rtsi lnga la spyod cing sbyor sgrol las kyi phyag rgya yin// sngags dang phyag rgya chos kyi phyag rgya yin// dam tshig nyi shu rtsa brgyad bsrung ba dam tshig

  69. 35a

    phyag rgya yin// bzhi bcu rtsa gnyis bsgrub pa phyag rgya chen po yin// ting 'dzin rnam gsum dam rdzas lnga spyod las kyi phyag rgya yin// kun bzang yab yum bsgom pa chos kyi phyag rgya yin// 'du 'phro rgyun mi gcod pa dam tshig phyag rgya yin// dbyings dang ye shes gnyis su med pa phyag rgya chen po yin// rol pa 'gag pa med pa chos kyi phyag rgya yin// mtshan nyid skye ba med pa las kyi phyag rgya yin// ngo bo klong grol dam tshig phyag rgya yin// rang bzhin skye ba med pa phyag rgya chen po yin// 'gyu ba 'gag pa med pa las kyi phyag rgya yin// ye shes zang thal shes pa chos kyi phyag rgya yin// rig gnas phyi nang med pa dam tshig phyag rgya yin// chos las 'das pa phyag rgya chen po yin// zhes gsungs so// 'byung po kun 'dul gyi rgyud las/ phyag rgya btab pa'i le'u ste so gcig pa'o// // de nas yang dag bka' stsal pa/ rigs kyi bu khyod nyon cig/ kun tu bzang po'i dgongs pa ni// gzhi rang grol du shes pa'o// gzhi rang grol gyi dgongs pa de ni/ ma bltas rang shar gyi dgongs pa shar ro// ma bsgoms so// ma bsgrubs so// ma spyad do// tshogs gnyis ma bsags so// gzhi rang grol de yis bsgoms sam sgom bzhin nam/ bsgom pa byas sam bsgom par ma byas na sangs rgyas sam// lta bas bltas sam/ blta bar byas sam/ lha

  70. 35b

    bar byed bzhin nam/ lta ba bltas nas sangs rgyas sam/ de spyad dam spyod par byed dam/ spyad nas nam/ spyad zin nas des sangs rgyas sam/ gzhi 'bras bu gzhi yin nam/ gzhi des 'bras bu myong ngam// gzhi 'bras bu thob bam/ gzhi na re 'bras bu yin zer ram/ de bzhin du lam lnga sa bcu tshogs gnyis rnams kyang / de bzhin de yi rang bzhin yin// zhes gsungs so// dper na ga bur na rang sman yin zer ram dug yin zas phal pa yin zer ram// nor bu rin po che de skad zer ram ste// gzhi 'khrul pas gzhi ngo shes te// mi shes pa yis rang dbang med// mi yi byad kyis me long ltar// phar bltas tshur mthong bzhin gsal ba// gzhi ngo shes pas gzhi las 'das// 'das pa lnga po chos las min// ye shes zang thal rang shar bas// thams cad mkhyen pa ma 'gags pas// mkhyen pa de ltar shar ba yin// drug gis bstan pa'i dgongs pa dang // mu stegs ston pa drug po yis// grub mtha' gnyis su phye bas log/ gnyis med don dang mi 'gal lam// mnyam phyir don ni bzang ngan med// bzang por 'dod na 'dod chags yin// 'dod pas mi myong rtog 'dre yin// 'dre ru 'di bas che ba med// ces gsungs so// 'byung po kun 'dul gyi rgyud las// kun tu bzang po'i dgongs pa bstan pa'i le'u sde so gnyis pa'o// // de nas

  71. 36a

    yang dag bshad bya ba// 'byung po kun 'dul rgyud chen 'dir// thams cad ma lus 'dus pa yin// 'di ni byin gyis brlabs pa'i rgyud du zung zhes gsungs so// ston pa kun tu bzang po la// rdo rje chos kyi blo gros rjes su yi rang ngo // 'byung po kun 'dul gyi rgyud ces bya ba rdzogs so// // @#// rgya gar skad du// de ba tan+na b+hi She ka ta rat+na tsakra nA ma// bod skad du// lha rgyud dbang rin po che'i 'khor lo zhes bya ba// bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na// chos kyi dbyings gdal ba chen po'i pho brang na// rgya yongs su ma chad pa'i zhing khams// gser gyi 'od zer rab tu 'phro ba zhes bya ba// bai DUr+ya zhun mas rang nan du byas pa'i sa gzhi// ma 'dres pa yongs su rdzogs pa'i gnas chen po// gser la rin po ches spras pa'i gnas de na bcom ldan 'das kun tu bzang po bzhugs te// 'khor nyid las mi gzhan pa'i 'khor// ye shes rnam pa lnga la sogs te rgyal sras sprul pa'i 'khor// rdo rje sems dpa' dang // dbang med dad pas 'dus pa'i 'khor mkha' 'gro ma rdo rje drag mo khro gnyer gdong zhes bya ba dang // sgrol ma dang 'od zer can dang // phag gdong ce spyang la sogs te// dur khrod kyi bdag mo glog gi phreng ba la sogs pas bskor

  72. 36b

    te// de yi tshe de'i dus su gsang ba'i bdag pos bcom ldan 'das la gsol pa// kye bcom ldan 'das kun tu bzang po lags// bdag cag 'khor dang bcas pa la// dbang bskur brda dang bcas pa bstan du gsol// zhes zhus pas// kun tu bzang pos bka' stsal pa// rgyal thabs spyi blugs dbang dang ni// sbrul sku thug phrad dbang dang ni// rig pa rtsal gyi dbang dang ni// mtshan ma zil gnon dbang dang ni// dbul mo gter gyi dbang dang ni// rgyal po'i bka' rtags dbang dang ni// blon po'i bka' chad dbang dang ni// btsun po dpa' mo'i dbang bstan to// zhes gsungs so// dbang rin po che 'khor lo'i rgyud las// gleng gzhi'i le'u ste dang po'o// // bcom ldan 'das kyis bka' stsal pa// rgyal thabs spyi blugs dbang bstan pa/ sngon rgya gar yul grong khyer ser skya zhes pa ru// rgyal po'i phrug gu ltad mo la phyin pas// rgyal bu rkang 'khyams so// sprang po dang khyad med do// de nas blon pos ngo shes so// rgyal bu la khrus byas te dbang bskur ro// dus de tshun chod du mnga' 'og tu 'dus so// dpe de bzhin du// thog ma sangs rgyas kyi spyis nas// 'gyu ba'i 'od lnga mthong ba las// 'khor ba'i 'khrul pa la sogs spyad// 'gro drug gnas las thar ba med// de nas ngo sprad bstan pa yis// sangs rgyas sa yi dbang bskur

  73. 37a

    bas// rgyal thabs ye shes dbang bskur yin// ye shes dbang bskur zad thal bstan// 'khor ba'i mtshan ma rang sar grol// rang grol thig le'i rtse mor chi ba// rtse mor chib pas mtshan ma dngas// ye shes ye shes khyad par che// ye shes zang thal rang la shar// 'gyu ba spangs nas ye shes gang // gzung 'dzin spangs nas gnyis med gang // ma rig spangs nas rig pa gang // dug lnga spangs nas ye shes gang // phung po lnga spangs sku lnga gang // sgo lnga spangs nas zang thal gang // 'byung lnga spangs nas zhing khams gang // rtog bcas spangs nas rtog med gang // sprang po spangs nas rgyal po gang // sems can spangs nas sangs rgyas gang // de rnams gdams pas zin pa na// dbyer med rang grol chos las 'das// zhes gsungs so// dbang rin po che 'khor lo'i rgyud las// rgyal thabs spyi blugs kyi dbang gi le'u ste/ gnyis pa'o// // de nas bka' stsal pa// gsang ba'i bdag po khyod nyon cig/ sbrul sgra zug phrad dbang bstan pa// dper na ral gri'i rgyal po kha mang de// lcags sna lnga las grub pa yin// mgar ba bi shwa karma ltar// bzo sna dgu las ma rmongs pas// chu la grang ba ga pur chu// me la tsha ba tsan+dan me// de rnams tshogs nas brdungs pa yin// ral gri kha mangs chen po des// ma brgya ba 'od kyis thams cad

  74. 37b

    gcod// de bzhin 'gyu ba sna tshogs de// dug lnga lam du ngo sprod pa'i// bcom ldan rdo rje sems dpa' yis// tshogs brgyad 'gyu ba dag dang dgu/ thabs ma 'gags pas snang ba che// de las gcod pas shes rab yin// de gnyis zung du 'brel ba ni// gnyis med rang snang chen po de// ma bsgoms ye shes zang thal 'char// mig ni ye shes zang thal yin// rna ba me long lta bu yin// sna ni mnyam nyid ye shes yin// lce ni kun rtog ye shes yin// 'og sgo bya ba grub pa yin// yid ni lhag mthong ye shes yin// yid ni rang byung ye shes yin// kun gzhi chos dbyings ye shes yin// 'gyu ba rang rig ye shes yin// nyon mongs brgyad khri bzhi stong gis// 'khor ba'i 'dam las mi thar pas// thar pa chen po'i sa bon yin// chos kyi sgo mo brgyad khri yang // thugs rje'i gzungs kyi thag pa yin// rtsa ba gcig las lo ma stong // sangs rgyas stong dang rtsa gcig gis// yang dag snying po gcig las med// yang snying srog gi 'bru gcig yin// lha srin sde brgyad srog gi 'bru gcig po// de shes pas ni srog kun dbang du 'dus// tshogs brgyad theg pa brgyad du bstan// theg pa'i rtsa ba a ti yo gar 'dus// tshogs brgyad rtsa ba 'gyu ba gcig pur 'dus// mig ni 'gyur med khrag med pas// nag po khrag med bya ba yin// rna bas mnyan nas blo dang

  75. 38a

    bgros// des ni nga rgyal sna tshogs skye// rgyal po blo gros spyan gcig yin// lce ni rnam shes thams cad sgrub// sgra skad sna tshogs 'byin pa yis// gyad kyi gsung mchog dmar po yin// sna yi rnam shes stag dang 'dra// nags khrod dri la myang bas na// des na stag gu spyan gcig yin// 'og sgor thams cad 'byin cing brlabs pa dang // dri mi zhim pas gnod sbyin kun la sgrib// yid kyi rnam shes thams cad du// slebs shing dbugs la brten pas na// ha nu pags bshu rkang mgyogs yin// yid ni 'khor bar rgyu zhing kun bslu bas// klu rgyal dga' bo kun bslu yin// tshogs bdun kun gzhi dag la 'dus pa na// srid pa'i rgyal mo kun 'du ma dang brgyad// lha srin sde brgyad rang la shar ba yin// sde brgyad dpon po dbang phyug chen po yin// de rnams srog bcad dbang du bsdu ba'i phyir// dbang phyug chen po dbang du bsdus// srid pa'i rgyal mo dbyings su bstim// lha srin sde brgyad srog snying brgyad// yang snying 'bru gcig pa la dril// yang snying dpa' bo 'bru gcig ha// du dang tri dang ya dang shu dang ni// tsi dang ma dang na dang k+Sha dang brgyad// yang snying dpa' bo 'bru gcig yin// 'bru gcig pa la dbang bskur na// lha brgyad tshangs pa'i dbang thob 'gyur// tshangs pa dung gi zor tshugs can// lha ni zug rngu med pa yin// tshangs pa ye

  76. 38b

    shes zang thal yin// dung ni dri ma med pa yin// thor tshugs gong na med pa yin// de ni cir yang sprul pas na// sbrul sku thug phrad dbang zhes bshad// ces gsungs so// dbang rin po che'i rgyud las/ sprul sku zug phrad lha srin sde brgyad dbang phyug chen po'i dbang du bsdus te bstan pa'i le'u ste gsum pa'o// // de nas yang bka' stsal pa/ gsang ba'i bdag po nyon cig/ rig pa rtsal gyi dbang bskur bstan pa ni// dper na rus sbal rtsal dang ldan pa la// 'khar gzhong nang du bcug gyur na// 'khar gzhong rang bzhin 'jam pa dang // rus sbal rkang lag 'jam pa yis// rus sbal de yi khug mi nus// de bzhin rig pa rang rtsal dbang / snang ba zang thal snang zhen ldog/ rang snang ye shes zang thal de// phyi nang med pas sangs rgyas yul med shar// rig pa rang grol shar bas mngon zhen ldog/ rig pa zang thal snang srid 'ub chub klong du thim// 'gyur med rig pa'i rtsal chen rdzogs nas ni// gdams pas dbang du gyur pas sangs rgyas yul med shar// rig pa rang dbang gyur pas mkha' la ral bskor 'dra// seng ge'i phru gru rum na gnas pa ltar// sangs rgyas dgongs pa khong du rdzogs pa yin// rus sbal rkang lag nang du bskums pa ltar// 'gyu ba sangs pas rig pa khong du grol// mtshan ma'i rnam par rtog pa ci skyes kyang // chos nyid

  77. 39a

    'od gsal gnad kyi dam pa yin// rig pa'i rang sgo ma shes ma rig bdud// rang sgor rang snang shes pas rtsi// dug lnga khong khro bdud ltar 'byung // rang byung ye shes shar bas rtsi// rnam rtog khor ba ma rig bdud// rang rig ye shes rang shar rtsi// sde brgyad bsdongs pas nad dang bdud// rang rig ye shes lha yi lha// lhag pa'i lha ni bla ma'i rtsi// chags sdang gzugs kyi phung po dang // bar chad byed pa'i bgegs ni bdud// 'gyur med rig pa bzlog pas rtsi// rlung mkhris bad kan 'dus pas bdud// 'gyu ba zang thal shes pas rtsi// 'byung ba rnam lnga bdud du shar// bla ma'i thabs mi 'gag pas rtsi// snang ba dkar dmar bdud du shar// bltas pas zang thal rtsi yin no// des na rig pa rang rtsal dbang // zhes gsungs so// dbang ye shes 'khor lo'i rgyud las// rig pa rtsal gyi le'u ste bzhi pa'o// // de nas bka' stsal pa// gsang ba'i bdag po nyon cig/ mtshan ma zil gnon dbang bstan pa// dper na nyi ma shar ba yis// mun pa'i smag rum rang sar grol// nyi ma'i snying po mkha' la shar// thugs rje'i 'od kyis kun la gad la// phyogs med rgyu zhing ris mi mnga'// nyi ma'i 'od zer khyab gad la des// mun pa skad cig ma la sel// de bzhin ye shes thig le'i dbang // shes rab skad cig gcig gis thob// shes bya

  78. 39b

    'gag pa med pa de// de ni shes rab dbang yin te// shes rab dbang chen bskur ba yis// ma rig mun pa rang sar grol// ye shes khyab gdal chen po yin// thugs rje 'gag med shes rab dbang // phyogs med ye shes zang zal shar// chos min ye shes nyid du shar// ma rig ye shes nyid du shar// phyi yi shes rab gdams pa'i dbang // mtshan ma zil gnon thabs kyi dbang // nang gi shes rab rtog chod dbang // snang ba lam du slong ba'i dbang // gsang ba shes rab 'gyu ba'i dbang // ye shes lam du slong ba'i dbang // phyi yi dbang mchog ma thob na// snang ba'i rgyal 'ching ste 'chi// nang gi dbang mchog ma thob na// chags sdang rgya la 'ching ste 'chi// gsang ba'i dbang mchog ma thob na// nyams myong rgya la 'ching ste 'chi// dbang mchog rang grol ma bskur na// gdams pa'i rgya la 'ching ste 'chi// phyi yi dbang mchog thob pa la// rang dbang 'od gsal dbang po dgos// mkha' 'gro dbang du 'dus pa yid ches yin// snang ba zang thal 'char ba ngo sprod yin// 'gro drug g.yang sa chod pa sgom chen yin// rig pa'i lam sna zin pa yon tan yin// sangs rgyas rang snang shar ba 'bras bu yin// nang gi dbang mchog thob pa la// chags sdang rang grol dbang po dgos// rig pa rang dbang thob pa yid ches yin// dug lnga zang thal shar ba 'o/

  79. 40a

    sprod yin// rgyud drug chags sdang grol ba dgos pa yin// sangs rgyas dgongs pa gang shar 'bras bu yin// gsang ba'i dbang mchog thob pa la// 'gyu ba dngas sangs dbang po dgos// ye shes zang thal shar ba yid ches yin// 'gyu ba rang sar grol bas ngo sprod yin// ma rig rtsad nas chod pas dgos pa yin// 'das pa lnga ru shar bas 'bras bu yin// dbang mchog rang grol thob pa la// thig le nyag gcig dbang po dgos// thig le rang snang yid ches yin// chos med rang grol ngo sprod yin// rtsol med nyag gcig yon tan yin// chos las 'das pas 'bras bu'i mchog/ rgya bzhi dris zag bcad pa yin// zhes gsungs so// dbang rin po che 'khor lo'i rgyud las/ mtshan ma zil gyis gnon pa'i dbang gi le'u ste lnga pa'o// // de nas yang bka' stsal pa// gsang ba'i bdag po khyod nyon cig/ dbul mo nor gyi dbang bskur bstan pa ni// dbul mo bde ba skyong pa yis// gser gyis skyed pu phug tu bcug/ mo rang kha zas mi la tshol// shin tu dbul zhing nyam thag nas// grong khyer kun tu nyal pa las// nang ma gcig la skyed pu de// ngo shes pa yis dbul ba sel// de bzhin 'gro drug 'khyams pa yi// ma rig rgan mo long ma des// rig pa'i ye shes ngo ma shes// chos spyod spyod cing mtho ris

  80. 40b

    'tshol// 'bras bu 'khor bar nyam zag pas// 'gro drug 'khrul par spyod pa la// bla ma'i gsang dbang skad cig gis// 'khor ba'i sdug bsngal grol bar byed// rang snang thig le nyams kyi gzer// 'gyur ba med pa'i dgos pa yod// rtogs pa ye shes kun gyi gzer// 'phel 'grib med pa'i dgongs pa yod// bying rmugs med pa ye shes gzer// bsgom mi dgos pa'i dgos pa yod// gnyis med ye shes rang byung gzer// spyad mi dgos pa'i dgos pa yod// snang srid gzhir bzhengs rang grol gzer// 'bras bu thob med dgos pa yod// tshogs drug lhug pa gdams pa'i gzer// dgag tu med pa'i dgos pa yod// 'gyu ba lta stangs gnad kyi gzer// 'dre rkun ngos 'dzin dgos pa yod// 'gyu ba zang thal gdams pa'i gzer// nyams kyis mi 'chings dgos pa yod// lhan skyes rtsa rlung thig le'i gzer// btsal mi dgos pa'i dgos pa yod// chos la 'das pa'i ngo sprod gzer// kha mi 'phyar ba'i dgos pa yod// ces gsungs so// dbang rin po che 'khor lo'i rgyud las// dbul mo gter gyi dbang gi le'u ste drug pa'o// // de nas yang ngag bshad bya ba// gsang ba'i bdag po khyod nyon cig/ rgyal po bka' rtags dbang bstan pa// rgyal pos btsun mo blangs nas ni// dbang bskur khrus sogs byas tsam na// skyes pa bsam gyis mi

  81. 41a

    khyab kyang // btsun mo de la 'jug mi nus// rgyal po'i bka' rtags phyag rgya'i dbang zhes bya// de bzhin bla ma dam pa yis// rig pa'i ye shes ngo sprad na// snang ba rnam pa sna tshogs kyis// gnod pa 'byung bar mi 'gyur ro// nyon mongs brgyad khri bzhi stong yang // phyag rgya'i dbang la 'da' mi nus// mi 'da' ye shes thugs kyi rgya// gnyis med ye shes gsung gi rgya// mi bskyod pa ni sku yi rgya// mi 'da' bas na yul gyi rgya// rgya bzhi gnad kyis thebs tsan// rgyal po'i bka' rtags phyag rgya bzhin// sus kyang 'da' bar mi nus so// gdams pa bka' yi gzer dang rgya// rnal 'byor snod dang ldan la gdab// rig pa ye shes lha yi gzer dang rgya// lha srin sde brgyad srog la gdab// phung byed sde brgyad srog rtsa bcad// byin rgyud nyams myongs ye shes gzer dang rgya// mkha' 'gro rnams kyi srog la gdab// mkha' 'gro'i srog rtsa mchod na// ya ma dam sri gdon du che// thugs rgyud gdams pa gnad kyi gzer dang rgya// 'khor ba rnam bzhi'i srog la gdab// 'khor ba'i srog rtsa mchod na// 'gro drug 'khrul pa g.yang sa che// snyan rgyud do/ sprod gnad kyi gzer dang rgya// tshogs kyi 'khor lo dbang bskur dus su gdab// bla ma'i gdams pa mchod na// theg pa'i srog la thug pa med// dpe rgyud gdams pa gags dang them gyi rgya// mtshon par byed pa

  82. 41b

    dang po'i dus su gdabs// dpe yang mthun dpe khyad par che// yid ma ches pa'i srog rtsa bcad// gnad la 'bebs pa'i gzer dang rgya// mi gcig po yi srog la gdab// thams cad bcad pas ga la langs// gcig chod pa yis khams gsum sgrol// srog gi ngo bo 'dzin pa yin// nges pa'i tshig ni rngub pa yin// dbye ba rnams pa gsum yin te// 'jig pa dang ni 'jig rten 'das// yang dag shes rab srog chen po// mthun dpe dra ba'i snying po 'dra// de ni thun mong srog yin no// khyad par srog ni rnam pa gsum// 'gyu ba'i srog dang lus kyi srog/ dbugs gang ba yi srog dang gsum// mchog gi srog ni 'di lta ste// 'gyu bas bzung ba 'khrul pa'i srog/ 'gru ba zang thal nyams kyi srog/ ye shes rang snang thig le'i srog/ thig le'i srog can 'pho 'gyur med// rgyal po'i phyag rgya dbang gi srog/ ces gsungs so// dbang rin po che 'khor lo'i rgyud las// bka' rtags phyag rgya'i le'u ste bdun pa'o// // de nas yang dag bshad bya ba// nyon cig gsang ba'i bdag po khyod// blon po bka' chad dbang bstan pa// dper na blon pos rgyal po'i khrims bcas na// dmangs kyis khrims las 'da' mi nus// gal te khrims las 'das pa na// chad pa thengs gcig bcad pa yis// de nas sus kyang 'da' mi nus// de bzhin ye shes ngo/

  83. 42a

    sprod na// rtog pa skye ba'i sa mi rnyed// gal te skyes na ngo sprad pas// phyis ni skye bar mi nus so// yang dag nges pa'i ngo sprod 'di// dper na gser la nag tshur bzhin// phyis ni g.ya' yi skyon dang bral// de bzhin ma rig ye shes bstan// phyis ni 'khor bar mi ltung ngo // 'khor ba'i bag chags rtog pa yin// bag chags srog rtsa ma chod na// 'khor ba'i 'dam du bying bar mchi// de la gnad kyi gdams pa bstan pa ni// nyon mongs brgyad khri bzhi stong chags sdang lnga// lnga po gsum du 'dus te ma rig pa// de yang ngo bo rtsal dang las dang gnas// lam dang sgo dang skyon dang 'bras bu brgyad// mi dge lung ma bstan dang dge ba dang // mtshan bcas mtshan med rnal 'byor dang // dge bcu spyod pa'i gang zag dang // sdig bcu chags sdang sgo nas spyod pa dang // lung du ma bstan sdig sogs byed pa rnams// las dang las kyi 'bras bur bstan par bya// rig pa'i ngo bo rtsal dang las dang gnas// lam dang sgo dang yon tan 'bras bu brgyad// rtogs pa ye shes khong gsal shes rab me bo yin// 'bras bu phyir mi ldog pas ye shes dbang po yin// 'gyu ba dkar nag glo rtsa'i mtshams na gnas// lhan cig skyes pa'i lha dang lhan skyes 'dre// de gnyis lhan skyes lhan cig kha sbyor 'khyud nas yod// 'dre dang bsdongs pa'i dbang po rnam shes

  84. 42b

    brgyad kyis byed// lha dang bsdongs pa'i dbang po rig pa'i lha yis byed// lha 'dre gnyis kyi dbang po kun tu rgyu yis byed// phyi yi lha 'dre sel ba la// snang ba thug phrad dbang po dgos// 'od gsal 'khor lo yid ches dgos// snang ba rang dag 'bras bu'i mchog/ nges pa'i shes pa khong nas 'char// nang gi na tsha sel ba la// rig pa'i 'od gsal 'khor lo dgos// gang na sel ba dpa' bo yin// nad rnams sel ba'i dgos pa yod// bar mi chod pa 'bras bu yin// bar gyi rnam rtog sel ba la// tshogs drug 'od gsal 'khor lo dgos// rtog pa rang grol 'khor lo dgos// rang byung thig le'i 'bras bu yin// rtsol ba'i rtog pa sel ba la// 'gyu ba 'od gsal 'khor lo dgos// rang byung rang snang dgos pa yod// 'gyu ba dngas sangs dbang po yin// 'das pa rnam lnga 'bras bu'i mchog/ 'khor lo thams cad gcod pa ltar// 'gyu ba'i 'khor los 'khor ba gcod// ces gsungs so// dbang rin po che 'khor lo'i rgyud las// blon po'i bka' chad kyi dbang gi le'u ste brgyad pa'o// // de nas yang dag bshad ba// nyon cig gsang ba'i bdag po khyod// dper na mo btsun dpa' bo'i dbang brten pa// dpa' bo rtsal dang ldan pa la// mo btsun mdzes mas g.yo brtsam nas// mo yi phar la glag btsal yang // skyes pa

  85. 43a

    rnams kyis 'jug mi nus// de bzhin ye shes dbang thob na// dug lnga sna tshogs rang dbang 'dus// 'gyu ba btsal bas mi rnyed de// btsal bas ye shes grogs su shar// dug lnga'i mtshan ma rang sar grol// 'gyu ba bya ba ming yang med// snang srid thig le'i klong du grol// dug lnga skye sa ming yang med// phyi nang med par rang snang bas// nyams su myong dgu'i yul mi rnyed// thams cad thig le'i ngang du grol// tha snyad tshig tshogs yul na med// dpe las 'das pa'i ye shes yin// rnam rtog ye shes 'char ba la// rlung gi gdams pa'i dbang po dgos// rlung gi ngo bo g.yo ba'o// nges pa'i tshig ni 'degs bskyod do// dbye ba gzhi lam 'bras bu'o// 'bras bu rnam pa gnyis yin te// ma rig rlung dang ye shes rlung // ma rig 'gru ba'i rlung chen de// mi 'gag bskyod pas 'gru ba'i rlung // dug lnga khong khro'i rlung rgyu bas// glo sgang gnyis la dbugs can rgyu// dbugs rgyu ma rig thugs ka la// 'gyus pa rnam rtog ma rig rlung // nyon mong brgyad khri bzhi stong rgyu// srog rtsa dbugs med rlung rgyu ba// khug pa 'khor ba'i rlung rgyu'o// mdzod spu ye shes rlung rgyu ba// 'das pa lnga yi rlung rgyu'o// snying nas ye shes rlung rgyu ba// zang thal 'gag pa med pa'i rlung // snying mtshams shes rab rlung rgyu ba// shes bya 'gag pa med pa'i rlung // glo mtshams ye shes

  86. 43b

    rlung rgyu bas// thogs pa med pa'i ye shes rlung // mgrin pa ye shes rlung rgyu bas// rtog pa 'gag pa med pa'i rlung // kha sna dbugs chen rlung rgyu ste// 'gro ba 'ong pa gnas pa rgyu// glo sgang dbugs chen rlung rgyu ba// skye ba gcod pa gnas pa ru// snying nas 'gyu ba 'gag med rlung // 'char ba 'dug pa gnas pa rgyu// de nas gsang lam 'od lnga'i rlung // rtog med shes pa'i rlung rgyu'o// mdzod spu 'gyu ba'i dkar dmar rlung // lkog tu 'gyu ba'i rlung rgyu'o// mig la ye shes zang thal rlung // 'gag med ye shes mngon gyur rgyu// rna ba chos nyid rlung rgyu'o// snying ga shes rab rlung rgyu'o// smad na 'khor ba'i rlung rgyu'o// ro stod mya ngan 'das pa'i rlung // bar na 'khor 'das ru gcod rlung // 'gag pa med par rgyu ba yin// zhes gsungs so// dbang rin po che 'khor lo'i rgyud las// rlung dang dpa' bo dbang gi le'u ste dgu pa'o// // de nas bka' stsal pa// gsang ba'i bdag po khyod nyon cig/ rtsa yi mdor bsdus ngo sprod bstan par bya// de la rtsa yi ngo bo stong pa yin// nges pa'i tshig ni gnas pa'o// mtshan nyid gnyis su med pa'o// dbye ba rnam pa gsum yin te// dpe ni dra ba'i tshul bzhin no// thun mong khyad par mchog dang gsum// thun mong 'khor lo bzhi la gnas// de yang bsdu na gsum du 'dus// rkyang ma ro ma kun 'dar ma// khyad par rtsa la

  87. 44a

    bsdun gsum// rna ba chos kyi rtsa dang ni// snying ga shes rab rtsa dang ni// mig la ye shes rtsa dang gsum// snying la shes rab rtsa gnas pa// rtsa chen bzhi ru gyes pa yin// rna ba chos nyid rtsa dang 'brel// mig ni ye shes rtsa dang 'brel// mgrin pa chos nyid rtsa dang 'brel// glo sgang skyon yon rtsa dang 'brel// mig la ye shes rtsa gnas pas// kha dog lnga dang ldan pa ni// rtags kyi ye shes phyi ru shar// mgrin pa 'od du shar ba ni// longs sku gzhi la gab pa'i rtsa// snying ga chos gsum 'dus pa ni// chos sku'i rtsa ste rang chas yin// 'gyu ba stong pa'i lam sna ste// de ni rtsa ba'i lam chen yin// glo snying gnyis kyi mtshams shed na// sbu gu lta bu'i rtsa gnas te// de la 'gyu ba brtan pa yin// glo bar song bas sgrog 'dra'i rtsa// skye ba gcod pa gnas pa'i rtsa// mgrin pa gnyis mtshon lta bu'i rtsa// dbugs kyi 'gro/ 'od gnas pa'i rtsa// mgrin pa ba thag sbrel 'dra'i rtsa// 'od lnga rang chas gnas pa'i rtsa// bde chen ka ba bcug 'dra'i rtsa// thig le'i rang gdangs rlangs pa rgyu// mdzod spu ye shes zar bu'i rtsa// 'gyur ba rang byung gnas pa'i rtsa// bar do'i 'od gsal gnas pa'i rtsa// 'gyu ba stong pa rtsa yi rgyu// rtsa yi srog dang srog gi rten// de gnyis 'brel bas tshe dang zungs// tshe srog rtsa dang zungs chad rtsa// sbyor sgrol 'gro ldog shes

  88. 44b

    par bya// chos nyid ma bu sprad pa la// rtsa rlung gnyis kyi gdams pa dgos// tshe zungs rtsa gcod shes pa dgos// chos nyid bar do'i ngo spyod gces// bar do tshad la phebs tsa na// chos nyid ma bu 'phrad pa yin// ye shes tshad la phebs tsam na// rnam rtog rang sar grol ba yin// thos pa tshad la phebs pa na// sgro 'dogs thag pa chod pa yin// 'od gsal tshad la phebs tsam na// sangs rgyas zhing khams shar ba yin// gnyis med tshad la phebs tsam na// sangs rgyas yul med shar ba yin// rnam rtag tshad la phebs tsam na// snang ba'i zhen pa log pa yin/ gdams pa tshad la phebs tsam na// nyams myong khong nas shar ba yin// byin rlabs tshad la phebs tsam na// 'khor ba'i zhen pa log pa yin// bka' rgyud tshad la phebs tsam na// sangs rgyas dgongs pa shar ba yin// thugs rgyud tshad la phebs tsam na// skye rgyun zag pa chod pa yin// snyan rgyud tshad la phebs tsam na// ye shes khong nas shar ba yin// ye shes ye shes khyad par che// rgyun chad med na ye shes yin// snang ba tshad la phebs tsam na// mkha' 'gro dbang du 'dus pa yin// go ba tshad la phebs tsam na// rig 'dzin dbang du 'dus pa yin// rtogs pa tshad la phebs tsam na// sangs rgyas rang la rnyed pa yin// shar ba tshad la phebs tsam na// mtshan ma rang sar grol ba

  89. 45a

    yin// grol ba tshad la phebs tsam na// thams cad mkhyen pa thob pa yin// tshad ma gtan la phebs tsam na// phyir mi ldog pa'i dgongs pa 'char// zhes gsungs so// dbang rin po che 'khor lo'i rgyud las// rtsa dang tshad ma'i le'u ste bcu pa'o// // de nas yang dag bshad bya ba// nyon cig gsang ba'i bdag po khyod// thig le'i gdams ngag bstan pa ni// phyi nang gsang ba rnam pa gsum// de yang ngo bo nges tshig dang // dbye ba mthun pa'i dpe dang bzhi// thig le'i ngo bo gsal ba yin// nges tshig 'gyur med bde ba yin// dbye ba thun mong khyad par mchog/ dpe ni thig dang 'dra ba'o// thun mong thig le dbab pa dang // gzung ba dang ni bzlog pa dang // dgram pa dang ni gtong ba'o// dngas ma gzung dang snyigs ma gtan// de las ye shes ngos 'dzin pa// thun mong thig ler shes par bya// khyad par thig le rnam pa gsum// gzhi yi thig le ngo bo yin// rgyu yi thig le 'gyu ba gsal// lam gyi thig le 'od lnga gsal// de ni phra zig zags thig yin// dngos po gzhi lam 'bras bu gsum// rig pa 'od gsal gzhi yi thig le yin// snang ba 'od gsal lam gyi thig le yin// ye shes 'od gsal 'bras bu'i thig le yin// zhi ba 'od gsal gnad kyi thig le yin// 'gyus tshad rang gsal gdams pa'i thig le yin// dbyer med

  90. 45b

    rang gsal bka' rgyud thig le yin// 'gyu ba tshad la phebs tsam na// ye shes mthil du phebs pa yin// thig le tshad la phebs tsam na// chad pa'i gol sa chod pa yin// rtsa rgyud tshad la phebs tsam na// rtag pa'i gol sa chod pa yin// rlung rgyud tshad la phebs tsam na// mtha' bzhi'i gol sa chod pa yin// rtsa yi gdams ngag bstan tsam na// chos sku'i dgongs pa shar ba yin// thig le'i gdams pa bstan tsam na// longs sku mngon du byung ba yin// rlung gi gdams ngag bstan tsam na// sbrul sku khong nas shar ba yin// mchog ni 'du 'bral med pa yin// zhes gsungs so// dbang rin po che 'khor lo'i rgyud las// thig le'i gdams pa sku gsum ngo spyod kyi le'u ste bcu gcig pa'o// // de nas yang bka' stsal pa// gsang ba'i bdag po nyon cig/ dbang gi chu bo bzhi po bstan par bya// de la brda' yi chu bo chen po bzhi// gang ga pak+Sha si tra sin+d+hu te// gang ga glang po'i kha nas 'bab// sin+d+hurma bya'i kha nas 'bab// si tA seng ge'i kha nas 'bab// pak+Shu rta yi kha nas 'bab// de bzhi ti se'i gangs la gnas// rgyun chad med pa'i brda' yi dbang // rtags ni klad pa dung khang la// rna ba glang chen nyal ba 'dra// mig ni rma bya me tog bza' ba 'dra// kha ni seng ge gnam du mchod pa 'dra// sna ni rta sngon thur du rgyug pa 'dra// gti mug 'dod

  91. 46a

    chags zhe sdang dang // nga rgyal chu bzhi rtag tu 'bab// rtogs pa ye shes rnam pa bzhi// rgyun mi chad pas dbang gi chu// de bzhin snying la rig pa'i ye shes gnas// chos nyid rtsa na rma bya 'dra// thabs kyi rtsa ni glang chen 'dra// ye shes rtsa ni seng ge 'dra// skyon yon rtsa ni rta mchog 'dra// chos nyid rtsa la 'od lnga rgyu// ye shes rtsa la 'gyu ba rgyu// skyon yon rtsa la nyon mongs rgyu// glo bur rtsa la rnam shes rgyu// rtsa ni srog chags chen po bzhi// 'gyu ba la sogs chu bzhi 'bab// dbang gi chu bo chen po bzhi// rgyun chad med pa'i dbang bskur bzhi// da ni dbang gi yon tan bstan te// a ni ti se'i gangs dang 'dra// wa dpa' dang du dang ni// yi ge bzhi po dbang dngos yin// don ni tshig dbang gsang dbang thabs// shes rab bum pa'i dbang dang lnga// rtsa dang yi ge dbang gsum po// phyi nang gsang ba'i dbang bskur yin// rtags dang brda' dang don dang gsum// bskur thabs dbang rdzas thim lugs gsum// lha dang lus la bskur ba ni// lus kyi zhen pa ldog pa yin// ye shes chos kyi dbang bskur bas// lha yi rang rgyud ldog pa yin// chos dbang sems la bskur ba ni// dug lnga rang sar dag pa yin// dbang gi chu bzhi bstan pa ni// btsal mi dgos pa'i yon tan yod// dbang lnga dngos su bstan pa ni// ngo spyod kha mi 'khyar ba'i gzer// dbang lnga lam

  92. 46b

    du blang ba ni// byin rlabs rang la 'byung ba yin// lhan cig skyes pa rnam bzhi ni// thun mong ma yin khyad par min// mchog gi 'bras bu thob pa yin// gzhi lam 'bras bu bstan pa ni// rnal 'byor rab 'bring dgongs so yin// zhes gsungs so// dbang rin po che 'khor lo'i rgyud las// lha rgyud chung ngu'i le'u ste bcu gnyis pa'o// // gsang ba'i bdag po nyon cig/ lha rgyud dbang rin po che'i 'khor lo zhes bya ba 'di// tshig nyung la don che// brtags dka' la gting zab pa'i man ngag/ thams cad ma tshang ba med pa'i rgyud// bka' las mi 'da' zhing brtag dka' ba'i lung // thams cad gtan la 'bebs pas rgyud lung gi tshad mar zung zhig/ ces gdams so// rdo rje sems dpa' rjes su yi rang nas bstod pa// ston pa kun rig chos kyi rje// sna tshogs ngo sprod rgyud kyi rgyal po 'di// byin gyis rlabs kyi brgyud pa ngo mtshar che// byin rlabs sbrul sku 'gro don mdzad la phyag 'tshal bstod// ces gsungs so// dbang rin po che 'khor lo'i rgyud las/ rjes su yi rang nas bstod pa'i le'u ste bcu gsum pa'o// rdzogs so// //

  93. 47a

    rgya gar skad du// badz+ra gu h+ya ma hA kA ya rat+na hi raNA wAb+hU ma hA pradz+nyA sU tra/ bod skad du/ rdo rje gsang ba chen po'i sgra rin po che dbyig gi sgron ma shes rab chen po'i mdo/ rang byung rig pa'i rgyal po la phyag 'tshal lo// 'das pa'i dus ma byon pa'i sngon rol du/ sems nyid kun tu bzang po ye shes kyi snang ba la bzhugs pa'i dus na/ kun gzhi gsang ba dag pa'i dbyings nas rang shes rig gi rgyal po rdo rje kun tu bzang pos/ nyid la nyid kyis bka' stsal pa/ byams pa chen po thugs kyi gter lnga sbas/ las kyi dbang po lnga lung bstan to// man ngag gi mjug rdo rje sems dpa' nyid kyis bsdus te lag na rdo rje la gtad do// rdo rje sems dpas sangs rgyas kyi skad rang 'gyur du bshad pa/ seng ge 'khyil pa'i dgongs pa 'di la/ zabs khyad par can gsum gyis bsgrub par bstan te/ phyi mtshan ma la brten nas bsgrub pa dang / nang ye shes kyi dkyil 'khor la brten nas bsgrub pa dang / gsang ba byang chub sems dngos su bsgrub pa'o// phyi mtshan ma la brten pa la gnyis te/ bag chags kyi sku lus ye shes kyi lus la 'jug pa dang / lam 'bras bu dang bcas pa la 'jug pa la bsgrub pa dang / sgyu lus ye shes kyi lus la 'jug pa la/ ngo spyod gzhi nas chos nyid bar do'i lus da lta dngos su bstan yang / de nyid la goms par bya ste/ lam dang

  94. 47b

    'bras bu dang bcas pa bsgom par bya ste/ lam dngos su byed pa ni/ dpe'i ye shes las shes par bya'o// lam la gnas pa ni/ yengs pa med pa'i gdeng gis zin te dus thams cad pa'o// lam mngon du gyur pa ni/ rig pa gcer bur phyung ba'i man ngag las shes par bya'o// lam kyi 'bras bu mthar phyin pa ni/ sku gsum ye shes bzhi ldan gyi dgongs pa mthar phyin nas bag chags kyi lus la nyam nga ba med pa'o// nang ye shes kyi dkyil 'khor la brten te bsgrub pa ni/ gong ma'i rtsal 'byongs nas/ thugs rang byung gi dkyil 'khor ye shes kyi sgo phye ste/ 'od kyi lus kyi nad med pa'i nang na/ rang snang rtogs pa'i 'khor lo/ rang rang gi tshom bu dang bcas pa la/ rig pa mar me'i 'od gsal te/ sa le sang nge lhag ge lhan ni/ thog ma nas gnas pa/ ma byas par rang byung ba/ ma bcos mdzes sdug rgyan dang ldan pa de sgrub pa ni gangs la nyi ma shar ba lta bu tshig gsum gyis 'grub ste/ dam tshig gi sngags dang phyag rgya rang yid la dran pa tsam gyis 'grub par 'gyur ro// de la 'byongs na gsang ba byang chub sems dngos su grub pa ni/ thog lta bu'i man ngag gis thog ma'i rang sa bzung / gzer lta bu'i man ngag gi tshig dang yi ge'i don mtha' bskul/ khyung lta bu'i man ngag gis rtsol ba'i mtha' glod la bzhag/ skar mda' lta bu'i gdams

  95. 48a

    ngag gis skad cig ma gsum la grol ba mthar phyin par bya'o// sangs rgyas rdo rje 'chang chen pos/ mkha' 'gro ma lnga'i lung bsdus nas lag na rdo rje la gtad do// mjug dga' rab rdo rjes bsdus nas/ 'jam dpal bshes gnyen la gtad de mgul khug ma'o// byang chub sems kyi snying po seng ge 'khyil pa'i sgrub thabs 'di la/ nges pa'i bsgrub lugs kyi rtags rnam pa bzhi 'byung ba'i dus su bdud rnam pa bzhi 'jug ste/ phyi mtshan ma la brten te bsgrub pa zhes 'byung ba de/ bag chags kyi sku lus la 'jug pa'i dus su/ shes pa dpangs mthon gyi nyams skyes/ 'ja' tshon gyi gdan bting / nyi zla'i rta zhon/ phyogs snang ba dag pa'i yul snang ste/ shes bya de'i dus su phung po'i bdud 'jug ste/ ye shes kyi lus la bar du gcod pa'i bdud zhes bya ste/ de'i dus su bdag tu rtog pa'i nga rgyal/ 'phags pa nam mkha' mdzod ces bya ba 'byung ngo // de nyid bdag nyid chen por shes par bya ste/ rtags kyi ye shes tshon gang ba dang don gyi ye shes tshon gang ba zhes 'byung ste// de la mar me mdzad chen po'i rgyas thob cig/ de mtshon par byed pa lam rnam pa bzhi la gnas pa'i dus su/ shes pa khol bu'i nyams skye/ smug zil lta bu dang / ra ro lta bu dang lus yod du mi tshor ba dang / lus yang ba dang / phyi nang gi srin bu mi 'byung ba dang / ma zos par

  96. 48b

    tshims pa dang / gang la yang nyam nga ba med pa dang / gzhan snying rje'i gnas su mthong ba dang / ri dang khang khyim gyis mi khegs par shes pa zang thal dang / snang ba phyogs cha tsam dag pa dang / 'gro drug gi gnas dang gnas skabs kyi mthong ba dag 'byung ba ste// de'i dus su nyon mongs pa'i bdud 'jug ste/ de ni bdag sangs rgya'o snyam du shes pa'i shes pa 'byung ste/ gzhan la 'di 'dra ba'i gtam smra zhing / de la dga' bar byed pa ni/ chos kyi mtha' la zhen pas nyon mongs pa'i bdud ces bya'o// de'i dus su ma chags pa'i gnas sku gsum bzhi ldan gyis rgyas thob cig/ nang lha'i dkyil 'khor la brten nas bsgrub pa'i dus su/ thugs rnam dag gi klong na rang byung ye shes kyi dkyil 'khor gsal ba dang / lung ston pa dang / yi ge'i tshogs dang / snang ba med pa'i gtam thos pa dang / rin po che'i mchod rten la 'dzegs pa dang / bdud rtsi'i zas la longs spyod pa dang / rten med kyi nam mkha' la stegs bcas te/ bar snang lam du bde ba dang / lha dang slob dpon dang mkha' 'gro mas nam mkhar brgyud mar mchod pa'i phyag rgya'i tshogs mang pos bdag la dbang bskur ba dang / lung ston pa dang / de'i tshe bdag la shes rab khyad par can skyes te/ nyams dga' zhing shes rab kyi mtha' grol ba dang / chos thams cad gang yang mthun la chos kyis

  97. 49a

    mi grol bar mthong ba dang / gzhan de la sogs pa'i snang ba dmyal ba'i sdug bsngal nyams su myong du yod pa dang / yi dwags dang byol song gi skye gnas ston pa dang / bdud kyi cha byad mang pos bdag la spyi bung ba byed pa 'byung ste/ de'i dus su lha'i bu'i bdud 'jug ste/ de rnams la blang dor dang nyam nga ba med par gangs la nyi ma shar ba lta bu gsal ba gsum gyi rgyas thob cig/ gsang ba byang chub sems dngos su grub pa'i dus su/ me long g.ya' dag gi dgongs pa ma bsgrib pa yongs su gsal ba'ang / nam mkha'i mthongs nas snang gsal gyi nyi ma shar ba lta bu/ chos nyid dag pa'i klong nas ye shes rang snang gi dgongs pa/ gzigs snang gi mtha' las 'das pa'i nyams skye ste/ de'i dus su 'chi ba dag gi bdud 'jug ste/ rgyu rkyen med par ye shes kyi sku/ skye 'chi'i mtha' las grol ba/ skar mda' lta bu'i rgyas thob cig/ gang la de byung de la dgongs pa ste// de la de med de yi spyod yul min/ ces de nyid gsungs// byang chub sems seng ge 'khyil pa'i dgongs pas/ bdud bzhi la ye shes bzhi'i rgyas gdab bo// de nas bcom ldan 'das thugs rje chen po dang ldan pa des/ ma byon par mkhyen nas/ thugs rje'i sprul pa// ye shes kyi rnal 'byor ma bzhi/ ljags kyi 'od zer las spros te/ rdo rje thugs kyi bu mo zhes kyang

  98. 49b

    bya/ nyid kyi sku las skyes pas/ nyid las mi gzhan pa'i 'khor rdo rje rnal 'byor ma bzhi zhes kyang bya/ 'khor ba zhe nas gnon cing sdug bsngal rtsad nas gcod pas/ srid pa sgrol byed kyi khro mo bzhi zhes bya'o// 'das pa'i dus ma byon pa'i sngon rol/ 'og min gyi gnas lcang lo can gyi pho brang du/ ye shes rnam dag gi dbyings nas/ nyid kyi zhal bzang po bstan nas/ dur khrod chen po bzhir mi 'gyur ba'i gzer chen po zhig btab nas/ badz+ra sa hA li ka ra bzhi bzhag nas yod kyis/ lag na rdo rje khyod der song zhig dur khrod chen po bsil ba'i tshal na/ mkha' 'gro ma ro za shAn+ti thod pa'i phreng ba can bya bas/ gzer lha bu'i gdams ngag bstan to// dur khrod chen po me ri 'bar ba zhes bya ba nas/ mkha' 'gro ma rdo rje khro gdong ma bya bas/ thogs pa med pa thog lta bu'i man ngag bstan te/ dur khrod chen po so sha'i gling zhes bya ba nas/ ga ru Da nam mkha' lding dang / shing gi lha mo 'chang ma gnyis yid kyis bshos pa'i bu mo mkha' 'gro ma nam mkha'i bu mo rdo rje rlung gi gshog pa can zhes bya bas/ gangs la nyi ma shar ba lta bu'i gdams ngag ston to// dur khrod chen po shin tu ru lu b+ha ra ha ti bya ba nas/ mkha' 'gro ma gtsug gi rgyan gcig bya bas/ phyir mi ldog pa skar mda' lta bu'i gdams ngag ston to// badz+ra gu h+ya dz+nyA na ma hA rat+na b+ha ye swA hA/ rdo

  99. 50a

    rje gsang ba chen po'i sku/ rin chen dbyig gi sgron ma'i man ngag/ rang byung rig pa'i rgyal po la phyag 'tshal lo// bcom ldan 'das rdo rje 'chang gis/ lag na rdo rje la lung bstan pa/ rgya nag po'i yul tig shing nag po'i nags tshal na/ hA shang ma hA yan gyi gnas/ rang byung gi brag phug kha byang du bltas pa na/ 'chi bdag gshin rje rdo la 'bur du bskos pa/ gzugs gru bzhi pa'i zhabs g.yon brkyang pa'i 'og na/ thog ma'i sangs rgyas 'od mi 'gyur ba yod kyis/ lag na rdo rje gnas de na/ mkha' 'gro ma pur+Na nye bar zhi ba zhes bya ba/ gcer bu'i lus la e le'i thal bas byugs nas/ ce spyang gi g.yang gzhi phrag la bkal ba der song la/ bcom lan 'das snang ba mtha' yas kyi thugs kyi me long 'di ston par zhus shig/ ces lung bstan pas/ de nas lag na rdo rjes bcom ldan 'das la bskor ba byas te phyin pas/ de bzhin du 'dug ste bltas pa dang / mthing gi shog bu sor bzhi pa zhig la/ rin po che'i yi ge rang nan du bris nas/ ya mtshan rmad du byung ba'i 'od 'phro zhing 'dug ste/ nyid kyis gzigs pa dang / chos thams cad kyi de bzhin nyid bya btsal las 'das pa'o// 'dab chags kyi rgyal po khyung lta bu'i gdams pa bstan to// badz+ra dz+nyA na la ma hA/ bcom ldan 'das mnyam pa'i rgyal po la phyag 'tshal lo/ 'di skad bdag

  100. 50b

    gis thos pa'i dus gcig na/ byang chub sems dpa' phyag na rdo rje thugs rje dang rdzu 'phrul du ldan pa legs par yid la zung zhig/ thog ma med pa'i gnas sngon byung ba'i dus su hA shang 'bar ne'i nags tshal du// bdag rdo rje rnal 'byor ma nyid kyi thugs rje rang byung gi nyi ma shar nas/ nga nyid ye shes snang ba'i dus na/ chos kyi dbyings kyi pho brang na rig pa las tha mi dad pa/ rang byung gi sku lnga snang ba rang bzhin med par rang gsal ba/ mnan na nem zhes byed pa/ gdos pa'i spyod yul min pa/ bteg na 'phar zhes byed pa/ gsal ba zang thal yin pa/ ngam grog dang g.yang sa med pa/ tsher ma dang / rno zug med pa/ gcong rong dang bya skyibs med pa/ shes pa nyams bde ba la phyogs su ma lhung ba/ bul ba'i yul bde ba nyams su myong ba'o// nang rig pa chos kyi sku/ 'gag pa med par lhug pa'i shes rab khong nas shar bas/ lhan cig skyes pa'i ye shes rin po che'i 'od 'bar ba'i nang na bkod pa med pa phyag rgya'i dkyil 'khor/ rang re'i yon tan gyi sku ma 'dres par so sor gsal ba bdag med pa'i bdag nyid chen po/ zhi ba chos kyi sku mnyam la ma 'dres par bzhugs so// de kho na nyid ma byas pa'i chos zhes bya ba'i babs kyis grub pa ye shes rang snang dang bcas pa ni/ sangs rgyas thams cad kyi mkhyen pa lags so// zhes rdo rje can la smras

  101. 51a

    so// sa bcu pa'i byang chub sems dpa' khyod/ tshig nyung la don che ba/ bslab na go dka' ba/ 'di ni rang byung gi bcom ldan 'das/ rtse la bsgrub kyi mtha' las 'das pa/ 'dab chags kyi rgyal po khyung lta bu ste/ las kyi mtha' gang la yang mi gnas so// de'i phyir rtogs pa'i don thugs su ma chud par rnam par dag pa'i sa non na/ mkha' 'gro ma purtse nye bar zhi bas dpal phyag na rdo rje'i mgo bo khos/ zhes don mtha' la bskyal ba'o// rang rig pa'i ye shes kyi rtsal las rdo rje 'chang gi sku bstan pa/ chos nyid ma bcos pa'i ngang nas/ rdo rje mkha' 'gro ma phyung ste/ de gnyis su med pa las/ ye shes kyi mkha' 'gro ma bzhi byung ste/ rgyu rgyu ru gnas pa/ rgyu 'bras bur smin pa/ 'bras bu rgyu la shar ba/ rgyu nyid ye shes su grol ba'o// rin po che dbyig gi sgron ma'i man ngag bya btsal med pa 'dab chags kyi rgyal po khyung lta bu'i man ngag gi dgongs pa mthar phyin pa/ lag na rdo rje 'chang gis lung bstan pa'o// badz+ra tsit+ta ma hA/ bcom ldan 'das rdo rje 'dzin pa la na mo/ rdo rje can nyon cig/ dur khrod chen po bsil ba'i tshal du song la thod pa'i phreng ba can la/ so na pha le g+ha tsha sra shig/ rdo rje gdan gyi shar phyogs na rang byung gi mchod rten khru brgyad pa'i 'og na/ srin po rak+Sha dza la'i thod pa'i nang du/ rdzogs pa chen po gzer lta bu'i man ngag

  102. 51b

    yod kyis/ de mkha' 'gro ma la/ byang chub sems dpa' 'phags pa gtsug tor dri ma med pa'i phyag rgya ston la zhus shig/ de nas rin po che gsang ba'i sbubs gsum na/ bkod pa med par phyag rgya'i dkyil 'khor lnga rang byung du gsal bas/ mi bsgom pa'i bsgom pa chen po rdzogs so// gsang sngags chen po yi ge lnga pa'i 'khor lo/ mi bsrung ba'i bsrung ba chen po dang ldan pas/ de kho na nyid kyi bsnyen pa rdzogs so// snying po byang chub mchog gi thig le yan lag med pa'i rdo rje la/ bca' ru med pa'i dam tshig gi phyag rgya rdzogs so// dam tshig sa ma ya bkod pa'i rgyal po// bsrung ba med pa'i dam tshig la// ma bsrungs pa med pa rdzogs so// rdzogs ldan chen po ye nas lhun gyi grub pa bstan pa'i chos med pas/ bskyod pa'i mtha' dang bral bar bstan pa rdzogs so// lag na rdo rje la rdzogs ldan chen po gzer lta bu'i lung bstan pa'o// badz+ra a ti dz+nyA na ma hA/ rdo rje 'dzin pa la na mo// gsang ba'i mgon po bla na med// ye shes dbyings nas rang byung ba'i// thog dang 'dra ba'i man ngag 'di// bya khra gzan la bcum pa bzhin// the tshom med par yid la chongs/ badz+ra pA Ni me ri 'bar ba'i dur khrod na/ mkha' 'gro ma rdo rje'i mchu can zhes bya ba yod kyis/ der song la shing 'dzam bu br-ik+ta'i drung na// gser gyi rus sbal gyi 'og na bstan pa thams cad

  103. 52a

    kyi snying po thog lta bu'i man ngag yod kyis/ der mkha' 'gro ma la rig pa'i me tog phul la zhus shig/ lag na rdo rje nub phyogs kyi zhing khams na snang ba mtha' yas kyi zhing khams bsam gyis mi khyab pa yod kyis/ der khyod seng ge'i 'gros stangs kyis song la/ glang po che'i lta stangs kyis ltos shig/ de na mngon par dga' ba'i tshal/ byang chub mtha' yas kyi brag phug seng ge'i sgra sgrogs pa zhes bya ba na/ 'phags pa nam mkha'i mdzod ces bya ba shin tu spyi bung ba zhig yod kyis// de la ma 'jigs shig/ de 'das pa'i pha rol na/ sangs rgyas mar me mdzad rgyan 'od kyi phung po snang ba zhes bya ba yod kyis/ de'i tshe de'i dus na mngon par rdzogs par sangs rgya bar 'gyur ro// badz+ra pA Ni la rdo rje 'chang gis gdams ngag thog babs su bstan pa'i lung bstan pa'o// badz+ra satwa kha he badz+ra/ rdo rje 'dzin pa la phyag 'tshal lo// badz+ra pA Ni dur khrod chen po so so'i gling na/ mkha' 'gro ma nam mkha'i bu mo rdo rje lung gi gshog pa can bya ba yod kyis/ de la thugs kyi phyag rgya ston la/ rang byung gi me tog phul la zhus shig/ rgya'i bang so/ nag po'i byang phyogs pha bong dregs pa can gyi 'og na/ lcags kyi sdig pa mgo dgu pa zhig gi 'og na/ byang chub snying po nyi ma shar ba lta bu'i gdams ngag tshig gsum yod kyis/ de zhus shig/ badz+ra pA Ni bya btsal

  104. 52b

    med par ye shes kyi 'od gsal ba/ dgongs pa nyi ma shar ba lta bu'i man ngag gis/ 'jig rten pa'i mun pa dag par byed pas/ yul dag la chos kyi dbyings pho brang me long g.ya' dag pa ltar gsal ba/ rang rig pa'i chos kyi sku sangs rgyas lnga'i bdag nyid du gsal ba/ shes rab mar me rlung gis ma bskyod pa ltar gsal ba/ bar na ye shes kyi sku bde ba chen po nam mkha'i 'ja' tshon ltar ma 'dres la yongs su rdzogs par gsal ba'o// gsang ba gsum dang ldan gyur na// sangs rgyas nyid kyi dgongs pa yin/ dgongs pa mthar phyin pa'i lung bstan pa'o// badz+ra tsit+ta pra tiSh+Tha dz+nyA na AHhUM/ bcom ldan 'das rdo rje 'dzin pa la phyag 'tshal lo// badz+ra pA Ni/ dur khrod chen po shin tu ru lu ba ra ha sti bya ba na/ mkha' 'gro ma gtsug gi rgyan gcig bya ba yod kyis/ der song la pha la phra pa ra da du pra shig/ yul ma ga d+ha'i shar phyogs na/ rin po che sna lnga'i pha bong 'og na/ bstan pa thams cad kyi snying po gsang ba nam mkha'i rgyan zhes bya ba yod kyis/ mkha' 'gro ma la bskor ba lan gsum gyis la/ ljags kyi pad+mo yi ge lnga pa'i 'khor lo ston la zhus shig/ de nas ye shes kyi rtsal skar mda' nam mkha' la byung ba lta bu'i man ngag gis/ skad cig ma gsum la sbubs gsum gcod par byed pa/ byed pa po med par mthong ba pos mthong nas shes pa pos

  105. 53a

    shes so// khyod nub phyogs su phyin pa'i tshe/ bgrod pa med par skye med nam mkha'i klong nas/ bkod pa med par ye shes kyi gzhal med khang du/ 'gyur med rdo rje'i gdan la rang snang rtogs pa'i 'khor dang lhan cig tu 'khod de/ yul chos kyi dbyings kyi pho brang khyab gad la 'ub chub chen por 'dus te/ don gyi dgongs pa nyag gcig la 'du 'bral med par bzhugs so// de na sangs rgyas shing sangs rgyas mya ngan las 'da' bar bstan to// zhes lung bstan nas/ bcom ldan 'das dang thabs cig tu bzhugs so// sangs rgyas thams cad kyi dgongs pa gsang ba nam mkha'i rgyan zhes bya ba/ lag na rdo rje la rdo rje sems dpas lung bstan pa'o// de la zhu ba po dga' rab rdo rjes zhus te/ sdud pa po rdo rje chos kyis bsdus nas// rin po che'i za ma tog tshon gang gi nang du sbas nas// mgul khug du bcug nas/ nyid kyi thugs dam rtse gcig par mdzad do// rgyud lung man ngag grangs mang yang // bstan pa'i snying po yi ge lnga// thugs kyi gter du bcangs pa yin// gcig las gnyis su ma spel cig/ ces bka' bsdigs so na ra ka na// 'jam dpal rdo rje ye shes ngas// shrI sid+ha khyod la gtad// phyag rgya brda' yi dbyings su sbas// rdo rje 'chang gis rgya yis btab// mkha' 'gro lnga yis mdud pa bkrol// 'jam dpal rdo rje chos

  106. 53b

    kyi mgul khug ma// snod du mi sba rang gi lus la bcangs// yid la dran pa tsam gyis 'bras bu mngon sangs rgyas// chu srin pir gyi gre ba bzhin srid pa 'khrugs kyang khar mi dbyung / bya btsal med pa gsang ba rin po che dbyig gi sgron ma/ skad 'gyur bzhi pa rdzogs so// gru gu smon lam seng ge nas brgyud pa/ jo sras sbas kyi thugs dam mo// khong la mgo ban nor bus zhus so// bar 'dir spyi phud lta ba klong chen yangs pa le'u lnga bcu rtsa gsum pa mabyung // / @#// rgya gar skad du/ ma hA A bar+d+ha pra sA ra Ni rA dza tan+t+ra nA ma/ bod skad du// klong chen rab 'byams rgyal po'i rgyud ces bya ba/ bcom ldan 'das dpal kun tu bzang po la phyag 'tshal lo// 'di skad bdag nyid kyis bdag nyid la thos pa'i dus gcig na/ phyogs bcu dus gsum gyi bde bar gshegs pa thams cad kyi sku dang gsung dang thugs dang yon tan dang phrin las thams cad dbyer med de/ thig le gcig las ma g.yos pa'i bdag nyid du bzhugs pa las/ thams cad mnyam pa nyid kyi klong du gcig kyang de'i don mngon du gyur par gtan la dbab par bya ba'i phyir// 'og min gyi gnas khams gsum gyi gzhi rten dang dbyer med pa'i zhing der/ dbyer med rang las snang ba'i 'khor dus gsum gyi sangs rgyas dang khams gsum gyi sems can tha mi dad pa dang / 'jig rten pa

  107. 54a

    dang 'jig rten las 'das pa'i 'khor dang thabs gcig pa dang / nyid dang nyid kyi rang bzhin dbyer med pa dang / nyid kyi ngo bo dang rang bzhin las sprul pa rgyun mi 'chad par 'gro ba'i don mdzad pa rnams la seng ge'i nga ro don gyi gsung dbyangs kyis brjod par byas te/ sems nyid klong chen rab 'byams rgyal po'i don 'di rab tu bshad do// ji snyed chos rnams ming gi rnam grangs kun// ye nas gdag gzhi med pa'i klong du gcig/ klong chen gcig la 'khor dang mya ngan 'das// rkyen gyis cir yang 'char phyir glo bur chos// nam mkha' sprin dang 'ja' tshon mkha' snang bzhin// rig pa rang la 'char pas dbyings kyi ngang // rang rig sgrib med skyon bral mu mtha' med// rtog pa mi mnga' ye shes rin po che// rang bzhin med las cir yang snang // thams cad byang chub sems kyi klong // bde gshegs rgyal ba'i dkyil 'khor dang // ma rig 'khrul pas dbang bskur ba'i// log rtog cher rgyas 'khor ba'i chos// ji snyed snang ba'i chos rnams kun// sangs rgyas nyid du gcig pa la// yod med gnyis su rtog pa dang // bzang ngan gnyis su blta bas nor// mnyam nyid gcig la mtha' ru 'dzin// bdag gzhan rkyen gyis so sor snang // med la yod pa'i blo zhugs pas// zhen pa brtas phyir lus su snang // bdag tu 'dzin

  108. 54b

    pa'i sdug bsngal gyis// rang la gnas pa'i don ma rig/ yang dag don la bde dang sdug bsngal med// stong pa'i bag la dngos por chags// brtags na dngos po nyid mi gnas// med pa'i don la gang yang snang // rang rig klong na stong dang dngos por med// med par shes na 'khor ba'i lam las grol// rtogs ldan mchog gi dgongs pa'o// mtshan nyid gcig pa'i rang bzhin kun tu snang // mtshan ma med par kun tu khyab pa'i sku// dbyings las rgyal ba'i sku ru bzhengs// ma lus 'dus pa dbyings gcig la// byed pa med par kun tu 'char// dngos po med par cir yang snang // sna tshogs snang ba chos kyi dbyings// rang bzhin snying po med par yin// rgyun chad med pa'i byang chub sems// mtshan nyid med de phyogs dang bral// thams cad rang bzhin dper med chos// de la gang zhig der 'dzin pa// phyogs su blta ba 'khrul pa'i sems// yang dag don la smad pa'i blo// 'dzin pa'i zhags pa 'ching ba'i sgrog/ ces gsungs so// klong chen rab 'byams rgyal po'i rgyud las/ gling gzhi'i le'u ste dang po'o// // de nas yang bcom ldan 'das kyis gsungs pa/ 'khor ba'i rgya mtsho chen po 'di// skem par 'dod pa gang zhig gis// chos kyi snying po rang du blta// phyi nang ma lus thams cad kun// ji bzhin nyid du son pa'i phyir// bdag dang gzhan

  109. 55a

    yang gnyis su med// sku gsung thugs kyang bdag tu gcig/ bdag las gzhan par bya ba'i chos// spu yi cha tsam yod ma yin// ma lus rnam grangs bsam yas kyang // ji bzhin nyid de dmigs su med// sgyu ma lta bur rtogs pa'i blos// dbang po yul du zag pa yin// bde rigs gnas su ma skyol pas// med par nges pa'i don gcig la// yod par mthong ba'i sdug bsngal 'byung // ji ltar shar yang chos nyid klong // rang byung rang bzhin nam mkha'i ngang // 'jig rten 'das dang 'jig rten pa'i// thabs dang thugs rje'i sprul pa yang // ye shes dbyings kyi cho 'phrul te// chos kyi snying po rang gi mthu// ngan song gsum dang sangs rgyas kyang // tha dad so sor yongs mi gnas// bdag blos de bzhin brtags pa yin// de bzhin shes na dgongs pa'i mchog/ sangs rgyas gzhan nas btsal du med// ye sangs rgyas pa'i chos nyid la// rang rgyud sbyangs pas ci zhig phan// spang blang byas pas ga la 'grub// phung po khams dang skye mched kyang // sangs rgyas zhing dang yon tan chos// dbyer med ye nas mnyam pa'i klong // 'gro ba rigs drug skye gnas bzhi// ye nas byang chub lam du zhugs// chos kyi dbyings la ma gtogs pa'i// sems can bya ba gud na med// gcig tu mi gnas kun la khyab// chags pa'i tshul gyis mnyam par gnas// kun

  110. 55b

    la nye ring med pas na// gnyis med klong na rtag par bzhugs// 'di ru ma 'dus gang yang med// thams cad gcig tu rdzogs pas na// theg pa'i yang thog spyi yi rgyan// bdag nyid chen po kun 'dus dpal// rgyal ba rnams kyi dgongs pa'i mchog/ de las gzhan pa'i chos med pas// gang la brtag cing ci la 'jug/ gang gis gang la phan gdags sam// su yis su la gnod pa bskyal// 'byung 'jug med pa'i ting 'dzin la// ye nas snyoms par zhugs pa'i phyir// dmigs su med cing 'du 'bral med// rang bzhin med pa'i byang chub sems// rin chen lta bur cir yang snang // sus kyang ma bcos ngang gis dag/ ming dang tha snyad 'dzin pa'i chos// thams cad rang bzhin dbyer med pas// rab byung ye shes rang gi klong // bde dang sdug bsngal btang snyoms kyang // rang byung rang zhi nyid du gsal// rang rig klong du rnam par dag/ de bzhin nyid de bcos su med// skye ba med las sna tshogs skyes// skyes pa nyid nas ma skyes te// mtshan mar gyur pa rdul tsam med// g.yos pa nyid nas ma g.yos te// cis kyang mi 'gyur mi bskyod pas// rdo rje snying po rang gi mthu// cis kyang ma gos mi shigs pas// pad+ma'i snying po nyid kyi sku// phyi dang nang med de bzhin nyid// sangs rgyas zhing khams mtha' yas kyang // bkod pa chen po rang gi

  111. 56a

    rgyan// phyogs bcu dus bzhi dus gsum kyang // mi 'byed mnyam pa nyid kyi klong // rgyu dang 'bras bu dbyer med pas// gzhi rtsa med las sna tshogs 'byung // ji ltar snang ba byang chub sems// log rtog 'khrul pas bslad pas na// rgyu dang 'bras bur rnam par brtags// de yi don la mi gnas pa'i// 'jug ldog med pa'i chos nyid la// 'khrul 'khor med cing ma rig med// rtag par yang dag byang chub lam// nyon mongs rang sar dag pa'i phyir// zhi ba chen po mnyam nyid sku// stobs dang ldan pa dgongs pa'i mchog/ rgyud ltar snang ba'i sems can kyang // nyid las snang ba'i sprul pa ste// khri mun gnas kyang sangs rgyas zhing // sbyang bgrod rtsol bas ga la rnyed// rtog dang mi rtog gnyis ka yang // gcig spangs gcig la gnas su med// gnyis med yang dag bde chen lam// mtshan bcas mtshan med bsgom pa dang // zhi gnas lhag mthong gnyis sbyor ba// 'di min gang yang med pa'i phyir// ting 'dzin kun gyi rgyal po mchog/ rdo rje'i theg pa bla na med// gang la spyad cing ci la bsgom// bar snang khams su bzo byed 'dra// de phyir 'di las 'da' ba med// chos la chos kyis ji ltar bsgom pa dang // nyid la nyid kyis ji ltar spyod// rang bzhin ji ltar gnas pa'i don// de ltar gnas pa dgongs pa'i klong // mi dmigs byang

  112. 56b

    chub sems 'di la// btsal du med pa spyod pa'i klong // de las sems can sangs rgyas dang // chos dang dge 'dun bye brag med// thams cad mkhyen pa'i ye shes dang // khams gsum srid gsum ma lus pa// 'dzin pa'i shes pas brtags gyur pa'i// gnyis snang thams cad bye brag med// thams cad mkhyen pa'i ye shes dang // de bzhin nyid kyi klong du gcig/ mtshan nyid med par dbyings su thim// 'di la gang yang dmigs pa med// snying po mchog gi rang bzhin la// ma bcos chos kyi sku ru grags// zhes gsungs so// klong chen rab 'byams rgyal po'i rgyud las/ 'byung 'jug med pa'i le'u ste gnyis pa'o// // de nas yang bcom ldan 'das kyis gsungs pa/ 'jig rten 'das dang 'jig rten tha dad pa'i// rnam grangs ming du btags pa kun// rang bzhin gcig tu ma shes pas// grangs su brjod pas don las nyams// ming du btags pas rnam rtog skyes// yul du bzung bas zhen blo byung // zhen pa'i 'bras bu brtas pa las// phung po khams dang skye mched dang // yul dang dus dang phyogs dang ni// kha dog dbyibs la sogs par snang // mnyam pa'i dbyings la gang yang med// rtog pa phra rags khyad par las// theg pa'i grangs su brjod pa yang // mnyam nyid mi rtog skyon du 'gyur// chos kyi rang bzhin gnyis

  113. 57a

    med la// 'di zhes brjod pa 'khrul pa'i blo// 'dul ba mdo sde mngon pa dang // sde snod gsum du btags pa yang // ming tsam don la med pa'i phyir// ston pas chos su btags par zad// chos kyi dbyings kyi rang bzhin de// tshig gi spyod yul ma yin pas// 'khrul pa rnams kyis shes mi nus// 'das dang ma 'das sangs rgyas dang // slad kyis 'byon pa'i rgyal ba rnams// kun bzang rdo rje lha yi lha// dbyer med gcig tu gnas pa'i phyir// rang bzhin don las g.yos pa med// sna tshogs chos su snang ba kun// gcig las grangs su phye bas na// chos rnams thams cad bye brag med// gcig shes kun kyang shes pa yin// gcig rtogs kun kyang dus gcig rtogs// kun kyang dbyer med nam mkha'i ngang // bdag 'dzin kun dang bral ba'i phyir// rtog dang rtag pa yongs mi dmigs// dngos med de bzhin nyid 'di la// chos rnams ma lus 'byung ba'i phyir// 'khor 'das kun gyi gzhi ma yin// de yang dbyings kyi rang bzhin nyid// rang bzhin de ltar shar bas na// nam mkha' 'od du 'bar ba ltar// gzhi shar rang grol don gyi gter// rang bzhin gnas pa dgongs pa'i klong // don dang ldan pa rtog pa'i blo// drang por 'dug pas ma nor lam// bcos su med pas rang lugs gnas// lus kyis spyod pa ci byas kyang // lus la

  114. 57b

    mngon par zhen pa med// ngag dang yid kyi spyod lam kun// gar bde rgya yan yin pas na// mngon zhen med de ci bder gnas// mkha' la bcos su med pa bzhin// lus kyang med la 'chos mkhan med// lus ngag yid kyi spyod yul kun// sgyu ma bzhin du rang bzhin med// lus sems ma skyes gzhi med pas// gzung dang 'dzin pa gdod nas med// che chung mi 'byed gdos pa med// rtod 'dzin phur pa ye nas med// mtshan ma med pa'i nam mkha' la// dmigs su yod med rtsol ba'i nad// sems nyid nam mkha' lta bu la// nam mkha' lta bu'i blo bzhag na// rang bzhin dbyings su gcig pa'i phyir// lus ngag sems kyi 'dzin pa dag/ 'di la bya ba med pa'i phyir// gang ltar shar yang dmigs gtad med// de la gnas su med pa'i phyir// ji ltar 'dug kyang gzhan mi rtog/ mi rtog par yang bsam mi bya// rang bzhin gnas pa'i dgongs pa'i klong // bsam du med pa'i dbyings nyid la// bsam gyis mi khyab yon tan 'byung // chos rnams ma lus bsam pa'i khyad// rang rig smra bsam kun las 'das// mi rtog pa'ang de don min// de las gzhan na'ang yod ma yin// bsam du med pa'i chos kyi dbyings// gnyen pos bcos su rdul tsam med// de dag thams cad cir shar kyang // rang bzhin gzhi shar yin pas na// de la 'chos par

  115. 58a

    ma byed cig/ mi mthun gnyen po rtog pa'i blo// bden dang mi bden the tshom pa// skyon dang yon tan blang dor rgyu// bden rdzun med pa mnyam nyid dbyings// de yi don las g.yos pa med// de yi don las ma g.yos na// rnal 'byor rnal 'byor rab tu che// rtse gcig gnas pa'i yon tan dang // dar cig bsam pa'i rtog pa yang // rang bzhin dbyings su gcig pa'i phyir// 'dra'o 'dra'o mnyam nyid che// de bzhin nyid la 'di 'dra zhes// tshad mas gzhal du med pa'i phyir// dpag dka' gting ring sgo yangs pas// 'khrul pa rtog ge'i skyed yul min// sems nyid byang chub chen po yang // yod dang med ces gdags su med// byang chub sems de yod par snang // dngos po kun tu ma 'gags pas// byang chub sems de med par snang // mtshan ma ngang gis zhi ba'i phyir// yod med mtha' las grol bar gnas// chags sdang nyon mongs rnam pa lnga// 'bar zhing kun tu g.yo ba yang // rang byung ye shes rtsal yin pas// dgag tu med de bdag gi rgyu// chos nyid rang las snang ba yin// nyon mongs mtshams med lnga po yang // 'dod spyod dbyings kyi rgyan yin pas// spang du med de rang gi rgyan// rol pa dag tu shar ba yin// ma rig 'khrul pas skyon du bltas// gzhan du 'gegs dang spong ba de// 'di ru mi spang bzhag pas shes// sgrol ba dbang

  116. 58b

    gi snying rje yang // mi spang 'di ru spyad pas shes// sbyor ba thabs kyi spyod pa yang // mi gnas ye shes bde chen lam// bdag phyogs gzhan du mi 'dzin pas// mi 'bral gzungs kyi srog tu brtan// byang chub sems kyi srog 'di la// bdud bzhi'i tshogs kyis mi choms shing // dgra gsum dag gis gsad du med// g.yang sa drug tu mi ltung bas// bya bral klong las nyams pa med// sangs rgyas 'bras bu don 'di/ las// lhag par bltas te gzhan na med// bya bral mu med chos kyi dbyings// snying rje chen po stong mi byed// chags sdang gnas su dag pa'i phyir// 'du byed sems kyi byung tshor med// dbyings las cho 'phrul cir shar kyang // yang ldang yang zhi rang gi mthu// rgya mtsho'i nor bu rin chen bzhin// yon tan gzhan nas btsal du med// ngo bo nyid kyi thugs rjes gzung // mi gtong nyon mongs lngar snang yang // thugs rjes gzung ba'i yul yin pas// btang snyoms med par kun la khyab// rang byung ye shes shar nub med// de la dpe dang tshad ma mchis// rang byung dpag gis mi langs pas// shes rab chen po'i dbyings na gsal// byang chub sems ni rin po che/ yon tan thams cad 'byung ba'i gzhi// thig le chen por kun 'dus pas// mi rtsol rang shugs gnas pa yin// byang chub sems ni ye sangs rgyas// gdod nas lhun gyis grub pa'i

  117. 59a

    phyir// ma spangs rang sar grol ba yin// byang chub sems ni phyogs med yin// rang bzhin nges pa med pa'i phyir// gcig tu mi gnas kun la khyab// byang chub sems la btsal du med// yon tan rang la rdzogs pa'i phyir// phyogs med kun tu shar ba yin// byang chub sems la bsgrub tu med// thams cad de ru 'dus pa'i phyir// ma bsgrubs lhun grub 'bras bu yin// zhes gsungs so// klong chen rab 'byams rgyal po'i rgyud las// don la dpag tu med pa'i le'u ste gsum pa'o// // de nas yang bcom ldan 'das kyis thugs kyi dgongs pa ma nor bar gsungs pa/ thig le gcig gi ngo bo la// sangs rgyas ma rgyas med par gcig/ sangs rgyas 'bras bur btags pa yang // thob pa'i yon tan gtan na med// sems nyid klong chen de yi mthu// sems can rgyu ru snang ba yang // 'khor ba'i nyes dmigs logs na med// bya bral klong chen de yi rtsal// rgyu 'bras med pa'i chos nyid la// sangs rgyas sems can dbyer med de// de la rang gis bcos su med// rgyu rkyen 'bras bur btags pa yang // bkri drang don gyis bstan par zad// ma bcos pa yi chos nyid la// ma nor gnas shing ma byas gsal// ma 'gags pa nyid ye shes klong // de bzhin nyid kyi gnas 'di la// yengs dang ma yengs med pa dang // g.yo/

  118. 59b

    dang mi g.yo med pa'i phyir// rgyal ba'i dgongs pa 'di las med// rnam par dag pa'i chos nyid la// rgyu 'bras rdzas su rtog pa na// grub mtha' ngan pas bcings pa ste// 'khrul pas don las gol ba'i phyir// bstan zhing brjod par rab tu dka'// klong chen 'khyil pa'i mkha' dbyings ni// kun gyi gnas chen yin pa'i phyir// yul la spyod cing rnam par yin// 'khrul pas don las gol ba'i phyir// tshad mas bshigs pas mi shigs te// klong chen rang gi mthu yis grol// rtog mtha' bcad pas mi chod de// klong chen rang gi stobs kyis gcod// rang sems tshad ma'i gdeng ldan pa'i// 'gyur med don gyi g.yung drung yin// lung rig don gyi bya ra bas// log rtogs lkugs pa rdul du brlag/ phyir mi ldog pa don gyi lung // mtha' ru mi gtong 'dzin par byed// shes rab mtshungs med rig pa'i tshad// yul du mi gcod mnyam pa'i klung // kun gyi thun mong ma yin pas// 'di la btsal zhing bsgrub tu med// 'di la ci yang bya mi dgos// dka' thub dka' spyod mi dgos te// 'di la sbyang zhing bgrod du med// ma bcos rang sa nyid du gsal// stobs ldan chags pa'i yul med pas// lam stegs 'bras bu thob tu med// byar med ye klong don 'di la// tshig tu mtshon du gdags gzhi med// yul du bya ru dmigs gtad med// ting 'dzin

  119. 60a

    bzlas pa bya mi dgos// ci zhig bsgrub cing gang la gnas// byar med don la bsngags su med// ji ltar snang zhing grags pa'i chos// rang las byung bas rang gi rgyan// gzhan du 'dzin pa rtog pa'i blo// de la zhen pa 'khrul pa'i sems// gzung 'dzin med na grol ba'i lam// rang sems de ru ma shes na// thabs chen gzhan du btsal du med// ston pa rang du ma shes na// kun tu bzang po logs na med// bstan pa rang du ma shes na// theg pa'i rnam grangs gzhan na med// 'khor rnams rang du ma shes na// yul gzhan 'du shes skye bar 'gyur// dus rnams rang du ma shes na// re ba'i zag pa chod mi 'gyur// de ltar gnas pa'i don 'di la// 'ching dang grol ba gnyis su med// gzhal bya 'jal byed tshig gi mtha'// dmigs pa'i yul la rtog dpyod byed// yid dpyod shes pa don du 'dzin// bskal pa bye ba brgyar bgrangs kyang // bya med don dang phrad mi 'gyur// rnam dag lam chen kun 'byung phyir// skye ba'i sgo yang dgag tu med// ma bkag byang chub sems kyi klong // byang chub sems la skye ba med// 'chi ba'i lam yang bcad du med// ma bcad byang chub sems kyi klong // byang chub sems la 'chi ba med// skye shi med pa'i bdud rtsi 'di// rang la gnas pas btsal mi dgos// yod dang med pa'i khyad par las// rtag dang

  120. 60b

    chad pa'i gol sar byung // mtha' gnyis dbyings la mi gnas phyir// mi rtog ye shes klong du thim// rang byung ye shes sku brnyes pas// mtha' rnams kun gyis mi nub phyir// rgyal mtshan nor bu rin po che// khyad par 'phags pa mchog gi lam// bla med bder gshegs rnams kyi thugs// sa bcu'i byang chub sems dpa'i sku// 'gro drug sems can rnams kyi lus// gter chen 'di las gzhan med pas// kun gyi rang bzhin 'di ru gcig/ gcig po ma nges phyogs dang bral// nam mkha' lta bur khyab pa'i klong // mtshan ma med pa'i dbyings su thim// chos kyi snying po dbyings kyi klong // kun 'byung nor bu rin po che// bgrod med rtsol bral rig pa'i klong // gzhi rtsa med pa'i sems nyid la// kha dog dbyibs kyang gzung du med// yul dang gnas kyang bstan du med// thams cad de yis bskyed pa'i phyir// dus gsum rgyal ba rnams kyi yum// thams cad gnas su med la gnas// kun kyang brtan du med la brten// phu bgrod mda' bgrod gar phyin kyang // sems kyi klong las ma g.yos pas// kun gyi dur khrod chen po'i dbyings// mtshan ma dbyings su dag pa'i phyir// rnam dag chen po nyams dga'i klong // yon tan thams cad 'dus pa'i phyir// nor bu rin chen spungs pa'i khrod// yul dang yul can med pa'i phyir// bsam gyis mi khyab sku gsung

  121. 61a

    thugs// rgyal ba kun gyis rtogs pa'i phyir// dgongs pa ma lus phul du phyin// 'gro drag 'khrul pas ma rtogs pas// lhan cig skyes kyang ngo ma shes// blo chung rnams kyis ma go bas// brtags dang dpyad pa'i mtha' las grol// de ni blo ldan gang zhig gis// gzhan du mi blta rang du blta// bltas pas mthong ba med pa de// mnyam pa nyid kyi don mthong yin// sku gsum mchog tu gyur pas na// chos kyi sku yi ngang la gnas// blang dor med dang skye 'gag med// rnal 'byor chen po zhi ba'i sa// sangs rgyas kun gyi snying po yin// med pa'i snying po nam mkha'i rdzong // yod pa'i snying po rdo rje'i sku// gnyis med snying po phyogs dang bral// snying po byang chub sems 'di la// cir yang mtshon du med pa'i phyir// bsam zhing brtags te gang la dmigs// dmigs med chos sku mtha' dang bral// zhes gsungs so// klong chen rab 'byams rgyal po'i rgyud las/ don gyi snying po bstan pa'i le'u ste bzhi pa'o// / de nas yang bcom ldan 'das kyis gsungs pa/ nyid las mi gzhan 'khor rnams la// rnal 'byor don du gang bstan pa// de bzhin gshegs pa rnams kyi thugs// sku gsung thugs kyi phyag rgya yang // rten du mi bca' rang sar bzhag/ 'khrul bas brtags pa'i tha snyad kyang // don du mi bzung yal bar btang // log pas dpyad

  122. 61b

    pa'i grub mtha' yang // brtag dpyad mi bya blos mi bsam// rgyal ba'i dgongs pa mtshon du med// tha snyad tshig la blo mi brten// tshig dang yi ges gdags su med// sems dpa' mchog gi go 'phang ni// rigs chen gnod pa'i sa gcig la// gdags gzhi bral ba'i ngo bor gnas// mtshan med mtshan mar bsgom mi bya// mi bsam rtag tu ye nas gnas// dbyings la bsam du med pa'i phyir// don la bsam pa'i gzhi dang bral// de bzhin nyid la gzhi med phyir// rnam shes rgyu la mtshan nyid med// rgyu mtshan med pas chos kyi dbyings// des na dmigs pa'i mtha' las 'das// lam du btsal bas ci zhig rnyed// tha snyad med pas sangs rgyas yin// sangs rgyas nyid la btsal rgyu med// sangs rgyas sangs rgyas zhes bya ba// byang chub sems las logs na med// byang chub sems ni sangs rgyas yin// sangs rgyas nyid kyang byang chub sems// sems dang sangs rgyas dbyer med pas// 'khor ba'i rigs dang myang 'das med// kun gyi rang bzhin 'di yin pas// de la bsam pa'i yul yang med// zhen par bya ba'i gnas med pas// yul da rig pa gcig pu nyid// ske bzhi rgyud drug snang ba yang // gzung 'dzin zhen pa brtas pa las// 'phags pa'i chos la bdag tu bzung // dbyings la kha tshon gcod pa'i phyir// 'khrul pa'i dbang gis 'khor

  123. 62a

    bar 'khyams// ma dag pa yi gol sar bshad// phyogs med lhun grub ma rtogs par// phyogs la yul du 'dzin pa yis// dbyings la kha tshon gcod pa'i phyir// dag pa'i gol sa zhes su bshad// byang chub sems kyi rang bzhin la// dag dang ma dag gnyis su med// gnyis med mi 'gyur chos kyi dbyings// dbyings la gol sa med pa'i phyir// sa steng 'gro ba ji bzhin no// gnyis med bsam 'das chos dbyings la// 'jug par bya dang 'byung bar byed// gnyis su snang ba'i yul med pas// chos sku gcig pu rab tu dben// phyogs bral mkha' ltar yangs pa la// dgag par bya dang sgrub par byed// blang dang dor ba'i yul med pas// bya bral klong chen ye nas yangs// sgyu ma'i 'khrul 'khor lta bu yi// rigs drug rgyud lnga'i sems can la// chos nyid spyi khyab yin pas na// yul med rig pa ye nas che// sems kyi rang bzhin nges med la// phyi nang sgo phugs med pa'i phyir// kha gting med par ye nas gsal// 'khor ba ye nas mya ngan 'das// sdug bsngal byang chub sems su shar// gang la thob par bya ba dang // 'jug par bya ba ci yang med// yul dang sems su dbye ba med// ma brtags sems kyi cho 'phrul yin// brtags na sems kyi ngo bo ni// dmigs su rdul tsam yod mi 'gyur// de phyir gdags gzhi kun

  124. 62b

    dang bral// de mthong sangs rgyas mngon sum ste// de bsgoms mtshan ma'i gol sa yin// bsgom du med la stegs tshol ba// mkha' la gser gyi skas tshol 'dra// sems las ma gtogs chos 'tshol ba/ dwadags smig rgyu bsnyeg pa bzhin// don dang phrad par mi 'gyur te// sems kyi rang bzhin de shes na// chos kyi rang bzhin shes pa yin// gcig shes kun kyang shes pa yin// gcig rig kun kyang rig pa yin// rang rig klong na ma rig med// ma rig pa dang ye shes gnyis/ gzhi rtsa med la so sor brtags// de yang ma rig 'khrul pa'i sems// bsam du med dang bsam gtan gnyis// nges pa gcig la bye brag 'byed// de yang 'og ma 'phrul pa'i blo// bsgom du med dang bsgom pa gnyis// nges pa gcig la bye brag 'byed// de yang phral can rtog pa'i blo// yang dag don gyi ngo bo la// gang zhig bsgom zhing ci zhig bsam// bsam du dmigs pa'i mtha' las 'das// bsgom du yengs pa'i yul dang bral// don de'i tshul gyis mtshan du med// ces gsungs so// klong chen rab 'byams rgyal po'i rgyud las/ dgongs pa mchog gi le'u ste lnga pa'o// // de nas yang bcom ldan 'das kyis dgag bsgrub med pa'i don la mtha' dbus med par gsungs pa// phyogs med lhun grub mtha' med klong // ye shes dbyings la rab

  125. 63a

    tu 'byams// nges med rol pa nam mkha' 'dra// cho 'phrul chen po rab tu ston// 'di yin 'di min mtha' las 'das// ming tshig tha snyad kun dang bral// mtshon bya las mtha' mtha' bral ba// yod 'byams med 'byams dgag sgrub med// dmigs pa'i yul las 'das pa'i phyir// tshad dang bral bas byang chub klong // rgya mtsho'i dbyings kyi chu zla bzhin// gzugs brnyan snang yang rang bzhin med// snang 'byams stong pa'i dbyings la 'byams// yul du byar med gzhi rtsa bral// phyi nang snod bcud thams cad kun// chos rnams snying po byang chub sems// cir yang snang la mtshan nyid med// klong yangs rgya khyon bral bas na// ma bkag ci bder yangs par spyod// mtha' dang bral ba'i chos nyid ni// gdags gzhi yul las 'das pa ste// rig pa yul med yul du shar// kun gyi dngos gzhi yin pa ste// phyogs 'dzin gang yang ma spangs pas// phyogs med klong na 'byams pa ste// rgya chad phyogs lhung med pa'i phyir// nam mkha'i dbyings ltar dngos dang bral// mtha' bzhir ma 'gag ma zhen pas// yul la dmigs pa med pa ste// mi 'gyur lhun grub gdal ba che// klong yangs rgya khyon med par gsal// klong chen gcig gi klong dkyil nas// klong phran mtha' yas kun kyang shar// lhun 'byams mi 'gyur klong du zhi// kun kyang

  126. 63b

    'byams pas de ru gcig/ thams cad mnyam pa'i ngang la gnas// g.yos pa med pa'i chos nyid de// mnyam pa'i don las ma g.yos pas// mi mnyam shar yang mnyam nyid gcig/ spang blang med pa dbyings na/ 'byams// yod 'byams snang ba'i dngos por 'byams// thams cad de las skyes pa'i phyir// med 'byams stong pa dngos med 'byams// de la mtshan nyid med pa'i phyir// dngos dang dngos med pha rol na// 'khor 'das bya ba'i ming yang med// 'khor 'das spangs pas mi spong ste// gnyis ka dbyings su gcig pa'i phyir// ltos chos gnyis kyi mtha' las 'das// yod dang med par gdags su med// nges med rang shar rol pa 'di// rang gi dbyings nas shar ba ste// rang shar yin pas nub pa med// ye shes chen po'i dbyings la 'byams// rig pa phyi nang med pas na// spyod yul kun tu gdal ba che// dbye bsal blang dor med pas na// mnyam pa'i klong na phyogs ris med// klong chen gcig las ma g.yos par// klong phran mtha' yas kun 'byams kyang // nges med mi 'gyur klong du 'byams// kun 'byams 'di yin med pas na// 'di zhes rtsol ba med pa'i ngang // ji bzhin pa las g.yos pa med// de bzhin nyid du 'byams pa la// ci yang ma yin don go bas// nges med klong 'byams phyi nang med// dbyer med ma chags chos

  127. 64a

    nyid la// bsgom bya sgom byed gnyis su med// gnyis dang gnyis med mnyam pa'i dbyings// tha dad med pas mnyam par 'byams// mnyam nyid gcig pa'i klong dkyil nas// mi mnyam klong phran mtha' yas shar// 'dra dang mi 'dra'i khyad par gyis// ci yang yin no gang yang 'dra// dbyings la bzang ngan bye brag med// 'dra na 'dra 'byams mi 'dra yang / kun 'byams yin te dbye bsal med// chos la chos kyis mi mtshon te// dbyings la 'di 'dra'i yul mi gnas// gang yin gang dang mi 'gal bas// grub mtha' kun gyi snying po yin// 'gal dang mi 'gal med par gcig/ dbyings su ma 'byams gang yang med// des na kun bzang gdal ba'i klong // thams cad mnyam par yongs kyis gnas// rtog pas rtsol dang mi rtog bsgom// btsal du med pas kun kyang 'dra// gnyis med rang bzhin klong du 'byams// gnyis ka sems nyid yin pas na// dngos por snang ba ci yang med// ci yang med pa'i chos nyid la// bzang ngan blang dor yongs kyis med// rang bzhin dbyings su gcig pa la// mtshan ma'i spros dang ngang gis bral// ma skyes sems kyi rang bzhin la// ngo bo 'di 'drar mi gnas phyir// dgag dang sgrub par bya ba dang // spang dang thob par bya ba med// mi mthun gnyen po dbyer med pas// gcig gi klong du

  128. 64b

    rab tu thim// byar med sems nyid klong chen la// rtsol ba ma lus kun spangs te// ma bcos ngang du lhun gyis grub// skyon yon bde sdug 'khor 'das chos// mkha' rlung bar snang sprin bzhin du// rang byung rang zhi klong du grol// grol bar btags pa tha snyad de// grol ba'i phyogs su lhung ba'i phyir// 'dzin pa rtog pa'i nad du che// grol dang ma grol gcig gi klong / gnyis su 'dzin pa'ang de na 'byams// mnyam pa'i don las 'khrul pa med// thig le chen po chos kyi sku// byang chub sems kyi rang bzhin las// gang yang ma spangs yangs pa che// gang du mi gnas dag pas na// mtha' dang bral ba'i klong du grol// gdal ba chen po'i ngang la gnas// gcig pu rten med yul med pas// ris med phyogs med gnas med phyir// sus kyang ma byas rang gi klong // gsal bar shar phyir phyi nang med// snga ma'i rgyu ma'i rten med la// phyi ma'i gnas med yul med pas// bag chags bzhag pa'i gzhi med phyir// kun gzhi yul med zang thal klong // nam mkha'i khams kyi bya lam bzhin// rjes med skyon dang yon tan bral/ 'khor ba mya ngan 'das pa'i chos// rgyu rkyen med par rang las byung // mtshan nyid med pas klong du 'byams// re dogs med pas dbyings la gsal// dbyings la dbyings shar byang chub sems// sems klong gcig las ma gtogs

  129. 65a

    pa'i// yul can rdzas su ma grub pas// gzhan du snang ba gud na med// rtog pa'i dbang gis gzhan du btags// byang chub sems la phyi nang med// yul med klong na kun 'byams pas// gzhi rtsa med pa'i chos nyid yin// rnam par dag pa'i ngang nyid la// rten 'brel sgyu ma'i rol par shar// gzhi shar rang grol rang snang las// bya bral mu med klong du 'byams// zhes gsungs so// klong chen rab 'byams rgyal po'i rgyud las/ rig pa yul med du bstan pa'i le'u ste drug pa'o// // de nas yang bcom ldan 'das kyis 'og ma pa la nan tan du gsungs pa/ nyan thos don las 'khrul pa yis// yul sems gnyis su bzung bas nor// rang rgyal don las 'khrul pa yis// rten 'brel bcu gnyis don la rtog/ byang chub sems dpa' blo chung bas// bden pa gnyis kyi tshul du 'dzin// cir snang sems nyid rang snang la// pha rol nan gyis rtog pa de// mnyam nyid mi rtog 'khrul pa'i blo// kri ya rigs gsum lhar bsgoms nas// lus ngag rtsol ba'i bya byed can// gnyis ka rgyud kyi theg pa ni// kha brag lam du zhugs pa bzhin// yo ga sngags dang phyag rgya yang // smon pa gar thab byed dang mtshungs// ji ltar snang yang rang rig la// byang chub sems las gzhan med pas// gzhan du blta ba 'khrul pa'i blo// ma hA bden pa dbyer

  130. 65b

    med la// spyod yul bral bar blta ba ste// thabs dang shes rab don du 'dzin// a nu yo ga'i blta ba ni// dbyings las ye shes mthu snang bas// gnyis med byang sems bde ba che// yo ga rnam bzhis gzhi byas nas// ji ltar bltas kyang chos kyi dbyings// gzhan du g.yos pa med pa'i phyir// theg pa kun 'byams mtho dman med// klong chen rgyal po lta bu yis// thams cad kun la dbang bsgyur bas// rgyal srid kun kyang gcig tu 'dus// mtha' gnyis ma grub ma spangs pas// chos nyid klong la yangs dog med// bde gad la byang chub sems kyi dbyings// thams cad 'dus pas thig ler gcig/ ye nas ma skyes chos kyi sku// skye na skye 'byams skye med dang // shi na shi 'byams 'chi med klong // thig le'i ngang la skye shi med// 'khor 'byams 'das 'byams dbyer med 'byams// dge 'byams sdig 'byams ma spangs 'byams// thig le'i ngang la 'khor 'das dang // dge sdig rgyu 'bras ye nas med// rtag na rtag 'byams chad 'byams te// thig le'i ngang la rtag chad med// mnyam pa ris med ye gdal la// snang 'byams stong 'byams dbyer med 'byams// thig le gcig la snang stong gnyis// ye nas med phyir mnyam pa'i ngang // mnyam nyid thig le lhun 'byams la// phyi nang gnyis ka gnyis med snang // kun snang ris med chos

  131. 66a

    kyi dbyings// de ltar snang yang snang 'byams rang // mtshan med thig le lhun 'byams la// phyi nang gnyis ka gnyis med stong // kun snang khyab gdal chos kyi dbyings// ji ltar stong yang dbyings su 'byams// cir gsal thig le lhun 'byams la// phyi nang gnyis ka gnyis med rig/ kun rig yul med chos kyi dbyings// ji ltar rig kyang rig pa'i dbyings// shar nub med pa'i thig le la// phyi nang gnyis ka gnyis med shar// kun shar zang thal chos kyi dbyings// ji ltar shar yang ye shes 'byams// 'pho 'gyur med pa'i lhun grub la// phyi nang gnyis ka gnyis med gnas// kun gzhi gnas 'gyur chos kyi dbyings// ji ltar gnas kyang lhun grub 'byams// skye 'gag med pa'i thig le la// phyi nang gnyis ka gnyis med grol// kun grol nyag gcig chos kyi dbyings// ji ltar grol kyang chos sku'i klong // klong 'byams chen po de nyid la// dus gsum rnam pa thams cad du// ji ltar byas kyang chos nyid rang // chos nyid klong la mtshan ma med// yod med la sogs rnam pa kun// ye nas ma skyes gzhi med pas// cir snang mtshan ma med par snang // bcos bslad ngang gis bya mi dgos// sus kyang ma bcos ma byas pa'i// nam mkha' lta bu'i rang bzhin la// 'ja' tshon sprin tshogs glo bur chos// rtog pa'i byung tshor ji snyed pa// nam

  132. 66b

    mkha' nyid yin bsal mi dgos// rang byung rang zhi klong du zhi// 'gro sa med de de ru 'byams// byung sa med de de las byung // de bzhin 'khor 'das snod bcud kyang // rang byung rang zhi chos nyid klong // byang chub sems su zhi ba las// gzhan du blta ba'i chos med phyir/ byang chub sems la skye shi med// 'pho 'gyur med pa rgyal ba'i sku// phyi nang med par rang gsal bas// rang byung ye shes thugs kyi ngang // skye ba'i cho 'phrul rgyal ba'i gsung // sku gsum dbyer med lhun grub klong // byang chub sems su zhi ba las// gcig gi dbyings las ma g.yos par// sku gsung thugs shar rang gi rtsal// bya bral klong du bye brag med// mkha' la sprin bzhin klong na 'byams// ye shes dbyings las ma g.yos kyang // rang byung rgyal ba'i thugs rje yis// gdul bya ma lus kun 'dul ba// rol pa'i phyag rgya skar tshogs bzhin// gcig gi cho 'phrul grangs med pas// dbyings su tha dad yong gis med// rang byung ye shes mkha' klong nas// shar ba'i chos rnams thams cad kun// 'dzin pas so sor btags pa kun// dbyings la bye brag gang yang med// ma 'dres yongs rdzogs dbyings kyi rgyan// rang sar grol ba dbyings kyi klong // klong chen gcig las ma g.yos pas// klong phran mtha' yas kun shar yang // rang bzhin lhun grub gzhi yi klong // ngo bo

  133. 67a

    rang byung ye shes klong // don la skye med gnyis med klong // thog mtha' med pa'i chos nyid la// bdag nyid 'bras bu ye grub klong // sna tshogs gzhir 'dus gcig las shar// gcig gi cho 'phrul grangs med pas// gcig las shar bas gzhi ru 'byams// zhes gsungs so// klong chen rab 'byams rgyal po'i rgyud las/ blta ba mu mtha' med pa'i le'u ste bdun pa'o// // de nas yang bcom ldan 'das kyis nyid kyi dgongs pa ma nor bar gsungs pa// rgyu mtshan gcig pa'i chos nyid la// byang chub ma nub mtshan nyid med// don dam kun rdzob rang bzhin gcig/ gnyis med bsam 'das skye 'gag med// khams gsum 'khor ba'i sems can dang // sku gsum bkod pa'i zhing khams kun// ye nas snying por gcig pa la// glo bur dri ma dag pa'i phyir// ye nas dbyer med gnyen po mtha' yi mun pa dus gcig gsal// mtha' med klong 'byams lhun gyis grub// chos sku'i klong der cir yang gnas// rang bzhin nges med sprul pa'i sku// cir yang 'char te cir yang gsal// ske ba med pa longs spyod rdzogs// longs sku'i klong la cir yang yin// thog mtha' med pa rdo rje'i sku// rdo rje'i sku la 'jig 'bral med// dbyer med skye shi bral ba'i phyir// de nyid mngon par byang chub sku// chos nyid

  134. 67b

    gcig la sku lngar snang // snang ba sna tshogs cir shar yang // sku lnga'i klong las g.yos pa med// dmyal ba tsha grang sdug bsngal yang // chos nyid rang gi klong na 'byams// rang las tha dad med pa'i phyir// sku gsum klong du ye sangs rgyas// yi dwags bkres skom sdug bsngal yang // chos nyid rang gi klong na 'byams// rang las tha dad med pa'i phyir// sku gsum klong du ye sangs rgyas// byol song bkol spyod sdug bsngal yang // chos nyid rang gi klong na 'byams// rang las tha dad med pa'i phyir// sku gsum klong du ye sangs rgyas// mi dang lha dang lha ma yin// de la sogs pa'i 'gro drug kyang // sdug bsngal rang rgyud med pa'i phyir// de yang chos kyi dbyings na 'byams// rang las tha dad med pa'i phyir// sku gsum klong du ye sangs rgyas// theg pa'i khyad par ji skad du// brgyad khri bzhi stong gsungs pa yang // klong chen gcig gi yon tan te// gdul bya rnams la bstan par zad// de las gzhan du btags pa yin// rgyu 'bras rnam pa yongs kyis med// rgyu med ye nas chos nyid klong // rkyen med ye nas rol pa'i klong // 'bras bu rang byung ye shes te// mtshan ma'i rgyu 'bras kun las 'das// ye nas sku gsum klong du grol// de ru ma 'dus chos med pas// snyigs ma lnga nyid bde ldan gnas// yul dang 'dod yon ye sangs rgyas// chos kun rtsa

  135. 68a

    ba byang chub sems// sems kyi klong nas ma shar ba'i// lhag pa'i chos ni gzhan na med do// zhes gsungs so// klong chen rab 'byams rgyal po'i rgyud las// rigs la bye brag med pa'i le'u ste brgyad pa'o// // de nas yang bcom ldan 'das kyis nyid kyi dgongs pa ma nor bar gsungs pa/ dkyil 'khor dkyil 'khor zhes bya ba// thams cad 'dus shing rdzogs pas na// byang chub sems kyi dkyil 'khor yin// phyi nang sgo phugs bral bas na// mnyam pa nyid kyi dkyil 'khor yin// mtha' dbus gnyis su med pa'i phyir// mu mtha' med pa'i dkyil 'khor yin// 'khor 'das steng 'og med pa'i phyir// mtho dman med pa'i dkyil 'khor yin// sgrib pa gnyis dang bral ba'i phyir// ma bkod gsal ba'i dkyil 'khor yin// rig pa phyi nang med pa'i phyir// dbyer med zang thal dkyil 'khor yin// dgag bsgrub gnyis dang bral ba'i phyir// rgya chen snang ba'i dkyil 'khor yin// ma spangs rang sar grol bas na// rang bzhin lhun grub dkyil 'khor mchog/ klong yangs 'ub chub gad la khyab pa// spyir chibs sa bcu 'dus pa'i klong // gcig las bye brag phye ba'i phyir// sa bcur snang ba yon tan yin// gcig tu 'dus pas mtho dman med// mtho dman med pas yangs dog med// mtha' dbus bral bas phyi

  136. 68b

    nang med// skye 'gag med pas dus gsum med// dus gsum med pas skye shi med// 'du 'bral med pa rgyal ba'i sku// dgongs pa mnyam pa nyid du gcig/ rgyal ba'i dgongs spyod bsam yas kyang // rang byung ye shes gcig gi klong // gzhan du g.yos pa rdul tsam med// ma bcos dgongs pa mchog gi ngang // sangs rgyas byang chub rang gi sems// 'gro drug sems can rang gi lus// rnam par dag pas byang chub sku// gang las btsal du med pa'i phyir// ma nor sems kyi lung chen yin// spyod yul 'di la gnas pa gang // phyogs med don la gnas pa yin// 'jig rten 'di la lha mir spyod// sangs rgyas sa na gtso bo'i mchog/ lam dang sa dang rten dag la// bgrod rtsol sbyang ba mi dgos te// ye nas ci la'ang ma chags te// gzhan la brten du ga la yod// sems nyid rdzogs pa chen po la// bsgom zhing dmigs su med pa ste// ma bsgoms sangs rgyas dag dang mtshungs// de phyir bsgom med don 'di la// ma bsgoms stor bral med pa'i phyir// bsgom dang ma bsgoms med par mtshungs// nam mkha'i dpe la bsgom mi gnas// 'dzin pa'i sems la bsgom du med// yod dang med pa dbyings su gcig/ de la som nyi bya ru med// phyi nang dngos po'i rang bzhin yang // yod mthong log pa'i stobs kyis snang // med mthong grub

  137. 69a

    mtha' ngan pa'i blo// yod med gnyis ka ltos pa'i chos// ltos chos dbyings su dag pa'i phyir// rtag dang chad pa'i mtha' las grol// de don ma rtogs bsgoms pa'i klong // mnyam pa nyid kyi don las gol// zhes gsungs so// klong chen rab 'byams rgyal po'i rgyud las/ dkyil 'khor bstan pa'i le'u ste dgu pa'o// // de nas yang bcom ldan 'das kyis nyid kyi dgongs pa'i don ma nor bar gsungs pa/ kun 'dus klong chen rang bzhin 'di// bzang ngan med pa'i chos yin pas// 'di la nyams su ci zhig blang // nyams par gyur pa yod dam ci// 'di las 'das pa gang yang med// mi 'da' ma g.yel rgya mtsho'i klung / dmigs pa'i yul ni nam mkha' 'dra// phra ba'i tshad ni rdul dang mtshungs// brtan pa'i tshad ni ri rab 'dra// yangs pas mkha' dang rgya mtsho'i klong // kun tu bzang mo'i rang bzhin te// tshad med nam mkha' dag dang mtshungs// rgyal 'gro la sogs grangs brjod kyang // sems nyid klong chen dag pa der// btsal bas rnyed par mi 'gyur te// ma btsal chos kyi sku 'di yang // sku yi sku ste kun la snang // de nyid gang yin sangs rgyas nyid// nyid kyis nyid tshol gzhan na med// de bzhin nyid 'byams kun 'byams kyang // yul du btsal bas mi rnyed de// 'phags pa'i byang chub gzhan na med// byang chub

  138. 69b

    'dod na mi dge'i las// ched spyod don la blo bzhag na// snying rje med par gsod pa dang // 'jigs pa med par rngam pa dang // ma rungs las su byed pa dang // ci spyod gzhan la 'tshe ba dang // srog med srog la za ba dang // snying rje med par don gnyer dang // las su mi dge bcu spyad na// sems can thar pa'i gnas su 'dren// srog gcod sdig tu 'gyur ba na// ye nas chad pas su la sdig/ des na 'di las nye ba yi// thar lam gang yang yod ma yin// nye ba'i thar lam glor bzhag nas// snying rje don du gnyer mi dgos// gang la 'dzin pa yod pa na// lhag pa'i bsam pa shar kyang bsgribs// sangs rgyas mi mchod slob da pon bskur// tha mal spyod lam ci byas kyang // don du 'gyur bas 'gal mi 'gyur// don 'di tshig tu ma khyer bar// gnad kyi gdeng du chud pa gang // dman pa'i lus la dam pa'i sems// dus gsum sangs rgyas sras gcig po// 'jig rten dregs pas bcings pa yi// lha srin sde brgyad thams cad kyang // jo bo'i tshul du khur bar byed// sangs rgyas kun dang dgongs pa mnyam// nam mkha' nyid la nam mkha' spyod// ces gsungs so// klong chen rab 'byams rgyal po'i rgyud las/ spyod pa tshad bzhag pa'i le'u ste bcu pa'o// // de nas yang bcom ldan 'das kyis nyid kyi dgongs pa ma nor bar gsungs

  139. 70a

    pa/ kun gzhi chos nyid zang thal la// rig pa zod rgal 'bar zhing 'phro// ma rtogs pa la rnam par rtog/ rtogs pa'i klong la ye shes 'bar// 'khor ba nyid na 'khor ba med// 'khrul 'khor nyid na mya ngan 'das// mkhas pa rnams la ye shes shar// mi mkhas pa la mun par snang // 'di bor bdud rtsi gzhan na med// skye shi med pas 'dus ma byas// ye nas rdo rje snying po'i sku// rgyu 'bras med las 'byung ba'i phyir// ye nas nam mkha' lta bu'i ngang // ma nor don gyi lung 'di la// ma btsal thabs kyi mchog tu bstan// gang la bstan par bya ba dang // mi bstan pa'ang rang la med// yod dang med pa'i mtha' 'jig pas// tshad mas rtogs pa ma yin te// bshig tu med pas rdo rje'i sems// 'khrul pas yod med mtha' 'tshol ba// nam mkha' mtho yis 'jal ba bzhin// rig pa gtan la phebs mi 'gyur// mtha' rnams rang sar ma grol zhing // yul rnams rang du ma 'dus par// sangs rgyas 'byung bar 'dod pa ni// blta zhing bltas shing brtags pas 'khrul// rgyu dang 'bras bur zhen pas bslad// 'di las gzhan pa'i sangs rgyas chos// rgyu rkyen gnyis kyis mi 'grub ste// rgyu rkyen gnyis ka glo bur chos// de gnyis yod na skye 'jig yod// de gnyis med na skye 'jig med// skye 'jig med pas yang dag lam// rang la gnas pas

  140. 70b

    btsal du med// rang bzhin gnas pa'i chos nyid de/ cir yang brtag par mi bya zhing // spyod pa'i mtha' dang rnam par bral// ma brtags ma dpyad chos nyid de// skad cig tsam du mi 'bral zhing // yongs la gnas pas gdal ba'i klong // kun gyi rang bzhin 'di yin pas// kun 'byung snying po theg pa'i mchog/ rnam par dag pa'i klong chen la// dpag cing dmigs su ye nas med// 'on kyang dam par blta ba med// med par blta ba dam pa'i klong // kun gyi rang bzhin 'di yin pas// spyod yul phyogs med ye sangs rgyas// 'di la phyogs cha yongs mi mnga'/ 'di la sgrib pa bsal du med// 'di la bsngags pa brjod mi dgos// chos nyid stong pa gzhi med 'di// la las rgyal po'i tshul du mthong // la las dmangs dang 'khor ltar mthong // la las yang dag nyid du mthong // 'di la mthong ba bsam mi khyab// ji ltar mthong yang rang yin te// rtog pa ma skye yang dag ltos// the tshom ma za dbyings su grol// grol bas yon tan khyad par 'phags// sangs rgyas rnams ni chags pa che// dus gsum rgyun du dbyings la zhe na// sems can rnams ni rtog pa che// rang snang gcig la gzhan du rtog/ dbyings la chags bral chags chen po// mi gnas don la sbyor ba'i phyir// yangs shing rgya cher rab gsal bas// klong gsal mar me myur du

  141. 71a

    mthong // mthong ba med pa'i mthong ba ni// stong pa nyid kyi don mthong yin// bag chags sad nas mthong ba min// rgyun chad med pa'i don mthong yin// sgrib pa zad nas mthong ba min// ye shes shar nas mthong ba yin// bya bral chos kyi snying po la// tshig dang lo mas mtshon du med// sgra dang tshad mas gzhig tu med// dbyibs dang kha dog mthong du med// rkyen gyis cir yang 'char ba'i phyir// snang grag chos la blo mi gtod// zhen yul logs na med pa'i phyir// dngos po rdzas la sems mi chags// rkyen gzhan logs na med pa'i phyir// rang gi chos la rang gis spyod// snang thos kun dang bral ba'i phyir// sems kyi gzhi rtsa nang du bcad// rnal 'byor lam chen yin pas na// 'gyu ba sbom phra'i the tshom bcad// tshad dang bral ba yin pas na// nyams myong phra mo'i khar mi gtong // zhes gsungs so// klong chen rab 'byams rgyal po'i rgyud las/ sgro 'dogs nang du bcad pa'i le'u ste bcu gcig pa'o// // de nas yang bcom ldan 'das kyis de nyid kyi dgongs pa ma nor ba'i don du gsungs pa// dgongs pa'i zhe phugs don gyi gcod// 'di las ma gtogs grol ba'i lam// gang nas su yis btsal du med// rmongs pas ma rtogs don tshol ba// dmus long mig la 'od tshod 'dra// rang blos brtags pa'i lha spyod kyis// ye nas gnas

  142. 71b

    pa'i don 'tshol ba// rin chen gling na rdo 'tshol bzhin// gser dang ra gan nor bas bslad// gzung dang 'dzin pa 'khor ba'i rgyu// chos su brtags pa sdug bsngal yin// mnyan bsam mang po g.yeng ba'i rgyu// bsgom zhing bsgrub pa bya byed blo// dkon mchog gsum po btags pa'i ming // lam mchog 'di las gzhan na med// med pa de nyid kun gyi lam// sems nyid klong chen blang dor med// mtha' rnams med cing dbus kyang med// mtha' dbus bral ba'i chos nyid la// dgag dang bsgrub pa med pa'i phyir// skye med kun shong yangs pa'i klong // 'khor ba dag dang mya ngan 'das// chos rnams ma lus thams cad kun// ye nas bya bral klong du dag/ rig pa'i shar lugs nam mkha' dang // cho 'phrul bzhin du dbyer mi phyed// 'khor 'das bde sdug ma lus pa// klong yangs dkyil 'khor gcig tu gnas// rang rig rang snang btsal ba med// dbyings la rig pa cir shar yang // dbyings nyid bltas pas da ltar mthong // bde gshegs rgyal ba'i zhing khams dang // log rtog 'khrul pa las byung ba'i// dmyal ba'i gnas chen yan chad du// shar yang rgyu gcig chos nyid klong // mnyam nyid gcig la cir shar yang // bkag pa med pas yangs so che// btsal du med pas ye nas che// sems kyis dbang bsgyur 'khor 'das chos// thams cad

  143. 72a

    kun kyang dmigs su med// skye med kun tu bzang mo'i dbyings// phyogs med rkyen gyis cir shar yang // 'dod dgur 'byung zhing snang bar zad// shes rab rnam grol dag pa la// yul med rig pa klong du gsal// bdag rtog dngos po nam mkhar zhi// dngos por brtags kyang stong pa'i klong // ye nas 'dzin pa med pa la// stong pa nyid du gang rtog pa// 'khor ba'i sa bon btab pa yis// rgyu 'bras zag/ bcas gnas su gol// 'khor 'das gnyis su snang ba yang // mnyam pa'i rgyal po de las med// de bzhin nyid la 'khor 'das dag/ dag dang ma dag gcig las snang // snang yul zhen pa'i ngo bo med// stong pa'i phyogs su gang 'dzin pa// de bas zhen pa'i bdud du song // rang gi mtshan nyid 'dzin pa dang // dngos por 'dzin pa ldog pa la// stong pa zhes su btags par zad// rang rig gcig gi ngo bo la// stong dang dngos po'i sgro 'dogs med// sdug bsngal drag pos gzir ba'i dus// 'khor ba'i btson rar gnas tsam na// byang chub sems kyi rang bzhin la// sdug bsngal de yi mtshan nyid dang // bde bar snang ba'i rgyu mtshan med// rang rig dbang du 'dus pa dang // rang byung ye shes mnga' brnyes pas// thams cad rnams grol lam chen der// gcig tu 'gro bar thag chod pas// mtho dman med pa'i lam yang de// bzang

  144. 72b

    ngan med pa'i gnas kyang de// thams cad de ru thim pa'i phyir// 'khor ba'i g.yang sa byang chub sems// dbyings la gol sa med pa'i phyir// bdag rtog mtshan nyid ye nas med// nam mkha'i ngang du kun grol bas// nam mkha' dag dang cho 'phrul bzhin// mtshan nyid med las rtog pa 'byung // rang byung rang zhi shes bya'i babs// ngang du grol lo bya bral klong // sna tshogs snang yang byas pa med// sna tshogs gcig las shar ba'i phyir// gcig tu rang zhal rang gis ltos// gnyis med zug phrad gdams ngag 'di// sangs rgyas dgongs pa mdzub tshugs yin// sems klong gcig las med pa'i phyir// byang chub sems las logs na med// sems kyi gnas lugs ye grub la// chos nyid da gdod bsgrub tu med// nam mkha' 'dra ste ye nas grub// a ti bya btsal bral ba'i phyir// 'bras bu gzhan la rag ma lus// shar lugs nyi zla'i 'od ltar gsal// dgag tu med de rang gi mthu// ye shes mthong gsal nyon mongs dag/ theg pa'i shan phyed gol sa gcod// g.yang sa dbyings su shugs las dag/ yin lugs dmigs su med pa'i phyir// dngos po rnams kyi klong brtol nas// stong dang dngos por go bzlog ste// dngos yin chen por la yang bzla// ye yin btsal ba'i yul las 'das/ tshig chod mtshan ma'i yul mi gnas// grol lugs rgyun chad med pa

  145. 73a

    la// dus gsum mnyam nyid skye 'gag med// thams cad ye nas sangs rgyas klong // skye shi 'pho 'gyur ming yang med// phyi nang chos rnams thams cad kun// bdag gzhan gnyis su med pa'i phyir// mnyam pa'i ris med thig le'i klong // thams cad byang chub sems kyi dbyings// rang bzhin gcig las g.yos pa med// mi 'gyur bde chen ji bzhin klong // gzhi gnas ye grol btsal mi dgos// ji ltar bsgom zhing rtsol ba yang // 'bad pa byas pas mthar lhung ste// g.yang sa med las gol sa byung // de yang 'og ma nor ba'i lam// bdag las gzhan du bogs 'don la// rang gi chos nyid rang gis bslad// ri dwags smig rgyu bsnyeg pa dang // long bas mkha' la nyul ba bzhin// rnyed du re ste mi rnyed do// 'bras bu ye shes tshogs ni sems nyid de// bsod nams ye shes byang chub sems la rdzogs// spyod pas mi 'dzad ma bsags bri ba med// klong yangs nam mkha' rgya mtsho lta bu yi// tshogs chen rnam gnyis rang la rdzogs// rig pa'i shar lugs 'jig rten dang // 'das pa lta bur snang mod kyi// gnyis ka ma skyes 'khor ba med// 'khrul 'khor med pas 'khyams sa med// byang chub sems kyi gzhi ni nam mkha' 'dra// mi 'gyur brtan pa'i klong du ye nas gnas// skye med yul dang bral ba la// sgra

  146. 73b

    bsam rtog pa'i mtha' las 'das// so so'i mtshan nyid mi gnas pas// sgyu ma'i klong ltar ngos gzung med// ces gsungs so// klong chen rab 'byams rgyal po'i rgyud las/ tshogs gnyis rang rdzogs kyi le'u ste/ bcu gnyis pa'o// // de nas yang bcom ldan 'das kyis ma bcos pa'i dgongs pa 'di bka' stsal to// chos kyi dbyings la mtha' dbus med// ming gis mtshon pas mtha' dang dbus// chos kyi dbyings la bdag gzhan med// yul gyis phye bas bdag dang gzhan// chos kyi dbyings la dmigs su med// gzhan du btags pas dmigs dang gnas// chos kyi dbyings la btsal du med// btsal du med pa'i don de las// rang bzhin gnas pas de bzhin nyid// de la sus kyang bcos su med// ma bcos klong na mnyam par gnas// bder gshegs kun gyi pho brang ste// mya ngan 'das pa'i lam po che// chos kyi dbyings las sna tshogs snang // gzhan du bskyod pa rdul tsam med// ma bskyod thabs kyi rol pa yang // kun tu khyab las mnyam pa'i dbyings// sems kyi klong las gar ma g.yos// thog mar skye ba'i gzhi med pas// byang chub sems la rtsa ba med// 'khor 'das byung sa med pa la// rang byung yin pas gzhi nas shar// bar du gnas pa'i yul med de// rig pa'i klong du thams cad gnas// tha mar 'gro ba'i yul med

  147. 74a

    de// dbyings kyi ngang du thams cad 'gro// de la rang rgyud sbyang du med// gzhan du btsal kyang chos mi rnyed// 'gro 'ong med pa dgongs pa'i klong // de la gnas pa rtog pa'i ngang // khams gsum 'khor ba'i chos rnams kun// ye nas sangs rgyas yin pa la// 'phral du rkyen gyis bskur du med// sangs rgyas pa dang dmyal ba'i gnas// ris su gcad du med pa la// byang chub sems su gcig pa'i phyir// gnyis su dbye ba yod ma yin// thams cad mnyam par gnas pa la// phyogs 'dzin med pas bde klong yin// rgyud drug 'khor ba'i g.yang sa yang // rang la gnas pas rang du dpyod// sems can gud na yod ma yin// shes bya rang gi chos nyid bab// de la chags sdang skye rgyu med// dngos po yul du cir mi gnas// dngos po med pas che chung dang // brtags pas yul du mthong ba med// rgyal ba rnams kyi dgongs pa yang // mnyam pa nyid kyi dbyings la sbyor// mnyam pa'i dbyings las cir yang 'byung // nor bu rin chen yon tan gter// sus kyang ma bskyed dbri bsnan med// 'phel 'grib med cing 'pho 'gyur med// yod med 'dzin dang bral ba'i phyir// ye nas dbyer med zang thal klong // thams cad rang byung rang shar la// nges med chen po mtha' dang bral// 'di la ting 'dzin btsal du med// spyod pa bde dang mi

  148. 74b

    bde bral// rang bzhin g.yos pa med pa la// lta ba klong chen nam mkhar btags// skye med dbyings las thams cad skyes// skye ba'i cho 'phrul skye med rgyan// de bzhin nyid las ma g.yos par// rol pa skye ba ltar snang yang // 'pho 'gyur med pas skye med dang // 'jig 'bral med pas rdo rje'i klong // cis kyang mi shigs 'du 'bral med// dbyings la 'du 'bral med pa'i phyir// phyi nang med pas shar nub med// dngos gzhi med pas 'khor 'das med// rgyu 'bras med pas dge sdig med// de ste dge sdig mtshan ma'i chos// glo bur yin phyir don du med// rgyu 'bras dbyer med thig le che// rtsa ba med pa'i byang chub sems// thams cad rang sems rig pa'i rgyan// yang dag lam gcig bde ba'i mchog/ bde chen lam la 'jug ldog med// dbyings la dbyings shar rig pa'i stobs// mi rtog bsgom pa bzang rtog yin// rnam par rtog dang khyad med de// gnyis ka bzang ngan med par mnyam// de yang rig pa rang gi stobs// de la bsgom dang ma bsgoms dang // gnyis su lta ba'i chos med de// gnyis med rang grol ye klong dang // khams gsum snang srid ma lus pa// sems kyi rang bzhin dngos yin pas// byang chub sems kyi klong du grol// mnyam pa'i klung la ngang gis gnas// 'di ltar snang ba'i dngos po kun// gdos pa can gyi

  149. 75a

    chos min te// byang chub sems kyi rol pa yin// sems ni rang rig skye med de// yul dang yul can mtha' las 'das// skye med dbyings la zad mtha' med// nam mkha'i dbyings la thug pa med// gzung 'dzin yul la 'phro sa med// skye med dbyings las thal drags pas// bsam las 'das pas yul med gsal// phyogs dus yul dang dbang po'i chos// lhun grub klong du ye nas mnyam// thig le gcig la dbyer mi phyed// klong chen gcig gi rang bzhin la// klong phran mtha' yas kun shar yang // kun nas zlum pas dbye bsal med// des na 'gro ba thams cad kyi// lam chen byang chub sems kyi klong // byang chub sems kyi klong chen la// gdags gzhi phyogs su ma grub kyang // gdags bya cir yang ma 'bab pas// btags ltar snang bas dbyings zhes bya// gzhi med chos la btags pa'i phyir// de la mtha' ga la yod// mkha' 'dra rin chen gter bzhin du// ngo bo nyid kyi nus mthu yis// cir yang snang la rang bzhin med// dmigs su med cing yul las 'das// spyod yul med cing 'di 'drar med// bstan du med cing dpyad du med// skye 'gag med cing brjod bya med// mtha' las 'das pas rang bzhin med// mtha' med byang chub sems kyi klong // rang byung ye shes klong dkyil nas// ston pa bstan

  150. 75b

    pa 'khor dus gnas// phun sum tshogs par btags pa kun// sna tshogs chos la dbang bsgyur ba// rang gi mthu las ye nas shar// theg dgu sku gsum bstan pa yang // gdul bya'i blo la tha dad kyang // byang chub sems gcig yon tan las// phye bas dgu dang gsum du byung // gdul bya'i zhing dang 'dul byed dang // gnyen po ye shes phra rags dang // brgyad khri bzhi stong theg pa'i grangs// mnyam pa'i klong las ma g.yos te// tha dad med par dbyings su gcig/ mdo sde 'dul ba mngon pa dang // sde snod gsum la sogs pa yi// bstan pa rab 'bring tha ma yang // logs su btags pa 'khrul pa'i rgyu// cir snang chos kyi dbyings nyid las// gzhan du 'gyur ba med pa'i phyir// dbyings nyid gcig gis kun byas te// byed mkhan rang la dngos gzhi med// cir yang byar med rig pa'i klung // byas dang ma byas mnyam pa'i klong // mnyam dang ma mnyam gnyis mi dmigs// de bzhin nyid la yul med pas// yul can rdzas su grub pa med// sna tshogs chos la so sor btags// chos nyid gcig pu ye nas dben// snang zhing srid pa ma lus dang // khams gsum 'di dag thams cad kun// bde chen byang chub sems las spros// byang chub sems las spros med pas// thams cad theg le gcig gi klong // thig le klong chen gdal ba la// phra ba'i

  151. 76a

    klong phran bzhi byung ste// byang chub sems kyi gnas yin te// cir yang gnas shing cir yang blta// lta ba phyogs med klong chen yin// byang chub sems kyi shar lugs de// cir yang shar zhing cir yang spyod// spyod pa nges med klong chen yin// byang chub sems kyi yin lugs de// cir yang yin la cir yang bsgom// bsgom pa dmigs med klong chen yin// byang chub sems kyi grol lugs de// cir yang grol la cir yang grub// 'bras bu bsgrub med ye grub klong // gcig las bzhi ru byung bas na// rang byung rang shar yon tan yin// gcig gi klong nas kun shar bas// dbyer med gcig tu 'dus pa'i phyir// gnyis 'dzin tha dad klong du zad// lus sems grub dang ma grub med// snga phyi med par mnyam pa las// ma skyes skyes mnyam gzhi rtsa med// bag chags bsags dang ma bsags pa'i// chags pa'i gnas la rten med pas// nam mkha'i tshul du rang byung ba'o// don la 'di zhes bya ba'i chos// dmigs gtad bca' ba med mod kyang // snang grags chos kun rang byung bas// stong nyid dbyings kyi rgyan du che// byung tshor bsam gyis mi khyab kyang // de nyid dbyings su dbyer med pas// rang byung rang zhi rang gi mthu// des na de las nyams pa med// don la g.yos pa med pa'i phyir// rtse gcig bzhag pas sangs rgyas sar// 'gro

  152. 76b

    ba med de ye sangs rgyas// des na g.yo 'gul med pa'i phyir// sangs rgyas sa la rang bzhin gnas// g.yo dang mi g.yo'i tha snyad kyang // mtshon pa tsam du btags pa las// rang gi ngo bo brjod las 'das// shin tu gting ring dpag dka' bas// yangs la gting zab nam mkha'i klong // nam mkha'i klong la kha gting med// rang gsal rig pa phyi nang med// ji ltar dngos gzhi med pa'i phyir// dpes mtshon 'byung chen nam mkha' la// yod dang med ces gdags su med// sgro skur bral ba'i chos nyid la// bzang ngan gnyis kyi nad dang bral// gong bzhin sems nyid nam mkha' la// btsal du yod dang med pa'i mtha'// dmigs pa'i yul dang bral ba ste// yul med de la dmigs pa'ang med// mi btsal rang bzhin klong du bzhag/ bya bral dbyings kyi ngang du thim// gzhag dang ma bzhag tha snyad med// mi bsam mi brtag rang lugs la// rtog pa ci skyes mi 'gag pas// gzhag tu med pa'i gzhag thabs yin// ma bzhag 'gro 'ong med pas na// rig pa rang sa zin pa'i phyir// bsgom du med pa'i bsgom thabs yin// 'khu 'phrigs yid gnyis mi za bas// bcos su med pa'i bcos thabs yin// chos nyid ma dang 'phrad pa'i phyir// 'gyur med gnad la phebs pa yin// bsam yas snang yang de la snang // der snang gzhan du ma

  153. 77a

    mthong bas// yon tan rang la rdzogs pa ste// de las gzhan du ci yang med// med pa'i don la mi blta ste// bltas dang ma bltas gnyis su med// rang sar grol bas chos nyid klong // zhes gsungs so// klong chen rab 'byams rgyal po'i rgyud las/ byang chub kyi sems gzhi rtsa med par bstan pa'i le'u ste bcu gsum pa'o// // de nas yang bcom ldan 'das kyi dgongs pa'i don ma nor pabar gsungs pa/ mi dmigs mi btsal de bzhin nyid// de las gzhan du mi 'gyur na// 'dzin chags skyon gyis de mi gos// rang gi shes rig dam pa la// gza' gtad bca' ba'i yul med pas// chags sdang gnyis kyi blo mi skye// bsam pa'i yul dang bral ba la// bsgom dang mi bsgom med pa'i phyir// rtogs pa'i klong las nyams pa med// chos can chos nyid gcig pa la// dbye bsal blang dor med pa'i phyir// 'phrul pa'i rjes su mi 'brang ste// mtshan bcas mtshan med bsgom pa la// dmigs par bya ba'i yul med pas// rtogs dang mi rtog dbye bsal med// dang du blang rgyu med pa la// bor bar bya ba'i yul med pas// btang snyoms le lo'i khar ma lus// 'dod chags zhe sdang gti mug kyang // bde ba chen po'i rgyan yin pas// chags sdang rtsad nas gcad du med// grol dang ma grol blo yin te// 'dzin pa'i rtog pa

  154. 77b

    yin pa'i phyir// gzung 'dzin med na 'ching grol med// 'dzin pa'i dgra ru grol ba che// grol bas grol na rang yin pas// ma grol bas kyang grol bar rigs// gnyis 'dzin rtog pa'i bye brag de// rang snang gcig gi stobs las byung // rtogs pas grol ba yin pa'i phyir// ma rtogs pas kyang grol bar rigs// rang snang gcig tu 'dra ba'i phyir// byang chub sems la 'ching grol med// 'ching grol mnyam pa'i chos nyid la// rtogs dang ma rtogs ye nas med// mnyam nyid dgra ru rtog pa che// ma rtogs skyon du blta ba'i phyir// mnyam pa ris med don las nyams// nyams su blangs kyang mnyam byed la// ma blangs bzhag pa rtogs pa'i blo// klong la ci dang cir shar yang // bzang rtog ngan rtog phyogs su 'dra// lus 'chos sems 'chos nyams myong rten// mnyam pa nyid la 'chos pa de// nam mkha' bzo yis 'chos pa bzhin// gnyis su 'dzin pa'i dgra ru che// rim pa brgyad kyi lha sgom yang // 'bad rtsol byas nas sangs rgyas 'dod// sangs rgyas dgongs pa mnyam nyid la// mi rtog rtog pa dgrar langs pas// mnyam nyid mtha' ru lhung ba'i phyir// dgra bo bsad pa'i las byas na// skyon yon gnyis bsdus chos rnams kun// mnyam pa chen por kun 'dus te// rang rig klong du gnad bcad nas// skye med don la ngo sprad

  155. 78a

    pas// dgra dang gnyen la chags sdang med// thams cad byang chub sems su gcig/ dgra dang bur mnyam gser dang rdo// gang nas gzhal yang mnyam pa'i phyir// mnyam pa'i don las g.yos pa med// mnyam pa'i don las ma g.yos pas// de la bzang ngan med pa'i phyir// thams cad sangs rgyas ma rgyas med// ci ste skye 'gag med par gcig/ tha dad snang yang ma skyes pas// skye med klong du dbye bsal med// klong chen gcig po kun yin pas// thams cad kun gyi dngos gzhir shar// phyogs 'dzin gang yang ma spangs pas// phyogs med kun tu shar ba yin// zang thal yin pas kun tu shar// mu mtha' med pa chos kyi dbyings// rang byung ye shes rgya chad med// rang bzhin gcig la mtha' med pas// byang chub sems la rgya chad med// med pa'i phyogs su ma 'gags pas// stong pa nyid du lta bar byed// rang bzhin 'pho/ 'gyur med pa'i phyir// stong par 'dzin pa blun po'i tshig/ dngos por 'dzin na log sred can// blta bya lta byed gnyis su med// gnyis med mnyam pa'i klong du grol// mnyam pa nyid la lta byed na// mi mnyam spangs pas log rtog ste// de yang gnyis snang 'khrul pa'i blo// cir yang ma 'gags phyogs med pas// mnyam dang mi mnyam mtha' las grol// rang rig 'khrul pa'i gzung 'dzin gyis// phyogs 'dzin mtha'

  156. 78b

    la spyod pa ni// rnyed par mi 'gyur tshe chad nas// btsal ba'i spyod yul kun las 'das// bsam pa'i yul du snang ba med// ces gsungs so// klong chen rab 'byams rgyal po'i rgyud las/ don mnyam pa nyid du bstan pa'i le'u ste bcu bzhi pa'o// // de nas yang bcom ldan 'das kyis dgongs pa'i don ma nor ba'i don// 'khor rnams la bka' stsal ba/ byang chub bde ba'i klong chen na// log rtog 'khrul pas brtags nas ni// rgyu dang 'bras bu'i don rtogs pa// yang dag gnas su de mi skyol// don mthong lam nas log pa bzhin// rang gi snang tshul ma shes pas// rgyu rkyen med la de yang bsgrib// rang bzhin g.yo/ 'gul med pa la// de ltar de bzhin gnas pa ni// ji ltar gnas kyang rang gi sems// gzhan du snang ba rdul tsam med// rang las ma gtogs gzhan zhig tu// gud du cir yang btsal du med// stong pa'i blo dang mtshan ma'i rtags// dus rnams rtag tu dbyer med pas// de ltar de bzhin gnas pas ni// ji ltar gnas kyang byang chub sems// stong pa'i bzhag sa logs na med// gnyis med rig pa'i don de la// nyams su blangs dang ma blangs blo// bsgoms pas mtshan ma'i klung mi zlog/ de nyid rang bzhin gzhir bzhag la// sangs rgyas rnams kyis ci la bsgrubs// gang yang dmigs su med pa la// sems can blang dor ci la

  157. 79a

    byed// ting 'dzin ro la mi chags shing // chags sdang gnas nas mi skye ba// de yi rang bzhin rtogs las byung // sangs rgyas sems can gnyis med la// 'khor 'das bzang ngan mi 'byed pa// de yi dang ngam shugs las 'byung // sa dang lam la ma bgrod kyang // de bzhin nyid las ma g.yos pas// cir spyad zag pa med las 'byung // cir yang mi snang mi dmigs dang // gang yang ma mthong cir mi bsgom// nges pa'i don la bltas pas gsal// sangs rgyas rnams kyi grub pa'i mtha'// skye 'gag med pa'i don 'di nyid// rgyal ba kun gyi lam po che// 'di las gzhan pa'i dgongs pa ni// sangs rgyas rnams la yongs mi mnga'// dgongs pa 'di las thams cad 'byung // 'phags pa'i yul dang gnas kyang gsal// sems can lus dang bag chags kyang // 'di la rten bcas snang ba yin// theg pa'i khyad par ji snyed pa// de yi mthu las byung ba yin// mchog tu gsang ba'i chos nyid 'di// zhi ba la phra ste brtag dka' bas// dmigs shing bsam pa'i yul ma grub// bsgom zhing bsgrub pa'i khar ma lus// sems kyi ngang la bsam du med// rang byung ye shes bsgrub mi dgos// nam mkha'i klong la bzo byar med// rgyal sras rang du snang ba'i phyir// 'di la 'bras bu thob tu med// don gyi ngo bo gzhan min pas// rnam thar lam du

  158. 79b

    'jug mi dgos// thugs rje shugs kyis 'byung bas na// re ba'i lam la btsal mi dgos// chags sdang gnas las ma 'phags par// gzung dang 'dzin pa'i stegs bcas nas// phyogs med 'bras bu 'dod pa ni// khyi rgan 'dab chags bsnyeg pa bzhin// zab mo'i dgongs pa 'char mi 'gyur// rnam par mi rtog don 'tshol nas// snang ba ris su bor bas ni// stong pa'i phyogs su kha lta ba// rgyus med lam du zhugs pa bzhin// g.yas su phyin pas g.yon du 'khyog/ mi rtog 'dod pa rtog pa'i nad// 'khor ba'i btson ra dam por 'khyams// bcos par dka' la lhung tshabs che// des na cir yang bsgom mi bya// zhes gsungs so// klong chen rab 'byams rgyal po'i rgyud las// mi rtog pa bsgom du med pa'i le'u ste bco lnga pa'o// // de nas yang bcom ldan 'das kyis 'khor rnams la dgongs pa ma nor ba'i don 'di gsungs so// 'di zhes dmigs su med pa dang // mtshan ma'i yul las 'das pa yi// nam mkha' lta bu'i chos nyid de// kun la gsal snyoms nyi zla'i 'od// gti mug mun pa sel ba yi// sgron ma lta bu'i byang chub sems// tha ram sgo lcags dam po de// 'byed par byed pa'i lde mig ste// 'phrul chen gsang ba'i sgo phye nas// sku gsum nor bu'i gter mdzod bstan// de mthong rgyal ba rnams dang mnyam// rnam thar 'byung ba'i

  159. 80a

    klong chen 'di// mchog gi dgongs pa zab mo ste// dman pa'i theg pas 'di mi mthong // theg mchog shin tu yangs pa'i chos// zab par gyur pas gzung du med// bzang bas mi zin chu zla bzhin// kun snyoms kun 'byung nam mkha'i klong // rdzogs chen bya bral yangs pa'i chos// snying po'i ngang la bya btsal bral// rang sems rnam dag mkha' dbyings klong // mtshan nyid de mthong rgyal ba'i sras// thams cad kun tu bzang po'i klong // cir snang kun tu bzang po'i mkha'// mkha' dbyings dag pa'i klong dkyil de// 'khor 'das rnams kyi 'gro sa yin// rdzogs so rdzogs so 'di ru rdzogs// 'di la thams cad ma lus rdzogs// 'dus so 'dus so 'di la 'dus// phyi nang 'khor 'das 'di ru 'dus// 'di las shin tu zab pa'i chos// btsal yang rgyal bas mi rnyed de// sems can rnams kyis de ma rig/ ma rig sems dang bcas nas 'gro// 'gro ba'i lam chen drang srong shul// mkha' klong yangs pa kun du bzang // thams cad 'di ltar shes pa na// bla med lam mchog ye nas thob// legs par brtags na sems nyid rang // mnyam nyid rig pa'i 'byung khungs yin// dus gsum rgyal ba ma lus kyang // gang du ma bzhud de kho na// gang du mi gnas de kho na// gang nas ma byung de kho na// dbyings la gzhi bzhag yin

  160. 80b

    pas na// sangs rgyas gzhan na rdul tsam med// mya ngan 'das pa'i zhing khams de// khams gsum sems can btson ra ste// gnyis med 'dus pa'i klong chen de// kun la snyoms pa'i 'gro khungs yin// de la med pa btsal du med// de la yod pa spang du med// stor bral med pa'i klong chen de// 'du 'bral med pa'i pho brang yin// byang chub sems kyi mtshan nyid yin// thams cad kun la mnyam par gnas// g.yos pa med par rgyun du gnas// rang bzhin dag par rgyun du gnas// mtshon du med par rgyun du gnas// kha dog dbyibs su mi rtog ste// rang gi mtshan nyid dmigs su med// de shes don la 'da' ba med// yon tan lhun gyis rdzogs pas na// rang gi sems las ma gtogs pa'i// chos gzhan logs na ye nas med// 'di la phyi dang nang med pas// gnyis su mi 'byed phyi dang nang // rang bzhin kun tu bzang mor gcig/ pha rol tshu rol ma mthong bas// mtha' gnyis klong du mnyam par gnas// mnyam nyid gcig la gnyis med pas// mi 'byed rgyal ba'i sku ru gcig/ rgyal ba'i sku las ma gtogs pa'i// ting 'dzin yul la bsgom mi dgos// dbang po rang yan ma gtogs pa// dben pa'i dgon gnas bzung mi dgos// yul sems klong du gcig pas na// nyams dga' phyi rol blta ru med// lam dang 'bras bu'i chos

  161. 81a

    rnams kun// ye nas mtshon du med pas na// rnam thar sa la bgrod mi dgos// bstan pa'i snying po rang yin pas// lha srin sde brgyad mthu che yang // sangs rgyas thugs la brgal du med// 'di la sus kyang bcos su med// 'di la gang yang 'da' ba med// su yis dgongs nas ci zhig bsgom// ma bsgoms mtshan ma rang sar grol// bya dang mi bya'i las rnams kyis// zin par cung zad mi 'gyur te// ma byas ye nas sangs rgyas sa// gdod nas dag pas mchog gi dkyil// dka' thub brtul zhugs mi dgos pas// byang chub klong du bde bar gnas// gang la ci yang mi dgos shing // ye nas rnam dag skyon med pas// 'phags pa'i sa la ma bgrod phyin// chos dbyings 'phags pa kun gyi gnas// kun gzhi rnam dag byang chub sems// sems las med par gsungs pas na// sems nyid ji ltar gnas kyang rung // de nyid gang du shar kyang rung // rol pa'i snying por rang 'byung bas// phyi nang kun gyi 'byung sa yin// ye nas snying po gzhi rtsa med// ci yang med las cir yang 'byung // skal dang ldan pas rtogs 'gyur te// skal med rnams kyis rtogs pa min// zhes gsungs so// klong chen rab 'byams rgyal po'i rgyud las/ dbyings la 'gro 'ong med par bstan pa'i le'u ste bcu drug pa'o// // de nas yang bcom ldan 'das

  162. 81b

    kyis dgongs pa ma nor ba 'di gsungs so// phyogs ris kun dang bral ba la// mtha' dang dbus su mi dmigs te// sgo dang skur ba med pa'i phyir// blang dang dor ba yongs kyis med// rgyu 'bras kun las 'das pa'i phyir// ye nas rkyen gyis bskyed du med// rgyu rkyen bral ba'i chos nyid la// mu stegs lta ba mdud pa can// rtag chad gnyis kyi ngan dpyad kyis// mtha' bral lta ba ma rtogs te// gnyis su zhen pa phyogs 'dzin bdud// a ti yo ga'i lta ba ni// chos nyid rgya chad med pa la// gnyis ka rang shar rang grol bas// mu stegs ma spangs rdzogs chen rgyan// nyan thos lta ba mdud pa can// yul sems 'brel med skad cig blta// yod med mnyam pa'i chos nyid la// med pa 'dod pa phyogs 'dzin bdud// a ti yo ga'i chos nyid la// gnyis ka rang shar rang grol bas// nyan thos ma spangs rdzogs chen rgyan// rang rgyal lta dud pa can// yul stod gcig la shes pa gtad// rten 'brel bcu gnyis 'jug ldog byed// 'byung 'jug mnyam pa'i chos nyid la// yod par 'dod pa phyogs 'dzin bdud// a ti mnyam pa'i chos nyid la// gnyis ka rang shar rang grol bas// rang rgyal ma spangs rdzogs chen rgyan// sems tsam lta ba mdud pa can// rang gsal gzung 'dzin dag pa la// rang sgo bden par blta ba ste// shel sgong dag pa'i tshul

  163. 82a

    shes pas// bdag med gnyis 'dod phyogs 'dzin bdud// gang yang 'dra ba'i chos nyid la// gnyis ka rang shar rang grol bas// sems tsam ma spangs rdzogs chen rgyan// dbu ma'i lta ba mdud pa can// rig pas kun rdzob spros bcad nas// don dam spros med ngang la 'jal// bden gnyis don la yid ches blta// gnyis med mnyam pa'i chos nyid la// gnyis su blta ba phyogs 'dzin bdud// gnyis su med pa'i chos nyid la// gnyis ka rang shar rang grol bas// dbu ma ma spangs rdzogs chen rgyan// kri yA'i lta ba mdud pa can// kun rdzob snang ba rigs gsum blta// don dam dag pa'i mtha' dang bral// rje khol tshul du lta bar byed// bzang ngan mnyam pa'i chos nyid la// gnyis su 'dzin pa phyogs 'dzin bdud// chos nyid mnyam pa'i don 'di la// gnyis ka rang shar rang grol bas// kri yA ma spangs rdzogs chen rgyan// u pa'i lta ba mdud pa can// blta spyod gong 'og rjes su 'breng // gcig la lta zhing gcig la spyod// gnyis 'dzin kha brag phyogs 'dzin bdud// gnyis ka'i tshul du lta byed pa// gong 'og mnyam pa'i chos nyid la// gnyis ka rang shar rang grol bas// u pa ma spangs rdzogs chen rgyan// yo ga'i lta ba mdud pa can// don dam snang la rang bzhin med// kun rdzob dag pa'i byin rlabs lha// mtshan med mnyam

  164. 82b

    pa'i chos nyid la// lhar snang phyogs su 'dzin pa'i bdud// gang yang 'dra ba'i chos nyid la// gnyis ka rang shar rang grol bas// yo ga ma spangs rdzogs chen rgyan// ma hA'i lta ba mdud pa can// thabs dang shes rab sgor zhugs nas// bden pa dbyer med spyod yul bral// chos nyid mnyam pa'i don 'di la// spyod yul bral ba phyogs 'dzin bdud// gnyis ka rang shar rang grol bas// ma hA ma spangs rdzogs chen rgyan// a nu'i lta ba mdud pa can// dbyings dang ye shes sgor zhugs nas// kun tu bzang po bzang mo gnyis// gnyis su med pa'i bde chen blta// yod kyang mnyam pa'i chos nyid la// gnyis med phyogs su lhultung ba'i bdud// rgya chad med pa'i chos nyid la/ gnyis ka rang shar rang grol bas// a nu ma spangs rdzogs chen rgyan// bya bral dang du kun rdzogs pas// ma 'dres yongs su rdzogs pa'i rgyan// ma spangs rang sar grol ba'i klong // sangs rgyas sku dang sems can lus// ji ltar snang ba dbyings kyi rgyan// zhes gsungs so// klong chen rab 'byams rgyal po'i rgyud las/ theg pa rang grol gyi le'u ste bcu bdun pa'o// // de nas bcom ldan 'das kyis dgongs pa ma nor pa'i don gsungs pa/ 'gro kun ye nas sangs rgyas nyid// nyon mongs ye shes bdud rtsi ste// 'khor ba'i g.yang sa byang chub sems// dug

  165. 83a

    gsum sku gsum gtan nas sprugs// skye shi rtsad nas bcad pa dang // khams gsum yongs su bsgral ba dang // gzung 'dzin rnam gnyis bsreg pa dang // bya byed gnyis snang thams cad kun// nyid la nyid 'dzin nyid spyod pas// rtsa ba byang chub sems kyi klong // byang chub sems ni chos kyi skur// ye nas gnas phyir gzhan ma yin// rgyal ba rnams kyang de yi sku// phyi nang gsang ba'i theg mchog/ kyang // ji snyed bstan par grags pa kun// sems nyid de yi yon tan de// sems las ma gtogs chos med pas// sangs rgyas bya ba logs na med// sems nyid klong du ma grol zhing // chos nyid ngang du ma shes na// gnyis su 'dzin pa'i blo can ni// nam mkha'i klong du mdud pa bor// phyogs 'dzin sems kyi mdud pa ste// brtag tu med la rtog ge byung // bltas pas ma mthong bsam du med// a ti'i lta ba phyogs ris med// bltas kyang skyon kyis gos pa med// ma bltas mtshan ma rang sar grol// gnyis med rang grol lta ba yin// yod med gnyis kyi lta ba la// phyogs su 'dzin pa'i mdud pa bkrol// spyod pa blang dor med pa la// a ti'i bsgom pa dmigs gtad med// bsgoms kyang skyon gyis ma gos te// rang byung rol pa rang la shar// ma bsgoms mtshan ma rang sar grol// rang byung gnyis med bsgom pa yis// bsgom du

  166. 83b

    yod dang med pa'i phyogs// gnyis su 'dzin pa'i mdud pa bkrol// spyod pa blang dor med pa la// spyad kyang skyon gyis mi gos te// rang byung ye shes shar lugs yin// ma spyad mtshan ma rang sar grol// rang grol gnyis med spyod pa yis// ched du rtsol ba'i mdud pa bkrol// a ti'i 'bras bu spang thob med// bsgrubs kyang skyon gyis mi gos te// rang byung yon tan rang la shar// ma bsgrubs mtshan ma rang sar grol// gnyis med rang grol 'bras bu yis// re dang dogs pa'i mdud pa bkrol// bsrung mtshams med pa'i dam tshig la// bsrungs kyang skyon gyis mi gos te// rang byung rol pa rang gi rgyan// ma bsrungs mtshan ma rang sar grol// gnyis med rang grol dam tshig gis// skyon yon 'byed pa'i mdud pa bkrol// bya btsal med pa'i phrin las la// rtsol bsgrub byas kyang skyon med de// rang byung ye shes rol pa yin// ma byas mtshan ma rang sar grol// gnyis med rang grol phrin las kyis// phyogs su byed pa'i mdud pa bkrol// sa lam bcad bgrod med pa la// sbyang zhing bgrod kyang skyon med ste// rang byung rol pas lam shar// ma spangs ma bgrod rang sar grol// gnyis med rang grol sa lam gyis// ched du bgrod pa'i mdud pa bkrol// zhes gsungs so// klong chen rab 'byams rgyal po'i rgyud las/ mdud 'grol gyi le'u

  167. 84a

    ste bco brgyad pa'o// // de nas yang bcom ldan 'das kyis 'khor rnams la gsungs pa/ klong chen rgya yan phyogs med kyis// phyogs 'dzin mtha' yi mdud pa bkrol// 'ching ba gnyis kyi mdud pa dang // sgrib pa gnyis kyi mun pa bsal// mun sel sgron ma rin po che// 'gro drug sangs rgyas zhing du gsal// phyogs mtshams bla 'og mtho dman kun// thig le gcig gi rgyar mnyam pas// sangs rgyas gong na med par gsal// 'khor ba 'og na med par gsal// 'khor 'das rgyu 'bras rang nyid pas// 'gro drug sdug bsngal der bkrol kyang // byang chub sems la bdag gzhan med// mnyam pa'i don la mtho dman med// mtho dman med pa mnyam pa'i khar// rig pa chos nyid brdal ba'i rdzong // kun la khyab pas brdal ba che// gnyis su med pas 'pho 'gyur med// mi 'gyur brtan pas rdo rje'i bdag/ ye nas gnas pa'i rang bzhin te// rdo rje'i mkhar rdzong phyogs med don// yul med rig pa'i mtshon cha yin// ye nas de ltar grol ba la// 'dod 'byung cir yang 'char bas na// yon tan nor bu rin po che// ye nas de yi ngo bor gnas// de la skye shi med pa dang // 'pho 'gyur med pas 'bras bur gdags// 'bras bu rang du shes pa la// gol sa g.yang sa ga la yod// yod kyang shugs kyis chod pa'i phyir// g.yang sa zhes pa ga/

  168. 84b

    la yod// g.yang sa nyid kyang byang chub sems// sems kyi mdud pa ma khrol bar// 'phags lam logs nas tshol ba ni// btson bu dong na 'gro ba bzhin// thar du re ste mi thar ro// 'dod na gang 'dod mtha' yin te// yod par 'dod na rtag mthas bcings// med par 'dod na chad pa'i blo// rtag chad gnyis kyi mdud pa de// rnal 'byor 'ching bar byed pa'i sgrog/ de yi mdud pa ji ltar 'grol// 'og ma'i lam stsogs lam gzhan gyis// bkrol bas khrol ba ma yin te// zhen pa'i zag pas bcings par mchi// gsang ba'i mdud 'gro la 'di lta ste// mtha' la skyon du mi blta bas// 'ching dang grol bar mi byed de// mtha' gnyis ma spangs rang grol bas// gnyis med tsam du mi gnas shing // gnyis ka ltar yang rang shar bas// mtha' bzhi rgya yan nam mkha'i klong // 'ching grol gnyis med rang sar bde// gcig bde gnyis bde kun kyang bde// khams gsum sems can kun kyang bde// dus gsum sangs rgyas rnams kyang bde// rang snang chos sku'i klong na bde// chos sku 'pho 'gyur med pa la// 'khor 'das chos kun ci bder bzhugs// de la nges pa med pa'i phyir// byed spong cir yang ma 'gags pas// de yi klong du ci bder spyod// spyod yul gang yang mi 'gog pas// ci la yang nyam nga med pa dang // gang yang thogs pa med

  169. 85a

    pa'i phyir// su zhig gang la gang gis 'ching // 'ching grol nyid du byang chub sems// de ltar go ba'i skyes bu de// gang dang gang gis spyod yul la// mtha' dang bral bar spyod pa ni// nga bdag med pa'i chos nyid la// ma bcos ma bslad ngang gis gnas// yin par nges pa'i chos nyid la// ma nor nges pa'i don shar bas// ji bzhin klong na blo bder gnas// skye 'gag med pa'i chos kyi sku/ ma skyes pas na/ mi 'jig cing // ma shar bas na mi nub ste// ma byas pas na brlag pa med// dngos su mi snang phyogs dang bral// ma byung bas na mi 'gro phyir// 'gro 'ong med par ye nas gnas// kun la khyab cing sgrib med pas// nam mkha' lta bu'i bde chen sku// yod med ming dang bral bas na// mtshon du med pa chos kyi sku// che chung bongs tshod gzung med pas// dngos gzhi med pa chos kyi sku// mtshan ma'i yul dang bral ba'i phyir// tha snyad med pa chos kyi sku// yul dang yul can ma grub pas// blta ru med pa chos kyi sku// mngon zhe na gnyis dang bral ba'i phyir// gzung du med pa chos kyi sku// dpe med dpe las 'das pa dang // tshad med tshad las brgal ba'i phyir// sgo dang skur pa'i mtha' las 'das// mtha' med klong na phyogs med bde// zhes gsungs so// klong chen rab 'byams rgyal po'i rgyud las/ gsang ba bde chen gyi le'u ste bcu

  170. 85b

    dgu pa'o// // de nas yang bcom ldan 'das kyis gsungs pa// chos sku bsam du med pa dang // longs sku dpag tu med pa dang // sbrul sku bsam gyis mi khyab pa// kun gyi 'byung gnas 'di yin pas// thams cad thams cad rang byung che// stong nyid tho chen 'bar ba las// rang byung ye shes don shar bas// phyi nang med par brdal ba'i phyir// thams cad kun kyang blang dor med// e ma gsang ba rmad du byung // skyes bu dam pas de rig 'gyur// sngon chad de ltar ma rig pas// 'khor ba'i sa bon de las byung // sangs rgyas 'khyams pa ngo mtshar che// sngon gyi sangs rgyas rnams kyis kyang // spang blang med pa'i don mthong nas// nyon mongs byang chub blang dor med// nyon mongs rang bzhin gang yin pa/ gzhi rtsa med las byung ba'i phyir/ rang byung ye shes rang shar bas/ de yang gnyen po med pa yin/ byang chub sems kyi rang bzhin kyang // de dang snga phyi med par 'byung // rang byung ye shes rang shar bas// de yang nub pa med pa yin// nges par rtogs na de las med// legs par mthong na bcos mi dgos// the tshom chod na gdeng dang ldan// sems kyi dam pa de las med// sems kyi rang bzhin lhun gyis grub// sems kyi mtshan nyid ma skyes pas// ji bzhin klong na ci bder gnas// rtsa ba sems nyid klong chen de// gcig tu nges par gzhag

  171. 86a

    tu med// dgongs pa nyams myong klong chen de// mnyam pa'i ngang las ma g.yos pas// bzhag dang ma bzhag mtha' las 'das// nges pa rnyed pa don gyi mchog/ rab tu rnyed dka' rtogs pa'i gdeng // skal med rnams kyis rnyed mi 'gyur// skal ldan skyes bu'i spyod yul te// 'di yi dgongs gzhi ma mthong bar// gzhan du rtsol ba a re 'khrul// bya byed mang po 'khor ba'i rgyu// bslab slob mangs pas lam gyi gegs// spro bsdu mang po sems kyi gzer// mtshan ma'i rjes 'brangs sha thang chad// de na 'di yi don ma rtogs// skye bar byed pa'i sgo yang 'di// 'chi bar byed pa'i lam yang 'di// dbugs chen 'byin pa'i sa yang 'di// ye nas sangs rgyas nyid dang mnyam/ bdag nyid chen po kun 'dus dpal/ dpal gyi thugs te bya bral klong / rang byung ye shes nyi ma yis/ ma rig ling thog bsal bas mthong / so so'i ston pa 'di ru mthong / so so'i 'khor kyang 'di ru mthong / so so'i bstan pa 'dir mthong ste/ kun tu snang bas brdal khyab che/ sangs rgyas kun gyi sa yang mthong / rang gis dge ba'i bshes gnyen byed/ rang gis nyan pa'i 'khor yang byed/ rang gis bstan pa'i lam yang byed/ gsang sngags bla na med pa'i lam/ nges par bstan pa de las med// drang ba'i don la zad mtha' med// drang don tshig gi lo ma kha// nges pa nges

  172. 86b

    pa'i theg pa 'dis// the tshom thams cad gcod byed cing // bgrod par dka' ba'i lam btsal nas// mthong bar dka' ba'i don mthong 'gyur// de don mngon du gyur pa la// rgyu la ltos dang ma ltos dang // 'bras bu thob dang ma thob dang // yul la rtog dang ma rtog dang // snod la dag dang ma dag dang // dbang la bskur dang ma bskur dang // shes bya 'byongs dang ma 'byangs dang // gang la rten med klong chen 'di// shin tu rnal 'byor rdzogs chen lung // la la byin rlabs gtso bor bshad// 'di yi byin gyis kun la brlabs// thun mong yon tan bsam mi khyab// khyad par mchog gi go 'phang che// la la gzhan nas thob par 'dod// 'di la shor thob med pa'i phyir// 'di yis 'bras bu kun la smin// las 'bras khyad du mi gsod pas// thun mong yon tan bsam mi khyab// khyad par go 'phang mchog gi gnas// la la slob dang mi slob pa// 'di la 'di zhes bslab tu med// ma bslabs kun gyis ye nas shes// nyan bshad thos pa mi dgos pas// mtshan ma rang grol khyad du 'phags// la la dmigs dang mi dmigs pa// 'di la dmigs shing goms pa med// ma dmigs kun tu gsal ba'i phyir// sgrib g.yogs med pa khyad par 'phags// khyad par 'di la rtsal thon pas// thugs rje gzhan nas 'byung mi dgos// las 'bras khyad du

  173. 87a

    gsad mi dgos// ma gsal gsal bar bya mi dgos/ ma mthong ba yi don mthong bas// kun gsal 'gyur med chos kyi dbyings// zhes gsungs so// klong chen rab 'byams rgyal po'i rgyud las// rig pa spyi blugs su bstan pa'i le'u ste nyi shu pa'o// // de nas yang gsungs pa// rig pa rang sgo bde ba la// mtshan dang dpe byad med mod kyang // rang gi snang ba longs skur shar// byang chub sems dpa'i ngo la snang // thugs rjes kun tu khyab pa la// yul dang yul can med mod kyang // rang gi snang ba sbrul skur shar// khams gsum sems can ngo la snang // chos sku mtshan nyid med pa la// rigs dang brgyud du med mod kyang // 'khor 'das yongs la khyab par gnas// longs sku mtshan dang dpe byad ldan// sbrul sku chos shes gnas pa yin// gang la byar med chos sku 'di// mtshan dang ldan dang mi ldan med// chos la shes dang mi shes med// kun la nye ring med pas na// nam mkha'i mtha' ltar mnyam par gnas// kun gyis brtags kyang 'di ma mthong // sangs rgyas rnams kyis ma mthong bas// lha dang bcas pa'i 'jig rten pa// kun gyis brtags kyang de ma mthong // zhing khams dag pa mtha' yas kyang // dmigs med de yi mthu las byung // rgyal ba dpag tu med pa yang // dmigs med rang gi sprul pa yin// des

  174. 87b

    na dbyings las kun 'byung bas// bya bral klong chen kun gyi gzhi// yongs su 'dus pas srog gi mchog/ de rtogs gang la gsal byed pa// khyad par 'dis ni go phye bas// 'khor 'das thams cad dus gcig/ gsal// rgyal ba rnams kyi thugs brtol bas// gsal byed nyi ma rang la shar// srid pa gsum gyi sems can kyang // ye shes nyi ma'i klong na shar// phan dang gnod pa'i bye brag kyang // stobs chen rang byung ye shes mthu// bde ba can gyi zhing khams kyang // rang byung ye shes rang gi mthu// de dag rang rang yon tan kyang // stobs chen rang byung ye shes rtsal// sa la gnas pa'i rig 'dzin dang // lam la gnas pa'i sa pa yang // rang byung ye shes mkhyen pa'i stobs// de dag nyan bshad smra ba dang // kun nas kun tu longs spyod pa// chos kyi dbyings kyi byed spyod yin// kun gyi rang bzhin byar med 'di// chos kyang bya ba med pa'i chos// skye med tshul du ye sangs rgyas// spyod kyang bya ba med par spyod// zab mo don gyi longs spyod yin// kun kyang dbyings su longs spyod de// thams cad dbyings kyi ngang las byung // dbyings las shar zhing dbyings la gnas// dbyings la gnas dmigs med pa'i phyir// 'khor 'das kun gnas dmigs pa med// 'dod chags zhe sdang gti mug dang // nga rgyal phrag dog la sogs pa// dug lnga dang ni rigs lnga

  175. 88a

    yang // dbyings la bye brag med par gnas// de bzhin nyid du gcig pa'i phyir// gnyis med dbyings kyi longs spyod yin// de bzhin sangs rgyas sems can dang // las dang thugs rjes bskyed pa yang // dbyings la 'byung 'jug med pa'i phyir// sems nyid klong chen de yi stobs// klong chen mthu las ma gtogs pa'i// gdags pa'i tha snyad yod med dang // mthong ba'i rnam pa yod med dang // bltas pa'i yul la gsal mi gsal// 'khor ba'i btson rar 'jug mi 'jug/ sangs rgyas sa la 'gro mi 'gro// dus gsum sangs rgyas rnams kyis kyang // sngon chad gzhan du bstan pa med// des na nges par 'di yi mthu// byang chub sa la bkod ma bkod// snying po'i don la gnas mi gnas// kho na nyid du rtogs mi rtog/ yang dag don la rtogs mi rtog/ yang dag don la 'jug mi 'jug/ nges pa'i lung bstan thos ma thos// gzhan na yod pa ma yin te// thams cad thams cad dbyings kyi rgyan// dbyings la gzhi rtsa med pa'i phyir// thams cad skye ba med pa yang // dbyings la 'gag pa med pa'i phyir// de dag thams cad 'gag pa med// skye 'gag med pa'i rig pa de// de bzhin nyid de ma bcos pa// ma nor lam mo ma bslad pa// chos kyi dbyings so bsam mi khyab// yang dag mtha' 'o stong pa nyid// 'di ltar zab po brtag par

  176. 88b

    dka'// 'di ltar yangs so rgya che bas// gang zhig de ltar gnas pa de// rgyun chad med la gnas pa yin// skye 'gag med la gnas pa yin// zhes gsungs so// klong chen rab 'byams rgyal po'i rgyud las/ spyod yul bstan pa'i le'u ste nyi shu rtsa gcig pa'o// // de nas yang bcom ldan 'das kun rig gis gzhan yang gsungs pa// dus gsum skye 'gag med pa la// lta ba'i yul yang skye 'gag med// rgyun chad med pa lta ba'i mchog/ sgom pa'i gnas kyang skye 'gag med// rgyun chad med pa bsgom pa'i mchog/ spyod pa'i sgo yang skye 'gag med// rgyun chad med pa spyod pa'i mchog/ grub pa'i 'bras bu skye 'gag med// rgyun chad med pa 'bras bu'i mchog/ khyab pa'i snying rje rgyun chad med// rtsol ba'i phrin las rgyun chad med// bsgrubs pa'i yon tan rgyun chad med// bsngo ba'i byin brlabs rgyun chad med// bsrung ba'i dam tshig rgyud chad med// skye 'gag med dang bcas pa yis// gsang ba'i dbyings kyi mthong brtol bas// rgyun gyi rang bzhin 'di rtogs te// rgyun mi chad par gnas pas dbyings// rgyun mi chad par grol bas klong // 'khor ba'i chos kyang rgyun mi 'chad// mya ngan 'das pa rgyun mi 'chad// lam la rtsol ba de dang mtshungs// gsang ba'i chos kyang de las med// ngo bo dmigs su med pa'i phyir// bri ba'i chos kyang de

  177. 89a

    las med// dus gsum rgyun du mi 'bral bas// snang med gcig la cir yang snang // mthong med gcig la cir yang mthong // thos med gcig la cir yang zos// gang mthong cir zos cir snang yang // dbyings las gzhan du mi 'char na// rtogs ldan skyes chen rang gi mthu// dus rnams kun tu bde la gnas// thams cad de yi klong du grol// de la mtshan ma mi dmigs pas// rang rgyud sbyang zhes de la bya// rang bzhin sbyangs par ma shes pas// bskal pa bye ba brgya stong du// rang sems sbyangs pas mi 'byongs te// rang bzhin dri ma bkrus mi 'dag/ nam mkha' bkrus kyang mi 'dag bzhin// rang byung dri ma bkru mi dgos// de la dngos por mi rtog pas// dgag sgrub med ces de la bya// rang bzhin khegs par ma shes na// bskal pa bye ba du ma ru// bkag kyang khegs par mi 'gyur te// rang sems yin par dgag tu med// rang byung mtshan ma dgag mi dgos// de la sngon du mi blta bas// blang dor med ces de kho na// rang bzhin dbyer med ma shes na// bskal pa bye ba phrag brgya ru// blang dang dor ba byar mi langs// rang sems yin pas thug pa med// rang byung ye shes mtha' med la// mi mthun gnyen po bsten mi dgos// des na skad cig yud tsam la// dbyings kyi mtshan nyid de rtogs pas// sangs rgyas sa la gdon mi

  178. 89b

    za// de phyir thams cad skye med dbyings// byang chub nyid du nges pa'i phyir// skal ldan the tshom med par byos// gang dag de bzhin rtogs pa de// snying po byang chub la gnas pas// thams cad ji ltar snang yang rung // thams cad ji ltar shes kyang rung // thams cad ji ltar yin kyang rung // 'gro nyal za 'chag spyod lam bzhi// gang du snang zhing ci zhig byed// dbyings las 'gyur ba med pa'i phyir// ma byung ma skyes ma sgrasmras rgyal// mi snang rgyun gyi chos sku dang // snang ba gzugs sku'i thugs rje yang // rgyun chad med par 'byung ba'i phyir// nam mkha'i klong nas cho 'phrul bzhin// rang byung rang zhi rgyun mi chad// snying po byang chub sems kyi klong // skal ldan skyes bu de nyid la// ye nas spyi blugs yin pa'i phyir// phyogs su dmigs par mi bya'o// gang mthong dam pa'i don du mthong // gcig mthong thams cad mthong ba yin// de la the tshom mi za bas// sangs rgyas kun gyi dgongs pa mthong // 'di ltar yongs su shes gyur na// 'gro ba kun gyi don shes 'gyur// de shes rig pa phyogs med la// brjod med rang rig nyams shar bas// rang byung ye shes 'char nub med// mtha' yi mun pa mi mnga' bas// phyi nang med par kun la gsal// gting gi mun pa mi mnga' bas// ma rig gnyen pos gzhom mi dgos// kha gting med par kun la gsal// phyi nang

  179. 90a

    sgong phur med pa'i phyir// mngon du byung ba'i lung zhes bya// rnam dag lam chen de yin pas// mi g.yo rtogs pa'i klong zhes bya// dmigs pa'i mtha' las 'das pas na// mi gnas chos sku'i ngo bo nyid// rgyu rkyen med par rang byung bas// rang byung ye shes nam mkha' che// thams cad de ru 'dus pas na// ma 'dres yongs rdzogs theg pa'i rgyan// sgra brjod bsam las 'das pa'i phyir// tshad dang bral ba'i byang chub sems// rang bzhin mtshan nyid gcig la yang // yon tan stobs kyis cir yang snang // rang bzhin mtshan nyid med pa la// smon lam stobs kyis cir yang 'grub// skal dang mi ldan skye bo yis// bskal pa dang ni mi tshe ru// de yis phyogs su btsal mod kyang // rang gi mthu yis rang bsgribs nas/ log par mthong bar brgya phrag yas// ji tsam gnas kyang ngo ma shes// nye 'dug ring du 'tshol ba yi// skal med rnams la snang mi rung // skal ldan dag pa'i blo can la// g.yogs pa med par khyab pa dang // che chung med par mthong ba dang // bzang ngan med par spyad pa dang // mtho dman med par brtol pa dang // yangs dog med par shong ba dang // rgyu 'bras med par len pa dang // pho mo med par spyod pa dang // mun snang med par mthong ba dang // snga phyi med par grol ba dang // las kyis 'grub dang mi 'grub

  180. 90b

    dang // rnam smin sog dang mi sog dang // skye ba yod dang med pa dang // 'gag pa yod dang med pa dang // de dag thams cad dus gcig gsal// de yang dbyings la rig pa'i stobs// rang gi cho 'phrul nyid du snang // gang gis mi mthong mi rtog pa'i// skal med skye bos de mi shes// thams cad de yi rang bzhin la// rang snang log pas de mi shes// kun la yod de nye yang ring // zhes gsungs so// klong chen rab 'byams rgyal po'i rgyud las/ rtog pa mngon gyur gyi le'u ste nyi shu rtsa gnyis pa'o// // de nas yang bcom ldan 'das kyis nyid kyi dgongs pa'i don ma nor bar gsungs pa/ lhun gyis grub pa'i chos nyid la// 'bras bu mi zad gter dang ldan// 'khor 'das thams cad de las byung // snang grags thams cad de la spyod// btsal ba med pas bya bral dang // nam mkha'i klong ltar yongs la khyab// gser gyi rdzas ltar gcig las snang // tha dad shar yang gcig tu rdzogs// rtsa ba mi 'gyur 'bras bu gcig/ de las byung ba'i chos rnams kun// nyid kyi ngo bor ma gyur pa'i// gzhan du snang ba ci yang med// ma spros kun la khyab pa'i phyir// phyi nang med par gdal ba che// dus gsum bzhugs pa'i sangs rgyas dang / khams gsum 'khor ba'i sems can kun// rdo rje snying po'i ngo bo ru// ye sangs rgyas pa'i chos nyid la// kun kyang

  181. 91a

    gnas phyir ye nas grol// kun grol chen po blta ba'i klong // rang byung ye shes btsal med pas// ched du 'bad pa med pa ru// tshegs med don chen ye nas 'grub// skyon yon gang yang ma spangs pas// blang dor gnyis su mi blta bas// rang sar grol bas gang dgar bzhag/ bzhag dang mi bzhag med pa ru// chos nyid klong du grol ba la// dbye bsal spang blang ngang gis med// btsal ba med cing bsgrub tu med// nges par grol lo gza' gtad med// lhun gyis grub po phyogs ris med// de ltar go ba'i skal ldan la// bsgom dang ma bsgoms med pa dang // mtshan ma rang sar grol ba'i phyir// gnyis su med pa'i byang chub sems// chos nyid byang chub sems 'di ni// byang chub nyid las med pa'i phyir// de la grol dang ma grol med// ji ltar byas kyang mi 'da' bas// skye 'gag med pa'i klong chen yin// gzhan du 'char ba med pa'i phyir/ nyid la nyid kyi phyogs ris med// rgya chad phyogs lhung med pa'i phyir// thams cad gnyis med klong du gnas// lta ba phyogs med rang grol klong // gser gling lta bur dbye bsal med// bsgom pa phyogs med ye klong dang // bye rlung lta bur dbyings su thim// spyod pa phyogs med rang shar klong // chu klung lta bur 'jam zhing dal// 'bras bu phyogs med ye grub klong // yul klung lta bur ma

  182. 91b

    'dres gsal// 'khor 'das thig le nyag gcig la// rang rang zhe 'dod rtsol sems kyis// lha bsgom spyod pa 'bras bu rnams// gser dngul phra men rdzas lta bur// ma 'dres yongs rdzogs gcig gi rgyan// khyad par gyur pa a ti'i rdzong // bshigs pas mi shigs rdo rje'i mkhar// de la skye 'gag med pas na// nam mkha' lta bu'i chos nyid yin// nam mkha'i klong na gang byas bde// lhun grub klong du gang shar grol// 'khor 'das rig pa tshig chod la// mnyam dang mi mnyam sems kyi stobs// dbye bsal med do gcig gi klong // gnyis mtha'i dros thag bcad pa'i phyir// mtshungs med phyogs med gtan tshigs kyis// yul snang zhen pa kun bkrol nas// phyogs ris med do ye gdal che// de don 'gyur med gnad la phebs// phyogs med rig pa kha yan gyis// mthar 'dzin spros pa kun bcad nas// dgag sgrub med par ye nas mnyam// yul sems ris su mi 'byed pas// yul med rig pa rang shar gyis// gtan tshigs zhen pa'i gting phyung nas// rgyu 'bras med do chos nyid che// de la phyogs su rtsol 'dod pa// dag dang ma dag gol sa ste// rim pa brgyad po lam gyi gnas// yid ches rang gzhan gnyis kyi lung // the tshom gol sa shugs kyis chod// phyi nang med par 'od gsal bas// mtha' yi mun pa klong du dag/ rgyu rkyen gnyen

  183. 92a

    pos mi g.yo bas// 'jig 'dral med pa chos kyi sku// ma rig med pa ye shes klong // thams cad grol ba nam mkha'i klong // zhes gsungs so// klong chen rab 'byams rgyal po'i rgyud las/ ma 'dres yongs su rdzogs pa'i le'u ste nyi shu rtsa gsum pa'o// // de nas yang bcom ldan 'das kyis 'khor rnams la 'di skad ces bka' stsal to// g.yos pa med la mi rtog na// bdag nyid rtog pa blor mi snang // mi rtog pa la 'jug 'dod na// rnam par rtog pa'i sa bon 'debs// gal te mi rtog don mthong yang // mi rtog ma yin snyam byed blo// 'gyu ba phra mo ting 'dzin gegs// rtsa ba byang chub sems 'di la// yod par brtags pas dngos po'i mtha'// med par brtags pas stong pa'i blo// stong pa'i blo la 'dzin pa yod// dngos po'i mtha' la brtag tu med// dngos po thams cad mi rtag pas// de bas mtshan ma nyes dmigs chung // skal dang ldan pa'i skyes bu de// mi rtog don la 'jug mi byed// stong pa'i don la blo mi gnas// nyams myong bzhag sa mi 'tshol bas// zhen cing chags pa'i yul mi gnas// dran pa'i zag pa mi 'dogs pas// 'dzin pa'i rtog phur de la med// thams cad sangs rgyas yin pa'i phyir// snying rje'i yul dang gnas mi dmigs// mi rtog klong yangs chos sku de// bltas pas mi mthong bzhag pas

  184. 92b

    gsal// thams cad kun la gsal ba'i phyir// shar nub med par gdod nas gnas// thams cad kun la khyab pa'i phyir// lhun gyis grub par ye nas gnas// gang la rtog pa med pa'i phyir// mtshan ma'i chos las ye nas 'das// thams cad snying po byang chub la// stong nyid chos sku gzhan na med// spyod yul kun la snyoms pa'i phyir// zhing khams rnam par dag pa nyid// ye nas de bzhin gnas pa la// ci phyir su la gang zhig 'dri// dpe yis mtshon par bya ba dang // tshig tu brjod pa med mod kyang // re zhig nye bar bstan pa'i phyir// kun la khyab cing mtha' dbus med// nam mkha' lta bu'i byang chub sems// dngos po gnyis dang bral ba'i phyir// sgro skur 'das pa'i byang chub sems// 'dod dgur 'byung zhing thabs mi spong // rin chen lta bu'i byang chub sems// phyi nang med par yongs su gsal// sgron ma lta bu'i byang chub sems// g.yo 'gul med par kun tu 'byung // rgya mtsho lta bu'i byang chub sems// bcos bslad bral bas bsgyur du med// gser zhun lta bu'i byang chub sems// mtshon pa'i bla dgas bsam yas kyang // bstan pa'i dngos po gcig las med// ming gi rnam grangs cir btags kyang // don gyi ngo bo gcig las med// dpe re don re mtshon pa'i brda'// ming dang bla dwags bod pa'i tshig/ sgra dang tha snyad mtshon pa'i

  185. 93a

    chos// dngos gzhi med pa'i chos nyid la// ci la rtog cing ci la spyod// btsal bar bya ba'i yul med pas// dpes mtshon tshig tu brjod du med// de nyid dang ni de ma yin// ji bzhin pa dang de las gzhan// ma nor pa dang 'khrul pa dang // ma bcos pa dang bcos pa dang // gzhan ma yin dang rang yin dang // chos can dang ni chos nyid dang // dbyings dang dngos po la sogs pa// bzang ngan bye brag 'byed pa ni// 'di kun rang bzhin 'khrul pa'i blo// byang chub sems la dbye ba med// stong nyid snying po'i klong chen 'di// skad cig rtogs pa tsam gyis kyang // byang chub klong du der son pas// mtshan ma'i chos la rag mi lus// stong pa'i chos la blo mi gnas// cir yang med las gar yang snang // mthong ba med par kun tu gsal// brtags na ma rnyed cir yang 'char// dngos po med las snying po 'byung // rang bzhin med par kun la khyab// dngos gzhi med par thams cad 'byung // bsgrub tu med par ci yang 'grub/ gtang bzhag med par rang la gnas// 'dod pa med par don kun 'grub// 'dod dgur 'byung bas btsal mi dgos// ye shes nyi ma rang la shar// gsang sngags don kun bskyed pa'i gzhi// gdul bya ma lus 'dul ba'i zhing // thams cad bdag nyid byang chub klong // mi mdzad mdzad pa mthar phyin pas// dus gsum

  186. 93b

    rgyal ba ma lus kyis// phrin las ci mdzad 'di yis mdzad// khams gsum sems can thams cad kyis// bya ba ci byed 'di yis byas// nyid la byas pa gang yang med// ma byas don kun 'grub pa'i phyir// 'dod 'byung nor bu rin po che// cho 'phrul chen po 'byung ba'i gzhi// chos kyi 'khor lo bskor ba'i tshul// zhes gsungs so// klong chen rab 'byams rgyal po'i rgyud las/ don la g.yos pa med pa'i le'u ste nyi shu rtsa bzhi pa'o// // de nas yang bcom ldan 'das kyis nyid kyi dgongs pa ma nor pa'i don 'di gsungs so// ji srid chos rnams thams cad kun// rtsa ba rang gi byang chub sems// yan lag snang grags kun tu shar// sems nyid ye nas ma skyes pas// 'khor 'das skye med dus gcig rdzogs// nyon mongs bde sdug la stsogs kun// spang du med de bdag nyid rang // byang chub sems las gzhan med pas// skye med rang gi rgyan du rdzogs// dge ba'i bsam gtan dus tshigs dang // spyod yul ngo la snang ba'i chos// dngos po kun gyi rang bzhin yang // byang chub sems nyid de yi rgyan// thams cad rgyan ldan yongs rdzogs pas// rdzogs pa chen po dbyer med chos// la la yin la la la min// kun kyang 'dra bar yongs rdzogs pas// 'og mas bgrangs pa'i bye brag med// skye ba med pa'i chos nyid la// rgyu rkyen med de

  187. 94a

    cir yang 'char// sna tshogs nor bu ji bzhin no// kun la ji bzhin de nyid las// kun kyang sangs rgyas yin par 'dra// 'gro 'ong med par mkha' dang mtshungs// 'jug ldog med par dbyings su grol// rgyu rkyen zad pas nyon mongs dang // 'ching grol med pas dgag sgrub bral// thog mtha' med pas rgyun mi 'chad// de la dus gsum gang sems pa// mnyam pa'i don la gol ba yin// dus gsum med pa'i chos nyid la// gzhi rtsa med ces btags pa yin// gtad med phyogs bral gzhi yi chos// 'khrul pa kho nar rnam brtags kyang // dbyings la ther zug gang yang med// brtags gzhi med cing nges pa med// yin min med par kun shar bas// bzang ngan med par kun grol yin// mtho dman med par kun gsal bas// bye brag med par grol ba yin// yang dag don la dmigs btsal bas// rgyu rkyen 'di yin med pas na// chags sdang gnas med byang chub lam// skye med 'gag med lta ba'i rgyan// ye shes bdud rtsi 'khor ba 'joms// thog babs car phog shugs 'byung dang // klong rdol rang shar shar lugs kyis// 'gro drug grong khyer gtan nas brtsam// skye shi med par ru ma brlag/ khams gsum ma lus yongs su bsgral// de la gnyis kyis bsdus pa'i chos// ci ru snang yang phan gnod med// srid gsum ming du

  188. 94b

    btags pa tsam// chos nyid ye srid skye mi srid// rig pa ma 'gags cir srid kyang // sangs rgyas zhing ste skye ba med// skye med sna tshogs kun gyis bdag/ ye nas yin pas kun ma skyes// ma skyes pa yi chos nyid la// rgyu rkyen gnyis su gang blta ba// 'dus ma byas la rgyab kyis phyogs// yang dag don la sgro skur btab// rang gis rang bslus snying re rje// 'di ni sangs rgyas zhing khams te// bde ba can ni logs na med// ci ste sdug bsngal ma spangs kyang // cir yang mi snyam grub pa med// bde ba mi 'dod dang ma chags// chags sdang gtan nas ma grub pas// gnyen po med de dbyings su dag/ dbyings su ma dag gang yang med// klong du ma grol ci yang med// brtags pas dbyings kyang dbyings su stor// 'khor ba'i chos kyang dbyings su stor// mya ngan 'das pa klong du thim// 'khor ba'i chos kyang dbyings su shar// mya ngan 'das pa klong nas byung // klong las dbyings shar ngo mtshar che// thog mar gang nas ma 'ongs pas// gzhi gnas yin te 'pho 'gyur med// da ltar gang du mi gnas pas// nges med yin te bya btsal bral// tha mar gang du mi 'gro bas// thig le gcig la dus gsum med// dus gsum med pas skye 'gag med// skye 'gag med pa'i rig pa de// cir yang 'char bas gad la khyab yin// ga la khyab yin pas rgya ma chad// phyogs su

  189. 95a

    ltung ba med pas na// gang gis gang la phan gdags sam// gnod pa su la su yis skyel// rgyu dang 'bras bu gang gis byed// snga phyi med pas rgyu 'bras med// rgyu 'bras med pas 'khor 'das med// 'khor 'das med pas byang chub med// de la 'bras bu gang 'dod pa// yang dag don la rgyab kyis phyogs// snga phyi thog mthar ma skyes pas// gnas kyang skye ba med par gnas// shar yang skye ba med par shar// yin yang skye ba med par yin// grol kyang skye ba med par grol// de la skye bar sgro 'dogs pa// rang ngo ma shes snying re rje// gal te skye ba yod gyur na// khams gsum ming du btags pa yi// sems can ma lus thams cad kyi// sha rus bsags kyang mkhar mi shongs// skye med dbyings su grol bas na// 'gro ba'i lam chen mkha' yi dbyings// nam mkha'i ngang la kun spyod pas// 'gag pa med par shar ba yin// rang byung rang zhi skye 'gag med// tshig chod yin pas 'jug ldog med// 'o na 'di ltar snang ba 'di// rgyu rkyen ci las byung zhe na// rang byung yin pas rgyu rkyen bral// nam mkha' dngos por mi 'gyur bzhin// skye shi med pa'i rig pa la// mtshan mas bshig pa'i go skabs med// 'di ltar snang ba'i chos rnams kun// ci yang ma yin ngo bo las// cir yang rnam par rang shar bas// rtag dang chad pa'i sgro skur

  190. 95b

    med// ces gsungs so// klong chen rab 'byams rgyal po'i rgyud las/ mtha' 'grol gsang ba'i le'u ste nyi shu rtsa lnga pa'o// // de nas yang bcom ldan 'das ston pa'i rgyal pos yang dag pa'i don bka' stsal pa/ gang las gyur dang ma gyur pa'i// chos su btags pa ji snyed pa// gang phyir gang gis btags pa yin// 'dogs pa'i mkhan po su zhig yin// gdags pa'i gzhi ni gang la yod// yul dang gnas ni su la brten// gang las gyur na rang las gyur// ma gyur pa yang rang yin te// rang ngo shes par bya ba'i phyir// rang gis rang la ming du btags// 'dogs pa'i mkhan po rang nyid kyis// gdags gzhi/ med pa'i don la gdags// rang gis chags par gyur pa yis// shugs kyis de la bltas gyur nas// mtshan ma sna tshogs cher rgyas pas// bu mo ming med ming du song // yul med yul zhes ming du btags// gnas med gnas zhes mid du btags// yul dang gnas su gcig pa la// las dang bag chags tha dad byung // rang rang rgyu dang 'bras bur btags// rgyu la zhen pa brtas pa las// 'bras bu mtshan ma'i yul du byed// rgyu 'bras med pa'i don las log/ rgyu 'bras gcig pa'i chos nyid de// rgyu nyid 'bras bur rang snang bas// rgyu la zhen du med pa ste// ma zhen 'bras bu der rdzogs pas// yul la

  191. 96a

    brten yang mi dgos te// gnas la btsal ba'i yul dang bral// thabs dang thabs las byung ba yi// rgyu mtshan zad ka'i 'bras bu de// thabs las byung phyir rang byung min// rang byung thabs la mi ltos te// shes rab rtsal la'ang de mi ltos// rang bzhin bcos bsgyur med pa la// ma bcos pa yi 'bras bu gnas pa yin// rig pas dpyad du de la med// shes rig yul du ma gyur pas// ma rig ma shes med pa'i phyir// ma rig pa dang chos kyi sku// ming la tha dad don du gcig/ las las byung bas sems can gyis// ma rig pa ru btags pa yin// ye shes dag las grub pa yi// rgyal ba rnams kyis chos skur btags// las dang thugs rje dbye ba med// ma rig chos sku rang bzhin gcig/ sangs rgyas sems can don du gcig/ rgyur gyur pa dang rkyen du gyur// 'bras bur gyur dang gnyen po'i mthu// las kyis brtags dang rtogs pas brtags// ming gis brtags dang nus pas brtags// sems can las kyis brtags pa dang // lam pa rtog pas brtags pa dang // sangs rgyas ming gis brtags pa yin// gang du brtags kyang rtog pa la// gang du dpyad kyang 'dzin pa'i blo// rtog dpyod bral ba'i chos nyid de// nam mkha'i klong ltar mnyam par gnas// nam mkha' de la mtha' med bzhin// chos nyid rtog pa'i yul las

  192. 96b

    'das// nam mkha' de la dbus med bzhin// chos nyid dpyod pa'i mtha' las grol// rtog dpyod bral ba nus pa'i mthu// sems klong de yi nus pa yin// de las mi 'da' rol pa dang // de las mi 'gyur spyod pa dang // rang bzhin gcig la gnas pa dang // ngo bo gcig la gnas pa dang // mtshan nyid tha dang shar ba dang // yon tan phyogs med 'byung ba dang // sprul pa cir yang 'gyed pa dang // mkhyen pa'i gzigs tshul cir snang yang // skye 'gag med pa de yi mthu// klong chen chags med rang gi rtsal// skye med chos sku'i klong chen des// 'khor 'das kun la rgyas btab pas// rang bzhin med par spyod pa da nga// chags pa med par gnas pa dang // chos nyid don las mi 'da'i phyir// dgongs pa mnyam par gnas pa yin// mi 'gag longs sku'i klong chen des// mtha' gnyis yul du mi 'dzin pas// theg chen sgrib pa gcod pa dang // phyi nang med par gsal ba dang // zag med dge ba 'phel ba dang // skye ba rnam bzhi'i lam ston dang // lam sgo gang gis 'geg pa dang // 'byung 'jug gnas su skyel ba'i phyir// mtshan nyid sgrib pa med pa yin// mi gnas sbrul sku nges med des// 'gro drug gyen du 'dren pa dang // zag bcas dge ba ston pa dang // 'gro don phrin las mdzad pa dang // gdul bya'i bsam pa mkhyen pa dang // thabs

  193. 97a

    dang thugs rje'i sbyor ba dang // gang la ci 'dul shes pa'i phyir// khyad par sngags te che ba yis// sku gsum sems klong de yi rtsal// mi mthun gnyen po de la med// gcig pu che mchog chos kyi sku// zhes gsungs so// klong chen rab 'byams rgyal po'i rgyud las/ sku gsum rang la bstan pa'i le'u ste nyi shu rtsa drug pa'o// // de nas yang bcom ldan 'das ston pa'i rgyal pos 'khor rnams la zab mo'i don bka' stsal pa// chos dbyings rnam par dag pa'i klong // yangs pa chen por kun grol yang // rang bzhin ma shes rol pa la// zhen blo brtas pa'i rtog pa yis// 'gro drug sdug bsngal 'phrang du tshud// skye shi med la skye shir mthong // gnas skabs sdug bsngal bsam mi khyab// med la yod mthong 'khrul pa ste// tshogs drug gnad la phebs pa yis// sdug bsngal 'phrang ka de bsdams nas// skye gnas bzhi yi sgo bkag ste// skye 'gag med pa'i klong du grol// ye nas grol ba rgyun mi 'chad// de las cher rgyas rtog pa yis// mi rtog bsgom pa'i gnyen po bsten// lam la phyogs 'dzin 'phrang la tshud// med pa'i don la nan gyis rtsol// rgyu 'bras don la sgro skur 'dogs// lus ngag yid gsum rtsol bas bcings// gzhan nas tshol ba nor ba'i lam// grub mtha' gnad la phebs pa yis// phyogs 'dzin 'phrang ka de bsdams

  194. 97b

    nas// 'jug sgo nor ba'i lam bkag ste// skye 'gag med pa'i klong du grol// ye nas grol ba rgyun mi 'chad// chos nyid skye 'gag med pa la// 'gyur zhing 'jig pa'i chos su mthong // skye shi med pa'i don tshol bas// a ti gdams ngag 'phrang du tshud// phra ba'i don la chags chags nas// nyams myong go rtogs dgrar langs te// rang grol chen po mdud pas bcings// chos nyid gnad la phebs pa yis// gdams ngag 'phrang ka de bsdams nas// bzang rtog snyam byed sgo bkag ste// skye 'gag med pa'i klong du grol// ye nas grol ba rgyun mi 'chad// sku gsum rgyun chad med pa yis// 'gag mtha'i zhen pa rang sar grol// rang grol ma bcos chos kyi dbyings// 'das pa'i sangs rgyas grangs med kyang // skye med de ru mngon sangs rgyas// ma byon sangs rgyas grangs med kyang // 'gag pa med par ye sangs rgyas// da ltar sangs rgyas grangs med kyang // skye 'gag med pa'i klong na bzhugs// de yi yon tan bsam mi khyab// ye shes phyogs med rang las 'char// sprul pa phyogs med rang las 'gyed// dbyings las rang byung ngo mtshar che// rin po che las dgos 'dod dam// nam mkha'i klong dang cho 'phrul bzhin// rang byung rang zhi klong du thim// dbyings la stor bral med pa dang // khams gsum gnas pa'i sems can dang // dus gsum bzhugs pa'i

  195. 98a

    sangs rgyas kyang // stor bral med pa de yi dang // 'du 'bral med par de na bzhugs// de la 'phel 'grib med pas na// khams gsum gnas pa'i sems can kun// skad cig ma yi tshod tsam la// dus gcig dag tu sangs rgyas kyang // de la mang du gyur pa med// sems can nyung ngu mi 'gro ste// rgyu rkyen 'bras bur gcig pas na// dbri bsnan 'phel 'grib med par gnas// rgyu rkyen 'bras bur btags pa yang // glo bur chos te gzhi med pas// kun gzhi med cing sgrib pa med// dbyings la bag chags gnas med pas// gzhag par bya ba'i gzhi med phyir// bde gshegs rgyal ba mchod pa dang / khams gsum sems can bsad pa dang // dge sdig lung ma bstan gyi chos// dkar nag las la rjes med pas// bya lam bzhin du rang grol 'gyur// de yang dbyings kyi rang bzhin chos// dbyings ni zad mtha' med pa ste// 'byung ba lnga po dbyings las shar// phyi nang snod bcud thams cad dang // 'dod yon lnga dang dug lnga dang // dbyings kyi cho 'phrul yin pas na// ther zug dag tu mi gnas te// rgya mtsho dag dang rlabs bzhin nam// nam mkha'i dbyings su sprin dengs bzhin// rjes med klong du thim pas na// 'khor 'das kun gyi dur sa yin// mya ngan 'das pa'i lam po che// byang chub sems ni kun gyi gzhi// kun gzhi rnam

  196. 98b

    dag chos kyi dbyings// nam mkha' bzhin te mtha' med pas// gol sa med de g.yang sa dag/ gol sa g.yang sa btags pa yang // don la yod pa ma yin te// bkri drang don du bstan pa tsam// dge dang mi dge'i las rnams kun// spyad pas 'bras bu mi 'byung ste// rgyu 'bras can la bstan par zad// gal te rgyu 'bras bden zer na// rgyu des 'bras bu byas ma byas// byas na 'bras bur rgyur gyur pas// go log pa yi skyon du 'gyur// gal te 'bras bu ma byas na// de las byung ba'i 'bras bu des// phyi ma bskyed par mi nus pas// rgyu 'bras chad phyir 'bras mi 'grub// bskyed bya skyed byed med pas na// rgyu 'bras bden par yod mi 'grub// des na rgyu 'bras glo bur chos// rang byung don la rgyun chad med// sku gsum rgyun chad med pa la// yon tan rgyun chad med par 'byung // nyon mongs ye shes dbyer mi phyed// ma shes pa la khams gsum ste// de shes pa la sku gsum klong // ye nas yin pas btsal mi dgos// de ma shes la dug gsum ste// de shes ye shes bdud rtsi yin// rang las byung bas spangs mi dgos// ma spangs rang grol chos kyi sku// ye nas yin pas bsgrub mi dgos// ma bsgrubs lhun grub chos kyi sku// zhes gsungs so// klong chen rab 'byams rgyal po'i rgyud las/ rgyu 'bras sun dbyung zhing sku gsum ngo sprad pa'i le'u ste nyi shu rtsa

  197. 99a

    bdun pa'o// // de nas yang bcom ldan 'das kyis slar gsungs pa/ cir yang snang ba'i chos nyid la// sna tshogs 'byung ba dbyings kyi rgyan// mu mtha' med pa'i chos nyid la// mtha' yas snang ba rang gi rgyan// brjod du med pa'i chos nyid la// rnam grangs 'byung ba ngo mtshar che// skye 'gag med pa'i chos nyid la// dus gsum med pa ngo mtshar che// dmigs su med pa'i chos nyid la// don rnams 'grub pa rang gi mthu// gzhi rtsa med pa'i chos nyid la// zad mtha' med pa ye shes klong // 'pho 'gyur med pa'i chos nyid la// thogs pa med pa rang gi rtsal// gang mthong chos nyid cer mthong la// sgrib g.yogs med pa ngo mtshar che// 'byung ba chos nyid ye sangs rgyas// cir yang ma nges rol pa'i rtsal// cho 'phrul med kyang rang gi rgyan// btang snyoms chen po dbyings kyi klong // ting 'dzin brgya phrag bsam yas sgo// sdud par byed pa dbyings yin pas// spro ba klong chen rang gi mthu// 'char bar byed pa dbyings yin te// dag par byed pa sems kyi klong // klong yangs nam mkha'i cho 'phrul nas// byin rlabs char bzhin babs pa dang // yon tan sprin bzhin 'thibs pa dang // de yi byin rlabs de la snang // mtshan ma med las dngos por 'gyur// med pa'i don las snang ba yis// dbyings dang snang srid cho 'phrul kyang // ma nges

  198. 99b

    rol par shar ba'i phyir// stong nyid gsang sgo 'byed pa'i rtags// mthun dang mi mthun snang ba yi// yang dag don tshol theg pa yang // gcig la rnam grangs phye ba yin// gzugs dang sgra dang dri dang ro// reg bya la sogs 'dod yon lnga// skye med dbyings kyi rgyan yin pas// gzhi nas shar te dgag tu med// dran pa'i dbang pos bcad pa dang // ma dran rmongs pa'i gti mug dang // yul gyi rtog pas bslang ba dang // gnyen po bsten pa'i 'du byed dang // mi mthun spong ba'i rtsol sems dang // sems las lhag pa'i bogs 'dod pa// rnam par thar pa'i don la bsgribs// don la bsgrib pa mi mnga' yang // rkyen gyis log par snang ba yin// nam mkha'i ngang la sgrib med kyang // glo bur cho 'phrul nam mkha'i gegs// chos nyid rang la sgrib med kyang // rang ngo ma shes sgrib dang gegs// rgyu la spyod pa rgyu yi gegs// rkyen la spyod pa rkyen gyi gegs// 'bras bur zhen pa 'bras bu'i gegs// rgyu rkyen med pa'i chos nyid la// snang ba'i sgo mo ma 'gags pas// rgyur yang snang ste rkyen du snang // 'bras bu snang zhen med pas na// snang yul zhen pa kun dang bral// stong nyid yangs pa'i ho khung du// brjod pa'i tshig kyang rnam par dag/ snang ba'i yul yang rnam par dag/ zhen pa'i mthu yang rnam par dag/ spong ba'i lam yang rnam par dag/ spang bya'i nyon

  199. 100a

    mongs rnam par dag/ mthong ba'i 'bras bu rnam par dag/ rtsol ba'i rkyen yang rnam par dag/ skyed pa'i rgyu yang rnam par dag/ rnam dag chen po chos kyi dbyings// dag par byed pa chos kyi dbyings// spro bar byed pa chos kyi dbyings// sdud par byed pa chos kyi dbyings// spro bsdu med pa chos kyi dbyings// dbyings las thabs bzhengs rgyal ba'i sku// mi brjed gzungs las grub pa yin// yengs dang dran pa med pas ni// btang snyoms chen po yum gyi mkha'// kun tu bzang mo nyid kyi klong // khams gsum sems can thams cad kyi// mar btags kun tu bzang mo ste// bskyed kyang bskyed la gso yang gso// phar btags kun tu bzang po ste// bskyed kyang bskyed la rten kyang rten// kun bzang klong la gzhi rten med// skye med dbyings la skye 'bri med// skye 'gag med la gso bsad bral// med las cir yang snang ba de// sems nyid klong chen rang gi rgyan// zhes gsungs so// klong chen rab 'byams rgyal po'i rgyud las// dbyings su 'dus lugs bstan pa'i le'u ste nyi shu rtsa brgyad pa'o// // de nas yang bcom ldan 'das kyis rdo rje 'dzin pa la sogs pa rnams la yang dag pa'i don bka' stsal pa/ ma bcos sems kyi klong dkyil nas// ma btsal rang byung ye shes shar// steng 'og phyogs mtshams yongs la

  200. 100b

    gad la// nyag gcig dbyings na kun gsal bas// mthong dang thos dang dran pa dang // dbang po'i ngo la gang snang ba// yul med gcig las rang snang bas// don gyi ngo bo bya bral la// snang ba med cing 'grib pa med// gsal ba sems kyi me long la// snang ba'i gzugs dang 'dzin pa'i sems// gzugs brnyan dag dang sgyu ma bzhin// med las yod mthong tha dad shar// yul dang 'byung dus skye mched chos// khams gsum snang ba phra rags kyang // bdag las byung ste rang gi klong // nyid las shar bas nyid kyi rgyan// yod mthong grags pa'i chos rnams dang // med snang brtags pa'i chos rnams kun// rang las tha dad med pas na// gnyis su med par ye nas gsal// rtog pa med de rang sar grol// gcig la gcig ltos med pa'i phyir// mtha' yi gol sa gtan med de// mtha' rnams ma spangs rang grol bas// gang yang ma bkag rdzogs pa che// yangs so che'o sems kyi klong // 'du 'bral med do dbyings kyi rgyan// 'di gzhan yul la ma g.yos pas// gzhan du gnas pa'i sa med ste// rten med gcig las kun 'byung bas// rmad byung bsam yas ngo mtshar che// rang byung rang shar ngo mtshar che// gzhan du ltos pa gang yang med// sangs rgyas zhes su btags pa yang // gdul bya'i blo la grags pa las// yang dag don la sangs rgyas

  201. 101a

    med// ci ste rang las gzhan med pas// rang gis rang la btags pa tsam// gdags gzhi med pas sangs rgyas med// gdags bya'i ming la don mi gnas// des na thams cad rang yin pas// rang la rang gis cher te ltos// bltas pas ma mthong ngo mtshar che// mthong ba med pa'i mthong ba ni// chos sku skye med don mthong yin// rig pa med pa'i rig pa ni// gnyis su med pa'i don rig yin// shar ba med pa'i shar ba ni// rang byung ye shes don shar yin// rang rig klong na ma rig med// ma rig ye shes gnyis med pas// zang thal chen po lta ba'i klong // ye shes mi shes gnyis med de// mi shes pa de ye shes che// ye nas yin pas gnyis med klong // mnyam par shar bas rtsis gdab med// gang yang 'dra ba'i chos nyid la// phyi nang med par bde gdal bas// ci spang gang bsgrub su la chags// gnas par bya ba'i gzhi med phyir// ltung ba'i g.yang sa ga la yod// g.yang sa mthong ba'i chos nyid du// ye nas gnas pas dma' ba med// gong 'og med pas mtho dman med// mthon dman med pas phyogs mtshams med// nye ring med pas gcig tu 'dus// yongs la khyab pas kun tu gdal// gzhi de ye nas de ltar gnas// ngo bo ye nas ma skyes pas// don la dmigs pa'i mtha' dang bral// yul

  202. 101b

    sems gcig la gcig snang yang // rang la snang ngo gzhan med pas// gzhan du gsal ba ma yin te// chos sku rang snang klong du gsal// med ces brtags pa'i tha snyad kyang // don la med pa ma yin te// snang grag chos kun rang la 'char// 'khor 'das lam pas bsdus pa'i chos// rang las shar zhing rang la 'dus// rang sar grol bas dngos gzhi med// tha snyad med pas bdag gzhan bral// yul sems med pas mnyam pa'i klong // sangs rgyas bdag yin gzhan med pas// kun kyang bdag nyid chos skur 'dus// bdag gzhan bral ba'i thig ler gcig/ sangs rgyas sangs rgyas zhes bya ba// glo bur ming du btags pa tsam// glo bur chos la blo med pas// sangs rgyas yid la ma 'dogs shig/ btags pa thams cad rtog pa ste// rnam rtog chos nyid yin pas na// nyi ma'i dkyil na mun med bzhin// ye shes klong na ma rig med// chos sku'i klong na rnam rtog med// rtog dang mi rtog gnyis med de// mnyam pa'i ngang las ma g.yos pas// ma rig ye shes gnyis su med// bdag gis byas pa'i chos rnams kyang // byed mkhan logs na/ med pa'i phyir// bya byed med par rang shar bas// rang gis rang byas rang byung bas// rgyu rkyen med cing btags pa yin// rgyu rkyen med pa'i chos nyid la// bdag nyid byang chub sems zhes bya// de yi rol par

  203. 102a

    shar ba la// bdag gis byas pa'i chos zhes bya// thams cad bdag tu 'dus pa la// bdag nyid byang chub sems zhes bya// gnyis 'dzin bya dang byed pa med// thams cad rang gi cho 'phrul pas// rang byung ye shes rgyun chad med// ces gsungs so// klong chen rab 'byams rgyal po'i rgyud las// rgyun chad med pa'i le'u ste nyi shu rtsa dgu pa'o// // de nas yang ston pas slar gsungs pa/ nam mkha' lta bu'i rang bzhin las// 'ja' tshon sprin tshogs glo bur ba// rgyu rkyen med pas nam mkha' rang // chos nyid bya bral nam mkha' la// rol pa 'khor 'das glo bur ba// rgyu rkyen med pas chos nyid dang // rang las rang bzhengs kog langs te// rang las rang byung thog babs pas// ji ltar shar yang shes bya'i babs// de las gang yang med pa'i phyir// yod mthong snang grag chos rnams kun// chos nyid kloslong gi cho 'phrul te// rang la rang gis rol pa dang // rang la rang gis spyod pa dang // rang la rang gis bde ba dang // rang la rang gis sdug bsngal te// mnyam par rol pas bzang ngan med// yod med mnyam par shar ba la// phyogs su 'dzin pa don las 'khrul// mnyam pa'i klong du ci bder gnas// rtsol ba med par klong du dbab// 'jug ldog med de rang sar bzhag/ 'gro 'od med de dbyings su dag/ bya byed

  204. 102b

    med de rtsol dang bral// 'gyu ba med de mtha' dang bral// 'ching grol med de zhen dang bral// re dogs med de mtha' dang mnyam// btang snyoms med de mthar ma lhung // klong zhes bya ba bsam gtan te// ming du btags na grangs kyis 'tshal// rgyun chad med pa'i rig pa de// snga phyi 'gro 'ong med pas na// de la grangs su bgrang du med// rgya chad phyogs lhung med pa'i phyir// de la grangs su bgrang du med// mtha' dbus phyogs mtshams med pa'i phyir// de la grangs kyis bgrang du med// steng 'og mtho dman med pa'i phyir// de la grangs kyis bgrang du med// phyi nang gnyis su med pa dang // thams cad gcig tu 'dus pa'i phyir// de la grangs kyis bgrang du med// rgyun mi chad kyi rig pa de// rang la bde blag gnas pas na// yengs dang ma yengs med pa dang // dmigs dang ma dmigs med pa dang // gsal dang mi gsal med pa dang // snang dang mi snang med pa dang // btsal dang mi btsal med pa dang // mthong dang ma mthong med pa dang // bsgoms dang ma bsgoms med pa ru// skad cig 'du 'bral med pa'i phyir// bsam gtan chen po bde la gnas// bde chen klong na 'byams pa'i phyir// klong 'byams chos sku'i bsam gtan yin// cir snang de las ma g.yos pas// snang ba rgyas 'debs bsam gtan yin// nyams myong bzhag

  205. 103a

    sa mi tshol bas// yul sems ris med bsam gtan yin// btang snyoms res 'jog med pa'i phyir// 'phel 'grib med pa'i bsam gtan yin// thun mtshams kun las 'das pa'i phyir// rgyun mi chad pa'i bsam gtan yin// nyon mongs zad sar zad pas na// mthar thug don gyi bsam gtan yin// bde chen klong du thim pas na// 'pho 'gyur med pa'i bsam gtan yin// zhes gsungs so// klong chen rab 'byams rgyal po'i rgyud las/ bsam gtan bstan pa'i le'u ste sum cu pa'o// // de nas yang ston pa nyid kyis 'khor rnams la bka' stsal pa/ rang bzhin med pa'i chos chen po// rmad byung bsam yas 'di lta ste// skye ba med pa'i skye sgo nas// skye ba'i cho 'phrul 'byung ba ni// skye ba med las skyes pa yi// cho 'phrul rang las 'byung ba de// skye med rang yin gzhan na med// skye ba med pa'i skye sgo nas// rdzu 'phrul rang las skyes pa yin// skye ba'i cho 'phrul byung ba ste// skye med rang yin gzhan ni med// skye ba med pa'i gsang sgo nas// skye med skye gnas bzhir skyes pas// skyes tsam nyid na skye ba med// skye med rang yin gzhan ma skyes// rkyen 'gyur las kyi rnam smin gyis/ khams gsum 'khor bar skyes pa yang // skyes tsam nyid na skye ba med// skye med rang yin gzhan ma skyes// skye ba med pa'i gsang sgo nas// sngon

  206. 103b

    gyi smon lam dag pa yin// byang chub sems dpar skyes pa yang // skyes tsam nyid na ma skyes te// skye med rang yin gzhan ma skyes// skye med nges pa'i gsang sgo nas// ting 'dzin brtan pa'i nus mthu dang // bzlas brjod grangs kyi mthar sgrol bas// rig 'dzin sa ru skyes pa yang // skye med rang yin gzhan ma skyes// skyes tsam nyid na skye ba med// skye med nges pa'i gsang sgo nas// smon lam stobs dang ting 'dzin stobs// lhag mthong zung du 'brel pa yis// zhing khams mtha' yas rgya che ru// rgyal pa'i sras su skyes pa yang // skye med rang yin gzhan ma skyes// skyes tsam nyid na skye ba med// skye ba med pa'i gsang sgo/ nas// sbyangs pa'i 'phro mthud grub pa'i mthar// lam la rtsol bar skyes pa yang // skye med rang yin gzhan ma skyes// skyes tsam nyid na skye ba med// 'gro drug 'khor bas skyed pa dang // dag pa'i zhing la spyod pa dang // 'khor 'das lam pa'i chos rnams kun// skye med rang gis rang bskyed pas// skye med chos te sna tshogs ston// skye ba med las thams cad skyes// tshig tu brjod pas don dang 'gal// skye med don la 'gal ba med// tha snyad tshig la 'gal ba yod// byang chub sems la 'gal ba med// log pa'i sems la 'gal ba yod// ma bcos tshig tu gsungs pa dang // ma nor don du gsungs pa yang // skal ba can la

  207. 104a

    snang bar zad// don mi ldan la 'khrul pa yi// phyin ci log dang byang chub kyang // ci nas mnyam pa'i chos nyid pas// chos nyid don la gnyis su med// skye ba med pa'i chos nyid de// 'byung lnga snod bcud skye ba'i sgo// 'byung lnga snod bcud shar tsam na// skye med rang yin gzhan ma skyes// skyes tsam nyid na skye ba med// ma skyes pa yi chos nyid de// pho mo ma ning skye ba'i rgyu// pho mo ma ning lus blangs kyang // skye med rang yin gzhan ma skyes// skyes tsam nyid na skye ba med// ma skyes pa yi chos nyid de// dug lnga dug gsum skye ba'i rgyu// nyon mongs lnga ru shar tsam na// skye med rang yin gzhan ma skyes// skyes tsam nyid na skye ba med// ma skyes pa yi chos nyid de// rang byung ye shes skye ba'i rgyu// phyogs med rig par shar tsam na// skye med rang yin gzhan ma skyes// skyes tsam nyid na skye ba med// ma skyes rang byung ye shes te// rgyu rkyen kun dang bral ba'i phyir// ye nas gnas pa'i chos nyid yin// yod med kun gyi dngos gzhir shar// mtshan ma'i go ni nam mkhas 'byed// chos can go ni chos nyid 'byed// snang ba'i go ni stong pas 'byed// 'khor 'das go ni rig pas 'byed// skye ba'i sgo ru gyur pa kun// skye med dbyings kyis 'byed pas na// go 'byed chos dbyings nam mkha' 'dis// 'khor 'das kun gyi mthong brtol bas// thams cad thams cad

  208. 104b

    dus gcig shar// shar yang skye ba med par gcig/ ces gsungs so// klong chen rab 'byams rgyal po'i rgyud las/ skye med tshig chod du bstan pa'i le'u ste sum cu rtsa gcig pa'o// // de nas yang ston pas 'du 'bral med pa'i 'khor la bka' stsal pa/ 'di las gzhan du ma blta zhig/ bltas shig bltas shing rtog pa skye// 'di las gzhan la ma bltas na// mi rtog gzhan du bsgom mi dgos// 'di las gzhan du ma spyad cig/ spyad cing spyad cing log lta ste// 'di las gzhan du mi spyod na// rtog dpyod gzhan du bya mi dgos// 'di las gzhan du ma rtsol cig/ rtsol zhing rtsol zhing gzung 'dzin mched// 'di las gzhan du ma rtsol na// 'jug sgo tha dad med pa'i phyir// sa dang lam la sbyang mi dgos// 'di las gzhan du ma bsgrubs shig/ bsgrubs shing bsgrubs shing mthar thug med// 'di las gzhan du mi bsgrub na// sangs rgyas go 'phang thob mi dgos// mi zhes bya ba sangs rgyas yin// dbyer med don du ma shes na// bskal par bsgrubs kyang 'grub mi 'gyur// dbyer med don la gnas pa na// srid par 'khyams kyang stor bral med// skye med 'gag med sna tshogs ston// yul la spyod dang mi spyod pa// spyod pa 'gag pa med las byung // mi spyod skye ba med las byung // gnas la brten dang mi brten pa// 'gag pa med pa nyid las

  209. 105a

    byung // mi brten skye ba med las byung // rang bzhin bcos dang ma bcos pa// bcos pa 'gag pa med las shar// ma bcos skye ba med las byung // chos las 'das dang mi 'da' ba// 'da' ba 'gag pa med las shar// mi 'da' skye ba med las byung // cho 'phrul ston dang mi ston pa// ston pa 'gag pa med las shar// mi ston skye ba med pa'i ngang // mtshon pas thog tu phebs mi phebs// phebs pa 'gag pa med las shar// mi phebs skye ba med pa'i ngang // mtshan ma'i spros dang bral ma bral// ma bral 'gag pa med las shar// bral ba skye ba med las byung // rang bzhin gcig la 'khor mi 'khor// 'khor ba 'gag pa med las byung // mi 'khor skye ba med pa'i klong // ngo bo gcig la bde sdug gnyis// sdug bsngal 'gag pa med las byung // bde chen skye ba med pa'i ngang // mtshan nyid gcig las snang stong gnyis// snang ba 'gag pa med las shar// stong pa skye med yum gyi dbyings// rgyun mi chad dang gnas skabs gnyis// gnas skabs 'gag med nges pa med// rgyun mi chad pa skye med dbyings// 'du 'bral med la rtag chad gnyis// zhen du med la sgro skur gnyis// blang dor med la dgag bsgrub gnyis// bdag gzhan med la bzang ngan gnyis// phyi nang med la yul sems gnyis// 'pho 'gyur med la skye shi

  210. 105b

    gnyis// des na gnyis 'dus thams cad kun// skye med 'gag med rang las shar// skye ba med las thams cad skyes// 'gag pa med las thams cad 'gags// skyes tsam nyid nas ma skyes la// 'gags tsam nyid na mi 'gag te// skye yang skye med klong las skyes// skye med dbyings la skye rgyu med// 'gags kyang 'gag med klong du 'gags// 'chi med dbyings la 'gag rgyu med// skye 'gag med pa'i rig pa de// cho 'phrul cir yang ma nges pas// rang byung ye shes mtha' las rgyal// rgyal ba'i sku ste skye shi med// 'khor ba'i g.yul ngo kun las rgyal// rgyal ba'i sku ste ye sangs rgyas// theg pa'i rnam grangs kun las rgyal// rgyal ba'i sku ste mtho dman med// 'khor 'das skyon yon kun las rgyal// rgyal ba'i sku ste mnyam pa nyid// mnyam pa ris med sems kyi klong // skye med 'gag med sna tshogs snang // snang med brjod med cir yang 'char// shar ba rang shar yin pa dang // grol ba rang grol yin pa'i phyir// yul med rig pas gcig pu nyid// ces gsungs so// klong chen rab 'byams rgyal po'i rgyud las/ byang chub sems kyi mtshan nyid la skye 'gag med par bstan pa'i le'u ste sum cu rtsa gnyis pa'o// // de nas yang ston pa'i rgyal pos bstan pa'i don ma nor bar gsungs pa// chos rnams rang bzhin dbyings su gcig/

  211. 106a

    mtshan nyid rang rang so sor 'dzin// mtshan nyid 'dzin pas chos zhes btags// yang dag don la med mod kyang // phyin ci log dang ma log pa// rang gi mtshan nyid rang gis 'dzin// de yang rang snang gcig gi stobs// yon tan gcig las shar ba la// sku dang gsung dang thugs kyi rtags// rang gi mtshan nyid rang gis 'dzin// de yang rang snang gcig gi stobs// la la zhe sdang byang chub sems// la la gti mug byang chub sems// la la nga rgyal byang chub sems// la la 'dod chags byang chub sems// la la phrag dog byang chub sems// rang byung gcig las ma g.yos pas// rang gi mtshan nyid rang gis 'dzin// de yang rang snang gcig gi stobs// mtshan ma'i yul dang bral ba la// gzugs dang tshor ba 'du shes dang // 'du byed rnam shes phung po lnga// las lnga byed pa'i rang zhin gyis// rang gi mtshan nyid rang gis 'dzin// de yang rig pa rang gi stobs// snang ba rang sar dag pa la// sa dang chu dang me dang rlung // nam mkha' la sogs 'byung ba lnga// rang gi mtshan nyid rang gis 'dzin// de yang rig pa rang gi stobs// chos nyid 'dzin pa kun bral la// gzugs dang sgra dang dri dang ro// reg la sogs pa'i 'dod yon lnga// rang gi mtshan nyid rang gis 'dzin// de yang rang snang gcig gi stobs// rang rig gcig las

  212. 106b

    shar ba la// mig dang rna ba sna dang lce// lus la sogs pa'i dbang po lnga// rang gi mtshan nyid rang gis 'dzin// de yang rang snang gcig gi stobs// cir yang 'gyur ba'i chos nyid la// dkar dang ser dang dmar dang ldang // nag po la sogs kha dog lnga// rang gi mtshan nyid rang gis 'dzin// de yang rang snang gcig gi stobs// chos nyid mu dang mtha' med la// phyogs bzhi mtshams brgyad steng 'og bcu// rang gi mtshan nyid rang gis 'dzin// de yang rang snang gcig gi stobs// 'gyur ba med pa'i chos nyid la// dbyar dgun ston dpyid nam zla bzhi// rang gi mtshan nyid rang gis 'dzin// de yang rang snang gcig gi stobs// skye 'bri med pa'i chos nyid la// skye rga na ba'i sdug bsngal bzhi// rang gi mtshan nyid rang gis 'dzin// de yang rang snang gcig gi stobs// rang bzhin gcig pa'i chos nyid la// 'khor 'das bde sdug bzang ngan gnyis// rang gi mtshan nyid rang gis 'dzin// de yang rig pa rang gi stobs// rgyu 'bras med pa'i chos nyid la// nges 'byed dge dang sdig pa'i las// rang gi mtshan nyid rang gis 'dzin// gnyis ka/ rig pa rang gi stobs// nye ring med pa'i chos nyid la// mtho dman theg pa rim pa dgu/ rang gi mtshan nyid rang gis 'dzin// gnyis ka rig pa rang gi stobs// 'ching grol med pa'i chos nyid la// mi mthun pa

  213. 107a

    dang gnyen po gnyis// rang gi mtshan nyid rang gis 'dzin// gnyis ka rig pa rang gi stobs// yin min med pa'i chos nyid la// rtogs pa'i klong dang ma rtogs sems// rang gis mtshan nyid so sor 'dzin// gnyis ka rig pa rang gi stobs// gzhi rtsa gcig pa'i chos 'di la// rnam grangs brgya stong phrag las kyang // rang rang mtshan nyid rang gis 'dzin// snang ba thams cad rang snang la// shar ba thams cad rang shar bas// thams cad rig pa rang gi stobs// 'phral du mi bden gang yang med// dbyings kyi klong na bden rdzun med// gnas skabs 'bras bu 'byin pa'i phyir/ bden par ma gyur ci yang med// bya bral dbyings su stor ba'i phyir// rdzun par ma gyur gcig kyang med// bden rdzun med pa'i klong chen de// 'das pa'i sangs rgyas kun gyi gnas// ma 'ongs sangs rgyas kun gyi rten// da ltar bzhugs pa kun gyi gzhi// thog mtha' med pa'i gzhal yas khang // khams gsum sems can kun gyi lam// 'gro drug 'byung ba'i lam po che// dbyings las 'phos med pa'i phyir// mtha' yas gnas pa'i yul po che// klong las 'gyur ba med pa'i phyir// thams cad sdud pa'i dur po che// sems nyid dur khrod nyams dga'i klong // zhes gsungs so// klong chen rab 'byams rgyal po'i rgyud las/ rig pa rang stobs kyi le'u

  214. 107b

    ste sum cu rtsa gsum pa'o// // de nas yang nyid kyi 'khor la nyid kyis gsungs pa// ji lta ba de theg pa'i mchog/ ji snyed pa de blta ba'i yul// ji bzhin pa de bsgom pa'i gnas// ji ltar snang ba spyod pa'i grogs// ji srid pa de 'bras bu'i gter// ji lta ba yi don rtogs na// sangs rgyas sa la 'degs pa'i phyir// theg mchog rgyal po bla na med// ji snyed pa yi rnam grangs de// ma 'dres yongs su rdzogs par mthong // chos nyid cer mthong bla na med// ji bzhin pa yi don de la// ma bcos rnal du 'dug pa ste// ting 'dzin rgyal po bla na med// 'gro nyal za 'chag sgo gsum gyi// ji ltar snang ba'i chos rnams la// bzang ngan blang dor mi blta ba// spyod pa'i rgyal po bla na med// ji ltar srid pa'i chos rnams dang // mi srid pa yi chos rnams kun// rang gi rgyan du shar bas na// 'bras bu gter chen bla na med// ma bcos sems kyi gter chen la// la las blta ba'i rgyal por mthong // la las ting 'dzin dmigs pa'i yul// la las spyod pa'i sgo mor mthong // la las bsgrub tu yod par mthong // la las bsgrub tu med par mthong // la las theg pa'i rgyal por mthong // la las gzung 'dzin mdud par mthong // la las 'khor ba'i g.yang sar mthong // la las spang ba'i rgyu ru mthong // la las sbyang zhing bsgyur bar mthong // la las sangs rgyas

  215. 108a

    sa ru mthong // la las 'khor ba'i gnas su mthong // la las lam gyi gegs su mthong // la las lam sna 'dren par mthong // la las nyon mongs dug tu mthong // la las ye shes bdud rtsar mthong // gang mthong cir snang cir gsal yang // gter chen yin pas 'dod dgur bsgyur// sna tshogs nor bu ji bzhin du// rkyen gyis cir yang 'char ba'i phyir// 'dod dgur 'byung ba'i rin po che// sems ni rin po che la gnas// yul ni de yi 'byung ba'i rkyen// gnyis su med pa 'bras bu'i klong // yul med yul la ma rtogs shig/ gtan du med pa ma yin te// sems las ma gtogs yul gzhan med// sems med sems su ma 'dzin cig/ gtan du med pa ma yin te// rang rig 'dzin med spros dang bral// de la yul du gzung du med// de la sems su gzung du med// brtags pas yul sems gnyis la 'dus// 'dzin med rang shar klong chen 'dir// yul yang med de chos kyi dbyings// sems kyang med de chos kyi sku// gtan yul chen po nyams dga'i klong // bde chen chos sku klong bde'i mkhar// rang byung ye shes de yi bdag/ sangs rgyas sems can de yi 'khor// thams cad kun la dbang bsgyur bas// rang sems par med dbyings kyi rgyal// ma 'dres yongs rdzogs de yi bran// thams cad thams cad der 'dus

  216. 108b

    pas// sdud par byed pa dbyings kyi klong // thams cad de nas 'gyed pa'i phyir// spro bar byed pa klong gi dbyings// dbyings las cho 'phrul 'byung ba'i phyir// thams cad de las spros pa yin// thams cad de ru 'dus pa yin// kun 'dus chen po grol ba'i yul// rnal 'byor kun gyi spyod pa yis// chos dbyings kun tu bzang mo'i mkha'// phyi nang med par gsal ba dang // snod bcud gcig tu mthong ba dang // rig pa spyi blugs 'bab pa dang // sa chu me rlung 'byung ba bzhis// thugs rje rgyun chad med pa dang // 'dod yon lnga la longs spyod kyang // de yi nyes pas mi gos dang // dngos po phra rags cir shar yang // nam mkha'i cho 'phrul yin pa dang // nam mkha' snang ba med pa dang // cho 'phrul zad mtha' med pa dang // nam mkha' kun la khyab pa dang // dngos por stong pa med pa dang // kha dog dbyibs su 'byung ba dang // nang la nang gis blta ba dang // rang rang mthu yis spyod pa dang // 'gro nyal za 'chag byed pa dang // pho mo gcig la gcig chags dang // las dang bya ba byed pa dang // rkyen gyis bsgyur du btub pa dang // 'bras bu dus su 'byin pa yang // thun mong dbyings kyi yon tan te// byang sems klong chen de yi rtsal// chos kyi 'khor lo bskor ba dang // de la nyan cing sems pa dang // dge bcu'i las la 'jug pa dang // de la rtsol

  217. 109a

    zhing bsgrub pa dang // mi rtsol btang snyoms gnas pa dang // lus kyi g.yeng ba gcod pa dang // ngag gi spros pa gcod pa dang // sems kyi 'du 'dzi sel ba dang // rang rang so la gnas pa dang // phyogs med gar bder 'gro ba dang // gnas la nges pa med pa dang // gcig pur spyod dang mang por 'du// 'du 'dzi g.yeng ba bsten pa dang // yul phyir 'breng dang rkyen gyis bsgyur// 'di kun dbyings kyi yon tan te// sems nyid klong chen de yi mthu// sems la ye shes skye ba dang // rnam smin zad par mthong ba dang // tshul 'dzin pa dang tshul rtags dang // nyams la skye 'bri med pa dang // 'byung ba'i gnod pas mi tshugs dang // 'byung pos bar du mi chod dang // tshor ba don du mi gnyer dang // lung bstan chos bshad 'byung ba dang // mngon shes rdzu 'phrul 'gyed pa dang // sa la gnas par mthong ba dang // byin rlabs cho 'phrul ston pa yang // gzhan gyi mthu min rang gi dbyings// thun mong yon tan dpag tu med// nam mkha'i cho 'phrul ji bzhin du// dngos por med las snying por 'byung // rgyu 'bras rang rgud med pa'i phyir// rang sems klong chen de yi stobs// zhes gsungs so// klong chen rab 'byams rgyal po'i rgyud las/ cho 'phrul 'byung ba'i le'u ste sum cu rtsa bzhi pa'o// // de nas yang nyid kyi 'khor rnams la nye bar

  218. 109b

    brjod pa/ snying po byang chub de mthong bas// sangs rgyas thams cad dus gcig mthong // smon lam dag pas mthong ba yin// rang sems dag pas mthong ba yin// rang sems rnam dag dri med de// bkrus pas dag pa ma yin te// phyogs 'dzin med pas dag pa yin// phyogs med lhun grub chen po de// btsal zhing bsgrubs pas 'grub pa min// ye nas gnas pas 'grub pa yin// ye grub chos nyid 'gyur med de// rgyu rkyen gnyis las byung ba min// shes bya rang gi babs su gnas// rang byung ye shes rgyal ba'i mes/ khams gsum sem can kun gyi yab// dus gsum rgyal ba rnams kyi yum// rnal 'byor lam mchog 'byung ba'i gter// theg chen sa la bgrod pa'i gzhi// 'ching ba'i zhags pa gcod pa'i mtshon// nyon mongs phreng zag gcod pa'i gri// 'jig tshogs dgra la 'bros pa'i mkhar// so mtshams bdud bzhi srung ba'i mi// 'gro drug grong khyer 'joms pa'i dmag/ gsang ba'i dgra gsum gsod pa'i gri/ rang sems bya bral kun bzang de// kun gyis spyi mes 'pho 'gyur med// khams gsum sems can de las bskyed// skye med kun tu bzang mo'i dbyings// dus gsum rgyal ba de las 'byung // rnal 'byor rnam lnga'i dgongs pa yang // nyag gcig de yi klong nas shar// theg chen dbye ba med pa'i sa// ma bgrod ye nas non pa'i

  219. 110a

    phyir// rang byung ye shes mtshon cha yis// 'ching ba gnyis po gcad pa dang // phyi rol sgra dang tshad ma yis// bshig tu med pa rdo rje'i mkhar// skye shi med pa rang byung yis// bdud bzhi zil gyis gnon pa dang // 'pho 'gyur med pa'i dgongs pa yis// 'gro drug grong khyer gtan nas bcom// rang bzhin gcig pa'i chos nyid kyis// phyi nang bar gsum bsre ba dang // mtha' yi mun pa rtsad nas bcad// the tshom yod med gnyis snang sems// bya bral don la gnyis snang med// dbyer med dang la blo bder gnas// rtsol bsgrub yod med re dogs sems// bya bral dbyings la re dogs med// mnyam nyid ngang la blo/ bder gnas// 'ching grol yod med dgag sgrub sems// bde chen sems la dgag bsgrub med// mnyam nyid don la blo bder gnas// 'khor 'das yod med gzung 'dzin sems// thig le gcig la dbye ba med// ma bcos don la blo bder gnas// bsgrub tu yod med rnam rtog sems// bsgrubs pas gzhan nas don mi rnyed// bya bral dang la blo bder gnas// mtshon du yod med phyi nang sems// sgra brjod kun las 'das pa'i phyir// tha snyad bral la blo bder gnas// gang nas btsal kyang chos nyid rang // ming gi sgo nas cir btags kyang // ming la nges pa med pa'i phyir// chos nyid rang la rang gis btags// grangs

  220. 110b

    kyi sgo nas cir brjod kyang // grangs la thug pa med pa'i phyir// chos nyid rang la rang gis bgrangs// ji ltar snang zhing srid pa'i chos// rang snang yin phyir gzhan ma blta// thag chod dang la blo bder gnas// rang gis rang la lus len nam// rang gis rang la skye ba dang // rang gis rang la 'chi ba dang // rang gis rang la phan 'dogs dang // rang gis rang la gnod pa dang // skye shi gnyis po su yis byas// phan gnod gnyis po gang las byung // rang snang gcig tu thag chod la// bya bral ngang la blo bder gnas// zhes gsungs so// klong chen rab 'byams rgyal po'i rgyud las/ dgongs pa thag chod kyi le'u ste sum cu rtsa lnga pa'o// // de nas yang bcom ldan 'das kyis 'khor de dag la bka' stsal pa/ ji bzhin rang sar bzhag pa yis// rig pa nam mkha' lta bu la// 'pho 'gyur med pa'i don shar bas// de la yengs dang ma yengs med// ji ltar byas kyang de yi klong // 'du 'bral med pa'i dbyings mchog 'di// mtha' med rab tu 'byams pa'i phyir// tshig gis mtshon pa'i spyod yul min// shes rab klong nas rdol ba dang // rig pa rang la shar ba yi// skal ldan rnams kyi spyod yul yin// thun mong 'jur sems med pa dang // sgrar med klong du bstims pa yi// rnal 'byor rnams kyi spyod yul te// yang rab rtogs pa'i blo

  221. 111a

    can gyis// mtshon dang ma mtshon med pa ru// ye nas gnas par zag bcad de// sgom dang bsgom par bya ba yi// yul dang yul can ma rnyed pas// bying rgod rtsol dang mi rtsol ba'i// rnam rtog dgra bo gsad mi dgos// ye nas spyi blugs chen po ru// gnas pa'i chos nyid spyi khyab la// bdag gzhan rtog pa mi mnga' bas// khams gsum bdag gzhan mnyam pa'i phyir// dus gsum bder gshegs rang snang steste// gzhan nas thob par bya ba'i yul// rang las ma gtogs rdul tsam med// chos nyid rang sems klong chen la// mtshan ma sna tshogs kun gsal yang // mnyam pa'i don las g.yos pa med// bdag las gzhan du lta byed pa// gnyis su snang ba 'khrul pa'i sems// bsgom par 'dod pa rtsol ba'i blo// 'khrul pa gzhan na med pa'i phyir// rang gzhan chen po mnyam pa'i klong // mnyam pa'i klong chen ris med la// bzhag dang ma bzhag med par gnas// gzhi bzhag chen po btsal du med// yang ltos yang ltos sems la ltos// ltar med sems kyis blta ba mthong // dmigs pa'i mtha' las 'das pa de// rig pa spyi blugs lta ba yin// rang rig lta ba rtsal gyi dbang // nyon mongs las kyis mi brdzi ba// ye nas thob pas bskur mi dgos// lta ba rang dbang gyur pa yin// yang sgoms yang sgoms sems la sgoms// bsgom

  222. 111b

    med sems kyis bsgom pa mthong // mtshan ma'i yul dang bral ba de// rig pa spyi blugs bsgom pa yin// rang rig bsgom pa rtsal gyi dbang // nyon mongs las kyis mi brdzi ba// ye nas thob pas bskur mi dgos// bsgom pa rang dbang gyur pa yin// yang spyod yang spyod sems la spyod// spyad med sems kyi spyod pa mthong // blang dor mtha' las grol ba ni// rig pa spyi blugs spyod pa yin// rang rig spyod pa rtsal gyi dbang // nyon mongs las kyis mi brdzi ba// ye nas rdzogs pas bskur mi dgos// spyod pa rang dbang gyur pa yin// yang sgrubs yang sgrubs sems la sgrubs// bsgrub med sems kyi 'bras bu mthong // re dogs mtha' las grol ba ni// rig pa spyi blugs 'bras bu yin// rang rig 'bras bu rtsal gyi dbang // nyon mongs las kyis mi brdzib// ye nas thob pas bskur mi dgos// 'bras bu rang dbang gyur pa'i phyir// des na chos nyid mnyam pa nyid// yul dang yul can med pa'i phyir// bdag dang gzhan du mi 'dzin pas// rig pa rang dbang gyur pa yis// mnyam pa'i klong du ngang gis gnas// de la rig pa'i 'char lugs ni// phyi nang kun tu rang shar bas// rang dbang rang gis thob pa'i phyir// mnyam pa'i ngang las g.yos pa med// mtshan ma'i yul la mi gnas pas// yul med rig pa spyi blugs gnas// ye nas gnyis

  223. 112a

    su med pa'i phyir// thig le'i ngang la dbyer mi byed// sems can rnam rtog mtshan ma la// sangs rgyas ye shes spyi blugs gnas// gnyis med rig pa rang gi rtsal// 'khor 'das dbye ru med pa'i phyir// mnyam pa'i don las 'da' ba med// dam tshig rig pa rang gi rtsal// mnyam nyid dgongs pa phyogs med la// dngos dang dngos med mnyam par 'char// rtog pa rig pa rang gi rtsal// sangs rgyas sems can dbyings su mnyam// kun rdzob don dam dbyings su mnyam// skyon dang yon tan dbyings su mnyam// mtho dman phyogs mtshams dbyings su mnyam// mnyam pa'i don la g.yos pa med// nyams myong rig pa rang gi rtsal// ye nas thob pas bskur mi dgos// shar ba'i dus na mnyam par shar// bzang ngan med pa rig pa'i rtsal// gnas pa'i tshe na mnyam par gnas// bzang ngan med pa rig pa'i rtsal// grol ba'i tshe na mnyam par grol// bzang ngan med pa rig pa'i rtsal// nyon mongs las kyis mi brdzi bas// phrin las rig pa rang rtsal dbang // ye nas thob pas bskur mi dgos// mi mnyam shar yang mnyam pa'i dbyings// mnyam dang mi mnyam med par shar// mi mnyam gnas kyang mnyam pa'i dbyings// mnyam dang mi mnyam med par gnas// mi mnyam grol yang mnyam pa'i dbyings// mnyam dang mi mnyam med par

  224. 112b

    grol// rang shar rang grol rig pa rang gi rtsal// 'phrin las rig pa rang rtsal dag gi dbang // ye nas thob pas bskur mi dgos// shar dang ma shar dbyings la med// grol dang ma grol dbyings la med// shar ba'i dus na rang la shar// rang shar rang gis rang sar zin// gnas pa'i dus na rang la gnas// rang gnas rang gis rang sa zin// grol ba'i dus na rang du grol// rang grol rang gis rang sa zin// shar bar gnas shing gnas par grol// grol par shar bas rgyun chad med// rgyun chad med pas rgyu 'bras med// rgyu 'bras med pas bar ma chad// bar chad med pa'i chos nyid la// 'khor ba'i g.yang sa gcad du med// g.yang sa bral bas lus mi len// lus med gol sar ga la ltung // dus gsum 'pho 'gyur med pa de// ye nas kun tu bzang po'i klong // ye nas skye shi med pa de// rdo rje sems dpa' nyid kyi ngadang // rig pa rang dbang bsgyur ba la// don gyi dbang zhes btags pa yin// rang zhal rang gis mthong ba la// sangs rgyas zhes su btags par bshad// ces gsungs so// klong chen rab 'byams rgyal po'i rgyud las/ dbang ye nas thob par bstan pa'i le'u ste sum cu rtsa drug pa'o// // de nas yang nyid kyi rang bzhin las mi gzhan pa'i 'khor rnams la ston pas bka' stsal pa/ byang chub sems la bzang ngan

  225. 113a

    med// chos rnams thams cad de bzhin gshegs// mnyam pa'i ngang las ma g.yos kyang // phyi nang gsang ba gsum gyi tshul// dkyil 'khor rdzas la brten nas ni// dbang rdzas rnams kyis dbang bskur nas// bde chen byang chub sems skye ste// gsang sngags don las phyir mi ldog/ phyi yi dbang zhes grags pa yin// nang gi dbang du bstan pa yang // tha mal lus las lhar bsgyur te// bdag rang lus la lha dbang thob// bsgoms pas lha ru gsal ba'i tshe// bdag tu 'dzin pa'i lus mi gnas// lus la lha ru dbang bskur bas// dbang yod pa la don 'byin te// slob dpon gyis ni dbang bskur bas// shes bzhin nyams len brtan pa la// thob pa zhes su bshad pa yin// dbang zhes bya ba'i dngos gzhi ni// gzhan na yod pa ma yin te// rig pa'i ye shes rang la gnas// nyon mongs dbang du mi 'gyur te// bdag/ la yod pas dbang zhes bya// gzhan mi dbang bas dbang zhes bya// rang nyid dbang ba'i phyir na dbang // gsang dbang zhes su grags pa yang // rang bzhin shugs kyis thob pa ste// bdag lus lha ru gsal tsam na// bdag 'dzin ngang gis mi gnas te// ye shes rang dbang dkyil 'khor rdzogs// rang rig ye shes rang dbang sgyur// yon tan mi zad nor bu'i gter// sku gsung thugs kyi 'khor lo la// dbang bsgyur bas

  226. 113b

    na dbang zhes bya// gsang bar bzhag pa'i rgyu mtshan ni// dngos su mi snang nus pa'i mthu// de bzhin gshegs pa thams cad kyang // rang las byung zhing skyed par byed// blo chung theg pa dman pa la// de don bstan na skrag pa dang // sgyid lug pa yi nyen yod pas// gsang na 'grub pa yin pa'i phyir// gsang dbang zhes su bstan pa yin// zhes gsungs so// klong chen rab 'byams rgyal po'i rgyud las/ dbang gi bye brag bstan pa'i le'u ste sum cu rtsa bdun pa'o// // de nas yang ston pa bcom ldan 'das kyis nyid las mi gzhan pa'i 'khor rnams la bka' stsal pa/ byang chub sems ni skyon dang bral// chos rnams thams cad bslab pa ste// bslab tu med pa'i bslab pa dang // bslab tu yod pa'i bslab pa'o// byang chub sems la skyon med kyang // 'dul byed dbang gis thabs sna tshogs// dus gsum sangs rgyas rnams kyis gsungs// man ngag don gyi gter chen yin// dam tshig dam tshig ces bya ba// gud na yod pa ma yin te// rang gi lta ba dam tshig yin// ji srid snang grag chos rnams kun// rang gi sems su 'dus pa'i phyir// de las mi 'da' rang dbang thob// 'das nyams med par shes pa'i tshe// ji ltar dmigs pa bzhin du snang // thams cad ma lus kun gyi yang // gzhi'am rgyu ru gyur pas na// rang gi byang chub sems

  227. 114a

    de ni// 'khor 'das kun gyi dngos gzhi'am// 'byung gnas dag tu gyur pa de// rang dbang rang gis thob pa'i dus// thams cad ma lus byang chub sems// rang gi cho 'phrul yin pas na// 'khor ba dag la nyam nga med// de las mi 'da' dam tshig yin// de yi don la gnas pa'i phyir// ji ltar mthong zhing ji ltar grag/ ji ltar btags shing ji ltar chags// ji ltar bsgoms shing ji ltar bsgrubs// gang ltar gnas shing 'dug na yang // de yi don las mi 'da' bas// dam tshig ces su btags pa yin// med pa dang ni phyal pa dang // gcig pu dang ni lhun gyis grub// med pa'i dam tshig ces bya ba// yul dang yul can med pa la// bsrung dang bsrung mtshams med pa yin// phyal pa dag gi dam tshig ni// bsrung mtshams med pa'i rang bzhin gyis// dge dang mi dge'i rtog med de// nyams pa dag gi skyon dang ni// ma nyams pa yi yon tan med// skyon yon med pas phyal pa yin// gcig pu dag gi dam tshig ni// nyams dang ma nyams med pa'i phyir// skyon dang yon tan gnyis su med// thams cad rang du gcig pas na// bsrung bya yul yang gcig pu rang // bsrung ba'i bdag kyang gcig pu rang // nyams pa'i skyon kyang gcig pu rang // ma nyams yon tan gcig pu rang // thams cad rang las mi 'da' bas// gcig pu'i

  228. 114b

    dam tshig ces su btags// lhun gyis grub pa'i dam tshig ni// thams cad rang du 'dug tsam na// yul gzhan med pas mtha' mi dmigs// mtha' bral chos nyid phyogs med der// bsrung du yod kyang de ru 'dus// bsrung du med kyang de ru 'dus// nyams dang ma nyams skyon yon kyang // de ru 'dus pas lhun gyis grub// de las mi 'da' dam tshig mchog/ dus gsum de dang mi 'bral bas// tha tshig ming du btags pa med// chos la skyon yon ris med kyang // gang zag blo la 'dzin pa byung // de phyir bslab pa sna tshogs kyang // gzung 'dzin gnyen por gsungs pa yin// lus kyis bsrung bar bya ba ni// man ngag/ ston pa'i bla ma dang // rdo rje spun la brnyas mi bya// ngag gis bsrung bar bya ba ni// mi snyan zur yang mi brjod cing // bre mo'i gtam yang spang bar gsungs// yid kyis bsrung bar bya ba ni// chags sdang ngan sems phrag dog rgyu// skad cig tsam yang mi bya zhing // mnyes pa rnam pa sna tshogs kyis// rab tu dgus pa'i mchod pa dbul// rtsa ba yan lag dam tshig kyang // gsang sngags thun mong gzhung dag tu// rgyal bas gsungs pa bzhin du gsal// a ti ye bsrungs chen po 'di// bsrung yang skyon med rang gi rgyan// ma bsrungs skyon bral 'da' ba med// 'da' nyams med pas bsrung mtshams bral// mu mtha' med par ye nas

  229. 115a

    'byams// bde chen klong 'byams dam tshig yin// zhes gsungs so// klong chen rab 'byams rgyal po'i rgyud las/ dam tshig grangs bsrung dang bral ba'i le'u ste sum cu rtsa brgyad pa'o// // de nas yang bcom ldan 'das kyis nyid las mi gzhan pa'i 'khor rnams la nyid kyi don 'di gsungs so// skye zhing 'jig pa'i mtha' med pas// bya bral klong chen nam mkha'i ngang // dbye bsal blang dor med pa'i phyir// gser gling lta bur yangs pa'i klong // phyi nang med par rang shar bas// nub pa'i mtha' med byang chub sems// mtha' yi mun pa sel ba'i phyir// ye shes sgron ma dbyings su gsal// mtha' bzhi ma spangs byang chub sems// mtha' yi skyon gyis ma reg pas// gol sa thams cad shugs la chod// g.yang sa med pa'i sems nyid la// rtsol med sku gsum lhun rdzogs kyang // 'khor 'das ming du btags pa la// rgyu 'bras can gyis za dad 'dzin// 'gro drug skye gnas bzhi po yang // chos dbyings rab 'byams cho 'phrul bas// dbyings las skye zhing dbyings su 'dzin// gzung 'dzin yul sems tha dad kyang // chos dbyings rab 'byams cho 'phrul te// dbyings las skye zhing dbyings kyis 'dzin// dbyings kyi ngang la gzung 'dzin med// dus gsum sangs rgyas dgongs pa dang // bde gshegs rnams kyi mkhyen

  230. 115b

    tshad kyang // dbyings las shar zhing dbyings su mkhyen// mkhyen pa ma 'gags chos kyi dbyings// shes bya ma 'gags rig pa'i rtsal// sku gsum thug phrad rang shar bas// gnyis su med par rang grol klong // thig le byang chub sems nyid ni// thams cad kun gyi dngos gzhi ste// mtshan nyid ma 'gags cir yang shar// sna tshogs chos la nges pa med// dbang po cir mthong chos nyid gsal// snang ba rgya yan/ rig pa'i klung // rang sgo bde ba'i klong du gnas// sku drug zang thal rang la shar// ye shes rang shar chos nyid klong // ma bsgribs phyi nang med par gsal// rang rig sems kyi me long la// rang snang dbyings kyi snang ba shar// rang las 'da' ba med pa'i phyir// yengs dang ma yengs ye nas med// ma bcos rnal 'dug rang lugs la// lus sems khong glod gar dgar bzhag/ shes pa bag yangs rtsol med la// byar med skyes bu bzhin du gnas// grims lhod med pa'i chos nyid la// lus sems gar dgar bzhag pas bde// ji ltar 'dug kyang rang gi ngang // 'gro 'dug za 'chag spyod lam kun// rang snang klong las g.yos pa med// rang snang byang chub sems 'di la// 'gro dang 'ong ba ngang gis med// 'gro 'ong med pa rgyal ba'i sku// ji ltar smras kyang rang la smra// ji ltar brjod kyang rang la brjod// ji ltar rdzogs kyang rang la

  231. 116a

    rdzogs// rang gis rang la smra zhing brjod// byang chub sems la sgra brjod med// brjod du med pa rgyal ba'i gsungs// ji ltar bsams kyang rang gi ngang // ji ltar brtags kyang rang la rtog/ byang chub sems la bsam rtog med// bsam rtog bral ba rgyal ba'i thugs// rtog med mnyam nyid chos kyi sku// med las cir yang 'byung bas na// sprul pa'i sku zhes grags pa yin// nyid la nyid kyi longs spyod mdzad// longs spyod rdzogs pa'i sku zhes bya// de la dngos gzhi med pa'i phyir// chos kyi sku zhes btags pa yin// 'bras bu sku gsum lhun grub pas// dbyer med gcig gi klong du bstan// lhun grub klong nas thams cad 'byung // phyi nang skye 'gro gzugs rnams kun// phyogs med sku ste sku la rol// mi zad rgyan gyi 'khor lo yin// sgra skad rab 'bring tha mar grags// phyogs med gsung ste gsung la rol// mi zad rgyan gyi 'khor lo yin// dbyer med don dam ngo bor gcig/ phyogs med thugs te thugs la rol// mi zad rgyan gyi 'khor lo yin// yon tan phrin las la sogs pa// phyogs med kun tu rang byung bas// 'dod pa thams cad 'grub pa'i phyir// nor bu rin chen chos kyi dbyings// gzhan nas btsal du med pa'i phyir// thams cad rang byung rang shar bas// 'dod dgur sbyar ba thugs rje'i dpal// thams cad ma lus

  232. 116b

    'dus pa'i phyir// chos kun rtsa ba byang chub sems// 'du 'bral med pas chos kyi sku// gnyis su med pas byang chub sems// bdag gzhan med pas mnyam pa nyid// chos kyi dbyings la phyogs ris med// kun la snyoms mdzad thugs rje'i dpal// byang chub sems kyis yongs la khyab// 'gro don mthar phyin dmigs pa med// phrin las byang chub sems la rdzogs// 'pho 'gyur med pa chos kyi sku// skye med chos kyi dbyings na gsal// chos kyi dbyings la mtho dman med// ci ru shar yang mnyam pa'i klong // byang chub sems la steng 'og med// kha gting med pa chos kyi dbyings// dbyings la phyi nang cir shar yang // bya bral klong la phyi nang med// dbyer med zang thal gcig gi klong // gcig gi klong na kun spyod pas// rang la rang blta thug phrad yin// rang la rang gcod thug phrad yin// ral gri'i so dang glang chen bzhin// rang gi zhen pa rang gis gcod// ces gsungs so// klong chen rab 'byams rgyal po'i rgyud las/ sku gsum thug phrad du bstan pa'i le'u ste sum cu rtsa dgu pa'o// // de nas yang bcom ldan 'das kyis slar bka' stsal pa/ dus gsum skye 'gag med pa'i phyir// chos kyi dbyings la rgyun chad med// mi 'gyur 'dus ma byas pa'i klong // mtha' rnams thams cad 'joms pa'i phyir// rdo rje'i tho chen 'bar ba ste// phyogs

  233. 117a

    rnams zil gyis gnan pa'i phyir// man ngag kun gyi rgyal po yin// dus gsum sangs rgyas 'byung ba'i phyir// rig pa'i ye shes chos kyi dbyings// gzung 'dzin zil gyis gnan pa'i phyir// rang rig stong nyid byang chub klong // che ba'i yon tan ma lus pa'i// rnam grangs ji snyed yod pa kun// dbyings las dbyings 'byung thabs kyi mchog/ ma 'gags rang shar rol pa'i rgyan// thams cad skye ba med pa'i dbyings// lhun rdzogs chen po chos kyi sku// dngos po zil gyis gnon pa'i phyir// chos nyid byang chub sems kyi klong // stong nyid dbyings la 'gag pa med// dus gsum rgyal ba'i mkhyen tshad de// med par zhen pa stong pa'i mtha'// zil gnon rang rig byang chub klong // byang chub sems kyi rang bzhin la// ye nas snang stong gnyis su med// gnyis mthar mi gzigs rtog las 'das// dmigs pa'i mtha' las grol ba'i phyir// gnyis med ma zhen byang chub sems// thugs rje bsam yas cho 'phrul 'byung // mtha' bzhir ma 'gags zil gyis gnon// che mnyam chung mnyam byang chub sems// mnyam pas che la che bas mnyam// che chung med pa chos kyi sku// dmigs su med pas nam mkha' bzhin// de yi mdzad spyod cir yang ston// ma 'gags thugs rje'i sprul pa ni// nges med sku ste cir yang snang // nyid kyi rol par nyid

  234. 117b

    longs spyod// longs spyod rdzogs skur nyid kyis bstan// ji ltar byas kyang sku gsum klong // 'dus ma byas pa chos kyi dbyings// sku gsum dbyings nas rang shar bas// 'khor 'das gnyis kyang rang la shar// de yi ngang las g.yos pa med// rang shar rang grol chos nyid kyis// mtshan ma thams cad zil gyis gnon// sems nyid klong chen 'gyur med de// nam mkha'i klong ltar yongs la khyab// rol pa nges med cir yang 'char// thugs rje'i cho 'phrul mi zad klong // thams cad dbyings kyi rgyan du snang // dbyings las ma gtogs chos med pas// gzhan du 'gog pa'i yul dang bral// tshogs drug rang sar grol ba'i phyir// mtshan ma'i rtog pa zil gyis gnon// snang ba rgya yan yin pa'i phyir// 'du 'phro byang chub sems kyi rtsal// cir yang ma yin chos nyid la// sna tshogs cir yang snang ba'i phyir// ngo mtshar rmad byung bya bral chos// 'khor 'das theg pa thams cad la// kun la dbang bskur bya bral chos// byar med gcig gi rang stobs kyis// mtha' rnams thams cad zil gyis mnan// de la mtha' dang yul gzhan med// byar med klong las gar ma g.yos// mtha' rnams kun bral kun tu bzang // 'khor 'das byar med kun tu bzang // kun bzang klong na 'khor 'das med// snang stong dbyer med kun tu bzang // kun bzang

  235. 118a

    dbyings la snang stong med// skye shi dbyer med kun tu bzang // kun bzang klong na skye shi med// bde sdug dbyer med kun tu bzang // kun bzang klong na bde sdug med// bdag gzhan rtag chad la sogs kun// dbye ba med de kun tu bzang // kun bzang klong na bdag gzhan med// skye med klong na rtag chad med// med las yod 'dzin 'khrul par brtags// thams cad kun bzang lhun gyis grub// gcig las shar bas brdal ba che// mtha' rnams ma lus rang sar grol// gzung 'dzin mtshan ma zil gyis mnan// mtha' rnams ma lus dbyings su gcig/ gcig tu 'gran zla bral ba'i phyir// rab tu che mchog chos kyi sku// che ba'i chen por rang bzhin gnas// kun bzang yangs pa chos kyi dbyings// rgyal po lta bur mi g.yo yang // mtshan ma thams cad zil gyis gnon// 'khor 'das kun la dbang bsgyur kyang // mnyam pa'i don las g.yos pa med// thams cad kun tu bzang por gcig/ mi bzang pa yang bzang por gcig/ bzang ngan med par kun tu bzang // mi gcig pa yang gcig par gnas// thams cad lhun gyis grub par 'dus// ma grub pa yang grub par 'dus// mnyam nyid lhun gyis grub pa la// grub dang ma grub med par gcig/ gcig las kun tu shar bas na// kun shar ris med chos kyi

  236. 118b

    dbyings// chos kyi dbyings la bya ru med// dbyings nyid gcig la btsal du med// rtsol bsgrub rang gi dbyings nas shar// gzhan nas btsal du med pa'i phyir// gang la rtsol zhing gang du bsgrub// bsgrub cing rtsol bar rang gi sems// btsal ba'i yul med rang snang la// bsgoms pas gzhan du mthong ba med// bsgrub pa'i gzhi med gnas med pas// gzhan nas 'ong ba gang yang med// 'gro 'ong med pa chos kyi sku// mnyam pa'i don las nyams pa med// mtha' dang bral bas bdag gzhan med// ces gsungs so// klong chen rab 'byams rgyal po'i rgyud las/ tshogs drug 'jug pa med pa'i le'u ste bzhi bcu pa'o// // de nas yang nyid kyi 'khor la ston pa nyid kyis bka' stsal pa// cho 'phrul cho 'phrul zhes bya ba// bsgrub pa don du gnyer las 'byung // nges par bsgrubs na gcig las med// sangs rgyas rang las byung ba'i phyir// rang gi 'bras bu rang gis bsgrub// bsgrubs pas gzhan nas mi 'grub phyir// rang gi 'bras bu rang gis grub// bdag gzhan gnyis su med pa'i phyir// rang gi 'bras bu rang gis grub// yon tan rang la rdzogs pa'i phyir// rang gi 'bras bu rang gis grub// gnyen po gzhan na med pa'i phyir// rang gi 'bras bu rang gis grub// bsgrub par bya ba'i thabs de la// bsnyen dang nye ba'i bsnyen pa

  237. 119a

    dang // sgrub dang sgrub pa chen por btags// bsnyen pa'i las zhes bya ba ni// a ti yo ga'i byang chub sems// 'khor 'das gnyis su med pa'i phyir// sangs rgyas sa la ye nas bsnyen// rang byung ye shes rang shar bas// rtogs pa'i ngang la ye nas bsnyen// sku gsum mngon du gyur pas na// go 'phang mchog la ye nas bsnyen// chos la blang dor mi byed pas// mnyam pa nyid la ye nas bsnyen// snang stong ris su mi 'dzin pas// dbyer med pa la ye nas bsnyen// nges par rtogs na gzhan med pas// dgongs pa mchog la ye nas bsnyen// a ti rang byung bsnyen pa yin// nye bsnyen zhes su btags pa ni// brjod du med pa'i bzlas pa yis// smrar med klong du nye bar bsnyen// dmigs su med pa'i ting 'dzin gyis// gnas su med la nye bar bsnyen// cir yang 'gyur ba'i phyag rgya yis// 'dzin chags med la nye bar bsnyen// rang lugs chen po'i byin rlabs kyis// rgyun chad med la nye bar bsnyen// rol pa chen po'i cho 'phrul gyis// mngon par mthong ba nye bar bsnyen// myong ba med pa'i drod rtags kyis// 'dod pa med par nye bar bsnyen// a ti rang byung nye bsnyen yin// sgrub pa zhes su btags pa ni// rang byung ye shes dkyil 'khor du// rang snang rol pa'i lha bkod de// rgyu rkyen med pa'i rdzas bsogs nas// gzhi rtsa med par

  238. 119b

    rtogs pa yis// bya bral klong chen bsgrub pa bya// chos nyid klong yangs dkyil 'khor du// ma 'gags rol pa'i lha bkod de// 'khor 'das gnyis kyi rdzas bsogs nas// dbyer med don gyi bsgrub pa bya// rang bzhin lhun grub dkyil 'khor du// skye med dbyings kyi lha bkod nas// sna tshogs snang ba'i rdzas bsogs te// dmigs su med pa'i bsgrub pa bya// byang chub sems kyi dkyil 'khor du// chos sku bde chen lha bkod de// 'dus ma byas pa'i rdzas pa sogs nas// skye shi med pa'i bsgrub pa bya// snang srid 'byung ba lnga yi chos// 'byung ba chen po bcom ldan 'das// 'dod dgur 'byung bas rin po che// 'byung ba lnga yi thugs rje yis// rtsi 'khrungs lo thog sna tshogs smin// grub pa'i 'bras bu 'dod yon lnga// thun mong 'grub pa'i yon tan yin// khyad par bsgrub pa'i 'bras bu ni// sku gsum skye 'chi med pa'i klong // ye nas gnas pas bsgrub mi dgos// ma bsgrubs lhun grub 'bras bu la// sgrub pa chen po zhes su btags// byang chub sems dpa'i sgor zhugs nas// bskal pa bye bar sbyangs pa yi// kun tu 'od kyang de la 'grub// phyi nang sgrib g.yogs mi mnga' bas// de yi yon tan kun tu 'od// ma bsgrubs lhun grub 'bras bur gnas// bya ba rgyud kyi sgor zhugs nas// mi tshe bdun du bsgrubs pa yi// rdo rje 'chang yang de la

  239. 120a

    'grub// 'du 'bral med cing mi shigs pas// de yi yon tan rdo rje 'char// ma bsgrubs lhun grub 'bras bur gnas// gnyis ka rgyud kyi sgor zhugs nas// lha spyod gong 'og 'brel ba yis// rje 'dzin pa bsgrubs pa yang // mi gtong 'dzin goms 'bral med pas// de yi yon tan rdo rje 'dzin// ma bsgrubs lhun grub 'bras bur gnas// rnal 'byor rgyud kyi sgor zhugs nas// mi tshe lnga ru bsgrubs pa yi// stug po bkod pa de la 'grub// ma 'dres yongs su rdzogs pa yis// de yis yon tan stug po bkod// ma bsgrubs lhun grub 'bras bur gnas// rnal 'byor chen po'i sgor zhugs nas// mi tshe gsum mam gnyis bsgrubs pa// pad+ma can yang de la 'grub// skyon bral ye shes phyogs med gzigs// de yi yon tan pad+ma'i spyan// ma bsgrubs lhun grub 'bras bur gnas// yongs su rnal 'byor sgor zhugs nas// mi tshe gcig tu bsgrubs pa yin// yi ge 'khor lo tshogs chen yang // rang byung ye shes de la 'grub// ma skyes chos kyi 'khor lo de// rgyun chad med par bskor ba dang // de la yon tan tshogs gnyis kyang // yi ge 'khor lo tshogs chen yin// ma bsgrubs lhun grub 'bras bur gnas// de dag thams cad dbyer med pas// kun tu bzang por gcig pa'i phyir// dbye ba med pa'i sa yang yin// ye nas rang la gnas pa

  240. 120b

    dang // da lta nyid la non pa'i phyir// bsgrub pa chen po kun tu bzang // rang byung don gyi bsgrub pa yin// de yi phrin las bya btsal med// nyon mongs rang sar zhi ba'i phyir// byang chub sems ni zhi bar grags// yon tan mchog tu rgyas pa'i phyir// byang chub sems ni rgyas par grags// rig pa rang dbang thob pa yis// byang chub sems ni dbang du grags// 'khrul pa rtsad nas bcad pa'i phyir// byang chub sems ni drag po yin// zhes gsungs so// klong chen rab 'byams rgyal po'i rgyud las/ grub pa mchog gi le'u ste bzhi bcu rtsa gcig pa'o// // de nas yang bcom ldan 'das kyis 'khor rnams la bka' stsal pa/ ma sdod sems kyi klong la ltos// sems nyid klong chen gzhal yas khang // bltas pas mi mthong bzhag pas gsal// gang yang bzhag pa rang na bde// ma sdod sems kyi klong na bsgom// bsgoms pas mi gsal bzhag pas gsal// gang yang bzhag pa rang na bde// ma sdod sems kyi klong la spyod// spyad pas mi zin bzhag pas zin// gang yang bzhag pa rang na bde// ma sdod sems kyi klong la bsgrub// bsgrubs pas ma rnyed btsal ba stor// dmigs su med pa'i klong na bde// ji ltar bltas kyang bde chen klong // bde chen klong la yangs dog med// ji ltar bsgoms kyang bde chen dang // bde chen ngang la rgyun chad med//

  241. 121a

    ji ltar spyad kyang bde chen dbyings// bde chen dbyings la bya btsal med// ji ltar bsgrubs kyang bde chen klong // bde chen klong la 'pho 'gyur med// lta ba klong chen klong re langs// bsgom pa klong chen gting re zab// spyod pa klong chen shugs re drag/ 'bras bu klong chen 'dod dgur bsgyur// rtog pa klong chen blo re bde// nyams myong bzhag sa med pa'i phyir// lta ba phyogs ris ma byed cig/ sems la gzhi rten med pa'i phyir// ting 'dzin dmigs gtad ma 'cha' cig/ bdag gzhan gnyis su med pa'i phyir// spyod pa blang dor ma byed cig/ 'khor 'das dbye bsal med pa'i phyir// 'bras bu re dogs ma byed cig/ nam mkha'i gong na 'byung ba med// rang sems gong nas sangs rgyas med// 'byung ba nam mkha'i cho 'phrul yin// sangs rgyas sems kyi cho 'phrul yin// sems can kun kyang rang gi sems// nam mkha'i gong na 'byung ba med// rang sems gong na lta ba med// 'byung ba nam mkha'i cho 'phrul yin// lta ba sems kyi cho 'phrul yin// blta ru med pa'i rang gi sems// nam mkha'i gong na 'byung ba med// sems kyi gong na ting 'dzin med// ting 'dzin sems kyi cho 'phrul yin// mi bsgom pa yang rang gi sems// nam mkha'i gong na 'byung ba med// rang sems gong na spyod pa med// spyod pa sems kyi cho 'phrul yin// mi spyod

  242. 121b

    pa yang rang gi sems// nam mkha'i gong na 'byung ba med// 'byung ba nam mkha'i cho 'phrul yin// rang sems gong na 'bras bu med// 'bras bu sems kyi cho 'phrul yin// mi bsgrub pa yang rang gi sems// 'byung ba lnga yang nam mkha'i dbyings// phyi nang snod bcud nam mkha'i dbyings// 'dod yon rnam lnga nam mkha'i dbyings// nam mkha'i dbyings kyang sems kyi klong // sangs rgyas sems can sems kyi klong // 'khor ba myang 'das sems kyi klong // phyi nang snod bcud sems kyi klong // bde dang sdug bsngal sems kyi klong // skye shi bdag gzhan sems kyi klong // lta sgom spyod 'bras sems kyi klong // sems kyi klong la skye shi med// skye shi med pas nam mkha' 'dra// sems kyi klong la 'pho 'gyur med// 'pho 'gyur med pas rdo rje 'dra// rdo rje'i ri la 'jig 'dra la med// phyogs med lhun grub sdong po la// 'khor 'das gnyis kyi lo 'dab rgyas// bya bral 'dzin med nam mkha' la// sku gsum snying po nyi zla shar// 'gro drug 'khrul pa'i grong khyer 'di// bde chen sangs rgyas zhing khams yin// gzung 'dzin mtshan ma'i myu gu la// bde chen chos sku'i 'bras bu smin// 'gro ba rigs drug skye gnas bzhi// sprul pa'i sangs rgyas yin pas na// byang chub sems la dgag tu med// sa chu me rlung 'byung ba bzhi// 'gro don mdzad phyir bcom ldan 'das// mngon

  243. 122a

    du phyung ba longs spyod rdzogs// byang chub sems la dgag tu med// nam mkha'i klong na mtshan mi gnas// dmigs su med pas chos kyi sku// mngon du phyung ba yin pas na// byang chub sems kyi rang bzhin yin// 'dod chags zhe sdang gti mug dang // nga rgyal phrag dog la sogs pa'i// nyon mongs dug lnga dug gsum yang // rang byung ye shes mngon du phyung // byang chub klong la dgag tu med// snang srid 'khor 'das rgyu 'bras chos// rig pa mngon du phyung bas na// byang chub klong la dgag tu med// don de gtan la 'bebs pa la// drang ba'i don dang nges pa'i don// a nu man chad rang rang gi/ bden pa'i gtan tshigs gang smras kyang // gtan la phebs pa ma yin te// 'dzin pa dam pos bcings pa'i phyir// chos nyid 'dzin pa kun bral la// phyogs su lta ba 'khrul pa'i blo// rol pa phyogs med 'byung ba la// mtha' ru 'dzin pa 'ching ba'i bdud// yod par zhen na rtag pa'i mtha'// med par zhen na chad pa'i mtha'// rtag chad gnyis su blo zhen pa// byang chub snying po'i gol sa yin// nges par gtan la dbab pa ni// snang srid 'khor 'das chos rnams kun// gzhi la ma spangs lhun grub pas// phyogs med dag tu gtan la 'bebs// ngo bo nges pa med pa'i phyir// rang byung ye shes gtan la 'bebs// bdag nyid thog mtha' bral ba

  244. 122b

    yis// snga phyi thog mtha' med pa dang // skye shi 'pho 'gyur med pa ru// gtan la 'bebs pa yin pa'i phyir// dman pa'i theg pa kun las rgyal// a ti ye grol gtan tshigs yin// de don gtan tshigs ston pa yang // rgyal ba'i bka' la rag las pas// byin gyis brlabs nas brgyud pa la// rna brgyud zab mo nges pa'i lung // a ti yo ga'i don 'dir btags// zhes gsungs so// klong chen rab 'byams rgyal po'i rgyud las/ gong na med par nges par lung bstan pa'i le'u ste bzhi bcu rtsa gnyis pa'o// // de nas yang bcom ldan 'das kyis nyid las mi gnas pa'i 'khor rnams la bka' stsal pa/ e ma theg chen yangs pa'i chos// kun shong kun grol ngo mtshar che// snang ba shar bas chos nyid mthong // sngon chad ma mthong bdag gis mthong // sdug bsngal shar bas bde chen mthong // bde dang sdug bsngal gnyis med cing // mi 'gyur tshig chod snang bar shar// sngon chad ma mthong bdag nyid mthong // sems can shar bas sangs rgyas mthong // sangs rgyas sems can gnyis med cing // mi 'gyur chos nyid snang bar shar// 'khor bar shar bas myang 'das mthong // 'khor ba myang 'das gnyis med cing // mi 'gyur chos nyid snang bar shar// sngon chad ma mthong bdag nyid mthong // chos can shar bas chos nyid mthong // nyon

  245. 123a

    mongs shar bas ye shes mthong // nyon mongs ye shes gnyis med cing // mi 'gyur chos nyid snang bar shar// de la sogs te gnyis kyi bsdus// thams cad kun kyang ma bkag ste// chos nyid snang bar shar ba yin// sems can lus kyi go phye bas// sangs rgyas sku yi mthongs brtol te// sangs rgyas sems can gnyis su med// snang ba dngos po'i go phye bas// stong pa dbyings kyi mthongs brtol te// snang dang stong pa gnyis su med// sdug bsngal mtshan ma'i go phye bas// bde chen mchog gi mthongs brtol te// bde dang sdug bsngal gnyis su med// chos can mtshan ma'i go phye bas// chos nyid phyogs med mthongs brtol te// chos can chos nyid gnyis su med// nyon mongs mtshan ma'i go phye bas// rang byung ye shes mthongs brtol te// nyon mongs ye shes gnyis su med// de la sogs pa'i chos rnams kun// gnyis su med cing mi 'gyur ba// nyid kyi snang bar shar ba yin// chos nyid gnyis su med pa yin// de la sogs pa'i chos rnams kun// dbyer med rang sar grol ba yin// rgyu 'bras gnyis po ma bkag kyang // rgyu 'bras gnyis las 'das pa yin// 'khor 'das gnyis po ma bkag kyang // 'khor 'das gnyis las grol ba yin// de yang ji ltar grol zhe na// sems can dngos su snang ba yin// dngos med sangs rgyas gtan la

  246. 123b

    'bebs// sangs rgyas pas kyang sems can gtso// gnyis med klong du thag chod pas// rang sar grol bas yid kyang ches// stong pa bas kyang snang ba gtso// snang ba nges med rang shar gyis// stong pa 'dzin med gtan la 'bebs// gnyis med klong du thag chod pas// rang sar grol bar yid kyang ches// bde chen pas kyang sdug bsngal gtso// sdug bsngal zhen chags mtshan ma yis// bde chen chags med gtan la 'bebs// gdams ngag thob pas yid ches pas// gnyis su med par zag chod nas// rang sar grol bar yid kyang ches// chos nyid pas kyang chos can gtso// chos can mtshan ma rang rgyud pas// chos nyid skye med gtan la 'bebs// chos can chos nyid dbyer med de// gnyis med klong du thag chod pas// rang sar grol bar yid kyang ches// ye shes pas kyang nyon mongs gtso// nyon mongs 'ching ba'i zhags pa yis// rang byung ye shes gtan la 'bebs// nyon mongs ye shes dbyer med de// gnyis med klong du thag chod pas// rang sar grol bar yid kyang ches// de la sogs pa'i chos rnams kun// dus rnams kun tu dbyer med de// gnyis med klong du zag chod pas// rang sar grol bar yid kyang ches// de ltar yid ches zag chod pas// rtogs pa'i nyams myong blo bde'o// dbyings las 'gro sa med pa'i phyir// phung po bor

  247. 124a

    bas dbyings su grol// klong las 'gyur sa med pa'i phyir// mtshan ma'i chos la ya ming // thams cad thams cad dbyings su grol// sems can sangs rgyas dbyings su grol// rgyun chad med pa sprul pa'i sku// snang ba stong pa'i dbyings su grol// rgyun chad med pa longs spyod rdzogs// sems can chos nyid dbyings su grol// rgyun chad med pa chos kyi sku// sdug bsngal bde chen dbyings su grol// rgyun chad med pa rdo rje'i sku// nyon mongs ye shes klong du grol// rgyun chad med pa mngon pa du// byang chub pa yi sku ru bshad// de yang mtshan nyid ji lta bu// sprul pa'i sku la nges pa med// longs sku bde chen dngal gnas// chos kyi sku la mtshan ma med// rdo rje'i sku ni 'jig 'dra la bral// byang chub sems sku skye shi med// de yang don las btags pa yin// gzugs rnams med pas byang chub klong // kha dog dbyings kyang gzung du med// mtshan nyid med pas nam mkha' 'dra// chos kyi dbyings su ye sangs rgyas// cho 'phrul 'byung bas nam mkha' 'dra// bdag nyid chen por ye sangs rgyas// gnyis su med pas nam mkha' 'dra// de yin pa ru ye sangs rgyas// gang la mi gnas nam mkha' 'dra// mngon pa ru ni ye sangs rgyas// gang la'ang ltos pa med pa dang // ci la'ang phan dang gnod pa med// thams cad mnyam pas nam mkha'

  248. 124b

    'dra// thams cad nas ni thams cad du// sangs rgyas med pa'i sangs rgyas te// sems nyid klong chen yangs pa ru// 'khor 'das ma lus chos rnams kun// che ba lnga ru mngon sangs rgyas// zhes gsungs so// klong chen rab 'byams rgyal po'i rgyud las/ sku lnga che ba lnga dang ngo sprad pa'i le'u bzhi bcu rtsa gsum pa'o// // de nas yang nyid kyis 'khor rnams la bka' stsal pa/ gsang sngags sgo 'di yangs pa ru// ma rdzogs chos ni gang yang med// 'khor ba'i chos dang mya ngan 'das// ye nas gnyis su med par rdzogs// rgyu yi chos dang 'bras bu'i chos// ye nas dbye ru med par rdzogs// bstan pa'i chos dang bsgrub pa'i chos// ye nas bstan du med par rdzogs// don dam chos la bsgrub tu med// ye nas bsgrub tu med par rdzogs// bde dang sdug bsngal ye mthun rdzogs// 'dus byas chos dang 'dus ma byas// ye nas bzang ngan med par rdzogs// dkar po'i chos dang nag po'i chos// ye nas blang dor med par rdzogs// chos can dang ni chos nyid dang // kun rdzob dang ni don dam chos// ye nas dgag bsgrub med par rdzogs// nyon mongs dang ni ye shes dang // snang srid skye 'gul yod pa dang // mi srid med pa'i chos rnams kun// rang byung ye shes klong dkyil du// ma rdzogs pa ni med pa'i phyir// rdzogs chen lhun grub bla na

  249. 125a

    med// mnyam pa nyid du zag chod pas// kun kyang rang byung ye shes nyid// dus la snga phyi ma mchis pas// a ti dus gsum tshig chod la// a nu man chad 'og ma yi// bskal pa'i grangs dang mi tshe'i grangs// brgyud nas 'bras bu 'dod pa de// ma spangs gcig tu 'dus pa'i phyir// dus gsum tha dad med pa ru// rang bzhin gcig pas klong du grol// de yi ngang la rgyun chad med// rgyun chad med pa'i rang bzhin la// 'khor 'das mnyam pa ris med las// gzhan du lta ba med pa'i phyir// ye sangs rgyas pa'i chos nyid yin// de la rang rang longs spyod pas// phyogs med gter chen 'bras bu yin// 'khor ba'i sdug bsngal sna tshogs kyang // chos nyid yo lang yin pa'i phyir// bde ba chen po'i 'bras bur shar// de las ma gtogs 'bras bu med// yang dag ces su btags pa'i don// rgyal ba'i dkyil 'khor zhes bya/ ba// mnyam nyid klong las gzhan med de// spyod yul dbyer med de nyid rang // rgyal ba'i zhing du shar ba'i phyir// 'bras bu gzhan nas mi 'tshol te// re med dogs med rnam par grol// sems nyid rang byung ye shes 'di// rang snang phyogs med shar ba la// rang bzhin gcig tu ma rtogs na// la la yin la la la min// bzang ngan 'byed pa mnyam pa'i gtsugs lcags kyang // sangs rgyas sems kyi bzang rtog

  250. 125b

    la// sems can ngan rtog yin pa'i phyir// don la bzang ngan med mod kyang // gang zag blo la bzang ngan byung // bzang ngan sems kyi rtog pa yin// rtog pa nyon mongs 'khor ba'i chos// rtogs na spang du med pa'i phyir// nam mkha' dang ni cho 'phrul bzhin// mnyam nyid klong du dbye ba med// dbyer med rol pa rgyun mi 'chad// rang bzhin dbyings kyi rol pa dang // thugs rje shugs kyi rol pa dang // rang byung rang shar rol pa'o// rang bzhin dbyings kyi rol pa ni// 'khor 'das gnyis su ye nas phyung // thugs rje thugs kyi rol pa ni// gdul bya'i don la mi 'gag ste// 'gro don phyogs med mdzad pa yin// las las grub pa'i sems can la// thugs rje las grub sangs rgyas te// sprul pa gsum gyi ngo bor snang // rang byung rang shar rol pa ni// rgyun chad med pa'i chos nyid la// stong dang bri ba med pa'i phyir// nam mkha'i klong dang cho 'phrul bzhin// 'di yin 'di min med pa ru// phyogs med dag tu 'char ba de// rang byung rang zhi nges pa med// rgyu rkyen med par 'byung ba dang // rgyu rkyen gnyis ltar 'char ba dang // rgyu rkyen gnyis ltar grol ba dang // rtag chad gnyis ltar 'char ba dang // rtag chad gnyis ltar grol pa dang // 'khor 'das gnyis ltar 'char ba dang // 'khor 'das gnyis ltar grol ba dang // thams cad rang las shar ba

  251. 126a

    dang // thams cad rang du grol ba dang // tha dad 'char ba gnyis su med// rang byung rang shar thugs rje yin// dbyings las g.yos pa med mod kyang // chos rnams kun la dbang bskur dang // yul rnams kun la dbang bsgyur dang // dus rnams kun la dbang bsgyur dang // 'byung ba kun la dbang bsgyur dang // snod bcud kun la dbang bsgyur dang // 'du byed las la dbang bsgyur ba// de yang thugs rje'i rol pa yin// sangs rgyas zhing la dbang bsgyur dang // chos kyi 'khor lo bskor ba dang // zhi ba'i chos la gnas pa dang // zag med mya ngan 'das pa yang // thugs rje dbyings kyi rol pa yin// cho 'phrul chen po dka' sla med// de ma thag tu rang las 'byung // bltas dang ma bltas med par 'byung // bsgoms dang ma bsgoms med par 'byung // btsal dang ma btsal med par 'byung // bsgrubs dang ma bsgrubs med par 'byung // rang byung ye shes spyod yul ni// phyogs med rig pa yin pa'i phyir// cir snang skyon du mi blta bas// phyi nang med cing dngos po bral// cir yang ma 'gags gzung du med// rgyu rkyen med par rang shar bas// 'di 'drar med cing brtag por dka'// gang la dgag bsgrub mi byed pas// mnyam par shar phyir bzang ngan med// chos rnams sems su 'dus pas na// sangs rgyas sems can

  252. 126b

    gcig gi klong // mnyam shar mnyam grol bzang ngan med// sems nyid kun gyi gzhir gyur pas// 'byung ba kun gyi rang bzhin sems// sems dang nam mkha' dbyer med pas// dpe ru btags kyang don du gcig/ rdzogs so rdzogs so mkha' la rdzogs// 'byung lnga nam mkha'i ngang du rdzogs// rdzogs so rdzogs so dbyings la rdzogs// chos rnams sems kyi dbyings la rdzogs// gsal lo gsal lo mkha' la gsal// dngos po nam mkha'i ngang la gsal// gsal lo gsal lo dbyings na gsal// chos rnams byang chub dbyings na gsal// grol lo grol lo dbyings su grol// mtshan ma chos kyi dbyings su grol// phyi nang snod bcud chos rnams kyang // ma bcos sems kyi klong du grol// ma byas rang byung ye shes gsal// mi 'gyur thig le'i klong du grol// ma brdal phyi nang yongs la khyab// phyi nang snod bcud chos rnams kyang // ma bsdus de bzhin nyid la 'dus// ma spros 'khor 'das kun tu shar// 'khor 'das phyi nang chos rnams kyang // ma skyes gdod nas rnam par dag/ ma 'gags rig pa rang la gsal// rang gsal rig pa phyogs med la// 'khor 'das gnyis su ma zhen pas// sangs rgyas sems can rtog las 'das// rgyu 'bras gnyis su ma zhen pas// snga phyi gnyis su rtog las 'das// skyon yon gnyis su ma zhen pas// phan

  253. 127a

    gnod gnyis su rtog las 'das// dge sdig gnyis su ma zhen pas// blang dor gnyis su rtog las 'das// rtog med phyogs bral kun gyi gzhi// gzhi la gzhi yi mthar mi gnas// mi gnas rang shar kun gyi dngos// rang gi ngo bo mthar mi gnas// gnyis med skye 'gag bral ba'i phyir// don la don gyi mthar mi gnas// skye med rig pa yul med la// snga phyi thog mtha' med pa'i phyir// bdag nyid mi gnas thog mtha' bral// bral ba'i mtha' la'ang mi gnas pas// rgyu rkyen 'bras bu'i chos las 'das// chos las 'das pa'i chos nyid de// rgyu rkyen med pa'i klong du shar// ma bcos bde chen chos kyi sku// zhes gsungs so// klong chen rab 'byams rgyal po'i rgyud las/ kun rdzogs mtha' med kyi le'u ste bzhi bcu rtsa bzhi pa'o// // de nas yang bcom ldan 'das kyis 'khor rnams la bka' stsal pa// don gyi dbyings las ma g.yos par// rang bzhin rnam dag rdzogs sangs rgyas// lhun gyis grub pas go 'phang gcod// nges pa med par gtan la 'bebs// rang bzhin rnam par dag pa la// gang yang ma spangs lhun gyis grub// cir yang ma 'gags nges pa med// gang la mi gnas rnam par dag/ rnam dag gcig gis kun byas pas// chos kun rnam par dag pa'i dbyings// rang bzhin lhun gyis grub pa

  254. 127b

    la// cir yang ma 'gags nges pa med// gang du mi gnas rnam par dag/ gang yang ma sangs lhun gyis grub// lhun grub gcig gis kun byas pas// chos rnams lhun gyis grub pa'i dbyings// rang bzhin nges pa med pa la// gang yang ma spangs lhun gyis grub// gang du mi gnas rnam par dag/ cir yang 'char bas nges pa med// nges med gcig gis kun byas pas// thams cad nges pa med pa'i dbyings// dbyings nyid gcig las der snang bas// 'dra'o 'dra'o mnyam nyid che// sangs rgyas bstan pa ma lus pa// mthar thug snying po 'di las med// dus gsum rgyal ba thams cad la// dgongs pa 'di las yongs mi mnga'// mthar gyis 'bras bu thob 'dod nas// gsang sngags 'jug sgo grangs mang yang // bkri drang can dang log sred can// zhen chags can la bstan par zad// de bzhin nyid du kun 'dus pas// ma bcos de bzhin nyid 'di la// chos spyod spong ba khrig chod yin// zlog mi thub pa drang zad yin// sa ma zin pa spun po yin// dge med sdig med nag 'byams yin// kun gyi rang bzhin 'gag med 'di// lhun grub phyogs med ma rtogs pas// lta ba'i 'dod gzhung du mar byung // blo dang chos su ma 'dres pas// mnyam nyid mtha' las phyogs su zhe na// kun rig shes pa ma skyes pas// yul med gcig la ris su

  255. 128a

    gcod// rang byung phyogs med ma shar bas// mun pa'i klong na tshod kyis 'jal// thams cad de ru 'dus pas na// ma bsgrubs lhun grub chos kyi dbyings// dngos med ngo bo gzung du med// thig le gcig tu kun grol bas// gnyis su bya ba'i tha snyad bral// bya bral gcig tu kun rdzogs pas// re dogs mtha' la rtsol mi dgos// dor bar bya ba'i skyon med pas// blang ba'i yon tan ga la yod// ye bltas ye bsgom ye spyad pas// 'bras bu'i dngos po gang gis 'grub// ye nas bltas pas yul dang bral// ye nas bsgoms pas dmigs su med// ye nas spyad pas btsal du med// ye grub yin phyir bsgrub tu med// ye grol chen po chos kyi dbyings// dngos po kun las rang bzhin dben// dngos po thams cad skyed pa po// kun gyi rang bzhin 'di yin pas// thams cad kun dang mtshungs par snang // nges pa'i don la thig le gcig/ mtshan nyid 'dzin la tha dad shar// shar yang 'dir 'dus 'di la snang // kun gyi rang bzhin chos kyi dbyings// chos dbyings rtsa ba 'di shes na// kun kyang de yi klong du grol// 'khor 'das kun gyi grol sa yin// nam mkha'i sprin dang 'ja' tshon bzhin// sgyu ma'i tshul du ma nges shar// 'dzin chags med pas skyon dang bral// nam mkha'i dbyings la dngos gzhi med// chos nyid klong la brtag tu

  256. 128b

    med// dngos bral dngos med dbyings kyi klong // chos nyid klong las gzhan med pas// phyogs med shar yang bdag nyid rang // lam dang 'bras bu'i chos rnams kyang // ma btsal rang las byung bas na// yid bzhin nor bu rin po che// skye 'jig med pa chos kyi sku// yon tan phyogs med 'byung ba'i gzhi// cir yang ma nges sprul pa'i sku// gdul bya'i don la 'gag pa med// mnyam nyid dang gnas longs spyod rdzogs// theg chen sa la snang ba yang // cir yang mi snang dbyings las 'byung // bdag nyid chen po'i rgyun du shar// rgyal ba kun gyis dgongs pa yang // sku gsum klong las ma g.yos pas// gsang ba'i don nyid rang las 'byung // zhes gsungs so// klong chen rab 'byams rgyal po'i rgyud las/ mtshan nyid gcig par bstan pa'i le'u ste bzhi bcu rtsa lnga pa'o// // de nas yang ston pas nyid las mi gzhan pa'i 'khor rnams la bka' stsal pa// theg pa'i yang rtser gyur pas na// a ti yo ga rdzogs pa che// ri rgyal lta bur dpangs mtho bas// theg pa kun gyi rtse mo yin// che ba'i chen por rang bzhin gnas// kun tu bzang po yangs pa'i thugs// rang gi stobs gyis gnas pa'i phyir// theg phran thams cad zil gyis gnon// de ltar rig pa rang gi stobs// mnyam pa'i klong las go bzlog ste// klong chen gcig la rtogs ma

  257. 129a

    rtogs// grol dang ma grol gnyis med mnyam// mnyam nyid cir yang 'char bas che// dper na 'dab chags khyung chen de// mngal na gnas pa'i dus tshe na'ang // klu rnams thams cad zil gyis gnon// 'dab gshog sgo ngar tshad phyin pas// sgong rgya rang gis hral ba dang // spyi rgya rlabs kyis gcod pa mnyam// 'dab chags gzhan la mi rigs te// khyung chen rang la rigs pa'i phyir// bar snang khams kun lam du bde// rtogs dang ma rtogs med par grol// 'di dang phyi ma med pa dang // grol dang ma grol mnyam pa'o// mnyam nyid rgyun chad med pa de// theg dgu rim gyis bgrod nas su// brgyud nas grol bar 'dod pa dang // shin tu sbyangs dang spangs pa dang // bsgyur nas sangs rgyas 'dod pa la// gang la rigs dang mi rigs kyang // rdzogs chen rang la rigs te bde// ci ste thams cad ma lus kyang // bde chen chos sku nyid kyi klong // rang bzhin chos sku klong chen du// ma grol ba ni 'ga' yang med// chos nyid dbyings las rang bzhengs pas// rdo rje'i snying po nyid kyi sgra// bag chags brtas pa'i bdag lus la// snying po nyid kyi rtsal rdzogs te// skye shi'i 'phrang las brgal ba'i phyir// bar do med par lus bor nas// rig pa gcig pu rten med de// 'khor 'das kun dang dbyer med cing // rgya chad phyogs lhung med

  258. 129b

    pa ru// sprul pa phyogs med 'byung ba dang // gang la'ang thogs pa med pa ru// ma lus kun la 'jug pa ni// byar med rlung zhon don rtogs kyi// rnal 'byor kun gyi spyod yul te// blo chung shes rab theg dman pa'i// gang zag kun la mi rigs pa// a tir rigs par ston pa de// 'bras bu ye grub chen po'i gnad// skye med dbyings las ma g.yos par// skye ba'i cho 'phrul 'byung ba la// rgyu 'bras mtshan mar 'dzin pa de/ 'khrul pa'i dbang gis nong pa'i phyir// a ti'i chos nyid rgyu rkyen med// kun la khyab par bstan pa de// 'og ma rnams la mi rigs te// a ti yo gar rigs pa'i gnad// sangs rgyas sems can gcig pa la// dgongs spyod dbye ru med pa de// 'khor 'das gnyis su btags pas 'khrul// gzung 'dzin gnyis su gcod pa'i blo// a tis gnyis med bstan pa de// 'og ma rnams la mi rigs te// a ti yo gar rigs pa'i gnad// rtogs dang ma rtogs med pa ru// skye med dbyings su grol ba las// rtogs nas grol bar 'dod pa ni// mnyam pa nyid kyi dgra yin pas// a tis mnyam par bstan pa de// 'og ma rnams la mi rigs te// a ti yo gar rigs pa'i gnad// mtshon pa thabs kyi khyad par las// brjod bya gang yang ma spangs par// brjod med khregs chod blun po'i tshig/ don dang dbyer med bstan pa de// 'og ma

  259. 130a

    rnams la mi rigs te// a ti yo gar rigs pa'i gnad// rdzogs chen lta ba gting mtha' med// ye brdal chen po'i chos nyid la// thug pa med ces skyon 'grel ba// mtha' med ma go mun pa'i blo// mu med tshig chod bstan pa de// 'og ma'i klong du mi rigs te// rdzogs pa chen por rigs pa'i gnad// thig le gcig gi ngo bo la// shar lugs rgyu mtshan go bzlog pas// 'bras bu 'dod pa'i re dogs chod// re med dogs med mkha' dang mnyam// yangs so che'o chos nyid che// nam mkha' mnyam pa rgyal ba'i thugs// spang thob med do theg le che// gcig gi klong nas rang shar bas// rang sar grol lo dbyings su grol// rtogs dang ma rtogs med par grol// gnyis su med pa'i chos nyid der// bzang ngan med par grol ba de// 'og ma rnams la mi srid de// a ti yo gar srid pa'i chos// gna' phrug brag la 'dzegs pa'i dus// bde blag gzhan dang mi 'dra bas// srog chags gzhan la mi srid de// yang zor stobs kyis kho la srid// rig pa byar med klong chen du// thams cad ma lus grol ba de// theg pa dman pa'i gang zag dang // rtsol bsgrub can la mi srid de// shin tu rnal 'byor dgongs pa mkha' dang mnyam// bya bral mu med yangs pa'i lam du bde// chos rnams thams cad sangs rgyas pas// rig pa yul med rten med

  260. 130b

    de// 'khor bar 'khyams par mi srid de// srid par 'byung ba shes bya'i babs// yul dang yul can blta ba dang // rdzas su 'dod pa dman pa'i blo// mkha' la grol lo rang sar grol// rten med klong du rang sar grol// theg le gcig la gra zur med// gdal ba chen po'i chos nyid la// gnyis su snang bar mi srid de// srid par 'byung ba shes bya'i babs// gcig dang tha dad 'byed pa ni// 'khrul pa'i sems la spyod pa yin// gcig tu grol lo rang sar grol// chos nyid klong du rang sar grol// phyogs su lhung ba mi srid de// rang byung ye shes rgyu rkyen med// dug lngar 'char bar mi srid de// srid pa'i babs kyis dug lngar shar// 'og ma 'khor ba'i lam du 'dod// byang chub mi thob gegs su 'gyur// rang byung grol lo rang sar grol// rang byung ye shes klong du grol// lhun grub phyogs med mtha' bral la// phyogs su lhung ba mi srid de// phyogs su 'dzin pa srid pa'i babs// phyogs lha'i mtha' la zhen pa yis// mnyam nyid mi rtog bdud du 'gyur// phyogs med grol lo rang sar grol// lhun grub phyogs med klong du grol// dngos mtshan med pa'i chos nyid de// stong nyid 'gag pa med la gnas// snang bar 'char bar mi srid de// nges med rang shar srid pa'i babs// snang ba nges med rang sar grol// stong pa'i klong du rang sar grol// dbye bsal

  261. 131a

    med do rang sar grol// lhun grub klong du rang sar grol// 'du 'bral med do rang sar grol// thig le'i klong du rang sar grol// cir yang 'char ro rang sar grol// nges med klong du rang sar grol// gzungs su snang ngo rang sar grol// snang ba rang grol klong du grol// sgra ru grag go rang sar grol// thos pa rang grol klong du grol// snang zhing grag pa'i chos rnams dang // mthong thos sgo lngar cir shar yang // rang zhal rang gis mthong bas na// gnyis su blta ba'i yul gzhan med// gnyis su med do mnyam pa che// yul sems mnyam pa'i klong du grol// mnyam nyid gcig la cir yang 'byung // dbyings nyid gcig la cir yang 'char// yon tan thams cad skyed par byed// dngos grub thams cad 'byung ba'i gzhi// ma btsal nor bu rin po che// ma bgos ma phye gter gyi mchog/ de yi ngang la kun gnas pas// thams cad bya byed med par grol// zhes gsungs so// klong chen rab 'byams rgyal po'i rgyud las/ rdzogs chen go bzlog pa'i le'u zhes bya ste bzhi bcu rtsa drug pa'o// // de nas yang bcom ldan 'das kyis 'khor rnams la rgyud 'di gdams so// bdag gis chos rnams thams cad ni// thams cad chos nyid klong du rig/ chos kyi dbyings kyi pho brang dam pa der// kun tu bzang po yangs dog med pa'i klong // kun tu

  262. 131b

    bzang mo skye ba med pa'i dbyings// skye med 'gag med cho 'phrul 'byung ba'i gter// sku gsum sangs rgyas 'gro don mdzad pa'i gnas// khams gsum sems can sgrol bar byed pa'i lam// rnam dag lam chen kun grol dgongs pa'i phugs// nyi zla'i 'od bzhin kun tu khyab par gsal// brtags na mi rnyed bzhag na sna tshogs 'byung // sangs rgyas sems can 'khor 'das snod bcud kun// chos su grags pa'i don rnams 'di la 'dus// 'di med sangs rgyas 'byung bar mi srid de// dus gsum rgyal ba rnams kyis rtogs dka' ba'i// chos kyi snying po byar med 'di yin te// mtshan ma'i chos la ma yengs 'di don rtogs// zhes gsungs so// klong chen rab 'byams rgyal po'i rgyud las/ 'khor la gdams pa bstan pa'i le'u ste bzhi bcu rtsa bdun pa'o// // de nas sems dpa' rdo rje la sogs pa'i 'khor rnams rjes su yi rang bar gyur nas/ 'di skad ces gsol to// gtso bo chen po bcom ldan 'das// log par blta ba la sogs pa'i// gdul bya rnams la phan 'dogs pa// mgon skyabs mchog la rjes yi rang // nam mkha' lta bu'i chos nyid kyis// kun la khyab par don mdzad cing // dgongs pa dbyings las mi bskyod pa// g.yo 'gul med la phyag 'tshal bstod// rang byung ye shes nyi ma yis// ma rig mun pa

  263. 132a

    sel mdzad cing // ye shes skar khung 'byed mdzad pa// gsal ba'i sgron la rjes yi rang // chos dang chos min dbyer med par// mnyam pa nyid du ston mdzad cing // kun la nye ring med pa yi// 'gro don mdzad la phyag 'tshal bstod// lam dang 'jug sgo bsam yas kyang // nges par gcig tu ston mdzad pa'i// ston pa mchog la rjes yi rang // mnyam nyid gter la phyag 'tshal bstod// ces gsungs so// klong rab 'byams rgyal po'i rgyud las/ 'khor rnams ston pa la rjes su yi rang ba'i le'u ste bzhi bcu rtsa brgyad pa'o// // dus gsum sangs rgyas thams cad kyi yab rnal 'byor pa rnams kyi yum/ 'khor 'das dbyer mi phyed pa'i srog/ mi nub pa'i rgyal mtshan/ gsal ba'i sgron ma/ klong gsal ye shes kyi mar me lta bu/ rab 'byams rgyal po'i rgyud chen po rdzogs so// //

  264. 132b

    rgya gar skad du// sa man+ta b+ha dra ma hA ga ga na mU la saM gra ha tan+t+ra/ bod skad du/ kun tu bzang po nam mkha' che rtsa ba bsdus pa'i rgyud/ bcom ldan 'das dpal kun tu bzang po la phyag 'tshal lo// 'di skad bshad pa'i dus gcig na/ bcom ldan 'das kun tu bzang pos/ dmigs su med pa'i ting nge 'dzin la snyoms par zhugs nas/ kun tu bzang po rtsa ba bsdus pa'i sangs rgyas ma lus pa mi lus lus pa med pa'i sku gsung thugs rdo rje'i bdag nyid/ snying po las kyang snying po'i mchog tu gyur pa 'di dag bka' stsal to// don rtogs ldan pa'i skyes bu dag/ kun tu bzang po nam mkha' che// rtsa ba bsdus pa rtogs 'dod na// nges par rgyud 'di mnyan par gyis// de skad ces gsungs gsan nas kyang // rdo rje sems dpas yang zhus pa// bcom ldan bde chen kun bzang po// nyid kyi blta ba ji ltar lags// spyod pa spyad pa ji ltar spyad// nyid kyi bsgom pa ji ltar bsgom// bsgrub par bya na ji ltar bsgrub// nyid kyi dam tshig gang dang gang // bsrung bar bya ba ji ltar bsrung // nyid kyi dbang rnams gang dang gang // bskur bar bya na ji ltar bskur// nyid kyi phrin las gang dang gang // rtsol bar bya na ji ltar bya// nyid kyi sbyor ba ji ltar sbyor// bsgral bar bya na ji ltar bya// nyid kyi gso ba gang dang gang // gsad par bya na ji ltar bya// nyid kyi

  265. 133a

    dbab pa ji ltar lags// gcad par bya na ji ltar bya// kun tu bzang po nam mkha' che rtsa ba bsdus pa'i rgyud las/ rtsa ba mdor bstan pa'i skabs te dang po'o// // rdo rje sems dpas yang gsol pa// bcom ldan bde chen kun bzang pos// nyid kyi lta ba bshad du gsol// de skad gsol pa gsan nas kyang // kun tu bzang pos bka' stsal pa// 'dzin rtog med par gang blta ba// 'di yang nga yi lta ba yin// skye shi med par gang blta ba// 'di yang nga yi lta ba yin// 'pho 'gyur med par gang lta ba// 'di yang nga yi lta ba yin// bya btsal med par gang blta ba// 'di yang nga yi lta ba yin// yangs dog med par gang blta ba// 'di yang nga yi lta ba yin// rgyu 'bras med par gang blta ba// 'di yang nga yi blta ba yin// phyogs su gdal bas 'gyur ba med// 'di yang nga yi lta ba yin// snang srid 'di ltar snang ba'i chos// phyi nang snod bcud thams cad kun// snying po 'di las gzhan ma yin// dbyings dang ye shes don rtogs na// de yang nga yi don rtogs yin// de ltar rtogs pa'i rnal 'byor ni// rtogs pa mngon du gyur pa yin// nga nyid snying po byang chub sems// snying po 'di yang gzhan ma yin// snying po byang chub ye sangs rgyas// thams cad dag pas skye ba yin// rang las 'byung bas snying po yin// yongs la khyab pas snying po

  266. 133b

    yin// cir yang blta ba snying po yin// gang yang shar bas snying po yin// khyab par gdal bas snying po yin// gnyis su med pas snying po yin// btsal du med pas snying po yin// mi 'gyur mi shigs snying po yin// gcig las med pas snying po yin// tha dad snang bas snying po yin// nga nyid snying po byang chub sems// byang chub sems ni cir yang snang // cir yang snang ste gang du yang med// de ni nga yi lta ba yin// blta/ ru med pa'i lta ba'o// kun tu bzang po nam mkha' che rtsa ba bsdus pa'i rgyud las/ lta ba bsdus pa'i skabs te gnyis pa'o// // rdo rje sems dpas yang gsol pa/ bcom ldan bde chen kun bzang po// nyid kyi spyod pa ji ltar spyod// de skad gsol ba gsan nas kyang // kun tu bzang pos bka' stsal pa// yengs pa med par gang spyod pa// 'di yang nga yi spyod pa yin// lta ba'i man ngag steng du 'jog/ 'di yang nga yi spyod pa yin// bsgrub pa'i man ngag phul du 'byin// 'di yang nga yi spyod pa yin// bdag dang gzhan du snang ba rnams// gnyis su med par gang spyod pa// 'di yang nga yi spyod pa yin// phyogs dang ris su gang snang ba// gnyis su med par gang spyod pa// 'di yang nga yi spyod pa yin// phyi nang snod bcud thams cad la// dmigs pa med par gang spyod pa// 'di yang nga yi spyod pa yin// 'khor ba'i las

  267. 134a

    rnams thams cad la// rtogs dang ldan pas gang spyod pa// 'di yang nga yi spyod pa yin// gzugs su snang ba thams cad kun// nga yi sku yi bdag nyid yin// sgra ru grag pa thams cad kun// nga yi gsung gi bdag nyid yin// sems kyi dran rtog thams cad kun// nga yi thugs kyi bdag nyid yin// thams cad nga las byung bas na// nga yi rang byung ye shes yin// phrin las rnam bzhi ci spyad kyang // nga yi phrin las bdag nyid yin// khyab par gdal bas spyod pa ni// 'di yang nga yi spyod pa yin// btsal du med pa gang spyod pa// 'di yang nga yi spyod pa yin// ye nas lhun gyis rdzogs pa ni// 'di yang nga yi spyod pa yin// spyod pa gnyis su med par spyod// thams cad snying po byang chub sems su spyod// sems nyid ye sangs rgyas par spyod// kun tu bzang po nam mkha' che rtsa ba bsdus pa'i rgyud las/ spyod pa bstan pa'i skabs te gsum pa'o// // rdo rje sems dpas yang gsol pa/ bcom ldan bde chen kun bzang po// nyid kyi bsgom pa bshad du gsol// de skad gsol pa gsan nas kyang // kun tu bzang pos bka' stsal pa// nga nyid kun gzhi byang chub sems// dus gsum bdag tu mi 'gyur bas// 'gyur ba med pa'i sku ru bsgom// nga la rang bzhin med pas su// brjod du med pa'i gsung du bsgom// nga la dmigs pa

  268. 134b

    med pas su// ting 'dzin rtogs pa'i thugs su bsgom// nga las yon tan kun 'byung bas// legs pa kun 'byung yon tan bsgom// nga nyid rang bzhin lhun grub pas// snyoms par lhun gyis grub par bsgom// nga la blang zhing dor du med// dam tshig ye bsrungs chen por bsgom// nga nyid dmigs pa'i yul las 'das// mi dmigs shes rab chen por bsgom// nga nyid 'dzin rtog las 'das pas// rnam pa cir yang mi rtog bsgom// nga nyid rang las rang byung bas// rang byung ye shes chen por bsgom// nga nyid rang gis rang rig pas// rig pa'i ye shes chen por bsgom// nga nyid gnyis su med pas su// thig le nyag gcig ma ru bsgom// thams cad kun la khyab gdal bas// yongs la khyab pa'i chos su bsgom// rang gi rang bzhin rang gis rig/ rang rig byang chub sems su bsgom// mi brjod ma spangs don gyi mchog/ snying po byang chub sems su bsgom// rang rig spros bral bde ba'i klong // dmigs med ye shes bde bar bsgom// ye shes thugs kyi yon tan ni// brjod kyis mi langs snying por bsgom// dgongs pa ye shes rgya mtsho ste// bsam du med pa'ang bsgom pa'i mchog/ snang srid thams cad sems su bsgom// sems nyid ye sangs rgyas par bsgom// phyi nang snod bcud thams cad kun// chos nyid byang chub sems su

  269. 135a

    bsgom// snang dang srid pa'i chos rnams kun// gnyis su med par bsgom par bya// 'khor ba mya ngan 'das med na// de yang nga yi sgom pa yin// thabs dang shes rab gnyis med na// de yang nga yi sgom pa yin// rgyu dang 'bras bu gnyis med na// de yang nga yi sgom pa yin// blta ba spyod pa gnyis med na// de yang nga yi sgom pa yin// sangs rgyas sems can gnyis med na// de yang nga yi bsgom pa yin// bde ba sdug bsngal gnyis med na// de yang nga yi sgom pa yin// yul dang dbang po gnyis med na// de yang nga yi sgom pa yin// shes rab ting 'dzin gnyis med na// de yang nga yi sgom pa yin// thams cad sems nyid yin shes na// bsgom pa med pa'i sgom pa yin// kun tu bzang po nam mkha' che rtsa ba bsdus pa'i rgyud las/ bsgom pa'i skabs bstan pa ste bzhi pa'o// // rdo rje sems dpas yang gsol pa/ bcom ldan bde chen kun bzang po// nyid kyi sgrub pa bshad du gsol// de skad gsol pa gsan nas kyang // kun tu bzang pos bka' stsal pa// sgrub pa'i rgyal po nga yi bka'// tshul 'chang gzhung las phye ste bshad// rgyu nyid dag par gang bsgrub pa// 'di yang nga yi sgrub pa yin// 'bras bu dag par gang bsgrub pa// 'di yang nga yi sgrub pa yin// bcos med snying por gang bsgrub pa// 'di yang nga yi sgrub pa

  270. 135b

    yin// rtsol bsgrub med par gang bsgrub pa// 'di yang nga yi sgrub pa yin// ma btsal bzhag par gang bsgrub pa// 'di yang nga yi sgrub pa yin// mnyam pa nyid du gang bsgrub pa// 'di yang nga yi sgrub pa yin// ma bkag klong du gang bsgrub pa// 'di yang nga yi sgrub pa yin// thig le chen por gang bsgrub pa// 'di yang nga yi sgrub pa yin// kun tu bzang por gang bsgrub pa// 'di yang nga yi sgrub pa yin// snying po byang chub chos med pa// 'di yang nga yi sgrub pa yin// thams cad ye nas lhun grub pa// 'di yang nga yi sgrub pa yin// bsgrub pa'i rgyal por yang gsol pa// thams cad bsgrubs pas thams cad 'grub// bsgrub tsam nyid na'agrub pa yin// snying po byang chub bcos med pas// rgyu 'bras med pa'i dngos grub 'di// bsgrub tu med pas nga nyid grub// snang zhing srid pa'i chos rnams kun// thams cad byang chub sems su bsgrub// sems nyid ma yengs sgrub pa chen po yin// kun tu bzang po nam mkha' che rtsa ba bsdus pa'i rgyud las/ sgrub pa bstan pa'i skabs te lnga pa'o// // rdo rje sems dpas yang gsol pa/ bcom ldan bde chen kun bzang po// nyid kyi dam tshig bshad du gsol// de skad gsol pa gsan nas kyang // kun tu bzang pos bka' stsal pa// dngos po mtshan ma thams cad las// 'da' ba med pa dam tshig yin//

  271. 136a

    rang byung ye shes btsal med pa// 'di yang nga yi dam tshig yin// rtag chad gnyis su blta med pa// 'di yang nga yi dam tshig yin// gzung 'dzin gnyis su med blta ba// 'di yang nga yi dam tshig yin// rgyu 'bras gnyis su mi blta ba// 'di yang nga yi dam tshig yin// rtsol bsgrub gnyis su mi blta ba// 'di yang nga yi dam tshig yin// 'pho 'gyur gnyis su mi blta ba// 'di yang nga yi dam tshig yin// thog mtha' gnyis su mi blta ba// 'di yang nga yi dam tshig yin// mtha' dbus gnyis su mi blta ba// 'di yang nga yi dam tshig yin// dngos po mtshan mar mi blta ba// 'di yang nga yi dam tshig yin// bzang ngan gnyis su mi blta ba// 'di yang nga yi dam tshig yin// gtsang dang sme bar mi blta ba// 'di yang nga yi dam tshig yin// che chung gnyis su mi blta ba// 'di yang nga yi dam tshig yin// skye shi gnyis su mi blta/ ba// 'di yang nga yi dam tshig yin// gzugs dang rdzas su mi blta ba// 'di yang nga yi dam tshig yin// yang sa dog gnyis su mi blta ba// 'di yang nga yi dam tshig yin// phyi nang gnyis su mi blta ba// 'di yang nga yi dam tshig yin// mtho dman gnyis su mi blta ba// 'di yang nga yi dam tshig yin// snod bcud gnyis su mi blta ba// 'di yang nga yi dam tshig yin// 'khor dang myang 'das mi blta ba// 'di yang nga yi dam

  272. 136b

    tshig yin// bde sdug gnyis su mi blta ba// 'di yang nga yi dam tshig yin// dam tshig rgyal po lhun gyis grub// snying po gsang chen 'da' med mchog/ don gyi skyes bus gzhung spros nas// mi yi seng ge dag la bstan// kun tu bzang po nam mkha' che rtsa ba bsdus pa'i rgyud las/ dam tshig bstan pa'i skabs te drug pa'o// // rdo rje sems dpas yang gsol pa// bcom ldan bde chen kun bzang po// nyid kyi dam tshig bsrung ba bshad du gsol// de skad gsol pa gsan nas kyang // kun tu bzang pos bka' stsal pa// mkha' dbyings bde chen klong yangs ni// byang chub sems kyi dam tshig ste// bsrung du med pas ye bsrungs yin// thabs dang shes rab gnyis med pa// 'di yang nga yi dam tshig ste// bsrung du med pas ye bsrungs yin// dbyings dang ye shes gnyis med pa// 'di yang nga yi dam tshig ste// bsrung du med pas ye bsrungs yin// rgyu dang 'bras bu gnyis med pa// 'di yang nga yi dam tshig ste// bsrung du med pa ye bsrungs yin// gzugs dang mtshan ma gnyis med pa// 'di yang nga yi dam tshig ste// bsrung du med pas ye bsrungs yin// thams cad dag nas thams cad du// dam tshig dag las ma 'das pa// mnyam pa nyid du ye bsrungs yin// 'di yang nga yi dam tshig yin// dngos po mtshan ma thams cad las// 'da' ba

  273. 137a

    med par gang bsrung ba// 'di yang dam tshig bsrung ba yin// kun dang mthun la spangs dbang yin nam/ byed pa// 'di yang dam tshig bsrung ba yin// shes pa sgo yangs chos dang mthun// 'di yang dam tshig bsrung ba yin// byams sdang med par gang sgrol ba// 'di yang dam tshig bsrung ba yin// chags sdang med par gang shes pa// 'di yang dam tshig bsrung ba yin// bzang ngan med par gang sbyor ba// 'di yang dam tshig bsrung ba yin// spang len med par gang bsgrub pa// 'di yang dam tshig bsrung ba yin// gtsang sme med par gang blta ba// 'di yang dam tshig bsrung ba yin// thogs chags med par gang spyod pa// 'di yang ma tshig bsrung ba yin// snod dang ldan par don 'byin pa// 'di yang dam tshig bsrung ba yin// nogs dang ldan pas gsang thub pa// 'di yang dam tshig bsrung ba yin// yid la sems pa gang yin pa// 'di yang dam tshig bsrung ba yin// sngags pa blo ldan dad pa can// zang zing nor la chags med pa// 'di yang dam tshig bsrung ba yin// g.yo sgyu yongs spangs bde ba'i lam// 'di yang dam tshig bsrung ba yin// bslab pa'i las rnams mthar phyin pa// 'di yang dam tshig bsrung ba yin// rang bzhin med pas mnyam pa nyid// yongs la phrag yang dog med pa// 'di yang dam tshig bsrung ba yin// rgyud 'di

  274. 137b

    'dzin tam 'chang ba'am// yid la sems pa gang yin pa// 'di yang dam tshig bsrung ba yin// kun tu bzang po nam mkha' che rtsa ba bsdus pa'i rgyud las// dam tshig bsrung ba'i skabs te bdun pa'o// // rdo rje sems dpas yang gsol pa// bcom ldan bde chen kun bzang po// nyid kyi dbang rnams bshad du gsol// de skad gsol pa gsan nas kyang // kun tu bzang pos bka' stsal pa// gdod nas rnam dag chos kyi sku// rang byung ye shes spros dang bral// 'di yang nga yi dbang mchog yin// yongs khyab thugs rje sprul pa'i sku// 'gro ba rnams kyi don chen mdzad// 'di yang nga yi dbang mchog yin// thabs mkhas rol pas longs spyod rdzogs// longs sku snang ba thams cad ston// 'di yang nga yi dbang mchog yin// skye shi med par rdo rje'i sku// cis kyang spyod du med pa ste// 'di yang nga yi dbang mchog yin// rtogs pas mngon par byang chub sgra// ngo bo nyid kyis rnam par dag/ 'di yang nga yi dbang mchog yin// gnyis med bde ba chen po'i sgra// kun bral nyag gcig ci ma spangs// 'di yang nga yi dbang mchog yin// sku gsum dbyer med rol pa yin// don gyis yengs pa med par mdzad// 'di yang nga yi dbang mchog yin// gang zhig bsgral ba byang chub sems// gdod nas dag pa'i snying po mchog/ 'di yang nga yi/

  275. 138a

    dbang mchog yin// bkres dang skom dang sdug bsngal na// chos nyid dngos pos mi bsgrib pa// 'di ni nga yi dbang mchog yin// na dang 'chi bas sdug bsngal na// dngos po'i mtshan ma ngang 'joms pa// 'di ni nga yi dbang mchog yin// rgas dang rgud pas sdug bsngal na// rtag chad don gyi mthar sbyor ba// 'di ni nga yi dbang mchog yin// dgra dang brdar bas sdug bsngal na// mtshan ma zhen pa nang sbyor bas// 'di yang nga yi dbang mchog yin// skye dang 'chi bas sdug bsngal na// mi rtog don gyi mtha' sbyor bas// 'di yang nga yi dbang mchog yin// rnam par mi rtog snying po ni// smra bsam brjod las 'das pa ste// 'di yang nga yi dbang mchog yin// yod ces sgros su gdags med la// med ces skur pa gdab med pa// 'di yang nga yi dbang mchog yin// yi dam sems kyis dran med na// rnam par mi rtog ting nge 'dzin// 'di yang nga yi dbang mchog yin// gdod nas rnam dag lhun gyis grub// rang byung ye shes btsal ba med// 'di yang nga yi dbang mchog yin// mtshan ma med pa mtshan ma'i mchog/ skye ba med las thams cad skyes// 'di yang nga yi dbang mchog yin// snang ba rang bzhin med pa la// phyogs dang ris su 'byed med pa// 'di yang nga yi dbang mchog yin// byung tshor gang yang spang med pa// yid kyis cir

  276. 138b

    yang mi bsam pa// 'di yang nga yi dbang mchog yin// 'dzin rtog med pa'i shes rab kyis// rang bzhin med par gang 'jig pa// 'di yang nga yi dbang mchog yin// chos nyid rig pa'i klong gdal du// rang rig ye shes ma brjed bsgom// 'di yang nga yi dbang mchog yin// kun tu bzang po nam mkha' che rtsa ba bsdus pa'i rgyud las/ dbang bstan pa'i skabs te brgyad pa'o// // rdo rje sems dpas yang gsol pa/ bcom ldan bde chen kun bzang po// nyid kyi dbang bskur bshad du gsol// de skad gsol pa gsan nas kyang // kun tu bzang pos bka' stsal pa// rang bzhin spros bral bde gshegs thugs// 'di yang nga yi dbang bskur yin// dngos med ma skyes chos rnams 'byung // 'di yang nga yi dbang bskur yin// brjod med ye skyes ye nas stong // 'di yang nga yi dbang bskur yin// tshig gis mtshon med mtshan ma med// 'di yang nga yi dbang bskur yin// dam chos yon tan brjod mi spang // 'di yang nga yi dbang bskur yin// ma rig don stong kha lo bsgyur// 'di yang nga yi dbang bskur yin// kun bral nyag gcig ci ma spangs// 'di yang nga yi dbang bskur yin// sna tshogs snang yang 'gyur ba med// 'di yang nga yi dbang bskur yin// ci yang med pas ci yang rig/ 'di yang nga yi dbang bskur

  277. 139a

    yin// brtags na ma mthong cir yang snang // 'di yang nga yi dbang bskur yin// bskal par 'khyams kyang stor bral med// 'di yang nga yi dbang bskur yin// phra rab rdul med snang srid khyab// 'di yang nga yi dbang bskur yin// dngos gzhi med la cir btags 'char// 'di yang nga yi dbang bskur yin// mtha' las byung zhing zad pa med// 'di yang nga yi dbang bskur yin// ma bzung ma brtags gang dgar chags// 'di yang nga yi dbang bskur yin// bskyod pa med pas thogs med myur// 'di yang nga yi dbang bskur yin// gang yang ma spangs mthong ba med// 'di yang nga yi dbang bskur yin// 'degs pa med par mkha' la 'gro/ 'di yang nga yi dbang bskur yin// yan lag med par sa rnams bgrod// 'di yang nga yi dbang bskur yin// khyad gad la 'ub chub gcig mtha' yas// 'di yang nga yi dbang bskur yin// ma g.yos ma bcos sna tshogs snang // 'di yang nga yi dbang bskur yin// za dad spros kyang gcig las med// 'di yang nga yi dbang bskur yin// zad mi shes pas gter chen te// 'di yang nga yi dbang bskur yin// sna tshogs snang bas sems nyid de// 'di yang nga yi dbang bskur yin// phyi nang med par kun tu snang // 'di yang nga yi dbang bskur yin// btsal ba med pa cir yang 'grub// 'di

  278. 139b

    yang nga yi dbang bskur yin// mtshan ma med par cir yang snang // 'di yang nga yi dbang bskur yin// gar yang ma g.yos kun tu phyin// 'di yang nga yi dbang bskur yin// kun tu bzang po nam mkha' che rtsa ba bsdus pa'i rgyud las/ dbang bskur ba'i skabs te dgu pa'o// // rdo rje sems dpas yang gsol pa/ bcom ldan bde chen kun bzang ba// nyid kyi phrin las bshad du gsol// de skad gsol pa gsan nas kyang // kun tu bzang pos bka' stsal pa// phyi nang chos rnams thams cad pa// 'di yang nga yi phrin las yin// bdag dang gzhan du blta ba rnams// gnyis su med par gang spyod pa// 'di yang nga yi phrin las yin// phyogs dang ris su snang ba rnams// gnyis su med par gang spyod pa// 'di yang nga yi phrin las yin// gnyis su med par bde ba che// bde chen yongs khyab chos kyi sku// 'di yang nga yi phrin las yin// dngos po mtshan ma thams cad 'joms// thabs mkhas longs spyod rdzogs pa'i sku// 'di yang nga yi phrin las yin// skye ba med las thams cad skyes// yongs la khyab pas sprul pa'i sku// 'di yang nga yi phrin las yin// mi 'gyur mi shigs snying po'i mchog/ skye shi med pas rdo rje'i sku// 'di yang nga yi phrin las yin// don dam rtogs pa'i bde ba mchog/ mngon par byang chub pa yi sku// 'di yang nga yi phrin las

  279. 140a

    yin// sku lnga dbyer med rol pa 'di// don gyi phrin las yengs pa med// 'di yang nga yi phrin las yin// sku yi phrin las skye ba med// gsung gi phrin las bsgrag tu med// thugs kyi phrin las dgongs su med// yon tan phrin las bsgrub tu med// phrin las phrin las btsal du med// 'di yang nga yi phrin las yin// gnyis med don rtogs bde ba che// 'di yang nga yi phrin las yin// dag dang ma dag gnyis med na// 'di yang nga yi phrin las yin// sangs rgyas sems can gnyis med na// 'di yang nga yi phrin las yin// 'khor dang myang 'das gnyis med na// 'di yang nga yi phrin las yin// dbyings dang ye shes gnyis med na// 'di yang nga yi phrin las yin// thabs dang shes rab gnyis med na// 'di yang nga yi phrin las yin// rgyu dang 'bras bu gnyis med na// 'di yang nga yi phrin las yin// lta ba spyod pa gnyis med na// 'di yang nga yi phrin las yin// bsgom dang bsgrub pa gnyis med na// 'di yang nga yi phrin las yin// yul dang dbang po gnyis med na// 'di yang nga yi phrin las yin// gnyis med don rtogs phrin las ni// 'di yang nga yi phrin las yin// kun tu bzang po nam mkha' che rtsa ba bsdus pa'i rgyud las/ phrin las kyi skabs te bcu pa'o// / rdo rje sems dpas yang gsol pa// bcom ldan bde chen

  280. 140b

    kun bzang po// phrin las btsal ba bshad du gsol// de skad gsol pa gsan nas kyang // kun tu bzang pos bka' stsal pa// dang por gang yin nga yin pas// nga ni sangs rgyas kun gyi yab// de las phrin las ci zhig btsal// nga ni thams cad kun gyi rje// de las phrin las ci zhig btsal// tha mar thabs kyis nga 'dul bas// nga ni rnal 'byor kun gyi dpon// de las phrin las ci zhig btsal// khams gsum dag na nga dbang che// nga yi gong na su yang med// de la phrin las ci zhig btsal// dus gsum mun pa ltar 'thibs kyang // nga la bsgrib pa'i dus mtha' med// de la phrin las ci zhig btsal// stong gsum nyi mas khengs gyur kyang // nga la shar zhing gsal rgyu med// de la phrin las ci zhig btsal// ma rig mun pa ltar 'thibs kyang // nga la 'thibs shing gnag rgyu med// de la phrin las ci zhig btsal// nyon mongs dug tu langs gyur kyang // nga la spangs shing dor du med// de la phrin las ci zhig btsal// srid gsum char ltar babs na yang // nga la gsher zhing bangs pa med// de la phrin las ci zhig btsal// khams gsum chu ltar 'brub kyang ni// nga la bangs shing 'khyer rgyu med// de la phrin las ci zhig btsal// stong gsum rlung ltar 'phyos pas kyang // de yis nga la bskyod mi nus// de la phrin las ci zhig btsal// skye shi

  281. 141a

    ris su bcad pa yang // nga la skye zhing 'chi ba med// de la phrin las ci zhig btsal// dngos grub rnam gsum brnyes na yang // nga la brnyes shing chags rgyu med// de la phrin las ci zhig btsal// chos sku 'gyur med grub na yang // nga la 'khrul ba'i rgyu ci yod// de la phrin las ci zhig btsal// rang byung nyid du ye gnas pa// gzhan la rag cing lus su med// de la phrin las ci zhig btsal// snying po nyid du lhun grub pas// 'bras bu nyid du rten mi 'cha'// de la phrin las ci zhig btsal// thabs dang shes rab dbyer med pas// de la btsal du ci zhig yod// lta ba spyod pa gnyis med pas// de la phrin las ci zhig btsal// bsgom dang bsgrub pa gnyis med pas// de la phrin las ci zhig btsal// snang dang stong pa dbyer med pas// de la phrin las ci zhig btsal// thig le chen por dbyings na gsal// de la phrin las ci zhig btsal// nga yi phrin las btsal med pas// btsal du med pa'i btsal ba yin// kun tu bzang po che rtsa ba bsdus pa'i rgyud las/ phrin las btsal du med pa'i skabs te bcu gcig pa'o// // rdo rje sems dpas yang gsol pa// bcom ldan bde chen kun bzang po// nyid kyi sbyor ba bshad du gsol// de skad gsol pa gsan nas kyang // kun tu bzang pos bka' stsal pa// thams

  282. 141b

    cad chos kyi chos nyid la// sems kyi sems nyid gnyis med sbyor// bde gshegs thugs kyi ye shes la/ rang bzhin rig pa gnyis med sbyor// 'di yang nga yi sbyor ba yin// snang srid thams cad sems yin pas// sems nyid ye sbyor chen po ste// 'di yang nga yi sbyor ba yin// dngos po'i chos rnams thams cad kun// skye ba med par gang sbyor ba// 'di yang nga yi sbyor ba yin// rang bzhin med par gang sbyor ba// 'di yang nga yi sbyor ba yin// mnyam pa nyid la gang sbyor ba// 'di yang nga yi sbyor ba yin// nges pa'i don la gang sbyor ba// 'di yang nga yi sbyor ba yin// dam tshig gzhung ltar gang spyod pa// 'di yang nga yi sbyor ba yin// yongs la phrag yang dog pa med// 'di yang nga yi sbyor ba yin// byams sdang med par gang grol ba// 'di yang nga yi sbyor ba yin// thogs chags med par gang sbyor ba// 'di yang nga yi sbyor ba yin// bzang ngan med par gang sbyor ba// 'di yang nga yis sbyor ba yin// spang len med par gang sbyor ba// 'di yang nga yi sbyor ba yin// chags sdang med par gang shes pa// 'di yang nga yi sbyor ba yin// gtsang smeskye med par gang spyod pa// 'di yang nga yi sbyor ba yin// sangs rgyas sems can gnyis med pa// 'di yang nga yi sbyor ba yin// 'khor ba mya ngan 'das med pa// 'di yang nga yi sbyor ba yin// phyi nang snod bcud

  283. 142a

    gnyis med na// 'di yang nga yi sbyor ba yin// yul dang dbang po gnyis med na/ 'di yang nga yi sbyor ba yin// thabs dang shes rab gnyis med na// 'di yang nga yi sbyor ba yin// dbyings dang ye shes gnyis med na// 'di yang nga yi sbyor ba yin// shes rab ting 'dzin gnyis med na// 'di yang nga yi sbyor ba yin// bde ba sdug bsngal gnyis med na// 'di yang nga yi sbyor ba yin// snang srid thams cad sems su sbyor// sems nyid ye sangs rgyas par sbyor// 'di yang nga yi sbyor ba yin// kun tu bzang po nam mkha' che rtsa ba bsdus pa'i rgyud las/ sbyor ba bstan pa'i skabs te bcu gnyis pa'o// // rdo rje sems dpas yang gsol pa// bcom ldan bde chen kun bzang po// nyid kyi bsgral ba bshad du gsol// de skad gsol pa gsan nas kyang // kun tu bzang pos bka' stsal pa/ khams gsum rang gi sems su bsgral// de yang nga yi bsgral ba yin// srid gsum thams cad sems yin pas// sems nyid ye sangs rgyas pa yin// 'di yang nga yi bsgral ba yin// rgyud drug phung por snang ba yi// rang gi sems te ye sangs rgyas// 'di yang nga yi bsgral ba yin// dug lnga ye shes lnga ru bsgral// 'di yang nga yi bsgral ba yin// dug gsum sku gsung thugs su bsgral// 'di yang nga yi bsgral ba yin// sdug bsngal bde ba chen po

  284. 142b

    na ga na ga shA # na

  285. 143a

    chub sems kyis gso/ khams gsum sems can nyon mongs pa/ bde chen byang chub sems kyis gso// 'khor ba'i sdug bsngal thams cad kun// bde chen chos kyi dbyings su gso// 'du ba'i nad kyis zin pa la// bdud rtsi chen po'i sman gyis gso// nyon mongs dra bar chud pa la// thugs rje'i sgra gris gtubs te gso// snying rje'i rgyun thag chad pa la// thugs rje'i byin gyis brlabs kyis gso// nyon mongs rmugs dang le lo rnams// shes rab mi brjed gzungs kyis gso// shes rab me lce chad pa la// khyad par brtan pa rtag pas gso// sems kyi de nyid ma rtogs pa// snying po byang chub sems kyis gso// shes rab me stag shi ba la// ting 'dzin ma yengs rtsa yis gso// nyon mongs re ma rtogs pa la// shes rab ting 'dzin brtan pos gso// dam tshig rgyun thag chad pa la// mi brjed gzungs kyi thugs rjes gso// thugs rje'i rgyun thag chad pa rnams// rang byung ye shes thugs rjes gso// khams gsum sems can nyon mongs pa// thugs rje'i byin gyis brlabs kyis gso// ma rig mun pa 'thibs pa la// ye shes nyi ma'i 'od kyis gso// sems kyi de nyid ma rtogs pa// snying po byang chub sems su gso// kun tu bzang po nam mkha' che rtsa ba bsdus pa'i rgyud las/ gso ba bstan pa'i skabs te bcu bzhi pa'o// // rdo rje

  286. 143b

    sems dpas yang gsol pa// bcom ldan bde chen kun bzang po// nyid kyi gsad pa bshad du gsol// de skad gsol pa gsan nas kyang // kun tu bzang pos bka' stsal pa// dug lnga ye shes lnga ru gsad// de yang nga yi gsad pa yin// dug gsum sku gsung thugs su gsad// de yang nga yi gsad pa yin// sems can sdug bsngal sna tshogs pa// bde chen byang chub sems su gsad// nyon mongs sems can 'khor ba dag/ mya ngan 'das pa'i dbyings su gsad// gzung 'dzin rlung chub 'tshubs pa yang // mi 'gyur ri bo'i thabs kyis gsad// rnam rtog gru char 'bab pa yang // shes rab nyi ma'i thabs kyis gsad// rnam rtog rmongs pa'i gti mug rnams// rtogs pa'i shes rab sgron mas gsad// phyi nang snod bcud thams cad kun// chos nyid byang chub sems su gsad// thugs rje chen po'i byin rlabs kyis// khams gsum sems can nyon mongs gsad// ye shes nyi ma'i 'od gsal bas// gti mug mun par 'thibs pa gsad// shes rab me lce 'bar ba yis// gzung 'dzin rlung chub 'tshubs pa gsad// rnal 'byor rtogs pa'i khyad par gyi// ma rtogs rmongs pa'i gti mug gsad// rtogs pa mngon du gyur pas na// sems can sems su gsad pa yin// snang srid chos rnams sems su gsad// gsad du med de ye

  287. 144a

    bsad yin// gdod nas dag pas bsad pa yin// kun tu bzang po nam mkha' che rtsa ba bsdus pa'i rgyud las/ gsad pa bstan pa'i skabs te bco lnga pa'o// // rdo rje sems dpas yang gsol pa// bcom ldan bde chen kun bzang po// nyid kyi dbab pa bshad du gso// de skad gsol pa gsan nas kyang // kun tu bzang pos bka' stsal pa// 'khor ba'i rong skams lung pa la// byang chub sems kyi chu bo dbab// nga dang bdag tu blta ba la// gnyis su med pa'i chu bo dbab// zhe sdang me chen 'bar ba la// byang chub sems kyi chu bo dbab// rnam rtog me lce 'bar ba la// ye shes chen po'i chu bo dbab// dug lnga'i 'bras bu smin pa la// ye shes lnga yi ser ba dbab// gzung 'dzin rlung chub 'tshubs pa la// ting 'dzin brtan po'i thabs kyis mnan// dug gsum lo ma rgyas pa la// sku gsung thugs kyi zozer gyis dbab// de yang nga yi dbab pa'o// yum gyi pad+ma'i b+ha ga ru// byang chub sems kyi chu bo dbab// mkha' dbyings bde chen klong yangs su// shes rab ting 'dzin chu bo dbab// chos kyi dbyings nyid gdal ba ru// rig pa'i ye shes chu bo dbab// 'khor ba ngan song gnas chen du// chos dbyings bde chen chu bo dbab// thugs rje'i rgyun thag bcad pa la// rang byung ye shes chu bo dbab// gzung dang 'dzin par

  288. 144b

    lta ba la// gnyis med bde ba'i chu bo dbab// ma rtogs rmongs pa'i gti mug la// shes rab ting 'dzin chu bo dbab// b+ha ga klong yangs bde chen du// snying po byang sems chu bo dbab// ma rig nyon mongs 'khrul pa la// ye shes 'gyur med nyi ma dbab// yid gnyis the tshom za ba la// snying po 'gyur med thog chen dbab// rnam rtog bdag tu blta ba la// snying po byang chub chu bo dbab// de ltar dbab par bstan pa ni// byang chub sems kyi dbab lugs te// dbab tu med pas dbab pa yin// kun tu bzang po nam mkha' che rtsa ba bsdus pa'i rgyud las/ dbab pa bstan pa'i skabs te bcu drug pa'o// // rdo rje sems dpas yang gsol pa// bcom ldan bde chen kun bzang po// nyid kyis gcad pa bshad du gsol// de skad gsol pa gsan nas kyang // kun tu bzang pos bka' stsal pa// chos dbyings bde chen klong yangs su// nyon mongs 'khor ba'i rgyun zag gcad// yid gnyis the tshom za ba la// yid ches dad pas rgyun zag gcad// snang srid thams cad sems yin te// sems nyid yin par rgyun zag gcad// 'khor ba thams cad bag chags te// mya ngan 'das par rgyun thag gcad// sdug bsngal thams cad sems yin te// bde ba chen por rgyun thag gcad// phyi nang snod bcud thams cad kun// rang gi sems las byung bas

  289. 145a

    na// sems nyid yin par rkun zag gcad// nga dang bdag tu lta ba la// gnyis med ral gri rnon po yis// byang chub sems su rkun zag gcad// dug gsum dra bar bcug pa la// shes rab sgra gr-i ta ma las// sku gsung thugs su rgyun zag gcad// the tshom yid gnyis za ba la// shes rab ting 'dzin brtan po yis// yid ches dad pas rgyun zag gcad// chags sdang lcags su bcug pa la// thabs dang shes rab lde mig gis// chags sdang bkrol te rgyun zag gcad// snang srid 'di ltar snang ba rnams// sems kyi cho 'phrul yin pas na// dmigs pa med par rgyun zag gcad// mtshan mar snang bar rtog pa rnams// rtogs pa ldan pa'i blta ba yin// sems nyid yin par rgyun zag gcad// zhen chags 'khor bar bcings pa la// mtshan nyid skra gri rnon po yis// gnyis su med par rkun zag gcad// nyon mongs 'dam du chud pa la// rang byung ting 'dzin chen po yis// dngos po med par rgyun zag gcad// 'khor ba'i sems can thams cad kun// ma bcos bcos pa med pa yis// mya ngan 'das par rgyun zag gcad// kun tu bzang po nam mkha' che rtsa ba bsdus pa'i rgyud las/ bcad pa bstan pa'i skabs te bcu bdun pa'o// // rdo rje sems dpas bcom ldan 'das la 'di skad ces gsol to// 'khor ba nyid

  290. 145b

    ni mya ngan 'das// sdug bsngal nyid kyang bde ba ste// ma bslabs yon tan khyad par che// ma btsal mthu la dpag tu med// ma bsgrubs dngos grub brjod mi langs// ma gsungs chos ni bsam mi khyab// sangs rgyas yon tan brjod mi langs// rgyud 'di gsung thos stong pa nyid// stong pa nyid kyang rgyud 'di'o// rgyud 'di sus 'dzin kun bzang po// kun bzang nyid kyang rgyud 'di'o// yid la dran pa sangs rgyas thugs// sangs rgyas thugs kyang rgyud 'di'o// kun tu bzang pos bka' stsal pa// rdo rje sems dpa' khyod legs so// kun tu bzang po'i rgyud tshig 'dzin par gang byed pa// sangs rgyas thugs kyis rjes 'dzin yin// rgyud 'di 'dzin pa'i shes rab can// thams cad kyi ni bdag nyid yin// gnyen pos ma btsun thugs kyis rtogs// man ngag 'di nyid nga yin zhes// kun tu bzang pos rab bshad do// gang zhig gang gis rtogs 'dod pas// man ngag 'di la blta bar gyis// de skad gang yang ma gsungs par// kun tu bzang pos bka' stsal pa// gcig tu thob pa med pa'i chos sku thob/ bsgrub pa med pa'i 'bras bu grub// rang bzhin btsal ba med par sangs rgyas so// kun tu bzang po nam mkha' che rtsa ba bsdus pa'i rgyud rdzogs so// // dga' rab rdo rje la zhus pa'o// man ngag rtsa ba bsdus pa'i rgyud// chos nyid mi

  291. 146a

    'gyur rgyas btab bzhag/ ban chung 'khyams po bdag gis drangs// bod nas rgya gar yul gyi bar// dka' ba bco brgyad spyad pa las// de'u shi lnga bcu rtsa bzhi byung // man ngag rgyal po'i phyag tu gdams// rgya gar gyi mkhas pa shrI sid+ha dang // bod kyi ban+de be ro tsa nas bsgyur ba'o// / @#// rgya gar skad du/ bo d+hi tsit+ta sa man+ta b+ha dra biSh+ka pa rA kra mo da ya tan+ta nA ma/ bod skad du/ byang chub kyi sems kun tu bzang po rig pa rang gi rtsal shar ba'i rgyud ces bya ba/ dpal kun tu bzang po thig le bde ba chen por rang shar ba'i sku la phyag 'tshal lo// 'di skad bdag gis thos pa'i dus gcig na/ bcom ldan 'das rig pa rtsal gyi rgyal po chen po/ zang thal 'og min gyi gnas gsang ba mchog gi gzhal yas na bzhugs pa'i ngang na thig le chen po rang nyid la gzigs te/ cog bzhag chen po'i ting nge 'dzin zhes bya ba'i ngang la snyoms par zhugs so// de'i tshe dus de nyid kho nar/ ngo bo nyid kyi cho 'phrul ji ltar shar ba'i bde bar gshegs pa rnams dang // gzhan yang nyid las ma 'das pa'i stong gsum 'jig rten pa'i 'khor thams cad dang thabs cig ste/ gzhan yang gsang ba chen po de rtog pa dang ldan pa'i 'khor rang bzhin don la gnas pa dang / rang bzhin blta ba chen po dang / rig pa'i snang tshul ji lta

  292. 146b

    bar rtogs pa'i 'khor 'ba' zhig gnyis su med par 'dus so// de nas bcom ldan 'das rig pa rtsal gyi rgyal po chen po de lhun grub zag med bde ba chen po 'du 'bral med pa'i ting nge 'dzin la snyoms par zhugs so// de'i tshe de'i dus na/ nyid las mi gzhan pa'i 'khor thams cad lhun grub 'gag pa med par rang gsal bar gyur to// de nas bcom ldan 'das rig pa'i rgyal pos 'di skad ces gsungs so// lhun grub 'gag med bde chen la/ 'khor ba myang 'das cir shar ba// rig pa'i rtsal yin gzhan na med// rtogs pa'i 'khor tshogs dang sems kyis// cir snang lhun grub chen por gsal// zhes gsungs pa dang // rtogs pa rang gsal gyi nang nas rdo rje sems dpa' rang bzhengs nas/ 'di skad ces gsol to// kye kye rig pa'i rtsal shar bcom ldan 'das// gab pa'i dbyings nas mngon phyung ste// phrin las mdzad pa cir yang ston// thugs rje'i cho 'phrul ris dang bral// thig le zag med kun tu bzang // zang thal chen po'i dbyings nyid las// rang byung phyogs med rang grol gyis// ga'u rig pa'i mthongs gsal nas// gsang du med pa'i tshig brjod nas// rtogs pa'i 'khor la bstan du gsol// e ma ho// gsung du gsol zhes zhus so// de nas rig pa'i rgyal po chen po des// rdo rje sems dpa' la 'di skad ces bka' stsal pa//

  293. 147a

    rig pa lhun grub zag med bde// mkha' la nyi ma shar ba bzhin// 'khor 'das kun la khyab par gsal// khyab gsal gnyis med thig le che// lhun grub chen po'i ngo bor shar// 'bad pa med par ye sangs rgyas// 'gyur med tha snyad rgyu 'bras med// rnam kun byang sems bde bar gshegs// shes dang mi shes tha snyad kyang // lhun grub nyid las gzhan ma grub// 'khor ba'i rkyen 'gyur rnam smin las// 'gro drug nyid du snang ba las// ngo bo ma yin rkyen ltar shar// kun brtags rnam rtog mtshan nyid kyang // gang ltar brtags pa de ltar snang // ji ltar rtog pa'i rnam grangs kun// gcig las yul dus kun tu rgyu// dper na nyi ma'i zer bzhin du// thig le gcig las du ma med// lhun grub zang thal rang bzhin ni// mtha' dang bral ba'i rtogs mtha' med// rang gsal dgongs par gnas par bya'o// lhun grub rang byung 'gag med kyis// 'khor 'das cho 'phrul nyid du bstan// lhun grub phyogs med 'bras bu ni// rang byung ye shes nyid la rdzogs// rig pa spyi blug chen por shar// rtsol med rtsal sbugs klung chen las// bgrod med sa yi yon tan shar// rang snang dbyer med cig char sa// de las rtsol med 'bras bu'i mchog/ rig pa'i rtsal shar rnal 'byor pas// shes pa chos sku rang gsal la// ma yengs cog bzhag

  294. 147b

    nyid du bzhag/ ces gsungs so// kun tu bzang po rig pa rang gi rtsal shar ba'i rgyud las/ gleng gzhi'i le'u ste dang po'o// // de nas rig pa'i rgyal po des/ rdo rje sems dpa' la 'di skad ces gsungs so// 'khor ba'i sdug bsngal ci shar dang // mya ngan 'das pa'i bde ba nyid// rig pa'i ye shes rtsal du rdzogs// rnam rtog ci skye rig pa'i rtsal// rang byung ye shes 'gag med la// rtog dang rig pa tha da med// lhun grub phyogs med rig pa'i rtsal// kun spangs kun gyi dngos gzhir shar// gzung 'dzin phra rags rtog pa rnams// rol pa chen po'i cho 'phrul yin// yang dag don la brjod du med// ma bcos go rtogs mi skye bas// brjod med brjod bya tshig gis mtshon// kun bzang lhun grub gdal ba la// 'khor dang myang 'das rnam par dag/ tshig dang tshig don brjod bya bral// bya btsal bral zhing gnyen po med// shes pa rang gsal rang la zhog/ bya ba btang ba'i skyes bu'am// rgya mtshor snang ba'i rdzas lta bu// byed spyod med par rang bzhin gsal// gzung 'dzin rgyu 'bras gang yang med// de lta nyid kyis 'bras bu thob// drang don rtsol sems khar ma lus// rnam rtog kun brtags mtshan ma rnams// rang byung rang gsal nyid kyi ngang // chos nyid lhun grub 'gag med las// chos rnams rang bzhin nyid du gnas// dper

  295. 148a

    na rin chen gser gling na// sa rdo mi gnas gser du snang // sems nyid rang byung ye shes la// cir snang ci srid bde chen 'bar// dper na skas kyi gdang bu ltar// rim par bgrang med sems nyid la// bgrod col lam gyi thogs rgyu med// rang byung rang shar rnam grol lam// bgrod med rtsol bral rig pa'i klung // snga phyi med par mngon mthar phyin// rig pa rtsal gyi rang bzhin ni// ye shes nyi ma mngon shar bas// shar ba nyid na nub pa med// kun bzang thig le chen po nyid// ma bcos lhun grub g.yo ba med// rgyu 'bras rtog 'dzin ci yang med// yul med sgyu ma yul la rol// sems nyid nam mkha'i nyi ma 'dra// rang byung lhun grub gdal ba med// blang dor gnyis med 'bad rtsol med// mdor na rig pa'i rtsal zhes bya// mkha' la nyi ma shar ba bzhin// 'dir gsal 'dir mi gsal dang bral// kun la khyab cing dbye bsal med// de bzhin lung dang man ngag dang // rig pa dag gi rtsal dag gis// snang srid 'khor 'das chos rnams kun// sems nyid yin par thag chod na// byang sems bde ba kun la brdal// byang chub sems kyis blta thag chad// sems nyid nyi zer spro zhing bsdu// rig pa rtsal gyi rang bzhin ni// gang yang yin no cir yang 'char// de yang byang sems bde ba'i klong // chos sku rang gsal ngang

  296. 148b

    la bzhag/ bsam dang bral ba'i ye shes mthong // rang byung rang gsal rdzogs pa'i don// mtha' dbus bral bas ye sangs rgyas// gyi na rtsol bral dbu ma'i lam// zhen zhing bral bas gza' gtad med// phyogs med lhun 'byams kun bzang 'dis// 'khor 'das rang lugs gzhi byas nas// rang byung gnyis med bde don rtogs// rang rig rang gsal blang dor bral// rnam dag lam chen dgongs pa'i phugs// khyung chen dar ma mkhar lding bzhin// spror med bsdur med rang sar grol// rtsol bsgrub med cing g.yang sa bral// g.yang sa nyid kyang sems su shes// 'khor ba nyid kyang ye shes la// ye nas 'khor 'das gnyis su med// lhun grub nyid las gzhan du med// rang rig cir yang ma grub pas// zhen blo bsam 'dod kun dang bral// rig pa mtha' bral stong pa nyid// 'od gsal nam mkha'i rang bzhin 'dra// gzung 'dzin med pas mnyam pa'i ngang // rol pa'i cho 'phrul cir yang ston// cho 'phrul bstan yang rang rgyud bral// rig pa sgyu ma chu zla 'dra// kun tu 'char zhing lhun gyis grub// 'di yin 'di min tha snyad bral// rig pa ma bslad dri ma bral// nam mkha' lta bu'i rig pa la// nam mkha' dbyings ltar bsam dang bral// bsam med blo bde nam mkha' bzhin// rang rgyud ye shes bsam dang bral// mi skye mi

  297. 149a

    'gag cir mi gnas// rig pa'i rgyal po blta ba yin// bltar med yengs med blta ba yin// snga phyi dus las ma dmigs te// 'gyur med sems kyi g.yung drung yin// zhe 'dod dag las 'byung mi srid// 'dod pa med cing len pa dag/ lhun grub bde 'byams yangs dog med// rang grol dag pa chen po la// 'pho 'gyur med pas rdo rje 'dra// rnam rtog rlung gis bskyod gyur kyang // lhun grub dang las g.yos pa med// gzhi 'dzin rig pa rgya mtsho bzhin// phyi nang gsang ba kun gyi dngos// mtha' dbus med cing phyogs dang bral// rang byung 'gag med blta ba la// lam dang lam gyi rtsol ba med// rdo rje nyi chen 'bar ba ltar// skye 'jig 'pho 'gyur nus mtha' med// rin chen gling dang nyi ma ltar// rang gsal 'gag med rtog dang bral// 'khor ba'i gnas nyid ye sangs rgyas// rang sems rig pa gang snang ba// bsam pa ci gyus ye shes ngang // lhun grub gzhi 'dzin rig pa la// sems can chos nyid gang yang med// dbus dang mtha' bral dkyil du rdzogs// rtog pa ma yin chad mtha' min// mi rtag ma yin rtag mtha' med// shes pa mi 'gag 'dod pa min// bya byed med cing rtsol sems dag/ bgrod med rtsol bral rig pa'i klong // phyogs bral phyogs la gnas pa med/ rang rig yul med yul dang bral// len med 'dzin med 'dod pa

  298. 149b

    med// rang byung 'gag med mi ldan na// phyogs 'dzin mtha' la zhen pas 'khrul// phyogs med rig pa rang shar 'di// tha snyad mi la mi gnas te// skye 'gag med par rnam brtags shing // bkri drang drang 'thoms sems can la// thugs rjes btegs nas 'khor lo bskor// tha snyad lam gyis 'gro ba 'dren// sna tshogs snang ba'i chos rnams kun// sku gsung thugs las ma g.yos pa'i// mi zad 'khor lo rnam gsum po// nam mkha' lta bu ye nas bskor// zag med bde ba ye shes sku// lhun grub chen po bsam mi khyab// gang zhig 'gro ba'i sgra skad rnams// zag med bde chen rig pa'i gsung // gang zhig kha dog/ dbyibs snang ba// sku mchog rgyan gyi 'khor lo zab// sems nyid dbyer med rdo rje'i thugs// gnyis su med pas kun tu bzang // sku gsum mi 'bral bde ba che// sems nyid ye nas sangs rgyas pas// rtsol ba med par lhun gyis grub/ 'dod dgu bsgyur ba'i rin po che// bkol ba med cing dbyings na gsal// yi ge med cing tshig las 'das// rig pa rtsal zhes bya ba ni// snang srid 'khor 'das chos rnams kun// sems ma yin pa'i chos yod min// chos rnams ma lus thams cad kun// rig pa'i rtsal du rang shar bas// de nyid chos sku rang gsal ba// yengs dang ma yengs mtha' las grol// rig pa rang gsal

  299. 150a

    ye shes la// rtogs pa nges med don gyi mchog/ rang shar rig pa dbyings na gsal// rig pa brdal khyab rang bzhin la// rang byung ye shes ngang gis gsal// chos spu rang gsal dang nyid la// zhen 'ching med cing dmigs dang bral// rig pa rtsal gyi rang bzhin ni// dper na mkha' la nyi shar bzhin// rig pa rang gsal phyogs dang bral// phyogs rnams med cing kun la khyab// sna tshogs rig pa'i chos skur gsal// zhes gsungs so// kun tu bzang po rig pa rang gi rtsal shar ba'i rgyud las// rig pa rtsal gyi le'u ste gnyis pa'o// // de nas rig pa'i rgyal po kun tu bzang po des/ rdo rje sems dpa' la 'di skad ces gsol to// kye kye dgongs pa rang shar dbyings na gsal// don dam ma rtogs snang med la// gab pa'i don chen mngon du phyung // bla mas dgongs pa'i dbyings brtol ba'i// tshad ma dag ldan bla ma yis// man ngag bdud rtsi bcud du bstan// bslad pas mi smod chos spru la// rnam rtog kun brtags ga la yod// gser la g.ya' byung gser nyid bsgrib// g.ya' byung gser bas 'das pa med// thig les chos sku khyab par gsal// dper na 'khor los sgyur rgyal la// mtshan dpe zhen med rang la tshang // dmigs phyed rgyan cha rang la gsal// de bzhin sems can sems nyid la// thig le chen po

  300. 150b

    ngo spyod na// ma bslad chos sku ngang gis gsal// thig le chos sku rang gsal la// mtshan dpe zhen med rang la tshangs// ngo bo nyid ni dmigs su med// gar yang ma g.yos 'gyur ba med// nyams su blang med gza' gtad bral// skye med 'gag med shar nub med// gar mthong cir gsal chos skur mthong // gang du'ang ma bgrod klong du gnas// 'byung 'jug med cing gzhag bya bral// 'das dang ma 'ongs da lta ru// snang zhen med cing bgrod du med// rang byung ye shes rang gsal bas// mi mthun phyogs dang gnyen po med// dper na dmus long mig phye bas// rang lus gzhan nas btsal mi dgos// de bzhin thig le chen po yang // mtshan ma chos skur ngo shes na// mi mthun med pas gnyen po med// chos sku rang gsal gdeng rnyed na// bgrod rtsol 'bad pa ga la yod// dam par blta med zhen 'ching med// phyogs rnams med cing phyogs dang bral// dper na nam mkha'i rang bzhin ltar// rang gi ngo bo rang gsal ltar// rang gsal nyid la gnas pa med// dmigs med mtshan ma cir mi gnas// snang stong kun gsal ye shes sku// thig le rang gsal rang bzhin la// snang dang stong pa gnyis su med// dngos por snang ba'i tha snyad rnams// snang zhes tha snyad ci byung yang // mtshan ma rang grol tha snyad bral// rnam rtog ye shes dgongs par

  301. 151a

    ldan// 'khor dang mya ngan 'das rnams kun// gnyis ka ye shes rang gsal la// dgag sgrub med cing spang blang med// 'byung 'jug med cing rnam bral med// tha snyad med cing snying po med// dag dang ma dag tshig mtha' bral// gang yang bde dang sdug bsngal med// rtsol ba med cing spyod mtha' bral// bya byed med cing chos skur gsal// byed pa med cing 'ching grol dag/ bdag gzhan ye nas gnyis su med// 'gro ba rigs drug bder gshegs shing // yod med mtshan ma dbyer med la// blang dor dbye bsal ngang gis bral// ma lus chos rnams thams cad kun// shes pa chos skur rang gsal bas// kun tu bzang po'i dgongs pa la// gar yang ma g.yos chos nyid yin// rang byung nyid du rang grol bas// gzhan dag rtsol bsgrub ga la yod// so sor rtogs pa'i shes rab kyis// theg pa no brtsegs rang byung bral// rang byung thig le gcig tu 'dus// thig le mi rtog rang bzhin gsal// chos sgra rdo rje 'gyur med lung // rang byung ye shes rang lags pas// thams cad ye shes ngo bor gsal// zhes gsungs so// kun tu bzang po rig pa rang gi rtsal shar ba'i rgyud las/ gab pa mngon du phyung ba'i le'u ste gsum pa'o// // de nas yang rang byung rig pa'i rgyal po kun tu bzang po des/ rdo rje sems dpa' la 'di skad ces

  302. 151b

    gsol to// rang byung ye shes 'gag med la// bkag pas mi khegs ye shes shar// zang thal chen po'i rang bzhin ni// rang gsal gang du mi rtog phyir// btsal med rig pa'i shugs las 'byung // dper na glang chen smyon pa ltar// btags bros btang na rang ldog ltar// rnal 'byor shes pa yan btang na// ma btsal gnas lugs ngang du ldog/ rang byung mi 'gag rtsal du khyer// gang la'ang ma chags thogs pa da/ rang shar chen po'i lta ba la// don 'gyur nyams su blang pa med// ye shes chen po'i cho 'phrul yin// rang byung rang gsal zang thal yin// zang thal nyid la gzung du med// 'dzin med rig pa ye shes shar// 'khrul rtog sdug bsngal sna tshogs kyang // myang rgyu med par shugs la snang // rtsol med rang byung rang sa zin// 'di la ched du gzung du med// 'di la nyams su blangs dang bral// 'di la rtog pas dgag tu med// ye shes rang shar lta ba'i gdengs// rtsol ba med pa sgom pa'i mchog/ btsal mi dgos pas 'bras bu'i don// zhes gsungs so// kun tu bzang po rig pa rang gi rtsal shar ba'i rgyud las/ ye shes zang thal gyi le'u ste bzhi pa'o// // de nas rig pa'i rgyal po kun tu bzang po des/ rdo rje sems dpa' la 'di skad ces bka' stsal to// rgyal 'gro lam pa'i sems can rnams// lhun grub dang la dbyer

  303. 152a

    med pas// thams cad mkhyen pa'i sbrul sku yin// thug phrad nyid du ye sangs rgyas// ma bcos sku gsung 'khor lo bskor// chos rnams kun bzang rol par shar// gang yang ma yin chos kyi sku// gzhan du mi rtog btsal du med// gang yang ma spangs kun tu rol// dper na skyes bu ngo shes dang // phrad pa'i dus na the tshom med// rnal 'byor dran rig ci 'gyus pa// ye shes zang thal chos skur shes// gang yang ma spangs rang sar grol// gzhan du skad cig tsam yang med// thig le zug phrad chos kyi sku// rang bzhin mi 'gyur ka dag pa'i// spang bya spong byed gnyis su med// 'bras bu kun bzang gtan tshigs yin// zhes gsungs so// kun tu bzang po rig pa rang gi rtsal shar ba'i rgyud las/ chos nyid thug phrad kyi le'u ste lnga pa'o// // de nas bcom ldan 'das rig pa'i rgyal po kun tu bzang po des// rdo rje sems dpa' la 'di skad ces bka' stsal to// bde chen lhun grub cog bzhag la// rtsol med rig pa bsam dang bral// gzung 'dzin gnyen po rang sar gzhag/ mnyam nyid ye shes 'bras bu'i mchog/ cog bzhag chen po'i ngang du gsal// dper na rgya mtsho dngas pa la// gdos pa med par snang srid gsal// rnal 'byor rang rig cir gsal ba// ming dang gdags gzhi gang yang med// gdags gzhi

  304. 152b

    bral ba don gyi mchog/ mnyam nyid rang gsal rig pa'i klong // snang ba nyid na grub pa med// rang rig stong nyid mi g.yo ba// de la mi rtsol rnal 'byor mchog/ dbang po'i ngo la gang snang ba// mi rtog cir gsal gdags gzhi bral// snang med mi 'gag cir mi dgongs// gnyen po med pas 'bad rtsol bral// zhes gsungs so// kun tu bzang po rig pa rang gi rtsal shar ba'i rgyud las/ mnyam nyid cog bzhag gi le'u ste drug pa'o// // de nas yang bcom ldan 'das rig pa'i rgyal po kun tu bzang po des/ rdo rje sems dpa' la 'di skad ces bka' stsal to// nyon cig sems dpa' rdo rje khyod// dbang po yang rab don rdzogs nas// 'bring dang dman pa'i don bshad nyon// chos sku nyag gcig dngos mtshan med// dngos med chos sku tshol 'dod na// dper na grong rgyu'i khyi rkun gyis// cang med khang stong btsal gyur kyang // 'dod pa ma rnyed sun phyin nas// zhen log slar la nyal ba ltar// rnal 'byor rang rig cir skyes la// dbang po mi dgag nang du blta// cir snang brtags shing bdag por blta// gzung 'dzin gang skyes rtsa ba med// nang du blta zhing lta mkhan btsal// btsal bas cir yang ma rnyed cing // gang du'ang ma mthong ming ma thogs// rjes med nam mkha'i bya lam 'dra// snang med rang byung nam mkha' 'dra// de la gnas

  305. 153a

    pa 'bras bu'i mchog/ ces gsungs so// kun tu bzang po rig pa rang gi rtsal shar ba'i rgyud las/ tshol ba rjes med kyi le'u ste bdun pa'o// // de nas rig pa'i rgyal po kun tu bzang po des// rdo rje sems dpa' la bka' stsal pa// chos sku ye nas dmigs gtad med// dmigs gtad med pa'i don 'dod na// dper na mig nad can dag gis// gang yang rung ba'i dngos po la// rgyang mig bltas shing yin min brtags// brtags pa'i rjes la dmigs pa 'tshubs// gang mthong ma shes mdongs pa ltar// rnal 'byor skyes bu gang zhig gis// rdzas kyi rnam pa gang rung ba// 'bru tshugs bltas shing ma gtang na// dran med 'dzin med long gis skye// ma btang yun bsring ye shes 'char// ye shes mkha' mnyam nam mkha' 'dra// dran pa med pa'i blong blong po// myong med nyams skye dran rig 'gag/ dmigs pa rjes med gyi nar 'dug/ btang snyoms chen po'i chos sku thob// ces gsungs so// kun tu bzang po rig pa rang gi rtsal shar ba'i rgyud las/ dmigs pa rjes med gyi le'u ste brgyad pa'o// // de nas rig pa'i rgyal po kun tu bzang pos/ rdo rje sems dpa' la bka' stsal pa/ dper na khyung chen rtsol med kyang // rtsol ba yid tsam stegs la brten// rten med ye shes thob 'dod na// dper na khyi gsar rtod btags

  306. 153b

    na// gang du mi 'gro der 'khor ltar// gang yang rung ba'i mtshan ma'am// dmigs dang bcas pa'i mtshan med la// yengs pa med par blo gtad nas// ma goms bar du brtag par bya// goms shing dmigs pa gsal gyur nas// nus pa phra mo 'byin nus na// gdeng gis zin pa'i bla ma yis// kun bzang lhun grub dgongs pa'i don// dus de kha nar lung phog na// stan khung brgyud pa'i man ngag gis// rang byung ye shes shugs las 'char// mtshan bcas mtshan med rang sar grol// khyung chen nam mkhar lding ba 'dra// de ltar ma shes rtog med na// gang yang rung ba'i mtshan ma'am// blo rtse gang 'phrod dmigs pa las// bltas pas shes dang brtags pas shes// bsgoms pas shes dang bshar bas shes// gshur bas shes dang log gnon shes// thun mong thabs kyi man ngag drug/ mang por bsgom dang rang nyid bsgom// mtshan ma can la bsten nas ni// mtshan med ye shes shugs las skyes// zag bcas dag la brten nas ni// zag med bde chen shugs las 'byung // zhes gsungs so// kun tu bzang po rig pa rang gi rtsal shar ba'i rgyud las/ rtod phur gyi le'u ste dgu pa'o// // de nas bcom ldan 'das rig pa'i rgyal po kun tu bzang pos/ rdo rje sems dpa' la bka' stsal pa/ rig pa'i rtsal ni rnam gsum ste// rang byung brtags

  307. 154a

    snang gnyis med gsum// mkha' la nyi shar bya byed spre'u// chu dang 'o ma 'dres ltar snang // gab pa mngon phyung rnam gsum ste// rang gnas ma shes yul gyis bsgribs// gnyis su med de rnam gsum po// dmus long dmigs phye me long dang // rin chen 'dam nas thon ltar snang // chos nyid zang thal rnam gsum ste// rang bzhin rtsal rang gnyis med gsum// lho skyug glang chen man shel 'dra// chos nyid gsum phrad gsum nyid de// rang byung rkyen dang gnyis med gsum// rin chen gser gling ngo shes mi// ral gri kha mang lta bur snang // cog bzhag rnam gsum nyid yin te// gnas lugs 'bras bu lam dang gsum// nam mkha' dang ni rgya mtsho dang // bya ba btang ba'i skyes ltar snang // tshol ba rjes med rnam gsum ste// nang dang phyi dang gnyis su med// khyi rkun nam mkha'i bya lam dang // chu la ral gri btab ltar snang // dmigs pa rjes med dag kyang gsum// phyi dang nang dang gnyis su med// ma 'dris dbang stong mig nad can// chu la chu thim lta bur snang // rtod phur dag kyang rnam gsum ste// don yod gang gsal zhen pa med// bum pa bdud rtsi bu chung gzugs// khyung phrug gshog rdzogs lta bur snang // snang srid 'khor 'das lam pa'i chos// zab mo'i gdams ngag ji snyed pa// 'di ru ma 'dus gang yang med// ces gsungs

  308. 154b

    so// kun tu bzang po rig pa rang gi rtsal shar ba'i rgyud las/ dbye thabs 'khor lo'i man ngag rgya che grub mtha'i le'u ste bcu pa'o// // de nas rang grol rig pa'i rgyal po kun tu bzang po des/ rdo rje sems dpa' la bka' stsal pa// rig pa rtsal 'byongs rnal 'byor la// drod rtags mthar phyin 'di ltar 'byung // phyi dang nang dang gsang ba gsum// 'od dang nyi shar shes pa 'phyo// phyogs ris med dang 'dod pa chung // 'bras bu dag la mi re zhing // g.yengs pa bdud la nyam pa med// rig pa'i cho 'phrul dag tu 'char// gab pa mngon phyung mthar phyin rtags// phyi nang gsang ba gsum du 'dus// nam mkha'i mthong phye snying rje che// chags med bla ma mched grogs gdung // dam tshig la gnas nye ring med// spyod yul gang la zhe 'dod med// ye shes zang thal mthar phyin rtags// phyi nang gsang ba gsum du 'byung // nam mkhar 'gro dang thogs pa med// lus yod mi tshor snyam byed bral// spyod yul gang la yang 'dzin med pa'o// zug phrad goms rtags ngo shes na// phyi nang gsang ba'i rtags gsum 'byung // gang la zhum med skyengs med dang // gtsang sme blang dor spang len med// cer mthong thug phrad ye shes shar// cog bzhag klong gyur mi rtsol rtags// phyi dang nang dang gsang ba gsum// rtsol ba chung dang khong khro med// lus sems rang

  309. 155a

    lugs spyod yul bral// btsal ba rjes med rtsad chod rtags// phyi nang gsang ba gsum du 'char// rtsol ba chung dang zhen chags log/ sgo gsum las la rjes med 'char// dmigs pa rjes med mthil phebs rtags// phyi nang gsang ba gsum du 'char// gang la bris mi 'dzugs pa dang // sems la gtad so ma rnyed cing // dbyer med gzung 'dzin med par 'char// rtod phur dmigs pa brtan thob rtags// phyi nang gsang ba gsum du 'char// me chu rlung dang kha dog lnga// g.yo dang 'phur ba yang ba dang // stan la mi snang sgra mi tshor// gnyid choms shig ni mi tshor dang // yar mar dbugs rgyu mi tshor dang // spyod yul sgyu ma lta bur gsal// mnyam gzhag rjes thob med pa dang // tshig chod dag tu ngang gis 'char// zhes gsungs so// kun tu bzang po rig pa rang gi rtsal shar ba'i rgyud las/ drod rtags 'bras bu bstan pa'i le'u ste bcu gcig pa'o// // de nas bcom ldan 'das rig pa'i rgyal po kun tu bzang pos/ rdo rje sems dpa' la bka' stsal pa/ gdams ngag don rtogs gdeng ldan na// dus de kho nar 'bras bu 'thob// spyod yul rig pa rang shar yin// shes pa lhug pa rang byung nyid// chags med phyogs med rang grol nyid// zhen pa rang log phyogs ris med// re dogs med cing phyogs ris med// du ma ro

  310. 155b

    gcig 'phel 'grib med// lhun grub phyag rgya chen po nyid// da lta nyid du 'bras bu grub// de dus cir snang ye shes la// lhun grub 'gyur med skye ba med// rang shar sprul pa dpag med 'gyed// thams cad 'bras bu rang shar na// thams cad mkhyen pa'i 'bras bu yin// 'dre ldog spyi'u tshugs gar song yang // 'bras bu nyid de mngon sangs rgyas// 'khor 'das dbyer med 'bras bu'i mchog/ 'khor ba nyid la myang 'das gsal// sdug bsngal bde bar rang shar na// don gyi 'bras bu skye ba med// ces gsungs so// kun tu bzang po rig pa rang gi rtsal shar ba'i rgyud las/ 'bras bu mngon du phyung ba'i le'u ste bcu gnyis pa'o// // de nas bcom ldan 'das rig pa'i rgyal po kun tu bzang po de nyid snang ba rang grol ye shes rang gsal gyi ting nge 'dzin la snyoms par zhugs so// de'i dus de nyid kho nar rdo rje sems dpa' nyid las mi gzhan pa'i 'khor rnams la 'dzum pa mdzad de/ rig pa'i rgyal po la bstod pa/ rig pa'i rgyal po skye med nam mkha'i thugs// rdo rje'i sku la 'gyur med skye 'jig bral// byin rlabs gsung gis tshig med don la mtshon// 'du 'bral med par sku gsung thugs kyi ngang // e ma ho// e ma ho// zhes brjod pas rab tu dgyes par gyur to// kun tu bzang po rig pa rang gi rtsal shar ba'i rgyud las//

  311. 156a

    bstod pa'i le'u ste bcu gsum pa'o// // de nas bcom ldan 'das reg pa'i rgyal po kun tu bzang po des rdo rje sems dpa' la rgud dang man ngag gi don gtad pa/ hu~M kyi rig pa'i sgras tha chen pos chud 'di zung / sgra dang chog phyir ma 'brengs don gyi gter// yang dag don chen gsang ba'i chud mchog 'di// nga yi thugs brtol dgongs pa'i bcud byung nas// rgya mtsho lta bur gting zab dpag dka' don// kun dang kun gyi thun mong ma yin pas// nyid las mi gzhan khyad med 'khor rnams la// khyab par ston cig sems dpa' rdo rje khyod// snod ldan las 'phro yod pa'i gang zag gam// rig pa sgra blugs shar ba'i gang zag la// the tshom yid gnyis med par myur du ston// zhes gsungs pas// nyid las mi gzhan pa'i 'khor thams cad rjes su yi rang bar gyur to// kun tu bzang po rig pa rang gi rtsal shar ba'i rgyud las/ rgud gtad pa dang rjes su yi rang ba bstan pa'i le'u ste bcu bzhi pa'o// kun tu bzang po rig pa rang gi rtsal shar ba'i chud le'u bcu bzhi pa rdzogs so// shrI sid+d+ha dang be ros bsgyur ba'o// bar 'dir rin po che gdams ngag sna tshogs 'khor lo 'dzud//

  312. 156b

    rgya gar skad du/ rat+ne pa de sha bi shwa tsakra tan+ta pash+tsi ma nA ma/ bod skad du/ rin po che gdams ngag sna tshogs 'khor lo'i rgyud phyi ma/ bcom ldan 'das rdo rje sems dpa' la phyag 'tshal lo// 'di skad bdag gis sems dpa' rdo rje'i brda yongs su go ba'i dus gcig na// ston pa dga' rab rdo rje sprul pa'i skyes bu chen po de nyid skye 'gag med pa'i ting nge 'dzin la snyoms par zhugs so// de'i tshe lta ba rags par rtogs pa'i 'khor du ma 'khod do// sprul pa'i bdag nyid 'jam dpal bshes gnyen dang / rgyal po d+ha na ta dang // thu bo rA dza hasti dang / gzhan yang mkhas pa nyi shu rtsa gcig la sogs pa bsam gyis mi khyab pa'i 'khor dang / gzhan yang ye shes dang las las grub pa'i mkha' 'gro ma 'jig rten dang 'jig rten las 'das pa'i 'khor thams cad dang thabs cig tu bzhugs so// de nas yang 'jam dpal bshes gnyen gyis 'di skad ces gsol to// kye sprul pa'i skyes chen dga' rab rdo rje nyid// mos gus dad pas 'dun shing rang sems rtogs// las dang skal par ldan pa'i 'khor rnams la// sdong chen brgyad kyi man ngag don bkrol bshad// lhun grub lta ba'i gdeng ldan gdar sha bcad// rang sems ma bcos chos skur gtan la dbab// rig pa'i rtsal du chos rnams thams cad bsdus// rtsol bsgrub med pa'i ye shes

  313. 157a

    zang thal la// zug phrad dang du chos sku dngos su bstan// ma btsal ma bsgrubs 'bras bu cog ge bzhag/ btsal bas mi rnyed dmigs gtad med pa'i don// nyid kyis bstan pas 'khor rnams mngon par dga'// dbang po dman zhing shes rab zhan pa la// dbang po thad sor sbyar ba'i gdams ngag rnams// de nyid dgrol phyir gdams ngag rim pa rnams// nyid kyi dgongs pas mkhyen ltar bshad du gsol// zhes zhus pas// de nas dga' rab rdo rjes bka' stsal pa// 'jam dpal bshes gnyen nyon cig/ dbang po rab dang 'bring gi don// mthar thug don du nga yis bstan// blo ngan shes rab zhan pa la// phan gdags grol ba'i man ngag dang // ro snyoms zag bcas gdams ngag dang // de la brten 'byung zag med kyi// gdams ngag ci gsungs ngas bshad kyis// 'jam dpal bshes gnyen gzung bar gyis// zhes gsungs nas/ ro snyoms bde ba dang thig le 'khyil pa zhes bya ba'i ting nge 'dzin la snyoms par zhugs so// gdams ngag sna tshogs 'khor lo'i rgyud phyi ma las// gleng gzhi zhu ba dang bcas pa'i le'u ste dang po'o// // de nas dga' rab rdo rje zhes bya ba des/ 'jam dpal bshes gnyen la sogs pa'i 'khor rnams la brda' 'am byin gyis brlab kyi tshul gyis 'di skad ces bka' stsal to// gang dag blo

  314. 157b

    ngan shes chung gis// mtshan ma can la brten nas ni// mtshan med ye shes 'char ba yin// mtshan ma dag kyang lnga yin te// rlung dang kha sbyor bde ba dang // sku tshad yig 'bru'i mtshan ma dang // gang 'phrod spyod yul mtha' dag yin// dang po rlung bsgom man ngag ni// rnam pa bdun du shes par bya// gzung dang bcing dang sbyang dang spang // g.yas g.yon spo dang d+ha tir gzhug/ mthar phyin dag dang rnam pa bdun// 'byung/ dang 'jug dang gnas pa gsum// hUM dang oM dang AHgsum ni// bsgom pa yang ni de ltar bya// rlung gi de nyid bdag nyid de// sngags kyi de nyid dag dang gsum// rtogs nas rang sems gzung bar bya// rlung la sems 'dzin byed pa'i tshe// thun bzhir bcad la bsgom par bya// sna sgo dag gi bu gar ni// rlung ni phar 'gro tshur 'ong bar// de tsam gcig la gtad la bsgom// de la sems ni zin gyur na// kha dog gcig la bslab pa ni// dkar po dar gyi skud pa tsam// snying ga ru ni byung nas kyang // phyi rol sor brgyad tsam gyi bar// de la sems ni zin gyur na// lte ba yi ni phyi rol gyi// sor ni bcu drug dag tu bsgom// kha dog lnga la bslab pa yang // shin tu phra ba de bzhin bslab// khong pa khengs par bsgom pa yang // khong pa'i nang du 'jug tsam na// skud pa khegs pa'i tshul du bsgom// rlung ni phar 'gro'i dus tsam na// sprad pa stong pa

  315. 158a

    bzhin du bsgom// rang sems gang la mi 'phro bar// rlung la chags par gyur pa na// rlung la sems ni zin pa'i rtags// rlung ni sbyang pa'i rim pa yang // kha dog phra tshad spangs nas kyang // phyi nang 'byung 'jug rnam gsum po// oM dang AHdang hUM gsum gyis// sgra spyi'i rnam pa dag la brten// 'byung 'jug byed pa rang shugs las// ma bcos pa ru bsgom pa yin// dang po thun bzhir bcad la bsgom// de nas thun gyi khug par bskyed// mjug tu nyin mtshan bskyang la bsgom// de yang 'byongs pa'i rtags rnams ni// yang bzor che zhing lus po yang // ji tsam bkag kyang na tsha med// steng rlung 'og rlung 'drongs tsam na// 'og rlung steng du 'drongs pa yin// phra ba yang ni rtsa bar 'drongs// rtsa ba'i rlung yang phra bar 'drongs// de ni rlung gi 'byongs rtags yin// rlung rnams bcings pa'i man ngag kyang // rnam gsum dag tu shes par bya// bum pa che 'bring rnam gsum mo// tha ma rab kyi man ngag kyang // stan bde'i gzhi la 'dug nas kyang // lus bsrang skyil krung bcas nas kyang // ma yengs mig ni sna rtser gtad// dbugs ni nang du bsdam byas nas// lag pa'i mthil gyis pus mo bskor// se gol re re brdab pa ni// brgya rtsa brgyad kyi bar du'o// bdun cu rtsa gnyis bum pa 'bring // sum cu rtsa gnyis drug kyang bum pa za// bum pa can ni de

  316. 158b

    ltar bslab// btsan thabs dag gi man ngag ni// mgrin pa thig les bkag byas te// lus ni skyil mo krung bcas te// oM la mdud og mas bkag nas ni// dbugs ni thub tshad bsdam par bya// yang na g.yas su gcu bar bya// yang na an tong lhag pas mnan// yang na g.yon du gcu bar bya// sems kyis thub tshad dag tu bsdam// stong nyid bsgoms pas rlung nad ni// rang bzhin dag tu 'gro ba yin// des ni bde ba 'bad med 'byung // rlung rnams sbar ba'i man ngag kyang // a long rlung gi yang dag gi dkyil 'khor yin// de ni yang 'byed yang 'dzum byas// 'dod chags me ni 'bar bar 'gyur// steng rlung mnan cing 'og rlung sbar// rtsa yi nang du song ba yis// byang sems zhu nas 'byongs par 'gyur// g.yas g.yon spo ba'i man ngag kyang // hastas nu ma gcud la bor// gang gis bor ba de ru 'pho// mod du 'ong bas man ngag che// 'phos nas 'chi ba bslang ba ste// 'gags na yang ni rnam pa yin// d+hU tir gzhug pa'i man ngag kyang // skyil mo krung bcas lag pa bskor/ kha ni cung zad gdangs nas kyang // srog pa rtsa yi nang nas kyang // a wa d+hA ti shes bya ba// shin tu phra ba pad snal 'dra// sgal tshigs la brten d+ha ti'i nang // dkar ni lam gyis 'ong bar bsam// nang du 'jug par gyur pa yang // dbugs ni de la 'ong bar bsam// yud

  317. 159a

    tsam nang du 'then par bsam// gal te chud par gyur pa na// mi rtog ye shes skye bar 'gyur// rtsa yi g.yas dang g.yon shes pa// rnam par rtog pa'i lam yin no// a wa d+hU ti zhes bya ba// mi rtog ye shes lam yang yin// de ni dbang du 'dus gyur tshad// rnam gsum dag tu shes bya ste// tha ma 'bring dang rab yin no// brtson dang yang dang mgyogs pa ni// tha ma dag gi tshad du shes// ci tsam bkag kyang nad med dang // steng 'og spo dang gar 'dod 'drongs// dbang 'dus 'bring gi tshad du shes// g.yang lhung chus khyer 'byung ba'i dgras// tshe yi 'du byed mi nus pa// rab tu gyur pa'i rtags yin no// de ltar de gsal shugs dag las// stong nyid goms shing ye shes gsal// ji gsal ji rig 'byung ba las// mi rtog ye shes shugs las 'char// zhes gsungs so// gdams ngag sna tshogs 'khor lo'i rgyud las/ rig pa rlung la gtad pa'i le'u ste gnyis pa'o// // de nas sprul pa'i skyes bu dga' rab rdo rje des/ 'jam dpal bshes gnyen la sogs pa'i 'khor rnams la 'di skad ces bka' stsal to// dbang po dman pa'i gang zag gis// cig car thod rgal ma go ste// rim gyis bde ba bsgom pa na// mi mo la brten 'od rig dang // mtshan dang ldan pa'i mi mo la// brten pa'i gdams ngag lnga yin te// tshogs dang gtad dang

  318. 159b

    bzung ba dang // rim gyis sems bzung spangs thabs so// tshogs la gnas zhes bya ba ni// zla ba phyed dam zla ba gcig/ lug gzhon sha dang chang zhim po// mi mang ran par bza' btung bya// nas zan sha dag btsos pa dang // de byid lto stong dag la gtang // sha chen chu ser phog gcig gdon// ba dmar mo yi 'o mar btsos pa la// shing kun dag gi 'o ma la// tsha ba gsum dang ya ba li// chang dang sbyar te kha spang bya// de bzhin zos na byang sems rgyas// ra mo shag dang mu zi sogs// bcud len dag ni thams cad kyang // bde ba 'phel bar byed pa ste// dkar gsum zho dkrugs la sogs pa// shu kra rgyas pa'i thabs mchog ste// bzung ba dbang ni gsum pa ste// bla mas lag par gtad pa ni// gtad pa shes rab ma der ni// tshig kyang rab tu brjod pa'o// bzung ba de yi lam yin no// rim gyis sems bzung man ngag kyang // gnas ni dben sar phyin nas kyang // shin tu mdzes pa'i gzugs dag la// chags shing chags pa'i lta bas blta// des ni bde ba skye bar 'gyur// tshad du skyol na gzhan mi bya// skyed med bde ba zhan gyur na// nu ma yan chad blta bar bya// des kyang zhan na pad+ma sogs// lus rnams thams cad blta bar bya// sems ni zin nas skyed med na// rta bong la sogs 'khrigs pa'i gtam// sgra la brten te sems ni

  319. 160a

    bzung // de la bde ba skyed med na// lus la dri bzang dag gis gdab// sems ni dri ma dag la gzung bar bya// mchog tu bde ba skyes gyur kyang // tshad du sgrol bar ma gyur na// bde ba reg bya nyid la bslab// bud med shes rab ma de yi// stod smad sked par 'khyud par bya// rked nas lag pas dam du 'khyud// sen mos rked skabs ngag tu gdab// de ltar byas pas bde ba skye// dbang po'i sgo nas mi sprasmad par// sems ni de la gzung bar bya// de nas ro smad dag la bslab// rdo rje pad+mar reg reg bya// rim gyis de ltar byas pa yis// bde ba je 'phel je 'phel 'gyur// des kyang ma zin skyed med na// de nas dbang po'i sgo sprad de// shes rab gsang ba rno ba dang / rdo rje'i kha ni che ba dang // nang du snyoms 'jug 'ong ba ste// bug par gsang rtsa chung ba ni// bde ba rgyas na nyin mtshan 'ong // lag gsang rtsar ni ma chud na// gan rkyal nyal te tshang ra ru// sbod rkyang khru gang tsam bcug la// mkhal mar dar gyi pho long gzhug/ gsang mtshan tshil bus dkris pa ni// phyi gshag a long kha ru gzhug/ des ni phyi sgor rtsa dag 'ong // kha sbol dag tu gyur pa na// pad+ma'i rtsa ba 'gul bar bya// 'phrang 'gyur rdo rje'i bum par gzhug/ nang du de ltar 'grogs la btang // rdo rje nang du song ba bzhin// phyi ma'i bshad ni phyi ru 'then// de nas bsgral

  320. 160b

    zhing bskyod pa ni// dal bus bya zhing spyod pa gzab// bde ba mi bzod bskul bskyod bshol// bde ba chung na bskul bskyod bya'o// de ltar byas par gyur pa na// bde ba la ni sems zin 'gyur// shin tu ring ba'i gsang rtsa ni// rked pa brkyangs la sbyor bar bya// gsang rtsa zhan zhing zha gyur na// khyung lding dag gi sbyor ba bya// shes rab ma yi rting pa gnyis// skyes pa'i phrag gong gnyis la bkal// rdo rje bcug ste bskyod par bya// rtsa ni brdungs pas bde ba skye// g.yas su zha na g.yon nas sbyor// mdun du zha na rgyab nas sbyor// rtsa nyid gal te ma rnyed kyang // steng rlung mnan cing 'og rlung bskul// sems bzung dal bus skyod par byed// bde ba skyes nas bskyod pa bshol// chung na dum re dum re bskyed// bde ba tshad du skyol nas ni// bskul ba de ni spang bar bya// 'o tsam gyis ni bde ba skye// 'o bya la sogs spang bar bya'o// dri yis tshangs skyol 'khyud pa yang // bltas pa'i skyon sgra yang yang bya// blta ba yangs shing dran pa tsam// dran pa nyid kyis tshad stsol na// sgrog gi sgra yang yang byas te// bde ba sems la khel dus su// ci mthong thams cad bde bar mthong // bde ba'i ye shes khel tsam na// rang byung ye shes rang rtogs 'char// zhes gsungs so// gdams ngag sna tshogs 'khor lo'i rgyud phyi ma las/ rig pa bde ba la gtod pa'i le'u ste gsum

  321. 161a

    pa'o// // de nas dga' rab rdo rjes 'jam dpal bshes gnyen la sogs pa'i 'khor rnams la bka' stsal pa/ dbang po dman pa'i gang zag gis// sku tshad dag la bslab bya ste// bdag gi mdun gyi nam mkha' la// phar 'phen gang gis zad so ru// sems dpa' rdo rje tshon gang pa// rnam par snang mdzad dag kyang rung // mos pa'i gzugs sku gang yin pa// dkar ram ser ram dmar kyang rung // kha dog gsal zhing 'tsher ba la// sku stod dar dkar phrog zhu can// sku smad tshi gu'i sham thabs can// rdo rje dril bu'i phyag mtshan nam// rang gi phyag mtshan gang yin pa// gdan la bzhugs shing gsal bar bsgom// yang na rang nyid de ltar bsgom// de gsal ma btang yun bsrings nas// shes pa gzir zhing gtsun nas kyang // gsal bar dmigs shing nan tan bya// ma gsal thabs kyi man ngag drug/ gnas skabs sbyar zhing gtang bar bya// de ltar sems ni zin gyur na// brtan par gyur pa'i drod dag ni// ji ltar bsgoms pas gsal gyur na// mtshan ma gzhan gyis rtog med na// mi rtog pa la gzhag par bya// yang na gang yang rung ba yis// dkyil 'khor gtso dang sbrul tshogs dang // 'khor lo'i cha byad gang mos pa// gcig dang mang po gang mos la// dmigs shing bslab pa gong dang 'dra// yang na gzhung nas byung ba

  322. 161b

    yi// mtshan rtags sku tshad thams cad dang // dngos su snang dang mi snang ba'i// gang mos dag la bslab pa yin// zhes gsungs so// gdams ngag sna tshogs 'khor lo'i rgyud phyi ma las/ mtshan rtags sku tshad la rig pa gtad pa'i le'u ste bzhi pa'o// // de nas ston pa dga' rab rdo rje yis/ 'jam dpal bshes gnyen la sogs pa'i 'khor rnams la 'di skad ces bka' stsal to// blo ngan shes rab chung ba yis// yig 'bru dag la bslab bya ste// ka kha bzhi bcu rtsa gnyis la// gang 'phrod sngon du blta zhing bsgom// yang na rang gi snying ga ru// yi ge a gcig gsal bar bsgom// de la ma btang yun bsrings pas// brtan par gyur pa'i drod tshad ni// phyi nang rnam rtog ma 'grus par// yi ge dngos po gsal gyur na// mi rtog pa la gzhag par bya'o// yang na don gyi yi ge la// 'di ltar gsal zhing bsgom par bya'o// hUM ni kha dog sngon po gcig/ dbugs kyi sna la phyir 'byung bsam// de yang bde chen rnam par gsal// oM ni kha dog dkar po gcig/ nang du 'gro ba'i sna la bsgom// de yang bde ba'i rnam par gsal// yang na 'di ltar gsal bar bya// snying gar pad+ma 'dab bzhi yi// ze 'bru a dang bcas pa la// 'phro 'du bya zhing bde bar gsal// sems ni ma zin bar du gtad// zin nas mi rtog don la sbyar// yang na rang nyid gang

  323. 162a

    mos pa'i// sku gsung thugs kyi yig 'bru 'am// rgya gar rgya nag yi ge ru// bzhi bcu rtsa gnyis bye brag la// dngos su gsal dang yid la chags// mi gtang sems ni gtad gyur na// shugs las rang byung ye shes 'char// zhes gsungs so// gdams ngag sna tshogs 'khor lo'i rgyud phyi ma las/ gsung yig 'bru la sems bzung ba'i le'u ste lnga pa'o// // de nas yang ston pa dga' rab rdo rje zhes bya ba des// 'jam dpal bshes gnyen la sogs pa'i 'khor rnams la 'di skad ces bka' stsal to// blo ngan shes rab chung ba yis// lhun grub don la sbyor 'dod na// sems kyi skye ba nges med yin// bde dang sdug bsngal btang snyoms dang // mi mthun phyogs dang dge sdig dang // phyogs mthun phyi nang spyod yul dang // dbang po lnga dang yul dus dang // skye mched yul du gang shar bar// brten nas ye shes 'char du rung // mi dge bcu dang mtshams med lnga// dug lnga dug gsum rtog pa'i tshogs// dge dang mi dge'i spyod yul la// brten nas ye shes 'char du rung // 'dod yon lnga dang rgyan lnga dang // dge bcu pha rol phyin bcu dang // tshad med bzhi dang phrin las bzhi// chos dang mthun pa'i spyod yul la// brten nas ye shes 'char du rung // skye bo phal pa'i spyod pa dang // mdor na mu stegs rtag chad dang // byis pa'i spyod

  324. 162b

    yul nges med dang // lus ngag yid gsum sgo gsum gyi// gang yang rung ba'i spyod yul la// gang 'phrod gang mos blo gtad nas// ma btang yun bsrings gsal bsgoms pas// brtan pa thob nas ye shes 'char// ting 'dzin ma gsal skyed med na// thun mong thabs kyi man ngag drug/ ci ltar 'byung bzhin bstan par bya// des ni rang byung ye shes 'char// zhes gsungs so// gdams ngag sna tshogs 'khor lo'i rgyud phyi ma las/ tshogs drug yul du gtod pa'i le'u ste drug pa'o// // de nas yang ston pa dga' rab rdo rje yis// 'jam dpal bshes gnyen la sogs pa'i 'khor rnams la 'di skad ces bka' stsal to// mtshan ma bsgom pa'i rnal 'byor la// spyi skyon khyad par skyon dag dang // bying rgod rtsol dang mi rtsol dang // bying rmugs 'dzin chags ther zug dang // phyal ba dag gi skyon rnams dang // g.yeng ba rnam pa drug rnams ni// rang bzhin nang dang mtshan ma dang // phyi rol yul la byed pa dang // gnas ngan len gyi g.yeng ba'o// bar du gcod pa'i rkyen rnams kyang // le lo bya ba mang ba dang // rgod dang g.yengs dang rmugs pa dang // 'dod che gnyid dang re ba mang // dogs che the tshom za ba dang // nang du sdud dang phyir 'phro dang // spyod par dga' dang sems byung rkyen// ca cor dga' zhing yid 'khrug pa'o// ched du byas pa'i sgrib pa

  325. 163a

    ni// sems mi g.yo dang gsal snyam byed// bde ba snyam byed sdug bsngal snyam// skye dang gsal dang 'byin pa dang // ngar 'dzin gzhan lta khyad du gsod// rang gi lha bsgom bsnyems pa'o// de rnams gnyen po'i rtsol bas gzhom// mtshan bcas mtshan med bsgom pa la// rab rib chod dang sku tshad 'gyur// cha lugs 'gyur dang dbyibs 'gyur dang // grangs 'gyur bzhugs tshul 'gyur ba dang / kha dog mi snang rim pa nub// ma rdzogs skyon dang dgu ru zhes// skyon rnams bcos te brtan bya ba// spyi skyon spang ba'i 'du byed brgyad// sgos skyon so so'i gnyen pos gzhom// thun mong man ngag rnam drug gis// skyon rnams bcos te brtan par bya// zhes gsungs so// gdams ngag sna tshogs 'khor lo'i rgyud phyi ma las/ bsgom skyon ngos bzung zhing gzhom par bstan pa'i le'u ste bdun pa'o// // de nas yang ston pa dga' rab rdo rje yis/ 'jam dpal bshes gnyen la sogs pa'i 'khor rnams la bka' stsal pa// mtshan ma la brten rnal 'byor pas// skyon bcos yun ring bsgom pa yang // de ltar gsal thob yun ring brtan// bzlas brjod thun tshod dag tu dbye// nang du thun tshod dbugs la brtsi// phyi yi dbyug gus brtsi ba dang // grib ma grangs kyis brtsi ba dang // de la nyin zhag phrugs gcig la// thun tshod dag ni brgyad

  326. 163b

    du 'byung // bzhi bzhi dag tu mnyam pa ni// nyin mtshan ring thung mnyam pa'i dus// ring thung can gyi thun tshod ni// nyi ma ring na nyi ma la// thun tshod dag tu gzung bar bya// mtshan mo ring na mtshan mo la// thun tshod dag ni mang bar brtsi// de la thun grangs dgos pa ni/ khams mi 'khrugs dang bsgom tshod zin// yid mi 'khrugs dang ting 'dzin bogs// zhag bdun dang ni lnga dang gsum// je ring je ring zla ba phyed// zla bar gnas ni nus pa'o// ma bde bla ma'i drung du bslab// mdor na thun tshod cir bstan kyang // ma sun pa dang tshod zin dang // rtog pa ci yang mi rgyu dang // gsal ba mi g.yo skad cig ma// yid tsam je ring je ring bsring // thun bzhi cha gsum cha phyed dang // thun ring dang ni nyin zhag dang // zla ba lo dang bskal pa dang // ma brtan bar du bsring bar bya'o// brtan nas rang byung ye shes 'char// zhes gsungs so// gdams ngag sna tshogs 'khor lo'i rgyud phyi ma las/ bsgom pa'i thun tshod bzung ba'i le'u ste brgyad pa'o// // de nas yang ston pa dga' rab rdo rje yis/ 'jam dpal bshes gnyen la sogs pa'i 'khor rnams la 'di skad ces bka' stsal to// bsgom pa'i dam tshig khyad par ni// man ngag ston pa'i bla ma la// gdung ba bar mi chad pa dang // ting 'dzin mthun bsten mi mthun dor// 'gro 'chag 'dug

  327. 164a

    nyal spyod lam bzhir// ting 'dzin yal bar mi gtang dang // yid mi g.yo dang mthar dbyung dang // gang bsgom ting 'dzin gsal ba'o// de ltar rtogs goms ye shes 'char// zhes gsungs so// gdams ngag sna tshogs 'khor lo'i rgyud phyi ma las// bsgom pa'i dam tshig gi le'u ste dgu pa'o// // de nas yang ston pa dga' rab rdo rje yis// 'jam dpal bshes gnyen la sogs pa'i 'khor rnams la 'di skad ces bka' stsal to// don sbyor blo ni che ba yis// gdod nas gnyis med sku ru bsgom// lha bsgom mthun bskur nus na dang // bdag gi lus nyid gang bsgom brtan// chu zla'am 'ja' tshon sku mar gsal// de brtan bdag nyid la dpyad de// 'di dag dang por gang nas byung // da lta rang bzhin ji zhig yin// phyi ma cir 'gyur lo rgyus dpyod// dang po gang nas ma byung ste// chu 'khyags chab rom 'gyur ba'am// gser dngul blugs skur byung ba ltar// bdag sems rnam shes tshogs brgyad kyang // ye shes lnga yi ngo bor snang // de lnga rang byung ye shes nyid// rang sems 'bras bu'i ngo bor snang // gzhan nas 'ong med 'gro ba med// rig pa'i cho 'phrul cir yang shar// shar ba de nyid ye shes sku// sems nyid snang bas ther zug min// 'dus ma byas nyid 'dus byas snang // de ltar gnas pa'i rang bzhin yang // sems

  328. 164b

    kyis ci ltar bsam ltar shar// ci ltar snang yang rang snang bas// gzhan la gang yang med pa ste// gzhan nas 'ong dang gzhag pa med// ci bsgom 'ja' tshon tshul shes pas// gsal la rtog pa med par bsgom// yang na chu zla'i tshul shes te// snang la rang bzhin med pa yin// don la yul med rig par snang // zhen cing snang ba'i rang bzhin med// yul dang bral bas zhen mi rung // sems la kha dog dbyibs med de// sems la pho mo'i mtshan ma med// ci yang med pa ma yin te// rig rgyud nges par rtog pa med// med pa'ang min te kun tu snang // snang yang rang bzhin 'di 'dra med// ces gsungs so// gdams ngag sna tshogs 'khor lo'i rgyud phyi ma las// don sbyor yid ches kyi le'u ste bcu pa'o// // de nas yang ston pa dga' rab rdo rje yis/ 'jam dpal bshes gnyen la sogs pa'i 'khor rnams la 'di skad ces bka' stsal to// rtag par gcer bur phyung pa dang // rgya mtshor rgyal dang khrus byed cing // mes bsreg rlung gis g.yeng la sogs// mtshan ma sbyang ba'i snga ltas yin// skas dang ljon shing 'dzegs pa dang // mchod rten 'dzegs sogs rmi ba ni// sa thob brtan pa'i snga ltas yin// khri dang 'khor lor 'dug pa dang // seng ge glang po la zhon dang // gzugs brnyan zhal 'dzum rol mo'i sgra// seng ge'i sgra thos lung bstan

  329. 165a

    rtags// mtshan ma can la slob dus su// rmi lam bzang po byung na yang // dga' dang brod kha mi bya'o// zhes gsungs so// gdams ngag sna tshogs 'khor lo'i rgyud phyi ma las/ zhi gnas rmi ltas kyi le'u ste bcu gcig pa'o// // de nas yang ston pa dga' rab rdo rje yis/ 'jam dpal bshes gnyen la sogs pa'i 'khor rnams la 'di skad ces bka' stsal to// zhig nas sems snang 'dzin dus su// goms shing brtan pa'i drod tshad ni// g.yo dang drod thob brtan pa dang // phyi dang nang dang gsang ba'i drod// rdul phran skar ma zla tshes dang // yi ge phyag mtshan sku la sogs// spyod yul gang par mthong ba dang // me dang rlung dang kha dog lnga'i// skye mched dag tu mthong ba dang // dbugs ni rgyu ba mi tshor dang // spyod yul sgyu mar mthong ba dang // rgyud la snying rje chen po skye// spyod yul gang mthong ye shes 'char// rtags ni g.yo thob brtan pa rnams// rim pa dag gis 'byung na yang // 'od 'byung lha yi zhal 'dzum dang // g.yo 'gul 'od dang yang pa dang // khams la skye 'bri med pa dang // shig dang nad dgra mi tshor dang // gnyid choms khams kyi zas dang bral// snying rje che dang chags pa chung // phyogs ris med dang dam tshig che// bla ma mched la gdung ba yang // kun la nye ring mi byed cing // 'bras bu dag la re ba

  330. 165b

    med// de la sogs pa mang du 'byung // dga' dang brod pa bskyed mi bya// nyams kyi phyag rgyas rang don sad// bla ma'i spyan sngar zhu ba bya// zhes gsungs so// gdams ngag sna tshogs 'khor lo'i rgyud phyi ma las// g.yo thob rtags kyi le'u ste bcu gnyis pa'o// // de nas ston pa dga' rab rdo rje yis// 'jam dpal bshes gnyen la sogs pa'i 'khor rnams 'di skad ces bka' stsal to// bsgom pa brtan pa'i yon tan gyis// sgrib pa 'byangs shing tshogs 'phel dang // bsgoms pas kun brtags zad pa dang // nyon mongs zad nas sgrib pa 'byangs// rig pa las su rung nas ni// mngon shes lnga dang cho 'phrul thob// mthar thug rang byung ye shes 'char// zhes gsungs so// gdams ngag sna tshogs 'khor lo'i rgyud phyi ma las// sems bzung bas zin pa'i yon tan bstan pa'i le'u ste bcu gsum pa'o// // de nas ston pa dga' rab rdo rje yis/ 'jam dpal bshes gnyen la sogs pa'i 'khor rnams la 'di skad ces bka' stsal to// sems ma zin pa zin par bya ba dang // zin pa brtan nas gdeng du gzhug pa dang // brtan thob 'phro ru gtong ba dang // rnam shes yul la ldog pa dang // zag pa med pa'i ro myong dang // thogs rdugs med par gnas pa'i phyir// rtsol ba med par klong du dbab// bdag

  331. 166a

    'dzin med pas nyams su blangs// 'gyur ba med par g.yon par bya// zhen chags med par khong mi 'khrugs// nyams blang med par yal bar mi 'dor ro// rang grol chen po'i mdud pa bkrol// ye shes chen pos ngo ti sprad// ces gsungs so// gdams ngag sna tshogs 'khor lo'i rgyud phyi ma las sems zin pa'i gang zag rang byung ye shes la bslab pa'i le'u ste bcu bzhi pa'o// // de nas ston pa dga' rab rdo rje des// 'jam dpal bshes gnyen la sogs pa'i 'khor rnams kyi dgongs pa thugs su chud nas/ lta bas zag bcad cing 'dzin pa'i mdud pa grol ba 'di bka' stsal to// rig pa rtsal gyi rang bzhin gyis// snang srid rig pa'i nyi rtsal du shar/ gab pa mngon phyung rang bzhin gyis// dran rtog rang shar chos skur shes// ye shes zang thal chen po yi// rnam 'phrul cir yang shar ba la// stong pas rgyas gdab zhen chags med// chos sku rang gsal thug phrad kyis// ye nas grub par the tshom med// dbyer med rang byung rang gsal yin// lhun grub cog bzhag chen po yis// rang snang dbyer med rnam rtog bral// 'di la bzung zhing rtog dpyod bral// blang dor dbye bsal ngang gis bral// rjes med don gyi rjes btsal bas// 'di la 'di zhes btsal du med// rang byung yin pas btsal du med// ye nas 'gyur med

  332. 166b

    rgyu rkyen bral// dmigs gtad med pa'i sems nyid kyis// gang la bza' zhing gtad du med// gza' gtad med pas phyogs med yin// rtod phur dag gis mtshon byas te// 'ching grol med pa'i don la sbyor// sdong chen brgyad kyi 'khor lo yis// snang zhing srid pa'i chos rnams// ye nas lhun grub kun tu bzang // rang byung ye shes rang shar la// 'khor 'das rang bzhin dbyer med yin// snang ba thams cad chos kyi sku// phyogs lhung med cing rgya chad bral// cir snang chos nyid lhun grub yin// 'dus ma byas pa'i nam mkha' 'dra// ci ltar snang zhing ci ltar 'dug/ rang sems nyid las g.yos pa med// rang byung ye shes don shar na// gang la ched du bsgom mi dgos// ma bsgoms ngang gis ngo bor gsal// yengs dang ma yengs spang thob med// bral dang ma bral phyi nang med// bkag pas mi kheg spyod pa la// dge sdig la sogs ci spyad kyang // bag chags rkyen gyis gos rgyu med// bya lam rjes med rnal 'byor mchog/ ched du ma byas rtsol med par// rang byung ye shes rang bzhin shar// gtad so gzung 'dzin rtsol med par// zug phrad spyod pa ci spyad kyang // re dogs spang blang zhe 'dod bral// spyod pa byar med lhun grub pa// rtsol bsgrub zhen chags rang sar grol// ci byas skyon med 'gal rgyu bral// dmigs med zhen pa rang la

  333. 167a

    shar// dper na nam mkha' nyi 'od bzhin// 'bras bu nyid de rang la shar// khyung chen nam mkhar lding ba bzhin// rtsol ba med cing g.yang sa bral// re dang dogs med lhun gyis grub// mdor na spyod yul gang shar ba// 'bras bu de nyid mngon sangs rgyas// byar med lhun grub 'bras bu'i mchog/ rig pa rang gsal thams cad mkhyen// dbyer med ngang du thams cad gsal// dus gsum bde gshegs kun tu bzang // sku gsum snang ba'i sangs rgyas la// dgongs pa 'di las yongs mi mnga'// bsgom med bsgom par dmigs pa med// bsgom par bya ba yod ma yin// rang byung ye shes chen po la// lhun grub rang du shar ba ni// rtsol ba med pa'i don mchog ste// 'di las bzlog ste ci zhig bsgom// bsam bya dmigs par bya ba med// rang byung ye shes rang gsal ni// don la sems gsal don gyi mchog/ sdong chen brgyad kyi 'khor lo yis// sgro skur bral brten zhen yul med// 'khor 'das sems su ro gcig phyir// rang sems ci ltar gsal rtogs na// 'bras bu sangs rgyas de nyid yin// 'bras bu rang grol ngos bzung med// nyams myong ma bkag zhen pa med// snang ba chos nyid chen por gsal// sdug bsngal bde ba'i rol par shar// mi mthun mi spang gnyen po bral// bgrod med rtsol bral 'bras bu'i

  334. 167b

    mchog/ ces gsungs so// gdams ngag sna tshogs 'khor lo'i rgyud phyi ma las/ la zlo'i mthar zug rang byung ye shes su grol ba'i le'u ste bco lnga pa'o// // de skad ces bka' stsal pas/ 'khor thams cad dga' mgu yi rang ste/ dga' rab rdo rje'i dgongs pa la mngon par 'dud do// dri ma med cing rang grol rgyud chen po// kun gyi thun mong ma yin rtogs dka' zab// ma 'ongs skal ldan rnams kyi don ched du// rin chen gdams ngag sna tshogs 'khor lo'i rgyud// le'u bcu drug don gyi bcud phyung nas// 'jam dpal bshes gnyen nyid la gtad pa yin// zhes gsungs so// gdams ngag sna tshogs 'khor lo'i rgyud phyi ma las/ rjes su yi rang ba dang gtad pa'i le'u ste bcu drug pa'o// // sprul pa'i rgyud phyi ma rdzogs so// dz+nyA na shes rab rtogs pa'i nyi ma shar// //

  335. 168a

    rgya gar skad du/ rat+na Ar+tha pan+di b+hu ha tan+t+ra nA ma/ bod skad du/ rin po che 'phags lam bkod pa'i rgyud ces bya ba/ bcom ldan 'das kun rig ston pa la phyag 'tshal lo// 'di skad bdag gis thos pa'i dus gcig na/ bcom ldan 'das rang shes rig gi rgyal po de/ 'og min gyi gnas rgya yongs su ma chad pa/ rgyan ma bkod par snang ba zhes bya ba na/ nyid las mi gzhan pa'i 'khor rnams dang // mkha' 'gro ma yi tshogs rnams la/ bstan pa'i snying po 'chad pa'i dus// 'khor de rnams kyi nang du/ rdo rje sems dpa' gnas pa rang gi stan las langs te/ kun rig ston pa chos rje la/ rig pa nyid kyis 'di skad zhus// rang snang rnam dag rang bzhin la// sna tshogs 'byung ba ji ltar lags// bstan pa'i snying po gsung du gsol// kun rig ston pas bka' stsal pa// rigs kyi bu legs par nyon cig/ rang snang rnam dag nga bzhin la// sna tshogs su snang sems kyi yul// bstan pa'i snying po bdag med bstan// ngo bo nyid la gzung 'dzin med// 'dzin pa'i spyod yul ma yin pas// bdag med mya ngan 'das pa'i lam// zhe 'dod gnyis kyi mtha' dang bral// rgyu rkyen med pa'i rang byung ni// 'byung ba bzhi yi mtha' las grol// phyogs 'dzin med pas mnyam pa nyid// rnam rtog med pas chos kyi sku// sa le mkhyen pas ye shes yin// zhes

  336. 168b

    gsungs so// rdo rje sems dpas yang zhus pa// kun rig ston pa chos rje lags// khyod ni smra ba'i seng ge ste// rtsol med theg pa gsung du gsol// kun rig ston pas bka' stsal pa// rdo rje sems dpa' la sogs nyon// rtsol med theg pa'i yang snying 'di// blo dman go ba shin tu dka'// 'dzin pa'i spyod yul ma yin pas// theg pa'i yang snying bla med 'di// rdo rje sems dpas thugs la chongs// phyi rabs blo ldan rigs kyi bu// bstan pa'i yang snying de la ston// zhes gsungs so// rdo rje sems dpas yang zhus pa// gsang ba'i bdag po mthu stobs can// rtsol bral theg pa'i yang rab de// de yi rtogs tshul ji ltar lags// kun bzang ston pas bka' stsal pa// rtsol bral theg pa'i rtogs tshul de// rang bzhin dbang po rnon po la// 'dzin med rang byung dri ma med// ma 'gags gzung ba'i yul ltar snang // sna tshogs snang ba'i rang snang la// bzang ngan med pa'i ngo bor rtogs// rgyu 'bras med pa'i chos nyid la// dngos po'i rgyu 'bras gang yang med// don dam rgyu 'bras med par rtogs// sna tshogs rgyu 'bras dgag mi nus// zhes gsungs so// rdo rje sems dpas yang zhus pa// nges don theg pa'i yang snying de// bslab pa'i yul ni ji ltar lags// bslab pa'i yul min ji ltar lags// bslab pa'i lugs ni ji ltar lags// thams cad

  337. 169a

    mkhyen pas gsung du gsol// kun rig ston pas bka' stsal pa// bslab pa'i yul ni rnam pa gsum// dad pas yang nas yang du zhu ba dang // skabs med skyabs su gsol ba dang // sdug bsngal drag pos nyen pa'o// bslab pa'i yul min rnam gsum ni// shed med stobs dang bral ba dang / bslab nyes don las dred pa dang // lang tsho'i dri mas phog pa'o// bslab pa'i lugs ni rnam gsum ste// gdams pa nyams bsdus bslab lugs dang // sbyor ba btsan thabs bslab lugs dang // mngon sum gra slob bslab lugs so// slob lugs de yis mtshon byas nas// ma bcos snying po'i gnas lugs ni// khyab can gzugs can ma yin kyang // thams cad du ni 'gro 'ong med// sangs rgyas thog ma mtha' med pas// brda' 'am thabs kyis de rtogs pas// nyon mongs nad rnams zhi bar byed// zhen med rang byung sman chen gyis// 'dzin pa 'khor ba'i nad rnams sel// rin po che 'phags lam bkod pa'i rgyud las/ gleng gzhi'i le'u ste dang po'o// // rdo rje sems dpas yang zhus pa// kun rig ston pa chos rje lags// mnyam pa'i rgyal po thams cad mkhyen// rang gi sems nyid 'drer langs nas// byang chub srog rtsa gcad pa la// de yi gdul thabs gsung du gsol// kun tu bzang pos bka' stsal

  338. 169b

    pa// 'dus pa'i 'khor rnams nga la nyon// yid kyi dbang po rna bar chug/ rna ba'i dbang pos sgra la nyon// rang gi sems nyid 'drer langs pas// byang chub srog rtsa bcad pas na// de 'dra'i gnod pa gzhan mi byed// de yi gdul thabs bshad pa ni// ma zin zin par bya ba la// lag tu blang ba'i rim pa 'di// lus kyis 'khrul 'khor bca' ba dang // phyi nang dbugs rnams snyoms pa dang // dmigs pa mdun du gzhag pa dang // de la dmigs sems gtad pas ni// 'dod yon rjes su 'brangs pa med// 'gro la sems rgyud gnyis mi 'chang // de la mi gnas gzhan du 'phro ba na// gnyis sgrim gong la drag tu gtad// des ni rang sems zin par 'gyur// gnas snyam 'chor snyam byed pa na// rnam par rtog pa shas che bas// rlung la bslab pa shes par bya// 'og rlung 'jam par gang ba dang // steng rlung drag tu gzung ba ni// rig pa'i rang ni rlung gis gdags// lus kyi 'khrul 'khor gong bzhin bya// rngan dag byin la nang du bstim// rtsol ba bskyed la thun du gzhug/ thun tshad rab 'bring gsum du gcad/ khug pa drug cu bzhi bcu dang // nyi shu dag ni zin gyur na// rtsal sbyang bya zhing rtsol ba bskyed// des ni gnas su zin par 'gyur// pho dang mo dang ma ning ni// thod rgal la sogs byung gyur na// tshad ni bla ma mkhas pas te// rtsol ba

  339. 170a

    mi bya gshis la gzhag/ rjes shes gnyen po bsten mi dgos// rang sar bzhag pas gnas su dengs// mi bsgom nyams la ngo sprad pas// rig pa rjen pa mtha' dang bral// mtha' bral chos kyi sku ru shar// zhes gsungs so// rdo rje sems dpas yang zhus pa// mnyam pa med pa'i rdo rje 'chang // khyed kyis gsungs pa'i lag len la// mos pas rjes su yi rang nas// gus pa'i sems kyis khyed la 'dud// yang dag don la yang zhus pa// mi mthun gegs rnams bsal dgos pas// de yi bye brag bshad du gsol// gsang ba'i bdag pos bka' stsal pa// khyed kyis zhus pa'i don de la// legs par lan ni gdab par bya// gus pa'i sems kyis nyan par mdzod// bsam gtan gegs ni rnam bzhi ste// bying dang rgod dang rlung log dang // bsgom snang the tshom za ba ni// bsam gtan gegs su bshad pa yin// bying pa'i sems la rnam pa bzhi// ngo bo rgyu dang dbye ba dang // bcos pa'i thabs su shes par bya// ngo bo shes pa mi gsal zhing // yon tan phyogs la blo 'gag pa'i// rgyu ni sa shas chen po dang // bad kan dag gis bskyed pa'o// dbye ba rnam pa gsum yin te// ched du byas dang rkyen gyis bying // rang bzhin shugs las bying ba'o// bcos pa'i thabs ni bsam yas kyang // gzhung lugs 'di la gsum yin te// rlung gi gnad

  340. 170b

    dang dmigs pa'i gnad/ spyod lam gnad du shes par bya// rgod pa la yang de bzhin te// ngo bo rgyu dang dbye ba dang // bcos pa'i thabs dang bzhi ru bshad// ngo bo yul rkyen rjes su 'brel// rgyu ni rlung shas che ba dang // 'dod pa dag gis bskyed pa'o// dbye ba'i tshul ni rnam pa gsum// ched du byas dang rkyen gyis rgod// rang bzhin shugs kyis rgod pa'o// bcos pa'i thabs ni mang yod kyang // bstan pa'i snying po gsum du 'dod// dang po 'jug pa'i sgo yang dgag/ bar du 'gro ba'i lam yang gcod// tha ma gnas pa'i phug gtib bo// rlung log pa yang rnam pa bzhi// rgyu rkyen skyon dang dbye ba dang // bcos pa'i thabs ni shes par bya// rgyu ni bsod nams ma bsags pas// lus dang khams ni ngan pa'o// rkyen ni dka' thub drag po yis// 'byung ba 'khrugs par shes par bya// skyon ni lus kyi 'og bzhug na// 'das na tshe yi 'du byed byed// sems skyon ting 'dzin mi gsal zhing // snying rlung la sogs 'byung bar 'gyur// log par dbye na gsum du 'dus// phyi rlung lus la log pa dang // nang rlung rtsa la log pa dang // gsang rlung sems la log pa'o// phyi rlung lus la log pa'i rtags// lus po khol bur na ba dang // grang zhing lus po lci ba dang // sha rus skrangs shing na bar 'gyur// nang rlung rtsa la log pa'i rtags// rtsa yi nang du rlung rnams

  341. 171a

    rgyas// rtsa rnams thams cad na zhing 'khrab// 'khrugs shing nga ro 'byin par byed// gsang rlung sems la log pa'i rtags// lus rengs snying yang 'chu zhing sprug/ mdun rgyab gzer zhing gnyid kyang 'chag/ shes pa 'phro shing snying mi dga'// skabs su ngag tu shu skra 'dod// res 'ga' ngu zhing res 'ga' dgod// kha nas cal col mang po smra// bcos thabs phyi nang gsang ba gsum// phyi yi rlung log bcos zabs ni// rang gi dri chu dron mos bkru// gdugs la bsro zhing chang gis bkru// nyung dkar mar mar khu lo lon yang khu'i 'o skol gyis// lus la byugs shing gong bzhin bskam// de nas ba spu'i sgo yang dbye// zhun chen dag gis de la byugs// phyis te phyed kyi gdugs la bsreg/ nad kyi rlangs pa thon gyur nas// rlung log dus su zhi bar 'gyur// nang gi rlung log bcos thabs ni// dang po lus la bsku mnye bya// de nas lus kyis 'khrul 'khor bca'// seng ge rnam grol phyag rgya yis// dbang po'i sgo rnams dgag par bya// lus kyi rgya dang ngag gi sgra// bstun la gtang ba'i yan lag rnams// thun gsum dag gis nges par sel// gsang ba'i rlung log bcos thabs ni// rang bas mtho ba'i sa steng du// rgya long g.ya' dag gcig bzhag la// bltas pas rang gi gzugs brnyan 'char// de yi mdzod spur shes pa

  342. 171b

    gtad// rin chen mchod rten spyi bor bsam/ drin chen bla ma de thog tu// dmigs pa gsal bas zhi bar 'gyur// des kyang zhi ba bag dka' na// bu ga mang po'i sbyor ba dang // rab tu dma' ba'i ting 'dzin/ dang // rten 'brel gzhan yang shes par bya// de yis mi zhi mi srid do// sgom snang the tshom za ba ni// skyon dang yon tan shes par bya// lus la rtsa yig sna tshogs gnas// rtsa yig gnas su rlung sems 'dus// rigs drug snang ba dag kyang mthong // srin po sha za la sogs pa// mi sdug 'jigs pa'i snang ba mthong // nang gi rten 'brel ma shes pas// bar chad bdud kyi las yin pas// bsam gtan 'dod ba'i 'phrang yin gsungs// gdams ngag sarga ma log pas// nang gi rten 'brel shes par bya// phyi rol 'jigs pa ngo shes pas// bar gcod dngos grub dag tu len// rin po che 'phags lam bkod pa las// rig pa rtsal gyi dbang bskur ba'i le'u ste gnyis pa'o// // rdo rje sems dpas yang zhus pa// ston pa gsang ba'i bdag po lags// dus gsum mkhyen pa'i rdo rje 'chang // the tshom gcod phyir 'di skad gsol// phyi rabs rnams la phan gdags phyir// lta ba dang ni sgom pa gnyis// gcig pa lags sam tha dad lags// 'dus pa'i 'khor la bstan du gsol// kun rig ston pas bka' stsal pa// gtan la

  343. 172a

    'bebs pa'i dus nyid du// ming gi mtshon pa tha dad kyang // gtan la phab pa'i gang zag la// rtogs pa'i dus na dbye ba med// zung 'jug rab tu mi gnas pas// zin pa gtan la 'bebs pa la// bla ma mkhas pa'i man ngag ni// gnyid gsum gcig tu bsre ba dang // bem rig gcig tu bsre ba dang // bdag gzhan gcig tu bsre ba dang // 'khor 'das gcig tu bsre ba dang // bsre ba'i thabs dang 'dres pa'i tshad// 'dres pa'i dgos pa shes par bya// yi ge 'bru gsum rang bzhin ni// dbyings kyi yi ge stong pa nyid// gsal ba stobs kyi yi ge yin// chos kyi sku la yi ge med// rig pa'i yi ge gsal ba yin// nyams su myong bas yi ge yin// longs spyod rdzogs pa'i yi ge yin// rtsal gyi yi ge gnyis su med// 'gro don byed pas yi ge yin// sprul pa'i sku yi yi ge yin// sku gsum dbyer med yi ge ni// yi ge a ni skye ba med// skye ba med las thams cad skyes// skyes tsam nyid na skye ba med// ma yi yon tan 'gag pa med// 'gag pa med las thams cad 'gag/ 'gag pa nyid nas 'gag pa med// ha yis bri dang gang ba med// bri gang med las bri gang byung // byung tsam nyid na bri gang zer// rdo rje sems dpas yang zhus pa// kun rig ston pa chos rje lags// lta ba sgom pa spyod pa gsum// mthun pa'i dpe dang mi mthun

  344. 172b

    dpe// nyams su myong ba ji ltar lags// kun rig ston pas bka' stsal pa// lta ba gdeng dang chas pa'i dpe// mkha' la khyung chen lding yang med// dogs pa'i bag tsha kun dang bral// de bzhin stong nyid rtogs pa'i mi// gol du dogs pa'i yang med// lta ba gdeng med mi mthun dpe// bya sgo rlung gis khyer ba bzhin// de bzhin stong nyid ma rtogs mi// rang dbang med par rkyen gyis 'phrog/ 'jug sgo lam gyi mthun pa'i dpe// sbrang ma gar sbyin chags pa bzhin// shes pa chos nyid yul la chags// 'jug sgo lam med mi mthun dpe// lag rdum brag la 'dzegs pa 'dra// steng du ma thon mar la lhung // de bzhin lam khyer med pa'i mi/ kha stong blta bas grol mi 'gyur// spyod pa grogs kyi mthun pa'i dpe// bi shra karma'i bzo bzhin du// thabs mkhas pa yi skyes bu ni// mthun bsdebs gzhan gyis rgyan du 'gyur// spyod pa grogs med mi mthun dpe// dmus long byang zang bor ba bzhin// blo chung shes pa rang dga' byed// bdag la brten nas gzhan sdig pa// shes pa gnyis kyi rjes 'brangs nas// srog med pa yi sems can dang // sdig med pa yi snying rje dang // dbugs med pa yi rgyu ba dang // gnas med pa yi 'dzam gling dang // bsrung du med pa'i dam tshig dang // yi ge med pa'i rgyud chen po// skyi bser lta bu'i gdams ngag dang // chu bo rgyun gyi man

  345. 173a

    ngag dang // 'dam skyes lta bu'i man ngag dang // myu gu lta bu'i man ngag dang // sman pa lta ba'i man ngag dag/ gser 'gyur lta bu'i man ngag go/ glang chen lta bu'i spyod pa dang // seng ge lta bu'i spyod pa dang // dge slong lta bu'i spyod pa dang // ri dwags lta bu'i spyod pa dang / bung ba lta bu'i spyod pa dang // sngags pa lta bu'i spyod pa dang // bag ma lta bu'i spyod pa dang // lta ba bsgom pa spyod pa gsum// gcig la gcig brten gcig gi dang // stong nyid rtogs pa lta ba yin// rtogs pa lam khyer bsgom pa yin// grogs su shar bas spyod pa'o// rin po che 'phags lam bkod pa'i rgyud las/ blta bsgom zung du 'jug pa'i le'u ste gsum pa'o// // rdo rje sems dpas yang zhus pa/ kun rig chos kyi rgyal po la// rig pa'i yid kyis 'di skad gsol// 'dus pa'i 'khor gyi don ched du// sangs rgyas pa dang sems can gnyis// gcig pa lags sam tha dad lags// de skad gsungs pa'i don gsan nas// kun rig ston pas 'di skad gsungs// zhus pa'i don la lan 'debs pas// 'dus pa'i 'khor rnams legs par nyon// gdod nas dag pa'i gzhi nyid la// sangs rgyas dang ni sems can gnyis// gnyis su yod pa ma yin no// gzhi nyid rtogs pa'i sangs rgyas ni// sku dang ye shes gnyis su gnas// de ma rtogs pa'i

  346. 173b

    sems can ni// lus dang bag chags nyid du gnas// de phyir sangs rgyas sems can gnyis// gzhi gcig rtog pa tha dad med// lam pa'i dus na so sor snang // dper na ga bur sman bzhin du// gtong shes sman gyi mchog yin te// ma shes pa ni srog gi bdud// de bzhin kun gzhi stong gsal yang // rtogs na sangs rgyas dngos yin te// ma rtogs na ni 'khor ba'i rgyu// don gyi ngo bo 'khrul med kyang // rkyen bzhi 'dzom pas 'khrul ba 'byung // dper na dung gi ngo bo la// ser snang la sogs 'khrul med kyang // mig skyon can la ser por snang // rtogs pa'i sangs rgyas chos rnams ni// ma 'dres bco brgyad sgo nas 'jug/ drug tshan dang po'i chos rnams la// gnas lugs de ni 'dus ma byas// 'bras bu sku gsum mtha' ru thug/ rgyu 'bras gnyis la mi ltos dang // byas pa'i chos kyis sangs mi rgya// ye nas gnas pa'i don rtogs na// ma byas chos kyis sangs rgyas dang // cig char 'jug pa'i lam yin pas// nges don phyin ci ma log pa'o// drug tshan gnyis pa'i chos rnams ni// rgyu las ma byung 'bras bu dang // lung la ma brten man ngag dang // sems la mi ltos sangs rgyas dang // 'byung ba bzhi la rag ma lus// 'bras bu gzhan la re ba med// dus gsum sangs rgyas ngo bo dang // drug tshan tha ma'i chos rnams ni// stong pa thun mong ma

  347. 174a

    yin dang // gsal ba thun mong ma yin dang // bde ba thun mong ma yin dang // stong pa tshad du phyin pa dang // gsal ba tshad dang phyin pa dang // bde ba tshad du phyin pa'o// ji lta bu dang ji snyed mkhyen// mi mthun phyogs rnams sangs pa dang // mthun pa'i yon tan rgyas pas na// thams cad mkhyen pa'i sangs rgyas yin// ma rtogs sem can chos rnams ni// rgyu 'bras chos la ltos pa dang // bag chags goms pas 'byung ba dang // byas pa'i chos kyis sangs rgyas dang // rim gyis rtogs pa'i 'dod pa drug/ dang don chos la yid ches skye// de ltar byas pas 'khor ba stongs// 'khor ba stongs pa'i rgyu mtshan ni// 'jug sgo gsum dag rtsol ba gnyis// btsal thabs gnyis dang gsum gyis bzlog/ phyi yi sgo dang nang gi sgo/ gsang ba'i sgo ru shes par bya// so ru btsal dang lhug par btsal// stong pa'i so dang rig pa'i so// tha dad ma yin ngo bo gcig/ lhug par btsal ba rnam gsum ni// phyi ru rnam shes yul la bsdu// nang du sems nyid sdug bsngal glod// gsal ba 'dzin med ngang la bzhag/ shes rab thabs kyis btsal ba dang // thabs la shes rab rtsi yis gzung // zung du 'jug pas sangs rgyas pas// stong gsal rig pa chos kyi sku// logs na yod pa ma yin pas// rang gi sems ni stong gsal yin// dbang med gsum gyis

  348. 174b

    'khor ba stongs// snang ba rang snang shes tsam na// sha khrag lus ni stongs par 'gyur// shar ba rang shar shes tsam na// nyon mongs sems ni stongs par 'gyur// rlung yang rang gi rtsal du shes// lus sems gnyis su tshogs rgyu med// de ltar gsum la brten nas kyang // stong gsal rig pa sangs rgyas so// de ltar ma shes blo chung rnams// dbang med drug gis 'khor bar 'khyams// snang ba rang snang ma shes na// lus su mi 'gro rang dbang med// shar ba rang sar ma shes na// sems su mi 'gro rang dbang med// rlung rang rtsal du ma shes na// lus sems mi 'du rang dbang med// 'dus nas mi skye rang dbang med// skyes nas mi rgas rang dbang med// rgas nas mi na rang dbang med// na nas mi 'chi rang dbang med/ shi nas khams gsum 'khor bar 'khyams// 'khor 'das mtshan nyid bzhi ru 'dus// mi rtag sdug bsngal stong bdag med// snod kyi 'jig rten ri dang gling rnams kyang // 'jig pa'i dus na bskal pa'i me byung bas// thal ba'i lhag ma tsam yang mi lus so// chu dang rlung gis 'jig pa de bzhin no// bcud kyi sems can tshe 'di mi rtag pas// lus dang longs spyod la sogs 'dor bar nges// rigs drug sdug bsngal mang po bsam mi khyab// srid pa stong par rtogs pa zhi ba'i mchog/ bdag med gnyis rtogs yang

  349. 175a

    dag thar pa'i lam// 'khrul pa nyid dang byang chub lam// rtag tu gegs byed ma yin te// nyan thos dang ni rang sangs rgyas// sangs rgyas sa la gegs byed do// rin po che 'phags lam bkod pa'i rgyud las/ sangs rgyas sems can khyad par bstan pa'i le'u ste bzhi pa'o// // rdo rje sems dpas yang zhus pa// kun rig ston pa chos rje lags// khyed ni 'dren pa'i lam mkhan te// gzhi lam 'bras bu bstan du gsol// kun rig ston pas bka' stsal pa// gzhi ni ma bcos snying po'i don// 'khor dang myang 'das ro gcig pas// sangs rgyas sems can 'byung gnas sa// kun gyi spyi gzhi yin par bshad// gsal la 'dzin med rtogs pas lam// zhi gnas lhag mthong zung du 'brel// nyams myong sna tshogs 'byung ba'i gnas// 'bras bu lam du byed par bshad// yongs su rdzogs pas 'bras bu yin// khams gsum sku gsum tha mi dad// bdag don gzhan don 'byung ba'i gnas// 'bras bu ye nas smin par bshad// ces gsungs so// rin po che 'phags lam bkod pa'i rgyud las/ sangs rgyas dang sems can khyad par bstan pa dang / gzhi lam 'bras bu bstan pa'i le'u ste lnga pa'o// // rdo rje sems dpas yang zhus pa// 'dus pa'i 'khor la phan gdags phyir// kun rig ston pa chos rje lags// rgyud kyi

  350. 175b

    ldang tshad bshad du gsol// kun rig ston pas bka' stsal pa// 'dus pa'i 'khor rnams nga la nyon// rgyud kyi don rnams ngas bshad pas// gus pas nyon la yid la zung // rgyu yi rgyud dang lam gyi rgyud// 'bras bu'i rgyud dang gsum du bshad// gsang sngags rgyud kyi dbye ba yin// 'brel dang ma tshang med pa dang // phun sum tshogs pas rgyud ces bya// rgyud ni rgyun chags zhes bya ste// 'khor ba yang ni rgyud du 'dod// gsang sngags rgyud kyi dngos po ni// yongs su shes pa brgyad kyis bstan// blta ba spyod pa dkyil 'khor dbang // dam tshig dang ni phrin las dang // bsgrub pa mchod pa bya bar bshad// ces gsungs so// rdo rje sems dpas yang zhus pa// thams cad mkhyen pa khyed kyi thugs khrol la// phyi rabs rnams la phan gdags phyir// 'di don rgyas par bshad du gsol// kun rigs ston pas bka' stsal pa// lta ba log dang dman pa dang // shes par bya ba'i lta ba ni// mtha' bral ye shes phyogs cha bral// gzung 'dzin rtog pa ka nas dag/ yang dag nyid la yang dag blta// yang dag mthong na rnam par grol// spyod pa'i don la rnam gsum ste// 'jig rten phal dang mi mthun spyod// lha dman blo dang mi mthun spyod// yongs su shes pa'i spyod pa ni// sna tshogs thug phrad zhen pa med// rang rig mtha' dbus med pa'i dkyil// de nyid

  351. 176a

    nyams su myong bas 'khor// rig pa bkra bas dkyil 'khor yin// rdul tshon dkyil 'khor rag ma lus// chos dbang sems la bskur bas ni// rig pa'i rtsal gyi dbang thob 'gyur// ting 'dzin las su rung bas rang dbang rang gis thob// rang sems bla mar rtogs pas byin rlabs dbang mi dgos// rang byung ye shes rtogs pa'i lha// 'dzab dang lha yi snying po dbul mi dgos// sangs rgyas kun gyi gsang ba'i thugs// mi rtog pa yi ye shes rang gis rtogs// de nyid gzhan la phan byed pa// srid pa gsum na de dbang bskur// cig char rig pa don yin pas// cig char rig pa'i stobs kyis 'dag/ thun mo thun mong ma yin pas// mi 'da' bas na dam tshig yin// thun mong dam tshig bstan pa ni// lta ba spyi sar mi dgod dang // sgom nyams mu cor mi smra dang // byang chub ngo dgar mi gtong dang // gsang sgo yal bar dor mi bya// thun mong ma yin dam tshig ni// ye nas ma byung ma skyes pas// ye nas mi gnas ye nas stong // med pa dang ni phyal ba dang // gcig pur lhun gyis gnas pa'o// dam tshig med pa'i sngags pa kun// me tog rtsa ba bskams pa bzhin// 'bras bu smin par mi 'gyur ro// sangs rgyas rang la bsgrub pa'i sgrub thabs 'di// sangs rgyas rang la yod pas bsnyen pa yin// de mtshon bla ma bsten pas nye bsnyen

  352. 176b

    no// de'i gsung don du gnyer bas sgrub pa yin// bde sdug rtsa ba bral bas sgrub pa chen po'o// bde gshegs gong mas gsungs pas phrin zhes bya// de la thos bsam byas pas las zhes bya// sems kyi zug rngu zhi bas zhi ba nyid// de nyid lam du khyer bas rgyas pa yin// rang sems bkol du btub pas dbang zhes bya// 'khor ba'i rtsa ba chod pas drag po'o// mchod pa'i bye brag mang po ji snyed pa// phyi dang nang gi mchod pa dang // gsang mchod bla na med pa'o// bla med mchod pa bstan pa ni// mkhas pas byang chub sems bsgoms pas// rgyal dang de yi sras rnams la// mchod pa'i nang nas dam pa ste// 'di ni skyon med me tog yin// thams cad ring por mi thogs par// rgyal mchog sangs rgyas nyid du 'gyur// zhes gsungs so// rin po che 'phags lam bkod pa'i rgyud las/ yongs su shes par bya ba'i rgyud kyi dngos po bstan pa'i le'u ste drug pa'o// // rdo rje sems dpas yang zhus pa// kun rig ston pa chos rje lags// gnad la dbab pa gsung du gsol// kun rig ston pas bka' stsal pa// dad pas dam chos gnad la dbab// dad pa med pa'i mi rnams la/ dkar po'i chos rnams ga la 'byung // sa bon me yis tshig pa la// myu gu sngon po ga la 'byung // mos pas bla ma gnad la dbab// bla ma med pa'i sngon rol na// sangs

  353. 177a

    rgyas bya ba'i ming yang med// bla ma sangs rgyas kun gyi rje// sngon 'gros rang lus gtan la dbab// mi yis gru la brten nas ni// sdug bsngal chu bo che las sgrol// myang 'das pa yi skam sar 'don// gdams pas rang sems gtan la dbab// rang sems sangs rgyas rtsa ba ste// rang sems rang gis thim pas na// de las lhag pa'i chos gzhan med// ces gsungs so// rin po che 'phags lam bkod pa'i rgyud las/ yongs su shes par bya ba'i rgyud kyi dngos po dang / gtan la dbab pa'i le'u ste bdun pa'o// // rdo rje sems dpas yang zhus pa// rig pa'i rgyal po thams cad mkhyen// 'khrul pa'i snang ba 'gags pa la// bar do'i snang ba bstan du gsol// kun rig ston pas bka' stsal pa// 'di ltar snang ba 'gag gyur nas// pha rol snang ba shes pa la// bar do'i snang ba 'di ltar lags// sngon 'byung srid pa'i sha gzugs can// dbang po kun tshang thogs med de// yar dang mar gyi sbyis nas// mi ldog de ni bri ba'o// ye shes rang snang 'dam gyi pad+ma 'dra// srid pa'i skye gnas gzhal yas khang chen 'dra// dus kyi snyigs ma lam gyi kha brag 'dra// skye shi gnyis po zo chu'i khyud mo 'dra// lam gyis byung nas sal gyis gsal// de la 'dzin pa skyes pas dril gyis bsgrib// rtogs pa'i dbang gis zhag lnga bde dang

  354. 177b

    ldan// 'gyu mi 'gyu las yid tsam 'gyus// sna tshogs gzugs can yid las skyes// de yi bye brag bshad pa ni// rnam pa drug tu shes par bya// rang bzhin gnas pa'i bar do dang // ting nge 'dzin gyi bar do dang // skye shi gnyis kyi bar do dang // de bzhin srid pa'i bar do dang // rmi lam gnyid kyi bar do dang // chos nyid gsal ba'i bar do'o// zhes gsungs so// rdo rje sems dpas yang zhus pa// kun rig ston pa chos rje lags// de don shes pa shin tu dka'// dpe don bcas pa gsung du gsol// de skad zhus pa'i don gsan nas// kun rig ston pas bka' stsal pa// rang bzhin gnas pa'i bar do la// ma shes pa ni ngo shes byed// da phrug ma dang phrad pa bzhin// ma ni stong la bu ni gsal// ma bu shes pa'i skyes bu ni// snyam byed de las grol bar 'gyur// ting nge 'dzin gyi bar do la// mi gsal ba ni gsal byed pas// sgeg mos me long blta ba bzhin// sems kyis sems la bltas pa yis// gnyis 'dzin rtog pa zad par 'gyur// skye shi gnyis kyi bar do la// ye shes ngo yis 'dzin pa ni// mun khung sgron me btegs pa bzhin// mtshon pa tshig gis don rtogs pas// rten 'brel 'dzom pa'i ye shes kyis// rmongs pa'i mun pa sangs par 'gyur// mi srid srid pa'i bar do la// bzang ngan las kyi 'phro mthud ni// rkang chag yur

  355. 178a

    bar wa btsugs bzhin// gnyen po brten pa'i dka' thub kyis// 'dod pa'i 'bras bu 'thob par 'gyur// gnyid log rmi lam par do la// cir snang sems su shes pa ni// bram ze'i gling du gzhan 'tshol bzhin// thams cad sems su rtogs pa la// bzang ngan phan gnod med par 'gyur// chos nyid gsal ba'i bar do la// ye shes zang thal 'char ba ni// skar mda' mkha' la rgyug pa bzhin// phyir mi ldog pa'i rig pa ni// 'byung ba rang sar thim byas nas// rnam shes 'od la thim pa'i dus// bag chags lus las grol bar 'gyur// zhes gsungs so// rin po che 'phags lam bkod pa'i rgyud las/ bar do'i bye brag bstan pa'i le'u ste brgyad pa'o// // rdo rje sems dpas yang zhus pas// kun rig ston pa chos rje lags// de bzhin gshegs pa'i sku gsung las// phyi nang sprul pa ji ltar bkye// gdul bya'i ston pa gang la bgyi// kun rig ston pas bka' stsal pa// rgyal ba'i sku gsung thugs la ni// sprul pa bsam gyis mi khyab pas// phyogs bcu dus gsum ma lus pa'i// sangs rgyas ji snyed bzhugs pa kun// kun rig nga yi sprul pa las// gzhan na sangs rgyas rdul tsam med// phyi dang nang du snang ba ni// kun rig yin par shes par gyis// rgyal ba'i sku yi sprul pa las// mar me mdzad la sogs pa

  356. 178b

    yi// sangs rgyas rabs bdun 'byung ba ni// 'das pa'i dus kyang nga nyid do// rgyal ba'i gsung gi sprul pa las// bskal bzang byang chub stong la sogs// byang chub sems dpa' 'bum sde ni// kun rig ston pa nga yin no// bde gshegs thugs kyi sprul pa las// zhi khro sangs rgyas la sogs pa// rigs lnga yab yum ngapa nyid do// nga med pa yi sngon rol na// sangs rgyas bya ba'i ming yang med// sems can bya ba'i skye gnas med// thams cad nga yi sprul pa yin// nga nyid gzhi yi sangs rgyas so// nang gi sprul pa rnam gsum ni// bde bar gshegs pa'i sku yi sprul pa las// 'og min gnas kyi gnas mchog na// bcom ldan rnam par snang mdzad byung // phyi nang rigs gsum mgon po dang // sa bcu'i bo d+hi sa tA la// gsung gis chos rnams mi ston par// sku yis chos rnams 'jal bar ston// bde gshegs gsung gi sprul pa las// 'dzam gling rdo rje'i gdan steng na// shAka thub lha mi'i ston pa byung // mdo sde 'dul ba mngon pa'i chos// drang don nges don mang po gsungs// kun rig zugs kyi sprul pa las// rgyu bdag rdo rje sems dpa' byung // sangs rgyas lha tshogs rnams dang ni// dga' rab rdo rje la sogs pas// gsang sngags nges don rgyud sde gsungs// rin po che 'phags lam bkod pa'i rgyud las// sprul pa bkye ba'i le'u ste dgu

  357. 179a

    pa'o// // rdo rje sems dpas yang zhus pa// kun rig ston pa chos rje lags// khyed ni mnyam pa'i rgyal po ste// thugs rjes 'gro ba'i skyabs mdzad pa// che chung rim pa'i blo yod pas// rgyud kyi gtad rgya gsung du gsol// de skad zhus pa'i don mkhyen nas// ston pa shes rig rgyal po yis// phyi rabs rnams la phan gdags phyir// 'dus pa'i 'khor la rgyud gtad pa// gsang sngags nges don rgyud chen 'di// bstan pa'i snying po yin par nges// snyigs ma lnga yi dus su dar// dper na mar me 'chi ka ru// 'od ni gsal bar 'byung ba ltar// de bzhin nga yi rgyud 'di yang // nub khar zab mo'i chos dar 'gyur// bstan pa nub par 'gyur tsam na// 'di las lhag pa'i mgon skyabs med// skal ldan rnams kyi lam du gyis// rgyud dag khyed kyi thugs la chongs// 'dus pa'i 'khor rnams pa la nyon// rang bzo byed cing bla ma smod// dad pa chung la 'dod pa che// dam tshig med la slob dpon gsang // bka' bzhin mi bsgrub zong du byed// de 'dra'i gang zag log sred can// rgyud kyi ming yang bstan mi bya// mkha' 'gro rnams gyis srog kyang 'phrog/ yang ba yi nad kyang 'byung // shi nas rdo rje dmyal bar skye// da yang 'dus pa'i 'khor rnams nyon// dad ldan rgyud la mos pa dang // sgrub la shin tu brtson pa la// dngos grub

  358. 179b

    myur du 'byung bar 'gyur// snying po don gyi yang snying 'di// bder gshegs rnams kyi thugs dam yin// grub thob rnams kyi gshegs shul yin// skal ldan rnams kyi mgo 'dren yin// 'gro ba rnams la thugs brtse'i phyir// phyir mi ldog pa'i lam bstan pa// rgyal ba nyid kyi thugs bskyed nas// bla med byang chub 'thob par shog/ rin po che 'phags lam bkod pa'i rgyud las/ rgyud kyi gtad rgya bstan pa'i le'u ste bcu pa'o// paN+Di ta shrI sid+ha dang / lo ts+tsha ba be ro tsa nas gtan la phab pa'o// rin po che 'phags lam bkod pa'i rgyud rdzogs so// // @#// rgya gar skad du/ badz+ra sa twa A ga shAn+ta sa ma ma hA tan+ta/ bod skad du/ rdo rje sems dpa' nam mkha'i mtha' dang mnyam pa'i rgyud chen po/ dpal rdo rje snying po ye shes gsang ba la phyag 'tshal lo// 'di skad bshad pa'i dus gcig na/ de bzhin gshegs pa yang dag par rdzogs pa'i sangs rgyas longs spyod chen po nam mkha'i mtha' ltar rtag par bzhugs shing / sku dang gsung dang thugs rdo rje lta bur gyur pa/ rdo rje sems dpa' kun dang dbyer med pa/ lhun gyis grub pa'i dbang phyug/ nyi ma stong ltar brdal zhing lhag pa'i che ba dang ldan pa/ thams cad gcig gi ngo bor gyur pa/ gang dang yang tha mi dad pa chen po dus gsum gyi sangs rgyas thams cad 'dus pa'i dpal rdo rje

  359. 180a

    sems dpa'/ 'og min gyi gnas chos kyi dbyings sgro skur dang bral ba/ rig pa'i ye shes 'bar ba'i gzhal yas khang / mtha' dang dbus med par nam mkha'i dbyings dang mnyam pa/ ye shes gsang ba'i yang gsang ba/ kun tu khyab gdal chen po/ tshad dang rgya dpag tu med pa/ zab cing phra la rtogs par dka' ba'i rang bzhin thug pa med cing / zad 'phel med pa nam mkha'i mtha' dang mnyam pa'i rgyan rab 'byams dpag tu med pas brgyan pa na/ rdzogs pa chen po bcom ldan 'das bzhugs te/ rang bzhin ngo bo'i 'khor dang / rang bzhin la rjes su lta ba'i 'khor dang / rang bzhin mngon du thob pa'i 'khor la 'di lta ste/ sa dang / chu dang / me dang / rlung dang / nam mkha' dang / 'dod pa'i khams dang / gzugs kyi khams dang / gzugs med pa'i khams la stsogs pa dang / yongs su rnal 'byor dang / rnal 'byor chen po dang / rjes su rnal 'byor dang / shin tu rnal 'byor la stsogs pa thams cad dang / phyogs bcu'i 'das pa dang / ma byon pa dang / da ltar bzhugs pa'i sangs rgyas chos kyi sku dang / longs skrod rdzogs pa'i sku dang / sprul pa'i sku mtha' yas pa dang / thabs cig tu bzhugs so/ de nas lha'i dbang pos/ phyogs bcu'i rgyal ba thams cad la 'di skad ces gsol to// kye dus gsum gshegs pa'i rgyal ba

  360. 180b

    yis/ kun gyi 'dod pa bskang zhes pa// rtsol byas theg pa mthar ston nas// rtsol med 'dul ba'i rnal 'byor la// cig char theg pa gsung du gsol// zhes gsol pas// phyogs bcu'i sangs rgyas thams cad kyis sems dpa' chen po rdo rje la 'di skad ces gsungs so// kye ma rdo rje sems dpa' che// dus gsum sangs rgyas thams cad kyi// sku gsung thugs kyi rdo rje can// khyod ni rgyal ba kun gyi rje// rang bzhin ma bcos thugs rje yis// bya bral rdzogs lung bshad du gsol// zhes gsungs pa dang / de nas dpal rdo rje sems dpa'i chos kyi dbyings las ye shes sprul pa'i rdo rje sems dpa' gcig byung ste/ rdo rje rtse lnga pa yis dbang bskur te// 'di skad ces gsungs so// dus gsum sangs rgyas thams cad kyi// gsang ba'i 'khor lo'i gter 'dzin cing // sku gsung thugs kyi gsang ba 'chang / khyod ni smra ba'i seng ge ste// rtsol med 'dul ba'i gang zag la// lhun grub theg pa gsung du gsol// zhes gsol pa dang / de nas sems dpa' rdo rjes 'di skad ces gsungs so// gsang sngags rdo rje nam mkha' che// tshig gi spyod yul ma yin pas// brjod pas rtogs par mi nus te// 'di zhes 'gro bar rab tu dka'// 'on kyang dam bcas bskor ba dang // sangs rgyas thugs rje'i byin rlabs kyis// brda don spyad la rtogs bya'i phyir// tshig gi sgo

  361. 181a

    nas dgrol bar bya// zhes gsungs so// de nas rdo rje sems dpa' shar phyogs kyi 'jig rten gyi khams mngon par dga' ba zhes bya ba na de bzhin gshegs pa mi bskyod pa zhes bya ba rang gi 'khor la rtsol med sems kyi don rgya cher gsungs pa la 'di skad ces zhus so// sems nyid rang byung rdo rje la// skye shi 'du 'bral ji ltar byung // zhes gsol pa dang // de bzhin gshegs pa mi bskyod pas 'di skad ces gsungs so// sems nyid rang byung rdo rje la// ma skyes pas na 'jig pa med// 'du 'bral mkha' ltar dag pa yi// byang chub tshul 'di bstan pa'o// zhes gsungs so// de nas sems dpa' rdo rjes dpal dang ldan pa zhes bya ba lho phyogs kyi 'jig rten na// de bzhin gshegs pa rin po che mngon par mtho ba la 'di skad ces gsol to// rgyal ba rang byung dngos med kyis// dpag med bsam pa ji ltar bskang // zhes gsol pa las// de bzhin gshegs pa mngon par mtho bas 'di skad ces gsungs so// ji ltar nyi zer nor bu ltar// ma bsags gdod nas lhun gyis rdzogs// 'gro 'od med par kun khyab pas// byang chub tshul 'di bstan pa'o// zhes gsungs so// de nas sems dpa' rdo rje des nub phyogs kyi 'jig rten pad+ma'i phung po zhes bya ba na// sangs rgyas pad+ma chags pa med pa la 'di skad ces gsol

  362. 181b

    to// rang byung dag pa'i snying po la// las dang bag chags gos mi gos// zhes gsol pa dang // de bzhin gshegs pas 'di skad ces gsungs so// rang byung ye shes ka dag pas// pad+ma la ni 'dam bzhin du// mtshams med lnga yi bag chags dag/ byang chub tshul 'di bstan pa'o// zhes gsungs so// de nas sems dpa' rdo rjes byang phyogs thams cad grub pa zhes bya ba'i 'jig rten na// de bzhin gshegs pa thams cad grub pa la 'di skad ces gsol to// byar med lhun rdzogs phrin las la// 'gro don phrin las ji ltar mdzad// ces gsol pas// de bzhin gshegs pa des 'di skad ces gsungs so// rtsol med lhun grub byin rlabs las// mdzad pa'i byin rlabs phyogs bcur brdal// phyogs ris mi mnga' yongs kyi gter// byang chub tshul 'di bstan pa'o// zhes gsungs so// de nas sems dpa' rdo rjes de bzhin gshegs pa rnam par snang mdzad la 'di skad ces gsol to// sems nyid rin chen 'phrul gyi sgo// rtogs par 'dod na ji ltar blta// zhes gsol pas// de bzhin gshegs pa rnam par snang mdzad kyis 'di skad ces gsungs so// 'phrul gyi skyes bu'i tshul bzhin du// gcig rtogs kun kyang de 'dra ba// ma bcos byang chub snying po la// phyogs su bltas pas mthong mi 'gyur// zhes gsungs so// de nas 'dod

  363. 182a

    khams za ma ru// ming gsum ldan pa'i skyes bu la// ltas gsum ldan phyir bskul pa'i mthus// thugs rje sems dpa'i byin brlabs kyis// 'od lnga ldan pa'i sku bstan te// chos kyi 'khor lo'i gdan stengs su// rin chen 'bar ba'i bsil bkab nas// rdo rje sems dpas ma brjod gsungs// de nas skyes bu rgyal sras des// rig pa gdeng gi don rtogs nas// de tshe de yi dus nyid du// dus mtha'i skad cig nyid la ni// klong dgu bam po nyi khri nyid// skal ldan lha gnas grags par gyur// de nas thugs rje'i byin brlabs kyis// d+ha na ko sha gling gi phug/ lha mo sems dga' rdo rje can// sprul pa'i 'dab chags phra men lus// byin brlabs ye shes thugs mtshan las// ya mtshan sprul pa'i cha 'dzin cing // stong nyid rtsol med sgrogs gyur pas// yang sbrul skal ldan sras bdun la// rgyal thabs spyi blugs dbang bskur nas// thob med byang chub sems dang phrad// gsang ba'i 'khor lo rig pa'i gter// brda sprad tshogs med don po che// ma btsal rang bzhin bzhag pas 'grub// dpag tu med pa'i rgyal po yis// phun sum tshogs pa kun bsdus nas// bstan pa bsam yas gsungs pa yang // klong dgu'i nang du ma 'dus med// skal ldan thugs rje sems dpa' yis// dus gcig nyid la rtogs pa'i lung // rdo rje nam mkha'

  364. 182b

    dkyil po che// mtha' dbus spros pa rnam par bcad// sgron me ye shes 'khor lo can// skur med rang gsal brjod dang bral// dgongs pa nam mkha'i mtha' mnyam pa// mtshan ma'i spros dang gdod nas dag/ rig pa rang snang 'khor lo la// bsam brjod dpyad pa'i mtha' las 'das// mnyam nyid rig pa'i 'khor lo la// mtshan ma'i sgra yis gtan la phab// ye shes rang byung 'khor lo las// cho 'phrul thugs rje'i rang bzhin 'char// rdo rje sems dpa' de bzhin gshegs// rang byung gsang ba'i 'khor lo las// klong dgu'i bstan pa char bzhin 'byung // rang byung rang gsal gtan la phebs// rang la 'chad cing rang gis ston// rang gis bsdus nas rang du bsdu// ma bcos thig le gcig tu gnas// rang gsal brjod 'das rig pa'i gsung // bya bral rdzogs pa'i rgyud du grags// zhes gsungs so// nam mkha'i mtha' dang mnyam pa'i rgyud chen po las/ gleng gzhi'i le'u ste dang po'o// // de nas sems dpa' rdo rje dam pa des bcom ldan 'das rdo rje sems dpa' la 'di skad ces gsol ba btab bo// rgyal ba kun gyi gsang ba'i thugs// thugs kyi thugs te thugs kyi mchog/ rig pa'i bstan pa sgrogs pa'i bdag/ rdzogs chen gsum gyi ngo bo la// brda don sprad pa'i gtan tshigs kyis// bshad pa gsum la nges dgongs

  365. 183a

    nas// gzhi lam 'bras bu gsung du gsol// zhes gsungs so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po legs par nyon cig/ nam mkha'i mtha' dang mnyam pa'i rgyud// rgyal ba kun gyi dgongs don 'di// dpag med rgyal ba bskrun pa nyid// stong nyid smra ba ma yin kyang // tshig don sprad pa rab tu gces// rang bzhin thabs dang 'bras bu nyid// rdzogs chen ma bcos dgongs pa la// mi 'gal brjod pa'i sgra yis mtshon// dngos po'i don nyid gtan la phab// 'gyur med snying po rtsol med lam// ma bsgrubs rang byung 'bras bu gsum// ma 'dres gcig tu nges par mnyam// bshad tshul gsum du shes par bya// gzhi dang lam dang 'bras bu ni// ye shes rang gnas bde mchog dang // bsgrub pa bde ba gsal byed dang // rtog pa rab 'byams nyid du 'char// ngo bo rgyu rkyen nges pa'i dpe// mtshan nyid khyab tshad lung gi don// ye shes rang gsal kun gsal te// ma bcos ma bskyed ye nas byung // 'du 'bral med par rang la rdzogs// gsal ba mi g.yo rang byung dbyings// snang la mi rtog mnyam pa'i ngang // rang gsal ma bsgribs rang rig dang // mkhyen pa'i ye shes nyid du 'char// rang gsal ma dmigs yul dang bral// rdzogs chen ye shes gsal ba'i

  366. 183b

    ngang // tshig bral mnyam nyid don du rdzogs// rang la mi rtog gzhan mi rtog/ gnyi gar mi rtog mtha' dang bral// bskyed bya skyed byed rgyu med pas// ma skyes snying po byang chub pa// skye 'gag brtag pa'i tha snyad bral// ye shes rdzogs par gsal ba'i ngang // rgyu dang mi rgyu dbyings su gcig/ ma skyes 'bras bu ye nas byung // rang byung 'khor lo ye nas gsal// rgyu nyid 'bras bur ye nas byung // thams cad ye shes snying por rdzogs// ma lus gcig ste tha dad med// ma bcos byang chub snying po la// ma btsal rang rig gsal bar rdzogs// sgron mes mun pa'i rdzas 'tshol ltar// brda don sprad pa'i 'phrul tshig gis// 'khor ba ye shes snying por gsal// bskyed pa med pas rgyu 'bras bral// rkyen nyid ma skyes byang chub ste// rdo rje snying por dus gcig rdzogs// bar mtshams sbyar med gcig tu gnas// gsal ba rang snang dkyil 'khor la// rkyen la mi rag gdod nas dag/ rgyu med ye shes mchog tu gsal// bdag med rang rig stong nyid lung // mtshungs med skad cig rgyun dang bral// yul med dmigs bral chos kyi dbyings// ma bcos rang byung rkyen dang bral// gnas dang 'byung sdud de phyir dang // kun dngos phyogs su ma lhung dang // shes dang bsgrub dang shes bya'i phyir// ming du btags dang mtshon dang bral// dngos nyid btags pa'i mtha' bral

  367. 184a

    la// nges dang ma nges tshul mi 'jug/ btags med nges pa'i tshig dang bral// yi ge brda bral mnyam nyid la// de ltar rtog pa nor ba'i lam// dngos la nges dang ma nges kyang // gcig pas tha da mi gnas kyang // don gyi phyogs la gtsor bzung nas// de rtogs bya phyir nges par bshad// nges pa mi bslu'i sgra yi tshig/ rjes su 'gro ba don byed nus// ye nas rig pa'i 'khor lor sbyor// rig pa'i gsung gi don la sbyor// rang bzhin rin chen phung po la// gter khyim phung po de mthong nas// btsal ba med pa 'bras bur gsal// mtha' gsum gsal ba'i dpe nyid ni// zhen pa'i snang ba mi mthong bas// smag gi mun rum lta bur bshad// rol pas chad pa gsal ba'i phyir// chu yi gnyer ma lta bur bshad// gsal snyoms ma 'dres btang snyoms bral// nyi ma shar ba lta bur bshad// sku gsum rol pa'i dpe nyid ni// khyab gdal ngo bo 'dzin bral bas// chos sku nam mkha' klong du bshad// rdzogs sku mdzes gsal kun khyab pas// nyi ma 'bum gdal lta bur bshad// 'byung 'jug mi mnga' kun gnas pas// sbrul sku nyi ma'i zer ltar bshad// ye nas lhun grub snying po la// rnam rtog blo yis bcad pas na// sprin dang khug sna lta bur bshad// kun kyang ye shes ro gcig pas// lan tshwa ldan pa'i rgya mtshor

  368. 184b

    bshad// de ltar gnyis med rtogs bya'i phyir// rdzogs chen gzhung la nges thos pas// thos pa zla ba lta bur bshad// don la spyod pas nges ma nges// spang len bsam pa skar ma ltar// nges par gsal snyoms 'du shes bral// bsgom pa nyi ma lta bu bshad// mtshan nyid gang yang ma srangs pas// rang gsal ye shes snying por rdzogs// gdod nas stong pa'i rang bzhin ni// 'du shes bral ba'i dbyings su rdzogs// ci yang yin no gang yang rung // ma bkag sems kyi khyad par las// bkag pa med de rang gsal dbyings// gcig kyang ma 'dres tha dad gsal/ snang yang zhen pa rnam par bcad// dmigs kyang btsal ba'i yul dang bral// ye shes snying po'i nyi ma 'char// rin chen nor bu'i khang pa bzhin// ci yang gsal la ci yang min// phyogs su mi snang mnyam nyid pas// gang ltar bltas pa de ltar snang // nam mkha'i mtha' ltar mnyam sbyor bas// tshad dang zla dang dpe las 'das// nyi ma'i snying po 'bar ba bzhin// mtha' yi sgrib pa bral ba'i tshad// ye shes gsal la mi 'gag pas// phyogs kyi nges pa mi gnas par// cir yang nges par 'char ba'i phyir// 'phrul gyi me long gsal ba'i tshad// sems nyid rin chen ka dag la// zhen snang btags pa kun bral bas// nyi ma 'bum gyi 'od zer bzhin// rang las byung ba rol ba'i tshad// nam mkha'i

  369. 185a

    mtha' dang mnyam sbyor bas// che chung tshad las 'das pa la// 'dzin pa nam mkha'i mtha' tshol 'dra// phra ba'i phra ba nyung 'bru yi// 'bru yis mi bskrun phra ba'i tshad// mkhyen ldan ye shes snying po yis// gang yang mi mkhyen rang gsal mkhyen// mtha' dang dbus su mi dmigs pas// nam mkha'i mtha' dang mnyam par mkhyen// ye shes rang gsal rdzogs tshul la// mtha' yi sgrib pa rang gsal bas// rang byung nyi ma'i dkyil 'khor gsal// bya bral rdzogs pa'i lung du bshad// rang rig ye shes mkhyen ldan pas// gnyis med snying por rdzogs pa rtogs// rang gsal ye shes rdzogs par ldan// rig pa rang snang nyams su shar// rang byung 'od kyi dkyil 'khor la// 'phrul yig rig pa'i brda sprad pas// skye med dbyings kyi brda don mjal// btsal med tshogs chung don po che// rang byung ye shes rin chen gter// sgo mang 'jug thabs bsam mi khyab// rtogs na gcig tu gnas pa'i don// rtogs pa thabs chen brgyud pa'i lung // rang gsal nyi ma'i 'od ltar 'char// mkha' khyab rig pa'i klong du son// rang byung rig pa rang gsal 'di// mkha' khyab byang chub sems kyi lung // rdo rje sems dpa'i thugs dkyil nas// rig pa'i khu byug dgu sgrogs pa// sems nyid rang gsal mthong bya'i phyir// klong dgu bam po nyi khrir

  370. 185b

    gsal// de nyid dgu ldan sems kyi gzhi// rin chen phung po 'phrul gyi sgo// rin chen phung po gter khyim na// nyi ma'i 'od ltar ye nas gnas// zhes gsungs so// nam mkha'i mtha' dang mnyam pa'i rgyud las// ye shes rang 'char gyi le'u ste gnyis pa'o// // de nas sems dpa' rdo rje dam pa des rdo rje sems dpa' chen po la 'di skad ces gsol ba btab bo// rgyal ba'i rgyal ba kun gyi mes// gsang ba'i yang gsang byang chub sems// rin chen khang la sgo mang dag/ rang gsal sgo nas rtogs bya'i phyir// bde chen rtsol bral snying po la// bshad thabs bshad bya 'bras bu'i don// rang gsal rig pa'i don du rdzogs// khyab bdag 'chang chen bshad du gsol// zhes gsol to// de nas de bzhin gshegs pa rdo rje sems dpas 'di skad ces bka' stsal to// kye sems dpa' chen po// yi ge med pa mchog gi rgyud// brir med kha dog dbyibs dang bral// nam mkha'i mtha' dang mnyam pa'i rgyud// gsang ba kun 'dus gter 'di nyid// bshad thabs gsum ste rdzogs chen gsum// gzhi lam 'bras bu'i tshul du gnas// dgongs pa kun gyi zhe phugs pas// dgongs pa klong rdol tshul du bshad// man ngag rtsa ba 'dir 'dus pas// man ngag zhal chems sbugs ltar bshad// klong dgu'i rtsa ba sems nyid klong // sel med

  371. 186a

    rgya mtsho'i klong du bshad// kun bzang sems nyid stong gsal las// rang byung rol pa mi 'gag pas// mkha' la gza' skar bkram ltar bshad// mkha' khyab sems lung kun gyi mchog/ yin phyir spyi don lnga yis bshad// rgyud kun 'dus pa'i mchog yin pas// phun sum tshogs pa lnga yis bshad// tha ma shes bya'i ngo bo la// thun mong thun mong min pa ste// thun mong khyad par grags tshul nyid// grags pa gol zhing bsgribs pa ste// lta spyod ting 'dzin dam tshig dang // bsgrub dang phrin las dbang mchod dang // dkyil 'khor sa lam 'bras bu bcu// ma shes bdag 'dzin gzung 'dzin dang // yang dag bden la ris 'byed dang // ngag dang gnyis spyod gtsang sme dang // blang dor sgrib pas bcings pa kun// lam gol lam sgrib gol sgrib byung // ye nas rang gsal gsang rdzogs la// mthong dang ma mthong gnyis su phye// ye nas dmigs med rang gsal la// bdag dang gzhan du bzung bas bcings// skye 'jig bral ba'i rdo rje la// rgyu 'bras 'brel bar bzung bas nor// dngos po gnyis med rdzogs chen la// tha dad brtags pa log pa'i lam// gnyis med rang rig gter 'di la// bden gnyis phye bas gcig dang 'gal// rang gsal dmigs med stong nyid la// yang dag bsgrubs pas dmigs med 'gal// 'ching bral

  372. 186b

    lta ba gza' gtad med// gza' gtad bral 'dzin yang rtse 'khrul// ma bcos ye shes rang gsal la// dbyings dang ye shes 'khrul pa'i chos// ye nas rin chen dag pa la// dag pa gsum gyi rtsol byed nor// bskyed bral ye shes dkyil 'khor la// bskyed dang rim rtsal rnal 'byor che// btsal bas rang byung gter dang bral// ye shes rin chen phung po la// byin rlabs snang 'dod re dogs can// rang snang 'khor lo'i don dang 'gal// rin chen 'khor lo kun bzang 'di// 'gro drug rang gsal thugs la gnas// gsal rig 'dzin bral dbyings la son// thim gyur gsal nas mi mngon pa'o// rang gsal nyi ma'i byin brlabs ni// btsal med 'od kyis phyogs bcur brda la/ khyad par bcu bzhi'i bshad pa dang // chos rnams sems kyi ngo bo la// mtha' dang log ltas mi 'gyur bas// rdzogs chen ma lus thams cad kun// gsal brtan ri bo lta bur bshad// rtag chad mtshan ma cir snang yang // sems la yangs dog chos med pas// nam mkha'i klong dang 'dra bar bshad// chos kun gsal snyoms btsal med 'char// rang gsal rig pa'i rtsal rdzogs pas// mkha' la nyi shar 'dra bar bshad// sems can sangs rgyas la sogs pa// bde sdug ma 'dres rdzogs chen pas// gser gyi ngo bo lta bur bshad// rang gsal mtha' bral rgya

  373. 187a

    mtsho la// rtsol bas ming dpogs brtags dka' bas// zab pa mtsho gting lta bur bshad// lhun grub rin chen phung po yis// rtsol med byin brlabs rang 'char bas// nor bu rin chen lta bur bshad// nyi ma mun snang gcig pa'am// nyon mongs ye shes gsal rdzogs pas// dug nyid sman du gnas ltar bshad// rang rig thams cad gsal rdzogs pas// lhun grub bde chen rol snang bas// rgya mtsho chen po'i rlabs ltar bshad// mtshan ma'i bye brag cir snang yang // mi 'gyur chos skur gnas bslad med// kha dog nag po lta bur bshad// rang byung ma bsgrubs rang 'char la// cir snang rang las smin pa'i phyir// shing tog a mra lta bur bshad// rang byung theg pa'i rgyal po la// zil gnon ma bgrod kun son pas// mkha' la khyud 'phur lta bur bshad// mtha' bral rang byung rdzogs lung la// mtha' yi zhen pa zil non pas// seng ge'i sgra sgrogs ci ltar bshad// kun bzang 'khor lo'i rim pa la// gnang bkag yod med kun bral bas// kun bzang sbrang len med ltar bshad// chos kun rang rig sems nyid la// sems nyid gdod nas ka dag pas// rin chen gser gling lta bur bshad// thun mong min pa'i rdzogs chen gsum// btsal med lam med spyi gzhung nyid// gab pa mngon phyung man ngag go/ lta ba rang

  374. 187b

    gsal gza' gtad bral// mthong med rang gsal ye shes spyan// gsal la mkhyen bsgribs mtha' dang bral// rang gsal rig pa'i dbyings su rdzogs// spyod bral kun bzang rol pa 'di// rol pa 'gag med rang 'char rdzogs// ma bcos snying por spyod pas na// mtha' dbus med pa'i klong du rol// rgyal thabs spyi blugs dbang gi mchog/ ma bskur rang rdzogs kun la gsal// dus gcig ye shes rig pa 'char// dus tshod bla ma'i ngag las brtags// thig le chen po'i dam tshig 'di// rin chen kun bzang sems la gnas// bsrung du med pa'i dam tshig la// mi bsrung phyogs dang bral bar gnas// ye nas lhun grub rang byung gis// phyogs ris med par gad la zin pas// phrin las byar med mtha' bral la// byar med rdzogs pa'i ye shes gsal// ta k+Sha ka yi nor bu'am// 'jig rten 'od kyi rgyal po ltar// byin rlabs thugs rje rang shar la// brtson pas bsgrub cing btsal du med// ye shes rang gsal ting 'dzin 'di// ma yengs rang gsal lhun grub la// btsal zhing yengs pa rnam par gcad// ye shes snying po rang gsal lung // mtha' dbus med pa'i dkyil 'khor la// sku gsum rang shar bsam mi khyab// mtha' bral nam mkha'i snying po ltar// thig le rang gsal rdzogs par gsal// rang byung rang shar rang la

  375. 188a

    rdzogs// nyi ma'i 'od dang snying po ltar// 'khor ba ye shes rdzogs pa la// 'bras bu grangs 'das mkha' ltar smin// rang byung yo byad mchod pa yis// lhun grub rang gsal dbyings su thim// phyogs bral lhun grub mchod pa 'dis// kun mkhyen rang gsal nyid du mnyes// gab pa mngon phyung don 'di la// song tshul rim par ngos bzung nas// rgyal thabs spyi blugs dbang bskur nas// sems nyid rin chen rtogs bya'i phyir// de nyid blta bas thag bcad bshad// de nyid ma yengs goms bya'i phyir// brda' don phral ba'i man ngag bshad// ci spyad stongs 'gyur 'ching med pas// glang chen chur zhugs man ngag bshad// klong dgu 'dus pa'i tshig don spyi// rgyud kun gtan la dbab pa'i tshig/ 'dis ni bshad par bya ba yin// klong dgu lde mig phye ba yis// nyid la 'chad cing nyid kyis 'grol// rtsol med theg chen gang zag la// tshig bral rig pa'i 'khor lo bskor// zhes gsungs so// nam mkha'i mtha' dang mnyam pa'i rgyud chen po las/ bshad pa'i lde mig gis klong dgu dbye ba'i le'u ste/ gsum pa'o// // de nas sems dpa' rdo rje des// rdo rje sems dpa' chen po la 'di skad ces gsol ba btab bo// dus gsum sangs rgyas thams cad kyi// sku gsung thugs kyi gter 'chang ba// ye

  376. 188b

    shes mdzod ldan gnyis med rdzogs// rang gsal thams cad mkhyen nyid dang // mgon po khyod la gsol ba ni// ngo bo thabs kyi mtshan nyid de// rnam grol rig pa'i gter kha dag/ mgon pos bdag la bshad du gsol// zhes gsol to// de nas de bzhin gshegs pa rdo rje sems dpas 'di skad ces bka' stsal to// kye sems dpa' chen po// mkha' mnyam byang chub sems kyi lung // nam mkha'i mtha' dang mnyam pa'i rgyud// rin chen dbyig dang phrad pa'i thabs// ye shes gsang rdzogs chos dbyings nyid// ngo bo gcig la brtag pa gsum// dngos dang bsam pa phye ba'i tshul// ngo bo mkhyen thabs ngo bo'i dpes// bcing grol tshul gyis phye ba yin// kun 'dus nam mkha'i mtha' mnyam la// kun tu rang gsal dbyings la rdzogs// mi gnas mi bsam cir mi dgongs// spros bral rig pa'i 'khor lo gter// sangs rgyas ma yin sems can min// gnyi ga ma yin rang gsal lung // sgo dang skur pa rnam par bcad// mtha' dbus bral ba'i snying po ni// phyogs bral mnyam nyid rig pa'i gter// rin chen nor bu'i phung po bzhin// kun la phyogs ris med par gsal// nam mkha'i mtha' mnyam gter gyi dbyig/ dpag bsam 'khor lo rang 'char dang // kun snang gsal ba'i sgo mo la// gang phye rin chen dbyig dang phrad// kun gyi ngo bo ye shes

  377. 189a

    lus// mtha' med dbus bral snying por gsal// gsal ba rang rig chos dbyings gsung // ma gsungs rang mjal rig pa'i sgra// bsam med rang byung rang gsal la// gsal ba log rtog mdud pas bcings// de nyid dbyings su mi gsal na// bkrol yang thar bar mi 'gyur ro// nam mkha' nyid la mi gnas ltar// rang gsal mi rtog la mi gnas// rang byung rang gsal dbyings su rdzogs// brjod med rig pa'i klong du brdal// ngo bo 'di zhes brtag dka' ba// bsam gyis mi khyab chos kyi dbyings// brda don spyod dang phral ba dang // yang dag nges dang rgyal tshab rgyud// thugs rje rkyen ldan zab pa dang // khe dang grags phyir ma yin zhing // rgyal thabs spyi blugs dbang thob nas// theg pa'i bye brag 'byed la brtson// rjod mkhas tshig don 'brel bar ston// brda don sprod pa'i slob dpon yin// mtshan ma mi bsam dbyings gnas pas// dgongs pa klong ltar brdal ba dang // mtha' dbus bral ba'i don la mkhas// tshig min dgongs pa'i lung ldan pas// phral ba yin par nges par gsungs// rang rig gsal bas rang la ston// rang gsal lung la rang gis mtshon// rang rig gzer chen rang la 'debs// slob dpon kun gyi mchog tu gsungs// nges pa'i seng ge'i rjes byung ba// btsal

  378. 189b

    med seng ge'i sgra sgrog pa// dpal ldan kun mkhyen rnam grol thugs// 'jig rten gsal ba'i nyi ma yin// rang byung shes rab 'od po che// rang gsal rig pa rang las 'char// thos bsam bsgom pa gsal byed lung // nges par rtog pa'i rkyen du bshad// rin chen 'phrul gyi khang pa dag/ kun gyi zad med gter 'chang ba// theg sgo lde mig rig pa'i tshul// gang phye'ang nam zhig thob par 'gyur// theg pa'i bye brag ci bstan pa// klong dgu'i don la nges par 'dus// nam mkha' mtha' mnyam klong dgu'i rgyud// rtogs pas rin chen dbyig dang phrad// rnam grol rig pa'i phung po la// btsal med lung gsum rig pa yis// rtog dpyod 'jug pa'i yul med kyang // de nyid tsam gyis rdzogs sangs rgyas// rgyal thabs spyi blugs dbang thob nas// ye shes rang gsal don dang sprad// shes pa rgyu ba bzhi cha'i dus// gsum ni rnam par rtog pa ste// gcig po ye shes gsang ba yin// dus tshod bla ma'i thugs la brtags// brgyud pa thabs kyi me long gis// mngon du gsal ba ye shes la// gang ltar 'tshams pa de dag yin// rmongs pa bkri ba'i thabs su bstan// byas dang ma byas gnyis kyi bar// 'dzin bral dbu ma'i shes pa gnas/ ye shes 'dzin pa'i man ngag ste// 'phrul gyi skyes bu'i blo dang mtshungs// gsal ba dang po ma skyes mtha'// skye na ma skyes don

  379. 190a

    dang bral// mtha' dbus bral ba'i snying po ni// rdzogs pa zug phrad yin par gsungs// ci la gang snang dus de na// ma btsal rig snang mi rtog lung // nyams brjod kun bral ye shes te// bu mo dga' ba'i ro bzhin no// ye shes mnyam rdzogs cha gcig la// sku gsung thug phrad man ngag gsal// kun kyang ye shes rang gsal te// dus tshod bla ma'i zhal las shes// thabs sbyor man ngag bcu gsum po// gang la 'dul ba'i thabs su bstan// so so rang rig ngos bstan pa// mkhyen ldan bla ma'i zhal las shes// thabs kyi rim pa gang dang gang // ji ltar yin pa de ltar 'jug/ 'dod 'byung rin chen 'phrul gyi dbyig/ rtsol med gnas pas thob par 'gyur// ngo bo rang gsal dmigs med de// rang gsal chos dbyings brjod bral dang // yul med mtha' bral rang byung klong // gnyis med rig pa gcig la rdzogs// rig pa'i 'khor lo gsal ba'i gter// 'du shes bral bas dbyings su rdzogs// ting 'dzin yengs med tshig rdzogs la// gnyis dang gcig gi 'dzin mi 'jug/ ma bcos spros bral mnyam nyid la// phyogs ris 'dzin rtog gdod nas stong // mtha' bral rang gsal snying po la// bsgom dang mi bsgom 'du shes bral// rang rig rang gsal rdzogs lung la// gnyis pa'i 'du shes rnam par bcad// brjod

  380. 190b

    bral rang gsal rig gsungs la// brjod dang mi brjod 'du shes spangs// phyogs med rang gsal ye shes la// 'du shes mi mnga' gcig gi gter// rang gsal 'bras rdzogs snying po la// dngos grub nyi ma'i 'od ltar 'char// mkhyen bral gzigs med ye shes spyan// dgongs med snying po'i don la gzigs// ma 'dres mkhyen pa'i snying po las// 'dod dgu'i byin rlabs char du 'babs// nam mkha'i klong yangs ji bzhin du// brjod med klong la thams cad rdzogs// gsal ba nyi ma'i snying po ltar// rang gsal byin rlabs dbyings su rdzogs// 'dod 'byung rin chen phung po ltar// phyogs ris mi mnga' yongs kyi gter// rtsal chen rdzogs pa'i seng ge ltar// rtsol bsgrub zil gnon gcig tu rdzogs// 'phur skyen mkha' la 'gro ba ltar// bgrod med sa rnams cig char non// gza' bral rig pa'i dbyings su rdzogs// thams cad gsal snang rig par rdzogs// mkha' la gza' skar bkram pa ltar// ma 'dres rang gsal dbyings su rdzogs// rdo rje sems dpa' de bzhin gshegs// ma bcos ji bzhin rig pa'i klong // shes par gyis la rang dgar zhog/ spros med rgyu rkyen rten bral ba// nam mkha' rang byung stobs po che// rang byung gzhan med rang gi dbyings// gang ltar bzhag pa de ltar yin// rang gsal nyi ma kun la

  381. 191a

    snyoms// mtha' bral nam mkha'i snying po ltar// gsal la brtags na dmigs dang bral// mi g.yo 'dzin bral mnyam nyid gter// rang byung bstan pa rang las 'char// rang gsal 'khor lo rang la bskor// rang gsal nyi ma kun gyi gter// kun la gnas so brtag bral dbyings// zhes gsungs so// nam mkha'i mtha' dang mnyam pa'i rgyud chen po las/ rin chen shes bya gter gyi le'u ste bzhi pa'o// // de nas sems dpa' rdo rjes rdo rje sems dpa' chen po la 'di skad ces gsol ba btab bo// rang gsal nyi ma 'od kyi mchog/ mdzod dgu rig pa'i gter dang ldan// lhun grub bya bral rdzogs lung las// mdzod dgus 'dod pa char phob la// nyon mongs ye shes gcig tu snang // gcig la dgur phye bshad du gsol// de nas rdo rje sems dpa' chen pos 'di skad ces bka' stsal to// kye sems dpa' chen po// thig le gcig la gnyis su phye// dben pa gcig la sgro skur byung // 'gro drug gcig la so sor bltas// mdzod dgu rig pa'i gter la bsgribs// thig le yongs kyis zlum po la// 'khor dang myang 'das ye nas med// 'khor ba byang chub snying po la// sdug bsngal kun bzang rol par shar// de nyid spros med thig ler gsal// gsal yang mi mngon dbyings su thim// chags sdang gti mug nga rgyal

  382. 191b

    dang // gang phyir phrag dog chen po ni// btsal med ye shes lngar gsal bas// ye shes nyi ltar kun la brdal// 'dod lnga yul lnga kun gyi gsos// rang byung thugs rje yongs kyi gsos// rang gi rol pa rang la snang // rang gi longs spyod rang la mdzad// ma rig 'thibs pa'i 'gro ba la// snang gsal sgron ma rang bzhin 'char// 'khor ba nyid na ye sangs rgyas// sdug bsngal longs spyod bde ba'i rgyan// gdod nas ye shes rang gsal la// gnyis su btags pa 'khrul pa'i lam// sku dang gsung thugs phrin las kun// rig pa gsal ba'i dbyings la gsal// mkha' la bya lam 'dra ba yi// nam mkha'i dbyings thim gsal mi 'gyur// zhing khams dbang thob rdzu 'phrul yang // mnyam nyid rig pa'i gter la rdzogs// mdzad spyod dgongs pa mtha' yas kyang // rang gsal ye shes ngang la gnas// rang bzhin gnyis med mkha' ltar brdal// mdzad pa'i byin rlabs skar ltar bkram// thugs rje'i byin rlabs 'od ltar brdal// rang gsal dang la 'du 'bral med// rig pa'i ye shes nyag gcig la// byin rlabs yid bzhin nor bu ltar// 'gro drug rang snang 'khor tshogs la// 'bras bu nam mkha'i char bzhin 'bab// gnyis med gcig gi rang bzhin la// ji ltar brtags bsam 'byung bas na// rang gsal me long 'od po che// yul med gsal ba'i

  383. 192a

    dbyings su rdzogs// ye nas byang chub snying po la// yin min gnyis las sgro skur byung // de dag mi gnas mtha' bral bas// dngos la de dag kun dang bral// dper na mkha' las khab lhung ba// 'khrul pa'i ngo la snang ba las// rtog la de dag gnyis ka med// sgro 'dogs glo bur 'dogs pa'i chos// skur 'debs stong mtha' med pa'i mtha'// 'di kun log pa'i grong khyer ba// rdo la gser du zhen pa ltar// rang rang brtags snang la zhen pas// phyogs med rang snang 'bras 'dod pa// rang gsal 'bras bu rnyed re skan// de bas rang gsal mnyam pa la// rim pa med pa'i sems kyis 'jug/ sgro bral rig pa'i 'khor lo gsal// skur bral rig pa rang gsal lung // phyogs bral mnyam nyid rig pa'i gter/ 'jug med bslad med ji bzhin gnas// mnyam nyid nam mkha'i mtha' mnyam rgyud// thig le gcig tu gnas pa la// ma rtog dbang gis drug tu snang // kun kyang thig le chos nyid gsal// zhe sdang ma bcos dbyings gsal na// dmyal ba'i me lce 'od 'bar yang // sdug bsngal dngos la ma grub pas// ma bcos dbyings las gzhan ma yin// nga rgyal mngon mtho lhar gsal nas// longs spyod bde sdug so so yang // ma bcos ngang la gnyis med pas// gnyis med ngang la lhun gyis rdzogs// 'dod chags zhen 'jug

  384. 192b

    brtags pa yis// gling bzhi mi yi longs spyod dang // bde sdug 'khor ba'i sdug bsngal yang // rang byung ngang la gnyis med pas// rang gsal ye shes snying por rdzogs// gti mug 'thibs shing bsgribs dbang gis// byol song gnas su lhung gyur kyang // sdug bsngal dngos la mi gnas pas// de dag rig pa'i 'khor lor rdzogs// ser sna chags bcings 'bras bu yis// zas dang longs spyod phongs pa dang // 'dod pa yid du mi 'ong ba// dngos la de ltar gnas ma yin// phrag dog gdug rtsub dbang gis ni// 'thab rtsod 'khrug pa'i sdug bsngal de// rang byung dngos la mi gnas pas// rang gsal rig pa'i 'khor lor rdzogs// kun gzhi ma skyes chos dbyings la// rig pa rang gsal mdzod dgur 'brel// rin chen klong dgu thugs la gsal// rang gnas rig pa'i gter la rdzogs// ma bcos spros bral chos kyi gter// kun 'byung rin chen phung po la// 'phel 'grib med pa nam mkha'i ngang // kun gzhi chos kyi mdzod du gsungs// 'byung lnga ngo bo ma skyes pa// de nyid dpa la rang byung zhing // kun khyab kun spyod kun gnas pas// nam mkha' 'byung lnga skye 'gro'i mdzod// chos sku mkha' ltar dag pa las// byin rlabs sna tshogs rgyun mi 'chad// rang gsal ngang du kun 'dus pas// chos skra byin gyi rlabs kyi mdzod// blta med

  385. 193a

    rang gsal gza' gtad med// lta ba kun gzhi'i rtsa yin pas// bltar med kun bral nyag gcig po// lta ba klong yangs mnyam pa'i mdzod// zin chags bral ba'i bdud rtsi la// glang chen chur zhugs lta bu yi// bab col re dogs bral ba la// spang len bral ba spyod pa'i mdzod// bskur med rang thob dbang gi mchog/ lam dang sa la mi bgrod de// khyung phrug sgong skyes ji bzhin pa// rgyal thabs spyi blugs dbang gi mdzod// byar med gdod nas byas zin la// bya med rang gsal phrin las 'di// kun tu ma yengs rang gnas pa// phrin las lhun gyis grub pa'i mdzod// rang gsal ma bcos dkyil 'khor la// ma bskyed gdod nas sku gsung thugs// rang gsal mi rtog ting 'dzin dang // bskyed med dkyil 'khor chen po'i mdzod// mkhyen pa'i ye shes rang 'char la// shes rab gsum gyi tshul gyis 'jug/ ye shes gsang ba'i gter 'dzin pas// ma bcos rang gsal ye shes mdzod// dgur snang tshig rdzogs khyad par che// rin chen phung po mnyam pa'i dbyings// rin chen mdzod sgo kun phye bas// rin chen dbyig gi gter dang phrad// khyab gdal nam mkha'i byin rlabs las// nyi ma'i 'od kyi dkyil 'khor shar// rig pa rang byung nyag gcig las// gdul dbang bsam pa'i khyad par gyis// me gcig skar khung du ma

  386. 193b

    bzhin// gcig la dgu yi tshul du snang // rig pa klong gi don la 'dus// dpag med dus gsum rgyal ba rnams// ma rtogs don la dgongs pa'i phyir// rdzogs chen glegs bam tshul bzung ste// gdul bya kun gyi mdun na gnas// ji ltar 'od dang 'od can ltar// thugs rje nam mkha'i mtha' ltar gdal// gnyis med ye shes gcig la rdzogs// re skong yid bzhin nor bu'i tshul// mdzod dgu rig pa'i gter chen la// rig can dbang thob gang zag gis// brda don 'byed bkrol rim pa 'dis// dus gcig 'dod spyod dgyes par gyur// ji srid gang dang gang snang ba// de srid sems kyi rnam grangs te// gcig gis kun grol thob pa ni// 'phrul gyi skyes bu'i dpe dang mtshungs// 'dod 'byung rin chen phung po ltar// kun la phyogs ris med par gsal// rin chen khang pa sgo mang bzhin// don gcig 'jug sgo bsam mi khyab// ces gsungs so// nam mkha'i mtha' dang mnyam pa'i rgyud chen po las/ mdzod dgu rin chen gter gyi le'u ste lnga pa'o// // de nas sems dpa' rdo rjes rdo rje sems dpa' chen po la 'di skad ces gsol to// dus gsum sangs rgyas thams cad kyi// 'dod 'byung nam mkha' mdzod kyi bdag/ sku gsung thugs kyi dbyings la rol// 'gyur med ngang la rtag tu bzhugs// mgon po khyod la gsol ba

  387. 194a

    ni// rin chen dbyig dang 'phrad bya'i phyir// rin chen phung po rang gsal don// gang gis gsal ba bshad du gsol// zhes gsol to// rdo rje sem dpa' chen pos 'di skad ces gsungs so// kye sems dpa' chen po// nam mkha'i mtha' dang mnyam sbyor ba'i// nam mkha' rgyas pa'i mtha' bzhin du// mtha' dbus med pa'i snying po la// ji ltar bsam pa de ltar 'byung // gsang ba'i rgya mtsho rin chen dbyig/ thabs sbyor rang gsal bsam mi khyab// rang gsal 'od la rtag tu bzhugs// rin chen 'phrul gyi dbyig la brtag/ rdo rje'i lung dang mi ldan par// gsung gi nying khu bral ba yis// rang gsal rig pa'i 'khor lo la// bskal par brtags kyang don mi rnyed// rna brgyud thugs kyi rin chen la// rig sbyor thugs kyi rnal 'byor pas// bla ma rdo rje srog tu 'dzin// yo byad snying pos mnyes byas te// sgo gsum bran khas blangs na// rin chen dbyig dang phrad byas nas// brda don dgrol ba'i rim pa yis// rgyal thabs rig pa tshangs dbang gis// skad cig sangs rgyas sa dang 'phrad// bde ba phrag brgya'i don thob nas// dus mtha'i skad cig nyid la ni// phyogs bcu'i zhing khams khyab par gsal// rang gsal rig pa'i sgro skur bcad// 'du shes bral ba'i dbyings la rdzogs// spros bral mtshan ma'i 'du shes

  388. 194b

    bcad// rnam dag gsal ba'i ye shes la// mtha' yi mun pa ma bsal dag/ brda don sprad pa ma gtogs pa// mtshan ma sgra yi rjes mi 'jug/ rang gsal nyi ma'i snying po ltar// gsal yang 'du shes med par gnas// nam mkha' mi 'gyur rtag pa ltar// kun 'byung rtag chen 'gyur med klong // rdo rje sems dpa' lha bzhin du// bsgom dang bral ba'i dbyings su rdzogs// 'phrul dga'i longs spyod tshul de bzhin// rang las 'phrul zhing 'dod dgur bsgyur// rgya mtsho'i gzings kyi bya rog ltar// bskor zhing rang gi dbyings la thug/ thub dbang nor bu de ji ltar// gang ltar bstan pa de ltar ro// spyi gtsug nor bu ji bzhin du// ma btsal rang gsal dbyings la gnas// bcud 'dzin rin chen gter bzhin du// sgro bsdu g.yo med ji bzhin gsal// dbyings la gsal ba'i 'od bzhin du// ma 'dres rang gsal 'du shes bcad// rgyal ba'i gtsug tor ji bzhin du// bltas pas thug med nam mkha'i dbyings// snang srid gsal ba'i me long ltar// tha dad gsal yang dbyings la rdzogs// ka la ping ka'i lam gnas bzhin// gang ltar bgrod kyang bsam bral dbyings// bu mo dga' ba'i ro bzhin du/ khyab par gsal yang nyams myong med// rin chen shel gyi sa gzhi ltar// cir gsal mi g.yo rdzas bral dbyings// rgya mtsho 'du ba'i yang lbu ba'i snying po

  389. 195a

    ltar// sna tshogs sgo ni gcig tu mnyam// nyi zla 'bar ba'i 'od bzhin du// phyogs ris med de rang gsal dang // nam mkha'i ngo bo ji bzhin du// brtag cing gzung ba'i mtha' dang bral// rang gsal spros pa rnam par bcad// dmigs bral kun snang rnam kun bcas// rgya mtsho'i 'phro 'du byin rlabs ltar// rang las byung zhing rang la 'dus// phyogs ris mi mnga' yongs kyi gter// gsal ba'i byin rlabs bsam mi khyab// mtha' gsum gsal pas dbyings la thug/ dper na rin chen gser gling ltar// kun tu snang yang gcig la rdzogs// rang gsal rig pa cir mi dgongs// rin chen khang pa'i sgo mo la// kun nas kun tu mnyam sbyor bas// gang ltar phyin kyang rin chen gcig/ de yis dbyig de thob par 'gyur// rgyal sras nus pa'i skal ldan gyis// rang gsal kun gyi 'od la bzhugs// zhe sdang kun 'joms ting nge 'dzin// gti mug chen po de bzhin te// 'dod chags kun sgor de nyid dang // nga rgyal gdeng gsum ldan pa dang // phrag dog mi chung don lnga yang // rang gsal 'od la 'dus te bzhugs// gcig gi don la lngar snang ba// dga' ba'i ro yis khyab dang 'dra// rtog dpyod bral ba'i chos dbyings la// 'od gsal rig pa'i gdeng gis gnas// bsam bral nam mkha'i snying po la// rtsol bral

  390. 195b

    mnyam pa'i yid kyis 'jug/ mthong med rig pa'i kha lo bsgyur// yi ge mthong ba'i don du mthong // mtshan ma'i sgra yi rjes 'brangs nas// spros bral rig pa'i don dang 'gal// ma btsal rang byung 'od gsal bas// mtha' dbus med pa'i dbyings la thim// gsang dang gsang chen rab gsang ba// rang gsal spros bral gcig la 'dus// ye shes rang gsal rig pa'i 'od// phyogs ris mi mnga' yongs la snyoms// mnyam nyid rig pa'i ngo bo ni// gang yang yin no rnam kun bcas// rang rig 'pho 'gyur med pa la// ji ltar gsal yang 'di zhes med// kun gsal me long 'od po che// ye shes rdzogs pa'i ngo bo la// ye nas thig le chen por gsal// bdag gzhan ye shes dbyings su rdzogs// rgyal po kun gyi dbang po ltar// bla ma dam pa rdo rje 'dzin// rdo rje sems dpa' mngon byung ba// 'phrul tshig rig pa'i sgron ma yis// gter khyim dpal be'u'i sgo phye nas// skye ba med pa'i brda don sprad// bgrod pa med pa'i sa la bzhag/ 'chi ba med pa'i chos skur ston// rtog pa'i shes rab glo skar du// rang gsal nyi mas khyab par gad la// rin chen par bu sgo phye la// rdo rje sems dpa'i thugs bcud bsgoms// thabs sbyor rig pa'i sgo bkrol te// ye shes gsang ba'i man ngag bstan// sgra tshig med pa'i rig pa yis// rang gsal rig pa'i

  391. 196a

    'od la bzhag/ rtsol bsgrub bral ba'i 'bras bu sprad// 'di ltar ston pa'i slob dpon ni// lus srog dbang po sha rus khrag/ bskal par btang yang mi phangs na// bu dang chung ma nor gyi dbyig/ bran pho bran mo smos ci dgos// dam pa rgyal bar mi 'dzin na// dpag med rgyud la mkhas gyur kyang // de nyid gshed gyur snying dral nas// nges par rdo rje'i khab tu lhung // mgyogs 'gro so mtshams 'das dang 'dra// 'khor ba'i gting du ltung gyur nas// dam pa de la ma brten par// thar pa'i skabs ni mi srid do// rdzogs chen rna brgyad man ngag la// bla ma'i man ngag mi ldan pas// log rtog shes pas dpyad pa ni// nges par ltung 'gyur the tshom med// rang bzhin ngan pa'i mi rnams dang // thos chung sgra la goms med dang // theg pa dman pa'i skye bo dang // rdo rje slob dpon smod pa dang // rdo rje spun la 'khu ba dang // rang gsal don la skur pa dang // khe grags che ba'i rgyu bsgrub dang // chos la dgag sgrub byed pa dang // don med sgra la gnyer ba dang // don med slob dpon dbang 'dod la// nam mkha'i mtha' dang mnyam pa'i rgyud// yang gsang thugs kyi man ngag 'di// bshad cing nges par bstan byas na// dam shod gling gi dur khrod du// DA ma ru la 'du ba ltar// mkha' 'gro rna nyan 'dus pa yis// 'chi ba'i dus min

  392. 196b

    sngon rol du// sha khrag mngon du bza' ba dang // mi bzad drag po'i sdug bsngal gyis// 'chi dang nges par srog bcad nas// rdo rje'i khab tu nges par 'gro// byang chub sems dang ma ldan par// thar bar mi 'gyur skyabs dang bral// de phyir nges par dbang thob pa'i// rgyal sras nges pa gcig la gtad// ces gsungs so// nam mkha'i mtha' dang mnyam pa'i rgyud chen po las/ rig pa gsal byed dpe'i le'u ste drug pa'o// // de nas sems dpa' rdo rje des rdo rje sems dpa' chen po la 'di skad ces gsol ba btab bo// dus gsum sangs rgyas thams cad kyi// ye shes chen po rang gsal bdag/ 'phrul tshig brda yis mtshon pa'i phyir// brjod bral rig pa'i ngo bo la// 'angon byas gdams ngag rim pa yis// gsal bar nges par gsung du gsol// zhes gsol to// de nas rdo rje sems dpa' chen pos 'di skad ces gsungs so// kye sems dpa' chen po// nam mkha'i mtha' dang mnyam pa'i rgyud// rdzogs chen thugs kyi klong gi mchog/ dmigs dang thabs gsol gnas pa ni// skyon yon rim pa brtag pa gces// nam mkha'i dbyig gi gter 'chang zhing // rang rig rang gsal mi g.yo thugs// ma bcos 'od gsal 'od la bzhugs// mi gnas rtog bral cir mi dgongs// bsam bral dpyad med don mnga' zhing // rig pa ma

  393. 197a

    bcos dbyings la 'jug/ bsam med rig pa'i gdeng gis gnas// bsam med dpyad med sa le ba// dmigs med don la rtag tu bzhugs// rgyal thabs tshangs pa'i man ngag gis// 'khor ba ma bcos gnas su sbar// gtad 'dzin bral ba'i blo yis ni// rnam rtog ye shes snying po mkhyen// sgrib med gsal ba'i ye shes la// bcos med rig pa'i blo yis 'jug/ snying rje thabs mkhas spyod pa yis// ma lus ma bcos rig par gsal// gang dang gang gi thabs nyid kyis// bsam pa de de rim sbyar nas// mos 'jug tha dad dbang gis na// dus gcig 'gro lnga byang chub lam// spros bral rig pa'i dkyil 'khor la// bcos med rig pa'i sems kyis gnas// byar med lhun grub phrin las la// bya btsal med par rang bzhin gnas// de bzhin nyid kyi dbyings nyid la// ma bgrod lam kun rdzogs par gsal// 'phrul tshig rig pa'i sgron ma yis// bsam pa bye brag ji bzhin gsal// dbang dang byin ldan thabs mkhas pa// rdo rje mchog gi rnal 'byor ro// yon tan bcud 'dzin rdo rje la// dam par gnas pa'i gang zag gis// g.yo sgyu ma dad sems bral zhing // 'bab chu dge slong tshul 'dzin pas// sgo gsum dran pa'i sgo nyid nas// lus dang ngag sems yo byad dang // zhing dang bran pho bran mo dang // chung ma gser dngul rin

  394. 197b

    chen lnga// bu dang bu mo rkang 'gros 'bru// phangs med bsam pas gtang bar bya// de nas spyod dang bstun pa dang // ba spu ldang dang nyams bskyed dang // yun ring dam la mi gdags dang // dregs pa bsal dang smyung bar bzhag/ gang zhig de la dbab pa dang // khas len bskrad dang gzhu ba dang // bkru dang byugs bdug mtshang 'bru dang // dbrog dang khyad gsod mna' dor dang // thams cad bka' mi gcog pa yi// dam bcas bco brgyad sbyang byas la// mgon po rang gsal thugs mnga' zhing // rang gsal 'od la mnyam du gnas// spros med blo yis gcig tu go/ rdzogs chen rang rig gsal la bdud/ khyod kyi ye shes snying po la// rang rig rang gis mtshon pa'i phyir// ma brjod rig pa'i gsung gis ni// bdag la rig pa'i don gsal mdzod// rang la rang gsal nges rtogs pa'i// ma bcos rig pa'i bu khyod la// rtsol med rig pa ngo bstan gyis// blo yi gting du go bar byos// gal te dam tshig 'das pa la// gsang ba'i ye shes nges bshad dam// rdzogs chen rna brgyud nges bstan na// bam+ba ra yi 'bru bzhin 'gyur// de ma thag tu brlag pa dang // mkha' 'gro dam can 'dus gyur nas// dur khrod 'bar ba'i ro gling du// gcan gzan 'dus nas rol bzhin 'gyur// rdo rje bla ma spangs pa nyid// nges par ya nga'i gnas su 'gro// de la

  395. 198a

    brten cing lam ltos pa// smos ci dgos te rigs dang bral// nges ldan de yis sngon 'gros sbyangs// yon tan kun tshang bu mchog la// dbang bskur byin brlabs nyams byin na// nyi ma stong gi 'od ltar 'gyur// kun gyi dbang bskur gnang thob nas// ye shes rang gsal 'od la bzhugs// bde ba phrag brgya'i ro myong nas// de nyid tsam gyis rdzogs sangs rgyas// rtsol med gnas pa'i rnal 'byor la// klung du zhugs pa'i rig pa yis// bcos med 'od gsal nyid du gnas// nam mkha'i mtha' dang mnyam sbyor bas// yon tan grangs med snying por rdzogs// de ltar bla ma mnyes byas nas// rin chen dpal be'u'i sgo phye ste// gang ltar yin pa'i thabs nyid kyis// rin chen ngo bstan drod tshad bshad// brgyud pa thabs kyi me long gis// mngon gsal rin chen 'bar ba la// mtshon zhing brtags pa ma yin/ yang // 'dul dbang ngo la de ltar gsal// thig le 'od gsal ting 'dzin gyis// tha dad dmigs gsal gcig la gnas// gnas med rang gsal ye shes pas// 'bab chu 'dra ba'i man ngag sbyin// mi gnas drag po'i blo nyid la// glang chen rtod pa'i man ngag sbyin// der yang mi gnas 'gro ba la// glang chen phyal ba sbyin par bya// 'dzin med yal ba'i gang zag la// gzungs ldan rig pa'i man ngag sbyin// thabs dang

  396. 198b

    shes rab rtag 'char bar// kha sbyor bar bu'i gdams ngag sbyin// skal med dbang po dman pa la// shin tu gdams pa'i man ngag sbyin// phyi nang g.yeng ba'i gang zag la// bgrang dang bzung dang brtag pa dang // thun mong rlung gi man ngag sbyin// blo ldan rtogs pa'i gang zag la// 'phrul gyi me long man ngag sbyin// chags zhen 'dod pa'i rigs can la// rin chen bde bskyil man ngag sbyin// rtag 'dzin de nyid rigs can la// ngo bo brtags pa'i man ngag sbyin// shes ldan dbang po dul ba la// brda ldan rig pa'i man ngag sbyin// yul la zhen pa'i gang zag la// dbang po rtul po'i thabs kyis bstan// tshig la dga' ba'i gang zag la// sgra la brtag pa'i man ngag bstan// rgyun du mnyam 'jog 'dris pa la// spyod lam rgyun gyi gdams ngag phog/ blo ldan skal can yang rab la// chu sred lta bu'i man ngag sbyin// 'dzin rtsol bral ba'i rig pa la// 'jug med rig pas de ltar blta// 'od gsal ma bcos dang du bzhag/ rjes mi 'brang zhing yul mi 'tshol// rang gsal rkyen bral cis mi 'khrugs// rang la mi bsam dbyings mi tshol// 'du shes kun bral gsal ba'i 'od// phyogs bral kun khyab dmigs su med// re dogs bsam sbyangs mtha' las grol// phyogs bral nyi 'od 'bar ba ltar// byin rlabs yongs su khyab par

  397. 199a

    brdal// nor bu rin chen 'bar ba ltar// kun la da lta nyid du ston// rtsol bral rig pa rang gsal la// 'byung 'jug 'dzin pa kun dang bral// zhes gsungs so// nam mkha'i mtha' dang mnyam pa'i rgyud chen po las// don gnyis gtan la dbab pa'i le'u ste bdun pa'o// // de nas sems dpa' rdo rjes/ de bzhin gshegs pa rdo rje sems dpa' la 'di skad ces gsol to// dus gsum sangs rgyas thams cad kyi// sku gsung thugs kyis khyab pa'i sku// rnam par rtog pa mi mnga' bar// mtshan med ye shes nyid sbyangs nas// ngo bo rang gsal rig pa yis// nyams rtogs nus pa dam pa rnams// rang gsal nyid du rtogs bya'i phyir// mgon pos bdag la bshad du gsol// zhes gsol ba btab bo// de nas de bzhin gshegs pa dgyes pa chen po rdo rje sems dpas 'di skad ces gsungs so// kye sems dpa' chen po// ji ltar snang ba thams cad kun// rang rig ye shes dkyil 'khor la/ brtags pa'i tha snyad kun dang bral// phyogs bral mnyam pa'i snying po las// gang ltar bltas pa de ltar gsal// 'dzin med kun bral nyag gcig po// ye shes gsang ba'i ngo bo la// brjod dang snang ba'i chos so cog/ rang gsal ye shes rdzogs pa'i ngang // gnyis med gcig gi rang bzhin la// mtshan ma'i tha snyad kun dang

  398. 199b

    bral// rang gsal thabs kyi me long la// 'gag med kun go gzugs brnyan 'char// de nyid ma bcos rang gsal lung // sgro bral rig pa'i gdeng la gnas// ma bcos rang gsal mkha' ltar dag/ mi gnas nam mkha' lta bu'i tshul// gdod nas dag pa chos kyi dbyings// rang rig rang gsal dbyings la bzhugs// mtha' dang dbus bral gnyis med lam// ma chags dag pa rig pa'i gnas// 'od gsal kun gyi gzhal yas la// tshad dang dpag pa'i yul las 'das// mi bsam mi dpyad rang gsal mchog/ rig pa 'gyur med dag pa'i sku// brjod med rang gsal khyab gsal gsung // yon tan phrin las btsal du med// bya bral brjod med chos kyi dbyings// kun la gsal te 'du shes med// rig pa ma bcos 'dzin rtsal spangs// ji bzhin mnyam nyid rig pa'i klong // gsal ba rang rig dkyil 'khor la// 'gyur 'jug kyang med rig pas cig char gsal// gsal dang mi gsal 'dzin mi 'dzin// tha snyad bcad pa'i shes pa'o// rten dang bral ba'i rang bzhin gyis// cir yang gsal la dmigs su med// rang gsal rig pa'i bde ba ni// mtshan ma'i sgra yis mi mtshon te// nyams myong gsal ba bstan med lung // dga' ba'i ro dang mtshungs par gnas// rig pa'i gzhal yas rgya bral na// mtshan med 'od gsal rtag tu bzhugs// ji

  399. 200a

    bzhin klung la ji bzhin 'jug/ mnyam pa med pa'i sems kyi gnas// gang du'ang mi gsal gcig tu gsal// gcig po ye shes rang gsal dang / rig pa spyi blugs rang 'char bas// yul dang yul can tshul mi gnas// rang la mi gsal gzhan mi gsal// gnyis ka ma yin mtha' bral lung // sgro skur gnyis bral dag pa la// bslad med rang byung dang la 'jug/ rig pa rang gsal nyams ldan na// mtshan ma dag la dga' brod med// 'jigs dang mi 'jigs chos med de// ci la'ang 'jug pa'i yid mi 'byung // gnyer med chu rlung rang gsal la// g.yo med spyod lam rtag tu gnas// dmyal ba'i 'khor lo mi bzad pa// rang gsal ye shes ngang du mkhyen// rig pa spros bral chos dbyings la// sdug bsngal drag po mi bzad dang // bde ba'i longs spyod cir byung ba// ye shes rol pa nyid yin pas// rang gsal gnyis med ngang du gsal// rang byung ma bcos shes rab kyis// rig pa rang dbang rgyal po des// mnyan bsam med par phul du phyung // gzhan gyi shes rgyud grol bar nus// gnyis med ye shes chen po la// gnyis 'dzin rig pa rjes mi 'jug/ 'od gsal bde mchog ma yin pa// rnam rtog mtshan ma'i chos mi gnas// mya ngan 'das la mi phyogs shing // 'khor bar skyo ba'i sems mi gnas// bar mtshams med

  400. 200b

    pa'i ting 'dzin la// 'dzin med blo yis gsal bar gnas// yengs med 'du 'bral mi gnas pas// bcos med snying po lhun gyis grub// nus pa'i bye brag mtha' yas te// rdo rje rin chen 'bar ba ltar// ma lus zil gnon gcig tu rdzogs// nyi ma'i snying po'i 'od bzhin du// 'khor ba'i ye shes rang gsal dang // gser rdzas kha dog dbyibs bzhin du// dge sdig las kyis bcos med do// 'dab chags nam mkhar gnas pa ltar// 'khor ba'i gcong rong lam du bde// sgyu ma'i cho 'phrul ji bzhin du// rang gi ngang las g.yos med gnas// 'gro kun 'dren pa'i mthu yis ni// ngan par mi ltung byin gyis brlabs// rang gsal nus mthu bsam mi khyab// ye shes rang gsal 'gro 'od med// thugs rje rang gsal phyogs ris med// ting 'dzin rang gsal dmigs dang bral// rang gsal nyid la nyid mi 'jug/ 'ching grol med pa'i rang gsal ba// rnam rtog bskyod pa'i rlung mi gnas// gsal la mar me'i tshul nyid la// 'du shes med pa'i sems nyid 'jug/ cir yang mi bsam cir mi dgongs// gang yang ma yin de ltar yin// mtha' bral nam mkha'i rdo rje la// dmigs gtad 'jog pa nor ba'i lam// ye shes snying po nyi ma shar// rang snang rig pa gter la rdzogs// mtha' dang dbus dang phyogs bral la// de dag mnyam pa'i

  401. 201a

    sems mi 'jug/ 'jug tu med pa'i 'od gsal la// gnyis med rig pa gcig gis 'jug/ ji ltar chu la chu bzhag ltar// gnyis med gnas tshul de ltar bzhag/ 'khor ba ye shes snying por gsal// 'khor ba sel ba'i nyi ma la// mtha' yi mun pa gdod nas stongs// ye shes gsal ba'i nyi ma ni// kun tu gdal la dmigs dang bral// ci yang ma yin thams cad yin// phyogs ris med pa'i thugs rje ni// nam mkha'i mtha' ltar kun tu gdal// ye shes rgya mtsho mu mtha' med// grol ba'i dkyil 'khor yongs rdzogs ldan// rang bzhin bcos med snying po'i sku// ma 'phros nyi zla'i dkyil 'khor ni// btsal med nam mkha'i ngang na gsal// ji bzhin rang gsal dkyil 'khor ni// bcos med dbyings na rang bzhin gsal// mngon par mtho ba'i spyi gtsug la// mtha' yi blta bas reg tu med// bcos dang ma bcos de nyid mtha'// dbus mtha' med pa de bzhin nyid// gang la'ang mi gnas dbyings na gnas// dbyings de ma bcos zhi ba'i sa// gdod nas stong pa'i rang bzhin la// stong dang mi stong 'du shes bral// ma bsams pa nyid bsams pa'i mtha'// mtha' dbus bral ba'i ye shes la// mtha' dbus yod med bsnyad mi gdags// bskyod med ye shes 'od po che// 'khor ba rang gsal nyid du 'bar// kun 'byung nam

  402. 201b

    mkha' lta bu'i ngang // snang srid ye shes gsal bar gnas// gang dag cir gsal ye shes nyid// ye shes gsal ba'i 'khor lo la// ma rig sgrib pa ye nas med// kun bzang rig pa'i 'khor lo ni// ci yang yin no 'gag pa med// bsam dang bral ba'i chos nyid la// bsam zhing dpyad pas yul mi bskyod// rang bzhag lhug pa'i ting 'dzin la// sems kyi 'phro 'du'i las mi byed// rang gsal klong la ye gnas pa// bcos med byang chub mchog gi lam// gang ltar 'gyur ba'i rin chen ni// rjes su med de de ltar snang // rang snang sems kyi dkyil 'khor las// thar pa'i dkyil 'khor 'bum phrag yas// ma bgrod ye shes dbyings la gnas// mi bsgom rig pa cig char 'jug/ rang sems gsal ba ma yin pa// gnyis med bral ba'i chos mi gnas// rol pa 'gag med cir yang 'byung // rig pa spros bral dbyings la 'dus// brjod pa sgra yi 'khor lo can// sgra yis don nyid dbyings la 'bebs// kun 'dus sems kyi me long la// 'dzin bral rig pa cir mi dgongs// rang gsang thabs kyis chod pa la// ye shes gsal ba'i don mi snang // zhes gsungs so// nam mkha'i mtha' dang mnyam pa'i rgyud chen po las// rig pa rang gsal gyi le'u ste brgyad pa'o// // de nas sems dpa' rdo rje dam pa des// de bzhin gshegs pa

  403. 202a

    rdo rje sems dpa' la 'di skad ces gsol to// kye ma'o sangs rgyas thams cad kyi// rig pa'i ye shes gsal ba la// gnyis med dag pa'i don mi snang // gang phyir sgrib pa bshad du gsol// zhes gsol pa las/ de nas de bzhin gshegs pa rdo rje sems dpas 'di skad ces gsungs so// ye shes gsang ba'i rang bzhin la// rnam rtog dra bas so sor bcings// de nyid rang gsal ma rtogs pas// log pa'i grong khyer nyid du ltung // zhes gsungs so// kye sems dpa' chen po// sangs rgyas kun gyi ngo bo nyid// gnyis med ye shes gsang ba'i don// nam mkha'i mtha' dang mnyam sbyor ba// ye shes kun snang me long ni// 'khor min mya ngan 'das pa min// ye shes 'od gsal rig pa'i mkha'// sangs rgyas sems can thams cad la// rang gsal rig pa ye shes ni// kun la khyab par ye nas byung // gang yang ma yin de gzhin nyid// chos nyid spros bral 'gyur dang bral// rtog bral ye shes snying por gsal// dper na chu ru gcig pa la// rkyen dang phrad dang ma phrad kyis// nus pa so sor snang ba ltar// rgyal ba'i ye shes rang gsal la// rtogs dang ma rtogs khyad par de// dngos la de dag mi gnas kyang // bsam pas 'dul ba'i ngo la grags// rang gsal rig pa'i mthu med pas// 'jig rten 'das dang 'jig rten

  404. 202b

    pa'i// lta ba'i khyad par bsam mi khyab// dngos la 'od gsal rig par 'dus// ji bzhin rig pa'i mthu med pas// bdag dang byed po dbang phyug dang // rang gzhan dus dang glo bur tshul// yod med rtog pa log pa'i chos// don la de dag kun dang bral// dge dang sdig pa rnam phye nas// blang dor byas pas mngon par 'joms// gong 'og tshul gyi rim pa can// thob 'dod byas pa ngal ba'i rgyu// bden bzhi bcu drug lam brten nas// nyon mongs rnam par spangs byas te// rgyun zhugs la sogs rim thob pa// byis pa ngal ba don med yin// rten 'brel dag pa'i rgyur byas nas// gnyis med chos la gnyis bzung nas// srid pa'i 'khor lo dgag ces pa// dgag bsgrub byed pa'i don dang 'gal// gnyis med don la gnyis bzung nas// bskal pa grangs med gsum nyid du// sa bcu lam lnga pha rol phyin// sbyong bzhi gnyis rtog spang len can// rang sa thob kyang mthar ma phyin// gnyis med rang gsal don las nyams// chos dbyings ye nas gcig pa la// dag pa nyid dang ma dag pa// spang len ye shes gzung 'dzin gyis// rdo rje 'dzin thob 'bras mthar phyin// 'od gsal kun mkhyen don ma rig/ ye shes gsang ba'i don ma rtogs// rgyal thabs rig pa'i dbang ma thob// gnyis med rang gsal nyag gcig la// nges med gnyis kyi cha 'dzin

  405. 203a

    cing // don la nges pa'i 'bras bu gcig/ 'dod pa 'khrug pa'i rigs can de// gnyis kyis gnyis med ji ltar rnyed// mching bu gser du mi gcig dang // nges pa med pas che be la 'dra// ye shes gsal ba'i don la bsgrib// byin rlabs snang ba cho ga dgu/ dkyil 'khor bskyed dang bzlas pa dang // ting 'dzin gsal ba'i rim pa yis// stug po bkod pa'i sar 'dod pa// rang gsal don la rtog pas bsgrib// rang byung nyid la rgyu yis bskyed// ye shes skye 'gag tshul du brtags// ye shes rang snang don dang 'gal// bskyed pa rnal 'byor chen po yis// bskyed rdzogs gsum gyis mnyam sbyor nas// rig pa 'dzin pa'i lam la gnas// dbang bskur ye shes dkyil 'khor gsal// sku gsung thugs dang gzhal yas dang // spyan drangs bzlas brjod mchod pa yis// rim pas rnam rtog kun sbyangs nas// 'bras bu 'dod pas don mi rnyed// rig pa'i ye shes gcig po la// ting 'dzin gsum du 'dod pas bcings// mtshan nyid rang gsal dkyil 'khor la// zhi dang khro bor su yis phye// ye shes kun khyab brdal pa la// byon dang mi byon 'khrul pa'i chos// khams gsum ye shes rang gsal la// 'phro 'dus sgrib pa sbyang mi dgos// ma skyes snying po byang chub la// skye ba bzhi yis lhar skye 'khrul// dus gcig ye shes rang gsal

  406. 203b

    la// rim skye bde bas mtshon du med// rlung bzung dgag dang bgrang ba dang // thun mong nyid kyis sems sbyangs nas// rdzogs pa'i sems la mnyam sbyor bas// ye shes rang gsal don mi rnyed// ye shes 'dus pa'i ka ba gsum// me long bzhi brtsegs 'brel ba las// 'byed 'dzum drag tu bskul ba yis// nam mkha'i dkyil 'khor 'ben la phog/ ye shes 'bar ba'i 'od nyid kyis// mthar zug med pa kun bkug nas// ye shes thig le gcig tu 'dus// rin chen 'phrul gyi lu gu rgyud// shes ltar dag pa'i thig le can/ khams gsum 'od kyis khyab gdal nas// slar yang ye shes snying por thim// bdud rtsis nam mkha'i khams bkang nas// bde ba phrag brgya'i ro myangs nas// nam mkha'i bdud rtsi 'byongs pa yis// stong chen 'od brdal nyid gsal yang // 'di yang bcos ma log pa'i lam// g.yo byed dbang dbyibs dkyil 'khor te// gru gsum e yi dbyibs ldan gnas// de steng rin chen 'khor lo ni// me long brtsegs pa'i tshul du gnas// sum cu gnyis gnyis ldan pa yi// dbus su bsil ba'i sa bon can// zhi ba'i 'khor lo rnam par bskor// gnyis pa 'dab brgyad dngas mar ldan// chos nyid ye shes rang byung rgyud// yon tan gsum gsum re re'o// 'od zer zlum dang su tri oM// za 'og gur phub tshul du'o// mthing gshel sgong

  407. 204a

    brgyus tshul la// sbrul mig lta bu a nr-i hUM// dmar nag zla gam gzhu yi dbyibs// pre du a ru shes par bya// ma rtogs 'gro drug sa bon la// rtogs pas sku gsung thugs nyid du// gnyis med bsres pas ye shes yin// rnam bzhi shes pa brgyad kyi rten// rgyu ba'i tshul gyis shes par bya// snying po sa bon 'od 'bar nas// mi shigs thig le'i snying por gnas// dbugs rtsol rang bral gyur pa yis// ye shes brdal khyab sa la gnas// bcu gsum gnyis kyi dkyil 'khor nas// ye shes gsal ba'i dkyil 'khor spro// bcu drug 'khor los mtshams sbyar nas// thur du 'phro zhing gyen du 'khyil// bcu dang gsum bzhi'i chos kun ni// sngar gsal ye shes ro nyid do// gzungs ldan chos kyi phyag rgya la// byin brlabs dbang bskur cha rdzogs la// 'khyud sbyor rig pa'i bde ba'i ro// 'byung dang 'jug pa gnyis kyi cha// brgyad gnyis bzhi gnyis bcu drug gnyis// rang gsal lhan cig skyes pa de// 'dod chags ting 'dzin bde ba des// ye shes rang gsal rkyen bral lung // rgyu rkyen bral ba'i don mi rnyed// rgyan dang cha yi tshul bzhin 'phags// rjes su rnal 'byor tshul gyis ni// dbyings dang ye shes rang bzhin gyis// rgyu 'bras dag pa'i tshul du blta// 'od kyi ting 'dzin stobs kyis ni// rdo rje sems dpa'i sa la 'gro// rang sa 'bras bu

  408. 204b

    mngon thob kyang // mthar zug 'bras bu de la med// 'di kun 'jig rten lam yin te// rtsol bas rang gsal don mi rnyed// gnyis med dang la gnyis par bzung // rang gsal dang las mun par 'khyams// rgyu rkyen bral bar rgyu 'bras bltas// ma bcos ngang la 'dzin pas bcings// bgrod med ngang la lam gyis bgrod// gcig la bdag gzhan gnyis su bzung // 'di kun ye shes don la sgrib/ khams gsum 'khor bar de yis lhung // kun 'dus rang gsal nyag gcig las// cir bltas rang gsal dbyings la thugs// gza' gtad 'dzin bral chos kyi dbyings// rang la mi rtog de mi rtog/ 'jug med rig pa cig car skyes// kun gsal mtshan ma rig par rdzogs// gang du'ang mi gnas kun la son// zhen pa ma bcos dbyings gsal bas// 'khor ba ye sangs rgyas par mkhyen// snying rje 'du shes yul med la// gdung med rang bzhin khyab par gdal// yul dang shes pa 'byung 'jug med// rang gsal ye shes me long la// dmigs 'dzin bral ba'i ye shes kyis// dus gcig thug phrad nyid du 'jug/ gang la'ang mi gnas rang la gnas// rang yang dmigs yul rnam bcad nas// rig pa sgra la rten mi 'cha'// dbang po yul gyi rjes mi 'brang // 'di ltar gsal bar ma rtogs na// gang ltar brtags pa de ltar

  409. 205a

    min// zhes gsungs so// nam mkha'i mtha' dang mnyam pa'i rgyud chen po las/ gang gis gang la bsgribs pa'i le'u ste dgu pa'o// // de nas yang sems dpa' rdo rje dam pa des 'di skad ces gsol to// rtsol bral ye shes snying po las// phun sum tshogs par gsal ba de// khyad par ma 'dres gsal ba ru// mgon pos bdag la bshad du gsol// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// chos nyid rang byung byang chub sems// rang byung rang rig dkyil 'khor la// gnyis med ye shes chen po la// rnam dbye bsdu ba mi gnas na// rig par don la 'jug pa'i phyir// dngos dang bsam par phye ba yi// gang ltar 'tshams pa de ltar bstan// ngo bo mthong tshul gnyis kyis so// rang rig ye shes ma yin pa// rnam par bcad pa'i chos mi gnas// sku gsum rig pa'i klong du rdzogs// gnas ni spros bral rig pa ste// bstan pa rang gsal me long yin// 'khor ni rig pa'i cho 'phrul te// dus ni bsam gyis mi khyab pa// sdud pa kun 'dus rig pa'i gter// rang gsal rang la ma yin pa// phun sum tshogs pa mi gnas te// rig pa 'pho 'gyur med pa'i gter// bsam gyis mi khyab dus na shes// kye sems dpa' chen po// ston pa chos sku'i zhing khams

  410. 205b

    ni// nam mkhas gar khyab chos nyid gter// chos nyid sems nyid dbyer med pa// chos sku'i zhing khams nyid du bshad// gnas ni rig pa'i 'og min te// spros bral 'bar ba'i gzhal yas khang // mtha' dang dbus med ye shes gsal// sems can sangs rgyas kun gyi gnas// ston pa rang byung 'od gsal ba// rdo rje sems dpa' chos kyi rje// brjod med rig pa'i ngo bo yis// 'gro 'od med pa'i chos kyang ston// spros med byin rlabs phyogs bcur brdal// rig pa rang gsal ngo bor ni// ma gsungs byin gyis rlabs kyis bshad// rang gsal chen po'i ye shes su// rang gi rig pa shugs kyis go/ 'khor ni sangs rgyas nyid yin pas// gzhan nam gnyis pa'i chos mi gnas// 'od gsal rig pa'i gdengs kyi 'khor// bkod pa med par 'dus te gnas// thams cad ye shes snying po bas// nyid la 'chad cing nyid kyis 'grel// ye shes snying por kun 'dus pas// de nyid byang chub sems kyi 'khor// sdud pa rang gsal dbyings kyi klong // kun kyang rig pa'i 'od la 'dus// gnyis ka gsal ba'i rang bzhin la// ma 'dus pa yi chos mi gnas// dus ni thams cad mnyam pa'i dus// rang gsal ngo bo thog mtha' med// rang byung byang chub sems nyid la// dus gsum khyad par gcig tu 'dus// bstan pa chos kun rang gsal la// ma

  411. 206a

    bcos ma bslad 'gyur med lung // gnyis med rig pa'i ye shes nyid// rang snang tshul gyis gtan la 'bebs// ma bcos rang bzhin bzhag pas go/ snang ba gsum gyis bstan pa sgrogs// cig char 'jug pa'i tshul gyis rtogs// gang yang mi mkhyen gsal mkhyen pas// ye shes rang snang gsal bar mkhyen// ston pa longs spyod rdzogs pa ni// longs spyod nam mkha'i mtha' mnyam ste// sku gsung thugs kyang mu mtha' med// zhing khams de lta khyab pa'o// gnas ni 'og min chen po ste// spros bral rig pa'i byin rlabs las// ye shes rgyan gyis gzhal yas khang // phyi dang nang med ye shes gsal// ston pa longs spyod rdzogs pa yi// rang byung mtshan dpe rang la chags// bde ba kun la mnga' mdzad cing // ye shes dmigs pa'i ngang tshul can// 'khor ni rang rig nyid 'jog pa// sa bcu'i dbang phyuphyag 'khor nyid la// kun kyang mtshan med mnyam pa'i tshul// rang gsal don la 'jog pa'o// sdud pa gsang bdag rdo rje 'chang // rgyal ba kun gyis dbang bskur ba// rig pa'i ye shes dkyil 'khor du// sgra bral bstan pa rgya mtsho sdud// dus ni mnyam gzhag rig pa'i dus// rang gsal ngang las ma g.yos par// mnyam nyid rang gsal rig pa'i dus// 'di zhes nges par bstan du med// bstan pa phyi yi gsang

  412. 206b

    sngags gsum// dgongs pas byin brlabs brgyud pas bshad// ting 'dzin gsal bas mnyam nyid go/ rang gi ngo bos bstan par bshad// longs spyod rdzogs pa'i bstan par bshad// thugs rje'i rang bzhin sprul par gsal// zhing khams sprul pa nam mkha'i khams// yang na stong gsum 'jig rten te// 'dul ba'i ngo la de ltar grags// gnas ni nges med mtha' yas te// rigs drug rang zad de nyid la// rdo rje gad na stsogs mtha' yas par// grangs med pa gnas de nyid do// thub pa'i dbang po grangs las 'das// mdor bsdus drug snang ye shes drug/ 'dul dbang longs spyod spangs tshul gyis// 'gro ba 'dren mdzad sgron ma yis// 'khor ni lam gnyis thob pa dang // 'gro drug sems can de dag kyang // dge slong la stsogs sna tshogs gzugs// sna tshogs 'dus pa'i 'khor tshogs so// sde snod gsum gyi tshul bzung nas// mos pa tha dad dbang gis ni// theg pa chung ngu'i rim pa yis// gang ltar 'tshams pa de ltar bstan// kun kyang byang chub sems la 'dus// bcos med rang byung 'od la 'dus// ye shes gsang ba'i ngo bo la// ji ltar gsal ba de ltar yin// gsang ba'i me long gsal ba'i mdzod// nyi ma'i snying po'i 'od bzhin du// gsal lo yul dang rnam par bral// thams cad nga las gzhan ma yin// rang nyid bsam brjod yul las

  413. 207a

    'das// mi rtog thugs rje mkha' ltar brdal// nam mkhar 'dzin pa'i 'du shes med// ston pa nga la bstan pa nga // nyan pa'i tshogs nga sdud pa nga // rang gsal nyid la rang nyid gnas// gang yang ma yin 'od gsal yin// zhes gsungs so// nam mkha'i mtha' dang mnyam pa'i rgyud chen po las/ phun sum tshogs pa bstan pa'i le'u ste bcu pa'o// // de nas sems dpa' rdo rje dam pa des 'di skad ces gsol to// bdag cag 'dus pa rig pa'i tshogs// ye shes gsal ba ji ltar brtag/ rang byung rig pa'i 'khor lo las// rmad byung rig pa ji ltar 'char// ye shes nyi ma bcom ldan 'das// rang byung don la bshad du gsol// zhes zhus so// de nas bcom ldan 'das rdo rje sems dpa' de bzhin gshegs pas 'di skad ces gsungs so// kye sems dpa' chen po// rang byung ye shes rgyu rkyen bral// gdod nas rang snang 'od kyi mchog/ gang yang ma yin kun la gsal// phyogs med thugs rje kun 'jug la// phyogs 'dzin mi mnga' rtog mi mnga'// mkha' gsal nyi ma'i dkyil 'khor bzhin// tha dad bsam yas 'dul thabs kun// rang byung rig pa'i sems la bzhugs// chos dbyings bya bral rdzogs pa'i lung // gsang mdzod rig pa thugs kyi gter// sku gsung thugs kyi bde ba'i mchog/ kun brdal rig pa'i klong du

  414. 207b

    son// blta med ye shes rang gsal ni// yul med spros bral ji bzhin nyid// rang snang rig pa'i 'khor lo la// yul med rang gsal rig pas mthong // bsam bral rig pa cir mi dgongs// gza' bral dbu ma'i lam po che// ji ltar ma yin de bzhin nyid// de ltar rig pa nyid kyis gsal// cis kyang ma bcos de bzhin nyid// phra rags 'dzin pa'i rnam rtog la// mtshan ma'i rnam grangs ci skyes kyang // de nyid 'od gsal dag pa'i mkha'// gnyis med rang gsal gcig la son// mthong ba'i skabs na don mi mthong // mi mthong bas na don mthong ste// gnyi ga ma bcos rang rig la// mthong dang ma mthong rjes mi 'jug/ thams cad byang chub sems nyid la// log rtog rtsol ba'i chos mi gnas// rang byung mtshan mar mi 'jug pas// gang ltar gsal yang dmigs dang bral// 'byung 'jug med pa'i rnal 'byor gyis// ji bzhin nyid kyi don la rtogs// lta bral gzigs med ye shes spyan// chos rnams byang chub sems su gsal// byang chub sems nyid 'od brdal bas// mtha' dbus med pas gcig tu gnas// 'dod lnga yul lnga chags sdang lnga// cir yang sems las gzhan med pas// de nyid ma yin gzhan ma yin// 'khor ba ye shes 'od du 'bar// rang gsal 'jug med rig pa yis// mthong 'jug med pa'i ngo bor brtag/ phyogs

  415. 208a

    med gsal ba'i ye shes kyis// phyogs su blta ba zil gyis mnan// dang po sems la rgyu med pas// tha mar skye 'jig mtha' las 'das// rang byung rdo rje skye 'gag med// dus gcig rdzogs pas rim skye med// skad cig med de rgyun dang bral// rig pa rang gsal mngon sum la// rjes dpag rig pa'i rdzun gyis bslus// de kho na nyid rang gsal lung // rgyu rkyen byang chub sems rig pas// ye shes 'khyil pa'i 'khor lo can// cir yang 'phrul lo thams cad rig/ nam mkha' rang gsal dbyings la gnas// snang srid bde sdug 'khrul 'khor yang // rig pa ye shes 'khor lor zhugs// rang byung ngang las gzhan pa med// 'du 'bral med par rang la zug/ khyab gad la rig pa kun tu bzang // gang ltar gsal ba de ltar yin// klong yangs chu bo 'du 'phro bzhin// ma 'dres yongs rdzogs gcig tu gsal// nam mkha' gsal ba'i gzhal yas su// rig pa mchog gi 'od brdal nas// rig pa rang gsal mchog tu brtag/ brda don phrad nas gsal bar bshad// mchog tu gsang ba'i chos 'di ni// snang med rig pa mchog gi dang // rtog cing dpyod pa'i yul las 'das// spros bral mtshan ma cir mi rtog/ snang dang srid pa'i chos kun ni// dang po skye med ngang yin la// bar du rtog cing dpyad las 'das// tha ma rang gi mtshan ma

  416. 208b

    med// gsum ka ma skyes chos sku'i ngang // yul dang dbang po spyod pa dang // myong tshor so sor ma 'dres gsal// rang byung rang la cir yang byung // rdzogs longs spyod pa rang bzhin gsal// kun la khyab cing don byed nas// dpag med rig pa sna tshogs 'char// rang las sprul zhing rang las mdzad// rang byung rig pa sprul pa'i sku// skye 'gro phyi nang ma lus pa'i// gzugs snang phra rags gang yang rung // rmad byung sku yi rol par shar// ye shes 'od gsal mchog gi sku// sgra skad rab 'bring ma lus pa// gsal stong rig pa nyid kyi gsung // gang brjod tshig 'das gang yang bral// brjod bral mi g.yo brjod pa nyid// dmigs bral mtshan ma'i rtog mi 'jug/ chos sku snying po mchog gi gsung // brda mjal nyams myong gsal rig cing // nges skyes the tshom rnam par bcad// brda yi don go gnyis med pa// rdzogs longs spyod pa'i gsung du gsal// tha snyad ma 'dres don byed nus// don dang 'brel zhing khyab par gsal// kun dang mthun par rang brda 'phrad// sprul pa'i gsung du rang bzhin brdal// brjod bral tshig gi rang bzhin gyis// rang byung kun la khyab par gsal// rmad byung rang gsal go ba'i sgra// ye shes rol pa'i gsung du shar// dran rtog rig pa cir mi blta// rnam grol rang gsal cir mi dgongs// mtshan ma rnam pa rtog dang bral// gnyis

  417. 209a

    med rig pa mchog gi zugs// sna tshogs rang gsal bde 'gyur zhing // ci yang ma yin gar yang gsal// 'od gsal bde ba'i don la bzhugs// bde chen thugs te khyab par brdal// sna tshogs 'brel ba gang yang min// gcig tu mi gnas khyab par gsal// kun dang mthun pa'i dgongs pa can// rang las rang 'phrul sprul pa'i thugs// mi g.yo mi gnas gang du'ang min// rdo rje sems dpa' nam mkha' che// rmad byung rang gsal thugs kyi mchog/ rmad byung thugs kyi rol par shar// nyi ma'i 'od bzhin 'bar ba ltar// rtsol bral rang byung rig pa las// rtsol med thugs rjes khyab par gsal// kun la gnas so dmigs dang bral// dpal ldan nam mkha' khyab pa'i 'od// 'gro ba kun la rang bzhin 'char// 'od gsal nam mkha' rgyas pa'i mtha'// 'jig rten gsal bar dus gcig shar// 'khor ba rang rig rang gsal yang // ye shes rig par mi gsal bas// ye shes nyi ma'i 'od kyang nub// rang gsal rig pa'i don dang 'gal// rang byung sgra yi rjes 'brengs kyang // de yi ngo bor ma gyur na// gsal ba'i ye shes nyid dang bral// bcings pa'i mdud pa lcags dang 'dra// rang la rang gis gzer chen 'debs// mi rtog gsal ba'i gdeng du gyur// klong zhugs rang gsal mchog gis gter// rnam rtog mtshan mas

  418. 209b

    bcos su med// 'gyur med rdo rje'i klong du son// brjod bral sems kyi dkyil 'khor la// pra khrid don gyis ma mtshon na// rig pa rang gsal don mi mthong // gter khyim gsang dang gsal byed ltar// nges pa rnyed nas tshig mi dgos// rang byung gsang ba'i 'khor lo la// ye shes rig pas mnyam sbyar nas// rin chen 'bar ba'i gling bzhin du// ye shes dkyil 'khor nyid du 'bar// thams cad ye shes dkyil 'khor gsal// ma bsgribs rang byung sgo mo la// rtsol bral rig pa'i thabs kyis 'jug/ mthong med mi dmigs dkyil 'khor la// yengs pa med pa'i sems kyis gnas// cir snang rig pa rang gsal bapas// sgrib pa'i mun pa rnam par bcad// ye sangs rgyas pa'i thangs chen las// rgyu rkyen rtsol bas ci zhig bya// ye shes snying po'i mtshan nyid ni// khyab par gsal la rang bzhin med// snang srid gsal ba'i me long la// gsal yang rig pa'i mtshan ma med// mi 'jug mi blta cir mi rtsol// shes nas ma bcos rang dgar gnas// bsam bral dmigs pa'i byung tshor med// ces gsungs so// nam mkha'i mtha' dang mnyam pa'i rgyud chen po las/ ye shes rang gsal mthong ba'i le'u ste bcu gcig pa'o// // de nas sems dpa' rdo rje de nyid kyis 'di skad ces gsol to// dus gsum sangs rgyas thams cad kyi// sku

  419. 210a

    gsung thugs kyi gsang ba 'chang // spros bral mnyam nyid rig pa'i gter// gnyis med rang gsal bcom ldan 'das// mgon po khyod la gsol ba ni// rnal 'byor bya bral rdzogs lung la// gnyis pa'i 'du shes med mod kyang // spyod pa'i khyad par gsung du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// gnyis med rang byung ye shes la// gnyis kyi 'du shes mi 'jug kyang // 'jug pa thabs kyi sgo mtshon phyir// spyod pa rnam par bshad par bya// nam mkha'i dbyings kyi rjes 'gro zhing // thabs ldan mi 'gag de nyid de// thugs rje mdzad pa'i byin brlabs brdal// yon tan nam mkha'i mtha' dang mnyam// thams cad rang gsal ma bcos la// rnam rtog 'dzin pa'i dri ma med// mi 'byung mi 'jug yul dang bral// gsal la mi rtog 'dzin pa med// nam mkha'i rdo rje'i spyod pa la// rnam rtog mi mnga' cir mi dgongs// ma btsal rang bzhag dgongs pa la// 'dzin pa'i dri ma gdod nas dben// rnam dag gsal ba'i ye shes la// gang du'ang ma yin khyab par gsal// rang bzhin 'od gsal bde ba'i dbyings// 'dzin pa mi 'jug dbyings mi 'tshol// rang gsal rig pa rang la 'debs// mi bskul mi rtog cir mi

  420. 210b

    gnas// ma bkag thabs kyi me long la// phyogs ris med pas cir bltas gsal// nam mkha' mi bzung bsam dang bral// dmigs med gtad med yid mi 'jug/ yul la mi gnas shes pa min// gnyis ka ma yin spros dang bral// 'dzin pa mi 'jug gnyis 'dzin med// ye shes gsang ba'i ngo bo la// mtshan ma med do rang gsal dbyings// snang ba ye shes rang gsal la// dgag bsgrub med pa rang gi dbyings// rang gsal 'od la mi gnas na// mtshan ma'i spyod pa ci spyad kyang // rang sa ltos pa'i 'bras bu la// ma btsal rang gsal bde chen bral// bcings med yongs rdzogs rig pa'i lam// bgrod du med do ye sangs rgyas// phyogs ris med pa'i ye shes la// gnyis med gcig pa'i mtha' dang bral// zung 'jug 'od gsal bde chen la// gnyis dang gcig pa'i 'dzin pa med// mtha' bral nam mkha'i rdo rje la// 'gyur med ye shes rang bzhin gsal// ji bzhin rig pa'i rnal 'byor la// rtsol dang bcas pa'i rnal 'byor med// rig pa klung zhugs bde ba'i ngang // cir gsal mi rtsol rig pa'i mchog/ 'byung 'jug med de dbyings la gsal// brgyud pa thabs kyi me long gis// rang gsal don la mtshon byas nas// gnyis med ye shes zhes brjod pa// rang gsal ma yin gzhan gsal min// mngon sum rang gsal ye

  421. 211a

    shes la// brnyan ma'i rtag la rten 'dod pa// glang po rnyed nas rjes 'tshol 'dra// gnyis med ngang la gnyis su 'dod// rang gsal dang la gzhan gyis bslad// rang rig gnyis kyi mtshan bral la// zhen pas de nyid ma rtogs pas// khams gsum rgyud drug gnas su 'khor// mngon sum rig pas nyams myong ba// lung dang rigs pa rjes dpag gis// mi rtog rang gsal don la bsgribs// de yis de la rtog pa'i rgyun// ye shes gsal ba'i ngang nyid las// thugs rje nam mkha'i mtha' ltar brdal// thugs rje chen po nyi 'od ltar// 'gro 'ong med par rang bzhin 'char// ji ltar gang 'dul de dag la// ston pa yid bzhin nor bu ltar// kun la mthun par mi snang na// skyob pa'i thugs rje yal lam ci// gang phyir de ltar mi 'byung na// rnam pa kun mkhyen min pa dang // phan 'dogs nus pa med pa dang // thugs rje'i mdzad pa rgyun chad dang // zhi ba phyogs thim skyon du 'gyur// 'gag med thugs rje'i mdzad pa la// 'byung dang mi 'byung gang rtog pa// rin chen 'bar ba'i 'od kyang nub// 'khor ba'i lcags las thar ba med// rnam rtog mtshan ma'i 'dam du zin// rdo rje'i khab nas thar pa med// gnyis med ye shes gsal ba la// mtshan ma'i 'dzin pa mi gnas na// gzhi dang kun brtags gnyis 'dod pa// log pa'i lam pa

  422. 211b

    'khor bar ltung // dngos la gnyis pa mi gnas na// bsam pa'i 'du shes ci la 'jug/ de dag mtha' la rtsod pa yin// dngos la rtsod pa kun dang bral// rjes 'jug rig pa'i rnal 'byor gyis// rang gsal rig pa'i don la zhugs// thugs rje'i mdzad pa kun la brdal// 'dod don rin chen lta bur 'byin// mdzad pa'i byin rlabs bsam mi khyab// mkhyen pa ye shes nyid du 'char// 'gro la phan 'dogs kun la snyoms// kun kyang 'od gsal bde bar gzigs// g.yo med rig pa'i byin rlabs ni// 'byung 'jug med pa'i yongs la brdal// rgya mtsho rkyen gyis bskul ba ltar// kun tu snang zhing nyid du 'dus// shes rig kun ldan mkhyen pa'i ngang // thugs rje'i ngang las mi 'da' bas// ji ltar 'tshams pa de ltar bstan// me dang tsha ba ji bzhin no// thugs rje med pa'i rgyal ba dang // gsal rig med pa'i ye shes ni// bem po don med 'bras bu las// rnyed kyang ngal ba don med yin// thams cad rang gsal ye shes la// gnyis med 'du shes mi mnga' yang // byin rlabs nyi ma'i 'od bzhin du// 'gro 'ong med par khyab par gad la// de nyid thugs rje ma yin pa'i// chos ni gnas par mi srid do// nam mkha' sa chu me dang rlung // 'dod lnga bde dang 'dod yon kun// thugs rje'i byin rlabs bsam mi khyab// gang zhig phan 'dogs

  423. 212a

    don byed nus// kun kyang thugs rje chen po yin// dmyal ba'i sdug bsngal 'bar ba yang // rgyal ba'i mdzad pa'i thugs rje yin// gzhan dag bde sdug btang snyoms kun// smos ci dgos te de nyid yin// 'od gsal rig pa'i thabs ldan na// rang gsal min pa'i chos mi gnas// gang ltar spyod pa de dag kun// thabs chen 'od gsal spyod pa yin// thabs ldan rig pa'i skyes bu yis// dug chen sman du mdzad pa ltar// 'od gsal rig pa'i rnal 'byor gyis// 'khor ba ye shes snying por gsal// ma bcos thabs kyi rnal 'byor pas// gang ltar spyod pa de ltar bde// thabs ldan rig pa 'phrul gyi sgo// kun 'byung rin chen phung po can// rang gsal rig pa'i lde mig gis// rmad byung rig pa'i sgo phye la// rin chen gser gyi sa gzhi la// rin chen rig pa bcud kyi sgo/ 'gyur med rang gsal phur bus gdab// gsal byed rin chen 'bar ba bstan// phyir mi 'byung bar nan chags bya// tshig don sprad pas brda sprad la// ye shes gsal bas phyogs bcur brdal// 'byung ba'i dus su brda sprad la// 'jug pa'i dus su phral bar bya// dngos med rig pa'i khyad par la// sprad dang bral bar mi gnas kyang // zhen pas dngos po mthong bya'i phyir// brda don gnyis kyi man ngag bstan// tshig gi lam dang don gyi lam// don nyid rang gsal

  424. 212b

    'od bzhin gnas// 'jug pa tshig gi khyad par gyis// gnyis med don gcig bstan par zad// rang snang rig pa 'phrul gyi dmig/ phrad pa med par rang bzhin 'char// bcos med de ltar rang bzhag/ na// rtogs pa rab 'byams nyid du 'char// rang rig ye shes thabs med par// zhen pa'i chags sdang kun spyod pas// rdo rje'i khab tu ltung gyur nas// byang chub sems kyi rigs dang bral// dngos po kun bral ye shes la// phyogs dang ris su mi gnas te// chags sdang bral ba'ang mi spyod na// chags sdang spyod pa smos ci dgos// nges par ltung bar gyur nas ni// theg chen rigs dang rten bral nas// thar pa'i ris su 'gyur mi srid// ye shes gsal ba'i spyod pa yis// ci spyad byang chub sems su gsal// 'od gsal chos sku rig pa'i ngang // btsal med de dag thob par 'gyur// ye shes rang gsal don dang phrad// 'khor ba sangs rgyas lam du mkhyen// rang byung ye shes 'od du 'bar// rtsol med byin rlabs ngang gis 'char// nam mkha' dbyings kyi gter 'dzin cing // rang gsal rig pa'i 'od la bzhugs// phyogs med rig pa'i thugs rje yis// mkha' ltar dag cing kun la 'char// bcos med rang bzhag don thob nas// ye shes bla ma'i sa gnon te// che ba'i ye shes kun rdzogs pas// ma bgrod sa rnams dus gcig non// rnal

  425. 213a

    'byor rig pa'i khyad par la// sa dang lam zhes brjod pa las// dngos po ye shes rang snang la// sa dang lam la bgrod pa med// bsam pa'i khyad par ci tsam pa// de dang de yi tshul bzung nas// 'gro ba 'dren pa'i thabs bstan te// dngos la 'od gsal rig pa'i mkha'// rang rig 'dren pa mchog gi sku// kun 'dus gsang ba dbyings nyid lung // ma bsal bcos med snying po la// gdod nas dag pas gnyen po med// ces gsungs so// nam mkha'i mtha' dang mnyam pa'i rgyud chen po las/ spyod pa rig pa'i khyad par bstan pa'i le'u ste bcu gnyis pa'o// // de nas sems dpa' rdo rjes 'di skad ces gsol to// dus gsum sangs rgyas thams cad kyi/ rang gsal ye shes me long khyod// gdod nas byang chub snying por bzhugs// bcos med rig pa'i ngang la gnas// mgon po khyod la gsol pa ni// spros med rig pa'i rang bzhin la// dkyil dang 'khor du dbyer med kyang // de yi tshul 'di bshad du gsol// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// nam mkha'i mtha' dang mnyam pa'i rgyud// kun 'dus rig pa sems kyi lung // bcos med rig pa don gyi gter// 'pho 'gyur med pa'i dbyings nyid dang // rig pa mchog gi

  426. 213b

    dkyil 'khor la// bskyed pa med pa'i rang bzhin gsal// gsal ba 'od 'bar dkyil 'khor ni// nam mkha'i mtha' bzhin khyab par gnas// 'od gsal rig pa'i bde ba la// tha dad rig pa mi gnas na// chos tshul mthong rtogs khyad par gyis// dkyil 'khor gsum gyi rang bzhin gsal// dbyings nyid gcig gi rang bzhin la// rang bzhin ting 'dzin gzugs brnyan ni// byang chub sems su mngon par gsal// spros bral mnyam nyid rig pa'i gter// ye nas byang chub snying po la// cir bltas rang gsal bcos pa med// sku yi sku ste sku la rol// rang gsal rig pa mchog gi sku// nam mkha' khyab pa'i sku mnga' zhing // btsal med nyi ma'i 'od la bzhugs// kun la khyab po bsam dang bral// gzhi rtsa med pa sems kyi lung // kun gsal rang la bsam du med// rmad byung rol pa'i sku ru shar// rang gsal sgra dral rig pa'i gsung // brjod med rig pa'i 'khor lor sgrogs// gnyis med 'od gsal gcig tu go/ bsam spyod med pa'i ngang du gnas// thos med rig pa'i ngo bo la// zos kyang rang gsal mchog gi dang // 'di kun rang rig ye shes te// brjod med rig pa'i bstan pas bshad// rmad byung rol pa'i gsung du shar// rig pa mi gnas cir mi dgongs// rang la mi rtog gzhan mi rtog/ gsal la mi mngon

  427. 214a

    dbyings su sbas// mkhyen rig ye shes dus gcig 'char// bsam gtan rang byung rang gsal bdag/ ye nas rang gsal gcig la tshogs// 'dzin med nam mkha'i 'od ltar brdal// rmad byung rol ba'i thugs su shar// bcos med rang gsal dkyil 'khor gsum// ma bcos rang gsal bde ba'i ngang // rig pa'i lus te gzugs dang bral// gsal la mi g.yo 'byung 'jug med// btang snyoms gang du'ang mi gnas te// nam mkha' khyab par mi rtog gsal// 'dzin pa med pa'i ye shes ni// phyogs med khyab par rang bzhin gsal// mi g.yo ting 'dzin mchog gi sku// rang rig byang chub lung thob pas// 'byung 'jug med par klung du zhugs// gsal ba nyi ma'i snying po ltar// brjod med don gyis gtan la phab// rang gis mtshon pas rang gis go/ brjod bral rig pa dang tshe sgra// rna bas mi thos sems kyis thos// chu la chu ltar rig pa'i don// ma btsal mnyam gzhag nyid kyis go/ rnam rtog mi bsam yul las 'das// rgyu ru sbas pa'i don de nyid// rang byung rang gsal thabs nyid kyis// yul med ye shes nyid kyis gsal// rang bzhag rig pa'i don la dgongs// snang bar mi rtog snying por gsal// dran rig med pa'i tshul nyid kyis// 'jug med rig pa'i tshul gyis gsal// rang gsal thabs kyi me long

  428. 214b

    la// mtshan ma'i rnam grangs gang byung ba// ye shes gsal ba'i ngang du blta// gsal la yengs med dgongs par gtugs// ma bcos sems kyi khyad par las// ji ltar snang ba de ltar gsal// snang ba mtha' dag ma lus pa// de dag cir snang rang grol bas// rang rig gnyis med bde ba'i sku// sku mchog 'od 'bar mdzes pa'i ngang // sku mchog 'od gsal lhun grub la// btsal med ye shes 'khor lo mdzes// mi g.yo rig pa mchog gi gter// smon du med de rang la rdzogs// kun bzang rig pa mchog gi sku// nyi ma bye ba'i 'od dang mtshungs// spro ba med cing bsdu ba med// byang chub snying por de ma thag/ rig pa spros bral nyid dbyings dkyil// cho 'phrul rig pa'i 'khor dang ldan// grags pa sgra yi rnam pa kun// ye shes rang bzhin gsal ba'i sgra// rang gsal rig pa'i sgra la 'dus// 'od dang 'od can ji bzhin no// brjod bral rang bzhin gsal ba las// 'od gsal sgra yi rang bzhin gsal// skye 'gro sgra yi rang bzhin ni// ma bsgrags gsung du rnam par gsal// brjod bral rig pa'i dkyil 'khor ni// rig pa'i dkyil 'khor rgyan du che// rang byung dag gsal mchog gi gsung // brjod med rang byung byin rlabs kyis// gsung gi rang bzhin phyogs bcur brdal// rig pa gsung gi gzugs brnyan yin// dran rtog mi

  429. 215a

    g.yo mchog gi thugs// rang byung rig pa mchog tu gsal// spros med nyi ma'i 'od brdal bas// ye shes snang bas phyogs bcur gsal// cir yang 'dzin pa mi mnga' bas// mtha' yi spros pa rnam par bcad// rnam rtog phra rags gang skyes kyang // ma skyes sems kyi khyad par las// ji ltar gsal yang ngos bzung med// de ltar rang snang nyid kho na'o// 'du shes mi 'jug yul mi tshol// gang ltar gnas pa de ltar bde// rten mi bca' zhing ro mi myang // 'od gsal bde ba'i ro la bzhugs// nam mkha' bdud rtsi mchog gi ro// gsal bar gnas pa'i 'od kyis 'thungs// gtad 'dzin bral ba'i sems kyis 'jug/ ye shes rlung gi don la rtog/ ces gsungs so// nam mkha'i mtha' dang mnyam pa'i rgyud chen po las/ rang gsal dgod pa dang bral ba'i le'u ste bcu gsum pa'o// // de nas sems dpa' rdo rje snying po des 'di skad ces gsol to// kye ma dus gsum rgyal ba yis// rig pa 'gyur med thugs kyi gter// rang byung rig pa'i rtsal rdzogs pas// ma bskur rang gsal dbang la bzhugs// mgon po khyod la gsol ba ni// nam mkha'i ro yi chu 'thungs shing // rgyal thabs spyi blugs tshangs pa'i dbang // bdag cag rnams la bshad du gsol// zhes zhus so// de nas de bzhin gshegs pa rdo rje sem dpa' chen pos

  430. 215b

    dbang gi rgyal po spyi blugs tshangs pa'i dbang 'di gsungs so// kye sems dpa' chen po// nam mkha'i mtha' dang mnyam pa'i rgyud// rang gsal rig pa mchog gi rgyan// ye shes gsang ba mchog gi lung // rna brgyud thugs kyi me long gi/ dbang mchog thob med ngo sprod thabs// bskur thob med par rdzogs par gsal// rang gsal ye shes sgron ma 'di// rgyal thabs spyi blugs rdzogs pa'i dbang // rang gsal rig pa rdzogs lung ni// rang bzhin zhu thabs dus snod dang // skyon yon rang gsal rig par rdzogs// rang byung rig pa'i rgyal po 'di// skye 'gro phyi nang kun la khyab// thams cad nam mkha'i ngang gnas bzhin// rgyal thabs rang byung mchog gi dang // rang gnas rig pa'i gter la rdzogs// ye shes gsal ba kun dbang bsgyur// phyogs med ye shes rtsol bral gter// til 'bru bzhin du khyab par bzhugs// rgyal thabs rig par mi ldan na// rtsol ba'i khyad par gang gang gis// ji ltar de ltar dbang bskur yang // 'khor ba'i lcags las thar pa med// dad dang dam tshig ldan pa dang // 'di rnams ldan pa'i slob ma ni// stong gsum na yang 'byung ba med// chags che dang thung dad pa med// thos med rang che dam tshig bral// ser sna snying rje med dang yod// man ngag spel zhing bslu ba la// de 'dra dbang gi gnas ma

  431. 216a

    yin// mthong ba'i chos la sdug bsngal zhing // dus min par ni tshe zad nas// bdag gzhan gnyis ka'i rgyud brlag nas// rdo rje'i khab tu nges par ltung // rgyal thabs spyi blugs dbang bskur na// snying rje thos ldan khengs sems bral// lus dang srog la mi blta zhing // 'jig rten grags pa rnams spangs nas// snying po byang chub mchog la brtson// mang yang gnyis las mi bstan te// the tshom bcad la nges brtags pas// mi nub nges par gzung ba'i phyir// rgyal tshab nges pa gcig la gtad// nges pa'i rgyal sras gsang ba la// byang chub sems kyis dbang bskur na// btsal med 'bras bu rang gsal nas// de ma thag tu rig pa 'char// rdo rje'i rgyud la mkhas pa dang // rgyal thabs dbang gi rig pa 'chang // rang gsal rig pa'i don la goms// thabs mkhas snying rje ldan pa yis// snod ldan dang gsal rig pa la// skye med rig pa'i don bstan nas// rgyal zabs spyi blugs dbang bskur nas// nges par gsang ba'i nan tan bya// 'jig rten grags pa gtsor bzhag nas// lung dang man ngag mi ldan par// nga rgyal chags pa'i bla ma ni// rdo rje 'bar ba'i khab tu ltung // rna brgyud man ngag mi ldan par// gsang ba'i man ngag log bstan pas// myur du tshe yi dus byas nas// rdo rje dmyal bar smos ci dgos// legs par

  432. 216b

    brtags pa'i bu nyid kyis// gsol gdabs nyes byas brtags pa la// gnang sbyin nyes dmigs bstan byas la// ye shes gsang ba'i don la bcug/ sems nyid rin chen gnyis med la// bskur ba'i cha gnyis mi rtog kyang // rgyal thabs spyi blugs dbang bskur nas// rig pa rang gsal don dang sprad// gsal byed rin chen 'bar ba bstan// sgra yi mtshan nyid bshad pa yis// ye shes ngo 'dzin man ngag sbyin// rang gsal rig pa'i me long la// yengs pa med pa'i man ngag sbyin// ma lus 'gag med ngos bstan nas// rig pa khu chas gdams ngag dbog/ yul sems rang gsal don bshad na// mi 'bral gzungs kyi man ngag sbyin// rang byung rig pa g.yo med pas// lteng chu lta bu'i man ngag sbyin// ci spyad gang yin don rtogs la// 'dam skyes lta bu'i man ngag sbyin// rang gsal rig pa'i ye shes la// mtshan ma'i rtog pas mi 'gyur bas// gnas skabs chu ltar gnas pa sbyin// dran rtog rjes 'brang rig pa la// yul shes bral ba'i man ngag sbyin// 'gro don lhun grub rtsol med la// brda don sprad pa sbyin par bya// rtsol med rig par gnas pa la// brda don phrad pa'i don la sbyar// rang byung sku gsum lhun grub la// zug phrad bla ma'i zhal las brtags// bskur thob med par rang gsal lung // ma 'phros chu la chu bzhag ltar// rdo rje bla ma'i

  433. 217a

    dgongs pa'i lung // brjod med rnal du bzhag pas go/ bum par bum pa'i bcud bstims bzhin// dgongs don slob ma'i blo la bzhag/ dam med slob ma mi bsten zhing // gsang bar nyes dmigs bstan par bya// snod med gsang ba'i dam sri la// nyes dmigs med pa'i bla ma yis// rgyal thabs spyi blugs dbang bskur zhing // byang chub sems kyi don bstan na// snod ngan btsal 'chang zho blugs na// gnyis ka ma rungs byed pa ltar// de ma thag tu 'jig pa dang // 'jig rten dpyas ka chen por 'gyur// de phyir snod ngan slob ma ni// rmi lam du'ang mi bsam na// man ngag 'dzin pa'i slob ma yi// dam par brten pa smos ci dgos// dus gsum sangs rgyas thams cad dang // rdo rje sems dpa' chen po yis// ma brjod dgongs pa go ba'i lung // rgyal thabs spyi blugs rig pa'i dbang // rtsol med byang chub sems kyis bskur// dus mtha'i cha la mngon par gshegs// lung ldan rdo rje bla ma yis// snod ldan gus pa'i slob ma la// rgyal thabs spyi blugs dbang bskur nas// dus mtha'i shes pa skad cig la// rang gsal chos sku rang gnas bstan// 'bab chu gnas pa'i ting 'dzin gyis// btsal med 'od gsal bde ba che// rang bzhag gnas pa 'grub par 'gyur// de ltar dbang thob gang zag ni// rtsol ba'i chu las rab

  434. 217b

    tu thar// rang gsal rig pa'i 'od du 'bar// rig pa rang dbang rgyal por thob// rdo rje sems dang skal ba mnyam// las dang las kyi bag chags kyis// gos par mi 'gyur pad+ma ltar// nam mkha' dag pa'i klong bzhin du// 'dzin med ye shes chen por nges// rang gsal rig pa'i klung zhugs nas// 'od zer nyi bzhin bdag la 'char// zhes gsungs so// nam mkha'i mtha' dang mnyam pa'i rgyud chen po las// rgyal thabs spyi blugs ye shes ngo bstan pa'i le'u ste bcu bzhi pa'o// // de nas sems dpa' rdo rje dam pa des 'di skad ces gsol to// dus gsum rgyal ba'i sku gsung thugs// ye nas rang gsal 'da' med la// bsrung med ye shes rig pa yis// mnyam du 'jog cing ye shes gsal// mgon po khyod la gsol ba ni// bsrung du med pa'i dam tshig la// gang ltar bsrungs kyang mi 'gal don// mgon pos bdag la bshad du gsol// zhes gsol to// de nas bcom ldan 'das de bzhin gshegs pa rdo rje sems dpa' chen po des 'di skad ces gsungs so// kye sems dpa' chen po// bsrung bral rig pa'i dam tshig la// bsrungs shing btsal bas log pa'i lam// bsrung med rtogs pa'i dam tshig gzhi// ye shes gsang ba mchog la rdzogs// gnyis med rig pa rtsol bral lung // bcos med rig pa mchog gi

  435. 218a

    mkha'// 'du 'bral mi mnga' rig pa'i gter// rang gsal 'od las 'da' ba med// gcig ste 'od gsal khyab pa che// yongs la gdal bas phyogs ris med// gang yang ma yin khyab pa'i dbyings// ye nas rig pa mchog la sbyor// gnyis bral rig pa'i dam tshig la// 'dod pa'i bsam pas bsrung du med// phyogs bral mnyam pa'i dam tshig la// phyogs kyi bsam pa cir mi 'jug/ bsam bral gnyis med rig pa la// bsam zhing dpyod pa'i yul mi gnas// rang dga' lhun rdzogs dam tshig la// btsal zhing bsgrub pa'i ming mi gnas// ci yang ma yin 'od gsal yin// rang gsal rdo rje thabs kyi lung // brjod bral rig pa'i ngo bor smin// rig pa rang gsal ye shes la// bsrung dang mi bsrung phyogs ris med// mnyam nyid rig pa'i gter la rdzogs// bcos med rig pa'i dbyings la gsal// phyogs bral mnyam pa'i sems kyis 'jug/ ye shes gsang ba'i dam tshig ni// mi bskyod rdo rje sems dpa'i lung // brjod bral sgra yi dam tshig la// ma yengs rig pa mchog gi 'od// yi ge med par gsal ba'i rgyud// mnyan bsam med par rang bzhin gsal// dgongs pa ma bcos rnal du pheb// ji bzhin rig pa bsam bral lung // gsang ba rkyen bral cir mi gsal// rang gsal rig pa mchog la gnas// nam

  436. 218b

    mkha' rang byung khyab pa'i ngang // mtshan mar ma yin mtshan med min// rdo rje gsang ba'i thabs lung ni// gnyis med rang gsal mnyam rdzogs so// ma bcos gsang ba'i dam tshig la// bcos pas mkha' la mdud 'dra'i tshul// gnyis med rig pa'i mchog nyid la// yul dang yul can bsrung bas log/ grangs 'das tshad med rang gsal la// grangs tshad mkha' yi mtha' 'tshol 'dra// bsrung med ye nas thug zin la// da gdod bsrung bas thug pa med// bsrung dang mi bsrung tshig gi mtha'// ye shes rig pa'i tshig mtha' bral// phyogs bral 'od gsal tshig las 'das// phyogs kyi bsrung ba log pa'i lam// rtsol bral lhun rdzogs dam tshig la// btsal bas mi rnyed ngal don med// bya bral rdzogs lung dam pa la// 'jug lha'i tshig gis gang rtsol ba// mtshan ma rtog pa'i rgyun gyis khrid// mtshan ma'i rtsol ba log pa'i chos// ye shes rang gsal nyi ma la// mtha' yi zhen pa'i mun pas bsgribs// ma rig mun pas thibs kyis 'gags// snang gsal rig pa'i 'od dang bral// rang gsal ye shes me long la// rang byung rig pa'i rtsal gag nas// ci yang mi mthong chad blta ba// mnar med rdo rje'i khab tu ltung // brtags bral gnyis med ye shes la// phyogs ris med par kun gsal bas// ci yang yin no gang yang rung // kun brtags

  437. 219a

    yod med mtha' dang bral// yod dang med pa kun brtags te// mtha' bral ye shes nyid du brtags// rang gsal lung la kun gnas pas// kun brtags ye shes gnyis kar gsal// phyogs med rig pa ci yang min// phyogs 'dzin log pa'i grong khyer la// mtha' bral mnyam pa nyid la gnas// med dang phyal pa gcig pu dang // lhun rdzogs rang rig chen po la// ngo bo ma bcos chos gcig la// bsam pa'i 'du shes tshul nas phye// phyogs med ris med 'od gsal mkha'// rtog med rang gsal ye sangs rgyas// ci yang med pas cir yang gsal// rig pa rang gsal dbyings na bzhugs// ye shes rig pa mchog gi sku// ci yang med do khyab par gad la// rkyen bral mi bsam cir mi dgongs// gnyis med bde chen phyogs bcur brdal// rtogs med rang gsal bde ba'i lung // bdag med rig pa'i chos nyid las// 'di zhes rig pa'i sems mi 'jug/ gnyen po med pas 'jig dang bral// rig pa'i 'od gsal phyogs la bzhugs// rang las gzhan pa'i chos med pas// med pa'i dam tshig 'da' med// phyogs bral rig pa'i ye shes la// 'di dang 'di zhes bsrung du med// phyogs bral chen po'i skyes bu des// phyogs gcig bral bas phyogs kun bral// rang rig nam mkha'i mthar ltar gsal// phyogs

  438. 219b

    bral ye shes chen po klung // rang rig 'od gsal nam mkha' che// phyogs su bltas pas de mi mthong // chos nyid phyogs med rang gsal la// phyogs med rig pa'i ye shes 'jug/ rtsol bral ye shes mnyam pa la// rtsol med ji bzhin nyid kyi gnas// nam mkha'i mtha' bzhin kun khyab kyang // rig pa rang gsal gcig gi ngang // bsam bral ye shes nyid la rdzogs// phyal pa chen po bla med pa'o// cir snang cir srid ma lus kyang // ye shes rig pa gcig la gsal// gcig po rtog dpyod yul las 'das// gcig dang du mar yongs kyis med// rig pa'i ye shes nyag gcig la// mtha' dbus med pa'i chos su gsal// ye shes gcig gi dod la bzhugs// ye shes rgya mtsho mu mtha' med// bdag gsal gzhan gsal thams cad gsal// kun gsal rig pa 'khor mtha' med// kun bzang mchog gi 'khor lo la// gcig dang gnyis zhes bgrang du med// ye nas rig pa ji bzhin gnas// tshig tshogs rgya mtsho lta bu'i klung // gang ltar phye yang gcig las med// thig le gcig las dam tshig grangs// de lta nyid du so sor grags// 'dul ba'i thabs ldan rang rig lung // rig pa mchog gi 'khor lo bskor// rang gsal brjod med don la nyan// yengs pa med pa'i don gyis go/ de nyid dgu ldan sems nyid gzhi// rin chen 'bar

  439. 220a

    ba 'od kyi lung // rtsol med bde bas nyams su blang // rang gsal gcig pu'i dam tshig thob// rang byung lhun grub dam tshig la// bsam yas 'bras bu'i gter rdzogs pas// rtsol med lhun grub ye sangs rgyas// rin chen 'bar ba'i sa gzhi ltar// 'khor ba ye shes snying por gsal// brgya byin spyi gtsug nor bu ltar// bsam med gdod nas lhun gyis rdzogs// nyi ma'i snying po'i 'od bzhin du// rim pa med par dus gcig gsal// lhun rdzogs bstan pa'i me long la// mtshan ma'i rig pa cir snang yang // phyogs ris med pa'i ye shes kyis// lhun grub rang gsal ye shes nyid// cir snang ye shes lhun grub la// spang bar bya ba ga la yod// lhun grub rang gsal ye shes la// kun mkhyen rig pa mi 'char na// sems can sangs rgyas khyad par gyi// khyad med thos bsam bsgom ci phan// gang yang mi mthong gang zer ba// ye shes ma yin mi shes yin// ye shes mun pa'i khams kyis bsgribs// sangs rgyas sems can khams su lhung // ye shes gsal ba'i snang ba la// glo bur mun pas bsgribs pa ni// sangs rgyas 'khor bar ltung gyur nas// grol thar med pa'i skyon du 'gyur// ye shes gsal ba'i snang ba la// ye nas mun par ldan gyur na// rtag dang sangs par mi 'gyur dang // rtog med mun pa'i khams su 'gyur// de phyir

  440. 220b

    phyogs kyi shes pa 'dis// phyogs bral don la mi rtogs te// mkhas pa don ldan ma yin pas// rin chen gter dang phrad mi 'gyur// zhes gsungs so// nam mkha'i mtha' dang mnyam pa'i rgyud chen po las// bsrung med rig pa bder bzhag gi le'u ste bco lnga pa'o// // de nas sems dpa' rdo rje dam pa des 'di skar ces gsol to// dus gsum sangs rgyas thams cad kyi// rtsol med 'dod 'byung 'phrul gyi dbyig/ rang gsal me long 'od po che// rdo rje gsang ba thugs kyi mdzod// mgon po khyod la gsol ba ni// nam mkha' mtha' mnyam rin chen dbyig/ rtsol bsgrub bral ba'i thabs chen pos// gang ltar bsgrub pa bshad du gsol// zhes gsol to// de nas rdo rje sems dpa' chen pos 'di skad ces gsungs so// kye sems dpa' chen po// ye shes snying po bsgrub pa'i gzhi// de rtogs byed pa'i lam dang ni// mngon byas 'bras bu khyad par gyis// bsgrub pa'i rim pa gsal bar shes// sgrub byed rtsol bral chos kyi gzhi/ ye shes gsal ba thogs med lung // sems can sangs rgyas gnyis su med// ye shes snying po'i nyi ma la// sgrub med rtsol bral 'od 'bar ba// kun la ye shes snying por gsal// rig pa'i ye shes 'od du 'bar// rang gsal 'dod 'byung phung po ni// gdod nas rang byung byin rlabs ni// 'gro 'ong med par

  441. 221a

    phyogs bcur brdal// rig pa'i snying po kun la snyoms// nam mkha' rgyas pa'i mtha' bzhin du// khyad par gsal la dngos po med// kun bral mtha' yangs ye shes la// gang yin rtog dpyod yul las 'das// mtshan ma med pa'i mtshan nyid ni// ye shes nam mkha' lta bur brdal// rtog 'jug dmigs bral nam mkha'i 'od// 'byung 'jug mtha' yi spros pa can// mkhyen ldan gsal bas rang gsal lung // cis kyang mtshon med tshad ma med// e ma gsal ba'i me long nyid// e ma'o tshig gi tha snyad bral// ma bcos mi gnas rten dang bral// btsal med nyi ma'i 'od ltar gsal// bsgrub med lam la gang mkhas pa// thams cad mkhyen pa'i lam la mkhas// 'khor lo rang gsal rig pa la// 'dod 'jug bral ba'i rig pas 'jug/ 'od gsal ma bcos gnyis med la// rtogs ldan gnyis med tshul gyis bsgrub// gang yang mi byed cir mi bsam// mtha' la mi 'dzin dbus dang bral// rig pa mtha' bral dkyil 'khor la// 'dzin med blo yi 'khor lo yis// mtshan 'dzin rtog pa rnam par bcad// gnyis med rig pa'i kha lo bskur// yi ge med pa'i rgyud la blta// rang gsal rig pa'i sgra la nyan// rang gsal kun la ji bzhin gnas// brjod med rig pa'i don yin yang // mtshon pa'i sgra yi 'khor lo yis// ye shes

  442. 221b

    mnyam pa'i don la sbyor// rtsol bral med pa'i byang chub sems// byams mgon nyi ma'i 'od bzhin gnas// rig pa'i 'og min chos kyi gzhi// rang byung rig pa'i thabs kyis gsal// ye gsal rdzogs pa'i 'khor lo la// 'byung 'jug bslad pa'i sems kyis 'jug/ rig pa rang gsal chos kyi dbyings// yangs dog med pas kun gyi gnas// btsal med gnas pa'i rnal 'byor pas// yengs med gyin dar bzhag pas 'grub// ji bzhin gsal ba'i rnal 'byor pas// chos kyis mtho ba'i gzhal yas su// rig pa 'phrul gyi sgo phye nas// 'od gsal mchog gi dkyil 'khor na// rin chen phung po bla med bzhugs// de ltar thabs kyi rim pa ni// gang dang gang gi rim pa yis// de nyid sgo la gang 'jug pas// bsgrub med don la rdzogs par gsal// dper na brgya byin dbang po yi// gtsug na rin chen phung po yod// mnyes pa'i rig pa gang byas pas// yon tan cha de thob par 'gyur// de nyid rang la dbang thob pas// ji ltar 'dod pa ji bzhin du// btsal bsgrub med par yon tan ni// ji ltar rigs pa de ltar thob// thabs kyi rim pa gang gang gis// dngos po rang gsal mtshon byas na// phyogs ris ldan pa'i shes pa yis// yon tan cha re de bzhin thob// btsal med ji bzhin bzhugs pa yis// rig pa rang dbang thob pa'i phyir// ma

  443. 222a

    btsal nyi ma'i 'od zer ltar// bde mchog rig pa mchog la bzhugs// phyogs med rig pa rang byung la// 'jug pa'i mtshan nyid mnyam sbyor bas// nam mkha'i mtha' mnyam 'bras bu nyid// rig pa rang gsal nyid kyis thob// phyogs med rig pas khyab gad la yang // ye shes gsal byed rgyu med na// bskal pa grangs med bgrod btsal yang // rin chen gsal ba'i 'od mi mthong // gter khyim phung po gsal byed ltar// rang gsal rig pa nang nas 'char// stobs chen nor bu gsal phyed ltar// rang gi de nyid mthong bar zad// rgya mtsho rlabs su snang tshul du// rang gsal 'bras bu nyid du 'char// phyogs ris med pa'i thugs rje ni// mthar thug med pa'i 'gro ba la// gdung med nyi ma'i 'od bzhin du// 'gro ba kun gyi dpal du shar// 'gro don med pa'i rgyal ba ni// ma byung 'byung bar mi srid do// rgyun ldan ye shes skye 'gag can// rgyu dang rkyen ldan phyogs ris can// 'di la rang gsal 'bras bu med// rang sa thob kyang mthar ma phyin// rgyal thabs mthar phyin dbang med par// ting 'dzin rdzas kyi dbang bskur te// sangs rgyas sa la mngon bzhag kyang // rdo la gser du bsgyur dang mtshung // rgyal thabs rig pa'i dbang thob na// rin chen 'bar ba gsal byas ltar// rig pa rang gsal dbang thob nas// brda don sprad

  444. 222b

    nas rgyal sar bzhag/ mkhyen pa'i ye shes gcig tu 'khyil// rol ba'i phyag rgya ma 'dres gsal// btsal med rig pa'i khyad par las// lhun grub rin chen 'od ltar 'byung // zhes gsungs so// nam mkha'i mtha' dang mnyam pa'i rgyud chen po las/ btsal med bsgrub pa'i le'u ste bcu drug pa'o// // de nas sems dpa' rdo rje dam pa des de bzhin gshegs pa rdo rje sems dpa' la 'di skad ces gsol to// dus gsum sangs rgyas thams cad kyi// sku gsum rmad byung rol par shar// rtsol bral lhun grub phrin las bdag/ phyogs med rang gsal kun gyi dngos// mgon po khyod la gsol ba ni// rtsol bral rig pa'i phrin las la// 'jug pa'i mtshan nyid mnyam sbyor bas// de bzhin nyid du mdzad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// rtsol bral rig pa lhun grub bdag/ phyogs med rang byung gnyis med la// gnyis kyi 'du shes 'byung 'jug med// lhun gyis grub pa'i phrin las so// rig pa'i byin rlabs mkha' ltar brdal// mdzad pa'i bye brag bsam mi khyab// gsal ba'i me long yid kyis 'jug/ bya bral lhun rdzogs phrin las ni// bde ba'i thig le ye shes 'od// ji ltar gsal ba de ltar gsal// gang rung rig pa gcig la

  445. 223a

    rdzogs// rin chen phung po'i 'od zer ltar// dbyings su 'khyil zhing slar yang 'phro// gang yang mi mdzad thabs cad kun// kun mdzad rig pa'i phrin las can// btsal bral ye shes gsal ba'i 'od// kun la snyoms shing yongs la brdal// bya bral rig pa'i phrin las ni// mdzad pa phyogs bral 'od ltar brdal// ye nas byas zin bya med pa// rdo rje nam mkha' mchog gi las// ye shes gsang ba'i phrin las ni// rig pa bde ba'i 'ben la phog/ ye shes me long thabs kyi sgo/ rang snang rig pa'i tshul gyis phye// gnyis med rang gsal gcig gi ro// nyams myong ye shes mtha' dbus med// brjod bral rig pa'i me long gter// ji ltar bltas pa de ltar gsal// gang zhig rig pa'i dong tshe'i tshe yang sgo/ 'phrul gyi lde mig nyid kyis phye// rin chen phung po 'bar ba bstan// nam mkha' mdzod kyi gter la spyod// theg sgo thabs kyi phrin las ni// gang 'dod theg pa so so'i sgo// mos pa'i 'dul tshad bsam mi khyab/ de ste rig pa bsam mi khyab// thabs kyi phrin las gang bstan kyang // rang byung rig pa'i sgo nas gsal// bya ba byas pa'i rjes 'jug ltar// gang zhugs rang gsal rig pa la// phrin las ma lus dus gcig rdzogs// rang gsal rig pa'i don la bzhugs// btsal ba rim pa gang sgo nas// de dang de yi rjes zhugs

  446. 223b

    dras// rtog pa lam gyi rjes su zhugs// mtshan ma chags lam dbang gis khrid// rnam rtog mtshan ma'i rjes 'brangs nas// rig pa rang gsal don dang bral// brda tshig sgra yi tshul nas zhugs// 'khor ba'i gnas rabs dgu ru brgyud// gang dang gang gi rjes 'jug pa// 'khor ba mtshan ma'i lam du zhugs// chags pa g.yas g.yon kun gyi khrid// bde mchog don las phyin ci log/ ye shes gsal ba'i 'od dang bral// gang 'thibs log pas shin tu bsgribs// long bas long ba'i lam mtshon ltar// bde ba bor nas sdug bsngal rnyed// rang gsal ye shes don bor nas// ye shes btsal bas grub par 'dod// gnyis med don la gnyis kyis chags// dmigs med don la dmigs pas bzung // phyogs med rig pa'i ye shes la// rang 'dod blta bas phyin ci log/ rtsol bral rig pa'i phrin las la// btsal bas mi 'grub don dang 'gal// 'jug bral mnyam nyid 'od gsal la// rjes 'jug rtog pa phyin ci log/ thogs med gsal ba'i mar me la// bar chod bsgribs pas gsal mi 'gyur// grangs med bsam yas phrin las la// grangs dang 'du shes log pa'i las// ci yang yid la ma byas pas// yid la byed pa'i 'du shes 'khrul// kun spyod rig pa'i phrin las la// cha mnyam ye nas rig pa la// gsal byed 'od kyis ma mtshon

  447. 224a

    par// rang gsal phrin las don ma rtogs// rang gsal 'od la kun gnas pas// de nyid ma yengs rang gsal lung // de ltar de nyid de bzhin gnas// bya ba med par lhun gyis grub// ma byas ma btsal rang bzhag lung // dmigs pa yul gyi rjes mi 'jug/ rang gsal mnyam pa'i thabs kyis blta// rdo rje rang gsal thabs kyi lung // byas pa med par dus gcig rdzogs// rang gsal rig pa phyogs med la// chu ltar bzhag pa'i man ngag gis// sbas pa'i thugs kyi klong brtol nas// brda don sprad pa'i man ngag sbyin// bum chu lta bu'i man ngag gis// mi g.yo rnal 'byor mchog gi lam// bslad med rig pa rang bzhin gsal// 'dzin bral rang bzhin dmigs su med// rang gsal rin chen phung po de// dgu rum sbas pa'i don yin yang // gsal byed sgron ma de yis mthong // cog bzhag rig pa rang gsal la// bcos med bag yangs blo yis 'jug/ 'byung 'jug med pa'i sems nyid kyis// rig pa'i pho brang chos kyi dbyings// sbas pa thugs kyi nges bstan nas// rdo rje bla ma'i dgongs lung bstan// 'dod sbyor blo yi 'jug tshul ni// bla ma'i zhal las shes par bya// rdo rje bla ma gnyis byas la// rig pa khu chos thabs chen bstan// spyod lam ma bcos man ngag ni// man ngag zhal du blta shes bya// 'dod pa'i dngos po gang

  448. 224b

    sgo nas// rig skyes man ngag rang shar ba// rdo rje slob dpon zhal du ltos// rig pa rang 'char man ngag ni// 'du 'dzi mtshan ma'i nang du skye// nges par dus tshod gang yin pa// rdo rje bla ma'i lung las shes// gtad bral rig pa phyogs gcig pa// nam mkha' sgom pa'i rnal 'byor te// nges par bsgom lung tshul bstan pa// slob dpon 'phrul tshig brda' las shes// glang chen bskyod thabs rig pa'i gter// de yi spyod lam bslab pa des// ji bzhin rig pa nyams su myong // nges tshad bla ma'i zhal las shes// drod ldan rdo rje bla ma yis// rgyal thabs dbang bskur brjod med par// rgyas btab blo la g.yo/ med lung // byin rlabs rig pa'i man ngag yin// 'di ni rang gsal 'khor lo la// 'jug pa'i thabs kyi phrin las te// rna brgyud man ngag mi ldan na// rang brtags blo yis ci brtags kyang // lung 'di rtogs par mi 'gyur ro// nges lung gdams ngag med pa yi// rna brgyad med pa'i slob dpon gyis// rang la nges pa'i don med pas// gzhan bsgral gnyis ka ltung ba'i rgyu// rdo rje bla ma mi bskur zhing // man ngag gus pas mi len na// gsang bdag rdo rje'ang rlag 'gyur na// dam med slob ma smos ci dgos// zhes gsungs so// nam mkha'i mtha' dang mnyam pa'i rgyud chen po las/ bya bral phrin las bstan pa'i le'u ste bcu

  449. 225a

    bdun pa'o// // de nas sems dpa' rdo rje dam pa des 'di skad ces gsol ba btab bo// dus gsum rgyal ba thams cad kyi// bgrod bral lam gyi rang bzhin la// bgrod pas phyin par ga la 'gyur// ye nas rig pa mchog gi sa// mgon po khyod la gsol ba ni// 'jug dang bgrod pa'i yul bral ba'i// sa dang lam gyi rang bzhin dag/ bdag la nges par bshad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// nam mkha'i mtha' dang mnyam pa'i rgyud// bgrod bral lam gyi rang bzhin la// bgrod pas phyin par mi 'gyur te// rang gsal rig pa mngon 'char bas// phyin pa med par dus gcig mnan// phyin pa lam gyi yul bral la// bgrod pas phyin med lam mtha' ring // rang byung rig pa gcig la son// rang gsal 'od la 'phro zhing 'du// rang byung snying po ye sangs rgyas// 'khor ba lam gyi rgyu dang bral// mya ngan mi 'da' 'khor ba'i rgyun// gnyi ga rang gsal 'od la thim// dbyer med rig pa mchog gi sku// bgrod med rig pa rang gsal lung // bgrod cing phyin pas mtha' la zug/ rang gsal ma yin chos med pas// ye shes 'od gsal dbus mtha' med// 'dzin pa kun bral cir mi dmigs// 'od 'byung bde chen khyab gsal

  450. 225b

    lung // gnyis med mtha' bral chos kyi dbyings// mya ngan 'das min 'khor ba'ang min// dbu ma'am gnyi ga'ang ma yin te// ma bcos zhi ba'i snying po la// btsal zhing bgrod pa bcos ma'i lam// mthar thug med pa'i sangs rgyas sras// phyogs bcu mtha' yas kun bgrod pas// rig pa rang gsal dbyings las med// de nyid nyams myong kun dang bral// 'od gsal ye shes bde ba'i klong // rdo rje sems dpa' dgyes chen mchog/ yengs med mtshan ma'i rgyud dang bral// 'di ni rang byung rmad grags lung // 'od gsal rig pa'i brda' mjal na// shi le na le dra yi tshul/ shrI na len+da dang mtshungs kyang // lkugs pas dga' ba'i ro myong bas// tshig mtshon pa yi thabs dang bral// bde chen ro yis khyab pa kun// mi mnyam tshad 'di mtha' dang bral// phyin med lam la bgrod du med// sa bcu lam lnga rnam rtog yin// mtha' yas chos dbyings rang gsal la// gang ltar phyin pa de nyid dang // rang gsal nam mkha'i gzhal yas la// byin pas zad pa ga la yod// rang gsal 'od la rtag tu gnas// de bzhin nyid de rig par gsal// gang ltar snang ba de bzhin nyid// ji ltar bltas pas chos kyi dbyings// ji ltar rang gsal rang la phyin// bgrod du med pa'i sangs rgyas sa// btsal med rang gsal lam gyi phugs// ye shes rig pa'i 'khor lo/

  451. 226a

    can// rang la 'khor zhing nyid du 'dus// sgra bral brjod pa'i yu ba can// de kho na nyid sems kyi lung / khyab gdal rig pa phyogs ris med// mngon du mi snang khyab par gdal// gsal ba ye shes snying po can// rig pa rang gsal dbyings la rdzogs// rang bzhag ye shes dbyings nyid la// gsal 'bar rig pas gsor zhing 'bigs// rig pa rang gsal ye shes nyid// med na mi 'byung de phyir lam// rang byung rig pa'i 'khor tshogs la// sgra bral rig pa'i bstan pa sgrogs// rig pa nam mkha' rgyas pa'i mtha'// spro bsdu med pa'i dbyings la gtugs// rang byung rig pa'i yu ba la// gnyis med rig pa mchog gis 'dzin// rang gsal mtha' bral rgyas btab nas// 'da' ba med pa'i tshul du gnas// zhen pa'i rnam rtog khri phrag kyang // 'od gsal dbyings la spro zhing 'du// rnam rtog ye shes dbyings kyi lung // gcig tu gsal ba cir yang 'byung // de nyid rang shar cir mi blta// rang la rang blta cir mi mthong // rdzas kyi khyad par ci bgrod kyang // gser la gnyis pa ye nas med// sa dang lam la ci bgrod kyang // rang gsal rig pa bgrod dang bral// rig pa'i 'og min chos kyi dbyings// rig pa rang gsal 'bar ba'i gnas// rgyal ba kun gyi gsang ba'i gnas// gzhan med ye nas rang gsal lung // 'khor ba

  452. 226b

    rmad byung ye sangs rgyas// sgo nga'i khyung phrug nyid dang mtshungs// rgya mtsho chen po'i tshul bzhin du// spro zhing bsdus pas rang la thug/ snying po rang gsal ye shes la// mtha' yi sgrib pa kun dang bral// rang gsal rig pa'i dkyil 'khor ni// gdod nas nyi ma'i snying po 'dra// de ltar ma rtogs 'gro ba la// 'khrul gzhi ye shes snying pos byas// de nyid rang gsal thabs ldan pas// de nyid shes pas sangs tshul la// glo bur tsam du rgyal bas gsungs// gzhi ldan glo bur gnyi ga yang // 'khrul pa'i lam yin log pa'i chos// 'khrul dang log pa'i tha snyad kyang // dngos dang sems la mi gnas te// ma bcos byang chub snying po la// de dag kun gyi tha snyad bcad// mtha' med dbus la mtha' mi dmigs// dbus med mtha' yang de bzhin te// de dag gang la'ang mi dmigs pas// rang gsal rig pa nyid du mkhyen// dge dang sdig pa'i tshul phye nas// gcig dang gnyis kyi spang len pa// 'dod khams gong 'og gnas skyes pa// thar pa mi thob 'ching ba'i rgyu// spang zhing dang blangs spyad pa yis// gzhi thob rim par bgrod pa des// 'gro don med pa'i zhir gnas te// shi dang mtshungs pa'i 'bras bu yin// bdag med phyed dang gnyis rtogs te// rten 'brel 'byung bzlog tshul bsgoms pas// gzhan don 'ga' tsam skrod mod kyang // byis pa'i 'bras bu med

  453. 227a

    dang 'dra// bden gnyis sgyu ma'i tshul bzung na// bskal pa grangs med gsum gyi chas// lam lngas bcu mthar phyin pa// sred pa log pa'i spang len can// gcig la mtho dman tshul bzung nas// dag pa gsum gyi tshul bltas nas// bcu gcig rtogs pas rdo rje 'dzin// 'dod pa'i smig rgyu bsnyeg dang 'dra// gnyis zhugs nges med tshul bzung nas// rigs bzhi cho 'phrul sgo nas ni// rdo rje 'chang 'dod phra men gyis// nges pa'i 'bras bu ci ste mthong // ting 'dzin rig pa'i tshul bzung nas// cho ga'i yan lag lnga bzhi'i sgos// stug po bkod pa'i sa bgrod pa// rang rtog zhen pas rtag tu bsgribs// snang stong thabs dang shes rab kyis// ting 'dzin gsum gyi dkyil 'khor bsgyur// bskyed rdzogs bzhi yis lam sbyangs te// bcu gnyis bcu bzhi bcu drug gis// mthong ba zag med nyid la sbyor// de nas brgya phrag bcu drag gis// yi ge 'khor lo tshogs chen sa// rang 'dod thob kyang 'od gsal med// dbyings dang ye shes rgyu 'bras kyis// ye shes kyang yi ge dag pa'i tshul bltas nas// 'od kyi ting 'dzin rig pa'i mthus// grangs med lha yi ngang du gsal// de nyid gnyis med rig pa yis// rdo rje sems dpa' mchog gi sa// rang la thob kyang mthar thug bral// rkyen bral rig pa'i don dang 'gal// 'di kun zhen pas rtag

  454. 227b

    tu bcings// rang byung 'od gsal dbyings dang bral// rang gsal ye shes nyi ma nub// rang gsal ye shes 'od gsal la// 'jug pa'i thabs kyis mngon sbyar nas// thos bsam bsgom pa rab sbyangs nas// rang gsal ye shes 'od du 'bar// rig pa rang gsal dbyings la gnas// 'od 'bar thig le gcig tu gnas// gang la chags dang thugs 'thad dang // rang la gang gces phun sum tshogs// ser sna spangs pa'i dad pa yis// rdo rje rgyal po mnyes par bya// rang gsal rig pa'i byin rlabs dang // dad dang dag pa'i nus pa yis// mkha' dang chu la zla ba ni// dag dang dag pa'i tshul gyis snang // gang gcig med pa'i tshul gyis ni// gsal ba'i stobs de mi snang ngo // rang gsal rig pa gdeng ldan kyang // ma rabs byis pa bkri ba'i phyir// lhag pa'i sbyong ba rlabs chen po// rang gsal rig pa'i gdeng gis bya// mkhas shing rig pa'i gdeng du byung // rgyal ba'i dgongs pa'i lung dang ldan// rna brgyud zhal gyi chu yis brlan// rig pa gsang ba'i gtor sgo byed// dbang thob brda don spyod la mkhas// phra ba'i don la'ang de bzhin no// bcos ma ma yin rang bzhag blos// thugs rje 'khor ba dag par ston// 'jig rten grags pa rnam spangs nas// brtan ldan dad dang brtson 'grus dang // mgo lus longs spyod mi chags pa// ye

  455. 228a

    shes gsang ba'i gter sgo dbye// de nas tsit+ta'i sgo phye nas// dbang po'i bye brag tha dad pa// 'phrul tshig sgra yi tshul nas brtag/ thabs sbyor bcos ma'i thabs goms nas// rang gsal rig pa'i don la bzhag/ mos dang thos pa chung ba dang // rang gsal rtogs pa'i mthu med la// de nas goms pa'i mthu rnyed nas// rang gsal legs pa'i don la bzhag/ sems kyi dkyil 'khor legs brtags la// mkha' 'gro dbang btsug nan tan bya// gal te skyon ldan slob ma la// gsang ba'i nyes dmigs mi shes pas// rna brgyud man ngag bstan byas na// sdug bsngal drag pos srog bcad de// mgyogs 'gro de yi myur ba ltar// bar mtshams med pa'i tshul gyis ni// rdo rje'i gnas su ltung gyur nas// byang chub sems kyi rigs dang bral// goms blos rig pa cir mi 'jug/ dran rtog blo yi rjes mi 'brang // ji bzhin rang gsal me long la// bcos med rig pa'i tshul gyis blta// snang tsam nyid na ngo bos stong // stong tsam nyid na 'od du gsal// yengs med 'dzin bral chos dbyings la// gnyis med zug phrad tshul gyis gsal// mar me mun pa'i tshul bzhin du// gnyis med rig pa'i tshul du gcig/ 'du shes gang du'ang mi 'jug pa'o// drod tshad gar yang ma 'phros pa'o// dran med gang bzhag rang gsal ba'o// bcos med

  456. 228b

    rang bzhag gyin dar gnas// drag da la chu bo lta bu'i dpe// nges par rang gsal nyams blangs pas// ji bzhin rig pa'i klung du 'jug/ rgyal tshab nges pa'i slob ma la// lung ldan bla mas don bstan na// 'khor ba byang chub lam du gsal// gcong rong ye shes gnas su bor// bgrod med bla ma'i sa la 'jug/ sa gcig mnan pas sa kun mnan// rdo rje sems dpa' mchog gi sa// thams cad mkhyen pa'i ye shes kyis// ma 'dres yongs su rdzogs par gsal// zhes gsungs so// nam mkha'i mtha' dang mnyam pa'i rgyud chen po las/ bgrod cing spyad du med pa'i le'u ste bco brgyad pa'o// // de nas sems dpa' rdo rje dam pas 'di skad ces gsol to// rang gsal rig pa mchog gi dang // thams cad ye shes chen por mkhyen// dus gsum chos rnams thams cad kun// dus mtha' gcig la gsal bar rtogs// mgon po khyod kyi ye shes ni// bdag la gsal bar bshad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// nam mkha'i mtha' dang mnyam pa'i rgyud// ye shes ngo bo rnam grangs ni// mtshan nyid snang tshul rim pa ni// ye shes gsal ba'i sgo 'byed pa'o// rang snang grangs med ye shes ni// sems dang chos dbyings nam mkha'i

  457. 229a

    mtha'// phyogs ris bgrang bar mi nus pas// rnam grangs de yi tshul sbyar nas// ji ltar 'tshams pa'i tshul du snang // rang gsal ye shes dbus mtha' med// stong nyid rig pa cir mi gzigs// 'od gsal rig pa thams cad mkhyen// dus gcig kun mkhyen rig pa'i lung // sgrib dang sgro skur rnam par bcad// thams cad mkhyen pa'i ye shes yin// ma bcos rig pa'i me long la// thams cad rang gsal gzugs brnyan 'char// ci yang 'gag med rnam mi rtog/ gnyis med rig pa gcig la gsal// phyogs ris mi mnga' 'od gsal ba// yul shes med de gcig la 'dus// rdo rje nam mkha' 'od gsal bas// thams cad mi rtog gsal bar mkhyen// rang rig ye shes mnyam pa'i tshul// che chung mtha' dbus med pa la// rang gsal snyoms pas nyi ma'i 'od// thams cad rang gsal 'od du 'bar// nam mkha'i mtha' dang mnyam sbyor bas// dbye bsres yangs dog mi mnga' bas// mnyam nyid rig pa'i ngang du gsal// ma bcos ngang la gnyis med kyang // shes rab 'od gsal chen po yis// mkha' la gza' skar bkram pa'am// me tog mdzes pa'i phung po ltar// so sor rang gsal gcig tu 'dus// ma 'dres yongs rdzogs gsal ba ni// phyogs med rang gsal ye shes su// dus mtha'i tshad la gsal

  458. 229b

    bar mkhyen// rang gsal rig pa gnyis med la// thams cad ma lus yongs rdzogs pa// ye shes rgya mtsho mu mtha' med// ye nas grub pas bya btsal bral// ma bsgribs gsal ba'i rig pa la// thams cad ma lus rdzogs par ldan// ma bcos rang byung gsal ba ni// rnam dag dbyings nyid dkyil 'khor la// gsal ba'i 'od kyis mngon par mthong // byas pa med par don grub pa'o// thams cad 'byung ba'i dkyil 'khor ni// nam mkha' kun 'byung rig pa'i sgo// 'byung 'jug rig pa'i thig le can// bskyed pa'i dkyil 'khor yongs kyi sgo// kun 'byung rig pa'i 'khor lo bsgyur// rnam dag pad+ma lta bu yis// rang gsal rig pa'i dkyil 'khor de// ma bsgribs gsal ba'i ye shes so// rang gsal sgrib med rig pa'i nyams// 'dzin med rig pa'i blo yis gdal// gsal yang dmigs yul kun dang bral// cir yang mi dmigs cis ma bslad// rdo rje nam mkha' khyab pa'i 'od// btsal bral rigs pa ye nas gsal// ma skyes ye nas gdod nas byung // rang las byung bas gzhan byung min// lhun gyis grub pas phyogs ris med// rang gsal rig pa'i ye shes la// gzhan gyis rig pa gdod nas stong // lhun grub nyid la phyogs med pas// gsal dang mi gsal phyogs dang bral// rang byung nyid la rgyu med pas// bskyed bya skyed byed gdod nas

  459. 230a

    med// rtsol bral ye shes chen po la// rtsol ba'i chu bo kun las 'das// bdag gzhan ma gsal nam mkha'i ngang // yul dang yul can dmigs yul bral// gang yang ma yin gdod nas stong // sgrib pa med pa'i ngo bo ni// bltas pa med par kun la gsal// nyams myong bde ba'i 'du shes yal// 'du shes med pa'i 'du shes can// 'byung 'jug spangs pa'i thabs kyis shes// kun la gsal ba'i ngo bo yang // 'di zhes tshig tu bstan pa med// ston pa rdo rje sems dpa' yis// rig pa'i 'og min chen po ru// rig pa'i ye shes 'khor tshogs la// ye shes ngo bo bstan pa yang // rang gsal rig pa'i ngo bo de// ma bcos rig pa'i klung zhugs nas// dgongs pas gtan la phab pa las// tshig dang yi ger bstan pa med// de phyir ye shes chen po ni/ khyab pa gsal la dngos po med// ye shes rig pa'i pho brang du// rang snang rig pa'i 'od gdal bas// cir ltar bltas pa de ltar gsal// mtha' bral ye shes rdo rjer rig/ ma bcos le nas rang gsal lung // ye nas shes pas ye shes yin// le nas rig pa chen po bas// rig pa ye shes chen po yin// ma bcos ji bzhin rig pa'i don// gtan la pheb pas ye shes yin// dgongs lung rang gsal rig pa la// gnyis med ye nas rig pa'i phyir// ye shes rig pa chen po

  460. 230b

    yin// dgongs pa rig pas mnyam du shes// ma bltas gsal ba ye shes yin// rang byung ye shes nyid yin pas// btsal ba'i bsam pa gdod nas dag/ yin ni ci yang ma yin la// gsal ni kun la mthun par gsal// 'byung 'jug med par rig pa'i mtha'// mtshan nyid nges par gzung dka' bas// gang yang ma yin phyogs bral yin// byams mgon phyogs ris med pa'i gter// rang gsal rig pa'i mtshan nyid can// mtshan gzhi brtags pa'i yul las 'das// rang byung rtag pa mchog gi sku// spros bral brjod med rig pa'i gsung // mtshan 'dzin dran rtog med pa'i thugs// 'phel 'grib med pa'i yon tan gter// bya btsal bral ba'i lam chen po// kun la khyab cing rang la gad la// dmigs su med cing bstan du med// rang gsal me long 'od po che// ma bcos rig pa'i khyad par las// ci ltar bltas pa de ltar snang // thams cad rang gsal rig pa yang // 'khrul pa'i shes pa cir mi 'dod// spros bral rig pa'i 'khor lo las// mtho dman snang tshul cir ma brtags// zag pa'i rang bzhin sbrul min yang // 'khrul pas sbrul gyi ngo bor snang // dngos la sbrul du mi gnas kyang // 'khrul pa'i ngo la snang gzhi yod// rang gsal ma bcos ji bzhin la// rtog dang mi rtog mi gnas kyang // 'khrul pas gnyis su rtog pas

  461. 231a

    bzung // dngos la de ltar mi gnas kyang // rang rang zhen pa'i dbang gis na// de ltar snang ba'i 'khrul gzhir gnas// dag pa'i zhing khams gzhal yas khang // mtshan dang dpe byad 'od 'bar ba// ye shes gsal ba'i ngo bor snang // dngos la de ltar gnas pa med// ces gsungs so// nam mkha'i mtha' dang mnyam pa'i rgyud chen po las/ ye shes bstan pa'i le'u ste bcu dgu pa'o// // de nas sems dpa' rdo rje dam pa des 'di skad ces gsol to// dus gsum sangs rgyas thams cad kyi// sku gsung rol pa rmad byung ba// rang gsal ye shes snyoms pa'i mgon// 'gro drug ye shes gsal bar rtogs// mgon po khyod la gsol ba ni// gsang ba rmad byung theg pa 'di// ma 'ongs dus na ji ltar 'gyur// mgon pos bdag la bshad du gsol// zhes gsungs so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// nam mkha'i mtha' dang mnyam sbyor ba'i// rdzogs chen byang chub sems kyi rgyud// nga yi dgongs pa gsang ba'i don// yang gsang thugs kyi rna brgyud 'di// dgongs pa rnams kyis nges brgyud nas// lha gnas gsum du grags par 'gyur// de nas thugs rje'i sprul pa yis// oM rgyan gling gi dur khrod du// yang gsang phug na gnas bcas nas// ya

  462. 231b

    mtshan sprul pa'i cha 'dzin pas// yang sbrul thugs kyi sras bdun la// rigs pa'i dkyil 'khor sgo phye nas// rgyal thabs spyi blugs dbang bskur nas// gsang ba'i lung 'di ston par 'gyur// de nas yang sbrul skal ldan gyis// 'dzam gling dbus su rgyas par 'gyur// nor bu rin chen ltar grags pas// kun gyi 'dod pa bskangs zin nas// skal ldan rig ldan rtogs pa can// sangs rgyas sa la gnas par 'gyur// gang zhig rang 'dod rtog pa dang // mtshan ma'i sgra la zhugs pa dang // skal ba med pa'i mi rnams ni// ngan 'gror 'khyams pa nyid 'gyur na// skal ldan sprul pa'i sras 'dus nas// mi mngon dbyings su sbed par 'gyur// de nas thugs rje byin rlabs dang // dad pa las 'phro ldan pa ni// gnyis su med par mthun pa yis// mtha' 'khob yul du snang 'gyur nas// skal ldan rigs brgyud 'dzin pa rnams// rang gsal rig pa'i don go nas// sangs rgyas sa la 'gro bar 'gyur// 'di rnams skal ldan rgyal sras te// rigs su nges pa nyid du 'gyur// rang gsal rig pa'i glegs bam 'di// skal ldan rim par brgyud byas nas// gsang ba rig pa'i rgyas btab nas// 'phel dang nub par mi 'gyur ro// de nas gsang ba 'chol ba yis// skal bar ldan dang mi ldan pa'i// 'dus pa'i tshogs la bshad pa

  463. 232a

    yis// mtha' 'khob yul du dar bar 'gyur// de tshe rigs can dam pa'i sras// rgyal ba'i sa la gnas par 'gyur// skal med sgra bzhin spyod pa dag/ ngan 'gro log pa'i gnas su 'gyur// rang gi rnam rtog mi mthun pas// rang gsal gnyis med ye shes la// yin dang ma yin cha 'dzin cing // rtsod pa 'phel ba nyid du 'gyur// de tshe dam pa'i rigs can yang // the tshom za bas mi 'grub cing // kun la rgyas par bsgrags pa'i mthus// thun mong theg pas skur ba dang // chos la byin rlabs chung ba dang // de tshe dur rkun sems 'dzin pas// dmigs pa rtse gcig med pa yis// grub mtha' ring bas skur ba dang // kun gyis skur ba'i gnas su 'gyur// bdag bstod gzhan smod byed pa dang // nyon mongs rtsod pa 'phel gyur nas// phyogs ris zhen pa'i nus mthu yis// rang gsal 'od kyang gsal mi 'gyur// de nas thugs rje skal med pas// gsang ba'i lung 'di nub par 'gyur// gzhan gyis nub par mi 'gyur te// seng ge'i khog pa rang 'jig ltar// nga yi sras su khas blangs pas// gsang ba'i lung 'di nub par byed// de yang ji ltar 'gyur zhe na// chos la phyogs ris bzung ba yis// rtsod pa'i las su 'gyur ba dang // rang gsal nyams dang mi ldan par// rnam par dkar ba'i las bor nas// nyon mongs zhen pa'i las

  464. 232b

    byed dang // rna brgyad gdams ngag mi ldan par// rang brtags zhen pas 'chad pa dang // lhag pa'i che ba 'dod pa dang / khe dang grags pa gtsor bzhag nas// nges dang ma nges kun bsdus nas// 'dus pa'i tshogs la 'chad pa dang // lta ba yas babs btsan thabs dang // brlang po'i ngag dang spyod pa dang // rnam par dkar ba'i las bor te// spang ba'i las dag spyad pa yis// 'jig rten dpyas ka sgrogs pa dang // skye bo kun gyis smod pa dang // thun mong theg pa spangs pa'i mthus// gsang ba dam pa nub gyur nas// de tshe skye bo de dag kun// rdo rje'i khab tu ltung gyur nas// theg chen byang chub sems dang bral// de bas dgongs lung dam pa de// gang zag ngan pas bsgrub par 'gyur// de nas yang gsang theg pa 'di// 'dzam gling dbus su rgyas 'gyur nas// skal ldan rtsol med theg pa yis// sangs rgyas sa la 'gro bar 'gyur// de nas lho phyogs rgyud du ni// gsang ba dam pa rgyas gyur nas// gang zag dam pa kun gyis ni// rtsol med 'bras bu thob par 'gyur// de nas gsang ba 'phel ba'i mthus// rnam par rtsod pa'i gzhir gyur nas// the tshom mi mthun gzhung mang bas// skal ldan 'bral ba'ang 'byung bar 'gyur// de yi dus na gang zag ni// rgyu des 'tsho ba mkhas pa dang // rang gsal don la bsgom pa dang // nges pa'i gzhung

  465. 233a

    lugs 'dzin pa dang // rna brgyud gdams ngag 'dzin pa dang // gsang ba mi 'phel sdom pa dang // dgon par gnas shing don mkhas dang // mi smra sems la zungs su 'dzin// bdud gyis bstan pa 'phel bar 'gyur// de nas lnga brgya tha ma la// nyon mongs rang dgar zhen pa dang // don la zhen pa'i mthu med cing // snod ldan gang zag med pa dang // ma nor nges pa'i bla ma rnams// gdung brgyud chad par gyur pa'i mthus// rna brgyud thugs kyi bcud bral nas// las dang skal bar mi ldan pa'i// gang zag mang du 'dus pa'i mthus// las dang thugs rje skal med pas// yang gsang rmad byung theg pa 'di// 'dzam gling dbus su nub par 'gyur// sprul pa'i bstan pa tha ma'i tshe// ma 'ongs dus na 'jig rten 'dir// 'di ltar nges par 'byung bar 'gyur// zhes gsungs so// nam mkha'i mtha' dang mnyam pa'i rgyud chen po las/ lung bstan pa'i le'u ste nyi shu pa'o// // de nas sems dpa' rdo rje dam pa des 'di skad ces gsol to// dus gsum sangs rgyas thams cad kyi// yang gsang rmad byung rol pa'i mchog/ lung bstan skal ldan gang zag la// klong dgu'i bstan pa ji ltar 'char// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// de bzhin gshegs pa

  466. 233b

    kun gyi gsang // sems can sangs rgyas gnyis su med// bcos med rnam grol rig pa'i thugs// bya btsal kun bral ye sangs rgyas// de nyid dgu ldan sems kyi gzhi// rin chen lam gyis goms par blang // rang byung rig pa'i ye shes ni// rtsol med rang shar thob par 'gyur// rig pa mchog gi dkyil 'khor nas// ye shes rig pa'i 'od kyis gad la// brjod med rig pa'i bstan pa la// ye shes gsal ba'i gsung mchog gis// ma brjod pas ni gtan la phab// 'od gsal ye shes rig pa las// klong dgu bstan pa dus gcig 'char// rin chen 'od gsal thig le ni// gsal ba'i mtshan ma mthong bya'i phyir// klong dgu bam po nyi khri nyid// rin chen gsal bya'i ched du gsungs// rin chen 'od 'bar sems kyi mtha'// theg pa'i rtsa ba cir bstan pa// rdzogs chen byang chub theg pa 'di// klong dgur ma 'dus bstan pa med// rang gsal rig pa mtha' dbus med// cir snang cir lta cir mi dmigs// yul bral rig pa bsam yul 'das// lta ba gza' bral sems kyi klong // 'od gsal ye shes spyod pa la// nam mkha' mtshan 'dzin mi gnas bzhin// blang dor spang 'dzin mi gnas par// spyod pa bag yangs bde ba'i klong // bskyed bral rig pa'i dkyil 'khor la// mtha' yi zhen pa'i chos bral zhing // byang chub sems

  467. 234a

    su rang gsal bas// bskyed bral rang gsal dkyil 'khor klong / khams gsum rin chen 'od gdal te// gnyis med rtogs pas dbang bsgyur zhing // rig pa kun khyab brdal ba ni// rgyal thabs spyi blugs dbang gi klong // bsrung med sems kyi rang bzhin ni// lhag pa'i dam tshig bzhi la gnas// thig le nyid las mi 'da' bas// bsrung bral dam tshig 'da' med klong // bya bral 'od gsal chos dbyings la// phrin las rtsol med lhun grub pas// 'od gsal ye shes phyogs ris med// rtsol med phrin las mchog gi klong // bsam med dmigs bral chos dbyings la// ye shes rang gsal rig pa'i klong // yengs med 'od gsal rig pas bzhag/ bcos med dgongs pa nyid kyi klong // 'khor ba ye nas sangs rgyas la// gzhan du bgrod pa'i yul bral nas// lam dang sa la bgrod med de// sems nyid mthar phyin lam gyi klong // rin chen phung po gsal byed ltar// rig pa rang gsal lhun grub la// rgyu dang rkyen las ma skyes pa// rang byung 'bras bu ye shes klong // klong dgu rin chen 'khor lo ni// rang gsal rig pa'i 'od las 'char// 'khor ba ma bcos 'od gsal la// gdod nas nyes pa'i dri ma med// spros bral ye shes gsal ba la// gnyis med rig pa'i stobs kyis 'jug/ man ngag gsang

  468. 234b

    ba'i 'khor lo ni// kun la bskor zhing dbyings su 'dus// brjod bral chos kyi rang bzhin ni// brjod bya kun gyi snying por gsal// sgra bral rig pa'i bstan pa ni// ji ltar 'dod pa bzhin du gsal// klong dgu bstan pa kun gyi spyi// rang gsal me long rdzogs pa'i lung // thams cad ye shes rang gsal bas// sgrib pa'i chos dang gdod nas bral// spros bral nam mkha'i rang bzhin la// dran dang rtog pa gang yang med// ma bcos chos nyid 'od gsal la// bcos pa'i spyod pa phyin ci log/ rin chen klong gi don rtogs na// thams cad gsang ba'i lam du gsal// ye nas phyag rgya'i ngo bo las// lus kyis rtsol ba'i las mi byed// rtsol bral rig pa'i gsung go bas// bzlas dang 'phro 'du'i las mi byed// rang gsal rig pa'i klung zhugs pas// rdo rje bcos bral 'od gsal sems// don gcig de nyid gzhi dgu la// ji ltar 'dod pa'i don la sbyar// rang gsal rig pa'i don dang 'phrad// gdod nas zhi ba'i rang bzhin la// mtshan ma'i sgro skur chos mi 'jug/ sangs rgyas sems can ma lus la// rkyen bral rang gsal bsgrib med gcig/ dmigs bral rig pa'i tshul gyis ni// ye nas khyab cing brdal bar gnas// ye nas ma btsal sangs rgyas la// bsgrub dang mi bsgrub chos mi gnas// rin chen 'od 'bar gsal ba la// gol dang sgrib

  469. 235a

    pa'i chos mi gnas// phyogs med rang gsal ye shes la// phyogs mtshams gzung 'dzin ye nas dben// rtsol bral rin chen phung po la// ma rdzogs pa yi chos mi gnas// mtha' dbus med pa'i gzhal yas la// tshad dang dmigs pa ga la yod// rdo rje sems dpa' gsang ba'i lung // klong dgu bstan pa kun gyi bcud// rig pa rang gsal me long ni// thams cad kun gyi rang bzhin gnas// zhes gsungs so// nam mkha'i mtha' dang mnyam par sbyor ba'i rgyud chen po las/ klong dgu phye ba'i le'u ste nyi shu gcig pa'o// // de nas sems dpa' rdo rje dam pas 'di skad ces gsol to// rgyal ba kun gyi dgongs pa'i thugs// klong dgu'i rin chen gsal byed lung // bsdus pas nges pa ji ltar gsal// bcom ldan snying pos bshad du gsol// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// klong dgu'i rtsa ba gcig la 'dus// dpe ni gser dang mtshungs pa la// don ni rtsa ba byang chub sems// rtogs tshul gnyis med ye shes te// snying po byang chub sems kyi lung // sems nyid bcos med rang gsal la// gnyis bral rig pa cir mi 'jug/ mtha' dang dbus bral 'od gsal la// gnyis kyi 'du shes smos ci dgos// bde sdug 'gro 'ong mtha' yas

  470. 235b

    kyang // rang gsal gnyis med rang rig go/ bdag med gzhan bral chos kyi dbyings// skyon bral rig pa cir mi dgongs// mtha' dbus bral ba'i de bzhin nyid// rdo rje nam mkha' mchog gi lung // bsam pa ma yin mi bsam min// 'du shes bral ba'i dbyings la rdzogs// rang gsal rig pa gnyis med la// gnyis kyi 'du shes gang rtsol ba/ khams gsum 'khor ba'i gnas su ltung // rdo rje gsang ba'i lung dang bral// gsal ba'i rig pa mkhyen pa'i lung // thugs kyi ye shes gcig yin yang // du mar snang ba'i cha mi 'gag/ gnyis med rig pa gcig la 'dus// gnyis med ngang la gnyis mi bsam// nam mkha' bsam med brjod du med// blo dang rang gsal 'phrad pa ni// gcig las mi g.yo mnyam du gnas// rtsa ba mi 'byed rtsol dang bral// ye shes 'byung 'jug yongs kyis med// gsal ba rig pa'i 'og min la// gnyis med rig pa'i mnyam par sbyor// rig pa'i 'khor lo kun gyi gter// ye shes rgya mtsho mu mtha' med// ma bcos rig pa thabs kyi sgo// grol ba'i dkyil 'khor rgya dang bral// ye shes rdzogs pa'i mchog la gnas// 'di ni bsam brjod kun dang bral// rdo rje gsang ba'i nges lung gi/ man ngag lung gis gtan la dbab// nges pa'i shes pa ma skyes par// rtog dpyod bsam pas gang bshad kyang // nges

  471. 236a

    pa'i man ngag thugs kyi lung // nges par gtan la phebs pa med// ye shes gsal ba'i ngo bo la// ye nas rig pa mchog tu gsal// sangs rgyas kun gyi dgongs pa'i lung // ye shes 'od gsal mchog gi lung // sangs rgyas kun kyang 'di la gnas// sgrib bral phyogs med ci yang gsal// chos kun rtsa ba sems kyi lung // 'di ni rang byung lha yi lha// kun 'dus me long thabs chen po// snying po'i mdo nyid yin par bshad// theg pa kun gyi rtsa ba ni// rdzogs chen brdal ba nyid yin la// de nyid klong dgur 'dus pa yang // rtsa ba byang chub sems su 'dus// kun gyi rtsa ba sems 'di ni// rang gsal nges pa gcig gi ngang // 'di med rgyal ba mi srid la// theg pa 'byung bar mi srid do// chos kun rang gsal 'dir 'dus la// su zhig man ngag nges pa yis// don 'di gtan la phebs pa yis// chos kun gtan la phebs pa yin// sangs rgyas kun gyi rtsa ba ni// rdo rje sems dpa' nyid yin no// sa dang lam gyi rtsa ba ni// 'od gsal rig pa mchog gi sa// don 'di rtogs pas bgrod mi dgos// sa 'di thob pas sbyang mi dgos// sangs rgyas kun dang de yi sras// kun kyang rtsa ba byang chub sems// bcos med rig pa'i don rtogs nas// rang gsal ye shes 'od la bzhugs// 'gro lnga khams gsum ris drug dang // nyon mongs

  472. 236b

    lnga por snang ba yang // rtsa ba rang gsal byang chub sems// rig pa rang gsal don la gnas// mi g.yo mi rtog cir mi dgongs// 'jig rten 'od kyi rgyal po ltar// kun gsal snying po gcig la 'dus// 'od gsal bde ba rnam rtog lam// gsal dang mi gsal chos mi gnas// tha snyad bral ba'i rig par gsal// rin chen 'bar ba'i gser gling ltar// de las gzhan pa'i chos med la// ming dang dbyibs dang che chung dang // las dang brtags pa tha dad de// ngo bo gcig la gnas pa med// gser la gser du mthong ba bzhin// rang gsal rig pa de ltar blta// gser la gnyis pa mi gnas ltar// rang gsal don la gnyis pa med// gser gyi rang bzhin mi 'gyur ltar// rang gsal rkyen gyis 'gyur ba min// rang la mi bsam gsal ba ltar// mi 'dzin rang gsal bsam bral lung // gdod nas ma bcos dag pa ltar// 'od gsal rang bzhin ye nas dag/ cir yang 'gyur zhing snang ba ltar// 'od gsal rig pa'i khyad par la// dbang po mos pa'i khyad par gyis// ji ltar bltas pa de ltar snang // ci yang ma yin snying po ni// rang byung rig pa'i 'khor lo can// sgro skur the tshom rnam par gcod// rig pa ye shes rkyen dang bral// rang la rang gis gsal bar sems// kun gyi dgongs pa'i don rnams kun// rtsa ba byang chub sems la

  473. 237a

    'dus// zhes gsungs so// nam mkha'i mtha' dang mnyam pa'i rgyud chen po las/ klong dgu rtsa ba gcig tu 'dus par bstan pa'i le'u ste nyi shu gnyis pa'o// // de nas sems dpa' rje rje dam pa des 'di skad ces gsol to// dus gsum rgyal ba thams cad kyi// nam mkha' mtha'i mnyam gsang ba'i rgyud// rdo rje snying po'i don 'di gang // gtan la phab pa bshad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// dus gsum rgyal ba'i dgongs pa'i don// nam mkha'i mtha' dang mnyam pa'i rgyud// rdo rje snying po bla na med// ma nor nges par gtan la phab// rang bzhin dgongs pa'i chos sku yang // ma nor gtan la phab pa'o// rang bzhin phyi nang chos kyi dbyings// rnam dag 'od gsal dkyil 'khor la// ma bcos rang sal dgongs pa ru// rang gi ngang gis gtan la dbab// bya bral rdzogs lung bstan pa ni// gnyis med ye shes rdo rje'i lung // rang gsal rig pa'i snying po ni// rang gis rang la gtan la phab// chos dbyings rig pa'i 'og min te// rig pa mchog gi gzhal yas su// ston pa rdo rje sems dpa' yis// rang gsal rig pa'i 'khor rnams la// rdo rje 'od gsal bde ba'i lung // snying por rang gsal bcud kyi

  474. 237b

    don// sgra tshig bral ba'i dgongs pa yis// ma nor nges par gtan la phab// chos nyid rdo rje mchog gi sgra// ma brjod rang gsal rig pas thos// brjod bral gsang ba'i nges don 'di// brjod pas gtan la phebs mi 'gyur// nyi ma rang gsal ji bzhin du// rang la de bzhin nyid du ston// chos nyid rdo rje 'jig mtha' med// ma skyes gdod nas dag phyir ro// snying po dgongs pa kun 'dus pa// rang gsal nyid du gtan la phab// ma bcos dag pa'i chos sku ni// rdo rje nam mkha'i spyod yul la// ma yengs rkyen bral snying po yis/ gser la gser bzhin gtan la phab// cir yang mi dgongs de bzhin nyid// gsal la dmigs bral de kho na// chu la chu ltar de bzhin nyid// rig pa rang gnas mchog tu gnas// rna brgyud rig pa'i pra khrid kyis// rang gsal ye shes gtan la 'bebs// brjod med don la de nyid kyi// lung dang man ngag mtshon pa'i sgos// ye shes gsang ba gtan la phab// ma nor nges pa'i dgongs par gtugs// ji bzhin rig pa'i dkyil 'khor la// de bzhin gsal ba'i blo yis 'jug/ 'od gsal nyams kyi snying po ni// bde la mi rtog gsal ba'i ngang // phyogs bral lta ba gza' gtad med// 'dzin bral ting 'dzin cir mi dgongs// bsam dang bral lo 'du shes spangs// gcig tu gnas kyang khyab par gsal// rnam

  475. 238a

    par mi rtog sa le ba// sa le bar yang bsam du med// bdag gzhan mtshan mas ma bzung zhing // rnam rtog bral ba'i dbyings la rdzogs// ma bgrod sa la dus gcig gnas// nyi ma'i snying po bzhin du gnas// ma btsal ma bsgrubs ji bzhin nyid// rang sems rgyun bral rig pa'i mchog/ dus mtha' shes rab cig char la// chos kun gsal bar rtogs pa'o// snying rje nyi ma'i 'od de ltar// 'gro ba kun la snyoms pa'i bdag/ nam mkha'i mtha' la longs spyod pa// thams cad mkhyen pa'i ye shes mtsho// gsang ba'i rgya mtsho mchog gi gter// dman pa'i spyod yul ma yin pa'o// ye shes rgya mtsho'i blo mnga' zhing // rtog 'joms ye shes rdo rje'i dbyings// rgyu 'bras rang gsal snying po'i mchog/ shes rab mchog gi spyod yul gyis// ye shes rdzogs pa'i sgo phye nas// dus gcig ye shes 'od du 'bar// kun mkhyen ye shes snying po la// blta ba'i sgrib pa rnam bsal zhing // 'od 'bar thig la mchog gi rgyan// gdul ba'i bsam pa ji bzhin du// thugs rje chen po'i byin rlabs kyis// thabs mkhas spyod pa bsam mi khyab// dus gcig nyid la gsal bar 'char// bya bral rdzogs pa'i lung nyid dang // rang gsal rig pa mchog gi nyams// rna brgyud sems kyi man ngag gis// ma nor nges par gtan la phab// rang gsal dang du gtan la

  476. 238b

    phab// bdag gzhan med par gtan la phab// 'gyur med klong du gtan la phab// nges pa med pa'i theg pa brgyad// 'gro ba drang ba'i ched du gsungs// de yi bsam pa 'dren pa'i phyir// drang ba'i lung zhes bshad pa yin// bsam dang mos pa'i khyad par gyis// theg pa'i khyad par de ltar bstan// 'gro ba'i 'dul chad ma gtogs pa// nges par dgongs pa gcig las med// rang dbang sems la mi gnas na// spyod dang rtsol ba'i khyad par gyis// rang rig don la cir btsal yang // ye shes mchog gi don dang 'gal// nges pa'i shes pa ma skyes na// dran dang rtog pa cir bsgom pa// gang bsgom de nyid rtog 'gyur zhing // ma bsgoms pas kyang 'grub mi 'gyur// 'di kun long ba'i spyod yul te// 'jig rten log pa'i shes pa yis// 'od gsal rig pa nyid bsgoms kyang // 'grub par mi 'gyur tshe chad 'gyur// rgyal ba'i dgongs pa ji bzhin pa// de nyid ma bcos chos dbyings don// nges par rnal du gang ston pa// nges pa'i don du gsungs pa yin// sangs rgyas rnams la bcos med de// gang zhig bcos ma drang ba'i lung // bcos med ye shes snying po ni// nges pa mchog gi lung du 'dod// gang zhig rtsol ba'i chos rnams ni// 'gro ba'i spyod pa drang ba'i lung // rtsol med nges par ston pa ni// rgyal ba'i dgongs pa'i nges lung

  477. 239a

    pas// ji bzhin ma bcos dgongs pa'i tshig/ nges pas nges pa zhes su bshad// ces gsungs so// nam mkha'i mtha' dang mnyam pa'i rgyud chen po las/ chos thams cad rdo rje snying po mchog tu gtan la phab pa'i le'u ste nyi shu gsum pa'o// // de nas sems dpa' rdo rje dam pa des 'di skad ces gsol to// dus gsum sangs rgyas kun gyi thugs// gsang ba yang gsang rmad du byung // nam mkha'i mtha' dang mnyam sbyor ba'i// mtshan gyi rnam grangs bshad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// sangs rgyas kun dang mnyam sbyor ba'i// gsang ba'i yang gsang byang chub sems// ji bzhin rig pa mchog gi gter// ma bcos byang chub sems kyi lung // spros bral rig pa mchog gi gsung // skye dang 'gag med ye shes klong // spros med byin rlabs phyogs bcur brdal// rang gsal chos nyid dag pa'i mkha'// gnyis med klong du ye sangs rgyas// chos sku ye shes 'od dpag med// thig le 'od 'bar rig pa'i klong // bstan pa'i rtsa ba sems nyid dang // bstan pa'i yang rtse don gyi mchog/ nam mkha'i mtha' dang mnyam pa'i rgyud// gsang ba kun 'dus rig pa'i gter// yi ge med pa mchog gi lung // kun 'dus rig

  478. 239b

    pa mchog gi rgyud/ khu byug klong dgu bstan pa'i mchog/ ye shes gsang rdzogs mnyam pa'i gter// theg pa'i rnam grangs ji snyed pa// rdzogs chen theg pa 'dir 'dus te// rtsa ba byang chub sems yin pas// chos kun rtsa ba zhes su brjod// zil gnon lhag par 'phags pa dang // 'dir 'dus kun gyi tog yin pas// ma bcos byang chub sems nyid ni// bstan pa'i yang rtse yin par bshad// 'das dang ma byon dus gsum gyis// rgyal ba'i dkyil 'khor ma lus pa// dgongs pa rang gsal 'di yin pas// don gyi mchog ces nges par bshad// 'di la mtha' dang dbus med cing // sgro skur brjod bsam dag pa dang // bsam gyis mi khyab pa yi phyir// nam mkha'i mtha' dang mnyam pa'i rgyud// chos kun byang chub sems nyid las// sangs rgyas sems can kun gyi gsang // rig pa sems la kun 'dus phyir// gsang ba kun 'dus rig pa'i gter// 'di la tshig dang yi ge dang // brda dang mtshan ma tha snyad kyis// rang gsal mtshon du med pa'i rgyud// yi ge med pa'i rgyud ces bya// thams cad ye nas chos dbyings la// che chung bzang ngan blang dor dag/ ye nas gnyis med gcig pas na// kun bzang rig pa mchog gi rgyud// chos kun rtsa ba klong dgur 'dus// klong dgu rtsa ba sems su gcig/ 'byung dang rtogs par dka' ba'i phyir//

  479. 240a

    khu byug kun bzang klong dgu'i rgyud// ye nas ye shes rang gsal yang // rnam rtog phra rags bsam yas pas// bsgribs pas gsal bar ma mthong bas// ye shes gsang ba mchog gi rgyud// phyi nang sangs rgyas sems can dang // bdag gzhan bde sdug zad par ni// ye shes rang gsal la rdzogs pas// ye shes rdzogs pa'i rgyud ces bya// dus gsum rgyal ba'i dgongs pa ni// rdo rje snying po 'od gsal te// ma nor gtan la phab pas na// rdo rje snying po gsang ba'i rgyud// 'di ni gsang ba rmad byung ba'i// 'di ni gsang ba rab gsang ba// don dang 'brel pa'i mtshan du bshad// ces gsungs so// nam mkha'i mtha' dang mnyam pa'i rgyud chen po las/ mtshan gyi rnam grangs bstan pa'i le'u ste nyi shu bzhi pa'o// // de nas sems dpa' rdo rje dam pas 'di skad ces gsol to// ye shes rang gsal ngo bo la// gnyis pa'i chos dang rnam bral yang // rtogs dang ma rtogs khyad par gyis// 'jug tshul rim par bshad du gsol// zhes gsungs so// de nas yang de bzhin gshegs pa rdo rje sems dpas 'di skad ces gsungs so// kye sems dpa' chen po// rang snang ye shes gsal ba la// rnam rtog sgrib pa'i chos mi gnas// gdod nas dag pa'i ye shes ni// nam mkha' gsal ba'i 'od dang mtshungs// 'dod pa kun 'byung

  480. 240b

    rin po che// chags med pad+ma lta bu'i ngang // rang byung rang gsal rang la rdzogs// rdo rje sems dpa' gsang ba'i mchog/ kun 'byung chags pa chen po'i mchog/ zab mo brtag dka' rgya chen nyid// dmigs bral mkha' mnyam rgyas pa'i mchog/ 'od gsal bde mchog rang gsal lung // 'di ni nam mkha'i mtha' mnyam lung // rang gsal rig pa mngon rtogs pas// bcos bral rig pa gsal ba'i ngang // chos sku 'od 'bar dus gcig gsal// bde mchog ro la dus gcig bzhugs// 'od gsal rig pa'i gdeng ldan na// rang gsal ma yin chos mi gnas// rang byung 'od lnga rtag tu 'bar// ye shes 'bar ba mchog gi gnas// dus gcig rig pa rang gsal na// rim skye'i shes pa nor ba'i lam// gsal la mi mngon chos dbyings ni// thams cad kun la khyab par gnas// rtog pas ma bcos bla ma'i sa// 'khor ba nyid na ye sangs rgyas// ma bcos sa la dus gcig phyin// 'od gsal klung la rtag bzhugs kyang // 'gro ba'i don la phyog ris med/ khams gsum 'khor ba'i btson ra yang // rig pa rang gsal chen por blta// dug lnga brtsegs pa'i ri bo yang // rang gsal ye shes lnga ru 'bar// thams cad ye shes gsal ba la// gnyis pa'i rtog pa gdod nas stong // gang zhig 'od gsal chen po la// rig pa sems dang mi ldan na//

  481. 241a

    btsal ba'i rnam grangs ci spyad kyang // byas na 'ching ba chen por 'gyur// dam tshig mi bsrung tha mal sems// 'jig rten grags pa gtsor len pas// rang byung rig pa'i sems dang bral// mun gyur bden pa'i don las nyams// ji ltar btsal ba de nyid 'khrul// gang ltar bltas pa de nyid nor// lta log spyod rtsir mu stegs pa// shi nas dmyal ba chen por 'gro/ thar pa'i skabs dang bral nas kyang // theg chen gsang ba'i rigs dang bral// yang dag gsang ba'i don rtogs na// ci spyad ye shes 'od du 'bar// thams cad gsal ba'i me long pas// ye shes rang gsal 'od du 'bar// zhes gsungs so// nam mkha'i mtha' dang mnyam pa'i rgyud chen po las// gdams ngag phog pa'i le'u ste nyi shu rtsa lnga pa'o// // de nas yang sems dpa' rdo rje dam pas 'di skad ces gsol to// sangs rgyas kun gyi gsang ba'i gter// dus gsum rgyal ba'i dgongs pa'i lung // gang zag dam pa gang ltar brtags// mgon po chen pos bshad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// rdo rje theg pa bshad dang nyan// skyon dang yon tan rim pa ni// rdo rje bla ma man ngag can// rig pa gsang ba'i mdzod 'dzin cing // rang gsal lung gi don

  482. 241b

    la goms// shes rig ye shes nyid du gsal// rna brgyud man ngag ldan pa dang // rig pa mdzod kyi nyams dang ldan// ye shes 'khor lo bskor zhing 'bebs// rgyal thabs dbang thob man ngag ldan// spyod pa ma bcos klung du zhugs// thugs rjes 'gro ba sgrol la brtson// chos la phyogs ris mi mnga' zhing // gsang ba'i man ngag 'tsho mkhas te// theg pa'i bye brag ma rmongs pas// lta ba'i che ba rtogs par ldan// tshig gcig don kun rtogs pa'i blo// shes rab chen po 'od 'bar bas// bag chags phung po sreg byed pa// rdo rje bla mar yin par brtag/ dregs dang snying rje chung ba dang // rna brgyud gdams ngag mi ldan zhing // thos chung khe grags bcud 'dzag cing // dbang lung man ngag mi ldan pa// phongs pas phongs par gyur nas ni// man ngag dam pas phongs par 'gyur// dad pas lus srog mi blta zhing // rdo rje bla ma gus pas khur// man ngag gsang ba gzhung ldan pas// gsang ba spel bar mi byed cing // rang gsal rig pa'i don la dga'// bskal par mi 'gyur spun la sems// snying rje dam tshig ldan pa dang // brtson 'grus shes rab ldan pa yis// rgyal tshab nges pa gcig la gtad// bla ma gzhung ldan mkhas pa yis// snod ldan rgyal sras de dag la// rang gsal ye shes don bshad na// skad cig nyid la rdzogs sangs rgyas// dad

  483. 242a

    med chags pa che ba dang // ser sna rang che phyogs blta zhing // 'jig rten grags pa gnyer ba dang // dam med brtson 'grus chung ba dang // ye nas blo 'phang dma' ba dang // 'jig rten bya ba'i rgyur sgrub dang // theg pa dman par zhugs pa dang // chos la phyogs ris ngoms skyen dang // rdo rje bla ma bslu ba dang // nges pa'i don la skur 'debs pa// 'di la gsang ba'i sgo phye nas// nor bu rin chen gang gtod pa// rdo rje dmyal bar skye bar nges// gal te thar zhing sems skyes na// gsang ba'i don dang phrad mi 'gyur// rdo rje bla ma smod pa ni// dus gsum rgyal ba smad pa'i mthus// bdun rgyud tshun chad brlag 'gyur nas// rdo rje 'bar ba'i nang du skye// gal te dam par 'jug 'don na// skyabs kyi dam pa rnyed mi 'gyur// gang zhig gsang ba'i gsung mchog la// gang zhig spangs shing skur btab pas// rgyal ba'i gsung mchog spangs pa yin// thar pa'i sems dang gtan du bral// zhes gsungs so// nam mkha'i mtha' dang mnyam pa'i rgyud chen po las/ gang zag brtag pa'i le'u ste nyi shu drug pa'o// // de nas sems dpa' rdo rje dam pa des bcom ldan 'das la 'di skad ces gsol to// dus gsum rgyal ba'i sku gsung thugs// gsang mdzod thugs kyi me long 'di// bstan dang bshad dang bklag pa yi// yon tan rgya

  484. 242b

    cher bshad du gsol// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// dus gsum rgyal ba'i gter gyi dbyig/ nam mkha'i mtha' dang mnyam pa'i rgyud// gsang ba'i yang snying bstan pa'i bcud// sangs rgyas kun gyi dgongs pa'i lung // nges par gcig tu bstan pa'i rgyud// sku gsung nam mkha'i mtha' mnyam pa// spros bral bstan pa cir mi dgongs// theg pa'i yang rtse kun gyi 'grel// lung gsum man ngag kun gyi bcud// rin chen phung po zad mi shes// zag med ye shes bde chen klong // rtag pa ye shes 'khor lo can// rab tu gsang ba rtogs dka' zhing // dman pa'i spyod yul ma yin pa// rang gsal rang gi ye shes mdzod// rang byung rig pa'i 'od la zhugs// bde chen khyab pa'i ngo bo ni// nam mkhar 'dzin pa'i sems dang bral// 'di la mos pa'i gang zag ni// sangs rgyas sa la skal pa mnyam// rdo rje sems dpa' bcom ldan 'das// rang gsal khyab pa'i 'od mnga' zhing // rig pa gsal ba'i dbyings la gnas// 'khor ba sangs rgyas dus gcig gsal// rig pa ye shes gsang bar snang // 'gro drug ye shes snying por gsal// dngos po thams cad gsal bar rtogs// bstan pa'i snying po gang 'char ba// rgyal ba'i sku gsung thugs 'chang ba// de bzhin

  485. 243a

    ma nor rig pas 'dzin// ye shes nyi ma'i 'od ltar snyoms// thugs rjes 'gro ba'i dpal du shar// bdud dang bgegs kyis mi tshugs shing // rig pa'i dkyil 'khor nyid du 'char// klog dang 'bri dang 'dzin pa la// kun kyang bu bzhin skyong bar byed// de phyir bstan pa'i yang snying 'di// rigs nges rgyal tshab gcig la gtad// brag dang chu gting sba bya ste// srog dang bral ba'i kha bzhin bsdam// zhes gsungs so// nam mkha'i mtha' dang mnyam pa'i rgyud chen po las/ rgyud gzung ba'i le'u ste nyi shu rtsa bdun pa'o// // rgyud kyi rgyal po chen po rdo rje sems dpa' nam mkha'i mtha' dang mnyam par sbyor ba zhes bya ba byang chub kyi sems rdzogs pa chen po'i rgyud rdzogs so// // rgya gar gyi mkhan po shrI sid+ha dang / bod kyi lo ts+tsha ba dge slong bai ro tsa nas d+ha he na'i 'du khang du bsgyur ba'o// bar 'di nas snying po bde ba chen po sgra gri pad+ma ra la gri 'khor lo'i rgyud 'dzud//

  486. 243b

    rgya gar skad du/ dz+nyA na gu h+ya dI pa rat+no pa de sha tan+ta nA ma/ bod skad du/ ye shes gsang ba'i sgron ma rin po che man ngag gi rgyud ces bya ba/ bcom ldan 'das rdo rje sems dpa' la phyag 'tshal lo// 'di skad bdag gis thos pa'i dus gcig na/ de bzhin gshegs pa thams cad kyi sku gsung thugs ye shes kyi snying po bcom ldan 'das rdo rje 'chang gsang ba mchog gi bdag po des/ mkha' spyod 'og min gyi gnas chos kyi dbyings kyi pho brang mkha' klong yangs pa'i gnas mchog na/ gtang gzhag med pa'i ting nge 'dzin la snyoms par zhugs pa'i dus na// de'i tshe 'khor sangs rgyas dang / lha dang mi dang / lha ma yin dang / sha za dang / srin po dang / gnod sbyin la sogs pa rnams kyi nang nas/ rdo rje sems dpas pus mo g.yas pa'i lha nga sa la btsugs nas/ dngas pa'i sems kyis bcom ldan 'das kyi drung du/ lus btud de 'di skad ces gsol to// kye ho bcom ldan rdo rje 'chang // gsang ba'i bdag po mthu stobs can// chos nyid byang chub sems kyi don// bdag cag rnams la bshad du gsol// zhes gsol to// rdo rje 'chang gsang ba'i bdag po des gsungs pa/ kye sems dpa' chen po nyon cig chos nyid don gyi rnal ma de// ma bcos ma bslad rang byung ba// tshig dang yi ge brjod las 'das// yid la ma byas mtshon dang

  487. 244a

    bral// brda' 'am thabs kyis bstan pa las// ngag tu brjod pa'i chos nyid min// don dam de la brjod med kyang // bla ma'i thabs kyis ma mtshon na// gnas lugs de ni rtogs mi 'gyur// chos rnams thams cad brda' yis bstan// brda' la goms pa'i rnal 'byor pas// brda' yi don la skyol bar nus// ye shes gsang ba sgron ma rin po che man ngag gi rgyud las/ gling gzhi'i le'u ste dang po'o// // de nas yang sems dpa' rdo rjes 'di skad ces gsol to// kye ho gsang ba'i bdag po lags// chos nyid mtshon pas rtogs 'dod pa'i// slob dpon slob ma'i mtshan nyid ni// gsang ba'i bdag pos bshad du gsol// zhes gsol to// gsang ba'i bdag pos bka' stsal pa// kye sems dpa' chen po nyon cig/ slob dpon slob ma'i snod bcud de// legs par bshad kyis yid la zung // dka' ba mang spyad skyo ngal chung // rgyud la mkhas shing man ngag che// thugs rje che la 'dod pa chung // brgyud pa ldan la mtshon pa mkhas// dbang rnams thob la ting 'dzin gsal// de rnams ldan pa'i bla ma la// bcud dang ldan par ngas bshad do// bla ma la gus gtong phod che// dad pa ldan la brtson 'grus che// bla ma mi gsang shes rab ldan// sems bzang go cha mthug pa dang // rgyud 'jam zhe sdang chung ba dang // 'jig rten

  488. 244b

    'brel pa'i skyob chen min// bla ma 'khor ba'i gnyen gcig po// skye shi la sogs sdug bsngal gyis// mthong nas de las sgrol 'dod pa// de rnams ldan pa'i slob ma ni// snod dang ldan par shes par gyis// ye shes gsang ba sgron ma rin po che man ngag gi rgyud las/ slob dpon slob ma'i mtshan nyid bstan pa'i le'u ste gnyis pa'o// // de nas yang sems dpa' rdo rjes 'di skad ces gsol to// kye ho gsang ba'i bdag po lags// snod ldan smin par bya ba'i phyir// dbang gi rim pa bshad du gsol// zhes gsol to// gsang ba'i bdag pos gsungs pa// kye sems dpa' chen po nyon cig/ gsang sngags rgyud la mos 'dod na// smin par bya phyir dbang bskur bas// lha dbang lus la bskur ba ni// zag bcas lha yi dbang bskur na// thun mong dngos grub phra mo 'byung // 'jig rten chos la dbang bskur bas// rang lus lha ru phyag rgya shes// skye med rig pa'i dbang bskur na// rang lus ma skyes dngos gzhi med// sems kyi dkyil 'khor 'od gsal bas// rdul tshon rdzas la rag ma las// dbang thob byin brlabs rtags rnams 'byung // rang sems mthong bas ting 'dzin gsal// byin brlab dgug gzhug bya mi dgos// thabs dang shes rab zung du 'brel// bde chen chos skur shes pas na// mtshan ma'i blo yang rang sar grol// gzung

  489. 245a

    'dzin zag pa de ru chad// rig pa stong gsal dbyer med la// gab pa mngon du phyung bas ni// rang byung ye shes ngo bo nyid// rig pa 'dzin med gtan la pheb// rig ma la sogs btsal mi dgos// bdag dang bdag gir 'dzin pa zad// 'dzin med sems la bcos bslad med// ye shes gsang ba sgron ma rin po che man ngag gi rgyud las/ rig pa rtsal gyi dbang bskur ba'i le'u ste gsum pa'o// // de nas yang sems dpa' chen po rdo rjes 'di skad ces gsol to// kye ho gsang ba'i bdag po lags// rang byung rig pa'i dbang bskur nas// bsgom pa'i rim pa bshad du gsol// zhes gsol to// gsang ba'i bdag pos bka' stsal pa// kye sems dpa' chen po nyon cig/ nges pa'i don la mos pa yi// rnal 'byor pa yi don ched du// sems kyi gzhag thabs 'di ltar lags// dpe don rtags dang ting 'dzin nyams// gzhag thabs btsa' thabs bcos pa'i thabs// rnam pa brgyad du rig par bya// yon tan rnam pa gsum du bstan// dpe yis mtshon pa 'di ltar lags// bram ze gtsang mas khrus gsol te// rgyal srid kun la dbang bsgyur bzhin// ma las sems can thams cad la// byang chub gnyis med rang bzhin gnas// de don rtogs par bya ba ni// dmigs pa dag la brtan byas nas// mi

  490. 245b

    dmigs pa ni rab tu skye// mi dmigs pa la goms byas nas// dmigs med ngo bo nyid du grub// ma zin zin phyir snang bzhi bsgom// zin pa brtan phyir goms par bya// 'dzin med rang gsal rten mi 'cha'// zang thal rig pa rjen par bzhag/ brtan pa bogs dbyung la bzla bas// rang sems dag pa chos sku yin// rang byung ye shes mtha' las 'das// zhi gnas lhag mthong zung du 'brel// rig pa yul gyis mi gnod pa// dper na dngul chu 'pho ba 'dra// rtags ni lus ngag yid gsum la// lus ni 'dar zhing sprug pa dang // 'phags dang rgyug pa'i las rnams byed// ngag ni rgod cing ngu ba dang / kha nas sgra skad sna tshogs 'don// sems ni 'dzin med btang dka' bas// phyi nang shes pa mi 'gyur zhing // dper na sbyin phor mdzub btsugs bzhin// ting 'dzin goms par bya ba ni// rgyud dang snod dang de bzhin nyid// nyams ni ming du mi thogs par// shes pa khong nas dag pa 'byung // sngar ma thos pa'i chos skad 'byung // de don rtog med yul la ma zhen na// 'dzin med sems dang ma bral bas// spyod lam rnam bzhi gang byed kyang // sems kyi rtsi yis zin pas na// 'di ni gzhag thabs dam pa ste// dgongs pa bud+d+ha'i thugs dang mnyam// de don rgyud la btsa' ba ni// rtsis gdab 'dzin pa'i rtog pa med// dper na zi bya tshang

  491. 246a

    'jug bzhin// ma yengs lam du khyer dgos pas// dper na dmu rgod rta 'dul bzhin// ma yengs par ni gzhag par bya// de las sems ni 'phro 'gyur na// dper na nam mkha'i sprin bzhin du// 'byung yang gzhi la gnod med ltar// rtog pas mi 'grib bcos mi dgos// gsal la mi rtog kye ma ho// mi bskyod rgya mtsho'i gting dang 'dra// byang chub sems kyi rig pa 'di// gnyug mar gnas pa chos kyi sku// snga phyi rjes 'brang 'khrul pa'i lam// shes pa mi 'gyur bkrir mi btub// shes pa bying bar gyur pa'i tshe// 'phro 'du'i thabs kyis zhi bar 'gyur// shes pa rgod par gyur pa'i tshe// 'gyu ba dal bus bda' ba ni// rjes nas bcug pas rang sar ldog/ dper na rkun po tshor ma thag/ ma bskrad rang bzhin dengs pa bzhin// sems kyi rang bzhin chos nyid la// rang bzhin gsal bar ngang gis zhog/ de ltar rtogs pa'i rnal 'byor nyams// shing bal lta bu'i lus 'byung la// dbugs ni phyi nang 'gyu mi tshor// chos nyid bde gsal chen po'i nyams// yon tan 'char lugs 'di ltar lags// mtha' dbus med pas nam mkha' 'dra// 'jig bral med pas rdo rje 'dra// chags zhen med pas bung ba 'dra// rang byung ye shes ngo bo yin// ye shes gsang ba sgron ma rin po che man ngag gi rgyud las// sems kyi gzhag thabs bstan pa'i le'u ste

  492. 246b

    na zas// / de nas yang sems dpa' rdo rjes zhus pa// tha kyi gsang ba'i bdag pa lags// thun ma mnga' la man tan rdzogs// bdud dang zas sa dbya ba 'gyur// bdud kyi ngas bzang bca ts+tsha gsal// gsang ba'i bdag pos bka' bral ba// kyai sems dpa' chen po nyon cig/ bdud dang chos su dbye ba la// rnam pa bco brgyad 'dir bshad do// gzugs ni thang po'i bdud du gnas// bu sogs bdud du skal// de la 'dzin pa nyon mongs bdud// 'khrul pa'i sem ni 'chi bdag bdud// dgos pa'i nor yang bdud yin pas// gnod sbyin lnga yang de dang 'dra// stong pa phyal chad lta ba'i bdud// da thogs med bsgoms pa'i bdud// rtog med rang gi spyod pa'i bdud// zug med 'dod pa 'bras ze'i bdud// phra mos chog shes thos pa'i bdud// rtswa rlung 'jug pa rlung gi bdud// grub mtha' log pa chos kyi bdud// ma thab dam bca' ma pa'i bdud// 'dra 'dzi longs spyod g.yeng ba'i bdud// las ngan 'brel ba grogs kyi bdud// the tshom skyes na thams kyi bdud// thabs kyis ma ben shes rab bdud// bar za bzhigs rnams thams shes pas// bdud kyi gags thal nyams la phan// me shes gsang bskon ma rin po che lan dag gi rgyud las/ bdud kyi ngas bzang bstan pa'i le'u rtse lnga pa'o// / de nas yang rdo rje

  493. 247a

    sems dpas zhus pa// kye ho gsang ba'i bdag po lags// bdud kyi 'jigs pa sel ba'i phyir// 'jigs med skyabs shig bstan du gsol// rdo rje 'chang gis bka' stsal pa// kye sems dpa' chen po nyon cig/ rang sems ma rtogs bdud du shar// yod par ngo shes skyabs yin pas// nges mtshon ngo sprod 'di ltar bya// snang ba shes su shes par gyis// sems kyi rang bzhin stong pa yin// stong pa 'dzin med bsam du med// bsam med mtha' bral chos sku yin// zin pa rtsol ba'i nad dang bral// lhun gyis gnas par rtogs pa na// de dang ma bral rnal 'byor rgyan// gzhan btsal 'jigs pa'i skyabs mi rnyed// rang byung ye shes kha drag skyel ma 'dra// rang sems chos kyi skur rtogs pas// 'jigs pa yi ni nad dang bral// ye shes gsang ba sgron ma rin po che man ngag gi rgyud las/ bdud kyi 'jigs pa bsal ba'i le'u ste drug pa'o// / de nas yang sems dpa' rdo rjes zhus pa// kye gsang ba'i bdag po lags// ma rig pa yi ling thog sel ba la// nges don bdud rtsi lta bu'i sman/ khyed kyis bdag la gsung du gsol// gsang ba'i bdag pos bka' stsal pa// kye kye sems dpa' chen po nyon cig/ rgyud kyi rjes su mos pa la// dang por dbang bskur legs bya ste// de nas yang dag bshad par bya// ji bzhin pa yi chos

  494. 247b

    nyid la// ma yengs gsal bar bsgom par bya// sems rtog med cing ye shes gsal// gnas lugs dang las ma g.yos pas// dper na gser gling phyin pa 'dra// dgongs pa rdo rje 'chang dang mnyam// de nyid gsal la ma zhen na// yang dag don la gnas pa yin// chags sdang gti mug dbang gis ni// rgod cing bying ba byung ba'i tshe// phyi nang gsang ba gsum po la// sems gtad de ni zhi bar 'gyur/ khams bde thun ni ring par bya// mi bde thun bzhir bsgom par bya// de nas blta bas thag bcad de// mtha' gnyis dmigs pa'i yul las grol// dmigs pa med pa byang chub sems// gzung 'dzin med pa'i ye shes la// chos kun byang chub sems su gcig/ sems ni nam mkha'i mtshan nyid ltar// mtshan ma med par ro gcig pas// skye med rnam grol bdud rtsi'i zas// dngos por blta ba'i dug 'joms pa// byang chub sems kyi lam chen 'di// dngos po stong pa nyid las grol// gdags su med pa'i sems nyid la// mtshan mar btags na blo yin pas// chos nyid blo las 'das pa yin// blo yi blo gros ngo mtshar che// de ni blo gros dam pa'i rgyu// de phyir yod med gnyis med zhe na// yang dag byang chub sems nyid la// yod par sgro mi 'dogs pa dang // med par skur pa mi 'debs pas// rtag dang chad pa'i mtha' las 'das// 'byung

  495. 248a

    bzhi rgyu ba'i rtsi dmigs can mig kyang // rlung sems rang khar ma yan na// phyi nang 'gyu ba med pa bzhin// mi snang bzhin du 'gyu bar zad// dper na nam mkha'i sprin bzhin du// sprin tshogs nam yang gnod mi nus// de bzhin byang chub sems nyid la// rtog pas 'grib par yongs mi nus// rang sems dag pa chos nyid la// ma btsal lhun gyis grub pa ste// gang ltar bsgoms kyang thig le'i ngang // dper na til gyi mar me bzhin// phyi nang gsal ba'i rig pa'i mdangs// rang sems rtogs pas sangs rgyas pa// 'og ma'i lam lngas mi bgrod// gsang sngags thabs lam skad cig gis// sgrib pa'i phung po bsal bar byed// dga' bde sdug bsngal byung tshe na// btang snyoms chen po'i ngang bzhag pas// nges don bdud rtsi'i sman chen 'dis// nyon mongs nad rnams zhi bar mdzad// ye shes gsang ba sgron ma rin po che man ngag gi rgyud las/ ma rig pa'i nad rnams bsal ba'i le'u ste bdun pa'o// // de nas yang sems dpa' rdo rjes zhus pa// kye ho gsang ba'i bdag po lags// rnam par rtog pa gcod pa'i phyir// spu gri lta bu'i gdams ngag cig/ bdag cag rnams la gsung du gsol// gsang ba'i bdag po kun tu bzang pos bka' stsal pa/ kye sems dpa' chen po nyon cig/ rnam dag kun grol lam chen 'di// rgyud kyi rjes

  496. 248b

    su mos pa la// rang sems bud+d+har cer bstan pa// dngos grub tshe 'dir thogs med 'thob// ma btsal lhun gyis grub pa'o// de ltar ma shes sems can rnams// rang re'i blo yis bcings pa la// thabs ni du ma gsung 'gyur kyang // yang dag gdams ngag rgyal po 'di// bka' brgyud spu gri lta bu ste// gang zag gsum las 'ga' yi don// 'byung ba sems la gnas par bya// gang la mi ltos man ngag rgyud// zung du 'jug pa'i ye shes ni// rang lugs bzhin du shes par bya// rgyu dang rkyen la rag ma lus// thug phrad shugs kyi lhug pa'o// sku gsum 'bras bu rang chas pa// ye shes rang chas zang ka ma// 'di ni rang la byin gyis brlabs// rnam shes 'du ba'i gnas dag tu// bag phab lus sems glod par bya// brtags pa blo yi zhen pa log/ mi gnas pa yi mnyam pa nyid// dge ba 'phel ba'i gnas dag tu// phra rags yul la blo/ mi gzung // rang sems thabs kyis mthong bya ste// dngos por lta ba'i yul las 'das// yang dag shes rab mig phye nas// rang sems dri med rjen pa mthong // thang la phebs pa'i ting 'dzin yin// de ltar khong du chud pa na// skyes bu phun sum tshogs pa yin// mthong ba'i chos la blo mi gzhag/ stong ba la yang de bzhin no// sems nyid drang por bzung du med// nges par ngang la zhen na 'chings// 'di la chags pa 'ga'

  497. 249a

    yod na// rang gis bcings pa'i srin bu bzhin// 'bras bu med par brlag par 'gyur// de bas sangs rgyas thob 'dod pas// rang gi sems kyi rtsad bcad de// bsam med ye shes sna rtse yin// des na chos kun rtsa ba 'di// sems nyid yin par shes par bya// ye shes gsang ba sgron ma rin po che man ngag gi rgyud las/ spu gri lta bu'i le'u ste brgyad pa'o// // de nas sems dpa' rdo rjes 'di skad ces gsol to// kye ho gsang ba'i bdag po lags// 'gro ba'i skyabs mdzad thugs rje can// bdag cag rmongs par gyur pa la// ye shes ngos gzung bshad du gsol// gsang ba'i bdag pos yang gsungs pa// kye sems dpa' chen po nyon cig/ de nyid ngos gzung spyi blugs dang // tshogs drug lcug dang thug phrad dang // gnas pa'i thabs dang lnga ru bshad// dang po ye shes ngos gzung ni// sman pa mkhas pa lta bu ste// de yis nad dang nad pa'i nyams// rtsa dang chu yi sgo nas rtog/ nad ngos zin na ming 'dogs bzhin// de bzhin bde bar gshegs pa'i rgyud// bla ma mkhas pa'i gdams ngag dang // rang gi nyams kyi bye brag gis// tshad ma gsum la brten nas ni// ye shes mkha' ltar khyab pa la// ngo yis zin na bde dang 'phrad// ye shes spyi blugs dgongs pa ni// 'phrul gyi me long sum phrug ltar// de bzhin gnas

  498. 249b

    lugs rtogs pa'i ming // 'di dang phyi ma gnyis su med// de bzhin don la gnas pa'o// tshogs drug lhug pa'i man ngag ni// skyes bu nad kyis gzir ba la// ma sring ngo tsha'i rtog med bzhin// de bzhin sems nyid rtogs pa'i mi// bdag gzhan 'dzin pa'i rtog pa med// rtog med lam du khyer dgongs pa'o// ye shes thug phrad gdams ngag ni// dper na dar ya'i sman bzhin du// reg pas nad rnams zhi bar byed// de bzhin ye shes bdud rtsis zin// sems can lus la bud+d+ha'i thugs// sems gnas pa yi man ngag ni// rus sbal 'khar gzhong bzhag pa bzhin// yan lag 'khrums pas bzung mod ltar// de bzhin rnal 'byor rnam rtog chud// rnal 'byor sems la dbang bsgyur bas// 'khrul pa'i shes pas 'khrul mi nus// ye shes gsang ba sgron ma rin po che man ngag gi rgyud las/ ye shes ngos gzung ba'i le'u ste dgu pa'o// // de nas yang sems dpa' rdo rjes zhus pa/ kye ho gsang ba'i bdag po lags// rang byung ye shes ngo bo nyid// rang la 'char lugs ji ltar lags// bdag cag rnams la bstan du gsol// gsang ba'i bdag pos yang gsungs pa// kye sems dpa' chen po nyon cig/ rang byung ye shes ngo bo de// 'char ba'i thabs ni 'di lta ste// rang sems gnyug mar gnas pa ni// bla ma'i man

  499. 250a

    ngag thabs kyis ni// gnas pa'i don shes ye shes pas// de las 'das pa'i gong ma bcad// bla na yod pa chen po yin// de ltar ma shes blo chung bas// dang por dben par lus bsdad nas// bya rgod mkha' la 'phur ba bzhin// dmigs gtad bcas la rig pa gtad// rlung sems gcig tu 'dus byas te// bla mas gsungs pa ji bzhin du// rtsol ba drag pos thun du gzhag/ mda' mkhan smyug ma srong ba bzhin// dmigs pa'i rtsol ba drag tu bsgrim// thun tshad rab 'bring gsum du bcad/ khams bde thun la rtsol sgrub bskyed// zhen na rtsol ba klod la bzhag/ nyams kyi 'char lugs rnam pa gsum// thod rgal cig char rim gyis dang // bye brag mang po shes par bya// zin pa'i rtags ni phyi ru 'byung // lus 'dar yan lag sprug pa dang // mkha' la 'phur zhing rgyug pa dang // bkrag dang ldan pas 'byung ba snyoms// brtan zhing 'gul du mi btub dang // gzung ba sla la gtang ba dka'// shes pa de dang 'grogs 'dod na/ khams dang mthun pa'i spyod lam bya// thun chen goms pa'i rnal 'byor bya// slob ma'i ting 'dzin zhan gyur na// bar du bsgrims la tha mar klod// dang por klod la tha mar bsgrim// ting 'dzin rab tu gyur pa na// ma bcos so ma lhug par bzhag/ rab 'dzin sbyin phor mdzub btsugs 'dra// 'bring

  500. 250b

    'dzin 'dag par rdo brgyab 'dra// tha ma rtsol ba drag na gnas// sgra yi tsher mas mi gnod pas// ting 'dzin nyin mtshan bsre bar nus// brtan pa yongs su rdzogs byed pa// lus sems khong klong gnyug ma'i ngadang // byang sems bde ba che dang phrad// mkha' ltar mtha' dbus sems la med// lus ni yod du mi tshor ba// shing bal 'dab ma ltar yang ba// dbugs ni phyi nang 'gyu mi tshor// sems ni mkha' ltar phyogs ris med// ye shes khong 'char bde chen 'bar// ye shes gsang ba sgron ma rin po che man ngag gi rgyud las/ rang byung gi ye shes gtan la dbab pa'i le'u ste bcu pa'o// // de nas yang sems dpa' rdo rjes yang zhus pa// kye gsang ba'i bdag po lags// byang chub sems ni gzung dka' bas// sems kyi gzhag thabs bshad du gsol// gsang ba'i bdag pos bka' stsal pa// kye sems dpa' chen po nyon cig/ gzhag thabs btsa' thabs bcos thabs tshad// drod rtags skye tshul 'bras bu bstan// gzhag thabs rnam pa gsum yin la// mkha' la khyung lding gzhag pa dang // thi bya tshang du 'jug pa dang // byang ba btang ba'i skyes bu bzhin// mkha' la khyung lding bzhag pa ni// gshog pa thad bcang lding ba dang // rtsol bsgrub med par lding ba dang // 'og ma mthong bar lding ba dang // yon tan rdzogs pas lding ba dang // nang

  501. 251a

    du gshog ru rgyas pa ltar// rnal 'byor mi rtog bsgom pa'i tshe// shes par thang bcad mnyam par gzhag/ rtsol bsgrub med par mnyam par gzhag/ 'og ma'i don mthong mnyam par gzhag/ yon tan yar la rdzogs par gzhag/ rnal 'byor lus la sangs rgyas rdzogs// thi bya tshang du 'jug pa ltar// de bzhin the tshom med par gzhag/ bya ba btang ba'i skyes bu ltar// ji ltar gnas pa sdug bsngal med// btsa' thabs rnam pa gsum du bstan// dmu rgod rta ltar btsa' ba dang // rin chen gter ltar btsa' ba dang // ra dza'i btsun mo ltar btsa' ba'o// dmu rgod btul ba ma yengs ltar// de bzhin bsgom pa'i sems ma yengs// rtogs pa'i don la gnas par gyis// rin chen gter ltar btsa' ba ni// them yig gzhan la ma shor bar// gzhan gyi chom rkun mi tshugs shing // de bzhin rnal 'byor bsgom pa'i che/ gdams ngag rtsi yis zin pa ni// rnam par rtog pas mi tshugs so// btsun mo lta bur btsa' ba ni// rgyal po mnga' dang btsun mo la// gzhan gyi gnod pas mi tshugs bzhin// de bzhin gdams ngag ldan pa'i mis// chos rnams sems su shes pa la// dngos po dug gis tshugs mi srid// bcos thabs rnam pa gsum du bstan// mkha' la sprin ltar bcos pa dang // khang stong rkun ma lta bu dang // dug la sngags kyis

  502. 251b

    btab pa ltar// tshad la rnam pa gsum du bstan// gsal ba'i tshad ni mar me ltar// mi g.yo'i tshad ni rgya mtsho ltar// yang zhing 'jam pa shing bal ltar// drod rtags rnam pa gsum du brtan// phyi rtags lus po yod mi tshor// nang rtags dbugs ni 'gyu mi tshor// gsang rtags dngos po'i zhen pa chod// skye tshul rnam pa gsum yin te// rnam par rtog las ye shes skye// stong pa nyid las snying rje skye// zhi gnas bsgoms na lhag mthong skye// 'bras bu sku dang gsum yang ye shes 'char// ye shes gsang ba sgron ma rin po che man ngag gi rgyud las/ byang chub kyi sems gtan la dbab pa'i le'u ste bcu gcig pa'o// // de nas yang sems dpa' rdo rjes 'di skad ces gsol to// kye ho gsang ba'i bdag po lags// lta bsgom spyod pa ci ltar lags// 'dus pa'i 'khor la bstan du gsol// gsang ba'i bdag pos bka' stsal pa// kye sems dpa' chen po nyon cig/ dang po lta bas thag bcad la// bar du bsgom pas nyams su blang // tha ma spyod pa la dor la// dang po lta bas thag bcad ni// reg pa rgyun chags thog mtha' med// sems nyid rgyu rkyen gnyis las 'das// mtshan ma'i rnam rtog skyon dang bral// blo dang ldan pa'i rgya bskyed de// mtha' las 'das dang lhun gyis grub// rgya che khyab gdal nyid du gnas// mtha' dang dbus su mi rtog na// lha

  503. 252a

    ba'i gol sar ltung mi 'gyur// yin pa gsum gyis zag bcad pa// sku gsung thugs la yid ches skye// rin po che yi gser gling du// phyin pas thams cad gser du snang // 'khor 'das bzang ngan med par shes// ce spyang e na ya yi mig bzhin du// gnyis su med par zag chod do// bsgom pas nyams su blang ba ni// 'das pa'i shes pa rjes mi gcod// ma 'ongs shes pa sngon mi bsu// da lta'i shes pa ma bslad pa// dngos po'i rjes su ma 'brangs na// gnyug ma'i sems ni yin par nges// dbang po sgo lnga'i rjes 'brangs nas// sems can phal pa'i yul la chags// bung ba bcud la chags pa ltar// mi rtog pa la zhugs pa'i tshe// tshor bas ci yang mi tshor ba// chos can bor nas chos nyid pa// grangs can spyi yi bsgom par 'gyur// snang tshod nyams su myang bas na// rgyu 'bras khyad gsod chad par 'gyur// spang zhing ga par byed pa ni// nyan thos 'gog pa'i mi rtog par// thams cad ma lus tshor bas na// yul dang yul chen gnyis su rtog/ ci yang yid la ma byas na// rjes su mi 'brangs mi rtog pas// grol bar 'dod pa lam gyi mchog/ ci yang ma skyes ma bcos pa// shes pa so ma nyid du 'dod// de bzhin gshegs pa'i dgongs pa yin// tha ma spyod pas la dor ni// nya mo chu las mi 'da' bzhin// dkar po'i chos dang

  504. 252b

    bral thabs med// dngos po'i chos la zhen na 'khor// yang na ri dwags sgra nyan ltar// yang na glang po mtsho phrad ltar// nam mkha'i mdung bskor 'dra ba'o// gang la thogs pa med pa ni// ral gri so mang 'dra ba ste// gdong du ci byung thams cad gcod// ye shes gsang ba sgron ma rin po che man ngag gi rgyud las/ lha sgom spyod pa ma 'dres rdzogs pa'i le'u ste bcu gnyis pa'o// // de nas yang sems dpa' rdo rjes 'di skad ces gsol to// kye ho gsang ba'i bdag po lags// thams cad mkhyen pa'i gsang sgo nas// kun gzhi ma skyes stong pa la// phyi nang chos rnams ji ltar rdzogs// mos pa'i 'khor la bstan du gsol// gsang ba'i bdag pos bka' stsal pa// kye sems dpa' chen po nyon cig/ kun gzhi skye med ma bcos stong pa nyid// de rtogs rnal 'byor gang gis mi gnod pa// skyes bu goms pas gar rgyugs lhung med ltar// skye med rtogs shing 'dris pa'i rnal 'byor pas// gang ltar spyad kyang mi nyams thig le dang // ched du mi spang dang la bzhag pas 'bral// ma spangs lhun grub byang chub chen por spyod// kun gzhi ma bcos brdal ba chen po nyid// chos kun ma 'dres byang chub sems su gcig/ kun gzhi ma bcos ngang la gang spyod pa// chos rnams kun la mi spyod mi rtog na// spyod med gnas lugs rtogs pa'i spyod pa

  505. 253a

    yin// chos nyid spyod pa'i rtags ni ji ltar lags// gang la zhen pa med pas chags pa chung // ma nor don la kun gzhi 'gyur med gsal// rtags chen de yod gzhan gyi khar mi ltung // mngon shes stobs dang rdzu 'phrul lung ston 'byung // de la rlom sems med par nga rgyal ri bo smad// de yis spang len mi byed mnyam pa nyid du gsal// thig le gcig tu rtogs pas tha dad 'dzin pa bral// gzhan nas ma btsal rang la yod pa ngo mtshar che// rang bzhin med par shes pas 'bras bu 'byin mi nus// ma nor pa yi thabs kyis zin pas na// nyon mongs lnga dang dug lnga'i rtsa ba bral// dper na rnga ma'i snying po gzung dang mtshungs// skyes bu de la bya btsal med pa ste// pa na sa yi 'bras bu smin pa ltar// smin par bya ba'i rtsol ba mi byed dang // byed pa'i rtsol ba de ni smin pa'i gegs su 'gyur// kun gzhi mnyam pa'i ngang la nas pa ni// 'khor ba'i chos kun mi spang de la rdzogs// 'phags pa'i bden bzhi'i lam yang de la rdzogs// rang rgyal rten 'brel lam yang de la rdzogs// byang sems smon 'jug lam yang de la rdzogs// byang chub sum cu rtsa bdun de la rdzogs// bcu yis bgrod pa'i sa yang de la rdzogs// dkyil 'khor rim pa'i dbang yang de la rdzogs// lha dang bzlas pa phrin las phyag rgya de la rdzogs// 'phags pa

  506. 253b

    mnyes byed mchod pa de la rdzogs// sdom pa gsum gyi bsrung bya de la rdzogs// gnong zhing 'gyod pa'i bshags pa de la rdzogs// legs pa'i bsngo ba smon lam de la rdzogs// rgyal ba'i sku gsum thob ka thus ka yin nam de la rdzogs// kun gzhi ma bcos thig le nyag gcig la// yon tan rdzogs pas zhing sa gshin pa 'dra// thig ni mi 'gyur rang sems skye med yin// le ni gdal ba mnyam pa nyid du gsal// bsdu/ ba'i don ni gcig pas gcig ces bya// mnyam pa'i tshul gyis gol sgrib ji ltar spongs// mi lta mi bsgom mi spyad dbyer med na// 'og ma'i lta spyod gnas su gol mi 'gyur// gang yang mi 'gro 'dug pa'i mi dang mtshungs// mnyam pa'i tshul gyis bdud rnams ji ltar 'dul// mnyam pa'i gdeng la yid ches ma bral na// bdud kyi bar chod sprul pa ci byung yang // thams cad sems su shes pas klan ka mi tshugs shing / khyim bdag dpa' bos bsrungs pa'i bud med 'dra// gza' gtad med pa'i lta ba'i mtha' dang bral/ 'dzin pa med pas bsgoms pa dang la gsal// blang dor med pas spyod pa gang la bzang ngan med// 'bras bu spangs thob med pas sku dang ye shes gsal// de ltar rtogs pa'i rnal 'byor pa la 'chi ba med// ye shes gsang ba sgron ma rin po che man ngag gi rgyud las/ yon tan yar ldan gyi le'u ste bcu gsum

  507. 254a

    pa'o// // de nas yang sems dpa' rdo rjes zhus pa/ kye ho gsang ba'i bdag po lags/ khyod ni 'gro ba'i lam ston pa// mkha' spyod gnas su 'gro ba'i phyir// 'phags pa'i lam gcig bstan du gsol// gsang ba'i bdag pos bka' stsal pa// kye sems dpa' chen po nyon cig/ mkha' spyod gnas su 'ong 'dod na// dang po thos pa'i shes rab kyis// phyi nang chos la sgro 'dogs chod// bar du bsam pa'i shes rab kyi// de don rgyud la goms par bya// tha ma bsgom pa'i shes rab kyis/ bdag tu 'dzin pa'i nyon mongs gzhom// tshogs lam bla ma tshad ldan la// mnyes pa gsum gyi mchod pa 'bul/ sbyor lam bla ma'i gdams ngag gis// gzhi nas lhag mthong gzung du 'phel// mthong lam spyan lnga dag pa yis// rang sems skye med mthong bar bya// bsgom lam ting 'dzin rnam gsum gyis// gnyug ma'i yid la goms par bya// mthar phyin nyes pa gnyis zad pas// chos rnams zad sar bsgral bar bya// nga ni thabs kyi sa mkhan te// thar lam 'chol ba lam 'dir shog/ mjal dang thos dang rtogs dang goms// chos dang mdo dang mdzod dang 'jigs// thabs kyis de yis ngang la 'jog/ ye shes gsang ba sgron ma rin po che man ngag gi rgyud las// 'phags lam bstan pa'i le'u ste bcu bzhi

  508. 254b

    pa'o// // de nas yang sems dpa' rdo rjes 'di skad ces gsol to// kye ho myong yang gsang ba'i bdag po lags/ khyod ni ye shes spyan dang ldan// bdag cag mos pa'i 'khor rnams la// rgyud kyi yon tan bstan du gsol// gsang ba'i bdag pos bka' stsal pa// kye sems dpa' chen po nyon cig/ rgyud rnams kun gyi bcud bsdus pa// ye shes gsang ba'i rgyud la 'dus// ci ste sgron mas don mthong ba// yon tan 'byung bas rin chen yin// yon tan bsam gyis mi khyab pas// ming tsam brjod pas stobs dang ldan// dag par byed cing skyon sel bas// dngos grub nges par 'byung ba'o// bdud kyi dpung rnams 'joms par byed// sha khrag lus las grol 'gyur na// 'dod khams zhen pa med par 'char// srid pa'i gnas su mi 'jug pas// ye shes lus la the tshom med// mun pa sel byed sgron ma'i rgyud// de thos mya ngan rnams gsum bral// rgyud ni rgyun chags zhes bya ste// 'khor ba yang ni rgyud du 'dod// 'brel dang ma tshang med pa dang // dgos pa tshang bas rgyud ces bya// ye shes gsang ba sgron ma rin po che man ngag gi rgyud las// rgyud kyi yon tan bstan pa'i le'u ste bco lnga pa'o// // de nas yang sems dpa' rdo rjes 'di skad ces gsol to// kye ho gsang ba'i bdag po lags// dus gsum mkhyen pa'i rdo

  509. 255a

    rje 'chang // 'khor rnams rmongs par gyur pa la// rgyud kyi gtad rgya gsung du gsol// zhes gsol to// rdo rje 'chang gis bka' stsal pa// kye sems dpa' chen po nyon cig/ 'khor gyi nang nas gdams pa ste/ khyod ni nus pa'i stobs dang ldan// nyid las mi gzhan 'khor yin pas// man ngag rgyab brten sgron ma'i rgyud// thugs la 'tshong la gces par gyis// lan cig snyigs ma lnga'i dus na// nyi zla bzhin du dar zhing rgyas// byang chub srog dang brdol ba'i dad pa dang // chos nyid gtan la phebs pa'i shes rab dang // slob dpon mgo ltar khur ba'i mos pa dang // rgyud la shin tu mos pa'i skal ldan la// mi thub gsum gyi dus su khyod kyi de la ston// mos dang nyan dang kha ton klog/ chad dang bsgom par bya ba'i mi// bar gcod med par skye shi gnyis las grol// ye shes gsang ba sgron ma rin po che man ngag gi rgyud las/ rgyud kyi gtad rgya bstan pa'i le'u ste bcu drug pa'o// // ye shes gsang ba sgron ma rin po che man ngag gi rgyud ces bya ba rdzogs so// // paN+Di ta shrI sid+ha dang zhus chen gyi lo tsA ba be ro tsa nas man ngag gi rgyud gtan la phab pa'o// /

  510. 255b

    rgya gar skad du// rat+na tsakra nA ma tan tra// bod skad du// rin po che 'khor lo zhes bya ba'i rgyud// gsang bdag che la phyag 'tshal lo// bstan pa ston pa 'khor gnas dus// ngo mtshar chen po'i tshig lnga yis// sems dpa' rdo rje la sogs la// gsang bdag chen pos bka' stsal pa// sangs rgyas sems can gzhi gcig kyang // phyi nang snod bcud gnyis su bzung // ye shes 'khrul pa gnyis su snang // mun pa'i nang 'khyams don mi gsal// gcig la 'char sgo gnyis su byung // gcig gis drug gi 'bras bu myong // ming ma thogs las shugs kyis 'khrul// rin chen 'khor ba'i gnas su 'khyams// snang dang mi snang gzugs su 'khrul// zhes gsungs pa dang // sems dpa' rdo rjes slar gsol pa// sangs rgyas sems can gzhi gcig la// gnyis snang shes pa'i mtshan nyid rnams// gcig pa lags sam tha dad lags// zhes gsol ba dang // gsang bdag chen pos lan gsungs pa// ming ma thogs kyi spyis nas// snang ba dag dang ma dag gnyis// mtshan nyid gnyis su snang mod kyang // ming ma thogs su spyis gcig/ gcig med gnyis kyang yin ma yin// dper na ga bur sman dug bzhin// dug min sman kyang kho na min// sman dug ga bur spyi sa gcig/ rkyen dang gang 'phrad sman dug go/ ming ma thogs kyi spyis na//

  511. 256a

    'char sgo rnam pa gnyis su byung // ma rig 'khrul pa'i 'char sgo dang // rig pa ye shes 'char sgo gnyis// spyi sa de las byung ba yin// 'khrul pa bzang ngan khyad par las// rtogs dang ma rtogs gnyis su snang // gsang bdag ye sangs rgyas pa yin// rtogs nas sangs rgyas chos kyi sku// bsgoms nas sangs rgyas longs spyod sku// mnyan nas sangs rgyas sprul pa'i sku// sku gsum zhing khams dag tu snang // ma rtogs 'khrul pa'i shes pa de// kun gzhi 'od kyi khang bu na// ma rig pa yi 'khrul pa ni// dran pa phra mo'i yid byung bas// yid kyi dran pas tshol khro byas// bde snyam mi bde snyam byung bas// bde/ snyam nyams su myong ba yis// 'bral mi phod pa'i chags sems skyes// mi bde snyam pa'i sems byung bas// mi bde yid kyi tshol khro byas// nga'o snyam pa'i dran pa skyes// bde sdug sems la yun ring bas// gsal snyam mi gsal snyam gnyis 'byung // gsal ma gsal la yid rtog skyes// 'od gzugs rigs gzugs gnyis su byung // rig pa stong pa'i snying po can// kun 'byung rin po che yi gter// 'dod dgu'i longs spyod zad mtha' med// thams cad 'bras bu 'char ba'i gzhi// gsang bdag chen po ngas bshad kyis// sems dpa' rdo rje legs par nyon// ces gsungs so// rin po che 'khor lo'i rgyud las/ gleng

  512. 256b

    gzhi'i le'u ste dang po'o// // de skad gsol pa'i tshig rjes su// gsang bdag chen po'i rang bzhin las// sems dpa' rdo rjes slar gsol pa// kun gzhi spyi sa gcig pa la// 'char sgo gnyis su byung ba de// byas pa lags sam byung ba lags// byas na 'dus byas dngos yin pas// bsgrubs pa rnams kyang don med 'gyur// byung ba'i mtshan nyid yin pa na// bdag las byung ngam gzhan las byung // zhes gsol pas// gsang bdag chen pos lan btab pa// ga bur dag gi rang bzhin la// sman dug ming du ma btags kyang // sman dug gnyis su snang ba ltar// kun gzhi spyi sa gcig pa las// 'char sgo gnyis su shugs kyis 'byung // sngon la gang skyes ldog bcas so// ma rig 'khrul pa'i 'char sgo nas// rig pa'i 'char sgo ma shar bar// kun gzhi 'od kyi gzugs su snang // 'od la 'dod pa'i sems skyes pas// 'dod khams lha ru shugs kyis 'khrul// 'od la yang dag ngos su bzung // gzugs khams lha ru shugs kyis 'khrul// 'od kyi rang bzhin ma shes shing // ci yang min pa'i yid skyes pas// gzugs med khams su shugs kyis 'khrul// 'od la rig pa'i rtsal skyes pas// rtsal la gdeng rnyed rtog pa shar// rig la yun ring gnas pas thob// 'od la chags shing zhe sdang byung // dmyal ba'i gnas su shugs kyis 'khrul// 'od

  513. 257a

    la chags shing 'bral mi phod// yi dwags gnas su shugs kyis 'khrul// yang dag ma shes don mi gsal// byol song dag tu shugs kyis 'khrul// 'od gzugs bzang ngan phrag dog skyes// mi rnam dag tu shugs kyis 'khrul// nga las med pa'i sems skyes pas// lha min dag tu shugs kyis 'khrul// rtsa ba ma rig gnyis yin pas// snang dang mi snang gnod byed pas// 'dre kun dag gis dpe yis bstan// gzhi ni kun gzhi'i rnam shes yin// chags las zhe sdang lus su 'khrul// 'dod las 'dod chags sha ru 'khrul// gti mug sha yi gzugs su byung // bden rdzun rnam pa sna tshogs byung // lhan cig skyes pa'i ma rig las// kun brtags ma rig rtog pa byung // yid gnyis phyi nang gnyis su bzung // yul la 'jug cing sgrib rnams gsog/ 'byung 'jug phyi nang dag tu blta// zhes gsungs so// rin po che 'khor lo rgyud las/ 'khrul tshul bstan pa'i le'u ste gnyis pa'o// // de skad gsol ba'i tshig rjes la// sems dpa' rdo rjes yang gsol pa// gzhi dang 'khrul pa'i mtshan nyid de// 'dra ba'i dpe ni ci yis mtshon// gzhi dang 'khrul pa'i khyad par ci// 'khrul gzhi rtsad nas ji ltar gcad// de skad gsal ba'i tshig gsan nas// gsang bdag chen pos lan btab pa// gzhi ni kun gzhi'i rnam par shes// 'khrul pa

  514. 257b

    kun tu 'tshol ba'i yid// gzhi ni ye nas yod pa ste// 'khrul pa yid rtog glo bur pa// gzhi ni rig pa rgyu yin te// 'khrul pa rnam rtog dum bur snang // smig thag tho gzhi de las su// chu sbrul mir 'khrul dpe yis mtshon// bcos bslad 'phel 'grib rgyu rkyen bral// 'pho 'gyur bya btsal 'gyur ba med// dngos med ma bcos lhun gyis grub// glo bur chos la rag las min// ma bcos ma bslad ma btsal don// 'dzin bcas blo las khyad par grol// kun gzhi'i rnam shes ma rig gzhi// lhan cig gnas pa'i ma rig de// yid kyi rnam par shes pa'i gzhi// 'gyu ba'i yid kyi shes pa de// nyon mongs can gyi yid kyi gzhi// nyon mongs 'gyu ba'i shes pa de// sgo lnga rnam par shes pa'i gzhi// phyi lta nang lha yid gnyis de// 'khrul pa gzhi la med par bcad// ces gsungs so// rin po che 'khor lo'i rgyud las// 'khrul gzhi rtsad nas bcad pa'i le'u ste gsum pa'o// // de nas gsol pa'i tshig rjes la// sems dpa' rdo rjes yang gsol pa// 'khrul pa bsal zhing ldog pa'i thabs/ khyad par chos ni yod dam med// de skad gsol pa'i tshig gsan nas// gsang bdag chen pos lan btab pa// 'khrul pa bsal na thad dkar bsal// 'khrul pa ldog na rgyu nas ldog/ sgo lnga yul la gsal dus su// snang ba'i mtshan nyid shes pas ldog/ nyon mongs

  515. 258a

    rnam lngar gsal ba'i tshe// blo bur 'khrul par shes pas ldog/ yid kyis nang du bltas pa'i tshe// blo yi 'dzin par shes pas ldog/ bden pa'i chos la the tshom za// mi bden chos la yang dag 'dzin// bden rdzun shes pa skyes pa'i tshe// ma rig 'khrul par shes pas ldog/ ci yang mi shes mi gsal tshe// gdams pa rgyud la thebs pas ldog/ snang yang mi 'gegs mi bsgrub na// phyi yi 'khrul pa sol ba yin// gsal yang yul la mi 'jug na// rten gyi 'khrul pa sol ba yin// nang du bdag 'dzin mi skye na// 'phrang gi 'khrul pa sol ba yin// phyi nang shes pas ma bzung na// blo yi 'khrul pa sol ba yin// yang dag don la gdeng rnyed cing // 'dzin dang the tshom ma skyes na// ma rig 'khrul pa sol ba yin// rig pa stong pa'i snying po can// snying po ngo yis zin pa'i tshe// rtsol bsgrub 'khrul pa sol ba yin// rgyud kyi bya bzong ba'i tshe// zhen chags 'khrul pa sol ba yin// gnyen po klong du gyur pa'i tshe// rkyen gyi 'khrul pa sol ba yin// ye shes klong du gyur pa'i tshe// ma rtogs 'khrul pa sol ba yin// ye shes rgyun chad med pa'i tshe// dum bu'i 'khrul pa sol ba yin// rtogs pa rang dang mi 'bral tshe// 'khrul pa thams cad ma spangs sol// zhes gsungs so// rin po che 'khor lo'i rgyud las// 'khrul ba bsal thabs kyi le'u ste bzhi

  516. 258b

    pa'o// // de skad gsol ba'i tshig rjes la// sems dpa' rdo rjes yang gsol pa// 'khrul pa sel nas blta ba'i don// nyams su blang du yod dam med// de skad gsol pa'i tshig gsan nas// gsang bdag chen pos lan btab pa// 'khrul pa log nas ye shes 'char// 'khor ba'i shes pa ma sol na// rang gi ye shes ngos mi zin// snyam byed blo dang ma bral na// nges shes rgyud la 'char mi btub// des na 'khrul pa ldog thabs gces// gzhi rtsa med pa'i ye shes ni// rang bzhin dag pa'i lta ba yin// bya bral 'dzin pa med pa ni// ma bslad so ma'i lta ba yin// 'khrul pas mi sgrib ye shes ni// rtogs pa gdeng gi lta ba yin// ma phye ma bkol mi gnas na// yin min med pa'i lta ba yin// spros pa'i chos rnams shugs grol na// phyogs bral chen po'i blta ba yin// rkyen rtog kha ru mi 'gro na// blta/ ba gdeng du skyol pa yin// gong 'og khyad par ma mthong na// thig le nyag gcig lta ba yin// bzang ngan blang dor mi skye na// 'khrul rtog thams cad nub pa yin// snyam byed shes pa mi skye na// blo yi chos las grol ba yin// sems la khu 'phrig mi za na// go rtogs nang nas shar ba yin// snang ba yul gyis mi gnod na// phyi yi sgro 'dogs chod pa yin// bden pa'i don la yid ches na// nang gi sgro 'dogs chod pa

  517. 259a

    yin// sdug bsngal shes pa mi 'byung na// blta ba gnad la phebs pa yin// dge sdig shes pa mi skye na// bde chen gnad kyis zin pa yin// 'gyur ldog shes pa mi skye na// rig pa gnad la phebs pa yin// 'khrul pa'i shes pa mi skye na// gdeng gi gnad la phebs pa yin// rgyu rkyen chos la mi re na// rang byung gnad la phebs pa yin// rig pa'i rtsal rnams rdzogs pa na// stobs kyi gnad la phebs pa yin// stong pa phyal par ma song na// rig pa gnad la phebs pa yin// rig pa gzung 'dzin mi skye na// stong pa gnad la phebs pa yin// rig stong tha dad mi skye na// gnyis med gnad la phebs pa yin// gsal 'grib shes pa mi skye na// ye shes gnad la phebs pa yin// zhes gsungs so// rin po che'i 'khor lo'i rgyud las// 'khrul pa las ldog pa'i lta ba bstan pa'i le'u ste lnga pa'o// // de skad gsol ba'i tshig rjes la// sems dpa' rdo rjes yang gsol pa// lta ba rtogs nas bsgom pa'i don// nyams su blang du yod dam med// de skad gsol pa'i tshig gsan nas// gsang bdag chen pos lan btab pa// lha sgom bkol ba med pa la// lta bzhin gnas pa bsgom pa yin// sgom bzhin 'char ba blta ba yin// blta rtogs bying ba'i skyon las grol// bsgom gnas rgod pa'i skyon las grol// bying rgod skyon las

  518. 259b

    grol bas na// mi bsgom sgom pa'i rang bzhin can// mi gnas gnas pa bsgom pa yin// ma btsal rang so'i bsgom pa yin// mi lhod mi bsgom mi rtsol ba'o// ma bsgoms don gyi snying po can// chu bo rgyun tu 'bab pa bzhin// chad cing 'brel pa'i skabs dang bral// lta bsgom cha snyoms bkol ba med// spro bsdu bcos bslad gsal 'grib med// ma bcos don gyi snying po can// rtsol bsgrub 'gyur ba'i gnas ma yin// ma bkol bsgom pa'i dngos yin te// ji bzhin ma bcos rang bzhin gnas// log rgyun grol nas don rgyun can// bsam gtan rang gnas don rgyun ldan// gzhan la mi ltos rang bzhin gnas// ting 'dzin rgyun du gnas pa'i mchog/ ting 'dzin nyams su blang ba'i chos// de nyid rnam pa thams cad du// ting 'dzin 'byung 'jug med par gnas// log rgyun 'gags na de rgyun gsal// nad gso dug rnams 'joms pa ni// de nyid mthu dang ldan pa yin// dus gsum sangs rgyas thams cad kyis// ting 'dzin 'di la gtsor gnas pas// kun nas gang du mi 'bral zhing // med nas grol ba ga la yod// phyi dang nang gi 'khrul pa rnams// grol ba nyid ni yin zin pas// de dang mi 'bral don ldan no// 'khrul pa'i zhen pa las grol te// de nyid nges rnyed gzhan na med// mi dmigs bsam gtan bsgom par bya// rang la

  519. 260a

    gnas pa'i ye shes ni// rtog ge'i spyod yul ma yin te// phra zhing zhi ba la brtag tu med// zug rngu'i nad rnams 'joms mdzad pa// ting 'dzin sman gyi rgyal po yin// zhes gsungs so// rin po che'i 'khor lo'i rgyud las/ bsgom pa bstan pa'i le'u ste drug pa'o// // de skad gsol pa'i tshig rjes la// sems dpa' rdo rjes yang gsol pa// lha bsgom bkol ba med pa la// gol sgrib gdar sha ji ltar bcad// de skad gsol ba'i tshig gsan nas// gsang bdag chen pos lan btab pa// gang rtogs dus nas don gsal na// gol sgrib 'khrul pa'i chos med pas// rig nas rkyen gyis ga la tshugs// de skad gsungs pa'i tshig rjes la// sems dpa' rdo rjes yang gsol pa// rtogs na gol sgrib med yod kyang // de ma rtogs kyi gang zag la// gol sa sgrib pa ji ltar 'byung // de skad gsol pa'i tshig gsan nas// gsang bdag chen pos lan btab pa// de ma rtogs kyi gang zag la// gol sa sgrib pa gnyis su bstan// 'gro sgo nor ba'i gol sa yin// gnas don ma rtogs sgrib pa yin// sgo lngar 'khyams pas 'khrul pa yin// gong mas 'og tu 'gro sgo nor// gol sa zhes su ngas bshad do// sgrib gnyis bya yi mig bzhin du// ma bsgribs ngag tu ngas bshad do// yas gol mas bsgribs theg pa rnams// rdzogs chen man

  520. 260b

    ngag tshig gcig gis// gong 'og gol sgrib gdar sha gcad// 'phrang gsum nang du skungs btsud la// rdzong gsum nang du gtsigs la dbab// rgyal po btson du bzung ba dang // blon po bsgyur la gdon pa dang // dgra yi bu rnams gsad pa dang // dgra gnyen chom la phebs pa yin// ldog bcas gnyis kyis 'khrul byung na// 'khor 'das gol sgrib gdar sha gcad// ces gsungs so// rin po che'i 'khor lo'i rgyud las/ gol sgrib gdar sha gcad pa'i le'u ste bdun pa'o// // de skad gsungs pa'i tshig rjes la// sems dpa' rdo rje la sogs pa// gsang bdag chen pos rang bzhin gyis// gol sgrib gdar sha chod pa yi// nyams blangs spyod pa 'di gsungs so// rig pa'i snying po nyams blangs na// sangs rgyas dgongs pa 'gyur ldog med// man ngag gdeng don nyams blangs na// 'khor ba'i 'khrul par 'gyur mi srid// rtse gcig ting 'dzin nyams blangs na// las dang bag chags bsgrib mi srid// rang byung ye shes nyams blangs na// rgyu rkyen chos la blo mi skye// lus ngag yid gsum ci spyad kyang // bde chen spyod la 'gyur ldog med// de rtogs nyams su blangs na ni// gzung 'dzin zhen pa ldog par 'gyur// rig pa phyogs ris med pa'i phyir// gang ltar spyad kyang zhen mi 'byung // blun po dman pa'i spyod yul min// lus ngag

  521. 261a

    sems kyi spyod pa rnams// dman pa'i sems la bstan pa yin// dngos po'i yid ches ma bskyed par// lta ba'i tshig la blo gtod pa// kun tu bzang por khas blangs kyang // gol sa 'khrul pa nyid du 'gyur// kun tu bzang por yongs mnyam yang // rtogs ma rtogs la yongs mi mnyam// bkol med don du ma spyad na// mun pa'i skye mched dag tu bstan// ngo bo nyid kyi rnal 'byor pa// gang ltar gnas kyang grol bar 'gyur// mtshan ma'i 'khrul pa las grol te// de nyid nges rnyed gzhan na med// nyams blangs nges par grol bar 'gyur// mi spang nyams su blangs pa'i don// 'gro 'dug dus rnams thams cad du// 'du 'bral med par rang bzhin gnas// byung ba'i chos ni dgag mi bya// med pa'i chos ni bsgrub mi bya// spangs pas spang bar mi 'gyur te// bsgrubs pas 'grub par ga la 'gyur// rgyu 'bras gzhan las ma byung bas// rgyu 'bras med pa'i ye shes yin// 'khrul rgyun chad nas don rgyun ldan// gang du gnas kyang mi 'bral cing // rtogs nas 'bral ba ga la yod// phyi dang nang gi 'khrul pa rnams// ched du ma spangs grol bar 'gyur// dgos pa'i don rnams 'byung ba yi// yid bzhin rin po che yi rgyud// de nyid mkhas las 'byung ba yin// log par brtag pa ga la yin// zhes gsungs so// rin po che 'khor lo'i rgyud

  522. 261b

    las// nyams su blangs pa'i spyod pa'i le'u ste brgyad pa'o// rin po che 'khor lo'i rgyud rdzogs so// // gdams pa'i rgya dang ldan par gyis// gdams pa'i rgya dang mi ldan na// srid pa yi ni mtsho 'khrugs so// de phyir gdams pa'i rgya rnams gces// // @#// rgya gar skad du/ dz+nyA na gu h+ya nA ma tan+t+ra// bod skad du/ ye shes gsang ba zhes bya ba'i rgyud/ ye shes gsang ba zugs kyi rang bzhin la phyag 'tshal lo// 'di skad bdag gis bshad pa'i dus gcig na/ ye shes gsang ba'i gnas chos nyid kyi mkha'/ mtha' dbus med pa'i gzhal yas khang na bcom ldan 'das rdzogs pa chen po bzhugs te/ rang bzhin gyi 'khor dang // rang bzhin la lta ba'i 'khor dang / rang bzhin rtogs pa'i 'khor 'di lta ste// sa dang / chu dang / me dang / rlung dang / nam mkha' dang / snang ba thams cad dang / yongs su rnal 'byor zhes bya ba dang / rnal 'byor pa chen po zhes bya ba dang / sems dpa'i rnal 'byor zhes bya ba dang / shin tu rnal 'byor zhes bya ba dang / 'das pa'i sangs rgyas dang / ma 'ongs pa'i sangs rgyas dang // da ltar byung ba'i sangs rgyas rnams/ 'byed pa mi mnga' ba'i thugs rjes thabs cig tu bzhugs so// de nas lha'i dbang pos phyogs bcu'i sangs rgyas thams cad la 'di skad ces bskul to// gsung gi

  523. 262a

    mnga' bdag thams cad kyis// rtsol ba'i theg pa mthar bton nas// rtsol med theg pa mi gsung ba// thugs rje chen po yal lam ci// skal ldan gdul bya mchis pas na// lhun grub theg pa gsung du gsol// zhes zhus pa dang // de nas phyogs bcu'i sangs rgyas thams cad mgrin gcig tu// rdo rje sems dpa' la 'di skad ces bka' stsal to// dus gsum sangs rgyas thams cad kyi// thugs rje'i rang bzhin khyod yin pas// sangs rgyas kun gyi mdzad pa shar// gsung gi mnga' bdag thams cad kyi// ye shes rang bzhin khyod yin pas// thams cad byang chub sems su gsal// bde gshegs ma lus thams cad kyi// sku yi ngo bo dang ldan pas// rmad byung rol pa'i sku ru shar// gsung gi mnga' bdag thams cad kyi// gsung gi bdag nyid rig pa'i gsung // rmad byung rol pa'i gsung du shar// tshig gcig/ don kun rdzogs pa'i bdag/ rin chen 'phrul gyi snying po'i sgo// skal ldan rnams la bstan du gsol// rin chen 'phrul gyi thabs ldan pas// gang 'dod mthun pa'i sgo de nas// rtsol med dbyings dang 'phrad par gyis// byang chub sems kyi dngos po la// brjod pa'i tha snyad kun bral yang // ma rtogs blo la tshig sgo nas// gsung gi sgron mas gsal bar gyis// zhes gsungs so// de nas rdo rje sems dpas phyag na rdo

  524. 262b

    rje thugs ka nas phyung nas// rin po che rang 'bar gyi 'khor lo lag tu gtad nas// 'di skad ces gsungs so// gnyis med ye shes gsang ba'i don// byar med mi rtsol ye sangs rgyas// dbu ma chen po drang po'i lam// 'dus pa'i tshogs la bstan par gyis// zhes gsungs so// de nas sems dpa' rdo rjes// rdo rje sems dpa' la 'di skad ces gsol to// rdo rje sem dpa' nam mkha' che// tshig gi spyod yul ma yin pas// bdag gis bgro ba shin tu dka'// ma rtogs pa la tshig sgo nas// mtshon nas rtogs par bya ba'i phyir// ci rig par ni rnam par dgrol// zhes zhus pa dang // de nas ses dpa' rdo rjes/ shar phyogs rdo rje/ rnam par gnon pa'i zhing khams na/ de bzhin gshegs pa rdo rje gsang ba zhes bya ba/ mi phyed pa'i 'khor dang bcas pa la 'di skad ces gsol to// sems nyid rdo rje lta bu la/ skye 'gag 'byung ba ji ltar lags// zhes gsol pa dang // de nas de bzhin gshegs pa dgra bcom pa yang dag par rdzogs pa'i sangs rgyas rdo rje gsang bas bka' stsal pa/ sems nyid mi 'gyur rdo rje la/ skye 'gag yod pa ma yin te// rnam rtog blo la skye 'gag byung // zhes gsungs so// de nas lho phyogs kyi 'jig rten gyi khams rin po che snang ba zhes bya ba na/ de bzhin gshegs pa rin chen zhabs zhes bya ba/ rang 'bar snang ba'i khri la

  525. 263a

    bzhugs te// nyid kyi 'khor la gsang sngags kyi de kho na nyid ston cing bzhugs pa la/ sems dpa' rdo rjes 'di skad ces gsol to// byang chub sems kyi rang bzhin la// rgyu rkyen rtsol bas ma bsgrubs par// yon tan 'bras bu ji ltar 'char// zhes gsol pa dang / de nas de bzhin gshegs pa rin chen zhabs kyis bka' stsal pa/ tak+Sha ka yi rgyan bzhin du// rgyu 'bras mthar phyin gzhi nas rdzogs// thams cad rang byung snying po'i mchog/ gsang ba'i thabs kyis rtogs gyur na// nyi ma'i 'od ltar 'bras bu 'char// zhes gsungs so// de nas nub phyogs na pad+ma brtsegs pa'i zhing khams na/ bcom ldan 'das pad+ma'i 'od ces bya ba/ dri ma med pa'i pad+ma'i gdan la bzhugs te/ nyid kyi 'khor la gsang sngags kyi de kho na nyid ston cing bzhugs pa la/ sems dpa' rdo rjes 'di skad ces gsol to// sems nyid pad+ma ltar dag par// gzung 'dzin dri ma ji ltar byung // zhes gsol pa dang / bcom ldan 'das pad+ma'i 'od kyis bka' stsal pa/ pad+ma 'dam na gnas bzhin du// 'dam gyi skyon gyis gos pa med// byang chub sems kyi ngo bo ni// 'khor ba'i rtog par mi 'gyur te// rnam rtog blo la 'khor ba byung // zhes gsungs so// de nas byang phyogs rnam dag grub pa zhes bya ba'i 'jig rten na/ de bzhin gshegs pa grub par snang

  526. 263b

    ba zhes bya ba// rang bzhin snang ba zhes bya ba'i gdan la bzhugs te/ nyid kyi 'khor la chos sngags kyi de kho na nyid ston cing bzhugs pa la/ sems dpa' rdo rjes 'di skad ces gsol to// btsal med sems kyi rang bzhin la/ 'gro don mdzad pa ji ltar 'byung // zhes gsol pa dang / de bzhin gshegs pa grub par snang bas bka' stsal pa// rang byung ye shes rtogs gyur na/ mdzad pa'i byin rlabs rang las 'char/ zhes gsungs so// de nas de bzhin gshegs pa rnam par snang mdzad kyis bka' stsal pa/ 'dus pa'i 'khor tshogs khyed rnams kyis// rgyal ba kun gyis thugs kyi bcud// ye shes gsang ba rtogs par gyis// zhes gsungs pa dang // de nas sems dpa' rdo rje stan las langs te/ de bzhin gshegs pa rnam par snang mdzad la zhus pa/ khyod ni gsung gi seng ge ste// ye shes gsang ba ma rtogs na// bi ma par yi 'bras bu 'dra// smin kyang 'bras bu mi 'byung bas// ye shes gsang ba rtogs par gyis// thugs rje'i mnga' bdag khyod kyis bstan// de dag bdag gis ma rig pas// ye shes gsang ba bstan du gsol// zhes zhus pa dang / de nas de bzhin gshegs pa rnam par snang mdzad kyis bka' stsal pa/ sems dpa' rdo rje da nyon cig/ ye shes gsang ba'i rang bzhin ni// sangs rgyas sems can gnyis su med// nam mkha' bzhin du

  527. 264a

    kun tu khyab// ma rig ye shes tha dad med// ma rtogs rtogs pa lam du gcig/ ye shes gsang ba'i mtshan nyid ni// ma rig 'od gsal rnam par dag/ rnam rtog ye shes nyid du gnas// gzhi bzhag rang lugs rin chen mdzod// ma byung ma btsal gdod nas gnas// ye shes gsang ba'i rnam pa ni// sna tshogs snang la ngos gzung med// mi dmigs sgyu ma lhun grub ni// rtag gsal na blta ba yin// zhes gsungs so// ye shes gsang ba'i rgyud las/ gleng gzhi'i le'u ste dang po'o// // de nas de bzhin gshegs pa rnam par snang mdzad la// sems dpa' rdo rjes 'di skad ces gsol to// gang dag ji ltar gang rnams la// thabs nyid gang gis rnam par dbye// zhes zhus pa dang // de bzhin gshegs pa rnam par snang mdzad kyis bka' stsal pa// byang chub sems kyi rang bzhin ni// snang srid snod bcud kun la khyab// chos rnams kun gyi ngo bor shar// sangs rgyas sku gsung ye shes thugs// sems can lus ngag yid la khyab// thams cad dbyer med byang chub sems// de ltar dag pa'i don rig na// thams cad sku gsung thugs yin no// rang byung lnga ru snang ba la// rang byung nyid du ma rig pas// zhen pa lnga ru phyin ci log/ 'bras bu khams gsum sems can byung // dpe ni nam mkha' lta bu ste// mtha'

  528. 264b

    dang dbus med gdod nas dag/ rgyu yis ma bsgrubs ye nas grub// rkyen gyis mi shigs 'gyur ba med// phyi nang med par ye gsal khyab// 'byung chen bzhi po thams cad kun// nam mkha'i ngang du 'dus pa bzhin// snang ba'i chos rnams ma lus kun// rang bzhin med de gdod nas dag/ 'khor ba'i nyon mongs chags sdang kun// ma btsal rang byung rgyal por shar// ces kyang mtshon 'das byang chub sems// mi 'gyur lhun rdzogs bde chen sku// yangs so che'o bde chen sku// gdod nas dag go chos kyi sku// bsam du med do bsgom dang bral// mi bsam rang bzhin lhug par bzhag/ mi bsdu mi spro gyi nar bzhag/ ma lus 'dus pa snying po'i don// rgyu yis ma bskyed rkyen dang bral// bden bzhi rtogs pa'i rgyu dang bral// gdod nas yod pas tshogs ma gsog/ ye nas dag pas sgrib mi sbyang // dag pa gsum la rag ma lus// rgyu yi yan lag sgrub mi byed// ye nas sangs rgyas lhun gyis grub// gnyis med sems kyi rang bzhin la// nges med dag gis sgrub mi byed// rigs bzhi 'dod pa'i rtsol ba bral// mtshon med sems kyi ngo bo la// shes rab thabs kyis mtshon du med// rgyu 'bras bral ba'i rig pa la// dbyings dang ye shes rgyu 'bras med// 'byung ba lnga la rag ma lus// sku gsung thugs la rten mi bca'// rig pa'i blo yis ma dpyad

  529. 265a

    na// rang bzhin thog tu phebs par 'gyur// gdod nas ma bcos shin tu dge/ bsam dang bral bas de bzhin zhog/ sems kyis rig pa rtogs gyur na// sems kyi rtogs pa bsam mi khyab// rgyud 'grel tshig gis ma bkrol bar// gtan tshigs rigs pas 'byin par nus// thos pa bsam pa bsgom pa gsum// rtogs pa zla skar nyi ma bzhin// byang chub sems kyi ngo bo ni// dman pa'i sems kyi mi rtogs te// gtan tshigs gsum gyis shes par bya// rang gis rig pa gsal ba ste// rang bzhin rig pa cir yang snang // bdag nyid snang stong tha dad med// bsgrub bya dag gi rang bzhin ni// 'khrul pa byang chub sems su shes// bdag nyid chen po'i gtan tshigs kyis// thams cad byang chub sems su shes// gang ltar gnas kyang chos nyid do// dbyings dang ye shes gtan tshigs ni// dbyings ni dag pa'i rgyu yin te// ye shes 'bras bu nyid du gsal// gcig tu 'dus pas gzung 'dzin med// rang bzhin dpe dang don dang ni// gtan tshigs bzhi ru shes par bya// zhes gsungs so// ye shes gsang ba'i rgyud las// byang chub sems kyi le'u ste gnyis pa'o// // de nas sems dpa' rdo rjes/ de bzhin gshegs pa rnam par snang mdzad la 'di skad ces zhus so// khyod ni smra ba'i seng ge ste// rtsol bral bstan pa thugs la rdzogs// byams

  530. 265b

    mgon thugs rje chen po yis// skal ldan 'dus pa'i tshogs chen la// byang chub sems kyi rang bzhin ni// gang la gsang ba bstan du gsol// zhes gsol pa dang // de bzhin gshegs pa rnam par snang mdzad kyis bka' stsal pa// ston pa gsum dang rim pa brgyad// phyin ci log gsum 'gro drug la// ye shes gsang ba nyid du bstan// snang ba ma bcos chos kyi sku// rig pa ma spangs longs spyod rdzogs// thugs rje sprul pa'i sku ru shar// chos sku nam mkha'i khams kun khyab// zhing khams snang srid thams cad yin// dus gsum sangs rgyas thams cad dang / khams gsum sems can thams cad ni// chos sku ma bcos 'khor du 'dus// rig pa gsum gyi bstan pa sgrogs// gsang sngags gter gyi mdzod 'dzin cing // mi rtog brda' mjal go zhing rtogs// spros med byang chub sems su shar// de la 'du zhing 'phel ba'i phyir// thams cad de yi 'khor du bshad// chos sku dag la 'gyur med pas// ma bcos rang bzhin dag pa yin// chos sku rang bzhin spros med pas// ye shes sku la spros med gsal// des na byin gyis rlabs kyis bshad// longs spyod rang rig nyid yin te// gzugs su snang ba rnam pa yin// 'dod pa'i bden pa thams cad dang // rgyud kun ma lus thun mong gis// bde ba ngos 'dzin rang rig kyang // rig pa nyid na gdod

  531. 266a

    nas rdzogs// bsam gtan bzhi yi bde ba yang // khams gsum lha yi longs spyod de// sems kyi bde ba rang bzhin tshang // skye mched mu bzhi'i ting 'dzin de// rang byung byang chub sems la rdzogs// gnyis 'dzin ldan pa'i bde ba dang // gnyis rdzogs ldan pa'i mthar phyin kyang // ma bsgrubs bde ba rang bzhin rdzogs// dag pa gsum dang gnyis su blta// brgyud pa'i byin rlabs bde ba yang // sems nyid rtogs pa nyid la gnas// gsal bya'i rim pas don mdzad cing // 'dod pa'i stobs kyis nye bar bsgrub// bgrod pa'i rim gyis thob par 'gyur// bde ba thabs dang shes rab kyang // rang rig kun mkhyen nyid la rdzogs// dbyings dang ye shes lta ba dang // ting 'dzin shes rab rtsal che yang // rgyu ni dbyings su rdzogs pa ste// 'bras bu ye shes dkyil 'khor bde// rgyu 'bras gnyis med sems la rdzogs// des na longs spyod rdzogs pa yin// mi gnas sems kyi rang bzhin ni// ma bcos chos skur bzhugs tsam na// gnas ni yang dag 'og min te// 'khor ni byang chub sems kyi 'khor// spros med byin rlabs phyogs bcur gsal// bstan pa phyi nang gsang ba gsum// rang byung ye shes cha mthun pas// ma bcos rang byung rtag pa yin// chos sku rang byung spros med pas// chos kyi sku yi bstan pa bshad// sangs

  532. 266b

    rgyas sems can thams cad dang // snang srid snod bcud ma lus pa// chos nyid dang las ma g.yos pas// sems nyid chos sku'i zhing khams yin// longs spyod sku yi zhing khams ni// 'dod pa'i longs spyod thams cad de// spyod kyang ma chags longs spyod yin// bzod ldan sa thob 'khor de la// dgongs pas sku dang ye shes bshad// ting 'dzin rig pa'i gdeng gis go/ mtshan ma'i sku gsung mi mnga' bar// bstan pa phyi ba'i gsang sngags gsum// snang ba cha mthun yod pas na// longs spyod rdzogs pa'i bstan par bshad// gnas ni rig pa'i 'og min te// rig pa sa bcu thob rnams la// rang gi ngo bor gsal bar ston// longs spyod rdzogs sku'i mdzad pa ni// rang 'dod 'bras bu'i mthar thug kyang // ma bcos pa la ma reg pas// longs spyod rdzogs sku'i mdzad par shar// gdul bya dman pa'i 'khor de la// rgyal thabs spyi blugs dbang skur nas// thob med byang chub sems dang phrad// ma bgrod rtog pa'i 'jim lam bsgral// bde ba phrag brgya'i don thob nas// zhing khams thams cad bde bar spyod// rgyal thabs spyi blugs ma thob par// rang sa thob kyang mthar ma phyin// des na lung bstan bla ma yis// rgyal sras skal ldan slob ma la// pra khrid sems kyi don bstan pas// sems nyid rin chen

  533. 267a

    gnyis med la// bskur ba'i cha gnyis mi rtog kyang // brda don sprad pa'i man ngag sbyin// thugs rje'i rang bzhin sprul par shar// sna tshogs gdul bya'i bsam pa bzhin// lam gnyis thob kyang 'gro drug 'khyams// bstan pa sde snod gsum du bstan// zhing khams stong gsum 'jig rten khams// thugs rje'i gnas la nges pa med// ma bcos rang byung ye shes ni// rang byung ye shes lngar snang la// phyin ci log gi bsam pa yis// ye shes nyid du ma rtogs te// yang dag zhen pa lnga ru mthong // zhen pa lnga yi 'bras bu ni/ khams gsum sems can nyid du shar// ngo bo sems la 'gyur ba med// 'dod chags las kyi nam smin gyis// lha yi gnas su skyes nas kyang // ltung ba'i sdug bsngal yang dag myong // 'dod chags dngos la ma grub pas// 'dod chags ye shes nyid du dag/ byang chub sems la bskyod pa med// nga rgyal las kyi rnam smin gyis// lha min gnas su skyes nas kyang // 'thab rtsod sdug bsngal dngos myong yang // nga rgyal ngo bo shes pa na// nga rgyal ma spangs gnas su dag/ de bas nga rgyal mi gnas stong // phrag dog las kyi rnam smin gyis// mi yi gnas su skye 'gyur nas// sdug bsngal sna tshogs myong 'gyur yang // phrag dog chos kyi dbyings yin pas// phrag dog ma spangs gnas su dag/ des na byang chub dbyings mi bskyod// ser

  534. 267b

    sna'i las kyi rnam smin gyis// yi dwags bkres skom gnas su skye// bkres skom sdug bsngal myong 'gyur yang // ser sna ma bcos byang chub sems// sems nyid rang bzhin stong pa'i phyir// des na dbyings la 'gyur ba med// gti mug las kyi rnam smin gyis// dud 'gro'i gnas su blun lkugs myong // rig pa phra mo'i chos shes kyang // gti mug ma bcos byang chub sems// yul yang de ltar rig pas na// gti mug ma spangs gnas su dag/ zhe sdang las kyi rnams smin gyis// dmyal ba'i gnas su sdug bsngal myong // zhe sdang ye shes nyid du shes// thams cad de ltar shes pas na// ci yang min par chos rnams shes// thams cad mkhyen pa'i spyan gyi mchog/ snying po'i don gyi chos rnams gsal// bstan pa rgyu 'bras theg pa gsum// 'dul mdzad ston pa drug snang ste// lha yi dbang po rdo rje 'dzin// lha min ston pa srid thub 'dzin// mi yi thub pa thub dbang po// dud 'gro'i ston pa gsal byed 'bar// yi dwags ston pa stobs kyi bdag/ bsil byed 'bar ba thugs rje'i bdag/ gdul bya 'gro ba drug yod pas// ye shes rnam pa drug tu shar// gang zag blo la 'tshams phyogs su// gang dang mthun pa'i sgo nas ston// zhes gsungs so// ye shes gsang ba'i rgyud las/ sku gsum bstan pa'i le'u ste gsum pa'o// // de nas sems dpa' rdo/

  535. 268a

    rjes/ de bzhin gshes pa rnam par snang mdzad la 'di skad ces gsol to// khyab bdag ma bcos lhun grub sku// rtsol med gnas pas mngon sangs rgyas// phyogs ris mi mnga' nyi ma ltar// ye shes 'od zer phyogs bcur brdal// snying rjes don mdzad lhun gyis grub// phyogs ris mi mnga' sku mchog gis// rim pa brgyad la gsang ba'i don// 'dus pa'i tshogs la bstan du gsol// zhes gsol pa dang // de nas de bzhin gshegs pa rnam par snang mdzad kyis bka' stsal pa/ gsum la ngos bzung mi mnga' ste// brgyad kyis rang 'dod gnyis kyis log/ gcig gis ma rig khas mi len// drug gi lnga yi 'bras bu myong // des na ye shes gsang ba yin// chos sku gdod nas dag pa la// brtags pa'i gzung 'dzin ngang gis med// des na chos nyid gsang ba yin// longs spyod rig pa dag pa la// phyi nang med par sems nyid gsang // chos can ma yin chos nyid min// ci yang ma yin gyi nar zhog/ 'khrul pa sna tshogs cir ston kyang // zhen pa'i bsam pa ma gtogs pa// yang dag dngos por grub pa med// dper na zag pa sbrul mthong yang // thag pa'i mtshan nyid sbrul ma yin// snang ba brtags par zhen mod kyang // ma bcos snang ba brtags pa min// rol pa lhun grub sgyu ma de// rtsol med sgyu ma bde mchog bde// mi 'gyur

  536. 268b

    rdo rje btsan po yin// ma bcos lhun grub chen po la// nges pa med pas gsang bar bshad// gang zhig gnyis mthong ba yis ni// gzugs med phra rab rdul du mthong // sems la rdul med phyin ci log/ bdag med nges bzung chos nyid gsang // gang zhig cha mthun nang nas ni// bco lnga bcu drug zer chos la gcig ma rtogs// rten 'brel chos la nges brtags pas// rgyu med chos kyi don ma mthong // gnyis med sku yi ngo/ bopo la// bden gnyis lta bar rnam phye ste// don dam stong pa'i dngos po med// rig bzhi'i gtan tshigs dag gis tshol// don gyi ngo bo rtogs nas ni// zhi gnas gang zag 'dod pas bsgom// lhag mthong 'phel ba'i skabs su 'dod// lam gnyis sbyor ba'i rim pa ste// don mthong rags pa'i rtogs pa spangs// phra ba'i rim pa bcu yi bar// shin tu phra ba'i sgrib pa la// mthar thugs yi sbyor bas gcod// rang 'dod rtogs pa'i mthar thug yin// des na bsti gnas drang pa yis// bgrod med bgrod pas ye shes gsang // btsal med bca' bas grub pa med// bdag dang mi mthun log pa bzhin// des na 'dus pa'i 'khor tshogs khyed// btsal med chos la btsal mi bya// bgrod med chos la rang bzhin zhog/ rgyal rtags phyi pas mthong ba ni// mtho 'jam dma' rtsub rigs gsum 'dod// dag pa gsum gyi sgor zhugs nas// dam

  537. 269a

    tshig ye shes rje 'bangs lha// rtogs pas rdo rje 'dzin pa'i sa// nges par mthong yang gces ma'i sa// ma thob rang skyon me long tshul// rim mam cig char rim gyis 'jug/ rgyal thabs spyi blugs tshangs pa'i dbang // skad cig nyid kyis rdzogs sangs rgyas// ma rtogs dus gnas thams cad du// de nyid tshod dang ldan pa yin// gzhi nas 'bras bu yin pa'i don// dam tshig ye shes grogs po'o// mtshan ma'i dngos po chu zla'i tshul// mthong ba'i dgongs pa'i ngo bo dang // de nyid mtshan ma med bsgoms pas// stong nyid la sogs ye shes 'grub// gcig la'ang sku lnga 'byung ba ste// lnga dang de gnyis de bzhin no// de nyid grangs mthun sprul pa ste// de yi rgyud la'ang byin brlabs te// de las sprul pa bsam mi khyab// skal ldan rnams kyi sems la snang // yo ga rang 'dod bsam pa yis// mthar zug 'bras bu yin 'dod kyang // de yang rtsol ba'i 'bras bu yin// ma bcos ji bzhin ma rtogs pas// rang snang ma bcos yul byas nas// 'jug pa'i rim pa snga ma bzhin// brda' don sprad pas rgyal gral bzhag/ bya ba'i spyod pa dag gis gnas// byin brlabs rgyud pa'i lta bar 'dod// rtsol bas 'jug dang gnyis kas len// yo ga'i spyod la gang gnas pa// 'bras bu lam du 'jug pa ste// rang 'dod rtogs pa'i sa yin yang // ma bcos tha

  538. 269b

    ma'i sa ma rtogs// smin kyang 'bras bu mi 'byung ste// bi ma par yi 'bras bu bzhin// bskyed pa ma hA yo ga ni// gzhi nas 'bras bu de bzhin te// tha mal gtsang sme'i lam du 'dod// gzhi nas 'bras bu yin pa'i don// bskyed pa'i rim pa brtsam pa dang // rdzogs pa'i rim pas 'grub pa yin// lam gnyis grol dang thabs gnyis te// re re'ang bskyed dang rdzogs pa ste// grol ba'i lam la bzhi yin no// thams lam nang da gsang ba gnyis// gnyis bzhi brgyad du ldan pa ste// bcu gnyis dag tu shes par bya// lta spyod dkyil 'khor dbang dam dang // sgrub pa phrin las las rim ni// phyi dang nang dang gsang ba ste// rang bzhin gnas dang rtsol bas 'jug/ rgyud kyi dngos po gsum du bstan// dang po bskyed pa'i ting 'dzin bsgom// bskyed pa'i rdzogs dang rdzogs pa'i bskyed// skabs dang sbyar bas de bzhin bsgom// dngos grub rgya mtsho lta bu ni// grol ba'i dkyil 'khor yongs rdzogs pas// de ma zag tu lhun gyis grub// nang gi lam la gang 'jug pa// bskyed pas dkyil 'khor lnga la 'jug/ de nyid rdzogs pas de nyid bde// gsang ba'i pho brang rtsa mdud gsum// gru gsum dkyil 'khor nyams dga' ba'i// byang chub sems kyi dkyil 'khor yin// sprul pa drug cu de dang ldan// dbus su a yi rang bzhin te// phyi rim bzhi dang brgyad du ldan// chos

  539. 270a

    kyi 'khor lo dag la brgyad// de dkyil dngas ma gsum dag ste// lnga dbus thig le byang chub sems// chos nyid gsum dang ye shes gcig/ rang rgyud dag tu shes par bya// de nyid ci 'drar sems pa na// chos nyid rtsa la 'od ser te// de dbyibs zlum po dngul zo bzhin// sa bon suM tri snying po A~MH/ de dag gsum gyi kha dog ni// za 'og gur phub lta bur gnas// ye shes rtsa la 'od mthing ga/ zag par shel sgong brgyus pa 'dra// sa bon snying po a nr-i hUM// rang rgyud 'od dmar zla gam 'dra// tshul ni dpe yis shes par bya// sa bon snying po pre du AH/ ma rtogs sa bon a la sogs// rtogs pas ye shes sku gsung thugs// gnyis su med pas bsreg pa yin// bye brag bzhi ru gnas pa ni// rnam shes brgyad kyi rten ma ste// rgyu ba bzhi ru shes par bya// snyigs ma gsum la gnyis su rgyu// rnam shes drug gi tshul dang mthun// gang gis gang byed de bzhin no// de yi ngang la rtags gnas na// bde ba'i rtag rnams 'byung bar 'gyur// g.yo zhing 'bar na rtsol ba klod// nam zhig de ltar gsal 'gyur na/ snying po gsum dang sa bon drug/ ye shes rang bzhin 'od du 'bar// thig le rang bzhin med par thim// rgyu ba rigs kyi pha la gnas// dbugs sogs rang bzhin med gyur nas// rtsa dbugs nam mkha' ltar nang la// ye shes khyab

  540. 270b

    gad la kun tu bzang // chos dbyings gsal ba'i go skabs 'byed// gsang ba'i shes rab yum gyi dbyings// gnyis dang drug cu'i dkyil na bzhugs// shes rab thabs la snyoms par 'jug/ thams cad rgyas btab dkyil 'khor yin// lnga yi rang bzhin nyid du blta// 'phro dang 'bar ba steng 'og tu// steng gi snying po bskul byas pas// bde ba chen po'i mchod pa yin// de nyid thig le mnyam sbyor bas// drug dang bcu yi dkyil du ste// dgyes pa chen po'i ro yis ni// bde ba chen por stobs par byed// shes bya byung tshad bsod nams kyis// yul rnams sgyu mar rang snang ba// rol mo'i bde ba mtha' dag gis// bde ba chen po phrin las 'phro// sum cu rtsa gnyis dkyil 'khor na// thig le de dang mnyam pa'i dbyings// kun gyi dngos yin kun gyi gtso// bcu dang bzhi ni mngon rdzogs pa// gsum dang gnyis su mang dag gnas// kun gyi dngos por bdag nyid gnas// gsang ba'i lam la gang gnas pa// mtshon byed rig ma'i bde ba yis// lhan cig skyes pa'i dga' ba rtogs// bde ba gsal la mi rtog pa// rdo rje 'dzin pa'i sa yin kyang // de yis don rnams mi 'thob ste// rgyal dang de yi cha bzhin no// shes pa dbang sogs glo bur bas// rang gnas ye shes mi rtog ste// 'dzin pas rang rig mi rtogs bzhin// dngos 'dzin zhen pa'i rang rig gis//

  541. 271a

    lhun grub rang rig don mi mthong // rang sa thob nas ma bcos pa// snga ma bzhin te 'jug pa'ang 'dra// mthar phyin a nu yo ga la// rang bzhin dbyings dang ye shes la// 'khrul pa 'khor dang rang rgyud pa// bder gshegs chos dbyings ma bcos gsal// rang bzhin snang ba bzhir gnas pa// bde gshegs snang ba 'bras bu yin// 'khor gyi snang ba lam pa ste// lam la phyi nang gsang ba gsum// cig car rim pa'ang de bzhin no// rim par 'jug pa'i tshul gyis ni// bskyed par brtan par gyur nas ni// rdzogs pa'i don la 'jug par bya// mos pas nang yang de bzhin no// gsang ba'i don la dran pas bsgom// 'bras bu dbyings dang ye shes la// rang 'dod 'bras bu thob 'dod kyang // mthar zug 'bras bu de ma yin// e ma'o ye nas gsang ba'i sa// rtsol ba'i lam gyis thob ma yin// 'gro drug zhen pa'i drang zad dang // mu stegs rang bsam log pa dang // brgyad kyis rang 'dod dbyings la bltas// phyi nang med la spro bsdu byas// ngo bo med la dmigs 'dzin byas// rang byung nyid la rgyu yis btsal// ma bcos ci yang ma yin la// cir yang 'dzin pa'i bsam pas brtags// bgrod med 'bras bu lhun grub la/ lam brgyad bgrod pas bgrod med bslad// des na ma bcos dngos po la// log rtog 'dzin pa'i blo yis

  542. 271b

    ni// ji ltar dpyad kyang ma yin pas// ma dpyad rang bzhin bzhag pas go/ dpyad med sems la dpyad pas na// ma yin log ste gzhan lta bzhin// zhes gsungs so// ye shes gsang ba'i rgyud las// gang la gsang ba bstan pa'i le'u ste bzhi pa'o// // de nas sems dpa' rdo rjes// de bzhin gshegs pa rnam par snang mdzad la/ 'di skad ces gsol to// thugs rje'i bdag pos gang gsungs pa// 'dus pa'i tshogs kyis rtogs pa ni// sems kyi rang bzhin ye gnas la// zhen drug log gsum rtsol brgyad kyis// de nyid rang bzhin gsang bar gsungs// gsum la ngo bzung med pas gsang // thams cad kun la gsang bas na// de nyid gang gis shes par 'gyur// gsung gi mnga' bdag khyod kyis kyang // kun la gsang ba ji ltar rtogs// zhes gsol ba dang // de nas de bzhin gshegs pa rnam par snang mdzad kyis bka' stsal pa// theg chen sems kyi rang bzhin ni// sgra dang tha snyad kun 'das kyang // snod ldan rtogs par 'dod pa yis// gtan tshigs tshad ma gsum gyis ni// de rgyu rtogs pa'i thabs su bshad// bya bral rdzogs lung rig pa'i nyams// gron tshig chung ba'i man ngag gsum// ye shes rtogs pa'i rig pa'i mchog/ thabs chen rgyud dang bya bral rdzogs// mkha' khyab byang chub sems lung gis// snang srid sems su

  543. 272a

    gtan la 'bebs// ye shes gsang ba'i rnga ba ston// bdag nyid gsang ba'i dkyil 'khor ston// lung gsum snang bas ston pa'i bka'// yin pas nga yi bka' dang mthun// rig pas nyams su len pa na// yid ches rig pa'i gtan tshigs so// rnam gsum lung gi ngo bo ni// sems nyid rig pa'i chos yin no// thams cad sems su 'dus pas na// sems ma yin pa'i chos mi snang // ji ltar snang ba'i chos rnams ni// sems la snang phyir sems yin te// sems nyid rig pa ma yin na// de nyid ji ltar snang bar 'gyur// tha dad mthong bar brtags pa ste// bag chags log pas 'khrul tsam na// med kyang log/ par snang ba ste// dung la ser po mthong ba bzhin// dung nyid ser po ma yin te// ji ltar de la ser por mthong // des na ser po'ang yin 'dod nas// dung la ser po yod pa na// ma 'khrul shes pas cis mi mthong // zhen rtog 'dzin pa'i dbang gis na// brtags pas sna tshogs dag tu mthong // dang po mtshan ma'i rang rig ste// gnyis pa med pas rang rig yin// gnyis pas gnyis ka med pa ste// mtshan gzhi med pa'i mtshan nyid ni// mi srid me med tsha ba bzhin// gsum la zhen pa'i rang rig ste// rang rig bde ba'i don la zhe na// zhen pas ma bcos don mi mthong // gzhi sa ma bcos rang rig ni// ngos bzung med pas

  544. 272b

    gang yang min// ye shes rol pa rang snang la// bla ma'i zhal las shes par bya// rol pa ye shes rang snang dang // rtog pa'i zhen pa sna tshogs pa// bye brag ma shes gti mug blo// byang chub sems kyi lung gis ni// thams cad sems su gtan la 'bebs// des na byang chub sems kyi lung // ma bcos sems kyi rang bzhin la// byang chub sems kyi rang rig ni// byang chub snying por de ma thag/ rig pa'i tshad ma nyid kyis shes// rig pa'i tshad ma ma skyes na// sgra yis tshad ma ci bstan kyang // sgra yi don dang de 'phrad nas// sgra don rjes su rtogs mi 'gyur// spyi la rtog pa de gnas kyang // rang gi mtshan nyid de ma yin// rig pa'i tshad mas don mthong na// de nyid rig pa'i don ldan pas// lung sogs tshad ma rnams mi dgos// de ltar de ni rang bzhin no// slob tshul rim pa ma yin te// ma bgrod cig char 'jug pa yis// de bzhin gzhi las ma g.yos pas// mthar phyin gzhi las g.yos pa med// rdzogs pa'i sems kyi rang bzhin no// brda' don phrad pas mthar phyin kyang // 'dzin pa drug la zhen pa yis// rtog pa sems su shes pa la// blo yi/ bye brag bsam mi khyab// shes pa skye ba gsum yin pas// mthong ba sna tshogs rig pa'i nyams// dang po gnas pa'i ting nge 'dzin// chu drag 'bab pa'i dpe yis bstan// myur dang dal bas 'bab chu

  545. 273a

    'dra// gnyis pa la ni mi g.yo ba// rgya mtsho'i gting bzhin mi gama'o// gsum pa bzhi pa 'bras bu'i nyams// mnyam nyid ye shes lhun gyis grub// snang ba rnam rtog cir mi blta// dran pa kun spangs ye shes nyid// zin pas rtsol ba'i nad spangs te// lhun gyis gnas par bzhag pa yin// rin chen brgyud pa shes pa'ang // slob dpon slob ma'i bye brag dang // sngon du 'gro dang tshad ldan pa// bstan pa'i don la bzhag tshul lo// de yi yon tan dbye ba dang // phrin las dam tshig don bzhin no// rgyud dang mdo sde thugs la rdzogs// bka' gzhung rig pa'i don la mkhas// dman pa'i blo spangs khyad par kun mkhyen pa// rig pa'i shes rab ting 'dzin nyid la gnas// rdzas dang 'brel ngor mi gtong chu srin sder mo bzhin// thugs rje phyogs ris mi mdzad kun la snyoms// dman pa'i sangs rgyas re zag las pa'i sa// slob dpon rnam pa gnyis su bstan// brda' don phrad pa'i slob dpon ni// rang rgyud ma bcos rnam dag pas// don dang 'brel ba'i sgra tshig gis// ye shes rig pa'i ngo bo ston// skye ba med pa'i brda don sprad// de ltar ma yin brda' don bral// ma nor nges pa'i slob dpon gyis// tha dad ma yin slob ma la// sgra dang mtshan ma mi mnga' bar// ji bzhin rig pa'i ngo bo bstan// mi rtog brda don go zhing rtogs// bde gshegs

  546. 273b

    kun gyi ngo bo la// sems can kun gyi dngos gzhi yin// de yi stobs kyis de gsal zhing // de nyid ngang la de gnas na// don rnams rig pa'i phyag rgya can// mi g.yo rnam dag sman chen gyis// gcong rnying ye shes nyid du sbar// 'khor ba rnam par dag pa ste// thams cad mkhyen pa'i ye shes kyis// dug chen sman du btul ba ltar// 'khor ba ye shes nyid du gsal// snying po don gyi de nyid ni// gang ltar ci yang ma yin pas// thams cad mkhyen pa'i dgongs pa la// bden par gzigs pa mi mnga' la// de bzhin rdzun par gzigs pa'ang min// thams cad gang yang ma mkhyen pas// snying po don gyi ngo bo mkhyen// ma bcos thugs kyi phrin las can// cis kyang bcos med cis mi g.yo// gdod nas dag pa'i chos nyid la// dran pa rkyen gyis de bzhin gnas// lhun grub sems la rtsol ba med// rang byung ye shes rgyu rkyen med// mi gnas zugs la phyi nang med// stong pa'i ye shes dngos po med// me long lta bu'i ye shes ni// shes bya kun la mngon phyogs med// mnyam nyid ye shes che chung med// so sor rtogs pas ma 'dres gsal// bya ba nan tan thugs rje'i dngos// rang byung ye shes nyag gcig la// yon tan cha nas du mar grags// rang rig nyid la yul med pas// yul gyis bskyed pa'i ye shes min// rang byung nyid la rgyu med

  547. 274a

    pas// rgyu yis bskyed pa'i ye shes min// lhun grub nyid la rtsol med pas// rtsol bas bskyed pa'i ye shes min// nam mkha' lta bu'i ye shes la// phyogs ris med par ye gdal ba// lhun gyis grub pa'i phrin las yin// rnam dag dbyings la gnas bzhin du// yongs la snyoms pa'i thugs rje 'byung // 'gro ba gang gi ngo dag tu// gang la 'tshams pa'i thugs rje 'byung // skal ldan gdul bya gnas pa na// thugs rje gdul bya bzhin du 'byung // gdul bya gang yang mi gnas na// thugs rje'i mdzad pa gang la 'char// gang gis skal ldan gdul bya la// thugs rje gzhan zhig 'dod pa ni// rang nyid thugs rjer ma rtogs te// gzung 'dzin 'khrul pa'i blo yis brtags// thugs rje gzhan la 'char na ni// sdug bsngal drag po'i 'khor ba la// skyob pa'i thugs rje yal lam ci// nam zhig rang rgyud dag tsam na// thugs rje gzhan gyis ci zhig bya// rtog pa phra rags gdul bya la// ye nas rig pa'i thugs rje 'char// 'gro 'dul thugs rje'i phrin las so// dam tshig yid bzhin rin po che// rgya mtsho'i pha rol sgrol ba'i gru// ma bcos rig pa'i chos nyid la// mi 'gyur ye shes gsal bar gnas// rtsol bral rig pa'i dam tshig go/ dam tshig mi ldan rdo rje ni// bka' rgyud don la mkhas gsal yang // sbrel ma g.yang du 'dril ba bzhin// bdag

  548. 274b

    gzhan rdo rje'i khab tu 'gro/ des na dam tshig gzhung ldan ni// 'jig rten grags ngor chos mi gtong // 'brel ba rdzas kyi ched ma yin// bdag gzhan gnod pa'i las mi byed// kun la snyoms pa'i thugs kyis gnas// 'jig rten 'brel ba'i ched mi byed// ma bcos dbyings la mi 'gyur brtan// ye shes gdeng gis ma zin par// chags sdang zhen pa'i las mi byed// sems nyid ye shes rnam dag la// gnang bkag/ chos yod ma yin yang // zhen pas ye shes ma rtogs par// lhag pa'i spyod pa gtso cher 'dzin// de nyid don ldan legs pa che// slob ma'i bye brag gnyis ldan pa// brda don sprad pa'i slob ma ni// snod ldan dam tshig gces su 'dzin// sems nyid dag pas gdeng byas nas// dam tshig mi srung tha mal sems// rang rgyud ngan pas dregs pa dang // thos pa chung ba'i blo sbram dang // man ngag bcud chen 'dzag pa dang // ye nas glo 'phang dma' ba dang // 'jig rten bya ba'i rgyu bsgrub rang // mu cor smra zhing mkhas 'dod dang // bla ma srog tu mi 'dzin dang // man ngag bsgrub byar mi sems la// rdzogs chen rna brgyud bstan byas na// 'dam shod gling gi dur khrod du// mkha' 'gro rna nyan 'du ba bzhin// 'chi ba'i dus kyi sngon rol du// sha khrag mngon du za bar byed// gzhung du mi ldan slob ma ni// grib bzhin 'khor yang spang bar

  549. 275a

    bya// lus srog thal yang khar dbyung min// 'du 'bral byung yang las kyis byung // yon tan de ldan slob ma ni// stong gsum btsal yang gcig kyang dkon// mang yang gsum las 'da' mi bya// man ngag rgyal thebs cig la bstan// bskal pa grangs med sngon rol nas// rdzogs chen don la sbyangs sbyangs pa// ye shes gsang ba'i snod du bsngags// sgo nga'i nang du khyudang phrug ltar// 'khor ba nyid du ye sangs rgyas// sgong chag mkha' la 'phur ba bzhin// rtogs pas ma bcos bla ma'i sa// rgya mtsho'i bcud bsdus bdud rtsi bzhin// bka' yi bcud bsdus rdzogs chen 'di// snod ldan ngang tshul bzang la bstan// dbang dang snod brtags cho ga dang // gsol ba gdab dang gnang ba sbyin// sngon du 'gro ba'i rim pa'o// bde gshegs ma lus gsang ba'i thugs// srid pa gsum la gdod nas gnas// gang gis de ni rtogs gyur na// dbang rnams kun gyi mchog yin te// srid pa gsum na ye dbang bskur// rang dbang dam pas snod du byas// gzhi nas dbang thob bskur mi dgos// rtogs zabs pra khrid zabs kyis shes// bcos ma'i sbyor ba'am rnal ma nyid// gang mos mthun pa'i sgo nas bstan// thabs sbyor bcos ma'i sgo nas ni// 'phrul gyi me long bzhin du bstan// rtogs 'dod ldan yang rnal ma'i don du bya// don

  550. 275b

    rtogs bcos ma'i sbyor ba yang // tshig don khyad par bstan pa ste// dgos don gong ma'i don la 'jug/ brjod don thams cad sems su bstan// rnal ma ma bcos gzhi nyid bzhin// lhun grub gsum gyi don la 'jug/ rim par 'jug pa bzhi yis so// bya ba med pa'i dkyil 'khor gsum// gdod nas rtsol med lhun gyis grub// ye shes nyi ma'i snying por shar// rang gsal mun pa ye nas dag/ ma lus thig le chen po nyid// mi g.yo rnam rtog yul 'das la// rgyu dang 'bras bur rtog 'dzin cing // mi shes sgyu ma'i blo yis bcings// rang snang ma bcos nyi ma dag/ ma btsal nyid bzhin snang bas na// snying po'i sems la gol sa med// thams cad gsal ba'i snying por 'bar// log rtog blo yi dbang gis ni// snang srid 'khor ba'i kha brgyud kyang // ye shes dbyings las g.yos pa med// sangs rgyas rnams kyi ye shes ni// bdag tu rtog pa nyid las byung // rtog pa'i blo la mtshan mar snang // mi rtog ye shes grol ba'i thugs// ye shes mi rtog me long gsal// mkha' la 'ja' tshon bzhin du snang // rang byung ye shes ngo bo la// rol pa'i khyad par snang ba ni// snang la ngos bzung yod ma yin// chu yi zla ba lta bur snang // gang snang ye shes rol pa la// gang yang ma yin ji bzhin pa// rang snang ma bcos de bzhin nyid// dngos nyid mi g.yo bde chen

  551. 276a

    dang // btsal zhing g.yo ba ci yang med// dbyings dang ye shes tha snyad de// de nyid ma yin zhen pa'i gnas// rmad byung gzhal yas spros bral na// 'bar ba'i ye shes bde gshegs gsung // zug phrad nyid du bzhag pa ste// bla ma'i zhal las shes par bya// spyod pa'i sgo nas sna tshogs pa// lung ldan bla mas shes par bya// 'phrul tshig sgra yis shes par brtag/ gang la gang zhig de yin na// de nyid ye shes rig pa 'char// ma yin de nyid log pa na// rig dang mi mthun rang bzhin log/ rlung dang mkhris pa'i chos bzhin no// spyod pas chags sdang bye brag shes// de yi drag da la gnyug ma'i don// de nas rdo rje slob ma yis// rig don 'dod pa'i gsol ba gdab// gnang na de nyid rgyal tshab bya// rtsol bral zin dang ma bzung bar// gsang ba'i 'khor lo ye shes gter// gsang sngags gter gyi mdzod 'dzin cing // rig pa'i bstan pa sgrogs pa'i bdag/ gzhi cha'i rig pa rang gsal te// dus gsum bde gshegs snying po yin// gsum ldan 'khor ba'i rang bzhin no// dus tshod bla ma'i zhal las shes// gzhan du'ang de bzhin kho na yin// shes rab gsang ba'i dkyil 'khor ni// gu rum sbas pa dag yin kyang // gsal byed sgron ma de yis mthong // ye gsal chen po phyogs med la// phyi nang med par kun la gsal// 'khor ba rags pa'i

  552. 276b

    cha yis ni// de nyid phra ba'i don mi mthong // bden don mthong bas bcings pa grol// rdzogs pa ye shes de nyid go/ nyams blangs goms pas mtha' thug ste// ji ltar bsam pas bzung ba'i blo// ma lus par ni zad gyur na// mi rtog ye shes gsal mthar phyin// 'gyur med sems kyi g.yung drung la// ye shes rang gsal gyi nar bzhag/ dran pa rkyen gyis ma shor te// de nyid tshod du lhug par zhog/ ma nor sems kyi slob dpon la// lung don dran pas thag bcad cing // bsam med dran med mi g.yo ba// mi dpyad legs pa'i don mi bzung // bsdu bar ma yin spro bar min// mi rtog gsal ba ma bcings pa// brtul ma yin/ te 'jam pa'i ngang // rig pa de nyid tsam la gnas// sems nyid rang bzhin lhug pa'o// glang chen lta bu'i sems la ni// ma bcos rang lugs nyid du bde// btsal ba glang chen myos 'drar 'gyur// nam mkha'i ngo bo ma bcos ltar// sems nyid rang bzhin ma bcos bde/ khyung chen mkha' la lding ba bzhin// mi btsal rang bzhin gyi na bde// thams cad btang bas 'dzin pa med// bya ba med phyir rtogs pa'i ngang // sems nyid bsgrim par mi bya zhing // lus dang ngag kyang btsal mi bya// shes pa mi bsdu yan du khyer// snang ba mi dgag zhen mi bya// mtshan ma'i spros pas 'chel ba yis// sna tshogs rtogs pa'i

  553. 277a

    sems byung na// lus sems klong la gzer chen gdab// shin tu dran pas g.yo ba na// stong nyid bde ba'i man ngag sbyin// ye shes gsang ba'i dgongs pa la// gang yang ma yin de ltar yin// zhes gsungs so// ye shes gsang ba'i rgyud las/ gang gis gsang ba'i le'u lnga pa'o// // de nas sems dpa' rdo rjes/ de bzhin gshegs pa rnam par snang mdzad la// 'di skad ces gsol to// rin chen 'khor lo gsang ba'i thugs// 'phrul tshig rig pa'i sgron ma yis// gu rum sbas pa'i don gsal na// de nyid gang gis gsal bar bgyi// zhes gsol pa dang // de nas de bzhin gshegs pa rnam par snang mdzad kyis bka' stsal pa// sems dpa' chen po tshur nyon cig/ man ngag rin chen gsang ba ni// bka' rgyud ma lus mtha' dag gis// brjod bya'i snying po de nyid las// ming tshig rnam grangs sdud pa'i bdag/ kun brjod gsung gi 'khor lo can// dus mtha'i skad cig nyid la ni// klong dgu bam po nyi khri nyid// rin chen gsal ba'i ched du gsungs// de nyid dgu ldan sems kyi gzhi// rin chen lam gyis nyams su blangs// ma bsgrubs 'bras bu lhun gyis grub// lta ba'i sems la blang dor med// mtha' dbus med pa'i snying po len// ye shes ma 'gags gsal bar snang // gnang bkag med pa spyod pa'i

  554. 277b

    rgyan// mi bsam mi yengs dgongs pa'i klong // rgyal thabs spyi blugs tshangs pa'i dbang // bgrod med mthar phyin sems kyi lam// bcos med dam tshig gdod nas dag/ rang snang 'bras bu lhun grub klong // sems nyid ma bcos rnal ma'i gzhi// don dang nges tshig dpe yis bstan// gzhi don lhun grub rnam gsum la// rnam pa rang bzhin mtshan nyid rnams// bde ba chen po lhun grub pa// dus gsum bde gshegs ye shes dang // 'gro drug sems kyis ma bcos pa// tha dad ma yin rang bzhin gcig/ rnam pa lhun grub sgyu ma ni// rol pa bzung ba ngos bzung med// rang gi mtshan nyid lhun grub la// gzung 'dzin/ btags pa gang gis med// de nyid de yi rang bzhin no// ma lus don gyi snying po gzhi// mi shes rtog pa'i rang bzhin te// rtog tsam nyid na mi rtog pa// thams cad rol pas 'khor ba'ang yin// 'dzin rtog med pas sangs rgyas yin// 'ching ba bral ba blta ba yin// rang 'bar gsal ba'i snying po 'bar// ma lus 'dus pa'i lus po che// gcig ni kun gyi rang bzhin te// lhag ma med par yongs su rdzogs// rig pa'i 'khor lo 'bum phrag las// gzhi mtshon dpe yi rang bzhin ni// mun pa chu dang nyi mas bstan// sems nyid rig pa ka dag la// zhen pas brtags pas snang med pas// smag gi mun rum lta bur bshad// dngos

  555. 278a

    med rig pa rang snang la// ye shes rol pa mi 'gag pas// chu yi gnyer ma lta bur bshad// ma bcos sems kyi mtshan nyid la// rtsol bas bkag pa ma yin yang // gdod nas dag pa dri med pas// nyi ma shar ba lta bur bshad// tha dad rtag par 'dzin pa rnams// rol pa'i snang ba bkag pas chad// mtha' bral dbu ma'i don 'dzin pas// mtha' gsum gsal ba'i dgos pa'o// rang snang lhun grub ye gnas la// bgrod pa'i lam gyis btsal mi dgos// mtha' med nam mkha' lta bu la// bgrod pas phyin par ga la 'gyur// sems la bgrod pas phyin 'dod na// mkha' la tshad kyis 'jal ba 'dra// lam bstan pa dang lam gyi dpe// nges pa'i don ldan de nyid yin// don gyi lam dang tshig gi lam// don gyi zug phrad gsum yin la// de yi brda phrad tshig gi lam// ye shes bgrod med rdzogs pa'i lam// rnam grol 'bras bu kun gyi rgyu// ye shes gsang ba'i don rtogs na// mi g.yo sems kyi dkyil 'khor na// theg pa kun gyi 'bras bu 'char// des na kun grol dgongs pa'i thugs// lam la rim med cig car 'jug/ rnam rtog phra rags rim gyis shes// tshig lam rkyen gyis ma mtshon par// ma bcos sems kyi don mi shes// tshig gis lam gyi don la sbyor// gsang don mthong bas bde ba'i sa// 'dzin pa rags pa'i

  556. 278b

    rtog pa dag/ rang byung ye shes nyid du gsal// mi rtsol bde ba'i sems la gnas// mi 'gyur spros bral chos nyid la// 'dzin bral btang snyoms rnal 'byor gyis// skyon nyid byang chub sems su mthong // gnyis med 'od gsal chen po la// skyon spang yon tan blang du med// bsam pa ma lus sems su shes// mthar phyin byang chub sems kyi lam// mar me'am pad+ma 'bab chu sogs// tshig dang skabs kyis don la sbyor// lus dang ngag gi rtsol ba dang // ting 'dzin sems kyi rim med par// thams cad sgrol ba'i rdzogs pa'i lam// reg pa'i gnas su rtogs pas phyin// des na mthar phyin 'bras bu'i lam// ye nas yod med rnam dag lam// skyon yon rnam dag kun tu bzang // dbyer med thams cad mtshungs pa'i lam// byang chub sems la rgyu med pas// rgyu yis bsgrub pa'i 'bras bu min// dang po ye shes rgyu med pas// rang gsal nyag gcig dri ma med// rtsol med nam mkha' bzhin du gnas// sangs rgyas sems can kun la khyab// de nyid rtogs pas 'bras bu'i sa// 'das pa ma 'ongs da ltar yang // rtogs pa snga phyi'i khyad par las// dus gsum gcig ste khyad par med// ma bcos thugs kyi rig pa las// sngon med phyis med nyag gcig gsal// rang byung 'od gsal gdod nas yod// rgyu med 'bras bu byang chub sems// 'bras bu

  557. 279a

    kun gyi bdag nyid yin// chos sku 'bras bu rang gsal la// rin chen 'bar ba lhun grub ltar// thugs rje'i byin rlabs 'dod dgu 'char// skal ldan rang rkyen nyi ma bzhin// sems can dus na skabs kyis mthun// lhun grub dus na phyogs ris med// 'od gsal rig pa'i dkyil 'khor na// rang snang 'bras bu rgya mtshor 'khyil// gsal bar 'bras bu bdag gzhan med// bdag gzhan 'bras bur snang ba la// dngos dang bsam pa skabs kyis shes// gsal bar rig pa'i byin rlabs ni// chos nyid rig pa'i gzhi la rdzogs// snying po don gyi gzhi rtogs nas// rang bzhin tshogs rdzogs sgrib pa med// gnyis kyis mi bsgrub spang pa med// spang med thig le nyid kyi dbyings// mtshon med sems kyi 'bras bu ni// rig ma'i bde bas mtshon du med// 'od gsal rgyu 'bras gnyis med la// rgyu 'bras gnyis su rtog pa min// gsal bar rdzogs pa'i 'bras bu ni// 'byung ba lnga la rag ma las// sku gsung thugs la rten mi 'cha'// zhes gsungs so// ye shes gsang ba'i rgyud las/ rin chen gsal bar byed pa'i le'u ste drug pa'o// // de nas sems dpa' rdo rjes// de bzhin gshegs pa rnam par snang mdzad la 'di skad ces gsol to// 'od gsal thugs rje lhun grub khyod// rol pa'i mdzad pa 'bum phrag yas// 'od

  558. 279b

    gsal dbyings la bzhugs bzhin du// thugs rje'i mdzad pa phyogs bcur brdal// 'gro ba'i bsam pa re ba skong // yid bzhin nor bu lta bur shar/ khyod ni snang gsal sgron ma ste// ma rig mun pa dang bar byed// sman chen bdud rtsi byams mgon gyis// rdzogs chen sems kyi rang bzhin la// bkag med spyod pa ji ltar bgyi// zhes gsol to// de nas de bzhin gshes pa rnam par snang mdzad kyis bka' stsal pa// sngags kyi spyod pa spyod pa'i mchog/ sems kyi 'phro 'du'i las mi byed// rang gsal klong la ye gnas pas// nam mkha' rdo rje ma bcos sems// sgo gsum rdo rje ma bal bar// lus kyis phyag rgya'i las mi byed// tha mal lus spyod de bzhin no// ngag gi snying po bzlas brjod med// ma bcos gsung gi spyod pa las// zhen pa'i nga rtsol gang yang min// sems kyi 'phro 'du'i las mi byed// rang gsal klong la ye gnas pas// dran bsam rgyu ba gang yang min// spros bral nam mkha' lta bu la// rang gsal ye shes ma bcos par// rtsol med rang bzhag lhug pa'o// gang du bsam bzhag 'od gsal mkha'// dus gsum dran pa rkyen gyis bzung // tha snyad mtshan ma g.yo 'gyur na// nam mkha'i rdo rje spyod pa la// 'od gsal lhag pa'i sems kyis gnas// rnam rtog dran pa g.yos tsam na// rin chen 'phrul gyi snying po'i sgo// dran pa'i rkyen

  559. 280a

    gyis gzung bar bya// lus ngag gtso ru 'jog byed na// de yang spyod nyid spyod ma yin// spyod med rig pa'i spyod pa la// rtsol med 'bras bu lhun gyis grub// bcos med sems kyi rang bzhin la// bcos pa'i spyod pa phyin ci log/ dngos bral rig pa bdag med la// btags pa'i bdag 'dzin log pa bzhin// 'od gsal rig pa lhun grub la// rtsol ba'i spyod pas sems mi mthong // bsam gyis mi khyab 'od gsal sems// 'gyur med dbyings las ma g.yos kyang // rang snang lhun grub byin rlabs las// skal ldan bsam pa ji bzhin du// 'gro 'dul thabs kyi spyod pa mdzad// rang sems pad+ma bzhin dag nas// gzhan dag ji ltar mos bzhin mdzad// g.yem par 'dod la g.yem pa nyid// rang sems gang 'thad sgo dang bstun// zhe sdang mnar sems nga rgyal nyid// thabs nyid gsang ba'i lam du bstan// nyan thos la sogs 'jug pa'i sgo// gang mos mthun pa'i thabs kyis bstan// gsang don rtogs na gang yang rung // rang byung ye shes nyag gcig la// gsang ba'i dkyil 'khor grangs med pa// mthun 'jug thabs su bstan pa yin// ci yang yin no gang yang rung // su zhig thugs kyi dkyil 'khor du// gter dang ldan no khyad par che// ma bkag sems rtogs khyad par las// sgrib par gyur pa gang zhig

  560. 280b

    yod// ma bkag ci bder rtogs par spyod// snang gsal rig pa'i gdeng ldan na// gdul bya mos pa'i ngo dag tu// sna tshogs spyod pa rgya mtsho spyod// gang yang ma bkag kun tu bzang // mthar phyin dus gsum sangs rgyas kyis// dug lnga rtogs pa'i spyod pa yis// bya btsal kun bral lhun gyis grub// dus gsum sangs rgyas gang la yang // spyod pa de las yongs mi mnga'// rnam dag sems kyi spyod rtogs na// rtsol ba'i spyod pa log pa'i chos// lhag pa'i spyod pa 'od gsal thugs// gang la sems nyid lhag spyod kyang // lhag pa'i spyod pa mos pa 'jug/ skal ldan lhag pa'i don zin kyang // che la dmigs pa'i cha snyoms pas// gong 'og dmigs pa'i sems dang bral// rang bzhin nam mkha' rdo rje dang // mthun 'jug 'gro 'dul thabs kyis spyod// ces gsungs so// ye shes gsang ba'i rgyud las/ bya ba dang bral ba'i spyod pa bstan pa'i le'u ste bdun pa'o// // de nas sems dpa' rdo rjes/ de bzhin gshegs pa rnam par snang mdzad la 'di skad ces gsol to// gsang 'dzin thugs rje'i mnga' bdag khyod// rol pa'i 'khor lo gsung gi bdag/ sku yi 'khor lo mkha' ltar khyab// snying po'i don ldan kun mkhyen thugs// sngags kyi bdag nyid skyob pa la// 'dus pa'i 'khor tshogs mos pa yis// dam tshig gsang ba'i don zhu

  561. 281a

    ba// gsang ba'i dam tshig bshad du gsol// zhes gsol pa dang // de bzhin gshegs pa rnam par snang mdzad kyis bka' stsal pa/ lhun grub ye shes gsang ba la// bsgrub cing bcas pa'i dam tshig med// rig pa gsal ba'i dam tshig ni// rin chen 'bar ba sgrol ba'i sku// rdo rje nyi ma lta bur gnas// lhun grub phyogs ris med min pas// sdom dang tshul khrims phyogs mtshams dang // phyi nang gsang ba'i dam tshig yin// ma bcos gsang ba'i dam tshig ni// med pa phyal pa gcig pu dang // lhun gyis grub pa'i dam tshig go/ rang rig gdod nas lhun grub la// gzung 'dzin mtshan ma'i chos med pas// brjod du med pa'i sems nyid kyis// bsrung du med pas ngang du bsdam// de yang bsrung du med na bde// gnyis med sems kyi dam tshig la// 'da' med srog gi gnas gyur na// ma bcos rgyal ba'i dam tshig yin// nam mkha' lta bur gsal khyab la// mtha' dang dbus med ma bcos pas// 'di yin 'di min phyogs dang bral// phyogs bral skyes bu chen po nges// phyogs gcig spang zhing phyogs gcig bsgrub tu med// gtad med 'dzin bral chen po la// phyogs mtshams nges pa'i chos ma yin// bde gshegs sems can thams cad la// ma bcos sems kyi rig pa gcig/ rgyu yis ma bskyed ye nas byung // rkyen gyis ma

  562. 281b

    sbyangs gdod nas dag/ rang bzhin 'od gsal rig pa la// ma lus dgongs pa thams cad 'dus// dus gsum sangs rgyas thams cad la// rang bzhag dgongs pa gcig las med// rang snang mi 'gyur chos nyid la// rang bzhag rig pa mi gda' na// sems nyid gcig pu dam tshig ste// dus gsum sangs rgyas thams cad la// dam tshig 'di las yongs mi mnga'// rnam dag rang bzhin 'od gsal la// lus dang ngag gi bya rtsol med// ting 'dzin sems kyis rim btsal med// 'di ni tshig dang bral ba ste// gyi na lhun grub dam tshig yin// lhun grub dam tshig rtsol bral la// btsal ba'i dam tshig ye nas med// sel med rin chen gling bzhin du// rnam dag ye shes rang byung la// skyon gyi rang bzhin ngang gis dag/ gzhi rtsa med pa'i sems nyid la// btags pa'i 'dzin pa rnam par dag/ lhun grub 'od gsal dag pa la// rnam rtog brtag pa'i sems grub na// mu stegs sangs rgyas ci la rtsod// sangs rgyas sems can ci la gdags// rtogs pa dngos la grub pa na// rin chen 'phrul gyi lde mig gis// tha mal zhen pa ci ltar bzlog/ lhun grub dam tshig bya btsal med// lhun grub rin chen snying po ltar// gcig rdzogs rang gsal dag par rdzogs// kun rdzogs rang byung sems su rdzogs// thams cad lhun grub rnam par rdzogs// des na lhun grub

  563. 282a

    rdzogs pa che// zhes gsungs so// ye shes gsang ba'i rgyud las// rdzogs pa chen po'i dam tshig bstan pa'i le'u ste brgyad pa'o// // de nas sems dpa' rdo rjes// de bzhin gshegs pa rnam par snang mdzad la 'di skad ces gsol to// bdag cag 'dus pa'i 'khor tshogs rnams// thog med dus nas rin chen bral// gsal med khams gsum 'khor bar 'khyams// dus 'dir thugs rje'i byin rlabs kyis// kun mkhyen khyed kyi 'khor du 'dus// rtog pa sems su shes pa'i sa// kun mkhyen khyod kyis gsung du gsol// zhes gsol pa dang // de bzhin gshegs pa rnam par snang mdzad kyis bka' stsal pa/ rol pa'i sgra la sems gtod cig/ rang byung ye shes sems kyi sa// brjod pa'i tha snyad kun bral yang // dman pa'i blo yis rtogs bya'i phyir// rig pa gsung gi sgo nas bstan// ma bcos rang snang bla ma'i sa// sbyangs pas ma yin ye nas grub// rang byung rnam dag kun bzang sa// dbyer med che mchog chos kyi sku// rgyud dang mdo sde bla med sa// kun tu 'od dang rdo rje 'dzin// ma chags pad+ma stug po bkod// tshegs chen yi ge 'khor lo dang // kun tu dbye ba med pa'i sa// sa drug sems la bgrangs pa yang // ma bcos rdzogs pa chen po'i sa// rtogs pa'i yon tan drug tu bstan// ma bcos sa la sbyang pa med// 'od gsal

  564. 282b

    lhun grub chen po la/ sa yi rim pa gang yang med// rang byung rig pa rtogs gyur na// nor bu rin chen lhun grub ltar// thams cad sems las byung ba'i phyir// rang snang byang chub sems kyis// 'gyur med sems kyi ngo bo ni// rtog pa ma yin mi rtog min// gang la'ang gnas pa ma yin pa// gnas med 'dzin bral rig pa'i gnas// ma spangs kun bral 'od gsal gnas// mi gnas gnas pa'i chos nyid la// skal ldan dang po 'jug pa na// mthar phyin sa la khyad par med// dag pa thugs rje'i rang bzhin te// rtogs pa'ang rang bzhin sems su gcig/ 'dzin pa'i blo yis g.yos gyur kyang // rang byung 'od gsal 'gyur ba med// 'gyur med ngang la ngang bzhag ste// ma spyad sems kyi gyi nar gnas// dbang po yul la gang snang ba// ye shes 'od du kun la gsal// bkrag gsal gzugs kyi dkyil 'khor la// 'od gsal rang byung ngo mtshar che// brjod bral sgra yi dkyil 'khor la// snang ba'i ye shes rang bzhin gsal// rang bzhin sna tshogs dri med la// ye shes gsal bar rang byung sems// mu kha ro yi dkyil 'khor la// lce yi ye shes ngo mtshar che// gsal ba rag bya'i rang bzhin la// shes rab lus kyi rang bzhin gnas// kun 'das chos kyi dkyil 'khor la// ye shes thugs kyi rig pa gsal// rang bzhin bde chen dkyil 'khor drug/ gnyis

  565. 283a

    med rdo rje 'gyur med las// ye shes mi 'bral 'dzin pa'i sa// 'dzin pa'i yul la ma chags shing // kun mkhyen dri ma dang bral bas// ma chags pad+ma can gyis// rang nyid gsal ba kun 'dus pas// tshogs chen dkyil 'khor yi ge'i sa// mi phyed sems la stug po bkod// byang chub sems kyi rang bzhin la// dbyings dang ye shes dbyer med pas// kun bzang dbye ba med pa'i sa// ma spangs sems nyid sa dag la// sa rnams ma lus thams cad 'dus// sbyangs pa'i sa rnams thams cad ni// sbyang med sa la sbyangs pas na// bsam pas bzhag ste rang bzhin log/ mthar zug ma yin rang 'dod sa// des na ma bcos rdzogs pa'i sa// rang byung lhun rdzogs khyad par sa// sa yi khyad par cir bstan kyang // ma bcos rdzogs pa'i sa la 'dus// zhes gsungs so// ye shes gsang ba'i rgyud las/ sa bstan pa'i le'u ste dgu pa'o// // de nas sems dpa' rdo rjes// de bzhin gsheg pa rnam par snang mdzad la 'di skad ces gsol to// thugs rje'i mnga' bdag skyob pa'i lha// bsam gyis mi khyab chen po yis// gsang ba'i theg pa gsungs pa 'di// ma 'ongs dus na ji ltar 'byung // zhes gsol pa dang // de bzhin gshegs pa rnam par snang mdzad kyis bka' stsal pa// rtsol bral gsang ba'i theg pa 'di// lha gnas gsum du

  566. 283b

    grags 'gyur nas// yang sbrul gang zag thugs sras kyis// 'dzam gling dbus su rgyas par byed// rgyal sras gsang ba'i snod ldan la// rna brgyud rig pa sngags kyi don// 'phrul tshig rig pa'i sgo nas ston// gsang 'dzin rig pa'i snod ldan rnams// ma bcos gsal ba'i don go nas// rnam grol 'bras bu 'thob par 'gyur// de nas gsang ba dam pa 'di// mtha' 'khob yul du rgyas par 'gyur// der yang gsang ba dam pa 'dis// skal ldan gdul bya'i ngo gang du// rig pa'i sgron ma byed par 'gyur// de nas thugs rje'i skal med pas// gsang ba dam pa nub par 'gyur// gsang ba'i theg pa dam pa 'di// gzhan gyis nub par mi 'gyur te// dri med bdud rtsi rtogs dka' la// rna brgyud 'phrul tshig mi ldan pas// sgra bzhin spyad nas smra ba dag/ lha spyod leg pa'i nga rgyal can// ma bcos rang snang rol pa dang // rnam rtog zhen pa'i brtags pa dag/ bye brag ma phyed rmongs pa dag/ rdo la gser du 'dzin pa ltar// 'od gsal lhun grub rang snang dang // brtags pa'i zhen pa bsres nas smra// ma bcos rig pa gdeng med par// rang ltar ya rabs mtho 'dod nas// bab col 'dod lnga spyod pas log/ de yi dus kyi gang zag rnams// sbrel ma g.yang du lhung ba bzhin// rdo rje'i khab tu ltung 'gyur nas// byang chub sems kyi rigs dang

  567. 284a

    bral// mgyogs 'gro so mtshams 'das dang 'dra// de nas lho phyogs rgyud du rgyas// skal ldan grol ba'ang 'byung bar 'gyur// de nas 'dzam gling dbus su nub// sprul pa tha ma'i bstan pa la// ma 'ongs dus na 'byung bar 'gyur// de yang rang bzhin rigs can dag/ rdzogs chen 'bras bu'i sgor zhugs nas// rnam grol 'bras bu 'thob par 'gyur// bsgom dang spyod pa'i tshul ma nor// mnyam pa'i don la mnyam bzhag na// de ma thag tu rig pa 'char// gsang ba'i don ldan gang zag bzhi// de yi dus na 'byung bar 'gyur// bstan pa bcud kyi mdzod 'dzin cing // gsang sngags ma lus sgrogs pa'i bdag/ dgongs spyod zab mo'i don dang ldan// 'dzin pa log pa'i gang zag gis// gsang ba'i theg pa bsgrub par 'gyur// 'das pa'i dus na theg pa 'di// skal ldan mngon rdzogs rgyal po yis// thugs kyi sras bdun rnams la bstan// de dag rig pa mthar phyin nas// de bzhin rtsol bral chos la bkod// rdo rje 'dzin pa'i sde dpon gyis// sems nyid rig pa'i theg pa bsgrub bsgrubs min nam// zhes gsungs so// ye shes gsang ba'i rgyud las/ lung bstan pa'i le'u ste bcu pa'o// // de nas de bzhin gshegs pa rnam par snang mdzad kyis sems dpa' rdo rje la 'di skad ces bka' stsal to// byang chub sems

  568. 284b

    'di kun tu bzang // ma lus 'dus pa'i snying po mchog/ theg pa mkha' 'dra blta ba'i klong // rgya mtsho yangs pa bde ba che// kun 'dus ye shes dag pa'i 'od// phyogs mtshams kun tu gsal bar 'phro// ye shes me long thams cad gsal// ma bcos gzugs brnyan snang bas na// ye shes me long dag tu bshad// rang rig ye shes 'od gsal la// mtho dman rlom sems che chung med// bdag gzhan gnyis med rang rig la// 'dzin pa kun bral 'od gsal dag/ dbyer med nam mkha' lta bur khyab// snang srid byang chub sems su mnyam// mnyam pa rang gsal phyogs bcur brdal// 'od gsal rig pa mnyam par bshad// bcos med dbyings kyi rang bzhin la// 'dzin rtog zhen pa'i chos med pas// mi 'gyur ye shes rang byung la// bden par mi 'dzin brdzun pa'ang min// 'dzin med rig pa gnyis bral la// gang yang mi snang kun tu bzang // chos nyid sems la dngos med gsal// stong pa kun mkhyen ye shes zugs// dngos med kun ldan stong chen po// 'dzin med rig pa 'od gsal bas// stong nyid ye shes dag tu bshad// ji ltar snang ba'i chos rnams kun// gnyis med rig pa ka dag la// ye shes rol pa ma 'dres gsal// kun bzang chos nyid spros med la// rol pa'i 'khor lo bsam mi khyab// 'du zhing 'phro ba rgya mtsho/

  569. 285a

    bzhin// 'bar ba'i ye shes rmad po che// rang gsal rig pa kun mkhyen thugs// mnyam la ma 'dres kun tu bzang // ma 'dres gsal ba'i ye shes so// mi 'da' phyag rgya chen po las// rang byung mdzad pa cir yang 'gyur// lhun grub mdzad pa phyogs ris med// kun gyi snying po rang byung la// thugs rje lhun grub shar 'gyur nas// gdul bya'i bya ba kun mdzad gsal// des na bya ba nan tan no// rang gsal ye nas ma bcos pa// don de shes pas ye shes yin// chos nyid ka dag 'od gsal sems// don de shes pas ye shes yin// ma bkag rang rig rgyu med gsal// rang byung ye shes 'gyur med sems// 'od gsal bsam gyis mi khyab pa/ kun bzang rol pa mtha' dbus med// mi rtsol mtha' bral dbu ma'i sems// mtshon 'das rang bzhin zhen rtog med// gnyis med rang rig yul dang bral// rang rig ye shes thig le drug/ blta spyod dgongs pa'i rang bzhin no// ma 'phros zla ba'i dkyil 'khor ltar// mi g.yo sems nyid ma 'phros pa// thig le spros bral ye sangs rgyas// byang chub sems kyi khyad par che// mngon par sangs rgyas che ba la// ye shes thig le kun tu bzang // rnam gsum thig le kun bzang nyid// chos nyid dbyings su sangs rgyas che// kun bzang thig le byang chub sems// thams cad yin pa'i

  570. 285b

    che ba nyid// rtsol bral lhun grub thig le nyid// bdag nyid chen po'i sangs rgyas yin// mtha' bral 'od gsal chen po ni// sangs rgyas med pa'i che bar bshad// mi 'gyur brdal khyab spros pa bral// ces kyang mi bskyod sems nyid che// 'du 'bral gnyis med rdo rje nyid// phyi nang med pa'i gsal khyab la// phyi nang gsang ba'i sgo phugs med// yul dang dbang po gdod nas dag/ mtshan ma gzhi la ba'i sku med pa'i// rdo rje sems dpa' mi 'gyur che// ye shes mkha' gsal kun tu bzang // bsam med mkha' gsang ye sangs rgyas// cir yang mi dgongs chos nyid dang // mi 'da' phyag rgyar 'gyur med sems// mi rtsol mtha' bral dbu ma'i lam// mkha' ltar khyab pa'i bde chen po// rgyu 'bras gnyis med ye nas rdzogs// zhes gsungs so// ye shes gsang ba'i rgyud las/ ye shes bstan pa'i le'u ste bcu gcig pa'o// // de nas sems dpa' rdo rjes// de bzhin gshegs pa rnam par snang mdzad la 'di skad ces gsol to// kun tu bzang po ye shes thugs// bde chen gsung gi 'khor lo'i bdag/ byar med ye shes rol pa'i sku// dbyer med rdo rje mchog gyur la// 'dus pa'i 'khor tshogs mos pas 'dud// rtsol bral ye shes gsang ba'i rgyud// chos nyid gsang ba'i ched du gsungs// bdag cag 'dus pa'i 'khor tshogs kyis//

  571. 286a

    mtshan gyi rnam grangs ji ltar gzung // zhes gsol pa dang // de nas de bzhin gshegs pa rnam par snang mdzad kyis bka' stsal pa// gsang rgyud theg pa'i snying po 'di// nyon mongs zhen pa'i 'brel zag chod// chos rnams gsal ba'i ye shes sgron// kun tu bzang po'i ye shes thugs// bde chen mdzes pa'i ye shes rgyan// gsal ba'i ye shes gsang ba'i rgyud// 'di la mtha' dbus med pas na// nam mkha'i mtha' dang mnyam pa'i rgyud// kun 'dus mnyam pa chen po yis// gsang ba kun 'dus rig pa'i gter// rang byung 'od gsal chen po la// zhen pa'i brtags pa gdod nas med// ma bcos rang snang rtogs pas na// nyon mongs zhen pa'i 'phreng thag gcod// thams cad sems su 'dus pas na// sems nyid rang gsal ye shes sgron// mi 'gyur lhun grub rang byung 'di// ji ltar gnas kyang kun tu bzang // zhen cing 'khrul pa cir gyur kyang // rang gsal ye shes kun tu bzang // rig pa bsam bral rgyal ba'i thugs// phyogs med btang snyoms chen po la// rtsol ba'i sdug bsngal bral bas bde// bde chen mtshan nyid kun las 'das// kun gyi 'byung gnas lhun grub che// rang gsal ye shes dkyil 'khor ni// sku dang gsung thugs mdzes pa'i rgyan// rang gnas ye shes bde chen nyid// rnal 'byor dgyes pa'i rgyan

  572. 286b

    zhes bya// bsam med nam mkha'i mtha' ltar bral// byang chub sems la mtha' dbus med// mi 'gyur nam mkha' rtag pa ltar// sems nyid ye gsal g.yung drung ngo // thams cad byang chub sems su 'dus// thams cad kun 'dus lhun gyis rdzogs// snang srid 'khor ba'i ngo bo la// gnyis med rgyal ba'i dgongs pa dag/ 'od gsal btang snyoms chen por mnyam// bstan pa bcud 'dus gsang ba'i thabs// gsang mdzod rig pa thugs kyi gter// bstan pa spyi 'grel gsang rgyud 'di// gu lang lung gi gser zo ru// seng ge'i 'o ma blugs pa bzhin// snying gi dkyil du btsa' bar gyis// srog dang bral ba'i kha bzhin sdoms// bstan pa'i yang snying snying ltar zung // gnas ni brag dang chu la spos// zhes gsungs so// ye shes gsang ba'i rgyud las/ mtshan gyi rnam grangs bstan pa'i le'u ste bcu gnyis pa'o// // ye shes gsang ba zhes bya ba'i rgyud rdzogs so// shrI sid+ha dang be ros bskur// /

  573. 287a

    rgya gar skad du/ bo d+hi tsit+ta dz+nyA na saM prAr+N+Na tan+t+ra nA ma/ bod skad du/ byang chub kyi sems ye shes rdzogs pa'i rgyud ces bya ba/ byang chub kyi sems ye shes rdzogs pa la phyag 'tshal lo// 'di skad bdag gis bshad pa'i dus gcig na/ 'og min gyi gnas sems nyid brdal ba chen po'i zhing khams na/ rang byung rdzogs pa'i bcom ldan 'das dgongs pa rang byung gi don la bzhugs so// yang de'i tshe smin pa chen po'i 'khor 'di lta ste// rang bzhin gyis gnas pa dang // rang bzhin la blta ba dang // rang bzhin rtogs pa chen po dang // rang bzhin rdzogs pa'i don la mngon par dga' ba 'ba' zhig 'dus so// de nas rig pa'i rgyal po sna tshogs bsam bral gyi ting nge 'dzin la snyoms par zhugs so// de'i tshe 'dus pa'i tshogs kyis thams cad rang byung du mthong bar gyur to// de nas bcom ldan 'das rig pa'i rgyal pos 'di skad ces gsungs so// rang byung dag pa ye sangs rgyas// chos dang chos nyid sna tshogs pa// rig pa nyid yin rnam par dag/ smin pa'i 'khor tshogs dang sems kyis// sna tshogs rang byung nyid du ltos// zhes gsungs pa dang // smin pa chen po'i nang nas sems dpa' rdo rje chen po rang byung ste// 'di skad ces gsol to// rig pa rnam dag bcos ldan 'das// sku gsum rdzogs pa'i ye shes che// mdzad pa phyogs bcu mu

  574. 287b

    mtha' med// thugs rje rang snang phyogs ris med// btang snyoms chen po kun tu bzang // rig pa mchog gi dkyil 'khor nas// rdzogs pa'i ye shes thabs chen gyis// gsang ba'i ye shes sgo phye nas// dpal gyi mgur nas gsung bsgrags pa// 'das pa'i 'khor la gsal bar gsungs// zhes zhus so// de nas rig pa'i rgyal pos rdo rje sems dpa' la 'di skad ces bka' stsal to/ ye shes rdzogs pa'i bde ba che// mtha' yas 'gro ba kun la ldan// rig pa dbyer med kun tu bzang // gang yang ma yin rig par gsal// rtsol ba'i sems la mngon sangs rgyas// rgyu 'bras gnyis med 'gyur ba bral// rnam byang shes pa rang gnas pa// byed pa nyid kyis mthong bar gyis// shes pa'i rnam grangs gang skyes kyang // rnam byang nyid las gzhan ma yin// bsam kyis mi khyab dus na shes// 'khor ba'i shes pa glo bur ba// rang bzhin ma yin rkyen gyis snang // brjod pa'i brnyan ma nyid dang mtshungs// rnam par rtog pa'i sems nyid ni// gang ltar brtags pa bzhin du mthong // du ma'i rigs kyi rtog pa dag/ sgo rnams kun tu rgyu ba ste// mi gcig skar khung du ma bzhin// don gyi rnam byang du ma min// rig pa dbyer med dkyil 'khor 'di// mtha' bral lta ba'i don ldan gyis// rang gzhag dgongs pas gnas par bya// rang byung thugs rje g.yo med

  575. 288a

    kyis// 'gro don ma lus rdzogs par mdzad// sku gsum lhun grub 'bras bu ni// gzhan ma yin te ye shes rdzogs// ris drug dbang po tshig chod dam// sbyangs pa'i 'phro can gang yang rung // chos kyi rnam grangs gang sgo nas// spyi blugs dbang la gnas byas te// rna brgyud gdams ngag nod par bya// bgrod med lam la gnas byas la// sbyang med sa yi yon tan 'phel// brgyud kyang rim min cig char 'jug pa'i sa// rang byung ye shes bla ma'i sa// rab tu che mchog chos kyi sku// rtsol med gnas pas mngon sangs rgyas// 'gro ba'i rig pa gang dag la// bsam bral nyid du 'dug par bya// shes pa rang lugs thal byung ba// dus gsum mi g.yo gnas gyur na// rgyal ba'i ye shes gsal mthar phyin// zhes gsungs so// byang chub kyi sems ye shes rdzogs pa'i rgyud las/ gleng gzhi'i le'u ste dang po'o// // de nas rig pa'i rgyal pos/ sems dpa' rdo rje la 'di skad ces bka' stsal to// sna tshogs 'khor ba'i rtog pa dang // rdzogs nyid ye shes rang bzhin gcig/ rdzogs pa'i ye shes rtog pa nyid// rtog pa gang yin ye shes nyid// tha dad yod pa ma yin te// ye shes rdzogs pa'i rang bzhin ni// kun spangs kun gyi dngos gzhi can// 'dzin pa du ma'i rtog pa 'di// byang chub sems su brjod pa

  576. 288b

    yin// brjod med sems kyi rang bzhin la// ma brjod go bar mi 'gyur bas// brjod med don gyis mtshon par bya// kun bzang sems nyid rnam par dag/ mtshon bya mtshon byed gang yang min// btsal med rang bzhag nyid kyis mtshon// tha mal snang ba'i shes pa dag/ bka' yi shes pas drangs byas te// gtang 'dzin med pa'i ngang la gzhag/ yid la mi byed bya ba gtang // blo yis ma dpyad rang bzhin gsal// 'dzin pa'i rgyu 'bras gang yang min// 'bras bu nyid kyis 'bras bu 'grub// re 'dod rtsol ba'i mtha' ru 'gyur// 'dzin med rang bzhin sman chen gyis// 'khor ba'i gcong rnying kun dang bral// rnam rtog ye shes 'od gsal nyid// rang gsal ye shes ye nas dag/ rin chen dag pa'i gling bzhin du// sems kyi ye shes ye nas dag/ rim med sems kyi rang bzhin la// bgrod pa'i lam gyis thob pa med// rnam grol 'bras bu rang byung nyid// bgrod med rnam grol rdzogs pa'i lam// gdod nas rtsol med lhun gyis grub// ye shes nyi ma'i snying po shar// ma lus thig le chen po nyid// gzung 'dzin gnyis med mi g.yo ba// rgyu dang 'bras bur rtog 'dzin cing // mi shes sgyu ma'i 'dzin pas bcings// sems nyid mkha' 'dra lta ba'i klong // ye shes yangs pa brdal pa che// blang dor gnyis med rtsol ba bral// byang chub

  577. 289a

    sems kyi blta zag bcad// ting 'dzin zhi bas nyams su blangs// byang chub sems kyi blta ba ni// gang ltar ci yang ma yin pas// rang byung ye shes mtshan nyid gsal// mi bsam gyi nar gzhag pa'o// bsam gyis mi khyab ye shes mthong // rang byung rdzogs pa'i lta ba ni// mtha' gsum bral lo ye sangs rgyas// rtsol bral dbu ma drang po'i lam// 'ching bral lta ba gza' gtad med// rin chen 'khor lo kun bzang 'dis// rang sems gnyis med rtogs par gyis// btang snyoms blta ba blang dor med/ khyung chen mkha' la lding ba bzhin// spro bsdu gnyis med gtang bzhag bral// rang bzhin gnas pas re dogs bral// spyod yul ma lus sems su shes// sna tshogs 'khor ba'i rang bzhin dang // ye nas rang rig gnyis su med// nyid las gzhan sems grub pa med// rig pa ci yang ma yin pas// 'dod pa'i bsam pa kun dang bral// shes pa mtha' bral stong pa nyid// ye shes 'od gsal rang gnas pas// yid la 'dzin med ye shes gsal// rol par snang yang grub pa med// sgyu ma'i ye shes rtsal du 'phro// ma bcos sgyu ma lhun grub la// 'dzin pa'i sems dang ngos gzung med// ye shes rgyal po rnam par dag/ 'dzin pa'i sems bral rig par gsal// sems nyid nam mkha' lta bu la// nam mkha' lta bur bsam du med// nam

  578. 289b

    mkha' bsam du med pa bzhin// ye shes bsam du med pa yin// cir yang mi dgongs rang bzhag pa// dus gsum rgyal ba'i blta ba yin// lha med rang bzhag blta ba ni// dus gsum gang yang ma yin te// 'gyur med dbyings kyi lta ba yin// 'dod pa'i bya ba gang yang min// 'dod pa med pa'i bya ba'ang min// ngo bo nyid la yangs dog med// sems nyid dri ma ka dag la// 'gyur med rin chen gser bzhin no// 'dzin pa'i rlung gis g.yos gyur kyang // rig pa'i ngo bor 'gyur ba med// rgya mtsho snang ba chen po bzhin// phyi nang mi mnga' ye shes gsal// mtha' dbus mi mnga' phyogs dang bral// ye shes sems nyid lta ba la// rgyu dang rkyen gyis rtsol ba med// rdo rje nyid 'dra 'jig pa med// nyi ma rin chen 'bar ba ltar// rang snang rnam par rtog dang bral// 'khor ba nyid na ye sangs rgyas// rang sems rig pa gang yang rung // bsam pa dang bral ye shes nyid// chos dang chos nyid gang yang min// mtha' bral ye shes rdzogs pa 'di// rtag pa ma yin mi rtag min// shes pa mi 'gag 'dod pa min// bya byed mi rtsol rang bzhin dag/ dbu ma chen po drang po'i sems// phyogs kyi yul la 'jug pa med// sems nyid yul la gang 'jug na// 'dzin pa'i phyogs can 'dod pa nyid// dbu ma'i sems dang mi ldan pa// bag chags 'dzin pa'i

  579. 290a

    sems kyis dkrugs// bsam med rig pa brjod med 'di// tha snyad ming la mi gnas te// gdul bya dman pa'i sems dag la// tha snyad sgra yi 'khor los bstan// snang srid snang ba sna tshogs pa// sku gsung thugs las ma g.yos te// dran rtog ting 'dzin rig pa'i thugs// nam mkha' lta bur mi zad pa// bde chen rig pa sems kyi rgyan// rnam par rtog pa'i sgro 'dogs gcod// 'od gsal rig pa'i 'khor lo yin// lus can rnams kyi sgra rnams ni// sngags kyi gsung du grags pa yin// snang stong gnyis med rig pa'i gsung / kha dog dbyibs su gang snang ba// sku mchog rgyan gyi 'khor lor zab// rdo rje lta bur dbyer med pa// sems kyi rang bzhin kun tu bzang // sku gsung rdzogs pa'i bde ba che// bsam med rang bzhin nyid kyis go/ rim pa mchog ldan kun tu bzang // bka' yi 'khor lo 'bum phrag yas// ting 'dzin mi rtog rang bzhin gsal// rang rig rdo rje 'gyur med lung // ye shes rdzogs pa'i lung gis ni// thams cad ye shes ngo bor gsal// zhen pa'i sgro skur ma lus pa// ye shes rig pa'i 'khor los gcod// rang gsal rig pa'i snang ba la// gang ldan gsal ba'i rig pas mthong // lta ba de nyid tsam du bzang // rang rig rdzogs pa'i ye shes la// ngo bo grub pa gang yang min// rtogs pa'i mthu yis

  580. 290b

    cir yang mthong // me long dngas pa'i brnyan ma ltar// rdo rje gsang ba'i gdams pa yis// rig pa'i ye shes kun tu bzang // yi ge med pa'i don du mthong // rang gsal rjes su rang bzhag na// ye shes rdzogs pa rjes su dpags// rang rig 'brel ba nyid la gsal// ye gsal rig pa'i 'khor lo la// 'dod pa'i blo yis gang rtsol ba// rang 'dod theg pa'i khyad par ni// gsang ba'i don la ma lus stong // 'dod pa'i stobs kyis 'phangs nas rtsol// rang gsal 'khor lo'i don la 'gal// 'dod rgyas gsal ba'i ye shes kyang // rtsol ba nyid la 'da' ba med// rdzogs pa'i ye shes bde chen ni// rang bzhag rig pa'i 'khor los dag/ rnam dag rang byung 'od gsal ba// glo bur sgrib pa ngang gis med// rang bzhin ma yin rkyen gyis snang // rang bzhin ngo bo gang dag ni// glo bur rkyen la rag las min// rang gsal rig pa'i rang bzhin dang // 'khor ba'i rtog pa rang bzhin gcig/ gang yang spang bya ma yin te// gang gi rnam pa de gang bzhin// de bzhin 'gyur ba de nyid de// sems ni ji bzhin mnyam pa nyid// sangs rgyas thugs kyi rnal 'byor ro// yang dag lam la yi ge med// snying po nyid du bdag 'jug pas// thob pa med cing spang ba med// rig pa'i thugs la gsal bar snang // byang chub sems kyi ye shes ni// rnam shes dmigs pa'i yul

  581. 291a

    las 'das// rig pa 'od gsal gzung 'dzin med// byang chub snying por bzhugs pa'i tshe// ngo bo nyid ni dmigs su med// ye shes kun bzang rnam par dag/ 'bar ba'i ting 'dzin ngo mtshar che// rang gsal rig pa cir mi dgongs// bde gshegs 'khor lo'i ngo bo nyid// mi 'gyur 'joms pa'i rdo rje 'chang // kun 'byung rin chen lta bu'i 'od// skyon med pad+ma'i rang bzhin dag/ 'du byed las kyi rdo rje 'chang // 'dul mdzad ting 'dzin 'bum phrag yas// bsam bral ting 'dzin 'od gsal sems// thabs 'jug sgrub pa rang lus yin// rtsa ba mi g.yo thig le byang chub sems// rang byung yongs rdzogs ston pa'i ngo bo nyid// rang rig rdzogs pa mchog gi sku// sna tshogs 'dren pa mchog gi sku// rang byung sems la ngo bo gcig/ rig pa mchog gi bstan pa ni// brjod med kun la rang bzhin ston// rnam dag rin chen lta bur gsungs// mi g.yo thig le nyid du gsal// yi ge'i tha snyad kun dang bral// ma 'gags rang snang don du bshad// sna tshogs snang ba'i rang bzhin dag/ rang rig nges don nyid du bstan// rnam bshad rang bzhin bstan pa'i mchog/ rang snang btsal ba'i rang bzhin gyis// de 'khor bsam pa ji bzhin bstan// bstan pa'i yan lag 'bum phrag yas// rang byung dag pa'i shugs kyis 'byung // 'dod rtsol blo la drang ba

  582. 291b

    dang // thugs kyi dgongs pa nges pa'i don// gdul bya rab 'bring don du bshad// nges pa'i snying po gsang ba nyid// drang ba'i don min rang byung bshad// chos sku rang byung ston pa'i mchog/ de 'dus 'khor dang bstan pa dag/ nyid las mi gzhan rang byung nyid// rig pa mchog gi sbyor ba la// so so ma yin brjod bya gcig/ tha snyad lam gyi sgron ma gang // kun bzang rig pa'i gter don bstan// brjod pa'i don mtshon dman pa'i sku yis ston// rang byung rig pa mchog gi sku// rang byung mchog gi sku gsum rdzogs// ma bcos rang byung snying po la// 'dod pa'i rnam pa gang yang min// bsgrub bya ma lus kun gyi bdag/ ye shes nyi ma'i bsgrub pas gsal// snang ba ma lus rang byung sems// rig pa mchog ldan bde gshegs bka'// rang byung tshad ma mngon sum gsal// 'khor ba'i rtog pa'i gcong rnying dag/ ye shes rang rig nyid du 'bar// spyi blugs tshangs pa'i thabs kyis gsal// gsang ba'i don myong 'od gsal lung // gzer chen man ngag theg pa'i skas// rig pa'i brda mjal tshegs dang bral// mngon sum ye shes gsal ba yi// rjes su rang gzhag ye nas spags// zhes gsungs so// byang chub kyi sems ye shes rdzogs pa'i rgyud las/ 'khor ba ye shes su bstan pa'i le'u ste gnyis pa'o// // de nas rig pa'i rgyal pos

  583. 292a

    sems dpa' rdo rje la bka' stsal pa/ rang byung rdzogs pa'i lta ba'i klong // mnyam nyid rig pa'i ye shes sems// snang ba ye shes rdzogs pa nyid// nam mkha'i rdo rje blta ba'i mchog/ blta med rang byung sems la blta// btsal med rig pa'i rnal 'byor yin// 'jug pa gnyis med rig pa'i klong // ye shes mkha' mnyam sgra don med// rang gsal yul la med rtogs pas// ye shes thig le'i nyi ma shar// snang med ma 'gags cir mi dgongs// snang ba rig pa'i thig le bsdus// sdug bsngal bde ba'i ngang du gnas// re 'dod kun bral thob spang med// rang byung bde ba'i sems nyid la// snang ba nyid du grub ma yin// bde chen rig pa mtsho ltar zab// ye shes rol pa mkha' dang mnyam// dngos grub rin chen 'od ltar 'byung // zhes gsungs so// byang chub kyi sems ye shes rdzogs pa'i rgyud las/ lta ba bstan pa'i le'u ste gsum pa'o// // de nas rig pa'i rgyal pos rang bzhag rig pa'i don gsungs pa/ rig pa'i sems nyid snang med la// ting 'dzin mi g.yo 'jug pa med// rtsol med rig pa bsam dang bral// ye shes rdzogs pa'i 'khor lo la// thig le bde chen bsam mi khyab// rol pa bde ldan chu rlabs bzhin// ye shes ji bzhin mi bskyod pa'o// ye nas yin phyir bya mi dgos// ye shes gsal ba'i phyag rgya

  584. 292b

    yis// mtshan ma ye shes 'khor lo bskor// 'dzin pa'i rang bzhin kun dang bral// rang byung snying po g.yo med na// dbang gyur rgyal ba'i thugs dang mnyam// ting 'dzin rang bzhag mkha' dang mnyam// mi 'gyur ye shes mkha' ltar khyab// rtsol bral rig pa'i ye shes la// yengs pa med par rang bzhin bzhag/ dbang po'i ngo la snang ba la// mi rtog rang bzhin rig par gsal// ye shes kun bzang 'phro 'du med// gang la mi 'dzin rang byung sems// mtshan ma'i spyod pas 'gyur ba med// brda sgor 'jug pa'i gdams ngag sbyin// ting 'dzin 'khor lo sgro skur gcod// ye shes 'khor lor mtha' dbus med// rang rig 'khor lor gzung 'dzin bral// shes rig ye shes nyid du 'char// 'dzin pa'i rim 'jug theg khyad kyis// ngos bzung rtogs dang dmigs 'byed pa// 'dod 'dzin ma lus de dag stong // rang rig stong nyid rnam bcas pas// bde chen lhun grub rang rig gsal// ye shes rig pa'i 'khor lo la// gang yang yin no rnam kun bcas// ye shes rang gsal ma bsgrubs gsal// rnam dag rang snang ye shes la// zhen pa'i rtog pa bzlog tu med// lhun grub 'bras bu btsal mi dgos// kun bzang 'bar ba'i ye shes la// gzung 'dzin gnyen po brten mi dgos// thogs med rang byung phyogs dang bral// byang chub rang sems kho na

  585. 293a

    bas// lam gyis ma bcos ye sangs rgyas// gang snang rnam pa cir rtog kyang // rang rig bde chen mngon sum gsal// 'dod pa'i skabs bral gang mthong tshor// rang bzhag ye shes rdzogs pa mthong // btsal med rang byung rdo rje'i bdag/ skye med rdo rje mi 'gyur 'chang // lhun grub rin chen 'bar ba'i 'od// dri med pad+ma rang byung bdag/ rtsol med lam gyi 'dzin dang bral// rin chen 'khor lo 'bar ba'i sku// dus gsum nyid du 'da' ba med// ces gsungs so// byang chub kyi sems ye shes rdzogs pa'i rgyud las/ ting nge 'dzin ye shes su bstan pa'i le'u ste bzhi pa'o// // de nas rig pa'i rgyal pos// yang sems nyid phun sum tshogs pa'i don gsal bar bya ba'i ched du gsungs pa/ rang byung rnam dag ye shes sku// brjod med rig pa'i bstan pa bkrol// rang snang rig pa'i smin pa'i 'khor// ye shes rdzogs pa'i rol par shar// rang byung 'od gsal gcig la rdzogs// rtsol bcas dman pa'i dus 'khor lo// blo dang mthun par bstan pa bsgrags// zhes gsungs pa dang / de nas sems dpa' rdo rjes 'di skad ces zhus so// ye shes kun bzang ston pa'i thugs// dbyer med rang byung ngo bo nyid// bde chen lhun grub chos kyi dbyings// rnam rtog phyi nang ji snyed pa// rang byung gsang ba'i don la 'dus// rnam rtog rdzogs pa de/

  586. 293b

    nyid kyang // rang gzhan log pa rmongs pas bcings// snang med rang byung bde chen la// sna tshogs dngos por rang sems 'khrul// bde 'byams dbyings las ma g.yos kyang // 'khrul rtogs sdug bsngal sna tshogs myong // rnam dag mi g.yo thugs rjes bshad du gsol// zhes zhus pa dang / rig pa'i rgyal pos bka' stsal pa// ye shes rang byung chos kyi sku// kun bzang ye shes ston pa'i mchog/ ma lus bstan pa ji snyed pa// byar med rang byung sems su bshad// de nyid gang la de dag ste// gang la bshad pa shugs kyis go/ snang dang srid pa'i chos rnams kun// rang byung sems las ma g.yos pas// rang rig rdzogs pa'i shugs kyis gsal// gang la rang gsal ngo bo bstan// shugs kyi brgyud pas de mthong ba// rang byung nyi ma 'od kyi mchog/ ma bcos gsal ba'i 'khor lo la// 'dzin pa'i dri ma kun gyi dben// me shel 'od ltar rig pa 'char// bde chen rig pa'i 'khor lor bshad// brda don sgra yis gang la brgyud don rtogs// rig pa'i gdeng ldan ye shes klong du shar// gsal ba'i ye shes dgongs pa la// thugs rje'i rin chen 'od ltar 'phro// tshig gi don bral ye shes rdzogs pa che// brda sgo lam gyi zhen pa gang bzlog dang // brda dang tha snyad rig pa'i snying por 'char// rang byung rtsa ba ma lus gcig tu rtogs// sbyor ldan lam gyi rtogs

  587. 294a

    pa ma lus 'dus// dngos grub rang byung dgos ched bsam mi khyab// sgron ma gsal bzhin yi ges don du bshad// brda bral stong nyid rang la bzlog par bya// de nyid bzhin te thams cad kun ma yin// rang byung bde chen 'khor lo la// ye shes don du rang gsal zhing // 'dzin med rig pa'i mkha' la bzhag/ rgyu ba med pa'i ye shes bskyed// rang bzhin gsal ba'i 'od la zhugs// sku gsum gsal ba'i don ldan na// lhun rdzogs ye shes thig ler bshad/ tha snyad sgra yi rnam pa kun// ye shes 'dren pa'i mtshon pa'i brda// don la brjod bral ye shes rdzogs// rig pa'i brda sgo don gsal ba// nges med sbyor ldan blo bzhin no// bde chen rig pa'i rgyal po la// 'od gsal rig pa'i 'khor lo bskor// yi ge med pa'i rang gsal la// ye shes srog gi phur pa 'debs// zhes gsungs so// byang chub kyi sems ye shes rdzogs pa'i rgyud las/ gtan la phab pa'i le'u ste lnga pa'o// // de nas rig pa'i rgyal pos rang rig pa'i phun sum tshogs pa 'di gsungs so// ye shes khyab gad la rig pa'i sku// rang byung rig pa ma 'gags gsal// brjod med sems kyi de kho na// rang byung ston pa'i thugs rje bdag/ 'gro drug sems can thams cad kyis// rang sems ston par ma shes na// rang byung mthong bar yongs mi 'gyur// des na ye shes

  588. 294b

    rdzogs pa'i don// rang rig bde bas shes par gyis// rang byung rgyal po ston pa'i mchog/ ye shes ma 'gags cir yang gsal// rig pa'i klong gi 'khor du rdzogs// rang sems bde la kun rdzogs pas// bstan pa rgya mtsho rig pa'i klung // rnam dag rang sems skye med pas// 'gyur med 'khor lo rig pa'i gnas// ye shes rtsol med gnas kyi mchog/ rang byung ston pa'i 'od gsal thugs// 'dzin med rig pa'i nyi ma shar// me shel 'od ltar byin rlabs 'khrigs// 'od gsal rig pa'i bstan pa sgrogs// rang byung rkyen dang bral ba gnas kyi mchog/ rang byung bde chen ye shes rol pa'i sku// yi ge brda' bral ye shes rig pa'i gsung // tshig gi lam chad ye shes sgron ma 'bar// len med 'dzin dang bral bas bde mchog gsang ba'i lam// brda' yi 'jug pas gsang ba'i don mi gsal// ming dang don med rang byung ye shes gsal// rig pa'i thig le gsal ba'i gsung // brjod med ye shes 'khor lo'i bdag/ tha snyad kun bral brjod bya dag/ brda' med rang byung ye shes nyid// rig pa'i 'khor lo bdag la 'char// rin chen 'od 'bar thig le'i mtha'// rang byung gzer chen rang la 'debs// rang byung 'khor los rang la gcod// rig pa'i phyag rgya 'gyur ba med// ces gsungs so// byang chub kyi sems ye shes rdzogs pa'i rgyud

  589. 295a

    las/ phun sum tshogs pa'i de kho na nyid bstan pa'i le'u ste drug pa'o// // de nas rig pa'i rgyal pos btsal ba med pa la chos dang chos can mi dmigs pa 'di gsungs so// btsal med rang bzhag ye sangs rgyas// rnam dag rang byung snying po la// thams cad ye shes snying por gsal// ye shes 'khor lo snang ba med// ye shes rin chen rtsol ba bral// rang byung mi 'gyur kun tu bzang // sems nyid byang chub rig bdag la// lus ngag sems kyi btsal med pas// ting 'dzin mi g.yo 'jug dang bral// rang byung 'khor lo rol pas rol// ye shes spyod pa pad+ma ltar// spyod bzhin ma chags ye nas dag/ bsam dang bral ba'i chos nyid la// ye shes 'khor lo rang bzhag ste// dus gsum g.yo ba med par gnas// rtog pa'i dngos po gang snang yang // rang byung rig pa'i 'khor los gcod// rig pa rgya mtsho'i klung ltar zab// mngon sum snang ba'i ye shes la// sangs rgyas sems can khyad med kyang // rang dbang sems la mi gnas na// sems nyid bde bar spyod mi nus// 'dzin sems dag gi lcags bkrol yang // goms pa'i bag chags bcings dang 'dra// ye shes 'khor lo rang dbang na// ji ltar gnas kyang bya btsal med// rig pa mtha' med dkyil 'khor la// lus kyis btsal med chos skur gsal// rang

  590. 295b

    snang rig pa 'od gsal la// ngag gis btsal med rig pa'i gsung // mi 'gyur kun bzang ye shes la// thugs kyis btsal med bsam dang bral// snang ba gzugs kyi rnam pa kun// mnyam med chos kyi sku ru thim// grags pa'i sgra yi rnam pa kun// mtshon pa'i rang rtags gsung du thim// shes rig ma lus ji snyed pa// thugs kyi mtshon pa'i rang rtags de// ye shes rig pa'i thugs su thim// rig pa 'gyur med rdo rje ltar// dbyer med ye shes bya btsal bral// zhes gsungs pa dang // de nas sems dpa' rdo rjes 'di skad ces zhus so// rnam dag ye shes dkyil 'khor nas// 'gro drug ye nas sangs rgyas kyang // las stobs drag pos bdag zhugs te// rang rkyen log pa'i shugs kyis dkrugs// rang bzhin rin chen nor bral bas// ris drug 'khor lo'i gnas su 'khyams// dus 'dir thugs rje byin rlabs kyis// rdzogs pa'i sems la mos bskyed pa// de tshe rtsol bcas 'bras bu yod// rnam rtog g.yo ba cir 'gyur ba// rig pa'i don la gang gis bstan// nges pa'i gsang don gang gis mthong // zhes zhus pa dang // rig pa'i rgyal pos slar gsungs pa// ye shes rdzogs pa'i sems bskyed zung // spro ba'i sems ldan don la sbyongs// rang bzhag rig pa ma yin par// brda' sgo rtog pa'i rjes ma 'brangs// bde chen gsang ba'i 'khor lo/

  591. 296a

    la// gnyis su med pa'i rang bzhin las// chos can chos nyid gang yang min// 'dod pa'i blo yis gang sbyor ba// dman pa'i sems la bstan par zad// bsam bral ye shes 'khor lo la// chos can chos nyid gang rtog pa// rang byung gsang ba'i sems ma shes// bde mchog 'khor lo'i don ma rnyed// mi 'gyur gsal ba'i sems dang bral// ye shes rin chen 'od kyang nub// 'khor ba'i lcags las thar ba med// sna tshogs 'khor ba'i rang bzhin la// rmongs pa'i blo yis blang dor byed// gnyis med rang byung 'od gsal la// sgro dang skur pas rang sems spangs// zhes gsungs so// byang chub kyi sems ye shes rdzogs pa'i rgyud las/ bya ba dang bral ba las chos dang chos can ma grub par bstan pa'i le'u ste bdun pa'o// // de nas yang rig pa'i rgyal pos ye shes rig pa'i spyod pa 'di gsungs so// ye shes bde mchog kun tu bzang // rang byung nam mkha'i rdo rje nyid// ci la spyod kyang chags pa med// sgo gsum bag yangs lhag pa nyid// snang med rang byung ye shes gsal// rang bzhag ye shes spyod pa la// blang dor gnyis med bde chen dang // mkha' mnyam ye shes rang byung la// dus gsum 'da' ba med par gnas// rang 'bar ye shes dkyil 'khor nas// dngos grub rin chen 'od ltar 'byung // ye shes rgya mtsho mu mtha'

  592. 296b

    med// 'od gsal rig pa'i gdeng ldan la// mtshon pa lam gyi rgyud dang bral// rang byung lung gi don mthong bas// lung chen tshad ma kun gyi bdag/ rig pa'i ye shes brjod bral bas// brjod pa'i lung la sems mi 'jug/ sems nyid rig pa'i sgron ma yis// rin chen me shel ltar gsal bas// rin chen man ngag kun gyi bdag/ kun gsal me long mthong thos las// rna brgyud sgra la rag ma las// chos nyid nam mkha' lta bu la// rang byung gsal ba'i nyi ma shar// bsam sbyor blo yi dri ma dag/ 'dod 'jug rim rtsol kun dang bral// bsam med rang bzhag spyod par gnas// sku gsum rig pa'i dkyil 'khor nas// thugs rje nyi ma'i zer shar nas// 'gro 'dul spyod pa ci bder spyod// thabs kyi rig pa rang shar nas// ye shes gsal bar 'gro don mdzad// ye shes rang byung 'dren skur shar// sna tshogs sbrul sku rin chen spros// gang dag dman pa'i 'khor dag la// blo dang mthun pa'i bstan pa bkod// 'dod pa'i blo yis dpag med kyang // thig le gcig las 'da' ba med// sbyor ldan blo yi theg pa rnams// ye shes zugs rje'i sku byung nas// rang byung gcig la bstan par zad// rim 'jug blo yi theg pa rnams// 'dren pa'i sku yis drang don bstan// nges pa'i theg gcig snying po la// 'dod pa'i yan lag kun dang bral// ma lus

  593. 297a

    bstan pa'i rnam pa kun// ma shes rig pa'i mkha' la rdzogs// zhes gsungs so// byang chub kyi sems ma shes rdzogs pa'i slad las/ sdud pa bstan pa'i la'u rtsa brgyad pa'o// / de nas rig pa'i rgyal pos rang byung rdzogs pa'i dkyil 'khor 'di gsungs so// sems nyid rang byung dkyil 'khor ni// ma bcos rig pa lhun grub ste// mtha' dbus med pa'i gzhal yas nas// rang 'bar ye shes rdzogs sangs rgyas// rang thung rig pa'i 'khor mtha' med// lhun grub pho brang chen por ni// spyan drangs ma yin ye sangs rgyas// rang byung gsal ba'i sngags ldan pas// lha yi snying po dbul mi dgos// bde chen gsal ba'i don ldan pas// ye shes gsang ba'i dkyil 'khor mnyes// rang byung sems nyid kun gyi lha// dus gsum 'da' med thugs dam mo// rnam dag rig pa ka dag la// nyes pa'i dri ma dang bral bas// ye shes dam tshig rnam par dag/ brjod med rig pa'i don mthong na// rang byung gsang ba'i dam tshig thob// rang bzhag sems las mi 'da' na// mi rtog dam tshig cid yin pas// rang byung dam tshig rnam par dag/ mi rtog 'dzin bral ye shes la// bsod nams ye shes lhun gyis grub// rdo rje gsang ba'i dkyil 'khor ni// 'gyur med rang byung kun tu bzang // ye shes gsang ba'i dkyil 'khor ro// mtha'

  594. 297b

    dbus med pa'i snying po la// spang len bral ba'i sems kyis 'jug/ rang bzhin rnam dag dbye ba med// lhun grub rang bzhin ye sangs rgyas// rang rig 'od gsal rnam par dag/ ye shes gang mtshon mtshan nyid gsal// lhun grub rang rig kun tu bzang // ye shes rdzogs pa'i dkyil 'khor lha// gzung 'dzin dang bral dri ma med// ye shes sgyu ma kun tu bzang // rang byung sgyu ma ngos bzung med// rnam dag rang byung dkyil 'khor gsum// ma skyes lhun grub bya ba med// don la gang 'jug sbyor ldan rnams// yi ge brda' med gnyis med gsal// sgyu ma dang bral rig pas rtogs// rang snang rig pa'i 'od la bzhugs// bsam med rang bzhag sal le ba// ci yang ma yin gyi na ba// rang gsal ye shes nyi ma'i 'od// kun bzang rgyal ba'i thugs dam mo// zhes gsungs pa dang / de nas sems dpa' rdo rjes 'di skad zhus so// snang med chen rang snang la// brtags pa'i snang bas gnyis su mthong // rang bzhin rnam dag gser bzhin yang // thog med dus nas don ma mthong // dus 'dir sgor 'jug gang dag ni// gsang ba'i don la mos pas 'jug/ gsal byed rin chen sgron ma gang // 'dzin pa'i dri ma gang gis dag/ bde chen gsang ba gang gis rnyed// ces zhus pa dang // rig pa'i rgyal pos bka' stsal pa// bsam gyis mi khyab dus gang

  595. 298a

    la// gang ldan rig pa'i lde mig gis// rin chen sems nyid khong du chud// snang ba'i rnam pa cir 'gyur yang // yid la mi byed rang bzhag na// 'dzin pa'i dri ma rnam par dag/ ces gsungs so// byang chub kyi sems ye shes rdzogs pa'i rgyud las/ dkyil 'khor gsang ba'i le'u ste dgu pa'o// // de nas rig pa'i rgyal pos sems dpa' rdo rje la 'di skad ces gsungs so// sems nyid gsang bsngags kyi lha// rang bzhin dag pas sbyang mi dgos// rang gnas ye shes 'od gsal bas// spyan drangs ma yin ye nas gnas// ye shes kun bzang 'pho 'gyur med// lhun grub rig pa btsal med pas// spro dang bsdu ba dang gis zhi// rang byung khyad par lam chen ni// blang dor gnyis med rig pa'i ngang // ye shes dbu ma mtha' bral la// bgrod pa'i lam med ye sangs rgyas// rig pa kun bral chos nyid rang gsal 'od la gang gnas pas// rim pa ma yin cir mi dgongs// ye shes kun bzang lam chen la// blo yi stobs kyis gang 'jug pa'i// sbyor ldan kun gyi lam dang bral// btsal med rang byung bde chen ni// 'dod pa'i rtsol bas gang 'phangs pa'i// rim 'jug rgyu 'bras ma lus stong / kun bzang rang rig 'od gsal la// 'dod pa'i sbyor bas gang 'jug na// phyogs bral rang byung don dang bral// rtsa ba

  596. 298b

    rnam dag mkha' ltar khyab// rnam dag 'dzin pa'i spyod yul min// sgro med stong pa'i thig le ni// rnam pa med dang gsang ba'i sems// brtags pa sna tshogs ngo bo la// mi g.yo rang bzhin dkyil 'khor nas// ye shes nyi mas kun mthong yang // shin tu sbyor ldan rnal 'byor la// brtags pa'i rnam pa mthong ba med// bsam gyis mi khyab gang dus na// 'od gsal ye shes don snang yang // gang mthong sna tshogs sems dang bral// rang byung dag pa'i 'khor lo la// rang bzhag rig pa kun rtogs dang // sbyor 'dod sna tshogs mthong ba med// gsang ba'i 'khor lo rdzogs pa 'di// rgyu med mthar gyur rang gnas pa// dri med snying por rang gsal bas// rgyu rkyen 'dod pa'i ngo bos stong // gang zhig rgyu bral ngo bo nyid// dpe ni ri bong rwa bzhin no// rgyu med rgyus bskyed de dang 'dra// rang gnas ye shes gdod nas grub// gang dag dag pa'i 'khor lo la// sbyor 'dod rgyu rtsol gang zhig na// mthun pa nyid dam mi mthun pa// zug pa med de gang la 'thad// khyad par ma grub 'od gsal nyid// ma bcos rang bzhag nyid du bde// bcos med dgongs pa ci yang min// gzhan la de na de bzhin pas// shes pa du ma gang la nges// de 'dod nyid la de ltar 'gyur// rtsol 'jug gang la de don la// mthar 'gyur de la de bzhin 'byung // des na gnas pa'i don yin na// bde

  597. 299a

    ldan rig pa'i sangs rgyas la// rtog pa'i rnam pa kun med pas// gang zhig 'bras bu ji ltar 'dod// sbyor ldan don la yin pas na// de bzhin thams cad dag pa'ang 'gyur// zhes gsungs so// byang chub kyi sems ye shes rdzogs pa'i rgyud las/ rig pa rgyu rkyen gyis bskyed pa dang bral bar bstan pa'i le'u ste bcu pa'o// // byang chub kyi sems ye shes rdzogs pa'i rgyud ces bya ba rdzogs so// / rgya gar gyi mkhan po shrI sing ha dang / bod kyi lo ts+tsha ba be ro tsa nas d+ha he na'i 'du khang du bskur ba'o// / @#// rgya gar skad du/ ma hA san+ti bod+hi tsit+ta sarba a ba tA ra bi shud+d+ho d+hiSh+Tha tan+t+ra nA ma/ bod skad du/ rdzogs pa chen po byang chub kyi sems/ kun la 'jug pa rnam dag ston pa'i rgyud ces bya ba/ dpal kun tu bzang po la phyag 'tshal lo// 'di skad bdag gis thos pa'i dus gcig na// thams cad snang zhing de dag de nyid dbyings// rang bzhin mi gnyis chos kun 'gag pa med// ye nas lhun grub ye shes sna tshogs gzhi// byang chub sems dbyings dkyil 'khor rgyas pa'i tshogs/ kun tu bzang po sgrib med thams cad mkhyen// ston pa bde chen sku gsum gzhan rgyud sel// zung 'jug dbyer med yon tan 'phrul pa'i dngos// sku gsung thugs mchog khyad par lha yi lha// sangs rgyas gnyis med

  598. 299b

    dngos kun dus gsum nyid// 'og min lhun grub chos kyi longs spyod gzhi// zhing khams rnam bkod yon tan kun sna tshogs// 'jig rten grangs med gcig tshul btsal med pa'i// dus gsum 'pho 'gyur med pa'i gdan sa mchog/ ye shes ma 'gags rin chen sna tshogs mdangs// dkyil 'khor kun tu rgya yongs ma chad pa'i// rgyan tshogs 'dod pa'i longs spyod sna tshogs par// nyid kyi snang ba'i gdan kun rnam par brtsegs// de bzhin gshegs pa gzugs sogs rnam dag pa'i// nyon mongs rkyen bcas dug lnga la sogs 'bras// bdag po ye shes mthu lnga'i ngo bo nyid// sku gsung thugs mchog yon tan phrin las brgyan// dri med rdo rje snying po 'dus ma byas// bde gshegs 'khor los theg chen mtshon par byed// don kun rin chen sna tshogs 'byung ba'i gzhi// chos rnams rang bzhin pad+mo chags pa nyid// phrin las thams cad rtsol bral mthar phyin pa// rigs mchog rgyal ba lnga dang bcas pa'i yum// dkyil 'khor dbyings dang mnyam par sbyor ba'i mchog/ rigs kyi dkyil 'khor grangs med rnam ston cing // thams cad rang bzhin sprul pa'i khyad par las// mthu dbang byin brlabs yongs su rdzogs pa'i chos// byang chub sems dpa' sems dpa' chen po'i gtso// dpal ldan 'jam dbyangs byams pa dri ma med// kun tu

  599. 300a

    bzang po spyan ras gzigs dbang phyug/ sa snying nam mkha'i snying po nyi zla'i 'od// rin chen dra ba brtson pa'i dbang phyug dang // phyag na rdo rje dga' dbang spyan gsal stobs// sgrib pa rnam sel shes rab dran pa'i mchog/ thugs rje shes rab 'brel tshogs yul dang bcas// grangs med rigs kyi gtso bor gyur pa dag/ rgyu 'bras chos kun rnam par sbyong byed cing // rang gi mtshan brjod ston pa'i don ji ltar// sangs rgyas mthu yis phyogs rnams 'khod par 'gyur// ye nas rang bzhin ma bcos dkyil 'khor che// de nyid gtso bo de nyid 'khor gyi tshul// 'byung chen sa chu me rlung nam mkha' las// rang byung rigs tshogs dkyil 'khor rten dang gnas// 'gro ba'i lam kun 'phrul pa'i mthu mtshungs pas// brtan g.yo'i de bzhin bya ba mthar phyin pa'i// rang byung sangs rgyas pad+ma'i snying po can// gnyis snang gnyis med bde chen khyab pa'i dbyings// ston pa gnas 'khor bstan pa gnyis med pa'i// dus gsum nyid na rab tu mthar phyin pa'i// thams cad gnyis med byin gyis brlabs las snang // de dag bde ba chen po chos nyid do// de nas ston pa'i cho 'phrul thabs sna tshogs// gnyis med gnyis kyi tshul du snang ba las// thams cad ngo mtshar skyes pas ngoms par gyur// bstod tshig gsang ba'i rgyud kyis gsol ba gdab// chos kun rab tu mi gnas

  600. 300b

    gnas med pa'i// dngos tshogs de bzhin rang byung ma btsal dbyings// thabs dang shes rab zung du 'jug pa'i sku// kun tu bzang po sangs rgyas kun gyi dngos// khyed kyi chos nyid byin rlabs brtag dka' bas// bdag cag ngo mtshar sgo 'dir the tshom skye// don kun gsang ba'i chos chen 'brel pa'i tshul// sku gsung thugs kyi byin rlabs bsam 'das pa// dus kun thugs rje dri ma med pa'i spyan// mtha' bral bstan pa'i snying po theg pa che// dag pa blo gros shin tu sbyangs pa la// thugs kyi ye shes rgyud chen gsang ba'i mthus// de ltar bde gshegs rigs lnga'i sangs rgyas tshogs// gcig gis gcig la dga' ba'i gsol 'debs shing // rang gi mtshan nyid gsang don bstan mdzad nas// kun gyis mthun par kun tu bzang la 'dud// de dag byin rlabs ngo mtshar tshogs rgya chen// chos nyid mthu las zhing khams kun tu g.yos// snod bcud rab tu 'khrugs shing rnam par grol// sangs rgyas grangs med rigs kyi dkyil 'khor 'byung // de las snang ba'i stong khams rdul snyed kyis// rang gi mthu stobs dpe bral kun tu ston// sna tshogs gnas rnams bkod pa chen po'i dbyings// mi 'gyur mnyam pa'i phrin las kun spyod pa'o// zhes kun tu rgya cher ston to// rdzogs pa chen po chos nyid byang chub kyi sems kun la 'jug pa rnam

  601. 301a

    dag ston pa'i rgyud las// bstan pa'i gzugs brnyan ji ltar byang zhing snang ba'i le'u ste dang po'o// // de nas thams cad rig pa'i mchog gyur pa// nyid kyi dkyil 'khor chen po tshogs zin nas// kun tu chos rnams mi 'gyur sna tshogs pa'i// phyag rgya chen por zung 'jug sna tshogs gsal// rigs mchog rgyal ba kun gyis gsol 'debs shing // rang byung mchod pa'i tshogs rnams kun tu 'bul// rgyud mchog rol pa'i ye shes 'byung ba'i gnas// byang chub sems bde kun tu khyab pa las// rang snang dkyil 'khor zab mo zung 'brel ba// byin rlabs yul tshogs gnyis med gsang bas 'jug/ de yi rang bzhin ngo mtshar chos 'byung ba'i// dngos tshogs lam 'bras gnyis su med pa gang // gza' ba'i yul med spyod pa kun bral bas// lta ba'i don kun grub mtha' sna tshogs cing // mi rtog ting 'dzin gsal ba'i gnas 'jug pa// don kun phyag rgya bsgom pa sna tshogs tshul// zin chags gnyis med blang dor phyag rgya'i gzhi// 'ching grol chos kun mtha' yas spyod pa'i blo// gol sgrib mthar bcas kun tu 'ching byed pa'i// so sor 'dzin med byang chub chen po mchog/ spang thob bye brag dbye zhing dbye ba med// 'bras bu'i tshul chen lhun gyis grub gnas shing // 'di ltar de las de bzhin de 'byung ba'i// 'brel med 'brel

  602. 301b

    bcas gzhan du bzhag pa med// thams cad dbyer med bya ba med pa'i chos/ khyad par mtshan nyid gdags pa skabs kyi don// chos kun mthong chos yul med blta ba gang // dbu ma la sogs phyogs chos gol sgrib dag/ log par 'khrul pa'i nyes tshogs rnam mang ba// sgro 'dogs skur 'debs yang dag don las nyams// mnyam pa chen po'i dbyings su la bzla zhing // blo dman theg pa'i gol sgrib rnam par dag/ rgyu 'bras rigs 'dzin slar yang 'khrul pa'i tshogs// lam kun bgrod pa'i mthus 'ching phyin pa med// gnyis kyis gnyis bskyed gnyis su grub pa'i chos// rtsol bcas mtha' bskyod don kun phyag rgya 'jig/ gdams ngag dam pa ston pa'i mdzod nas byung / kun gyi mtshan nyid dmigs par dka' ba'i chos// yon tan rin chen tshogs rnams thams cad 'byung // de yi gnas 'gyur sangs rgyas kun gyi yab// dmigs med thugs rje rang las kun snang gsal// ma lus mtha' rnams ye nas lhun grub cing // ji bzhin chos kun ma bcos lcug bzhag cing // phyogs cha lhun grub rang byung ye shes dngos// gzung 'dzin rnam dag bsgom pa'i gol ba yang // dmigs bral ting 'dzin nyams su myong ba gang // lta ba med pa'i spyod pas mi grol tshul// gzhan nas 'dod pa'i 'khrul pas 'dod pa bsnyeg/ gzhan nas thob par

  603. 302a

    'dod pas gol ba'i lam// theg gzhan dad brtson spyod pas don mi rnyed// thabs kyi mtshan nyid che ba'i chos spyod pas// gsang sngags phyi nang spyod pas gol bar 'jug/ spang blang dbyer med mthun 'jug dpe dang bcas// dpe yi 'thad pas yang dag don gsal byed// 'bras bu rang chas gnas pa'i tshul 'dzin cing // ngo bo rang byung byang chub sems kyis brgyan// snang srid rtog tshogs byang chub gzhan na med// 'di don dus kun 'gyur med shes pa'i go/ thugs rje mdzad pa gang yang mi 'gog pa// rang bzhin bde ba'i yul rnams mthun pas bsgrub// lhun gyis grub cing bskyod cing bzlas pa'i don// ye nas gnas sogs gzhan du rtsol ba'i chos// bden pa zung du 'jug pa'i ngang tshul bzang // gang las gang ltar de dag de yi gzhi// 'di na mos pa tsam gyi 'dzin byed dag/ don kun gsang ba'i theg chen 'brel ba'i rgyud// thabs mchog rgyal ba kun gyi byin rlabs kyis// phra ba'i gnad don dgongs pa'i byin rlabs shugs// zhes yang dag pa rgya cher gsungs so// rdzogs pa chen po'i chos nyid byang chub kyi sems kun la 'jug pa rnam dag ston pa'i rgyud las/ bstan pa'i don zhus pa'i le'u ste gnyis pa'o// // de nas thams cad mkhyen pa'i mchog kun ston byed gtso/ chos kun sna tshogs don 'byung

  604. 302b

    brjod pa'i tshig gsang bas// rang byung bde ba'i gnas chen kun tu khyab mdzad cing // mdzes pa'i rigs mchog dkyil 'khor rgya cher bshad cing bzung // mi gnas dmigs pa'i yul med mi rtog chos kyi lam// bsngo ba'i cha shas phra ba'i yul las byung ba de// rtog bsgom chos kyi sku ni khyad par don med pas/ rang byung ye shes mi rtog kun tu ji bzhin gnas// thabs la mkhas pa'i thabs kyi bye brag sna tshogs kun// thams cad gcig tu 'jug pa'i rgyud ldan don kun gsang // ma 'dres phyag rgya bskyod pa'i tha snyad thabs kyi chos// ye shes rang gnas shes rab che gzhan kun tu btsal// ngo mtshar mthong ba'i yul med de la mthong ba'i mig/ gang la thob par mi rigs bsnyad pa kun dang bral// chos dang chos nyid rtag tu 'dres shing dbyer med la// don dam chos gzhan lhag par bstan cing bzung ba med// 'khrul dang byang chub lam de rtogs pas thob pa med// rang byung ye shes gnyis kyang tshig gi mtha' dang bral// ye nas sangs rgyas bdag nyid mngon gsum gnas pa la// grib ma gzugs kyi dpe bzhin de la rtogs pa 'byung // med de med pa ma yin med pa'i snying po 'byung // stong ste stong pa ma yin stong pa'i yul la gnas// nam mkha'i rang bzhin de las 'byung ba'i dran pa bskyed// bye brag 'dzin pa'i bde ba 'dod pa med pas len// chos

  605. 303a

    nyid chos tshogs gang dag rgyud 'dzin pa'i// kun tu ma g.yos phyogs rnams sgrub byed chos snang ba// don kun phyag rgya rgya mtsho'i gzhir gyur gsang ba'i yul/ thams cad rnam par mi bskyod dpe yi tshogs rnams brjod// rang byung ngo mtshar gtan tshigs yul bral med pa'i mig/ snang med rtogs pa'i rgyud kun don spyod gsang sngags che// gang gis gang la dngos kun mthar 'dzin de yis chos// tha snyad rgyud las thams cad 'das pa'i don gsal ba// zos shing dpyod pas rnam mkhyen phyag rgya sngags kyi rgyud// bdud pa'i rtsa bas de dag rgyud bzhin 'khrul pa'i rdzas// tshogs med mtha' 'das bsod nams las rgya chen po mchog/ yod snang med pa'i khams kun bde bar rang byung zhing // btsal sems so so'i dpe 'das dbye bsal de nyid med// 'das dang da lta ma 'ongs de nyid de snang bas// de yi chos kun mkhyen pas don 'dir ston// bden zhing ming dang tha snyad rtogs pa'i mtha' 'gags pa'o// 'di dag rang bzhin dbyer med chos sku'i snang ba nyid// sems kyi tha snyad dkyil 'khor cha shas dag/ dmigs pa'i yul rnams zab mo'i dgongs 'jug rtogs dka'i chos// shes pa tsam du smra zhing nang la dngos 'dzin gnyis rtogs rgyun// de med mi 'byung de las mtha' yis rgyud sel ba/ thams cad rtags dang chad pa'i lta ba phyogs su

  606. 303b

    'khor// yul sems so so'i rten 'brel gcig las gnyis tshogs snang // rang bzhin ma g.yos de las rtag tu 'byung // gzhan dag 'brel pa'i don gyis gcig las gcig snang zhing // snang dang mi snang tha snyad sems kyi chos kun dag/ chos dang chos nyid dbyer med gcig las thams cad 'byung // don dam kun rdzob ming tshig dag gi dngos kun stong // mdzes pa ris can so so kun las phyogs rgyas 'gyur// rang byung bde ba'i rtog pa'i mdangs gdangs yin nam kyi yul dpyod mtha'// bzang ba'i yul med de las ye shes 'byung ba'i rtsal// sngon med drang srong bzhin du bsgom pa'i yid kyang 'jog/ blta med rnam rtsol 'bad pa'i gdung bas zin pa ni// rang bzhin lam de 'khrul pas thams cad mkhyen pa med// ji bzhin pa zhes rnam rtog de phyir rtog bsgom pa// bde ba chen po 'dod pas chags pa'i nad yin te// mi g.yo rang bzhin gnas pa'i sman chen ma byas na// mtho ris bgrod pa'i rgyu de nyon mongs zin par 'gyur// las kyi mtha' yis kun tu 'jig cing nye bar spyod// 'gyur ba de dag bdag po'i mthu las gzhan du snang // tha dad smin la tha dad rtog tshogs bsam dpyod pas// mu stegs rigs can rang gi phyogs kun 'ching bar byed// blta ba bsnyems pas grub mtha' bden grub dngos kun gnas// yang dag srid mtha'i kun tu rtog

  607. 304a

    pa'i chu rgyun gsal// nam mkha'i rang bzhin don kun gzhan du 'bras bsgrubs pas// ming dang brda las byung ba'i cha shas dngos su rnam par dag/ lam med lam du 'jug pa rnams kyi nad che ba// phyin par 'dod pas ri dgas smig rgyu bsnyegs pa 'dra// rnyed pa'i yul med 'jig rten gsum las myong mi 'byung // sa bcur ltos pa'i gnas kyang byang chub sgrib pa yin// shin tu myur ba'i ye shes bsam pa kun dang bral// bshes gnyen kun las byung ba'i nor bu rin chen mdzod// dmigs pa med cing 'gyur ba'i gnas la mi ltos par// nang gi rang bzhin legs pas re ba thams cad skong // brtags na med la sna tshogs 'byung ba'i legs pa che// dngos su mi snang chags pa'i cha shas kun la ston// bdag dang gzhan du bral ba'i ston mkhan rin chen mdzod// thams cad grub pa'i yul zhes bdag med snying rjes bstan// nang nas ma g.yos nang du btsal ba'i gnas med de// yul phyir chags shing yul la bsngo ba'i dmigs pa med// mi 'byung mi 'jug bdag med snying rje de yin na// gzhan gyis nor min ma byung ye nas gnas pa yin// bdag gzhan gang gi phyogs 'dzin mthar phyin sku gsum nyid// ma nges snying po byang chub rtsol med tha dad lam// bdag nyid chos dbyings don tshol gnas ma nges pa yis// rtsal dang sgyu ma'i

  608. 304b

    rgyun bral thabs kun dkyil 'khor che// ming bsam yul med bdud tshogs gzhom med dngos grub tshogs// dkyil 'khor chu zla theg tshogs kun 'byung rgyu rkyen bral// rab tu sbyor bas don 'dir bde ba'i ye shes gzhi// thams cad ma nges phyag rgyas mthar 'dzin 'jigs pa sel// bya bral yul la mi gnas gnyen pos bcos su med// yan lag chos kyi dbang gis snying po'i yul tshol zhing // rnam pa cir yang mi rtog thabs kyis de la rol// snying po'i rang bzhin 'byung ba gzhan na med// rdul phran gcig las bsres shing phyogs bcu kun dang bral// mi gnas don nyid legs pa'i ye shes rang byung ste// mngon sum kun tu mi rtog yangs pa'i snying po la// rnam dag lam 'dir zhugs pas mnyam pa'i rgyal po 'thob// mi 'gyur 'gyur ba med pas chags pa'i gnas med de// de bzhin gzung ba'i yul med 'dzin pa'i gnas kyang med// yang dag ye shes kun 'byung sa bon tshogs pas bsgrub// nam mkha'i ri mo dmigs pa'i bka' la tha snyad gzhi// mi mkhas 'khor lo'i rgyud thabs mang pos 'khrul zhing rmongs// yongs su spang blang bzhag pa'i theg pa thams cad bstan// mngon sum thob par 'dod pas rgyu la rtag tu bsgom// bsgom chags bde ba de las mnyam pa'i don mi 'byung // sku gcig kun tu khyab pas mngon pa'i chos med de// mtha'

  609. 305a

    la thug pa med pas dbyings la zad pa med// chos kyi rol pas nyams 'phags lhag pa'i gnas med do// rang byung ye shes che ba'i yul kun ji bzhin gnas// gsang ba'i yul kun de las de rgyud 'brel ba'i don// lhag pa'i don 'di thabs dang shes rab gnyis med dang // gang las de bzhin gshegs pa'i phyag rgya gzung byed pa'o// mdzad pa dran pa'i rtags kun zhi ba nyid du sbyor// 'dir 'jug gsal ba'i yul nyid mtha' bral rtag tu bde// sems dpa' che mchog dpal mdzod don ldan pas// thug pa'i 'bras bu gsang sngags rgyud 'dir 'gags pa'i chos// de dag ma skyes ye nas bya dang byed pa'i rtse// 'di zhes gsung rdzogs brjod pas dge ba'i tshogs 'phel zhing // mi mthun gnas kun 'grib pa'i bag chags dngos med pa'o// don mthun snang zhing gsang sngags bde gshegs kun gyi tshul// nges pa'i blo gros dus kun gnas par thams cad 'jug/ ces gsungs so// rdzogs pa chen po chos nyid byang chub kyi sems kun la 'jug pa rnam dag ston pa'i rgyud las// nges par bstan pa'i tshul gyis bsdus pa'i le'u ste gsum pa'o// // de nas thams cad mkhyen pa'i mchog/ ngo mtshar 'jig rten rmad byung ba'i// don kun gsang ba'i rgyud chen po// thabs kyi rnam par spyod pa'i gzhi// gang la yul 'di mthar phyin

  610. 305b

    pa'i// phyag rgya rig pa'i bdag nyid sngags// dngos grub yul med mthar phyin pa'i// mtshan bcas 'jug pa'i chos kun las// 'di dag gsang ba'i ye shes sku// rigs rnams tha dad sna tshogs pas// dkyil 'khor byang chub sems kyi gzhi// tha snyad gang gis rgyun bsgrubs shing // don kun gsang ba'i chos 'jug pa// res bzhin 'byung ba'i gdangs gsal bzhin// med pa'i bsam brjod yun gyis rdzogs// ji ltar zab mo'i tha snyad kun// don 'di rnam par grol byed pa'i// sems rgyud tha dad ngo bos 'jog/ dang po'i rtog pas yul kun nyid// shes pa gang gis gang la 'jug/ chos nyid bde ba'i don kun gnas// phyogs kyi snang ba ma 'gags chos// bsam 'das dpyod par dka' ba'i tshogs// thams cad kun gyi cha lugs gsal// de las phyogs kyi cha bzung ste// phyi nang kun tu 'byung ba'i tshogs// chos dang chos dbyings dbyer med la// mi mthun gnyen po'i rtog 'dzin cing // don dam kun rdzob lhag pa'i gnas// gdags pa'i yul mthar skye ba'i rgyun// ming tshogs byed dngos stong pa'i chos// de dag las kyi mtha' 'gog pa'o// 'khrul pas sna tshogs btags pa'i cha// ji ltar mi bsgrib 'khor lo bzhin// nga med phyag rgya'i mtha' gsang bas// byang chub sems kyi lam rgyud gsal// rtog pa'i yul tshogs chos 'dzin pa'i// theg pa

  611. 306a

    gzhan rgyud rnam par bsdus// rang byung ye shes ji lta bar// dngos kun gsal ba'i don ston pa'o// 'das pa'i mtha' rnams spyod pa'i yul// de dag dngos kun ma 'ongs dus// da lta'i tshig tshogs mtha' las 'das// rang gi ngo bo kun 'jog byed// 'di dag ye nas ma bcos pa'i// 'bras bu'i dngos kun gzhan du 'gyur// de dag blo yi snang bas te// rigs kun ngo bo ma 'gags pa// don kun phyag rgya'i cha lugs sku// mi shigs rdo rje lta bu'i dngos// thabs dang shes rab rol pa'i gnas// spyod bcas rnam pa sna tshogs gzhi// byang chub 'khor ba mya ngan 'das// thabs kyi gar tshogs yul kun nyid// bde ba'i cha lugs ma rmongs pa// rigs tshogs gsang ba'i lha nyid do// khams gsum dngos grub lhag pa'i gnas// rang byung sa yi rtags las skyes// don kun phyag rgya'i dkyil 'khor tshogs// sems dpa' rang rig kun nas 'jug/ ji ltar don kun rang bzhin bcas// phyi nang chos kun rnam par dag/ med pas phyogs su dmigs pa'i yul// thams cad stong pa'i mtha' rnams skyes// med pa'i snying po gsang ba'i gzhi// tha dad don min der 'jug pa'i// dpe 'dis zab mo sder bcas pas// dpe yi tha snyad gang du 'jug/ de dag rtag chad stong pa'i yul// sgro skur ming las mtha' rnams gnas// ma 'dres

  612. 306b

    gsang ba'i thig le che// bsgrub med mi mthun gnas las skyes// mi bskyod phyi nang med par 'phel// ma bgrod lam kun sa yi dbyings// nam mkha'i dkyil 'khor ji lta bar// 'byung tshogs ma 'dres bkod pa'i sgo// theg pa thams cad gsal byed pa// thugs rje chen pos 'jig rten 'das// dran pa'i gnas kun bskyed pa'i phyir// dngos 'di dngos po gsal byed pa'o// bya bral yul kun rnam par gnas// thabs kyi rdzas kun snang ba'i tshogs// gang dag zin pas de yi mtha'i// mya ngan 'das pa'i lam kun spyod// bde ba chen po'i 'jug pa ni// 'bras bu 'dod pa med pa'i dbyings// de yi mthu rgyun yul spyod pas// yang dag dkyil 'khor gsal mi 'gyur// phyi rol yul tshogs 'dus pa'i bdag/ rdul phran gang bu'i mtshan nyid can// ma byas mtshan ma med chos rtags// nam mkha'i dbyings bzhin phyogs bcur brdal// bza' bapaba'i yul med bsam bral rgyud// rang gi ye shes gsal ba'i gnas// thams cad dngos kun spangs pa'i blos// phyag rgya'i dkyil 'khor gsang dang bral// 'byung 'jug res kyis 'khyil pa las// ye shes yul bcas 'byung bar rtsol// sngon gyi drang srong chen po yis// don 'di rtse gcig sgom byed cing // nang gi chos kun 'gags pa'i don// de las de byung mthar byed cing // rnam rtsol zhi bas phyogs gcig

  613. 307a

    gnas// rang bzhin ye shes che las nyams// blo rgyud rnam par nyams pas 'khrul// phyi rol las nang nang las phyi// theg pa'i mchog gis grol 'dod pas// des na nyes pas kun tu 'ching // 'di dag stong dang mi stong zhes// rtag chad bde sdug mtshan mas chags// mi mthun rnam par rtog pa'i yul// ji bzhin chos kun ngo bor 'dzin// des la de yi yul bcas rtog/ thabs rnams 'khrul pa'i mthar 'dzin pas// yul med dngos kun sna tshogs 'jug/ bya ba dag las tshul 'di skye// mtho ris byams pa'i gnas bgrod cing // de rgyu thar pa'i chos 'jug pas// ma rig gnas su 'di rgyud chos// bdag dang bcas pa'i gnas kun 'jig/ 'jig rten las 'das mi mthun stobs// 'khrul tshogs sdug bsngal skye ba'i rgyun// rgyu 'bras gnyis tshogs mthar 'dzin dmigs// lam med phyogs kyi gnas bgrod pas// lam pa'i nyes tshogs nad chen rnams// dus gsum sgrib pa'i 'khrul rtog rkyen// 'jig rten mtshan nyid shes dka' bas// dgos don gsal ba kun gyi yul// rang gi mthar 'dzin dman pa'i shugs// dam bcas 'jig rten sgrol ba stobs// de med de yi rgyu 'bras thob// mtha' bzhir spyod pa'i tshul 'bras shing // ma gos byung tshor bstan pa'i sgo// mtha' dbus phyogs su ltos pa'i yul// rab tu

  614. 307b

    dga' ba la sogs 'bras// sbyin sogs stobs kyis bgrod pa'i mthus// rang gi ye shes gnas kun dag/ pha rol phyin sogs sa brnyes pa'o// thabs mkhas shes rab rnam par sbyangs// rgya chen zab mo sngags kyi lam// byang chub sems dpa'i dkyil 'khor tshogs// sangs rgyas 'khor bcas kun gyi mdzod// rtog pa'i chos rnams snang byed pa'o// mya ngan 'das par kun rdzogs chos// thabs 'dir rang byung gnas ston cing // mi shes the tshom kun tu spyod// bshes gnyen chen po'i gdams ngag las// don kun 'bras bu skye bar 'gyur// gang las ma bstan chos rnams 'bras// ye shes dbyings kyi sangs rgyas tshogs// 'di dag yon tan kun 'byung gnas// thams cad grub pa'i gsang ba nyid// rgyud chen snying po'i don gsal byed// thabs 'di rdzogs pa'i sangs rgyas kyis// thams cad yul phyir ma 'dres bstan// gang 'di sangs rgyas gang las byung // snang ba phyogs kun gang gi don// cha med yul tshogs cha bral bas// phyi nang dkyil 'khor bkod pa bzhin// 'di ltar phung po 'byung bcas pa// de las de snang rgyun 'brel ba// thabs kyi rtse mo kun spags pas// mtha' dag zag pa med pa'i yul// 'gyur ba med pas phyogs chos kun// rang snang dpe rnams sna tshogs byos// nang gi yul can phyi rol rgyun// de mtha' gang du'ang ma 'gags

  615. 308a

    pa'o// legs par bstan pa'i gnas rdzogs byed// theg pa thams cad rtsod pa'i gzhi// don gsum the tshom kun bral bas// grangs can yul las grol bar 'gyur// dngos su rtsod pa'i mtha' spangs pas// phyag rgya chen po gnyis med pa'o// mi rtag gang dag tha snyad rgyun// de yi dkyil 'khor ji bzhin gsal// ston pa 'jig rten sgron ma'i gtso// sangs rgyas theg pa kun 'das pa'i// mya ngan 'das lam 'jig byed bdag/ de dag phyag rgya'i tshogs kyis 'joms// gzung 'dzin rtog pa'i yul med pas// sa bon kun 'jug chu bo'i rgyun// ma g.yos dngos kun mtha' 'das pas// phyin ci log rnams kun tu snang // bdag gzhan ris su ma grub na// de dag tha snyad ga la 'dzin// yang dag byang chub sems kyi dngos// phyogs bcu dus rnams rdzogs pa nyid// thams cad grub pa'i yul dag ni// dben pa'i rtsal sems rdzogs pa nyid// phyed bcas phyed la rab tu sgrol// de las nyi ma'i mdangs rdzogs pa'o// dmigs pa med pa'i thugs rje che// nam mkha'i gza' skar sna tshogs pas// nang nas ma g.yo nad kun zhi// de dag gang gi rdzas su spyod// don 'byung gsang chen gsang ba'i rgyud// sangs rgyas thams cad gnyis med sbyor// rtag tu lha yi spyan tshogs kyis// chos kun yul tshogs gsal bar gzigs// stong pa'i chos nyid

  616. 308b

    gnyis med pas// chos rnams snang ba'ang gnyis med snang // de ltar snang dang stong pa dag/ dbyer med bco brgyad la sogs par// tha dad mi rtog ma spros pas// rang bzhin kun tu ma nges pa'o// mkhas rnams rab tu zhi ba yi// reg pa sna tshogs dbang po kun// mi gnyis tha dad dper bcas pa// rab tu rtogs pa'i mthar phyin pa'o// mi 'gyur mi 'jug sa le ba// thams cad skyes pa nyid nas 'gag/ de las skyes dang 'gag pa'i rgyun// don 'di rab du snang bar 'gyur// bdag med snying rje chen po yis// pha rol phyin rnams rdzogs byas te// rang byung zag pa med pa'i nor// 'phags pa'i rdzas bdun kun spyod pa'o// der 'jug dmigs pa'i ting nge 'dzin// don kun phyogs bcu sna tshogs pa// de yi cha shas dmigs dang bral// dus gsum ma byung skye ba med// thams cad mkhyen pa'i dbang don shes// mi gnas gnyen pos bcos su med// las kun rnam par 'byed pa'i tshogs// 'phags pa'i sems las bsrungs pa che// yan lag chos rnams byang chub sems// tha snyad brda yi dbang gis 'jug/ snying po ma g.yos rtogs pa'i rtsal// don rdzogs theg pa chen po'i gnas// dang po'i rtsal shugs rim gyis sa// tha dad min la der gnas snang // yul kun tshol byed tha dad chos// der min snang phyir der 'dzin 'khrul// rnam pa kun tu gsal ba'i

  617. 309a

    don// cir yang mi rtog theg pa'i gzhi// thabs dang shes rab phyag rgya'i tshogs// kun tu bzang po'i rol pa'i thabs// mi mnyam rgya mtsho'i snying po gzhi// don mthun theg pa'i khyad par gyis// chos kun mnyam pa'i dkyil 'khor rdzogs// de las thams cad rab tu sprul// rdul phran khyad par las grub pas// sa rnams mnyam pa'i gzhi yangs par// 'byung tshogs rol pas las byed pa// de dag cha shas rdzas las grub// dus dang phyogs cha'i khyad par gyis// nang dang phyi yi rol par snang // 'di ltar kha dog la sogs rdzas// nam mkha'i rang bzhin rnams kyis 'dod// gang byung rdzas kyi khyad par gyis// khams gsum rab tu 'jig par 'gyur// de nas grub pa'i mtha' dpyod pas// blo yi chos rnams 'jig par byed// mi gnas don kun ston byed pas// shes rab chen po'i yul mthar phyin// dka' ba'i gnas kun bde rdzogs pa'i// don kun phyag rgya legs pa'i gzhi// ye shes chen po'i dkyil 'khor gyi// rang byung ngo mtshar rnam spyod pa'o// de dag thabs kyi bdag nyid las// rgya mtsho'i rlabs bzhin kun tu g.yo// chos nyid mngon rtogs las byung ba'i// sangs rgyas kun gyi ye shes mchog/ mngon sum tshul gyi mngon sum mchog/ theg pa'i 'bras bu che ba nyid// mi rtog de bzhin nyid kyi bdag/ nam mkha'i mtha'

  618. 309b

    bzhin zab mo'i dbyings// yangs par sbyong bas che ba'i mchog/ rtogs pa'i ting 'dzin mnyam dang bral// yangs pa'i snying po kun gyi gzhi// snying po nyid las snying po'i tshogs// rnam dag thams cad kun tu dag/ ma dag las tshogs mtshon pa'i tshig/ phyogs bcu'i sangs rgyas kun gyi dngos// rang gi chos kun nges par sbyor// mnyam pa'i lam 'di mthar phyin pas// phyag rgya chen po'i dkyil 'khor rdzogs// bdag las gzhan las gnyis ka las// bde ba'i ye shes skye bar 'gyur// gdod nas rab tu rdzogs pa'i chos// rgyu rkyen 'bras bu'i rgyu smin pa'i// thams cad ye shes rnam spyod pas// mtha' rnams phyogs kyi gzung bral zhing // phyi nang dbye bas kun spyod dag/ mi 'gyur 'gyur ba med pa'i khams// de dag rang gi las kyis 'jug/ dag pa'i rdzas tshogs nyi shu'i grangs// phyogs mthun gcig pas kun tu bskyed// chags pa'i tshul gyis chags bral spyod// ma chags dngos kun 'jug pa'i rgyun// bsam gtan chen po 'di 'dzin pa'i// skyes bu rtog pa'i dra bas bsgribs// mi 'gyur chags pa'i gnas med par// su dag gang gis chos don gnyer// thams cad byang chub sems las skyes// gzung dang 'dzin pa kun spangs pa'o// rang bzhin bde bas kun bskyod de// dmigs pa'i ting 'dzin sgo rnal 'byor// tshe 'dir mngon du sbyor 'dod

  619. 310a

    pas// 'bras bu mi mthun la spyod byed// rgyu la 'jug pa 'di dag gang // sems kyi gnas la sgrib pa'o// mngon sum thob par 'dod pa rnams// de rgyu sngon du gnyer bar byed// bsgom chags rang gi yul zhen pas// thabs bcas rtsol ba'i rtsol bas 'jug/ bde bas nyams pa'i chos bsgrubs kyang // bde ba che las rnam par nyams// bde ba kun gyi gnyer gnas pa'i// A li kA li 'brel ba'i gzungs// gnyis med ye shes thugs gsang ba// ma gos spyod pa'i yul gyis min// rdzogs pa'i chos nyid gshegs pa'i chos// sna tshogs ngo bo mthar phyin pas// bya btsal bsngo ba'i rgyu rnams kyang // kun tu khyab pa'i chos sku nyid// de yi mdzad tshogs sku rnams las// so so'i rnam bcas tha dad pas// bya ba thams cad rab tu rdzogs// 'di la bsnan par bya ba dang // gzhag cing dbri ba'i chos med de// phyi nang yul bltas byas na// sems nyid zag med ye shes che// de bzhin mtha' las de dag 'jug/ sems dpa' chen po'i 'bras bu'i gzhi/ thabs kyis nyams su myong ba'i dus// nang gi bde ba phyi yi chos// de bzhin de yi gnas su gzhi// de las phyag rgya'i bde ba 'byung // chos kyi rol pa'i yul tshogs kun// nyams kyis de yi stobs mtshungs te// nor bas 'khrul pa'i blo bskyed kyang // rang bzhin ye shes nyams pa

  620. 310b

    med// dngos 'di byang chub sems rgya chen// rang byung che ba'i snying po las// dus gsum kun tu ji bzhin gnas// rab tu rtogs pa'i dkyil 'khor rgyas// rnal 'byor de yi chos 'dod pas// de bcas tshul ni nyams par byed// dga' ba'i rnam grangs so so'i dpe// dgongs par bcas pa gtan la 'bebs// 'di nyid theg mchog gsang ba'i rgyud// dus gsum sangs rgyas kun gyi bka'// ngo mtshar phyag rgya 'da' dka' bas// nges don gsang mchog gzung bar gyis// zhes rgya cher bstan to// rdzogs pa chen po chos nyid byang chub kyi sems kun la 'jug pa rnam dag ston pa'i rgyud las// sangs rgyas kun gyi snying po phyag rgya'i le'u ste bzhi pa'o// // de nas thams cad 'dus pa'i tshogs// sangs rgyas kun gyis dbang bskur bas// phyogs 'dud pa yi dga' bde yis// rang gi ston pa mnyes par mdzad// e ma bde gshegs sangs rgyas kun// rang bzhin dngos rnams ma grub pas// sangs rgyas dkyil 'khor rnam par 'phrul// de yi mtshan ma ya mtshan che// don kun rab tu sgrub pa yi// gsang ba'i spyod pa ji ltar spyad// de bzhin gshegs pa dgyes chen po// kun tu spyan ras dbang phyug gis// kun bzang yum dang 'khril sbyor zhing // byang chub sems kyi spyod pas rol// thabs dang shes rab khyad par gsang ba'i mchog/ rang gi

  621. 311a

    yum mchog 'khril bas sbyor byas te// don kun gsang ba'i mchog tu dgongs spyod pas// nye bar bstan pa'i cha shas yongs su rdzogs// bde ba 'dod pas bde ba rgyab kyis phyogs// bde ba zin te bde bas bde ba 'tshol// byang chub 'khrul pas ye rngam chos la gza'// de lta bu yi yul can sangs rgyas mthong ba min// sangs rgyas med pas sangs rgyas ming yang med// sangs rgyas ston pa ming du btags pas nor// sangs rgyas gzhan nas thob byed nor ba'i lam// gzugs med chos kun bshad pa rdul cha med/ khams gsum ye shes cha lugs rnam bkod pas// gnas gsum mi gnyis thams cad brtson par byed// rab tu dka' ba'i thabs kyis stobs rdzogs na// mi btsal bde ba'i chos rnams sems las byung // gnyis su med pa lta spyod gsags pa'i gzhi// bsgrub pa'i dngos gzhi don kun rnam par 'jug/ rnal 'byor 'di dag theg par rab brtson byed// sa bcu mtshan ma'i gnas kun sgrib pa med// sangs rgyas rnam grol sems dpa'i yul kun 'jug/ mi rtag sdug bsngal stong zhing bdag med pas// des byas byed po ris tshogs ma 'dres pas// don 'di gtan tshigs kun gyis gzhag par dka'// zin dang chags dang bral dang zhi// dngos po med dang rnam par yangs// bdud rtsi chen po'i rang bzhin la// bza' ba'i thabs

  622. 311b

    la reg pa med// yangs so che'o chos chen po// chung ngu rnams kyi gnyen po yin// che la dmigs pa'i tshe snyam na// chung che de rnams dmigs dang bral// gsungs dang rgyas dang dmigs pa dang snang // sgyu mkhan ri mo'i rnam pa bzhin// 'byung 'jug ye shes bying rmugs kyis// de yi dbang las skye bar 'gyur// 'di ni theg pa kun gyi rgyal// btang ngo bzhag go rang bzhin gyi// 'dod pa med cing len pa med// brod pa rdul tsam mi skye zhing // khyung chen nam mkhar lding ba ltar// spro ba med cing bsdu ba med// thams cad yul kun 'jug pas na// gtor ba mi dgos bza' ba med// rgya mtsho bzhin du ye gnas la// chos rnams sna tshogs 'byung bar byed// yon tan nam mkha'i mtha' dang mnyam// bsdu ba'i gnas su nges pa med// byang chub snying por de ma zag/ ting 'dzin rgyal po chen po 'byung // snang ba rgya mtsho chen po bzhin// mi rtog nam mkha'i mtha' ltar yangs// kun tu bzang po'i spyod yul la// skye zhing 'pho ba'i chos med de// rgyu rkyen yan lag bcu gnyis so// skur pa btab nas bshad pa yin// 'khrul pa rnams kyi sgo tsam du// mkhas pas de bzhin shes par gyis// 'gro ba rgyud drug snang ba yang // dang po'i lam du shes par bya// 'dod spyod snying rjes brlan pas na// gang du dga' bar byang chub spyod// bshan pa smad 'tshong mtshams med

  623. 312a

    lnga// kha na ma tho 'jig rten spong // yongs su rdzogs pa chos kyi rtsi// bde ba che las gzhan med do// rnam par mi rtog snying po'i chog/ yongs kyi rgyud gsal sbas pa med// mi len byang chub spyod rnams la// spyod pa kun tu rang bzhin gnas// su zhig rab tu zhi ba rnyed// de dag rnam par spyod pa'i yul// sangs rgyas theg pa bla na med// don kun bzung ba'i rnam grangs yin// mya ngan 'das lam mngon su ma ston// rab tu spyod pa'i ting 'dzin gyis// seng ge rnam par grol sogs kun// rtse gcig the tshom yul kun rtogs// rab tu mi gnas 'di yi mthus// rgyu 'bras bye brag sna tshogs pas// don mchog dngos kun bzhag pa'i rdzas// 'di ltar khams gsum rnam par 'khrul// mi g.yo rab tu gsang ba rnams// thams cad kun tu spyod las 'das// chos nyid snying po rjes 'jug dag/ nyid kyi snang ba mya ngan 'das// 'di la rgyu med rkyen tshogs ma skyes pas// sgo skur mtshan ma'i mtha' bral rnam dag dbyings// dus gsum ston pa'i bden pas mtha' rnams sel// phan gnod bdag cag mi mthun gnas gzugs pas// rgyud chen gsang ba rang bzhin don gyis 'byung // ngo bo mi kun rab rtogs sprul pa'i yul// sku mchog thams cad mkhyen pa'i gzhi// rnam grangs yon tan tshogs kyi bdag nyid ni// dus kun mi gnyis pha rol phyin pa'i

  624. 312b

    mchog/ rnal 'byor theg mchog rnams kyis gzung bar gyis// don bzhin ston pa'i snang ba byin rlabs shugs// mchog gi blo gros kun gyis bstod pa'i gnas// 'di ltar rgya chen 'dus pa'i tshogs rnams kyis// rab btsal byang chub sems 'di gzung bar byos// mthar phyin bstan pa'i gnas 'di dus kun du// rab tu bsngags pas sangs rgyas dam pa'i gzhung // zhes sogs rgya cher ston to// rdzogs pa chen po chos nyid byang chub kyi sems// kun la 'jug pa rnam dag don gyi rgyud ces rjes su mthun pa spyod pa spyad pa'i le'u ste lnga pa'o// // rdzogs pa chen po chos nyid byang chub kyi sems kun la 'jug pa rnam dag ston pa'i rgyud ces bya ba rdzogs so// // rgya gar gyi mkhan po bi ma la mi tra dang / bod kyi sgra bskur gyi lo tsA ba g.yu sgra snying pos bsgyur cing gtan la phab pa'o// /

  625. 313a

    rgya gar skad du/ bod+hi tsit+ta badz+ra pra b+hA s+pha ra Na tan+t+ra pa Ta la nA ma/ bod skad du// byang chub kyi sems rdo rje 'od 'phro ba'i rgyud kyi rim pa zhes bya ba// bcom ldan 'das dpal gyi dpal smra bsam brjod pa las 'das la phyag 'tshal lo// 'di skad bdag gis thos pa'i dus kyi tshe// bcom ldan 'das dpal rdo rje sems dpa' nyid kun tu bzang po 'og min gyi gnas rig pa'i pho brang bsam gyis mi khyab pa'i dbyings// byin rlabs cho 'phrul rnam par 'phro ba zhes bya ba na byang chub sems dpa' rdo rje sems dpa' la sogs pa ril dang thabs cig go/ de'i tshe rdo rje sems dpas bcom ldan 'das dpal kun tu bzang po la 'di skad ces gsol to// dam tshig nyams par gyur pa la// gso ba'i thabs shig stsal du gsol// zhes zhus pas// bcom ldan 'das chos kyi rjes bka' stsal pa// sems dpa' chen po da nyon cig/ shin tu rnal 'byor lha yi lha// rnal 'byor las kyang rnal 'byor mchog/ 'phags pa las kyang 'phags pas na// rdo rje rgyal ba kun gyi mes// rje btsan dam pa kun tu bzang // rdo rje 'chang rgyal 'jigs pa'i skyabs// nyams pa'i chad pa byung ba la// mgon btsun de las gzhan med do// dam tshig sems nyid yin pa ru// 'gro ba'i mgon pos yang dag gsungs// sems nyid dngos po med pa la// nyams pa'i

  626. 313b

    chad pas ci zhig gcad// gang las nyams te ci zhig nyams// gang du nyams te ji ltar nyams// nyams par sems pa de nyid yin// ltung bar 'dzin pa de nyid yin// sems nyid dag pa'i chus bkrus na// dag par ma gyur gang yang med// stong nyid dben pa'i don rtogs na// bde dang sdug bsngal ming yang med// bde dang sdug bsngal sdug mi sdug/ bdag dang bdag med stong mi stong // de bzhin nyid du 'dzin pa yang // de nyid yin pas dngos po med// de la tha snyad ci btags kyang // thog tu phebs par ga la 'gyur// ma bcos rang bzhag rig pas mtshon// ji ltar nam mkha' zhig gyur na// de tshe chad pa 'byung bar 'gyur// chos nyid mthong bar gyur pa yang // ji ltar rang gi mdzub rtse la// rang gis rig pa'i dus byung na// de tshe chos nyid mthong bar 'gyur// zhes gsungs so// byang chub sems rje btsan dam pa rdo rje 'od 'phro ba'i rgyud las// nyams pa chad pa mi 'byung ba'i le'u ste dang po'o// // kye sems dpa' chen po// nyams pa zhes ni gang la bya// chad pa zhes ni ci la bya// nyams dang chad par 'dzin pa yang // de nyid yin te de mi 'byung // 'bras bu bsgrub dang grub pa ru// 'dod pa des kyang mi rnyed de// mdongs pas nam mkhar bsnyeg pa bzhin// byang chub sems kyi rang bzhin 'di// brtag dka' brjod du rdul tsam

  627. 314a

    med// drug gi yul bzhin med pas na// so so skye bo'i blos ma reg/ byang chub gang yin sems ni gang // kun gzhi rang byung ye shes la// ngang gis spros med chen po la// che ba'i yon tan btsal du med// de nyid sems yin byang chub sems// ji ltar me yi rtse mo yis// rdzas kyi dngos po kun bsregs kyang // rang gi dngos po bsreg mi nus// de bzhin byang chub sems kyis kyang // kun shes rang rig ma shes te// gal te shes na shes pa'o// 'di la rtsol bsgrub byar yang med// dag dang ma dag gnyis med de// rang byung dag pa chen po la// med ces bya ba btags pa nyid// btags pa nyid la mi gnas na// byang chub sems lam gnas pa yin// gnas pa nyid na gnas med pas// gnas zhes tha snyad mi gdags so// dus gsum sangs rgyas sems las byung // sems la tha snyad yod ce'am// sems las kun 'byung thams cad sems// sems ni skye med de bzhin nyid// rang gsal thams cad sa le mkhyen// mkhyen pa nyid kyang sems yin par// sems dpa' chen po rig par gyis// byang chub sems rje btsan dam pa rdo rje 'od 'phro ba'i rgyud las// thams cad sems su bstan pa'i le'u ste gnyis pa'o// // kye sems dpa' chen po/ sems las 'khor ba thams cad byung // mya ngan 'das pa de bzhin te// byung ba

  628. 314b

    yin te de nyid yin// yin zhes bya ba mtshon pa tsam// yang dag nyid la yin pa med// kun yin gang yang min pa'i phyir// ngas kyang yang dag rig pa bzhin// skal ldan rnams kyis shes par bya'o// rdo rje sems dpa' gzhan yang ni// nyon mongs pa nyid byang chub lam// phyin ci log nyid byang chub ste// yang dag pa nyid phyin ci log/ thams cad sems kyis byas pa yin// sems nyid rang la yod pas na// rang byung ye shes rang la yod// gal te rang la med na ni// de ni rang byung ye shes min// gzhan la btsal zhing bsgrub dgos pas// rgyu rkyen gnyis la rag lus pas// de la rang byung ye shes med// rgyu dang rkyen la rag ma lus// rang gsal nyag gcig dri ma med// rgyu rkyen ma bskyed rang byung ste// ma bsgribs gsal bas ye shes so// gdod nas snying po byang chub la// btsal ba'i bsam pas dbyings mi bskyod// 'dir bstan de la brten nas ni// snum pa'i thabs kyis brkyang pa'i phyir// 'tshams par mdzad pa'i skyes bu la// rig pa'i don 'di bstan par bya// gal te don 'di ma shes shing // byang chub sems kyi chu med na// rgyal ba rnams kyang skyes par 'gyur// gal te gzhan la rtsol ba ni// 'o ma 'dod pa'i btsun mo zhig/ rA la 'jo ba'i btsun mo des// rA las 'o ma rnyed mi 'gyur// 'di las kun byung 'di la son// 'di las ma byung

  629. 315a

    gcig kyang med// byang chub sems rje btsan dam pa rdo rje 'od 'phro ba'i rgyud las/ thams cad sems las byung bar bstan pa'i le'u ste gsum pa'o// // de nas rdo rje sems dpas gsol pa/ kye bcom ldan 'das sems kyi ngo bo gang lags/ bcom ldan 'das kyis bka' stsal pa// sems dpa' chen po sems kyi rang gi ngo bo ni// ci yang min las cir yang snang // dpag med brjod bral bsam mi khyab// 'di zhes mtshon du med pa ni// sems kyi ngo bor de gsungs so// 'gro ba'i sdug bsngal snang ba yang // rang yin gzhan las de mi 'byung // bde dang thar dang longs spyod kyang // chos nyid dbyings las ma gtogs pa// rdul cha tsam yang med par gsungs// sku dang rgyan gyi 'khor lo yang // rang gi sems yin gzhan na med// sangs rgyas chos dang dge 'dun yang // rang yin de las gzhan na med// de phyir bkur ba'i yul yang med// bsrung med bsgrub med rtsol ba med/ kha dog dbyibs dang gnas ris med// bde dang sdug bsngal rgyu 'bras med// med pa ma yin kun bdag nyid// yod pa ma yin brjod du med// bdag med gzhan med 'chi 'pho med// med pa ma yin thams cad 'byung // 'byung ba ma yin de nyid yin// kun gcig ye shes khyab pa'i ngang // nam mkha'i chu yi ro mthun bzhin// dbye bsal med pa'i

  630. 315b

    don du gcig/ 'di ni rang rig byang chub sems// 'di zhes bstan du med pa'o// ci yang med las cir yang snang // rang byung snying po mchog gi don// snang ba nyid na snang med pas// snang ba med pa'i tshul gyis snang // med ces bya ba 'dzin pa tsam// de nyid la yang gnas mi bya// gal te gnas na gol sa yin// gang zhig gol te ci zhig gol// gang du gol te ji ltar gol// gol bar snang ba de nyid yin// de nyid dngos po med pas na// de phyir de la gnas mi bya// gal te gnas na 'dzin pa yin// zhes gsungs pas rdo rje sems dpa' de nyid la gnas par gyur to// byang chub sems rje btsan dam pa rdo rje 'od 'phro ba'i rgyud las/ sems kyi ngo bo bstan pa'i le'u ste bzhi pa'o// // kye sems dpa' chen po sems kyi yon tan ngas bshad kyis// sems dpa' khyod kyis mnyan par byos// sems kyi yon tan chen po ni// stong gsum rdul snyed sangs rgyas kyis// bskal pa bye bar brjod byas kyang // de la brjod par mi nus te// de ni ma bsgribs kun tu gsal// de ni kun gyi snying po nyid// sdug bsngal bye bas gdungs pas kyang // de la g.yos pa rdul tsam med// bde dang sdug bsngal thams cad kun// de yi longs spyod chen po ste// de yi dus na der mi 'dzin// ci yang mi dmigs chos kyi sku// cho 'phrul rang bzhin de la 'gyed//

  631. 316a

    'gyed pa ma yin de nyid yin// spros med bsdu med yi ge med// rtsis las 'das pas lhun grub sku// der gzhol der ni mchod pa'i sprin// klong du gnas pa'i sgrub thabs so// ngang gis mi ldog dngos grub pas// don du phyag rgya rdzogs pa yin// 'di yi don rtogs skyes bu ni// bkur ba med cing bzlas brjod med// mchod pa med cing bsgom pa med// bsrung ba med cing rtog pa med// spang med blang med byang chub sems// ched du bya med thams cad rdzogs// 'di ni rang byung rgyal po yin// sangs rgyas kun gyi bdag nyid yin// 'bras bu kun gyi bcud bsdus yin// rang bzhin gsal bas mun pa med// de ltar snang ba ma lus kun// 'di las byung zhing 'di la 'dus// skyon dang yon tan gnyis med de// blang med dor med 'pho 'gyur med// byas pa med par thams cad 'grub// phyin pa med par thams cad son// bstan pa med par kun la go/ 'di ni sems kyi yon tan zhes// bcom ldan kun tu bzang pos gsungs// byang chub sems rje btsan dam pa rdo rje 'od 'phro ba'i rgyud las// sems kyi yon tan bstan pa'i le'u ste lnga pa'o// // de nas rdo rje sems dpas// kye bcom ldan 'das 'di nyams su blang ba'i thabs bshad du gsol// ston pas bka' stsal pa// kye sems dpa' chen po nyams su blang du med

  632. 316b

    pas na// blang du med pa'i tshul gyis blang // snang ba mi spang rtog pa med// rtog pa med la gnas mi bya// rnam par mi rtogs le ba// sa le bar yang rtog pa med// ma brtogs ngo bo nyid kyi gzhi// rig pa ji bzhin klung du bzhugs// 'od gsal rtog bral rig pa'i klong // ji bzhin nyid du ye gsal khyab// bsam med dran med mi g.yo ba// yon tan chen po'i bsam gtan ni// bsam gtan nyid pas bsam du med// med pa nyid la mi gnas shing // rtog pa med las mi 'gog pa// 'di ni rtogs pa'i rgyal po zhes// rgyal ba rnams kyis yang dag bshad// mi bsam mi dpyad de bzhin nyid// chu la chu ltar shes par bya// mi gnas pa la gnas pa ni// 'di ni gnas pa chen po zhes// kun bzang sems dpas yang dag bshad// bshad du med pa'i don 'di ni// rgyal ba rnams kyis ma bshad de// rgyal bas phyis kyang gsung mi 'gyur// da ltar nyid kyang ma bshad do// byang chub sems rje btsan dam pa rdo rje 'od 'phro ba'i rgyud las// bsam med nyams su blang ba'i le'u ste drug pa'o// // de nas yang rdo rje sems dpas gsol pa/ kye bcom ldan 'das/ byang chub kyi sems gang lags/ bka' stsal pa/ sems dpa' chen po nyon cig/ byang chub sems kyi mtshan nyid// kun yin gang yang ma yin no// 'byung chen bzhi dang lnga po

  633. 317a

    yang // byang chub sems nyid yin par bshad// phyi dang nang dang phyogs dang ris// 'khor ba mya ngan 'das pa dang // rgyu dang 'bras bur snang ba dang // sangs rgyas sems can pho mo dang / kha dog dbyings dang gnas dang rigs// rgyud dang ma ning mtshan nyid dang // mtshan mar ci snang ci 'dug pa// de nyid byang chub sems nyid de// gzhan nas 'ongs dang btsal ba med// de rnams yin pa'i ngo bo la// de rnams ril du ma nges pas// du ma yin par ma gsungs so// thams cad ma 'gags par snang bas// gcig kyang yin par ma bshad de// gcig dang du ma las grol ba// mtshan nyid gang du ma nges pa// de nyid byang chub chos kyi sku// thams cad ngo bo lhun gyis grub// btsal ba med par ye sangs rgyas// phyin pa med par kun la son// sdud pa med par thams cad 'dus// ma spangs sgrib pa kun dang bral// 'khor dang mya ngan 'das pa dang // sangs rgyas sems can 'gro ba drug/ byang chub lam du snang ba yang // de las de byung 'bum phrag yas// mtshon pa'i ngo bo kun 'dug kyang // mtshon du med de de nyid yin// yin zhes bya ba mtshon pa tsam// mtshon zhes tshig tu brjod pa yang // mtshon bya mtshon byed med pas na// mtshon pa med pa'i tshul gyis mtshon// de nyid mtshon pa chen po yin// de yin de don rig shes na// 'khor dang sdug

  634. 317b

    bsngal 'khrul 'khor kun// byang chub sems nyid yin zhes bshad// byang chub sems rje btsan dam pa rdo rje 'od 'phro ba'i rgyud las// byang chub sems kyi rang bzhin gang yin bstan pa'i le'u ste bdun pa'o// // de nas bcom ldan dgyes pa ches// 'khor la tshig tu bka' stsal pa// kye sems dpa' chen po// gang zhig mnyam nyid rtogs pa la// skyon dang yon tan gnyis kas bsgrib// bde chags sdug bsngal spang 'dod pa// dmus long mkha' la mdud 'dor 'dra// don nyid ma bcos mnyam pa'i don// ma 'dres gsal bar ma rtogs na// stong gsum rgyal ba'i skus bkang yang // phan med ma bkang gnod mi 'gyur// byang chub nyon mongs gnyis med de// kun gzhi yangs pa'i ngang du gcig/ de phyir blang dang dor med de// de nyid ma grub rang snang phyir// bying dang rgod dang re dogs dang // gsal dang mi gsal 'byung 'jug klong // myong dang rtogs dang 'gogs 'chos dang // mtshan ma byung tshor mtha' yas pa// ye nas bsal med ngang gis zhi// brtag med ye nas chos sku nyid// ma spangs rol pas bdag nyid rgyan// bdag nyid ma mthong dmus long nyid// mi rnyed don la blang dor med// skyon nyid mnyam par don rtogs na// kun tu bzang zhes de la bya// ji ltar mkha' gsal stong nyid la// sprin dang khu rlangs 'ja'

  635. 318a

    dang glog/ skar dang nyi zla ma 'dres gsal// mkha' gsal ngo bor ye nas gcig/ rnal 'byor sems kyi mkha' klong la// rkyen med snang yang blang dor med// theg pa'i bye brag ma lus pa// ma 'dres yongs rdzogs spang blang bral// bsal med mi rtog kun mkhyen pa// ngo bo nyid ni dmigs su med// byang chub sems rje btsan dam pa rdo rje 'od 'phro ba'i rgyud las/ gegs bsal ba zhes bya ba'i le'u ste brgyad pa'o// // de nas de bzhin gshegs pa nyid// mi gsung mnyam gzhag chen po yi// ting nge 'dzin la snyoms par zhugs// rdo rje sems dpas bcom ldan 'das// mi gsung bzhag pa don gang zhig/ bdag la ji ltar bka' stsal mdzod// kye sems dpa' chen po// kun snang dus gcig dgongs pas mkhyen// gang la ci yang ma spros te// snying po'i don las g.yo ba med// gsung med don 'di mi shes par// gang zhig thams cad mnyam rtog pa// de ni long ba'i tshogs yin zhes// bcom ldan de bzhin gshegs pas gsungs// gang yang ma 'dres ma bkag gsal// bsdus pas snying po byang chub nyid// de nyid rtog med blang dor bral// kun khyab ye brdal ma lus gzhi// ming tshig brda yis mtshon du med// mtshon med ye shes sku yi mchog/ yi ge med gsal go ba'i gsung // rtog med 'od gsal thugs kyi mchog/ ma

  636. 318b

    btsal lhun grub ye nas gnas// 'di ni tshegs med don po che// don nyid ci yang ma yin pas// shes pa gang la'ang bsam du med// bsam med bsam gyis mi khyab par// de ltar bsam pa bsam chen yin// ka la ping ka ji lta bur// btsal med bsam pa kun grub phyir// ma btsal lhun gnas don gyi mchog/ byang chub sems rje btsan dam pa rdo rje 'od 'phro ba'i rgyud las// mnyam par bzhag pa'i le'u ste dgu pa'o// // kye sems dpa' chen po med pa dang ni phyal pa dang // gcig pu dang ni lhun gyis rdzogs// bdag la 'dus dang ris med dang // bdag snang bdag tu lhun grub pas// btsal med ye bsrungs dam tshig mchog/ ye nas bsrungs pas bsrung du med// ma bsrungs thub pas dam tshig mchog/ thams cad bdag nyid chen po pas// gzhan la btsal ba ci yang med// rtog med bsam med gang mi 'gog/ de ltar spyod lam spang len bral// mnyam nyid ngang las mi 'da' bar// rdzogs chen dam tshig gcig pur bshad// bya bsam med pas don grub la// lhun gyis grub pa'i dam tshig yin// bklag dang mnyan bsam bsgom pa dang // mchod dang dbyangs len sprin gtong ba// ma chags rdzogs chen stobs med na// byas na thams cad 'ching ba'i rgyu// gang yang dang du ma blangs na// spyod pa bcos med chen po

  637. 319a

    yin// nyid la nyid spyod nyid dbang bsgyur// rig pa'i rgyal po smra bsam 'das// gang gis su la'ang bstan du med// byang chub sems rje btsan dam pa rdo rje 'od 'phro ba'i rgyud las/ spyod lam bstan pa'i le'u ste bcu pa'o// // kye sems dpa' chen po// rang byung ye shes byang chub sems// bdag nyid chen po chos sku nyid// sgro skur gnyis zhi mnyam nyid don// dus kun rtag chen rdo rje'i sku// rang bzhin de nyid brtag mi nus// ye shes rgyun du gang la rung // tshig tu rtag rgyun gang brjod kyang // rig pa'i rgyal po nga nyid la// 'pho 'gyur rtag mi rtag dang bral// thun mong ye shes skye 'gag can// don byed nus pa ma yin phyir// blang dor med na don gyis bral// 'gag dang ma 'ongs da ltar nyid// brtag par mi nus de lta'i phyir// ngo bo ye rtag brjod 'das pas// sus kyang brtag par rung ma yin// 'das dang ma 'ongs da ltar dang // 'byung bar ma nges dus gcig la// skad cig ma 'dres gsal mkhyen pa// rtag phyir mkhyen par brjod pa yin// de ltar med kyang 'dzin rtog bral// de nyid dus gsum ye gnas la// mun khang sbrul dang 'khrul mi ltar// thog med dus nas gnas gyur kyang // ma spangs dag pas sangs rgyas pa// byar med don mdzad phrin las mchog/ byang chub sems rje btsan dam pa rdo rje 'od 'phro ba'i

  638. 319b

    rgyud las/ sku gsung thugs brtag pa chen po'i le'u ste bcu gcig pa'o// // de nas stong pa'i ngang las ma bsgrags par 'di skad grags par gyur to// e ma'o ye shes kun mkhyen gzigs pa po// kun 'byung re skong dpag bsam nor bu'i sku// rtog med kun mkhyen byar med phrin las mdzad// rnam dag byang chub sems la phyag 'tshal lo// e ma ma btsal lhun gyis grub pas bdag la 'dus// ngo bo bstan du med pas 'dus ma byas// tshig las 'dus pas snying po byang chub sems// smra bsam tshig las 'das la phyag 'tshal lo// e ma'o rtag med bdud bcom cho 'phrul bdag/ sku gsung thugs kyi mdzad pa cir yang ston// thams cad nyid la 'dus pas bdag nyid che// mdzad pa cir yang snang la phyag 'tshal lo// ho// zhes ma gsungs par grags so// a ho// de nas de bzhin gshegs pa yis// rdo rje 'dzin la bka' stsal pa// kye sgro skur bral ba don gyi bcud// don ston rtog med me long bzhin// spang blang med ston theg pa'i mchog/ thams cad mnga' mdzad rgyal po nyid// rtag tu rtog med thugs kyi dkyil// mi nub mi spros sa bcu pa// don ldan skrag med mchog sbyangs pas// mchog ldan theg chen yang rtse'i don// dbang po'i dngas ma der bstim ste// 'khor lo rgyun du bskor bar byas// zhes gsungs te/ rdo rje 'dzin pa dang / 'khor

  639. 320a

    byang chub sems dpa' chen po grangs med pa dang / gzhal yas su bcas pa sku la 'dus te/ sku nyid kyang snying po byang chub la dmigs te mi snang bar gyur to// byang chub sems rje btsan dam pa rdo rje 'od 'phro ba'i rgyud las// bstod cing gtad pa'i le'u ste bcu gnyis pa'o// // rgyud kyi rgyal po mi nub pa'i rgyal mtshan rje btsan dam pa rdo rje 'od 'phro ba'i rgyud rdzogs so// shrI sid+ha dang / be ro tsa nas bskur ba'o// //