Text
ff. 1a–306a · 611 folio sides
- 1a
bcom ldan 'das ngan song spyod ba'i rgyud kyi rnam bshad mdzes pa'i rgyan zhes bya ba bzhugs/ /
- 1b
rgya gar skad du/ b+ha ga ba ti sarba du rga ti pa ri sho d+ha ni te dzo rA dza ta thA ga ta arha te samyaksaM bud+d+hA ya ma hA tan+t+ra rA dza bi byA khyA sunda rA laM kA ra nA ma/ bod skad du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba gzi brjid kyi rgyal po/ /rgyud kyi rgyal po chen po'i rnam par bshad pa mdzes pa'i rgyan zhes bya ba/ bcom ldan 'das de bzhin gshegs pa dgra bcom pa yang dag par rdzogs pa'i sangs
- 2a
rgyas dpal phyag na rdo rje la phyag 'tshal lo/ /thugs ni rnam dag chos kyi dbyings nas mi bskyod kyang/ /sku ni rnam par longs spyod rin chen gzhal yas nas/ /thub pa'i 'od zer spros pas 'gro ba'i don sgrub sbyang ngo/ /bde gshegs 'khor los bsgyur rgyal thabs la phyag 'tshal lo/ /rdo rje'i spyan can khyed ni rin chen bdag nyid 'dzin/ /dam chos dkar pos 'gro ba ma lus rnams kyi ni/ las kyi sgrib pa sgrol mdzad mdzes pa'i bum pa can/ /shes rab pad+ma lta bu'i tshogs la phyag 'tshal lo/ /
- 2b
'gro kun don la sems dpas rgyal po ltar bzhugs shing/ /pha dang ma ltar chags pas legs pa'i bzhin yang ston/ /rin chen rgyal mtshan gtsugs pas nyi ma'i 'od zer khyab/ /bde ba dam pas bshad pa rnams la phyag 'tshal lo/ /chos kyi ral gris srid pa'i 'khor lo gcod/ /sngags rnams gsung gis 'gro pa'i las la brtson/ /dam tshig go bgos 'chi bdag mche ba gcog /phyag rnams bsdams par 'phyar la phyag 'tshal lo/ /'gro rnams yid 'phrig sgeg pas phreng thogs nas/ /snyan pa'i glu len bde ba'i yan lag bskyod/ /bung ba ltar nag mun pa'i tshogs sel mdzad/ /utpal gzugs dri ldan la phyag 'tshal lo/ /thugs rje lcags kyus bdud kyi zhags 'phrog cing/ /rdo rje tho bas 'khor ba'i lcags sgrog gcog /gsung
- 3a
gi dril bus ma rig gnyid las ni/ /gang dag slong mdzad khyod la phyag 'tshal lo/ /dpa' 'gro la sogs ting 'dzin dpe med ldan/ /rang sangs rgyas pas nyon mongs dgra bcom zhing/ /bde ster bla ma gsum la phyag 'tshal nas/ /rgyal bas gsungs pa'i rin chen gter mdzod las/ /'gro kun snang byed mun pas rab sgrib pas 'dod pa'i dbang gis de nyid ma rnyed par/ /'khrul pa'i dbang gis dug sdong la sogs rnyed/ /longs spyad pa yis bde 'dod sdug bsngal myong/ /de rnams mar mes de sgo bstan pa'i phyir/ /rdo rje'i tshig gis mtshan pa'i zhal snga nas/ /'bad pas drin thob nus pa'i dbang gis brtsam/ /de la gang dag rgyal bas gsungs pa'i don/ /zab mo dgongs pa ji bzhin rtogs sam ci/ /de lta min na phal dang mtshungs pa yi/ /mun pas mun
- 3b
pa gsal bar 'gyur ram ci/ /mar mes mar me snang bar bya mi dgos/ /dang po'i tshig la de ltar rtog skye na/ /mkha' la sbrang bu mthar phyin mi nus kyang/ /'bad pa'i dbang gis rang gi spyod yul bgrod/ / de bzhin rgyal ba'i dgongs pa rgya mtsho la/ /bdag blo dman pas ji bzhin mi nus kyang/ /yid ches mtshan mas ji ltar nus rtsom pa/ /rnyed pa'i phyir min grags pa'i phyir ma yin/ /nga rgyal phyir min bkur sti'i phyir ma yin/ /'gro la phan phyir rgyal ba'i bka' las kyang/ /snying po las kyang snying po'i mchog gyur pa/ /'gro kun rgyud spyod rgyud rgyal 'grel 'di ni/ /rnal 'byor rgyud rnams bla ma dang/ /bla med pha rol phyin gzhung dang/ /gang 'dir gsungs pa'i gzhung gi don/ /yid bzhin nor bu rin chen gsum/ shes rab rdo rjes legs phug nas/ /rigs pa'i skud pa grims bkal bas/ /legs par bya rgyus pa mdzes pa'i rgyan/ /skyes bu gang gi lus la 'dogs/ /de ni rgyal mchog bla na med/ /'gro ba kun gyi gtso bor 'gyur/ /de la 'dir ni rgyud gsum dang/ /rgyud gnyis dag ni rgyal bas gsungs/ /de rgyu de rkyen 'bras bur bcas/ /bsten bkur rim gro yan lag ldan/ /dpag bsam shing zhes grags pa yis/ /brtags pa yang dag bshad par bya/ /de la bcom ldan 'das de bzhin gshegs pa dgra bcom pa
- 4a
yang dag par rdzogs pa'i sangs rgyas rig pa dang zhabs su ldan pa/ /bde bar gshegs pa/ 'jig rten mkhyen pa skyes bu 'dul ba kha lo sgyur ba/ bla na med pa'i ston pa des dang po byang chub mchog tu sems bskyed pa'i gnas skabs na/ sems can thams cad mngon par rdzogs par sangs rgyas par bya'o/ /zhes dam bca' ba'i tshig rgya chen po mdzad de/ /de mngon par rtogs pa las sems can thams cad la mos pa sna tshogs pa 'dra/ dbang po rno rtul dang sbyar nas/ rnam par thar pa'i spo? bsam gyis mi khyab bzhig gsungs te/ de la kha cig tu longs spyod rdzogs pa'i skus chos ston kha cig tu sprul pa'i skus chos ston/ kha cig tu sprul pa'i sprul pas ces ston to/ /de la longs spyod rdzogs pa la rnam pa gnyis te/ theg pa thun mong dang theg pa khyad par can gyi tshul lo/ /theg pa thun mong pa'i tshul ni dga' ldan gyis gnas su bcom ldan 'das dpal rnam par snang mdzad kyis sa la gnas pa'i byang chub sems dpa' rnams dang/ lha dang klu la sogs pa rnams la chos ston pa'o/ /theg pa khyad par can gyis tshul ni de bzhin gshegs pa thams cad kyi sku gsung thugs kyi gsang ba rdo rje'i btsun mo'i b+ha ga la bzhugs te/ bde mchog 'khor lo la sogs pa ston pa'o/ /de la blo chung bshes rab zhan pa kha cig ni/ theg pa chen po gsang
- 4b
sngags zhes pa ni/ de bzhin gshegs pas gsungs pa ma yin zhing/ gnod sbyin dang srin po la sogs pas bshad pa ste/ 'jig rten pa rnams bcom ldan 'das zhes pa la brtan nas dpyod de de la gnod sbyin la sogs pa g.yang 'jig rten na bcom ldan zhes pa 'bod pas na/ rgyal bas gsungs pa'i chos dang 'gal ba'i phyir chos ma yin no zhes pa dang/ kha cig ni gnod sbyin la sogs pas kyang ma bshad la/ 'dod chags chen po'i lha gar gyi dbang phyug la sogs pas 'khrig pa'i chos la bsnyen bskur bya ba'i phyir bshad pa ste/ de lta ma yin na de bzhin gshegs pa gcig gi zhal nas dam pa'i chos rin po che gsungs pa la nyid kyis gsungs pa'i chos nyid kyis gsungs pa dang 'gal ba ni thabs mi mkhas pa ste/ the tshom gyi dbang gis sems can grol bar mi 'gyur pa'i phyir dper na smyon pa'i tshig lta bu'o zhes 'dod na de dag mi dge pa'i bshes gnyen can du rig par bya ba dang/ gzhan du gsang sngags 'ba' zhig la mngon par spyod pa rnams rgyal ba'i bka' bzhin dag ni drang ba'i don gyi mdo sde yin pa gsang sngags ni de bzhin gshegs pa'i bka' yang dag pa'i snying po bsgrub par bya'o/ /zhes 'dod pa dang de dag la sogs pa phan tshun du 'khrul pa'i gzhir gyur cing/ kha na ma tho ba'i tshig dang/ log par lha ba sna tshogs pa 'byung ba yod de/ de la 'di ni de bzhin gshegS pas spyir chos thams cad rgyud rnam pa gsum du gsungs so/ /de la sku'i rgyud ni 'dul ba'i mdo la sogs pa'o/ /gsung gi rgyud ni shes rab kyi pha rol tu phyin pa dang/ theg pa chen po'i mdo sde la sogs pa'o/ /thugs kyi rgyud ni theg pa chen po gsang sngagS so/ /gang 'dir rgyud rnam pa gsum ni gang zag rnam pa gsum gyi don du mdzad nas bka' stsal te/ byis pa rab rib can dang mkhas pa rab rib can dang dag par lta ba'o/ /yang 'dir de bzhin gshegs pa ni mos pa ji lta ba dang/ spyod pa ji lta ba dang /
- 5a
'dul ba'i zhing ji lta ba dang de dag gis las ji lta ba bzhin du thabs sna tshogs kyis chos ston pa ni ci nas kyang sems can thams cad mngon par rdzogs par 'tshang rgya bar mdzad pa'i phyir te/ dper na sgyu ma'i mkhan po lta bu'o de ltar bram ze la sogs pa khrus dang gtsang spra dang/ gos kyi cha byad mdzes pa dang/ bsnyung ba za gcig pa la mos pa rnams 'dul ba'i phyir dam pa'i chos 'dul pa dang/ bya ba'i rgyud la sogs pa gsungs so/ /yang 'dod chags dang bral ba dang/ smra byed kyi mkhan po nam mkha' i gos can la sogs pa 'dul ba'i ched du shes rab kyi pha rol tu phyin pa la sogs pa gsungs so/ /gang du spyod pa thun mong ba bzang po la brten cing 'dod pa'i yon tan lnga'i phun sum tshogs pa 'khor los sgyur pa'i rgyal po la sogs pa 'dul ba'i ched du gzhung 'di la sogs pa gsungs so/ /gzhan du 'dod chags chen po'i sems can gzhan gyis 'dul ba'i thabs mi mnga' ba rnams 'dul ba'i ched du spyod pa brlab po la brten pa gsang sngags bla na med pa rnams gsungs so/ /de la 'dir kha cig rtog pa rnam pa gnyis skye ste 'di ltar thabs kun gyis ni mngon par rdzogs par 'tshang mi rgya la gcig la gzung pa'i ched du gzhan dag kyang gsungs pa yin no snyam pa dang/ lus kyi kun tu spyod pas ni 'tshad mi rgya la sems kyi kun tu spyod pa rgya chen pos 'tshang rgya ba kho na yin pas bdag cag gi thabs su gzhan 'gyur ro/ /snyam pa dang/ kha cig ni bde bar gshegs pas ni chos thams cad du 'dod pa la log par g.yem pa bkag pas ni bdag cag gi thabs su gzhan 'gyur ro snyam na de yang 'dus pa rin po che mdzod las nang pa'i khams dang sbyar na gdug la sogs pa'i gnod pa yang sman pa gzhan rkyen gyis dug bsad nas/ btang na nad las 'tsho bar 'gyur/ /de bzhin gang du bsgal bstan pa/ /de la chos kyi de nyid rtog/ goms pa'i mthu yis rnam par thar zhes bya ba gsungs te/ de bsan gang dang
- 5b
gang gis 'dul ba'i sems can de dag la de dang de nyid zhi par byed pa de dag las mchog tu gyur pa'i chos yongs su gsungs pas sdig pa'i rkyen du mi 'gyur ba nyid do/ /de la sems kyi kun tu spyod pa 'ba' zhig kyang ma yin pa ni sdong po bkod pa las/ mi rtog rnam par rtog kyang/ /gang dang gang gi yul dag tu/ /lus spyod la sogs kun bsdams nas/ /sdig pa'i rgyu ni mi sogs 'gyur zhes gsungs te/ de bsan bsam pa mchog tu gyur pa'i gang zag rnams kyis kyang yul gang dang gang spyod pa gang dang gang /grogs gang dang gang rnams kyi? ched du de dag gi kun tu spyod pa dang mthun par bya ste/ de dag dang rjes su mthun pa las de dag dag pa'i sems skyes pa nyid dge ba'i mchog go/ gzhan du rjes su mi mthun pa las ni de dag zhe sdang bar byed/ 'phya bar byed/ tshig rtsub po smra bar byed de/ de dag ni ngan 'gro'i rgyu nyid du 'gyur ro/ /de la gang dag theg pa chen po'i gsang sngags bla na med pa la smod pa dang/ de dag su na 'byin pa bskal pa chen po grangs med pa gsum du mnar med pa'i sems can dmyal bar skye ste/ de yang rnam smin bstan pa las bcom ldan 'das kyis/ gang zhig zab mo'i don dag la/ /rgyal ba'i bka' min zhes brjod pa/ /mnar med pa ru lhur gyur nas/ /yi dags dud 'gro'i 'jig rten du/ /nges par skye bar the tshom med zhes pa dang/ shes rab kyi pha rol tu phyin pa brgyad stong pa las/ bcom ldan 'das kyis bka' stsal pa/ /rab 'byor skyes bu gti mug can dag legs par gsungs pa'i chos 'dul ba la rab tu byung nas/ shes rab kyi pha rol tu phyin pa la sogs pa zab mo'i don rnams sun 'byin par sems dpa' de ni sdig pa'i rtsa ba chen pos ngan 'gror ltung bar 'gyur ro zhes gsungs so// gsang sngags la rab tu spyod pas kyang legs par gsungs pa'i chos 'dul ba sun dbyung bar rnam pa thams cad du rung ba nyid ma yin te/ thar pa chen po'i mdo las kyang/ /'dul 'di thar pa 'dod rnams kyis/ /kun gyi yul gyur rtsa pa'i zhing/ /'di gnas bar du bstan pa gnaS
- 6a
de bas 'dul la rab tu 'bde zhes pa dang/ de kho na nyid bsdus pa'i le'u las kyang/ /phyi nang gsang ba theg pa gsum/ /rnal 'byor pas ni spang mi bya zhes gsungs pa'i phyir ro/ /de la kha cig 'dul ba la sogs pa nyan thos kyi theg pa ni rgyu'o// pha rol tu phyin pa'i theg pa ni rkyen no/ /sngags kyi theg pa ni 'bras bu'o zhes 'dod na/ /de ni rigs pa ma yin zhing lung dang 'gal ba'i phyir/ kla klo dang sred med kyi bu'i tshig bzhin te/ lung las kyang theg pa gang zhig gi sgor zhugs pas de yis de'i 'bras bu mthong zhes gsungs so/ /de la gang dag phan tshun du theg pa gsang sngags spyod pa rnams kyis ni legs par gsungs pa'i chos 'dul ba spyad du mi rung ste rtog pa dang bcas pa'i phyir/ dper na rma bya dang shing ri ba'i shing bzhin no/ /zhes pa dang de bzhin du 'dul ba la rab tu byung ba'i dge slong gis bla na med pa'i gsang sngags spyad du mi rung ste/ dper na sprul dang phag rgod lta bu'o zhes smra na de dag gi rigs pa ma yin te lung rigs dang 'gal ba'i phyir/ dper na srin po khyab 'jug gi chung ma bzhin te/ lung las kyang dge slong rdo rje 'dzin pa che/ /sngags rnams gsung zhing 'khar gsil rnams/ /de nyid sgom zhing gso sbyong brtson/ /de ni bde bar gshegs dang 'dra zhes gsung ba dang/ /sgyu ma brtag pa'i rgyud las kyang bcom ldan 'das kyis/ so sor thar pa'i sdom pa la/ /brten nas gsang sngags sdom pa 'dzin/ /de ni shes rab thabs ldan pas/ /chos kyi sku ni mngon du byed zhes gsungs pa'i phyir ro/ de lag dgra gi dngos pos ni chos ki dngos po rtogs par mi 'gyur te/ dus kyi snyigS ma la sems can gyi snyigs mar gyur pa'i dbang gis gang zag kha cig ni rang nyid nyon mongs pa'i dbang du gyur pas theg pa chen po gsang sngags la chig bkal nas spyod pa la sogs brlung por spyod pa dang bud med la sogs pa bsten pa yang 'di ni dam tshig gis zhes brjod pa dang/ rung ba ma yin pa'i dngos po rnams za ba la dam
- 6b
tshig gi zas su rung ba'o zhes brjod nas longs spyod cing sngags kyi don cung zad kyang mi sgom pa ni bde bar gshegs pas bkag pa ste/ dgyes pa'i rdo rje'i rgyud phyi ma las rnal 'byor ye shes mi byed par/ da nyid sngags pa yin zer ba/ /glang smyon sna la ral btags 'dra zhes gsungs so/ /de la kha cig ni sems thag pa nas bla na med pa yang dag par rdzogs pa'i byang chub par bya ba'i phyir dang ba'i go cha bgos nas brtson 'grus kyi rta dang/ shes rab kyi mtshon thogs te theg pa chen po gsang sngags kyi lam bla na med par zhugs nas bdud kyi chogs mdza' dag 'joms pa'i rgyal ba'i sras po zhes bod pa ste/ de ni skyes bu bla na med pa'o/ /kha cig ni 'jig rten 'di na gsang sngags kyi theg pa la zhugs na bde bar 'tsho zer nas rnyed pa dang dkur sti'i phyir nyan pa dang bshad par byed pa yang yod de/ de ni chos gyi 'tsho? ba log pa can zhes bya ste/ da yang bcom ldan 'das kyis theg pa chen po mngon par rdzogs pa'i mdo las/ dus 'gyur 'di yi phyi ma la/ /da yi sras ni rnam pa gsum/ /gcig ni mi thogs gzhan gyi bran/ /gcig ni pha yi gter rnams mchod/ /gcig ni seng+ge'i ? 'tshang yin zhes gsungs so/ /de bas na gang zag gi mtshan mas chos kyiS ngo bo ni rnam pa thams cad du brtag par mi bya ste/ 'dir legs par gsungs pa'i chos 'dul ba la rab tu byung ba'i dge slong gsang sngag spyod pa rnaMS kyang gong du bstan pa'i gang zag rnam pa gsum du shes par bya ste/ de la rang nyid nyon mongs pa'i dbang du gyur pa'i dge slong sdom pa dang bral ba la ni chos la dpya bar mi bya ba dang/ chos 'chod ba rnams ni gang zag la dpya bar bya ba'o/ /bsam pa thag pa nas bla na med pa'i byang chub 'dod pa'i dge slong gis ni ring por bla ma brtag par bya ste/ bla ma yang gang zag rnam pa gsum po de las bar ma yongs su bsnyen te/ gsang sngags kyi snod du rung ngam rung ba dge slong gi sdom pa dang ma smras pas dbang mdza' dag nos la/ yon la sogs pa ji skad gsungs pa bzhin phul te/ man ngag ji lta ba bzhin
- 7a
du mnos nas yongs su spyod pa ni 'gal ba med pa nyid do/ /de la gang dag 'di skad du gsang sngags kyi dbang ni bud med la kun tu spyod pa'i phyir dge slong gi sdom pa dang 'gal lo zhe na/ de ni ma yin zhing bka' mdza' dag ma mthong ba'i phyir/ bde ba ma yin pa ste/ bud med la sogs pa dpe sgrub pa yin la de'i dgos pa ni brtag pa'i rgyal po gnyis pa las/ rang gi g.yas min g.yon min pa'i/ /mthe bong dang ni srin lag gis/ /longs spyod rtsa gnyis rab mnan na/ /bzhon nu ma dang phrad pa yi/ /bde ba lta bu myong bar 'gyur zhes gsungs te/ dogs pa cung zad kyang med cing dgos pa'i dngos grub kyang 'grub par 'gyur ba ste/ gang zag mdza' ma lta bur spyod pa ni gong du gsal ba'o/ de bas na dge slong la sogs pa dang yang dag par rdzogs pa'i byang chub thob par 'dod pa rnams ni nyes pa med par blta'o/ /de la 'dir yang gang dag dge ba'i bshes gnyen dam pa dang bcas pa rnams kyis ni dogs pa dag kyang gang dag blo chung ba la sogs pa rnams kyis ni 'khrul pa'i gzhi med cing dge slong gi sdom pa dang shin tu mthun pa'i phyir bag tsha ba med pas/ chos 'di la sogs pa la 'bad par bya ste/ rnal 'byor chen po'i rgyud 'bras bu rdo rje'i theg pa la zhugs pas ni yang dag par rdzogs pa'i sangs rgyas 'grub pa'i rgyu bla na med pa nyid do/ /de la gang dag ci'i phyir sngags kyi theg pa la 'bras bu'i theg pa zhes gdags zhe na/ sngags kyi theg pa ni 'bras bu'i theg pa yin te/ 'bras bu myur du thob pa'i phyir/ gri rnon po la gcod pa zhes btags pa bzhin no/ /bcom ldan 'das kyis kyang mkha' 'gro ma rdo rje gur las/ bskal pa bye ba grangs med du/ /rnyed dka' ba yi sangS rgyas kyang/ /tshe 'di nyid la ster bas na/ /'bras bu can zhes ming btags so/ /zhes gsungs pa'i phyir ro/ /yang 'di chos ni rnam pa gsum duAng gsungs te/ de la chos rnam pa gsum ni pad+ma lta bu'i chos dang/ rin po che lta bu'i chos dang/ rdo rje lta bu'i chos so/ /de la pad+ma lta
- 7b
bu'i chos ni 'dul ba'i sde snod la bya ste/ 'khor ba'i 'dam na gnas kyang lus kyi spyod pa kun tu gcang bar snang ba ni pad+ma lta bu zhes bya ste/ de bzhin gshegs pa'i sku'i 'phrin las yongs su rdzogs pa la slob bo/ /rin po che lta bu'i chos ni mdo sde'i sde snod la bya ste/ yid bzhin gyi nor bu rin po che ltar dgos pa thams cad 'grub pa'i chos ston pa ste/ de bzhin gshegs pa'i gsung gi 'phrin las yongs su rdzogs pa la slob pa'o/ /rdo rje lta bu'i chos ni gsang sngags kyi sde snod la bya ste sku gsung thugs kyi rdo rje la sogs pa'i rdo rje'i sku mngon par 'grub pa dang/ bdud la sogs pas gzhig par mi nus pa'i phyir ro/ /de bzhin gshegs pa'i thugs kyi 'phrin las yongs su rdzogs pa la slob bo/ /der ni gzhan du grags pa'i sde snod gsum yang bsdu ba ste/ de dag yongs su 'dzin pa la sde snod gsum pa zhes gdags so/ /yang 'dir ni de bzhin gshegs pas gsungs pa'i chos mdza' dag gong du bstan pa'i rgyud rnam pa gsum du 'dus pa ste/ yang dag pa'i lam la zhen pa'i phyir ro/ /yang na rgyud rnam pa gnyis su 'di ltar gnas pa thams cad 'dus so/ /de la gang dag sngags kyi theg pa la ni rgyud zhes pa kun la grub pa la pha rol tu phyin pa la sogs pa la ci'i phyir rgyud ces bya zhe na/ rgyud ni rnam pa gnyis su shes par bya ste/ de la sangs rgyas kyi rgyud dang/ sems can gyi rgyud do/ /gang du bde bar gshegs pas sems can rnams kyi rgyud ji lta ba bzhin du gsungs pa ni sems can gyi rgyud do// de dag rnam par grol bar bya ba'i phyir bde bar gshegs pas dang po thabs ji lta bus nyon mongs pa bcom pa'i chos gsungs pa ni sangs rgyas kyi rgyud de/ de yang rnam pa gsum ste/ rgyu dang thabs dang 'bras bu'o/ de bsan bde bar gshegs pas gsungs pa'i chos lta zhog gi/ 'di ltar snang ba thams cad gzugs nas rnam pa thams cad mkhyen pa'i bar du rgyud du ma 'dus pa med pa'i phyir dang thams cad sngags dang ldan pa'i phyir phan tshun sun 'byin pa'i rig pa ni cung zad kyang ma yin te/ 'on kyang 'dod pa'i dbang gis de ltar smra'o/ /de bas na 'dir ni sngags kyang yi de skyo ?
- 8a
byed ba'i phyir sngags te/ ngan 'gro rnams sam/ nyon mongs pa las yid skyob par theg pa mdza' dag gis bstan pa'i phyir dang/ yang na sreg par byed pa'i phyir sngags te/ bdud la sogs pa bar du gcod pa rnams sreg par byed 'jig par byed 'joms par byed pa yang theg pa thams cad du gsungs pa'i phyir/ de dang ldan pa rnams la sngags pa zhes par bod pa ste/ bde bar gshegs pa'i bstan pa la zhugs pa thams cad la bya'o/ /de la thams cad kyang 'dul ba yin te/ nyon mongs pa dang 'gro ba dang rang gi rgyud 'dul ba'i phyir ro/ /de'i phyir mkhas pa shes rab dang ldan pa rnams kyis bde bar gshegs pas gsungs pa'i dam pa'i chos rnams phan tshun du 'gal bar mi bsam ste/ 'dir ni thabs dang shes rab kyang bsam par bya'o/ /de la shes rab dman pa rnams dang/ bla ma dam pas ma zin pa rnams dang sdig pa'i grogs po dang bcas pa rnams dang bdud kyi dbang du gyur pa rnams ni theg pa chen po gsang sngags bla na med pa rnams su thabs dang shes rab kyi sgras rmongs par 'gyur te bud med dang skyes bu 'ba' zhig la 'dod do/ /de ni yang dag pa ma yin pa nyid kyis thabs mi mkhas pa'i skyes bur rig par bya ste/ yang dag pa'i bka' bde bar gshegs pa'i dgongs pas ni thabs dang shes rab kyi tshul dpag tu med pa gcig yod na'ang 'dir ni re zhig gtsor gsum du shes par bya ste/ dpe rgyu dang 'bras bu'o// de la dpe ni chos nyid stong pa nyid la gnyis su med pa'i ye shes kyi rdo rjes mnyam par sbyar zhing reg pa'i gnas skabs na sangs rgyas kyi yon tan dpag tu med pa/ sangs rgyas kyi zhing mdza' dag tu bgrod par byed pa/ bde ba chen po'i ngo bo rtog pa thams cad dang bral ba da mtshon pa'i phyir gsang sngags kyi rgyud bla na med pa rnams su bcu drug lo lon mig yangs ma zhes pa la sogs pa sbyor pa rnams gsungs te rmongs pa dag ni de la yang dag par 'jug pa yang yod na/ de ni dper na nad pa gang zhig gis bdud rtsi tshol ba'i gnas su
- 8b
bdud rtsi tshol du phyin pa la dug dang bsres pa'i sbrang rtsi dang phrad pa las ro mngar ba'i bde ba snga na med pa nyams su myong ba las bdud rtsi ni nges par 'di'o mnyam nas gnas su khyer te zos pa dang/ sdug bsngal chen pos 'chi ba'i dus byas pa bzhin no/ /de la rgyu ni 'dir rnam pa gnyis te/ rtsa ba'i rgyu dang las su bya ba'i rgyu'o/ /de la rtsa ba'i rgyu ni byams pa chen po dang/ snying rje chen po ste/ byang chub kyi sems la yang dag par byung ba'i snying rje chen pos 'gro pa sems can thams cad 'khor ba'i rgyas cho las bsgral ba'i phyir rims drag pos gdungs pa lta bu skye ba nyid do/ /de'i dbang gis byang chub kyi sems bla na med pa las yang dag par byung ba'i byams pa chen pos 'gro ba sems can thams cad la chos dang zang zing dang skyabs dang bde ba'i tshig la sogs pas phan gdags pa ni mngon par 'grub pa'i rgyu'o/ /de lta bu yang dag par chu bo'i rgyun lta bus mnyam par sbyar pa las bde ba rnam pa gnyis 'byung ba ste bdag nyid sems kyi dga' bas dmigs pa med pa'i bde ba chen po dang gzhan du 'phral gyi bde ba mngon par dga' ba'i bde ba chen po skye ba nyid do/ /las su bya ba ni rnam pa gnyis te/ nang gi bdag nyid can dang kun tu spyod pa'o/ /de la nang gi bdag nyid can ni bla ma dam pas chos kyi 'khor lo chen pos yang dag pa'i don ma nor bar bstan pa nyid nges pa nyid du byas pas bsgoms shing de la bde ba chen po rnam par rtog pa thams cad dang bral ba'i skad cig gam thang cig gam nyi ma 'am zhag gam zla ba 'am lo la sogs par skye ba ni rgyu bla na med pa nyid do/ /kun tu spyod pa ni 'dir rgyal ba'i bka' thams cad las legs par gsungs pa'i chos 'dul ba la rab tu byung ba 'am/ tshangs par spyod pa'i dge bsnyen gyi sdom pa'i byang chub sems dpa' i sdom pa la sogs pa yongs su 'dzin pa 'am/ bram ze 'am rgyal rigs sam rje'u rigs la sogs pas rang rang gi tkun tu spyod pas ni 'jig rten dang rjes su mthun pa nyid du yang dag par spyod pa dang/ gsang sngags rdo rje'i theg pa'i don la yang dag par bsgom
- 9a
bas ni rtog pa dang bral ba'i shes rab skye ste/ de las bde ba chen pos rnam pa gnyis 'byung ngo/ /de la rang gi rgyud la ni ngo tsha ba dang/ mi gtsang ba dang/ mi zhim pa dang/ 'jigs pa la sogs pas sdug bsngal bar mi 'gyur ba'i bde ba dang/ gzhan gyi rgyud la mos pa dang/ dga' ba dang yin du 'ong ba la sogs pa bde ba la sogs pa'i bde ba skyong ba nyid ni bla na med pa zhes gsungs so/ /de la 'bras bu ni stong pa nyid la gnyis su med pa'i rdo rjes sangs rgyas pa'i chos thams cad mngon du byas pa'i bde ba chen po thas pa nyid do/ /yang gsang sngags kyi rgyud bla na med pa rnams su yab dang yum gyi tshul du chags pa chen pos rol pa'i chos bstan pa 'am/ sku gzugs la sogs pa mnyam par spyad ba'i sku mthong ba la gang dag mi shes pa rnams de 'dra ba nyid kyi gzugs su bde bar gshegs pa rnams bzhugs par 'dod na/ de ltar ni shes rab kyi pha rol tu phyin pa rgyal ba thams cad bskyed pa'i yum lta bu'i mtshan nyid tshad med pa rnam pa bzhi'i gzugs su phyag bzhi pa'i bud med kyi tshul du bris pa yang shes rab kyi pha rol tu phyin pa de bud med de lta bu'i gzugs su yod dam/ yang bcom ldan 'das kyis dga' ldan gyi gnas su byams pa rgyal tshab tu bzhag nas ma'i yul du gser kyi glang po che mche ba drug par sprul te/ zas gtsang ma'i btsun mo'i mngal du mir skye ba bzhes te mdzad pa bcu gnyis rim pa bzhin du mdod? nas rdo rje'i gdan la mngon par bzhugs pa'i gnas skyabs na lha'i bu'i bdud dga' rab dbang phyug la sogs pas rnam pa thams cad mkhyen pa'i ye shes ma thob par rdo rje gdan la 'dug pa ni rigs pa ma yin no zhe na/ bcom ldan 'das kyis bdud rnams la bka' stsal pa/ nga ni dus 'dir ma yin gyi/ /ji srid sa dang chu sogs kyi/ /'byung ba yod pa de srid nas/ /nga ni rdzogs sangs rgyas kyi lha/ /sdig can khyed kyis shes pa min zhes gsungs pa'i gnas skabs na/ /bde bar gshegs pa nyid kyis byin gyis brlabs kyi sa'i
- 9b
lha mo dang chu'i lha mo mdog ser ba dang/ bsngo ba bum pa dang pad+ma 'dzin pa gnyis bcom ldan 'das kyi g.yas g.yon nas rked pa yan chad phyung ste chig 'di skad ces gsol to/ /kye ma khyod kyis ci la shes/ /gtso bos bka' stsal de bzhin te/ /bdag cag 'byung ba rnam pas kyang/ /khyod ni snga bar mngon sangs rgyas zhes pa'i tshig gis bdud rnams skyengs par gyur pa byas nas sa la sogs pa 'byung ba bzhis/ rtsi shing dang nags tshal dang dngos po thams cad skyed pa'i tshul nas bud med kyi gzugs su byung na de yang bud med de 'dra ba rang gi gzugs su gnas sam/ de lta na ni sa la yang kha dog sna tshogs par snang ba'i phyir rigs par mi 'gyur ba nyid do/ /de bas na bde bar gshegs pas chos kyi tshul gyi brtags skur bris pa 'am/ yang na gong du bstan pa ltar chags ba chen pos 'dul ba'i sems can rnams 'dul pa'i phyir chags pa chen pos chos gsungs te 'gal ba med pa nyid do/ /gzhan du de 'dra ba nyid du 'dod na ni bde bar gshegs pa yang dag pa nyid ma grol ba nyid dam/ 'jig rten las 'das pa nyid du mi 'gyur te/ nyid kyis gsungs pa'i chos dang 'gal ba'i phyir ro/ /de bas na 'dir bde bar gshegs pa yang gcig/ des gsungs pa'i chos kyang gcig par blta ste/ phan tshun du 'gal ba med pa nyid do/ /yang gzhan du mtshan sna tshogs su bstan pa khrag mthud chen po dang/ dgyes pa'i rdo rje dang 'jam pa'i rdo rje dang/ rnam par snang mdzad dang/ rdo rje sems dpa' dang/ shAkya thub pa la sogs pa de bzhin gshegs pa'i sku gcig nyid de/ gdul bya'i dbang gis sna tshogs par btags pa ni 'gal ba med pa nyid kho na te/ de yang bcom ldan 'das kyis shes rab kyi pha rol tu phyin pa rdo rje gcod pa las/ gang dag nga la gzugs su mthong/ /gang dag da la sgrar shes pa/ /des ni log par rtogs pa ste/ /yang dag don du mthod thos med zhes pa dang/ mngon par rtog pa'i mdo las kyang/ /bsgribs pa'i tshul gyis kun ston yang/ rtog pa spangs pas 'od gsal gang zhes gsungs pa'i
- 10a
phyir te/ de bas na bde bar gshegs pas kun rdzob kyi tshul du sems can mos pa sna tshogs pa rnams la gzugs dang spyod pa sna tshogs bstan pa ni tha ma srin po la sogs pa yan chad kyi gzugs kyis ston kyang/ don dam bar ni gzugs dang kha dog tu snang ba lta zhog gi/ sems can gyi mtshan mar snang ba kun rdzob kyi snang btsam yang med pa nyid de/ rtog pa thams cad dang bral ba'i rang bzhin 'od gsal ba'i bdag nyid du blta bar bya'o/ /de'i phyir bde bar gshegs pa'i bstan pa la zhugs pa rnams kyis ni lus kyi spyod pa ni so so thar pa'i sdom pa la sogs pa rang rang gi kun tu spyod pa la bslab par bya ba dang/ dag gi spyod pa rnams ni rin po che'i mdo la sogs pa la bslab par bya ba dang yid kyi spyod pa rnams ni gsang sngags kyi don rnam par bsdom par bya ste/ de yang bcom ldan 'das kyis/ /dkon mchog brtsegs pa'i mdo las kyang/ /spyod ba'i yid 'ong mdzes pa dang/ /ngag rnams bram ze'i rigs byed 'dra/ /de 'dra'i kun tu spyod pa ni/ /'dir bde pha rol bla na med zhes gsungs pa'i phyir ro/ /nga la yang gang dag legs par gsungs pa'i chos 'dul ba dang/ mdo sde dang/ pha rol tu phyin pa dang ? ba'i rgyud rnams su ni/ kha zas kyi rnams sha dang chang dang sgog pa la sogs pa rung ba ma yin pa'i tha mal rnams bkag la/ gsar sngags bla na med pa rnams su ni/ sha las kyang sems can chen po rnams kyi sha mi sha dang glang po che la sogs pa dang/ 'jig rten na shin tu mi gtsang ? dngos po bshad pa la sogs pa zas kyi mchog tu byed pa dang/ de dag gi snod la yang mi'i thod pa la sogs bar zab ni 'gal ba nyid do zhe na/ de ni 'gal ba med pa nyid de de la kha cig ni log par 'khrul pa'i dbang gis mi la sogs pa'i ro rku ba dang/ gson po rnams ? pa'ang yod de/ de ni rnam pa thams cad du gzhung dang 'gal bar rig par bya ste/ bde bar gshegs pa'i bka' thams cad nas sems can gyi srog gcod pa ni mtshams med pa lnga dang nye bar bshad pas na/ de lta bu'i gang zag chen po ni thag pa chen po la khas lan
- 10b
lta zhog gi/ ya rabs kyi spyod par yang mi rung bas na rigs kyi tham bshan pa'i rigs su bsdu bar bya ste/ de 'dra ba'i gang zag dang bde bar gshegs pa'i bstan pa la zhugs pa rnams kyis/ skad cig ma gcig kyang lhan cig gnas par mi bya ba dang/ gtam gyi 'brrel ba tsam yang bya ba ma yin pa nyid do/ /de la bde bar gshegs pas gang gsang sngags bla na med pa rnams su mi sha la sogs pa bza' bar bya ba'i dgos pa ni ci nas kyang sems can kyi srog la gnod pa spangs pa'i phyir te ci'i phyir zhe na/ bdag sha phal ba rnams za ba ni ma dang ? mo dang mdza' bo la sogs pas yid du 'ong ba'i phyir/ sems can rnams bsad de/ kha zas bsod pa stob bar byed pa'i phyir dang/ bdag kyang rol chags pa'i dbang gis gnod sems dang gzhogs kyis bskul ba dang rjes su yi rang ba la sogs pa'i sems skye ba dgag pa'i phyir dang/ rnam par rtog pa gzhom pa'i rim pas 'jig rten na mi rnams kyis longs mi spyod cing smad par gyur pa dus thams cad du mod pa rin la sogs pa mi dgos shing sems can gyi srog la mi gnod pa'i sha dag bza' ba nyid do/ /yang ci nas kyang 'jig rten pa'i dngos po rnams la chags bzung bar bya ba'i phyir te/ ngan cing smad pa ni chags pa'i yul du ma song ba la 'dod pa'i mdun pa skye bar mi 'gyur te de ni legs par gsungs pa'i chos 'dul ba rnams su 'ang bcom ldan 'das kyis dge slong rnams 'bras can la rus pa'i 'du shes su bskyed par bya ba dang/ chod ma la rnag khrag gi 'du shes su bskyed par bya ba dang/ shing lo la phags pa'i 'du shes bskyed par bya ba dang lhung bzed la mi'i thod pa'i 'du shes bskyed de/ bde bar gshegs pa la bsnyen bkur bya ba dang/ bru ba'i nad las bzlog pa'i phyir bza' bar bya'o zhes gsungs pa'i phyir ro/ /yang ci nas kyang rnam par rtog pa gzhom pa'i phyir te/ de la rnam pa gnyis so gcig ni mngon par rtogs pa bdag nyid kyi gnas skabs na dngos po'i rnam par rtog pa dang mtshan ma'i rnam par rtog pa spang pa'i ? 'os thams cad mnyam
- 11a
pa nyid du rtogs te/ bzang ba dang ngan pa dang zhim pa dang mi zhim pa dang sdug pa dang mi sdug pa dang mi snyan pa dang bde ba dang sdug bsngal la sogs pa'i rten 'jig rten pa'i chos brgyad dang bral ba'i rtags su yang dag par bstan pa'o/ /gcig gi nang du sems dpa' i ngo bos dang por thig le dang/ de nas a ru ra'i 'bras bu cam dang/ de dag la sogs pa'i rim pas bza' ba nyid du byas na yun ring por goms pa'i mthus khang kyis rnam rtog chung bar 'gyur ba'i phyir slob pa'i gnas skabs na'o/ /de'i phyir mi la sogs pa'i sha bsten pa la 'gal ba med cing/ mthun pa nyid dang/ langkar gshegs pa la sogs par sha thams cad bkag? pa ni srin po la sogs pa'i sems can gyi srog 'phrog pa rnams gdul ba'i phyir/ sha za shes rab snying rje med/ rnam par grol la rgya? kyis phyogs shes pa la sogs sha ? ba'i nyes dmigs sna tshogs pa gcig gsungs so/ /mdo sde mya ngan las 'das pa rnams su gsungs pa dang/ byang chub sems dpa' i mdo sde bstan pa la sogs par yang ci nas kyang sems can gyi srog pa gnod kyis dogs pa dang/ byang chub kyi sems shes chud gis dogs ba'i phyir bkag pa yin par shes par bya ste/ rnam pa thams cad du ma snang ba ma yin te 'dul ba la sogs par dge slong rnams kyis sha dang nya sha dang 'khur ba dang 'bras chan dang/ zan dron la sogs pa bza' bar bya'o zhes gsungs pa'i phyir ro/ /de la chad ni theg pa chen po'i gsang sngags phal cher dam tshig gi rdzas su gsungs pa yin pa dang gzhung 'di pa rnams su gsal bar bkag pa ste/ de yang dam tshig brjod pa'i skabs nas nyes pa kun gyi rtsa gzhi yi/ /chang ni? tud bar mi bya'o zhes gsungs pa'i phyir ro/ /dur khrod la sogs par? gnas pa ni chags pa bskyung ba'i phyir dang/ mi rtag pa nyid yid la bya ba'i phyir dang/ dam pa'i chos la brtson 'grus bskyed pa'i phyir 'dul ba la sogs par yang bcom ldan 'das kyis dge slong dag dur khrod song la ked rus ltos/ /de 'dra'i gzugs su gnas
- 11b
'gyur 'gyur/ de yi rang bzhin 'di la ni/ /kun nas chags par mi bya'o zhes gsungs pa'i phyir 'gal ba med pa nyid do/ /yang 'dir rus pa'i rgyan la sogs pa yang don dam pa rnam par rtog pa spangs pa'i rtags dang/ kun rdzob tu mi rtag pa nyid ston pa'i phyir 'gal ba med pa nyid do// gtser pu yang nyon mongs pa la sogs pa'i sgrib pa spangs pa'i rtags su bstan pa'i phyir mi 'gal zhing bag chab? med par bya'o/ /de la gang dag gsang sngags rnams su ni dbang gi kun tu spyod pas mi 'dra ba nyid do zhe na/ de ni mi shes pa'i rang bzhin can yin te/ bcom ldan 'das kyis rdo rje thod kyi rgyud nas/ so so thar dang byang chub sems/ /gsang sngags rang gi sdom pa yis/ /rnam par grol ba'i lam la brten/ /zhes gsungs pa'i phyir sdom pa yin par rig par bya zhes dbang zhes bya bas rigs pa ma yin pa'i chos legs shig ba ston par mi bsam ?/ /de la gsum ka yang dbang yin par shes par bya ste/ gcig ni legs par gsungs pa'i chos 'dul ba la dbang byed pa'i phyir dang/ gcig ni byang chub sems dpa' i chos la dbang byed pa'i phyir dang/ gcig ni gsang sngags la dbang byed pa'i phyir dbang zhes bya ste/ dper na mi gar dag rgyab ? su gyur kyang de'i spyod yul la dbang byar med pa las/ stobs dang rkyen gyi dbang gis phyis bram ze la sogs pas yul 'khor thams cad kyi phyir dbang bskur ba las de nas gzud? nas rgyal po'i cha byad gzung ste/ spyod yul gyi grong khyer la dbang byed pa dang de las 'dod pa dang/ de'i 'bras bu sna tshogs pa 'byung ba bzhin du/ so so thar pa la sogs pa'i dbang gis de'i byang chub la dbang byed cing de la 'khor ba'i sdug bsngal spangs pa bde ba'i 'bras bu dpag tu med pa 'byung ste/ de la so so thar pa'i dbang ni brgya lnga bcu zhes gsungs so/ /byang chub sems dpa' i dbang ni bzhi bcu rtsa gnyis zhes gsungs so/ /gsang sngags la ni spyir rnam pa gsum ste/ rnal 'byor dang bya ba dang spyod pa'o/ /rnal 'byor la rnam pa gsum ste/ rnal 'byor spyi'i rgyud dang/ rnal 'byor bla ma'i rgyud dang/ rnal 'byor bla na med pa'i rgyud do/ /de la rnal 'byor spyil ni dbang bcu zhes gsum
- 12a
so/ /rnal 'byor bla ma'i rgyud rnams su ni dbang gsum du gsungs so/ /rnal 'byor bla na med pa'i rgyud du ni dbang bzhir gsungs so/ /bya ba la ni bcu bzhi'o/ /spyod pa la ni lnga bcu rtsa bzhi'o/ /de dag thams cad kyang bsdun gsum ste/ /lus dang ngag dang yid kyi dbang ste/ de yang bcom ldan 'das kyi rin po che'i mdzod las/ /gang gi lus ngag yid gsum bsdams/ /gzhan du lhod sbyor 'gro don brtson/ /dbang mchog dam pa 'di rnyed na/ /rdzogs sangs rgyas su de 'gyur des zhes gsungs pa'i phyir dang/ yang de dag sku gsum gyi cha lugs su yang dag par gnas pa ste/ gcig ni bde bar gshegs pa'i sprul pa'i sku'i cha lugs kyis kun tu spyod do/ /gcig ni de bzhin gshegs can/ chos sku rtag tu bde ba che zhes gsungs so/ /de bas na chos kyi sku'i mtshan nyid long spyod rdzogs pa'i sku khyad par can gyi cha lugs kyis kun tu spyod do/ /de dag thams cad don dam par ni sku gcig pa'i mtshan nyid du blta bar bya ste/ de yang bcom ldan 'das kyis mngon par rtogs pa'i mdo las sku gnyis po yi rang bzhin can/ chos sku rtag tu bde ba che zhes gsungs so/ /de bas na 'dir rnam par dag pa'i ngo bos nyan thos kyi theg pa dang/ rang sangs rgyas kyi theg pa dang/ byang chub sems dpa' i theg pa dag la rim par bslabs te de dag dang yang mi 'gal bar kun tu spyod cing bla na med pa yang dag par rdzogs pa'i byang chub bsgrub pa'i phyir theg pa chen po gsang sngags la yang dag par bsnyen te/ de'i don dam par bsgom zhing rnam par rtog pa dang bral ba'i lam ston cing rnam par rtog pa dang bral ba'i 'bras bu mngon par 'grub par nges pas na mi 'gal ba'i phyir gsangs sngags kyi theg pa la mngon par bsgrub par bya ba kho na ste/ de yang mtshan yang dag par brjod pa las theg pa gsum gyi des 'byung ba/ theg pa gcig gis 'bra bur gnas zhes gsungs pa'i phyir ro/ /de bas na gsang sngags kyi spyod pa'i gang zag rnams dang/ legs par gsung pa'i chos 'dul ba la rab tu byung ba'i dge slong rnams dang/ byang
- 12b
chub sems da'i sdom pa gnas pa rnams kyis long spyod rdzogs par bya ba'i phyir rang rang gi 'dod pa rnams ni 'dor zhing zhen par mi bya ba nyid do/ /de la rang rang gi spyod pa ni spyir 'jig rten pa thams cad la spyod pa rnam pa bzhi ste/ de la gcig ni bde 'gro mtho rim gyis byang chub 'dod pa'o/ /gcig ni 'jig? rten 'di'i yid 'byor pa dang phun sum tshogs pa 'dod pa'o/ /gcig ni sems can thams cad mngon par rdzogs par sangs rgyas par bya bar bdag lta bu ma yin gyi/ yang dag par rdzogs pa'i sangs rgyas kyis kyang mi nus pas na bdag nyid myur du rang byang chub thob par bya'o zhes de la yongs su 'bad cing rtsol bar 'dod pa'o/ /gcig ni sems can thams cad mngon par rdzogs bar 'tshang rgya bar bya ba'i phyir bla na med pa yang dag par rdzogs pa'i sangs rgyas thob par 'dod pa'o/ /de la gang zag de dag ni rigs bzhid shes bar bya ste/ de yang bsdos kyis snang ba rin po che'i mdo las ? ? srin dang/ /seng+ge lta bur kun spyod pa/ /'di dag gang zag rnam pa bzhi/ /gnas rnams bzhi la rnam par spyod ces gsungs so/ /yang rnam pa gnyis te/ 'jig rten par 'dod pa dang/ 'jig rten las 'das par 'dod pa'o/ /'jig rten las 'das pa la gsum ste dang byang chub la gnas bdag lam la gnas pa dang/ mchog gi go 'phang 'dod pa ste/ de yang bcom ldan 'das kyis ni mngon par rtogs pa'i mdo las/ nga yi bstan la gang zag gsum/ /rgyu shes lam shes 'bras bu rtogs/ /rang nyid rnam par kun tu spyod ces gsungs so/ de bas na 'jig rten las 'das par i' dod pa'i rgyu las 'das par 'dod pa'i rgyu rnam pa gsum gyis ni rang gis byang chub la zhen par mi bya zhing/ dor bar yang mi bya ste/ thabs mkhas pa sna tshogs pas kun tu spyod pa ni skyes bu khyu mchog ces gsungs so/ /de la la cig ni lam tha dad pa la zhugs te/ 'bras bu ched byu? ba'i gcig pa ni dper na? bud med skyes bu 'khrig pa'i chos spyod pa na bud med ni skyes pa'i dbang po che bar 'dod la/ skyes pa ni bud med kyi dbang po chung bar 'dod do che bar 'dod pa dang chung bar 'dod pa khyad par che yang/ de gnyi ga'i ched du bya ba'i 'dod pa dang bde bar 'dod pa ste/ de yang skyes pa dang bud med gnyi ga'i/
- 13a
rlung gi sgo bsdams pa las dam pa dang bde ba 'byung ba bzhin du de bzhin gshegs pa'i bstan pa la zhugs pa rnams kyang lam gyi khyad par che yang bde ba'i byang chub 'dod par 'dra ste/ de yang gsum la gnas nas gcigs gis nges par 'byung bas ni myur du spong bar 'gyur ro/ /de la phan tshun zhe sdang bar byed pa ni bcom ldan 'das kyis phyag rgya bzhi ba'i mdo las/ gti mug gos can zhe sdang mtshon/ /phrag dog 'dod chags chu ngag gis/ /pha rol dma''dod 'khru byed pa/ /gshin rje'i gnas su skye bar 'gyur zhes gsungs so/ /de bas na 'jig rten na gnas pa thams lam gyi khyad par che yang bde pa'i byang chub 'dod par 'dra ste/ de la yang dag par rdzogs pa'i sangs rgyas kyi gdung 'tsho ba rnyed pa dang bskur sti la mi lta zhing bu gcig pa'i pha ltar byams pa rnams kyis legs pa'i lam yongs su bsten par bya ba kho na'o/ /de'i phyir 'di ltar gong du bstan ma thag pa ltar/ de bzhin gshegs pa'i dka' ? mdza' dag dang/ gsang sngags rnal 'byor gyi rgyud chen po rnam skyi gzhung gi dngos po mtshungs pa nyid du rnam par bzhag nas/ da ni gzhung 'di nyid kyi don bsdus pa rnam par dgrol bar bya ste/ 'di skad bdag gis thos pa dus gcig na zhes bya ba la sogs pa gsungs te/ de la 'dir brjod par bya ba dang/ dgos pa dang/ dgos pa'i dgos pa dang 'brel ba ni gang zhig yin zhe na/ de ni rnam pa brgyad de/ gnyis su med pa'i ye shes chen po dang dam tshig chen por 'brel cing de rtogs par bya ba dang de rtogs pa ni thog ma nyid nas dgos 'brel yongs su rdzogs pa ste/ yang 'dir ngan song thams cad yongs su sbyong ba'i rgyud 'di nyid brjod par? byed pa yin pa de nyid la gdul bya rnams mngon par 'dod pa bskyed pa'i phyir gsungs pa ni dgos pa'o/ /dad pa la mngon du byas shing de yis ngan song gsum spangs pa ni dgos pa'i yang dgos pa ste/ de nyid dang nges par 'byed pa'i sgrar 'brel zhing/ de'i rgyu dang slong ba po dang/ 'chang ba po nges par zhes pa ni brgyad pa'o/ /de nyid 'dir bsdus pa'i don ni phun sum tshogs pa rnam pa gsum bstan nas/ sangs rgyas kyi tshe ba'i ston phul du phyung ste/ de la gnas phun sum tshogs pa bstan pa'i phyir/ 'di skad bdag gis thos pa'i dus gcig na zhes pa nas/ sangs rgyas dang byang chub
- 13b
sems dpa' thams cad byin gyis brlabs na zhes pa'i bar gyis bstan pa/ chos kyi che ba'i bdag nyid phul du byung bas 'khor phun sum tshogs pa bstan pa'i phyir brgya byin tshangs pa la sogs pa zhes pa las/ tshangs pa chen po'i pad+ma'i gdan la bzhugs te/ zhes pa'i bar gyis bstan te/ chos phun sum tshogs pa bstan pa'i phyir/ ngan song gi rgyud thams cad yongs su sbyong ba zhes bya ba'i ting nge 'dzin la snyoms par zhugs te zhes bya ba nyid kyis mdor bstan to/ /de nyid kyi ston pa po bcom ldan 'das rnam par snang mdzad chen po che ba'i bdag nyid cho 'phrul chen po bstan pa'i phyir/ /ngan song gi rgyud thams cad yongs su sbyong ba zhes bya ba'i ting 'dzin la snyoms par zhugs nas zhes pa nas/ byang chub spyod pa nyid la bzhag zhes bya ba'i bar gyis bstan te/ de dag gis ni gleng gzhi'i bsdus pa'i don rdzogs so// //thub pa chen po'i chos ngan song thams cad yongs su sbyong ba de 'di gleng bslar ba'i phyir/ de nas lha rnams kyi dbang po brgya byin gyis zhes bya ba nas/ bde bar gshegs pa'i ngo mtshar che'i zhes pa'i bar gyis bstan to/ /de nyid tshogs rnam pa gnyis bsags pa las pha rol tu phyin pa bcu yongs su rdzogs pa'i 'bras bu nyid do// zhes bstan pa'i phyir bcom ldan 'das kyis bka' stsal ces pa nas lha'i dbang po gang de bzhin gshegs pa rnams kyis 'dul bar mi 'gyur ba'i gnas gang yang mdo zhes pa'i bar gyis bstan to/ /lha'i dbang po bdag dang gzhan gyi don phun sum tshogs par 'dod cing dam pa'i chos la gus pa bskyed pa'i phyir/ de nas lha rnams kyis dbang po brgya byin zhes pa nas/ bde bar gshegs pa bdag spobs pa skyed du gsol/ zhes pa'i bar gyis bstan to/ /dus phyi ma'i sems can le lo can nyon mongs pa'i dbang du gyur pa rnams la dpe khyad par can las brtsams te/ bcom ldan 'das sum cu rtsa gsum gyi lha'i gnas 'di nyid nas zhes pa nas bde bar gshegs pa lung bstan du gsol zhes pa'i bar gyis bstan to/ /mtshams med pa la sogs pa mi dge ba'i 'bras bu nges pa nyid do zhes bstan pa'i phyir/ bcom ldan 'das kyis bka' stsal pa zhes pa nas
- 14a
gzhan yang sdug bsngal gcig nas gcig tu brgyud pa myong bar 'gyur ro zhes bya ba'i bar gyis bstan to/ /lha la sogs brgyad dang zhes pa nas/ bdag cag gi lus bcom ldan 'das rdo rje 'bar bar gyur cig ces pa'i bar gyis chog dang phan yon thams cad rgyas par stan to/ /klu la mngon par dad pa'i sems can rnams la bde ba bskyed pa'i phyir/ de nas klu chen po brgyad kyis zhes pa nas/ sprul mgo'i phyag rgya smos ci dgos pa'i bar gyis cho ga thams cad rgyas par bstan to/ /'jigs byed chen po la mngon par dad pa'i sems can la bde ba bskyed pa'i phyir/ de nas lha chen po rnams kyi bdag po zhes pa nas/ bdag cig spyi bo bcom ldan 'das kyi rdo rje 'gag par gyur cig ces pa'i bar gyis dkyil 'khor gyi cho ga rgyas par bstan to/ /dbang phyug chen po rnams la mngon par dad pa'i sems can rnams la bde ba bskyed pa'i phyir/ de nas tshangs pa la sogs pa lha chen po rnams kyis zhes pa nas/ bdud rtsi'i zas dang bral bar gyur cig ces pa'i bar gyis cho ga thams cad rgyas par bstan to/ /sems can tshe thung ba dang bsod nams chung ba rnams tshe dang bsod nams dang ye shes kyi chogs chen po bskyed pa'i phyir/ de nas bcom ldan phyag na rdo rje zhes pa nas/ dngos grub rnams ni sbyin par bya zhes pa'i bar gyis rtsa ba'i dkyil 'khor las mtshon te chog thams cad rgyas par bstan to/ /slob ma dam pa rnams la don thams cad grub par byed pa'i dngos grub 'di lta bu sbyin par bya'o zhes bstan pa'i phyir chos thams cad bdag med par zhes pa nas/ dngos grub gzhan lta smos kyang ci dgos zhes pa'i bar gyis bstan to/ /dam pa'i chos kyi che ba'i yon tan brjod pa las ma 'ongs pa'i sems can rnams 'jug par spro ba bskyed pa'i phyir/ de nas tshangs pa la sogs pa zhes pa nas/ bcom ldan l rdo rje 'dzin pa bdag cag ni dkyil 'khor du 'jug par spro zhes pa'i bar gyis bstan to/ /sems can 'das pa dang da lta ba rnam sdig pa'i rgyud las 'di lta bur 'gro bar bya'o zhes bstan ba'i phyir/ de nas lha de dag gis zhes pa nas/ sdig pa chung du byas pa lta smos kyang ci dgos zhes pa'i bar gyis bstan
- 14b
to/ /'das pa'i sems can ngan song du song pa'i phrin las rnam pa bzhi'i sbyin sreg 'di lta bus bya'o/ /zhes bstan pa'i phyir lha yi bu rnams zhi ba yi zhes pa nas/ myur du bde skyid 'grub par 'gyur zhes pa'i bar gyis cho ga thams cad rgyas pa bstan to/ /tshangs pa la sogs pa'i 'khor thams cad dam pa'i chos dang/ de spyod pa'i sems can rnams la rim gro 'di lta bu byed par de nyid kyi tshe dam bca' zhing de la bcom ldan 'das kyis cher gdams pa 'di lta bu zhes bstan pa'i phyir/ de nas tshangs pa la sogs pa zhes pa nas/ gang de dag la rim gro byas pa ni sangs rgyas bcom ldan 'das rnams la rim gro byas par 'gyur ro zhes pa'i bar gyis rgyas par bstan to/ /bcom ldan 'das phyag na rdo rje dkyil 'khor gyis phrin las rnam pa bzhi cho ga thams cad rgyas par bstan par bya'o zhes bstan pa'i phyir/ de nas bcom ldan 'das phyag na rdo rjes zhes pa nas dngos grub thams cad kyang sbyin no zhes pa'i bar gyis dkyil 'khor gyi cho ga thams cad rgyas par bstan to/ /bcom ldan 'das phyag na rdo rje'i snying po de nyid kyis phrin las rnam pa bzhi ? phyag rgya chen po bskyed par bya'o zhes bstan pa'i phyir/ de nas bde ba bskyed nas ni zhes pa nas/ rdo rje'i las dang mnyam par 'gyur/ /zhes bya ba'i bar gyis bstan to/ /bde bar gshegs pa lnga dang/ ye shes kyi sems dpa' bcu drug gis 'phrin las rnam pa bzhi'i rigs dang rjes su mthun pa las 'grub par 'gyur ro/ /zhes bstan pa'i phyir/ de nas las rnams bshad bya ste/ zhes pa nas de ma thag tu 'bar bar 'gyur/ zhes pa'i bar gyis rgyas par bstan to/ /shad pa gdung ba dang bcas shing 'jigs pa dang bcas pas de nyid dgrol bar bya ba'i phyir dang/ 'jig rten pa chen pos skyabs su gsol ba bstan pa'i phyir/ de nas brgya byin la sogs pa lha thams cad ces pa nas/ bla na ma mchis par yang dag par rdzogs pa'i byang chub thob par bgyi ba'i slad du bshad du gsol/ zhes ba'i bar gyis
- 15a
bstan to/ /theg pa chen po rnal 'byor gyi snod du 'khor rnams rung bar bya ba'i phyir de nas bcom ldan 'das kyis zhes pa nas/ oM badzra a tiSh+Ti na dz+nyA na sa ma ye hUM zhes pa'i bar gyi bstan to/ /dam pa'i chos phun sum tshogs pa las bde bar gshegs pa lnga'i rtsa ba'i sngags dang/ snying po dang sku bskyed pa dang/ phyi nang gi bsrung ba ma lus par bstan pa'i phyir snyoms par zhugs nas kyang zhes pa nas/ oM ba zhes bya ba'i bar gyis bstan to/ /de bzhin gshegs pa'i snying po de dag yongs su 'dzin pa'i phan yon bstan pa'i phyir lha'i dbang po zhes pa nas ngan song du 'ang 'gro bar mi 'gyur ro zhes pa'i bar gyis bstan to/ /tshe 'das pa'i sems can rnams la thabs 'di lta bus bya'o zhes pa dang/ de'i mthu bstan pa'i phyir/ skyes pa 'am bud med dam zhes pa nas/ lha'i dbang po mdor na 'jig rten las 'das pa'i phan pa dang bde ba thams cad myong bar 'gyur ro zhes pa'i bar gyis bstan to/ /de nyid kyi thabs kyi dkyil 'khor ji lta bu lags pa bstan du gsol zhes zhu ba'i phyir/ de nas lha rnams kyi dbang po brgya byin zhes pa nas/ bla na ma mchis pa yang dag par rdzogs pa'i byang chub bde blag tu rtogs par bgyi ba'i slad du bshad du gsol zhes pa'i bar gyis bstan to/ /de dag gis ni rtsa ba'i rgyud kyi bsdus pa'i don rdzogs so// //'dod chags chen pos 'dul ba'i sems can rnams gdul ba'i ched du de nyid kyi sprul pa bcom ldan 'das shAkya thub pas rgyud phyi ma 'di gsungs so zhes bstan pa'i phyir/ de nas bcom ldan 'das shAkya thub pas zhes pa nas dkyil 'khor chen po 'di gsungs so zhes pa'i bar gyis bstan to/ /dkyil 'khor gyi ngo bo dang/ des pa'i tshig gi sgo nas dkyil 'khor 'di lta bu'o zhes bstan pa'i phyir/ sangs rgyas kun gyi byang chub sems zhes
- 15b
pa nas/ des ni dkyil 'khor chen por gsungs zhes pa'i par gyis bstan to/ /thar pa chen pa'i grong khyer gnas phun sum tshogs par bya'o zhes bstan pa'i phyir/ de nas bcom ldan 'das kyis zhes pa nas/ phyi'i dkyil 'khor bri bar bya zhes pa'i bar gyis bstan to/ /gzhal yas khang 'di lta bu dgod do zhes bstan pa'i phyir/ gru bzhi pa la sgo bzhi pa zhes pa nas/ ming dam brda' lam yang na ni/ /thig la rnams kyang bri bar bya zhes pa'i bar gyis bstan to/ /dkyil 'khor de lta bu mchod pa'i tshogs rgyas pa las bdag nyid 'jug bar bya'o zhes bstan pa'i phyir/ de nam mkhas pas dkyil 'khor la zhes pa nas/ de'i gtor ma ji ltar mthun par bya zhes pa'i bar gyis bstan to/ /rdo rje slob dpon gyi dkyil 'khor chen por slob ma dbang 'di ltar bskur bar bya'o zhes bstan pa'i phyir/ de nas sngags pas bla med byang chub kyi zhes pa nas/ oM badzra sa ma ya h+ri ta ya me pra be dag ya h+ri da taSh+Thi hUM zhes pa'i bar gyis bstan to/ /dam tshig med na 'grub par mi 'gyur ro zhes bstan pa'i phyir/ de nas 'dis dam tshig bsgrag par bya'o zhes pa nas/ bdag nyid de nyid dang ni sngags sogs de bzhin no zhes pa'i bar gyis bstan to/ /de ltar dam tshig dang ldan pa las/ dbang dam pa sbyin par bya'o zhes bstan pa'i phyir ro/ /mos pa brtan pa dang ldan par dam bcas nas zhes pa nas/ sgrub pa myur du 'grub par 'gyur zhes pa'i bar gyis bstan to/ /de lta bu'i rdo rje slob ma la rdo rje slob dpon gyis dngos grub kyi bsgrub pa 'di lta bu byin la bsgrub par bya'o zhes bstan pa'i phyir/ de nas bcom ldan 'das kyis zhes pa? nas blangs nas yongs su spyad par bya zhes pa'i bar gyis bstan to/ /de'i phan yon chen po bstan pa'i phyir/ sems can kun la phan brtson par zhes pa nas/ bran bzhin las kun byed par 'gyur zhes pa'i bar gyis bstan to/ /tshe las 'das pa'i de?
- 16a
sems can gyi thabs rgyas par bgyi ba ji lta bu zhes gsol ba'i phyir/ de nas lha rnams kyi dbang po brgya byin gyis zhes pa nas/ sdug bsngal spang ba'i slad du bsgrub par bgyi zhes pa'i bar gyis bstan to/ /ro bsreg pa'i cho ga dang/ de'i yan lag rgyas pa 'di lta bus/ sems can tshe 'das pa ngan song gis dbang du gyur pa rnams kyi don bya'o zhes bstan pa'i phyir/ bcom ldan 'das kyis bka' stsal pa zhes pa nas/ cho ga bzhin du bsdu bar bya zhes pa'i bar gyis rgyas par bstan to/ /yongs su dag pa'i cho ga 'di lta bu yis sdig can gang dag grol ba'i mtshan ma ma byung bar gyur na yang thabs 'di lta bus bya'o zhes bstan pa'i phyir/ /thal ba de dang rus pa'i rdul zhes pa nas rgya mtshor 'bab pa'i chu klung dor zhes pa'i bar gyis bstan to/ /cho ga de lta bus dge ba'i las la zhugs pa spro ba bskyed pa dang/ dge ba'i rtsa ba chung ba'i gang zag rnams bla na med pa'i theg pa chen po la ma brtan par grol bar mi 'gyur ro zhes bstan pa'i phyir/ de ltar byas na sdig can yang zhes pa nas/ bde gshegs rgyal ba nyid kyis gsungs zhes pa'i bar gyis bstan to/ /de bzhin gshegs pa ngan song thams cad yongs su sbyong ba'i dkyil 'khor chen po'i byin gyis brlabs pa sgrubs pa las mthong ba'i chos 'di nyid la mthu chen po'i 'bras bu 'di lta bu zhes bstan pa'i phyir/ de nas brgya byin la sogs lha zhes pa nas/ bcom ldan 'das dang brgya byin gnyis la bla ma dang bsti stang du byas te de bzhin du dong ngo zhes pa'i bar gyis rgyas par bstan to/ /ma 'ongs pa'i sems can the tshom dang bcas pa rnams the tshom med par 'jug par spro ba bskyed pa'i phyir dang/ dam pa'i chos kyi snod khyad par can bstan ba'i phyir/ de nas brgya byin dang tshangs pa la sogs pa zhes pa nas sangs rgyas nyid du 'grub pa'i
- 16b
snod du gyur pa lags so zhes pa'i bar gyis rgyas par bstan to/ /de bzhin gshegs pa ngan song thams cad yongs su sbyong ba'i rdo rje slob dpon das/ cho ga ji lta ba bzhin pas 'gro ba'i don byas pa'i che ba'i yon tan rgyas par bstan pa'i phyir/ bcom ldan 'das brtag pa'i rgyal po 'dis zhes pa nas/ lha dang bcas pa'i 'jig rten gyis smos kyang ci dgos zhes pa'i bar gyis rgyas par bstan to/ /brtag ba'i rgyal ba 'di nyid kyis sems can rnams kyi don byed pa'i rdo rje slob dpon de la 'jig rten pa'i lha rnams kyis 'byor pa phun sum tshogs pa 'di lta bu ster bar 'gyur ro zhes bstan pa'i phyir/ de nas brgya byin dang tshangs pa la sogs pa zhes pa nas brtag pa'i rgyal po 'di ni de bzhin du blta bar bya'o zhes pa'i bar gyis bstan to/ /de nyid la bcom ldan 'das kyis cher gdams so zhes bstan pa'i phyir/ lha'i dbang po legs kyis zhes pa nas/ yun ring por bag yod par byos la bsgrubs shig zhes pa'i bar gyis bstan te/ de dag gis ni rgyud phyi ma'i bsdus pa'i don yongs su rdzogs so// // bshad pa'i rgyud 'di nyid zhe sdang chen pos 'dul ba'i sems can rnams gdul ba'i phyir/ de nyid kyi thugs kyis sprul pa bcom ldan 'das phyag na rdo rjes gsungs so zhes bstan pa'i phyir de nas bcom ldan 'das byang chub sems dpa' sams dpa' chen po phyag na rdo rjes bcom ldan 'das kyis thugs brtags pa'i brtag pa phyi ma 'di bshad do zhes pa 'di nyid kyis bstan to/ /de bzhin gshegs pa ngan song thams cad yongs su sbyong ba'i bcom ldan 'das kyis dbu'i gcug tor nas thugs kyi cho 'phrul chen po lha brgyad kyi dkyil 'khor bshad pa'i phyir dpa' bo gdan la gzhengs nas ni zhes pa nas ngan song thams cad yongs su grol bar byed do zhes pa'i bar gyis chog thams cad rgyas par bstan to/ /'jig rten 'das pa'i dkyil 'khor sngar
- 17a
gsungs pa'i gnyis po'i dam tshig gi phyag rgya 'di nyid kyis bsgrub par bya'o zhes bstan pa'i phyir/ de nas bcom ldan 'das phyag na rdo rjes zhes pa nas/ de nyid las bskyod pa ni mnyes pa'o zhes pa'i par gyis rgyas par bstan to/ /gtsug tor dgu'i dkyil 'khor du dbang bskur ba'i slob ma la sgrub pa 'di lta bu sbyin par bya'o zhes bstan pa'i phyir/ sku gzugs kyi cho ga yang zhes pa nas las thams cad bya'o zhes bya ba'i bar gyis bstan to/ /sangs rgyas kyi thugs rje chen pos 'gro ba'i don mdzad par gdon mi za bar dang/ sngon gyi smon lam gyi mthu che ba nyid dang/ dge ba dri ma med pa'i sems kyi skad cig ma'i phan yon dang las kyi rnam par smin pa'i 'bras bu 'byung ba 'di ni 'dra ba nyid do zhes bstan pa'i phyir/ de nas tshangs pa la sogs pa la lha'i tshogs rnams kyis zhes pa nas/ lha'i 'khor lo de nyid de'i tshe de'i dus na 'khor du gyur te zhes pa'i bar gyis rgyas par bstan to/ /brgya byin la sogs pas bcom ldan 'das la skad chen po byings kla kla'i skad kyis longs spyod phun sum tshogs pa 'di 'dra ba phul bas zhes bstan pa'i phyir/ de nas brgya byin dang tshangs pa la sogs pa zhes pa nas/ kA li lta ba zhes pa'i bar gyis rgyas par bstan to/ /bsdus pa la dga' ba'i sems can la phan gdags pa dang/ bshad pa bsdus pa'i dkyil 'khor tshe dpag tu med pa khyab pa 'byung ba zhes bya ba'i sngags kyis 'jig rten las 'das pa'i dkyil 'khor thams cad du 'dis dbang bskur bar bya'o zhes bstan pa'i phyir/ brgya byin la sogs lha mchog rnams zhes pa nas/ oM badzra a yu She a zhes pa'i bar gyis kun rig rtsa ba'i dkyil 'khor las mtshon te cho ga thams cad rgyas par bstan to/ /tshe dpag med kyi dkyil 'khor du dbang bskur ba'i slob ma la chog 'dis tshe bsgrub par bya'o//
- 17b
zhes bstan pa'i phyir de'i sgrub pa ni 'di yin te zhes pa nas bdag nyid sbyangs te btud dam bza' bar bya'o/ /zhes pa'i bar gyis bstan to/ /tshe dpag med sgrub pa dang/ sgrub pa'i phan yon 'di 'dra ba nyid do zhes sgrub pa po dang ba bskyed pa'i phyir/ mtshan mar ji lta ba bzhin du 'byung ba na zhes pa nas/ the tshom med pa nyid do zhes pa'i bar gyis bstan to/ /'jig rten pa'i lha la mngon par dad pa'i sems can rnams la bde ba chen po bskyed pa'i phyir/ de nas rgyal po bzhis zhes pa nas phyag rgya'i dbang ni bskur bar bya zhes pa'i bar gyis bstan to/ /rgyal po chen po bzhi'i dkyil 'khor du dbang bskur ba'i sems can de la de dag gis bskur ste dang rim gro 'di 'dra ba dge byad par dam bcas pa dag go zhes bstan pa'i phyir de la sogs pa'i go rim gyis zhes pa nas/ phyag na rdo rjes bslus gyur cig zhes pa'i bar gyis bstan to/ /phyogs skyong ba la mngon par dad pa'i sems can la bde ba bskyed pa'i phyir/ de nas phyogs bcu zhes pa nas ci stengs pa ma lags na bcom ldan 'das rdo rje 'dzin pa nyid bslus par gyur cig zhes pa'i bar gyis chog dang phan yon thams cad rgyas par bstan to/ /gza' dang skar ma la dga' ba'i sems can la bskyed pa'i phyir/ de nas gza' chen po pa'i rgyud 'di nyid tshangs pa la sogs pa rjes su yi rang ba 'di lta bu'o zhes bstan pa'i phyir/ de nas changs pa la sogs pa zhes pa nas/ brtag pa dam pa 'di bshad pa legs so zhes pa'i bar gyi bstan to/ /phyag rgya 'di kho na nyid yongs su shes pa las 'jig rten dang 'jig rten las 'das pa'i phyag rgya thams cad bcing bar bya'o zhes bstan pa'i phyir/ de nas bcom ldan 'das phyag na rdo rjes zhes pa nas/ utpa la ni sgrol mar dgongs zhes pa'i bar gyiS? 'jig rten dang 'jig rten laS 'das pa'i phyag rgya thams cad rgyas par bstan to/ /dpal
- 18a
rdo rje sems dpa' i phyag rgya thams cad rgyas par bstan to/ /dpal rdo rje sems dpa' i rang gi ngo bo las phrin las rnam pa bzhi'i dkyil 'khor bstan pa dang/ ye shes sems dpa' bcu drug gis sa bon dang de dag la phyag rgya bzhi pa'i dkyil 'khor dang ldan pa nyid kyis snying po thams cad 'di nyid kyis bya'o zhes bstan pa'i phyir/ de nas bcom ldan 'das phyag na rdo rjes zhes pa nas/ mngon spyod kyi phur bu brdung pa'i sngags bcu drug pa'i bar gyis rgyas par bstan te/ /bgegs kyi tshogs ma lus par gzhom par bya ba'i phyir/ rdo rje sems dpa' i khro bo rdo rje me nyi ma'i dkyil 'khor 'di lta bus bya'o zhes bstan par 'gyur la/ /de nas lha rnams kun mgu nas zhes pa nas/ rang gi phyag rgya'i mtshan ma can zhes pa'i bar kyis rgyas par bstan to/ /dkyil 'khor de nyid du mchod pa'i tshogs khyad par can bzhag par bya'o zhes bstan pa'i phyir/ de nas bdud rtsis gang ba'i zhes pa nas dkyil 'khor du ni mang du bzhag ces pa'i bar gyis bstan to/ /khro bo'i dkyil 'khor du de nyid du rdo rje slob dpon bdag nyid 'jug par bya'o zhes bstan pa'i phyir/ de nas slob dpon bdag nyid kyang zhes pa nas/ tshul du gnas nas 'byung bar bya zhes pa'i bar gyis bstan to/ /drag po'i las la mngon par dad pa'i sems can rnams rdo rje slob dpon gyis slob ma la dbang bskur bar bya'o zhes bstan pa'i phyir de nas slob ma bsdus nas ni zhes pa nas/ 'dis dbang bskur ba zhes pa'i bar gyis bstan to/ /gang du tshe dpag med khyad par 'byung ba'i rdo rjer dbang ji tsam bskur ba de srid khro bo'i dkyil 'khor 'dir yang dbang bskur bar bya'o zhes bstan pa'i phyir/ de bzhin du dbang bskur bya'o zhes pa'i tshig 'di nyid bstan pa'o/ /khro bo'i dkyil 'khor du dbang bskur ba'i slob ma de la khro bo'i rgyal po rnams 'grub bar byed pa'i
- 18b
dngos grub 'di lta bu byin te bsgrub par bya'o zhes bstan pa'i phyir de nas de dag bsgrub pa bshad ces pa nas/ de nas 'grub 'gyur gzhan du min zhes pa'i bar gyis rgyas par bstan to/ /khro bo'i dkyil 'khor du zhugs pa'i gang zag des sems can gyi don bya ba'i phyir/ 'phrin las rnam pa bzhi ka yang spyad par bya'o zhes bstan pa'i phyir/ khro bo'i rgyal po las dngos su zhes pa nas pa'i ming nas smos nas ni/ bzlas pa'i tshul bzhin du bsam par bya'o zhes pa'i bar kyis rgyas par bstan to/ /da ltar gyi sems can gyi don du phrin las rnam pa bzhi'i sbyin bsreg gis las thams cad rtsa ba'i dkyil 'khor la brten te bya'o zhes bstan pa'i phyir/ de nas sbyin sreg bshad bya ste zhes pa'i tshig de nyid kyis bstan to/ /sems can rnams kyi nad dang gnod pa dang/ sdug bsngal sna tshogs ba nye bar zhi ba bya ba'i phyir/ zhi ba'i sbyin sreg 'di lta bu bya'o zhes bstan pa'i phyir/ de nas zhi ba'i thab khung zhes pa nas/ rgyas pa rnams gyi nyes 'gyur tshad med pa'i bar gyis bstan to/ /de nyid du phyag rgya 'di lta bu bri bar bya'o zhes bstan pa'i phyir/ de nas rnam par sbyangs bya ste zhes pa nas/ dkyil 'khor du ni dri bar bya zhes pa'i bar gyis bstan to/ /de nyid du mchod pa'i yo byad 'di lta bu dang sreg rdzas 'di lta bu dang rnal 'byor 'di lta bus bya'o zhes bstan pa'i phyir/ dri zhim chus bkang kha dog dkar 'gyur la zhes pa nas/ gdon mi za bar 'grub par 'gyur zhes pa'i bar gyis rgyas par bstan to/ /de bzhin du sems can gyi tshe dang longs spyod spel ba'i phyir rgyas pa'i sbyin sreg 'di lta bus zhes bstan pa'i phyir/ 'bras bur ldan pa'i nags tshal lam zhes pa nas/ zla ba yar gyi ngo ltar 'phel zhes pa'i bar gyis cho ga rgyas par bstan to/ /sems can rnams kyis 'dod pa'i yon tan dbang du byed par 'dod na dbang gi sbyin sreg 'di lta bus bya'o zhes bstan pa'i phyir/ smad 'tshod
- 19a
khyim 'am ma mo 'am zhes pa nas/ rgyal po gtum po'i bran bzhin du dbang du nges par 'gyur ba yin zhes pa'i bar gyis cho ga thams cad rgyas par bstan to/ /sems can ma rungs pa gdug pa can 'joms par 'dod na/ mngon spyod kyi sbyin sreg 'di lta bus bya'o zhes bstan pa'i phyir/ shan pa'i gnas sam dur khrod dam zhes pa nas/ tho bas bum pa bcom pa bzhin/ nges par brlag par 'gyur ba yin zhes pa'i bar gyi cho ga thams cad rgyas par bstan to/ /bcom ldan 'das phyag na rdo rje'i sku nyid kyis dkyil 'khor gyi 'khor lo dang dbyer med pa'o zhes bstan pa'i phyir/ de nas brgya byin la sogs lha zhes pa nas rdo rje kun gtsang phyag 'tshal bstod zhes pa'i bar gyis bstan to/ /tshangs pa la sogs pa'i 'khor du 'dus pa thams cad kyis bcom ldan 'das la gus pa chen pos rjes su yi? rang zhing brtag pa thams cad kyi mthar bshad pa'i rgyud 'di gyur pa'o zhes nges par bstan pa'i phyir/ de nas tshangs pa dang brgya byin dang zhes pa nas bcom ldan 'das kyis gsungs pa la mngon par bstod do zhes pa'i bar gyis cho ga thams cad rgyas par bstan to/ /de dag gis ni bshad pa'i rgyud kyi bsdus pa'i don rdzogs so// //da ni rgyas pa'i don rnam par dbye bar bya ba'i phyir gzhung 'di nyid kyi don dgrol bar bya ste/ 'di skad bdag gis thos pa dus gcig na/ bcom ldan 'das lha thams cad kyi dga' ba'i tshal gyi mchog tu yid du 'ong ba nor bu dang gser gyi shing gi yal ga dang lo mar bcas pa dang/ bai DUrya'i shing gel pa dang/ nad thams cad zhi bar byed pa'i sman sna tshogs pa dang/ me tog pad+ma dang/ me tog utpa la dang me tog kar ni ka dang/ me tog bku la dang/ me tog gi khang ka dang/ me tog mya ngan tshad dang/ me tog man dar ba dang/ man dar ba chen po la sogs pa dang/ dpag bsam gyi
- 19b
shing rnams kyis mdzes par byas shing/ rgyan sna tshogs kyis brgyan pa/ bya mang po skad sbyin pa/ rnga dang cang te'u dang/ ge gor dang gling bu dang rnga bo che la sogs pa'i sgra grag pa/ brgya byin dang tshangs pa lha dang lha'i bu mo sna tshogs pa mang po rnam par rtse ba sangs rgyas dang byang chub sems dpa' thams cad kyis byin gyis brlabs pa na brgya byin dang tshangs pa la sogs pa dan lha dang rigs 'dzin dang/ lha'i bu mo 'khor bye ba khrag khrig brgya stong du ma dang/ gnad sbyin dang/ srin po dang/ lha ma yin dang/ dri za dang/ mi'i ci dang lho 'phye chen po dang/ klu la sogs pa'i 'khor du ma dang/ gzhan yang dgra bcom pa dang/ rgyun tu zhugs pa dang rang sangs rgyas dang lan cig phyir ma 'ong ba la sogs khri phrag bcu dang/ byang chub sems dpa' sems dpa' chen po byed khrag khrig brgya stong brgya phrag la 'di lta ste/ byang chub sems dpa' sems dpa' chen po blo gros chad med pa dang/ blo gros mi g.yo ba dang/ blo gros yangs pa dang/ kun nas blo gros dang/ blo gros mdza' yaS pa dang/ blo gros pad+ma dang/ blo gros chen po dang/ blo gros lha rdzas dang/ byang chub sems dpa' sems dpa' chen po blo gros sna tshogs pa la sogs pa phyir mi ldog pa'i byang chub sems dpa' sems dpa' chen po mthar thug pa rnams kyis/ bsti stang du byed bla mar byed/ mchod cing brjes? rab tu mchod cing spel te/ 'khor mang po'i nang na tshangs pa chen po pad+ma'i gdan la bzhugs te/ ngan song gi rgyud thams cad yongs su spyod ba zhes bya ba'i ting nge 'dzin la snyoms par zhugs so zhes gsungs pa la/ 'dir kha cig rtog pa rnam pa gnyis skye ste/ 'di ltar rgyud 'di ni brtag pa zhes gsungs la// //de ni brtag pa zhes bya ba ni dum bu'o/ /dum bu ni rgyun chags par gsungs pa ma yin pas 'di skad bdag gis thos pa dang bcom ldan 'das kyis gsungs pa la mngon par
- 20a
bstod do zhes pa ni rigS pa ma yin zhing gal te dang ?Am zhabs dag yin na yang gang yang rung ba gcig dag rigs so snyam pa dang shar mang gang ngag 'di ni brtag pa thams cad kyi tha ma? yin pa'i phyir rdzogs pa'i tshig gsungs pa la 'di skad bdag gis thos pa ni 'di la 'jug pa'i sems can rnams bde bar gshegs pas gsungs par dad pa bskyed pa'i phyir/ slob dpon rnams kyis glang du bris pa'o zhes zer na/ de nas ni gzhung 'di nyid kyi don khong du chud par zad do/ /'di ltar bcom ldan 'das kyis ri rab kyi rtse mor rnal 'byor gyi rgyud chen po 'bum phrag bcu gnyis pa gsungs pa'i brtag pa rnam pa gnyis 'dir bkol ba ste/ de la rtag pa dang ni brtag pa thams cad kyi dang po yin pa'i phyir/ 'di skad bdag gis thos pa ni nges pa nyid do/ /brtag pa gnyis pa ni kun gyi tha ma yin pa'i phyir rdzogs pa'i tshig ni nges pa nyid do/ /de la gang dag 'di skad du/ de lta na ni rnal 'byor gyi rgyur gzhan na'ang 'di skad bdag gis thos pa yod pa nyid de/ thams cad dang por thal bar 'gyur zhe na/ de ni ma yin te kha cig tu phyogs gnyis pa ltar yang srid pa dang/ rdo rje rtse mo la sogs pa med pa nyid kyi phyir ro/ /de la 'di skad bdag gis thos pa'i dus gcig na zhes pa ni sdud pa po'i tshig ste gsang ba'i bdag po lag na rdo rje 'khor rnams kyi gtso bor gyur pa des/ bcom ldan 'das kyis lha'i gnas su gsungs pa'i dus de'i skad cig ma la gsan pa'i phyir na dus gcig na'o/ /de nas bde bar gshegs pa la gnas gyur pa la sogs pa mi mnga' na yang sems can le lo can dag brtson 'grus bskyed pa'i phyir sprul pa'i sku mya ngan las 'das nas gsang sngags kyi sdud pa po dpal phyag na rdo rjes sems can rnams la bshad pa'i phyir bdag gis thos pa zhes pa ni chos kyi 'khor lo lan gnyis pa'i sgra'o/ /
- 20b
yang 'di ltar bcom ldan 'das kyis yul bzhi'i rgyud las/ 'di skad bdag gis thos pa'i tshig gis 'jig rten rmongs shing 'jig rten sgrol zhes gsungs te/ de bas na 'di ltar e waM ma ya ni spyi'i rnam pa'i cha dang/ rang gi ngo bo brjod pa'i chos dang po ni/ rnam par snang mdzad dang/ sangs rgyas spyan no/ /gnyis pa ni rin chen 'byung ldan dang mA ma kI'o/ /gsum pa ni 'od dpag med dang gos dkar mo'o/ /bzhi pa ni don thams cad grub pa dang sgrol ma'o/ /gnyis pa'i thig le ni bcom ldan 'das mi bskyod de par shes par bya ste/ de dag ni thabs dang shes rab kyi ngo bor nges pa nyid du zhugs shing 'gro ba'i don ma lus par mdzad pa ni mtshan yang dag par brjod pa las kyang/ mi mngon mi gsal snang byed min/ /mi 'gyur kun 'gro khyab pa po zhes gsungs so/ /sru ta e ka smin sa ma ye ni 'di ltar rang gi ngo bo brjod pa las/ dang po ni sgeg mo'o/ /gnyis pa ni glu mkhan ma ste/ de ltar rig pa ji lta ba bzhin du phreng ba ma dang/ gar? ma dang bdug gi pa ma dang/ me tog ma dang/ snang ba ma dang/ dri ma rnams so/ /bcom ldan 'das ni rnam par snang mdzad de/ de lha'i yul thams cad pas mchog tu gyur pa'i gzhal yas khang dang gzugs dang sgra dang dri dang ro dang reg bya la sogs pa'i 'dod pa'i yon tan lnga la dmigs pa med ba'i sku khyad par du 'phags pa longs spyod cing lha dang klu la sogs pa'i sems can thams cad mngon par rdzogs par 'tshang rgya par bya ba'i phyir/ sa la gnas pa'i byang chub sems dpa' blo gros zab mo tshad med pa rnams la ngan song thams cad yongs su spyod ba'i rgyud gsungs pa dang/ sum cu rtsa gsum gyi lha'i yul rnam par rgyal ba'i lho phyogs dpag tshad bcu gnyis na sems can thams cad kyi yid 'phrog pa rin po che'i tshal zhes bya ba yod de/ de ni sa la gnas pa'i byang
- 21a
chub sems dpa' rnams kyis brgya byin lha'i dbang po shes rab kyi pha rol tu phyin pa nyan pa la lha ma yin gyi bar chad med par bya ba'i phyir byin gyis brlabs pa ste/ de nas gser gyi shing gi yal ga dang sman dang me tog dang/ rgyan dang/ bya dang/ rol mo'i rnam pa dang/ dpag bsam gyi shing dang/ lha dang lha'i bu mo rnam par rol pa sna tshogs pa yod pa'i gnas su bcom ldan 'das kyi gnod sbyin dang srin po la sogs pa thams cad kyi 'khor dang ldan pa rnams la rgyud kyi rgyal po 'di bka' stsal to/ /de la tshangs pa chen po'i gdan kyang rnam pa gnyis te/ bla na med pa'i thugs rje chen po ni nyes pa'i skyon mdza' dag spangs pa shin tu rnam par dag pa ste/ de nyid la yang dag par bzhugs pa'o/ /'khor mang po ni skye ba rnam pa bzhis bsdus pa'i sems can dpag tu med ste/ de dag gi dbus ni phyogs cha dang bral ba'i dbus so/ /yang rin po che'i tshal du mi mdzad kyi bdag po dpal tshangs pas rang gi gdan ka ba bzhi ni baiDU rya las byas pa'i 'og gzhi pad+ma rA ga las byas pa kha khyer ni gser las byas te gzhi ni spug las byas pa/ mu tig la sogs pa rin po che sna tshogs pas mdzes pa spras shing dril bu dang dar dpyangs kyis brgyan pa/ mche ba rnam par gtsigs pa'i seng ge brgyad kyis bteg pa/ rgyar rgyad grags gcig pa la/ 'phangs su rgyang gragS phyed pa gcig gi steng du sum cu rtsa gsum gyi rdzing nas pad+ma dmar po 'dab ma stong dang ldan pa/ reg na ka tsal ni da ltar bde ba zhig phul ba la zhugs pa'o/ /'khor med po ni byang chub sems dpa' la sogs pa'o/ /dbus ni de'i dkyil na ste/ de nas yang dag par zhugs pa'o/ /yang de'i tshe ngan song gi rgyud thams cad yongs su sbyong ba zhes bya ba'i ting nge 'dzin la snyoms par zhugs so zhes gsungs pa la/ dper na mi gang dag gzhan gyi rdzas rku ba'i sems skyes pa la rkun po zhugs zhes pa dang 'dra bar bcom ldan 'das kyis
- 21b
sems can thams cad ngan 'gro'i rgyu las bsgral ba'i thabs la thugs mnyam par bzhag pa la snyoms par zhugs zhes pa ste/ snyoms par ni rnam par rtog pa dang bral ba'i thugs mnyam pa nyid do/ /bzhugs pa ni thabs kyi khyad par gsung pa la bzhugs pa kho na'o/ /yang de'i tshe ngan song gi rgyud las rnam par grol ba zhes bya ba byang chub sems dpa' sems dpa' chen po'i ting nge? 'dzin sdud pa po'i 'od zer gyi phreng ba mang po nyid kyi dpral ba'i mdzod spu nas phyung ste/ des stong gsum gyi stong chen po'i 'jig rten gyi khams 'di thams cad kun tu snang bar byas so/ /zhes gsungs pa la ting nge 'dzin de lta bu las 'od zer 'di 'dra ba phyung ste/ de la nyid ni bcom ldan 'das so/ /dpral ba ni shangs kyi gong ngo/ /mdzod spu ni smin ma'i dbus nyid de/ de nas 'od zer zla ba'i mdog lta bu dpag tu med pa phyung ste/ de dag re re'i sna la byang chub sems dpa' sku mdog dkar po zhi ba'i cha lugs can phyag g.yas na rdo rje lcags kyu bsnams pa g.yon skyabs mdzad zhags pa dang ldan pa dag bzhugs pas/ sa 'og dang sa steng dang sa bla'i stong gsum gyi stong chen po'i 'jig rten gyi khams kun nas snang bar byas pa nyid do/ /de dag gis 'phrin las ji lta bu zhig mdzad ce na/ 'di ltar kun tu snang bar byas pas sems can thams cad kyi sems nyon mongs pa'i cing pa las rnam par grol te bde ba so sor thob nas dga' ba'i tshal kun tu snang bar byas te/ mchod pa'i sprin sna tshogs kyis mchod cing lan brgya phrag stong du bskor ba byas nas/ bcom ldan 'das la lan brgya phrag stong du phyag btsal te/ bcom ldan 'das kyi spyan sngar nor bu dri ma med pa'i steng du bkod de/ kye ma'o sangs rgyas kye sangs rgyas/ kye ma'o sangs rgyas mdzad pa lagS/ gang phyir ngan song bdag cag sbyangs/ /byang chub spyod pa nyid la bzhag ces gsungs te/ de la 'dir kha cig ni sems can rnams grol ba yis bde bar gshegs pa la drin du gzo ba'i tshig yin no zhe na/ de ni rigs pa ma
- 22a
yin te/ phyi'i rgya mtsho chen po la ku sha'i rtse mo'i thigs pa tsam yang ma grol ba'i phyir gza' phur bu'i tshig bzhin no/ /'di la byang chub sems dpa' mod la bcom ldan 'das nyid sems can rnams byang chub la bkod pa'i phyir/ byang chub sems dpa' i 'od zer de/ de rnams kyis sems can thams cad nyon mongs pa'i 'ching ba rnam par dkrol te/ bde ba so sor thob pa'i dus kyi mdza' i skad cig mas mngon par byang chub pa la dgongs te gsungs te dper na gu ru tshe'i sa bon la gu ru tshe yin no zhes gdags pa lta bu'o/ de yang mi grol ba ni ma yin te/ gzhung 'di yis yongs su bkrol ba'i phyir 'gal ba ma yin pa nyid do/ /dga' ba'i tshal kun tu gang bar byas pa ni byang chub sems dpa' de rnams kyis gang bar byas te/ mchod pa'i sprin kyang sprul bskor ba dang phyag kyang byas pa'o// spyan snga ni mdun no/ /nor bu dri ma med pa'i steng du bkod pa ni 'di ltar 'od zer de dag gis lta'i bu nor bu dri ma med pa la brten nas sems can thams cad la phan gdags pa'i phyir lha'i dbang po rang gi longs spyod dang lha mi yin gyi 'tshe bas g.yengs te/ mi dran pa dag de'i sems bskul pa'i phyir/ lha'i dbang po brgya byin gyi snying la nor bu dri ma med pa'i 'od dran par byed pa la zhugs pa'o/ /de la gang dag 'di skad du bcom ldan 'das ni sems med pa'i 'od kho na la dgongs nas gsungs snyam pa la/ sangs ngan song du song ba ji snyed cig yod bzhin du ci'i phyir lha'i bu nor bu dri ma med pa'i 'od kho na la dgongs nas gsungs snyam pa la/ sangs rgyas bcom ldan 'das rnams ni 'brel pa 'am rgyu ngo mtshar bdag mi mnga' bar dam pa'i chos mi gsung la/ de yang gnod sbyin nam mi la sogS pa gzhan la gnod pa byed cing srog gcod pa rnams sum cu rtsa gsum gyi lha'i 'dod yon lngas mchog tu chim zhing bde ba phun sum tshogs pa dang ldan pa rnams kyang 'di ltar 'gyur na/ bdag cag lta smos kyang ci dgos snyam pa'i bsam pas brtson 'grus chen po
- 22b
bskyed pa'i phyir/ lha'i bu kho na la brten te gsungs so kye ma sangs rgyas/ kye ma'o sangs rgyas mdzad pa legs so zhes pa ni 'dir don rnam pa gsum du shes par bya ste/ de la gcig ni rgyu 'di nyid la ston pa rnam pa gsum gyis bshad de/ bcom ldan 'das rnam pa gsum la mngon par bstod pa'o/ /yang 'dir de bzhin gshegs pa'i sku la bstod pa ni sangs rgyas kyi sprul pa'i skus 'gro ba'i don mdzad pa legs so zhes pa dang/ sangs rgyas kyi gsung gis ngan song gi rgyud las sems can sgrol pa'i chos gsungs pa legs so zhes pa nas/ sangs rgyas kyi thugs byang chub kyi spyod pa nyid la bzhag pa legs so zhes so/ /yang 'dir de bzhin gshegs pa'i rgyud rin po che 'di la brten te/ snga rabs kyi sems can rnams kyang sangs rgyas la/ de ltar 'tshang rgya zhing phyi mar 'tshang rgya bar 'gyur ba ni legs so zhes dam pa'i chos la yang dag par stong pa nyid de/ de dag ni gleng gzhi ste/ dam pa'i chos kyi rgyu rnam par dag pa nyid do/ /de nas lha'i dbang po brgya byin gyis bcom ldan 'das la lan brgya phrag stong du bskor ba bya ste/ phyag btsal nas 'di skad ces gsol te/ /bcom ldan 'das gang gi slad du sangs rgyas kyi 'od zer kun tu snang bas ngan song gi rgyud las rnam par dkrol zhing grol ba'i lam la bzhag pas ni bcom ldan 'das ngo mtshar che'o/ /bde bar gshegs pa ngo mtshar che'o/ /zhes gsungs pa la/ bcom ldan 'das kyis byin gyis brlabs kyi 'od zer gyis lha rnams kyi dbang po brgya byin gyi sems can yongs su bskul ba las byang chub sems dpa' rnams kyis ngan 'gro yongs su sbyang ba'i tshig gsungs pa thos pa dang/ snga na med pa'i byang chub sems dpa' i 'od zer mang po dag byung ba de'i 'dra ba'i rtags sam mtshan las 'bras bu'i chos dri bar bya ba'i phyir dam pa'i chos la bsnyen bkur bya ba dang/ btsun par bya ba ni bcom ldan 'das la bskor bar bya ba dang/ phyag 'tshal te/ gang gi slad du zhes 'dri ba ni bde bar gshegs pa rnams rgyu dang rkyen mi mnga' bar
- 23a
'dzum pa dang 'od zer mi 'gyed pas na rgyu gang gi slad du zhes 'dri ba'o/ /rnam par grol ba'i lam la bzhag pa ngo mtshar che ba ni 'jig rten gyi khams kyi sems can dpag tu med pa dag bsgral bar ji ltar spyod snyam pa'o/ /lan gnyis pa'i tshig ni shin tu yang ngo mtshar che ba'i don te/ de dag ni gleng bslang ba ste/ rkyen rnam par dag pa zhes bya'o/ /bcom ldan 'das kyis bka' stsal pa/ lha'i dbang po 'di ni ngo mtshar mi che'o/ /lha'i dbang po 'di ni ngo mtshar mi che ste/ sangs rgyas bcom ldan 'das rnams ni bsod nams kyi tshogs tshan? med pa rnams yang dag par bsags pa'o zhes gsungs pa la /'di ni ngo mtshar mi che'o/ /'di ni ngo mtshar mi che ste zhes gsungs pa ni bcom ldan 'das kyis lha'i dbang po'i bsam pa yangs par mkhyen nas/ de'i bsam pa bsgrub pa'i phyir/ sangs rgyas kyi yon tan dpag tu med pa yod kyang/ 'dir rnam pa bcu zhig tu gsungs te/ bsod nams kyi tshogs tshad med pa bsags pa'o/ /zhes pa ni sbyin pa'i pha rol tu phyin pa yongs su rdzogs pa'o/ /lha'i dbang po yang dag par rdzogs pa'i sangs rgyas ni tshad med pa'i yon tan rin po che'i 'byung gnas su gyur pa'o zhes pa ni tshul khrims kyi pha rol tu phyin pa yongs su rdzogs pa'o/ /de ltar thabs tshad med pa yang dag par rdzogs pa'i zhes pa ni thabs kyi pha rol tu phyin pa yongs su rdzogs pa'o/ /shes rab tshad med pa la sogs pa ni shes rab kyi pha rol tu phyin pa yongs su rdzogs pa'o/ /spyod pa tshad med pa spyad pa ni bzod pa'i pha rol tu phyin pa yongs su rdzogs pa'o/ /'dul pa'i skye bo tshad med pa rnams snod du gyur par mdzad pa ni bsam gtan gyi pha rol tu phyin pa yongs su rdzogs pa'o/ /mi mnyam pa dang mnyam pa'i ye shes dang ldan pa ni shes rab kyi pha rol tu phyin pa yongs su rdzogs pa'o/ /mi mnyam pa dang mnyam pa'i shugs dang ldan pa ni brtson 'grus kyi pha rol tu phyin pa yongs su rdzogs pa'o/ /mi mnyam pa dang mnyam pa'i rdzu 'phrul dang ldan pa ni stobs kyi pha rol tu phyin pa
- 23b
yongs su rdzogs pa'o/ /mi mnyam pa dang mnyam pa'i smon lam dang ldan pa ni smon lam gyi pha rol tu phyin pa yongs su rdzogs pa ste/ de ltar pha rol tu phyin pa bcu yongs su rdzogs shing rnam pa thams cad mkhyen pa'i shes rab dang ldan pa yin pa'i phyir na mi rigs pa ma yin pa nyid de/ dper na wa yis dpung gi tshogs yan lag bzhi po 'joms pa ni nus pa dang mi ldan pa'i phyir ngo mtshar la/ seng+ges dpung gi tshogs 'pham par byed pa de la de'i stobs dang ldan pa'i phyir ngo mtshar mi che ba bzhin du/ de bzhin gshegs pas ni sangs rgyas kyi yon tan dpag tu med pa mnga' ba'i phyir ngo mtshar mi che zhes bya ba'i tha tshig go/ lha'i dbang po de lta bas na sangs rgyas bcom ldan 'das rnams kyis snod ji lta ba bzhin du sems can gyi don mdzad pa dang/ ji ltar 'dul ba bzhin du sems can gyi don mdzad pa dang/ mos pa ji lta ba bzhin du sems can rnams kyi don mdzad pa yin par shes par bya ste/ 'di la som nyid dang the tsom dang yid gnyis ma byed cig /gang de bzhin gshegs pa rnams kyis 'dul bar mi 'gyur ba'i gnas ni gang yang med de zhes gsungs pa la/ lha'i dbang po'i sems kyi rtog pa thugs kyi mkhyen te/ 'bras bu'i don la 'bad pa nyid du sgro ba yang dag par bskyed pa ste/ de la snod ji lta ba bzhin du sems can gyi don mdzad pa ni rigs ji lta ba bzhin du nyan thos kyi rigs can rnams la 'phags pa'i bden pa bzhi la sogs pa'i don mdzad pa dang rang sangs rgyas kyi rigs can rnams la rten cing 'brel par 'byung ba bcu gnyis la sogs pas don mdzad pa dang/ theg pa chen po'i rigs can rnams la chos thams cad stong pa nyid la sogs pas don mdzad pa nyid dang/ rigs ma nges pa rnams la mtho ris dang bde 'gro la sogs pa'i don ston cing don yang dag par mdzad pa nyid do/ /ji ltar 'dul ba bzhin du sems can rnams kyi don mdzad pa na lha yis 'dul ba rnams la lha'i dbang po brgya byin gyis chos ston cing/ 'gro ba'i don mdzad pa lta bu'o/ /mos pa ji lta ba bzhin sems can rnams kyi
- 24a
don mdzad pa ni khrus dang/ gtsang sbra la mos pa rnams la de la brten nas yon tan dang 'gras bu dang phan yon sna tshogs pa gsungs shing/ sangs rgyas kyi sal yongs su 'god pa dang/ de ltar glag pa la dga' ba rnams la de'i phan yon yang sna tshogs pa gsung ba dang/ bzlas pa la dga' ba dang/ bsgom pa la dga' ba dang/ sbyin sreg la dga' ba dang/ 'dod chags chen po la dga' ba rnams la de dag so so'i phan yon yang sna tshogs pa gsung zhing/ de dag la brten nas rnam par grol ba'i thabs yang dag par ston pa'i sems can gyi don mdzad pa nyid do/ /de lta bas na de bzhin gshegs pa dgra bcom pa yang dag par rdzogs pa'i sangs rgyas ni thabs sna tshogs pa dang ldan pa'i phyir 'dul bar mi 'gyur ba'i skye bo gang yang med pas de la som nyi ma byed cig ces pa ni the tshom rnam par gcod pa'i tshig ste/ de dag ni lan rgyu rnam par dag pa zhes bya'o/ /de nas yang lha'i dbang po brgya byin rang gi stan las langs nas bcom ldan 'das la mchod pa rgya che zhing bla na med pa dag byas te/ phyag btsal nas bcom ldan 'das la 'di skad ces gsol to/ /sems can thams cad la phan pa nyid du bgyi ba dang/ sems can thams cad la snying brtse ba nyid du bgyi ba dang/ snying rje can du bgyi ba dang/ snying brtse ba chen por bgyi ba dang/ bsam pa thams cad yongs su rdzogs par bgyi ba'i slad du/ bcom ldan 'das bdag spobs pa bskyed du gsol/ bde bar gshegs pa bdag spobs pa bskyed du gsol zhes pa ni brgya byin gyi rang gi 'khor gyi dbus kyi stan las yang dag par langs te/ rang gi bsam pa bsgrub pa'i phyir de bzhin gshegs pa la lha'i me tog dang/ bdug pa la sogs pa bla na med pa'i mchod pa bzang pos yongs su mchod nas bag tsha ba med pa dang zhum pa med par bya ba'i phyir zhu ba yang dag par gsal ba'i tshig te/ de la sems can thams cad la phan pa nyid du bgyi ba dang zhes pa ni bdag gi don
- 24b
las yang dag par brtsams te/ de'i thabs kyis ma 'ongS pa'i sems can thams cad bla na med pa yang dag par rdzogs pa'i byang chub par bya ba'i phyir ro/ /sems can thams cad la snying brtse ba nyid ni las kyi rnam par smin pa'i 'bras bu dag shes pa las 'gro ba thams cad la snying rje'i sems yang dag par bskyed pa nyid do/ /snying rje can ni ldan pa'i tshig ste/ rgyun mi 'chad par skye ba nyid do/ /snying brtse ba chen? po ni byang chub kyi sems bla na med pa skye ba nyid do/ /bsam pa thams cad yongs su rdzogs par bgyi pa ni bla na med pa yang dag par rdzogs pa'i byang chub thob par bya ba'i phyir bdag la skabs dbye bar gsol zhes pa'i tha tshig go de nyid gus pa dang bcas pa'i tshig ste/ dper na 'khor los sgyur ba'i rgyal po la yul 'khor gyi blon po rnams kyi 'jigs pa dang ngo tsha ba dang bcas gus pa dang bcas pas lha bdag la zhu ba'i tshig gcig mchis bas gnang 'tshal zhes pa la sogs pa bzhin te/ de dag ni lam gyi rkyen rnam par dag pa zhes bya'o/ /bcom ldan 'das kyis bka' stsal pa/ lha'i dbang po ci ste dus la bab par shes na legs par nyon la yid? la zung zhing//? ngas khyod la ci 'dod pa bshad do zhes gsungs pa ni bcom ldan 'das kyis kye lha'i dbang po zhes snyan pa dang bcas pa'i chig gis pos nas ci 'dod pa dris pa'i lan ngas legs par bshad cing khyod kyis bsam pa bskang bar bya'o zhes gnang ba legs par byin pa'i? tshig ste/ de la dus la bab par shes na zhes pa ni dri ba'i rgyu'i dus la bab pa yod na zhes pa'i tha tshig go/ legs par nyon la yid la zung zhes bya ba ni lus dang ngag gi spyod pa kun nas bsdams te/ sems brtse gcig tu gyis la sems can thams? cad? la phan pa'i phyir na ba gtod cig ces pa kho na'o/ /lha'i dbang pos gsol ba/ bcom ldan 'das 'di ni dus la bab pa lags so/ /bde bar gshegs pa 'di ni dus la bab pa lags te/ zhes pa ni lha rnams kyi dbang po brgya byin bde bar gshegs pa thabs tshad med pa dang/ rdzu 'phrul
- 25a
tshad med pa dang/ rnam pa thams cad mkhyen pa'i ye shes dang ldan pa rang gi lha'i bu nor bu dri ma med pa'i 'od yid la gcags pa de gang na gnas pa dang bde ba 'am sdug bsngal ci 'dra ba zhig myong bar 'gyur ba dang/ phyis 'di dang phrad dam mi phrad pa'i dri ba'i dus la bab pa yin pa'i phyir te/ de la dus ni rnam pa gnyis so/ /gcig ni lha'i bu de shi ba'i dus tshod la dus zhes bya ba dang/ kha cig ni rang kun nas slong bar byed pa'i sems skyes pa'i dus la dus zhes bya ste/ lan gnyis pa'i tshig go /ston pa dang bskul ba dang/ gzhug pa la sogs pa ni shugs kyis go bar bya ste/ lha'i dbang po ni ma yin no bcom ldan 'das sum cu rtsa gsum lha'i gnas nyid nas/ lha'i bu nor bu dri ma med pa'i 'od zhes bgyi ba zhig shi 'phos te dus las 'das nas dgung bdun lags na/ bcom ldan 'das de gang du skyes/ bde ba dang/ sdug bsngal ni des ci 'dra ba zhig myong bar 'gyur pa/ bcom ldan 'das lung bstan du gsol/ bde bar gshegs pa lung bstan du gsol zhes bya ba la/ sum cu rtsa gsum lha'i yul na lha'i dbang po brgya byin gyi blon po rnams kyi nang na mchog tu gyur pa gsor 'od kun tu snang ba zhes bya ba zhig yod de/ de'i btsun mo ni grags ldan sha ri can zhes bya ste/ de dag gi bu lnga bcu rtsa lnga'i nang nas thon bur gyur pa gzugs bzang ba mdzes pa blta na sdug pa/ yid du 'ong ba lha thams cad dang yid mthun pa/ lag pa g.yas pa'i rgyab na ri mo dmar po'i yi ge na'i gzugs su snang ba yod pa'i lha'i dbang po brgya byin gyis dus thams cad du mdun du 'jog pa tha na lha ma yin rnams kyis kyang de mthong na zhe sdang zhi bang 'gyur ba dge ba dri ma med pa'i sems skad cig ma lus grub pas lo sum brgya lon pa nor bu dri ma med pa'i 'od ces bya ba de shi nas zhag bdun 'das pa de yid la gcags pa'i phyir dri ba ste/ de la gang du skyes pa zhes pa ni gnas 'dri ba'o/ bde ba 'am sdug bsngal ci
- 25b
'dra ba ci myong zhes pa ni tshor ba 'dri ba'o/ /lung bstan du gsol zhes pa ni bshad du gsol zhes bya ba ste/ lan gnyis pa ni nan tan nam mched cher bya ba kho na'o/ /bcom ldan 'das kyis bka' stsal pa/ lha'i dbang po lha'i bu nor bu dri ma med pa'i 'od ces bya ba de 'di nas shi 'phos nas mtshams med pa'i sems can dmyal ba chen por skyes te/ des der lo stong phrag bcu gnyis kyi bar du sdug bsngal ma rungs shing mi bzad pa myong bas/ sems can dmyal ba chung du rnams su yang lo brgyar sdug bsngal myong zhing/ byol song dang yi dags kyi skye gnas su yang lo brgya phrag brgyar sdug bsngal myong nas/ mdza' khob kyi mir skyes nas yang/ 'on pa dang/ dig pa dang/ lkugs pa'i rang bzhin can dang/ smra mi gsal bar lo stong phrag bcu'i par du gnas pa dang/ lo stong phrag brgyad cu rtsa bzhi'i bar du rnag khrag 'dzag pa dang/ mdze dang phol mig rnams kyis gzir ba dang/ skye bo mang pos smad pa dang mi yongs kyis smad pa dang/ rigs dma' ba' i rigs can rnams rjes su myong zhing sdug bsngal dang sdug bsngal brgyud pa dang gzhan la gnod pa byed pa dang las kyi sgrib pa bar chad byed pa rnam pa sna tshogs dang/ gzhan yang sdug bsngal gcig nas gcig tu rgyud pa myong bar 'gyur ro zhes gsungs pa la/ de dag thams cad ni de bzhin gshegs pa'i dgongs pa rnams gsum du go bar bya ste/ de la gcig ni lha'i bu des lha'i cha snga rol tu mtshams med pa'i sdig pa chen po byas pa'i 'bras bus mtshams med pa'i dmyal ba chen por skyes pa dang/ de dang nye ba la sogs pa'i sdig pa byas pa'i 'bras bu byol song dang/ yi dags la sogs pa'i gnas su skye pa dang/ gzhan la gnod pa byas pa la sogs pa'i 'bras bus lus rnag khrag la sogs pa nad sna tshogs kyis gzir bar skye bar bstan pa'o/ /gcig ni ma 'ongs pa'i sems can nyon mongs pa'i dbang du gyur pa rnams skrag cing sdang bas bde bar gshegs pa'i bka' rin po che 'di la yang
- 26a
dag par skyabs su gsol bar bya pa'i phyir gcig ni 'dri ba po 'di la sogs pa nyid 'dod pa'i yon tan lngas mngon par g.yengs pa rnams skyo ba bskyod pa'i phyir/ rgyu mi dge ba'i rnam par smin pa'i 'bras bu de dag gsungs pa ste/ de la mtshams med pa ni bar chad med pa zhes bya ste/ der bde ba'i rnam pa skad cig tsam yang mi myong ba'i phyir ro/ /des zhes pa ni lha'i bu ste/ der zhes pa ni mtshams med pa'i gnas su'o/ /lo ni rnam pa lnga ru go bar bya ste/ dmyal ba'i lo dang/ yi dags kyi lo dang byol song gi lo dang/ lha'i lo dang/ mi'i lo'i de la lha la sogs pa rnams kyis ni/ lha'i long go ba ste/ de la sum cu rtsa gsum pa'i lha'i lo ni mi'i lo brgya la zhag gcig tu brtsis pa'i sum cu phrag bcu gnyis la lo gcig tu brtsis pa'i lo stong phrag bcu gnyis ni lha'i tshe rabs bcu gnyis su go bar bya'o/ /dmyal ba chen por skye zhes ba ni dmyal ba'i long go bar bya ste/ dmyal ba mnar med pa chen po'i lo ni rgyal chen rigs bzhi'i tshe tshad la nyin zhag gcig tu brtsis pa'i bar gyis bskal ba gcig ste der yongs su skye ba nyid do/ /dmyal ba chung du rnams su ni du 'bod la sogs pa rang rang gis los gnas pa nyid do/ /dud 'gro rnams kyis ni mi las mtshon par bya ste/ nges pa med pa nyid do/ /yi dags kyi skye gnas su zhes pa ni yi dags kyi lo ste/ de dag gi lo ni mi rnams kyi zla ba gcig la nyin zhag gcig tu brtsis pa'i sum cu phrag bci gnyis rol brtsis pa ste/ brgya phrag brgya ni yi dags kyi tshe rabs brgya'o/ /sdug bsngal ni tshor ba mi bde ba ste gdung ba drag po can no/ /de dag las thar nas kyang mi'i 'gro ba mdza' 'khob kyi mir skye ste/ dbang po ma tshang bar yang 'gyur ba'o/ /de nas ma rabs la sogs pa'i ris su skyes na yang/ de'i lus la nad sna tshogs pa mang pos gzir bar skye ba dang/ yan lag med pa dang/ gzhan yang gnod pa byed pa ya rabs kyi tshul ma yin pa bya shor ba dang/ ri dags shor ba dang/ nya shor pa la sogS
- 26b
pa byed de/ de la skye bo mang pos smod pa ni phal gyi smod pa'o/ /yongs kyis smod pa ni thams cad kyis smod pa ste/ rigs pa ma yin pa'i las byed do/ /zhes zer ro/ /rigs dma' ba ni bshan pa la sogs pa'i rigs su skye bar 'gyur pa ste/ sdug bsngal brgyud pa ni/ lcags sgrog bcing ba dang/ mtshon gyis phug pa dang/ mes tshig pa la sogs pa dpag tu med pa myong bar 'gyur ba ste/ de ni cung zad mtho ba'i rigs la dgongs pa'o/ /de nas brgya byin la sogs pa lha'i bu rnams kyis thos nas shin tu skrag cing dngangs te skyo nas kha sgrub tu 'gyel lo zhes bya ba ni dper na mi gang dag rgyal po zhig rigs pa ma yin pa'i las kyis bsad pa'i gtam thos nas shin tu sgrag cing dngangs te skyo ba bzhin du lha rnams kyi nang na mchog dang 'dra ba yang 'di 'dra ba'i sdug bsngal myong ba 'di ci 'dra ba zhig snyam pas de la chags pa'i gdung ba dang/ rang rang gis gdung bas bag tsha bas 'jigs pas kha sbub tu 'gyel lo de nas yang 'di skad ces gsol to/ /bcom ldan 'das sdug bsngal chen po brgyud pa de las ji ltar thar par 'gyur/ bde bar gshegs pa ci ltar thar bar 'gyur/ bcom ldan 'das ci nas kyang sdug bsngal gyi phung po de 'dra ba las rnam par grol bar 'gyur ba 'di bskyab par gsol/ bde bar gshegs pa 'di rab tu bskyab par gsol zhes pa ni dper na bu yid du 'ong ba dag dad gdug pa can drag pos zin pa la ma brtse ba dang ldan pa dag sman pa la mkhas pa rnams la nad 'di las skyes bu chen po khyod kyis bskyab par gsol/ /'di las thabs ji lta bus thar bar 'gyur ba ni gang lags zhes 'dri ba dang 'dra bar lha rnams kyi dbang po brgya byin bcom ldan 'das la lha'i bu de la rtse ba dang gdung ba'i phyir dang/ rang dag de 'dra ba'i sdug bsngal gyis 'jigs pa med par bya ba dang/ ma 'ongs pa'i sems can la phan gdags pa'i phyir /sdug bsngal chen po de las thar bar 'gyur ba'i thabs ni ji lta bu dag gis thar bar 'gyur 'di las dus gsum du gnas pa'i sems can las bskyab
- 27a
par gsol zhes gdung ba dang bcas pas gsol ba 'debs pa ste/ lan gnyis pa ni ched cher bya ba'i tshig go /bcom ldan 'das kyis bka' stsal pa/ lha'i dbang po sangs rgyas bye ba phrag brgyad cu rtsa bzhir bshad pa 'di ngas kyang bshad kyis nyon cig ceS ba ni bcoM ldan 'das kyis dus gsum du gnas pa'i sems can rnams bsgral ba'i phyir dam pa'i chos kyi che ba'i yon tan phul du phyung nas gnang bar spro ba bskyed pa ste/ de la sangs rgyas bye ba phrag brgyad cu rtsa bzhis bshad pa zhes pa ni 'dir gnyis su go bar bya ba ste/ gcig ni dam pa'i chos 'di nyid la mchog tu spro ba dang dang ba dang 'jug pa'i rgyu chen por gsungs so/ /gcig ni dus gsum gyi de bzhin gshegs pa thams cad kyis lus dang ngag dang yid rnam par dag pa las yang dag par rdzogs pa'i byang chub 'grub pa'i chos gsungs te/ de bzhin du dam pa'i chos 'di nas gsung ba'i phyir bshad pa bshad kyis zhes bya ba'o/ /de la nyon cig ces bya ba ni/ rna ba gtod pa'i ched du sgrubs shig ces bya ba'i don to/ de nas lha'i dbang po brgya byin gyis yang bcom ldan 'das la me tog man da ra ba dang/ me tog sna tshogs pa dang/ rin po che'i dbu rgyan dang phrag gdub dang/ dpung rgyan dang/ snyan cha dang/ do shal dang/ se mo do la sogs pa rgyan gyi khyad par sna tshogs kyis mngon par mchod de lan brgya phrag stong du mar bskor bar byas shing phyag 'tshal nas/ bcom ldan 'das legs so/ /bde bar gshegs pa legs so zhes bya bas mnyes par byas nas/ bcom ldan 'das lha dang bcas pa'i 'jig rten la phan pa dang bde bar bgyi ba dang/ ma 'ongs pa'i sems can ngan song gi rgyud gsum las rnam par thar par bgyi ba'i slad du legs par bshad du gsol zhes bya ba ni lha'i dbang po brgya byin bcom ldan 'das kyis rang gi 'dod pa'i bsam pa skong ba dang/ dam pa'i chos rgya chen po gsungs pa la yang dag par rjes su yi rang ba'i dga' bas lha'i mchod pa bla na med pa rnams kyis mngon par mchod
- 27b
de bar du dga' ba'i tshig phul te/ de la man da rab dang ma nad re ba chen po ni lha'i me tog gi khyad par ro/ /rnam pa sna tshogs pa ni thun mong gi me tog utpal la sogs pa'o/ /dbu rgyan ni dbu la'o/ /gang du bu ni phyag gi mkhrig pa la'o/ /dpung rgyan ni dpung pa'i rtsar ro/ /snyan cha ni snyan gyi shal gyi nang du'o/ /do shal ni mgul du'o/ /se mo de ni se ral khar yang dag par phul ba dang/ rgyan gyis khyad par sna tshogs pa ni sor gdub dang/ rkang gdub dang/ chu khor la sogs pas dam pa'i chos dang/ ston pa po rnams btsun par bya ba dang/ mnyes par bya ba'i phyir mchod pa ste/ legs so zhes pa'i tshig gsum po ni dga' ba dang/ rab tu dga' ba dang/ mchog tu dga' ba skyes pa'i don to/ /lha dang bcas pa ni mi la sogs pa'i 'jig rten thams cad de/ de dag la phan pa ni sdug bsngal las thar pa'o/ /bde ba ni bla na med pa yang dag par rdzogs pa'i byang chub thob par bya ba'i phyir zhes bya'o/ /ma 'ongs pa'i sems can ni skye ba phyi ma rnams te/ de dag ngan song gsum gyi rgyu ni dmyal ba dang yi dags dang dud 'gro'o/ /de las rnam par thar bar bgyi ba'i slad du thabs bla na med pa bshad du gsol zhes pa ste/ dus rnam pa gsum ni rgyu la bsams te smras pa'o/ /de la tshangs pa la sogs pa mang po rnams kyis 'di skad ces gsol to/ /legs so bcom ldan 'das legs so bde bar gshegs pa ci nas kyang ma 'ongs pa'i sems can rnams kyis mtshan tsam thos pas kyang/ ngan song gsum gyis lam las rnam par grol te/ bde 'gro lha'i 'jig rten nam mi'i 'jig rten du skyes pas bla na med pa yang dag par rdzogs pa'i byang chub thob par bgyi ba'i slad du bshad du gsol zhes pa ni 'dir tshangs pa dang khyab 'jug la sogs pa thams cad 'dus pa'i logS mang po rnams kyis dus gnyis la bsams te/ byin brlab mchog tu che ba dag gis sdug bsngal gsum las grol te/ bde ba dang bde ba bla na med pa yongs su thob par bya pa'i phyir/ dga' pa'i tshig gis zhu pa gsol ba ste/ de la kha cig ni 'dir 'khor 'dus pa'i tshogs der
- 28a
'khor rnams kyi gtso bor byang chub sems dpa' rnams kyis ni ma zhus la brgya byin la rgyu yod pa'i phyir zhus te/ de la brgya byin gyis zhus pas chog mod tshangs pa la sogs pas zhu ba'i skabs ni ma yin te/ dgos pa med pa'i phyir ro zhes zer na/ de ni 'di ltar byang chub sems dpa' rnams kyis ni de ji lta ba bzhin du mkhyen la/ brgya byin ni bcom ldan 'das nyid kyis lha'i bu la brten bca' ba'i phyir zhus te/ 'od zer gyis bskul ba nyid do/ tshangs pa la sogs pa'ang 'dir dam pa'i chos bla na med pa gsungs pa lam gus pa med pa'i phyir dang/ rjes su yi rang bar bya ba'i phyir dang/ skyes bu dam pa rnams legs pa dang/ snyan pa'i tshig thos nas ha cang mi smra bar 'dug pa'i rigs ma yin pas na legs so legs so zhes pa'i tshig gnyis pa ni dga' ba dang/ mchog tu dga' ba'o/ ci nas kyang zhes pa ni rnam pa thams cad kyi sgo nas zhes pa'o/ /ma 'ongs pa'i sems can ni skye ba phyi ma rnams zhes pa'i don to/ /mtshan tsam thos baS kyang zhes pa ni byin gyis brlabs pa dang/ yon tan dam pa'i chos gzhan las khyad par du mnga' ba'i chos te/ dper na sman thams cad kyi mchog tu gyur ba hu lu hu lu zhes bya ba'i ming tsam brjod pa'am thos pas srin bu ma rungs pa kum pi tas zin pa dag de'i sdug bsngal las thar bar 'gyur ba bzhin du de bzhin gshegs pas kyang mtshan tsam thos pas kyang ngan 'gro'i sdug bsngal las thar par 'gyur ba'i byin gyiS brlabs khyad par du 'phags pa dag gis ngan song gsum gyi lam las rnam par grol ste/ bde 'gro'i gnas su dam pa'i chos yongs su spyad pa las bla na med pa yang dag par rdzogs pa'i byang chub par bya ba'i phyir bshad du gsol zhes pa ste/ de dag gis ni rkyen rnam par dag pa zhes bya'o// //de nas bcom ldan 'das kyis brgya byin dang tshangs pa la sogs pa lha'i bu de dag/ de bzhin gshegs pa thams cad kyi snying po 'dis byin gyis brlabs pa'i phyir/ gdon mi za ba'i rdo rje'i byin gyis brlabs zhes bya ba'i ting nge 'dzin la
- 28b
snyoms par zhugs so/ /snyoms par zhugs nas kyang gdon mi za bar mi tshoms pa'i rdo rje byin gyis brlabs zhes bya ba'i snying po 'dis byin gyis brlabs so/ /oM badzra a tiSh+Tha na dz+nyA na sa ma ye hUM zhes pa ni 'di ltar theg pa chen po gsang sngags bla na med pa'i dkyil 'khor chen po gsungs pas na/ de dag snod du rung bar bya ba'i phyir byin gyis rlob pa nyid do/ /de la bcom ldan 'das kyis brgya byin dang tshangs pa la sogs pa'i lha dang klu dang lha ma yin la sogs pa'i 'khor bye ba khrag khrig dpag tu med pa rnams theg pa chen po gsang sngags kyi dbang daM pa bskur ba'i? phyir gdon mi za ba'i rdo rje byin gyis brlabs zhes bya ba'i ting nge 'dzin la snyoms par zhugs so/ /de la ting nge 'dzin nges lha la sogs pa'i sems can thams cad gsang sngags kyi snod du gdon mi za bar byin gyis rlob cing/ de la sku gsung thugs kyi rdo rje nges par 'grub pa dang/ sems can thams cad the tshom mi za bar ngan 'gro'i rgyud las thar zhing gnyis su med pa'i ye shes rdo rje lta bu thor par byed pa'i ting nge 'dzin de la gdon mi za bar rdo rje byin gyis brlabs zhes bya ste/ tshangs pa la sogs pa'i tshig gis 'bras buAng de nyid du sbyar ro/ /de la ting nge 'dzin de lta bus las gsang sngags de 'dra ba dag gsungs pa de bzhin gshegs pa thams cad kyi snying po gdon mi za bar mi tshoms pa'i rdo rje zhes bya ba'i snying po ste/ oM badzra a tiSh+Tha nadz+nya sa ma ye hUM zhes pa'o/ /de la de ni dper na mi gang dag rang gi sems la gang bsams pa dang/ mthun pa'i tshig smras pa bzhin du de bzhin du de bzhin gshegs pa yang mnyam par bzhag pa dang mnyam pa'i snying po gsung pa kho na'o/ de bzhin gshegs pa thams cad ni phyogs bcu dus gsum na bzhugs pa'i sangs rgyas rnams te/ de dag ni phyag rgya bzhi las grub pa'o/ /'dir yang bcom ldan 'das kyis phyag rgya bzhis 'gror? du 'dus pa thams cad byin gyis brlabs te/ byin gyis brlabs pa ni rung bar bya ba'i phyir dbang zhes pa kho na'o/ /de la gang dag phyag brgya bzhi ji ltar mngon zhe na 'di ltar oM dang rdo rje ni phyag rgya chen po'o/ /byin gyis brlabs pa ni las kyi phyag rgya'o/ /ye shes ni chos kyi phyag rgya'o/ /dam tshig dang
- 29a
hUM ni dam tshig gi phyag rgya ste/ de ltar 'khor 'dus pa thams cad phyag rgya bzhis dbang bskur ba nyid do/ /yang de bzhin gshegs pa thams cad kyi sku gsum mngon par grub pa ste/ de la oM ni lus kyi dbang ste/ lus rnam par dag pa'i snod du byas pa'i sku mngon par grub pa nyid do/ /A:ni ngag gi dbang ste/ ngag rnam par dag par byas pa'i sku mngon par 'grub pa nyid do/ /hUM ni yid kyi dbang ste/ yid rnam par dag par byas pa las chos kyi sku mngon par grub pa nyid do/ /yang 'dir de bzhin gshegs pa thams cad ni dbang bcus yang dag par rdzogs pa'i sangs rgyas mngon par grub pa ste/ de bzhin du 'dir yang lha la sogs pa la dbang bcus dbang bskur ba nyid do/ /de ltar oM ni yi ge lnga'i ngo bos rigs lngar thams cad la shes par bya la de la badzra ni sangs rgyas kyi dbang ngo/ /A ni dum pa'i dbang ngo/ b+hi ni gzungs kyi dbang ngo/ /sgra ni phyag rgya'i dbang ngo/ /na ni las kyi dbang ngo/ /dz+nyA ni 'khor lo'i dbang ngo/ /na ni bdag po'i dbang ngo/ /sa ni gsang ba'i dbang ngo/ /ma ni phreng ba'i dbang ngo/ /ye thabs dang shes rab kyi dbang ngo/ /de la hUM dam tshig gi dbang ste/ spyir khyab par bstan to// de ltar 'bor? 'dus pa thams cad la de bzhin gshegs pa'i byin gyis brlabs kyis dbang thams cad rdzogs par dbang bskur nas snod du rung bar byas nas/ rig sngags dang gsang sngags thams cad kyi dkyil 'khor chen po yongs su gsungs te/ des na gang dag mi shes pa rnams? ngan song sbyong? ba'i rgyud 'di ni bcom ldan 'das kyis lha la sogs pa'i 'jig rten thams cad 'khor du bsdus nas gsungs pa'i phyir da ltar yang dbang ma bskur bar thams cad la bshad du rung ngo zhes pa de yang gsal lo/ /de nas yang bcom ldan 'daS kyis ngan song thams cad yongs su sbyong ba'i rgyal po zhes bya ba/ de bzhin gshegs pa thams cad kyi snying po 'di nyid kyi thugs ka nas phyung ngo/ /oM sho d+ha ni sho d+ha ni/ sarbba pA paM pi sho d+ha ni/ shud+d+hwe bi shud+d+he sarbba karma a par na bi shud+d+he swA hA/ rig sngags chen po 'di bshad ma
- 29b
thag tu sems can thams cad ngan song gi rgyud kyi 'ching ba thams cad rnam par gcod do/ /ngan 'gro thams cad rnam par sbyangs so/ /sdug bsngal mi zad pa rnams rab tu zhi ste/ skye bo mang po rnams bde ba dang ldan par gyur to zhes pa ni dang po'i sngags gcig pos dam tshig la yongs su bkod de/ de nas mngon par rtogs pa la bkod pa'i phyir de bzhin gshegs pa'i rigs kyi de bzhin gshegs pa thams cad kyis rtsa ba'i sngags gsungs pa ste/ de la de bzhin gshegs pa thams cad ni de bzhin gshegs pa'i rigs kyi de bzhin gshegs pa thams cad do/ /ngan song thams cad yongs su skyong ba ni sdig ba thams cad yongs su sbyod pa nyid dang/ rgyal po ni 'khor los sgyur pa ni bcom ldan 'das rnam par snang mdzad nyid do/ /rang nyid de thugs ka'i nu ma gnyis kyi bar nas bcom ldan 'das nyid ci 'dra ba'i cha lugs can phyogs bzhir zhal bzhi dang ldan pa thams cad nas sku rigs dang mthun par ston cig rig pa chen mo de gsungs zhing phyung ste/ de la rigs pa ni 'di yin no/ /de la gsang sngags la sogs pa sngags thams cad kyi slad du/ oM smos pa'i dgos pa ni rnam pa gsum ste/ gcig ni phyogs bcu dus gsum gyi bde bar gshegs pa thams cad pa mchod pa'i yo byad rnam pa lngas mchod par bya ba'i phyir ste/ dper na bram ze rig byed gdon pa'i dang por rig byed kyi bdag po lha tshangs pa la mchod par bya ba'i phyir/ rig byed rnams kyi dang por oM smos pa bzhin no/ /de la gang dag 'di skad du mchod par brjod pa tsam ni 'gal ba yang med na mchod pa'i yo byad lngar nges pa ni ji ltar rigs zhe na/ 'di ltar oM ni yi ge rnam pa lnga dang ldan pas arga la sogs pa'i yo byad lnga yod pa kho nas arga la sogs pa ci rigs par sbyar ro/ /gcig ni bde bar gshegs pa rigs lnga'i gtso bos 'byung ba lngas bskyed pa'i sems can rnams kyi don mdzad pa'i phyir/ dang po oM kho nar nges so/ /gcig ni bskal ba'i rim pa dang sbyar nas gsungs te/ de la oM ni bskal ba chags pa dang sbyar ro/ /bar gyi sngags ni bskal
- 30a
par gnas par dgongs te yun ring po'i phyir ro/ /mdza' i swAhA la dgongs pa ni 'jig pa dang sbyar nas gsungs pa ste/ yongs su rdzogs pa kho na'o/ /de la 'dir bcom ldan 'das kyis sngags kyi tshig bzhi gsungs pa ni dang pos ni las kyi sgrib pa rnam par dag par byed pa'o/ /gnyis pas ni nyon mongs pa bsgrib pa rnam par dag par byed pa'o/ /gsum pas ni shes bya'i sgrib pa rnam par dag par byed pa'o/ /bzhi pas ni skye ba'i sgrib pa rnam par dag par byed pa'i phyir/ rnam par dag par byed pa'i sngags kyi tshig bzhi po kho na nges pa'o/ /de la 'dir gang dag 'di skad du/ de bzhin gshegs pa'i thugs ka nas snying po gsungs pa ni gsal la sku phyung ba ni ji ltar shes she na/ rnam par snang mdzad mngon par byang chub pa'i le'u sum cu rtsa gsum pa las/ shin tu zhi ba'i gzugs can mdzes/ /ston ka'i zla ltar rab gsal ba/ /oM sogs sngags ni rab gsungs zhing snying ga nas byon dbus su bzhugs zhes gsungs pa'i phyir ro/ /rig pa ni rnam pa gnyis te/ de ltar rig pa dang dus gsum du rig pa'o/ /de la da ltar rig pa ni 'jig rten pa'i lha tshangs pa la sogs pa'o/ /ku gsum rig pa ni rnam pa thams cad mkhyen pa ste/ sngags ni yid skyob par byed pa'i phyir ro/ /che ba ni byin brlabs chen po'o/ /mo'i rtags ni skyed par byed pa ni/ ye shes skyed par byed pa'o/ /de zhes bya ba'i sgra ni 'das ma thag pa ste/ bshad ma thag pa sems can thams cad ngan song gi rgyud kyi 'ching pa thams cad rnam par gcod do/ /ngan 'gro thams cad rnam par sbyangs so/ /sdug bsngal mi zad pa rnams rab tu zhi ste skye bo mang po rnams bde ba dang ldan par 'gyur ro zhes pa ni dgongs pa rnam pa gnyis te/ 'bras bu la dgongs pa dang rgyu la dgongs pa'o// de la 'bras bu la dgongs pa ni bshad ma thag pa'i sgras skad cig ma ste/ rdzogs pa'i mdza' i skad cig mar nyon mongs pa thams cad ni spangs/ 'khor ba'i sdug bsngal ni zhi ste bde ba chen po'i rdo rje 'dzin pa thob par gyur pa la dgongs pa'o/ /rgyu la dgongs pa ni sems sna
- 30b
thams cad spo ba chen po bskyed de/ 'bad pa drag pos yongs su bsgrub par byed pa 'jug pa'i yan lag la dgongs pa'o/ /de nyid kyis ni lha'i dbang po brgya byin gyis tshig gi don yang yongs su rdzogs par byas pa'o/ /de nas gzhan yang gsang ba'i snying po 'di gsungs so/ /oM sho b+ha ni sho lha ya/ sarba a pa ya na sarba sa tre b+hya hUM/ lha'i dbang po gzhan yang 'di ni de bzhin gshegs pa thams cad kyi snying po/ oM sarba a pa ya na bi sho d+ha ni hUM phaT/ lha'i dbang po gzhan yang 'di ni de bzhin gshegs pa thams cad kyi snying po'o/ /oM tra tha a lha'i dbang po gzhan yang 'di ni de bzhin gshegs pa thams cad kyi ngan song sbyong ba'i snying po'o/ /oM hUM zhes pa 'dir rigs bzhi'i bde bar gshegs pa'i snying po gsungs pa ste/ de la bcom ldan 'das dpal rnam par snang mdzad kyi spyan gnyis nas rdo rje rigs kyi de bzhin gshegs pa thams cad kyi sku bcom ldan 'das de bzhin gshegs pa ngan song thams cad yongs su sbyong ba'i rgyal po phyung ste/ de bzhi la nas snying po gsungs pa ni/ oM shod+ha ni shod+ha ya sarba a pa ya na sarba sa twe b+hya hUM zhes pa'o/ /de'i don ni 'di ltar tshig rnam pa gsum ste/ de la dang po ni sdig pa thams cad yongs su sbyong bar byed pa'o/ /gnyis pa ni ngan song thams cad rnam par sbyong ba'o/ /gsum pa ni sems can la bde ba chen po'i sku ster ba kho na'o/ /de la gang dag 'di skad du dang po'i snying po ni thugs ka nas phyung bar gsal la/ 'di spyan gnyis nas phyung bar ji ltar mngon zhe na/ de yang dang por 'di ltar dang por smos pa'i rgyud la/ /mtshan rnams kun gyis rab rdzogs shing/ /zla ba rgyas pa pad+ma'i mdog/ bde gshegs spyan nas phyung nas ni/ /sngags rnams gsungs shing mdun du bzhugs zhes gsungs pa'i phyir ro/ /snying po gnyis pa ni bcom ldan 'das kyi snyan nas rin po che'i rigs kyi de bzhin gshegs pa thams cad kyi sku bcom ldan 'das rin po che'i tog phyung ste/ de'i zhal nas snying po gsungs pa ni/ oM sarba a pa ya/ sho d+ha ni hUM phaT ces pa ste/ de la de'i don
- 31a
ni 'di ltar zhe sdang thams cad yongs su sbyong zhing ngan song thams cad yongs su sbyong bar byed pa kho na yin pas na tshig gnyis su rnam par phye pa'o/ /de la dang po'i lan gyis yongs su 'dre bas rgol ba dag mi 'byung na yang yid ches par bya ba'i phyir khungs dbyung ba ni gong ma bzhin du nam mkha' i mdog la dri med rgyas/ /spyod pa rnam par grol mdzad pa/ /bde gshegs snyan nas phyung nas ni/ /g.yas phyogs su ni rab tu bzhugs zhes gsungs so/ /snying po gsungs paS ni bcom ldan 'das rnam par snang mdzad kyi shangs kyi bu ga gnyis nas pad+ma'i rigs kyi de bzhin gshegs pa thams cad kyi sku bcom ldan 'das de bzhin gshegs pa shAkya thub pas phyung ste/ de'i zhal nas snying po gsungs pa ni/ oM oM twa tha a zhes pa'o/ /de la de'i don ni 'di ltar yi ge rnam pa gsum ste/ de la dang pos ni bar du gcod pa'i bgegs thams cad skrag par byed pa'o/ /gnyis pas ni yang dag pa'i don kho na nyid rtogs par byed pa'o/ /gsum pas ni phyis 'khor ba'i 'dam du mi ltung ba'i don to/ /de yang gong du gsungs pa'i rgyud las/ /gser mdog 'od rnams ? mdzad pa/ /skyes bu khyu mchog bla na med/ /bde gshegs shangs las phyung nas na/ /sngags rnams gsung zhig rgyab phyogs bzhugs zhes gsungs so/ /snying po bzhi pa ni bcom ldan 'das rnam par snang mdzad kyi zhal gyi ljags kyi rtse mo nas las kyi rigS kyi de bzhin gshegs pa thams cad kyi sku bcom ldan 'das me tog chen po rgyas pa phyung ste/ de'i zhal nas snying po gsungs pa ni hUM zhes pa ste/ de la de'i don ni 'di ltar rdo rje thod kyi rgyud las/ hUM las rang 'byung sna tshogs mdog/ rdo rje bzhi dang yang dag ldan/ /las rnams thams cad byed par brtsom/ /phyogs rnams kun tu rnam par khyab ces gsungs te/ de bas na bcom ldan 'das me tog chen po rgyas pas hUM zhes bya ba las/ 'gro ba'i don ma lus par mdzad cing sku gsung thugs kyi rdo rje 'grub par byed pa'i don to/ /de yang rim pa'i
- 31b
rjes las/ rin chen ma rgad mdog 'dra ba/ /spyan mig rgyas shing mtshan mchog ldan/ /bcom ldan zhal nas phyung nas ni/ /sngags rnams gsung zhing g.yon phyogs bzhugs/ /zhes gsungs so/ /de la gsang ba ni rtogs par dka' pa ste/ gnod dang mi ldan pa la snga bar bya zhes sbyir shes par bya'o/ /de bzhin gshegs pa ni chos thams cad rang bzhin gyis rnam par dag pa las byung la de yis de bzhin du slar gshegs pas na de bzhin gshegs pa'o/ /thams cad ni ma lus pa ste/ dus gsum na bzhugs pa rnams so/ /snying po ni gnyis su med pa'i ye shes te/ de sgrub par byed pa'i sngags la snying po'i sngags zhes bya'o/ /snying po de dang nye ba'i snying po zhes gsungs pa ni snying po ni 'das ma thag pa'o/ /nye ba'i snying po ni 'og ma rnams la dgongs te gsungs pa ste/ de'i yan lag tu dgongs shing de la nye bar byed pas na nye ba'i snying po'o/ /lha'i dbang po gzhan yang mdor na dran pa tsam gyis kyang bsod nams chung ba'i sems can rnams ngan song gi rgyud thams cad las bde blag tu rnam par grol bar 'gyur ba ni 'di yin no/ /na mo b+ha ga ba ti sarba du rga ti pa ri sho d+ha ni dA dza ya/ ta thA ga ta ya ad+ha te saM myak si bud+ha ya/ tadya thA/ oM sho d+ha ni sho d+ha ni sarba pA baM bi sho d+ha ni/ shud+d+ha bi shud+d+ha sarba karma a bar Na/ bi sho d+ha ni swA hA/ zhes gsungs pa ni 'di ltar bcom ldan 'das nyid kyis rigs lnga'i de bzhin gshegs pa thams cad kyi rtsa ba'i sngags gsungs pa ste/ de la mdor na zhes pa ni bsdus pa'i don to// dran pa tsam gyis zhes pa gnyis su shes par bya ste/ yud tsam dran pa dang rtag par dran pa'o/ /bsod nams chung ba'i sems can rnams ngan sor thams cad las bde blag tu grol bar 'gyur ba zhes pa ni dran pa gnyis pa laS dgongs nas dran pa dang po 'jug par spro ba bskyed pa'o/ /de yang 'bras bu ni pa gnyis te/ dang pos ni bde ba thob par byed pa'i 'bras bu gnyis pa ni bde ba chen po kun tu bzang po'i sku thob par byed pa ni 'bras bu 'byin pa'o/ /grol ba ni rnam pa gnyis te/ dang pos ni sdug bsngal mi zad pa las grol bar 'gyur ba dang/ gnyis pas ni kun nas
- 32a
sdug bsngal ba las grol bar 'gyur ba'o/ /'di zhes pa ni sngags 'di lta ste/ 'dir tshangs pa la sogs pa'i tshig gi lan yang sbyar ro/ /'dir sngags kyi don ni rnam pa gnyis te/ phyag 'tshal zhing mchod par brjod pa dang gong du bstan pa ltar sgrib pa rnam pa bzhi yongs su dag par byed pa'o/ /rtsa ba'i rig pa zhes pa rtsa ba ni rnam pa gnyis/ gcig ni sdug bsngal gyi rtsa ba gcod par byed pa'i phyir ro/ /gcig ni las thams cad la sngags rnams kyi dang por 'di brjod par gsungs pa'i phyir rtsa ba'o/ /rig pa ni ye shes te skyed pa'i phyir rig pa zhes bya zhing/ de ni de bzhin gshegs pa rnams kyi rtsa ba'i sngags zhes bya ba kho na'o/ /oM sarba bid sarba a par na bi sho d+ha ya ha na hUM phaT/ oM sarba bid hUM/ oM sarba bid phaT/ oM sarba bid a/ oM sarba bid tra tha/ oM sarba bid aM/ oM sarba bid hUM/ oM sarba bid swa/ oM sarba bid a/ oM sarba tra? tha/ oM sarba bid sha/ oM sarba bid b+ha/ de dag la sogs pa'i sngags kyi don ni 'di ltar rigs bzhi'i de bzhin gshegs pa rnams kyi nye ba'i snying po dang/ sku bskyed pa'i sa bon du shes par bya ste/ de la dang po ni bcom ldan 'das thams cad rig pa rnam par snang mdzad kyi nye ba'i snying po nyid do/ /gnyis pa ni bcom ldan 'das ngan song sbyor ba'i nye ba'i snying po'o/ /gsum pa ni bcom ldan 'das rin po che tog gi nye ba'i snying po'o/ /bzhi pa ni bcom ldan 'das shAkya thub pa'i nye ba'i snying po'o// lnga pa ni bcom ldan 'das me tog chen po rgyas pa'i nye ba'i snying po'o/ /yang drug pa ni sku dang po bskyed pa'i sa bon no/ /bdun pa ni sku gnyis pa bskyed pa'i sa bon no/ /brgyad pa ni sku gsum pa bskyed pa'i sa bon no/ /dgu pa ni sku bzhi pa bskyed pa'i sa bon no/ /ngan? pa ni sku lnga pa bskyed pa'i sa bon no/ /bcu gcig pa ni chos thams cad stong pa nyid du bsgoms par bya ba ni don gyi sa bon no/ /nang gi khrus zhes bshad do/ /bcu gnyis pas ni bar du gcod pa'i bgegs cad las bsrung pa'i phyir/ bsrung pa'i 'khor lo rdo rje 'gros kyi?
- 32b
mtshams bcad pa dang/ rdo rjer ba dang/ sa gzhi dang gur la sogs pa bsrung bar bya ba'i don gyi sa bon no/ /de la gang dag 'di skad du snying po'i skabs su tra tha zhes shAkya thub pa'i snying por gsungs la/ nye ba'i snying po dang sku bskyed pa'i skabs su tra tha zhes pa me tog chen po rgyas pa'i nye ba'i snying po dang/ sku bskyer pa'i sa bon du bzhag pa ni rigs pa ma yin te/ dper na sgo nga gcig las bye'u phrug gnyis mi 'ong pa bzhin no zer na de ni ma nges pa nyid do/ /'di ltar kun nas nyon mongs pa ni ma yin gyi rnam par byang ba'i bdag nyid kyi sa bon gcig la de bzhin gshegs pa'i sku dang/ brjod pa dpag tu med pa 'byung ba yang yod la/ phan tshun du 'gal ba med pa nyid yin pas mi 'gal ba nyid de/ de'i rigs pa ni bdag gi rtsal du mi khyer zhing rnam par snang mdzad kyi rgyud las rig sngags thams cad rgyas par gsungs pa'i skabs su oM bai ro tsa na oM badzra satwa hUM/ ratna ke du swa/ shAkya mu ne tra tha A gats+tsha zhes sngags rnams kyi mdza' i yi ge yongs su phye ba nyid dang/ 'di nyid gzhung du bcom ldan 'das kyi snying po lnga pa la/ tra tha a zhes gsungs pas na the tshom mi za ba nyid du bya ste nges pa'i don to/ /de nas de dag gi phan yon yang dag par gsungs pa'i lta'i dbang po de bzhin gshegs pa dgra bcom pa yang dag par rdzogs pa'i sangs rgyas/ ngan song thams cad yongs su sbyor ba'i gzi brjid kyi rgyal po'i gsang ba'i snying po 'di/ rigs kyi bu 'am rigs kyi bu mo gang yang rung bas ming tsam nyan tam bcangs sam/ glags sa ma bris nas kyang mgo po'am/ gtsug phud dam mgul du btags te/ 'chang na tshe 'di nyid la dus ma yin par 'chi ba brgyad dam dus ma yin par 'chi ba dag dang 'brel pa dag ni rmi lam gyi rnam pa 'am/ ngan song dang 'brel pa'i mtshan mar de dag thams cad rmi lam duAng mi 'byung na/ dkyil 'khor du ji lta ba bzhin du zhugs la zhugs nas dbang bskur te snying po bzlas brjod byed cing/ sngags kyi don yang bsgom pa gang yin pa lta smos kyang ci dgos te/ sdig pa gang yang nye bar mi 'gyur zhing/ ngan song du yang
- 33a
'gro bar mi 'gyur ro zhes gsungs pa ni da ltar gyis sems can rnams kyis yongs su spyod pa las phan yon dang de dag ni thabs kyi rim pa yang dag par gsungs pa ste/ de bzhin gshegs pa ni don du bstan pa las go bar bya zhing ngan song ni yid du mi 'ong ste/ tshong ba sdug bsngal ba'o/ /thams cad ni ma lus par yongs su sbyong ba'i pha rol tu thar bar byed pa'o/ /gzi brjid 'bar zhing rab tu 'bar ba ste/ nyon mongs pa'i nags tshal sreg cing 'bar bar byed pa'o/ /rgyal po ni nyon mongs pa las rgyal bar byed cing mchog gi bla mar gyur pa nyid de/ de bzhin gshegs pa'i rigs lngar bsdus pa thams cad do/ /gsang ba ni nyan thos la sogs pas rtogs par dka' zhing phyag rgya bzhi rgyas gdab pa nyid do/ /snying po ni ye shes te/ de bskyed par byed pa'i phyir 'bras bu'i ming rgyu la btags pa'o rigs kyi buAm rigs kyi bu mos zhes bya ba ni theg pa chen po'i rigs can bla na med pa'i 'bras bu la mngon par 'dod pa rnams te/ des ni rigs gnyis gsal lo/ /ming tsam nyan tam zhes pa ni theg pa chen po'i rigs can yin yang khyim pa la sogs pa bya ba mang po la zhugs pa'i rigs pa'i sbyor ba mi shes pa rnams kyis mtshan tsam la brten te/ rnam par grol bar bya ba'i phyir gsungs so/ /bcangs sam zhes pa ni glegs bam la brten te/ rnam par grol bar bya ba'i phyir ro/ /glags sam zhes pa ni dag gis las la brten te/ rnam par grol bar bya ba dang/ bris nas kyang mgo bo 'am/ gtsug phud dam dpung pa 'am/ mgul du btags te 'chang zhes pa ni snying po la brten te rnam par grol bar bya ba'i phyir te/ de ni 'di ltar gro ba'am shing shun nam/ ras la 'khor lo rtsibs bcu gnyis pa lte ba dang rtsibs dang mu khyud du bcas pa tsadan dkar pos byugs pa'i steng du bris la de'i steng du gur gum gyis lte ba la rtsa ba'i sngags chang bar bri'o/ /de nas rtsibs rnams ni rim pa ji lta ba bzhin sngags bcu gnyis po bri zhing/ /mu khyud la ni rigs
- 33b
lnga'i phyag rgya dang/ ma ma rak+Sha zhes pa bdag ming 'di bsres pa bris te/ cho ga shes pa'i rnal 'byor pas rig pa chen po stong gis mngon par sngags la rab tu gnas par byas la gser ram dngul lam la cha'am/ ras la sogs pa'i nang du btums te gdags par bya'o// de la phan yon ci yod ce na/ dus ma yin par 'chi ba brgyad ni chu la sogs pa ste/ de bdag dang 'brel pa ni skrag pa dang/ sdangs pa la sogs pa'o/ /yang na ngan song dang 'drel pa'i sdig pa'i las byed pa sdig pa'i grogs po dang 'grogs pa dang/ de dag dang lhan cig tu gnas ba la sogs pa ste/ de dag rmi lam duAng mi 'byung ba zhes pa ni dkyil 'khor du 'jug pa'i yan lag tu yang dag par spro ba bskyed pa'i tshig? go /dkyil 'khor ji lta ba bzhin du bzhugs pa ni lha'i dkyil 'khor gzhung las 'byung ba bzhin du bris pa la cho ga bzhin du dbang bskur nas zhes pa ni dkyil 'khor du bzhugs pa'i phan yon gong mas sa khyad par du 'phags pa cig yod par shugs kyis go bar bya'o/ /de ltar gong nas gong du 'bras bu khyad par du 'phags pa yod pa ni snying po bzlas brjod byed pa dang sngags kyi don yang dag par bsgom pa gang yin pa lta smos kyang ci dgos te/ ngan song du 'gro bar mi 'gyur ro/ /zhes bya bar 'brel te/ sngags kyi don bsgom pa ni 'og nas 'chad par 'gyur bas 'dir ma bshad do/ /skyes pa 'am bud med dam lha 'am klu 'am gnod sbyin nam srin po 'am byol song dam yi dags sam/ sems can dmyal ba la sogs pa ste/ gang yang rung ba shi ba'i lus dkyil 'khor du bcug ste dbang bskur na sems can dmyal bar skyes na 'ang/ de ma thag tu rnam par thar nas lha'i ris su skye bar 'gyur ro lha'i ris der skyes nas kyang/ de bzhin gshegs pa thams cad kyi chos nyid mngon du byed de/ de bzhin gshegs pa thams cad la bsnyen bkur la sogs pa'ang byed phyir mi ldog par yang 'gyur/ rgyud nges pa can duAng 'gyur/ de bzhin gshegs pa'i thams cad kyi rigs suAng skye/ sgrib pa thams cad rab tu spangs nas de bzhin gshegs
- 34a
pa'i rigs sam/ lha'i rigs sam/ gzhan gang yang rung bar bde ba myong bar 'gyur zhing lha'i dbang po mdor na 'jig rten nam 'jig rten las 'das pa'i bde ba thams cad myong bar 'gyur ro/ /zhes gsungs pa ni gong bzhin du bstan ma thag pa'i bdag gi don phun sum tshogs pa 'tsho ba da ltar bdag la dgongs te gsungs la/ 'di ni gzhan gyi don phun sum tshogs pa rnams kyi don mdzad pa dang/ de dag gi phan yon yongs su gsungs pa yin te/ lha'i bu nor bu dri ma med pa'i 'od kyis 'das ma thag pa'ang sbyar bar bya'o/ /de la skyes pa 'am bud med la sogs pa ni skyes pa 'am bud med la sogs pa ste/ gang yang rung ba ni gcig gi lus so/ /de cho ga shes pa'i rnal 'byor pas dbang bskur ba ni 'di ltar ngan song thams cad yongs su sbyor ba'i dkyil 'khor 'og nas 'byung ba bzhin du bris te/ rab tu gnas pa la sogs byas la/ ngo? chu dang dri la sogs pas yang dag par bsdus te/ rgyan dang cha lugs ji lta ba bzhin du rgyan nas snying gar thal mo sbyar ba'i rtse mo la me tog gam rin po che la sogs pa thogs su bcug ste/ pha 'am ma la sogs pas de'i tshig ji lta ba bzhin du gsol ba gdab cing dbang bcu? yongs su rdzogs par bskur bar bya ba'i ting nge 'dzin gyis de'i rnam par shes pa bkug pa la'o/ /de nas lus de gang la bab? pa'i rigs kyi lhar rab tu gnas par bya ste/ mchod pa rnams kyis rtag tu mchod cing khang bu la sogs pa'i nang du bzhag par bya'o/ /cho ga zhib? mo? ni 'og nas 'chad par 'gyur ro/ /de la gang dag 'di skad du lha dang mi la sogs pa la ni cho ga 'di rigs la gzhan dag ni mi'i spyod yul du ma gyur pas 'gal ba nyid zhen de ni bde bar gshegs pa'i bka' yongs su mi shes pa'i dbang gis rmongs pa yin te/ 'di ltar mi tha mal pa'i spyad yul kho nas byed pa na lha'ang mi'i spyod yul du ma gyur ram/ yang na 'di ltar lha'i bu nor bu dri ma med pa'i 'od kyi lus la dbang bskur ba la sogs pa byas pas ngan 'gro las yongs su thar bya?
- 34b
de yang mi rnams kyis byas pa las ngan 'gro las thar par 'gyur ram/ de bas na de'i rigs pa ma yin zhing 'di ltar lha dang klu la sogs pa shi ba'i lus la dbang bskur ba la sogs pa bya zhes gsungs pa ni bcom ldan 'das kyi 'khor der 'dus pa rnams la byin gyis brlabs pas nus pa dang ldan pa ste/ de dag nyid kyis de dag gi rigs rnams la bya zhes sbyar bar bya'o/ /de la dud 'gro mi'i 'jig rten du spyod pa rnams ni mi rnams kyis bya bar gsungs te/ mi 'gal ba nyid do/ /de la cung zad bag tsha ba'i gnas su gyur pa ni dmyal ba dang yi dags rnam pa gnyis te/ de yang 'di ltar mngon par zhen pa rnam pa lnga dang ldan pa ting nge 'dzin khyad par du gyur pas thob pa'i gang zag rnams kyis mchog gi snying rje chen pos dus gsum du mnyam par bzhag ste bltas la/ de nas dmyal ba la sogs pa rang gi tshe'i tshad zad pa rnams sdug bsngal chen po las thar bar bya pa'i phyir ting nge 'dzin dang/ rdzu 'phrul gyis de dag gi gnas su de dag gi gtso bo'i gzugs kyis phyin la shi ba'i ro la dbang bskur bar bya ba nyid de/ de yang bcom ldan 'das kyis theg pa chen po mdo sde rin po che'i mdzod pas/ rang dga' la sogs dar? gnas pa'i/ /rigs kyi bu de dmyal gnas su/ /dam pa'i chos 'di sgrog pa dang/ /de dag sdug bsngal zhi bar byed/ /ces gsungs pa'i phyir ro/ /de ltar dbang bskur ba las bde ba'i mchog rnam pa gnyis thob par 'gyur ba kho na ste /de la dmyal pa'i gnas su skyes na'ang zhes pa ni rnam pa gnyis la dgongs pa ste/ rnam par smin pa la dgongs pa dang/ dus 'das pa la dgongs pa'o/ /de ma thag tu rnam par thar nas zhes pa ni de'i stobs kyis de'i skad cig ma la thar ba'o/ /lha'i rigs su skyes nas kyang/ de bzhin gshegs pa thams cad kyi chos nyid mngon sum du byed/ de bzhin gshegs pa thams cad bsnyen bkur la sogs pa'ang byed phyir mi ldog par 'gyur rgyud nges pa can duAng 'gyur zhes pa ni byang chub sems dpa' rnams su skyes nas nges de bzhin gshegs pa'i chos nyid la slab pa nyid do/ /sgrib pa rnams rab tu spangs
- 35a
nas de de bzhin gshegs pa thams cad kyi ris su skye bar 'gyur ro zhes pa ni rdzogs pa'i mdza' i skad cig ma la rdo rje lta bu'i ting 'dzin gyis nyon mongs pa thams cad bcom nas bla na med pa yng dag par rdzogs pa'i byang chub mngon par rdzogs par 'tshang rgya bar 'gyur ro/ /gzhan yang lha'i rigs sam gang yang rung bar bde ba myong? bar 'gyur ba dang zhes pa'i rigs chad pa'i gang zag rnams la dgongs te de dag sdug bsngal chen po mi zad pa las thar te/ bde 'gro lha dang mi dang lha ma yin gyi 'jig rten du skye bar 'gyur ro/ /lha'i dbang por mdor na 'jig rten nam 'jig rten las 'das pa'i phan pa dang bde ba thams cad myong bar 'gyur ro zhes pa ni bsdus pa'i don te/ phan pa ni sdug bsngal las thar ba'o/ /bde ba ni de'i mdza' i skad cig ma de'i 'bras bu ste yongs su rdzogs pa'o/ /de nas lha rnams kyi dbang po brgya byin gyis bcoM ldan 'das la de bzhin du bskor ba byas te phyag byas nas 'di skad ces gsol to/ /bcom ldan 'das ngan song thams cad kyi dbang du gyur pa rnams la phan pa dang bde ba bgyi ba dang/ ci nas kyang sems can de dag ngan song thams cad la rgyab kyis phyogs par bgyi ba dang bla na ma mchis bar yang dag par rdzogs pa'i byang chub bde blag tu rtogS par bgyi ba'i slad du bshad du gsol zhes pa ni 'dir lha'i dbang po brgya byin bcom ldan 'das kyis gsung gi sa bon yang dag par bskyed par bya ba'i phyir gsol ba 'debs pa te/ de la lha ni 'jig rten pa'i lha ste dbang po ni de dag thams cad kyi bdag po 'am gtso bo zhes bya ste/ brgya byin ni 'di ltar rnam pa gnyis te/ skye ba'i dus su mchod pa ni brgya btang ba'i phyir dng/ drang srong rgyas pas mig brgya stong pa'i phyir brgya byin te/ bcom ldan 'das ni rnam par snang mdzad do/ /de bzhin du ni sngar? byas pa bzhin du ston pa po dam pa'i chos la gus par bya ba'i phyir phyag dang bskor bas bsnyen bkur byas te/ dper na bram ze dag gis grong khyer pa rnams la gza' dang skar ma dang gnas kyi bye brag gis phyug pa dang nad nyung bar 'gyur ro zhes brjod nas/ de dag tsam gyis phan par mi
- 35b
'gyur zhing mi shes pa'i phyir gza' ni gang skar ma ni gang dus sam gnas ni ji lta bur byas nas phan par 'gyur zhes 'dri ba dang 'dra bar dang por dkyil 'khor gsungs pas na/ dkyil 'khor ji lta ba zhig dbang ni ji ltar bskur bar mi shes pa'i phyir shugs kyis go bar bya'o/ /de la ngan song thams cad kyi dbang du gyur pa ni mtshams med pa lnga la sogs pa'o/ /phan pa dang sdug bsngal dang bral ba'o/ /bde ba ni bde 'gro lha dang mi'i 'jig rten du skye bar bya'o/ /ci nas kyang zhes pa ni rnam pa thams cad kyi sgo nas zhes bya bar sbyar zhing ngan song la rgyab kyis phyogs par bgyi ba ni bla na ma mchis pa yang dag par rdzogs pa'i byang chub bde blag tu rtogs par bgyi ba nyid de/ de'i slad du dkyil 'khor dang dbang ji lta bu lags bshad du gsol zhes bya bar sbyar ro/ /de dag gis ni ngan song thams cad yongs su spyod ba'i rtsa ba'i rgyud ces bya ba'i bshad pa dang po rdzogs so// //de nas bcom ldan 'das shAkya thub pas de bzhin gshegs pa thams cad kyi ngan song thams cad yongs su sbyor ba'i ye shes rdo rje zhes bya ba'i ting nge 'dzin la snyoms par zhugs te/ de bzhin gshegs pa thams cad kyi ngan song thams cad yongs su sbyong ba'i gzi brjid kyi rgyal po zhes bya ba'i dkyil 'khor 'di gsungs so/ /zhes pa ni dkyil 'khor dang dbang dang de dag gi bya ba'i rim pa 'am thabs rgyas par gsungs par shes par bya ste/ de la bcom ldan 'das rnam par snang mdzad kyi thugs ka nas/ bcom ldan 'das shAkya thub pa sku gser gyi mdog lta bu na bza' ngur? smrig? gis brgyan cing/ rgyan rnams kyis bstod pa/ phyag g.yon pa ting nge 'dzin du bsnol cing g.yas pa chos 'chad kyi phyag rgya mdzad pa gcig phyung ste/ des rgyud phyi ma 'di gsung bar 'gyur ba kho na'o/ /de? ? gang? dag 'di skad du rna ba'i rgyud dang rgyud phyi ma ni 'gal ba med do/ /dang po'i ston pa po rnam par snang mdzad la/ de'i thugs ka nas shAkya thub pa phyung bar cis mngon zhe na/ 'di ltar brtag pa rnam pa 'di nyid kyi 'og? ma 'brug sgra chen po'i brtag pa las/ de ltar sku ni rnam pa gsum ste/ 'gro don las dang dam tshig dang//
- 36a
ye shes bdag po nyid kyis ni/ /shAkya thub pa thugs kyi sprul zhes gsungs pa'i phyir ro/ /de la de bzhin gshegs pa thams cad ni dus gsum gyi de bzhin gshegs pa thams cad de/ de dag thams cad kyi ngan song yang gsang sngags chen po 'di nyid kyis sbyangs shing gnyis su med pa'i ye shes rdo rje lta bu thob bo/ /'dir yang gsang sngags chen po de nyid gsung ba'i phyir de nyid la thugs mnyam par bzhag pa la de bzhin gshegs pa thams cad kyi ngan song thams cad yongs su sbyong ba'i ye shes rdo rje zhes bya ba'i ting nge 'dzin to de la ting nge 'dzin ni 'dir thog ma med pa nas zhi pa'i dang la gnas pa'i phyir ting nge 'dzin te chos kyi dbyings zhes bya'o/ /snyoms par zhugs pa ni mnyam par bzhag pa'i don te/ dkyil 'khor chen po 'di gsungs so/ /zhes bya bar 'brel te/ sangs rgyas kun gyi byang chub sems// rgyal bas gsungs pa'i ye shes gang/ /bla na med pa rtogs 'gyur ba/ /de ni dkyil 'khor chen por gsungs zhes pas ni bcom ldan 'das kyis dang por dkyil 'khor rang gi ngo bo dang nges pa'i tshig gnyis gsungs pa ste/ de la ngo bo ni byang chub kyi sems yid bzhin gyi nor bu rin po che dang 'dra bar dus gsum kyi sangs rgyas thams cad kyi yon tan phun sum tshogs par gter bar byed pa'o/ /nges pa'i tshig ni 'dir maN+Da ni snying po ste/ de nyid kyi rgyal ba rnams kyis gsungs pa ni bla na med pa gnyis su med pa'i ye shes so/ /lan? ni len pa zhes bya ste/ de thabs 'di la brten nas rtogs par byed pa'i phyir dkyil 'khor zhes pa'o/ /de zhes bya ba'i sgra ni ma ning gi rtags te/ gnyi ga ston par byed pa'i sgra'o/ /chen po'i sgra ni mang po la 'jug pa'ang 'dir ni thabs dang shes rab dang zab cing rgya che ba la go bar bya ste ting nge 'dzin rnam pa gsum mo/ /de la gzhung bstan par bya ba ni mkha' 'gro ma rdo rje gur las kyang/ /sangs rgyas mgon po thams cad kyi/ /snying po 'di yis len pas na/ /snying po yongs 'dzin dkyil 'khor ste/ /de nyid kyis ni dkyil 'khor brjod/ /ces
- 36b
gsungs pa'i phyir ro/ /de nas bcom ldan 'das kyis sems can thams cad la thugs brtse bar bya ba'i phyir/ phyi'i dkyil 'khor chen po 'di gsungs so zhes pa ni/ bcom ldan 'das shAkya thub pas sems can thams cad la bu gcig pa dang 'dra ba'i thugs rje chen pos gzigs nas thams cad dpal rdo rje 'dzin pa'i go 'phang thob par bya ba'i phyir/ phyi'i dkyil 'khor gsungs pa ste/ de la phyi zhes bya ba'i sgra ni skad chen po'i byings te nang yod pa'i sgra'o/ /de ni dper na rin po che mdzod nas gser gyi za ma tog de srong zhes bya ba'i sgras mu tig dang/ mrgad? dang/ dung dang/ byi ru la sogs pa'i zam tog kyang yod par mtshon pa bzhin no/ /gtsug lag khang dang skyed mos tshal/ /mchod rten lha khang kun dga' sogs/ /ji bzhin pa yi cho ga yis/ /gnas ni byin gyis brlabs pa brtsam/ /byin gyis brlabs pa'i gnas der ni/ /phyi yi dkyil 'khor bri bar bya/ /zhes pas ni phyi'i dkyil 'khor gyi gnas phun sum tshogs pa bstan pa ste/ de la 'jam dpal gyi rgyud chen po la sogs pa nas ni/ gtsug lag khang dang skyed mos tshal/ /mchod rten byang chub sems dpa' i gnas/ /dge 'dun kun dga' ra ba dang// rgyal po yi ni khab sogs su/ /sa ni byin gyis brlab mi dgos zhes gsungs pas na 'dir yang de rnams su ni sa byin gyis brlabs pa mi dgos pa dag ste/ dang por byin gyis brlabs pa'i phyir ro/ /de la de dag kho na ci'o phyir smos zhe na/ de dag ni yid du 'ong ba'i gnas te/ sogs pa'i sbras ni 'bab chu la sogs pa rang yid dang mthun pa'i phyogs su bya ba nyid do/ /gong du smos pa ma yin pa de dag rnams su byin gyis brlabs pa ni 'di ltar dang por phyogs brtag par bya ste rgyal po gdug pa can dang/ chom po dang/ stag dang/ ? dang/ dred la sogs pa'i bar du gcod pa'i sa phyogs dang/ shing cher ma can dang/ skra shad dang/ gyo ma dang/ rus pa la sogs pa gdug pa'i gnas su mi bya ba nyid do/ /de nas sa bslang bar bya ste/ rgyal po 'am/ blon po 'am/ khyim bdag 'ga' zhig la/ bdag sems
- 37a
can gzhan la 'tshe ba dang/ gnod pa'i las byed pa ni ma yin gyi bla na med pa yang dag par rdzogs pa'i byang chub bsgrub pa'i phyir/ dkyil 'khor chen po gzhengs gsol bar khyed kyis bdag las phyogs 'di byin cig ces bsgo bar bya'o/ /de nas byin par gyur pa dang rang nyid stan bde ba la 'dug la skyil mo krung bcas te/ mdun du rdo rje bzhag la 'og tu a las zla ba'i dkyil 'khor bsam mo/ /'di steng du h+ri bsam te/ de gyur pa las utpal ser po/ de dag gyur pa las bdag nyid bcom ldan 'das shAkya thub pa sku mdog ser po/ phyag g.yon pa lte ba khung bu brkyang pa phyag g.yas pas gnon pa'i tshul gyis sa la sbyar te/ oM hu lu hu lu swAhA zhes brjod nas tshig 'di brjod par bya'o/ /thog mdza' med pa'i bcom ldan 'das/ /shAkya thub pa blo gros che/ /'gro la phan phyir dkyil 'khor 'di// bdud rnams kun las rgyal gyur cig ces brjod par bya'o/ /de nas bgegs bskrad par bya ste/ rang nyid rgyan cha lnga yis legs par brgyan cing/ raM las nyi ma'i dkyil 'khor bsams te/ de'i steng du hUM las gyur pa'i rdo rje sngon po'o/ /de dag yongs su gyur pa las bdag nyid khro bo chen po hUM mdzad du bsgoms te/ mdog sngon po mche ba rnam par gtsigs pa sgrul gyis rgyan cha lngas brgyan pa /rdo rje dang dril bu dang/ rdo rje khu tshur sdigs mdzub kyi phyag rgya bcas pa cig bsams te/ dbus phyogs su 'khor lo rtsibs bcu gnyis pa'i rdo rje 'gros kyi zhe sdang chen po bskyed de/ oM badzra kro ta hUM ka ra sarba bignan ha na ha na hUM zhes pa'i sngags zlos pas bgegs bskrad par bya'o/ /de nas song bar gyur pa dang/ mtshams bcad pa'i bya ba ni shar phyogs su raM las nyi ma'i dkyil 'khor de'i steng du hUM nag po'o/ /de dag gyur pa las tho ba'o/ /de dag yongs su gyur pa las bdag nyid khro bo chen po shes rab mthar byed sku mdog dmar ser zhal gcig pa phyag bzhi pa g.yas kyi dang pos 'bra ma ya 'dzin pa/ g.yon gyi dang pos rdo rje thob 'dzin pa/ 'og ma gnyis kyi rdo rje dang dril bu 'dzin pa bsams te/ rdo rje rtse gsum
- 37b
pa'o goms pas ji tsam 'dod pa'i rgyar bya zhing/ oM suM b+ha ni suM b+ha ni hUM hUM hUM zhes pa'i sngags bzlas zhing mtshams bcad par bya/ lho phyogs su raM las nyi ma'i dkyil 'khor ro/ /de'i steng du phaT nag po yongs su gyur pa las dbyug pa'o/ /de dag yongs su gyur pa las bdag nyid khro bo chen po gshin rje mthar byed sku mdog nag po la zhal gcig phyag bzhi pa'i dang po gnyis kyis dbyug pa dang zhags pa 'dzin pa/ lhag ma gnyis kyis rin po che dang be con 'dzin par bsams te/ rin po che 'bar ba'i gom pas 'gro zhing grih+Na grih+Na hUM hUM hUM zhes pa'i nga rgyal gyis mtshams bcad par bya'o/ /nub phyogs su raM las nyi ma'i dkyil 'khor de'i steng du h+ri dmar po las pad+ma'o/ /de yongs su gyur pa las bdag nyid khro bo chen po pad+ma mthar byed sku mdog smug nag tu bzhugs pa'i zhal gcig pa phyag bzhi pa la dang po gnyis kyis khu tshur dang sdigs mdzub mdzad pa/ lhag ma gnyis kyis me long lta bu'i mtshon cha dang 'khor lo 'dzin par bsams te/ pad+ma 'dab ma drug pa'i gom pas 'gro zhing oM grih+Na pA ya grih+Na pA ya hUM hUM hUM zhes pa'i nga rgyal gyis mtshams bcad par bya'o/ /byang phyogs su ni raM las nyi ma'i dkyil 'khor gyi steng du a las dril bu bsams te/ de dag yongs su gyur pa las bdag nyid khro bo chen po bgegs mthar byed sku mdog ljang gu zhal gcig phyag bzhi pa la dang po gnyis kyi rdo rje dang/ dril bu 'dzin pa/ lhag ma gnyis kyis rdo rje rgya gram pas mtshan pa'i dbyug pa 'dzin pa cig tu bsams te rdo rje rgya graM gyi gom pas 'gro zhing oM A nA ya ho d+ha ga pA na badzra? rA dza hUM hUM hU'M zhes pas mtshams bcad par bya'o/ /mtshams rnams su ni shar lho la sogs par rim pa ji lta ba bzhin du sgeg mo la sogs pa'i phyag rgyas rdo rje lu gu brgyud kyi gom pas 'gro bar bya zhing/ rang rang gi sngags brjod par bya zhing 'di ltar oM badzra la sye sreng kha la hUM/ oM ratna mA le badzra sring? kha la traM/ oM pad+ma girti badzra sreng kha la h+ri/ oM karma nri ti badzra sreng kha la a zhes brjod cing mtshams bcad par bya'o/ /de la gang dag 'di skad bgegs rnam par gzhil ba'i skabs su khro bo kho nas las pa yin te/ lha mo'i
- 38a
'gral pa med do zhe na/ de ni ma yin te 'di ltar khro bo lnga la mchod par bya ba'i phyir dang/ 'phrin las rnam pa zhis bgegs rnams gdul bar bya ba'i phyir 'gal ba ni med pa ste/ 'jam dpal gyi rgyud las kyang/ rigs lnga'i phyag rgya khro bo'i gzugs/ /lha mo bzhi dang mdzes ldan pas/ /dbang du bsdus nas brlag par mdzad/ /ces gsungs pa'i phyir ro/ /de nas sa gzung bar bya ste/ 'di rang nyid sems can thams cad kyi don du sems bskyed la/ dkon mchog gsum la mchod pa rnam pa lngas yang dag par mchod de/ me tog dkar pos lag pa bkang zhing thal mo sbyar te tshig 'di skad brjod par bya'o/ /phyogs bcu dus gsum gyi de bzhin gshegs pa thams cad bdag la dgongs su gsol/ /bdag sa phyogs 'dir dkyil 'khor chen po bzhengs par 'tshal bas dngos grub dang rtags ji lta ba bzhin du gyur cig ces brjod nas de'i khar me tog ngor bar bya'o/ /de nas der khru gang tsam brkos pa dang/ de'i 'og nas sa dkar zhing 'tsher ba snum zhing 'jam pa dag byung ba na/ dngos grub tu shis pa'i rtags te/ sa phyogs der las bya ba nyid do/ /gal te skra sha dang? rus pa dang/ sa tsha? sgo can dang/ thal ba dang/ sol dum la sogs pa byung na/ sa phyogs de spang bar bya ba nyid do/ /de nas rin gzhal bar bya ste/ gser ram dngul la sogs pa'i bum pa'i nang 'o ma dang spos dang dri dang/ rin po che lnga la sogs pas bkang ste/ sa bdag dang/ sa'i lha mo la gtor ma re re byas la/ phyogs skyong rnams la gtor ma byin te/ bdag la dngos grub kyi bar du gcod pa rnams khyed kyi de bzhin gshegs pa'i spyan sngar dam bcas pa bzhin du srungs shig ces brjod de/ bum pa sa'i nad du bcug la kha bcad de/ slar sa de nyid kyis bgad bar bya ste/ de la mthon por gyur na ni phyag rgya chen po'i dngos grub tu 'gyur ro/ /cung zhig mthob ni sngags kyi dngos grub tu 'gyur ro/ /mnyam par gyur pa ni thun mong gi 'jig rten pa'i dngos grub tu 'gyur ro/ /de bas dma' ba las na ring bar 'gyur bar shes par bya'o?
- 38b
de nas brtan par bya ba'i phyir phur bu gdab par bya ste/ seng ldeng gi phur bu song brgyad pa la/ rtsa ba'i sngags brgya rtsa brgyad mngon par sngags te bum pa'i steng du oM badzra hUM sarba maN+Da la dri ti ku ru swAhA zhes brjod pas gzug par bya'o/ /de nas byin gyis brlab par bya ste bdag nyid dang la rnam par snang mdzad kyi ting nge 'dzin du zhugs la byang chub mchog gi phyag rgya bcing ste/ oM sarba mu kha ti b+ha ba ti hUM/ oM sarba su par na b+ha ba ti hUM/ oM sarba pad+ma rA ga b+ha ba ti hUM/ oM sarba marga ti b+ha ba ti hUM oM sarba tsind+ha? ma Ni b+ha? ba ti hUM? zhes pa'i sngags kyis rin po che rnam pa lnga'i rang bzhin du byin gyis brlab par bya ste/ de dag thams cad kyang 'jam dpal gyi rgyud las/ brtag dang bslad dang bgegs bskrad dad/ /gzung dang bstan par bya ba dang/ rin dang spyar ba'i bya ba rnams/ /sa kun gyi ni cho gar nges zhes gsungs pa'i phyir ro/ /de nas stegs? bu brtsig par bya ste/ de yang brtag pa dang po 'di nyid 'o? ma las/ /rab la khru ni brgyad cu ste/ /'bring ni bzhi bcu rtsa brgyad nges/ /tha ma sum cu rtsa gnyis su/ /dkyil 'khor chen por bshad pa yin zhes gsungs pas na de bzhin du rtsig par bya'o/ /gru bzhi pa la sgo bzhi pa/ /ka ba brgyad dang yang dag ldan/ /rta babs bzhi dang mdzes brgyan cing/ /them skas bzhi yi phreng ba dang/ /seng+ge glang chen sogs kyis brgyan/ /dar gyi lnga ldi do shal phreng/ /dril bu dang ni rnga mas brgyan/ /rdo rje rin chen pad+ma dang/ /sna tshogs rdo rje'i phyag rgyas brgyan/ /srad bu brgyad dang ldan pa la/ /phyi yi sgo 'khyud rnams kyis brgyan/ /dgu yi char ni bgos pa la/ /sgo dang sgo khyud gsum char bya/ /rdo rje srang bus thig gdab po zhes pa ni thig gdab pa dang/ dkyil 'khor bri bar yang dag par gsungs te/ de la gru bzhi pa ni sgo bzhi pa'o/ /ka ba brgyad ni phyogs re res ka ba gnyis gnyis kyis bteg pa'o/ /sgo bzhi ni phyogs bzhi re re'o/ /rta babs bzhi zhes pa ni sgo'i phyi rol tu ka bas bteg bas brgyan pa ste/ them skas bzhi ni stegs bu bzhi'o/ /phreng ba ni mu tig gi phred
- 39a
bas brgyan pa'o/ /de la skabs 'dir ma gsungs na'ang shugs kyis rin po che sna lnga rtsig pa dang/ rin chen pha gu la sogs kyang yongs su brgyan par shes par bya'o/ /seng+ge glang chen sogs kyi brgyan zhes pa ni rnam pa bcu gnyis su go bar bya ste/ gcig ni gdan no/ /gcig ni rta babs kyi them skas kyi sna la nyon mongs pa'i tshogs ye shes kyi seng+ges 'joms pa'i rtags glang po che'i steng na seng ges za ba ngos rer gnyis gnyis so/ /de la dar gyi lnga ldi ni nang dang phyi rol gnyi ga na 'phyang ba'o/ /do shal ni mu tig gi do shal te rin po che'i pha gu las mar 'khyad? pa'o/ /phreng ba ni me tog gi phreng ba ste/ nang dang phyi rol gnyis ga na 'phyad pa'o/ /dril bu ni ga? bzhin ba dan gyi sna la btags nas 'khrol ba'o/ /rngam ni rta babs kyi ya phubs su btags la bla re gwa? bzhi nas dpyangs pa'o? dang? rdo rje rin chen pad+ma dang/ /sna tshogs rdo rje'i 'phreng bas brgyan zhes pa ni phyogs bzhi'i ka ba brgyad la rim pa ji lta ba bzhin gyis mtshan mar shes par bya'o/ /srang bu brgyad dang ldan pa la zhes pa la sogs pas thig gdab pa'i cho ga gsungs pa ste/ de la yang rnam pa bzhi'o/ /de la dang por bdag nyid kyis stegs bu'i steng du sa bon bcu gcig pa'i don gyis chos thams cad rnam par rig pa tsam du bsams te/ oM shu n+ya ta dz+nyA na badzra swa b+hA ba At+mako hAM zhes pa nas yang chos thams cad stong pa nyid du bsgoms nas/ oM swa b+hA wa shud+d+ha sarba d+harma swa b+hA bashud+d+ho haM zhes brjod pa ni rang bzhin rnam par dag pa chos nyid kyi thig ces bya'o/ /de nas bdag nyid de bzhin gshegs pa mi bskyod pa'i gzugs su bsam/ slob ma rdo rje dbyings kyi dbang phyug mar bsams te/ oM? dz+nyA na su tra sa ma ye hUM zhes pa'i sngags kyis 'og nas steng du rdo rje bsgred? ba lta bu'i thig gdab par bya'o/ /de nas rim pa ji lta ba bzhin du 'og nas steng du gdab cing thig bzhi legs par gdab ste/ steng gi bar snang la mu tig gi phreng ba lta bur bsam pa ni rig pa ye shes kyi thig ces bya'o/ /de nas bdag nyid
- 39b
rnam par snang mdzad du bsams te/ slob ma bzhi phyogs bzhir bzhag ste/ rang nyid dbus su 'dug pa kha dog sna lnga'i srang bu la rang gi thugs ka nas byang chub kyi sems las yang dag par byung ba'i ye shes lnga'i ngo bor spros te slob ma dag gi snying gar bzung ste/ sems can thams cad ye shes lnga'i ngo bo la gnas par byin gyis brlab cing/ oM tsakra su tra a d+hiSh+Tha? na oM oM badzra su tra a d+hiSh+Tha na hUM/ oM radna su tra a d+hiSh+Tha na swa/ oM pad+ma sU tra a d+hiSh+Tha na h+ri:aoM karma su tra a d+hiSh+Tha na a:zhes brjod pa ni byin gyis brlab pa'i cho 'phrul chen po'i thig le zhes bya'o/ /de nas ras bal sar pa la rdo rje slob dpon bdag nyid kyis rig pa chen po rgyun mi 'chad par zlos shig bu mo lo bcu gnyis lon pa khrus legs par byas te/ dri la sogs pas byugs pa yis/ bkal ba bdag nyid kyi bstong? pa'i thig skud 'jur ma med pa lnga bsgril lam sum sgril? du byas te/ ba'i? rnam lngas stegs bu byugs pa'i steng du 'o ma dang dri dang sa dkar bsres pa'am/ tsan dan dkar po chur bcug ste/ bdag nyid rnam par snang mdzad du bsams te/ slob ma rdo rje las su bsams nas/ rdo rje khu tshur gyis bdag nyid shar phyogs su kha bltas te/ slob ma nub tu bltas pas dang por tshangs pa'i thig gdab par bya zhing/ de nas rim pa ji lta ba bzhin du thig gdab par bya'o/ /dgu'i char ni bgos pa las zhes pa las dang po cha chen po drug tu bgos te/ de nas cha gnyis su dbus su bzhag la mdza' i cha gnyis la bzhi bzhir bgos pa'i phyir bcu drug tu snang yang dgu zhes bya'o/ /de nas nad du chos kyi 'khor lo rtsibs drug la lte ba dang/ mu khyud du bcas pa'i thig gdab pa ni 'og ma la snyags so/ /de'i nang du sgo dang sgo khyud dang sgo 'gram gsum char gyi thig gdab pa ni sgo dang sgo khyud gsum char? bya zhes bya bar 'brel to/ /rdo rje ni mi 'jigs pa'i phyir te/ srad bu ni skud pa'o/ /de dag gis ni sa la gdab pa'i srad bu'i thig ces bya'o/ /de yang 'jig rten mgon po'i rigs kyis rgyud tshigs su bcad pa stong phrag
- 40a
bcu gnyis pa las/ rgyud 'dir thig ni rnam pa bzhi chos dbyings ye shes byin brlabs dang/ /sa la las kyi thig tu 'gyur zhes gsungs pa'i phyir ro/ /dbus kyi dkyil 'khor thig gdab pa/ /chos kyi dkyil 'khor 'dra ba las/ /lte bar bcas cing rtsibS bcu drug /rim pa gsum dang ldan pa la/ /rtsibs ni nyis 'gyur nyid du bya zhes gsungs pa ni 'di ltar cha dang po la cha bzhir bgos te/ dbus kyi cha gnyis la chos kyi 'khor lo 'dra ba lte ba dang mu khyud du bcas pa rtsibs bcu drug cig thig gdab par bya ste/ chos kyi 'khor lo 'dra ba ni dang po bcom ldan 'das sprul pa'i sku byang chub kyi shing drung du rdo rje'i gdan la mngon par rdzogs par sangs rgyas te/ dgud bdun gyi bar du cad mi gsung bar bzhugs/ /de nas shing ta ra bye lnga'i zung du byon nas tshong pa ga gon dang bzang po la shis par brjod pa'i mdo bka' stsal/ /de nas mi mdzad kyi bdag po dpal changs pas gser gyi 'khor lo rtsibs bcu drug pa gcig phyag tu phul nas chos kyi 'khor lo bskor ba'i phyir gsol ba gdab pa'i phyir phul ba 'dra bas chos kyi 'khor lo 'dra ba pa zhes bya'o/ /rim pa gsum dang ldan pa la zhes pa na gzhal yas khang rdzogs pa'i phyi rol du 'khor lo ni rim pa gnyis bya ba nyid de/ de la rtsibs ni nyis 'gyur nyid du bya zhes pa ni de'i phyi rol gyi cha gnyis pa la dang po ni rtsibs sum cu rtsa gnyis pa'o/ /gnyis pa ni rtsibs drug cu rtsa bzhi par bya ba kho na'o/ /thig gi cho ga rgyas par ni dgyon gyi cho gar bstan pas 'dir ma bshad do/ /dbus kyi phyogs su kun rig ni/ /dung dang kun da zla 'dra la/ /zhal bzhi pa la rdo rje dang/ /seng+ge'i gdan la bzhugs pa dang/ /ting 'dzin phyag rgyar ldan pa dang/ /rgyan rnams kun gyis brgyan pa bri/ /de yi spyan sngar ngan song kun/ /sbyong ba'i rgyal po bri bya ste/ /phyag gnyis ting nge 'dzin du bsnol/ /zla ba rgyas dang pad+ma'i mdog /rgyan rnams kun gyis legs rdzogs pa/ /rgyan mchog skyes bu gang ba bri/ /rgyab tu shAkya'i rigs? dbang po/ /gtso bo thub pa dri?
- 40b
bar bya/ /g.yas dang g.yon gyi phyogs su ni/ /rgyal mchog rin chen me tog ste/ /sangs rgyas sbyar dang mA ma kI/ de bzhin dkar mo sgrol ma rnams/ /grwa bzhi yi ni phyogs dag tu/ /rang gi rtags kyis mtshan pa bri/ /rtsibs kyi nang ni thams cad du/ /rdo rje sems sogs sems dpa' mchog / rdzu 'phrul che ba'i sems dpa' rnams/ /go rim bzhin du bri bar bya/ /mkhas pas sgeg mo la sogs pa/ /mchod phyir grwa yi phyogs su bri/ /sgo'i phyogs ni thams cad du/ /sgo ba bzhi po bri bya zhing/ /rta babs khyams ni thams cad du/ /byams pa la sogs bri bar bya zhes gsungs pa ni dkyil 'khor bri bar yang dag par gsungs pa ste/ /de la sta gon gyi rjes la thig gi cho ga rdzogs par byas la/ /nang par nyi ma rtse shar la rin po che 'am/ /'bru 'am sa la sogs pa'i tshon gyi phye ma la bdag nyid rnam par snang mdzad du bsams te/ rin po che'i phyag rgya bcas la gong? du smos pa'i sngags rnams kyi rim pa ji lta ba bzhin du dkar po dang/ ser po dang dmar po dang/ ljang gu dang/ sngon bo rnams la mu tig dang gser dang/ byu ru dang/ mar gang dang mu men rnams su byin gyis brlab par bya zhing rdo rje lcags kyu'i phyag rgya 'am/ /bu tshur gyi phyag rgya g.yas phyogs nas bskor zhing mi? kha pa chen mo mi 'chad par zlos par bri bar bya ba ni dbus su chos kyi 'khor lo rtsibs bcu drug pa'i lte ba la rdo rje la sogs pas mtshan pa'i ka ba brgyad dang gdung du bcas pa'i dbus su bcom ldan 'das kun rig rnam par snang mdzad sku mdog dung la sogs pa 'dra ba'i dkar po zhal bzhi phyogs bzhir gzigs pa seng+ge'i khri'i zhabs la rdo rje rtse lnga pa'i bsgreng ba'i steng ni bzhugs pa dbu rgyan la sogs pa'i rgyan gyis yongs su brgyan pa'i ting nge 'dzin phyag rgya dang ldan pa bri bar bya'o/ /de'i shar phyogs kyi gling la bcom ldan 'das ngan song thams cad yongs su sbyong ba'i rgyal bo glang po che'i gdan la bzhugs pa sku mdog dmar skya skyes bu chen po'i mtshan gsum cu rtsa gnyis la sogs pas yongs su brgyan cing/ rgyan cha lngas brgyan cing mnyam pa nyid kyi phyag rgya dang ldan pa bri bar bya'o/ /lho phyogs su bcom ldan 'das
- 41a
rin po che tog rta'i khri la bzhugs pa sku mdog mthing ka rgyan thams cad kyis brgyan pa/ phyag g.yon pa lte ba khung du brtan cing g.yas pa mchog sbyin gyi phyag rgya mdzad pa bri bar bya'o/ /nub phyogs su ni bcom ldan 'das shAkya thub pa sku mdog dmar po rma bya'i khri la bzhugs par? thams cad kyis brgyan pa/ phyag g.yon pa lte ba khung du brtan cing g.yas pa mchog sbyin gyi phyag rgya mdzad pa bri bar bya'o/ /nub phyogs su ni bcom ldan 'das shAkya thub pa sku mdog dmar po rma bya'i khri la bzhugs pa rgyan thams cad kyis brgyan pa/ phyag g.yon pa gang ma lta bu la g.yas chos 'chad pa'i phyag ? mdzad pa bri bar bya'o/ /byang phyogs su ni bcom ldan 'das me tog chen po rgyas pa nam mkha' lding gi khri la bzhugs shing sku mdog ljang gu rgyan thams cad kyis brgyan pa/ phyag g.yon pa gong ma'i tshul la g.yas skyabs sbyin gyi phyag rgya can bri bar bya'o/ /de dag gi zur gyi re mig bzhi la shar lho mtshams su ni mA ma kI sku mdog dmar mo la pad+ma'i gdan la bzhugs shing phyag g.yon dgu du brten zhing g.yas pa rdo rje thugs kar 'dzin pa bri bar bya'o// lho nub mtshams su sangs rgyas spyan sku mdog dmar ser la pad+ma'i gdan la bzhugs shing phyag g.yon pa snga ma'i tshul la g.yas pa pad+ma'i steng na rin po che 'dzin pa bri bar bya'o/ /nub byang mtshams su gos dkar mo la pad+ma'i gdan la bzhugs shing g.yon pa snga ma'i tshul 'dzin pa/ g.yas pa pad+ma 'dzin pa bri bar bya'o/ /byang shar mtshams su ni sgrol ma sku mdog ljang gu la pad+ma'i gdan la bzhugs shing phyag g.yon pa snga ma'i tshul la g.yas pas utpa la 'dzin pa bri bar bya'o/ /lte pa'i mu khyud la rdo rje'i 'phreng pas bskor bar bya'o/ /rtsibs bcu drug pa'i steng rnams su ni sems dpa' rnams bkod pa ste/ de la shar gyi rtsibs bzhi la rdo rje sems dpa' dang/ rdo rje rgyal po dang/ rdo rje chags pa dang/ rdo rje legs pa bzhi rang rang gi mtshan mas mtshan cing pad+ma'i steng du bzhugs pa dri bar bya'o/ /lho phyogs kyi rtsibs
- 41b
bzhi la ni rim pa ji lta ba bzhin du rdo rje rin chen dang/ rdo rje nyi ma dang/ rdo rje rgyal mtshan dang/ /rdo rje bzhad pa bzhi pad+ma'i steng na rang rang gi phyag rgya mtshan pa bri bar bya'o/ /nub phyogs kyi rtsibs bzhi la rdo rje chos dang rdo rje rnon po dang/ rdo rje 'khor lo dang/ rdo rje gsung ba rnams pad+ma'i steng du bzhugs shing rang rang gi phyag rgyas mtshan par bri bar bya'o/ /byang phyogs kyi rtsibs bzhi la ni rdo rje las dang/ rdo rje go cha dang/ rdo rje gnod sbyin dang/ rdo rje khu tshur bzhi pad+ma'i steng na rang rang gi phyag rgyas mtshan pa bri bar bya'o/ /de la 'khor lo ni dkar po'o de la mu ran ni rin po che 'phreng bas bskor bar bya yong? nas grwa bzhi pa'i rnam par bcad pa las/ de'i grwa bzhir gsang sngags mkhas par shes pa rnams kyis/ shar lho mtshams su ni sgeg mo dang spobs ma gnyis pad+ma'i steng du bzhugs shing rang rang gi phyag rgyas mtshan pa bri bar bya'o/ /lho nub mtsham su ni phreng ba ma dang/ me tog ma gnyis pad+ma'i steng na rang rang gi rtags kyis mtshan ma bri bar bya'o/ /nub byang mtshams kyi ni glu mkhan ma dang/ snang ba ma gnyis pad+ma'i steng na rang rang gi phyag rgyas mtshan pa bri bar bya'o/ /byang shar mtshams su ni gar mkhan ma dang dri chab ma gnyis pad+ma'i steng na rang rang gi phyag rgyas mtshan ma bri bar bya'o/ /sgo bzhin pad+ma'i steng du rdo lcags kyu dang zhags pa dang/ lcags sgrog dang dril bu rnams rang rang gi rtags kyis mtshan ma bri bar bya'o/ /rta babs kyi khyams zhes pa ni sgo'i nang rol gyi stegs bu'i steng du yin la mchod pa'i khyams kyis nang ngos su bzhugs la ni rgyud las gsal ba'i phyir te/ de yang rim pa bzhin du/ shar phyogs su ni dpa' bar 'gro ba dang/ kun du bzang po dang/ zla 'od gzhon nu dang/ bzang spyod bzhi rang rang gi rtags kyis mtshan pa bri ba'o/ /lho phyogs su ni dra ba can gyi 'ong dang/ nam mkha' mdzod dang/ rdo rje snying po dang/ 'od dpag med bzhi rang rang gi mtshan mas mtshan pa bri bar bya'o/ /nub phyogs su ni ngan song kun 'joms dang/ ye shes tog dang/ blo gros mi bzang pa dang/ spobs pa brtsegs pa bzhi rang rang gi rtags kyis mtshan pa bri bar bya'o/ /byang phyogs su ni byams pa dang/
- 42a
ngan song kun 'dren dang/ spos kyi glang po dang/ don yod grub pa bzhi rang rang gi rtags kyi mtshan pa bri ste/ de dag thams cad sku mdog ni rigs bzhi'i bye brag las shes par bya zhing/ gdan pad+ma gun cig pa kho na'o/ /nyan thos rang rgyal thams cad dang/ /de bzhin rang rgyal gtso po rnams/ /kho bo mngag gzhug pho nya tshogs/ /bri bya yang na ming yang rung/ /phyi yi dkyil 'khor phyi rol du/ /gling bzhi po ni bri bya ste/ /'dzam bu'i gling du tshangs pa bri/ /byang phyogs su ni dbang phyug che/ /shar dang nub kyi gling dag tu/ /brgya byin khyab 'jug thams cad kyang/ /'khor dang bcas pa bri bar bya/ /gzhan dag kyang ni de bzhin te/ /lha min dri za nam mkha' lding/ /gnod sbyin srin po lto 'phye che/ /'byung po yi dags 'dre rnams dang/ /glu rnams sprul dang ri dags dang/ /rgyal po bzhi rnams bri bar bya/ /gza' dang skar ma rgyu skar rnams/ /khro bo ma rungs 'tshe ba yi/ /gnod par byed dang de bzhin du/ /bgegs dang log 'dren drag po dang/ /sems can kun la phan byed pa/ /drang srong skal pa chen po rnams/ /mkha' 'gro ma dang bud med dang/ /de bzhin srin mo rnal 'byor ma/ /'byung po bzhi yi lha chen po// khyim dang ril? gnas pa dang/ /shing dang kun dga' i gnas la sogs/ /mi dang brda 'am yang na ni/ /thig le rnams kyang bri bar bya/ /zhes pa la sogs pa ni 'dir 'gro ba drug gi sems can dgod par gsungs pa ste/ de la 'khor lo rtsibs sum cu rtsa gnyis pa la ni shar la sogs pa'i rim pa ji lta ba bzhin du pad+ma'i steng du 'phags pa kun dga' bo/ /shA ri'i bu rab 'byor dang/ 'od srungs dang/ 'od srungs chen po dang/ cang shes dang/ nye ba 'khor dang/ maung?+gal gyi bu rnams lhung bzed dang/ 'khar gsil bsnams pa rnams dgod par bya'o/ /lho phyogs kyi rtsibs brgyad la 'phags pa rang sangs rgyas ser skya dang/ 'od mdzes dang/ kun 'grogs dang/ lag brkyang dang/ nyi ma'i tog dang/ shAkya 'od dang/ pad+ma can dang legs bzang rnams bde bar gshegs pa'i cha lugs kyi pad+ma'i steng du bzhugs pa dri'i?
- 42b
nub phyogs kyi rtsibs brgyad la ni khro po chen po stobs po che dang/ mi g.yo mgon dang/ gshin rje gshed dang/ rta mgrin dang/ bdud rtsi 'khyil pa dang/ dbyug pa sngon po dang/ gzhan las rgyal ba dang/ khams gsum rnam par rgyal ba rnams pad+ma'i steng du mche ba rnam par gtsigs shing sku la sprul gyi rgyan cha ldas brgyan pa/ stag gi pags pas smad dkris pa/ rang rang gi phyag rgyas mtshan pa rnams bri bar bya'o/ /byang gi rtsibs brgyad la ni de dag gi pho nya'i tshogs brgyad de/ seng+ge'i mgo dang/ seng+ge'i mgo dang/ 'ug pa'i mgo dang/ bya rog gi mgo dang/ khyu mchog mgo can dang/ sprul mgo can dang sha ba'i mgo can dang/ phag gi mgo can rnams bri bar bya'o/ /de dag gi phyi rol gyi 'khor lo rtsibs drug cu rtsa bzhil shar gyi rtsibs dang po dang/ de bzhin du lho dang nub dang/ byang gi rtsibs dang po rnams su ni yul 'khor bsrung dang/ 'phags skyes po dang mig mi bzang dang rnam thos sras rnams rang rang gi phyag mtshan dang ldan pa bri bar bya'o/ /de nas de dag gi g.yon phyogs rnams su ni sa bdag dang/ gshin rje dang/ chu lha dang/ gnod sbyin dang/ me lha dang srin po dang/ rlung lha dang/ bde byed rnams rang rang gi bzhon pa dang/ kha dog mtshan mas mtshan pa bri par bya'o/ de nas yang de dag gi g.yon phyogs rnams su nyi ma dang zla ba dang/ gza' lag dang/ mig dmar dang/ phur bu dang/ pa bsangs dang/ spen pa dang/ sgra gcan rnams rang rang gi gdan dang mtshan mas mchan pa bri bar bya'o/ /de yang shar phyogs la sogs pa'i rim pas ji lta ba bzhin du smin drug dang/ snang ma dang/ mgo dang/ lag dang/ nabs so dang/ rgyal dang/ skag dang/ mchu dang/ gre dang/ sbo dang/ me bzhi dang/ nag pa dang/ sa ri dang/ sa ga dang/ lha mtshams dang/ s+thon dang/ snubs dang/ chu stod dang/ chu smad dang/ gro bzhin dang/ byi bzhin dang/ mon dre dang/ mon gru dang/ khrums stod dang/ khrums smad dang/ nam gru dang/ tha skar dang/ pra nye rnams rang rang gi mtshan mas mtshan pa bri bar bya'o/ /de nas yang de dag gis g.yon phyogs su drang srong chen po rgyas pa dang/ ba ra d+hwa dza dang/ ser skye dang/ skye dgu'i bdag
- 43a
po dang/ rgyun shes dang/ gnas mchog dang/ nag po dang/ gzeg zan rnams rang rang gi mtshan mas mtshan pa rnams dgongs par bya'o/ /yang de dag gi g.yon phyogs su 'jig rten pa rnams kyi gtso bo brgyad dgod de/ de la rim pa ji lta ba bzhin du/ lta ma yin gyi rgyal po thag bzang ris dang/ dri za'i rgyal po tshur pud lnga pa dang/ nam mkha' lding gi rgyal po gser mig dang/ gnod sbyin gyi rgyal po lus ngan po dang/ klu'i rgyal po dga' po dang/ srin po'i rgyal po langka mgrin bcu dang/ lto 'phye'i rgyal po sprul mgo can dang/ 'byung po'i rgyal po tshogs bdag chen po dang/ yi dags kyi rgyal po kha la me 'bar ma rnams rang rang gi mtshan ma dang/ cha lugs kyis yongs su dgod par bya'o/ /de nas cha bzhi pa la de'i mdza' ma zlum por bskor te/ gling bzhi par byas la shar phyogs su shar gyi lus 'phags po zla ba phyed pa 'dra ba'i gling g.yog dang bcas pa de'i dbus su brgya byin 'khor dang bcas pa bri bar bya'o/ /lho phyogs su ni lho'i 'dzam bu'i gling sogs ka 'dra ba'i gling g.yog dang bcas pa bris te/ de'i dbus su tshangs pa 'khor dang bcas pa bri bar bya'o nub phyogs su nub kyi ba lang spyod nyi ma shar ba 'dra ba zlum po gling g.yog dang bcas pa bris te de'i dbus su khyab 'jug 'khor dang bcas pa bri bar bya'o/ /byang phyogs su ni byang gi sgra mi snyan gru bzhi pa'i gzugs la kha dog ser po gling g.yog dang bcas pa bris te/ de'i dbus su dbang phyug chen po 'khor dang bcas pa bri bar bya'o/ /de naS cha lnga la gling drug tu bcas la der 'gro ba rigs drug dgod par bya ste/ lha'i gnas su lha'i dbang po brgya bin nas bdud rtsi'i bum pa 'am/ lha lta zhes pa'i phreng ba dgod par bya'o/ /lha ma yin gyi gnas su lha ma yin gyi rgyal po thags bzang ris sam/ ral gri 'am/ lha ma yin lha ma yin zhes bya ba'i phreng ba dgod par bya'o/ /mi'i gnas su mi'i rgyal po 'khor los sgyur ba'i rgyal po'i cha lugs sam 'khor lo 'am
- 43b
mi mi zhes bya ba'i phreng ba bri bar bya'o/ /dung 'gro'i gnas su ni dud 'gro'i rgyal po mdza' yas sam/ dud 'gro dud 'gro zhes bya ba'i phreng ba dgod par bya'o/ /yi dags kyi gnas su ni yi dags kyi rgyal po kha rab tu 'bar ba lcags kyi thu lum rab tu 'bar ba 'am/ yi dwags yi dags zhes pa'i phreng ba bri bar bya'o/ /dmyal ba'i gnas su ni dmyal ba'i rgyal po chu srin gdong can dang/ shal ma ri'i sdong po 'am/ dmyal pa dmyal ba zhes bya ba'i phreng ba bri bar bya'o/ /de la srid mo bzhi dang/ mkha' 'gro dang rnal 'byor ma rnams ni gling bzhi po rnams kyi bar bar du bung med kyi gzugs su cung zad khros pa dang/ rab tu khros pa bzhin gyis bri bar bya'o/ /srid pa'i 'khor lo rnams kyi bar du ni ri dang shing dang 'bab chu dang khyim dang/ gtsug lag khang la sogs pa bri bar bya'o/ /de la gzhal yas khang gi phyi rol tu rdo rje dang pad+ma dang/ 'bar ba'i phreng bas kun nas 'khor bar bskor bar bya'o/ /'phags pa rnams kyis 'khor lo ni me tog gi phreng bar bskor bar bya'o/ 'jig rten pa'i gtso bo'i 'khor lo ni dpag bsam gyi shing gis bskor bar bya'o/ /gling bzhi 'ang de bzhin du byas te/ srid pa'i 'khor lo ni rten 'brel bcu gnyis kyis bskor bar bya'o/ /de'i phyi rol tu ni rlung dang gser dang chu'i phreng bas bskor bar bya ste/ lha de dag thams cad kyi kha dog dang/ mtshan ma dang/ gdan la sogs pa ni dkyil 'khor gyi cho gar blta bar bya ste/ 'dir ni ma bshad do/ /de la gang dag 'di skad du sa la gnas pa'i byang chub sems dpa' 'dra ba la rdo rje sems dpa' la sogs pa ni dkyil 'khor gyi nang du bkod la/ byams pa la sogs pa rta babs kyis khyams su dgod pa ni rigs pa ma yin no zhe na/ de ni shin tu rmongs par gyur pa yin te/ bde bar gshegs pa'i bka' nges pa'i don gyi mdo rnams la the tsom za ba rnams la lan gyi tshig sbyin par bya ba ma yin na 'on kyang 'dir rdo rje sems dpa' la sogs pa ni 'khor los sgyur ba lnga la dgongs nas byang chub sems dpar rtags kyiS?
- 44a
thog ma med pa nas yang dag par rdzogs pa'i sangs rgyas yin la/ byams pa la sogs pa ni bskal pa bzang po 'di nyid kyi byang chub sems dpa' yin te/ rgyud 'dir yang rdo rje sems sogs sems dpa' mchog/ /rdzu 'phral che ba'i sems dpa' rnams/ /zhes khyad par gyi tshig gsungs pa dang/ rta ba pas khyams ni thams cad du/ /byams pa la sogs dgod par bya zhes khyad par phye ba nyid kyis yon tan gyi khyad par yod par shes par bya ste/ shes rab kyi pha rol tu phyin pa brgyad stong pa las kyang/ bcoM ldan 'das kyis bka' stsal pa/ rab 'byor mi bskyod pa'i drung na gnas pa'i byang chub sems dpa' de dag ni de bzhin gshegs pa 'ba' zhig 'dus pa yin par rig par bya'o zhes gsungs pa yin pa'i phyir ro/ /de nas mkhas pas dkyil 'khor la/ /bla re rgyal mtshan lhab lhub dang/ /gdugs dang rnga ma lnga lngi dang/ /'phan dang sna tshogs na gza' mchog /gser la sogs pa'i bum pa mchog/ brgyad dang bcu drug lhag kyang rung/ /dbang bskur rin chen chus bkang ba'i/ /bum pa lnga ni bzhag par bya/ /mar me gtor ma'i bum pa dang/ /mdzes pa'i bshos rnams bzhag bya ste/ /bza' dang ba tung ba sbyar legs dang/ /bca' ba sna tshogs bzhag par bya/ /gnod sbyin srin po'i kha zas su /gtor ma rnam pa sna tshogs bzhag/ 'byung po kun dang lha dang klu /mi dang mi min de bzhin te/ /me tog dri rnams sna tshogs bzhag/ 'o ma mar dang kha rar bcas/ /rnam rgyal bum pa dri yi chus/ /rab tu bka' ste bzhag par bya zhes gsungs pa ni 'dir mchod pa'i yo byang phun sum tshogs pa bsags par gsungs pa ste/ de la rnam pa gnyis te/ dmigs pa dang bcas pa dang/ dmigs pa med pa'i mchod pa'o/ /dmigs pa dang bcas pa la gsum ste/ lus dang ngag dang rdzas so/ /dmigs pa med pa la gnyis te/ thun mong dang khyad par can gyi mchod pa'o/ /deng ga la dbye ba ni dpag tu med pa cig yod de/ 'dir ma bshad do/ /de la re zhig dmigs pa dang bca'
- 44b
pa rdzas kyi mchod par gsungs te/ gsang sngags la sogs pa'i rdo rje slob dpon gyis dkyil 'khor gyi steng logs su bla re dang/ bum pa dang/ de'i zur bzhi la rnga yab gser gyi yu ba can gdags pa dang/ dkyil 'khor zur bzhir chu srin la sogs pa'i rgyal mtshan gzugs pa dang/ de dag gi bar bar du gdugs dang/ lnga ldi dang/ ba dan dang/ dar la sogs pa'i na bzas brgyan par bya'o/ /de nas dkyil 'khor gyi mdza' logs su gser ram dngul lam/ zangs sam sa la sogs pa'i bum pa/ rtsa ba'i lha'i grangs dang sbyar ba 'am/ bcu drug gam brgyad la sogs pa'i nang na dri dang sman dang 'o ma dang/ me tog la sogs pas bkang ba/ gos dang kha brgyan du bcas pa bzhag par bya ste/ de dag ni mchod pa'i bum pa zhes bya'o/ /dbang skur rin chen chus bkang ba'i/ /bum pa lnga ni bzhag par bya zhes par ni slob ma dbang bskur ba'i phyir/ bum pa'i kha dog dkar po lnga la pad+ma'i steng du bde bar gshegs pa lnga'i phyag rgya 'khor lo dang/ rdo rje la sogs pas mtshan par bris la/ nang rin po che sna lnga dang/ dri dang 'o mas bkang ba bzhag par bya ste/ de dag ni dbang gi bum pa zhes bya'o/ /de nas rang gi mdun du sngar bsnyen pa'i skabs su bgegs mthar byed kyi snying po bzlas pa'i bum pa dri'i chus bkang ba bzhag ste/ de ni las thams cad pa'i bum pa zhes bya'o/ /de nyid kyi tshe gzhal yas khang gi nang du lha bskyed par ni rnam par rgyal ba'i bum pa zhes bya'o/ /de nas dkyil 'khor gyi mdza' la sogs pa bla na med pa'i lha dang bla mar gyur pa'i lha gnyis kyis grangs dang sbyar ba 'am/ bla na med pa'i grangs dang sbyar ba 'am/ drug cu pa la sogs pa'i zhal zas dang/ rgun 'brum la sogs pa'i btung ba dang/ /bar la sogs pa'i bca' ba dang/ a mra la sogs pa'i 'bras bu dang/ utpa la sogs pa'i me tog dang/ a ka ru la sogs pa'i bdug pa dang ga bur la sogs pa'i dri dang/ rin po che la sogs pa'i snang ba dang/ gur gum kha sogs pa'i byug pa bzhag par bya'o/ /de nas bdag nyid chen po la sogs pa'i yo byang
- 45a
duAng/ de bzhin bzhag par bya ba dang/ lha ma yin dang/ klu la mngar gsum dang dkar gsum du sbyar ba'i gtor ma chen po gcig dang/ gnod sbyin dang srin po la sogs pa la sha dang khrag dang chad la sogs pa sbyar ba'i gtor ma chen po gcig dang gzhan yang snying rje bskyod pa'i lha sems can thams cad la/ mi rnams kyi longs spyod pa'i kha zas sna tshogs bas bkang ba'i gtor ma chen po gcig bzhag par bya zhing me tog gi phreng ba sna tshogs pas kyang dkyil 'khor dang rdzas thams cad brgyan dang bya'o/ /de nas khrus sogs rab byas la/ /dri dang rgyan mchog phreng ba can/ /dri zhim kha bkang mchog mdzes pa/ /rdo rje 'dzin mar zhugs nas kyang/ me tog thogs te sgo phyogs 'dug/ gtso bo rgyal ba sras kyi 'khor/ /mang po rnams ni spyan drangs te/ /phyag rgya sngags dang bdag ldan zhing/ /lcags kyu la sogs rnal 'byor gyis/ /dza:hUM baM ho(rgyud 'grel): thugs rje'i bdag/ tshur gshegs kyis ni brjod nas kyang/ /gsang ba'i bcing pas bcings nas ni/ /mdzub gnyis lcags kyu'i tshul du bya/ /zhags pa bzhin du sbyar nas kyang/ /de nyid lcags sgrol tshul du bya/ /ma theb gnyis nang du bkug nas kyang/ /bskyod par myur na dbang du 'gyur zhes gsungs pa ni 'dir rnal 'byor phun sum tshogs pa gsungs pa ste/ de la 'dir ting nge 'dzin gsum gyi tshig mangs pas 'jigs pas ma bris shing tshogs chung bas bsgrub pa'i phyir thams cad dkyil 'khor gyi cho gar byas so/ /'dir ni rgyud kyi tshig drang thad du grol ba ste/ de la rnam pa gnyis so/ /bdag nyid phun sum tshogs pa dang/ las phun sum tshogs pa ste/ de la bdag nyid phun sum tshogs pa 'di ltar/ de nas khrus la sogs pa rab byas la/ dri dang rgyan mchog phreng ba can/ /dri zhim kha bkang mchog mdzes pa/ /rdo rje 'dzin mas zhugs nas kyang/ /me tog thogs te sgo phyogs 'dug zhes gsungs te de la dang por dri dang 'o ma la sogs pa 'jig rten las 'dab pa'i mched du khrus legs par byas bud
- 45b
rtsam la sogs pas lus legs par byugs te/ gser la sogs pa'i dbu rgyan dang/ rna cha dang/ mgul rgyan dang/ ga du bu dang/ gsor gdub dang/ utpa la dang/ dar dbyangs dad/ do shal la sogs pas las brgyan la/ gos dkar po gyon la me tog gi phreng bas mgo la brgyan cing/ gos la la sogs pas kha rgyan pa ci nas kyang shin tu mdzes pa yid du 'ong bar byas nas rdo rje 'dzin mas 'jug par byas te/ de nas rdo rje 'dzin min rnam pa gnyis so/ /gcig ni bdag nyid kyi 'og tu a las zla ba'i dkyil 'khor de'i steng du h+ri las utpal/ de dag gyur pa las bdag nyid de bzhin gshegs pa thams cad mched pas dgyes shing dbang du byed pa/ las thams cad kyi rdo rje 'dzin ma zhes bya ba'i lha mo sku mdog dkar mo shin tu mdzes pa bsams so/ /gcig ni de bzhin gshegs pa thams cad kyi yuM rdo rje dbyings kyi dbang phyug ma zhes bya ba'i phyag rgya lag pa gnyis pad+ma ltar byas las mthe'u chung gnyis nang du ? mthe bong gnyis brkyang ste mdzub mo gnyis kyi rin chen dang srin lag gnyis pad+ma'i tshul du byas la/ gung mo gnyis ngos sbyar te/ bsgreng la de'i rtse mo la me tog gi phreng ba bkal te/ shar gyi sgor 'dug par bya ba nyid do/ /de la gang dag 'di skad du rnal 'byor gyi dang por ni chos thams cad bdag med par bsgom pa ste/ de yis rnam par dag pas las khrus dang rgyan la sogs pa ni dgos pa med do zhen/ de ni ma yin te/ bde bar gshegs pas 'di nyid yang gsungs pa/ ci nas kyang yid du 'ong zhing mdzes pa rnams kyis bde bar gshegs pa la mchod pa dang/ de dag gi spyan sngar mi mdzes pa spang pa'i phyir dang/ de bzhin du 'dul ba'i mong rnams su 'ang bcom ldan 'das kyis nye bar 'khor la bka' stsal pa nye bar 'khor dge slong rnams kyis nang par sngar langs la gdod dang so'i dri ma dag par bkrus la bla gos rnang snam sbyar tshul bzhin du dgos te/ lus dang ngag dang yid kyis spyod pa kun nas bsdams shing mdzes pa nyid kyis ston pa dang bla ma dag la phyag bya'o zhes
- 46a
gsungs pa'i phyir ro/ /yang gang dag 'di skad du mchod pa'i skabs su ni bsod nams kyi tshogs sogs yin pas bdag nyid tha mal pa'i gnas skabs nyid kyi mchod par bya ba yin zhing/ lha'i skur bsgom pa ni ye shes kyi tshogs sogs pa yin pa na/ lha mo'i skur bsam pa ni 'brel pa med do zhe na/ de ni 'di ltar bcom ldan 'das kyis sangs rgyas thams cad kyi rgyud chen po las/ rnal 'byor rnam pa gsum yin te/ /yid 'ong 'jigs pa'i gzugs can dang/ /sna tshogs pa ni lha'i sku/ /las rnams ma lus byed par 'gyur zhes gsungs pa'i phyir ro/ /bde bar gshegs pa rnams la mchod pa'i khyad par yid du 'ong bas bya ba dang/ dbang du bya pa'i las kyis lha po'i gzugs su bya ba kho na'o/ /de bas na lha mo'i tshul du gnas pa las sems can rnams kyi don du sems bskyed la chos thams cad bdag med par bsams te/ oM shU n+ya tA dz+nyA? na badzra swa b+ha ba At+ma kohaM zhes brjod par bya'o/ /de nas chos thams cad rang bzhin gyi rnam par dag pa dri ma dang bral ba stong pa nyid du bsams te/ oM swa b+hA ba shud+d+ha sarba d+harma swa b+hA ba shud+d+ho haM/ zhes brjod par bya'o/ /de nas gong du smos pa'i rnal 'byor dang/ sngags kyi bgegs bskrad par bya ba dang/ rdo rje'i sa gzhi la sogs pa 'am/ rdo rje lu gu brgyud kyi sngags kyis rim pa ji lta ba bzhin du mtshams bcad par bya'o/ /de nas bdag nyid khro bo stobs po cher bskyed la gnas dang bdag nyid dang/ mchod pa'i rdzas rnams la/ oM badzra kro tam hA pa la rak+Sha rak+Sha swA hA/ zhes bya bas bsrung bar bya ste/ de yang rdo rje thod kyi rgyud las dang por yungs kar dri chu yis/ /gnas dang bdag nyid rnal 'byor bsrung zhes gsungs so/ /de nas mgrin pa'i nang du h+ri bsams te/ de gyur pa las pad+ma 'dab ma brgyad pa gcig tu bsam mo/ /de nas pad+ma'i nang du lce la yi ge hUM bsams te/ de gyur pa las rdo rje rtse gsum pa gcig bsam par bya ba dang/ lag pa gnyis su a dang ma las nyi ma
- 46b
dang zla ba bsams te/ de dag gi steng du yang hUM bsams la/ de gyur pa las lag pa gnyis rdo rje rtse gsum pa re re bsgom par bya'o/ /de nas bdag gis gsum la skyabs su 'gro ba dang/ sdig pa bshags pa dang/ sdom pa gzung ba dang/ bsod nams la rjes su yi rang ba dang/ bsod nams yongs su bsngo ba dang/ byams pa la sogs pa tshad med pa bzhi bsgom pa dang/ sems can thams cad lam la gnas par bya ba la sogs pa byas te/ rang gi snying gar a las zla ba'i dkyil 'khor bsams te/ de'i steng du hUM bsams te/ da las 'od zer kha dog lnga pa nam mkha' i phyogs su 'bros pa las/ de bzhin gshegs pa'i gtso po dang 'khor du bcas pa rnams spyan drangs la mdun gyi nam mkha' la bzhugs par bsams te/ mchod pa rnam pa lngas mchod cing phyag byas la dang po'i phyag rgya bcas la bla na med pa'i sems bskyed par bya'o/ /phyag rgya la sogs bdag ldan zhing/ /lcags kyu la sogs rnal 'byor gyi zhes pa la sogs pa ni 'di ltar shar phyogs kyi khro mo bskyed la/ rdo rje bsdams pa las mthe bong gnyis bdud de/ mdzub mo gnyis lcags kyus tshul du bkug te/ dza:zhes brjod pas/ bde bar gshegs pa rnams dgug par bya ba dang/ de bzhin du lho phyogs la sogs pa'i khro mor bskyed de/ rim pa ji lta ba bzhin du rdo rje bsdams pa las lag pa g.yon pa'i mtheb mo dang mdzub mo rtse sprad de de'i nang du g.yas pa'i mthe bo bcug la mdzub mo zhags pa ltar brkyang ba la hUM zhes brjod nas bzhugs par bya ba dang/ de nyid las lcags sgrog gi tshul du mtheb mdzub bzhi rtse sprad la'o zhes brjod nas brtan par bcing ba dang/ mthe bong gnyis nang du bkug la mdzub mo gnyis glu bzhi par byas pas lan gsum gyi bar du bskor zhing ho zhes brjod pa ni dgyes par bya ba nyid do/ /de nas rtags byung dgyes nas ni/ /dbus mdza' med par mngon sum blta/ /an? la sogs lha rdzas dang dbyangs snyan pa'i bstod pa dang mchog gi dam pa
- 47a
rnams kyis mchod zhes gsungs pa ni 'dod pa'i yon tan lnga mchog tu gyur pas yongs su mchod par gsungs pa ste/ de la rtags ni 'dir rnam pa gsum du shes par bya ste/ nang du yid kyi rnam par shes pa khyad par can du gyur pa dang phyi rol du 'byung ? ngo bo khyad par can du gyur pa dang/ de nyid kyi gzugs rnams g.yo bar gyur pa'o/ /de la rtags de dag nyid kyis bde bar gshegs pa dgyes par bya ste/ dbus mdza' med par mngon sum lta ba ni dkyil 'khor ste/ de nyid du blta pa'o/ /de nas der byon pa dang/ gong du smos pa'i tshul kyis dang por me tog dbul ba dang/ de nas argas zhabs bsil ba dang/ de nas phyag bya ba dang/ de nas rim pa ji lta ba bzhin du 'khor los skyur ba'i rgyal po'i tshul gyis bdug pa dang snang ba dang/ zhal zas dang dri dang nam bza' rnams kyis mchod par bya'o/ /mchog gi dam pa rnams kyi mchod ces pa ni dmigs pa med pa'i mchod pa gsungs pa/ de la dmigs pa med pa thun mong gi mchod pa rang gi snying gar a las zla ba'i dkyil 'khor bsam/ de'i stong du ri dmar ser las yid bzhin gyi nor bu rin po che thung brgyad pa sngon po 'bar ba gcig bsams la/ de la byung ba'i mchod pa rta dang glang po dang/ skyes pa dang bud med dang/ ral gri dang/ 'khol po dang/ me long dang/ rol mo dang/ rnga dang car te'u dang/ pi wang dang/ bdud rtsi la sogs pa lha dang mi rnams kyi mchod pa'i mchog tu gyur pa dpag tu med pas mchod par bya ba nyid do/ /de la dam pa zhes bya ba'i sgras ni dmigs pa med pa khyad par mchod pa gsungs te/ de la 'di ltar ngan song spyod pa'i thugs ka nas sangs rgyas spyan phyung ste/ rnam par snang mdzad kyi thugs kar phul nas bde ba dam pa'i ros rgyas par mchod pa dang/ de nas slar rnam par snang mdzad kyi thugs ka nas spyan ngan song sbyong ba'i thugs kar phul ba dang/ de nas rim pa ji lta ba bzhin du bcom ldan 'das rnam par snang mdzad kyis rin po che tog dang/ shAkya thubpa dang/ me tog char
- 47b
rgyas rnams la gos dkar mo la sogs pas bde ba dam pa'i mchod pas rgyas par bya ba dang/ yang rim pa ji lta ba bzhin du sangs rgyas spyan dang sgeg mo dang/ spos ma dang/ lcags kyu ma bzhis rdo rje sems dpa' la sogs pa shar phyogs kyi sems dpa' bzhi la mchod pa dang/ de bzhin du lho'i lha mo bzhis rdo rje rin chen la sogs pa la mchod pa dang/ nub kyi sems ma bzhis rdo rje chos la sogs pa la mchod pa dang/ byang gi sems ma bzhis rdo rje las la sogs pa la mchod pa bya ba dang/ rang rang gi phyag rgya chen po'i gzugs kyis dam tshig gi phyag rgya rdo rje bsdams pa las/ las kyi phyag rgyas snying po dbul bar bya ba nyid do/ /de la gad dag 'di skad du/ lha mo rnams kyis bde ba dam pa'i mchod pa 'bul ba ni rnal 'byor bla ma dang rnal 'byor bla na med pa'i rgyud rnams yin te/ 'dir ni de dag 'brel pa med do zhe na/ de ni bde bar gshegs pa'i bkas smos par gyur pa yin te/ 'di ltar 'brel pa nyid ci'i phyir 'brel pa med de de bzhin gshegs pa la phyi dang nang dang/ rung ba dang mi rung ba zhig mnga' 'am/ 'on te rnal 'byor gyi rgyud 'di nyid du bcom ldan 'das kyis rung ba ma yin gsungS sam/ 'on te bla na med pa'i rgyud gzhan nas 'dir 'gog gam/ dam bcas na de bzhin gshegs pa la ni sku gcig pa'i rang bzhin dang/ gsung gcig pa dang/ thugs gcig pa dang/ sangs rgyas kyi yon tan gcig pa yin te/ de bzhin gshegs pa la 'dod pa'i yon tan lngas mchod kyang de dag gis longs spyod pa'am/ /ro nyams su myong ba la sogs pa mi mnga' yang bdag nyid kyi bsod nams bsags pa'i phyir dang/ sems can mdza' dag bsgral ba'i phyir 'khor los sgyur ba'i rgyal po'i longs spyod kyi tshul gyis yongs su mchod par bya ba nyid de/ de yang sangs rgyas rol ba'i rgyud rnal 'byor spyi'i rgyud las kyang rnam par snang mdzad rdo rje dbyings/ /'dod yon lnga yi mchod pa dag/ /'gro ba'i don la rab sbyar nas/ /rang nyid kyis ni dgyes par mdzad ces gsungs pa'i phyir ro/ /dbyangs snyan pa'i bstod pa dang zhes pa ni 'di ltar
- 48a
rdo rje snying gar bsgreng ste/ dril bu gnas gsum du dkrol bas/ mtshan brgya rtsa brgyad kyis bstod pa ni dag shin tu ring ba dang snyan pas rdo rje glu dang bstod pa bya ba nyid de/ rang bzhin 'od gsal rnam dag kyang/ /bde chen sangs rgyas chen pas ni// 'gro kun tshul bzhin sgrol mdzad pa/ /rnam snang mdzad la phyag 'tshal bstod ces pa la sogs pas bstod pa nyid dang/ rdo rje sgeg mo la sogs pa'i rdo rje'i glu blang ba ni mchod pa thams cad kyi mtshams su blang bar bya ste/ de yang de kho na nyid bsdus pa'i rgyud las/ rdo rje sems dpa' bsdus pas ni/ /rdo rje rin chen bla na med/ /rdo rje chos kyis glu blangs pas/ /rdo rje las kun 'grub par 'gyur zhes pa la sogs pa'o/ /de la mchod pa'i sngags dang phyag rgya dang bstod pa'i tshig la sogs pa ni tshig mangs pa'i skyon du gyur gyi dogs nas/ 'dir ma smos te/ dkyil 'khor gyi cho gar blta bar bya'o/ /de nas 'byung po kun gyi gtor ma bya/ /sems can bkres shing skom pas gdungs pa dang/ /phyogs na gnas pa rnams la rnam par btag/ de yi gtor ma ji ltar mthun par bya zhes gsungs pa ni 'dir snying re brjod pa'i lha rnams la gtor ma sbyin par gsungs te/ de la gtor ma rnams kyi 'og tu yaM las rlung gi dkyil 'khor bsams la de'i steng du raM las me'i dkyil 'khor bsam/ de'i steng du traM las rin po che'i snod rgya chen rin po che sna bzhi las grub pa bsam mo/ /de nas de'i steng du hUM las rdo rje bsam/ de'i lte ba la hUM bsams la de nas rdo rje dang las kyi me 'bar bas rdzas thams cad lha'i bdud rtsi dkar zhing 'tsher bar zhu bar gyur pa dang/ rdo rje'i lte ba la gnas pa'i hUM las 'od zer nam mkha' i phyogs su spros pa las ye shes kyi bdud rtsis blangs te/ rdo rje dang ldan cig zhu bar gyur pa ni rdo rje bdud rtsi zhes bya'o/ /de nas oM swa b+hA ba shud+d+ha sarba d+harma swa b+hA ba shud+d+honyhaM zhes pa dang/ oM shU n+ya dz+nyA na badzra sra b+hA ba At+ma konyhaM zhes brjod do/ /de nas rang gi snying ga'i sa bon las 'od 'phros pas gang la dmigs
- 48b
pa'i 'gron thams cad bkug ste/ thams cad rnam par snang mdzad du gyur pa las de dag gi rkan la a las zla ba'i dkyil 'khor bsam/ lce la hUM las gyur pa'i rdo rje rtse gsum pa bsams te/ de'i lce'i bu ga dag gis bdud rtsi la zug pas 'thungs par bsams nas sngags dang tshigs su bcad pa rnams bton te btang bar bya'o/ /de nas sngags pas bla med byang chub kyi/ /gnas su slob ma yongs su smin par bya/ /'gro la phan phyir myur du byang chub par/ /de dag byang chub sems mchog bskyed du gzhug/ de nas byin brlab byang chub smon lam gdab/ /zab cing rgya che dam pa'i chos bsgrags la/ /bsrung ba byas nas brtul zhugs sdom gnas pa/ /rab zhi kha nas sngags brjod gzhug par bya/ /dar la sogs pas mig gnyis g.yogs nas ni /rdo rje 'dzin pa'i phyag rgyar lag gnyis bya/ /me tog rin chen la sogs de brgyan la/ /g.yon gyis lag pa bkang ste gzhug par bya zhes gsung ba ni/ 'dir slob ma dbang bskur ba gsungs te/ de la 'di ni 'das pa dang da ltar gnyi ga la thun mong bya ba nyid do/ /de la dang po blo dang ldan pa rnams kyis bde ? gshegs pa rnams la gsol ba gdab pa dang/ rang nyid bde bar gshegs pa rnams rim pa ji lta ba bzhin du dbang mnos te/ yang dag par gnang ba blang bar bya'o/ /de nas gnang ba legs par byin pa dang/ snying ga dang dbral ba dang lkog ma gsum du zla ba la gnas pa'i yi ge 'bru gsum las sku gsum du bsams te/ oM sarba ta thA ga ta tsit+ta badzra swa b+hA ba At+ma ko haM/ oM sarba twa thA ga tA ba ga badzra swa b+hA pa At+ma ko haM/ oM sarba ta thA ga tA ka ya badzra swa b+hA ba At+ma ko haM/ zhes brjod nas lus dang ngag dang yid gsum byin gyis brlab par bya'o/ /de nas nus pa dang ldan pa las slob ma dbang bskur bar bya ba ni rang nyid lhar gsal la slob ma rnams rnam par snang mdzad du bsams te/ las thams cad la bya ba nyid do/ /de nas sngags pas bla med byang chub kyi/ gnas su slob ma yongs su smin bar bya ba zhes ba ni bla ma med pa thar pa chen po'i grong khyer yin pa'i phyir
- 49a
gnas zhes bya ste/ der slob ma yang dag par rdzogs pa'i byang chub tu smin par bya ba nyid do/ /'gro la phan phyir myur du byang chub par/ /de dag byang chub sems mchog skyed du gzhug ces pa ni dang por sdig pa bshags pa dang/ gsum la skyabs su 'gro ba dang/ bla na med pa yang dag par rdzogs pa'i byang chub tu sems bskyed du gzhug pa dang/ rdo rje theg pa la khas yang dag par 'ches su gzhug par bya ste/ de dag gi tshig rgyas pa ni dbang gis rim par blta bar bya'o/ /de nas byin brlab byang chub smon lam gdab/ /zab cing rgya chen dam pa'i chos bsgrag la zhes pa ni byin gyis brlab pa ni rnam par snang mdzad du byin gyis brlab par 'brel to/ /dam pa'i tshes bsgrag pa ni ded nas khyod ni bde bar gshegs kyi kun gyi rigs su zhugs pas na/ /das ni khyed kyi ye shes bskyed/ /ye shes de yi stobs dag gis/ /sangs rgyas kun kyang 'grub 'gyur na/ /dngos grub gzhan lta smos ci dgos zhes pa la sogs pas tshig bsgrag par bya ba nyid de/ de yang 'di da? tshe? 'das pa'i gang zag rnams la ni gdon mi za bar rnam par dag pa zhes bya ba'i ting nge 'dzin gyis de'i rnam par shes pa bkug ste tshig rnams dang yon ni ma dang pha la sogs pas brjod par bya'o/ /bsrung ba byas nas brtul zhugs sdom gnas pa/ rab zhi kha nas sngags brjod gzhug par bya zhes pa ni bsnyen pa'i skabs su 'gegs mthar byed kyis bzlas pa'i bum pa nas chu blangs te/ oM badzra kro d+ha sarba bi g+ha na ha na ha na hUM phaT rak+Sha rak+Sha hUM phaT ces pas chu gtor bar bya ba dang/ oM badzra pra be sha hUM zhes pa'i sngags brjod pas 'dir zhugs shig ces brjod nas gzhug par bya'o// dar la sogs pas mig gnyis g.yogs nas ni zhes pa de'i snga rol tu mig g.yog par bya'o/ rdo rje 'dzin ma'i phya rgyar la gnyis bya zhes pa ni slob ma de gong du smos pI phyag rgyar byas ba'o/ /stog rin la sogs de brgyan ba zheS ba ni phyag rgya de'i rtse mol me tog gi phred ba 'am/ me tog gi phreng bas brgyan te/
- 49b
de yang slob ma'i bye brag rgyal po la sogs pa dang sbyar bar bya ba nyid do/ /yon gyis lag pa bkad ste gzhug par bya zhes pa ni gser la sogs pa'i yon gyis lag pa bkang ste bzhugS par bya ba nyid do/ /de la sngags ni 'di rnams yin no/ /oM badzra a d+hi tiSh+Tha na hUM/ oM badzras ma ya hUM/ oM badzra pra be sha hUM/ a sa me/ tris me/ ma hA sa ma ye hUM zhes pa'i sngags rnams ni rim pa ji lta ba bzhin du rnam par snang mdzad du byin gyis brlab pa dang/ snying gar rdo rje bzhag la 'di ni khyod kyi dam tshig go zhes pa la sogs pa'i tshig brjod cing/ oM sngags gnyis pa bzlas par bya'o/ /gsum pa ni gzhug pa'i sngags so/ /bzhi pa ni mna' bsgag pa'i sngags te 'di ltar 'di ni khyod kyi dmyal ba'i chu/ dam tshig 'das na sreg par byed/ /dam tshig bsrungs na 'grub 'gyur ba'i/ /rdo rje bdud rtsi'i chu 'thungs shig ces bsdod? nas dri chu? pa'i sngags so/ /de nas sngags 'dis me tog la sogs dor bar bya'o/ /sangs rgyas dngos grub thob bya'i phyir/ /bdag la thugs brtsar dgongs nas ni/ /sman par dgongs te bzhes su gsol/ /oM badzra pra ti grih+na hUM/ oM badzra pra tits+tsha badzra sa ma a hUM stwaM/ me tog rin chen la sogs pa/ /gang la dab pa rigs kyis/ /des pa'i rigs te bsgrubs nas ni/ /dngos grub 'gyur te the tshom med ces gsungs pa ni pra dbab pa'i chog gsungs pa ste/ de la god ma'i tshig dang sngags ji lta ba bzhin du brjod de/ me tog gzung ba dang dong bar bya'o/ /de las dngos grub mtshon par bya ste/ de la sangs rgyas rnams kyi spyan dang zhal du phog pa ni sngags kyi dngos grub tu 'gyur ro/ /mchog gi yan lag la ni mchog gi 'gyur ro/ /de nas lha de dag gi bar du song na yang mdor du gzhug go/ yang der lhung na gang du te ba'i rigs su bsdu bar bya'o/ /rdo rjer ba'i phyi rol tu lhung na ni/ dngos grub 'grub par mi 'gyur ba ni lan gsum gyi bar du bor ba las shes par bya'o/ /de nas oM badzra ba shodg+ha Ta ya hUM zhes pas gdong g.yogs dgrol bar bya'o/ /de nas 'dis
- 50a
gsal bar brtan par bya'o/ /oM badzra pA sha ho de nas gtso bo nas sgo srung gi bar du lha rnams kyi mtshan dang pho brang bstan par bya ste/ gang du bab pa'i lha khyod kyi yi dam gyi lha 'di zhes bya ba yin pas the tshom mi za bar bsgrubs par bya'o zhes bsgo bar bya'o/ /de nas sngags la mkhas pa yis/ /sngags 'dis dam tshig sbyin par bya/ /oM badzra sa ma ya hUM phaT/ oM badzra sa ma ya h+rid ya me pra be sha h+ri da tiSh+Tha hUM/ de nas 'dis dam tshig bsgrag par bya'o/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na 'grub 'gyur ba'i/ /rdo rje bdud rtsi chu 'thung zhig /rdo rje sems dpa' nyid kyang ni/ /ded nas khyod kyi snying la gnas/ /gal te dam tshig 'das gyur na/ /de ma thag tu bkas nas gshegs /rdo rje 'dzin rgyal khrol nas ni/ /bdun rgyud rigs ni brlag par mdzad/ /de bas rtag tu bu khyod kyis/ /rgyal bas gsungs pa'i dam tshig dang/ /sdom pa dang ni bla ma'i bka' / /shin tu mos pas bsrung bar bya zhes pa la sogs pa ni mig ma phye ba'i snga rol tu bya ba'i cho ga ste/ mna' bsgag pa dang dam tshig dang sngags te/ de las bshad du med pas 'dir ma bshad do/ /khyod kyis srog chags gsad mi bya/ /ma byin par yang blang mi bya/ /brdzun dang 'dod log spyod pa rnams/ /dngos grub 'dod pas bya ba min/ /chang ni btung bar mi bya zhing/ /sha la sogs pa bza' mi bya/ /sems can gnod par sbyor ba ni/ /nam yang bya ba ma yin te/ /dkon mchog gsum ni yongs mi spang/ /dus kun tu ni byang chub sems/ /snying po sngags dang phyag rgya dang/ /lha dang bla ma de bzhin no/ /sdig la sogs pa gang yin dang/ /bla ma'i bka' las 'da' mi bya/ lta la phul ba'i rnying pa dang/ /de yi grib ma 'gom mi bya/ /phyag rgya'i gzugs la'ang de bzhin te/ /sngags dang lha la smad mi bya/ /gdon gyi la sogs bya ba min/ /mu stegs can la smad mi bya/ /mdor na yid gnyis som nyi the tshom mi bya ste/ /bdag gi de
- 50b
nyid dang ni sngags sogs de bzhin no zhes pa la sogs pa ni 'dir sdom pa dbog par gsungs pa ste/ de nyid skabs 'dir dam tshig ces bya'o/ /de la ci'i phyir dam tshig ces bya zhe na/ dus thams cad du bdag gis de las yang dag par mi 'da' par dam bcas pa'i phyir te/ ngo bo ni sdom pa'o khyod kyis srog chags bsad mi bya zhes pa la sogs pa'i tshig bzhi ni rtsa ba'i dam tshig ces bya ste/ dus thams cad du yang dag par bsrung bar bya ba nyid do/ /de ci'i phyir zhe na/ dngos grub la gegs byed pa dang/ sdug bsngal chen po'i rgyur 'gyur ba'i phyir yongs su bsdams pa'o/ /de la 'dod log ces pa'i sgras ni legs par gsungs pa'i chos 'dul ba la gnas pa'i dge slong las/ khyim pa'i byang chub sems dpa' dmigs kyi bkar ba ste/ mi tshangs par spyod pas ni thar pa'i lam mi 'gegs la 'dod pa log par spyod pas ni 'gegs zhes gsung ngo/ /de la ci'i phyir mi tshangs par spyod pas ni mi 'gegs zhe na/ de ni kun nas chags pa'i bsam pa spangs shing snying rje chen pos 'gro ba'i don byed pa'i phyir/ de bzhin gshegs pas kyang khyim pa'i byang chub sems dpa' rnams kyis 'phags pa'i 'bras bu thob par gsungs pa'i phyir ro/ /'dod pa log par spyod pa ni 'dir bdag nyid kyis rag bya'i bde ba 'ba' zhig chags pas 'jig rten 'di'i 'bras bu sgrub pa'i phyir 'dir bkag pa nyid ngo/ /chad ni btung bar mi bya zhing/ /sha la sogs pa bza' mi bya/ /sems can gnod pa'i sbyor ba ni/ /nam yang bya ba ma yin te zhes pa ni yan lag gi dam tshig yid kyis bsdam par bya ba ste/ de la chang ni bde bar gshegs pa'i bka' mthar dag las bkag pas bag med par 'gyur ba'i rgyu yin pa'i phyir rnam pa thams cad du btung bar bya ba mi yon ba'o/ /sha la sogs pa zhes pa ni sha dang sgog pa dang/ ke'u dang/ mang na'i khu ba la sogs pa ste/ de dag ni byang chub sems dpa' i sdom pa la gnas pa rnams
- 51a
kyis snying rje shas chung bar 'gyur ba'i phyir dang/ bde bar gshegs pa'i spyan sngar dri ra ba dang/ mi mdzes pa spang ba'i phyir dang/ bag med pa spong ba'i phyir te/ bdag med pa la gnas pa'i gang zag la ni ma yin no/ /sems can gnod pa'i sbyor ba rnams zhes pa na lus kyi sgo nas mtshon brtsams pa dang/ rdo dang dbyug pa la sogs pa tsam gyis kyang sems can rnams kyi lus la gnod par 'gyur ba mi bya ba dang/ dag gi sgo nas gzhan la gnod par 'gyur pa'i tshig dag smra par mi bya ba dang/ yid kyi sgo nas bsam pa ngan pa dang gnod par 'gyur ba la rjes su yi rang bar mi bya ba de/ de dag las rtsa ba bzhi ni rang gi srog la bab kyang mi btang bar bya ste/ bdag gi srog gcod pa ni/ /sdug bsngal cung zad cig la/ rtsa ba'i dam tshig nyams pa ni mnar med pa'i sdug bsngal mi bzang pa myong bar 'gyur ba'i phyir ro/ /yan lag gi dam tshig bzhi ni rkyen gyis dbang gis nyams par gyur ba'i bsnyen pa nas bsgrub pa chen po'i bar du mi spyad par bya zhing/ nyes pa byung nas kyang bde bar gshegs pa rnams kyi spyan sngar yi ge brgya pa la sogs pas bshags pa bya ba nyid do/ /dkon mchog gsum ni yong mi spang zhes pa nas/ bdag gi de nyid dang ni sngags sogs de bzhin no zhes pa'i bar du ni shes par bya zhing/ spyad par bya ba'i dam tshig bcu gsungs te/ de la dkon mchog gsum mi spang ba ni de la khyad par du gsod pa ngang ma gus pa la sogs pa nyid mi bya ba nyid do/ /dus kun tu byang chub kyi sems mi btang ba ni skabs 'dir rnam pa gsum ste/ kun rdzob dang sgyu ma dang don dam pa'o/ /de la kun rdzob byang chub kyi sems ni bdag gis sems can thams cad kyi don du byang chub tu sems bskyed pa ji srid mngon par rdzogs par sangs rgyas kyi bar du mi btang ba'o/ /sgyu ma byang chub kyi sems ni rgyu bla na med pa ste/ rang gi sa bon yongs su mi spang bar bya ba nyid do/ /don dam pa byang chub kyi sems ni
- 51b
rnam par rtog pa thams cad dang bral zhing chos thams cad rang bzhin gyis rnam par dag pa'i sems rgyun tu mi gtong ba nyid do/ /de yang bcom ldan 'das kyis byang chub sems ni rnam gsum dang/ /nam yang bral bar mi bya'o/ /gal te bral na sngags kyis ni/ /rtsa ba'i ltung ba nyams par 'gyur zhes gsungs pa'i phyir ro/ /snying po sngags dang phyag rgya dang/ lha dang bla ma de bzhin no zhes pa la snying po ni ye shes te/ de skyed par byed pa'i nang gi rnal 'byor bsgom par bya'o/ /sngags ni sngags kyi bzlas pa ste/ de rgyun tu bya ba nyid dang/ phyag rgya ni rtags te de dang 'brel par mchod pa la sbyor ba'o/ /lha ni dkyil 'khor gyi lha'o/ /bla ma ni rdo rje slob dpon te de dag la rgyun tu mchod cing mi btang bar bya ba nyid do/ /sdig la sogs pa gang yin dang/ /bla ma'i bka' las 'da' mi bya zhes pa ni sdig par gyur pa'i lus dang ngag dang yid kyis kun tu spyod pa dag mi bya ba nyid dang bla mas ji ltar gsungs pa'i bka' las 'da' bar mi bya ste/ bdud kyis byin gyis brlabs pa la sogs pa'i bla ma'i bka' ni ma gtogs so/ /lha la phul ba'i rnying pa dang de yi grib ma 'goms mi bya phyag rgya'i gzugs la'ang de bzhin te/ /sngags dang lha la smad mi bya zhes/ /lha la phul ba'i rnying pa ni me tog gi phreng ba dang/ mchod pa'i rdzas thams cad de/ de las mi 'gom pa nyid do/ /de la 'gom pa las sdig par ci 'gyur snyam pa la bde bar gshegs pa rnams kyi sku dang dbu dang phyag la sogs pas reg pa dang/ rnam par grol ba'i dbang po rnams kyis longs spyod rnams ni de'i dbang po rnams su blta bar bya ste/ de dag la 'goms pa de nyid la 'goms pa'i sdig pa dang 'dra bar gsungs so/ /grib ma la sogs pa ni grib ma ste/ de yang de nyid dang dbyer med pa nyid yin pas na sdig par 'gyur ba dang phyag rgya'i gzugs ni rdo rje dang dril bu dang phreng ba la sogs pa ste/ de dag lha'i ngo bo yin pa'i phyir de bzhin gshegs pa nyid do/ /sngags dang lha la smad par mi bya ba ni 'di ltar lha 'di la brten pas
- 52a
dngos grub tu mi 'gyur zhes pa dang sngags 'dis ni 'bras bu mi 'byin no zhes pa la sogs pa mi smra ba nyid de/ de yang gang dag rang gis ma grub pa la brten nas gzhan dad pa bzlog par mi bya ste/ rang gi sgrib pa dang bcas pa yin la/ gzhan 'grub par 'gyur ba'ang srid do/ /de yang bde bar gshegs pa rnams la ni dngos grub sbyin pa 'di la mi sbyin pa la sogs pa'i rtog pa mi mnga' zhing bdag nyid sgrib pa dang bcas pa las byung ba ste/ de yang phal po che'i mdo las ji ltar sa ni ngo gcig kyang/ /sa bon tshul bzhin myu gu ston/ /byams dang sdang ba'i sems dpa' med/ /sangs rgyas yon phul de bzhin no zhes gsungs pa'i phyir ro/ /gdon gyi la sogs bya ba men/ /mu stegs can la smad mi byas zhes pa ni 'di ltar mi la sogs pa gzhan du ched du gdon dang mi ma yin pa la sogs pa brdung pa dang/ skrad dang/ bcings la sogs pa mi bya ba ste/ de yang sems can du 'dus pa'i phyir ro/ /mu stegs can la mi smod pa ni 'di ltar snang ba thams cad ni lha'i 'khor du 'dus pa'i phyir na smad par mi bya ba nyid do/ /mdor na yid gnyis dang ni the tshom mi bya ste/ bdag ni de nyid dang ni sngags sogs de bzhin no zhes pa ni 'dir dngos grub thams cad kyi bar du gcod pa bdag gis 'di bsgrubs pa las 'grub par 'gyur ram mi 'gyur snyam pa dang/ de bzhin gshegs pa'i bka' 'di bden pa zhig yin nam rdzun pa zhig yin snyam pa la sogs pa'i the tshom dang yid gnyis mi bya ba nyid do/ /bdag gi de nyid dang ni sngags sogs de bzhin te zhes pa ni the tshom mi bya ba'i gzhi ste/ bdag gi de kho na nyid la sogs pa de kho na nyid bcu la the tshom mi bya zhes par 'brel to/ /de yang yid ches par 'gyur ba las dngos grub dang 'bras bu 'byung ba ni 'diltar gtsug tor chenpo 'byung ba'i mdo las yang dag dad pa zin gyur na/ cho ga yang dag thabs gang gis/ /mkhas pa yid du 'ong ba yis/ /'bras bu nges par 'byin par byed ces gsungs so/ /mos pa brtan dang ldan pas dam bcas nas/ ?
- 52b
'di kyis ji ltar dbang bskur te/ /bum pa la sogs pa ji snyed mang thogs pas/ bcu po rnams kyi dbang bcu ci dgar bskur/ /de nas lag tu dril bu rdo rje sbyin/ /'khor lo la sogs rin chen bdun thogs la/ /mi yi dbang phyug 'khor los sgyur ba bzhin/ /sdig pa gzhom phyir dbang ni bskur bar bya zhes gsungs pa ni 'dir dbang phun sum tshogs pa bskur bar gsungs te/ de la mos pa brtan dang ldan par dam bcas nas zhes pas ni gong du bstan ba'i dam tshig rnams kyis mos pa dang ldan pa'i slob ma dam pa legs par dam 'char bcug nas/ de'i mthar dbang bskur bar bya ste/ de la sarba bid kyis ji ltar dbang bskur te zhes pa ni spyi gtsug dang dpral ba dang lkog pa dang snying ga dang gsang ba'i gnas rnams su/ oM sarba bde a pa ra Na bi sho d+ha ya ha na hUM/ a bud+d+ha a b+hi Shiny+tsa oM zhes pa dang/ oM sarba bid hUM/ oM badzra a b+hi Shiny+tsa hUM zhes pa la sogs pa'i sngags kyis rim pa ji lta ba bzhin du rnam par snang mdzad dang/ rin chen tog dang/ shAkya thub pa dang/ me tog chen po rgyas pa rnams kyis dbang bskur ba ste/ de yang rang nyid de'i bdag nyid dang ldan par byas pa yis/ dbang bskur ba ni de bzhin gshegs pa'i zhes bya'o/ /bum pa la sogs ji snyed mang thogs par/ /bcu bo rnams kyis dbang bcu ci dgar bskur zhes pa ni/ dang por bum pa'i khongs su gtogs pa'i chu dang cod pan dang/ rdo rje dang drili bu dang ming la sogs pa'i dbang bskur la/ de nas bde bar gshegs pa'i rtsa ba'i bum pa lnga po rigs pa'i lha mo lngar bsams te/ spyi bo dang mtshogs ma dang/ rna ba g.yas ba'i kha dang/ ltag pa'i kha dang/ rna ba g.yon pa'i kha rnams su rim pa ji lta ba bzhin du 'di nyid kyi bshad pa'i rgyud nas 'byung ba'i sngags/ oM bud+d+ha ka la sha a b+hi Shiny+tsa oM zhes pa la sogs pa'i sngags kyis dbang bskur ba ni? rig pa bum pa'i dbang zhes bya'o/ /de nas bo d+hi ce dang mu tig dang mu men dang tsan dan dmar po'i sa bon dang/ a sho ka'i 'bras bu rnams
- 53a
kyi phreng ba la rang gi yi dam gyi lha'i sngags bzla zhing rim pa ji lta ba bzhin du/ oM bud+ha ma la a b+hi Shiny+tsa oM zhes pa la sogs pa'i sngags kyis dbang bskur ba ni phreng ba'i dbang zhes bya'o/ /de nas rnam par snang mdzad byang chub mchog gi phyag rgya dang/ mnyam pa nyid dang/ mchog sbyin dang chos 'chad dang/ skyabs mdzad kyi phyag rgya bcings la/ mig la sogs pa'i gnas ji lta ba bzhin du/ oM bud+d+ha mu tra a b+hi Shiny+tsa oM zhes pa la sogs pa'i sngags kyis dbang bskur ba ni mtshon ba phyag rgya'i dbang bskur zhes bya 'od da de nas lag tu rdo rje dang dril bu byin la 'khor lo dang rdo rje dang rin po che dang pad+ma dang las kyi rigs rnams su khyod kyis 'gro ba'i don gyis shig ces pa la sogs pa'i tshigs su bcad pa bton la/ oM bud+d+ha karma a b+hi Shiny+tsa oM oM badzra karma a d+hi Shiny+tsa hUM zhes pa la sogs pa'i sngags kyis dbang bskur ba ni bya ba las kyi dbang zhes bya'o/ /de nas rnam par mi rtog pa kun tu snang ba zhes bya ba'i ting nge 'dzin dang/ bdud kyi tshogs kyis mi shigs pa zhes bya ba'i ting nge 'dzin dang/ yon tan thams cad kyi mdzod ces bya ba'i ting nge 'dzin dang/ dam pa'i chos kyi tog ces bya ba'i ting nge 'dzin dang/ srid pa 'khor lo skyong ba zhes bya ba'i ting nge 'dzin rnams la snyoms par zhugs te/ rim pa ji lta ba bzhin du oM sarba ta thA ga ta d+ha ra ni a b+hi Shiny+tsa oM zhes pa la sogs pa'i sngags kyis snying ka'i thig le lnga la dbang bskur ba ni rig pa 'dzin pa gzugs kyi dbang zhes bya'o/ /de nas gsang ba don gyi phyag rgya bcings la/ rang gis yang dag par rigs par byas nas mu tig gi phreng ba lta bu'i thig le dkar po lngas rdo rje'i rtse mos gdong gi pad+mar gtad bar bya zhing rim pa ji lta ba bzhin du/ oM sarba ta thA ga ta gu hya a b+ha? Shiny+tsa oM zhes pa la sogs pa'i sngags kyis dbang bskur ba ni sbas pa gsang ba'i dbang zhes bya'o/ /de nas thabs dang shes rab kyi phyag rgya mdzes shing yid du 'ong ba bcings la/ oM pradz+nyA pa ya ta m yo ga a b+hi Shiny+tsa
- 53b
oM a zhes pa'i sngags kyis dbang bskur ba ni bde ba chen po thabs dang shes rab kyi dbang zhes bya'o/ /de nas sgrib pa thams cad gcod bar byed pa'i 'khor lo rin po che dang/ sangs rgyas kyi zhir thams cad du bgrod par byed pa'i rta rin po che dang/ sangs rgyas kyi yon tan thams cad ster bar byed pa'i nor bu rin po che dang rtog pa dang bral ba'i ye shes ste ba brgyad pa'i bus med rin po che dang bdud kyi dbu de thams cad 'joms par byed pa'i glang po rin po che dang nyon mongs pa'i nyes pa thams cad kyis mi rdzi ba'i dmag mi rin po che dang legs pa'i yon tan thams cad sgrub par byed pa'i skyes pa rin po che rnams kyi spyi bor bzhag cing oM badzra tsakra a b+hi Shinya hUM zhes pa la sogs pas 'khor los sgyur ba'i rgyal po ji lta ba bzhin du dbang bskur bar bya ste/ de nas 'kho los bsgyur ba bdag po'i dbang zhes bya'o// nga dag ni sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ smon lam gyi pha rol tu phyin pa nyid kyis rang bzhin durig par bya'o/ /de nas de'i spyi bor rdo rje bzhag ste/ 'og nas 'byung ba'i tshig brjod pa dang/ khyod kyis sems can smon pa'i phyir/ /dam pa'i chos ni bsgrag pa dang/ /dkyil 'khor la sogs bzhengs pa ni/ /rgyud las 'byung ba bzhin du bsgrub zhes bya ba sogs pa'i tshig brjod cing/ oM sarba ta thA ga ta A dz+nyA te dA si mi grih+Na badzra su sid+ha ye oM badzra tiSh+Tha hUM zhes brjod nas dbang bskur ba ni snang ba sbyin pa bka' i dbang zhes pa ste 'og ma la snyegs so/ /de la dbang gi ngo bo ni nus pa'o/ /des pa'i tshig ni bdag 'khru bar byed pa'i phyir dang/ chos kyi dbyings la dbang byed pa'i phyir te/ de yang dang pos ni sa dang po rab tu dga' ba gnon to/ /gnyis pa ni dri ma med pa gnon to/ /gsum pa ni 'od 'phro ba can gnon to/ /bzhi pas ni sbyangs dka' ba gnon to/ /lnga pas ni 'ong byed pa gnon to/ /drug pas mngon du gyur ba gnon to/ /bdun pas ring du song ba gnon to/ /brgyad pas ni mi g.yo ba gnon to/ /dgu pas ni legs pa'i blo gros
- 54a
gnon to/ /bcu pas ni chos kyi sprin dang kun tu 'od gnon par 'gyur ba ste/ de yang rdo rje thod kyi rgy+d las dbang bcus sa bcu bgrod nas ni/ /de'i bde bas sangs rgyas 'gyur zhes gsungs pa'i phyir ro/ /de bas na 'dir gong du gyur pa'i tshul dang dbang 'di dag ni legs par gsungs pa'i chos 'dul ba la rab tu byung ba dag slong dang shin tu mthun pa'i phyir dge slong rnams kyis the tshom mi za bar spyad par bya ste/ de dag gis ni de'i lag tu rdor dril sbyin zhes pa nas sdig pa gzhom phyir dbang ni bskur bar bya zhes pa'i shlo ka gcig bsdus so/ /sngags bsgrub phyir ni mos ldan slob ma la/ /sngags pas bka' ni rab tu bsgo bar bya/ /des kyang mos pas spyi bos phyag 'tshal te/ /ci ste no yod bla ma dag la phul/ /nor dang 'bru dang gter dang dbyig dang gser/ /bzhon dang khyim dang bu pho bu mo dang// bla na dang bran mo yang na chud ma dang/ /grong dang grong khyer re ltar ci bzhed rnams/ /rang gi sems ni rab tu dad ba yis/ /yon kyi mchog ni dbul ba nyid du bya/ /myur du 'grub phyir mos pas bla ma la/ /mdor na rang gi lus ni dbul ba nyid du bya zhes pa la sogs pa ni 'dir yon dbul bar bya ba yin no/ /de dag ni bde bar gshegs pas gsungs pa de bzhin dudbul bar bya ba nyid de/ bla ma lam brten par yang dag par rdzogs pa'i sangs rgyas 'thob par mi 'gyur ba ni bde bar gshegs pa'i bka' mdza' dag nas gsungs pas de bzhin du bya ba nyid de go sla ba'i phyir 'dir ni ma bshad do/ /phyag rgya 'di yi rnal 'byor gyis/ /sangs rgyas nyid kyang thob 'gyur na/ /tshe 'di'i bde ba ma lus dang/ /'jig rten phyi ma'i bde mchog dang/ /lha mi'i bde ba smos ci dgos/ /sangs rgyas kun dang bla ma mnyaM/ des na slob dpon brnyas mi bya/ /rdo rje slob dpon brnyas na ni/ /rtag tu sdug bsngal thob par 'gyur/ /rdo rje spun dang srid mo dang/ /rdo rje ma rnams nyid la ni/ /rnal 'byor can gyis brnyas mi bya/ /rtag tu 'khon gyis gcug mi bya/ /dkon mchog gsum la gnod byed pa/
- 54b
bzad pa bsgom par mi bya ste/ /bla ma smod rtson pa rungs dang/ /dam tshig 'das la de bzhin te/ /de la sogs pa'i byed ldan la/ /'grub 'gyur zhes ni kun rig gsungs/ /sems can kun la snyid brtser chags/ /dngos grub myur du 'grub par 'gyur zhes gsungs pa ni 'dor rdo rje slob dpon gyis slob ma la bka' bsgrag par bya ba'i tshig ste/ de la phyag rgya 'di'i rnal 'byor gyis zhes pa ni de bzhin gshegs pa ngan song thams cad yongs su sbyod ba'i dkyil 'khor 'dir zhugs pa'i rnal 'byor te/ nga yis yang dag par bsgrub pa las yang dag par rdzogs pa'i sangs rgyas kyang 'grub par 'gyur na/ tshe 'di'i bde pa nang nyung ba dang/ 'byor ba dang ldan pa dang 'jig rten phyi ma'i bde ba mchog 'khor lo sgyur ba'i rgyal po dang/ lha mi'i gnas su skyes pa la sogs pa'i bde ba ni smos kyang ci dgos zhes pa ni gden ma zi ba'i tshig go/ sangs rgyas kun dang bla ma mnyam zhes pa ni bla ma'i tshe ba brjod pa'i tshig ste/ de la sangs rgyas rnams kyis nbi bdag la chos stan pa la sogs pa mdzad kyang bdag gi rgyud las ngan par mi 'gyur te/ bla mas ni bdag bla na med pa yang dag par rdzogs pa'i byang chub thob par nges par khan ste de la sangs rgyas thams cad kyi ngo bo ni dpal rdo rje 'dzin pa yin la de'i ngo bo dang bla ma gnyis bdag gi rgyud la chos kyi tshul gyis mnyam zhing 'dra bas na/ sangs rgyas kun dang bla ma mnyam zhes bya'o/ /de bas na de la brnyas pa ni ma gus pa ste/ de la ma gus pa ni de'i thugs dang 'gal bar gyur ra/ /de'i thugs dang 'gal ba'i skad cig la ni mar me bsad pas skad cig la snang ba'i tshogs 'gags nasmun pa'i tshogs skye ba bzhin du bdag gi bsod nams kyi tshogs dang ye shes kyi tshogs 'gags shing sdig pa mi dge ba'i tshogs chen po skye ba ste/ de'i 'bras bu ni mnar med pa la sogs pa'i sdug bsngal thob par 'brel to/ /de bas rnam pa thams cad du bla ma'i thugs dang mi 'gal bar bya ba ni mchog tu rtsa bar gyur pa'i dam tshig chen po zhes rgyal ba rnams kyis gsungs so/ /rdo rje spun dang sring mo ni bla mas bsdus pa'i dam tshig gcig pa'i
- 55a
rdo rje'i spun dang srid mo'o/ /rdo rje ma zhes bya ba ni gzhan du shes rab ma la sogs pa ? 'dod na'ang/ 'dir ni bla ma'i chud ma ste/ de dag brnyas pa ni de dag khyad du bsad pa ste/ de dag la brnyas par mi bya ba bde bar gshegs pas rtsa ba nye ba'i dam tshig ces gsungs so/ /rtag tu 'khon gyi bcugs mi bya ba ni gzhan du ni dge 'dun 'dus pa'i dbyen byed pa zhes gsungs la/ 'dir ni dam tshig 'byed pa ste/ rdo rje spun dang srid mo la sogs pa'i bar du tshig phra ma la sogs pa mi bya ba nyid do/ /dkon mchog gsum la gnod byed pa/ /bzod pa bsgom par mi bya ste/ /zhes pa la sogs pa ni 'di ltar bla na med pa'i dkon mchog gsum gyi rten bde bar gshegs pa'i bstan pa bshig pa dang/ dge 'dun gyi gtsug lag 'dral ba rgyal po dad mu stegs pa la sogs pa la ni byad dang/ dug dar stobs dang/ sman gyi sbyor ba la sogs pas sems can de la snying rje chen pos de nyid de bsad par bya ba nyid do/ /de bzhin du bla ma la smod pa dang/ bla ma'i sku la brdo ba dang/ dam tshig nyams pa rnams dang/ ma rungs pa'i sems can 'gro ba thams cad kyi srog gcad pa la sbyor ba la sogs pa ni snying rje chen pos don rnam pa gnyis byed pas bsang pa la nyes par mi 'gyur ba ni bcom ldan 'das rnam par snang mdzad kyis gsungs zhes bya bar 'brel to/ /sems can kun la snying brtser chags/ /dngos grub myur du 'grub par 'gyur zhes pa ni thabs dang shes rab tu 'brel pa'i yang dag par rdzogs ba'i sangs rgyas 'grub pa ste/ de la byang chub kyi sems bla na med pa ni shes rab mchog gi snying rje chen po ni thabs te/ de yis dus thams cad du'gro ba'i don byed pa dang dkyil 'khor gyi 'khor lo bsgrub pa ni nges par las thams cad 'grub par 'gyur ba nyid de de yang thabs dang shes rab rol pa'i rgyud las/ mkhas pa thabs dang shes rab ni/ /skad cig tsam yang bral mi bya/ /gal te bral na mi de yis/ /phyag rgya chen po thob mi 'gyur zhes gsungs pa'i phyir te/ des
- 55b
ni bcom ldan 'das kyis gzhan gyi don phun sum tshogs pa bstan to/ /de nas bcom ldan 'das kyis lha'i dbang po brgya byin dang/ lha'i 'jig rten du bcas pa rnams kyi don dang phan pa dang/ bde ba'i phyir bsgrub pa 'di gsungs so zhes pa ni bdag gi don phun sum tshogs pa ston pa yin par shes par bya ste/ de la bdag gi don phun sum tshogs pa la gnyis so/ /gcig ni bsdus pa la dga' ba'i sems can dbang po brtul po rnams kyi don du gsungs so/ /gcig ni zab cing rgya che ba la dga' ba dbang po rnon po'i sems can rnams kyi don du gsungs te/ de la 'dir ni bcom ldan 'das kyi re zhig dbang po brtul po bsdus pa la dga' ba'i sems can gyi don du gsal bar gsungs pa ni ras la bcom ldan 'das thams cad rig pa de bzhin du bris la/ g.yas su ni de bzhin gshegs pa ngan song thams cad yongs su sbyod ba'i rgyal po'o// g.yon phyogs su ni shAkya thub pa bri bar bya'o/ /de nas ngan song sbyong ba'i 'og tu ni kun tu bzang po spyan ras gzigs dbang phyug/ mdog bla ba lta bu la phyag na pad+ma bsnams par bya/ shAkya thub pa'i 'og tu ni phyag na rdo rje'o/ /de gnyis kyi bar du ni sman gyi bla mdog sngon po la phyag g.yas na a ru ra'i 'bras bu 'dzin pa phyag g.yon pa mchog sbyin du bya/ rta mgrin dang khams gsum rnam par rgyal po ma rungs pa 'dul ba la brtson pa gnyis ni rang gi lha la brten par gri'o/ /de gnyis kyi dbus su lo tsA na dang/ mA ma kI dang/ gos dkar mo dang/ sgrol ma rnams rang gi phyag mtshan thogs pa bri'o/ /de'i 'og tu pad+ma'i rdzing bu dang/ chu srin dang/ nya dang/ rus sbal dang/ sbal pa dkar po dang/ nya 'khar ba la sogs pa dang/ chu las skyel pa'i me tog rnam pa du mas yongs sugang ba bri'o/ /de'i 'og tu bdug pa dang/ mar me dang/ dri dang phreng ba dang/ lha ba shos dang/ me tog dang/ 'bras bu rnam pa sna tshogs pa bri zhing de'i 'og tu sgrub pa po nyid thal mo sbyar te/ phyag 'tshal zhing 'dug pa bri bar bya'o/ /zhes pa la sogs pa gsungs pa ni dbang po brtul po'i gang zag gis ras ris la sgrub par gsungs
- 56a
pa te/ de la ras bal gsar pa la dri chus bran te thag pa bsnyen gnas la gnas la mnan par byasla zheng du khrud do chur khru gsum pa btags te/ tsan dan dkar po la sogs pa'i mde gus bskus nas ri mo mkhan bsnyen gnas la gnas pas byi par bya ba ni go? du gsungs pa'i rim par ji lta ba bzhin du sku mdog dang phyag mtshan dang phyag rgyal sogs pa bri bar bya ste/ go sla ba'i phyir 'dir ma bshad do/ /de la gang dag 'di skad du ci'i phyir dkyil 'khor chen po la lha mang po zhig yod pa las lha bcu gnyis pa 'di kho nar ? ci yang can de ni 'di ltar de bzhin gshegs pa thams cad ni sku gsung thugs su yang dag par bsdus pa ste/ de la rnam par snang mdzad ni de bzhin gshegs pa thams cad kyi thugs su yang dag par bzhag pa'o/ /ngan song sbyong ba ni sku'o/ /shAkya thub pa ni gsung ngo/ /bcom ldan 'das phyag na rdo rje dang/ spyan ras gzigs kyis ni byang chub sems dpa' i rigs bsdus so/ /sman gyi bla ni nyon mongs pa'i rims nad thams cad sel bar byed ba'i phyir bris pa'o/ /khro bo gnyis kyi khro ba'i rigs bsdus so/ /rigs pa'i lha mo rnams kyis ni lha mo'i tshogs bsdus so/ /pad+ma 'dzing bu dang nyal so? pa ni bkra shis pa'i rdzas so/ /bdug pa la sogs pa ni mchod pa'i yo byad do/ /sgrub pa po ni thugs rje chen pos gzung ba'i phyir ro/ /de yang dang po ni bdag po ni bdag pa'o/ /gnyis pa ni sprul pa'o/ /gsum pa ni sprul pa'o/ /gsum pa ni pho nya'o/ /bzhi pa ni gzugs so/ /lnga pa ni 'khor ba'i 'dams nas 'byung ba'o drug pa ni dran pa nyid du shes par bya'o/ /de nas rin po che gzugs su de la mngon par mchod de/ bdag nyid kyis spyan dbye ba bya zhing/ bden pa'i byin gyis brlabs la dmigs par bya'o/ /de nas ci ste mtshan ma zhig mthong ba ni myur du dngos grub thob par 'gyur ro/ /'o na te ma mthong na ? ring po zhig nas dngos grub tu 'gyur te/ bzhad pa dang ni rda sgra dang/ /dril bu sgra dang de bzhin 'brug/ dge slong bram dze bu mo dang/ /rtags de mthong na myur du ni/ /mchog dang 'brid dang tha ma 'grub ces gsungs pa ni 'dir spyan dbye ba las rtags mchon pa gsungs te/ de la ri mo'i
- 56b
gzugs de mngon par mchod de/ bdag nyid kyis spyan dbye ba bya zhing/ /bden pa'i byin gyis brlabs la dmigs par bya'o/ /zhes pa ni 'di ltar dang po bsnyen pa la sogs pa rim pa ji lta ba bzhin du bya ste/ mchod pa'i tshegs dpag tu med pas mchod nas kun rdzob kyi lha de sug pa la sogs pas byi'i khrus bya ba dang/ chos thams cad stong ba nyid du bsams pas nang gi khrus yang dag par byas te/ khro bo la sogs pa'i sngags kyis yongs su bsrungs la/ don dmar ba'i ting nge 'dzin gyi spyan drangs la/ mchod pa rnams kyis yang dag par mchod de/ sngags dang phyag rgya ldan pas bstim par bya ste/ de nas spyan dbye ba dang chos kyi 'khor lo bskor bar g.yol ba gsol ba gdab pa la sogs pa byas nas sems can thams cad kyi don du sems bskyed de/ me tog thogs nas phyogs bcu dus gsum gyi de bzhin gshegs pa thams cad bdag la dgongs su gsol lo/ /gsang sngags dang phyag rgya dang nyid nge 'dzin kyi bden pa rang bden pa'i byin gyis brlabs kyis bdag la dngos grub tu 'gyur na sku las 'di rtags sna tshogs pa 'od bar gyur cig ces brjod de/ de'i thugs kar gnyis su med pa'i bde ba chen pos yun ring bar dmigs par bya'o/ /de nas rtags dang mtshan ma mthong ba na dngos grub nye bar 'gyur la/ mamthong na ni dngos grub ring ba ni nges par nyid do/ /de la rtags dang mtshan ma ni lta bu zhig 'byung zhe na/ bzhad pa dang ni rnga sgra dang zhes pa la sogs pa gsungs te/ de la sgra'i rnam pa gsum dang/ gzugs kyi rnam pa gsum mo/ /bzhad pa ni sku nyid bzhad pa ste/ /phyag rgya chen po'i dngos grub tu 'gyur ro/ /dril bu ni dbu'i steng na grags pa ste/ 'jig rten pa'i dngos grub du 'gyur ro/ /rnga sgra dang 'brug sgra ni phyi rol na grags pa ste/ sngags kyi dngos grub du 'gyur/ /gzugs kyi rnam pa gsum ni/ /mig gi rnam par shes pa'i snang ba'i cha 'am yid kyi rnam par shes pa'i snang ba'i cha la dge slong la sogs par snang bar 'gyur te/ de la dge slong mthong ba ni phyag rgya chen po'i dngos grub tu 'gyur ro/ khram ze snang ba ni ral gri la sogs pa 'jig rten pa'i dngos grub tu 'gyur ro/ /bu mo snang ba ni sngags kyi dngos grub du ?
- 57a
shes par bya'o/ /de nas gzugs de bdag gis ni/ sngags dang phyag rgyas byin brlabs te/ /ci 'byor pas ni mchod par bya/ /rtag tu mngon sum dmigs byas la/ /khro bo khams gsum rnam rgyal gyis/ /bdag bsrung la sogs byas nas kyang/ /bdag gi de nyid dran byed cing/ /'bum phrag gsum mam yang na drug /dngos grub mtshan ma byung bar du/ /mnyam par bzhag pas tshang bar bya zhes gsungs pa ni 'dir bsnyen bsgrub yan lag bzhi yang dag par gsungs te/ de la de nas gzugs de dag gis ni sngags dang phyag rgyas byin brlabs te/ ci 'byor pas ni mchod par bya/ /zhes pa ni gong du smos pa'i rtags dang mtshan ma byung yang rung ma byung yang rung ste/ bdag gis de bzhin gshegs pa la sogs pa'i phyag rgya bcings la/ rang rang gi sngags dang mtshan du bcas pas de dag gi gzugs su byin gyis brlabs te/ mchod pa rgya chen po bya ba nyid do/ /rtag tu mngon sum dmigs byas la zhes pa la sogs pa ni 'di ltar bdag gis de bzhin gshegs pa'i sku gzugs de bdag gi mdun du rtag tu bzhags pa la de bzhin gshegs pa nyid du bsams te/ dang po nyid khams gsum rnam par rgyal bar bsgoms nas/ bgegs bskrad pa dang/ bdag nyid dang gnas dang mchod pa'i yo byad la sogs pa rnams bsrung bar byas nye/ mchod pa dang gtor ma la sogs pa bya zhing/ rang nyid de bzhin gshegs pa'i dkyil 'khor dang dbyer med par byas te/ de bzhin gshegs pa'i zhal nas de bzhin gshegs pa'i zhal dang/ lte ba nas lte bar oM la sogs pa'i 'od zer dkar po dang ldan pa'i 'phreng bas lu gu rgyud du byas te/ rtsa ba'i sngags 'bum phrag gsum mam grug gam/ yang na btsor ni dngos grub kyi mtshan ma phyung gi bar du phyi rol gyi dngos po rnams la yid mi g.yeng bar mnyam par bzhag pas bzlas pa ni bsnyen pa zhes bya'o/ /de nas dben pa'i gnas su ni/ /sngags ni 'bral 'khrul med pa yis/ /brgya rtsa brgyad du chang? bar bya zhes gsungs pa ni bde bar gshegs pa sras dang 'khor du bcas pa rnams kyis
- 57b
snying po rnams gnas shin tu dben pa'i sa phyogs su dri dang pa'i rnam pa lnga la sogs pas sa gzhi byugs la/ me tog bkram ste mchod pa la sogs pas byas pas lha re re la brgya rtsa brgyad du bsngags zur pa chag pas tshang bar bzlas pa ni nye ba'i bsgrub par zhes bya'o/ /de nas bzlas pa'i mjug tu ni/ /dkyil 'khor snga ma bzhin bsams la/ /mchod pa rgya chen byas nas kyang/ /mtshan gcig thog thag mi nyal bzlas/ /zhes gsungs pa na nye ba'i bsgrub pa rdzogs pa dang/ ngan song thams cad yongs su spyod pa'i rtsa ba'i dkyil 'khor chen po'i ting nge 'dzin rnam pa gsum gyis skyed de/ yang dag par bsams nas mchod pa rgya chen po dang/ gtor ma la sogs pa sngar gsungs pa bzhin? du byas te/ de bzhin gshegs pa la sogs pa rnams kyis nye ba'i snying po grangs ci rigs par nyi ma rgas nas skya rengs shar gyi bar? du bzlas par bya ste de ni bsgrub pa zhes bya'o/ /ci ste gtso bo'am de yi sras/ /yang na lha rnams mthong 'gyur na/ /bsod nams snod las ci dga' bar/ /dngos grub mchog ni gsol ba gdab/ /lha yi dngos grub 'bras bu ni/ /de la rtag tu dgyes nas stsol/ /phyag 'tshal nas ni dngos grub blang/ /bla ma dkon mchog gsum dag la/ /skal ba re re phul nas ni/ /de nas rtag tu bdag spyod cig /med nam mkhas pa bdag nyid kyis/ /blangs nas yongs su spyad par bya/ zhes gsungs pa ni sgrub pa rdzogs pa'i 'og tu mchod pa rgya chen po byas te/ mi 'gyur ba yongs su dag pa'i ting 'dzin zhes bya bas de bzhin gshegs pa'i thugs kar zla ba'i dkyil 'khor la bla na med pa'i dbang po lnga'i yul gyi rang bzhin dpal ldan dkyil 'khor gyi 'khor lo bsgom pa'i rab kyi mdza' las byung pa'i rang rig pa'i phung po chen po spro zhing rgyun mi 'chad pa'i bde pa chen po lnga'i ro'i? rgya mtsho chen po las rlabs stong gis yang nas yang du dbang bskur zhing rang dang gzhan gyi rnam pa'i cha mdza' dag nub par gyur pa de ni mchog gi dga' ba'i sdong po las byung ba'i rang rig pa myu gu dpal rje btsun ngan song thams cad yongs su spyod pa'i
- 58a
rgyal bo'i ngo bo ste/ de ni rig pa ji lta ba bzhin du bde ba chen po dang/ chos dang/ sprul pa dang/ ngo bo nyid kyi sku bzhi'i rten du gyur pa rnam par snang mdzad longs spyod pa'i sku'i ngo bo yin zhing 'bras bu'i gnas skabs kyi bdag nyid do/ /ci ste gtso bo'i de'i sras zhes pa la sogs pa ni de ltar bsgoms pa'i mthar bde bar gshegs pa nyid dam/ de'i sras bcom ldan 'das dpal phyag na rdo rje la sogs pa 'am/ khro bo 'am lha'i gzugs la sogs bar bsod nams kyi snod grub pa po'i zung du mthong bar byon te/ de la bdag gis dga' ba chen pos mchod pa la sogs pa byas la rang ji ltar 'dod pa ltar phyag rgya chen po la sogs pa'i dngos grub gsol ba gdab par bya'o/ /de la dad pa dang dam tshig tu 'brel pa yis/ bde bar gshegs pa rnams kyis dgyes bzhin du dngos grub kyi 'bras bu stsol ba ste/ de la dngos grub ni 'dir gnyis so/ /gcig ni dmigs pa'i rig byar ma gyur pa byin gyis brlabs chen po dang ldan pa'o/ /gcig ni dmigs pa'i rig byang gyur pa rdzas la sogs pa'i gzugs su 'ongs te/ de la 'dir ni rdzas la sogs pa 'ong ba la dgongs nas/ /bla ma dkon mchog gsum dag la/ /skal ba re re phul nas ni zhes gsungs te/ de la bdud rtsi 'am/ mi gtsang ba'am bza' ba'i rnam pa la sogs pa rgyu dang rkyen med par snang bar gyur na the tshom dang rtog pa la sogs pa mi bya bar blangs te/ bla ma dang dkon mchog gsum la skal ba'i phung bcad de/ bdag nyid kyis bla na med pa'i sems chags pa chen po bskyed la bsrung ba la sogs byas nas bza' pa la sogs pa longs spyod par bya pa'o/ /med na mkhas pa bdag nyid kyis/ /blangs nas yongs su spyad par bya zhes pa ni bla ma la dgongs pa ste/ bla ma yul gyi bskal pa 'am/ dus kyi bskal pa yin na bdag rang gis/ /spyad par bya ba nyid de de dag ni sgrub pa chen po zhes bya ba'o/ /sems can kun la phan brtson par/ /bskal pa du mar gnas par 'gyur
- 58b
ji ltar dngos grub ma grub na/ /las rnams ma lus nus 'gyur te/ /gnod sbyin skar ma'i gdong la sogs/ /chad pas bcad cing bka' tsam gyis/ /zhi ba la sogs las kun ni/ /bran bzhin las kun byed par 'gyur zhes gsung ba ni 'dir dkyil 'khor chen po gsum la rnal 'byor pa tshe srid ba'i cho ga gsum gsungs te/ de la 'og ma gnyis po ni tshe kho na bsgrub pa yin la/ 'di ni tshe dang yang dag pa'i byang chub gnyi ga sgrub par gsungs so/ /de grub pa las 'bras bu ci zhig 'od snyam pa la/ sems can kun la phan brtson par zhes pa la sogs pa gsungs te/ sems can thams cad bla na med pa yang dag par rdzogs pa'i byang chub thob par bya ba'i phyir bskal pa grangs med par 'gro ba'i don byed par 'gyur ro zhes par 'brel to/ /ci ste dngos grub ma grub na zhes pa ni gal te 'am brgyal na dngos grub ma grub par gyur kyang zhi ba la sogs ba'i 'phrin las rnam pa bzhi bsgrub par gsungs so/ /gnod sbyin skar ma'i gdong la sogs zhes pa ni bdag nyid 'jig rten pa'i dngos grub tu 'gyur ba las shin tu 'dul bar dka' ba'i cha bzung ba ste/ gnod sbyin skar ma'i gdong la sogs pa bdag nyid kyis ming pos pa tsam gyis kyang drung du 'ongs te/ bdag gis bsgo ba'i las thams cad byed par 'gyur pa ni nges pa ste the tshom mi bya ba nyid do/ /de dag gis ni bcom ldan 'das kyi dbang po brtul po'i sems can don du bsdus pa'i bsgrub pa 'di gsungs so/ /zab cing rgya che ba'i blo dang ldan pa dbang po rnon po'i gang zag rnams kyis don dang/ theg pa chen po'i rgyud 'di pa nyid kyi sngar gsungs pa rnams kyi tshul ji lta ba yin pa ni 'di ltar gtsug tor chen po'i brtag pa las/ khams gsum ma lus 'di dag ni/ /dkyil 'khor chen po'i ngo bo yin zhes gsungs pas na de la de bzhin gshegs pas ni gsang sngags rnams skye ba bzhis bsdus pa'i sems can gyi tshul dang sbyar nas gsungs te/ de la dgyes pa'i rdo rje la sogs pa ni mngal nas skyes pa'i tshul du gsungs so/ /bde mchog 'khor lo la sogs pa ni rdzus te skyes pa'i tshul dang sbyar nas gsungs//
- 59a
gsang ba 'dus pa la sogs pa kha gcig skye ba bzhi'i tshul lta bur snang yang phal cher sgo nga las skyes pa'i tshul dang sbyar nas gsungs so/ /gzhung 'di pa la sogs pa ni drod gsher las skyes pa dang sbyar nas gsungs par shes par bya zhing deng 'dir ni shes pa thams cad rang gi ngo bo tsam du mthar thug pa ste/ gzhan la yongs su 'dzin pa ni med do/ /de bas na yul med pa'i phyir tha snyad la sogs pas bye brag tu mi phyed ba nyid de/ de'i phyir rnal 'byor pa rnams kyis 'di ltar snang ba ri la'ang mi mthun pa'i phyogs mdza' dag las log pa'i dkyil 'khor gyi lha thams cad rang gi sems las byung ba'i ngo bor brtag par bya'o/ /de la rang gi ting nge 'dzin rnams yang dag par ji lta ba bzhin du phyin ci log la dmigs par mi 'gyur zhing/ sems gang tha mal pa 'dzin pa la sogs pa'i rnam par bral ba ni chos kyi dbyings kyi ngo bor 'gyur te/ de nyid glo bur gyi dri ma dang bral ba'i phyir 'od gsal ba'o/ /de la 'dir ni 'di ltar snang ba thams cad dkyil 'khor lngar 'dus pa ste/ snod kyi dkyil 'khor dang/ rgyu'i dkyil 'khor dang/ thabs kyi dkyil 'khor dang/ lam gyi dkyil 'khor dang/ 'bras bu'i dkyil 'khor ro/ /de la snod kyi dkyil 'khor ni brten pa ste/ dbus kyi ri bo mchog rab ni de bzhin gshegs pa rnam par snang mdzad dang/ ngan song sbyong ba dang/ rin chen tog dang/ shAkya thub pa dang/ me tog che rgyas so/ /gnya' shing 'dzin ni rdo rje sems dpa' o/ /de ltar rim pa ji lta ba bzhin du/ gnya' shing 'dzin dang/ gshol mnga' 'dzin dang/ seng ldeng can dang/ blta na sdug ri dang rta rna dang/ rnam bdud dang/ mu khyud 'dzin dang/ de dag gi bar gyi rol mtsho bdun dang/ lcags sbabs dang/ 'khor lo can ni/ rdo rje sems dpa' bcu drug gi ngo bo nyid do/ /dzam+bu gling dang/ ba lang spyod dang/ sgra mi snyan dang/ lus 'phags po rnams ni sangs rgyas spyan dang/ ma mA kI dang/ gos dkar mo dang/ sgrol ma rnams so/ /lus dang/ lus bsrung dang/ sgra dang/ sgra bsrung dang/ rnga yab dang/ rnga
- 59b
yab gzhan dang/ g.yo ldan dang/ lam mchog rnams ni sgeg mo la sogs pa'i lha mo brgyad do/ /shing chen po lus brgyad dang/ dzam+bu shing dang/ ba lang sna dang/ sgra 'byin rnams ni rdo rje lcags kyu la sogs pa'i sgo skyong bzhi'o/ /phyi'i lcags ri nag po dang/ sa dang/ chu dang/ me dang rlung dang/ nam mkha' la sogs pa ni rin po che'i gzhal yas khang du shes par bya'o/ /rgyu'i dkyil 'khor ni bskyed pa nyid de/ de la gzugs kyi phung po ni ngan song spyod pa'o/ /tshor ba'i phung po ni rin chen tog go /'du shes kyi phung po ni shAkya thub pa'o/ /'du byed kyi phung po ni me tog che rgyas so/ /rnam par shes pa'i phung po ni rnam par snang mdzad do/ /sa'i khams ni sangs rgyas spyan no/ /chu'i khams ni mA ma kI'o/ /me'i khams ni gos dkar mo'o/ /rlung gi khams ni sgrol ma'o/ /mig gi khams ni rdo rje sems dpa' o/ /gzugs kyi khams ni rdo rje rgyal po'o/ /mig gi rnam par shes pa'i khams ni rdo rje chags pa'o/ /rna ba'i khams ni rdo rje legs pa'o/ /sgra'i khams ni rdo rje rin chen no/ /rna ba'i rnam par shes pa'i khams ni rdo rje nyi ma'o/ /sna'i khams ni rdo rje rgyal mtshan no// dri'i khams ni rdo rje bzhad pa'o/ /sna'i rnam par shes pa'i khams ni rdo rje chos so/ /lce'i khams ni rdo rje rnon bo'o/ /ro'i khams ni rdo rje 'khor lo'o/ /lce'i rnam par shes pa'i khams ni rdo rje gsungs pa'o/ /lus kyi khams ni rdo rje las so/ /reg bya'i khams ni rdo rje ri go cha'o// yid kyi khams ni rdo rje gnod sbyin no/ /chos kyi khams ni rdo rje khu tshur ro/ /mig gi skye mched ni sgeg mo'o/ /sna'i skye mched ni phreng ba'o/ /rna ba'i skye mched ni klu ma'o/ /lce'i skye mched ni gar mkhan no/ /gzugs kyi skye mched ni bdug pa ma'o/ /ro'i skye mched ni me tog ma'o/ /? skye mched ni snang ba'o/ /dri'i skye mched ni dri chab ma'o/ /lus kyi skye mched ni lcags kyu ma'o/ /reg bya'i skye mched ni zhags pa ma'o/ /yid kyi skye mched ni lcags sgrog ma'o/ /chos kyi skye mched ni dril bu ma'o/ /rkang lag gi dum bu brgyad ni ka ba brgyad do/ /?
- 60a
ga bzhi ni sgo bzhi pa'o/ /sa bon la sogs pa lnga ni rin po che sna lnga'i rtsig pa'o/ /sgal tshigs ni rin po che'i pha khu'o/ /rtsib ma dang rtsib bu thud ni dra ba dang dra ba phyed do/ /smin ma la sogs pa bu ga bzhi'i phyi rol na gnas pa ni rta babs bzhi'o/ /skra dang ba spu la sogs pa ni ba dan dang lnga ldi rnams su shes par bya'o/ /thabs kyi dkyil 'khor ni sgrub pa nyid do/ /de ni rnam pa gnyis te nang gi bdag nyid can gyis bsdus pa dang/ phyi'i bdag nyid can gyis bsdus pa'o/ /de la nang gi bdag can la gnyis te/ dmigs pa'i rkyen gyis bsdus pa dang/ bdag pa'i dbang gis bsdus pa'o/ /dmigs pa'i rkyen gyis bsdus pa la drug ste/ mig dang rna ba dang sna dang lce dang lus dang yid do/ /de dag la ni phyag rgya bzhi pa'i dkyil 'khor kho nar gsungs te/ de yang mig la ni gzugs dang lha dog gi bye brag gis mtshon to/ /rna ba la ni ngag rtsub mo la sogs pa yid kyi rnam par shes pas kun nas bslang ba'i sgra'i bye brag gis mtshon to/ /sna la ni dri zhim pa la sogs pa dri'i bye brag gi sgo nas mtshon te lce la ni ro mdar ba la sogs pa ro'i bye brag gi sgo nas mtshon to/ /lus la ni 'jam pa la sogs par reg bya'i bye brag gis sgo nas mtshon to/ /yid la ni zhe sdang la sogs pa sems kyi khyad par gyis mtshon to/ /bdag po'i dbang gis bsdus pa la gnyis te/ pha rol tu dmigs pa dang/ nang du dmigs pa'o/ /phyi'i bdag nyid can gyis bsdus pa la bzhi ste/ lugs su blugs pa dang/ 'bur dang/ tshon dang byug pa'o/ /tshon la gnyis te/ chu tshon dang rdul tshon no/ /de dag gis gzhan du gsungs pa'i sku dang/ gsung dang/ thugs dang/ ngo bo nyid dang/ gzugs brnyan dang/ dam tshig la sogs pa 'ang bsdus so/ /lam gyi dkyil 'khor ni bgrod par yin la de ni rnam pa gnyis te/ sbyin pa la sogs pa'i pha rol tu phyin pa lnga la zang zing la sogs pa'i dbye bas lha'i ngo bo ni gzhan du bshad la/ 'di ni byang chub kyi phyogs kyi chos la nye bar sbyar bar bya ste/ de la dad pa'i
- 60b
stobs ni de bzhin gshegs pa rnam par snang mdzad do/ /dran pa'i stobs ni ngan song sbyong ba'o/ /ting nge 'dzin gyi stobs ni rin chen tog go /shes rab kyi stobs ni shAkya thub pa'o/ /brtson 'grub kyi stobs ni me tog che rgyas so/ /lus dran pa nye bar gzhag pa ni sangs rgyas sbyan no// sems dran pa nye bar gzhag pa ni gos dkar mo'o/ /chos dran pa nye bar gzhag pa ni mA ma kI'o/ /tshor ba dran pa nye bar gzhag pa ni sgrol ma'o/ /dad pa'i dbang po ni rdo rje sems dpa' o/ /dran pa'i dbang po ni rgyal po'o/ /ting nge 'dzin gyi dbang po ni chags pa'o/ /shes rab kyi dbang po ni legs pa'o/ /brtson 'grus kyi dbang po ni rin chen no/ /dran pa yang dag byang chub kyi yan lag ni nyi ma'o/ /btang snyoms yang dag byang chub kyi yan lag ni rgyal mtshan no/ /ting nge 'dzin yang dag byang chub kyi yan lag ni bzhad pa'o/ /brtson 'grus yang dag byang chub kyi yan lag ni chos so/ /dga' ba yang dag byang chub kyi yan lag ni rnon po'o/ /shin tu sbyangs pa yang dag byang chub kyi yan lag ni 'khor lo'o/ /chos rnam par 'byed pa yang dag byang chub kyi yan lag ni gsung pa'o/ /'dun pa rdzu 'phrul gyi rkang pa ni las so/ /brtson 'grus rdzu 'phrul gyi rkang pa ni go cha'o/ /spyod pa rdzu 'phrul gyi rkang pa ni gnod sbyin no/ /sems kyi rdzu 'phrul gyi rkang pa ni khu tshur ro/ /yang dag pa'i ngag ni sgeg mo'o/ /yang dag pa'i dran pa ni phreng ba ma'o/ /yang dag pa'i ting nge 'dzin ni glu mkhan ma'o/ /yang dag pa'i lta ba ni gar mkhan ma'o/ /yang dag pa'i 'tsho ba ni bdug pa ma'o/ /yang dag pa'i las kyi mdza' ni me tog ma'o/ /yang dag pa'i rtog pa ni snang ba ma'o/ /yang dag pa'i rtsol ba ni dri chab ma'o/ /sdig pa mi dge ba'i chos skyes pa rnams 'jig par byed pa ni rdo rje lcags kyu'o/ /sdig pa mi dge ba'i chos ma skyes pa rnams mi skyed pa ni zhags ma'o/ /dge pa'i chos ma skyes pa rnams bskyed pa ni lcags sgrog ma'o/ /dge ba'i chos skyes pa rnams yang dag pa'i bsrung ba ni dril bu ma'o/ /byams pa la sogs tshed?
- 61a
med pa bzhi ni sgo bzhi'o/ /ting nge 'dzin bzhi ni rta babs bzhi'o/ /rnam par thar pa brgyad ni ka ba brgyad do/ /'phags pa'i bden pa bzhi ni logs bzhi'o/ /bsam gtan bzhi ni rin po che'i pha khu'o/ /mthar gyis snyoms par 'jug pa dgu ni dra ba dra phyed du yang dag par shes par bya'o/ /'bras bu'i dkyil 'khor ni gnyis te/ chos kyi sku'i tshul dang/ longs spyod rdzogs pa'i sku'i tshul lo/ /de la 'dir chos kyi sku'i tshul ni 'di ltar rang bzhin rnam par dag pa 'jig rten las 'das pa'i ye shes thams cad kyi rgyur 'gyur ba chos kyi dbyings kyi ye shes kyi bdag nyid ni rnam par snang mdzad kyi bdag nyid do/ /shes rab kyi mdza' las byung ba'i rgyu mtshan me long lta bu'i ye shes ni ngan song thams cad yongs su sbyong ba'i bdag nyid do/ /dmigs pa med cing bdag nyid dang gzhan du dbyer mi phyed pa'i mnyam pa nyid kyi ye shes ni rin po che tog gi bdag nyid do/ /shes bya thams cad la phyin ci ma log par rtog pa so sor rtog pa'i ye shes ni shAkya thub pa'i bdag nyid do/ /'gro pa mdza' dag gi don byed pa bya ba grub pa'i ye shes ni me tog chen po rgyas pa'i bdag nyid do/ /rnam par thar pa'i sgos chos kyi dbyings la dmigs te/ ting nge 'dzin thams cad skyes pa'i rgyu stong pa nyid ni sangs rgyas spyan no/ /mtshan ma med pa ni mA ma kI'o/ /smon pa med pa ni gos dkar mo'o/ /mngon par 'du mi byed pa ni sgrol ma'o/ /de bzhin du log pa'i chos re re las bral ba'i nang stong pa nyid ni rdo rje sems dpa' o/ /phyi stong pa nyid ni rdo rje rgyal po'o/ /phyi nang stong pa nyid ni rdo rje chos so/ /chen po stong pa nyid ni rdo rje legs pa'o/ /stong pa nyid stong pa nyid ni rdo rje rin chen no/ /don dam pa stong pa nyid ni rdo rje nyi ma'o/ /'dus byas stong pa nyid ni rdo rje rgyal mtshan no/ /'dus ma byas stong pa nyid ni rdo rje bzhad pa'o/ /mdza' las 'das pa stong pa nyid ni rdo rje chos so/ /thog ma dang tha ma med pa stong pa nyid ni rdo rje rnon po'o/ /dor ba med pa stong pa nyid ni rdo rje 'khor lo'o/ /rang bzhin
- 61b
stong pa nyid ni rdo rje gsungs pa'o/ /rang gi mtshan nyid stong pa nyid ni rdo rje las so/ /chos thams cad stong pa nyid ni rdo rje bsrung ba'o/ /dngos po med pa stong pa nyid ni rdo rje gnod sbyin no/ /dngos po med pa'i ngo bo nyid stong pa nyid ni rdo rje mtshams sbyor ro/ /de bzhin du 'dir yang phyin ci log gi chos re re'i gnyen po bdag dang gzhan du dmigs pa chos kyi sku'i ting nge 'dzin rgyun chen po dmigs pa med pa'i sbyin pa'i pha rol tu phyin pa ni sgeg mo'i bdag nyid do/ /bdag dang gzhan du rlom sems med pa'i tshul khrims kyi pha rol tu phyin pa ni phreng ba ma'o/ /dus thams cad du srog la bab pas kyang khro bo'i sems mi skye ba'i bzod pa'i pha rol tu phyin pa ni glu mkhan ma'o/ /gnas skabs thams cad du bar chad med pa'i brtson 'grus kyi pha rol tu phyin pa ni gang mkhan ma'o/ /de bzhin du rtog pa dang bral ba'i shes rab kyi pha rol tu phyin pa ni bdug pa ma'o/ /nang dang phyi rol gyi rnam par g.yeng ba thams cad dang bral ba'i bsam gtan gyi pha rol tu phyin pa ni me tog ma'o/ /bsam pa phyin ci log gis bskyed pa'i smon lam ngan pa dang bral ba'i smon lam gyi pha rol tu phyin pa ni snang ba ma'o/ /thabs phyin ci log thams cad dang bral ba'i thabs kyi pha rol tu phyin pa ni dri chab ma'o/ /'gro ba'i sdug bsngal la mngon par gzigs pa'i snying rje ni lcags kyu ma'o/ /de nyid sgrol ma mngon par brtson pa'i byams pa ni zhags pa ma'o/ /de dag la mngon par dgyes pa'i dga' ba ni lcags sgrog ma'o/ /thams cad du dmigs pa med pa'i btang snyoms chen po'i ting nge 'dzin ni dril bu ma'i bdag nyid do/ /longs spyod pa sku'i tshul ni gang du bcom ldan 'das rnam par snang mdzad chen po thams cad kyi mchog lha dang mi rnams las khyad par du gyur pa chos kyi sku las byung bas/ ye shes lnga'i tshul dang/ sprul pa'i skus 'gro ba'i don mdzad pa'i 'dod pa'i yon tan lngas gdul bya'i ched du rin po che'i gzhal yas khang na 'dod pa'i yon tan lnga phun sum tshogs pa dang/ theg pa chen po rnal 'byor chen po'i rgyud dpal ngan song thams cad
- 62a
yongs su sbyong ba nyid kyis longs spyod pa'i sangs rgyas 'ba' zhig nyid do/ /de ltar kun nas nyon mongs pa can gyi phung po dang khams dang skye mched spangs pa las rnam par byad ba'i phung po dang/ khams dang skye mched kyi mtshan nyid can du rig par bya ste/ de bas na ji srid sems kyi kun tu rtag pa mdza' dag spangs pa nas/ de kho na nyid kun tu rtog gi bar du de kho na nyid la brten nas de'i ngo bo lhag par zhen pa'i phyir dang/ de las byung ba las brten te rnal 'byor pa rnams kyi shes pa rdzogs pa las de rnamS skye bar 'dod do/ /de ltar bdag nyid dang dngos po thams cad dbyer med par bltas te/ gzugs la sogs pa thams cad yul med par gsal bas/ yul du byas nas bdag nyid las yang dag par mchod par bya'o/ /de la gang dag gzugs la sogs pa nyams su smyong ba thams cad bkag nas bdag nyid la mchod pas mchog tu ji ltar 'gyur zhe na/ de ni rigs pa ma yin te/ 'di ltar sems las ma gtogs pa'i gzhan du lha'i bdag nyid yod pa ma yin pas na/ bdag nyid kho na mchod par bya ba nyid do/ /de bas na sems las gzhan du mchod par bya ba gang yang med de/ sku gzugs la sogs pa yang rang gi sems kyis lhar bskyed pa'i btags pa tsam las gzhan du dngos po med pa nyid do/ /de bas na bdag nyid lhar bskyed pa las dug med cing bla na med pa'i 'bras bu thob pa ni nges par nyid de/ the tshom mi bya ba nyid do/ /gang dag nyams su myong ba bkag pa las mi skye ba ni khyad par spyir zhugs pa'i tshig ste/ khyad par du bya ba dang ldan pa'i phyir ro/ /yul gcig la ni byed par 'gag par 'gyur te/ yul sna tshogs la ni ma yin no/ /de la gang dag gi ngo bo yul du byed na ni yul sna tshogs par yang 'thad par mi 'gyur ro zhe na/ de ni ma yin te/ tshogs pa'i khyad par la 'dod pa'i 'bras bu skye ba ni rjes su mthun pa'o/ /las gang las mi 'dod pa'i 'bras bu 'byung ba ni dag par bya ba'i
- 62b
yul yin zhing de'i ngo bo lhag par zhen pa tsam gyis ni thams cad du de ltar mi 'gyur te/ dper na dug la sngags la sogs pas byin gyis brlabs pa zos kyang 'chi ba la sogs pa'i nus pa med pa bzhin no/ /lus kyi la sogs pa spyir yang bkag pa de dag kyang nges pa med de/ 'di ltar snying rje la sogs pas bslang ba'i las kyi phyogs gzhan du mi 'dod pa'i 'bras bur 'gyur ba'ang yod de/ kha cig tu tsha ba'i nad kyis btab pa rlung g.yab pa las de dang mi mthun pas gang zag de 'chi ba'i rgyu bskyed pa nyid dang yang kha cig tu bud med kyi 'gro ba chu yis 'khyer ba la sa'i 'du shes kyis ston pa lta bu'o/ /byang chub sems dpa' rnams kyis ni snying rje la sogs pa dge ba yid la byed pa stobs kyis las gang dang gang byas pa thams cad gnang ba'i yul yin zhing byang chub sems dpa' rnams kyi lam gyi mtshan nyid yin pa'i phyir te/ de yang byang chub sems dpa' i sdom pa bshad pa'i mdo las/ dge ba'i sems kyis byams bskyed nas/ /snying rjes don gzhan ston pa la/ /gnad ba byin pas sdig mi 'gyur zhes pa nas gzhan yang byang chub sems dpa' rtog pa yis/ /dge dang mi dge gang byas kyang/ /de dag yid kyi dbang byas phyir/ /thams cad dge bar 'gyur ba yin zhes gsungs pa'i phyir ro/ /de bas na thabs mkhas pa ma yin pa nas kyang ni srog gcod pa las phyir ldog par bzhag par bya ste/ thabs mkhas pa yin pa la gnang ba byin pa'i phyir ro/ /de yang 'di ltar rnam par snang mdzad mngon par byang chub pa sum cu rtsa gsum pa las/ 'dir byang chub sems dpa' rnams kyis srog gcod pa las phyir ldog par bya ba yin te/ ji srid dkon mchog gsum la gnod pa byed pa'i mthong ba'i bar du'o/ /de bzhin du ma byin par len par spang ba'i phyir te/ ji srid du ser sna can dag mthong ba'i bar du'o/ /de bzhin du 'dod pa'i dbang gis gzhan gyi bud med spyad par bya ba ma yin te/ ji srid gter la sogs ba lter ba'i bar du'o zhes gsungs te/ de dag la
- 63a
sogs pa bslab pa'i gzhi thams cad ni gzhan duAng rgyas par bya'o/ /yang 'dir bsnyed pa la sogs pas bslang pa'i lus dang ngag dang/ yid kyi las ni mi dge ba nyid yin te/ mi 'dod pa'i 'bras bu ster ba'i phyir ro de la de'i rang bzhin ni lung du ma bstan pa yin zhing gang du gzhan la phan par byed pa'i bsam pa las byung ba'i byang chub sems dpa' i bslab pa'i rang bzhin ngo bo yin te/ bla na med pa'i 'bras bu 'dren par byed pa'i phyir ro/ /yang byang chub sems dpa' rnams kyis ni bdag nyid kyi stong pa'i yongs su spyod pa la ni kha na ma tho ba dang bcas par mi 'gyur te/ de yang shes rab kyi pha rol tu phyin pa bdun brgya pa las /chos dang yon tan byang chub lung bstan zhes gyur pa/ /de ni tshul khrims nor dang chos dang yang dag ldan/ /gang zhig chos dang byang chub yon tan smod byed pa/ /de ni gtso bo'i tshul khrims 'chal shes rab tu bshad ces gsungs pa'i phyir dang/ 'phags pa blo gros mi bzang pa'i mdo chen po las kyang thabs mkhas pa dang ldan pa dag gis dngos po thams cad smad par mi bya'o zhes gsungs pa'i phyir ro/ /de la 'dir gzugs la sogs pa'i yul rang gi bsams pas longs spyod par mtshungs kyang/ kha na ma tho ba dang kha na ma tho ba med pa'i 'bras bur rnam par bzhag par bya ste/ nyon mongs pa'i bsam pas ni nyon mongs pa'i yul la spyod do/ /nyon mongs pa med pa ni nyon mongs ba med par longs spyod pa'o/ /de yang rnam pa gsum ste/ 'jig rten pa'i 'bras bur mthun pa dang/ rang mya ngan las 'das pa'i 'bras bu mthun pa dang bla na med pa'i 'bras bur mthun pa'o/ /de la dang po ni mtho ris la sogs pa'i 'bras bu 'dod pas lha la sogs pa la mchod pa'i nges par 'byung ba yid la byed pa'o/ /gnyis pa ni nyan thos la sogs pa'i byang chub gyi don du gzugs la sogs bas? nges par 'byung ba'i rnam pas so sor rtog pa ste/ ji ltar yang dag par mtshungs par ldan pa'i mdo las/ dge slong dag 'dir
- 63b
gang gis mig gis gzugs mthong ba na gzugs de dag nye bar dmigs par mi bya ba ni mi rtag pa la sogs pa'i bar la gnas te gzugs la sogs pa la nye bar dmigs par mi bya'o zhes gsungs pa lta bu'o gsum pa ni rnam pa bzhi ste/ smon lam gyi stobs kyis rnam par gros pa bsgom pa dang de kho na nyid 'ba' zhig la so sor rtog pas sgom pa dang bdag med pa tsam la dmigs pas bsgom pa dang zab cing rgya che ba la bsgom pa'o/ /de la dang po ni gzugs la sogs pa 'di ltar snang zhing nyams su myong ba rnams kyis rjes su 'brangs te 'gro pa mdza' dag la phan par byed pa'i sems mngon du bsgom pa ste/ ji ltar spyod yul yongs su dag pa'i mdo las/ byang chub sems dpa' rnams kyis gnas gang du gzugs yid du 'ong ba dag mthong na /sems can thams cad de bzhin gshegs pa'i mchog gi gzugs thob par gyur cig ces de ltar sems bskyed par bya ba dang gnas gang du gzugs yid du mi 'ong ba dag mthong ba na/ sems can thams cad 'di 'dra ba'i 'khor ba'i sdug bsngal las thar bar gyur cig ces pa de ltar sems bskyed par bya ba dang/ gnas gang du btang snyoms kyi gzugs mthong ba na/ sems can thams cad sems mnyam pa nyid du gyur cig ces de ltar sems bskyed par bya ba la sogs pa rgya cher gsungs pa dang/ de bzhin du mdo sde rgyan las kyang/ /dbang po'i spyod yul sna tshogs ji lta ji lta bar/ /de lta de ltar rig pas mnyam nyid go 'phang la/ /sems can rnams la phan pas mngon par 'du byed cing/ /snying rje'i bdag nyid zhugs pas spyod yul yongs su bgrod ces gsungs pa'i phyir ro/ /gnyis pa ni sems can gyis khams la snying rjes rnam par bltas te bdag med pa la so sor rtog pa yid la byed pas yul mdza' dag la nye bar longs spyod pa nyid de/ de yang shes rab kyi pha rol tu phyin pa lnga stong pa las rigs kyi bu chos smra ba'i dge slong de la bdud sdig can bar chod bya? ba'i phyir yid du 'ong ba'i gzugs dang sgra dang dri dang ro dang reg bya
- 64a
rnams stobs te/ de la thabs mkhas pa'i shes rab kyis bshig nas yongs su longs spyod par byed do zhes rgyas par gsungs so/ /de bas na de kho na nyid yid la byed pa ni nyes pa mdza' dag gi gnyen po yin pa'i phyir/ gang du mi 'dod pa'i las skyes pa rnams kyang de kho na nyid la so sor rtog pas zad par 'gyur te/ de'i dbang gis mi 'dod pa'i 'bras bu bskyed pa'i nus pa la gegs byed pa'i phyir ro/ /gang la so sor rtog pa'i bdag nyid kyis gzugs la sogs pa yongs su shes pa de la nyan mongs pa dang las kyi sgrib pa ji ltar 'gyur te/ phyin ci log gi sems kyi khyad par las byung ba'i las dang nyon mongs pa dang bdag med pa la so sor rtog pa 'gal ba'i phyir lhan cig tu ni skye bar mi 'gyur ro/ /de yang mdo sde rgyan las/ gang la 'jig rten du mar snang bar 'dod pa min/ /skyes bus chags par brtags pa 'dod pa ste/ /sna tshogs de yis 'khor bar gnas 'gyur bas/ /des na byang chub sems la 'dul bar 'dod pa yin zhes gsungs pa'i phyir ro/ /gsum pa ni bdag med pa las dmigs pa nyid kho nas gzugs la sogs pa'i tha mal gyi ngo bo la rtag par zhen pa'i gnyen po ste/ des ni gong dus gong du brgyud pas yang dag par rdzogs pa'i sangs rgyas kyi go 'phang la gnas par byed pa'i rgyu yin zhing yang dag par rdzogs pa'i sangs rgyas kyi tshul ji lta ba bzhin du nga rgyal gyis gzugs la sogs pa nyams su myong bar 'gyur ba nyid do/ /de la gang dag 'di skad du de lta na ni gang zag de dus yun ring ba zhig na nges par 'byung ba'i phyir don dam par yang dag par rdzogs pa'i sangs rgyas kyi rang gi ngo bo ma yin zhe na/ de lta na tha mal du longs spyod pa'ang med par 'gyur te/ de kho na nyid la gang zag la sogs pa med pa'i phyir ro/ /de la ji ltar lhag par zhen pas gzugs la sogs pa mthong ngo/ /zhes yul du byed pa dang/ de kho na nyid la ni gzugs la sogs pa med
- 64b
pas ni sngar smras zin to/ /de bas na lhag par zhen pa ni de kho na nyid la bltos pa med pa ste/ kha cig tu mi 'dod pa'i 'bras bu 'byung ba ni mi dge ba'i dbang las byung ba'o/ /gzhan du skyes bu mchog gi don tu sbyor pa ni dge bar bcom ldan 'das kyi gzhung du mthong ngo// de bas na de'i ming tsam gyis kyang sangs rgyas kyi nga rgyal bya ba ste/ de ni bla na med pa yang dag par rdzogs pa'i byang chub kyi rgyur bcom ldan 'das kyis rnam par bzhag go /de bas thams cad bdag nyid kyis nye bar long spyod pas ni dge ba'i bdag nyid du mi 'gyur ro zhes bya bar ni rnam par bzhag par mi nus te/ de ni bsam pa'i dbang gis dge ba'i bdag nyid yin pa'i phyir/ de yang dkon mchog bkod pa'i mdo las/ byang chub sems dpa' gang gis stong phrag brgyad cu re re la yang dge slong stong phrag brgyad cu'i 'khor dang bcas pa la bskal pa du mar bde ba'i yo byad thams cad kyis bkur sti byas pa bas/ byang chub sems dpa' gzhan gang zhig gis dam pa'i chos yongs su bzung ba'i phyir bdag nyid rnam par dag pas longs spyod par byed pa ni sngar gyi byang chub sems dpa' bas ches bsod nams khyad par du 'phags par 'gyur ro/ /zhes gsungs pa'i phyir ro/ /yang 'dir bzhi pas btsal bar bya ba'i bde bar gshegs pa'i sku'i bdag nyid ni rang bzhin gyis rtag pa'i dri ma dang bral ba yin te 'di ltar 'od zer dpag tu med pa'i tshig 'byung zhing sprul pa sna tshogs bkye bas 'gro ba ma lus pa'i don byed pa'i nus pa dang ldan pa yin gyis gzugs la sogs pa thams cad de'i ngo bor mthong zhing sngar smras pa'i rnam pas dngos po mdza' dag mnyam pa nyid du blta bar byed de/ phan tshun du bltos pa med pas rang gi ngo bo la bsgrub pa mngon du dmigs pa'i phyir ro/ /de bas na gzugs la sogs pa 'dod pa'i yon tan thams cad kyis bdag med pa'i sku la mchod pas sangs rgyas la mchod pa ji ltar 'gyur snyam pa la dogs pa'i kha na ma thob pa'i rgyun chen por 'gyur ba nyid do/ /de bas ni
- 65a
de dag ni tha mal gyi gnas skabs phyin ci log yid la byed pa'i gnyen po lhag pa'i tshul khrims kyi bslab pa yin pa'i phyir/ mig la sogs pa'i yul rnams la bden pa ma yin pa yid la byad pa spangs pas mchog gi mya ngan 'das pa thob cing don chen po bla na med pa'i sdom pa ste/ mig la sogs pa'i yul thams cad la'ang phyag rgya bzhi pI dkyil 'khor gyi lhar bskyed par bya zhing/ de'i sngags dang phyag rgyas dag par bya ba nyid de/ de yang mdo sde nyis brgya lnga bcu pa las kyang/ /mig gi sdom pa legs pa ste/ /rna ba'i sdom pa'ang legs pa yin/ /sna'i sdom pa legs pa ste/ /lce'i sdom pa legs pa yin/ /lus kyi sdom pa legs pas na/ /yid kyi sdom pa legs pa ste/ /kun tu bsdams pa'i dge slong ni/ /sdug bsngal kun las rab tu grol/ /zhes gsungs pa'i phyir ro/ /de bas rang dang gzhan thams cad yang dag par rdzogs pa'i sangs rgyas su dmigs pa nyid kyis byang chub kyi lhag pa'i sems kyi bslab pa'i rang gi ngo bo dang/ rang gi ngo bo la phyin ci ma log par rtogs pa nyid kyis lhag pa'i shes rab kyi bslab pa nyid do// yang 'di ltar sna la sogs pa las bzlog nas sbyin pa la sogs pa'i pha rol tu phyin pa mdza' dag kyang de'i khongs su 'dus par ni sngar gyis rjes su 'brangs pa las blta bar bya'o/ /thabs de lta bu'i sems las yang dag par byung ba'i gzugs la sogs pa'i rang gi ngo bo dang rjes su mthun pa las bzlog pa ni bla na med pa'i rgyu gsal bas na yang dag par rdzogs pa'i byang chub kyi snod ma yin pa dang/ skrag pa'i gnas ma yin par skrag pa ni sdug bsngal gyi phung po 'byung ba'i rgyu yin pa'i phyir ro/ /de yang phyin ci log bzhi bstan pa'i mdo las/ gnas ma yin par skrag pa ni/ /'gro ba 'ching ba'i rgyu yin te/ /bsod nams ma yin phung po che/ /'byung bar byed pa'i gzhi ngag dang/ /rigs min dam tshig ring ba dang/ /gshes med bya ba ma yin byed/ /dge sems snga na med gyur pas/
- 65b
dam chos 'di yi skrag pa ni/ /don chen po las ltung bar 'gyur zhes gsungs so/ /de bas na yang dag par rdzogs pa'i byang chub thob par byed pa'i thabs ni 'di yin pas skyo ba med cing gzhan la mi g.yeng bar gzhung 'di kho na la 'bad par bya ba nyid do/ /de dag ni bla na med pa'i sgrub pa chen po zhes bya ste/ da ltar ba'i skyes bu rnams kyis spyad par bya'o/ /da ni tshe 'das pa'i sems can rnams la phan gdags par bya ba gsungs te/ de nas lha'i dbang po brgya byin gyis bcom ldan 'das la 'di skad ces gsol to/ /bcom ldan 'das sdig pa bgyis pa'i sems can dmyal ba la sogs pa'i dbang du gyur pa rnams/ ji ltar na sems can dmyal ba la sogs pa'i dbang du gyur pa'i sdug bsngal spang pa'i slad du bsgrub par bgyi zhes pa ni de yan chad du gsal par ma gsungs pa nyid kyis da ni don rgyas par zhu ba'i tshig ste/ de la lha'i dbang po brgya byin sems can thams cad la phan pa dang/ rang gi lha'i bu nor bu dri ma med pa'i 'ong sems can dmyal pa'i gnas nas thar bar thabs ji lta bus bsgrub par bya zhes zhu bar 'brel to/ /bcom ldan 'das kyis bka' stsal pa/ lha'i dbang po sems can gang dag sdig pa chen po byas pa'i dbang gis sems can dmyal ba la sogs pa'i dbang du gyur pa de dag ci nas kyang sems can dmyal ba la sogs pa'i sdug bsngal las thar par 'gyur ba nyon cig ces gsungs pa ni nan tan du gyis la bsgrubs shig ces par go bar bya ste go ba'i phyir ma bshad do/ /de bzhin dkyil 'khor bris nas ni/ /de ltar yang ni bum pa la/ /brgya rtsa brgyad du bzlas nas ni/ /dbang bskur ba ni rab tu brtag ces pa ni mdor bstan pa ste/ gong ma la snyegs so/ /de nas sdig pa kun bya ba ste/ /dmyal ba la sogs sdug bsngal las/ /de ni myur du rnam par thar/ /sdig las rnam grol bdag nyid de/ /dag par gyur pa'i lha rnams kyis/ /rigs su skye bar gyur nas kyang/ /de ni rtag tu sangs rgyas dang/ /chos dang dge
- 66a
'dun mthong bar 'gyur/ /phyir mi ldog pa'i sa la gnas/ /rim gyis byang chub thob par 'gyur zhes gsungs pa ni de'i 'bras bu yongs su gsungs pa ste/ de la sdug bsngal mi bzad pa las kyang thar nas lha dang mi'i rigs chen po rnams su skyes te/ bla na med pa'i dkon mchog gsum dang rtag tu mi 'bral zhing phyir mi ldog pa'i sa la gnas te mthar bla na med pa'i byang chub 'thob par gsungs pa'o/ /de'i gzugs brnyan bri ba 'am/ /gur gum gyis ni ming yang rung/ /ngan song gsum gyi 'jigs chen las/ / sems can rnams ni dgrol ba'i phyir/ sngags mkhan gzhan la phan brtson zhing/ /snying rje can gyis de la ni/ /sngags dang phyag rgyas dbang bskur te/ /lha yi gzugs su brtags nas kyang/ /rang gi lha 'am lha gzhan gyi/ /snying po snying gar bris byas nas/ /lha 'dra bar ni sems bskyed de/ /mchod rten dbus su bzhag pa'am/ /khyim sogs nang du bzhag par bya/ /zhes gsungs pa ni 'dir sgrubs pa'i thabs phyogs gcig gsungs pa ste/ de la gzugs brnyan bri ba 'am zhes pa ni tshe 'das pa'i gang zag de'i lus med pa la dgongs pa ste/ de'i lus med na ras la sogs pa la/ de'i gzugs brnyan bri ba'am yang na de'i ming la sogs pa bris te/ ngan song gsum gyis sdug bsngal las thang bar bya ba'i phyir rnal 'byor pas byang chub kyi sems bla na med pa bskyed nas sngar smos pa'i rim pa ji lta ba bzhin du dkyil 'khor du gzhug cing sngags dang phyag rgya la sogs pas dbang bskur bar bya'o/ /lha'i gzugs su brtags nas kyang zhes pa la sogs pa ni 'di ltar dbang bskur ba'i rjes la rang gi rigs kyi lhas de la rab tu gnas pa la sogs pa byas nas lha de yang bde bar gshegS pa'i snying po la sogs pa'i snying po dang mtshan ma snying gang bris te lha dang gnyis su med pa bsams nas/ mchod rten nam gtsug lag khang dam khyim la sogs pa skye po mang po phyag dang mchod pa byed pa'i sar bzhag par bya'o/ /de ci'i phyir zhe na snyam pa la/ de la brten nas
- 66b
skye bo rnams grol ? 'gyur te/ skye bo rnams grol ba las de yi 'gro pa'i don byas pas de nyid grol bar 'gyur ba kho na'o/ /de'i ming nas smos nas ni/ /gur gum bzang po'i sngags bris la/ /sdig can sdig ni zad bya'i phyir/ /rims kyis 'bum mam bye ba yis/ /grangs ni rab tu tshang ba ru/ /mchod rten las ni rab tu bya/ /de ni nges par dmyal gnas las/ /'di byas pa yis grol bar 'gyur/ /yi dags byol song sdug bsngal las/ /grol te lha yi gnas su skye/ /zhes gsungs pa ni yang mchod rten la sgrub pa phyogs gcig gsungs pa ste/ de la de'i ming nas smos nas ni/ /gur gum bzang pos sngags bris la zhes pa 'di ltar ras sam/ shing shun la 'khor lo rtsibs bcu pa bris la/ de'i lte ba la gdon mi za ba'i rdo rje'i byin gyis brlabs zhes bya ba'i snying po dang po gur gum gyis bri'o/ /de nas rtsibs lnga la ngan song thams cad yongs su spyod pa'i rgyal po zhes bya ba de bzhin gshegs pa thams cad kyi snying po dum bu lngar bri'o/ /de dag gi bar bar du tshe 'das pa de'i ming bris la/ de nas 'khor lo de legs par dril te/ bye ma'am 'jim pa 'am bso 'am zangs sam rin po che la sogS pa'i mchod rten 'bum mam bye ba'i grangs thim par bya ba kho na'o/ /de ni nges par dmyal gnas las/ 'di byas pa yis grol bar 'gyur zhes pa la sogs pa ni mi de cho ga de'i stobs kyis dmyal ba'i sdug bsngal chen po dang yi dags dang dud 'gro'i sdug bsngal las thar te/ lha dang mi'i yul du skye ba dang/ bla na med pa'i byang chub thob par 'gyur ba ni nges pa nyid de the tshom mi bya ba nyid do/ /de'i ming nas brjod nas ni ji skad gsungs pa'i gzungs sngags rnams/ /'bum phrag stong dam yang na ni/ /brgya phrag stong du tshang ba dang/ /bye ba snyed du rab bzlas na/ /lha yi gnas su nges par skye zhes gsungs pa ni 'dir yang sngags kyis bsgrub pa gsungs pa ste/ /de la bcom ldan 'das ngan song thams cad yongs su sbyong ba'i rgyal po yid la byas nas/ bla na med pa'i sems bskyed de/ de'i ming dang por brjod de /de
- 67a
nas de bzhin gshegs pa'i rtsa ba'i sngags gong du smos pa'i grangs su rdzogs par byas na nges par lha'i gnas su skye ba nyid do/ /de yi ming nas brjod nas ni/ /mkhas pas 'bum phrag brgya'am ni/ /yang na brgya phrag stong snyed du/ /sbyin sreg byas par 'gyur na ni/ /sdig pa de las thar bar 'gyur/ /ji srid 'byung ba'i gnas su ni/ /mtshan ma ma mthong bar dag tu/ /til dang yungs kar 'bras rnams dang/ /ra yi 'o mar ldan pa dang/ /dri yis bskus pa'i yam shing gis/ /cho ga bzhin du sbyin sreg bya ba zhes gsungs pa ni 'dir phyogs gcig sbyin sreg la bsgrub pa gsungs pa ste/ de la 'dir ni re zhig zhi ba'i sbyin sreg kho nar gsungs so/ /de la 'di ltar zhi ba'i thab khur 'og nas 'byung ba bzhin du brkos te/ cho las 'das pa de'i ming ras la sogs pa la bris pa dang/ til la sogs pa'i bsreg rdzas rnams dang bsres nas thab khung du dkyil 'khor gyis 'khor lo bsam zhing de'i ming nas kyang brjod de/ gong du gsungs pa'i grangs ji lta ba bzhin du bya ba nyid do/ /de la sreg rdzas dang rnal 'byor pa la sogs pa ni 'og nas rgyas par ston pa'i phyir 'dir ma bshad do/ /de nas de ni nges par yang/ /lha yi gnas su skyes gyur nas/ /mtshan ma dag ni ston 'gyur ba/ /lha yi gzugs su 'ong ba dang/ /yang na ho ma khung nang du ni/ /me yi ltas ni ston byed de/ /lha yi gnas su skyes pa dang/ /sdig pa bcom pa'i mtshan ma ni/ /dkar po nyid dang g.yas su 'bar/ /steng du drang zhing dri ma med/ /zlum zhi rnam par mi 'gro la/ /brtan la klog bzhin mdangs dang ldan/ /yang na me lha nyid kyis ni/ /kha dag gi gzugs ni ston byed do/ /zla ba dri med dkar 'dra la/ /bzhin mdog dkar zhing lha nger 'bar/ /de ni mtshan ma de dag gis/ /dmyal sogs gnas nas rnam grol zhing/ /sdig pa bcom nas bde 'gror ni/ /skyes dang skye bar shes par bya zhes gsungs pa ni 'di'i rtags rnams gsungs pa ste/ de la rtags 'di dag ni rdzas kyi sbyin sreg rdzogs pa'i mdza' i
- 67b
rtags dang/ ro'i sbyin sreg byed pa'i skabs gnyis su shes par bya'o/ /de nas de ni nges par yang/ /lha yi gnas su skyes gyur nas zhes pa'i tshig bzhis ni rdzas kyi sbyin sreg grangs su rdzogs pa'i rjes su shes par bya'o/ /yang na ho ma khung nang du ni/ /me yis ltas ni bston? byed de zhes pa la sogs pa ni ro'i sbyin sreg gnyi ga la shes par bya ste/ de la bde 'gro'i gnas su skye ba la sogs pa'i rtags ni dkar po nyid dang g.yas su 'bar zhes pa la sogs pa ste/ de la dkar po ni dung lta bu'o/ /g.yas su 'bar ba ni g.yas phyogs su khyil? ba'o/ /gyen du drang ba ni steng gi phyogs su mar me ltar drang ba'o/ /dri ma med pa ni du ba dang ma 'des pa dang mdog sngo nag la sogs pa med pa'o/ /zlum pa ni me lce gzhan du mi 'gro ba'o/ /brtan pa ni mi g.yo ba'o/ /glog bzhin du mdangs dang ldan pa ni dkar la gsal ba'o/ /yang na me'i nang du rnal 'byor pa la kha bltas te 'dug pa'i me lha nyid mthong bar 'gyur ba nyid do/ /de dag las bzlog pa gnag pa dang 'phro ba dang/ sgra dang ldan pa dang/ 'tsheg pa la sogs pa ni sdig pa las ma grol ba'i brtags te/ phyis yang brtson 'grus drag pos 'bad par bya ba kho na'o/ /de ni mtshan ma de dag gis/ /dmyal sogs gnas nas rnam grol zhing/ /sdig pa bcom nas bde 'gror ni/ /skyes dang skye bar shes par bya zhes pa ni rtags de dag gis rdzas kyi sbyin sreg rdzogs pa'i thar ni skyes par 'brel to/ /ro'i? sbyin sreg gi skabs su ni skye bar shes par bya'o/ /khru bzhi pa yi tshad du ni/ /cho ga bzhin du khung brkos la/ /rdo rje mdza' ma bskor ba yi/ /'khor lo dbus su bri bar bya/ /rigs lnga yi ni phyag rgya rnams/ /ji bzhin pa yi phyogs su bri/ /de bzhin sems dpa' rnams dang gi /'jig rten gtso la sogs pa bri zhes gsungs pa ni 'dir sbyin sreg bya ba'i cho ga gsungs pa ste/ de la khru bzhi pa yi tshad du ni/ /cho ga bzhin du khud brkos la zhes pa 'di 'di ltar dur khrod la sogs par sa'i cho ga la sogs pa rim pa ji lta ba bzhin du byas te/
- 68a
stegs bu khru bzhi brtsigs te/ ba'i rnam lnga dang dri la sogs pas byugs la de'i dbus su rgyar khru bzhi pa zabs su khru do pa'i khung bu brus te dril sogs pas byugs nas de'i stengs du thig gdab par bya'o/ /de nas khru gang ni lte bar bya'o/ /sor mo bcu gnyis ni rtsibs su bya'o/ /sor gnyis ni mu khyud du bya'o/ /sor mo bcu ni sgor bya'o/ /sor bcu ni sta babs su bya'o/ /sor mo drug ni phreng pa gsum du bya'o/ /de nas lte ba la rdo rje la sogs pa'i ka pa brgyad dang ldan pa bris la de dag gis dbus su pad+ma'i steng du oM zhes pa bri'o/ /shar du ni hUM zhes bya ba'o/ /lhor ni hUM zhes bya ba'o/ /nub tu ni h+ri zhes bya ba'o/ /byang du ni a zhes bya pa'o/ /shar lhor ni laM zhes bya ba'o/ /lho nub tu ni maM zhes bya ba'o/ /nub byang du ni paM zhes bya ba'o/ /byang shar du ni traM zhes bya ba'o/ /de bzhin du 'khor lo'i rtsibs rnams la ni rim pa ji lta ba bzhin du hUM dang dza dang ho dang/ du dang/ traM dang raM dang b+haM dang ha dang h+ri dang ti dang /kraM dang ba dang ka dang raM dang yaM dang/ saM rnams bri bar bya'o/ /de bzhin du grwa rnams su ni du dang bu dang a dang g+ha dang la dang ma dang g+hi dang na rnams dgod par bya'o/ /sgo rnams su dza(rgyud 'grel): dang hUM dang baM dang ho:rnams bri'o/ /rta babs kyi khyams rnams su ni rim pa ji lta ba bzhin du su dang sa dang tsa dang ba dang dza dang a dang sho dang dz+nyA dang ma dang ku dang dre dang du dang dzi dang sri rnams bri bar bya'o/ /phreng ba gsum gyi phyi rol gyi steng du snam bu sor gsum pa gcig la ni shar la sogs par rim pa ji lta ba bzhin du i dang la dang bA dang ku dang ra dang a dang ra dang bA dang ra rnams bri bar bya'o/ /de'i phyi rol gyi snam pu la ni 'gro ba rigs drug gi dkyil 'khor rigs par bri bar bya'o/ /bya dang bum pa gang ba dang/ /gtor mas snod rnams bkang ba dag /brgya rtsa brgyad du bzhag bya 'am/ /yang na bcu drug nyid du bzhag /bza' ba dang ni bza' ba'i bshos/ /me tog phreng sogs de bzhin te/ /bla re rgyal mtshan lhab lhub dang/ /gdugs mchog rnams kyis legs brgyan te//
- 68b
mkhas pas dkyil 'khor dam pa ni/ /sbyin sreg rab tu bya ba yin zhes gsungs ni mchod pa'i yo byad pa sogs? pa gsungs pa ste/ de la 'dir bya ni yid du 'ong ba'i sgra 'byin pa rma bya 'am shang shang dam ka ra bi ta la sogs pa bzhag par bya ba'am yang na de dag gi gzugs bris la dkyil 'khor gyi stegs bu'i steng du bzhag par bya'o/ /de bzhin du gser la sogs pa'i bum pa dri dang 'o ma la sogs pas bkang ba kha rgyan dang mgul chings su chas pa brgya rtsa brgyad dam yang na bcu drug las mi nyung bar bzhag pa dang de bzhin du bshos dang/ 'bras bu dang gur gum dang/ me tog gi phreng ba dang bdug pa dang snang ba dang dril sogs pa bzhag par bya ba dang bla re dang gdugs dang rgyal mtshan dang dar la sogs pa'i lhag lhub rnams kyi dkyil 'khor mdzes par brgyan la sbyin sreg bya ba nyid do/ /cho ga zhes byas bri bar bya/ /lha rnams mang po spyan drangs la/ /phyag rgya sngags dang rab bstun pas/ /arga dbul bar shes na ni/ /mchod pa rnam pa lngas mchod nas/ /lha yi tshul du rab gnas la/ /ga bur gur gum la sogs pas/ /mar dang 'o ma til bskos la/ /til dang yungs kar 'bras rnams la'ang/ /dri yi chu yis legs btab ta/ /'bras chan yos dang la bu dang/ /sprang rtsi sha khang ldan pa la/ /brgya phrag du mar yongs bzlas te/ /sreg shing dang ni yam shing la/ /rang gi sngags kyis rab btab nas/ /khung bu'i nang du bzhag par bya zhes gsungs pa ni sreg rdzas bsag pa dang rnal 'byor gyi cho ga gsungs pa ste/ de la cho ga shes pas bris nas kyang zhes pa la sogs pa ni 'di ltar dang por bdag nyid khro bor bskyed pa las bdag nyid dang mchod rdzas dang gnas rnams bsrung bar bya ste/ sems can thams cad dang tshe 'das pa'i don du sems bskyed de rang gi snying ga'i sa bon las 'od zer spro bas bde bar gshegs pa sras dang bcas pa spyan drangs la/ zhal bsil dang 'thor 'thung dang/ gdan rnams phul te/ yan lag bdun/
- 69a
rnam par dag par byas nas rdo rje lcags kyu la sogs pa'i rnal 'byor dang phyag rgyas dza:hUM baM ho(rgyud 'grel): zhes pas dgug pa gzhug pa dang bcing ba dang bgyes par byas la dang po mchod pa'i yo byad rnams kyis legs par mchod par bya'o/ /lha yi tshul du rab gnas la zhes pa ni bsreg rdzas thams cad la bdag nyid de bzhin gshegs pa ngan song thams cad yongs su sbyong ba'i rgyal por bskyed de rtsa ba'i sngags brgya rtsa brgyad la sogs par gdab par bya ba nyid do/ /ga bur gur gum la sogs pas/ mar dang 'o ma til rnams bsgos/ /zhes pa nas sbrang rtsi sha kha ra ldan pa la zhes pa'i bar ni bsreg rdzas bsags pa ste de yang rnam par snang mdzad kyi brtag pa las/ rdzas ni bcu gcig bdag nyid kyis/ /zhi pa'i sbyin sreg rab tu sngags zhes gsungs pa'i phyir/ 'di ltar me tog dang spos dang zhu mar til dang yungs kar dang 'o thug dang 'bras chan dang 'bras yos dang mngar gsum la du dang bde ba rta ru dag ste de dag ga bur dang gur gum la sogs pa'i dri zhim pos bsgo bar bya ba nyid do/ /brgya phrag du mar yongs bzlas te/ zhes pa ni gong ma la snyegs so/ /sreg shing dang ni yam shing la/ /rang gi sngags kyis rab btab nas/ /khung bu'i nang du bzhag par bya zhes pa ni 'di ltar bsreg shing ni brtsegs pa'i shing de/ pad+ma ka la sogs pa'o/ /yam shing ni me spar ba'i shing ste/ tsan dan dkar po la sogs pa'o/ /rang gi sngags zhes pa ni de las byung ba'i mes sreg par byed pa'i sngags te/ oM dA ha dA ha sarba na ra ga te he du hUM phaT ces pa la sogs pa'i sngags kyis gdab par bya ba'o/ /khung bu'i nang du bzhag par bya zhes pa ni lugs rnam ba bzhir shes par bya ste/ de la 'di'i gzhung gis ni dkyil 'khor dang bcas pa'i nang nyid du ras dkar pos dkyil 'khor g.yogs la de'i steng du shing rnams mchod rten nam gzhal yas khang bur rtsig par gsung ngo/ /rnam par snang mdzad kyi brtag pa nas ni//
- 69b
khung bu kha bkab 'thas byas nas/ /steng du 'bar ba'i bsreg khang brtsigs zhes gsungs pa ni khung bu de shing la sogs pas kha bkab nas zhal zhal gyis 'thas par byas te/ de'i steng du shing brtsegs par gsung ngo/ /yang 'jam dpal gyi rgyud nas ni/ /ka ba bzhi dang ldan byas la/ /khru do pa yis 'phangs su ni/ /sor mo bcu gnyis stegs bu brtsigs/ /de ni kha khyer ldan byas nas/ /de stengs shing brtsig 'og tu ni/ /bla re nges par dbub pa bya/ /zhes gsung ngo/ /yang rdo rje khro ba'i rgyud nas ni/ /nyis thog tu ni brtsig byas la/ /steng du shing brtsegs par du ni/ /dkyil 'khor dang pa bri bar bya/ /'og ni 'dzag pa'i khung bu ste/ /dngul la sogs pa'i snod dag bzhag ces gsung ste/ de la bzhi ka yang gang zag rnam pa bzhi la dgongs pa ste/ gang zag ni rnal 'byor pa dang dge slong dang tshangs par spyod pa'i dge bsnyen dang 'jig rten phal pa bzhi'o/ /de la dang po ni phal pa ste bcom ldan 'das kyis lha'i bu la dgongs nas gzhung 'dir gsungs pa'o/ /gnyis pa ni dge bsnyen no/ /gsum pa ni dge slong ngo/ /bzhi pa ni rdo rje slob dpon la sogs pa rnal 'byor pa rnams kyi'o/ /yam shing ni sor nyi shu rtsa bzhi pa la rtse mo ral gri ltar bya/ /rtsa ba phyed man chad zlum por byas la rtse mor mar gyis byugs la me tog gi phreng ba gdags par bya ste rtsa ba ni dri'i chus bsku ba'o/ /ro la sngags kyi btab nas kyang// chu mchog gis ni bkrus nas ni/ /bzlas pa'i dri yis byugs par bya/ /gos dang rgyan gyis brgyan nas ni/ /sngags kyis btab pa'i bdug pas bdugs/ /me tog phreng la sogs pa gdags/ /de bzhin bde bar gshegs rnams kyis/ /sngags bris pa ni gdags bya ste/ /snying ga lkog ma kha phyogs dang/ /dpral ba mdzod spu rna ba gnyis/ /mgo bo gtsug pud dpung pa gnyis/ /rna dang rked pa pus mo dang/ /long bu gru mo'i rtse mo dang/ /mig gnyis dang ni gsang ba yi/ /dbang po rnams kyi gnas rnams su/ /sarba bid kyis byin
- 70a
gyis brlab/ /de ltar gzhan duAng yi ge sngags/ /mchog tu dag pa rnams bzhag go /zhes gsungs pa ni ro byin gyis brlab pa gsungs pa ste/ de la mi shi nas zhag bdun 'das nas srin bu la sogs shi ba dang dang por rang nyid khro po'i ting nge 'dzin gyis stang stangs dang bcas pas bgegs bskrad par bya'o/ /de nas 'o ma dang dri chu la sogs pa la rtsa pa'i rig pa bzlas la bkru par bya'o/ /de nas ga bur la sogs pa'i dri'i byug pas byug par bya'o/ /gos dang rgyan ni gang zag rnam pa bzhi'i rang rang gi cha lugs ji lta ba bzhin du brgyan par bya'o/ /de nas bde bar gshegs pa'i snying po'i sngags brgya la sogs pa btab pa'i gdug pa dang me tog gi phreng ba gdags par bya ba nyid do/ /snying ga lkog mkha phyogs dang zhes pa nas mchog tu dge ba rnams bzhag go zhes pa'i bar ni 'di ltar snying gar ni oM sarba bid a pa ra na bi sho d+ha ya ha na hUM phaT ces pa shing shun la sogs pa la pad+ma 'dab ma bzhi pa tsan dan dkar pos bris la de'i lte ba la gur gum gyis bris la gdags par bya'o/ /de bzhin mig gnyis su ni oM sarba bid hUM zhes pa'o/ /rna ba gnyis su ni oM sarba bid phaT ces pa'o/ /sna'i rtse mo la ni oM sarba bid a zhes pa'o/ /kos kor ni oM sarba bid tra tha zhes pa'o/ /dpral bar ni oM sarba bid oM zhes pa'o/ /spyi bor ni oM sarba bid hUM zhes pa'o/ /dpung pa gnyis su ni oM sarba bid swa zhes pa'o/ /gru mo gnyis su ni oM sarba bid a zhes pa'o/ /long bu gnyis su ni oM sarba bid tra tha zhes pa'o/ /gsang ba'i dang po la ni oM sarba bid pa zhes pa'o/ /rked par ni oM sarba bid sha zhes pa'o/ /gtsug phung la ni oM badzra a d+hi tiSh+Tha dz+nyA na sa ma ye hUM zhes gdags par bya'o/ /de ltar gzhan du zhes pa ni mtshan 'og gnyis su ni rnam par snang mdzad kyi snying po gdags par bya'o/ /brla gnyis su ni ngan song sbyong ba'i snying po'o/ /byin pa
- 70b
gnyis su ni rin chen tog gi snying po'o/ /pus mo gnyis la ni shAkya thub pa'i snying po gdags par bya'o/ /bol gnyis la ni me tog che rgyas kyi snying po gdags par bya'o/ /de nas ro de yongs su dag pa'i cho ga ji lta ba bzhin du yon dang bcas pas dkyil 'khor der gzhug par bya zhing dbang rdzogs par bskur bar bya ba kho na'o/ /de nas ngan song sbyong ba'i phyir ro/ stan dang bcas te dbus su ni/ /brtan pa nyid du bzhag bya zhing/ /gsang sngags rnams kyis btab pa yi/ /gos kyis de la g.yog par bya zhes gsungs pa ni dbang rdzogs pa'i rjes la rang gi lha'i gzugs su bskyed de/ zhun mar la sogs pas bsgoms pa'i stan gyi steng du pad+ma 'dab ma brgyad pa bris la/ de'i steng du oM tiSh+Tha badzra sa ma ya twaM zhes brjod cing bzhag par bya'o/ /de'i steng du bde bar gshegs pa'i rtsa ba'i sngags brgya rtsa brgyad btab pa'i ras kyis g.yogs par bya ba kho na'o/ /de nas byin za dge ba spar bar bya ba'i phyir/ /me lce phung po dpag med dkyil 'khor la/ /zla dkar kunda zhi ba'i cha lugs can/ /mdza' yas pa yi gzugs kyis me bkug la/ /arga dbul bar brtags nas de bzhin du/ /blo mchog ldan pa'i mdun du gzugs sogs bzhag /de ltar de bzhin gshegs tshogs spyan drangs la/ /arga la sogs brtags te de bzhin dbul/ /ji ltar gsung bzhin 'dod pa'i yon tan gyis/ /mnyam par bzhag pas mchod pa gang yin bya/ /zhes gsungs pa ni las su bya ba'i rim pas gsungs pa ste/ de la byin za dge ba spar ba'i phyir zhes pa nas/ blo mchog ldan pa'i mdun du gzugs sogs bzhag ces pa'i bar ni me sbar bar bya ste/ de ni 'di ltar dang pho rang gi snying ga'i sa bon las 'od zer dpag tu med pa nam mkha' phyogs su spros te/ de yis ye shes kyi lha khro bo khams gsum rnam par rgyal ba sku mdog dkar po la cung zad khros pa zhi pa'i cha lugs can phyag bzhi pa la
- 71a
g.yas pa gnyis na rdo rje dang zhags pa bsnams pa/ g.yon pa gnyis na pad+ma dang sdigs mdzub mdzad pa rgyan thams cad kyis brgyan pa mi bskyod pa'i dbu brgyan can zhabs gnyis kyis gang zag de'i sdig pa gnon pa phyogs bcu dus gsum gyi bde bar gshegs pa rnams kyi ye shes kyi me'i phung po can cig spyan drangs te/ argas zhabs bsil nas padme'i gdan la rang gi mdun du bzhugs par bsam mo/ /de nas las kyi me lha dang drang srong chen po spyan drangs te/ kha dog dmar ser la phyag bzhi par la zhon pa phyag g.yas pa gnyis kyi phreng ba dang blugs gzar 'dzin pa/ g.yon pa gnyis kyis ril ba dang dgang gzar 'dzin pa/ drang srong gi cha lugs can spyan drangs te me sbar bar bya ba ni zhun mar gzar bu lngas yam shing la blugs te bcug nas oM de ba shAkya b+hu ta si shAkya rA dzA tA thA ga ta ya a ra ha te sa myag saM bud+d+ha oM ha ba ka bya dzwa la raM swAhA zhes la/ mar khu gzar bu gsum blug par bya'o/ /de nas oM agne ye raM raM d+ha ha d+ha ha shan+ti ku ru swAhA zhes brjod de mar khu gzar bu gsum blug par bya ba nyid do/ /de nas bde bar gshegs pa rnams snga ma'i sbyor bas spyan drangs la/ argas zhabs bsil te 'thor 'thung la sogs pa byas nas gzhal yas khang du bzhugs su gsol la mchod pa'i tshogs gong du gsung pa bzhin du bya ba kho na'o// de nas byin za la ni rab brtags nas/ /bsreg rdzas bkang ste lan gsum dbul bar bya/ /de nas bsreg byas bkang ste rim gyis ni/ /rgyal ba'i tshogs la brgya rtsa brgyad du brtag /de nas spyod ba sngags kyi rgyal po la bsreg par bya ba nyi shu rtsa gcig brtag ces gsung ba ni 'dir mchod par bya ba'i rim pa ste/ de la dang por ye shes kyi byin za la rang gi sngags kyis bsreg rdzas thams cad lan gsum dbul bar bya'o/ /de nas dkon mchog la dbul bar bya'o/ /de nas las kyi me lha la yan gsum
- 71b
dbul bar bya ste/ de'i rjes la oM bai ro tsa na oM pA paM shAn+tiM ku ru swAhA/ oM sarba du rga ti pa ri sho d+ha ya hUM pA paM shAn+tiM ku ru swAhA/ oM ratna kai du ya swa pA paM shAn+tiM ku ru swAhA/ oM shAkya mu ne a pA paM shAn+tiM ku ru swAhA/ oM bi ka spi ta ku su me tra tha a gats+tsha pA paM shAn+tiM ku ru swAhA/ zhes pa la sogs pa'i rang rang gi sngags dang phyag rgyas bde bar gshegs pa sras dang 'khor du bcas pa rnams la brgya rtsa brgyad dbul bar bya'o/ /de'i rjes la ngan song thams cad yongs su sbyod ba'i rgyal po'i rtsa ba'i sngags kyis de bzhin gshegs pa de nyid la lan grangs nyi shu rtsa gcig dbul bar bya'o/ /de yang dang por dbu brgyan dang/ rna cha dang/ mgul rgyan dang/ gang du bu dang/ sor gdub la sogs pa'i rgyan thams cad kyis brgyan te/ gos dkar po gon la/ kha shar phyogs su bltas te snying rje chen po bskyed la/ bsreg rdzas dbul bar bya ba ni dang por me tog go /de nas spos so/ /de nas zhun mar ro/ /de nas de ba da ru'o/ /de nas 'bras chan no/ /de nas ni 'o thug go /de nas ni mngar gsum mo/ /de nas la du'o/ /de nas ni 'bras yos so/ /de nas til dang yung /kar te/ de dag thams cad kyang pad+ma'i phyag rgyas gang dang ldan pas dbul bar bya ba kho na'o/ /de nas gang zag de nyon mongs pa dang nye ba'i nyon mongs pa thams cad bsams te/ zhi ba'i phur bu tsandan dkar po las sor brgyad pa mgo bos rgya mdud du 'dug la rtse mo zlum por byas te/ de'i ngos la bde bar gshegs pa sras dang bcas pa bsams nas/ oM badzra kI li kI la ya sarba pA paM shAn+tiM ku ru swAhA zhes brjod de gdab par bya'o/ /de nas yu ba tsan dan dkar po las byas pa mgo po dngul las byas pa'i tho ba zlum po khru gang ba byas te/ de'i steng du oM sha ba ha zhes pa'i sngags kyis brdung bar bya ba kho na'o/ /de nas de ni sbyan drangs la arga la sogs pas mchod pa dang/ yo byad rnams ni lan gsum dbul//
- 72a
khams gsum rnam par rgyal ba'i gzugs/ /phyag na rdo rje pad+ma dang/ /zhags pa sdigs mdzub 'jigs par phyar/ /zhabs kyi pad+mas sdig phan na zhing/ /rgyan rnams kun gyis rab rdzogs pa/ /rdzogs sangs rgyas ni dbu / rgyan mtho/ /bsams sam yang na bris kyang rung/ /de yi snying pos de bzhin du/ /brgya phrag stong dam yang na ni/ /bye ba'i tshang du sbyin sreg bya/ /gal te mtshan ma la sogs byung/ /de bzhin sdig can rgyud ces bya zhes gsungs pa ni 'dir pho nya'i sbyin sreg bya bar gsungs te/ de la de nas de ni khro bo khams gsum rnam par rgyal ba ste/ de gong du smos pa ni gzugs ji lta pa bzhin du ting 'dzin gyis me'i nang du bzhugs su gsol la/ arga la sogs pa'i mchod pa'i yo byad kyis yang dag par mchod de/ de nas bsreg rdzas thams cad cig tu bsres la bdud rtsir byin gyis brlabs la sngags 'dis gdab par bya'o/ /oM a mi ta/ a mi te/ a mi todb+ha pa/ a mi te saM b+ha be/ a mi te b+hi krAn+te/ oM mi te bi kra te ga mi ni/ sarba karma kle shak+Sha yaM ka ri swAhA zhes pas btab ste/ mthe'u chung gnyis lu gu brgyud du sbrel nas khu tshur bsnol ba'i sdigs mdzub gnyis snying gar sbyar? par bya zhing/ oM badzra kro d+ha te lo kyi bi dza ya da ha da ha sarba ma ga ga ti he du hUM phaT/ oM pa tsa pa tsa sarba pre ta ga te he du hUM phaT/ oM tha ma tha ma sarba tirya ka ga te he du hUM phaT/ ces pa'i snying pos brgya phrag stong dam bye ba'i tshad dam yang na stong gi grangs su de'i ming byang dang bsres pas bya ba nyid do/ /phyag na rdo rje pad+ma dang zhes pa nas/ rdzogs sangs rgyas ni dbu rgyan mtho zhes pa'i bar shlau ka phye dang gnyis ni gong du bshad pa la bsnyegs so/ /bsams sam yang na bris kyang rung zhes pa ni ting nge 'dzin gyi bzhugs su gsol ba dang/ de'i gzugs brnyan bsreg /bang gi nang du bzhugs su gsol ba'o/ /de'i snying po de bzhin du zhes pa la sogs pa ni bshad
- 72b
zin to/ /gal te mtshan ma la sogs byung/ /de bzhin sdig can rgyud shes bya zhes pa ni gong du gsungs pa'i me'i rtags sam yang na me lha nyid kyis gzugs ston pa la sogs pa/ de dag byung bar gyur pa na sdig can gang zag de nyon mongs pa las grol bar shes par bya ba dang/ de las bzlog pa'i rtags rnams kyis ni mi grol bar shes par bya ba nyid do/ /de dag gi rjes la bstod pa la sogs pa thams cad rdzogs par byas la/ bzod par gsol bas gshegs su gsol bar bya ba ste/ de yang ye shes kyi dkyil 'khor ni ting nge 'dzin gyis gshegs su gsol bar bya'o/ /gzugs brnyan gyi dkyil 'khor ni chos thams cad bdag med par bsams te/ chos gang la rgyus byung de dag gis/ rgyu dang de 'gog gang yin la/ de bzhin gshegs pa bka' stsal te/ skad gsungs pa dge sbyong che zhes pa'i sngags kyis bzla zhing me tog gi phreng pa bsams pas bsdus te rgya mtsho la sogs pa'i nang du gtor ma dang bcas pas dor bar bya'o/ /de la gang dag 'di skad du las thams cad kyi rjes la yang/ khro bo la phul ba la dgos pa ci yod ce na/ de ni 'di ltar dper na mi gang dag rgyal po dang phrad 'dod pa las dang por pho nyal mgu ba la sogs pa byas te/ de yis rgyal po dang brda sbyar ro/ /de nas phrad pa dang rang gi dgos pa'i don rnams zhus pa las phyis kyang rgyal pos pho nya bsngags te/ chad pas gcod pa la sogs pa'i las byed do/ /de bzhin du 'dir yang de bzhin gshegs pa dang/ khro bo gnyis don dam par dbyer med kyang 'gro ba'i don dang sbyar nas gtso bo dang pho nya'i tshul du gsungs so/ /de bas na 'dir dang por khro bo yi me sbar ba dang mjug du tshe 'das pa'i gang zag de'i ngan 'gro rnam pa gsum gyi rgyud bcad par bya ba'i phyir khro bo la 'phrin las bcol ba kho na te/ de yang sangs rgyas thams cad pa'i rtsa ba'i rgyud chen po las/ 'di ltar chos rnams thams cad ni/ /
- 73a
gdod nas rang bzhin rnam dag pas/ /sangs rgyas byang chub sems sogs dang/ /khro bo mdag gzhug pho nya yi/ /sna tshogs su ni dbyer med kyang/ /'gro don tshul dang rab sbyar nas/ /khro bos las kun byed par 'gyur zhes gsungs ba'i phyir ro/ /de nas thal bar gyur pa dang/ /rdo rje bsdu ba'i sngags kyis ni/ /cho ga bzhin du bsdu bar bya/ /zhes gsungs pa ni thal bar bsdu ba'i cho ga ste/ de la dang por khro bo'i ting nge 'dzin gyi bgegs bskrad par byas la/ de nas rang nyid de bzhin gshegs pa ngan song thams cad yongs su sbyong ba'i skur sgoms te/ rtsa ba'i sngags brgya rtsa brgyad btab la rin po che sna lnga phye mar byin gyis brlabs te/ rdo rje rtse lnga'i phyag rgya bcings la oM badzra satwa hUM tiSh+Tha badzra saM gra ha hUM zhes pa'i sngags kyis ras dkar po gtsang ma'i nang du bsdu bar bya ba nyid do/ /thal ba nyid dang rus pa'i dngul?/ /sngags kyi btab pa'i dri chu dang/ /ba skyes 'o ma la sogs lngar/ /sbyong ba'i sngags ni blo ldan gyis/ /'bum du bzlas pas brdzis nas ni/ /ga bur dri dang bsgos pa yis/ /'jim pa dang ni bsres nas kyang/ /gzugs su bya ba 'am yang na ni/ /mchod rten du ni rab byas la/ /gcig gam gnyis sam gsum mam la?/ /yang na brgya rtsa brgyad dag tu/ /sngags dang phyag rgya sa btab nas kyang/ /'bum phrag nyis brgya bar du bzlas? zhes gsung ba ni 'dir thal ba bsgyur ba'i cho ga gsungs pa ste/ de la dang por thal ba dang rus pa phye mar btags pa la ga bur la sogs pa'i dri chu las rtsa ba'i sngags kyis btab ste/ ba'i 'o ma dang mar dang zho dang chu dang lci ba la sogs pa la rtsa ba'i sngags 'bum du bzlas pas brdzis te/ de dang sa kha dog dkar po la ga bur la sogs pa'i dris bsgos pa dag legs par bsres nas dkyil 'khor gyi lha'i gzugs su bya ba 'am yang na mchod rten gyi gzugs su byas te/ rab tu gnas pa byas
- 73b
nas de bzhin gshegs pa'i rtsa ba'i sngags lo bzhi 'am lnga la sogs par nang par re rer mchod cing 'bum phrag nyis brgya'i bar du bzlas par bya'o/ /sngags dang phyag rgyas btab nas kyang zhes pa ni zhag re bzhin du mchod rten naM gzugs la bde bar gshegs pa lnga'i sngags dang/ phyag rgya dang bces pas gnas ji lta ba bzhin du dbang bskur bar bya ba nyid do/ /da nas mchod rten 'bar bar gyur tam/ /yang na gzugs kyi zhal 'dzum mam/ /dri dang bdug pa'i 'od kyang rung/ /snang ngam yang na dri ldang ngaM// lha la sogs pa'i rnam pa ni/ /sna tshogs par ni snang 'gyur ram/ /rdzu 'phrul rnam par 'phrul pa dang/ /me tog la sogs dor ba dag /dung dang rnga la sogs pa'i sgra/ /gling bu pi wang la sogs rnams/ /rgyu med par ni mthong ba dang/ /thos par gyur na rnam par grol zhes gsungs pa ni rtags bstan pa ste/ de la mchod rten 'bar pa dang/ /gzugs yin na 'dzum pa dang/ gsung ba dang/ ga bur? la sogs pa dri'i thig le skud pa dang/ gdug pa'i 'od snang? pa dang/ yang na de dag gi dri mnam pa dang/ lha'i gzugs su 'ong ba dang sku gdung la sogs pa 'phar? ba dang/ sa g.yo ba dang/ me tog dang/ rgyan la sogs pa mchod rten la sogs pa'i steng du 'dor ba dang/ de'i drung na dung dang rnga dang gling bu dang/ pi wang dang cang te'u la sogs pa'i sgra la sogs pa'i rtags snang ba dang/ thos pa na gang zag der na song las grol bar shes par bya ste/ de ni the tshom mi za ba nyid do/ /de la yongs su dag pa'i rnal 'byor pas srid pa bar ma do'i cho ga rdzogs par bya ba ni 'di ltar shi nas zhag bdun 'das pa dang ro sreg pa dang/ bdun pa gnyis pa la dmyal ba'i gnas nas bsgral ba dang/ gsum pa la yi dags kyi gnas nas bsgral ba dang/ bzhi pa la dung 'gro'i gnas nas bsgral ba dang/ lnga pa la lha ma yin gyi gnas nas bsgral ba dang/ drug pa mi ri gnas nas bsgral ba dang/ bdun pa lha'i
- 74a
gnas nas bsgral zhing de nyid kyi cho srid pa bar ma do'i sems can gyi don kun gzhi rnam par shes pa 'khor ba las ldog pa'i rgyus 'jug pa yin te/ de'i tshe de'i dus kyi rigs kyi gtso pos rgyal po la sogs pa pha dang ma'i gzugs byas la/ gzugs de'i snying gar bris pa'i ming dang tsan dan dkar po dang dmar po bsres pa'i sbyor bas pha dang ma mchod pa'i tshul byas la de bzhin gshegs pa'i bden pa'i byin gyis brlabs dmigs pas de skad cig ma la snyoms par 'jug pa'i sbyor ba la dmigs pas/ yongs su dag pa'i ting nge 'dzin la zhugs nas thabs dang shes rab kha sbyor pa'i rnal 'byor gyis rang gi pad+mar bcug nas dkyil 'khor dbang bcus rdzogs par bskur la/ phyag rgya chen po'i gzugs su brtags la me tog la phreng ba thogs te phyogs bcu dus gsum gyi de bzhin gshegs pa thams cad la phyag 'tshal lo/ /bcom ldan 'das de bzhin gshegs pa thams cad la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i rgyal po la phyag 'tshal lo/ /oM ya tha sa ma yo ga ta sid+d+hi swAhA/ zhes brjod nas de bzhin gshegs pa'i ting nge 'dzin gyis rab tu gnas pa bya ba nyid do/ / gal te mtshan ma de dag ni/ /sdig can blos ni ma mthong na/ /'bum gyi phrag ni brgya stong ngam/ /ji srid mtshan ma byung bar du/ /de bzhin gshegs pa mchod nas ni/ /mnyam par bzhag pas bzlas par bya/ /de yi mthar ni mkhas pa yis/ / mtshan cig thog thag mi nyal bzlas/ /de nas de yi sdig pa ni/ /dag pa nyid du des par mthong/ /lha yi lus su gnas gyur kyang/ /rang gi gzugs su ngo shes 'gyur/ /zhes gsung ba ni gang du gsungs pa'i cho gas grol bar ma gyur na/ /
- 74b
phyis bskyar ba'i cho ga gsungs pa ste/ /de la gal te mtshan ma de dag ni/ /sdig can blos ni ma mthong na/ /zhes pa ni 'dir mtshams med pa la sogs pa sdig pa chen po byas pa'i gang zag de bde blag tu grol bar ma gyur par gong du gsungs pa rtags la sogs pa mthong bar ma gyur na ji ltar bya snyam pa la/ 'bum gyi phrag ni brgya stong ngam/ ji srid mtshan ma byung bar du zhes pa la sogs pa gsungs te/ de yang rnal 'byor pas mchog gi snying rje chen po bskyed la/ de bzhin gshegs pa ngan song thams cad yongs su sbyong pa'i rgyal po'i dkyil 'khor bzhengs su gsol te/ mchod pa chen po rgya chen po bya zhing de bzhin gshegs pa'i rtsa ba'i rig pa 'am/ de bzhin gshegs pa thams cad kyi snying po zhes bya ba'i snying po 'bum phrag brgya 'am 'bum phrag stong ngam/ yang na ji srid mtshan ma ma byung gi bar du de bzhin gshegs pa yid la byed pa'i sems mnyam par bzhag pas bzlas? par bya ba nyid do/ /de yi mthar ni mkhas pas kyang mtshan thog thag mi nyal bzlas zhes gsungs pa ni 'dir gnyis te/ bzlas pa'i grangs su thim pa dang/ rtags byung ba'i mtshan mo thog thag mi nyal bar bzlas pa ste/ de ni las su bya ba'i dngos grub kyis grub pa zhes bya'o/ /de nas de yi sdig pa ni zhes pa la sogs pa ni gsang sngagS bla na med pa'i stobs kyis sdig pa chen po'i gang zag de nges par grol bar 'gyur zhes gsungs te/ de yang gang zag de lha'i gnas su lha'i lus su yod kyang rnal 'byor pa la sngar gyis gzugs ji lta ba bzhin du ston par 'gyur ba dang/ cho 'phrul la sogs pa'i rtags sna tshogs stan par 'gyur ba nyid do/ /de la rtags sam gzugs dag mthong ba na ji ltar bya snyam pa la mtshan ma 'di dag shes nas ni/ rnam par mi rtogs sems kyis kyang/ /byams dang snying rje ldan pa yis/ /las rnams
- 75a
thams cad bcol bar bya zhes gsungs te/ de'i gzugs rnal 'byor pa'i mngon sum mthong ba ni 'di lha yin no snyam pa dang/ 'di bdag gi thar bar byas so snyam pa la sogs pa'i rtogs pa ni dmigs pa dang bcas pa shes bya'i sgrib pa zhes gsungs pas na/ dang por 'di ltar snang ba thams cad thogs ma tha ma med pa nas/ rang bzhin gyis rnam par dag pa rtog pa dang bral ba ci'i ngo bor yang ma grub pa mdza' bzhi dang bral ba gcig bsams par bya'o/ /de ci'i phyir zhe na snyam pa la/ 'di ltar dag ba can gyi rgyud mthong zhing dri ma dang bcas pa la ni ma yin te/ de yang sangs rgyas phal po che las/ 'di ni 'jig rten 'di sangs rgyas/ /'di ni rang rgyal dgra bcom zhes/ /'jig rten dag na rtog pa yod/ / yang dag de ni rab shes nas/ /sangs rgyas med cing chos kyang med/ /'khor ba med cing thar pa'ang med ces gsungs pa'i phyir te/ de bas na de'i gnas skabs gnyis su shes par bya'o/ /byams dang snying rje ldan pa yis/ /las rnams thams cad bcol bar bya zhes pa ni gnas skabs mang ste/ gang zag de 'dod pa'i khams kyi lha'i gzugs su 'ong bar gyur na/ bdag gis chags pa dang rnyed pa'i phyir ma yin zhing/ 'gro ba sems can thams cad la byams pa dang snying rje chen por bskyed de/ de dag gi don du zhi ba dang rgyas par dbang la sogs pa'i las dri ba bcol bar bya ba kho na'o/ /yang na med par gyur na yang/ /bzlas shing bsgom pa'i tshul gyis ni/ /ming rus legs par bris nas kyang/ /mchod rten phreng ba bya ba dang/ /yang na gzugs su bris kyang rung/ /sbyin sreg mngon par dbang bskur na/ /gdon mi za bar bde 'gror skye/ /zhes gsungs pa ni rnal 'byor pa yid skyo bar gyur pa las kyi gzhug brtul ba gsungs pa ste/ de la rnal 'byor pa 'bad pa drag po dang bcas pas
- 75b
gong du gsungs pa'i cho ga ji lta ba bzhin du byas kyang rtags la sogs pa med par gyur na/ rang nyid lha'i dkyil 'khor du bsams nas snying po'i sngags zlos shing de'i ming bris la mchod rten gyi nang du gzhug cing mchod rten gyi phreng ba brgya rtsa brgyad dam stong dam 'bum la sogs pa bya ba 'am/ yang na de'i gzugs brnyan bris te gang du smos pa'i de bzhin gshegs pa'i snying po rnams gnas su rim pa ji lta ba bzhin du bris la/ lte pa khung bu de'i ming bris la dkyil 'khor du gzhug cing dbang bskur la re'i sbyin sreg tshul ji lta ba bzhin du byas na gdon mi za bar gang zag de bde 'gro'i gnas su skye bar 'brel to/ /thal ba nyung kar bye ma sogs/ /rang gi ming smos sngags btab nas/ /bzlas pa byas te song nas ni/ /rgya mtshor 'bab pa'i chu klung ngor? zhes gsungs pa ni sbyin sreg byas pa'i thal ba dang bye ma bsres la de'i ming smos te/ yungs kar la de bzhin gshegs pa'i rtsa ba'i sngags stong la sogs pa btab nas/ de dag gi rdul re re la de bzhin gshegs pa ngan song thams cad yongs su sbyong ba'i rgyal po re re bsgoms te/ de'i sngags dang phyag rgya byin gyis brlabs nas phyogs bcu dus gsum gyi bde bar gshegs pa thams cad la phyag 'tshal lo/ /de? bzhin gshegs pa'i bka' yang dag pa'i bden pa dang bden pa'i byin gyis brlabs dang/ sngags dang phyag rgya'i bden pa dang bden pa chen po'i byin gyis brlabs kyis rdul 'di dag thams cad de bzhin gshegs pa'i skur gyur nas/ 'di gang du gnas pa dang/ 'dis reg pa'i sems can thams cad sdig pa'i lam las grol te/ dge ba'i lam la zhugs nas bla na med pa yang dag par rdzogs pa'i byang chub thob par gyur cig ces smon lam btab ste/ gtor ma dang bcas pas rgya mtshor 'bab pa'i chu klung ngam mcho'u 'am 'bab chu la sogs pa'i nang du dor
- 76a
bar bya ba nyid do/ /de ltar byas na sdig can yang/ /ngan song gsum las thar 'gyur na/ /dge ba'i mchog ni bskyed ba dang/ /byang chub sems dang ldan pa dang/ /sangs rgyas 'bras bu'i rgyu ldan zhing/ /sbyin pa'i pha rol phyin pa ldan/ /tshul khrims rgyu dang rab ldan zhing/ /bzod pa'i brtson 'grus mnyam gzhag dang/ /shes rab thabs kyi rgyu sgom pa'i/ /bsang nams ldan mi ci smos te/ /myur du de yi ngan song ni/ /bcom par gyur te the tshom med/ /ces gsungs pa ni 'di bltos pa dang bcas pa'i 'bras bu gsungs pa ste/ de la de ltar byas na sdig can yang/ /ngan song gsum las thar 'gyur na zhes pa ni mtshams med pa la sogs pa byas pa'i sdig pa chen po dang bcas pa'i gang zag de lta bu yang gong du gsungs pa'i cho ga de lta bu byas na ngan song gsum las nges par thar bar 'gyur na zhes dman par bltas pa'i tshig go /dge ba'i mchog ni bskyed pa dang zhes pa nas bsod rnams ldan mi ci smos te zhes pa'i bar ni 'di ltar dge ba'i mchog bskyed pa ni bla na med pa'i 'phags pa'i dkon mchog gsum la skyabs su gsol pa'o/ /byang chub sems dang ldan pa ni theg pa chen po'i gang zag sems can thams cad kyi don du dge ba'i rtsa ba'i phung po chen po la sbyor ba'o/ /'bras bu sangs rgyas kyi rgyu ni bla na med pa'i sems de nyid dang ldan pa'o/ /sbyin pa'i pha rol tu phyin pa'i mchog ni sems can dga' bar byed pa'o/ /tshul khrims kyi pha rol tu phyin pa'i mchog ni lus dang ngag dang yid kun nas bsdams pa'o/ /bzod pa'i pha rol tu phyin pa'i mchog ni gzhan la khong mi khro ba'o/ /brtson 'grus kyi pha rol tu phyin pa'i mchag? ni don du gnyer ba'o/ /bsam gtan gyi pha rol tu phyin pa'i mchog ni sems mi g.yeng ba'o/ /shes rab kyi pha rol tu phyin pa'i mchog ni rtog pa dang bral ba ste /
- 76b
de ltar ci nas dge ba'i rtsa ba dang ldan pa'i gang zag gong du gsungs pa'i cho ga dang pos kyang myur du rtags la sogs pa stan zhing ngan song gi rgyud bcom par the tshom mi za ba nyid de/ de dag ni khyad par du dbyung ba'i cho ga'o/ /dge ba'i rtsa ba ma bskyed la/ /chad par lta ba gang yin dang/ /byang chub lam las log par dang/ /bstan la zhe sdang gnod byed cing/ /sdig pa'i rang bzhin mi shes pas/ /pha dang ma la snying ring zhing/ /byang chub sems la brtan pha dang/ /'dod chags bral bas bsad pa rnams/ /ci ste lha rnams med gyur tam/ /sangs rgyas dge 'dun chos de bzhin/ /sngags dang phyag rgya'i tshogs la sogs/ /shes rab thabs rnams med na ni/ /sdig can de dag mi thar zhes/ /bde gshegs rgyal ba nyid kyis gsungs zhes gsung ba ni 'dir rkyen bla na med na 'bras bu smin par mi 'gyur pa gsungs pa ste/ de la dge ba'i rtsa ba ma bskyed pa ni bla na med pa'i dkon mchog gsum la skyabs su ma song ba'o/ /chad pas lta ba ni sangs rgyas kyang med chos kyang med dge bdun yang med 'jig rten 'di la bde bar 'tsho ba? zhig las 'jig rten phyi mar skye ba dang 'byung pa ni ga la srid de rnam par shes pa nam mkha' la zhe'o zhes 'dod pa'o/ /byang chub kyi lam las log pa ni gsum ste/ de la gcig ni legs par gsungs pa'i chos 'dul ba la rab tu byung nas phyir sdom pa dang bral pa'o/ /gcig ni byang chub kyi sems dpa' sdom pa dang ldan pa las byang chub kyi sems spangs pa'o/ /gcig ni theg pa chen po'i gsang sngags kyi dam tshig nyams pa'o/ /bstan la zhe sdang byed pa ni de bzhin gshegs pa'i bstan pa bshig pa'o/ /sdig pa'i rang bzhin mi shes pa ni las rgyu 'bras mi shes pa ste/ de'i rkyen gyis pha dang ma gsod pa dang brdung ba dang la osogs pa byed pa de ni mtshams med pa gcig go/
- 77a
byang chub sems la brten pa ni mi gang dag snying rje chen po dang ldan pa bla na med pa'i sems kyis sems can thams cad kyi don byed pa bsad pa'o/ /'dod chags dang bral ba ni 'phags pa dang dgra bcom pa bsad pa ste/ de dag la sogs pa mtshams med pa lnga dang de dang nye ba lnga la sogs pa byas pa'i sdig pa chen po dang ldan pa'i sangs rgyas dang chos dang dge 'dun la skyabs su ma song ba dang/ bdag la skyob par byed pa'i rang dad pa'i lha med pa dang/ sngags dang phyag rgya la sogs pa la skyabs su ma song ba dang/ rnam par rtog pa dang bral ba'i chos nyid bde ba chen po mi bsgom pa dang/ byang chub tu sems bskyed de snying rje chen pos 'gro ba'i don mi byed pa'i sdig pa can de dag ni ngan song gsum gyi sdug bsngal gyi btson ra dam po nas mi thar par de bzhin gshegs pa thams cad kyis gsungs so/ /zhes bya bar sbyar te/ de dang ldan pa ni skyabs dam pa la skyabs btsal pas 'jig pa'i bag tu mi 'gyur ro zhes bya bar 'brel to/ /de nas brgya byin la sogs pas/ pad+ma lta bu mig phye nas/ /legs zhes bya bas mnyes byas te/ /rab tu mgu pas mchod byas te/ /brgya byin gzhan la phan brtson pas/ /ji ltar gsol pa'i bka' bzhin du/ /shAkya'i gtso bos bka' stsal pa/ /bde ba nyid du byas gyur nas/ / de nas de ni dmyal ba yi/ /sdug bsngal las ni thar nas kyang/ /dga' ldan gnas su 'gro kun la/ /phan phyir bde gshegs 'dra bar skyes zhes gsungs pa ni 'bras bu yongs su sbyin pa gsungs pa ste/ de la de nas brgya byin la sogs lha/ /pad+ma lta bur mig phye nas zhes pa ni dper na pad+ma mtsho'i nang na gnas pa rnams 'dab ma rgyas pa'i dus su phyin nas kyang mtshan mo kha zum nas gnas te/ de la nyi ma'i 'od zer phog pa dang pad+ma'i kha dang 'dab ma rgyas par bye ba bzhin du brgya byin la sogs pa'i lha rnams
- 77b
ma rig pa'i mun pas bsgribs pa na ngan song gsum las thar bar bya ba'i thabs mod de/ yid kyi rnam par shes pa'i pad+ma kha zum pa las/ de bzhin gshegs pa'i thugs kyi nyi ma'i dkyil 'khor las gsung gi 'od zer spros pas lha la sogs pa'i yid kyi rnam par shes pa'i pad+ma la phog ste de dag gi yid kyi rnam par shes pa'i pad+ma rgyas par phye ba'o/ /de la pad+ma lta bur mig phye nas zhes pa ni 'bru mang po pa skad chen po'i dbyings te/ dus gsum zhes pa'o/ /de la u ni dpe med pa'i don to/ /pa ni pa sa ma ya u ta b+hi zhes bya ste dus so/ /ma ni rang gi ngo bo spangs shing chog drag gnyis u lu tas bcas bas a nyid do/ /a ni a dang por ston pas 'das pa'i sgra'o/ /ya ma ni rang gi ngo bo zhabs su btags pas da ltar nyid do/ /yang na ni dang por bton te na dang rjes su 'brel pa las ma 'ongs par 'gyur bas phye zin to zhes pa dang/ bye zhes pa dang/ phye bar gyur par go bar bya'o/ /legs zhes bya baS mnyes byas nas/ /rab tu mgu bas mchod byas te zhes pa ni bde bar gshegs pa la yongs su mnyes par bya ba'i phyir mchod pa'i chogs? dpag tu med pa yang dag par mchod de legs so zhes gsol ba ste/ dga' ba dang bcas pa'i tshig go /brgya byin gzhan la phan brtson pas/ /ji ltar gsol ba'i bka' bzhin du/ /shAkya'i gtse bos bka' stsal pa/ /bden pa nyid du byas gyur nas zhes pa ni lha'i dbang po brgya byin lha'i bu nor bu dri ma med pa la phan par brtson pa nyid kyis gdung ba dang bcas pas las kyi cho ga brtson pa ste/ de ni 'di ltar lha'i thun tshod phyed dang gnyis srid pa bar ma dor gnas nas zhag drug dang thun tshod phyed dang gnyis ngan song gsum gyi gnas su skyes so/ /de nas dam pa'i chos 'di ni lha rnams kyi thun tshod cig la lha'i dbang po brgya byin la sogs pas thos so/ /de nas lha'i dbang po brgya byin gyis lha'i nor bu dri ma med pa'i 'od kyis ro bsdus nas
- 78a
lha rnams kyi nyi ma phyed la bcom ldan 'das kyi 'khor gyi dkyil 'khor ma gyes par bde bar gshegs pa shAkya thub pas gong du ji skad gsungs pa bzhin du ro bsreg pa dang/ dbang bskur pa la sogs pa cho ga'i rim pa drug tshang par bya ste/ de la lha'i bu de mi rnams kyis lo brgya ni mnar med pa'i sems can dmyal bar skyes so/ /de nas gsang sngags kyi byin gyis brlabs kyi lo brgya ni yi dags kyi lus su skyes so/ /lo brgya ni dud 'gro'i lus su skyes so/ /lo brgya ni mdza' 'khob kyi mi ru skyes so/ /lo lnga bcu ni yul dbus su bram ze'i lus su skyes nas/ mdze dang phol mig dang 'bras dang rims la sogs pas sdug bsngal ba lus la rnag dang khrag 'dzag pa zhig tu skyes so/ /de nas tshe 'das pa dang gsang sngags kyi bden pa'i byin gyis brlabs kyis dga' ldan gyi gnas su lha'i bu gzugs bzang ba mdzes pa blta na sdug pa gcig tu skyes te/ lha rnams kyi spyod yul du ma gyur pa'i phyir mi ldog pa'i sa la gnas pa'i byang chub sems dpar gyur pa ni/ dga' ldan gnas su 'gro kun la/ /phan phyir bder gshegs 'dra bas skyes zhes bya bar 'brel to/ /de nas dbang por bcas pa yi/ /grags chen lha rnams gar byed cing/ /mchod pa'i sprin ni thams cad kyis/ /de bzhin gshegs la mngon par mchod ces pa ni de bzhin gshegs pa la bka' drin yang dag par bzo ba ste/ de yang dbang por bcas pa'i lha rnams ci'i phyir gar byed ce na/ lha'i dbang po brgya byin gyis de'i nyin par de nyid la lha'i bu de'i gzugs brnyan 'dzum pa dang me tog la sogs pa 'dor pa'i gong du gsungs pa'i rtags thams cad mthong ste/ de yis dga' ba dang bcas pa nyid kyi gar byed pa dang/ mchod pa'i sprin gyis de bzhin gshegs pa la mngon par mchod pa nyid do de la lha gzhan rnams ci'i phyir byed ce na snyam pa la de dag
- 78b
kyang bde bar gshegs pa'i bka' yang dag pa 'di bden pa kho nas bdag ni ngan song du ltung ba'i 'jigs pa mi 'byung ngo snyam pa'i dga' pa dang bcas par gar byed pa nyid do/ /de nas lha'i bu de yis byang chub duAng sems bskyed nas/ tshe 'di nyid la mchod pa'i phyir/ /lha rdzas rnam pa sna tshogs dang/ /me tog bdug pa byug pa dang/ /gdugs dang rgyal mtshan 'phan la sogs/ /rgyan la sogs pa rab mdzes dang/ /na bza' rin chen char la sogs/ /dga' ba'i tshal ni gang bar byas zhes gsungs pa ni 'bras bu mngon du 'don pa nyid du gsungs pa ste/ de la de nas lha'i bu de yis zhes pa ni lha'i bu nor bu dri ma med pa'i 'od de nyid do/ /byang chub tu 'ang sems bskyed nas zhes pa ni bla na med pa yang dag par rdzogs pa'i byang chub thob par bya ba'i phyir sems can thams cad la yid du 'ong ba'i sems mngon du byas pa'o/ /tshe 'di nyid la mchod pa'i phyir zhes pa ni/ mthong ba'i chos 'di nyid la bde bar gshegs pa dang/ rang gi bla ma lha'i dbang po brgya byin la mchod pa'i tshogS sprul pa nyid do/ /lha rdzas rnam pa sna tshogs dang zhes pa nas/ dga' ba'i tshal ni gang bar byas zhes pa'i bar ni lha'i rdzas rnam pa sna tshogs pa dang/ mchod pa'i yo byad khyad par du gyur pa dpag tu med pas lha thams cad kyi mchog tu dga' ba'i tshal yongs su gang bar byas pa'o/ /de nas ngo mtshar cher gyur te/ lha rnams kyang phyag 'tshal nas/ dga' ba'i tshal ni yid 'ong bas/ /kun nas gang bar gyur pa dang/ /sna tshogs 'byung ba 'di ci lags zhes pa ni lha la sogs pa thams cad rdzu 'phrul sna tshogs par mthong bas ngo mtshar rmad du gyur pas bcom ldan 'das shAkya thub pa la phyag btsal nas/ dga' ba'i tshal 'di ltar yid du 'ong ba'i rdzas kyis kyang gang rdzu 'phrul sna tshogs pa mnga' ba 'di ci'i rgyu ci'i rkyen las yang
- 79a
dag par byung zhes 'dri ba'o/ /bcom ldan 'das kyis bka' stsal pa/ grogs po dag shes par gyis shig /rdzu 'phrul rnam par 'phrul pa 'di ni lha'i bu nor bu dri ma med pa'i 'od ces bya ba yin no zhes gsungs pa ni gsal ba ston pa'i tshig ste de la grogs po dag shes pa ni brtse ba dang bcas pa'i tshig yongs su dag pa'i 'bras bu'o/ /shes par gyis shig ces pa ni skad cig gi dbyings kyis rnam pa gnyis la 'jug ste/ da ltar mtshungs pa dang ma 'ongs pa mtshungs pa de yang rnam pa bzhi ste/ rgyu mtshungs pa dang 'bras bu mtshungs pa dang gnas mtshungs pa dang rkyen mtshungs pa nyid de lhag ma ni go bla ba'i phyir ma bshad do/ /lha rnams kyis gsol pa/ bcom ldan 'das mnar? med pa'i semS can dmyal pa'i dbang du gyur nas sdug bsngal yang myong zhing mthong ba'i chos 'di nyid la bde 'gro'i dbang du gyur pa gang lags pa de ni bcom ldan 'das ngo mtshar lags so/ /bde par gshegs pa'i mtshar lags so/ /zhes pa ni dga' ba dang bcas ba rmad kyi tshig ste/ de la mnar med pa'i sems can dmyal ba'i sdug bsngal chen po'ang myong ba mthong ba'i chos nyid la bde 'gro'i gnas su skyes pa de nyid ngo mtshar che'o/ /de ci'i phyir ngo mtshar zhe na/ lha rnams kyis bde bar gshegs pa'i 'khor du 'dus pa de'i dus de nyid du sdug bsngal dang bde ba thob pa'i phyir ngo mtshar ba ste lan gnyis pa'i tshig ni gnad? gnyis ? ldan? smras pa'o/ /de nas brgya byin la sogs pa lha thams cad kyis mgrin gcig tu chig 'di skad ces gsol to/ /sangs rgyas 'dra pa'i ston pa med/ /chos dang 'dra ba'i dge ba med/ /dge 'dun 'dra ba'i snod med de/ /sngags dang 'dra ba'i 'dren pa med/ /bla med bzhi la bdag skyabs mchi/ /zhes pa ni dga' ba dang bcas pas bstong pa ste/ /de la
- 79b
'dir ni rnam pa gnyis su shes par bya'o/ /gcig ni spyir bsams pa dang/ gcig ni 'di nyid la bsams te bstod pa ste/ de la sangs rgyas 'dra pa'i ston pa med ces pa ni 'jig rten pa'i ston pa chen po lha tshangs pa la sogs pas bstan pa'i rig byed dang/ sngags la sogs pas ni dug zhi ba tsam yang mi 'grub la/ bde bar gshegs pa rnam pa thams cad mkhyen pa'i ye shes dang ldan pas mthong ba'i chos 'di la ngan song gi sdug bsngal las thar te/ bde 'gro'i gnas su skye pa'i stobs dang ldan pa'i phyir na/ sangs rgyas 'dra ba'i ston pa med ces pa'o/ /de bzhin du chos dang 'dra ba'i dge ba med ces pa yang 'dir dge ba ni bzang po'o/ /bzang po ni yid du 'ong ba ste/ lha la sogs pa'i 'dod pa'i yon tan gyi longs spyod bzang pas ni 'bras bu yid du mi 'ong ba 'byin la/ dam pa'i chos bla na med pas ni yid du 'ong ba'i 'bras bu 'byin pa'i phyir na chos dang 'dra ba'i dge ba med ces pa'o/ /dge 'dun 'dra ba'i snod med de zhes pa la/ /de ba snod ni zhing ngo zhing ni skyed par byed pa ste/ lha tshangs pa la sogs mchod pas yun ring por shin tu dka' ba zhig na ji srid mtho ris kyi 'bras bu 'byin la 'phags pa'i dge 'dun la yang dag par mchod par myur du mtho ris dang/ /bde 'gro thob cing bde ba chen po bla na med pa yang dag par rdzogs pa'i 'bras buAng 'byin pa'i phyir dge 'dun 'dra ba'i snod med de zhes pa'o/ /sngags dang 'dra ba'i 'dren pa med ces pa ni 'dir rig byed la sogs pa bzlas? pas thar pa'i gnas su 'dren par mi nus la gsang sngags bla na med pa 'dis bzlas pa las myur du bde 'gro dang thar pa chen po'i gnas skyabs su 'dren par byed pa'i phyir na sngags dang 'dra ba'i 'dren pa med ces pa nyid do/ /yang skabs 'di nyid la bstod pa ste/ de la sangs rgyas 'dra ba'i ston pa
- 80a
med pas ni bde bar gshegs pa rnams te rgyu'o/ /chos dang 'dra ba'i dge ba med pa ni ngan song thams cad yongs su sbyong ba'i rgyud te/ rkyen no/ dge 'dun 'dra ba'i snod med pa ni dkyil 'khor gyi lha dang/ lha mo'i tshogS rnams te zhing ngo/ /sngags dang 'dra ba'i 'dren pa med pa ni/ bde bar gshegs pa'i snying po rnams te 'bras bu'o/ /de dag ni bla na med pa khyad par du 'phags pa'i dkon mchog bzhi zhes bya ste/ de 'dra ba'i bla na med pa'i dkon mchog bzhi la bdag cag lha dang bcas pa'i 'jig rten skyabs su mchi zhes par 'brel to/ /de nas lha'i bu de dag gis bcom ldan 'das la 'di skad ces gsol to/ /bcom ldan 'das bcom ldan 'das kyis byin gyis brlabs pa'i dga' ldan gyi lha'i rjes su skyes pI lha'i bu nor bu dri ma med pa'i 'od ces bgyi ba de ci 'dra ba zhig mchis/ de'i rdzu 'phrul dang mthu ji lta bu lags pa bdag cag blta bar 'tshal lo zhes pa ni sum cu rtsa gsum gyi lha'i bu rnams kyi lta bar 'dod pa ste/ de la bcom ldan 'das kyis byin gyis brlabs pa zhes pa ni 'dir gnyis su go bar bya'o/ /byin gyis brlabs pa ni gsung gi 'od zer gyis byin gyis brlabs pa dang/ thugs kyi 'od zer gyis byin gyis brlabs pa ste/ de la gsung gi 'od zer gyis byin gyis brlabs pa ni bcom ldan 'das kyis gsungs pa'i sngags dang phyag rgya dang? snying po dang chos rnams kyis grol bar gyur pa nyid la byin gyis brlabs zhes bya'o/ /thugs kyis 'od zer gyis byin gyis brlabs pa ni dang po bcom ldan 'das kyis lha'i dbang po brgya byin lha'i bu nor bu dri ma med pa'i 'od dren par byed pa'i 'od zer gyis bskul ba gang yin pa de ste/ lhag ma ni go sla ba'i phyir 'dir ma bshad do/ /de nas bcom ldan 'das kyis lha rnams kyi snying bskul bar byed pa zhes bya ba'i 'od zer gyis phreng ba nyid kyis
- 80b
zhabs kyi mthe bong gnyis nas phyung ngo/ /phyung nas kyang nor bu dri ma med pa'i 'od kyi lus thams cad snang bar byas nas snying gar zhugs te bskul nas de nyid du mi snang bar gyur to zhes gsungs pa ni lha'i bu de nyid yang dag par ston par byed de/ de la lha rnams gyi snying bskul bar byed pa zhes bya ba'i 'od zer ni 'od de nyid kyi lha'i snying bskul bar byed pa zhes bya'o/ /phreng ba zhes pa ni mang po ste chogs la'o/ /gnas ni zhabs kyi mthe bor gnyis nas phyung ngo/ /phyung nas kyang nor bu dri ma med pa'i 'od kyis lus thams cad snang bar byas so zhes pa'i lha'i bu de nyid bar snang la yongs su gnas pa ste der lha'i bu nor bu dri ma med pa'i 'od kyis lus de 'od zer des lha de nyid la snang bar mthong ba'o/ /snying gar zhugs te bskul nas de nyid du mi snang bar gyur to zhes pa ni lha'i bu de'i sems dga' ba'i tshal du 'od par 'dod par bskul te 'od zer de dag lha'i gnas de nyid du mi snang bar gyur te phyis bcom ldan 'das kyis mthe bong la thim par mngon zhes par 'brel to/ /lha'i bu de nyid rab tu dga' bar gyur nas lus kyi 'od zer gyis dpag tshad brgya phrag tshun chad kyi nam mkha' i ngos thams cad gsal bar byas te/ lha'i bu stong phrag du ma'i 'khor gyis bskor zhing mdun du byas nas lha'i rdzu 'phrul chen pos mi snang bar byas te 'ongs nas dga' ba'i tshal thams cad gsal bar snang bar byas nas/ bcom ldan 'das dang brgya byin gnyis ma gtogs par lha rnams kyis 'od zer zil gyis gnon to zhes pa ni bcom ldan 'das kyi drung du yang dag par 'ongs pa ste/ de la lha'i bu de nyid rab tu dga' bar gyur pa ni 'od zer de'i stobs? kyis? 'ong bar dga' ba'o/ /lus kyi 'od zer gyis dpag tshad brgya phrag tshun chad kyi nam mkha' i ngos thams cad gsal bar byas pa ni lha'i bu de nyid kyi lus kyi 'od gyis gsal bar byas pa'o/ /lha'i bu de
- 81a
stong phrag du ma'i 'khor gyis bskor ba ni gnas gtsang ma'i lha rnams kyis bskor ba ste/ che ba dbyung ba'i phyir ro/ /lha'i rdzu 'phrul chen pos lus mi snang bar byas pa ni sum cu rtsa gsum pa'i lha la sogs pa la mi snang pa'o/ /'ongs nas dga' ba'i tshal thams cad gsal zhing snang bar byas pa ni lus kyi 'od kyis gsal zhing snang bar byas pa'o/ /bcom ldan 'das dang brgya byin gnyis ma gtogs pa'i lha rnams kyi 'od zer gyis mnan to zhes pa ni bla na yang dag par bskul pa dang sngags kyi che ba'i yon tan byung ba'i phyir ro/ /de nas lha'i du des bcom ldan 'das kyis zhabs gnyis la spyi bos phyag btsal nas ched du brjod pa 'di chad du brjod do/ /kye ma shAkya mgon po yis/ /sangs rgyas mdzad pa ngo mtshar che/ /gang phyir ngan song ltung ba yis/ /sems can klog bzhin myur du grol/ /zhes pa ni 'dir drin du gzo'i tshig ste de la bcom ldan 'das kyi zhabs gnyis la spyi pos phyag btsal ba ni bcom ldan 'das dang brgya byin gnyis kyi gzigs pa dang mthong ba'o/ /ched du brjod pa ni bstod pa ste/ de la kye ma shAkya mgon po yi zhes pa ni bde bar gshegs pa'o/ /sangs rgyas mdzad pa ngo mtshar che zhes pa ni de nyid la bsams pa'o/ /gang phyir ngan song lhung ba'i sems can grol zhes pa ni gtan tshigs so/ /glog bzhin zhes pa ni myur ba'i dpa' o/ /de nas 'di skad cig ma de nyid kyi tshi shing rgya'i par lo tsam gyi pad+ma thams cad rin po che las byas pa/ dpag tshad brgya phrag stong ? chad du dri dang ldan pa dang lta'i glu snyan pa'i sgra grag pa ngo mtshar gyi ches du ma yang dag par ston pa lha'i glu dang gar dang rol mo dang gling bu dang/ rnga dang ke kor rnams kyi sbra snyan pa 'byin pa zhig bcom ldan 'das kyi spyan sngar 'dug go /zhes pa ni 'dir lha'i ru de nyid de/
- 81b
de la shing rta'i 'phang lo tsam gyi pad+ma thams cad rin po che las byas pa ni dpag tshad brgya phrag stong tshun chad du yid du 'ong ba'i dri dang ldan pa ni nam mkha' i nges thams cad dang bcom ldan 'das kyi nye 'khor du lha rnams kyi mthong ba'o/ /de bzhin du lha'i blu snyan pa'i sgra grags pa dang/ ngo mtshar gyi chos du ma yang dag par ston pa dang/ lha'i glu dang gar dang sgra dang rol mo'i sgra dang gling bu dang/ rnga dang ke kor la sogs pa'i sgra snyan pa 'byin pa yang lha rnams kyis thos pa'i sta spyan sngar 'dug pa ni mi dge las sum cu rtsa gsum gyi lha la sogs pas rjes su dpag pa'o/ /de dag ni ched du brjod pa la sogs pa'i sngan rol du yang dag par shes par bya'o/ /de nas lha'i bu rnams kyis de mthong nas kyang shin tu ngo mtshar skyes te 'di skad ces smras so// de bzhin gshegs pa'i mthu ni bsam yi khyab/ /sngags kyi yon tan sna tshogs bsam mi khyab/ /byang chub brten pa rnams kyang bsams mi khyab/ /tshangs spyod tshul khrims dri med skye mdza' yas/ /zhes pa ni sum cu rtsa gsum pa'i swa rnams kyis ro mtshang ba'i tshul gyis yang dag par bstod pa ste/ de la de bzhin gshegs pa'i mthu bsam gyis mi khyab pa zhes pa ni bcom ldan 'das shAkya thub pa la yang dag par bstod pa yin zhing sems can rnams la tshul ji lta ba bzhin du yang dag par 'dul ba dang lha'i bu de nyid lha gzhan rnams pas khyad par du 'phags par gyur pa nyid kyi phyir na mthu bsam gyis mi khyab ces bya'o/ /sngags kyi yon tan sna tshogs bsam gyis mi khyab ces bya ba ni theg pa chen po gsang sngags yang dag par bstod pa ste/ de la lam khyad par can bla na med pa'i dkyil 'khor du sngags dang phyag rgyas rnam par shes pa dang bcas pa'i lus lta zhog gi rnam par shes pa gzhan du gnas pa'i lus rdo rje lta bu la dbang bskur bas kyang skad cig tsam gyis sems can dmyal? ba'i
- 82a
sdug bsngal chen po las kyang thar nas bla na med pa 'di 'dra ba 'byin pa na/ sngags kyi yon tan bsam gyis mi khyab ces bya bar 'brel to/ /byang chub rten pa rnams kyang bsam gyis mi khyab pa ces pa ni gsang sngags spyod pa'i gang zag la bstod pa ste/ de yang skabs 'dir ni lha'i dbang po brgya byin la go bar bya zhing bla na med pa yang dag par rdzogs pa'i byang chub tu sems bskyed de theg pa chen po gsang sngags pa'i gang zag gi mthu bsam gyis mi khyab ces pa'o/ /tshangs spyod tshul khrims dri med skye mdza' yas zhes pa ni lha'i bu de nyid la yang dag par bstod pa ste/ de la lha'i bu de dga' ldan gyi gnas su skyes nas kyang byang chub tu sems bskyed de tshangs par spyad pa nyid kyis lha gzhan pas khyad par du 'phags par gyur pa dang/ phyir? mi ldog pa'i sa la gnas pas na changs? par spyod pa'i tshul khrims dri ma med pa'i yon tan ni bsam gyis mi khyab ces bya bar 'brel to/ /yang na 'dir dkon mchog gsum la bstod pa ste/ de'i tshig dang po ni sangs rgyas la bstod pa'o/ /gnyis ba ni chos la bstod pa'o/ /tshig gsum pa ni byang chub sems dpa' i dge 'dun la bstong pa'o/ /tshig bzhi pa ni dge slong gi dge 'dun la bstod par shes par bya'o/ /de nas lha'i bu de dag gis de blta bar 'dod nas bcom ldan 'das la 'di skad ces gsol to/ /lha'i bu de dang de'i dkyil 'khor de blta bar 'tshal lo/ /bcom ldan 'das blta bar 'tshal lo/ /bde bar gshegs pa blta bar 'tshal lo/ /zhes pa ni sum cu rtsa gsum gyi lha'i bu rnams kyis ngo mtshar khyad par du gyur pa de lta bar 'dod pa ste/ de la de dang zhes pa ni nor bu dri ma med pa'i 'od do/ /de'i zhes pa ni nor bu dri ma med pa'i 'khor na gnas pa'i gnas gtsang ma'i lha'i bu rnams gzugs sam cha lugs sam kha dog ci 'dra ba zhig yod snyam pas blta bar 'dod pa nyid do/ /de lan
- 82b
gnyis pa'i tshig ni shin tu ched du brjod pa'i yon tan dag thams cad kyang bcom ldan 'das nyid kyis gsang sngags kyi che ba'i 'bras bu 'jug pa'i rgyur yang dag par bstan par shes par bya'o/ /de nas yang bcom ldan 'das kyis yang mthe bo gnyis nas 'od zer phyung nas 'od zer dri ma med pa des/ lha'i bu de dag kun tu snang bar byas te bskul nas de nyid du mi snang bar gyur to zhes gsung ba ni 'dir sum cu rtsa gsum gyi lha la sogs pa la lha'i bu dri ma med pa'i 'od de gsal bar ston pa ste/ de la bcom ldan 'das kyis yang mthe bo gnyis nas lha'i lus snang bar byed pa zhes bya ba'i 'od zer dri ma med pa rnam par dag pa zhig byung ste/ de yis lha'i bu nor bu dri ma med pa la sogs pa gnas gtsang ma'i lha'i bu rnams sum cu rtsa gsum gyi lha la sogs pa la kun nas snang zhing gsal bar mthong bar byas pa nyid do/ /bskul nas de nyid du mi snang bar gyur to zhes pa la bskul ba ni lha'i bu nor bu dri ma med pa'i 'od bsnyen bkur byed par yang dag par bskul ba'o/ /de nyid du mi snang bar gyur to zhes pa ni 'od zer de zhabs kyi mthe bong de nyid du mi snang bar thim par 'brel to/ /de nas gdod sum cu rtsa gsum gyi lha la sogs pas lha'i bu nor bu dri ma med pa'i 'od la sogs pa mthong bar shes par bya'o/ /de la gang dag 'di skad du sum cu rtsa gsum pa'i lha rnams kyis rnam pa thams cad mkhyen pa'i ye shes dang ldan pa'i bde bar gshegs pa dang/ phyir mi ldog pa'i byang chub sems dpa' rnams kyang mthong du rung na lha nyid yang dag par ci'i phyir mi mthong zhe na/ de ni 'di ltar rnam pa thams cad mkhyen pa'i bde bar gshegs pa dang/ phyir mi ldog pa'i byang chub sems dpa' rnams ni bde bar gshegs pa nyid kyis yang dag par byin gyis brlabs nas thabs gcig tu bzhugs pa nyid do/ /sum cu rtsa gsum gyi lhas lha'i nor bu dri ma med pa'i 'od la sogs pa mi mthong ba 'di yang bcom
- 83a
ldan 'das nyid kyis gsang sngags kyis byin gyis brlabs chen po khyad par du dbyung bar mdzad pa'i phyir lha rnams kyi spyod yul du ma gyur par mdzad par shes par bya'o/ /de nas lha'i bu nor bu dri ma med pa'i 'od ces bya ba de la sogs pa gnas gtsang ma'i lha'i bu rnams kyis bcom ldan 'das dang brgya byin gnyis kyis gdan ma gtogs pa dga' ba'i tshal thams cad g.yos par byas te/ lan brgya stong du ma bskor ba byas nas 'di skad ces gsol to/ /kye ma sangs rgyas rnams kyi ni/ /sngags kyi byin rlabs po mtshar che/ /gang phyir mtshams med lhung ba yi/ /sems can lha gnas myur du skyes/ /zhes pa ni lha la sogs pa rnams kyis the tshom yang dag par gsal ba'i tshig ste/ de la lha'i bu nor bu dri ma med pa'i 'od ces bya ba la sogs pa gnas gtsang ma'i lha'i bu rnams kyis/ bcom ldan 'das dang brgya byin gnyis kyi gdan ma gtogs pa dga' ba'i tshil thams cad g.yos par byas pa ni 'di ltar rdzu 'phrul chen po dang ldan par ston pa yin zhing bcom ldan 'das kyis gdan ni sus kyang bskyod par mi nus la brgya byin gyi gdan ni lha rnams kyi rgyal po yin pa'i phyir dang rang gi bla ma la yang dag par che ba gdon pa'i phyir ma g.yos pa'o/ /lan brgya stong du mar bskor ba byas pa ni/ bcom ldan 'das dang brgya byin gnyis la bskor ba byas pa'o/ /kye ma sangs rgyas rnams kyi ni/ /sngags kyi byin brlabs ngo mtshar che/ /gang phyir mtshams med lhung ba yi/ /sems can lha gnas myur du skyes zhes pa ni drin du gzo bas dga' ba dang bcas pa'i tshig gis bcom ldan 'das la yang dag par bstod pa nyid do/ /yang dang yang ni lan drangs du mar brjod de shin tu ngo mtshar ba'am shin tu drin gzo ba'i don to/ /de dag gis ni lha la sogs la blo chung zhing shes rab zhan pa'i the tshom dang bcas
- 83b
pa kha cig gi the tshom yang gsal to/ /de nas lha'i bu nor bu dri ma med pa'i 'od ces bya ba/ lha'i bu de dag gis bcom ldan 'das la nor bu dang gser dang dngul dang do shal dang se mo ngo dang/ gang du bu dang dpung rgyan dang snyan cha la sogs pa rgyan gyi khyad par sna tshogs pa du ma dang gdugs dang rgyal mtshan dang ba dan dang lnga ldi dang rnga ma la sogs pa yo byad kyi khyad par rnam pa sna tshogs pa dang/ seng ge'i gdan dang gzims cha dang pho brang dang gzhal yas khang dang/ khang pa brtsegs pa la sogs pa gnas kyi khyad par rnam pa sna tshogs pa dang me tog sna tshogs pa dang/ rang gi lus dang sems dang ngag kyang phul lo/ /gzhan yang glang po che dang ba lang dang seng ge dang stag dang/ spre'u dang dgo ba dang thug re dang ma he dang bong bu dang rnga mo dang chu srin dang/ phag rgod dang ra dang glang dang pa dang/ 'dod pa'i bzhon pa la sogs pa 'dod pa'i khyad par du ma yang phul na/ bcom ldan 'das kyis 'khor gyi dkyil 'khor rnams kyang mchod/ lha rnams kyi dbang po brgya byin gyi 'khor gyi dkyil 'khor rnams kyang mngon par mchod de/ lags so zhes bya bas gsol nas bcom ldan 'das dang brgya byin gnyis la bla mar bya ba dang/ bsti stang du bya ba ste/ phyag 'tshal nas de bzhin du dong ngo zhes pa la sogs pa ni 'dir bde bar gshegs pa'i bka' la gus par byas pa'i phyir rtsa ba'i cho? tshang par dris su thad kyi de ji lta ba bzhin du yin zhing go sla ba'i phyir ma bshad do/ /de la de dag ni dper na mi snga dag brtson ra dam po nas mi 'ga' zhig gis thar bar byas nas/ phyis mi nges mi de la drin gyis lan gzo ba gos dang rgyan dang rin po che la sogs pas bsnyen bkur du byed pa bzhin du lha'i bu de bcom ldan 'das dang/ lha'i dbang po brgya byin gnyis la sems can dmyal ba'i sdug bsngal chen po las thar bar mdzad pa'i phyir drin du gzo bas bkur stir byas pa nyid do/ /de la rang gi lus dang
- 84a
dag dang yid kyang phul ba ni/ 'dir lus ni gar la sogs pa phul pa'o/ /dag ni glu la sogs pa phul pa'o/ /yid na dad pa dang dang ba'i sgo nas yang dag pa'i gus pa nyid do/ /de dag ni lus dang ngag dang yid kyang phul zhes bya bar 'brel to/ /de nas brgya byin dang tshangs pa la sogs pa mchog tu ngo mtshar du gyur nas bcom ldan 'das la yang dang yang legs so zhes gsol pas bstod cing mchod de phyag 'tshal nas 'di skad ces gsol to/ /bcom ldan 'das gang gi slad khum 'ongs pa'i byis pa so so'i skye bo rnams 'chang ba dang spro bar bgyi ba'i slad du de bzhin gshegs pa'i mtshan nas brjod pa'i yon tan bshad du gsol zhes pa ni phan yon yang dag par zhu ba ste/ de nas brgya byin dang tshangs pa la sogs pa rnams rang rang gi de bzhin gshegs pa'i bka' yang dag par ngo mtshar pa'i gzhir gyur pas bden pa kho nar 'dzin pa la dus phyi ma'i sems can rnams de bzhin gshegs pa'i bka' 'di la yang dag par 'jug la spro bskyed pa'i phyir ngan song thams cad yongs su sbyor ba'i rgyal po 'di 'chang pa dang/ nyan pa dang/ rnal 'byor du byed pa dang/ snying po yongs su zlos pa'i mi de la phan yon dang 'bras bu ji lta bu 'byung ba yang dag par bshad du gsol zhes pa'o/ /bcom ldan 'das kyis bka' stsal pa/ brgya byin dang tshangs pa la sogs pa lha'i bu rnams ngas bshad de legs par nyon la yid la zung shig ces gsungs pa ni/ ngas de bzhin gshegs pa ngan song thams cad yongs su spyod pa'i phan yon dang 'bras bu bshad kyis yid the tshom mi za bar gyis la gzhan la yang dag par sgrogs shig ces par 'brel to/ /de ni sems can thams cad la dgongs ta gsungs pa'o/ /lha'i bu rnams dge ba bcu dang ldan pa rnams kyi rna lam du thos par 'gyur gyis sems
- 84b
can ma rabs rnams kyis ni ma yin no/ /pha rol tu phyin ba bcu la mos pa'i sems can rnams kyi rna lam du 'gro bar 'gyur gyi sems can phal pa rnams kyi ni ma yin no/ /sems can bsam pa nges ba rnams dang phyir mi ldog pa'i yon tan mang po la mngon par 'dod pa rnams kyi rna lam du grags par 'gyur te/ mdor na rnam pa thams cad mkhyen pa'i ye shes la brten pa'i sems can rnams kyi rna lam du 'gro bar 'gyur zhing gzhan du ma yin no zhes gsung ba ni 'dir snod khyad par can gyi phan yon gsungs pa ste/ de la 'dor na de bzhin gshegs pa'i sku mngon du mthong ba'i gang zag rgyu mthun pa'i las bsags pa'i ting nge 'dzin khyad par can dang ldan pa dbang po rnam par dag pa rnams kyis mthong bar 'gyur ba las sems can phal pa rnamS kyis mi mthong ba bzhin du de bzhin gshegs pa ngan song thams cad yongs su sbyor ba'i rgyal po 'di'ang rnam pa thams cad mkhyen pa'i ye shes bskyed par byed pa'i yum yin la rnam pa thams cad mkhyen pa'i ye shes ni gong du gsungs pa'i gang zag khyad par can de rnams kyis 'thob par 'gyur ba las dmigS kyis gsal ba'i gang zag rnams kyis rnyed par mi 'gyur ba ni nges pa nyid do/ /de ci'i phyir zhe na mnyam pa la/ dper na me long dang bzhin gyis dag pas gzugs brnyan? thams cad ston par byed pa zhig yin yang me long gi ngo mun pa la bstan nas rang gi ngor? la mngon du phyogs pa'i snang ba la bstan na bzhin gyi gzugs brnyan gsal bar 'gyur gyi me long gi ngo snang ba la bstan pas bdag gi ngo de la mngon du phyogs pa'i sun pa la bstan na bzhin gyis gzugs brnyan gsal bar mi 'gyur ba nyid do/ /de bzhin du 'dir yang rnam pa thams cad mkhyen pa'i ye shes ni gdod nas dri ma dang bral zhing 'od gsal bar chos kyi sku'i gzugs ba ? thams cad mkhyen ? byed pa yin yang pa ral tu phyin pa lnga la sogs pa'i bsod nams kyi tshogs kyis na dri ma dag
- 85a
par byas te shes rab kyi pha rol tu phyin pa dang/ ye shes rnam pa lnga la sogs pa ye shes kyi tshogs kyi snang ba la ni phyir chos kyi dbyings la mngon du phyogs pa rnams kyis rnam pa thams cad mkhyen pa'i ye shes mthong bar 'gyur gyi rang gi rgyud ni gti mug la sogs pa nyon mongs pa'i mun pa la bstan nas chos kyi dbyings rang bzhin gyis rnam par dag pa la mngon du phyogs par 'dod pas ni rnam pa thams cad mkhyen pa'i ye shes nam du yang gsal bar mi 'gyur ba kho na'o/ /de nas brgya byin dang tshangs pa la sogs pa lha'i bu de dag yang dag par dga' bskyes nas/ 'di skad ces gsol to/ /bcom ldan 'das bdag cag ni snod du gyur pa'o/ /bde bar gshegs pa bdag cag ni snod du gyur pa ste/ gang gi slad du bdag cag gis de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i gzi brjid kyi rgyal po zhes bgyi ba'i mtshan brjod pa 'di/ bcom ldan 'das kyi zhal gyi pad+ma 'di nas thos pas bdag cag ni ngan song gis 'jigs par ni 'gyur/ dus ma lags pa'i 'chi bas 'jigs par mi 'gyur zhing 'chi ba dang/ ltung ba dang rnam par mthong ba dang/ rnam par 'jigs pa la sogs pas 'jigs par mi 'gyur te/ bcom ldan 'das bdag cag ni gdon mi mtshal bar sangs rgyas nyid du 'grub pa'i snod du gyur pa lags so zhes pa ni 'dir lha rnams rang nyid la de bzhin gshegs pa'i bka' dga' ba dang bcas pa'i nga rgyal skyes pa'i tshig ste / de la de bzhin gshegs pa'i bka' yang dag par bden pa 'di snod kyi khyad par de lta bu dang ldan pas thos par 'gyur la sems can pa la pa rnams kyis ma yin pa ni bdag cag lha la sogs pa 'di rnams ni nges par rnam pa thams cad mkhyen//
- 85b
pa'i ye shes la brten pa yin par nges te de bas na snod du gyur pa'o zhes bya bar 'brel to/ /lan gnyis pa ni shin tu dga' ba dang bcas pa'i tshig go /gang gi slad du zhes pa ni lha'i bu nor bu dri ma med pa'i slad du bdag cag giS thos so zhes par 'brel to/ /de'i phyir na bde bar gshegs pa'i bka' byin gyis brlabs chen po dang ldan pa 'di bdag cag gi snying la gnas pas bdag cag lha la sogs pa'i 'khor 'dis 'dus pa rnams rus ma yin par 'chi ba la sogs pa'i 'jigs pa dang bral zhes nges par yang dag par rdzogs pa'i sangs rgyas su 'grub pa'i snod dang ldan par gyur to zhes bya bar sbyar ro/ /bcom ldan 'das rtag pa'i rgyal po 'dis sems can rnams kyi don bgyid pa gang lags pa'i skyes bu dam pa de dag gis 'bras bu cir 'gyur rnam par smin pa ji ltar 'gyur zhes pa ni yang gzhan gyi don phun sum tshogs pa'i 'bras bu dang phan yon yang dag par zhu pa ste/ de yang ma 'ongs pa'i sems can rnams 'di la 'jug par spro ba bskyed pa'i phyir zhu bar shes par bya'o/ /bcom ldan 'das kyis bka' stsal pa/ lha'i dbang po de dag ni skyes bu dam pa 'ba' zhig tu ma zad kyi yang dag par rdzogs pa'i sangs rgyas nyid du blta bar bya ste/ de ci'i phyir zhe na/ lha'i dbang po gang gi phyir 'jig rten pha rol tu song nas mtshams med pa la sogs pa'i sems can dmyal ba chen por skyes pa'i sems can rnams kyi sdug bsngal rnam pa sna tshogs pa rab tu zhi bar byed pa dang byang chub la gdon mi za bar brten pa dang/ byang chub sems dpa' i sa la phyir mi ldog par rab tu 'jog pa'i phyir te/ lha'i dbang po dper na khyod kyis lha'i bu nor bu dri ma med pa'i 'od ces bya ba mtshams med pa'i sems can dmyal ba chen por skyes pa'i don byas pa bzhin no zhes gsungs pa ni rigs pa dang bcas pas 'bras bu dang phan yon yang dag par ston pa ste/ de la lha'i
- 86a
dbang po de dag ni skyes bu dam pa 'ba' zhig tu ma zad kyi yang dag par rdzogs pa'i sangs rgyas nyid du blte bar bya ste zhes pa la skyes bu dam pa ni 'jig rten pa rnams kyi mchog tu 'gyur ba yin la/ 'di ni skyes bu dam pa laS kyang 'phagS pa yang dag par rdzogs pa'i sangs rgyas nyid du blta bar bya ba nyid do/ /de ci'i phyir zhe na/ zhes pa ni las su bya ba 'bras bu'i gtan tshigs te/ gang gi phyir ni rgyu sdig pa chen po byas pa'i phyir ro/ /de mtshams med pa'i sems can dmyal ba la sogs pa'i sdug bsngal nyams su myong ba la des yang dag par zhi bar byas te/ bla na med pa'i yang dag par rdzogs pa'i byang chub la sogs pa'i 'bras bu yang dag par 'byin par byed pa'i phyir te/ de yang 'dir sems can rnams kyi don byed pa'i mi de ni yang dag par rdzogs pa'i sangs rgyas yin te/ sems can gang dag nga rgyal pa la sogs pa'i sdug bsngal las bsgral te/ bde 'gro la sogs pa'i gnas su smin par byas pa'i phyir sangs rgyas nyid lta bu'o zhes pa ni chos mthun pa nyid can gyi sbyor bar yang dag par shes par bya'?/ /byang chub la gdon mi ? bar brten pa dang zhes pa ni 'dir rgyu'i gtan tshigs su go bar bya ste/ mi de nyid kyi 'gro ba'i don byas pa dang bla na med pa'i sems dang ldan pa'i phyir ro/ /byang chub sems dpa' i sa la phyir mi ldog par 'jog pa'i phyir zhes pa yang rgyu'i gtan tshigs su go bar byas te/ yongs su dag pa'i bya ba dang ldan pa'i phyir dper na 'phags pa rtag tu du lta bu'o/ /lha'i dbang po dper na khyod kyis nor bu dri ma med pa'i don byas pa bzhin no/ /zhes pa ni skabs su bab pa dper blangs pa zhes bya ste/ las su bya ba mthun pa la dgongs nas gsungs pa nyid de de yang dag par mtshungs par ldan pa'i mdo las ces kyang thabs rnams sna tshogs kyis/ rnam
- 86b
par rtog dang mi nye zhing/ /'gro rnams smin pa'i thabs ston pa/ /de la sangs rgyas zhes su brjod ces gsungs pa'i phyir dang/ yang shes rab kyi pha rol tu phyin pa brgyad stong pa las kyang/ shA ri'i bus gsol pa/ bcom ldan 'das shes rab kyi pha rol tu phyin pa ni kun nas nyon mongs pa ma mchis pa'o/ /bcom ldan 'das gyis bka' stsal ba/ shA ri'i bu rnam par dag pa'i phyir ro zhes pa la sogs pa gsungs te/ de bas na rgyu rnam par dag pa las 'bras bu rnam par dag pa skye ba la dgongs pa ste/ yang dag par rdzogs pa'i sangs rgyas nyid ces gsungs te yin pa kho na'o/ /lha'i dbang po de ltar gzhan yang ma 'ongs pa'i sems can rnams kyi don byed pa'i sems can de dag ci'i so so skye po pa yin sems sam gsol pa bcom ldan 'das ma lags so/ /bde bar gshegs pa ma lags so zhes pa ni 'dir so so'i skye bo'i rgyud dang mi ldan pa la dgongs te/ de yang mi gang dag de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su spyod pa'i rgyal po'i dkyil 'khor du zhugs shing rtag par rgyun tu gong du smos pa 'di ltar snang ba'i dngos po thams cad lha'i dkyil 'khor du gnas pa'i phyir dang rang nyid 'dod pa'i yon tan lnga la longs spyod kyang chags pa med par lha'i rnal 'byor dang ltan pa'i phyir dang/ sems can ma lus pa la phan par byed pa'i sbyor pa dang ldan pa'i phyir na so so skye bo ma yin zhes par 'brel to/ /gsol ba bcom ldan 'das ma lags so/ /bde bar gshegs pa ma lags so zhes pa ni nges pa nyid du ma yin par bstan pa ste/ de yang shes rab kyi pha rol tu phyin pa brgyad stong pa las/ bcom ldan 'das kyis bka' stsal ba/ rab 'byor 'di lta ste/ skyes bu zhig mi rgod kyi gnas dgon pa'i nang du song ba la zas kyi bya ba byed kyang skrag pa'i 'du shes kyis
- 87a
'di nas nam thar snyam pa'i bras kyi rol mi chags pas za ba bzhin du phyir mi ldog pa'i byang chub sems dpas kyang 'dod pa'i yon tan lam chags par yang dag par longs spyod do zhes gsungs pa'i phyir ro/ /lha'i dbang po de bas na sems can de dag ni skyes bu dam pa chen po gzhan la phan 'dogs pa ste/ de bzhin gshegs pa rnams kyis kyang phyag bya ba dang/ mchod pa dang rjed pa dang/ bsti stang du bya ba dang/ phrag pa la bkur bar bya ba yin na/ lha dang bcas pa'i 'jig rten gyis lta smos kyang ci dgos zhes gsungs pa ni 'dir gang zag de'i che ba yang dag par dbyung ba ste/ de la de bas na zhes pa ni gtan tshigs dang 'brel pa'o/ /sems can de dag ni zhes pa ni gang de dag ldan pa'i gang zag go /skyes bu ni mi la sogs pa'i 'gro ba'o/ /dam pa ni bla na med pa'i ye shes ki rnal 'byor dang ldan pa'i phyir dang/ chen po ni bla na med pa'i sems can rgya chen po dang ldan pa'i phyir te/ de bzhin gshegs pa rnams kyis phyag dang mchod pa dang bsti stang dang phrag pa la bkur ba la sogs pa mdzad pa nyid do/ /de ci ltar na phyag la sogs pa ma mdzad ce na/ 'di ltar de bzhin gshegs pa'i dgongs pa gang zag des bskangs pa'i phyir de bzhin gshegs pa rnams kyis phyag mdzad pa la sogs pa ni nges pa kho na ste/ de dag ni shin tu khyad par du phyung bas gzhan da g+gus pas bya ba'i phyir gsungs pa'o/ /lha dang bcas pa'i 'jig rten gyis lta smos kyang ci dgos zhes pa ni shin tuAng bya dgos par bstan par shes par bya'o/ /de nas brgya byin dang tshangs pa la sogs pa lha'i bu rnams dang/ rgyal po chen po bzhi dang 'jig rten skyod pa brgyad dang gnod sbyin gyi sde dpon chen po nyi shu rtsa brgyad dang gnod sbyin chen po nor bu bzang po dang/ nor
- 87b
bu chen po la sogs pa byang chub sems dpa' chen po'i sa la rab tu gnas pa rnams dang/ klu'i rnal po dga' bo dang/ bsnyen dga' bo dang/ 'phrog ma'i bu lnga brgyas bskor ba rnams dang/ gnod sbyin chen po lnga ? dang lha cen chen po la sogs pa dang/ gzhan yang rgya che zhing rgya che ba'i lha dang klu dang gnod sbyin dang srin bu dang lha mo yin dang nam mkha' ldir dang dri ba dang mi 'am ci dang lto 'phye chen po dang 'byung po dang/ yi dags dang/ 'dre dang rims dang gza' dang dug dang skar ma la sogs thams cad kyis mgrin gcig tu 'di skad ces gsol to/ /bcom ldan 'das bdag cag 'dus shing tshogs pa thams cad kyis skyes bu chen po de'i rkang pa gnyis mgo bos blang bar bgyi zhing mdor na rtag par rgyun tu dus thams cad du bsrung ba ngas skyab pa dang sgra bar bgyi'o/ /bcom ldan 'das gang du brtag pa'i rgyal po 'di rigs kyi buAm rigs kyi bu mos dad pas 'chang dam klog gam gzhan la rgya cher yang dag par 'chad par 'gyur ram/ gdugs dang rgyal mtshan dang ba ngan la sogs pas mchod par 'gyur ram/ rgyal rigs sam bram ze'i rigs sam rje'u rigs sam/ gzhan yang rgyal po'am rgyal po'i bu 'am/ rgyal po'i bu mo 'am rgyal po'i btsun mo 'am rgyal po'i khong? pho'i rgyal po'i khod mo 'am/ gang su dag rang ba 'chang zhing ? pa nas gzhan la rgya cher yang dag par 'chad pa'i bar du bgyid na/ bcom ldan 'das bdag cag 'dir 'dus shing chogs pa thams cad de'i bran du gyur pa legs so/ /gzhan yang mi de'i rang gi skye po dang gnyen gyi skye po dang grong dang grong khyer dang/ grong rdal dang ljongs dang rgyal po'i pho brang 'khor rnams suAng bskyang bar bgyi'o/ /dus dus du char dbab bar bgyi'o/ /'bru la sogs pa bskyed par bgyi'o/ /skye bo mang po la phan pa dang bde ba'i slad du rjes su bsgrub par bgyi'o/ /b+ha rol gyi dmag gzhom par
- 88a
bgyi'o/ /sems can ma rungs pa gnod cing 'tshe ba po rnams kyis mi de la mi phan pa'i sems bskyed pa gang lags pa de dag brlag par bgyi ba'i slad du bsgrub par bgyi'o/ /ma rungs par bgyi'o/ /de la bdud kyi las kyang bgyi/ gnod par bgyi'o/ /bcom ldan 'das mdor na ma 'ongs pa'i sems can rnams la brtag pa'i rgyal po 'di ni sangs rgyas kyi mdzad pa lta bur gnas pa lags pas bdag cag gi bu bzhin du brkyang bar bgyi'o zhes pa la sogs pa ni bla na med pa'i chos la lha dang bcas pa'i 'jig rten 'khor du 'dus pa rnams de dag thams cad kyis bsnyen bkur dang bsrung bar bya bar khas yang dag par blangs pa ste/ de ji lta ba bzhin du byed cing yongs su bsrung ba kho na yin pas na go sla ba'i phyir ma bshad do/ /de yang rkang pa gnyis spyi bos blang bar bgyi'o/ /zhes pa dang bran du gyur pa lags so zhes pa ni bsnyen bkur bya ba'i tha tshig go /bsrung ba dang bskyab par bgyi'o zhes pa dang/ bu bzhin du bskyang bar bgyi'o zhes pa rnams ni bsrung bar bya ba'i tha tshig go /dus dus su char dbab par bgyi'o zhes pa nas bde ba'i slad du rjes su bsgrub par bgyi'o/ /zhes pa'i bar ni 'byor bstar ba'i tshig go /de la 'tshe ba'i sems can ma rungs par bgyi'o zhes pa la sogs pa ni las su bya ba'i tshig go /bcom ldan 'das mdor nam 'ongs pa'i sems can rnams brtag pa'i rgyal po 'di ni sangs rgyas kyi mdzad pa lta bur gnas pa lags pas zhes pa ni 'di ltar ma 'ongs pa'i sems can da lta gyi sems can te/ de dag la sangs rgyas kyi mdzad pa dang 'dra bar ro/ /ji ltar 'dra zhe na/ yang dag par rdzogs pa'i sangs rgyas kyis kyang 'gro ba sems can sgrol bar mdzad pa cig tu zad la rtag pa'i rgyal po 'dis kyang yongs su bsgrubs na 'gro ba sems can rnams
- 88b
grol bar nges te/ bde bas na sangs rgyas kyi mdzad pa dang 'dra bar sbyar ro/ /de yang da ltar gyi sems can rnams la ni yang dag par rdzogs pa'i sangs rgyas kyi tshes bstan kyang sgribs rnam pa gsum gyis bsgribs pas thos par mi 'gyur la/ brtag pa'i rgyal po 'dis ni da ltar nyid du 'bras bu mngon sum du 'byin pa'i phyir yang dag par rdzogs pa'i sangs rgyas pas kyang lhag par shes par bya'o/ /lha'i dbang po khyod kyis ji ltar smras pa de bzhin te brtag pa'i rgyal po 'di ni de bzhin du bal bar bya'o/ /lha'i dbang po legs kyis dzam+bu gling du gnas pa'i sems can sdig pa'i ches la kun tu spyod pa sems can dmyal ba'i dbang du gyur pa 'khor ba mi gtsang ba'i 'dam du bying pa'i sems can rnams la phan pa dang bde bar bya ba'i phyir yun ring por bag yod par gyis la bsgrubs shig ces gsungs pa ni 'dir bcom ldan 'das kyis lha la sogs pa la chad cher gdams pa'i bka' ste/ de la lha'i dbang po khyod kyis ji ltar smras pa de bzhin te/ brtag pa'i rgyal po 'di ni de bzhin du blta bar bya'o/ /zhes pa nir kho na bzhin no/ /yang dag par rdzogs pa'i sangs rgyas dang 'dra ba kho nas the tshom mi bya'o zhes pa'i don to/ /lha'i dbang po legs kyis zhes pa ni rjes su yi rang ba gsungs pa ste/ de bzhin du gyis shig ces gsungs pa'i don to/ /dzam+bU gling du gnas pa zhes pa ni gtsor gzung ba ste/ dper na yul gang na sman gyi sbyor ba byed pa de nyid na nad pa dang 'chi ba la sogs pa mang bar 'gyur te/ de ci'i phyir zhe na/ snyam pa la sman gyi sbyor ba log par sbyar ba ba dang/ sman gyi sbyor pa gzhung bzhin du ma byas pa las byung ba ste/ de bzin du 'dir yang bcom ldan 'das kyis sems can thams cad kyi don du gsungs kyang dam pa'i chos ni lho'i dzam+bu gling na phal cher spyod pa'i phyir de nyid bde bar gshegs
- 89a
pa'i bka' ji lta ba bzhin du ma spyad cing bka' log bar spyod pa laS de nyid na sems can dmyal ba'i dbang du gyur pa 'am sdig pa'i chos kun tu spyod pa mang bas na/ dzam+bu'i gling du gnas pa zhes gsungs pa'o/ /'khor ba'i mi gtsang ba'i 'dam du bying ba ni rnam pa gsum ste/ /'das pa dang da ltar dang ma 'ongs pa'o/ /de dag 'khor ba'i 'dam du bying ba'i de la ye shes kyi lcags kyu chen po drang ba'i phyir yun ring por bag yod par gyis la bsgrubs shig ces te/ de la de nyid lha'i dbang po 'ba' zhig tu ma zad kyi ma 'ongs ba'i sems can gang dag 'khor ba'i rgya mtsho las brgal nas thar pa'i grong khyer chen por 'gro bar 'dod pa thams cad la yang dag par gdams pa'o/ /de la yun ring por zhes pa ni skyo ba med par gyis la zhes pa'i don to/ /bag yod par zhes pa ni de bzhin gshegs pa ni bka' yang dag pa ji lta ba bzhin du gyis la sdom pa rnam gsum dang bral zhing nyon mongs ba'i mtshon gyis ma rmas par bsgrubs shig ces bya ba shes par bya ste/ de dag gis ni de bzhin gshegs pa ngan song thams cad yongs su sbyong ba'i rgyal po rgyud phyi ma zhes bya ba'i bshad pa gnyis pa rdzogs so// //de nas bcom ldan 'das byang chub sems dpa' sems dpa' chen po phyag na rdo rjes bcom ldan 'das kyis thugs rtag pa zhes bya ba rtag pa'i rgyal po phyi ma 'di bshad do zhes pa ni 'di ltar bcom ldan 'das shAkya thub pa'i dbu'i gtsug tor nas/ /bcom ldan 'das dpal phyag na rdo je sku mdog nam mkha' dang ba ltar snang ba bzhin khros shing 'bar ba phyag g.yas pa na gser gyi rdo rje rtse dgu pa bsnams pa g.yon pa skyabs mdzad kyi phyag rgya can rgyan thams cad kyis brgyan pa gcig phyung ngo/ /de'i dbu'i gtsug tor nas lha rgyan thams cad kyis
- 89b
brgyan pa bdun byung nas bcom ldan 'das kyi gdan gyi mdun rol tu bzhugs te/ bzhugs nas cung zad cig na yang gdan las bzhengs nas bshad pa'i rgyud 'di gsungs par shes par bya'o/ /de la gang dag 'di skad du/ de ltar gang gi sgo nas shes par 'gyur zhe na/ de ni 'di ltar brtag pa dang po'i phyi ma/ 'brug sgra chen po'i brtag pa las/ de yi skad cig de nyid la/ /sku ni sum brtsegs sku yi thabs/ /'gro ba'i don la rab sbyar nas/ /dpa' o stogs chen mngon par sprul/ / zhes gsungs pa'i phyir ro/ /yang de la bde bar gshegs pa rnam par snang mdzad kho nas rgyud 'di mi gsung bar ston pa rnam pa gsum gyis bshad pa'i dgongs pa ni ji lta bu zhig yin snyam pa la/ 'di ltar gong du smos pa'i tshig /'di ltar sku ni rnam gsuM ste/ /'gro don las dang dam tshig dang/ /ye shes bdag po nyid kyis ni/ /shAkya thub pa thugs kyis sbrul/ /zhes gsungs te/ de bas na 'di ltar 'gro ba rnams kyi rgyud la thabs ji lta bus 'dul bar snang bas mngon par rdzogs par sangs rgyas par bya ba bstan pa nyid de/ de la 'gro ba sems can rnams kyi rgyud la ni sku rnam pa gsum gyi mtshan nyid yang dag par shes pa 'am/ de la yang dag par bslabs pa las yang dag par rdzogs pa'i sangs rgyas thob par 'gyur ba ste/ de la bcom ldan 'das rnam pa snang mdzad ni ye shes kyi sku'i ngo bor yang dag par bstan pa'o/ /bcom ldan 'das shAkya thub pa ni dam tshig gi sku'i ngo bor yang dag par bstan pa'o/ /bcom ldan 'das phyag na rdo rje ni las kyi sku'i ngo bor yang dag par bstan pa'o/ / de la ye shes kyi sku ni 'gro ba sems can rnam par rtog pa dang bral zhing chos kyi dbyings las yang dag par byung ba thog ma dang tha ma med pa nas yongs su grub pa'i sku'i rang bzhin gyis 'od gsal ba'i bdag nyid yid la byed pa de'o/ /dam tshig gi sku? ni
- 90a
bla na med pa byang chub kyi sems las yang dag par byung ba mngon par brtson pa'i bdag nyid ye shes rnam pa lngas mngon par byang chub pas 'gro ba sems can thams cad kyi don phun sum tshogs pa byed pa'i bdag nyid la byed pa de'o/ /las kyi sku ni rten cing 'brel par 'byung ba bcu gnyis las yang dag par byung ba sdug bsngal gyi rgyud yang dag par gcod cing 'dod pa'i yon tan lngas mngon par dga' ba chags pa med par kun tu spyod pa de'o/ /de dag rtag par rgyun tu chu po chen po'i rgyun lta bur 'brel par dang bcas pa las 'gro ba rnams yongs su grol bar 'gyur ba de nyid de/ de'i phyir bsgrub par bya ba'i phyir chos rgyud cig la ston pa rnam pa gsum gyis bshad de/ de ni thabs la dgongs pa zhes bya'o/ /de nyid dam tshig gi phyag rgya dang/ las kyi phyag rgya dang/ chos kyi phyag rgya dang/ phyag rgya chen po'ang yin la/ sprul pa dang longs spyod dang chos kyi skur yang shes par byas te/ de ni 'bras bu la dgongs pa zhes bya'o/ /yang 'dir bde bar gshegs pa rnam pa gsum ni 'gro ba'i rgyud rnam pa gsum la dgongs nas bshad pa ste/ de la gti mug chen po'i sems can rnams gdul ba'i phyir bcom ldan 'das rnam par snang mdzad kyis bshad pa dang/ 'dod chags chen po'i sems can 'dul ba'i phyir ni bcom ldan 'das shAkya thub pas gsungs pa dang/ zhe sdang chen po'i sems can rnams 'dul ba'i phyir ni bcom ldan 'das phyag na rdo rjes gsungs pa ste/ de dag ni zhing la dgongs pa zhes bya'o/ /de nyid dbang po rab dang 'dril rtul po'i? sems can rnams la dgongs nas ston pa rnam pa gsum gyis rgyud rnam pa gsum du gsungs pa ni dbang po la dgongs pa zhes bya'o/ /dbang po mnan las bzhengs nas kyang/ dgyes pa'i rdo rje gser nas kyang/ /shAkya'i dbang po dgyes
- 90b
mdzad pa/ /thub pa'i gtso la phyag 'tshal nas/ /sgrib pa thams cad rnam par dag pa'i rdo rje zhes bya ba'i ting nge 'dzin la snyoms par zhugs nas ngan song thams cad yongs su sbyong ba'i snying po 'di rang gi thugs kha nas phyung ngo zhes gsungs pa 'di ni 'dir dag pa 'bras bu don gyi sgrub pa yongs su gsungs pa ste/ de la dpa' bo gdan las bzhengs nas ni zhes pa ni bcom ldan 'das phyag na rdo rje de de'i skad cig de nyid la gdan las yongs su bzhengs pa ste/ de yang bcom ldan 'das rnam par snang mdzad nyid kyi der yongs su sprul par shes par bya'o/ /dgyes shing rdo rje gsor nas kyang zhes pa ni 'di ltar sems can thams cad kyi ngan song gi rgyud mdza' dag gcod pa ste/ de yang sngon gyi byang chub kyi sems las yang dag par byung zhing byang chub tu zhugs pa'i gnas skabs na bsngo ba yongs su dag pa'i stobs las byung ba'o/ /shAkya'i bdag po dgyes mdzad pa'i thub pa'i gtso la phyag 'tshal nas zhes pa ni don dam par bde bar gshegs pa'i sku yang gcig ste/ bcom ldan 'das shAkya thub pa dang/ bcom ldan 'das phyag na rdo rje dbyer med pa yin yang 'gro ba 'dul ba'i tshul dang sbyang? nas gtso bo dang 'khor gyi tshul gyi gus pa yongs su phul ba ste/? nyid la nyid do/ /de ci'i phyir zhe na snyam pa la/ 'di ltar dper na sgyu ma mkhan gyi mkhan pos bud med dang skyes pa dang glang po che la sogs pa'i gzugs byas nas/ skye bo rnams kyi mdun du smra ba dang 'gro ba dang 'chag pa la sogs pa byed kyang de nyid gcig smra ba'i gnas skabs tsam na gcig ma smra la/ gcig 'gro ba'i gnas skabs tsam na gcig mi bgro bas de dag thams cad gzugs tha dad pa'i tshul du gnas kyang 'gro ba dang smra ba la sogs pa thams cad ni sgyu ma mkhan gyi mkhan po kho na'o/ /de bzhin du 'dir yang de bzhin gshegs pa gcig la gsungs pa'i
- 91a
gnas skabs tsam na/ de bzhin gshegs pa gcig mi gsungs pa'i phyir de bzhin gshegs pa shAkya thub pa/ bcom ldan 'das rnam par snang mdzad la/ bcom ldan 'das phyag na rdo rje yang bcom ldan 'das rnam par snang mdzad yin par shes par bya ste/ de yang sangs rgyas phal po che las/ bzang po dpal gyis 'jam dpal la smras pa/ chos kyi rgyal po'i chos nyid ni/ /'jam dpal rtag tu gcig pa ste/ /sgrib pa med pas gzigs pa'o/ /'byung po de yang gcig pu yi/ /sangs rgyas thams cad sku gcig ste/ /de bzhin gshegs pa'i chos kyi sku/ /shes rab thabs kyang gcig pa ste/ /mi 'jigs stobs kyang de bzhin no/ /sngon chang byang chub bzhugs pa'i tshe/ /ji ltar yongs su bsngo mdzad pa/ /'khor du chos rnams ston pa dang/ /de bzhin zhing yang de bzhin 'gyur zhes gsungs pa'i phyir ro/ /sgrib pa thams cad rnam par dag pa'i rdo rje zhes bya ba'i ting 'dzin la snyoms par zhugs nas zhes pa ni 'di ltar sems can thams cad kyi sgrib pa thams cad yongs su dag par mdzad pa'i thugs rgya chen po bskyed nas/ mi rtog pa'i dang la rtse gcig pa la sgrib pa thams cad rnam par dag pa'i rdo rje zhes bya ba'i ting nge 'dzin to/ /snyoms pa ni mnyam pa ste/ sems can du dmigs pa'ang mi mnga' ba'o/ /zhugs pa ni smon lam gyi stobs las yongs su grub pas dam pa'i chos yang dag par gsungs pa'o/ /ngan song thams cad rnam par sbyong ba'i rang gi snying po 'di nyid kyi thugs ka nas phyung ngo zhes pa ni 'di ltar rang nyid de/ de bzhin gshegs pa thams cad do/ /snying po ni ye shes de de las byung ba'i gzhi yang dag par gsungs pa'o/ /nyid ni rang ste chos kyi dbyings so/ /ngan song rnam par sbyang zhes pa ni khyad par du sbyong ba ste/ bla na med
- 91b
pa'i 'bras bu 'byin par byed pa'i phyir ro/ /oM badzra sarba pA baM ha na da ha badzra hUM phaT/ oM h+ri sarba a pA ya bi sho d+ha na badzraM hUM phaT/ oM hUM sarba karma a bA ra Ni me b+ha shAn+tiM ku ru hUM phaT(rgyud 'grel): oM b+h+ruM bin sha ya a pA ra Na ni hUM phaT/ oM bi sho d+hya a par Na ni hUM phaT/ oM tradz? la dzwa la d+ha ka d+ha ka ha na ha na a bA ra Na ni hUM phaT/ oM sruM sA ra sA ra pra sa ra pra sa ra/ a bA ra Na ni hUM phaT/ oM hUM ha ra ha ra ra sarba a bA ra Na ni hUM phaT(rgyud 'grel): oM phaT phaT sarba a bA ra Na ni sphoT ya hUM phaT(rgyud 'grel): oM b+h+ri ta b+h+ri ta sarba a pA ra Na ni hUM phaT/ oM tra Tha tra Tha sarba a pA ra Na ni hUM phaT/ oM tshinda tshinda sarba a ba yA banda hUM ci hUM phaT/ oM ci la tsa la sarba a bA ra Na ni hUM phaT(rgyud 'grel): oM da ha da ha sarba nA ra ka ga ti tun hUM hUM hUM phaT(rgyud 'grel): oM pa tsa pa tsa sarba pru ta ga te he tu na hUM hUM phaT/ oM ma tha ma tha sarba tirya ka ga he tu na hUM phaT/ de nas mchod pa'i yo byad rnams kyi bshad do/ /oM sarba a b+hA ya bi sho d+ha ni d+ha ma d+ha ma d+hu pa ya hUM phaT/ oM sarba durga ti pri sho d+ha ni pushpe pi lo ki ni hUM phaT/ oM sarba a pa ya bi sho d+ha ni dz+nyA na A la ke kA ri hUM phaT/ oM sarba a pa a g+hand+ha nA bi na shani u pa a g+hand+he hUM phaT/ sgo ba rnams kyi sngags la/ oM sarba na ra ka A karSha na hUM phaT/ oM sarba na ga u ta b+ha ra mi hUM phaT(rgyud 'grel): oM sarba a b+ha ya b+hand+ha na mo tsa ni hUM phaT/ a sarba a gA ya g+haN+Ta bi sho d+ha ni hUM phaT/ ces pa la sogs pa'i sngags ni 'di ltar dang po ni bde bar gshegs pa'i snying po ste/ sdig pa thams cad 'joms shing bsreg par byed pa'i don ho/ /gnyis pa ni bcom ldan 'das phyag na rdo rje'i snying po ste/ ngan song thams cad rnam par sbyor ba'o/ /gsum pa ni rgyal ba'i gtsug tog gyi snying po ste/ las kyi sgrib pa thams cad dbang du byed pa'o/ /bzhi pa ni gtsug tor 'khor lo sgyur ba'i snying po ste sgrib pa
- 92a
thams cad 'jig par byed pa'o/ /lnga pa ni rnam par rgyal ba'i snying po ste sgrib pa thams cad rnam par spyod ba'o/ /drug pa ni gzi brjid phung po ste/ sgrib pa thams cad tshad zhing rab tu 'bar bas 'joms par byed pa'o/ /bdun pa ni gdugs dkar po'i snying po ste sgrib pa thams cad 'jig cing rab tu 'jig par byed pa'o/ /brgyad pa ni rnam par 'thor ba'i snying po ste sgrib pa thams cad 'phrog cing 'phrog par byed pa'o/ /dgu pa ni rnam par 'joms pa'i snying po ste sgrib pa thams cad gshog cing 'joms par byed pa'o/ /bcu pa ni sgeg mo'i snying po ste/ sgrib pa thams cad 'thor bar byed pa'o/ /bcu gcig pa ni phreng ba ma'i snying po ste sgrib pa thams cad grol bar byed pa'o/ /bcu gnyis pa ni glu mkhan ma'i snying po ste sgrib pa thams cad skrag par byed pa'o/ /bcu gsum pa ni gar mkhan ma'i snying po ste sgrib pa thams cad g.yo zhing gzhan du bskyod par byed pa'o/ /bcu bzhi pa ni bde bar gshegs pa'i tshogs kyi snying po de dag gis dmyal ba'i 'gro ba thams cad kyi rgyu sreg cing sreg par byed pa'o/ /bco lnga pa ni yi dags kyi 'gro ba thams cad kyi rgyu 'jil cing 'jil bar byed pa'o/ /bcu drug pa ni dud 'gro ba thams cad kyi rgyu gnon cing gnon par byed pa'o/ /bcu bdun pa ni bdug pa ma'i snying po ste/ ngan song thams cad 'chu zhing rnam par sbyong bar byed pa'o/ /bco brgyad pa ni me tog ma'i snying po ste/ ngan song thams cad rnam par spyod zhing rnam par gzigs pa'o/ /bcu dgu pa ni snang ba ma'i snying po ste/ ngan song thams cad phug nas ye shes kyi snang bas gsal bar byed ba'o/ /nyi shu pa ni dri chab ma'i snying po ste/ ngan song thams cad kyi dri nga ba thams cad bsal bas chos kyi dri dang ldan par byed pa'o/ /rtsa gcig pa ni lcags kyu ma'i snying po ste/ sems can dmyal bar song ba rnams 'gugs par
- 92b
byed pa'o/ /rtsa gnyis pa ni zhags pa ma'i snying po ste/ dmyal bar 'gyur ba thams cad 'dzin par byed pa'o/ /rtsa gsum pa ri lcags sgrog ma'i snying po ste/ ngan song thams cad 'ching zhing sdom par byed pa'o/ /rtsa bzhi pa ni dril bu ma'i snying po ste/ ngan song thams cad kyi tshang tshing sil cing sgrong bar byed pa ste/ de dag thams cad kyi sngags kyi 'bru rnams ni gnyis pa dang/ bco lnga pa dang/ bcu gcig pa dang/ bcu gnyis pa dang/ bcu drug pa dang/ brgyad pa dang/ bdun pa dang/ bcu ba rnams ni lha bskyed pa'i sa bon du rig par bya ste/ tshig gsum po 'di ni ma gtogs so/ /de nas dkyil 'khor bshad bya ste/ /'khor lo 'dra ba'i dkyil 'khor la/ /shin tu mdzes pa rtsibs brgyad can/ /lte bar bcas shing mu khyud ldan/ /nad gi rim par bris nas ni/ /lte ba'i nang du shAkya yi/ /bdag po thub pa bzhag par bya/ /phyag na rdo rje stobs chen ni/ /dpa' bo de yi spyan sngar bri/ /rgyab tu 'khor los sgyur ba ste/ g.yas phyogs rgyal ba'i gtsug ter la/ /g.yon par rnam par rgyal ba bri/ gzi brjid phung po me yi phyogs/ /dbang ldan phyogs su gdugs dkar mo/ /rnam par 'thor ba rlung gi phyogs/ rnam par 'joms pa 'den bral tu/ /bris nas phyi rol bri bya ste/ /gru bzhi pa la sgo bzhi pa/ /seng+ge'i rta babs brtan par bya/ /dpa' bo lcags kyu zhags pa dang/ /lcags sgrog dril bu snyan rnams bzhag /grA yi phyogs ni thams cad du/ /bdug pa la sogs bri bar bya/ /zhes gsungs pa ni 'dir de dag gi dkyil 'khor yang dag par gsung ba ste/ de la 'khor lo 'dra ba'i dkyil 'khor la zhes pa ni 'di ltar rang yid du 'od ba'i gnas rnams su/ sa byin gyis brlabs pa la sogs pa gong du bstan pa ltar byas la stegs bu tha ma'i chang du brtsigs te/ 'khor lo rtsibs brgyad pa ser po lte ba dang ma khyud du ldan pa bri'o/ /de'i dbus su
- 93a
pad+ma 'dab ma brgyad pa'i steng du bcom ldan 'das shAkya thub ba sku mdog gser bco ma lta bu la na bza' dur smrig gsol ba mnyam pa nyid kyi phyag rgya dang ldan pa bri'o/ /de'i shar phyogs kyi rtsibs su bcom ldan 'das phyag na rdo rje sku mdog sngon po la phyag g.yas pa na rdo rje bsnams pa/ g.yon bas gnon gyi phyag rgya dang ldan pa bri'o/ /lho phyogs su ni rgyal ba'i gtsug tor mdog ser po phyag g.yas pa mchog sbyin pa la/ g.yon pa ni rin po che 'bar ba bsnams pa bri'o/ /nub tu gtsug tor 'khor lo sgyur ba sdu mdog dmar po phyag g.yas pa chos 'chad kyi phyag rgya can la/ g.yon pa ni pad+ma'i steng na 'khor lo bsnams pa bri'o/ /byang phyogs su gtsug tor rnam par rgyal ba sku mdog ljang gu la phyag g.yas pa mi 'jigs pa sbyin pa la/ g.yon pa sna tshogs rdo rje bsnams pa bri'o/ /shar lhod? gtsug tor gzi brjid phung po sku mdog sngo skya la phyag g.yas pa na nyi ma'i 'khor lo 'od dang bcas pa 'dzin pa g.yon pa na utpal yug dang bcas pa bsnams pa bri'o/ /lho nub tu gtsug tor rnam par 'joms pa sku mdog sngo skya la phyag g.yas ba na seng ge'i rgyal mtshan bsnams pa/ g.yon pa na utpa la dang lcags kyu bsnams pa bri'o/ /nub byang du gtsug tor rnam par 'thor ba sku mdog dmar ser la phyag g.yas pa na ral gri 'dar ba bsnam pa la yon pas ku mu da dang ldan pa bri'o/ /byang shar du gtsug tor gdugs dkar po can sku mdog dkar ser la phyag g.yas pa na gdugs dkar po bsnams pa/ g.yon du u duM wa ra bsnams pa bri'o/ /de'i 'khor lo'i zur bzhir ni sgeg mo dang phreng pa ma drang ? mkhan ma dang/ gang mkhan ma dang bdug pa ma dang/ me tog ma dang snang ba ma dang dri chab ma rnams rang rang gi phyag rgya dang ldan par bri bar bya'o/ /rta babs kyi khyams su byams pa la sogs pa rang gi kha dog dang phyag mtshan gyis mtshan
- 93b
pa bri'o/ /sgo bzhir ni lcags kyu la sogs pa'i sgo ba bzhi bri'o/ /mdza' ma'i phreng ba gsum gyi phyi rol tu ni brgya byin la sogs pa phyogs skyong ba brgyad bri'o/ /de'i phyi rol du ni dmyal ba la sogs pa ngan 'gro rnam pa gsum gyi dkyil 'khor bri bar bya ba nyid do/ /gru bzhi pa la sgo bzhi pa/ /seng+ge'i rta babs brtan par bya/ /zhes pa ni 'di ltar sgo bzhi'i phyi rol du glang po'i steng du seng ge dang ldan pa'i rta babs yang dag par bya ba dang mchod pa'i snam bu dang rin chen ? gu dang dra ba dra phyed la sogs pa'i rgyan ni shugs kyis go bar bya'o/ /de nas dri zhim dri la sogs/ /rang gi lus ni bskus nas kyang/ /rdo rje 'dzin mas zhugs nas ni/ /oM dza(rgyud 'grel): hUM baM ho(rgyud 'grel): e hye hi b+ha ga ban ma hA ka du ni ka Tika ? ho sa ma yastwaM zhes brjod do/ /lha rnams thams cad spyan drang ngo zhes gsungs pa ni 'dir slob ma dbang bskur ba gsungs pa ste/ de la bdag nyid sems can gyi don du sems bskyed pa la ga bur dang 'o ma la sogs pas rang gi lus khrus legs par byas te/ rgyan cha lnga la sogs pas legs par brgyan nas gong du bstan pa'i rdo rje 'dzin ma'i sku dang phyag rgya bcings ste/ me tog gi phreng ba thogs la lcags kyu la sogs pa'i rnal 'byor dang phyag rgyas dgug pa dang gzhug pa dang bcing ba dang dgyes pa sngags dang sbyar ba nyid do/ /de la sngags kyi don ni kye bcom ldan 'das thugs rje chen po dang ldan pa rnams dam tshig gsum la dgongs te gshegs su gsol zhes pa ste/ de nas byon pa dang zhabs bsil ba la sogs pa drang ba dang bdag nyid dbang nod pa la sogs pa'i tshe gzhi ba mo ni gong du ma bstan pa dang ting 'dzin gsum ni dkyil 'khor gyi cho gar blta bar bya'o/ /de nas gshegs par mos pa bskyed de/ mchod pa byas nas de bzhin du bcug ste dbang bskur na ngan song thams cad las rnam par grol te/ bde 'gro mtho ris kyi 'jig
- 94a
rten dang/ gong nas gong du sa rnams suAng skye bar 'gyur ro/ /dngos grub thams cad kyang 'grub par 'gyur ro/ /sangs rgyas rnams su yang gdon mi za bar 'grub par 'gyur ro/ /snga ma bzhin du las thams cad kyang byed cing thams cad thogs pa med par 'gyur ro/ /bya ba byas pas rims thams cad dang gdon dang dug la sogs pa las kyang thar bar 'gyur ro/ /phyag na rdo rje hUM zhes bya bas las thams cad byed par 'gyur ro/ /brtag pa gzhan gyi chogs kyang 'grub par 'gyur ro/ /zhes gsung ba ni 'dir dbang bskur ba la sogs pa bya bar gsungs pa ste/ de la de bzhin du bcug ste dbang bskur nas zhes pa'i tshig gis ni gong ma la bsnyegs pa ste/ dbang bskur ba'i rim pa dang rdzas la sogs pa gong du bshad pa ltar bya bar gsungs zhing 'dir ni rgyas par ma bshad de/ de la dbang bskur ba'i 'bras bu ni sdig pa can gyi gang zag rnams ngan song thams cad las thar ba dang lha la sogs pa'i bde 'gror skye ba dang de'i rkyen gyis dam pa'i chos spyad pa las byang chub sems dpa' i sa rnams gnon par 'gyur ba dang/ 'jig rten dang 'jig rten las 'das pa'i dngos grub thams cad thob par 'gyur ba dang/ yang dag par rdzogs pa'i sangs rgyas nyid su nges par 'gyur ba la sogs par 'brel to/ /phyag na rdo rje hUM zhes bya bas las thams cad byed bar 'gyur ro zhes pa ni 'dir rnam pa gsum ste rgyu dang lam dang 'bras bu'?/ /de la rgyu ni rnam par shes pa ste/ de las yang dag par byung zhing ? lha'i sku phyag rgya chen par bskyed la/ rtag par dus thams cad du mnyam par gzhag pa'i sbyor bas hUM zhes bya bas las thams cad byas nas 'jig rten 'dir rims dang dug dang gdon la sogs pas mi 'jigs shing bla na med pa'i bras bu yang dag par bskyed ba kho na'o/ /de bas rnam par shes
- 94b
pa hUM yin pa'i phyir bde bar gshegs pas kyang rang gi sa bon las 'od zer spros te zhes sems can thams cad la dgongs pa'o/ /lam nyid de yin la 'bras bu ni rtags lnga'i ngo bos chos kyi sku ye shes rnam pa lnga'i bdag nyid hUM ste/ des 'gro ba sems can thams cad kyi don mdzad pa nyid do/ /brtag pa gzhan gyi zhes pa ni rgyud phyi ma'i brtag pa ste/ de yis kyang de bzhin du 'bras bu yongs su smin par byed ces pa'i don to/ /lha dang klu dang gnod sbyin dang srin po la sogs pa'i ngan song gi rgyud kyi dbang du gyur pa rnams kyi shi ba'i ro 'am gzugs brnyan nam ming la sogs pa bris te/ bzlas pa dang sbyin sreg dang dbang rnams snga ma bzhin du byas na ngan song thams cad las yongs su grol bar byed do zhes gsungs pa ni snga ma bzhin du gzhan don byed pa la brtson pa'i rnal 'byor pas mngon par shes pa lnga dang ldan pa 'am/ de dag tu 'dus pa'i lha la sogs pa nyid kyis sngar rtsa ba'i dkyil 'khor chen por ji ltar bstan pa'i lhar dbang bskur ba la sogs pa byas na ngan song las yongs su thar bar 'gyur ba kho na'o/ /de la gang dag 'di skad du/ de lta yin na sngar gsungs pa gcig bu'i chog mod kyi bde bar gshegs pa ni yang yang gsung ba ni rigs pa ma yin no snyam pa la/ de ni 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phyag na rdo rje gtsug tor dgu'i dkyil 'khor 'di gsungs pa la dgos ched rnam pa gsum yod de/ de la gcig ni gong du gsungs pa'i dkyil 'khor chen po ni rgyas pa la dga' ba'i gang zag rnams kyi don du gsungs pa 'di ni bsdus pa la dga' ba'i gang zag rnams kyi don du gsungs pa dang/ yang 'di ni dag pa don gyi sgrub pa zhes bya ste gong du gsungs pa'i rtsa ba'i dkyil 'khor chen po ni nyon mongs pa dang las kyi sgrib pa
- 95a
thams cad yun ring por dbang dang bzlas pa dang rnal 'byor dang gtor ma dang sbyin sreg dang mchod pa la sogs bas sdig pa rnams yang dag par sbyangs te/ rnam par dag pa las shes bya'i sgrib pa sbyang zhing dngos grub la nye bar bya ba'i phyir gsungs so/ /yang 'di ni de bzhin gshegs pa'i dbu'i gtsug tor rab tu brtags pa zhes bya ste/ de la de bzhin gshegs pa'i gtsug tor lta bu'i gnas rnal 'byor ba'i sgo rnam pa dgu byin gyis brlab pa'i phyir gsungs par shes par bya'o/ /de nas byang chub sems dpa' sems dpa' chen po phyag na rdo rjes seng ge'i lta stangs kyis bcom ldan 'das kyi zhal du lta ste phyag btsal nas 'di skad ces gsol to/ /bcom ldan 'das bdag gis phyag rgyad ma pa'i mtshan nyid bshad par bya'o/ /thugs rjes bskul ba'i thugs mnga' ba'i/ /rgyal ba kun gyis byin gyis rlobs zhes gsungs pa ni 'di ltar phyag rgya yongs su gsungs pa ste/ de la seng+ge'i lta stangs zhes pa ni 'di ltar dper na gcan gzan gyi rgyal po seng ge ni pag tsha pa'i bsam pa thams cad dang bral bas phyogs gzhan ri dwags la sogs pa la nga rgyal chen po dang bcas pa'i spyan gyen du bzlog ste/ rgyas par bgrad pas lta bas ri dwags la sogs pa thams cad skrag par byed pa bzhin du 'dir yang bcom ldan 'das phyag na rdo rjes rnam par rtog pa thams cad ni bral/ gnyis su med pa'i ye shes chen po'i rtsal ni rdzogs/ sangs rgyas kyi yon tan thams cad kyis ni brgyan pas nyon mongs pa dang ngan song thams cad skrag par byed pa'i spyan gyis bcom ldan 'das la yongs su gzigs pa'o/ /phyag btsal ba ni lus la sogs pas phyag btsal ba ste/ phyag rgya dam pa'i mtshan nyid bshad par bya'o/ /zhes par 'brel to/ /de la gang dag 'di skad du/
- 95b
bde bar gshegs pa nyid dang dbyer med na ci'i phyir phyag 'tshal zhe na/ de ni 'di ltar ma 'ongs pa'i sems can thams cad yang dag pa'i dge ba'i bshes gnyen la ma brten par bla na med pa'i byang chub thob par mi 'gyur bas na/ de dge ba'i bshes gnyen la tshul 'di lta bus gus par bya ba'i phyir ngo bo gcig kyang gtso bo dang 'khor gyis tshul gyis gus par phyag 'tshal ba'o/ /thugs rjes bskul ba'i thugs mnga' ba'i rgyal ba rnams kyis byin gyis rlobs zhes pa ni rnam pa gnyis te/ phyogs bcu dus gsum gyi de bzhin gshegs pa thams cad la gsol ba 'debs pa dang/ bcom ldan 'das shAkya thub ba la gsol ba 'debs pa'o/ /de la bde bar gshegs pa rnams ni 'gro ba sems can gyi don la thugs rje chen pos thugs bskul ba ste/ de dag thams cad kyis phyag rgya dam pa 'di dag gis 'gro ba sems can ngan 'gro las grol bar 'gyur bar byin gyis rlobs shig ba'o/ /de yang byin gyis rlobs mkhan gyis sangs rgyas ni gzhan na med kyang 'gro ba'i don la sbyar nas byin gyis brlabs chen po dang ldan par go bar bskyed par shes par bya ste/ de la phyag rgya ni rtags so/ /rtags kyi 'bras bu ni rtags te/ dper na me dang du ba lta bu'o/ /de nyid sku'i khyad par gyi mchod pa yin pa'i phyir 'dir phyag rgya bshad pa kho na'o/ /mnyam par bzhag pas dpral bar ni/ /phyag 'tshal ba yi thal mo sbyar/ /sangs rgyas bde gshegs thams cad kyi/ /phyag 'tshal ba'i phyag rgyar bshad ces pa ni gang du las su bya ba'i skabs su bab pa dang/ /bde? bar? gshegs pa'i rigs thams cad la ting nge 'dzin gyis mnyam bar gzhag la sor mo rnams rtse snyam te thal mo sbyar nas dbral ba'i steng du gzung bar phyag bya ba ste/ de ni de bzhin gshegs pa'i rigs kyi phyag 'tshal ba'i phyag rgya zhes bya'o/ /rnal 'byor rig bas mgrin phyogs su/ /thal mo snyim bar sbyar ba ni/ /
- 96a
rtag tu pad+ma'i rigs nyid kyi/ /pad+ma'i phyag rgya yin par bshad/ /rdo rje thal mo sbyar byas nas/ /snying gar gung mo mdza' sbyar nas/ /rdo rje rigs kyi phyag rgya 'di/ /dam tshig thams cad 'dzin byed pa'o zhes gsungs pa ni 'dir sku gsung thugs kyi dam tshig yongs su 'dzin pa'i phyag rgya ste/ de la gong du bstan pas ni sku'i dam tshig yongs su 'dzin pa ste/ dkyil 'khor du 'jug pa'i gong du bya ba'o/ /gnyis pa ni thal mo pad+ma kha 'bus ltar sbyar nas lkog ma'i 'og tu gzung ba ste/ de na gsung gi dam tshig yongs su 'dzin pas sngags la sogs pa brjod pa'i skabs su shes par bya'o/ /gsum pa ni rdo rje bsdams pa las gung mo gnyis lto sbyar te/ rdo rje rtse gcig pa lta bur bya/ /gzhan rnams sor mo bsnol te bsdams la snying gar gzung pa ste/ de ni thugs kyi dam tshig yongs su 'dzin pas na rnal 'byor pas gsang sngags dang rig sngags thams cad ni ? sku gsung thugs kyi de kho na nyid du grub pa'o/ /lag pa g.yon pa'i thal mo gan rkyel du pang du bzhag la/ de'i steng du g.yas pa bzhag ste mthe bod gi rtse mo gnyis sprad la zhi ba'i lta stangs kyis lta ba 'di ni de bzhin gshegs pa'i rigs kyi ting nge 'dzin gyi phyag rgya ste/ dam tshig yin par bshad do zhes pa ni go sla te lha la sogs pa'i mnyam par bzhag pa'i rnal 'byor byed pa'i skabs su shes par bya'o/ /de nyid las bzlog ste lta 'og bsnol ba mthe bong dang mthe'u chung gnyis gcig la gcig lu gu rgyud kyi tshul du bsnol la snying gar gzhag pa 'di ni rdo rje rigs kyi dam tshig gi phyag rgya'o zhes pa ni lag pa gnyis lto sbyar ba g.yas pa'i mthe bong g.yon pa'i srin lag dang mthe'u chung gi bar du gzhug g.yon pa'i mthe bod g.yas pa'i srin ? dang mthe chung gi bar du bcug la snying gar gzung ba ste de ni bsgrub pa
- 96b
yongs su rtsom pa'i skabs shes par bya'o/ /thal mo rdzogs par byas pa las mthe bong mthe'u chung gnyis bsnyams la lhag ma rnams brkyang ba 'di ni pad+ma'i rigs kyi dam tshig gi phyag rgya'o zhes pa ni thal mo sbyar ba las mthe bong gnyis dang mthe'u chung gnyis te bzhi rtse sprad la bsnyam pas dkyil du pad+ma'i snying po ltar bya lhag ma rnams pad+ma'i 'dab ma ltar brkyang ste lkog ma'i 'og tu gzung bar bya ste/ de ni dam pa'i chos sgrog pa'i skabs su shes par bya'o/ /de la gang dag 'di skad du ci'i phyir dam tshig ces bya zhe na/ de ni 'di ltar bde bar gshegs pa rnams kyis dang por mngon par rdzogs par sangs rgyas pa'i gnas skabs na sems can thams cad kyi lus dang ngag dang yid rnam par dag pa las mngon par rdzogs par 'tshang rgya bar mdzad pa'i dam bca' ba'i dam tshig gi phyag rgya chen po mdzad de/ de la sems can rnams kyi lus dang ngag dang yid rnam par dag par byed pa ni bde bar gshegs pa rnams kyis gang dad pa las byung ba'i sa bon la de ji bzhin pa'i dam tshig gi cho gas bskyed pa'i phyir dam tshig gi phyag rgya zhes bya ste/ rdo rje bsdams pa las gung mo gnyis rdo rje 'dra bar bsnyams la mthe bang dang mthe chung gnyis brkyang ba 'di ni phyag na rdo rje'i phyag rgya'o zhes pa ni gung mo gnyis lto sbyar la sgreng ste mthe bo dang mthe chung gnyis so sor brkyang nas lnga ? byas pa ste/ de ni 'jig rten pa'i dkyil 'khor mchod pa'i skabs su shes par bya'o/ /de nyid las mthe bong dang mthe chung gnyis de bzhin du byas la mdzum mo gnyis dang srin lag gnyis pad+ma 'dra bar bkug pa ni ngan song thams cad yongs su sbyong ba'i rgyal po'i phyag rgya'o zhes pa ni de nyid las zhes pa ni thams cad du rdo rje bsdams pa las zhes par sbyar ro/ /mthe bong dang mthe'u chung ni phyag na rdo rje ltar byas la gud mo 'ang de bzhin du byas te/ mdzub mo dang srin lag gnyis rtse sbrad la pad+ma'i 'dab/
- 97a
ma ltar bya ba ste/ de ni de bzhin gshegs pa'i rtsa ba'i sngags zlos pa'i skabs su shes par bya'o/ /de nyid las mdzub mo dang srin lag gnyis rin po che 'dra bar byas pa ni dbang bskur ba'i phyag rgya'o zhes pa ni gung mo dang mthe bo dang mthe'u chung dag ni snga ma ltar byas la mdzub mo dang srin lag rtse sprang te tshigs bar ma bcag pa ste/ de ni sarba bid kyi dbang bskur ba'i skabs su shes par bya'o/ /mthe'u chung dang mthe bo so sor bsnyams la lhag ma rnams brkyang ba ni sdig pa thams cad bsreg par byed pa'i phyag rgya'i zhes pa ni mthe bo dang mthe chung bzhi so sor lto sbyar la gzhan ma rnams phan tshun du bsnol? nas 'od zer 'dra ba ltar bya yab ste/ de ni ngan song rnam pa gsum gyi sngags zlos pa'i skabs su shes par bya'o/ /lag pa g.yon pas de bzhin du bsgyur zhing bya ba ni las thams cad pa'i phyag rgya'o zhes pa ni lag pa g.yon pa'i mthe bong dang/ mthe chung gnyis lto sbyar la song mo gsum brkyang ste/ g.yas nas g.yon du bsgyur zhing bya ba ste/ de ni mchod pa la sogs pa'i? mtshams thams cad du bya zhing g.yas pas 'ju bar bya'o/ /snyim pa bzed la gyen du 'thor ba'i bdug pha ma'i phyag rgya'o/ /de nas 'og nas gyen du 'thor ba ni me tog gi phyag rgya'o/ /de nyid las mthe bong gnyis gyen du bsnyams nas mdun na 'dzin pa ni mar me'i phyag rgya'o/ /de nyid las dung 'dra bar byas pa ni dri'i phyag rgya'o zhes pa ni 'di ltar mthe bo dang mthe'u chung gnyis bsnyams la lhag ma rnams rtse phrad tsam du gzung nas spos khang gi tshul du byas pa'o/ /de nyid las sor mo rnams brkyang ba 'og nas gyen du me tog 'thor ba'i tshul du byas pa ste/ de ni me tog gi dam tshig gi phyag rgya'o/ /rdo rje khu tshur bsdams pa las mthe bong gnyis bsgreng ste/ mdun na 'dzin pa ni mar me'i'o/ /dung 'dra bar shes pa ni lag pa gnyis srin lag dang
- 97b
mthe'u chung bzhi bsnol la bsdams te gung mo gnyis lto sbyar la brkyang nas mthe bong gnyis brkyang pa'i rtse mo la mdzub mo gnyis bkug pa'i rtse mo sprad pa ste/ de dag ni yongs su 'brel pa'i dam tshig go /de nyid las rab tu brkyang ste 'dzin pa ni gtor ma'i phyag rgya'/ /de nyid las gung mo gnyis nang du bkug pa ni arga'i phyag rgya'o zhes pa ni sor mo rnams so sor sbyar nas bar phya ste brkyang ba ni gtor ma gtong ba'i skabs su shes par bya'o/ /de nas 'dzub mo dang srin lag dang mthe'u chung rnams ngos sbyar la rtse sprad de/ mthe bong gnyis mdzub mo tshigs par ma la brten nas gung mo gnyis mthe bong gi ngal mo gnyis la bkug sta sbyar ba ste/ de ni arga dbul pa'i skabs su shes par bya'o/ /rdo rje bcings pa las gung mo gnyis bsnyams te/ tshigs bcag pa la sor mo gzhan brkyang ba ni rnam par 'thor ba'i phyag rgya'o/ /de nyid las mthe bong dang mthe'u chung gnyis bkug pa ni rnam par 'joms pa'i phyag rgya'o/ /de nyid las 'od zer 'bar ba 'dra ba ni gzi brjid phung po'i phyag rgya'o/ /de nyid las spyi bor bskor ba ni gdugs dkar po'i phyag rgya'o/ /rdo rje khu tshur gnyis las mdzub mo gnyis dang mthe'u chung gnyis bsnol te mdud pa gyen du bskor ba ni 'khor lo sgyur ba'i phyag rgya'o/ /rdo rje bsdams pa las gung mo gnyis rdo rjer byas la/ mdzub mo gnyis rin po che ltar byas te lhag ma rnams 'od zer 'dra bar byas pa ni rgyal ba gtsug tor gyi phyag rgya'o/ /de bzhin du mdzub mo gnyis rdo rje byas la sor mo lhag ma rnams bsdams pas rdo rje 'dra bar byas pa ni rnam par rgyal ba'i phyag rgya'o/ /g.yas pa mchog sbyin du byas la/ g.yon pa mi 'jigs pa sbyin pa ni de bzhin gshegs pa'i phyag rgya yin no zhes pa la sogs pa la/ de la dang po rdo rje bsdams pa las gung mo gnyis rtse sprad la tshigs bar ma bcag ste/ lag pa gnyis kyi mthil spyar la lhag ma rnams so sor brkyang ba'o/ /
- 98a
gnyis pa ni mthe bong gis mthe'u chung mnan te/ /nang du bcug la gung mo snga ma bas rgya che bar byas la mdzub mo dang srin lag gnyis de la brten te lto sbyar ba'o/ /gsum pa ni mthe bong dang mthe'u chung gnyis so sor bsnol la nang du bcug ste/ sor mo drug phan tshun bsnol ba brkyang ba'o/ /bzhi pa ni mthe bong dang mthe'u chung so sor rtse sprad la brkyang ste/ sor mo drug kha phan tshun du bsnol bas brkyang la lag pa kha spug ste spyi bo'i steng du bskor bar bya'o/ /lnga pa ni lag pa gnyis rgyab sgrad la mdzub mo dang mthe'u chung so sor mdud ste/ lhag ma rnams kyang de bzhin du rtse mo bsnol la mthe bong gnyis lag pa g.yas pa'i mthil du rtse sprad pas gyen du bskor bar bya'o/ /drug pa ni gung mo gnyis lto sbyar la bsgreng ste rdo rje rtse gcig pa'i tshul du byas nas mdzub mo gnyis rtse sbrad la tshigs bar ma bcag la rin po che'i tshul du byas te lhag ma rnams bsnol te brkyang ba'o/ /bdun pa ni sor mo rnams bsnol te bsngams nas gung mo gnyis lto sbyar nas bsgreng ba ste/ brgyad pa ni go slebs? ma bshad do/ /rdo rje bsdams pa las mdzub mo gnyis brkyang ste/ rdo rje 'dra par byas pa ni rdo rje'i de nyid las mdzub mo g.yas pa bkug pa ni lcags kyu'i'o/ /de nyid las me tog 'dra bar byas pa ni mdza' i? phyag rgya'o/ /de nyid las slar bzhug ste mthe bong gi rtse mo gnyis rtse sprad pa ni/ blo gros legs ba'i'o/ /de nyid las tshigs bar ma bcag pa ni rin po che'i 'o/ /de nyid las sor mo rnams 'od zer 'dra bar byas pa ni gzi brjid kyi'o/ /de nyid las spyi bor gzhag pa ni tog gi'o/ /de nyid mdun du gzhag pa ni bzhad pa'i'o/ /de nyid pad+ma 'dra bar byas pa ni pad+ma'i'o/ /de nyid la rtse mo yid tsaM? bkug pa ni ral gri'i'o/ /de nyid las gdugs 'dra par byas pa ni 'khor lo'i 'o/ /de nyid las pad+ma'i 'dab ma 'dra bar byas pa ni lce'i'o/ /de nyid
- 98b
las shin tu bskyed pa ni rgya gram gyi'o/ /de nyid las shin tu bskyed pa ni bsrung ba'o/ /de nyid las rtse mo gnyis slar bkug pa ni gnod sbyin gyi'o/ /de nyid las dam du bkug? pa ni bsdams pa'i'o zhes pa la sogs pa la/ de la dang po ni sor mo rnams bsnol te dam par bsdams pa las mdzub mo gnyis lto sbyar te bsgreng ba'o/ /gnyis pa ni/ thams cad bsdams pa las mdzub mo g.yas pa phyung ste bkug pa'o/ /gsum pa ni gong ma'i tshul las 'dzub mo gnyis rtse sprad de tshigs gnyis yid tsam rgur ba'o/ /bzhi pa ni mthe bong gnyis kyi se don? dang tshigs dang po sprad la mthe bong gi rtse mo nas mnan nas gru bzhi pa'i tshul du byas pa'o/ /lnga pa ni rdo rje bsdams pa las gung mo gnyis kyi tshigs bar ma bcag ba'o/ /drug pa ni sor mo rnams phan tshun du bsnol nas brkyang ba'o/ /bdun pa ni sor mo rnams bsdams pa las gung mo gnyis ka sprad de tshigs gnyis yid tsam rgur bar byas nas spyi bor bzhag pa'o/ /brgyad pa ni gung mo gnyis bsgreng nas bkyed de kha'i thad kar bzhag go dgu pa ni srin lag gnyis rtse sprar? la tshigs dang po dang bar ma gnyis rgur bar byas te/ brtan por gzung ba'o/ /bcu pa ni srin lag rtse sprad la tshigs dang po bcag pa lto sbyar ba'o/ /bcu gcig pa ni mthe bong gnyis rtse sprad nas steng du brkyang la mdzub mo g.yon pa bkug pa de mdzub mo gnyis rtse sprad nas zlum por byas pa'o/ /bcu gnyis pa ni srin lag rtse mo gnyis rtse sprad nas tshigs gnyis yid tsam rgur bar byas pa'o/ /bcu gsum pa ni gung mo gnyis lto sbyar te bsgreng la mdzub mo gnyis sna tshogs rdo rje'i tshul du sna bkyed la gzung bar byas pa'o/ /bcu bzhi pa ni gung mo gnyis rtse sprad la bsgred ste mthe bo gnyis rtse sprad la bsgreng nas shin tu bskyed pa'o/ /bco lnga pa ni mdzub mo gnyis rtse mo rgu bar byas la mthe bong gzhibs pa'o/
- 99a
bcu drug pa ni mthe bong dang mthe chung gnyis nang du bcug la lhag ma rnams phan tshun du bsnol te dam du bsdams pa'o/ /khu tshur las mthe bong bsgreng ba ni sgeg mo'i 'o/ /de nyid las bskyed pa ni phreng? ba ma'i 'o/ /de nyid las sor mo rnams brkyang ba ni glu mkhan ma'i'o/ /de nyid las bskor nas bskyod pa ni gang mkhan ma'i 'o/ /bsdams pa de nyid mdun du bzhag la 'dzub mo bsgreng ba ni bdug pa'i 'o/ /de nyid gyen du bskyod pa ni phreng ba ma'i'o/ /mdun du mthe bong gnyis bsgreng nas bskor pa na mar me'i'o/ /byug pa ltar byas pa ni dri chab ma'i 'o/ /de nyid las mdzub mo gnyis kug pa lcags kyu'o/ /de nyid las rtse mo gnyis sprad pa ni zhags pa'i 'o/ de nyid la gcig tu gdud ba ni lcags sgrog go /de nyid las bskyod pa ni nyes pa'i'o zhes pa la sogs pa ni de la dang po ni rdo rje bsdams pa las mthe bong gnyis bsnyams te bsgreng ba'o/ /gnyis pa ni de nyid las mthe bong gnyis kyi phyir bskyed pa'o/ /gsum pa ni lag pa gnyis kyi sor mo rnams bsnol te brkyang nas brtan par gzung pa'o/ /bzhi pa ni de las yang nas yang du bskyod pa'o/ /lnga pa ni sor mo rnams bsdams pa las g.yas pa'i mdzub mo bsgreng nas spos kyi reng bu'i tshul du byas pa'o/ / drug pa ni de nyid las bskyed la me tog 'thor ba'i tshul du byas pa'o/ /bdun pa ni sor mo rnams bsdams pa las g.yon pa'i mthe bong dang mdzub? mo? gnyis rtse sprad de kong bu'i tshul du byas nas g.yas pa'i mthe bong mar ma'i sdong bu'i tshul du byas pa de'i dkyil nas de'i steng du dang por bsgreng ba'o/ /brgyad pa ni de nyid las brkyang pa ni thugs kar dri? 'byug pa'i tshul du byas pa'o/ /dgu pa ni mdzub mo gnyis bkug pa'o/ /bcu pa ni de nyid las g.yon pa'i mthe bong dang mdzub mo gnyis rtse sprad
- 99b
pa'o/ /bcu bcig pa ni de nyid las g.yas pa'i mthe bong dang mdzub mo sbyar pa'o/ /bcu gnyis pa ni mdzub mo gnyis kyi sen mo rtse sprad de bkug nas mthe bong gnyis nang du bkug ste yang nas yang du bskyod pa ste/ de dag ni dam tshig gi phyag rgya zhes bya'o/ /'dir ni bcom ldan 'das kyis thugs las sku gsung gi las mtshon pa'i phyir dam tshig gi phyag rgya 'ba' zhig tu gsungs la/ las ni gar las byung ba dang/ chos dang phyag rgya chen po ni gzhan du bstan pa las shes par bya'o/ /sku gzugs kyi cho ga yang 'dir de bzhin du shes par bya ste/ cung zad du na bcom ldan 'das 'jig rten gsum las rnam bar rgyal ba'i gzugs bri'o/ /yang na sku gzugs ni dkyil 'khor gyi tshul du bris la me tog la sogs pas mchod de de'i spyan sngar 'bum tsam zhig sngar bsnyen pa byas nas las thams cad bya'o zhes gsungs pa ni 'di ltar ras bal gsar pa la ga bur la sogS pas btab nas sngags nyi shu rtsa gcig pos lan grangs brgya rtsa brgyad du btab ste/ tha ma bsnyen gnas la gnas pas ras zheng du khru phyed dang gnyis pa mchu du khru do pa btags nas ri mo mkhan bsnyen gnas la gnas par byas la mchod pa'i tshogs kyis mchod cing bri bar bya ba ni de bzhin du zhes pa ste/ de la de bzhin du zhes pa ni sngar gsungs pa'i lha de bzhin du zhes pa'i don to/ /de ni 'di ltar lugs gsum du bshad do/ /de la lugs gcig ni bcom ldan 'das shAkya thub pa gong du gsungs pa'i cha lugs kyis dbus su bris la de'i g.yas phyogs su bcom ldan 'das phyag na rdo rje bri'o/ /g.yon phyogs su ni rgyal ba'i gtsug tor bri'o/ /de'i 'og tu dbus su ni 'khor lo sgyur pa bri'o/ /g.yas phyogs su ni rnam par rgyal ba bri'o/ /g.yon phyogs su ni gzi brjid phung po bri'o/ /de'i 'og tu dbus su ni gdugs dkar
- 100a
po can bri'o/ /g.yas phyogs su ni rnam par 'thor pa bri'o/ /g.yon phyogs su rnam par 'jom pa bri'o/ /de'i steng gi mdza' logs gnyis su bdug pa ma dang me tog ma bri'o/ /'og gi mdza' logs su ni snang ba ma dang dri chab ma bri ste/ lha de dag thams cad kyang rang rang gi phyag mtshan dang sku mdog dang ldan pa bri'o/ /de'i 'og tu chu bo dang bya dang nya dang sbal pa dang me tog dang shing la sogs pa bri'o/ /de'i 'og tu me tog dang spos dang mar me dang/ dri dang zhal zas dang rnga ma dang me tog phreng ba dang bum pa dang me long la sogs pa bri'o/ /de'i mdza' logs su sgrub pa po thal mo sbyar nas steng phyogs su mig blta ba bri bar bya'o/ /yang na cung zad du ni bcom ldan 'das khams gsum rnam par rgyal ba'i gzugs bri bar gsungs pa ni 'di ltar snga ma lta bu'i ras la bcom ldan 'das khams gsum rnam par rgyal pa'i sngar mos pa'i cha lugs dang kha dog la sogs pa ji lta ba bzhin du bris la/ de'i dbu'i gtsug tor nas pad+ma 'dab ma drug pa cig sdong po dang bcas par bri'o/ /de'i 'dab ma drug la gtsug tor drug bkod la steng gi snying po la ni gcig bris te mchod pa'i yo byad la sogs pa ni snga ma ji lta ba bzhin du bri bar bya'o/ /yang na sku gzugs ni sngar gsungs pa'i dkyil 'khor ji lta ba bzhin du dkyil 'khor gyi tshul du bri bar gsungs pas de bzhin du bri bar bya'o/ /de nas bdag nyid kyis rab tu gnas pa dang spyan dbye ba'i cho ga rim pa ji lta ba bzhin du byas la dkyil 'khor gyi lha la mchod pa'i tshogs rgya chen pos yang dag par mchod par bya'o/ /de nas yar gyi ngo'i tshes gcig nas bzung nas zla ba nya'i bar du 'am/ des kyang ma thon na gnam stong gi bar du 'am des kyang mthon na yang nya'i bar du bde
- 100b
bar gshegs pa rnams kyi snying po dgu po re re la 'bum 'bum du tshud bar gnas dben par bzlas? shing mchod pa la sogs pa'ang snga ma bzhin du yang dag par bya ba nyid do/ /de nas dkyil 'khor gyi stegs bu brtsigs la dri'i thig le bkod de mchod pa'i tshogs kyis mchod cing stong du bzlas par bya'o/ /de nas rang nyid rim pa ji lta ba bzhin du mngon par byang chub pa lngas lha'i dkyil 'khor du bskyed la/ bde ba chen po'i mchod pas yang dag par mchod cing rdo rje lu gu rgyud kyi sngags bzlas par bya'o/ / de nas rtags la sogs pa mthong ba dang/ dkyil 'khor snga ma bzhin du bsams la mchod pa rgya chen po byas te zla ba nya'i nub mo srod kyi cha dang po nas gzung ste skya rengs shar gyi bar du bde bar gshegs pa'i snying po yongs su bzlas par bya'o/ /de nas dngos grub la sogs pa byung ba dang rnam par rtog ba med pa'i sems kyis bsrung ba la sogs pa byas la bdag gi bla ma dang dkon mchog gsum la skal ba bcad la rang nyid kyis chags pa med pa'i bsam pas yang dag par longs spyad bar bya ba kho na ste/ de ni dag pa don gyi sgrub ba zhes bya'o/ /de nas mnyam par bzhag ba'i rnal 'byor ni 'di lta ste/ snying gar tsa las bskyed pa yi/ /zur brgyad pa la shing rta'i dbyibs/ /gser gyi mdog ldan 'od dang bcas/ /yid kyi mun bsil mdzad gter// sgo dgu nas ni rnam par rgyu/ /lus can rnams ni gang las yang/ /hUM zhes bya ba rdo rje 'dzin/ /rtag par dbang po'i phyogs su gnas/ /de ni hUM du? rab sgyur nas/ /snying po la ni rab tu gnas/ /yang ni hUM gi bdag nyid can/ /mdun phyogs su ni rab tu bzhugs ? so zhes bya ba g.yas phyogs te/ /h+ri zhes bya ba rgyab tu bzhag /a zhes bya ba g.yas phyogs nas/ /b+huM zhes bya ba de gnyis par/ /kru zhes bya ba bzhag nas ni/ /hUM dang tra gnyis grogs dang bcas/ /sku yi bdag nyid lus kun la/ /ye shes
- 101a
chen po yongs su khyab/ /ye shes lnga yi bdag nyid las/ /longs spyod rdzogs pa'i cha lugs can/ /'jig rten 'di dang gzhan dag go /'dod pa'i yon tan mngon dga' bas/ /mchod pa'i tshogs ni ma lus gsol// sdig bshags la sogs bde gshegs ni/ /nyid la nyid ni rnam par brtson/ /lus kyi bde mchog bla na med/ /dam ba'i chos ni ma lus gsungs/ /'gro don brtson pas bzhes nas ni/ /sgo dgu nas ni rang byung nas/ /sa dgu ru ni yang dag gshegs/ /sems can zhing ni sdug bsngal ba/ /las dang dam tshig chos phyag rgya/ /phyag rgya chen pos dag mdzad de/ /til gyi gang bu bzhin du ni/ /sku la yongs su rdzogs mdzad nas/ /dang po'i lam nas yongs zhugs te/ / gzhal yas khang du brten par bzhugs/ /mchod pa'i tshogs ni rab bgyis te/ /kun tu 'ong ni rnam par gsal/ /rim pa'i rjes la gshegs nas ni/ /sku gsung thugs ni mngon par bsdus/ /shes rab pha rol phyin zhes pa/ /rnam par rtog bral chos kyi sku/ /dri med 'od gsal ston ka yi/ /zla 'dra bas ni yongs su gang/ /sprin dang chu bo'i rgyun lta bur/ /lha yi sku ni bsgom par bya/ /des ni sdig pa'i tshogs rnams kyi/ /zla ba mar gyi ngo bzhin 'bri/ /shes rab ye shes yon tan tshogs/ /zla ba yar gyi ngo ltar 'phel/ /de nas mnyam las langs pa dang/ /gnas rnams dgu ru lha yi ni/ /skus ni byin gyis brlab byas nas/ /mi 'jigs seng ge bzhin du spyod/ /de ltar rtag tu rab bsgoms na/ /'tshad rgya ba la the tshom med/ /ces 'brug sgra chen po'i rtag pa las gsung pas na/ /de bzhin gshegs pa yang dag par bsgom par bya ste/ de dag ni sgo dgu byin gyis brlab pa zhes bya'o/ /de nas brgya byin la sogs pa lha'i tshogs rnams kyis bcom ldan 'das phyag na rdo rje la 'di skad ces gsol to/ /
- 101b
bcom ldan 'das las kyi rnam par smin pa gang gis lha'i bu nor bu dri ma med pa'i 'od ces bgyi ba de dmyal ba la sogs pa'i sdug bsngal gyi dbang du gyur lags pa bcom ldan 'das bstan du gsol/ bde par gshegs pa bstan du gsol zhes pa ni 'di ltar skabs 'dir lha'i dbang bo la sogS ? lha'i bu nor bu dri ma med pa'i sdug bsngal gyi rgyu 'dri ba ste/ de yang rtsa ba'i rgyud du ni lha'i bu sems can dmyal ba'i gnas su song ba'i gleng bslang ngo/ /rgyud phyi mar ni sdug bsngal nas bton nas bde ba'i lam la bkod do/ /'di ni de dag gi bshad pa'i rgyud yin pa'i phyir de'i phyag rgya dang sngags dang snying po dang sa bon dang las kyi rnam par smin pa la sogs pa 'chad pa'i skabs yin pa'i phyir lha'i dbang po la sogs pa skabs 'di kho nar zhus par shes par bya'o/ /de nas bcom ldan 'das phyag na rdo rjes bcom ldan 'das shAkya thub pa'i byin gyis brlabs kyis 'di skad ces bka' stsal to/ /zhes pa ni gus pa yang dag par bskyed pa'i tshig te/ de la byin gyis brlabs ni 'dir sgra'i dbyings kyis dang po nas gnas pa zhes bya ba ste/ de ni rnam pa gsum ste/ nus ba'i byin gyis brlabs dang las su bya ba'i byin gyis brlabs dang rang gi ngo bo byin gyis brlabs so/ /de la nus pa byin gyis brlabs ni rgyal po la sogs pa'i drin no/ /las su bya ba byin gyis brlabs ni rkyen blo bur bas bskyed pa ste de dag lta bu'i byin gyis brlabs ni 'di ma yin zhing 'di ni rang gi ngo bo'i byin gyis brlabs zhes bya ste dbyer med pa las yongs su byung ba yin zhing dam pa'i chos la gus pa bskyed pa'i phyir bcom ldan 'das shAkya thub pa'i byin gyis brlabs kyis zhes bya bar 'brel to/ /lha'i dbang po nyon cig /'di ni sngon gyi sgrib pa las yang dag par gyur pa yin te/ 'di ltar 'dzam bu gling 'di nyid ni sngon mdza' 'khor tu gtogs pa'i rgyal po zla ba'i tog ces bya ba'i bu lus mi sdug pa zhes bya ba zhag
- 102a
yod de/ de mi shes pa'i dbang gis mi dge ba'i bshes gnyen la brten pas rgyal srid 'dod pa'i phyir rang gi pha 'tshong dang phral bar gyur pa dang pha mya ngan gyis gzir bas de'i ma'ang dus las 'das so/ /lan cig ji zhig gi rkyan gyis nags tshal sdug pa gzhan zhig tu rtse zhing dga' ba'i phyir nye bar 'ongs pa dang/ de na yang drang song dogs pa med pa zhes bya ba zhig gnas te/ de mthong ba dang rgyal po shin tu ngo mtshar skyes nas kye ma seng ge dang rtag dang ri dwags dang phag rgod dang ba lang dang ma he la sogs pa dang sbrul dang sren mo dang sbrang bu dang sbrang bu mchu rings dang sprul gdug pa rnams kyis 'tshe ba dang/ bza' ba dang btung ba dang bgo ba dang longs spyod rnams dang rnam par bral ba rlung dang grang bas yongs su gdungs shing 'tshe ba 'di na bdag nyid chen po 'di gnas so snyam par sems kyis rnam par brtags nas/ de'i drung du nye bar song ste phyin pa dang/ de la 'di skad ces smras so/ /drang srong chen po ci'i phyir rlung dang tsha ba la sogs pa'i sdug bsngal gyis bdag nyid la gnod par byed drang srong gis smras pa/ skyes bu chen po bskal pa brgya phrag du mar nyon mongs pa'i sdug bsngal myong bar gyur pas sdug bsngal gyi khur cung zad tsam zhig blangs na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur bar 'di ni sdug bsngal ma yin gyi sangs rgyas dang chos dang dge 'dun yongs su mi shes pas skad cig tsam mam yud tsam zhig gi yul gyi bde ba rjes su myong bar 'dod pa'i phyir pha ma la sogs pa'ang gsod par 'dod par 'gyur na srog chags gzhan lta ci smos te/ de dag la sogs pa'i sdig pa'i las byas pa las bskal pa brgya stong phrag du mas mthar thug pa med par dmyal ba la sogs pa'i
- 102b
sdug bsngal mi bzad pa chen po rjes su myong bar 'gyur ba ni shin tu sdug bsngal ba'o/ /zhes smras so/ /de nas drang srong gis smras pa'i tshig de thos pa dang shin tu 'jigs skrag skyo ste sdug bsngal thams cad kyis gzir nas 'di skad ces smras so/ / dka' thub chen po sangs rgyas dang chos dang dge 'dun zhes bya ba ci zhig de'i rang bzhin ni ji lta bu zhig yin la smras shig dang/ de la kho bo skyabs su mchi'a/ /yang pha ma la gtses pa dang srog chags rnams kyis srog bcad na sdig pa'i 'bras bu ji lta bu zhig thob par 'gyur sangs rgyas dang chos dang dge 'dun yongs su shes pa ni bsod nams ji lta bu zhig thob pha ma bsad pa dang/ sreg chags rnams bsad pa na/ rnam par smin pa'i 'bras bu ci 'dra ba zhig thob 'dod pa'i longs spyod spangs na bsod nams dang 'bras bu ci 'dra ba zhig thob pa bdag la smros shig smras pa dang/ de nas drang srong chen po des 'di skad ces smras so/ /ci ste sems can chen po khyod/ /nga yi tshig 'di nyan 'dod na/ /thal mo sbyor te phyag 'tshal la/ /gus par nyon dang bshad par bya/ /de bzhin bgyi zhes bskul ba ni/ /ci yod pas ni mchod byas nas/ /sangs rgyas spyod yul sangs rgyas kyi/ /zab mo'i chos ni nyan par 'gyur/ /sangs rgyas chos dang tshogs dag pa/ /thos nas kyang ni skyabs su song/ / sangs rgyas rnams kyi sgrib med chos/ /rgyal pos thos na dga' bar 'gyur/ /yi dwags byol song dmyal ba rnams/ /sdig pa kun gyi 'bras bu ste/ /der gnas pa dang klad 'gems dang/ /gsod cing shin tu mi bzad pa/ /pha ma gtses pa'i rgyu las byung/ /bskal pa du mar rab sdug bsngal/ /dmyal ba'i sdug bsngal mi bzad pa/ /mgon med skyabs kyang med pa ste/ /thos nas mya ngan zug rngu yis/ /rang gi yid la bcags rgyur nas/ /ji ltar rlung gi mar me bzhin/ /de nyid du ni dus
- 103a
las 'das/ /las kyi rnam smin de yis ni/ /dga' dang ldan pa'i lhar skyes nas/ /brgya byin lha yi dbang po yis/ /blon po gzugs dang ldan pa la/ /lha rnams kun dang yid mthun zhing/ /rab dga' bde dang ldan par skyes/ /bde ba'i bde mchog myong 'gyur nas/ /ngan song gsum duAng lhung bar 'gyur zhes pa la sogs pa ni bzhin du yin zhing go sla ba'i phyir ma bshad do/ /lan grangs gzhan la myong bar 'gyur ba'i rnam par smin pa bstan pa dang/ mtshams med pa'i las kyi 'bras bu bstan pa dang/ 'gyod pa dang bcas pa'i dge ba'i sems kyi phan yon bstan pa nyid du shes par bya'o/ /de nas da ltar lha dbang po/ /khyed kyi thugs kyang da nyid kyi/ /yid la bcags pas gsol btab pa/ /dga' ldan gnas ni dga' ba'i mchog /bde ma? kun gyi gnas su skye zhes pa ni 'dir dam pa'i chos kyi 'bras bu yongs su gsungs pa ste/ de la de nas da ltar lha dbang po zhes pa la/ de nas zhes pa'i sgra ni ma ning gi rtags de dus gnyi gar 'brel ba'o/ /de ji ltar 'brel zhe na/ 'di ltar dus da ltar ni dam pa'i chos 'di'i stobs kyis dga' ldan gyi gnas su skyes so zhes par 'brel pa dang 'das pa'i dus na khyod dang lha'i bu de dang bde bar gshegs pa'i 'brel pa'i stobs kyis de nas khyod gsol ba 'debs par 'gyur ba nyid do zhes par 'brel to/ /lha'i dbang po khyod nyon cig gang gi tshe 'das pa'i dus na drang srong du gyur pa de ni gzhan yin par khyod kyis blta bar mi bya'o/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa 'di nyid yin par rig par bya'o/ /de'i phar gyur pa gang yin pa de ni gzhan yin par khyod kyis mi lta ste/
- 103b
lha'i dbang po khyod nyid de'i tshe de'i dus na pha gyur to/ /ma gang yin pa de ni gzhan yin par mi blta ste/ sha ri can nyid de'i dus na de'i mar gyur to/ /'khor gyi dkyil 'khor gang yin pa de ni gzhan par mi blta'i de ltar gyi lha'i 'khor de nyid yin ? zhes gsungs pa ni 'dir dgongs pa rnam pa gsum du go bar bya ste/ de la gcig ni lha la sogs pa rnams da ltar gyi tshe 'di nyid la dge ba'i las la 'bad pa'i spro ba yang dag par bskyed pa'o/ /gcig ni sngon gyi rgyu mthun pa'i smon lam gyi stobs las yang dag par byung bar gsungs pa'o/ /gcig ni de bzhin gshegs pa'i sprul pa'i sku dpag tu med pa ci nas kyang 'gro ba sems can thams cad kyi don mdzad par gsungs pa ste/ dper na nags tshal chen po la me shor ba na la las ni me 'bar bar snang/ la las ni 'chi kha mar? snang /la las ni shi zin pa'i thal bar snang/ la la ni mched par snang ba bzhin du de bzhin gshegs pa'i sprul pa'i sku dpag tu med pas 'gro ba'i don mdzad pa ni stong gsum gyi stong chen po'i 'jig rten gyi khams la lar ni sku mya ngan las 'das pa'i tshul ston/ 'jig rten gyi khams la lar? ni mngon par rdzogs par byang chub par ston/ 'jig rten gyi khams la lar ni mdzad pa bcu gnyis kyi tshul du ston/ 'jig rten gyi khams la lar ni ? kyi 'khor lo bskor bar ston/ 'jig rten gyi khams la lar ni drang srong dang rigs 'dzin dang khye'u dang ma mo dang srin po la sogs pa'i tshul gyis 'gro ba sems can rnams la chos yang dag par ston par shes par bya ste/ de ni 'gro ba sems can la thog ma med pa nas thugs rje chen po'i stobs kyis 'gro ba sems can rnams kyi don mdzad pa nyid ngo bar shes par bya ste/ yang dag par ni de dag ni tshul du 'brel pa ma yin pa nyid do/ /de nas brgya byin dang tshangs pa la sogs pa lha'i bu rnams
- 104a
kyis yid mgu rangs te/ ba spu'i bu ga nas spu? langs shing rgyal ba zhes skad cher bos nas/ bcom ldan 'das phyag na rdo rje la mtshan bcu pa 'dis mngon par bstod de gsol ba btab pa/ ko ta shla ka ko ta bi ka ko ta ka ta/ ka ti shla ka /ko laM shla du/ ko la bi ka/ ko la ? ka tong ka shA/ ka li ka /sta pA zhes pa la sogs pa ni 'di ltar tshangs pa dang lha'i dbang po brgya byin la sogs pa lha thamS cad dang rang gi bsam pa phun sum tshogs pa ni yongs su rdzogs/ bde bar gshegs pa'i bka' rin po che ni thos pas shin tu dga' ba drag po yang dag par skyes pas rgyal ba rgyal ba zhes pa'i tshig skad chen pos bos pa ste/ de la skad chen po nyid dga' ba drag po'i stobs las yang dag par byung ba'o/ /rgyal ba rgyal ba zhes pa ni don gsum du go bar bya ste/ de la gcig ni bcom ldan 'das rnam par snang mdzad dang/ bcom ldan 'das shAkya thub pa dang/ bcom ldan 'das phyag na rdo rje gsungs la dga' bas drag bos rgyal ba'i skad lan gsum bos pa'o/ / gcig ni bcom ldan 'das phyag na rdo rje nyid kyi sku gsung thugs la dga' ba drag po'i bsam pas bos pa'o/ /gcig ni dam pa'i chos rin po che 'dis snga rabs 'das pa'i sems can rnams kyang ngan song rnam pa gsum las rgyal/ da ltar 'tsho ba'i sems can rnams kyang ngan song rnam pa gsum las rgyal/ ma 'ongs pa'i sems can rnams kyang 'di la brten pas ngan song rnam pa gsum las rnam par rgyal bar 'gyur ba'i phyir dam pa'i chos la dga' ba drag pos skad lan gsum bos par shes par bya'o/ /de la bstod pa ni 'dir bcom ldan 'das phyag na rdo rje la kla klo'i skad gsang ba'i dbyibs zhes bya bas bstod pa ste/ de la kha cig tu ni sha za'i skad du ga'o/ /kha cig tu ni skad zur chag pa'i skad du
- 104b
go'o?/ /kha cig tu ni klu'i skad du go'o/ /kha cig tu ni srin po'i skad du go'o/ /de dag kyang sha za la ni dang po dang sdug pa 'brel pas pho mo 'khrig pa sbyor par go bar 'gyur ro/ /zur chag pa'i skad la ni bzhi pas 'dod zhes par ston to/ /klu la ni lnga pa dang bdun par 'brel pas nam mkha' lding byung ngo bar ston to/ /srin po la ni bzhi pa dang dgu par 'grel pas rgya mtsho lung ngo kar? ston to/ /de dag la sogs pa mi'i gnas rnams su yang rang rang gi skad kyi bye brag gis dpag tu med pa'i don ston par 'gyur par nyid do/ /de la gang dag 'di skad du lha rnams ni legs par sbyar ba'i skad smra ba yin na/ 'dir ci'i phyir legs par sbyar ba'i skad kyis bcom ldan 'das phyag na rdo rje la mngon par mi bstod par skad rnams kyis tha chad du gyur pa kla klo'i skad 'di lta bus yang dag par bstod par byed ce na/ de ni 'di ltar gsang ba'i don rgya chen pos mngon par bstod pa ni lha las bskal pa rnams kyis mi go bar bya ba'i phyir de skad smras pa'o/ /de la gang dag yang 'di skad du gsang ba nyid ci'i phyir gsang zhe na/ de ni 'di ltar yon tan rgya chen po phul du dbyung bar bya ba'i phyir dang/ yang gang dag bstod pa'i don de dag gis log par 'khrul pa'i gzhir 'gyur ba'i phyir dang/ lha rnams kyi che ba'i yon tan 'byung ba'i tshig nyung la don rgya cher bar ston pas yang dag par bstod pa te/ de la de dag gi don ni 'dir sgra sbyar ba la sogs pa ni tshig mngas? pa'i skyon du 'gyur pa'i phyir/ phan tshun du sbyar ba ma byas la ji lta bur ston pa ni 'dir tshigs su bcad par 'gyur ste/ 'di ltar khyod ni glang po'i rna ba can/ /dus gsum dus rnams thams cad kyi/ /bde gshegs bka' dang sems can gyi/ /ma lus gtam 'gsan phyag 'tshal bstod/ /khyod ni shes rab spyan dang ldan/ /dus gsum dus rnams thams cad
- 105a
kyi/ /bde par gshegs dang sems can gyi/ /las mdzad gzigs la phyag 'tshal bstod/ /khyod ni brtson 'grus zhabs dang ldan/ /dus gsum dus rnams thams cad du/ /sangs rgyas nyid dang sems can zhing// kun gshegs zhabs la phyag 'tshal bstod/ /khyod ni tshul khrims shangs dang ldan/ /dus gsum dus rnams thams cad du/ /bde bar gshegs dang sems can gyi/ /dri rnams tshor la phyag 'tshal bstod/ /khyod ni ye shes ljags dang ldan/ /dus gsum dus rnams thams cad du/ /bde bar gshegs dang sems can gyi/ /bde sdug ro myong phyag 'tshal bsteng/ /khyod ni sbyin pa'i phyag dang ldan/ /dus gsum dus rnams thams cad du/ /'jig rten 'das dang 'jig rten 'di'i?/ /gter rnams stsol la phyag 'tshal lo/ /khyod ni smon lam gsum dang ldan/ /dus gsum dus rnams thams cad du/ /sangs rgyas zhing du sems can rnams/ /grol mdzad gsungs la phyag 'tshal bstod/ /khyod ni thabs kyi sku dang ldan/ /dus gsum dus rnams thams cad du/ /sems can zhing rnams kun tu ni/ /sna tshogs sprul la phyag 'tshal bstod/ /dang po'i sangs rgyas mngon byang chub/ /dus gsum dus rnams thams cad du/ /zhing rnams kun tu gshegs mdzad kyang/ /rtog bral rtse gcig phyag 'tshal bstod/ /khyod ni stobs ni rdo rje ldan/ /dus gsum dus rnams thams cad du/ /sems can rnams kyi bdud dpung tshogs/ /ma lus 'joms la phyag 'tshal bstod/ /sangs rgyas kun pas sngar sangs rgyas/ /rdo rje rdo rje 'dzin rgyal po/ /dang po'i sangs rgyas mngon byang chub/ /thog ma'i ston pa phyag 'tshal bstod/ /dus gsum sangs rgyas thams cad kyi/ /mnga' bdag rdo rje skyob pa'o/ /rnam par
- 105b
rtog pa'i 'ching gcod pa/ /ye shes che la? phyag 'tshal bstod/ /sangs rgyas byang chub sems rnams kyi/ /kun gyi bla mar gyur pa ste/ /sangs rgyas dbang rnams rdzogs mdzad pa/ /slob dpon chen po phyag 'tshal bstod/ /mkha' ltar dri ma med mod kyi/ /me dpung 'bar ba'i sku yis ni/ /'gro rnams ma lus skrag mdzad pa/ /'jigs byed chen po phyag 'tshal bstod/ /ston ka'i zla ltar 'od gsal bas/ /btsun mo'i pad+mar gzigs mdzad nas/ /gsang ba'i rdo rje chen po yis/ /rtag tu 'khrig pa'i chos brten pa/ /'dod chags chen po phyag 'tshal bstod/ /ces yang dag par bstod pa ste/ de dag ni bcom ldan 'das phyag na rdo rje la sku gsung thugs kyi sgo nas bstod pa dang/ chos kyi mtshan nyid kyi sgo nas yang dag par bstod pa'o/ / yang 'dir dkyil 'khor gyi lha la bstod pa ni 'di ltar/ dang po dang ni bzhi pa dang/ /lnga pa dang ni brgyad pa dang/ /dgu pa dang ni bcu gcig pa/ /bcu gsum pa dang bcu drug pa/ /bcu bdun pa dang nyi shu gcig /rtsa gsum pa dang rtsa bzhi pa/ /rtsa dgu pa dang sum cu gcig /so bzhi pa dang so lnga pa/ /dngus su dang po'i dang po gnas/ /de yi sgra yi sbyor mchog gis/ /sangs rgyas bder gshegs sras rnams la/ /yongs su bstod pa bla na med/ /gsum pa dang ni bco lnga dang/ /bcu dgu pa ? brgyad dang/ /sum cu rtsa gnyis grangs kyi char/ /dbus su 'gro ba'i dang pas gnas/ /bcom ldan 'khor los sgyur gtso la/ /de yi sgra yi sbyor mchog gis/ /yongs su bstod pa bla na med/ /bco brgyad pa dang nyi shu gnyis/ /rtsa drug pa dang sum bcu bzhi/ /de yi dbus su gnas pa ni/ /mthar gnas pa ni gsum pa ste/ /de yi sgra yi sbyor mchog gis/ /sangs rgyas rnams kyi yum gyur pa/ /yongs su bstod pa bla na med/ /gnyis pa dang ni drug pa dang/ /bcu pa dang ni bcu gnyis dang/ /bcu
- 106a
bzhi pa dang nyi shu dang/ /sum cu pa dang sum cu drug /dbus su gsum pa'i dang po ste/ /de yi sgra yi sbyor mchog gis/ /sangs rgyas sras mo ro ldan la/ /yongs su bstod pa bla na med/ /bdun pa dang ni nyi shu gsum// nyi shu bdun dang sum cu bdun/ /de yi dbus su gnas pa ni/ /lnga pa rnam skyi dang po ste/ /de yi sgra yi sbyor mchog giS/ sangs rgyas rnams kyi pho nya mo/ /khro bo'i gzugs su rab gnas la/ /yongs su bstod pa bla na med/ /de nyid la 'dir brgya byin la sogs pas rang gi yul dbul par ni 'di ltar/ dang po rnams kyi dang pos ni/ /karma sa ra zhes bya phul/ /gsum pa rnams kyi dang pos ni/ /tisma ba zhes bya ba phul/ /lnga pa rnams kyi dang pos ni/ /pad+ma can zhes bya ba phul/ /mthar gnas pa yi gsum pa yis/ /lam pa'i tog ces bya ba phul/ /dro bar gyur pa'i dang po yis/ /shi ri Sha yi mtshal mchog phul/ /yang ni btsun mo dam pa rnams/ /phul ba nyid du byas pa ste/ /dang po rnams kyi dang pos ni/ /ka ma de bi zhes bya phul/ /gsum pa rnams kyis dang pos ni/ /ti li ka zhes bya ba phul/ /lnga pa rnams kyi dang po yis/ /pad+ma'i mig ces bya ba phul/ /mthar gnas pa yi gsum pa yis/ /yin da ba ti zhes bya phul/ /dre bar gyur pa'i dang po yis/ /shi ri can zhes bya ba phul/ /de bzhin glang po'i mchog gyur pa/ /las kun byed ces bya ba dang/ /phyogs las rgyal zhes bya ba dang/ /zhi byed mchog ces bya ba dang/ /ma lus skrag ces bya ba dang/ /lad ka 'joms zhes bya ba phul/ /de bzhin ta ye mchog gyur pa/ /rtsub 'gyur srung zhes bya ba dang/ /pun da ri ka ltar dkar dang/ /lto stong stobs chen zhes bya dang/ /rab tu 'jog dang laM pa ka /rab tu dbul ba nyid du byas/ /de ltar phul nas bde gshegs la/ /sdom pa'i mchog ni rab blangs te/ /
- 106b
'dod pa'i longs spyod bsrung ba dang/ /'khrig pa'i chos ni mi ston dang/ /sdig pa'i tshogs ni zhi bya dang/ /de kho na ni bsgom pa dang/ /mdzes la chags par mi bya zhes/ /brgya byin lha yi dbang po sogs/ /lha rnams kun gyis tshig mthun par/ /da ltar 'di na rab gnas kyang/ /bcom ldan bdag cag 'khor ba yi/ /chos 'di spang bar bya ba'i phyir/ /'dod pas chags par mi bgyi zhing/ /rnam par dag pa'i sems kyis ni/ /longs spyod ma lus 'di dag la/ /rdzing gi pad+ma lta bu dang/ /go shi sha ni cha bcug bzhin/ /gos pa med par spyad bgyi yis/ /gtso pos bdag cag 'khor bcas la/ /gsang sngags snga ma pa bla na med/ /sdom pa kun gyi mchog gyur zhing/ /thar pa'i rgyu ni bla na med/ /yongs su dag pa rtsal du gsol/ /da skad sdom pa'i gsol btab nas/ /brgya byin la sogs lha chen rnams/ /dam pa'i chos ni ma lus nyan/ /de dag ni bcom ldan 'das phyag na rdo rje de nyid kyi sku gsung thugs rgya chen po la mngon par bstod pa ste/ /brtag 'di nyid kyi 'og ma las kyang bshad do/ /de bas gong du bshad pa de dag gis ni lha'i dbang po la sogs pas bcom ldan 'das phyag na rdo rje la mtshan bcu pas yongs su bstod pa bshad pa ste/ de la bshad pa dang pos ni pha rol tu phyin pa bcus bcom ldan 'das kyi sku gsung thugs la bstod shes bshad pa gnyis pas ni chos kyi mtshan nyid kyi sgo nas bstod pa'o/ /bshad pa gsum pas ni de bzhin gshegs pa ngan song thams cad yongs su spyod pa'i rtsa ba'i dkyil 'khor gyi lha sum cu rtsa bdun la bstod pa ste/ de ni phan tshun du sbyar ba dang/ phyi ba dang/ gzhan du bsgyur ba las grub kyang 'dir ni yi ge grangs kho na nyid du 'dod do/ /bshad pa bzhi pas ni yi ge ka dang pa dang sha dang ta dang la lnga'i sgra'i sbyor bas bcom ldan 'das la lha rnams kyi yul gyi mchog la phul ba dang/ de bzhin du
- 107a
bshad pa lnga pas lha rnams kyi btsun mo'i mchog la phul ba dang/ bshad pa drug pas ni glang po che'i mchog lnga phul pa'o/ /bshad pa bdun pas ni rta'i mchog lnga phul bar shes par bya'o/ /de bas na yi ge nyung la don rgya chen po ston pa'i phyir kla klo'i skad gsang ba'i dbyings zhes bya ba dang/ lha rnams kyi brda'i skad ces bya ba nyid do/ /de la gang dag 'od skad du yi ge brda'i mtshon pa nges ji ltar mchod pa'i yo byad de dag phul bar gyur zhe na/ de ni 'di ltar lha rnams kyi sems kyis rab tu brtags kun tu brtags nas yi ge'i tshogs 'byung ba'i skad gcig la de'i mchod pa'i dngos po la sems dmigs nas bcom ldan 'das phyag na rdo rje la phul te/ da ni lha rnams kyi sems kyis bsam pa'i skad cig la/ bcom ldan 'das phyag na rdo rje rnam pa thams cad mkhyen pa yin pa'i phyir phul bar thugs kyis dgongs pa nyid do/ /de nas brgya byin sogs mchog rnams/ /sems can kun la phan pa dang/ /che dang nad med spel ba'i phyir/ mgon po? khyod la gsal ba 'debs/ /bcom ldan 'das sems can tshe thung ba dang/ bskal pa chung ba rnams kyi don dang/ phan pa dang tshe bsring ba'i slad du bshad du gsol/ gsang ba'i bdag pos bshad du gsol/ zhes pa ni 'di ltar ba bya byin la sogs pa'i lha rnams kyi snga ma lta bu'i mchod pa'i tshogs kyis yang dag par mchod de/ sems can thams cad la phan par bya ba dang/ gsang sngags bsgrub pa'i gang chag rnams dus kyi snyigS ma'i dus na dang pa dang brtson ? drag po yod kyang/ tshe la long med ba'i phyir rnal 'byor ba che ba sring ba'i chog yang dag par zhu ba ste/ de la brgya byin la sogs ni brgya byin la sogs pa'o/ /sems can kun ni sems can thams cad de/ 'di la 'jug pa zhes bya
- 107b
bar sbyar ro/ /tshe dang nad med ces pa ni rnam pa gnyis te/ tshe thung ba ring por bya ba dang/ 'jig rten 'di na nad dang rims dang dug la sogs pa'i 'tshe ba nyung bar bya ba'i phyir dang/ tshe ni srog ste/ yun ring por gnas par bya ba dang/ nad ni rnam par rtog pa ste/ gnyis su med pa'i ye shes thob par bya ba'i phyir zhes par sbyar ro/ /yang 'dir che ni 'di nyid la nang ni bkres pa dang skom pa la sogs pa dbul ba'i sdug bsngal te/ de dang 'bral ba'i bya ba'i phyir bshad du gsol zhes par 'brel to/ /de la skal pa chung ba zhes pa ni gong ma la snyegs so/ /de yang 'dir gnyis su go bar bya ste gang zag thun mong ba'i ched dang gang zag khyad par can gyi ched do/ /de la gang zag thun mong ba'i ched ni sems can mir gyur pa la sngon gyi las kyi rnam par smin pa'i stobs kyis tshe thung ba bsrid ba dang dbul po rnams 'byor pa dang ldan par bya ba'i phyir ro/ /gang zag khyad par can thams cad kyi don du bla na med pa yang dag par rdzogs pa'i byang chub bsgrub pa ni yun ring por bsgrub dgongs pa'i phyir dus ma yin par 'chi ba dang/ tshe thung ba rnams bsring ba'i phyir lha'i dbang po brgya byin la sogs pa gsol ba 'debs par 'brel to/ /gsang ba'i bdag po ni bcom ldan 'das phyag na rdo rje phyogs bcu dus gsum gyi bde bar gshegs pa thams cad kyi sku gsung thugs kyi gsang ba gsang sngags kyi de kho na nyid thams cad kyi bdag po yin pa'i phyir gsang ba'i bdag po zhes bya pa'o /de nas bcom ldan 'das phyag na rdo rjes brgya byin dang tshangs pa la sogs pa'i 'khor mang po de dag la gzigs nas zhes bya bas na gu bar byas te/ tshangs ba la sogs pa'i lha'i bu rnams ni gang khyed kyi 'di lta bu'i spobs pa yang dag par bskyed pa de ni legs so legs so legs par bsgrubs shig dang ngas bshad par bya'o zhes gsungs pa ni spro ba yang
- 108a
dag par bskyed pa'i tshig ste/ de la gzigs pa ni sems can thams cad la mnyam pa nyid kyis yang dag par dmigs pa'o/ /legs so zhes pa ni ci nas kyang sems can gyi don la yang dag par brtson pa legs so zhes pa'o/ /gang khyod kyis 'di lta bu'i spobs pa yang dag par bskyed pa legs so zhes pa ni blo dang shes rab rgya chung ba ma yin gyi sems can thams cad mngon par rdzogs par byang chub par bya ba'i phyir sems bskyed pa legs so legs so zhes bya par 'brel to/ /legs par bsgrubs shig dang ngas bshad par bya'o/ /zhes gsungs pa ni 'di ji lta ba bzhin du sems can thams cad kyi don du bsgrubs shig gdon mi za bar 'grub pa'i thabs bshad par bya'o zhes par 'brel to/ / da nas bcom ldan 'das phyag na rdo rjes de bzhin gshegs pa thams cad kyi tshe dang ye shes dpag tu med pas khyab par 'byung pa'i rdo rje zhes bya ba'i ting nge 'dzin la snyoms par zhugs nas/ tshe dang bsod nams dang ye shes kyi tshogs dpag tu med pa 'phel ba zhes bya ba de bzhin gshegs pa thams cad kyi snying po 'di nyid kyi thugs ka nas byung ngo zhes bya ba ni 'di ltar 'das pa'i de bzhin gshegs pa thams cad dang/ ma 'ongs pa'i de bzhin gshegs pa thams cad dang/ da ltar gyi de bzhin gshegs pa thams cad kyis byin gyis brlabs pa'i phyir dang/ de bzhin gshegs pa thams cad snga rabs su 'khor bar bzhugs pa'i tshe/ tshe dang bsod nams dang ye shes thams cad sgrub pa 'di la brten te yang dag par byung ba dang/ sngags dang bsgrub pa 'di nyid la dus gsum gyi de bzhin gshegs pa thams cad kyi khyab pa'i phyir dang/ de nyid rdo rje rnam pa gnyis dang ldan pa'i phyir tshe dpag tu med pa khyab par 'byung ba'i rdo rje zhes bya ba dang/ yang khyab pa ni 'dir
- 108b
gsungs pa'i dkyil 'khor dang gsang sngags dang las thams cad la 'dis khyab pa'i phyir khyab pa 'byung ba zhes bya ba'o/ /ting nge 'dzin la snyoms par zhugs pa ni de lta bu gsung ba la thugs mnyam par bzhag pa'o/ /tshe dang bsod nams dang ye shes kyi tshogs dpag tu med pa 'phel ba zhes bya ba ni bskyed par byed pa'o/ /de bzhin gshegs pa thams cad kyi snying po zhes bya ba ni de bzhin gshegs pa thams cad kyis byin gyis brlabs pa nyid do/ /snying po ye shes te de skyed par byed pa ste/ de nyid kyi thugs ka nas zhal du phyung ba'o/ /oM pu N+ya pu rgya a pA ra mi tA a yur dz+nyA na saM b+ha ro pa tsa ya e ri ni swA hA zhes pa ni bcom ldan 'das phyag rgya rdo rje'i snying po ste/ tshe dang bsod nams dang ye shes thams cad skyed par byed cing/ nyon mongs pa'i dgram lus par 'joms par byed pa'o/ /de bzhin gshegs pa thams cad kyi snying po 'di bshad ma thag tu ngan song thams cad rab tu zhi ste/ sems can dmyal ba dang byol song dang yi dags rnams su skyes pa'i sems can thams cad grol bar bdag nyid kyis rab tu shes so zhes pa ni 'di ltar don rnam pa gnyis su go bar bya ste/ de la de bzhin gshegs pa thams cad kyi snying po 'di bshad ma thag tu zhes pa ni rgyu rab tu grol ba dang 'bras bu rab tu grol ba ste/ rgyu rab tu grol ba la gsum mo/ /rdo rje lta bu'i dmigs pa la mnyam par bzhag pa dang/ nam mkha' lta bu'i dmigs pa la mnyam par bzhag pa dang/ dbu ba lta bu'i dmigs pa la mnyam par bzhag pa'o/ /de la rdo rje lta bu'i dmigs pa la mnyam par bzhag pa ni bde bar gshegs pa'i gsung rab rin po che las yang dag par byung ba'i shes rab kyi 'khor los brjod par byed pa'i dmyal ba dang/ kun tu 'jug pa'i dud 'gro dang/ 'cho bas gdungs pa yi dwags rnams las bdag nyid yongs su dgrol bar byas bdag nyid yongs su grol bar shes so/ /nam mkha' lta
- 109a
bu'i dmigs pa la mnyam par bzhag pas ni de las byung ba'i dmyal ba dang/ de nyid sems pa'i yi dwags dang/ gnyis kas stong pa'i dud 'gro gsum gyi sdug bsngal bdag nyid la yang dag par grol bar shes so/ /dbu ba lta bu pa dmigs pa la mnyam par bzhag pas ni brnyan par 'dzin pa'i dmyal ba dang/ lus su byed pa'i dud 'gro dang/ 'dod pas gdungs pa'i yi dags gsum bdag nyid kyis grol bar yang dag par shes so/ /'bras bu rab tu grol bar bcom ldan 'das kyis yongs su rdzogs pa'i skad cig ma la ngan song gi rgyud bcad nas bla na med pa yang dag par rdzogs pa'i byang chub tu mngon par rdzogs par byang chub par dgongs pa'o/ /'jig rten gyi khams thams cad du yang snang bar byas te/ snang bar byas nas kyang sangs rgyas kyi mdzad pa bcu gnyis kyi tshul du byas nas de bzhin gshegs pa thams cad kyi thugs kyi chos kyi yi ge de nyid du zhugs par gyur to zhes gsung pa ni yang rnam pa gnyis su go bar bya ste/ rgyu'i bdag nyid la dgongs pa dang/ 'bras bu'i bdag nyid la dgongs pa'o/ /rgyu'i bdag nyid la dgongs pa la rnam pa gnyis te/ las las byung ba las dgongs pa dang/ thabs las byung ba la dgongs pa'o/ /thabs las byung ba la rnam pa gnyis te phyi rol tu dmigs pa dang/ nang du dmigs pa'o de la 'bras bu'i bdag nyid la dgongs pa ni 'di ltar sems can rnams dam pa'i chos 'dis mngon par rdzogs par sangs rgyas nas 'gro ba'i don byed pa'i gnas skabs ni gang gi dus su rigs gang btsun pa'i pur skye ba blangs nas sangs rgyas kyi mdzad pa bcu gnyis kyi tshul ji lta ba bzhin du mdzad nas yang chos kyi sku'i dang du bzhugs pa nyid dang/ yang bcom ldan 'das phyag na rdo rje nyid kyi thugs ka nas de bzhin gshegs pa'i snying po de nyid las bde bar gshegs pa'i sprul ba'i tshogs yang dag par bkyi te/ da ltar
- 109b
sems can kyi don du sangs rgyas kyi mdzad pa bcu gnyis kyi tshul du mdzad pa yod pa nyid do/ /rgyu'i bdag nyid la dgongs pa ni bskyed par byed pa'i rgyu'o/ /de'i dbye ba las byung pa'i rgyu ni? brten cing 'brel ba bcu gnyis las yang dag par byung la/ slar rtog pa med pa'i lus su song ba ste/ de ni skyo ba bskyed pa'i don no/ /thabs las byung ba ni sems can gyi khams yang dag par spyod pa la zhugs pa'o/ /de'i dbye ba phyi rol tu dmigs pa ni 'di ltar ting nge 'dzin rnam pa bcu gnyis kyis yongs su bskyed de/ de la ting nge 'dzin rnam pa bcu gnyis ni bar chad med pa zhes bya bar ting nge 'dzin la ni lhu mas nas bltams pa nyid do/ /skyed par byed pa zhes bya ba'i ting nge 'dzin lha? ni rtsal 'gran byas pa nyid do/ /gzi brjid phung po zhes bya ba'i ting nge 'dzin la ni rkyal 'gran byas pa nyid do/ /thams cad 'byung zhes bya ba'i ting nge 'dzin la ni rtsis 'gran byas pa nyid do/ /bdud kyi tshogs kyis mi shigs pa zhes bya ba'i ting 'dzin la ni yig 'gran byas pa nyid do/ /kun tu rtog pa zhes bya ba'i ting 'dzin la ni 'phong 'gran byas pa nyid do/ /kun tu snang ba zhes bya ba'i ting 'dzin la ni khab bzhes pa nyid do/ /yongs su rdzogs pa zhes bya ba'i ting nge 'dzin la ni mchod rten rab tu brtsegs pa'i rtsar rab tu byung ba nyid do/ /nye bar brtan pa zhes bya ba'i ting nge 'dzin la ni dkar thub lo bdun mdzad pa nyid do/ /rnam par grol ba zhes bya ba'i ting 'dzin la ni bdud kyi tshogs yang dag par bcom pa'o/ /de nyid gcig pa zhes bya ba'i ting 'dzin la ni rdo rje gdan la mngon par rdzogs par sangs rgyas pa nyid do/ /mngon par grol ba zhes bya ba'i ting nge 'dzin la ni chos kyi 'khor lo bskor ba nyid do/ /nang du dmigs pa yang ni 'di ltar bar chad med pa zhes bya ba'i ting nge 'dzin la ni lhums nas bltams pa nyid do/ /thams cad du dmigs pa med pa zhes bya ba'i ting 'dzin la ni rkyal 'gran byas pa nyid do/ /dpa' po grub pa zhes bya ba'i ting nge 'dzin la
- 110a
ni rtsal 'gron byas pa nyid do/ /thugs las grub pa zhes bya ba'i ting nge 'dzin la ni rtsis 'gran byas pa nyid do/ /de dag ni sbyor ba dang po'i ting nge 'dzin to/ /yi ge brtag pa zhes bya ba'i ting nge 'dzin la ni yig 'gran byas pa nyid do/ / rten pa rdzogs pa zhes bya ba'i ting nge 'dzin la ni 'phong 'gran par byas pa nyid do/ /ye shes snang ba zhes bya ba'i ting nge 'dzin la ni khab bzhes pa nyid de/ /rnam par gnas pa zhes bya ba'i ting nge 'dzin la ni rab tu byung ba ste/ de dag gis ni dkil 'khor rgyal mchog gis ting nge 'dzin rdzogs pa'o/ /rims nad rtogs ba zhes bya ba'i ting nge 'dzin la ni dka' thub mdzad pa nyid do/ /bdud rtsi gong zhes bya ba'i ting nge 'dzin la ni bdud kyi tshogs yang dag par bcom pa nyid do/ /rang bzhin gcig pa zhes bya ba'i ting nge 'dzin la ni rdo rje'i gdan la mngon par rdzogs par sangs rgyas pa nyid do/ /rnam par mi rtog pa gsal ba zhes bya ba'i ting nge 'dzin la ni chos kyi 'khor lo bskor ba ste/ de dag gis ni las ki rgyal po mchog gi taM de 'dzin yongs su rdzogs pa'o// de bas ni gong du gsungs pa'i de bzhin gshegs pa'i thugs kyi yi ge de nyid du zhugs par gyur te/ /zhes pa'ang 'bras bu'i skabs su ni 'di ltar snang ba'i chos thams cad rang bzhin gyis rnam par dag pa'i dngos po rnam par rtogs pa dang/ mtshan ma'i rnam par rtog pa dang bral ba'i yod pa dang med pa dang yod pa'ang ma yin med pa'ang ma yin pa dang yod pa dang med pa ma yin pa'ang ma yin pa'i mu bzhi'i skye mched dang bral ba yin zhing/ de la sngon gyi smon lam gyi stobs las yang dag par byung bas 'gro ba'i don mdzad de/ slar mnyam pa'i ye shes kyi ngang las bzhugs pa'i phyir chos kyi yi ger bzhugs pa zhes bya'o/ /yang yi ge ni mi 'gyur ba ste/ chos ni chos thams cad kyi spyi'i mtshan nyid du zhugs par gyur pa nyid do/ /de nyid de
- 110b
nas byon nas de bzhin du gshegs pa'i phyir de bzhin gshegs pa zhes bya'o/ /yang gcig ni bcom ldan 'das phyag na rdo rje'i thugs mi 'gyur ba'i rdo rje nas snying po dang bcas pa'i de bzhin gshegs pa'i tshogs dpag tu med pa sprul nas 'gro ba'i sems can rnams ngan song gsum las yang dag par grol bar mdzad pa'i ting nge 'dzin gyis rnam par sbyangs nas slar bcom ldan 'das nyid kyi thugs ka'i mi 'gyur ba'i rdo rjer bzhugs pa ste/ de yang de bzhin gshegs pa nyid do/ /thabs las byung pa'i phyi rol tu dmigs pa'i bdag nyid ni thams cad 'byung ba zhes bya ba'i ting nge 'dzin las yongs su rdzogs pa zhes bya ba'i ting nge 'dzin dpag tu med pa spros te/ 'gro ba sems can thams cad kyi ngan song rnam pa gsum yongs su sbyangs nas slar thams cad 'byung ba zhes bya ba'i ting nge 'dzin tu zhugs pa ste/ de nyid snying gnas spros pa'i phyir thugs ka'o/ /de bzhin gshegs pa thams cad kyi thugs kyi yi ge yin pa'i phyir dang/ chos rnams 'byung ba'i phyir thugs kyi chos yi ge thugs zhes bya bar 'brel te/ de yang de bzhin gshegs pa yin par shes par bya'o/ /nang du dmigs pa'i bdag nyid kyang 'di ltar thams cad dmigs pa med pa zhes bya ba'i ting nge 'dzin las ye shes snang zhes bya ba'i ting nge 'dzin gyi tshogs kyis ngan song gsum dang der skye pa'i rgyu nyon mongs pa thams cad yang dag par sbyangs te/ slar de nyid du zhugs pa'i phyir de bzhin gshegs pa zhes pa'o/ /de nyid thugs ka na gnas pa'i phyir thugs kyi'o/ /de nyid mi 'gyur bar bsgom pa'i phyir yi ge'o/ /de nyid chos thams cad stong/ pa nyid kyi ngo bo yin pa'i phyir chos te/ de'i phyir na de bzhin gshegs pa thams cad kyi thugs kyi chos kyi yi ge de nyid du zhugs par gyur to zhes bya ba nyid do/ /yang de nyid bla na med pa yang sems/ 'byin pa'i phyir na sbyin pa'i pha rol tu phyin pa dang/ rnaM
- 111a
par g.yeng ba'i dri ma dang bral ba'i phyir na/ tshul khrims kyi pha rol tu phyin pa dang/ phyi rol gyi rnam par 'tshe ba la sogs pa bzod? pa'i phyir na bzod pa'i pha ro tu phyin pa dang/ le los bar mchod pa'i brtson 'grus kyi pha rol tu phyin pa dang mnyam pa nyid kyi rtse gcig pa'i phyir bsam gtan gyi pha rol tu phyin pa dang/ rnam par rtog pa dang bral ba'i phyir shes rab kyi pha rol tu phyin pa dang/ dge ba'i rtsa ba yongs su bsngo ba'i phyir na smon lam gyi pha rol tu phyin pa dang/ kun nas nyon mongS pa 'joms pa'i phyir stobs kyi pha rol tu phyin pa dang/ bla na med pa'i byang chub bsgrub pa'i thabs bla na med pa yin pa'i phyir ye shes rnam pa gnyis bskyed pa'i ph yir ye shes kyi pha rol tu phyin pa zhes bya ba ste/ de nyid phyogs bcu dus gsum gyi bde bar gshegs pa sras dang bcas pa thams cad bskyed pa yin pa'i phyir bka' thams cad nas 'byung ba'i yum shes rab kyi pha rol tu phyin pa zhes bya ba kho na ste/ de yang shes rab kyi pha rol tu phyin pa zhes bya ba kho na ste/ de yang shes rab kyi pha tu phyin pa brgyad stong pa las/ bcom ldan 'das kyis bka' stsal pa/ lo shig chos thams cad dmigs pa gang yin pa de ni shes rab kyi pha rol tu phyin pa ste/ nam 'du shes dang kun 'du shes pa dang/ brtags pa dang/ tha snyad mi 'byung ba de'i tshe shes rab kyi pha rol tu phyin pa zhes bya'o zhes gsungs pa'i phyir ro// de nas bcom ldan 'das kyis tshe dpag tu med pa'i rdo rje'i 'ong byed pa zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi tshe dpag tu med pa zhes bya ba'i gzungs 'di bshad do/ /oM a mi ta a mi te a mi tod+d+ha wa/ a mi ta saM b+ha ba a mi ta bikrAn+te/ a mi ta bi krin ta/ ga mi ni/ sarba karma kle sha ka yaM ka ri swAhA/ de nas 'di bshad ma thag tu de bzhin du sems can thams cad kyi sdug bsngal rab tu zhi'o zhes gsungs pa ni 'di ltar bcom ldan 'das phyag na rdo rjes gong ma ni nyid kyi
- 111b
snying po rtsa ba'i sngags pas thams cad la 'jug pa gsungs la/ 'di ni bdud rtsi bsgrub pa bcud kyis len te/ bcom ldan 'das 'od dpag med kyi snying po'o/ /tshe dpag tu med pa rdo rje'i 'od byed pa ni sems can rnams kyi tshe dpag tu med par 'tshe ba ste/ de nyid rdo rje lta bur mi 'jig pas na rdo rje zhes bya'o/ /'ong byed pa ni ma rig pa'i mun pa thams cad gsal bar byed pa ste/ de gsungs pa la thugs mnyam par bzhag pa la snyoms par zhugs zhas pa rgyu kun nas slong ba zhes bya ba'o/ /de bzhin gshegs pa thams cad ni dus gsum gyi de bzhin gshegs pa thams cad de/ de dag dang por 'khor ba na zhugs pa tsam na rigs sngags chen po 'di la brten nas tsha yongs su bsgrub pa'i phyir dang/ gsang sngags 'di la phyogs bcu dus gsum gyi de bzhin gshegs pa thams cad kyis byin gyis brlab pa'i phyir/ de bzhin gshegs pa thams cad kyi tshe dpag tu med pa zhes bya'o/ gzungs ni 'dzin pa ste/ tshe yos su 'dzin par byed pa'o/ sngags kyi don ni lha la sogs pa'i bdud rtsibs kyang khyad par du 'phags pa'i phyir dang/ nad rnam pa gnyis zhi bar byed pa'i phyir na bdud rtsi bdud lci zhes pa dang/ de nyid las bdud rtsi bskyed pa'i phyir bdud rtsi skyang ba zhes pa dang/ de nyid kyis yang dag par mi 'chi bar 'gyur ba'i phyir yang dag par mi 'chi ba zhes pa dang/ mi 'chi bas 'chi pa gnon par byed pa'i phyir mi 'chibs rnam par gnon pa zhes pa dang/ sngags 'di nyid bdud rtsir byed pa'i phyir bdud rtsir rnam par 'byed pa zhes pa dang de bas 'khor ba'i pha rol tu 'gro zhing las dang nyon mongs pa thams cad zad par byed pa'i phyir 'gro ba'i sgrib pa dang las dang nyon mongs pa thams cad zad par gyis shig ces pa'o/ /de bzhin du sems can thams cad kyi sdug bsngal rab tu zhi'o zhes pa ni sngar gyi dgongs pa bshad pa las shes par bya'o/ /de nas bcom ldan 'das kyis gdon mi za bar sgrib pa rnam par
- 112a
'joms ba zhes bya ba'i ting nge 'dzin la snyoms par zhugs nas de bzhin gshegs pa thams cad kyi sgrib pa gcod pa zhes bya ba snying po'i gzungs 'di nyid kyis thugs ka nas phyung ngo/ /oM kaM ka ni kaM ka ni ro tsa ni ro tsa ni tro Ta ni tro Ta ni tra sa ni trA sa ni pra ti ha na pra ti ha na sarba karma a par na/ pa raM pA ra Ni me ye sarba satwa nan swA hA/ 'di bshad ma thag tuAng de bzhin du gyur to zhes gsungs pa ni 'di ltar bcom ldan 'das phyag na rdo rjes sems can thams cad kyi las dang nyon mongs pa'i sgrib pa thams cad gdon mi za bar gcod par byed pa'i snying po gsung ba la thugs mnyam par gzhag pa la snyoms par zhugs zhes pa'o/ /ting nge 'dzin mnyam par brtan pa ste/ rnam par rtog pa med par rtse gcig pa nyid do/ /de bzhin gshegs pa thams cad kyi sgrib pa gcod pa zhes pa ni 'dir don gnyis su go bar bya ste/ gcig ni dus gsum gyi de bzhin gshegs pa thams cad kyi sgrib pa'ang rig sngags 'dis yongs su bcad pa nyid dang/ gcig ni da ltar gyi sems can rnams su rdzogS pa'i mdza' bla na med pa yang dag par rdzogs pa'i byang chub tu mngon par rdzogs par 'tshang rgya ba la dgongs nas sems can thams cad la de bzhin gshegs pa zhes pa'o/ /yang 'dir de bzhin gshegs pa ni rnam pa gnyis te/ kun nas nyon mongs pa'i de bzhin gshegs pa dang/ rnam par byang ba'i de bzhin gshegs pa'o/ /de la rnam par byang ba'i de bzhin gshegs pa la ni sngar bshad zin la/ kun nas nyon mongs pa'i d bzhin gshegs pa ni sems can thams cad de gti mug la sogs pa nyon mongs pa'i rgyu las yang dag par byung zhing/ /da ltar yang 'dir 'dod chags la sogs pa'i nyon mongs pa'i rjes su 'brang ba'i phyir de bzhin gshegs pa ste de dag thams cad kyi sgrib pa gsang sngags 'dis yongs su gcod pa zhes bya'o/ /snying po ni ye shes
- 112b
de skyed par byed pa'i phyir ro/ /gzungs ni 'dzin pa ste ngan song du 'gro ba rnams yang dag par 'dzin pa nyid do/ thugs ka nas phyud ba ni thugs ka nas zhal du phyung pa'o/ /de la 'dir snying po ni 'dir de bzhin gshegs pa mi bskyod pa'i snying po yin te/ de'i don yang 'di ltar sol cig sol cig ces pa dang/ non cig non cig ces pa dang/ shig cig shig cig ces pa dang/ skrag par gyis skrag par gyis shig ces pa dang/ rab ru choms shig rab tu choms shig ces pa ste/ de dag gi las su bya ba'i bzhi ni sems can thams cad kyi sgrib pa brgyud pa thams cad de/ /de dag yang dag par sl cig ces pa la sogs par go bar bya ba'o/ /'di bshad ma thag tu yang thams cad de bzhin du gyur to ces ba ni gong du bshad pa'i tshul las yang dag par shes par bya'o/ /de nas yang bcom ldan 'das kyis sgrib pa thams cad dri ma med cing rnam par dag pa'i rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi sgrib pa rnams ma lus par 'joms pa zhes bya ba'i snying po'i gzugs 'di rang gi thugs ka nas byung ngo/ /oM ratne ratne/ dah+na saM b+ha pa / ratna ki rin/ ratna mA la bi shud+d+ha/ sho d+ha ya sho d+ha ya sarba pA pa ma hUM traT/ de nas 'di bshad ma thag tu bdud kyi gnas thams cad bcom par gyur to zhes gsungs pa mi 'dir bcom ldan 'das phyag na rdo rje sems can thams cad kyi sgrib pa dang/ bag chags kyi dri ma med cing rnam par dag par byed pa'o snying po gsungs pa la thugs mnyam par bzhag pa ste/ de la rdo rje ni gnyis su med pa'i ye shes bskyed par byed pa'i phyir te/ ting nge 'dzin ni mnyam par gnas par byas pa nyid do/ /de bzhin gshegs pa thams cad kyi sgrib pa rnams ma lus par 'joms pa ni gong du smos pa'i bshad pa rnam pa gsum du shes par bya'o/ /snying po i ye shes so/ /gzugs ni yongs su 'dzin par byed pa'o/ /de la sngagS
- 113a
ni 'dir bcom ldan 'das rin chen 'byung ldan gyi snying po ste/ de dag gi don ni lha dang mi rnams kyi rin po che las khyad par du 'phags pa 'jig rten 'di'i bde ba dang 'jig rten 'das pa'i bde ba phun sum tshogs pa ster pa'i phyir na rin po che'i rin po che zhes pa'o/ /da las 'dod pa'i dgos pa thams cad 'byung ba'i phyir rin po che yang dag par 'byung zhes bya'o/ /de nyid las ye shes kyi 'od zer chen po 'byung ba'i phyir rin po che'i 'od zer zhes bya ba'o/ /de nyid thugs rje chen po'i rgyun 'phreng ba lta bur 'byung bas na rin po che'i phreng ba zhes bya ba'o/ /de nyid kun nas nyon mongs pa'i skyon dang bral ba'i phyir na rnam par dag pa zhes bya ste/ de dag gis las ci lta bu zhig mdzad ces na/ sems can thams cad kyi sdig pa thams cad sbyong bar byed pa nyid de/? /de nas 'dir bshad ma thag tu bdud kyi gnas thams cad bcom par gyur pa dang/ bcom pa dang/ 'joms par 'gyur ba la dgongs nas gsungs par shes par bya'o /de nas yang bcom ldan 'das kyis gdon mi za bar choms pas sgrib pa thams cad 'joms pa'i ting nge 'dzin la snyoms par zhugs nas/ de bzhin gshegs pa thams cad kyi snying po'i gzungs 'di nyid kyi thugs ka nas phyung ngo/ /oM a mo g+ha a pra ti ha ta sarba karma a pa ra ni ba ni sha ni ha ra ha ra hUM phaT /gsang sngagS 'di bshad ma thag tu 'jig rten gyi khams thams cad g.yos rab tu g.yos/ 'khrugs rab tu 'khrugs/ 'gul rab tu 'gul zhing rmad kyi ngo mtshar sna tshogs pa snang bar gyur te zhes gsungs pa ni 'di ltar bcom ldan 'das phyag ni rdo rje sems can rnams kyis gsang sngags las byung ba'i ye shes kyi rdo rje ni bdud kyi tshogs thams cad kyis gdon mi za bar mi choms pas las la sogs pa'i sgrib pa thams cad ma lus par 'jams pa'i gsang sngags gsung pa la thugs mnyam par bzhag ba de la
- 113b
snyoms par zhugs pa'o/ /ting nge 'dzin ni rtse gcig pa ste chos kyi sku'o/ /de bzhin gshegs pa thams cad kyi snying po'i gzungs 'di nyid kyi thugs ka nas phyung ngo zhes pa la/ de bzhin gshegs pa ni kun nas nyon mongs pa'i de bzhin gshegs pa 'aM? rnam par byang ba'i de bzhin gshegs pa ste/ de la snying bo ni gnyi gar ye shes la bya'o/ /gzungs ni rnam pa gnyis te shes rab phun sum tshogs pa'i bdag nyid kyi ni chos kyi dbyings la yang dag par 'dzin to/ /thabs phun sum tshogs pa'i bdag nyid kyis ni sems can rnams ngan 'gro rnam pa gsum las yang dag par 'dzin pa'i phyir gzungs zhes bya ba'o/ /'di zhes pa'i sgra ni dmigs pa nye bar ston pa ste/ nyid kyi thugs ka nas phyung ba ni thugs ka nas zhal du phyung zhes par 'brel to/ /de la sngags ni bcom ldan 'das don yod grub pa'i snying po ste/ de dag gi don ni bsod nams phun sum tshogs pa dang ye shes phun sum tshogs pa'i don yod pa'i phyir don yang cing zhes pa'o/ /ngan song rnam pa gsum the tsho mi za bar spang bar byed pa'i phyir gdon mi za bar zhes bya'o/ /de la gdon mi za bar gang mdzad ce na/ sgrib pa thams cad rnam par 'joms shing 'phrog cing 'phrog par mdzad pa zhes bya ba nyid do/ /gsang sngags 'di bshad ma thag tu 'jig rten gyi khams thams cad du g.yos rab tu g.yos zhes pa la sogS pa ni 'dir don rnam pa gsum du go bar bya ste/ de la gcig ni gzungs 'di bshad ma thag tu 'jig rten gyi khams rnams de bzhin du 'khrugs pa la sogs par gyur pa ste/ de ni sems can gang dag dam pa'i chos gsang sngags rin po che 'di la brten nas yongs su rdzogs pa/ mthar bla na med pa yang dag par mngon par rdzogs par 'tshang rgya ba'i skad cig la/ 'jig rten gyi khams rnams g.yo ba dang rab tu g.yo ba dang rab tu 'grul ba dang ngo mtshar gyi chos sna tshogs pa yang dag par byung ba'i phyir 'bras bu'i chos rgyul byung
- 114a
bar yang dag par brtag pa'o/ /gcig ni sems can gang dag gsang sngags rin po che 'di'i sgor bzhugs nas/ byang chub kyi sems bla na med pa skyes pa'i skyad gcig la ni 'jig rten gyi khams rab tu g.yo ba la sogs 'byung ba'i phyir dang/ gcig ni 'di ltar 'jig rten gyi khams ni sa 'og dang sa steng dang sa bla rnam pa gsum ste/ de las bla ni sgra'i gnas so/ /sa steng ni 'jug pa'i gnas so/ /sa 'og ni bskyod pa'i gnas te de dag la brten pa ni 'dod chags dang zhe sdang dang/ gti mug la sogs pa ste/ de dag rnal 'byor pa'i rig pa chen pos yang dag par 'khrugs par byed gnas gzhan du bskyod par byed dga' ba dang bde ba dang zhi ba la sogs pa'i ngo mtshar sna tshogs pa'i chos yang dag par ston pa'i phyir 'jig rten gyi khams thams cad du g.yos rab tu g.yos zhes pa la sogs pa yongs su gsung pa nyid do/ /de nas dkyil 'khor bshad bya ste/ gru bzhi pa la sgo bzhi pa/ /ka ba brgyad dang yang dag ldan/ /rta babs bzhi dang rab lngar zhing/ /them pa dang ni sgo khyud ldan/ /de yi dbus su 'khor lo ni/ /dkyil 'khor pad+mar bri bya ste/ /rtsibs bzhi pa dang ldan pa la/ /lte ba'i dkyil 'khor ldan par bya zhes gsungs pa ni 'di ltar sngar bstan pa'i rim pas sa byin gyis brlabs pa la sogs pa rim? pa ji lta ba bzhin du byas la/ stegs bu khru drug pa brtsigs te/ dri dang ba'i rnam lnga la sogs pas legs par byugs nas thig btab la/ de'i dbus su 'khor lo dmar po rtsibs bzhi dang ldan pa gcig bri bar bya'o/ /de'i mu khyud ni pad+ma'i phreng bas yang dag par bskor zhing 'khor lo'i rtsibs kyi bar du ni bdud rtsi'i bum pa bzhi bri bar bya'o/ /de la 'khor lo ni 'od zer sna tshogs pa 'bar bas yongs su 'khor bar bya'o/ /de'i phyi rol tu sgo bzhi dang rta babs dang sgo khyud dang sgo 'gram dang/ ya phubs
- 114b
dang dra ba dang dra ba phyed pa dang mchod pa'i snam bu dang rin chen pa gu dang mda' yab la sogs pa'i rgyan thams cad kyis yongs su brgyan par bya ba nyid do/ /de yi dbus su gtso bo ni/ /byag na rdo rje stobs dang ldan/ /phyag na rdo rje dril bu bsnams/ /zla ba rgyas pa'i zhal 'dzuM ? shar gyi rtsibs kyi steng du ni/ /mgon po mi bskyod bri bar bya/ /lho phyogs su ni rin chen bri/ /nub phyogs gzi brjid dpag med la/ /byang phyogs su ni gdon mi za/ /dpa' bo stobs chen bri bar bya/ /de bzhin gshegs pa thams cad ni/ /'khor los sgyur bar chas pa dang/ /sgra pa'i dkyil 'khor mdog 'dra zhing/ /rgyan rnams su mi bya brgyan pa dang/ /phyag ni mchog sbyin mi 'jigs skyabs/ /rdo rje skyil mo krung bzhugs bri/ /grwa yi phyogs ni thams cad du/ /de bzhin gdugs sogs bre bra ste/ /sgo rnams su ni sgo skyed ba/ /khros pa'i bzhin dang ldan ba dri/ /zhes pa la sogs pa ni 'khor lo'i lte ba la pad+ma 'dab ma brgyad pa'i steng du bcom ldan 'das phyag na rdo rje skabs 'dir sku mdog dkar po la phyag gnyis pa phyag g.yas pas rdo rje rtse lnga pa thugs kar bsnams shing/ / g.yon pas dril bu dkur? 'dzin pa rgyan thams cad kyis brgyan nga bzhin shin tu 'dzum pa dang ldan pa bri'o/ /de'i shar phyogs kyi rtsibs la ni bcom ldan 'das mi bskyod pa sku mdog dkar po rgyan thams cad kyis brgyan pa'i ting nge 'dzin phyi phyag rgya dang ldan pa bri'o/ /lho phyogs kyi rtsibs la ni bcom ldan 'das rin chen 'byung ldan yang sku mdog dkar po la rgyan thams cad kyis brgyan pa phyag g.yas pa ting nge 'dzin du bsnol nas/ g.yon pa mchog sbyin du mdzad par bri bar bya'o/ /nub phyogs kyi rtsebs ? bcom ldan 'das gzi brjid dpag med sku mdog snga ma lta bu la phyag gnyis chos kyi 'khor lo bskor ba'i tshul du bri bar bya'o/ /byang phyogs su bcom ldan 'das gdon mi za bar grub pa sku mdog dang rgyan cha snga ma lta bu la phyag g.yas pa ting nge 'dzin du bsnol zhing g.yod
- 115a
pa skyabs sbyin mdzad pa'i phyag rgya dang ldan pa bri'o/ /'khor lo'i mdza' logs grwa bzhir ni sgeg mo dang/ phreng ba ma dang/ glu mkhan ma dang/ gar mkhan ma dang/ bdug pa ma dang/ me tog ma dang/ snang ba ma dang dri chab ma dang brgyad khri bar bya'o/ /sgo bzhir ni lcags kyu dang/ zhags pa dang lcags sgrog dang dril bu la sogs pa khro bo'i cha lugs su gnas pa bri bar bya ba nyid de/ de dag gi sa bon rnams kyi snying po ni lda'i dang po rnams las mtshon par bya'o/ /de nas rnal 'byor ba ni nyid bzhugs/ /sngags kyi lha rnams spyan drang ste/ dza(rgyud 'grel): hUM baM ho(rgyud 'grel): b+ha ga bA na badzra ye ha hi sa ma ya stwaM/ de nas gtso rnams byon pa dang/ /mchod pa'i tshogs ni rab byas te/ /'chi bdag sbrul gyis zin pa rnams/ /'chi bdag gzhom phyir bzhugs par bya zhes pa la sogs pa ni 'di ltar sems can thams cad kyi don du sems bskyed de/ stong pa nyid bsgoms pa'i mthar rang gi snying ga'i sa bon las 'od zer spros pas bde bar gshegs pa 'khor dang bcas pa sbyan drangs te/ rdo rje lcags kyu la sogs pa'i rnal 'byor dang/ sngags dang phyag rgya rnams kyi dgug pa dang bcing ba dang dgyes pa rnams byas te/ gzugs brnyan gyi lha dang gnyis su med par byas nas zhabs bsil la sogs pa drangs te/ phyag 'tshal ba dang sdig pa bshags pa la sogs pa'i yan lag bdun rnam par dag pa yongs su rdzogs par byas la/ mched pa rnam pa lngas yang dag par mchod par bya'o/ /de nas bdag nyid rdo rje 'dzin ma'i phyag rgyas zhugs la dge ba'i las rnams yang dag par bya ba ste/ de la sngags kyi don de kye ma bcom ldan 'das rdo rje can bdag la dam tshig gis yongs su gzung du gsol zhes pa'o/ /de nas bdag nyid dang por rim pa ji lta ba bzhin du bde bar gshegs pa rnams la dbang yongs su mnos te/ gnang ba legs par blangs nas 'chi bdag gis nyen pa 'am/
- 115b
bsod nams dang skol ba chung ba 'am/ /ye shes chen pos stong pa rnams dkyil 'khor du gzhug par bya ste/ de yang dang por rdo rje slob dpon dgongs su gsol/ thog ma tha ma med pa nas/ /mi dge'i dbang du gyur pas na/ /lus kyi sdig pa'i las rnams bshags zhes ? la tshogs pa'i tshigs su bcad pas sdig pa bshags par bya'o/ /de bzhin du tshigs su bcad pa rnams kyi gsum la skyabs su 'gro ba dang/ rdo rje theg pa khas yang dag par 'ches pa la sogs pas byas te/ dar la sogs pas mig bkab nas zhugs par bya'o/ badzras ma ya hUM/ rdo rje ti rin ti ri bcing/ /lag la rin chen thogs te zhugs/ /yang na me tog phreng ba ste/ /da ni dkyil 'khor nyid du dor/ /oM pra twits+tsha badzra/ de nas dam tshig sbyin par bya ste/ oM badzra sa ma ya hUM/ de nas 'dis gdong g.yogs dkrol bar bya'o/ oM badzra hA syod g+ho Ta ya hUM/ de nas 'dis gsal bar bya'o/ /oM badzra pA sh+ya to/ /zhes pa la sogs pa ni 'di ltar bdag khro bo ti rin+ti ri'i rnal 'byor gyis phyag rgya sor mo rnams nad du bsnol la mthe bong gnyis bsgor ste/ sngar bzlas pa'i bum pa nas chu blangs la de'i bgegs bskrad par bya'o/ /de nas sngags dang pos ni dam tshig gi mna' bsgag par bya'o/ /de nas sngags gnyis pas rin po che dang me tog la sogs pa dor bar bya'o/ /sngags gsum pas ni gdong g.yogs dkrol bar bya'o/ /sngags bzhi bsan gsar bar byas la lha'i go rim ji lta ba bzhin du bstan par bya ba nyid do/ /de nas 'dis dbang bskur bar bya'o/ /oM bud+d+ha a b+haM Shiny+tsa oM/ oM badzra a b+hi Shiny+tsa hUM/ oM ratna a b+hi Shiny+tsa tra/ oM pad+ma a b+hi shiny+tsa h+ri(rgyud 'grel): oM karma b+hi Shiny+tsa a/ de nas 'das bum pa'i dbang bskur bar bya'o/ /oM bud+ha ka la sha a b+hi Shiny+tsa oM oM badzra ka la sha a b+hi Shiny+tsa hUM oM ratna ka la sha a b+hi Shiny+tsa hUM/ oM pad+ma ka la sha ab+hi Shiny+tsa hUM/ oM karma ka la sha a b+hi Shany+tsa a/ de nas 'dis phreng ba'i dbang bskur bar bya'o/ /oM bud+d+ha mA la a b+hi Shiny+tsa oM/ badzra mA la any+tsi Shiny+tsa
- 116a
hUM/ oM ratna mA la a b+hi Shitsnya traM/ oM pad+ma mA la a b+hi Shiny+tsa hUM/ oM karma mA la a b+hi Shiny+tsa traM/ oM bud+d+ha tra a b+hi Shiny+tsa oM/ oM badzra mu tra a b+hi Shiny+tsa hUM/ oM ratna mu tra a b+hi Shiny+tsa traM/ oM pad+ma mu tra a b+hi Shiny+tsa h+ri(rgyud 'grel): oM karma mu tra a b+hi Shiny+tsa a(rgyud 'grel): oM bud+d+ha karma a b+hi Shiny+tsa oM/ oM badzra karma a b+hi Shiny+tsa hUM/ oM ratna karma a b+hi Shiny+tsa traM/ oM pad+ma karma a b+hi Shiny+tsa hUM/ oM ba shwa karma a b+hi Shiny+tsa a(rgyud 'grel): oM badzra tsakra a b+hi Shiny+tsa hUM/ oM badzra tsakra a ti pa ti a b+hi Shiny+tsa hUM/ oM badzra nA ma a b+hi Shiny+tsa hUM/ oM oM oM/ hUM hUM hUM/ traM traM traM h+ri h+ri h+ri/ a a a(rgyud 'grel): oM sarba ta thA ga ta d+ha ri na a b+hi Shiny+tsa oM/ oM badzra d+ha ra ni a b+hi Shiny+tsa hUM/ oM ratna d+ha ra ni a b+hi Shiny+tsa traM/ oM pad+ma d+ha ra ni a b+hi Shiny+tsa h+ri/ oM karma d+ha ri ni a b+hi Shiny+tsa a/ oM sarba ta thA ga ta gu hya a b+hi Shiny+tsa oM/ oM badzra gu hya oM b+hyo Shiny+tsa traM/ oM pad+ma gu hya a b+hi Shinyza h+ri/ oM karma gu hya a b+hi Shiny+tsa a/ oM pradz+nyo pa ya sa ma yo ga a b+hi Shiny+tsa oM A(rgyud 'grel): hUM zhes pa la sogs pa'i sngags 'di ltar dbang bcu yongs su rdzogs par bskur bar gsungs te/ de la 'di ni bshad pa'i rgyud yin pa'i phyir dang khyab par 'byung ba'i rdo rje'i ting nge 'dzin gyis dkyil 'khor thams cad du khyab par gsungs pa'i phyir 'di gsungs pa'i sngags dang rnal 'byor dang bya ba la sogs pa rnams ni rgyud kyi rgyal po chen po 'dir gsungs pa'i dkyil 'khor bcu gnyis po thams cad la khyab bar bya ba nyid do/ /de la dang po ni bdag nyid rnam par snang mdzad dang/ ngan song sbyong ba dang rin chen tog dang/ shAkya thub pa dang/ me tog chen po rgyas pa la sogs pa'i rnal 'byor dang ldan par byas la/ slob ma'i dpral ba dang/ lkog ma dang/ snying ga dang/ lte ba dang gsang ba'i gnas rnams su de dag gi sa bon dang/ ting nge 'dzin gyis dbang bskur bar bya ste/ de ni bde bar gshegs pa'i dbang zhes bya ba'o/ /gnyis pa ni lo tsa na dang/ mA mi k+She dang/ gos dkar mo dang/ sgrol ma rnams su bum
- 116b
pa lnga byin gyis brlabs la/ spyi bo dang/ dpral ba dang/ rna ba g.yas dang/ rna ba g.yon dang/ ltag pa rnams su dbang bskur bar bya ste/ de dag ni bum pa'i dbang zhes bya'o/ /gsum pa ni mu tog dang/ gser dang khyu ru dang/ rdo'i snying po la sogs pa'am yang na de dang rigs mthun pa'i shing 'bras la sogs pa'i phreng ba bde bar gshegs pa lnga'i snying po dang/ rang gi lha'i snying po rnams zlos shing sbyin pa ste/ de dag ni phreng ba'i dbang zhes bya'o/ /bzhi pa ni bde bar gshegs pa lnga'i phyag rgya bcings la/ mig dang rna ba dang sna dang kha dang/ spyi bo rnams su dbang bskur bar bya ba ste/ de dag ni phyag rgya'i dbang zhes bya'o/ /lnga pa ni lag tu rdo rje dang dril bu byin la/ oM khyod kyis dbus su rang song nas/ sems can smin par bya ba'i phyir/ /bde bar gshegs pa'i bka' bzhin du/ / sangs rgyas chos kyi 'khor lo bskor zhes pa la sogs pa'i tshigs su bcad pa ldas dbang bskur bar bya ste/ de dag ni las kyi dbang zhes bya'o/ /drug pa dang bdun pa ni gcig ste 'khor lo rin po che la sogs pa rin po che sna bdun gyis 'khor los sgyur ba'i rgyal po bzhin du dbang bskur bar bya ste/ de dag ni 'khor los bsgyur ba'i dbang zhes bya ba'o/ /brgyad pa ni bum pa'i dbang gi khongs su 'dus pa ste/ chu la sogs pa dbang bskur ba'i rjes la rang gi rigs dang mthun pa'i ming gdags par bya ba ni dpal che ge mo rdo rje zhes bya ba ni sogs pas dbang bskur bar bya ste/ de ni ming gi dbang zhes bya ba'o/ /de la de dag gi 'og tu gsungs pa'i yig 'bru bco lnga po ni sngags gsum pa rnams la'ang bde bar gshegs pa dang/ rdo rje dang rin po che dang pad+ma dang/ las lnga'i tshig mtshon par bya bar gsungs pa ste/ gong ma ji lta ba bzhin du bya ba'o/ /dgu pa ni rnam par mi rtog snang ba zhes bya ba la sogs pa gong du smos pa'i ting nge 'dzin rnams kyi snying ga'i thig le lnga la dbang bskyur bar bya ba ste/ de dag ni
- 117a
gzungs kyi dbang zhes bya ba'o/ /bcu pa ni gsang ba'i don gyi phyag rgya bcings la rang gis yongs su rigs par bya ste/ mu tig lta bu'i thig le dkar po ldas gdong gi pad+mar btang bar bya ba ste/ de ni gsang ba'i dbang zhes bya'o// bcu gcig pa ni thabs dang shes rab kyi phyag rgya mdzes pa bcings la ting nge 'dzin gyis bde ba chen po'i ngo bor rig par byas la/ dbang bskur bar bya ba ste/ de ni thabs dang shes rab mnyam par sbyor ba'i dbang zhes bya'o/ /de nas 'dir ma gsungs na 'ang gang du gsungs pa'i phyir 'dir bka' i dbang yang dran par bya ste/ de dag gi rim pa dang rnal 'byor dang/ tshigs su bcad pa la sogs pa dang/ mtshan nyid bshad pa rnams ni tshig mangs pa'i skyon du 'gyur gyis dogs nas 'dir ma bris te/ dbang gi rim par blta bar bya'o/ /de nas dbang bskur nas tshe bsring ba'i rig pa 'di sbyin par bya'o/ /oM badzra a yu She b+h+rUM hUM A(rgyud 'grel): zhes pa ni skabs 'dir dbang rnams rdzogs pa'i rjes la snying po de brgya rtsa brgyad la sogs pa'i grangs su sbyin par bya ba ste/ gzhan du ni ma yin no/ /de'i sgrub pa 'di yin te/ bcom ldan 'das rdo rje tshe zla ba'i 'od can zla ba'i dkyil 'khor la zhugs shing phyag gnyis pa la mi 'jigs pa dang mchog sbyin du mdzad pa las bdud rtsi 'jig pa bri'o/ /de'i 'og tu sgrub pa po'i lag pa thal mo brgyang la gdang gyen du bcom ldan 'das la blta bar bris la mchod pa rnam pa lngas mchod de de'i spyan sngar 'bum bzlas par bya'o zhes pa ni 'di ltar 'dir gsungs pa'i dkyil 'khor ni rgyud gzhan las gsang sngags thams cad 'dus pa'i dkyil 'khor zhes gsung ste/ tshogs chud bas rgyud kyi rgyal po chen po 'di nyan pa dang/ bshad pa dang bsgrub pa la sogs pa'i gang zag rnams kyi don du gsungs pas tshe dpag med kyi bsgrubs pa'i dkyil 'khor ni 'og nas ston
- 117b
gar? gyur pas de'i skabs su 'dir bshad pa rnams shes par bya zhing/ 'di ni dkyil 'khor thams cad kyi las bshad pa ste/ 'di gsungs pa'i bris sku 'ang 'og tu shes par bya'o/ /de la mi gang dag tshe bsgrub par 'dod pa la dang por rtsa ba'i yan lag bzhi dgos te/ bla na med pa'i byang chub kyi sems dang ldan pa dang/ dam tshig dang sdom pa ma nyams pa dang/ bla na med pa'i 'phags pa dkon mchog gsum la gus shing phyogs bzhi'i dge 'dun dang yid mthun pa dang/ rnam par rtog pa shas chung ba'o// de dang ldan pa'i gang zag rnams kyis bcom ldan 'das tshe dang bsod nams dang ye shes dpag tu med pa'i dkyil 'khor 'dir zhugs la rim pa ji lta ba bzhin du dbang mnos nas/ bla ma yongs su mnyes par byas la sbyin pa la sogs pa rgya chen por bya ste/ smon lam btab nas ras bal gsar pa la ga bur la sogs pa'i dris yongs su bsgos la tha ga mo bsnyen gnas la gnas pas dkyus su khru do pa zheng du khru phyed dang do btags te/ ri mo mkhan bsnyen gnas la gnas par bya ba ni bcom ldan 'das rdo rje lta bu'i tshe ster bar byed pa tshe dang bsod nams dang ye shes dpag tu med pa zhes bya ba zla ba'i dkyil 'khor la bzhugs shing zla ba'i 'od dang ldan pa sku mdog dmar skya gsal zhing 'tsher ba de la/ de bzhin gshegs pa'i cha lugs su bzhugs pa phyag g.yas pa skyabs mdzad kyi phyag rgya mdzad pa/ g.yon pa mchog sbyin du bskyang ba'i rtse mo las ye shes kyi bdud rtsi'o ma lta bu 'dzag pas sgrub po'i lag mthil du 'bab pa bri zhing/ de'i g.yon phyogs su sgrub pa po'i lag pa g.yas brkyang pa g.yon pa phyag 'tshal pa bri'o/ /de'i mdun du me tog dang spos la sogs pa'i mchod pa'i tshogs ci rigs pa bri bar bya'o/ /de nas ri mo'i gzugs de rab tu gnas pa dang spyan dbye ba la sogs pa byas nas/ de mchod brgya chen po rnams kyis mchod
- 118a
nas de'i spyan sngar gong du gsungs pa'am/ 'og nas 'byung ba'i sngags 'bum bzlas par bya'o/ /de nas gnas dben par 'og nas 'byung ba'i dkyil 'khor ji lta ba bzhin du bris te/ mchod pa la sogs pas mchod cing gsang sngags khri bzlas par bya'o/ /de nas bdag nyid bcom ldan 'das tshe dpag med du mngon par byang chub pa rnam pa lngas bskyed la/ gsang sngags stong bzlas par bya'o/ /de nas yang dkyil 'khor bzhengs la sbyin sreg 'bum dang gtor ma rgya chen po/ sbyin pa la sogs pa byas nas dkyil 'khor dang bcom ldan 'das kyi spyan sngar yi ge brgya pa'i snying po khri 'am stong du bzlas shing sdig pa ma lus bshags par bya ba nyid do/ /de nas zla ba nya ba dang mchod pa chen po byas la ba dmar ser gyi mar snod sar par bcug la rdo rje rang bcas pa'i lag pa g.yon pas mnan la/ bcom ldan 'das rab tu semS zhing mtshan thog thag tu bzlas par bya'o/ /de nas dri ma nam zhing sngon ma byung ba'i dra'i rang ldar la blangs pa 'am du ba'am me byung dam 'od zer ? me sgron nas 'od byung dam/ de lta bu la sogs pa'i mtshan ma byung mar me 'am mar sar pa'am til mar dam chu 'am 'o ma 'am chang ngam khrag gam zhag gam klad pa 'am sha 'am/ gang yang rung ba la rab tu bsgrubs te/ nad par sngar bsrung ba la sogs pa byas nas/ bdag nyid kyis sbyang pa la sogs pa byas te/ btung dam bza' bar bya'o zhes gsungs pa ni 'di ltar gong du smos pa'i chog rnams kyi mthar ji skad gsungs pa bzhin du gnas shin tu dben par dkyil 'khor bzhengs te/ mdun rol tu bris sku bkram la ston zlar pa'i nyi gza' phur bur skar ma rgyal gyi nyi ma nas brtsams nas ston zla 'bring po'i nya'i bar du bya ste/ de la gser ram dngul lam zangs sam lcags la sogs pa'i snang gtsang ma lnga dkyil 'khor gyi zur bzhi
- 118b
dbus dang lngar bzhag go /bum pa 'o me dang dri'i chus bkang zhing rgyan dang mgul chings su bcas pa lnga phyogs bzhi dbus su bzhag go /de bzhin du sa gzhi ba'i rnam lnga la sogs pas legs par byugs te/ me tog dri zhim pos bkram la gdugs dang bla re dang/ rgyal mchan dang/ bdan la sogs pa'ang yongs su bris la/ bgegs bskrad pa la sogs pa byas te/ de la dbus kyi snod du ni ba dmar ser gyi mar gzhu ba dri ma dang dar ba med pas dgang bar bya'o/ /shar phyogs kyi snod du ni mu tig dang dngul dang byang chub kyi sems dang/ lhang tsher ba nag po dang/ a ru ra rnam par rgyal ba dang/ bye ma kha ra dang/ e rang da'i sa bon dang/ gang mar dang/ tsan dan dkar po ga bur la sogs pa srang re bar cha bsnyams la phye mar byas pas dgang bar bya'o/ /lho phyogs kyi snod du mi gser dang/ rnam par snang mdzad dang/ tsi kra ka'i rtsa ba dang/ skar 'od dang/ a ru re 'jigs med dang/ zhag dang/ gze ma btsos pa'i khu ba dang/ g+hi wang dang gur gum dang/ sbrang rtsi rnams srang re bar cha snyams la phye mar byas pas dgang bar bya'o/ /nub phyogs kyi snod du ni 'di dpag med dang/ byu ru dang/ a ru ra stobs chen dang/ til nag po dang/ klad pa dang/ bu ram dang/ tsan dan dmar po dang/ sa ta pa ri dang/ rgya sras dang/ shi lany+dza du rnams srang re bar cha bsnyams la phye mar byas/ pas snod dgang bar bya'o/ /byang phyogs kyi snod du ni rje'i snying po dang/ mi bskyod pa dang/ gu ru cha'i dar ba dang/ chil dang/ gla rtsi dang/ a ru ra rnam par 'dren byed dang/ shing dar dang/ spung lod dang/ sha dang nim? pa'i 'bras bu rnams srad re bar cha ? la phye mar byas pas snod dgang bar bya'o/ /de la mar ni bra gang ngo/ /de yang chu bre bzhi'i nang du bskol ba ste/ de ni mar gyi snying khu zhes brjod do/ /de la sman de dag 'thag pa ni bu mo lo brgyad lon pa rigs dang gzugs byang du ldan pa skyes pa dang ma
- 119a
'phrad bas khrus legs par byas te/ dbang bskur ba nyi ma rtse shar ba dang/ kha shar phyogs su bltas nas gos dkar po bgos pas brtag par bya'o/ /de nas phye mar gyur pa dang de ral sogs pa'i tshags nas/ btsags nas dgang bar bya'o/ /de nas mchod pa la sogs brgya chen po byas te/ sman rnams dang mar la ras dkar pos kha bcad nas mi dang ma phrad par sha dang chang dang sgog pa dang bud med la sogs pa spangs te/ zas dkar gsum bza' zhing bcom ldan 'das tshe dang bsod nams dang ye shes dpag tu med pa'i snying po bcom ldan 'das rab tu sem zhing bzlas par bya'o/ /de bzhin du mchod pa rnam pa lngas ni nang nub thams cad du mchod cing rang nyid khrus la sogs pa'i de bzhin du bya ba ting do/ / de nas dri mnam pa dang sdang nyams su ma myong ba'i dri dang ldad ba 'am rlangs pa 'am/ du ba 'am me 'bar ba 'am 'od dam snang ba 'am/ snod 'gul ba 'am mar khol lam sa g.yo 'am gzhan yang de dag la sogs pa'i mtshan ma bdag nyid kyi mngon sum du mthong ba ni shin tu khyad par du gyur pa'o/ /gzhan yang lus rdul ba 'am shin tu 'jigs pa bag tsha ba spu ldad ba dang/ gnas kyi phyi rol rnams su sgra khyad par can drag pa la sogs pa'ang rtags 'bring du bshad pa yin pas 'jigs pa'i rnam par rtog pa la sogs pa mi bya bar bcom ldan 'das rab tu sems pas dga' ba dang bcas pa'i spro ba chen po skyed par bya'o/ /gzhan yang bdag gi rmi lam du/ ma'am srid mo 'am sru mo 'am bram ze 'am khye'u gtsang ma'am rgyal rigs sam/ mkhan po 'am/ slob dpon nam/ bla ma la sogs pas mar ram/ zhun mar ram/ chad dam 'o ma 'am zho 'am kha zas kyi rnam pa ro dang ldan pa byin pa bdag gis zos sam/ 'thungs pa rmi na ni mtshan ma tha mar shes par bya'o/ /de nas ston zla 'bring po'i zla
- 119b
ba nya pa'i skabs su bab pa dang bdag nyid khrus legs par byas te mchod pas yongs su mchod nas bsrung ba la sogs pa byas pa mtshan thog thag de bzhin gshegs pa tshe dpag tu med pa'i snying po lag pa g.yon pas mar gyi steng du rdo rje dang bcas pas mnan la nam langs kyi bar du bzlas pa nam langs pa dang bdag gi mar de nyid btung bar bya'o/ /'thungs nas yang mchod pa'i tshogs kyis yongs su mchod la bde bar gshegs pa rnams gshegs su gsol bar bya ba nyid do/ /de nas mtshan ma ji lta ba bzhin du byung ba na/ nam nyi ma dang zla ba gnas kyi bar du tshe ring zhing rdo rje dang mtshungs par 'gyur ro/ /tha mas ni tha ma 'grub par 'gyur bas 'di la the tshom med do/ /mtshan ma ma byung na'ang 'jig rten na nang med ldob rkyen de lus la skra dkar rang gnyer ma med par 'gyur lus brtan zhing tshe lo brgya thub par 'gyur ro/ /gzhan yang zhi ba dang rgyas pa dang dbang la sogs pa'i las rnams la brtag mi dgos par 'gyur te 'di la the tshom med do zhes gsungs pa ni de'i phan yon yongs su gsungs te/ de la gong du gsungs pa'i mtshan ma me 'bar ba dang/ 'od byung ? dub byung ba na mar de nyid 'thungs la gzhan sman gyi phye ma rnams ni bsod nams chung ba dang/ nang mang ba dang/ tshe thung ba la sogs pa'i sems can rnams la sbyin pa'o/ /de nas ni des par 'jig rten na zla ba dang nyi ma gnas kyi bar du de srad du gnas par 'gyur ba ni nges pa'o/ /tha mas ni tha ma 'grub bo zhes pa ni me 'bar ba la sogs pa'i mtshan ma mngon sum du ma byung na ba spu ldang pa dang/ bag tsha ba la sogs pa byang bas ni 'jig rten du gnas kyi bar du dus ma yin par mi 'chi ba dang/ mthu dang stobs dang dbang phyug la sogs pa lnga na med pa bskyed par byed pa nyid do/ /de nas rmi lam gyi mtshan ma rnams byung bas kyang 'jig rten du gnas kyi bar du rims
- 120a
dang nad dang dug dang mtshon la sogs pas mi tshugs pa dang/ mdog bzhin mdangs dang ldan pa dang skra dkar dang gnyer ma med pa dang/ rgas sra ba dang/ rta ltar 'gyogs pa dang/ shes rab che ba dang/ mi rnams kyi yid du 'ong ba dang/ zhi ba'i las dang/ rgyas pa dang dbang dang/ mngon spyod la sogs pa'ang des 'grub par 'gyur ro/ /de'i rnam par dbye ba ni 'di ltar rtags dang mtshan ma de rab kyi tshad du byung na ni mar gcig pu tsam btung bar bya zhing/ gal te rtags 'bring po dang tha ma byung ba na ni mar de'i sum cha dang bsnyams pa'i 'bras bu gsum dang/ mar de'i sum cha dang bsnyams pa'i tsha ba gsum dang/ sngar gyi sman gyi phye ma rnams yongs su bsres nas ri lu a shwa ka'i 'bras bu tsam byas te/ lo gcig gi bar du nang re lto stong la thos na tsho lo brgya bdun cu thub cing sa bon rab tu 'phel lus kyi sha rnams byis pa gzhon pa dang 'dra bar rgyas shing 'jam par 'gyur ba dang/ gzhan yang bud med la grangs dpag tu med pa nus pa dang/ nyams shed dang ldan pa dang/ stobs dang ldan pa dang pad+ma'i mdog ltar 'gyur ba dang/ dngos grub la sogs pa mang po 'grub par 'gyur ba ni the tshom mi za ste/ bdag gis mngon sum mthong ba'i phyir ro/ /gzhan yang so rje ba dang/ sen mo rje ba dang/ dri gla rtsi la sogs pa'i dri dang ldan pa dang/ rkang mgyogs kyi dngos grub thob par 'gyur ba dang/ mi ma yin pa dang/ yi dags dang/ 'dre dang/ gdon dang/ klu rnams dang/ sha za dang/ srin po rnams kyis lha'i dbang po brgya byin lta bur mthong zhing de la dngos grub la sogs pa ster ba dang/ rang rang gi gzugS ston pa dang/ phyag 'tshal ba la sogs pa'i bsnyen bkur byed pa dang/ lus 'od 'dom gang pa dang ldan par 'byur ba ste/ de dag ni bcom ldan 'das kyis kyang the tshom mi za ba'i tshig lan gnyis su gsungs na 'di ni nges par 'grub par 'gyur ba kho na yin pas
- 120b
'bad par bya ba nyid do/ /de nas rgyal po chen po bzhis bcom ldan 'das phyag na rdo rje la phyag btsal nas 'di skad ces gsol to/ /bcom ldan 'das bdag cag kyang sems can thams cad kyi don dang phan pa dang bde ba'i slad du rang rang gi snying po bshad par 'tshal gyis bcom ldan 'das kyis bka' stsal du gsol/ rdo rje 'dzin pa bka' stsal du gsol/ rgyal po chen po dag legs kyis shod cig dang das kyang rjes su yi rang zhing byin gyis brlabs par bya'o/ /zhes gsungs pa ni 'dir rnam pa gsum du go bar bya ste/ de la gcig ni rgyal po chen po bzhi la sogs pa 'jig rten pa'i lha rnams kyis dam pa'i chos la bsnyen bkur bya ba'i phyir rang rang gi snying po phul ba'o/ /gcig ni bcom ldan 'das phyag na rdo rje'i byin gyis brlabs kyis rnal 'byor pa la 'jig rten pa'i dngos grub phun sum tshogs par bya ba'i phyir de dag gis snying po phul nas de dag gi dkyil 'khor gsungs pa'o/ /gcig na dam pa'i chos 'di spyod pa dang bde bar gshegs pa'i bstan pa rab tu bstan par bya ba'i phyir srungs ma'i chogs su yang dag par bkod pa yin par shes par bya ste/ de nyid 'dir tshe bsgrub pa la bgegs kyi tshogs bar gcod byed pas na de zhi bar bya ba'i phyir 'jig rten pa'i dkyil 'khor skabs 'dir gsungs pa nyid do/ /de la bcom ldan 'das bdag cag kyang sems can thams cad la phan pa dang bde ba'i skad du zhes pa ni 'jig rten ni de dag gi dkyil 'khor rnams kyi gtso bor gyur pa rnams la dkyil 'khor 'dir zhugs zhugs pa dpon po 'am rje bo lta bur mthong ba'i phyir 'tshe ba la sogs pa med par 'gyur ba ni phan pa dang/ bde ba zhes bya'o/ /rang gi snying po bshad par 'tshal gyis bcom ldan 'das gyis bka' stsal du gsol zhes pa ni rnam pa gnyis te/ de la gcig ni spobs pa bskyed du gsol zhes pa'o/ /gcig ni bdag cag gi snying po la bcom ldan 'das kyis byin
- 121a
gyis brlab cing dkyil 'khor gsung du gsol zhes par sbyar ro/ /de la gang dag 'di skad du rgyal po chen po rnams kyi snying po la byin gyis brlabs pa la dgongs pa ji lta bu zhig yod ce na/ de ni 'di ltar 'jig rten pa'i snying po ni rnam par ma dag pa'i phyir de bzhin gshegs pa'i snying po dang rnal 'byor thabs gcig tu byar mi rung ste/ dam tshig nyams par 'gyur ba'i phyir ro/ /de'i phyir de dag gi snying po bcom ldan 'das phyag na rdo rjes yang dag par byin gyis brlabs pa dang de dag gi dkyil 'khor yongs su gsungs pas ste/ dper na chu ma bskol ba dang/ mar khu 'dres ma'i btung ba bzhin no/ /rgyal po chen po dag shod cig dang ngas kyang rjes su yi rang zhing byin gyis brlab par bya'o/ /zhes gsungs pa ni de bzhin du mdzad pa yin par shes par bya ste/ gnang ba byin pa nyid do/ de nas gnod sbyin gyi rgyal po lus ngan pos bcom ldan 'das kyis gnang zhing rjes su yi rang ste byin gyis brlabs pas rang gi snying po rang gi snying ka nas phyung ngo/ oM b+he:de na dri ba'i rgyal po yul 'khor bsrung gi rang gi snying po 'di bshad do/ /oM d+hi(rgyud 'grel): de nas grul bum gyi rgyal po 'phags skyes pos kyang rang gi snying po 'di bshad do/ oM b+hi(rgyud 'grel): de nas ? rgyal po mig mi bzang gis kyang rang gi snying po 'di phyung ngo/ /oM k+Sha:zhes pa la sogs pa ni 'di ltar bcom ldan 'das phyag na rdo rje rgyal po chen po bzhi'i snying po yongs su dag par byin gyis brlabs shing gnang ba byin pas rgyal po chen po bzhis snying po phul ba ste/ de la gnod sbyin gyi rgyal po lus ngan pos dang por smos pa'i tshig ni bcom ldan 'das phyag na rdo rje ni gnod sbyin rnams 'dul ba'i phyir gnod sbyin gyi cha lugs su bzhugs pas gnod sbyin gyi rgyal po lus ngan po rang nyid gtso bo la spobs pa bskyed nas dang por zhugs pa yin pa'i phyir gnod sbyin gyi rgyal po lus ngan po zhes dang po la smos pa'o/ /bcom ldan 'das kyis gnang zhing
- 121b
zhes bya ba la sogs pa ni gong ma la bsnyegs so/ /rang gi snying po ni rang bskyed par byed pa dang rang gi ming dang mthun pa'i phyir rang gi snying po zhes pa dang/ de la snying po ni skabs 'dir srog la bya ste/ srog gi snying po phul ba nyid do/ /de gzhin du dri za'i rgyal po yul 'khor bsrung dang/ grul bum gyi rgyal po 'phags skyes po dang/ klu'i rgyal po mig mi bzang rnams kyis kyang rang rang skyed par byed pa dang/ rang rang gi ming dang mthun pa dang/ rang rang gi srog gi snying po rnams phul ba ni d+hi:dang/ b+hi:dang/ k+Sha:rnams su shes par bya'o de nas dkyil 'khor bshad de/ gru bzhi pa la sgo bzhi pa/ /dkyil 'khor lnga ni brgyan pa ste/ /de'i dbus su gtso bo ni/ /phyag na rdo rje 'gying bcas bri/ /g.yon phyogs su ni lus ngan po/ /lag na ne'u le be con thogs/ /rin chen rgyan gyis brgyan pa dang/ /sdom zhing seng+ge'i gdan la bzhugs/ /gser mdog gzi brjid ldan pa bri/ /mkhas pas bum pa bzang la sogs/ /rin chen chu bo 'bab pa bri/ /mdun du gnas srung de nyid ni/ /pi wang byed la brtson pa dang/ /mdzes pa'i kha dog dkar po ste/ /rgyan rnams kun gyis brgyan pa bris/ /g.yas phyogs su ni lus 'phags po/ /ral gri lag na thogs pa dang/ /kha dog sngon po 'od 'bar bri/ /nub phyogs su ni mig mi bzang/ /rdo rje zhags pa 'dzin pa'i mchog /sbrul mgo bdun gyis bskor ba la/ mig kyang shin tu 'bur ba la/ / g.yas su cung zad lta pa bri/ /sgo yi phyogs ni thams cad du/ /sgo ba rnams kyang de bzhin no zhes gsungs pa ni de dag gi dkyil 'khor yang dag par gsungs pa ste/ de la gru bzhi pa la sgo bzhi pa/ /dkyil 'khor lnga ni brgyan pa ste zhes pa ni 'di ltar gnas yid du 'ong ba rnams su stogs bu khru bcu drug pa brtsigs la thig legs par btab ste/ gru bzhi dang ldan pa ka ba brgyad kyis nye bar mdzes pa/ dra ba dang dra ba phyed pa dang rin po che pha gu dang/ do shal dang mnga' yab dang rta babs la sogs pas legs par brgyan pa de'i/
- 122a
dbus su pad+ma dmar po 'dab ma brgyad pa gcig bri bar bya'o/ /de'i mu khyud la rdo rje phreng bar bya zhing/ phyogs bzhir rin po che'i phreng bas bskor bar bya'o/ /de'i dbus su bcom ldan 'das dpal phyag na rdo rje sku mdog ljang nag la dbu skra kham par 'khyil bas stong khabs bcod pan la sogs rgyan thams cad kyis brgyan pa/ phyag g.yas pas rdo rje rtse lnga pa bsnams pa thugs kar bsgreng ba la g.yon pa dkur dril bu 'dzin pa/ sems dpa' i skyil mo krung du bzhugs shing mche pa cung zad gtsigs pa spyan rgyas par dmar ba nga rgyal chen po dang bcas pa'i 'gying bag dang ldan par bri bar bya'o/ /de'i pad+ma'i 'dab ma la shar la sogs par rim pa ji lta ba bzhin du sgeg mo dang phreng ba ma dang/ glu mkhan ma dang gar mkhan ma dang/ bdug pa ma dang/ me tog ma dang/ snang ba ma dang/ dri chab ma la sogs pa bri bar bya'o/ /de'i shar phyogs kyi gling la pad+ma 'dab ma brgyad pa'i steng du yul 'khor bsrung kha dog dkar po la phyag gnyis pa rgyan thams cad kyis brgyan pa lag pa gnyis kyiS gser gyi pi wang bsgreng ba shin tu mdzes pa'i bzhin dang ldan pa bri'o/ /lho phyogs kyi gling du ni 'phags skyes po kha dog sngon po la phyag gnyis pa rgyan thams cad kyis brgyan zhing mig cung zad rgyas shing mche ba cung zad gtsigs pa lag pa g.yas ral ? 'bar ba 'dzin pa/ g.yon pa dku ru me tog utpal 'dzin pa bri'o/ /nub phyogs su ni mig mi bzang kha dog dmar po la phyag gnyis pa/ mig dmar po shin tu 'bur ba mgo la sprul mgo bdun gyis bskor zhing rgyan thams cad kyis brgyan pa lag pa g.yas pas rdo rje dang ldan zhing zhags pa 'dzin pa/ g.yon pas me tog pad+ma dkur 'dzin pa bri bar bya'o/ /byang phyogs su ni rnam thos sras kha dog ser po la lag pa gnyis pa gsus pa zlum pa sgom zhing rags pa rgyan thams cad kyis brgyan pa mig
- 122b
'bur ba lag pa g.yas pas rin po che'i dbyug to 'dzin pa/ g.yon pas ne'u le'i rgyal pa rin po ches bkang ba 'dzin pa bri bar bya'o/ /de'i g.yas g.yon gnyis su bum pa bzang po dang/ gang ba bzang po gnyis kyis rin po che'i rgyal pa nas rin po che sdugs ba bri bar bya'o/ /de'i mdza' ma mu khyud ni sna tshogs pad+mas bskor bar bya zhing zur bzhir ni bum pa rgyan dang chas pa bri bar bya'o/ /de'i sgo bzhir ni rdo rje lcags kyu la sogs pa sgo skyong ba bzhi gri bar bya ba nyid de/ de dag gis sa bon ni rang rang gi snying po las shes par bya'o/ /de nas rdo rje'i phyag rgya zhes bya bas sngags mkhan de ni zhugs pa dang/ bcom ldan 'das ni spyan drangs te/ /de nas rgyal po spyan drang ngo/ /spyan drangs nas ni mkhas pas mchod/ /cho ga bzhin du mchod pa 'bul/ /de nas mkhas pas sngags 'di dang/ /rdo rje 'dzin ma'i phyag rgya 'dis/ /slob ma rgyal rigs rje'u rigs sam/ /bram ze la sogs de bzhin te/ /me tog rin chen thogs te gzhug /oM badzra sa ma ye hUM zhes gsungs pa ni 'di ltar dang por bdag nyid khrus la sogs pa byas la gong du bsnyen pa byas pa'i bum pa lnga la yul 'khor bsrung la sogs pa rang rang gi snying po stong dam brgya rtsa brgyad du phyin par bzlas te/ rgyan dang chas pas brgyan pa bzhi grwa bzhing bzhag par bya'o/ /bum pa gcig ni khro bo bgegs mthar byed kyi sngags kyis btab la bzhag par bya'o/ /de nas rang gi sa bon las 'od zer spros pas bcom ldan 'das rigs pa'i tshogs dang bcas pa spyan drangs la zhabs bsil la sogs pa mchod de rdo rje lcags kyu la sogs pa'i rnal 'byor gyis 'gugs pa la sogs pa byas la gnyis su med par/ bya'o/ /de bzhin du rgyal po bzhi yang spyan drangs la gnyis su med par byas nas mchod pa'i tshogs kyis mchod la/ bdag nyid gong du gsungs pa'i rdo rje 'dzin ma'i phyag rgya bcings la rim pa ji lta ba bzhin du dbang gnos la gnang ba legs par thob pa dang slob ma rgyal
- 123a
rigs sam rje'u rigs la sogs pa dbang dang ldan zhing stobs dang 'byor ba dang ldan par 'dod pa ngag dbang bskur bar bya ba ste/ de la slob ma des rgyal po chen po bzhi dang phyag na rdo rje la yon dbul bar bya ba ni rin chen me tog thogs te bzhug ces pa ste/ de la 'byor pa dang ldan pas ni gser la sogs pa'i rin po che dbul ba dang/ 'byor pa dang mi ldan pa rnams kyis ni me tog la sogs pa thogs la gzhug par bya'o/ /de yang ras la sogs pas gdong dgab pa la sogs pa ni gong du gsungs pa las shes par bya'o/ /oM badzra sa ma ya hUM zhes pa ni gzhug par bya ba'i sngags so/ /de ni me tog dang rin po che 'dir dor bar bya'o/ /oM badzra pra tits+tsha baM ma hod ta ma/ gang la bab pa'i rgyal po ni/ /'grub 'gyur de las gzhan du min/ /de nas grwa na bzhag pa yi/ /bum pa bzhis ni dbang bskur te/ /lnga pa phyag na rdo rje yi/ /phyag rgyas de'i dbang bskur bya/ /de la sogs pa'i go rim gyis/ /dkyil 'khor nyid du dbang bskur na zhes bya ba la sogs pa gsung pa ni dbang bskur ba'i rim pa gsungs pa ste/ /de la dang por me tog dor ba dang/ rgyal po chen po bzhi gang la phog pa de dag gis dngos grub tu 'gyur ba las gzhan du 'grub par mi 'gyur ba ni pra dbab pa'o/ /de nas zur bzhi gang bzhag pa'i bum pa rang gi mtshan mas mtshan ma bzhis rang rang gi snying po dang bcas pas dbang bskur ba ni so so'i rnal 'byor dang ldan pas so/ /de nas bcom ldan 'das phyag na rdo rje'i phyag rgya gong du gsungs pa yin pas dbang bskur bar bya ba ni rgyas gdab dang/ dam tshig dang ldan par bya ba dang/ brtan par bya ba'i phyir dbang bskur bar bya ba'o/ /de la sogs pa'i go rim gyis/ /dkyil 'khor nyid du dbang bskur na zhes gsung ba ni rgyal po chen po bzhi'i phyag rgya pi wang la sogs pas dbang bskur ba dang/ mda' gzhu dang/ go cha dang/ bkra shis kyi rdzas brgyad dang/ 'khor lo rin po
- 123b
che la sogs pas dbang bskur bar bya ste/ bde bar gshegs pa'i dbang la sogs pa ni ma gtogs so/ /rgyal po ma yin rgyal por 'gyur/ /rgyal po yin na che bar 'gyur/ /dzam+bu gling dang dpal dang ldan/ /lan bzhir dbang ni bskur ba dang/ /lan bzhir gzhug par byas nas ni/ /gling bzhi pa la dbang ba dang/ /de la rdo rje 'dzin rgyal bdag /bu sdug shin tu bskyang bar bya/ /bdag cag rgyal po chen po bzhi'i/ /'bangs dang 'khor du bcas pa dang/ /pho brang nang gi 'khor bcas pa/ /rgyal po rtag tu bskyang bar bgyi zhes gsungs pa ni de'i phan yon yang dag par gsungs pa ste/ de la rgyal po chen po bzhi'i dkyil 'khor 'dir zhugs shing dbang rims pa bzhin du mnos na rgyal po chen por 'gyur ba dang/ rgyal po ma yin pa rnams kyang rgyal por 'gyur ba dang/ gzhan yang mthu dang ldan pa dang/ nus pa dang ldan pa dang/ dbang phyug dang ldan pa dang/ long spyod dang ldan par 'gyur ba nyid do/ /lan bzhir dbang ni bskur ba dang zhes pa la sogs pa ni lan bzhir dbang bskur zhing dkyil 'khor du bcug na gling bzhi la dbang pa'i 'khor los sgyur ba'i rgyal por 'gyur ba ste/ de ni ma 'ongs pa'i dus la dgongs pa'o/ /de la rdo rje 'dzin rgyal bdag /bu sdug bzhin du bskyang bar bya zhes gsungs ni spro ba yang dag par bskyed pa'i tshig go /bdag cag rgyal po chen po bzhis zhes pa la sogs pa ni de skad gsungs pa de bzhin du yang dag par skyong ba ste/ nges pa kho na'o/ /de gnod gzhan gyi dpung tshogs dang/ /de yi nang dang 'chi bdag dang/ /'jigs dang mu ge la sogs pa'i/ /gnod pa rnams ni gzhom par bgyi/ /lus ngan pos ni rgyas par bgyi/ /yul 'khor bsrung gis zhi bar bgyid/ /phyugs dang gnyen bcas dus min pa'i/ /'chi bdag lus 'phags po yi 'joms/ /mig mi bzang gis bkra shis shing/ /mu ge la sogs rnam par 'joms/ /'di ni bdag gi de yi ni/ /re dang
- 124a
bsam pa kun bgyi ste/ ci ste nges pa ma lags na/ /phyag na rdo rje bsdus gyur cig ces pa la sogs pa gsung pa ni 'dir las su bya ba yang dag par gsungs pa ste/ de la rgyal po chen po bzhis rgyal po chen po bzhi'i dkyil 'khor du zhugS pa'i mi de la rim gro yongs su byed pa ni de la gnod par byed pa'i dgra'i tshogs rnams ma rung byed pa dang/ chu dang me la sogs pa'i dus ma yin par 'chi ba las bzlog par byed pa dang/ gzhan yang bkra mi shis pa'i tshogs thams cad ma lus par 'dzamS? par byed pa'o/ /lus ngan pos ni rgyas par bgyid ces pa la sogs pa ni 'phrin las rnam bzhi yongs su sbyong ba ste/ de la rnam thos sras ni gnod sbyin gyi gter gyi bdag po yin pa'i phyir ni rdzas dang nor rnams spel par byed pa'o/ /yul 'khor gsung ni dri za'i tshogs kyis zhi ba'i las byed pa'i phyir nang dang ru ge la sogs pa zhi par byed pa'o/ /'phags skyes po ni grul bum gyi tshogs drag po'i las byed pa'i phyir pha rol gyi dpung dang dag dang 'chi bdag dang bgegs la sogs pa 'joms par byed po ? mi bzang ni klu rnams kyis dbang du sdud pa dang po tog smin par byed pa'i phyir dus rtag tu bkra shis pa dang/ rgyal po la sogs pa bdag gi dbang du 'khyur ba dang/ char la sogs pa 'bebs par byed pa nyid de/ de la sogs pa bsam pa thams cad nges par 'grub pa ste/ 'jig rten po'i lha yin pas dngos grub nye ba nyid do/ /ci ste nges pa ma lags na/ phyag na rdo rje bslus gyur cig ces pa ni rang rang gis bcom ldan 'das phyag na rdo rje dbang por gtol te mna' bskyal pa yin par shes par bya ste/ de ni mna' dam pos yang dag pa dam bcas pa na nges par 'grub par shes par bya zhing bstod pa la sogs pa 'di nyid kyi sgrub thabs su blta par bya'o/ /de nas phyogs skyong ba bcu rnams kyis bcom ldan 'das phyag na rdo rje la phyag 'tshal nas 'di skad ces gsol to /bcom
- 124b
ldan 'das bdag cag rnams kyang sems can thams cad la phan pa dang bde ba'i slad du rang rang gi? snying po dbul par 'tshal gyis bcom ldan 'das kyis byin gyis brlab tu gsol zhes pa ni gong du gsungs pa las shes par bya ste/ de dag rnams kyis snying po ni rnam pa'am dag pa yin pa'i phyir dang/ nus pa khyad par can du bya ba'i phyir byin gyis brlab tu gsol zhes par sbyar ro/ /bcom ldan 'das kyis bka' stsal pa/ 'jig rten sbyong ba rnams legs so legs so/ /legs kyis ngas byin gyis brlab kyis phul cig ces gsung pa ni yang dag par byin gyis brlabs nas rnam par dag par byas nas gnang bar byin pa'o/ /de nas 'byung po rnams kyi bdag po dbang ldan la sogs paS rang rang gi snying po phul pa/ oM a oM i oM ya oM ra oM baM oM sa oM ku oM A oM b+ha zhes pa la sogs pa'i snying po ni rang rang gi snying po rnams phul ba ste/ de la dang po ni dbang ldan chen po bde byed kyi sa bon no/ /gnyis pa ni brgya byin gyi'o/ /gsum pa ni me lha'i'o/ /bzhi pa ni gshin rje'i'o/ /lnga pa ni sbyin po'i'o/ /lnga pa ni srin po'i 'o/ /drug pa ni ? 'i 'o/ /bdun pa ni rlung lta'i 'o/ /brgyud pa ni gnod sbyin gyi'o/ /dgu pa ni nyi ma'i 'o/ /bcu pa ni sa bdag gi ste/ de dag ni bskyed pa'i sa bon du yang shes par bya'o/ /de nas de dag gi dkyil 'khor bshad de/ dkyil 'khor snga ma bzhin bris la/ mgon po dbus su de? bzhin bzhag /phyogs skyong ? phyogs gnas su/ /bzhag bya mdun du nyis dang/ /sa bdag phag gi gzugs su bzhag /sgo rnams kyang ni de bzhin no zhes gsung pa ni dkyil 'khor yongs su gsungs pa ste/ de la dang por sa phyogs yid du 'ong pa rnams su sa byin gyis brlabs la sogs pa byas la/ stegs bu khru nyi shu rtsa bzhi pa brtsigs te/ thig la sogs pa lags par btab nas dkyil 'khor bri bar bya ste/ de la dbus su ni pad+ma dmar po snying po dang ze'u 'brur ldan pa'i 'dab ma brgyad pa gcig bri bar
- 125a
bya'o/ /de'i mdza' ma'i mu khyud ni rdo rjer bas bskor te/ khru bzhi pa'i rnam par bcad par bya'o/ /de'i dbus su ni bcom ldan 'das dpal phyag na rdo rje gong du smos pa lta bu'i cha byang dang ldan pa bri bar bya zhing/ pad+ma 'dab ma brgyad la ni sgeg mo la sogs pa snga ma bzhin du dgod par bya'o/ /de'i grwa bzhir ni bum pa dkar po brgyan dang bcas pa bzhi bri bar bya'o/ /de'i phyi rol tu snam bu gru bzhi ba gcig la pad+ma'i gdan la shar phyogs su ni brgya byin kha dog dkar po dbu rgyan rtse gcig pas brgyan cing glang po che la zhon pa lag pa g.yas pa na rdo rje gdengs pa thogs pa g.yon pa dku ru btsugs pa bri bar bya'o/ /lho phyogs su ni gshin rje kha dog sngon po la bzhin khros pa skra kham pa gyen du rdzes pa ma he la zhon pa lag pa g.yas pas thod pa dang bcas pa'i dbyug pa 'dzin pa g.yon sdigS mdzub byed pa bri bar bya'o/ /nub phyogs su ni chu lha kha dog dkar po la sprul mgo bdun gyis brgyan pa bzhin 'dzum pa chu srin gyi steng du gnas shing lag pa g.yas pas sbrul gyi zhags pa 'dzin pa g.yon pas pad+ma 'dzin pa bri bar bya'o/ /byang phyogs su ni gnod sbyin kha dog ser po bzhin 'bur ba gsus pa che ba rta 'am seng+ge'i steng na lag pa g.yas pas rin po che dang ldan pa'i dbyug tho 'dzin pa/ g.yon pas ne'u le'i rkyal pa 'dzin pa bri bar bya'o/ /byang shar du ni bde byed kha dog thal skya la bzhin 'dzum par ral pa'i cod pan can spyi bo la zla ba phyed pas brgyan pa/ glang khyu mchog la zhon pa lag pa g.yas pas mtshon rtse gsum pa 'dzin pa g.yon pas ril pa 'dzin pa bri'o/ /shar lho'i mtshams su ni me lha kha dog dmar ser du 'dug pa shin tu ring pa ral pa'i thor tshugs can ra skyes la zhon pa lag pa g.yas pas dgang gzar dang phreng ba 'dzin pa gnyis pa blugs gzar dang ril pa bri bar bya'o/ /lho nub mtshams su ni srin po mi rol zhen pa kha dog dmar nag tu
- 125b
'dug pa bzhin khros pa lag pa g.yas pas ral gri 'dzin pa g.yon pas mi mgo 'dzin pa bri bar bya'o/ /nub byang mtshams su ni rlung lha kha dog dung kha la sha ba'i steng na zhon pa lag pa g.yas pas ba dan 'dzin pa g.yon pa rlung gi rkyal pa 'dzin pa bri par bya'o/ /brgya byin gyis mdun du ni nyi ma rta la zhon pa kha dog dmar po la lag pa g.yas pas pad+ma 'dzin pa dku ru btsugs pa bri bar bya'o/ /chu lha'i mdun du ni sa bdag kha dog nag po la phyag pa'i steng na zhon pas g.yas pas lcags kyu 'dzin pa g.yon pas bum pa 'dzin pa bri bar bya'o/ /sgo rnams su ni lcags kyu la sogs pa rang rang gi kha dog dang phyag mtshan gyis mtshan pa bri bar bya'o/ /de bzhin du sgro la sogs pa'i rta babs dang/ dra ba dang dra ba phyed pa la sogs pa ni gong du smos pa las shes par byas la/ gong du bsnyen pa byas pa'i rnam par rgyal ba'i bum pa dang/ phyogs skyong btsu rnams gyi bum pa la pad+ma'i steng du rang rang gi phyag rgya rnams bris pa dri dang 'o ma la sogs pas brgyan pa bcu bzhag par bya ba nyid do/ /de nas spyan drangs de kun la/ /mchod pa kun gyis mchod par bya/ /de nas bdag nyid bzhugs nas kyang/ /phyogs skyod rang gi sngags btab pa'i/ /bum pa rnams kyis dbang bskur ro zhes gsung ba ni dbang bskur bar gsungs pa ste/ de la dang por bsnyen pa la sogs pa'i cho ga rim pa bzhin du byas te/ bdag nyid khrus legs par byas la gos dkar po gon te/ mchod pa dang gtor ma'i tshogs bzang por bshams nas rang gi sa bon las yi ge spros pas bcom ldan 'das rig pa'i tshogs dang bcas pa spyan drangs la ? sogs pas zhabs pa'i la te/ lcags kyu la sogs pa'i rnal 'byor dang sngags dang phyag rgyas gnyis su med par byas la mchod pa'i tshogs kyis mchod par bya'o/ /de bzhin du brgya byin la sogs pa yang gnyis su med par byas la
- 126a
mchod pa'i tshogs kyiS mchod nas/ bdag nyid dang po'i phyag rgya bcas la dkyil 'khor du zhugs te/ rim pa ji lta ba bzhin du dbang mnos la/ gnang ba legs par thob pas slob ma rnams dbang bskur par byas te/ de la dang por rab la sogs pas mig bkab pa dang rnam par rgyal ba'i bum pa nas chu zangs pas de'i bgegs bskrad par bya'o/ /de nas gong du gsungs pa bzhin du me tog dang rin po che la sogs pa thogs te/ bcom ldan 'das dang phyogs skyong rnams la skyabs gsol ba byas nas oM badzra ri ka bA la sa ma ye hUM zhes pa'i sngags kyis gzhug par bya'o/ /oM badzra da ki pA la pra tits+tsha ho zhes pas me tog dor bar bya'o/ /de nas me tog blangs la gang la bab pa'i mngon po de 'grub par 'gyur ro zhes pa'i tshig /brjod de spyi bor bcings nas phyogs skyong ba rnams kyis bum pas rim pa bzhin du dbang bskur bar bya'o/ /de nas 'dir ni phyogs skyong ba rnams kyi dam tshig gi rdzas sman g+hi? wang dang/ rtswa ku sha dang/ 'o ma dang/ chu dag dang/ khrag dang/ chang dang/ sha dang/ shing tog dang/ a ru ra dang/ sprang rtsi rnams kyis/ oM in+d+ra sa ma ya sarba karma sid+d+hi hUM zhes pa la sogs pa'i sngags kyis dbang bskur bar bya'o/ /de nas phyogs skyong ba rnams kyis bum pa rnams la rim pa ji lta ba bzhin du de'i ting nge 'dzin dang ldan par byas la/ oM in+d+ra ka la ? sha a b+hi Shiny+tsa hUM zhes pa la sogs pa'i sngags kyis dbang bskur bya'o/ /de nas yang de dag bstan par bya ba dang dam tshig la gnas par bya ba'i phyir bcom ldan 'das phyag na rdo rje'i phyag rgya dang sngagS kyis dbang bskur bar bya'o/ /de nas gong du bstan pa ltar 'khor lo la sogs pa rin po che sna bdun dang/ bkra shis kyi rdzas g+hi wang la sogs pa'i dbang bskur te/ de dag gi dam tshig go /de nas phan par 'dod pa yis/ /bsgrub phyir snying po sbyin par bya
- 126b
phyogs skyong rang gi phyogs gnas rnams/ /bstan mi dgos par 'grub par 'gyur zhes gsungs ba ni dang por me tog gang la bab pa'i phyogs skyong de nges par 'grub pa yin pas nad slab ma la phan par 'dod pas de bsgrub pa'i phyir slob dpon gyis slob ma la de'i snying po brgya rtsa brgyad dam steng? la sogs pa bzlas ma sbyin par bya ba ste/ de bsgrub pa las nges par 'grub par gsungs te/ 'jig rten pa'i lhas 'jig rten pa'i dngos grub steng ba ni myur ba nyid do de nas de dag mgu nas ni/ /'di skad ces ni tshig gsol to/ /bcom ldan 'das rgyal rigs spyi po nas dbang bskur pa'i rgyal po'i dkyil 'khor 'dir zhugs te/ dbang bskur ba thob pa'am/ gzhan yang rigs kyi bu 'am rigs kyi bu mo dang pa de dag bcom ldan 'das bdag cag gis rtag par dus thams cad du bsrung ba dang bskyab pa dang/ sba bar bgyi'o/ /pha rol gyi dmag tshogs thams cad gzhom par bgyi'o/ /dus dus su char dbab par bgyi/ 'bru dang me tog dang/ 'bras bu rnams bskyed par bgyi'o zhes pa ni brgya byin rang gi nus pa dang sbyar nas/ chos dang/ gang zag la rim gro dang bsnyan bkur yang dag par byed pa ste/ nges pa nyid do/ /de nas chos kyi rgyal po chen po gshin rjes kyang bcom ldan 'das la 'di skad ces gsol to/ /bcom ldan 'das bdag gis kyang rgyal po chen po de'i tshe bsring bar bgyi'o/ /dus ma lags par 'chi ba brgyad po so sor dgag par bgyi'o/ /de nas srin po rnams kyi rgyal po ni ri tis kyang 'di skad ces gsol to/ /bcom ldan 'das bdag gis kyang rgyal po de dag rgyal po de'i bu dang bram ze dang/ rgyal rigs dang/ mi dang/ bran dang/ phyugs dang gzhan yang gang yang rung ba dag la nad dang yi dags dang/ 'dres mi 'jigs par bgyi/ srin po la sogs pas mi 'jigs par bgyi/ /dus ma lags pas 'chibs 'jigs par mi bgyi ste/ dus thams cad du bsrung ba dang/ skyabs pa dang sba bar
- 127a
bgyi'o/ /de nas klu'i rgyal po chu lhas kyang 'di skad ces gsol to/ /bcom ldan 'das bdag cag gis kyang dus thams cad du rgyal po de dang de'i yul 'khor thams cad so sor bskyab par bgyi'o/ /kun tu bsrung bar bgyi/ 'bru rnams bskyed par bgyi/ klu'i nyes pa rnams mi 'byung bar bgyi/ dug dang ser ba rnams mi 'bar bar bgyi/ dus ma yin par 'chi ba rnams so sor dgag par bgyi'o/ /de nas rlung gi bdag pos kyang 'di skad ces gsol to/ /bcom ldan 'das bdag gis kyang sems can chen po la rlung gis 'jigs pa mi 'byung bar bgyi 'bru dang/ me tog dang/ 'bras bu thams cad bskyed par bgyi/ 'jigs pa thams cad so sor dgag par bgyi'o/ /de nas gnod sbyin phyi rgyal po lus ngan pos kyang bcom ldan 'das la phyag btsal nas 'di skad ces gsol to/ /bcom ldan 'das bdag gis kyang gnod sbyin gyi sde dbon chen po nyi shu rtsa brgyad dang lhan cig tu mchis te/ stobs dang ldan pas sems can chen po de la dus thams cad du 'jigs pa thams cad so sor dgag bar bgyi'o/ /nor dang 'bru thams cad bskyed cing legs par spel bar bgyi'o/ /rang gi skye bo dang/ yongs kyi skye bo dang/ yul gyi skye bo dang/ yul dang/ gnas dang bran dang/ snag gi gnyen mtshams dang/ grogs dang bu dang/ bu mo dang/ chung ma la sogs pa bsrung bar bgyi'o/ /de bzhin du glang dang/ ba dang bong bu dang/ rnga mo dang/ lug dang/ ma he dang/ ba lang dang/ rta dang/ ra la sogs pa la'ang bsrung bar bgyi'o/ /de nas 'byung po thams cad kyi bdag po dbang byed kyis kyang bcoM ldan 'das la phyag 'tshal nas 'di skad ces gsol to/ /bcom ldan 'das bdag gis kyang rgyal po de dang/ rgyal po de dag gi bu dang/ rgyal rigs dang/ bral ze'i rigs rnams kyi bran la sogs pa la pha rol tu bskyab par bgyi'o/ /phan gdags bar
- 127b
bgyi/ /yongs su bskyab pa dang/ zhi ba dang bkra shiS pa dang/ chang pa spang ba dang/ mtshon cha spang ba dang/ dug gzhil ba dang/ dug gzhom pa dang/ mtshams bcad pa dang/ sa 'og gi mtshams bcad pa dang/ phyogs kyi mtshams bcad ba dang/ rdo rje rabS bskor ba dang/ rdo rje phur bus gdab pa dang/ rdo rje'i dra ba rnams bri bar bgyi'o/ /dgos pa thams cad la nye bar gnas par bgyi'o/ /dgos pa dang dgos pa ma lags pa rnams kyi mtshams nye bar bsten par bgyi'o/ /dge ba dang mi dge ba thams cad rmi lam du yang bsgo bar bgyi'o/ /bsgrub na'ang bgegs ma mchis par dngos grub thams cad stsal bar bgyi'o/ /de nas yang nam mkha' i bdag po nam mkha' la sprod pa rnams kyis kyang bcom ldan 'das la phyag btsal nas 'di skad ces gsol to/ /bcom ldan 'das bdag cag gis kyang dus thams cad du rgyal po dang/ rgyal po de'i bu dang/ rgyal po de'i blon po dang bram ze dang/ rgyal rigs rnams 'jigs pa thams cad las bdag nyid 'khor dang bcas par mchis la bsrung ba dang/ bskyab pa dang sba bar bgyi'o/ /mchog thams cad rab tu brtan par bgyi/ nad thams cad rab tu zhi bar bgyi/ dus thams cad phyi bzhin 'brang bar bgyi'o/ /de nas sa phog gi bdag pos bdag chen pos kyang bcom ldan 'das la phyag btsal nas 'di skad ces gsol to/ / bcom ldan 'das bdag cag kyang mi'i bdag po chen po de dang/ de'i bu dang chung ma dang tsha bo dang/ yang tsha dang/ zhe tsha dang/ rgyal rigs dang/ rje'i rigs dang/ bram ze'i rigs dang/ dmangs rigs dang/ gzhan yang rigs kyi bu dang/ rigs kyi bu mo la sogs pa rnams la bdag cag gis dus thams cad bsgrub par bgyi'o/ /'jigs pa thams cad las kyang dus thams cad du bsrung bar bgyi'o/ /bdag nyid kyis kyang dus thams cad du rgyal po chen po de'i phyi bzhin du 'brang bar bgyi'o/ /de nas brgya
- 128a
byin la sogs pa phyogs skyong ba bcus bcom ldan 'das la mgrin gcig tu 'di skad ces gsol to/ /bcom ldan 'das bdag cag gi dkyil 'khor 'dir zhugs pa'i mi de la de bzhin du bsrung ba la sogs pa ma bgyis na bcom ldan 'das rdo rje 'dzin pa bslus pa lags so/ /zhes pa la sogs pa ni 'byung po'i bdag po dbang ldan la sogs pas rang rang gi las dang bya ba dang/ nus pa'i stobs rnams kyis dam pa'i chos la gus par bya ba'i phyir dam pa'i chos 'dzin pa dang/ rang cag gi dkyil 'khor du zhugs shing ra? bcag gis dbang bskur ba'i gang zag de la yongs su bskyab pa dang/ bsrung ba dang spa ba dang/ rim gro la sogs pas bsnyen bkur byas pa ste/ de dag ni de bzhin du yin zhing/ nges pa kho nas gi slab di phyir ma bshad do/ /bcom ldan 'das bdag cag gi dkyil 'khor 'dir bzhugs pa'i mi de la de bzhin du bsrung ba la sogs pa ma bgyis na bcom ldan 'das rdo rje 'dzin pa bslus par 'gyur ba lags so zhes pa ni rang rang gis bcom ldan 'das phyag na rdo rje dbang por gsol te mna''dor ba yin pas mna' ni dam pa kho nas ngas pa nyid du shes par bya'o/ /de nas gza' chen po brgyad dang 'khor rgyu skar du bcas pa rnams kyis kyang 'di skad ces gsol to/ /bcom ldan 'das bdag cag 'khor dang bcas pa rnams kyis kyang rang rang gi sngags dang snying po rnams dbul bar 'tshal na de dag bcom ldan 'das kyis byin gyis brlab par gsol/ bcom ldan 'das kyis bka' stsal pa legs so legs so ngas kyang byin gyis brlabs kyis gza' chen po rnams shod cig ces gsung pa ni 'di ltar gza' chen po rnams dam pa'i chos yongs su bsrung bar bya ba'i phyir rang rang gi snying po dbul bar bcom ldan 'das la zhu ba gus par zhu ba dang/ rnam par dag pa'i byin gyis brlab tu gsol ba nyid do/ /bcom ldan 'das kyis bka'
- 128b
stsal pa/ legs so legs so bas byin gyis brlab kyis gza' chen po rnams shod cig ces gsung pa ni nus pa khyad par can du byin gyis brlabs nas gnang ba legs par byin pa'i tshig bo/ /de nas nyi ma la sogs pa'i gza' chen po rnams kyis bcom ldan 'das la phyag btsal nas 'di skad ces gsol to/ /oM A oM so/ oM a oM bu oM pre/ oM shu oM sa/ oM ra zhes pa la sogs pa'i snying po ni 'di ltar spyir dngos po thams cad la legs par sbyar ba'i skad kyi rnam par phye na yon tan gyi sgo nas ming btags pa dang/ skyon gyi sgo nas ming btags pa dang/ las kyi sgo nas ming btags pa dang/ /bzas kyi sgo nas ming btags pa la sogs pa dpag tu med pa re re yod kyang dngos po thams cad la rangs bskyed par byed pa'i sa bon zhes bya ba'i yi ge'i rnams ni kun rdzob tu nges pa yin ?/ de la rang bskyed par byed pa zhes bya ba ni chos rang gi mtshan nyid 'dzin pa ste/ rang gi mtshan nyid ces pa ni dngos po gzhan du bsgyur tu mi btub pa yin zhing/ kun rdzob tu rtag pa nyid do/ /de bas na gza' rnams kyis kyang rang rang bskyed pa'i sa bon phul pa ste/ de nyid srog yin pa'i phyir na snying po'o/ /de nyid 'gro pa gzhan la skyobs par byed pa'i phyir sngags te/ 'di dag ni rim pa ji lta ba bzhin du dang po nyi ma'o/ /gnyis pa ni zla ba'o/ /gsum pa ni mig dmar ro/ bzhi pa ni gza' lag gi'o/ /lnga pa ni phur bu'o/ /drug pa ni pa wa sangs kyi'o/ /bdun pa ni spen pa'o/ /brgyad pa ni sgra gcan 'dzin gyi snying por shes par bya'o/ /de nas bdag gi dkyil 'khor bshad do/ /dbus su ni bcom ldan 'das phyag na rdo rje khams gsum rnam par rgyal ba'i gzugs bri bar bya'o/ /dos rnams su ni phyag rgya chen po bzhi bri'o/ /pa ba sangs ni mdun du la/ /zla ba rgyab tu bri bar bya/ /g.yas su phur bu bri bya zhing/ /g.yon par gza' lag bri bya ste/ /me yi phyogs su mig dmar dang/ /rlung gi phyogs su ni nyi ma ste/ /dbang ldan phyogS
- 129a
su spen pa'o/ /bden bral phyogs su sgra gcan 'dzin/ /dkyil 'khor phyi rol 'khor yug tu/ /rgya skar thams cad bri bar bya/ /sgo sgor de bzhin sgo ba rnams/ /khros pa'i gzugs su bri bar bya zhes gsung ba ni gza' dang rgyu skar rnamS kyis dkyil 'khor gyi cho ga yongs su gsungs pa ste/ de las phyogs yid du 'ong ba rnams su byin gyis brlab pa la sogs pa rim pa ji lta ba bzhin du byas la/ stegs bu khru nyi shu rtsa bzhi pa bri bar bya'o/ /de la thig la sogs pa legs par brtag pa dang/ dkyil 'khor bri bar bya ste/ de la dbus su ni pad+ma 'dab ma brgyad pa'i snying po dang ze'u 'brur ldan pa cig bri'o/ /de'i dbus su ni bcom ldan 'das phyag na rdo rje'i sprul pa khro bo khams gsum rnam par rgyal pa'i gong du smos pa gzugs ji lta ba bzhin du gri bar bya'o/ /de'i 'dab ma brgyad pa ni sgeg mo la sogs pa rang rang gi cha lugs dang phyag mtshan gyis mtshan pa bri'o/ /de'i phyi rol tu ni rdo rje'i phreng bas bskor ba bri'o/ /de'i gru bzhi ba'i rnam par bcad pa dang gru bzhir ni gshin rje gshed po'i phyag rgya dang/ khams gsum snang byed kyi phyag rgya dang/ rta mgrin gyi phyag rgya dang/ bdud rtsi 'khyil pa'i phyag rgya bri bar bya'o/ /de'i mdza' ma me tog gis phreng bas bskor la de'i phyi rol tu snam bu gru bzhi ba phyogs kyi kha dog dang bcas pa gcig la pad+ma'i steng du shar phyogs su bab sangs mdag dkar po la pad+ma dmar po 'dab ma bcu drug pa'i steng na gnas pa bzhin 'dzum pa lha'i rgyan dang cha lugs kyis brgyan pa lag pa g.yas pa na mu tig gi phreng ba thogs pa/ g.yon pa ril ba spyi lugs bdud rtsis bkang pa 'dzin pa bri'o/ /lho phyogs su phur bu pad+ma'i steng ni gnas pa kha dog ser po bzhin rgyas pa lag pa g.yas pa ni lcags kyi mda' me tog gi phreng ba dang bcas ba 'dzin pa/ g.yon pa utpa la yis mtshan pa'i gzhu thogs pa bri bar bya'o/ /rdub kyi
- 129b
phyogs su ni zla ba kha dog dmar po dang pa la zhon pa bzhin 'dzum pa lag pa g.yas pas pad+ma'i steng na zla ba 'dzin pa g.yon bas utpa la yu ba dang bcas pa 'dzin pa bri bar bya'o/ /byang phyogs su ni gza' lag kha dog ser po pad+ma'i steng na gnas pa bzhin 'dzum pa lag pa g.yas pa gser gyi phreng ba snying gar 'dzin pa/ g.yon pa ga bur gyis bkang ba'i bya ma bum 'dzin pa bri bar bya'o/ /shar lho'i mtshams su ni mig dmar shin tu dmar bar skyes kham pa la zhon pa lag pa g.yas pas gri gug 'dzin pa/ g.yon pa mi mgo 'dzin pa bri bar bya'o/ /lho nub mtshams su ni sgra gcan 'dzin kha dog dmar nag tu bdug pa rked pa yan chad mi'i gzugs la rkang pa man chad sprul du 'dug pa skra kham pa gyen du 'phags pa mche ba gtsigs pa mig 'bur ba shin tu khro bo'i cha lugs can lag pa g.yas pas nyi ma 'dzin pa/ g.yon pas zla ba 'dzin pa bri bar bya'o/ /nub byang mtshams su ni nyi ma kha dog dmar po la bzhin 'dzum pa shing rta la zhen ba lag pa g.yas pas pad+ma'i steng na nyi ma 'od dang bcas pa 'dzin pa/ g.yon pas pad+ma yu ba dang bcas pa 'dzin pa bri bar bya'o/ /byar? shar mtshams su ni spen pa kha dog nag po rus sbal la zhon pa/ shin tu 'jigs pa'i cha lugs can lag pa g.yas pas dbyug pa 'phyar ba/ g.yon pas sdigs mdzub byed pa bri bar bya'o/ /sgo bzhir ni lags kyu la sogs pa'i sgo ba bzhi khro bo'i gzugs su gri bar bya'o/ /de'i phyi rol tu rta babs dang khyams dang/ sgo ba la sogs pa gong du gsungs pa ji lta ba bzhin bri bar bya'o/ /de nas phyi rol tu ni pad+ma'i phreng ba'i bskor ba de'i phyi rol tu snam bu sor ? bzlum po gcig pa ? steng du rim ji lta ba bzhin du rgyu skar rnams dgong bar bya ste/ de la smin drug ni kha dog dkar po pad+ma dmar po la gnas pa mgo drug pa la lag pa bzhi pa/ g.yas pa gnyis kyis me tog utpal dang phreng ba 'dzin pa/ g.yon pa gnyis kyis lhung bzed dang bdud ?
- 130a
'dzin pa bri'o/ /de'i 'og tu snar ma kha dog dkar mo la lag pa gnyis pa shin tu mdzes pa num 'bur ba glang khyu mchog la zhon pa lag pa g.yas pas me tog 'dzin pa/ g.yon pa skyabs sbyin byed pa bri bar bya'o/ /de'i 'og tu mgo kha dog dkar mo bzhin mdzes ma kha sha dmar mo la zhon pa lag pa g.yas pas utpa la yu ba dang bcas pa 'dzin pa/ g.yon pa skyabs sbyin pa bri bar bya'o/ /de'i 'og tu lag kha dog dkar po sprul la zhon pa lag pa g.yas pas me tog 'od dang bcaS pa 'dzin pa/ g.yon pa tshig sbyin pa'i phyag rgya can bri bar bya'o/ /de'i 'og tu nabs so kha dog dmar po pad+ma'i gdan la 'dug pa/ lag pa g.yas pas 'phreng ba 'dzin pa g.yon pas tshig sbyin pa'i phyag rgya can bri bar bya'o/ /de'i 'og tu rgyal kha dog dmar po zla ba'i gdan la 'dug pa lag pa g.yas pas pad+ma 'dzin pa/ g.yon pas skyabs sbyin mdzad pa bri bar bya'o/ /de'i 'og tu skag mdog dkar mo sha pa la zhon pa lag pa g.yas pas rtse gsum 'dzin pa g.yon pa dkur brten pa bri bar bya'o/ de'i 'og tu mchu kha dog dmar po sram la zhon pa lag pa g.yas pas bum pa 'dzin pa g.yon pas skyabs sbyin pa'i phyag rgya can bri bar bya'o/ /de'i 'og tu gre kha dog ser mo bzhin mdzes pa brag gi steng na 'dug pa lag pa g.yas pas ral gri 'dzin pa g.yon pas tshig sbyin pa'i phyag rgya can bri bar bya'o/ /de'i 'og tu sbo kha dog dmar ser glang po che la zhon pa lag pa g.yas pas zhags pa 'dzin pa g.yon pas skyabs sbyin pa'i phyag rgya can bri bar bya'o/ /de'i 'og tu me bzhi kha dog ser mo rma bya la zhon pa lag ? g.yas pas shing tog a ru ra 'dzin pa g.yon pa dang dbyangs 'byar ba bri bar bya'o/ /de'i 'og tu nag pa kha dog ser mor skyes la zhon pa lag pa g.yas pas mar me 'dzin pa g.yon pas skyabs sbyin pa bri bar bya'o/ /de'i 'og tu sa ri kha dog ser po
- 130b
dang pa la zhon pa lag pa g.yas pas zhags pa 'dzin pa/ g.yon pa dkur brten par btsugs pa bri bar bya'o/ /de'i 'og tu sa ga kha dog ser mo kun bid da la zhon pa lag pa g.yas pas de con 'dzin pa g.yon pas skyabs sbyin pa'i phyag rgya byed pa bri bar bya'o/ de'i 'og tu lha mtshams kha dog ser mo la phug gi steng na lag pa g.yas pas me tog 'od 'gro ba dang bcas pa 'dzin pa g.yon pa zhags pa 'dzin pa bri bar bya'o/ /de'i 'og tu snren? kha dog dmar mo mdo li'i steng na gnas shing lag pa g.yas pas skyabs sbyin pa g.yon pas dung phor 'dzin la gri bar bya'o/ /de'i 'og tu snrugs? kha dog dmar mo zla ba'i steng na gnas pa lag pa g.yas pas ku mu da yu ba dang bcas pa 'dzin pa g.yon pas tshig sbyin pa bri bar bya'o/ /de'i 'og tu chu stor kha dog dmar mo mi la zhon pa lag pa g.yas pas pad+ma 'dzin pa g.yon pas skyabs sbyin bri bar bya'o/ /de'i 'og tu chu smad kha dog dmar mo pa ni ti la gnas pa lag pa g.yas pas pad+ma'i steng na rin po che 'bar ba 'dzin pa g.yon pas skyabs sbyin pa'i phyag rgya byed pa bri bar bya'o/ /de'i 'og tu gro zhun kha dog dmar mo glang la zhon pa lag pa g.yas pas skar ma 'od dang bcas pa 'dzin pa g.yon pas dkur btsugs pa bri par bya'o/ /de'i 'og tu byi bzhin kha dog dmar mo bra gi steng na gnas pa lag pa g.yas pas pad+ma dkar po 'dzin pa g.yon pas skyabs sbyin pa bri bar bya'o/ /de'i 'og tu mon gre kha dog ljang gu la lcags kyi gdan la 'dug pa lag pa g.yas pas mda''dzin pa g.yon pas gzhu 'dzin pa bri bar bya'o/ /de'i 'og tu mon gru kha dog ljang dmar stan nang tshangs can la 'dug pa'o/ / khrum stod ni mdog ljang gu gser khri la 'dug ba bri/ khrums smad mdog dmar gser khri la 'dug pa'o/ /nam gru ni mdog dmar rta la zhon pa bri/ de'i 'og tu tha skar kha dog ljang gu ri dag sa la zhon pa lag pa g.yas pas rdo rje 'dzin pa g.yon pas tshig
- 131a
sbyin pa bri bar bya'o/ /de'i 'og tu bra nye kha dog ljang gu yi dags la zhon pa lag pa g.yas pas lcags kyu 'dzin pa g.yon pas zhags pa 'dzin pa bri bar bya'o/ /de'i phyi rol tu ni 'od zer gyi phreng ba kun tu 'khor bar bskor bar bya'o// de nas dbang bskur ba ni 'di ltar dang por bum pa brgyad la kha dog dkar pos yongs su bsgos la pad+ma'i steng na nyi ma la sogs pa'i gza' rnams kyi phyag mtshan ji lta ba bzhin du bris te/ dri dang sman dang 'o ma la sogs pas yongs su bkang la/ dkyil 'khor gyi mdza' logs su bzhag par bya/ de nas dang por khams gsum rnam par rgyal ba'i snying pos yongs su sngags pa'i bum pas gcig ni rang gi mdun du bzhag par bya'o/ /gza' rnams kyi bum pa la ni dang por bsnyen pa'i dus su rang rang gi snying pos yongs su bzlas par bya'o/ /rgyu skar rnams kyi bum pa ni kha dog dkar po gcig la nyi ma'i 'od dang ldan pa bri bar bya'o/ /nang du ni 'o ma dang ga bur gyis dga' bar bya zhing de bzhin du gos dang kha brgyan la sogs pas legs par mdzes par bya ba nyid do/ /rdo rje 'dzin mas zhugs nas ni/ /rdo rje lcags kyu la sogs pas/ /bcom ldan khro bo spyan drangs nas/ /gza' rnams thams cad spyan drang ngo/ /de nas slob ma gzhug bya ba/ /sngags 'di dag gis ni rnam par nges/ /oM badzra ha na hUM phaT oM badzra gra ha na sa ma ye hUM phaT/ oM badzra gra ha pra tits+tsha sa ma ye hUM/ de nas gza' brgyad sngags btab pa'i/ /bum pa brgyad kyis dbang bskur ro/ /de nas rdo rje'i phyag rgyas ni/ /dbang bskur bar ni brtags nas kyang/ /gza' rnams thams cad bsgrub par bya zhes gsung ba ni gza'i dkyil 'khor du dbang bskur bar gsungs pa ste/ de la dang por bdag nyid khrus la sogs pa legs par byas te/ gos dkar po gon la rgyan thams cad kyis legs par brgyan te/ stong pa nyid bsgom pa'i mthar rang gi snying ga'i sa bon las 'od zer nam mkha' i phyogs su spros pas
- 131b
bcom ldan 'das rig pa'i tshogs dang bcas pa spyan drangs te/ rdo rje lcags kyu la sogs pa'i rnal 'byor gyis dgug pa la sogs pa byas nas gnyis su med par byas la/ arga dang nye reg dang thor 'thung la sogs pa phul te/ bzhugs su gsol bar bya'o/ /de bzhin du gza' dang skar ma la sogs pa yang gnyis su med par byas pa dang/ bdag nyid gong du gsungs pa'i rdo rje 'dzin pa'i phyag rgya bcings te zhugs la/ dbang rim pa ji lta ba bzhin mnos la gnang ba legs par thob pa dang slob ma gzhugs par bya ste/ de la dang por rnam par rgyal ba'i bum pa nas rdo rje dang bcas pa'i chus slob ma'i bgegs bskrad par bya'o/ /de nas ras la sogs pas mig bkab ste/ me tog gam rin po che la sogs pa thogs pa khrus legs par byas la/ oM badzro? gra ha sa ma ye hUM zhes pa'i sngags kyis gzhug par bya'o/ /de nas oM badzra gra ha pra tits+tsha sa ma ye ho zhes pas me tog la sogs pa dor bar bya'o/ /de nas gong du gsungs pa'i sngags kyis mig phye la gza' gang la bab pa me tog mgo la bcings te/ bcom ldan 'das la sogs pa'i rim pa ji lta ba bzhin du bstan par bya'o/ /de nas nyi ma la sogs pa'i bum pas rim pas lta ba bzhin du so so'i rnal 'byor dang ldan par byas la/ oM badzra a ti da ta ka la sha a b+hi Shiny+tsa hUM zhes pa la sogs pa'i sngags kyis dbang bskur bar bya'o/ /de'i rjes la de dag gi snying po byin gyis brlab la brgya rtsa brgyad la sogs pa sbyin par bya'o/ /de nas gang la bab pa'i gza' de'i nyi ma la gar phyin kyang 'jigs pa la sogs pa mi 'od zhing don dang dgos pa thams cad 'grub par 'gyur ba dang/ gzhan yang gza'i nyes pa thams cad dang dral bar 'gyur ba nyid do/ /de nas rdo rje'i phyag rgyas ni/ dbang bskur bar ni rab tu brtag ces pa ni gong du gsungs pa'i bcom ldan 'das phyag na rdo rje'i phyag rgya dang sngags kyis dbang bskur bar bya ste/ des ni gza' rnams dam tshig la gnas shing brtan par byed pa nyid do/ /
- 132a
de'i 'og tu rgyu skar rnams kyis bum pas ni khrus bya bar gsungs so/ /de nas gong du gsungs pa bzhin du 'dir yang bkra shis kyis rdzas dang/ 'khor lo rin po che la sogs pa rin po che sna bdun gyis dbang bskur bar bya ba la sogs pa ni las thams cad du shes par bya'o/ /gza' rnams thams cad bsgrub par bya zhes pa ni de'i rjes la rang 'dod pa'i dngos grub zhi ba dang rgyas pa dang dbang dang mngon spyod la sogs pa'i dngos grub bsgrub par bya ba ste/ de la pa sangs kyis ni rgyas par byed do/ /de bzhin du nyi ma dang ? rnams kyis kyang zhi bar byed do/ /mig dmar dang phur bu dang sgra gcan gyis ni mngon spyod 'grub bo/ /zla bas ni dbang du byed do/ /spen pas ni mngon spyod 'grub par 'gyur bas na bdag gis yang dag par 'grub par bya ba nyid do/ /de nas gza' chen po de dag gis bcom ldan 'das la phyag btsal nas 'di skad ces gsol to/ /bcom ldan 'das bdag cag gza' chen po brgyad kyis kyang rgyal po chen po de dang rgyal po'i bu dang/ rgyal po'i chung ma dang/ bran la sogs pa rtag par dus thams cad du bsrung ba dang skyab pa dang slab? la sogs pa bgyi'o/ /de nas rgyu skar dang/ skad cig dang yud tsam dang/ thang gcig dus dang/ zla tshig dang sbyor ba dang khyim dang/ dus 'byor ba dang/ mjug bod? pa la sogs pa'i dkyil 'khor gyi lha rnams kyis kyang de bzhin du phyag btsal nas 'di skad ces gsol to/ /bcom ldan 'das bdag cag gis kyang dus thams cad du sems can chen po de'i bka' mi gcog ste dpon bzhin du bskyad bar bgyi'o/ /grong dang/ grong khyer dang ljongs dang/ rgyal po dang/ rgyal po'i pho brang 'khor dang/ rgyal po'i pho brang gi gnas thams cad so sor bskyad bar bgyi'o/ /'jigs pa chen po byung ba'i tshe'ang mi des bdag cag mchod na gdon mi za bar 'jigs pa mi 'byung
- 132b
ngo?/ /bcom ldan 'das bdag cag gis dam bcas pa las 'gal bar gyur na bdag cag gi snying po bcom ldan 'das kyi rdo rjes 'gas par gyur cig ces bya ba la sogs pa dam pa'i chos la rim gro dang srid zhu yang dag par byed ba'i tshig ste/ de la bcom ldan 'das kyi phyag rgya dang sngags kyis rgyas btab pa'i phyir te nges par byed par 'gyur zhing gza' rnams kyis ni khyim gzugs pa dang/ gtsug lag khang gcig pa dang/ gnas gzhan du spro ba la sogs pa byed pa ni mi des gza' rnams la mchod pa la sogs pas mchod nas la sogs pa byas pa ni de'i dus su 'jig rten pa gzhan la gza' ngan pa rnams kyang mi de la bzang por 'gyur zhing las thams cad nges par 'grub par 'gyur ba ste/ bya ba la 'jug pa'i dus su gza' rnams gyis snying po brgyad kha ton du gdon par bya'o/ /rgyu skar dang/ skad cig dang yud tsam dang thang gcig dang/ dus tshod dang/ zla tshig dang/ sbyor ba dang/ khyim dang/ dus 'byor dang/ mjug phod la sogs pa zhes pa la rgyu skar ni skar ma'o/ /skad cig ni se gol gtogs pa'i tshad la lha rgyu ba'o/ /yud tsam ni de bas cung zad dus ring ba ste de la lha rgyu ba'o/ /thang gcig ni chu tshod? la sogS pa ste/ de la 'jig rten pa'i lha rgyu ba'o/ /dus chod ni chu? tshod la lta rgyu ba'o/ /zla tshig ni rang skes pa'i zla ba yang po la sogs pa la lha rgyu ba'o/ /sbyor ba ni rdzas dang lo dang dus rnams kyi sbyor ba'o/ /khyim ni srad dang bu mo la sogs pa ste de la lha rgyu ba'o/ /dus 'byor ba ni de dag gi dus 'byor pa'o/ /mjug par ni gnas dang 'brog dper la sogs pa la rgyu ba'i gnas skabs mkha' 'gro ma la sogs pa rgyu ba ste/ de dg thams cad kyang rang gi skyes pa'i dus la sogs pa rtsis btab nas/ ngan pa dang bzang ba dad rgyas pa dang/ nad la sogs pa'i 'bras bu 'byin pa'i lha ste/ de dag ni kun rdzob tu rten cing 'brel par 'byung ba'i mthu yod pa nyid de/ de dag gis kyang dus/
- 133a
thams cad du bsrung ba la sogs pa byed cing de dag gi nyes pa la sogs pa med par 'gyur ba nyid do/ /bcom ldan 'das bdag cag gi dam bcas pa las 'gal bar gyur na bdag cag gi snying bcom ldan 'das kyis rdo rjes 'gas par gyur cig ces pa ni bcom ldan 'das gzu bor gsol te mna' rkyal pa yin pas na nges pa nyid du byed par blta bar bya'o/ /de nas klu chen po brgyad kyis phud ces bya ba'i sgras ni bcom ldan 'das la mnyes par byas nas phyag btsal te 'di skad ces gsol to/ /bcom ldan 'das bdag cag gis rang rang gi snying po 'bul bar 'tshal gyis bcom ldan 'das kyis byin gyis brlab tu gsol/ klu chen po rnams legs kyis gsang ba'i snying po rnams phul cig ngas byin gyis brlabs so zhes gsung ba ni klu chen po rnams kyis bcom ldan 'das la rang rang gi snying po dbul bar gus pa dang bcas pas zhus pa dang khyad par du bya ba dang rnam par dag par bya ba'i phyir zhus pa'o/ /ngas byin gyis brlabs so zhes pa ni gnang ba legs par gnang pa dang/ rnam par dag par byin gyis brlabs pa'o/ de nas de dag mgu nas bcom ldan 'das la phyag 'tshal te/ oM pu(rgyud 'grel): oM pa(rgyud 'grel): oM phu(rgyud 'grel): oM b+ha/ oM oM phi pe/ oM phe oM phU zhes pa la sogs pa ni rim pa ji lta ba bzhin du mdza' yas dang/ ? po dang/ karko Ta dang/ rigs ldan dang/ nor rgyas dang/ rung skyong dang/ pad+ma dang/ chu lta la sogs pa'i snying po ste/ skyed pa'i sa bon yang de dag nyid du blta bar bya'o/ /de nas de dag gi dkyil 'khor bshad de/ pad+ma chen po 'dab brgyad pa/ /la dog dkar po bri bar bya/ /de'i dbus su gtso bo ni/ /phyag na rdo rje rab gnas te/ /sbrul mgo mdza' yas gdengs pa yi/ /ltos 'gro chen po bsdigs pa bri/ /de bzhin shar phyogs la sogs su/ /mdza' yas dang ni 'jog po dang/ /karko Ta dang rigs ldan dang/ /nor bu
- 133b
bu dang dung skyong dang/ /pad+ma dang ni chu lha rnams/ /dpa' bo brjid dang ldan pa la/ /sbrul mgo gdengs dang bcas pa bri/ /sbrul nag mdun du chung ma yis/ /mgul nas 'khyud dang bces pa bri zhes gsung ba ni de dag gi dkyil 'khor yang dag par gsungs pa ste/ de la rgya mtsho 'am chu mig gam rdzing bu 'am mtshe'u la sogs pa rang gi yid du 'ong ba'i gnas rnams su sa byin gyis brlab pa la sogs pa byas la stegs bu khru bcu gnyis pa brtsigs te thig legs par btab la dbus su pad+ma kha dog dkar po 'dab ma brgyad pa snying po dang ze 'brur ldan pa bri bar bya'o/ /de'i mdza' mar sbrul gyis bskor bar bris la/ de'i phyi rol tu mtsho bris la/ de'i nang du nya dang pad+ma dang utpa la dang/ sbal pa dang/ rus sbal dang/ lcong mo dang/ mi dang glang dang bya ba la sogs pa bri bar bya'o/ /de'i phyi rol tu re'i tshul du bris la shing sna tshogs dang/ 'bras bu sna tshogs dang/ lo tog dang/ sgre la sogs pa bri bar byas la/ de'i phyi rol gru bzhi par bcad pa dang ri bo chen po bzhi bri bar bya ste/ de la yang shing dang/ ri dags dang/ bya la sogs pa mang po gnas pa bri bar bya'o/ /de'i pad+ma'i snying po la ni bcom ldan 'das phyag na rdo rje sku mdog dang phyag mtshan snga ma lta bu la sbrul gyi gdan la bzhugs shing sprul mgo bdun gyis dbu la brgyan pa 'jigs pa'i gzugs dang ldan pa bri bar bya'o/ /de'i shar phyogs kyi 'dab ma ni mdza' yis kha dog dkar po la sbral gyi gdan la 'dug pa sbrul mgo lngas brgyan pa lag pa g.yas pas pad+ma yu ba bcas pa 'dzin pa/ g.yon pas sprul 'dzin pa bri bar bya'o/ /chung mas kyang mgul nas 'khyud pa bri bar bya'o/ /de'i lho phyogs kyi 'dab ma la 'jog po kha dog sngon po la lag pa g.yas pa na utpal sngon po 'dzin pa/ lag pa g.yon pa rus spal thogs pa sbrul mgo lngas dbu la brgyan pa rang gi chung mas mgul nas 'khyud pa dang
- 134a
bcas pa bri bar bya'o/ /nub phyogs kyi 'dab ma la karko ra ka kha dog dmar mo la mgo la sbrul mgo lngas brgyan pa /lag pa g.yas pas ku mu da 'dzin cing g.yon pas rdo rje 'dzin pa/ rang gi chung mas mgul nas 'khyud pa bri bar bya'o/ /byang phyogs kyi 'dab ma la ni rigs ldan kha dog ser po mgo la sbrul mgo lngas brgyan pa lag pa g.yas pa ni pad+ma dkar po 'dzin pa/ g.yon pas bum pa 'dzin zhing/ rang gi chung mas mgul nas 'khyud pa bri bar bya'o/ /shar lho mtshams su ni nor rgyas kyi bu kha dog sngo skya la mgo la sbrul mgo lngas brgyan zhing sbrul gyi gdan la 'dug pa lag pa g.yas yid bzhin gyi nor bu rin po che 'dzin pa/ g.yon pas utpa la 'dzin pa rang gi chung mas mgul nas 'khyud pa bri bar bya'o/ /lho nub mtshams su ni dud skyong kha dog dkar po la dbu la sbrul mgo lngas brgyan cing lag pa g.yas pas sbrul 'dzin pa/ g.yon pas dung 'dzin pa sprul gyi gdan la 'dug pa/ rang gi chung mas mgul nas 'khyud pa dang bcas pa bri bar bya'o/ /nub byang mtshams su ni pad+ma kha dog dmar skyel mgo la sbrul mgo lngas brgyad pa sprul kyi gdan la 'dug pa lag pa g.yas pas pad+ma 'dzin zhing/ g.yon pas shing tog 'dzin pa rang gi chung mas mgul nas 'khyud pa bri bar bya'o/ /byang shar mtshams su ni chu lha kha dog dkar po sprul gyi gdan la 'dug cing sbrul mgo lngas mgo la brgyan cing lag pa g.yas pas sbrul gyi zhags pa 'dzin pa g.yon pas utpal 'dzin pa rang gi chung mas mgul nas 'khyud pa bri bar bya'o/ /pad+ma'i lte ba la ni bcom ldan 'das kyi mdza' logs su sgeg mo la sogs pa sbrul mgos brgyan ching rang rang gi bya?/ rgyas mtshan pa bri bar bya ba nyid do/ /klu de dag thams cad kyang mig 'bur ba skra dmar ba dbu rgyan la sogs pa'i rgyan cha ldas kun nas brgyan par bri bar bya ba nyid do/ /de la gang dag 'di skad du gong du gsungs pa'i 'jig rten pa'i dkyil 'khor dang/ 'og nas
- 134b
gsungs pa'i dkyil 'khor thams cad la gzhal yas khang dang bcas la 'dir klu'i rgyal po rnams la gzhal yas khang med pa ci'i phyir zhe na/ de ni 'di ltar rin po che'i gzhal yas khang ni lha dang mi'i 'khor los sgyur ba'i rgyal bo la yod pa nyid kyi/ klu la sogs pa la med pa ni gzhung thams cad nas gsungs so/ /de bas na gong du gsungs pa dang 'og nas gsungs pa thams cad ni lha'i 'jig rten pa yin la klu ni dud 'gro'i ris su gtogs pa'i phyir gzhal yas khang med pa nyid do/ /bcom ldan 'das phyag na rdo rje sbrul mgos brgyan pa'ang/ sgeg mo la sogs pa sbrul mgo lngas brgyan pa'ang bde bar gshegs pa rnams sbrul pa'i skus sems can 'dul ba ni gang dang gang gis de dang de dag gis gzugs kyis yang dag par 'dul ba ste/ dper na 'khor los sgyur pa'i rgyal po ni shar phyogs la sogs pa'i yul du spyod pa la bgrod pa na yul de dang de dag gi cha lugs kyis gshegs pa bzhin no/ /bum pa brgyad pa dang/ gtor ma dang/ gshos mdzes pa dang 'byung po yi/ /mar dang 'o ma sbrang rtsed bcas byas pa rnams ni bzhag par bya/ /de nas rdo rje bdag nyid zhugs/ /sbrul mgos sprul mgo can rnams dgug /phud ces bya ba'i lhan cig tu/ /dza(rgyud 'grel): hUM ba ho(rgyud 'grel): zhes brjod de/ de nas su ni rgyal po dang/ /rgyal rigs thams cad dang bcu gnas/ /dag gi nyes? pa bsal ba'i phyir/ /phud ces bya bas dbang bskur ro/ /de nas ming tsam brjod pas kyang/ /klu rnams de dag thams cad 'grub ces gsung ba ni klu rnams kun gyi dkyil 'khor du dbang bskur ba gsungs pa ste/ de la dang por klu rnams kyi bum pa kha dog dkar po gcig la ras dkar pos brgyan pa pad+ma la sogs pa'i kha brgyan gyis brgyan cing ga bur dang gur gum dang tsan dan dang 'o ma dang 'bras dang shu dag la sogs pas bkang ba'i bum pa gcig dang/ khams gsum rnam par rgyal ba'i bum pa gcig la bsnyen pa 'bum la
- 135a
sogs pa byas la/ bsnyen pa yongs su rdzogs pa dang dkyil 'khor gyi mdza' mar bum pa kha dog dkar po brgyad la pad+ma'i steng du mdza' yas la sogs pa rang rang gi mtshan ma legs par bris la ras dang kha brgyan la sogs pas legs par brgyan cing dri la sogs pa bkang ba bzhag par bya'o/ /gzhan yang bde bar gshegs pa rig pa'i tshogs dang bcas pa rnams la ni zhal zas dang bdug pa dang me tog dang me tog phreng ba dang snang ba dang dri dang rin po che la sogs pa dbul pa'i phyir bzhag par bya'o/ /de bzhin du klu'i rgyal po rnams la'ang mchod pa'i yo byad lhas? nye bar gnas par bya ba dang/ de dag gi 'khor rnams la ni gtor ma brgyad mar dang 'o ma dang sbrang rtsi dang bu ram dang/ kha ra dang/ shu dag dang/ shing tog la sogS pas bkang ba bzhag par bya'o/ /de bzhin du de dag thams cad la me tog gi phreng ba dang spros kyi rer bu dang dri la sogs pas yongs su khyab par bya ba ste/ sha dang chang la sogs pa'i rdzas ni dam tshig nyams par 'gyur pa'i phyir sa phyogs su 'da bsnyen par mi bya ba nyid do/ /de nas rdo rje bdag nyid zhugs zhes pa la sogs pa ni dbang bskur bar bya ste/ de la dang por bdag nyid khrus la sogs pa byas la gong du gsungs pa'i rdo rje 'dzin ma'i phyag rgya bcings ba me tog gi phreng ba bkal te/ rang gi sa bon las 'od zer spros pas bcom ldan 'das rig pa'i tshogs dang bcas pa spyan drangs la rdo rje lcags kyu la sogs pa'i rnal 'byor gyis dgug pa la sogs pa byas te/ gnyis su med par byas la zhabs bsil la sogs pas nye bar gnas par bya'o/ /de bzhin du klu'i rgyal po rnams kyang spyan drangs la sbrul mgo'i phyag rgya dang oM phud ces pa'i sngags kyis gnyis su med par bya ba ste/ de ni sa 'og gi ting nge 'dzin gyis bya'o/ /de nas mchod pa'i tshogs dang gtor ma dang sman la sogs pas legs par mchod nas bcom ldan
- 135b
'das la bdag nyid kyi dbang ma rnos shing gnang ba thob pa dang slob ma rnams dbang bskur bar bya ba ni me tog la sogs pa thogs su bcug la ras dmar pos mig bkab te/ oM badzra sarba nA ga sa ma ye hUM zhes pas gzhug par bya'o/ /de nas oM nA ga pra titsrA phu: zhes pas me tog dong bar bya'o/ /de nas gang la bab pa'i me tog mgo la bcings la klu'i rgyal po rnams rim pa bzhin du bstan par bya'o/ /de nas dbang bskur bar bya ba ni/ sprul mgo'i phyag rgya bcings la so so'i rnal 'byor dang ldan pas bum pa brgyad kyi chu yis oM A nan ta ka la sha a b+hi Shiny+tsa phu(rgyud 'grel): zhes pa la sogs pa'i sngags kyis dbang bskur bar bya'o/ /de nas yang sprul mgo'i phyag rgya bcings la snying gi'i thig le brgyad la yig 'bru rnam pa brgyad bsam zhing/ oM A na na ta bi sha ta na ya phu(rgyud 'grel): zhes pa la sogs pa'i sngags kyis dbang bskur bar bya'o/ /de nas rma bya'i sgro'i cod pan la bcom ldan 'das phyag na rdo rje'i snying po brgya rtsa brgyad sngags la rdo rjer byin gyis brlabs te/ gong du gsungs pa'i phyag rgya dang sngags kyis dbang bskur bar bya ste/ de ni dam tshig la gnas pa dang klu rnams brtan par bya ba'i phyir nges par bya ba nyid do/ /de nas 'dir bkra shis kyi rdzas rnams ni rung gi /'khor lo la sogs pa'i dbang rnams ni ma gtogs te/ bya ba khyab chung ba'i phyir ro/ /de nas ming tsam brjod pas kyang/ /klu rnam de dag thams cad 'grub ces pa ni klu rnams kyi dkyil 'khor du zhugs pa'i gang zag de klu rnams la bcom ldan 'das phyag na rdo rje'i gzugs su mthong ba'i phyir mi nges rang gi bya ba rnams la klu rnams ming tsam ston te/ bsgo bas kyang bya ba ma lus par byed cing ? dang dgos pa thams cad 'grub par 'gyur ba ni nges pa nyid do/ /de nas de dag kun mgu nas/ bcom ldan 'das la phyag 'tshal te/ spyan sngar thal sbyar 'khod nas ni/ /dam tshig rab tu 'chang bar 'gyur/ /bcom ldan 'das bdag cag gis bcom ldan 'das
- 136a
kyi bstan pa la mngon par dga' ba rnams dang/ gal te dkyil 'khor 'dir zhugs shing dbang bskur ba thob pa rnams la bslus par gyur na de'i tshe bcom ldan 'das la bslus par gyur cig/ yang de'i tshe bdag cag gi gnas bye mas bsregs par gyur cig /rdo rje kun tu 'bar bas bdag cag gi mgo 'gas par gyur cig /rtag par dus thams cad du sems can chen po de la bdag cag gis bsrung ba dang skyab ba dang/ sba bar bgyi'o/ /byin chen po dang stobs dang brtson 'grus bskyed par bgyi zhing de'i dug thams cad dug ma mchis par bgyi/ dus dus su char dbab par bgyi/ pha rol gyi g.yul thams cad la dug dang/ ser ba dang/ dus ma lags par char dbab par bgyi/ 'jigs pa thams cad rnam par 'dzoms par bgyi'o/ /rgyal po de'i bka' dang/ rdo rje 'dzin pa'i bka' bdag cag gis mtshungs pa nyid du bsgrub par bgyi'o zhes pa la sogs pa ni klu'i rgyal po rnams kyis dam pa'i chos dang gang zag de dag la rim gro dang bsnyen bkur bya ba'i phyir bcom ldan 'das phyag na rdo rje dbang por rang gsol nas dam tshig gi mna' shin tu gdugs pas mna' bskyal ba ste/ de dag go sla ba'i phyir ma bshad cing nges pa nyid du blta bar bya'o/ /de nas bsgrub pa bshad de lha rdzas 'od zer dkar po yis/ dbu la sgrul mgo bzhin bskor ba'i rdo rje 'dzin gtsor bsams nas kyang/ /phud ces bya ba 'bum bzlas la/ /de nas dug la'ang phud ces pa'i/ /dkyil 'khor rab tu bsams nas kyang/ /lha rdzas 'od zer phreng bas gang/ /de la'ang phud ces bya ba bsam/ /lag bsgrul gyi zhags 'dra dang/ / bud ces bya ba'i rlung gis gtor/ /pags pa sha dang rus gnas pa'i/ /dug rnams thams cad ma lus par/ /phud ces bya ba'i lag pas drang/ /de nas las rnams kun byed cing/ /dug rigs dug sbyar la sogs pa/ /khu tshur gyis kyang kun 'byin na/ /sbrul
- 136b
mgo'i phyag rgya smos ci dgos zhes gsungs pa ni 'dir bsgrub pa rnam pa gnyis su gsungs la/ de la gcig ni rdzas kyi dug gi cho ga'o/ /gcig ni byin gyis brlabs pa'i dug zhi bar byed pa ste/ de gang la yang bsgrub pa 'di yis yang dag par gnas par bya ba ni lha rdzas 'od zer dkar po yis/ /dbu la sbrul mgo bzhin bskor ba'i/ /rdo rje 'dzin gtsor bsams nas kyang/ /phud ces bya ba 'bum bzlas pa zhes bya ba gsungs te/ de nas dang por rang gi snying gi dkyil du raM las nyi ma'i dkyil 'khor bsam la de'i steng du hUM yig sngon po bltas te/ de gyur pa las rdo rje rtse lnga pa gcig bsam mo/ /yang de'i dbus su hUM bsams la de dag yongs su gyur pa las bdag nyid bcom ldan 'das phyag na rdo rje sku mdog sngon po gsus pa che ba dbu skra kham pa'i ral pas stor khebs pa spyan dmar la dod pa mche bcud zad gcigs pa/ phyag g.yas pa rdo rje bsnams pa/ /g.yon pa dkur brten pa dbu la sbrul mgo dang 'dra ba'i 'od zer dkar po'i tshogs dpag tu med pas brgyan pa gcig tu bsams te/ rdzas kyi dug zhi bar bya ba'i phyir oM na mo badzra pA Na ye nir tsi sha phud/ pi shan na ya phud/ bi shi hi ri phud ces pa'i sngags kyis dang po bsnyen pa 'bum du bzlas par bya ba nyid do/ /de la rdzas ji lta bu la bsgrubs par bya snyam pa de nas dug la'ang phud ces pa'i/ /dkyil 'khor rab tu bsams nas kyang/ /lha rdzas 'od zer phreng bas bkang/ /de la'ang phud ces bya ba bsam zhes gsungs te/ rdzas kyi dug gi sdong po gcig la klu chen po brgyad kyi dkyil 'khor rim pa ji lta ba bzhin du bkod de/ rang gi thugs ka nas 'od zer dkar po'i tshogS spros la de'i rtse mo re re la yi ge bud dkar po re re bsams pas dug gi sdong po la khebs par dgab par bya'o/ /de nas phyag rgya ji lta bu bya snyam pa la lag pa sbrul mgo zhags 'dra dang/ phud ces bya ba'i rlung gis gtor zhes gsungs te/ de la lag pa g.yon
- 137a
ba'i sor mo lnga sbrul mgo'i tshul du byas la/ g.yas pa'i mthe bo dang mdzub mo gnyis zhags pa'i tshul du bya zhing tshang bar rma bya'i sgro bcug pas rdzas kyi dug de la gnas pa'i dug bya bas shing kha nas phud kyi 'od zer rlung lta bu spros pas gtor bar bya ba nyid de/ de yan chad kyis ni dug zhi bar bya ba'i thabs gsungs so/ /rang dam mi gang dag dug la sogs pas 'dzin pa na bsgrub pa byas pa'i dug de 'am yang na snga ma'i rnal 'byor la sogs pas nges par 'joms par 'gyur ba nyid do/ /pags pa sha dang rus gnas pa'i/ /dug rnams thams cad ma lus par/ /phud ces bya ba'i lag pas drang zhes pa ni byin gyis brlabs pa'i dug gi cho ga gsungs pa ste/ de la mi gang dag klu yis zin pa rkang pa dang rus pa la sogs pa khol ba sha mdog mi sdug pa rnams ni dang por gong du gsungs pa'i cho ga ji lta ba bzhin du klu chen po rnams kyi dkyil 'khor du bcug la dbang bskur te/ de nas gnas dben par bcom ldan 'das phyag na rdo rje snga ma lta bu'i gzugs su bdag nyid bsams la grong du bum pa la oM na mo badzra pA NA ye sarba bi Sha ha na ha na phud ces pa'i snying po brgya phrag stong dam 'bum phrag gnyis la sogs pa bzlas te/ de nas dkyil 'khor snga ma bzhin du bris la/ mchod pa la sogs pa byas naS de'i thal mo sbyar ba'i rtse mo nas rma bya'i sgro la thag pa btags te/ bdag gis lag pas bzung zhing snying po stong du bzlas par bya'o/ /de nas grangs su thim pa dang de'i snying gar padmo 'dab ma brgyad pa bsams te/ bcom ldan 'das dang klu'i rgyal po 'khor dang bcas pas bzhugs su gsol la bcom ldan 'das kyi thugs ka'i hUM dang/ klu'i rgyal po rnams kyi rang rang gi lus las 'od zer spros pas mi de'i lus la kun tu khyab pas de'i lus la gnas pa'i nad dang dug la sogs pa thams cad bsregs shing chig par bsam mo
- 137b
de nas yang bdag gis sbrul mgo'i phyag rgyas de rnams kyi rtse mo la yi ge phud kha dog dkar po lcags kyu 'dra ba bsams la gong du gsungs pa'i sngags dang/ klu'i rgyal po rnams kyi snying pos rim pa ji lta ba bzhin du de'i lpags pa dang sha dang rus pa'i nang na gnas pa'i dug thams cad bya ba cing drang bar bya'o/ /de nas rma bya'i sgro'i 'od la phud ces pas bskor la de'i lus la bya ba cing sprul la dbab par bya'o/ /de'i rjes la bum pa'i chus khrus legs par byas te/ gos snga ma rnams bor la gos dkar po gsar pa gon nas zhag drug gi bar du tshwa la phud kyi sngags btab la btung bar bya ste/ de dag gi rim pas ni byin gyis brlabs pa'i dug kyang nges par 'joms par 'gyur te the tshom mi za ba nyid do/ /de nas las rnams kun byed cing/ /dug rigs dug sbyar la sogs pa/ /khu tshur gyis kyang kun 'byin na/ /sprul mgo'i phyag rgya smos ci dgos zhes pa ni rdzas kyi dug dang rnal 'byor pa'i nus pa'i stobs gnyis kyi yon tan gsungs pa ste/ de la rdzas kyi dug sngar sgrubs pa des phyis dug gis zin pa dang/ dug sbyar mas zin pa dang/ mche ba'i dug dang/ lce'i dug dang/ 'jug pa'i dug dang/ rwa'i dug dang mchu'i dug dang/ sha dug dang/ mda'i dug la sogs pas zin pa thams cad la sngar bsgrubs pa'i dug de zas la sogs pa la btab na/ du gi nad thams cad dang 'bral bar 'gyur ba nyid do/ /de bzhin du rnal 'byor pa de'i stobs kyis kyang gong du smos pa'i rnal 'byor dang sngags dang phyag rgya rnams kyi dug gi rigs thams cad khu tshur gyis bsnun pa tsam gyis kyang zhi bar nus na sprul mgo'i phyag rgya bcas nas drangs pa la sogs pa byas na smos kyang ci dgos te/ nges par dug la sogs pa'i rigs thams cad zhi bar 'gyur ba nyid de/ de ni khyad par du dbyung ba'i cho ga'o/ /de ltar gang du gsungs pa'i cho ga dag gis ni dug gi rigs thams cad dang/ klu'i nyes
- 138a
pa thams cad ni sel bar nges te the tshom mi za bas bsgrub par bya ba nyid do/ /de nas lha chen po rnams kyi bdag po 'jig par byed pa chen po bud med chen po brgyad kyis bskor bas bcom ldan 'das la phyag btsal nas 'di skad ces gsol to/ /bcom ldan 'das bdag cag gis sgrag pa dang/ bud med rnams kyis lha dang klu la sogs pa thams cad skrag rnam par skrag te/ kha sbub tu 'gyel te gos dang bral nas sems kyang stor te/ kun tu khyam pa de dag la phan gdags pa'i slad du bdag cag gi snying po 'bul bar 'tshal gyi bcom ldan 'das kyis de dag gi legs par byin gyis brlab tu gsol/ bcom ldan 'das kyis bka' stsal pa/ 'jigs par byed pa chen po legs so legs so/ /? byin gyis brlabs kyis 'jigs par byed pa rang nyid lha'i bud med dang bcas pa thams cad kyi snying po rnams shod cig ces gsungs pa ni 'di ltar 'jig rten pa'i lha thams cad kyi bdag po tshangs pa'i pho bo zhes grags te shin tu 'jigs shing skrag pa'i gzugs can rangs par byed pa rmongs par byed pa yin te/ de nas bcom ldan 'das kyi bstan pa la mngon par dad pa'i phyie sems bzang po dang bcas pas rang rang gi snying po phul ba ste/ snying po de dag rnam par dag pa'i phyir bcom ldan 'das phyag na rdo rje la snying po 'bul bar gus pa dang bcas pas zhu ba dang rnam par dag par byin gyis brlab par zhu ba'o/ /bcom ldan 'das kyis bka' stsal pa zhes pa la sogs pa ni gnang ba yang dag par byin zhing snyan pa dang bcas pa'i tshig gis byin gyis brlab pa nyid do/ /de nas 'jigs byed chen pos 'jigs par byed pa'i sgra phyung nas 'di skad ces gsol to/ /oM b+hai ra swAhA/ oM b+ha b+hi swAhA/ oM b+hA(rgyud 'grel): swAhA(rgyud 'grel): oM b+hI(rgyud 'grel): swAhA/ oM b+hU(rgyud 'grel): swAhA/ oM b+hAM swAhA/ oM b+haM swAhA/ oM b+ha(rgyud 'grel): swAhA(rgyud 'grel): zhes pa la
- 138b
sogs pa'i sngags ni lha chen po 'jigs byed kyis rang gi srog gi snying po rnams bcom ldan 'das la phul te/ de dag ni bskyed pa'i sa bon yang yin te/ rim pa ji lta ba bzhin du 'jigs byed chen po dang/ 'jigs byed srin mo dang/ 'jigs byed yan lag brgyad pa dang/ 'jigs byed gtun mo dang/ 'jigs byed smyo byed pa dang/ 'jigs byed 'khor los sgyur dang/ 'jigs byed yan lag brgyad dang/ 'jigs byed khro bo dang/ 'jig byed thod pa can dang/ 'jigs byed srog 'joms la sogs pa'i snying po nyid do/ /de nas de dag gi dkyil 'khor bshad de/ 'khor lo chen po rtsibs brgyad pa bris nas dbus su rdo rje 'dzin/ /khro rgyal 'jig rten gsum las ni/ /rnam rgyal zhes bya bzhag par bya/ /de yi zhabs drung 'jigs byed pa'i/ /bdag po chen po khros pa ni/ /'jigs byed ma dang bcas pa bri/ /rtsibs kyi nang ni thams cad du/ /gzhan yang 'jigs byed brgyad po dag /bud med rnams dang ldan pa la/ /khros pa'i bzhin dang yid 'khros par/ /ci bde bar ni bri bar bya/ /'dir ni sgo sgor de bzhin du/ /sgo bar shin tu ? ldan bri zhes gsungs pa ni da dag gi dkyil 'khor yongs su gsungs pa ste/ de la dur khrod dam ma mo'i gnas sam/ shan pa'i bsha' sa la sogs par stegs bu khru bcu gnyis pa brtsigs la mi'i khrag gis thig btab ste/ mi'i rus pa dang/ sol ? dang 'brul khrag gis bsgos pa dang/ da tu ra'i sa bon nam lo ma la sogs pas 'khor lo kha dog nag po rtsibs brgyad pa bri bar bya'o/ /de'i phyi rol gyi mu khyu'i na mtshon rtse gsum pa'i phreng ba dang thod pa'i phreng bas bskor bar bya'o/ /de'i gra bzhir ni thod pa khrag gis bkang ba bzhi bri bar bya'o/ /de'i phyi rol tu sgo dang rta babs dang dril bu la sogs pa'i rgyan thams cad kyis brgyan la phyi rol gyi phreng ba gsum ni rkeng rus dang mi'i mgo bo dang rtse gsum gyis rim pa bzhin du bskor ba'i nang du 'khor lo'i lte ba la ni bcom ldan 'das
- 139a
dpal phyag na rdo rje'i sprul pa khro bo'i rgyal po chen po khams gsum rnam par rgyal ba gong du gsungs pa'i gzugs dang kha dog dang cha byad 'dzin pa ji lta ba bzhin du rdo rje brag gi steng na pad+ma'i gdan la bzhugs pa bri bar bya'o/ /de'i zhabs drung du bcom ldan 'das la kha bltas pa'i 'jigs byed chen po kha dog nag po mgo lnga pa rkang pa bzhi pa lag pa bcu pa lag pa g.yas pa lngas rtse gsum pa dang ral gri dang 'khor lo dang bum pa dang thod pa khrag gis bkang ba thogs pa'o/ /g.yon pa lngas zhags pa dang lcags kyu dang/ dgra sta dang mi mgo dang sdigs mdzub byed pa 'jigs byed dus mtshan mas mgul nas 'khyud pa skra kham pa gyen du 'phags pa mig me mdag gi phung po 'dra ba gsus pa che ba sbrul rnams kyis lus la brgyan pa stag gi pags bas rnam par dkris pa rkang la bzhis rlung la sogs pa 'byung po mnan pa bri bar bya'o/ /de'i 'khor lo'i rtsibs shar phyogs su ni 'jigs byed yan lag brgyad pa kha dog nag po lag pa gnyis pa g.yas bas ral gri 'dzin pa g.yon pas thor ba khrag gis brkang ba thogs pa shin tu 'jigs pa'i ? can rang gi chung? ba dang bcas pa stag gi steng na gnas pa bri bar bya'o/ /lho phyogs su ni 'jigs byed gtum mo kha dog nag po lag pa gnyis pa g.yas pas gri gug 'dzin pa g.yon pa mi'i mgo bo 'dzin pa 'jigs pa'i gzugs na ? gi lags pa rnam par dkris pa skra kham pa gyen du 'phags pa rang gi chung ma dang bcas pa seng+ge'i steng na gnas pa bri bar bya'o/ /nub phyogs su ni 'jigs byed smyo byed nag po lag pa gnyis pa la g.yas pas rtse gsum pa 'dzin pa g.yon? pas thod pa khrag gis bkang ba thogs la skra kham pa gyen du 'phags pa 'jigs pa'i gzugs can rang gi chud ma dang bcas pa ri dags kyi steng na gnas pa bri bar bya'o/ /yang phyogs su ni 'jigs byed 'khor los sgyur ba kha dog nag po
- 139b
skra kham pa gyen du 'phags pa mig dmar la zlum pa lag pa g.yas pas lcags kyu 'dzin pa g.yon pas thod pa khrag gis bkang pa thogs pa stag gi pags pas rnam par dkris pa/ bzhin 'bar ba rang gi chung ma dang bcas pas phag rgod kyi steng na 'dug pa bri par bya'o/ /shar lho tshams su ni 'jigs byed lag brkyang kha dog nag po skra kham pa gyen du 'phags pa stag gi pags pas rnam par dkris pa 'jigs pa'i gzugs can lag pa g.yas pas dgra sta 'dzin pa g.yon pas thod pa khrag gis bkang ba thogs pa rang gi chud ma dang bcas pas khyu mchog gi steng na 'dug pa bri bar bya'o/ /lho nub mtshams su 'jigs byed khro bo kha dog nag po shin tu 'jigs par byed pa'i gzugs can lag pa g.yas pas dgra sta 'dzin pa g.yon pas thod pa khrag gis bkang ba thogs gsus pa che ba lag pa g.yas pas lcags kyi tho ba 'dzin pa g.yon pas thod pa khrag gis bkang ba thogs pa rang gi chung ma dang bcas pas srin mo'i steng na gnas pa bri bar bya'o/ /nub byang mtshams su ni 'jigs byed thod pa can kha dog dang cha byad snga ma dang 'dra ba lag pa g.yas pas gri gug zhags pa dang bcas pa 'dzin pa g.yon pas thod pa khrag gis bkang ba thogs pa rang gi chud ma dang bcas pas ma he'i steng na gnas pa bri bar bya'o/ /byang shar mtshams su ni 'jigs byed srog tsong kha dog dang cha byad snga ma lta bu la lag pa g.yas pas rtse gsum pa 'dzin pa g.yon pas mo'i rgyu ma 'dren pa rang gi chung ma dang bcas bas rnga mo'i steng na gnas pa bri bar bya'o/ /lha de dag thams cad kyang thod pa lnga yis mgo la brgyan pa mi mgo'i phreng bas lus brgyan pa rus pa'i rgyan gyis kun tu brgyan pa bri bar bya'o/ /sgo rnams su ni rdo rje lcags rgyu la sogs pa'i sgo ba shin tu khros pa'i bzhin dang ldan pa bri bar bya ba nyid do/ /de nas lcags kyu la sogs pa/ bkug ste mgo yi thod pa ni/ khrag gis bkang de mchod nas kyang/ /sha chang gtor ma bzang po dang
- 140a
snod rnams khrag gis bsad ba dang/ /mgo thod mgo yis dum bu dang/ /khrag gam chang dam bum pa brgyad/ /dkyil 'khor der ni bzhag par bya/ /da nas khams gsum rnam rgyal ba'i/ /gzugs kyis slob ma bzhug par bya bum pa'am mgo yi thod pa ni/ /de ltar brgyad kyis dbang bskur ro zhes gsungs pa ni 'jigs byed chen po'i dkyil 'khor du slob ma dbang bskur bar gsung ba ste/ de la dkyil 'khor mdza' mar bum pa kha dog nas po dgu dang dang por bsnyen pa byas pa'i rnam par rgyal ba'i sngags kyis bzlas pa'i bum pa dang bcu bzhag par bya'o/ /de la 'jigs byed rnams kyis bum pa ni khrag dang chad dang sha la sogs pas bkang bar bya'o/ /de'i steng du mi'i thod pa khrag gis bkang ba brgyad bzhag par bya'o/ /mgul chings ni mi'i phags pas dkri zhing kha rgyan ni mi'i skra la sogs pas bya ba nyid do/ /rnam par rgyal ba'i bum pa ni ras dmar pos dkri zhing nang dug gi chus dgang bar bya ste/ kha brgyan ni shing tshor ma can la sogs pas bya'o/ /de nas mchod pa'i tshogs ni mi 'am glang po che la sogs pa'i sha dang khrag dang rus pa dang tshil gyi zhun mar dang 'bras can dang chad dang mgo'i dum bu dang/ pags pa la sogs pas yang dag par gnas par bya ba dang/ bcom ldan 'das khams gsum rnam par rgyal ba ma sde pa'i phyir thun mong gi mchod pa'i yo byad ldas nye bar gnas par byas la rang gi sa bon las 'od zer spros pas bcom ldan 'das spyan drangs la gnyis su med par bya'o/ /de bzhin du 'jigs byed 'khor dang bcas pa'ang bkug la lcags kyu la sogs pa'i rnal 'byor gyis gnyis su med par byas la mchod pa'i tshogs kyis yongs su mchod par bya'o/ /de nas mgo bo'i thod pa'i phyag rgyas rang nyid zhugs la bcom ldan 'das la rim gro ji lta ba bzhin du dbang mnos te/ gnang ba legs par thob pa dang slob ma
- 140b
dkyil 'khor du gzhug par bya ba ni rang nyid bcom ldan 'das khams gsum rnam par rgyal ba'i gzugs su bsams te/ rnam par rgyal ba'i bum pa nas chu blangs pas bgegs bskrad par bya'o/ /de nas slob ma des sha chen po sogs pa thogs pas gzhug par bya ste/ oM badzra b+he ra ba sa ma ye hUM zhes pa'i sngags kyis gzhug par bya'o/ /de nas oM badzra ma hA b+hai ra ba pra tits+tsha(rgyud 'grel): ho zhes pas dor bar bya'o/ /de nas gdong g.yogs bsal te/ bcom ldan 'das la sogs pa rim pa ji lta ba bzhin du bstan te/ dang por 'jigs byed chen po'i sngags oM badzra ma hA b+he ra ba ka pA la ka la sha a b+hi Shiny+tsa hUM zhes pa gtso bo'i bum pas dbang bskur bar bya'o/ /de bzhin du oM a taM ge b+hai ra ba ka pA la ka la sha a b+hi Shiny+tsa hUM zhes pa la sogs pa'i sngags kyis rim pa ji lta ba bzhin du 'jigs byed brgyad pa'i bum pas dbang bskur bar bya'o/ /de nas de dag gi dam tshig gis rdzas sha chen dang tshil chen dang khrag la sogs pa la 'jigs byed chen po'i sngags stong dam brgya bzlas pas btab la zer gzhug par bya'o/ /de nas mtshon rtsa gsum pa la srid pa gsum po 'bigs par byed par bsam nas sngags dang bcas pas lag pa g.yas pas gtad par bya'o/ /de nas thod pa khrag gis bka' ba gcig lag pa g.yon par gtad de srid pa gsum pa'i srog gi khrag thams cad mthung bar bsams la sngags dang bcas pas dbang bskur bar bya'o/ /de nas de nyid 'jigs byed chen po dang gnyis su med par dbang bskur te/ de'i rjes la bcom ldan 'das khams gsum rnam par rgyal ba'i phyag rgya dang sngags kyis dbang bskur bar bya ste/ de ni dam tshig brtan par bya ba'i phyir bya ba nyid do/ /de nas las rnams sbyin bya ste/ /ma mo'i khyim 'am shing? gcig gam/ /dur khrod kyi ni gnas dag tu/ /'jig rten gsum ni 'dul ba'i mchog /tshul bzhin du ni mchod nas kyang/ /'bum phrag bzhir ni bzlas par bya zhes
- 141a
gsung ba ni de'i bsgrub pa gsungs pa ste/ de lam mo'i khyim zhes bya ba ni khang stod la sogs pa'o/ /shing gcig pa ni skye shing zla med par gcig bu gnas pa dang/ dur khrod la sogs pa gnas mi zad pa rnams su gong du slob pa'i tshul gyis 'jigs byed 'khor dang bcas pa bsams nas mi rus kyi phreng ba la rtsa ba'i sngags 'bum phrag bzhis gtor ma dang mchod pa'i tshogs kyis ji lta ba bzhin du mchod cing bzlas par bya ste/ de ni bsnyen pa zhes bya'o/ /de nas dngos grub tu gyur pa dang thabs ji lta bus bya snyam pa la/ de nas 'jigs par byed pa yis/ /bdag nyid chen po'i sgra thos nas/ /mi 'jigs par ni mgo thod pa/ /khrag gis bkang ste arga dbul/ /de nas khro bo 'jigs byed pa/ /ma rungs yid can bud med kyis/ /tshogs kyi bskor zhing 'jigs byed pa/ /brgyad kyis bskor ba mthong bar 'gyur/ /de mthong 'jigs pa med byas la/ /hUM zhes bya ba dran byed cing/ /sha 'am yang na chad mchog gis/ /thod pa bkang ste sbyin par bya/ /de nas 'jigs byed ma lus 'joms/ /mgu nas rab tu grub gyur nas/ /ci 'dod ces ni smras nas kyang/ /mgu ba'i yid kyis de ster te/ /sa rnams sbyin pa ma gtogs pa/ /bde chen hUM gi gsol ba gdab ces gsungs te/ de la sngags kyis bzlas pa grangs su thim pa dang 'jigs byed chen po 'khor dang bcas pa dngos grub tu 'gyur te/ de la dang po rtags ni shin tu 'jigs pa'i sgra drag po stong gsum thams cad g.yos pa'i sgra sgrog par byed de/ de la bdag gis 'jigs pa dang bag tsha ba'i sems mi bskyed par dga' ba dang bcas pa'i sems kyis de dag drung du 'ongs par bsams la thod pa'i phyag rgyas khrag gis bkad pa'i thod pas zhabs bsil dbul bar bya'o/ /de nas de'i skad cig gis mthar 'jigs byed chen po 'khor dang bcas pa shin tu 'jigs shing skrag par byed pa bdag la srog
- 141b
gcod pa dang 'dra ba'i tshul du mthong ste/ de ni de'i rang bzhin gyis gnas pa yin par bsams la bdag nyid de'i skad cig de nyid la bcom ldan 'das khams gsum rnam par rgyal ba'i gzugs su bsgoms te/ hUM zhes bya ba brjod nas sha dang chang dang khrag la sogs pas thod pa bkang la dbul bar bya ba nyid do/ /de nas de rab tu mgu bar gyur pa las khyod dngos grub ci 'dod ces smra bar 'gyur te gang 'dod pa ster zhing 'grub par nges la byang chub kyi sems dpa' i sa la gnas par bya ba la sogs pa ni rnam par dag pa'i lha ma yin pa'i phyir mi nus la 'jig rten 'di'i dngos grub sna tshogs pa ster ba yin pas de la bdag nyid bcom ldan 'das khams gsum rnam par rgyal ba'i gzugs su bsgoms pas hUM zhes bya ba brjod cing gang 'dod pa gsol pa gdab par bya ba nyid do/ /de la dngos grub ji lta bu zhig ster bar 'gyur snyam pa la khu ba bro ba'i btud ba dang/ /lha rdzas ral gri 'khor lo dang/ /rtse gsum pa dang mtho rim dang/ /mi dang sa 'og rgyal po dang/ /gling dang gling yin brgya byin dang/ /gnod sbyin dbang phyug srin po nyid/ /rig 'dzin nyid dang rig 'dzin gyis/ /'khor lo sgyur dang 'jig rten na/ /gsum gyi bdag nyid bka' nyan dang/ /rang gi 'khor dang bud med kyi/ /dngos grub gang yang rung ba ni/ /ci dga' bar yang sbyin bar byed/ /byin nas rgod cing 'gro byed dang/ /skrag na de ma thag tu gsod// ces gsungs te/ de la khu ba bro bo'i btung ba zhes pa ni lha'i bdud rtsi ro mchog brgya dang ldan pa lus 'od dang mdangs dang ldan par byed pa nyid do/ /rdzas dang ral gri 'khor lo zhes pa ni rdzas ni ri lu la sogs pa'o/ /ral gri dang 'khor los ni pha rol gyi dpung 'joms par byed pa'i dngos grub 'grub par 'gyur ba dang/ a ra sha'i dngos grub la sogs pa 'grub par 'gyur ba nyid do/ /rtse gsum pa ni gzhan gyi dpung 'joms pa'o mtho ris ni nam mkha' i rgyal po zla 'od lta bur 'gyur ba'o/ /mi ni sa steng la spyod pa thams cad 'dag
- 142a
gi dran bzhin du 'gyur ro/ /sa 'og ni klu'i dngos grub 'grub par 'gyur ba ste dper na 'phags pa klu grub ltar 'gyur ba'o/ /rgyal po ni gling gcig la dbang ba dang gling bzhi la dbang ba'i 'khor los sgyur ba'i rgyal por 'gyur ba'o// brgya byin dngos grub ni lha rnams dbang du byed pa'o/ /gnod sbyin gyi dngos grub ni 'tsho ba bde bar byed pa'o/ /dbang phyug gi dngos grub ni phun sum tshogs par byed pa'o/ /srin po'i dngos grub ni dgra'i tshogs thams cad 'joms par byed pa'o/ /rig 'dzin gyis dngos grub ni drang srong gi tshogs kun gyis bsnyen bkur byed pa'o/ /'khor los sgyur ba'i rgyal po ni gser la sogs pa'i 'khor los sgyur ba'i rgyal por 'gyur ba'o/ /'jig rten gsum gyi bdag po ni sa'i 'og dang sa steng pa dang sa bla rnams kyi bdag por 'gyur ba dang/ de dag la sogs pa 'gro ba sems can thams cad la bdag gi tshig ma nos pas kyang las thams cad bran bzhin du byed par 'gyur ba dang/ 'jigs byed brgyad po la sogs pas rgyal po bzhin du khur ba la sogs pa 'jig rten du dngos grub sna tshogs pa mthong bar 'gyur ba nyid do/ /skrag pa de ma thag tu gsod ces pa ni 'jigs byed chen po 'khor dang bcas pa mthong nas 'jigs pa 'am skrag pa'i sems skyed pa la dus ma yin par 'chi bar 'gyur ba ste/ de yang 'jigs byed chen po la sogs pas ni gsod par mi 'gyur la bdag nyid de dag gi dam tshig nyams pas phyir 'chi bar 'gyur ba nyid do/ /de nas 'jigs byed chen po 'khor dang bcas pa rnams kyis bcom ldan 'das la phyag 'tshal nas 'di skad ces gsol to/ /bcom ldan 'das bdag cag gi dkyil 'khor 'dir zhugs pa'i rgyal po de la bdag cag gi 'khor dang bcas pa rnams kyis bsrung ba dang skyabs pa dang sba bar bgyi'o/ /de'i sgra'i tshogs thams cad gzhom par bgyid de de la
- 142b
gnod par sems pa dang dgra bya bar sems pa dang mi mdza' ba dang 'gran 'dzugs pa'i lha dang mi dang gnod sbyin dang srin po la sogs pa thams cad kyi srog gzhom par bgyi'o/ /rgyal po chen po de'i drung du bdag cag gi 'khor rnams kyi dus thams cad du bka' gnod par bgyi'o/ /las dang bya ba dang dngos grub thams cad kyang bde blag tu stsal bar bgyi'o/ /bcom ldan 'das mdor na bdag cag gis bcom ldan 'das rdo rje 'dzin ma'i spyan sngar dam bcas pa bzhin du ma bgyis na bcom ldan 'das kyi rdo rje 'bar bas bdag cag gi tshogs thal ba bzhin du brlag par gyur cig ces pa la sogs pa ni 'jigs byed chen po 'khor dang bcas pa rnams kyis chos dang gang zag la rim gros kun tu bsnyen bkur bya bar bcom ldan 'das kyi spyan sngar dam bcas nas mna' bor ba ste/ mna' ni shin tu dam par gyur pa nyid kyis dngos grub la sogs pa'ang nye zhing nges par 'grub par 'gyur ba nyid do/ /de nas tshangs pa la sogs pa lha chen po rnams kyis bcom ldan 'das la phyag 'tshal nas 'di skad ces gsol to/ /bcom ldan 'das bdag cag kyang bcom ldan 'das kyis gnang zhing bka' stsal na rang gi cho ga zhi ba mo bshad pa 'tshal gyis/ bcom ldan 'das kyi thugs brtse bar dgongs te/ byin gyis brlab tu gsol zhes pa ni tshangs pa la sogs pa lha chen po rnams bcom ldan 'das phyag na rdo rje la gus pa dang bcas pas snying po 'bul bar zhus te/ de la bcom ldan 'das kyis gnang zhing bka' stsal na zhes pa ni de dag gi dkyil 'khor yongs su gnang zhing dkyil 'khor gyi chog bka' stsal pa na ched par 'dod pa yin zhing rang cag gis bcom ldan 'das kyi spyan sngar dkyil 'khor la sogs pa bshad pa'i sgobs pa med pa nyid do/ /de nyid shin tu gus pa'i tshig yin zhing thugs brtse bar dgongs te/ byin gyis brlab tu gsol zhes pa ni snying po
- 143a
rnam par ma dag pa dag par byin gyis brlabs tu gsol zhes pa'o/ /thugs brtse ba ni 'di ltar tshangs pa la sogs pa'i lha chen po rnams rtag par nga rgyal chen po dang ldan pa nyid kyis na dogs pa dang bcas gnod pa dang bcas pas bcom ldan 'das ni thugs rje chen po'i 'od zer gyis sems can thams cad la khyab pa yin pas na bdag cag la thugs rtse bar dgongs su gsol zhes gus par zhu ba'i chig go /bcom ldan 'das kyis bka' stsal pa/ lha chen po rnams legs so legs so/ /ngas gnang zhing byin gyis brlad kyi sems can thams cad la phan pa dang/ bde ba'i phyir rang rang gi srog gi snying po rnams legs par phul cig ces gsungs pa ni/ tshangs pa la sogs pa lha chen po rnams la snyen pa dang bcas pa'i gsung gi sa bos nas gnad ba legs par byin pa ste/ de la ngas snang zhing zhes pa ni lha chen po rnams kyi dogs pa bsal ba'o/ /byin gyis brlabs kyi zhes gsungs pa ni/ nus pa khyad par can du byas pa'o/ /sems can thams cad la phan pa dang bde ba'i phyir zhes gsungs pa ni lha chen po rnams byang chub kyi sems bla na med pa de'i skad cig la bskyed pa'o/ /rang rang gi snying po rnams legs par phul cig ces gsungs pa ni lha chen po rnams nga rgyal dang bcas pa'i sems rnam par spangs te/ sems mnyam par bzhag pa nyid kyis rang rang gi snying po rnams phul cig ces gsungs par shes par bya'o/ /de nas tshangs pa la sogs pa lha chen po rnams kyis rang rang gi snying po rnams bshad do/ /oM oM oM b+hi/ oM ru oM i/ oM kaM/ oM gA/ oM b+hi/ oM ka zhes pa la sogs pa ni tshangs pa la sogs pa'i lha chen po rnams bcom ldan 'das kyis legs par gnang bas dga' ba dang bcas pas rang rang gi snying po rnams phul ba ste/ de la dang po ni tshangs pa'o/ /gnyis pa ni khyab
- 143b
'jug gi'o/ /gsum pa ni drag po'i 'o/ /bzhi pa ni brgya byin gyi'o/ /lnga pa ni gzhon nu ma'i'o/ /drug pa ni dkar mo'i 'o/ /bdun pa ni b+h+rid gi ri ti'i 'o/ /brgyad pa ni 'dod pa'i lha mo'i snying po rnams ste/ gang du bskyed pa'i sa bon yang de dag nyid du shes par bya'o/ de nas de dag dkyil 'khor bshad de dkyil 'khor snga ma bzhin bris la/ dbus su khams gsum rnam rgyal te/ de'i mdun du dpa' bo dbang phyug rtse gsum thogs pa bri/ rgyab tu tshangs pa bri bya ste/ g.yon pa lag na 'khor lo thogs/ /g.yas pas dbang po rang gi ni/ phyag rgya'i mtshan ma lag thogs bri/ /de g.yon rang rang chud ma la/ /'dir yang sgo ba de bzhin te/ /bya dang bum pa gang ba bzhag/ dkyil 'khor gyi ni phyi rol du/ /stobs bzang la sogs mchu chen bzhag ces gsung ba ni lha chen po de dag gi dkyil 'khor yongs su gsungs te/ de la skyed mos tshal lam/ 'bab chu'i 'gram la sogs pas phyogs yid du 'od ba rnams su sa byin gyis brlab pa la sogs pa rim pa ji lta ba bzhin du byas la stegs bu khru nyi shu rtsa bzhi pa brtsigs te/ spos dang dri dang/ ba'i rnam lnga la sogs pas legs par byugs la/ thig legs par btab te/ rin po che la sogs pas dkyil 'khor bri bar bya ba ni gos kha dog dkar po gyon la 'khor lo kha dog dkar po rtsibs brgyad pa gcig dbus su bri bar bya'o/ /de'i phyi rol gyi mu khyud ni pad+ma'i phreng bas bskor par bya'o/ /de'i grwa bzhir ni bum pa kha dog dkar po rgyan dang bcas pa bzhi bris la de'i phyi rol tu ni sgo dang rta babs la sogs pa'i rgyan sna tshogs pas yongs su brgyan pa/ de'i phyi rol gyi 'khor yug tu ni pad+ma'i phreng ba dang/ rin po che'i phreng ba dang/ 'od zer dkar po phyogs bcur 'phro ba bri bar bya'o/ /de'i phyi rol tu ni dpag bsam gyi shing dang/ rdzid bu dang/ ma tog dang/ bya dang/ spre'u dang/ pad+ma dang/ utpa la dang/ gos kyi rgyan sna tshogs pa dang/ rgyan gyi rnam pa sna tshogs pa dang/ lha'i bu dang/ bu mo rol pa la sogs
- 144a
pa mang por bri bar bya'o/ /de nas 'khor lo'i dbus su ni bcom ldan 'das khams gsum rnam par rgyal ba gong du smos pa'i cha lugs ji lta ba bzhin du rdo rje brag gi steng du pad+ma'i gdan la bzhugs par bri bar bya'o/ /de'i 'khor lo'i rtsibs shar phyogs su ni lha chen po kha dog nag po lag pa bzhi pa glang khyu mchog la zhon pa sbrul se ral khar thogs pa dpral ba'i steng na zla ba tshes pa 'dzin pa/ thal bas lus la byugs pa/ lalg pa g.yas kyi dang pos ral gri 'dzin pa g.yon gyis dang pos mtshon rtse gsum pa 'dzin pa/ g.yon gyis gnyis pas dkur btsugs shing/ g.yas gyi gnyis pas dam pa sbyin pa 'jigs pa'i gzugs su 'dug pa bri bar bya'o/ /lho phyogs kyi rtsibs la ni brgya byin kha dog dkar po la glang po che'i steng na zhon pa/ mig gsum pa/ lag pa gnyis pa la g.yas pas rdo rje rtse gsum pa gdengs pa 'dzin pa/ g.yon pas rma bya'i sgro 'dzin pa gser gyi cod pan gyis mgo la brgyan pa bri bar bya'o/ /nub phyogs kyi rtsibs la ni tshangs ba kha dog dmar ser la pad+ma dmar pa 'dab ma bcu drug pa'i steng na gnas pa/ mgo gsum pa ral pa'i cod pan gyis brgyan pa/ lag pa bzhi pa la g.yas kyi dang pos ril ba spyi blugs 'dzin pa/ g.yon gyi dang pos phreng ba 'dzin pa/ 'og ma gnyis kyis snying gar thal mo sbyar ba/ bzhin 'dzum pa dang bcas pa bri bar bya'o/ /byang phyogs kyi rtsibs la ni khyab 'jug kha dog sngon po la nam mkha' lding la zhon pa lag pa bzhi pa g.yas kyi dang pos 'khor lo thogs pa/ g.yon gyi dang pos rin po che'i cod pan thogs pa/ g.yon 'og mas dud phor thogs pa/ g.yas 'og mas dam pa sbyin pa'i phyag rgya dang ldan pa bri bar bya'o/ /shar lho mtshams kyi rtsibs la ni dbang phyug chen po'i chung ma b+h+rid gi ri ti kha dog nag mo la bzhin mdzes pa lag pa g.yas pas rma bya'i rdul yab 'dzin pa/ g.yon pa dgu? ru btsugs shing
- 144b
rgyan thams cad kyis brgyan pa ldem bag dang bcas pas dbang phyug chen po la chags pa'i mig gis blta bar bri bar bya'o/ /lho nub mtshams kyi rtsibs la ni pad+ma'i steng du brgya byin gyis chud ma kha dog dkar po 'dod pa'i lha mo zhes bya ba mig gsum pa lag pa g.yas pas rdo rje 'dzin cing/ g.yon pas pad+ma 'dzin pa rgyan thams cad kyis brgyan cing nu ma 'bur ba chags pa'i mig gis brgya byin la blta ba bri bar bya'o/ /nub byang gi mtshams su ni tshangs pa'i chung ma kha dog dang cha byed tshangs pa nyid dang 'dra ba lag pa gnyis pa g.yas pas ril pa spyi blugs 'dzin pa/ g.yon pas phreng ba 'dzin cing nu ma 'bur brgyan thams cad kyis brgyan cing chags pa'i mig gis khyab 'jug la blta ba bri bar bya ba nyid do/ /bya dang bum pas gang ba bzhag ces pa la sogs mo kha dog sngon mo la lag pa gnyis pa g.yas pas 'khor lo 'dzin cing/ g.yon pas rtsa ku sha 'dzin brgyan thams cad kyis brgyan cing chags pa'i mig gis khyab 'jug la blta ba bri bar bya ba nyid do/ /bya dang bum pas gang ba bzhag ces pa la sogs pa ni mchod pa'i yo byad bsham par dgongs pa ste/ de zur bzhir ni bum pa kha dog dkar po sman dang/ dri dang 'o ma dang 'bras thug la sogs pas bkang ba kha rgyan dang/ mgul changs su bcings pa pad+ma'i steng na rang rang gi phyag rgyas mtshan pa bzhi la gong du so so'i sngags rnams yongs su bzlas pa bzhag par bya'o/ /de'i phyi rol tu ni dang pa dang dur pa la sogs pa'i bya bam gzugs la sogs pa dang mchod pa'i bum pa'i dri dang gtor ma la sogs pas bkang ba brgyad dam bzhi la sogs par bzhag pa dang/ ra dang lug dang bya la sogs pa rnams dang zho dang mar dang 'o ma dang ka ra dang/ sbrang rtsi la sogs pa mchod pa'i yo byad sna tshogs pa bzhag par bya'o/ /gzhan yang me tog gi phreng ba dang/ dri'i chu la sogs pa yang yongs su bzhag pa ste /bcom
- 145a
ldan 'das la mchod pa'i phyir mchod pa'i yo byad lngas nye bar gnas par bya ba dang/ sngon du bsnyen pa byas pa'i rnam par rgyal ba'i bum pa kha dog dkar po dri dang/ sman dang 'o ma la sogs pas bkang ba'i rgyan gyis brgyan pa gcig ni rang gi mdun du bzhag par bya'o/ /de bzhin du gdugs dang rgyal mtshan dang/ ba dan la sogs pas kyang brgyan la/ mchod pa'i tshogs rgya chen po bsham par bya ba nyid do/ /de nas zhugs nas lha rnams ni/ /mkhas pas kun nas dgug par bya/ /dza hUM baM ho(rgyud 'grel): lha thams cad/ /dkyil 'khor dam pa zhugs par mdzod/ /de nas 'ongs par mthong ba dang/ /dga' ba chen pos mchod par bya zhes gsung ba ni/ las su bya ba gsungs pa ste/ de la dang po rang nyid khrus la sogs pa legs par byas la/ gis gtsang ma dkar po gon la rgyan gyis brgyan te/ gong du gsungs pa'i rdo rje 'dzin ma'i phyag rgya bcas la/ me tog gi phreng ba bkal te zhugs nas/ snying ga'i sa bon las 'od zer spros pas/ bcom ldan 'das khams gsum rnam par rgyal ba spyan drangs te/ lcags kyu la sogs pa'i rnal 'byor gyis bkug la/ gnyis su med par byas la bzhugs su gsol te/ zhabs bsil la sogs pas mchod par bya'o/ /de bzhin du dbang phyug chen po la sogs pa'i lha rnams kyang spyan drangs nas gnyis su med par byas pa/ zhabs bsil la sogs pas mchod pa byas nas bde bar gshegs pa rnam par rgyal ba la ni mchod pa'i yo byad lngas yang dag par mchod par bya'o/ /lha la sogs pa ni sha dang/ zho dang 'jig rten pa'i yo byad 'byor pa thams cad kyis yongs su mchod nas bcom ldan 'das la dbang ji lta ba bzhin du mnos la gnang ba legs par thob pa dang/ slob ma dbang bskur bar bya ba nyid do/ /de la dbang ji lta bu yis bskur bar bya snyam pa la/ de nas rdo rje 'dzin pa'i phyag rgyas slob
- 145b
ma gzhug par bya ste/ oM pra tits+tsha stwaM/ mahA satwa badzra d+hA ra/ adz+nyA pa ya ti ha ha ho/ /me tog cho ga bzhin du dor/ /mig phye nas ni brtag par bya/ /de nas sngags kyis btab pa yis/ /bum pa'i chu yis dbang bskur ro zhes gsungs te/ de la slob ma rgyal rigs la sogs pa dbang dang stobs dang mthu dang ldan par 'dod pa rnams me tog la sogs pa thogs su bcug la ras kha dog dmar pos mig bkab ste/ oM tsa tu ra ma he shwa re sa ma ye hUM zhes pa la gzhug par bya'o/ /de nas slob ma de nyid rdo rje 'dzin ma'i phyag rgya bcings pas me tog dor bar bya ba ni/ oM pra tIts+tsha stwaM mahA satwa badzra d+ha ra adz+nyA pa ya ti ha ha ho zhes pas dor bar bya'o/ /de nas oM badzra tsak+Shu pA sh+ya ho zhes pas mig bye ste/ oM ma he shwA ri tiSh+Tha badzra hUM zhes pas brtan par bya'o de nas rnam par rgyal ba'i bum pa nas chu blangs pas bgegs bskrad do/ /dbang phyug chen po bzhi'i bum pa bzhi la so so'i rnal 'byor dang/ phyag rgyar ldan par byas la/ oM ru dra sha da pA a b+hi Shiny+tsa hUM zhes pa dang/ oM in+d+ra ka la sha de bA a b+hi Shiny+tsa hUM/ oM pra ma ka la sha de bA a b+hi Shiny+tsa hUM/ oM b+hi sbu ka la sha de bA a b+hi Shiny+tsa hUM zhes pa rnams kyis rim pa ji lta ba bzhin du dbang bskur bar bya'o/ /de nas de dag dam tshig gi rdzas rtse gsum pa dang/ rdo rje dang ril ba dang/ 'khor lo la sogs dbang bskur te brtan par byas nas bcom ldan 'das phyag na rdo rje'i phyag rgyas dam tshig la gnas par bya ba'i phyir dbang bskur nas de'i rdzes la bkra shis kyi rdzas brgyad dang 'khor lo la sogs pa'i rin po che sna bdun gyis dbang bskur te/ yongs su rdzogs par byas nas lha rnams kyi snying po rab tu gtad par bya ba nyid do/ /de nas lha rnams gang dga' ba'i/ /dngos grub rtag tu sbyin par bya/ /'bum gcig gam ni 'bum gnyis sam/ /dang po bsnyen pa byas nas kyang/ /dbang phyug la sogs lha mchog rnams/ /rab tu
- 146a
'dod pas bsgrub bya ste/ shing gcig la sogs gnas sam ni/ /phyag na rdo rje'i pho brang ngam/ /yang na de bzhin gshegs gnas sam/ /ring bsrel ldan pa'i mchod rten du/ /lha rnams thams cad cho ga bzhin/ /bsgrub pas rtag tu bsgrub byas na/ /nam phyed na ni lha 'ongs nas/ /khyod kyi 'dod pa gang yin pa/ /de ni ci bder sbyin bya yis/ /bzang po myur du soms te smros/ /gang phyir mchog ni khyod la sbyin/ /de nas sngags shes dngos grub phyir/ /lha la mchog gi gsol ba gdab/ /lha rdzas khu ba bro brdung dang/ /mi snang ba dang mkha' 'gro dang/ /ri lu rdzas dang rgyal la sogs/ /yid 'dod tshad med gsol ba gdab ces pa la sogs pa gsungs pa ni lha rnams kyi bsgrub pa yongs su gsungs pa ste/ de la dang por me tog gang la babs pa'i lha 'am rang gang la mos pa'i lha bsgrub par bya ba'i phyir slob dpon des slob ma la de dag ci ltar sgrub pa'i thabs sbyin par bya ba ni/ /'bum gcig gam ni 'bum gnyis sam/ /dang por bsnyen pa byas nas kyang zhes gsungs pa ste/ de la rang gi gnas sam gnas yid du 'od ba rnamS su lha gang 'dod pa'i gzugs bris la/ mchod pa dang gtor ma byas te/ bcom ldan 'das dpal phyag na rdo rje dpang por gsol nas mchod pa dang skyabs su gsol ba byas nas/ de dag gi snying po 'bum phrag gcig gam gnyis bzlas pas bya ba nyid do/ de la snying po ni oM pa ti ni ka la bo tha u ma pri ya swAhA zhes pa la sogs pa dang/ oM shu zhes pa ni rtsa'i sngags dang nye bar bcas pa bzlas la/ de nas grangs su thim pa dang bsgrub par bya ba ni shing gcig la sogs gnas sam ni zhes pa la sogs pa gsungs so/ /de la de dag ni gnas yid du 'ong ba bstan pa ste/ shing gcig ni shing gcig pur skyes pa'i phyogs so/ /phyag na rdo rje'i pho brang zhes pa ni gnas gang na bcom ldan 'das phyag na rdo rje bzhugs pa'i sa phyogs so/ /yang na de bzhin gshegs pa gnas
- 146b
sam zhes pa ni gtsug lag khang ngam? dge 'dun gyi kun dga' ra ba la sogs pa de bzhin gshegs pa'i tshogs bzhugs pa'i sa phyogs so/ /ring bsrel ldan pa'i mchod rten zhes pa ni de bzhin gshegs pa'i gdung sha ri ram bcug pa'i mchod khang na yod pa'i sa phyogs te/ de dag rnams su ni dbang phyug chen po la sogs pa'i lha rnams bsgrub par bya ba nyid do/ /de la gnas de dag kho na dmigs su bstan pa la dgos pa ci yod snyam pa la/ gnas de dag ni mchog tu bkra shis pa'i gnas yin pas na dngos grub nye ba nyid dang/ tshangs pa la sogs pa'i gnas bkra shis pa dang/ gnas gtsang zhing khyad par can rnams su rgyu ba las dur khrod la sogs pa'i gnas mi gtsang ba rnams su mi 'ong ba'i phyir de dag kho nar yongs su bsgrub par gsungs so/ /de nas lha chen po rnams grub par gyur na rtags sam/ mtshan ma 'am 'bras bu ji lta bu 'grub snyam pa la/ nam phyed na lha 'ongs nas zhes pa la sogs pa gsungs pa/ de la nam phyed na lha gang bsgrub pa de longs nas rigs kyi bu khyod gang 'dod pa de smos shig dang nges sbyin par bya'o zhes smras te/ de la cho ga shes pa'i rnal 'byor pas arga la sogs pas yang dag par mchod nas/ rang gang 'dod pa'i dngos grub rnams gsol ba gdab par bya'o/ /de la dngos grub ji lta bu dag gsol ba gdab snyam pa la/ lha rdzas khu ba bro brdung dang zhes pa la sogs pa gsungs te/ lha rdzas khu ba bro brdung zhes pa ni bdud rtsi'i khu ba grub par gsol ba gdab pa'o/ /mi snang ba ni mig sgrib kyi dngos grub gsol ba gdab par bya'o/ /mkha' 'gro ni nam mkha' lding dang lha'i rdzu 'phrul gyi dngos grub gsol pa gdab par bya ba'o/ /ri lu ni khams gsum rnam par rgyal ba'i ri lu la sogs pa gdab par bya'o/ /rgyal po ni gling bzhi la dbang ba dang/ sa 'og la dbang ba dang/ sa steng la dbang bar gsol ba gdab pa nyid do/ /de nas dbang phyug
- 147a
chen po la sogs pas bcom ldan 'das la phyag 'tshal nas 'di skad ces gsol to/ /bcom ldan 'das 'jig rten dang 'jig rten las 'das pa'i dkyil 'khor 'dir zhugs pa gang lags pa de dag bcom ldan 'das bdag cag lha rnams kyis sgrib pa thams cad rnam par sbyong ngo/ /mtho ris kyi lam bstan par bgyi'o/ /bde 'gro'i lam bstan par bgyi'o/ /ngan song ma lags pa'i lam bstan par bgyi'o/ /sgrib pa ma mchis pa'i lam bstan par bgyi'o/ /dben pa'i lam bstan par bgyi'o/ /rnam par dben pa'i lam bstan par bgyi'o/ /'byung ba'i lam bstan par bgyi'o/ /mya ngan las 'das pa'i lam bstan par bgyi'o/ /dam pa'i chos kyi lam bstan par bgyi'o/ /bde 'gro'i lam bstan par bgyi'o/ / spong ba'i lam bstan par bgyi'o/ /nyon mongs pa med pa'i lam bstan par bgyi'o/ /sangs rgyas nyid du 'grub pa'i lam bstan par bgyi'o/ /byang chub sems dpa' nyid du 'grub pa'i lam bstan par bgyi'o/ /rdo rje 'dzin pa nyid du 'grub pa'i laM bstan par bgyi'o/ /dus thams cad du 'jigs pa thams cad las bsrung ba dang/ bskyab pa dang/ spa bar bgyi'o/ /bdag nyid kyis bu bzhin yongs su bskyang bar bgyi'o/ /de'i pha rol gyi dgra kun gzhom par bgyi'o/ /grong dang grong 'dab dang/ ljongs dang/ rgyal po dang/ rgyal po'i pho brang dang/ rgyal srid rnams bsrung bar bgyi'o/ /yul dang phyogs dang/ grong khyer dang/ 'khor rnams bsrung bar bgyi'o/ /rgyal srid kyang stsal bar bgyi'o/ /rgyal srid thob pa rnams ni rgyal srid rgyas par bgyi'o/ / gling gcig pa dang/ gnyis pa dang/ gsum pa dang/ bzhi pa dang/ bde 'gro dang/ mi'i gnas dang/ sa 'og dang/ 'khor los sgyur ba rnams kyang stsal bar bgyi'o/ /mdor na brgya byin dang/ tshangs pa nyid dang/ khyab 'jug dang/ dbang phyug chen po
- 147b
nyid kyang stsal bar bgyi ste/ bcom ldan 'das mdor na bdag cag gis dam bcas pa de las 'gal bar gyur na bcom ldan 'das nyid bslus par gyur cig ces pa la sogs pa ni dbang phyug chen po la sogs pa'i lha chen po rnams med par gshegs pa'i bstan pa la mngon par dga' ba nyid kyis dam ba'i choS dang gang zag rnams la rim gro dang bsnyen bkur yang dag par byed pa nyid do/ /de la dbang phyug chen po la sogs pa dbang phyug chen po bzhi ni/ 'jig rten pa'i lha rnams kyi gtso bor gyur pa mchog tu gyur pa khyad par gyur pa dam par gyur pa yin pas nus pa'i stobs chen po dang ldan pa ste/ de dag gis rnam par byang ba'i lam ston par 'gyur ba nyid do/ /de la de dag ni 'jig rten pa'i lha yin la/ 'jig rten pa'i lhas ni srid pa'i rtse mo man chad las 'thob par mi 'gyur bas na de dag gis rnam par byang ba'i lam ji ltar ston par 'gyur snyam pa la/ de ni 'di ltar dang por lha chen po rnams kyis kyang bcom ldan 'das 'jig rten dang 'jig rten las 'das pa'i dkyil 'khor 'dir zhugs pa gang lags pa de dag ces smos te/ de bas na 'jig rten pa'i dkyil 'khor du zhugs pas ni mtho ris la sogs pa'i lam ston pa nyid do/ /de la bdag cag rnams kyis sgrib pa thams cad rnam par sbyang ngo/ /zhes pa nas mya ngan las 'das pa'i lam bstan par bgyi'o zhes pa'i bar ni 'jig rten pa'i lam ste/ de dag gi ngan 'gro rnam pa gsum la bsams nas ni sgrib pa thams cad ma mchis pa dang mtho ris dang bde 'gro'i lam bstan par bgyi'o zhes smras te/ sgrib pa ni skye pa'i sgrib pa zhes bya ba la bltos nas lha'i gnas su yod pa nyid do/ de la sgrib pa thams cad ces pa'i tshig ste/ 'jig rten las 'das pa ma yin pa'i phyir nyon mongs pa'i sgrib pa la sogs pa ni ma gtogs so/ /de nyid bde 'gro yin pa'i phyir ngan 'gro la sogs pa'i
- 148a
lam dang/ sgrib la ma mchis pa'i lam zhes bya'o/ /de ni 'jig rten pa rnams kyi bden pa yin pa dang/ sdug bsngal las rnam par dben pa'i phyir/ dben pa'i lam dang rnam par dben pa'i lam zhes bya'o/ /de nyid 'jig rten pa rnams kyis bde ba'i 'byung gnas yin pa'i phyir dang/ ngan song gsum gyi mya ngan las 'das pa'i phyir 'byung ba'i lam dang/ mya ngan las 'das pa'i lam bstan par bgyi'o zhes bya ba nyid de/ de dag ni 'jig rten pa'i lam zhes bya'o/ /dam pa'i chos kyi lam bstan par bgyi'o zhes pa nas/ rdo rje 'dzin pa nyid du 'grub pa'i lam bstan par bgyi'o zhes pa'i bar ni 'jig rten las 'das pa'i lam ste/ de nyid rnam pa bzhi'o/ /dam pa'i chos ni zag pa med pa'i dam pa'i chos te/ de'i lam ston par 'gyur ba'o/ /bde 'gro ni rnam pa gnyis te/ cung zad bde ba'i bde 'gro dang/ bde ba chen po'i bde 'gro'o/ /de la lha la sogs pa ni cung zad bde ba'i bde 'gro yang yin la/ 'di ni bde ba chen po'i rnam par rtog pa thams cad dang bral ba'i bde 'gror 'gro ba'i lam ston pa nyid do/ /de nyid 'khor ba'i sdug bsngal mdza' dag spong ba'i phyir na spong ba'i lam bstan par bgyi'o zhes par 'brel to/ /de nyid rnam pa bzhi ste/ nyan thos dang rang sangs rgyas dang/ byang chub sems dpa' dang/ rnam pa thams cad mkhyen pa'i sangs rgyas so/ /de la nyon mongs pa med pa'i lam bstan par bgyi'o zhes pa ni 'phags pa dgra bcom pa rnams kyis nyon mongs pa thams cad spangs pa'i phyir nyon mongs pa med pa'i lam ston pa'o/ /sangs rgyas nyid ni dang sangs rgyas kyi lam ston par 'gyur ba'o/ /byang chub sems dpa' zhes smos pa'i byang chub sems dpa' i lam ston par 'gyur ba'o/ /rdo rje 'dzin pa nyid du zhes pa ni/ yang dag par rdzogs pa'i sangs rgyas nyid du 'grub pa'i lam ston pa nyid do/ /de la gang dag
- 148b
'di skad du ci theg pa chen por sems bskyed nas kyang phyis lam rnam pa bzhis 'gro ba'i rgyur 'gyur ram snyam pa la/ de ni bden te rkyen gyi dbang gis theg pa chen por zhugs nas sems bskyed kyang rang nyid sa nges par gyur pa'i dbang gis phyis ldog bar 'gyur ba'ang yod de/ dper na rgyal po dpal gyi 'khor lo lta bu'o/ /de bas na de dag yongs su bsrung ba'i phyir lam so sor ston pa la ni 'gal ba med pa nyid do/ /de la yang gong du 'jig rten pa'i lam rnams ni 'jig rten pa'i lha yin pa'i phyir ston par nus la/ 'jig rten las 'das pa'i lam ston par ji ltar byed snyam pa la/ de la 'di ltar 'bras bu ster bar byed pa ni ma yin gyi/ dam tshig dang ldan pa nyid kyis rnam par grol bar bya ba'i phyir sbrul pa la sogs pa'i gzugs sam bsam pa bsgyur ba 'am/ rmi lam la sogs par lam ji lta bston par byed pa nyid de/ de ni mi 'gal ba nyid do/ /lhag ma go sla ba'i phyir ma bshad do/ /mdor na brgya byin dang/ tshangs pa nyid dang/ khyab 'jug chen po nyid dang/ dbang phyug chen po nyid kyang stsal bar bgyi'o zhes pa ni de dag gi nus pa dang/ 'byor pa ji snyed yod pa de snyed kyi dngos grub ster ba nyid du shes par bya'o/ /bcom ldan 'das mdor na bdag cag gis bcom ldan 'das kyi sras kyi dam pa de la bsrung ba dang/ skyab pa la sogs pa ji skad gsol ba bzhin du ma bgyis par gyur na/ bdag gi gnas lha ma yin gyis bshig par gyur cig/ dpag bsam gyi shing skams par gyur cig /bdud rtsi'i zas dang bral bar gyur cig ces pa la sogs pa ni de dag gis bcom ldan 'das phyag na rdo rje dbang por gsol te/ dam tshig gi gnas dam por bskyal bar shes par bya ste/ mna' ni shin tu mi bzad pa yin pa'i phyir rim gro la sogs pa'ang ji skad gsol ba bzhin du byed cing/ dngos grub la sogs pa'ang nye bar 'gyur ba nyid do/ /de ltar 'jig rten
- 149a
pa'i dkyil 'khor du 'jig rten pa'i dngos grub sgrub pa la dga' ba rnams la 'jig rten pa'i dkyil 'khor bstan nas da ni 'jig rten las 'das pa'i tshe sgrub pa'i dkyil 'khor bstan pa'i phyir/ de nas bcom ldan 'das phyag na rdo rje nyid kyi 'khor gyi dkyil 'khor la kun tu gzigs nas 'dzum pa mdzad pa dang/ 'khor gyi dkyil 'khor de dag g.yos/ yang dag par g.yos 'gul rab tu 'gul/ yang dag par 'gul/ 'bar rab tu 'bar/ yang dag par rab tu 'bar/ rgod rab tu rgod/ yang dag par rab tu rgod/ rtse rab tu rtse/ yang dag par rab tu brtse zhing rmad kyi ngo mtshar du ma'i 'jig rten du yang dag par rab tu snang bar gyur to zhes gsungs pa ni lha la sogs pa'i 'jig rten pa rnams dam pa'i chos la spro ba chen po bskyed par bya ba dang/ 'bras bu'i chos rgyu la nye bar bstan pa yin par shes par bya ste/ de la bcom ldan 'das kyis nyid kyi 'khor gyi dkyil 'khor la gzigs nas zhes pa ni dga' ba'i tshal du 'dus pa lta zhog gi sems can thams cad la ye shes kyi spyan gyis kun tu gzigs pa'o/ /nyid ces mos pa bdag po dang bcas pa'i tshig? ni sems can thams cad mngon par rdzogs par 'tshang rgya bar mdzad par dam bcas pa'i phyir zhal gyis bzhes pa'i zhing rnams so/ /'dzum pa mdzad pa ni rnam pa gnyis te/ zhal gyis 'dzum pa mdzad pa dang/ thugs rdo rje la dam pa'i chos rgya che ba zab mo yang dag par 'gyur ba nyid do/ de la zhal gyis 'dzum ba mdzad pa ni dam pa'i chos 'di la sems can rnams grol bar 'gyur ba la dgyes pa nyid do/ /'khor gyi dkyil 'khor de dag yongs su dag par g.yos zhes pa la sogs pa ni dam pa'i chos 'di la brten pa'i gang zag de dag yongs su rdzogs pa'i mthar mngon par rdzogs par 'tshang rgya ba'i skad cig la 'jig rten gyi khams rnams yang dag par g.yo ba la sogs ba dang/ 'bar?
- 149b
pa la sogs pa dang/ bdud kyi tshogs rnams rgod pa dang/ lha dang lha'i bu mo la sogs pa'i mchod pa'i tshogs kyis rol pa dang/ gzhan yang sgra dang/ 'od dang skar mda' la sogs pa'i ngo mtshar gi chos sna tshogs pa yang dag par 'byung ba las dgongs pa'o/ yang dag pa'i tshal du 'dus pa'i 'khor de dag nyid g.yos pa la sogs pa 'byung ba ste de ni phyogs dang por shes par bya'o/ /de nas tshangs pa la sogs pa'i lha'i tshogs rnams shin tu ngo mtshar du gyur nas bcom ldan 'das la 'di skad ces gsol to/ /bcom ldan 'das sangs rgyas dang/ byang chub sems dpa' rnams ni rgyu ma mchis par 'dzum pa mdzad na 'dzum pa mdzad pa'i rgyu ci lags bcom ldan de'i slar du 'dzum pa mdzad pa'i rgyu gang lags pa/ lung bstan du gsol zhes pa ni tshangs pa la sogs pa'i lha rnams the tshom yongs su gcod pa'i phyir zhu ba ste/ de la ngo mtshar khyad par can dag 'jig rten du bstan pa dang/ bcom ldan 'das kyis 'dzum pa mdzad pa la nges par gdon mi za bar rgyu bla na med pa gcig yod pa'i phyir sangs rgyas bcom ldan 'das dang/ byang chub sems dpa' rnams rgyu 'am rkyen ma mchis par 'dzum par mi mdzad pas/ ci la dgongs te 'dzum pa mdzad ces yang dag par zhu ba'o/ /de nas bcom ldan 'das phyag na rdo rjes lha rnams kyi gsol ba'i tshig? gsan nas 'di skad ces bka' stsal to/ /tshangs pa la sogs pa'i lha rnams sngon gyis sangs rgyas thams cad kyis bshad pa'i 'chi bdag zhi bar byed pa dang/ dus ma yin par 'chi bdag 'joms par byed pa'i rig sngags gzi brjid chen po gang yin pa thos sam zhes gsungs pa ni lha la sogs pa ni 'jig rten pa rnams dam pa'i chos khyad par can la myur du 'jug par bya ba'i phyir gsungs pa ste/ de la sngon kyi sangs rgyas thams cad kyis bshad pa ste/ de ni yon tan khyad par can du bya ba'i phyir gsungs pa'o/ /'chi bdag zhi bar byed pa ni dam
- 150a
pa'i chos sgrub pa'i phyir ji srid nyi ma dang/ zla ba 'jig rten du gnas kyi bar du 'tsho ba dang ldan par byed pa'o/ /dus ma yin par 'chi bdag 'joms pa tha mal gyi gnas skabs na mi la sogs pa rang gi tsho'i tshad du mi phyin par rkyen gyi dbang gi 'chi ba la sogs pa yun ring du gnas par byed pa ste/ de ni bsgrub pa nyams su len pa dang/ skyabs su gsol pa'i bye brag tu shes par bya'o/ /rig pa ni ye shes so/ /sngags ni ngan song thams cad las yongs su skyobs par bya ba nyid do// gzi brjid ni stobs ste/ bdud kyi dpung thams cad ma lus par 'joms par byed pa nyid dang/ chen po ni yon tan gyi tshogs rgya chen por 'byung bar byed pas ni chen po ste/ thos sam zhes pa ni 'jug par spro ba bskyed par shes par bya ba nyid do// de nas tshangs pa la sogs pa'i lha chen po de dag yang dag par rab tu mgu ste/ ba spu langs nas bcom ldan 'das phyag na rdo rje la phyag 'tshal ste/ legs so zhes bya ba ni gsol to bcom ldan 'das legs so legs so rdo rje 'dzin pa legs so legs so? gang gi slad du tshe thung ba'i sems can rnams tshe bsring bar bgyi ba dang/ dus ma lags par 'chi bdag gis nyen pa rnams dang/ gang gi dus ma lags par 'chi ba las rnam par grol bar bgyi pa dang/ ngan song du skyes pa rnams ngan song? gi rgyud thams cad las ci nas kyang rnam par grol bar bgyi ba dang/ 'khor ba'i 'jigs pas skrag pa'i sems can rnams bde blag tu 'khor ba las rgyab kyis phyogs par gyur nas myur du bla na ma mchis pa yang dag par rdzogs pa'i byang chub tu mngon par rdzogs par 'tshang rgya par bgyi ba'i slad du gzi brjid chen po'i stobs dang/ mthu chen po'i rig sngags bshad du gsol zhes pa la sogs pa ni tshangs pa la sogs pa'i lha rnams rang dang gzhan gyi don phun sum tshogs par
- 150b
bya ba'i phyir/ dam pa'i chos la yang dag par zhugs pa ste/ de la yang dag par mgu nas ba spu langs pa ni 'bras bu'i chos la mngon par dga' ba'o/ /phyag 'tshal nas legs so 'tshig? bzhi mngon par bstod pa ni 'bras bu'i chos bzhi la yang dag par bstod pa'o/ /gang gi slad du zhes pa ni rnam pa gnyis te/ de bzhin gshegs pa rnams kyi dam tshig bstan par bya ba'i phyir dang/ sems can rnams mngon par rdzogs par 'tshang rgya bar bya ba'i phyir zhes pa ste/ rgyu 'am gtan tshigs brjod pa'o/ /tshe thung ba rnams tshe bsring bar bgyi ba dang zhes pa ni sgrub pa'i rjes su 'breng ba rnams so/ /dus ma lags par 'chi bdag gis nyes pa rnam par grol bar bgyi ba ni skyabs su gsol ba'i gang zag rnams te/ de dag ni tshangs pa la sogs par de'i byed pa'i rgyu byed par nges so/ /ngan song du skye ba rnams ngan song gi rgyud las ci nas kyang rnam par grol bar bgyi bar zhes pa ni/ 'dir 'das pa'i sgra tsam zhig smos na'ang ma 'ongs pa dang da ltar gsum ka la shugs kyis go par bya'o/ /sems can phal pa la bsamS nas smras pa yin pa na/ de ni gzhan gyi don phun sum tshogs pa brjod par bya'o/ /'khor bas skrag pa'i sems can rnams bde blag tu 'khor ba la rgyab kyis phyogs par gyur nas myur du bla na med pa yang dag par rdzogs pa'i byang chub mngon par rdzogS par 'tshang brgya bar mgyi ba'i slad du zhes pa ni lam la zhugs pa'i sems can khyad par can dag la bsams nas smras pa ste/ de ni bdag gi don phun sum tshogs par shes par bya'o/ /gzi brjid? chen po'i stobs dang/ mthu chen po'i rig sngags bshad du gsol zhes pa ni de bzhin gshegs pa'i gsang sngags dang/ rig sngags rnams kyi nyon mongs pa dang/ bdud kyi tshogs ma lus par yang dag par 'joms pa'i phyir/ gzi brjid chen po'i stobs zhes bya'o/ /mthu chen po'i rig sngags zhes pa la 'dir
- 151a
mthu ni nyams su myong ba la mthu zhes zer te/ nyams su myong ba'i gnyis su med pa'i ye shes rnam par rtog pa thams cad dang bral ba bde ba chen po'i sku mngon par grub pa nyid do/ /de la gang dag 'di skad du ci nyams su myong ba zhes pa ni tshor ba yin pa'i phyir rnam par rtog pa yin na/ gnyis su med pa'i ye shes ni rnam par rtog pa thams cad dang bral ba'o zhes brjod pa 'gal bar 'gyur ro zhe na/ de ni ma yin ste/ 'di ltar 'jig rten na sngar gyi gnas skabs las 'das gnas skabs gzhan zhig thob par 'gyur ba la 'di las 'di nyams su myong ngo zhes zer te/ de bzhin du 'dir yang tshor ba bde ba la sogs pa nyams su myong zhing de la/ 'di ni bde ba'o/ /bdag gi bde ba dang ldan no zhes bya ba la sogs pa rnam par rtog pa med de/ sngar gyi 'khor ba'i chos las 'das nas phyis bla na med pa yang dag par rdzogs pa'i byang chub tu mngon par rdzogs par sangs rgyas pa nyid gnas skabs snga ma las gnas skabs phyi mar gyur pa'i phyir nyams su myong ba zhes bya'o/ /de nyid 'khor ba'i sdug bsngal spangs pa'i phyir bde ba chen po zhes brjod de/ rgya che zhing zab mo mi 'gyur ba nyid do/ /de yang snang ba rin po che'i mdo las bcom ldan 'das kyis su ni yang dag ye shes te/ /kha ni mkha' ltar dri med pas/ /mi rtog ye shes bde ba che// skad cig dus dang gnas skabs ni/ /'og nas gong du gyur pa las/ /bde chen nyams su myong zhes brjod ces gsungs pa'i phyir ro/ /de nas bcom ldan 'das phyag na rdo rjes tshangs pa la sogs pa'i lha rnams kyis gsol ba'i tshig gsan nas/ de bzhin gshegs pa thams cad kyi snying po'i rig sngags 'di nyid kyi sku gsung thugs kyi rdo rje las byung ngo/ /oM pu rkye pu N+ye mahA pu N+ye a pa ri mi ta a yu pu N+ye dz+nyA na saM b+ha ro pa tsi te swAhA zhes gsungs pa ni de sngon gyi sangs rgyas thams cad kyi bshad pa'i
- 151b
'chi bdag zhi bar byed pa zhes bya ba'i snying po yongs su gsungs pa ste/ de la de bzhin gshegs pa thams cad kyi snying po'i rig sngags zhes pa ni rnam pa gnyis te/ de la gcig ni rnam par byang ba'i de bzhin gshegs pa thams cad kyi rang gi ngo bo bcom ldan 'das phyag na rdo rje yin la/ de'i snying po ni ye shes so/ /de nyid kyi chos kyi dbyings rnam par rig pa'i phyir rig sngags te/ de yang dag par gsungs pa'o/ /gcig ni kun nas nyon mongs pa'i de bzhin gshegs pa thams cad de/ de yi snying po ni gti mug go /de nyid yang dag par rig par byed pa'i phyir rig sngags te/ de yang dag par gsungs pa'o/ /sku gsung thugs kyi rdo rje las phyung ngo/ /zhes pa ni bcom ldan 'das phyag na rdo rje'i sku gsung thugs kyi rdo rje ste/ de la sku rdo rje ni mtshan bzang po sum cu rtsa gnyis dang/ dpe byad bzang po brgya bcus yang dag par brgyan pa nyid yin la/ de ni nyon mongs pa'i tshogs 'joms pa'i phyir rdo rje zhes bya'o/ /gsung rdo rje ni tshangs pa chen po'i sgras 'jam zhing yid du 'ong ba/ dam pa'i chos bla na med pa'i bdud rtsi yang dag par spro ba yin la/ de nyid kyi sems can thams cad nyon mongs pa dang/ rnam par rtog pa thams cad 'joms pa'i phyir rdo rje zhes bya'o/ /thugs rdo rje ni rnam par rtog pa thams cad dang bral ba rang bzhin gyis 'od gsal zhing/ zab mo'i don dang ldan pa de yin la/ de nyid dus gsum du sems can thams cad la khyab pa'i phyir dang/ ngo bo nyid las mi 'gyur ba'i phyir rdo rje zhes bya'o/ /nyid ni rang ste? sku la brten pa'i chos dang/ gsung gis gsungs pa dang/ thugs kyis mnyam par bzhag pa'i phyir sku gsung thugs kyi rdo rje las phyung ngo zhes bya pa nyid do/ /de ji lta bu'i don dang ldan pa zhig phyung snyam pa la/ oM zhes pa la sogs pa gsungs te/ de la oM ni gong du bshad zin la/ 'jig rten? 'di'i bsod naMS laS bsod nams kyi tshogs chen po bskyed pa'i phyir bsod nams kyi bsod nams zhes bya'o/ /de nyid bdag nyid
- 152a
chen po dang ldan pa'i phyir bsod nams chen po zhes bya'o/ /de nyid kyi tshe yongs su 'dzin pa'i phyir tshe yi bsod nams zhes bya'o/ /de nyid las me long lta bu'i ye shes la sogs pa bskyed pa'i ye shes zhes bya'o/ /de nyid kyis tshe'i skad cig la yun ring bar gnas pa'i phyir che'i bsod nams zhes bya'o/ /che ring bar gnas pa la rgyu bsod nams kyi tshogs gsog pa'i phyir bsod nams kyi tshogs zhes bya ba dang rgyu bsod nams kyi tshogs las 'bras bu ye shes kyi tshogs thob pa'i phyir ye shes kyi tshogs zhes bya ba dang/ de dag brjod kyis mi lang zhing gzhal ba las 'das par 'phel ba'i phyir dpag tu med pa zhes bya ba dang/ de lta bu'i tshogs bskyed pa'i phyir tshogs bskyed pa nyid ceS bya ba nyid do/ /de dag gi sngagS ni gnyis su med pa'i ye shes snying po dang 'dra ba skye pa yin pa'i phyir snying po'i rigs pa zhes bya bar shes par bya'o/ /oM tri swAhA nye ba'i snying po'i rig pa'o/ /oM b+h+ruM swAhA/ snying po nye pa'i snying po'i rig pa'o/ /oM kruM swAhA/ snying po yang dag par bskul ba'i rig pa'o/ /oM traM swAhA/ snying po dam pa'o/ /oM b+h+ruM? swAhA/ gsang ba'i snying po'o zhes gsungs pa ni dkyil 'khor dang las dang/ bya ba la sogs pa'i rim pa'i sngags rnams gsungs pa ste/ de la 'di dag ni bsnyen pa dang nye ba'i sgrub pa dang/ sgrub pa dang/ sgrub pa chen po rnams kyi bye brag dang/ bum pa'i gsu? bya ba'i rim pa dang/ rin po che'i snod rnams su bskyed pa'i phyir yig 'bru'i dbye ba dang/ mnyam par bzhag pa'i rnal 'byor gyi gnas skabs na spro ba dang bsdu ba la sogs pa'i rim pa yongs su gsungs pa ste/ de la bsnyen pa'i skabs su ni sngags dang po dang gnyis pa sbrel te zlos pa'i phyir snying po dang/ nye ba'i snying po zhes pa'o/ /nye ba'i sgrub pa'i skabs su ni gnyis pa dang gsum pa sbrel nas zlos pa'i phyir nye ba'i snying po zhes pa'o/ /sgrub pa'i skabs su ni gsum pa dang bzhi pa sbrel nas zlos pa'i phyir snying po
- 152b
yang dag par bskul ba'o zhes pa'o/ /sgrub pa chen po'i skabs su ni bzhi pa dang lnga pa sbrel nas zlos pa'i phyir snying po dam pa zhes pa'o/ /de nas dngos grub yang dag par len pa'i skabs su ni sngags drug zlos pa'i phyir gsang ba'i snying po zhes pa'o/ /bum pa'i bya ba'i skabs su ni dbus su ni 'od dang pad+ma'i dbus su bruM zhes bya bas bskor? ba'o/ /shar phyogs kyi bum pa la ni tri zhes bya bas bskor ba'o/ /lho phyogs kyi bum pa la ni traM zhes bya bas bskor ba'o/ /nub phyogs kyi buM pa le ni d+h+raM zhes bya bas bskor ba'o/ /byang phyogs kyi bum pa la ni kruM zhes bya bas bskor ba'o/ /yang mar gyi snod la ni bruM zhes bya pas bsgyur bar bya ba dang/ mu tig la sogs pa'i sman dang/ rin po che la ni tri zhes bya bas bsgyur ba dang/ gser la sogs pa'i sman la ni traM zhes bya bas bsgyur ba dang/ byu? ru la sogs pa'i sman la ni h+raM zhes bya bas bsgyur ba dang/ rdo'i snying po la sogs pa'i sman la ni kruM zhes bya bas bsgyur bar shes par bya'o/ /mnyam par gzhag pa'i rnal 'byor gyi gnas skabs na ni bruM zhes bya ba'i snying gar bskyed pa'i phyir dang/ dri? zhes bya ba'i snying pos ni lte bar bskyed pa dang h+raM zhes bya ba'i snying pos ni gsang ba'i gnas su bskyed pa dang/ kruM zhes bya ba'i snying pos ni rkang pa'i mthil du bskyed par bya ba nyid kyi phyir nye ba'i snying po zhes pa la sogs pa rim pa gsungs pa nyid de/ de la dang po na bcom ldan 'das phyag na rdo rje'i sku bskyed pa'i sa bon no/ /gnyis pa ni bcom ldan 'das tshe dang bsod nams dang ye shes dpag tu med pa'i sku bskyed pa'i sa bon no/ /gsum ba ni khro bo khams gsum rnam par rgyal ba bskyed pa'i sa bon no/ /bzhi pa ni nam mkha' i snying po bskyed pa'i sa bon no/ /lnga pa ni spyan ras gzigs dbang phyug bskyed pa'i sa bon du shes par bya'o/ /de nas de dag gi dkyil 'khor bshad de/ 'khor lo rtsibs bzhi par byas la/ de'i dbus su ni de bzhin gshegs pa tshe dang bsod nams dang ye shes?
- 153a
kyi tshogs dpag tu med pa'i gzi brjid kyi rgyal po zhes bya ba'i ming bris te/ bruM zhes bya ba'i snying po'o/ /de'i spyan sngar ni bcom ldan 'das phyag na rdo rje ste/ traM zhes bya ba'i snying po'o/ /g.yon pa khro bo ste/ kruM zhes bya ba'i snying po'o/ /g.yas par ni nam mkha' i snying po ste/ traM zhes bya ba'i snying po'o/ /rgyab tu ni 'phags pa spyan ras gzigs dbang phyug ste/ kraM zhes bya ba'i snying po'o/ /de bzhin gshegs pa'i 'od kyi dkyil 'khor la ni rig sngags rnams bri'o/ /sgo rnams su ni lcags kyu la sogs pa'i sgo skyong ba rnams rang rang gi snying po dang bcas pa bri bar bya'o zhes gsungs pa de dag dkyil 'khor yongs su gsungs pa ste/ de la dang po gnas yid du 'ong ba rnams su sa byin gyis brlab pa la sogs pa byas la/ thig legs par btab ste/ dbus kyi 'khor lo kha dog dkar po rtsibs bzhi pa lte ba dang mu khyud du ldan pa gcig bri bar bya'o/ /gzhan yang rdzing bu dang 'bab chu dang nya dang rus sbal dang sbal pa dkar po dang pad+ma'i tshal dang utpa la'i tshal dang sman gyi 'bras bu la sogs pa bri bar bya'o/ /de'i dbus su ni pad+ma 'dab ma bcu drug pa'i steng du bcom ldan 'das tshe dang bsod nams dang ye shes dpag tu med pa sku mdog dkar po de bzhin gshegs pa'i cha lugs can skyes bu chen po'i mtshan sum cu rtsa gnyis dang ldan pa dpe byad bzang po brgyad cus legs par brgyan pa phyag g.yas pa mi 'jigs pa sbyin pa g.yon pa mchog sbyin du mdzad pa bri bar bya'o/ /de'i g.yas g.yon gnyis su ni bcom ldan 'das sman gyi bla bai DU rya 'od kyi rgyal po dang/ yum rigs 'dzin ma gnyis pad+ma'i steng du shing thog a ru ra 'dzin pa dang/ bdud rtsi'i bum pa thogs pa bri bar bya'o/ /de bzhin gshegs pa'i pho brang gi kha dog dmar ser du byas pa'i steng du rtsa ba'i sngags rnams bri bar bya zhing rin po che'i phreng bas bskor ba nyid do/ /de'i 'khor lo'i
- 153b
rtsibs shar phyogs su ni pad+ma'i steng du bcom ldan 'das phyag na rdo rje sku mdog dkar po shin tu zhi ba'i cha lugs can rgyan thams cad kyis brgyan pa/ phyag g.yas na rdo rje bsnams pa/ g.yon pas mchog sbyin pa bri bar bya'o/ /lho phyogs kyi 'khor lo'i rtsibs la ni 'phags pa nam mkha' i snying po sku mdog sngon po la bzhin 'dzum pa'i rgyan thams cad kyis brgyan pa/ phyag g.yas pas ral gri 'dzin pa g.yon pa mchog byin pa pad+ma'i steng du bzhugs pa bri bar bya'o/ /nub phyogs kyi rtsibs la ni 'phags pa spyan ras gzigs dbang phyug sku mdog dmar po brgyan thams cad kyis brgyan pa bzhin 'dzum pa phyag g.yas pas mchog sbyin pa las bdud rtsi 'dzag pa la g.yon pas pad+ma dmar po yu ba dang bcas pa 'dzin pa bri bar bya'o/ /byang phyogs kyi rtsibs la ni khro bo khams gsum rnam par rgyal ba gong du smos pa'i cha lugs ji lta ba bzhin du bri bar bya'o/ /'khor lo'i phyi rol gyi grwa bzhin ni sgeg mo la sogs pa rang rang gi kha dag dang mtshan mas mtshan pa bri bar bya'o/ /sgo bzhir ni rdo rje lcags kyu la sogs sgo skyong ba bzhi dgod par bya ba nyid do/ /bum pa lnga 'am brgyad 'khor los sgyur ba'i sngags kyis btab la bzhag go /bdag pa la sogs mchod pa'i yo byang thams cad yin las thams cad pa'i khro bo'i sngags kyis btab la bzhag par bya ba nyid do zhes gsungs pa ni mchod pa'i rdzas bsag par bya ba gsungs pa ste/ de la dang por bsnyen pa byas pa'i bum pa kha dog dkar po gcig la rgyan thams cad kyis brgyan cing sman dang spos la sogs pas bkang ba gcig ni rang gi mdun du bzhag par bya'o/ /de'i mdza' ma rnams su ni bum pa kha dog dkar po lnga la pad+ma bcu drug pa 'od dang bcas pa bris la/ de'i lre ba la lha so sor phyag rgya bris nas pad+ma'i 'dab ma la yig 'bru'i rnam pa bruM dang tril sogs pa bcu drug bcu drug du 'khor bar bri bar bya'o/ /de'i phyi rol gyi 'od la ni khyab par 'byung
- 154a
ba rdo rje'i skabs su gsungs pa'i gsang sngags rnams rang rang gi rim pa ji lta ba bzhin pas bri bar bya'o/ /gzhan yang 'dir ni mchod pa'i tshogs bsags pa ni bum pa de dag gi nang du rdo rje dang/ 'o ma dang/ sman gyi rnam pa 'byor tshad dang/ 'bras thug dang snying po la sogs pas rdzogs par bya ba dang/ ras la sogs pa kha dog dkar po rnams kyis mgul bcings pa dang/ pad+ma la sogs pa'i 'bras bu dang/ me tog dang/ lo mar ldan pa rnams kyis brgyan legs par byas ba dang/ me tog dang/ bdug pa dang/ dri dang zhal zas dang snang ba dang/ btung ba'i rnam pa dang/ bca' ba'i rnam pa rnams ni brgya rtsa brgyad du yang dag par bsdags pas rgyud gzhan nas yongs su gsungs pa'o/ /mdza' kho ba la sogs par shin tu dka' bar gyur na'ang lnga 'am bcu las nyung du mi rung bas kho nas mi bya ba nyid do/ /de la bdug pa la sogs pa la ni khro bo bdud rtsi 'khyil pa'i sngags kyis btab la bzhag par bya ba dang/ bum pa rnams la ni gong du gsungs pa'i rtsa ba'i rig pa brgya rtsa brgyad la sogs par bsngags la bzhag par bya ba nyid do/ /de nas sngags mkhan bdag nyid zhugs la/ bde bar gshegs pa sras dang bcas shing rigs dang lhan cig spyan drangs pa bdag nyid dbang bskur bas bya'o/ /de nas skyil mo krung bcas la 'dug pa mnyam par bzhag la stong ngam brgya bzlas par bya ste/ de nas de bzhin gshegs pa 'am/ de nas rdo rje 'dzin pa 'am/ 'phags pa spyan ras gzigs dbang phyug la sogs pa mngon sum du mthong ba na ci 'od pa'i mchog so sor thob par 'gyur ro/ /ci ste mnyam par ma bzhag na'ang de'i tshe yid kyi las nus pa dang stobs dang ldan par 'gyur ro zhes gsungs pa ni nye ba'i bsgrub pa gsungs pa ste/ de la dang po bdag nyid dri dang/ 'o ma dang ba'i rnam lnga la sogs pas
- 154b
khrus legs par byas la ga bur la sogs pas lus byugs te/ gos dkar po kha dog gtsang mgyon nas/ dbu rgyan dang rna cha dang/ gdu bu dang/ mgul rgyan dang/ sor gdub rnams kyis legs par brgyan te/ sems can thams cad kyi don du blo bskyed nas rang gi sa bon las 'od zer spros nas bde bar gshegs pa sras dang rig par bcas pa spyan drangs la arga la sogs pas zhabs bsil te lcags kyu la sogs pa'i phyag rgyas dgug pa dang/ gzhug pa dang bcing ba dang dgye ba rnams byas la/ gnyis su med par byas la/ mi mchod pa'i tshogs kyis yongs su mchod de/ gong du gsungs pa'i rdo rje 'dzin ma'i phyag rgyas zhugs la/ bcom ldan 'das la dbang rim pa ji lta ba bzhin du mnod par bya'o/ /de nas gnang ba legs par thob pa dang/ stan bde ba la 'dug ste/ sding? po dang nye ba'i snying po'i bar du dbyangs kyi yi ge gnyis pa dang/ mthar gnas kyi dang po la dbyangs kyi yi ge lnga pa brtags pas 'bum phrag gcig gam khri phrag gcig gi bar du dag gi spyod yul las 'das shing/ pad+ma'i dkyil 'khor nas padmo? dkyil 'khor du bzlas par bya ste de ni rdo rje bzlas pa zhes bya'o/ /de nyid 'od zer kha dog dkar po shin tu gsal shing 'tsher ba stong gsum gyi stong thams cad du rab tu khyab pa'i 'od dang ldan pas rin po che'i phreng ba'i tshul du bsgom par bya'o/ /de nas yid kyi rnam par shes pa snang ba'i cha 'am/ mig gi rnam par shes pa'i spyod yul du de bzhin gshegs pa 'am/ bcom ldan 'das phyag na rdo rje 'am/ 'phags pa spyan ras gzigs dbang phyug gam/ sman gyi bla bai DUrya 'od kyi rgyal po la sogs pa snang bar gyur pa ni bdag dang gzhan gyi don ma lus par grub pa'i dngos grub thams cad 'grub par 'gyur ba ni nges pa nyid do/ /de nyid las gzhan pa gzugs g.yo ba'am sems kyi bde ba la sogs pa rang gis yang dag par rig par gyur pa na'ang dpon
- 155a
grub la sogs pa nye bar gyur ba dang/ byin gyis brlabs chen por 'gyur ba'o/ /ci ste mnyam par gzhag pa zhes pa ni/ phyi rol tu dmigs pa'i bzlas pa bya ba ste/ des kyang grangs su them par 'gyur ba ni phyis dbang bskur ba dang/ bsam pa'i khyad par thams cad gus pa dang ldan/ stobs dang ldan byin gyis brlabs dang ldan par 'gyur ba ste/ de ni sngags kyi mthu las byung bar shes par bya'o/ /de nas rdo rje 'dzin pa'i phyag rgya bcings nas/ oM badzra d+ha ra ratna d+ha ra/ pad+ma d+ha ra/ bai shA? d+ha ra/ ta thA ga ta sa ma ya ma ti kra ma/ ta thA ga ta sa ma ya At+ma ko haM zhes nga rgyal bskyed la slob ma rnams gzhug par bya'o zhes pa ni sgrub pa'i rim pa gsungs pa ste/ de la rang gi snying gar pad+ma dmar po 'dab ma bcu drug pa'i steng du sngags gnyis pa'i yig 'bru bskyed la/ de gyur pa las rdo rje rtse gsum par gyur ste/ de dag yongs su gyur pa las bcom ldan 'das phyag na rdo rje bsams la/ oM badzra d+ha ra sa ma ya At+ma ko haM zhes nga rgyal bskyed par bya ba dang/ de bzhin du dpral par snying po lnga pa las rin po che bsams la/ de dag gyur pa las nam mkha' i snying po'i nga rgyal bskyed pa dang/ lkog mar snying po drug pa las pad+ma bsams pa las de gyur pa las spyan ras gzigs dbang phyug du nga rgyal bskyed pa dang/ lte bar snying po bzhi pa las ral grir bsams la/ de gyur pa las khams gsum rnam par rgyal bar bskyed pa dang/ yan lag thams cad la snying po gsum pa rtsa'i sbubs su zhugs pa las 'khor lo bsams la de gyur pa las bcom ldan 'das 'khor lo sgyur ba'i rgyal por nga rgyal bskyed par bya ba nyid dang/ rdo rje 'dzin ma'i phyag rgya ni gong du gsungs pa'i rim pa ji lta ba bzhin du byas la bsams pa dang mthun par sngags rnams kyis byin gyis brlab par bya ba nyid do/ /de nas 'dis me tog dor bar bya'o/ /
- 155b
ta thA ga ta pra tIts+tsha ho sa ma ya stwaM/ de nas phreng ba de nyid kyis mgo la bcings te/ dbang bskur bya'o/ /oM sarba ta thA ga ta a b+hi Shiny+tsa badzra d+ha ra adz+nyA pa ya hUM bruM/ oM badzra badzra a b+hi Shiny+tsa hUM dzraM/ oM ratna ratna a b+hi Shiny+tsa hUM traM/ oM pad+ma pad+ma a b+hi Shiny+tsa hUM h+ri(rgyud 'grel): oM karma karma a b+hi Shiny+tsa hUM kruM zhes pa la sogs pa ni dbang bskur ba'i rim pa gsungs pa ste de ni sgrub pa chen po zhes bya'o/ /de la dang po slob ma de khrus la sogs pa legs par byas la/ rgyan gyis rgyan nas sdig pa bshags pa dang/ gsum la skyabs su 'gro ba dang/ byang chub tu sems bskyed pa rnams byas nas/ ras la sogs pas mig bkab ste/ rin po che 'am me tog rnams oM sarba ta thA ga ta pra tIts+tsha ho sa ma ya stwaM zhes me tog dor bar bya'o/ /de nas bra'i mtshan ma legs par gyur pa dang/ gong du gsungs pa'i sngags kyis gdong g.yogS dkrol la/ bcom ldan 'das 'khor dang bcas pa rim pa ji lta ba bzhin du bstan te/ sdom pa gzung ba dang rdo rje theg pa la khas yang dag par 'ches par byas nas/ me tog gi phreng ba de nyid mgo la bcings te/ chu la sogs pa'i dbang rim pa ji lta ba bzhin du bskur bar bya'o/ /de'i rjes la gong du gsungs pa'i bum pa ldas dbang bskur br bya'o/ /de'i rjes thogs su bdag nyid gong du gsungs pa'i lha'i nga rgyal dang ldan par byas pa las/ oM ta thA ga ta a b+hi Shiny+tsa badzra b+ha ra ata dz+nyA pa ya hUM bruM zhes pa la sogs rim pa ji lta ba bzhin du dbang bskur bar bya'o/ /de nas khyad par 'byung ba'i rdo rjer gsungs pa'i dbang phreng ba dang phyag rgya dang las dang/ gzungs dang gsang ba dang thabs dang shes rab dang/ 'khor lo rin po che la sogs pa'i dbang bcu rdzogs par bskur bar bya ba nyid do/ /de yang 'dir ni de bzhin gshegs pa'i snying po la rigs kyi mtshan lan gnyis smos pa ni sprul pa la dgongs nas gsungs pa ste sprul pa ni de bzhin gshegs pa thams cad kyang chos kyi sku'i sgrul pa yin du zin kyang/ 'bras bu'i
- 156a
sa la gnas pa dang/ lam gyi sa la gnas pa la dgongs nas byang chub sems dpa' rnams sprul pa'i sprul par 'dod do/ /de bzhin gshegs pa'i dbang la rdo rje'i rigs kyi mtshan smos pa ni 'dir tshe dpag med kyi sgrub pa yin pa'i phyir tshe rdo rje dang 'dra bar byed pas na rdo rje'i tshig smos pa nyid du shes par bya'o/ /de nas dam tshig dang bka' i dbang bskur bar bya'o/ /de la dam tshig ni dkon mchog gsum dang byang chub sems/ /bla ma dam pa mi spang zhing/ /srog chags rnams ni bsad mi bya/ /ma byin par yang mi blang zhing/ /rdzun du smra bar bya ba min/ /pha rol bud med sbyad mi bya/ /nyes pa kun gyi gzhir gyur pa'i/ /chang ni btung bar mi bya zhing/ /bla ma smad par mi bya ste/ /de yi grib ma'ang mi 'gom zhing/ /slob dpon ma yin mi bzung la/ /rdo rje slob dpon mtshan mi brjod/ /sngags dang phyag rgya'ang mi smad na/ /lha rnams la lta smos ci dgos/ /gal te glen pas smad na ni/ /'dir ni nang kyis 'chi 'gyur zhing/ /pha rol mnar med mi bzad pa'i/ /dmyal bar skye bar the tshom med/ /snying dang lha yi grib ma dang/ /'jig rten 'jig rten 'das pa yi/ /phyag rgya yi ge mtshan ma rnams/ /gom pas 'gom bar mi bya'o/ /mkhas pas dkon mchog gsum sogs dang/ /sangs rgyas bstan la gnod byed dang/ /bla ma smod brtson la sogs rnams/ /snying rjes bsgral te gsod par bya/ /chos min ldan dang sdig spyod dang/ /rtag tu sems can gnod brtson dang/ /dam tshig nyams rnams mkhas pas ni/ /sngags dang mthu dang sbyor bas bsad/ /rdzas dang ldan zhing ser sna can/ /shin tu 'chums pa'i nor blangs la// sems can 'phongs la sbyin pa bya/ /bla ma la ni mchod pa dang/ /de ltar dam tshig bsgrub pa dang/ /dkyil 'khor phyir dang spun rnams dang/ /de bzhin rgyal ba'i sras rnams la/ /mchod phyir mi yi bdag po 'am/ /phyug po rnams kyi nor phrog go/ sems can rnams
- 156b
la phan spyod dang/ /de bzhin bla ma'i nor rnams dang/ /srog chags srog ni bsrung ba'i phyir/ /rdzun gyi tshig ni smra bar bya/ /sangs rgyas rnams ni mnyes bya dang/ /dam tshig yongs su bsrung ba dang/ /sngags mkhan gyis ni sgrub pa'i phyir/ /gzhan gyi bud med bsten par bya/ /rdo rje sems dpa' i gnas 'dug nas/ /thams cad sbyang cing kun zos kyang/ /'grub 'gyur nyes par mi 'gyur na/ /snying rje ldan la smos ci dgos zhes pa la sogs gsungs pa ni dam tshig gi dbang bskur ba gsungs te/ /de la de dag las dkon mchog mi spang ba dang/ /byang chub kyi sems mi spang ba dang/ bla ma dam pa mi spang ba dang/ srog gcod pa las slar ldog pa dang/ ma byin par len pa las slar ldog pa dang/ 'dod pas log par g.yem pa las slar ldog pa dang/ rdzun du smra ba las slar ldog pa dag ni rtsa ba'i dam tshig bdun zhes bya ste/ de dag nyams par gyur pa ni theg pa chen po'i lam las ltung bar gyur pa dang/ mnar med pa'i sems can dmyal ba chen por skye bar nges pas na/ de las gso bar bya ba'i thabs ni de bzhin gshegs pa ngan song thamS cad yongs su sbyong pa'i dkyil 'khor du lan nyi shu rtsa gcig gi bar du zhugs shing dbang mnos nas spyin sreg 'bum dang/ gtor ma dang yi ge brgya pa'i snying po 'bum dang/ de bzhin gshegs pa ngan song thams cad yongs su sbyod pa'i snying po la sogs pas yongs su dag par bya ba nyid do/ /des ni sdig pa'i rgyud las rnam par thar bar 'gyur ste/ gzhan du ni ma yin no/ /de la dkon mchog gsum ni spang ba ni de dag la ma gus pa dang/ rgyab kyis phyogs par mi bya ba nyid do/ /byang chub kyi sems rnam pa gsum mi spang ba'o/ /bla ma mi spang ba ni bla ma dam pa rnams la ma gus pa dang/ khyad du gsod pa la sogs pa mi bya ba nyid do/ /srog gcod pa ni rnam pa gnyis te/ bsams bzhin du gdug pa'i sems dang ldan pas mi'i 'gro ba bsad na ltung bar 'gyur ba'o/ /dud 'gro'i
- 157a
sprul pa la sogs pa ni nyes pa sbom po yin te/ de ni gtor mas bdag par gsungs so/ /ma byin par len pa ni rnam pa bzhi ste/ bla ma'i rdzas dang/ phyogs bzhi'i dge 'dun gyi rdzas dang/ 'phags pa'i bskor dang sbyin pa'i bdag po rnams kyis rdzas te/ de dag gnyis pas ni gong du smos pas rnam par sbyang ngo/ /sems can gzhan dang dud 'gro la srogs pa'i rdzas ni nyes pa sdom por 'gyur ro/ /pha rol gyi bud med mi spyad pa ni gnyis te/ 'khor ba'i longs spyod reg bya'i bde ba la chags pa dang/ gzugs la chags pas bdag po dang bcas pa'i bud med la sbyor ba dang/ rnyed pa dang bkur sti'i phyir bdag po dang bcas pa'i bud med la spyad pa ste/ gzhan gyis bdag gir ma byas pa'i bud med la rnyed pa dang/ bkur sti la sogS pa'i ched du spyod pa ni nyes pa sbom por 'gyur ro/ /rdzun du smra ba ni gnyis te/ dam pa'i chos log par ston pa dang/ bdag nyid yon tan gyi tshogs dang mi ldan par gzhan gyi rnyed pa bsdu ba'i phyir rang gi yon tan gyi chogs dang ldan par ? zhing gzhan ? ba ste/ de las gzhan pa'i rdzun ni nyes pa sdom por 'gyur ro/ /rtsa ba'i dam tshig ni gong du smos pa las shes par bya ba nyes pa sbom? po ni gtor ma dang yi ge brgyab dang/ sbyin bsreg la sogs pa gang yang rung bas bshags par bya ba nyid do/ /? nyes pa sbom po rnams kyi nang na lci ba ste/ de ni rnam pa gsum mo/ /nyes pa sbom po rnams shor ba dang/ gzhan gyi sems 'khrugs par byas pa dang/ ji srid 'jig rten pa mos par ma gyur gyi bar du yan lag tshang ba ste/ cung zad bsten pa la sogs pa ni yan lag gi dam tshig yin pas de'i skad cig la lha'i rnal 'byor nyid kyis bdag par 'gyur ba ste/ de yang bcom ldan 'das kyis 'jam dpal gyi rgyud las/ /bsams bzhin gdug pa'i sems ldan pas/ /mtshams med rgyu min mi gsod na//
- 157b
srog gcod pa yi yan lag tshang/ /bla ma dam tshig 'brel pa dang/ /phyogs gzhi'i dge 'dun 'phags pa'i dkor/ /sbyin bdag la sogs mi rnams rdzas/ /de mi shes par blangs nas ni/ /sbyin sems med cing 'khrugs gyur na/ /rdo rje 'dzin pa'i sdom pa zhig/ reg bya bde ba gzugs dag dang/ rnyed pa la sogs bkur sti'i phyir/ /gzhan gyis bdag byas bud med la/ /sbyar nas pha rol 'khrugs gyur na/ /'dod pas log spyod rnam smin che/ /sems can dang dang ldan pa la/ /dam chos log par ston pa dang// rnyed dang grags pa'i phyir dag tu/ /med bzhin yon tan tshogs smra ba/ /dmyal ba'i rgyu ni mi bzad 'thob/ /nyes pa'i chogs rnams shor ba dang/ gzhan gyi sems nad 'jig rten dbye/ /chang 'thung ba yi yan lag chang zhes gsungs pa'i phyir ro/ /bla ma smad par mi bya ste/ /zhes pa nas gom pas 'gom par mi bya'o zhes pa'i bar du yan lag gi dam tshig shes par bya ba drug ces bya ba ste/ de la bla ma mi smad pa ni bla ma'i skyon mi brjod pa'o/ /de'i grib ma la mi 'gom pa ni de nyid rdo rje 'dzin pa'i sku'i ngo bo yin pa'i phyir bde bar gshegs pa'i sku bcom pa dang 'dra bar gsungs pa'o/ /slob dpon ma yin pa mi bzung ba ni rang nyid kyi bla ma la yod bzhin du rnyed pa'am/ kha zas sam/ gcam gsag gi phyir/ mi gzhan la bla ma zhes pa la sogs pa che ba'i yon tan gyi tshig mi brjod pa dang/ bsnyan bkur la sogs pa bya ba ste/ de ni bla ma'i thugs la rag las pa nyid do/ /rdo rje slob dpon gyi mtshan mi rjod pa ni mi phal ba'i ming nas brjod pa bzhin du rdol thabs kyi bla ma'i mtshan mi brjod pa ste/ gang dag mos pa dang rang pa'i phyir 'dri na ni gang du yon tan bstod ba'i tshig brjod de/ /zhal snga nas ldan par byas pas smra ba nyid do/ /sngags dang phyag rgya dang lha la mi smad pa ni/ lha 'di nyid dang/ sngags 'di dang/ phyag rgya 'di la brten nas ni dngos grub 'grub par mi 'gyur ba nyid do//
- 158a
zhes pa la sogs pa'i tshig mi brjod pa ste/ de ni bla na med pa'i dkon mchog gsum la bkur pa 'debs shing log par lta ba zhes bya ba ste ngan song du ltung ba'i rgyu chen por 'gyur ba nyid do/ /rnying dang lha'i grib ma dang zhes pa ni rnying pa ni lha la phul ba'i rnying pa ste/ mchod pa'i rdzas thams cad do/ /grib ma ni lha'i grib ma'o/ /de la 'goms pa ni lha nyid gshig pa dang 'dra ba'i sdig par bcom ldan 'das kyis gzhung du mthong ngo/ /'jig rten pa'i phyag rgya dang mtshan ma ni 'jig rten pa'i lha tshangs pa la sogs pa'i ril pa 'am/ oM la sogs pa rnyed de yang bcom ldan 'das kyis dam tshig tu bsdus pa'i phyir rung ba ma yin pa nyid do/ /'jig rten las 'das pa'i phyag rgya dang mtshan ma ni de bzhin gshegs pa'i 'khor rnam bzhis bsdus pa'i rgyan dang/ rdo rje dang dril bu'i dang/ phreng ba dang/ yig 'bru la sogs pa thams cad de/ de dag ni de bzhin gshegs pa'i gzugs kyi ngo bo nyid yin pa'i phyir dang bdag gi ye shes bskyed pa'i phyir ma dang 'dra ba nyid kyis sdig par 'gyur pa nyid do/ /de bas na de dag lam kha la sogs pa gzhan sdig pa gsog pa'i gnas na'ang gnas gtsang ma rnams su bzhugs su gsol ba ni de bzhin gshegs pa rnams la gzhal yas khang phul ba dang 'dra bar de bzhin gshegs pas gsungs so/ /gzhan du na de dag lam gus pa ni de bzhin gshegs pa lam gus pa nyid du thal bar 'gyur ro/ /mkhas pas dkon mchog gsum sogs dang zhes pa nas/ sngags mkhan gyi ni bsgrub pa'i phyir/ gzhan gyi bud med bsten par bya zhes pa'i bar du ni gnang ba spyad par bya ba'i dam tshig bzhi zhes bya ba gsungs te/ de la de'i dgongs pa ni rnam pa gnyis su go bar bya ste/ phyi rol du sgra ji bzhin ma yin par gsungs pa dang/ nang du sgra ji bzhin ma yin par gsungs pa'o/ /de la phyi rol tu sgra ji
- 158b
bzhin pa gsungs pa ni mkhas pas dkon mchog gsum sogs dang/ sangs rgyas bstan la gnod byed dang zhes pa la sogs pa gsungs te/ mi gang dag rgyal po 'am mu stegs la sogs pa bla na med pa'i dkon mchog gsum la zhe sdang ba dang/ bde bar gshegs pa'i bstan pa la yongs su bshig par brtson pa dang/ bdag gi theg pa chen po'i bla mar gyur ba zhe sdang gis smong par byed/ srog la sngo bar byed pa rnams ni 'jig rten 'di ru sdig pa'i rgyu chen po bsags pa las mnar med pa'i sems can dmyal ba chen por ltung ba'i phyir/ rnal 'byor pa mchog gi snying rje chen po dang ldan pas de nyid du sdug bsngal las yun thung bar bya ba dang/ bde bar gshegs pa'i 'khor rnams dang/ bla ma la sogs pa bde blag tu byang chub sgrub tu bzhugs pa'i phyir zhe sdang gi sems spangs la snying rje chen po bskyed pa'i mthu dang stogs la sogs pas bsad par bya ba ste/ de ni ting nge 'dzin gyi khyad par dang ldan pas srog gi rnam par smin pa'ang mi 'ong bar/ bde ba chen po'i gnas su skye bar nus pa'i rnal 'byor bas bya ba nyid do/ /de bzhin du gzhan yang chos min? ldan dang sdig spyod dang/ zhes pa la sogs pa gsungs te/ de la chos min pa dang sdig pa sbyong ba ni gcig tu shes par bya'o/ /de ji lta bu yin zhe na/ 'di ltar de bzhin gshegs pas phyogs gzhan du don gzhan la dgos nas skye ba bdun pa dang ldan pa dang/ dpral bar utpa la lta bu'i ri mo mchog tu snang ba dang/ dri sogs ldan pa'i mi la sogs/ /sha zos ni na thar bar 'gyur zhes gsungs pa rnams la/ gti mug gi dra bas kun nas bcings shing shas rab kyi kha phyir phyogs bltas te/ kho na bzhin du dpral ba'i steng na utpa la 'dra ba'i ri mo yod pa dang/ ga bur la sogs pa'i dri zhim pa yod pa rnams kyi mi dang/ dud 'gro la sogs pa bsad nas/ sha za ba la sogs pa yod de/ de ni mi dge ba'i bshes gnyen la brten pa
- 159a
dang/ log par rtog pa'i bdag nyid kyis de ni dus thams cad du de grol bar 'dod na/ de ltar mi la sogs pa skye ba bdun dang ldan pa dang/ utpa la 'dra ba'i ri mo dbral ba'i steng na yod pa'i sems can gang yin pa de'i sha zos pas grol bar 'gyur ba zhig na/ de ni dngos grub kyi rdzas chen po khyad par can yin pa'i phyir lan cig zos pas ci ste grol bar mi 'gyur ba de la'ang yid ches pa med par spyod pa dag ni dam pa'i chos ma yin pa dang/ sdig pa'i las thams cad la spyod pa'i phyir chos min ldan dang sdig spyod ces bya ste/ de dag la'ang gong du gsungs pa bzhin du snying rje chen po bskyed pas bsad par bya ba nyid do/ /rtag tu sems can gnod brtson ni de nyid dang/ nya ba dang/ shan pa dang bya ba dang/ ri dags pa la sogs pa ste/ de dag kyang las shin tu mi bzad pa chen po byed pa na/ snying rje'i sems kyis bsad par bya ba nyid do/ /dam tshig nyams pa ni 'dir rnam pa gnyis te/ bla ma gang rdo rje 'dzin pa dang dbyer med pa dang gnyis dam tshig nyams pa las phyis yang bla ma gsod par 'dod pa'i sems can sdig pa'i dbang du gyur pa dag sdig pa'i rgyu gzhig pa'i phyir snying rje'i sems kyis bsad par bya ba dang/ yang rnal 'byor pa gang dag gsang sngags kyi dam tshig nyams nas/ nga ni bdag la rtsa ba chad pa'i phyir/ yan lag skye bar mi 'gyur bas na bdag gi sdig pa'i las ci dgar bya'o snyam nas dmag dpon dang/ gshed mi dang/ nya ba la sogs pa'i tshogs dpag tu med pa spyod pa yod do/ /de dag lta bu'i gang zag ni ting nge 'dzin khyad par can gyis mnyam par gzhag la/ da ltar gyi tshe srog 'di bshad pa las sdig pa'i rgyur mi 'gyur zhing/ de nyid rnam par grol ba'i lam du gnas par shes pa na/ snying rje chen pos bsad par bya ba nyid do/ /de ni byang chub kyi sems kyis bslab pa zhes bya ba'i
- 159b
grangs su 'gro'o/ /rdzas dang ldan zhing ser sna can/ /shin tu 'chums pa'i nor blangs la/ /sems can 'phongs la sbyin pa bya zheS pa 'dir gsum ste/ de la gcig ni mi gang dag rin po che la sogs pa'i rdzas kyi rnam pa ni dpag tu med pa zhig yod la/ shin tu ser sna'i dbang du gyur nas bla na med pa'i dkon mchog gsum la mchod par mi byed cing/ sems can rnams la sbyin pa la sogs pa'i las khyed pa ni shin tu 'chums par 'gyur ba ste/ de'i rdzas ni sngags dang sman gyi mthu dang/ stobs la sogs pas blangs la rang gi 'dod pa'i phyir ma yin par sems can gzhan la snying rje'i sems bskyed pa dang/ mi 'di nyid la snying rje bskyed la gzhan la sbyin par bya ste/ de yang yul gang la snying rje'i sems rnam pa gnyis skye ba'i byang chub sems dpa' i rang gi ngo bo nyid do/ /gcig ni rgyal po la sogs pa dbang dang ldan stobs dang ldan pas rang nyid la'ang rdzas kyi rnam pa dpag tu med pa yod bzhin du chags pa'i dbang gis sems can gzhan gyi rdzas 'phrog par byed sdom par byed chad pa gcod par byed pa dang/ sbyin pa'i sems dang ni ldan pa rnams kyi rdzas ni bdag gis 'phrog pa dang/ rku ba la sogs pas blangs nas chags pa med pa'i sems kyis gzhan la sbyin par bya ba nyid do/ /bla ma ni mchod pa dang zhes pa nas/ phyag po rnams kyi nor 'phrog go zhes pa'i bar ni 'di ltar yang bdag ni ser sna'i rgyu las grub pas yo byad dang mi ldan la bla ma dam pa la mchod pa dang/ rnal 'byor gyi bya ba bsgrub pa dang/ dkyil 'khor chen po bzhengs pa'i mchod pa'i yo byad bya ba dang/ rdo rje spun la sogs pa la mnyes par bya ba dang/ bla na med pa'i 'phags pa dkon mchog gsum la sogs pa la mchod pa'i khyad par kyis bsod nams kyi tshogs bsags pa'i phyir/ rgyal po'am phyug po rdzas dang yo byad kyis brel bar ba gyur pa rnams kyis rdzas grogs la
- 160a
longs spyod par bya ba nyid de/ de yang ji srid sems can de dag gi sems dang 'gal bar ma gyur ba de srid du bsgrub pa ste/ de dag las gzhan du sems dang 'gal ba ni ma gtogs so/ /sems can rnams la phan spyod dang/ /rtag tu bla ma'i nor rnams dang/ /srog chags srog ni srung ba'i phyir/ /rdzun du yang ni smra bar bya zhes gsungs pa ni 'di ltar rnam pa gsum ste/ de la mi gang gis sems can gang dag brdung ba dang/ rdzas 'phrog pa dang/ 'dzin pa dang/ chad pas gcod pa la sogs pa'i las byed pa na gnas gzhan dang gzhan dag tu shin tu 'jigs shing/ skrag pas bros nas 'dug pa la/ de la gzhan dag 'dri ba zhig na ni rnal 'byor pa sems can thams cad la snying rje chen po dang ldan pa nyid kyis mthong ba de nyid kyis ma mthong ba zhes pa dang/ med ces pa dang/ ma yin zhes pa la sogs pa ni rdzun du smra bar bya ba nyid dang/ yang phyogs gzhan du bla ma la dgra sdang bar gyur ba dag nor la sogs pa dag 'phrog par 'gyur na 'di bdag gi zhes pa la sogs pas bla ma'i nor bsrung bar bya ba dang yang phyogs 'ga' zhig tu bshed ma la sogs pas brngas pa'i mi dag nags tshal lam grong khyer la sogs par bros nas gzhan dag 'dri bar gyur pa na phyogs log par gzhan du lam bstan par bya ba ste/ de ni rnam par grol ba'i rgyu'i rdzun du smra ba zhes bya'o/ /sangs rgyas rnams ni mnyes byas dang zhes pa la sogs pa ni 'di ltar rnam pa gnyis te/ bdag gi mchod pa'i chogs byed pa'i gnas skabs su rdo rje'i srid mo la sogs pas dga' ba chen pos lung ston par 'gyur ba ni de nyid dam tshig yin pa'i phyir/ gzhan gyis bdag tu byas kyang/ 'dod pa'i chags pa'i bsam pa ni ma yin gyi/ bde bar gshegs pa'i tshogs la bde ba chen po'i ros mchod pa'i phyir dang/ longs ma spyad par gyur na rdo
- 160b
rje srid mo 'khrugs shing zhe sdang bar gyur te/ dam tshig nyams par gyur pa srung ba'i phyir/ gzhan gyis bud med bsten pa dang/ yang sgrub pa gzhan dag tu bud med mtshan dang ldan pa lo'i grangs dang kha dog dang/ gzhon bya dang rang bzhin dang/ phyag rgyal sogs pas mtshan ma'i bud med dag dgos par gyur la/ de dang mi ldan na ni dam tshig nyams shing dngos grub 'grub par mi 'gyur ba zhig na/ gzhan gyis dbang du byas kyang sngags dang sman la sogs pas bkug la longs spyad par bya ba ste/ de ni lhag pa'i tshul khrims kyi bslab par bya ba yin pa'i phyir ro/ /de yang bdag po dag gi shes par ma gyur pa de srid sgrub par bya ba ste/ gzhan dag zhe sdang las nan gyis sgrub pa ni sdig pa'i rgyur gyur pa nyid do/ /de dag rnams kyang rab tu byung ba'i dge slong rnams kyis ni bsgrub pa'i dus su lus la reg par bya ba dang/ de'i gzugs brnyan bris la bsten pas byas kyang 'grub par gsungs te/ de la theg pa chen po nam mkha' mdzod kyi rgyud las/ gang du khyim pas bsgrub bya ba'i/ /phyag rgya mchod rdzas bud med sogs/ /tshangs par spyod pa'i dge slong gis/ /chos kun sems las grub pas na/ /mi 'gal bar ni yid kyis brtags ces gsungs pa'i phyir ro/ /yang de dag gi don nang du sgra ji bzhin ma yin par bstan par ni/ 'di ltar bdag nyid kyi rnam par rtog pa'i rgyud yongs su bcad par bya ba ste/ de ni de yis 'tsho ba'i phyir srog ces bya ste/ de nyid dam tshig nyams pa'i rgyu yin pa dang/ yang dag pa'i chos ma yin pa dang/ sdig pa'i khas la kun tu spyod pa'i phyir dang/ de bzhin gshegs pa'i bstan pa'i snying po la gnod par byed pa'i phyir bsang par bya ba nyid do/ /de ji lta bus bsad par bya zhe na/ shes rab chen po'i mtshan bde bar gshegs pa'i bka' la brdad te/ thar pa chen po'i grong khyer gsang sngags bla na med pa'i khyim du khrid la/ bla ma dam pa'i rtsal? dang
- 161a
bsdongs te/ ske bcad par bya ba nyid do/ /ma byin bar len pa ni 'di ltar bdag nyid kyis chos dang zang zing dang/ skyabs kyi sbyin pa la sogs pas sems can thams cad la dus gsum du btang bar bya ba ste/ ci'i phyir zhe na sems de nyid las bsams pa'i 'bras bu sna tshogs pa 'byung ba dang/ de nyid sngar rus sbal khog pa'i nang du 'khums pa bzhin du bsam pa chud du ldan par 'dug pa dang/ rgyal po lta bur rnam par shes pa thams cad kyi gtso bo yin pa'i phyir phyug po zhes bya ba dang/ 'chums pa zhes bya ba dang/ mi'i bdag po zhes bya ba ste/ de ni nor dbrog pa'o/ /de ma byin par len par ji ltar 'gyur snyam pa la/ de ni bdag las sus kyang ma byin par gang las kyang ma thob cing bdag gis blangs nas gtong ba'i phyir/ ma byin par len pa nyid do/ /yang 'dir rdzun du smra ba ni bdag gis sems can thams cad kyi don du sems bla na med pa bskyed nas/ bla na med pa'i yang dag par rdzogs pa'i byang chub bsgrub ba ste/ de nyid bla na med pa byang chub kyi nor tshal pa dang/ gsang sngags kyi dam tshig la mngon par spyad pa dang/ bdag nyid kyi yid kyi rnam par shes pa nyon mongs pa'i bshad ma las bsrung ba dang sems can thams cad kyi don du spyod pa'i phyir sems can la phan par spyod pa dang/ bla ma'i nor bsrung ba dang/ srog chags rnams kyi srog bsrung ba zhes bya'o/ /de la rdzun gyi tshig tu ji ltar 'gyur snyam pa la de ni 'di ltar sems can rnams ni skye ba thog ma med pa nas log par rtog pa'i dbang gis 'khor ba'i rgya mtsho'i gting mdza' med par gang bde la bskal pa chen po brgyad khri bzhi stong duAng bdag gis grol bar mi 'gyur ba'i rdzun gyi tshig ces bya ba kho na'o/ /yang 'di ltar gzhan gyi bud med brten pa ni me long lta bu ye shes la sogs pa la mngon par sbyor ba ste/ de ni 'di ltar bde bar
- 161b
gshegs pa rnams mngon par byang chub pa rnam pa lnga dang/ cho ga rnam pa gsum gyis dgyes par byed pa dang/ de nyid dam tshig chen po dang ldan pa dang/ yang dag pa'i rnal 'byor sgrub pa'i phyir/ sangs rgyas rnams mnyes par bya ba dang/ dam tshig bsrung ba dang sngags mkhan gyi sgrub pa'i phyir zhes bya bar sbyar ro/ /de la ci'i bud med ces bya snyam pa la/ de ni rnam par rtog pa dang bral ba'i bde ba ster ba'i phyir dang/ 'gro ba ma lus pa la phan par byad pa'i yon tan dpag tu med pa'i tshogs bskyed pa'i phyir bud med ces bya'o/ /de la gzhan gyi ji ltar yin zhe na/ bdag nyid nyon mongs pa dang bcas pa'i rgyud las gzhan pa/ rnam par grol ba'i lam pa rnams kyis spyod pa'i phyir/ gzhan gyi bud med ces pa nyid do/ /rdo rje sems dpa' i gnas 'dug nas/ thams cad spyad cing kun zos kyang/ /'grub 'gyur nyes par mi 'gyur na/ snying rje ldan pa smos ci dgos zhes gsungs pa ni rnal 'byor pa sems kyi khyad par bsdus pa'i don gsungs pa ste/ de la de'i dgongs pa ni rnam pa gsum du go bar bya'o/ /de la gcig ni dpal rdo rje sems dpa' i gnas dam par gyur pa thar pa'i grong khyer chen po theg pa chen po gsang sngags kyi sgor zhugs pa'i gang zag des sgor zhugs pa tsam gyis khyad 'dod pa'i yon tan lnga la longs spyod pa dang/ bza' ba la sogs pa thams cad kyang zos? kyang sdig pa'i lam du 'jug par mi 'gyur na/ der zhugs shing zhugs nas kyang/ snying rje chen pos 'gro ba'i don byed pa lta smos kyang ci dgos par yang dag par rdzogs pa'i byang chub kyi rgyur 'gyur zhing nyon mongs pa'i skyon gyis ma gos par 'gyur ro zhes pa ste/ de ni gzhan dag tu gzhug pa'i yan lag tu lam gyi phan yon bstan par shes par bya'o/ /gcig ni 'di ltar dpal rdo rje sems pa'i gnas ni rnam par rtog pa thams cad bral pa'i chos nyid stong pa nyid yin zhing de la yang dag par gnas par byas nas chos thams cad rang bzhin
- 162a
gyis rnam par dag ba'i 'du shes kyis chags pa dang 'dod pa'i sems spangs nas 'dod pa'i longs spyod la mngon par spyad kyang/ yang dag par de kho na nyid 'grub par 'gyur zhing nyes par mi 'gyur ba de las kyang khyad par du lha'i rnam par dag pa'i rnal 'byor gyis 'dod pa'i yon tan lnga la longs spyod pa smos kyang ci dgos te/ yang dag par rdzogs pa'i byang chub kyi 'bras bu myur du 'thob par bya ba nyid do zhes sbyar bar bya'o/ /gcig ni rang nyid dpal rdo rje sems dpa' i gnas longs spyod rdzogs pa'i skur mngon par bskyed pa gcig pu la gnas nas 'dod pa la longs spyod pa long spyad khyad yang dag pa'i de kho na nyid 'grub par 'gyur na/ de las kyang snying rje chen pos 'gro ba'i sems can thams cad kyi don byed pa lta smos kyang ci dgos te/ yang dag par rdzogs pa'i sangs rgyas nyid du 'grub par 'gyur ba kho na'o zhes bya ba nyid do/ /de dag gis ni theg pa chen po gsang sngags pa'i gang zag rnams kyi lhag pa tshul khrims kyi bslab pa dang/ lhag pa sems kyi bslab pa dang/ lhag pa shes rab kyi bslab pa rnam pa gsum dang/ theg pa chen po gsang sngags kyi grub pa'i mdza' yang bshad pa nyid du shes par bya'o/ /yang de dag la ni sbyin pa la sogs pa'i pha rol tu phyin pa drug dang/ tshad med pa rnam pa bzhi dang/ dran pa nye par gzhag pa bzhi dang yang dag par spong pa bzhi dang lam bzhi la sogs pa'i chos rnams kyang thams cad tshad bar ldan pa ste/ tshig mangs pa'i skyon du 'gyur gyis dogs nas 'dir ni ma bris pas ci rigs su sbyar bar bya ba nyid do/ /de yan chad kyis ni dam tshig gi dbang bskur ba bstan nas da ni bka' i dbang bskur bar bya ba gsungs te/ de nas 'dis bka' i dbang bskur bar bya'o/ /oM sarba ta thA ga ta me dz+nyA ha/ rAha si me grih+na badzra su si d+ha ye/ oM badzra hash+dzi hUM zhes
- 162b
pa ni gong du gsungs ba'i cho ga las shes par bya ste/ de la oM khyed kyis sems can bsgral ba'i phyir/ /sngags kyi rgyud rnams bshad pa yang/ /dkyil 'khor rab gnas sbyin sreg rnams/ /rgyud nas gsungs ba bzhin du bsgrub ces pa la sogs pa'i tshigs su bcad pa rnams bsgrag par bya ba nyid do/ /'dis lag tu rdo rje byin la las kyi dbang bskur bar bya'o/ /oM sarba karma Ni ku ru b+hu ta ma re hUM/ de nas sangs rgyas bsgrub phyir bla ma la/ /khyod kyi lus mchog sbyin par bya/ /nor dang dbyig dang 'bru rnams dang/ /stan dang bzhon pa de bzhin te/ /bran gyi mchog dang khang pa dang/ /rgyal po rgyal srid de bzhin te/ /bu dang bu mo chung ma dang/ /ma dang sring mo tsha? mo dang/ /gzhan yang ci bdag thams cad ni/ /dad pas bsams nas bla ma la/ /dbul ba nyid du bya ba yin/ /de nas byang chub bar du ni/ /sangs rgyas nyid dang gzhan dag dang/ /'jig rten pa yi mthu chen rnams/ /gang 'dod pa dag sgrub 'dod pas/ /dngos grub rnams ni gsol ba gdab ces gsungs bya ni sngags gnyis pa dang/ khyod kyis shar phyogs song nas ni/ rdo rje chos kyi 'khor lo bskor zhes gsungs pa la sogs pa'i tshigs su bcad pa rnams kyis ni las kyi dbang skur ba gsungs pa ste/ khyab pa 'byung ba rdo rje skabs su gsungs pa'i sngags/ oM ? karma a karma a b+hi Shiny+tsa oM zhes pa la sogs pa'i sngags rnams kyis kyang rim pa ji lta ba bzhin du dbang bskur bar bya ba nyid do/ /sangs rgyas 'grub phyir bla ma la/ khyod kyi lus mchog sbyin par bya zhes pa la sogs pa ni slob ma'i bya ba gsungs pa ste/ de la 'jig rten 'dir skyebs? dang/ gling la sogs pa yud tsam kyi bde ba steng ba la'ang rdzas dag pa zas la sogs pas yang dag par mgu par byed na/ bskal pa grangs med par 'khor ba'i sdug bsngal mi bzad pa las thar bar byed pa'i bla ma la nor dang/ dbyig dang/ 'bru dang/ chung ma dang/ bu dang bu mo dang/ sring mo dang/ yul
- 163a
la sogs pa 'bul bar bya ba nyid do/ /rgyal po rgyal srid ces pa ni/ slob ma gang dag rgyal po yin na'ang rgyal srid kyang dbul bar bya ba nyid dang/ gzhan yang bla ma'i thugs su ji ltar 'od ba'i rdzas dbul bar ba dang/ tha na rang gi srog gis kyang bla ma la mchod par bya ba ste/ bla ma la gus par bya ba ni theg pa chen po rgyal ba'i bka' thams cad nas rgyas par gsungs pas 'dod pa'i yon tan thams cad kyis yongs su mnyes par bya ba kho na'o/ /de la yang dag par rdzogs pa'i ster bar lta ma yin gyi/ phyi rol gyi bstan bcos dbang phyug chen po'i rgyud la brten pa shin tu mchog tu gyur pa'ang/ srid pa'i rtse mo las mi 'thob pa la yang/ bla ma dam pa dang mnyam pa'ang min/ 'khor ba rgya mtsho rgyal dka' ba'i/ /sdug bsngal de las de dag kun/ /zhes zer na/ yang dag par rdzogs pa'i sangs rgyas ster ba la bka' drin gyi lan gzhan gyis mi 'khor ba yin pas na/ 'jig rten pa'i mchog thams cad kyis mchod par bya ba yin no/ /de yang bsam pa ji lta bus bya snyam pa la/ dad pas bsams nas zhes bya ba la sogs pa gsungs te/ grags pa dang/ snyan pa dang gzhan la 'dran pa'i phyir ni ma yin gyi/ /bdag gis bla na med pa yang dag par rdzogs pa'i byang chub bsgrub par bya ba'i phyir sems rnam par dag pa dang bcas pas dbul bar bya ba nyid do/ /de nas byang chub bar du ni zhes pa la sogs pa ni rgyu'i drin mnod par gsungs pa ste/ de la dang po bla ma dam pa la yang dag par bsnyen pas dbang dam pa rnams bskur bas snod du byas pa'o/ /de nas bskyed par bya ba'i rgyu gsol ba gdab par bya ba ni/ yon la sogs pas gong du smos pa bzhin du phul la/ 'jig rten pa'i dngos grub ral gri dang/ dril bu dang rtse mo gsum pa la sogs pa sna tshogs pa gsol ba bdab pa dang/ gzhan yang bdag nyid zhi
- 163b
ba dang/ rgyas pa la sogs pa'i dngos grub gang yin la 'dod pa rnams gsol ba gdab pa dang/ de bzhin du ji srid du yang dag par rdzogs pa'i sangs rgyas nyid du 'grub pa'i bar du dngos grub rnams gsol ba gdab pa bya ba nyid do/ /de nas slob dpon gyi las su bya ba ji lta bu zhig snyam pa la/ de nas bu la phan pa'i phyir/ /sngags mkhan ser sna med sems kyis/ /dad pas dad pa'i sems ldan pa/ /dngos grub rnams ni sbyin par bya zhes gsungs pa ste/ de la dang po slob dpon gyi slob ma'i snod brtag par bya ? snod brtag pa ni rnaM pa gnyis so/ /dang por lo gcig gi bar du phyag tsam blangs pa/ tshig mi sbyin par bya ba dang/ de nas lo gnyis kyi bar du tshangs par spyod pa dge bsnyen gyi sdom pa dbog pa dang/ lo gsum pa la dkyil 'khor du gzhug pa dang/ de nas de srid kyi bar duAng dad pa skye ba med cing 'phags pa rtag tu du lta bur gnas pa na/ lo bzhi pa la dbang rdzogs par bskur la/ lnga pa la man ngag sbyin par bya ba ni bu de la phan pa'i phyir rdo rje slob dpon dam pa'i chos la ser sna med pas bdag nyid dad pa dang ldan pas slob ma dad pa dang ldan pa la dngos grub rnams ji ltar bsgrubs pa yang dag par sbyin no/ /gcig ni yun thung bar gnas pa yin yang 'jig rten na 'jig rten pa rnams rdzas dang yo byad longs spyod la chags shing gtong mi bra bar gyur pa ste/ de la mi gang dag gong na gsungs pa ltar mchog tu dad pa chen pos bla na med pa yang dag par rdzogs pa'i byang chub bsgrub pa'i phyir yul dang bu dang chung ma dang/ rgyal srid la sogs pa yang gtor zhing 'bul bar gyur pa na de ni gdon mi za bar dam pa'i chos snod du gyur pa yin pas na/ rnal 'byor pas ser sna med pas dad pa chen pos dad pa dang ldan pa'i bu la dngos grub 'grub pa'i rgyu bla na med ba sbyin par bya ba nyid do/ /de la dngos grub kyi rgyu ji lta bu zhig yin snyam pa la/ chos rnams thams cad bdag med par/ /sems kyis bsgom
- 164a
par byas nas kyang/ /a las zla ba'i dkyil 'khor bsam/ /rang gi sa bon de dbus su/ /bsams nas dam tshig phyag rgya yang/ /bsam bzhin de bzhin de nyid du/ /sgrub pa po ni bsgyur bar bya/ /lha yi rnal 'byor tshul gnas te/ /de nas rang gi sa bon dang/ /phyag rgya sngags kyis de byin brlab/ /rim pa'i rjes las ji bzhin du/ /sangs rgyas rnams kyi dbang bskur ro/ /de nas nga rgyal bskyed nas kyang/ /mkhas pa yis ni bsgrub byas nas/ /de bzhin gshegs kyang 'grub 'gyur na/ /dngos grub gzhan lta smos ci dgos zhes gsungs pa ste/ de la tshigs su bcad pa 'di dag ni/ /rnam par snang mdzad kyi rgyud las yid bzhin gyi nor bu rin po che'i tshig ces gsungs so/ /de ji ltar yid bzhin gyi nor bu rin po che'i tshig tu 'gyur snyam pa la/ de ni 'di ltar dper na yid bzhin gyi nor bu rin po cha ni sems can gyis gang dang gang bsam pa thams cad 'byung bar byed pa ste/ de bzhin du 'di la'ang dam pa'i chos kyi don mdza' dag me lus par ston pa dang/ 'jig rten dang 'jig rten las 'das pa'i dngos grub thams cad thob par byed pa'i phyir yid bzhin gyi nor bu rin po che'i tshig ces bya'o/ /de la dam pa'i chos kyi don mdza' dag ji ltar ston snyam pa la/ de ni 'di ltar dam pa'i chos mdza' dag ni rgyu rnam par dag pa dang/ las rnam par dag pa dang/ 'bras bu rnam par dag pa dang gsum du 'dus te/ de la rgyu rnam par dag pa ni gong du smos pa'i byang chub kyi sems rnam pa gsum mo/ /las rnam par dag pa yang gsum ste/ gzhan la brten pa'i mtshan nyid dang/ bdag la brten pa'i mtshan nyid dang/ rten pa spangs pa'i mtshan nyid do/ /'bras bu rnam par dag pa ni chos kyi sku dang/ longs spyod rdzogs pa'i sku dang/ sprul pa'i sku gsum mo/ /de dag gi mtshon pa'i phyag rgya ni tshigs su bcad pa
- 164b
bzhi po 'di yin te/ de la lam rnam par dag pa gzhan la brten pa'i mtshan nyid kyi skabs su ni don rnam pa gnyis kyi ston te/ dmigs pa dang bcas pa'i dbang dang/ dmigs pa med pa'i dbang ngo/ /de la dmigs pa dang bcas pa'i dbang ni dang po bdag nyid chos thams cad stong pa nyid du bsams te/ de'i ces la rang gi snying gar a las zla ba'i dkyil 'khor bsam mo/ /de'i steng du hUM bsam la de gyur pa las rdo rje bsam mo/ /yang de'i dbus su hUM bsams la/ de dag gyur pa las bdag nyid bcom ldan 'das rdo rje sems dpar bskyed de/ /slob ma'i mig la sogs pa gnas ji lta ba bzhin du rnam par snang mdzad la sogs pa'i sngags dang phyag rgya dang snying po rnams kyis byin gyis brlabs nas/ yang cho ga rnam pa gsum 'am/ mngon par byang chub pa ? pa lnga las bde bar gshegs pa rnams bskyed la dbang bskur bar bya ba ste/ des ni slob ma bde bar gshegs pa rang gi ngo bor byin gyis brlabs pas/ nus pa dang/ stobs dang dngos grub 'grub pa'i rgyu chen por 'gyur ba'i phyir ro/ /gzhan dag na re rgyud gzhan gnas pa de 'dir shes par bya ste/ de ci'i phyir zhe na/ snyam pa la/ dmigs pa med pa'i dbang 'dis ni 'jig rten dang 'jig rten las 'das pa'i dngos grub thams cad yongs su rdzogs par byed pa yin pa'i phyir de la de ni sku'i gnas dang/ gsum gi gnas dang/ thugs kyi gnas dang/ srid pa'i gnas dang/ rlung gi gnas rnams su sgyu ma byang chub kyi sems dmigs par byas la/ de dag tu zla ba'i dkyil 'khor la gnas pa'i sku'i gnas su ni de nyid kyi gzugs su mu tig gi chun po lta bu las rnam par bskyod pa'i skad cig la gang zag gi nus pa dang/ stobs dang sbyar nas yungs kar tsam dang/ sran chung tsam dang mu tig rnam par rgyal btsam du 'ong bar 'gyur te/ de ni dri ma dang bral zhing kha dog dkar pos rnam par rgyu pa'i phyir me long lta
- 165a
bu'i ye shes zhes bya'o/ /de nas gsung gi gnas su ni dngul chu lta bur 'bar ba dang/ 'bros pa la sogs pa med par rnal du 'dug pas gnas pa'i phyir na mnyam pa nyid kyi ye shes zhes bya'o/ /de nas thugs kyi gnas su ni de'i 'khor du gyur pa lus kyi yan lag thams cad nas 'dus pa'i byang chub kyi sems dang lhan cig tu 'dug pa'i phyir/ so sor rtog pa'i ye shes zhes bya'o/ /de nas srid pa'i gnas rlung gi gnas kyi bar du ni btsal ba las byung ba'i bya ba bsgrub pa'i phyir/ bya ba sgrub pa'i ye shes zhes bya pa'o/ /de nas gzhal yas khang gi nang du rta babs kyi phyi rol tu ma gyur pa'i skad cig la ni 'di ltar chos snang ba'i chos thams cad rnam par rtog pa dang dral zhing 'od gsal ba'i phyir chos dbyings kyi ye shes zhes bya'o de nas gsang ba 'dus pa dang 'khor lo sdom pa dang gsang sngags bla na med pa rnams su ni lhan cig skyes pa'i ye shes zhes gsungs so/ /de la ye shes lnga'i ngo bo de nyid bcom ldan 'das ngan song thams cad yongs su sbyong pa'i rgyal po la sogs bde bar gshegs pa lnga'i ngo bo yin ste/ de bas na rdo rje slob dpon gyi slob ma stan bde ba la bzhag la rang la mngon du phyogs pas byang chub kyi sems kyi nang du bcom ldan 'das ngan song thams cad yongs su sbyong ba'i rgyal po'i dkyil 'khor gyi 'khor lo thams cad rgyas par bskyed la/ phyogs bcu dus gsum gyi de bzhin gshegs pa thams cad spyan drangs la gnyis su med par byas te/ gnas par bya'o/ /de la byang chub kyi sems nyid bdag nyid 'dod pa'i ltar bsams la/ de'i nang du yongs su rdzogs par 'dod do/ /de nas byin gyis brlabs chen po nyams su myong ba dang/ stong gsum gyi stong chen po'i 'jig rten gyi khams thams cad bde ba chen po gnyis su med pa dpal ngan song thams cad yongs su sbyong ba'i dkyil 'khor gyi ngo bor bsams par byas te/
- 165b
de dag gi skad cig la ni sbyor ba dang po'i ting nge 'dzin dang/ dkyil 'khor rgyal mchog dang/ las rgyal mchog gi ting nge 'dzin yang yongs su rdzogs par gyur pa nyid de/ /de ltar slob ma'i nyon mongs pa'i che 'bring dang sbyar nas yud ci'am/ thang gcig ? /mtshan mo 'am /zhag zhi? bar du gnas par bya'o/ /des ni 'jig rten pa thams cad skad cig ma gcig gis bgrod pa yin te/ de yang mtshan yang dag par brjod pa las 'jig rten gsum po gom gcig bgrod/ /mkha' ltar mdza' med rnam par gnon/ /gsum rigs tsang ma dag pa ste/ /phyag? byar? 'os ya bla ma'i rab/ /ces gsungs so/ /de dag ni sku 'bebs pa dang/ gsung 'bebs pa dang/ thugs 'bebs pa zhes bya ste/ gsang ba 'dus pa la sogs pa rnams su ni bdag byin gyis brlab pa zhes bya bar gsungs so/ /de nas nyams su myong bar gyur pa dang slob ma gang yin pa des bla mas ji ltar brtan pa ltar yongs su goms par bya ste/ de yang rnam pa gnyis so/ /bdag dang gzhan gyi sbyor ba las byung ba dang/ bdag gi sbyor ba las byung ba'o/ /bdag dang gzhan gnyis kyi sbyor ba las byung ba ni gnyis te/ las dang po pas ni gzhal yas khang gi nang na rta babs kyis phyi rol tu ma gyur pa de srid du byin gyis brlabs skye'o/ /de bas khyad par du gyur par ni rlung gi gnas su byin gyis brlabs skye'o/ /bdag gi sbyar ba las byung ba la ni las dang po pas gsung gi gnas su skye te/ de ni bdag gi lus kyi sbyor ba dag byung ba'o/ /de bas khyad par du gyur pas ni sems kyi sbyor bas thugs kyi gnas su skyes nas yun ring zhig dngos po thams cad la rnam par rtog pa dang bral ba'i ye shes skye bar 'gyur ba nyid do/ /de ltar dus thams cad du gnyis kyi sbyor ba las byung ba dang/ bdag gi sbyor ba las byung ba thams cad du sgyu ma byang chub kyi sems rnam par ma spangs par gyur pa la ni nus pa dang ldan pa las 'jin rten dang 'jig rten las 'das pa'i dngos grub thams cad 'grub par 'gyur bas na/ tshigs su bcad pa tha ma'i don
- 166a
yongs su rdzogs pa nyid do/ /de nyid slob mas bsgrub pa'i dbang du byas nas ni/ bdag la brten pa'i mtshan nyid ces bya bar 'dod/ /de nyid las rnam par rtog pa thams cad dang bral ba'i dbang du byas nas ni/ rten pa spang ba'i mtshan nyid ces bya ba kho na'o/ /de ltar rgyu rnam par dag pa byang chub kyi sems kyi rdo rje lta bu bdud kyi tshogs thams cad 'joms pa'i phyir sngags pas rdo rje dang bral du mi rung bar gsungs te/ de ni mi brjed par bya ba'i rtags su bstan par shes par bya'o/ /bdag la brtan par mtshan nyid kyi dbang du byas nas tshigs su bcad pa bzhi po 'dis ni bcom ldan 'das ngan song thams cad yongs su spyod pa'i rgyal po'i rgyud 'dir gsungs pa'i dkyil 'khor thams cad la khyab par 'jug pa ste/ de yang skabs kyi bye brag gis rang nyid dang po rdo rje 'dzin ma'i phyag rgyas bzhugs nas/ bde bar gshegs pa thams cad la dbang mnod? pa las gnang ba thob kyi bar du shes par bya'o/ /rten pa sdangs pa'i dbang du byas nas ni gong du bshad ma thag pa'i rim pas sku gsung thugs dbang par shes par bya'o/ /de ltar skyu ma byang chub kyi sems ni sprul pa'i sku'i rgyu rnam par dag pa'o/ /kun rdzob byang chub kyi sems ni yongs spyod rdzogs pa'i sku'i rgyu rnam par dag pa'o/ /don dam pa byang chub kyi sems ni chos kyi sku'i rgyu rnaM par dag ba'o/ /de bzhin bul? rnaM par dag pa gzhan la rten pI mtshan nyid ni sprul pa'i sku'i lam rnam par dag pa'o/ /bdag la brten pa'i mtshan nyid ni longs spyod rdzogs pa'i sku'i lam rnam par dag pa'o/ /rten pa slangs pa'i mtshan nyid chos kyi sku'i rnam par dag pa nyid do// de ltar pha rol phyin pa'i gzhung gis kyang chos kyi sku ni shes rab kyi pha rol tu phyin pa bsgoms pa las thob par 'dod do/ /longs spyod rdzogs pa'i sku ni bsam gtan gyi pha rol tu phyin pa dang/ bzod pa'i pha rol tu phyin pa las thob par 'dod do//
- 166b
sprul pa'i sku ni sbyin pa'i pha rol tu phyin pa dang/ tshul khrims dang/ brtson 'grus kyi pha rol tu phyin pa las 'thob par 'dod do/ /'dir ni rgyu dang lam rnam pa gsum gyis sku gsum bsgrub par 'dod do/ /gsang sngags bla na med pa rnams su ni ting nge 'dzin rnam pa gsum gyi sku rnam pa gsum par 'dod de/ de ni 'dir yang tshang ba kho nas mi dga' ba nyid do/ /pha rol tu phyin pa drug kyang 'di nyid las tshang bas na thams cad mnyam pa nyid du shes par bya'o/ /yang 'dir lam rnam pa gsum gyi skabs su na gsang sngags yongs su zlos pa'i dril bu zhes bya ba dang/ phyag rgya zhes bya ba dang/ byang chub kyi sems ni brjed pa'i phyir rdo rje zhes bya ba dang/ slob dpon gyi bya ba la zhugs pa'i phyir slob dpon zhes bya ste/ de dag dang ldan pa la rnal 'byor pa zhes bya ba nyid do// de'i phyir de kho na bsdus pa'i brtag pa las kyang/ rdo rje dril bu'i phyag rgya yang/ /yang dag nyid du bzung bar bgyi zhes sdom pa 'bogs pa'i skabs su gsungs so/ /de la gang dag 'di skad du chos kyi sku gcig la pha rol tu phyin pa'o gzhung du ni chos kyi sku la rang tu zhi ba'i 'od gsal ba'i ngo bo zhes brjod la/ theg pa chen po gsang sngags su ni gnyis su med pa'i bde ba chen po zhes gsungs pa'i phyir ni zhe na/ de ni 'di ltar theg pa chen po gsang sngags ni 'dod chags chen pos 'dul ba'i sems can la dgongs? nas bde ba chen po'i ro/ gnyis su med pa zhes gsungs la/ pha rol tu phyin pa ni 'dod chags dang bral ba'i sems can 'dul ba la dgongs nas bde ba chen po zhes pas te/ rab tu zhi ba 'od gsal ba zhes bya ba te/ de gnyis ka la yang gcig tu rab tu zhi ba 'am/ rtogs dang bral ba'i phyir bad pa yin pa la bde ba chen po'ang spros pa dang bral ba'i phyir zhi ba kho nas mdor na rnam par rtog pa thams cad dang bral ba zhes bya ba nyid do/ /phan tshun du mi 'gal ba nyid do/ /de ltar na dad pa dang ldan pa'i slob ma la slob dpon gyis dngos grub
- 167a
yang dag par 'dzin pa ste/ chos de dag dang ldan pa'i phyir na tshigs su bcad pa bzhi pos de la yid bzhin gyi nor bu rin po ches bya ba kho na'o/ /da ni de dag gi phan yon yang dag par bstan pa'i phyir tshangs pa la sogs pa'i sems yang dag par bskul nas zhu ba'i tshul du ston pa nyid do/ /de nas tshangs pa la sogs pa lha chen po rnams kyang bcom ldan 'das la phyag btsal nas 'di skad ces gsol to/ /bcom ldan rgyal po dang rgyal po'i bu dang/ rgyal po'i blon po dang/ rgyal rigs dang/ bram/ ze dang/ rje'u rigs dang/ dmangs rigs dang/ gzhan yang rigs dman zhing bsod nams chung ba phyag dar pa dang/ mdza' 'khob pa'i rigs ngan gyi skye bo la sogs pa rnams dkyil 'khor gyi rgyal po 'dir zhugs na/ /de dag gi rnam par smin pa ci lta bur gyur pa lags zhes pa la sogs pa de la dkyil 'khor gyi rgyal po zhes pa ni de bzhin gshegs pa ngan song thams cad yongs su sbyor ba'i rgyal po'i rgyud du gsungs pa'i 'jig rten las 'das pa'i dkyil 'khor thams cad la bya ste/ 'jig rten ba'i dkyil 'khor las khyad par du 'phags pa'i phyir ro/ /sogs pa zhes pa'i skras ni dud 'gro la sogs pa'i sems can thams cad bsdus so/ /de la de dag de bzhin gshegs pa ngan song thams cad yongs su spyod ba'i dkyil 'khor duzhugs pa las 'bras bu ji lta bu zhig thob par 'gyur zhes zhu bar sbyar ro/ /bcom ldan 'das kyis bka' stsal pa/ ma 'ongs pa'i sems can rnams la phan pa'i phyir nga la zhus pa de ni legs so legs so/ /lha'i bu rnams dkyil 'khor gyi rgyal po chen po 'dir zhugs pa dang/ dbang bskur ba dang/ bris pa dang/ 'dir 'jug pa dang/ rjes su yi rang ba dang/ phyag byas pa dang/ mchod pa rnams kyi 'bras bu dang/ rnam par smin pa nyon cig/ lha'i bu rnams mdor na da la'ang de'i phan yon bshad pa'i spobs pa med/
- 167b
nga'i bsod nams kyi phung po gang yin pa de brgya phrag stong du mar brgyud kyang grangs su yang mi chog /bgrang bar yang mi chog/ dper yang mi bzod de/ de bzhin gshegs pa thams cad kyi bsod nams kyi phung pos kyang mi bzod do zhes gsungs pa ni 'dir der zhugs pa'i phan yon yang dag par gsungs pa ste/ de la sems can thams cad la phan pa'i phyir rang la zhus pa legs so legs so zhes gsungs pa ni sems can thams cad kyi dkyil 'khor du 'jug par spro ba skyed pa'i phyir zhus pa legs so legs so/ /lha'i bu rnams kyi dkyil 'khor gyi rgyal po 'dir zhugs pa dang zhes pa la sogs pa ni de la mngon par dang pa rnams kyi gang zag bstan pa'o/ /nga la de'i yon tan bshad pa'i spobs ba med de zhes gsungs pa ni 'dir don gnyis su go bar bya ste de la gcig ni 'di la brten pa'i gang zag yongs su rdzogs pa'i mthar gnyis su med pa'i ye shes thob pa'i gnas skabs na gnyis su med pa de ye shes de'i bde ba dang/ ngo bo 'di lta bu zhes pa bstan par mi nus shing brjod par dka' ba la dgongs nas/ de'i yon tan bshad pa'i spobs pa med do zhes gsungs pa'o/ /gcig ni yon tan chen po phul du byung bas sems can rnams dang pa chen pos gzhug par bya ba'i yan lag tu gsungs par shes par bya'o/ /da'i bsod nams kyi phung po gang yin pa de zhes pa nas/ de bzhin gshegs pa thams cad kyi bsod nams kyi phung pos kyang mi bzod zhes pa'i bar ni don gsum du go bar bya ste/ de la skad cig ni nga zhes pa'o sgra 'jig rten pa'i lta ba la mngon par dang pa bdag dang bdag gir lta ba la sogs pa'o/ /de dag gis 'jig rten pa'i lha la mchod pa'i yo byad thams cad kyis bskal pa grangs med pa brgyad khri bzhi stong du bsnyen bkur du byas pa'i bsod nams de brgya phrag stong du bsgyur kyang/ sems can gad dag ngan song thams cad
- 168a
yongs su spyod pa'i rgyal po'i dkyil 'khor du zhugs pa'i gang zag de'i bsod nams la grangs su mi chog/ bgrang bar yang mi chog/ dper yang mi bzod do zhes bya ba'o/ /de bzhin gshegs pa thams cad kyi bsod nams kyi phung pos kyang mi bzod do/ /zhes pa ni kun nas nyon mongs pa'i de bzhin gshegs pa thams cad de/ de dag thams cad kyi bsod nams kyi phung po brgya phrag stong du bsgyur pas kyang/ sems can gang dag ngan song thams cad yongs su sbyong pa'i dkyil 'khor 'dir zhugs pa bsod nams kyi phung po la dper yang mi bzang ba'i phyir na/ de bzin gshegs pa thams cad kyi bsod nams kyi phung pos kyang mi bgrod ces bya'o/ /gcig ni da zhes pa'i sgras bcom ldan 'das phyag na rdo rje nyid de/ sa la gnas pa'i byang chub sems dpa' i tshul du bzhugs pa la dgongs nas de bzhin gshegs pa'i bsod nams kyi phung po khyad par du phyung ba ste/ de ni 'di ltar longs spyod rdzogs pa dang/ sprul pa'i sku rnam pa gnyis la dgongs na rtsa de'i chos kyi sku'i yon tan la bgrang bas mi bzod ces pa nyid do/ /gcig ni gong du bstan pa ltar yon tan gyi khyad par dpag tu mang ba phul du byung ba las sems can rnams zhugs pa'i yan lag tu phan yon rgya chenpo tshad med bar gsungs par shes par bya'o/ /lha rnams kyis gsol pa/ bcom ldan 'das dkyil 'khor rgya chen po 'dir zhugs pa'i sems can rnams kyi 'bras bu dang rnam par smin pa gang lags pa de ni ngo mched che'o/ rdo rje 'dzin pa chen po ngo mtshar che ste/ bcom ldan 'das bdag cag kyang dkyil 'khor rgyal po chen po 'dir 'jug par spro'o/ /bcom ldan 'das rdo rje 'dzin pa 'jug par spro'o zhes pa la sogs pa ni ngo mtshar chen po'i tshig gis bcom ldan 'das la dkyil 'khor du
- 168b
'jug par zhu ba ste/ de la tshangs pa la sogs pa'i lha rnams bcom ldan 'das phyag na rdo rje'i bsod nams dang/ de bzhin gshegs pa thams cad kyi bsod nams kyis kyang ngan song thams cad yangs su sbyong pa'i rgyal po'i dkyil 'khor du zhugs pa'i sems can de'i bsod nams la mi bzod par gsungs pas/ lha rnams yon tan gyi tshogs khyad par can mthong bas de bzhin gshegs pa ngan song thams cad yongs su sbyor ba'i dkyil 'khor du zhugs par 'dod pa'o/ /ngo mtshar gyi tshig lan gnyis pa ni shin tu ngo mtshar ba'o/ /'jug par sbro ba'i tshig lan gnyis pa'i mchog tu 'jug par spro ba ste/ de dag gi mthar dkyil 'khor chen po'i brtag pa rdzogs nas lha rnams kyi dkyil 'khor du zhugs pa ni lha dbang bskur ba'i brtag pa zhes bya ba zhig bzhugs par rgyud gzhan nas gsungs so/ /de nas tshangs pa la sogs pa lha de dag gis de bzhin gshegs pa la phyag btsal nas 'di skad ces gsol to/ /bcom ldan 'das dzam+bu'i gling gi sems can rnams bsod nams chung zhing tshe thung pa dang/ ngan song gi rgya dang ldan pa dang/ sems can dmyal ba dang yi dags dang byol song rnams su skye ba dag mchis na/ bcom ldan 'das de la bdag cag gis ni ji ltar bsgrub par bgyi zhes pa la sogs pa ni tshar sa pa la sogs pa'i lha rnams sems can thams cad kyi don du sems bskyed nas bdag dang gzhan gyi don phun sum tshogs pa zhu ba ste/ de la dzam+bu'i gling ga sems can smos pa ni gang na rang zhi par byed pa'i sman gi tshogs mang ba de ni log par gyur pa'i dbang gi nang dang/ 'chi ba mang bar gyur ba bzhin du lho'i dzam+bu'i gling na dam pa'i chos phal cher sbyod de/ de dag gis mi shes pa dang/ log par sbyar pa las ngan song gi dbang du gyur pa dang/ sems can dmyal pa la sogs pa mang ba'i phyir/ dzam+bu'i gling gi sems can zhes smos pa'o/ /bsod
- 169a
nams chung ba ni nad mang ba dang/ mi sdang pa dang/ nor la sogs pa dbul por gyur pa'o/ /tshe thung ba ni 'tsho ba yun? thung ba'o/ /ngan song gi rgyu dang ldan pa ni/ sdig pa mi dge ba'i chos lhag par spyod pa dang/ sdig pa chen po'i las byas pa'i sems can te/ de dag gi 'tsho ba dang lta pa la bsams nas smras pa'o/ /dmyal ba la sogs pa'i nang du skyes pa ni 'tsho ba 'das pa'i sems can rnams la bsams nas smras pas na/ de dag la ji ltar bgyin? ngan song du skyes pa rnams ngan song las thar bar bgyi ba dang/ ngan song du skye ba rnams ngan song gi rgyu bzhig par bya ba'i thabs zhu ba nyid du shes par bya'o/ /bcom ldan 'das kyis bka' stsal ba/ kye'i lha'i bu rnams sems can de dag dkyil 'khor du chug la dbang bskur cig /chos kyi yi ge yang zlos shig dang/ des ni sems can de dag tshe? ring bar 'gyur bsod nams dang bral ba rnams bsod nams dang ldan par 'gyur ro/ /ngan song ba'i rgyu dang ldan pa rnams ni ngan song gi rgyun bcad de/ thar pa dang bde 'gro'i rgyu dang ldan par 'gyur ro zhes gsungs pa ni 'tsho ba dang ldan pa'i sems can rnams la dgongs nas gsungs pa ste/ de la sems can gang dag tshe thung ba dang/ ngan song gi rgyu dang ldan pa rnams ni ngan song thams cad yongs su sbyong ba'i dkyil 'khor rnam pa gsum du bcug nas/ dbang ji lta ba bzhin du bskur te/ de bzhin gshegs pa'i rtsa ba'i snying po dang/ tshe dang bsod nams dang ye shes dpag tu med pa'i snying po'i dus thams cad du bzlas brjod byas na tshe thung ba ring bar 'gyur ba dang/ bsod nams chung ba bsod nams dang ldan par 'gyur ba dang/ sdig pa'i rgyu dang ldan pa rnams sdig pa'i cho gas thams cad dang bral nas/ 'di 'gro dang thar pa'i lam la gnas par byung? pa ni nges pa nyid du sheS
- 169b
par bya'o/ /kye? lha'i bu rnams ngan song du skyes zin pa rnams gang yin pa de dag gi ming la dbang bskur cig /gang gzugs brnyan la'ang dbang bskur bar gyis shig /mchod rten la yang dbang bskur bar byos shig /rang gi lha'i gzugs la dbang bskur bar byos shig chung ngu na de dang rigs 'thun pa dang/ de'i bu dang/ de dang rus mthun pa dang/ de'i ming 'dzin pa dang/ bran la yang dbang bskur bar byos shig /de ltar lan bdun du dkyil 'khor du bcug cing/ dbang bskur na gdon mi za bar zhag bdun gyis ngan song gi sgrib pa las rnam par grol bar 'gyur ro zhes gsungs pa ni 'tsho ba 'das pa'i gang zag rnams la dgongs nas gsungs pa ste/ de la ngan song du skye bar gyur ba'i sems can rnams kyi ming dang gzugs brnyan la sogs pa ni rnal 'byor pa'i ting nge 'dzin gyis de'i rnam par shes pa bkug la/ tshigs su bcad pa dang/ sems bskyed pa la sogs pa ni/ bu 'am/ la? 'am/ srid mo 'am/ bu pho la sogs pas brjod cing yon phul la de dang gnyis su med bar byas pas dbang bskur bar bya'o/ /de ltar lan bdun gyi bar du de bzhin gshegs pa ngan song thams cad yongs su sbyong ba'i rgyal po'i dkyil 'khor bdun du bcug cing dbang bskur nas de dang mthun pa'i 'og nas 'byung ba'i sbyin sreb rnam pa bzhi byas par gyur na/ nges par ngan song las rnam par grol bar 'gyur ba ni nges pa nyid du shes par bya'o/ /de la gang dag 'di skad du/ de nyid kyi ro la dbang bskur pa la sogs pa byas pas ngan song las grol bar 'gyur ba ni rigs na/ de'i ming dang gzugs brnyan dang/ bu dang mchod rten la sogs pa la dbang bskur pa la sogs pa byas pas ni ma de nyid dang ma 'brel ste/ rnam par shes pa gzhan na gnas pa'i phyir/ ji ltar grol bar 'gyur zhe na/ de lta na ni rol dbang bskur bas kyang grol bar mi 'gyur te
- 170a
ro ni bems po'i rnam pa dang 'dra ba la de'i rnam par shes pa gzhan du song bas 'brel pa med de/ tshe las 'das pa'i gang zag la ni bde bar gshegs pa'i thabs kyi mi zin par thal par 'gyur ro/ /de bas na de ltar smra ba'i gang zag ni theg pa chen po'i chos la the tshom za ba nyid pas kha na ma tho ba dang bcas pas 'gyur pa ste/ de ni 'di ltar ro la dbang bskur ba dang/ de'i gzugs brnyan la sogs pa dbang bskur ba la ni bye brag med? pa nyid do/ /gnyis ka la rnam par shes pa stong zhing rdo rje slob dpon gyi mthus rnam par shes pa bkug pas byed pa nyid do/ /de la gang dag ci de'i rnam par shes pa slob dpon gyis 'gugs par nus sam zhe na/ de ltar na ni shi ba thams cad gson por thal bar 'gyur ro zhe na/ de ma yin te/ 'di ltar bde bar gshegs pa'i bka' yang dag pa'i bden pa'i byin gyis brlabs kyis sems can gyi rnam par shes pa lta zhog gi /dus gsum gyi bde bar gshegs pa rnam par rtog pa thams cad dang bral ba rnam pa thams cad mkhyen pa'i ye shes dang ldan pa rnams kyis yang thugs bskul nas rab tu gnas la sogs pa'i skabs su byon par gyur pa kho na'o/ /de la 'di skad du de yang mos pa yid la byed pa tsam las de nyid byon par mi 'gyur ro zhe na de ma yin te/ 'o na 'di ltar yul dbus kyi de bzhin gshegs pa mar me mdzad grong khyer du gshegs pa'i skabs su de'i tshul bzhin du mi gzugs byang dang ldan pa la rgyan dang mtshon gyis brgyan nas/ rdo rje slob dpon rnams kyis rab tu gnas par byas pa'i skad cig la mi de rang gi shes pa nyams shing rtog pa dang bral ba'i shes pa skyes par gyur nas/ ji srid gsol ba ma byas pa de srid du mi de'i shes pa nyams pa'i byin dang ldan par 'gyur na/ bde bar gshegs pa nyid ma yin na srin po la sogs pas byin gyis brlabs sam/
- 170b
yang phyogs gzhan du bde bar gshegs pa'i gzugs brnyan rnams la rdo rje slob dpon rnams kyis rab tu gnas pa byas pa na gzugs brnyan de g.yo ba dang/ 'dzum pa dang/ 'od la sogs pa 'byung bar 'gyur na de yang bde bar gshegs pa las ma gtogs pa gzhan zhig yin nam/ de bas na rnam par shes pa bkug ces te/ mi gang shi ba'i rnam par shes pha rol bcug pa las phyis mi'i dngos por 'gyur ba ni ma yin te/ sems can gang zhig sdig pa'i 'bras bu sbyong pa ni nus pa kho na'o/ /de la gang dag 'di skad du/ bde bar gshegs pa rnams ni dad pa dang dam tshig tu 'brel pa'i stobs kyis rab tu gnas pa la sogs pa'i skabs su byon par 'gyur ba la sems can ngan song du gnas pa rnams ni de nyid la nus pa dang mi ldan pa'i phyir rnam par shes pa 'ong bar mi 'gyur ro zhe na/ de ni ma yin te/ de nyid mi nus pa'i stobs kyis 'ong bar 'gyur na/ lha gsang sngags kyi sbyor bas kyang dgos pa yod par mi 'gyur zhing phyogs gzhan du na ngan song gi dbang du song ba'am med par 'gyur ro/ /de bas na de bzhin gshegs pa'i bka' yang dag par bden pa dang/ sngags dang phyag rgya'i byin gyis brlabs kyis mi gang dag ngan song du gnas pa'i rnam par shes pa gzugs brnyan la bstim ste/ dbang bskur ba la sogs pa byas pa las ngan 'gro'i rgyud las rnam par grol bar 'gyur ba ni nges pa ste/ de'i phyir brgya byin la sogs pas kyang lha'i bu nor bu dri ma med pa'i 'od rnam par grol ba'i skabs su/ sangs rgyas 'dra ba'i ston pa med/ /chos dang 'dra ba'i dge ba med/ /dge 'dun 'dra ba'i zhi byed med/ / sngags dang 'dra ba'i 'dren pa med ces bstod pa dang/ gzhan yang gtsug ter chen po'i brtags pa las kyang/ rdzas rnams kyis kyang ri bo sogs/ /g.yo zhing bskyod par nus byed na/ /phyag rgya gang dang sngags gang gis/ /mnar med nang du skyes pa dang/ /ngas?
- 171a
song dag gi rgyud las ni/ /grol bar 'gyur ba smos ci dgos zhes gsungs pa'i phyir ro/ /de la 'di skad du rnam par shes pa ting nge 'dzin gyis bkug pa ste/ bde bar gshegs pas ni 'dir ma gsungs pa'i phyir rang gi brtag pa yin no zhe na/ de ni ma yin te/ gtsug tor chen po'i brtag pa las brgya byin gyis gsol pa/ bcom ldan 'das ci ltar dbang bskur gyi/ bcom ldan 'das kyis bka' stsal pa/ lha'i dbang po rnam par shes pa bkug pas dbang bskur bar bya'o/ /brgya byin gyis gsol pa/ rnam par shes pa ci lta bus dgug par bgyi/ bcom ldan 'das kyis bka' stsal pa/ ting nge 'dzin gyis so/ /brgya byin gyis gsol pa/ ji lta bu'i ting nge 'dzin gyis bkug par bgyi/ bcom ldan 'das kyis bka' stsal pa/ mnar med pa la sogs pa'i dbyings su 'od zer spros pa las de'i rnam pa'i cha byang ci 'dra bar bkug pas ro la bcug pas gnyis su med par byas pas dbang bskur bar bya'o/ /the tshom mi za ba nyid do zhes gsungs pa'i phyir rang gi brtag pa ma yin pa nyid kho na'o/ /de yang chad kyis ni dkyil 'khor du bcug cing dbang bskur ba'i phan yon yang dag par gsungs la/ da ni de'i ming la sngags kyis zlos pa'i phan yon dang/ cho ga'i rim pa gsungs pa ste/ lha'i bu rnams de'i ming nas smos te/ 'bum phrag gnyis saM/ 'buM phrag gsuM? mam/ 'bum drag ? khaM 'bum phrag brgya phrag stong phrag gi bar du bzlas brjod byas na mtshams med pa lnga byas pa'ang rnam par byang bar 'gyur na/ sdig pa chung du byas pa dag lta smos kyang ci dgos te/ de myur du ngan song gi rgyud las grol nas bde 'gro lha dang mi'i 'jig rten du skye bar 'gyur ro zhes gsungs te/ de la sems can gang dag ngan song du skyes pa'i ming nas smos la/ rang nyid bcom ldan 'das ngan song thams cad yongs su sbyong ba'i rgyal por bskyed de/ rig pa chen po 'bum phrag gnyis su bzlas na ni sdig pa chung ngu?
- 171b
byas pa'i gang zag grol bar 'gyur ro/ /'bum phrag gsum mam bzhis ni mtshams med pa nye ba'i sdig pa byas pa rnam par grol bar 'gyur ro/ /'bum phrag brgya phrag stong gi mtshams med pa lngar byas pa'i sems can yang nges par rnam par grol bar 'gyur ba ni nges pa nyid du shes par bya'o/ /de la de'i ming nas zhes pa la/ de zhes bya ba'i sgra ni ma ning gi rtags te/ tshe 'das 'ba' zhig tu ma zad kyi da ltar mi'i yul na gnas pa mtshams med pa la sogs pa byas pa yang gsang sngags chen po gong du gsungs pa'i cho gas nges par ngan song gi rgyud las rnam par grol bar 'gyur ba'o/ /sdig pa chung ngu byas pa lta ci smos te zhes gsungs pa ni/ 'og ma las myur du tshegs chung ngus nges pa nyid du grel bar gsungs pa'o/ /de la grol bar 'gyur ba lta gsang sngags dang snying po la sogs pa bde bar gshegs pa'i bka' thams cad nas ngan song ni rgyud las grol bar 'gyur ba'i las grol bar mi 'gyur ba'i tshig gcig kyang ma gsungs na/ 'dir yid ches pa'i rtags ci lta bu zhig ston par 'gyur snyam pa la/ de ni 'di ltar gong du sku gdung 'bar ba dang/ sbyin sreg gi skabs su me'i ltas ston pa dang/ me de nyid kyi gzugs ston pa la sogS pa'ang mang zhig gsungS pa dang/ gzhan yang gtsug tor chen po'i rtog pa las de'i gzugS brnyan shog bu la/ /byas pas gur gum bzang pos ni/ /snying gar ming kyang snying po bri/ /mar me sdong bu gser la sogs/ /rin chen las ni byas nas kyang/ /bde gshegs snying po bkod nas ni/ /smon lam btab te rab sngags na/ /gzugs de mkha' la 'phur pa 'am/ /mar me'i sdong bu 'bar bar 'gyur/ /des ni ngan song rgyud las ni/ /grol ba nyid du shes par bya zhes gsungs pa'i phyir/ ngan song gi rgyud las grol pa ni yid ches pa'i rtags te/ de dag las yongs su shes par bya ste/ gdon mi za pa
- 172a
nyid do/ /de ji ltar na gdon mi za zhe na/ bde bar gshegs pa'i bka' gzhan dag ni drang ba'i don gyi mdo sde yang yin srid la/ 'di ni mi rnams kyis gsang sngags kyi 'bras bu mang po'i nyams su myong ba'i phyir nges pa'i don gyi rgyud du shes par bya ba kho na'o/ /de yang chad du ni rtsa ba'i dkyil 'khor rnams gsungs la/ de ni de dag gi yan lag tu gyur pas phrin las rnam pa bzhi'i sbyin sreg gsungs te/ de yang sbyin sreg ces bya'o/ /de ji ltar na 'bras bu las kyi sbyin sreg yin zhe na/ de ni 'di ltar rnal 'byor pa snying rje chen po dang ldan pas sems can gang dag ngan song gi rgyud las rnam par drangs nas bde 'gro lha dang mi'i 'jig rten du skyes par shes pa dang/ sems can de bde 'gro'i 'jig rten na nyon mongs pa nang dang/ sdug bsngal rnams zhi bar bya ba'i phyir zhi ba'i sbyin sreg bya ba dang/ de'i tshe dang/ bsod nams dang/ longs spyod spel ba'i phyir rgyas pa'i sbyin sreg bya ba dang/ lha dang mi la sogs pa thams cad de'i dbang du bya ba'i phyir dbang gi sbyin sreg bya ba dang/ de la gnod par byed pa'i bgegs dang/ mi ma yin pa dang bdud kyi tshogs gzhom par bya ba'i phyir mngon spyod kyi sbyin sreg bya ba kho na ste/ de'i phyir 'bras bu las kyi sbyin sreg ces bya ba nyid do/ /lha'i bu rnams zhi ba'i hom khung tha ma pad ma mchog khru gang khru ngo khu bzhi pa'i/ /zlum po nyid du byas nas kyang/ /de yi ming dang yungs kar gyis/ /brgya phrag stong du sreg byas na/ /ngan song kun las thar bar 'gyur/ /de yi sha dang rus pa dang/ /sgra dang thal pa la sogs kyis/ cho ga re dang 'dra bar ni/ /sbyin sreg byas na ngan song yang/ /kun nas rnam par thar bar 'gyur zhes gsungs pa ni dang po zhi ba'i sbyin sreg bya bar gsungs te/ de la lha'i bu rnams zhes lha rnams la bos pa ni dang por lha rnams kyis sems can sdig pa'i dbang
- 172b
du gyur? pa rnams la/ ji ltar bsgrub par zhus pa'i phyir lha rnams la bos te/ sems can thams cad la gsungs pa'o/ de la sbyin sreg 'di ni ngan song gi rgyud zhi bar bya bar ston kyang 'bras bu'i gnas su yang nad la sogs pa zhi bar bya ba'i sbyin sreg tu shes par bya'o/ /de ltar bya snyam pa la/ hom khung tha ma bar ma mchog ces pa la sogs pa gsungs te/ tha ma ni khru gang ngo/ /bar ma ni khru do'o/ /mchog ni rab ste/ khru bzhi par bya ba'o/ /dbyibs bstan pa ni zlum pa zhes gsungs so// ? ni ji lta bus bya snyam pa la/ de'i ming dang yungs kar gyis zhes pa la sogs pa gsungs te/ de la rdzas ni rnam pa gnyis so/ /de la brten pa'i rjas dang/ mchod pa'i rjas te/ mchod pa'i rdzas ni/ log nas ston pa'i mar dang 'o ma dang/ grang? rtsi dang zhes pa la sogs pa dang yungs kar rnams so/ /de la brten pa'i rdzas ni de'i ming dang de'i sha dang rus pa dang zhes pa la sogs pa'o/ /grangs ji tsam du bya snyam pa la/ brgya phrag stong du sbyin sreg byas na zhes gsungs pa ste/ 'bum phrag gcig tu bya bar gsungs pa'o/ /de'i 'bras bu ji lta bu 'ong bar 'gyur snyam pa la ngan song las ni thar bar 'gyur zhes gsungs pa ste sems can de ngan song rnam pa gsum las nges par grol bar shes par bya'o/ de la phyag rgya ci lta bu dgos par bya snyam pa la/ de yi dbus su 'khor lo ni/ rtsibs brgyad 'od zer dkar bar bri /'khor yug rdo rje rtse lnga la/ /'od zer dkar dang ldan pa bri/ de nas rdo rje rgya gram dang/ rdo rje rin chen chu skyes mchog /sdig pa gzhom phyir phyag rgya rnams/ /sna tshogs pa ni bzhag par bya/ /phyi rol rdo rje rigs rnams kyi/ /phyag rgya rnams ni bri bar bya/ /gza' dang skar ma'i mtshan ma dang/ /de ltar 'jig rten skyong rnams kyi/ /gtso bo ri mo lugs ma'ang rung/ rdo rje can dang lhan cig bzhag ces gsungs te/ /de la thab khung ga
- 173a
nang du ni 'khor lo kha dog dkar po rtsibs brgyad pa lte ba dang mu khyud du bcas pa bri bar bya'o/ /de'i mu phran la rdo rje'i phreng ba dkar po rtse lnga pa bri bar bya'o/ /de'i mu phran gyi steng du ni me'i 'od kha dog dkar dmar du bri bar bya'o/ /de nas 'khor lo'i lte ba la ni pad+ma'i steng du bcom ldan 'das rnam par snang mdzad kyi phyag rgya 'khor lo la rtsibs brgyad pa bzhag go /shar gyi rtsibs la ngan song thams cad yongs su sbyong pa'i phyag rgya rdo rje bri bar bya'o/ /lho'i rtsibs la rin po me tog gi phyag rgya rin po che bri bar bya'o/ /nub kyi rtsibs la bcom ldan 'das shAkya thub pa'i phyag rgya mtshan ma pad+ma bri bar bya'o/ /byang gi rtsibs la ni me tog chen po rgyas pa'i mtshan ma sna tshogs rdo rje bri bar bya'o/ /shar lho la sogs pa'i mtshams su ni/ sangs rgyas spyan dang/ mA ma kI dang/ gos dkar po dang/ sgrol ma rnams kyi mtshan ma rdo rje dang/ mig dang/ pad+ma dang/ utpal rnams bri bar bya'o/ /de'i phyi rol gyi rtsibs bcu drug pa gcig la ni/ rdo rje sems dpa' la sogs pa'i mtshan ma la? yig 'bru hUM dang dza la sogs pa dgod par bya'o/ /de'i phyi rol gyi grwa bzhir ni sgeg mo la sogs pa'i mtshan ma 'am/ yig 'bru dgod par bya'o/ /rta babs kyi khyams rnams su byams pa la sogs pa'i yig 'bru dgong par bya'o/ /de'i phyi rol gyi 'khor yig tu ni gang du gsungs pa ltar phyogs skyong ba dang gza' dang skar ma la sogs pa'i gzugs sam yig 'bru 'am/ thig le yang bri bar bya'o/ /rdo rje can dang lhan cig bzhag ces pa ni de'i 'khor du gnas pa la lhan cig gnas zhes bya'o/ /de yang skabs 'dir ni rgyud gzhan nas don gnyis su gsungs te/ phyogs skyed ba tsam 'khor du bzhag pa dang/ phyogs skyong ba dang gza' dang rgyu skar du bcas pa bzhag par bya ba ste/ 'phags pa rang rgyal ba dang/ drang srong la sogs pa ni byang chub
- 173b
bsgrub pa'i phyir ma gtogs so/ /bya dang bum pa gang ba dang/ gtor ma bum pa gang ba dang/ /de bzhin me tog dkar rnams dang/ /mdor na thig ni btab nas kyang/ /cho ga bzhin du bri bar bya/ /dkar po'i gos ni gyon nam ni/ /sangs rgyas gzugS can mi 'jigs pas/ /ngan song rgyud las gnas pa yi/ /sems can rjes su dran byed cing/ /sdig dang sgrib pa zhi ba'i phyir/ /dag pa'i rgyud las sbyin sreg ni/ /mar dang 'o ma sbrang rtsi dang/ /'bras yos yungs kar sreg pa dang/ /de yi sha dang dus la sogs/ /yang na ming nas smos la bya zhes gsungs pa ni mchod pa'i rdzas bsags pa gsungs pa ste/ de la dkyil 'khor gyi phyi rol du ni dang pa la sogs pa bya'i gzugs dang/ bum pa brgyad dam bcu drug la sogs pa gos kha dog dkar pos dkris la bzhag pa dang/ gtor? ma dang zhal zas kha dog dkar po brgya rtsa brgyad la sogs pa bzhag par bya'o/ /gzhan yang bdag gis las bya ba ni bdag nyid gos kha dog dkar pos bgo ba dang/ rgyan mu tig la sogs pa dkar pos? brgyan pa dang/ me tog dkar pos dkyil 'khor gyi steng du 'gram par bya ba dang/ gzar bu ni dngul lam tsan dan dkar po las byas ba'i gzang bu bzung ba dang/ bdag nyid bcom ldan 'das rdo rje sems dpa' i skur bskyed de/ des sbyin sres bya ba ni/ ngan song gi rgyud la gnas pa'i sems pa'i de'i sdig pa 'am/ mtho ris na gnas pa'i sems can de'i nad la sogs pa zhi bar bya ba'i phyir zhi ba'i lta stangs sna'i rtse mor bde bar gshegs pa'i gzugs su bltas la/ dbus? dzang? pa nas drangs la sems pa'i skyil mo krung du gnas pas/ mar dang 'bras yos dang/ til dkar po dang/ yungs kar dkar po dang/ ga bur la sogs pa dri dkar po dang/ d+he ba ru ba'i yam shing dang/ rtswa ku sha dang/ tsan dan dkar po phye ma dang
- 174a
zho dang 'o thug dang/ 'bras can la sogs pa'i sbyin sreg bya ba dang/ de la brten pa'i rdzas dus pa'am/ thal ba 'am/ sha 'am/ yang na de'i ming byang shi ri shi'i lo ma la bris pas zhi ba'i sngags dang sbyar zhing sbyin sreg bya ba nyid do// da ltar 'bum phrag gcig tu byas pa las sems can de'i sdig pa'i chogs nges par byad par 'gyur te/ sdig pa byad la las de'i tshe dang bsod nams dang longs spyod la sogs pa spel? ba'i phyir rgyas pa'i las bya ba ni/ de ni bde 'gro skyes nas kyang// mkhas pas rgyas pa bya dgos te/ /khrud do pa 'am khru bzhi ba/ /de ltar rab ni khru brgyad par/ /byas pas hom khung gru bzhi par/ /kun tu mu ran ldan par bya/ /de dbus pad+ma rin chen can/ /'od zer ser po ldan par bri/ /khor yug tu ni rin chen dang/ /mu ran rnams la chu skyes bri/ /phyi rol du ni rigs lnga dang/ /so so'i phyag rgya bri bar bya/ /de ltar phyi yi lha rnams dang/ /lcags kyu la sogs bri bar bya/ /gos rnams ser por bsgyur nas ni/ /mtho ris gnas su rjes su dran/ /de la phan zhing rgyas pa'i phyir rgyas pa yin las byas na/ /lus can de yi tshe dpal dang/ /gzi brjid bde ba'i long spyod 'phel zhes gsungs te/ de la rgyas pa'i thab khung ni tha ma khru ngo bar bya'o/ /'bring ni khru bzhi bar bya'o/ /rab ni khru brgyad par byas la/ dbyibs ni gru bzhi 'i?/ zur bzhi'am zung brgyad par byas te/ de'i steng du mu ran ni sor brgyad pa 'am/ bcu drug gam yang na sum cu rtsa gnyis pa'i tshang du byas la de'i dbus su pad+ma'i steng du rin po che 'bar ba 'od zer ser po dang ldan pa bri bar bya'o/ /mu ran gyi steng du rin po che pad+ma'i steng na 'dug par bri bar bya'o/ /de'i phyi rol du ni rim pa gsum du bkod la/ shar la sogs pa'i phyogs rnams su rnam par snang mdzad la sogs pa'i phyag rgya 'am/ snying po'i tshan dmar ser gyis bra bor bya'o/ /de bzhin du spyan la
- 174b
sogs ma'i? phyag rgya dang/ de'i phyi rol du ni rdo rje sems dpa' la sogs pa sems dpa' bcu drug gi phyag rgya dang/ sgo skong la thug gi bar du bri bar bya'o/ /de'i phyi rol tu ni phyogs skyong rnams kyi phyag rgya bri bar byas la rang nyid gos kha dog ser po byon? te/ bcom ldan 'das rin chen 'byung ldan gyi skur bskyed la/ mig 'dun drang por blta? zhing?/ dbugs 'du 'drang? par drong zhing gser ram skyer pa las byas pa'i gzar bu gru bzhi pa thogs te/ bde 'gro'i 'jig rten na gnas pa/ de'i bsod nams rgyas par bya ba'i phyir sbyin sreg bya ba ste/ rin po che'i skyil mo krung du gnas la/ yungs kar gyi mar khu dang/ me tog ser po dang/ gur gum dang/ sman 'gi? wang dang/ 'bras bur bcas pa'i shing dang/ yungs kar dang/ spos ser po dang/ 'bras yos dang ma du la dang/ sha ri sha'i shing la sogs pa'i rdzes rnams la yang gur gum 'am/ dri ser pos bsgos te/ lan 'bum du bya ba nyid de/ des ni mtho ris na gnas pa de'i tshe dang bsod nams dang/ long spyod la sogs pa rgyas shing 'phel ba nyid du 'gyur ba kho na'o/ /de'i rjes la sems can de'i dbang du lha dang mi la sogs pa thams cad bsdu ba'i phyir dbang gi sbyin sreg bya ba ni/ de nas phan phyir nges par yang/ /dbang du bya ba'i las bya ste/ /hom? khung gzhu yi dbyibs 'dra ba/ /khru gang pa 'am khru ro pa/ /khru bzhir byas la de dbus su/ /pad+ma dmar po bri bar bya/ /de'i dbus su mngar bcas pa'i/ /gzhu yang de bzhin bri bar bya/ /'khor yug du ni mngar bcas pa'i/ /gzhu ni kha dog dmar po dri/ /sngags rdzogs pa na rtag par yang/ /phyi rol de dang 'dra bar bya/ /sems can de yang dran byas te/ /dmar por gyur pa'i gos gyon la/ /me tog dmar ram pad+ma 'am/ /'bras bu dmar ram mchon bskus pas/ /mar dang gur gum bsres pa 'am/ /tsan dan dmar po'i phye ma yis/ /sbyin sreg byas na
- 175a
lha la sogs //thams cad de'i dbang du 'gyur zhes gsungs te/ de la dbang gi thab khung tha ma ni khru gang ngo/ /'bring ni khru do pa'o/ /rab ni bzhi pa yin te/ de'i dbyibs ni gzhu lta bu 'am/ zla ba ches pa lta bur bya ba'o/ / de'i dbus su pad+ma dmar po 'dab ma bcu drug par bri bar bya'o/ /de'i phyi rol tu uTpal dmar po'i 'dab ma'i gzhu dang ldan pa bkang ba dang bcas pa bri bar bya'o/ /de'i mu ran la mda' dang gzhu ru ldan pa la bkang ba dang bcas par bri bar bya'o/ /de'i mu ran gyi steng du ni 'od zer kha dog mang po kun nas 'bar ba bri bar bya'o/ /de'i phyi rol 'khor yug rnams su ni pad+ma dmar po'i steng du bde bar gshegs pa rigs lnga'i phyag rgya dang/ lha mo rnams kyi phyag rgya bri bar bya'o/ /de'i phyi rol tu ni sems dpa' rnams dang/ mchod pa'i lha mo rnams kyi phyag rgya dri bar bya'o/ /de'i phyi rol tu ni sgo skyong ba rnams dang/ phyogs skyong ba rnams kyi phyag rgy bri bar bya'o/ /de nas bdag nyid gos kha dog dmar po gyon la/ pad+ma'i skyil mo krung du 'dug mig g.yon du blta zhing dbugs g.yon nas drangs te/ zangs sam tsan dan dmar po'i gzang bu zla kham thogs te/ rgyan dmar pos brgyan pa/ mtho ris na gnas pa'i sems can de'i dbang du sems can thams cad bya ba'i phyir/ bcom ldan 'das 'od dpag med kyi ting nge 'dzin la snyoms par zhugs te/ dbang gi sngags mthar btags pas bsregs par bya ba ni me tog dmar po 'am/ pad+ma'am/ 'bras bu dmar po 'am/ tshon dmar po bskus pa'i 'bras chan dang/ 'bras yos dang/ mdu? dang mar dang/ ? ? dang/ tsan dan dmar po'i phye ma dang/ til mar dang/ yungs kar dmar po'i phye ma dang/ ka ra bi ra? dmar po'i yam shing dang/ til dang/ e ran da'i sa bon la sogs pa'i rdzas rnams la lan grangs 'bum du bsreg par pa'o/ /de
- 175b
ltar byas par gyur pa las ni sems can de'i dbang du lha dang mi la sogs pa thams cad de'i dbang du gyur par nges pa nyid do/ /de nas de la gnod par gyur pa'i bgegs dang bdud la sogs pa'i tshogs gzhom pa'i phyir mngon spyod kyi sbyin sreg bya ba ni de la gnod rnams gzhom bya'i phyir/ /mngon spyod kyi ni las bya ste/ /phyed dang gsum las khru gsum 'am/ /de ltar rab ni khru dgur bya/ /grwa gsum dang ni ldan pa la/ /dbus su rdo rje rtse dgu pa/ /kha dog nag po 'bar ba bri/ /mu phran gyi na ning dag tu/ /rtse gsum pa dang rgya graM pa'i/ rdo rje rnams ni bskor bar bya/ /de yi phyi rol mu khyud ni/ /dbyug pa rdo rje rtse gsum dang/ /dgra sta dang ni ral gris bskor/ /phyi rol du ni rim gsum dang/ /snga ma bzhin du brgyan par bya/ /bya dang gtor ma'i bum pa dang/ /bshes cha rnam pa mang du bzhag sha dang khrag gis bkar ba yi/ /mgo bo'i thod pa kun tu bzhag /lus can de yi sdig sogs pa/ /bgegs rnams gzhom par bya ba'i phyir/ /gos nag dgos shing khros nas kyang/ /'jig rten gsum rgyal bdag nyid can/ /ting nge 'dzin du snyoms zhugs nas/ /de nas sdig bcom lus de ni/ /bgegs dang bral te ci bde bar/ /mtho ris 'jig rten mi yi nang/ /khams gsum po na ci dgar spyod ces gsungs te/ de la mngon spyod kyi thab khud tha ma ni khru phyed dang gsum pa'o/ /mar ma ni khru gsum pa'o/ /rab? ni khru dgu par bya ste/ dbyibs ni gru gsum du bya'o/ /de'i dbus su rdo rje rtse mo dgu pa kha dog nag po 'od zer nag po dang ldan pa bri bar bya'o/ /de'i grwa gsum du ni mtshon rtse gsum pa 'bar ba gsum nang du kha bltas pa bri bar bya'o/ /de'i mu phran du ni rdo rje rtse gsum pa dang/ rdo rje rgya gram gyi phreng bas bskor ba bri bar bya'o/ /de'i steng du ni dbyug pa dang dgra sta'i phreng bas bskor ba bri bar bya'o/ /ral gri dang rdo rje ni mtshon rtse gsum pa'i bar du bri bar bya'o/ /mu phran gyi steng du dbyug pa la sogs pa'i phyi rol tu phyin pa ni ma? 'od
- 176a
'bar ba dmar nag du 'dug pa bri bar bya'o/ /de nas mchod pa'i tshogs ni bde bar gshegs pa rnams la mchod pa'i phyir/ bya dang bum pa dang/ bshos la sogs pa 'jig rten pa'i 'byor pa thams cad bzhag par bya'o/ /mu bran gyi phyi rol rim pa gsum pa la ni gong du gsungs pa'i bde bar gshegs pa'i tshogs dang/ lha mo'i tshogs dang/ byang chub sems dpa' i tshogs dang/ phyogs skyong la sogs pa'i phyag rgya thams cad rim pa ji lta ba bzhin du bri bar bya'o/ /de nas gtor ma'i tshogs dang/ me tog nag po 'am sngon po'i phreng bas brgyan par bya'o/ /de nas bdag nyid rdo rje rtse gcig pa 'am/ ral gri'i skyil mo krung bcas la gos nag po gyon te/ mi rus kyi rgyan gyis brgyan nas bcom ldan 'das khams gsum rnam par rgyal pa'i ting nge 'dzin la snyoms par zhugs la/ mig bgrad pas bgegs la bltas te/ dbugs drag por dbyung ba dang/ rdub pa bgegs la byas la lcags sam mi rus kyi gzar bu zur gsum pa khru gang ba thogs te bsreg par bya ba ni sha dang khrag dang/ lcags phye dang rus bye dang/ seng ldeng gi phye ma dang/ dug dang ske tshe dang yungs kar gyi rgyal po dang/ dri chen dang/ dri chu dang/ me tog sngon po dang/ mi'i mar khu'i bdug pa dang/ shing tsher ma can la sogs pa'i yam shing gis? lan? grangs stong ngam?/ 'bum phrag gcig gi bar du bsreg par bya ba nyid do/ /de bzhin du drag po'i las kyi sngags mthar btags pa grangs ji lta ba bzhin du byas pa las ni mtho ris na gnas pa'i gang zag de bgegs dang gnod pa'i tshogs dang skal? nas bde 'gro'i gnas na bde ba dang ldan par spyod pa nyid do/ /go rim 'di dag gis ni de'i gnas la bya ba ste/ de nas gang gi phyir bya ba/ /de yi phyir yang de bzhin 'gyur/ /gzhan dag kyang ni las rnams ni/ /snga ma de bzhin de ltar bya//
- 176b
de ma ni sems can rnams la yang/ myur du bde skyid 'grub par 'gyur zhes gsungs pa ni phrin las rnam pa bzhi'i las spyir khyab bar gsungs te/ de la go rim 'di dag nyid kyis ni zhes pa ni gong du gsungs pa'i thab khung dang/ mchod rdzas dang phyag rgya la sogs pa'i rim pa ste/ de dag gis tshe 'das pa'i don du yang bya la/ gang gzhan dag tu 'tshe ba dang ldan pa'i phyir yang de bzhin du las kyi rim pa rnams bya bar gsungs so/ /de la sogs pa'i las dang ting nge 'dzin la sogs pa thams cad snga ma bzhin du sems can gang dang gang gi don du byas pa las/ sems can thams cad bde skyid phun sum tshogs pa dang ldan par 'gyur pa nyid do/ /gzhan yang de dag gis rnam par dbye ba ni sangs rgyas rol pa'i rgyud las/ phyogs dang ting 'dzin kha dog dang/ /grangs dang phreng ba bzlas pa yi/ /rim pa las rnams 'grub 'gyur te/ gzhan du 'khrugs pas bdag brlag 'gyur zhes gsungs pa ni zhi ba'i las kyi skabs su mchod rdzas dang yo byad thams cad dkar por byes la/ kha shar phyogs su bltas la brgya rtsa brgyad pa'i phreng baS mdzub me? la bzlas shing zhi ba'i sems kyis bya'o/ /rgyas pa ni yo byad thams cad ser por byas la kha shar phyogs su bltas te/ brgya rtsa brgyad pa'i phreng ba gung mo la bzlas shing dga' ba chen po'i sems kyis rgyas par bya'o/ /dbang la ni yo byad thams cad dmar por byas la/ nub phyogs su kha bltas te nyi shu pa'i grangs kyis phreng ba srin lag la bzlas shing chags pa chen po'i sems kyis dbang du bya'o/ /mngon spyod la ni yo byad rnams nag por byas la lho phyogs su kha bltas te drug cu pa'i phreng ba mthe'u chung la bzlas shing zhe sdang chen po'i sems kyis mngon spyod bya'o/ /phreng ba'i rnam par dbye ba ni zhi ba la ni shel lam dngul gyi ri lu la sogs pas bya'o/ /rgyas pa la ni ser raM gur gum gyi ri lu la sogs pas bya'o/ dbang la tsan dan dmar po'i 'bras bu 'am/ pad+ma'i sa bon
- 177a
gyi ri lu la sogs pas bya'o/ /mngon spyod la ni mi rus kyi phreng ba nag po 'am/ ka ran tsa'i phreng ba 'am/ dug gi ri lu la sogs pas bya'o/ /dus tshod kyi dbye ba ni 'og nas ston par 'gyur la/ 'dir yang rgyud gzhan nas ni zhib la ni snga dro dang po shes so/ /rgyas pa la ni bza' ba longs spyod pa'i thun tshod gnyis pa la shes so/ /dbang la ni thun tshod gsum pa nas nub kyi bar du shes so/ /mngon spyod la ni srod khor nas nam phyed kyi bar du shis par gsungs so/ /de bas na de ltar yan lag thams cad yongs su mthun zhing tshang bas las rnam par 'grub par 'gyur gyi gzhan du ni rang nyid dam tshig nyams pa dang/ rang gi 'tsho ba dang 'bral bar 'gyur/ dper na nad pa gang zhig la nad 'tsho bar byed pa'i sman dag gtong na sman rnams kyi thun dang/ drod tshad dang sna grangs 'jom pa las nad zhi bar 'gyur gyi/ phan tshun du sna grangs ma 'dzom pa dang/ thun che chung gyur pa las ni nad pa de'i 'tshe ba dang 'bral bar 'gyur ba dang/ nad slar thub pa la sogs par 'gyur ba bzhin no/ /de'i phyir rnal 'byor pa rnams kyis bde bar gshegs pas ji srid gsungs pa bzhin du gsang sngags kyi sbyor ba yongs su rdzogs pa las thams cad bya ba nyid do/ /de yan chad kyis ni dkyil 'khor chen po rnams kyi yan lag phrin las bzhi'i? sbyin sreg bshad nas/ da ni tshangs pa la sogs pa lha'i bu rnams yid tshim par gyur te/ dga' ba chen pos bcom ldan 'das phyag na rdo rje'i spyan sngar dam pa'i chos dang de'i spyod pa'i gang zag rnams la rim gro dang bsnyen bkur bya bar dam bca' te/ de nas tshangs pa la sogs pa'i lha rnams yid mgu nas/ bcom ldan 'das la phyag btsal nas 'di skad ces gsol to/ /bcom ldan 'das ngan song du skyes pa'i sems can rnams kyi don dang/ sems can thams cad la phan pa
- 177b
dang/ bde ba'i slad du brtag pa'i rgyal po chen po 'di 'dri ba dang/ 'di 'dir 'jug pa dang /'chad pa dang /gzhan la rgya chen po ston pa dang 'di rnal 'byor du byed pa dang/ rig pa chen po zlos pa dang nyan pa dang/ mchod pa dang/ bsnyen bkur byed pa rnams kyis rigs kyi bu dang rigs kyi bu mo de dag ni/ bdag tshangs pa la sogs pa dang/ lha dang bcas pa'i 'khor rnams kyi bu bzhin du yongs su bskyang bar bgyi/ /gang rgyal po'am rgyal po'i bu 'am/ rgyal po'i blon po la sogs pa ji ltar gsungs pa'i rjes su slob na de'i rgyal srid 'phel bar bgyi/ yul phyogs dang rang gi skye bo dang bran la sogs pa bsrung bar bgyi'o/ /nor dang 'bru rnams mang du 'byor bar bgyi skyes pa dang/ bud med dang/ khye'u dang/ bu mo rnams dang ldan par bgyi'o/ /'byor pa rgyas pa dang/ lo legs pa dang/ zhi ba rnams su bgyid na/ ji ltar bshad pa'i bsgrub pa la mngon par zhugs pa rnams lta smos kyang ci 'tshal gang gis brtag pa'i rgyal po 'di dad pas rgyal mtshan gyi rtse mo la brtags te/ grong dang grong khyer du btsugs la/ bdag nyid kyi bsu ba dang/ glang po che'i steng du bzhag la/ grong dang grong khyer la sogs pa thams cad bskor na/ nad dang gnod pa thams cad ma mchis par 'gyur la/ sems can chen po de'i drung du bdag cag bran gyi tshul lam bu'i tshul du gnas par bgyi'o/ /gang du brtag pa'i rgyal po 'di rab tu spyod pa ni bcom ldan 'das phyag na rdo rje nyid long spyod rdzogs pa'i sku 'am rdo rje sems dpa' i skur bzhugs par 'tshal bar bgyi ba dang/ bcom ldan 'das rdo rje sems dpa' kun tu bzang po re ba thams cad yongs su skor ba de nyid brtag pa'i rgyal po'i gzugs su bzhugs par 'tshal bar bgyi'o/ /de bzhin gshegs pa thams cad 'khor dang bcas te bzhugs par 'tshal bar bgyi'o/ /sa phyogs de mchod rten du 'tshal bar bgyi'o/ /mchod
- 178a
par bgyi ste phyag 'tshal bar bgyi'o/ /kun tu bsrung bar bgyi'o/ /bdag cag tshangs pa la sogs pa'i lha rnams kyi brtag pa'i rgyal po 'di kun la rgyas par 'chad pa'i rdo rje slob dpon dka' thub chen po de'i g.yog bgyi/ bran gyi tshul du gnas par bgyi'o/ /bka' nyan pa'i tshul du gnas par bgyi'o/ /bsgo ba thams cad mnyam par bgyi'o/ /phan pa dang bde ba thams cad bgyi'o/ /dngos grub thams cad stsal bar bgyi ste/ bcom ldan 'das mdor na de'i rkang ba'i rdul la bdag gi sbyi bos blang bar bgyi'o/ /bcom ldan 'das la phyag btsal bar bgyi'o/ /bcom ldan 'das mchod par bgyi'o/ /bdag cag de'i phyi bzhin 'brad bar bgyi'o/ /bcom ldan 'das kyi dkyil 'khor du zhugS te /dbang bskur ba gang lags pa de dag thams cad kyang bdag cag gi dpon po lags par 'tshal bar bgyi'o/ /bcom ldan 'das phyag na rdo rje legs par 'chal bar bgyi'o/ /rdo rje sems dpa' legs par 'tshal bar bgyi'o/ /bde ba chen po kun tu bzang po legs par 'tshal bar bgyi'o/ /de bzhin gshegs pa thams cad legs par 'tshal bar bgyi'o/ /zhes pa la sogs pa gsol ba ni/ dam pa'i chos la bsnyen bkur ba dang/ rim gro yongs su mchod par dam bcas pa yin par shes par bya ste/ de dag ni dgongs pa ma yin zhing nges pa nyid du ji skad gsol ba bzhin du byed pa kho na'o/ /de la bcom ldan 'das phyag na rdo rje nyid long spyod pa'i sku 'am/ rdo rje sems dpa' i skur bzhugs par bgyi ste// bcom ldan 'das kun tu bzang po rdo rje sems dpa' i re ba thams cad yongs su skor ba de nyid brtag pa'i rgyal po'i gzugs su 'tshal bar bgyi'o/ /zhes pa ni 'bras bu'i bdag nyid rgyu las yongs su chad par 'dod pas rim gror byed pa ste/ de la bcom ldan 'das
- 178b
phyag na rdo rje ni longs spyod rdzogs pa'i sku'o/ /rdo rje sems dpa' ni 'gro don rdo rje sems dpa' zhes bya ste/ sprul pa'i sku'o/ /kun tu bzang po rdo rje sems dpa' i chos kyi sku ste/ de ltar brtag pa'i rgyal po'i sku gsum yongs su 'grub par byed pa'i phyir tshangs pa la sogs pa rnams kyi sku gsum gyi rang bzhin du bltas nas rim gror bgyi'o zhes gsol bar shes par bya'o/ /de bzhin gshegs pa thams cad zhes pa dang/ mchod rten du 'tshal bar bgyi'o zhes pa brtag pa'i rgyal po 'di nyid la dus gsum gyi de bzhin gshegs pa 'khor dang bcas pa thams cad bzhugs pa'i phyir de bzhin gshegs pa thams cad du zhugs par 'tshal bar bgyi'o zhes pa dang/ mchod rten ni de bzhin gshegs pa'i gdung dang ldan pa yin mchod rten yin la/ brtag pa'i rgyal po 'di yang de bzhin gshegs pa'i gdung nyid yin pa'i phyir 'di gang na bzhugs pa nyid gdung dang ldan pas mchod rten du 'tshal bar bgyi'o zhes pa'o/ /de ltar gong du bstan pa'i bcom ldan 'das phyag na rdo rje lags par 'tshal par bgyi'o zhes pa la sogs pa'ang sku gsum gyis ngo bor shes par bya ste/ lhag ma ni de bzhin du byed par 'gyur zhing go sla ba'i phyir ma bshad do/ /de nas bcom ldan 'das phyag na rdo rjes tshangs pa la sogs pa'i lha rnams la 'di skad ces bka' stsal to/ /tshangs pa la sogs pa rnams chos la rim gro bya ba dang/ de ltar dam bcas par 'gyur ba gang yin pa de ni legs legs so/ /legs kyis ji skad du smras pa bzhin du brtag pa'i rgyal po 'di la mngon par sbyor pa'i sems can chen po de la bsrung ba dang/ bskyab pa la sogs pa gyis shig dang/ de ni de bzhin gshegs pa thams cad la bsnyen bkur byas pa nyid du 'gyur ba'o/ /zhes gsungs pa ni 'di ltar tshangs pa dang/ brgya byin la sogs
- 179a
pa'i 'khor thams cad la brtag pa'i rgyal po 'di la mngon par sbyor pa'i rigs kyi bu rnams la rim gror byed pa la bcom ldan 'das kyis nan tan cher gdams te/ de la legs pa'i tshig gsum po ni rjes yi rang ba'o/ /ji skad du smras pa bzhin du'o zhes pa nas bskyab pa la sogs pa gyis shig dang zhes pa'i bar ni cher gdams pa'o/ /des ni de bzhin gshegs pa thams cad la bsnyen bkur byas par 'gyur ro zhes pa ni tshangs pa la sogs pa'i rim gro dang bsnyen bkur byed pa la spro ba yang dag par bskyed pa de/ de la brtag pa'i rgyal po la mngon par sbyor ba'i sems can des ni/ sems can rnams rnam par grol ba'i lam la gnas par byed cing/ de nyid de bzhin gshegs pa thams cad kyi 'phrin las mdzad pa yin pa'i phyir/ de bzhin gshegs pa thams cad kyang thugs kyis rjes su yid rang bar mdzad de/ de dag mngon par dgyes pa nyid las de bzhin gshegs pa la bsnyen bkur byas par 'gyur ba ni des pa nyid du shes par bya ste/ de'i phyir de bzhin gshegs pa thams cad la bsnyen bkur byas par 'gyur ba nyid do zhes gsungs pa kho nar shes par bya'o/ /de nas bcom ldan 'das phyag na rdo rjes sngags dang rig pa dang/ snying po thams cad bstan par bya ba'i phyir nyid kyi snying po 'di bshad do/ /oM b+h+ruM truM/ badzra pA Ni h+ri tiSh+Tha hUM/ oM A(rgyud 'grel): hUM/ oM badzra hUM/ oM h+ri ta badzra hUM traM hUM/ oM badzra hUM traM sa oM badzra hUM a/ zhes pa la sogs pa ni bcom ldan 'das phyag na rdo rje nyid kyi snying po rnam pa gsum te de la sngags dang rig pa dang/ snying po thams cad bstan par bya ba'i phyir zhes pa ni 'di ltar gong du gsungs pa dang/ 'og nas gsung par 'gyur ba'i dkyil 'khor thams cad du ni phyag rgya chen po'i rnal 'byor ma gsungs la/ de thams cad la ni
- 179b
phyag rgya chen po'i rnal 'byor ni gsang sngags dang rig sngags dang/ gzungs sngags thams cad bskyed par byed pa'i ma dang 'dra ba yin pa'i phyir brten par bya ba zhes bya'o/ /sngags ni rtsa ba dang nye ba'i snying po la sogs pa'o/ /rig pa ni lha'i tshogs rnams so snying po ni bde ba chen po'i ye shes te/ de dag yongs su bskyed cing don thams cad 'grub pa'i phyir bstan par bya zhes sbyor ro/ /ji ltar na bstan pa yin zhe na des pa nyid kyis bya ba bsgrub pa'i phyir bstan pa zhes bya'o/ /ji ltar na bya ba sgrub ce na phyag rgya chen po'i stobs kyis 'gro ba'i don byed nus pa las de dang bral ba las ni ma yin te/ de yang sangs rgyas thams cad pa'i rgyud chen po las bcom ldan 'das kyis/ phyag rgya chen po rnams bral bas gsang sngags bsgrub par 'dod pa dang/ 'gro don byed par 'dod pa ni/ /rten med mkha' yis bar snang la/ /rgyal mtshan 'dzugs par 'dod pa ste/ /des ni nam du yang ye shes ni/ /rnyed par mi 'gyur rab sdug bsngal/ /zhes gsungs pa'i phyir ro/ /sngags kyi don ni 'di ltar sku rnams bskyed pa'i sa bon te/ de la dang po yig 'bru gcig ni bcom ldan 'das tshe dpag med kyi sa bon no/ /gnyis pa ni go cha bsrung bar bya'o/ /sngags gnyis pa ni bcom ldan 'das phyag na rdo rje'i snying pos dkyil 'khor rnams byin gyis brlabs pa'o/ /de'i mdza' i yig 'bru ni bcom ldan 'das kun tu bzang po'i snying po'o/ /gsum pa ni bcom ldan 'das phyag na rdo rje'i'o/ /bzhi pa ni khro bo khams gsum rnam par rgyal ba'o/ /lnga pa ni rin chen 'byung ldan gyi'o/ /drug pa ni 'od dpag med kyi'o/ /bdun pa rnams ni don yod grub pa'i snying po rnams te/ sku bskyed pa'i sa bon yang de dag nyid du shes par bya'o/ /de nas de dag dkyil 'khor bshad de/ dkyil 'khor snga ma bzhin bris la/ /'bras bu rdo rje bri bar bya/ /yang na rdo rje sems dpa' 'am/ /kun tu bzang po bde chen
- 180a
bris/ /spyan sngar phyag na rdo rje la/ /g.yas phyogs su ni rin chen bsnams/ /nub phyogs 'od dpag med pa ste/ /byang phyogs su ni rgya gram bsnams/ /phyi rol du ni kun bskor bas/ /sangs rgyas thams cad bsdus pa'i gzugs// sku bzhi bo ni bzhag par bya/ /de yi phyi rol sems dpa' rnams/ /go rim bzhin du bri bar bya/ /sgo sgor sgo ba de bzhin te/ /de yi phyi rol byams pa sogs/ /bskal pa bzang po'i sems dpa' bri/ /de lar dge slong kun dga' sogs/ /thub rnams de yi phyi rol bri/ /rang gi chung ma bus bskor ba'i/ /tshangs pa la sogs phyi rol gri/ /de bzhin rgyal po bzhi rnams dang/ /'jig rten skyong ba rnams dang ni/ /? snod rgyal po rgyas la sogs/ /rig pa 'dzin pa bri bar bya/ /de yi phyi rol gza' dang ni/ /skar ma la sogs lha rnams bri/ /de yi phyi rol dmyal ba dang/ /yi dags byol song mi rnams dang/ /de bzhin lha dang lha min sogs/ /'gro ba drug po bris nas ni/ /dri rnams lnga yi chus bkang ba'i/ /gser gyi bum pa 'od can dang/ /gtor ma dang ni zhal zas dang/ /me tog bdug pa rab mdzes dang/ /gdugs dang rgyal mtshan 'phan rnams dang/ /bla re dang ni rnga yab mchog /dril bu rdo rje nor bu dang/ /do shal nyi zla la sogs brgyan/ /'jig rten pa yi mchog gyur pa/ /'dod pa'i yon tan lngar ldan pas/ /dkyil 'khor mchog ni brgyan par bya/ /zhes gsungs pa ni dkyil 'khor dang mchod pa'i yo byad bsags par gsungs te/ de la dkyil 'khor snga ma bzhin bris la zhes pa ni gong du thog mar gsungs bI(rgyud 'grel): ba'i dkyil 'khor chen po la bsnyags pa ste/ rtsa ba'i dkyil 'khor ji lta ba bzhin du 'khor lo rim pa gsum pa la rtsibs nyis 'gyur du byas pa dang/ srid pa'i 'khor lo cha drug pa bri bar bya'o/ /dbus su rdo rje bri ba 'am/ /yang na rdo rje sems dpa' 'am/ /kun tu bzang po bde chen bri zhes gsungs pa ni 'di ltar bcom ldan 'das phyag na
- 180b
rdo rje'i dkyil 'khor du ni 'khor los sgyur ba'i gtso bo chos kyi sku'i rtags su bri bar bya ba ste/ de ci'i phyir zhe na/ snyam pa la/ bcom ldan 'das phyag na rdo rje nyid longs spyod rdzogs pa'i sku'i cha lugs su bzhugs pa'i phyir/ phyag na rdo rje dang gnyis 'dra ba'i snang pa'i phyir khyad par med do zhe na ma yin te/ 'dir gzugs kyi sku ru bzhugs par 'dra'ang/ phyag rgya'i dbye bas chos kyi mtshon pa yin pa'i phyir na rdo rje'i rdo rje sems dpa' 'am/ bde ba chen po kun tu bzang po zhes gsungs so/ /de la phyag rgya ji lta bus mtshon snyam pa la/ phyag rgya ni chos kyi dbyings kyi ye shes rnam par rtog pa thams cad dang bral zhing/ rang bzhin gyis 'od gsal ba'i phyir/ de'i dbus su phyogs cha dang bral ba'i rdo rje kha dog dkar pos mtshon pa dang/ yang chos kyi sku de thabs dang sheS rab gnyis su med pa las sku rnam pa gnyis kyi rten du gyur pa'i phyir/ dpal rdo rje dang sems dpa' rdo rje dang dril bur ldan pa zhi ba chen po'i skus mtshon pa dang/ yang chos kyi sku de chos kyi dbyings la gnyis su med pa'i ye shes kyis reg par byas shing/ bde ba chen po'i rnam bar rtog pa thams cad dang bral bar 'gyur ba'i phyir/ bcom ldan 'das kun tu bzang po thabs dang shes rab kyi phyag rgya bde ba chen po gnyis su med par mdzad pas mtshon pa'o/ /gzhan du sprul pa'i gzugs kyis 'khor dang ldan pa'i phyir longs spyod rdzogs pa'i gzugs kyis gtso bor bzhugs pa la ni 'gal ba med pa nyid do/ /de la dkyil 'khor ni rtsa ba'i dkyil 'khor dang 'dra ba'i phyir ma bshad de/ 'khor los sgyur ba bzhi ni bcom ldan 'das phyag na rdo rje dang/ rin chen 'byung ldan dang/ 'od dpag tu med pa dang/ don yod grub pa bzhi ste/ phyag rgya ni g.yon pa'i ting 'dzin du bzhag nas/ g.yas pa rnams na rdo rje dang/ rin po che dang/ pad+ma dang/ sna tshogs rdo rje rnams kyis mtshan pa'o/ /gdan ni 'dir yang seng+ge la sogs pa nyid do/ /grwa? rnams su ni rdo rje
- 181a
sems ma la sogs pa'i rigs kyi yum bzhi dang ldan pa'o/ /lhag ma ni gong du gsungs pa ji lta ba bzhin du yin zhing yang yang smra ba'i nyes par 'gyur ba'i phyir ma bshad do/ /dri rnams lnga yis bkang ba yi zhes pa nas/ dkyil 'khor mchog ni brgyan par bya zhes pa'i bar du ni mchod pa'i tshogs yang dag par brgyan pa gsungs pa ste/ de la dkyil 'khor chen po'i mdza' stegs phul? rim pa ji lta ba bzhin du me tog dang /dri dang/ bdug pa dang/ snang ba dang/ gza' ba dang/ bca' ba dang/ bldag pa dang/ myang ba dang/ btung ba'i bye brag sna tshogs pa dang/ gzhan yang gser ram dngul las rin po che'i bum pa dang/ gtor ma'i tshogs sna tshogs pa'ang bzhag par bya'o/ /de bzhin du me long dang/ ral gri dang/ 'khor lo dang/ rnga dang car te'u dang/ rdza rnga dang/ rda rked nyag dang/ dril bu dang/ rol mo'i rnam pa sna tshogs pa brdung bar bya ba dang/ gzhan yang bla re dang/ gdugs dang/ rnga yab dang/ rgyal mtshan dang/ ba dan dang/ rdo rje dang/ nor bu'i 'phyang 'phrul dang/ gser gyi nyi ma dang dngul shi? zla ba dang ldan pa'i mu tig gi do shal gyis yol ba'i nang du bre ba dang/ na bza' i rnam pa dar la sogs pa 'phyang ba dang/ me tog gi phreng ba la sogs pas dkyil 'khor dang mchod pa'i rdzas thams cad yongs su brgyan par bya'o/ /'dod pa'i yon tan ldar ldan pas dkyil 'khor mchog ni brgyan par bya zhes pa ni gong du gsungs pa'i rim pa thams cad la khyab par 'jug pa nyid du shes par bya ba nyid do/ /de nas sngags mkhan bdag nyid kyis/ /spyan drangs nas ni bzhugs nas kyang/ /bdag nyid kyis ni dbang bskur bya zhes pa ni slob ma dbang bskur ba'i phyir bdag nyid dkyil 'khor du 'jug pa gsungs te/ de la gong du gsungs pa'i rim pa rdo rje 'dzin ma'i phyag rgya bcas la/ gos dang rgyan sna tshogs kyis brgyan nas me tog gi phreng ba thogs te/ dkyil
- 181b
'khor du zhugs la dbang ji lta ba bzhin du mnos nas gnang ba legs par thob dang/ slob ma dbang bskur bar bya ba nyid do/ /sdom gnas dam tshig ldan pa la/ /bla mar mos shing dang par bcas/ /rigs skyes skyon dang bral ba dang/ /ser sna ma lus spangs gyur cing/ /yon tan mang por ldan gyur dang/ /stong dang tshul khrims mang du thos/ /byams pa dang ni snying rjer ldan/ /dga' dang btang snyoms gnas pa dang/ /stong pa mtshan ma med pa'i sems/ /smon pa med par yid ldan zhing/ /slob ma dam pa sngags 'di yis/ /byang chub bya? ni sems bskyed la/ /sngags mkhan gyis ni gzung bar bya zhes pa la sogs pa gsungs pa ni slob ma'i snod brtag pa gsungs pa ste/ de la thos pa chung ba ni dam pa'i chos go bar ma gyur pa las bla ma la gus par mi 'gyur ba dang/ ser sna dang bcas pa ni bsod nams kyi tshogs bsag par mi 'gyur ba dang/ so sor thar pa la sogs pa'i sdom pa dang bral ba dang/ gsang sngags kyi dam tshig nyams pa la ni gsang sngags kyi dngos grub 'grub par mi 'gyur ba dang/ bla ma la ma gus pa dang/ dad pa dang mi ldan pa las ni dam tshig nyams par 'gyur ba'i phyir dang/ yon tan mang po dang ldan pa ni/ /lus kyi spyod pa kun nas bsdams pa dang/ ngag 'jams pa dang/ shes rab che ba dang/ bzo la sogs pa'i rnam pa mang po shes pa dang ldan pa ste/ de dag dang mi ldan pas ni dkyil 'khor dam pa bzhengs par mi nus shing shes par mi 'gyur ba dang/ gtong ba mi ldan pa las ni sems can rnams la phan par mi 'gyur ba dang/ tshul khrims dang mi ldan pa las ni theg pa chen po'i snod du mi rung ba dang/ de bzhin du tshad med pa rnam pa bzhi dang mi ldan pa las ni gsang sngags kyi rnal 'byor par mi 'gyur ba dang/ rnam par thar pa'i sgo gsum dang mi ldan pas ni/ rnam par rtog pa dang bcas pa las lha'i dngos grub du mi 'gyur ba'i phyir na/ sdom gnas dam tshig
- 182a
ldan pa la zhes pa la sogs pa'i tshigs su bcad pa rnams kyis slob ma'i snod brtag bar gsungs pa ste/ de'i phyir rnal 'byor pa rnams kyis kyang rnyed pa dang bskur sti la mi lta bar sems can thams cad kyi don du bla na med pa'i sems kyis slob ma'i snod btags te/ dbang la sogs pa bskur bar bya ste/ gzhan du na dam tshig nyams par 'gyur ba'i phyir mi bya ba kho na'o/ /de la gong du rigs skyes gsungs pas ni theg pa chen po'i rigs can du go bar bya ste/ 'jig rten pa'i rigs las dgongs nas ni sems can thams cad la phan par mi 'gyur ba'i phyir/ de ma yin pa nyid du shes par bya'o/ /slob ma dam pa ni rab tu gyur pa ste/ gang zag rnam pa bzhi las rin po che lta bu zhes bya ba'i gang zag go /de ltar gong du gsungs pa'i yon tan gyi tshogs mang po dang ldan pa'i slob ma ni gong du smol pa'i rig pa ji lta ba bzhin du sdig pa bshags pa dang/ gsum la skyabs su 'gro ba dang/ byang chub tu sems bskyed pa dang/ rdo rje theg pa la khas yang dag par 'tshes par bya ba dang/ sdom pa bzung ba la sogs pa byed du bcug /me tog rin po che thogs te/ dkyil 'khor du dbang bskur ba'i phyir zhugs par bya ba nyid do/ /oM badzra hUM dza/ badzras ma ya gra be sha hUM/ oM badzra pa Ni pra tIts+tsha badzra satwa mahA su kha hUM/ ha ha ho ho sa ma ya stwaM/ me tog gi phreng ba dor nas/ gang la bab pa'i sngags dang phyag rgyas mgo la bcing bar bya'o zhes gsungs pa ni dkyil 'khor du zhugs pa'i cho ga ste/ de la dang por bsnyen ba byas pa'i bum pa nas chu blangs nas khams gsum rnam par rgyal ba'i sngags kyis bgegs bskad par bya'o/ /de nas rdo rje thal mo nas bzung ste/ sngags dang pos gzhug par bya'o/ /de na sngags gnyis pas me tog la sogs pa'i phreng ba dor te/ rigs kyi rjes su mtshon pa las de'i phyag rgya dang sngags kyi me tog gi phreng ba mgo la bcings
- 182b
par bya ba nyid do/ /de nas dam tshig sbyin par bya ste/ oM rigs kyi bu khyod kyis dkyil 'khor 'di ma mthong ba'i mdun du smra bar mi bya'o/ /gal te khyod kyis su dag la smras par gyur na ni bcom ldan 'das phyag na rdo rje 'bar ba rab tu 'bar bas khyod kyis mgo 'gas par 'gyur ro/ /oM badzra sa ma ya hUM phaT(rgyud 'grel): tri ra hUM a/ 'dis dam tshig gi chu blud la gdod g.yogs dgrol bar bya'o/ /oM badzra tsak+Shu dri sh+ya ho/ ag dz+nyA na pa ta lo mok+Sha yo mi hUM/ de nas bcom ldan 'das phyag na rdo rje dang/ sangs rgyas thams cad bstan par bya zhing/ bcom ldan 'das kyi spyan sngar dbang bskur bar bya'o/ /zhes gsungs pa ni las kyi rim pa ji lta ba bzhin du gsungs pa ste/ de la dang por dam tshig gis mna' sgag pa'i phyir tsan dan la sogs pa'i dri chul/ a badzra a mri ta ta thA ga ta sa ma ya hUM/ zhes pa'i sngags brgya rtsa brgyad la sogs par bsngags la/ gong du gsungs pa'i tshig gi 'og tu de'i mdza' i sngags kyis chu blung par bya ba ni mna' bsgag par bya'o/ /de nas bdag nyid bcom ldan 'das phyag na rdo rjer bskyed pas de'i ma rig pa'i lang tog gsal bar bsams te/ oM rdo rje sems dpa' nyid kyang ni/ /de ring khyod kyi mig 'byed mdzad/ /rdo rje'i mig ni bla med pa'i/ /mig rnams thams cad dbye bar bya zhes pa'i tshigs su bcad pa dang/ 'og tu bshad pa'i sngags kyis gdong g.yogs dkrol bar bya'o/ /de nas brtan par byas pa bcom ldan 'das phyag na rdo rje dang/ dkyil 'khor gyi lha thams cad rim pa ji lta ba bzhin bstan par bya'o/ /de nas bcom ldan 'das phyag na rdo rje spyan sngar dbang bskur bar bya ba ni/ oM badzra sA ni sa yan te a nu rA ga to a b+hi Shiny+tsa hUM/ oM badzra badzra a b+hi Shiny+tsa sara badzra a b+hi She ka hUM/ oM bud+d+ha a b+hi Shiny+tsa sarba bud+d+ha a b+hi She ka oM hUM/ oM ratna a b+hi Shiny+tsa sarba ratna a b+hi Shiny+tsa hUM traM/ oM pad+ma a b+hi Shiny+tsa sarba pad+ma a b+hi She ka hUM
- 183a
oM karma a b+hi Shiny+tsa sarba karma a b+hi She ka a zhes gsungs te/ de la dang por bcom ldan 'das phyag na rdo rje nyid kyis slob ma'i spyi bor pad+ma dkar po'i steng du gnas par bya ba ni sngags dang por byin gyis brlab pa'o/ /de naS rim pa ji lta ba bzhin gong du smos pa ltar bde bar gshegs pa lnga'i 'khor los sgyur bar gnas ji lta ba bzhin du dbang bskur bar bya'o/ /de la 'dir ni sngags gnyis pa las rigs kyi mtshan lan gsum du smos pa ni bcom ldan 'das phyag na rdo rje dkyil 'khor du dbang bskur ba'i phyir dang/ de nyid rdo rje'i rigs kyi gtso bo yin pa'i phyir dang/ rdo rje'i rigs kyi 'khor los sgyur ba'i dbang bskur ba'i phyar rigs kyi mtshan lan gsum du smos pa'o/ /de bzhin du sngags gzhan rnams la'ang rigs kyi mtshan lan gnyis su smos pa rigs nye bar mtshon pa dang/ sangs rgyas dang byang chub sems dpa' thams cad bsdus pa'i phyir ma lus pa'i tshogs dang gnyis su smos pa'o/ /de la gang dag de bzhin gshegs pa thams cad bsdus pa ni gong du gsungs pa'i dkyil 'khor rnams su mi gsung la 'dir gsungs pa ci'i phyir snyam pa la/ de la gong du gsungs pa rnams ni las kyi dkyil 'khor zhes bya la 'di ni de dag thams cad bstan par byed pa'i phyir phyag rgya chen po'i dkyil 'khor zhes bya'o/ /de nas bdag gi lus la sogs pa yon phul la bka' mnod par bya'o/ /oM sarba ta thA ga tA any+tsa a b+hi She ka/ e kan+ta pA sa sya mi grih+na badzra pra si d+d+hA ye swAhA/ de nas las thams cad byed du gzhug cad dngos grub thams cad kyang spyin par bya'o/ /zhes gsungs pa ni/ 'di ltar bka' i dbang bskur bar bya bar gsungs pa ste /de la bdag nyid rang 'dod pa'i lha 'am/ bcom ldan 'das phyag na rdo rjer bskyed la/ thugs kyi sa bon las 'od zer spros pas dus
- 183b
gsum gyi de bzhin gshegs pa thams cad spyan drangs te/ bdag dang gnyis su med par gyur ba la/ lag tu rdo rje byin nas gong du bshad pa'i tshigs su bcad pa rnams bton te/ sngags de nyid kyis dbang bskur bya'o/ /de la sngags kyi don ni de bzhin gshegs pa thams cad kyi bka' ba cig tu gyur pa te/ bzung ba las rdo rje lta bur grub par gyur cig zhes ba'o/ /de las 'dir dbang gzhan rnams rdzogs par ma bstan pa ni gong du khyab par byung ba rdo rje'i skabs su gsungs pa las dgongs nas ma gsungs te/ 'dir yang gong du gsungs pa'i bum pa'i dbang dang/ phyag rgya dang phreng ba la sogs ba thams cad rdzogs par dbang bskur bar bya ba nyid do/ /de la gang dag de lta na ni bde bar gshegs pa'i dbang dang bka' i dbang yang gong du mtshon pa las shes par byas pas chog gi 'dir bstan pa la dgos pa med de/ /zhe na/ de ni ma yin te/ gang du dbang skabs su bab pa ni thams cad mtshon par bya ba'i phyir dkyil 'khor thams cad kyis dbang la dang por ni bde bar gshegs pa rnams kyis dbang gis mtshon pa ste/ dper na gang du 'bras bu gsum gyi smad gtong pa ni/ a ru ra thogs shig ces pa'i sgras sgyu ru ra la sogs pa'ang nyes pa'i skyon du 'gyur ba dang/ dang po tsam ma smos na'ang dbang ji ltar bskur ba mi ma gsungs pa'i phyir/ 'dir bstan par bya ba kho na ste/ mi 'gal ba nyid do/ /de'i phyir dbang thams cad rdzogs par ston pa'ang yang dang yang sbyor ba 'ang nyes pa'i skyon du 'gyur ba dang/ dang po tsam ma smos na'ang dbang ji ltar bskur ba mi shes pa'i phyir /dkyil 'khor thams cad rdzogs par mu gsungs shing dang po tsam smos par shes par bya'o/ /de nas las thams cad kyang byed du gzhug cing ? ngos grub thams cad kyang sbyin no zhes pa ni bka' rjes thags su las kyi dbang bskur bar bya ba
- 184a
dang/ dad ba dang ldan pa'i slob ma la dngos grub thams cad 'grub par 'gyur ba'i byin gyis brlab par bya'o nyid de/ tshigs su bcad pa bzhi po'i don bstan par bya'o/ /de yang chad ni dkyil 'khor gyi rim pa gsungs naS/ da ni dkyil 'khor gyi las thams cad kyis phyag rgya chen po yang dag par bstan pa'i phyir gsungs pa ni/ de nas bde ba bskyed nas kyang/ /dkyil 'khor bzhi po'i dbus su ni/ /kun tu bzang po bde ba cher/ /bde ba nyid kyis ni bsgom byas nas/ /snying gar hUM zhes bya bsams nas/ /rdo rje sems dpa' mnyam par 'gyur/ /dpal ldan las rnams kun byed cing/ /kun tu bzang po bdag nyid 'gyur/ /de ltar gyur pas the tshom med/ /hUM las sangs rgyas gzugs bsgyur la/ /snying gar 'khor lo rab bsgoms nas phyag na rdo rje 'dra bar 'gyur/ /khro bo stobs chen rnams bsgoms te/ /snying gi dbus su phaT ces pa/ /oM zhes bya bas bskor bsams nas/ /khro bo stobs chen bdag nyid 'gyur/ /rdo rje bstan par bdag bsgyur la/ /snying gar oM zhes bya ba yi/ /bskor ba'i traM zhes bya bsams nas/ /rin chen 'dzin pa 'dra bar 'gyur/ /rdo rje bsgoms nas snying gi ni/ /dbus su traM zhes bya ba la/ /oM zhes bya bas bskor bsams nas/ /phyag na padmo mnyam par 'gyur/ /'khor lo rgya gram hUM ldan par/ /a zhes bya bas bskyed nas kyang/ /oM zhes bya bas bskor bsams nas/ /rdo rje las dang mnyam par 'gyur zhes gsungs te/ de la 'di dag ni lha'i sku phyag rgya chen po bsgom pa'i rim pa yin la/ de nyid phyag rgya gcig pa'i tshul du bzhugs shing las thams cad ni phyag rgya bzhi pa/ phyag rgya chen pos byed par 'gyur ba ste/ de yang gang du phrin las bzhi yis bsdus pa'i las kyi sbyin sreg ni phyag rgya gcig pas rnal 'byor du bya ba dang/ mchod pa'i tshogs kyis skabs su ni phyag rgya bzhi pa'i rnal 'byor gyis byed ? kho
- 184b
na ste/ gzhan du rim pa dang mi ldan pa las ni chos kyi dngos grub du mi 'gyur ba nyid do/ /de la de nas bde ba bskyed nas kyang/ /dkyil 'khor bzhi yi dbus su ni/ /zhes pa ni 'dir ni den rnam pa gnyis la 'jug pa ste/ gong du mchod pa'i tshogs kyi skabs su ni sangs rgyas spyan la sogs pa'i rigs kyi yum bzhi'i dbus su bcom ldan 'das bde ba chen po kun tu bzang po'i sku bsgoms pa las/ nyid kyis nyid la mchod pa'i tshogs kyis rgyas par byed pa dang/ de bzhin du rdo rje rigs kyi mchod pa'i skabs su ni rdo rje sems dpa' la sogs sems dpa' bzhi'i dbus su bcom ldan 'das phyag na rdo rje la sogs pas bsgoms pas mchod par 'gyur ba dang/ rin chen rigs kyi mchod pa'i skabs su ni rdo rje rin chen la sogs pa sems dpa' bzhi'i dbus su/ bcom ldan 'das rin chen 'byung ldan la sogs par bsgoms pas mchod par bya ba dang/ pad+ma'i rigs kyi mchod pa'i skabs su ni rdo rje chos la sogs pa sems dpa' bzhi'i dbus su bcom ldan 'das 'od dpag med la sogs pa bsgoms pas mchod par bya ba dang/ las kyi rigs kyi mchod pa'i skabs su ni rdo rje las la sogs pa sems dpa' bzhi'i dbus su ni bcom ldan 'das don yod grub pa la sogs pa bsgoms pas mched pa bya ba'i phyir/ dkyil 'khor bzhi'i dbus su ni zhes gsungs pa'o/ /bde ba bskyed pa ni sdug bsngal dang bral pa'i rnal 'byor la bya ste/ tshigs su bcad pa bzhi pos bskyed par bya'o/ /de ci'i phyir snyam pa la/ dang por tshigs bcad pa bzhi po yis slob ma gang la byin gyis brlabs chen po bskyed pa dang/ yang dag par rdzogs pa'i sangs rgyas kyi rnal 'byor rnams 'grub par 'gyur gyi gzhan du ni nus pa dang mi ldan pa'i phyir/ sems can la phan pa'i stabs su mi 'gyur ro/ /de la gang dag 'di skad du phyag rgya bzhi pa nyid dkyil 'khor yin zhing de la
- 185a
'khor dang mi ldan pa'i phyir rdo rje rigs kyi 'khor los sgyur ba la sogs pa ni dkyil 'khor bzhi'i dbus su zhes bya ba mi rigs so zhe na/ ma yin te de dag thams cad la yang phyag rgya bzhi'i dkyil 'khor re re dang ldan pa ni/ yig 'bru drug cu rtsa bzhis 'og nas ston par 'gyur zhing/ de'i phyir dkyil 'khor bzhi po'i dbus su zhes bya ba kho na'o/ /mtshams gcod pa la sogs skabs su sam sgo skyong la sogs pa mchod pa'i skabs su ni 'jig rten snang byed la sogs pa khra bo bzhi'i dbus su khams gsum rnam par rgyal ba'i gzugs su sgom par bya ba nyid do/ /de nas phyogs gzhan du 'phrin las rnam pa bzhi'i sbyin sreg byed pa'i skabs su phyag rgya gcig pa'i gzugs su bsgom par bya ba ste/ dkyil 'khor bzhi po'i dbus su zhes pa ni bdag nyid rtsa ba'i dkyil 'khor chen po bzhengs gsol ba dang/ de'i yan lag tu gyur pa/ zhi ba dang/ rgyas pa dang/ dbang dang/ mngon spyod rnams kyi dkyil 'khor te/ de dag gi dbus su gong du bshad pa'i ting nge 'dzin /bcom ldan 'das phyag na rdo rje dang/ rin chen 'byung ldan dang/ 'od dpag med dang/ drag po'i skabs su ni phro bo khams gsum rnam par rgyal ba'i gzugs su rnam par bsgom pa las zhi ba la sogs pa'i las bya ba ste/ des ni bde bar bshegs pa de dag dang 'dra ba'i phyir las thams cad dang 'dra ba'i phyir las thams cad ma lus bar 'grub par 'gyur ba nyid do/ /de la kun tu bzang po bde ba cher/ /bdag nyid kyis ni bsgoms byas nas/ /snying gar hUM zhes bya bsams nas/ /rdo rje sems dpa' mnyam par 'gyur zhes pa ni 'di ltar sku'i ting nge 'dzin zhes bya ba ste/ de yang rnam pa gsum mo/ /gcig ni ltos pa med pa zhes bya ba'i ting nge 'dzin to/ /gcig ni rgyu las grub pa zhes bya ba'i ting 'dzin to/ /gcig ni 'bras bu gnas pa zhes bya ba'i
- 185b
ting nge 'dzin to/ /de la 'dir ni bcom ldan 'das rgyu las grub pa zhes bya ba'i ting nge 'dzin gyi dbang du mdzad nas go rim 'di dag gsungs pa ste/ de la dang por bdag nyid kyi snying gar a las zla ba'i dkyil 'khor bsams la/ de'i steng du daM pas nyi ma'o// de'i steng du hUM bsam mo/ /de ltar gyur pa las rdo rje rtse dgu pa gcig bsam par bya'o/ /da'i lte ba la yig 'bru dgu po oM dang bcas pa dkod la/ de gyur pa las bdag nyid bcom ldan 'das kun tu bzang po sku mdog dkar po rgyan thams cad kyis yongs su brgyan pa/ thabs dang shes rab gnyis su med pa'i phyag rgya mdzad pa'am/ bcom ldan 'das rdo rje sems dpa' sku mdog dkar po dang rdo rje dril bu rol par bsam ste/ de yis ni sbyin sreg dbang du byas nas ni las thams cad pa'i sbyin sreg gi skabs su bya'o/ /dbang gi skabs su ni bde bar gshegs pa'i rigs kyi dbang bskur ba 'am/ de'i bum pas dbang bskur ba'i dbus su bya'o/ /'od zer spro ba'i dbang du byas nas/ bde bar gshegs pa'i rigs la dgab par bya'o/ /de ltar byas pa las nges par bcom ldan 'das kun tu bzang po nyid dang/ khyad par med par 'gro pa'i don byed nus ni de bzhin gshegs pas rgyud gzhan duAng gsungs so/ /hUM las sangs rgyas gzugs bsgyur la/ /snying gar 'khor lo rab bsgoms na/ phyag na rdo rje 'dra bar 'gyur zhes pa ni/ 'di ltar rang gi snying gar a las zla ba'i dkyil 'khor bsams la/ de'i steng du raM las nyi ma bsams te/ de'i steng du hUM bsam mo/ /de dag gyur pa las sangs rgyas thams cad kyi sku dang gsung dang thugs kyi rdo rje 'khor lo lta bu rtse gsum pa gcig bslam? mo/ /yang dbang sum su yig 'bru gsum po bsams la de dag yongs su gyur ba las bdag nyid bcom ldan 'das phyag na rdo rje sku mdog dkar po bzhin 'dzum ba rgyan thams cad kyis brgyan pa/ phyag g.yas na rdo rje rtsi gsum pa 'dzin pa/
- 186a
g.yon skyabs sbyin gyi phyag rgya dang ldan pa bsgom par bya ste/ de ni sbyin sreg byed pa'i dbang du byas nas ni/ zhi ba'i sbyin sreg byed pa'i skabs su shes par bya ba dang/ dbang bskur ba'i dbang du byas nas ni/ rdo rje rigs kyi bde bar gshegs? pas dbang bskur ba dang/ rdo rje rigs kyi bum pas dbang bskur ba'i skabs su shes par bya'o/ /'od zer spros pa'i dbang du byas nas ni/ rdo rje rigs kyi sems can la dbab par bya'o/ /de ltar bsgom pa las ni bcom ldan 'das phyag na rdo rje dang gnyis su dbyer med par gyur pa las zhi ba'i las thams cad 'grub par 'gyur ba ni nges pa kho na'o/ /rdo rje khro bo rnam bsgoms te zhes pa la sogs pa ni rang gi snying gar a las zla ba'i dkyil 'khor bsams la/ de'i steng du raM las nyi ma'i dkyil 'khor ro/ /de dag gi steng du phaT nag po bsams te/ de dag gyur pa las ral gri 'bar ba bsam mo/ /yang de'i dbus su yig 'bru bzhi po bsams la de dag yongs su gyur pa las bdag nyid khro bo khams gsum rnam par rgyal ba gong du gsung ba'i? kha dog dang cha lugs ci 'dra ba bsgoms par bya ste/ de ni sbyin srag gi dbang du byas nas ni/ drag po'i las kyi sbyin sreg byed pa'i skabs su shes par bya'o/ /de dag gi 'od zer la spras pa'i dbang du byas nas ni mtshon cha'i 'od zer spro ba'i skabs su shes par bya'o/ /dbang ni 'khor los sgyur ba'i dbang bskur du mi btub pa'i phyir/ 'og nas bcom ldan 'das don yod grub pa bsgom par shes par bya'o/ /de dag gis ni khro bo khams gsum rnam par rgyal ba dang/ gnyis su dbyer med par gyur pa ste/ de yis ni drag po'i las thams cad 'grub par 'gyur ba kho na'o/ /rdo rje bstan par bdag 'gyur la zhes pa la sogs pa mi 'di ltar rang gi snying gar a las zla ba bsams te/ de'i steng du raM las nyi ma'i dkyil 'khor bsam
- 186b
par bya'o/ /de'i steng du traM ser po bsams te/ de gyur pa las rin po che'o/ /de'i dbus su yang oM dang bcas pa'i yig 'bru bdun po bsams te/ de dag yongs su gyur pa las bdag nyid bcom ldan 'das rin chen 'byung ldan sku mdog ser so?/ rgyan thams cad kyis brgyan pa'o/ /phyag g.yon pa ni yid bzhin gyi nor bu rin po che 'bar ba bsnams pa/ phyag g.yas pas mchog sbyin pa'i phyag rgya mdzad par bsgom par bya ste/ de ni dbang bskur ba'i dbang du byas nas ni rin po che'i rogs kyi bde bar gshegs pas dbang bskur ba dang/ rin chen rigs kyi bum pas dbang bskur ba'i skabs su shes par bya'o/ /sbyin sreg byed pa'i dbang du byas nas ni rgyas pa'i spyis sreg byed pa'i skabs su shes par bya'o/ /'od zer spro ba'i dbang du byas nas ni rin po che'i rigs kyi gang zag la dgab par bya ste/ de ni bcom ldan 'das rin chen 'byung ldan dang dbyer med par 'gyur zhing rgyas pa'i las thams cad 'grub par 'gyur ba kho na'o/ /rdo rjer bsgoms nas snying gi ni zhes pa la sogs pa ni/ 'di ltar rang gi snying gar a las zla ba bsams la/ de'i steng du raM las nyi ma bsgoms te/ de'i steng du h+ri dmar po bsams la/ de gyur pa las pad+ma dmar po 'dab ma brgyad pa gcig bsam mo/ /yang de'i dbus su oM dang bcas pa'i yig 'bru lnga po bsams te/ de dag yongs su gyur pa las bdag nyid bcom ldan 'das 'od dpag med sku mdog dmar po rgyan thams cad kyis brgyan pa/ phyag g.yon pa na pad+ma 'dab ma brgyad pa yu ba dang bcas pa 'dzin cing g.yas chos 'chad pa'i phyag rgya dang ldan pa gcig bsgom par bya'o/ /de ni sbyin sreg gi dbang du byas nas ni/ dbang gi sbyin sreg byed par shes par bya'o/ /dbang bskur pa'i dbang du byas nas ni/ pad+ma'i rigs kyi bde bar gshegs pas dbang bskur ba dang/ pad+ma'i rigs kyi bum pas dbang bskur ba'i skabs su shes par bya'o/ /'od zer
- 187a
spro ba'i dbang du byas nas ni/ pad+ma'i rigs kyi sems can la dgab par bya ba nyid de/ des ni bcom ldan 'das 'od dpag med dang gnyis dbyer med par 'gyur zhing dbang gi las thams cad la the tshom mi za bar 'gyur ba kho na'o/ /'khor lo rgya gram hUM ldan par zhes pa la sogs pa ni 'di ltar rang gi snying gar a las zla ba'i dkyil 'khor bsams pa/ de'i steng du raM las nyi ma bsams te/ de'i steng du a hUM gi mtshan pa bsams par bya'o/ /yang de'i lte ba la oM dang bcas pa'i yig 'bru bsams te/ de dag yongs su gyur pa las ni bdag nyid bcom ldan 'das don yong grub pa sku mdog ljang gu la rgyan thams cad kyi brgyan pa phyag g.yon pa na sna tshogs rdo rje bsnams shing g.yas pa mi 'jigs pa sbyin pa'i phyag rgya mdzad pa gcig sgom par bya ste/ de ni dbang bskur ba'i skabs su las kyi rigs kyi bde bar gshegs pas dbang bskur ba dang/ las kyi bum pas dbang bskur bar shes par bya ste/ de ni bcom ldan 'das don yong grub pa dang/ gnyis su med par gyur pa dang/ las thams cad la 'jug pas? 'gyur pa nyid do/ /de ltar rim pa de dag gis gang du rnal 'byor pas phyag rgya chen po yid la byed pa thams cad du mngon par sbyar bar bya ste/ des ni sems can yid bzhin gyi nor bu rin po che las grub pas na/ bde bar gshegs pa nyid dang dbyer med par byin gyis brlabs dang ldan zhing/ bla na med pa yang dag par rdzogs pa'i byang chub myur du 'grub par 'gyur ba kho na yin te/ de la gang gi dus na lha'i rnal 'byor dang ldan pa'i shes par skyes pa na/ gzhan du tha mal gyi rnam par rtog pa nyams su myong bar mi 'gyur ro/ /de la 'dir dus su skye bar mi rtogs pa las tha mal gyi ngo bo yod pa nyid do/ zhe na/ de lta na ni mi dmigs pa'i dngos po mdza' dag yod par thal bar 'gyur te/ de ni shes par mi nus so/ /de bas na dngos po med pa'i rnal
- 187b
par rtog pa tsam gyis mching bar mi nus ? de'i dir rtogpa dang bral pa'i rnal 'byor kun tu bzang po'i ye shes las byung ba'i 'od zer phyag rgya chen po bsgoms pa las byang chub thob par 'gyur te/ de yang gsang ba 'dus pa'i rgyud las/ phyag rgya gang gi cho ga yis/ /bskal pa bye ba grangs med du/ /thob dka' ba yi sangs rgyas te/ /cho 'di nyid la thob par 'gyur zhes gsungs so/ /de bas na rang gi lha'i rnal 'byor nas brtsams nas/ chos thams cad kyi mtshan nyid yongs su bsgom par bya'o/ /de ltar yang dag pa'i yid la byed pa la bltos nas bcom ldan 'das kyi ye shes phul du byung ba'i yongs su rdzogs pa'i sangs rgyas dang/ de mos pa yid la byad pa'i rnal 'byor pa gnyis sangs rgyas su dbyer med cing mnyam pa nyid du gsungs so/ /gzhan du bye brag du? byed pas na/ bde bar gshegs pa yid la byed par mi 'gyur te/ bcom ldan 'das kyis bye brag la lhag par zhen pa spangs pa'i phyir ro/ /bde bar gshegs pa'i bdag nyid dang/ /gzhan gyi rnam pa'i mtshan nyid du rnam par rtog pas ni/ yang dag pa'i ye shes thob par par mi 'gyur zhing/ kha na ma tho ba'i rgyu chen po dang ldan pa nyid do/ /de'i phyir sgyu 'phrul dra ba'i rgyud ting nge 'dzin gyi dra ba'i le'u las/ bdag nyid lus 'di dri ma med pa la/ /mdza' yas rgyal ba'i sku rnams yid kyis mngon bcug pas/ /sangs rgyas kun dang mtshungs pa'i blo gros mchog /'gro ba ma lus pa la pan 'dogs bsgrub par 'gyur zhes gsungs so/ /de bas na de'i 'od zer gyi phreng ba'i tshogs dpag tu med pa spros pa las bdag dang gzhan gyi don phun sum chogs pa 'grub pa'i rten du 'gyur ba nyid do/ /de la gang dag gis rang gi shes rab kyi btsun po dang bral ba'i sdus bsngal gyi thabs gzhan du bsgrub pa mngon du byed pas ni mnyam par bzhag pa'i 'bras bu thob par mi 'gyur bas na shes rab de'i rang gi ngo bo phyin ci ma log pa'i sems kyis bsgom par bya ste/ dri ma
- 188a
dang bral zhing phun sum tshogs pa'i 'bras bu ni yang dag pa'i thabs dang shes rab kyi stobs las byung ba'i phyir ro/ /de'i phyir de gnyis phyin ci ma log pa las bdag med pa'i shes pa skyes pa na/ gcig gi mtshan nyid du gyur kyang tha snyad kyi dbye ba las lhag par zhen pa'i gnyis su med pa nyid do/ /de ltar phyin ci log gi sems kyis phye bas ni/ shes rab kyi lhag par zhen cing log pa'i dbang gis rang gi bya ba bde pa'i nus pa med pa ste/ dper na gong bu dang dngos por brtags pa lta bu'o/ de bas na blo dang ldan pa rnams kyis rang gi shes rab kyi btsun mo la legs par 'khyud cing bde ba chen po'i ri nyams su myong bas rgyun mi 'chad par bsgom par bya ba dang/ thabs dang shes rab gnyis su med pa las sprul pa'i mchod pas rang gi yus yang nas yang du mchod par bya'o/ /de bsan ji ltar bshad pa'i rim pas thabs dang shes rab kyi ngo bo mngon du byed pa ni ji srid sprulpa dang/ rang gi ngo bo gnyis su dbyer med pa de srid du mngon du byas te/ rang gi shes pa phyin ci ma log pa las gyur pa'i rnal 'byor gyi thabs dang shes rab kyi bdag nyid mtshan nyid gcig pa nyid du mthong ba'i phyir ro/ /de la de ni rgyun gyi ngo bo nyid la dbyer med pa dang/ sngon dang sngon gyi kun tu rtog pa las byung ba'i rnam par rtog pa thams cad dang rgyun tu 'brel ba? nyid do/ /de ma sgrul pa tsam las ma gtogs pa'i gzhan du ni rnam par rtog pa med pa na/ kha dog la sogs pas dbye ba de'i ngo bo sna tshogs pa mthong ba'i phyir te/ bdag med pa'i shes pa dang ji ltar gcig par 'gyur zhe na/ de lta na ni gcig ces bya ba rnam pa thams cad med par 'gyur te/ lhar gcig gi sku la rang gi ngo bo cha shas du mar snang ste/ sna tshogs pa'i bdag nyid yin pa'i phyir ro/ /gzhan cha shas med pa ni dmig pa'i yul du mi 'gyur te/ de bas na ji ltar kun rdzob kyi rang gi ngo ba
- 188b
la gcig tu rnam par gzhag pa de bzhin du sna tshogs pa'i gzugs la sogs pa la rang gi ngo bo lhag par zhen pa la bltos nas thams cad bdag gi rang bzhin no zhes par yid la byed pa ni thog ma nas bdag med pa la lhag par zhen pa la rab tu zhugs pa ste/ de ni dngos po thams cad mnyam pa nyid du mos par bshad pa yin no/ /de bas na 'dzin pa la sogs pa'i rnam pa dang bral ba ni thams cad mnyam pa nyid du 'gyur pa ste/ yul la lhag par zhen pa la ma gtogs pa'i gzhan du ni dngos po tha snyad med pa nyid do/ /de dag kyang shes pa rang gi ngo bor cig car du snang pas na tha dad dbyer mi nus pa ste/ gzhan du na mtshan nyid gcig pa med pa ni sngon du bsgrubs zin te /de bas na thams cad lha'i dkyil 'khor gyi bdag nyid do/ /zhes pa ni kun rdzob kyi rang gi ngo go la yang dag pa ji lta ba bzhin du so sor rtog pa'i shes pa 'jug pa ste/ des ni rnam pa thams cad mkhyen pa'i lam la rab tu gnas par 'gyur ba nyid do/ /de la gzhan dag na re lha nyid na re rnam par rtag pa'o zhes smra ba ni kha na ma tho ba'i rgyun chen por 'gyur te/ 'bras bu'i gnas skabs la bsams nas rgyun chad par lta ba ni nam du yang dag pa'i byang chub la nye bar mi 'gyur zhing/ bcom ldan 'das kyis kyang yang dag par mtshungs par ldan pa'i mdo las/ dmigs bcas rnam par dag pa la/ brten nas 'bral bu bla na med/ /mi dmigs mdza' bzhi rnams brel ba'i/ /rang bzhin mod gsal chos kyi sku zhes gsungs so/ /de bas na rgyu rnam par dag pa la dmigs pa dang bcas pa lha'i sku las 'bras bu rnam par dag pa chos kyi sku thog par 'gyur ba ste de'ang rgyu las gnas skabs tsam na yang lta'i sku'i de nyid yin zhing/ de'i ngo bo dang gnyis su dbyer med par 'gyur pa nyid do/ /de bas na sems yid bzhin gyi nor bu rin po che las grub pa'i mchod pa'i tshogs kyis dkyil 'khor gyi lha la mchod par bya ba ni/
- 189a
tha mal gyi gnas skabs na yang gzhan du gzugs yid du 'ong ba dag mthong ba na bdag nyid dkyil 'khor gyi lha ru bsgom pa yis longs spyod par bya zhing/ oM na ma sarba maN+Da la de ba ta naM ru pa pU dza me ga ni ryata ya mi hUM zhes pa'i sngags kyis de'i skad cig la gzugs kyi mchod pa bla na med pa spros pas mchod par bya ba dang/ gzhan du sgra yid du 'ong ba bdag thos pa ni bdag nyid rnal 'byor dang ldan pa las sgra'i mchod pa bla na med pa las spros pa las/ oM na ma sarba maN+Da la de ba ta naM shapta bU dza me ga ni dya ta ya mi hUM zhes pa'i sngags kyis dbul bar bya ba dang/ gzhan du dri yid du 'ong ba bdag tshor ba na bdag nyid dang rnal 'byor dang ldan pa las dri'i mchod pa bla na med pa spros te/ oM na ma sarba maN+Dal de ba ta ni ganDha pU dza me ga ni rya ta ya mi hUM zhes pas mchod par bya ba dang/ gzhan du ro yid du 'ong ba bdag nyams su myong ba na bdag nyid rnal 'byor dang ldan pa las ro'i mchod pa bla na med pa spros pa las/ oM na ma sarba maN+Da la de ba ta naM ra sa pU dza ma ga ni rya ta ya mi hUM/ zhes pas mchod par bya ba nyid dang/ gzhan du reg bya yid du 'ong ba bdag nyams su myong ba na bdag nyid rnal 'byor dang ldan pa las/ reg bya'i mchod pa bla na med pa spros te/ oM na ma sarba maN+Da la de ba ta naM par sha ni rya ta ya mi hUM/ zhes pas mchod par bya ba nyid dang/ sbyin pa la sogs pa gtong ba'i skabs su ni sbyin pa'i gnas dkyil 'khor gyi lha ru bsams pa la sbyin pa'i rdzas dpag tu med pa spros pa mchod par bya ba dang/ bla ma las gzhan pa'i sems can rnams la bsnyen bkur la sogs pa byed pa na ni/ de 'di dkyil 'khor gyi lhar bsgoms pa las/ da ma sarba maN+Da la de ba ta naM pU dze pa snya na a ta ma na naryaM ta ya mi hUM zhes pas mchod par bya ba dang/ bdag nyid la gzhan bsnyen bkur la sogs
- 189b
[double page]
- 190a
cad kun tu khyab gnas kyang/ /bdud kyi rjes su 'brang mi byed zhes gsungs pa'i phyir ro/ /de nyid rnal 'byor pa'i sbyangs pa'i yon tan lnga zhes bya ste/ rgya mtsho lta bu dang/ ri rab lta bu dang/ nam mkha' lta bu dang/ rlung lta bu dang/ rdo rje lta bu'i chos lnga'o/ /de lta yongs su dag pa'i lam la zhugs pa la ni 'khor ba'i 'dam na gnas kyang pad+ma lta bu 'khor ba'i nyes pas gos par mi 'gyur zhing/ ston ka'i zla ltar gnas pa ste/ de nyid yang dag pa'i ting nge 'dzin dang/ yang dag pa'i bslab pa dang/ yang dag pa'i ye shes dang/ yang dag pa'i brtson 'grus dang/ yang dag pa'i bzod pa'i rgyu las byung ba nyid do/ /de ltar bdag nyid las thams cad kyi skabs su lha'i rnal 'byor gyi las la yang dag par zhugs pas bya ba byed cing sbyin sreg gi skabs su ni phyag rgya gcig pa'i rnal 'byor gyi las bya bar gsungs pa ni gong du lha'i sku bskyed nas las bya bar gsungs so/ /de nas las rnams bshad bya ste/ /zhi ba dang ni rgyas pa'i las/ /de ltar dbang dang mngon spyod rnams bzlas dang sbyin sreg cho ga yis/ /las rnams thams cad bya ba yin zhes gsungs pa ni zhi ba la sogs pa'i las thams cad la/ bzlas pa'i sngags kyi yig 'bru'i kha dog dang/ de'i las kyi sngags dang rnal 'byor dang/ rgyan dang cha byad dang/ rdzas dang yo byad? dang/ kha dog dang dus tshod la sogs pa rigs dang/ rjes su mthun pa las thams cad 'grub par 'gyur te/ gzhan du ni las kyi 'bras bu 'grub par mi 'gyur zhing de dag kyang 'di nyid du bgegs nye bar zhi bar bya ba'i don du'o/ /de dag ji lta bus ? pa la/ /rdo rje sems dpa' bdag bsgrub la/ /zhi ba'i las ni brtsam par bya/ /cho ga shes pas snga dro nyid/ /bzlas dang sbyin sreg nyid byed cing/ /'od zer sprin gyis de'i lus la/ /'phros bas yongs su khebs pas dgab/ /rtag tu shang
- 190b
rta 'od zer gyis/ /nyes pa thams cad sel byed pa/ /de ni sems can phan dga' pas/ /de bzhin gshegs pa'i rigs la bya zhes gsungs te/ de la rnal 'byor pa bdag dang gzhan gyi don phun sum tshogs par bya ba'i phyir/ bdag nyid gong du gsungs pa'i rim pas dpal rdo rje sems dpa' bskyed la/ /nyi ma dang por shar ba'i rtse la gos dang rgyan rigs dang rjes su mthun pa byas la kha shar phyogs su bltas te/ bzlas pa dang sbyin sreg bya ba nyid do/ /de bzhin du ting nge 'dzin rnam par dag pas sems can gang dag ngan song du gnas pa'i lus la hUM las 'phros pa'i 'od zer kha dog dkar po 'tsher ba dang ldan pa la de'i rtse mo la sdig pa thams cad zhi bar byed pa'i yig 'bru hUM dkar po bltas te/ de'i lus la kun tu khyab par byas nas rgya mtsho'i sbu ba la rlung gis bshig pa lta bu sdig pa zhi bar bya ste/ de ni 'khor lo rigs kyi 'od zer yin pa'i phyir de bzhin gshegs pa'i rigs la bya ba nyid do/ /kun tu bzang po bde chen nam/ /bde ba chen por bsams nas kyang/ /nang par re re nyi shar na/ /snga ma bzhin du las byas te/ /rdo rje rigs kyi sems can gyis/ /sdig can sems ni zhi byed 'gyur zhes gsungs ba ni/ /bdag nyid gong du gsungs pa'i rim pas bcom ldan 'das kun tu bzang po 'am// bcom ldan 'das phyag na rdo rje bskyed de/ rigs dang rjes mthun pa'i rnal 'byor rim pa yongs su rdzogs par bya ste/ rang gi snying ga nas 'od zer mu tig lta bu'i phreng ba'i tshogs la sdig pa thams cad zhi bar byed pa'i yi ge hUM bltas te/ rdo rje rigs kyi sems can gyi lus la yongs su khebs por dgab pa dang/ sbyin sreg la sogs pa'i las thams cad bya ba nyid do/ /gser 'od mdzes shing 'bar ba yi/ /rin chen 'dzin du bsams nas ni/ /bza' ba longs spyod nyi ma yi/ /gung la rgyas pa'i las shis te/ /rin chen 'dra bar khud bskos la/ /bzlas dang sbyin sreg bya ba 'am//
- 191a
yang na sngags pa snga ma bzhin/ /'od kyi lus la rab tu dga' / /zhes gsungs pa ni rgyas pa'i rnal 'byor te/ de la bdag nyid gong du gsungs pa'i rim pas bcom ldan 'das rin chen 'byung ldan du sku mdog ser po bsams te nyi ma gud la kha byang du bltas pas sbyin sreg la sogs pa bya ba 'am/ bdag nyid kyi snying gnas 'od zer gser gyi kha dog lta bu shin tu 'tsher ba dang ldan pa bsams pa las/ de'i rtse mo la tshe dang bsod nams thams cad rgyas par byed pa'i yig 'bru traM ser po bltas te/ rin chen rigs kyi sems can la dgab par bya ba ste/ des ni tshe dang bsod nams thams cad zla ba yar gyi do bzhin du 'phel bar 'gyur ba nyid do/ /cho ga bzhin du khung bu ni/ /pad+ma 'dra bar byas nas kyang/ /pad+ma 'dzin par bdag bsgyur la/ /rgas dang nya ba'i nyi ma'i mthar/ /zlas dang sbyin sreg bya ba 'am/ /de yi lus la 'od zer gyi/ /kun tu bskor bar byas 'gyur na/ /ma lus de ni dbang du 'gyur zhes gsungs pa ni dbang gi rnal 'byor gyi rim pa gsungs pa ste/ de la dang por bdag nyid gong du gsungs pa'i rim pas bcom ldan 'das 'od dpag med du bsams nas rang gi snying ga nas 'od zer dmar po pad+ma rA ga lta bu spros pas de'i rtse mo la 'dod pa thams cad dbang du gleng pa'i d+hi dmar po bsams te/ pad+ma rigs kyi sems can gyi lus kyi khebs pas bkab par bya ba las de'i dbang du sems can thams cad rgyal po gtum po'i 'khor bzhin du 'dus par 'gyur ro/ /cho ga shes pa'i shes pa'i sngags pa yis/ /gri rtse lta bur khung bskos la/ /skar ma rdozgs pa'i dus su ni/ /rdo rje khro por bdag bsgyur la/ /rgas? pa'i rnal 'byor bya ba 'am/ /'od kyis de la dkab 'gyur na/ /de la gnod byed ma lus 'joms zhes gsungs pa ni drag po'i las kyi rim pa gsungs pa ste/ de la dang por bdag nyid gong du gsungs pa'i rim pas khams gsum
- 191b
rnam par rgyal ba'i skur bskyed/ rang gi snying gnas 'od zer kha dog nag po shin tu sdug pa spyos la/ de'i rtse mo la ma rungs pa 'joms par byed pa'i yi ge phaT nag po bltas pas/ las kyi rigs kyi sems can gyi lus la dgab par byas pa na/ de la gnod par byed pa'i tshogs thams cad thobs bum pa bcom pa bzhin du brlag par 'gyur ba nyid do/ /phyag rgya chen por bshad pa rnams/ /'dren pa kun tu bzang po yis/ /zhi ba'i las ni byed pa'i 'gyur/ /rdo rje rin chen rgyas pa ste/ /dbang bskur ba la de bzhin no/ /rtog gi rnam rgyal de bzhin du/ /longs spyod dbang phyug dpal nyams byed/ /rdo rje nyi ma'i gzi brjid dang/ /mdog sdug shin tu 'bar ba byed/ /bshad cing smad du mdzes pa yis/ /dga' mgu rings pa nyid du 'gyur/ /pad+ma mdzes pas chos kun gyis/ /rdzogs pa'i sangs rgyas thams cad kyang/ /mnyes 'gyur lha bran smos ci dgos/ /gzhan gyi gnod byed tshogs chen rnams/ /rnon pos gcod pa nyid du mdzad/ /gdon dang yi dags 'dre rnams dang/ /gnod sbyin srin po'i bka' nyan dang/ /bza' mchog brgyad po ma rungs rnams// 'khor los rtsa nas 'byin par byed/ /lce las dza zhes bya ba yis/ /lkugs? rnams lkugs pa ma yin dang/ /glen? rnams mi smra smra mdzad cing/ /ma rungs rnams kyang lkugs par mdzad/ /rgya gram gyis ni mchod pa dang/ /sems can don mdzad thams cad ston hUM zhes bya bas 'phrog mdzad cing/ /rdo rje bsrung bas bsrung ba mdzad/ /hUM zhes bya ba'i so yis ni/ /ma rungs thams cad 'joms byed cing/ /rdo rje gnod sbyin nyid kyis kyang/ /sdig pa'i tshogs rnams 'dzoms par mdzad/ /ma rung snying gar dam du ni/ /bam zhes bya ba bsams nas kyang/ /dug dang rims dang gdon la sogs/ /rdo rje bsdams pas 'ching bar mdzad zhes gsungs pa ni 'dir bcom ldan 'das kyis ye shes kyi sems dpa' bcu drug gis 'phrin las ji lta ba mdzad pa yang dag par gsungs pa ste/ de la
- 192a
phyag rgya chen po bshad pa rnams zhes pa ni lha'i sku phyag rgya chen po dang ldan pas gong du bshad pa'i rim pas rnams yin la/ de nyid sems dpa' i ngo bo yang dag par bya ba ste/ de la 'dren pa kun tu bzang po ni rdo rje sems dpa' ste/ de'i sdig pa la sogs pa thams cad zhi bar mdzad pa nyid do/ /rdo rje rin chen gyis ni rgyas par byed pa kho na'o/ /de bzhin du rdo rje rgyal mtshan dang/ rdo rje rgyal pos kyang rgyas par longs spyod dang/ dbang phyug dpal ni 'byor pa dang ldan par byed pa'o// rdo rje nyi ma dang/ rdo rje chags pas ni bdud kyi chogs thams cad ma lus par dbang du byed par 'gyur ba'o/ /rdo rje bzhad pa dang/ rdo rje legs pas ni sems can thams cad dga' ba dang mgu bar byed pa'o/ /rdo rje chos kyis ni/ yang dag par rdzogs pa'i sangs rgyas kyang mnyes par 'gyur na lha la sogs pa lta smos mi dgos par dbang du 'gyur bar gsungs so/ /gzhan du gnod par byed pa'i tshogs thams cad ma lus par ni rdo rje rnon po dang/ rdo rje 'khor lo yis rtsa ba ma lus par gcod par mdzad par gsungs so/ /rdo rje gsung ba ni lkugs pa rnams lkugs pa ma yin par mdzad pa dang/ glen pa rnams mi smra ba smra bar mdzad pa dang/ ma rungs pa rnams lkugs par mdzad panyid do/ /rdo rje las kyi ni bde bar gshegs pa rnams la mchod pa'i tshogs kyis yongs su mchod pa dang/ sems can gyi don thams cad ma lus par mdzad pa nyid do/ /rdo rje bsrung ba ni nad dang rims dang gnod pa thams cad las yongs su bsrung bar mdzad pa'o/ /rdo rje gnod sbyin gyis ni ma rungs pa'i tshogs dang sdig pa dang ldan pa'i gang zag rnams za bar byed pa'o/ /rdo rje khu tshur gyis ni dug dang rims dang gdon ma rungs pa'i tshogs thams cad kun nas bsdams pas 'ching bar mdzad pa'o/ /yig 'bru bzhi po ni las su bya ba'i yig 'bru ste/ gang gi lce la dzaM dung kha bsams nas
- 132b
rmugs 'dzin gyi ting nge 'dzin la snyoms par zhugs nas ni lkugs par mdzad do/ /yang phyogs 'ga' zhig tu gang dag gi snying gar haM dmar po bsams te/ mkha' 'gro ma'i ting nge 'dzin du snyoms par zhugs pas ni de'i mdangs 'phrog par mdzad pa'o/ /yang phyogs 'ga' zhig tu gang ngag gi snying gar hUM nag po bsams te/ gshin rje'i ting nge 'dzin la snyoms par zhugs pa las ni de'i srog gcod par byed pa dang/ yang phyogs gzhan dag tu gang dag gi snying gar baM dmar ser bsams pa las de'i yan lag thams cad rengs par byed pa ste/ de dag gis ni sman dang sngags dang rnal 'byor gyis nges par 'grub pa yin pas na las kyi sbyor ba'i cho gar blta bar bya'o/ /rgyud gzhan la sems dpa' 'am/ las 'phrin las rnam gzhir bshad pa ni 'og nas 'chad par 'gyur bas 'dir ma smos so// bzlas dang sbyin sreg las rnams kyis/ /dgos pa thams cad bsgrub par bya/ /'od zer gsal ba dkar po la/ /'tsher zhing rgyas pa bsgom byas la/ /zhi ba'i lha yi rnal 'byor rang/ zhi ba'i sems kyi zhi bar bya/ /rang gi lus 'di gser bco dang/ /nyi ma gsar shar dag 'dra ba/ /bsams la rgyas par bya ba'i phyir/ /'od zer sprin gyis de lus la/ /kun nas gang bar dag par bya/ /pad+ma sems dpa' i ting 'dzin gyis/ /h+ri 'dra'i 'od zer spros pa nas/ /snying la kun tu bkod byas na/ /'dod pa thams cad dbang du byed/ /rdo rje hUM gis tib? ? gyis/ /khros pas rdo rje mtshon cha'i char/ /sdig spyod lus la dgab byas na/ /de ma thag tu 'bar par 'gyur zhes gsungs pa ni gong du gsungs pa'i 'phrin las rnam pa bzhi'i bsdus pa'i don gsungs pa ste/ de la 'dir 'od zer gyis dbyibs bstan pa ni/ 'jig rten mgon po rigs kyi rgyud las zla ba rgyas dang/ rin chen dang lcags kyi ral gri'i tshul gyis ni/ /las rnam bzhi la mngon par brtson zhes gsungs te/ de la zhi ba'i 'od zer ni zla ba rgyas pa lta bu/ 'od zlum po 'phro bar bya ba dang/ rgyas pa la ni rin po che
- 193a
lta bu zur brgyad pa spro bar bya ba dang/ dbang la ni 'od zer lcags kyu lta bu rgyu dang bcas pa spro bar bya ba dang/ mngon spyod la ni 'od zer ral gri lta bu 'am/ mdung lta bu 'am/ mnga' lta bu 'am/ rtse gsum pa lta bu'i 'od zer rtse mo rno bzung dang ldan pa spro bar bya ste/ de yis ni gang dang gang la de dang de'i las kun tu khyab par bskor ba na/ zhi ba dang/ rgyas pa dang/ dbang dang/ mngon spyod kyi las thams cad yongs su rdzogs par 'grub par 'gyur ba kho na'o/ /de las dbang du byas na rjes su chags pa dang/ gus pa dang/ bcas pa bzhin ston pa dang/ zhi bar byas na ni sdug bsngal dang bral ba'i bde ba thob par 'gyur ba dang/ rgyas pa byas na ni 'byor pa dang ldan par 'gyur ba dang/ drag po'i las byas na ni de ma thag tu nad dang zug rngu 'bar zhing rab tu 'bar bar 'gyur ba de las 'byung ba'i 'bras bu nyid do/ /de ltar cho ga dang rnal 'byor thams cad phun sum tshogs par 'gyur ba las/ /'phrin las rnam pa bzhi'i las thams cad 'grub par 'gyur ba yin pas na rnal 'byor pa rnams kyis bde bar gshegs pa'i bka' yongs su rtags pa las thams cad bya ste/ gzhan du ni 'grub par 'gyur bas na mi bya ba nyid do/ /de nas tshangs pa dang brgya sbyin la sogs pa thams cad yid mgu rangs par gyur nas bcom ldan 'das la phyag 'tshal te/ 'di skad ces gsol to/ /bcom ldan 'das rdo rje 'dzin pa chen pos sems can thams cad la phan pa'i phyir the tshom thams cad rnam par gcod pa/ don thams cad rgyas par ston pa'i ngan song thams cad yongs su sbyor ba'i brtag pa'i rgyal po dam pa phyi ma bshad pa legs so/ /bcom ldan 'das rdo rje 'dzin pa chen po legs so legs so/ /gang gi phyir de dag gi mtshon bar gyur pa'i phyag rgya rnams bshad du gsol zhes gsol pa ni/ tshangs pa la sog
- 193b
pa lha rnams dam pa'i chos kyis yang dag par mgu bar gyur pa'i tshig snyan pa lan bzhir brjod pa ste/ de la sems can thams cad la phan pa'i phyir zhes pa ni/ de bzhin gshegs pa ngan song thams cad yongs su sbyong ba'i rgyal pos sems rnams ngan song rnam pa gsum gyis 'dam nas yang dag par 'don pa ste/ de nyid rgyud rnam pa gnyis kyi rnal 'byor las byung zhing/ rgyud rnam pa gnyis po'i yan lag tu gyur pa'i dbang dang/ sbyin sreg dang/ chog la sogs pa'i las su bya ba'i rim pa rnams rgyud rnam pa gnyis por gsal bdag? gyur pa las bcom ldan 'das phyag na rdo rje de gnyis bsal bar byed pa'i bshad pa'i rgyud 'di bshad pa yis sems can rnams la phan par gyur par 'grel te/ /the tshom thams cad rnam par gcod pa ni/ dbang la sogs pa ji lta ba mi shes pa gsal bar bstan pa nyid do/ /de nyid rgyud gnyis kyi don thams cad rgyas par bstan pa yin pa'i phyir na/ don thams cad rgyas par ston pa zhes bya ba'o/ /brtag pa'i rgyal po don rgyas par ston pa nyid la yon tan gyi sgo nas mtshan btags ba'o? phyi mar ni slad mar gyur pa'o/ /snyan pa'i tshig ni gong du bshad zin to/ /gang gi phyir de dag gi mtshon pa zhes pa ni/ sems can thams cad kyi phyir zhes pa'o/ /de dag gi mtshon pa ni gong du gsungs pa'i bcom ldan 'das nyid kyi dkyil 'khor gyi phyag rgya dang/ 'jig rten pa'i dkyil 'khor gyi lha mtshon pa ste/ de nyid phyag rgya yin par bshad do/ /de dag sngar ma bshad pa'i phyir bshad par gsol pa 'debs pa nyid do/ /de nas bcom ldan 'das phyag rgya rdo rjes/ phyag rgya'i le'u 'di bshad do/ /lag pa gnyis bdun du bzhag la/ a las zla ba'i dkyil 'khor du byin gyis brlabs te/ de'i steng du hUM dang a las rigs kyi bdag po rigs lngar bsams nas/ zla ba'i dkyil 'khor de nyid las a la sogs pa dbyangs kyi yi ge bcu drug gis kun nas 'khor zhing 'od
- 194a
zer sna tshogs 'phro ba bsgoms te/ mthe bong gnyis la oM zhes bya ba bsam mdzub mo gnyis la hUM zhes bya ba bsam/ /gung mo gnyis la traM zhes bya ba bsam/ srin lag gnyis la h+ri zhes bya ba bsam/ mthe'u chung gnyis la a zhes bya ba bsam/ de ltar yi ge rnams bzhag nas/ de bzhin gshegs pa rnams yin par mos pa bskyed de/ chos thams cad gcig la gcig 'dres par gyur pa dang/ bdag dang rjes su mthun par bya'o zhes gsungs pa ni/ 'dir 'jig rten dang 'jig rten las 'das pa'i phyag rgya thams cad kyi mtshan nyid bstan te/ de ni dam tshig gi phyag rgya yin la/ phyag rgya'i le'u zhes pa ni dkyil 'khor phyi ma rnams kyi phyag rgya'i le'u ste/ de yang dag par bshad pa nyid do/ /de la lag pa gnyis mdun du bzhag pa ni phyag rgya bcing ba'i las kyi dus su bab par gyur pa dang/ sems can thams cad kyi dus su blo bskyed pa las rang gi mdun du bus mo'i khar lag pa gnyis kyi thal mo gan rgyal du bzhag ste/ de gnyis kyi thil du a dkar po 'od dang ldan? pa gnyis bsams la/ de gyur pa las zla ba'i dkyil 'khor gnyis pa bsam mo/ /yang de'i steng du hUM dang a gnyis bsams pa las lag pa g.yas pa ni rdo rje rtse lnga par gyur par bsam mo/ /g.yon pa ni dril bu rtse lnga par gyur par bsams te/ der thim pas rdo rje'i lag pa dang/ rdo rje dril bu'i lag par byin gyis brlab la/ der zla ba'i dkyil 'khor gnyis bsams pa ni/ de dag thabs dang shes rab gnyis su med pa'i rol pa'i phyag rgya'o/ /de nas zla ba'i dkyil 'khor gnyis kyi steng na'ang? rim pa ji lta ba bzhin du a la sogs pa'i dbyangs kyi yi ge bcu drug gis kun nas 'khor bar gyur pa las 'od zer chen po dang ldan par bsgom par bya'o/ /de nas lag pa'i sor mo bcu rdo rje dang rdo rje dril bu rtse lnga pa re re bsams
- 194b
pa'i rtse mo la yang a las zla ba'i dkyil 'khor lnga bsams la/ de dag gi steng du rim pa ji lta ba bzhin du mthe bong la bcom ldan 'das rnam par snang mdzad dang/ rdo rje dbyings kyi dbang phyug ma'i ngo bo/ /oM dkar po 'od dang ldan pa bsam par bya'o// de bzhin du mdzub mo la bcom ldan 'das ngan song thams cad yongs su sbyong ba dang/ mA ma kA ngo bo hUM dkar po bsam par bya ba dang/ gung mo la bcom ldan 'das rin chen tog dang/ sangs rgyas spyan gyi ngo bor traM ser po bsam par bya ba dang/ srin lag la bcom ldan 'das shAkya thub pa dang gos dkar mo'i ngo bo h+ri dmar po bsam par bya ba dang/ mthe'u chung gnyis la bcom ldan 'das me tog chen po rgyas pa dang/ sgrol ma'i ngo bo a ljang gu bsams te/ de nas rdo rje bsdams pa las thabs dang shes rab gnyis su med pa'i sbyor ba las 'jig rten dang 'jig rten las 'das pa'i phyag rgya rnams skye zhing lha de dag ngo bo nyid gcig par mos par bya'o/ /chos thams cad gcig la gcig 'dres pa ni/ 'di ltar snang ba'i chos spyi dang rang gi mtshan nyid thams cad thabs dang shes rab gnyis su med par bde ba chen po'i bdag nyid lha dang lha mo'i ngo bo nyid du thams cad bsams te/ de nyid bdag dang rjes su mthun pa ni chos kyi dbyings dang rjes su mthun pa'o/ /de la 'dir chos kyi dbyings bdag med pa la bdag ces ji ltar bya snyam pha la de ni 'di ltar chos thams cad gnyis su med pa'i bde ba chen po'i bdag nyid du ro gcig pa'i phyir/ chos kyi dbyings la bdag ces bya'o/ /de la chos thams cad de'i bdag nyid yin pa dang/ de las byung ba'i bdag nyid yin pa dang/ de'i bdag nyid du shes par byed pa'i phyir bdag ces bya'o/ /yang na de nyid rnal 'byor pa nyid dang/ rjes su mthun zhing dbyer med pa'i phyir na bdag dang yang mthun par bya'o zhes pa ste/ /de ni rig pa'i chogs kyis bla na med pa'i mchod pa dang rjes su mthun pa las de'i bdag nyid la de'i bdag nyid
- 195a
kyis mchod pa byed par 'gyur ba ste mchod pa dang/ mchod par byed pa dang mchod par bya ba ni gzhan du med pa kho na'o/ /de la 'od ni gzugs kyi mchod pa bla na med pa nyid yin zhing/ de yis mchod pa'i las byed pa dang/ de dag nyid las 'da' bar dka' zhing/ lha'i? tshogs byon pa'i phyir na dam tshig gi phyag rgya zhes bya ba kho na'o/ /phyag rgya chen po ni rdo rje dang dril bur ldan pa'i sku ru bsams pa nyid yin la/ las kyi phyag rgya ni ting nge 'dzin dang/ sa gnon la sogs pa'i phyag rgya'o chos kyi phyag rgya ni lha rnams gyi sngags la/ badzra dz+nyA na la sogs pas bsam pa'o/ /de dag ji lta bur bya snyam pa la/ lag pa gnyis pad+ma lta bur sbyar nas/ oM zhes bya ba gnyis brkyang nas/ A zhes bya ba gnyis bkug la de bzhin du hUM zhes bya ba dang/ h+ri zhes bya ba gnyis pad+ma'i 'dab? ma 'dra bar byas la/ traM zhes bya ba gnyis gzhibs te/ brkyang pa ni bcom ldan 'das kyi rtsa ba'i phyag rgya las thams cad dang ldan pa'i dam tshig go zhes gsungs pa ste/ de la 'dir dang por lag pa gnyis pad+ma kha dbus pa ltar byas la/ de nas gung mo gnyis gzhibs te/ lto sbyang la brgyad nas srin lag dang mdzub mo gnyis so sor rtse sbrang de/ tshig gnyis bkug la mthe bong brkyang ba byas nas mthe'u chung bkug pa'o/ /gzhan du ni mthe chung brkyang bar gsungs te/ gang yang mi 'gal ba nyid do/ /dir ni bcom ldan 'das kyi rtsa ba'i/ phyag rgya las/ thams cad dang ldan par bya ba'i dam tshig go /zhes pa ni gong du gsungs pa'i dkyil 'khor thams cad kyi skabs su rdo rje 'dzin pa'i phyag rgya zhes gsung pa de nyid yin te/ de ni dang por 'jug ba'i phyir na rtsa ba zhes bya ba dang/ dkyil 'khor gyi las thams cad dang ldan ba zhes bya ba dang/ de'i? rnal 'byor pa dam tshig rnam pa bcu dang ldan pa zhes bya ba dang/ de nyid rnal 'byor pa dam tshig rnam pa bcu dang lnga 'dzin pa'i
- 195b
phyir na/ las thams cad dang ldan pa'i dam tshig gi phyag rgya zhes bya ba kho na'o/ /'di dag phyag rgya'i tshogs yin te/ de nas rnon por byas pa dang/ /de nyid rab tu 'khor lo 'dra/ /de nyid khang bzhag sgra gcan gyi'o/ /de nyid gsum byas las kyi'o zhes gsungs pa ni/ 'dir lha? dbang phyug chen po la sogs pa bzhi'i phyag rgya gsungs te/ de la dang po gud mo lto sbyar la brkyang ste/ mdzub mo gnyis so sor brkyang la rtse mo gsum rnon por byas pa ste/ 'di ni drag po'i phyag rgya'o/ /gnyis pa ni bram ze'i rigs byed kyi tshig smras pa ltar srin lag gi rtsa bar mthe bong bzhag ste/ ltag ma rnams brkyang bar bya ste/ de ni tshangs pa'i phyag rgya'o/ /gsum pa ni lag pa gnyis phan tshun du bsnol ba las/ gung mo gnyis rtse sprang la mtshon cha'i 'khor lo 'dra ba byas pa ste/ de ni khyab 'jug gi phyag rgya'o/ /bzhi pa ni gud mo gnyis rtse sprad de/ bsgrang ba mdzub mo gnyis rgur bar byas shing/ rdo rje 'dra bar byas pa ste/ de ni brgya byin gyi phyag rgya'o/ /de dag ni gzhan du grags pa'i phyag rgya chen po bzhi zhes bya ba nas/ phyag rgya'i chogs zhes gsungs so/ /g.yon pa'i mgo thod thogs 'dra dang/ /g.yas pa mdung rtse rtse gsum pa/ /g.yon pa pad+ma kha 'dzum dang/ /g.yas pa oM zhes bya bar bzhag /g.yon pa 'khor lo dbyug tho gsum/ /a dang oM gnyis rtse sprad nas/ /lhag ma gsum ni rdo rje can/ /hUM dang oM gnyis gzhung byas la/ /ltag ma mnga' byas mnga' can gyi'o zhes gsungs pa ni/ 'jigs byed chen po dgu'i phyag rgya gsungs pa ste/ de la lag pa g.yon pa thod pa khrag gis bkang pa thogs pa dang 'dra bar sor mo rnams rgu bar byas la snying gar bzung? ste/ g.yon? pa mthe bong dang mche? chud gnyis rtse sprad de/ lhag ma gsum mtshon rtse gsum par byas te/ 'di ni 'jigs byed chen po dang/ 'jigs byed thod pa can gyi phyag rgya'o/ /gnyis pa ni lag pa g.yon pa pad+ma ba 'bus pa ltar rtse mo bsdus la/ /nu ma'i khar? 'byung
- 196a
la/ g.yas pa tshangs pa'i phyag rgya star byas pa ni/ 'jigs byed gtum po dang/ 'jigs byed gtum po dang/ 'jigs byed lag pa brgyad pa'i phyag rgya'o/ /gsum pa ni lag pa g.yon pa'i mthe bong dang mdzub mo gnyis rtse sprad la mtshon cha'i 'khor lo lta bur byas la/ lhag ma gsum dbyug tho lta bur byas pa ni/ 'jigs byed srog 'phrog dang/ 'jigs byed smyo byed kyi phyag rgya'o/ /bzhi pa ni rtse gsum pa'i phyag rgya ltar byas pa yid mgu bar byas te/ de ni 'jigs byed khro bo'i phyag rgya'o/ /lnga pa ni lag pa g.yon pa'i mdzub mo dang/ mthe bong gnyis gzhu lta bur byas la/ g.yas pa'i sor mo rnams mda' lta bur brkyang ste/ de ni 'jigs byed lag brkyang gi phyag rgyar shes par bya'o/ /lag pa g.yas g.yon 'khor lor bya/ /thal mo dam sbyar sor mo 'phro/ /'di ni nyi ma zla ba'i zhal/ /gza' ltag rtag tu se gol gtogs/ /de nyid tshig dbang gsum ba ste/ /mchu la tshig dbyung 'dra bar bzhag/ bab sangs ni gnyis mnyam sbyar/ /sden? pa dbyug pa 'dzin par bya/ /ba lang na ni chu srin 'dra/ /shes bya rgyad shes me stag 'dra/ /de nyid bskor ba glog 'phreng ste/ /zla 'og lto sbyar sprin phyag rgya/ /de dag snying po'i phyag rgya ste/ /las kyi phyag rgya'ang de dag go zhes gsungs pa ni/ gza' brgyad kyi phyag rgya yongs su gsungspa ste/ de la lag pa gnyis rgyab sprad de/ sor mo rnams phan tshun lto sbyar nas 'khor lo 'dra bar byas pa ni nyi ma'i phyag rgya'o/ /thal mo dam por spyar nas/ sor mo rnams 'od zer 'dra bar byas pa ni zla ba'i phyag rgya'o/ /lag pa g.yon pa'i gung mo dang/ mthe bong rtse sprad de phyir bstan la/ g.yas pa'i gung mo'i tshigs dang mthe bong gnyis kyi bar du mdzub mo bcug la mchu'i thad kar tshigs dbyung bar ltar byed pa ste/ de ni gza' lag gi phyag rgya'o/ /lag pa gnyis mnyam par sbyar ba las/ dpung pa g.yon pa'i khar? bzhag pa ni ba wa sangs
- 196b
kyi bkra shis kyi thal mo'i phyag rgya'o/ /lag pa g.yon pa'i khu tshur bcas la/ sdig mdzub snying gar bsgreng ste/ g.yas pa'i mdzub mo brkyang pa/ gzhan rnams bu gar byas la/ steng du tshar ba ni spen pa dbyug pa 'dzin pa'i phyag rgya'o/ /lag pa gnyis par bzad pas chu srin gyi sna 'dra bar byas nas phrag? pa gnyis kyi steng du 'phyad ba ni sgra gcan 'dzin gyi phyag rgya'o/ /lag pa gnyis sor mo phan tshun du bsnol te/ lag pa'i zur gnyis sbyar nas mthe bong dang sor mo thams cad me stag ltar byas nas thal mo dang? phye la g.yas pas g.yon du bskor ba ni mig dmar gyi phyag rgya'o/ /lag pa gnyis lto sbyar nas mthe bong dang/ mthe'u chung phan tshun du rtse sprad de spyi gtsug gi nor bu ltar byas nas gzhan rnams sor mo brkyang ba ni phung bu'i phyag rgya'o/ /snying po'i phyag rgya zhes bya ba ni dam tshig gi phyag rgya ste/ de nyid 'jig rten pa'i lha rnams kyi phyag rgya zhes bya ba kho na'o/ /de nyid las srin lag dang mdzub mo gnyis bcings pa ni phyag rgya'o/ /de nyid las hUM zhes bya ba'i tshigs bar ma bcag pa ni dbang bskur sbyin par byed pa'i phyag rgya ste/ de nyid nam mkha' i snying po'i phyag rgya yin no/ /de nyid las hUM zhes bya ba bsdams pa'ang srin lag pad+ma 'dra bar byas pa 'di ni pad+ma las byung ba'i phyag rgya'o/ /g+h+ri? zhes bya ba gnyis gzhibs te bsgreng pa ni rdo rje bsdams pa'i phyag rgya'i/ de nyid pas? pad+ma 'dra bar byas pa ni bde ba chen po'i phyag rgya'o/ /de nyid las 'od zer 'phro ba'i tshul du byas pa ni kun tu bzang pa'i phyag rgya'o/ /de nyid las de gnyis nang du bkug pa ni khro bo sna tshogs gzi brjid chen po'i phyag rgya'o zhes gsungs pa ni bcom ldan 'das phyag na rdo rje'i dkyil 'khor gyi phyag rgya gsungs pa ste/ de la dang po sor mo rnams rdo rje bsdams pa las gung mo gnyis bshings nas bsgreng ste/ rdo rje ltar byas pa ste/ 'di ni bcom ldan 'das phyag na rdo rje'i phyag rgya'o/ /gnyis pa ni gung mo snga ma
- 197a
ltar byas la/ de'i ngos la mdzub mo gnyis rin po che ltar byas pa ste/ de ni 'jig rten pa'i dkyil 'khor la phyag rgya 'debs pa'i skabs su shes par bya ste/ de nyid bcom ldan 'das phyag na rdo rje'i phyag rgyar shes par bya'o/ /de nyid tshe dpag med kyi snying po'i dkyil 'khor gyi skabs su ni nam mkha' i snying pa'i phyag rgyar shes par bya'o/ /gsum pa ni gung mo snga ma ltar byas pa srin lag gnyis rtse sprad de/ rgu bar byas shing pad+ma'i 'dab ma lta bur byas te/ de ni spyan ras gzigs dbang phyug gi phyag rgya'o/ /bzhi pa ni sor mo rnams bsdams pa las srin lag gnyis rdo rjer bsgreng ba'o/ /lnga pa ni gung mo snga ma lta bu las srin lag pad+ma ltar rtse sprad de/ bkug pa de dag ni bcom ldan 'das phyag na rdo rje'i dkyil 'khor gyi skabs su shes par bya'o/ /drug pa ni sor mo rnams phan tshun du bsnol nas brkyang ste/ 'od zer 'dra bar byas pa ste/ de ni bcom ldan 'das tshe dpag med kun tu bzang po'i phyag rgya'o/ /bdun pa ni de nyid nang du bkug nas mthe bong gnyis mche ba lta bur bsgreng ba ste/ de ni khro bo khams gsum rnam par rgyal ba'i phyag rgya'o/ /de nyid las shin tu bsdams pa ni rdo rje bsdams pa'o/ /brkyang ba ni bsrung ba'i 'o/ /hUM zhes bya ba'i so ni gnod sbyin gyi'o/ /hUM zhes bya ba gnyis lcags kyu ltar byas pa ni rgyal ba'i de nyid mda' ltar byas pa ni 'dod pa'o/ /oM zhes bya ba gnyis sbyor ba ni legs pa'i'o/ /de nyid dkyil 'khor du byas pa ni gzi brjid kyi'o/ /de nyid nor bu 'dra bar byas pa ni rgyal mtshan gyi'o/ /de nyid rgya gram du byas pa ni las kyi'o/ /de nyid rin chen ltar bskor ba ni rin chen gyi'o/ /gung mo sbyar la sor mo bzhi brkyang ba ni rdo rje sems dpa' i 'o/ /de nyid khar bzhag pa ni dgyes pa'i 'o/ /thal mo pad+ma ltar bkug pa ni pad+ma'i'o/ /a zhes bya ba dang oM zhes bya ba gnyis nang du bkug pa ni
- 197b
ral gri'i phyag rgya'o/ /gcig la gcig sbyar ba ni 'khor lo'i phyag rgya'o/ /snga ma las oM zhes bya ba ni gnyis khar bzhag pa ni tshigs dbyang ba ste/ gung mo sbyar la sor mo bzhi brkyang ba ni rdo rje sems dpa' i 'o/ /mdor na phyag rgya 'di dag ni las thams cad sbyin par byed pa'o zhes gsungs pa ni 'dir ye shes kyi sems dpa' bcu drug gi las kyi phyag rgya bsnams pa ste/ de la dang po ni khro bo'i phyag rgya las mthe bong gnyis phan tshun du bsnol nas khu tshur du bsdams pa'o/ /gnyis pa ni cho ga'i tshul du sor mo rnams brkyang ba'o/ /gsum pa ni mdzub mo gnyis mche ba ltar byas pa'o/ /bzhi pa ni mdzub mo gnyis lcags kyu ltar byas pa'o/ /lnga pa ni lags g.yas pa'i mdzub mo dang mthe bong gnyis gzhu ltar byas pa'o/ /g.yon pa'i mdzub mo'i steng du mnga' gtong ba ltar bya'o/ /drug pa ni mthe bong gnyis kyi rtse mo dang mdzub mo'i rtse mor sbyar ro/ /'dun pa ni gung mo gnyis nyi ma'i dkyil 'khor ltar byas pa'o/ /brgyad pa ni gung mo gnyis spyi gtsug gi nor bu ltar byas pa'o/ /dgu pa ni mthe'u chung gnyis du bram du byas pa'o/ /bcu pa ni gung mo gnyis rin po che'i rtse mo ltar byas pa'o/ /bcu gcig pa ni mthe bong gnyis dang sor mo rnams phan tshun du bsnol ba las so sor brkyang nas khar bzhag pa'o/ /bcu gnyis pa ni srin lag gnyis rtse sprang de pad+ma'i 'dab ma ltar bkug pa'o/ /bcu gsum pa ni mthe bong dang mthe'u chung gnyis nang du bkug nas sor mo gsum lto sbyor ba ste brkyang ba'o/ /bcu bzhi pa ni lag pa gnyis rgya ba sbyar nas sor mo rtse sbrang pa'o/ /bco lnga pa ni mthe bong gnyis bzhibs nas bsgrengs nas khar bzhag pa'o/ /bcu drug pa ni gung mo gnyis bzhibs nas mthe bong gnyis so sor brkyang ba'o/ /de dag ni zhi ba la sogs pa las kyi bye brag las mda' bar dka' ba'i phyir dang lha rnams kyi dam tshig yin pa'i phyir na dam tshig gi phyag rgya zhes bya ba nyid
- 198a
do? 'jig rten las 'das pa'i phyag rgya'i tshogs so/ /de nyid bsdus bdud sbrul mgor gyur/ /dbang po sor gsum rdo rje ste/ /gshin rje gung mo dbyug pa 'dra/ /mthe'u chung bkug la mdzub zhabs pa/ /chu lha'i phyag rgya yin par 'dod// dbyug tho ldan pa gnod sbyin ste/ /rtse gsum bde byed yin par 'dod/ /b+h+ring gi ri ting ga brkyang ste/ /srin bu yis ni khrag 'phrog pa/ /lag pa bskor ba rlung gi ste/ /bum pa bzhag pa nor gyi'o/ /ster phyogs kun tu 'od 'phro zhing/ /pi wang g.yon thogs dri za'i 'o/ /de ltar mthe'u ral gri 'dra/ /gung mo zhags par rnam par ldan/ /mthe bong ne'u le'i rna 'drar byas/ /mgo bo thod ba nag po ste/ /lag gnyis 'bar ba mi 'bar 'dra/ /rno la khro ba dbang dang ldan/ /rlung gi phyag rgya mtshan ldan yin/ /de la sogS ba'i phyag rgya rnams/ /lag pas dgyes pas kun tu spyod ces gsungs pa ni/ 'jig rten pa'i dkyil 'khor gsum gyi phyag rgya gsungs pa ste/ dang po ni lag pa gnyis kyis mthe bong gnyis mdud la/ mdzub mo gnyis rtse sbrad pa gcig tu byas te/ ldag? ma rnams so sor sbrul mgo bzhin du byas pa ste/ de ni klu chen po brgyad kyi dam tshig gi phyag rgya'o/ /gnyis pa ni phyogs skyong ba bcu'i phyag rgya ste/ de la dang po ni mthe'u chung mnan la/ lhag ma gsum rdo rje ltar byas pa'o/ /gnyis pa ni gung mo gnyis thod dbyug ltar byas pa'o/ /gsum pa ni mthe bong dang gung mo zhags mig ltar byas la mdzub mo brkyang ba'o/ /bzhi pa ni mdzub mo dbyug tho ltar byas pa'o/ /lnga pa ni gung mo gnyis bsgreng te/ mdzub mo gnyis so sor brkyang ba'o/ /drug pa ni sor mo rnams rgu bar 'phyar ba'i/ /bdun pa ni sor mo rnams rgu bar byas pas 'phyar ba'o/ /brgyad pa ni lag pa'i thal mo gcig rtse sbyar nas yang nas yang du bskor ba'o/ /dgu ba ni lag pa gnyis kyi steng du gcig bzhag pa bum pa 'dzin pa'i tshul du byas ba'o/ /bcu pa ni sor
- 198b
mo rnams phan tshun du bsnol ba las 'od zer ltar byas pa'o/ /gsum pa ni rgyal po chen po bzhi'i phyag rgya ste/ de la dang po ni lag pa g.yon pa rna ba'i rtsar bzung la/ g.yas pa'i gung mo dang mthe bong sbyar bas sku ru bzung ba'o/ /gnyis pa ni mthe'u chung rtse sprad de ral gri ltar byas pa'o/ /gsum pa ni gung mo brkyang ba zhags pa ltar byas pa'o/ /bzhi pa ni mthe bong gnyis tshigs bar ma bcag pas phral te/ so sor 'phyar ba'o/ /lhag ma bzhi ni gshin rje dang/ me lha dang/ dbang ldan dang/ rlung gi dam tshig gi phyag rgya ste/ de la dang po ni lag pa'i sor mo rnams yongs su bsdus shing bskyor ba'o/ /gnyis pa ni lag pa'i sor mo rnams bsnol zhing brkyang pa las me stag 'dra bar byas pa'o/ /gsum pa ni gud mo dang srin lag dang mdzub mo rnams rtse gsum pa ? byas pa'i bzhi pa ni lag pa gnyis kyi srin lag gi rtse sprad la gung mo dang mdzub mo gnyis so sor bzhibs pas brkyang ste mthe'u chung gnyis de bzhin du rtse sprad nas/ ba dan 'byar ba ltar byas pa'o/ /de la sogs pa'i phyag rgya rnams/ lag pas skyes pas kun tu spyod ches pa ni/ gzhan yang gang dang gang du phyag rgya'i tshogs kyis mngon par spyod pa de nyid dang/ rjes su mthun pa'i phyag rgyas mchod pa dang/ dgyes par bya ba nyid do/ /lha rnams kun gyi thun mong du/ /pad+ma'i phyag rgya bkra shis te/ /kla rnams phyag rgya utpal/ /de ltar so ni gnod sbyin rnams/ /srin po rnams kyi mgo tshal pa/ /bud med rnams kyi sor bcu bsnol/ /gza' rnams kun gyi dbyug pa ste/ /arga dbul ba rgyu skar rnams/ /mgo bo'i thod pa khar bzhag pa'i/ /phyag rgya'i thod pa khar bzhag pa/ phyag rgya 'di ni phra mon ma'o/ /mgo thod lce yi phyag rgya ni/ /rdo rje rnal 'byor ma yir bshad zhes gsungs pa ni bcom ldan 'das kyis 'jig rten pa'i lta rnams kyi phyag rgya bsdus nas gsungs pa ste/ de la dang po ni lag pa gnyis phan tshun du song mo rnams rtse sprad pa las
- 199a
pad+ma dkar po'i tshul du byas ba ste/ de ni bkra shis kyi rdzas dang lha dang lha'i bu mo thams cad kun brtse zhing rol pa ni/ bdud rtsi pad+ma las longs spyod pa'i phyir na/ lha thams cad kyi thun mong du pad+ma'i phyag rgya bshad pa'o// gnyis pa ni lag pa gnyis kyi phung mo dang srin lag rtse sprad pa sbyar ste/ bsgreng nas mthe'u chung phyir sbyar te/ mdzub mo gnyis gung mo'i tshigs dang por sbyar nas bkug pa ste/ de ni klu rnams thams cad nam mkha' lding gis 'jigs pa la/ 'phags pa 'jam dpal la klu'i rgyal po'i dga' bos utpa la'i phreng ba phul nas slar zhu ste/ de byin gyis brlabs pa las/ /klu rnams kun tu bsrung ba'i phyir/ /klu dang klu'i bu mo rnams dus thams cad du utpa la 'dzin pa'i phyir/ klu thams cad kyi thun mong du utpa la'i phyag rgyar bshad par bya'o/ /gsum pa ni mdzub mo gnyis pa ? te/ kha'i thad kar mthe ba ltar bya ba dang/ mthe'u chung gnyis 'og tu mche ba ltar byas pa ste/ de ni gnod sbyin rnams sems can rnams kyi srog gcod cing sha rnams za ba'i mche ba gdug pa dang ldan pa'i phyir gnod sbyin thams cad kyi thun mong du mche ba'i phyag rgyar bshad do/ /bzhi pa ni lag pa phan tshun sor mo rnams legs par mdud cing mthe bong gnyis ni mig ltar byas pa ste/ de ni srin mo rnams rtag tu mi'i thod ma la longs spyod pa'i phyir/ srin po thams cad kyi thun mong du mgo bo'i thod pa dum bu'i phyag rgyar bshad pa'o/ /lnga pa ni ma mo rnams kyis te/ lag pa rnams kyi sor mo bcu phan tshun du bsnol ba ste/ de ni ma mo rnams kyi 'khrig pa'i chos la nye bar brtan pa'i phyir ne bud med thams cad kyi thun mong du sor mo bcu phan tshun du bsnol nas brang du bzung ba'o/ /drug pa ni lag pa'i sor mo rnams bsdams pa las/ mdzub mo g.yas pa dbyug pa ltar 'phyar ba ste/ de ni gza' rnams lha ma yin gyi
- 199b
'jigs pa thams cad bzlog pa'i phyir du rin po che'i dbyug pa 'dzin pa'i phyir gza' rnams kyi thun mong du dbyug pa'i phyag rgyar bshad pa'o/ /bdun pa ni lag pa gnyis zur sbyar la sor mo rnams rtse sprad de/ mthe bong gnyis mdzub mo'i ngos la sbyar ba ste/ de ni rgyu skar rnams rang rang gi bdag po la zhabs bsil gyis kun tu bsnyen bkur byed pa'i phyir/ dkar ma'i lha mo thams cad kyi thun mong du arga dbul ba'i phyag rgyar bshad pa'o/ /brgyad pa ni sor mo rnams bsnol ba las gung mo dang mthe'u chung gnyis tshigs bkug la mthe bong gis mdzub mo mnan la khar bzhag pa ste/ de ni 'jig rten gyi mkha' mgro mthong pa khrag gis bkang ba mthun pa'i phyir/ mkha' 'gro ma thams cad kyi thun mong du mgo bo'i thod pa khar bzhag pa'i phyag rgyar bshad pa'o/ /dgu pa ni de nyid las srin lag gnyis rtse sprad nas lce 'dra bar byas pa ste/ de rdo rje rnal 'byor ma thams cad mi mgo rlon pa lce dang bcas pa'i phyag rgyar bshad pa'o/ /de nas kun gyi thun mong du/ /phyag rgya chen po bshad par bya/ /thal mo brkyang pa byas pa'am/ /yang na thal mo padmor bya/ /rdo rje'i khu tshur bcings nas kyang/ /a zhes bya ba lu gu rgyud/ /hUM zhes bya ba gnyis bsgreng la/ /phyag na rdo rje'i phyag rgya yis/ /rdo rje bcings pas bsdams nas kyang/ /hUM dang a gnyis gzhibs nas bsgreng/ /oM zhes bya bas ngos sbyar ba'i/ /phyag rgya snang bar byed par dgongs/ /de la a zhes bya bas bcing/ /oM zhes bya bas nang du gzhug/ hUM zhes byabas sngon bzhin bya/ /traM yang hUM dang 'dra bar bya/ /gshin rje gshed po'i phyag rgya yin/ /traM zhes bya ba gzhibs nas ni// a dang oM gnyis su gu brgyud/ /lhag ma gzhibs pa'i phyag rgya 'di/ /bdud rtsi 'khyil par shes par bya/ /traM zhes bya bar gzhings nas ni/ /hUM zhes bya ba'ang de bzhin no/ /de ltar a zhes bya ba gzhig /lhag ma 'od zer 'dra bar bya/ /de ni rta mgrin phyag rgya ste/ /de
- 200a
dag las rnams kun las gsungs zhes gsungs pa ni bcom ldan 'das phyag na rdo rje'i phyag rgya gsungs pa ste/ de la dang po ni 'jig rten pa'i lha rnams la phyag rgya chen po med pa'i phyir bcom ldan 'das phyag na rdo rje'i phyag rgyas 'jig rten pa'i lha rnams kyi phyag rgya chen por bsgyur ba ni de dag thams cad kyi lus kyi skabs su lag pa gnyis kyis thal mo brkyang pa 'am/ pad+ma 'dra bar bya ba ste/ 'di ni bcom ldan 'das kyi lha rnams gus pa dang bcas pa'i mchod pa'i rdzas kyis bsnyen bkur byed pa'i phyir lag pa brkyang ba dang/ pad+ma 'dra bar byas pa'o/ /de las mthe'u chung gnyis lu gu rgyud du byas pa las lag pa rgyab sbyar te/ mthe bong gnyis rtse sbrad nas gzhan rnams bkur cing mdzub mo gnyis rgyab sprad nas bsgreng la snying gar bzung ba'o/ /gnyis pa ni rdo rje gdams pa las mdzub mo gnyis dang mthe bong gnyis gzhibs la bsgreng ste/ mthe bong gnyis mdzub mo'i ngos la sbyar la/ thal mo kha bye bar byas pa'o/ /gsum pa ni sor mo rnams bsdams pa las mthe bong gnyis nang du bcug ste/ mdzub mo dang gud mo gnyis gzhibs l bsgreng nas ral gri'i tshul du byas pa'o/ /bzhi pa ni lag pa gnyis rgyab sbyar la/ mthe bong dang mthe'u chung gnyis lu gu rgyud du byas nas/ gung mo gnyis gzhibs la bsgreng ba ste/ lhag ma rnams tshigs par ma bcag la bkug pas snying gar bzung ba'o/ /lnga pa ni gung mo dang mdzub mo gzhibs la bsgreng ba ste/ mthe'u chung yang de bzhin du gzhibs la bsgrengs das srin lag dang mthe bong gnyis 'od zer 'dra bar byas pa la/ rta'i kha gdengs pa ltar byas pas spyi bor bzung ba'o/ /de dag ni 'dir gsungs pa'i phyag rgya chen po bzhi zhes par 'dod de/ 'jig rten pa'i lha rnams yang dag par 'dul bar byed ba'o/ /de dag las rnams kun las gsungs zhes pa ni 'jig rten pa'i dkyil 'khor gyi
- 200b
skabs ni phyag rgya chen po bzhis bstan par byed pa'i phyir ro/ dkyil 'khor rgyas 'debs bar byed pa dang/ 'jig rten las 'das ba'i dkyil 'khor gyi skabs su ni phrin laS rnam bzhi'i pho nya'i tshogs kyi las thams cad byed pa'i phyir/ de dag las rnams kun las gsungs zhes pa nyid do/ /spyan gyi mig dang 'dra bar bshad/ /mA mo kI ni rdo rje 'dra/ /dkar mo pad+ma nyid du bshad/ /utpa la ni sgrol mar dgongs/ /zhes pa ni rigs bzhi'i yum bzhi'i phyag rgya gsungs pa ste/ de la bdag gi mdzub mo dang gung mo so sor brkyang zhing srin lag mdud pas mig 'dra bar byas pa dang/ gud mo rdo rje 'gre bar byas pa dang/ sor mo rnams bsdus nas brkyang bas utpa la 'dra bar byas pa'o/ /de nas bcom ldan 'das phyag na rdo rjes sems can thams cad la phan pa'i phyir las thams cad 'grub par byed pa'i sngags kyis yig 'bru rnams nyid kyi thugs ka nas phyung ngo/ /sa sa sa sa sa sa sa sa sa sa sa sa sa sa sa sa/ ba ba ba ba ba ba ba ba ba ba ba ba ba ba ba ba/ dzra dzra dzra dzra dzra dzra dzra dzra dzra dzra dzra dzra dzra dzra dzra dzra/ twa twa twa twa twa twa twa twa twa twa twa twa twa twa twa twa twa/ hUM dzra hoM d+hUM/ traM raM b+h+raM haM/ h+ri d+hi truM b+haM/ kaM daM k+ShaM yaM saM oM bu d+ha lo tsA na hUM/ badzra mA ma'i traM/ oM pad+ma baN+Ta ra ba si ni h+raM/ oM karma tA re a/ oM de hi de hi/ sid+d+hi sid+d+hi bid+d+hi ni/ lo ka u ta ta ma ma swAhA/ oM tA re tut+ta re hUM hUM hUM hUM swAhA/ zhes bya ba gsungs pa ni 'dir bcom ldan 'das kyis las kyi tshogs thams cad khyab par 'jug pa'i yig 'bru rnams gsungs pa ste/ de sems can thams cad la phan pa'i phyir zhes pa ni sems can thams cad de bzhin gshegs pa ngan song thams cad yongs su sbyong ba'i rgyal po 'dis sdug bsngal gyi rgya mtsho las sgrol zhing de'i dkyil 'khor dang lha rnams ni gong du gsungs pa de'i skyed par byed pa'i yig 'bru dang/ las so so'i sngags rnams ma gsungs pa'i phyir
- 201a
gsungs la/ de nyid gang dag yang dag par rdzogs par byang chub thob par byed pa'i thabs bla na med pa yin pa'i phyir na sems can thams cad la phan pa zhes bya'o/ /las thams cad grub par byed pa ni dbang na bsgrub mkhan gyis bsgrubs lcags lta bus 'jig rten dang 'jig rten las 'das pa'i las dang dngos grub thams cad ma lus par rdzogs par byed pa'i yan lag yin pa'i phyir ro/ /sngags kyi yig 'bru ni 'brur bkod pa'i tshogs te/ de dag nyid kyi thugs ka nas zhal du phyung pa nyid do/ /de nyid gang yin snyam pa la/ yig 'bru drug cu rtsa bzhi la sogs pa gsungs te/ de la yig 'bru gsum pa gsungs te/ de la yig 'bru la sogs pa'i drug cu rtsa bzhi po ni bcom ldan 'das rdo rje sems dpa' chos kyi sku spros pa thams cad dang bral ba'i ngo bo ste/ de nyid me long lta bu'i ye shes las mtshon nas/ yig 'bru dang po gsungs pa dang/ mnyam pa nyid kyi ye shes las mchon nas yig 'bru gsum pa gsungs pa dang/ so sor rtog pa'i ye shes las mtshon nas yig 'bru bzhi pa gsungs pa dang/ bya ba grub pa'i ye shes la mtshon nas yig 'bru gnyis pa gsungs pa dang/ de nyid chos kyi tshul gyi sgo nas rdo rje sems dpa' rnam pa bzhir 'gyur ro/ /ji lta bus 'gyur snyam pa 'am/ /rnam par snang mdzad kyi rgyud las bcom ldan 'das kyis/ rgyu rkyen lam dang 'gro bu yis/ /rdo rje sems dpa' bzhir 'gyur zhing/ /rtog dang bral zhing 'od gsal dang/ gzhig par mi nus kun 'joms phyir/ /rdo rje sems zhes brjod pa yin zhes gsungs te/ de la tshigs su bcad pa nges ni bsgrub par bya ba'i chos mdza' dag gsungs so/ /de la de dag ni ji lta bu zhig mnyam pa la/ de ni 'di ltar tshigs su bcad pa phyed kyis ni ngo bo gsungs so/ /phyed kyis ni nges pa'i tshig gsungs te/ de yang 'di ltar rgyu rdo rje sems dpa' sems can thams cad la
- 201b
phan ba thog ma nas gnyis su med pa'i ye shes kyi sa bon yod pa nyid de/ de la thog ma med pa nas log par rtog pa'i dbang gis log par brtags pa'i dri ma de gzhig dka' ba'i phyir rdo rje zhes bya zhing de nyid sems kyi cha las byung ba'i phyir sems dpa' zhes bya'o/ /rkyan rdo rje sems dpa' ni gang du byang chub kyi sems bla na med pa bskyed pa de ste/ yang dag pa'i de kho na nyid bsgoms pa las log par rtog pa'i bag chags thams cad 'joms pa'i phyir rdo rje zhes bya ba dang/ de nyid byang chub kyi sems dang ldan pa'i phyir sems dpa' zhes bya'o/ /lam rdo rje sems dpa' ni gang du lha'i phyag rgya chen po bsgoms pa de ste/ de nyid las rnam par rtog pa dang bral ba'i shes pa skye ba'i phyir na/ rdo rje zhes bya ba dang/ de nyid sems kyi khyad par las byung ba'i phyir/ sems dpa' zhes bya ba nyid do/ /'bras bu rdo rje sems dpa' ni chos kyi sku te/ rang bzhin gyis 'od gsal zhing sems can thams cad kyi don du sku rnam pa gnyis la khyab pa'i phyir rdo rje zhes bya ba dang de nyid las sprul pa sna tshogs byung ba'i phyir sems dpa' zhes bya ba ste/ de dag gi ni bdud rtsi sgyu ma'i tshogs ma lus par 'dul ba'i phyir rdo rje sems dpa' chen po zhes bya ba kho na'o/ /de nyid las 'phrin las rnam pa bzhi'i dkyil 'khor dang ldan pa'i phyir yig 'grub zhi gsungs la/ de dag bcu drug du gsungs pa ni ye shes kyi sems dpa' bcu drug la phyag rgya bzhi pa'i dkyil 'khor dang ldan par gsungs pa'o/ /de la hUM la sogs pa'i yig 'bru bcu drug pa ni rdo rje sems dpa' la sogs pa'i snying po ste/ de nyid kyi mtshan la yig 'bru btags pa'i phyir sngags kyi snying po zhes bya ste/ /de dag kyang rim pa ji lta ba bzhin du hUM ni sems dpa' o/ /dza ni rgyal po'o/ /ho ni chags pa'o/ /d+hu ni legs pa'o/ /? ni rin chen gyi'o/ /ri ni nyi ma'i'o/ /b+hi ni rgyal mtshan gyi'o/ /ha ni bzhad pa'i'o/ /h+ri ni chos kyi'o/ /dri ni rnon po'i'o/ /kruM ni
- 202a
'khor lo'i laM /d+ha ni gsung ba'i'o/ /kaM ni las kyi'o/ /de ni bsrung ba'i 'o/ /k+Sha ni gnod sbyin gyi'o/ /saM ni dam tshig gi snying por shes par bya ste/ de dag kyang so so la 'phrin las rnam pa bzhi dang ldan par gsungs pa ni rgyal po dang/ rgyal mtshan dang/ rnon po dang/ gnod sbyin rnams kyis ni mngon spyod kyi las mdzad pa nyid de/ chags pa dang/ bzhad pa dang/ gsung ba dang/ dam tshig rnams ni dbang gi phrin las mdzad do/ /rdo rje sems dpa' dang/ rin chen dang/ 'khor lo dang/ las rnams kyis rgyas pa'i 'phrin las mdzad do/ /rdo rje legs pa dang/ nyi ma dang chos dang/ bsrung ba rnams ni zhi ba'i las mdzad pa nyid do/ /de dag gi mtshan dang sku mdo dang/ phyag mtshan la sogs pa ni chos thams cad rang bzhin gyis 'od gsal ba las 'gro ba sems can thams cad bla na med pa yang dag par rdzogs par bya ba'i phyir sprul pa'i sku rnams yongs su spros pa ste/ de yang rnam par snang mdzad kyi rgyud le'u sum cu rtsa gsum pa las/ mi bskyod rdo rje bcom ldan 'das/ /rang gi 'khor lo rdzogs bya'i phyir/ /nyi zla kha sbyor 'od ldan pas/ /phyogs bzhi ru ni rnam par spro/ /de steng yig 'bru dkar ldan bzhi/ /de las gyur pa'i mtshan ma bzhis/ /sems dpa' bzhi ni yongs su rdzogs zhes pa la sogs pa rgyas par gsungs te/ de la ? bcom ldan 'das mi bskyod pa'i phyogs bzhir zla ba'i dkyil 'khor bzhi byung bar gyur to/ /de'i steng du nyi ma'i dkyil 'khor bzhi byung bar gyur to/ /de'i steng du bcom ldan 'das kyi thugs kyi dkyil 'khor nas/ hUM la sogs pa'i yig 'bru bzhi spros pa ste/ de dag rdo rje sems dpa' la sogs pa'i mtshan ma bzhir gyur to/ /de'i skad cig la rdo rje sems dpa' la sogs pa'i sems dpa' bzhir yongs su rdzogs par gyur te/ de dag rim pa ji lta ba bzhin du zla ba ni me long lta bu'i ye shes
- 202b
zhes bya'o/ /nyi ma la ni mnyams nyid kyi ye shes zhes bya'o/ /yig 'bru dang mtshan ma la ni so sor rtog pa'i ye shes zhes bya ba'o/ /de dag gcig tu gyur pa ni bya ba grub pa'i ye shes zhes bya'o/ /sku yongs su rdzogs pa ni chos kyi dbyings kyi ye shes zhes bya ste/ de dag ni 'don par byang chub pa rnam pa lnga'i bdag nyid las byung ba'o/ /de dag ni drod gsher las skyes pa'i tshul dang sbyar ba ste/ dper na gang du rlan dang drod dang/ de'i gnas dang/ dus tshod dang/ de'i rgyud las grub pa'i sems can bzhin no/ /de dag gi kha dog ni rdo rje'i rigs la brten pa'i phyir kha dog dkar po dngos/ /mtshan ni de'i skad cig de nyid las sems dpa' rnams kyi rang rang gi tshigs su bcad pa dang snying po rnams gsungs pa ste/ de yang rnam par snang mdzad kyi rgyud las/ e ma ho bdag nyid sems dpa' ste/ /mi bskyod? rdo rje byin rlabs shing/ /sems can don la mngon sems phyed/ /rdo rje sems dpa' zhes byar brjod/ /zhes pa'i tshigs su bcad pa rnams gsungs pa'i phyir rdo rje sems dpa' i zhes bya'o/ /de bzhin e ma ho bdag ni rgyal po ste/ /rdo rje rgyal por byin brlabs shing/ /'gro kun bdud las rgyal byed phyir/ /rdo rje rgyal po zhes byar brjod/ /e ma ho bdag ni chags pa ste/ /'gro ba'i chags pa rjes chags phyir/ /rdo rje chags pa zhes byar brjod/ /e ma ho bdag ni legs pa ste/ /mdzes pa'i rgyal po byin bslab cing/ /'gro kun ye shes rgyan 'dogs phyir/ /rdo rje legs pa zhes byar brjod/ /e ma ho bdag nyid rin chen che/ /rin chen rgyal pos byin brlabs shing/ /'gro kun re ba bskad pa'i phyir/ /rdo rje rin chen zhes byar brjod/ /e ma ho bdag ni nyi ma ste/ /gzi brid rgyal por byin brlab cing/ /'gro kun nyon mongs sel ba'i phyir/ /rdo rje nyi ma zhes byar brjod/ /e ma ho bdag ni rgyal mtshan ste/ /seng+ge rgyal pos byin brlabs shing/ /'gro kun sbyi gtsug ldan byed cing/ /rdo rje rgyal mtshan zhes byar brjod/ /e ma ho bdag ni bzhad pa ste/ /dgyes
- 203a
pa'i rgyal pos byin brlabs te/ /'gro kun dga' bar byed pa'i phyir/ /rdo rje bzhad pa zhes byar brjod/ /e ma ho bdag ni chos mchog ste/ /dgra chos rgyal pos byin brlabs shing/ /'gro kun dam chos lam bskyod phyir/ /rdo rje chos zhes bya bar brjod/ /e ma ho bdag ni rnon po ste/ /mtshon cha'i rgyal bos byin brlabs shing/ /'gro kun rtog pa'i 'dra gcod phyir/ /rdo rje rnon po zhes byar brjod/ /e ma ho bdag ni 'khor lo ste/ /gtum pa'i rgyal por byin brlabs shing/ /'gro kun thar pa'i grong bgrod? phyir/ /rdo rje 'khor lo zhes byang brjod/ /e ma ho bdag ni tshig yin te/ /tshig gi rgyal pos byin brlabs shing/ /'gro kun legs pa'i lam ston phyir/ /rdo rje gsung ba zhes byar brjod/ /e ma ho bdag ni las yin te/ /kun mdzad rgyal po byin brlabs shing/ 'gro ba'i las rnams rdzogs byed phyir/ /rdo rje las zhes bya bar brjod/ /e ma ho bdag ni bsrung ba te/ /mi 'jigs rgyal pos byin brlabs shing/ /'gro kun bdud las bsrung ba'i phyir/ /rdo rje bsrung ba zhes byar brjod/ /e ma ho bdag ni gnod sbyin ste// mche pa'i rgyal pas byin brlabs shing/ /'gro kun sgrib pa gcod byed cing/ /rdo rje gnod sbyin zhes byar brjod/ /e ma ho bdag ni dam tshig ste/ /mi 'gyur rgyal por byin brlabs shing/ /'gro kun sdig pa'i tshogs sdom phyir/ /rdo rje dam tshig zhes byang brjod/ /ces pa'i tshigs su bcad pa rnams kyis rang rang gi las su bya ba dang/ nges pa'i tshig gis mtshan yongs su btags pa'o/ /kha dog ni 'dir rdo rje'i rigs la sogs pa rigs bzhi pa'i bye brag dang/ 'phrin las rnam pa bzhi dang/ ye shes rnam pa bzhi'i phye brag la sogs pa'i dbye bas dkar po dang/ ser po dang/ dmar po dang/ ljang gur nges pa'o/ /phyag mtshan yang gong gis rjes su mtshon pa las shes par bya'o/ /de la sems can rnams gnyis su med pa'i ye shes bskyed ba'i
- 203b
phyir ngan song gsum pas 'dren pa'i dang/ bdud kyi tshigs 'bigs par byed pa dang/ sangs rgyas kyi zhing du 'jog par byed pa dang/ ji ltar bsam pa'i re ba skod par byed pa dang/ ma rig pa'i mun pa'i tshogs bsal bar byed pa dang/ yang dag pa'i bka' dang ldan par byed pa dang/ nyon mongs pa'i 'dam nas 'don par byed pa dang/ tshul khrims kyi dri 'god par byed pa dang/ rnam par rtog pa'i dra ba gcod par byed pa dang/ chos ki dbyings su bskyod par byed pa dang/ de bzhin gsang ba'i sal gnas par byed pa dang/ dngos grub rnam pa bzhi ster bar byed pa dang/ bdud kyi tshogs las skyob pa dang/ 'khor ba'i dra ba gcod pa dang/ sdig pa mi dge ba'i chos rnams sdom par byed pa'i phyir/ rang rang gi phyag mtshan rdo rje lcags kyu la sogs pa 'dzin pa nyid do// rnal 'byor pa'i rgyu'i skabs su ni sems kyi skad cig ma bcu drug gis rim pas rdo rje sems dpa' la sogs bcu drug gis ngo bo nyid du 'gyur ro/ /phyag rgya bzhi pa'i dkyil 'khor ni sems dpa' la rdo rje zhi ba la sogs pa'i 'khor bzhi dang/ rgyal po la kun tu bzang phyi ma sogs pa'i 'khod bzhi dang/ chags pa la kun nas 'od zer la sogs pa'i 'khor bzhi dang/ legs ba la zhi ba'i blo gros la sogs 'khor bzhi dang/ rin chen la bzang po dpal la sogs pa'i 'khor bzhi dang/ nyi ma la bzang skyod la sogs pa'i? 'khor bzhi dang/ rgyal mtshan stobs chen la sogs pa'i 'khor bzhi dang/ bzhad pa la 'od bzang la sogs pa'i 'khor bzhi dang/ rdo rje chos la rgyal ba'i rtog la sogs pa'i 'khor bzhi dang/ rnon po la rgyal ba'i blo gros la sogs pa'i 'khor ? dang/ 'khor lo dri med rgyal po la sogs pa'i 'khor bzhi dang/ bsrung ba la chos kyi rgyal ba la sogs pa'i 'khor bzhi dang/ las la de nyid snang la sogs pa'i 'khor bzhi dang/ bsrung ba la spyod pa'i blo gros la sogs pa'i 'khor bzhi
- 204a
dang/ gnod sbyin la rdo rje snang ba la sogs pa'i 'khor bzhi dang/ dam tshig la 'khor lo la sogs pa'i 'khor bzhis bsrung shing mchod pa dang/ sgo skyong bas yang dag par ldan pa ni phyag rgya bzhi pa'i dkyil 'khor zhes bya ba kho na ste/ de'i phyir yig 'gru drug cu rtsa bzhi po gsungs par shes par bya'o/ /sangs rgyas spyan la sogs pa'i snying po rnams ni dam tshig gi phyag rgyas bsdus pa yin la/ 'og tu gsungs pa'i sngags ni 'jig rten las 'das pa'i yum bzhi'i dngos grub dam pa byang chub kyi dngos grub tu yang dag par gsol ba 'debs pa'o/ /de dag kyang rnam par snang mdzad kyi rgyud la byung ba'i le'u las/ kun tu sgeg cing mdzes pa'i gzugs/ /dkyil 'khor gnyis dang yang dag ldan/ /sangs rgyas kun gyi yum gyur pa/ /bde bar gshegs kyi mngon spros pas/ /yongs su rdzogs la rang rang gi mtshan dang sngags su yang dag gsungs zhes pa dang/ rim pa'i rnam pa cha byang can/ /mchod pa thams cad rdzogs pa'i phyir/ /ye shes lnga yi ngo bo las/ /gzugs dang ldan par tshig brjod pas/ /sgeg mo la sogs mchod pa brgyad/ /shar la sogs pa'i sgo rnams su/ /de ltar gzugs dang rjes mthun pas/ /rang rang sngags ni gsungs pa yis/ /lcags kyula sogs phyag rgya bzhis/ /zhes gsungs pa nas/ de dag kyang dang pos sems dpa' rnams kyi tshul ji lta ba bzhin du bcom ldan 'das kyi mdza' logs su nyi ma dang zla ba bcu drug byung bar gyur pa dang/ de dag gi steng du bcom ldan 'das kyi thugs kyi dkyil 'khor nas/ lam la sogs pa'i yig 'bru rnams spros pa las rdo rje sems dpa' la sogs pa'i mchan mar gyur cing de'i skad cig la sku yongs su rdzogs pas rang rang gi tshigs su bcad pa dang/ sngags rnams gsungs shing dgyes pa yang dag par phul ba'i phyir/ sangs rgyas spyad zhes pa la sogs pa mtshan du btags
- 204b
par shes par bya'o/ /phyag mtshan ni rigs kyi yum yin pa'i phyir rigs bzhi'i phyag rgya 'dzin pa dang gzugs la sogs pa 'dod pa'i yon tan lngas mngon par mchod pa'i phyir/ sgeg mo la sogs pa'i phyag rgya mdzad pa dang/ dgug pa la sogs pa'i dam tshig dag/ ye shes 'dra bar byed pa'i las bzhi byed pa'i phyir/ lcags kyu la sogs pa'i phyag mtshan 'dzin pa nyid do/ /kha dog ni de'i rigs kyi rjes su mthun pa las byung ba'o/ /de la rigs kyi rjes su 'brel pa'i rigs pa ma yin no zhe na/ de ni gzhal yas khang gi sa 'og pa nye? rin po che mu tig la sogs pa laS grub pa'i phyir/ de'i 'od dang ldan pa nyid do/ /gzhan du kha dog gi nges pa med pa ni yon tan g yi sgo nas shes par bya'o/ /de la lta bas rin po che'i 'od gsal bar 'gyur ram/ zhe na/ de ni 'di ltar lta las ni don dam par na kha dog dag dang dbyibs kyi rnam pa med cing rang bzhin gyi 'od gsal ba yin la/ 'gro ba rnams kyi bsam pa la dgongs nas de'i rnam par 'gyur pa bstan pa ste/ dper na ri rab kyiS nam mkha' kha dog bsgyur ba bzhin no/ /zhi ba'i gdung pa'i sngags nas mngon spyod kyi gdung? ba'i sngags kyi bar du ni gar dang gang du las byed pa'i skad cig la/ rigs dang rjes su mthun pa'i phur bus las su bya'i/ spyi bor btab ba na zhi ba'i la sogs pa'i lha bsams te/ rigs dang rjes su mthun pa'i tho bas gdung bar bya ba? ste/ lan bcu drug ni sems dpa' bcu drug rnal 'byor gyi bya ba'o/ /de nyid zhi bar byed pa'i phyir/ sha ma pa ta zhes brjod pa dang/ chos dang longs spyod gong nas gong du 'phel bar byed pa'i phyir grub zhes bya ba brjod pa dang/ khyod bdag gir shog ces dbang du byed pa'i phyir/ ho huM zhes brjod pa dang/ tshe dang srog rnams gcod par byed pa'i phyir/ /kha TaM zhes brjod par shes par bya'o/ / de nas brgya byin la sogs pa'i lha rnams kyis bcoM ldan 'das la phyag btsal naS 'di skad ces
- 205a
gsol to/ /bcom ldan 'das gang gi phyir gdug pa thams cad gzhig par bya ba dang/ ma rungs pa'i tshogs thams cad ma lus par gzhom par bgyi ba'i slad du khro bo chen po rnams kyi dkyil 'khor bshad du gsol/ bcom ldan 'das bshad du gsol/ bde bar gshegs pa bshad du gsol/ zhes pa ni 'dir brgya byin la sogs pas dkyil 'khor bshad par zhus pa ste/ de la phyag 'tshal ba ni gus pa dang bcas par zhu ba'o/ /gang gi phyir zhes pa ste/ gdug pa thams cad gzhig par bgyi ba dang/ ma rungs pa thams cad gzhom? par bgyi ba ni srin po 'am/ gnod sbyin nam/ nam mkha' lder dam/ mkha' 'gro ma la sogs pa ma rungs pa'i sems dang ldan pa gdug pa'i las kyi sems can la gnod pa byed pa ste/ de dag gzhig pa ni 'dus? par bya ba ste/ de'i phyir bshad du gsol zhes par sbyar ro/ /lan gsum ni ched du bya ba'i tshig tu shes par bya ba nyid do/ /de nas bcom ldan 'das phyag na rdo rje nyid kyi sku por gnas rdo rje sems dpa' i skur bzhugs te/ gnyis su med pa'i mnyaM par gzhag pa zhes bya ba'i ting nge 'dzin la snyoms par zhugs nas/ rdo rje sems dpa' i khro bo me'i nyi ma zhes bya ba'i snying po 'di nyid kyi thugs kha nas phyung ngo zhes gsungs pa ni khro bo'i dkyil 'khor gsungs pa la snyoms par zhugs pa ste/ de la bcom ldan 'das ? rdo rje'i sku bor nas/ rdo rje sems dpa' i skur zhugs pa ni bdag po dang rjes su mthun pa khro bo'i dkyil 'khor gsungs pa ste/ gcig tu rdo rje sems dpa' dang phyag na rdo rje ngo bo gcig la sems can rnams kyi bsam pa dang sbyar nas skur bor gang shes par bya'o/ /gnyis su med par mnyam par gzhag pa ni 'bras bu'i rdo rje sems dpa' dang gnyis su med pa'i mnyam par gzhag pa ste/ de nyid dang khro bo ngo bo gcig par gsungs pa la/ thugs mnyam par gzhag pa'o/ /rdo rje sems dpa' i
- 205b
khro ? sems dpa' i sprul pa'i khro bo ste/ de nyid sku gsung thugs kyi rtags sku me'i phung po ltar 'dug pa dang/ gsung nyi ma 'od zer lta bus mun pa sel bar byed pa dang/ thugs rdo rje ltar mi 'gyur ba'i phyir na/ rdo rje'i me'i nyi ma'i zhes bya ba kho na'o/ /snying po ni sngags te/ de bcom ldan 'das kyi thugs nas zhal du gyur bar shes par bya'o/ /oM badzra sangpa? kro d+hA na la arka/ badzra kro d+ha dra ba dra ba dra ba/ bi dra ba bi dra ba bi dra ba/ sarba b+ha a b+hA ya na Shar ya/ na sha ya/ ha ra ha ra/ pra ha ra pra ha ra hUM phaT/ oM trai lokya a lo ka ka ra hUM phaT/ oM dzrai? lo kya ra? ma ka hUM phaT/ oM trai lokya na sha hUM phaT/ oM tri band+ha ka hUM phaT/ oM a me to sni sha hUM phaT/ oM ka la daMSh+Ta hUM phaT/ oM ka la d+hU ti hUM phaT/ oM tri ta bi ta hUM phaT/ oM ka la aM gu sha hUM phaT/ oM ka la bA sha hUM phaT/ oM ka la band+ha hUM phaT/ oM ka la rA ga hUM phaT/ oM ka la rakshA? si hUM phaT/ oM ka la dan ti hUM phaT/ oM ka li ra tri hUM phaT/ oM ka la rak+Sha si hUM phaT/ ces pa la sogs pa'i sngags ni khro bo'i dkyil 'khor rnams kyi sngags gsungS pa ste/ de la dang po ni me'i rdo rje nyi ma'i sngags yin pas na/ de ni 'di ltar rdo rje sems dpa' khro bo me'i rdo rje nyi mas sreg par gyis pa'i sngags lan bzhi gsungs pa dang/ 'jigs pa thams cad chom shig phrogs shig rab tu phrogs shig pa'i sngags gsungs pa'o/ /gnyis pa ni khams gsum snang byed kyi'o/ /gsum pa ni srid gsum gnod byed kyi'o/ /bzhi pa ni khams gsum 'jigs byed kyi'o/ /lnga pa ni srid gsum 'ching byed kyi'o/ /drug pa ni bdud rtsi gtsug tor gyi'o/ /bdun pa ni dus kyi pho nya'o/ /brgyad pa ni kun? kyi pho nya'o/ /dgu pa ni rnam par gsum rig gi'o/ /bcu pa ni dus kyi lcags kyu'o/ /bcu gcig pa ni dus kyi zhags pa'i'o/ /bcu gnyis pa ni dus kyi 'ching byed do/ /bcu gsum pa ni dus kyi chags pa'i'o/ /brdu bzhi pa ni dus?
- 206a
kyi srid mo'i'o/ /bco lnga pa ni dus kyi sa can gyi'o/ /bcu drug pa ni dus kyi mtshan ma'o/ /bcu bdun pa ni dus kyi gnod sbyin gyi mor shes par bya ste/ bskyed pa'i sa bon yang de dag gi dbus kyi yig 'bru las shes par bya'o/ /de nas dkyil 'khor mi ? pa/ /che ba'i che mchog rtsibs bcu gnyis/ /lha rdzas 'bar ba'i phreng bas dkris/ /shing tu 'bar zhing cher 'bar ba/ /de ltar dkyil 'khor bris nas kyang/ /rdo rje sems dpa' bzhag par bya/ /'jig rten gsum snang la sogS khro bo kun/ /ma rungs snying gar mnan cing bsdigs byed cing/ /zhal ni shin tu mche ba gtsigs par 'jigs 'jigs 'dra/ /phyag ni rgya phrag du mar ldan/ /sprul dang mi mgos dbu brgyan cing/ /stag gi pags pas rnam dkra shis shing/ /rgyu ma thogs shing dbu mdza' yas/ /mgo thod khrag bkar phyag na bsnams/ /de ltar byin nas phyi rol tu/ /srin mo'i tshogs rnams bzhag bya ste/ /sgo rnams su ni sgo ba rnams/ /rang rang phyag rgyas rnam par gnas zhes gsungs pa ni de dag gi dkyil 'khor gyi cho ga gsungs pa ste/ /de la dur khrod dam ma mo'i gnas sam /shan pa'i khyim la sogs par stegs bu khru nyi shu rtsa bzhi pa brtsigs te/ bdung rtsi rnam pa lngas byugs la thig legs par btab la bri bar bya ba ni dbus su 'khor lo sngon po me'i 'od dang chas rtsibs bcu gnyis pa cig bri bar bya'o/ /de'i grwa bzhir ni mi ro bzhi bri bar bya'o/ /de'i phyi rol du sgo dang rta babs dang/ dra ba dang dra ba byed pa la sogs pas brgyan cing kun nas mdzes par byas pa nyid do/ /de la 'khor lo'i dbus su ni khro bo chen po me'i rdo rje nyi ma sku mdog dmar po zhal gsum phyag drug pa phyag g.yas pa gsum gyis rdo rje dang ral gri dang 'khor lo 'dzin cing g.yon pa gsum gyis dril bu dang zhags pa dang thod pa bsnams pa/ zhal dang po dmar po g.yas dkar ba la g.yon
- 206b
? po/ /rdo rje sems dpa' i dbu rgyan can/ /lha drag po dang dkar po snying gar mnan pa bri bar bya'o/ /de'i mdun gyi rtsibs la khro bo khams gsum snang byed/ sku mdog nag po zhal gsum pa la zhal dang po nag po g.yas dkar pa/ g.yon dmar ba la phyag ? pa lag pa g.yas pa gsum gyis ? ya dang/ ral gri dang/ 'khor lo 'dzin pa/ g.yon pa gsum gyis rdo rjes mtshan pa'i thob dang/ rin po che dang/ thod pa 'dzin pa/ ma he'i steng na nyi ma'i dkyil 'khor la bzhugs pa/ bcom ldan 'das rnam par snang mdzad kyi dbu rgyan dang ldan pa bri bar bya'o/ /de'i rtsibs gsum pa la ni khro bo khams gsum gnod byed sku mdog dkar ser la/ zhal gsum pa dang po dkar ser la/ g.yas pa nag po/ g.yon pa dmar po/ phyag g.yas pa gsum gyis lcags kyu dang 'khor lo dang/ ral gri 'dzin pa/ g.yon pa gsum gyis thod pa dang/ rin po che dang/ pad+ma 'dzin pa rin chen 'byung ldan gyi dbu rgyan can/ seng+ge'i steng du nyi ma'i dkyil 'khor la bzhugs par bri'o/ /de'i 'khor lo gsum pa la ni/ khro bo khams gsum 'jigs byed kha dog dmar po la/ zhal gsum pa'i dang po dmar po/ /g.yas nag po la/ g.yon dkar po phyag drug pa g.yas pa gsum gyis rdo rje dang/ ral gri dang dgra sta 'dzin pa/ g.yon pa gsum gyis rdo rje khu tshur gyi phyag rgya dang/ pad+ma dang thod pa 'dzin pa/ 'od dpag med kyi dbu rgyan can/ stag gi steng na nyi ma'i dkyil 'khor la bzhugs pa bri'o/ /de'i 'khor lo rtsibs gsum pa la ni khro bo srid gsum 'ching byed kha dog sngon po la/ zhal gsum pa'i dang po sngon po/ g.yas pa dkar ba g.yon pa dmar po phyag drug pa'i g.yas pa gsum gyis rdo rje dang/ sna tshogs rdo rje dang/ ral gri 'dzin pa/ g.yon pa gsum gyis dril bu dang/ rin po che dang/ thod pa 'dzin pa/ don yong grub pa'i dbu rgyan can tshogs bdag ? stod na nyi ma'i dkyil
- 207a
'khor la bzhugs pa bri'o/ /de'i rtsa'i 'khor lo la ni khro bo bdud rtsi gtsug tor nag po la zhal gsum pa/ phyag drug pa zhal dang po nag po/ /g.yas dkar ba/ g.yon dmar ba la phyag g.yas pa gsum gyis ni/ dbyug pa thong pas mtshan pa dang/ ral gri dang/ rin po che 'dzin pa/ g.yon pa gsum gyis ni/ pad+ma dang gsum pa dang/ thod pa 'dzin pa mi bskyod pa'i dbu brgyan can/ tshangs pa ser po'i steng na nyi ma'i dkyil 'khor la bzhugs pa bri bar bya'o/ /'khor lo dang po'i rtsar ni khro bo dus kyi mche ba kha dog nag po zhal gsum phyag drug pa/ zhal dang po nag po la g.yas pa dkar ba/ g.yon dmar pa/ phyag g.yas pa gsum gyis ni rdo rje dang/ ral gri dang/ be con 'dzin pa/ g.yon pa gsum na rin po che dang/ pad+ma dang/ thod pa 'dzin pa mi bskyod pa'i dbu ? can log 'dren gyi steng na nyi ma'i gdan la bzhugs pa bri bar bya'o/ /'khor lo gnyis pa'i rtsar ni khro bo dus kyi pho nya sku mdog sngon po la zhal gsum phyag drug pa'i zhal dang po sngon po la/ g.yas dkar la g.yon dmar por 'dug pa'o/ /phyag g.yas pa gsum gyis ni ral gri dang/ tho ba dang/ zhags pa 'dzin pa/ g.yon pa gsum gyis lcags kyu dang mda' gzhu dang/ thod pa 'dzin pa de bzhin gshegs pa lnga'i dbu rgyan can/ zhabs gnyis kyis 'dod pa dang chags ma'i snying gar nyi ma'i gdan la bzhugs pa bri bar bya'o/ /'khor lo gsum gyi rtsar ni khro bo rnam par gsum rigs kha dog dmar po la/ zhal gsum phyag drug pa/ zhal dang po pad+ma rA ga 'dra la/ g.yas dkar ba la g.yon pa nag por 'dug cing phyag g.yas pa gsum gyis rdo rje dang/ rin po che dang/ stsags kyu 'dzin pa/ g.yon pa gsum gyis ni rna tshogs rdo rje dang/ pad+ma dang thod pa 'dzin pa/ de bzhin gshegs pa lnga'i dbu rgyan can nag po chen po'i steng na nyi ma'i gdan la bzhugs pa bri bar bya'o
- 207b
'khor lo gnyis pa'i rtsar ni khro bo dus kyi lcags kyu/ kha dog dkar po la zhal gsum pa phyag drug pa zhal dang po dkar po g.yas nag po g.yon dmar por 'dug la/ phyag g.yas pa gsum ni lcags kyu dang rnga yab dang tho ba 'dzin pa/ g.yon pa gsum gyis ni sdigs mdzub dang/ tho ba dang thod pa 'dzin pa/ sangs rgyas kyi dbu rgyan can 'jigs byed kyi steng na nyi ma'i gdan la bzhugs pa bri'o/ /'khor lo gsum pa'i rtsar ni khro bo dus kyi zhags pa/ kha dog sngon po zhal gsum phyag drug pa la dang po sngo ba la g.yas dkar pa/ g.yon pa dmar ba/ de bzhin gshegs pa'i dbu rgyan can phyag g.yas pa gsum gyis zhags pa dang/ ral gri dang 'khor lo 'dzin pa/ g.yon pa gsum na/ dgra sta dang/ rin po che dang/ thod pa 'dzin pa dgra can steng na nyi ma'i dkyil na bzhugs par bri'o/ /'khor lo bzhi pa'i rtsar ni dus kyi 'ching byed kha dog dmar po la zhal gsum pa/ phyag drug pa/ zhal dang po dmar po g.yas dkar po/ g.yon nag por 'dug pa la/ phyag g.yas pa gsum gyis ral gri dang/ rdo rje dang lcags sgrog 'dzin pa g.yon pa gsum gyi mda' gzhu dang/ pad+ma dang thod pa 'dzin cing 'od dpag med pa'i dbu rgyan can/ bde byed kyi steng na nyi ma'i gdan la bzhugs pa bri'o/ /'khor lo dang po'i rtsar ni khro bo dus kyi chags pa kha dog ljang gu la dbung suM phyag drug pa/ zhal dang po ljang gu/ g.yas dkar ba/ g.yon dmar ba/ phyag g.yos kyis sna tshogs rdo rje dang/ dril bu 'dzin cing sdigs mdzub mdzad pa/ g.yon pa gsum gyis 'khor lo dang/ tho ba dang/ tho ba dang/ thod pa bsnams pa/ de bzhin gshegS pa'i dbu rgyan can gang gyi dbang phyug gi steng na nyi ma'i gdan la bzhugs pa bri'o/ /de'i zur bzhir ni mi ro'i steng na mchod pa'i khro mo po nya'i tshogs dus kyi srin mo dang/ dus kyi so can ma dang dus kyi gnod sbyin mo rnams/ zhal gcig pa la phyag gnyis pa/
- 208a
shin tu khro bo'i gzugs can/ g.yas na byang chub kyi sems la sogs pa bdud rtsi lngas gang ba'i thod pa 'dzin pa/ g.yon pa na thod pa khrag gis bkang ba thogs pa/ skra kham pa gyen bur 'phags? pa/ mig 'bar pa 'jigs ba'i gzugs can bzhag par bya'o/ /sgo rnams su lcags kyu la sogs pa'i sgo ba rnams bzhag par bya'o/ /khro bor dag thams cad kyang dbu skra kham pa gyen du 'phags pa/ mche ba rnam par gtsigs pa/ ha la ha la gu lu gu'i sgra sgrogs pa/ mi'i mgo'i phreng bas sku la brgyan pa/ thod pa lnga yis dbu la brgyan pa/ stag gi phags pas rnam par dkris shing sbrul gyi chun po'i cod pan dang/ rna cha dang/ mgu la rgyan dang/ dpung rgyan dang/ gang du bu dang/ rkang gdub dang/ skye rags dang/ ser la khar thogs pa/ shin tu 'jigs pa'i gzugs bri ba ste/ de dag ni bcom ldan 'das bde bar gshegs pa rnam par snang mdzad dang/ mi bskyod pa dang/ phyag na rdo rje la sogs pa'i thugs las yang dag par sprul par shes par bya'o/ /lus kyi sras? mo la sogs pa'i khro mo rnams ni sangs rgyas spyan la sogs pa rigs kyi yum bzhi'i thugs kyi sprul par shes par bya'o/ /gdug pa'i tshogs thams cad ma lus par gdul ba'i phyir khro bo'i gzugs su bstan pa yin zhing/ de nyid bde ba chen po'i ngo bo las byung ba nyid do/ /gzhal yas khang gi phyi rol du ni dur khrod shin tu 'jigs pa'i gzugs/ ro langs dang/ ce sbyang dang/ 'jigs pa'i gzugs sna tshogs pa dang/ shing la sogs pa yongs su brgyan pa'o/ /de nas bdud rtsis gang ba yis/ /bum pa bcu drug bzhag par bya/ /bdug pa me tog dri zhim dang/ /mar me dang ni bro snod dang/ /kha zas bkram pa'i gter ma dang/ /bza' ba bca' ba bdud rtsi ches/ /mgo thod gang bar gyur pa rnams/ /dkyil 'khor du ni mang du gzhag /ces
- 208b
gsungs pa te/ mchod pa'i tshogs bsags pa gsungs pa te/ de la bdud rtsi rnam pa lngas gang bar gyur pa'i bum pa bcu gnyis sam bcu drug la sogs pa'i steng du sha chen la sogs par gyur pa'i thod pa bzhag par bya ba dang/ me 'og dang/ bdug pa dang/ dri dang byug pa dang/ snang ba la sogs pa'i mchod pa'i yo byad thams cad kyis kun nas rgyas par bya ba dang/ 'jig rten pa'i 'byor ba bza' ba'i tshogs la sogs pa mang bar bzhag par bya'o/ /de nas slob dpon bdag nyid kyis/ /mgo thod phyag rgyas zhugs nas kyang/ /phyag rgya de dang de yis ni/ /sha rnams kun gyis dam tshig gsol/ /de nas 'dod ldan sled? nas ni/ /hUM zhes bya bas bsgrags par byed/ /de nas sngags par sgo skor yang/ /de nyid dran pas bsnyen par bya/ /des ni nges par dngos grub ste/ /yud tsam 'jig rten gsum dbang bskur/ /dkyil 'khor du ni tshogs rnams dang/ /rang gi lha yi tshogs rnams la/ /rgyud las byung ba'i dam tshig brjod/ /de nas mchod de langs nas kyang/ /tshogs mchog rdo rje sems dpa' yis/ /tshul du gnas pa dbyung bar bya zhes gsungs pa ni/ bdag nyid dkyil 'khor du gzhug pa'i rim pa gsungs pa ste/ de la thed pa'i rgyan la sogs pas brgyan nas/ gong du gsungs pa'i phyag rgya bcas te gzhug par bya'o/ /da nas bdag nyid khro bo'i tshogs rnams la rim pa ji lta ba bzhin du dbang mnos nas/ gnang ba thob par gyur pa dang/ thod pa'i phyag rgya bcas pas bdud rtsi lnga la sogs pa'i dam tshig rnams kyis mchod par bya'o/ /de nas bdag nyid khro bo rdo rje me'i nyi mar bsams la/ snying gar hUM bsam zhing/ de las gyur pa'i thugs ka'i rdo rje dang gnyis su med par byas la/ dag par gyur pa'i rnal 'byor bya'o/ /de nas sgo rnams su lcags kyu la sogs pa'i rnal 'byor gyis ye shes kyi dkyil 'khor dgug pa dang/ gzhug pa la sogs pa byas te
- 209a
a rgas mchod nas/ slob ma la dam tshig gi tshigs su bcad ba sngar gsungs pa rnams bsgrag par bya'o/ /de'i rjes la bdag nyid sngar gyi rnal 'byor dang ldan pas slob ma la dbang bskur bar bya ba ni de nas slob ma bsdus nas mi /lag na rin chen thogs te gzhug /oM badzra kro? d+ha sa ma ya hUM/ oM badzra rak+Sha si phaT/ oM badzra kro d+hA na larka spung pra tits+tsha hUM(rgyud 'grel): oM badzra kro d+ha ek+Sha hUM pA sha phaT/ oM badzre kro d+ha sa ma ya pi pa hUM phaT/ oM badzra kro d+ha sa ma ya ma ti kra ma hUM phaT/ oM badzra kro d+ha ring twa sa ma ya a d+hi Shiny+tsa hUM phaT/ 'dis dbang bskur la de bzhin dbang bskur bar bya'o/ /zhes pa ni slob ma dkyil 'khor du 'jug pa gsungs pa ste/ /de la slob ma ras la sogs pas mig bkab la/ rin po che la sogs pa/ thogs su bcug ste/ sdig pa bshags pa la sogs pa rim pa ji lta ba bzhin du byas nas/ sngags dang pos gzhug par bya'o/ /gnyis pas ni bstan par bya'o/ /gsum pas ni me tog dor bar bya'o/ /bzhi pas ni mig dbye bar bya'o/ /lnga pas ni thod pa'i ? la oM badzra krod+d+ha a mi ta a mi to d+ha pa hUM zhes pa'i sngags brgya rtsa brgyad bzlas te/ dam tshig gi chu bud? par bya'o/ /drug pas ni dam tshig bsgrag pa'i sngags so/ /bdun pas ni dbang bskur ba'i ste/ khro bo 'khor los bsgyur ba'i phyag rgyas slob ma'i spyi bo nas dbang bskur bar bya ste/ de nas bum pa lnga la khro bo lnga'i rnal 'byor gyis/ oM badzra satwa hUM badzra krod+ha na la ? ka la sha a b+hi Shiny+tsa hUM/ oM badzra pA Ni hUM/ badzra kro d+ha te lok+ka A ka ka ka la sha a b+hi Shiny+tsa hUM phaT/ oM badzra ratna traM badzraM krod+ha tre lo? d+harma ka kA la sha a b+hi Shiny+tsa? phaT oM badzra ratna traM badzra kro d+ha tre lok+ka? d+harma ka la sha a b+hi Shiny+tsa phaT/ oM badzra pad+ma traM badzra krod+ha tre lok+ka na sha na la ka la sha a bi Shiny+tsa phaT oM b+hi sha karma a badzra krod+ha kri b+ha band+ha ga la sha a b+hi Shiny+tsa phaT ces pa la sogS
- 209b
pa'i sngags kyis dbang bskur par bya'o/ /de bzhin dbang bskur bar bya'o/ /zhes pa ni gong du gsungs pa'i phreng ba la sogs pa'i dbang yongs su rdzogs par bskur bar bya ba dang/ de'i rjes la thod pa dang/ rdo rje ral gri gsum gyis khro bo'i dam tshig la gnas par dbang bskur bar bya ba nyid do/ /de nas slob ma bdud rtsi rnam pa lnga za ru gzhug go /de nas de dag gi bsgrub pa bshad de/ bdag nyid khro bor snyoms zhugs nas/ /de yi snying gar nyi ma bsgom/ /rang gi chos kyi yi ge las/ /khros pas yang dan yang spro zhing da nyid gcig tu bsgom par bya/ /de nas sgrub 'gyur gzhan du min zhes gsungs pa ni de dag bsgrub pa gsungs pa ste/ de la rang gi snying gar b+h+ruM las 'khor lo rtsibs bcu gnyis pa me'i phung po lta bur bsam par bya'o/ /de'i rtsibs rnams la khro bo/ yi tshogs rnams sgos nas gnas par bya ba de dag dus kyi srin mo la sogs pa'i khro mo bzhi mchod pa'i khyad par gyis mchod cing de dag gi snying gar yang nyi ma'i dkyil 'khor la gnas pa'i thugs kyi yi ge rnams bsams la de dag thabs dang shes rab tu ldan pa yig 'bru gnyis kyis stong gsum gyi stong chen po thams cad khyab par bya'o/ /de nyid slar 'dus pa las bcom ldan 'das zhe sdang rdo rje'i bdag nyid gyur par byas pa las/ rnam par rtog pa thams cad sreg pa bdud dang log 'dren gyi tshogs thams cad 'joms pa'i me'i phung po chen po rang bzhin gyis 'od gsal zhing 'jigs pa'i nga ro dang ldan pa'i ting nge 'dzin gyis rtse gcig par gnas par bya ste/ des ni khro bo'i rgyal po rnams nges pa nyid du 'grub par gyur pa nyid do/ /khro bo'i rgyal po las dngos su/ /gsod pa yin par bshad mod kyi/ /zhi ba dang ni dbang dang rgyas/ /'grub 'gyur gzhan du gdon mi za/ /rdo rje sems dpa' i ting 'dzin gnas/ /khro bo'i dkyil 'khor bsgom byas la/ /gdug pa'i sems
- 210a
can 'dzin byed cing/ /mdor na dug rims gdon la sogs/ /de bzhin de dag thams cad ni/ /bla med thabs kyis mjes? par byed/ /khros nas snying las byung 'gyur bas/ /bsang pa'i las la bsam par bya/ /khros par gyur pas zhe sdang khams/ /sha dang khrag rnams 'jigs byed cing/ /de dag 'tsho ba 'phrog byed pas/ /bsam na nges par brlag par 'gyur zhes gsungs pa ni las kyi tshogs rnams gsungs pa ste/ de la khro bo'i rgyal po rnams kyi 'phrin las su gsod par byed pa yin yang/ /de nyid la mngon par brtson pa'i gang zag rnams kyis bde bar gshegs pa'i sprul pa yin pa'i phyir/ kha dog dang rnal 'byor gyis bye brag gis zhi ba dang/ rgyas pa dang/ dbang la sogs pa nges par 'grub par gsungs so/ /rdo rje sems dpa' ting 'dzin gnas zhes pa nas/ bsams na nges par brlag par 'gyur zhes pa'i bar ni 'di ltar drag po'i las la sbyor ba gsungs pa ste/ de la bdag nyid rdo rje sems dpa' i sprul pa'i khro bo bsams nas gong du bshad pa'i khro? ba'i dkyil 'khor spros te/ gang la bya ba'i bsgrub? bya'i ting nge 'dzin gyis bkug la/ de'i snying gar khro bo'i dkyil 'khor spros pas/ de'i sha dang khrag dang/ rus pa dang/ srog rnams gsol bar bsams pa ste/ de yang snga ma la de'i gzugs brnyan byas la/ snying gang yig 'bru bkod nas ming du lung gi khu bas bsgos nas/ bdag nyid kyi snying po'i sngags dang/ de'i ming du bcas pa bzla zhing/ yun ring bar gzhibs pa ni thabs bla na med pa zhes bya'o/ /de ltar byas pa las gdon dang/ rims dang dug dang/ dgra la sogs pa thams cad nges par zla ba 'am/ zhag gi grangs gyis rlag par 'gyur bar ni nges pa'o/ /khro bo 'jig rten gsum snang mdzad/ /zla ba 'dra ba'i dge bsam zhing/ /'od zer ? ba mang po yis//
- 210b
de yi lus la dgang byas te/ /rims par gdon dang dug la sogs/ /'od zer nges ni phyung nas kyang/ /de yi nad sogs gnod pa rnams/ /zhi bar bya phyir ming du dor/ /de nas hUM gi chogs bzhag la/ /rdo rje lta bur lus bsam zhing/ /ha yis 'khor lo go cha bya/ /'od zer chu yi dbang bskur na/ /de ni nges par bde bar 'gyur zhes gsungs pa ni zhi bar bya ba'i las gsungs pa ste/ de la dang por bdag nyid khro bo khams gsum snang byed kha dog dkar po la bzhin rgyas pa'i gzugs su bsams nas/ da'i snying gar nyi ma'i dkyil 'khor la gnas pa'i hUM las 'od zer dkar po'i phreng ba spros la/ de'i rtse mo la hUM bltas te/ de yis gang la bya ba'i phyir lus la khyab par dgab par bya'o/ /de nas 'od zer des nad dang/ gdon la sogs pa blangs nas dpag tshad la sogs pa'i sar dor bar bya zhing/ de'i ming nas smos la/ sngags kyi snying po zhi ba'i tshig dang ldan pa 'bum la sogs par byas pa la/ de'i lus la gnod pa dang bral zhing/ bde pa'i lus su 'gyur ba nyid do/ /de nas phyis? mi 'jug par bya ba'i phyir/ de'i snying gar hUM rab tu gnas par byas la/ de las de'i lus rdo rje lta bur bsam par bya zhing/ ha na ha na zhes pa'i yi ge'i phreng ba la yang dang yang du btags pas de'i lus la bskon par bya ba dang/ de nas hUM las spros pa'i khro bo'i bum pa bdud rtsis gang ba lngas khro bo'i gzugs su dbang bskur bar bya ste/ des ni ji? srid mtsho'i bar du bde ba dang ldan par 'gyur ba nyid do/ /dbang du bya ba ni khro bo khams gsum gnod byed kyi ting nge 'dzin gyi lcags gyu lta bu'i 'od zer dmar pos bsgrub bya'i snying las spros pas drang bar bya ba dang/ rgyas pa la ni khro bo khams gsum 'jigs byed kyi ting nge 'dzin gyis 'od zer ser po rin po che lta bu spros pas 'jig rten gyi khams kyi 'byor pa thams cad blangs te de'i longs spyod du thim par bya ba nyid de/ de dag gis? ni khro bo'i
- 211a
phrin las rdzogs par 'gyur ro/ /de nas rdo rje 'dzin rgyal pos/ /sbyin sreg yongs su rdzogs bya'i phyir/ /las rnams bzhi yi sbyin sreg bshad/ /zhi ba'i thab khung gsum ni legs byas la/ /zla ba rgyas pas 'od zer 'phro 'du ba/ /khru gang tsam mam yang na khru do pa/ /spyi yi rgyal mchog rnams gyi nyis 'gyur tshang/ /de dag rim pa legs shing mdzes byas la/ /zhes pa ni sbyin sreg gi cho ga gsungs pa ste/ de la bcom ldan 'das phyag na rdo rjes gong du gsungs pa'i sbyin sreg ni tshe 'das pa'i tshang? du gsungs la 'di ni 'tsho ba dang lta ba la thun mong du gsungs par shes par bya'o/ /de la dang por zhi ba'i thab khung rab 'bring tha ma gsung ni khru gang ba dang/ do pa dang/ bzhi par bya ba ste/ de yang rigs kyi bye brag gis mtshon pa ni rgyal rigs la sogs pa la sbyar ro/ /de shin tu legs shing mdzes par bya ba ni zung la sogs pa kha dog gi khyad par gyi legs par bya ba nyid do/ /'khor lo'i steng du zla ba'i dkyil 'khor gyi dbus su rdo rje rtse lnga pa gyur pa cig 'od zer dkar po'i phreng ba'i gzi brjid can la/ phyag rgya'i tshogs rnams thams cad bri bar bya ste/ byams pa la sogs phyag mtshan zung bzhing bri/ /rgyal po bzhi yi ji bzhin phyag mtshan dang/ /phyogs kyi bdag po de bzhin phyogs phyogs bri/ / khyab 'jug la sogs lha chen phyag rgya rnams/ /'khor lo lta bu nyid du bri bar bya zhes gsungs pa ni phyag rgya'i tshogs bri ba gsungs te/ de la thab khung gi dbus su 'khor lo rtsibs bcu drug pa dkar po bris nas/ /de'i dbus su rdo rje la sogs pa de bzhin gshegs pa lha'i phyag rgya zla ba'i steng du bri bar bya'o/ /de bzhin du 'khor lo'i rtsibs la ni rdo rje sems dpa' la sogs pa'i phyag rgya dang/ de'i mu ran gyi phyi rol tu 'khro lo rtsibs sum cu rtsa gnyis pa la byams pa la sogs pa
- 211b
bcu drug dang/ rdo rje sems ma la sogs pa lha mo bcu drug gi phyag rgya bri'o/ /de'i phyi rol du 'khor lo drug cu rtsa bzhi pa la/ rgyal po chen po bzhi dang/ lha chen po bzhi'i? chung ma dang bcas pa dang/ phyogs skyong bcu dang/ gza' chen po brgyad dang/ bu? chen po brgyad dang/ rgyu skar? nyi shu rtsa brgyad la sogs pa'i phyag rgya rnams bri bar bya ba nyid do/ /dri zhim chus bkang la dog dkar bsgyur la/ /dkar pos legs par dkris pa'i bum pa brgyad/ /dkar gsum gang ba'i gtor ma lha bshos dang/ bdug pa mar me me tog rnams kyang bzhag /mchod par bya ba'i phyir ni bla re dang/ /gdugs dang rgyal mtshan rnga yab la sogs gzhag /ces gsungs pa ni mchod pa'i yo byad gsungs pa ste/ de la bum pa kha dog dkar po la/ gos dkar pos dkris? pa brgyad bzhag pa dang/ zho dang mar dang/ 'o ma la sogs pas sbyar ba'i lha bshos dang/ gtor ma 'byor tshad du bzhag pa dang/ gdugs dang bla re la sogs pa mchod pa'i yo byad sna tshogs pa dang/ spos dang/ me tog la sogs pa 'jig rten pa'i longs spyod ci 'byor pa bzhag par bya ba nyid do/ /nang re ga bur dri zhim sna tshogs dang/ /tsan dan la sogs byug pas lus byugs la/ /kha ni shar phyogs bltas te sbyin sreg bya/ /de bzhin gshegs pa'i gdan la 'dug bya 'am// yang na rnal 'byor ldan pas sems dpa' i gdan la 'dug ste/ gos dang 'phreng mchog dkar pos brgyan par bya zhes gsungs pa ni bdag nyid phun sum tshogs pa gsungs pa ste/ de la sbyin sreg 'bum ma the mas kyi bar du nang par re? re ga bur la sogs pa yis lus byug pa dang/ gong du bstan pa'i rnal 'byor phun sum tshogs par bya ba nyid do/ /de bzhin gshegs pa'i gdan la 'dug pa dang zhes pa la sogs pa 'dug pa ni seng ge'i khri'i steng ngam/ yang na rnal 'byor gyis pad+ma
- 212a
'dab ma bcu drug pa bsams pa la 'dug par bya ba nyid do/ /mar dang 'o ma sbrang rtsi dang/ /nas kyi thug pa la sogs dang/ /til dang mar dang kha ra dang/ /yungs kar dang ni 'bras yos dang/ /'bras chan nas dang gro rnams dang// me tog shin tu dri zhim rnams/ /ga bur dang ni bsres nas kyang tsan dan dkar pos bsgos pa dang/ /'dab bdun me tog 'bras bur bcas/ /zho dang ldan pa'i yam shing ni/ de dag khung bu'i khyad par las/ /rang gi sor gyis gzhal bya ba/ /nyi shu rtsa bzhi yan chad mchog /sor mo bcu drug bar ma ste/ tha ma bcu gnyis nyid du bshad/ /shin tu chung na sor brgyad de/ /bud shing zho dang ldan pa la/ /dri chus bskul par shes par bya zhes gsungs pa ste bsreg rdzas rnams gsungs pa ste/ de la bsreg pa'i rdzas gong du smos pa'i tshul gyis mar dang sbrang rtsi dang nas kyi thug pa zho dang sbyar ba dang/ til dkar po dang/ yungs dkar dkar po dang/ me tog dkar po dang/ la du ba dang/ mdar gsum dang/ 'bras yos la sogs pa dang ga bur dang tsen dan? gyis bsgos pa bzhag par bya ba dang/ yam shing ni me spor bar byed pa ste/ d+he pa d+ha ru 'am kha dog dkar zhing 'od dang ldan pa rnams/ khung bu rab la ni sor nyi shu rtsa bzhi dang/ 'bring la ni bcu drug dang/ tha ma la ni bcu gnyis dang brgyad du bya ba ste/ de las thung pa ni rnal 'byor gyi rdzas su rung ba ma yin no/ /de dag dbyibs ni rtse mo ral gri ltar byas la rtsa ba zlum por bya ba nyid do/ /bud shing ni ka ma la sogs pa kha dog dkar zhing 'od dang 'bras bur ldan pa la/ ga pur la sogS pas bsgre bar byas pas zlum po nyid du brtsig par bya'o/ /bud shing de las byung ba'i me/ /spar nas dri chus gtor nas ni/ /pad+ma dkar po zhal 'dra dge /pad+ma nor bu ral pa thogs/ /lag pa gza' skar mchog thogs pa/ /pad+ma dkar po'i gdan steng 'dug
- 212b
de lta'i me lha bkug nas kyang/ /arga blangs te dbul bar bya zhes gsungs pa ni las kyi me lha spyan drangs pa ste/ de la dang por rang gi snying ga'i sa bon las 'od zer spros pas las kyi me sbar bar bya ba'i phyir las kyi me lha drang srong chen po kha dog dkar dmar du 'dug pa/ zhi ba'i cha lugs can lag pa bzhi pa la g.yas pa gnyis na bza' ru dang pad+ma'i steng na rin po che thogs pa/ g.yon pa gnyis kyis ril pa spyi blugs dang/ bgrang phreng thogs pa/ ra skyes kyi steng na pad+ma dkar po'i gdan la bzhugs pa spyan drangs la/ arga phul nas me spar nas shar lho mtshams su bzhugs su gsol bar bya'o/ /de nas zla rgyas dkar po la/ /bzhugs pa'i 'gro phan spyan drangs te/ /pad+ma'i steng du shar phyogs su/ /bsams te brtan par bzhugs par bya zhes pa ni ye sheS kyi me lha spyan drangs ba gsungs pa ste/ de yang rang gi sa bon las 'od zer spros pas khro bo khams gsum rnam par rgyal ba pad+ma'i steng na zla ba'i gdan la bzhugs pa sku mdog dkar po phyag dang phyag mtshan gong du gsungs pa spyan drangs nas shar phyogs su bzhugs par bsam pa nyid do/ /de ltar bsams nas de nas ni/ /bsgrub bya rtag tu mdun bzhag ste/ /de yi nyes pa drangs nas ni/ /shin tu bsrings te spang bar bya/ /nang par sngar ni mtshan byas nas/ /dri zhim chu yis lus byug la/ /bdud rtsi bzhin bsamS sbyin srig bya zhes pa ni rnal 'byor pa gsungs te/ de la gang gi bsgrub par bya ba de mdun du dmigs pa de'i nyes pa nad la sogs pa ting nge 'dzin gyis me'i nang du bcug ste/ agna ye shes pa dang/ oM ti bi shAkya bud+d+ha si zhes pa la sogs pa'i sngags kyis mar khu blugs te me spar bar bya ba nyid do/ /nang par sngar ni gcang? byas la zhes pa ni spyin sreg gi skabs su lus khrus byas la dri yis lus byug nas/ rdzas rnams bdud rtsir byin gyis brlabs nas bsreg par bya ba nyid do/ /dam tshig 'di ni las kyis
- 213a
mchog /lha rdzas bdud rtsi bro lnga 'dis/ /dang por me lha brtag byas la/ /khro bo de ni de lus so/ /spyan drangs na ni bzhugs par bsam/ /de nas dang por khro bo la'o/ /bsreg bya lan gsum dbul bar bya'o/ /de nas dkon mchog gsum la gsum/ /de nas me lha nyid la gsum/ /de nas rdo rje sems dpa' la/ /de nas lha rnams re re la/ /phul te bgegs la'ang de bzhin 'gyur/ /lha rnams yid 'ong mdzes pa yis/ /rnam par dag pas sbyin sreg bya zhes gsungs pa ni gong ma la slegs? shing go sla ba'i phyir ma bshad do/ /de nas dang por khro bo yi/ /sngags kyis yam shing sbyin sreg bya/ /de nas gcig tu bsreg nas ni/ /bdud rtsi'i sngags kyis btab nas kyang/ /de bzhin sbyin sreg de 'og tu/ /brgya stong sled? dam yang na ni/ /brgya rtsa brgyad kyi bar du ni/ /khro bo nyid la dbul bar bya zhes gsungs pa ni 'dir pho nya las kyi sbyin sreg gsungs pa ste/ de la khro bo chen po me'i nang du bzhugs su gsol te/ zhal bsil la sogs pas mchod nas/ rdzas lhag ma rnams gcig tu bsres la de bzhin gshegs pa 'od dpag med kyi sngags kyis bdud rtsir byas nas 'bum mam brgya rtsa brgyad kyi bar du khro bo'i sngags kyis dbul bar byas te/ de ni khro bos bsgrub par bya ba'i nyes pa rnams myur du sel bar byed pa'i phyir sbyin sreg bya ba nyid do/ /de nas lus la dbang bskur zhing/ /mnyam par gzhag pas gsungs nas kyang/ /mjug tu mngon par mchod nas ni/ /lha rnams thams cad gshegs su gsol/ /'dis ni zhi ba'i las rnams bya/ /'grub 'gyur 'di la the tshom med zhes gsungs pa ni yo byad rdzogs pa'i cho ga gsungs pa ste/ de la phyis nyes pas mi gos pa'i phyir/ bsgrub bya'i lus bum pa'i chus dbang bskur bar bya ste/ bde bar gshegs pa lnga'i sngags dang phyag rgyas gnas ji lta ba bzhin du bsrung?
- 213b
bar bya ba nyid do/ /de nas mchod pa'i yo byad lngas legs par mchod nas rol mo rnam pa mang po dang/ ting nge 'dzin gyi lha thams cad la bzod par gsol te/ gshegs su gsol ba byas nas 'gro ba'i don mdzad par zhu ba gsol bar bya ba nyid do/ /des ni zhi ba'i las the tshom mi za bar 'grub par 'gyur ba nyid do/ /gal te de yi sdig la sogs/ /sems kyi mnyam par ma gzhag pas/ /de tshe dngos grub ma gyur na/ /stong pa nyid du rnam bsgoms la/ /de nas de bzhin las byas na/ /gdon mi za bar dngos grub 'gyur zhes gsungs pa ni phyis bskyar ba'i cho ga gsungs pa ste/ de la gang dag sdig pa 'am nad la sogs pa zhi bar ma gyur pa na phyis chos thams cad stong pa nyid du bsam pas lha'i skur bskyed de/ /snga ma ji lta ba bzhin du zhi ba'i las byas par 'gyur na/ /lan gnyis pa'i stobs kyis ngas pa nyid du 'grub par 'gyur ba nyid do/ /de dag gis zhi ba'i sbyin sreg rdzogs pa'o/ /'bras bur ldan pa'i nags tshal lam/ /yang na skyed mo tshal mchog gam/ /rgyal rigs khyim du rgyas pa ni/ /dga' ba'i sems kyis bya ba ste/ /khru do yang na khru bzhi 'am/ /de lta mchog ni khru brgyad te/ /thab khud legs par brkos nas ni/ /rgyas pa'i las ni bya ba ste/ /dkyil 'khor stegs bu brtsig bya ba/ /chung ngu la ni khru brgyad de/ /bar ma la ni bcu gnyis nyid/ / mchog la bcu drug yang na naM?/ /nyi shu rtsa bzhir shes par bya/ /mu khyud ser brgyad bcu drug gam/ /sum cu gnyis su bya ba yin/ /zhes gsungs pa ni rgyas pa'i sbyin sreg gsungs te/ de la gong du gsungs pa'i gnas/ /ji lta ba rnams su stegs bu tha ma ni khru brgyad pa brtsig pa dang/ bar ma ni bcu gnyis brtsig pa dang/ rab la ni bcu drug gam nyi shu rtsa bzhir brtsigs nas de ji lta ba bzhin du thab khru do pa dang/ bzhi pa dang brgyad pa zur bzhi pa 'am/ rin po che lta bu zur lnga pa 'am/ brgyad par byas la
- 214a
zabs su ni phyed brko bar bya zhing/ de'i phyi rol gyi steng du mu khyud sor brgyad pa dang/ bcu drug pa dang sum cu rtsa gnyis pa ni gong du gsungs rab 'bring las sbyang te bya ba nyid do/ /phyi'i dkyil 'khor de yi phyed/ /pad+ma sna tshogs brgyan par bya/ /dkyil 'khor dbus su rin chen dang/ /pad+ma sna tshogs bzhag par bya/ /de yi dbus su brko ba ni/ /legs par bltas te phyag gi tshad/ /khru bzhi pa'am khru brgyad pa/ /yang na dpal ster rin chen 'dra/ /mdor na 'ji ba ser po yis// khung mchog de ni brko bar bya zhes gsungs pa ni dkyil 'khor bri bar gsungs pa ste/ de la dkyil 'khor gyi nang du ni pad+ma'i steng du rin po che 'bar pa 'od zer ser po dang ldan pa bri bar bya ba dang de'i mu ran la rin po che pad+ma'i steng na 'dug pa bri bar bya'o de'i phyi rol du gru bzhi pa la rim pa gsum pa la ni bde bar gshegs pa sras dang 'khor du bcas pa phyag rgya'i tshogs rnams tshon dmar ser gyis yongs su rdzogs par bri zhing de'i khung bu ni 'ji ba ser pos bsku ba ste/ lhag ma ni gong du bshad pa la snyegs so/ /gur guM la sogs bskus nas kyang/ /de yi dbus su bri ba ni/ /chon? mchog ser po nyid kyis ni/ /rin chen zur brgyad 'bar ba bri/ /de nas tshon ni dmar ser gyis/ /rin chen pad+ma la sogs pa'i/ /phyag rgya'i dkyil 'khor 'khor yug du/ /gnas rang nyid du bri bar bya/ /rim gnyis sam ni rim gsum mam/ /yang na rim pa brgyad ldan par/ /der ni sgo ba de dag sogs/ /phyag rgya'i gzugs su bri bar bya zhes pa ni gong du bshad zin to/ /buM pa kha dog gser 'dra zhing/ /dri zhim chu yis bkang ba la /shin tu mdzes pa bcu gnyis sam/ /sum cu gnyis gsum bcu drug ste/ /dkri bdar? ni ser po la/ /kha rgyan yal ka me tog can/ /dri zhim me tog bdug pa dang/ phreng? ba mar me rnams dang ni/ /rgyal mtshan 'phan la sogs pa dang/ bla re gdug?
- 214b
rnams ser pos brgyan/ /zhes gsungs pa ni 'dir mchod pa'i yo byad gsungs pa ste/ de la 'dir rgyas pa'i sbyin sreg yin pa'i phyir/ bum pa la sogs pa kha dog ser pos bsgos pa dang/ btsos pa rnams kyis brgyan par bya ba ste/ de la bum pa ni rnam par rgyal ba'i bum pa ma gtogs pa rnams mchod pa'i bum par shes par bya'o/ /bdag nyid gos dang rgyan rnams dang/ /me tog la sogs ser pos brgyan/ /byang phyogs kha bltas 'dug nas ni/ /rin chen rgyal po rgyas mdzad pa/ /btsom? gser gyi mdog dang 'dra/ /yid bzhin nor bu rgyal mtshan mchog /yid kyis rnal 'byor rjes dran pas/ /las 'di dag kyang bya bar bshad ces gsungs pa ni bdag dang rnal 'byor phun sum tshogs pa gsungs pa ste/ de la bdag nyid gong du smos pa'i rgyan thams cad gser la byas pa ste/ gos dang me tog phreng ba yang/ /rigs dang rjes su mthun pa las bdag nyid mngon par byang chub pa lngas bcom ldan 'das rin chen 'byung ldan du bskyed de/ yid bzhin nor bu rgyal mtshan gyis/ /sems can thams cad kyis bsam pa rdzogs par mdzad pa ni/ rgyas pa'i las kyi gtso bo ste/ /las ni 'di dag bya bar bshad ces bya'o/ /de bzhin nying zla ku bi ra/ /gnod sbyin sde dpon ji b+ha la/ /gser gyi char ni rab 'bebs shing/ /yid kyi 'dod pa sgong mdzad pa// mdor na de yi 'od zer gyis/ /nges par dbang ni bskur bar bsam/ /de nas rgyal srid thob par gsungs/ /lus rgyas pa la smos ci dgos zhes gsungs pa ni 'di 'tsho ba/ /da ltar ba'i las gsungs pa ste/ de la slob ma dbang bskur ba'i dus su dbang? dang 'byor pa thams cad ster bar byed pa lha'i? bu nyi ma dang zla ba dang/ rnam thos sras dang/ lha nor 'dzin dang/ dzi b+ha la rnams gser la sogs pa rin po che'i char gyis lag par 'bebs pa dang/ /de dag gi 'od zer gyis de'i lus la dpal dang longs
- 215a
spyod rgyas par byed pa sgom pa ni mthong ba'i chos 'di nyid la rgyal srid kyang thob par 'gyur na/ longs spyod rgyas pa lta bu smos mi dgos pa nyid do/ /rgyas par byed phyir de'i ming nas/ /smos te brgya phrag brgya rtsa brgyad/ /yang na de bzhin stong phrag ni/ /brgya rtsa brgyad du bzlas par bya zhes gsungs pa ni de bzhin gshegs pa'i rtsa ba'i sngags la las kyi sngags cha ge mo puSh+TiM ku ru zhes pa btags te/ grangs gnyis pa'i tshad du bzlas par bya ba nyid do/ /de nas sbyin sreg rab byas te/ /byang phyogs su ni seng ge yi/ /gdan gyi steng na rin chen dang/ /pad+ma nyi zla'i gdan steng na/ /rdo rje rin chen rin chen mchog /rin chen dpal dang gzi brjid mchog /rdo rje bzhang dang rgyal ba yang/ /rgyan rnams kun gyis brgyan nas ni/ /phyag ni mchod sbyin gzhol ba dang/ /rin chen char yang 'bebs brtson zhing/ /'od zer gser 'phro thams cad kyis/ /de la shin tu khyab byed bsam zhes gsungs pa ni/ 'dir ye shes kyi tshogs rgyas par byed pa'i sems dpa' chen po bzhi yang dag par bsams pa ste/ de la rgyas pa'i las yin pas na byang phyogs su seng ge'i gdan gyi steng du pad+ma 'dab ma brgyad pa la de'i steng du a las zla ba'i dkyil 'khor dang/ de'i steng du riM? las nyi ma'i dkyil 'khor bsams la/ de dag gi steng du rdo rje rin chen dang/ rgyal mtshan dang/ gzi brjid dang/ rdo rje bzhad pa rnams sku mdog ser por snang ba las rgyan thams cad kyis brgyan pa/ phyag g.yas pa mchog sbyin pa la/ g.yon pa dpal dang long spyod rgyas par byed pa'i nor bu'i rin po che bsnams pas slob ma la rin po che'i char 'bebs shing de dag gi 'od zer gyis lus la khyab par bsam pa kho na'o/ /dung dang pi wang cang te'u dang/ /sil snyan glu dang gar mchog gis/ /mdor na mchod pa byas nas kyang/ /de yi 'og tu
- 215b
las brtsam mo zhes pa ni ting nge 'dzin rnam gsum gyi mchod pa ji lta ba bzhin du byas la gong du bshad pa'i rim pa'i sbyin sreg bya ba'o zhes pa'o/ /khur bu'i khyad par nyid las kyang/ /yaM shing bud shing khyad par dbye/ /mdzub gang khu tshur bcangS khru gang/ /chung ngu nyid du bshad pa yin/ /? khru dor zhes gsungs te/ /khru bzhi pa ni mchog yin pas/ /shing ni me tog 'bras bcas rigs/ /ya thog ma thog mar khur bzhug /'bru rnams thams cad 'byor pa dang/ /me tog 'bras bu ser por ldan/ /mar dang sbrang rtsi bsres pa'am/ /phal cher dpal gyi 'bras bur ldan zhes gsungs pa ni bsreg rdzas yongs su gsungs pa ste/ de yang khud bu rab la sogs pa'i khyad par las dang pung shing khyad par bya ba dang/ yaM shing ni sor brgyad pa dang/ bcu gnyis dang/ nyi shu rtsa bzhi rtsa rnams su bya ba ste/ de dag nyid bal po se'u la sogs 'bras bu dang bcas pa'i shing las bya ste/ rtse mo gnyis sbrang rtsir smyugs pa dang/ til la sogs pa'i 'bru dang/ me tog la sogs pa'i mchod pa'i yo byad thams cad la tshon ser pos bsgo ba nyid do/ /mar dang sbrang rtsi bsres pa'i zhes pa ni dpal dang shis pa bskyed pa'i rdzas mar sbrang rtsis bsres pas ri lu 'am/ pa tra ka'i 'bras bu rnams bsreg par bya ba nyid du gsungs so/ /me lha gser dang 'dra ba la/ /phyag bzhi pa ni 'dir de bzhin/ /pad+ma'i gdan bzhugs rnam brgyan pa/ /spyan drangs nas ni sbyin sreg bya zhes pa ni 'dir las su bya ba'i rnal 'byor gsungs pa ste/ de la rang gi snying ga'i sa bon las las kyi me lha drang srong chen po sku mdog ser po la phyag bzhi pa/ phyag mtshan gong du smos pa ji lta ba bzhin du 'dzin pa/ lus rgyas pa spyan drangs la sbyin sreg bya ba nyid do/ /de yi lus la khro rgyal po/ /gzi can legs par spyan drangs nas/ /sngon bzhin dran byed de bzhin du/ /
- 216a
sbyin sreg yongs su brtag byas te/ /'bum ma ma gnyis 'buM tsam gyis kyang/ /de ni nges par rab tu 'grub ces gsungs pa ni ye shes kyi me lha mchod pa gsungs pa ste/ de la gong du bshad pa ltar khro bo khams gsuM rnam par rgyal ba sku mdog ser po gong du gsungs pa'i cha lugs can spyan drangs la 'gro ba gang dag dran par byas la/ de'i tshe dang 'byor pa rgyas par bya ba'i phyir/ sbyin sreg drangs kyi tshad du bya ba ste/ de'i tshe dang bsod nams rgyas par 'gyur ba'i don nges par 'grub par gsungs so/ /'bum phrag brgya ni rgyal bsrid dam/ /longs spyod phun sum tshogs pa 'grub/ /de nas mjug tu 'od zer gyis/ /de la dbang bskur bsrung bar bya/ /de nas de ni rgyal 'gyur te/ /phyag na rdo rje'i bka' bzhin no zhes gsungs pa ni 'dir de nyid kyi phan yon yongs su gsungs pa ste/ de la 'bum phrag brgya ni mthong ba'i chos 'di nyid la rgyal srid thob par 'gyur ba dang/ lha'i dbang po brgya byin dang mtshungs par 'gyur ro/ /phun sum tshogs par 'gyur ba ni bcom ldan 'das phyag na rdo rjes gsungs so/ /yang 'dir sbyin sreg de nyid kyi las yongs su rdzogs pa dang/ rdo rje rin chen la sogs pa'i rnal 'byor gyis de la dbang bskur ba dang/ bgegs la sogs pa'i gnod pa nyung ba'i phyir/ go cha'i bsrung ba byas pa na/ de yis gnod pa dang bkren pa thams cad las rgyal bar 'gyur ba ste/ de nyid gong du gsungs pa dang 'brel te/ de dag gis ni rgyas pa'i sbyin sreg yongs su rdzogs pa ste/ de na dbang gi sbyin sreg bstan pa'i phyir/ dbang ni chags pa'i sems dang ni/ /chags pa'i ting nge 'dzin gyis bya/ /chags pa bcom ldan rdo rje can/ /rdo rje chags pa de las byung/ /khams gsum chags par byed pa'i phyir/ /pad+ma sems dpa' rtag tu chags /de bas 'dir ni de dag gi /
- 216b
pas grub par ni bshad pa yin zhes gsungs pa ste de la 'dir bdag nyid 'dod chags chen po'i bdag nyid bcom ldan 'das 'od dpag med du yang dag par bskyed de/ de gang la chags pa'i sems chen po dang 'dod pa dbang du byed pa'i ting nge 'dzin gyis bya pas te/ de nyid 'dir bcom ldan 'das kyis khams gsum po thams cad chags par bya ba'i phyir/ pad+ma rigs kyi bcom ldan 'das rtag tu chags pa chen por bzhugs pa ste/ de'i phyir de'i rnal 'byor gyis las yongs su 'grub pa nyid do// chags dang mthun pa'i sa phyogs sam/ /chags par byed pa'i khyim du shis/ /btso blag mkhan nam zla mtshan 'dzag /khyim du chags pa'i las rnams bya/ /yang na rdo rje chags gnas sam/ /phyag na pad+ma'i gnas nyid dam/ /rtag tu rdo rje sems dpa' i gnas// bde chen gyi ni bdag nyid dang/ /pad+ma utpal rdzing? bu dang/ /me tog can du'i tshal dang ni/ /yid 'ong sems ni chags byed pa/ /zhes gsungs pa ni gnas phun sum tshogs pa bstan pa ste/ de dag ni bcom ldan 'das kyis dbang gi las la shin tu bsngagS pa nyid do/ /de dag ni go sla ba'i phyir ma bshad do/ /'dir ni stegs bu khru brgyad dam/ /de ltar bcu gnyis bcu gnyis bcu drug rnams/ /byas nas de yi dbus su yang/ /thab khung dkyil 'khor bya ba ni/ /khru gang yang na khru ngo 'am/ /de ltar khru ni bzhi pa bya zhes gsungs pa ni stegs bu brtsig pa gsungs pa ste/ de la rgyal po la sogs pa'i rim pas khru bcu drug pa dang/ thab khung khru bzhi pa la sogs pa bya ba nyid do/ /de nyid kyi dbyibs bstan pa'i phyir/ /gzhu 'dra ba 'am padmo 'am/ /yang na rdo rje 'dra bar bya/ /mang? 'dra? zla ba kham pa 'dra/ /zheng du mchu yi byed kyi chod/ /zheng gi phyed kyi chad tsam du/ /thab khung zabs su bsko bar bya/ /mu khyung sor mo bzhi par bya/ /nyis 'gyur ba ni nyis 'gyur te/ /tha ma mchog gi khyad par las/ /yaM shing so sor nges par bya
- 217a
zhes gsungs pa ste/ de la gzhu gdung lta bu 'am/ /pad+ma'i 'dab ma 'dra ba 'am/ /rdo rje'i rtse mo rwa gcig pa/ /lcags kyu'i rnam pa lta bu 'am/ /utpa la'i mda' sgro dang chas pa lta buAm/ /zla ba kham pa lta bu la zheng skyas kyi phyed dang/ zabs su zheng gi phyed bskor bar bya ste/ mu khyud phyi dang nang gnyis su sor brgyad du byas la/ rab 'bring gsum gyis bye brag gis yam shing sor brgyad pa la sogs par bya ba nyid do/ /yang na yam shing bsreg shing ni/ /zhi ba'i tshad du gsungs pa ste/ /shin tu dmar ba'i tsan dan nam/ /yang na shing dmar gzhan yang rung/ /me tog 'bras bu dmar po 'am/ /gtsag dang tsan dan rgya skyegs sogs/ /leb brgan tsi dang gur gum gyis/ /mdor na bung pa'i shing dang ni/ /yungs kar kha dog dmar po dang/ /btsag dang mtshal dang de bzhin du/ /zangs kyi phye dang ske tshe dang/ /til dang lan tshwa sgyur rtsi dang/ /la phug nyung sdog de bzhin ste/ /khrag dang rdul ni chen po rnams/ /bsreg pa'i phyir ni bsdus nas kyang/ /sngar bshad 'bras bu la sogs pa'i/ /khu bas yang nas yang bskus nas/ /khro bo'i sngags kyis byin brlabs te/ /ba dang ra las bzhos pa yis/ /bshigs ma thag pa'i mang sar dang/ /mar dang til ni rnams kyis dgang/ /ga bur la sogs bsgos rnams kyang/ /bdud rtsi btab te bzhag par bya zhes gsungs pa ni 'dir bsreg rdzas gsungs pa ste/ de la yang na yam shing dang bsregs shing dag zhi ba'i tshang du bya ba dang/ bsreg rdzas bcu gcig po rgyud gzhan nas bsngags pa thams cad la/ tsan dan dmar po dang/ rgya skyegs rnams kyis dmar por bsgos pa la/ de dag thams cad khro bo khams gsum rnam par rgyal ba'i sngags kyis btab nas yongs su bsrungs te/ de'i rjes la bdud rtsi 'byung gnas kyi sngags kyis bdud rtsir byin gyis brlabs
- 217b
la/ dkyil 'khor gyi 'gram du bzhag par bya ba nyid do/ /de nas thab khung dmar po ni/ /byu ru'i sdong po 'dra ba la/ /bsnyams nas spos dmar la sogs dang/ /gur gum dmar pos byugs par bya/ /de nas kha dog dmar po yis/ /sdug po nyid du bskus nas ni/ /gur gum ser pos bses pa yi/ /tshon gyis ri mo bri ba ni/ /thab khung nang du pad+ma bri/ /de steng mdar bcas gzhu zi ste/ /rtag tu thab khung 'khor yug ni/ /pad+ma nyid ni bri bar bya/ /gzhu yi dbyibs su rdo rje nyid/ /khor yug tu ni gzhu yin te// gzhu yi phyi rol pad+ma nyid/ /bris nas de steng mnga' yin te/ /zhes gsungs pa ni dkyil 'khor bri ba gsungs pa de la thab khung byu ru'i sdong po lta bur sa dmar po las byas te/ rnal 'byor pa mnyam par gzhag pas gur gum mar?/ rgya skyegs la sogs pa'i tshon dmar pos thab khung stug po nyid du bskus nas de'i steng du gur gum ser po dang/ tshon dmar po bsres pa yis bri bar bya ba ni thab khung gi nang du pad+ma 'dab ma brgyad pa bri'o/ /de'i lte ba la me tog gi mda' ltongs pa'i gzhu'i bris la gzhu'i dkyil mda'i rked par rdo rje rtse gsum pa bri bar bya'o/ /de nas thab khung gi mu khyud la pad+ma'i phreng ba bris nas de'i phyi rol gyi mu khyud la gzhu bris na de'i steng du pad+ma kha 'bus pa gsum bris pa'o/ /de nyid mdar byas pa'i mda' dmar po gsum bri bar bya'o/ /da ni phyag rgya'i tshogs dgod pa bstan pa ni de'i phyi rol rdo rje dang/ lcags kyu mda' bcas gzhu dang ni/ /legs pa'i bla gos utpal bri/ /lho phyogs rin chen gzi brjid dang/ /rgyal mtshan bzhad pas bzhugs pa ste/ /pad+ma'i ral gri 'khor lo dang/ /gsung ba rnams ni nub phyogs bri/ /las rab go cha mche ba dang/ /mtshams sbyor rnams ni byang phyogs bri/ /grwa rnams su ni spos la sogs/ /phyag rgya'i gzugs su bri bar bya zhes gsungs pa ste/ de la pad+ma dmar po'i lte ba la?
- 218a
gzhu'i dbus su rdo rje'i lte ba la hUM bris la/ de nyid 'khor lo'i dbus su chung par 'khor lo ser po bri'o/ /de bzhin du shar la sogs pa'i phyogs su rdo rje dang/ rin po che dang/ pad+ma dang/ sna tshogs rdo rje rnams bri bar bya'o/ /thab khung gi phyi rol tu ni 'khor lo rtsibs bcu drug pa dmar po bris la/ de dag gi steng du rim pa ji lta ba bzhin du shar la sogs par rdo rje dang/ lcags kyu dang/ mda' gzhu dang/ utpal rnams bri'o/ /de bzhin du rin po che dang/ utpa la dang/ pad+ma'i 'dab ma lta bu'i spyan dang/ pad+ma dang/ ral gri dang/ 'khor lo dang/ pad+ma'i 'dab ma lta bu'i lce dang/ sna tshogs rdo rje dang/ ya lang dang/ mche ba dang/ khu tshur rnams bri bar bya'o/ /de'i zur bzhir ni cod pan dang/ phreng ba dang/ pi wang dang/ dang dbyangs dang/ phog por dang/ me tog dang/ mar me dang/ dung phor rnams bri bar bya'o/ /sgo rnams su ni lcags kyu la sogs pa'i phyag rgya ci rigs par bri bar bya ba nyid do/ /de nyid du bsregs pa'i rdzas ji lta bus bya snyam pa la/ me tog dmar po la sogs pas shin tu snga ma bzhin mchod de zhes gsungs te/ me tog dmar po dang/ 'bras bu dmar po dang/ tsandan dmar po dang/ til dmar po rnams dang/ gzhan yang rdzas thams cad la rgya skyegs khu bas bsgos par bya ba nyid do/ /rnal 'byor ci lta bus snyam pa la/ dpal ldan gos dang phreng ba dang/ /dmar po'i dris ni bskus nas kyang/ /rtag tu thub pa nub bltas la/ /dmar thag ma chad las byas te/ /pad+ma dmar po'i gdan bsams la/ /rab chags phyag na pad+ma bsnams/ /g.yon du rdo rje chags pa la/ /g.yas su bde ba chen po ste/ /de bzhin bsdams nas de dbus su/ /chu srin rgyal mtshan 'dzin pa bzhag /rdo rje gzhu dang g.yon bgyings ma/ /me tog dmar pos rab brgyan la/ /dri dmar sogs kyis mchod par bya zhes
- 218b
gsungs te/ de la bdag gong du bstan pa ltar gos dmar po la sogs pas brgyan nas nyi ma nub kar kha nub tu bltas te/ bcom ldan 'das 'od dpag med pad+ma'i gdan la bzhugs par bsams te/ de'i g.yas phyogs su bde ba chen po kun tu bzang po/ /g.yon phyogs su spyan ras gzigs dbang phyug go /kun tu bzang po'i g.yon du yum kun tu bzang mo/ /'dod pa thams cad dbang du byed pa/ phyag na chu srin gyi rgyal mtshan 'dzin pa bsam mo/ /spyan ras gzigs kyi g.yon phyogs su sgrol ma 'dod pa'i gzhu 'gengs pas 'gro ba rnams kyi snying la 'bigs pa bzhag par bya ba ste/ me tog dmar po la sogs pa mchod pa'i khyad par gyis yang dag par mchod par bya ba nyid do/ /de nyid du chags pa chen po'i me lha bkug pa ni/ /mda' dang gzhu thogs de bzhin du/ /pad+ma dmar dang dbyug bsnams pa'i/ /me yi lha ni bkug nas kyang/ /de yi dbus su khro rgyal po/ /legs par bzhugs te bzhag par bya zhes gsungs pa ste/ 'di ltar rang gi sa bon las 'od zer dmar pos las kyi me lha kha dog dmar po phyag g.yas pa dang g.yon pa'i dang po gnyis na mda' dang gzhu thogs pa tha ma gnyis na pad+ma dang dbyug pa 'dzin pa bkug ste/ bzhag par bya'o/ /de'i rjes la dam tshig gi me lha khams gsum rnam par rgyal ba spyan drangs nas de'i lus la yang dag par bcug ste/ sbyin sreg gi las thams cad bya'o/ /zhes 'dod do/ /de nyid ji lta bus gzhug par bya ba ni/ de'i lus rdo rje lcags kyu dang zhags pas dgug zhugs byas pa ni/ spyi bo zhabs kyi drung du bzhag /de ltar bsamS te snyoms zhugs pas/ /las bya ba ni gang yin pa/ /des ni lha yang dbang gyur na/ /mi dang lha min smos ci dgos zhes gsungs te/ de la rdo rje lcags kyu la sogs pa'i sngags dang/ phyag rgyas dgug pa la sogs pa byas nas bdag nyid kyi spyi bos phyag
- 219a
btsal bar bya'o/ /gong du gsungs pa'i rim pa de dag ni lha dang mi la sogs pa smos mi dgos par 'grub par 'gyur ba ste/ cho ga rgyas pa ni gong du bshad zin to/ /de nyid bsam pa 'di lta bus bya'o zhes bstan pa'i phyir chags ba'i sems su byas nas ni/ /de yi 'od zer spyi bor dgang/ /de gsungs nas ni btang bar bya/ /de nas rdo rje 'dod pa yis/ /lha rnams mchod de gshegs su gsol/ /de nas bsrung ba byas na ni/ /rdo rje 'dod pas brtag tu bzlas zhes gsungs te/ de la bsgrub bya gang la chags pa chen po'i sems kyis bcom ldan 'das 'khor dang bcas ba'i 'od zer spyi bor 'dod pa thams cad dbang du byed par dbang bskur bar bya'o/ /de'i rjes la rdo rjes go chas gnas lngar bsrung ba byas la btang bar bya ba dang/ de nyid kyi las la ni/ oM badzra rA ga sarba karma ba shi ku ru zhes pa la sogs pa'i sngags kyis bzlas par bya ba ste/ bsnyen pa dang dbang bskur ba'i skabs su shes par bya ba dang/ de nas rdo rje 'dod pa'i sangs rgyas thams cad 'dod na? chen po'i mchod pas rgyas par byas te/ chags pa chen po'i don du slar gshegs su gsol bar bya ba nyid de/ des ni rgyal po gtum po'i bran? bzhin du 'dod pa thams cad dbang du 'gyur ba nyid do/ /de dag gis ni dbang gis las ?/ da ni mngon spyod kyi las bstan par bya ba'i phyir/ /dur khrod dag dang bshan pa yi/ /khyim dang srin po'i gnas rnams su/ /mngon spyod kyi ni las bya ba/ /thab khung tha ma bar ma mchog /phyed dang gsum mam khru gsum mam/ /khru dgu ru ni byas pa las/ /stegs bu de yi tshang brtsigs te/ /gru gsum pa'am mdud rtse 'dra/ /lcags phye sol phye dug gis ni/ /bskus pa thab khung nag por bya/ /zhes gsungs te/ de la gang du gsungs pa'i gnas ji lta ba rnams su 'dir gsungs ba'i thab? khung
- 219b
gi tshang la/ lcags phye la sogs pa bskus pas nag po dang rtsub par bya ba nyid do/ /stags bu de'i tshang brtsigs te/ zhes pa ni thab khung las mtshon pa'i tshang de/ de la thab khung las nyis 'gyur du stegs bu brtsigs par bya ba kho na'o/ /dkyil 'khor 'di lta bus bri bar bya ba kho na zhes bstan pa'i phyir/ dbus su rdo rje rtse dgu pa/ /nag po shin tu 'bar ba bri/ /mu ran steng du rtse gsum dang/ /rgya gram pa yi rdo rjes mtshan/ /de yi phyi rol mu khyud la/ /dbyug pa dang ni dgra sta dang/ /ral gri shin tu 'bar ba bri/ / de yi phyi rol keng rus te/ /bde gshegs la sogs phyag rgyas mtshan/ /zhes pa gsungs pa ste/ de la thab khung nang du rdo rje rtse dgu pa kha dog nag po gcig bri bar bya'o/ /de'i zur gsum du ni mtshon rtse gsum pa gsum bri'o/ /de'i logs gsum la ni rdo rje rgya graM pa gsum bri'o/ /de'i mu khyud la ni dbyug pa dang/ /rtse gsum pa dang/ dgra sta rnams so/ /de'i mu khyud kyi steng du ni ral gri dang me 'od nag po bri ba dang/ de'i phyi rol tu ni keng rus kyi steng du rim pa gsum mam bzhi pa la bde bar gshegs pa la sogs pa'i phyag rnams rim pa dang po la lnga dang/ gnyis pa la bcu drug la sogs pa bri bar bya'o zhes gsungs so/ /me lha 'di lta bus bya'o zhes pa'i phyir/ dud srin mdog 'dra drang srong mchog /mi ro'i steng bzhugs rtse gsum dang/ /gzar? bu phreng ba ris bar ldan/ /de lta'i me lha spyan drangs nas/ /lhor bltas khros pa'i sems kyi bsreg ces gsungs te/ de la las kyi me lha kha dog nag po mi ro la zhon pa/ phyag bzhi pa rtsa gsum pa dang/ gzar bu dang/ ril pa thogs pa spyan drangs gzhan du bstan pa ltar/ ye shes kyi me lha spyan drangs pa bcug ste/ khros pa dang bcas pas de nyid kyis rnal 'byor gyis bsreg par bya'o/ /de nyid kyis rgyu 'di lta bus bya'o zhes bstan pa'i phyir/ shin tu gdug cing tsher mar bcas/ /bsreg shing yam shing byas? nas
- 220a
kyang/ /sha dang khrag dang lcags phye dang/ /rus phye dug dang rke tshe dang/ /dri chen dri chu la sogs pa'i/ /rdzas rnams kun la dug gis ni/ /bgos bas lan grangs gsum bsregs nas/ /de yi longs spyod 'byor ba dang/ / gnyen dang 'khor dang bran rnams dang/ /bu dang chung mar bcas pa rnams/ /spangs te srog dang bral nas ni/ /sdug bsngal mi bzang myong bar 'gyur zhes gsungs te/ de la shin tu gdug pa'i seng ldeng la sogs pa la bsreg shing dang yaM shing byas la/ de nyid kyi bsreg ba'i rdzas sha dang/ khrag dang/ rus phye dang/ seng ldeng gi tsher ma dang/ bshang pa dang/ gci ba dang/ til nag po la sogs pa'i rdzas thams cad la/ dug gis bskus nas nyi ma phyed nas kha shar lhor bltas te/ de'i ming dus dang bsres nas bsreg par bya ba nyid do/ /des ni bsgrub bya gang dag 'jig rten gyi 'byor ba thams cad dang bral nas/ sdug bsngal chen po nyams su myong bar 'gyur ba ni nges par shes par bya ste/ de dag gi ni mngon spyod kyi las yongs su rdzogs nas/ de la bshad pa'i rgyud yongs su rdzogs nas/ da ni de nyid kyi ston pa po bcom ldan 'das phyag na rdo rje la 'khor 'dus pa'i tshangs pa la sogs pa'i sku gsung thugs kyi yon tan chen po'i sgo nas bstod pa 'di lta bu'o zhes bstan pa'i phyir ro/ /de nas brgya byin tshangs sogs lha/ /phyag 'tshal yang nas yang du ni/ /rin chen gdugs sogs mchog gis ni/ /mchod pa sna tshogs byas nas kyang/ /phyag na rdo rje rgyal spyan la/ /dga' ba'i bsam pas bstong byed pa zhes gsungs te/ de la 'dir tshangs pa la sogs pas bcom ldan 'das kyi bdag dang gzhan gyi don phun sum tshogs pa chen po yongs su rdzogs par mdzad pa'i phyir/ dri chen po de nyid la mchod pa'i khyad par mchod pa ni/ rin po che'i gdugs la
- 220b
sogs pa 'dod pa'i yon tan phun sum tshogs pa thams cad kyis mngon par mchod naS 'gro ba rnams kyis mun pa bsal ba'i spyan gyi rgyal po phyag na rdo rje la bstod pa bya'o/ /de nyid kyi bstod pa ji lta bu yin zhe na/ sangs rgyas kun pas sngar sangs rgyas/ /mi shes dri ma kun bcom pa zhes pa la sogs pa gsungs te/ de la 'dir ni sku gsung thugs kyi phrin las rnam pa bzhi mdzad pa de nyid de/ de la sangs rgyas kun pas sngar sangs rgyas pa ni thugs de nyid rnam par rtog pa thams cad dang bral ba de bzhin nyid de/ de nyid la gnyis su med pa'i ye shes kyi rdo rje ngag gi yul las 'das bas dmigs pa nyid de/ de nyid sangs rgyas thams cad kyi rdo rje 'dzin pa yang yin la/ rgyal po yang yin pa dang/ sku gsum mngon par bsal ba nyid kyis na rdo rje rdo rje 'dzin rgyal po zhes bya ba la sogs pa'i shlau ka gcig tu bsdus so/ /de nyid las longs spyod rdzogs pa'i sku yan lag 'byung pa'i phyir/ rdo rje yan lag ces bya'o/ /longs spyod rdzogs ba'i sku de nyid gzi brjid chen po dang ldan pa dang/ rnam par rtog pa 'joms pa'i shugs dang ldan pa dang/ bdud kyi tshogs 'joms pa'i mtshon cha dang ldan pa nyid dang/ phyag rgya chen po'i gzugs su zhugs pa nyid kyis/ rdo rje'i yan lag rdo rje mchog /ces pa la sogs pa'i tshigs su bcad pa gcig bsdus so/ /sprul pa'i sku de nyid kyi legs pa chen po 'gro ba rnams dga' bar mdzad pa nyid dang/ de nyid 'jig rten dang 'jig rten las 'das pa thams cad las mchog tu gyur ba nyid dang/ dga' ba chen po nyid dang/ de bzhin du zhi bas 'dus ba'i sems can rnams la dga' ba'i bdag nyid kyis dbang du byed pa nyid dang/ sangs rgyas kyi 'od zer stug po kun gyis mi shigs ba nyid kyi phyir na/ rdo rje legs pa dgyes mdzad pa zhes pa la sogs pa'i tshigs su bcad pa gcig bsdus so/ /sprul
- 221a
ba'i sku de nyid dam tshig chen pos nam mkha' dang mnyam par thams cad khyab pa nyid dang/ de nyid kyis sems can rnams kyi re ba yongs su rdzogs par byed pa nyid dang/ rdo rje rin po che'i rgyu las byung bas dbang bskur ba nyid de/ rdo rje rgyal mtshan chen pos sems can thams cad kyis dpal du gyur pa nyid kyi phyir dang/ nam mkha' dang mnyam pa ste zhes pa la sogs pa'i tshigs su bcad pa gcig bsdus so/ /de dag gis thugs la bstod pa ste/ sku gsum dang phrin las rnam pa bzhi yang bsdus so/ /da ni gsung la bstod pa ste/ sprul pa'i sku de nyid ye shes lnga yis gnyis su med pa'i ye shes rdo rje lta bu bskyed pa las sangs rgyas kyi gsung chen po nyid dang/ de nyid la 'jig rten pa'i lha thams cad kyis mchod pa nyid dang/ gdug cing sreg par byed pa'i yig 'bru bzhi 'don pa nyid dang/ de nyid sgra chen pos gdug pa rnams kyi snying 'joms par mdzad pa'i phyir/ rdo rje ye shes che zhes pa la sogs pa'i tshigs su bcad pa gcig bsdus so/ /gsung de nyid kyi chags pa chen po'i sems can gdul ba'i phyed du 'dod pa chen po'i chos gsungs pa nyid dang/ chags pa chen po'i sems de nyid kyis snyigs ma'i dus ngan gyi sems can nyon mongs pa'i dbang du gyur pa rnams yongs su sbyong ba nyid dang/ de nyid kyi rnam par rtog pa'i rgyun gcod pa nyid dang/ nam mkha' i glog lta bur myur zhing bsal ba las gsung ba nyid kyi phyir/ rdo rje 'dod pa 'dod pa che zhes pa la sogs pa'i tshigs su bcad pa gcig bsdus so/ /gsung de nyid kyis gdug pa'i tshogs bsreg par byed pa'i hUM gi sgra drag pa gsung pa nyid dang/ de nyid kyi mun pa'i tshogs snang bar byed pa nyid dang/ zhal de las ye shes kyi me dpung chen po 'bar ba nyid dang/ zhi ba dang bral bas gsung ba nyid kyi phyir/ rdo rje mas te drag po'i zhal
- 221b
zhes pa la sogs pa tshigs su bcad pa gcig bsdus so/ /da ni sku'i sgo nas bsted pa ste/ de la sangs rgyas kyi spyan me 'dra bas gdug pa rnams 'jigs par mdzad pa nyid dang/ zhal khro gnyer sna tshogs ston par mdzad pa nyid dang/ phyag na rdo rje rtse dgu pa las sgrul pa'i gzugs kyis mtshon cha sna tshogs sprul pa nyid dang/ zhi ba la sogs pa'i zhal dang/ de dang mthun pa'i sku ston pa nyid kyi phyir na/ dbu skra kham pa gyen du 'khyil ba la/ rgyan rab tu 'khyil ba nyid kyi phyir/ spyan dmar 'jigs par mdzad pa po zhes pa la sogs pa'i tshigs su bcad pa gcig bsdus so/ /bcom ldan 'das kyi dbu skra dmar ser rab tu 'khyil pa la/ chun 'khor la sogs pa'i rgyan rab tu 'khyil ba nyid dang/ thugs las sprul pa'i sku sna tshogs pa'i don mdzad pa nyid dang/ gdug pa rnams 'dul ba'i phyir khro bo chen po la sogs pa'i skur ston kyang thugs rje mnyam pa nyid kyi rnam par rtog pa ma lus par spangs pa nyid dang/ mi shes pa'i rab rib 'joms pa nyid kyis tshongs pa chen po'i gtsug tor ltar bzhugs pa nyid kyi phyir/ 'khyil cing rgyan yang 'khyil ba la zhes pa la sogs pa'i tshigs su bcad pa gcig bsdus so/ /nyon mongs pa rnams kyi rtsa bar gyur pa 'dod chags dang zhe sdang dang/ de dang nye ba'i nyon mongs pa rnams rab tu spangs pa nyid dang/ brgya byin dang/ tshangs pa dang/ khyab 'jug dang/ drag po rnams 'joms par mdzad pa nyid dang/ bcom ldan 'das de nyid sems can rnams la thugs rje chen pos chags shing nyon mongs pa'i tshogs 'joms par mdzad pa la thugs rab tu drag pa nyid de/ de nyid gdod ma nas rtog pa dang bral zhing zhi ba'i phyir/ 'dod chags zhe sdang dri mthar mdzad ces pa la sogs pa'i tshigs su bcad pa gcig bsdus so/ /'khor ba dang nyan thos dang rang sangs rgyas kyi mya ngan las 'das pa rnam par sbyang ba nyid?
- 222a
dang/ bla na med pa'i byang chub chen po la gnas pa nyid dang/ sa bcu'i dbang phyug chen po nyid sangs rgyas yin la/ de nyid la rdo rje 'dzin pa chen po rang gi ngo bor bzhugs pa nyid dang/ de nyid dus dus gsum gyi sangs rgyas thams cad kyi bdag nyid skur bzhugs pa nyid kyi phyir/ srid dang srid min rnam sbyong ba zhes pa la sogs pa'i tshigs su bcad pa gcig bsdus so/ /bcom ldan 'das nyid gnyis su med pa'i ye shes kyi rdo rje las skyes pa/ rdo rje sems dpa' i skur bzhugs pa nyid dang/ de nyid thub pa chen po kun tu bzang po'i sku nyid dang/ mtshan bzang po sum cu rtsa gnyis dang/ dpe byang bzang po brgyad cu yongs su rdzogs pa nyid dang/ rdo rje 'dzin pa chen po dri ma ma lus pa las rnam par dag pa'i phyir/ rdo rje las skyes rdo rje sems/ /zhes pa la sogs pa'i tshigs su bcad pa gcig bsdus so/ /de ltar tshangs pa la sogs pas bcom ldan 'das phyag na rdo rje la sku gsum dang sku gsung thugs dang/ 'phrin las rnams rnam pa bzhi'i sgo nas yang dag par bstod nas/ da ni bstod pa'i tshig de nyid la mngon par sbyor ba'i phan yon yongs su bstan pa ni/ gang gis 'di bris klags gyur tam zhes pa la sogs pa gsungs te/ de la gang bdag gis bstod pa 'di nyid nyan tam/ 'chang ngam/ klog gam/ 'dri 'am/ kha ton du 'don pa yang dag par ston pa na/ de nyid bcom ldan 'das la rab tu dad pa nyid kyis bcom ldan 'das kyis thugs rje chen po las byung ba'i dngos grub thob pa ni bcom ldan 'das phyag na rdo rje nyid 'dra bar gyur pa kho na'o/ /bcom ldan 'das kyis de skad ces bka' stsal nas zhes pa ni 'di ltar tshangs pa la sogs pas bstod nas/ mthar thug par gyur kyang/ bcom ldan 'das kyis dus phyi mar chos kyi 'khor lo lan gnyis pa bskor ba'i phyir/ bcom
- 222b
ldan 'das kyis de skad ces bka' stsal nas zhes pa nyid do/ /bshad pa'i rgyud 'di nyid kyis ngan song thams cad sbyangs pa'i chus yongs su rdzogs pa'i mthar thug par gyur pa ni/ brgya byin dang tshangs pa la sogs zhes pa rnams gsungs te/ de la brgya byin dang/ tshangs pa la sogs pa bcom ldan 'das rnam par snang mdzad chen po'i 'khor du 'dus pa thams cad bcom ldan 'das rnam pa gsum gyis gsungs ba la mngon par dga' ste/ rjes su yi rang ngo zhes bya ba nyid do/ /bdag gis mdzes pa'i rgyan mchog bla na med/ /dri med skyon bral 'grel 'di byas pa las/ /bsod nams dri med rgya chen gang thob des/ /'gro kun rdo rje 'dzin pa'i go 'phang myur thob shog/ //bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i 'grel pa mdzes pa'i rgyan zhes bya ba slob dpon chen po rdo rje go chas mdzad pa rdzogs so// //'grel pa 'di yi tshad gyur pa/ /tshigs su bcad pa drug stong dang// bcu bzhi dag ni yod pa ste/ /yi ge mkhan la phan phyir ro/ /dpal ldan ngan song thams cad yongs su sbyong pa'i rgya cher 'grel pa 'di spyi? zla ra ba'i yar gyi ngo'i gza' phur bu skar ma rgyal gyi nyin par mchog gis rje btsun rgyal po chen po mchog gi dbang phyug dpal lha 'od zer go cha yis/ mdzad pa'i dpal rgyal po'i lha khang du shAkya'i dge slong rin chen 'byung gnas bzang po rang gis lag pas bris te/ lo lnga brgya nyi shu rtsa lnga lon no// // ngan song thams cad yongs su sbyong ba gzi brjid kyi rgyal po'i rtag pa snang ba'i rgyan zhes bya ba bzhugs so// //rgya gar skad du/ sarba du rga te pa ri sho d+ha ne te dzo rA dza kalpA lo kA laM ka ra nA ma/ /bod skad du/ ngan song thams cad yongs su sbyong ba gzi
- 223a
brjid kyi rgyal po brtag pa snang ba'i rgyan zhes bya ba/ /gtso chen kun rigs shAkya thub/ /rdo rje 'dzin pa zhi dang khro/ /tshe dpag med dang bde ba che/ /'khor dang bcas la phyag 'tshal nas/ /ngan song rnam par sbyong byed pa'i/ /gzi brjid? rgyal po brtag pa ni/ /bdag nyid dran pa bskyed pa'i phyir/ /ci nus pas ni rnam par dbye/ /'di skad bdag gis thos pa zhes bya ba la sogs pas 'di brjod par bya ba dang/ 'brel pa ni gang zhig yin/ dgos ba dang dgos pa'i dgos pa ni? ci zhig yod ce na/ de brjod ba bya ste/ ngan song thams cad yongs su sbyong ba gzi brjid kyi rgyal po brtag pa zhes bya ba ni rgyud yin la/ /'di skad bdag gis thos pa zhes bya ba nas/ tshangs pa chen po pad+ma'i gdan la bzhugs te zhes bya ba'i ngang gyis/ shAkya thub ba nyid dang gzhan gyi don phun sum tshogs pa'i rang bzhin ston pa'i gleng gzhi'i mdo ni/ shAkya thub pa nyid dang gzhan gyi don phun sum tshogs pa'i rang bzhin la gdul bya mngon par 'dod pa bskyed pa'i phyir gsungs pa yin no/ /gdul bya mngon par 'dod pa skyes pa rnams la shAkya thub pa de mngon sum du byed pa'i thabs ni/ ngan song gi rgyud thams cad yongs su sbyong pa'i ting nge 'dzin la snyoms bar zhugs te/ zhes bya ba nas brtsams te/ bcom ldan 'das kyis gsungs pa la mngon par bstod do/ /zhes bya ba'i bar gyi gzhung gis thabs bstan to/ /yang 'di kun rig dang/ gtsug tor dgu dang/ tshe dpag tu med pa'i dkyil 'khor dang/ bar ma la srid ba rjes su 'dzin par byed ba yin no/ /bde ba chen po dang/ 'chi bdag 'joms pa dang/ khro bo rdo rje me ni/ mchog la srid ba rjes su 'dzin par byed pa yin no/ /'jig rten pa'i dkyil 'khor rnams ni mchog dang bar ma ma yin pa la srid pa rjes su 'dzin par byed pa yin no/ /ji skad du 'di nyid
- 223b
las/ /srid dang srid min rnam spyod ba/ /zhi zhing dul la dga' ba che/ /zhes gsungs pa'i phyir/ yang 'dir ni kun rig dang bde ba chen po'i dkyil 'khor ni sku ston zhing phyag rgya chen po yin la/ de bzhin gshegs pa'i rigs su bstan te/ 'dod chags kyis 'dod chags srang pa'i phyir gsungs pa yin no/ /btsug tor dang 'chi bdag 'joms pa'i dkyil 'khor ni/ gsung ston zhing chos kyi phyag rgya gtso bor gyur la/ pad+ma'i rigs su bstan te/ gti mug gi gti mug spang ba'i phyir gsungs pa yin no/ /tshe dpag med dang khro bo nyi ma dang me dang/ 'jig rten pa'i? dkyil 'khor rnams ni thugs ston zhing dam tshig gi phyag rgya gtso bor gyur la rdo rje'i rigs yin te/ khro bas khro ba spang ba'i phyir gsungs pa yin no/ /ji skad du 'di nyid las lag pa g.yon pa'i thal mo bkan te/ bar du bzhag la de'i steng du g.yas pa bzhag ste mthe bong gnyis sprad la zhi ba'i lta bas blta ba 'di ni/ de bzhin gshegs pa'i rigs kyi ting nge 'dzin gyi phyag rgya ste/ dam tshig yin par bshad do/ /de nyid las bzlog ste ltag 'og bsnol la mthe bong dang mthe chung gnyis gcig la gcig lu gu rgyud kyi bsnol la snying gar bzhag pa 'di ni rdo rje rigs kyi dam tshig gi phyag rgya'o/ /thal mo rdzogs par ltar ba las mthe bong dang mthe'u chung gnyis bsnyams pa la lhag ma brkyang pa 'di ni padmor? rigs kyi padmo'i phyag rgya'o/ /zhes bya ba dang/ rtse gsum rtse gsum 'chang 'phrog ma/ /'dod chags zhe sdang gti mug gtso zhes pa dang ma rig 'joms pa'i tshangs pa ste/ 'dod chags zhe sdang dri mthar mdzad zhes gsungs pa'i phyir ro/ /yang kun rig dang/ bde ba chen po ni longs spyod rdzogs pa'i sku'i tshul/ shAkya thub pa gtsug tor gyi dkyil 'khor dang/ 'chi bdag 'joms pa sprul pa sku'i tshul/ dkyil 'khor lhag ma rnams ni chos kyi sku'i tshul ston pa yin no/ /'di nyid las ji skad du bcom ldan 'das phyag na rdo rje
- 224a
chos nyid longs spyod rdzogs pa'i skus rdo rje sems dpa' i skur bzhugs par 'tshal bar bgyi ste zhes gsungs pa'i phyir ro/ /yang 'di'i dbang dang dam tshig dngos grub kyi dkyil 'khor kun rig dang/ gtsug tor dgu dang/ tshe dpag med dang/ rgyal chen bzhi dang/ phyogs skyong bcu dang/ gza' chen brgyad dang/ klu chen brgyad dang/ 'jigs byed chen po dang/ lha chen po rnams kyi dkyil 'khor dang/ 'chi bdag 'joms pa dang/ bde ba chen po dang/ khro bo rdo rje nyi ma me'i dkyil 'khor ste bcu gnyis so/ /byin gyis brlabs pa'i sngags dang/ dbang dang dam tshig sbyin pa'i sngags dang/ bsgrub pa'i sngags dang/ brdung ba'i sngags dang/ dgug pa'i sngags dang/ sngags kyi de kho na nyid de ci rigs su sbyar ro/ /'di'i kun rig gi skabs nas/ lcags kyu la sogs pa'i phyag rgya dang/ gtsug tor dang bde ba chen po'i skabs nas bshad do/ /phyag rgya'i de kho na nyid do/ /klu chen brgyad dang/ 'jigs byed chen po dang/ lha chen po brgyad kyi dkyil 'khor dang/ 'chi bdag 'joms pa dang/ bde ba chen po dang/ khro bo rdo rje nyi ma dang/ me'i dkyil 'khor gyis skabs nas/ bsgom pa'i skabs nas bsgrub pa drug ste/ ting nge 'dzin gyi de kho na nyid do/ /yang kun rig gi ras ris kyi bzlas pa dang/ ro 'am gzugs brnyan la bzlas pa dang/ gtsug tor dgu'i ras ris dang/ ro 'am gzugs brnyan la bzlas pa dang/ tshe dpag med kyi ras ris kyi bzlas pa dang/ klu chen brgyad kyi bzlas pa dang/ lha chen dang/ 'jigs byed chen po'i bzlas pa dang/ 'chi bdag 'joms pa'i skabs dang/ khro bo'i sbyin sreg gi skabs kyi bzlas pa dang/ bcu ni bzlas brjod kyi de kho na nyid do/ /yang kun rig gi skabs nas zhi ba'i don gyi sbyin sreg dang/ ro bsreg pa'i don du zhi ba'i sbyin sreg dang/ gtsug tor dgu'i zhi ba'i sbyin sreg dang/ 'chi bdag 'joms pa'i zhi pa
- 224b
dang/ rgyas pa dang/ dbang dang/ mngon spyod kyi sbyin sreg dang/ bde ba chen po'i skabs nas zhi ba dang/ rgyas pa dang/ dbang dang/ mngon spyod dang/ rdo rje nyi ma me'i zhi ba dang/ rgyas pa dang/ dbang dang/ bcu gsum ste sbyin sreg gi de kho na nyid do/ /rdo rje nyi ma me ma rtogs pa'i dbang dam tshig gi dkyil 'khor bcu gcig pa la sogs pa nas/ spyan drangs pa bstan pa ni/ spyan drang ba'i de kho na nyid do/ /dkyil 'khor de bdag dang/ sbyin sreg dang ras ris la sogs pa rnams las mchod pa bshad pa rnams dang/ rdo rje'i nyi ma me'i sbyin sreg gi skabs nas lha rnams mchod cing gshegs su gsol pa'i de kho na nyid bstan to/ /kun rig gi ras ris kyi skabs nas/ 'jig rten gsum rgyal du bskyed de bdag gi de nyid dran pas ni bdag bsrung pa ni bsrung ba'i de kho na nyid bstan to// //yang dngos su ting 'dzin thabs yin pas de brjod par bya ste/ de las kyang rtsa ba'i rgyud kyis bshad par bya'o/ /ngan song thams cad kyi rgyan yongs su sbyor ba zhes bya ba nas brtsams te/ sangs rgyas bye ba phrag dgu cu rtsa bzhis bshad pa ngas bshad kyis nyon cig ces bya ba'i bar gyi ngan 'gro sbyong zhing nor bu dri ma med pa lung bstan pa ste/ dang po sbyor ba'i ting nge 'dzin to/ /de nas lha rnams kyi dbang po brgya byin gyi des bya ba nas brtsams te/ 'jig rten dang 'jig rten las 'das pa'i phan pa dang bde ba thams cad myong bar 'gyur ro zhes bya ba'i bar gyi gzhung gis tshangs pa la sogs pa'i 'jig rten pa'i lha'i dkyil 'khor du dgong pa'i phyir dang lha rnams bskyed pa'i phyir sngag bshad pa ste/ dkyil 'khor rgyal po mchog gi ting nge 'dzin ston to/ /de nas bsdu zhing byin gyis brlabs pa nas brtsams te/ las kyi rgyal po mchog 'phags pa gsang zhing sra ba'i mchog mthon po las bshad pa bzhin du shes par bya'o/ /
- 225a
dbang dang dam tshig thob par thabs 'di nyid las 'jug par bya ba'i phyir/ de nas lha rnams kyi dbang po zhes bya ba nas brtsams te/ brtser ldan dngos grub myur du 'grub zhes bya ba'i bar gyis gzhung gis slob dpon gyi las kyi cho ga dang/ slob ma gzhug la sogs pa'i cho ga ston to/ /de nyid du dbang dang dam tshig thob pa rnams la/ ji ltar 'dod pa'i dngos grub bslab par bya'o zhes bya ba'i don 'di bstan pa'i phyir/ de nas bcom ldan 'das kyis lha rnams kyi dbang po brgya byin zhes bya ba nas/ gnod sbyin rgya skar gdong la sogs/ /tshig tsam gyi ni dran bzhin du/ /zhi ba la sogs las kun byed zhes bya ba'i bar gyis gzhung gi dngos grub ston to/ /yang 'di nyid du dbang dang tshig thob pa rnams la/ sdig pa chen po byas pas sems can dmyal pa la sogs pa'i nang du gyur pa rnams thabs sla bas grol bar bya ba'i don 'di bstan par bya ba'i phyir/ de nas lha rnams kyi dbang po brgya byin gyis zhes bya ba nas/ bde gshegs rgyal ba nyid kyis gsungs? zhes bya ba'i bar gyi gzhung gis shi pa'i dbang du gyur pa'i cho ga bstan to/ /de nas brgya byin la sogs lhas/ /pad+ma lta bu'i mig phye nas zhes don 'di bstan par bya ba'i don to/ /de nas dkyil 'khor 'di yin te/ gru bzhi pa sgo bzhi pa/ /zhes pa nas brtsams te/ a b+hi Shiny+tsa mi hUM/ zhes bya ba'i gzhung gis slob dpon gyis las kyi cho ga dang/ slob ma gzhug pa nas brtsams te/ bag yong par gyis la bsgrubs shig ces bya ba'i bar gyi gzhung gi nor bu dri ba med pa dga' ldan du skyes pa dang/ rgyud gtad pa bstan zin to/ /rgyud phyi ma'i bsdus ba'i don bstan par bya ste/ de las kyang dngos grub dang por gtsug tor dgu'i bsdus pa'i don bstan te/ 'dir dang por sbyor ba'i ting nge 'dzin ni rtsa ba'i rgyud las
- 225b
bshad pa las phyag na rdo rje dang bsam? pa'o/ /de nas byang chub sems dpa' sems dpa' chen po phyag na rdo rje zhes bya ba nas brtsams te/ hUM phaT ces pa'i bar gyi gzhung gis dkyil 'khor rgyal po mchog ston to/ /las kyi mchog ni snga ma bzhin du shes par bya'o/ /thabs de la 'di nyid du dbang dang dam tshig thob pas 'jug par bya'o zhes bya ba'i don 'di bstan par bya ba'i phyir/ de nas dkyil 'khor bshad de zhes bya ba nas brtsams te/ phyag na rdo rje hUM zhes bya ba las thams cad byed pa'i bar gyis gzhung gis slob dpon gyi las dang/ slob ma bzhug pa la sogs pa'i cho ga bstan to/ /'di las gsungs pa'i dngos grub rnams bya ba dang/ spyod pa dang/ rnal 'byor gyi rgyud gzhan las gsungs pa'i thabs kyi 'grub po zhes bya bar brtag pa gzhan gyi cho gas kyang thams cad 'grub par 'gyur ro zhes bya bas ston to/ /'di nyid du dbang dang dam tshig thob pa'i slob dpon gyis/ shi ba'i re la sogs pa las bzlas pa dang/ sbyin sreg dang dbang rnams kyis grol bar byed do zhes pa'i don 'di bstan par bya pa'i phyir lha dang/ klu dang zhes bya ba nas brtsams te/ yongs su grol bar byed do zhes bya ba'i bar gyi gzhung gis bstan to/ /rtsa ba'i rgyud dang/ rgyud phyi ma dang/ phyi ma'i yang phyi ma las gsungs pa'i lha rnams bsgrub pa'i phyir/ rgyas gdab po zhes bstan par bya ba'i phyir/ de nas bcom ldan 'das phyag na rdo rje seng ge'i lta stangs kyis zhes bya ba nas/ de nyid las bskyed nas mnyes pa'o/ /zhes bya ba'i bar gyi gzhung gis ston to/ /yang 'di nyid du dbang dang dam tshig thob pas ras ris mchod de bsgrub par bya'o zhes bya pa'i don 'di bstan par bya pa'i phyir bsnyen pa byas nas las thams cad bya'o zhes bya ba'i bar gyi gzhung gis bsgrub par ston to/ /de nas tshangs pa la sogs pa'i lha rnaMs kyis
- 226a
zhes bya ba nas/ gzhan yin par mi lta'i lha'i 'khor 'di nyid du yin no zhes bya ba'i bar gyi gzhung gis lha'i bu nor bu dri ma med pa las kyi rnam par smin pa ci las gyur pa bstan to/ /gtsug tor dgu'i bsdus pa'i don to// da ni tshe dpag med pa'i bsdus pa'i don bshad par bya ste/ sbyor pa dang po'i ting nge 'dzin ni gtsug tor du bshad pa nyid do/ /de nas brgya byin dang tshangs pa rnams yid rab tu mgu zhing rangs nas zhes bya ba nas gsang ba'i bdag pas bshad du gsol zhes bya ba'i gzhung gis bstod cing gsol ba gdab par ston to/ /de nas bcom ldan 'das phyag na rdo rjes bya ba nas rmad kyi ya mtshan du ma 'jig rten du snang bar gyur to/ /zhes bya ba'i bar gyi gzhung gis dkyil 'khor 'phrul pa'i gsang sngags bstan te/ /dkyil 'khor rgyal po mchog gi ting nge 'dzin bstan to/ /de nas bsrung ba dang byin gyis brlab pa ni snga ma bzhin du shes par bya'o/ /tshe dpag tu med pa'i dkyil 'khor 'di nyid du/ dbang dang dam tshig la sogs pa thob pas thabs de la 'jug par bya'o zhes bya ba'i don 'di bstan par bya ba'i phyir/ de nas dkyil 'khor 'di yin te/ gru bzhi pa la sgo bzhi pa/ zhes bya ba nas brtsams te/ a b+hi Shinyu hUM aM(rgyud 'grel): zhes bya ba'i bar gyi gzhung gis slob dpon gyis las kyi cho ga dang/ slob ma gzhug pa la sogs pa ston to/ /de nyid du dbang dang dam tshig la sogs pa thob pa la dngos grub sbyin no zhes bya ba'i don 'di bstan par bya ba'i phyir/ de ltar dbang bskur nas tshe srid pa'i rig pa sbyin no zhes bya ba nas brtsams te/ brtag mi dgos par the tshom med ces bya ba'i gzhung gis cho tshad med pa'i dngos grub bstan to/ /tsha tshad med pa'i bsdus pa'i don to/ /da ni 'jig rten pa'i lha la srid pa rjes su 'dzin par byed pa'i don du 'jig rten pa'i dkyil 'khor drug?
- 226b
bstan to/ /de la dang po rgyal po chen po bzhi'i bsdus pa'i don brjod par bya ste/ 'di'i sbyor ba dang po'i ting nge 'dzin ni gtsug tor du bshad pa las rgyal po chen po bzhi dang bcas pa'o/ /rgyal po chen po bzhis bcom ldan 'das phyag na rdo rje la phyag 'tshal nas zhes bya ba nas brtsams te/ oM kh+Sha zhes bya ba'i bar gyis bshad pas dkyil 'khor rgyal mchog gi ting 'dzin bstan to/ /las kyi rgyal po mchog ni snga ma bzhin du shes par bya'o/ /'di nyid du dbang dam tshig gi thabs thob pa de la 'jug par bya'o zhes bya ba'i don 'di bstan par bya ba'i phyir/ de nas de dag dkyil 'khor bshad do/ /zhes bya ba nas phyag na rdo rje la'ang 'khrus par 'gyur zhes bya ba'i bar gyi gzhung gis slob dpon gyi las kyi cho ga dang/ slob ma 'jug pa la sogs pa ston to/ /rgyal po chen po bzhi'i bsdus pa'i don to/ /de nas phyogs skyong bcu rnams kyi dkyil 'khor gyi don bsdus pa'i don bshad par bya ste/ de nas zhes bya ba dang po'i sbyor ba'i ting nge 'dzin gyi rjes thogs la zhes bya ba'i don te/ 'dir dang po'i sbyor ba'i ting nge 'dzin ni gtsug tor du gsungs pa las phyogs skyong ba bcu dang bcas pa yin no/ /phyogs skyong ba bcu rnams kyis zhes bya ba nas brtsams te/ oM bra zhes bya ba'i bar gyi gzhung gis dkyil 'khor rgyal po mchog gi ting nge 'dzin bstan te/ /las kyi rgyal po mchog ni snga ma bzhin du shes par bya'o/ /'di nyid du dbang dang dam tshig thob pas thabs de la 'jug par bya'o zhes pa'i don 'di bstan par bya ba'i phyir/ de nas de dag gi dkyil 'khor bshad de zhes bya ba nas/ bdag nyid kyis kyang yongs su skyab par bya'o zhes bya ba'i gzhung gis slob dpon gyis las kyi cho ga dang/ slob ma gzhug pa la sogs pa bstan to/ /phyogs skyong ba bcu'i bsdus pa'i don to/ /gza' chen po brgyad kyi dkyil 'khor gyi
- 207a
*//bsdus pa'i don brjod par bya ste/ de nas zhes bya ba la sogs pa smos te/ de nas zhes bya ba ni dang po'i sbyor ba'i ting nge 'dzin gyi rjes thogs? pa ste/ 'dir dang po'i sbyor ba'i ting nge 'dzin gtsug tor du bshad pa las gza' chen po brgyad rgyu skar dang bcas pa yin no/ /gza' chen po brgyad ces pa nas/ oM ha zhes bya pa'i gzhung gis dkyil 'khor rgyal po mchog gi ting nge 'dzin ston to/ /las kyi rgyal po mchog ni snga ma bzhin du shes par bya'o/ /thabs de la dam tshig dang dbang thob pas 'jug par bya'o/ /zhes bya ba'i don 'di bstan par bya ba'i phyir/ de nas de dag gi dkyil 'khor bshad de zhes bya ba nas gdon mi za bar 'jigs pa mi 'byung ngo/ /zhes bya ba'i bar gyi slob dpon gyi las kyi cho ga dang slob ma dkyil 'khor du 'jug pa'i cho ga gsungs pa yin no/ /gza' chen po brgyad kyi bsdus pa'i don no/ /de nas zhes bya ba la sogs pas klu chen po brgyad kyi dkyil 'khor bstan te/ de nas zhes bya ba dang po'i sbyor ba'i ting nge 'dzin gyi rjes thogs la'o/ /'dir dang po'i sbyor ba'i ting nge 'dzin ni gtsug tor du bshad pa las klu chen po brgyad dang bcas pa yin no/ /de nas klu chen po nas zhes bya ba nas/ oM phu:zhes bya ba'i bar gyi gzhung gis dkyil 'khor rgyal po mchog gi ting 'dzin ston? to/ /bsdu zhing byin gyis brlab pa ni snga ma bzhin du shes par bya'o/ /'di nyid du dam tshig dang dbang thob pas thabs de la 'jug par bya'o zhes bya ba'i don 'di bstan par bya ba'i phyir/ de dag gi dkyil 'khor bshad de/ pad+ma chen po 'dab? ma brgyad pa zhes bya ba nas rdo rje 'dzin pa'i bka' rab tu bsgrub par bgyi'o zhes bya ba'i bar gyi gzhung gis slob dpon gyi las kyi cho ga dang/ slob ma gzhug pa la sogs pa ston to/ /klu'i dkyil 'khor 'di nyid du dbang dbang dam tshig
- 227b
thob pa la bsam pa la brten te/ dug gsal ba'i dngos grub bstan pa'i phyir/ de nas bsgrub pa bshad de/ zhes bya ba nas/ sbrul mgo'i phyag rgyas smos ci dgos zhes bya ba'i bar gyis dngos grub ston to/ /klu chen brgyad kyi bsdus pa'i don to// de nas zhes bya ba la sogs pas/ 'jigs byed chen po'i dkyil 'khor ston to/ /de nas zhes bya bas dang po'i sbyor ba'i rjes thogs la'o/ /'dir dang po'i sbyor ba'i ting nge 'dzin ni/ gtsug gtor du bshad pa las 'jigs byed chen po ma mo brgyad dang bcas pa yin no/ /de nas lha chen po rnams kyi bdag po 'jigs byed chen po byed pa zhes bya ba nas/ oM dA swAhA zhes bya ba'i bar gyi gzhung gis dkyil 'khor rgyal po mchog gi ting nge 'dzin ston to/ /las kyi rgyal po mchog ni snga ma bzhin du shes par bya'o/ /'di nyid du dbang dang dam tshig thob pas thabs de la 'jug par bya'o zhes bstan pa'i phyir/ de nas de dag gi dkyil 'khor bshad de/ zhes bya ba nas de ltar brgyad kyis dbang bskur ro/ /zhes bya ba'i bar gyis slob dpon las kyi cho ga dang/ slob ma dkyil 'khor du 'jug pa la sogs pa ston to/ /de nyid du dbang dang dam tshig thob pa la sogs pa la las sbyin no zhes bya ba'i don 'di bstan par bya ba'i phyir de nas las rnams sbyin par bya ste zhes bya ba nas brtsams te byin nas dgod cing grol bar byed skrag nas de ma thag tu gsod/ /ces bya ba'i bar gyis dngos grub bstan to/ /'jigs byed chen po'i dkyil 'khor gyi bsdus pa'i don to/ /de nas zhes bya ba la sogs pas lha chen po'i dkyil 'khor ston te de nas zhes bya ba dang po'i sbyor ba'i ting nge 'dzin gyi rjes thogs la'o/ /'dir dang po'i sbyor ba'i ting nge 'dzin ni gtsug tor du bshad pa las tshangs pa la sogs te lha chen po dang bcas pa yin no/ /de nas tshangs pa zhes bya ba nas
- 228a
oM ga zhes bya ba'i bar gyi gzhung gi dkyil 'khor rgyal po mchog bstan to/ /las kyi rgyal po mchog gi ting nge 'dzin snga ma bzhin du shes par bya'o/ /de nas dkyil 'khor bshad de zhes bya ba nas/ bum ba'i chus ni dbang bskud do/ /zhes bya ba'i bar gyis gzhung gis thabs de la 'jug pa'i phyir/ slob dpon las kyi cho ga dang/ slob ma dkyil 'khor du gzhug pa la sogs pa ston to/ /de nyid du dam tshig thob pa rnams la de na lha rnams gang dga' ba'i dngos grub rab tu sbyin pa rnams zhes bya ba nas brtsams te/ bde 'dod tshad med gsol ba gdab ces bya ba'i bar gyis dngos grub kyi cho ga ston to/ /de nas dbang phyug chen po la sogs pa zhes bya ba nas dbang phyug chen po nyid kyang brtsal bar bgyi'o zhes bya ba'i bar gyis 'jig rten pa dang/ 'jig rten pa las 'das pa'i dkyil 'khor thams cad du zhugs pa'i phan yon ston to/ /lha chen po'i dkyil 'khor gyi bsdus pa'i don to/ /de nas zhes bya pa la sogs pas 'chi bdag 'joms pa'i dkyil 'khor ston to/ /de nas zhes bya ba dang po'i sbyor pa'i rjes thogs la ste/ 'dir dang po'i sbyor ba'i ting nge 'dzin la gtsug tor du bshad pa nyid yin no/ /de nas bcom ldan 'das phyag na rdo rje nyid kyis dkyil 'khor la gzigs nas zhes bya ba nas? brtsams nas/ oM sarba swAhA/ gsang ba'i snying po'i zhes pa'i bar gyi gzhung gis/ bshad par gsol ba gdab pa dang/ dkyil 'khor rgyal po mchog gi ting nge 'dzin bsan to/ /las rgyal po mchog ni snga ma dang 'dra'o/ /thabs de nyid la dbang dang dam tshig thog pas 'jug par bya'o zhes bstan pa'i phyir/ de dag gi dkyil 'khor bshad de zhes bya ba nas/ gzhan yang ci bzhed thams cad ni/ phan par bya phyir bla ma 'bul zhes bya ba'i gzhung gis slob dpon las kyi
- 228b
cho ga dang/ slob ma dkyil 'khor du gzhug pa la sogs pa ston to/ /de nas byang chub bar du ni zhes bya ba nas dngos grub gzhan lta smos ci dgos ces bya ba'i gzhung gis rtog pa thams cad kyi dam tshig sems dpar bskyed par bya ba dar byin gyis brlab dang/ dbang bskur ba dang/ phyag rgyas rgyas gdab pa dang/ mchod pa'i sgrub pa'i cho ga bstan to/ /de nas tshangs pa la sogs pa lha chen po rnams kyis zhes bya ba nas brtsams te/ grol bar 'gyur zhes bya ba'i gzhung gis dkyil 'khor du bzhugs pa'i phan yon ston to/ /de nas lha chen po de dag gi zhes bya ba nas brtsams te/ sdig pa chung du byas pa lta smos kyang ci dgos ces bya ba'i gzhung gi cho 'di dang ngan 'gror skyes zin pa rnams kyis ming la sogs pa bkug la zhag ? bdun du dbang bskur ba dang/ ming nas smos te/ bzlas pa'i cho ga bya ba bstan to/ /lta'i bu rnams shi ba yi zhes bya ba nas/ myur du bde skyed 'grub par 'gyur zhes bya ba'i bar gyis ngan 'gror skyas zin pa rnams sbyin sreg bzhiS sbyong pa ston to/ /de nas tshangs pa la sogs pa'i lha rnams yid mgu nas/ legs par sgrubs shing ces bya ba nas kyi gzhung gi rtog pa'i rgyal po'i phan yon dang/ rgyud gtang pa bstan to/ /'chi bdag 'joms pa'i dkyil 'khor gyi bsdus pa'i don to/ /de nas zhes bya ba la sogs pas/ bde ba chen po'i dkyil 'khor ston to/ /de nas zhes bya ba sbyor ba dang po'i rjes thogs la te 'dir phyag na rdo rje nyid sprul pa yin par shes par bya'o/ /de nas zhes bya ba nas brtsams/ /badzra tUM a/ zhes bya ba'i bar gyi gzhung gis bde ba chen po'i dkyil 'khor rgyal po mchog las kyi rgyal po mchog snga ma bzhin du shes par bya'o/ /bde ba chen po dkyil 'khor 'di nyid du dbang thob pas 'jug par bya'o zhes bstan par bya ba'i
- 229a
phyir/ de nas de dag gi dkyil 'khor bshad de zhes bya ba nas/ sid+ha d+ha ye hUM/ zhes bya ba'i bar gyis/ slob dpon las kyi cho ga dang/ slob ma gzhug pa la sogs pa stan te/ de nas las rnams thams cad byed du gzhug cing zhes bya ba nas rdo rje las dang mnyam par 'gyur zhes bya ba'i gzhung gis de nyid du dbang dang dam tshig thob pa laS dngos grub sbyin pa bstan to/ /de nas las rnams bshad par bya ba ste/ zhi ba dang ni rgyas pa'i las/ de ltar dbang dang mngon spyod rnams zheS bya ba nas brtsams te/ 'dod pa kun kyang dbang du byed ces bya ba'i bar gyis las ston to/ /de nas bcom ldan 'das phyag na rdo rje zhes bya ba nas/ utda? la ni sgrol mar dgongs zhes bya ba'i bar gyi gzhung gis/ rtog pa thams cad kyi dkyil 'khor dang/ sbyin sreg la sogs pa'i dus su rgyas gdab pa'i phyag rgya bstan to/ /gzhan yang rtog pa thams cad dkyil 'khor gyi lha bskyed pa dang/ zhi ba la sogs pa'i sbyin sreg gi dus su mi mthun pa'i phyogs gzhom pa ni/ brdung pa'i sngags ni sa zhes bya ba nas kha tham zhes bya ba'i gzhung gis ston to/ /bde ba chen po'i dkyil 'khor bsdus pa'i don to/ /gtsug tor nas brtsams te/ bde ba chen po'i dkyil 'khor gyis rgyud phyi ma'i don bstan nas/ khro ba'i 'khor lo bshad pas phyi ma phyi ma bstan to/ /ji skad du lta ngan chags dang bral ba la/ /gsang ba 'di ni mi rigs so/ /sems can kun la phan pa'i phyir/ /de nas yang dag bshad par bya zhes bya ba gsungs pas 'dir lta ba ngan pa chags pa dang bral ba ni/ khro bo'i bdag nyid can yin pas de gdul ba'i don du gtsor khro bo'i bdag nyid can 'di bstan to/ /de nas lha rnams kun mgu nas zhes pa nas/ rdo rje sems dpa' i skur zhugs nas zhes bya ba'i bar gyi gzhung gis dang po'i sbyor ba'i
- 229b
ting nge 'dzin bston to/ /'dir de ni gtsug tor du bshad pa las khro bo'i skur bsgyur ba dang bcas pa yin no/ /rdo rje gnyis su med par zhes bya ba nas/ oM badzra kA la ya tsa kra hUM phaT ces bya ba'i gzhung gis khro bo dkyil 'khor gyi rgyal po mchog ston to/ /sgo dbye ba sngon du 'gro bas bsku zhing byin gyis brlabs pa nas brtsams te/ las kyi rgyal po mchog ni gsang zhing sra ba mthon po las bshad pa bzhin shes par bya'o/ /'di nyid du dbang dang dam tshig thob pas thabs de la 'jug par bya'i zhes bstan pa'i phyir/ de nas de dag gi dkyil 'khor mi bzad pa zhes bya ba nas de bzhin dbang bskur bar bya'o/ /zhes bya ba'i bar gzhung gis slob dpon las kyi cho ga dang/ slob ma dkyil 'khor du gzhug pa'i cho ga ston to/ /'di nyid du dbang dang dam tshig thob pa rnams la dngos grub bstan pa'i phyir/ de nas dkyil 'khor gyi bsgrub pa bshad de zhes bya ba nas bzlas pa'i tshul bzhin bsam par bya zhes bya ba'i bar gyi gzhung gi dngos grub ston to/ /de nas 'brub khung gsum nas rnams gcig ni zhes bya ba nas/ rdo rje 'dod pa rtag tu bzlas dbang gi las so zhes bya ba'i gzhung gis khro bo'i sbyin sreg gi cho ga ston to/ /rtog pa thams cad kyis dkyil 'khor rnams la yang mchod pa rnams kyis yang dag par mchod de/ bstod nas phyag rgya dgrol te/ gshegs su gsol bar bya'o zhes bya ba'i don 'di bstan par bya ba'i phyir/ de nas brgya byin tshangs pa la sogs lha zhes bya ba nas/ rjes su yi rang ngo zhes bya ba'i gzhung gis bstan to/ /rdo rje nyi ma me'i bsdus pa'i don to/ /de ltar bsdus pa'i don bshad pa nas shAkya thub pa nyid dang gzhan gyi don phun sum tshogs pa'i dkyil 'khor dang/ sbyin sreg dang ras ris la sogs pa snang ba rnams ni brjod par bya ba yin la/ de ston
- 230a
ba'i gzhung gi cho ga ni rgyud yin te/ rgyud dang brjod par bya ba gnyis thabs/ thabs las byung ba'i mtshan nyid du 'brel pa'o/ /rgyud la brten nas shAkya thub pa la mngon par 'dod pa bskyed pa ni dgos pa'o/ /mngon par 'dod pa bskyed pa'i mngon sum du byas pa ni dgos pa'i yang dgos pa'o/ /yang 'di'i mtshan nyid dang/ shAkya thub pa nyid gzhan gyi don phun sum tshogs pa'i gleng gzhi dang/ rtsa ba'i rgyud du rtogs pa'i kun rigs dkyil 'khor dang/ rgyud phyi mar gtogs pa gtsug tor dgu nas brtsams te/ bde ba chen po'i dkyil 'khor gyi bar dang/ rgyud phyi ma'i phyi ma khro bo'i dkyil 'khor ste/ bsdus pa'i don rdzogs so// //de la 'di ni ngan song thams cad yongs su sbyong ba gzi brjid kyi rgyal po brtag pa zhes bya pa'o/ /de la ngan song thams cad ces bya ba ni sems can rnams kyi dmyal ba dang/ yi dags dang/ byol song ngo/ /de yongs su sbyong ba ni/ sems kyi nyon mongs pa'i 'dod chags dang/ zhe sdang dang/ gti mug yongs su sbyong ba'o/ /de yang 'di skad du 'di nyid las ma rig 'joms pa'i tshangs pa ste/ 'dod chags zhe sdang dri mthar mdzad ces gsungs pa'i phyir ro/ /yang na ngan song thams cad ni sems can thams cad do/ /de yongs su sbyong ba ni sems kyi nyon mongs pa'i las las grol ba'i/ /ji skad du 'di nyid las kun tu snang bar byas pa sems can thams cad kyi sems kyi nyon mongs pa'i 'ching ba las rnam par grol te/ bde ba so sor thob nas zhes gsungs pa'i phyir ro/ /de'i gzi brjid ni/ sems can gyi khams kun tu dkyil 'khor dang/ sbyin sreg dang ras ris la sogs pa sbyong bar byed pa'o/ /de yang rtsa ba'i rgyud las/ /e ma ho sems can khams kun tu/ /snang byed gzi brjid dpe med bdag/
- 230b
ces gsungs pa'i phyir ro/ /rgyal po ni kun las khyad par du gyur pas mdzes shing 'bar bar gyur pas rgyal po ste/ rdo rje 'dzin pa chen po'o/ /de yang ji skad du rdo rje rtse mo las/ de nas rgyal po rdo rje 'dzin/ /kun mchog srid pa'i dbang phyug gis zhes gsungs pa'i phyir ro/ /de nyid kyi sku dang gsung dang thugs kyi gsang ba ni brtag pa ste/ rdo rje rtse mo las/ /gzhan yang gsang bar brtags pas na/ /de phyir brtag pa zhes bshad do/ /zhes gsungs pa'i phyir ro/ /gzhan yang sems can rnams dang/ byang chub tu sems bskyed pa la sogs pa rnams ni ngan song thams cad dang/ yongs su sbyong ba ni byang chub kyi spyod pa la bkod pa dang/ rnam par rtog pa ma lus par spangs pa'o/ /ji skad du 'di nyid las/ gang phyir ngan song thams cad sbyangs/ /byang chub spyod pa nyid la bkod ces pa dang/ sems kyi chos pas sku mi mnga' / /rnam par rtog pa ma lus spangs/ /zhes gsungs pa'i phyir ro/ /de rnams kyi sems can kun la mi 'jigs pa sbyin pa ni gzi brjid do/ /ji skad du sems can kun la mi 'jigs pa/ /rdo rje gzi brjid nyid du bshad ces gsungs pa'i phyir ro/ /de'i rgyal po ni snga ma bzhin no/ /brtag pa ni mi rtog pa'i don la brtag pa te/ ji skad du rtsa brgyud las/ de la mi rtog rtog pa'i bdag /rtog pa brtags pa las byung ba zhes gsungs pa'i phyir ro/ /mtshan bshad zin to/ /de lta bu'i rgyud sdud par byed pa sa bcu pa'i dbang phyug lcang lo can gyi pho brang na bzhugs pa rdo rje 'chang bas blo la bzhag nas 'di skad ces bya ba la sogs pa smos so/ /de la 'di skad ces bya ba ni/ ma dag par bsdus pa'i bshad ma thag pa'i gzhung dang/ don gyi ngo bo nyid do/ /bdag gis zhes pas ni bdag nyid yin par ston to/ /bdag nyid kyis thos kyi brgyud de 'ong pa ma
- 231a
yin no/ /'dis ni bdag nyid kyis thos pa ston to/ /thos pa zhes bya ba ni thos pa'i rang bzhin gyi shes rab kyis thos kyi rtogs par ni ma yin no/ /'dis ni ma 'ongs pa dang ma rtogs pa nyid du ston to/ /gang gi tshe thos zhe na dus gcig na ces bya ba smos te/ dus gcig ni dus na thos kyi gzhan du gzhan thos so bya ba yin te/ 'dis ni thos pa mang bar ston to/ /yang na dus gcig na zhes bya ba ni skad cig ma nyid la kun thos te/ dus gsum gyi skal pa rnams so sor snang bas thams cad thos pa ste/ 'dis ni tshad med pa'i skyes bu yin par ston to/ /yang na dus gcig na bya bas ni rgyud 'di dus gcig na 'byung bas 'byung dka' bar bstan to/ khyod kyis gang las thos zhes rtog pa dag gi phyir bcom ldan 'das zhes bya ba smos te/ nyon mongs pa dang/ lha'i bu dang/ phung po dang/ 'chi bdag gi bdud kyi mtshan nyid can du gnas pa'i bdud rnams bcom pas na bcom ldan 'das so/ yang na dbang phyug la sogs pa'i yon tan drug dang ldan pas bcom ldan 'das so/ /de ltar ston pa phun sum tshogs pa bstan nas/ gnas phun sum tshogs pa bstan pa'i phyir/ lha'i tshogs thams cad kyis zhes bya ba la sogS pa smos te/ lha'i tshogs thams cad ces bya ba ni/ 'dir sum cu rtsa gsum pa'i lha rnams so/ /de rnams kyi dga' ba ni ri rab kyi rtse nor bu dri ma med pa'i steng/ tshal bzhi las dga' ba'i tshal lo/ /mchog tu yid du 'ong ba zhes bya ba ni bstan pa'o/ /de nyid bshad pa nor bu dang zhes bya ba la sogs pa ste/ nor bu ni rdo rje la sogs pa'o/ /gser gyi shing yal ga dang lcug mang bcas pa zheS pa ni/ shing nyid gser du snang ba dang ldan pa'o/ /shing gel pa dang sman dang
- 231b
me tog ma la dang/ ka ni ka ra dang/ pa ku la dang/ ti la ka dang/ a sho ka dang/ man ngar dang/ man da ra ba chen po la sogs pa sna tshogs pa dang/ dpag bsam gyi shing rnams kyis mdzes par byas zhes pa ni/ de rnams kyis brgyan pa ste/ sogs pa'i sgras ni makdzu? sha ka la sogs pa bsdus pa'o/ /rgyan sna tshogs zhes bya ba ni/ gdugs dang/ rgyal mtshan dang/ lhab lhub dang/ lda ldi la sogs pa ste/ de rnams kyis so/ /brgyan pa ni spar zhing mdzes pa'o/ /'dir ni shing dang/ sman dang/ me tog dang/ lnga lngi yid du 'ong ba bstan to/ /bya mang po skad 'byin pa zhes bya ba ni/ khu byug dang/ shang shang te'u dang/ mthing ril la sogs pa skad yid du 'ong ba ston to/ /'dis ni byol song gi yid du 'ong ba ston to/ /rnga dang/ cang te'u dang/ ke ra ko dang/ gling bu dang/ rnga bo che la sogs pa zhes bya ba ni/ de rnams kyi sgrar grags pa ste/ sogs pa'i sgras ni dung dang cha lang la sogs pa bsdu'o/ /'dis ni rol mo'i cha byad kyis yid du 'ong ba ston to/ / brgya byin dang/ tshangs pa la sogs pa'i lha dang/ lha'i bu mo rnam par brtse ba ces bya ba ni/ de rnams gnas de yid mthun pa'i sgo nas brtse ba'o/ /sogs pa'i sgras ni tshogs kyi bdag po la sogs pa bsdu'o/ /'dis ni lha rnams kyi yid du 'ong ba ston to/ /sangs rgyas dang byang chub sems dpa' thams cad kyis byin gyis brlabS pa ni zhes bya ba ni rjes las skyes pa'i ye shes kyi snang ba zhes bya ba'i don to/ /der bzhugs gnas phun sum tshogs pa bsdu'o/ /'dis ni lha rnams kyi yid du 'ong ba ba la sogs pas 'khor phun sum tshogs pa ston to/ /brgya byin na mgo ba brgya stong sbyin pa nye bar bsags zhes pa lta bu'o/ /tshangs pa zhes bya ba ni 'jig rten gyi mes por grags pa ste/ 'jig rten mes po tshangs pa yis/ /'jig
- 232a
rten sgron ma bstod byas te/ zhes bya ba lta bu'o/ /sogs pa ni 'jigs byed chen po la sogs pa'o/ /lha dang rig pa 'dzin dang/ lha'i bu mo'i 'khor zhes bya ba ni lha ste 'dod khams dang/ gzugs khams kyi'o/ /rig 'dzin ni rdo rje rigs pa la sogs pa'o/ /lha'i bu mo ni sha rtsi la sogs pa ste/ de rnams kyi 'khor grangs bye ba khrag khrig stong phrag du ma dang/ gnod sbyin dang/ zhes bya ba ni bsres ma las gyur pa'o/ /lha ma yin zhes bya ba ni lha dang yid mi mthun pa'o/ dri za zhes bya ba ni/ zur phur lnga pa la sogs pa'o/ /mi 'am ce zhes bya ba ni sdong po la sogs pa'o/ /lto phye chen po ni khyus 'gro pa la sogs pa'o/ /klu ni dga' bo dang 'jog pa la sogs pa'o /sogs pa smos ni? byung po dang yi dags dang/ ma mo la sogs pa ste/ de lta bu'i 'jig rten pa'i 'khor du ma dang byang chub sems dpa' sems dpa' chen po zhes bya ba ni/ byang chub sems dpa' dang/ sems can gyi tshogs chen po la sems pa'i phyir ro/ /byang chub sems dpa' sems dpa' chen po'o/ /bye ba khrag khrig stong grag brgyad la zhes bya ba ni grangs so/ /'di lta ste zhes bya ba ni nye bar dgod pa'o/ /blo gros tshad med pa zhes bya ba ni/ rdo rje rin chen no/ /blo gros mi g.yo ba ni rdo rje sems dpa' o/ /blo gros yangs? pa ni rdo rje chos so/ /kun tu blo gros ni rdo rje las so/ /blo gros mdza' yas ni rdo rje 'khor lo'o/ /blo gros kam pa la ni rdo rje rnon po'o/ /blo gros chen po ni rdo rje khu tshur ro/ /blo gros lha rdzas ni nam mkha' i do/ /blo gros sna tshogs ni gnod sbyin no/ /sogs pa smos pas ni sems dpa' gzhan rdo rje srung ba la sogs pa bsdu pa'o/ /dang zhes bya ba ni sdud pa'o/ /'dis ni 'bras bu'i byang chub sems dpa' i 'khor ston to/ /phyir mi ldog pa'i byang chub sems dpa' i dge 'dun ces
- 232b
bya ba ni 'khor dang mtshan mar mi ldog pa'i byang chub sems dpa' i sa la gnas pa ste/ de'i dge 'dun phan tshun mi phyed pa dang/ ston pa mi phyed pa drangs mthar thug pa med pa rnams kyis bla mar byed/ mchod cing brjod rab tu mchod cing spel zhes bya ba ni gcig gis gcig bshad pa'o/ /yang na bsti stang byed pa ni/ gdan bshams pa la sogs pa'o/ /bla mar byed pa ni gong mar byed pa'o/ /mchod cing brjod pa ni rnams lngas mchod cing brgyan 'dogs pa'o/ /rab tu mchod cing spel ba ni/ de rnams yang dag yang du ni don du byas pa'o/ /des ni rgya'i byang chub sems dpa' i 'khor bstan pa'o/ /de 'jig rten pa dang 'bras bu'i byang chub sems dpa' i 'khor mang poi dbus na zhes bya ba ni kun nas bskor te bzhugs pa'o/ /tshangs pa chen po pad+ma'i gdan la zhes bya ba ni tshangs pa yin la/ pad+ma'i gdan yang yin pas na tshangs pa chen po pad+ma'i gdan de/ dag cing tshangs la nyes pa'i skyon gyis ma gos pa'o/ /zhes bya ba'i tha tshig go /bzhugs te zhes bya ba ni ting nge 'dzin dang/ chos 'chang pa dang/ spyod lam dang/ gsum snang ba tha dad pa'i tshul gyis bzhugs pa ste/ 'dis ni bzhugs pa dang/ gdan phun sum tshogs pa bstan te/ gzhan du yang bshad par bya ste/ 'di skad ces bya ba ni don dam par rang bzhin med par kun rdzob tu yod bzhin pa ste/ sgro skur gnyis dang bral ba'o/ /ji skad du rdo rje rtse mo las/ 'jig rten kun rdzob zhes bya ste/ dam pa'i don du rang bzhin med/ ces gsungs pa'i phyir ro/ /bdag gis thos pa zhes bya ba ni/ thos nas rtogs pa ste/ ji skad du rtsa ba'i rgyud las/ dam pa'i don ni bdag yin te/ gang phyir gzings 'dra'i chos rnams la/ rnam par dag pa rtog par 'gyur zhes gsungs ba'i phyir ro/ /dus gcig na zhes pa ni ye shes
- 233a
bzhi'i skad cig ma nyid la ste/ ji skad du rtsa ba'i rgyud nyid las/ skad cig ma de nyid kyi tshe/ de bzhin gshegs pa thams cad kyi mnyam pa nyid kyi ye shes las mngon par rdzogs par sangs rgyas so/ /zhes gsungs pa'i phyir ro/ /bcom ldan 'das zhes bya ba ni/ ye shes de dag nyid mi mthun pa'i phyogs kun bcom pa ste/ rdo rje rtse mo las mi mthun pa'i phyogs rnams kun/ /bcom pas bcom ldan 'das zhes bya/ /zhes gsungs pa'i phyir ro/ /lha'i tshogs thams cad kyi zhes bya ba ni de dag gi byang chub sems kyi 'dod chags chen po ste/ gang phyir sems ni bcom ldan 'das/ /'dod chags chen po 'di yis lha/ /zhes gsungs pa'i phyir ro/ /dga' ba'i tshal mchog du yid du 'ong ba na zhes bya ba ni/ chos nyid kyis de bzhin du ro gcig pa'o/ /ji skad du/ blo mchog rnams kun dga' ba ste/ sman pa 'jigs pa nyid kyi rgyal byed tshal zhes gsungs pa dang/ chos kyi 'dod pa yid du 'ong/ /'dod chags dam tshig yin par bshad zhes gsungs pa'i phyir ro/ /nor bu dang gser shing ya wa ga dang lcung mar bcas pa dang/ shing gel ba dang/ sman dang/ me tog ka ma la dang/ kar Ni ka ra dang tsa ku la dang/ til ka dang/ ya shwa ka dang/ man da ra ba dang/ man da ra ba chen po la sogs pa sna tshogs pa dang/ dpag bsam gyi shing rnams kyis mdzes par byas pa/ rgyan sna tshogs kyi brgyan pa zhes bya ba ni/ bcom ldan 'das de nyid sman dang shing dang/ me tog dang/ mdzes pa'i rgyan yin te/ 'di skad du/ sman rnams ma lus ljon pa'i shing/ /nad do cog gi sgra che ba/ /sdug gu 'jig rten gsum mdzes/ /zhes pa dang/ byang chub yan lag me tog phreng zhes gsungs
- 233b
pa'i phyir ro/ /bya mang po skad 'byin pa zhes pa ni de nyid sna tshogs su snang ba ste/ ji skad du phyogs bcu chos kyi rnga bo che zhes bya ba dang/ lha'i skad dang klu'i skad rnams dang/ 'gro ba kun gyi skad rnams ji tsam par zhes gsungs pa'i phyir ro// rnga dang/ cang te'u dang/ ke ko dang/ gling bu dang/ rnga bo cha la sogs pa zhes bya ba ni/ phyogs bcu'i chos kyi sgra sgrogs pa'o/ /ji skad du phyogs bcu'i chos kyi rnga bo che zhes pa dang/ chos kyi dud de sgra chen ldan zhes gsungs pa'i phyir ro/ /brgya byin dang zhes bya ba ni bcom ldan 'das 'di nyid gzhan la brtson pa ste/ 'di nyid las brgya byin gzhan la phan brtson pa/ /'di yis ji ltar gsol ba btab zhes gsungs pa'i phyir ro/ /tshangs pa la sogs pa zhes bya ba ni mya ngan las 'das pa rnams por grol ba'o/ /ji skad du/ mya ngan 'das pa tshangs pa thob/ /grol ba thar pa rnam grol lus/ /zhes gsungs pa'i phyir ro/ /lha dang mi'i bu mo sna tshogs zhes bya ba ni byang chub tu sems bskyed pa dang/ sbyin pa'i pha rol tu phyin pa la sogs pa ste/ ji skad du/ sngon chang byang chub sems bzang gang/ /rdo rje sems dpar yang dag bshad/ /ces pa dang/ gang phyir mchog tu rol ba na/ /sgeg mo sbyin pa'i pha rol phyin zhes gsungs pa'i phyir ro/ /de rnams rnam par brtse ba zhes bya ba ni/ rmad du byung pa'i chos kyi thar pa de nyid de/ rdo rje rtse mo las/ thar pa mchog tu bstan pa ste zhes gsungs pa'i phyir ro/ /sangs rgyas dang byang chub sems dpa' thams cad kyi byin gyis brlabs pa na zhes bya ba ni/ bcom ldan 'das de nyid kyis chos thams cad skye ba med par shes pa ste rtsa rgyud las/ bcom ldan 'das shAkya thub pas phyogs thams cad mnyam pa nyid du gzigs nas byin gyis brlabs te/ zhes gsungs ba'i phyir ro/ /brgya byin dang tshangs pa la sogs lha dang rigs 'dzin dang lta'i bu
- 234a
mo'i 'khor byed khrag khrig stong phrag du ma dang/ gnod sbyin dang lha ma yin dang mi'am ci dang/ lto 'phye chen po dang/ klu la sogs pa'i 'khor du ma dang zhes bya ba ni/ bcom ldan 'das de nyid kyi yon tan gyi cha du mar de snang ba ste/ ji skad du/ lha dang lta dbang lha yi lha/ /lha ma ni dbang po lha min bla/ /zhes pa dang/ gnod sbyin srin po dam pa bstan zhes bya ba la sogs brtsa ba'i rgyud las gsungs pa'i phyir ro/ /byang chub sems dpa' sems dpa' chen po zhes bya ba ni/ bcom ldan 'das de nyid kun tu rtog pa thams cad spangs par 'dod pa'o/ /ji skad du byang chub pa'i rgyud las/ byang chub nam mkha' i mtshan nyid de/ /kun tu rtog pa thams cad spangs/ /gang zhig de rtogs 'dod pa se/ /byang chub sems ? zhes bya'o/ /zhes gsungs pa'i phyir ro/ /bya? ba srag khrig stong phrag brgyad la 'di lta ste zhes bya ba ni bcom ldan 'das de nyid kun tu rtog pa thams cad spangs pas/ bcom ldan 'das kyi yon tan gyi bye bag mthar thug pa med pa nye bar dgod ba'o/ /byang chub sems dpa' sems dpa' chen po blo gros tshad med pa dang/ blo gros mi g.yo ba dang/ blo gros yangs pa dang/ kun tu blo gros dang/ blo gros mdza' yas dang/ blo gros ka ma la dang/ blo gros chen po dang/ blo gros lha rdzas dang/ byang chub sems dpa' sems dpa' chen po blo gros sna tshogs pa zhes bya ba la/ blo gros tshad med pa ni/ khams gsum pa thams cad kyi tshogs gnyis dang/ sa dang pha rol tu phrin pa rdzogs pa ni rdo rje rin chen no/ /de la ji skad du/ dpal rdo rje snying po brgyan gyi rgyud las/ khams gsum pa ni rgyal po che// tshogs gnyis yongs su rdzogs pa dang/ /sa dang pha rol phyin pa mchog /rdo rje dbang bskur legs 'byung ba'o zhes gsungs pa'i phyir ro/ /blo gros mi g.yo ba
- 234b
ni byang chub sems bskyed brtan pa la stong pa nyid las byung pa'i mi g.yo ba phyag na rdo rje ste/ ji skad du/ 'gro la yang dag spros pa'i sems/ /bstan pa'i snying po las bsgom shing/ /stong nyid de nyid las byung la/ /rdo rje sems dpa' de bshad do zhes gsungs pa'i phyir ro/ /blo gros yangs pa ni/ bag med cing gnyis su med pa'i ye shes chos nyid bsam gyis mi khyab pa'i rdo rje chos yangs pa ste/ ji skad du bdag med chos las legs par 'byung/ /gnyis med ye shes dam pa ste/ chos nyid mchog tu bsam mi khyab/ /rdo rje chos su de bshad do/ /zhes gsungs pa'i phyir ro/ /kun tu blo gros zhes bya ba ni sems can kun gyi don dang/ sangs rgyas kun gyi mchod pa chen po ste rdo rje las so/ /ji skad du/ sems can kun don yang dag skyod/ /sangs rgyas kun gyi mchod ces bo/ /dang por sbyor ba dag ba che/ /rdo rje las zhes bya bar bshad/ /zhes gsungs pa'i phyir ro/ /blo gros mdza' yas pa zhes bya ba ni/ sangs rgyas rnams kyi chos kyi 'khor lo mdza' yas pa dang/ rten 'brel bcu gnyis gnas 'byung pa ? pa mdza' yang pa thob pa rdo rje sku?/ /ji skad du /sangs rgyas rnams kyi chos 'khor lo/ gnyis med thob pa'i mtshan nyid can/ /rten 'brel yang dag bcu gnyis grags/ /rdo rje rgyu zhes bya ba da bshad zhes gsungs pa'i phyir ro/ /blo gros ka mal zhes bya ba 'dis/ zag pa med pa'i shes rab dang/ /ye shes rdo rje rnon po'o/ /ji skad du/ rdo rje blo ni snang ba che/ /shes rab ye shes dri ma med/ /zag pa med pa'i shes rab ste/ /rdo rje rnon por de bshad do/ /zhes gsungs pa'i phyir ro/ /blo gros chen po zhes bya ba ni sku gsung thugs kyi sbyor ba gsang ba chen po rdo rje khu tshur ro/ /ji skad du/ sku gsung thugs kyi sbyor ba ni/ /sgrib pa med cing bla med pa/ /de bzhin gshegs pa kun gyis gsang/ /rdo rje khu tshur de bshad de/ /zhes gsungs pa'i phyir ro/ /blo gros lha rdzas zhes
- 235a
bya ba ni/ /nam mkha' mdzod kyi chos la dbang bsgyur ba yid bzhin nor bu nam mkha' i mdzod do/ /ji skad du/ nam mkha' mdzod ni mdzod chen po/ /chos rnams kun la dbang bsgyur ba/ /yid bzhin nor bu rdo rje che/ /rdo rje tog ni bla med pa'o// zhes gsungs pa'i phyir ro/ /blo gros sna tshogs pa zhes bya ba ni/ sangs rgyas sna tshogs pa'i thabs sna tshogs pa'i sgo nas nyon mongs pa sna tshogs za ba'i rdo rje gnod sbyin no/ /ji skad du/ sangs rgyas skyob pa thams cad kyi/ /shes rab thabs kyi khro bo che/ /nyon mongs thams cad zab che/ /rdo rje gnod sbyin de bshad do/ /zhes gsungs pa'i phyir ro/ /'di dag gi sgrub pa'i yan lag du gyur pa'i byang chub sems dpa' bshad de/ lung las dam pa'i chos kyi grong khyer skyod par byed ba'i byang chub sogs dpa' i zhes bya ba gsungs pa'i phyir ro/ /sogs pa smos pas ni rdo rje rgyal po la sogs pa'i yon tan bsdu'o/ /phyir mi ldog pa'i byang chub sems dpa' i dge 'dun rnams mthar thug pa med pa rnams kyis zhes bya ba ni/ bcom ldan 'das de? nyid kyis phyir mi ldog pa'i byang chub kyi snying po la yod pa'i sa bcu dang pha rol tu phyin pa bcu la sogs pa byang chub sems dpa' i yon tan dang ldan pa bstan to/ /ji skad du pha rol phyin bcu thob pa ste/ /pha rol phyin pa bcu yi tshul/ /mgon po sa ? dbang phyug ste/ /sa bcu la ni gnas pa po zhes pa dang/ rtsa ba'i rgyud las phyir mi ldog pa'i 'khor lo yang/ byang chub snying po yin par dgongs zhes gsungs pa'i phyir ro/ /bsti steng du byed bla mar byed/ mchod cing brjod rab tu mchod cing spel zhes bya ba ni ? gnas skabs kyis sa dang po pha rol tu phyin pa rnams kyis thob par bya ba'i bdag nyid du bsngon to/ /ji skad du/ mchod 'os bstong 'os phyag gi gnas/ /ri mor 'os pa bskur bar 'os/ /bskur 'os brjod par bya ba mchog
- 235b
phyag byar 'os pa bla ma'i rag /ces gsungs pa'i phyir ro/ /'khor mang po'i dbus na zhes bya ba ni de nyid dkyil 'khor kyi de nyid kyis 'khor dang gtso bo'i tshul gyis bzhugs pa ste/ ji skad du 'di nyid las sangs rgyas kun gyis byang chub sems/ bra na med par rtogs 'gyur ba'i/ /rgyal bas gsungs pa'i ye shes gang/ /de ni dkyil 'khor snying por gsungs zhes gsungs ba'i phyir ro/ /de'i don phyis bshad par bya'o/ /tshangs pa chen po zhes bya ba ni/ bcom ldan 'das mya ngan las 'das pa nyid do// ji skad du/ sngar bshad pa de bzhin du shes par bya'o/ /pad+ma'i gdan la bzhugs te zhes bya ba ni/ 'khor ba'i nyes bsam phog pa dang/ rnal 'byor can bzhugs ba'o/ /dpal mchog dang po las ji ltar pad+ma dmar po 'di/ /tshon gyi nyes pas ma gos pa/ /'khor ba'i nyes bsam gos so/ /zhes pa dang/ rdo rje rtse mo las/ 'khor de la ni brtags byas nas/ /rnal 'byor can ni mi gsung bzhugs zhes gsungs ba'i phyir ro/ /zhes gleng gzhi'i da kho na nyid do/ /gleng gzhi'i 'grel brdzogs so// //de ltar gleng gzhi bstan nas/ ngan song gi rgyud thams cad yongs su sbyong ba'i zhes bya ba la sogs pa rgyud nyid bstan te/ ngan song gi rgyud thams cad yongs su sbyong ba zhes bya ba ni/ ngan song rnams bag chags dang bcas pa 'dzoms zhes bya ba'i don to/ /de la dmigs pa'i ting nge 'dzin la yang ming 'di skad ces bya ste/ de'i snyoms par zhugs pa ni mngon du mdzad nas so/ /ngan song gi rgyud las rnam par grol ba zhes bya ba/ byang chub sems dpa' sems dpa' chen po'i ting nge 'dzin gyi 'od zer zhes bya ba ni/ sprul pa'i sku'i rang bzhin gyi ting nge 'dzin bskyed par byed pa 'od zer las byung ba'o/ /'phro ba dang bsdud pa mang po'i phreng bzhes pa ni/ pher 'phro tshur sdud pa'i rgyun mi 'chad pa'i rang bzhin no/ /nyid kyi
- 236a
dpral ba'i mdzod spu nas/ byung nas zhes bya ba ni/ ston pa bcom ldan 'das nyid kyi smin mtshams kyi mdzod spu nas so/ /de nas stong gsum gyi stong chen po'i 'jig rten kyi/ bsams zhes bya ba ni/ des zhes bya ba ni/ 'od zer gyi snang ba des so/ /stong gsum gyi stong chen po zhes bya ba ni/ stong spyi phud dang/ stong gnyis bar ma dang/ stong gsum gyi stong chen po'o/ /'jig rten gyi khams zhes bya ba ni/ 'jig rten pa la brten pa'i phyir dang/ mtshan nyid 'dzin pa'i phyir ro/ 'di dag thams cad kun tu snang bar byas so zhes bya ba ni/ ma lus par snang ba byas pa'o/ /des kyang ci zhig mdzad ce na/ nor bu drin med pa'i steng du 'khod de bzhag nas zhes bya bar sbyar ro/ /kun nas snang bar byas nas sems can gyi sems nyon mongs pa'i 'ching ba las rnam pa dgrol te zhes bya ba ni nyon mongs pa'i bag chags dang bcas pa las dkrol ba'o/ /bde ba so sor thob nas dga' ba yi tshul thams cad kun tu snang bar byas te/ zhes bya ba ni/ rgyud dag pa'i sems can snang do zhes bya ba'i don no/ /mchod pa'i sprin sna tshogs pas mchod de lan brgya stong du bskor ba byas nas/ mgo pos lan brgya phrag stong du phyag 'tshal nas/ bcom ldan 'das kyi spyan sngar sa gzhi nor bu dri ma med pa'i steng du 'khod de zhes bya ba ni mchod pa dang bskor ba dang/ phyag 'tshal ba dang/ spyan sngar 'khor pas dri lan gyi tshul du ston to/ /'di skad ces gsol te/ /zhes bya ba ni 'og nas 'byung ba'i don 'di skad zhus pa'o/ /e ma'o ces bya ba ni/ ngo mtshar gyi don te/ /sangs rgyas zhes bya ba ni/ de kho na rtogs nas/ chos kun rtogs pa'i phyir sangs rgyas zhes bya'o/ /de yang rdo rje rtse mo las/ de bzhin nyid bden shin tu brtan/ /de kho na nyid gang rtog pa zhes bya ba gang de ni rtog pas sangs rgyas
- 236b
brjod/ /ces gsungs pa'i phyir ro/ /e ma'o sangs rgyas e sangs rgyas zhes bya ba ni/ yang dang yang du ngo mtshar ba'o/ /ci zhig la zhes/ mdzad pa legs zhes gsungs te/ gang phyir ngan song bdag nyid sbyangs/ /byang chub sbyong pa nyid la bkod ces gsungs pa'i don to/ /'dis ni sbyor ba'i dang po sgom pa rnams kyis mchod pa sdom pa sngon du 'gro bas lha la sogs pas sangs rgyas kyi yon tan brjod de mi snang bar gyur bar bsgom zhes bya ba'i don to/ /de nas phyag 'tshal nas 'di skad ces gsol to zhes bya bar sbyar ro/ /su zhig gis mnyam pa la/ lha rnams kyi dbang po brgya byin gyis zhes gsungs so/ /gang zhig la zhe na/ bcom ldan 'das la ji ltar zhe na/ lan brgya phrag stong du bskor ba byas nas phyag 'tshal nas bcom ldan 'das la 'di skad ces gsol to zhes bya ba'i don to/ /bcom ldan 'das gang gi slad du sangs rgyas kyi 'od zer kun tu snang bas ngan song gi rgyud las/ rnam par grol zhing/ rnam par grel pa'i lam la bzhag pa ni/ zhes bya ba ni bar chad med pa dang/ rnam par grol bas byang chub kyi sbyar pa nyid la bzhag ste/ de la bcom ldan 'das ngo mtshar che'o/ /bde bar gshegs pa ngo mtshar che'o/ /zhes gsungs pa ni don gnyis kyi dbang gis lan gnyis zhus pa'o// lan du bcom ldan 'das kyis bka' stsal pa/ lha'i dbang po 'di ni ngo mtshar mi che'o/ /lha'i dbang po 'di ni ngo mtshar mi che ste/ zhes bya ba ni bstan pa'o/ /sangs rgyas zhes bya ba la sogs pas bshad de/ sangs rgyas bcom ldan 'das rnams ni/ tshad med pa'i bsod nams kyi tshogs yang dag par bsags pa'o/ /zhes bya ba ni mngon par byang chub pa dang po'i rgyud dang bcas pa'i zla ba'i dkyil 'khor yongs su rdzogs pa'o/ /de yang ji skad du/ de bzhin tshogs ni rdzogs pa'i phyir/ /sems
- 237a
sems ni zla bo gang dang mtshungs/ /dngos po yod dang med nyid min/ /ji lta zla ba mtshungs nyid yin zhes gsungs pa'i phyir ro/ /lha'i dbang po yang dag par rdzogs pa'i sangs rgyas ni tshad med pa'i yon tan rin po che'i 'byung gnas su gyur pa'o/ /lha'i dbang po yang dag par rdzogs pa'i sangs rgyas ni tshad med pa'i thabs yang dag par rdzogs pa'o/ /zhes bya ba ni/ zla ba'i dkyil 'khor gnyis pa rdzogs pa'o/ /ji skad du/ snying po dag pa bzlas nas ni/ sems ni dbus su rtogs pa ni/ /zla pa'i dbus su yang zla ba'i/ /dkyil 'khor gnyis pa mthong ba yin zhes gsungs pa'i phyir ro/ /lha'i dbang po sangs rgyas bcom ldan 'das rnams ni shes rab tshad med pa bsags pa'o zhes bya ba ni/ shes rab stong pa nyid kyi rdo rje dkyil 'khor gnyis pa'i dbus su ni gnas pa'o/ /ji skad du dkyil 'khor gnyis pa'i dbus gnas pa'i/ /rdo rje chen po sems byed cing/ /thad gcig so sor brtags pa ni/ /shin tu brtan pa mthong 'gyur nas zhes gsungs pa'i phyir ro/ /sangs rgyas bcom ldan 'das rnams ni spyod pa tshad med pa'o/ /sangs rgyas bcom ldan 'das rnams ni 'dul ba'i skye bo tshad med pa'i snod du gyur par mdzad pa'o zhes bya ba ni/ rdo rje las sku gsung thugs byung nas spyod pa tshad med pa mdzad cing skye po'i snod du gyur par mdzad cing/ 'dus pa las rdo rjer gyur pa'o/ /ji skad du/ snying po dag pa bzlas nas ni/ /rdo rje lus su rnam bsgom pa/ /des ni sra brtan khong stod med/ /rdo rje'i sku ni thob gyur nas/ zhes bya ba gsungs pa'i phyir ro/ /sangs rgyas bcom ldan 'das rnams ni/ /mi mnyam pa dang mnyam pa'i ye shes dang ldan pa'o/ /sangs rgyas bcom ldan 'das rnams ni/ /mi mnyam pa dang mnyam pa'i rdzu 'phrul dang ldan pa'o zhes
- 237b
bya ba ni/ gzugs sku chos sku bcas bya'o/ /ji skad du/ snying po dag la blangs nas ni/ /sangs rgyas gzugs su rnam bsgoms pas/ /rnam pa kun gyi mchog ldan pa'i/ /kun mkhyen ye shes thob par 'gyur zhes gsungs pa'i phyir ro/ /sangs rgyas bcom ldan 'das rnams ni mi mnyam pa dang mnyam pa'i smon lam gyi stobs dang ldan pa ste zhes bya ba ni/ rdo rje dbyings shin tu bstan pa'i ye shes dbang bskur ba dang bcas pa'o/ /ji skad du/ rdo rje dbyings ni shin tu bsten/ /de nas sangs rgyas thams cad ni/ /rdo rje'i thugs ka nas byung ste/ /chos kyi dbang bskur bzhi po yis/ /de che thub pa dbang bskur 'gyur zhes gsungs pa'i phyir ro/ /lha'i dbang po de lta bas na zhes bya ba ni/ dbang bskur ba la sogs pa kun rdzogs pas de lta bas na zhes bya'o/ /sangs rgyas rnams kyi snod ji lta ba bzhin du sems can gyi don mdzad pa dang zhes bya ba ni/ dkyil 'khor kyi don du gnas pa'o ye shes kyi bdag nyid kyi zhes bya ba'i don to/ /ji ltar 'dul ba bzhin du sems can kyi don mdzad pa dang ces bya ba ni/ ngan 'gro sbyang zhing dkyil 'khor du gcug pa'i sgo nas so/ /mos pa ji lta ba bzhin du sems can gyi don mdzad pa yin par shes par bya ste/ zhes bya ba ni ji ltar 'dod pa'i dbang thob pa'i sgo nas ste/ de ltar na 'di la the tshom dang yon nyi dang yid gnyis ma byed cig /gang de bzhin gshegs pa rnams kyis 'dul bar mi 'gyur ba'i gnas med do zhes bya'o/ /yang na bsod nams kyi tshogs brgyad dang/ mtshan dang dpe byad kyi yon tan dang/ snying rje chen po dang/ shes rab dang lags pa mchod pa dang/ sems can gyi don dang/ rdzu 'phrul gyi mngon par shes pa dang/ smon lam gyi stobs dang ldan pa'i sgo nas gang zag la bdag med pa la sogs pa dang/ nyan thos kyi gzugs la sogs pa dang/ nyan thos kyi theg pa la sogs pa
- 238a
'dul bar 'gyur pa'i rgyu la som nyi la sogs pa ma byed cig ces bya ba'i don to/ /'dis ni sbyong ba dang po bsgom pa rnams kyis bdag mngan par byang chub pa bskyed de byin gyis brlab pa dang/ dbang bskur ba ldan pas ngan 'gro dgug /dkyil 'khor du bcug dbang bskur bar bya ste zhes bya ba'i don to/ /de nas lha rnams kyi dbang po brgya byin rang gi stan las langs nas yang bcom ldan 'das la mchod pa rgya che zhing che ba byas te phyag 'tshal nas/ bcom ldan 'das la 'di skad ces gsol to zhes bya ba ni/ nga rgyal dang bral ba dang/ mchod pa dang/ phyag 'tshal zhing bstod pa bya bar ston to/ /'dis ni gsang sngags kyi sgo'i spyad pa spyod pa rnams kyis mchod cing bstod pa drin lan gyi tshul tu sbyan bar bya'o zhes bya ba'i don to/ /sems can zhes bya ba la sogs pa la brgya byin nyid sems can gyi tshe phyi ma'i don dang/ snying rje chung du dang 'bring dang chen po dang/ bsam pa rdzogs pa'i rgyur shes rab bskyed cig ces byang dang yang ? gsal ba btab pa'o/ /byin gyis brlab pa dang/ zhugs pa'i rang bzhin gang yin zhe na/ bcom ldan 'das sum cu rtsa gsum pa'i zhes bya ba la sogs pa smos te/ sum cu rtsa gsum pa'i lha'i ris zhes bya ba ni/ ga na pa ti la sogs pa sum cu rtsa gnyis dang/ brgya byin gyi ris te sum cu rtsa gsum pa'i lha'i ris so/ /'di nyid nas lha'i bu nor bu dri ma med pa'i 'od ces bya ba gcig shi 'phos te dus las 'das nas zhes bya ba ni/ las ci zhig stobs kyis tshe 'phos? pa'o/ /dgung bdun lags na zhes bya ba ni/ lha'i zhag bdun mi'i lo bdun brgya lon pa'o/ /bcom ldan 'das de gang du skyes zhes bya ba ni/ gnas gang du skyes pa dris pa'o/ /bde ba 'am sdug bsngal ci zhig myong bar 'gyur zhes bya
- 238b
pa ni/ 'bras bu dris pa'o/ /bcom ldan 'das bshad du gsol/ bde bar gshegs pa bshad du gsol zhes bya ba ni yid la bcags nas yang dang yang du gsol ba btab pa'o/ /bcom ldan 'das kyis bka' stsal pa/ lha'i dbang po ci ste dus las bab par shes na zhes bya ba ni/ lha'i dbang po sbrul pa yin pa'i phyir dus mkhyen pas so/ /nyon cig ces bya ba ni thos pa'i rang bzhin gyi shes rab kyis zung zhig pa'i don to/ /lha'i dbang pos gsol pa/ bcom ldan 'das de ni dus la bab lags so/ /bde bar gshegs pa 'di ni dus la bab lags so/ /zhes gsungs pa dang/ bcom ldan 'das kyis bka' stsal pa lha'i dbang po lha'i bu nor bu dri ma med pa'i 'od ces bya ba de/ 'di nas shi 'phos nas myong zhing myong bar 'gyur ro zhes bya bar sbyar ro/ /ji lta bu zhig ces dmyal ba chen por lo stong phrag bcu gnyis kyi bar dang/ dmyal ba chu du rnams su lo stong phrag brgya dang/ khyol song dang/ yi dwags kyi gnas su lo brgya phrag brgya dang/ mI skye gnas su rna ba dang smra ba'i skyon lo stong phrag bcu dang/ sdug bsngal brgyud pa dang/ gzhan la gnod pa byed pa dang/ las kyi sgrib pa rgyud ba stong phrag brgyad cu rtsa bzhi'i bar du sdug bsngal myong zhing myong bar 'gyur ro/ /zhes lung bstan pa dang/ de nas brgya byin la sogs pa lha'i bu thams cad kyis thos nas shin tu sdangs shing zhes bya ba dag gi sgo nas skrag te skyo nas zhes bya ba sems kyi sgo nas kha spub du 'gyel bar gyur to zhes bya ba lus kyi tshul gyis 'gyel bar gyur pa'o/ /'dis ni mos pa spyod pa'i sa la gnas pa'i brgya byin la sogs pa ston to/ /de nas lha'i dbang po brgya byin gyis 'di skad ces gdol to/ /sdug bsngal chen po rgyud pa 'di las bcom ldan 'das ji ltar thar bar 'gyur/ bde bar gshegs pa ji ltar thar bar 'gyur/ bcom ldan 'das ci nas kyang sdug bsngal gyi phung po 'di las rnam par grol
- 239a
bar 'gyur/ bde bar gshegs pa 'di bskyab bar gsol zhes zhus pa dang/ bcom ldan 'das kyis bka' stsal pa/ sangs rgyas bye ba phrag brgyad cu rtsa bzhis bshad pa 'di nyon cig ces bya ba ni/ phrag brgya cu rtsa bzhi ni nye bar mtshon pa ste/ sangs rgyas grangs med pas bcom ldan 'das la bskul zhing du mar snang ba'i tshul gyis 'di bshad ces bya ba'i don to/ /'dis ni gsang sngags/ kyi sgo'i spyad pa spyod par 'dod pa rnams kyis lus la dkyil 'khor brtag zhes bya ba'i tha tshig go /sbyor ba dang po'i ting nge 'dzin rdzogs so// //de nas zhes bya ba la sogs pas dkyil 'khor rgyal po mchog ston pa ste/ de nas zhes bya ba ni sbyong ba dang po'i ting nge 'dzin gyi rjes thogs la'o// lha'i dbang po brgya byin gyis bcom ldan 'das la zhes bya ba ni/ dkyil 'khor sprul zhing gsang sngags gsung ba'i don du slar yang zhes pa'i don to/ /me tog man da ra ba dang zhes bya ba la sogs pa me tog dang rgyan gyi khyad par gyis mtsher te bskor phyag 'tshal legs zhes bya bas mnyes par byas/ de nas 'di skad ces gsol to/ /bcom ldan 'das lha dang bcas pa'i 'jig rten la phan pa dang zhes bya ba tshe phyi ma'i don dang/ bde bar bgyi ba dang zhes bya ba tshe 'di'i don dang/ ma 'ongs pa'i sems can rnams ngan song gi rgyud gsum las thar bar bgyi ba'i slad du zhes bya ba ni/ dkyil 'khor yod na dbang dang dam tshig yod pa'i phyir ro/ /legs par bshad du gsol zhes bya ba ni/ gzugs brnyan gyi dkyil 'khor dang/ rang bzhin gyi dkyil 'khor sprul zhing bshad du gsol zhes bya ba'i don to/ /de nas gzhan yang sprul pa'i 'khor tshangs pa la sogs pa yang lha mang po rnams kyis kyang 'di skad ces gsol to/ /legs so bcom ldan 'das legs so//
- 239b
bde bar gshegs pa ci nas kyang ma 'ongs pa'i sems can rnams kyis mtshan tsam thos pas kyang ngan song gsum gyi lam las rnam par grol te bde 'gro lha'i 'jig rten nas mi'i 'jig rten du skyes nas/ bla na ma mchis pa yang dag bar rdzogs pa'i byang chub thob par bgyi ba'i slad du bshad par gsol zhes bya ba ni/ dkyil 'khor gyi sngags 'bras bu 'di rnams dang ldan pas bshad par gsol zhes gsol ba btab pa'o/ /de nas bcom ldan 'das kyis ting 'dzin la snyoms par zhugs so zhes bya bar sbyar ro/ /ci'i phyir zhe na/ brgya byin dang tshangs pa la sogs pa lha'i bu de dag de bzhin gshegs pa thams cad kyi snying po'i gnas 'byung ba byin gyis brlab par bya ba'i phyir zhes bya ba ni/ khas sgrub tu 'gyel ba bslang te rgyud sgyangs la dam tshig dang dbang thob par byas nas dkyil 'khor du lha dgod pa'i don du'o/ /ji lta bu zhig la zhe na/ gdon mi za ba'i zhes bya ba la sogs pa smos te/ 'bras bu yod cing don yod la mi mchod pa'i rdo rje des pa bskyed pa'i don du ming de skad ces bya'o/ /ting nge 'dzin la snyoms par zhugs pa ni mngon du mdzad pa'o/ /ting nge 'dzin 'ba' zhig tu zad dam zhe na ma yin te/ oM badzra a d+hiSh+Tha na dz+nyA na sa ma ye hUM/ thugs kha nas phyung ngo zhes bya bar sbyar ro/ /snyoms par zhugs nas gsang sngags gsungs pas/ lha'i bu rnams rgyud sbyang ba dang/ dkyil 'khor du zhugs pa bstan to/ /gzhan yang snyoms par zhugs nas kyang gdon mi za ba'i mi tshoms pa'i rdo rje'i byin gyis brlabs kyis byin gyis brlabs nas zhes bya ba ni kyang zhes bya ba'i don dbang bskur ba bsdu'o/ /gdon mi za bar ces bya ba ni dbang bskur ba la the tshom med pa'o/ /mi chod pa'i zhes bya ba ni de'i 'bras bu'i chos kyi sku'o/ /byin
- 240a
gyis brlabs kyis zhes bya ba ni bum pa'i rdo rjer byin gyis brlabs pas so/ /byin gyis brlabs nas zhes bya ba ni/ chu yis dbang bskur nas te/ gzhan yang dbang nyi shu rtsa gcig kun gyi bskur ro zhes bya ba'i tha tshig go /ngan song thams cad yongs su sbyong ba'i rgyal po zhes bya ba la sogs pa la/ yongs su sbyong ba'i rgyal po ni rgyu dang 'bras bu dang/ ngo bo nyid dang/ rten dang/ gnas sbyong ba ste/ thugs yang dag pa'i ye shes so/ /de ston pa'i sgra la yang nye bar gdags pas de skad ces bya'o/ /de bzhin gshegs pa thams cad kyi snying po 'og nas 'byung ba 'di'o/ /rang nyid kyang nges pa'i ye shes las sgra'i gzugs su phyung ngo zhes bya ba'i don to/ /oM sho d+hA ni zhes bya ba nas shu d+he swAhA zhes bya ba'i bar ro/ /rig pa chen po 'di bshad ma thag tu ces bya ba ni/ gsungs pa dang/ spul ba'o/ /de'i phan yon sems can zhes bya ba la sogs pas ston to/ /de nas gzhan yang gsang ba'i snying po 'di gsungs so ces bya ba la/ de nas zhes bya ba kun rig gi gsang sngags gsungs pa'i rjes thogs pa'o/ /gzhan yang zhes bya ba slar yang zhes bya ba'i don to/ /gsang ba'i snying po zhes bya ba ni/ thugs dang yon tan dang/ gsung dang 'phrin las so/ /ston pa'i sgra la yang nye bar gdags pas de skad ces bya'o/ /'di gsungs so zhes bya ba ni 'og nas 'byung ba'o/ /oM sho d+hA ni sho d+hA ya sarba/ a pa yA na zhes bya ba ni/ ngan song sbyong ba dang/ rin chen tog dang/ shAkya'i dbang po dang/ me tog cho rgyas rnams kyi thun mong gi snying po yin no/ /sarba sangs b+hya hUM zhes bya ba dang/ haM ces bya ba dang/ tra a zhes bya ba dang/ rin chen tog la sogs pa'i khyad par gyis snying po ste/ phyis 'byung ba las shes par bya'o/ /lha'i dbang po gzhan yang 'di ni
- 240b
de bzhin gshegs pa rnams kyi snying po'o zhes bya ba ni byang chub kyi sems dang sbyin pa dang shes rab dang/ brtson 'grus dang/ snying rje la sogs pa dang bcas pa'o/ /de ston pa'i sgra la yang de skad ces bya'o/ /oM sarba a pA ya bi sho d+ha ne zhes bya ba ni/ sangs rgyas spyan dang/ mA ma kI dang/ gos dkar mo dang/ sgrol ma rnams kyi thun mong gi snying po yin no/ /hUM phaT ces bya ba dang/ traM haM a(rgyud 'grel): zhes bya ba khyad par gyi snying po'o/ /lha'i dbang po gzhan yang 'di ni/ de bzhin gshegs pa thams cad kyi snying po dang ces bya ba ni thugs so/ /nye ba'i snying po'o zhes bya ba ni rdo rje lta bu'i ting nge 'dzin to/ /de ston pa'i sgra la yang de skad ces pa'o/ /oM traT ces bya ba ni sdig pa gzhom pa'i snying po'o/ /lha'i dbang po 'di ni gzhan yang 'di ni ngan song thams cad sbyor ba'i snying po'o zhes bya ba ni shar gyi gtso bo'i khyad par snying po'o/ /rdo rje sems dpa' nas brtsams te lhag ma rnams kyi bde ba chen po'i dkyil 'khor dang gtsug tor la sogs pa rnams su shes par bya'o/ /sta'i dbang po gzhan yang mngon na dran pa tsam gyis kyang bsod nams chung ba'i sems can thams cad ngan song gi rgyud thams cad kyi bde blag tu rnam par grol bar gyur pa ni 'di yin no zhes bya ba ni mdor bsdus na dran pa tsam gyis slob bar 'gyur ba'i rgyu yin te/ lha thams cad bskyed pa dang/ rgyas gdab pa dang/ snying gdab pa dang/ khrus bya ba dang/ kun la mchog tu gyur pa'i rtsa ba'i rig pa ste/ na mo b+ha ga wa te zhes bya ba nas brtsams te/ swA hA'i? mthar thugs go?/ /sarba bid ces bya ba nas brtsams te/ oM b+ha ye shes pa'i mthar thug pa rnams tshe 'di'i phan yon la gnas pa 'am/ shi ba'i lus la gdags pa dang/ bzlas brjod bya ba dang/ ba dang/ rtag par sha'i don bsgoms pa
- 241a
stod pa yin te/ de gsungs pa lha'i dbang po de bzhin gshegs pa ngan song thams cad yongs su sbyong ba gzi brjid kyi rgyal po gsang pa'i snying po 'di zhes bya ba la sogs pa gsungs te/ de ston pa'i sgra la yang de skad ces bya ste/ rigs kyi buAm rigs kyi bu mo gang yang rung bas zhes bya ba ni/ rgyal rigs la sogs pa du ma ste/ bu 'am bu mo gang yang rung bas zhes bya ba ni khyad par gyi dgag pa med pa'o/ /ming tsam nyan tam zhes bya ba ming nyid nyan pa'o/ /bcangs sam zhes bya ba ni don dang tshig gi /bklags sam zhes bya ba ni/ kha thon nam glegs bam gyis so/ /de 'ba' zhig tu ma zad kyi grog la sogs pa la bris nas kyang mgo bo'i gtsug pud dam dpung pa 'am mgul tu btags te 'chad na zhes bya ba ni tshe 'di nyid la gnas pa'i gdags pa gsum bstan to/ /de nyid du gsungs pa'i tshe 'di nyid la bya ba'i don to/ /de nyid kyi phan yon dus ma yin par 'chi ba brgyad dam zhes bya ba la sogs pa smos te/ dus ma yin par 'chi ba brgyad ni ming pa bsgags? ? shi ba la sogs pa'o/ /dus ma yin pa'i 'chi ba dang/ 'brel pa'i rmi lam gyi rnam pa 'am/ rmi lam gsum ste/ bag chags kyi rmi lam dang ltas bstan pa dang/ byin gyis brlabs pa'o/ /des kyang mi 'byung la/ gzhan yang ngan song dam 'brel pa'i mtshan ma de dag thams cad rmi lam du yang mi 'byung na zhes bya ba ni ma log pa na lta smos kyang ci dgos zhes bya ba'i don to/ /gzhan pa la sogs pa'i phan yon bshad nas/ dkyil 'khor du ji lta ba zhugs la zhes bya ba bzhugs pa'i phan yon ston to/ /zhugs la zhes bya ba la dang por zhugs la zhugs nas dbang bskur nas gong du bshad pa'i snying po bzlas brjod byed cing/ sngags kyi don bsgom pa gang yin pa zhes bya ba dang/ shi ba'i don
- 241b
bsgom pa'o/ /lta smos kyang ci dgos te zhes bya ba phul tu byung ba gsungs pa ste/ bstan pa'o/ /de nyid bshad pa/ de dag las sdig pa gang yang nye bar mi 'gyur ngan song du 'gro bar yang mi 'gyur ro zhes gsungs so/ /de ltar tshe 'di la gnas pa'i phan yon bshad nas/ tshe 'das pa rnams kyi phan yon gyi dbang du byas nas/ skyes pa 'am bud med dam/ lha 'am/ klu 'am gnod sbyin nam/ srin po 'am/ byol song dam/ yi dags sam/ sems can dmyal ba la sogs te/ gang yang rung ba shi ba'i lus dkyil 'khor du bcug ste dbang bskur na zhes bya ba ni 'og nas 'byung ba'i tshul gyis/ dkyil 'khor du bcug cing dbang bskur na zhes bya ba'i don to/ /de nas cir 'gyur zhes 'bras bu gsungs pa sems can dmyal bar skyes na yang/ de ma thag par yang thar nas lha'i ris su skye bar 'gyur ro/ /lha'i ris der skyes nas kyang de bzhin gshags pa thams cad kyi chos nyid mngon du byed zhes bya ba ni sgro 'dogs pa dang/ skur pa 'debs pa dang bral ba'i chos nyid thob ces bya ba'i don to/ /de bzhin gshegs pa thams cad la bsnyen bkur la sogs pa yang byed/ phyir mi ldog par yang 'gyur/ rgyu nges pa can du yang 'gyur/ de bzhin gshegs pa thams cad kyi rigs su yang skye/ sdig pa thams cad rab tu spangs nas/ de bzhin gshegs pa thams cad kyi rigs sam/ lha'i rigs sam/ gang yang rung bar bde bar myong bar 'gyur ro zhes bya ba ni de bzhin gshegs pa thams cad la bsnyen bkur byed pa dang/ nges par 'byed pa'i cha dang mthun pa la sogs pa phyir mi ldog pa dang/ theg pa chen po'i rigs can dang/ de bzhin gshegs pa'i dngos grub dang/ mchod pa'i sgrib pa la sogs pa spangs pa dang/ rigs kyi dngos grub dang/ 'jig rten pa'i
- 242a
lha dang/ ri lu sogs pa'i dngos grub gang yang rung ba dang ldan pa'i bde ba thob par 'gyur ro zhes bya ba'i don to/ /lha'i dbang por mdor na/ 'jig rten dang 'jig rten las 'das pa'i phan pa dang bde ba thams cad myong bar 'gyur ro zhes bya ba ni/ mdor bsdu na/ 'jig rten dang 'jig rten las 'das pa'i gnyis su bsdus pas de'i phan pa dang/ bde ba myong bar 'gyur ro zhes bya ba'i don to/ /'dis ni dkyil 'khor rgyal po mchog bsgom pa rnams kyi khang pa brtsegs ma dang/ ba ngan bskyed pa dang/ kun rig sprul nas thugs kar zla ba la sngags bkod nas/ lha rnams sprul pa dang/ bsgrub cing sngags 'bras bu dang bcas pa bstan to/ /ri rab tu sprul pa'i dus ni/ gtso bo grub pa'i dus su 'khor rnams grub pas/ gtso bo dang 'khor sbrul pa ma bstan to/ /de nas zhes bya ba nas brtsams te/ myong bar 'gyur ro zhes bya ba'i bar gyi gzhung gis dkyil 'khor rgyal po mchog gi ting nge 'dzin bstan to/ /de nas gtso bo dang tha mi dad par bsams te/ bsdu ba dang phyag dang/ ched du brjod pa dang/ byin gyis brlab pa dang/ yang ched du brjod pa dang/ dbang blang ba dang/ dgug gzhug bya ba dang/ rgyas gdab pa dang/ kun gyi 'phrin las cig la sbyar ba dang kun de kho na nyid bsdus pa dang/ gsang zhing sra ba'i mchog mthon po las bstan pa bzhin shes par bya'o/ /las kyi rgyal po mchog gi ting nge 'dzin to// //dam tshig dang dbang thob pas thabs 'di nyid la 'jug par bya ba'i phyir ro/ /de nas zhes bya ba la sogs pas slob dpon gyi las dang/ slob ma gzhug pa la sogs pa'i cho ga ston to/ /de nas zhes bya ba ni sdon du bsnyen pa'i rjes thogs la'o/ /de yang 'dir lo 'am/ lo phyed dam/ zla ba gcig gam/ lha rnams grub nas zheS
- 242b
bya ba'i don to/ /lha rnams kyi dbang po brgya byin gyis 'di skad ces gsal to/ /zhes bya bar sbyar ro/ /ci zhig byas nas zhe na/ bcom ldan 'das la de bzhin du bskor ba byas nas zhes bya ba'i don to/ /bcom ldan 'das bshad du gsol zhes bya bar sbyar ro/ /ci'i slad du zhe na/ ngan song gi dbang du gyur pa rnams la phan pa dang/ bde bar bgyi ba dang/ ci nas kyang sems can de dag ngan song thams cad las rgyab kyis phyogs par bgyi ba dang/ bla na ma mchis pas yang dag par rdzogs pa'i byang chub bde blag tu rtogs par bgyi pa'i slad du zhes bya ba ni dkyil 'khor bris pas mi rnams la phan pa'i don du ste/ /de'i phyir bshad du gsol zhes bya ba'i don to/ /rje btsun bshad du gsol zhes bya ba ni khyad par du bod pas gsol ba btab pa'o/ /de nas zhes bya ba ni gsol ba btab pa'i rjes thogs la'o/ /bcom ldan 'das shAkya thub pas/ zhes bya ba ni/ kun rig nyid mi yul du shAkya thub par gyur pa la dgongs nas de skad ces bshad de des so de bzhin gshegs pa thams cad kyi ngan song thams cad yongs su sbyong ba'i ye shes zhes bya ba ni/ der nges pa'i ye shes te/ dbyer mi byed pas rdo rje zhes bya ba/ dkyil 'khor gyi de kho na nyid de/ de la dmigs pa'i ting nge 'dzin la yang de skad ces bya'o/ /de'i snyoms par zhugs pa ni mngon du mdzad pa ste/ de mdzad nas so/ /de bzhin gshegs pa thams cad kyi ngan song thams cad yongs su sbyor ba'i gzi brjid kyi rgyal po de zhes bya ba'i dkyil 'khor chen po 'di gsungs so zhes bya ba dkyil 'khor ni gzugs can dang/ gzugs med pa la gzugs med de/ nang gi dkyil 'khor gnyis su med pa'i ye shes/ /de yang chos kyi bcud kyi snying po 'byung ba'i phyir dang snying po len pa'i phyir de skad ces bya'o/ /chen po zheS
- 243a
bya ba ni chos kyi dbyings sngon du 'gro ba/ ye shes gzugs sku dang bcas pa'o/ /'di zhes bya ba 'og nas byung ba 'di'o/ /gsungs so zhes bya ba ni bka' stsal pa'o/ /gsungs pa'i rang gi ngo bo bstan pa'i phyir/ sangs rgyas kun gyi byang chub sems/ /bla na med pa rtogs 'gyur ba'i/ /rgyal bas gsungs pa'i ye shes gang/ /de ni dkyil 'khor snying por gsungs zhes bya pa yin te/ sangs rgyas kun gyi byang chub sems/ /zhes bya ba ni/ gnyis su med pa'i ye shes so/ /bla na med pa zhes bya ba ni/ sprod pa dang bral pa'o/ /rtogs 'gyur pa'i zhes bya ba ni/ khong du chud pa'o/ /de nyid ye shes zhes bya bas ston to/ /sus gsungS zhe na/ rgyal bas gsungs pa'i zhes bya ba smos so/ /de nas dkyil 'khor snying por gsungs zhes bya ba la ni/ zhes bya ba ni nges par bzung ba ste/ nyid ces bya ba'i don to/ /dkyil 'khor snying por gsungs zhes bya ba ni/ dkyil 'khor gyi rang bzhin du bshad pa'o/ /rang bzhin du bshad pa de yang 'di yin te/ mi mnyam pa med pas ? bzhi yin no/ /dran pa nye bar gzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga zhes bya ba ni/ sgo bzhi yin no/ /bsam gtan rnams la rta babs bzhi zhes bya'o/ /gzugs rnams la kha khyer la brten pa'i lha mo rnams zhes bya'o/ /bsam pa thams cad rdzogs pa 'dul ba bskyod pa'i rang bzhin ni/ rlung gis dar 'phan bskyod nas sgra sgrogs pa zhes bya'o/ /ye shes me long zhes bya'o/ byang chub kyi yan lag me tog gi phreng ba zhes bya ba'o/ /mi zad pa'i bde ba dra ba dang dra ba phyed pa dang/ rin chen mchog nyi ma dang zla ba zhes bya'o/ /rnam par thar pa brgyad dkyil 'khor brgyad ces bya'o/ /theg pa chen po mdo sde bskor ba ni rdo rje theg pa zhes bya'o/ /'khor lo ni chos kyi
- 243b
'khor lo zhes bya'o/ /de yang ji skad du ni mnyam med pas zur bzhi ste dran dang dbang po sgo bzhi yin/ /bsam gtan rnams kyang rta babs yin/ /kha khyer la brten rdo rje mchog /lha mos mchod pas gzungs rnams yin/ /sna tshogs pa yi rgyan rnams kun/ /bsam pa thams cad rdzogs pa yi/ /gdul ba bskyod pas sna tshogs mchog /dam chos mchog ni kun tu 'gro /rlung gis bskyod nas sna tshogs mchog /dar 'phan dril bu sgra sgrogs ni/ /me long ye shes rtag me rtog/ dra pa dra phyed rin chen mchog /nyi ma zla ba yang dag ldan/ /kun grub mi zad bde ba ste/ /bde ba can po zhes bshad do/ /de yi nang rim dag gi thig /dkyil 'khor brgyad pa 'dra ba ni/ /'dir rnam par thar pa brgyad/ /dngos grub kun gyi bde ba ster/ theg pa chen po byang chub sems/ /mdo sde'i 'khor lo bskor bas na/ /rdo rje thig gis yongs bskor ba/ /rdo rje 'khor lo yang dag bri zhes pa dang/ chos kyi 'khor lo 'dra ba la/ /lte bar bcas shing rtsibs bcu drug ces gsungs pa'i phyir ro/ /yang de nyid kyi byang chub sems kyi 'bras bu dang/ bsdu ba'i dngos po bzhi dang/ sems can gyi don la chags pa dang/ byang chub sems dpa' kun mgu bar byed pa'i tshul ni rdo rje semms dpa' dang/ rgyal po dang/ chags pa dang/ legs pa'o// ji skad brgya byang chub sems kyi 'bras bu ni/ /sangs rgyas ye shes bla med gang/ /de ni rdo rje sems rang bzhin/ /chos dang longs spyod sprul pa'i zhes ba dang/ bsdu ba yi ni dngos po bzhi/ /bcom ldan 'das kyis gang spyad pa/ /sems can 'gugS pa'i thabs zhes pa/ /rdo rje rgyal po yang dag 'byud zhes bya ba dang/ sems can smin phyir bcom ldan gyis/ /gad tshe byang chub spyad pa spyod/ /byang chub spyod la rjes chags pa/ /rdo rje chags par yang dag 'byung/ /zhes pa dang/ sangs rgyas thams
- 244a
cad mnyes byed cing/ /legs so zhes bya rab ster byed/ /byang chub sems dpa' kun mgu byed/ /de ni rdo rje legs par brjod ces gsungs pa'i phyir ro/ /gnyis su med pa'i ye shes de nyid sbyin pa'i pha rol tu phyin pa dang/ mi shes ? mun na nag 'joms pa dang/ chos kyi rgyal mtshan chen po dang/ byang chub sems dpa' kun dbugs 'byin pa go rim bzhin du rdo rje rin chen dang/ gzi brjid dang/ rgyal mtshan dang/ gzhan pa bzhi yin te/ ji skad du/ byang chub sems dpa' i sbyin pa gang/ /mkha' mnyam rin chen lta bu ste /rdo rje rin chen skal ba che/ /des na rdo rje rin chen brjod ces pa dang/ ma rig ling tog 'khor ba yi/ /mi shes mun pa 'joms byed cing/ /thar pa'i snang ba gzi brjid che/ de ni rdo rje gzi brjid do/ /zhes pa dang/ rgyal mtshan sangs rgyas kun rang bzhin/ /thar pa'i lam 'gro rgyal mtshan de/ /chos kyi rgyal mtshan rgyal mtshan che/ /de ni rdo rje rgyal mtshan brjod ces pa dang/ rnal 'byor chen po rdo rje bzhad/ /sangs rgyas thams cad bzhad byed cing/ /byang chub sems dpa' kun dbugs 'byin/ /de ni rdo rje bzhad par brjod ces gsungs pa'i phyir ro/ /gnyis su med pa'i ye shes de nyid sems can rtogs par byed pa'i rgyu dang/ shes rab chen po dang/ chos kyi 'khor lo dang/ tshig dang bral bas smra ba ste/ bzhi po go rim bzhin du rdo rje chos dang/ rnon po dang/ 'khor lo dang/ smra ba te ji skad du/ rnal 'byor chen po sangs rgyas chos/ /sangs rgyas sems can rtogs byed pa/ /dag pa de bzhin gshegs snying po/ /de ni rdo rje rdo chos su brjod ces pa dang/ shes rab rnon po ye shes cha/ /shin tu sdug pa'i nyon mongs gcod/ /shes bya'i sgrib pa gcod pas na/ /de ni rdo rje rnon por brjod ces pa dang/ 'khor lo sangs rgyas gang shes pa/ /chos kyi 'khor lo shin tu bstan/ /dam chos sgrol pa'i bcud
- 244b
las byung/ /de ni rdo rje rgyu zhes bya ba? zhes pa dang/ sangs rgyas kun gyi chos chen po/ /mkha' mtshungs tshig dang bral ba te/ /tshig med tshig las yang dag byung zhes gsungs pa'i phyir ro/ /gnyis su med pa'i ye shes nyi/ /sems can smin pa dang grol pa dang/ theg pa sman pa spong ba dang/ nyon mongs pa thams cad zad pa dang/ de bzhin nyid phyin ci mi log pa ste/ go rim bzhin du/ rdo rje las dang/ bsrung ba dang/ gnod sbyin dang/ khu tshur ces bya'o/ /ji skad du sems can smin dang grol ba yi/ /sangs rgyas kun gyi las gang dang/ /sangs rgyas las ni bdag med pa/ /de ni rdo rje las zhes bya/ /zhes pa dang/ byang chub sems dpa' bsrung ba ste/ /theg pa sman pa spong byed cing/ /rtse mo rnams ltung bsrung ba ste/ /de ni rdo rje bsrung? bar bshad/ /sdig pa thams cad zad byed cing/ /nyon mongs thams cad nges par gcod/ /srid bzang byed gnod sbyin che/ /de ni rdo rje gnod sbyin che zhes pa dang/ bden zhing gzhan min de bzhin nyid/ /'gyur med de kho na nyid gang/ / sangs rgyas de bzhin nyid ye shes/ /de ni rdo rje khu tshur brjod/ /ces gsungs pa'i phyir/ /gnyis su med pa'i ye shes nyid/ /sbyin pa dang tshul khrims dang/ bzod pa dang brtson 'grus dang/ bsam gtan dang shes rab dang/ thabs dang/ smon lam rnams mi lnga skye dang/ mA le dang/ gi ti dang/ nir ti dang/ d+hU pe dang/ puShpe dang/ A lo ke dang/ gand+ha zhes bya ba rnams so/ /ji skad du/ gang phyir mchog tu rol pas na/ /sgeg mo sbyin pa'i pha rol phyin/ /byang chub yan lag 'bras ster bas/ /phreng ba tshul khrims pha rol phyin/ /ces pa dang/ zhi ba'i chos la rjes mos pas/ /klu ma ba zod pa'i pha rol phyin ces pa dang/ sangs rgyas mchod la mi skyo bas/ /gang ma brtson 'grus pha rol phyin/ ces pa dang/ thar pa mchog
- 245a
ni dga' bsgrub pas/ /bdug pa shes rab pha rol phyin/ /sangs rgyas nyid 'bras rgyu yin pas/ /me tog bsam gtan pha rol phyin/ /ces pa dang/ rdo rje mar me thabs chen po/ /smon lam rdo rje byug pa dang/ /zhes gsungs pa'i phyir ro/ /gnyis su med pa'i ye shes de nyid byang chub kyi sems kyi mtshan nyid 'gugs par byed pa dang/ byang chub kyi spyod pa'i zhags pa dang/ theg pa chen por 'ching ba dang/ chos thams cad skye ba med par 'bab pa ste/ go rim bzhin nu lcags kyu dang/ zhags pa dang/ lcags sgrog dang/ dril bu'o/ /de yang ji skad du/ byang chub sems kyis 'gugs pa ni/ rdo rje lcags kyur yang dag brjod/ /byang chub spyod pa las brjod pa/ /rdo rje zhags par de bshad do/ /theg pa dman pa srung byed pa/ /rdo rje lcags sgrogs de bshad de/ /rab tu 'od gsal skye med pa/ /rdo rje dril bur de bshad do zhes gsungs pa'i phyir ro/ /yang gnyis su med pa'i thugs de nyid snying rje dang/ byams pa dang/ dga' ba rang btang snyoms dang bzhi ni go rim bzhin du/ sangs rgyas sbyan ma dang/ mA ma kI dang/ gong dkar mo dang/ sgrol ma rnams bzhi yin no/ /ji skad du/ sangs rgyas spyan ni byams pa che/ mA ma kI ni snying rje che/ /dkar mo dag ? rab tu brjod/ /btang snyoms cha? dang thabs che bar/ /sgrol ma zhes ni bgrod pa yin zhes gsungs pa'i phyir ro/ /gnyis su med pa'i ye shes nyid/ byang chub kyi semms dang/ tshogs dang/ shes rab kyi spyod pa zhes bya ba bzhi go rim bzhin du/ ngan song sbyong ba dang/ rin chen tog dang/ shAkya'i dbang po dang/ me tog cher rgyas so/ /ji skad du/ byang chub tu ni sems bskyed dang/ de bzhin tshogs dang shes rab dang/ byang chub sbyong pa rab sbyor ba/ /rgyal bo bzhin ni yang dag 'byung zhes gsungs pa'i phyir ro/ /ye shes de
- 245b
nyid chos thams cad gcig tu bsdus pa ni/ bcom ldan 'das rnam par snang mdzad do/ /ji skad du/ dbus su rnam par mdzad ces/ chos rnams gcig tu bsdus pa yin zhes gsungs pa'i phyir ro/ /'dis ni 'bras bu de nyid las ldogs pa'i tshul gyis tha dad pa yin gyi ngo bo nyid kyis tha dang pa yod pa ma yin no/ /'dis ni gzhan yang gsang sngags kyi sgo'i sbyang pa spyod par 'dod pa rnams kyis dkyil 'khor kyi de kho na nyid thog mar shes par gyis shig ces ston to/ /de ltar nang gi dkyil 'khor gzugs med pa gsungs nas/ da ni de nas zhes bya ba la sogs pas/ phyi'i dkyil 'khor gzugs dang bcas pa bstan to/ /de nas zhes bya bar mchad pa'o/ /yang zhes bya ba ni sdud pa'o/ /bcom ldan 'das kyis sems can thams cad la thugS brtsa ba'i slad du ces bya ba ni/ mi rn+nams ba ? po'i don du'o/ /phyi'i dkyil 'khor zhes bya ba ni/ gzugs dang bcas shing thams cad 'jug tu rung ba'o/ /'di gsungs so zhes pa ni/ mi rnams la phan pa'i don du bshad do/ /gtsug lag khang dang/ skyed mos tshal dang/ mchod rten lha khang kun dga' rab la sogs/ ji bzhin pa'i cho ga yin/ gnas ni byin gyis brlabs pa brtsams zhes bya ba ni gtsug lag khang dang/ mchod rten dang lha khang kun dga' ra ba dang/ 'bab chu'i 'gram dang grong khyer gyi shar dang/ byang gi phyogs kyi char ram/ gang du yid dang mthun pa'i gnas su'o/ /de nas dkyil 'khor bri ba'i don du'o/ /tshigs bcad 'di ni bsgrag par bya/ /sa la rgyu ba'i lha kun dang/ gang zhig sa la brten pa kun/ /khyams pa'i sems kyis gnas nas su/ /sems can kun la dge don du/ /kun dag don du zhu zhing mchis/ /de na ma de ltar 'jom bzhin du/ /pus mo nub tsam 'og tu brkos la/ /gya mo la sogs pa bsal la/ sbyan dang rdo rje gnod sbyin dang/ bdud rtsi 'khyil
- 246a
pa'i sngags kyi chu yis bsang gtor bya/ /khru tshad kyis che chud brtag par bya/ /ba'i chu dang lci bas byug /sa bzung ba dang spyang ba'i cho ga'o/ /de nas gos dang rgyan sna tshogs kyis brgyan/ khrus byas lus dri chus byug/ rdo rje gnod sbyin du bskyed mig gnyis ma dang Ta las zla ba dang nyi ma dgod/ /rkang pa la a las sna tshogs rdo rje bskyed/ lag pa gnyis kyis rdo rje dril bu gzung ste/ yi ge hUM gi sgra sgrogs shing g.yas nas bskor la dengs zhes brjod/ mtshams dang nga? ba dang dra? ba dag kyang bya//bdud dang sdang ba bzlog /de nas phur bu byin gyis brlabs la phur bu gdab par bya'o/ /'dis ni ji bzhin pa'i cho ga yis zhes bya ba'i don to/ /de nas sbyor ba dang po dang/ dkyil 'khor rgyal mchog dang/ las rgyas mchog bsgom la/ dkyil 'khor nam mkha' la bteg /lha'i gnas su tsan dan la sogs pa'i zlum po dang/ gru bzhi'i thig le bya/ dkyil 'khor brtag bsdus/ lcags kyu la sogs pas dgug gzhug bya/ bgegs skrad ba dang/ rab dang/ dra ba bya/ sgo bcad bsrung ba bstan par bya/ mchod yon dbul ba sngon du 'gro bas phyag rgya bzhis rgyas gdab/ mchod pa rnams kyis mchod/ rang rang gi sngags ci mang du bzlas te/ bum pa lhag bar gnas pa dang slob ma lhag par gnas pa dang/ phyi rol du gter ma sbyin pa dang/ nye reg dang/ sbyin sreg dad/ mchod cing gsol ba gdab la sogs bya'o/ /'di tsam gyis ni gnas byin gyis brlab pa brtsam zhes bya ba'i don yin no/ /byin gyis brlabs pa'i gnas der ni zhes pa ni zhes? bya ba nyid du'o/ /phyi'i dkyil 'khor bri bar bya/ zhes pa ni/ dkyil 'khor gyi sgo gnyis pa'o/ /phyogs kun mnyam pa gra dang bcas pas grwa bzhi pa la phyogs kyi cha re re zhing sgo bzhi yod pas sgo bzhi pa zhes byed/ /rta babs bzhi
- 246b
dang ldan pa dang/ them skad bzhi'i phreng ba dang/ seng gi glang chen rnams kyis brgyan ces bya ba ni/ phyogs re re na rta bab re dang/ them skas phreng ba dang/ seng ge glang po che rnams kyis mdzes par byas pas de skad ces bya'o/ /dang dang lnga ldi'i do shal phred/ /dril bu dang ni rnga mas brgyan ces bya ba ni/ der gyi lnga ldi dang/ mu tig gi do shal dang/ me tog gi phreng ba dang/ dril bu g.yer kha la sogs pa dang/ rngams mdzes par byas pa la de skad ces bya'o/ /rdo rje rin chen pad+ma dang/ rgya gram ba yi phyag rgyas brgyan ces bya ba ni/ shar phyogs su rdo rje/ lhor rin po che/ nub tu pad+ma/ byang du rgya gram gyi phyag rgyas brgyan cing sprul pa'o/ /srad bu brgyan dang ldan pa dang/ phyi'i sgo khyud rnams kyis brgyan ces bya ba ni/ tshangs thig gnyis dang/ sbyar? rig gnyis dang/ shar phyogs dang nub? dang byang dang/ lho phyogs kyi thig ste/ brgyad dang ldan pa dang/ sgo khyung ni mdzes pa dang/ rjes su mdzes pa zhes bya ba ni rtsig par ston pa'i cha gnyis te/ de rnams kyis brgyan pa'o/ /dgu 'cher ni bsgol ba las zhes bya ba ni/ nang gi dkyil 'khor gnas gru bzhi pa/ chad du dang ldan par dgos pa las so/ /sgo dang sga khyud sum char bya zhes bya ba ni/ sgo dang sgo khyud la cha chen gcig gnas par byas pas/ sum cha'i yongs su char 'gyur ro/ /rdo rje srang bus thig gdab po zhes bya ba ni/ rdo rje srad bur byin gyis brlabs las gdab po/ /dbus kyi dkyil 'khor thig gdab pa zhes bya ba ni/ dbus kyi yang dbus kyi thig gdab pa'o/ /chos kyi 'khor lo dra ba la ces bya ba ni/ rdo rje dang mtshon cha'i 'khor lo lta bu ma yin pa/ chos kyi 'khor lo 'dra ba'o/ /yang na lte ba dang/ rtsibs dang/ gsum chos kyi 'khor lo gsum dang 'dra ba'o/ /yang na stod pa nyid bcu drug chos yin la/ de yang 'khor lo ni 'dra ba'o/ /lte bar bcas shing rtsibs bcu drug ces bya ba ni lte ba dang/
- 247a
brtsibs rten dang bcas shing/ rtsibs bcu drug du grangs nges pa'o/ /rim pa gsum dang ldan pa la zhes bya ba ni/ lte ba'i rim pa dang/ rtsibs rten gyi rim pa dang/ rtsibs kyi rim pa dang ldan pa'o/ /rtsibs ni nyis 'gyur nyid du bya zhes pa ni/ rtsibs byang chub sems dpa' i gnas yin pas/ gtso bo'i gnas pas nyis 'gyur gyis chung bar bya'o zhes bya ba'i don to/ /yang lte ba la bskor ba'i dang po ni rtsibs rten no/ /gnyis pa ni rtsibs yin pa'i phyir/ rtsibS ni nyis 'gyur nyid du bya zhes gsungs so/ /'di ni don slar yang gsal bar bya ste/ sa'i cha yid du 'ong ba dkyil 'khor gyi nyis 'gyur gyi chad la/ thig byin gyis brlab cing bsgril ba dang/ rang rdo rje sems dpar bskyed de/ grogs po rdo rje las su bsgyed nas/ dang po rang shar du bltas te tshangs thig gdab/ de'i 'og tu byang du bltas te tshangs thig gnyis pa gdab/ me'i gnas su gnas la shar gyi thig gdab rlung gi phyogs su bltas te nub kyi thig kyang gdab de nyid du 'dug ste/ shar du bltas te byang du thig kyang gdab/ me'i mtshams su gnas nas lho phyogs kyi thig gdab/ de nyid du 'jug ste rlung phyogs su bltas te tshangs thig gdab par bya/ bden bral gyi phyogs su 'dug ste/ dbang ldan du kha bltas la zur thig gnyis pa gdab/ de ltar gru bzhing gnas pa la/ cha chen bcu drug gdab par bya'o/ /tha mar cha chen gnyis gnyis par bya'o/ /dbus kyi bcu gnyis pa gnyis gdab/ nyi shu rtsa bzhi dag tu 'byung ro/ /de nas cha phra mo gdab par bya ba ni/ cha chen dgu ru gnas pa la/ tha mar lnga pa'i phyed por ba la lhag ma brgyad la bzhi bzhir gdab po/ /gsum pa dang de bzhin du lnga pa yang ngo/ /phyi rol gyi sgo dang/ nang gi sgo khyud dang/ logs su 'gyur ro/ /lnga pa'i phyed nang du por nas/ phyi rol gnyis su gdab/ drug pa
- 247b
la cha bran bzhi btab la/ bdun pa'i nang rol cha chung gcig gdab bo/ /cha gsum mi gdab/ dgu pa dang bcu pa bcu gcig pa bcu gnyis pa bzhi bzhir gdab po/ /de nas tshon gyis thig gdab par bya ste/ lnga pa phyed kyi dang po gdab bo/ /de nas gnyis bor gsum pa gdab/ yang gnyis por gsum pa gdab/ ngos dang 'gram dang ya phubs so/ /dgu pa'i nang gis cha chung gcig gdab/ /yang gnyis por la gcig gdab/ yang gnyis bzhag la gcig gdab/ ngos dang 'gram dang ya phubs su 'gyur ro/ /lhag ma ni ci rigs par sbyar bar bya'o/ /dbus kyi dkyil 'khor thig gdab pa la/ tshangs thig gi phyogs gcig tu/ bcu gcig pa yongs su bskor ba yis rtsibs rten du 'gyur ro/ /de'i nang du phyogs gcig gi bzhi pa btab pas ka bar 'gyur ro/ /rtsibs rten gyi phyi rol gsum bor bal rtsibs bcu drug tu bya ste/ gtso bo'i gnas pas phyed kyis chung ba nyis 'gyur du bya'o/ /bzhi pa yongs su bskor pas rdo rje phreng ba'o/ /thig gdab pa'i cho ga'o/ /dbus kyi phyogs su kun rig ni/ /dung dang kun da zla 'dra ba zhes pa ni/ dkyil 'khor gyi dbus kyi phyogs su bcom ldan 'das rnam par snang mdzad ni/ kha dog dung dang kun da dang/ zla ba dang 'dra ba la mchog tu phul du byung ba'o/ /dbyibs dang gdan dang rgyan ci zhig ce na/ zhal bzhi pa la rdo rje yi/ /seng+ge'i gdan dang bzhugs pa dang/ ting nge 'dzin phyag rgya ldan pa dang/ /rgyan rnams kun gyis brgyan pa bri/ /zhes gsungs so/ /zhal bzhi pa la zhes bya ba sku gcig la zhal bzhi'o/ /de yi yang 'og nas de'i spyan sngar ngan song kun 'dren shar phyogs la gsungs pa'i phyir ro/ /seng+ge'i gdan la zhes seng+ge gdan zla ba pa'o/ /rdo'i gzhugs pa dang zhes sbyar ro/ /'dis ni rdo rje dkyil krung gis bzhugs par bstan te/ /ting 'dzin phyag rgyar ldan pa dang/ rgyan rnams can gyis brgyan bar bri zhes bya ni/ ting nge 'dzin gyis phyag rgya dang/ dbu rgyan la sogs pas
- 248a
brgyan par bri ba dang/ bzhag pa dang/ dgod ces bya ba'i don to/ /bcom ldan 'das rnam par snang mdzad de'i spyan sngar de shar du'o/ /ngan song kun sbyor ba'i rgyal po bri ste/ phyag gnyis ting nge 'dzin du bsnol/ kha dog ji lta bu zhe na/ zla ba rgyas dang ba mo'i mdog /rgyan ji lta bu zhe na/ rgyan rnams kun gyis legs rdzogs la/ /rgyal mchog bskyes bu gang pa bri zhes bya ba ni/ rgyal mchog gang bas mtshan dang dpe byad rang bzhin gyis rgyan par ston la/ snga mas ni gsal pa'i rgyan ston to/ /rgyab tu shAkya rigs dbang po/ /gtso bo thub pa bri bar bya zhes bya ba ni/ nub kyi phyogs su shAkya thub pa kha dog dmar po chos kyi 'khor lo'i phyag rgya can bri bar bya'o/ /g.yon dang g.yas kyi phyogs char ni/ rgyal mchog rin chen me tog gnyis zhes bya ba ni/ lho dang byang du'o/ /rin chen me tog kha dog sngon po mchog sbyin phyag rgya dang/ byang phyogs su me tog cher rgyas kha dog ljang gu mi 'jigs pa'i phyag rgya can bri zhing dgod par bya'o/ /'di dag gi gdan yang glang po che la sogs pa ji skad du bshad pa bzhid shes par bya'o/ /lau tsa na dang mA ma kI/ de bzhin gos dkar sgrol ma rnams/ /rang gi rigs kyi mtshan ma bzhin/ /grwa yi phyog ni kun tu bri zhes bya ba ni/ sangs rgyas spyan dang/ mU ma kI dang/ gos dkar mo dang/ sgrol ma rnams/ rang gi rigs gtso bo'i kha dog dang mtshan ma can dang/ rdo rje dang/ pad+ma dang/ utpal rnams go rim bzhin du phyag g.yas na 'dzin cing/ grwa'i phyogs kun tu bri bar bya'o zhes bya ba'i don to/ /rtsibs kyi nang ni thams cad du/ /rdo rje sems sogs sems dpa' mchog/ rdzu 'phrul che ba'i sems dpa' rnams/ /go rim bzhin du bri bar bya zhes bya ba ni/ ? bas bcu drug pa'i nang thams cad du rdo rje song?
- 248b
la sogs pa 'bras bu'i byang chub sems dpa' rdzu 'phrul che ba rnams/ dbang ldan gyi mchams nas brtsams te/ go rim bzhin du bri bar bya zhes bya ba'i don to/ /mkhas pas lA skye la sogs pa/ mchod pa grwa'i phyogs su bri zhes bya ba ni dkyil 'khor gyi mdog dang/ dbyibs la byad bas lA skye la sogs pas mchod pa brgyad nang gi grwa dang/ phyi rol gyi grwar bri zhes bya ba'i don to/ /sgo'i phyogs ni thams cad du zhes bya ba ni/ shar la sogs pa bzhir ni bri bar bya zhes bya'o/ /rta babs khyams ni thams cad du/ zhes bya ba la ni zhes bya ba ni kyang zhes bya ba'i ston to/ /de nas 'di ltar 'gyur te/ nang gi dkyil 'khor gyi rta babs kyi gnas dang/ nang gi khams nyid kyi nang du bri zhes bya ba ste/ bstan pa'o/ /de nyid bshad pa byams pa la sogs bri bar bya/ zhes bya ba la sogs pa gsungs te/ nang gi khyams nyid du byams pa la sogs pa bcu drug bri bar bya'o/ /rta babs kyi gnas cho dang ldan pa dga' po la sogs pa bcu drug bri bar bya'o/ ba gcod mdzad la sogs pa bcu drug bri bar bya'o/ /gnyis pa la nyan thos rgyal ba thams cad du zhes bya ste/ nyid kyi gcud cho dang ldan pa dga' po la sogs pa bcu drug bri bar bya'o/ /gsum pa la nyon mongs 'joms pa 'jigs med gdud pa sel ba la sogs pa bcu gnyis bri bar bya'o/ /khro po mdag? pa pho nya rnams bri bya yang na ming yang rung zhes bya ba ni/ khro bo nyid mdag pa yang yin la pho nya yang yin pas de skad ces bya'o/ /bri 'am yang na ming bri yang rung zhes bya ba ni 'bri ba 'am ming de yi ger dgod pa'ang rung ste/ phyag mtshan du dgod par bya zhes bya ba'i don to/ /'dis ni dkyil 'khor rgyal po mchog bsgom pa ston to/ /shar phyogs kyi sgor 'jig rten gsum snang dang 'jig rten 'jig go /lho phyogs kyi sgor 'jig rten gsum thar byed dang 'jig rten gsum 'dul lo/ /nub phyogs kyi sgor bdud rtsi 'khyil ba
- 249a
dang/ be tson sngon po byang phyogs kyi sgor mi g.yo mgon po dang/ rta mgrin bri bar bya'o/ /phyi'i dkyil 'khor phyi rol tu zhes bya ba ni/ sngar bstan pa'i de nyid kyi phyi rol du mu ran dkar po bri zhing/ de nyid kyi bar du/ gling bzhi po ni bri bar bya/ /'dzam bu'i gling du tshangs pa dri/ /byang phyogs su ni dbang phyug che/ /shar dang nub kyi gling du ni/ /brgya byin gtogs 'dod thams cad kyang/ /'khor dang bcas pa bri bar bya zhes bya ba ni/ shar phyogs su brgya byin 'khor dang bcas/ lho phyogs su tshangs pa 'khor dang bcas/ nub phyogs su gtogs 'dod 'khor dang bcas/ byang phyogs su mahA de ba 'khor dang bcas pa bri bar bya'o zhes bya ba'i don to/ /gzhan rnams dag kyang de bzhin te zhes bya ba ni/ brgya byin nas brtsams te/ dbang ldan gyi mthar thug pa 'khor dang bcas pa bri bar bya'o/ /de nyid kyi 'khor bshad pa/ lha min zhes bya ba la sogs pa'o/ /lha min zhes bya ba sum brtsegs dang/ rab sim dang/ her na ke shu dang/ kun tu snang ba la sogs pa'o/ /dri ma'i? rgyal po yul 'khor bsrung la sogs pa'o/ /nam mkha' i lding gser mig la sogs pa'o/ /gnod sbyin nor 'dzin la sogs pa'o/ /srin po u ba kar+Ni pur+Nu la sogs pa'o/ /gzhan yang de bzhin du lto 'phye chen po dang/ yi dwags dang/ 'dre rnams dang/ klu dang sbrul dang/ rgyal po bzhi rnams dang/ gza' dang/ skar ma rgyu skar dang/ khro ba ma rungs po 'tshe ba'i bgegs dang/ bi na ya ka rnams dang/ sems can kun la phan pa byed pa'i drang srod bskal pa chen po rnams dang/ mkha' 'gro ma bud med rnams dang/ srin mo rnal 'byor ma rnams dang/ 'byung po bzhi lha chen po rnams dang/ khyim dang ri dang/ kun dga' ra ba dang/ nags tshal dang/ grong khyer na gnas pa rnams kyang bri ste/ ming du bzhag pa dang/ phyag rgyar bzhag pa dang/
- 249b
thig? le tsam du bri bar bya ste/ 'khor 'di rnams kyi kha dog la sogs ma bshad do/ /'di ni 'di skad du ston pa yin te/ thig btab pa'i rjes thogs la'o/ /tshon gyis las rnams byas nas/ tshon dgye ba sngon du 'gro bas lha rnams bzhag cing 'khor rnams ni ming dang/ phyag rgya dang/ thig le tsam du bris kyang 'grub par 'gyur ro zhes ston to/ /de nas zhes bya ba la sogs pa la mkhas pas bzhag ces thams cad la sbyar bar bya'o/ /de yang dkyil 'khor la mchod pa'i phyir/ bla re dang/ rgyal mtshan dang/ lhab lhub dang/ gdubs dang/ rngam dang/ lnga ldi dang/ 'phan dang/ sna tshogs pa'i na bza' dang/ gser las byas pa'i bya brgyad dang bcu drug gam/ sum cu rtsa gnyis kyang rung ba dang/ dbang bskur ba'i chus bkang ba'i bum pa lnga dang/ me tog dang/ mar me dang/ gtor ma'i bum pa dang/ mdzes pa'i bshos la sogs pa dang/ bza' ba dang/ btung ba la sogs pa legs par sbyar ba dang/ bca' ba sna tshogs pa dang/ gnod sbyin srin po'i kha zas su gtor ma rnam pa sna tshogs dang/ 'byung bo kun dang/ klu rnams dang/ lha dang/ mi dang/ mi ma yin gyi kha zas su me tog dang/ dri sna tshogs dang/ 'o ma dang/ li khad dang/ bcas pa bzhag par bya'o/ /slob ma ngag dbang bskur ba'i don rnam par rgyal ba'i bum pa bzhag pa dri'i chus rab tu bkang ba/ rdo rje sems dpa' i spyan sngar bzhag par bya'o/ /las thams cad pa'i bum pa ni shar phyogs kyi sgor bzhag par bya'o/ /bum pa lhag ma rnams ni phyi rol gyi 'khor yug rnams la bzhag par bya'o/ /gzhan yang chos klog pa bzhi phyogs bzhir bzhag par bya'o/ /de ltar dkyil 'khor kun tu legs par bkod nas/ dgongs ka'i dus nas brtsams te/ de nas zhes bya ba la sogs pas lha rnams mchod pa ston te/ khrus la sogs pa byas nas zhes bya ba ni/ dang por khrus
- 250a
bya/ gnas pas gang ba bkrus te nye reg bya/ sngon du bdag bsrung ba la sogs pa 'gro bas rgyan gdags dris byug /rdo rje 'dzin mas zhugs nas bskor ba bya/ chad pa dang lhag pa zhi bar bya/ sgo phye la zhes bya ba'i don to// de nyid dri dang phreng mchog phreng ba can/ /dri zhim kha bkang mchog mdzes pa/ /rdo rje 'dzin mas zhugs nas kyang zhes bya ba'i don yin no/ /kyang zhes bya ba'i don ni bsdu ba ste/ dang po'i sbyor ba dang/ dkyil 'khor rgyal mchog dang las rgyal mchog bsgoms la/ mchod pa gsang ba bzlas brjod bya/ hUM mdzad kyi nga rgyal gyis yang sgo phye zhes bya ba'i don to/ /yang me tog thogs te sgo phyogs 'dug /gtso bo rgyal ba sras kyi 'khor/ /mang po rnams ni spyan drangs te zhes bya ba ni/ gtso bo'i rnal 'byor dang ldan pas dpung par se gol brdab pa byas la/ dza:hUM baM ho(rgyud 'grel): zhes brjod de spyan drang ngo/ /zhes bya ba'i don to/ /phyag rgya sngags dang bdag ldan zhing/ lcags kyu la sogs bdag sbyor zhing/ zhes bya ba ni/ bdag phyag rgya dang sngags dang ldan pa'i sgo nas lcags kyu la sogs pas las bya zhing ngo/ /ci zhig spyan drangs zhe na/ dza:hUM baM ho:zhes rje bdag tshur gshegs zhes ni brjod nas kyang zhes bya ba gsungs so/ /gsung ba'i bcings pas bcings nas ni zhes bya pa ni ? dam tshig dang/ chos dang las dang phyag rgya chen po rnams kyis rgyas btab pas/ dam tshig gi bcing bas bcings zhes bya ba'i don to/ /phyag rgya gang zhig gis dgug pa la sogs pa'i las bya ba/ mdzub mo gnyis zhes bya ba la sogs pa smos te/ mdzub gnyis lcags kyu'i tshul du bya ba ni/ mkhrig ma gnyis bsnol te/ mthe'u chung lu gu rgyud du sprel/ mdzub mo gnyis lcags kyu'i tshul du bya ba ni lcags kyu'i 'o/ /mkhrig
- 250b
ma gnyis mdud pa byas pa ni/ zhags pa bzhin du sbyar nas kyang zhes bya ba'o/ /de la lcags sgrog tshul du bya zhes bya ba ni/ mdzub mo gnyis gdub bus bcings pa'o/ /mdzub mo gnyis slar nang du bkug nas/ bskyod par gyur na dbang du 'gyur zhes bya ba ni dril bu'o/ /de nas mtshan ma skyes te mgu nas ni/ /thog ma tha ma med par mngon sum mthong zhes bya ba ni/ de nas zhes bya ba ni bar ma chad pa ste/ spyan drangs/ lcags kyu la sogs pas las byas/ bgegs bsang mchod par bul ba sngon du 'gro bas phyag rgya bzhis rgyas gdab/ dbang bskur ba'i rjes thogs nyid la zhes bya ba'i don to/ /mtshan ma skyes te zhes bya ba ni/ bsgoms pa dang bzlas pa bya bar bstan to/ /de'i 'bras bu khyad par mthong nas mgu nas ni/ thog mdza' med par dngos po thams cad mngon par shes pa skyes pa mthong bar 'gyur ro/ /zhes bya ba'i don to/ /de nas mthong ba la sogs pa'i lha rnams la/ arga mchog brtags gsang la sogs pa yin no/ /dbyangs snyan pa'i bstod pa'i lha rdzas kyi/ mchog gi dam pa rnams kyis legs par mchod ces bya ba ni/ arga byin gyis brlabs pa dang/ gsang ba lA skye la sogs pa brgyad dang/ bstod pa rnams dbyangs snyan pa 'bul zhing/ lha rdzas kyi mchog dam pa gong du bshad ba bum pa rnams kyis legs par mchod do zhes bya ba'i tha tshig go /'di skad du ston pa yin te dang po rdo rje 'dzin ma dang/ dpal gyi la gnyis lta bur bcings nas/ me tog gi phreng ba thogs te/ yid kyis dkyil 'khor du zhugs la chad pa dang lhag pa zhi bar bya/ me tog gi phreng ba dod mgo la bcings/ oM badzra satwa hUM zhe kyang rgyun mi chad par bzlas bya ba/ hUM mdzad kyi nga rgyal dang ldan pas sgo bzhi phye/ khrus byas dri dang phreng ba la sogs pa'i rgyan rnam pa sna tshogs
- 251a
kyis brgyan/ sa ma ya stwaM zhes brjod de stan thog tu 'dug /lce la byin gyis brlab pa nas brtsams te/ bsrung ba'i 'khor lo thams cad rdzogs par bya la/ sems can thams cad la phan pa'i phyir/ nam mkha' i dkyil 'khor bsgom par bya'o/ /de nas dril bur stong pa brtags pa dang/ mchod pa rnam pa lnga dang/ sdig pa thams cad bshags pa la sogs pa lha dang lha ma yin gyis mchod nas mi snang bar gyur pa dang/ bsam gtan dang gzugs med pa'i snyoms par 'jug pa mngon du byas nas/ 'og min du phyin nas mngon par byang chub pa lngas rdo rje dbyings su bskyed de byin gyis brlab pa dang/ dbang bskur pa sngon du 'gro ba dang bcas ste snying ga'i dkyil 'khor du/ ngan 'gro la sogs pa byas nas dkyil 'khor lus la brtags te/ nam mkha' i phyogs su gnas nas/ ri rab dang khang pa brtsegs pa la sogs bskyed de/ thabs dang shes rab kyi bdag nyid zhu ba las/ kun rig gi skur gyur nas/ thugs ka'i zla ba la lha thams cad bskyed pa las tha mi dad par bsams te bsdu ba sngon du 'gro bas/ phyag dang/ ched du brjod pa dang/ dkyil 'khor du zhugs nas byin gyis brlabs nas yang ched du brjod pa dang/ rnal 'byor pas dbang blang zhing/ lcags kyu la sogs pas las bya zhing phyag rgya bzhis rgyas btab nas/ ngan song thams cad sbyong ba'i las la sbyar te/ mchod pa bsangs la bzlas par bya ba brjod cing/ hUM mdzad kyi nga rgyal dang ldan pas sgo phye ste/ gtso bor bdag sbyor bas/ sangs rgyas rnams bsngas la/ lcags kyu la sogs pas las byas la/ rdo rje gnod sbyin gyis bgegs bsangs la/ rdo rje khu tshur gyis sgo bcad de/ bsrung bas bstan par byas la/ mchod yon dbul ba sngon du 'gro bas lha thams cad dam tshig gi phyag rgya dang/ chos kyi phyag rgya
- 251b
dang/ las kyi phyag rgya dang/ phyag rgya chen pos rgyas btab la/ lha thams cad dbang bskur ba'i phyag rgya rnams kyis dbang bskur te/ sgom pa dang bzlas brjod mthong ba snang gi bar du byas la mthong ba gsal ba dang/ arga la sogs pa mchod pa rnam pa lnga dang/ brgyad dang bstod pa dang/ byang chub sems dpa' bcu drug la sogs pa rnams kyis spha ra Na khaM zhes bya bas dbul bar bya'o zhes bya ba'i don to/ /de nas 'byung po kun gyi gtor ma bya/ /sems can bkres shing skom pa la btung ba dang/ phyogs na gnas pa rnams la rnam par brtag /de'i gtor ma ji ltar mthun par bya zhes bya ba ni/ dngos grub gsol ba'i lha rnams mchod pa/ de nas 'byung po kun zhes bya ba sems can thams cad kyi dkar gsum pa'i gtor ma bya ste/ sems can bkres pa la bza' pa dang zhes sbyar/ skom pa la btung ba dang/ phyogs skyong phyogs na gnas pa rnams spyan drangs te gtor ma sbyin/ 'khor rnams la de'i gtor ma ji ltar mthun zhing 'tsham par sbyin par bya ste/ de yang phyi rol tu gtor ma sbyin par bya ste/ 'bras chen me tog chu dang bcas zhes bya ba la sogs pa la byin gyis brlabs nas/ 'phags pa dpung bzang gis zhus pa las/ 'byung ba ltar gtor ma sbyin par bya'o zhes bya ba'i don to/ /de nas nye reg dang thod mthud byas la/ thob khung du me tog gi lha rnams spyan drangs la/ mar gyi dgang blugs la sogs pa phul la/ slar spyan drangs te/ bdag ming 'di zhes bya ba yi/ /rdo rje slob dpon thub che ba/ /sems can kun la phan pa'i phyir/ /slob ma rnams ni gzhug par bgyi/ /zhes brjod par bgyi'o/ /'di tsam gyis ni slob dpon gyi las kyi cho ga ston to/ /de nas sngags pa zheS bya ba la sogS pa slob ma gzhug pa la sogs pa ston to/ /de nas zhes bya ba ni snga ma bzhin no/ /sngags pas bla med byang chub kyi/ /gnas su slob ma yongs su smin par bya/ /'gro la phan
- 252a
phyir myur du byang chub sems/ /de dag byang chub mchog sems bskyed du gzhug /de rnams byin brlab byang chub smon lam gdam/ /zab cing rgya che ba yi chos bsgrags la/ bsrung ba byas nas brtul zhugs sngom gnas pa zhes bya ba ni/ 'gro ba la phan pa'i myur du byang chub tu 'gyur ba/ byang chub mchog tu sems bskyed pa dang/ rdo rje sems dpar byin gyis brlab cing bskyed pa dang/ sdig pa bshags/ rjes su yi rang bskul/ gsol ba gdab lam bsgom/ phyag 'tshal ba la sogs pas smon lam gdab pa dang/ lhag par gnas pa'i dus su zab cing rgya che ba'i ches bsgrags la/ bsrung bskur btags pas/ bsrung ba byas nas lhag par gnas pa dang/ dkyil 'khor du gzhug pa'i dus nyid du brtul zhugs sdom pa la gnas pa zhes bya ba'i don to/ /rang gi kha nas sngags zlos su gzhug par bya/ dar la sogs pas mig gnyis g.yogs nas ni/ rdo rje 'dzin mar dpal gyi pad+mar lag gnyis bya/ me tog rin chen la sogs de brgyan la/ g.yon gyis lag pa bkang ste bzhag par bya zhes bya ba ni/ slob dpon rang gi kha nas sngags brjod cing/ slob ma gzhug par bya ba dang/ dar dang ras dmar pos stod g.yogs dang smad g.yogs byas/ /mig gnyis g.yogs nas rdo rje 'dzin mar dang la gyi pad mor lag pa gnyis byas la/ me tog la sogs pa'i phreng bas brgyan la yon 'bul du gzhug par bya'o zhes bya ba'i don to/ /gzhug pa'i sngags bstan pa ni/ sngags ni 'di rnams yin no zhes bya ba nas/ sa ma ye hUM zhes bya ba'i bar ro/ /de nas sngags 'dis me tog la sogs pa dor bar bya'o zhes bya ba nas sa ma ya stwaM/ zhes bya ba'i bar gyis me tog dang rin po che la sogs pa dor ba bstan to/ /dor nas ci zhig byed ce na/ dngos grub tu 'gyur ba ni/ lha bzung zhing bsgrubs
- 252b
pas 'grub po zhes/ me tog rin chen la sogs pas/ gang la bab pa rigs kyi lha/ /gtso bo'i rigs de bsgrubs nas ni/ /dngos grub 'gyur te the tshom med ces gsungs so/ /de nas sngags la mkhas pa yis zhes bya ba slob dpon gyis/ sngags 'dis dam tshig sbyin par bya zhes bya ba ni/ sngags 'dis brjod pa sngon du 'gro bas/ sbyin par bya ste/ oM zhes bya ba nas/ hUM zhes bya ba'i bar ro/ /de nas 'dis dam tshig bsgrags par bya'o zhes bya ba nas/ bdag gi de nyid dang ni sngags sogs de bzhin no zhes bya ba'i bar 'di yi don ni/ /slob dpon gyi dam tshig bsgrags par bya ba dang/ 'di ni dmyal ba'i chu yin te/ dam tshig nyams na bsreg par byed/ dam tshig bsrung na dngos grub thob ces gsungs pa ni/ yang cis te dam tshig 'das na sdang zhugs pa'i ye shes kyi sems dpa' gshegs shing khros pas kyang rang gis brtsams pa bu dang tsha bo la sogs pa rlag par mdzad de/ skyon de ltar gnas pa de bas na/ rtag tu khyod kyis dam tshig dang/ bla ma'i bka' mos pas bsrung bar bya'o/ /bsrung bar bya ba de nyid gang yin na/ srog gcod pa dang/ ma byin par len pa dang/ rdzun dang/ 'dod pa la spyod pa dang/ chang btung ba dang/ sha la sogs pa bza' ba spang/ sems can gnod par sbyor ba rnams kyang mi bya/ dkon mchog gsum mi spang/ dus kun tu byang chub kyi sems dang/ snying po dang/ sngags dang/ phyag rgya dang/ lha dang bla ma mi spong/ sdig pa'i las mi bya/ bla ma'i bka' las mi 'da' lha la phul ba'i snying po dang/ bla ma'i grib ma dang/ phyag brgya'i gzugs la mi 'gom/ sngags dang lha la mi smad/ gzhan la gnod pa drag po mi bskul/ mu stegs can la mi smad/ dam pa'i chos la som nyi dang yid gnyis mi bya/ bdag gi de nyid sngags dang phyag rgyal sogs pa la yid gnyis mi bya
- 253a
ba'o/ /zhes bya ba'i don to/ /'di'i slar yang bsgrub pa'o/ /rim ni 'di yin te/ bslab pa lnga yongs su bzung ba 'am/ dge sbyong dam dge slong gi sdom pa yongs su bzung ba lhag par gnas ba'i cho ga ji lta ba bzhin du byas pas/ slob dpon gyi zhabs gnyis la phyag byas te/ 'di skad ces brjod par bya'o/ /dga' chen khyod bdag ston pa bas/ slob dpon khyod ni dgongs su gsol/ byang chub sems dpa' i tshul bstan pa/ mgon po de ring bdag 'tshal lo// dam tshig chen po de nyid gsol/ /sdom pa rnams kyang bdag la gsol/ de nas yol ba'i mthar rdo rje bsrung ba yongs su bzlas pa'i ras shin tu dmar bas stod g.yogs smad g.yogs bskon zhing/ sgo bsrungs bzlas pa'i dar dkar gyis gdong g.yogs bcings la phyag bzhi byed du gzhug go /me tog thogs pas yang slob dpon la phyag byas la/ sdig pa bshags pa dang/ rjes su yi rang ba dang/ bskul ba dang/ gsol ba gdab pa yang byas la/ 'di skad ces brjod par bya'o/ /gtso bo bdag la sdom pa gsol/ /thub pa'i nyi ma ma lus pa/ /sangs rgyas bdag la dgongs su gsol/ /bdag ming 'di zhes bya ba ni/ slob dpon dbang du gnas pa la/ /sangs rgyas rol mo las byung ba/ /mi ldog 'khor lo'i 'byor bar ldan/ /thar pa chen po'i grong khyer mchog /gsang ba chen por 'jug par bgyi/ /gsang ba'i rigs mtho thams cad du/ /slob dpon bdag ni 'jug par mdzod/ /mi ldog pa yi dbang bskur ba/ /bskal pa chen po bdag la gsol/ /mtshan rnams kun gyi rab brgyan cing/ /dpe byad rnams dang yang dag ldan/ /sangs rgyas sku ni yid 'ong ba/ /slob dpon chen po bdag la gsol/ dbang bskur chen po rmad 'byung ba/ /sems can kun gyi don bgyid phyir/ /bdag ni rtag tu slob dpon 'gyur
- 253b
slob dpon chen po bdag la stsol/ /de nas slob dpon gyis rigs la gsol ba gdab ste/ che ge mo zhes bya 'di nyid ni/ /byang chub sems ni yongs 'dzin pa/ /dam tshig mchog dang gsang ba yi/ /'khor lo 'dir yang 'jug par 'tshal/ /de nas slob dpon gyis 'di skad brjod par bya'o/ /gsang ba chen po'i rigs dag pa/ /gsang ba chen por 'dzin par ni/ /bdag nyid chen po khyod 'dod dam/ /des kyang 'tshal zhes kyang brjod par bya/ /ji ltar dus gsum mgon po rnams zhes bya ba nas/ sems can mya ngan 'das la dgod zhes bya ba'i bar du brjod par bya'o/ /yang oM sarba yo ga tsit+ta ut+tA da yA mi zhes bya bas byang chub sems bskyed nas/ snying gar rdo rje bzhag nas/ su ra te sa ma ya stwaM ha badzra sid+d+hi/ ya thA su khaM de nas badzra satwa/ zhes zlos shing rdo rje sems dpa' i dam tshig gi phyag rgya la/ rdo rje sems dpa' i byin brlabs la/ /rigs kyi dam tshig gi phyag rgya zhes/ snying ga la sogs pa bzhir byin gyis brlabs la/ dri dang me tog la sogs pas mchod la/ yon gyi mchog phul te/ phyi rol na gnas pa'i bum pas/ dbang bskur la/ sa ma ya stwaM zhes bya bas rdo rje 'dzin ma dpal gyi lag pa gnyis su shes par bya ste/ me tog gi phreng ba thogs la/ oM badzra a d+hi tiSh+Tha hUM/ oM badzra sa ma ya hUM/ oM badzra pra be sha badzra hUM/ a sa ma tri sa me ma hA sa ma ye hUM zhes bya ba 'dis gzhug par bya'o/ /de nas sgo dbye ba'i phyag rgyas snying gar phye la/ rang gi snying ga na gnas pa'i rdo rje'i dbus na yi ge a rdo rje dmar po'i 'od zer gyi phreng ba dang ldan par bsams nas/ slob ma'i snying ga nas gnas pa'i rdo rje dbus su blos bcug la/ lus thams cad gang bar bsams shing/ de bzhin gshegs pa thams cad kyis byin gyis brlabs la/ rdo rje sems dpa' bdag la 'bab par gyur cig ces smrar gzhug go /de nas sems ma rdo rje 'dzin ma'i phyag rgya bcings
- 254a
la/ 'di ni rdo rje dam tshig ste/ rdo rje sems dpa' yin par grags/ /rdo rje ye shes bla med 'di/ /da lta nyid du 'bab par shog /ces brjod du bcug la/ badzra a be sha/ a a a a A/ lan brgya'i bar du bzlas zhing dbab par bya'o/ /de nas snang ba bri bar bya'o/ /me tog gi phreng ba hUM pra tits+tsha badzra hUM zhes bya bas dor ro/ /yang na sangs rgyas dngos grub thob bya'i phyir zhes bya ba la sogs pa smos pas dor ro/ /de nas mgo la bcing ba ni/ oM pra ti grah+No swa mi maM/ satwa mahA ba la zhes bya'o/ /dam tshig bsgrags par bya ste/ 'di ni khyod kyi dmyal ba'i chu zhes bya ba nas bdag gi de nyid dang ni sngags sogs de bzhin no zhes bya ba brjod do/ /de nas oM badzra hA syong g+hA Ta ya hUM zhes bya bas/ gdong g.yogS dgrol/ oM badzra pA hya hUM/ zhes bya bas dkyil 'khor bstan/ tiSh+Tha badzra zhes bya ba la sogs pas 'jug pa'i phyag snying gar sgrol/ de ltar slob ma dkyil 'khor du zhugs pa bshad nas/ dbang bskur bar bya ba'i phyir/ mos pa brtan dang ldan pas dam bca' i zhing/ sarbba bid kyis ji ltar dbang bskur te/ bum pa la sogs ji snyed mar thogs pas/ /bcu po rnams kyis dbang bcu gcig gar bskul/ /de nas lag tu dril bu rdo rje sbyin/ /'khor lo la sogs rin chen bdun tho gsal/ /mi dbang dbang phyug 'khor lo thogs pa dang/ sdig pa gzhom phyir dbang ni bskur bar bya zhes bya ba ni sdom pa 'dzin pas/ mos pa brtan pa dang ldan par dam bcas nas/ oM sarba bid a b+hi Shany+tsi zhes brjod cing/ ji ltar gsungs pa'i bum pas dbang bskur zhing/ gzhan yang dbu rgyan dang dar dbyangs la sogs pa'i phreng ba dang/ phyag rgya dang rdo rje dang/ las kyi rdo rje dang/ 'khor lo dang/ thabs shes rab gnyis su med pa gsang ba dang/ shes rab ye shes rnams
- 254b
kyis/ dbang bskur ba ji snyed thogs pas/ bcu po rnams kyis dbang bcu ci dgar bskur ro/ /de nas lag pa g.yon du dril bu g.yas su rdo rje byang chub kyi sems dang/ stong pa nyid du brtags la sbyin/ 'khor lo rin po che la sogs pa rin po che sna bdun thogs la/ oM badzra ratna a b+hi Shiny+tsa zhes brjod cing dbang bskur bar bya'o/ /de'i phan yon ni/ mi dbang dbang phyug 'khor lo ste/ 'khor los sgyur ba'i rgyal po 'thob par bya ba'i phyir dang/ 'dis ni rin po che sna bdun gyi 'bras bu bstan to/ /thams cad kyi thun mong gi 'bras bu ni/ sdig pa gzhom phyir dbang ni bskur bar bya zhes bya'o/ /de nas bka' i dbang bskur ba dang/ las kyi dbang bskur ba yang sbyin te/ phyis bshad par bya'o/ /de ltar dbang nyi shu rtsa gcig tu 'gyur ro// ci'i phyir ji lta bu zhig ce na/ 'khrud par byed pas brten par byed pa bdag nyid gyi ngo bo dang/ phyir mi ldog pa'i sa bon la bya'o/ /sngags bsgrub phyir du mos ldan slab ma la/ sngags pas bka' ni rab tu bsgo bar bya zhes bya ba nas brtsams te/ brtser ldan dngos grub myur du 'grub ces bya ba'i bar gyis sngags bsgrub pa'i phyir slob dpon gyis bka' rab tu sgo zhing/ slob mas bla ma la yon phul te/ dam tshig sbyin pa bstan te/ go sla ba'i phyir ma bshad do/ /slar yang 'di dag gi don bshad par bya ste/ shar phyogs kyi sgo dad nye bar pad+ma dkar po la gnas pa'i 'khor lo brtsibs brgyad pa legs par bris la/ de la slob ma rang gi lhar bskyed nas/ dri dang bdug pa dang/ me tog dang/ lha bshos dang/ mar mes yang dag par mchod de/ bkra shis kyi tshogs bcad 'don cing/ rnam par rgyal ba'i bum pa las/ rdo rje khu tshur gyis chu blangs la/ oM sarba bid a b+hi Shiny+tsa maM/ zhes bya ba'i sngags 'dis/ spyi bo nas dbang bskur bya'o/ /de nas rdo rje 'dzin pa'i bum pa dang/ shar phyogs kyi ngan
- 255a
song sbyong ba'i bum pas dbang bskur zhing/ oM badzra ka la sha a b+hi Shiny+tsa hUM zhes bya ba dang/ gtso bo'i buM pas dbang bskur zhing/ bud+d+ha ka la sha/ a b+hi Shiny+tsa oM zhes bya ba dang/ rin chen tog gi buM pa dang/ oM ratna ka la sha a b+hi Shiny+tsa twaM zhes bya ba dang/ shAkya'i dbang po'i bum pa dang oM pad+ma ka la sha a b+hi Shiny+tsi h+ri zhes bya ba dang/ me tog che rgyas kyi bum pa dang/ oM karma ka la sha a b+hi Shiny+tsa a zhes bya bas dbang bskur bar bya'o/ /de nas rin po che la sogs pa'i rgyu la byas pa'o/ /dbu rgyan rigs yin na bde bar gshegs pa'i sku gtso bo yin na rin po che'i myur gu/ /oM badzra a b+hi Shiny+tsa hUM/ bud+d+ha oM/ oM ratna traM/ pad+ma h+ri/ karma a(rgyud 'grel): zhes bya bas/ oM dang a b+hi Shiny+tsa brjod pas dbang bskur bar bya'o/ /de nas rin po che la sogs pa'i phreng bas dbang bskur ba/ oM ratna mA la/ a b+hi Shiny+tsa traM traM traM traM/ oM pa Ta pA laM pa na a b+hi Shiny+tsa traM zhes brjod par bya'o/ /de nas rang gi dam tshig gi phyag rgya bcings la/ shar phyogs pa yin na/ oM bud+d+ha mu dre a b+hi Shiny+tsa a? dbus su'o/ /oM badzra mu drags b+hi Shiny+tsa hUM shar du'o/ /lho nub byang rnams su traM h+ri a(rgyud 'grel): gzhan 'gro/ phyag rgya'i dbang bskur ba'o/ /de nas dang po'i rdo rje bcings la/ oM badzra nA ma/ a b+hi Shiny+tsa hUM/ oM traM h+ri a(rgyud 'grel): zhes bya ba brjod de/ ye shes kyi rdo rje'i dbang bskur ba'o/ /las kyi rdo rje sna tshogs las su byin la/ oM karma badzra a b+hi Shiny+tsa a/ zhes bya bas las kyi rdo rje'i dbang bskur ro/ /chos kyi 'khor lo rkang pa'i bar du bcug la/ oM badzra tsakra a b+hi Shiny+tsa hUM b+h+ruM/ oM tsakra a b+hi ba titwaM a b+hi Shiny+tsa oM hUM traM h+ri a(rgyud 'grel): zhes gsum du rigs kyis dbye bam brjod par bya'o/ /'khor los dbang bskur/ de nas rdo rje dril bu gnyis 'khyud pa'i tshul du bzung la/ oM badzra d+ha ra Na/ a b+hi Shiny+tsa hUM/ rin po che'i dril bu rin chen rdo rje dang 'khyud
- 255b
pa/ oM ratna d+ha ba na/ a b+hi Shiny+tsa hUM/ pad+ma'i rdo rje dril bu dang gand+ha d+ha ra Na/ a b+hi Shiny+tsa h+ri/ sna tshogs rdo rje dril bu dang/ karma d+ha ra Na/ a b+hi Shiny+tsa a:de bzhin gshegs pa'i rdo rje'i dril bu dang/ oM sarba ta thA ga ta ratna a b+hi Shiny+tsa oM zhes bya bas rigs pa dad pa'i sgo nas thabs dang shes rab gnyis su med pa'i sgo nas dbang bskur bar bya'o/ /de nas oM sarba ta thA ga ta gu hya a b+hi Shiny+tsa oM zhes brjod de sku'i gsang ba/ oM badzra gu hya a b+hi Shiny+tsa hUM zhes brjod de thugs kyi gsang ba/ oM ratna gu hya aM ste Shiny+tsa hUM zhes brjod de yon tan gyi gsang ba/ oM pad+ma gu hya a b+hi Shiny+tsa h+ri zhes brjod de/ gsung gi gsang ba/ oM karmma gu hya a b+hi Shiny+tsa a a a zhes brjod de/ 'phrin las kyi gsang ba'o/ /gsang ba'i dbang bskur ba sbyin pa'o/ /de nas chos thams cad kyi skye ba med pa nyid bstan cing/ oM pradz+nyA sa ma ya/ a b+hi Shiny+tsa hUM zhes bya bas shes rab ye shes kyi dbang bskur bar bya'o/ /de nas ras sam grog la sogs pa la/ 'khor lo rin po che la sogs pa bdun bris la/ oM ratna a b+hi Shiny+tsa zhes dbang bskur ngo/ /de nas lag pa g.yas pas? rdo rje byin la/ sangs rgyas rnams kyi rdo rje'i dbang/ de ring khyod la bskur bar bya/ /sangs rgyas kun tu rab bsgrub phyir/ /rdo rje 'di ni khyod kyis long/ /oM badzra a b+hi pa ti twaM a b+hi Shiny+tsa mi taShi badzra sa ma ya stwaM zhes bya bas sbyin par bya'o/ a:zhes bya bas dril bu bskyed la sbyin par bya'o/ /de nas gdengs ka'i dbang bskur bar bya'o/ /oM sarba ta thA ga ta A dz+nyA te dA si mi grih+na badzra su sid+d+hi ye/ oM badzra tiSh+Tha hUM/ rjes su snang ba'o/ /yang lag tu rdo rje byin la/ las kyi dbang bskur bar bya ste/ oM sarba karma Ni ku ru bud+d+ha nA ma hUM zhes brjod de brtul zhugs sbyin no/ /de ltar dbang nyi shu rtsa gcig byin nas/ slob dpon du 'gyur ro/ /de nas slob dpon dang slob mas dkyil 'khor gyi lha rnam
- 256a
mchod de/ slob ma rnams yo byad kyis tshim par byas nas/ bstod cing mchod la/ dge ba'i rtsa ba bsngo ste/ dam tshig gi phyag rgya bkrol nas gshegs su gsol te/ maN+Dal phyags te/ chu bo chen bor dor nas/ bskor ba dang/ sprul pa'i cho ga lus la bsrung zhing/ ci bder gnas par bya'o/ /dkyil 'khor thams cad du 'jug pa'i cho ga'o/ /de ltar dbang dang dam tshig thob pa rnams/ dngos grub la bslab par bya'o zhes bya ba'i don 'di bstan pa zhes bya ba'i phyir/ de nas bcom ldan 'das kyis zhes bya ba la sogs pa ston to/ /de nas zhes bya ba ni snga ma bzhin no/ /bcom ldan 'das kyis gsungs so zhes bya bar sbyar ro/ /ci'i phyir zhe na/ lha rnams kyis dbang po brgya byin gyis/ lha'i 'jig rten dang bcas pa rnams kyi don dang/ phan pa dang/ bde ba'i phyir zhes bya'o/ /gang zhig gsungs zhe na/ sprul pa'i cho ga 'di zhes bya ba smos te/ 'di sgrub pas na sgrub pa ste/ byed pa 'am rgyu'i cho ga zhes bya ba'o/ /bsal zhes bya ba la sogs pa la/ ras kha tshar brgyad ? rin la brtsegs pa med par nyos la/ sbyin med pa'i tshon rtsi rnams kyi/ bcom ldan 'das kun rig sngar bshad pa bzhin du/ seng ge'i gdan la rdo rje sku'i krung gis bzhugs pa/ zla ba ltar dkar ba zhal bzhil ting nge 'dzin gyi phyag rgya dang ldan pa/ rgyan rnam pa sna tshogs kyis brgyan pa bri bar bya'o/ /g.yas phyogs su ngan song spyod ba/ rgyan kun gyis brgyan pa ba mo'i mdog lta bu/ ting nge 'dzin gyi phyag rgya can bri bar bya'o/ /g.yon phyogs su shAkya thub pa mdog dmar po chos kyi 'khor lo'i phyag rgya can bri bar bya'o/ /ngan song sbyong ba'i 'og tu spyan ras gzigs dbang phyug mdog zla ba lta bu/ phyag g.yon pad+ma bsnams pa phyag g.yas pad+ma 'byed pa bri bar bya'o/ /shAkya thub pa'i 'og tu phyag na rdo rje mdod
- 256b
nam mkha' lta bu/ g.yas na rdo rje bsnams shing thugs kar 'jog la/ g.yon snyen pa'o/ /de gnyis kyi bar du sman gyi lha mdog sngon po/ phyag g.yon na 'bras bu a ru ra bsnams pa/ g.yas mchog sbyin can no/ /rta mgrin dang/ khams gsuM rnam rgyal gnyis mdog dmar po dang sngon po/ rang gi lha la brten par bri/ de gnyis kyis bar du/ lau tsA na dang/ mA ma kI dang/ gos dkar mo dang/ sgrol ma rnams rang gi spyan la sogs pa lag tu thogs pa bri/ de bzhin gshegs pa ni rdo rje skyil mo krung gis bzhugs pa'o/ /lha mo ni sems dpa' i skyil mo krung gis bzhugs pa'o/ /de dag gi 'og tu pad+ma'i rdzing bu dang/ de'i nang na chu srin dang/ nya dang/ rus spal dang/ sbal pa dkar po dang/ nya 'khar ba dang/ dung dang/ ping dang/ srog chags du ma yod pa dang/ de nas chu las skyes pa'i me tog du ma yod pa dang bcas pa bri bar bya'o/ /bdug pa dang/ mar me dang/ dri dang/ phreng ba dang/ gos dang/ me tog dang/ 'bras bu sna tshogs pa bri/ de'i 'og tu sgrub pa po nyid thal mo sbyar te/ phyag 'tshal pa'i tshul gyis 'dug pa bri/ de nas ri mo'i gzugs de/ bsnyen pa dang bcas pas mngon par mchod de/ sgrub pa po bdag nyid kyis rab tu gnas par bya zhing mnga' phul/ spyan dbye bar bya ste/ 'di ni 'di nyid kyi cho ga las shes par bya'o/ /bden pa la byin gyis brlab pa dmigs par bya'o zhes bya ba ni bden pa ste/ spyan dbye ba'o/ /byin gyis brlab par dmigs pa ste/ mtshan ma la'o/ /de nas cis ste mtshan ma zhig mthong na ni myur du dngos grub 'thob par 'gyur ro/ /'on te ma mthong na ni ring mo zhig nas dngos grub tu 'gyur zhes bya ba ni/ mtshan ma dang ldan pa dang mi ldan pa'i las so/ /mtshan ma gang zhig yin zhe na bzhad pa dang ni rnga sgra dang/ dril bu'i sgra dang 'brug sgra dang zhes
- 257a
bya ba mchog gi mtshan ma dang/ de bzhin dge slong bram ze dang/ zhes bya ba'i 'brang gi mtshan ma dang/ 'bras bu mthong na zhes bya ba mtshan ma tha ma las/ go rim bzhin du/ myur du mchog dang bar dang tha mar 'grub ces bya'o/ /de nas gzugs de zhes bya ba la sogs pas bsnyen pa dang/ sgrub pa dang dngos grub ston te/ gzugs byin gyis brlabs te zhes bya ba ni/ ye shes sems dpa' bcug pas so/ /sngags dang phyag rgyas byin gyis brlab dbang bskur nas zhes bya ba'i don to/ /ci bdog pa yis mchod par bya/ /rtag tu mngon sum 'dug nas kyang zhes bya ba ni/ mchod pa sna tshogs kyis mchod cing/ rnal 'byor gyis dus su rgyun mi 'chad par spyan sngar 'dug ces ston to/ /'jig rten gsum las rnam rgyal gyis/ /bdag bsrung la sogs byas nas kyang/ /bdag gi de nyid dran byed cing zhes bya ba ni/ hUM bzhi'i sngags kyis bdag bsrung ba dang/ khrus kyi chog sngon du 'gro baS/ dkyil 'khor lus la brtags pa'i mthar thug pa byas la/ 'bum phrag gsum mam yang na drug /dngos grub mtshan ma byung bar du/ bzlas par bya'o/ /de na dben pa'i gnas su ni/ /brgyad brgya nyid du tshang bar bya/ /sngags ni 'khral 'khrul med par bzlas/ /zhes bya ba ni/ gnas dben par snga ma nyid kyi chogs brgyad brgyar sngags gug skyed? dang/ rtseg par la sogs pa chad lhag med par bzlas zhes bya ba'i don to/ /de ltar bsnyen pa bstan nas/ de nas bzlas pa'i mjug tu ni/ /dkyil 'khor snga ma bzhin bsam la/ /mchod pa rgya cher byas nas kyang/ /mtshan gcig thog thag bzlas par bya zhes bya bas sgrub pa bstan te/ bzlas pa rdzogs pa'i mjug tu dkyil 'khor snga ma bzhin du bsams la/ ting nge 'dzin gsum dang ldan pas/ mtshan thog thag bzlas brjod byas
- 257b
nas 'bras bu bstan pa ste/ cis ste gtso bo 'am de yis zhes bya ba la sogs pas ston to/ /ci ste gtso bo 'am dang/ byang chub sems dpa' dang/ 'jig rten pa mthong ba las/ dngos grub rab 'bring gsol ba btab par bya ste/ phyag 'tshal nas dngos grub blang bar bya'o/ /gal te 'bring ngam tha ma'i dngos grub mig sman la sogs pa yin no/ /bla ma dang dkon mchog la skal pa re re phul nas/ lhag ma bdag spyad dbul ba'i zhing med na bdag nyid kyis spyad/ mchog gi dngos grub yin na/ sems can la phan par brtson pa bskal pa du mar gnas par 'gyur ro/ /ci ste dngos grub 'thob na/ las thams cad 'grub par 'gyur te/ gnod sbyin rgyu skar gdon la sogs pa tshig tsam gyis bran bzhin du zhi ba la sogs pa'i las byed par 'gyur ro zhes bya ba'i don to/ /sdig pa chen po byas pas sems can dmyal ba la sogs pa'i dbang du gyur pa thabs sla bas grol ba bstan pa'i phyir/ de nas zhes pa la sogs pas bstan to/ /de nas lha rnams kyi dbang po brgya byin gyis bco ldan 'das la 'di skad ces gsol to/ /bcom ldan 'das sdig pa bgyis pas sems can dmyal ba la sogs pa'i dbang du gyur pa rnams ji ltar na dmyal ba la sogs pa'i sdug bsngal spang ba'i slad du bsgrub par bgyi zhes bya ba ni/ shi ba rnams ji ltar sbyang ba'i don to/ /bcom ldan 'das kyis bka' stsal pa/ lha'i dbang po nyon cig /sems can dmyal ba la sogs pa'i dbang du gyur pa'i sems can sdig pa chen po byed pa de dag ci nas kyang sems can dmyal ba'i sdug bsngal las/ thabs sla bas grol bar 'gyur ba nyon cig /zhes bya ba ni nyon la zung zhig pa'i don to/ /thabs de nyid de bzhin dkyil 'khor bris nas ni/ /de ltar yang na buM pa la/ /brgya rtsa brgyad du bzlas nas ni/ /dbang bskur ba ni rab tu brtag /ces bya ba sngar bshad
- 258a
pa bzhin du/ bsnyen pa dang/ sa'i cho ga dang/ lha rnams mchod pa la sogs pa byas nas/ bum pa la sngags bzlas te/ lho sgo'i cho ga sngon du 'gro bas dkyil 'khor du bcug cing sngar bshad pa bzhin du dbang bskur ba zhes bya ba'i don to/ /de'i 'bras bu de nas sdig pa kun spyangs te/ dmyal ba la sogs sdug bsngal las/ de ni myur du thar par 'gyur/ sdig las rnam par grol bdag nyid/ /dag par gyur pa'i lha rnams kyi/ /rigs su skye bar gyur nas kyang/ de ni rtag tu sangs rgyas dang/ /chos 'gro ba ni 'thob par 'gyur/ /phyir mi ldog pa'i sa la gnas/ /rim gyi byang chub 'thob par 'gyur zhes bya ba gsungs so/ /de yang ci zhig las dbang bskur zhe na/ de yi gzugs brnyan dri bar ni/ /gur gum gyis ni ming byang rug zhes bya ba gsungs so/ /de ci'i phyir zhe na/ ngan song kun gyi 'jigs? chen las/ sems can rnams ni dgrol ba'i phyir zhes gsungs te/ su zhig gis zhe na/ sngags mkhan gzhan la phan brtson zhing/ snying rje can gyis dbang bskur ro/ zhes bya ba gsungs so/ /des ni thabs dang po bstan to/ /gzhan yang de nas rnal 'byor can gyis ni/ sngags dang phyag rgyas de dbang bskur/ /lha yi gzugs su brtags nas kyang/ /mchod rten dbus su bzhag par bya zhes bya ba ni/ gzugs ? la sogs pa mdun du bzhag la/ lce dang lag pa byin gyis brlabs pa nas bzung ste/ bsrung ba'i 'khor lo dang/ nam mkhar dkyil 'khor bsgom pa dang/ mchod pa rnams kyis mchod de/ ji lta ba'i go rim gyis mngon par byang chub pa mngon du byas nas/ babs te dkyil 'khor bsreg byas te/ gzugs brnyan la sogs pa la 'od zer gyis shes pa bcug ste/ sdig pa 'joms pa la sogs sngon du 'gro bas/ rang gi snying gar ji lta ba bzhin du
- 258b
bcug ste/ rdo rje dbyings kyi dbang phyug mas byin gyis brlabs la/ sngags dang phyag rgyas dbang bskur te/ mchod rten gyi dbus su bzhag par bya'o zhes bya ba'i don to/ /gzhan rang gi lha 'am lha gzhan gyi/ snying po snying gar bris nas kyang/ lha 'dra bar ni sems bskyed de/ byim gyi nang du bzhag par bya zhes bya ba ni dbang dang dam tshig thob pa'i rnal 'byor pa shi bar gyur na/ shes na rang gi lha'i snying po snying gar bri/ lha dang 'dra bas sems kyis brtag /ma shes na lha gang yang rung ba'i snying po snying gar bri?/ lha 'dra sems kyis brtag /khyim mam/ dur khrod dam/ 'chad pa'i nang du bzhug par bya ste/ 'di ni thabs sla ba gsum pa'o/ /gzhan yang de nas smos nas ni/ /gur gum bzang pos sngags bris la/ /rim gyi 'bum ni tshad tsam du/ /mchod rten las ni rab tu bya/ /sdig can sdig ni zang bya'i phyir/ /bye ba snyed ni tshang bar bya/ /des ni nges par dmyal gnas nas/ /de byas pas ni grol bar 'gyur/ /yi dags byol song sdug bsngal las/ /grol nas lha yi nang du skye/ /zhes bya ba ni/ de'i ming nas brtsams te/ sngar bshad pa'i sngags/ oM sarba bde ces bya ba nas/ ba zhes bya ba'i mthar thug pa/ gur gum bzang pos/ ras sam khro ba nag pos byas pa la/ 'bum tshang bar tse ta? byas te/ mchod rten gyi las bya'o/ /sdig pa bzang par bya ba'i phyir bye ba snyed du gdab par bya'o/ /de ni dmyal ba dang/ byol song dang/ yi dags las grol te/ lha'i gnas su skye'o/ /zhes bya ba'i don to/ /'di'i don ni cho ga nyid las shes par bya'o thabs ? pa'i? gzhan yang de'i ming nas brjod nas ni/ /'bum phrag stong ngam yang na ni/ /brgya phrag stong du chang ba dang/ /bye ba snyeng du rab bzlas na /lha yi gnas su skye bar nges zhes bya ba ni/ sbyor ba dang po dang/ dkyil 'khor rgyal mchog dang/ las kyi
- 259a
rgyal po mchog dang/ sgo dbye ba sngon du 'gro bas/ de'i ming thog mar smos te/ gong du bshad pa'i sngags 'bum phrag stong dang/ brgya phrag stong tshang ba dang/ bye ba snyeng du bzlas te/ dkyil 'khor chen po la mchod pa sngon du 'gro bas mtshan thog thag bzlas na/ lha'i gnas su nges par skye zhes bya ba'i don to/ /thabs sla ba lnga pa'o/ /de nas gzhan yang de'i ming nas brjod nas ni mkhas pas 'bum phrag rgya'am ni/ yang na stong phrag brgya snyed du/ sbyin sreg byas par gyur na ni zhes bya ba ni thabs khung ji lta ba bzhin du brkos te/ rdzas bzhag cing bsang ba byas nas rang lhar bskyed de/ chos kyi yi ge las thab khung byin gyis brlabs la/ pa dang sha ba ko ba'i bud shing brtsigs te/ rgyun bzhag gi me spar nas me lha spyan drang ba sngon du 'gro pas dgang blugs la sogs pa phul te 'bar ba dang tha mi dad par 'gyur ba'i me lha 'am/ yang ni me lha'i snying gar rdo rje sems dpa' la dgang blugs la sogs pa phul ba/ sngags dang ming spel? te/ til gyi sbyin sreg gis mkhas pas 'bum phrag brgya 'am/ brgya phrag stong snyed du sbyin sreg byas la/ lha rnams gshegs su gsol ba'i cho ga byas nas ni/ zhes bya ba ni don to/ /de'i 'bras bu ni dmyal ba chen por gyur pa yi/ sdig pa de las thar par 'gyur zhes bya'o/ /yang dus ji srid du zhe na/ ji srid mtshan ma shin tu ni/ /'bar ba'i gnas su skye bar 'gyur/ mtshan ma yang dag 'byung bar du zhes bya ba de srid du'o/ /rdzas ci zhig zhe na/ til dang yungs kar 'bras rnams dang/ /ba yi 'o mar ldan pa dang/ /dri yis bskus pa'i yam shing dang/ /cho ga bzhin du sbyin sreg bya zhes gsungs so/ /sdig pa las thar pa'i mtshan ma ni/ de yang de ni nges par yang/ /lha yi gnas su skyes 'gyur nas
- 259b
de yi mtshan ma ston par byed/ /yang na lha yi mchog tu gyur/ /yang na hoM khung nang du ni/ /me yi ltas ni ston byed cing/ /lha yi gnas su skye ba dang/ /sdig pa bcom pa'i mtshan mar ni/ /dkar po nyid dang g.yas su 'bar/ /gyen du 'bar zhing dri ma med/ /? zhing rnam par mi 'gro la/ /brtan la klo ga bzhin dri ma med/ /yang na me lha nyid kyis ni/ /bdag nyid de nyid sten byed cing/ /zla ba dri med dkar 'dra la/ /bzhi mdog dkar zhing lha mer 'bar/ /des na mtshan ma 'di dag gis/ /dmyal ba la sogs rnam grol zhing/ /sdig pa bcom nas bde 'gror ni/ /skyes pa yin par shes par bya zhes bya bar ni/ thar pa'i mtshan ma yin no zhes bya ba'i don do/ /thabs sla ba drug pa'o/ /gzhan yang khru bzhi pa yi tshad du ni/ /cho ga bzhin du khung ? la/ rdo rje tha mar brkos? pa yi/ /'khor lo dbus su dri bar bya/ /rigs lnga yin ni phyag rgya rnams/ /ji bzhin pa yi phyogs su bri/ /ji bzhin sems dpa' rnams kyang ni/ /'jig rten rtse la sogs pa bri zhes bya ba ni dang por stegs bu'i chad khru sum cu rtsa gnyis la sogs pa/ brtsigs la/ khru bzhi pa'i smad du zabs su khru do pa'i tshang gyi khung du brkos la/ sor bcu drug pa'i phyi rol du sor bcu drug yod pa'i mthon dman ldan pa/ de la rdo rje rtse gsum pa'i phreng bas bskor/ de'i dbus su 'khor lo rtsibs brgyad pa rdo rje rtse gsum pas bskor bar bri/ /lte ba la sogs rnams su rigs lnga'i phyag rgya rnams shar la sogs pa ji bzhin pa'i phyogs su rang bzhin du bri/ de'i phyi rol du 'khor lo rtsibs bcu drug pa/ sems dpa' bcu drug gi rdo rje la sogs pa bri/ de'i phyi rol grwa dang sgo rnams la/ lA sye dang lcags kyu la sogs pa'i phyag rgya bri/ khyams kyi nang du byams pa la sogs pa'i phyag rgya bri/ phyi rol gyi khyams la rim pa dang po dang gnyis pa dang gsum
- 260a
la/ rdo rje la sogs pa dang/ par bu dang gseg shang dang/ 'khor lo rnams bri bar bya'o/ /sgo rnams la khro bo'i phyag mtshan rnams bri bar bya'o/ /'jig rten gtso dang ma mo dang/ mkha' 'gro rnams kyi thig le dang/ ming du bri bar bya'o zhes bya ba'i don to/ /yang bya dang bum pa gang ba dang/ gtor ma'i gnod rnams bkang ba brgyad dang bcu drug rnyed dag /bza' ba dang bca' ba'i bshos dang/ me tog gi phreng ba dang/ bla re rgyal mtshan dang/ dar dang lnga ldi? rnams bzhag par bya'o/ /dkyil 'khor dam par sbyin sreg gi phyir bzhag pa yin no/ /cho ga shes pas bris nas kyang/ /lha rnams mang po spyan drangs pa/ /zhes bya ba ni cho ga shes pas phyag rgya'i dkyil 'khor bris nas te/ thugs kyi rang bzhin ston cing dngos po mtshan ma bsregS pa ni/ thugs gcor gyur pa'i phyir ro/ /kyang zhes bya ba ni lhag chad zhi ba sngon du 'gro bas ting nge 'dzin gsum dang/ bzlas brjod byed cing sgo dbye ba bsdu'o/ /lha rnams mang po spyan drangs pa ni/ bsdu zhing lcags kyu la sogs pas las byas pa'o/ /sngags zhes pas ni sngags phyag rgya/ arga phul ba zhes pas kyang zhes bya bas ni mchod yon dgul ba sngon du 'gro bas phyag rgya bzhes rgyas gang ba/ dbang bskur bas kyang zhes pas ston to/ /mdor na mchod pa byas nas ni zhes bya ba ni sna tshogs pa'i mchod pa bsdun mchod par 'dus pas/ de skad ces bya'o/ /lha yi sbyor bas rab gnas la/ zhes bya ba ni/ lha'i nga rgyal gyis gnas pa'o/ /de lha'i sbyin sreg gi tshe na/ lha rnams mchod nas rdzas bstan pa'i phyir/ ga pur gur gum la sogs pas/ /mar dang 'o ma til bsgos la/ /til dang yungs kar 'bras rnams la/ /dri yi chus ni legs bkang ste/ /'bras chan yos dang
- 260b
la du dang/ /bdud rtsi ka rar ldan de bzhin/ /brgya phrag du mar yongs bzlas la/ /yaM shing la yang de bzhin te/ /rang gi sngags kyis btab pa'i shing/ /khung bu'i nang du gzhug par bya zhes bya ba la rdzas de rnams kun la/ oM sarba bdi ces bya ba nas/ b+ha zhes bya ba'i bar gyi sngags brgya phrag du mar bzlas shing/ sngags de nyid btab pa'i shing bshad dang/ bkod pa mchod rten gyi dbus su brtsig par bya ba'i don ro'i bya ba bstan pa'i phyir/ dang po re zhig ngan 'gro las dgug cing sdig pa sbyangs la/ bye ma dang nyungs kar gyis spangs te khrus byas la/ yang sa stegs sngon po'i steng du bzhag pa las bum pa sngon pos bkru zhing/ 'gro ris dang lam bstan te/ me tog gi char phab la/ slob ma gzhug pa'i cho ga ji lta ba bzhin du/ dkyil 'khor du bcug la bum pa la sogs pa bsdus te/ 'khor lo rtsibs brgyad dam pad+ma la bzhag nas rang gi lhag pa'i lhar bskyed de/ chu mchog gis ni bkrus la/ dris byug cing rgyan sna tshogs pa btags la sngags kyis btab pa'i bdug pa la sogs pas bdug cing mchod pa'i khyad par gyis mchod cing/ rol sngags kyis btab nas ni/ chu mchog gis ni bkru bar bya/ /bzlas pa'i dri yis byug par bya/ /gos dang rgyan gyis kabs nas kyang// sngags kyis btab pa'i bdug pas gdugs/ /me tog? phreng ba sogs pas mchod ces bya ba 'di bstan to/ /de 'ba' zhig tu ma zad kyi/ gtsug phud dpung par de bzhin du/ sngags bri bar ni gdags par bya zhes bya ba ci sngags bris pas gdags par mdong bstan to/ /snying ga lkog ma kha phyogs su/ /sarbba bida? kyis byin gyis brlab ces bya ba ni rdo rje'i phyag rgya bcings te/ oM sarba bida badzra a d+hi tiSh+Tha dz+nyA na sa ma ye hUM zhes bya bas snying ga lkag ma'i phyogs la sogs pa rnams su
- 261a
byin gyis brlabs te/ mdor bstan pa'o/ /sngags bri ba dang byin gyis brlab pa gnyis bshad pa ni/ dpral ba mdzod spu rna ba gnyis/ /mgo bo gtsug bud dpung pa gnyis/ /sna dang rked pa pus mo bol// long bu sna yis rtse mo dang/ /mig gnyis dang ni gsang ba yi/ /dbang po rnams kyi gnas dang ni/ /de ltar gzhan du yi ge sngags/ /mchog tu dge ba rnams bshad do/ /zhes bya ba ni/ gnas bco brgyad du 'god pa ste/ yi ge zhes bya ba dang/ sha'o/ sngags zhes bya bas sarba bid la sogs pa'o/ /mchog tu dge bar byed pas na de skad ces bya'o zhes bya ba'i don to/ /de nas ro bsreg pas rang lhar gyur pa tsam zhig lus pa'i phyir/ ngan song sbyong ba'i phyir lhar bskyed pa ste/ 'dis ni kun rdzob mi dga' ba dang/ don dam par mtshan ma las 'das pa shes par bya ba'i phyir ro/ /yang na don dam par shes par bya ba'i phyir/ skra dang thal ba la sogs pa bsregs pa'i rdzas su dbul ba ni/ rgyud phyi ma las ston to/ /de nas lhar bskyed de/ de nas ngan song sbyod ba'i phyir/ stan dang bcas te thab dbus su/ /bzhag pa nyid du bya ba yin/ /de nas sngags 'chang sngags kyis ni/ /btab pa'i gos kyis g.yog par bya zhes bya ba yin no// me dang mchod pa'i bya ba bstan pa'i phyir/ de nas byin zhes bya ba la sogs pa smos te/ ro dbus su bzhag pa de nas byin za dge ba rgyun bzhag gi me blangs la/ rlung yab kyis sbar la rang gi chos kyi yi ge las thab khung byin gyis brlabs te/ mar gyis sbar la/ byin za de yang ji lta bu yin zhe na/ me lce stong gi bkra shis 'bar ba'i lus su gnas pa la/ zla ba ltar dkar zhi ba'i lus so/ /bsams pa'am zhe na mdza' yas pa'i sems la zhes bya'o/ /de nas argas mchod/ bla ma
- 261b
mchog ldan pa'i mdun du gzugs mchog bzhag /'bras bu 'thob par 'dod pa yis/ /me tog gis ni de bzhin gshegs pa spyan drangs la/ mchod yon sngon du 'gro bas mchod pa lngas mchod de/ de nas me lha la/ sreg bya rnams kyis mchod/ sbar ba'i phyir ro/ /de nas sreg bya rnams kyis lha thams cad la brgya rtsa brgyad brtag /gtso bo la nyi shu rtsa gcig brtag /de nas me lha gtso bo la sogs pa gshegs su gsol te/ yo byad lan gsum dbul/ de nas phyag na rdo rje pad+ma dkar zhal/ arga la sogs pas mchod de/ de yang phyag na rdo rje dang pad+ma 'dzin cing gnyis kyis zhags pa bsnams pa/ khams gsum rnam rgyal gyi gzugs zhabs kyi pad+ma dang mahA de ba u ma de ba dang bcas pa mnan pa rgyan pa rdzogs pa/ sangs rgyas kyi dbu brgyan khyad par can/ sems sam yid kyis bris pa'ang rung ba de'i snying po hUM zhes bya ba dang/ tshe 'das pa shAn+tiM ku ru zhes bya ba dang/ til gyi sbyin sreg byas nas/ stong dam bye ba'i tshad du 'am/ mtshan ma 'byung bar de srid kyi bar du sbyin sreg byas la/ sdig can gyi rgyud dag par shes nas me lha'i phyag rgya dgrol de gshegs nas me lha mchod de bzod par gsol/ de nas gshegs su gsol bar bya'o/ /de ltar mchod pa bya ba bstan nas/ thal ba'i bya ba bstan pa'i phyir/ de nas thal bar gyur ba dang/ rdo rje bsdu ba'i sngags kyis ni zhes bya ba saM ha ra Na badzra zhes bya bas so/ /cho ga bzhin du bsdu bar bya/ /thal ba de dang rus pa rdul/ sngags kyis btab pa'i dri chu dang/ /bskyes 'o ma la sogs lngas/ /spyod ba'i sngags kyi blo ldan gyis/ /'bum du bzlas pa brjod nas ni/ /ga bur dri dang bsgos pa yis/ /'dag pa dang ni bsres nas kyang/ /gzugs su bya ba 'am yang na ni/ /mchod rten gyi ni lhar byas nas/ /gcig gam
- 262a
gnyis sam gsum mam lnga/ /yang na brgya rtsa brgyad du 'am/ sngags dang phyag rgya btab nas kyang/ 'bum phrag nyis brgya'i bar du bzlas zhes bya ba la gzugs su zhes bya ba sku gzugs su'o/ /sngags dang phyag rgyas btab ces bya ba spyan dbye ba nas zhes bya ba'i don to/ /de'i mtshan ma ni de nas mchod rten 'bar 'gyur tam zhes bya ba la sogs te/ de lta bu mthong bar 'gyur ro zhes bya ba'i don to/ /ci ste mtshan ma de dag ni/ sdig can blo yis ma mthong na zhes pa ni/ rnal 'byor pa rgyud ma dag pas ma mthong na'o/ /'bum gyi phrag ni brgya stong ngam/ ji srid mtshan ma byung bar du/ /de bzhin gshegs pa mchod nas ni/ /mnyam par bzhag pas bzlas par bya/ /de yi mthar ni mkhas pas kyang// mtshan cig thog thag mi nyal zlas/ /zhes bya bas ni/ sdig pa shin tu che bas dang po dang gnyis pa la mchan ma mthong na/ 'bum phrag brgya bzlas brjod byas te/ mtshan thog thag mi nyal bar bzlas zhes bya ba'i don to/ /sgrib pa shin tu chung ba rnams ni ro bsreg pa'i dus su'o/ /sdig pa can rnams ni 'bum phrag nyis brgya'i dus na'o/ /shin tu sdig che ba rnams ni 'bum phrag stong gi dus na ma byung nas sdig pa nyid dag par mthong ste/ lha'i lus su gyur la rang gi rgyud du ? ?de byas pa dang/ snying rje ldan pas las thams cad byed par 'gyur ro/ /zhes bya ba'i don to/ /thabs bdun pa'o/ /de ltar ro yod pa'i dbang du byas pa bshad nas/ da ni ro med pa'i dbang du byas pa'i thabs bstan pa/ yang na med par gyur na yang/ bzlas shing bsgom pa'i tshul gyis ni/ /ming tsam legs par bris nas kyang/ /mchod rten phreng ba bya ba dang/ /yang na gzugs su bris kyang rung/ /sbyin sreg mngon par dbang bskur nas/ /zhes bya ba ni bzlas shing shes pas bzlas
- 262b
brjod dang/ mchod rten phreng ba'i gzugs su bya/ /sa tshad dang/ sbyin sreg bya ba ming bsreg pa dang/ sbyin sreg dang/ mngon par dbang bskur na zhes bya ba mchod rten gyi dbus su gzhug pa dang/ khyim du bzhag pa dang/ dbang bskur ba nyid dang ro bdun med kyang bsgrub pa'o zhes bya bar ston to/ /snga ma bzhin du 'bras bu ni/ gdon mi za bar bde 'gror skye zhes bya'o/ /gzhan yang thal ba nyungs kar bye ma sogs zhes bya ba/ /thal ba dang nyungs kar dang/ bye ma dang/ me tog la/ rang gi ming smos/ sngags btab nas zhes bya ba la/ ming nas thog mar smos te/ ro la sogs pa la bya ba byas nas song nas kyang/ phyi'i rgya mtshor 'bab pa'i chu klung du dor zhes bya ba'i don to/ /de'i 'bras bu de ltar na'ang sdig can yang// ngan 'gro las ni thar 'gyur na zhes bya ba dman pa la yang thar par gsungs na zhes pa'i don mchog rnams smos kyang ci zhig dgos zhes dge ba'i mchog ni bskyed pa dang zhes bya ba la sogs pa gsungs so/ /sdig pa nges pa can rnams ni thabs cis kyang mi grol bar/ dge ba'i rtsa ba ma bskyed par zhes bya ba nas/ bde gshegs rgyal ba nyid kyis gsungs zhes bya ba'i bar du ston to/ /de ltar thabs brgyad pa ston to/ /thams cad kyang thabs sla bas grol bar 'gyur ba yin no/ /de nas zhes bya ba la sogs pa la/ brgya byin la sogs pas bka' stsal pa bden pa nyid du byas nas/ nor bu dri ma med pa thar te/ dga' ldan du skyes nas grags pa chen po lhar bcas pas de bzhin gshegs pa la tshe 'di nyid la mchod pa'i phyir sems bskyed de/ lha rdzas sna tshogs kyis dga' ba'i tshal kun tu gang bar byas so/ /lha'i bu ni ma mthod ba lha rdzas mthong ba rnams kyis ya mtshan che bar gyur nas/ 'di ci la sogs zhes ngo mtshar che bar
- 263a
zhus pa dang/ bka' stsal pa dri ma med pa'i 'od yin no/ /zhus pa ngo mtshar che'o/ /lha rnams kyis kyang zhus pa/ dkon mchog la khyad par can du sngags nas lta bar 'tshal lo zhes gsol ba btab nas 'od kyis snying bskul te/ 'od mi snang bar gyur nas/ rdzu 'phrul chen pos dga' pa'i tshal snang bar byas nas/ bla ma gnyis ma gtogs pa zil gyis mnan na ched du brjod pa ched du brjod do/ /pad+ma sgra snyan pa 'byin pa byung ba dang/ ya mtshan skyes te bsam yas brjod nas lta bar 'chal bar zhus pa dang/ bla ma 'od kyis snying bskul te/ 'od mi snang par gyur nas/ bla ma gnyis ma gtogs pa thams cad g.yos te/ ngo mtshar che ba'i don zhus pa/ khyad par lnga'i mchod pas mchod de/ mi snang par gyur to zhes bya ba ste/ nor bu dri ma med pa dga' ldan du skyes pa bstan to/ /de nas brgya byin dang zhes bya ba la sogs nas/ bag yod par bsgrubs shig ces bya ba'i bar gyis brgyud gtang pa bstan/ thams cad la phan pa'i phyir rgyud gtad ba bstan/ de ltar rtsa ba'i rgyud phyag rgya chen po de bzhin gshegs pa'i rigs longs spyod rdzogs pa'i sku la sogs pa'i gtso bor gyur pa bstan pa'o/ /ci'i phyir rtsa ba'i rgyud du mdzad cen/ lha thams cad kyi sku dang/ gsung dang/ thugs dang/ 'phrin las dang/ yon tan dang/ /lnga rtsa ba dang por ston cing ldan pas na? ba'i rgyud ces bya'o/ /de yang ji skad du brgyad ces bya'o/ /de yang ji skad du gsang ba lnga ldan gang yin pa/ /dang po nyid du bstan pas na/ de ni rtsa ba'i rgyud ces bya/ ces gsungs pa'i phyir ro/ /ci'i phyir rgyud ces brjod ce na/ rgyud ni rgyun chags zhes bya ste/ 'khor brgyud du 'dod pa yin zhes gsungs bas rgyun chags pa'am/ 'khor ba'i phyir rgyun ces bya'o/ /de ltar rtsa
- 263b
ba'i rgyud bstan nas// //da ni de nas zhes bya ba la sogs pas/ rgyud phyi ma ston te/ ci'i phyir phyi ma ni/ ci'i phyir phyi ma zhes bya zhe na/ snga ma las byung zhing de nyid gsung ba spas pa shes ba'i phyir/ rgyud phyi ma zhes brjod par bya'o/ /de yang ji skad du/ phyi ma snga ma las byung ste/ de nyid gsang ba sbas shes pa/ /rgyud ni phyi mar brjod pa yin zhes gsungs pa'i phyir ro/ /'dis rgyud phyi ma'i phyi ma ni/ dga' ba'i tshal 'di nyid du gsungs par shes par bya ste/ ma'i yul du babs pa la sogs pa la khyad par ma bshad pa dang/ phyis 'dzam bu gling 'di nyid na zhes gsungs pa ni/ ri rab lho phyogs la dgongs pa dang/ yang phyis mi dang rjes yi rang ngo zhes bya ba gsungs pa ni/ rdzu 'phrul gyi mngon par shes pa dang ldan pa yin pas sprul pa'i sku mthong ba'i phyir 'gal ba med pa kho na'o/ /la la dag gnas gang du 'chad pa de dag gis bshad pa'o/ /lung brjod dgos te lung med pa kho na nyid yin te/ de nyid kyis gdan kyang mang shad pa'i phyir ro/ /rigs pa ni shin tu lkog du gyur pa'i phyir mi thad pa nyid de/ de nas zhes bya ba ni dang po'i sbyor ba'i rjes thogs la'o/ /'dir dang po'i sbyor ba'i ting nge 'dzin ni rtsa ba'i rgyud du bshad pa las phyag na rdo rjes sngar bshad pa'i yon tan gyi khyad par dang bcas pa'o/ /bcom ldan 'das byang chub sems dpa' sems dpa' chen po phyag na rdo rje zhes bya ba ni/ ye shes kyi rdo rje rtsa lnga pa phyag gi mthil na gnas pa bzhin du 'dzin pa 'am phyag na rdo rje nyid 'dzin pas de skad ces bya ste/ de so/ /'di gsungs so zhes bya bar sbyar ro/ /ji ltar gsungs zhe na/ bcom ldan 'das kyi mthus zhes bya ba gsungs te/ sangs rgyas kyi byin gyis brlabs kyis so/ /ci zhig gsungs she na/ brtag pa'i rgyal po phyi ma'i zhes bya ba smos
- 264a
te/ brtag pa'i rgyal po pha rol tu phyin pa drug byang chub kyi sems dang bcas pa yin la/ de ston pa yang de skad ces bya ste/ ji skad du/ sems can kun gyi don bya'i phyir/ /byang chub tu ni sems bskyed nas// pha rol phyin drug sbyod pa dag /rten pa rtog pa nyid yin no zhes gsungs pa'i phyir ro/ /brtag pa phyi ma 'di zhes bya ba ni/ sngar bshad pa 'di lta bu 'di'o/ /gsungs so zhes bya ba ni/ sangs rgyas kyi mthus bka' stsal to/ /'dis ni phyag na rdo rjes bshad pas/ de bzhin gshegs pa nyid gsungs pa'i phyir/ bka' nyid du rnam par bzhag pa gsungs so/ /gdul bya rnams kyi bsam pa la dgongs nas/ de skad ces bshad kyis don la tha dad pa yod pa ma yin/ dpa' 'o gdan la gzhengs nas kyang/ /dgyes shing rdo rje gsor nas kyang/ /shAkya'i bdag po dgyes mdzad pa/ /thub pa'i gtsol phyag btsal nas zhes bya ba ni gnyis su med pa'i dpa' bo gtso bo la gus bas zla ba dang pad+ma'i gdan rang dang 'tsham pa las bzhengs nas/ byin gyis brlabs lar dgyes shing bgegs zhi ba dang/ bar chod kyis mi tshugs par bya ba'i phyir/ rdo rje gskor nas kyang/ shAkya'i bdag po sems can gyi don la dgyes par mdzad pa thub pa'i gtso la phyag 'tshal nas zhes bya ba'i don to/ /'dis ni gsang sngags kyi sgo'i spyad pa spyod pa rnams kyis kyang bgegs zhi bar byas nas gnang ba thob nas 'jug pa bya'o zhes bya ba'i don to/ /sgrib pa thams cad rnam par dag pa rdo rje zhes bya ba'i ting nge 'dzin la snyoms par zhugs nas zhes bya ba ni sgrib pa thams cad de chod pa'i sgrib pa la sogs pa'o/ /rnam par dag pa rdo rje zhes bya ba thabs dang shes rab kyi rang bzhin no/ /de la dmigs pa'i ting nge
- 264b
'dzin la yang de skad ces bya ba/ /nga la snyoms bar zhugs pa ni mngon du mdzad pa ste/ de lta bur gyur nas zhes bya ba'i tha tshig go /'dis ni dkyil 'khor rgyal mchog bsgoms pas zla ba'i dbus su thabs dang shes rab kyi bdag nyid du zhugs nas gtso bo bskyed de/ phyag rgya brjod pa dang/ sngags brjod pa dang bcas pa bstan pa'o/ /ngan song thams cad rnam par spyod pa'i rang gi snying po 'di thugs ka nas phyung ngo/ /zhes bya ba la/ ngan song thams cad rnam par spyod ba ni/ 'dir gtsug tor ro/ /rang gi snying po zhes bya ba ni de kho na bskyed pa la bya'o/ /'di nyid kyi thugs ka nas phyung de zhes bya ba ni sgra rang bzhin 'og nas 'byung ba 'di nyid kyi thugs nges pa can ye shes las ston zhes bya ba'i don to/ /'dir ni sgom pa po rnams kyis gtso bo'i thugs kar zla ba la sngags bkod de 'khor thams cad bskyed de/ /ston pa'i sngags nyid badzra hUM phaT ces bya ba ni rdo rje gtsug gi'o/ /oM sarbba pA pa da ha na badzra phaT/ /ces bya ba nas brtsams nas/ oM ma te sarbba tirya ka ga te he hUM phaT ces bya ba bco lngas brdeg pa'i sngags ton to/ /de nas de dag gi yo byad rnams bshad do/ /zhes bya ba ni de dag gi shes pas dkyil 'khor gyi lha rnams kyi'o/ /? byad rnams zhes bya ba gsol ka ba dang bran la sogs pa rnams kyi'o/ /bshad do zhes bya ba bzlas pa'i sngags rnams gsungs so/ /de nyid oM sarbba a ba ya zhes bya ba nas hUM phaT/ zhes bya bas ston no/ /dkyil 'khor gyi lha rnams bskyed pa ni/ rgyud gzhan dang 'di nyid kyis rtsa ba'i rgyud dang/ phyi ma'i bde ba chen po la bshad pa las shes par bya ste/ totNa da ta ma traM/ padmod ta ma sri pi to TTa ma a zhes bya ba la sogs pa rnams kyang/ na mo b+ha ba wa te sarbba
- 265a
dur ga ti zhes bya ba la sogs pa rtsa ba'i rig pa dang bcas pa'o/ /des ni 'di skad du ston te/ dkyil 'khor rgyal mchog sgom pa po rnams kyis ni shAkya thub pa'i thugs kar thun mong dang khyad par gyi sngags bkod de /rdo rje gtsug tor nas brtsams nas rdo rje dril bu'i bar du skyed zhes bya ba'i don to/ /sprul pa'i dus su mthong ba'i skal pa dang ldan pa rnams la dkyil 'khor gyi lha rnams kyi smon lam dang thugs rje'i mthus ji ltar 'dod pa ltar snang ba yin no/ /de nas bsdu zhing byin gyis brlabs pa mngon du 'gro ba nas brtsams te/ las kyi rgyal po mchog ni snga ma bzhin du shes par bya'o/ /ting nge 'dzin rnam pa gsum bstan zin to// //thabs de la 'di nyid du dbang dang dam tshig thob pas 'jug par bya'o zhes bya ba'i don 'od bstan par bya ba'i phyir/ do nas zhes bya ba la sogs pas slob dpon gyi las dang slob ma gzhug pa la sogs pa'i cho ga ston to/ /de nas zhes bya ba ni sngon du bsnyen pa'i rjes thogs la'o/ /gzhan yang sa bzung ba dang bcas pa yang de nas zhes bya ba ston te/ dkyil 'khor bshad de zhes bya ba ni thig gdab pa dang rdul tshon bri ba'i gzugs can gyi dkyil 'khor bshad ces bya ba'i don to/ /'khor lo 'dra ba'i dkyil 'khor lo zhes bya ba ni dkyil 'khor gyi gnas gru bzhi pa/ sgo bzhi pa rta babs dang bcas pa kha khyer dang ldan pa la sogs pa phyi'i dkyil 'khor byas la zhes bya ba'i don to/ /'dis ni dkyil 'khor la ni 'khor lo bshad/ /ces bya ba la 'gyur ro/ /de'i nang ji ltar bri zhe na shin tu mdzes pa'i rtsibs brgyad can/ /lte bar bcas shing rtsibs rten can/ /nang gi rim pa bris nas ni zhes bya ba gsungs te/ rtsibs brgyad dang ldan pa
- 265b
dang/ lte ba dang rtsibs rten dang sum rim du bris nas/ /rdo rje phreng bas yongs su bskor ba bri zhes bya ba'i don to/ /de'i nang du ci zhig dgod ce na/ lte ba'i nang du shAkya'i dbang po thub pa bri bar bya/ phyag na rdo rje stobs chen ni/ dpa' bo de'i spyan sngar gyi/ /rgyab tu 'khor los sgyur ba bri/ /g.yas su rgyal po gtsug tor la/ /g.yon par rnam par rgyal ba bri/ /gzi brjid phung po me yi phyogs/ /dbang po'i phyogs su gdugs dkar po/ /rnam par 'thor ba rlung gi phyogS/ rnam par 'joms pa mri? tir bris nas zhes bya ba gsungs te/ lte pa'i dbus pad+ma'i lte ba la shAkya thub pa/ pad+ma re re bor ba'i bzhi la rdo rje la sogs pa'i shar phyogs su rdo rje gtsug tor/ /lho phyogs su rgyal ba'i gtsug tor/ nub phyogs su pad+ma'i gtsug tor/ byang phyogs su sna tshogs gtsug tor/ shar lho mtshams su gtsug tor gzi brjid/ lho nub mtshams su gtsug tor rgyal mtshan/ nub byang du gtsug tor rnon po/ byang shar mtshams su gtsug tor gdugs dkar bri bar bya'o/ /'khor lo 'dra ba'i dkyil 'khor la zhes sngar bshad de/ bshad pa phyi rol bri bya ste/ /gru bzhi pa la sgo bzhi pa/ /seng ge rta babs brgyan par bya zhes bya ba gsungs pa ste/ phyi rol gru bzhi dang/ seng+ge dang/ glang po che dang rta babs dang/ kha khyer la sogs pas brgyan par bya'o zhes bya ba'i don to/ /phyi rol gyi gnas rnams su dgod pa ni dpa' bo lcags kyu zhags pa dang/ lcags sgrog dril bu snyan rnams bzhag /grwa? yi phyogs ni thams cad dud bdug pa la sogs bri bar bya zhes bya ba gsungs te/ dpa' bos shar phyogs kyi sgor lcags kyu/ lhor zhags pa/ nub du lcags sgrog/ byang du dril bu rnams bzhag /nang gi grwa'i phyogs mtshams su ni/ lA sye dang/ phreng ba dang/ glu mkhan
- 266a
ma dang gar mkhan ma dang bzhi bzhag pa bya'o/ /phyi'i gra bzhir bdug pa ma dang me tog ma dang mar me ma dang/ dri chab ma rnams shar lho mtshams nas brtsams te bri bar bya'o/ /khyams la byams pa la sogS pa bri bar bya zhes bya ba'i don to/ /de ltar dkyil 'khor legs par bkod nas chad pa dang/ lhag bzhi bar bya ste dkyil 'khor du zhugs la/ me tog gi phreng ba dor te/ sgo bzhi phye la/ khrus byas shing lus dri zhim po la sogs pas byugs nas lce dang lag pa byin gyis brlabs nas/ sbyor ba dang po dang/ dkyil 'khor rgyal po mchog dang/ las kyi rgyal po mchog dang/ sgo dbye ba rnams so/ /de nas dri zhim dril sogs/ /rang gi lus la bskus nas kyang/ /rdo rje 'dzin las zhugs nas ni zhes bya ba ni ni zhes bya ba kyang du sgyur bas phal cher ston to/ /de nas gtso bdag sbyor bas/ oM dza:hUM baM ho:b+ha ga ban/ e hye hi/ mahA ka ru Ni ka dri sh+ya ho sa ma ya straM zhes bya ba las lha thams cad spyan drangs ngo zhes bya ba ni bsdu'o zhes bya ba'i don to/ /de nas gshegs par mos pa bskyed de/ zhes bya ba ni lcags kyu la sogs pas las bya zhing/ bgegs bsal ba dang/ sgo bcad pa dang/ ra ba dang/ bsrung ba dang/ de bstan par bya ba dang/ phyag rgyab zhes rgyas gdab pa dang/ dbang bskur bar mos pa bskyed do/ mchod pa byas nas zhes bya ba ni/ bzlas brjod kyis rjes thogs la/ mchod pa sna tshogs kyis mchod pa dang/ gnyer ma dang sbyin sreg dang/ snang ba nod pa byas la/ de nas slob ma gzhug ? bya ba'o zhes bya ba'i don to/ /de bzhin du bcug ste dbang bskur na zhes bya ba ni snga ma bzhin du dkyil 'khor du gcug cing/ dbang nyi shu rtsa gcig gis bskur na zhes bya ba'i don to/ de'i phan yon ngan song
- 266b
thams cad las rnam par grol te/ bde 'gro mtho ris kyi 'jig rten dang/ gong nas gong du sa rnams su skye bar 'gyur ro/ /dngos grub thams cad kyang 'grub par 'gyur ro/ /sangs rgyas su yang gdon mi za bar grub par 'gyur ro/ /snga ma bzhin du las thams cad byed cing thams cad la thogs pa med par 'gyur ro/ /bya ba byas pas rims nang thams cad dang gdon gdug pa can la sogs pa thams cad las thar par 'gyur ro/ /phyag na rdo rje'i hUM zhes bya bas las thams cad byed par 'gyur ro/ /zhes bya ba ni/ dbang bskur ba tsam gyis ngan song thams cad las thar zhing bde 'gror skye ba dang/ dbang bskur nas bsgrubs pas mos pa spyod pa la sogs pas bcu gnyis su gong nas gong du 'gro ba dang/ 'jig rten pa'i dngos grub dang/ sangs rgyas su 'gyur ba dang/ sngar bshad pa bzhin du zhes bya ba la sogs pa'i las byed pa dang/ las phra mo thams cad la sbyar ba tsam gyis 'grub pa dang/ bye ma dang yungs kar la sogs pas bya bas las rims dang gdon dang gdug pa thams cad las thar bar 'gyur ba dang/ dbang bskur pa de la phyag na rdo rje ru ni gnas pas thams cad byed par 'gyur ro zhes bya ba'i don to/ /brtag pa gzhan gyi chogs kyang las thams cad 'grub par 'gyur ro zhes bya ba ni/ bya ba dang/ spyod pa dang/ rnal 'byor gyi rgyud brtag pa gzhan gyis cho ga las kyang zhes bya ba ni sngar bshad pa'i lha lngas bskyed pa dang/ snying po tshig tsam gyis bskyed pa dang/ rnal 'byor gyi rgyud du bshad pa'i mngon par byang chub pa dang/ snying po tshig tsam gyis bskyed pa la sogs pa'i cho gas kyang 'grub par 'gyur ro zhes bya ba'i don to/ /'dis ni dkyil 'khor 'di'i dbang bskur ba dang dam tshig la mchog tu gsungs so/ /
- 267a
zhes bya ba'i don to/ /thabs sla bas snga ma bzhin du grol bar lha dang klu dang/ gnod sbyin dang/ gnod sbyin dang/ srin po la sogs pa ngan song gi rgyud kyi dbang du gyur pa rnams shi pa'i ro 'am gzugs brnyan nam/ ming la sogs te bzlas pa dang/ sbyin sreg dang dbang rnams snga ma bzhin du zhes bya ba ni thabs sla ba brgyad tshan gnyis pa rnams kyis yin te/ bzlas pa dang po zhes bya ba dang/ bzlas brjod bya ba nyid dang/ rlung du dor ba dang/ tsha tsha dang gsum bstan to/ /sbyin sreg ces bya ba sbyin sreg nyid dang sbyin sreg chen po dang gnyis so/ /dbang zhes bya ba bskur pa nyid dang/ mchod rten gyi dbus su bzhag pa dang/ dur du bskyal ba dang/ gsum bstan to/ /ngan song thams cad yongs su grol bar byed do/ /zhes bya ba ni de rnams kyi phan yon no/ /de rnams su bya ba la sogs pa rgyud gsum las gsum pa'i lha rnams rgyas gdab po/ /de nas zhes bya ba ni snga ma bzhin no/ /byang chub sems dpa' sems dpa' chen po phyag na rdo rjes/ seng ge'i lta stangs kyis bcom ldan 'das kyi zhal tu bltas te phyag btsal nas 'di skad ces gsol to/ /zhes bya ba ni 'jigs pa med pa'i tshul gyis bltas te byin gyis brlabs phyir phyag 'tshal nas 'og nas 'byung ba'i don zhus pa'i/ /byin gyis brlabs cing gsol pa btab te zhus pa'i don no/ /bcom ldan phyag rgyad ma pa yis/ /mtshan nyid bdag gis bshad par bya/ /thugs rjes bsgral ba'i thugs mnga' ba'i/ /rgyal ba kun gyis byin brlabs pa zhes bya ba yin te/ bcom ldan 'das sku gsung thugs pa'i phyag rgyas bcings pa'i mtshan nyid bshad par bgyi ba la/ dmigs su med? pa thugs rje chen pos bskul pa'i
- 267b
thugs dang ldan pa la/ rgyal ba kun gyi ngo bo gnas pa khyod kyis byin gyis brlabs shes zhes bya ba'i don to/ /gsol ba btab nas bshad pa dngos/ /mnyam par bzhag pas dpral ba ni/ /phyag 'tshal ba'i thal mo sbyar/ /sangs rgyas bde gshegs skyes rnams kyis/ /phyag 'tshal ba yi phyag rgyar bshad/ /ces bya ba ni lha'i rnal 'byor dang ldan par dpral bar thal mo sbyor zhing phyag 'tshal pa'i tshul du byas na ni de bzhin gshegs pa'i rigs rnams kyis phyag 'tshal ba'i phyag rgyad bshad ces bya bar bstan/ rnal 'byor rigs pas mgrin phyogs su/ /thal mo snying gar sbyar ba ni/ /rtag tu pad+ma'i rigs nyid du/ /pad+ma'i phyag rgya yin par bshad ces bya ba ni lha'i rnal 'byor dang ldan pas mgrin pa'i phyogS snying gar thal mo sbyar te phyag 'tshal na pad+ma'i rigs kyi phyag rgyar 'gyur ro/ /rdo rje thal mo sbyar nas kyang/ /snying gang gung mo thal sbyar ba/ /rdo rje rigs kyi phyag rgya 'di/ /dam tshig thams cad 'dzin byed pa'o zhes bya ba ni/ rdo rje thal mo sbyar nas snying gar gud mo'i rtse mo sbyar ba dang/ phyag 'tshal ba dang/ rdo rje rigs kyi dam tshig thams cad 'dzin par 'gyur ro/ /'di rnams kyi rigs su nges par oM sarba ta thA ga ta/ pA ta ban da ni ka ro mi zhes bya ba dang/ phyag 'tshal par bya'o/ /gzhan yang de bzhin gshegs pa'i khu tshur g.yon pas thal mor byas la gan rgyal du bzhag pa de'i steng du g.yas pa bzhag ste/ mthe bong gnyis sprad la zhi ba'i lta bas blta ba 'di ni de bzhin gshegs pa'i rigs kyi ste/ kun rig dang ngan song sbyong ba'i ting nge 'dzin gyi phyag rgya ste/ dam tshig yin par bshad de zhes bya ba'i phyag rgya dam tshig ste/ mi 'da' par byed pas so/ /ji skad du/ de bzhin gshegs pa kun gyis kyang/ /'da' bar du ni
- 268a
mi mdzad pas/ /phyag rgya dam tshig ces su bsgrags zhes gsungs pa'i phyir ro/ /de nyid las bzlog ste/ lta 'og bsnol la mthe bong dang mthe'u chung gnyis gcig la gcig lu gu rgyud kyi tshul du bsnol la snying gar bzhag pa 'di ni rdo rje rigs kyi dam tshig gi phyag rgya zhes bya ba la/ rdo rje 'dzin ma dpal gyi pad+ma lta bur bya ba'i phyag rgya ste/ dam tshig thob par byed pa'i phyag rgya'o/ /de bzhin gshegs pa'i rigs kyi yang 'jug pa'i phyag rgya yin no/ /thal mo rdzogs par sbyar ba las mthe bong dang mthe'u chung gnyis bsnyams la lhag ma brkyang ba 'di ni pad+ma'i rigs kyi pad+ma'i phyag rgya'o zhes bya ba ni shAkya thub pa'o/ /rdo rje bsdams pa las gung mo gnyis rdo rje 'dra bar bsnyams la/ mthe bong mthe'u chung gnyis brkyang ba 'di ni/ phyag na rdo rje'i phyag rgya'o zhes bya ba rdo rje gtsug tor dang rdo rje sems dpa' i dam tshig gi phyag rgya'o/ /de nyid las mthe bong dang mthe chung gnyis de bzhin du byas la/ mdzub mo gnyis dang srin lag pad+ma 'dra bar bkug la/ ngan song thams cad yongs su sbyong ba'i phyag rgya'o zhes bya ba ni dam tshig gi phyag rgya'o/ /de nyid las mdzub mo dang srin lag gnyis ring por cher byas pa ni dbang bskur ba'i phyag rgya'o zhes bya ba ni rin chen tog dang/ dbang bskur ba ste/ rdo rje bsdams pa las byung pa'o/ /mthe chung dang mthe bong so sor bsnyams la lhag ma rnams brkyang ba 'di ni sdig pa thams cad bsreg pa'i phyag rgya'o zhes bya ba ni ngan 'gro la sogs pa'i dkyil 'khor du zhugs pa'i sngon du'o/ /lag pa g.yon pa de bzhin du bskor zhing bya ba 'di ni las thams cad pa'i phyag rgya'o zhes bya ba ni ngan 'gro sbyang pa la sogs
- 268b
pa kun gyi ste/ snga ma bzhin du shes par bya'o/ /snyim pa zed pa gyen du 'thor bar byed pa 'di ni bdug pa'i phyag rgya'o/ /zhes bya ba la sogs pa la/ snyim pa 'og nas gyen du 'thor pa dang/ bsnyams te 'dzin pa dang/ dung 'dra par bya ba dang/ bzhi ni bdug pa ma la sogs pa'i'o/ /de nyis las brkyang snye 'dzin pa ni gtor ma'i phyag rgya'o zhes bya ba ni/ phyi rol tu gtor ma sbyin pa'i tshe/ rdo rje thal mo brkyang ba sbyin no/ /de nyid las gung mo nang du bkug pa ni arga'i'o/ /zhes bya ba ni/ mchod yon gyi'o/ /da ni dam tshig phyag rgya ston to/ /rdo rje bcings pa las gung mo gnyis bsnyams te tshigs dang po bcag la/ sor mo thams cad brkyang pa 'di ni rnam par 'thor pa'i phyag rgya'o zhes bya ba gtsug ter rnon po'i'o/ /de nyid las mthe bong dang mthe chung gnyis bkug pa ni rnam par 'joms pa'i phyag rgya'o zhes bya ba ni gtsug tor rgyal mtshan gyi'o/ /de nyid las 'od zer 'bar ba 'dra ba ni gzi brjid phung po'i phyag rgya'o/ /zhes bya ba gtsug tor gzi brjid kyi'o/ /de nyid las spyi bor bskor ba gdugs dkar brgya zhes bya ba ni gtsug tor gdugs dkar po yi'o/ /rdo rje khu tshur gnyis las mdzub mo gnyis dang/ mthe'u chung gnyis gnyis bsnol la/ mdud pa gyen du bsnol ba 'di ni 'khor lo'i phyag rgya'o zhes bya ba dkyil 'khor sprul pa'i phyag rgya'o/ /rdo rje bsdams pa las gung mo gnyis rdo rjer byas pa ni mdzub mo gnyis rin po che byas la lhag ma rnams 'od zer 'bar bar byas pa ni/ rgyal ba'i gtsug tor gyi phyag rgya'o/ /rin chen zhes bya ba rin chen gtsug tor gyi phyag rgya'o/ /de bzhin du mdzub mo gnyis rdo rjer byas la/ sor mo lhag ma rnams bsdams nas rdo rje 'dra bar byas/ /rnam par rgyal ba'i phyag rgya'o zhes bya ba sna tshogs gtsug tor gyi phyag bya'o
- 269a
g.yas pa mchog sbyin du byas la g.yon pa mi 'jigs pa sbyin pa 'di ni/ de bzhin gshegs pa'i yin no zhes bya ba bcom ldan 'das tshe dpag med kyi'o/ /rdo rje bsdams pa las mdzub mo gnyis brkyang ste/ rdo rje 'dra bar byas pa 'di ni rdo rje'i phyag rgya'o/ /de nyid las mdzub mo g.yas pa bkug pa 'di ni lcags kyu'i phyag rgya'o/ /de nyid las me tog 'dra bar byas pa la 'di ni mnga' i phyag rgya'o/ /de nyid las slar bkug ste/ mthe bong gnyis rtse sprad pa ni/ blo gros legs pa'o/ /de nyid las tshigs bar ma bcag pa ni rin po che'i'o/ /de la sor mo rnams 'od zer rnam par bskyed pa ni gzi brjid bskyed pa de las spyi bor bzhag pa ni tog gi'o/ /de las mdun du bzhag pa ni bzhad pa'i 'o/ /de nyid las padmo 'dra bas byas pa ni pad+ma'i'o/ /de nyid las rtse mo gnyis bkug pa ni ral gri'i'o/ /de nyid las gang du bu 'dra bar byas pa ni 'khor lo'i'o/ /de gnyis las rtse mo yid pad+mar byas pa ni lce'i'o/ /de nyid las rtse mo yid skyed rgya gram gye'o/ /de nyid las shin tu bskyed pa ni bsrung ba'o/ /de nyid las rtse mo nyid slar bkug pa ni gnod sbyin gyi'o/ /dam du bkug pa gdams pa'o zhes bya ba rnams ni rdo rje'i rab nas rdo rje khu tshur gyi mthar thug pa'i bar gyi dam tshig gi phyag rgya'o/ /bsdams pa nyid mdun du bzhag pa ni/ bdag pa'i 'o/ /de nyid la gyen du stong pa ni phreng ba'i'o/ /mdun du mthe bong bsnyams pa te bskor bas ni mar me'o/ /de nyid byug pa ltar byas pa ni dri'o zhes bya ba bdug pa la sogs pa bzhi'i dam tshig gi phyag rgya'o/ /sngar bshad pa ni las kyi phyag rgya'o/ /de nyid las mdzub mo gnyis bkug pa ni lcags kyu'i'o/ /de nyid las rtse mo gnyis sprad pa
- 269b
ni zhags pa'o/ /de nyid la gcig la gcig 'khyud pa ni lcags sgrog gi'o/ /de las bskyod pa ni mnyes pa'o/ /zhes bya ba ni/ sgo bzhi'i dam tshig gi phyag rgya ste/ las kyi phyag rgya ni sngar rtsa ba'i rgyud du shas par bya'o/ /sku gzugs kyi cho ga yang 'di ni de bzhin byas te/ zhes bya bas ras ris kyi sgrub pa ston to/ /sku gzugs kyi cho ga yang zhes bya ba yang slar yang zhes bya ba'i don to/ /'di ni zhes bya ba ni rgyud phyi ma'i dkyil 'khor dang/ pad+ma'i rigs 'dir ni zhes bya'o/ /de bzhin byas te zhes bya ba ni/ pad+ma'i rdzid bu la sogs pa rnams so/ /cung zad du na bcom ldan 'das 'jig rten gsum las rnam par rgyal ba gzugs bri'o zhes bya ba ni/ 'jig rten gsum rgyal nyid du cung zad na ni don yin no/ / yang na sku gzugs nyid dkyil 'khor gyi tshul du bris la zhes bya ba ni/ gtsug tor dgu'i dkyil 'khor gyi tshl du bri pa'o/ /me tog la sogs mchod de/ de'i spyan sngar 'bum tsam gcig sdang bsnyen pa byas nas las thams cad bya'o/ /zhes bya ba ni sbyan dbye ba sngon du 'gro bas na dben pa'i gnas su spyan drang zhing/ phyag rgya bzhis rgyas gdab pa dang/ dbang bskur ba dang/ mchod pa byas la/ bsnyen la 'bum byas te/ mtshan thog thag bzlas nas sngar bshad pa'i dngos grub kyi las thams cad bya'o zhes bya ba'i don to/ /de nas zhes bya ba la sogs pas nor bu dri ma med pa'i las kyi rnam par smin pa ci las gyur pa ston to/ /de nas phyag na rdo rje la las kyi rnam par smin pa ci yis nor bu dri ma med pa'i 'od de dmyal ba la sogs pa der lhung zhes dris pa dang/ sangs rgyas kyi mthus phyag na rdo rjes bka' stsal pa dang bshad pa ni 'di yin te/ 'di ni sngon gyi las kyi sgrib pa yin te/ dzam+bu'i gling gi rig?
- 270a
'di nyid na/ mdza' khob pa rigs ngan du gtogs pa'i rgyal po lus mi bde ba zhes bya ba zhig tu gyur te zhes bya ba la sogs pa smos te zhes bya ba rdzogs ldan gyi dus na'o/ /dzam+bu'i gling gi rigs 'di nyid na zhes bya ba ni ri rab kyi lho phyogs gling bzhi pa'i rigs 'di nyid na'o/ /rgyal po lus bde ba zhes bya ba ni/ btsun mo dam pa mdzes ldan ma'i khong du zhu ba ma 'brel pa'i phyir ro/ /bde ba yin pa'i phyir ro/ /lhag ma rnamS ni go sla bas ma bshad de/ 'dis kyang nor bu dri ma med pa de nyid kyis las kyi rnam par smin pa dang zhus pa bstan pa'i phyir/ dzam+bu'i gling du lha'i bu nor bu dri ma med pa'i don du zhu ba ma 'brel pa'i phyir ro/ /da ni tshe tshad med pa'i dkyil 'khor gsungs pa'i pad+ma'i rigs bshad pa'i rjes thogs la/ bshad pa de nas zhes bya ba la sogs pas cho tshad med pa'i dkyil 'khor ston to/ /gzhan yang de nas zhes bya ba ni/ sbyor ba dang po'i rjes thogs la/ 'dir dang po'i ting nge 'dzin gtsug tor du bshad pa nyid dang 'dra bar shes par bya'o/ /brgya byin dang tshangs pa la sogs pa'i lha'i bu rnams kyis bos nas/ bstod de gsol ba btab bo zhes bya ba sbyar ro/ /tshul ji lta bu dang ldan pas zhes bya ba ni/ brgya byin tshangs pa la sogs pa lha'i bu rnams yid rab tu mgu zhing rangs te ba spu'i bu ga nas/ spu rnams langs shing/ rgyal ba rgyal ba zhes skad chen pos pos nas/ zhes bya ba ni lha'i bu rnams zhes bya bas nges par 'byed pa'i cha dang/ mthun pa thob pa sprul pa'i sku mthong ba'i skal pa dang ldan pa'i brgya byin la sogs pa nyid ston te/ sngar ni rtsa ba'i rgyud du las kyi rnam par smin pa bshad pas/ brgyal bar gyur
- 270b
nas/ de sangs? par bya ba'i phyir dkyil 'khor du bcug cing/ dbang bskur pa rnams yin te/ gzhan yang de rnams tshe bsring pa'i phyir/ dkyil 'khor bsgrub pa bstan pa'i phyir ro/ /sprul pa ni lha'i dbang po zhes bya pa gang yin pa ste/ de lta na ni khyod de'i phyir gyur to/ /zhes bya ba 'gal lo zhe na/ ma yin te nor pu dri ma med pa nyid kyang de bzhin gshegs pa'i sprul pa yang de lta bur snang ba'i phyir ro/ /de ltar na thams cad sprul pa dang dngos su 'gyur ro zhe na/ 'di ni 'thad pa nyid do/ / de yang bcom ldan 'das kyis ji skad du/ lha dang lha dbang lha yi lha/ /lha min dbang po lha yi bdag /zhes pa dang/ u ma'i khyim thab skye dgu'i bdag /gtogs 'dod rgyal 'dod thub pa che/ /'jig rten gsum dang mkha' dang sa/ zhes bya ba la sogs pa dang/ /da ni dmyal ba'i dmyal ba pa/ /zhes gsungs pa'i phyir ro/ /lha'i bu rnams kha spub 'gyel ba dang/ ba spu langs pa dang/ tshe bsgrub pa de bzhin gshegs pa'i sprul pa las gzhan pa nyid do/ rab tu mgu zhing rangs te zhes bya ba ri/ rgyu dang 'bras bu mthong pa'i khyad par mthong ba'i phyir ro/ /bspu? langs shing zhes bya ba ni/ dang po'i dad pa bskyed pas so/ /rgyal ba rgyal ba zhes skad chen por bos nas zhes bya ba ni/ las kyi rnam par smin pa gsungs pas/ sgrag nas yang dang yang du skad chen po sa bos pa'o/ /bcom ldan 'das phyag na rdo rje la ming bcu pa 'dis zhes bya ba ni/ mtshan don dang ldan pas so/ /mngon par bstod de zhes bya ba ni/ ming don dang ldan pas brjod pas bstod pas so/ /gsol ba btab po zhes bya ba ni/ tshe ring ba dang/ nad med pa'i don du gsol ba btab po zhes bya'o/ /bstod pa dang gsol ba btab pa'i rang gi ngo bo/ /k+Sho ta k+Sha/ khyod ni glang po'i rna ba can zhes bya'o/ /k+Shad? trag k+Sha/ bcom ldan 'das mgon po rdo rje 'dzin zhes bya'o/ /ko ta ba go ta ba
- 271a
khyod ni bzang po rgyan zhes bya'o/ /ko ta da shwa/ khyod ni rnam par gnon pa'i zhes bya'o/ /ka hi rak+Sha/ yon tan 'byung gnas cher na khyod ces bya'o/ /ko lak+Sha/ khyod ni bden pa'i sprin te zhes bya'o/ /ko la pa ko la pa/ khyod ni gzugs sngag yid kyi brgyan/ ka la pa sha khyod ni me lce 'bar ba can zhes bya'o/ /ka la ste/ khyod ni yid bzhin nor bu ste zhes bya'o/ /tha yin te/ khyod ni gzugs ni mdzes pa yin zhes bya'o/ /zhes bya ba nas zhes bya ba ni bcom ldan 'das la bstod pa zhes bya ba'i don to/ /gzhan yang ngo bo nyid kyi sangs rgyas la sogs pa bcu dang/ stobs bcu dang dbang bcu dang/ gzugs bcu ste/ de bzhin gshegs pa'i mnga' ba'i yon tan ston te/ brjod pa'i phyir ro/ /de ltar bstod pa bstan nas/ brgya byin la sogs lha mchog rnams/ /sems can kun la phan pa dang/ /tshe dang nad med 'phel ba'i phyir/ /mgon po khyod la gsol ba 'debs/ /bcom ldan 'das tshe thung ba skal pa chung ba rnams kyi don dang phan pa dang tsheb srong pa'i slad du bshad par gsol/ /gsang ba'i bdag po bshad du gsol zhes bya ba yin te/ brgya byin la sogs pa mos pa spyod pa'i sa la gnas pa'i lha mchog rnams/ sems can kun 'tshe phyi ma ma'i don dang/ tsho 'phel ba dang/ nad med pa'i phyir mgon po khyod la gsol ba 'debs kyis/ /tshe thung zhing skyal ba chung ba rnams kyi don dang/ phyi ma dang 'di yi phan pa dang bde ba dang tshe bsring ba'i slad du yang dang yang du bshad du gsol zhes gsol ba btab pa'i don to/ /de nas bcom ldan 'das phyog na rdo rjes zhes bya ba la sogs pas snying po gsungs pa ston to/ /zhes bya ba gsol ba btab pa'i rjes thogs la'o/ /bcom ldan 'das phyag na rdo rjes brgya byin dang tshangs pa la sogs pa 'khor de dag gzigs
- 271b
nas legs so zhes bya bas mgu bar byas te/ tshangs pa la sogs pa'i bu rnams gang khyod kyis 'di lta bu'i spobs pa yang dag par bskyed pa ni/ legs so legs so legs par bsgrubs shig par bshad par bya'o zhes bya ba ni gzigs shing mgu bar byas pas snod dang ldan par byas nas/ spobs pa bskyed pa la dgyes nas legs so zhes bya ba lan gnyis gsungs te/ ma yangs par 'dzin du bcug pa zhes bya ba'i tha tshig go /de nas bcom ldan 'das phyag na rdo rjes zhes bya ba ni/ bcom ldan 'das phyag na rdo rje nyid kyis so/ /sems can thams cad kyis tshe dpag tu med pa spel ba zhes bya'o zhes bya ba ni nyi ma dang zla ba yod pa de srid kyi bar du thub pa'o/ /de bzhin gshegs pa thams cad kyi snying po 'di zhes bya ba ni/ yon tan de lta bu dang ldan pa'i 'od nas 'byung ba'i snying po 'di'o/ /rang gi snying ga nas phyung ngo zhes bya ba ni nges pa'i ye shes ston pa'o/ /de nyid oM puN+ye zhes bya ba la sogs pa ste/ de'i phan yon ni/ de bzhin gshegs pa thams cad kyi snying po'i gzugs 'di bshad ma thag tu ngan song thams cad rab tu zhi ste/ sems can dmyal ba dang/ byol song dang/ yi dwags su skye ba'i sems can rnams grol bar byed pa nyid kyi rab tu shes so/ /'jig rten gyi khams thams cad du snang par byas te/ snang bar byas nas kyang sangs rgyas kyi mdzad pa bcu gnyis kyi tshul du byas nas zhes bya ba ni/ bcom ldan 'das kyis gzungs 'di gsungs ma thag tu/ ngan song gsum las zhi zhing grol te/ bcom ldan 'das kyi mthus grol zhing zhi bar rang rang shes so/ /'jig rten gyi khams thams cad du sprul pa'i sku yi rnam par byas nas/ sangs rgyas kyi mdzad pa bcu gnyis yum gyi lhums su gshegs pa dang/ sku mya ngan las 'das pa'i
- 272a
tshul ston pa'i bar mdzad nas zhes bya ba'i don to/ /kyang zhes bya ba ni mdzad pa gnyis dang/ mdzad pa bdun dang/ mdzad pa bcu drug dang/ mdzad pa nyi shu rtsa bdun dang/ mdzad zhes bya ba'i don to/ /de bzhin gshegs pa thams cad kyi thugs zhes bya ba'i don to/ /de bzhin gshegs pa thams cad kyi thugs kyi chos kyi yi ge 'di nyid du zhugs par gyur to zhes bya ba ni de bzhin gshegs pa thams cad ni rdo rje'o/ /thugs kyi chos kyi zhes bya ba ni byang chub tu sems bskyed pa'i ye shes so/ /yi ge zhes bya ba ni de'i rtags zla ba'o/ /de bkod pa'i yig 'bru la yang yi ge zhes bya bshad de/ /ji skad du/ yi ge byang chub sems yin te/ gnyis pa sgra zhes bya bar bshad/ /ces bya bar bshad pa'i phyir ro/ / 'di nyid du zhugs par 'gyur ro zhes bya ba ni sprul pa'i sku dag kyang zla ba'i dkyil 'khor de nyid du zhugs par gyur to/ /zhes bya ba'i don to/ /'dis ni dkyil 'khor rgyal po mchog bsgoms pa rnams kyi phyag na rdo rje lte ba'i dbus su bzhugs pa la snying ga nas 'od zer 'gyur ro/ /sngags kyi 'od de brgya byin dang tshangs pa la sogs pa bkug nas/ /bstod cing gsol ba btab nas/ yang rang gi snying gar zla ba la sngags bkod de/ sangs rgyas kyi mdzad pa rnams mdzad pas/ sngags dang 'dres pa las zhu bar gyur pa te/ thabs dang shes rab bdag nyid las gtso bo skyed par bya ba'i don to/ /de nas bcom ldan 'das kyis tshe dpag med pa'i rdo rje'i 'od ces bya ba'i ting nge 'dzin la snyoms par zhugs nas zhes bya ba ni/ /tshe dpag tu med pa'i rdo rje 'od byed pa ni me long lta bu'i ye shes te/ bri ba dang zad pa med pa tshe dpag tu med pa'i bzung ba dad 'dzin pa rtog pas mi phyed pas/ rdo rje'i rang bzhin gyis dag pas/ 'ong byed pa zhes bya
- 272b
ba yin la/ /de la dmigs pa'i ting nge 'dzin la yang ming de skad ces bya ba ste/ snyoms par byas pa ni de gzhan la sbyin pa'i rnam par thugs brtse gcig tu mdzad nas zhes bya ba'i don to/ /de bzhin gshegs pa thams cad kyi tshe dpag tu med pa zhes bya ba ni/ bcom dan 'das tshe tshad med pa'i phyag rgya chen po'o/ /snying po'i gzungs 'di bshad do/ /zhes bya ba 'og nas 'byung ba 'di bshad do/ /de nyid oM A mi ta zhes bya ba nas swahA zhes bya ba'i bar ro/ /de nas 'di bshad ma thag tu ni sems can thams cad kyi sdug bsngal rab tu zhi'o/ /zhes bya ba snga ma bzhin no/ /de nas yang bcom ldan 'das kyis gdon mi za bar sgrib pa thams cad rnam par 'joms pa zhes bya ba'i ting nge 'dzin la snyoms par zhugs te/ zhes bya ba ni the tshom med par bzung 'dzin gyi sgrib pa thams cad rnam par 'joms zhing 'khyud pa ni/ mnyam pa nyid kyi ye shes te/ de la dmigs pa'i ting nge 'dzin la ming de skad ces bya zhing/ gzhan la sbyin pa'i rnam par thugs rtse gcig tu mdzad ces bya ba'i don to/ /de bzhin gshegs pa thams cad kyis sgrib pa gcog ba zhes bya ba ni rin chen 'byung ldan no/ /snying po'i don to/ /'di thugs ka nas phyung ngo zhes bya ba ni 'og nas 'byung ba'i sngags de/ de nyid oM ka ka ni zhes bya ba la sogs pa'o/ /'di bshad ma thag tu yang thams cad de bzhin gyur to/ /zhes bya ba ni snga ma bzhin no/ /de nas yang bcom ldan 'das kyis zhes bya ba la sogs pa la/ sgrib pa thams cad dri ma med cing zhes bya ba ni/ gzung 'dzin gyi dri ma dang bral ba so sor dag pa'i ye shes so/ /de nyid rnam par rtog pa'i rdo rje zhes pa'o/ /de lta bu'i ting 'dzin la snyoms par zhugs pa ni/ sbyin pa'i rnam par thugs rtse gcig tu mdzad nas
- 273a
zhes bya ba'i don to/ /de bzhin gshegs pa thams cad kyis sgrib pa rnams ma lus par 'joms pa zhes bya ba ni dpag tu med pa'o/ /snying po'i gzungs 'di rang gi thugs ka nas phyung ngo zhes bya ba ni de bskyed par byed pa'i lam sbyang pa'i sngags te/ oM ratne/ zhes bya ba la sogs pa'o/ /de nas zhes bya ba la sogs pa snga ma bzhin de phan yon no/ /de nas yang zhes bya ba la sogs pa la/ gdon mi za bar mi 'joms pa thams cad rnam par 'joms pa nas zhes bya ba ni/ bya ba nan tan gyi ye shes te/ sgo lnga'i rnam par shes pa la sogs pa 'joms pa'i phyir ro/ /ting nge 'dzin la snyoms par zhugs nas zhes bya ba ni/ sbyin pa rnam par thugs rtse gcig tu mdzad nas so/ /de nas de bzhin gshegs pa thams cad ni don yod grub pa'o/ /snying po'i gzungs 'di zhes bya ba la sogs pa ni snga ma bzhin no/ /gsang sngags 'di zhes bya ba la sogs pas lan gsum g.yos shing ya mtshan 'jig rten du snang bas sngags kyi che ba bstan to/ /de nas bsdu zhing byin gyis brlabs la sogs ba sngar bshad pa bzhin du shes par bya'o/ /de nas dkyil 'khor ni 'di yin te zhes bya ba la sogs pas slob dpon gyi mam? dang/ slob ma gzhug pa la sogs pa'i cho ga ston to/ /de nas zhes bya ba ni rjes thogs la'o/ /de yang 'dir dang por re zhig nyams dga' ba'i sa phyogs su stan la 'dug la/ lce dang lag pa byin gyis brlab pa dang rdo rje ? gis byed nas brtsams te/ 'og bcings pa'i mthar thug pa dang/ nam mkhar dkyil 'khor bsams la/ mchod pa rnam pa lngas mchod pa la sogs pa lha dang lha ma yin gyis bstod de/ mi snang bar gyur pa'i bar dang/
- 273b
stong pa nyid dang/ a las zla ba dang/ sa bon dang/ dam tshig gi phyag rgya dang/ lha'i rnal 'byor dang/ byin gyis brlab pa dang/ dbang bskur ba dang/ phyag na rdo rje thugs yongs su sbyor rdzogs pa'i sbyor bas/ dkyil 'khor bskyed de/ nam mkha' i dkyil 'khor dgug pa dang/ ngan 'gro sbyong zhing dkyil 'khor du gzhug pa dang/ dbang bskur nas sangs rgyas kun pas sngar sangs rgyas zhes bya ba la sogs pas bstod pa dang/ dkyil 'khor lus la brtags pa dang bcas pa ni dang po'i sbyor ba'i ting nge 'dzin to/ /de nas stong pa nyid du bsgom pa dang/ khang pa brtsegs ma dang/ 'khor lo rtsibs bzhi pa'i lte ba la babs te/ phyag na rdo rje nyid kyi thugs kar/ oM pu N+ye pu N+ye/ mahA bu N+ye a pa ra mi ta pu N+ye dz+nyA na sarba ro ba tsit+ta/ ka ri ni swAhA zhes bya bas bkod pas/ /'od zer gyis sangs rgyas kyi mdzad pa byas te/ gsol ba 'debs pa'i lha rnams dang bcas pa thugs ka'i zla bar zhugs pas/ zla ba dang bcas pa zhu nas shes rab dang thabs su gyur nas sngags de nyid du gyur pa las phyag na rdo rjer gyur nas de'i thugs kyi zla ba'i oM A(rgyud 'grel): ni ti zhes bya ba la sogs pas mi bskyod pa bskyed de/ shar gyi rtsibs la gdon/ oM ka ka ni zhes bya ba la sogs pas lho phyogs kyi rin chen 'byung ldan gdon/ oM ratne zhes bya ba la sogs pas nub phyogs kyi 'od dpag tu med pa gdan/ /oM a ka ka zhes bya ba la sogs pas byang phyogs su don yod grub pa gdon/ mdor na mchod pa byas nas kyang zhes bya ba ni/ mdor bsdu na lcags kyu la sogs pas las bya zhing/ bgegs gsal sgo bcad pa la sogs pa snga ma bzhin du byas nas/ phyag rgya bzhis rgyas gdab gang/ dbang bskur las brjod bya ba rnams ni mdor na zhes bya'o/ /mchod pa byas nas zhes bya ba ni/
- 274a
arga mchog rtags la sogs pa'i mchod pa byas/ kyang zhes bya ba ni gtor ma dang/ sbyin sreg dang gnang ba nod pa bsdu'o/ /'chi bdag sprul gyis 'jigs ldan rnams zhes bya ba la sogs pas dkyil 'khor du bzhug pa bstan to/ /'chi bdag sprul dang 'dra bar 'jig ldan rnams so/ /gzhom pa'i gzhug par bya ste/ mdor na oM badzra sa ma ya hUM zhes bya bas nyi rin+ta re 'o phyag rgya bcings la/ rin chen thogs te/ yang phrad ba thogs te bzhugs/ hUM pra tIts+tsha badzra hUM zhes bya bas dor/ badzra sa ma ya hUM zhes bya bas dam tshig sbyin/ oM badzra hUM spyod b+ha dra ya zhes bya bas gdong g.yogs dgrol/ oM ma badzra pA sh+ya hUM bstan nas/ snying gar phyag rgya dgrol/ 'di'i sgrub pa'i go rim ni rtsa ba'i rgyud du bshad zin to/ /de nas zhes bya ba la sogs pas dbang bskur ba ston to/ /de yang dang por dbu rgyan dang/ bum pa dang/ phreng ba dang/ phyag rgya dang/ rdo rje dang/ las kyi rdo rje dang/ 'khor lo dang/ thabs dang/ shes rab dang/ gsang ba dang/ shes rab kyi dbang bskur ba rnams yin te/ 'di yang rtsa ba'i rgyud du bshad pa de bzhin du shes par bya'o/ /de ltar dbang bskur na tshe ring ba'i rigs pa 'di sbyin no zhes bya ba la sogs pas 'di nyid du dbang bskur ba dang dam tshig thob pa la dngos grub sbyin no/ /zhes bya ba ste/ de ltar sngar bshad pa ltar bskur nas tshe ring ba thob par byed pa'i rig pa 'di slob dpon gyi slob ma la sbyin no/ /de nyid oM bruM badzra a yu? She hUM a zhes bya ba'o/ /de nas bsgrub pa 'di yin te/ zhes bya ba ni 'dis bsgrub pas bsgrubs te/ 'og nas 'byung ba'i cho gas so/ /'di yin te zhes bya ba ni ston pas brtsom pa'o/ /bcom ldan 'das tshe dpag med zla ba'i 'od can zheS
- 274b
bya ba la sogs pas dang po bri ba dang/ bsnyen pa ston te/ bcom ldan 'das tshe dpag med la dog dkar po rgyan kun gyis brgyan pa/ g.yas pa mchog sbyin dang/ g.yon pa mi 'jigs pa sbyin pa/ de'i yang bdud rtsi 'dzag pa bri'o/ /de'i 'og tu rnal 'byor ba thal mo sbyar ba/ gdong gyen du bltas pa/ mchod pa rnam pa lnga dang bcas pa ras la bri spyan dbye ba'i cho ga ldar bshad pa bzhin du byas la/ de'i spyan sngar dang po'i sbyor ba'i ting nge 'dzin bsgom ste/ bcom ldan 'das la sems bzhin du 'bum bzlas so/ /de nas zla ba nya ba la zhes bya ba la sogs pas bsgrub pa ston to/ /nye'i? nub mo dkyil 'khor chen po bsams te/ mchod pa byas la dmar ser gyi mar snod gsar par bcug la/ rdo rje khu tshur g.yon par mnan la /bcom ldan 'das sdog dang bcas pa lta bur sems shing mtshan thog thag bzlas brjod bya ba yin no/ /de nas dri sna tshogs bsnams shing zhes bya ba la sogs pas mtshan ma ston to/ /de nas dri dang ldan pa las/ brlangs pa 'am/ du ba 'am/ me 'am/ 'od zer ram/ me sgron nam/ 'od la sogs pa'i mtshan ma byung na mar me de yang mar gsar pa la sogs pa rdzas bcu gcig pa gang yang rung ba las bsres te/ nang bar sngar bsrungs pa dang/ nad med zo mdog bde? skra dkar dang gnyer ma med pa'i tsho lo brgya par 'gyur ro/ /gzhan yang des nyungs kar la sogs pa zhi ba la sogs pa'i las 'grub par 'gyur te/ the tshom med do/ /de ltar tshe tshad med pa'i dkyil 'khor bshad nas/ da ni 'jig rten pa'i lha la mos pa'i don du 'jig rten pa'i dkyil 'khor drug ston te/ de yang dang por de nas rgyal po ba'i zhes bya ba la sogs pas rgyal po bzhi'i dkyil 'khor ston to/ /de nas zhes bya ba na dang po'i sbyar ba'i rjes
- 275a
thogs/ de yang 'dir gtsug tor du bshad pa las/ rgyal po bzhi dang bcas pa'o/ /de nyid kyi snying gar sprul pa'i dus su gtso bo'i thugs kar zla ba la sngags bkod de/ ngan 'gro sbyong ba'i dus su rgyal po bzhi yang dgug pa dang bcas pa bsgom zhes bya ba'i don to/ /rgyal po bzhi zhes bya ba la sogs pa la/ bshad du gsol zhes bya bar sbyar ro/ /de yang rgyal chen bzhis mos pa byed pa'i sa thob pa'i phyag na rdo rje la phyag 'tshal nas/ sems can ngan 'gro las bskyab pa dang/ tshe phyi ma dang 'di'i don du rang rang dgod pa'i snying po dang/ sprul pa la sogs pa bshad kyis/ de la brten pa'i dkyil 'khor rdo rje 'dzin pas bka' stsal du gsol zhes gsol ba gdab po/ /rgyal po chen po dag legs kyis shod cig dang/ des rjes su yi rang zhing byin gyis brlab par bya'o zhes bya ba ni khyod gyis zhus pa bzhin du ngas byin gyis brlab cing bshad pa'o zhes bya'o/ /de nas gnod sbyin gyi rgyal po la bos te zhes bya ba nas rang rang gi snying po phul te/ oM baM/ gnod sbyin kyi rgyal po'i'o/ /oM d+hi dri za'i rgyal po'i'o/ /oM bai grul bum gyi rgyal po'i'o/ /oM khya klu'i rgyal po ste/ 'di dag gis de rnams dgod pa la sogs pa ston te/ sgo ba rnams kyi ni dza(rgyud 'grel): hUM baM ho(rgyud 'grel): zhes bya ba yin no/ /'dis kyang 'di skad du ston to/ /sbyor ba dang po bsgoms pa la khang pa brtsegs ma dang gdan bskyed de/ rgyal po bzhi dang bcas pa bsams nas/ snying po de rnams kyis rgyal po gnas rnams su bkod de/ phyag na rdo rje'i thugs ka las sgo ba bzhi ston nas bsgom pa ni/ dkyil 'khor rgyal po mchog gi ting nge 'dzin to/ /de nas bsdu zhing byin gyis brlab pa ni las kyi rgyal po mchog gi ting nge 'dzin yin par shes par bya'o/ /de nas de dag gi dkyil 'khor bshad
- 275b
de zhes bya bas ni/ slob dpon gyi las dang slob ma gzhug pa la sogs pa ston te/ de yang rgyal po chen po de dag gi dkyil 'khor bshad pa ni/ phyi'i dkyil 'khor gru bzhi pa sgo bzhi pa/ nang gi dkyil 'khor 'khor lo rtsibs bzhi pas brgyan pa'o/ /de'i lte ba la snga ma bzhin du rdo rje 'dzin pa zhi ba bri ba'o/ /byang phyogs kyi rtsibs la rgyal po ne le'i rgyal ba thogs pa/ rin chen rgyan gyis brgyan pa spobs pa brtsegs pa/ seng+ge'i gdan la gser gyi bum pa bzang po kha nas chu 'bab pa dang/ dpag bsam gyi shing dang bcas par bri'o/ /shar phyogs kyi rtsibs la yul 'khor bsrung/ pi wang bsgreng ba ljang gu rgyan rnams kyis brgyan pa'o/ lho phyogs kyi rtsibs la lus 'phags ral gri lag na thogs pa dri 'od nub phyogs kyi rtsibs la mig mi bzang rdo rje dang zhags pa 'dzin pa mgo bo la sprul mgo bdun gyis bskor ba mig dmar zhing shin tu 'bur ba bri'o/ /sgo bzhi'i phyogs su lcags kyu ma la sogs pa bri'o/ /de nas dgongs ka'i dus la bab pa dang/ rdo rje'i phyag rgyar rnal 'byor pa nyid zhugs la/ lhag chad zhi bar bya ba dang/ me tog dor ba la sogs pa sngon du 'gro bas ting nge 'dzin gsum dang/ yang sgo phye ste dang po rdo rje 'dzin pa spyan drang/ de nas oM bai? zhes bya ba la sogs pa la dza:hUM baM ho:/ btags pas rgyal po spyan drang/ lcags kyu la sogs pas las bya/ phyag rgya bzhis rgyas gdas dbang bskur dang mchod pa bya ba/ cho ga bzhin du phyi rol du gtor ma dbul/ sbyin sreg bya zhing gnang ? ces bya bas ston te/ /de nas sngags mkhan sngags 'di dang zhes bya ba la sogs pas gzhug pa dang/ dbang bskur ba phan yon dang bcas pa ston to/ /de nas rnal 'byor pas oM badzra sa ma ya hUM zhes bya ba'i sngags 'di dang/ rdo rje
- 276a
'dzin pa'i phyag rgyas rigs bzhi po gang yang rung ba me tog gam/ rin chen thogs su bzhug go /de nas pra tits+tsha ba ma to d+ha ma zhes bya bas dor ro/ /gang la bab pa de 'dis 'grub par 'gyur/ de nas sngar bshad pa bzhin du pad+ma la bzhag ste/ phyi rol du gnas pa'i bum pa bzhis dbang bskur zhing/ phyag na rdo rje'i phyag rgyar bskyed la dbang bskur bar bya ste/ de nas dbang nyi shu rtsa gcig po kun snga ma bzhin du dbang bskur/ rgyal por gyur pa dang/ rgyal po yang gling gcig dang/ gling bzhi la dbang bskur ba'i rgyal por 'gyur ro/ /phyag na rdo rje'i phyag rgyar bskyed pa bzhin du gzhan yang rgyal po bzhi'i phyag rgya bskyed de/ lan bzhir dbang bskur zhing zhugs na/ rdo rje 'dzin pa dang rgyal po bzhi/ 'khor dang bcas pas rtag tu skyong ba dang/ gzhan gyi gnod pa dang nad dang 'chi bdag gi 'jigs pa dang/ mu ge la sogs pa'i gnod pa 'joms so/ /rgyal po bzhis khyad par du zhi ba dang/ mngon spyod dang dbang dang rgyas pa byed de/ de ltar ma byas na phyag na rdo rje la 'khus par 'gyur ro/ /zhes bya ba yin no/ /de nas zhes bya ba la sogs pas phyogs skyong ba bcu rnams kyi dkyil 'khor ston te/ de nas zhes bya ba ni phyogs skyong bcu dang bcas pa'i phyag na rdo rje/ mdor na dang po'i sbyor ba'i ting nge 'dzin te/ rdo rje thogs pa'o/ /phyogs skyong ba bcu rnams kyis zhes bya ba la sogs pas/ phyogs skyong ba bcu rnams kyis zhes bya ba la sogs pa la/ phyogs skyong ba bcu rnams kyis bcom ldan 'das la phyag byas te/ sems can gyi don du rang gi snying po dbul bar gsol ba btab pa dang/ bcom ldan 'das kyis gnang bas rang gi snying po phul ba/ oM i zhes bya ba nas oM bra zhes
- 276b
bya ba'i bar brgya byin dang/ gshin rje dang/ chu lha dang/ gnod sbyin dang/ me lha dang/ srin po dang/ rlung lha dang/ dbang ldan dang/ nyi ma dang phag rnams kyi snying po yin te/ 'dis ni 'di rnams dgong pa ston to/ /de nas bsdu zhing byin gyis brlab pa ni/ snga ma bzhin no/ /de nas de dag gi dkyil 'khor bshad de zhes bya ba la sogs pas/ slob dpon gyi las dang/ slob ma gzhug pa la sogs pa ston te/ de yang ting nge 'dzin gsum dang/ sa dang lhag par gnas pa byas pa de'i rjes la/ dkyil 'khor zur bzhi pa sgo bzhi pa la sogs pa dbus su 'khor lo rtsibs brgyad bris la/ de'i lte ba la rdo rje 'dzin pa snga ma bzhin bzhag /phyogs skyong rnams shar la sogs pa'i char brgya byin la sogs pa bzhag /lte ba la spyan sngar nyi ma dang phag kyang bzhag/ /sgo rnams su lcags kyu la sogs pa yang bzhag /de nas ting nge 'dzin gsum la sogs pa spyan drang ba dang/ mchod pa bya/ de nas slob ma gzhug pa'i don du yang bdag nyid gcig zhugs nas/ gnang ba nong pa'i mthar thug par bya zhes bya ba'i don to/ /slob ma rnams ni gzhug byas shing/ ces bya ba la sogs pas dkyil 'khor du gzhug pa dang/ dbang bskur ba dang/ phan yon ston to/ /dang po slob ma rnams rtsa ba'i rgyud du bshad pa bzhin du gzhug cing/ phyogs skyong ba'i bum pa rnams kyis dbang bskur te/ dbang bskur ba gzhan rnams kyis kyang dbang bskur te/ snying po sbyin par bya ste/ de nas bsgrubs na 'grub par the tshom med do/ / zhes bya ba'i don to/ /de nas de dag mgu nas ni 'di skad du tshig gsol to/ /zhes bya ba la sogs pa brgya byin la sogs pas zhus pa ste dbang bskur ba'i phan yon yin te/ go sla bas ma bshad do/ /de nas gza' chen po brgyad
- 277a
ces bya ba la sogs pas gza' chen po brgyad kyi dkyil 'khor ston to/ /de nas zhes bya ba la/ de nas zhes bya ba ni dang po'i sbyor ba ste/ 'dir dang po'i sbyor ba ni phyag na rdo rjes gza' chen po rgyud skar dang bcas pa yin no/ /gza' chen po brgyad ces bya ba la sogs pa la/ gza''khor dang bcas pa rnams rang rang gi snying po bul ba la byin gyis brlabs nas rang rang gi snying po bzlas pa ni/ oM a zhes bya ba nas/ oM ra zhes bya ba'i bar pa ba sangs dang/ phur bu dang/ zla ba dang/ gza' lag dang/ mig dmar dang/ sgra gcan dang/ nyi ma dang/ spen pa la sogs pa/ smin drug la sogs rgyu skar nyi shu rtsa brgyad dang bcas pa yin no/ /de nas bsdu ba dang phyin gyis brlab? pa ni snga ma bzhin te/ ting nge 'dzin rnam pa gsum mo/ /de nas de dag gis dkyil 'khor bshad de zhes bya ba la sogs pas slob dpon gyi las ston to/ de yang ting 'dzin gsum gyis bsnyen pa byas nas sa dang b+hag par gnas pa'i rjes la thig gdab pa sngon du 'gro bas ji skad du bshad pa'i dkyil 'khor dang/ nang gi chos dkyil 'khor 'khor lo rtsibs brgyad pa lte ba dang bcas par bris la/ dbus kyi pad+ma'i lte ba la rdo rje 'dzin pa'i khro bo bzhag par bya/ pad+ma 'dab ma brgyad kyi mtshams bzhi por pa'i phyogs la rdo rje dang/ rin po che dang/ pad+ma dang/ sna tshogs rdo rje bri'o/ /rtsibs la shar du pa ba sangs/ lhor phur du/ nub tu zla ba/ byang du gza' lag /lho nub tu sgra ba can 'dzin/ nub byang du nyi ma/ byang shar du spen pa/ sgo bzhir lcags kyu la sogs pa khros pa bri/ khor yug gi phyi rol tu smin drug nas bra nye'i mthar thug par rgyu skar bdun bdun phyogs re re bri'o/ /'dir lA sye la sogs pas rnams
- 277b
mi bri ba ni/ 'jig rten pa'i lhar dngos grub gsol ba'i rgyur gyur pa mchod pa bya ba ma yin pa'i phyir ro/ /de nas khrus la sogs pa sngon du 'gro bas ting nge 'dzin gsum dang ldan pa lcags kyu la sogs pas las bya zhing/ mchod pa dang snang ba nod pa snga ma bzhin no/ /de nas slob ma rnams gzhug ste/ zhes bya ba la sogs pas gzhug pa dang/ dbang bskur ba'i phan yon dang bcas pa ston to/ /oM badzra zhes bya ba la sogs pa gsum gyis gzhug pa'i khyad par bstan to/ /lhag ma ni sngar bshad pa bzhin no/ /de nas gza' brgyad kyis byin gyis brlabs pa'i bum pas dbang bskur rdo rje'i phyag rgyas dbang bskur/ dbang bskur ba lhag ma rnams kyis kyang dbang bskur/ gza'i yi dam 'di ltar bzung ste/ snying po don tsam gyi sgo nas bsgrub par bya'o/ /'dir bsgrub pa'i khyad par ma bshad pa ni rgyu ni gsum yin te/ dbang dang dam tshig kho na gtso bzung zhig /dbang gi 'bras bu gza'i dkyil 'khor la sogs pa gsum yin no/ /klu'i dkyil 'khor la sogs pa gsum ni/ dbang dang dam tshig dang dngos grub thams cad sgrub pa kho na'o/ /'di ltar bstan pa ste yang des 'dul ba'i gang zag la sogs pa yin no zhes bya ba'o/ /de nas phan yon gza' rnams kyi 'dod pa thams cad bsgrub po/ /rgyu skar dang skad cig dang yud tsam dang/ thang gcig dang/ dus gcig dang/ zla ba tshigs dang/ sbyor ba dang/ khyim dang/ dus sbyor dang/ 'jug phod la sogs pa zhes bya ba ni rgyu skar de dag nyid/ skad cig la sogs pa la dbang ba dang/ drug drug pa la sogs pa nas zla tshogs la dbang pa dang/ dngal la sogs pa'i 'byor pa dang/ khyim dang/ dus 'byor pa la sogs pa 'grub pa dang/ mjug pa nga? bzang
- 278a
ngan byed pa dang zhes bya ba yin no/ /lhag ma rnams ni go sla bas ma bshad do/ /de nas klu chen brgyad kyis zhes bya ba la sogs pas klu'i dkyil 'khor ston te/ de nas zhes bya ba la sogs pa'i sbyor ba'i ting nge 'dzin te/ de yang snga ma las glu chen brgyad dang bcas pa'o/ /rgyu chen brgyad kyis zhes bya ba la sogs pa la/ rang gi skad cig tsam gyis mtshon pa'i sgras/ bcom ldan 'das mnyes par byas te/ snying po dbul bar zhus pa dang/ bcoM ldan 'das kyis gnang nas rang rang gi snying po phul ba/ oM phu(rgyud 'grel): zhes bya ba nas/ oM phu:zhes bya ba'i bar mdza' yas dang/ 'jog po dang/ karko Ta dang/ rigs ldan dang/ nor rgyas dang/ dung skyong dang/ pad+ma dang/ chu lha rnams kyi yin no/ /de snga ma bzhin du bshad pas dkyil 'khor rgyal po mchog gi ting nge 'dzin bstan to/ /de nas bsdu ba dang byin gyis brlab pa ni/ snga ma bzhin du las rgyal mchog gi ting nge 'dzin no/ /de nas zhes bya ba la sogs pas slob dpon gyis las bstan to/ /de yang sngon du bsnyen pa dang sa lhag par gnas pa'i cho ga dang/ thig gdab pa bcas par bya ba de nas zhes bya'o/ /pad+ma 'dab ma brgyad pa'i dkyil 'khor bshad de/ pad+ma 'dab ma brgyad pa kha dog dkar po/ de'i lte bar rdo rje 'dzin pa khro bo dbu la sprul mgo bdun mdza' yas yod par bri'o/ /dbang ldan gyi phyogs nas brtsams nas/ mdza' yas nas chu lha'i bar mthar thug par/ pad+ma re re la sbrul mgo bdun bdun mgo la yod pa/ chung mas lag pa g.yas pas mgul nas 'khyud par bri bar bya'o/ /'di dag dang phyi'i dkyil 'khor dang sgo la sogs pa med na ni rgya mtsho chen po la brten pa'i dbang du byas nas dus de la dgongs nas bshad pa yin
- 278b
de'i phyir pad+ma yang chu dang 'dab las skye ste/ 'di dag kyang pad+ma la gnas pa nyid do/ /gzhan dag tu ni gzhal yas khang dang yang bcas par bshad do/ /gzhan yang bum pa brgyad dang/ gtor ma dang/ shin tu mdzes pa'i bshes dang/ 'byung po'i gtor ma mar dang 'o ma dang sbrang rtsir bcas par bri'o/ /de nas khrus bya ba'i sngon du 'gro bas zhugs la ting nge 'dzin gsum dang ldan par bya'o/ /sbrul mgo'i phyag rgya rang gi skad mtshon pa phu:dza hUM baM ho(rgyud 'grel): /zheS brjod de/ lcags kyu la sogs pas las bya ba snga ma bzhin du shes par bya'o/ /de nas bu ni rgyal po dang zhes bya ba la sogs pas slob ma gzhug pa ston te/ de nas rgyal po dang rgyal rigs rtsa ba'i rgyud du bstan pa bzhin du dkyil 'khor du bcug nas/ dug gis nyes pa bsal ba'i phyir/ pu(rgyud 'grel): ces bya bas drangs pa'i sngar bshad pa'i sngags rnams kyis snga ma bzhin du dbang bskur ro/ /de nas oM be'u zhes bya ba la sogs pa'i snying po tsam brjod nas klu rnams bsgrub par bya'o/ /de nas de dag mgu nas zhes bya ba la sogs pa ni/ go sla ba'i phyir ma bshad do/ /klu'i dkyil 'khor 'di nyid du dbang thob pa rnams la dngos grub bstan pa'i phyir/ de nas bsgrub pa bshad de ces bya ba la sogs pas dngos grub bshad de/ de yang dang por gnas dben par khrus byas pa sngon du 'gro bas bdag rdo rje 'dzin par bsams te/ de'i dbul sbrul mgo de las lha rdzas kyi 'od zer gyi phreng ba dkar po/ /bdud rtsi 'bab pa lta bur bsams te/ phu:ces bya ba thun mong gi snying po 'bum bzlas la bsnyen pa byas te/ de nas klu'i dkyil 'khor bsams te mchod de dug gis zin pa 'am/ g.yan pa 'am 'tshe ba la sogs pas zin pa la/ dbu'i lha rdzas
- 279a
'od zer gyi phreng bas bkang te/ de'i don du phu:ces byas la klu'i dkyil 'khor bsams te/ lag pa sprul mgo'i zhags pa 'dra bar drang zhing phu:ces brjod la/ 'od zer gyi rlung gis gtor la/ dang bor pags pa de nas sha dang/ tha mar rus pa la gnas pa'i dug rnams phu:ces bya ba dang/ sbrul mgos drangs na 'drongs par 'gyur ro zhes bya ba'i don bsgrub pa yin no/ /de nas las thams cad byed cing/ dug rims dang dug sbyar ma la sogs kyi dus su snga ma bzhin du sbyar na khu tshur gyis kyang 'byin te/ sprul mgo phyag rgya smos ci dgos ces bya ba khyad par du gsungs pa yin no/ /de nas zhes bya ba la sogs pas/ 'jigs byed chen po'i dkyil 'khor ston to/ /de nas ces bya ba ni 'jigs byed dang bcas pa snga ma bzhin no/ /lha chen po rnams kyi bdag po 'jigs byed chen po ces bya ba la sogs pa la/ 'jigs byed dang rang gi 'khor bud med brgyad dang bcas pas bskor bas phyag byas te zhus pa'i don to/ /skrag cing smyo ba la sogs pa la phan gdags pa'i slang du snying po phul la gsol ba gtab pa dang/ bshad par gnas nas 'jigs byed chen po kho nas 'jigs pa'i sgras phyung ste/ smras pa ni oM pe ri? ces bya ba nas/ oM ba swAhA ces bya ba'i bar yin te/ 'jigs byed chen po dang/ tshangs pa dang khyab 'jug dang/ brgya byin dang/ gzhon nu dang/ karti ka dang/ b+h+rid gi ri ti dang/ stobs bzang dang/ tshogs kyi bdag po khros pa dang bcas pa chung ma dang bcas pa rnams kyi snying po yin te/ dkyil 'khor rgyal po mchog gi ting 'dzin ston to/ /gang gi phyir 'jigs byed chen po kho nas smras zhe na/ bcom ldan 'das 'jigs
- 279b
byed chen po ni/ brgyad po de dag dag nyan ces bya ba gsungs te/ gtso bo yin pa'i phyir dag nyan pa'o/ /ting nge 'dzin gsum pa ni de bzhin du shes par bya'o/ /de nas de dag gi dkyil 'khor bshad de/ ces bya ba la sogs pas slob dpon las ston te/ de bzhin du bsnyen pa la sogs pa thams cad byas la/ phyi'i dkyil 'khor bri ba'i nang du 'khor lo rtsibs brgyad pa lte ba dang bcas pa bris nas/ rdo rje 'dzin pa khro bo 'jigs byed chen po dang bcas pa zhabS sa 'og tu non par bri/ shar phyogs kyi rtsibs su brgya byin la sogs pa/ lho'i phyogs kyi rtsibs la tshangs pa khros pa/ nub phyogs kyi rtsibs la gtogs 'dod khros pa/ byang phyogs kyi rtsibs la gzhon nu karti ka khros pa/ shar lho'i rtsibs la tshogs kyi bdag po khros pa/ lho nub kyi mtshams su b+h+ring gi ri ti khros pa/ nub byang gi mtshams su dga' byed dbang phyug khros pa/ byang shar gyi rtsibs la stobs bzang khros pa/ chung ma dang bcas pa bri bar bya'o/ /rgyud 'dir ni lha rnams kyi kha dog dang phyag 'tshan dang gang na dang dbyibs la sogs pa ma bstan pa ni 'gro ba 'dul ba la de rnams kyi phyag mtshan la sogs pa nges pa med pa'i phyir ma bstan to/ /yang dkyil 'khor du dgod pa'i dus su ni/ bya ba dang spyod pa dang/ rnal 'byor gyi rgyud gzhan rnams las shes par bya'o/ /'dir yang sgo ba rnams ni khro ba dang ldan par bri la/ sngar bshad pa bzhin du bum pa la sogs pa rnams bzhag bar bya'o/ de nas ting nge 'dzin gsum dang ldan pas/ sgo dbye ba la sogs pa lcags kyu la sogs bas las byas te/ khrag gis bkang ba'i thob pas mchod pa dang/ sha chad? gi gtor ma dang/ snod mgo'i thod rnams khrag chang gis bkang ba gzhug /bum pa brgyad 'jigs byed
- 280a
kyis byin gyis brlabs pa rnams mchod cing/ phyi rol du gtor ma byin la gnang ba nod pa'i bar du bya'o/ /de nas 'jig rten gsum rgyal po'i ces bya bas/ slob ma bya ba la sogs pas slob ma bzhug pa ston to/ /slob dpon gyi las rnams kyis rjes thogs la 'dir 'jug pa'i phyag rgya ni drag po yin pa'i phyir/ 'jig rten gsum rgyal gyi phyag rgyas sngar bshad pa bzhin du bcug la/ bum pa 'am mgo'i thod pa brgyad kyi khrag lce la myang du gzhug cing dbang bskur ba thams cad kyis dbang bskur ba'o/ /de nas zhes bya ba la sogs pas 'di nyid du dbang thob pa la las sbyin pa ston to/ /de nas dang por re zhig bud med kyi khyim mam/ shing cig par lce dang lag pa byin gyis brlab pa nas brtsams te/ 'jig rten gsum rgyal du bskyed nas mchod de/ oM be re zhes bya ba 'bum phrag bzhir thos nas khrag gi thod pa thos nas khrag gi thod pa phul te/ 'jigs byed mthong bar 'gyur ro/ /khams gsum rnam rgyal hUM zhes bya ba dran par byed cing thod pa bkang ste yang phul nas/ grub nas ci 'dod ces bya bar smra bar byed/ sa sbyin bar ma rtogs par khams gsum rnam rgyal gyi nga rgyal du bsgoms pas gsol ba btab nas/ khu ba la sogs pa thams cad sbyin par byed do/ /mi skrag par byas te/ skrag na de ma thag tu gsod de/ de nas ces bya ba la sogs pas lha chen po rnams kyi dkyil 'khor ston te/ de nas ces bya ba snga ma bzhin te/ tshangs pa la sogs pa dang bcas pa'o/ /tshangs pa la sogs pa lha chen po rnams kyis zhes bya ba la sogs la/ lha chen po rnams kyis rdo rje 'dzin pa la phyag byas te/ zhus pa'i don rang
- 280b
gi snying po bshad par 'dod pa la byin gyis brlabs par gsol ba btab nas/ rang gi snying po smras pa zhes bya ba nas zhes bya ba'i mdza' thug par ste/ dbang phyug chen po dang/ tshangs pa dang/ brgya byin dang/ gtogs 'dod dang/ gzhon nu karti? ka dang tshogs kyi bdag po dang/ /b+h+rang? gi ri ti dang/ stobs bzang rnams kyi yin no/ /'di'i bshad pa snga ma bzhin dkyil 'khor rgyal po mchog gi ting nge 'dzin to/ /ting nge 'dzin gsum pa yang de bzhin du shes par bya'o/ /de nas zhes bya ba la sogs pas/ slob dpon gyis las bstan to/ /bsnyen pa la sogs pa thams cad byas pa de nas tshe dpag tu med pa de bzhin du dkyil 'khor 'khor lo rtsibs bzhi pa bris la/ lte ba la rdo rje 'dzin pa khro bo/ shar gyi rtsibs? la dbang phyug chen po lho'i rtsibs la brgya byin nub kyi rtsibs la tshangs pa/ byang gi rtsibs la gtogs 'dod/ rang rang gi chung ma dang bcas pa bri te/ lcags kyu la sogs pa bzhi yang khros pa dang bcas pa bris la/ dkyil 'khor gyi phyi rol du dbang ldan gyi mtshams nas brtsams nas/ stobs bzang dang/ tshogs kyi bdag po dang/ b+h+ring gi ri ti dang/ gzhon nu karti ka bzhag /bya dang bum pa la sogs pa thams cad kyang snga ma bzhin du bzhag /de nas zhugs pa sngon du 'gro bas ting nge 'dzin gsum dang/ phyag rgya bzhis rgyas gdab pa la sogs pa mchod pa'i mthar thug pa thams cad dga' ba chen por mchod par bya'o/ /de nas rdo rje 'dzin ma ni ces bya ba la sogs pas slob ma gzhug pa'i las la sogs pa ston to/ /'dir rdo rje 'dzin pa'i phyag rgya bcings la snga ma bzhin du bcug nas/ oM pra tits+tsha ces bya ba la sogs pas me tog dor/ mig dbye ba/ bstan par bya ba la sogs pa thams cad snga ma
- 281a
bzhin du/ de nas sngags kyis btab pa'i bum pa brgyad kyis dbang bskur/ dbang bskur lhag ma yang rtsa ba'i rgyud du bshad pa bzhin shes par bya'o/ /de nas lha rnams gang dga' ba'i ces bya ba la sogs pas 'di nyid du dbang dang dam tshig thob pa la dngos grub sbyin pa ston to/ /gang la dga' ba'i sngags byin la/ snga ma bzhin du rdo rje 'dzin pa bsams te/ 'bum phrag gnyis bsnyen pa byas nas zhes pa'i gnas dkyil 'khor chen po bsams te bsgrubs na nam phyed nas lha 'ongs nas/ ci 'dod pa sbyin gyis soms te smros shig /de nas lha la gsol ba ci 'dod pa gdab po/ /de nas bla ma slob dpon la che re dbul ba ni rtsa ba'i rgyud du bshad pa bzhin du shes par bya'o/ /de nas ces bya ba la sogs pas 'jig rten las 'das pa'i dkyil 'khor bcu gnyis po mdza' dag tu bzhugs pa'i 'bras bu lam bco lnga dang/ 'jig rten pa'i yon tan mdza' dag kyang bstan te/ go sla bsam bshad do/ /'jig rten drug par du ci'i phyir bstan ce na/ sangs rgyas kyang chos thams cad kyang sku gsum dang rigs gsum gyis bsdus pa'o/ /de yang kun rig dang/ gtsug tor dang/ tshe dpag tu med pa'i dkyil 'khor gsum gyis de dag pa bstan par bya ba'i phyir dang por ston to/ /de nas de dag la 'jug pa yang byang chub sems dpa' mos pa'i sa yan chad thob pa yin pas sbyor ba'i lam la gnas pa thob pa'i rang bzhin can rgyal po bzhi dang phyogs skyong bcu dang/ gza' chen po brgyad kyi dkyil 'khor dang dbang dang dam tshig dang gtso bor gyur pa ston to/ /sbyor ba'i pham mngon par rtogs pa dang 'brel pa'i rang bzhin la/ gzhan gyis don byed pa gtsor 'gyur bas/ klu chen po brgyad dang/ 'jigs byed chen po
- 281b
dang/ /lha chen po'i dkyil 'khor gtsor gyur pa bstan to/ /de dag byang chub sems dpa' mos pas spyod pa'i sa la gnas pa zhes bya'o/ /de yang rtsa ba'i rgyud las/ de nas brgya byin dang tshangs pa la sogs pa'i lha'i bu rnams dang/ rgyal po chen po bzhi dang/ 'jig rten skyong ba brgyad dang/ gnod sbyin gyi sde dpon chen po nyi shu rtsa brgyad dang/ gnod sbyin gyi sde dpon chen po nor bu bzang po dang/ nor bu bzang po chen po la sogs pa byang chub sems dpa' i sa la rab tu gnas pa rnams dang zhes gsungs pa'i phyir ro/ /de yang sa bcu dang sangs rgyas kyi sa la sku gsung thugs nyid du 'byung bas 'chi bdag 'joms pa gsung/ bde ba chen po sku dang/ khro bo dkyil 'khor te/ gsum phyis bshad do/ /de ltar na rgyu 'bras kyi go rim du bshad nas zhes bya ba yin la/ grangs kyang nges pa 'di tsam gyis bstan to// //de ltar 'jig rten pa'i dkyil 'khor drug bshad nas/ da ni de nas ces bya ba la sogs pas 'chi bdag 'joms pa'i dkyil 'khor ston to/ /de nas zhes bya ba ni snga ma bzhin sbyor ba dang po'i rjes thogs la'o/ /bcom ldan 'das phyag na rdo rje nyid kyis 'khor gyi dkyil 'khor la gzigs nas zhes bya ba la gsol pa/ mthu chen po'i rigs bshad du gsol zhes bya bas sbyar ro/ /de yang phyag na rdo rje nyid kyis 'khor la gzigs te 'dzum pa dang/ 'khor g.yos pa dang/ 'gul ba dang/ 'bar ba dang/ rgod pa dang/ rtse ba rmad kyi ya mtshan snang bar gyur to/ /de la lha rnams de par gyur nas phyag btsal te 'dzum par mdzad pa'i rgyu dris pa dang/ phyag na rdo rjes gsan nas lha rnams la 'chi bdag 'joms par byed pa'i rig pa thos nas zhes bka' stsal pa dang/ phyag 'tshal zhing mgu zhing dang ba'i dad pa skyes te/
- 282a
legs so zhes bya ba sngon du 'gro bas tshe bsring zhing 'chi bdag zhi bar bya ba dang/ ngan song grol bar bya ba dang/ 'khor ba spangs te bla na med pa yang dag par rdzogs pa'i byang chub thob par bgyi ba'i slad du/ rig pa bshad du gsol zhes bya ba'i don to/ /snga ma ni tshe 'di la gnas pa'i don du bshad pa kho na yin la/ 'di ni 'di dang phyi ma gnyis ka na thams cad yin pa'i phyir/ khyad par de yod do/ /de nas bcom ldan 'das phyag na rdo rjes lha rnamS kyis kyang gsol ba'i tshig gsan nas ces bya ba ni/ sngar gsol ba btab pa'i tshig gsan nas so/ /de bzhin gshegs pa thams cad kyi snying po rig sngags 'di nyid sku gsung thugs rdo rje las phyung ngo zhes bya ba ni/ 'og nas 'byung ba'i rigs sngags 'di nyid sku las 'od zer gsung las sgra thugs nges pa'i ye shes las phyung ngo zhes bya ba'i don to/ /de nyid oM puN+ye/ ces bya ba la sogs pa'o/ /snying po rig pa'o ces bya ba ni/ snying po ni ye shes lnga'o/ /de nyid rig pa'o// de ston pa'i sgra la yang de skad ces gdags so/ /'di ni thams cad kyi 'od kyi dkyil 'khor la bris pa'i rig pa dang/ bzlas brjod du bya bstan to/ /oM d+hi swAhA/ nye ba'i snying po'i rig pa'o zhes bya ba ni gdan gsum pa'i rgyu rdo rje lta bu'i ting nge 'dzin to/ /de'i sgra yang snga ma bzhin no/ /phyag na rdo rje'i snying po'o/ /oM b+h+ruM swAhA/ snying po'o/ /nye ba'i snying po rig pa zhes byas pa la/ snying po ni gzugs kyi sku'o/ /nye ba'i snying po ni rig pa'o/ /mngon gsum pa'i rgyu ye shes te/ de'i sgra yang snga ma bzhin no/ /gtso bo ni rig pa'o/ /oM kruM swAhA snying po yang dag par bskul ba'o/ /ces bya ba ni thugs rjes thugs yang dag par bskul ba'i rig pa'o/ /ces bya ba ni thugs rjes thugs yang dag par bskul ba'o/
- 282b
de'i sgra yang snga ma bzhin te/ khro bo'i rig pa'o/ /oM traM swAhA/ snying po dam pa'o/ /ces bya ba ni mnyam pa nyid kyi ye shes te/ sgra la yang de bzhin no/ /nam mkha' i snying po'i rig pa'o/ /oM h+ri swAhA/ gsang ba'i snying po ces bya ba ni/ so sor kun tu rtogs ye shes te/ /spyan ras gzigs kyi rig pa'i?/ /'di dag gis ni dkyil 'khor rgyal po mchog gi ting nge 'dzin to/ /snga ma bzhin du bsgom par bya'o/ /ces bya ba'i don to/ /las kyi rgyal po mchog gi ting nge 'dzin ni snga ma bzhin du shes par bya'o/ /de nas de dag gi dkyil 'khor bstan te/ ces bya ba la sogs pas slob dpon gyi las bstan te/ snga ma bzhin du bsnyen pa la sogs pa sngon du 'gro bas/ phyi'i dkyil 'khor bris te/ nang gi dkyil 'khor du 'khor lo rtsibs bzhi pa bris te/ dbus su de bzhin gshegs pa tsha dang tshogs dang gzi brjid tshad med pa bzhag /b+huM? ces byas pas so/ /spyan sngar phyag na rdo rje ste/ h+ri ces bya ba'i snying pos bzhag go /byang phyogs su khro bo ste/ kruM ces bya ba'i snying po'o/ /lho phyogs su nam mkha' snying po ste/ triM ces bya ba'i snying po'o/ /nub phyogs su spyan ras gzigs te/ h+riM? ces bya ba'i snying po'o/ /kun gyi 'od la/ oM pu N+ye? ces bya ba la sogs pa'i rig ba bri/ dbang bskur pa'i bum pa lnga dang/ mchod pa'i bum pa brgyad dang/ traM zhes bya ba'i sngags kyis bzlas brjod byas te bzhag go /bdug pa la sogs pa'i mchod rdzas kun la/ kruM zhes bya ba'i bzlas pa gzhag pa/ gzhan yang mchod pa'i lha mo brgyad dang/ sgo bzhi snga ma bzhin du bri'o// de nas dgongs ka'i dus la bab pa dang/ bya ba ni de nas sngags mkhan bdag nyid zhugs la bde bar gshegs pa sras dang 'ongs su bcas pa'i 'khor gyis bskor te rig pa dang lhan cig spyan drang ngo/ /de nas bdag nyid dbang bskur te/
- 283a
skyil krung bcas te 'dug la stong phrag brgyar bzlas na de bzhin gshegs pa 'am/ rdo rje 'dzin pa 'am/ 'phags pa spyan ras gzigs kyi dbang phyug kyang rung ste/ mngon sum du mthong nas 'dod pa'i mtshan ma so sor thog par 'gyur ro/ /ci ste mnyam par ma bzhag nas/ yid kyis thams cad nus par 'gyur ro/ /de nas rdo rje 'dzin ma'i phyag rgya bcings nas/ oM badzra d+hA ra/ ratna d+hA ra/ pad+ma d+hA ra/ di shwa d+hA ra/ ta thA ga ta/ ta thA ga ta sa ma ya ma ti kra ma tha ta thA ga ta sa ma ya d+hA ra at+ma konyahaM/ ces bya ba'i nga rgyal bskyed la ces bya ba ni/ sngags nyid zhugs la lhag chad bzhi par byas nas/ ting nge 'dzin gsum sngon du 'gro bas sgo phye ste/ rgyal ba sras dang bcas pa rig pa dang lhan cig spyan drang ngo/ /de nas lcags kyu la sogs pas las bya/ phyag brgya bzhis rgyas gdab/ dbang bskur/ bzlas pa dang/ mchod pa dang/ gtor ma dang/ sbyin sreg dang gnang ba nod pa'i bar du bya'o/ /de nas slob ma 'jug pa'i cho gas zhugs te/ bdag nyid dbang nyi shu rtsa gcig gi bskur nas/ skyil krung bcas nas 'bum bzlas na/ de bzhin gshegs pa la sogs pa/ dkyil 'khor gyi gtso bo mngon sum du mthong nas 'bras bu mchog thob bo/ /bzlas brjod ma byas kyang yid kyis las thams cad byed nus par 'gyur ro/ /de nas rdo rje 'dzin pa'i phyag rgya bcings nas/ rdo rje 'dzin gyi phyag rgya 'jug pa yin no/ /ces bya ba 'am/ di? ne? 'dzin dang/ khro bo dang/ de bzhin gshegs pa'i 'jug pa ni ra yin zhes nga rgyal bskyed la zhes bya ba'i don to/ /de nas slob ma rnams gzhug par bya'o/ /ces bya ba la sogs slob ma gzhug pa la sogs ston te/ de yang rtsa ba'i rgyud du bshad pa bzhin du/ /
- 283b
ye shes dbang ba'i mthar thug pa byas la 'dir me tog dor bar bya'o/ /oM sarbba ta thA ga ta pra tits+tsha ho sa ma ya stwaM/ de nyid brjod la mgo la bcings/ gdong g.yogs dgrol/ lha do bstan 'jug pa'i phyag rgya snying gar bstan/ dbang bskur bar bya ste/ snga ma bzhin du shar phyogs kyi sgor bzhag la/ oM sarbba ta thA ga ta a b+hi Shiny+tsa badzra d+hA tU a dz+nyA hUM b+h+ruM/ ces bya ba dang gtso bo bum pas dbang bskur ro/ /oM badzra badzra a b+hi Shiny+tsa hUM hUM/ ces bya bas rdo rje 'dzin pa bum pas dbang bskur ro/ /oM ratna a b+hi Shiny+tsa? traM/ ces bya bas nam mkha' i snying po'i bum pa'i dbang bskur ro/ /oM pad+ma a b+hi Shiny+tsa hUM h+ri ces pas spyan ras gzigs kyi bum pa'i dbang bskur ro/ /de nas karmma a b+hi Shiny+tsa hUM kruM ces bya ba dang/ khro bo'i bum pa'i dbang bskur ro/ /dbang lhag ma nyi shus kyang dbang bskur bar bya ste/ de la dam tshig ni 'di yin no/ /dkon mchog gsum dang byang chub kyi sems dang bla ma mi spang ngo/ /srog chags mi bsad ma byin par mi slang/ rdzun du smra bar mi bya/ gzhan gyi bud med la mi sbyang/ bla ma'i grib ma la mi 'gom/ slob dpon du yon tan can ma yin pa mi bzung/ slob dpon gyi mtshan nas mi brjod/ sngags dang phyag rgya dang lha la mi smad/ gal te glegs bam la smad na/ nad kyis thebs nas 'chi bar 'gyur ro/ /snying po dang lha'i grib ma dang phyag rgya dang gom pas mi 'gom/ dkon mchog gsum dang bstan pa la gnod pa dang bla ma la smod pa rnams ngan sngags kyis bsad par bya'o/ /log par lta ba dang/ sdig pa sbyong? pa dang/ sems can la gnod pa dang/ dam tshig la sdang ba rnams snying rje chen pos ngan sngags kyis bsad par bya'o/ /'jungs par can gyi nor blangs la/ /phongs pa rnams la sbyin par bya/ /bla ma la mchod pa bya ba'i phyir dang
- 284a
dam tshig bsgrub pa'i phyir dang/ dkyil 'khor la mchod pa'i phyir dang/ dam tshig can la phan pa'i phyir dang/ rgyal ba sras dang bcas pa la mchod pa'i phyir dang/ 'jungs pa rnams kyi nor dbrog go /sems can la phan par 'dod pas bla ma'i nor dang/ srog chags kyi srog bsrung ba'i phyir rdzun du smra bar bya'o/ /sangs rgyas mnyes par bya ba'i phyir/ dam tshig bsrung ba dang/ bsgrub pa'i phyir gzhan gyi bud med bsten par bya'o/ /de dag kyang ji lta bu zhe na/ rdo rje sems dpa' i rnal 'byor dang ldan pas thams cad spyad cing bsgrubs na 'grub par 'gyur ro/ /nyes par mi 'gyur na/ snying rje chen po dang ldan pa'i thabs kyis smos kyang ci dgos ces bya ba'i don to/ /de nas bka' i dbang bskur bar bya/ de nas las kyi rdo rje lag tu byin la las kyi dbang bskur bar bya'o/ /dbang bskur ba ni rtsa ba'i rgyud du bstan pa bzhin du shes par bya'o/ /de nas bla ma la lus dang nor dang/ dbyig dang/ 'bru dang stan dang/ bran dang?/ khang pa dang rgyal po yin na rgyal srid dang bu dang/ bu mo dang/ chung ma dang/ ma dang sring mo dang tsha 'o dang/ gzhan yang ci bzhed pa thams cad rang la phan pa'i phyir bla ma la dbul lo ces bya ba'i don to/ /de nas byang chub par du ni ces bya ba la sogs dngos grub ston te/ 'di nyid du dbang dam tshig thob pa de nas byang chub thob pa'i bar du sangs rgyas nyid dang/ byang chub sems dpa' dang 'jig rten pa'i mthu chen rnams sgrub par 'dod pas/ slob dpon la dngos grub rnams gsol ba gdab bo/ /de nas slob ma la phan pa'i phyir slob dpon ser sna med cing sems dad pas dad pa dang ldan pa'i slob ma la dngos grub sbyin par bya'o zhes bya ba sbyin no/ /ji lta bu sbyin zhe na/ chos rnams thams cad
- 284b
dngos med par/ /sems kyis bsgom pa byas nas kyang/ /a las zla ba'i dkyil 'khor bsam/ /rang gi sa bon de dbus su/ /bsams nas dam tshig phyag rgya dag/ /bsams shing de bzhin de nyid du/ /bsgrub pa yis ni bsgyur bar bya// lha yi rnal 'byor tshul du bsgyur/ /de nas rang gi sa bon dang/ phyag rgyas phyag rgya de byin brlab/ /lta 'og go rim ji bzhin du/ /sangs rgyas rnams kyis dbang bskur ro/ /de nas nga rgyal bskyed nas kyang ces bya ba gsungs te/ chos rnamS thams cad ces bya ba ni/ mtshan nyid 'dzin pas na chos te dngos po thams cad pa'o/ /dngos po med par ces bya ba ni/ rgyu dang bral bas zhes bya ba'i tha tshig go /rgyu dang bral ba de yang rgyu yod pa las skye 'am/ med pa las skye 'am/ / gnyi ga las skye zhe na/ ci dang por yod pa las ma yin te/ ngo bo nyid yongs su grub zin pa ni ma 'ongs pa'i dus bzhin du skye ba'i don du mi rigs so/ /gzhan du yod pa gal te yod pa skye bar 'gyur ba ni skyes zin pa'ang skye bar 'gyur ro/ / med pa las kyang mi skye ste/ shin tu gzugs med pa'i ri bong gi ra la sogs pa dang 'dra zhing skye bar 'jug pa dang mi ldan pa'i phyir ro/ /gzhan du 'di dag thams cad med par 'gyur zhing gang gi phyir dngos po'i phyogs gang yang rung ba 'ga' zhig las kyang dngos po thams cad rtag tu skye bar thal bar 'gyur bas/ rgyu dang 'bras bu nges pa med par 'gyur ro/ /gal te so so'i skye bo nub pa nges par mi 'gyur/ dngos po 'di rnams kyi nub pa so sor nges par gyur na ni dngos po de rnams las cung zad cig skye bar 'gyur bas khyad par med par kyang thams cad med pa yin no zhe na/ de ni mi rigs te 'bras bu rnams dang 'dres pa'i gzugs rnams rkyen du 'gyur na ni/ de'i tshe de rnams kyis so sor nges
- 285a
pa'i 'bras bu dang 'brel par 'gyur bas 'bras bu gang zhig la nges par nus pa yin/ de lta na nus pa nges pa med pa nyid du gnas par 'gyur ro/ /de bas na thams cad las thams cad skye bar thal bar 'gyur bas bzlog dka' bar 'gyur ba dang yod pa dang med pa'i phyogs su smras pa'i nyes pa dang 'dres par 'gyur ro/ /gnyi ga las kyang mi skye ste gcig la ngo bo nyid gnyis su 'gyur ba med de/ gcig la nyid dang gnyis la nyid phan tshun 'gal ba'i phyir de yang yod pa med pa'i don la yang rkyen ni rung ba mi yin te/ yong na rkyen gyis ci zhig bya/ med na gang gi rkyen du 'gyur/ /gang tshe chos ni yod pa na/ /med na yod min mi sgrub pa/ /ji ltar sgrub byed rgyu zhes bya/ /de ltar yin na mi rigs so/ /rkyen rnams so so 'dus pa las/ /'bras bu de ni med pa nyid/ /rkyen rnams las ni gang med pa/ /de ni rkyen gyis ji ltar bskyed/ /ci ste de ni med par yang/ /rkyen de dag las kye 'gyur na/ /rkyen dag las kyang 'bras bu ni/ tsi ? skye mi 'gyur/ /ces bshad pa yin no/ /sems kyi bsgom pa byas nas kyang ces bya ba ni snga ma bzhin no/ /don ces bya ba'i tha tshig go /snga ma las zla ba'i dkyil 'khor bsgom ces bya ba ni rang gi sems nyid zla ba dang po dang gnyis par bsgom pa'o/ /rang gi sa bon de dbus su/ /bsam zhing dam tshig phyag rgya dag/ ces bya ba ni dbus su rang gi sa bon las dam tshig gi phyag rgya bskyed par bya ba'i don to/ /bsam zhing de bzhin de nyid du/ /bsgrub pa pos ni bsgyur par bya zhes bya ba ni/ sku gsung thugs dpag tu med pa 'dus pa'o/ /lha'i rnal 'byor tshul du bsgyur zhes bya ba ni de nyid las lha'i sku rdzogs pa'o/ /de nas rang gi sa bon dang/ phyag rgyas phyag rgyas de byin brlab/ /ces bya ba ni
- 285b
byin gyis brlab pa rang gi sa bon/ oM sarbba bid badzra i tiSh+Tha dz+nyA na sa ma ye hUM ces bya ba dang phyag rgya gnyis bcings te/ snying ga la sogs pa'i gnas bco brgyad du byin gyis brlabs pa'o/ /lta 'og go rim ji bzhin du/ sangs rgyas rnams kyis dbang bskur ro/ /ces bya ba ni snying gar dkyil 'khor gi zhan du sprul te/ zhugs nas de'i 'og tu sangs rgyas lnga'i dbu rgyan dang/ dar dbyangs dang/ rdo rje dang/ bdag po dang/ ming dang brtul zhugs sbyin no zhes bya ba'i don to/ /de nas nga rgyal skyed nas kyang/ zhes bya ba ni dam tshig dang/ chos dang/ las dang/ phyag rgya chen po la sogs pas rgyas btab nas zhes bya ba'i don to/ /kyang zhes bya ba ni mchod pa bsdu'o/ /'di skad du ston pa yin te/ rigs rnams kyis zlos pa pos khrus kyis cho ga sngon du 'gro bas/ lha la sogs pa mchod de mi snang bar gyur par byas la dang po chos thams cad rgyu dang 'bras bu'i sgo nas stong pa nyid du bsgom/ a las zla ba'i dkyil 'khor dang/ yang zla ba'i dkyil 'khor dang sa bon las dam tshig gi phyag rgya dang de bzhin gshegs pa'i sku dang gsung dang thugs rdo rjer zhugs pa dang/ gzugs rdzogs par byed pa dang/ rdo rje'i phyag rgya gnyis bcings te/ sngags brjod la byin gyis brlabs pa dang/ snying gar sprul te 'jug pa dang/ dbang rnams kyis bskur ba dang/ rgyas gdab pa dang mchod pa yang bya'o zhes bya ba'i don to/ /mkhas pa yis ni sgrub byas na/ zhes bya ba ni bsnyen pa dang mtshan thog thag tu bsgomS naS zhes bya ba'i don to/ /'bras bu cir 'gyur zhe na/ de bzhin gshegs kyang 'grub 'gyur na/ /dngos grub gzhan lta ci zhig smos zhes bya ba yin no/ /'di ni stong pa thams cad kyi dam tshig sems dpa' bskyed pa dang/ dngos grub kyi cho ga ston to/ /de nas tshangs
- 286a
pa la sogs pa lha chen po rnams kyis zhes bya ba la sogs pas dkyil 'khor 'dir gzhug pa'i phan yon bstan te/ go sla bas ma bshad do/ /de nas lha de dag de bzhin gshegs pa la sogs pas dbang bskur ba dang/ bzlas brjod ston to/ /bcom ldan 'das la phyag 'tshal nas zhus pa'i don tshe thung ba dang/ ngan song du skyes par 'gyur ba mchis na ji ltar bsgrub ces zhus pa dang/ lan du dkyil 'khor du chug cig/ chos kyi yi ge zlos su chug cig /de tshe ring bar 'gyur/ bsod nams dang ldan par 'gyur/ ngan song las grol bar 'gyur zhes bya ba yin no/ /tshe 'di la gnas pa'i don bshad nas/ pha rol tu 'phos pa rnams kyi don du ngan song du skyes zin? pa rnams ming la sogs pa la bkug la/ lan bdun du dkyil 'khor du bcug la dbang bskur na/ ngan song las rnam par grol bar 'gyur ro zhes bya ba dang/ shi ba'i ming nas smos te/ sngar bshad pa'i rig pa'i rgyud nyid 'buM phrag stong gi bar du bzlas brjod byas pa la yang kha ton du klog pa'i tshul gyis byas na/ mtshams med pa lnga dang ldan pa yang 'byang bar 'gyur na/ sdig pa chung ngu lta smos kyang ci dgos ces phan yon gsungs pa yin no/ /lha'i bu rnams zhi ba'o zhes bya ba la sogs pas/ ngan song du skyes zin pa rnams spyad ba ston te/ zhi ba'i ho ma khung tha ma khru gang/ bar ma khru ngo/ mchog khru bzhi pa zlum po nyid du byas nas ming dang sngags spel te nyungs kar gyis brgya phrag stong du sbyin sreg byas na/ ngan song las thar bar 'gyur ro/ /de'i sha dang rus pa dang skra dang thal ba dang gzugs brnyan la sogs pas brgya phrag stong du sbyin sreg byas na yang ngan song las thar bar 'gyur ro/ /thab
- 286b
khung la sogs pa la ci zhig bri zhe na/ de'i dbus su 'khor lo rtsibs brgyad dang/ 'od gzer dkar po bri/ khor yug rdo rje rtse lnga pa 'od zer dkar po bri/ de'i phyi rol du 'khor lo rtsibs bzhi pa la/ shar phyogs su rdo rje bzhag /byang du rgya gram/ lho phyogs su rdo rje rin chen/ nub tu pad+ma/ sdig pa gzhom pa'i phyir bya ba'i phyag rgya sna tshogs pa bzhag par bya ste/ mu ran dkar po nang du/ phyi rol rdo rje rigs kyi phyag rgya bri ba ni/ gza' dang skar ma dang/ 'jig rten skyong ba dang bcas pa bri/ /gtso bo gang zhig tu bzhag ce na/ ri mo 'am lugs ma yang rung/ shar phyogs kyi rtsibs la rdo rje can dang lhan cig bzhag gzhan yang byang du bum pa dang gtor ma dang/ lha po shes rab tu bkang ba bzhag /mdor na thig btab na cho ga bzhin du bri bar bya/ de nas dkar po'i gos gyon rnal 'byor dang ldan pas ngan song gi rgyud na gnas pa'i sems can drang zhing/ sdig pa zhi bar bya ba'i phyir dang/ dag pa'i sems kyis sbyin sreg bya'o/ /rdzas ci zhig gis bya zhe na/ mar dang 'o ma sbrang rtsi dang/ chan dang 'bras yos dang/ yungs kar dang/ de'i rus pa la sogs bsregs te/ sbyin sreg bya'o/ /rus pa la sogs pa med ni ming nas smos te bya'o/ /de ltar shi ba bde 'gror bskyed nas/ rgyas pa'i sbyin sreg mkhas pas rgyas par bya dgos te/ zhes bya ba la sogs pa la rnal 'byor pas/ khru do pa dang khru bzhi pa dang/ mchog khru brgyad pa byas nas hom khung khru bzhi pa su? ran dang ldan pas de'i dbus su pad+ma dang rin po che'i 'od gzer ser po dang ldan par bri'o/ /de'i khor yug tu rin po che/ mu ran la pad+ma/ phyi rol tu rtsibs chen po bzhi la/ shar du rdo rje lhor rin po che/ nub tu pad+ma/ byang du sna tshogS/
- 287a
shar du 'khor lo'i rtsibs la gtso bo'i ri mo la sogs bri'o/ /grwa rnams su lha mo brgyad kyis phyag mtshan/ sgor lcags kyu la sogs phyag mtshan bri bar bya'o/ /de nas gos ser po bgos? nas/ mtho ris na gnas pa dran par byed cing de la phan zhing rgyas par bya ba'i phyir rgyas pa'i las snga ma bzhin du byas nas/ de'i tshe dpal dang gzi brjid dang longs spyod 'phel bar bya ba'i phyir de ltar rgyas pa'i las bya'o/ /de nas dbang du bya ba'i pas bshad pa ni/ de nas phan phyir nges par yang/ /dbang du bya ba'i las bshad de/ /ces bya ba la sogs pa la rgyas par bya ba nas dbang du bya ba'i las ni/ thab khung gzhu'i dbyibs 'dra ba dang/ tha ma khru gang/ bar ma khru do/ mchog khru bzhi par byas la/ de'i dbus su pad+ma dmar po bris la/ lte ba la mda' dang gzhu bri/ 'khor yug tu mda' dang gzhu bri/ sngags shes pas mu ran la yang mda' dang gzhu bri/ phyi rol lhag ma rnams zhi ba dang rgyas pa dang 'dra bar bya'o/ /de nas sems can de dran par byas te gos dmar po gon la/ pad+ma 'am 'bras bu dmar po mtshon gyis sprus nas/ mar dang gur gum dang bsres nas/ tsan dan dmar po'i phye ma'i sbyin sreg byas na thams nad de'i dbang du 'gyur ro zhes bya ba yin no/ /de nas mngon spyod bstan pa ni de la gdon rnams gzhom pa'i phyir/ mngon spyod kyi las brtsam par bya/ dbang du gyur pa de la gzhom pa'i phyir/ mngon spyod brtsam par bya ste/ tha ma phyed dang gsum/ bar ma khru gsum/ mchog khru dgu pa/ thab khung khru gsum pa/ dbus su rdo rje dgu pa mu khyud gsum pa rtse gsum pa dang/ rgya gram dang/ rdo rje dang/ dbyug pa dang/ phyogs gcig rtse gsum pa'i rdo rje dang/
- 287b
dgra sta dang rdo rje rtse gcig pas bskor/ phyi rol du lha'i gnas 'khor lo rtsibs bzhi pa dang/ lA sye la sogs pa'i gnas dang/ rdo rje rigs kyi gnas gsum rim du bya/ bya dang gtor ma dang bum pa dang/ bshos cha rnam pa mang po dang/ chang dang khrag gis bkang pa'i thod pa bzhag de nas las drug gis sdig pa dang bgegs bzhom pa'i phyir/ gos nag po bgos shing khro bo tshad mar byas la/ 'jig rten gsum rgyal du bskyed pa snga ma bzhin du sbyin sreg byas nas/ de nas de'i lus la sdig pa bcom nas bgegs dang bral te/ mtho ris lha dang mi'i nang na ci dga' bar spyod do/ /de nas thabs go rim dang po zhi ba dang de las rgyas pa 'byung bas rgyas pa dang/ de nas dbang du bya ba de nas mngon spyod kyi las yin te/ go rim 'di dag nyid kyis ni/ /de nas gang gis phyir byas pa/ /de'i phyir yang de bzhin 'gyur ces gsungs pa'i phyir ro/ /tshe 'di nyid la gnas pa rnams kyi go rim phan yon dang bcas pa gzhan dag giS las rnams kyang snga ma bzhin du bya/ des ni sems can la yang/ myur du bde skyid 'grub par 'gyur ces gsungs pa yin no/ /de nas tshangs pa la sogs pa'i lha rnams dang/ ces bya ba la sogs pas brtag pa'i rgyal po'i phan yon dang/ rgyud btang pa bstan te/ go sla bas ma bshad do/ /de nas bcom ldan 'das zhes bya la sogs pas bde ba chen po'i dkyil 'khor ston te/ de nas zhes bya ba sbyor ba dang po'i rjes thogs la ste/ 'dir dang po'i sbyor ba ni phyag na rdo rje nyid yin par bzung ngo/ /bcom ldan 'das phyag na rdo rje sngags dang/ phyag rgya dang/ snying po ces bya ba thams cad bya ba ni gsung dang thugs dang las dang sku thams cad do/ /bstan par bya ba'i phyir ces bya ba ni/ 'og nas 'byung ba'i dkyil 'khor
- 288a
yod pa las bstan par 'gyur ro/ /nyid kyi snying po 'di bshad do/ /ces bya pa ni nyid kyi ye shes nges par bstan pa'i sgras gsungs pa'o/ /de'i gnas la'ang bya ba ste/ de nyid oM badzra b+hi hUM/ rdo rje sems dpa' i 'o/ /oM A:hUM kun tu bzang po'i 'o/ /badzra hUM phaT phyag na rdo rje'i 'o/ /oM badzra kro d+ha badzra hUM phaT/ rdo rje bsnams pa'o/ /oM badzra d+hai sgrib pa rnams par sel ba'i'o/ /oM badzra hUM mar rgya gram bsnams pa'o/ /'di dag gis kyang dkyil 'khor rgyal mchog bsgom pa pos snga ma bzhin du dkyil 'khor lus la brtags pa'i bar byas nas/ khang pa brtsegs pa dang gdan bskyed la kun rig gi dkyil 'khor ji lta ba bzhin bsams la/ dbus su bde ba chen po'am/ rdo rje sems dpa' bsams la thabs dang shes rab kyi mtshan nyid las sngar bshad pa'i ye shes dga' / de las sku sku de'i thugs kar zla ba la yig 'bru rnams bkod de/ bskyed ces bya ba'i don to/ /dkyil 'khor rgyal po mchog gi ting nge 'dzin to/ /de nas bsdu zhing byin gyis brlabs pa la sogs pa las rgyal po mchog ces pa'i ting nge 'dzin snga ma bzhin gshegs par bya'o/ /de nas de dag gi dkyil 'khor bshad de/ ces bya ba la sogs pas slob dpon gyi las ston to/ /sngon la bsnyen pa byas pa dang sa lhag par gnas pa dang/ cho ga thams cad spyad de nas dkyil 'khor bshad pa ni/ rtsa ba'i rgyud ltar dkyil 'khor bris la/ kun rig gi gnas su rdo rje ? sems dpa' 'am/ bde ba chen po gang rung gcig bri/ de'i spyan sngar phyag na rdo rje g.yas phyogs su rdo rje bsdams pa/ nub phyogs su rnam par bsal pa/ byang phyogs rgya gram bsnams pa/ de'i phyi rol gyi dkyil 'khor du shal?
- 288b
phyogs su ngan song spyod pa/ lhor rin chen tog /nub phyogs su shAkya'i dbang po/ byang phyogs su me tog cher rgyas de'i phyir rol 'khor? lo rtsibs rnams la sems dpa' bcu drug po rim bzhin du bri/ /khyams dang gla'i char byams pa dang/ lA sye la sogs pa dang/ sgo gnyis pa'i nang du dpe med pa'i byang chub sems dpa' / rim pa gnyis pa la kun dga' bo la sogs pa'i nyan thos gsum pa la rang sangs rgyas bri'o /mu ran dkar po'i nang du 'khor yug la rang rang gi bu dang chud mas bskor ba'i tshangs pa la sogs pa dang/ gza' dang skar ma'i lha rnams dang/ rgyal po bzhi dang/ 'jig rten skyong ba rnams bri/ de'i phyi rol gyi mtshams kyi char/ shar lhor dmyal ba/ lho nub tu yi dags/ nub byang du byol song byang shar du mi'i 'gro ba bri bar bya'o/ /shar la sogs pa'i phyogs bzhir shar phyogs su 'dod chags bya/ lho phyogs su ni sdang sprul/ nub phyogs su gti mug phag byang phyags su bud med kyi gzugs bri bar bya'o/ /nang sgor lcags kyu la sogs pa/ phyi rol gyi sgor rdo rje gsum mthar byed pa la sogs pa stobs kyi dam pa rnams bri bar bya'o/ /dri rnam pa lnga'i chus bkang ba'i gser gyi bum pa dang gtor ma dang/ lha bshos dang/ me tog dang/ bdug pa dang/ gdugs dang/ rgyal mtshan dang/ bla re dang/ rnga ma dang/ dril bu dang/ rdo rje nor bu dang/ do shal dang/ nyi ma la sogs pas brgyan cing bzhag par bya'o/ /'dod pa'i yon tan rnams kyi rang bzhin gzugs sdug gu la sogs pa lngas dkyil 'khor nye 'khor kun tu gang do/ /de nas sbyor ba dang po la sogs pa sngon du 'gro bas sgo phye ste/ spyan drangs la lha rnams mchod pa'i mthar thug pa byas pa'i rjes thogs la/ gnang ba nod mnos nas/ bdag nyid zhugs te/ bdag nyid
- 289a
dbang bskur la ces bya ba yin no/ /sdom gnas dam tshig ldan pa bya ba la sogs pas slob ma gzhug pa la sogs ston to/ /slob ma sdom pa la gnas shing/ dam tshig la gnas pa bla ma la mos pa/ stong pa nyid la mi 'jigs pa/ rigs kyi skyon dang bral ba/ ser sna dang bral ba/ yon tan dang ldan pa/ gtong ba dang/ tshul khrims dang/ mang du thos pa dang/ tshad med pa bzhi dang/ rnam par thar pa'i sgo yid dang mthun pa'i slob mas snga ma bzhin du gsol ba btab pa la sogs pa sngon du 'gro bas sngags 'dis byang chub tu sems bskyed du bcug ste /oM badzra hUM dza/ sngags 'dis gzung bar byas te/ oM badzra sa ma ya pA sha hUM/ sngags 'dis me tog dod bar bya'o/ /oM badzra pA Ni pra tits+tsha badzra satwa ma hA su kha hUM ha ho sa ma ya staM rang gi lha'i sngags dang phyag rgya mgo la bcings par bya'o/ /de nas dam tshig sgyir? bar bya'o/ /oM ji ste khyod kyis su yang rung ba la smras na/ phyag na rdo rjes rdo rje 'bar bas khyod kyis mgo bo 'gas par 'gyur ro/ /'dis dam tshig gi chu blung ngo/ /oM badzra sa ma ya h+ri traM hUM a/ 'dis gdod g.yogs dgrol lo/ /oM badzra tsak+Shu pA she ho/ oM ta d+ha? ra be ta la na te/ mahA ma mi hUM/ de nas sangs rgyas dang byang chub sems dpa' thams cad bstan/ rtsa ba'i rgyud du bshad pa bzhin du thams cad byas la/ bcom ldan 'das kyi spyan sngar dbang bskur bar bya'o/ /oM badzra pA Ni swa ya ti/ a nu ra ga te a b+hi Shiny+tsa hUM/ ces phyag na rdo rje'i bum pas dbang bskur/ oM badzra a b+hi Shiny+tsa sarbba a b+hi She ka te hUM/ rdo rje sems dpa' i bum pa'i dbang bskur/ oM bud+d+ha d+harmma a b+hi Shiny+tsa sarbba bud+d+ha a b+hi She ka ta oM hUM/ kun tu bzang po'i bum pa'i dbang bskur/ oM
- 289b
ratna a b+hi Shiny+tsa sarbba ratna a b+hi Shi ka ta oM h+ri/ rdo rje bsngams pa'i bum pa'i dbang bskur/ oM pad+ma a b+hi Shiny+tsa sarbba pad+ma a b+hi She ka ta h+ri ces rnam par gsal ba'i bum pa'i dbang bskur/ oM karmma a b+hi Shiny+tsa sarbba karmma a b+hi She ka ta a sna tshogs rdo rje bsngams pa'i bum pa'i dbang bskur/ dbang bskur ba lhag ma ni rtsa ba'i rgyud du bstan pa bzhin shes par bya'o/ /de nas lus la sogs pa yon du phul nas/ bka' nong par bya'o/ de'i sngags oM sarbba ces bya ba la sogs pa'o/ /de nas las thams cad byed du bcug cing dngos grub thams cad kyang sbyin no zhes bya ba la sogs pas dngos grub bstan te/ bde bas bde ba bskyed nas ni zhes bya ba ni bde ba chen po lhag pa'i lha thob pas bde ba chen po'i sku bskyed nas ni ces bya ba yin no/ /dkyil 'khor bzhi yi dbus su ni/ kun tu bzang dam bde chen po/ /bdag nyid kyis ni bsgoms nas kyang/ /snying gar hUM zhes bya ba nas/ zhes bya ba ni/ phyag na rdo rje la sogs pa'i bzhi'i dbus su bde ba chen po snga ma bzhin du bsgoms nas snying gar zla ba'i thog tu hUM ces bya ba dang po'i bsnyen pa la mtshan ma thob pa'i bar du bsams nas/ mtshan thog thag bsams nas zhes bya ba yin no/ /da'i phan yon rdo rje sems dpa' dang mnyam par 'gyur/ dpal ldan las rnams kun byed cing/ /kun tu bzang po bdag nyid 'gyur/ /de ltar 'gyur bar the tshom med/ /ces gsungs pa yin no/ /gzhan yang 'chi ba dag 'joms pa skabs su bshad pa bzhin du lha'i rnal 'byor rdzogs par bskyed la/ hUM las phyag na rdo rjer bsgyur la snying gar 'di nyid kyi dkyil 'khor bsgoms te/ bsnyen pa dang bsgrub pa bsgoms na phyag na rdo rje 'dra bar 'gyur ro/ /zhes bya ba ni/ hUM las sangs rgyas gzugs gyur na/
- 290a
phyag na rdo rje bdag nyid 'gyur/ /snying gar 'khor lo rab bsgoms na/ /phyag na rdo rje 'dra bar 'gyur/ /ces gsungs pa'i don yin no/ /gzhan yang rdo rje khro bar mnyam gzhag ste/ /snying ga'i dbus su phaT ces bya ? hUM zhes bya bas bskor bsams te/ /khro bo stobs chen nyid du 'gyur/ /ces bya ba ni snga ma bzhin du bsams te/ khro bor bsgyur la rang gi zla ba'i steng du phaT ces bya ba hUM zhes bya bas bskor bar bsams te bsnyen pa dang/ bsgrub par bsgoms na/ khro bo stobs po che nyid du 'gyur ro/ /zhes bya ba'i don to/ /rdo rje bsdams par bdag bsgyur la/ /snying gar oM zhes bya ba yis/ /bskor ba'i hUM dang h+ri? zla pa/ /bsams na rin chen 'dra bar 'gyur zhes bya ba ni snga ma bzhin rdo rje rin chen du bsgyur la/ hUM h+ri gnyis zla ba'i dbus su bsams la/ oM ces bya bas bskor bar snying gar bsams la/ bsnyen pa dang bsgrub pas rdo rje rin chen du 'gyur ro/ /ces bya ba yin no/ /snga ma bzhin du chos su bsgoms la snying ka'i dbus su traM zhes bya ba oM oM zhes bya bas bsnyen pa dang/ bsgrub pa'i dus su zla la bsgoms pas phyag na pad+ma dang 'dra bar 'gyur ro zhes bya ba'i don to/ /rdo rje bsgoms nas snying gi ni/ /dbus su rdo rje sreg zhes byas pa dang/ /oM zhes bya ba bskor bsams na/ /phyag na pad+mas mnyam par 'gyur zhes bya ba yin no/ /gzhan yang snga ma bzhin du rdo rje las su bskyed la/ a las 'khor lo'i dbus su sna tshogs rdo rje dbus su hUM dang ldan pa/ oM zhes bya bas bskor ba bsnyen pa mtshan thog thag bzlas na/ rdo rje las dang mnyam par 'gyur ro zhes bya ba ni 'khor lo hUM ldan pas/ a:zhes bya ba bskyed nas kyang/ /oM zhes bya bas bskor bsams na/ /rdo rje
- 290b
las dang mnyam par 'gyur zhes gsungs pa yin no/ /rdo rje las rnams bshad bya ste/ /ces bya ba la sogs pas las bshad de/ de nas bshad par bya ba'i las rnams ni/ zhi ba dang rgyas pa dang dbang dang mngon spyod kyi las rnams bzlas pa dang/ sbyin sreg sgo nas zhi ba la sogs pa'i las rnams bya ba yin no/ /zhi ba'i rnal 'byor rdo rje sems dpar dag bsgyur la/ zhi ba'i las brtsam zhing dus ngan par bzlas pa dang/ sbyin sreg byed cing/ 'od zer sprin gyis de'i lus la 'og nas 'byung pa'i brdung ba'i sngags brjod cing 'phro bar gyur par bsgoms la shar du kha bltas nas gzhan gyi nyes pa sel bar byed la sems can la phan par dga' bas/ de bzhin gshegs pa'i rigs la mchod cing kun tu bzang po 'am bde ba chen po bsams nas/ nang par re re snga ma bzhin thams cad byas pas sdig pa zhi bar 'gyur zhes bya bar gnas so/ /rgyas pa ni 'od zer ser po dang ldan pa'i rin chen 'dzin du bsams la/ zas dkar gsum bza' zhing nyi ma'i gung la rgyas pa'i las shis te/ thab khung rin chen lta bur brkos la bzlas pa dang sbyin sreg bya ba ni/ sngags pas snga ma bzhin du ser pos lus ngag ngo shes pa'i don to/ /dbang du bya ba'i lha'i rnal 'byor dang ldan pas/ thab khung pad+ma 'dra bar byas pa/ spyan ras gzigs su bdag bsgyur la/ nyi ma rgas pa'i mthar dbang du bya'o zhes bya ba'i don to/ /de yang lha gang dag gi rnal 'byor gyi bsgrub par bstan pa ni/ 'dres pa kun tu bzang po'i zhi ba'i las bya'o/ /rdo rje rin chen gyis rnal 'byor ni rgyas gdab pa dbang bskur bas sgrub po/ /rdo rje dpal gyi rnal 'byor ni rnam par rgyal ba dang/ longs spyod dang/ dbang phyug dang dpal mnyam pa med pa 'grub po/ /rdo rje nyi ma ni
- 291a
gzi brjid dang mdog shin tu 'bar ba gtsor 'grub bo/ /gzhad? pa ni dga' mgu rangs pa gtsor 'grub po/ /rdo rje chos ni thams cad brtags nas sangs rgyas la sogs pa thams cad mnyes par byed pa gtsor 'grub pa/ /dbang phyug chen po la sogs pa'i rigs rnon pos gcod pa nyid du 'grub po/ /ma rungs pa rnams rtsad nas gcod pa 'khor los gtsor 'grub po/ /mi smra ba smra bar mdzad cing ma rungs pa lkugs pas rdo rje smra ba gcig 'grub po/ /rdo rje las kyi rnal 'byor gyis mchod pa dang sems can gyi don bya bar gtsor 'grub po/ /rdo rje bsrung bas bsrung pa gtsor 'grub po/ /ma rungs pa thams cad za ba rdo rje gnod sbyin gyis gtsor 'grub po/ / rdo rje khu tshur gyis bcings nas gtsor 'grub po/ /de dag gi lha'i rnal 'byor gyis zhi ba dang/ rgyas pa dang/ dbang dang/ mngon spyod rnams la gcig dang/ bzhi dang bzhis gtsor 'grub po/ /zhes bya ba yin no/ /gzhan yang de dag gi thun mong gis 'bras bu ni/ bzlas pa dang sbyin sreg gi las kyi dgos pa thams cad bsgrub par bya'o zhes bya ba yin no/ /zhi ba la 'od gzer gsal bas sgrub pa'i dngos po gang bar sgom zhing/ zhi ba lha'i rnal 'byor dang ldan pa zhi ba'i sems kyis zhi zhes bya'o/ /rang gi lus gser btso ma lta bu dang/ nyi ma shar ba lta bur bsams la rgyas pa'i las bya'o/ /'od zer ser pos dgang bar bya'o/ /spyan ras gzigs kyi rnal 'byor gyis h+ri dang 'dra ba'i 'od gzer btang ba yis/ bsgrub par bya ba'i snying la kun tu bskor nas byed cing bsams nas 'dod pa thams cad byed do/ /ces bya ba'i don to/ /de ltar rnams bshad nas de nas bcom ldan 'das phyag na rdo rje zhes bya ba la sogs paS
- 291b
rtogs pa thams cad kyi dkyil 'khor dang sbyin sreg la sogs pa'i dus su rgyas gdab pa ston to/ /de nas bcom ldan 'das phyag na rdo rje la phyag 'tshal nas 'di skad ces gsol to/ /bcom ldan 'das phyag na rdo rjes sems can thams cad la phan pa'i phyir/ the tshom thams cad gcod pa ngan song thams cad bzlog pa'i rtog pas pad+ma 'di bshad pa legs so legs so zhes bya ba ni dga' nas lan gnyis su zhus pa'o/ /de nas phyag na rdo rjes phyag rgya'i le'u 'di bshad do zhes bya ba ni bde bar byed pas na phyag rgya ste/ 'og nas 'byung pa'o/ /le'u zhes bya ba ni gos dang 'dra ba ste cho ga dang rim pa dang rnam par 'byed pa dang dum bu ces bya ba'i don to/ /'di bshad do zhes gsungs pa'o/ /lag gnyis mdun du bzhag la a las zla ba'i dkyil 'khor du byin gyis brlabs te zhes bya ba ni lag pa gnyis mdun du bzhag nas a las zla ba hUM las rdo rje bskyed de thim pa'o/ /hUM zhes bya ba dang/ a zhes zla ba'i dkyil 'khor gnyis kyis byin byis brlabs la/ zhes bya ba hUM A:zhes brjod pas so/ /lag pa gnyis kyis thal mo gnyis ka la a la sogs pa'i yi ge bcu drug kun tu gang zhing 'phro bar bya ste/ ces bya ba ni zla ba la g.yas bskor gyis a A la sogS bcu drug 'od zer dang bcas te/ zhes bya ba'i don to/ /mthe bong gnyis la oM ces bya ba bzhag nas/ gang mo gnyis la traM zhes bya ba bzhag /mdzub mo gnyis la hUM ces bzhag /srin lag gnyis la h+ri zhes bya ba bzhag /mthe'u chung la a zhes bya ba bzhag ste/ de ltar yi ge rnams bzhag par byas nas/ de bzhin gshegs pa rnams yin par mos pa bskyed de ces bya ba ni/ g.yas pa la oM las rnam par snang mdzad?/ hUM la sogs pa la ni mi bskyod pa la sogs
- 292a
pa bskyed/ g.yon phyogs las oM las/ rdo rje dbyings kyi dbang phyug ma/ hUM la sogs pa la rdo rje sems dpa' la sogs bskyed de ces bya ba'i don to/ /chos thams cad gcig la gcig 'dres pa dang/ gdan rjes su mthun par byas te/ ces bya ba ni bde bar gshegs pa yab yum rnams/ badzra any+dza la zhes rdo rje thal mo sbyar ba dang/ bdag gis kyang de'i don bsgom zhes bya ba'i don to/ /lag pa gnyis pad+ma lta bur sbyar ba byas nas/ oM zheS bya ba gnyis brkyang ba dang/ a zhes bya ba gnyis bkug ste/ de bzhin du hUM zhes pa dang/ h+ri zhes bya ba gnyis pad+ma'i 'dab ma 'dra bar bya ba h+ri zhes bya ba gnyis gzhibs te brkyang ba 'di ni/ bcom ldan 'das kyi rtsa ba'i phyag rgya las thams cad dang ldan pa'i dam tshig gi'o/ /ces bya ba ni mthe bong gnyis brkyang mdzub mo gnyis dang srin lag gnyis pad+ma'i 'dab ma 'dra bar bya/ gung mo gnyis gzhibs te brkyang ba ni sdig pa sbyang ba la sogs pa las thams cad las mi 'dra ba'i phyag rgya'o/ /zhes bya ba'i don to/ /de nyid rnon po dang ldan pa dang/ de las rab tu 'khor lo dang 'dra ba dang 'khor lo'i zhes bya ba ni/ rdo rje thal mo de nyid rnon po ltar byas te bskor nas? 'khor lo'i phyag rgyar 'gyur ro/ /de nyid las khar bzhag pa ni sgra ste/ 'di ni phyag rgya'i tshogs so zhes bya ba ni rdo rje thal mo de nyid gar bzhag pa sgra'i ste phyag rgya'i tshig du 'gyur ro/ /de nyid gnyis su byas nas las kyi phyag rgyar byas nas las kyi'o ces bya ba ni/ rdo rje thal mo de nyid gnyis su byas nas rdo rje khu tshur du byas te/ rang rang gi sbyar na las su 'gyur ro/ /g.yon pa thod thogs 'dra ba dang/ g.yas pa mdud rtse gsum pa ces bya ba ni/ g.yon pa mgo thod thogs pa 'dra bar byas la/ g.yas pa
- 292b
mthe bos mtheb chud mnan te/ lhag ma gsum mdud rtse gsum pa ltar byas pa ni ma mo dang gshin rje'i phyag rgya'o/ /g.yon pa pad+ma kha 'dzum pa dang g.yas pa oM zhes bya ba bzhag ces bya ba ni/ g.yon pa pad+ma kha 'dzum pa lta bu byas la/ g.yas pa mthe bong kha'i phyogs su bzhag pa ni tshangs pa'i'o/ /g.yon pa 'khor lo dbyug to rtse gsum ces bya ba ni/ g.yon pa 'khor lo thogs pa ltar byas la/ g.yas 'byug? tho rtse gsum ltar byas pa ni/ dbang phyug chen po'i 'o/ a dang oM ni rtse sprang pa/ lhag ma gsum ni rdo rje can ces bya ba ni g.yas pa'i mthe chung dang mthe bod rtse sprang nas lhag ma gsum rdo rjer byas pa ni brgya byin gyi'o/ /hUM dang/ oM gnyis gzhung byas la/ lhag ma mdar byas mda' can gyi'o/ /ces bya ba ni mdzub mo dang gzhur byas la sor mo lhag ma mngar byas pa ni mda' gzhu can gyi phyag rgya'o/ /lag pa g.yas g.yon 'khor lor bya/ /'di ni nyi ma zla ba'i zhal ces bya ba ni/ g.yon pa dgrad pa zla ba yi g.yas ba bgrad pa nyi ma'i 'o/ /thal mo dam sbyar sor mo spro/ /gza' lag rtag tu se gol gtogs zhes bya ba ni/ thal mo sbyar ba sor mo 'khrol ba ltar byed cing se gol gtogs pa ltar byed pa ni gza' lag go /de nyid tshig dbang? gsungs pa ste/ mchu la tshig 'bru 'dra bar bzhag /ces bya ba ni rdo rje thal mo nyi ma chu las tshig 'byung ba 'dra bar bzhag pa ni phur bu'o/ /pa bsangs ni mnyam nyid sbyar ces bya ba ni thal mo mnyam nyid sbyang ba ? sangs dang mig dmar gyi'o/ /spen pa dbyug pa 'dzin par bya/ /ces bya ba ni dbyug pa 'dzin pa ltar byed pa ni/ spen pa'i'o/ /ba lang sna ni chu srin 'dra ces bya ba ni mdzub mo dang mthe bong gnyis glang po che dang chu srin g+gyi sna 'dra ba sgra gcan gyi yin par shes par bya'o/ /ces bya
- 293a
ba'i don to/ /rgyu skar me stag 'phro ba 'dra/ /de nyid bskor na glog 'phreng gi/ bla 'og bzhag pa sprin phyag rgya/ /ces bya ba ni me stag 'phro ba ltar byas pa rgyu skar gyi'o/ /de nyid skor ba glog gi'o/ /thal mo bla 'og tu bzhag pa sprin gyi'o/ /'di dag snying po phyag rgya ste/ las kyi phyag rgya yang 'di dag yin no/ /ces bya ba ni/ thugs dam tshig snying po'i phyag rgya'o/ /'jig rten pa'i las kyi phyag rgya yang 'di dag nyid do/ /de nyid las srin lag sbas pa ni phyag na rdo rje'o/ /zhes pa ni/ rdo rje thal me de nyid las mdzub mo'i tshigs bar ma bcag pa ste/ dbang bskur ba rdo rje rin chen gyi phyag rgya ste/ de nyid las hUM ces bya bas tshigs par ma bcag pa ni/ dbang bskur ba sbyin par byed pa ste/ nam mkha' i snying po'i phyag rgya'o/ /de nyid las hUM zhes bya ba gshegs pa la srin lag pad+ma 'dra bar byas pa 'di pad+ma 'byung ba'i 'chags pa'i phyag rgya'o ces bya ba ni mdzub mo gnyis bzhi bas srin lag pad+ma 'dra bar bya ba ni rnam par gsal ba'i phyag rgya'o/ /mdzub mo gnyis dang srin lag gnyis bsgreng ba ni rdo rje sems dpa' ste/ de nyid las hUM zhes bya ba dang/ h+ri zhes bya bas bshibs te bsgreng ba ni/ bcom ldan 'das rdo rje sems dpa' i phyag rgya'o/ /de nyid las pad+ma 'dra bar byas pa ni/ bde ba chen po'i phyag rgya'o/ /de nyid las 'od zer 'phro ba'i tshul du byas pa ni kun tu bzang po'i phyag rgya'o zhes bya ba ni rdo rje thal mo pad+ma 'dra bar byas pa dang/ 'od ? zer 'phro ba ni bde ba chen po dang kun tu bzang po'i phyag rgya'o/ /de nyid nang du bkug na ni/ khro bo sna tshogs gzi can no zhes bya ba ni thal mo nang du bkug pa khro bo yi'o/ /de nyid las shin tu bsdams pa'i rdo rje gdams pa'o/ /brkyang ba ni bsrung ba'o/ /h+ri zhes bya ba sa
- 293b
bon ni gnod sbyin gyi'o zhes bya ba sor mo gdams pa rdo gdams pa rdo rje tshig phyag rgya rgyu dang/ /brkyang nas mgul du 'khyud pa bsrung ba'i dang/ mdzub mo mche ba gnod sbyin gyi phyag rgya'o/ /hUM zhes bya ba lcags kyud byas pa ni bkug pa'o/ /de nyid mdar byas pa ni 'dod pa'o/ /oM dang hUM gnyis sbyar ba dgyes pa'o zhes bya ba ni mdzub mo gnyis lcags kyur byas pa rgyal po'i'o/ /mdzub mo gnyis mdar byas pa chags pa'i'o/ /mthe bong dang mdzub mo gnyis se gol gtogs pa ni legs ba'i'o// de nyid dkyil 'khor lta bur byas pa ni gzi brjid kyi'o/ /de nyid nor bu 'dra bar byas pa ni rgyal mtshan gyi'o/ /bskor ba bzhag pa ste de nyid khar bzhag na dgyes shing 'dzum par mdzad pa ya mtshan no/ /ces bya ba rdo rje bsdams pa las 'od zer 'bar pa lngar byas pa gzi brjid kyi'o/ /rdo rje bsdams pa nyid thal mor byas pa nor bu 'dra bar byas pa ni rgyal mtshan gyi'o/ /de nyid bskor nas kha phyogs bzhag pa ni bzhad pa'i'o/ /thal mo pad+ma bkug pa ni pad+ma'i'o/ /a zhes bya ba dang/ oM zhes bya ba gnyis nang du bkug pa ni ral gri'i'o/ /gcig la gcig sbyar ba ni 'khor lo'i'o/ /snga ma las oM zhes bya ba gnyis khar bzhag pa ni 'byung ba ste ces bya ba thal mo pad+ma dang/ mthe chung dang/ mthe bong bkug nas lhag ma ral gri dang/ thal mo sbyar ba dang/ mthe bong gnyis khar bzhag pa ni go rim bzhin du chos dang rnon po dang/ 'khor lo dang smra ba'i phyag rgya'o mdor na phyag rgya ni las gyi phyag rgya sbyin par byed pa? bya ba ni yon tan mdor ba? na/ las thams cad sbyin bar byed pa'o zhes bya'o/ /de nyid bsdus mdud bdud mgor 'gyur ces bya ba ni rdo rje thal mo de nyid las mtshams gnyis bsdus la/ sor mo'i rtse mo bsdus nas sdud de sbrul mo ltar skyes pa ni/ klu chu lha'i phyag rgyal/ /kun
- 294a
tu gnod sbyin mche ba 'dra ba ces bya ba ni mdzub mo gnyis mche ba 'dra bar byas pa ni gnod sbyin no/ /srin po yi ni khra 'phrog pa zhes bya ba khrag 'thung ba ltar byed pa srin po'i 'o/ /lag pa bskor ba rlung ge'o/ /dbyug to ldan pa gnod sbyin no/ /bum pa bzhag pa nor gyi'o/ /ces bya ba ni lag pa bskor ba rlung lha'i'o/ /dbyug to ltar byed pa gnod sbyin gyi'o/ /lag pa gnyis bum pa ltar byed pa ni nor lha'i'o/ /mthe bong ne le'i rna 'drar bya/ /mgo po thod pa nag po ste/ b+h+rid? gi ri ti lag brkyang ba/ /pi wang g.yon thogs dri za'o/ /lag gnyis 'bar ba me 'bar ba/ /gung mo dbyug 'dra gshin rje yi/ /ces bya ba ni rdo rje thal mo nyid mthe bong gnyis rna ba dang 'dra bar bya ba ni rnam thos bu'i 'o// g.yon pa mgo thad mkhal ma'i phyogs su 'jog ba ni nag po chen po'i 'o/ /tha ma brgyad po ni b+h+ring gi ri ti'i 'o/ /g.yon pa pi wang thogs pa ni dri za'i 'o/ /lhag ma gnyis kyi sor mo me 'dra bar byas pa ni me lha'o/ /lag pa gnyis kyis khung? mo dbyug pa 'dra bar byas pa ni gshin rje'i'o/ /rno la khro dang dbang sbyin pa/ /mthe chung ral gri mdzub bzhag can zhes bya ba ni thal mo las mthe chung gnyis ral gri ltar byas pa ni/ rno ba la gzhan la khro bo'i tshul du bya ba dang/ mdzub mo gnyis zhags pa ltar byas pa ste/ gzhan la dbang du byed pa sbyin pa dang bcas pa chu lha 'khor dang bcas pa'i phyag rgya'o/ /rlung gi rgyal mtshan ras kyi gdong zhes bya ba ni/ lag pa g.yas pa'i mthe bos mdzub mo mnan sor mo lhag ma gsum pa ba dan ltar byas pa rang gi gdong du 'phyar ba ni rlung lha'i'o/ /de la sogs pa'i phyag rgya rnams/ /lag yas skyes pa skye bar 'gyur zhes bya ba ni gong du bshad pa'i phyag rgya de la sogs pa phyag rgya sna tshogs pa rnams rgyu lag pa
- 294b
las skye zhing bcing bar 'gyur ro zhes bya ba yin no/ /lha rnams kyi thun mong du/ /pad+ma'i phyag rgya bkra shis te/ /klu rnams zhes bya utpa la/ /de ltar so ni gnod sbyin rnams/ /srin po rnams kyi mgo tshal pa/ /bud med rnams kyi sor bcu bsnol gza' rnams kyi ni dbyug pa ste/ /arga dbul ba rgyu skar rnams/ /de dag kun gyis sems bsgrub bo zheS bya ba ni 'jig rten pa'i lha thams cad kyi thun mong du thal mo pad+ma'i phyag rgya'o/ /klu rnams kyi sor mo utpa la ltar byas pa'o/ /gnad sbyin thams cad kyi sor mo rnams so ltar bya'o/ /srin po rnams kyi lag pa g.yas g.yon mgo bo'i tshal pa ltar byas pa'o/ /bud med thams cad kyi sor mo bcu bsnol ba'o/ /gza' thams cad kyi lag pa g.yas g.yon dbyug pa ltar byas pa'o/ /arga dbul ba ltar byas pa rgyu skar thams cad kyi ste/ de dag ni sems bskul ba 'grub bo zhes bya ba'i don to/ /mgo bo thod pa khar bzhag pa/ /phyag rgya 'di ni 'phra men ma/ /mgo thod lce yi phyag rgya ni/ /rdo rje rnal 'byor ma yir bshad/ /de dag kun gyi thun mong du/ /phyag rgya chen po bshad par bya/ /thal mo brkyang ba bshad pa ni/ /yang na thal mo pad+mar bya zhes bya ba ni/ mgo thod pa khar bzhag pa ltar byas pa ni 'phra ma'i phyag rgya'o/ /mdzub mo mthe bod gnyis rtse sprad de/ srin lag dang mthe chung mig 'bras bu byas pa gud mo lcer brkyang ba ni/ /rdo rje rnal 'byor ma'i phyag rgya'o/ /'jig rten pa'i lha thams cad kyi thun mong brkyang pa dang/ yang na pad+mar byas pa'o/ /rdo rje khu tshur bcings nas ni/ /a zhes bya ba lu gu rgyud/ /hUM zhes bya ba gnyis bsgrengs la/ /phyag na rdo rje'i phyag rgya yin zhes bya ba ni/ rdo rje khu tshur gnyis bcings nas/ 'khrig ma bsnol mthe chung lu gu rgyud du sbrel mdzub mo bsgrengs pa ni/
- 295a
rdo rje 'dzin pa khro bo'o/ /rdo rje bsngams pa bsngams nas kyang/ /hUM dang a gnyis gzhibs te bsgred/ /oM zhes bya ba ngos bcar ba'o/ /phyag rgya snang bar byed par dgongs ces bya ba ni/ rdo rje bsngams pa las/ mdzub mo dang mthe chung gnyis bzhi bas te bsgreng/ mthe bong ngos la bcar ba ni/ 'jig rten gsum snang gi'o/ /de la a zhes bya ba bcings zhes bya ba ni/ mthe chung nang du bkug la/ 'jig rten gsum mthar byed kyi'o/ /oM zhes bya ba nang du bkug /oM zhes bya ba sngon bzhin sbyar/ /oM dang a yang 'dra bar bya ces bya ba ni mthe bong gnyis ni nang du gzhug/ mthe chung gnyis ni nang du sbyar/ mthe bong dang mthe chung gnyis 'dra bar sbyar ba ni/ mig.yo mgon po'i phyag rgya'o/ /d+h+ra da zhes bya ba gzhibs nas ni/ /a dang oM gnyis lu gu rgyud/ lhag ma bzhibs pa'i phyag rgya 'di/ /bdud rtsi 'khyil bar shes par bya/ /ces bya ba ni gung mo gnyis gzhibs te bsgreng/ mthe chung dang mthe bong lu gu rgyud du sbrel/ /lhag ma gzhibs pa bdud rtsi 'khyil pa'i 'o/ /traM zhes bya ba bshibs nas ni/ /hUM zhes bya ba de bzhin ces bya ba/ dbang po dang mdzub mo bzhibs pa ni be con sngon po'i'o/ /de ltar hUM zhes bya ba gzhibs/ /lhag ma 'od gzer 'bar bar bya/ /rta mgrin phyag rgya gang yin pa/ /de yang las rnams kun la gsungs zhes bya ba ni/ mdzub mo gnyis gzhibs te lhag ma 'od gzer ltar byas pa rta mgrin gyi phyag rgya ste/ las dang dngos grub thob par 'gyur ro zhes bshad pa yin no/ /khro bo rnams kyi dam tshig gi phyag rgya'o/ /spyan ni mig dang 'dra bar bshad/ /mA ma kI ni rdo rje bshad/ /dkar mo pad+ma nyid du bshad/ /utpal ni sgrol mar dgod/ /ces bya ba ni rdo rje bsngams pa la mdzub mo dang mthe chung mig ltar byas pa ni sangs
- 295b
rgyas spyan kyi'o/ /mdzub mo rtse mo 'gug pa gud mor byas pa ni mA ma kI'i 'o/ /gung mo dang srin lag pad+mar 'dra bar byas pa ni gos dkar mo'i'o/ /mdzub mo bkug pas gung mo la bkra shis ta/ mthe bong ngos la bcar ba ni sgrol ma'i utpa la'o/ /gang phyag rgya ma bshad pa thams cad ni/ de kho na nyid bsdus pa la sogs par shes par bya'o/ /gzhan yang rtog pa thams cad kyi lha bskyed pa dang/ mi mthun pa'i phyogs gzhom pa dang/ brdud ba'i sngags ni badzra satwa hUM/ dzra rA dza dza/ zhes bya ba la sogs pa brgya drug rdo rjes sems dpa' la sogs pa'o/ /oM bud+d+ha lau tsA na hUM/ sangs rgyas spyan gyi'o/ /badzra mA ma kI hUM/ mA ma kI'i'o/ /badzra paN+Ta re da hi de hi/ sid+d+ha bo d+hi lo koTTa? ra b+h+raM swAhA/ gos dkar mo la'o// oM badzra tA re tut+tA re tu de hUM hUM hUM swa swa swa sgrol ma'i'o/ /sems pa bcu drug gi snying po dang/ sbyar ba'i sham pa ta bcu drug zhi bar brdud ba'o/ /de bzhin sbyar ba gung bcu drug rgyas pa'i brdung ba'o/ /de bzhin sbyar ba bcu drug dbang gi brdud ba'o/ /de bzhin sbyar ba bcu drug mngon spyod kyi brdud ba'o/ /'dir ma gsungs pa'i sngags pa thams cad yang gzhan dag las shes par bya'o/ /ci'i phyir rgyud phyi ma'i bde ba chen po dang/ de yang gtsug tor du gsang sngags dang phyag rgya'i khyad par gsungs zhe na/ dkyil 'khor gyi lha thams cad de gnyis kyi nad gi 'dus pa'i phyir gsungs so zhes bya ba'i don to/ /de ltar rgyud phyi ma bshad nas da ni rgyud phyi ma'i yang phyi ma bshad pa'i phyir 'zug par bya ? ? de nas lha rnams kun mgu nas ces bya ba la sogs pas ston to/ /'dir ni khro bor gsungs pa ston te/ de yang 'og nas khro bo'i sku'i 'gyur ba'i phyir ro/ /de nas lha rnams kun mgu nas/ phyag na rdo rje phyag 'tshal te/ khro bo'i dkyil
- 296a
'khor bshad pa'i phyir/ gsol ba 'debs pa nyid du 'gyur zhes bya ba ni rtsa ba'i rgyud dang/ phyi ma'i rgyud bshad pas lha rnams mgu nas phyag 'tshal phyag 'tshal nas/ khros pas khro ba spangs pa'i phyir gsol ba 'debs pa nyid du gyur to/ /zhes bya ba'i don to/ /de nas bcom ldan 'das phyag na rdo rjes rang gi sku bor te zhes bya ba ni zhi ba'i sku bor te'o/ /rdo rje sems dpa' i sku zhugs nas zhes bya ba ni khro bo sems dpa' i skur gyur ba'o/ /'dis ni sbyor ba dang po'i ting nge 'dzin ston to/ /gsang sngags kyi sgo'i spyad pa spyod par 'dod pa rnams kyis phyag na rdo rje'i skur bskyed la/ 'og nas 'byung ba'i gsang sngags kyis khro bo'i skur bsgyur ro/ /zhes bya ba'i don to/ /rdo rje gnyis su med pa'i mnyam pa zhes bya bas ni sems dang sems las byung ba gnyis su med pa thugs rje chen po mtshungs pa'i khro bo'o/ /de la dmigs pa'i ting nge 'dzin la yang de skad ces bya ste/ de'i snyoms par zhugs pa ni mngon du mdzad ba'o/ /rdo rje sems dpa' khro bo zhes bya ba ni khro bo sems dpa' nyid do/ /me'i rdo rje nyi ma zhes bya ba ni/ khro bo lhag ma rnams te/ dbyer mi byed pa'i 'od dang ldan pa'o/ /snying po 'di nyid kyi thugs ka nas phyung ngo zhes bya ba ni 'og nas 'byung ba'i snying po'o/ /de nyid kyi des ba'i ye shes las byung ba'o/ /de nyid oM badzra kro d+ha a na larkar ma hA badzra/ badzra kro d+ha dra ba dra ba/ bi dra ba bi dra ba/ sarbba a ba ya/ nA sha ya nA sha ya/ ha ra ha ra pra NaM hUM phaT/ khro bo rdo rje sems dpa' o/ /oM trai lokya ki ra hUM phaT/ 'jig rten gsum snang gi'o/ /oM gri lo kya da ma ka hUM phaT/ 'jig rten gsum 'dul gyi'o/ /oM trai lokya nA sha hUM phaT/ 'jig rten gsum 'jig gi'o/ /oM trai lo kya an+ta ka hUM phaT/ 'jig rten gsum mthar byed kyi'o/ /oM a mri ta hUM phaT/ oM bdud
- 296b
rtsi 'khyil pa'i'o/ /oM kA la daN+Da hUM phaT/ be con sngon po'i 'o/ /oM ka la ha ni hUM phaT/ mi g.yo mgon po pa'i 'o/ /oM ha ya grI ba hUM phaT/ rta mgrin gyi'o/ /oM ka la aM ku sha hUM phaT/ lcags kyu'o/ /oM ka la pA sha hUM phaT/ zhags pa'o/ /oM ka la band+ha hUM phaT/ lcags sgrog go'o/ /oM ka la g+haN+Da hUM phaT/ dril bu'o/ /oM ka la rak+Sha se hUM phaT/ srung mi'o/ /oM ka la daN+Da hUM phaT/ be con ma'i'o/ /oM ka lar Ti hUM phaT/ dga' ma'i'o/ /oM ka la yak+Sha si hUM phaT/ gnod sbyin gyi'o// 'di dag gos ni dkyil 'khor rgyal po mchog bstan to/ /gsang sngags kyi sgo'i spyad pa spyod pa rnams kyi dkyil 'khor rgyal mchog sgom pa rnams kyi rdo rje sems dpa' i thugs su sngags bkod la bskyod do zhes bya ba'i don to/ /ting nge 'dzin gsum pa ni de bzhin du sngar bstan pa las shes par bya'o/ /de nas dkyil 'khor mi bzad pa zhes bya ba la sogs pas slob dpon gyi las ston te/ bsnyen pa dang lhag par gnas pa'i chos thams cad spyad pa de nas khro bo'i dkyil 'khor yangs pa rtsibs bcu gnyis pa 'od zer 'bar bas bkrigs shing/ cher 'bar bar snga ma ltar phyi'i dkyil 'khor bris nas lte ba la rdo rje sems dpa' bzhag par bya'o/ /dbang ldan gyi phyogs nas brtsams te/ shar gyi rtsibs gnyis la/ gsum snang dang gsum 'dul/ lho'i rtsibs gnyis la gsum 'jigs dang gsum mthar byed/ nub kyi rtsibs gnyis la/ bdud rtsi 'khyil pa dang be con sngon po/ /byang gi rtsibs gnyis la/ mi g.yo mgon po dang rta mgrin/ me'i phyogs kyi rtsibs bcu bsrung ba'o/ /srin po'i phyogs kyi rtsibs la be con ma/ rlung gi phyogs kyi rtsibs la dga' ba mo/ /dbang ldan phyogs kyi rtsibs la gnod sbyin mo/ /khro bo brgyad 'jig rten skyong ba brgyad mnon pa zhal
- 297a
'jigs pa/ phyag brgya phrag du ma mda' ba/ sbrul dang thod kyis brgyan pa/ stag lpags smad kris byas pa/ rgyu ma thogs pa sprul pha phyag dar? dbu mdza' yas pa 'byung ba/ de dag kyang mgo thod shas bkang pa phyag na thogs pa bri/ phyi rol na srin mo bdun cu la sogs pa bzhag /sgo ba rnams lcags kyu la sogs pa'i phyag mtshan thogs par bri/ de nas bdud rtsis gang ba'i bum pa bcu drug bzhag /bdug pa dang/ me tog /dri/ mar me/ kha zas kyis bkang ba'i gtor ma/ bza' ba dang bca' ba'i bdud rtsi mgo thod gang bar gyur pa rnams bzhag ces bya ba yin no/ /de nas slob dpon bdag nyid kyang/ /mgu nas mgo thod phyag rgyas gzhug /phyag rgya de dang de yis ni/ /sha rnams kun gyi dam tshig gsol/ /de nas 'dod ldan rnyed nas ni/ /zhes bya ba la de ltar dgongs pa'i mtshams la bca' ba dang/ slob dpon gyis mgo thod kyi phyag rgyas dkyil 'khor du zhugs te/ chad pa dang lhag bzhi par bya/ de nas ting nge 'dzin gsum sngon du 'gro bas sgo dbye/ bsdu na nam mkha' la mgo thod kyi phyag rgya de dang/ rnal 'byor de'i sha rnams kyi dam tshig gsol lo/ /de nas 'dod pa'i dngos grub rnyed nas/ hUM zhes bya ba'i sngags bcas pas 'grub par bya'o/ /de nas sngags mkhan sgor bsgom/ de nyid dran byed bsnyen par byed ces bya ba ni/ lcags kyu la sogs pas las bya zhing/ bgegs bskrad/ bsrung sgo bcad/ phyag rgya bzhis rgyas gdab/ dbang bskur bya ba'i don to/ /de ni nges par dngos grub ster/ /yud tsam 'jig rten dbang du 'gyur/ /dkyil 'khor du ni tshogs rnams dang/ /rang gi lha yi tshogs rnams la/ /rgyud las byung ba'i dam tshig brjod ces bya ba ni/ dngos grub
- 297b
'jig rten dbang du 'gyur bar bya ba'i phyir dkyil 'khor gyi lha rang gi tshogs la rtsa ba'i rgyud las 'byung ba'o/ /bzlas brjod kyi dam tshig thog ma dang tha ma med pa de srid kyi bar du brjod do zhes bya ba'i don to/ /de nas mchod de langs nas kyang/ /tshogs can rdo rje sems dpa' yi/ /tshul du gnas nas 'byung bar bya/ /zhes pa ni mchod pa dang/ gtor ma dang sbyin sreg dang/ gnang ba nang pa'i mthar thug pa byas la/ tshogs kyi bdag nyid rdo rje sems dpa' khro bo'i tshul du gnas nas 'byung bar bya'o/ /zhes bya ba'i don to/ /de nas slob ma bsdus nas ni zhes bya ba la sogs pas slob ma gzhug pa la sogs ston te/ slob ma rnams snga ma bzhin du cho ga thams cad byas te lag tu rin po che thegs su bcug la/ oM badzra kro d+ha zhes bya ba la sogs pa nas/ oM badzra kro d+ha sa ma ya ma ti kra ma hUM phaT zhes bya bas dkyil 'khor du bcug la/ rtsa ba'i rgyud gsungs pa bzhin du/ cho ga lhag ma rjes su bcad nas/ oM badzra kro d+ha sa ma ya a b+hi Shiny+tsa hUM phaT zhes bya ba 'dis khro bo'i bum pa'i dbang bskur la/ dbang bskur ba nyi shu po kun rtsa ba'i rgyud du bshad pa bzhin dbang bskur bar bya'o zhas bya ba'i don to/ /de nyid du dbang bskur ba thob pa rnams la dngos grub bstan pa'i phyir de nas de dag gi sgrub pa bshad de zhes bya ba la sogs pa yin no/ /de dag gi bsgrub pa bshad pa ni/ sngar bshad pa'i cho gas khro bo gang yang rung bar bskyed de/ snying gar nyi ma'i dkyil 'khor la rang gi yi ge la khro bo dpag tu med pa bsgoms nas yi ge dang gcig tu bsres te/ bsgom pa dang/ dang po bsnyen pa dang bsgrub pa bsgoms na/ nges bar gsod par 'gyur ro zhes bya ba ni bdag nyid khro bor snyoms zhugs te/ de nas snying gar nyi ma bsgom/ /rang gi chos kyi yi ge las/ /khros
- 298a
nas yang dang yang 'phros shing/ /de gnyis gcig tu bsgom par bya/ /de nas bsgrub 'gyur gzhan du min zhes gsungs so/ /khro bo'i las gsod pa kho na 'am zhe na/ gzhan yang yin par khro bo'i rgyal po las dngos su/ / gsod par yin par bshad mod kyi/ /zhi dang dbang dang rgyas pa rnams/ /'di dag byed 'gyur gdon mi za zhes bya ba yin te/ khro bo thams cad thun mong gi bsgrub pa bstan te/ /rdo rje sems dpa' i ting 'dzin gnas/ /khro bo dkyil 'khor bsgoms byas na/ /sdug pa'i sems can 'dzin byed cing/ /mdor na dug rims gdon la sogs/ /de bzhin de dag thams cad ni/ /thabs la sogs pas 'jig byed pa'i/ /khros nas snying mas 'gyur 'gyur bar/ /bsang pa'i las la bsam par bya/ /khros par gyur nas rgod pa'i las/ /sha dang khrag rnams 'jib byed cing/ /de dag 'tsho ba sreg par byed/ /bsams nas nges par brlag par 'gyur zhes bya ba ni/ 'chi ba dang/ 'joms pa'i dkyil 'khor las/ /bshad pa ltar rang gi lha'i rnal 'byor byas la/ khro bo rdo rje sems par bskyed nas/ rang gi snying gar khro bo'i dkyil 'khor bsgoms te bdug pa dang/ rims la sogs pa thugs rje chen po'i thabs khro pos 'joms par bsams nas/ snying ga'i khro bo'i dkyil 'khor las khro bo spros te/ bzhad pa'i zhal gyi sha dang khrag 'jib cing/ srog dang bral bar bsnyen pa dang bsgrub par bsams nas nges par brlag par 'gyur ro/ /gzhan yang khro bo 'jig rten gsum snad kha dog dkar po bsgom zhing/ de nas byung ba'i dkyil 'khor khyab par bsams la 'od de phyud nas/ rim pa la sogs pa ring du dor la 'od las hUM byung rdo rjer bsam zhing/ 'od las haM lta bu 'khor lor gyur go char bya/ 'od zer gyi chu yis spyi bo?
- 298b
nas dbang bskur de nas ming nas smos shing/ bzlas brjod dang/ bsnyen pa dang/ bsgrub pa tshul bzhin du bsams na/ 'grub par 'gyur ba ni/ khro bo 'jig rten gsum snang mdzad/ /zla ba 'dra ba'i dag pa bsam shing/ /'od zer 'byung pa mang po yis/ /khyad par gyur par rnam bsams la/ /rims dang gdon dang dug la sogs/ /'od zer nges ni phyud nas kyang/ /de yi nang bgegs gnod pa sems/ /zhi bya'i phyir ni ring du dor/ /de nas hUM gi tshogs bzhag la/ /rdo rje lta bur lus bsams zhing/ /hUM gis 'khor los cho gar bya/ /'od zer chu yis dbang bskur ro/ /de nas de yi ming smos shing/ /bzlas pa'i tshul gyis bsam par bya zhes gsungs pa yin no/ /sbyin sreg rnam pa gsum bstan pa ni/ de nas khung bu gsum las rnam gcig ni zhes bya ba la sogs bas dang po zhes bstan te/ de yang zhi ba dang rgyas pa dang/ dbang gsum las/ zhi ba ni kha dog dkar po/ /tha ma ni khru gang/ bar pa khru do/ mchog khru bzhi'o/ /rnal 'byor pa de yis dang por sa rnams rab sbyangs te/ 'khor lo'i steng na zla pa'i dkyil 'khor/ dbus su rdo rje rtse lnga pa gcig /thab khung gi dbus su bri/ /de'i phyi rol gyi 'khor lo rtsibs bcu gnyis pa 'jig rten gsum snad la sogs pa'i phyag rgya 'od zer dkar por 'phro ba/ 'dod chags la sogs pa'i rigs brgya 'joms pa bye brag tu phye ba bri/ rgyal po bzhi'i phyag mtshan/ phyogs skyod rnams kyi phyag mtshan phyogs phyogs su bri/ lha chen po khyab 'jug la sogs pa rnams kyi phyag mtshan dkyil 'khor lta bur bri/ dri zhim pa'i chus bkang ba'i mdog dkar po'i ras kyis dkris pa'i bum pa brgyad bzhag /'bras chan dang/ zho dang mar dang/ dkar gsum pa'i gtor ma dang/ lha bshos dang/ bdug pa dang/ mar me dang/ me?
- 299a
tog rnams kyang bzhag /mchod pa bya ba'i phyir bla re dang/ gdugs dang rgyal mtshan dang/ rnga ma la sogs pa bzhag /na ma re re ga bur dang bcas pa'i dri zhim po tsan dan la sogs pa'i byug pa'i byug pas byug kha shar du bltas te sbyin sreg bya/ de bzhin gshegs pa'i skyil krung ngam sems dpa' i skyil krung gis gdan la 'dug /gzhan yang gos sa sogs pa dkar po dang/ phreng ba dkar pos brgyan/ sreg pa'i rdzas bstan pa ni mar me dang/ spur rtsi dang/ nas kyi thug pa dang/ til mar dang/ til nyid dang/ yungs kar dang/ 'bras yos dang/ 'bras chan dang/ nas dang/ gro dang/ me tog dri zhim pa rnams ga bur dang bsres btsan dan dkar pos bsgos pa bzhag go / yam shing dang bud shing ni mdab ma brgyad pa me tog dang 'bras bu yod cing zhe dang ldan pa'i lam shing la/ khung bu'i khyad par gyi sor gyis gzhal zhing/ mchog sor nyi shu rtsa bzhi yan chad/ sor bcu drug thab khung par mal/ bcu gnyis dang brgyad tham la/ gzhan yang bud shing zho dang ldan pa la rdo'i chus ? te/ bud shing de la rgyud gzhan la sogs pa'i me bcug ste/ dzbA la dzbA la hUM zhes pas/ rlung yab kyis me spar nas/ dri'i chus bsang gtar byas nas de nas me lha bskyed pa ni kha dog dkar po phyag g.yas pa gnyis na pad+ma dang nor bu/ phyag g.yon gnyis na ril pa dang dbyug pa thogs pa/ pad+ma dkar po'i gdan gyi steng du de lta bu'i me lha bkug nas mchod yon dbul par bya'o/ / sbyin sreg gi tshon khyad par mchod pa'i lha kha dog dkar po 'gro ba la phan pa'i khro bo rdo rje sems dpa' pad+ma dkar po shar phyogs su bsams te/ de'i theg tu spyan drangs nas bzhag par bya'o/ /de'i mdun du bsgrub par bya ba'i lus bzhag ste/
- 299b
khro bo'i 'od zer gyis nyes pa drangs nas phyi rol du dor bar bsam mo/ /mchod pa'i dus su nang bar snga bar khrus byas lus bris byug/ 'od zer bdud rtsi lta bur bsam zhing sbyin sreg bya ste/ dam tshig de ni 'da' bar mi bya ba kho na'o/ /de nas mchod pa'i rig pa ni sha chen la sogs pa'i bdud rtsi lnga dang por me lha la phul/ de nas shar phyogs na bzhugs pa'i khro bo de'i? thugs kar spyan drangs la dbul/ de yang bsreg bya gsum du dbul bar bya'o/ /de nas de'i lus su sangs rgyas dkon mchog gsum spyan drangs la/ dkon mchog gsum dmigs yang lan gsum du dbul/ /gshegs su gsol te yang me la dbul/ de nas dkyil 'khor gyi lha rnams spyan drangs te rdo rje sems dpa' la dbul/ de nas dkyil 'khor gyi lta re re la dbul/ de nas bgegs la sogs pa thams cad la dbul/ yang gshegs su gsol te rang gi lhag pa'i lha la dbul/ de nas dang por khro ba'i sngags kyis btab nas sbyin sreg byas te/ rdzas thams cad gcig tu bsreg nas bdud rtsi 'khyil ba'i sngags kyis btab te/ sbyin sreg kun byas pa'i 'og tu brgya stong thams cad brgya rtsa brgyad khro bo spyan drangs ba la phul la/ 'od zer 'byung bas bsgrub par bya ba dbang bskur zhing/ haM gi go chab srung/ mjug tu lha thams cad la mchod pa brgyad la sogs pas mchod nas/ rdo rje sems dpa' i phyag rgya gyen du bkral te/ oM badzra mu(rgyud 'grel): zhes bya bas gshegs su gsol to/ /'dis ni zhe ba'i las 'grub pa la the tshom med do/ / ci ste sdig pa can nam ting nge 'dzin dang mi ldan nas dngos grub mi thob na/ dang po stong pa nyid du bsgoms la/ de nas snga ma bzhin du thams cad byas nas gdon mi za bar dngos grub tu 'gyur te/ zhi ba'i lus 'di tsam gyis mthar thug go zhes
- 300a
bya ba'i don to/ /de nas rgyas pa bstan pa ni/ 'bras bur ldan nam nags tshal lam zhes bya ba la sogs pa yin te/ 'bras bur ldan pa 'am/ nags tshal lam/ gnas sam/ rgyal po dang rje'u rigs kyi khyim du rgyas pa las dga' ba'i sems kyis byas te/ thab khung chung du khru do/ bar ma khru bzhi pa/ mchog khru brgyad pa/ gad yang rung ba cig tu byas pa'i las bya ba yin no/ /gzhan yang stegs bu dang phyag rgya bstan pa ni/ thab khud las stegs bu dpag par shes par bya ste/ thab khud khru ngo pa stegs bu khru brgyad/ thab khung khru bzhi la stegs bu khru bcu gnyis/ thab khung khru brgyad la stegs bu khru bcu drug gam nyi shu rtsa bzhir bya'o/ /thab khung khru do la mu khyud sor brgyad/ /thab khung khru bzhil mu khyud sor bcu drug /thab khung khru brgyad la mu khyud sor sum cu rtsa gnyis su bya ba yin no/ /de'i phyi rol du pad+ma sna tshogs pa rgyan par bya ba yin no/ /de'i dbus su rin po che pad+ma sna tshogs bzhag par bya'o/ /de'i dbus su thab brkob ni zabs su rgya'i byed kyi tshad gru bzhi pa 'am/ khru brgyad gang yang rung bar bya'o/ /'jim pa ser po'i sa skus shing gur gum la sogs pas byug nas tshon ser pos bskus te/ gser 'od dang 'dra bar bsam zhing bya'o/ /de nas tshen dmar ser gyis rin po che dang/ pad+ma la sogs pa phyag rgya dkyil 'khor khor yug nyid du gnas su bri bar byas te/ nang gi dkyil 'khor dang/ phyi'i dkyil 'khor rim pa gnyis sam/ thab khung dang mu khyud dang/ nang gi dkyil 'khor dang/ phyi'i dkyil 'khor ste/ bzhi'am nang gi 'khor yug dang/ mu? khyud dang 'khor mo dang/ lha'i gnas dang/ mu ran dkar po'i nang dang/ phyi rol dang/ 'gro ris kyi gnas dang/ yod na rim pa brgyad dang ldan par bri'o/ /sgo pa nyid kyang phyag rgya'i gzugs su bri'o/ /bum pa kha dog
- 300b
ser po dri chus bkang ba brgyad dam/ bcu gnyis sam/ bcu drug gam/ sum cu rtsa gnyis te/ bkra shis pa'i dar ser pos bkri/ kha brgyan yal ga dang me tog can/ dri zhim pa'i me tog dang/ bdug pa dang/ phreng ba dang/ mar me dang rgyan rnams dang/ rgyal mtshan dang/ 'phan dang/ bla re dang/ gdugs rnams ser pos brgyan pa bzhag par bya'o/ /lha'i rnal 'byor bstan pa ni bdag nyid gos dang rgyan dang/ me tog la sogs ser pos brkyan/ /byang phyogs su kha bltas te 'dug nas khro bo rdo rje sems dpa' i rnal 'byor byed cing zhes bya ba yin no/ /gzhan yang de nyid kyi tshem mchod pa'i lha byang phyogs su nam mkha' la lha'i bu yid bzhin gyi nor bu'i rgyal mtshan mdog ser po 'dra ba dang/ lha'i bu dang nyi ma dang zla ba dang/ ku ba re dang/ nor sbyin dang/ dzam+b+ha lta kun kyang 'od zor gser lta bu 'bebs shing/ yid kyis dgongs pa sgong bar mdzad pa 'od zer chu yis dbang bskur bar bsam/ /de nas dbang thob nas lus rgyas par 'gyur ro/ / yang rgyas par bya ba'i phyir de'i ming dang gur gung? zhes bya ba brgya rtsa brgyad dang/ stong phrag brgya rtsa brgyad du bzlas pa bya'o/ /de nas sbyin sreg bya ba ni/ byang phyogs su seng ge'i lta stangs kyi thog na/ rin po che'i khro/ yang na pad+ma dang/ nyi ma dang/ /zla ba'i gdan khri'i? steng na/ rdo rje rin chen dang/ rdo rje gzi brjid dang/ rdo rje dpal dang/ rdo rje bzhad pa dang/ /bzhi pa rgyan kun gyis brgyan pa/ phyag rgya mchog sbyin mdzad pa rin po che'i char dang/ /'od gzer gyis phreng ba bsgrub bar bya ba la khyab par bsam mo/ /dung? dang/ cang te'ung ngo/ /pi wang dang/ sil snyan dang/ glu dang gar gyis de rnams mchod par bya ba ste/ de'i 'og tu sbyin sreg gi las brtsam mo/ /yam shing dang bud shing bstan pa ni/
- 301a
khung bu'i khyad par las yam shing dang/ bud shing dbye ste/ mdzub gang ba dang bcas khru gang ba ni chung ngu yin no/ /bar ma ni khru ngo khru bzhi pa ni mchog go /me tog dang 'bras bur bcas pa me tog sbrang rtsis byug pa yin no/ /sreg par bya ba'i rdzas 'bru dang me tog dang/ 'bras bu ser po dang/ mar dang/ sbrang rtsir bsres nas dpal gyi 'bras bu lta bur byas pa yin no/ /mchod pa'i rim pa bstan pa'i phyir/ me lha kha dog ser po phyag bzhi pa/ phyag mtshan sngar zhib par bshad pa bzhin pad+ma'i gdan la bzhugs pa rgyan sna tshogs kyis brgyan pa/ spyan drangs te bsreg bya 'bul/ de nas de nyid 'bar bar bzhugs pa'i las su khro bo'i rgyal bo bcug nas/ sngon bzhin du bsgrub par bya ba dran par byed cing sbyin sreg dbul ba ni/ 'bum 'am nyis 'bum gyis nges par dngos grub 'grub bo/ /'bum phrag brgyas ni rgyal srid la dbang ba'i longs spyod phun sum tshogs pa 'grub po/ /de nas mjug tu 'od gzer gyis dbang bskur zhing bsrungs na rgyas par 'gyur te/ rdo rje 'dzin pa'i bka' bzhin no zhes bya ba yin la 'di tsam gyis ni rgyas pa'i las mthar thug go zhes bya ba'i don to// dbang ni chags pa'i sems kyis kyang zhes bya ba la sogs pas dbang gis las ston to/ /dbang gi chags pa'i sems dang ting nge 'dzin gyis bya ba ste/ chags pa rdo rje can dang/ rdo rje chags pa de las byung zhing khams gsum chags par byed pa'i phyir ro/ /pad+ma'i sems dpa' rtag tu chags pa de bas na dbang du bya ba'i las grub par bshad pa yin no/ /zhes bya ba'i don to/ /gnas ji lta bu zhig tu bya zhe na/ chags dang mthun pa'i sa phyogs sam/
- 301b
chags par byed pa'i khyim du shis/ /btso blag mkhan nam zla mtshan dag gi /khyim du tshogs pa'i las rnams bya ba yin/ rdo rje chags pa'i gnas kyang rung/ /rtag tu rdo rje sems dpa' i gnas/ /bde chen gyi ni gnas chen dang/ /pad+ma utpal rdzing bu dang/ /ban du ka yi me tog gnas/ /me tog 'bras bu dmar tshal ni/ /yid 'ong sems ni chags byed pa/ /der ni zhes bya ba yin no/ /stegs bu dang thab khung bstan pa ni/ stegs bu khru brgyad zhes bya ba la sogs pa ste/ stegs bu khru brgyad dam bcu drug rnams byas de'i dbus su hoM khung bya ba ni/ go rims bzhin du khru ngo dang/ khru bzhi par bya'o/ /dbyibs ni gzhu dang 'dra ba dang/ pad+ma 'dra ba dang/ mnga' 'dra ba dang/ zla ba bkam pa 'dra ba dang/ pad+ma'i mdab ma 'dra bar byas la/ zheng du mchu'i byed kyi tshang zheng gi phyed kyi tshang zabs su brko/ mu khyud sor bzhi pa dang/ sor brgyad pa dang/ bcu gnyis pa dang/ tha ma dang/ bar ma dang/ mchog gi khyad par lags so/ /yam shing dang bud shing dang ni/ so sor nges par bya ba zhi ba'i skabs su gsungspa ltar byas la /shin tu dmar ba'i tsan dan dang/ btsag dang/ rgya skyegs dang/ le brgan rtsi dang/ gur gum dang bcas pas bud shing dang yam shing la bsku'o/ /gzhan yang rdzas bstan pa ni/ yungs 'bru dmar po dang/ bcag dang mtshal dang/ zangs kyi phye ma dang/ yungs kar ske tse dang/ lan tshwa dang/ til dang zhim thig le'i 'bru dang/ la phug dang/ nyungs rdog dang/ khrag dang rdul chen po dang bcas pa kun bsreg par bya ba'i phyir bsdus nas btsag la sogs pas bskus nas/ khro bo'i sngags kyis byin gyis brlabs la/ ba dang ra las
- 302a
zhos pa'i bsrubs ma thag pa'i mar sar dang/ mar dang til mar rnams ga bur la sogs pas bskus nas/ bdud rtsi 'khyil pa'i sngags kyis btab te bzhag go /de nas hoM khung dmar por bsams nas/ spos dmar po la sogs pas byug cing bskur bar bya'o/ /gzhan yang thab khung dang phyag rgya bstan pa ni/ gur gum gyis bsres pa'i mtshon gyi hoM khung gi nang du pad+ma bri/ de'i lta ba la mnga' dang gzhu bri/ de'i dbus su rdo rje bri/ nang gi 'khor yug tu pad ma bri/ mu khyud la mnga' dang gzhu bri/ de'i phyi rol gyi khor yug la pad+ma nyid mnga' dang bcas pa bri/ de'i phyi rol 'khor lo'i rtsibs la dbang ldan gyi phyogs bcams te/ rdo rje dang/ lcags kyu dang/ mnga' gzhu dang gsum shar gyi rtsibs la/ lho phyogs kyi rtsibs la rin chen dang/ rgyal mtshan dang/ nyi ma'i dkyil 'khor bri/ nub phyogs kyi rtsibs la pad+ma dang/ ral gri dang/ 'khor lo bri/ byang phyogs kyi rtsibs la sna tshogs rdo rje dang/ mche ba dang/ go cha'i mchog rnams bri'o/ /grwa rnams su spos la sogs pa'i phyag rgya'i ga'u gzugs bri/ de nas me tog la sogs thams cad kyi snga ma bzhin du mchod do/ /gos dang? 'phreng ba dmar po dang/ dmar ba'i dris bskus nas/ dmar thag 'chad par du las brtsams te bya ba yin no/ /khyad par du dbang la byin gyis brlab pa'i lha/ /pad+ma dmar po'i gdan la bzhugs pa la/ /rab chags phyag na pad+ma bsnams/ /g.yon du rdo rje chags pa la/ /g.yas su bde ba chen po ste/ /bsams nas de yis dbus su ni/ /chu srin rgyal mtshan 'dzin pa bzhag /rdo rje gzhu dang g.yon 'gyings ma/ /me tog
- 302b
dmar brgyan rab dgyes mo zhes bya ba la nub kyi pad+ma'i cha la/ rab chags phyag na pad+ma bsnams pa'i spyan ras gzigs bri/ g.yon du rdo rje chags pa/ g.yas pa bde ba chen po/ yid kyis bri zhing bsams nas/ lte ba la chu srin gyi rgyal mtshan ma dang/ lha mo rdo rje klu dang lha mo rdo rje g.yon 'gying ma dang/ rab dgyes ma dang bcas pa bsam mo/ /zhes bya ba'i don to/ /dri la sogs pas rab mchod de/ zhes bya ba la snga ma bzhin du glu dang rol mos mchod nas/ badzra satwa hUM ho du ma zhes bya ba zlos shing dbang du byas pa'i phyir brjod par bya'o/ /mchod pa'i rim ba bstan pa'i phyir/ mnga' dang gzhu thogs de bzhin du zhes bya ba la sogs pa yin te/ 'dir me lta phyag gnyis na mda' gzhu thogs ba/ phyag gnyis na pad+ma dmar po dang dbyug po thags pa/ de lta bu'i me lha bcug nas dang por mchod de/ de'i lus su khro bo'i rgyal bo bcug ste mchod/ 'od zer dmar po byung nas de las lcags kyu dang zhags pas bsgrub par bya ba bkug cing bcings la spyi bor zhabs drung du bzhag par bsam/ de ltar bsams na yang dbang du 'gyur na mi dang mi min lta smos kyang ci dgos las zin par gyur pa dang/ chags pa'i sems su bcas nas spyi bo nas 'od zer gyis dbang bskur zhing haM gi go chas bsrung bar bya ba ste/ rdo rje chos kyi rnal 'byor gyis lha rnams mchod de/ dam tshig phyag rgya gyen du bkrol la gshegs su gsol la/ rdo rje bsdu bas bsrungs te/ rdo rje 'dod pa taM zhes bya ba bzlas nas/ langs la ci bder gnas par bya'o/ /'di tsam gyis ni dbang gis las mthar thug go zhes bya ba'i don to// //sdug pa thams cad kyi dkyil 'khor
- 303a
rnams la yang/ thog mar mchod pa rnams kyi mchod de bstod nas/ phyag rgya bkrol te gshegs su gsol ba ni/ de nas zhes bya ba la sogs pas ston pas/ de nas brgya byin la sogs pas/ yang dang yang du phyag 'tshal te/ /rin chen gdugs la sogs mchog gis/ /mchod pa sna tshogs byas nas kyang/ /phyag na rdo rje rgyal dbang la/ /dga' ba'i sems kyis bstong pa byed? ces bya ba la/ de nas zhes bya ba ni/ bar ma chad pa ste/ khro bo rdo rje 'dzin pas rgyud phyi ma'i phyi ma dbang gi las la thug gi bar bshad pa'i rjes thogs la'o/ /brgya byin la sogs lha zhes bya ba ni/ brgya byin dang tshangs pa la sogs pa dkyil 'khro du bkod pa'i lha rnams kyis/ zhes bya ba yin no/ /yang dang yang du phyag byas shing rin po che'i gdugs la sogs pas mchod pa ni mchod par byas pa'o/ /de yang gsang sngags kyi spyang pa spyong bar 'dod pa rnams kyis dkyil 'khor gyi bya ba la sogs pa rdzogs nas mchod pa sngon du 'gro bas bstod do/ /zhes bya ba'i don to/ /phyag na rdo rje rgyal dbang la zhes bya ba ni/ dkyil 'khor dgu'i bdag po'i rdo rje 'dzin pa zhi ba dang khro la zhes ston to /dga' ba'i sems kyis bstod pa byed ces bya ba ni/ yid bde ba'i sems kyis 'og nas 'byung ba rnams brjod do/ /zhes bya ba'i don to/ /de yang gsang sngags kyi sgo'i sbyang pa spyod par 'dod pa rnams kyis dkyil 'khor dgu'i skabs su 'dis bstod ngo zhes ston to/ /bstong pa'i rang gi ngo bo ston pa ni/ sangs rgyas zhes bya ba la sogs pa'o/ /sangs rgyas kun bas sngar sangs rgyas zhes bya ba ni/ byang chub tu sems bskyed pa'i sgo nas so/ /mi shes dri ma
- 303b
kun bcom zhes bya ba ni/ 'dres pa'i ma rig pa spangs pa'i sgo nas so/ /rdo rje rdo rje 'dzin rgyal po/ /zhes bya ba ni/ byang chub kyi sems dang/ rdo rje rtse lnga 'dzin pa'i sgo nas so/ /rdo rje rdo rje 'dzin zhes bya ba ni/ sku gsung gi rdo rje 'dzin pa'i sgo nas so/ /rdo rje sku ste sku che ba /zhes bya ba ni/ sku phyag rgya chen po'i sgo nas so/ /phyag na rdo rje phyag 'tshal bstod/ /ces bya ba ni/ dkyil 'khor gyi bdag po'i sgo nas so/ /rdo rje yan lag rdo rje'i mchog ces bya ba ni/ dkyil 'khor gyi lha thams cad du snang ba'i sgo nas so/ /rdo rje 'bar ba cher 'bar ba zhes bya ba ni/ mtshan ma'i rnam par rtog pa bsregs pa'i tshul gyis so/ /rdo rje shugs te shugs che ba zhes bya ba ni/ thugs rje chen po'i shugs kyi sgo nas so/ /rdo rje mtshon cha mtshon rnon po zhes bya ba ni/ thod pa dang bsams pa dang bsgoms pa'i shes rab kyi sgo nas so/ /phyag na rdo rje phyag chen po zhes bya ba ni/ ting nge 'dzin phyag gi sgo nas so/ /rdo rje mnga' ste rab 'bigs pa/ /zhes bya ba ni/ chos kyi sgo 'dod pa'i sgo nas so/ /rdo rje rnon po rnon po che zhes bya ba ni/ zag pa med pa'i shes rab kyi sgo nas so/ /che ba chen po rgya mcho che/ /zhes bya ba ni/ chos kyi dbyings kyi tshul gyis so/ /rdo rje pad+ma byang chub che/ zhes bya ba ni/ 'khor ba'i nyes skyon dang bral pa'i tshul gyis so/ /sangs rgyas byang chub rang 'byung pa/ /zhes bya ba ni/ theg pa chen po kho nar nges pa'i tshul gyis so/ /rdo rje rgya chen rgya chen ste/ /zhes bya ba ni/ don dam pa'i tshul gyis so/ /rdo rje sgyu ma rnam sbyong ba/ /zhes bya ba ni/ kun rdzob kyi tshul gyis so/ /rdo rje rgyu te gnod sbyin che/ /zhes bya ba ni/ nyon mongs pa zad par byed pa'i rgyI tshul gyis so/ /rdo rje pad+ma rnam
- 304a
sbyong ba zhes bya ba ni gzhan gyi nyes ba dag par byed pa'i tshul gyis so/ /rdo rje khro bo drag po cha/ /zhes pa ni/ /bro bo'i dkyil 'khor du snang ba'i tshul gyis so/ /rdo rje dgra sdang 'joms pa'i gtso/ /zhes bya ba ni hUM mdzad du snang ba'i tshul gyis so/ /rdo rje 'jigs pa bsrung ba che zhes bya ba ni/ rdo rje bsrung ba'i rang bzhin gyis so/ /rdo rje lcags kyu don yod byed ces bya ba ni/ rgyal po'i rang bzhin gyis so/ /rdo rje ro langs ro langs che/ /zhes bya ba ni/ mahA de bar sprul pa'i tshul gyis so/ /rdo rje srin po za ba po/ /zhes ba srin por snang ba'i tshul gyis sgo nas so/ /rdo rje gnod sbyin zhes bya ba/ gnod spyin du sprul pa'i sgo nas so/ / rdo rje gdon gyi mchog ces bya ba dang/ gdon du sprul pa'i sgo nas so/ /'jigs byed dga' byed drag po che/ /zhes bya ba ni/ 'khru ba zag pa med pa'i sgo nas so/ /rdo rje 'jigs byed rngam byed pa/ /zhes pa phyi rol mu stegs 'joms pa'i sgo nas so/ /bsgrub dga' bsgrub pa legs pa ste/ /zhes pa dga' ba spyong ba'i sgo nas so/ /rdo rje legs pa dgyes mdzad pa/ /zhes pa rdo rje legs pa'i rang bzhin gyis so/ /rdo rje dga' pa dga' ba zhes pa/ zag pa med pa'i dga' ba'i rang bzhin gyis so/ /dga' ba'i rdo rje dbang byed pa zhes pa/ bsdu ba'i dngos po bzhi'i rang bzhin gyis so/ /'ong sdug pas ni sdug pa che/ /zhes pa gzi brjid rang bzhin gyis so/ /nam mkha' dang ni mnyam pa'o/ /zhes pa sprul pa'i rang bzhin gyis so/ /re ba thams cad rdzogs mdzad pa/ /zhes pa byams pa'i rangbzhin gyis so/ /rdo rje dbang bskur rin chen mchog /rdo rje
- 304b
rgyal mtshan yon tan gtso/ /zhes pa rin chen dang rgyal mtshan gyis rang bzhin gyis so/ /rdo rje ye shes ye shes che/ /zhes pa ye shes lnga'i sgro nas so/ /rig pa bye ba tshogs kyi mchog /ces bya ba lha mo rnams kyi bdag por snang ba'i sgo nas so/ /ha la ha la nag po che/ /zhes pa ni klu chen po'i dkyil 'khor du snang ba'i sgo nas so/ /dgra che zhing ni 'joms pa can/ /zhes pa 'jigs byed chen po'i dkyil 'khor du snang ba'i sgo nas so/ /rdo rje 'dod pa 'dod pa che/ /zhes pa rdo rje chos su snang ba'i sgo nas so/ /rnyog ma dus ngan rnam 'joms pa zhes pa/ 'chi bdag 'joms pa'i dkyil 'khor du snang ba'i sgo nas so/ /skad cig g.yo ba'i the tshom gcod/ /ces 'jig rten pa'i chos thams cad kyi the tshom gcod pa'i sgo nas so/ /klog bzhin zhal gyi ltags? las 'phro zhes pa/ chos rgyud du gsungs pa'i sgo nas so/ /rdo rje me ste ma rungs 'dul/ / zhes pa me ltar 'bar ba'i sgo nas so/ /drag por rab snang snang mdzad pa/ /zhes pa 'dod pa'i rgyal po'i sgo nas so/ /nyi ma stong gi gdungs pa'i zhal/ /zhes pa gzi brjid chen po'i sgo nas so/ /spyan dmar 'jigs par mdzad pa'o/ /khro bo du ma'i 'od 'phros shing/ /phyag rnams du ma'i mtshon cha brgya/ /du ma'i zhal te sku yang stong/ /'khyil cing brgyan yang 'khyil pa la/ /zhes pa khro bo'i dkyil 'kho du snang ba'i sgo nas so/ /sems kyi chos pas sku mi mnga' /rnam par rtog pa ma lus spangs zhes pa/ chos kyi sku'o/ /ma rig 'joms pa'i tshangs pa ste/ /'dod chags zhe sdang dri mthar mdzad ces pa/ nyon mongs pa
- 305a
gsum spong ba'i sgo nas so/ /rgyu ma khyab 'jug rdo rje can/ /rtse gsum rtse gsum 'chad 'phrog ma/ /zhes pa ma hA de ba dang/ khyab 'jug dang/ brgya byin chung ma dang/ bcas par snang ba'i sgo nas so/ /'dod chags zhe sdang gti mug che zhes pa/ kun rig la sogs pa 'dod chags kyis 'dul ba la sogs pa'i sgo nas so/ /srid dang srid min rnam sbyong ba/ /zhes mos pa rab 'bring rnam pa gsum la snang ba'i sgo nas so/ /zhi zhing dul la dga' ba che/ /sangs rgyas sangs rgyas rab rtog pa/ /sangs rgyas bdag nyid sangs rgyas sku/ /zhes pa sangs rgyas kyi chos thams cad bsdus pa'i sgo nas so/ /rdo rje rab skyed rdo rje sems/ /kun tu bzang po cher bzang ba/ /zhes pa rdo rje sems dpa' i kun tu bzang po'i sgo nas/ mtshan rnams dam pas rnam brgyan pa/ /zhes pa mtshan bzang po sum cu rtsa gnyis kyis brgyan pa'i sgo nas/ khams gsum bdag nyid khyab pa po/ /zhes pa khams gsum du snang ba'i tshul gyis so/ /thams cad rdo rje bdag nyid gtsang/ /zhes pa 'jig rten dang 'jig rten las 'das pa thams cad dang/ rdo rje 'chang chen po nyid snang ba'i sgo nas so/ /de ltar bstod pa bstan nas/ phan yon ni gang gis zhes bya ba la sogs pas ston to/ /skyes pa dang bud med gang gis so/ /'di bris zhes bya ba ni/ ras la sogs pas bris ba'o// klog 'gyur tam zhes pa klog pa dang/ /kha ton byed pa'o/ /rtag tu de dag 'chang byed dam/ /zhes pa bsam pa dang bsgom pa'i tshul gyis so/ /dran nas byed kyang rung zhes pa/ dran pa sngon du 'gro bas nyan pa'o/ /kyang
- 305b
zhes bya ba ni rgyal mtshan gyi rtse mo la sogs pa dang/ mchod pa la sogs yang bsdu ste/ de lta bu dag kyang ngo/ /dgos pa ni ci zhig yod ce na/ phyag na rdo rje 'dra bar 'gyur/ /zhes gsungs te/ rdo rje 'dzin pa chen por 'gyur/ /zhes bya ba'i tha tshig go /bcom ldan 'das kyis zhes bya ba la sogs pas dga' ba dang rjes su yi rang ba ston to/ /de yang gsang sngags kyi sgo'i spyad pa spyod par 'dod pa rnams kyis dge ba'i rtsa ba sngo zhing rjes su yi rang ste/ sgrub pa'i tshogs lus la bsdus la sprul pa bya ba nas ci bder gnas so/ /zhes bya ba'i don to/ /bcom ldan 'das kyis zhes bya ba shAkya thub pa dang/ des byin gyis brlabs pa'i phyag na rdo rje dang rdo rje 'dzin pa khro bo rnams kyis zhes bya ba'i don to/ /de skad ces bka' stsal ba dang/ zhes pa rtsa ba'i rgyud dang/ rgyud phyi ma dang/ phyi ma'i phyi ma'o/ /brgya byin dang tshangs pa la sogs pa lha'i? 'khor rnams dang/ lha dang/ mi dang/ lha ma yin dang/ dri za dang/ gnod sbyin dang/ srin bo la sogs pa zhes bya ba ni/ mi zhes bya ba yang shas che ba ste/ rdzu 'phrul rten pa'o/ /bcom ldan 'das kyis gsungs pa la mngon par dga' ste/ rjes su yi rang ngo/ /zhes bya ba 'bras bu thob pas mngon par dga' ste/ rgyud sprul pas bshad pa la rjes su yi rang ba'o/ /ngan song thams cad yongs su sbyong ba'i gzi brjid kyi rgyal po brtag pa zhes bya ba sngar bshad ba bzhin no/ /phyogs gcig pa/ zhes bya ba de kho na nyid bsdus pa dang/ dpal mchog dang po dang/ rdo rje rtse mo la sogs pa la le'u 'di phyogs gcig byas shing dum bu dka' ba la 'dul ba la bstan/
- 306a
zhes pa'i tha tshig go /ngan song rnam par sbyong byed pa'i/ /gzi brjid rgyal po snang brtsams pas/ /dge ba bdag gis ci bsags pa/ /'gro kun ngan song rnam sbyangs te/ /rdo rje 'dzin pa nyid gyur cig /ngan song thams cad yongs su sbyong ba'i gzi brjid kyi rgyal po brtags pa snang ba'i rgyan zhes bya ba rdzogs so// // rgya gar gyi mkhan po su bi dya ka ra warma dang/ zhu chen gyi lo tsa ba dbang phyug rgyal mtshan gyis bsgyur cing zhus te gtan la phab pa'o// bkra shis/ //